Widhipawarangan Kakawin

Original on Archive.org

Front and Back Covers

Image on Archive.org

[Judul: Widhi Pawarangan (Kakawin) Ukuran: p.50cm l.3,5cm Jl.4lb Milik: Gdong Kirtya] [᭑ 1A] 3-12-1932 No III a 895/11 ᭚ᬯᬶᬥᬶᬧᬯᬭᬗᬦ᭄᭞ 1-4 ᬤ᭄ᬭᬸᬯᬾᬦ᭄‌ᬕ᭄ᬤᭀᬂᬓᬶᬃᬢ᭄ᬬ᭟ Widhi pawarangan [Kakawin] toeroenan dari lontarja Dewa Poetoe Saka dari Br (?) [Boeleleng] ditoeroen olehnja sendiri

Auto-transliteration

[Judul: Widhi Pawarangan (Kakawin) Ukuran: p.50cm l.3,5cm Jl.4lb Milik: Gdong Kirtya] [1 1A] 3-12-1932 No III a 895/11 // widhipawarangan, 1-4 druwen'gdongkir̀tya. Widhi pawarangan [Kakawin] toeroenan dari lontarja Dewa Poetoe Saka dari Br (?) [Boeleleng] ditoeroen olehnja sendiri

Leaf 1

Image on Archive.org

[᭑ 1B] ᭞᭑᭞ ᭛ ᭜ ᭛ ᬒᬁᬅᬯᬶᬖ᭄ᬦᬫᬲ᭄ᬢᬸ ᭛ ᭜ ᭛ᬯᬃᬡ᭄ᬦᬦ᭄‌ᬓᭀᬢ᭄ᬢᬫᬦᬶᬂᬢ᭄ᬭᬶᬩᬵᬬᬸᬯᬭᬳᬶᬂᬰ᭄ᬭᬸᬢᬶᬘᬶᬦᬭᬶᬢᬤᬾᬫᬳᬵᬫᬸᬦᬶ᭞ᬤ᭄ᬯᬵᬭᬩ᭄ᬬᬦ᭄ᬢᬭᬯᬳ᭄ᬬᬩᬵᬬᬸᬢᬶᬓᬶᬮᬓ᭄ᬱᬡᬦᬶᬓᬬᬓᬬᬢ᭄ᬦᬓᭂᬦ᭄ᬮᬦ᭞ᬓᬧ᭄ᬯᬵᬤᬸᬤ᭄ᬯᬦᬶᬓᬵᬚᬭᬦ᭄ᬬᬫᬢᬸᬤᬸᬳᬮᬳᬬᬸᬦᬶᬗᬸ᭠ ᬮᬄᬬᬢᬓ᭄ᬭᬫ᭞ᬢᬶᬗ᭄ᬓᬄᬦ᭄ᬬᬾᬓᬶᬋᬗᭃᬦ᭄ᬕᬢᬶᬦ᭄ᬬᬲᬳᬦᬵᬫᬦᬶᬓᬲᬶᬓᬶᬲᬶᬓᬶᬧ᭄ᬯᬓᬯ᭄ᬭᬸᬳᬶ᭛ᬮ᭄ᬯᬶᬃᬦᬶᬂᬩᬵᬬᬸᬰᬶᬯᬳ᭄ᬬᬭᬓ᭄ᬯ᭠ᬩᬫᬦᬵᬰᬶᬓᬯᬶᬯᬭᬯᬶᬚᬶᬮ᭄ᬦᬶᬓᬵᬮᬭᬶᬲ᭄᭞ᬫᬲ᭄ᬩᭀᬕᬵᬥᬷᬧᬶᬦᬗ᭄ᬕᬸᬳᬶᬂᬧᬭᬦᬶᬲᬂᬫᬮᬓᬸᬲᬸᬮᬓ᭄ᬱᬡᬾᬭᬶᬬ᭞ᬲᬶᬂᬤᭀᬦᭂᬦ᭄ᬧ᭄ᬯᬬᬰᬶᬃ ᬡᬲᬶᬤ᭄ᬥᬭᬳᬚᭂᬂᬲᬸᬓᬨᬮᬢᬶᬦ᭄ᬫᬸᬦ᭄ᬬᬢᬦ᭄ᬯᬸᬭᬸᬂ᭞ᬦᭀᬭᬂᬰᬓ᭄ᬢᬶᬫᬸᬲᬸᬄᬢᬓᬮᬳᬢᬓᬸᬢ᭄ᬲᬳᬦᬦᬶᬗᬭᬶᬪᬓ᭄ᬢᬶᬭᬶᬂᬭᬡ᭛ᬫᬵᬰᬾᬂᬨᬮ᭄ᬖᬸᬡᬵᬩᬤ᭄ᬭᬯᬵᬥᬢᬸᬯᬷᬫᬃᬕ᭄ᬖᬲᬶᬭᬯᬶᬚᬶᬮᬶᬩᬵᬬᬸᬫᬗ᭄ᬓᬦ᭞ᬮ᭄ᬬᬦ᭄ᬢᬂᬚ᭄ᬬᬱ᭄ᬝᬤᬸᬮᬸᬃᬦ᭄ᬬᬢᬦ᭄ᬲᬳᬶᬓᬓᬾᬗᭂᬢᬓ᭄ᬦᬬ ᬤᬶᬬᬦ᭄‌ᬮᬶᬦᬓ᭄ᬱᬡᬦ᭄᭞ᬭᬧ᭄ᬯᬦ᭄ᬲᬶᬤ᭄ᬥᬲᬓᬃᬬ᭄ᬬᬲᬾᬱ᭄ᬝᬶᬭᬶᬲᬩᬸᬢ᭄ᬲᬳᬫᬗᬶᬭᬶᬂᬗᬸᬮᬄᬦ᭄ᬬᬢᬦ᭄ᬩᭂᬲᬸᬭ᭄᭞ᬦᬵᬳᬦ᭄ᬲᬓ᭄ᬢᬶᬦᬶᬩᬵᬬᬸᬯᬳ᭄ᬬᬯᬭᬬᬸᬓ᭄ᬢᬶᬢᬶᬓᬬᬦᬶᬦᬶᬯᬵᬮᬦᬾᬦᬫᭂᬃ᭛ᬤᬶᬯ᭄ᬬᬵᬩ᭄ᬬᬦ᭄ᬢᬭᬦᬵᬫᬩᬵᬬᬸᬧᬭᬫᭀᬢ᭄ᬢᬫᬨᬮᬫᬓᬲᬤ [᭒ 2A] ᬦᬾᬗ᭄ᬳᬬᬸ᭞ᬦᬶᬢ᭄ᬬᭀᬢ᭄ᬧᬵᬢ᭄ᬢᬶᬭᬶᬦᬵᬰᬤᬓ᭄ᬱᬶᬡᬭᬶᬓᬵᬮᬦᬶᬫᬰᬦᬶᬓᬮᬓ᭄ᬱᬡᬫᭂᬋᬦ᭄᭞ᬬᬵᬰᬾᬳ᭄ᬬᬂᬧᬭᬫᬵᬪᬶᬱᬾᬓᬭᬶᬦᬭᬾᬦ᭄ᬤ᭄ᬭᬯᬗᬸᬦᭂᬦᬶᬲ᭄ᬥᭂᬂᬲᬫᬗ᭄ᬓᬦ᭞ᬤᭀᬦ᭄ᬬᬵᬯᬾᬄᬨᬮᬲᬃᬯ᭄ᬯᬯᬺᬤ᭄ᬥᬶᬲᬸᬢᬮᬾᬦ᭄ᬳᬸᬮᬸᬦᬶᬭᬶᬓᬗᬦᬵᬰ᭄ᬭᬬᬾᬂᬧ᭄ᬭᬚ᭛ᬯᬾᬰᬵᬓᬵ ᬤᬶᬦᬶᬓᬵᬤᬸᬮᬸᬦ᭄ᬬᬓᬰᬓᬃᬢ᭄ᬢᬶᬓᬲᬳᬚᬲᬶᬫᬵᬖᬮᬾᬓ᭄ᬦᬶᬓ᭞ᬓᬧ᭄ᬯᬾᬓᬵᬳᬵᬢ᭄ᬗᭂᬢᭂᬦ᭄ᬓᬬᬢ᭄ᬦᬓ᭄ᬦᬢᬦ᭄ᬧᬍᬯᬮ᭄ᬯᬳᬲᬂᬫᬧᬾᬢ᭄ᬳᬬᬸ᭞ᬢ᭄ᬬᬓ᭄ᬯᬤ᭄ᬯᬵᬭᬶᬓᬩᬵᬬᬸᬭᬦ᭄ᬳᬸᬋᬦᬧᬦ᭄ᬲᬶᬧᬶᬳᬮᬦᬶᬂᬓᬯᬶᬱ᭄ᬝᬶᬪᬹᬃᬩᬮ᭞ᬭᬾᬄᬦ᭄ᬬᬵᬚᬃᬓ᭄ᬦᬫᬵᬰᬮᬾᬦ᭄‌ᬯ᭄ᬢᬸᬦᬶᬓᬵ᭠ ᬢᬶᬗᭂᬢᬮᬦᬾᬓᬶᬯᬲ᭄ᬯᬲᭂᬦ᭄᭛ᬗ᭄ᬓᬵᬬᬦ᭄ᬩᬵᬬᬸᬧᬋᬂᬫᬶᬚᬶᬮ᭄‌ᬕᬢᬶᬦᬶᬮᬓ᭄ᬱᬡᬦᬶᬓᬢ᭄ᬗᭂᬢᭂᬦ᭄‌ᬲᬤᬵᬲ᭄ᬢᬶᬢᬶ᭞ᬘᬾᬢ᭄ᬭᬵᬱᬤ᭄ᬥᬯᬸᬮᬦ᭄ᬬᬮᬾᬦ᭄ᬳᬰᬸᬚᬶᬧᭀᬱ᭄ᬬᬫᬰᬯᬶᬚᬶᬮᬶᬓᬂᬲᬫᬗ᭄ᬓᬦ᭞ᬬᬾᬓᬵᬚᬃᬦ᭄ᬬᬯᬶᬮᬵᬩ᭄ᬤᬓᬵᬃᬬ᭄ᬬᬪᬬᬰᬢᬢᬶᬦᭂᬫᬸ᭠ ᬲᬗᬵᬧᬓ᭄ᬱᬭᬶᬗ᭄ᬕᬢᬶ᭞ᬫᬶᬢ᭄ᬭᬵᬲᬶᬄᬫᬭᬗᬹᬦᬶᬫᭀᬕᬤᬤᬶᬰᬢ᭄ᬭᬸᬕ᭄ᬮᬗᬶᬳᬢᬶᬭᭀᬤ᭄ᬭᬓᬵᬤ᭄ᬪᬸᬢ᭛ᬫᬗ᭄ᬓᬂ᭠ᬤ᭄ᬯᬵᬭᬧᬯᬾᬄᬦ᭄ᬬᬤᬹᬃᬕ᭄ᬕᬢᬶᬪᬬᬦᬓᬬᬦᬶᬲᬧᬶᬦᬓ᭄ᬱᬧᬵᬓ᭄ᬱᬓᭂᬦ᭄᭞ᬗ᭄ᬳᬶᬂᬢᬦ᭄‌ᬲ᭄ᬯᬷᬦᭂᬦᬸᬮᬄᬦ᭄ᬬᬲᬶᬗ᭄ᬕᬳᬦ᭄ᬤᬾᬲᬗᬳ

Auto-transliteration

[1 1B] 1 /// • /// oṁawighnamastu /// • /// war̀ṇnankottamaningtribāyuwarahingśruticinaritademahāmuni, dwārabyantarawahyabāyutikilakṣaṇanikayakayatnakĕnlana, kapwādudwanikājaranyamatuduhalahayuningu‐ laḥyatakrama, tingkaḥnyekir̥ĕngön'gatinyasahanāmanikasikisikipwakawruhi /// lwir̀ningbāyuśiwahyarakwa‐bamanāśikawiwarawijilnikālaris, masbogādhīpinangguhingparanisangmalakusulakṣaṇeriya, singdonĕnpwayaśir̀ ṇasiddharahajĕngsukaphalatinmunyatanwurung, norangśaktimusuḥtakalahatakutsahananingaribhaktiringraṇa /// māśengphalghuṇābadrawādhatuwīmar̀gghasirawijilibāyumangkana, lyantangjyaṣṭadulur̀nyatansahikakengĕtaknaya diyanlinakṣaṇan, rapwansiddhasakar̀yyaseṣṭirisabutsahamangiringngulaḥnyatanbĕsur, nāhansaktinibāyuwahyawarayuktitikayaniniwālanenamĕr̀ /// diwyābyantaranāmabāyuparamottamaphalamakasada [2 2A] nenghayu, nityotpāttirināśadaksyiṇarikālanimaśanikalakṣaṇamĕr̥ĕn, yāśehyangparamābhisyekarinarendrawangunĕnisdhĕngsamangkana, donyāweḥphalasar̀wwawr̥ĕddhisutalenhulunirikanganāśrayengpraja /// weśākā dinikādulunyakaśakar̀ttikasahajasimāghaleknika, kapwekāhātngĕtĕnkayatnaknatanpal̥ĕwalwahasangmapet'hayu, tyakwadwārikabāyuranhur̥ĕnapansipihalaningkawiṣṭibhūr̀bala, reḥnyājar̀knamāśalenwtunikā‐ tingĕtalanekiwaswasĕn /// ngkāyanbāyupar̥ĕngmijilgatinilakṣaṇanikatngĕtĕnsadāstiti, cetrāṣaddhawulanyalenhaśujipoṣyamaśawijilikangsamangkana, yekājar̀nyawilābdakār̀yyabhayaśatatinĕmu‐ sangāpakṣaringgati, mitrāsiḥmarangūnimogadadiśatruglangihatirodrakādbhuta /// mangkang‐dwārapaweḥnyadūr̀ggatibhayanakayanisapinakṣapākṣakĕn, nghingtanswīnĕnulaḥnyasinggahandesangaha

Leaf 2

Image on Archive.org

[᭒ 2B] ᭞᭒᭞ ᬋᬧᬶᬓᬲᬶᬤ᭄ᬥ᭄ᬬᬦᬶᬗ᭄ᬳᬬᬸ᭞ᬭᬧ᭄ᬯᬦ᭄ᬢᬦ᭄ᬳᬦᬯᬵᬘᬓᬾᬯᬶᬳᬶᬲ᭄ᬥᭂᬂᬢᬮᬸᬫᬭᬶᬲᬦᬲᬵᬚ᭄ᬜᬲᬗ᭄ᬕᬸᬭᬸ᭞ᬦᬵᬳᬦ᭄ᬓᬾᬢᬸᬦᬶᬓᬂᬢ᭄ᬭᬶᬩᬵᬬᬸᬲᬢᬸᬤᬸᬄᬦ᭄ᬬᬓᬢᬸᬢᬸᬭᬦᬤᬾᬫᬳᬵᬚᬦᬵ᭛ᬇᬢᬶᬕ᭄ᬭᬶᬩᬵᬬᬸᬯᬶᬤ᭄ᬥᬶᬧᬭᬓᬺᬢ᭄ᬢ᭛ ᭜ ᭛ᬮ᭄ᬯᬶᬃᬦᬶᬂᬫᬰᬧᬲᬜ᭄ᬘ ᬬᬦ᭄ᬕᬢᬶᬦᬶᬓᬵᬯᬃᬡ᭄ᬦᬦ᭄‌ᬢ᭄ᬓᬯ᭄ᬦᬶᬂᬳᬸᬮᬸᬦ᭄᭞ᬬᬧ᭄ᬯᬦ᭄ᬭᬶᬂᬓᬱᬫᬗ᭄ᬤᬦᬷᬧᬢᬶᬭᬲᬸᬃᬢ᭄ᬬᬫ᭄ᬯᬂᬢ᭄ᬓᬾᬂᬧᭀᬢ᭄ᬭᬓ᭞ᬦᬵᬱ᭄ᬝᬶᬤᬺᬯ᭄ᬬᬭᬶᬪᬤ᭄ᬭᬯᬵᬤᬯ᭄ᬓᬯᬺᬤ᭄ᬥ᭄ᬬᬯᬲ᭄‌ᬗᬲᬸᬚ᭄ᬬᬂᬳᬬᬸ᭞ᬥᬦ᭄ᬬᬲ᭄ᬯᬵᬫ᭄ᬦᬸᬳᬶᬂᬧᬫᬸᬫ᭄‌ᬭᬶᬲ᭄ᬥᭂᬗᬶᬂᬘᬦ᭄ᬥ᭄ᬭᬾᬓᬧᬢ᭄‌ᬬᬸᬓ᭄ᬢᬶᬫᬵᬦ᭄᭛ᬲ᭄ᬢ᭄ᬭᬷᬪᬓ᭄ᬢᬶᬧ᭄ᬭᬶᬬᬮᬵᬪᬬᬦᬶ ᬓᬮᬶᬫᬲᬂᬬᭀᬕᬦᬶᬓᬂᬓᬦ᭄ᬬᬓᬵ᭞ᬮᬵᬯ᭄ᬯᬾᬭᬶᬧ᭄ᬯᬬᬭᬾᬄᬦᬶᬲᬂᬯᬶᬦᬭᬗᬶᬂᬧᭀᬱ᭄ᬬᬵᬫᬶᬭᭀᬥᬾᬲ᭄ᬦᭂ᭞ᬲᭀᬪᬕ᭄ᬬᬾᬂᬰ᭠ᬰᬶᬫᬵᬖᬨᬮ᭄ᬕᬸᬡᬚᬮᬸᬦ᭄ᬬᬵᬫᬦ᭄ᬤᬓᬵᬬᬾᬗ᭄ᬕᬢᬶ᭞ᬬᬧ᭄ᬯᬦ᭄‌ᬘᬾᬢᬺᬓᬬᬵᬢᬶᬤᬸᬄᬓᬳᬶᬢᬕᬦ᭄ᬢ᭄ᬬᬂᬫᬵᬥᬯᬾᬓᬶᬦᬸᬘᬧ᭄᭛ᬭᬶᬂ ᬚ᭄ᬬᬾᬱ᭄ᬝᬵᬗ᭄ᬤᬦᬶᬯᬺᬤ᭄ᬥᬶᬦᬶᬂᬕᬸᬡᬦᬶᬲᬂᬲ᭄ᬯᬵᬫᬷᬢ᭄ᬓᭂᬦ᭄‌ᬭᬶᬂᬳᬬᬸ᭞ᬫᬵᬦ᭄ᬤᬂᬩᬸᬤ᭄ᬥᬶᬲᬲᭀᬮᬳᬶᬂᬯ᭄ᬯᬗᬗᬚᭃᬂᬲᬶᬄᬭᬶᬗ᭄ᬳᬲᬸᬲ᭄ᬬᬵᬧᬸᬧᬸᬮ᭄᭞ᬦᬵᬂᬢᬂᬧ᭄ᬭᬓᬺᬢ᭄ᬢᬲᬵᬰ᭄ᬢᬶᬓᬵᬧ᭄ᬯᬬᬢᬶᬦᬹᬢ᭄‌ᬭᬾᬄᬦ᭄ᬬᬵᬢ᭄ᬫᬄᬮᬫ᭄ᬩᬗ᭞ᬩ᭄ᬬᬓ᭄ᬢᬾᬓᬦ᭄ᬢᬸᬫᭂᬫᬸᬨᬮᬵᬦᬸᬧᬫᬲᬂᬫᬫ᭄ᬭᬶᬄᬲ᭄ᬯᬓᬃ [᭓ 3A] ᬫ᭄ᬫᬵᬥᬶᬓ᭛ ᭜ ᭛ᬇᬢᬶᬧᬭᬓᬺᬢ᭄ᬢᬦᬶᬂᬲᬶᬤ᭄ᬥᬶᬫᬰᬧᬯᬭᬗᬦ᭄᭛ ᭜ ᭛ᬓ᭄ᬭᬫᬦᬶᬗᬫᬭᬗ᭄ᬳᬶᬂᬲᬸᬓ᭄ᬮᬧᬵᬓ᭄ᬱᬾᬓᬳᬸᬃᬢ᭄ᬢ᭞ᬲᬸᬓᬤᬶᬧᬶᬲᬦᬶᬓᬂᬭ᭄ᬯᬵᬦᭂᬫ᭄ᬯᬓᭂᬦ᭄ᬲᬶᬂᬓᬢᭂᬦ᭄ᬬ᭞ᬬᬦᬶᬢᬶᬕᬭᬶᬂᬢᬸᬫᬗ᭄ᬕᬮ᭄‌ᬧᬸᬢ᭄ᬭᬫᬓ᭄ᬯᬾᬄᬧ᭄ᬯᬤᭀᬦ᭄ᬬ᭞ᬧᬢᬶᬓ ᬧᬸᬯᬭᬭᬶᬂᬧᬢ᭄‌ᬢᬗ᭄ᬕᬮᬵᬗ᭄ᬤᬾᬲ᭄ᬯᬰᭀᬓ᭛ᬳᬶᬢᬚᬓᬤᬤᬶᬭᬶᬂᬢᬗ᭄ᬕᬮ᭄ᬮᬶᬫᬵᬢ᭄ᬬᬦ᭄ᬢᬰᭀᬪ᭞ᬭᬶᬗᭂᬦᭂᬫᬦᭂᬫᬸᬤᬸᬄᬓᬯ᭄ᬯᬂᬫᬢᭂᬫ᭄ᬯᬶᬂᬲᬫᬗ᭄ᬓᬵ᭞ᬲᬸᬪᬕᬨᬮᬦᬶᬓᬾᬂᬭᬵᬢ᭄‌ᬭᬶᬂᬧᬶᬢᬸᬧ᭄ᬯᬧ᭄ᬭᬶᬳᭂᬦ᭄ᬢ᭞ᬓᬲᬭᬶᬢᬫᬳᬮᬾᬂᬮ᭄ᬬᬦ᭄‌ᬬᬦ᭄ᬯᬮᬸᬦ᭄ᬬᬾᬂᬢᬸᬫᬗ᭄ᬕ ᬮ᭄᭛ᬯ᭄ᬓᬶᬫᬮᬮᬭᬫᬵᬓ᭄ᬯᬾᬄᬬᬦ᭄ᬲᬗᬵᬮᬧ᭄ᬬᬢᭂᬫ᭄ᬯ᭞ᬲᬸᬓᬲᬸᬤᬕᬲᬸᬢᬵᬓ᭄ᬯᬾᬄᬭᬶᬂᬤᬰᬫ᭄ᬯᬵᬢᬶᬤᬷᬯ᭄ᬬ᭞ᬓᬦᬶᬧᬸᬦᬦᬶᬓᬦᬂᬤᭀᬦ᭄‌ᬗᬾᬓᬤᬰ᭄ᬬᬵᬥᬶᬓᬾᬂᬭᬵᬢ᭄᭞ᬭ᭄ᬯᬯ᭄ᬮᬲᬶᬓᬧᬧᬗ᭄ᬕᬶᬄᬲᬂᬭ᭄ᬯᬤᬹᬃᬪᬵᬕᬦᬶᬢ᭄ᬬ᭛ᬳᬶᬢᬵᬦᬶᬧᬸᬦᬯᬭᬄᬜᬾᬢ᭄ᬭᬷᬤᬰ ᬫ᭄ᬯᬵᬧᬢᭂᬫ᭄ᬯ᭞ᬭᬶᬘᬤᬸᬓᬤᬰᬦᬶᬢ᭄ᬬᬂᬯᬾᬭᬤᬤ᭄ᬬᬵᬦ᭄ᬯᬶᬬᭀᬕ᭞ᬮᬶᬫᬤᬰᬶᬳᬢᬶᬓᬱ᭄ᬝᬵᬲᬗ᭄ᬕᬢᬵᬓ᭄ᬯᬾᬳᬮᬦ᭄ᬬ᭞ᬓᬭᬡᬦᬶᬓᬶᬢᬫᬦ᭄ᬳᭀᬧᬷᬢ᭄ᬓᬧ᭄ᬦᬶᬂᬲᬗᬫ᭄ᬭᬶᬄ᭛ᬫᬸᬯᬄᬳᬢᬶᬓᬶᬮᬶᬗᭂᬦ᭄ᬢᬂᬫ᭄ᬯᬂᬫᬭᬂᬓᬵᬮᬓᬺᬱ᭄ᬡ᭞ᬲᬢᬢᬮᬭᬓᬧᬗ᭄ᬕᬸᬄᬢᬶᬩ᭄ᬭᬫᬗ᭄ᬕᭂᬂᬲ᭄ᬯᬰᭀᬓ

Auto-transliteration

[2 2B] 2 r̥ĕpikasiddhyaninghayu, rapwantanhanawācakewihisdhĕngtalumarisanasājñasangguru, nāhanketunikangtribāyusatuduḥnyakatuturanademahājanā /// itigribāyuwiddhiparakr̥ĕtta /// • /// lwir̀ningmaśapasañca yan'gatinikāwar̀ṇnantkawninghulun, yapwanringkaṣamangdanīpatirasur̀tyamwangtkengpotraka, nāṣṭidr̥ĕwyaribhadrawādawkawr̥ĕddhyawasngasujyanghayu, dhanyaswāmnuhingpamumrisdhĕngingcandhrekapatyuktimān /// strībhaktipriyalābhayani kalimasangyoganikangkanyakā, lāwweripwayareḥnisangwinarangingpoṣyāmirodhesnĕ, sobhagyengśa‐śimāghaphalguṇajalunyāmandakāyenggati, yapwancetr̥ĕkayātiduḥkahitagantyangmādhawekinucap /// ring jyeṣṭāngdaniwr̥ĕddhiningguṇanisangswāmītkĕnringhayu, māndangbuddhisasolahingwwangangajöngsiḥringhasusyāpupul, nāngtangprakr̥ĕttasāśtikāpwayatinūtreḥnyātmaḥlambanga, byaktekantumĕmuphalānupamasangmamriḥswakar̀ [3 3A] mmādhika /// • /// itiparakr̥ĕttaningsiddhimaśapawarangan /// • /// kramaningamaranghingsuklapāksyekahur̀tta, sukadipisanikangrwānĕmwakĕnsingkatĕnya, yanitigaringtumanggalputramakweḥpwadonya, patika puwararingpattanggalāngdeswaśoka /// hitajakadadiringtanggallimātyantaśobha, ringĕnĕmanĕmuduḥkawwangmatĕmwingsamangkā, subhagaphalanikengrātringpitupwaprihĕnta, kasaritamahalenglyanyanwalunyengtumangga l /// wkimalalaramākweḥyansangālapyatĕmwa, sukasudagasutākweḥringdaśamwātidīwya, kanipunanikanangdonngekadaśyādhikengrāt, rwawlasikapapanggiḥsangrwadūr̀bhāganitya /// hitānipunawaraḥñetrīdaśa mwāpatĕmwa, ricadukadaśanityangweradadyānwiyoga, limadaśihatikaṣṭāsanggatākwehalanya, karaṇanikitamanhopītkapningsangamriḥ /// muwaḥhatikilingĕntangmwangmarangkālakr̥ĕṣṇa, satatalarakapangguḥtibramanggĕngswaśoka

Leaf 3

Image on Archive.org

[᭓ 3B] ᭞᭓᭞ ᭞ᬢᬸᬫᬸᬮᬭᬶᬲᬳᬦᬦᬶᬂᬧᭀᬢ᭄ᬭᬲ᭄ᬯᬵᬯᬦ᭄ᬥᬸᬤᬶᬦ᭄ᬬ᭞ᬧᬥᬧᬶᬦᭂᬦᬸᬳᬦᬶᬂᬭᭀᬳᬵᬫ᭄ᬩᬮᬶᬂᬫᬺᬢ᭄ᬬᬹᬭᬓ᭄ᬯ᭛ ᭜ ᭛ᬇᬢᬶᬯᬶᬯ᭠ᬳᬯᬶᬤ᭄ᬥᬶᬧᬭᬓᬺᬢ᭄ᬢ᭞ᬳᬮᬳᬚᭂᬗᬶᬂᬲᬸᬓ᭄ᬮᬧᬵᬓ᭄ᬱ᭞ᬫ᭄ᬯᬂᬳᬮᬦᬶᬂᬧᬗ᭄ᬮᭀᬂ᭛ ᭜ ᭛ᬯᬦ᭄ᬢᭂᬦ᭄ᬧᬵᬚᬭᬶᬗᬵᬕᬫᬾᬓᬶᬧᬶᬦᬭᬵᬓᬺᬢ᭄ᬢᬧ ᬧᬸᬧᬸᬮᬶᬗᭀᬖᬮᬾᬦ᭄ᬧᬸᬫᬦ᭄᭞ᬲᬂᬬᭀᬕᬦ᭄ᬬᬭᬶᬲᬧ᭄ᬢᬯᬵᬭᬬᬢᬓᬾᬗᭂᬢᬓ᭄ᬦᬲᬢᬸᬤᬸᬄᬦ᭄ᬬᬓᬯ᭄ᬭᬸᬳᬶ᭞ᬬᬧ᭄ᬯᬦ᭄‌ᬪᬵᬦᬸᬯᬶᬯᬵᬳᬮᭀᬢ᭄ᬢᬶᬦᬶᬮᬭᬶᬂᬲᬸᬓᬢᬗᬓᬹᬋᬦᬶᬂᬲᬫᬗ᭄ᬓᬦ᭞ᬬᬦ᭄ᬲᭀᬫᬵᬦᬸᬧᬫᬾᬂᬲᬸᬓᬵᬫ᭄ᬯᬂᬗᬶᬓᬶᬥᬦ᭄ᬬᬤᬦᬳᬦᬭᬶᬓᬵᬦᬢᬦ᭄ᬲᬸᬭᬸᬤ᭄ ᭛ᬦ᭄ᬤᬵᬦ᭄‌ᬬᬦ᭄ᬫᬗ᭄ᬕᬮᬯᬵᬭᬤᬫ᭄ᬧᬢᬶᬦᬶᬓᬂᬭ᭄ᬯᬢᬸᬓᬭᬦᬢᬶᬯᬶᬖ᭄ᬦᬯᬄᬢᬗᬶᬲ᭄᭞ᬕᭃᬂᬦᬶᬂᬫᭀᬥᬷᬢᬲᬹᬦᬸᬯᬺᬤ᭄ᬤᬶᬨᬮ᭠ᬦᬶᬂᬩᬸᬥᬧᬯᬭᬗᬦᬶᬂᬯ᭄ᬯᬗᬶᬂᬧ᭄ᬭᬚ᭞ᬫ᭄ᬯᬂᬬᬦ᭄‌ᬯᬓ᭄ᬧᬢᬶᬪᬓ᭄ᬢᬶᬭᬶᬂᬚᬮᬸᬯᬶᬦᬶᬜᬲᬸᬓᬓᬤᬤᬶᬤᬾᬦ᭄ᬬᬢᬦ᭄ᬯᬸᬭᬸᬂ᭞ᬲᬸᬓ᭄ᬭᬯ᭄ᬯᬲ᭄‌ᬯ᭄ᬓᬪᬸᬓ᭄ᬢᬶ ᬮᬵᬪᬫᬓᬳᬾᬢᬸᬲᬳᬦᬲᬸᬓᬓᬵᬚᬭᬶᬗ᭄ᬳᬚᬶ᭛ᬅᬗ᭄ᬳᬶᬂᬳᬬ᭄ᬯᬢᬶᬓᬚᬦᬵᬫᬸᬭᬸᬕᬶᬲᭀᬢᬶᬧᬯᬭᬗᬦᬓᬵᬱ᭄ᬝᬢᬦ᭄ᬲᬶᬧᬶ᭞ ᬓᬵᬃᬚᬃᬢᬦ᭄ᬓᬲᬳᬦ᭄ᬯᬶᬭᭀᬥᬲᬗᬥᬫ᭄ᬧᬢᬶᬯ᭄ᬓᬲᬦᬶᬓᬵᬢ᭄ᬫᬳᬮ᭞ᬬᬤ᭄ᬬᬦ᭄ᬲᬂᬓᬧᬶᬲᬦ᭄ᬢᬢᬦ᭄ᬲᬧᬸᬭᬸᬕᭂᬦ᭄ᬳᬮᬓᬦ᭄ᬓᬭᬶᬧᬸᬢ᭄ᬭ [᭔ 4A] ᬧᭀᬢ᭄ᬭᬓ᭞ᬫ᭄ᬯᬂᬭᭀᬕᬶᬲᬢᬢᬵᬫᭂᬯᭂᬄᬕ᭄ᬮᬶᬲᬶᬓᬧᬢᬶᬢ᭄ᬓᬧᬯᬭᬄᬫᬳᬫᬹᬦᬶ᭛ᬮ᭄ᬬᬦ᭄ᬕᬃᬩᭀᬥᬬᬦᬶᬯ᭄ᬯᬗᬶᬂᬢ᭄ᬭᬶᬧᬭᬶᬫᬵᬦᬘᬭᬶᬢᬓ᭄ᬦᬤᬾᬫᬳᬵᬚᬦ᭞ᬮ᭄ᬯᬶᬃᬦ᭄ᬬᬦ᭄ᬲᬤ᭄‌ᬧᬶᬢᬸᬧᬜ᭄ᬘᬓᬯ᭄ᬭᬸᬳᬶᬳᬸᬭᬶᬧ᭄ᬦ᭄ᬬᬓᬢᬶᬕᬲ᭄ᬥᭂᬗᬶᬂᬧᬲᬜ᭄ᬘᬬᬦ᭄᭞ᬲᬵᬫ᭄ᬧᬸᬦ᭄ᬬᬦ᭄ᬧᬶᬦᬸᬧᬸᬮ᭄ᬧᬫᬶᬡ᭄ᬟᬦᬶᬓᬦᬂ ᬯᬭᬓᬢᬶᬕᬫᬗᬾᬓᬚᬷᬯᬶᬢ᭞ᬰᬹᬤ᭄ᬥᬦ᭄‌ᬱᭀᬤᬰᬳᬵᬃᬬ᭄ᬬᬰᬾᬱᬧᬭᬶᬫᬵᬡᬯᬭᬳᬶᬓᬵᬓᬩᬾᬄᬧ᭄ᬯᬯᬲ᭄ᬯᬲᭂᬦ᭄᭛ᬯ᭄ᬯᬂᬢᭂᬫ᭄ᬯᬾᬓᬲᬫᬵᬧ᭄ᬭᬯᬺᬢ᭄ᬢᬶᬳᬮᬮᬾᬦ᭄ᬳᬬᬸᬦᬢ᭄ᬫᬸᬢᭂᬯᭂᬓ᭄ᬦᬶᬓᬵᬓᬸᬋᬦ᭄᭞ᬩ᭄ᬬᬓ᭄ᬢᬦ᭄‌ᬤᬹᬃᬩᬮᬢᬂᬭ᭄ᬯᬬᬦ᭄‌ᬭ᭄ᬯᬧᬧᬸᬧᬸᬮ᭄ᬦ᭄ᬬᬬᬤᬶᬢᬶᬕᬧᬲᬗ᭄ᬕ ᬢᬧᬲᬄ᭞ᬧᬵᬢ᭄ᬲᬗ᭄ᬓᬦ᭄ᬬᬯᬮᬸᬬ᭄ᬯᬮᬸᬬ᭄‌ᬧᬢᬶᬦᬶᬗᬢ᭄ᬫᬚᬓᬧᬸᬳᬭᬭᬶᬂᬲᬫᬗ᭄ᬓᬦ᭞ᬧᬹᬃᬡ᭄ᬦᬾᬂᬤ᭄ᬭᬯ᭄ᬬᬬᬤᬶᬦ᭄ᬮᬶᬫᬵᬢ᭄ᬫᬸᬦᭃᬫᬭᬡᬢᬸᬫ᭄ᬓᬭᬶᬂᬲᬂᬤᬫ᭄ᬧᬢᬶ᭛ᬳᭀᬦ᭄ᬬᬂᬲᬧ᭄ᬢᬧᬲᬜ᭄ᬘᬬᬦ᭄ᬬᬲᬸᬓᬤᬸᬄᬓᬓᬓᬶᬸᬧᬸᬳᬭᬬᬦᬶᬢ᭄ᬬᬢᬍᬃᬲᭂᬄ᭞ᬅᬱ᭄ᬝᬵᬲᬗ᭄ᬕᬢᬤᬶᬃᬖᬭᭀᬕ ᬕᬸᬯᬭᬯᬵᬦ᭄ᬭᬧᬶᬗᬸᬲᬸᬗᬦᬢᬸᬗ᭄ᬕ᭄ᬯᬯᬾᬄᬧᬢᬶ᭞ᬮᭀᬳᬵᬕᬵᬲᬢᬶᬗᬵᬰ᭄ᬫᬦᬵᬫᬦᬯᬬᭀᬕ᭄ᬕᬭᬶᬧᬢᬶᬫᬓᬲᬵᬥᬦᬵ᭠ᬲᬭ᭞ᬢᬦ᭄ᬫᬗ᭄ᬓᬤᬰᬲᬗ᭄ᬕᬤᬶᬯ᭄ᬬᬓᬭᬢᬸᬦ᭄‌ᬨᬮᬦᬶᬓᬶᬧᬯᬭᬄᬳ᭄ᬬᬗᬵᬕᬫ᭛ᬯ᭄ᬯᬂᬢᭂᬫ᭄ᬯᬾᬓᬤᬰᬾᬓᬶᬳᭂᬦ᭄ᬦᬶᬧᬸᬦᬤᭀᬦ᭄ᬬᬯᬶᬘ

Auto-transliteration

[3 3B] 3 , tumularisahananingpotraswāwandhudinya, padhapinĕnuhaningrohāmbalingmr̥ĕtyūrakwa /// • /// itiwiwa‐hawiddhiparakr̥ĕtta, halahajĕngingsuklapākṣa, mwanghalaningpanglong /// • /// wantĕnpājaringāgamekipinarākr̥ĕttapa pupulingoghalenpuman, sangyoganyarisaptawārayatakengĕtaknasatuduḥnyakawruhi, yapwanbhānuwiwāhalottinilaringsukatangakūr̥ĕningsamangkana, yansomānupamengsukāmwangngikidhanyadanahanarikānatansurud /// ndānyanmanggalawāradampatinikangrwatukaranatiwighnawaḥtangis, göngningmodhītasūnuwr̥ĕddiphala‐ningbudhapawaranganingwwangingpraja, mwangyanwakpatibhaktiringjaluwiniñasukakadadidenyatanwurung, sukrawwaswkabhukti lābhamakahetusahanasukakājaringhaji /// anghinghaywatikajanāmurugisotipawaranganakāṣṭatansipi, kār̀jar̀tankasahanwirodhasangadhampatiwkasanikātmahala, yadyansangkapisantatansapurugĕnhalakankariputra [4 4A] potraka, mwangrogisatatāmĕwĕḥglisikapatitkapawaraḥmahamūni /// lyan'gar̀bodhayaniwwangingtriparimānacaritaknademahājana, lwir̀nyansadpitupañcakawruhihuripnyakatigasdhĕngingpasañcayan, sāmpunyanpinupulpamiṇḍanikanang warakatigamangekajīwita, śūddhansyodaśahār̀yyaśeṣaparimāṇawarahikākabeḥpwawaswasĕn /// wwangtĕmwekasamāprawr̥ĕttihalalenhayunatmutĕwĕknikākur̥ĕn, byaktandūr̀balatangrwayanrwapapupulnyayaditigapasangga tapasaḥ, pātsangkanyawaluywaluypatiningatmajakapuhararingsamangkana, pūr̀ṇnengdrawyayadinlimātmunömaraṇatumkaringsangdampati /// honyangsaptapasañcayanyasukaduḥkakak̶puharayanityatal̥ĕr̀sĕḥ, aṣṭāsanggatadir̀gharoga guwarawānrapingusunganatunggwaweḥpati, lohāgāsatingāśmanāmanawayoggaripatimakasādhanā‐sara, tanmangkadaśasanggadiwyakaratunphalanikipawaraḥhyangāgama /// wwangtĕmwekadaśekihĕnnipunadonyawica

Leaf 4

Image on Archive.org

[᭔ 4B] ᭞᭔᭞ ᬦᬬᬤᬶᬦᬵᬯ᭄ᬮᬲᬗ᭄ᬮᬭᬾ᭞ᬕᭃᬂᬦᬶᬂᬮᬵᬩᬦᬶᬓᬂᬲ᭄ᬯᬯᬺᬢ᭄ᬢᬶᬚᬸᬕᬪᬹᬓ᭄ᬢᬶᬦᬶᬗᬢ᭄ᬫᬸᬢᬶᬕᬵᬯ᭄ᬮᬲᬶᬗ᭄ᬕᬢᬶ᭞ᬦᬶᬃᬪᬵᬕ᭄ᬬᬵᬢ᭄ᬫᬸᬱᬤ᭄‌ᬢ᭄ᬮᬲ᭄ᬤᬳᬢᬶᬓᬂᬳᬮᬧᬧᬸᬧᬸᬮᬶᬧᬵᬜ᭄ᬘᬲᬗ᭄ᬤᬦᬶ᭞ᬅᬧ᭄ᬢᬾᬂᬲᭀᬤᬰᬲᬗ᭄ᬓ᭄ᬬᬦᬶᬂᬧᬯᬶᬮᬗᬦ᭄ᬢᬬᬧᬯᬭᬳᬶᬓᬾᬂᬳᬮᬵᬳᬬᬸ᭛ᬇᬓᬶᬯᬶᬤ᭄ᬤᬶ ᬧᬯᬭᬗᬦ᭄‌ᬧᬶᬦᬭᬓᬺᬢ᭄ᬢ᭞ᬓᬵᬚᬭᬦᬶᬂᬮᬓ᭄ᬱᬡᬦᬶᬂᬲᬧ᭄ᬢᬯᬭ᭞ᬫ᭄ᬯᬂᬧ᭄ᬭᬢ᭄ᬬᬾᬓᬦᬶᬂᬓᬵᬚᬭᬦᬶᬂᬧ᭄ᬭᬫᬵᬡ᭛ ᭜ ᭛ ᭜ ᭛

Auto-transliteration

[4 4B] 4 nayadināwlasanglare, göngninglābanikangswawr̥ĕttijugabhūktiningatmutigāwlasinggati, nir̀bhāgyātmuṣadtlasdahatikanghalapapupulipāñcasangdani, aptengsodaśasangkyaningpawilangantayapawarahikenghalāhayu /// ikiwiddi pawaranganpinarakr̥ĕtta, kājaraninglakṣaṇaningsaptawara, mwangpratyekaningkājaraningpramāṇa /// • /// • ///

Leaf 5

Image on Archive.org