Paparikan Papojolan

Original on Archive.org

Front and Back Covers

Image on Archive.org

[PERPUSTAKAAN KTR. DOKBUD BALI PROP.BALI G/XVII/7/DOKBUD Judul: GAGURITAN PAPOJOLAN. Pnj. 40 cm, Lb. 3,5 cm. Jl. 13 lb Asal: Petak, Gianyar.] [᭑ 1A] Judul: GAGURITAN PAPOJOLAN. Pnj. 40 cm, Lb. 3,5 cm. Jl. 13 lb Asal: Petak, Gianyar.

Auto-transliteration

[PERPUSTAKAAN KTR. DOKBUD BALI PROP.BALI G/XVII/7/DOKBUD Judul: GAGURITAN PAPOJOLAN. Pnj. 40 cm, Lb. 3,5 cm. Jl. 13 lb Asal: Petak, Gianyar.] [1 1A] Judul: GAGURITAN PAPOJOLAN. Pnj. 40 cm, Lb. 3,5 cm. Jl. 13 lb Asal: Petak, Gianyar.

Leaf 1

Image on Archive.org

[᭑ 1B] ᭑ ᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬕᬕᬸᬭᬶᬢᬦ᭄ᬧᬧᭀᬚᭀᬮᬦ᭄᭟᭜᭟ᬧᬸᬄᬕᬶᬦᬦ᭄ᬢᬶ᭟ᬲᬸᬯᬾᬩᬦ᭄ᬢᬶᬢ᭄ᬬᬂᬩᬶᬗᬸᬂ᭞ᬗᬮᬶᬄᬜᬫᬓᭂᬫᬫᬳᬶ᭞ᬩᬵᬦ᭄ᬳᭀᬃᬣᬦᬾᬲᬫᬶᬕᬯᬂ᭞ᬳᬶᬩᬧᬗᬮᬳᬶᬦ᭄ᬫᬢᬶ᭞ᬗᭂᬮᬄᬫᬾ ᬫᬾᬫᬲᬶᬄᬳᬶᬮᬂ᭞ᬢᭀᬓ᭄ᬭᬡᬲᬶᬸᬮᬸᬯᬲ᭄ᬫᬚᬶᬦ᭄ᬚᬶᬸᬜ᭄ᬚᬶᬦ᭄᭟ᬳᬤᬳᭀᬮᬲ᭄ᬩ᭄ᬭᬬᬦᬸᬢᬸᬃ᭞ᬘᬢᬸᬃᬢᭀᬜᬫᬦᬾᬧᬲ᭄ᬢᬶ᭞ᬮᬸᬄᬮᬸᬄᬮᬦ᭄ᬮᬦᬂᬮᬦᬂ᭞ᬳᬬᬸᬳᬬᬸᬍᬯᬶᬄᬍᬯᬶᬄ᭞ᬦᬵᬗ᭄ᬳᬶᬂᬳᬤᬫ᭄ᬭᬲᬓᬾᬢᬮ᭄᭞ ᬳᬶᬯᬬᬦ᭄ᬮᭂᬓᬤ᭄ᬤᬶᬳᬸᬭᬶ᭟ᬳᬶᬓᭂᬢᬸᬢ᭄ᬮᭂᬓᬤ᭄ᬤᬶᬫᬮᬸ᭞ᬦᬵᬗ᭄ᬳᬶᬂᬬᬮᬘᬸᬃᬫᬢᬶ᭞ᬫᬢᬦ᭄ᬜᬤᬶᬩᬮᬶᬢᭂᬗᬄ᭞ᬢ᭄ᬯᬲᬶᬤ᭄ᬥᬩᬵᬦ᭄ᬦᭂᬮᭀᬓᬶᬦ᭄᭞ᬲᭂᬫᬦ᭄ᬜᬦᬾᬮᬶᬦ᭄ᬢᬂᬲᭂᬗ᭄ᬓ᭞ᬕᬕᬸᬫᬸᬓᬾᬯᬶᬱ᭄ᬬᬕᭂᬦᬶ᭟ᬦᬸᬜ ᬫᬦ᭄ᬦᬾᬢ᭄ᬯᬄᬢᬶᬸᬢᬢᭂᬮᬸ᭞ᬧᬤᬮᬸᬮᬸᬢ᭄ᬢᬺᬱ᭄ᬡᬳᬲᬶᬄ᭞ᬦᬸᬚᬸᬧᬢᬸᬄᬲᬲᭂᬤᭂᬗᬦ᭄᭞ᬧᬤᬤᭂᬫᭂᬦ᭄ᬩᬶᬸᬦ᭄ᬗᬸᬩᬸᬄᬓᭂᬤᬶᬲ᭄᭞ᬧᬓ᭄ᬱᬶᬢᬶᬢᬶᬭᬦ᭄ᬳᬸᬢ᭄ᬢᬫ᭞ᬗᬢᭂᬗ᭄ᬓᬸᬂᬫᬸᬜᬶᬦ᭄ᬜᬫᬦᬶᬲ᭄᭟ᬲᬸᬓᭂᬄᬗᬮᬶᬄᬦᬾ [᭒ 2A] ᭒ ᬦᬾᬗᬢᭂᬗ᭄ᬓᬸᬂ᭞ᬤᬶᬧᬸᬜᬦ᭄ᬫᭂᬦ᭄ᬥᭂᬧᬾᬗᬶᬗ᭄ᬕᬶᬮ᭄᭞ᬢ᭄ᬯᬭᬜᬓ᭄ᬗᬮᬶᬄᬧᬧᬶᬓᬢ᭄᭞ᬳᭂᬗ᭄ᬓᬢ᭄ᬓᬮᬶᬲ᭄ᬧᭂᬦᬾᬓ᭄ᬲᬸᬓᬶᬮ᭄᭞ᬧᬸᬜᬦ᭄ᬜᬦᬾᬕᭂᬥᬾᬤᬯ᭞ᬫᬮᬄᬬᬲᬗᬶᬳᬂᬓᬦ᭄ᬤᬶᬓ᭄᭟ᬓᬦ᭄ᬤᬶᬓ᭄ᬫᬗ᭄ᬤᬾᬦᬾᬓᬧᬗ᭄ᬕᬸᬄ᭞ ᬜᬫᬤᬶᬭᬵᬕᬧᬤᬶᬤᬶ᭞ᬳᬦ᭄ᬢᬸᬓ᭄ᬢᬸᬢᬸᬃᬫᬳᬸᬢ᭄ᬢᬫ᭞ᬳᬸᬢ᭄ᬢᬫᬦᬶᬂᬭᬲᬚᬢᬶ᭞ᬚᬢᬶᬦᬶᬂᬭᬲᬓᬳᬸᬘᬧ᭄᭞ᬫᬤᬲᬃᬬᭀᬕᬲᬫᬥᬶ᭟ᬬᬦ᭄ᬲᬵᬫ᭄ᬧᬸᬦ᭄ᬚᬢᬶᬓᬧᬗ᭄ᬕᬸᬄ᭞ᬜᬫᬤᬶᬭᬵᬕᬧᬤᬶᬤᬶ᭞ᬳᬦᬾ ᬗᭂᬫ᭄ᬧ᭄ᬯᬂᬲᬢᬢ᭞ᬢᬦ᭄ᬧᬾᬦ᭄ᬤᬄᬳᬶᬭᬓᬭᬳᬶ᭞ᬦᬾᬲᬢᬢᬫᬗᬚᬄ᭞ᬫᬦᬹᬢ᭄ᬮᬶᬗᬶᬂᬲᬂᬳ᭄ᬬᬂᬳᬚᬶ᭟ᬲᬲᬯᬗᬦ᭄ᬕᬶᬦᬦ᭄ᬢᬶᬧᬸᬧᬸᬢ᭄᭞ᬗᬶᬭᬶᬂᬋᬲᭂᬧᬂᬤᬶᬳᬢᬶ᭞ᬳᬦ᭄ᬢᬸᬓ᭄ᬢᬸᬢᬸᬃᬧᬧᭀᬚᭀᬮᬦ᭄᭞ᬦᬾᬳᬗ᭄ᬕᬾ ᬦ᭄ᬗᭂᬦ᭄ᬢᬶᬦᬶᬦ᭄ᬫᬮᬶᬄ᭞ᬢᭂᬫ᭄ᬩᬗᬾᬲᬶᬦᭀᬫ᭄ᬧᬫᬄᬩᬄ᭞ᬫᬓᬤᬶᬳᬸᬘᬧᬶᬂᬕᬸᬭᬶᬢ᭄᭟᭜᭟ᬧᬸᬄᬲᬶᬦᭀᬫ᭄᭟ᬫᭀᬕᬶᬢᬦ᭄ᬓᬘᬓ᭄ᬭᬩᬯ᭞ᬳᬦ᭄ᬢᬸᬓ᭄ᬳ᭄ᬬᬂᬧᬭᬫᬓᬯᬶ᭞ᬳᬢᬸᬃᬧᬗᬓ᭄ᬱᬫᬦ᭄ᬢᬶᬢ᭄ᬬᬂ᭞ᬲᬸ

Auto-transliteration

[1 1B] 1 // • // oṁawighnamastu // • // gaguritanpapojolan \\•\\ puḥginanti. suwebantityangbingung, ngaliḥñamakĕmamahi, bānhor̀thanesamigawang, hibapangalahinmati, ngĕlaḥme memasiḥhilang, tokraṇas̶luwasmajinj̶ñjin. hadaholasbrayanutur̀, catur̀toñamanepasti, luḥluḥlanlananglanang, hayuhayul̥ĕwiḥl̥ĕwiḥ, nānghinghadamrasaketal, hiwayanlĕkaddihuri. hikĕtutlĕkaddimalu, nānghingyalacur̀mati, matanñadibalitĕngaḥ, twasiddhabānnĕlokin, sĕmanñanelintangsĕngka, gagumukewiṣyagĕni. nuña mannetwaḥt̶tatĕlu, padaluluttr̥ĕṣṇahasiḥ, nujupatuḥsasĕdĕngan, padadĕmĕnb̶nngubuḥkĕdis, paksyititiranhuttama, ngatĕngkungmuñinñamanis. sukĕḥngaliḥne [2 2A] 2 nengatĕngkung, dipuñanmĕndhĕpenginggil, twarañakngaliḥpapikat, hĕngkatkalispĕneksukil, puñanñanegĕdhedawa, malaḥyasangihangkandik. kandikmangdenekapangguḥ, ñamadirāgapadidi, hantuktutur̀mahuttama, huttamaningrasajati, jatiningrasakahucap, madasar̀yogasamadhi. yansāmpunjatikapangguḥ, ñamadirāgapadidi, hane ngĕmpwangsatata, tanpendaḥhirakarahi, nesatatamangajaḥ, manūtlingingsanghyanghaji. sasawangan'ginantipuput, ngiringr̥ĕsĕpangdihati, hantuktutur̀papojolan, nehangge nngĕntininmaliḥ, tĕmbangesinompamaḥbaḥ, makadihucapinggurit \\•\\ puḥsinom. mogitankacakrabawa, hantuk'hyangparamakawi, hatur̀pangakṣamantityang, su

Leaf 2

Image on Archive.org

[᭒ 2B] ᭒ ᬩᬦ᭄ᬢᬶᬭᬶᬂᬲᬂᬳ᭄ᬬᬂᬯᬶᬥᬶ᭞ᬫᬗ᭄ᬤᬳᬶᬫᬜ᭄ᬯᬾᬘᬦᬶᬦ᭄᭞ᬧᬜ᭄ᬚᬓᬾᬚᬸᬕᬸᬮ᭄ᬳᬧᬸᬗ᭄ᬕᬸᬂ᭞ᬧᭀᬗᬄᬧᬘᬂᬫᬫ᭄ᬬᬓ᭄ᬢᬬᬂ᭞ᬮᬶᬗᬶᬂᬳᬶᬤᬲᬂᬳ᭄ᬬᬂᬳᬚᬶ᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄᭞ᬢᬶᬩᬾᬦᬶᬦ᭄ᬭᬚᬧᬶᬦᬸᬮᬄ᭟ᬧᬶᬂᬓᬮᬶᬄᬳᬫ᭄ᬧᬸ ᬭᬢᬶᬢ᭄ᬬᬂ᭞ᬭᬶᬂᬲᬂᬓᬾᬦᬓ᭄ᬫᬫᬯᭀᬲᬶᬦ᭄᭞ᬤᬕᬶᬂᬘᬓᭂᬧᬦ᭄ᬳᬶᬦᬸᬘᬧ᭄᭞ᬫᬓᬤᬶᬳᬸᬘᬧᬶᬂᬕᬸᬭᬶᬢ᭄᭞ᬫᬸᬗ᭄ᬕ᭄ᬯᬶᬂᬤᬕᬶᬸᬲᬃᬢᬶᬢ᭄ᬬᬂᬗᬯᬶ᭞ᬳᬦ᭄ᬢᬸᬓᬾᬗᬯᬘᬾᬦ᭄ᬩᬸᬓᬸ᭞ᬤᬕᬶᬂᬩᬸᬓᬸᬦᬾᬳᬶᬦᬸᬘᬧ᭄᭞ᬢᭂᬭᬸ ᬲ᭄ᬓᬋᬲᭂᬧ᭄ᬤᬶᬳᬢᬶ᭞ᬭᬭᬶᬲ᭄ᬫᭂᬢᬸ᭞ᬫᬓᬤᬶᬕᬸᬭᬶᬢ᭄ᬧᬸᬦᬶᬓ᭟ᬲᬦᬾᬧᬘᬂᬧᬶᬤᬃᬣᬬᬂ᭞ᬳᬶᬦ᭄ᬤᬶᬓ᭄ᬢᬸᬢᬸᬭᬾᬲᬸᬚᬢᬶ᭞ᬢᬸᬢᬸᬃᬤᬳᬢ᭄ᬫᬳᬸᬢ᭄ᬢᬫ᭞ᬲᬦᬾᬫᬦᬹᬢ᭄ᬓᬤᬶᬳᬶᬦ᭄ᬤᬶᬓ᭄᭞ᬳᬾᬦ᭄ᬤᬶᬓᬾᬲ ᬦᬾᬲᬸᬚᬢᬶ᭞ᬫᬦᬹᬢ᭄ᬧᬶᬢᬸᬢᬸᬃᬲᬂᬯ᭄ᬭᬸᬄ᭞ᬲᬦᬾᬧᬢᬸᬢ᭄ᬮᬓ᭄ᬱᬡᬬᬂ᭞ᬫᬵᬦᬹᬢᬶᬂᬫᬵᬦᬸᬱᬚᬢᬶ᭞ᬦᬾᬓᬯᬸᬯᬸᬲ᭄᭞ᬗᬾᬮᬶᬗᬶᬦ᭄ᬜᬫᬭᬶᬂᬭᬵᬕ᭟ᬗᬾᬮᬶᬗᬶᬦ᭄ᬜᬫᬭᬶᬂᬭᬵᬕ᭞ᬫᬗ᭄ᬤᬾᬦ᭄ᬳᬸᬦᬶᬂ [᭓ 3A] ᭓ ᬦᬾᬲᬸᬚᬢᬶ᭞ᬜᬫᬦᬾᬍᬓᬤ᭄ᬲᬤᬶᬦ᭞ᬫᬗ᭄ᬤᬲᬶᬤ᭄ᬥᬧᬗ᭄ᬕᬸᬄᬫᬮᬶᬄ᭞ᬢᬶᬗ᭄ᬓᬳᬾᬧᬢᬹᬢ᭄ᬳᬲ᭄ᬢᬶᬢᬶ᭞ᬭᬶᬂᬮᬓ᭄ᬱᬡᬦᬾᬫᬫᬢᬸᬢ᭄᭞ᬧᬢᬸᬢ᭄ᬫᬢᭂᬫᬳᬦ᭄ᬕᬮᬂ᭞ᬕᬮᬂᬧᬭᬕᬬᬦ᭄ᬯᬶᬥᬶ᭞ᬯᬶᬥᬶᬳᬲᬸᬂ᭞ ᬓᬺᬢ᭄ᬢᬯᬭᬫ᭄ᬯᬂᬮᬸᬕ᭄ᬭᬳ᭟ᬭᬶᬲᬵᬫ᭄ᬧᬸᬦ᭄ᬕᬮᬂᬳᬧᬤᬂ᭞ᬧᬢᬹᬢ᭄ᬲᬫᬶᬓᬳᬸᬦᬶᬗᬶᬦ᭄᭞ᬜᬫᬦᬾᬍᬓᬤ᭄ᬲᬤᬶᬦ᭞ᬳᬶᬭᬶᬓᬧᬢᬸᬢ᭄ᬢᬓᬾᬦᬶᬦ᭄᭞ᬳᬶᬦ᭄ᬤᬶᬓ᭄ᬧᬲᬗᬦᬾᬚᬢᬶ᭞ᬯᬯᬸᬢᬸᬦᬲᬶᬦ᭄ᬧᬶᬢᬸ ᬤᬸᬄ᭞ᬦᬵᬗ᭄ᬳᬶᬂᬳᬚᬗᬯᬾᬭᬬᬂ᭞ᬭᬶᬲᬵᬫ᭄ᬧᬸᬦᬾᬓᬳᬸᬦᬶᬗᬶᬦ᭄᭞ᬧᬕᭂᬄᬧᬸᬕᬸᬄ᭞ᬢᬦ᭄ᬤᬤᭀᬲ᭄ᬦᬶᬓᬓᭂᬢᬳᬂ᭟ᬧᬶᬤᬃᬣᬲᬦᬾᬳᬸᬢ᭄ᬢᬫ᭞ᬳᬸᬦᬶᬂᬭᬶᬂᬜᬫᬧᬤᬶᬤᬶ᭞ᬦᬾᬳᬚᬓ᭄ᬮᭂᬓᬤ᭄ᬲᬤᬶᬦ᭞ᬦᬾᬧ ᬢᬸᬢ᭄ᬢᬓᬾᬦᬶᬦ᭄ᬲᬳᬶ᭞ᬧᬢᬸᬢ᭄ᬤᬸᬫᬸᬦ᭄ᬓᬳᬸᬦᬶᬗᬶᬦ᭄᭞ᬢ᭄ᬭᬶᬧ᭄ᬭᬫᬦᬦᬾᬧᬸᬦᬶᬓᬸ᭞ᬩᬬᬸᬰᬩ᭄ᬥᬫ᭄ᬯᬂᬫᬦᬄ᭞ᬯᭂᬢᬸᬲᬓᬶᬂᬤ᭄ᬯᬶᬚᬢᬶ᭞ᬬᬬᬄᬇᬩᬸ᭞ᬧᬸᬭᬸᬱᬮᬯᬦ᭄ᬧ᭄ᬭᬤᬦ᭟ᬧᬸᬭᬸᬱᬮ

Auto-transliteration

[2 2B] 2 bantiringsanghyangwidhi, mangdahimañwecanin, pañjakejugulhapunggung, pongaḥpacangmamyaktayang, linginghidasanghyanghaji, mangdensampun, tibeninrajapinulaḥ. pingkaliḥhampu ratityang, ringsangkenakmamawosin, dagingcakĕpanhinucap, makadihucapinggurit, munggwingdag̶sar̀tityangngawi, hantukengawacenbuku, dagingbukunehinucap, tĕru skar̥ĕsĕpdihati, rarismĕtu, makadiguritpunika. sanepacangpidar̀thayang, hindiktuturesujati, tutur̀dahatmahuttama, sanemanūtkadihindik, hendikesa nesujati, manūtpitutur̀sangwruḥ, sanepatutlakṣaṇayang, mānūtingmānuṣajati, nekawuwus, ngelinginñamaringrāga. ngelinginñamaringrāga, mangdenhuning [3 3A] 3 nesujati, ñamanel̥ĕkadsadina, mangdasiddhapangguḥmaliḥ, tingkahepatūt'hastiti, ringlakṣaṇanemamatut, patutmatĕmahan'galang, galangparagayanwidhi, widhihasung, kr̥ĕttawaramwanglugraha. risāmpun'galanghapadang, patūtsamikahuningin, ñamanel̥ĕkadsadina, hirikapatuttakenin, hindikpasanganejati, wawutunasinpitu duḥ, nānghinghajangawerayang, risāmpunekahuningin, pagĕḥpuguḥ, tandadosnikakĕtahang. pidar̀thasanehuttama, huningringñamapadidi, nehajaklĕkadsadina, nepa tuttakeninsahi, patutdumunkahuningin, tripramananepuniku, bayuśabdhamwangmanaḥ, wĕtusakingdwijati, yayaḥibu, puruṣalawanpradana. puruṣala

Leaf 3

Image on Archive.org

[᭓ 3B] ᭓ ᬮᬯᬦ᭄ᬧ᭄ᬭᬤᬦ᭞ᬯᭂᬢᬸᬲᬓᬶᬂᬧᬜ᭄ᬘᬚᬢᬶ᭞ᬧᬜ᭄ᬘᬫᬳᬩᬸᬢᬇᬓ᭞ᬫᬯᬶᬢ᭄ᬲᬓᬶᬂᬲᬂᬳ᭄ᬬᬂᬯᬶᬥᬶ᭞ᬲᬂᬳ᭄ᬬᬗᬢ᭄ᬫᬚᬢᬶ᭞ᬳ᭄ᬬᬂᬢᬸᬗ᭄ᬕᬮ᭄ᬳᬶᬤᬓᬯᬸᬯᬸᬲ᭄᭞ᬧᬭᬕᬬᬦ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬯ᭄ᬬᬧᬶᬯ᭄ᬬᬧᬓᬚ ᬢᬶ᭞ᬦᬾᬫᬜᬸᬲᬸᬧ᭄᭞ᬭᬶᬂᬲᬂᬤᬸᬫᬤᬶᬲᬂᬦᬫ᭄ᬬᬦ᭄᭟ᬲᬂᬳ᭄ᬬᬂᬏᬓᬾᬳᬵᬢ᭄ᬫᬇᬓ᭞ᬫᬮᬶᬗ᭄ᬕᬭᬶᬂᬲᬂᬦᬸᬫᬤᬶ᭞ᬫᬗ᭄ᬤᬧᬢᬸᬢ᭄ᬲᬳᬸᬦᬶᬗ᭞ᬯᬵᬱ᭄ᬝᬸᬳᬶᬭᬕᬫᬳᬸᬭᬶᬧ᭄᭞ᬧᬢᬸᬢ᭄ᬦᬶᬓᬓᬳᬸᬦᬶᬗᬶ ᬦ᭄᭞ᬲᬶᬭᬳᬶᬭᬕᬧᬸᬦᬶᬓᬸ᭞ᬫᬗ᭄ᬤᬾᬦᬾᬢᬦ᭄ᬓᬭᬯᭀᬲᬂ᭞ᬫᬓᬤᬶᬲᬲᭀᬗ᭄ᬕᬦ᭄ᬳᬶᬓᬶ᭞ᬓᬦ᭄ᬤᬶᬓ᭄ᬢᬶᬓᬸᬮ᭄᭞ᬗᬸᬤᬳᬮᬶᬄᬫᬳᬶᬤᭂᬳᬦ᭄᭟ᬬᬦᬶᬂᬧᬘᬂᬫᬮᬓ᭄ᬱᬡ᭞ᬦᬸᬦᬲ᭄ᬲᬲ᭄ᬯᬾᬘᬦ᭄ᬳ᭄ᬬᬂᬯᬶᬥᬶ᭞ ᬫᬗ᭄ᬤᬳᬶᬭᬕᬓᬮᬸᬕ᭄ᬭ᭞ᬗᬸᬦᬶᬗᬶᬦ᭄ᬜᬫᬧᬤᬶᬤᬶ᭞ᬧᬢᬸᬢᬾᬫᬗ᭄ᬤᬾᬦ᭄ᬳᬲ᭄ᬣᬶᬢᬶ᭞ᬦᬾᬫᬦᬹᬢ᭄ᬓᬤᬶᬧᬶᬢᬸᬢᬸᬃ᭞ᬩᬘᬓᬦᬾᬲᭀᬯᬂᬲᭀᬯᬂ᭞ᬫᬓᬤᬶᬭᬶᬂᬲᭀᬃᬧᬸᬦᬶᬓᬶ᭞ᬳᬓᬾᬳᬶᬧᬸᬦ᭄᭞ [᭔ 4A] ᭔ ᬮᬶᬫᬂᬲᭀᬭᭀᬄᬮᬓ᭄ᬱᬡᬬᬂ᭞ᬧᬗᬯᬶᬢ᭄ᬫᬗ᭄ᬓᬶᬦ᭄ᬳᬾᬮᬶᬗᬂ᭞ᬫᬗ᭄ᬤᬾᬦ᭄ᬳᬶᬭᬕᬫᬶᬗᭂᬢᬶᬦ᭄᭞ᬤᬾᬯᬦ᭄ᬢᬦᬄᬧᬓᬭᬗᬦ᭄᭞ᬧᬸᬦᬶᬓᬧᬢᬸᬢ᭄ᬳᬾᬮᬶᬗᬶᬦ᭄᭞ᬧᬲᬾᬗᬦ᭄ᬮᬦ᭄ᬮᬶᬗ᭄ᬕᬶᬄᬬᬸᬓ᭄ᬢᬶ᭞ᬫᬦᬸᬢ᭄ᬧᬶᬢᬸᬢᬸᬃᬲᬂᬯᬶᬓᬸ᭞ ᬧᬢᭀᬬᬦ᭄ᬢᬍᬃᬳᬾᬮᬶᬗᬂ᭞ᬧᬮᬶᬗ᭄ᬕᬶᬄᬢᬍᬃᬓᬃᬤ᭄ᬥᬶᬦᬶᬦ᭄᭞ᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬫᬗᬤᭂᬕᬂᬤᬾᬯᬦ᭄ᬓᬭᬂ‌᭟ᬧᬶᬂᬓᬮᬶᬄᬫᬗ᭄ᬤᬲᬭᬢᬂ᭞ᬫᭂᬦ᭄ᬤᭂᬫ᭄ᬢᬲᬶᬓ᭄ᬳᬶᬢᭂᬫ᭄ᬧᬲ᭄ᬢᬶ᭞ᬫᬭᬶᬂᬦᬢᬄᬧᬓᬭᬗᬦ᭄᭞ᬢᬍᬃᬓᬃᬬ᭄ᬬᬦᬂᬧ ᬮᬶᬗ᭄ᬕᬶᬄ᭞ᬦᬸᬦᬲ᭄‌ᬩ᭄ᬬᬲ᭄ᬓᬧᬲᬶᬲᬶ᭞ᬭᬶᬂᬧᬤᬂᬕᬮᬓ᭄ᬓᬯᬸᬯᬸᬲ᭄᭞ᬦᬶᬓᬧᬤᬕᬶᬗᬦ᭄ᬓᬭᬂ᭞ᬫᬦᬹᬢ᭄ᬲᬓᬤᬶᬭᬶᬂᬢᬸᬮᬶᬲ᭄᭞ᬭᬶᬂᬲᬂᬯ᭄ᬭᬸᬄ᭞ᬘᬸᬘᬸᬤᬂᬫᬗ᭄ᬤᬶᬸᬗ᭄ᬤᬾᬦᬾᬕᬮᬂ᭟ᬓᬧᬶᬂᬢᬶᬕᬮᬓ᭄ᬱᬡᬬᬂ᭞ᬫᬯᬶ ᬦ᭄ᬢᭂᬦ᭄‌ᬫ᭄ᬯᬂᬫᬩᬺᬲᬶᬄ᭞ᬩᬺᬲᬶᬄᬲᬓᬮᬦᬶᬱ᭄ᬓᬮ᭞ᬓᬲᬓ᭄ᬱᬶᬦᬶᬦ᭄ᬲᬂᬳ᭄ᬬᬂᬯᬶᬥᬶ᭞ᬓᬧᬶᬂᬧᬢ᭄ᬧᬗ᭄ᬳᬶᬥᭂᬧ᭄ᬳᬢᬶ᭞ᬢᬸᬦᬲ᭄ᬭᬶᬂᬳᬶᬤᬲᬂᬯᬶᬓᬸ᭞ᬓᬧᬶᬂᬮᬶᬫᬦᬾᬲᬭᬢᬂ᭞ᬫᭂᬍᬤ᭄ᬘᬸᬘᬸᬤᬂᬦᬓᬾᬦᬶᬦ᭄᭞ᬭᬶᬂ

Auto-transliteration

[3 3B] 3 lawanpradana, wĕtusakingpañcajati, pañcamahabuta'ika, mawitsakingsanghyangwidhi, sanghyangatmajati, hyangtunggalhidakawuwus, paragayansanghyangsūr̀yya, wyapiwyapakaja ti, nemañusup, ringsangdumadisangnamyan. sanghyangekehātma'ika, malinggaringsangnumadi, mangdapatutsahuninga, wāṣṭuhiragamahurip, patutnikakahuningi n, sirahiragapuniku, mangdenetankarawosang, makadisasongganhiki, kandiktikul, ngudahaliḥmahidĕhan. yaningpacangmalakṣaṇa, nunassaswecanhyangwidhi, mangdahiragakalugra, nguninginñamapadidi, patutemangdenhasthiti, nemanūtkadipitutur̀, bacakanesowangsowang, makadiringsor̀puniki, hakehipun, [4 4A] 4 limangsoroḥlakṣaṇayang, pangawitmangkinhelingang, mangdenhiragamingĕtin, dewantanaḥpakarangan, punikapatut'helingin, pasenganlanlinggiḥyukti, manutpitutur̀sangwiku, patoyantal̥ĕr̀helingang, palinggiḥtal̥ĕr̀kar̀ddhinin, wāṣṭanhipun, mangadĕgangdewankarang. pingkaliḥmangdasaratang, mĕndĕmtasik'hitĕmpasti, maringnataḥpakarangan, tal̥ĕr̀kar̀yyanangpa linggiḥ, nunasbyaskapasisi, ringpadanggalakkawuwus, nikapadagingankarang, manūtsakadiringtulis, ringsangwruḥ, cucudangmangd̶ngdenegalang. kapingtigalakṣaṇayang, mawi ntĕnmwangmabr̥ĕsiḥ, br̥ĕsiḥsakalaniṣkala, kasaksyininsanghyangwidhi, kapingpatpanghidhĕp'hati, tunasringhidasangwiku, kapinglimanesaratang, mĕl̥ĕdcucudangnakenin, ring

Leaf 4

Image on Archive.org

[᭔ 4B] ᭔ ᬭᬶᬂᬲᬂᬯ᭄ᬭᬸᬄ᭞ᬧᬂᬧᬺᬲᬶᬤ᭄ᬥᬦᭂᬫᬸᬕᬮᬂ᭟ᬲᬲᬫ᭄ᬧᬸᬦ᭄ᬫᬦᬸᬢ᭄ᬭᬶᬂᬫᬦᬄ᭞ᬧᬘᬂᬫᬮᬓ᭄ᬱᬡᬧᬲ᭄ᬢᬶ᭞ᬮᬓ᭄ᬱᬡᬦᬾᬫᬳᬸᬢ᭄ᬢᬫ᭞ᬗᬸᬦᬶᬗᬶᬦ᭄ᬜᬫᬧᬤᬶᬤᬶ᭞ᬮᬓ᭄ᬱᬡᬦᬾᬫᬗ᭄ᬤᬾᬦ᭄ᬢᬶᬮᬶᬂ᭞ᬫᬦᬹᬢ᭄ᬲᬓᬤᬶᬲᬲᬸᬤᬸᬓ᭄᭞ ᬦᬾᬳᬶᬯᬂᬧᬢᬸᬢ᭄ᬳᬶᬘᬮᬂ᭞ᬦᬾᬧᬢᬸᬢ᭄ᬫᬗ᭄ᬤᬾᬦ᭄ᬧᬸᬧᭀᬦᬶᬦ᭄᭞ᬯᬶᬭᬾᬄᬧᬢᬸᬢ᭄᭞ᬧᬭᬕᬬᬦ᭄ᬳ᭄ᬬᬂᬲᬸᬓ᭄ᬱ᭄ᬫ᭟ᬲᬧᬸᬦᬶᬓᬳᬢᬸᬃᬢᬶᬢ᭄ᬬᬂ᭞ᬧᬫᬄᬩᬄᬕᬸᬭᬶᬢ᭄ᬧᬸᬦᬶᬓᬶ᭞ᬳᬦ᭄ᬢᬸᬓ᭄ᬧᬸᬧᬸᬄᬧᬧᭀᬚᭀᬮ ᬦ᭄᭞ᬦᬾᬦ᭄ᬢᭂᬦ᭄ᬫᬦᬹᬢ᭄ᬓᬤᬶᬳᬶᬦ᭄ᬤᬶᬓ᭄᭞ᬭᬶᬂᬲᬂᬓᬾᬦᬓ᭄ᬫᬫᬯᭀᬲᬶᬦ᭄᭞ᬢᬶᬢ᭄ᬬᬂᬦᬸᬦᬲᬂᬧᬦᬸᬦ᭄ᬢᬸᬦ᭄᭞ᬲᬶᬦᭀᬫ᭄ᬫᬗ᭄ᬓᬶᬦ᭄ᬓᬕᭂᬦ᭄ᬢᭀᬲᬂ᭞ᬳᬦ᭄ᬢᬸᬓ᭄ᬢᭂᬫ᭄ᬩᬂᬭᬶᬂᬧᬗᬯᬶ᭞ᬢᭂᬫ᭄ᬩᬂᬳᬶᬧᬸᬦ᭄᭞ᬧᬸᬧᬸᬄᬤᬹᬃᬫ᭄ᬫᬧᬧᭀᬚᭀ ᬮᬦ᭄᭟᭜᭟ᬧᬸᬄᬤᬹᬃᬫ᭄ᬫ᭟ᬭᬶᬲᬫ᭄ᬧᬸᬦ᭄ᬜᬫᬗᬤᭂᬕᬂᬤᬾᬯᬦ᭄ᬓᬭᬂ᭞ᬫᭂᬦ᭄ᬤᭂᬫ᭄ᬢᬲᬶᬓ᭄ᬳᬶᬢᭂᬫ᭄ᬧᬲ᭄ᬢᬶ᭞ᬭᬶᬂᬦᬢᬄᬧᬓᬭᬗᬦ᭄᭞ᬧᬶᬂᬢᬶᬕᬯᬶᬸᬧᬯᬶᬦ᭄ᬢᭂᬦᬦ᭄᭞ᬓᬧᬶᬂᬧᬢ᭄ᬧᬗ᭄ᬳᬶᬥᭂᬧ᭄ᬳᬢᬶ᭞ᬧᬶᬂ [᭕ 5A] ᭕ ᬮᬶᬫᬦ᭄ᬜ᭞ᬧᬦᬸᬦ᭄ᬢᬦᬾᬬᬸᬓ᭄ᬢᬶ᭟ᬲᬫ᭄ᬧᬸᬦ᭄ᬫᬮᬓ᭄ᬱᬦᬲᬓᬤᬶᬳᬶᬦᬸᬘᬧ᭄᭞ᬓᬃᬬ᭄ᬬᬦᬸᬢᬸᬕ᭄ᬲᬫ᭄ᬧᬸᬦ᭄ᬧᬲ᭄ᬢᬶ᭞ᬢᬸᬢᬸᬕ᭄ᬲᬢᬶᬫᬦ᭄ᬤᬶᬦ᭞ᬦᬸᬚᬸᬦᭂᬫᭀᬦᬶᬦ᭄ᬧᬹᬃᬡ᭄ᬦᬫ᭞ᬳᬶᬭᬶᬓᬧᬢᬸᬢ᭄ᬜᬸᬫᬸᬦᬶᬦ᭄᭞ᬫᬮᬓ᭄ᬱᬡ᭞ᬗᬾ ᬮᬶᬗᬶᬦ᭄ᬜᬫᬧᬤᬶᬤᬶ᭟ᬭᬶᬂᬭᬵᬳᬶᬦᬧᬹᬃᬡ᭄ᬦᬫᬳᬶᬦᬸᬘᬧ᭄᭞ᬧᬢᬸᬢ᭄ᬫᬕᬤᬂᬳᬯᬳᬶ᭞ᬢᬦ᭄ᬤᬤᭀᬲ᭄ᬳᬢᬸᬭ᭄ᬯ᭞ᬭᬶᬳᬶᬦᬶᬦ᭄ᬳᬦ᭄ᬢᬸᬓ᭄ᬧᬗᬲ᭄ᬣᬯ᭞ᬧ᭄ᬬᬸᬦᬶᬂᬭᬶᬂᬓᬳ᭄ᬬᬗᬦ᭄ᬢ᭄ᬭᬶ᭞ᬮᬦ᭄ᬓᬳ᭄ᬬᬗᬦ᭄ᬩᬜ᭄ᬚᬃ᭞ᬧᬳᬶᬩᭀᬦ᭄ᬫᬶᬯᬄᬭᬶᬂ ᬧᬦ᭄ᬢᬶ᭟ᬢᬍᬃᬫᬭᬶᬂᬳᬶᬤᬪᬝᬵᬭᬳ᭄ᬬᬕᬸᬭ᭄ᬯ᭞ᬲᬂᬳ᭄ᬬᬂᬳᬚᬶᬲᬭᬵᬰ᭄ᬯᬢᬶ᭞ᬧᬕᭂᬄᬫᬗᬲ᭄ᬣᬯ᭞ᬤᬸᬭᬶᬸᬮᬸᬭᬶᬂᬲᬲᬚᬶᬧᬚᬢ᭄ᬬ᭞ᬫᬗ᭄ᬤᬾᬦ᭄ᬲᬫᬶᬧᬤᬳᬸᬦᬶᬂ᭞ᬢᬸᬃᬓᬮᬸᬕ᭄ᬭᬳ᭞ᬗᬾᬮᬶᬗᬶᬦ᭄ᬜᬫᬧᬤᬶᬤᬶ᭟ ᬢᬍᬃᬫᬢᬸᬃᬳᬦ᭄ᬢᬸᬓ᭄ᬳᬸᬘᬧ᭄ᬧᬧᭀᬚᭀᬮᬦ᭄᭞ᬒᬁᬅᬯᬶᬖ᭄ᬦᬫᬲ᭄ᬢᬸᬬᬾᬓᬶ᭞ᬤᬸᬮᬸᬭᬶᬦ᭄ᬧᬚᬢᬶᬓᬵᬢᬸᬭᬂ᭞ᬢᬶᬢ᭄ᬬᬂᬦᬸᬦᬲ᭄ᬓᬲᬓ᭄ᬱᬶᬦᬶᬦ᭄᭞ᬧᬤᬸᬓᬪᬝᬵᬭ᭞ᬜᬓ᭄ᬱᬶᬦᬶᬦ᭄ᬫᬓᬃᬬ᭄ᬬᬓᬸ

Auto-transliteration

[4 4B] 4 ringsangwruḥ, pangpr̥ĕsiddhanĕmugalang. sasampunmanutringmanaḥ, pacangmalakṣaṇapasti, lakṣaṇanemahuttama, nguninginñamapadidi, lakṣaṇanemangdentiling, manūtsakadisasuduk, nehiwangpatut'hicalang, nepatutmangdenpuponin, wireḥpatut, paragayanhyangsukṣma. sapunikahatur̀tityang, pamaḥbaḥguritpuniki, hantukpupuḥpapojola n, nentĕnmanūtkadihindik, ringsangkenakmamawosin, tityangnunasangpanuntun, sinommangkinkagĕntosang, hantuktĕmbangringpangawi, tĕmbanghipun, pupuḥdūr̀mmapapojo lan \\•\\ puḥdūr̀mma. risampunñamangadĕgangdewankarang, mĕndĕmtasik'hitĕmpasti, ringnataḥpakarangan, pingtigaw̶pawintĕnan, kapingpatpanghidhĕp'hati, ping [5 5A] 5 limanña, panuntaneyukti. sampunmalakṣanasakadihinucap, kar̀yyanutugsampunpasti, tutugsatimandina, nujunĕmoninpūr̀ṇnama, hirikapatutñumunin, malakṣaṇa, nge linginñamapadidi. ringrāhinapūr̀ṇnamahinucap, patutmagadanghawahi, tandadoshaturwa, rihininhantukpangasthawa, pyuningringkahyangantri, lankahyanganbañjar̀, pahibonmiwaḥring panti. tal̥ĕr̀maringhidabhaṭārahyagurwa, sanghyanghajisarāśwati, pagĕḥmangasthawa, dur̶luringsasajipajatya, mangdensamipadahuning, tur̀kalugraha, ngelinginñamapadidi. tal̥ĕr̀matur̀hantuk'hucappapojolan, oṁawighnamastuyeki, dulurinpajatikāturang, tityangnunaskasaksyinin, padukabhaṭāra, ñaksyininmakar̀yyaku

Leaf 5

Image on Archive.org

[᭕ 5B] ᭕ ᬫ᭄ᬓᬸᬫᬦᬾᬓᬶ᭟ᬧᬘᬂᬳᬗ᭄ᬕᬾᬦ᭄ᬫ᭄ᬭᬬᬰ᭄ᬘᬶᬢᬧᬤᬾᬯᬾᬓᬦ᭄᭞ᬫᬗ᭄ᬤᬾᬦ᭄ᬪᬝᬵᬭᬗᬶᬘᬾᬦᬶᬦ᭄᭞ᬧᬦᬸᬕ᭄ᬭᬵᬦ᭄ᬢᭀᬬᬓᬸᬫ᭄ᬓᬸᬫᬦ᭄᭞ᬲᬸᬚᬢᬶᬫᬧᬶᬓᭂᬦᭀᬄᬧᬶᬲᬦ᭄᭞ᬗ᭄ᬕᬾᬦ᭄ᬗᭂᬤᬲᬂᬫᬮᬫᬮᬶ᭞ᬢᬸᬃᬫᬤᬸᬮᬸᬭᬦ᭄᭞ᬲᬚᬶᬧ ᬚᬢᬶᬧᬸᬦᬶᬓᬶ᭟ᬫᬗ᭄ᬤᬾᬦ᭄ᬧᬤᬸᬓᬪᬝᬵᬭᬫᬜᬓ᭄ᬱ᭄ᬬᬂ᭞ᬧᬶᬦᬸᬦᬲ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬫᬗ᭄ᬤᬢᬶᬢ᭄ᬬᬂᬓᬮᬸᬕ᭄ᬭᬳ᭞ᬗᬾᬮᬶᬗᬶᬦ᭄ᬜᬫᬭᬶᬂᬭᬵᬕ᭞ᬮᬫᬓᬦᬾᬢᬶᬢ᭄ᬬᬂᬳᬸᬦᬶᬂ᭞ᬭᬶᬂᬜᬫᬦ᭄ᬢᬶᬢ᭄ᬬᬂ᭞ᬭᬶᬂᬲᬦᬾᬍᬓᬤ᭄ᬲᬯ ᬳᬶ᭟ᬧᬸᬦᬶᬓᬧᬶᬦᬸᬦᬲ᭄ᬢᬶᬢ᭄ᬬᬂᬭᬶᬂᬪᬝᬵᬭ᭞ᬫᬗ᭄ᬤᬾᬭᬢᬸᬮᬾᬤᬂᬳᬸᬕᬶ᭞ᬗᬶᬘᬾᬦᬶᬦ᭄ᬯᬭᬦᬸᬕ᭄ᬭᬳ᭞ᬒᬁᬰᬦ᭄ᬢᬶᬰᬦ᭄ᬢᬶᬰᬦ᭄ᬢᬶᬒᬁ᭞ᬩᬦ᭄ᬢᭂᬦ᭄ᬓᬳᬬᬩᬂᬭᬭᬶᬲ᭄᭞ᬳᬦ᭄ᬢᬸᬓ᭄ᬧᬹᬚᬦ᭄ᬬ᭞ᬫᬵᬦᬹᬢ᭄ᬧᬗᬘᭂᬧ᭄ᬲᬸᬚ ᬢᬶ᭟ᬳᬢᬸᬃᬧ᭄ᬬᬸᬦᬶᬂᬧᬢᬸᬢ᭄ᬫᬗ᭄ᬤᬾᬧᬢᭂᬄᬧᬶᬲᬦ᭄᭞ᬫᬵᬦᬹᬢ᭄ᬢᬢᬸᬯᭂᬓᬾᬚᬢᬶ᭞ᬭᬶᬂᬪᬝᬵᬭᬲᭀᬯᬂ᭞ᬫᬦᬄᬳᬸᬚᬃᬮᬦ᭄ᬮᬓ᭄ᬱᬡ᭞ᬫᬗ᭄ᬤᬾᬦᬾᬲᬸᬚᬢᬶᬢᬸᬗ᭄ᬕᬶᬮ᭄᭞ᬢᬸᬃᬫᬜᬸᬓ᭄ᬱ᭄ᬫ᭞ᬢᬢᬸᬯᭂ [᭖ 6A] ᭖ ᬓᬾᬚᬢᬶᬳᭂᬦᬶᬂ᭟ᬫᬵᬦᬹᬢ᭄ᬧᬗᬘᭂᬧ᭄ᬫᬢᬸᬃᬧ᭄ᬬᬸᬦᬶᬗ᭞ᬧᬶᬢᬸᬦᭂᬮᬲᬂᬧᬚᬢᬶ᭞ᬢᬢᭂᬮᬸᬭᬶᬂᬓᬳ᭄ᬬᬗᬦ᭄ᬢᬶᬕ᭞ᬤᬍᬫ᭄ᬧᬸᬲᭂᬄᬧᬸᬭᬤᬾᬰ᭞ᬳᬲᬶᬓᬶᬭᬶᬂᬳ᭄ᬬᬂᬲᬭᬵᬰ᭄ᬯᬢᬶ᭞ᬢᬸᬃᬫᬲᬲᭂᬓᬃ᭞ᬲᬶᬬᬸᬲᬢᬸᬲ᭄ᬮᬶᬦ᭄ᬢᬂᬧ ᬲ᭄ᬢᬶ᭟ᬳᬲᬶᬓᬶᬓᬵᬢᬸᬃᬫᬭᬶᬂᬓᬳ᭄ᬬᬗᬦ᭄ᬩᬜ᭄ᬚᬃ᭞ᬭᬶᬂᬧᬸᬭᬧᬥᬃᬫ᭄ᬫᬦ᭄ᬫᬮᬶᬄ᭞ᬳᬲᬶᬓᬶᬭᬶᬂᬭᭀᬂᬢᬶᬕ᭞ᬧᬧᬶᬢᬸᬦᬾᬚᬗ᭄ᬓᭂᬧ᭄ᬢᭂᬮᬲ᭄᭞ᬓᬓᬃᬬ᭄ᬬᬦᬾᬫᬗ᭄ᬤᬾᬦ᭄‌ᬩᬺᬲᬶᬄ᭞ᬰᬸᬘᬶᬦᬷᬃᬫ᭄ᬫᬮ᭞ᬇᬥᭂᬧ᭄ᬩᬬᬸᬰᬩ᭄ᬤᬰᬸ ᬘᬷ᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬢᬶᬗ᭄ᬓᬳᬾᬫᬢᬸᬃᬧ᭄ᬬᬸᬦᬶᬗ᭞ᬫᬗ᭄ᬓᬶᬦ᭄ᬧᬢᬸᬢ᭄ᬓᬭᬶᬳᬶᬦᬶᬦ᭄᭞ᬭᬶᬂᬧᬹᬃᬡ᭄ᬦᬫᬯᭂᬗᬶᬦ᭄ᬜ᭞ᬫᬓᬃᬬ᭄ᬬᬢᭀᬬᬓᬸᬫ᭄ᬓᬸᬫᬦ᭄᭞ᬳᬦ᭄ᬢᬸᬓ᭄ᬲᭂᬓᬃᬫᬶᬬᬶᬓ᭄ᬫᬶᬬᬶᬓ᭄᭞ᬫᬯᬤᬄᬚᭂᬫ᭄ᬩᭀᬃᬰᬸᬓ᭄ᬮ᭞ ᬢᭀᬬᬳᬜᬃᬓᬤᬕᬶᬗᬶᬦ᭄᭟ᬢᬶᬗ᭄ᬓᬳᬾᬗᬃᬬ᭄ᬬᬦᬶᬦ᭄ᬢᭀᬬᬓᬸᬫ᭄ᬓᬸᬫᬦ᭄᭞ᬚᭂᬫ᭄ᬩᭀᬭᬾᬫᬤᬕᬶᬂᬯᬵᬲ᭄ᬢ᭄ᬭᬧᬸᬢᬶᬄ᭞ᬫᬧᬜ᭄ᬚᬂᬳᬤᭂᬧ᭞ᬓᬦ᭄ᬢᭀᬲ᭄ᬳᬤᭂᬧᬩᭂᬮᬄ᭞ᬭᬭᬶᬲ᭄ᬦᬶᬓᬓᭂᬩᬳᬶᬦ᭄᭞

Auto-transliteration

[5 5B] 5 mkumaneki. pacanghanggenmrayaścitapadewekan, mangdenbhaṭārangicenin, panugrāntoyakumkuman, sujatimapikĕnoḥpisan, nggenngĕdasangmalamali, tur̀maduluran, sajipa jatipuniki. mangdenpadukabhaṭāramañakṣyang, pinunastityangpuniki, mangdatityangkalugraha, ngelinginñamaringrāga, lamakanetityanghuning, ringñamantityang, ringsanel̥ĕkadsawa hi. punikapinunastityangringbhaṭāra, mangderatuledanghugi, ngiceninwaranugraha, oṁśantiśantiśanti'oṁ, bantĕnkahayabangraris, hantukpūjanya, mānūtpangacĕpsuja ti. hatur̀pyuningpatutmangdepatĕḥpisan, mānūttatuwĕkejati, ringbhaṭārasowang, manaḥhujar̀lanlakṣaṇa, mangdenesujatitunggil, tur̀mañukṣma, tatuwĕ [6 6A] 6 kejatihĕning. mānūtpangacĕpmatur̀pyuninga, pitunĕlasangpajati, tatĕluringkahyangantiga, dal̥ĕmpusĕḥpuradeśa, hasikiringhyangsarāśwati, tur̀masasĕkar̀, siyusatuslintangpa sti. hasikikātur̀maringkahyanganbañjar̀, ringpurapadhar̀mmanmaliḥ, hasikiringrongtiga, papitunejangkĕptĕlas, kakar̀yyanemangdenbr̥ĕsiḥ, śucinīr̀mmala, idhĕpbayuśabdaśu cī. sampunpuputtingkahematur̀pyuninga, mangkinpatutkarihinin, ringpūr̀ṇnamawĕnginña, makar̀yyatoyakumkuman, hantuksĕkar̀miyikmiyik, mawadaḥjĕmbor̀śukla, toyahañar̀kadagingin. tingkahengar̀yyanintoyakumkuman, jĕmboremadagingwāstraputiḥ, mapañjanghadĕpa, kantoshadĕpabĕlaḥ, rarisnikakĕbahin,

Leaf 6

Image on Archive.org

[᭖ 6B] ᭖ ᬫᬶᬯᬄᬤᬕᬶᬂᬜ᭞ᬲᭂᬓᬃᬲᬦᬾᬫ᭄ᬭᬶᬓ᭄ᬫ᭄ᬭᬶᬓ᭄᭟ᬯᬸᬲ᭄ᬧᬸᬦᬶᬓᬓᬤᬕᬶᬗᬶᬦ᭄ᬢᭀᬬᬳᬜᬃ᭞ᬧᬸᬦᬶᬓᬲᬫ᭄ᬧᬸᬦ᭄ᬧᬲ᭄ᬢᬶ᭞ᬢᭀᬬᬓᬸᬫ᭄ᬓᬸᬫᬦ᭄᭞ᬤᬹᬧᬭᬭᬶᬲ᭄ᬓᬳᬶᬤᬸᬧᬂ᭞ᬓᬢᬄᬜᬦᬾᬲᭀᬮᬲ᭄ᬓᬢᬶᬄ᭞ᬕᭂᬦ ᬳᬂᬭᬶᬂᬳᬲᬕᬦ᭄᭞ᬫᬭᬶᬂᬫ᭄ᬭᬚᬦ᭄ᬲᬸᬚᬢᬶ᭟ᬲᬵᬫ᭄ᬧᬸᬦ᭄ᬲᬺᬕᭂᬧ᭄‌ᬢᭀᬬᬓᬸᬫ᭄ᬓᬸᬫᬦ᭄ᬳᬶᬦᬸᬘᬧ᭄᭞ᬭᬭᬶᬲ᭄ᬫᬢᬸᬃᬧ᭄ᬬᬸᬦᬶᬂ᭞ᬫᬓᬤᬶᬦᬾᬓᬳᬸᬘᬧ᭄᭞ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬵᬫᬰᬶᬯ᭞ᬳᬸᬤᬸᬄᬭᬢᬸᬲᬂᬳ᭄ᬬᬂᬭ ᬯᬶ᭞ᬲᬵᬓ᭄ᬱᬶᬦᬶᬂᬚᬕᬢ᭄᭞ᬫᬤᬸᬮᬸᬭᬦ᭄ᬲᬲᬚᬶ᭟ᬧ᭄ᬭᬲ᭄ᬳᬚᬸᬫᬦ᭄ᬫᬓᬫᬶᬯᬄᬤᬓ᭄ᬱᬶᬡ᭞ᬢᬶᬢ᭄ᬬᬂᬦᬸᬦᬲ᭄ᬓᬲᬓ᭄ᬱᬶᬡᬶᬦ᭄᭞ᬧᬵᬤᬸᬓᬪᬝᬵᬭᬜᬓ᭄ᬱ᭄ᬬᬂ᭞ᬢᬶᬢ᭄ᬬᬂᬗᬃᬬ᭄ᬬᬦᬶᬦ᭄ᬓᬸᬫ᭄ᬓᬸᬫᬦ᭄᭞ᬧᬘᬂᬳ ᬗ᭄ᬕᬾᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬺᬲᬶᬳᬂᬲᬶᬓ᭄ᬬᬦ᭄᭞[strike]ᬫᬗ᭄ᬤᬾᬦ᭄ᬳᬶᬭᬢᬸᬗᬶᬘᬾᬦᬶᬦ᭄᭟ᬧᬦᬸᬕ᭄ᬭᬳᬦ᭄ᬢᭀᬬᬓᬸᬫ᭄ᬓᬸᬫᬦ᭄ᬧᬸᬦᬶᬓ᭞ᬲᬸᬚᬢᬶᬫᬧᬶᬓᭀᬮᬶᬄ [᭗ 7A] ᭗ ᬩᭂᬘᬶᬓ᭄᭞ᬗ᭄ᬕᬾᬦ᭄ᬗᭂᬤᬲᬂᬧᬤᬾᬯᬾᬓᬦ᭄᭞ᬫᬤᬸᬮᬸᬭᬦ᭄ᬲᬲᬚ᭄ᬬ᭞ᬫᬗ᭄ᬤᬾᬦ᭄ᬪᬝᬵᬭᬜᬓ᭄ᬱᬶᬦᬶᬦ᭄᭞ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬭᬶᬂᬪᬝᬵᬭᬮᬦ᭄ᬪᬝᬵᬭᬷ᭟ᬭᬶᬂᬓᬳ᭄ᬬᬗᬦ᭄ᬢᬶᬕᬮᬦ᭄ᬓᬳ᭄ᬬᬗᬦ᭄ᬩᬜ᭄ᬚᬃ᭟ᬭᬶᬂᬓᬱ᭄ᬝᬭᬶᬂᬳ᭄ᬬᬂᬕᬸᬭᬸᬫ ᬮᬶᬄ᭞ᬮᬦ᭄ᬭᬶᬂᬲᬂᬳ᭄ᬬᬂᬲᬭᬵᬰ᭄ᬯᬢ᭄ᬬ᭞ᬦᬸᬦᬲ᭄ᬫᬗ᭄ᬤᬾᬓᬮᬸᬕ᭄ᬭᬳ᭞ᬗᬶᬤᬸᬧᬂᬕᭂᬦᬶᬧᬤᬶᬤᬶ᭞ᬭᬶᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬮᬫᬓᬦᬾᬢᬶᬢ᭄ᬬᬳᬸᬦᬶᬂ᭟ᬭᬶᬂᬲᬫᭂᬢᭀᬦ᭄ᬢᬶᬢ᭄ᬬᬂᬲᬦᬾᬧᬶᬦᬶᬄᬯᬺᬤ᭄ᬥᬶ᭞ᬲᬦᬾᬍᬓᬤ᭄ᬲᬯᬳᬶ᭞ ᬳᬲᬧᬸᬦᬶᬓᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬭᬶᬂᬧᬤᬸᬓᬪᬝᬵᬭ᭞ᬫᬗ᭄ᬤᬳᬶᬭᬢᬸᬗᬶᬘᬾᬦᬶᬦ᭄᭞ᬯᬭᬦᬸᬕ᭄ᬭᬳ᭞ᬒᬁᬰᬦ᭄ᬢᬶᬰᬦ᭄ᬢᬶᬰᬦ᭄ᬢᬶ᭟ᬯᬸᬲ᭄ᬧᬸᬦᬶᬓᬩᬦ᭄ᬢᭂᬦᬾᬓᬳᬬᬩᬂ᭞ᬫᬵᬦᬹᬢ᭄ᬓᬤᬶᬦᬾᬳᬸᬦᬶᬗᬶᬦ᭄᭞ ᬳᬦ᭄ᬢᬸᬓ᭄ᬭᬯᭀᬲ᭄ᬧᬧᭀᬚᭀᬮᬦ᭄᭞ᬧᬲ᭄ᬢ᭄ᬬᬂᬢᬢᬸᬯᭂᬓ᭄ᬜ᭞ᬫᬦᬄᬭᬯᭀᬲ᭄ᬢᬶᬗ᭄ᬓᬄᬢᬶᬮᬶᬂ᭞ᬢᬦ᭄ᬤᬤᭀᬲ᭄ᬲᬶᬗ᭄ᬲᬮ᭄᭞ᬢ᭄ᬭᬶᬧ᭄ᬭᬫᬦᬢᬸᬗ᭄ᬕᬶᬮ᭄ᬚᬢᬶ᭟ᬯᬸᬲ᭄ᬧᬸᬦᬶᬓᬢᭀᬬᬓᬸᬫ᭄ᬓᬸᬫᬦ᭄ᬓᬳᬸᬗ᭄ᬓᬸᬮᬂ᭞

Auto-transliteration

[6 6B] 6 miwaḥdagingña, sĕkar̀sanemrikmrik. wuspunikakadagingintoyahañar̀, punikasampunpasti, toyakumkuman, dūparariskahidupang, kataḥñanesolaskatiḥ, gĕna hangringhasagan, maringmrajansujati. sāmpunsr̥ĕgĕptoyakumkumanhinucap, rarismatur̀pyuning, makadinekahucap, oṁawighnamāstunāmaśiwa, huduḥratusanghyangra wi, sāksyiningjagat, maduluransasaji. prashajumanmakamiwaḥdaksyiṇa, tityangnunaskasaksyiṇin, pādukabhaṭārañakṣyang, tityangngar̀yyaninkumkuman, pacangha nggentityangmangkin, mr̥ĕsihangsikyan, [strike]mangdenhiratungicenin. panugrahantoyakumkumanpunika, sujatimapikoliḥ [7 7A] 7 bĕcik, nggenngĕdasangpadewekan, maduluransasajya, mangdenbhaṭārañaksyinin, pinunastityang, ringbhaṭāralanbhaṭārī. ringkahyangantigalankahyanganbañjar̀. ringkaṣṭaringhyangguruma liḥ, lanringsanghyangsarāśwatya, nunasmangdekalugraha, ngidupanggĕnipadidi, ringdewektityang, lamakanetityahuning. ringsamĕtontityangsanepiniḥwr̥ĕddhi, sanel̥ĕkadsawahi, hasapunikapinunastityang, ringpadukabhaṭāra, mangdahiratungicenin, waranugraha, oṁśantiśantiśanti. wuspunikabantĕnekahayabang, mānūtkadinehuningin, hantukrawospapojolan, pastyangtatuwĕkña, manaḥrawostingkaḥtiling, tandadossingsal, tripramanatunggiljati. wuspunikatoyakumkumankahungkulang,

Leaf 7

Image on Archive.org

[᭗ 7B] ᭗ ᬭᬶᬂᬳᬲᭂᬧᬾᬲᭀᬮᬲ᭄ᬓᬢᬶᬄ᭞ᬢᬸᬃᬫᬓᭂᬢᬶᬲ᭄ᬓᬲᬸᬕ᭄ᬬᬂ᭞ᬮᬦ᭄ᬗᬶᬦᭂᬫ᭄ᬧᬶᬂᬢᬶᬕ᭞ᬫᬋᬧ᭄ᬓᬗᬶᬦ᭄ᬓᭂᬮᭀᬤ᭄ᬮᬦ᭄ᬓᬯᬸᬄᬫᬮᬶᬄ᭞ᬢᭂᬭᬸᬲᬂᬓᬚ᭞ᬫᭂᬦᬾᬓ᭄ᬓᬢᭂᬗᬄᬮᬦ᭄ᬦᭂᬤᬸᬦᬶᬦ᭄᭟ᬮᬯᬸᬢᬂᬦᬾᬫᬗ᭄ᬓᬶᬦ᭄ᬭᬭᬶᬲ᭄ᬫᬲᬶᬭᬫ᭄᭞ ᬳᬦ᭄ᬢᬸᬓ᭄ᬢᭀᬬᬓᬸᬫ᭄ᬓᬸᬫᬦ᭄ᬲᬸᬚᬢᬶ᭞ᬭᬶᬂᬕᭂᬦᬄᬧᬲᬶᬭᬫᬦ᭄᭞ᬲᬵᬫ᭄ᬧᬸᬦᬂᬫᬲᬶᬭᬫ᭄ᬭᬶᬂᬫ᭄ᬭᬚᬦ᭄᭞ᬓᬦ᭄ᬢᭀᬲ᭄ᬢᭀᬬᬦᬾᬢᭂᬮᬲ᭄ᬲᬫᬶ᭞ᬯᬸᬲ᭄ᬧᬸᬦᬶᬓ᭞ᬯᬲ᭄ᬢ᭄ᬭᬧᬸᬢᬶᬄᬳᬗ᭄ᬕᬾᬦ᭄ᬤᭂᬲ᭄ᬢᬃᬓᬫ᭄ᬧᬸᬄᬫᬮᬶᬄ᭟ᬲᬫ᭄ᬧᬸᬦ᭄ᬲᬺ ᬕᭂᬧ᭄ᬲᬯᬢᬭᬢᭂᬗᬄᬭᬵᬢ᭄ᬭ᭄ᬬ᭞ᬤᬤᭀᬲ᭄ᬲᬫ᭄ᬧᬸᬦ᭄ᬓᬭᬶᬳᬶᬦᬶᬦ᭄᭞ᬲᭂᬫᬥᬶᬓᬮᬓ᭄ᬱᬡᬬᬂ᭞ᬗᬶᬤᬸᬧᬂᬕᭂᬦᬶᬭᬶᬂᬭᬵᬕ᭞ᬳᬦ᭄ᬢᬸᬓ᭄ᬫᬰᬶᬮᬧᬂᬧᬲ᭄ᬢᬶ᭞ᬘᭀᬓᭀᬃᬢᭂᬗᭂᬦᬾᬤᬸᬯᬸᬭᬦ᭄᭞ᬗᬕᭂᬫ᭄ᬤᬸᬧᬲᭀᬮ ᬲ᭄ᬓᬢᬶᬄ᭟ᬰᬰᬶᬮᬦᬾᬘᭀᬓᭀᬃᬢᭂᬗᭂᬦᬾᬤᬸᬯᬸᬭᬦ᭄᭞ᬗᬋᬧᬶᬦ᭄ᬤᬸᬧᬲᭀᬮᬲ᭄ᬓᬢᬶᬄ᭞ᬫᬗᬸᬓᬸᬧ᭄ᬤᬸᬧᬧᬶᬂᬢᬶᬕ᭞ᬓᬳᬸᬲᬧᬂᬭᬶᬂᬫᬸᬯ᭞ᬧᬶᬂᬢᬶᬕᬫᬋᬧ᭄ᬭᬶᬂᬤᬶᬭᬶ᭞ᬭᬭᬶᬲ᭄ᬫᬗᬚᬧ᭄᭞ᬲᬂᬳ᭄ᬬᬂᬇᬩᬸ [᭘ 8A] ᭘ ᬧᬺᬣᬶᬯᬶ᭟ᬢᬢᬸᬚᭀᬦ᭄ᬫᬲᭂᬫᬤᬶᬧᬂᬓᬭᬳᬬ᭄ᬯᬦ᭄᭞ᬳᬚᬧ᭄ᬳᬶᬤᬲᬂᬳ᭄ᬬᬂᬮᬗᬶᬢ᭄᭞ᬗᬸᬓᬸᬧ᭄ᬤᬸᬧᬧᬶᬂᬢᬶᬕ᭞ᬧᬢᭂᬄᬓᬤᬶᬮᬶᬦ᭄ᬢᬂ᭞ᬫᬸᬱ᭄ᬧᬭᬶᬂᬳᬶᬤᬳ᭄ᬬᬂᬯᬶᬥᬶ᭞ᬢᬦ᭄ᬗᬗ᭄ᬕᬾᬲᭂᬓᬃ᭞ᬲᬳᬫᬧᬶᬦᬸᬦᬲ᭄ᬫᬮᬶᬄ᭟ᬫ ᬗ᭄ᬤᬾᬭᬵᬳᬚᭂᬂᬧᬫᬃᬕ᭄ᬕᬶᬦᬾᬫᬲᭂᬫᬥ᭄ᬬ᭞ᬗᬭᬭᬶᬲ᭄ᬫᬩᬓ᭄ᬢᬶᬫᬮᬶᬄ᭞ᬭᬶᬂᬲᬂᬳ᭄ᬬᬂᬫᬳ᭄ᬬᬂᬭᬶᬂᬭᬵᬕ᭞ᬢᬗᬦ᭄ᬫᬕᭂᬦᬄᬭᬶᬂᬭᬵᬕ᭞ᬭᬶᬂᬮᬮᬸᬳᬸᬃᬧᬶᬦᬸᬦᬲᬾᬫᬗ᭄ᬓᬶᬦ᭄᭞ᬪᬝᬵᬭᬶᬪᬝᬵᬭ᭞ᬢᬗᬦᬾᬭᬶᬂᬳᬸᬮᬸᬦ᭄ᬳ ᬢᬶ᭟ᬯᬸᬲ᭄ᬧᬸᬦᬶᬓᬭᬭᬶᬲ᭄ᬫᬗᬸᬜ᭄ᬘᬭᬂᬒᬁ᭞ᬢᬗᬦ᭄ᬢᬶᬸᬦ᭄ᬦᬸᬦᬲ᭄ᬢᬷᬃᬣᬫᬓᬵᬤᬶ᭞ᬲᬫᬵᬥᬶᬢᭂᬭᬸᬲ᭄ᬮᬓ᭄ᬱᬡᬬᬂ᭞ᬭᬶᬂᬓᬬᬸᬦ᭄ᬗᬸᬘᬧ᭄ᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬧᬂᬳᬸᬦᬶᬗᬶᬦ᭄ᬲᬫᭂᬢᭀᬦᬾᬚᬢᬶ᭞ᬦᬾᬧᬮᬶᬂᬯᬬᬄ᭞ ᬲᬦᬾᬫᭂᬤᬮ᭄ᬲᬯᬳᬶ᭟ᬳᬗ᭄ᬲᭂᬗᬦᬾᬧᬢᬸᬢ᭄ᬢᬍᬃᬓᬳᬶᬫ᭄ᬩᬗᬂ᭞ᬫᭂᬤᬮ᭄ᬓᬮᬯᬦ᭄ᬗᬭᬜ᭄ᬚᬶᬂ᭞ᬫᬗ᭄ᬤᬾᬚᬢᬶᬚᬢᬶᬧᬧᬢᭂᬳᬦ᭄᭞ᬧᬜᬶᬗᬓᬦᬾᬳᬦᬶᬤ᭄ᬭ᭞ᬦᬾᬦ᭄ᬢᭂᬦ᭄ᬤᬤᭀᬲ᭄‌ᬢᭀᬮᬄᬢᭀᬮᬶᬄ᭞

Auto-transliteration

[7 7B] 7 ringhasĕpesolaskatiḥ, tur̀makĕtiskasugyang, lannginĕmpingtiga, mar̥ĕpkanginkĕlodlankawuḥmaliḥ, tĕrusangkaja, mĕnekkatĕngaḥlannĕdunin. lawutangnemangkinrarismasiram, hantuktoyakumkumansujati, ringgĕnaḥpasiraman, sāmpunangmasiramringmrajan, kantostoyanetĕlassami, wuspunika, wastraputiḥhanggendĕstar̀kampuḥmaliḥ. sampunsr̥ĕ gĕpsawataratĕngaḥrātrya, dadossampunkarihinin, sĕmadhikalakṣaṇayang, ngidupanggĕniringrāga, hantukmaśilapangpasti, cokor̀tĕngĕneduwuran, ngagĕmdupasola skatiḥ. śaśilanecokor̀tĕngĕneduwuran, ngar̥ĕpindupasolaskatiḥ, mangukupdupapingtiga, kahusapangringmuwa, pingtigamar̥ĕpringdiri, rarismangajap, sanghyangibu [8 8A] 8 pr̥ĕthiwi. tatujonmasĕmadipangkarahaywan, hajap'hidasanghyanglangit, ngukupdupapingtiga, patĕḥkadilintang, muṣparinghidahyangwidhi, tannganggesĕkar̀, sahamapinunasmaliḥ. ma ngderāhajĕngpamar̀gginemasĕmadhya, ngararismabaktimaliḥ, ringsanghyangmahyangringrāga, tanganmagĕnaḥringrāga, ringlaluhur̀pinunasemangkin, bhaṭāribhaṭāra, tanganeringhulunha ti. wuspunikararismanguñcarangoṁ, tangant̶nnunastīr̀thamakādi, samādhitĕruslakṣaṇayang, ringkayunngucapsanghyangtunggal, panghuninginsamĕtonejati, nepalingwayaḥ, sanemĕdalsawahi. hangsĕnganepatuttal̥ĕr̀kahimbangang, mĕdalkalawanngarañjing, mangdejatijatipapatĕhan, pañingakanehanidra, nentĕndadostolaḥtoliḥ,

Leaf 8

Image on Archive.org

[᭘ 8B] ᭘ ᬳᬸᬢᬯᬶᬮᬾᬤᬧ᭄᭞ᬓᬬᬸᬦᬾᬫᬗ᭄ᬤᬫᬫᭂᬲᬶᬓ᭄᭟ᬯᬸᬲ᭄ᬧᬸᬦᬶᬓᬲᭂᬫᬥᬶᬤᬤᭀᬲ᭄ᬓᬍᬩᬃ᭞ᬭᬶᬂᬧᬶᬓᬬᬸᬦ᭄ᬳᬸᬘᬧᬾᬢᬶᬮᬶᬂ᭞ᬭᬭᬶᬲ᭄ᬫᬗᬸᬓᬸᬧ᭄ᬤᬸᬧ᭞ᬫᬓᬤᬶᬲᬦᬾᬧᬗᭂᬦ᭄ᬤᬕ᭄᭞ᬧᬜᬶᬗᬓᬦ᭄ᬓᭂᬤᬢ᭄ᬫᬗ᭄ᬓᬶᬦ᭄᭞ ᬢᬸᬃᬫᬸᬱ᭄ᬧᬫᬢᬮᬂ᭞ᬳᬫᬾᬢ᭄ᬲᬂᬳ᭄ᬬᬂᬢᬶᬕᬲᬓ᭄ᬢᬶ᭟ᬦᬾᬧᬜᬸᬫᬸᬲᬂᬳ᭄ᬬᬂᬇᬩᬸᬧᬺᬣᬶᬯ᭄ᬬ᭞ᬲᬂᬳ᭄ᬬᬂᬰᬶᬯᬭᬵᬤᬶᬢ᭄ᬬᬫᬮᬶᬄ᭞ᬢᬍᬃᬳᬶᬤᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬫᬗ᭄ᬤᬾᬦᬾᬳᬶᬤᬲᬸᬯᬾᬘ᭞ᬗᭂᬫ᭄ᬩᬦ᭄ᬳᬶ ᬭᬵᬕᬫᬗ᭄ᬓᬶᬦ᭄᭞ᬢᬸᬃᬗᬫᬗ᭄ᬕᭂᬳᬂ᭞ᬓᬭᬳᬚᭂᬗᬦ᭄ᬲᬸᬚᬢᬶ᭟ᬭᬢᬸᬲᬂᬳ᭄ᬬᬂᬇᬩᬸᬧᬺᬣᬶᬯᬶᬳᬓᬱ᭞ᬢᬍᬃᬭᬢᬸᬲᬂᬳ᭄ᬬᬂᬯᬶᬥᬶ᭞ᬦᬾᬓᬩᬯᭀᬲ᭄ᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬢᬶᬢ᭄ᬬᬂᬚᬕᬶᬫᬗᬚ ᬧ᭄᭞ᬭᬶᬂᬜᬫᬦᬾᬧᬶᬦᬶᬄᬓᭂᬮᬶᬄ᭞ᬫᬗ᭄ᬤᬾᬦ᭄ᬜᬢᬶᬢ᭄ᬬᬂ᭞ᬓᬳᭂᬫ᭄ᬩᬦ᭄ᬲᬳᬶᬲᬳᬶ᭟ᬬᬦᬶᬂᬲᬫ᭄ᬧᬸᬦ᭄‌ᬬᬸᬓ᭄ᬢᬶᬲᬳᬸᬦᬶᬗ᭞ᬭᬶᬂᬲᭂᬫᭂᬢᭀᬦᬾᬭᬶᬂᬭᬵᬕᬚᬢᬶ᭞ᬬᬦ᭄ᬯᬾᬦ᭄ᬢᭂᬦ᭄ᬧᬘᬂᬢᬓᬾᬦᬂ᭞ [᭙ 9A] ᭙ ᬦᬾᬧᬮᬶᬂᬓᭂᬮᬶᬄᬬᬳᬚᬧ᭄᭞ᬫᬗ᭄ᬤᬮᬾᬤᬂᬫᬶᬤᬃᬣᬳᬶᬦ᭄᭞ᬢᬸᬃᬜᬶᬦᬳᬂ᭞ᬫᬋᬧ᭄ᬭᬶᬂᬦᬾᬘᭂᬦᬶᬓ᭄ᬘᭂᬦᬶᬓ᭄᭟ᬦᬾᬧᬸᬦᬶᬓᬤᬸᬫᬸᬦ᭄ᬧᬢᬸᬢ᭄ᬓᬋᬲᭂᬧᬂ᭞ᬤᬹᬃᬫ᭄ᬫᬦᬾᬕᭂᬦ᭄ᬢᭀᬲᬶᬦ᭄ᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬧᬸᬘᬸᬂ ᬧᬧᭀᬚᭀᬮᬦ᭄᭞ᬓᬤᬕᬶᬗᬶᬦ᭄ᬢᬸᬯᬓ᭄ᬳᬭᬓ᭄᭞ᬫᬗ᭄ᬤᬾᬦ᭄‌ᬯᬾᬦ᭄ᬢᭂᬦ᭄ᬫᬗᭂᬩ᭄ᬬᬳᬶᬦ᭄᭞ᬳᬦ᭄ᬢᬸᬓ᭄ᬢᬢᬩᬸᬳᬦ᭄᭞ᬫᬗ᭄ᬤᬾᬢᬢᬲ᭄ᬓᬳᬸᬦᬶᬗᬶᬦ᭄᭟᭜᭟ᬧᬸᬄᬧᬸᬘᬸᬂ᭟ᬲᬫ᭄ᬧᬸᬦ᭄ᬧᬸᬢᬸᬲ᭄᭞ᬧ ᬫᬃᬕ᭄ᬕᬶᬲᬦᬾᬓᬵᬢᬸᬃ᭞ᬫᬕᬤᬂᬓᬍᬫᬄ᭞ᬗᬮᬓ᭄ᬱᬡᬬᬂᬲᬫᬥᬶ᭞ᬫᬗ᭄ᬤᬾᬦ᭄ᬧᬗ᭄ᬕᬸᬄ᭞ᬜᬫᬦᬾᬍᬓᬤ᭄ᬲᬤᬶᬦ᭟ᬫᬗ᭄ᬓᬶᬦ᭄ᬢᬸᬢᬸᬕ᭄᭞ᬳᬧᬶᬲᬦ᭄ᬧᬗᭂᬮᭀᬂᬳᬶᬧᬸᬦ᭄᭞ᬭᬵᬳᬶᬦᬲᭂᬫᭂᬗᬦ᭄᭞ ᬧᬢᬸᬢ᭄ᬮᬦ᭄ᬢᬸᬭᬂᬦᬾᬤᬶᬩᬶ᭞ᬫᬵᬢᬸᬃᬳᬢᬸᬃ᭞ᬭᬶᬂᬪᬝᬵᬭᬤᬶᬫ᭄ᬭᬚᬦ᭄᭟ᬧᬢᬸᬢ᭄ᬫᬢᬸᬃ᭞ᬭᬶᬂᬳᬶᬤᬧᬭᬮᬮᬸᬳᬸᬃᬭᬶᬂᬳᬶᬤᬪᬝᬵᬭ᭞ᬤᬾᬯᬢᬫ᭄ᬯᬂᬤᬾᬯᬢᬶ᭞ᬫᬗ᭄ᬤᬾᬦ᭄ᬳᬲᬸᬂ᭞ᬗᬶᬘᬾᬦᬶᬦ᭄ᬯᬭ

Auto-transliteration

[8 8B] 8 hutawiledap, kayunemangdamamĕsik. wuspunikasĕmadhidadoskal̥ĕbar̀, ringpikayunhucapetiling, rarismangukupdupa, makadisanepangĕndag, pañingakankĕdatmangkin, tur̀muṣpamatalang, hametsanghyangtigasakti. nepañumusanghyangibupr̥ĕthiwya, sanghyangśiwarādityamaliḥ, tal̥ĕr̀hidasanghyangtunggal, mangdenehidasuweca, ngĕmbanhi rāgamangkin, tur̀ngamanggĕhang, karahajĕngansujati. ratusanghyangibupr̥ĕthiwihakaṣa, tal̥ĕr̀ratusanghyangwidhi, nekabawossanghyangtunggal, tityangjagimangaja p, ringñamanepiniḥkĕliḥ, mangdenñatityang, kahĕmbansahisahi. yaningsampunyuktisahuninga, ringsĕmĕtoneringrāgajati, yanwentĕnpacangtakenang, [9 9A] 9 nepalingkĕliḥyahajap, mangdaledangmidar̀thahin, tur̀ñinahang, mar̥ĕpringnecĕnikcĕnik. nepunikadumunpatutkar̥ĕsĕpang, dūr̀mmanegĕntosinmangkin, hantukpucung papojolan, kadagingintuwak'harak, mangdenwentĕnmangĕbyahin, hantuktatabuhan, mangdetataskahuningin \\•\\ puḥpucung. sampunputus, pa mar̀ggisanekātur̀, magadangkal̥ĕmaḥ, ngalakṣaṇayangsamadhi, mangdenpangguḥ, ñamanel̥ĕkadsadina. mangkintutug, hapisanpangĕlonghipun, rāhinasĕmĕngan, patutlanturangnedibi, mātur̀hatur̀, ringbhaṭāradimrajan. patutmatur̀, ringhidaparalaluhur̀ringhidabhaṭāra, dewatamwangdewati, mangdenhasung, ngiceninwara

Leaf 9

Image on Archive.org

[᭙ 9B] ᭙ ᬦᬸᬕ᭄ᬭᬳ᭟ᬕᭂᬦᬄᬫᬢᬸᬃ᭞ᬭᬶᬂᬭᭀᬂᬢᬶᬕᬲᬦᬾᬧᬢᬸᬢ᭄᭞ᬳᬶᬭᬶᬓᬭᬶᬂᬧᬫ᭄ᬭᬚᬦ᭄᭞ᬢᬍᬃᬤᬸᬮᬸᬭᬶᬦ᭄ᬲᬲᬚᬶ᭞ᬲᬦᬾᬓᬢᬸᬃ᭞ᬧ᭄ᬭᬬᬰ᭄ᬙᬶᬢᬰᬭᬶᬫᬧᬬᬲ᭄᭟ᬤᬸᬮᬸᬃᬳᬶᬧᬸᬦ᭄᭞ᬢᬸᬫ᭄ᬧᭂᬂᬧᬸᬢᬶᬄᬓᬸᬦᬶᬂ ᬓᬢᬸᬃ᭞ᬢᬍᬃᬫᬧᭂᬓᬶᬭᬦ᭄᭞ᬳᬸᬮᬫ᭄ᬜᬦᬾᬳᬬᬫ᭄ᬧᬸᬢᬶᬄ᭞ᬢᬶᬗ᭄ᬓᬳᬶᬧᬸᬦ᭄᭞ᬳᬬᬫᬾᬧᬢᬸᬢ᭄ᬓᬧᬗ᭄ᬕᬂ᭟ᬢᬍᬃᬫᬸᬗ᭄ᬕᬸᬄ᭞ᬭᬓᬭᬓᬤᬕᬶᬂᬳᬶᬧᬸᬦ᭄᭞ᬧᬢᬸᬢ᭄ᬓᬤᬕᬶᬗᬂ᭞ᬓᬢᬄᬜᬦᬾᬓ ᬮᬶᬄᬓᬮᬶᬄ᭞ᬮᬦ᭄ᬢᬸᬃᬳᬶᬧᬸᬦ᭄᭞ᬩᬸᬗ᭄ᬓᬓ᭄ᬜᬸᬄᬕᬤᬶᬂᬘᬸᬫᬤᬂ᭟ᬢᬍᬃᬫᬸᬗ᭄ᬕᬸᬄ᭞ᬲᬲᬚᬶᬲᬦᬾᬓᬳᬢᬸᬃ᭞ᬲᬫ᭄ᬧᬸᬦ᭄ᬓᬕᭂᬦᬳᬂ᭞ᬤᬯᭂᬕ᭄ᬧᬹᬡ᭄ᬦᬫᬦᬾᬤᬶᬩᬶ᭞[strike]ᬢᭂᬕᭂᬲ᭄ᬳᬶᬧᬸᬦ᭄᭞ᬳᬭ ᬳᬶᬦᬓᬳᬶᬥᭂᬧᬂ᭟ᬤᬸᬭᬸᬂᬧᬸᬧᬸᬢ᭄᭞ᬩᬸᬗ᭄ᬓᬓ᭄‌ᬜᬸᬄᬕᬤᬶᬂᬧᬂᬧᬸᬧᬸᬢ᭄᭞ᬲᬳᬤᬕᬶᬂᬜ᭞ᬳᬋᬂᬓᭂᬃᬢᬲ᭄ᬦᬾᬫᬢᬸᬮᬶᬲ᭄᭞ᬢᬸᬮᬶᬲ᭄ᬳᬶᬧᬸᬦ᭄᭞ᬲᬓᬤᬶᬲᬦᬾᬓᬢᬸᬦᬲ᭄᭟ [᭑᭐ 10A] ᭑᭐ ᬢᬍᬃᬫᬸᬗ᭄ᬕᬸᬄ᭞ᬳᬶᬦ᭄ᬤᬶᬓ᭄ᬩᬸᬗ᭄ᬓᬓ᭄ᬦᬾᬓᬳᬢᬸᬃ᭞ᬧᬸᬧᬸᬢ᭄ᬧ᭄ᬭᬢᬾᬓᬬᬂ᭞ᬢᬸᬭᬶᬂᬲᬫ᭄ᬧᬸᬦ᭄ᬫᬓᬲ᭄ᬢᬸᬭᬶ᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬲᬲᬚᬶᬲᬫᬶᬘᬸᬫᬤᬂ᭟ᬫᬗ᭄ᬓᬶᬦ᭄ᬢᬸᬢᬸᬕ᭄᭞ᬢᬶᬗ᭄ᬓᬳᬾᬧᬘᬂᬫᬳᬢᬸᬃ᭞ᬭᬶᬂᬳᬶᬤᬪ ᬝᬭ᭞ᬫ᭄ᬯᬂᬤᬾᬯᬢᬤᬾᬯᬢᬶ᭞ᬮᬦ᭄ᬮᬮᬸᬳᬸᬃ᭞ᬦᬾᬲᬫᬶᬦᭂᬋᬳᬂᬢᬶᬢ᭄ᬬᬶ᭟ᬢᬶᬗ᭄ᬓᬄᬫᬵᬢᬸᬃ᭞ᬒᬁᬅᬯᬶᬖ᭄ᬦᬫᬲ᭄ᬢᬸ᭞ᬧᬤᬸᬓᬪᬝᬵᬭ᭞ᬫ᭄ᬯᬂᬤᬾᬯᬢᬤᬾᬯᬢᬶ᭞ᬮᬦ᭄ᬮᬮᬸᬳᬸᬃ᭞ᬫᬗ᭄ᬤᬾᬦ᭄ᬲᬋᬂᬲᬫᬶᬓᬾᬦ ᬓ᭄᭟ᬢᬶᬢ᭄ᬬᬫᬢᬸᬃ᭞ᬲᬋᬂᬲᬫᬶᬓᬾᬦᬓ᭄ᬢᭂᬤᬸᬦ᭄᭞ᬭᬶᬂᬧ᭄ᬬᬸᬦᬶᬂᬢᬶᬢ᭄ᬬᬂ᭞ᬭᬳᬶᬦᬯᭂᬗᬶᬦᬾᬤᬶᬩᬶ᭞ᬢᬍᬃᬲᬫ᭄ᬧᬸᬦ᭄᭞ᬪᬝᬵᬭᬲᬹᬃᬬ᭄ᬬᬜᬓ᭄ᬱ᭄ᬬᬂ᭟ᬢᬶᬢ᭄ᬬᬂᬫᬢᬸᬃ᭞ᬭᬶᬂᬳᬶᬤᬪᬝᬵᬭᬕᬸᬭᬸ᭞ᬳᬶᬤᬲᬂᬳ᭄ᬬᬂᬢᬸ ᬗ᭄ᬕᬮ᭄᭞ᬫ᭄ᬯᬂᬲᬂᬳ᭄ᬬᬂᬲᬭᬵᬰ᭄ᬯᬢᬶ᭞ᬫ᭄ᬯᬂᬮᬮᬸᬳᬸᬃ᭞ᬢᬍᬃᬭᬶᬂᬓᬳ᭄ᬬᬗᬦ᭄ᬓᬱ᭄ᬝ᭟ᬢᬍᬃᬫᬢᬸᬃ᭞ᬭᬶᬂᬓᬳ᭄ᬬᬗᬦ᭄ᬢᬶᬕᬲᬫ᭄ᬧᬸᬦ᭄᭞ᬲᬦᬾᬫᬚᬮᬭᬦ᭄᭞ᬳᬦ᭄ᬢᬸᬓᬾᬢᬶᬢ᭄ᬬᬂᬫᬩᭂᬲᬶᬄ᭞ᬰ᭄ᬭᬡᬦ᭄ᬳᬶᬧᬸᬦ᭄᭞

Auto-transliteration

[9 9B] 9 nugraha. gĕnaḥmatur̀, ringrongtigasanepatut, hirikaringpamrajan, tal̥ĕr̀dulurinsasaji, sanekatur̀, prayaśchitaśarimapayas. dulur̀hipun, tumpĕngputiḥkuning katur̀, tal̥ĕr̀mapĕkiran, hulamñanehayamputiḥ, tingkahipun, hayamepatutkapanggang. tal̥ĕr̀mungguḥ, rakarakadaginghipun, patutkadagingang, kataḥñaneka liḥkaliḥ, lantur̀hipun, bungkakñuḥgadingcumadang. tal̥ĕr̀mungguḥ, sasajisanekahatur̀, sampunkagĕnahang, dawĕgpūṇnamanedibi, [strike]tĕgĕshipun, hara hinakahidhĕpang. durungpuput, bungkakñuḥgadingpangpuput, sahadagingña, har̥ĕngkĕr̀tasnematulis, tulishipun, sakadisanekatunas. [10 10A] 10 tal̥ĕr̀mungguḥ, hindikbungkaknekahatur̀, puputpratekayang, turingsampunmakasturi, mangkinsampun, sasajisamicumadang. mangkintutug, tingkahepacangmahatur̀, ringhidabha ṭara, mwangdewatadewati, lanlaluhur̀, nesaminĕr̥ĕhangtityi. tingkaḥmātur̀, oṁawighnamastu, padukabhaṭāra, mwangdewatadewati, lanlaluhur̀, mangdensar̥ĕngsamikena k. tityamatur̀, sar̥ĕngsamikenaktĕdun, ringpyuningtityang, rahinawĕnginedibi, tal̥ĕr̀sampun, bhaṭārasūr̀yyañakṣyang. tityangmatur̀, ringhidabhaṭāraguru, hidasanghyangtu nggal, mwangsanghyangsarāśwati, mwanglaluhur̀, tal̥ĕr̀ringkahyangankaṣṭa. tal̥ĕr̀matur̀, ringkahyangantigasampun, sanemajalaran, hantuketityangmabĕsiḥ, śraṇanhipun,

Leaf 10

Image on Archive.org

[᭑᭐ 10B] ᭑᭐ ᬳᬦ᭄ᬢᬸᬓ᭄ᬢᭀᬬᬓᬸᬫ᭄ᬓᬸᬫᬦ᭄᭟ᬢᬶᬢ᭄ᬬᬂᬲᬫ᭄ᬧᬸᬦ᭄᭞ᬗᬯᬶᬢ᭄ᬯᭂᬗᬶᬦᬾᬳᬶᬯᬯᬸ᭞ᬫᬕᬤᬂᬓᬍᬫᬄ᭞ᬗᬮᬓ᭄ᬱᬡᬬᬂᬲᭂᬫᬤᬶ᭞ᬧᬂᬓᬧᬗ᭄ᬕᬸᬄ᭞ᬢᬶᬢ᭄ᬬᬂᬫᬤᬺᬩᬾᬜᬫ᭟ᬫᬗ᭄ᬤᬾᬦ᭄ᬧᬗ᭄ᬕᬸᬄ᭞ᬲᬫᭂᬢᭀᬦ᭄ᬮᭂᬓᬤ᭄ᬧ ᬜᬸᬫᬸ᭞ᬦᬾᬮᬶᬸᬍᬓᬤ᭄ᬲᬤᬶᬦ᭞ᬲᬦᬾᬧᬢᬸᬢ᭄ᬧᬶᬦᬶᬄᬓᭂᬮᬶᬄ᭞ᬧᬂᬓᬘᬸᬦ᭄ᬤᬸᬓ᭄᭞ᬫᬗ᭄ᬤᬾᬦ᭄ᬜᬤᬤᭀᬲ᭄ᬢᬶᬦᬓ᭄ᬯᬦ᭄᭟ᬦᬶᬓᬶᬲᬫ᭄ᬧᬸᬦ᭄᭞ᬰᬭᬡᬲᬦᬾᬓᬳᬢᬸᬃ᭞ᬭᬶᬂᬳᬶᬤᬪᬝᬵᬭ᭞ᬫ᭄ᬯᬂᬤᬾᬯᬢᬤᬾ ᬯᬢᬶ᭞ᬤᬸᬮᬸᬃᬳᬶᬧᬸᬦ᭄᭞ᬧ᭄ᬭᬬᬰ᭄ᬙᬶᬢᬲᬵᬭᬷᬫᬧᬬᬲ᭄᭟ᬤᬕᬶᬂᬳᬶᬧᬸᬦ᭄᭞ᬳᬸᬮᬫ᭄ᬳᬬᬫ᭄ᬧᬸᬢᬶᬄᬲᬫ᭄ᬧᬸᬦ᭄᭞ᬢᬸᬃᬲᬫ᭄ᬧᬸᬦ᭄ᬫᬧᬗ᭄ᬕᬂ᭞ᬫᬭᬓᬭᬓᬲᬫᬶᬓᬮᬶᬄ᭞ᬮᬾᬤᬂᬳᬲᬸᬂ᭞ᬪᬝᬵᬭᬪᬝ ᬭᬶᬫᬦᬗ᭄ᬕᬧ᭄᭟ᬳᬢᬸᬃᬳᬢᬸᬃ᭞ᬲᬫᬶᬧᬤᬮᬾᬤᬂᬳᬲᬸᬂ᭞ᬢᬸᬃᬯᬭᬦᬸᬕ᭄ᬭ᭞ᬲᬋᬂᬲᬫᬶᬫᬜ᭄ᬯᬾᬘᬦᬶᬦ᭄᭞ᬢᬶᬢ᭄ᬬᬂᬫᬢᬸᬃ᭞ᬒᬁᬰᬦ᭄ᬢᬶᬰᬦ᭄ᬢᬶᬰᬦ᭄ᬢᬶᬒᬁ᭟ᬫᬢᬸᬃᬳᬢᬸᬃ᭞ᬗᬮᬸᬗ᭄ᬲᬸᬃᬲ᭄ᬯᬾᬘᬦᬾ [᭑᭑ 11A] ᭑᭑ ᬫᬢᬸᬃ᭞ᬲᬲᬫ᭄ᬧᬸᬦ᭄ᬓᬳᬬᬩ᭄᭞ᬭᬶᬂᬪᬝᬵᬭᬫ᭄ᬯᬂᬪᬝᬵᬭᬷ᭞ᬫᬗ᭄ᬓᬶᬦ᭄ᬧᬢᬸᬢ᭄᭞ᬓᬢᬸᬦᬲ᭄ᬢᬸᬃᬮᬸᬗ᭄ᬲᬸᬃᬢᬶᬢ᭄ᬬᬂ᭟ᬫᬗ᭄ᬓᬶᬦ᭄ᬭᬢᬸ᭞ᬪᬝᬵᬭᬫ᭄ᬯᬂᬮᬮᬸᬳᬸᬃ᭞ᬫᬗ᭄ᬕ᭄ᬯᬶᬂᬫᬓᬘᬶᬳ᭄ᬦ᭞ᬫᬚᬮᬭᬦ᭄ᬢᬺᬲ᭄ᬡᬳᬲᬶᬄ᭞ᬮᬾᬤᬂ ᬳᬲᬸᬂ᭞ᬫᬶᬘᬬᬂᬯᬭᬦᬸᬕ᭄ᬭᬳ᭟ᬲᬫ᭄ᬧᬸᬦ᭄ᬮᬸᬗ᭄ᬲᬸᬃ᭞ᬲᬲᬚᬶᬲᬤᬸᬮᬸᬃᬳᬶᬧᬸᬦ᭄᭞ᬢᬸᬃᬭᬭᬶᬲ᭄ᬳᬚᭂᬗᬂ᭞ᬗᬦ᭄ᬢᭀᬲ᭄ᬢᭂᬮᬲ᭄ᬫᬓᬲᬫᬶ᭞ᬤᬸᬮᬸᬃᬳᬶᬧᬸᬦ᭄᭞ᬩᬸᬗ᭄ᬓᬓ᭄ᬜᬸᬄᬕᬤᬶᬂᬓᬢᬸᬦᬲ᭄᭟ᬬᬦᬶᬂᬲᬫ᭄ᬧᬸᬦ᭄᭞ ᬜᬫᬦᬾᬧᬢᬸᬢ᭄ᬓᬧᬗ᭄ᬕᬸᬄ᭞ᬦᬾᬍᬓᬤ᭄ᬲᬤᬶᬦ᭞ᬳᬸᬦᬶᬗᬶᬦ᭄ᬳᬦ᭄ᬢᬸᬓ᭄ᬲᬫᬥᬶ᭞ᬦᬶᬓᬢᬦ᭄ᬧᬢᬸᬢ᭄᭞ᬦᬾᬦ᭄ᬢᭂᬦ᭄ᬤᬤᭀᬲ᭄ᬘᬭᬶᬢᬬᬂ᭟ᬲᬫ᭄ᬧᬸᬦ᭄ᬧᬸᬢᬸᬲ᭄᭞ᬲᬫᬥᬶᬫᬓᬧᬜᬸᬫᬸ᭞ᬫᬗ᭄ᬓᬶᬦ᭄ᬓᬮᬦ᭄ᬢᬸᬭᬂ᭞ ᬳᬶᬦ᭄ᬤᬶᬓ᭄ᬧᬫᬃᬕ᭄ᬕᬶᬦᬾᬫᬮᬶᬄ᭞ᬳᬦ᭄ᬢᬸᬓ᭄ᬧᬸᬧᬸᬄ᭞ᬕᬶᬦᬵᬤᬦᬾᬧᬧᭀᬚᭀᬮᬦ᭄᭟᭜᭟ᬧᬸᬄᬕᬶᬦᬵᬤ᭟ᬲᬫ᭄ᬧᬸᬦ᭄ᬢᬸᬢᬸᬕ᭄ᬳᬓᬫ᭄ᬩᬸᬳᬦ᭄᭞ᬗᬯᬶᬢ᭄ᬜᬸᬫᬸᬫᬲᬫᬥᬶ᭞ᬦᬸᬚᬸᬦᭂᬫᭀᬦᬶ

Auto-transliteration

[10 10B] 10 hantuktoyakumkuman. tityangsampun, ngawitwĕnginehiwawu, magadangkal̥ĕmaḥ, ngalakṣaṇayangsĕmadi, pangkapangguḥ, tityangmadr̥ĕbeñama. mangdenpangguḥ, samĕtonlĕkadpa ñumu, nel̶l̥ĕkadsadina, sanepatutpiniḥkĕliḥ, pangkacunduk, mangdenñadadostinakwan. nikisampun, śaraṇasanekahatur̀, ringhidabhaṭāra, mwangdewatade wati, dulur̀hipun, prayaśchitasārīmapayas. daginghipun, hulamhayamputiḥsampun, tur̀sampunmapanggang, marakarakasamikaliḥ, ledanghasung, bhaṭārabhaṭa rimananggap. hatur̀hatur̀, samipadaledanghasung, tur̀waranugra, sar̥ĕngsamimañwecanin, tityangmatur̀, oṁśantiśantiśanti'oṁ. matur̀hatur̀, ngalungsur̀swecane [11 11A] 11 matur̀, sasampunkahayab, ringbhaṭāramwangbhaṭārī, mangkinpatut, katunastur̀lungsur̀tityang. mangkinratu, bhaṭāramwanglaluhur̀, manggwingmakacihna, majalarantr̥ĕsṇahasiḥ, ledang hasung, micayangwaranugraha. sampunlungsur̀, sasajisadulur̀hipun, tur̀rarishajĕngang, ngantostĕlasmakasami, dulur̀hipun, bungkakñuḥgadingkatunas. yaningsampun, ñamanepatutkapangguḥ, nel̥ĕkadsadina, huninginhantuksamadhi, nikatanpatut, nentĕndadoscaritayang. sampunputus, samadhimakapañumu, mangkinkalanturang, hindikpamar̀gginemaliḥ, hantukpupuḥ, ginādanepapojolan \\•\\ puḥgināda. sampuntutug'hakambuhan, ngawitñumumasamadhi, nujunĕmoni

Leaf 11

Image on Archive.org

[᭑᭑ 11B] ᭑᭑ ᬦ᭄ᬧᬹᬃᬡ᭄ᬦᬫ᭞ᬲᬲᬚᬶᬫᬮᬶᬄᬓᬳᬢᬸᬃ᭞ᬓᬢᬸᬃᬭᬶᬂᬲᬗ᭄ᬕᬄᬓᬫᬸᬮᬦ᭄᭞ᬧ᭄ᬭᬰ᭄ᬙᬶᬢᬲᬭᬷ᭞ᬢᬮᬸᬄᬳᬬᬫ᭄ᬮᬦ᭄ᬳᬸᬮᬫ᭄ᬜ᭟ᬧ᭄ᬭᬬᬰ᭄ᬙᬶᬢᬲᬵᬭᬶᬳᬶᬦᬸᬘᬧ᭄᭞ᬢᬍᬃᬧᬢᬸᬢ᭄ᬓᬤᬸᬮᬸᬭᬶᬦ᭄᭞ᬢᬸᬫ᭄ᬧᭂᬂᬧᬸᬢᬶᬄᬓᬸ ᬦᬶᬂᬇᬓ᭞ᬓᬤᬕᬶᬗᬶᬦ᭄ᬳᬸᬮᬫ᭄ᬢᬮᬸᬄ᭞ᬢᬮᬸᬳᬾᬓᬤᬶᬳᬶᬦᬸᬘᬧ᭄᭞ᬢᬸᬭᬶᬂᬫᬮᬶᬄ᭞ᬢᬸᬫ᭄ᬧᭂᬗᬾᬫᬦᬹᬢ᭄ᬭᬶᬂᬯᬃᬡ᭄ᬦ᭟ᬢᬸᬫ᭄ᬧᭂᬗᬾᬓᬸᬦᬶᬂᬳᬸᬮᬫ᭄ᬜ᭞ᬲᬭᬶᬦ᭄ᬢᬮᬸᬳᬾᬤᬕᬶᬗᬦ᭄᭞ᬢᬸᬫ᭄ᬧᭂᬗᬾᬧᬸᬢᬶᬄ ᬤᬕᬶᬂᬜ᭞ᬧᬸᬢᬶᬄᬢᬮᬸᬳᬾᬧᬸᬦᬶᬓᬸ᭞ᬭᬭᬶᬲ᭄ᬧᬸᬦᬶᬓᬳᬬᬩᬂ᭞ᬫᬓᬲᬫᬶ᭞ᬮᬸᬗ᭄ᬲᬸᬭᬦ᭄ᬢᬸᬦᬲ᭄ᬧᬂᬢᭂᬮᬲ᭄᭟ᬲᬲᬚᬶᬲᬺᬕᭂᬧ᭄ᬧᬸᬦᬶᬓ᭞ᬧᬢᬸᬢ᭄ᬓᬳᬬᬩᬂᬲᬫᬶ᭞ᬢᬢᬶᬗ᭄ᬓᬳᬾᬫ ᬗᬬᬩᬂ᭞[strike] ᬒᬁᬅᬯᬶᬖ᭄ᬦᬫᬲ᭄ᬢᬸ᭞ᬭᬢᬸᬧᬤᬸᬓᬪᬝᬵᬭ᭞ᬮᬦ᭄ᬪᬝᬵᬭᬶ᭞ᬦᬾᬧᬢᬸᬢ᭄ᬓᬯᬶᬢᬶᬦ᭄ᬢᬶᬢ᭄ᬬᬂ᭟ᬤᬸᬮᬸᬭᬦ᭄ᬲᬲᬚᬶᬧ᭄ᬭᬬᬰ᭄ᬙᬶᬢ᭞ᬫᬧᬬᬲ᭄ᬫᬳᬸᬮᬫ᭄‌ᬬᬸᬓ᭄ᬢᬶ᭞ [᭑᭒ 12A] ᭑᭒ ᬳᬸᬮᬫ᭄ᬜᬦᬾᬢᬮᬸᬄᬳᬬᬫ᭄᭞ᬫ᭄ᬯᬂᬲᬤᬸᬮᬸᬭᬦ᭄ᬳᬶᬧᬸᬦ᭄᭞ᬓᬢᬸᬃᬭᬶᬂᬭᬢᬸᬪᬝᬵᬭ᭞ᬫ᭄ᬯᬂᬪᬝᬭᬷ᭞ᬧᬶᬦᬓᬳᬘᬶᬳᬓᬫ᭄ᬩ᭄ᬯᬦ᭄᭟ᬗᬯᬶᬢ᭄ᬲᬓᬶᬂᬫᬮᬓ᭄ᬱᬡ᭞ᬮᬓ᭄ᬱᬡᬗᬶᬤᬸᬧᬂᬕᭂᬦᬶ᭞ᬕᭂᬦᬶᬦᬾ ᬭᬶᬂᬧᬤᬾᬯᬾᬓᬦ᭄᭞ᬧᬸᬦᬶᬓᬶᬳᬘᬶᬧᬫᬸᬧᬸᬢ᭄᭞ᬳᬘᬶᬧᬫᬸᬧᬸᬢᬶᬂᬬᬚ᭄ᬜ᭞ᬫᬓᬲᬫᬶ᭞ᬧᬸᬦᬶᬓᬶᬳᬢᬸᬭᬂᬢᬶᬢ᭄ᬬᬂ᭟ᬓᬢᬸᬃᬭᬶᬂᬭᬢᬸᬪᬝᬵᬭ᭞ᬫ᭄ᬯᬂᬤᬾᬯᬢᬤᬾᬯᬢᬶ᭞ᬫᬮᬶᬄᬚᭂᬩᭀᬲ᭄ᬢᬸᬦ ᬲ᭄ᬢᬶᬢ᭄ᬬᬂ᭞ᬲᬲᬫ᭄ᬧᬸᬦᬾᬧᬢᬸᬢ᭄ᬓᬢᬸᬃ᭞ᬫᬓᬘᬶᬳ᭄ᬦᬳᬶᬤᬲ᭄ᬯᬾᬘ᭞ᬦᬾᬲᬸᬚᬢᬶ᭞ᬒᬁᬰᬦ᭄ᬢᬶᬰᬦ᭄ᬢᬶᬰᬦ᭄ᬢᬶᬒᬁ᭟ᬲᬫᬤᬶᬲᬫ᭄ᬧᬸᬦ᭄ᬧ᭄ᬭᬲᬶᬤ᭞ᬤᬤᭀᬲ᭄ᬓᬮᬦ᭄ᬢᬸᬭᬂᬫᬮᬶᬄ᭞ᬲᬦᬾᬧᬘᬂᬫᬢ ᬢᬸᬚᭀᬦ᭄᭞ᬫᬗ᭄ᬤᬧ᭄ᬭᬲᬶᬤ᭄ᬥᬓᬧᬗ᭄ᬕᬸᬄ᭞ᬲᬶᬤᬓᬧᬗ᭄ᬕᬸᬄᬓᬭᬲ᭞ᬦᬾᬲᬸᬚᬢᬶᬲᬦᬾᬫᬳ᭄ᬬᬂᬫᬭᬶᬂᬭᬕ᭟ᬫᬃᬕᬶᬦᬾᬓᬤᬶᬳᬶᬦᬸᬘᬧ᭄᭞ᬫᬸᬗ᭄ᬕᬄᬭᬶᬂᬳᬸᬦ᭄ᬤᬕ᭄ᬓᬮᬶᬄ᭞ᬲᬦᬾᬫ

Auto-transliteration

[11 11B] 11 npūr̀ṇnama, sasajimaliḥkahatur̀, katur̀ringsanggaḥkamulan, praśchitasarī, taluḥhayamlanhulamña. prayaśchitasārihinucap, tal̥ĕr̀patutkadulurin, tumpĕngputiḥku ningika, kadaginginhulamtaluḥ, taluhekadihinucap, turingmaliḥ, tumpĕngemanūtringwar̀ṇna. tumpĕngekuninghulamña, sarintaluhedagingan, tumpĕngeputiḥ dagingña, putiḥtaluhepuniku, rarispunikahayabang, makasami, lungsurantunaspangtĕlas. sasajisr̥ĕgĕppunika, patutkahayabangsami, tatingkahema ngayabang, [strike] oṁawighnamastu, ratupadukabhaṭāra, lanbhaṭāri, nepatutkawitintityang. duluransasajiprayaśchita, mapayasmahulamyukti, [12 12A] 12 hulamñanetaluḥhayam, mwangsaduluranhipun, katur̀ringratubhaṭāra, mwangbhaṭarī, pinakahacihakambwan. ngawitsakingmalakṣaṇa, lakṣaṇangidupanggĕni, gĕnine ringpadewekan, punikihacipamuput, hacipamuputingyajña, makasami, punikihaturangtityang. katur̀ringratubhaṭāra, mwangdewatadewati, maliḥjĕbostuna stityang, sasampunepatutkatur̀, makacihnahidasweca, nesujati, oṁśantiśantiśanti'oṁ. samadisampunprasida, dadoskalanturangmaliḥ, sanepacangmata tujon, mangdaprasiddhakapangguḥ, sidakapangguḥkarasa, nesujatisanemahyangmaringraga. mar̀ginekadihinucap, munggaḥringhundagkaliḥ, sanema

Leaf 12

Image on Archive.org

᭑᭒ ᭑᭒ ᬦᬸᬢ᭄ᬭᬶᬂᬢᬢᬸᬚᭀᬦ᭄᭞ᬗᬃᬤ᭄ᬥᬶᬦᬾᬧᬢᬸᬢ᭄ᬓᬧᬗ᭄ᬕᬸᬄ᭞ᬧᬢᬸᬢ᭄ᬫᬗ᭄ᬓᬶᬦ᭄ᬮᬓ᭄ᬱᬡᬬᬂ᭞ᬬᭀᬕᬲᬫᬥᬶ᭞ᬳᬸᬦ᭄ᬤᬕ᭄ᬓᬮᬶᬄᬯᬵᬱ᭄ᬝᬦ᭄ᬜ᭟ᬢᬢᬶᬗ᭄ᬓᬳᬾᬫᬮᬓ᭄ᬱᬡ᭞ᬫᬬᭀᬕᬮᬯᬦ᭄ᬲᬫᬥᬶ᭞ᬳ ᬦ᭄ᬢᬸᬓ᭄ᬦᬸᬗ᭄ᬕᬮᬂᬧᬗ᭄ᬭᬲ᭞ᬇᬩᬸᬧᬺᬣᬶᬯᬶᬳᬫᬾᬧᬢᬸᬢ᭄᭞ᬫᭀᬕᬶᬫᭀᬮᬶᬳᬶᬂᬓᬲᬤ᭄ᬬᬦ᭄᭞ᬳᬦ᭄ᬢᬸᬓ᭄ᬫᬃᬕ᭄ᬕᬶ᭞ᬫᬬᭀᬕᬲᬫᬥᬶᬓᭀᬘᬧ᭄᭟ᬦᬾᬧᬶᬂᬓᬮᬶᬄᬯᬓ᭄ᬱᬡᬬᬂᬲᬂᬳ᭄ᬬᬂᬅᬓᬱ ᬓᬳᬾᬱ᭄ᬝᬶ᭞ᬧᬶᬦᬸᬦᬲ᭄ᬫᬗ᭄ᬤᬓᬲᬶᬤ᭄ᬥᬦ᭄᭞ᬭᬳᬚᭂᬂᬫᬗ᭄ᬤᬓᬧᬗ᭄ᬕᬸᬄ᭞ᬳᬦ᭄ᬢᬸᬓ᭄ᬧᬤᬩ᭄ᬤᬩ᭄ᬤᬶᬸᬩ᭄ᬮᬓ᭄ᬱᬡ᭞ᬬᭀᬕᬲᬫᬥᬶ᭞ᬲᬶᬤ᭄ᬥᬫᬗ᭄ᬕᬸᬳᬂᬓᬲᬤ᭄ᬬᬦ᭄᭟ᬓᬧᬶᬂᬢᬶᬕᬓᬫᬃᬕ᭄ᬬᬂ᭞ᬗᬸᬓᬸᬧ᭄ᬤᬸ ᬧᬓᬧ᭄ᬭᬭᬳᬶ᭞ᬳᬓᬾᬄᬜᬯᬦ᭄ᬢᬄᬧᬶᬂᬢᬶᬕ᭞ᬲᬦᬾᬓᬧᬶᬂᬧᬢ᭄ᬜᬫᬸᬗ᭄ᬕᬸᬄ᭞ᬜ᭄ᬮᬶᬫᬃᬢᬗᬦ᭄ᬫᬭᬶᬂᬭᬕ᭞ᬓᬳᬸᬓᬸᬧᬶᬦ᭄᭞ᬓᬢᬄᬜᬢᬍᬃᬧᬶᬂᬢᬶᬕ᭟ᬫᬸᬱ᭄ᬧᬧᬸᬬᬸᬂᬓᬧᬶᬂᬮᬶᬫ᭞ ᭑᭓ ᭑᭓ ᬧᬶᬓᬬᬸᬦ᭄ᬢᬸᬗ᭄ᬕᬮᬂᬫᬮᬶᬄ᭞ᬲᬤᬸᬭᬸᬗᬾᬫᬮᬓ᭄ᬱᬡ᭞ᬢᬗᬦ᭄ᬓᬳᬸᬓᬸᬧᬂᬤᬸᬫᬸᬦ᭄᭞ᬭᬶᬂᬳᬦ᭄ᬤᬸᬲ᭄ᬤᬸᬧᬳᬶᬦᬸᬘᬧ᭄᭞ᬭᬭᬶᬲ᭄ᬫᬗ᭄ᬓᬶᬦ᭄᭞ᬫᬸᬱ᭄ᬧᬫᬦᬸᬗ᭄ᬕᬮᬂᬫᬦᬄ᭟ᬭᬭᬶᬲ᭄ᬫᬸᬱ᭄ᬧᬢᬦ᭄ᬧᬲᭂᬓᬃ᭞ᬳ ᬦ᭄ᬢᬸᬓ᭄ᬧᬶᬓᬬᬸᬦᬾᬢᬶᬮᬶᬂ᭞ᬳᬚᬧ᭄ᬳᬶᬤᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬭᬵᬳᬚᭂᬂᬫᭀᬕᬶᬓᬧᬗ᭄ᬕᬸᬄ᭞ᬳᬦ᭄ᬢᬸᬓ᭄ᬮᬓ᭄ᬱᬡᬳᬶᬦᬸᬘᬧ᭄᭞ᬫᬬᭀᬕᬲ᭄ᬫᬥᬶ᭞ᬗᬾᬮᬶᬗᬶᬦ᭄ᬜᬫᬭᬶᬂᬭᬵᬕ᭟᭜᭟ᬓᬭᬶᬧ᭄ᬢ ᬳᭀᬮᬶᬄᬳᬶᬫᬤᬾᬲᬸᬧᬃᬣ᭞ᬩᬜ᭄ᬚᬃᬫ᭄ᬮᬬᬂ᭞ᬢᬸᬯᬢ᭄᭞ᬕ᭄ᬬᬜᬃ᭟ᬓᬢᭂᬤᬸᬦ᭄ᬳᭀᬮᬶᬄᬯᬬᬦ᭄‌ᬩᬸᬤ᭄ᬥᬕᭀᬢ᭄ᬢᬫ᭞ᬓᬗᬮᬸᬗ᭄ᬕᬸᬄᬭᬶᬂᬯᬾᬰ᭄ᬫᬰᬦ᭄ᬢᬶᬕ᭄ᬭᬳ᭞ᬫᬦ᭄ᬢ᭄ᬭᬶ᭞ᬧᬾᬢᬓ᭄᭞ᬕ᭄ᬬᬜᬃ᭟ ᬤᬸᬓ᭄ᬭᬳᬶᬦ᭝᭞ᬰ᭞ᬓ᭞ᬯᬬᬂ᭞ᬢᬶᬢᬶ᭞ᬢᬂ᭞ᬧᬶᬂ᭞᭕᭞ᬰᬰᬶᬄᬓᬧᬢ᭄᭞ᬭᬄ᭞᭕᭞ᬢᭂᬂ᭞᭑᭒᭞ᬇᬰᬓᬯᬃᬱ᭞᭑᭙᭑᭓᭟ᬒᬁᬰᬦ᭄ᬢᬶᬰᬦ᭄ᬢᬶᬰᬦ᭄ᬢᬶ᭟᭜᭟ 14-9-1991

Auto-transliteration

12 12 nutringtatujon, ngar̀ddhinepatutkapangguḥ, patutmangkinlakṣaṇayang, yogasamadhi, hundagkaliḥwāṣṭanña. tatingkahemalakṣaṇa, mayogalawansamadhi, ha ntuknunggalangpangrasa, ibupr̥ĕthiwihamepatut, mogimolihingkasadyan, hantukmar̀ggi, mayogasamadhikocap. nepingkaliḥwakṣaṇayangsanghyangakaṣa kaheṣṭi, pinunasmangdakasiddhan, rahajĕngmangdakapangguḥ, hantukpadabdabd̶blakṣaṇa, yogasamadhi, siddhamangguhangkasadyan. kapingtigakamar̀gyang, ngukupdu pakaprarahi, hakeḥñawantaḥpingtiga, sanekapingpatñamungguḥ, ñlimar̀tanganmaringraga, kahukupin, kataḥñatal̥ĕr̀pingtiga. muṣpapuyungkapinglima, 13 13 pikayuntunggalangmaliḥ, sadurungemalakṣaṇa, tangankahukupangdumun, ringhandusdupahinucap, rarismangkin, muṣpamanunggalangmanaḥ. rarismuṣpatanpasĕkar̀, ha ntukpikayunetiling, hajap'hidasanghyangtunggal, rāhajĕngmogikapangguḥ, hantuklakṣaṇahinucap, mayogasmadhi, ngelinginñamaringrāga \\•\\ karipta holiḥhimadesupar̀tha, bañjar̀mlayang, tuwat, gyañar̀. katĕdunholiḥwayanbuddhagottama, kangalungguḥringweśmaśantigraha, mantri, petak, gyañar̀. dukrahina:, śa, ka, wayang, titi, tang, ping 5 śaśiḥkapat, raḥ 5 tĕng 12 iśakawar̀ṣa 1913. oṁśantiśantiśanti \\•\\ 14-9-1991

Leaf 13

Image on Archive.org

Leaf 14

Image on Archive.org