Kakawin Sutasoma
This page has been accessed 25,549 times.
Description
Bahasa Indonesia
English
Front and Back Covers
[Perpustakaan KTR Dokbud Bali Prop. Dati I Bali
23/2/Ka/Dokbud]
[Judul: Kakawin Sutasoma K.23
Panj: 51 cm. Leb: 3,5 cm. Jml: 155 lb
Asal: Desa Tista, Abang, Karangasem]
[᭑ 1a]
᭚ ᭐ ᭛ ᬓᬓᬯᬶᬦ᭄ᬲᬸᬢᬲᭀᬫ᭟ [kakawin sutasoma; 23/2/ka] ᬤᬺᬯᬾᬦ᭄ᬳᬶᬯᬬᬦ [label] ᭛
Auto-transliteration
[Perpustakaan KTR Dokbud Bali Prop. Dati I Bali
23/2/Ka/Dokbud]
[Judul: Kakawin Sutasoma K.23
Panj: 51 cm. Leb: 3,5 cm. Jml: 155 lb
Asal: Desa Tista, Abang, Karangasem]
[1 1a]
// 0 /// kakawinsutasoma. [kakawin sutasoma; 23/2/ka] dr̥ĕwenhiwayana [label] ///Image 1
[᭑ 1B]
᭑
᭛ ᭜ ᭛ᬒᬁᬅᬯᬶᬖ᭄ᬦᬵᬫᬵᬲ᭄ᬢᬸ᭛ ᭜ ᭛ᬰ᭄ᬭᬷᬩᬚ᭄ᬭᬵᬚ᭄ᬜᬵᬦᬰᬹᬦ᭄ᬬᬵᬢ᭄ᬫᬓᬧᬭᬫᬲᬶᬭᬵᬦᬶᬦ᭄ᬤ᭄ᬬᬭᬶᬂᬭᬵᬢ᭄ᬯᬶᬰᬾᬱ᭞ᬮᬶᬮᬵᬰᬹᬤ᭄ᬥᬵᬧᬺᬢᬶᬱ᭄ᬝᬾᬂᬳᬺᬤᬬᬚᬬᬬᬵᬗ᭄ᬓᭃᬦ᭄ᬫᬳᬵᬲ᭄ᬯᬃᬕ᭄ᬕᬮᭀᬓ᭞ᬏᬓᬵᬲᬢ᭄ᬭᬾᬂᬰᬭᬶᬭᬵᬗᬸᬭᬶ
ᬧᬶᬲᬳᬦᬦᬶᬂᬪᬹᬃᬪᬸᬯᬄᬲ᭄ᬯᬄᬧ᭄ᬭᬓᬶᬃᬡ᭄ᬦ᭞ᬲᬵᬓ᭄ᬱᬢ᭄ᬘᬦ᭄ᬤ᭄ᬭᬵᬓ᭄ᬓᬧᬸᬃᬡ᭄ᬦᬤ᭄ᬪᬸᬢᬭᬶᬯᬶᬚᬶᬮᬶᬭᬵᬦ᭄ᬲᬗ᭄ᬓᬭᬶᬂᬩᭀᬤ᭄ᬥᬘᬷᬢ᭄ᬢᬗ᭄ᬮᬲᬶᬗ᭄ᬕᬶᬄᬬᬦ᭄ᬲᬶᬤ᭄ᬥᬬᭀᬕᬶᬰ᭄ᬯᬭᬯ᭄ᬓᬲᬶᬭᬲᬂᬲᬢ᭄ᬫ᭄ᬬᬮᬵᬯᬦ᭄ᬪᬝᬵᬭ᭞ᬲᬃᬯ᭄ᬯᬚ᭄ᬜᬵᬫᬹᬃᬢ᭄ᬢᬶᬰᬹᬦ᭄ᬬᬵᬕᬦᬮᬮᬶᬢᬶ
ᬦᬸᬘᬧ᭄ᬫᬸᬱ᭄ᬝᬶᬓᬶᬂᬥᬃᬫ᭄ᬫᬢᬢ᭄ᬯ᭞ᬲᬂᬲᬶᬧ᭄ᬢᬵᬦ᭄ᬧᬢ᭄ᬳᬸᬮᬶᬓ᭄ᬭᬶᬳᬢᬶᬲᬶᬭᬲ᭄ᬓᬸᬗᭂᬦ᭄ᬬᭀᬕᬮᬵᬯᬦ᭄ᬲᬫᬵᬥᬶ᭞ᬩ᭄ᬬᬓ᭄ᬢᬮ᭄ᬯᬶᬃᬪ᭄ᬭᬦ᭄ᬢᬘᬷᬳ᭄ᬢᬵᬗ᭄ᬭᬲᬭᬶᬯᬭᬶᬯᬦᬶᬂᬦᬶᬃᬫ᭄ᬫᬮᬵᬘᬶᬦ᭄ᬢ᭄ᬬᬭᬹᬧᬗ᭄ᬕ᭄ᬬᬦ᭄ᬤᬄᬬᬾᬓᬦ᭄ᬫᬗ᭄ᬓᬦᬵᬰᬦ᭄ᬢᬶᬓᬶᬦ᭄ᬜᭂᬧᬶᬢᬸᬢᬸᬃᬲᬂᬳᬸᬯᬸ
ᬲ᭄ᬲᬶᬤ᭄ᬥᬬᭀᬕᬶ᭞ᬧᬹᬚᬦ᭄ᬭᬶᬂᬚ᭄ᬜᬵᬦᬰᬹᬤ᭄ᬥᬵᬧᬭᬶᬫᬶᬢᬰᬭᬡᬵᬦᬶᬂᬫᬶᬓᭂᬢ᭄ᬮᬗ᭄ᬯᬮᬗ᭄ᬯᬦ᭄᭞ᬤᬹᬭᬵᬦ᭄ᬗ᭄ᬯᬂᬲᬶᬤ᭄ᬥ᭠ᬓᬯ᭄ᬬᬵᬗᬶᬤᬸᬗᬳᬶᬯᬗᬧᬦ᭄ᬢᬦ᭄ᬯ᭄ᬭᬸᬳᬶᬂᬰᬵᬲ᭄ᬢ᭄ᬭᬫᬢ᭄ᬭ᭞ᬗ᭄ᬳᬶᬂᬓᬾᬯ᭄ᬭᬦ᭄ᬤᬾᬦᬶᬗᬫ᭄ᬩᭂᬓ᭄ᬭᬕᬭᬕᬦᬶᬫᬦᬄᬲᬂᬓᬯᬷᬭᬵᬚ᭄ᬬ
[᭒ 2A]
ᬰᭀᬪ᭛ᬧᬹᬃᬯ᭄ᬯᬵᬧ᭄ᬭᬲ᭄ᬢᬵᬯᬦᬶᬂᬧᬃᬯ᭄ᬯᬭᬘᬡᬕᬶᬦ᭄ᬮᬵᬃᬲᬗ᭄ᬓᬭᬶᬂᬩᭀᬤ᭄ᬥᬓᬯ᭄ᬬ᭞ᬇᬦᬷᬤ᭄ᬯᬵᬧᬵᬭᬭᬶᬂᬢ᭄ᬭᬾᬢᬓᬺᬢᬬᬸᬕᬲᬶᬭᬂᬲᬃᬯ᭄ᬯᬥᬃᬫ᭄ᬫᬵᬗ᭄ᬕᬓᬵᬭ᭞ᬢᬦ᭄ᬮᬾᬦ᭄ᬳ᭄ᬬᬂᬩ᭄ᬭᬵᬳ᭄ᬫᬯᬶᬱ᭄ᬡ᭄ᬯᬷᬰ᭄ᬯᬭᬲᬶᬭᬫᬢ᭄ᬫᬄᬪᬹᬧᬢᬷᬫᬃᬢ᭄ᬬᬮᭀᬓ᭞ᬫᬗ᭄ᬓᬾᬧ᭄ᬭᬧ᭄ᬢᬂᬓ
ᬮᬷᬰ᭄ᬭᬷᬚᬶᬦᬧᬢᬶᬫᬦᬸᬭᬸᬦ᭄ᬫᬵᬢ᭄ᬦᬦᬂᬓᬵᬮᬫᬹᬃᬓ᭄ᬓ᭛ᬲᬫ᭄ᬩᬦ᭄ᬥᬦ᭄ᬰ᭄ᬭᬷᬫᬢᬵᬓᬾᬢᬸᬓᬸᬭᬸᬓᬸᬮᬲᬶᬭᬵᬦ᭠ᬓ᭄ᬦᬶᬭᬵᬂᬓᭀᬭᬯᬵᬗ᭄ᬰ᭞ᬤᬾᬯᬶᬧ᭄ᬭᬚ᭄ᬜᬵᬥᬭᬷᬓᬵᬲᬶᬳᬶᬭᬧᬶᬦᬸᬚᬶᬭᬶᬂᬭᬵᬢ᭄ᬧᬸᬢᬸᬲ᭄ᬭᬷᬓᬳᬬᬸᬦ᭄᭞ᬗ᭄ᬓᬵᬦᬾᬂᬭᬵᬚ᭄ᬬᬵᬥᬶᬓᬾ
ᬗ᭄ᬳᬲ᭄ᬢᬶᬦᬲᬶᬦᬶᬯᬶᬢ᭄ᬓᬧ᭄ᬦᬶᬂᬫᬳᬵᬯᬷᬭᬲ᭛᭞ᬲᬓ᭄ᬯᬾᬄᬓ᭄ᬯᬾᬄᬲᬂᬯᬢᭂᬓ᭄ᬪᬹᬧᬢᬶᬲᬶᬭᬫᬭᬋᬫ᭄ᬪᬓ᭄ᬢᬶᬭᬶᬂᬰ᭄ᬭᬷ᭠ᬦᬭᬾᬦ᭄ᬤ᭄ᬭ᭛ᬰᭀᬪᬂᬭᬵᬚ᭄ᬬᬵᬳᬍᬧ᭄ᬮ᭄ᬯᬶᬃᬲ᭄ᬫᬭᬪᬯᬦᬍᬬᭂᬧ᭄ᬲᬃᬯ᭄ᬯᬤᬷᬩ᭄ᬬᬵᬧ᭄ᬭᬫᬾᬬ᭞ᬤ᭄ᬯᬵᬭᬦ᭄ᬬᬵᬫᬃᬧ᭄ᬧᬢᬢ᭄ᬬᬵᬤ᭄ᬪᬸ᭠
ᬢᬓᬦᬓᬫᬸᬭᬸᬩ᭄ᬮ᭄ᬯᬶᬃᬕᬸᬦᬸᬂᬩᬳ᭄ᬦᬶᬫᬸᬦ᭄ᬢᬩ᭄᭞ᬲᭃᬓ᭄ᬭᬗ᭄ᬓᬂᬫᬲ᭄ᬫᬡᬷᬦ᭄ᬤ᭄ᬭᬾᬤᬍᬫᬶᬓᬓᬸᬫ᭄ᬜᬃᬭᬵᬢ᭄ᬦᬲ᭛ᬦ᭄ᬬᬫᬸᬜ᭄ᬘᬭ᭄᭞ᬤᬶᬧ᭄ᬳᬵᬂᬯᬵᬭᬢ᭄ᬭᬶᬤᬾᬦ᭄ᬬᬵᬭᬳᬶᬦᬲᬫᬳᬶᬥᭂᬧ᭄ᬦᬶᬂᬯ᭄ᬯᬗᬶᬂᬚ᭄ᬭᭀᬓᬥᬢ᭄ᬯᬦ᭄᭞᭛ᬓᬶᬦ᭄ᬢᬸᬧ᭄ᬯᬾᬓᬂᬲᬭ᭠
Auto-transliteration
[1 1B]
1
/// • /// oṁawighnāmāstu /// • /// śrībajrājñānaśūnyātmakaparamasirānindyaringrātwiśeṣa, lilāśūddhāpr̥ĕtiṣṭenghr̥ĕdayajayayāngkönmahāswar̀ggaloka, ekāsatrengśarirānguri
pisahananingbhūr̀bhuwaḥswaḥprakir̀ṇna, sākṣatcandrākkapur̀ṇnadbhutariwijilirānsangkaringboddhacīttanglasinggiḥyansiddhayogiśwarawkasirasangsatmyalāwanbhaṭāra, sar̀wwajñāmūr̀ttiśūnyāganalaliti
nucapmuṣṭikingdhar̀mmatatwa, sangsiptānpat'hulikrihatisiraskungĕnyogalāwansamādhi, byaktalwir̀bhrantacīhtāngrasariwariwaningnir̀mmalācintyarūpanggyandaḥyekanmangkanāśantikinñĕpitutur̀sanghuwu
ssiddhayogi, pūjanringjñānaśūddhāparimitaśaraṇāningmikĕtlangwalangwan, dūrānngwangsiddha‐kawyāngidungahiwangapantanwruhingśāstramatra, nghingkewrandeningambĕkragaraganimanaḥsangkawīrājya
[2 2A]
śobha /// pūr̀wwāprastāwaningpar̀wwaracaṇaginlār̀sangkaringboddhakawya, inīdwāpāraringtretakr̥ĕtayugasirangsar̀wwadhar̀mmānggakāra, tanlenhyangbrāhmawiṣṇwīśwarasiramatmaḥbhūpatīmar̀tyaloka, mangkepraptangka
līśrījinapatimanurunmātnanangkālamūr̀kka /// sambandhanśrīmatāketukurukulasirāna‐knirāngkorawāngśa, dewiprajñādharīkāsihirapinujiringrātputusrīkahayun, ngkānengrājyādhike
nghastinasiniwitkapningmahāwīrasa /// , sakweḥkweḥsangwatĕkbhūpatisiramarar̥ĕmbhaktiringśrī‐narendra /// śobhangrājyāhal̥ĕplwir̀smarabhawanal̥ĕyĕpsar̀wwadībyāprameya, dwāranyāmar̀ppatatyādbhu‐
takanakamurublwir̀gunungbahnimuntab, sökrangkangmasmaṇīndredal̥ĕmikakumñar̀rātnasa /// nyamuñcar, dip'hāngwāratridenyārahinasamahidhĕpningwwangingjrokadhatwan, /// kintupwekangsara‐Image 2
[᭒ 2B]
᭒
ᬢ᭄ᬤᬸᬃᬩ᭄ᬪᬮᬓᬶᬦᬭᬡᬦᬶᬂᬤᬿᬢ᭄ᬬᬮᬾᬦ᭄ᬭᬵᬓ᭄ᬱᬲᬵᬓ᭄ᬯᬾᬄ᭞ᬓᬶᬃᬡ᭄ᬦᬵᬕ᭄ᬮᬃᬲᭃᬓ᭄ᬧᭂᬦᬸᬄᬭᬶᬂᬳᭂᬯᬦᬘᬮᬦᬶᬓᬦᬂᬭᬵᬢ᭄ᬦᬓᬡ᭄ᬟᬵᬤᬶᬭᬵᬚ᭄ᬬ᭞ᬓ᭄ᬭᬹᬭᬵᬫᬺᬧ᭄ᬓᬸᬯ᭄ᬯᬫᬸᬂᬫᬫᬶᬭᬸᬭᬸᬢᬤᬯᬦ᭄ᬯᬦ᭄ᬯᬲᬜ᭄ᬘᬸᬃᬡ᭄ᬦᬤᬾᬦ᭄ᬬ᭞ᬯ᭄ᬭᬶᬦ᭄ᬯ᭄ᬭᬶᬦ᭄ᬯ᭄ᬭᬶᬦ᭄ᬲᬓ᭄ᬯᬾᬄᬯ
ᬢᭂᬓ᭄ᬪᬵᬭᬢᬓᬸᬮᬓᬭᬸᬳᬸᬦ᭄ᬲᬂᬢᬧᬵᬲ᭄ᬯᬷᬦᬕᬵᬕ᭄ᬭ᭛ᬦᬵᬳᬾᬢᬸᬰ᭄ᬭᬷᬦᬭᬾᬦ᭄ᬤ᭄ᬭᬵᬗᬸᬢᬸᬲᬶᬲᬳᬦᬦᬶᬂᬯᬷᬭᬬᭀᬥᬵᬤ᭄ᬪᬸᬢᬾᬂᬧ᭄ᬭᬂ᭞ᬫ᭄ᬯᬂᬲᬂᬬᭀᬕᬷᬰ᭄ᬯᬭᬵᬗᬫ᭄ᬧᭂᬳᬭᬶᬧᬫᬦᬲᬶᬂᬤᬾᬢ᭄ᬬᬓᬵᬮᬵᬕ᭄ᬦᬶᬢᬸᬮ᭄ᬬ᭞ᬦ᭄ᬤᬵᬢᬦᬦ᭄ᬢᬸᬓ᭄ᬚᬸᬕᬵᬗ᭄ᬳᬶᬂ
ᬲᬸᬢᬳᬚᬶᬓᬋᬗᭃᬪᬱ᭄ᬝ᭄ᬬᬦᬶᬂᬰᬢ᭄ᬭᬸᬰᬓ᭄ᬢᬶ᭞ᬫᬗ᭄ᬓᬵᬮᬶᬂᬲᬂᬫᬸᬦᬶᬦ᭄ᬤ᭄ᬭᬵᬓᬶᬭᬓᬶᬭᬭᬶᬳᬚᭂᬂᬰ᭄ᬭᬷᬫᬳᬵᬓᬾᬢᬸᬭᬵᬚ᭛ᬯᬃᬡ᭄ᬦᬦ᭄ᬲᬂᬰ᭄ᬭᬷᬦᬭᬾᬦ᭄ᬤ᭄ᬭᬵᬥᬶᬧᬲᬶᬭᬫᬳᬋᬧ᭄ᬫᬵᬦᬓᬵᬫ᭄ᬯᬂᬲᬸᬤᬾᬯᬷ᭞ᬳᬾᬢᬸᬦ᭄ᬬᬵᬦ᭄ᬩᭀᬤ᭄ᬥᬶᬘᬷᬢ᭄ᬢᬾᬦᬸᬮᬳᬸ
ᬮᬳᬶᬭᬭᬶᬂᬲ᭄ᬣᬵᬦᬲᬗ᭄ᬳ᭄ᬬᬂᬚᬶᬦᬵᬃᬘ᭄ᬘ᭞ᬋᬧ᭄ᬧ᭄ᬭᬵᬧ᭄ᬢᬂᬭᬢ᭄ᬭᬶᬢᬶᬲ᭄ᬢᬶᬲ᭄ᬫᬋᬗᬶᬳ᭄ᬦᬶᬗᬶᬓᬂᬚ᭄ᬜᬵᬦᬘᬵᬦ᭄ᬤ᭄ᬭᭀᬧᬫᬦ᭄ᬬ᭞ᬗ᭄ᬓᬵᬢᬵᬰ᭄ᬭᬷᬩᭀᬤ᭄ᬥᬶᬲᬢ᭄ᬯᬵᬚᬭᬶᬕ᭄ᬢᬶᬦᬶᬭᬬᬦ᭄ᬲᬸᬦ᭄ᬯᬲᬂᬰ᭄ᬭᬷᬦᬭᬾᬦ᭄ᬤ᭄ᬭ᭛ᬢᬸᬱ᭄ᬝᬵᬫ᭄ᬩᭂᬓ᭄ᬰ᭄ᬭᬷᬫᬳᬵᬓᬾᬢᬸᬫᬦᭂᬫᬸ
[᭓ 3A]
ᬧᬭᬫᬵᬦᬸᬕ᭄ᬭᬳᬵᬳ᭄ᬬᬂᬚᬶᬦᬾᬦ᭄ᬤ᭄ᬭ᭞ᬰᬶᬖ᭄ᬭᭀᬦᬫ᭄ᬧᭂᬄᬦᬶᬭᬂᬬᭀᬕᬯ᭄ᬓᬲᬦᬸᬫᬶᬚᬶᬮ᭄ᬰᭀᬪᬲᬗ᭄ᬓᬾᬂᬧᬳᭀᬫᬦ᭄᭞ᬧ᭄ᬭᬧ᭄ᬢᬾᬗ᭄ᬓᬵᬦᬾᬂᬲᬸᬤᬾᬯᬷᬲᬶᬭᬫᬯᬭᬯᬭᬄᬬᬦ᭄ᬳᬸᬯᬸᬲ᭄ᬮᬩ᭄ᬤᬓᬵᬃᬬ᭄ᬬ᭞ᬩ᭄ᬬᬓ᭄ᬢᬂᬭᬵᬢ᭄ᬲ᭄ᬯᬲ᭄ᬣᬘᬹᬃᬡ᭄ᬦᬂᬓᬮᬶᬳᭂᬍᬫᬶᬯᬶᬚᬶᬮ᭄
ᬰ᭄ᬭᬷᬫᬳᬵᬰᬓ᭄ᬬᬲᬶᬗ᭄ᬳᬵ᭛ᬦ᭄ᬤᬄᬰ᭄ᬭᬷᬖ᭄ᬭᬂᬓᬵᬮᬢᬤ᭄ᬤ᭄ᬯᬵᬗᬶᬥᬫᬶᬓᬲᬶᬭᬲᬂᬰ᭄ᬭᬷᬫᬳᬵᬭᬵᬚᬧᬸᬢ᭄ᬭᬶ᭞ᬳᬵᬃᬱᬵᬫ᭄ᬩᭂᬓ᭄ᬰ᭄ᬭᬷᬦᬭᬾᬦ᭄ᬤ᭄ᬭᬵᬗᬭᬶᬯᬸᬯᬸᬭᬶᬫᬦᬄᬲᬂᬲ᭄ᬥᭂᬂᬓᬾᬲ᭄ᬬᬦᬵᬫ᭄ᬭᬢ᭄᭞ᬧᬹᬚᬵᬫᬦ᭄ᬢ᭄ᬭᬵᬲ᭄ᬢᬸᬢᬶᬫ᭄ᬯᬂᬲᬬᬸᬲᬬᬸᬢᬶᬦᬶᬢᭃᬳᭀᬫᬬᬚ᭄ᬜᬵᬦᬸ
ᬓᬵᬭᬶ᭞ᬲᬓ᭄ᬯᬾᬄᬲᬂᬪᬶᬓ᭄ᬱᬸᬓᬵᬘᬵᬃᬬ᭄ᬬᬦᬕᬭᬳᬸᬫᬶᬭᬶᬂᬬᭀᬕᬲᬂᬰ᭄ᬭᬷᬦᬭᬾᬦ᭄ᬤ᭄ᬭ᭛ᬦ᭄ᬤᬄᬲᬓ᭄ᬯᬾᬄᬓ᭄ᬯᬾᬄᬦᬶᬓᬂᬲ᭄ᬢ᭄ᬭᬷᬤᬓᭂᬫᬶᬓᬭᬸᬫ᭄ᬗᭃᬕᬃᬩ᭄ᬪᬶᬦᬷᬰ᭄ᬭᬷᬲᬸᬧᬢ᭄ᬦᬶ᭞ᬯᬺᬤ᭄ᬥᬵᬮᬾᬓ᭄ᬰ᭄ᬭᬷᬖ᭄ᬭᬫᭀᬮᬄᬯ᭄ᬢᭂᬗᬶᬭᬫᬢᬸᬢᬸᬃᬲᬗ᭄ᬳᬦᬾᬂᬕᬃᬩ᭄ᬪᬤᬶᬩ᭄ᬬ᭞ᬮᬶᬡ᭄ᬟᬹ
ᬢᬂᬪᬹᬫᬶᬢᬾᬚᬵᬦᬭᬯᬢᬤᬸᬫᬶᬮᬄᬢ᭄ᬭᬸᬲ᭄ᬢᭂᬓᬾᬂᬲ᭄ᬯᬃᬕ᭄ᬕᬮᭀᬓ᭞ᬳᬸᬁᬳᬸᬁᬦᬶᬂᬤᬾᬯᬲᬗ᭄ᬖ᭄ᬬᬾᬂᬮᬗᬶᬢᬚᬬᬚᬬᬦ᭄ᬲᭀᬢ᭄ᬢᬦᬶᬂᬩᬸᬤ᭄ᬥᬚᬦ᭄ᬫ᭛ ᭜ ᭛ᬅᬣᬭᬶᬲ᭄ᬥᭂᬂᬯᬢᭂᬓ᭄ᬳ᭄ᬬᬗᬶᬓᬬᬦ᭄ᬧᬫᬹᬃᬱᬶᬢᬫᬫᬸᬱ᭄ᬧᬦᬶᬂᬦᬵᬕᬭ᭞ᬧ᭄ᬭᬫᬸ
Auto-transliteration
[2 2B]
2
tdur̀bbhalakinaraṇaningdaityalenrākṣasākweḥ, kir̀ṇnāglar̀sökpĕnuḥringhĕwanacalanikanangrātnakaṇḍādirājya, krūrāmr̥ĕpkuwwamungmamirurutadawanwanwasañcur̀ṇnadenya, wrinwrinwrinsakweḥwa
tĕkbhāratakulakaruhunsangtapāswīnagāgra /// nāhetuśrīnarendrāngutusisahananingwīrayodhādbhutengprang, mwangsangyogīśwarāngampĕharipamanasingdetyakālāgnitulya, ndātanantukjugānghing
sutahajikar̥ĕngöbhaṣṭyaningśatruśakti, mangkālingsangmunindrākirakirarihajĕngśrīmahāketurāja /// war̀ṇnansangśrīnarendrādhipasiramahar̥ĕpmānakāmwangsudewī, hetunyānboddhicīttenulahu
lahiraringsthānasanghyangjinār̀cca, r̥ĕpprāptangratritistismar̥ĕngihningikangjñānacāndropamanya, ngkātāśrīboddhisatwājarigtinirayansunwasangśrīnarendra /// tuṣṭāmbĕkśrīmahāketumanĕmu
[3 3A]
paramānugrahāhyangjinendra, śighronampĕḥnirangyogawkasanumijilśobhasangkengpahoman, praptengkānengsudewīsiramawarawaraḥyanhuwuslabdakār̀yya, byaktangrātswasthacūr̀ṇnangkalihĕl̥ĕmiwijil
śrīmahāśakyasinghā /// ndaḥśrīghrangkālataddwāngidhamikasirasangśrīmahārājaputri, hār̀syāmbĕkśrīnarendrāngariwuwurimanaḥsangsdhĕngkesyanāmrat, pūjāmantrāstutimwangsayusayutinitöhomayajñānu
kāri, sakweḥsangbhiksyukācār̀yyanagarahumiringyogasangśrīnarendra /// ndaḥsakweḥkweḥnikangstrīdakĕmikarumngögar̀bbhinīśrīsupatni, wr̥ĕddhālekśrīghramolaḥwtĕngiramatutur̀sanghanenggar̀bbhadibya, liṇḍū
tangbhūmitejānarawatadumilaḥtrustĕkengswar̀ggaloka, huṅġhuṅġningdewasangghyenglangitajayajayansottaningbuddhajanma /// • /// atharisdhĕngwatĕk'hyangikayanpamūr̀syitamamuṣpaningnāgara, pramuImage 3
[ᬑ 3B]
ᬑ
ᬓᬦᬝᬵᬳᬭᬰᬓ᭄ᬭᬲᬓᬶᬦ᭄ᬦᬭᬵᬥᬶᬧᬲᬸᬭᬵᬃᬱᬶᬤᬾᬯ᭛ᬓᬓ᭄ᬱᬡᬦᬸᬫᬶᬚᬶᬮ᭄ᬪᬝᬵᬭᬚᬶᬦᬭᬹᬧᬰᬹᬤ᭄ᬥᬓᬸᬮᬭᬚᬧᬸᬢ᭄ᬭᬵᬥᬶᬓ᭞ᬲᬸᬓᬢᬫᬦᬄᬦᬭᬾᬦ᭄ᬤ᭄ᬭᬮᬸᬫᬶᬳᬢ᭄ᬲᬶᬭᬾᬗᬦᬓ᭄ᬧᬹᬃᬯ᭄ᬯᬭᬶᬂᬓᬵᬤ᭄ᬪᬸᬢ᭛ᬅᬧᬶᬢᬸᬯᬶᬲᬃᬯ᭄ᬯᬧᬬᬯᬶᬦᬵᬱᬰ
ᬪᬱ᭄ᬫᬶᬭᬶᬯᬶᬚᬶᬮ᭄ᬦᬶᬭᬵᬦᬶᬦ᭄ᬤᬶᬢ᭞ᬢᬸᬫᬶᬢᬶᬲᬸᬫᬸᬗ᭄ᬓᬸᬢᬵᬃᬚ᭄ᬚᬫᬩ᭄ᬦᭂᬃᬩᬸᬮᬾᬯᬮᬶᬓᬲᬸᬱ᭄ᬝᬫᬵᬃᬬ᭄ᬬᬵᬳᬮ᭞ᬓᬶᬫᬸᬢᬢᬶᬓᬂᬯᬸᬚᬶᬮ᭄ᬤᬤᬶᬫᬕᭂᬂᬢᬧᬲ᭄ᬳᬶᬋᬡ᭄ᬕᬦᬾᬓᬲᭀᬕᬓ᭄ᬱᬬ᭞ᬓᬭᬡᬦᬶᬓᬂᬲᬭᬵᬚ᭄ᬬᬧᬥᬪᬓ᭄ᬢ᭄ᬬᬗᬲ᭄ᬢᬸᬢᬶᬭᬶᬚᭃᬂᬦᬭᬾᬦ᭄ᬤ᭄ᬭᬵ᭠
ᬢ᭄ᬫᬚ᭛ᬗᬸᬦᬶᬗᬸᬲᬂᬯ᭄ᬯᬗᬤ᭄ᬬᬳᬶᬤᬍᬫ᭄ᬓᬫᬹᬳᬦᬶᬲᬶᬭᬵᬫᬶᬳᬢ᭄ᬓᬵᬲᬺᬧᬦ᭄᭞ᬓᬓᬓᬓᬮᬾᬦ᭄ᬦᬸᬯᬾᬜᬫᬢᬸᬮᬸᬂᬧᬥᬵᬗ᭄ᬤᬦᬶᬳᬚᭃᬂᬦᬶᬭᬵᬗ᭄ᬤᬾᬲᬸᬓ᭞ᬳᬦᬲᬶᬭᬯᬺᬤ᭄ᬥᬓᬶᬮ᭄ᬬᬦᬶᬓ᭄ᬮᬷᬓᬭᬓ᭄ᬯᬦᬶᬓᬸᬢᬸᬲ᭄ᬦᬭᬾᬦ᭄ᬤ᭄ᬭᬵᬥᬶᬧ᭞ᬧᬮᬶᬦᬶ᭠
ᬭᬢᬦ᭄ᬓᬸᬭᬂᬲᬧᬗᬶᬓᬵᬃᬚ᭄ᬚᬲᬵᬫ᭄ᬧᬸᬦᬋᬧᬢ᭄ᬲᬫᬵᬓᬾᬄᬫᬋᬓ᭄᭛᭜᭛ᬢᬦ᭄ᬯᬃᬡ᭄ᬦᬦ᭄ᬭᬶᬮᬯᬲ᭄ᬦᬶᬭᬵᬋᬚᬫᬦᭀᬳᬭᬳᬶᬦᬸᬦᬶᬗᬦᬶᬂᬯ᭄ᬯᬗᬶᬗ᭄ᬧᬸᬭᬶ᭞ᬲᬵᬫ᭄ᬧᬸᬦ᭄ᬭᬵᬓ᭄ᬯᬕ᭄ᬦᭂᬧ᭄ᬧᬶᬢᬸᬂᬯᬸᬮᬦᬶᬓᬂᬤᬶᬦᬢ᭄ᬫᬸᬩᬜᬸᬲᬗ᭄ᬲᬬᬵᬢᬸᬳ᭞ᬓ᭄ᬬᬵᬢᬶᬂᬰ᭄ᬭᬷ
[᭔ 4A]
ᬲᬸᬢᬲᭀᬫᬫᬦᬵᬫᬦᬶᬭᬤᬾᬦᬺᬧᬢᬶᬯᬶᬦᬸᬗᬸᬲᬶᬂᬚᬕᬢ᭄ᬓᬩᬾᬄ᭞ᬲᬗ᭄ᬓᬾᬯᬃᬡ᭄ᬦᬦᬶᬭᬵᬕᬯᬾᬲᬸᬓᬦᬶᬓᬂᬪᬸᬯᬦᬧᬶᬦᬓᬫᬸᬱ᭄ᬝᬶᬦᬶᬂᬳᬶᬥᬾᬧ᭄᭛ᬮ᭄ᬯᬶᬃᬭᬶᬂᬲ᭄ᬯᬧ᭄ᬦᬢᬸᬯᬸᬄᬦᬶᬭᬾᬗ᭄ᬕᬮᬗᬤᭂᬕ᭄ᬮᬕᬸᬢᬮᬬᬸᬓᬸᬫᬵᬭᬲᬤᬺᬰ᭞ᬲᭀᬮᬄᬪᬹᬯᬦᬶᬭᬾᬓᬶᬘᬸᬫ᭄ᬕᬸ
ᬧᬶᬦᬘᭂᬄᬧᬘᭂᬳᬜᬮᬸᬓᬶᬳᬾᬢᬸᬦᬶᬂᬕᬸᬬᬸ᭞ᬲᬂᬲᬶᬧ᭄ᬢᬦ᭄ᬭᬶᬳᬸᬯᬸᬲ᭄ᬦᬶᬭᬵᬧᬸᬧᬓᬕᭃᬢᬸᬫᬭᬸᬡᬧᬭᬶᬧᬹᬃᬡ᭄ᬦᬬᬸᬰ᭄ᬭᬫ᭞ᬳ᭄ᬬᬂᬦᬶᬂᬓᬶᬗ᭄ᬓᬶᬗᬗᬶᬡ᭄ᬤᬭᬵᬢ᭄ᬲ᭄ᬫᬦᬶᬭᬹᬧ᭄ᬦᬶᬭᬯᬳᬸᬢᬸᬫᬸᬭᬸᬦ᭄ᬲᬓᬾᬂᬢᬯᬂ᭛ᬦ᭄ᬤᬶᬦ᭄ᬗ᭄ᬕᬦ᭄ᬬᬗ᭄ᬯᬕᬦᭂᬲ᭄ᬯᬭᬵᬕᬲᬸᬢᬌᬚᬓᬤᬶᬲᬶᬭᬲᬸᬭᬹᬧ
ᬤᬶᬕ᭄ᬚᬬ᭞ᬲ᭄ᬢ᭄ᬭᬷᬲ᭄ᬢ᭄ᬭᬷᬚ᭄ᬭᭀᬧᬸᬭᬍᬂᬍᬗᬾᬧᬸᬓᬲᭂᬓᬦ᭄ᬲ᭄ᬫᬭᬮᬸᬫᬶᬳᬢᬶᬲᬂᬦᬺᬧᬵᬢ᭄ᬫᬚ᭞ᬢᭂᬓ᭄ᬯᬦ᭄ᬭᬲᬶᬭᬾᬓᬶᬯᬶᬚ᭄ᬜᬓᬤᬶᬢᬦ᭄ᬳᬦᬲᬶᬭᬶᬗᬦᬶᬭᬾᬂᬧ᭄ᬭᬮᬵᬧᬶᬢ᭞ᬩᬂᬬ᭄ᬬᬦ᭄ᬭᬢ᭄ᬭᬶᬕᬸᬭᬶᬢ᭄ᬦᬶᬭᬾᬓᬶᬯᬶᬦᬶᬯᬾᬓᬭᬶᬦᬲᬦᬫᬗᬸᬦ᭄ᬮᬭᬾᬳᬢᬶ᭛ᬫᬗ᭄ᬓᬶᬦ᭄ᬳᬶᬩ᭄ᬭᬫᬦᬄ
ᬦ᭄ᬬᬬᬦ᭄ᬫᬗᭂᬦᬶᬭᬰ᭄ᬫᬶᬦᬶᬭᬧᬶᬦᬓᬤᬾᬯᬦᬶᬂᬧᬸᬭᬶ᭞ᬱ᭄ᬭᬚ᭄ᬜᬾᬂᬕᬷᬢᬯᬶᬘᬓ᭄ᬱᬡᬵᬦ᭄ᬯᬫᬕᬸᬡᬯ᭄ᬭᬸᬳᬗᬶᬦᬓᬶᬩᬸᬤ᭄ᬥᬶᬦᬶᬂᬧᬭ᭞ᬰᬵᬲ᭄ᬢ᭄ᬭᬚ᭄ᬜᬵᬤᬶᬓᬯᬺᬘᬷᬢ᭄ᬢᬫᬲᬶᬳᬶᬂᬓᬲᬶᬳᬦᬶᬓᬫᬭᬵᬃᬣᬓᬾᬯᬮ᭞ᬲᬃᬯ᭄ᬯᬵᬤ᭄ᬪᬸᬢᬲᬗ᭄ᬓᬭᬶᬂᬫᬦᬳᬦᬾᬓᬢᬸ
Auto-transliteration
[o 3B]
o
kanaṭāharaśakrasakinnarādhipasurār̀syidewa /// kakṣaṇanumijilbhaṭārajinarūpaśūddhakularajaputrādhika, sukatamanaḥnarendralumihatsirenganakpūr̀wwaringkādbhuta /// apituwisar̀wwapayawināṣaśa
bhaṣmiriwijilnirānindita, tumitisumungkutār̀jjamabnĕr̀bulewalikasuṣṭamār̀yyāhala, kimutatikangwujildadimagĕngtapashir̥ĕṇganekasogakṣaya, karaṇanikangsarājyapadhabhaktyangastutirijöngnarendrā‐
tmaja /// nguningusangwwangadyahidal̥ĕmkamūhanisirāmihatkāsr̥ĕpan, kakakakalennuweñamatulungpadhāngdanihajöngnirāngdesuka, hanasirawr̥ĕddhakilyaniklīkarakwanikutusnarendrādhipa, palini‐
ratankurangsapangikār̀jjasāmpunar̥ĕpatsamākeḥmar̥ĕk /// • /// tanwar̀ṇnanrilawasnirār̥ĕjamanoharahinuninganingwwangingpuri, sāmpunrākwagnĕppitungwulanikangdinatmubañusangsayātuha, kyātingśrī
[4 4A]
sutasomamanāmaniradenr̥ĕpatiwinungusingjagatkabeḥ, sangkewar̀ṇnanirāgawesukanikangbhuwanapinakamuṣṭininghidhep /// lwir̀ringswapnatuwuḥnirenggalangadĕglagutalayukumārasadr̥ĕśa, solaḥbhūwanirekicumgu
pinacĕḥpacĕhañalukihetuningguyu, sangsiptanrihuwusnirāpupakagötumaruṇaparipūr̀ṇnayuśrama, hyangningkingkingangiṇdarātsmanirūpnirawahutumurunsakengtawang /// ndinngganyangwaganĕswarāgasutar̥öjakadisirasurūpa
digjaya, strīstrījropural̥ĕngl̥ĕngepukasĕkansmaralumihatisangnr̥ĕpātmaja, tĕkwanrasirekiwijñakaditanhanasiringanirengpralāpita, bangyyanratriguritnirekiwiniwekarinasanamangunlarehati /// mangkinhibramanaḥ
nyayanmangĕniraśminirapinakadewaningpuri, ṣrajñenggītawicakṣaṇānwamaguṇawruhanginakibuddhiningpara, śāstrajñādikawr̥ĕcīttamasihingkasihanikamarār̀thakewala, sar̀wwādbhutasangkaringmanahanekatuImage 4
[᭔ 4b]
᭔
ᬳᬸᬢᬸᬳᬸᬚᬶᬦᬵᬢ᭄ᬫᬓᬾᬂᬧ᭄ᬭᬚ᭛ᬬᬾᬓᬵᬳᭂᬢᬸᬦᬶᬓᬂᬚᬕᬢ᭄ᬧᬥᬲᬸᬪᬓ᭄ᬢᬶᬫᬮᬸᬮᬸᬯᬶᬲᬶᬭᬵᬫ᭄ᬩᭂᬓᬹᬢ᭄ᬢᬫ᭞ᬲᬵᬫᬦ᭄ᬢᬵᬧ᭄ᬭᬦᬸᬣᬷᬭᬬᭀᬥᬚᬸᬕᬢᬦ᭄ᬳᬦᬮᬸᬧᬸᬢᬶᬫᬦᬄᬦᬶᬓᬾᬗ᭄ᬳᬢᬶ᭞ᬫ᭄ᬯᬂᬭᬓ᭄ᬭ᭄ᬬᬦ᭄ᬫᬧᬢᬶᬄᬚᬬᬾᬦ᭄ᬤ᭄ᬭᬲᬶᬭᬢᬦ᭄ᬲᬶᬧᬶᬫᬦᬳᬶᬭᬭᬶᬂᬦᬺᬧᬵᬢ᭄ᬫᬚ᭞ᬯᬶᬧ᭄ᬭᬵᬕ᭄ᬭᬵ
ᬦᬸᬧᬫᬵᬤᬶᬦᬶᬂᬓᬸᬰᬮᬧᬡ᭄ᬥᬶᬢᬦᬕᬭᬦᬬᬚ᭄ᬜᬲᬲ᭄ᬫ᭄ᬭᬢᬶ᭛ᬮᬸᬫ᭄ᬭᬾᬂᬭᬵᬢ᭄ᬲᬸᬤᬕᬾᬂᬢ᭄ᬭᬶᬮᭀᬓᬓᬚᬦᬵᬧ᭄ᬭᬶᬬᬦᬶᬭᬓᬢ᭄ᬓᬾᬂᬧᬸᬭᬦ᭄ᬢᬭ᭞ᬭᬶᬂᬲ᭄ᬯᬃᬕ᭄ᬕᬵᬲ᭄ᬣᬦᬪᬝᬵᬭᬰᬫ᭄ᬪᬸᬧᬭᬤᬾᬯᬕᬡᬫᬶᬮᬸᬫᬗᬲ᭄ᬢᬯᬾᬲᬶᬭ᭞ᬗ᭄ᬳᬶᬂᬢᬾᬓᬂᬲᬸᬭᬓᬦ᭄ᬬᬓᬵᬲ᭄ᬫᬸᬯᬶᬯᬮ᭄ᬫᬶᬳᬳᬶᬫᬦᬶ
ᬲᬶᬭᬾᬂᬲ᭄ᬯᬦᬵᬕᬭ᭞ᬤᬾᬦᬶᬂᬩᬸᬤ᭄ᬥᬶᬦᬶᬭᬵᬕ᭄ᬭᬳᬾᬂᬫᬤᬦᬢᬦ᭄ᬢ᭄ᬭᬫᬦᬮᬳᬫᬭᬶᬂᬲ᭄ᬤᭂᬂᬭᬶᬫᬂ᭛ᬲᬶᬗ᭄ᬕᬶᬄᬬᬦ᭄ᬚᬶᬦᬫᬹᬃᬢ᭄ᬢᬶᬕᬸᬤ᭄ᬥᬓᬸᬮᬯᬗ᭄ᬰᬚᬯ᭄ᬮᬯ᭄ᬮᬰᬵᬲ᭄ᬢ᭄ᬭᬧᬵᬭᬕ᭞ᬲᬶᬗ᭄ᬳᬶᬢ᭄ᬭᬶᬂᬩ᭄ᬭᬢᬬᭀᬕᬫᬦ᭄ᬢ᭄ᬭᬲᬢᬸᬯᬸᬄᬲᬶᬭᬲᬢᬢᬲᬸᬪᬓ᭄ᬢᬶᬭᬶᬂᬕᬸᬭᬸ᭞ᬰ᭄ᬭᬷᬚ᭄ᬜ᭄ᬬᬵᬦᬾᬰ᭄ᬯᬭᬩᬚ᭄ᬭᬭᬓ᭄ᬯᬕᬸᬯᬸ
ᬲᬂᬧ᭄ᬭᬪᬸᬕᬸᬭᬸᬦᬸᬭᬲᬂᬦᬺᬱᬵᬢ᭄ᬫᬚ᭞ᬦᬵᬳᬾᬢᬸᬦ᭄ᬬᬢᬶᬓᬂᬓᬯᬸᬗ᭄ᬓᬚᬦᬢᬦ᭄ᬤᬳᬢᬳ᭄ᬮᬶᬓᬲᬵᬥᬸᬦᬹᬢ᭄ᬢᬫ᭛ᬩᬸᬤ᭄ᬥᬷᬰ᭄ᬭᬷᬦᬭᬦᬵᬣᬫᬗ᭄ᬓᬶᬦ᭄ᬢᬼᬩ᭄ᬲᬶᬳᬶᬭᬭᬶᬲᬶᬭᬲᬂᬦᬺᬧᬵᬢ᭄ᬫᬚ᭞ᬗ᭄ᬳᬶᬂᬲ᭄ᬢ᭄ᬭᬷᬭᬵᬢ᭄ᬦᬯᬶᬰᬾᬱᬬᭀᬕ᭄ᬬᬧᬲᬸᬗᬾᬲᬶᬭᬫᬬᬸᬕᬮᬭᬵᬚᬧᬸᬢ᭄ᬭᬶ
[᭕ 5A]
ᬓ᭞ᬢᭂᬓ᭄ᬯᬦ᭄ᬭᬓ᭄ᬯᬲᬶᬭᬾᬓᬶᬦᬲ᭄ᬢ᭄ᬯᬓ᭄ᬦᬪᬹᬧᬢᬶᬧᬗᬸᬘᬧᬶᬭᬾᬦᬭᬾᬰ᭄ᬯᬭ᭞ᬗ᭄ᬓᬵᬦᬵᬣᬢᬭᬓ᭄ᬯᬫᬗ᭄ᬚᬸᬭᬸᬲᬸᬫᬶᬯ᭄ᬬᬢᬸᬫᬸᬢᬭᬶᬲᬶᬭᬂᬯᬢᭂᬓ᭄ᬭᬢᬸ᭛ᬦ᭄ᬤᬦ᭄ᬲᬓ᭄ᬯᬾᬄᬤᬶᬭᬲᬂᬫᬋᬓ᭄ᬧ᭄ᬭᬫᬸᬓᬲᬂᬤ᭄ᬯᬶᬚᬯᬭᬋᬱᬶᬰᬾᬯᬲᭀᬕᬢ᭞ᬓᬧ᭄ᬯᬵᬪᬹᬢᬶ
ᬯᬸᬯᬸᬲ᭄ᬦᬭᬾᬦ᭄ᬤ᭄ᬭᬢᬸᬳᬸᬤᬃᬫ᭄ᬫᬓᬭᬡᬫᬕᬯᬾᬚᬕᬢ᭄ᬥᬶᬢ᭞ᬰᬶᬖ᭄ᬭᬵᬂᬤᬹᬢᬓᬶᬦᭀᬦ᭄ᬮᬸᬫᬓ᭄ᬯᬫᬋᬓᬾᬂᬦᬺᬧᬲᬸᬢᬫᬜ᭄ᬚᬶᬗᬾᬂᬧᬸᬭᬶ᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬭᬶᬲᬦ᭄ᬫᬸᬓᬵᬦᬺᬧᬢᬶᬲᬂᬦᬺᬧᬲᬸᬢᬢᬸᬫᬸᬮᬸᬲ᭄ᬫᬗᬜ᭄ᬚᬮᬶ᭛᭜᭛ᬑᬫ᭄ᬧᬸᬢ᭄ᬭᬗ᭄ᬓᬸᬪ
ᬝᬵᬭᬩᬸᬤ᭄ᬥᬓᬶᬦᬪᬓ᭄ᬢ᭄ᬬᬦ᭄ᬢᬧ᭄ᬭᬫᬵᬡᬾᬗ᭄ᬳᬸᬮᬸᬦ᭄᭞ᬲ᭄ᬯᬲ᭄ᬢ᭄ᬬᬵᬲ᭄ᬢᬸᬧ᭄ᬭᬪᬸᬥᬃᬫ᭄ᬫᬫᬹᬃᬢ᭄ᬢᬶᬗᬸᬲᬶᬋᬦ᭄ᬢᬵᬗ᭄ᬭᬓ᭄ᬱᬥᬃᬫ᭄ᬫᬲ᭄ᬣᬶᬢᬶ᭞ᬆᬧᬦ᭄ᬩ᭄ᬬᬓ᭄ᬢᬳᬶᬬᬂᬕᭂᬍᬳ᭄ᬕᭂᬍᬳᬶᬓᬂᬭᬢ᭄ᬬᬦ᭄ᬓᬶᬢᬾᬓᬵᬦ᭄ᬤᬶᬭᬶ᭞ᬧᬗ᭄ᬮᬶᬗ᭄ᬕᬦ᭄ᬭᬶᬯᬶᬚᬶᬮ᭄ᬢᬗᬹᬦᬶᬫᬕᬯᬾᬢᬸᬱ᭄ᬝᬵ᭠
ᬧ᭄ᬭᬫᬡᬾᬂᬚᬕᬢ᭄᭛ᬲᬂᬲᬶᬧ᭄ᬢᬦ᭄ᬬᬢᬸᬳᬦ᭄ᬓᬸᬭᬓ᭄ᬯᬓᬶᬢᬭᬢ᭄ᬯᬵᬦᬸᬕ᭄ᬭᬳᬗ᭄ᬓ᭄ᬯᬷᬓᬶᬢ᭞ᬲᬓ᭄ᬯᬾᬄᬲᬂᬧᬭᬦᬵᬣᬬᬾᬧ᭄ᬓᬶᬦᬗᭂᬦ᭄ᬲᬫᬦ᭄ᬢᬬᭀᬧ᭄ᬭᬪᬸ᭞ᬲᬵᬫ᭄ᬩ᭄ᬬᬵᬲᭀᬫᬳᬦᬾᬓᬶᬫᬵᬲ᭄ᬢ᭄ᬯᬓ᭄ᬦᬤᭀᬦ᭄ᬢᬾᬪᬹᬫᬶᬭᬵᬚᬵᬥᬶᬧ᭞ᬗ᭄ᬓᬵᬭᬓ᭄ᬭ᭄ᬬᬦ᭄
Auto-transliteration
[4 4b]
4
hutuhujinātmakengpraja /// yekāhĕtunikangjagatpadhasubhaktimaluluwisirāmbĕkūttama, sāmantāpranuthīrayodhajugatanhanaluputimanaḥnikenghati, mwangrakryanmapatiḥjayendrasiratansipimanahiraringnr̥ĕpātmaja, wiprāgrā
nupamādiningkuśalapaṇdhitanagaranayajñasasmrati /// lumrengrātsudagengtrilokakajanāpriyanirakatkengpurantara, ringswar̀ggāsthanabhaṭāraśambhuparadewagaṇamilumangastawesira, nghingtekangsurakanyakāsmuwiwalmihahimani
sirengswanāgara, deningbuddhinirāgrahengmadanatantramanalahamaringsdĕngrimang /// singgiḥyanjinamūr̀ttiguddhakulawangśajawlawlaśāstrapāraga, singhitringbratayogamantrasatuwuḥsirasatatasubhaktiringguru, śrījñyāneśwarabajrarakwaguwu
sangprabhugurunurasangnr̥ĕsyātmaja, nāhetunyatikangkawungkajanatandahatahlikasādhunūttama /// buddhīśrīnaranāthamangkintl̥ĕbsihirarisirasangnr̥ĕpātmaja, nghingstrīrātnawiśeṣayogyapasungesiramayugalarājaputri
[5 5A]
ka, tĕkwanrakwasirekinastwaknabhūpatipangucapirenareśwara, ngkānāthatarakwamangjurusumiwyatumutarisirangwatĕkratu /// ndansakweḥdirasangmar̥ĕkpramukasangdwijawarar̥ĕsyiśewasogata, kapwābhūti
wuwusnarendratuhudar̀mmakaraṇamagawejagatdhita, śighrāngdūtakinonlumakwamar̥ĕkengnr̥ĕpasutamañjingengpuri, sāmpunprāptarisanmukānr̥ĕpatisangnr̥ĕpasutatumulusmangañjali /// • /// omputrangkubha
ṭārabuddhakinabhaktyantapramāṇenghulun, swastyāstuprabhudhar̀mmamūr̀ttingusir̥ĕntāngrakṣadhar̀mmasthiti, āpanbyaktahiyanggĕl̥ĕhgĕl̥ĕhikangratyankitekāndiri, panglingganriwijiltangūnimagawetuṣṭā‐
pramaṇengjagat /// sangsiptanyatuhankurakwakitaratwānugrahangkwīkita, sakweḥsangparanāthayepkinangĕnsamantayoprabhu, sāmbyāsomahanekimāstwaknadontebhūmirājādhipa, ngkārakryanImage 5
[᭕ 5B]
᭕
ᬫᬶᬳᬢᬾᬭᬭᬦ᭄ᬬᬧᬶᬮᬶᬳᭂᬦ᭄ᬦ᭄ᬤᬦ᭄ᬲᬶᬂᬲᬬᭀᬕ᭄ᬬᬮᬧᭂᬦ᭄᭛ᬢᭂᬓ᭄ᬯᬦ᭄ᬭᬓ᭄ᬯᬓᬶᬢᬾᬓᬶᬫᬗ᭄ᬕᬮᬯᬶᬰᬾᬱᬵᬫᬸᬫ᭄ᬧᬸᬦᬶᬲ᭄ᬢ᭄ᬭ᭄ᬬᬵᬳᬚᭂᬂ᭞ᬭᬵᬢ᭄ᬦᬵᬲ᭄ᬯᬂᬫᬡᬶᬭᬵᬚᬧᬓ᭄ᬱᬶᬘᬸᬭᬶᬕᬦ᭄ᬤᬦ᭄ᬲᬶᬂᬍᬯᬶᬄᬭᬶᬂᬚᬕᬢ᭄᭞ᬫᬗ᭄ᬕᭂᬄᬤᬺᬯ᭄ᬬᬗᬶᬲᬂᬦᬭᬾᬦ᭄ᬤ᭄ᬭᬓᬭᬸᬳᬸᬦ᭄ᬢᬂᬚᬶᬯ᭄ᬯ
ᬦᬶᬂᬭᬵᬢ᭄ᬓᬩᬾᬄ᭞ᬬᬧ᭄ᬯᬦ᭄ᬮᬗ᭄ᬖ᭄ᬬᬦᬯᬵᬥᬥᬡ᭄ᬥᬦᬶᬬᬢᬂᬯ᭄ᬯᬂᬬᬦ᭄ᬧ᭄ᬭᬲᬗ᭄ᬖᬾᬂᬓᬶᬢ᭛ᬮᬵᬯᬦ᭄ᬢᬦ᭄ᬳᬦᬬᬸᬓ᭄ᬢ᭄ᬬᬦᬶᬂᬓᬤᬶ᭠ᬢᬸᬳᬦ᭄ᬓ᭄ᬬᬵᬗ᭄ᬳᬶᬂᬫᬢᬶᬦ᭄ᬬᬵᬲᬶᬋᬦ᭄᭞ᬫᬸᬓ᭄ᬢ᭄ᬬᬂᬲᬗ᭄ᬕᬫᬓᬵᬫᬢᬦ᭄ᬢ᭄ᬭᬫᬓᬤᭀᬦ᭄ᬧᬸᬢ᭄ᬭᬵᬢᬶᬥᬃᬫ᭄ᬫᭀᬢ᭄ᬢᬫ᭞ᬭᬶᬂᬪᬵᬕᬵᬥᬶᬓ
ᬧᬤ᭄ᬫᬥᬡ᭄ᬥᬕ᭄ᬮᬋᬡ᭄ᬝᬂᬩᬸᬤ᭄ᬥᬯᬷᬚᬵᬓ᭄ᬱᬭ᭞ᬲᬂᬳ᭄ᬬᬂ[]ᬩᬸᬤ᭄ᬤᬯᬶᬩᬵᬡᬲᬸᬧ᭄ᬢᬬᬕᭂᬗᭂᬦ᭄ᬭᬶᬂᬩ᭄ᬬᬹᬳᬓᬵᬫᬡ᭄ᬥᬓ᭛ᬬᬧ᭄ᬯᬦ᭄ᬫᬗ᭄ᬓᬦᬤᬾᬦ᭄ᬢᬦᬶᬢ᭄ᬬᬫᬕᬯᬾᬮᬫ᭄ᬧᬄᬲᬸᬪᬶᬓ᭄ᬱᬂᬚᬕᬢ᭄᭞ᬫ᭄ᬯᬂᬲᬓ᭄ᬯᬾᬄᬩᬮᬬᭀᬥᬬᬾᬓᬧᬭᬳᭂᬦ᭄ᬭᬶᬂᬢᬶᬰᬵ
ᬲ᭄ᬢ᭄ᬭᬦ᭄ᬮᬓᬸ᭞ᬅᬲ᭄ᬢᬫ᭄ᬢᬂᬘᬢᬸᬭᬵᬰ᭄ᬭᬫᬾᬓᬳᬭᬶᬦᭂᬦ᭄ᬭᬶᬂᬧᬜ᭄ᬘᬰᬶᬮᬵᬓ᭄ᬭᬫ᭞ᬯᬶᬥ᭄ᬬᬵᬫ᭄ᬯᬂᬩ᭄ᬭᬢᬮᬾᬦ᭄ᬢᬧᬦ᭄ᬬᬳᬸᬦᬶᬗᬦ᭄ᬤᬾᬰ᭄ᬭᬶᬦᬭᬾᬦ᭄ᬤ᭄ᬭᬵᬥᬶᬧ᭛ᬅᬧᬦ᭄ᬭᬓ᭄ᬯᬳᬦᬾᬓᬶᬧᬡ᭄ᬥᬶᬢᬫᬳᬵᬤᬸᬱ᭄ᬝᬵᬢᬶᬲᬵᬥᬸᬦ᭄ᬓᬢᭀᬦ᭄᭞ᬫᬸᬗ᭄ᬕ᭄ᬯᬶᬂᬫᬡ᭄ᬤᬮᬰᬶᬱ᭄ᬬᬲ᭠
[᭖ 6A]
ᬗ᭄ᬖ᭄ᬬᬯᬶᬓ᭄ᬱᭂᬓ᭄ᬲ᭄ᬢ᭄ᬭᬷᬲ᭄ᬢ᭄ᬭ᭄ᬬᬵᬃᬚ᭄ᬚᬫᬓ᭄ᬯᬾᬳ᭄ᬯᬶᬓᬸ᭞ᬮᬾᬦ᭄ᬢᬂᬭᬂᬩᬶᬦᬶᬂᬧ᭄ᬭᬯᬶᬭᬫᬲᬸᬭᬸᬤ᭄ᬲᬲ᭄ᬓᬵᬭᬦᬓ᭄ᬢᬷᬲ᭄ᬦᭂᬂ᭞ᬢᬦ᭄ᬮᬸᬧ᭄ᬢᬂᬧᬶᬦᬭᬦ᭄ᬬᬮᬶᬱ᭄ᬬᬫᬯᬭᬄᬥᬃᬫ᭄ᬫᬵᬢ᭄ᬫᬄᬲᬗ᭄ᬕᬫ᭛ᬬᬾᬓᬗ᭄ᬤᬾᬳᬸᬬᬗᬶᬂᬢ᭄ᬭᬶᬮᭀᬓᬫᬕᬯᬾᬲᬗ᭄ᬳᬵᬭᬳᬵᬭᭀᬳᬭ᭞ᬲᬶᬗ᭄ᬕᬶᬄᬬᬦ᭄ᬲᬸᬢ
ᬢᬢ᭄ᬯᬦᬶᬂᬧᬭᬫᬰᬶᬱ᭄ᬬᬵᬗ᭄ᬓᭂᬦ᭄ᬓᬸᬭᬹᬫ᭄ᬯᬂᬩᬧ᭞ᬢ᭄ᬭᬂᬢ᭄ᬭᬂᬦ᭄ᬬᭀᬫᬳᬸᬤᬦ᭄ᬲᬮᬄᬫᬲᬯ᭄ᬢᬸᬦ᭄ᬬᬦ᭄ᬲᬃᬯ᭄ᬯᬯᬶᬚᬦ᭄ᬯᬕᬸ᭞ᬢᬶᬲ᭄ᬢᬶᬲ᭄ᬢᬂ᭠ᬤᬰᬤᬾᬰᬤᬸᬱ᭄ᬝᬫᬮᬶᬯᭂᬃᬕ᭄ᬭᬶᬂᬢᬦ᭄ᬧᬓᬵᬮᬵᬗᬲᬸᬢ᭄᭞᭛ᬲᬂᬓ᭄ᬱᬾᬧᬦ᭄ᬬᬤᬸᬯᭂᬕ᭄ᬢᬶᬩᬵᬦᬯᬭᬥᬡ᭄ᬥᬵᬧᬡ᭄ᬥ᭄ᬬᬬᬦ᭄ᬫᬗ᭄ᬓᬦ᭞
ᬲᬓ᭄ᬯᬾᬄᬓ᭄ᬯᬾᬄᬳᬶᬓᬭᬫ᭄ᬧᬲᬦ᭄ᬯᬮᬢᬸᬗᭂᬦ᭄ᬩ᭄ᬯᬵᬗᭂᬦ᭄ᬫᬭᬾᬂᬲᬵᬕᬭ᭞ᬲ᭄ᬯᬲ᭄ᬢᬂᬭᬵᬢ᭄ᬧᬮᬧᬦ᭄ᬬᬰᬶᬱ᭄ᬬᬦᬶᬓᬢᬦ᭄ᬲᬫ᭄ᬧᬸᬃᬧ᭄ᬭᬲᬶᬤ᭄ᬥᬵᬳᬬᬸ᭞ᬤᬶᬃᬕ᭄ᬖ᭄ᬬᬵᬬᬸᬄᬲᬶᬭᬲᬂᬦᬭᬾᬦ᭄ᬤ᭄ᬭᬢᬸᬳᬸᬬᬦ᭄ᬪᬹᬧᬵᬓ᭄ᬮᬵᬗ᭄ᬭᬓ᭄ᬱᬭᬢ᭄᭛ᬲᬚ᭄ᬜᬵᬰ᭄ᬭᬷᬦᬭᬦᬵᬣᬶᬤᬶ
ᬩ᭄ᬬᬓᬳᬶᬥᭂᬧ᭄ᬮ᭄ᬯᬶᬃᬢᬶᬃᬣᬰᬸᬤ᭄ᬥᭀᬱᬥᬶ᭞ᬲᬶᬗ᭄ᬕᬶᬄᬗ᭄ᬕᬦ᭄ᬬᬧᬸᬭᬶᬄᬦᬶᬗᬫ᭄ᬩᭂᬓᬕᬯᬾᬥᬃᬫ᭄ᬫᬵᬢ᭄ᬫᬚᬵᬦᬶᬦ᭄ᬤᬶᬢ᭞ᬦᬶᬲ᭄ᬢᬦ᭄ᬬᭀᬤᬬᬰᬲ᭄ᬢ᭄ᬭᬳᬢ᭄ᬯᬚᬸᬕᬢᬦ᭄ᬫᬗ᭄ᬕᭂᬄᬢ᭄ᬓᬧ᭄ᬦᬶᬗ᭄ᬳᬸᬮᬸᬦ᭄᭞ᬤᬾᬦᬶᬂᬩᬸᬤ᭄ᬥᬶᬓᬳᬷᬦᬧᬸᬡ᭄ᬬᬦᬓᬮᬶᬲ᭄ᬭᬶᬂᬯ᭄ᬯᬂᬲᬶᬦᬗ᭄ᬕᬄᬧ᭄ᬭᬪᬸ᭛
Auto-transliteration
[5 5B]
5
mihateraranyapilihĕnndansingsayogyalapĕn /// tĕkwanrakwakitekimanggalawiśesyāmumpunistryāhajĕng, rātnāswangmaṇirājapaksyicurigandansingl̥ĕwiḥringjagat, manggĕḥdr̥ĕwyangisangnarendrakaruhuntangjiwwa
ningrātkabeḥ, yapwanlangghyanawādhadhaṇdhaniyatangwwangyanprasangghengkita /// lāwantanhanayuktyaningkadi‐tuhankyānghingmatinyāsir̥ĕn, muktyangsanggamakāmatantramakadonputrātidhar̀mmottama, ringbhāgādhika
padmadhaṇdhaglar̥ĕṇṭangbuddhawījākṣara, sanghyang[]buddawibāṇasuptayagĕngĕnringbyūhakāmaṇdhaka /// yapwanmangkanadentanityamagawelampaḥsubhikṣangjagat, mwangsakweḥbalayodhayekaparahĕnringtiśā
stranlaku, astamtangcaturāśramekaharinĕnringpañcaśilākrama, widhyāmwangbratalentapanyahuningandeśrinarendrādhipa /// apanrakwahanekipaṇdhitamahāduṣṭātisādhunkaton, munggwingmaṇdalaśiṣyasa‐
[6 6A]
ngghyawiksyĕkstrīstryār̀jjamakwehwiku, lentangrangbiningprawiramasurudsaskāranaktīsnĕng, tanluptangpinaranyaliṣyamawaraḥdhar̀mmātmaḥsanggama /// yekangdehuyangingtrilokamagawesanghārahārohara, singgiḥyansuta
tatwaningparamaśiṣyāngkĕnkurūmwangbapa, trangtrangnyomahudansalaḥmasawtunyansar̀wwawijanwagu, tististang‐daśadeśaduṣṭamaliwĕr̀gringtanpakālāngasut, /// sangksyepanyaduwĕgtibānawaradhaṇdhāpaṇdhyayanmangkana,
sakweḥkweḥhikarampasanwalatungĕnbwāngĕnmarengsāgara, swastangrātpalapanyaśiṣyanikatansampur̀prasiddhāhayu, dir̀gghyāyuḥsirasangnarendratuhuyanbhūpāklāngrakṣarat /// sajñāśrīnaranāthidi
byakahidhĕplwir̀tir̀thaśuddhoṣadhi, singgiḥngganyapuriḥningambĕkagawedhar̀mmātmajānindita, nistanyodayaśastrahatwajugatanmanggĕḥtkapninghulun, deningbuddhikahīnapuṇyanakalisringwwangsinanggaḥprabhu ///Image 6
[᭖ 6B]
᭖
ᬬᬦ᭄ᬓᬵᬗᭂᬦ᭄ᬭᬸᬲᬶᬢᬶᬂᬕᬶᬡᬵᬫᬯᬚᬕᬢ᭄ᬢᬦ᭄ᬯ᭄ᬭᬶᬂᬤᬥᬵᬗᬾᬦᬓᬵ᭞ᬲᭃᬓ᭄ᬭᬶᬂᬯᬶᬃᬬ᭄ᬬᬫᬳᬵᬫ᭄ᬭᬪᬵᬱᬲᬓᬮᬵᬯᬓ᭄ᬖ᭄ᬬᬂᬚᬕᬢ᭄ᬓᬵᬭᬡ᭞ᬭᬵᬚᬵᬦᬸᬕ᭄ᬭᬳᬯᬶᬕ᭄ᬭᬳᬾᬓᬶᬫᬕᬯᬾᬪᬓ᭄ᬢ᭄ᬬᬵᬦᬶᬓᬂᬭᬵᬢ᭄ᬓᬩᬾᬄ᭞ᬲ᭄ᬢ᭄ᬭᬶᬭᬵᬢ᭄ᬦᬵᬥᬶᬓᬤᭀᬕᬪᭀᬚᬦ᭠
ᬧ᭄ᬦᬸᬄᬬᬾᬓᬵᬫᬗᬸᬦ᭄ᬧᬵᬢᬓ᭛ᬢᭂᬓ᭄ᬯᬦ᭄ᬢᬦ᭄ᬓᬯ᭄ᬦᬂᬲᬫᬶᬗ᭄ᬕᬳᬦᬲᬓ᭄ᬯᬾᬄᬦᬶᬂᬫᬳᬵᬤᬸᬃᬚ᭄ᬚᬦ᭞ᬲ᭄ᬢ᭄ᬭ᭄ᬬᬵᬦᬓ᭄ᬫ᭄ᬯᬂᬓᬸ᭠ᬮᬯᬡ᭄ᬥᬸᬬᬾᬓᬳᬫᭂᬲᭂᬦ᭄ᬬᬵᬗ᭄ᬓᭂᬦ᭄ᬓᬍᬗ᭄ᬓᬾᬂᬚᬕᬢ᭄᭞ᬬᬤ᭄ᬬᬦ᭄ᬭᬵᬓ᭄ᬱᬲᬤᬾᬢ᭄ᬬᬪᬹᬢᬫᬸᬩᬸᬭᬂᬭᬵᬢ᭄ᬤᬾᬯᬢᭀ᭠
ᬯ᭄ᬬᬤ᭄ᬪᬸᬢ᭞ᬫᬗ᭄ᬕᭂᬄᬰᬢ᭄ᬭᬸᬢ᭄ᬓᬧ᭄ᬲᬗᬵᬤᬶᬭᬶᬍᬳᭂᬂᬬᬦ᭄ᬯᬷᬭᬰᬓ᭄ᬢᬶᬂᬭᬡ᭛ᬬᬧ᭄ᬯᬦ᭄ᬲᭀᬃᬲᬶᬧᬶᬓᬵᬰ᭄ᬫᬮᬦ᭄ᬬᬦᬶᬦᬸᬘᬧ᭄ᬩ᭄ᬬᬵᬓ᭄ᬢᬵᬗ᭄ᬳᭂᬢᬶᬂᬭᭀᬭᬯ᭞ᬭᬹᬓ᭄ᬱᬵᬓ᭄ᬯᬾᬄᬦᬶᬓᬦᬂᬲ᭄ᬯᬭᬵᬚ᭄ᬬᬓᬳᬯᬂᬥᬃᬫ᭄ᬫᬵᬧ᭄ᬭᬢᬶᬱ᭄ᬝᬾᬂᬤᬗᬸ᭞ᬰᬹᬭᬵᬢ᭄ᬬᬦ᭄ᬢᬭᬶᬓᬵ
ᬲ᭄ᬢᬯᬦ᭄ᬬᬦᬢᬸᬧᬶᬲ᭄ᬬᬦ᭄ᬰᬢ᭄ᬭᬸᬦᬵᬰᬶᬤ᭄ᬪᬸᬢ᭞ᬳᬶᬗ᭄ᬲᬧᬵᬧᬦᬶᬓᬾᬓᬢᬦ᭄ᬤ᭄ᬯᬭᬸᬫᬯᬸᬄᬥᬸᬭᬵᬓᬬᭀᬰᭂᬰ᭄ᬯᬭᬦ᭄᭞᭛ᬲᬂᬓ᭄ᬱᬾᬧᬦ᭄ᬬᬯᬸᬯᬸᬲ᭄ᬧᬢᬶᬓ᭄ᬳᬚᬶᬭᬶᬲᭀᬚᬃᬰ᭄ᬭᬷᬦᬭᬾᬦ᭄ᬤ᭄ᬭᬵᬥᬶᬧ᭞ᬦ᭄ᬤᬵᬢᬦ᭄ᬲᭂᬗ᭄ᬕᬳᭂᬦᬮ᭄ᬧᬥᬃᬫ᭄ᬫᬓᬸᬤᬶᬮᬵ
[᭗ 7a]
ᬧ᭄ᬭᬂᬯᬓ᭄ᬢ᭄ᬭᬦᬶᬰ᭄ᬰᬵᬲᬦ᭞ᬦᬦ᭄ᬢᭂᬦ᭄ᬢᬦ᭄ᬳᬦᬍᬦ᭄ᬲᬓᬾᬂᬧᬭᬫᬰᬹᬦ᭄ᬬᬵᬋᬫ᭄ᬩᬦᬶᬂᬧᬵᬃᬯ᭄ᬯᬢ᭞ᬚᬵᬢᬷᬲᬗ᭄ᬕᬫᬯᬶᬖ᭄ᬦᬫᬃᬕ᭄ᬕ᭠ᬓᬭᬡᬦ᭄ᬤᬶᬦ᭄ᬬᬵᬂᬧᬦᭂᬫ᭄ᬯᬗ᭄ᬳᬬᬸ᭞᭛ᬦᬵᬳᬦ᭄ᬮᬶᬂᬦᬭᬦᬵᬣᬧᬸᬢ᭄ᬭᬫᬯᬸᬯᬸᬲ᭄ᬧᬸᬄᬢ᭄ᬯᬲ᭄ᬦᬭᬾᬦ᭄ᬤ᭄ᬭᬵᬥᬶᬧ᭞ᬫ᭄ᬯᬂᬲᬓ᭄ᬯᬾᬄᬧᬭᬯᬷᬭᬬᭀ
ᬥᬭᬸᬫ᭄ᬗᭃᬫ᭄ᬯᬂᬲᬂᬫᬳᬵᬰᬩ᭄ᬤᬶᬓ᭞ᬢᭀᬯᬶᬦ᭄ᬗ᭄ᬕᬦ᭄ᬬᬧᬥᭀᬫ᭄ᬕᭃᬦ᭄ᬫᭂᬗᭂᬦᬶᬲᬗ᭄ᬕᬸᬧ᭄ᬰ᭄ᬭᬶᬦᬭᬾᬦ᭄ᬤ᭄ᬭᬵᬢ᭄ᬫᬚ᭞ᬤᬾᬦᬶᬂᬦ᭄ᬯᬫ᭄ᬦᬶᬭᬲᬶᬗ᭄ᬳᬶᬢᬶᬂᬧᬭᬫᬢᭀᬕᬶᬦ᭄ᬤ᭄ᬭᬵᬫᬸᬦᬄᬯᬵᬳ᭄ᬬᬓ᭛ᬗ᭄ᬓᬵᬭᬓ᭄ᬭ᭄ᬬᬦ᭄ᬫᬧᬢᬶᬄᬚᬬᬾᬦ᭄ᬤ᭄ᬭᬫᬯᬸᬯᬸᬲ᭄ᬫᬃᬫ᭄ᬫᬵᬗᬮᬫ᭄ᬯᬲ᭄ᬋᬱᭂᬧ᭄᭞ᬲᬶ
ᬗ᭄ᬕᬶᬄᬮᬶᬂᬦᬶᬢᬸᬳᬦ᭄ᬓᬸᬬᭀᬕ᭄ᬬᬧᬶᬢᬸᬳᬸᬦ᭄ᬤᬾᬲᬂᬫᬳᬵᬧᬡ᭄ᬥᬶᬢ᭞ᬢᬦ᭄ᬕ᭄ᬯᬵᬳ᭄ᬬᬵᬓ᭄ᬦᬤᬾᬦᬺᬧᬵᬢ᭄ᬫᬚᬫᬦᬄᬦᬶᬂ᭠ᬰᬹᬭᬭᭀᬢ᭄ᬢᬾᬂᬢᬧ᭞ᬢᭀᬮᬶᬄᬗ᭄ᬳᬦ᭄ᬬᬢᬗᬶᬲ᭄ᬦᬭᬾᬦ᭄ᬤ᭄ᬭᬓᬢᬶᬮᬃᬫ᭄ᬯᬂᬭᬾᬡᬭᬓ᭄ᬭ᭄ᬬᬦ᭄ᬓᬭᬶ᭛ᬫᬶᬮ᭄ᬯᬂᬭᬵᬢ᭄ᬫᬓ᭄ᬢᭂᬂᬧᬥᬵᬦᬮᬳ
ᬲᭀᬦᭂᬓ᭄ᬫᬹᬃᬘ᭄ᬘᬶᬢᬵᬓ᭄ᬯᬾᬄᬫᬗᬵ᭞ᬅᬲ᭄ᬢᬫ᭄ᬢᬂᬩᬮᬯᬷᬭᬬᭀᬥᬓᬧ᭄ᬮᬦ᭄ᬧᬸᬗ᭄ᬕᭂᬮ᭄ᬫᬦᬄᬦ᭄ᬬᬾᬗ᭄ᬳᬢᬶ᭞ᬢᬦ᭄ᬳᭀᬫᭂᬦ᭄ᬢᬶᬓᬗᬫ᭄ᬩᭂᬓᬶᬂᬯ᭄ᬯᬗᬶᬦᬍᬫ᭄ᬲ᭄ᬢ᭄ᬭᬷᬓᬦ᭄ᬬᬗ᭄ᬕᭂᬂᬧᬶᬗᬶᬢ᭄᭞ᬆᬧᬦ᭄ᬭᬓ᭄ᬯᬦᬭᬾᬦ᭄ᬤ᭄ᬭᬧᬸᬢ᭄ᬭᬓᬱᬲᭂᬧ᭄ᬦ᭄ᬬᬵᬧᬹᬃᬭ᭄ᬢ᭄ᬯᬕᬾᬂᬢᬶᬮᬫ᭄᭛
Auto-transliteration
[6 6B]
6
yankāngĕnrusitinggiṇāmawajagattanwringdadhāngenakā, sökringwir̀yyamahāmrabhāṣasakalāwakghyangjagatkāraṇa, rājānugrahawigrahekimagawebhaktyānikangrātkabeḥ, strirātnādhikadogabhojana‐
pnuḥyekāmangunpātaka /// tĕkwantankawnangsaminggahanasakweḥningmahādur̀jjana, stryānakmwangku‐lawaṇdhuyekahamĕsĕnyāngkĕnkal̥ĕngkengjagat, yadyanrākṣasadetyabhūtamuburangrātdewato‐
wyadbhuta, manggĕḥśatrutkapsangādiril̥ĕhĕngyanwīraśaktingraṇa /// yapwansor̀sipikāśmalanyaninucapbyāktānghĕtingrorawa, rūksyākweḥnikanangswarājyakahawangdhar̀mmāpratiṣṭengdangu, śūrātyantarikā
stawanyanatupisyanśatrunāśidbhuta, hingsapāpanikekatandwarumawuḥdhurākayośĕśwaran, /// sangksyepanyawuwuspatik'hajirisojar̀śrīnarendrādhipa, ndātansĕnggahĕnalpadhar̀mmakudilā
[7 7a]
prangwaktraniśśāsana, nantĕntanhanal̥ĕnsakengparamaśūnyār̥ĕmbaningpār̀wwata, jātīsanggamawighnamar̀gga‐karaṇandinyāngpanĕmwanghayu, /// nāhanlingnaranāthaputramawuwuspuḥtwasnarendrādhipa, mwangsakweḥparawīrayo
dharumngömwangsangmahāśabdika, towinngganyapadhomgönmĕngĕnisanggupśrinarendrātmaja, deningnwamnirasinghitingparamatogindrāmunaḥwāhyaka /// ngkārakryanmapatiḥjayendramawuwusmar̀mmāngalamwasr̥ĕsyĕp, si
nggiḥlingnituhankuyogyapituhundesangmahāpaṇdhita, tan'gwāhyāknadenr̥ĕpātmajamanaḥning‐śūrarottengtapa, toliḥnghanyatangisnarendrakatilar̀mwangreṇarakryankari /// milwangrātmaktĕngpadhānalaha
sonĕkmūr̀ccitākweḥmangā, astamtangbalawīrayodhakaplanpunggĕlmanaḥnyenghati, tanhomĕntikangambĕkingwwanginal̥ĕmstrīkanyanggĕngpingit, āpanrakwanarendraputrakaṣasĕpnyāpūr̀rtwagengtilam ///Image 7
[᭗ 7B]
ᬦ᭄ᬤᬶᬦ᭄ᬗ᭄ᬯᬂᬢᬦ᭄ᬍᬍᬳᬵᬢᬸᬫᬶᬗ᭄ᬳᬮᬭᬶᬭᬹᬫ᭄ᬦᬶᬂᬫᬸᬗ᭄ᬲᬶᬭᬶᬂᬧᬹᬃᬯ᭄ᬯᬢ᭞ᬥᬷᬭᬵᬦ᭄ᬯᬵᬫᬧ᭄ᬭᬪᬸᬲᬸᬓ᭄ᬭᬯᬃᬢ᭄ᬢᬶᬢᬦᬬᬵᬤᬤ᭄ᬬᬵᬧᬭᬕ᭄ᬬᬵᬢ᭄ᬗᭃ᭞ᬘᬹᬃᬡ᭄ᬦᬂᬫᬦ᭄ᬫᬣᬭᬹᬧᬬᬾᬓᬳᬫᭂᬲᭃᬦᬶᬲ᭄ᬭᭀᬫᬫᬸᬦ᭄ᬥ᭄ᬬᬵᬢ᭄ᬫᬓ᭞ᬕᭃᬦᬶᬂᬯᬶᬃᬬ᭄ᬬᬯᬶᬰᬾᬱᬭᬓ᭄ᬯᬧᬥᭂᬫᭂᬦ᭄ᬭᬶᬂᬚ᭄ᬜᬵᬦᬰᬦ᭄ᬢᬵᬲ᭄ᬫ᭄ᬭ
ᬢᬶᬗ᭄ᬕ᭄ᬬᬸᬭᬵᬢ᭄ᬦᬦᭀᬧᬫᬢᬫ᭄ᬭᬩᬦ᭄ᬤᬫᬭᬭᬹᬫ᭄ᬢᬵᬗ᭄ᬤᬾᬧᬦᬲ᭄ᬦᬶᬗ᭄ᬳᬢᬶ᭞ᬘᬦ᭄ᬤ᭄ᬭᬵᬃᬓ᭄ᬓᬵᬤ᭄ᬪᬸᬢᬧᬹᬃᬡ᭄ᬦᬢᬧ᭄ᬯᬭᬶᬲ᭄ᬤᭂᬂᬦᬶᬂᬫᬾᬖᬓᬗ᭄ᬯᬦ᭄ᬭᬶᬭᬶᬲ᭄᭞ᬰᬲ᭄ᬢ᭄ᬭᬵᬚ᭄ᬜᬵᬥᬶᬓᬧᬡ᭄ᬥᬶᬢᬾᬂᬓᬸᬚᬪᬹᬫ᭄ᬬᬵᬢ᭄ᬬᬦ᭄ᬢᬭᬶᬂᬦᬶᬱ᭄ᬧᬮ᭞ᬫᬗ᭄ᬓᬵᬓ᭄ᬱᬢ᭄ᬭᬶᬬᬚᬦ᭄ᬫᬭᬵᬚᬲᬸᬢᬬᬦ᭄ᬫᬗ᭄ᬲ᭄ᬬᬵᬫ᭄ᬭᬶᬳᬾᬂᬰᬹᬦ᭄ᬬᬢᬦ᭄ᬢ᭄ᬬᬂ
ᬢᭀᬯᬶᬦ᭄ᬭᬓ᭄ᬯᬳᬦᬾᬓᬥᬃᬫ᭄ᬫᬓᬋᬡ᭄ᬕᬵᬤᬾᬲᬂᬫᬳᬵᬪᬶᬓ᭄ᬱᬸᬓ᭞ᬯᬺᬤ᭄ᬥ᭄ᬬᬵᬦᬓ᭄ᬧᬸᬢᬸᬬᭀᬕ᭄ᬬᬬᬾᬓᬧᬲᬸᬗᬾᬂᬫᬢ᭄ᬢᬵᬧᬶᬢᬵᬦᬶᬦ᭄ᬤᬶᬢ᭞ᬯᬶᬥ᭄ᬬᬵᬕᭀᬘᬭᬓᬶᬃᬡ᭄ᬦᬰᬶᬱ᭄ᬬᬧᬲᬸᬗᬾᬂᬥᬗ᭄ᬕᬸᬓᬦ᭄ᬢᬵᬓ᭄ᬭᬫ᭞ᬥᬃᬫ᭄ᬫᬵᬤᬾᬰᬤ᭄ᬥᬮᬓ᭄ᬱᬡᬢᬧᬵ᭠
ᬦᬸᬦ᭄ᬤᬵᬦ᭄ᬭᬶᬂᬭᬵᬢ᭄ᬓᬩᬾᬄ᭛᭜᭛ᬓᬬᭀᬕ᭄ᬬᬦᬶᬓᬫᬲ᭄ᬓᬸᬭᬓ᭄ᬯᬚᬸᬕᬲᬓ᭄ᬱᬡᬲᬸᬫᬶᬮᬶᬳᬦᬾᬦᬭᬾᬰ᭄ᬯᬭ᭞ᬅᬫᬸᬓ᭄ᬢ᭄ᬬᬓ᭄ᬦᬮᬵᬪᬦᬶᬂᬚᬬᬫᬫᬺᬤ᭄ᬥ᭄ᬬᬓ᭄ᬦᬲᬸᬢᬲᬸᬢᬦ᭄ᬢ᭄ᬭᬓᭀᬢ᭄ᬢᬫ᭞ᬯᬸᬯᬸᬲ᭄ᬧ᭄ᬯᬓᬯᬰᬂᬫᬦᬄᬮᬶᬘᬶᬦᬶᬓᬵᬧᬕᭂᬳ᭠
[᭘ 8A]
ᬢᬶᬰᬬᬯᬺᬤ᭄ᬥ᭄ᬬᬦᬶᬃᬫ᭄ᬫᬮ᭞ᬲᬫᬗ᭄ᬓᬦᬭᬾᬦ᭄ᬤ᭄ᬭᬧᬸᬢ᭄ᬭᬫᬸᬲᬶᬭᬾᬂᬕᬶᬭᬶᬲᬸᬫᬶᬓᭂᬧᬲᬦ᭄ᬤᬶᬦᬶᬂᬢᬧ᭛ᬓᬸᬦᭂᬂᬨᬮᬦᬶᬓᬾᬓᬶᬢᬦ᭄ᬧᬕᬯᬬᬵᬫ᭄ᬩᭂᬓᬤᬮᬳᬲᬤᬸᬄᬓᬦᬶᬂᬚᬕᬢ᭄᭞ᬦᬭᬾᬦ᭄ᬤ᭄ᬭᬲᬶᬭᬮᬷᬡᬲᬵᬫ᭄ᬧᬸᬦᬢᬸᬳᬵᬦ᭄ᬤᬶᬦᬲᬬᬸᬢᬭᬶᬲᬂᬦᬺᬫᬵ
ᬢ᭄ᬫᬚ᭞ᬳᬦᬧ᭄ᬯᬭᬶᬢᬗᬶᬲ᭄ᬦᬶᬓᬂᬲ᭄ᬢ᭄ᬭ᭄ᬬᬦᬓᬢᭀᬯᬶᬢᬦᬸᬘᬧᬦᬯᬃᬡ᭄ᬦᬩᬜ᭄ᬘᬦ᭞ᬧᬸᬭᬷᬲᬳᭂᬬᭂᬗᬶᬂᬧᬥᬫ᭄ᬯᬦᬶᬓᬢᬦ᭄ᬓᬳᬢᬓ᭄ᬦᬢ᭄ᬓᬧ᭄ᬫᬳᬵᬃᬤ᭄ᬥᬶᬓ᭛᭜᭛ᬦᬵᬤᬾᬚᬬᬾᬦ᭄ᬤ᭄ᬭᬫᬯᬸᬯᬸᬲ᭄ᬭᬶᬦᬭᬾᬦ᭄ᬤ᭄ᬭᬧᬸᬢ᭄ᬭ᭞ᬥᬂᬳ᭄ᬬᬂᬫᬳᭀᬱᬥᬶᬧᬸᬭᭀᬳᬶ
ᬢᬯᬶᬚ᭄ᬜᬵᬫᭀᬚᬃ᭞ᬬᭀᬕ᭄ᬬᬓᬶᬭᬓ᭄ᬯᬭᬶᬳᬢᬹᬃᬦ᭄ᬬᬫᬳᬵᬢᬶᬪᬵᬕ᭄ᬬ᭞ᬲᬶᬗ᭄ᬕᬶᬄᬧᬸᬭᬶᬄᬦᬶᬗᬢᬶᬪᬓ᭄ᬢᬶᬯᬶᬰᬾᬱᬫᬦ᭄ᬢ᭄ᬭᬶ᭛ᬮᬵᬯᬦ᭄ᬫᬸᬯᬄᬢ᭄ᬫᬳᬶᬓᬾᬓᬶᬦᬦᬶᬦ᭄ᬥ᭄ᬬᬲᬹᬓ᭄ᬱ᭄ᬫ᭞ᬳᬦ᭄ᬲᬗ᭄ᬓᬭᬶᬂᬫᬋᬦᬫᬸᬱ᭄ᬝᬶᬯᬭᬄᬫᬸᬦᬶᬦ᭄ᬤ᭄ᬭ᭞ᬦ᭄ᬬᬵᬂᬲᬧ᭄ᬢᬬᭀᬕᬕ᭄ᬮᬋᬦ᭄ᬢᬲ
ᬳᬾᬦ᭄ᬤᬶᬓᬦ᭄ᬬ᭞ᬩ᭄ᬬᬓ᭄ᬢᬂᬲ᭄ᬯᬘᬶᬢ᭄ᬢᬫᬫᬕᭂᬄᬢ᭄ᬓᬭᬶᬂᬦᬶᬭᬵᬢ᭄ᬫ᭄ᬬ᭛ᬦ᭄ᬬᬵᬂᬰᬹᬦ᭄ᬬᬧᬵᬚᬭᬮᬶᬂᬢᬫᬭᬾᬂᬯᬦᬵᬤ᭄ᬭᬶ᭞ᬗ᭄ᬓᬾᬭᬵᬕ᭄ᬬᬰᬹᬦ᭄ᬬᬢᬢ᭄ᬫᬄᬦᬶᬓᬫᬾᬭᬸᬢᬸᬮ᭄ᬬ᭞ᬭᬶᬂᬰᬹᬦ᭄ᬬᬦᬵᬕᬭᬧᬥᬦ᭄ᬬᬦᬫᬸᬓ᭄ᬢᬶᬧᬵᬧ᭞ᬬᬦ᭄ᬢᬦ᭄ᬯ᭄ᬭᬸᬄᬳᬶᬧᬭᬫᬰᬹ
Auto-transliteration
[7 7B]
ndinngwangtanl̥ĕl̥ĕhātuminghalarirūmningmungsiringpūr̀wwata, dhīrānwāmaprabhusukrawar̀ttitanayādadyāparagyātngö, cūr̀ṇnangmanmatharūpayekahamĕsönisromamundhyātmaka, göningwir̀yyawiśeṣarakwapadhĕmĕnringjñānaśantāsmra
tinggyurātnanopamatamrabandamararūmtāngdepanasninghati, candrār̀kkādbhutapūr̀ṇnatapwarisdĕngningmeghakangwanriris, śastrājñādhikapaṇdhitengkujabhūmyātyantaringniṣpala, mangkākṣatriyajanmarājasutayanmangsyāmrihengśūnyatantyang
towinrakwahanekadhar̀mmakar̥ĕṇgādesangmahābhiksyuka, wr̥ĕddhyānakputuyogyayekapasungengmattāpitānindita, widhyāgocarakir̀ṇnaśiṣyapasungengdhanggukantākrama, dhar̀mmādeśaddhalakṣaṇatapā‐
nundānringrātkabeḥ /// • /// kayogyanikamaskurakwajugasakṣaṇasumilihanenareśwara, amuktyaknalābhaningjayamamr̥ĕddhyaknasutasutantrakottama, wuwuspwakawaśangmanaḥlicinikāpagĕha‐
[8 8A]
tiśayawr̥ĕddhyanir̀mmala, samangkanarendraputramusirenggirisumikĕpasandiningtapa /// kunĕngphalanikekitanpagawayāmbĕkadalahasaduḥkaningjagat, narendrasiralīṇasāmpunatuhāndinasayutarisangnr̥ĕmā
tmaja, hanapwaritangisnikangstryanakatowitanucapanawar̀ṇnabañcana, purīsahĕyĕngingpadhamwanikatankahataknatkapmahār̀ddhika /// • /// nādejayendramawuwusrinarendraputra, dhanghyangmahoṣadhipurohi
tawijñāmojar̀, yogyakirakwarihatūr̀nyamahātibhāgya, singgiḥpuriḥningatibhaktiwiśeṣamantri /// lāwanmuwaḥtmahikekinanindhyasūkṣma, hansangkaringmar̥ĕnamuṣṭiwaraḥmunindra, nyāngsaptayogaglar̥ĕntasa
hendikanya, byaktangswacittamamagĕḥtkaringnirātmya /// nyāngśūnyapājaralingtamarengwanādri, ngkerāgyaśūnyatatmaḥnikamerutulya, ringśūnyanāgarapadhanyanamuktipāpa, yantanwruḥhiparamaśūImage 8
[᭘ 8B]
᭘
ᬦ᭄ᬬᬰᬶᬦᬸᬦ᭄ᬬᬦᬶᬂᬗ᭄ᬯᬂ᭛ᬲᬂᬲᬶᬧ᭄ᬢᬢᬾᬓᬶᬯᬯᬸᬲᬶᬗ᭄ᬯᬗᬶᬚᭃᬂᬓᬭᬵᬃᬬ᭄ᬬ᭞ᬢᬦ᭄ᬯᬂᬫᬯᬮ᭄ᬓᬮᬚᬸᬕᬾᬓᬧᬶᬦᬡ᭄ᬥᬶᬢᬾᬂᬭᬵᬢ᭄᭞ᬢᬦ᭄ᬫᬡ᭄ᬥᬶᬭᬹᬧᬢᬸᬯᬶᬢᬦ᭄ᬲᬶᬫᬮᬶᬗ᭄ᬕᬫᬹᬃᬤ᭄ᬥ᭞ᬯᬳ᭄ᬬᬵᬢ᭄ᬫᬢᭀᬯᬶᬓ᭄ᬢᬬᬦ᭄ᬫᬓᬫᬹᬃᬢ᭄ᬢᬶᬲᬂᬳ᭄ᬬᬂ᭛ᬬᬧ᭄ᬯᬦ᭄ᬯᬶᬰᬾᬱᬭᬢᬸᬫᬗ᭄ᬕᬮᬢᬾ
ᬓᬶᬧᬵᬧ᭞ᬬᬦ᭄ᬧ᭛ᬭᬹᬧᬚᬸᬕᬫᬗ᭄ᬕᬳᬢᬗ᭄ᬓᬤᬶᬩ᭄ᬬᬦ᭄᭞ᬤᭀᬳᬬ᭄ᬯᬫᬗ᭄ᬓᬦᬢ᭄ᬓᬧ᭄ᬦᬭᬦᬵᬬ᭄ᬳᬧᬸᬢ᭄ᬭ᭞ᬚ᭄ᬜᬵᬦᬵᬢᬶᬰᬸᬤ᭄ᬥᬧᬭᬫᬵᬃᬣᬯᬶᬰᬾᬱᬫᬸᬮ᭄ᬬ᭛ᬲᬂᬧᬡ᭄ᬥᬶᬢᬵᬃᬬ᭄ᬬᬦᬕᬭᬷᬓᬗᬸᬰᬵᬦᬢᭀᬦᭂᬦ᭄᭞ᬲ᭄ᬢ᭄ᬭᬷᬭᬵᬢ᭄ᬦᬧᬵᬚᬭᬦᬶᬭᬾᬓᬶ
ᬫᬳᬵᬢᬶᬭᬵᬫ᭄ᬬ᭞ᬮᬷᬮᬵᬕᬕᬵᬫᬢᬸᬦᬶᬭᬹᬫ᭄ᬦᬶᬗᬓᬸᬂᬓᬮᬗ᭄ᬯᬦ᭄᭞ᬮᭀᬮ᭄ᬬᬵᬦᬘᬄᬲᬶᬭᬦᬫᬸᬓ᭄ᬢᬶᬲᬲᬾ᭠ᬦᬶᬂᬓᬾᬦ᭄᭛ᬋᬚᬵᬲᬫᬵᬥᬶᬭᬶᬦ᭄ᬕᭂᬧ᭄ᬦᬶᬭᬥᬷᬭᬘᬷᬢ᭄ᬢ᭞ᬗ᭄ᬓᬵᬦᬾᬢ᭄ᬗᬄᬫᬶᬗᬶᬗᬭᬹᬫ᭄ᬫᬮᬸᬭᬹᬲᬸᬕᬡ᭄ᬥ᭞ᬫᬦ᭄ᬢ᭄ᬭᬦ᭄ᬬᬢᬧ᭄ᬯᬋᬗᬶᬳᬶᬓ
ᬓ᭄ᬦᬦ᭄ᬲ᭄ᬫᬭᬵᬫ᭄ᬭᬢ᭄᭞ᬲᬸᬲ᭄ᬯᬵᬃᬚ᭄ᬚᬮᬾᬧᬦᬬᬬᬦ᭄ᬢᬸᬫᬫ᭄ᬯᬂᬓᬲᬶᬤ᭄ᬤ᭄ᬬᬦ᭄᭛ᬦᬵᬮᬶᬂᬤ᭄ᬯᬶᬚᬾᬦ᭄ᬤ᭄ᬭᬲᬳᬰᬵᬲ᭄ᬢ᭄ᬭᬲᬳᭀᬧᬤᬾᬰ᭞ᬲᬂᬰ᭄ᬭᬶᬦᬭᬾᬦ᭄ᬤ᭄ᬭᬲᬸᬢᬲᬵᬃᬚ᭄ᬚᬯᬬᬢ᭄ᬦᬫᭀᬚᬭ᭄᭞ᬯ᭄ᬭᬸᬄᬗ᭄ᬯᬂᬫᬢᬾᬓᬶᬬᬦᬲᬶᬗ᭄ᬕ᭄ᬯᬦᬦᬶᬂᬫᬬᭀᬕ᭞
[᭙ 9a]
ᬬᬦ᭄ᬧᬡ᭄ᬥᬶᬢᬂᬫᬦᬳᬘᬶᬦ᭄ᬢ᭄ᬬᬯᬶᬰᬾᬱᬭᬶᬂᬭᬢ᭄᭞᭛ᬗ᭄ᬳᬶᬂᬤᬸᬃᬮ᭄ᬮᬪᬾᬓᬶᬲᬗᬦᭂᬫ᭄ᬯᬲᬶᬭᬾᬂᬲ᭄ᬯᬭᬵᬚ᭄ᬬ᭞ᬲᬂᬦᬶᬲ᭄ᬧ᭄ᬭᬬᭀᬚᬦᬬᬬᬦ᭄ᬲᬶᬭᬓᬾᬧ᭄ᬯᬦᬫ᭄ᬩᭂᬓ᭄᭞ᬤᬾᬦᬶᬂᬩ᭄ᬬᬫᭀᬳᬭᬶᬓᬰᬓ᭄ᬢᬶᬦᬶᬗᬶᬦ᭄ᬤ᭄ᬭᬶᬬᬵᬃᬣ᭞ᬭ᭄ᬲᬵᬕ᭄ᬲᬵᬤᬶᬬᬾᬓᬫᬕᬯᬾᬲᬲᬭᬶᬂᬓ
ᬫᭀᬓ᭄ᬱᬦ᭄᭛ᬓᬓ᭄ᬬᬵᬢᬶᬭᬶᬂᬕᬶᬭᬶᬬᬢᭀᬗ᭄ᬳ᭄ᬯᬦᬶᬂᬫᬬᭀᬕ᭞ᬫᭀᬦ᭄ᬲᬾᬢ᭄ᬭᬲᬶᬦ᭄ᬤᬸᬯᬦᬤᬸᬃᬕ᭄ᬕᬪᬯᬦ᭄ᬓᬋᬲ᭄ᬋᬲ᭄᭞ᬭᬶᬂᬰᬹᬫᬦ᭄ᬬᬫᬃᬕ᭄ᬕᬢᬸᬯᬶᬬᭀᬕ᭄ᬬᬗᬦᬸᬂᬬᬪᬹᬭ᭞ᬲᬗ᭄ᬓᬾᬂᬓᬥᬢ᭄ᬯᬦᬸᬲᬶᬋᬦ᭄ᬧᬭᬫᭀᬢ᭄ᬢᬫᬾᬓ᭛ᬦ᭄ᬲᬵᬳᬦ᭄ᬯᬸᬯᬸᬲ᭄ᬦᬶᬭ
ᬢᬢᬦ᭄ᬓᬯ᭄ᬦᬂᬯᬶᬦᬶᬖ᭄ᬦᬦ᭄᭞ᬰ᭄ᬭᬷᬳᬲ᭄ᬢᬶᬦᬾᬦ᭄ᬤ᭄ᬭᬓᬮᬯᬦ᭄ᬦᬭᬦᬵᬣᬧᬢ᭄ᬦᬶ᭞ᬓᭂᬤ᭄ᬯᬵᬫᬭᬩ᭄ᬬᬓ᭄ᬦᬮᬶᬂᬦᬶᬭᬓ᭄ᬯᬫᬗ᭄ᬓᬾ᭞ᬭᬹᬚᬦ᭄ᬲᬶᬭᬾᬂᬦᬕᬭᬤᬾᬧᬭᬯᬷᬭᬲᬗ᭄ᬖ᭄ᬬ᭛ᬦ᭄ᬤᬦ᭄ᬭᬶᬂᬲᬫᬦ᭄ᬢᬭᬲᬸᬭᬸᬧ᭄ᬦᬶᬭᬲᬂᬳ᭄ᬬᬂᬗᬵᬃᬓ᭄ᬓ᭞ᬲᬵᬫ᭄ᬧᬸᬦ᭄ᬮᬸᬕᬲ᭄ᬭᬶᬧᬧᬸᬧᬸ
ᬮ᭄ᬦᬭᬦᬵᬣᬭᬶᬂᬚ᭄ᬭᭀ᭞ᬲᬂᬰ᭄ᬭᬷᬦᬭᬾᬦ᭄ᬤ᭄ᬭᬲᬸᬢᬰ᭄ᬭᬷᬖ᭄ᬭᬢ᭄ᬓᬾᬂᬲ᭄ᬯᬯᬾᬰ᭄ᬫ᭞ᬫ᭄ᬯᬂᬯᬷᬭᬲᬾᬦᬳᬸᬫᬶᬭᬶᬂᬧᬥᬤᬶᬩ᭄ᬬᬭᬹᬧ᭛᭜᭛ᬢᬶᬲ᭄ᬢᬶᬲ᭄ᬫᬵᬲᬧᬶᬮᬶᬄᬢᬩᬾᬄᬧᬢᬶᬓ᭄ᬚᭂᬧ᭄ᬦᬶᬗᬓ᭄ᬫᬶᬢᬶᬲᬶᬭᬂᬦᬭᬾᬦ᭄ᬤ᭄ᬭᬢᬦᬬ᭞ᬫᬫ᭄ᬧᭂᬄᬰᬩ᭄ᬤᬦᬶᬓᬂᬕᬭᬦ᭄ᬢᬸᬗᬮ
Auto-transliteration
[8 8B]
8
nyaśinunyaningngwang /// sangsiptatekiwawusingwangijöngkarār̀yya, tanwangmawalkalajugekapinaṇdhitengrāt, tanmaṇdhirūpatuwitansimalinggamūr̀ddha, wahyātmatowiktayanmakamūr̀ttisanghyang /// yapwanwiśeṣaratumanggalate
kipāpa, yanpa /// rūpajugamanggahatangkadibyan, dohaywamangkanatkapnaranāyhaputra, jñānātiśuddhaparamār̀thawiśeṣamulya /// sangpaṇdhitār̀yyanagarīkanguśānatonĕn, strīrātnapājaranireki
mahātirāmya, līlāgagāmatunirūmningakungkalangwan, lolyānacaḥsiranamuktisase‐ningken /// r̥ĕjāsamādhirin'gĕpniradhīracītta, ngkānetngaḥmingingarūmmalurūsugaṇdha, mantranyatapwar̥ĕngihika
knansmarāmrat, suswār̀jjalepanayayantumamwangkasiddyan /// nālingdwijendrasahaśāstrasahopadeśa, sangśrinarendrasutasār̀jjawayatnamojar, wruḥngwangmatekiyanasinggwananingmayoga,
[9 9a]
yanpaṇdhitangmanahacintyawiśeṣaringrat, /// nghingdur̀llabhekisanganĕmwasirengswarājya, sangnisprayojanayayansirakepwanambĕk, deningbyamoharikaśaktiningindriyār̀tha, rsāgsādiyekamagawesasaringka
mokṣan /// kakyātiringgiriyatonghwaningmayoga, monsetrasinduwanadur̀ggabhawankar̥ĕsr̥ĕs, ringśūmanyamar̀ggatuwiyogyanganungyabhūra, sangkengkadhatwanusir̥ĕnparamottameka /// nsāhanwuwusnira
tatankawnangwinighnan, śrīhastinendrakalawannaranāthapatni, kĕdwāmarabyaknalingnirakwamangke, rūjansirengnagaradeparawīrasangghya /// ndanringsamantarasurupnirasanghyangngār̀kka, sāmpunlugasripapupu
lnaranātharingjro, sangśrīnarendrasutaśrīghratkengswaweśma, mwangwīrasenahumiringpadhadibyarūpa /// • /// tistismāsapiliḥtabeḥpatikjĕpningakmitisirangnarendratanaya, mampĕḥśabdanikanggarantungalaImage 9
[᭙ 9B]
᭙
ᬗᭃᬍᬗᭂᬗᬲᭂᬧᬶᬫᬦᬄᬦᬶᬓᬂᬲᬦᬕᬭ᭞ᬗ᭄ᬳᬶᬂᬭᬹᬫ᭄ᬦᬶᬂᬚᬬᬕᬡ᭄ᬞᬶᬕᬡ᭄ᬞᬓᬋᬗᭃᬫᬯᬸᬭᬦᬶᬓᬧᬶᬓᬦ᭄ᬤᭂᬮᬶᬂᬧᬸᬭᬳᬸᬫᬸᬂ᭞ᬤᬾᬦᬶᬂᬓ᭄ᬯᬾᬚᬄᬦᬶᬭᬲᬂᬫᬳᭀᬢ᭄ᬢᬫᬳᬸᬫᬲ᭄ᬢ᭄ᬯᬚᬬᬚᬬᬭᬶᬳᬬ᭄ᬯᬲᬂᬦᬭᬧᬢᬶ᭛ᬦ᭄ᬤᬦ᭄ᬲᬂᬰ᭄ᬭᬷᬲᬸᬢᬲᭀᬫᬢᬾᬓᬶᬲᬶᬭᬢᬦ᭄ᬫᬺᬫᬸ
ᬫᬗᭂᬦᬶᬢᬸᬯᬸᬄᬦᬶᬭᬾᬓᬶᬲᬶᬯᬶᬦᭂᬦ᭄᭞ᬓᬾᬯᬺᬦ᭄ᬤᬾᬦᬶᬫᬦᬄᬦᬶᬭᬵᬓᬳᬺᬢᬶᬪᬹᬓ᭄ᬢ᭄ᬬᬦᬶᬧᬗᬯᬰᬦᬶᬂᬧᬸᬃᬡᬩ᭄ᬪᬯᬕᬢᬶ᭞ᬆᬧᬦ᭄ᬢᬦ᭄ᬳᬦᬮᬾᬦ᭄ᬲᬓᬾᬂᬢᬧᬚᬸᬕᬵᬳᬸᬮᬳᬓ᭄ᬦᬢ᭄ᬓᬧ᭄ᬫᬳᬵᬚᬦᬧᬤ᭞ᬧᬵᬂᬦᬶᬂᬬᭀᬕᬦᬶᬭᬓ᭄ᬭᬬᬾᬓᬦᬲ᭄ᬥᭂᬂᬳᬯᬦᬦᬶ
ᬗᬸᬫᬸᬲᬶᬃᬦᬶᬭᬵᬢ᭄ᬫᬓᬳᬼᬫ᭄᭛ᬦᬵᬳᬦ᭄ᬳᬾᬢᬸᬦᬶᬭᬾᬓᬶᬰᬶᬖ᭄ᬭᬦᬸᬫᬶᬚᬶᬮ᭄ᬫ᭄ᬮᬢᬶᬮᬸᬮᬸᬢᬶᬭᬾᬂᬬᬬᬄᬩᬶᬩᬶᬲᬶᬦᭂᬭ᭄᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬲᬶᬭᬾᬂᬧᬗᬲ᭄ᬢ᭄ᬭ᭄ᬬᬦᬦᬶᬓᬂᬩᬮᬳᬶᬦᬮᬶᬯᬢᬦ᭄ᬧᬥᬵᬫᬺᬫᬢᬸᬭᬹ᭞ᬲᬓ᭄ᬯᬾᬄᬦᬶᬂᬖᬸᬧᬸᬭᬵᬗ᭄ᬤᬤᬓ᭄ᬫ᭄ᬗᬢᬢ
ᬦ᭄ᬯᬶᬦᭂᬗᬓ᭄ᬦᬶᬢ᭄ᬓᬧ᭄ᬦᬭᬾᬦ᭄ᬤ᭄ᬭᬢᬦᬬ᭞ᬤᬾᬦᬶᬂᬚ᭄ᬜᬵᬦᬯᬶᬰᬾᬱᬢᬦ᭄ᬳᬦᬯ᭄ᬦᬂᬳᬸᬫᬧᬭᬡᬭᬶᬫᬸᬱ᭄ᬝᬶᬦᬶᬂᬢ᭄ᬯᬲᬶᬦᬫᭂᬭ᭄᭛ᬩ᭄ᬬᬵᬢᬶᬢᬦ᭄ᬭᬶᬯᬶᬚᬶᬮ᭄ᬦᬶᬭᬵᬗᬶᬤᬸᬮᬤᭀᬄᬓᬤᬶᬮᬓᬸᬦᬶᬗᬦᬸᬓ᭄ᬱ᭄ᬫᬓᭂᬦ᭄ᬳᬸᬭᬶᬧ᭄ᬦᬶᬲ᭄᭞ᬧ᭄ᬭᬵᬧ᭄ᬢᬾᬤᬾᬰᬭᬶᬧᬶᬗ᭄ᬕᬶᬭᬶᬂᬧᬸᬭᬫᬯᬵᬂ
[᭑᭐ 10B]
ᬰᬰᬥᬭᬭᬶᬲᬫᬷᬧᬦᬶᬂᬧᬲᬯᬳᬦ᭄᭞ᬯᬃᬡ᭄ᬦᬦ᭄ᬰ᭄ᬭᬷᬦᬭᬦᬵᬱᬫᬾᬧᬸᬓᬧᭂᬕᬦ᭄ᬲᬶᬭᬭᬶᬳᬶᬮᬗᬶᬲᬂᬦᬭᬾᬦ᭄ᬤ᭄ᬭᬢᬦᬬ᭞ᬢᬦ᭄ᬢ᭄ᬭᬱ᭄ᬡᬾᬂᬥᬮᬦᬶᬂᬧ᭄ᬭᬪᬹᬢ᭄ᬢᬫᬦᬶᬫᬷᬢ᭄ᬢᬦᬶᬗᬗᭂᬦᭂᬲᬶᬧᬵᬫᬺᬫᬶᬂᬩᬮᬕᬡ᭛ᬲᬵᬫ᭄ᬧᬸᬦ᭄ᬭᬓ᭄ᬯᬧᬶᬦᬾᬢ᭄ᬲᬶᬭᬾᬂᬦᬕᬭᬲᬶᬂᬧᬭᬦ᭠
ᬦᬶᬭᬢᬗᬹᬦᬶᬦᭀᬭᬓᬢᭂᬫᬸ᭞ᬬᬾᬓᬵᬳᬾᬢᬸᬦᬶᬓᬂᬲᬭᬵᬚ᭄ᬬᬫᬦᬗᬶᬲ᭄ᬓᬤᬶᬓᬧ᭄ᬚᬳᬦᬵᬢ᭄ᬭᬶᬭᬶᬂᬧᬸᬭᬳᬸᬫᬸᬂ᭞ᬫᬹᬃᬘ᭄ᬘᬵᬰ᭄ᬭᬷᬦᬺᬧᬢᬷᬰ᭄ᬯᬭᬷᬓᬧᬢᬶᬢᬦ᭄ᬯ᭄ᬦᬗᬦᬳᭂᬦᬶᬢᬶᬩ᭄ᬭᬤᬶᬂᬮᬭᬓᬶᬦᭂᬮ᭄,ᬢᬦ᭄ᬤ᭄ᬯᬵᬤᬵᬦᬶᬲᬶᬭᬵᬗ᭄ᬮᬶᬗᬢᬶᬯᬸᬯᬸᬲ᭄ᬦᬶᬭᬦᬗᬸᬭ᭠
ᬬᬦᬶᬃᬡ᭄ᬦᬓᭂᬦ᭄ᬳᬢᬶᬢᭂᬜᬸᬄ᭛᭜᭛ᬅᬳᬵᬦᬓᬸᬢᬸᬳᬦ᭄ᬓᬸᬳᬄᬲᬶᬧᬶᬮᬮᬶᬲ᭄ᬢᬩᬧᬢᬦ᭄ᬫ᭄ᬮᬲ᭄ᬫᬗᬃᬬ᭄ᬬᬓᬾᬦ᭄᭞ᬳᬗᬶᬲ᭄ᬬᬦᬶᬫᬢᬵᬓᬸᬢᬦ᭄ᬩ᭄ᬲᬸᬭᬫᬓ᭄ᬧᬓᬧᬶᬢᬸᬢᬸᬭᬶᬲᬦ᭄ᬤᬶᬦᬶᬂᬦᬬ᭞ᬦ᭄ᬤᬶᬓᬸᬗ᭄ᬕ᭄ᬯᬦᬶᬘᬸᬮᬸᬄᬲᬸᬮᬸᬄᬳᬸᬮᬸᬲᬵᬲᬶᬳᬳᬶᬥᭂ
ᬧᬭᬶᬲᬂᬤᬭᬾᬰ᭄ᬯᬭ᭞ᬕᬸᬫᬦ᭄ᬢ᭄ᬬᬲᬶᬯᬶᬦᬶᬂᬚᬕᬢ᭄ᬓᬶᬢᬧᬗᭃᬩᬦᬦᬶᬗᬰᬭᬡᬾᬲ᭄ᬯᬦᬵᬕᬭ᭛ᬉᬚᬃᬓᬸᬓᬶᬦ᭄ᬜᭂᬧ᭄ᬓᬸᬬᬾᬓᬫᬫᬗᬸᬗᬾᬗᬶᬲᬸᬓᬤᬶᬫᬦᬄᬦᬭᬾᬰ᭄ᬯᬭ᭞ᬫᬭᬵᬗᬺᬲᬶᬫᬦᬶᬲ᭄ᬫᬦᬶᬲ᭄ᬢᬲᬨᬮᬵᬦᬸᬮᬸᬲᬲᭂᬫᬸᬪᬝᬵᬳᬭᬫᬦ᭄ᬫᬣ᭞
Auto-transliteration
[9 9B]
9
ngöl̥ĕngĕngasĕpimanaḥnikangsanagara, nghingrūmningjayagaṇṭhigaṇṭhakar̥ĕngömawuranikapikandĕlingpurahumung, deningkwejaḥnirasangmahottamahumastwajayajayarihaywasangnarapati /// ndansangśrīsutasomatekisiratanmr̥ĕmu
mangĕnituwuḥnirekisiwinĕn, kewr̥ĕndenimanaḥnirākahr̥ĕtibhūktyanipangawaśaningpur̀ṇabbhawagati, āpantanhanalensakengtapajugāhulahaknatkapmahājanapada, pāngningyoganirakrayekanasdhĕnghawanani
ngumusir̀nirātmakahl̥ĕm /// nāhanhetunirekiśighranumijilmlatilulutirengyayaḥbibisinĕr, sāmpunprāptasirengpangastryananikangbalahinaliwatanpadhāmr̥ĕmaturū, sakweḥningghupurāngdadakmngatata
nwinĕngaknitkapnarendratanaya, deningjñānawiśeṣatanhanawnanghumaparaṇarimuṣṭiningtwasinamĕr /// byātitanriwijilnirāngiduladoḥkadilakuninganukṣmakĕnhuripnis, prāptedeśaripinggiringpuramawāng
[10 10B]
śaśadhararisamīpaningpasawahan, war̀ṇnanśrīnaranāṣamepukapĕgansirarihilangisangnarendratanaya, tantraṣṇengdhalaningprabhūttamanimīttaningangĕnĕsipāmr̥ĕmingbalagaṇa /// sāmpunrakwapinetsirengnagarasingparana‐
niratangūninorakatĕmu, yekāhetunikangsarājyamanangiskadikapjahanātriringpurahumung, mūr̀ccāśrīnr̥ĕpatīśwarīkapatitanwnanganahĕnitibradinglarakinĕl,tandwādānisirānglingatiwuwusniranangura‐
yanir̀ṇnakĕnhatitĕñuḥ /// • /// ahānakutuhankuhaḥsipilalistabapatanmlasmangar̀yyaken, hangisyanimatākutanbsuramakpakapituturisandiningnaya, ndikunggwaniculuḥsuluḥhulusāsihahidhĕ
parisangdareśwara, gumantyasiwiningjagatkitapangöbananingaśaraṇeswanāgara /// ujar̀kukinñĕpkuyekamamangungengisukadimanaḥnareśwara, marāngr̥ĕsimanismanistasaphalānulusasĕmubhaṭāharamanmatha,Image 10
[᭑᭐ 10A]
᭑᭐᭞
ᬮᬮᬸᬧ᭄ᬯᬭᬶᬢᬸᬳᬦ᭄ᬢᬲᬹᬓ᭄ᬱ᭄ᬫᬭᬶᬓ᭄ᬚᭂᬧ᭄ᬦᬶᬗᬓᬃᬫᬶᬢᬸᬫᬭᬾᬂᬢᬧᭀᬯᬦ᭞ᬲᬸᬫᬵᬤ᭄ᬥ᭄ᬬᬭᬶᬓᬢᭂᬫ᭄ᬯᬦᬶᬂᬧᬭᬫᬰᬹᬦ᭄ᬬᬢᬦᬋᬧᬶᬣᬷᬃᬬ᭄ᬬᬲᬂᬧ᭄ᬭᬪᬸ᭛ᬲ᭄ᬬᬧᬵᬦᬸᬗᬸᬲᬶᬋᬦ᭄ᬓᬸᬭᬓ᭄ᬯᬫᬓᬚᬷᬢᬶᬢᬭᬶᬯᬸᬬᬸᬗᬶᬲᬂᬦᬸᬭᬾᬰ᭄ᬯᬭ᭞ᬧᬶᬮᬶᬄᬢᬦᬕᭂᬕᭂᬄᬮᬭᬗ᭄ᬓᬸᬬᬤᬶᬬᬦ᭄᭞
ᬭ᭄ᬯᬢᭂᬮᬸᬗᬦᬓᬓᬵᬃᬬ᭄ᬬᬭᬶᬂᬧᬸᬭᬶ᭞ᬓᬶᬢᬧ᭄ᬯᬚᬸᬕᬢᬦ᭄ᬳᬦᬵᬗᬸᬯᬸᬳᬢᬦ᭄ᬲᬧᬶᬦᬮᬧᬮᬭᬶᬂᬳᬸᬮᬸᬦ᭄ᬢᭂᬫᭂᬦ᭄᭞ᬉᬥᬹᬍᬳᭂᬗᬢᬵᬓᬸᬫᬢ᭄ᬬᬲᬧᬤᬶᬦ᭄ᬓᬶᬢᬢᬦᬸᬫᬸᬮᬶᬳᬾᬂᬲ᭄ᬯᬦᬵᬕᬭ᭛ᬦᬳᬦ᭄ᬢᬗᬶᬲᬶᬭᬂᬦᬭᬾᬦ᭄ᬤ᭄ᬭᬤᬬᬶᬢᬵᬫᬓᬶᬦᬧᬸᬳᬭᬮᬸᬄᬦᬶᬗᬂ
ᬋᬗᭃ᭞ᬦᬭᬾᬦ᭄ᬤ᭄ᬭᬓᬫᬢᭂᬗ᭄ᬕᭂᬗᭂᬦ᭄ᬲᬶᬭᬦᬗᬾᬧ᭄ᬯᬦᬸᬫᭂᬓᭂᬳᬧᬢᬦ᭄ᬯ᭄ᬭᬶᬗᬾᬦᬓ᭞ᬭᬶᬗᬹᬦᬶᬲᬶᬭᬢᬦ᭄ᬲᬓᬾᬗᬶᬫᬦᬶᬫᬦ᭄ᬫᬤᬳᬶᬭᬭᬶᬦᬭᬾᬰ᭄ᬯᬭᬵᬢ᭄ᬫᬚ᭞ᬦᬶᬭᬵᬯᬭᬾᬯᬭᬡᬬᭀᬕᬲᬦ᭄ᬤᬶᬧᬭᬫᬵᬃᬣᬓᬭᬡᬦᬶᬗᬦᭂᬫ᭄ᬯᬓᭂᬦ᭄ᬲᬸᬓ᭛
ᬭᬶᬓᬂᬓ᭄ᬱᬡᬪᬝᬵᬳᬭᬩᬸᬤ᭄ᬥᬲᬓᬮᬵᬦᬸᬭᬸᬦᬶᬲᬶᬭᬫᬤᬤ᭄ᬬᬗᬵᬢ᭄ᬫᬚ᭞ᬢᬶᬦᬹᬢ᭄ᬦᬶᬧᬗᬶᬥᬫ᭄ᬦᬭᬾᬦ᭄ᬤ᭄ᬭᬫᬳᬱᬷᬭᬶᬯᬶᬚᬶᬮᬶᬭᬦᬧᬹᬃᬯ᭄ᬯᬭᬶᬂᬚᬕᬢ᭄᭞ᬯᬮᬶᬗ᭄ᬓᬶᬭᬫᬢᬾᬓᬶᬢᬸᬳ᭄ᬯᬫᬮᬋᬡ᭄ᬲᬨᬮᬲᬶᬯᬶᬦᭂᬦᬶᬂᬲ᭄ᬯᬦᬵᬕᬭ᭞
Auto-transliteration
[10 10A]
10
lalupwarituhantasūkṣmarikjĕpningakar̀mitumarengtapowana, sumāddhyarikatĕmwaningparamaśūnyatanar̥ĕpithīr̀yyasangprabhu /// syapānungusir̥ĕnkurakwamakajītitariwuyungisangnureśwara, piliḥtanagĕgĕḥlarangkuyadiyan,
rwatĕlunganakakār̀yyaringpuri, kitapwajugatanhanānguwuhatansapinalapalaringhuluntĕmĕn, udhūl̥ĕhĕngatākumatyasapadinkitatanumulihengswanāgara /// nahantangisirangnarendradayitāmakinapuharaluḥningang
r̥ĕngö, narendrakamatĕnggĕngĕnsiranangepwanumĕkĕhapatanwringenaka, ringūnisiratansakengimanimanmadahirarinareśwarātmaja, nirāwarewaraṇayogasandiparamār̀thakaraṇaninganĕmwakĕnsuka ///
rikangkṣaṇabhaṭāharabuddhasakalānurunisiramadadyangātmaja, tinūtnipangidhamnarendramahasyīriwijiliranapūr̀wwaringjagat, walingkiramatekituhwamalar̥ĕṇsaphalasiwinĕningswanāgara,
