Gaguritan Pasesed 02

Original on Archive.org

Description

Bahasa Indonesia

Geguritan Pasesed ini berisi tentang nasihat seorang ayah kepada anaknya, antara lain tentang ajaran-ajaran kebaikan dalam menjalani kehidupan, tentang berbakti kepada empat guru (Catur Guru), tentang tiga hutang manusia selama hidup yang disebut Tri Rna, dan lima pengorbanan suci yang tulus iklas yang disebut Panca Yadnya.

Front and Back Covers

Image on Archive.org

[PERPUSTAKAAN KTR. DOKBUD BALI PROP. BALI G/XVIII/4/DOKBUD Judul : GAGURITAN PASESED Panj. 45 cm. Leb. 3,5 cm. Jml. 9 lb. Asal : Desa Mantring, Petak, Gianyar.] [᭑ 1A] [G/XVIII/4 Judul : GAGURITAN PASESED Panj. 45 cm. Leb. 3,5 cm. Jml. 9 lb. Asal : Desa Mantring, Petak, Gianyar.]

Auto-transliteration

[PERPUSTAKAAN KTR. DOKBUD BALI PROP. BALI G/XVIII/4/DOKBUD Judul : GAGURITAN PASESED Panj. 45 cm. Leb. 3,5 cm. Jml. 9 lb. Asal : Desa Mantring, Petak, Gianyar.] [1 1A] [G/XVIII/4 Judul : GAGURITAN PASESED Panj. 45 cm. Leb. 3,5 cm. Jml. 9 lb. Asal : Desa Mantring, Petak, Gianyar.]

Leaf 1

Image on Archive.org

[᭑ 1B] ᭑ ᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚ᬬᬦ᭄‌ᬢ᭄ᬯᬄᬲᬚᬘᭂᬦᬶᬂᬫᬶᬲᬭᬢᬂᬧᭂᬲᬦ᭄᭞ᬫᬬᬲᬶᬦ᭄ᬭᬕᬲᬸᬚᬢᬶ᭞ᬓᬧᬸᬘᬸᬓ᭄ᬱᬸᬤ᭄ᬥᬬᬂ᭞ᬚ᭄ᬜᬵᬦᬦ᭄ᬘᭂᬦᬶᬗᬾᬯᬦ᭄ᬢᬄ᭞ᬳᭂᬦ᭄ᬢᭀᬫᭂᬮᬳᬂᬫᬺᬢᬾᬦᬶᬦ᭄᭞ᬩᬵᬦ᭄ᬓᭂᬘᬧ᭄ᬰᬵᬲ᭄ᬢ᭄ᬭ᭞ᬲᬸᬰᬶᬮᬧᬸᬘᬸᬓᬂᬲᬳᬶ᭟ᬬᬦᬶᬂᬢᬾᬫ᭄ᬧᬂᬲᭀᬮᬳᬾ ᬫᬬᬲᬶᬦ᭄ᬭᬕ᭞ᬳᬗ᭄ᬕᬘᬤᬕᬾᬳᬸᬮᬸᬭᬶᬦ᭄᭞ᬧᬺᬢᬾᬦᬶᬦ᭄ᬧᬸᬘᬸᬓᬂ᭞ᬳᬍᬫ᭄ᬳᬚᬶᬳᬸᬧᬋᬗ᭄ᬕ᭞ᬫ᭄ᬯᬂᬲᬦ᭄ᬤᬶᬂᬧᬗᬦ᭄ᬪᭂᬓ᭄ᬩᭂᬓᬶᬦ᭄᭞ᬢᬦ᭄ᬜᬸᬮᬸᬃᬥᬃᬫ᭄ᬫ᭞ᬜᭂᬢ᭄ᬩᭀᬗ᭄ᬕᬦᬾᬫᭂᬢᬸᬳᬸᬭᬶᬧ᭄᭟ᬤᬾᬦᬶᬂᬫ᭄ᬭᬲᬢᬦ᭄ᬧᬢᬗ᭄ᬮᬸᬓ᭄‌ᬗ᭄ᬮᬸᬫ᭄ᬩᬃᬫᬦᬄ᭞ᬧᬓᭂᬜᭂᬢ᭄ᬤᬾᬯᬾᬓᬾᬦ᭄ᬤᬶᬭᬶ᭞ᬩᬶᬮᬶ ᬲ᭄ᬳᬗ᭄ᬕᭀᬦ᭄ᬲᭂᬧᬢ᭄᭞ᬧᭂᬢᭂᬂᬢᭂᬓᬾᬦ᭄ᬓᭂᬘᬧ᭄ᬰᬵᬲ᭄ᬢ᭄ᬭ᭞ᬲᭀᬓ᭄ᬱᭀᬮᬶᬄᬓᬍᬕᬦ᭄ᬤᬶᬭᬶ᭞ᬢ᭄ᬯᬭᬚᬗᬾᬢᬂ᭞ᬧᬓᭂᬜᭂᬢ᭄ᬳᬦᬓ᭄ᬤᬶᬲᬫ᭄ᬧᬶᬂ᭟ᬕᬸᬫᬶᬮᬶᬗ᭄ᬕᬄᬳᬚᬓ᭄ᬮᬶᬬᬸᬫᬤᬺᬯᬾᬦᬂ᭞ᬧᬓᬃᬤᬶᬦ᭄ᬳᬶᬤᬳ᭄ᬬᬂᬯᬶᬥᬶ᭞ᬳᭂᬦ᭄ᬢᭀᬳᬧᬂᬫᭂᬮᬄ᭞ᬤᬩ᭄ᬤᬩᬂᬳᬚᬓ᭄ᬫ ᬓᭂᬚᬂ᭞ᬫᬲ᭄ᬭᬩᬮᬦ᭄ᬮᬶᬗᬶᬂᬳᬚᬶ᭞ᬤᬗᬸᬮᬄᬳᬾᬮᬄ᭞ᬍᬕᬦ᭄ᬤᬾᬯᬾᬓᬾᬢᬸᬯᬸᬓᬶᬦ᭄᭟ᬳᬧᬂᬫᭂᬮᬄᬧᬧᬬᬲᬦᬾᬩᭂᬦᭂᬳᬂ᭞ᬳᬓᭂᬜᭂᬢ᭄ᬮᬕᬦ᭄ᬘᭂᬦᬶᬂ᭞ᬲᬾᬳᬶᬦ᭄ᬫᬓᬤᬤ᭄ᬯ᭞ᬮᬶᬂᬅᬓ᭄ᬱᬭᬦᬾᬳᬶᬜ᭄ᬘᭂᬧᬂ᭞ᬳᬗ᭄ᬕᭀᬦ᭄ᬧᬬᬲ᭄ᬜᭂᬢ᭄ᬲᬸᬚᬢᬶ᭞ [᭒ 2A] ᬧᬗᬦ᭄ᬮᬦ᭄ᬲᬦ᭄ᬤᬂ᭞ᬧᬬᬲ᭄ᬳᭀᬢᭂᬂᬭᬕᬜ᭄ᬘᭂᬦᬶᬂ᭟ᬲᬸᬬᬸᬕ᭄ᬳᬢ᭄ᬯᬂᬫᬭᬶᬂᬳᬶᬤᬲᬂᬳ᭄ᬬᬂᬯᭂᬦᬂ᭞ᬢᬸᬃᬫᬗ᭄ᬤᬾᬦᬾᬲᬳᬘᭂᬦᬶᬂ᭞ᬳᬦ᭄ᬢᭂᬂᬗᬫ᭄ᬩᬶᬮ᭄ᬓᬃᬬ᭄ᬬ᭞ᬗᬸᬧᬾᬦᬶᬦ᭄ᬧᬗᬸᬧᬚᬶᬯ᭞ᬩᬦ᭄ᬢᬶᬫᬶᬯᬄᬢᬺᬱ᭄ᬡᬳᬲᬶᬄ᭞ᬢᭀᬧᬸᬘᬸᬓᬂ᭞ᬫᬭᬶᬂᬤᬦᬦᬾᬲᬫᬶ᭞ᬬᬦᬶᬂᬲᬸ ᬩᬧᬬᬲᬾᬢᭀᬢᭀᬦᬦ᭄ᬚᭂᬫᬓ᭄᭞ᬲᬶᬦᬄᬲᬤ᭄ᬬᬦᬾᬓᬧᬗ᭄ᬕᬶᬄ᭞ᬦᬶᬱ᭄ᬓᬵᬮᬲᬓᬮ᭞ᬲᬫᬶᬳᬲᬸᬂᬲ᭄ᬯᬾᬘᬍᬕ᭞ᬫᬋᬧ᭄ᬢᭂᬓᬾᬦ᭄ᬤᬾᬯᬶᬸᬯᬾᬓ᭄ᬘᭂᬦᬶᬂ᭞ᬤᬸᬕᬶᬳᬾᬮᬳᬦ᭄᭞ᬲᭀᬮᬳᬾᬦᬶᬗ᭄ᬓᬳᬂᬳᬸᬭᬶᬧ᭄᭟᭐᭟ᬳᬸᬤᬸᬄᬘᭂᬦᬶᬂᬧ᭄ᬬᬦᬓ᭄ᬩ ᬧ᭞ᬢᬸᬳᬸᬲᬚᬩᬧᬫᭂᬮᬶᬤ᭄᭞ᬫᬸᬢᬸᬢᬸᬭᬶᬦ᭄ᬭᬕᬦ᭄ᬦᬦᬓ᭄᭞ᬫᬗ᭄ᬤᬲᭂᬍᬕ᭄ᬘᭂᬦᬶᬂᬫᬸᬭᬸᬓ᭄᭞ᬫᬲᭂᬓᭀᬮᬄᬚ᭄ᬯᬲᭂᬍᬕᬂ᭞ᬫ᭄ᬮᬚᬄᬦᬸᬮᬶᬲ᭄᭞ᬗᬸᬮᬶᬓ᭄ᬲᬃᬯᬕᬤᬶᬂᬰᬲ᭄ᬢ᭄ᬭ᭟ᬩᬯᭀᬲ᭄ᬕᬸᬭᬸᬦᬾᬋᬱᭂᬧᬂ᭞ᬳᭂᬤᬘᭂᬦᬶᬂᬫᬫᭀᬬᬦᬶᬦ᭄᭞ᬩᬺᬕᬄᬧ᭄ᬮᬂᬧᬂᬫ ᬭᬶᬂᬳᬶᬤ᭞ᬲᬶᬦᬄᬓᬯᭀᬦ᭄ᬧᬘᬂᬧᬗ᭄ᬕᬸᬄ᭞ᬤᬾᬦᬶᬂᬘᭂᬦᬶᬂᬲᬵᬫ᭄ᬧᬸᬦ᭄ᬮᬗ᭄ᬕ᭄ᬬ᭞ᬢᬸᬮᬄᬚᬢᬶ᭞ᬓᬤᬶᬧᭂᬢᭂᬂᬜᬾᬤᬤᬫᬃ᭟ᬭᬶᬂᬳᬶᬤ᭞ᬲᬶᬦᬄᬯᭀᬦ᭄ᬧᬘᬂᬧᬗ᭄ᬕᬸᬄ᭞ᬤᬾᬦᬶᬂᬘᭂᬦᬶᬂᬲᬵᬫ᭄ᬧᬸᬦ᭄ᬮᬗ᭄ᬕ᭄ᬬ᭞ᬢᬸᬮᬄᬚᬢᬶ᭞ᬓᬤᬶᬧᭂᬢᭂᬂᬜᬾᬤᬤᬫᬃ᭟

Auto-transliteration

[1 1B] 1 // • // oṁawighnamastu // yantwaḥsajacĕningmisaratangpĕsan, mayasinragasujati, kapucuksyuddhayang, jñānancĕningewantaḥ, hĕntomĕlahangmr̥ĕtenin, bānkĕcapśāstra, suśilapucukangsahi. yaningtempangsolahe mayasinraga, hanggacadagehulurin, pr̥ĕteninpucukang, hal̥ĕmhajihupar̥ĕngga, mwangsandingpanganbhĕkbĕkin, tanñulur̀dhar̀mma, ñĕtbongganemĕtuhurip. deningmrasatanpatangluknglumbar̀manaḥ, pakĕñĕtdewekendiri, bili shanggonsĕpat, pĕtĕngtĕkenkĕcapśāstra, soksyoliḥkal̥ĕgandiri, twarajangetang, pakĕñĕt'hanakdisamping. gumilinggaḥhajakliyumadr̥ĕwenang, pakar̀dinhidahyangwidhi, hĕntohapangmĕlaḥ, dabdabanghajakma kĕjang, masrabalanlinginghaji, dangulaḥhelaḥ, l̥ĕgandeweketuwukin. hapangmĕlaḥpapayasanebĕnĕhang, hakĕñĕtlagancĕning, sehinmakadadwa, lingakṣaranehiñcĕpang, hanggonpayasñĕtsujati, [2 2A] panganlansandang, payashotĕngragañcĕning. suyug'hatwangmaringhidasanghyangwĕnang, tur̀mangdenesahacĕning, hantĕngngambilkar̀yya, ngupeninpangupajiwa, bantimiwaḥtr̥ĕṣṇahasiḥ, topucukang, maringdananesami, yaningsu bapayasetotonanjĕmak, sinaḥsadyanekapanggiḥ, niṣkālasakala, samihasungswecal̥ĕga, mar̥ĕptĕkendew̶wekcĕning, dugihelahan, solaheningkahanghurip. 0. huduḥcĕningpyanakba pa, tuhusajabapamĕlid, mututurinragannanak, mangdasĕl̥ĕgcĕningmuruk, masĕkolaḥjwasĕl̥ĕgang, mlajaḥnulis, nguliksar̀wagadingśastra. bawosguruner̥ĕsyĕpang, hĕdacĕningmamoyanin, br̥ĕgaḥplangpangma ringhida, sinaḥkawonpacangpangguḥ, deningcĕningsāmpunlanggya, tulaḥjati, kadipĕtĕngñedadamar̀. ringhida, sinaḥwonpacangpangguḥ, deningcĕningsāmpunlanggya, tulaḥjati, kadipĕtĕngñedadamar̀.

Leaf 2

Image on Archive.org

[᭒ 2B] ᭒ ᬮᬾᬗ᭄ᬓᭀᬂᬢᬦ᭄ᬲᬶᬤᬍᬲᭂᬭᬂ᭞ᬬᬦ᭄ᬲᭂᬍᬭᬶᬦ᭄᭞ᬫᭂᬢᬸᬳᭂᬫ᭄ᬧᭂᬕ᭄ᬤᬭᬸᬲ᭄ᬫᬸᬲᬓ᭄᭟ᬭᬶᬭᬶᬳᬾᬤᬲᬃᬜᬰᬵᬲ᭄ᬢ᭄ᬭ᭞ᬗᬶᬜ᭄ᬘᭂᬧᬂᬦᭂᬓᬾᬂᬭᬶᬂᬳᬢᬶ᭞ᬲᬮ᭄ᬯᬶᬭᬶᬂᬤᬕᬶᬂᬧᬗᬚᬄ᭞ᬩᬩᬯᭀᬲ᭄ᬧᬓᬾᬮᬶᬂᬕᬸᬭᬸ᭞ᬤᬾᬦᬶᬂᬳᬶᬤᬜᬦ᭄ᬤᬂᬢᬸᬮᬤ᭄᭞ᬤᬦᬸᬗ᭄ᬓᬲᬶᬦ᭄᭞ᬳᬸᬯᬸᬄ ᬗᬸᬤᬳᬧᬂᬢᬯᬂ᭟ᬳᬶᬕᬸᬭᬸᬭᬶᬳᬶᬦᬦ᭄ᬗᭂᬦ᭄ᬢᬲ᭄᭞ᬧᬓᭂᬄᬮᬮᬄᬫᬦᬶᬲ᭄ᬧᬳᬶᬢ᭄᭞ᬳᭂᬤᬘᭂᬦᬶᬂᬧᬭᬶᬩᭀᬬ᭞ᬰᬶᬲ᭄ᬬᬰᬵᬰᬦᬦᬾᬢᬶᬦᬹᬢ᭄᭞ᬳᬶᬕᬸᬭᬸᬫᬄᬩᬄᬧᬫᬃᬕ᭞ᬲᬸᬮᬸᬃᬳᬸᬭᬶᬧ᭄᭞ᬦᬾᬢᬶᬦᬹᬢ᭄ᬘᭂᬦᬶᬂᬓᬯᭂᬓᬲ᭄᭟ᬲᭂᬓᭂᬦᬂᬘᭂᬦᬶᬂᬫᬮᬚᬄ᭞ ᬳᭂᬤᬳᬶᬫᬳᭂᬤᬍᬓᬶᬕ᭄᭞ᬬᬦᬶᬂᬭᬶᬭᬶᬄᬜᬾᬦ᭄ᬗᭂᬮᬳᬂ᭞ᬫᬸᬮᬓᬾᬯᭂᬄᬗᬮᬶᬄᬲᬸᬮᬸᬃ᭞ᬧ᭄ᬭᬤᬾᬧᭂᬮᬶᬄᬩᬵᬦ᭄ᬜᬸᬮᬸᬭᬂ᭞ᬗᬫᭀᬂᬳᬸᬭᬶᬧ᭄᭞ᬧᬾᬢ᭄ᬭᬸᬲᬓ᭄ᬓᬾᬯᭂᬄᬦᬩ᭄ᬤᬩᬂ᭟᭐᭟ᬩᬗ᭄ᬓᬄᬩᬶᬗ᭄ᬓᬶᬄᬗᬸᬧᬾᬦᬶᬦ᭄ᬳᬸᬭᬶᬧ᭄᭞ᬜᬯᬸᬋᬯᬾᬢ᭄ᬯᬭᬗᬾ ᬢᬂ᭞ᬳᬸᬚᬦ᭄ᬮᬦ᭄ᬓᭂᬩᬸᬲ᭄ᬩᬵᬳᬗᬾ᭞ᬲᬵᬓ᭄ᬗ᭄ᬭᬸᬭᬸᬄᬧᬗᬸᬧᬚᬶᬯ᭞ᬢᭀᬂᬲᬶᬤᬩᬵᬦ᭄ᬗᭂᬦᭂᬧᬂ᭞ᬧ᭄ᬬᬦᬾᬶᬦᬓᬾᬭᬫᬳᬾ [᭓ 3A] ᬤᬾ᭞ᬳᬶᬤᬸᬧᬾᬓᬮᬶᬧᬸᬢ᭄ᬮᬭ᭞ᬩᬾᬓ᭄ᬱᬦᬾᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬩᭂᬗᬂᬩᭂᬗᭀᬂᬧᬢᬶᬚ᭄ᬮᬫᬸᬢ᭄᭞ᬗᬱ᭄ᬝᬯᬳᬶᬤᬳ᭄ᬬᬂᬯᭂᬦᬂ᭟ᬭᬲᬢᭀᬂᬲᬶᬤ᭄ᬥᬩᬵᬦ᭄ᬳᬸᬭᬶᬧ᭄᭞ᬲᭂᬤᬸᬓᬾᬢᬦ᭄ᬓᭀᬤᬕ᭄ᬓᭀᬤᬓ᭄᭞ᬫᭂᬢᬸᬳᬶᬩᬸᬓ᭄ᬧᬓᭂᬜᭂᬢᬾ᭞ᬓᬾᬦᬾᬧᭂᬮᬶᬄᬓᬾᬢᭀᬩᭀᬬ᭞ᬲᭂᬫᬸᬦᬾ ᬳᬗ᭄ᬕᭀᬦ᭄ᬜᬭ᭄ᬯᬂ᭞ᬓᭂᬩ᭄ᬓᭂᬩᬶᬦ᭄‌ᬬᬳᬚᬶᬓᭂᬜᬸᬂ᭞ᬚᭂᬗᬄᬳᬗᭂᬳᬂᬧᬶᬲᬕ᭟ᬓᬶᬫᬸᬤ᭄ᬗᬕᬾᬦ᭄ᬤᭀᬂᬧᬂᬲᬳᬶ᭞ᬫᬗᬸᬫ᭄ᬧᬺᬕ᭄ᬳᬸᬫᬄᬧᬶᬲᬕ᭞ᬜᬫᬩ᭄ᬭᬬᬧᬤᬩᬾᬭᬾ᭞ᬧᬓᬤᭂᬲᬶᬢ᭄‌ᬢ᭄ᬯᬭᬜᬓᬦ᭄᭞ᬲᬳᬶᬜᬶᬮᬶᬄᬗᬤᬸᬩᭀᬩᬩ᭄᭞ᬢ᭄ᬯᬭᬲᬶᬤᬩᬵᬦ᭄ᬫᬦᭂᬩᬸ ᬲ᭄᭞ᬫᬘᬾᬮᬾᬗᬦ᭄ᬩᬸᬳᬦ᭄ᬳᬸᬢᬂ᭟ᬓᬸᬤ᭄ᬬᬂᬚᬦᬶᬩᬵᬦ᭄ᬗᬶᬢᬸᬗᬶᬦ᭄᭞ᬓᬤ᭄ᬮᭀᬗ᭄ᬲᭀᬓ᭄ᬲᬸᬩᬫᬘ᭄ᬮᬸᬩᬦ᭄᭞ᬫᬫᬸᬯᬸᬓ᭄ᬤᬕᬶᬂᬢᬸᬢᬸᬭᬾ᭞ᬢᬦ᭄ᬦᬢᬸᬕᬂᬫᬲᭂᬓᭀᬮᬄ᭞ᬲᬸᬩᬓᬲᬾᬧ᭄ᬫᬭᬗ᭄ᬭᬲ᭞ᬭᬶᬂᬤᬕᬶᬂᬳᬚᬄᬳᬶᬕᬸᬭᬸ᭞ᬮᬦ᭄ᬭᬭᬲᬳᬦᬾᬲᬸᬩ᭟ᬧᭂ ᬮᬶᬳᬾᬩᬓᬢ᭄ᬢᬶᬦ᭄ᬤᬶᬳᬶᬦ᭄᭞ᬗᬸᬮᬸᬭᬶᬦ᭄ᬜᭂᬢᬾᬲᬸᬩ᭞ᬤᬸᬓᬾᬓᬦ᭄ᬢᬸᬦ᭄ᬤᬤᭀᬲ᭄ᬭᬭᬾ᭞ᬦᬸᬯᬸᬓᬶᬦ᭄ᬜᭂᬢ᭄ᬫᬧ᭄ᬮᬮ᭄ᬬᬦ᭄᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬕᬕᭂᬮᬭᬦ᭄᭞ᬲᭀᬮᬳᬾᬳᬗ᭄ᬕᭀᬦ᭄ᬫᬗ᭄ᬭᬸᬭᬸᬄ᭞ᬧᬗᬸᬧᬚᬶᬯᬓᬯᭂᬓᬲ᭄᭟ᬳᬸᬤᬸᬄᬭᬢᬸᬲᬂᬳ᭄ᬬᬂᬯᬶᬥᬶ᭞ᬕᬸᬂᬳᬓ᭄ᬱ

Auto-transliteration

[2 2B] 2 lengkongtansidal̥ĕsĕrang, yansĕl̥ĕrin, mĕtuhĕmpĕgdarusmusak. ririhedasar̀ñaśāstra, ngiñcĕpangnĕkengringhati, salwiringdagingpangajaḥ, babawospakelingguru, deninghidañandangtulad, danungkasin, huwuḥ ngudahapangtawang. higururihinanngĕntas, pakĕḥlalaḥmanispahit, hĕdacĕningpariboya, śisyaśāśananetinūt, higurumaḥbaḥpamar̀ga, sulur̀hurip, netinūtcĕningkawĕkas. sĕkĕnangcĕningmalajaḥ, hĕdahimahĕdal̥ĕkig, yaningririḥñenngĕlahang, mulakewĕḥngaliḥsulur̀, pradepĕliḥbānñulurang, ngamonghurip, petrusakkewĕḥnabdabang. 0. bangkaḥbingkiḥngupeninhurip, ñawur̥ĕwetwarange tang, hujanlankĕbusbāhange, sākngruruḥpangupajiwa, tongsidabānngĕnĕpang, pyaneinakeramahe [3 3A] de, hidupekaliputlara, bekṣanekalintanglintang, bĕngangbĕngongpatijlamut, ngaṣṭawahidahyangwĕnang. rasatongsiddhabānhurip, sĕduketankodagkodak, mĕtuhibukpakĕñĕte, kenepĕliḥketoboya, sĕmune hanggonñarwang, kĕbkĕbinyahajikĕñung, jĕngaḥhangĕhangpisaga. kimudngagendongpangsahi, mangumpr̥ĕg'humaḥpisaga, ñamabrayapadabere, pakadĕsittwarañakan, sahiñiliḥngadubobab, twarasidabānmanĕbu s, macelenganbuhanhutang. kudyangjanibānngitungin, kadlongsoksubamacluban, mamuwukdagingtuture, tannatugangmasĕkolaḥ, subakasepmarangrasa, ringdaginghajaḥhiguru, lanrarasahanesuba. pĕ lihebakattindihin, ngulurinñĕtesuba, dukekantundadosrare, nuwukinñĕtmaplalyan, hĕngsaptĕken'gagĕlaran, solahehanggonmangruruḥ, pangupajiwakawĕkas. huduḥratusanghyangwidhi, gunghakṣa

Leaf 3

Image on Archive.org

[᭓ 3B] ᭓ ᬫᬳᬶᬯᬂᬢᬶᬢ᭄ᬬᬂ᭞ᬳᬲᬸᬂᬧᬦᬸᬓᬦᬾᬫᬗ᭄ᬓᬾ᭞ᬲᬓᬶᬂᬰᬸᬦ᭄ᬬᬢᬫᬲᬸᬃᬬ᭄ᬬᬦ᭄᭞ᬫᬗ᭄ᬤᬳᭂᬦ᭄ᬢᭂᬕ᭄ᬫᬦᬄᬢᬶᬢ᭄ᬬᬂ᭞ᬲᬳᬶᬳ᭄ᬬᬳᬾᬮᬶᬂᬭᬶᬂᬧᬢᬸᬢ᭄᭞ᬤᬸᬕᬶᬢᬦ᭄‌ᬦᬶᬓᭂᬮᬶᬦ᭄ᬳᬶᬯᬂ᭟᭐᭟ᬬᬦ᭄ᬘᭂᬦᬶᬂᬲᬬᬂᬭᬶᬂᬭᬕ᭞ᬳᬦᬓᬾᬫᬮᬸᬢᬺᬱ᭄ᬡᬳᬶᬦ᭄᭞ᬯᬦ᭄ᬢᬄᬓᬾᬢᭀᬲᬲᬸ ᬓᬸᬃᬓᬵ᭞ᬤᬘᭂᬦᬶᬂᬳᬶᬯᬂᬫᬶᬦᭂᬳᬶᬦ᭄᭞ᬳᬦᬓᬾᬢᬦ᭄ᬩᬶᬦᬬᬸᬓ᭄ᬢᬶ᭞ᬲᬬᬗᬾᬭᬶᬂᬭᬕᬲᬧᬢᬸᬄ᭞ᬲᬫᬶᬫᬗᬦ᭄ᬢᭂᬩᬂᬭᬕ᭞ᬫᬲᬸᬳᬸᬓ᭄ᬩᭀᬧᬾᬦᬶᬦ᭄ᬳᬸᬭᬶᬧ᭄᭞ᬤᬶᬤᬤᬸᬭᬸᬲ᭄᭞ᬮᬦ᭄ᬢᬸᬃᬫᬗ᭄ᬕᬸᬄᬓᬭᬵᬳᬃᬚᬦ᭄᭟ᬤᬤᬫᬂᬗᬦ᭄ᬤᬧᬂᬳᬦᬓ᭄᭞ᬤᬾᬯᬾᬓᬾᬳᬧᬂᬓᬧᬸᬚᬶ᭞ ᬳᬦᬓᬾᬳᬧᬗᬜᭂᬭᬄ᭞ᬫᬸᬲᬸᬓᬂᬩᭂᬦᭂᬄᬧᬤᬶᬤᬶ᭞ᬧᬢᬸᬢᬾᬫᬢᬶᬫ᭄ᬧᬶᬢᬶᬫ᭄ᬧᬶ᭞ᬫᬓᭂᬚᬂᬬᬫᬓ᭄ᬢᬧᬢᬸᬢ᭄᭞ᬢᭀᬫᬮᬸᬧᭂᬤᬲᬂᬧᭂᬲᬦ᭄᭞ᬜᬾᬦ᭄ᬳᬦᬓᬾᬜᬓ᭄ᬳᭂᬦ᭄ᬤᬶᬕᬶᬦ᭄᭞ᬳᬧᬂᬢᬶᬦᬹᬢ᭄᭞ᬲᬓᬶᬢᬓᬋᬕᬶᬸᬧ᭄ᬳᬶᬭᬕ᭟ᬲᭂᬧᬢ᭄ᬕᬸᬫᬶᬦᬾᬳᬋ ᬧᬂ᭞ᬳᭂᬦ᭄ᬢᭀᬫᬓᬢᬸᬗ᭄ᬕᬸᬮ᭄ᬚᬢᬶ᭞ᬲᭂᬧᬢ᭄ᬲᬶᬓᬸᬢᬾᬧᬲᬚ᭞ᬤᬗᬾᬤᬾᬗᬂᬲᭂᬫᬸᬰᬓ᭄ᬢᬶ᭞ᬩᬮᬸᬗᬾᬳᬗ᭄ᬓᬾᬦ᭄ᬦᬶᬦ᭄ᬤᬶᬳᬶᬦ᭄᭞ᬫ᭄ᬭᬲᬭᬶᬭᬶᬄᬩᬮᬸᬂᬓᬸᬓᬸᬄ᭞ᬳᭂᬦ᭄ᬢᭀᬲᭀᬮᬄᬓᬭᬵᬓ᭄ᬱᬲᬦ᭄᭞ᬫ᭄ᬯᬂᬲᭀᬮᬄᬲᬢᭀᬚᬢᬶ᭞ᬫ᭄ᬭᬲᬯᭂᬭᬸᬄ᭞ᬫᬶᬦᬩ᭄ᬢᭀᬂᬳᬤᬗ [᭔ 4A] ᬲᭀᬭᬂ᭟ᬤᬩ᭄ᬤᬩᬂᬘᭂᬦᬶᬂᬤᬩ᭄ᬤᬩᬂ᭞ᬲᭂᬫᬸᬲᭀᬮᬳᬾᬬᬢ᭄ᬦᬳᬶᬦ᭄᭞ᬳᬤᬳᬜᬸᬫ᭄ᬩᬸᬗᬂᬭᬕ᭞ᬤᬾᬦᬶᬂᬫᬾᬯᭂᬄᬫᬜᭂᬍᬳᬶᬦ᭄᭞ᬳᭂᬜ᭄ᬘᬾᬦ᭄ᬓᬾᬦᬾᬲᬸᬚᬢᬶ᭞ᬦᬾᬧ᭄ᬭᬚ᭄ᬜᬦ᭄ᬫᬶᬯᬄᬦᬾᬚᬸᬕᬸᬮ᭄᭞ᬳᭂᬤᬳᬲ᭄ᬧᬄᬘᭂᬦᬶᬂᬫᬃᬡ᭞ᬮᬕᬸᬢ᭄ᬓᬢᭀᬦ᭄ᬲᬚᬤᭂᬓᬶᬮ᭄᭞ᬫᬧᬶ ᬗᬸᬬᬸᬓ᭄᭞ᬧᬃᬡᬬᬂᬘᭂᬦᬶᬂᬫᬢᬮᬂ᭟ᬳᬦᬓᬾᬫᬲᭂᬫᬸᬩᬶᬗᬃ᭞ᬓᭀᬦ᭄ᬤᬾᬦ᭄ᬲᬚᬚᬦ᭄ᬢᭂᬦ᭄ᬭᬶᬭᬶᬄ᭞ᬬᬦ᭄ᬚᬸᬮᬯᬢᭂᬓ᭄ᬜᬩᭀᬗ᭄ᬕᬸᬫᬭᬩᬶᬲᬓᭂᬧᭂᬳᬶᬃᬓᭂᬧᬶᬃ᭞ᬫ᭄ᬭᬲᬲᬸᬩᬳᬦ᭄ᬤᭂᬮ᭄ᬚᬢᬶ᭞ᬫᬭᬚᬫ᭄ᬩᭀᬢ᭄ᬦᬾᬓᬢᭂᬧᬸᬓ᭄᭞ᬓᬤᬾᬦᬲᬸᬩᬫᬓᭂᬚᬂ᭞ᬩᬸᬓᬓᬢ ᬢᬓᬾᬢᭂᬓᭂᬧᬶᬦ᭄᭞ᬓᬯᬸᬩᬸᬮᬸ᭞ᬫ᭄ᬭᬲᬢᬦ᭄ᬓᬲᬫᬦ᭄ᬧᬤ᭟ᬳᬶᬤᬲᬂᬫ᭄ᬭᬕᬳᬸᬢ᭄ᬢᬫ᭞ᬦᬾᬯᬸᬲ᭄‌ᬯ᭄ᬭᬸᬄᬰᬵᬲ᭄ᬢ᭄ᬭᬳᬚᬶ᭞ᬲᬳᬶᬢ᭄ᬬᬗᬦ᭄ᬤᬧᬂᬭᬕ᭞ᬤᬾᬦᬶᬂᬳᬚ᭄ᬭᬶᬄᬤᬤᭀᬲ᭄‌ᬯᬶᬯᬶᬢ᭄᭞ᬓᬗ᭄ᬕᭂᬳᬂᬩᬩᬯᭀᬲ᭄ᬕᬸᬫᬶ᭞ᬓᬓᭂᬳᭂᬂᬤᬶᬲᬶᬲᬶᬦ᭄ᬭᬸᬭᬸᬂ᭞ᬤᬸᬕᬶᬓᬗ᭄ᬕᭂᬳᬂ ᬧᬘᬸᬦ᭄ᬤᬂ᭞ᬲᬋᬢᬶᬫᬶᬭᬗᭂᬜ᭄ᬘᭂᬕᬶᬦ᭄᭞ᬧᭂᬢᭂᬂᬧᬶᬢᬸ᭞ᬓᬯᬯᬳᬦ᭄ᬢᬸᬓ᭄ᬜᭂᬢ᭄ᬩᭀᬗ᭄ᬕ᭟ᬭᬶᬭᬶᬄᬢᬫ᭄ᬩᭂᬳᬾᬤᭂᬧᬗᬂ᭞ᬢᭀᬦ᭄ᬤᬾᬦ᭄ᬳᭂᬦ᭄ᬢᭀᬫᬤᬦ᭄ᬚᬢᬶ᭞ᬳᬦᬾᬓᬗ᭄ᬕᭂᬄᬓᬗ᭄ᬕᬾᬦ᭄‌ᬧᬮ᭞ᬳᬦ᭄ᬢᬸᬓ᭄ᬳᬤᬤᬦᬾᬲᬫᬶ᭞ᬤ᭄ᬬᬲ᭄ᬢᬸᬢᬫ᭄ᬩᭂᬢ᭄ᬦᬗ᭄ᬳᬶᬂᬚᬢᬶ᭞ᬲᬓᭂ

Auto-transliteration

[3 3B] 3 mahiwangtityang, hasungpanukanemangke, sakingśunyatamasur̀yyan, mangdahĕntĕgmanaḥtityang, sahihyahelingringpatut, dugitannikĕlinhiwang. 0. yancĕningsayangringraga, hanakemalutr̥ĕṣṇahin, wantaḥketosasu kur̀kā, dacĕninghiwangminĕhin, hanaketanbinayukti, sayangeringragasapatuḥ, samimangantĕbangraga, masuhukbopeninhurip, didadurus, lantur̀mangguḥkarāhar̀jan. dadamangngandapanghanak, dewekehapangkapuji, hanakehapangañĕraḥ, musukangbĕnĕḥpadidi, patutematimpitimpi, makĕjangyamaktapatut, tomalupĕdasangpĕsan, ñenhanakeñak'hĕndigin, hapangtinūt, sakitakar̥ĕg̶p'hiraga. sĕpatguminehar̥ĕ pang, hĕntomakatungguljati, sĕpatsikutepasaja, dangedengangsĕmuśakti, balungehangkennindihin, mrasaririḥbalungkukuḥ, hĕntosolaḥkarākṣasan, mwangsolaḥsatojati, mrasawĕruḥ, minabtonghadanga [4 4A] sorang. dabdabangcĕningdabdabang, sĕmusolaheyatnahin, hadahañumbungangraga, deningmewĕḥmañĕl̥ĕhin, hĕñcenkenesujati, neprajñanmiwaḥnejugul, hĕdahaspaḥcĕningmar̀ṇa, lagutkatonsajadĕkil, mapi nguyuk, par̀ṇayangcĕningmatalang. hanakemasĕmubingar̀, kondensajajantĕnririḥ, yanjulawatĕkñabonggumarabisakĕpĕhir̀kĕpir̀, mrasasubahandĕljati, marajambotnekatĕpuk, kadenasubamakĕjang, bukakata taketĕkĕpin, kawubulu, mrasatankasamanpada. hidasangmragahuttama, newuswruḥśāstrahaji, sahityangandapangraga, deninghajriḥdadoswiwit, kanggĕhangbabawosgumi, kakĕhĕngdisisinrurung, dugikanggĕhang pacundang, sar̥ĕtimirangĕñcĕgin, pĕtĕngpitu, kawawahantukñĕtbongga. ririḥtambĕhedĕpangang, tondenhĕntomadanjati, hanekanggĕḥkanggenpala, hantuk'hadadanesami, dyastutambĕtnanghingjati, sakĕ

Leaf 4

Image on Archive.org

[᭔ 4B] ᭔ ᬜᭂᬢᬾᬦᬸᬮᬸᬲ᭄ᬳᬤᬸᬂ᭞ᬲᬮᬸᬂᬮᬸᬂᬲᬩᬬᬦ᭄ᬢᬓ᭞ᬫᬗᬦᬸᬢᬶᬦ᭄ᬓ᭄ᬭᬫᬦ᭄ᬕᬸᬫᬶ᭞ᬳᭂᬦ᭄ᬢᭀᬢᬸᬳᬸ᭞ᬓᬲᬬᬗᬂᬳᬦ᭄ᬢᬸᬓ᭄ᬚᬕᬢ᭄᭟ᬦᬄᬳᭂᬦ᭄ᬢᭀᬫᭂᬮᬳᬂᬧᭂᬲᬦ᭄᭞ᬳᬶᬜ᭄ᬘᭂᬧᬂᬲᬚ᭄ᬭᭀᬦᬶᬂᬳᬢᬶ᭞ᬤᬲᬸᬫ᭄ᬩᬸᬂᬘᭂᬦᬶᬂᬭᬶᬂᬭᬕ᭞ᬯᬶᬭᬾᬄᬧᬫᬸᬧᬸᬢᬾᬧᬲ᭄ᬢᬶ᭞ᬳᬚᬓ᭄ᬫᬚᬶᬸᬓᭂ ᬚᬂᬫ᭄ᬭᬶᬄᬓᬦ᭄ᬢᬶ᭞ᬲᬭᬢ᭄ᬧᭂᬲᬦ᭄ᬦᬸᬦᬲ᭄ᬢᬸᬮᬸᬂ᭞ᬫᬭᬶᬂᬳᬶᬤᬤᬦᬾᬲᬫ᭄ᬬᬦ᭄᭞ᬗᬶᬲᬶᬤᬂᬲᬯᬦ᭄ᬜᬚᬢᬶ᭞ᬬᬦ᭄ᬯᬸᬲ᭄ᬮᬫ᭄ᬧᬸᬲ᭄᭞ᬲᬯᬦᬾᬧᬸᬧᬸᬢ᭄ᬫᬜᭂᬭᬄ᭟ᬋᬱᭂᬧᬂᬘᭂᬦᬶᬂᬧᬂᬫᭂᬮᬄ᭞ᬫᬗ᭄ᬤᬢᬦ᭄ᬩᭂᬕᬸᬕ᭄‌ᬤᬶᬳᬢᬶ᭞ᬲᬶᬂᬳᬤᬲᬯᬫᬚᬮᬦ᭄᭞ᬜᬸᬚᬸᬃᬓᬲᭂᬫᬧᬤᬶᬤᬶ᭞ ᬩᭂᬦᭂᬳᬦ᭄ᬲᬮᬶᬂᬢᬢᬶᬗᬶᬦ᭄᭞ᬲᬮᬶᬂᬲᬬᬗᬂᬧᬂᬳᬤᬸᬂ᭞ᬳᬸᬦ᭄ᬤᬸᬓᬂᬳᬧᬗᬫᭂᬮᬄ᭞ᬲᭀᬃᬲᬶᬗ᭄ᬕᬶᬄᬳᬾᬫᬦᬸᬢ᭄ᬮᬶᬗ᭄ᬕᬶᬄ᭞ᬳᬧᬂᬳᬦᬸᬢ᭄᭞ᬲᭀᬮᬳᬾᬗᬚᬶᬦᬶᬦ᭄ᬳᬦᬓ᭄᭟ᬬᬦ᭄ᬧᭂᬮᬶᬄᬗᬸᬦ᭄ᬤᬸᬓᬂᬢᭂᬕᬓ᭄᭞ᬢ᭄ᬯᬭᬗᬦᬸᬢᬶᬦ᭄‌ᬦᬾᬚᬢᬶ᭞ᬳᭂᬦ᭄ᬢᭀᬲᬗᭂᬢ᭄ᬤ ᬤᬶᬓ᭄ᬭᬡ᭞ᬫᬓᬯᬶᬢ᭄ᬗᬦᬶᬦᬶᬦ᭄ᬳᬢᬶ᭞ᬢ᭄ᬯᬄᬲᬚᬫᬯᬶᬯᬶᬢ᭄ᬢᬸᬗ᭄ᬕᬶᬮ᭄᭞ᬦᬵᬗ᭄ᬳᬶᬂᬳᬸᬦ᭄ᬤᬸᬓᬂᬧᬂᬧᬢᬸᬢ᭄᭞ᬓᬤᬶᬲᭀᬮᬄᬫᬯᬶᬮᬗᬦ᭄᭞ᬲᬶᬦᬄᬲᬓᬶᬂᬳᬾᬓᬗᬯᬶᬢ᭄᭞ᬢ᭄ᬯᬭᬧᬢᬸᬢ᭄᭞ᬳᬮᬶᬢᭂᬩᬾᬦ᭄ᬗᬮᬸᬯᬦᬂ᭟᭐᭟ᬘᭂᬦᬶᬂᬩᬕᬸᬲ᭄᭞ᬤ [᭕ 5A] ᬧᭂᬲᬦ᭄ᬗᬸᬮᬸᬭᬶᬦ᭄᭞ᬧᬓᭂᬢ᭄ᬫᬫᭀᬢᭀᬄ᭞ᬤᭀᬦᬶᬂᬋᬓᬾ᭞ᬗᬯᭀᬳᬶᬦ᭄ᬫᭀᬫᭀᬦᬾ᭞ᬗᬸᬮᬄᬳᬮᬸᬄ᭞ᬢᬓᬸᬢ᭄ᬧᭂᬮᬸᬄᬧᬶᬤᬶᬢ᭄᭞ᬜᭂᬫᬓ᭄ᬕᬯᬾᬍᬓᬶᬕ᭄᭞ᬲᬶᬬᬧᬾᬢᬚᬶᬦᬶᬦ᭄ᬳᬤᬸ᭟ᬓᬤᬾᬦ᭄ᬳᬮᬸᬄ᭞ᬫᬗᬸᬮᬢᬶᬧᬶᬧᬶᬲ᭄᭞ᬫᬚᬮᬭᬦ᭄ᬫᬫᭀᬢᭀᬄ᭞ᬗᬮᬶᬄᬫᬸᬮᬾ᭞ᬓᬦ᭄ᬭᬓ ᬫᬩ᭄ᬮᬾᬜᬾᬓ᭄᭞ᬮᬶᬬᬸᬢᭂᬧᬸᬓ᭄᭞ᬲᬂᬫᬤᬲᬃᬲᬸᬕᬶᬄ᭞ᬫᬫᭀᬢᭀᬄᬓᬓᬃᬤᬶ᭞ᬅᬃᬣᬩ᭄ᬭᬡᬢᭂᬮᬄᬮᬸᬤᬸᬲ᭄᭟ᬲᬸᬩᬮᬘᬸᬃ᭞ᬫᭂᬢᬸᬜᭂᬢᬾᬧᬮᬶᬂ᭞ᬤᬶᬦᬶᬤᬶᬢᬸᬩᭂᬗᭀᬂ᭞ᬜᭂᬮ᭄ᬲᭂᬮ᭄ᬤᬾᬯᬾᬓ᭄᭞ᬗᭂᬗ᭄ᬓᭂᬩᬂᬧᭂᬮᬶᬳᬾ᭞ᬧᬢᬸᬚ᭄ᬮᬫᬸᬢ᭄᭞ᬧᭂᬲᬸᬳᬸᬚᬃᬧᬮᬶᬂ᭞ᬯᬶᬥᬶᬦᬾ ᬳᬭᬦᬶᬦ᭄᭞ᬢᬸᬄᬢᬄᬳᬶᬤᬫᭂᬦᬾᬓ᭄ᬢᬸᬯᬸᬦ᭄᭟ᬧᭂᬲᬸᬩᬸᬤᬸᬄ᭞ᬧᬦᬓ᭄ᬲᭀᬫᬄᬢᬶᬕ᭄ᬢᬶᬕ᭄᭞ᬓᬢᭀᬦᬂᬬᬲᬢᭀ᭞ᬤᬮᬶᬄᬚᭂᬮᬾᬓ᭄᭞ᬳᬗ᭄ᬲᭂᬗᬦ᭄ᬜᭂᬢ᭄ᬤᬾᬯᬾᬓ᭄᭞ᬲᬸᬩᬮᬶᬫᬸᬄ᭞ᬳᬦᬓᬾᬳᬭᬦᬶᬦ᭄᭞ᬳᬦᬾᬫᬗ᭄ᬭᬘᬶᬦᬶᬦ᭄᭞ᬲᭂᬳᭀᬯᬢᬶᬦ᭄ᬤᬦ᭄ᬤᬳᬚᬶᬩᬸᬤᬸᬄ᭟ ᭐᭟ᬤᬶᬚᬳᬮᬶᬄᬤᬶᬚᬭᬸᬭᬸᬄ᭞ᬍᬕᬦ᭄ᬜᭂᬢᬾᬳᬦᬾᬚᬢᬶ᭞ᬳᬦᬾᬓᬩᬯᭀᬲᬂᬩᬕ᭄ᬬ᭞ᬤᬸᬕᬸᬧᬮᬶᬸᬄᬮᬶᬂᬩᬓᬢ᭄ᬳᬮᬶᬄ᭞ᬩᬦ᭄ᬳᬗᬶᬦ᭄ᬩᬦ᭄ᬫᬲ᭄‌ᬮᬦ᭄ᬲ᭄ᬮᬓ᭞ᬢᬦ᭄ᬫᬭᬯᬢ᭄ᬦᬂᬳᬓᬶᬓᬶᬢ᭄᭟ᬲᬬᬦ᭄ᬲᬸᬕᬶᬄᬲᬬᬦ᭄ᬳᬶᬗᬸᬄ᭞ᬗᬲ᭄ᬧᬶᬮᬂᬩ᭄ᬭᬡᬲᬲ

Auto-transliteration

[4 4B] 4 ñĕtenulushadung, salunglungsabayantaka, manganutinkraman'gumi, hĕntotuhu, kasayanganghantukjagat. naḥhĕntomĕlahangpĕsan, hiñcĕpangsajroninghati, dasumbungcĕningringraga, wireḥpamuputepasti, hajakmaj̶kĕ jangmriḥkanti, saratpĕsannunastulung, maringhidadanesamyan, ngisidangsawanñajati, yanwuslampus, sawanepuputmañĕraḥ. r̥ĕsyĕpangcĕningpangmĕlaḥ, mangdatanbĕgugdihati, singhadasawamajalan, ñujur̀kasĕmapadidi, bĕnĕhansalingtatingin, salingsayangangpanghadung, hundukanghapangamĕlaḥ, sor̀singgiḥhemanutlinggiḥ, hapanghanut, solahengajininhanak. yanpĕliḥngundukangtĕgak, twaranganutinnejati, hĕntosangĕtda dikraṇa, makawitnganininhati, twaḥsajamawiwittunggil, nānghinghundukangpangpatut, kadisolaḥmawilangan, sinaḥsakinghekangawit, twarapatut, halitĕbenngaluwanang. 0. cĕningbagus, da [5 5A] pĕsanngulurin, pakĕtmamotoḥ, doningr̥ĕke, ngawohinmomone, ngulaḥhaluḥ, takutpĕluḥpidit, ñĕmakgawel̥ĕkig, siyapetajininhadu. kadenhaluḥ, mangulatipipis, majalaranmamotoḥ, ngaliḥmule, kanraka mableñek, liyutĕpuk, sangmadasar̀sugiḥ, mamotoḥkakar̀di, ar̀thabraṇatĕlaḥludus. subalacur̀, mĕtuñĕtepaling, diniditubĕngong, ñĕlsĕldewek, ngĕngkĕbangpĕlihe, patujlamut, pĕsuhujar̀paling, widhine haranin, tuḥtaḥhidamĕnektuwun. pĕsubuduḥ, panaksomaḥtigtig, katonangyasato, daliḥjĕlek, hangsĕnganñĕtdewek, subalimuḥ, hanakeharanin, hanemangracinin, sĕhowatindandahajibuduḥ. 0. dijahaliḥdijaruruḥ, l̥ĕganñĕtehanejati, hanekabawosangbagya, dugupal̶ḥlingbakat'haliḥ, banhanginbanmaslanslaka, tanmarawatnanghakikit. sayansugiḥsayanhinguḥ, ngaspilangbraṇasasa

Leaf 5

Image on Archive.org

[᭕ 5B] ᭕ ᬳᬶ᭞ᬢᬗᭂᬸᬳᬶᬸᬓᬸᬢ᭄ᬢᬗᭂᬳᬂᬧᬶᬲᬕ᭞ᬲᬳᬳᬲᭂᬮᬂᬤᬶᬳᬢᬶ᭞ᬭᬲᬳᬤᬦᬾᬗᬶᬢᬸᬗᬂ᭞ᬗᬺᬩᬸᬢ᭄ᬳᬃᬣᬳᬚᬶᬜᬶᬮᬶᬩ᭄᭟ᬧᬶᬲᬕᬢᭀᬂᬩᬓᬢ᭄ᬕᬸᬕᬸ᭞ᬓ᭄ᬭᬲᬧᬤᬳᬶᬭᬶᬳᬢᬶ᭞ᬧᬤᬗᬤᬸᬲᭂᬩᭂᬂᬕᭂᬢᬃ᭞ᬓᭂᬜᬸᬗᬾᬳᬗ᭄ᬕᭀᬦᬜᬶᬮᬶᬩ᭄᭞ᬜᭂᬢ᭄ᬩᬓᬮᬶᬧᬸᬢ᭄ᬮᬦ᭄ᬚᭂ ᬮ᭞ᬫᬗᬯᭀᬦᬂᬳᬦᬓ᭄ᬲᬸᬕᬶᬄ᭟ᬫᬭᬢᬳᬸᬢᭂᬓᬾᬦ᭄ᬳᬸᬦ᭄ᬤᬸᬓ᭄᭞ᬯᬶᬢ᭄ᬦᬶᬂᬜ᭄ᬮᬶᬓ᭄ᬱᬶᬓ᭄ᬜᭂᬢ᭄ᬧᬤᬶᬤᬶ᭞ᬯᭀᬄᬩᭀᬗ᭄ᬕᬦᬾᬫᬭᬗᭂᬦ᭄ᬤᬲ᭄᭞ᬳᬦᬓᬾᬩᬓᬢ᭄ᬳᬭᬦᬶᬦ᭄᭞ᬓ᭄ᬭᬲᬩ᭄ᬭᬬᬦᬾᬗᭂᬤᭂᬕᬂ᭞ᬚᬢᬶᬦ᭄ᬜᬯᭀᬄᬓᬃᬤᬶᬦ᭄ᬭᬶ᭟ᬳᬯᬓᬾᬩᬲ᭄‌ᬲᬗᭂᬢ᭄ᬩᭂᬕᬸᬕ᭄᭞ ᬩᭀᬗ᭄ᬕᬢᭂᬓᬾᬦ᭄ᬤᬾᬯᬾᬓ᭄ᬲᬸᬕᬶᬄ᭞ᬢᬦ᭄ᬭᬸᬗᬸᬭᬶᬂᬜᬫᬩ᭄ᬭᬬ᭞ᬜᬧᬢᬶᬦ᭄ᬳᬚᬶᬗ᭄ᬮᬯᬦᬶᬦ᭄᭞ᬭᬾᬄᬗ᭄ᬭᬲᬲᬶᬂᬓ᭄ᬯᬗᬦ᭄ᬳᬫᬄ᭞ᬳᬧᬩᬸᬯᬶᬦ᭄ᬳᬶᬤᬶᬳᬂᬓᬦ᭄ᬢᬶ᭟ᬓᭂᬜ᭄ᬘᭂᬕᬦ᭄ᬩᬵᬦ᭄ᬧᭂᬢᭂᬂᬧᬶᬢᬸ᭞ᬫ᭄ᬭᬲᬢᭂᬓᬾᬦ᭄ᬳᬯᬓ᭄ᬳᬶᬗ᭄ᬕᬶᬮ᭄᭞ᬢ᭄ᬯᬭᬳᬦᬶᬸᬤᬲᬫᬧᬤ᭞ᬫ᭄ᬭᬲᬤᬾᬯᬾᬓ᭄ᬩᬕᬸ ᬲ᭄ᬭᬶᬭᬶᬄ᭞ᬲᬮ᭄ᬯᬶᬃᬜᬧᬶᬦᬶᬄᬳᬸᬢᬫ᭞ᬲᬶᬂᬳᬤᬗᬲᭀᬭᬂᬩᬸᬯᬶᬦ᭄᭟ᬳᭂᬗ᭄ᬲᬧ᭄ᬢᭂᬓᬾᬦ᭄ᬧᬤᬧᬤᬧᬢᬸᬄ᭞ᬧᬓᭂᬜᭂᬢ᭄ᬜᬫᬦᬾᬚᬢᬶ᭞ᬢᬸᬲᬶᬂᬳᬤᬜᬓ᭄‌ᬳᭂᬓ᭄ᬚᭂᬓᬂ᭞ᬫᬲᬶᬄᬚᬧᬤᬶᬳᬶᬗᭂᬦᬶᬦ᭄᭞ᬲᬸᬕᬶᬳᬾᬧᭂᬚᬂᬤᬶᬚᬸᬫᬄ᭞ᬗᬸᬤ᭄ᬬᬂᬳᬦᬓᬾᬳᭂᬦ᭄ᬢ᭄ᬕᭀᬕᬶᬦ᭄᭟ [᭖ 6A] ᬫᬭᬩᬓᬢ᭄ᬩᬵᬦ᭄ᬗᬭᬸᬭᬸᬄ᭞ᬤᬤ᭄ᬬᬩᬕ᭄ᬬᬦᬾᬲᬸᬚᬢᬶ᭞ᬢ᭄ᬭᬶᬓᬬᬧᬭᬶᬰᬸᬤ᭄ᬥ᭞ᬜᭂᬳ᭄ᬢᬩᬸᬄᬮᬓ᭄ᬱᬡᬲᬸᬘᬶ᭞ᬳᬦᬾᬳᭂᬦ᭄ᬢᭀᬢ᭄ᬯᬄᬮᬓ᭄ᬱᬡᬦ᭄ᬜ᭞ᬲᬸᬮᬸᬄᬲᬸᬮᬸᬃᬜᬲᬸᬚᬢᬶ᭟ᬓᭂᬦᭂᬳᬾᬳᬧᬂᬤᬩᭂᬕᬸᬕ᭄᭞ᬢᬩᬸᬳᬾᬤᬫᬗᬸᬗ᭄ᬓᬸᬮᬶᬦ᭄᭞ᬮ᭄ᬓ᭄ᬱᬡᬦᬾᬳᬧᬂᬭᬧᬄ᭞ᬓᭂᬫ᭄ᬩᬦ᭄ᬮᬦ᭄ᬳᬶᬢᬢ᭄ᬯᬫ᭄ᬳ ᬲᬶ᭞ᬯᬶᬢ᭄ᬓᭂᬢᬾᬲᬮᬶᬂᬢᬸᬗ᭄ᬯᬂ᭞ᬧᬤᬩᭂᬤᬓ᭄ᬫᬦᬢᬶᬗᬶᬦ᭄᭟᭐᭟ᬘᭂᬦᬶᬂᬩᬕᬸᬲ᭄᭞ᬲᬗ᭄ᬓᬦ᭄ᬳᬤᬳᬦᬶᬢᭂᬧᬸᬓ᭄᭞ᬳᬸᬦ᭄ᬤᬸᬓᬾᬫᬜ᭄ᬚᬤ᭄ᬫ᭞ᬲᬶᬤᬫᭀᬮᬶᬳᬶᬂᬲᬸᬓᬾᬃᬣᬶ᭞ᬳᬸᬭᬶᬧ᭄ᬮᬦ᭄ᬤᬸᬄ᭞ᬚᬗ᭄ᬓᭂᬧ᭄ᬩᭀᬕᬳᬸᬧᬩᭀᬕ᭟ᬧᭂᬮᬸᬢ᭄ᬫᬮᬸ᭞ᬳᬦᬾᬫᬤᬦ᭄ᬲᬸᬮᬸᬃᬧᬢᬸᬢ᭄᭞ᬳᬧ ᬓᬾᬓ᭄ᬭᬡᬦ᭄ᬜ᭞ᬲᬗ᭄ᬓᬦ᭄ᬢᭂᬫᬸᬩᬸᬓᬚᬦᬶ᭞ᬳᭂᬤᬢᬦ᭄ᬤ᭄ᬭᬸᬄ᭞ᬗᭂᬗ᭄ᬲᬧᬂᬤᬕᬶᬂᬓᬲ᭄ᬯᬾᬘᬦ᭄᭟ᬢ᭄ᬯᬄᬳᬢᭂᬮᬸ᭞ᬓᬯᬶᬢ᭄ᬧᬜ᭄ᬘᭂᬭᬾᬓᬯᬸᬯᬸᬲ᭄᭞ᬦᬾᬤᬤᬶᬯ᭄ᬬᬓ᭄ᬭᬡ᭞ᬲᬗ᭄ᬓᬦ᭄ᬢᭂᬧᬸᬓ᭄ᬩᬸᬓᬚᬦᬶ᭞ᬦᬄᬦᬾᬩᬕᬸᬲ᭄᭞ᬫᭂᬮᬳᬂᬘᭂᬦᬶᬂᬋᬱᭂᬧᬂ᭟ᬧᬶᬦᬶᬄᬫᬮᬸ᭞ᬕᬸᬭᬸᬭᬸᬧᬓᬓᬯᬸᬯᬸᬲ᭄᭞ ᬳᬦᬾᬧᬮᬶᬢ᭄ᬤᬸᬯ᭞ᬕᬸᬭᬸᬧᬗᬚ᭄ᬬᬦ᭄ᬘᭂᬦᬶᬂ᭞ᬓᬧᬶᬂᬢᭂᬮᬸ᭞ᬳᬶᬦᬸᬘᬧ᭄ᬕᬸᬭᬸᬯᬶᬰᬾᬱ᭟ᬬᬬᬄᬳᬶᬩᬸ᭞ᬦᬾᬯᬧᬢᬸᬢ᭄ᬩᬓ᭄ᬢᬶᬦᬶᬦ᭄ᬫᬮᬸ᭞ᬭᬾᬄᬳᬶᬤᬗᬤᬓᬂ᭞ᬭᬕᬦ᭄ᬘᭂᬦᬶᬂᬩᬸᬓᬚᬦᬶ᭞ᬓᬦ᭄ᬢᬶᬤᬸᬯᬸᬃ᭞ᬓᬧᬺᬢᬾᬦᬶᬦ᭄ᬳᭀᬮᬶᬄᬳᬶᬤ᭟ᬘᬦᬶᬂᬩᬕᬸᬲ᭄᭞ᬧᬮᬶᬢ᭄ᬤᬸᬯᬾᬦᬾ

Auto-transliteration

[5 5B] 5 hi, tangĕuh̶kuttangĕhangpisaga, sahahasĕlangdihati, rasahadanengitungang, ngr̥ĕbut'har̀thahajiñilib. pisagatongbakatgugu, krasapadahirihati, padangadusĕbĕnggĕtar̀, kĕñungehanggonañilib, ñĕtbakaliputlanjĕ la, mangawonanghanaksugiḥ. maratahutĕkenhunduk, witningñliksyikñĕtpadidi, woḥbongganemarangĕndas, hanakebakat'haranin, krasabrayanengĕdĕgang, jatinñawoḥkar̀dinri. hawakebassangĕtbĕgug, bonggatĕkendeweksugiḥ, tanrunguringñamabraya, ñapatinhajinglawanin, reḥngrasasingkwanganhamaḥ, hapabuwinhidihangkanti. kĕñcĕganbānpĕtĕngpitu, mrasatĕkenhawak'hinggil, twarahan̶dasamapada, mrasadewekbagu sririḥ, salwir̀ñapiniḥhutama, singhadangasorangbuwin. hĕngsaptĕkenpadapadapatuḥ, pakĕñĕtñamanejati, tusinghadañak'hĕkjĕkang, masiḥjapadihingĕnin, sugihepĕjangdijumaḥ, ngudyanghanakehĕntgogin. [6 6A] marabakatbānngaruruḥ, dadyabagyanesujati, trikayapariśuddha, ñĕhtabuḥlakṣaṇasuci, hanehĕntotwaḥlakṣaṇanña, suluḥsulur̀ñasujati. kĕnĕhehapangdabĕgug, tabuhedamangungkulin, lkṣaṇanehapangrapaḥ, kĕmbanlanhitatwamha si, witkĕtesalingtungwang, padabĕdakmanatingin. 0. cĕningbagus, sangkanhadahanitĕpuk, hundukemañjadma, sidamolihingsuker̀thi, huriplanduḥ, jangkĕpbogahupaboga. pĕlutmalu, hanemadansulur̀patut, hapa kekraṇanña, sangkantĕmubukajani, hĕdatandruḥ, ngĕngsapangdagingkaswecan. twaḥhatĕlu, kawitpañcĕrekawuwus, nedadiwyakraṇa, sangkantĕpukbukajani, naḥnebagus, mĕlahangcĕningr̥ĕsyĕpang. piniḥmalu, gururupakakawuwus, hanepalitduwa, gurupangajyancĕning, kapingtĕlu, hinucapguruwiśeṣa. yayaḥhibu, newapatutbaktininmalu, reḥhidangadakang, ragancĕningbukajani, kantiduwur̀, kapr̥ĕteninholiḥhida. caningbagus, palitduwene

Leaf 6

Image on Archive.org

[᭖ 6B] ᭖ ᬫᬦᬸᬢᬸᬕ᭄᭞ᬕᬸᬭᬸᬲᬓᭀᬮᬳᬦ᭄᭞ᬳᬶᬤᬲ᭄ᬯᬾᬘᬗᬸᬭᬸᬓ᭄ᬘᭂᬦᬶᬂ᭞ᬚᬦ᭄ᬢᭀᬲ᭄ᬯᭂᬭᬸᬄ᭞ᬫᬭᬶᬂᬤᬕᬶᬂᬲᬃᬯᬵᬓᬭᬭ᭟ᬫᬸᬮᬤᬶᬢᬸ᭞ᬲᬓᬶᬂᬅᬓ᭄ᬱᬭᬦᬾᬢᭂᬧᬸᬓ᭄᭞ᬦᬾᬗᬯᬶᬦᬂᬧ᭄ᬭᬚ᭄ᬜᬦ᭄᭞ᬦᬶᬗ᭄ᬓᬳᬂᬫᬗᬫᭀᬂᬳᬸᬭᬶᬧ᭄᭞ᬳᬸᬭᬶᬧ᭄ᬮᬦ᭄ᬤᬸᬄ᭞ᬢᬸᬃᬲᬶᬤᬫᬗ᭄ᬕᬸᬄᬭᬵᬳᬃᬚ᭟ᬧᬮᬶᬢ᭄ᬢᭂᬮᬸ᭞ ᬲᬦᬾᬜᬦ᭄ᬤᬂᬧᬢᬸᬢ᭄ᬲᬸᬂᬲᬸᬂ᭞ᬲᬂᬫᬗᬫᭀᬂᬚᬕᬢ᭄᭞ᬭᬾᬄᬳᬶᬤᬦᭂᬤᬸᬗᬶᬦ᭄ᬕᬸᬫᬶ᭞ᬗᭂᬫ᭄ᬧᭂᬮ᭄ᬲᬢ᭄ᬭᬸ᭞ᬫᬗ᭄ᬤᬚᬕᬢᬾᬭᬵᬳᬃᬚ᭟ᬓᬾᬢᭀᬩᬕᬸᬲ᭄᭞ᬤᬘᭂᬦᬶᬂᬤᬫᬂᬫᬫᬸᬭᬸᬕ᭄᭞ᬦᬾᬜᬦ᭄ᬤᬂᬫᭀᬦ᭄ᬫᭀᬦᬂ᭞ᬧᬢᬸᬢ᭄ᬧᭂᬲᬦ᭄ᬓᬩᬓ᭄ᬢᬶᬦᬶᬦ᭄᭞ᬳᬧᬂᬢᬸᬮᬸᬲ᭄᭞ᬦᭂ ᬓᬾᬂᬫᬦᬄᬲᬓᬾᬂᬢ᭄ᬯᬲ᭄᭟ᬫᬓᬧᬸᬘᬸᬓ᭄᭞ᬳᬦᬾᬢ᭄ᬯᬭᬤᬤᬶᬮᬸᬧᬸᬢ᭄᭞ᬩᬓ᭄ᬢᬶᬦᬾᬚᭂᬚᭂᬭᬂ᭞ᬭᬶᬂᬚᬵᭂᬂᬳᬶᬤᬲᬂᬳ᭄ᬬᬂᬯᬶᬥᬶ᭞ᬳᬶᬤᬢᬸᬳᬸ᭞ᬲᬂᬲᬗ᭄ᬓᬦ᭄ᬧᬭᬦᬶᬂᬲᬭᬢ᭄᭟᭐᭟ᬚᭂᬮᬾᬫᭂᬮᬄ᭞ᬲᬩᬸᬗ᭄ᬓᬶᬮ᭄ᬤᬶᬳᬸᬮᬸᬳᬢᬶ᭞ᬫᭂᬮᬳᬂᬫᬗ᭄ᬭᬓ᭄ᬱ᭞ᬳᭂᬦ᭄ᬢᭀᬬᬫ ᬤᬾᬯᬾᬓ᭄ᬓᬦ᭄ᬢᬶ᭞ᬬᬦᬶᬂᬩᭂᬦᭂᬄᬩᬵᬦ᭄ᬦᬶᬗ᭄ᬓᬳᬂ᭟ᬧ᭄ᬭᬤᬾᬲᬚ᭞ᬩᭂᬦᭂᬄᬩᬦ᭄ᬦᬶᬗ᭄ᬓᬳᬂᬩᬸᬤ᭄ᬥᬶ᭞ᬲᭂᬫᬸᬲᭀᬮᬄᬬᬢ᭄ᬦ᭞ᬜᬫᬩ᭄ᬭᬬᬧᬤᬳᬲᬶᬄ᭞ᬮᬶᬬᬸᬗᭂᬮᬄᬧᬲ᭄ᬯᬶᬢ᭄ᬭᬬᬦ᭄᭟ᬬᬦᬶᬂᬤᬫᬂ᭞ᬩᬦ᭄ᬗᬸᬦ᭄ᬤᬸᬓᬂᬘᬶᬢᬩᬸᬤᬶ᭞ᬗᬸᬮᬸᬭᬶᬦ᭄ᬓᬩᭀᬗ᭄ᬕᬦ᭄᭞ᬧ᭄ᬭᬤᬾᬓᬯᭂ [᭗ 7A] ᬓᬲ᭄ᬫᬫᬸᬃᬢ᭄ᬢᬶ᭞ᬜᬫᬚᭀᬄᬫᬸᬲᬸᬄᬗᬋᬧᬂ᭟ᬧᬧᬦ᭄ᬭᬓ᭞ᬤᬤᬶᬤᬤᬸᬍᬕᬦ᭄ᬕᬸᬫᬶ᭞ᬯᬢᬗᬦ᭄ᬫᬚᬮᬦ᭄᭞ᬲᬢ᭄ᬫᬓᬳᬶᬤᬸᬧᬾᬤᬶᬦᬶ᭞ᬢ᭄ᬯᬭᬳᬤᬫᬗ᭄ᬭᬗ᭄ᬲᬸᬦᬂ᭟ᬢᭀᬫᭂᬮᬳᬂ᭞ᬫᬶᬦᭂᬳᬶᬦ᭄ᬘᭂᬦᬶᬂᬧᬲᬳᬶ᭞ᬳᬗ᭄ᬕᬾᬦ᭄ᬩᬩᭂᬓᭂᬮᬦ᭄᭞ᬧᬗ᭄ᬮᬾᬫᬾᬓ᭄ᬩᬧᬦᬾᬚᬦᬶᬸᬢᬶ᭞ ᬩᬸᬦ᭄ᬢᬶᬮ᭄‌ᬬᬲᬚ᭄ᬭᭀᬦᬶᬂᬫᬦᬄ᭟᭐᭟ᬳᬸᬤᬸᬄᬦᬦᬓ᭄ᬫᭂᬮᬶᬤ᭄ᬩᬧᬫᬓᬾᬮᬶᬂ᭞ᬳᬧᬂᬬᬢ᭄ᬦ᭞ᬗᬮᬶᬄᬕᬕᭂᬮᬭᬦ᭄᭞ᬫᬓᬓᬦ᭄ᬢᬶᬦᬶᬂᬳᬸᬭᬶᬧᬾ᭞ᬫᬗ᭄ᬤᬾᬦᬾᬲᬶᬤᬓᬢᭂᬧᬸᬓ᭄᭞ᬲᬸᬦ᭄ᬤᬶᬄᬘᭂᬦᬶᬗᬾᬫᬫᬃᬕᬶ᭞ᬜᬸᬮᬸᬭᬂᬲᬲᬸᬮᬸᬃᬫᬃᬕ᭞ᬫᬗᬸᬗ᭄ᬲᬶᬭᬳᬬᬸ᭞ᬤᬶᬚ ᬕᬢᬾᬤᬶᬦᬶᬦᬦᬓ᭄᭞ᬤᬳᬢ᭄ᬲᭂᬗ᭄ᬓ᭞ᬫᬃᬕᬓᬾᬄᬗᬯᬶᬦᬂᬧᬮᬶᬂ᭞ᬫᬗ᭄ᬭᬸᬭᬸᬄᬳᬶᬤᬸᬦᬭᬶᬓᬦ᭄᭟ᬲᬸᬦᬭᬶᬓᬦ᭄‌ᬳᬗ᭄ᬤᬾᬬᬂᬩᬧᬤᬶᬦᬶ᭞ᬘᬭᬶᬓ᭄ᬲᬢ᭄ᬯ᭞ᬦᬾᬫᬤᬦ᭄ᬧᬫ᭄ᬭᬕᬢ᭄᭞ᬲᬓᬤᬶᬭᬭᬾᬭᬭᬾᬦᬾ᭞ᬫᬫ᭄ᬮᬮ᭄ᬬᬦ᭄ᬬᬧᬕ᭄ᬭᬸᬤᬸᬕ᭄᭞ᬫᬓ᭄ᬭᬶᬂᬓ᭄ᬭᬶᬗᬦ᭄ᬩᬶ ᬗ᭄ᬓᬶᬄ᭞ᬲᬫᬶᬦᬸᬚᬸᬲᬸᬦᬭᬶᬓᬦ᭄᭞ᬬᬦᬶᬂᬲᬫ᭄ᬧᬸᬦ᭄ᬭᬯᬸᬄ᭞ᬫᬲᬸᬃᬬᬓ᭄ᬭᬶᬂᬲᬸᬦᬭᬶᬓᬦ᭄᭞ᬲᬶᬦᬄᬍᬕ᭞ᬯᬶᬭᬾᬄᬢ᭄ᬯᬭᬩᬶᬦ᭄ᬢᬶᬢ᭄ᬫᬮᬶᬄ᭞ᬧᬶᬦᬤᬶᬦᬾᬫᬗ᭄ᬮᬸᬧᬸᬢᬂ᭟ᬲᬗ᭄ᬓᬦ᭄ᬓᬾᬯᭂᬄᬳᬸᬭᬶᬧᬾᬤᬶᬦᬶᬘᭂᬦᬶᬂ᭞ᬢ᭄ᬯᬭᬢᬯᬂ᭞ᬲᬸᬦᬭᬶᬓᬦ᭄ᬫᬦᬄ᭞ᬢᬢᬸᬚᭀ

Auto-transliteration

[6 6B] 6 manutug, gurusakolahan, hidaswecangurukcĕning, jantoswĕruḥ, maringdagingsar̀wākarara. muladitu, sakingakṣaranetĕpuk, nengawinangprajñan, ningkahangmangamonghurip, huriplanduḥ, tur̀sidamangguḥrāhar̀ja. palittĕlu, saneñandangpatutsungsung, sangmangamongjagat, reḥhidanĕdungin'gumi, ngĕmpĕlsatru, mangdajagaterāhar̀ja. ketobagus, dacĕningdamangmamurug, neñandangmonmonang, patutpĕsankabaktinin, hapangtulus, nĕ kengmanaḥsakengtwas. makapucuk, hanetwaradadiluput, baktinejĕjĕrang, ringjāĕnghidasanghyangwidhi, hidatuhu, sangsangkanparaningsarat. 0. jĕlemĕlaḥ, sabungkildihuluhati, mĕlahangmangrakṣa, hĕntoyama dewekkanti, yaningbĕnĕḥbānningkahang. pradesaja, bĕnĕḥbanningkahangbuddhi, sĕmusolaḥyatna, ñamabrayapadahasiḥ, liyungĕlaḥpaswitrayan. yaningdamang, banngundukangcitabudi, ngulurinkabonggan, pradekawĕ [7 7A] kasmamur̀tti, ñamajoḥmusuḥngar̥ĕpang. papanraka, dadidadul̥ĕgan'gumi, watanganmajalan, satmakahidupedini, twarahadamangrangsunang. tomĕlahang, minĕhincĕningpasahi, hanggenbabĕkĕlan, panglemekbapanejan̶ti, buntilyasajroningmanaḥ. 0. huduḥnanakmĕlidbapamakeling, hapangyatna, ngaliḥgagĕlaran, makakantininghuripe, mangdenesidakatĕpuk, sundiḥcĕningemamar̀gi, ñulurangsasulur̀mar̀ga, mangungsirahayu, dija gatedininanak, dahatsĕngka, mar̀gakeḥngawinangpaling, mangruruḥhidunarikan. sunarikanhangdeyangbapadini, cariksatwa, nemadanpamragat, sakadirarerarene, mamlalyanyapagrudug, makringkringanbi ngkiḥ, saminujusunarikan, yaningsampunrawuḥ, masur̀yakringsunarikan, sinaḥl̥ĕga, wireḥtwarabintitmaliḥ, pinadinemangluputang. sangkankewĕḥhuripedinicĕning, twaratawang, sunarikanmanaḥ, tatujo

Leaf 7

Image on Archive.org

[᭗ 7B] ᭗ ᬦ᭄ᬳᬶᬫᬦᬸᬱᬦᬾ᭞ᬳᬦᬾᬲᬢᬢᬓᬭᬸᬭᬸᬄ᭞ᬫᬗ᭄ᬤᬾᬦᬾᬫᬗ᭄ᬕᬸᬄᬲᬸᬓᬾᬃᬣᬶ᭞ᬲᬤ᭄ᬬᬩᬕ᭄ᬬᬲᬸᬓᬯᬶᬃᬬ᭞ᬫᬗ᭄ᬕᬸᬄᬳᬸᬭᬶᬧ᭄ᬮᬦ᭄ᬤᬸᬄ᭞ᬭᬸᬫᬲᬢ᭄ᬭᬶᬂᬇᬦ᭄ᬤ᭄ᬭᬮᭀᬓ᭞ᬲᬧᬸᬦᬶᬓ᭞ᬳᬗ᭄ᬤᬾᬬᬂᬩᬧᬬᬦ᭄ᬓᭂᬦᬶ᭞ᬓᬧᬗ᭄ᬕᬸᬄᬲᬸᬦᬭᬶᬓᬦ᭄ᬜ᭟ᬲᬢ᭄ᬫᬓᬬᬂᬳᬗ᭄ᬕᬦᬶᬂᬰᬶᬲ᭄ᬬᬬᬸᬓ᭄ᬢᬶ᭞ᬳᬶᬫᬵᬦᬸ ᬱ᭞ᬗ᭄ᬭᬜ᭄ᬚᬶᬂᬲᭂᬓᭀᬮᬄ᭞ᬤᬶᬦᬶᬲᬚ᭄ᬭᭀᬦᬶᬂᬚᬕᬢᬾ᭞ᬢᬦ᭄ᬢᭂᬮᬤ᭄ᬢᭂᬮᬤ᭄ᬫᬳᬸᬭᬸᬓ᭄᭞ᬳᬧᬂᬲᬶᬤᬫᭀᬮᬶᬄᬓᬾᬃᬣᬶ᭞ᬧᬧ᭄ᬮᬚᬳᬦ᭄ᬲᬸᬓᬶᬮ᭄ᬧᬶᬲᬦ᭄᭞ᬲᬶᬲᬸᬯᬸᬤ᭄ᬲᬸᬯᬸᬤ᭄ᬢᭂᬧᬸᬓ᭄᭞ᬳᬮᬶᬧᬸᬘᬶᬮ᭄ᬓᬦ᭄ᬢᬶᬧ᭄ᬭᬕᬢ᭄᭞ᬲᬸᬓᬤᬸᬓ᭞ᬘᬭᬩᬸᬦ᭄ᬫᬮᬶᬮᬶᬢ᭄ᬮᬶᬮᬶᬢ᭄᭞ᬳᭂᬦ᭄ᬢᭀᬳᬗ᭄ᬕᭀᬦ ᬧᬕᬸᬭ᭄ᬯᬦ᭄᭟ᬲᬗ᭄ᬓᬦ᭄ᬧ᭄ᬭᬚ᭄ᬜᬦ᭄ᬲ?ᬜᬢᬧᬓᬾᬃᬣᬶ᭞ᬦᬦ᭄ᬤᬂᬮᬭ᭞ᬤᬳᬢᬶᬂᬧᬓᬾᬯᬾᬶᬸᬯᭂᬄ᭞ᬢᭂᬧᬸᬓ᭄ᬤᬶᬦᬶᬤᬶᬚᬕᬢᬾ᭞ᬲᬸᬓᬤᬸᬓᬩᬸᬜ᭄ᬘᬶᬂᬢᬸᬳᬸ᭞ᬳᬶᬬᬦᬾᬓᬮᬯᬦ᭄ᬢᬗᬶᬲ᭄᭞ᬲᬢᬢᬢᭀᬂ[strike]ᬧᬘᬂᬧᬘᬂ[strike]ᬧᬲᬄᬧᬲᬄ᭞ᬯᬮᬸᬬᬓᬤᬶᬕᬸᬭᬸ᭞ᬗᬮᬸᬕ᭄ᬭᬳᬶᬦ᭄ᬧᬧ᭄ᬮᬚ ᬳᬦ᭄᭞ᬫᬗ᭄ᬤᬬᬢ᭄ᬦ᭞ᬳᬶᬚᬤ᭄ᬫᬲᬸᬬᬸᬕ᭄ᬲᬸᬳᬢᬶ᭞ᬫᬜ᭄ᬭᬓᬭᬶᬂᬲᬸᬓᬤᬸᬓ᭟ᬓᬾᬢᭀᬦᬦᬓ᭄ᬫᬗ᭄ᬤᬘᭂᬦᬶᬂᬳᬸᬦᬶᬂ᭞ᬲᬫ᭄ᬧᬸᬦᬂᬚᬤᬸᬳ᭄ᬓᬶᬢᬦᬧ᭄ᬓᬮ᭞ᬕᭂᬭᬶᬂᬧᬓᬾᬯᬸᬄᬫᬦᬶᬩᬾᬦ᭄᭞ᬲᬫ᭄ᬧᬸᬦᬂᬩᬗ᭄ᬕᬭᬶᬂᬓᬬᬸᬦ᭄᭞ᬭᬶᬓᬮᬫᬗ᭄ᬕᬸᬄᬮ᭄ᬬᬂᬳᬢᬶ᭞ᬳᭂᬦ᭄ᬢᭀᬯᬦ᭄ᬢᬄᬕᬕ [᭘ 8A] ᬫ᭄ᬩᬭᬦ᭄᭞ᬧᬗᬚᬄᬲᬂᬕᬸᬭᬸ᭞ᬲᬸᬓᬤᬸᬓᬦᬾᬢᬦ᭄ᬧᬲᬄ᭞ᬓᬤᬶᬚᬦ᭄ᬢ᭄ᬭ᭞ᬭᬯᬸᬳ᭄ᬜᬫᬕᬶᬮᬶᬃᬕᬶᬮᬶᬃ᭞ᬯᬮᬸᬬᬧᭂᬢᭂᬂᬮᬦ᭄ᬍᬫᬄ᭟᭐᭟ᬳᬸᬤᬸᬄᬘᭂᬦᬶᬂᬧ᭄ᬬᬦᬓ᭄ᬩᬧ᭞ᬲᬤᬫᭂᬮᬶᬤ᭄ᬩᬧᬦᬸᬢᬸᬭᬶᬦ᭄ᬘᭂᬦᬶᬂ᭞ᬲᭂᬓᭂᬦᬂᬘᭂᬦᬶᬂᬫᬳᬸᬭᬸᬓ᭄᭞ᬳᬤᬍᬓᬶᬕ᭄ᬫᬲᭂᬓᭀᬮᬄ᭞ᬯᬶᬭᬾᬄᬫᬸᬮᬤᬶ ᬢᬸᬕᭂᬦᬄᬫ᭄ᬜᬧᬶᬢᬸᬳᬸ᭞ᬫ᭄ᬮᬚᬄᬫᬦᬶᬗ᭄ᬓᬳᬂᬭᬵᬕ᭞ᬓᬯᭂᬓᬲ᭄ᬫᬗᬫᭀᬂᬳᬸᬭᬶᬧ᭄᭟ᬳᬤᬘᭂᬦᬶᬂᬗᬸᬮᬄᬳᬾᬮᬄ᭞ᬫᬗᬸᬮᬸᬭᬶᬦ᭄ᬜᭂᬢ᭄ᬘᭂᬦᬶᬗᬾᬫᬮᬮᬶ᭞ᬢᬦ᭄ᬭᬸᬗᬸᬭᬶᬂᬳᬚᬄᬕᬸᬭᬸ᭞ᬤᬾᬦᬶᬂᬫᬸᬮᬓᬾᬯᭂᬄᬲᬚ᭞ᬗ᭄ᬮᬓ᭄ᬱᬡᬬᬂᬲᬧᬶᬢᬸᬤᬸᬳᬶᬂᬳᬶᬕᬸᬭᬸ᭞ᬢ᭄ᬯᬄᬳᬮᬸᬄᬩ ᬦ᭄ᬢᬲ᭄ᬗᭀᬫᭀᬗᬂ᭞ᬫᬸᬮᬓᭂᬢᬶᬮ᭄‌ᬬᬦ᭄ᬓᬃᬤᬶᬦᬶᬦ᭄᭟ᬬᬾᬦ᭄ᬘᭂᬦᬶᬂᬢ᭄ᬯᬭᬗᬶᬩ᭄ᬭᬲᬂ᭞ᬳᬮᬶᬘᭂᬭᬶᬓ᭄ᬗᬸᬢᬂᬲᭀᬮᬳᬾᬍᬓᬶᬕ᭄᭞ᬲᭂᬫᭂᬗᬦ᭄ᬗᭂᬦ᭄ᬢᬸᬗᬂᬲᬧᬸᬢ᭄᭞ᬤᬚᬩᬸᬗ᭄ᬓᭂᬃᬤᬶᬧᬸᬍᬲᬦ᭄᭞ᬳᬧᬦ᭄ᬲᬚᬳᬗᭂᬢᬾᬗᬯᬶᬦᬂᬫᬬᬸᬲ᭄᭞ᬤᬶᬗᬶᬦᬾᬢᭀᬂᬓᭀᬤᬕ᭄ᬓ ᬤᬕ᭄᭞ᬤᬸᬕᬶᬫᭂᬦ᭄ᬢᬶᬓ᭄ᬓᭂᬦᭂᬄᬍᬗᬶᬢ᭄᭟ᬬᬦ᭄ᬓᬤᬸᬂᬲᬸᬩᬫᬧᬸᬜ᭞ᬕᭂᬭᬶᬂᬍᬓᬶᬕ᭄ᬫᭂᬦ᭄ᬢᬶᬓ᭄ᬤᬶᬭᬕᬦ᭄ᬘᭂᬦᬶᬂ᭞ᬢ᭄ᬯᬭᬗᭂᬢᬗᬂᬓᬧᬸᬗ᭄ᬓᬸᬃ᭞ᬤᬶᬲᬸᬩᬦ᭄ᬘᭂᬦᬶᬗᬾᬳᭀᬤᬄ᭞ᬲᬶᬦᬄᬧᭂᬲᬦ᭄ᬧᭂᬮᬶᬄᬩᬦ᭄ᬗᬶᬢᬸᬗᬶᬦ᭄ᬳᬸᬤᬸᬓ᭄᭞ᬜᬾᬦ᭄ᬮᬓᬃᬳᬶᬤᬶᬳᬶᬦ᭄ᬤᬳᬃ᭞ᬫᬾᬫᬾᬩ

Auto-transliteration

[7 7B] 7 nhimanuṣane, hanesatatakaruruḥ, mangdenemangguḥsuker̀thi, sadyabagyasukawir̀ya, mangguḥhuriplanduḥ, rumasatringindraloka, sapunika, hangdeyangbapayankĕni, kapangguḥsunarikanña. satmakayanghangganingśisyayukti, himānu ṣa, ngrañjingsĕkolaḥ, dinisajroningjagate, tantĕladtĕladmahuruk, hapangsidamoliḥker̀thi, paplajahansukilpisan, sisuwudsuwudtĕpuk, halipucilkantipragat, sukaduka, carabunmalilitlilit, hĕntohanggona pagurwan. sangkanprajñansa?ñatapaker̀thi, nandanglara, dahatingpakewe̶wĕḥ, tĕpukdinidijagate, sukadukabuñcingtuhu, hiyanekalawantangis, satatatong[strike]pacangpacang[strike]pasaḥpasaḥ, waluyakadiguru, ngalugrahinpaplaja han, mangdayatna, hijadmasuyugsuhati, mañrakaringsukaduka. ketonanakmangdacĕninghuning, sampunangjaduhkitanapkala, gĕringpakewuḥmaniben, sampunangbanggaringkayun, rikalamangguḥlyanghati, hĕntowantaḥgaga [8 8A] mbaran, pangajaḥsangguru, sukadukanetanpasaḥ, kadijantra, rawuhñamagilir̀gilir̀, waluyapĕtĕnglanl̥ĕmaḥ. 0. huduḥcĕningpyanakbapa, sadamĕlidbapanuturincĕning, sĕkĕnangcĕningmahuruk, hadal̥ĕkigmasĕkolaḥ, wireḥmuladi tugĕnaḥmñapituhu, mlajaḥmaningkahangrāga, kawĕkasmangamonghurip. hadacĕningngulaḥhelaḥ, mangulurinñĕtcĕningemalali, tanrunguringhajaḥguru, deningmulakewĕḥsaja, nglakṣaṇayangsapituduhinghiguru, twaḥhaluḥba ntasngomongang, mulakĕtilyankar̀dinin. yencĕningtwarangibrasang, halicĕrikngutangsolahel̥ĕkig, sĕmĕnganngĕntungangsaput, dajabungkĕr̀dipul̥ĕsan, hapansajahangĕtengawinangmayus, dinginetongkodagka dag, dugimĕntikkĕnĕḥl̥ĕngit. yankadungsubamapuña, gĕringl̥ĕkigmĕntikdiragancĕning, twarangĕtangangkapungkur̀, disubancĕningehodaḥ, sinaḥpĕsanpĕliḥbanngitunginhuduk, ñenlakar̀hidihindahar̀, memeba

Leaf 8

Image on Archive.org

[᭘ 8B] ᭘ ᬲᬯᬸᬲ᭄ᬦᬶᬗ᭄ᬕᬮᬶᬦ᭄᭟ᬩᬸᬓᬩᬯᭀᬲ᭄ᬩᬧᬳᬸᬦᬸᬦ᭄ᬬᬦ᭄᭞ᬫᬓᬯᬶᬯᬶᬢ᭄ᬓᬧᬸᬗ᭄ᬓᬸᬃᬲᬗᬸᬦ᭄ᬘᭂᬦᬶᬂ᭞ᬲᬓᬶᬂᬯᭀᬄᬧᬓᬃᬤᬶᬫᭂᬢᬸ᭞ᬳᬦ᭄ᬢᭂᬂᬫᬬᬸᬲᬾᬫᬓᬃᬬ᭞ᬢᬸᬃᬫᬦᬩᬦ᭄ᬢᬂᬤᬕᬶᬂᬳᬚᬄᬳᬚᬳᬦ᭄ᬳᬶᬕᬸᬭᬸ᭞ᬦᬾᬩᬓᬢ᭄ᬤᬶᬲᬓᭀᬮᬳᬦ᭄᭞ᬤᬸᬓᬾᬫᬲᭂᬓᭀᬮᬄᬗᬸᬦᬶ᭟ᬩ ᬧᬚᬦᬶᬲᬸᬩᬢᬸᬯ᭞ᬲᬤᬫᬶᬭᬶᬩ᭄‌ᬳᬾᬗ᭄ᬕᬮ᭄ᬧᬘᬂᬦᬶᬗ᭄ᬕᬮᬶᬦ᭄᭞ᬲᬓᬶᬂᬜᭂᬢ᭄ᬩᬧᬦᬾᬲᬸᬮᬸᬓ᭄᭞ᬫᬜᭂᬲᭂᬤᬂᬢᭂᬓᬾᬦ᭄ᬧᬦᬓ᭄᭞ᬳᬧᬂᬫᭂᬮᬄᬳᭂᬤᬳᬫ᭄ᬧᬄᬘᭂᬦᬶᬂᬫᬸᬭᬸᬓ᭄᭞ᬚᭂᬫᭂᬢᬂᬭᬕᬦᬾᬫ᭄ᬮᬚᬄ᭞ᬰᬵᬲ᭄ᬢ᭄ᬭᬦᬾᬕᬸᬮᬶᬓ᭄ᬲᬲᬳᬶ᭟ᬬᬦ᭄ᬘᭂᬦᬶᬂᬩᬓ᭄ᬢᬶᬭᬶᬂᬩ ᬧ᭞ᬳᬧᬂᬚᬢᬶᬫ᭄ᬮᬚᬄᬘᭂᬦᬶᬂᬧᬂᬩᭂᬘᬶᬓ᭄᭞ᬯᬶᬭᬾᬄᬘᭂᬦᬶᬂᬳᬦᬾᬧᬢᬸᬢ᭄᭞ᬫᬗ᭄ᬮᬦ᭄ᬢᬸᬭᬂᬳᬸᬭᬶᬧ᭄ᬩᬧ᭞ᬤᬾᬦᬶᬂᬯᬦ᭄ᬢᬄᬘᭂᬦᬶᬂᬫ᭄ᬭᬕᬲᬯᬳᬶᬤᬸᬧ᭄᭞ᬫᬓᬕᬫ᭄ᬩᬃᬤᬾᬯᬾᬓ᭄ᬩᬧ᭞ᬤᬶᬕᬸᬫᬶᬦᬾᬤᬶᬦᬶᬘᭂᬦᬶᬂ᭟᭐᭟ᬳᬸᬤᬸᬄᬘᭂᬦᬶᬂᬩᬕᬸᬲ᭄ᬲᬬᬂ᭞ᬦᬾᬢᬸᬢᬸᬃᬩᬧᬦᬾ ᬕᬶᬲᬶ᭞ᬳᭂᬤᬘᭂᬦᬶᬂᬫᬗᭂᬗ᭄ᬲᬧᬂ᭞ᬩᬘᬓᬦ᭄ᬳᬸᬢᬗᬾᬢᭂᬮᬸ᭞ᬳᬦᬾᬓᬩᬯᭀᬲ᭄ᬢ᭄ᬭᬶᬭ᭄ᬡᬶᬸᬭ᭄ᬦᬫ᭄᭞ᬦᬄᬦᬾᬘᭂᬦᬶᬂ᭞ᬩᬧᬜᬤ᭄ᬬᬫᬜᬶᬦᬳᬂ[false]᭟ᬤᬾᬯᬭ᭄ᬦᬫ᭄ᬓᬧ᭄ᬭᬢᬫ᭞ᬧᬶᬢ᭄ᬭᬭ᭄ᬦᬫ᭄ᬫᬦᬶᬫ᭄ᬩᬮᬶᬦ᭄᭞ᬋᬱᬶᬭ᭄ᬦᬫ᭄ᬧᬶᬦᬶᬄᬳᬸᬦ᭄ᬢᬢ᭄᭞ᬲᬸᬫᬗ᭄ᬤᬾᬦᬾ [᭙ 9A] ᬘᭂᬦᬾᬶᬦᬶᬂᬢᬳᬸ᭞ᬳᭂᬦ᭄ᬢᭀᬩᭂᬦᭂᬳᬂᬦᭂᬩ᭄ᬢᭂᬩᬂ᭞ᬤᬾᬦᬶᬂᬚᬢᬶ᭞ᬢᬦ᭄‌ᬜᬦ᭄ᬤᬂᬳᭂᬦ᭄ᬢᭀᬳᭂᬗ᭄ᬲᬧᬂ᭟ᬳᬦᬾᬫᬤᬦ᭄ᬤᬾᬯᬭ᭄ᬦᬫ᭄᭞ᬜᬶᬳ᭄ᬦᬬᬂᬩᬓ᭄ᬢᬶᬭᬶᬂᬯᬶᬥᬶ᭞ᬲᬂᬲᬗ᭄ᬓᬦ᭄ᬧᬭᬦᬶᬂᬲᬭᬢ᭄᭞ᬧ᭄ᬭᬕᬬᬦ᭄ᬳᬶᬤᬧᬶᬢᬸᬳᬸ᭞ᬬᬦ᭄ᬢᬦ᭄ᬳᬶᬤᬳᬲᬸᬂᬮᬸᬕ᭄ᬭ᭞ᬩᭀᬬᬦᬸᬕᬶ᭞ᬮᬓᬃ ᬫᬦᭂᬧᬸᬓᬶᬦ᭄ᬚᬕᬢ᭄᭟ᬧᬶᬢ᭄ᬭᬭ᭄ᬦᬭᬭᬶᬲ᭄ᬦᬶᬫ᭄ᬩᬮ᭄᭞ᬳᬧᬂᬘᭂᬦᬶᬂᬲᬚᬳᬾᬮᬶᬂ᭞ᬭᬶᬂᬲ᭄ᬯᬾᬘᬦ᭄ᬮᬮᬸᬳᬸᬃᬲᬫ᭄ᬬᬦ᭄᭞ᬤᬾᬦᬶᬂᬳᬶᬤᬚᬢᬶᬢᬸᬳᬸ᭞ᬧ᭄ᬭᬕᬬᬦ᭄ᬲᬸᬮᬸᬃᬳᭂᬫ᭄ᬩᬳᬦ᭄᭞ᬯᬶᬢ᭄ᬦᬶᬂᬦᬶᬢᬶᬲ᭄᭞ᬲᬂᬫ᭄ᬭᬕᬦᬭᬲᬶᬦᬫ᭄ᬬᬦ᭄᭟ᬧᬫ᭄ᬭᬕᬢ᭄ᬚᬦᬶᬲᬢ᭄ᬯᬬᬂ᭞ᬧᬗ᭄ᬓᭂᬤ᭄ᬢᭂ ᬮᬸᬦᬾᬓᬩᬸᬜ᭄ᬘᬶᬢ᭄᭞ᬋᬱᬶᬭ᭄ᬦᬫᬾᬩᬯᭀᬲᬂ᭞ᬩᬓ᭄ᬢᬶᬦᬾᬭᬶᬂᬋᬱᬶᬢᬸᬳᬸ᭞ᬤᬾᬦᬶᬂᬳᬶᬤᬲᬫ᭄ᬧᬸᬦ᭄ᬲ᭄ᬯᬾᬘ᭞ᬫᬳᬶᬘᬳᬶᬦ᭄᭞ᬤᬕᬶᬂᬓᭂᬘᬧ᭄ᬲᬃᬯᬵᬓ᭄ᬱᬵᬭ᭟ᬲᭀᬮᬄᬳᬫᬦᬯᬸᬃᬭ᭄ᬦ᭞ᬰ᭄ᬭᬡᬦ᭄ᬜᬢ᭄ᬯᬄᬬᬚ᭄ᬜᬘᭂᬦᬶᬂ᭞ᬮᬮᬶᬫᬢ᭄ᬯᬄᬩᬘᬓᬦ᭄ᬦ᭞ᬦᬾᬚᬦᬶᬩᬧ ᬓᬤᬸᬭᬸᬲ᭄᭞ᬲᬸᬮᬸᬭᬂᬩᬧᬦᬶᬗ᭄ᬮᬲᬂ᭞ᬦᬄᬦᬾᬘᭂᬦᬶᬂ᭞ᬫᭂᬮᬳᬂᬘᭂᬦᬶᬂᬫᬶᬋᬗᬂ᭟ᬓᬧᬺᬢᬫᬤᬾᬯᬬᬚ᭄ᬜ᭞ᬧᬶᬢ᭄ᬭᬬᬚ᭄ᬜᬓᬧᬶᬂᬓᬮᬶᬄ᭞ᬓᬢᬶᬕᬫᬵᬦᬸᬱᬬᬚ᭄ᬜ᭞ᬋᬱᬶᬬᬚ᭄ᬜᬦᬾᬓᬘᬢᬸᬃ᭞ᬦᬾᬓᬮᬶᬫᬪᬸᬢᬬᬚ᭄ᬜ᭞ᬓᬾᬢᭀᬘᭂᬦᬶᬂ᭞ᬮᬶᬦ᭄ᬢᬶ

Auto-transliteration

[8 8B] 8 sawusninggalin. bukabawosbapahununyan, makawiwitkapungkur̀sanguncĕning, sakingwoḥpakar̀dimĕtu, hantĕngmayusemakar̀ya, tur̀manabantangdaginghajaḥhajahanhiguru, nebakatdisakolahan, dukemasĕkolaḥnguni. ba pajanisubatuwa, sadamirib'henggalpacangninggalin, sakingñĕtbapanesuluk, mañĕsĕdangtĕkenpanak, hapangmĕlaḥhĕdahampaḥcĕningmuruk, jĕmĕtangraganemlajaḥ, śāstraneguliksasahi. yancĕningbaktiringba pa, hapangjatimlajaḥcĕningpangbĕcik, wireḥcĕninghanepatut, manglanturanghuripbapa, deningwantaḥcĕningmragasawahidup, makagambar̀dewekbapa, diguminedinicĕning. 0. huduḥcĕningbagussayang, netutur̀bapane gisi, hĕdacĕningmangĕngsapang, bacakanhutangetĕlu, hanekabawostrirṇ̶rnam, naḥnecĕning, bapañadyamañinahang[false]. dewarnamkapratama, pitrarnammanimbalin, r̥ĕsyirnampiniḥhuntat, sumangdene [9 9A] cĕneiningtahu, hĕntobĕnĕhangnĕbtĕbang, deningjati, tanñandanghĕntohĕngsapang. hanemadandewarnam, ñihnayangbaktiringwidhi, sangsangkanparaningsarat, pragayanhidapituhu, yantanhidahasunglugra, boyanugi, lakar̀ manĕpukinjagat. pitrarnararisnimbal, hapangcĕningsajaheling, ringswecanlaluhur̀samyan, deninghidajatituhu, pragayansulur̀hĕmbahan, witningnitis, sangmraganarasinamyan. pamragatjanisatwayang, pangkĕdtĕ lunekabuñcit, r̥ĕsyirnamebawosang, baktineringr̥ĕsyituhu, deninghidasampunsweca, mahicahin, dagingkĕcapsar̀wāksyāra. solaḥhamanawur̀rna, śraṇanñatwaḥyajñacĕning, lalimatwaḥbacakanna, nejanibapa kadurus, sulurangbapaninglasang, naḥnecĕning, mĕlahangcĕningmir̥ĕngang. kapr̥ĕtamadewayajña, pitrayajñakapingkaliḥ, katigamānuṣayajña, r̥ĕsyiyajñanekacatur̀, nekalimabhutayajña, ketocĕning, linti

Leaf 9

Image on Archive.org

[᭙ 9B] ᭙ ᬳᬦ᭄ᬜᬳᬧᬂᬫᭂᬮᬄ᭟ᬩᬧᬚᬦᬶᬫᬶᬥᬃᬣᬬᬂ᭞ᬢᭂᬓᬾᬦ᭄ᬢᬢᬸᬚᭀᬦᬾᬚᬢᬶ᭞ᬧᬭᬶᬤᬩ᭄ᬤᬩᬾᬫᬬᬚ᭄ᬜ᭞ᬳᬧᬂᬢᭂᬢᭂᬲ᭄ᬘᭂᬦᬶᬂᬢᬳᬸ᭞ᬳᬧᬂᬤᬧᭂᬮᬶᬄᬕᬘᭀᬓᬦ᭄᭞ᬤᬸᬕᬶᬗᬶᬮᬶᬲ᭄᭞ᬦᬧ᭄ᬓᬮᬗᬢᬸᬭᬂᬚᬚ᭄ᬜ᭟ᬦᬾᬳᬶᬦᬸᬘᬧ᭄ᬤᬾᬯᬬᬚ᭄ᬜ᭞ᬜᬶᬳ᭄ᬦᬬᬂᬩᬓ᭄ᬢᬶ ᬭᬶᬂᬯᬶᬥᬶ᭞ᬳᬕᭂᬫᬾᬩᬓ᭄ᬢᬶᬭᬶᬂᬳᬶᬤ᭞ᬫᬗ᭄ᬤᬘᭂᬦᬶᬂᬲᬓᬶᬂᬢᬸᬳᬸ᭞ᬗᬦᬸᬢᬶᬦ᭄ᬤᬕᬶᬂᬅᬕᬫ᭞ᬦᭂᬓᬾᬂᬳᬢᬶ᭞ᬗᬸᬮᬶᬓ᭄ᬰᬲ᭄ᬢ᭄ᬭᬫᬳᭀᬢ᭄ᬢᬫ᭟ᬧᬶᬢ᭄ᬭᬬᬚ᭄ᬜᬲᬲᬸᬤᬸᬓ᭄ᬜ᭞ᬩᬓ᭄ᬢᬶᬦᬾᬶᬸᬭᬶᬂᬮᬶᬗ᭄ᬲᬶᬭᬾᬗᬸᬦᬶ᭞ᬪᬝᬵᬭᬶᬫᬶᬯᬄᬝᬵᬭ᭞ᬧᬫᭂᬓᬲ᭄ᬫᬭᬶᬂᬮᬮᬸᬳᬸᬃᬤᬾ ᬦᬶᬂᬳᬶᬤᬦᬾᬗ᭄ᬭᬸᬧᬓ᭞ᬤᬸᬕᬶᬧᬗ᭄ᬕᬶᬄ᭞ᬳᬶᬦ᭄ᬤᬶᬓᬾᬫᬗ᭄ᬓᬶᬦ᭄ᬫᬜ᭄ᬚᬤ᭄ᬫ᭟ᬫᬦᬸᬱᬬᬵᬚ᭄ᬜᬦᬾᬦᬶᬫ᭄ᬩᬮ᭄᭞ᬢᭂᬢᬸᬚᭀᬦᬾᬯᬦ᭄ᬢᬄᬘᭂᬦᬶᬂ᭞ᬗᬲ᭄ᬢᬯᬬᬂᬓᬭᬵᬳᬃᬚᬦ᭄᭞ᬲᭂᬦ᭄ᬢᬦᬦᬾᬦᬾᬓᬧᬸᬗ᭄ᬓᬸᬃ᭞ᬲᬶᬤ᭄ᬤᬫᬗ᭄ᬕᬸᬄᬚᬕᬤ᭄ᬥᬶᬢ᭞ᬫᬓᬢᬶᬢᬶ᭞ᬗ᭄ᬮᬓ᭄ᬱᬡᬬᬂ ᬤᬦᬧᬸᬡ᭄ᬬ᭟ᬦᬾᬓᬩᬯᭀᬲᬺᬱᬶᬬᬚ᭄ᬜ᭞ᬫᬬᬚ᭄ᬜᬭᬶᬂᬧᬭᬋᬱᬶ᭞ᬭᬾᬄᬳᬶᬤᬯᬸᬲ᭄ᬚᬢᬶᬲ᭄ᬯᬾᬘ᭞ᬓᬗ᭄ᬕᭂᬄᬳᬶᬤᬫ᭄ᬭᬕᬕᬸᬭᬸ᭞ᬦᬾᬲᬸᬩᬗᬶᬘᬾᬦᬶᬦ᭄ᬳᬚᬄ᭞ᬗᭂᬫ᭄ᬧᬸᬳᬸᬭᬶᬧ᭄᭞ᬤᬶᬕᬸᬫᬶᬦᬾᬤᬶᬦᬶᬦᬦᬓ᭄᭟ᬪᬸᬢᬬᬚ᭄ᬜᬢᬶᬩᬓᬦ᭄ᬜ᭞ᬫᬭᬶᬂ [᭑᭐ 10A] ᬫᬭᬶᬂᬕᬸᬫᬢᬢ᭄ᬕᬸᬫᬶᬢᬶᬧ᭄᭞ᬢᬭᬸᬲᬯᭀᬮᬦ᭄ᬲᬮ᭄ᬯᬶᬃᬜ᭞ᬧᬂᬫᬓᭂᬚᬂᬕᬸᬮᬸᬓ᭄ᬳᬤᬸᬂᬤᬾᬦᬶᬂᬫᬓᭂᬚᬂᬳᭀᬢᭀᬦᬦ᭄᭞ᬓᬦ᭄ᬢᬶᬳᬸᬭᬶᬧ᭄᭞ᬬᬦᬶᬂᬧᬢᬸᬢ᭄ᬩ᭄ᬲᬵᬦ᭄ᬗᬸᬦ᭄ᬤᬸᬓᬂ᭟ᬦᬄᬢᭀᬫᬤᬦ᭄ᬪᬸᬢᬬᬚ᭄ᬜ᭞ᬦᬾᬜᬦ᭄ᬤᬂᬳᬶᬢᬸᬗᬶᬦ᭄ᬘᭂᬦᬶᬂ᭞ᬢᬸᬲᬶᬂᬚᬤᬤᬶᬳᭂᬗ᭄ᬲᬧᬂ᭞ ᬳᬧᬂᬤᬬᬤᬶᬰᬢ᭄ᬭᬸ᭞ᬳᬗᬶᬦ᭄ᬩᬋᬢ᭄ᬲᬢᭀᬕᬮᬓ᭄᭞ᬕᭂᬭᬶᬂᬗᬸᬲᬶᬓ᭄᭞ᬭᬾᬄᬧᬓᬦ᭄ᬢᬶᬦᬾᬫᬗᬸᬲᬓ᭄᭟ᬲᭀᬮᬗᬾᬗᬃᬤᬶᬦᬶᬦ᭄‌ᬬᬚ᭄ᬜ᭞[strike]ᬦᬾᬜᬦ᭄ᬤᬂᬳᬶᬢᬸᬗᬶᬦ᭄ᬘᭂᬦᬶᬂ᭞[strike]ᬤᬤᬫᬂᬘᭂᬦᬶᬂᬗᬶᬢᬸᬗᬶᬦ᭄᭞ᬤᬾᬦᬶᬂᬲᬸᬓᬶᬮ᭄ᬫᬗᬸᬦ᭄ᬤᬸᬓᬂ᭞ᬧᬜ᭄ᬘᬬᬚ᭄ᬜ ᬦᬾᬧᬸᬦᬶᬓᬸ᭞ᬤᬲᬭᬶᬦ᭄ᬩᬵᬦ᭄ᬓᭂᬘᬧ᭄ᬰᬵᬲ᭄ᬢ᭄ᬭ᭞ᬳᬧᬂᬗᬶᬮᬶᬲ᭄᭞ᬤᬶᬕ᭄ᬭ᭄ᬬᬧᬢᬸᬢ᭄ᬢᬸᬦᬲᬂ᭟᭐᭟ᬢᭂᬮᬲ᭄᭟᭚ᬧᬸᬦᬶᬓᬶᬕᬕᬸᬭᬶᬢᬦ᭄ᬧᬲᭂᬲᭂᬤ᭄᭞ᬭᬭᬶᬧ᭄ᬢᬬᬦ᭄ᬤᬦᬾ᭝ᬓᬶᬕᬸᬲ᭄ᬢᬶᬩᬕᬸᬲ᭄ᬗᬸᬭᬄᬫᬦ᭄ᬢ᭄ᬭ᭞ᬲᬶᬗᬭᬵᬚ᭟ᬧᬸᬧᬸᬢ᭄ᬓᬲᬮᬶᬦ᭄ᬳᭀᬮᬶᬄ᭝ᬯᬬᬦ᭄ ᬩᬸᬤ᭄ᬥᬕᭀᬢ᭄ᬢᬫ᭞ᬫᬦ᭄ᬢ᭄ᬭᬶᬂ᭞ᬧᬾᬢᬓ᭄᭞ᬕ᭄ᬬᬜᬃ᭞ᬤᬸᬓ᭄ᬭᬳᬶᬦ᭝ᬯᬺ᭞ᬧᬚᬸᬮᬸᬂᬯᬗᬶ᭞ᬢᬶᬢᬶ᭞ᬧᬂ᭞ᬧᬶᬂ᭞᭑᭐᭞ᬰᬰᬶᬄᬚ᭄ᬬᬾᬱ᭄ᬝ᭞ᬭᬄ᭞᭕᭞ᬢᭂᬂ᭞᭑᭒᭞ᬇᬰᬓᬯᬃᬱ᭞᭑᭙᭑᭓᭞ᬒᬁᬰᬦ᭄ᬢᬶᬰᬦ᭄ᬢᬶᬰᬦ᭄ᬢᬶ᭟SELESAI 9 MEI 1991

Auto-transliteration

[9 9B] 9 hanñahapangmĕlaḥ. bapajanimidhar̀thayang, tĕkentatujonejati, paridabdabemayajña, hapangtĕtĕscĕningtahu, hapangdapĕliḥgacokan, dugingilis, napkalangaturangjajña. nehinucapdewayajña, ñihnayangbakti ringwidhi, hagĕmebaktiringhida, mangdacĕningsakingtuhu, nganutindagingagama, nĕkenghati, ngulikśastramahottama. pitrayajñasasudukña, baktine̶ringlingsirenguni, bhaṭārimiwaḥṭāra, pamĕkasmaringlaluhur̀de ninghidanengrupaka, dugipanggiḥ, hindikemangkinmañjadma. manuṣayājñanenimbal, tĕtujonewantaḥcĕning, ngastawayangkarāhar̀jan, sĕntananenekapungkur̀, siddamangguḥjagaddhita, makatiti, nglakṣaṇayang danapuṇya. nekabawosr̥ĕsyiyajña, mayajñaringparar̥ĕsyi, reḥhidawusjatisweca, kanggĕḥhidamragaguru, nesubangiceninhajaḥ, ngĕmpuhurip, diguminedininanak. bhutayajñatibakanña, maring [10 10A] maringgumatatgumitip, tarusawolansalwir̀ña, pangmakĕjangguluk'hadungdeningmakĕjanghotonan, kantihurip, yaningpatutbsānngundukang. naḥtomadanbhutayajña, neñandanghitungincĕning, tusingjadadihĕngsapang, hapangdayadiśatru, hanginbar̥ĕtsatogalak, gĕringngusik, reḥpakantinemangusak. solangengar̀dininyajña, [strike]neñandanghitungincĕning, [strike]dadamangcĕningngitungin, deningsukilmangundukang, pañcayajña nepuniku, dasarinbānkĕcapśāstra, hapangngilis, digryapatuttunasang. 0. tĕlas. // punikigaguritanpasĕsĕd, rariptayandane:kigustibagusnguraḥmantra, singarāja. puputkasalinholiḥ:wayan buddhagottama, mantring, petak, gyañar̀, dukrahina:wr̥ĕ, pajulungwangi, titi, pang, ping 10 śaśiḥjyeṣṭa, raḥ 5 tĕng 12 iśakawar̀ṣa 1913 oṁśantiśantiśanti. SELESAI 9 MEI 1991

Leaf 10

Image on Archive.org

Leaf 11

Image on Archive.org