Gaguritan Ketut Bungkling 01

Original on Archive.org

Front and Back Covers

Image on Archive.org

[PERPUSTAKAAN KTR.DOKBUD BALI PROP BALI G/IX/8/DOKBUD 5/43/6/PDKB Judul :Gag. Ketut Bongkling. Panj : 35 cm. Leb. 3,5 cm. Jl.15 lb. Asal : Puri Gede Krambitan, Tabanan.] [᭑ 1A] Judul : Gag. Ketut Bongkling. Panj : 35 cm. Leb. 3,5 cm. Jl. 15 lb. Asal : Puri Gede Krambitan, Tabanan.

Auto-transliteration

[PERPUSTAKAAN KTR.DOKBUD BALI PROP BALI G/IX/8/DOKBUD 5/43/6/PDKB Judul :Gag. Ketut Bongkling. Panj : 35 cm. Leb. 3,5 cm. Jl.15 lb. Asal : Puri Gede Krambitan, Tabanan.] [1 1A] Judul : Gag. Ketut Bongkling. Panj : 35 cm. Leb. 3,5 cm. Jl. 15 lb. Asal : Puri Gede Krambitan, Tabanan.

Leaf 1

Image on Archive.org

[᭑ 1B] ᭑ ᬕᬕᬸᬭᬶᬢᬦ᭄‌ᬩᬸᬗ᭄ᬓᭂᬮᬶᬂ᭞ᬧᬸᬭᬶᬕ᭄ᬤᬾᬓ᭄ᬭᬫ᭄ᬩᬶᬢᬦ᭄᭚ᬧᬸᬄᬕᬶᬦᬤᬵ᭚ᬳᬤᬵᬕᬶᬢᬳᬜᬃᬢᭂᬓ᭞ᬫᬶᬚᬶᬮ᭄ᬲᬓᬶᬂᬤᬾᬰᬮᬶᬭᬶᬂ᭞ᬓᬯᬶᬫᬹᬥᬓᬧᬸᬧᬸᬗᬦ᭄᭞ᬲᬶᬭ ᬮᬬ᭄ᬯᬵᬫᬶᬦ᭄ᬢᬃᬓᬶᬤᬸᬂ᭞ᬳᬶᬥᭂᬳᬶᬲᭂᬗᬦ᭄ᬫᬢᭂᬫ᭄ᬩᬂ᭞ᬅᬗ᭄ᬕᬾᬦ᭄ᬲᬃᬯ᭄ᬯᬶ᭞ᬳᬢᬶᬳᬶᬩᬸᬓ᭄ᬩᬵᬦ᭄ᬮᬘᬸᬭᬦ᭄᭟᭜᭟ᬫᬗᬯᬾᬓᬶᬤᬸᬂᬧᬗᬭᬂ᭞ᬓᭀᬘᬧᬦ᭄‌‌ᬳᬶᬓ᭄ᬢᬸᬢ᭄‌ᬩᬸᬗ᭄ᬓᭂ ᬮᬶᬂ᭞ᬧ᭄ᬬᬦᬓ᭄‌ᬤᬾᬯᬬᬦ᭄ᬢᬶᬕᬭᭀᬦ᭄᭞ᬦᬵᬗ᭄ᬳᬶᬂᬮᬾᬩᬳᬜᬦᬸᬤᬸᬓ᭄᭞ᬤᬶᬳᬮᬲᬾᬫᬢᬓᬶᬮᬦ᭄᭞ᬤᬤᬶᬉᬭᬶᬧ᭄᭞ᬭᬭᬫᬦ᭄ᬜᬮᬶᬦ᭄ᬢᬂᬏᬫᬦ᭄᭟᭜᭟ ᬕᭀᬩᬦᬾᬩᬕᬸᬲ᭄‌ᬗᬸᬭᬜᬄ᭞ᬅᬩᭂᬢᬾᬲᬤ᭄ᬥᬵᬗᬸᬦ᭄ᬤᬮᬶ᭞ᬢ᭄ᬯᬭᬚ᭄ᬦᭂᬓ᭄ᬩᬗᬵᬦᭀᬗᭀᬲ᭄᭞ᬓᭂᬘᬕ᭄ᬓᭂᬘᬶᬕ᭄ᬫᬗ᭄ᬲᬃᬫᬶᬗ᭄ᬲᬸᬃ᭞ᬤᬶᬚᬮᬦ᭄ᬚᬮᬦ᭄ᬦᬾ [᭒ 2A] ᭒ ᬗᬶᬜᬄ᭞ᬕᭂᬜ᭄ᬚᬃᬕᬶᬜ᭄ᬚᬶᬃ᭞ᬅᬫ᭄ᬩᭂᬓᬾᬫᬲᬶᬄᬓᬯᬶᬃᬬ᭄ᬬᬦ᭄᭟᭜᭟ᬢᬸᬳᬸᬢ᭄ᬯᬭᬦᬯᬂᬚ᭄ᬗᬄ᭟ᬢ᭄ᬯᬭᬢᬓᬸᬢ᭄‌ᬢ᭄ᬯᬭᬧ᭄ᬤᬶᬄ᭞ᬩᬸᬓᬢ᭄ᬯᬭᬢᬳᬾᬦ᭄ᬳᭀᬳᭀᬦ᭄᭞ᬲ᭄ᬕᭂᬃᬭᭀ ᬕᭂᬃᬮᬸᬦᬲ᭄ᬮᬦᬸᬲ᭄᭞ᬕᬕᬶᬡᬦ᭄ᬦᬾᬲᬳᬶᬗᭀᬃᬣ᭞ᬲᬬᬦ᭄ᬓᭂᬮᬶᬄ᭞ᬫᬗᬚᬕ᭄ᬗᬶᬍᬳᬶᬦ᭄ᬚᬕᬢ᭄᭟᭜᭟ᬤᬬᬦᬾᬢ᭄ᬯᬭᬭᭀᬓᬗᬦ᭄᭞ᬫᬓ᭄ᬚᬂᬗᬤᬾᬦ᭄ᬫᬜ ᬗ᭄ᬓᬶᬓ᭄᭞ᬗᬯᬕᬯᬕ᭄ᬤᬤᬶᬲᬚᬵ᭞ᬦᬾᬚᬦᬶᬬᬮ᭄ᬯᬲ᭄ᬓᬕᬸᬦᬸᬂ᭞ᬕᬸᬦᬸᬂᬓᬯᬶᬤᬾᬰᬯᬶᬃᬬ᭄ᬬ᭞ᬅᬦᬓ᭄‌ᬍᬯᬶᬄ᭞ᬩ᭄ᬭᬵᬳ᭄ᬫᬡᬦ᭄ᬜᬢᬶᬕᬂᬡ᭄ᬦᬂ᭟᭜᭟ᬲᭂᬗ᭄ᬕᬸᬦ᭄ᬜᬦᬾ ᬉᬮᬸᬂᬤᬰ᭞ᬢᬦᬶᬦ᭄ᬜᬦᬾᬧᬶᬢᬸᬂᬩᬗ᭄ᬲᬶᬢ᭄᭞ᬧᬥᬯᬾᬦ᭄ᬢᭂᬦ᭄ᬫᬮᬕᬾᬦ᭄ᬤᬄ᭞ᬤᬮᬂᬯᬾᬦ᭄ᬢᭂᬦ᭄ᬓᬧᬢ᭄ᬲᬲᬸᬃ᭞ᬉᬦ᭄ᬤᬕᬶᬲᬗ᭄ᬕᬶᬂᬜᬲᬢᬓ᭄᭞ᬦᬾᬫᬦ᭄ᬤᬶᬭᬶ᭞

Auto-transliteration

[1 1B] 1 gaguritanbungkĕling, purigdekrambitan // puḥginadā // hadāgitahañar̀tĕka, mijilsakingdeśaliring, kawimūdhakapupungan, sira laywāmintar̀kidung, hidhĕhisĕnganmatĕmbang, anggensar̀wwi, hatihibukbānlacuran \\•\\ mangawekidungpangarang, kocapanhiktutbungkĕ ling, pyanakdewayantigaron, nānghinglebahañanuduk, dihalasematakilan, dadi'urip, raramanñalintangeman \\•\\ gobanebagusngurañaḥ, abĕtesaddhāngundali, twarajnĕkbangānongos, kĕcagkĕcigmangsar̀mingsur̀, dijalanjalanne [2 2A] 2 ngiñaḥ, gĕñjar̀giñjir̀, ambĕkemasiḥkawir̀yyan \\•\\ tuhutwaranawangjngaḥ. twaratakuttwarapdiḥ, bukatwaratahenhohon, sgĕr̀ro gĕr̀lunaslanus, gagiṇannesahingor̀tha, sayankĕliḥ, mangajagngil̥ĕhinjagat \\•\\ dayanetwararokangan, makjangngadenmaña ngkik, ngawagawagdadisajā, nejaniyalwaskagunung, gunungkawideśawir̀yya, anakl̥ĕwiḥ, brāhmaṇanñatigangṇnang \\•\\ sĕnggunñane ulungdaśa, taninñanepitungbangsit, padhawentĕnmalagendaḥ, dalangwentĕnkapatsasur̀, undagisanggingñasatak, nemandiri,

Leaf 2

Image on Archive.org

[᭒ 2B] ᭒ ᬳᬶᬤᬵᬧ᭄ᬭᬡ᭄ᬥᬕᬗ᭄ᬕᬰᬹᬭ᭟᭜᭟ᬳᬶᬤᬧ᭄ᬭᬡ᭄ᬥᬮᬶᬦ᭄ᬢᬂᬧ᭄ᬭᬚ᭄ᬜᬦ᭄᭞ᬫᬭᬶᬂᬰᬵᬲ᭄ᬢ᭄ᬭᬦ᭄ᬦᬯᬶᬍᬯᬶᬄ᭞ᬦᬵᬗ᭄ᬳᬶᬂᬓᬾᬓᬵᬭᬶᬤ᭄ᬭᬸᬳᬓᬵ᭞ᬤᬰᬾᬂᬦ᭄ᬤ᭄ᬭᬶᬬᬦᬾᬦᬸᬳᬶᬥᬸᬧ᭄᭞ᬤᬶᬭᬕᬦ᭄ᬳᬶᬤᬵᬯᬶ ᬰᬾᬱ᭞ᬲᬗ᭄ᬓᬦ᭄ᬓᬵᬭᬶ᭞ᬮᭀᬪᬤᬺᬗ᭄ᬕᬶᬳᬶᬭᬶᬳᬢ᭄ᬬ᭟᭜᭟ᬳᬶᬓ᭄ᬢᬸᬢ᭄‌ᬩᬸᬗ᭄ᬓᭂᬮᬶᬂᬬᬢ᭄ᬓᬵ᭞ᬫᬗᬸᬭᬬᬂᬗᬸᬦ᭄ᬤᬶᬢ᭄‌ᬉᬩᬶ᭞ᬳᬶᬤᬵᬕ᭄ᬥᬾᬭᬭᬶᬲ᭄ᬜᬶᬗᬓ᭄᭞ᬓ ᬢᭀᬦ᭄‌ᬳᬸᬩᬶᬮᬸᬲᬸᬄᬮᬸᬲᬸᬄ᭞ᬳᬶᬤᬵᬕ᭄ᬥᬾᬫᬗᬦ᭄ᬤᬶᬓᬵ᭞ᬘᬳᬶᬩᬸᬗ᭄ᬓᭂᬮᬶᬂ᭞ᬉᬮᬶᬤᬶᬚᬫᬕ᭄ᬭᬾᬕᭀᬢᬦ᭄᭟᭜᭟ᬳᬶᬗ᭄ᬕᬶᬄᬢᬶᬢ᭄ᬬᬂᬉᬮᬶᬂᬚᬸᬫᬄ᭞ᬭᬯᬸᬄᬫ ᬗᬢᬸᬭᬂᬉᬩᬶ᭞ᬳᬶᬤᬵᬕ᭄ᬥᬾᬫᬗᬦ᭄ᬤᬶᬓᬵ᭞ᬚ᭄ᬫᬓᬶᬦ᭄‌ᬳ᭄ᬬᬧ᭄ᬚᬂᬤᬶᬢᬸ᭞ᬩᬲᬾᬳ᭄ᬬᬮᬦ᭄ᬢᬲ᭄‌ᬳᬮᬶᬳᬂ᭞ᬘᬳᬶᬩᬸᬗ᭄ᬓᭂᬮᬶᬂ᭞ᬫᬳᬶᬤᬶᬦᬶᬬᬦ᭄‌ᬫ [᭓ 3A] ᭓ ᬦᭂᬕᬓ᭄᭟᭜᭟ᬅᬦᬓ᭄‌ᬲ᭄ᬥᭂᬓ᭄‌ᬗᬸᬧᬤᬾᬰ᭞ᬓᬢᬄᬢᬫ᭄ᬬᬸᬭᬶᬭᬶᬭᬶᬭᬶᬄ᭞ᬳᬶᬩᬸᬗ᭄ᬓᭂᬮᬶᬂᬭᬭᬶᬲ᭄ᬦᬗ᭄ᬲᭂᬓᬂ᭞ᬭᬹᬧᬕᭂᬲᬶᬢ᭄ᬲᭀᬮᬄᬢᬓᬸᬢ᭄᭞ᬳᬶᬤᬵᬕ᭄ᬥᬾᬫᬗᬦ᭄ᬤᬶᬓᬵ᭞ᬘ ᬳᬶᬩᬸᬗ᭄ᬓᭂᬮᬶᬂ᭞ᬳᬧᬳᬤᬵᬓ᭄ᬭᬸᬡᬬᬂ᭟᭜᭟ᬳᬶᬗ᭄ᬕᬶᬄᬭᬢᬸᬰᬶᬯᬵᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬦ᭄ᬤᬯᭂᬓ᭄ᬫᬢᬹᬃᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬢᬫ᭄ᬩᭂᬢ᭄ᬳᬢᬸᬃᬜᭀᬄᬜᭀᬄ᭞ᬲᬵᬫ᭄ᬧᬸᬦ᭄ᬭᬢᬸᬲᬮᬶᬢ᭄ᬓ ᬳ᭄ᬬᬸᬦ᭄᭞ᬢᬶᬢ᭄ᬬᬂᬧ᭄ᬭᬬᬯᬾᬦ᭄ᬢᭂᬦ᭄ᬓᬃᬬ᭄ᬬ᭞ᬫᬫ᭄ᬩᬾᬬᬦᬶᬦ᭄᭞ᬲᭀᬧᬘᬵᬭᬯᬸᬲ᭄ᬕᬸᬫᬤᬂ᭟᭜᭟ᬲᬫᬶᬧᬥᬚᬸᬫᬄᬢᬶᬢ᭄ᬬᬂ᭞ᬢᬶᬢ᭄ᬬᬂᬫ᭄ᬭᬶᬓᬶᬫᬗᬲ᭄ᬓᬭᬶ᭞ᬲᬭᬶᬦ᭄ᬩᬦ᭄ᬢᭂᬦ᭄ ‌ᬚᬶᬦᬄᬚᬦᬄ᭞ᬧᬶᬢᬸᬂᬢᬮᬶᬧ᭄ᬭᬬᬓᬵᬢᬸᬭ᭄᭞ᬫᬦ᭄ᬢᬸᬓ᭄ᬭᬶᬂᬮᬸᬗ᭄ᬕᬸᬄᬧ᭄ᬭᬡ᭄ᬥᬵ᭞ᬳᬦ᭄ᬢᬸᬓ᭄ᬫᬶᬲ᭄ᬓᬶᬦ᭄᭞ᬲᬓᬾᬯᬦ᭄ᬢᭂᬦ᭄ᬫᬗᬶᬭᬶᬗᬂ᭟᭜᭟ᬳᬶᬭᬢᬸᬢᬸᬦᬲᬶᬦ᭄ᬢᬶᬢ᭄ᬬᬂ᭞ᬫᬗ᭄ᬤ

Auto-transliteration

[2 2B] 2 hidāpraṇdhaganggaśūra \\•\\ hidapraṇdhalintangprajñan, maringśāstrannawil̥ĕwiḥ, nānghingkekāridruhakā, daśengndriyanenuhidhup, diraganhidāwi śeṣa, sangkankāri, lobhadr̥ĕnggihirihatya \\•\\ hiktutbungkĕlingyatkā, mangurayangngunditubi, hidāgdherarisñingak, ka tonhubilusuḥlusuḥ, hidāgdhemangandikā, cahibungkĕling, ulidijamagregotan \\•\\ hinggiḥtityangulingjumaḥ, rawuḥma ngaturangubi, hidāgdhemangandikā, jmakinhyapjangditu, basehyalantashalihang, cahibungkĕling, mahidiniyanma [3 3A] 3 nĕgak \\•\\ anaksdhĕkngupadeśa, kataḥtamyuririririḥ, hibungkĕlingrarisnangsĕkang, rūpagĕsitsolaḥtakut, hidāgdhemangandikā, ca hibungkĕling, hapahadākruṇayang \\•\\ hinggiḥratuśiwāntityang, tityangndawĕkmatūr̀sisip, hantuktambĕt'hatur̀ñoḥñoḥ, sāmpunratusalitka hyun, tityangprayawentĕnkar̀yya, mambeyanin, sopacārawusgumadang \\•\\ samipadhajumaḥtityang, tityangmrikimangaskari, sarinbantĕn jinaḥjanaḥ, pitungtaliprayakātur, mantukringlungguḥpraṇdhā, hantukmiskin, sakewantĕnmangiringang \\•\\ hiratutunasintityang, mangda

Leaf 3

Image on Archive.org

[᭓ 3B] ᭓ ᬢᬶᬢ᭄ᬬᬂᬳᬾᬮᬄᬚᬢᬶ᭞ᬓ᭄ᬦᬶᬲᬵᬫ᭄ᬧᬸᬦ᭄ᬗᬯᬕᬯᬕ᭄᭞ᬳᬶᬤᬵᬧ᭄ᬭᬡ᭄ᬥᬇᬘᬯᬸᬯᬸᬲ᭄᭞ᬲᬲᬦ᭄ᬢᬸᬦᬾᬢ᭄ᬭᬕ᭄ᬬᬬᬂ᭞ᬳ᭄ᬤᬵᬦᬸᬦᬳᬶᬦ᭄᭞ᬥᬵᬃᬣᬳᬧᬢ᭄ᬯᬭᬳᬤᬵ᭟᭜᭟ᬉᬮᬶ ᬗ᭄ᬯᬗᬸᬦ᭄ᬮᬦ᭄ᬢᬲ᭄‌ᬗᬸᬢᬂ᭞ᬫᬜᭂᬓᬄᬮᬳᬸᬢ᭄ᬫᬓᬶᬭᬶᬫ᭄᭞ᬫᬲᬲᬦ᭄ᬢᬸᬦ᭄‌ᬤ᭄ᬯᬂᬮᬓ᭄ᬱ᭞ᬓᬵᬮᬧ᭄‌ᬩᬸᬗ᭄ᬓᬄᬢᬶᬗ᭄ᬓᭂᬩ᭄‌ᬯᬗ᭄ᬓᬸᬮ᭄᭞ᬲᬶᬂᬚᬕᬤ᭄ᬬᬦ᭄ᬲᬶᬂᬢᬯᬳᬦ᭄᭞ᬢ᭄ᬓᬵᬮᬶᬓᬶ ᬦ᭄᭞ᬧᬣ᭄ᬝᬶᬉᬢ᭄ᬢᬫᬦᬾᬩᬓᬢ᭄᭟᭜᭟ᬲᬶᬗ᭄ᬕᬶᬄᬭᬢᬸᬰᬶᬯᬵᬦ᭄ᬢᬶᬢ᭄ᬬᬂ᭞ᬲᬧᬸᬦᬶᬓᬵᬢᬶᬢ᭄ᬬᬂᬗᬶᬭᬶᬂ᭞ᬳᬶᬤᬵᬧ᭄ᬭᬡ᭄ᬥᬫᬗᬦ᭄ᬤᬶᬓᬵ᭞ᬓ᭄ᬫᬵᬫᬸᬮᬶᬄᬅᬯᬓ᭄ᬤᬸᬲᬸᬦ᭄᭞ ᬩ᭄ᬯᬶᬦ᭄ᬕᭂᬍᬫ᭄‌ᬕᭀᬩᬓᬸᬱ᭄ᬬ᭞ᬳᬶᬗ᭄ᬕᬶᬄᬗᬶᬭᬶᬂ᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬢᬸᬦᬲᬂ᭟᭜᭟ᬩᬸᬗ᭄ᬓᭂᬮᬶᬂᬳᬧᬦᬾᬢᬾᬓᭀᬦᬂ᭞ᬅᬯᬓ᭄ᬩᭂᬮᭀᬕ᭄ᬚᬦᬶᬫ᭄ᬮᬸᬤᬶᬄ᭞ᬢ᭄ᬯᬭ [᭔ 4A] ᭔ ᬩᬶᬱᬗᬋᬘᭂᬧᬂ᭞ᬳᬶᬩᬸᬗ᭄ᬓᭂᬮᬶᬂᬗᬲᬩ᭄ᬳᬸᬫᬢᬸᬃ᭞ᬢᬶᬢ᭄ᬬᬂᬦᬸᬦᬲ᭄ᬕᭂᬕᬫ᭄ᬧᬗᬦ᭄᭞ᬓ᭄ᬭᬫᬦ᭄ᬫᬢᬶ᭞ᬤᬶᬫᬜ᭄ᬚᬸᬲᬾᬫᬾᬮᬕᬾᬦ᭄ᬤᬄ᭟᭜᭟ᬳᬯᬜ᭄ᬘᬶᬫᬕᭂᬂᬯᬥᬄᬜ᭞ᬢᬮᬸᬄᬲᬶᬓᬧᬵ ᬮᬦ᭄ᬓᬸᬜᬶᬢ᭄᭞ᬯᬚᬵᬫ᭄ᬓᬵᬫ᭄ᬯᬂᬓᬓᭀᬲᭀᬓ᭄᭞ᬲᬫ᭄ᬧᬸᬦᬧᬶᬓ᭄ᬭᬫᬦᬶᬧᬸᬦ᭄᭞ᬳᬶᬤᬵᬕ᭄ᬥᬾᬫᬗᬦ᭄ᬤᬶᬓ᭞ᬩ᭄ᬮᭀᬕ᭄‌ᬩᬸᬤ᭄ᬥᬶ᭞ᬦ᭄ᬢᭀᬓᬾᬦᬾᬓᭀᬓ᭄ᬭᬫᬦ᭄ᬬ᭟᭜᭟ ᬳᬤᬵᬚᬢᬶᬤᬶᬰᬵᬲ᭄ᬢ᭄ᬭᬦ᭄ᬜ᭞ᬰᬶᬯᬵᬲᬵᬰᬡᬦᬾᬬᬸᬓ᭄ᬢᬶ᭞ᬯ᭄ᬓᬲᬶᬂᬚᬦ᭄ᬫᬦᬾᬧᭂᬚᬄ᭟ᬤᬶᬫᬜ᭄ᬚᬸᬲᬾᬓᬾᬢᭀᬧᬸᬧᬸᬢ᭄᭞ᬫ᭄ᬓᬦᬾᬫᬓ᭄ᬭᬡᬘᭂᬮᬂ᭞ᬓᬸᬓᬸᬄᬕᬶᬕᬶ᭞ ᬦ᭄ᬢᭀᬯᬚᬦᬾᬗᬤᬓᬂ᭟᭜᭟ᬫᬓ᭄ᬭᬡᬧᬸᬢᬶᬄᬲᬶᬓᬧ᭞ᬢᬮᬸᬄᬳᬗ᭄ᬕᭀᬦ᭄‌ᬗᬸᬮᬶᬮᬶᬗᬶᬦ᭄᭞ᬍᬫ᭄ᬧᬸᬂᬍᬫ᭄ᬩᬸᬢ᭄ᬕᬤᬶᬂᬜᬮᬂ᭞ᬍᬗᬶᬲᬾᬫᬓ᭄ᬭᬡᬳ

Auto-transliteration

[3 3B] 3 tityanghelaḥjati, knisāmpunngawagawag, hidāpraṇdha'icawuwus, sasantunetragyayang, hdānunahin, dhār̀thahapatwarahadā \\•\\ uli ngwangunlantasngutang, mañĕkaḥlahutmakirim, masasantundwanglakṣa, kālapbungkaḥtingkĕbwangkul, singjagadyansingtawahan, tkāliki n, pathṭi'uttamanebakat \\•\\ singgiḥratuśiwāntityang, sapunikātityangngiring, hidāpraṇdhamangandikā, kmāmuliḥawakdusun, bwin'gĕl̥ĕmgobakuṣya, hinggiḥngiring, punikiwentĕntunasang \\•\\ bungkĕlinghapanetekonang, awakbĕlogjanimludiḥ, twara [4 4A] 4 biṣangar̥ĕcĕpang, hibungkĕlingngasab'humatur̀, tityangnunasgĕgampangan, kramanmati, dimañjusemelagendaḥ \\•\\ hawañcimagĕngwadhaḥña, taluḥsikapā lankuñit, wajāmkāmwangkakosok, sampunapikramanipun, hidāgdhemangandika, blogbuddhi, ntokenekokramanya \\•\\ hadājatidiśāstranña, śiwāsāśaṇaneyukti, wkasingjanmanepĕjaḥ. dimañjuseketopuput, mkanemakraṇacĕlang, kukuḥgigi, ntowajanengadakang \\•\\ makraṇaputiḥsikapa, taluḥhanggonngulilingin, l̥ĕmpungl̥ĕmbutgadingñalang, l̥ĕngisemakraṇaha

Leaf 4

Image on Archive.org

[᭔ 4B] ᭔ ᬮᬸᬲ᭄᭞ᬫᭀᬦ᭄ᬫᭀᬦᬾᬫᬓᬓ᭄ᬭᬡᬇᬇᬲ᭄᭞ᬫᬸᬜᬶᬫᬦᬶᬲ᭄᭞ᬩᬶᬱᬬᬵᬫᬗᬯᬾᬋᬡ᭟᭜᭟ᬳᬶᬩᬸᬗ᭄ᬓᭂᬮᬶᬂᬫᬳᬢᬹᬃᬜᬸᬫ᭄ᬩᬄ᭞ᬓ᭄ᬤᬾᬓᬾᬗᬫ᭄ᬩᬄᬓᬕᬶᬕᬶᬭ᭄᭞ᬲᬶ ᬗ᭄ᬕᬶᬄᬭᬢᬸᬲᬂᬧᬡ᭄ᬥᬶᬢ᭞ᬲᬫ᭄ᬧᬸᬭᬬᬂᬧᬜ᭄ᬚᬓ᭄ᬤᬸᬲᬸᬦ᭄᭞ᬩᭀᬬᬢᬶᬢ᭄ᬬᬂᬲᬓᬶᬂᬮᬗ᭄ᬕᬄ᭞ᬦᬯᬶᬲᬶᬲᬶᬧ᭄᭞ᬲ᭄ᬯᬾᬘᬳᬶᬭᬢᬸᬗᬫ᭄ᬧᬸᬭ᭟᭜᭟ᬳᬶᬤᬵᬕ᭄ᬥᬾᬳᬲᬸᬂᬮᬸᬕ᭄ᬭᬵ᭞ ᬦᬄᬢᬓᭀᬦᬂᬤᬵᬗᬸᬮᬶᬢᬶᬦ᭄᭞ᬳᬶᬗ᭄ᬕᬶᬄᬬᬦ᭄ᬓᬤᬶᬯᬘᬦᬵ᭞ᬧᬸᬭᬸᬦ᭄ᬢᬶᬢ᭄ᬬᬂᬮᬗ᭄ᬕ᭄ᬬᬫᬵᬢᬹᬭ᭄᭞ᬲᬓᬵᬤᬶᬮᬶᬗ᭄ᬕᬶᬄᬧ᭄ᬭᬡ᭄ᬥᬵ᭞ᬩᭀᬬᬦᬸᬕᬶ᭞ᬧᬗᬸᬧᬘᬵᬭᬦᬾ ᬢᬸᬦ᭟᭜᭟ᬧᬸᬦᬶᬓᬵᬧᬸᬢ᭄ᬭᬦ᭄‌ᬧ᭄ᬭᬡ᭄ᬥᬵ᭞ᬗᬸᬤᬵᬯᬾᬦ᭄ᬢᭂᬦ᭄‌ᬩᬸᬭᬶᬓ᭄‌ᬘᬸᬗᬶᬄ᭞ᬓᬓᬄᬧᬾᬘᬾᬂᬩᬤᬶᬮ᭄ᬲᬾᬗ᭄ᬓᭀᬓ᭄᭞ᬳᬶᬦᬩ᭄‌ᬮᬮᬶᬤᬸᬓᬾᬤᬸᬫᬸ [᭕ 5A] ᭕ ᬦ᭄᭞ᬯᬚᬫ᭄ᬓᬵᬲ᭄ᬥᭂᬓ᭄‌ᬳᬭᬂ᭞ᬓᬸᬭᬂᬓᬸᬜᬶᬢ᭄᭞ᬢᬮᬸᬄᬲᬶᬓᬧᬦᬾᬳᬶᬮᬂ᭟᭜᭟ᬓᬤᬶᬓ᭄ᬩᭀᬲᬫ᭄ᬧᬶᬚᬭᬦ᭄᭞ᬓ᭄ᬭᬡᬘ᭄ᬮᬂᬍᬫᬄᬮᬢ᭄ᬭᬶ᭞ᬲᬶᬭᬓᬾᬫᭂᬚᬗᬶᬦ᭄‌ᬫ᭄ᬓᬵ᭞ᬳᬶᬤᬵᬕ᭄ᬥᬾ ᬤᬸᬄᬓᬫᬸᬭᬸᬩ᭄᭞ᬢᬫ᭄ᬬᬸᬦᬾᬓ᭄ᬤᬾᬓ᭄ᬧᬩ᭄ᬭᬶᬬᬕ᭄᭞ᬧᬕ᭄ᬭᬶᬓ᭄ᬕᬶᬓ᭄᭞ᬳᬶᬤᬵᬕ᭄ᬥᬾᬫᬳᬗ᭄ᬲᭂᬗᬦ᭄᭟᭜᭟ᬳᬶᬩᬸᬗ᭄ᬓᭂᬮᬶᬂᬫᬵᬢᬹᬃᬗᬓ᭄ᬱᬫ᭞ᬉᬮᬢ᭄ᬓᭂᬜᬸᬂᬫᬢᬹᬃᬲᬶᬲᬶᬧ᭄᭞ᬢᬶ ᬢ᭄ᬬᬂᬢᬫ᭄ᬩᭂᬢ᭄ᬮᬶᬦ᭄ᬢᬂᬘᭀᬘᭀᬓ᭄᭞ᬲᬫ᭄ᬧᬸᬦᬂᬳᬶᬭᬢᬸᬩᭂᬦ᭄ᬤᬸ᭞ᬬᬦᬶᬂᬳᬶᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬩᭀᬬᬫᬮᬶᬄᬲᬩᬸᬳᬶᬦ᭄ᬢᬶᬢ᭄ᬬᬂᬯᬘᬦᬵ᭟᭜᭟ᬤᬵᬕ᭄ᬥᬾᬗᬫ᭄ᬩ᭄ᬭᭀᬲ᭄ᬗᬦ᭄ᬤᬶ ᬓᬵ᭞ᬓ᭄ᬫᬫᬸᬮᬶᬄᬘᬳᬶᬘᬸᬯᬶᬮ᭄᭞ᬳᬶᬩᬸᬗ᭄ᬓᭂᬮᬶᬂᬮᬯᬸᬢ᭄ᬫᬓᬳᬤ᭄᭞ᬳᬶᬤᬵᬕ᭄ᬥᬾᬓ᭄ᬫᬓ᭄‌ᬓ᭄ᬫᬸᬓ᭄᭞ᬲᬶᬂᬘᬶᬗᬓᬶᬦ᭄ᬓᬢᭀᬦ᭄ᬫᬶᬂᬫᬂ᭞ᬗ᭄ᬭᬱᬾᬂᬳᬢᬶ᭞ᬤᬶᬮᬶᬗ᭄ᬕᬳᬾ

Auto-transliteration

[4 4B] 4 lus, monmonemakakraṇa'i'is, muñimanis, biṣayāmangawer̥ĕṇa \\•\\ hibungkĕlingmahatūr̀ñumbaḥ, kdekengambaḥkagigir, si nggiḥratusangpaṇdhita, sampurayangpañjakdusun, boyatityangsakinglanggaḥ, nawisisip, swecahiratungampura \\•\\ hidāgdhehasunglugrā, naḥtakonangdāngulitin, hinggiḥyankadiwacanā, puruntityanglanggyamātūr, sakādilinggiḥpraṇdhā, boyanugi, pangupacārane tuna \\•\\ punikāputranpraṇdhā, ngudāwentĕnburikcungiḥ, kakaḥpecengbadilsengkok, hinablalidukedumu [5 5A] 5 n, wajamkāsdhĕk'harang, kurangkuñit, taluḥsikapanehilang \\•\\ kadikbosampijaran, kraṇaclangl̥ĕmaḥlatri, sirakemĕjanginmkā, hidāgdhe duḥkamurub, tamyunekdekpabriyag, pagrikgik, hidāgdhemahangsĕngan \\•\\ hibungkĕlingmātūr̀ngakṣama, ulatkĕñungmatūr̀sisip, ti tyangtambĕtlintangcocok, sampunanghiratubĕndu, yaninghiwanghantuktityang, boyamaliḥsabuhintityangwacanā \\•\\ dāgdhengambrosngandi kā, kmamuliḥcahicuwil, hibungkĕlinglawutmakahad, hidāgdhekmakkmuk, singcingakinkatonmingmang, ngrasyenghati, dilinggahe

Leaf 5

Image on Archive.org

[᭕ 5B] ᭕ ᬩᭂᬍᬢᬗ᭟᭜᭟ᬤᬸᬭᬶᬬᬦ᭄ᬲᬶᬂᬜᬗᬸᬧᬤᬾᬰ᭞ᬫᬦ᭄ᬢ᭄ᬭᬦᬶᬦ᭄ᬩᬵᬦ᭄ᬫᬸᬜᬶᬤᬓᬶ᭞ᬓ᭄ᬢᭀᬳᬗ᭄ᬕᭀᬦ᭄ᬗᬯᬍᬲᬂ᭞ᬫᭂᬦᭂᬂᬭᬢᬸᬧᬜ᭄ᬚᬓ᭄‌ᬩᬸᬤᬸᬄ᭞ᬧᬸᬦᬶᬓᬶᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬫ ᬗ᭄ᬤᬾᬕ᭄ᬮᬶᬲ᭄᭞ᬫᬶᬦᬩ᭄ᬲᬦ᭄ᬤᬾᬢᬶᬢ᭄ᬬᬂᬩᬸᬤᬮ᭄᭟᭜᭟ᬳᬶᬩᬸᬗ᭄ᬓᭂᬮᬶᬂᬭᬭᬶᬲ᭄ᬗᬚᬦᬂ᭞ᬓᬉᬫᬄᬚ᭄ᬭᭀᬲᭂᬗ᭄ᬕᬸᬧᬗᬶ᭞ᬤᬦᬾᬢ᭄ᬯᬄᬮᬶᬦ᭄ᬢᬂᬧ᭄ᬭᬚ᭄ᬜᬦ᭄᭞ᬫᬜᭂᬮᭀᬓᬗᬶ ᬜ᭄ᬘᭂᬃᬢᬸᬢᬸᬭ᭄᭞ᬫᬳᬶᬢᬸᬂᬲᬳᬶᬲᬶᬦ᭄ᬭᬕ᭞ᬤᬦᬾᬫᬗ᭄ᬓᬶᬦ᭄᭞ᬲ᭄ᬥᭂᬂᬗᬜ᭄ᬚᭂᬓᬂᬩᬩᬱᬦ᭄᭟᭜᭟ᬳᬤᬵᬳᬚᬓᬵᬮᬮᬶᬫ᭞ᬫᬗ᭄ᬭᬯᭀᬲ᭄ᬲᬮᬶᬂᬢᬫ᭄ᬩᬸᬦᬶ ᬦ᭄᭞ᬳᬶᬩᬸᬗ᭄ᬓᭂᬮᬶᬂᬢ᭄ᬓᬵᬗᬸᬭᬬᬂ᭞ᬜᬸᬭᬾᬦ᭄ᬤᬾᬂᬬᬢᬸᬮᬸᬂᬢᬸᬮᬸᬂ᭞ᬫᬗᭀᬭᬳᬂᬳᬯᬓ᭄‌ᬩᬸᬢᬵ᭞ᬉᬯᬄᬉᬯᬶᬄᬚ᭄ᬭᭀᬕ᭄ᬥᬾᬤᬦᬾᬤᬶᬚᬵ᭟᭜᭟

Auto-transliteration

[5 5B] 5 bĕl̥ĕtanga \\•\\ duriyansingñangupadeśa, mantraninbānmuñidaki, ktohanggonngawal̥ĕsang, mĕnĕngratupañjakbuduḥ, punikipinunastityang, ma ngdeglis, minabsandetityangbudal \\•\\ hibungkĕlingrarisngajanang, ka'umaḥjrosĕnggupangi, danetwaḥlintangprajñan, mañĕlokangi ñcĕr̀tutur, mahitungsahisinraga, danemangkin, sdhĕngngañjĕkangbabaṣan \\•\\ hadāhajakālalima, mangrawossalingtambuni n, hibungkĕlingtkāngurayang, ñurendengyatulungtulung, mangorahanghawakbutā, uwaḥuwiḥjrogdhedanedijā \\•\\

Leaf 6

Image on Archive.org

[᭖ 6B] ᭖ ᬓᬲᬫᬶ᭞ᬳᭂᬦ᭄ᬢᬸᬤᬾᬧᬮᬶᬂᬫᬮᬸᬦ᭞ᬧᬳᬵᬧᬸᬗ᭄ᬲᭂᬤ᭄ᬩᬲᬂᬮᬫ᭄ᬩᬸᬂ᭞ᬜᭀᬜᭀᬨᬮᬧᬥᬢᬯᬂ᭞ᬦᬾᬦᬾᬬᬸᬓ᭄ᬢᬶ᭞ᬚ᭄ᬭᭀᬕ᭄ᬥᬾᬤᬶᬚᬫᬕ᭄ᬦᬄ᭟᭜᭟ᬚ᭄ᬭᭀᬲᭂᬗ᭄ᬕᬸᬫᬳ ᬗ᭄ᬲᭂᬕᬦ᭄᭞ᬦᬾᬧᬢ᭄ᬧᬢ᭄‌ᬓ᭄ᬤᬾᬓ᭄ᬧᬕ᭄ᬭᬶᬓ᭄ᬕᬶᬓ᭄᭞ᬤᬾᬲᭂᬗ᭄ᬕᬸᬧᬗᬶᬬᬵᬤᬸᬄᬓ᭞ᬢᬶᬤᭀᬂᬘᬳᬶᬧᬮᬶᬂᬢᬸᬳᬸ᭞ᬘᬳᬶᬫᬗᬸᬲᬸᬤᬶᬦ᭄ᬤᬬᬵ᭞ᬦᬄᬦᬾᬚᬦᬶ᭞ᬧᭂᬲᬦ᭄ᬤᬶᬦᬶ ᬬᬘᭂᬦ᭄ᬢᭀᬓᬂ᭟᭜᭟ᬳᭀᬜᬗᬂᬤᬶᬦᬶᬢᭀᬕ᭄ᬢᭀᬕᬂ᭞ᬤᬬᬜ᭄ᬘᬳᬶᬦᬾᬦᬾᬍᬯᬶᬄ᭞ᬫᬫᬦ᭄‌‌ᬦᬶᬫ᭄ᬧᬮᬶᬦ᭄ᬫᬗᭂᬦᭀᬓ᭄᭞ᬫᬗᬧᬶᬢ᭄ᬫᬶᬢᬸᬦᭂᬢᭂᬮᬸ᭞ᬳᬶ ᬩᬸᬗ᭄ᬓᭂᬮᬶᬂᬓᭂᬜᬸᬂᬳᬗᬸᬘᬧ᭄᭞ᬚ᭄ᬭᭀᬦᬾᬧ᭄ᬤᬶᬄ᭞ᬢ᭄ᬬᬂᬪᬓ᭄ᬢᬶᬲᬲᬚᬬᬦ᭄᭟᭜᭟ᬢ᭄ᬬᬂᬢᬸᬯᬶᬢᬸᬯᬄᬫᬰᬶᬯᬵ᭞ᬢᬹᬃᬲᬫ᭄ᬧᬸᬦ᭄‌‌ᬘᬸᬫᬤᬂᬲᬫᬶ᭞ [᭗ 7A] ᭗ ᬢᬶᬗ᭄ᬓᬄᬳᬦᬓ᭄‌‌ᬦᬸᬳᬸᬦ᭄ᬧᬵᬤ᭞ᬓᬰᬵᬯᬾᬦ᭄ᬢᭂᬦ᭄ᬳᬮᬸᬲᬮᬸᬲ᭄᭞ᬚᬶᬦᬄᬯᬾᬦ᭄ᬢᭂᬦ᭄ᬮᬶᬫᬂᬮᬓ᭄ᬱ᭞ᬧᬘᬂᬫ᭄ᬭᬶᬓᬶ᭞ᬫᬓᬵᬤᬤᭀᬲ᭄ᬧᬗᬸᬃᬬ᭄ᬬᬕᬵ᭟᭜᭟ᬫᬤᬸᬮᬸᬭᬦ᭄‌‌ᬓ᭄ᬭᬶᬲ᭄ ᬦᬾᬫ᭄ᬮᬄ᭞ᬫᬉᬭᬗ᭄ᬓᬵᬧᬾᬮᬾᬢ᭄ᬲᬫ᭄ᬧᬶᬃ᭞ᬭᬾᬂᬭᬾᬂᬩᬓ᭄ᬭᬶᬓ᭄ᬫᬳᬸᬍᬳᬦ᭄᭞ᬤᬗᬦ᭄ᬓᬦ᭄ᬢᬫᬲ᭄ᬮᬸᬢ᭄᭞ᬫᬧᬶᬦ᭄ᬤᬪᬝᬭᬕᬡ᭞ᬦᬶᬓᬵᬳᬫ᭄ᬩᬶᬮ᭄᭞ᬉᬭᬸᬓ᭄ᬢ᭄ᬬᬂᬳᬧᬂ ᬢᬢᬲ᭄᭟᭜᭟ᬲᬦᬾᬯᬯᬸᬢ᭄ᬬᬂᬗᭀᬤᬵ᭞ᬯᬶᬯᬵᬦᬾᬳᬗ᭄ᬕᬾᬦ᭄ᬗᬶᬫ᭄ᬩᬳᬶᬦ᭄᭞ᬧᬗ᭄ᬭᬯᭀᬲᬾᬦᬾᬭᬶᬂᬲ᭄ᬯᬃᬕ᭄ᬕᬵ᭞ᬢ᭄ᬯᬄᬩᬓᬮ᭄‌‌ᬜᬬᬗᬂᬢᬸᬳᬸ᭞ᬲᬗᬃᬚ᭄ᬚᬸᬦ ᬬᬫᬢᬧ᭞ᬕᭀᬤᬵᬕᬸᬮᬶᬓ᭄᭞ᬧᬶᬬᬢᬶᬦ᭄ᬩᬓᬮ᭄ᬲᬬᬗᬂ᭟᭜᭟ᬲᬫ᭄ᬧᬸᬦᬶᬓᬵᬳᬢᬸᬃᬢᬶᬬᬂ᭞ᬤᬾᬲᭂᬗ᭄ᬕᬸᬧᬗᬶᬫᬩᬮᬶᬓ᭄᭞ᬤᬤᬶᬬᬵᬧᬹᬃᬡ᭄ᬦ

Auto-transliteration

[6 6B] 6 kasami, hĕntudepalingmaluna, pahāpungsĕdbasanglambung, ñoñophalapadhatawang, neneyukti, jrogdhedijamagnaḥ \\•\\ jrosĕnggumaha ngsĕgan, nepatpatkdekpagrikgik, desĕnggupangiyāduḥka, tidongcahipalingtuhu, cahimangusudindayā, naḥnejani, pĕsandini yacĕntokang \\•\\ hoñangangdinitogtogang, dayañcahinenel̥ĕwiḥ, mamannimpalinmangĕnok, mangapitmitunĕtĕlu, hi bungkĕlingkĕñunghangucap, jronepdiḥ, tyangbhaktisasajayan \\•\\ tyangtuwituwaḥmaśiwā, tūr̀sampuncumadangsami, [7 7A] 7 tingkaḥhanaknuhunpāda, kaśāwentĕnhalusalus, jinaḥwentĕnlimanglakṣa, pacangmriki, makādadospangur̀yyagā \\•\\ madulurankris nemlaḥ, ma'urangkāpeletsampir̀, rengrengbakrikmahul̥ĕhan, dangankantamaslut, mapindabhaṭaragaṇa, nikāhambil, uruktyanghapang tatas \\•\\ sanewawutyangngodā, wiwānehanggenngimbahin, pangrawoseneringswar̀ggā, twaḥbakalñayangangtuhu, sangar̀jjuna yamatapa, godāgulik, piyatinbakalsayangang \\•\\ sampunikāhatur̀tiyang, desĕnggupangimabalik, dadiyāpūr̀ṇna

Leaf 7

Image on Archive.org

[᭗ 7B] ᭗ ᬫᬘ᭄ᬮᭀᬲ᭄᭞ᬗᬸᬗ᭄ᬲᬶᬪᬓ᭄ᬢᬶᬗᬸᬮᬄᬢᬸᬮᬸᬲ᭄᭞ᬳᬶᬩᬸᬗ᭄ᬓᭂᬮᬶᬂᬬᬵᬫᬜᭂᬓᭂᬦᬂ᭞ᬤᬸᬭᬸᬲ᭄ᬳᬲᬶᬄ᭞ᬢᬶᬬᬂᬕᬢᬶᬫᬲᬓᬧᬦ᭄᭟᭜᭟ᬫᬲᬸᬭᬸᬤᬵᬬᬸᬫᬰᬶᬯᬵ᭞ᬚᬢᬶᬦᬾ ᬢᬶᬳᬂᬦᬶᬓᬳᬶᬦ᭄᭞ᬤᬾᬲᭂᬗ᭄ᬕᬸᬓᭂᬜᬸᬂᬳᬗᬸᬘᬧ᭄᭞ᬉᬭᬗ᭄ᬓᬦᬾᬫᬳᬶᬫᬮᬸ᭞ᬳᬾᬤᬾᬗᬂᬢ᭄ᬓᬾᬦᬶᬂᬩᬧᬵ᭞ᬘᬶᬭᬶᬜ᭄ᬚᬢᬶ᭞ᬘᬳᬶᬫᬰᬶᬯᬵᬭᬶᬂᬫᬫᬦ᭄᭟᭜᭟ᬮᬫᬸ ᬦ᭄‌‌ᬲᬚᬲᬸᬩᬵᬢ᭄ᬓᬵ᭞ᬉᬭᬗ᭄ᬓᬦᬾᬧᬾᬮᬾᬢ᭄ᬭᬓ᭄ᬭᬶᬓ᭄᭞ᬧ᭄ᬚᬵᬳᬧᬵᬚᬢᬓᭀᬦᬂ᭞ᬘᬢᬹᬃᬤᬾᬰᬫ᭄ᬦᬾᬓ᭄ᬢᬸᬳᬸᬦ᭄᭞ᬢ᭄ᬓᭂᬤ᭄ᬓᬲᬧ᭄ᬢᬧᬵᬢᬮ᭞ᬩᬧᬵᬚᬢᬶ᭞ᬧᭂᬧᭂ ᬓ᭄ᬲᬳᬶᬲᬶᬦᬶᬂᬭᬕᬵ᭟᭜᭟ᬬᬾᬦ᭄‌‌ᬚ᭄ᬭᭀᬦᬾᬲᬫ᭄ᬧᬸᬦ᭄ᬢᬢᬲ᭄᭞ᬤᭀᬂᬦᬶᬓᬳᬶᬦ᭄ᬢᬶᬬᬂᬓᬶᬤᬶᬓ᭄᭞ᬢᬶᬬᬂᬕ᭄ᬮᬶᬲ᭄ᬧᬘᬂᬩᬸᬤᬮ᭄᭞ᬗᬫ᭄ᬩᬶᬮ᭄‌‌ᬉᬭᬗ᭄ᬓ [᭘ 8A] ᭘ ᬦᬾᬤᬸᬫᬸᬦ᭄᭞ᬓᬵᬢᬹᬃᬫᬓᬵᬧ᭄ᬭᬥᬓ᭄ᬱᬶᬡ᭞ᬤᭀᬂᬩ᭄ᬓᭂᬮᬶᬦ᭄᭞ᬧᬗ᭄ᬭᬯᭀᬲᬾᬳᬦᬾᬢᬫ᭄ᬩᬭ᭄᭟᭜᭟ᬳᬧᬂᬯᬾᬦ᭄ᬢᭂᬦ᭄ᬲᬸᬗ᭄ᬲᬸᬂᬢᬶᬢ᭄ᬬᬂ᭞ᬤᬾᬲᭂᬗ᭄ᬕᬸᬧᬗᬶᬜᬯᬸᬭᬶᬦ᭄᭞ᬦᬄᬫᬭ ᬢ᭄ᬯᬄᬢᬓᭀᬦᬂ᭞ᬳᬤᬵᬦᬾᬳᬸᬢ᭄ᬢᬫᬢᬸᬳᬸ᭞ᬩᬧᬵᬥᬥᬓᬗᭀᬭᬳᬂ᭞ᬳᬧᬂᬗᬢᬶᬄ᭞ᬲᭂᬮᬄᬩᬵᬜ᭄ᬘᬳᬶᬦᬶᬗᭂᬳᬂ᭟᭜᭟ᬇᬗ᭄ᬕᬶᬄᬦᬾᬢᬸᬦᬲᬂᬢᬶᬬᬂ᭞ ᬓᬚᬓ᭄ᬮᭀᬤ᭄ᬓᬯᬸᬄᬓᬗᬶᬦ᭄᭞ᬤᬾᬲᭂᬗ᭄ᬕᬸᬫᬦᬸᬥᬶᬂᬓ᭄ᬮᭀᬤ᭄᭞ᬳᭂᬦ᭄ᬢᭀᬓᬗᬶᬦ᭄ᬳᬤᬦ᭄ᬳᬶᬧᬸᬦ᭄᭞ᬭᬶᬂᬗᬯᬓ᭄ᬧᬧᬸᬲᬸᬳᬦ᭄᭞ᬯᬃᬡ᭄ᬦᬧᬸᬢᬶᬄ᭞ᬫᬸᬮᬶᬄᬉᬭᬗ᭄ᬓᬦᬾᬚᭂᬫ ᬓ᭄᭟᭜᭟ᬳᬶᬩᬸᬗ᭄ᬓᭂᬮᬶᬂᬭᬭᬶᬲ᭄ᬜᬸᬚᬸᬢᬂ᭞ᬢ᭄ᬓᭂᬤ᭄ᬤᬶᬚᬫᬤᬦ᭄ᬓᬗᬶᬦ᭄᭞ᬚ᭄ᬭᭀᬕ᭄ᬥᬾᬧᬗᬶᬳᬗᬸᬘᬧ᭄᭞ᬢ᭄ᬓᭂᬤᬶᬕᬸᬫᬶᬦᬾᬦᬗ᭄ᬕᬸ᭞ᬤᬶᬢᬸᬮᬗᬶᬢ᭄‌ᬳᬸᬤᬗᬸ

Auto-transliteration

[7 7B] 7 maclos, ngungsibhaktingulaḥtulus, hibungkĕlingyāmañĕkĕnang, durushasiḥ, tiyanggatimasakapan \\•\\ masurudāyumaśiwā, jatine tihangnikahin, desĕnggukĕñunghangucap, urangkanemahimalu, hedengangtkeningbapā, ciriñjati, cahimaśiwāringmaman \\•\\ lamu nsajasubātkā, urangkanepeletrakrik, pjāhapājatakonang, catūr̀deśamnektuhun, tkĕdkasaptapātala, bapājati, pĕpĕ ksahisiningragā \\•\\ yenjronesampuntatas, dongnikahintiyangkidik, tiyangglispacangbudal, ngambilurangka [8 8A] 8 nedumun, kātūr̀makāpradhaksyiṇa, dongbkĕlin, pangrawosehanetambar \\•\\ hapangwentĕnsungsungtityang, desĕnggupangiñawurin, naḥmara twaḥtakonang, hadānehuttamatuhu, bapādhadhakangorahang, hapangngatiḥ, sĕlaḥbāñcahiningĕhang \\•\\ inggiḥnetunasangtiyang, kajaklodkawuḥkangin, desĕnggumanudhingklod, hĕntokanginhadanhipun, ringngawakpapusuhan, war̀ṇnaputiḥ, muliḥurangkanejĕma k \\•\\ hibungkĕlingrarisñujutang, tkĕddijamadankangin, jrogdhepangihangucap, tkĕdiguminenanggu, ditulangit'hudangu

Leaf 8

Image on Archive.org

[᭘ 8B] ᭘ ᬤᬵ᭞ᬧᬕᬸᬮᬯᬶᬃ᭞ᬩᬸᬓᬵᬩᬸᬮᬸᬂᬕᭂᬩᬦ᭄ᬕᭂᬩᬦ᭄᭟᭜᭟ᬤᬗᬶᬦᬾᬦᬧᬶᬳᬤᬦ᭄ᬜ᭞ᬫᬲᬶᬄᬳ᭄ᬦᬸᬫᬤᬦ᭄ᬓᬗᬶᬦ᭄᭞ᬳᬶᬩᬸᬗ᭄ᬓᭂᬮᬶᬂᬮᬳᬸᬢ᭄‌ᬜᭂᬲᭂᬤᬂ᭞ᬚ᭄ᬭᭀᬦᬾᬢᬳᬾ ᬦ᭄ᬢᭂᬓᭂᬤ᭄ᬤᬶᬢᬸ᭞ᬤᬾᬲᭂᬗ᭄ᬕᬸᬧᬗᬶᬳᬗᬸᬘᬧ᭄᭞ᬩᬧᬵᬢᬸᬲᬶᬂ᭞ᬲᬢ᭄ᬯᬦ᭄ᬜᬦᬾᬢᬯᬂᬩᬧᬵ᭟᭜᭟ᬳᬶᬩᬸᬗ᭄ᬓᭂᬮᬶᬂᬓᭂᬜᬸᬂᬳᬗᬸᬘᬧ᭄᭞ᬗᬸᬤᬵᬚ᭄ᬭᭀᬦᬾᬫᬧᬶᬭᬭᬶᬄ ᬗᭀᬭᬳᬂᬦᬾᬢ᭄ᬯᬭᬢᬯᬂ᭞ᬚ᭄ᬭᭀᬦᬾᬲ᭄ᬦᭂᬂᬭᬶᬂᬧᬸᬦᬶᬓᬸ᭞ᬫᭀᬦ᭄ᬲᭂᬦᭂᬂᬢᬶᬬᬂᬗᬢᬸᬭᬂ᭞ᬫᬡᬶᬓ᭄‌ᬍᬯᬶᬄ᭞ᬚ᭄ᬭᭀᬲᭂᬗ᭄ᬕᬸᬬᬓᬯᭂᬯᭂᬕᬦ᭄᭟᭜᭟ᬩᬸᬤ᭄ᬥᬶᬳᭂᬜᬓ᭄ ᬬᬵᬗᬤᭀᬯᬂ᭞ᬬᬦ᭄ᬢᬫ᭄ᬧᬶᬓ᭄‌‌ᬬᬫᬶᬦᬩ᭄‌‌ᬚᬢᬶ᭞ᬳᬯᬓᬾᬍᬧᬲ᭄ᬧᬗᬸᬘᬧ᭄᭞ᬓᬧᭂᬍᬓ᭄‌ᬢᭀᬂᬫᬳᬦ᭄ᬲᬶᬓᬸᬢ᭄᭞ᬚᬦ᭄ᬫᬢ᭄ᬯᬄᬤᭀᬭᬤᭀ [᭙ 9A] ᭙ ᬭᬦ᭄᭞ᬉᬮᬢ᭄ᬧᬗᬶᬤ᭄᭞ᬳᬯᬓᬾᬭᬶᬭᬶᬄᬳᭀᬮᬳ᭟᭜᭟ᬘᬳᬶᬓᬾᬦ᭄ᬓᬾᬦ᭄ᬓᬾᬦ᭄ᬢᬾᬲᬚᬦ᭄ᬜ᭞ᬉᬭᬗ᭄ᬓᬦᬾᬢᬸᬮᬸᬲ᭄ᬫᬳᬶ᭞ᬳᬶᬩᬸᬗ᭄ᬓᭂᬮᬶᬂᬳᬮᬸᬲ᭄ᬳᬗᬸᬘᬧ᭄᭞ᬢᬶᬬᬂᬗᬶᬭᬶᬂ ᬲᬧᬓᬳ᭄ᬬᬸᬦ᭄᭞ᬲᬸᬓᬾᬦ᭄ᬢᬶᬬᬂᬢᬢᬸᬮᬤᬦ᭄᭞ᬳᬧᬂᬧᬲ᭄ᬢᬶ᭞ᬢᬶᬬᬂᬗᬶᬭᬶᬂᬫᬦᬸᬳᬸᬢᬂ᭟᭜᭟ᬚ᭄ᬭᭀᬕ᭄ᬥᬾᬬᬫᬓᬺᬲᭂᬓᬦ᭄᭞ᬲᬕᬾᬢ᭄ᬫᬮᬄᬲᬕᬾᬢ᭄‌‌ᬧ᭄ᬤᬶᬄ᭞ᬲᬸ ᬩᬧ᭄ᬤᬶᬄᬬᬩ᭄ᬯᬶᬦ᭄ᬫᭂᬮᬄ᭞ᬦᬾᬧᬢ᭄ᬧᬢ᭄ᬯᬶᬭᬂᬫᬲᬳᬸᬭ᭄᭞ᬩ᭄ᬮᬶᬢ᭄ᬯᬳᬦᬫ᭄ᬧᬸᬓ᭄‌ᬳᭀᬗ᭄ᬓᬂ᭞ᬗᬸᬮᬄᬪᬸᬓ᭄ᬢᬶ᭞ᬮᬫᬸᬦ᭄ᬚᬮᬄᬧᬶᬲᬦ᭄ᬲᬸᬫ᭄ᬩᬄ᭟᭜᭟ᬩᬸᬗ᭄ᬓᭂᬮᬶᬂᬤᬶᬦᬶᬬᬦ᭄ᬫᬧ᭄ᬢᬵ᭞ ᬳᬤᬸᬯᬂᬤᬬᬦᬾᬜᬗ᭄ᬓᬶᬓ᭄᭞ᬲᭂᬗ᭄ᬕᬸᬩ᭄ᬮᭀᬕ᭄ᬳᬤᬵᬧᬢ᭄ᬧᬢ᭄᭞ᬳᬶᬩᬸᬗ᭄ᬓᭂᬮᬶᬂᬲᬯᬸᬭᬾᬳᬮᬸᬲ᭄᭞ᬬᬤ᭄ᬬᬦ᭄ᬯᬾᬦ᭄ᬢᭂᬦ᭄ᬲᭂᬗ᭄ᬕᬸᬓᬢᬄ᭞ᬭᬶᬭᬶᬭᬶᬭᬶᬄ᭞ᬩᭀᬬᬓᬾᬯᭂᬄᬓ

Auto-transliteration

[8 8B] 8 dā, pagulawir̀, bukābulunggĕban'gĕban \\•\\ danginenapihadanña, masiḥhnumadankangin, hibungkĕlinglahutñĕsĕdang, jronetahe ntĕkĕdditu, desĕnggupangihangucap, bapātusing, satwanñanetawangbapā \\•\\ hibungkĕlingkĕñunghangucap, ngudājronemapirariḥ ngorahangnetwaratawang, jronesnĕngringpuniku, monsĕnĕngtiyangngaturang, maṇikl̥ĕwiḥ, jrosĕngguyakawĕwĕgan \\•\\ buddhihĕñak yāngadowang, yantampikyaminabjati, hawakel̥ĕpaspangucap, kapĕl̥ĕktongmahansikut, janmatwaḥdorado [9 9A] 9 ran, ulatpangid, hawakeririḥholaha \\•\\ cahikenkenkentesajanña, urangkanetulusmahi, hibungkĕlinghalushangucap, tiyangngiring sapakahyun, sukentiyangtatuladan, hapangpasti, tiyangngiringmanuhutang \\•\\ jrogdheyamakr̥ĕsĕkan, sagetmalaḥsagetpdiḥ, su bapdiḥyabwinmĕlaḥ, nepatpatwirangmasahur, blitwahanampuk'hongkang, ngulaḥbhukti, lamunjalaḥpisansumbaḥ \\•\\ bungkĕlingdiniyanmaptā, haduwangdayaneñangkik, sĕnggublog'hadāpatpat, hibungkĕlingsawurehalus, yadyanwentĕnsĕnggukataḥ, ririririḥ, boyakewĕḥka

Leaf 9

Image on Archive.org

[᭙ 9B] ᭙ ᬧᬢᬹᬢᬦ᭄᭟᭜᭟ᬲᭂᬗ᭄ᬕᬸᬦᬾᬧᬥᬳᬗᬸᬘᬧ᭄᭞ᬦᬾᬤᬶᬦᬶᬧᬥᬢᬓᭀᬦᬶᬦ᭄᭞ᬦᬵᬗ᭄ᬳᬶᬂᬲᬉᬦᬶᬦᬶᬂᬰᬵᬲ᭄ᬢ᭄ᬭᬵ᭞ᬢ᭄ᬯᬭᬩᬜᬩᬶᬱᬓᬾᬗ᭄ᬕᬸᬄ᭞ᬉᬮᬶᬄᬘ᭄ᬭᬶᬓ᭄ᬓᬸᬢᬸᬦ᭄‌ᬰᬵᬲ᭄ᬢ᭄ᬭ᭞ᬩᬸᬮᬓ᭄ᬩᬮᬶ ᬓ᭄᭞ᬲᬸᬩᬵᬩᬱᬩ᭄ᬯᬶᬦ᭄ᬩᬱᬬᬂ᭟᭜᭟ᬳᬶᬩᬸᬗ᭄ᬓᭂᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬢ᭄ᬯᬄᬧᬵᬢᬹᬢ᭄ᬩᬵᬦ᭄‌‌ᬚ᭄ᬭᭀᬦᬾᬭᬶᬭᬶᬄ᭞ᬧᬦ᭄ᬫᬸᬮᬵᬫᬕᬫᬓᬾᬢᭀ᭞ᬢᬶᬬᬗᬾᬢ᭄ᬯᬄᬚᬸᬭᬸᬧᬘᬸᬮ᭄᭞ ᬢ᭄ᬯᬭᬫᬢ᭄ᬭᬦᬯᬂᬲᬵᬲ᭄ᬢ᭄ᬭ᭞ᬚ᭄ᬭᭀᬦᬾᬭᬶᬭᬶᬄ᭞ᬇᬘ᭄ᬘᬾᬜ᭄ᬚᬵᬢᬶᬬᬂᬰᬵᬲ᭄ᬢ᭄ᬭᬤᬤ᭄ᬯ᭟᭜᭟ᬇᬦ᭄ᬤᬬᬂᬓᬸᬤᬢᬸᬮᬶᬲᬂ᭞ᬫᬸᬜᬶᬦ᭄ᬳᬗᬶᬦᬾᬦᬾᬢᬭᬶᬓ᭄᭞ᬫᬸᬜᬶᬦ᭄‌‌ᬓ᭄ᬤᬶᬲ᭄ᬲᬯᬦ᭄ᬳᬸ ᬚᬦ᭄᭞ᬦᬸᬦᬲ᭄ᬧᬘᬳᬧᬂᬧᬸᬧᬸᬄ᭞ᬳᬶᬲᭂᬗ᭄ᬕᬸᬬᬓᬯᭂᬯᭂᬕᬦ᭄᭞ᬲᬮᬶᬂᬢᬭᬶ᭞ᬓᬶᬗᭂᬄᬓᬶᬗᭂᬄᬫᬓᬧᬢ᭄ᬧᬢ᭄᭟᭜᭟ᬳᬧᬓᬾᬳᬗ᭄ᬕᭀᬦ᭄‌‌ᬰᬵᬲ᭄ᬢ᭄ᬭᬦ᭄ᬜ᭞ᬫᬓᭂᬚᬂ [᭑᭐ 10A] ᭑᭐ ᬢᭀᬂᬫᬗᭂᬜᬓᬶᬦ᭄᭞ᬫᬸᬜᬶᬓᭀᬮᭀᬓ᭄ᬲᬮᬄᬢᬶᬤᭀᬂ᭞ᬫᬓᬧᬢ᭄ᬧᬢ᭄ᬧᬥᬳᬶᬗᬸᬄ᭞ᬧᭂᬮᬸᬄᬧᬶᬤᬶᬢ᭄ᬧᬢᬸᬭᬩ᭄ᬬᬲ᭄᭞ᬬᬫᬦᬸᬮᬶᬲ᭄᭞ᬥᬢᬓᬾᬲ᭄ᬓᬾᬲ᭄‌‌ᬢ᭄ᬯᬭᬢᬯᬂ᭟᭜᭟ᬧ᭄ᬤᬶ ᬳᬾᬳᬗ᭄ᬕᭀᬦ᭄ᬜᬭᬸᬯᬂ᭞ᬥᬢᬥᬢᬚᬭᬲᬦᬶᬦ᭄᭞ᬦᬾᬢ᭄ᬯᬭᬳᬤᬵᬢᬓᭀᬦᬂ᭞ᬥᬢᬭᬸᬗᬸᬳᬦᬓ᭄ᬩᬸᬤᬸᬄ᭞ᬤᬾᬲᭂᬗ᭄ᬕᬸᬧᬗᬶᬳᬗᬸᬘᬧ᭄᭞ᬓᬤᬾᬦ᭄ᬭᬶᬭᬶᬄ᭞ᬫᬲᭂᬄᬓ᭄ᬦ ᬩᬩᭀᬬᭀᬗᬦ᭄᭟᭜᭟ᬳᬦᬓ᭄‌‌ᬲᬚᬘᬮᬸᬮᬸᬓᬦ᭄᭞ᬓᬤᬾᬦ᭄‌‌ᬩ᭄ᬮᭀᬕ᭄‌‌ᬬᬵᬢ᭄ᬯᬄᬭᬶᬭᬶᬄ᭞ᬧᬸᬢᬸᬲ᭄ᬤᬬᬦᬾᬢᬯᬗᬵ᭞ᬬᬾᬦ᭄ᬳᭂᬦᭂᬫᬶᬦ᭄ᬲᬬᬦ᭄ᬢᬸᬫ᭄ᬩᬸᬄ ᬅᬯᬓᬾᬩ᭄ᬮᭀᬕᬦ᭄ᬤᬬ᭞ᬥᬢᬕᬸᬮᬶᬓ᭄᭞ᬫᬦᬯᬂᬢᬶᬸᬘᬭᬂᬘᬭᬗ᭟᭜᭟ᬘᬳᬶᬩᬸᬗ᭄ᬓᭂᬮᬶᬂᬫᬸᬮᬶᬄᬓ᭄ᬫ᭞ᬳ᭄ᬮᬾᬦᬦ᭄ᬮᬓᬸᬫᬮᬮᬶ᭞ᬥᭂᬧᬂᬫ

Auto-transliteration

[9 9B] 9 patūtan \\•\\ sĕnggunepadhahangucap, nedinipadhatakonin, nānghingsa'uniningśāstrā, twarabañabiṣakengguḥ, uliḥcrikkutunśāstra, bulakbali k, subābaṣabwinbaṣayang \\•\\ hibungkĕlingrarishangucap, twaḥpātūtbānjroneririḥ, panmulāmagamaketo, tiyangetwaḥjurupacul, twaramatranawangsāstra, jroneririḥ, icceñjātiyangśāstradadwa \\•\\ indayangkudatulisang, muñinhanginenetarik, muñinkdissawanhu jan, nunaspacahapangpupuḥ, hisĕngguyakawĕwĕgan, salingtari, kingĕḥkingĕḥmakapatpat \\•\\ hapakehanggonśāstranña, makĕjang [10 10A] 10 tongmangĕñakin, muñikoloksalaḥtidong, makapatpatpadhahinguḥ, pĕluḥpiditpaturabyas, yamanulis, dhatakeskestwaratawang \\•\\ pdi hehanggonñaruwang, dhatadhatajarasanin, netwarahadātakonang, dhatarunguhanakbuduḥ, desĕnggupangihangucap, kadenririḥ, masĕḥkna baboyongan \\•\\ hanaksajacalulukan, kadenblogyātwaḥririḥ, putusdayanetawangā, yenhĕnĕminsayantumbuḥ awakeblogandaya, dhatagulik, manawangt̶carangcaranga \\•\\ cahibungkĕlingmuliḥkma, hlenanlakumalali, dhĕpangma

Leaf 10

Image on Archive.org

[᭑᭐ 10B] ᭑᭐ ᬫᬦ᭄‌‌ᬜᬸᬗ᭄ᬓᭂᬮᬶᬢ᭄ᬫᬳᭀᬂ᭞ᬫᬗ᭄ᬤᭀᬄᬫᬫᬦ᭄ᬧᬘᬂᬜᬶᬗ᭄ᬓᬸᬭ᭄᭞ᬧᬾᬮᬾᬢ᭄ᬲᬫ᭄ᬧᬶᬃᬓᬓᬥᭀᬯᬂ᭞ᬬᬇᬩᬸᬗ᭄ᬓᭂᬮᬶᬂ᭞ᬜᭂᬍᬲᭂᬄᬮᬯᬸᬢ᭄ᬧᭂᬲᬸᬯᬦ᭄᭟᭜᭟ᬲᬢᭂ ᬓᭂᬤᬾᬳ᭄ᬬᬤᬶᬚᬮᬦ᭄᭞ᬳᬶᬩᬸᬗ᭄ᬓᭂᬮᬶᬂᬳ᭄ᬬᬢ᭄ᬯᬭᬫᬸᬮᬶᬄ᭟ᬧᬚᬮᬦᬾᬲᬤᬵᬗᬩᬕ᭄᭞ᬗᬮᬦ᭄ᬢᬲ᭄ᬗᬚᬦᬂᬦᬸᬚᬸ᭞ᬓᬕ᭄ᬭᬶᬬᬦ᭄ᬳᬶᬤᬵᬯᬬᬦ᭄᭞ᬓᬲᬸᬩ᭄‌‌ᬭᬶᬭᬶᬄ ᬳᬶᬩᬸᬗ᭄ᬓᭂᬮᬶᬂᬦᬸᬚᬸᬗᬚ᭄ᬭᭀᬯᬂ᭟᭜᭟ᬳᬶᬤᬵᬯᬬᬦ᭄‌ᬲ᭄ᬤᭂᬓ᭄‌ᬜᬸᬭᬢ᭄᭞ᬳᬶᬩᬸᬗ᭄ᬓᭂᬮᬶᬂᬳ᭄ᬬᬓᬘᬶᬗᬓᬶᬦ᭄᭞ᬫᬜᬭᬸᬬᬸᬂᬧᬢᬶᬕᬩᬕ᭄᭞ᬳᬶᬤᬵᬯᬬ ᬦ᭄ᬢᬸᬭᬸᬦ᭄ᬜᬳᬸᬧ᭄᭞ᬜᭂᬫᬓ᭄ᬮᬶᬫᬫᬦᬦ᭄ᬤᬦᬂ᭞ᬘᬳᬶᬩᬸᬗ᭄ᬓᭂᬮᬶᬂ᭞ᬗᬸᬤᬵᬓᬾᬦᬾᬓᬧᬮᬶᬗᬦ᭄᭟᭜᭟ᬳᬶᬩᬸᬗ᭄ᬓᭂᬮᬶᬂᬫᬦᬸᬦᬲ᭄ᬳᬶᬘᬵ᭞ᬳᬶᬤᬵᬢᬶ [᭑᭑ 11A] ᭑᭑ ᬢ᭄ᬬᬂᬫᬵᬢᬹᬃᬲᬶᬲᬶᬧ᭄᭞ᬫᬢᬦ᭄ᬢᬶᬢ᭄ᬬᬗᬾᬲᬧᬸᬢᬦ᭄᭞ᬩᬮᬾᬳᭂᬦᭀᬢ᭄ᬢᬶᬢ᭄ᬬᬂᬲᬭᬸ᭞ᬳᬶᬤᬵᬯᬬᬦ᭄ᬗᬦ᭄ᬤᬶᬓᬬᬂ᭞ᬦᬾᬳᬶᬯᬲᬶᬦ᭄᭞ᬩᬮᬾᬕ᭄ᬥᬾᬳᬜᬃᬗᭀᬤᬕ᭄᭟᭜᭟ ᬳᬶᬩᬸᬗ᭄ᬓᭂᬮᬶᬂᬫᬵᬢᬹᬃᬦᬸᬦᬲᬂ᭞ᬩᬮᬾᬦᬧᬶᬲᬧᬸᬦᬶᬓᬶ᭞ᬦᬶᬓᬶᬯᬢᭀᬦ᭄ᬓᭀᬳᬤᬜ᭞ᬦᬾᬩ᭄ᬢᬾᬦᬦ᭄ᬫᬤᬦ᭄ᬲᬸᬦ᭄ᬕᬸᬓ᭄᭞ᬢᬶᬫ᭄ᬧᬮ᭄ᬦᬶᬓᬵᬢᬯᬂᬢᬶᬢ᭄ᬬᬂ᭞ᬮᬶᬓᬄᬮᬳᬶ ᬢ᭄᭞ᬲᬓᬵᬮᬫ᭄ᬩᬂᬫᬶᬯᬄᬭᬳᬩ᭄᭟᭜᭟ᬲᬫᬶᬧᬥᬢᬯᬂᬢᬶᬢ᭄ᬬᬂ᭞ᬓᬾᬦ᭄ᬫᬤᬦ᭄ᬩᬮᬾᬦᬾᬯ᭄ᬬᬓ᭄ᬢᬶ᭞ᬦ᭄ᬤᬶᬓᬳᬶᬦ᭄ᬚᬵᬓᬸᬤᬢᬶᬢ᭄ᬬᬂ᭞ᬧᬂᬤᬵᬢᬶᬢ᭄ᬬᬂᬲᬮᬄᬲᬸᬭᬸ ᬧ᭄᭞ᬳᬶᬤᬵᬯᬬᬦ᭄ᬫᬗ᭄ᬓᬶᬦ᭄ᬓᭀᬘᬧ᭄᭞ᬯ᭄ᬢᬸᬭᬸᬦ᭄ᬓᬶᬓ᭄᭞ᬤᬸᬄᬓᬫᬓᬢᬓᬢᬭᬦ᭄᭟᭜᭟ᬳᬶᬩᬸᬗ᭄ᬓᭂᬮᬶᬂᬫᬵᬢᬹᬃᬤᬫ᭄ᬧᬸᬭ᭞ᬲᬫ᭄ᬧᬸᬦ᭄‌‌ᬤᬸᬄᬓᬢᬶᬢ᭄ᬬᬂᬲᬶ

Auto-transliteration

[10 10B] 10 manñungkĕlitmahong, mangdoḥmamanpacangñingkur, peletsampir̀kakadhowang, ya'ibungkĕling, ñĕl̥ĕsĕḥlawutpĕsuwan \\•\\ satĕ kĕdehyadijalan, hibungkĕlinghyatwaramuliḥ. pajalanesadāngabag, ngalantasngajanangnuju, kagriyanhidāwayan, kasubririḥ hibungkĕlingnujungajrowang \\•\\ hidāwayansdĕkñurat, hibungkĕlinghyakacingakin, mañaruyungpatigabag, hidāwaya nturunñahup, ñĕmaklimamanandanang, cahibungkĕling, ngudākenekapalingan \\•\\ hibungkĕlingmanunashicā, hidāti [11 11A] 11 tyangmātūr̀sisip, matantityangesaputan, balehĕnottityangsaru, hidāwayanngandikayang, nehiwasin, balegdhehañar̀ngodag \\•\\ hibungkĕlingmātūr̀nunasang, balenapisapuniki, nikiwatonkohadaña, nebtenanmadansun'guk, timpalnikātawangtityang, likaḥlahi t, sakālambangmiwaḥrahab \\•\\ samipadhatawangtityang, kenmadanbalenewyakti, ndikahinjākudatityang, pangdātityangsalaḥsuru p, hidāwayanmangkinkocap, wturunkik, duḥkamakatakataran \\•\\ hibungkĕlingmātūr̀dampura, sampunduḥkatityangsi

Leaf 11

Image on Archive.org

[᭑᭑ 11B] ᭑᭑ ᬲᬶᬧ᭄᭞ᬓ᭄ᬭᬡᬢᬶᬢ᭄ᬬᬂᬲᬧᬸᬦᬶᬓᬵ᭞ᬚᬸᬫᬄᬢᬶᬢ᭄ᬬᬂᬯᬾᬦ᭄ᬢᭂᬦ᭄ᬧᬗ᭄ᬕᬸᬄ᭞ᬮᭀᬦ᭄ᬢᬃᬯᬬᬄᬫᬘᬓᭂᬧᬦ᭄᭞ᬓᭀᬘᬧ᭄‌ᬍᬯᬶᬄ᭞ᬬᭀᬕ᭄ᬬᬳᬶᬤᬵᬫᬦ᭄ᬭᬸᬯᬾᬦᬂ᭟᭜᭟ᬦᬾᬫᬸᬗ᭄ᬕᬸᬄ ᬒᬁᬗ᭄ᬓᬭᬫᬹᬮ᭄ᬬ᭞ᬜᬸᬳᬸᬦ᭄ᬫᬡᬶᬓ᭄ᬢᬶᬕᬂᬲᬶᬓᬶ᭞ᬢᬶᬢ᭄ᬬᬂᬢ᭄ᬯᬭᬧ᭄ᬤᬲ᭄ᬦᬯᬂ᭞ᬓᭀᬘᬧ᭄ᬧᬤᬕᬶᬂᬜᬮ᭄ᬬᬸ᭞ᬓ᭄ᬦᬶᬬᬂᬢᬶᬢ᭄ᬬᬂᬭᬶᬂᬲᬗ᭄ᬕᬄ᭞ᬦᬯᬶᬩ᭄ᬘᬶᬓ᭄᭞ᬢᬶᬢ᭄ᬬᬂᬗᬶ ᬭᬶᬂᬫᬗᬢᬸᬭᬂ᭟᭜᭟ᬤᬤᬶᬧᬹᬃᬡ᭄ᬦᬳᬶᬤᬵᬯᬬᬦ᭄᭞ᬩᬬᬓᬾᬢᭀᬘᬳᬶᬩᬸᬗ᭄ᬓᭂᬮᬶᬂ᭞ᬮᬫᬸᬦ᭄ᬲᬚᬫᬳᬶᬳᬩᬵ᭞ᬤᬶᬧ᭄ᬮᬚᬳᬶᬦ᭄ᬫᬮᬸ᭞ᬯᬓᬾᬫᬗᭀᬭᬳᬶᬦ᭄ᬳᬶᬩᬵ᭞ᬧᬂᬤᬵ ᬲᬶᬲᬶᬧ᭄᭞ᬲᬶᬂᬢᬓᭀᬦᬂᬤᬶᬦᬶᬳᬤᬵ᭟᭜᭟ᬇᬗ᭄ᬕᬶᬄᬬᬦᬶᬂᬲᬧᬸᬦᬶᬓᬵ᭞ᬢᬶᬢ᭄ᬬᬂᬕ᭄ᬮᬶᬲ᭄ᬫᬓ᭄ᬢᬫ᭄ᬭᬶᬓᬶ᭞ᬳᬶᬭᬢᬸᬳᬧᬂᬧᬲᬚᬵ᭞ᬢᬶᬢ᭄ᬬᬂᬢ᭄ᬯᬭᬢᬸᬮᬓ᭄ᬳᬢᬹᬭ᭄᭞ᬢᬶ [᭑᭒ 12A] ᭑᭒ ᬢ᭄ᬬᬂᬗᬶᬭᬶᬂᬫᬫᬫᬧ᭄ᬤᬓᬦ᭄᭞ᬲᬸᬓᬾᬦ᭄ᬢᬶᬢᬶ᭞ᬢᬶᬢ᭄ᬬᬂᬦᬸᬳᬸᬢ᭄ᬧᬂᬤᬵᬳᬶᬯᬂ᭟᭜᭟ᬳᬢᬹᬃᬢᬶᬢ᭄ᬬᬂᬢᬢ᭄ᬯᬶᬬᬦ᭄᭞ᬲᬫ᭄ᬧᬸᬦ᭄‌ᬤᬸᬄᬓᬦᬯᬶᬲᬶᬲᬶᬧ᭄᭞ᬳᬶᬤᬵᬯᬬᬦ᭄ᬲᬯᬂᬗᬾᬦ ᬓ᭄᭞ᬯᬓᬾᬢᬸᬲᬶᬂᬤ᭄ᬫᭂᬦ᭄ᬫᬯᬸᬓ᭄᭞ᬦᬾᬢ᭄ᬯᬭᬳᬳᬤᬬᬂ᭞ᬯᬓᬾᬚᬢᬶ᭞ᬲᬸᬩᬵᬗᬗ᭄ᬕᭀᬥᬃᬫ᭄ᬫᬰᬵᬲ᭄ᬢ᭄ᬭ᭟᭜᭟ᬧᬸᬦᬶᬓᬭᬢᬸᬳᬶᬦ᭄ᬤᬬᬂ᭞ᬮᬯᬢᬂᬳᬓᬶᬤᬶᬓ᭄ᬓᬶ ᬤᬶᬓ᭄᭞ᬲᬵᬲ᭄ᬢ᭄ᬭᬦᬾᬦᬾᬗᬗ᭄ᬕᭀᬥᬃᬫ᭄ᬫ᭞ᬲᬧᬲᬶᬭᬳᬤᬦᬶᬧᬸᬦ᭄᭞ᬲᬶᬭᬤᬾᬯᬦᬾᬫᬗ᭄ᬭᬓ᭄ᬱ᭞ᬲᬯᬸᬃᬕ᭄ᬮᬶᬲ᭄᭞ᬳᬶᬤᬵᬯᬬᬦ᭄ᬫᬶᬥᬃᬣᬬᬂ᭟᭜᭟ᬰᬵᬲ᭄ᬢ᭄ᬭᬦᬾᬫᬗᬗ᭄ᬕᭀ ᬤᬃᬫ᭄ᬫ᭞ᬅᬢ᭄ᬫᬦᬾᬫᬗ᭄ᬭᬓ᭄ᬱᬲᬳᬶ᭞ᬦᬾᬫᬗ᭄ᬭᬓ᭄ᬱᬲᬵᬭᬰ᭄ᬯᬢ᭄ᬬ᭞ᬫᬦᭀᬗᭀᬲ᭄ᬤᬶᬮᬶᬤᬄᬳᬶᬓᬸ᭞ᬳᬶᬩᬸᬗ᭄ᬓᭂᬮᬶᬂᬳ᭄ᬬᬫᬜᭂᬓᭂᬦᬂ᭞ᬓᬤᬶᬦᬧᬶ᭞ᬯᬃᬡ᭄ᬦᬦ᭄ᬳᬶᬤᬵᬲᬵ

Auto-transliteration

[11 11B] 11 sip, kraṇatityangsapunikā, jumaḥtityangwentĕnpangguḥ, lontar̀wayaḥmacakĕpan, kocapl̥ĕwiḥ, yogyahidāmanruwenang \\•\\ nemungguḥ oṁngkaramūlya, ñuhunmaṇiktigangsiki, tityangtwarapdasnawang, kocappadagingñalyu, kniyangtityangringsanggaḥ, nawibcik, tityangngi ringmangaturang \\•\\ dadipūr̀ṇnahidāwayan, bayaketocahibungkĕling, lamunsajamahihabā, diplajahinmalu, wakemangorahinhibā, pangdā sisip, singtakonangdinihadā \\•\\ inggiḥyaningsapunikā, tityangglismaktamriki, hiratuhapangpasajā, tityangtwaratulak'hatūr, ti [12 12A] 12 tyangngiringmamamapdakan, sukentiti, tityangnuhutpangdāhiwang \\•\\ hatūr̀tityangtatwiyan, sampunduḥkanawisisip, hidāwayansawangngena k, waketusingdmĕnmawuk, netwarahahadayang, wakejati, subānganggodhar̀mmaśāstra \\•\\ punikaratuhindayang, lawatanghakidikki dik, sāstranenenganggodhar̀mma, sapasirahadanipun, siradewanemangrakṣa, sawur̀glis, hidāwayanmidhar̀thayang \\•\\ śāstranemanganggo dar̀mma, atmanemangrakṣasahi, nemangrakṣasāraśwatya, manongosdilidaḥhiku, hibungkĕlinghyamañĕkĕnang, kadinapi, war̀ṇnanhidāsā

Leaf 12

Image on Archive.org

[᭑᭒ 12B] ᭑᭒ ᬭᬲ᭄ᬯᬢ᭄ᬬᬵ᭟᭜᭟ᬳᬾᬤᬾᬗᬂᬧᬂᬳ᭄ᬦᭀᬢ᭄ᬢᬶᬢ᭄ᬬᬂ᭞ᬳᬶᬤᬵᬯᬬᬦ᭄ᬫᬜᬯᬸᬭᬶᬦ᭄᭞ᬢᬸᬲᬶᬂᬳ᭄ᬦᭀᬢ᭄ᬳᬦᬾᬓᬾᬢᭀ᭞ᬓᬾᬯᬮᬓ᭄ᬦᬵᬩᬵᬦ᭄ᬗᬶᬢᬸᬂ᭞ᬳᭂᬦ᭄ᬢᭀᬲᬸᬩᬵᬫᬤᬦ᭄ᬩᬶᬱᬵ᭞ ᬢᬶᬢ᭄ᬬᬂᬗᬶᬭᬶᬂ᭞ᬮᬫᬸᬦ᭄ᬓᬾᬦ᭄ᬢᭀᬦᬾᬦᬾᬩᬶᬱ᭟᭜᭟ᬕᬫ᭄ᬧᬂᬓᭀᬩᬦ᭄ᬢ᭄ᬬᬂᬩᬶᬱ᭞ᬫᬗᭀᬭᬳᬂᬳᬳᬦᬾᬢᬸᬲᬶᬂ᭞ᬚᬸᬫᬄᬢᬶᬢ᭄ᬬᬂᬯᬾᬦ᭄ᬢᭂᬦ᭄ᬳᬬᬫ᭄᭞ᬫᬓᬫ᭄ᬧᬶᬤ᭄‌ᬲᬮ ᬓᬗᭂᬫ᭄ᬧᬸᬃ᭞ᬲᬸᬓ᭄ᬱᬸᬓ᭄ᬳᭂᬫᬵᬲ᭄ᬚᬗ᭄ᬕᬃᬫᬶᬭᬄ᭞ᬲᬓᬶᬂᬚᬢᬶ᭞ᬅᬗ᭄ᬳᬶᬂᬢᭀᬂᬤᬤᬶᬳᬾᬤᬾᬗᬂ᭟ᬪᬝᬭᬦᬾᬢᬯᬂᬢᬶᬢ᭄ᬬᬂ᭞ᬓᬵᬮᬦᬾᬬᬢᬶᬢ᭄ᬬᬂᬳᬸᬦᬶᬂ᭞ᬦᬵᬗ᭄ᬳᬶᬂᬳᬦ᭄ᬢᬸᬓ᭄ᬧᬯᬶᬮᬗ ᬦ᭄᭞ᬢᬶᬢ᭄ᬬᬂᬚᬢᬶᬫ᭄ᬭᬶᬓᬶᬭᬯᬸᬄ᭞ᬗᬢᬸᬭᬂᬳ᭄ᬫᬵᬲ᭄ᬳᬩᭀᬤᬕ᭄᭞ᬲᬸᬩᬧᬲ᭄ᬢᬶ᭞ᬦᬵᬗ᭄ᬳᬶᬂᬳᬦ᭄ᬢᬸᬓ᭄ᬧᬳᬶᬢᬸᬗᬦ᭄᭟ᬢᬶᬢ᭄ᬬᬂᬢᬫ᭄ᬩᭂᬢ᭄ᬗᬭᬱᬬᬂ᭞ᬧᬘᬂᬦᬧᬶᬗᬶᬢᬸᬂᬭᬶᬭᬶᬄ᭞ᬅᬫᬸ [᭑᭓ 13A] ᭑᭓ ᬦ᭄ᬳᬶᬤᬢ᭄ᬯᬭᬧ᭄ᬤᬲ᭄᭞ᬧᬗᬜ᭄ᬘᬶᬗᬾᬫᬸᬗ᭄ᬕ᭄ᬯᬶᬂᬓᬬᬸᬦ᭄᭞ᬫᬗᬶᬢᬸᬂᬩ᭄ᬬᬲ᭄ᬤᬶᬲᬕᬭ᭞ᬬᬦ᭄ᬳᬸᬧᬫᬶ᭞ᬧᬮᬶᬂᬗᬸᬮᬸᬓ᭄ᬳᬸᬮᬸᬓ᭄ᬭᬕ᭟ᬩ᭄ᬯᬶᬦ᭄ᬧᬶᬤᬦ᭄ᬫᬤᬵᬦ᭄ᬪᬶᬱ᭞ᬧᬶᬂᬧᬶᬢᬸᬫᬢᬶᬢᭀᬂᬭᬶ ᬭᬶᬄ᭞ᬧᭀᬂᬧᭀᬂᬕᬸᬫᬶᬦᬾᬦᬸᬳᬸᬦᬂ᭞ᬩᬶᬦ᭄ᬧᬶᬤᬦ᭄ᬫᬾᬢᬾᬮ᭄ᬫᬦᬸᬫᬸᬲ᭄᭞ᬤ᭄ᬧᬂᬩᬸᬯᬸᬂᬓᬸᬤᬩᬶᬱ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬋᬂᬩ᭄ᬮᭀᬕ᭄ᬓᬧᬸᬗ᭄ᬕᬸᬗᬦ᭄᭟ᬳᬗ᭄ᬕᬾᬦ᭄ᬫᬦᬸᬗ᭄ᬓᬸᬮᬂᬭ ᬕ᭞ᬓᬶᬤᬸᬂᬓᬓᬯᬶᬦᬾᬲᬦ᭄ᬤᬶᬂ᭞ᬓᬺᬢᬕᬫᬦᬾᬚ᭄ᬯᬧᬘ᭞ᬫᬶᬦ᭄ᬤᬄᬓᬸᬤᬗᬸᬮᬶᬓ᭄ᬢᬸᬢᬸᬃ᭞ᬳᬓᬾᬄᬫᬗᬤᭀᬯᬂᬭᬕ᭞ᬫ᭄ᬭᬸᬓ᭄ᬢᬓᬶᬮ᭄᭞ᬅᬗ᭄ᬓᬂᬢᭀᬂᬳᬤᬳᬶᬲᬶᬜ᭟ᬬ ᬦᬶᬂᬢᬶᬢ᭄ᬬᬂᬗᬫᬃᬡ᭄ᬦᬬᬂ᭞ᬢᬦ᭄ᬧᬕᬯᬾ᭞ᬦᬳᬓ᭄ᬢᬶ᭞ᬫᬓ᭄ᬚᬂᬗᬮᬾᬦᬶᬦ᭄ᬭᬯᭀᬲ᭄᭞ᬮᬾᬦᬶᬦ᭄ᬭᬸᬧᬳᬤᬦ᭄ᬳᬶᬧᬸᬦ᭄᭞ᬳ᭄ᬮᬾᬦ᭄‌ᬳ᭄ᬮᬾᬦ᭄‌ᬩᬦ᭄ᬗᬫ᭄ᬩᬳᬂ᭞ᬬᬦ᭄ᬧᭂᬢᬾᬓᬶᬦ᭄᭞

Auto-transliteration

[12 12B] 12 raswatyā \\•\\ hedengangpanghnottityang, hidāwayanmañawurin, tusinghnot'haneketo, kewalaknābānngitung, hĕntosubāmadanbisyā, tityangngiring, lamunkentonenebiṣa \\•\\ gampangkobantyangbiṣa, mangorahanghahanetusing, jumaḥtityangwentĕnhayam, makampidsala kangĕmpur̀, suksyuk'hĕmāsjanggar̀miraḥ, sakingjati, anghingtongdadihedengang. bhaṭaranetawangtityang, kālaneyatityanghuning, nānghinghantukpawilanga n, tityangjatimrikirawuḥ, ngaturanghmāshabodag, subapasti, nānghinghantukpahitungan. tityangtambĕtngaraṣayang, pacangnapingitungririḥ, amu [13 13A] 13 nhidatwarapdas, pangañcingemunggwingkayun, mangitungbyasdisagara, yanhupami, palingnguluk'hulukraga. bwinpidanmadānbhiṣa, pingpitumatitongri riḥ, pongpongguminenuhunang, binpidanmetelmanumus, dpangbuwungkudabiṣa, tityangngiring, sar̥ĕngblogkapunggungan. hanggenmanungkulangra ga, kidungkakawinesanding, kr̥ĕtagamanejwapaca, mindaḥkudanguliktutur̀, hakeḥmangadowangraga, mruktakil, angkangtonghadahisiña. ya ningtityangngamar̀ṇnayang, tanpagawe, nahakti, makjangngaleninrawos, leninrupahadanhipun, hlenhlenbanngambahang, yanpĕtekin,

Leaf 13

Image on Archive.org

[᭑᭓ 13B] ᭑᭓ ᬭᬱᬢᭀᬂᬓ᭄ᬦᬩᬦ᭄ᬜᬘᬓ᭄᭟ᬢᬸᬬᬸᬄᬧᬮᬶᬂᬢ᭄ᬯᬭᬓᬭ᭄ᬯᬦ᭄᭞ᬳᭀᬜᬬᬫᬩᬸᬮᬓ᭄ᬩᬮᬶᬓ᭄᭞ᬢ᭄ᬯᬭᬢᬯᬂᬧᬸᬢᬸᬲ᭄ᬤᬬ᭞ᬫᬲᬶᬄᬢᬸᬮᬸᬲ᭄ᬧᬢᬶᬳᭂᬦ᭄ᬢᬸᬮ᭄᭞ᬧᬦᬸᬗ᭄ᬕᬮᬦ᭄ᬭᬲᬲᬸ ᬓ᭄ᬮ᭞ᬢ᭄ᬯᬄᬳᬩ᭄ᬲᬶᬓ᭄᭞ᬳᬶᬫ᭄ᬩᬜᬢᬶᬢ᭄ᬬᬂᬗᬢᬸᬭᬂ᭟ᬚᬢᬶᬦ᭄ᬬᬦᭀᬗᭀᬲ᭄ᬤᬶᬰᬩ᭄ᬤ᭞ᬫᬸᬜᬶᬦᬾᬫᬯᬓ᭄ᬳᬩ᭄ᬲᬶᬓ᭄᭞ᬫᬍᬕᬾᬦ᭄ᬤᬄᬩᬦ᭄ᬫᬲ᭄ᬯᬂ᭞ᬗᬸᬤᬢᭀᬦᬾᬳ ᬮᬶᬄᬭᬸᬭᬸᬄ᭞ᬧ᭄ᬤᬲ᭄‌ᬧ᭄ᬤᬲᬂᬫᬘᬶᬗᬓ᭄᭞ᬧ᭄ᬮᬚᬳᬶᬦ᭄᭞ᬳᬶᬤᬯᬬᬦ᭄‌ᬓᬧ᭄ᬦᭂᬤᬦ᭄᭟ᬓ᭄ᬭᬲᬬᬂᬬᬢ᭄ᬯᬄᬲᬚ᭞ᬳᬯᬓ᭄ᬩᭂᬮᭀᬕ᭄ᬦᬳᭂᬦ᭄ᬭᬶᬭᬶᬄ᭞ᬗᬸᬕᭀᬦᬶᬦ᭄ᬓᬦ᭄ᬤᬘᬄᬘᬳᬦ᭄᭞ᬤ ᬤᬶᬩᬶᬗᬸᬂᬧᬢᬶᬳᭂᬦ᭄ᬢᬸᬮ᭄᭞ᬗᭂᬦ᭄ᬤᬶᬓᬬᬧᬧᬢᬹᬢᬦ᭄᭞ᬓ᭄ᬢᬸᬢ᭄ᬩᬸᬗ᭄ᬓᭂᬮᬶᬂ᭞ᬳ᭄ᬜᬾᬦ᭄ᬢᬩᬧᬦᬾᬲᬚ᭟ᬫᬶᬭᬶᬩ᭄ᬤᭀᬂᬯᬂᬯᬗ᭄ᬰᬲᬸᬤᬺ᭞ᬲᬯᬗᬾᬩᬸᬓᬵᬦᬓ᭄‌ᬍᬯᬶᬄ᭞ᬉᬮ [᭑᭔ 14A] ᭑᭔ ᬢ᭄ᬩᭂᬮᭀᬕ᭄ᬤᬤᬶᬩᬶᬱ᭞ᬤᬬᬦᬾᬳᬓᬶᬓᬶᬢ᭄‌ᬮ᭄ᬬᬸ᭞ᬢ᭄ᬯᬄᬘᬳᬶᬳᬦᬓ᭄ᬫᬾᬦᬓ᭄᭞ᬯᬗ᭄ᬰᬮᬸᬯᬶᬄ᭞ᬳᭀᬭᬳᬶᬦ᭄ᬩᬧᬧᬂᬢᬢᬲ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬗᬸᬦᬶᬗ᭄ᬳᬬᬂ᭞ᬦᬯᬶᬳᬶᬯᬂᬲᬵ ᬫ᭄ᬧᬸᬦ᭄ᬭᬸᬦ᭄ᬢᬶᬓ᭄᭞ᬢᬶᬢ᭄ᬬᬂᬫᬗᬢᬸᬭᬂᬳᭀᬃᬢ᭄ᬣ᭞ᬯᬾᬦ᭄ᬢᭂᬦ᭄ᬋᬓᬾᬳ᭄ᬬᬂᬳ᭄ᬬᬂᬯᬶᬱ᭄ᬡᬸ᭞ᬫᬘᬗ᭄ᬓ᭄ᬭᬫᬫᬭᬶᬗ᭄ᬳᬮᬲ᭄᭞ᬏᬮᬶᬂᬭᬱ᭄ᬫᬶᬦ᭄᭞ᬯ᭄ᬢᬸᬓᬫᬢᬶᬦᬓᬶᬮᬦ᭄᭟ᬤᬤᬶᬍᬓᬤ᭄ᬜᬦᬾᬢᬶᬢ᭄ᬬᬂ ᬳᬶᬢᬶᬕᬭᭀᬦ᭄ᬫᬧᬗ᭄ᬕᬶᬳᬶᬦ᭄᭞ᬭᬭᬶᬲ᭄ᬓᬤᬸᬤᬸᬓ᭄ᬬᬓᭀᬘᬧ᭄᭞ᬓᬧᬸᬧᬸᬲᭂᬦ᭄ᬢᬦᬗ᭄ᬬᬸᬂ᭞ᬳᬶᬤᭂᬄᬳᬶᬤᭂᬄᬢᬶᬢ᭄ᬬᬂᬗᬸᬫ᭄ᬩᬂ᭞ᬭᬯᬸᬄᬫ᭄ᬭᬶᬓᬶ᭞ᬫᬳᬢᬸᬃᬫᬓᬓ᭄ᬭᬘᬸᬓᬦ᭄᭟ᬳᬶᬤᬯᬬᬦ ᬦ᭄ᬫᬦᬗ᭄ᬲᭂᬓᬂ᭞ᬗᬸᬲᬧ᭄ᬳᬸᬲᬧ᭄‌ᬗᬦ᭄ᬤᬶᬓᬵᬭᬶᬲ᭄᭞ᬤᬾᬯᬅᬢ᭄ᬫᬚᬶᬯᬦᬶᬂᬗ᭄ᬯᬂ᭞ᬢ᭄ᬯᬄᬲᬚᬤᬾᬯᬫᬦᬸᬭᬸᬦ᭄᭞ᬬᬾᬦᬶᬂᬤᬾᬯᬯᬦ᭄ᬢᬄᬳᬶᬘ᭞ᬚᬮᬦ᭄ᬤᬶᬦᬶ᭞ᬚ᭄ᬦᭂᬓ᭄ᬦᭀᬗᭀᬲ᭄ᬚᬸᬫᬄ

Auto-transliteration

[13 13B] 13 raṣatongknabanñacak. tuyuḥpalingtwarakarwan, hoñayamabulakbalik, twaratawangputusdaya, masiḥtuluspatihĕntul, panunggalanrasasu kla, twaḥhabsik, himbañatityangngaturang. jatinyanongosdiśabda, muñinemawak'habsik, mal̥ĕgendaḥbanmaswang, ngudatoneha liḥruruḥ, pdaspdasangmacingak, plajahin, hidawayankapnĕdan. krasayangyatwaḥsaja, hawakbĕlognahĕnririḥ, ngugoninkandacaḥcahan, da dibingungpatihĕntul, ngĕndikayapapatūtan, ktutbungkĕling, hñentabapanesaja. miribdongwangwangśasudr̥ĕ, sawangebukānakl̥ĕwiḥ, ula [14 14A] 14 tbĕlogdadibiṣa, dayanehakikitlyu, twaḥcahihanakmenak, wangśaluwiḥ, horahinbapapangtatas. hinggiḥtityangnguninghayang, nawihiwangsā mpunruntik, tityangmangaturanghor̀ttha, wentĕnr̥ĕkehyanghyangwiṣṇu, macangkramamaringhalas, elingraṣmin, wtukamatinakilan. dadil̥ĕkadñanetityang hitigaronmapanggihin, rariskadudukyakocap, kapupusĕntanangyung, hidĕḥhidĕḥtityangngumbang, rawuḥmriki, mahatur̀makakracukan. hidawayana nmanangsĕkang, ngusap'husapngandikāris, dewa'atmajiwaningngwang, twaḥsajadewamanurun, yeningdewawantaḥhica, jalandini, jnĕknongosjumaḥ

Leaf 14

Image on Archive.org

[᭑᭔ 14B] ᭑᭔ ᬩᬧ᭟ᬓᬝᬄᬧᬗᬦ᭄ᬤᬶᬓᬦ᭄ᬳᬶᬤ᭞ᬗᬍᬫᭂᬲᬶᬦ᭄ᬲᬓᬶᬂᬳᬭᬶᬲ᭄᭞ᬳᬶᬩᬸᬗ᭄ᬓᭂᬮᬶᬂᬤᬤᬶᬗᬶᬭᬶᬗᬂ᭞ᬤᬶᬢᬸᬬᬓᬤᬸᬤᬸᬓ᭄ᬫᬦ᭄ᬢᬸ᭞ᬓᬲᬸᬓᬾᬦ᭄ᬬᬧᬸᬢ᭄ᬭᬦ᭄ᬳᬶᬤ᭞ᬳᬶᬲ᭄ᬢ᭄ᬭᬶᬮᬸᬯᬶᬄ᭞ ᬤᬬᬸᬰ᭄ᬭᬵᬬᬸᬫᬗᬭᬦ᭄᭟ᬢᬹᬃᬓᬲ᭄ᬭᬳᬶᬦ᭄ᬲᬃᬯ᭄ᬯᬩ᭄ᬭᬦ᭞ᬳᬧᬦ᭄ᬳᬶᬤᬫᬸᬮᬲᬸᬕᬶᬄ᭞ᬳᬶᬩᬸᬗ᭄ᬓᭂᬮᬶᬂᬓᬕᭂᬦ᭄ᬢᭀᬲ᭄ᬧᬭᬩ᭄᭞ᬫᬦ᭄ᬢ᭄ᬭᬶᬯᬦᬫᬗ᭄ᬓᬶᬦ᭄ᬫᬸᬗ᭄ᬕᬸᬄ᭞ᬅᬦᬸᬢ᭄ᬭᬸᬧᬓᬺᬢᬵ ᬤ᭄ᬡᬦ᭞ᬲᬸᬓ᭄ᬮᬩᬸᬤ᭄ᬟᬶ᭞ᬲᬸᬕᬶᬄᬯᬶᬃᬬ᭄ᬬᬥᬃᬫ᭄ᬫᬲᬚ᭟ᬳᬫᬸᬦᬶᬓᬢ᭄ᬮᬲ᭄ᬦᬶᬂᬓᬦ᭄ᬤ᭞ᬯᬶᬭᬾᬄᬢᬸᬦᬬᬦ᭄ᬧᬗᬯᬶ᭞ᬓᬾᬯᬦ᭄ᬢᭂᬦ᭄ᬫᬓᬧᬜᬸᬦ᭄ᬤᬃ᭞ᬗᬮᬗᬶᬦ᭄ᬳᬸᬘᬧᬾᬚᬸᬫ᭄ᬩᬸᬄ᭞ᬫᬸ ᬜᬶᬗᬯᬕ᭄ᬢᬦ᭄ᬧᬘᬶᬳ᭄ᬦ᭞ᬢᭀᬢᬗᬭᬶᬦ᭄᭞ᬰᬵᬲ᭄ᬢ᭄ᬭᬓᬮᬄᬩᬵᬦ᭄ᬲᬓᬵᬮ᭟᭜᭟ᬧᬸᬧᬸᬢ᭄ᬓᬲᬸᬭᬵᬢ᭄‌ᬭᬶᬂᬤᬶᬦᬵ᭞ᬘ᭞ᬧ᭞ᬫ᭄ᬦᬇᬮ᭄᭞ᬣᬶᬣᬶ᭞ᬢᬂ᭞ᬧᬶᬂ᭞ [᭑᭕ 15A] ᭑᭕ ᭞᭑᭕᭞ᬰᬰᬶᬄ᭞ᬓ᭞᭔᭞ᬭᬄ᭞ᬯᬶᬡ᭄ᬥᬸ᭞ᬢᭂᬗ᭄ᬕᭂᬓ᭄‌‌ᬢᬸᬗ᭄ᬕᬮ᭄᭞ᬇᬰᬓᬵ᭞᭑᭙᭑᭐᭞ᬯᬃᬱᬦᬶᬂᬮᭀᬓ᭞ᬢᬗ᭄ᬕᬮ᭄ᬚᬯᬶ᭞᭒᭖᭞ᬲᭂᬧ᭄ᬢᬾᬫ᭄ᬩᭂᬃ᭞᭑᭙᭘᭘᭞ᬤᬾᬲᬂᬗᬧᬸᬱ᭄ᬧᬢ᭞ ᬲᬶᬭᬵᬬ᭄ᬬᭀᬗ᭄ᬲᬸᬫᬦᭀᬳᬭ᭞ᬭᬶᬰᬶᬫᬦᬶᬂᬧ᭄ᬭᬰᬶᬳᬓᬸᬯᬸ᭞ᬮᭀᬭᬶᬂᬧᬦ᭄ᬚᬶᬕᭀᬭ᭟ᬓᬤᬾᬰᬳᬦ᭄‌ᬩᬸᬕ᭄ᬩᬸᬕ᭄᭞ᬘᬫ᭄ᬫᬢ᭄ᬮᬦ᭄ᬓᬪᬹᬧᬢᬾᬦ᭄‌ᬅᬫ᭄ᬮᬵᬧᬸᬭᬵ᭟᭚᭜᭚ ᬳᬶᬕᬸᬲ᭄ᬢᬶᬓ᭄ᬢᬸᬢ᭄‌ᬫᬺᬥᬸ᭟᭜᭟ᬮᭀᬦ᭄ᬢᬃᬤ᭄ᬭᬸᬯᬾᬧᬸᬭᬶᬕ᭄ᬥᬾᬓᬭᬫ᭄ᬩᬶᬢᬦ᭄᭞ᬓᬘᬫᬢᬦ᭄ᬓᬭᬫ᭄ᬩᬶᬢᬦ᭄᭞ᬓᬪᬹᬧᬢᬾᬦ᭄ᬢᬩᬦᬦ᭄᭚᭜᭚

Auto-transliteration

[14 14B] 14 bapa. kaṭaḥpangandikanhida, ngal̥ĕmĕsinsakingharis, hibungkĕlingdadingiringang, dituyakadudukmantu, kasukenyaputranhida, histriluwiḥ, dayuśrāyumangaran. tūr̀kasrahinsar̀wwabrana, hapanhidamulasugiḥ, hibungkĕlingkagĕntosparab, mantriwanamangkinmungguḥ, anutrupakr̥ĕtā dṇana, suklabudḍi, sugiḥwir̀yyadhar̀mmasaja. hamunikatlasningkanda, wireḥtunayanpangawi, kewantĕnmakapañundar̀, ngalanginhucapejumbuḥ, mu ñingawagtanpacihna, totangarin, śāstrakalaḥbānsakāla \\•\\ puputkasurātringdinā, ca, pa, mna'il, thithi, tang, ping, [15 15A] 15 15 śaśiḥ, ka 4 raḥ, wiṇdhu, tĕnggĕktunggal, iśakā 1910 war̀ṣaningloka, tanggaljawi 26 sĕptembĕr̀ 1988 desangngapuṣpata, sirāyyongsumanohara, riśimaningpraśihakuwu, loringpanjigora. kadeśahanbugbug, cammatlankabhūpatenamlāpurā. // • // higustiktutmr̥ĕdhu \\•\\ lontar̀druwepurigdhekarambitan, kacamatankarambitan, kabhūpatentabanan // • //

Leaf 15

Image on Archive.org

[᭑᭕ 15B] ᭑᭕

Auto-transliteration

[15 15B] 15

Leaf 16

Image on Archive.org