Gaguritan Bhimaniyu

Original on Archive.org

Front and Back Covers

Image on Archive.org

Nomor: 3/70/u Judul : Gaguritan Bhimaniyu Lampiran I-12 Ukuran: P.41 cm, L.3,5 cm [ ᭑ 1A] No:~ ᭚᭜᭚ ᬕᬕᬸᬭᬶᬢᬦ᭄‌ᬪᬶᬫᬦ᭄ᬬᬸ᭚᭜᭚ Lampiran 1-12

Auto-transliteration

Nomor: 3/70/u Judul : Gaguritan Bhimaniyu Lampiran I-12 Ukuran: P.41 cm, L.3,5 cm [ 1 1A] No:~ // • // gaguritanbhimanyu // • // Lampiran 1-12

Leaf 1

Image on Archive.org

[ ᭑ 1B] ᭑᭞᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛ᬇᬓᬶ᭞ᬗ᭞ᬕᬕᬸᬭᬶᬢᬦ᭄‌ᬪᬶᬫᬵᬦ᭄ᬬᬸ᭚᭜᭚ᬧᬸᬧᬸᬄᬤᭂᬫᬸᬂ᭚᭜᭚ᬭᬶᬂᬧᬰ᭄ᬭᬫᬦ᭄‌ᬬᬸᬬᬸᬧᬢᬶᬓᬧᬢᬦᬦ᭄᭞ᬧᬹᬃᬯᬂᬳᬯᬦ᭄‌ᬓ᭄ᬭᬫᬓᬶᬤᬸᬮ᭄᭞ᬧᬲᬶᬲᬸᬭᬂᬦᬶᬮᬶᬲ᭄᭞ᬗᬸᬦ᭄ᬢᬸᬮ᭄ᬓᬯᬶᬢ᭄ᬦ᭄ᬬᬗᬯᬾᬕᬸᬭᬶᬢ᭄᭞ᬓᬵᬮᬤᬶᬦᬯᬺᬳᬧᬢ᭄ᬬ᭞ᬢᬵᬭᬮᬗ᭄ᬓᬶᬃᬢᬗ᭄ᬕᬮ᭄‌ᬲᬢᬸ᭞ᬩᬸᬮᬦ᭄ᬫᬾ ᬳᬶᬢᬳᬸᬦ᭄ᬤᬾᬓ᭞ᬦᬵᬯᬲᬧ᭄ᬝᬧᬜ᭄ᬘᬫᭂᬢᬶᬓ᭄᭞ᬗᭂᬢᬸᬲ᭄ᬲᬢ᭄ᬯᬘᬘᬦ᭄ᬢᬸᬗᬦ᭄᭞ᬓᬮᬭᬦ᭄ᬲᬂᬪᬶᬫᬵᬦ᭄ᬬᬸ᭟ᬓᬮᬯᬦ᭄ᬲᬸᬩᬤ᭄ᬭᬤᬾᬯᬷ᭞ᬳᬶᬩᬸᬦ᭄ᬳᬶᬤ᭞ᬭᬶᬂᬤ᭄ᬬᬭᬯᬢᬶᬳᬸᬫᬸᬗ᭄ᬕᬸᬄ᭞ᬜᬶᬯᬶᬲᬂᬓᬺᬱ᭄ᬡᬧ᭄ᬭᬪᬸ᭞ᬤᬾᬦᬶᬂᬳᬶᬤᬲᬂᬓᬶᬭᬶᬢᬶ᭞ᬧᬜ᭄ᬘᬧᬵᬡ᭄ᬥᬯᬲᬫ᭄ᬬᬦ᭄᭞ᬫᬗ᭄ᬕᭂᬄᬬᬬᬄᬢᭂᬮᬲ᭄ᬭᬭᬸᬤ᭄᭞ᬫᬜᬸᬲᬸᬧ᭄ᬭᬶᬂᬕᬸᬦᬸᬂ ᬳᬮᬲ᭄᭞ᬭᭀᬭᬲ᭄ᬬᬃᬱᬭᬸᬜᬶᬮᬶᬩ᭄᭞ᬤᬾᬦᬶᬂᬓᬲᭀᬭᬦ᭄ᬳᬦᬶᬢ᭞ᬦᬾᬗᬯᬶᬦᬂᬦᬦ᭄ᬤᬂᬓᭂᬩᬸᬲ᭄᭟ᬓᬭᬢᭀᬦ᭄ᬮᬦ᭄ᬚᬕᬢ᭄ᬲᬫᬶ᭞ᬭᬵᬚᬯᬶᬪᬯ᭞ᬲᬃᬯᬫᬸᬮᬾᬢᭂᬮᬲ᭄ᬲᬫ᭄ᬧᬸᬦ᭄᭞ᬓᬯᬯᭂᬂᬲᬂᬓᬸᬭᬸᬦᬣ᭞ᬳᬫᬢ᭄ᬭᬮ᭄ᬢᬦ᭄ᬯᭂᬮᬲ᭄ᬳᬲᬶᬄ᭞ᬳᬲᬦᬓ᭄ᬮᬯᬦ᭄ᬧᬵᬡ᭄ᬤᬯ᭞ᬦᬾᬳᭀᬕ᭄ᬬᬧᬕᭂᬄᬫᬶᬓᬸᬓᬸᬄ᭞ᬩᬶ ᬦᬮᬶᬓ᭄ᬗᬯᬾᬩᬜ᭄ᬘᬦ᭞ᬲᬢᬢᬫᬗᭂᬯᬾᬢ᭄ᬧᬢᬶ᭞ᬤᬸᬃᬦᬶᬢᬶᬦᬾᬢᬦ᭄ᬧᬢᬦ᭄ᬤᬶᬗᬦ᭄᭞ᬯ᭄ᬫᭀᬳᬳᬸᬫᬤᭂᬕ᭄ᬳᬕᬸᬂ᭟ᬫᬶᬭᬶᬩ᭄ᬢᭀᬂᬳᬤᬤᬾᬯᬯᬶᬥᬶ᭞ᬳ᭄ᬬᬂᬇᬰ᭄ᬯᬭ᭞ᬲᬭᬰ᭄ᬯᬢᬷᬦᬾᬳᬦ᭄ᬤᬸᬮᬸ᭞ᬓᬂᬧᬰ᭄ᬘᬤ᭄ᬭᬶᬂᬳᬮᬳᬬᬸ᭞ᬲᬳᬫ᭄ᬩᭂᬓ᭄ᬲᬃᬯᬦᬺᬱ᭄ᬝᬶ᭞ᬦᬗ᭄ᬳᬶᬂᬤᬯᭂᬕ᭄ᬕᬸᬂᬳᬫ᭄ᬧᬸᬭ᭞ᬦᬾᬫᬗᬸᬭᬶᬢ᭄ᬳᬶᬤᬚᬸᬕᬸᬮ᭄᭞ [ ᭒ 2A] ᬢᬸᬳᬸᬢᬸᬯᬄᬫᬜᬩᬢᬄ᭞ᬢᬦ᭄ᬧᬓᬤᬂᬰᬵᬲ᭄ᬢ᭄ᬭᬅᬚᬶ᭞ᬫᭀᬕᬢᬦ᭄ᬓᭂᬦᬾᬂᬓᬸᬢᬶᬮ᭞ᬧᬗ᭄ᬓᬄᬗᬯᬶᬢᬦ᭄ᬧᬳᬸᬦ᭄ᬤᬸᬓ᭄᭚᭜᭚ᬧᬸᬧᬸᬄᬲᬶᬦᭀᬫ᭄᭚᭜᭚ᬮᭀᬩᬦ᭄ᬫᬦᬳᬾᬫᬓᬤ᭞ᬫᬮᬚᬄᬫᬗᬭᬂᬜᬜᬶ᭞ᬫᬶᬮᬸᬫᬦᬲᬶᬓᬶᬦ᭄ᬲᬵᬕᬭ᭞ᬫᬩᭂᬢ᭄ᬚᬫ᭄ᬧ᭄ᬭᬄᬳᬯᬓ᭄ᬩᭂᬗᬶᬮ᭄᭞ᬦᬶᬗ᭄ᬕᬭᬂᬘᬘᬤ᭄ᬭᬶᬂᬕᬸᬭᬶᬢ᭄᭞ ᬫᬕ᭄ᬤᭀᬄᬬᬓᬲᬶᬤᬦᬼᬗᬸᬢ᭄᭞ᬗᬮᬾᬤᬗᬶᬦ᭄ᬲᬂᬫᬶᬳᬃᬱ᭞ᬫᬫᬘᬫᬶᬯᬄᬫᬯᭀᬲᬶᬦ᭄᭞ᬬᬤᬶᬦ᭄ᬳᬤᬸᬦ᭄᭞ᬲᬫ᭄ᬧᬸᬭᬲᬫ᭄ᬧᬸᬦᬂᬳᬤᬸᬓ᭟ᬲᬢ᭄ᬯᬦᬾᬚ᭄ᬯᬢᬢᬲᬂ᭞ᬲᬶᬂᬜᬲᬕᬾᬢ᭄ᬯᬾᬦ᭄ᬢᭂᬦ᭄ᬫᬡᬶᬓ᭄᭞ᬲᬶᬤ᭄ᬤᬦᬸᬓ᭄ᬱᭂᬫᬾᬂᬰᬭᬷᬭ᭞ᬗᬮᬸᬓᬢ᭄ᬫᬮᬦᬶᬂᬫᬶᬸᬳᬢᬶ᭞ᬫ᭄ᬯᬲ᭄ᬢᬸᬫᬸᬃᬤᬶᬧᬶᬗ᭄ᬕᬶᬄ᭞ᬕᭂᬮᬭᬦ᭄ᬲᬧ ᬭᬦ᭄ᬤᬸᬦᬸᬂ᭞ᬫᭀᬕᬯᬺᬤᬶᬓᭂᬃᬢᬶᬬᬱ᭞ᬫᬧ᭄ᬯᬭᬳᬬᬸᬢᭂᬃᬤᬶ᭞ᬳᬲᬶᬂᬭᬸᬗᬸ᭞ᬲᬶᬦᬸᬭᬸᬧᬦ᭄ᬲᬃᬯᬫᬸᬮ᭄ᬬ᭟ᬓᬾᬢᭀᬫᬸᬓ᭄ᬬᬦᬾᬓᬲᬸᬭᬢ᭄᭞ᬕᭂᬦ᭄ᬤᬶᬂᬳᬗ᭄ᬕᬾᬦ᭄ᬫᬦᬸᬦ᭄ᬤᬸᬦᬶᬦ᭄᭞ᬲᬲᬶᬫ᭄ᬩᬶᬂᬕᬕᬫᬜᬤ᭄ᬫ᭞ᬫᬮᬚᬳᬶᬓ᭄ᬱᬂᬳ᭄ᬬᬂᬅᬚᬶ᭞ᬫᬤᬓ᭄ᬲᬶᬤᬫᬦᬸᬢ᭄ᬳᬶᬦ᭄ᬤᬶᬓ᭄᭞ᬮᬶᬗᬶᬂᬰᬵᬲ᭄ᬢ᭄ᬭᬫᬶᬯᬄᬢᬸᬢᬸᬃ᭞ᬲᬃᬯ ᬰᬵᬲᬦᬅᬕᬫ᭞ᬧᬸᬱ᭄ᬝᬓᬓᬶᬤᬸᬂᬓᬓᬯᬶᬦ᭄᭞ᬫᬗ᭄ᬕᭂᬄᬕᬸᬭᬸ᭞ᬲᬸᬮᬸᬄᬢᬳ᭄ᬬᬤ᭄ᬬᬢ᭄ᬫᬶᬓ᭟ᬲᬂᬪᬶᬫᬦ᭄ᬬᬸᬘᬭᬶᬢ᭞ᬧᬸᬢ᭄ᬭᬦ᭄ᬳᬶᬤᬲᬂᬓᬶᬭᬶᬢᬶᬤᬫ᭄ᬧᬢᬶᬭᬶᬂᬲᬂᬲᬸᬩᬤ᭄ᬭ᭞ᬳᬭᬶᬦ᭄ᬲᬂᬓᬺᬱ᭄ᬡᬪᬸᬧᬢᬶ᭞ᬢᭂᬮᬲ᭄ᬳᬦᭂᬫ᭄ᬩᬕᬸᬲ᭄ᬕᭂᬜ᭄ᬚᬶᬂ᭞ᬲᬵᬭᬶᬦ᭄ᬫᬡᬶᬓ᭄ᬧᬸᬭᬶᬳᬕᬸᬂ᭞ᬓᬲᭀᬩ᭄ᬭᬶᬂᬅᬱ᭄ᬝᬶᬦᬧᬸᬭ᭞ᬢᬲᬓ᭄ᬳᬶᬂᬬᭀ

Auto-transliteration

[ 1 1B] 1 /// • /// oṁawighnamāstu /// iki, nga, gaguritanbhimānyu // • // pupuḥdĕmung // • // ringpaśramanyuyupatikapatanan, pūr̀wanghawankramakidul, pasisurangnilis, nguntulkawitnyangawegurit, kāladinawr̥ĕhapatya, tāralangkir̀tanggalsatu, bulanme hitahundeka, nāwasapṭapañcamĕtik, ngĕtussatwacacantungan, kalaransangbhimānyu. kalawansubadradewī, hibunhida, ringdyarawatihumungguḥ, ñiwisangkr̥ĕṣṇaprabhu, deninghidasangkiriti, pañcapāṇdhawasamyan, manggĕḥyayaḥtĕlasrarud, mañusupringgunung halas, rorasyar̀ṣaruñilib, deningkasoranhanita, nengawinangnandangkĕbus. karatonlanjagatsami, rājawibhawa, sar̀wamuletĕlassampun, kawawĕngsangkurunatha, hamatraltanwĕlashasiḥ, hasanaklawanpāṇdawa, nehogyapagĕḥmikukuḥ, bi nalikngawebañcana, satatamangĕwetpati, dur̀nitinetanpatandingan, wmohahumadĕg'hagung. miribtonghadadewawidhi, hyangiśwara, saraśwatīnehandulu, kangpaścadringhalahayu, sahambĕksar̀wanr̥ĕṣṭi, nanghingdawĕggunghampura, nemangurit'hidajugul, [ 2 2A] tuhutuwaḥmañabataḥ, tanpakadangśāstra'aji, mogatankĕnengkutila, pangkaḥngawitanpahunduk // • // pupuḥsinom // • // lobanmanahemakada, malajaḥmangarangñañi, milumanasikinsāgara, mabĕtjampraḥhawakbĕngil, ninggarangcacadringgurit, magdoḥyakasidanl̥ĕngut, ngaledanginsangmihar̀ṣa, mamacamiwaḥmawosin, yadinhadun, sampurasampunanghaduka. satwanejwatatasang, singñasagetwentĕnmaṇik, siddanuksyĕmengśarīra, ngalukatmalaningm̶hati, mwastumur̀dipinggiḥ, gĕlaransapa randunung, mogawr̥ĕdikĕr̀tiyaṣa, mapwarahayutĕr̀di, hasingrungu, sinurupansar̀wamulya. ketomukyanekasurat, gĕndinghanggenmanundunin, sasimbinggagamañadma, malajahikṣanghyangaji, madaksidamanut'hindik, lingingśāstramiwaḥtutur̀, sar̀wa śāsana'agama, puṣṭakakidungkakawin, manggĕḥguru, suluḥtahyadyatmika. sangbhimanyucarita, putranhidasangkiritidampatiringsangsubadra, harinsangkr̥ĕṣṇabhupati, tĕlashanĕmbagusgĕñjing, sārinmaṇikpurihagung, kasobringaṣṭinapura, tasak'hingyo

Leaf 2

Image on Archive.org

[ ᭒ 2B] ᭒᭞ᬕᬲᬫᬥᬶ᭞ᬢᬸᬃᬭᬳᬬᬸ᭞ᬢᭂᬓᬦ᭄ᬳᬶᬂᬧᬥᬦᬸᬃᬤᬭᬦ᭄᭟ᬤᬾᬦᬶᬂᬲᬫ᭄ᬧᬸᬦ᭄ᬧᬕᭂᬦ᭄ᬢᭀᬲᬦ᭄᭞ᬓᬳᬬᭀᬦᬾᬯᬲ᭄ᬢᬸᬫᬩᬮᬶᬓ᭄᭞ᬓᬤᬶᬘᬓ᭄ᬭᬦᬶᬂᬕᬶᬮᬶᬗᬦ᭄᭞ᬍᬫᬄᬯᭂᬢᭂᬂᬧᬢᬶᬉᬭᬶᬧ᭄᭞ᬳᭂᬜᭀᬦ᭄ᬚ᭄ᬯᬩᬶᬲᬗᬶᬫ᭄ᬧᬲᬶᬦ᭄᭞ᬚᭂᬮᬾᬦᬾᬧᬂᬩᬸᬯᬸᬂᬢᭂᬧᬸᬓ᭄᭞ᬫᬓᬤᬶᬧᬜ᭄ᬘᬧᬵᬡ᭄ᬥᬯ᭞ᬲᬓᬤᬂᬯᬃᬕᬦᬾᬲᬫᬶ ᬧᬦᭂᬲ᭄ᬓᭂᬩᬸᬲ᭄᭞ᬮᬕᬩᬬᬓᬦᬭᬓᬦ᭄᭟ᬳᭂᬦ᭄ᬢᭀᬦᬾᬢᬸᬯᬄᬫᬓᬤ᭞ᬲᬂᬩᬶᬫᬵᬦ᭄ᬬᬸᬦᬾᬫᬗ᭄ᬓᬶᬦ᭄᭞ᬗᬤ᭄ᬧᬥᬭᬶᬂᬲᬂᬓᬺᬱ᭄ᬡ᭞ᬤᬾᬯᬶᬲᬸᬩᬤ᭄ᬭᬦᬸᬮᬸᬭᬶᬦ᭄᭞ᬫᬗᭂᬫ᭄ᬧᬶᬭᬶᬂᬤ᭄ᬯᬭᬯᬢᬶ᭞ᬫᬦᬤᬶᬧᬋᬓᬦ᭄ᬳᬕᬸᬂ᭞ᬲᬬᬗᬾᬢᭀᬂᬳᬤᬧᬤ᭞ᬯᬶᬦᬭᬳᬦ᭄ᬲᬃᬯᬧᬶᬗᬶᬢ᭄᭞ᬯᬸᬲ᭄ᬭᬶᬦᬗ᭄ᬲᬸᬓ᭄᭞ᬲᬳᬦᬦ᭄ᬢ ᬢ᭄ᬯᬉᬢ᭄ᬢᬫ᭟ᬲᬂᬓᬺᬱ᭄ᬡᬢᬦ᭄ᬚᬗ᭄ᬓᬬᬦ᭄᭞ᬫᬧᬯᬶᬲᬶᬓ᭄ᬲᬶᬬᬂᬮᬢ᭄ᬭᬶ᭞ᬭᬶᬂᬳᬶᬤᬲᬂᬧᬃᬣᬲᬸᬢ᭞ᬦᬾᬗᬯᬶᬦᬂᬲᬬᬦ᭄ᬗᭂᬦ᭄ᬤᬶᬄ᭞ᬲᬂᬪᬶᬫᬵᬦ᭄ᬬᬸᬫᬜᬶᬯᬶ᭞ᬢᬦ᭄ᬧᭂᬕᬢ᭄ᬢᬢᭂᬂᬮᬸᬗ᭄ᬕᬸᬄ᭞ᬗᭂᬮᬭᬂᬥᬃᬫᬲᬦ᭄ᬢᬶᬓ᭞ᬳᬫ᭄ᬩᭂᬓᬾᬢᭂᬧᭂᬢ᭄ᬫᬜᬶᬯᬶ᭞ᬲᭂᬩᭂᬂᬜᬸᬜᬸᬃᬲᬶᬂᬲᭀᬮᬳᬂᬦᬸᬤᬸᬢ᭄ᬘᬶᬢ᭚᭜᭚ᬧᬸᬧᬸᬄᬕᬶᬦᬤ ᭚ᬤ᭄ᬯᬭᬯᬢᬷᬦᬾᬓᬯᬃᬡ᭞ᬲᬂᬓᬾᬰᬯᬫᬦᭂᬤᬸᬗᬶᬦ᭄᭞ᬓᬲᭀᬩ᭄ᬫᬸᬗ᭄ᬕ᭄ᬯᬶᬂᬲ᭄ᬯᬩᬯ᭞ᬢᬾᬚᬦ᭄ᬧᬸᬭᬶᬩ᭄ᬭᬫᬸᬭᬸᬩ᭄᭞ᬗᬸᬘᬶᬯᬬᬂᬲᬸᬯᬮᬬ᭞ᬤᬾᬦᬶᬂᬭᬯᬶᬢ᭄᭞ᬗᬯᬾᬳᬸᬮᬧ᭄ᬲᬂᬫᬜᬶᬗᬓ᭄᭟ᬲᬃᬯᬩᬬᭀᬢᬦ᭄ᬧᬭᬯᬢ᭄᭞ᬢᭂᬮᬲ᭄ᬩᬸᬗ᭄ᬓᬄᬚ᭄ᬭᬶᬄᬗᬶᬮᬶ᭞ᬓᭂᬫ᭄ᬩᬸᬳᬦ᭄ᬲᬂᬩᬮᬤᬾᬯ᭞ᬭᬓ [ ᭓ 3A] ᬦ᭄ᬳᬶᬤᬫᬤᭂᬕ᭄ᬳᬕᬸᬂ᭞ᬗᬯᬾᬯᬶᬩᬸᬳᬶᬂᬦᬕᬭ᭞ᬢᬦ᭄ᬧᬲᬶᬭᬶᬂ᭞ᬧᬸᬭᬶᬦᬾᬳᬢᭂᬧ᭄ᬫᬚᬚᬃ᭟ᬫᬯᬲ᭄ᬢᬸᬲᬬᬦ᭄ᬤᬸᬫᬶᬮᬄ᭞ᬢᬾᬚᬦ᭄ᬧᬸᬭᬶᬫᬸᬭᬸᬩ᭄ᬗᭂᬦ᭄ᬤᬶᬄ᭞ᬲᬶᬦᬸᬲᬸᬦᬦ᭄ᬧᬭᬶᬦ᭄ᬓᬾᬦ᭄ᬤ᭄ᬭᬦ᭄᭞ᬓᬲᬸᬂᬲᬸᬂᬭᬶᬂᬧᬸᬭᬶᬳᬕᬸᬂ᭞ᬧᬸᬢ᭄ᬭᬶᬦ᭄ᬳᬶᬤᬲᬂᬓᬺᬱ᭄ᬡ᭞ᬚᭂᬕᬾᬕ᭄ᬩᬗ᭄ᬓᬶᬢ᭄᭞ᬲᬶᬢᬶᬲᬸᬡ᭄ᬥᬭᬶᬪᬶᬱᬾᬓ᭟ᬤ᭄ᬬᬄᬭᬸᬓ᭄ᬫᬶᬡᬶᬳᬶᬩᬸᬦ᭄ᬳᬶᬤ᭞ᬦᬾ ᬫᬗ᭄ᬕᭂᬄᬧ᭄ᬭᬫᬾᬰ᭄ᬯᬭᬶ᭞ᬲᬭᬸᬲᬩᬓ᭄ᬢᬶᬲᬢᬢ᭞ᬲᬶᬂᬲᭀᬮᬳᬂᬦᬸᬤᬸᬢ᭄ᬓᬳ᭄ᬬᬸᬦ᭄᭞ᬗᬯᬶᬦᬂᬳᬶᬤᬲᬂᬦᬣ᭞ᬮᬸᬮᬸᬢ᭄ᬳᬲᬶᬄ᭞ᬢᬦ᭄ᬧᬾᬦ᭄ᬤᬄᬲᬸᬃᬬᬲᬲᬗ᭄ᬓ᭟ᬓᬳᬬᭀᬦ᭄ᬲᬂᬧᬸᬢ᭄ᬭᬶᬇᬓ᭞ᬢᬦ᭄ᬧᬾᬦ᭄ᬤᬄᬳ᭄ᬬᬂᬤᬾᬯᬷᬭᬢᬶᬄ᭞ᬭᭀᬫᬦᬾᬫᭂᬓ᭄ᬫᭂᬓ᭄ᬫᬧᬜ᭄ᬚᬂ᭞ᬮᬗ᭄ᬲᬶᬂᬮᬜ᭄ᬚᬃᬫᭂᬮᭀᬓ᭄ᬮᬸᬫ᭄ᬮᬸᬫ᭄᭞ᬢᬦ᭄ᬤᬂᬍᬫᬸᬄᬫ ᬕᭀᬮᬾᬭᬦ᭄᭞ᬲᬸᬲᬸᬜᬗ᭄ᬓᬶᬄ᭞ᬮᬶᬬᬢᬾᬗᭂᬜᬕᬂᬫᬦᬄ᭟ᬧᬜ᭄ᬚᬂᬬᬦ᭄ᬲᬫᬶᬢᬸᬢᬸᬭᬂ᭞ᬓᬳᬬᭀᬦ᭄ᬲᬂᬓᬤᬶᬭᬢᬶᬄ᭞ᬲ᭄ᬫᬭᬦᬮᬦᬾᬫᬭᬯᬢ᭄᭞ᬗᬯᬶᬦᬂᬳᬶᬤᬲᬂᬧ᭄ᬭᬪᬸ᭞ᬫᬄᬬᬸᬦ᭄ᬧᬘᬂᬫᬦᬸᬕ᭄ᬭᬳ᭞ᬳᬤᬫ᭄ᬧᬢᬶ᭞ᬭᬶᬂᬳᬶᬤᬲᬂᬧᬃᬣᬲᬸᬢ᭟ᬦᬗ᭄ᬳᬶᬂᬓᬭᬶᬗᬍᬫ᭄ᬗᬍᬫ᭄᭞ᬭᬶᬂᬓᬳ᭄ᬬᬸᬦ᭄ᬦᬾᬫᬫᬶ ᬦᭂᬳᬶᬦ᭄᭞ᬧᬧᬦ᭄ᬜᬦᬾᬢᬦ᭄ᬓᬘᬶᬤ᭄ᬭᬦ᭄᭞ᬤᬾᬬᬦ᭄ᬦᬾᬫᬗ᭄ᬕᬶᬄᬢᬦ᭄ᬮᬸᬯᬸᬂ᭞ᬗᬶᬫ᭄ᬧᬲᬶᬦ᭄ᬰᬲᬦᬕᬫ᭞ᬦᬾᬓᬶᬦᭂᬫᬶᬢ᭄᭞ᬓᬲᬸᬂᬲᬸᬂᬓᬬᬂᬓᬯᭂᬓᬲ᭄᭟ᬳᭂᬦ᭄ᬢᭀᬦᬾᬢᬸᬳᬸᬗᬯᬶᬦᬂ᭞ᬧᬓᬳ᭄ᬬᬸᬦᬾᬓᬭᬕ᭄ᬓᬶᬭᬶᬕ᭄᭞ᬫᬯᬲ᭄ᬢᬸᬗᬮᬶᬄᬤᬮᬶᬳᬦ᭄᭞ᬲᬂᬦᬣᬫᬧᬶᬢᬦ᭄ᬭᬸᬗᬸ᭞ᬭᬶᬂᬳᬶᬦ᭄ᬤᬶᬓ᭄‌ᬲᬂᬓᭂᬦᬾᬂᬭᬶ

Auto-transliteration

[ 2 2B] 2 gasamadhi, tur̀rahayu, tĕkanhingpadhanur̀daran. deningsampunpagĕntosan, kahayonewastumabalik, kadicakraninggilingan, l̥ĕmaḥwĕtĕngpati'urip, hĕñonjwabisangimpasin, jĕlenepangbuwungtĕpuk, makadipañcapāṇdhawa, sakadangwar̀ganesami panĕskĕbus, lagabayakanarakan. hĕntonetuwaḥmakada, sangbimānyunemangkin, ngadpadharingsangkr̥ĕṣṇa, dewisubadranulurin, mangĕmpiringdwarawati, manadipar̥ĕkanhagung, sayangetonghadapada, winarahansar̀wapingit, wusrinangsuk, sahananta twa'uttama. sangkr̥ĕṣṇatanjangkayan, mapawisiksiyanglatri, ringhidasangpar̀thasuta, nengawinangsayanngĕndiḥ, sangbhimānyumañiwi, tanpĕgattatĕnglungguḥ, ngĕlarangdhar̀masantika, hambĕketĕpĕtmañiwi, sĕbĕngñuñur̀singsolahangnudutcita // • // pupuḥginada // dwarawatīnekawar̀ṇa, sangkeśawamanĕdungin, kasobmunggwingswabawa, tejanpuribramurub, nguciwayangsuwalaya, deningrawit, ngawehulapsangmañingak. sar̀wabayotanparawat, tĕlasbungkaḥjriḥngili, kĕmbuhansangbaladewa, raka [ 3 3A] nhidamadĕg'hagung, ngawewibuhingnagara, tanpasiring, purinehatĕpmajajar̀. mawastusayandumilaḥ, tejanpurimurubngĕndiḥ, sinusunanparinkendran, kasungsungringpurihagung, putrinhidasangkr̥ĕṣṇa, jĕgegbangkit, sitisuṇdharibhisyeka. dyaḥrukmiṇihibunhida, ne manggĕḥprameśwari, sarusabaktisatata, singsolahangnudutkahyun, ngawinanghidasangnatha, lulut'hasiḥ, tanpendaḥsur̀yasasangka. kahayonsangputri'ika, tanpendaḥhyangdewīratiḥ, romanemĕkmĕkmapañjang, langsinglañjar̀mĕloklumlum, tandangl̥ĕmuḥma goleran, susuñangkiḥ, liyatengĕñagangmanaḥ. pañjangyansamituturang, kahayonsangkadiratiḥ, smaranalanemarawat, ngawinanghidasangprabhu, maḥyunpacangmanugraha, hadampati, ringhidasangpar̀thasuta. nanghingkaringal̥ĕmngal̥ĕm, ringkahyunnemami nĕhin, papanñanetankacidran, deyannemanggiḥtanluwung, ngimpasinśasanagama, nekinĕmit, kasungsungkayangkawĕkas. hĕntonetuhungawinang, pakahyunekaragkirig, mawastungaliḥdalihan, sangnathamapitanrungu, ringhindiksangkĕnengri

Leaf 3

Image on Archive.org

[ ᭓ 3B] ᭓᭞ ᬫᬂ᭞ᬮᬸᬮᬸᬢ᭄ᬳᬲᬶᬄ᭞ᬦᬾᬫᬸᬮᬢᭀᬂᬤᬤᬶᬧᬲᬄ᭚᭜᭚ᬧᬸᬧᬸᬄᬧᬗ᭄ᬓᬸᬃ᭚᭜᭚ᬓᭀᬘᬧ᭄ᬫᬱᬓᬃᬢᬶᬓ᭞ᬢᬗ᭄ᬕᬮ᭄ᬧᬶᬂᬭᭀᬭᬲ᭄᭞ᬲᬂᬳᬬᬸᬲᬶᬢᬶᬲᬸᬡ᭄ᬥᬭᬶ᭞ᬗᬶᬭᬶᬂᬳᬶᬤᬲᬂᬧ᭄ᬭᬪᬸ᭞ᬧ᭄ᬭᬫᬶᬰ᭄ᬯᬭᬶᬫ᭄ᬯᬄᬯᬚ᭄ᬭᭀ᭞ᬦᬶᬓᬲᬫᬶ᭞ᬤᬯᬸᬄᬦᭂᬫ᭄ᬲᬫ᭄ᬧᬸᬦ᭄ᬮᬸᬫᬓᬸ᭞ᬫᬯᬶᬮᬲᬭᬶᬂᬲᬕᬭ᭞ᬗᬮᭀᬦ᭄ᬮᭀᬦ᭄ᬢᭂᬭᬂᬳᬶᬂᬰᬰᬶᬄ᭟ᬳᬸ ᬮᬗᬸᬦ᭄ᬢᬦ᭄ᬧᬧᬤ᭞ᬳᬲᬶᬂᬘᬶᬗᬓ᭄᭞ᬫᬶᬭᬶᬩ᭄ᬗᬬᬧ᭄ᬢᬸᬃᬗᬜ᭄ᬚᬮᬶ᭞ᬳᬸᬫᬢᬸᬭᬶᬂᬲᬂᬧ᭄ᬭᬪᬸ᭞ᬦᬾᬲᬯᬢ᭄ᬓᬢᭀᬦ᭄ᬦᬭᬯᬂ᭞ᬧᬓᬤᬶᬧ᭄ᬤᬶᬧ᭄᭞ᬧᬸᬢᬶᬄᬜᬮᬂᬫᬶᬯᬄᬳᬸᬗᬸ᭞ᬗᬮᬾᬜ᭄ᬘᭀᬓ᭄ᬫᬓᬤᬶᬭᬢ᭄ᬦ᭞ᬧᬤᬶᬩᭂᬗᭀᬂᬫᬜᬶᬗᬓᬶᬦ᭄᭟ᬕᬸᬯᬦᬾᬭᬶᬂᬧᬶᬗ᭄ᬕᬶᬃᬚᬸᬭᬂ᭞ᬕᭂᬤᬾᬮᬶᬗ᭄ᬕᬄ᭞ᬫᬧᬜ᭄ᬘᬸᬭᬦ᭄ᬓᬦᬦ᭄ᬓᬾᬭᬶ᭞ᬢᭀ ᬬᬦ᭄ᬜᬫᬳᬫ᭄ᬩᬸᬳᬭᬸᬫ᭄᭞ᬭᬶᬂᬧᬶᬗ᭄ᬕᬶᬃᬯᬾᬦ᭄ᬢᭂᬦ᭄ᬳᬗ᭄ᬲᭀᬓ᭞ᬓᭂᬜᬸᬂᬫᬦᬶᬲ᭄᭞ᬓᭂᬤᬧᬦᬾᬓᭂᬤᭂᬂᬮᬸᬫ᭄ᬮᬸᬫ᭄᭞ᬓᬲᬦ᭄ᬤᬶᬗᬶᬦ᭄ᬲᬶᬮᬢᬮ᭞ᬲᬂᬳᬬᬸᬤᬶᬢᬸᬫᬮᬶᬗ᭄ᬕᬶᬄ᭟ᬲᬂᬪᬶᬫᬦ᭄ᬬᬸᬧ᭄ᬭᬧ᭄ᬢ᭞ᬫᬓ᭄ᬢᬧᬶᬓᬢ᭄᭞ᬭᬶᬂᬲᬂᬦᬣᬜᬸᬚᬸᬃᬢᬗ᭄ᬓᬶᬮ᭄᭞ᬚᬸᬭᬸᬤᬾᬬᬲᬳᬤᬸᬮᬸᬃ᭞ᬦᭂᬕᭂᬦ᭄ᬧᬓ᭄ᬱᬶᬲᬤᬓᬢᬄ᭞ᬧᬓ᭄ᬱᬶ ᬕᬸᬭᬸ᭞ᬢᬸᬫᬸᬮᬶᬲᬫ᭄ᬧᬸᬦ᭄ᬓᬳᬸᬢᬸᬃ᭞ᬭᬶᬂᬳᬶᬤᬲᬂᬦᬣᬓᬺᬱ᭄ᬡ᭞ᬮᬾᬤᬂᬓᬳ᭄ᬬᬸᬦᬾᬢᬦ᭄ᬲᬶᬧᬶ᭟ᬤᬶᬢᬸᬧᭀᬮᬶᬄᬫᬜᬶᬗ᭄ᬲᭂᬬᬂ᭞ᬲᬂᬧᬃᬣᬲᬸᬢᬗᬮᬶᬫ᭄ᬧᭂᬂᬫᬮᬶᬬᬢ᭄ᬧᬮᬶᬂ᭞ᬲᬂᬳᬬᬸᬓᬍᬲᭀᬦ᭄ᬗᬸᬦ᭄ᬢᬸᬮ᭄᭞ᬩᭂᬗᬄᬩᭂᬗᬸᬄᬢᬦᬶᬓᬃᬯᬦ᭄᭞ᬳᬸᬮᬢ᭄ᬲᭂᬤᬶᬄ᭞ᬫᭂᬘᬶᬓ᭄ᬢᬗᬦ᭄ᬤᬳᬬᬸᬲᬸᬤ᭄᭞ᬗᬭᬲ [ ᭔ 4A] ᬧ᭄ᬗᬮᬶᬄᬳᬮᬶᬗᬦ᭄᭞ᬧᬚ᭄ᬭᭀᬯᬦ᭄ᬦᬾᬲᭂᬩᭂᬢ᭄ᬗᬶᬭᬶᬂ᭟ᬲᬶᬢᬶᬲᬸᬡ᭄ᬥᬭᬶᬗᬦ᭄ᬤᬶᬓ᭞ᬳᬸᬤᬸᬄᬓᬓ᭞ᬗᬸᬤᬓᬾᬦᬾᬩᬸᬓᬚᬦᬶ᭞ᬫᬦᬶᬭᬢᭀᬂᬗᭂᬮᬄᬩᬬᬸ᭞ᬫᬦᬄᬭᬸᬦ᭄ᬢᬕ᭄ᬫᬦᬭᬯᬂ᭞ᬳᬤᬦ᭄ᬫᬢᬶ᭞ᬗᬸᬤᬤᬶᬦᬶᬳᭂᬦᬸᬳᬶᬤᬸᬧ᭄᭞ᬦᬶᬃᬕᬸᬡᬦᬦ᭄ᬤᬂᬲᬗ᭄ᬲᬭ᭞ᬮᬯᬸᬢ᭄ᬢᭀᬂᬳᬤᬫᬦᭀᬮᬶᬄ᭟ᬦᬶᬲᬸᬤᬃᬧᬡᬫᬜᬸᬫ᭄ᬩᬄ᭞ᬫ ᬢᬸᬃᬩᬦ᭄ᬩᬦ᭄᭞ᬗᬸᬤᬓᬾᬢᭀᬭᬢᬸᬕᬸᬲ᭄ᬢᬶᬦᬧᬶᬲᬸᬗ᭄ᬓᬦᬶᬂᬳᬶᬭᬢᬸ᭞ᬦᬾᬗᬯᬶᬦᬂᬢᬦ᭄ᬧᬢᬾᬚ᭞ᬓᬤᬶᬓᬦ᭄ᬢᬸ᭞ᬫᬶᬦᬩ᭄ᬓᬳ᭄ᬬᬸᬦ᭄ᬦᬾᬓᬲᬦ᭄ᬤᬸᬂ᭞ᬦ᭄ᬤᬶᬓᬬᬂᬓᬤᬭᬶᬂᬢᬶᬢ᭄ᬬᬂ᭞ᬢᬶᬢ᭄ᬬᬂᬫᬶᬲᬤ᭄ᬬᬗᬸᬮᬢᬶ᭟ᬲᬓᬶᬂᬫᬦᬶᬭᬢᬦ᭄ᬲᬦ᭄ᬤᬂ᭞ᬗᬸᬩ᭄ᬤᬫᬦᬄ᭞ᬦᭂᬩᭂᬓ᭄ᬦᭂᬩᭂᬓ᭄ᬗᬯᬾᬕ᭄ᬭᬶᬂ᭞ᬫᬋᬧ᭄ᬭᬶᬂᬲᬂᬪᬶᬫᬵᬦ᭄ᬬᬸ᭞ᬲᬦᬓ᭄ᬫᬦᬶᬭᬤᬶᬫᬶ ᬲᬦ᭄᭞ᬦᬾᬲᬸᬚᬢᬶ᭞ᬗᬮᬶᬳᬶᬦ᭄ᬫᬗᬯᬾᬩᬶᬗᬸᬂ᭞ᬚᭂᬕ᭄ᬳᬶᬘᬮ᭄ᬢᬦ᭄ᬢᭀᬮᬶᬳᬦ᭄᭞ᬗᬸᬢᬂᬢᬶᬬᬂᬓᬤᬶᬫᬗ᭄ᬓᬶᬦ᭄᭚᭜᭚ᬧᬸᬧᬸᬄᬲᬶᬦᭀᬫ᭄᭚᭜᭚ᬤᬩ᭄ᬤᬩᬂᬭᬢᬸᬤᬩ᭄ᬤᬩᬂ᭞ᬢᬗᬸᬤᬚᭂᬕ᭄ᬗᬫᭀᬂᬓᭂᬭᬶᬲ᭄᭞ᬫᬗᬯᬾᬬᬓᭂᬤᬾᬓ᭄ᬚᬕᬢ᭄᭞ᬤᬾᬦᬶᬂᬢᬦ᭄ᬫᬦᬸᬢ᭄ᬭᬶᬂᬳᬶᬦ᭄ᬤᬶᬓ᭄᭞ᬳᬶᬭᬢᬸᬫᬭᬕᬍᬯᬶᬄ᭞ᬲᬵ ᬭᬶᬦ᭄ᬫᬡᬶᬓ᭄ᬧᬸᬭᬶᬅᬕᬸᬂ᭞ᬲᬭᬶᬂᬭᬢᬸᬚ᭄ᬯᬩᭂᬘᬶᬓᬂ᭞ᬧᬶᬢᭂᬮᬲ᭄ᬢᬶᬢ᭄ᬬᬂᬫᬗᬶᬭᬶᬂ᭞ᬧᬘᬂᬫᬢᬸᬃ᭞ᬭᬶᬂᬳᬶᬤᬲᬂᬧᬃᬣᬲᬸᬢ᭟ᬬᬦ᭄ᬳᭂᬫ᭄ᬩᭀᬓ᭄ᬢᬸᬳᬸᬢᬺᬱ᭄ᬡ᭞ᬓᭂᬫᬳᭂᬫ᭄ᬩᭀᬓ᭄‌ᬚ᭄ᬯᬤᬶᬕᭂᬮᬶᬲ᭄᭞ᬦᬾᬲᬸᬭᬢᬾᬳᬢᬸᬭᬂ᭞ᬮᬯᬸᬢ᭄ᬳᬾᬗ᭄ᬕᬮᬂᬫᬯᬮᬶ᭞ᬦᬶᬲᬸᬤᬃᬧᬡᬫᬫᬃᬕᬶ᭞ᬓᬘᬭᬶᬢᬲᬫ᭄ᬧᬸᬦ᭄ᬭᬯᬸᬄ᭞ᬲᬬᬕ

Auto-transliteration

[ 3 3B] 3 mang, lulut'hasiḥ, nemulatongdadipasaḥ // • // pupuḥpangkur̀ // • // kocapmaṣakar̀tika, tanggalpingroras, sanghayusitisuṇdhari, ngiringhidasangprabhu, pramiśwarimwaḥwajro, nikasami, dawuḥnĕmsampunlumaku, mawilasaringsagara, ngalonlontĕranghingśaśiḥ. hu languntanpapada, hasingcingak, miribngayaptur̀ngañjali, humaturingsangprabhu, nesawatkatonnarawang, pakadipdip, putiḥñalangmiwaḥhungu, ngaleñcokmakadiratna, padibĕngongmañingakin. guwaneringpinggir̀jurang, gĕdelinggaḥ, mapañcurankanankeri, to yanñamahambuharum, ringpinggir̀wentĕnhangsoka, kĕñungmanis, kĕdapanekĕdĕnglumlum, kasandinginsilatala, sanghayuditumalinggiḥ. sangbhimanyuprapta, maktapikat, ringsangnathañujur̀tangkil, jurudeyasahadulur̀, nĕgĕnpaksyisadakataḥ, paksyi guru, tumulisampunkahutur̀, ringhidasangnathakr̥ĕṣṇa, ledangkahyunetansipi. ditupoliḥmañingsĕyang, sangpar̀thasutangalimpĕngmaliyatpaling, sanghayukal̥ĕsonnguntul, bĕngaḥbĕnguḥtanikar̀wan, hulatsĕdiḥ, mĕciktangandahayusud, ngarasa [ 4 4A] pngaliḥhalingan, pajrowannesĕbĕtngiring. sitisuṇdharingandika, huduḥkaka, ngudakenebukajani, maniratongngĕlaḥbayu, manaḥruntagmanarawang, hadanmati, ngudadinihĕnuhidup, nir̀guṇanandangsangsara, lawuttonghadamanoliḥ. nisudar̀paṇamañumbaḥ, ma tur̀banban, ngudaketoratugustinapisungkaninghiratu, nengawinangtanpateja, kadikantu, minabkahyunnekasandung, ndikayangkadaringtityang, tityangmisadyangulati. sakingmaniratansandang, ngubdamanaḥ, nĕbĕknĕbĕkngawegring, mar̥ĕpringsangbhimānyu, sanakmaniradimi san, nesujati, ngalihinmangawebingung, jĕg'hicaltantolihan, ngutangtiyangkadimangkin // • // pupuḥsinom // • // dabdabangratudabdabang, tangudajĕgngamongkĕris, mangaweyakĕdekjagat, deningtanmanutringhindik, hiratumaragal̥ĕwiḥ, sā rinmaṇikpuri'agung, saringratujwabĕcikang, pitĕlastityangmangiring, pacangmatur̀, ringhidasangpar̀thasuta. yanhĕmboktuhutr̥ĕṣṇa, kĕmahĕmbokjwadigĕlis, nesuratehaturang, lawut'henggalangmawali, nisudar̀paṇamamar̀gi, kacaritasampunrawuḥ, sayaga

Leaf 4

Image on Archive.org

[ ᭔ 4A] ᭔᭞ ᬬᬫᬗᬢᬸᬭᬂ᭞ᬲᬂᬪᬶᬫᬦ᭄ᬬᬸᬦᬫᬶᬸᬫ᭄ᬧᬾᬦᬶᬦ᭄᭞ᬮᬯᬸᬢ᭄ᬗᬸᬦ᭄ᬢᬸᬮ᭄᭞ᬢᭀᬬᬦ᭄ᬧᬦᭀᬦᬾᬜᬧ᭄ᬘᬧ᭄᭞ᬤᬾᬤᬶᬸᬓᭂᬲ᭄ᬤᭂᬓᭂᬲ᭄ᬫᬗᬦ᭄ᬤᬶᬓ᭞ᬓᬸᬤ᭄ᬬᬂᬚᬦᬶᬫᬫᬶᬦᭂᬳᬶᬦ᭄᭞ᬢᬸᬳᬸᬬᬲᬦᬓ᭄ᬤᬶᬫᬶᬲᬦ᭄᭞ᬫᬋᬧ᭄ᬭᬶᬂᬲᬂᬓᬤᬶᬭᬢᬶᬄ᭞ᬓᬾᬦᬾᬢᬶᬢ᭄ᬬᬂᬗᬸᬦ᭄ᬢᬂᬳᬦ᭄ᬢᬶᬂ᭞ᬫᬫᬋᬓᬦ᭄ᬭᬶᬂᬧᬸᬭᬶᬳᬕᬸᬂ᭞ᬯᬲ᭄ᬢᬢᬶᬢ᭄ᬬᬂᬳᭂᬦ᭄ᬢᬸᬓ᭄ᬮᬶᬓᬤ᭄᭞ ᬲᬶᬂᬲᭀᬮᬄᬫᬦᬤᬶᬲᬶᬲᬶᬧ᭄᭞ᬬᬦ᭄ᬫᬫᬸᬯᬸᬓ᭄᭞ᬯᬮᬸᬬᬩᬸᬭᭀᬦ᭄ᬳᬮᬲᬦ᭄᭟ᬫᬦᬄᬢᬶᬢ᭄ᬬᬂᬬᬸᬓ᭄ᬢᬶᬲᬭᬢ᭄᭞ᬫᬗ᭄ᬤᬾᬦᬾᬲᬶᬤᬤᬫ᭄ᬧᬢᬶ᭞ᬲᬮᬸᬂᬮᬶᬂᬲᬩᬬᬦ᭄ᬢᬓ᭞ᬲᬮᬯᬲᬾᬭᬶᬂᬳᬶᬳᬤᬶ᭞ᬚᬸᬭᬸᬤᬾᬦᬶᬫ᭄ᬩᬮ᭄ᬤᬶᬕᭂᬮᬶᬲ᭄᭞ᬜᬮᬾᬫ᭄ᬧᭀᬄᬳᬸᬫᬢᬸᬃᬜᬸᬜᬸᬃ᭞ᬳᬗ᭄ᬳᬶᬂᬦᬯᭂᬕᬂᬲᬫ᭄ᬧᬸᬭ᭞ ᬢᬶᬢ᭄ᬬᬂᬧᬸᬭᬸᬦ᭄ᬫᬧᭂᬓᬾᬮᬶᬂ᭞ᬭᬶᬂᬳᬶᬭᬢᬸ᭞ᬇᬥᭂᬧ᭄ᬢᬫ᭄ᬩᬓᬧᭂᬢᭂᬗᬦ᭄᭟ᬢᬶᬢ᭄ᬬᬂᬚᬢᬶᬲᬓᬶᬂᬚᬚᬧ᭄᭞ᬭᬶᬂᬫᬦᬳᬾᬗᬭᬲᬦᬶᬦ᭄᭞ᬧᬫᬸᬃᬢᬶᬦ᭄ᬲᬫᬭᬦᬮ᭞ᬫᬶᬦᬩ᭄ᬧᬘᬂᬗᬯᬶᬲ᭄ᬬᬦᬶᬦ᭄᭞ᬫᬦ᭄ᬘᬦᭂᬦ᭄ᬳᬶᬤᬳᬶᬳᬭᬶ᭞ᬬᬤᬶᬦ᭄ᬭᬶᬂᬮᬶᬗ᭄ᬕᬶᬄᬳᬶᬭᬢᬸ᭞ᬤᬾᬦᬶᬂᬲᬫᬶᬓᬲᬸᬲᬸᬧᬦ᭄᭞ᬓᬤᬶᬫᬦᬶᬲᬾᬭᬶᬂ ᬕᭂᬦ᭄ᬤᬶᬲ᭄᭞ᬩᭂᬘᬶᬓ᭄ᬭᬢᬸ᭞ᬫᬶᬢᭂᬕᭂᬲᬂᬧᬯᬘᬦ᭟ᬲᬂᬪᬶᬫᬦ᭄ᬬᬸᬫᬜᬸᬭᬢ᭄᭞ᬫᬯᭂᬯᭂᬄᬯᬘᬦᬧᬲ᭄ᬢᬶ᭞ᬢᬶᬢ᭄ᬬᬂᬜᬤ᭄ᬬᬫᬢᭂᬮᬲᬦ᭄᭞ᬫᬦᬤᬶᬩᬂᬩᬂᬳᬩᭂᬲᬶᬓ᭄᭞ᬫᬤᬓ᭄ᬢᬦ᭄ᬧᬢᬸᬗ᭄ᬓᬲ᭄ᬓᬯᬶ᭞ᬗᬯᬶᬦᬂᬢᬦ᭄ᬫᬗ᭄ᬕᬶᬄᬳᬬᬸ᭞ᬢᬶᬢ᭄ᬬᬂᬓᬭᬶᬦᬤᬩ᭄ᬫᬦᬄ᭞ᬗ᭄ᬓᭂᬢᬂᬳᬸᬧᬬᬲᬦ᭄ᬤᬶ᭞ᬓᬵᬮᬤᬶᬢᬸ [ ᭕ 5A] ᬢᬶᬢ᭄ᬬᬂᬜᬧᬮᬜᬶᬓᬳᬂ᭟ᬓᭂᬫᬚ᭄ᬯᬳᭂᬫ᭄ᬩᭀᬓ᭄ᬳᬾᬗ᭄ᬕᬮᬂ᭞ᬫᬫᬗᬸᬦᬶᬂᬭᬶᬂᬳᬶᬳᬤᬶ᭞ᬳᬧᬂᬳᭂᬤᬳᬶᬤᬗᬾᬦ᭄ᬤᬄ᭞ᬮᬶᬧᬸᬭᬂᬩᭂᬦ᭄ᬲᬃᬯᬕᭂᬦ᭄ᬤᬶᬂ᭞ᬢᬸᬯᬶᬓᬶᬤᬸᬂᬮᬦ᭄ᬓᬓᬯᬶᬦ᭄᭞ᬲᬭᬶᬦ᭄ᬢᬸᬢᬸᬃᬳᬗ᭄ᬕᭀᬦ᭄ᬦᬸᬦ᭄ᬢᬸᬦ᭄᭞ᬢᬶᬬᬂᬧᬲ᭄ᬢᬶᬧᬘᬂᬢᭂᬓ᭞ᬭᬶᬂᬢᬫᬦ᭄ᬬᬤᬶᬦ᭄ᬤᬶᬧᬸᬭᬶ᭞ᬬᬤᬶᬦ᭄ᬮᬫ᭄ᬧᬸᬲ᭄᭞ᬬᬦᬶᬂᬢᬶᬢ᭄ᬬᬂᬓᬢᬗᭂᬳᬦ᭄᭚ᬢᬶ ᬗ᭄ᬓᬄᬯᬸᬮᬗᬸᬦᬾᬮᬮ᭄ᬯᬂ᭞ᬭᬶᬂᬕᬸᬦᬸᬂᬫᬶᬯᬄᬧᬲᬶᬲᬶ᭞ᬲᬂᬲᬫ᭄ᬩᬧ᭄ᬭᬤ᭄ᬬᬸᬫ᭄ᬦ᭞ᬲᬂᬕᬥᬮᬦ᭄ᬧᬭᬫᬦ᭄ᬢ᭄ᬭᬶ᭞ᬩᬢᬸᬤᬡ᭄ᬥᬧᬤᬗᬶᬭᬶᬂ᭞ᬧᬫᬦ᭄ᬢᬸᬓ᭄ᬳᬶᬤᬲᬂᬧ᭄ᬭᬪᬸ᭞ᬲᬂᬓᬺᬱ᭄ᬡᬫᬗ᭄ᬓᬶᬦ᭄ᬘᬭᬶᬢ᭞ᬫᬲᬯᬂᬧᬶᬢᭂᬮᬲ᭄ᬳᬸᬦᬶᬂ᭞ᬦᬾᬭᬶᬂᬓᬳ᭄ᬬᬸᬦ᭄᭞ᬳᬶᬦ᭄ᬤᬶᬓ᭄ᬲᬂᬭᬢ᭄ᬦᬤ᭄ᬯᬶᬢ᭟ᬓᬮᬯᬦ᭄ᬲᬂᬧᬃᬣᬲᬸᬢ᭞ᬲ᭄ᬫᬭᬦᬮᬦᬾᬫᬫᬸᬃ ᬢᬶ᭞ᬢᭂᬮᬲ᭄ᬭᬸᬫᬓᭂᬢ᭄ᬳᬶᬂᬢᬶᬯᬲ᭄᭞ᬢᬦ᭄ᬧᬢᬗ᭄ᬕᬸᬢᬦ᭄ᬧᬯᬃᬡᬶ᭞ᬮ᭄ᬯᬶᬢᬾᬚᬦᬶᬂᬳ᭄ᬬᬂᬭᬯᬶ᭞ᬢᬸᬯᬶᬲᭂᬓᬃᬳᬯᭀᬃᬳᬶᬂᬳᬭᬸᬫ᭄᭞ᬳᭂᬜᬾᬦ᭄ᬢᬸᬦ᭄ᬤᬾᬦ᭄ᬫᬫᬲᬳᬂ᭞ᬤᭀᬬᬦ᭄ᬗᬯᬾᬲᬓᬶᬢ᭄ᬳᬢᬶ᭞ᬧᬥᬮᬫ᭄ᬧᬸᬲ᭄᭞ᬫᬓᭂᬚᬂᬮᬯᬸᬢ᭄ᬲᬗ᭄ᬲᬭ᭟᭚᭜᭚ᬧᬸᬧᬸᬄᬫᬲ᭄ᬓᬸᬫᬫ᭄ᬩᬂ᭚᭜᭚ᬲᬂᬓᬺᬱ᭄ᬡ᭞ᬢᬲ ᬓ᭄ᬳᬶᬂᬧ᭄ᬭᬲᬤᬦᬶᬣᬶ᭞ᬬᬤᬶᬦ᭄ᬢᬢ᭄ᬯᬵᬕᬫ᭞ᬫᬶᬯᬄᬰᬵᬲ᭄ᬢ᭄ᬭᬲᬗᬾᬤᬺᬱ᭄ᬝᬶ᭞ᬓᬲᭀᬩ᭄ᬫᬸᬗ᭄ᬕ᭄ᬯᬶᬂᬚᬕᬢ᭄ᬭᬬ᭟ᬫᬤᬩ᭄ᬤᬩᬦ᭄᭞ᬲᬂᬓᬺᬱ᭄ᬡᬭᬯᬸᬄᬫᬦᬗ᭄ᬓᬶᬮ᭄᭞ᬭᬶᬂᬲᬂᬪᬮᬤᬾᬯ᭞ᬭᬶᬂᬧᬸᬭᬶᬳᬕᬸᬂᬫᬚᬶᬜ᭄ᬚᬶᬦ᭄᭞ᬫᬗᬸᬦᭂᬫᬂᬧᬓᬾᬃᬣᬶᬬᬱ᭟ᬦᬾᬧᬫᭂᬓᬲ᭄᭞ᬫᬳᬬᬸᬯᬂᬚᬕᬢ᭄ᬲᬫᬶ᭞ᬗᬯᬲ᭄ᬧᬸᬃᬯ

Auto-transliteration

[ 4 4A] 4 yamangaturang, sangbhimanyunam̶mpenin, lawutnguntul, toyanpanoneñapcap, ded̶kĕsdĕkĕsmangandika, kudyangjanimaminĕhin, tuhuyasanakdimisan, mar̥ĕpringsangkadiratiḥ, kenetityangnguntanghanting, mamar̥ĕkanringpurihagung, wastatityanghĕntuklikad, singsolaḥmanadisisip, yanmamuwuk, waluyaburonhalasan. manaḥtityangyuktisarat, mangdenesidadampati, salunglingsabayantaka, salawaseringhihadi, jurudenimbaldigĕlis, ñalempoḥhumatur̀ñuñur̀, hanghingnawĕgangsampura, tityangpurunmapĕkeling, ringhiratu, idhĕptambakapĕtĕngan. tityangjatisakingjajap, ringmanahengarasanin, pamur̀tinsamaranala, minabpacangngawisyanin, mancanĕnhidahihari, yadinringlinggiḥhiratu, deningsamikasusupan, kadimanisering gĕndis, bĕcikratu, mitĕgĕsangpawacana. sangbhimanyumañurat, mawĕwĕḥwacanapasti, tityangñadyamatĕlasan, manadibangbanghabĕsik, madaktanpatungkaskawi, ngawinangtanmanggiḥhayu, tityangkarinadabmanaḥ, ngkĕtanghupayasandi, kāladitu [ 5 5A] tityangñapalañikahang. kĕmajwahĕmbok'henggalang, mamanguningringhihadi, hapanghĕdahidangendaḥ, lipurangbĕnsar̀wagĕnding, tuwikidunglankakawin, sarintutur̀hanggonnuntun, tiyangpastipacangtĕka, ringtamanyadindipuri, yadinlampus, yaningtityangkatangĕhan // ti ngkaḥwulangunelalwang, ringgunungmiwaḥpasisi, sangsambapradyumna, sanggadhalanparamantri, batudaṇdhapadangiring, pamantuk'hidasangprabhu, sangkr̥ĕṣṇamangkincarita, masawangpitĕlashuning, neringkahyun, hindiksangratnadwita. kalawansangpar̀thasuta, smaranalanemamur̀ ti, tĕlasrumakĕt'hingtiwas, tanpatanggutanpawar̀ṇi, lwitejaninghyangrawi, tuwisĕkar̀hawor̀hingharum, hĕñentundenmamasahang, doyanngawesakit'hati, padhalampus, makĕjanglawutsangsara. // • // pupuḥmaskumambang // • // sangkr̥ĕṣṇa, tasa k'hingprasadanithi, yadintatwāgama, miwaḥśāstrasangedr̥ĕṣṭi, kasobmunggwingjagatraya. madabdaban, sangkr̥ĕṣṇarawuḥmanangkil, ringsangbhaladewa, ringpurihagungmajiñjin, mangunĕmangpaker̀thiyaṣa. nepamĕkas, mahayuwangjagatsami, ngawaspur̀wa

Leaf 5

Image on Archive.org

[ ᭕ 5B] ᭕᭞ ᬫᬵᬮ᭞ᬓᬯᬶᬢ᭄ᬫᬸᬮᬗᬯᬶᬲ᭄ᬬᬦᬶᬦ᭄᭞ᬧᬶᬓᭂᬤᭂᬄᬫᬗ᭄ᬤᬾᬦᬾᬲᬶᬃᬡ᭟ᬓᬃᬫᬧᬮ᭞ᬤᬫᬥᬃᬫᬲᬦ᭄ᬢᬶᬓᬢᬸᬯᬶ᭞ᬳᭂᬦ᭄ᬢᭀᬦᬾᬧᬕᭂᬳᬂ᭞ᬧᬶᬮ᭄ᬧᬸᬮᬂᬢᭂᬍᬗᬶᬂᬳᬢᬶ᭞ᬫᬯᬲ᭄ᬢᬸᬰᬸᬤ᭄ᬤᬫᬮᬶᬮᬂ᭟ᬓᬢᬄᬧᬶᬲᬦ᭄ᬧᬳᬶᬗ᭄ᬓᬸᬧᬾᬦᬾᬭᬶᬂᬧᬸᬭᬶ᭞ᬳᬶᬤᬲᬂᬓᬺᬱ᭄ᬡ᭞ᬫᬸᬧᬸᬢᬂᬳᬢᬸᬃᬧᬗᬸᬦᬶᬂ᭞ᬗᬢᬸᬭᬂᬚᬕᬢ᭄ᬳᬱ᭄ᬝᬶᬡ᭟ᬫᭀᬕ ᬮᬾᬤᬂ᭞ᬩᭂᬮᬶᬳᬕᬸᬂᬫᬦᭂᬤᬸᬗᬶᬦ᭄᭞ᬢᬶᬢ᭄ᬬᬂᬦᬗᬸᬦ᭄ᬬᬱ᭞ᬭᬶᬂᬕᬸᬦᬸᬂᬳᬮᬲ᭄ᬫᬓᬾᬃᬣᬶ᭞ᬗᬲ᭄ᬢᬶᬢᬶᬚᬕᬢ᭄ᬲᬫ᭄ᬧ᭄ᬬᬦ᭄᭟ᬳᬮᬥᬭ᭞ᬕᬃᬚᬶᬢᬕᭂᬮᬶᬲ᭄ᬜᬯᬸᬭᬶᬦ᭄᭞ᬳᬤᬶᬲᬂᬓᬺᬱ᭄ᬡ᭞ᬫᬃᬕᬶᬳᬤᬶᬩᭂᬘᬶᬓ᭄ᬩᭂᬘᬶᬓ᭄᭞ᬩᭂᬮᬶᬩᬋᬂᬗᬲ᭄ᬢᬯᬬᬂ᭚᭜᭚ᬧᬸᬧᬸᬄᬤᭂᬫᬸᬂ᭚᭜᭚ᬢᬦ᭄ᬘᬭᬶᬢᬭᬶᬂᬳᬮᬲ᭄‌ᬯᬸᬓᬶᬃ᭞ᬲᬂ ᬓᬾᬰᬯ᭞ᬓᬂᬯᬃᬡᬲᬂᬧ᭄ᬭᬤᬸᬓᬸᬭᬸ᭞ᬗᬸᬢᬸᬲ᭄ᬧᬸᬭᭀᬳᬶᬢᬲᬫ᭄ᬧᬸᬦ᭄᭞ᬲᬳᬤᬦ᭄ᬧᬸᬦ᭄ᬬᬲᬫᬶ᭞ᬦᭀᬫᬄᬲᬂᬭᬢ᭄ᬦᬵᬤ᭄ᬯᬶᬢ᭞ᬲᬶᬢᬶᬲᬸᬡ᭄ᬤᬭᬶᬦᬾᬓᬲᭀᬩ᭄᭞ᬳᬬᬸᬳᬦᭀᬫ᭄ᬢᬦ᭄ᬧᬧᬤ᭞ᬧᬶᬢᬸᬳᬸᬫᬡᬶᬓᬶᬂᬧᬸᬭᬶ᭞ᬧᭂᬤᭂᬓ᭄ᬭᬶᬂᬲᬂᬪᬮᬤᬾᬯ᭞ᬲᬶᬦᬶᬯᬶᬭᬶᬂᬧᬸᬭᬶᬳᬕᬸᬂ᭟ᬳᬕᬢᬕᭀᬦ᭄ᬭᬶᬂᬲᬂᬳᬧᭂ ᬓᬶᬓ᭄᭞ᬮᬓ᭄ᬱᬡᬓᬸᬫᬭ᭞ᬧᬸᬢ᭄ᬭᬦ᭄ᬲᬂᬦᬣᬓᬸᬭᬸ᭞ᬲᬂᬳᬮᬥᬭᬢᭂᬮᬲ᭄ᬳᬲᬸᬂ᭞ᬳᬦᬸᬕ᭄ᬭᬳᬧᬫᬶᬦᬂᬅᬚᬶ᭞ᬫᬓᬤᬶᬲᬂᬭᬢ᭄ᬦᬤᬶᬢ᭞ᬢᬦ᭄ᬤ᭄ᬯᬲᬫ᭄ᬧᬸᬦ᭄ᬓᬳᬢᬸᬃ᭞ᬭᬶᬂᬳᬶᬤᬲᬂᬥᬸᬃᬬᭀᬥᬦ᭞ᬲᬭᬮᬾᬤᬗᬾᬫᬗᬫ᭄ᬩᬶᬮ᭄᭞ᬲᬸᬓ᭄ᬱᬭᬦᬸᬗ᭄ᬕᬸᬳᬶᬂᬤᬶᬦ᭞ᬧᬯᬶᬯᬳᬦ᭄‌ᬦᬾᬕᬳᬬᬸ᭞ᬲᬶᬢᬶᬲᬸ [ ᭖ 6A] ᬮᬓ᭄ᬱᬡᬓᬸᬫᬭ᭞ᬧᬸᬢ᭄ᬭᬦ᭄ᬳᬶᬤ᭞ᬲᬂᬤᬸᬃᬬᭀᬥᬦᬪᬸᬧᬢᬶ᭞ᬲᬂᬲᬸᬤᬃᬧᬡᬗᭂᬮᬶᬲᬂ᭟ᬢᬦ᭄ᬓᬯᬃᬡᬫᬭᬶᬂᬫᬃᬕᬶ᭞ᬓᭀᬘᬧ᭄ᬢᬶᬩ᭞ᬲᬂᬪᬶᬫᬦ᭄ᬬᬸᬫᬮᬭ᭞ᬢᬶᬦ᭄ᬕᬶᬕᬶᬲ᭄‌ᬲᬸᬗ᭄ᬓᬦ᭄ᬓᬬᬸᬦᬾ᭞ᬓᬫᭂᬕᬦ᭄ᬜᬶᬗᬓ᭄ᬦᬾᬭᬯᬸᬄ᭞ᬲᬸᬤᬃᬫᬡᬫᬢᬸᬃᬦᬗᬶᬲ᭄᭞ᬩᬶᬗᬄᬩᬶᬗᬸᬄᬫᬳᬗ᭄ᬲᭂᬕᬦ᭄᭞ᬗᬸᬦᬶᬗᬂᬳᬶ ᬤᬲᬂᬳᬬᬸ᭞ᬢᬫ᭄ᬩᬶᬲ᭄ᬲᬫ᭄ᬧᬸᬦ᭄ᬜᬸᬦ᭄ᬤᬸᬓ᭄ᬭᬕ᭞ᬤᬾᬦᬶᬂᬳᬶᬤ᭞ᬢᬦ᭄ᬳᬸᬭᬸᬂᬕᭂᬮᬶᬲ᭄ᬓᬳᬫ᭄ᬩᬶᬮ᭄᭞ᬳᬦ᭄ᬢᬸᬓ᭄ᬲᬂᬮᬓ᭄ᬱᬡᬓᬸᬫᬭ᭟ᬫᬓᬤᬶᬳᬶᬤᬳᬶᬳᬭᬶ᭞ᬭᬶᬂᬲᬭᬾᬦᬦ᭄᭞ᬢᬦ᭄ᬧᭂᬕᬢ᭄ᬗᬫᭀᬂᬲᬜ᭄ᬚᬢ᭞ᬚᬕ᭄ᬫᬢᭂᬮᬲᬦ᭄ᬓᬳ᭄ᬬᬸᬦᬾ᭞ᬫᬗ᭄ᬤᬾᬦᬾᬗᬶᬭᬶᬂᬳᬶᬭᬢᬸ᭞ᬬᬦ᭄ᬯᬦ᭄ᬢᬄᬳᬶᬭᬢᬸᬲᬸᬚᬢᬶ᭞ᬓᬤᬶᬲᬸ ᬩᬬᬦᬾᬲᬸᬩ᭞ᬢᬶᬢ᭄ᬬᬂᬦᬯᭂᬕ᭄ᬭᬶᬂᬳᬶᬭᬢᬸ᭞ᬫᬗ᭄ᬤᬾᬦ᭄ᬮᬾᬤᬂᬕᭂᬮᬶᬲ᭄ᬮᬸᬗ᭄ᬳ᭞ᬗᬋᬋᬄᬳᬶᬤ᭞ᬫᬗ᭄ᬤᬾᬲᬫ᭄ᬧᬸᬦ᭄ᬫᬗᭂᬫᬲᬂᬦ᭄᭞ᬜᬤ᭄ᬬᬧᬘᬂᬫᬢᬸᬗ᭄ᬕᬮᬦ᭄᭟᭚᭜᭚ᬧᬸᬧᬸᬄᬲᬶᬦᭀᬫ᭄᭚᭜᭚ᬲᬶᬪᬶᬫᬦ᭄ᬬᬸᬓᬾᬫᭂᬗᬦ᭄᭞ᬗᬦ᭄ᬤᬶᬓᬫᬢᬸᬂᬢᬸᬂᬢᬗᬶᬲ᭄᭞ᬤᬸᬄᬳᭂᬫ᭄ᬩᭀᬓ᭄ᬲᬂᬲᬸᬤᬃᬧᬡ᭞ᬳᬂᬦ᭄ᬤ ᬬᬂᬓᬸᬤᬧᬶᬦᭂᬳᬶᬦ᭄᭞ᬢᬶᬢ᭄ᬬᬂᬳᬸᬭᬶᬧ᭄‌ᬢ᭄ᬯᬄᬤᬶᬧᬸᬭᬶ᭞ᬫᬫᬜ᭄ᬚᬓ᭄ᬭᬶᬂᬧᬸᬭᬶᬳᬕᬸᬂ᭞ᬮᬯᬸᬢ᭄ᬳᬶᬳᬤᬶᬲ᭄ᬯᬾᬘ᭞ᬲᬮᬸᬮᬸᬢ᭄ᬫᬓᬤᬶᬫᬗ᭄ᬓᬶᬦ᭄᭞ᬳᬮᬳᬬᬸ᭞ᬲᬮᬸᬂᬮᬸᬂᬲᬸᬩᬬᬦ᭄ᬢᬓ᭟ᬦ᭄ᬤᬶᬓᬧᬦ᭄ᬢᬶᬢ᭄ᬬᬂᬫᬯᭂᬳᬂ᭞ᬦᬫ᭄ᬧᬾᬲᬂᬳᬶᬘᬦ᭄ᬳᬶᬳᬤᬶ᭞ᬢᬶᬢ᭄ᬬᬂᬓᬭᬶᬦᬩ᭄ᬤᬩ᭄ᬫᬦᬄᬧᬘᬂᬭᬕᬸᬳᬾᬭᬶᬂᬧᬸ

Auto-transliteration

[ 5 5B] 5 māla, kawitmulangawisyanin, pikĕdĕḥmangdenesir̀ṇa. kar̀mapala, damadhar̀masantikatuwi, hĕntonepagĕhang, pilpulangtĕl̥ĕnginghati, mawastuśuddamalilang. kataḥpisanpahingkupeneringpuri, hidasangkr̥ĕṣṇa, muputanghatur̀panguning, ngaturangjagat'haṣṭiṇa. moga ledang, bĕlihagungmanĕdungin, tityangnangunyaṣa, ringgununghalasmaker̀thi, ngastitijagatsampyan. haladhara, gar̀jitagĕlisñawurin, hadisangkr̥ĕṣṇa, mar̀gihadibĕcikbĕcik, bĕlibar̥ĕngngastawayang // • // pupuḥdĕmung // • // tancaritaringhalaswukir̀, sang keśawa, kangwar̀ṇasangpradukuru, ngutuspurohitasampun, sahadanpunyasami, nomaḥsangratnādwita, sitisuṇdarinekasob, hayuhanomtanpapada, pituhumaṇikingpuri, pĕdĕkringsangbhaladewa, siniwiringpurihagung. hagatagonringsanghapĕ kik, lakṣaṇakumara, putransangnathakuru, sanghaladharatĕlashasung, hanugrahapaminangaji, makadisangratnadita, tandwasampunkahatur̀, ringhidasangdhur̀yodhana, saraledangemangambil, sukṣaranungguhingdina, pawiwahannegahayu, sitisu [ 6 6A] lakṣaṇakumara, putranhida, sangdur̀yodhanabhupati, sangsudar̀paṇangĕlisang. tankawar̀ṇamaringmar̀gi, kocaptiba, sangbhimanyumalara, tin'gigissungkankayune, kamĕganñingaknerawuḥ, sudar̀maṇamatur̀nangis, bingaḥbinguḥmahangsĕgan, nguninganghi dasanghayu, tambissampunñundukraga, deninghida, tanhurunggĕliskahambil, hantuksanglakṣaṇakumara. makadihidahihari, ringsarenan, tanpĕgatngamongsañjata, jagmatĕlasankahyune, mangdenengiringhiratu, yanwantaḥhiratusujati, kadisu bayanesuba, tityangnawĕgringhiratu, mangdenledanggĕlislungha, ngar̥ĕr̥ĕḥhida, mangdesampunmangĕmasangn, ñadyapacangmatunggalan. // • // pupuḥsinom // • // sibhimanyukemĕngan, ngandikamatungtungtangis, duḥhĕmboksangsudar̀paṇa, hangnda yangkudapinĕhin, tityanghuriptwaḥdipuri, mamañjakringpurihagung, lawut'hihadisweca, salulutmakadimangkin, halahayu, salunglungsubayantaka. ndikapantityangmawĕhang, nampesanghicanhihadi, tityangkarinabdabmanaḥpacangraguheringpu

Leaf 6

Image on Archive.org

[ ᭖ 6B] ᭖᭞ ᬩ᭄ᬤᬭᬶᬦᬾᬫᬗ᭄ᬓᬶᬦ᭄᭞ᬲᬬᬦ᭄ᬤᬸᬄᬓᬶᬢ᭞ᬭᬶᬂᬧᬢᬸᬭᭀᬦ᭄ᬲᭂᬤᬶᬄᬩᭂᬓᬸᬢ᭄᭞ᬗᬍᬫ᭄ᬓᭂᬭᬶᬲ᭄ᬲᬶᬬᬂᬤᬮᬸ᭞ᬫ᭄ᬬᬃᬱᬧᬦᭀᬫᬄᬅᬚᬶ᭞ᬫᬧᬶᬢᭂᬮᬲ᭄ᬦᬸᬯᭂᬓ᭄ᬭᬕ᭞ᬤᬾᬦᬶᬂᬢᬦ᭄ᬮᬾᬤᬂᬜᬸᬲᬸᬂ᭞ᬲᬂᬮᬓ᭄ᬱᬡᬓᬸᬫᬭ᭞ᬮᬸᬭᬸᬂᬲᬚᬢᬶᬢ᭄ᬬᬂᬫᬢᬶ᭞ᬲᬥᬃᬧᬡᬭᬯᬸᬄᬜᬕ᭄ᬚᬕ᭄᭞ᬚᭂᬚᭂᬄᬗᭂᬢᭀᬃᬫᬧᬶᬳᬸᬗᬸ ᬧᬸᬧᬸᬄᬤᬂᬤᬂ᭚ᬧᬸᬓᬸᬮᬸᬦ᭄ᬭᬢᬸᬫᬲ᭄ᬫᬡᬶᬓ᭄᭞ᬩ᭄ᬯᬢ᭄ᬦᬢᭂᬕᬂ᭞ᬮᬾᬤᬂᬳᬸᬕᬶᬫᬶᬳᬃᬱᬬᬂ᭞ᬳᬢᬸᬃᬢᬶᬢ᭄ᬬᬂᬲᬓᬶᬂᬦᭂᬓᬾᬂ᭞ᬫᬦᬳᬾᬗᬶᬭᬶᬂᬳᬶᬭᬢᬸ᭞ᬫᬗ᭄ᬤᬾᬦ᭄ᬓᬲᬶᬤᬦ᭄ᬧᬶᬦᬸᬚᬶ᭞ᬫᬓᬤᬶᬮᬶᬂᬲᬸᬩᬬ᭞ᬫᬦ᭄ᬢᬸᬓ᭄ᬭᬶᬂᬲᬂᬪᬶᬫᬵᬦ᭄ᬬᬸ᭞ᬲᬮᬸᬂᬮᬸᬂᬲᬩᬬᬦ᭄ᬢᬓ᭞ᬚᭂᬮᬾᬫᭂᬮᬄ᭞ᬗᬸᬤᬭᬢᬸᬓᬤᬶᬫᬗ᭄ᬓᬶᬦ᭄᭞ᬫᬧᬶᬢᭂ ᬮᬲ᭄ᬜᬸᬤᬸᬓ᭄ᬭᬕ᭟ᬦᬧᬶᬕᬸᬡᬦ᭄ᬢᬶᬢ᭄ᬬᬗᬾᬗᬶᬭᬶᬂ᭞ᬲᬓᬶᬂᬮᬯᬲ᭄᭞ᬫᬗᬤ᭄ᬧᬤᬭᬶᬂᬕ᭄ᬬᬦ᭄᭞ᬧᬫᬸᬧᬸᬢ᭄ᬳᬶᬭᬢᬸᬓᬾᬦᬾ᭞ᬜᬤ᭄ᬬᬲᬾᬤᬢᬦ᭄ᬧᬳᬸᬦ᭄ᬤᬸᬓ᭄᭞ᬢᬶᬢ᭄ᬬᬂᬦᬯᭂᬕ᭄ᬲᬦᬾᬫᬗ᭄ᬓᬶᬦ᭄᭞ᬜᬧᬮᬢᬶᬢ᭄ᬬᬂᬫᬫᬜ᭄ᬚᬓ᭄᭞ᬗᬢᬸᬭᬶᬫ᭄ᬲᬂᬪᬶᬫᬦ᭄ᬬᬸ᭞ᬲᬢᭂᬓᬦᬾᬧᬘᬂᬢᬢᬓ᭄᭞ᬬᬦᬶᬂᬲ ᬫ᭄ᬧᬸᬦ᭄᭞ᬢᬶᬢ᭄ᬬᬂᬗᬶᬭᬶᬂᬳᬶᬫᬲ᭄ᬫᬡᬶᬓ᭄᭞ᬬᬤ᭄ᬬᬦ᭄ᬢᬶᬢ᭄ᬬᬂᬧᬘᬂᬧᭂᬚᬄ᭟ᬲᬧᬸᬦᬶᬓᬭᬢᬸᬫᬲ᭄ᬫᬡᬶᬓ᭄᭞ᬩᭂᬘᬶᬓ᭄ᬤᬩ᭄ᬤᬩᬂ᭞ᬲᬂᬳᬬᬸᬦᬶᬫ᭄ᬩᬮ᭄ᬗᬦ᭄ᬤᬶᬓ᭞ᬓᭂᬫᬚ᭄ᬯᬳᭂᬫ᭄ᬩᭀᬓ᭄ᬳᬾᬗ᭄ᬕᬮᬂ᭞ᬳᬸᬦᬶᬗᬂᬭᬶᬂᬩᭂᬮᬶᬳᬕᬸᬂ᭞ᬲᬧᬭᬶᬢᬶᬗ᭄ᬓᬳᬾᬤᬶᬦᬶ᭞ᬳᬶᬦ᭄ᬤᬶᬓ᭄ᬢᬶᬢ᭄ᬬᬂᬓᬧᬶᬲᭂᬭᬄ᭞ᬳᬦ᭄ᬢᬸᬓ᭄ᬳᬶᬤᬲᬂᬧ᭄ᬭᬪᬸ᭞ᬭᬶᬂᬲᬂ [ ᭗ 7A] ᬭᬶᬂ᭞ᬤᬾᬦᬶᬂᬧᬸᬭᬶᬓᬲᬸᬩ᭄ᬮᬸᬯᬶᬄ᭞ᬳᭀᬕ᭄ᬬᬢᬶᬢ᭄ᬬᬂᬜᭂᬫ᭄ᬩᬄᬜᬸᬂᬲᬸᬂ᭞ᬮᬯᬸᬢᬶᬢ᭄ᬬᬂᬗᬯᬾᬘᬘᬤ᭄᭞ᬗᬍᬢᭂᬳᬶᬦ᭄ᬲᬭᬶᬦ᭄ᬧᬸᬭᬶ᭞ᬢᬶᬢ᭄ᬬᬂᬓᬶᬫᬸᬤ᭄‌ᬓᬚᬃᬯᬩᬸᬭᭀᬦ᭄ᬳᬮᬲᬦ᭄᭟ᬫᬤᬓ᭄ᬳᬶᬤᬫᬜᬶᬗᬓ᭄᭞ᬗᬶᬘᬾᬦ᭄ᬢᬶᬢ᭄ᬬᬂᬫᬦᬄᬧᬶᬗᬶᬢ᭄᭞ᬢᬦ᭄ᬯᬦ᭄ᬤᬾᬢᬶᬢ᭄ᬬᬂᬗᬾᬗ᭄ᬕᬮᬂ᭞ᬓᬲᬸᬦ᭄ᬤᬸᬓ᭄ᬢᭂᬓᬾᬦ᭄ᬳᬂᬬᬤᬶ᭞ᬧᬶᬢᭂᬮ ᬲ᭄ᬗᬳᬸᬭᬂᬉᬭᬶᬧ᭄᭞ᬤ᭄ᬬᬲ᭄ᬢᬸᬦ᭄ᬫᬦ᭄ᬤᬤᬶᬘᬭᬸ᭞ᬲᬧᬶᬳᬸᬤᬸᬄᬧᬘᬂᬢᬢᬓ᭄᭞ᬗᬶᬭᬶᬗᬂᬓᬳ᭄ᬬᬸᬦ᭄ᬳᬶᬬᬤᬶ᭞ᬢ᭄ᬯᬭᬢᬓᬸᬢ᭄᭞ᬬᬤᬶᬦ᭄ᬫᬕᬦ᭄ᬤᬶᬂᬳᬧ᭄ᬭᬂ᭟ᬭᬶᬂᬫᬦᬳᬾᬲ᭄ᬬᬩᬧ᭄ᬯᬕᬢ᭄᭞ᬢᬶᬢ᭄ᬬᬂᬬᬤ᭄ᬬᬦ᭄ᬧᬘᬂᬫᬢᬶ᭞ᬬᬦ᭄ᬢᬦ᭄ᬲᬶᬤᬫᬓᬭᭀᬦᬦ᭄᭞ᬲᬮᬸᬂᬮᬸᬂᬭᬶᬂᬳᬶᬬᬤᬶ᭞ᬓᬾᬢᭀᬳᭂᬫ᭄ᬩᭀᬓ᭄ᬫᬗ᭄ᬤᬾᬳᬸᬦᬶᬂ᭞ᬫᭂᬮᬳᬂᬤᬶ ᬢᬸᬳᬸᬫᬢᬸᬃ᭞ᬦᬶᬲᬸᬤᬃᬧᬡᬗᬶᬜ᭄ᬘᭂᬕᬂ᭞ᬫᬧᬫᬶᬢ᭄ᬮᬯᬸᬢ᭄ᬫᬫᬃᬕᬶ᭞ᬳᬦ᭄ᬧᬗᬶᬢᬸᬂ᭞ᬳᬮᬳᬬᬸᬦᬶᬂᬮᬓ᭄ᬱᬡ᭟ᬲᬂᬪᬶᬫᬦ᭄ᬬᬸᬓᭀᬘᬧᬦ᭄᭞ᬚ᭄ᬭᬸᬤᬾᬰ᭄ᬭᬸᬲᬫᬗᬶᬭᬶᬂ᭞ᬭᬯᬸᬄᬭᬶᬂᬓᬸᬲᬶᬃᬲᬂᬓᬺᬱ᭄ᬡ᭞ᬲᬂᬧ᭄ᬭᬕᬸᬲ᭄ᬢᬳᬭᬦ᭄ᬳᬾᬓᬶ᭞ᬧᭂᬘᬓ᭄ᬓᬸᬲᬶᬃᬲᬂᬓᬶᬭᬶᬢᬶ᭞ᬦᬫ᭄ᬧᭂᬓᬶᬦ᭄ᬢᬫᬦ᭄ᬳᬸᬫᬸᬗ᭄ᬕᬸᬄ᭞ᬲᬂᬧ᭄ᬭᬕᬸᬱ᭄ᬝᬲᬳᬲᭂᬫ᭄ᬩᬄ ᬳᬸᬫᬢᬸᬃᬭᬶᬂᬲᬂᬳᬧᭂᬓᬶᬓ᭄᭞ᬪᬶᬫᬦ᭄ᬬᬸ᭞ᬫᬯᬘᬦᬓᬲᭂᬋᬢᬦ᭄᭟ᬉᬤᬸᬄᬧᬫᬦ᭄ᬲᬂᬧ᭄ᬭᬕᬸᬱ᭄ᬝ᭞ᬕᬸᬮᬸᬗᬶᬦ᭄ᬳᬧᬂᬩᬸᬯᬸᬂᬫᬢᬶ᭞ᬫᬦᬶᬭᬓᭂᬦᬾᬂᬩᬜ᭄ᬘᬦ᭞ᬫᬩᬲ᭄ᬢᬦᭀᬭᬫᬢᬮᬶ᭞ᬭᬶᬂᬤ?ᬳᬾᬯᬶᬲᬶᬢᬶᬲᬸᬡ᭄ᬥᬭᬶ᭞ᬲᬭᬶᬦ᭄ᬫᬡᬶᬓ᭄ᬧᬸᬭᬶᬳᬕᬸᬂ᭞ᬫᬲᬧᬫᬦ᭄‌ᬢ᭄ᬯᬭᬦᬯᬂ᭞ᬫᬦᬶᬭᬲᬦᬓ᭄ᬫᬶᬂᬲᬶᬓᬶ᭞

Auto-transliteration

[ 6 6B] 6 bdarinemangkin, sayanduḥkita, ringpaturonsĕdiḥbĕkut, ngal̥ĕmkĕrissiyangdalu, myar̀ṣapanomaḥaji, mapitĕlasnuwĕkraga, deningtanledangñusung, sanglakṣaṇakumara, lurungsajatityangmati, sadhar̀paṇarawuḥñagjag, jĕjĕḥngĕtor̀mapihungu pupuḥdangdang // pukulunratumasmaṇik, bwatnatĕgang, ledanghugimihar̀ṣayang, hatur̀tityangsakingnĕkeng, manahengiringhiratu, mangdenkasidanpinuji, makadilingsubaya, mantukringsangbhimānyu, salunglungsabayantaka, jĕlemĕlaḥ, ngudaratukadimangkin, mapitĕ lasñudukraga. napiguṇantityangengiring, sakinglawas, mangadpadaringgyan, pamuput'hiratukene, ñadyasedatanpahunduk, tityangnawĕgsanemangkin, ñapalatityangmamañjak, ngaturimsangbhimanyu, satĕkanepacangtatak, yaningsa mpun, tityangngiringhimasmaṇik, yadyantityangpacangpĕjaḥ. sapunikaratumasmaṇik, bĕcikdabdabang, sanghayunimbalngandika, kĕmajwahĕmbok'henggalang, huningangringbĕlihagung, saparitingkahedini, hindiktityangkapisĕraḥ, hantuk'hidasangprabhu, ringsang [ 7 7A] ring, deningpurikasubluwiḥ, hogyatityangñĕmbaḥñungsung, lawutityangngawecacad, ngal̥ĕtĕhinsarinpuri, tityangkimudkajar̀waburonhalasan. madak'hidamañingak, ngicentityangmanaḥpingit, tanwandetityangngenggalang, kasunduktĕkenhangyadi, pitĕla sngahurangurip, dyastunmandadicaru, sapihuduḥpacangtatak, ngiringangkahyunhiyadi, twaratakut, yadinmagandinghaprang. ringmanahesyabapwagat, tityangyadyanpacangmati, yantansidamakaronan, salunglungringhiyadi, ketohĕmbokmangdehuning, mĕlahangdi tuhumatur̀, nisudar̀paṇangiñcĕgang, mapamitlawutmamar̀gi, hanpangitung, halahayuninglakṣaṇa. sangbhimanyukocapan, jrudeśrusamangiring, rawuḥringkusir̀sangkr̥ĕṣṇa, sangpragustaharanheki, pĕcakkusir̀sangkiriti, nampĕkintamanhumungguḥ, sangpraguṣṭasahasĕmbaḥ humatur̀ringsanghapĕkik, bhimanyu, mawacanakasĕr̥ĕtan. uduḥpamansangpraguṣṭa, gulunginhapangbuwungmati, manirakĕnengbañcana, mabastanoramatali, ringda?hewisitisuṇdhari, sarinmaṇikpurihagung, masapamantwaranawang, manirasanakmingsiki,

Leaf 7

Image on Archive.org

[ ᭗ 7B] ᭗᭞ ᬳᬶᬤᬲᬸᬂᬲᬸᬢ᭄᭞ᬢᬫ᭄ᬩᬶᬲ᭄ᬲᬫ᭄ᬧᬸᬦ᭄ᬜᬸᬦ᭄ᬤᬸᬓ᭄ᬭᬕ᭟ᬧᬶᬢᭂᬮᬲ᭄ᬧᬘᬂᬫᬢᬸᬗ᭄ᬕᬮᬦ᭄᭞ᬭᬶᬂᬫᬦᬶᬭᬲᬫ᭄ᬧᬸᬦ᭄ᬧᬲ᭄ᬢᬶ᭞ᬮᬢᬸᬢ᭄ᬳᬤᬦᬾᬫᬦᭀᬫᬄ᭞ᬢᬸᬫᬸᬮᬶᬕᭂᬮᬶᬲ᭄ᬓᬳᬫ᭄ᬩᬶᬮ᭄᭞ᬮᬓ᭄ᬱᬡᬓᬸᬫᬭᬓᬲᬶᬯᬶ᭞ᬧᬸᬢ᭄ᬭᬦ᭄ᬲᬂᬦᬣᬕᬶᬸᬭᬶᬸᬓᬸᬭᬸ᭞ᬳᬶᬧ᭄ᬭᬕᬸᬱ᭄ᬝᬫᬜᬸᬮᬶᬗᬄ᭞ᬫᬶᬭᬶᬩ᭄ᬫᬶᬢᬸᬭᬸᬦᬶᬦ᭄ᬲᭂᬤᬶᬄ᭞ᬦᬗ᭄ᬳᬶᬂᬳᭂᬦ᭄ᬢᬸᬓ᭄᭞ ᬲᬶᬢᬦᬶᬂᬤᬤᬶᬧᬋᬓᬦ᭄᭟ᬳᬶᬧ᭄ᬭᬕᬸᬱ᭄ᬝᬓᬧᭂᬢᭂᬗᬦ᭄᭞ᬤᬾᬦᬶᬂᬲᬫᬶᬳᬗ᭄ᬕᬾᬦ᭄ᬕᬸᬲ᭄ᬢᬶ᭞ᬲᬂᬓᬺᬱ᭄ᬡᬮᬦ᭄ᬲᬂᬧᬃᬣ᭞ᬧᬸᬢ᭄ᬭᬦ᭄ᬳᬶᬤᬫᬓᬓᬮᬶᬄ᭞ᬓᭂᬦᬚᬭᬶᬂᬲ᭄ᬫᬭᬭᬢᬶᬄ᭞ᬓᬢᬸᬢᬸᬧᬦ᭄ᬤᬾᬦᬶᬂᬮᬸᬮᬸᬢ᭄᭞ᬫᬓᬭ᭄ᬯᬜᬤ᭄ᬬᬲᬾᬤ᭞ᬓᬸᬤ᭄ᬬᬗᬂᬚᬦᬶᬫᬓᭂᬮᬶᬤ᭄᭞ᬭᬢᬸᬳᬕᬸᬂ᭞ᬢᬶᬢ᭄ᬬᬂᬗᬶᬭᬶᬂᬫᬜᬭᬸᬯᬂ᭟ᬲᬕᬾ ᬢ᭄ᬯᬦ᭄ᬢᭂᬦ᭄ᬫᬮᬶᬄᬲᬸᬭᬢ᭄᭞ᬲᬓᬶᬂᬲᬂᬫᬓᬤᬶᬭᬢᬶᬄ᭞ᬓᬢᬸᬃᬭᬶᬂᬲᬂᬓᬲ᭄ᬫᬭᬦ᭄᭞ᬫᬗ᭄ᬤᬾᬦ᭄ᬤᬶᬕᭂᬮᬶᬲ᭄ᬓᬧᬸᬭᬶ᭞ᬓᭀᬘᬧ᭄ᬫᬗ᭄ᬓᬶᬦ᭄ᬓᬵᬮᬗᭂᬗᬶᬲᬂᬳᬦᭀᬫ᭄ᬳᬫᭂᬧᭂᬢ᭄ᬓᬳ᭄ᬬᬸᬦ᭄᭞ᬗᬸᬧᭂᬢᬶᬳᬶᬤᬪᬝᬵᬭ᭞ᬦᬸᬳᬸᬦ᭄ᬳᬶᬘᬦ᭄ᬳᬶᬤᬳ᭄ᬬᬂᬮᬶᬘᬶᬦ᭄᭞ᬢᬦ᭄ᬳᬢᬸᬭᬸ᭞ᬲᬂᬳᬦᭀᬫ᭄ᬯᬲ᭄ᬢᬸᬜᬸᬫ᭄ᬧ᭄ᬦ᭟ᬓᬢᬸᬭᬸᬦᬦ᭄‌ᬳ᭄ᬬᬂ ᬲ᭄ᬫᬭ᭞ᬲᬂᬳᬦᭀᬫ᭄ᬫᬢᬸᬃᬗᬜ᭄ᬚᬮᬶ᭞ᬳᬦᬸᬳᬸᬦ᭄‌ᬓᬺᬢᬦᬸᬕ᭄ᬭᬳ᭞ᬫᭀᬕᬢᬦ᭄ᬲᬮᬄᬧᬫᬶᬤᬶ᭞ᬳᬶᬤᬪᬝᬵᬭᬗᬶᬘᬾᬦᬶᬦ᭄᭞ᬩᬸᬗᬦ᭄ᬫᬦᬄᬗᭂᬦ᭄ᬤᬾᬳᬬᬸ᭞ᬜᬗ᭄ᬲᬭᬢᭂᬮᬲ᭄ᬫᬢᬶᬮᬃ᭞ᬳ᭄ᬬᬂᬭᬢᬶᬄᬫᬮᬶᬄᬦᬸᬭᭀᬦᬶᬦ᭄᭞ᬤᬸᬄᬫᬸᬭᬸᬩ᭄᭞ᬤᬾᬦᬶᬂᬳᬶᬤᬢᬦ᭄ᬲᬶᬦᭂᬫ᭄ᬩᬄ᭟ᬲᬂᬪᬶᬫᬦ᭄ᬬᬸ [ ᭘ 8A] ᬓᬢᭂᬫᬄ᭞ᬧᬫᬲ᭄ᬢᬸᬦᬾᬗᬺᬱᬶᬂᬳᬢᬶ᭞ᬲᬂᬳᬦᭀᬫ᭄ᬮᬯᬸᬢ᭄ᬗᬶᬜ᭄ᬘᭂᬕᬂ᭞ᬗᬸᬲᬄᬍᬫᬄᬫᬗᬜ᭄ᬚᬮᬶ᭞ᬳ᭄ᬬᬂᬭᬢᬶᬄᬫᬸᬳᬭᬳᬲᬶᬄ᭞ᬗᬯᬾᬧᬫᬸᬃᬡᬦᬶᬂᬧᬫᬲ᭄ᬢᬸ᭞ᬲᬂᬪᬶᬫᬦ᭄ᬬᬸᬓᬕ᭄ᬬᬢ᭄᭞ᬫᬳᬸᬗᬸᬮᬯᬸᬢ᭄ᬫᬫᬃᬕᬶ᭞ᬦᬾᬓᬚᬸᬚᬸᬃ᭞ᬧᬢᬸᬭᭀᬦ᭄ᬲᬂᬭᬢ᭄ᬦᬤ᭄ᬯᬶᬢ᭟ᬲᬋᬂᬢᬶᬕᬲᬶᬦᬋᬗᬦ᭄᭞ᬮᬸᬤᬶᬦ᭄ᬧᭂᬢᭂᬂᬢᬦ᭄ᬧᬲᬸᬦ᭄ᬤᬶᬄ ᭞ᬫᬕᬩᬗᬶᬸᬕᬦ᭄ᬫᬭᬶᬂᬚᬮᬦ᭄᭞ᬢᬦ᭄ᬳᬤᬳᬦᬓ᭄ᬫᬗ᭄ᬕᬶᬳᬶᬦ᭄᭞ᬚᬕᬩᬬᬦᬾᬭᬶᬂᬧᬸᬭᬶ᭞ᬗᬢᬸᬚᬸᬕᭂᬦᬄᬳᬢᬸᬭᬸ᭞ᬲᬸᬤᬃᬧᬡᬕᬕᬾᬲᭀᬦᬦ᭄᭞ᬗᭂᬤᭂᬂᬢᬗᬦ᭄ᬲᬂᬧᭂᬓᬶᬓ᭄᭞ᬦᬸᬮᬶᬫᬢᬸᬃ᭞ᬲᬤ᭄ᬬᬦ᭄ᬳᬶᬭᬢᬸᬧ᭄ᬭᬧ᭄ᬢ᭟ᬳᬶᬤᬳᬭᬶᬦ᭄ᬘᭀᬓᭀᬃᬳᬶᬤᬾᬯ᭞ᬳᬶᬤᬲᭂᬤᭂᬂᬗᬸᬦᬸᬲ᭄‌ᬓ᭄ᬭᬶᬲ᭄᭞ᬳᭂᬗ᭄ᬲᬧ᭄ᬳᬶᬗᭂᬢ᭄ᬤᬶᬲᬕᬾ ᬦᬦ᭄᭞ᬕᭂᬮᬶᬲᬂᬭᬢᬸᬦᬫ᭄ᬩᬦᬶᬦ᭄᭞ᬢᬶᬢ᭄ᬬᬂᬳᬶᬭᬶᬓᬶᬗᭂᬩᬕᬶᬦ᭄᭞ᬭᬶᬂᬳᬫ᭄ᬩᬾᬦᬾᬗᬯᬾᬲᬭᬸ᭞ᬓᭀᬘᬧᬦ᭄ᬭᬶᬂᬧᬲᬭᬾᬦᬦ᭄᭞ᬓ᭄ᬭᬶᬲ᭄ᬳᬶᬤᬲᬂᬳᬧᭂᬓᬶᬓ᭄᭞ᬢᭂᬮᬲ᭄ᬜᬸᬤᬸᬓ᭄᭞ᬩᬜ᭄ᬘᬦᬲᬂᬭᬢ᭄ᬦᬤ᭄ᬯᬶᬢ᭟ᬧᬤᬳᭂᬗ᭄ᬲᬧ᭄ᬢᭂᬓᬾᬦ᭄ᬭᬕ᭞ᬢᬦ᭄ᬧᬯᬲ᭄ᬢᬫᬓᬓᬮᬶᬄ᭞ᬫᬕᬸᬍᬢ᭄ᬧᭂᬭᬂᬢᬦ᭄ᬤᬶᬗᬦ᭄᭞ᬢᬦ᭄ᬧ ᬓᭀᬮᬶᬄᬓᬦᬦ᭄ᬓᬾᬭᬶ᭞ᬲᬶᬂᬩᬳᬦ᭄ᬦᬾᬗᭂᬦ᭄ᬤᬸᬲᬶᬦ᭄᭞ᬤᬾᬦᬵᬳᬶᬂᬭᬕᬩᬬᬮᬶᬬᬸ᭞ᬓᭀᬘᬧ᭄ᬲᬫ᭄ᬧᬸᬦ᭄ᬢᬢᬲ᭄ᬕᬮᬂ᭞ᬧᬋᬓᬦ᭄ᬭᬯᬸᬄᬫᬩᬺᬱᬶᬄ᭞ᬫᬕᬸᬭᬸᬤᬸᬕ᭄᭞ᬲᬕᬾᬢ᭄ᬬᬗᬫ᭄ᬧᬓ᭄ᬮᬯᬗᬦ᭄᭟ᬲᬂᬪᬶᬫᬵᬦ᭄ᬬᬸᬲᬾᬧᬦᬦ᭄᭞ᬫᬯᬲ᭄ᬢ᭄ᬭᬲᬶᬜ᭄ᬚᬂᬫᬮᬳᬶᬩ᭄᭞ᬲᬢᬶᬩᬧᬭᬦ᭄ᬮᬸᬫᬫ᭄ᬧᬄ᭞ᬓᭀᬘᬧ᭄ᬫᬗ᭄ᬕᬶᬄᬩᬾ

Auto-transliteration

[ 7 7B] 7 hidasungsut, tambissampunñundukraga. pitĕlaspacangmatunggalan, ringmanirasampunpasti, latut'hadanemanomaḥ, tumuligĕliskahambil, lakṣaṇakumarakasiwi, putransangnathag̶r̶kuru, hipraguṣṭamañulingaḥ, miribmituruninsĕdiḥ, nanghinghĕntuk, sitaningdadipar̥ĕkan. hipraguṣṭakapĕtĕngan, deningsamihanggen'gusti, sangkr̥ĕṣṇalansangpar̀tha, putranhidamakakaliḥ, kĕnajaringsmararatiḥ, katutupandeninglulut, makarwañadyaseda, kudyangangjanimakĕlid, ratuhagung, tityangngiringmañaruwang. sage twantĕnmaliḥsurat, sakingsangmakadiratiḥ, katur̀ringsangkasmaran, mangdendigĕliskapuri, kocapmangkinkālangĕngisanghanomhamĕpĕtkahyun, ngupĕtihidabhaṭāra, nuhunhicanhidahyanglicin, tanhaturu, sanghanomwastuñumpna. katurunanhyang smara, sanghanommatur̀ngañjali, hanuhunkr̥ĕtanugraha, mogatansalaḥpamidi, hidabhaṭārangicenin, bunganmanaḥngĕndehayu, ñangsaratĕlasmatilar̀, hyangratiḥmaliḥnuronin, duḥmurub, deninghidatansinĕmbaḥ. sangbhimanyu [ 8 8A] katĕmaḥ, pamastunengr̥ĕsyinghati, sanghanomlawutngiñcĕgang, ngusaḥl̥ĕmaḥmangañjali, hyangratiḥmuharahasiḥ, ngawepamur̀ṇaningpamastu, sangbhimanyukagyat, mahungulawutmamar̀gi, nekajujur̀, paturonsangratnadwita. sar̥ĕngtigasinar̥ĕngan, ludinpĕtĕngtanpasundiḥ , magaban̶g̶ganmaringjalan, tanhadahanakmanggihin, jagabayaneringpuri, ngatujugĕnaḥhaturu, sudar̀paṇagagesonan, ngĕdĕngtangansangpĕkik, nulimatur̀, sadyanhiratuprapta. hidaharincokor̀hidewa, hidasĕdĕngngunuskris, hĕngsap'hingĕtdisage nan, gĕlisangratunambanin, tityanghirikingĕbagin, ringhambenengawesaru, kocapanringpasarenan, krishidasanghapĕkik, tĕlasñuduk, bañcanasangratnadwita. padahĕngsaptĕkenraga, tanpawastamakakaliḥ, magul̥ĕtpĕrangtandingan, tanpa koliḥkanankeri, singbahannengĕndusin, denāhingragabayaliyu, kocapsampuntatasgalang, par̥ĕkanrawuḥmabr̥ĕsyiḥ, magurudug, sagetyangampaklawangan. sangbhimānyusepanan, mawastrasiñjangmalahib, satibaparanlumampaḥ, kocapmanggiḥbe

Leaf 8

Image on Archive.org

[ ᭘ 8B] ᭘᭞ ᬚᬶᬮᬸᬯᬶᬄ᭞ᬳᬜᬸᬘᬶᬭᬕᬗᬭᬭᬶᬲ᭄᭞ᬭᬶᬂᬩᬮᬾᬧᬫᬸᬚᬦ᭄ᬫᬮᬸᬗ᭄ᬕᬸᬄ᭞ᬤᬾᬦ᭄ᬳᬧᭂᬦᭂᬤ᭄ᬫᬗᬲ᭄ᬢᬯ᭞ᬳᬶᬤᬤᬗᬭᬪᬝᬵᬭᬶ᭞ᬲᬕᬾᬢ᭄ᬭᬯᬸᬄ᭞ᬪᬝᬵᬭᬶᬤᬸᬃᬖᬤᬸᬫᬶᬮᬄ᭟ᬕᭂᬋᬂᬕᭂᬋᬂᬫᬦᬗ᭄ᬲᭂᬓᬂ᭞ᬧᬘᬂᬦᬤᬄᬲᬂᬳᬧᭂᬓᬶᬓ᭄᭞ᬢᬗᬦ᭄ᬲᬸᬓᬸᬫᬕᬩᬕᬦ᭄᭞ᬗᬦ᭄ᬤᬶᬓᬦᭀᬯᭀᬲ᭄ᬫᬦᭂᬮᬶᬓ᭄᭞ᬲᬂᬳᬦᭀ ᬫ᭄ᬕᭂᬮᬶᬲ᭄ᬫᬜᬯᬶᬲ᭄᭞ᬦ᭄ᬤᬢᭂᬗᬂᬭᬢᬸᬧᬸᬓᬸᬮᬸᬦ᭄᭞ᬢᬶᬢ᭄ᬬᬂᬧᬸᬢ᭄ᬭᬦ᭄ᬲᬂᬅᬃᬚᬸᬦ᭞ᬯᬲ᭄ᬢᬦ᭄ᬢᬶᬢ᭄ᬬᬗᬾᬲᬸᬚᬢᬶ᭞ᬪᬶᬫᬵᬦ᭄ᬬᬸ᭞ᬲᬦ᭄ᬢᬦᬦ᭄ᬧᬜ᭄ᬘᬧᬡ᭄ᬥᬯ᭟ᬩᭂᬮᭀᬕ᭄ᬦᬶᬱ᭄ᬝᬦᬾ ᬓᬮᬶᬯᬢ᭄᭞ᬗᬯᬶᬦᬂᬫᬓᬤᬶᬫᬗ᭄ᬓᬶᬦ᭄᭞ᬫᬦᬫ᭄ᬧᭂᬤᬂᬮᬭᬩᬬ᭞ᬳᬶᬤᬸᬧᬾᬭᬸᬫᬲᬢ᭄ᬫᬢᬶ᭞ᬫᬫᬋᬓᬦ᭄ᬲᬓᬶᬂᬭᬶᬳᬶᬦ᭄᭞ᬭᬶᬂᬳᬶᬤ ᬲᬂᬓᬺᬱ᭄ᬡᬭᬢᬸ᭞ᬓᬤᬸᬭᬸᬲ᭄ᬓᭂᬦᬾᬂᬩᬜ᭄ᬘᬦ᭞ᬲ᭄ᬫᬭᬦᬵᬮᬫᬗᬯᬾᬦᬶᬦ᭄᭞ᬳᬲᬸᬂᬮᬸᬮᬸᬢ᭄᭞ᬭᬶᬂᬧᬸᬢ᭄ᬭᬶᬦ᭄ᬳᬶᬤᬲᬂᬦᬣ᭟ᬢᬫ᭄ᬩᬶᬲ᭄ᬧᬥᭂᬫ᭄ᬭᬶᬂᬧᬸᬭ᭄ᬬᬦ᭄᭞ᬬᬦ᭄ᬢᬦ᭄ᬳᬕᭂᬮᬶᬲ᭄ᬫᬮᬳᬶᬩ᭄᭞ᬳᭂᬗ᭄ᬲᬧ᭄ᬳᬶᬗᭂᬢ᭄ᬭᬶᬂᬲᬶᬓᬶᬬᬦ᭄᭞ᬚᬕ᭄ᬢᬶᬢ᭄ᬬᬂᬭᬯᬸᬄᬳᬶᬭᬶᬓᬶ᭞ᬗᬺᬥᬦᬚᭂᬂᬪᬝᬵᬭᬶ᭞ᬤᬸᬫᬤᬓ᭄ᬳᬶᬭᬢᬸᬳᬲᬸᬂ᭞ᬗᬶᬘᬾᬦ᭄ᬢᬶᬢ᭄ᬬᬂᬓ sᬳᬶᬤ᭄ᬬᬦ᭄᭞ᬓᬤᬸᬭᬸᬲ᭄ᬳᬯᭀᬃᬲᬭᬲ᭄ᬫᬶᬦ᭄᭞ᬢᬸᬃᬲᬮᬸᬗ᭄ᬮᬸᬂ᭞ᬭᬶᬂᬳᬶᬤᬲᬂᬭᬢ᭄ᬦᬤ᭄ᬯᬶᬢ᭟᭚᭜᭚ᬧᬸᬧᬸᬄᬕᬶᬦᬤ᭚᭜᭚ᬬᬦ᭄ᬳᬶᬭᬢᬸᬢᬦ᭄ᬲᬸᬯᬾᬘ᭞ᬧᬶᬲᬦ᭄ᬧᬸᬧᬸᬢᬂᬦᬾᬫᬗ᭄ᬓᬶᬦ᭄᭞ᬳᬶᬤᬪᬝᬵᬭᬶᬗᬦ᭄ᬤᬶᬓ᭞ᬗᬋᬕᭂᬄᬫᬓᬤᬶᬲᬸᬗ᭄ᬲᬸᬢ᭄᭞ᬤᬸᬄᬤᬾᬯᬮᬸᬯᬶᬄᬉᬢ᭄ᬢᬫ᭞ᬢᬸᬲᬶᬂᬤᬤᬶ᭞ᬫᬾᬫᬾᬫᬦᬤᬄ [ ᭙ 9A] ᬳᬶᬤᬾᬯ᭟ᬤᬾᬦᬶᬂᬤᬾᬯᬩᬲ᭄ᬓᬮᬭᬦ᭄᭞ᬧᬦ᭄ᬢᭂᬲ᭄ᬫᬾᬫᬾᬫᬶᬢᭂᬓᭂᬢᬶᬦ᭄᭞ᬗᭀᬭᬳᬶᬦ᭄ᬳᬶᬤᬾᬯᬚᬮᬦ᭄᭞ᬦᬾᬲᬶᬤᬧᬘᬂᬫᬶᬢᬸᬮᬸᬂ᭞ᬢᬸᬃᬳᬶᬲᬶᬦᬄᬫᬓᭀᬮᬶᬳᬂ᭞ᬦᬾ ᬓᬚᬸᬤᬶ᭞ᬓᬤᬶᬧᬫᬶᬤᬶᬦ᭄ᬳᬶᬤᬾᬯ᭟ᬢᭂᬤᬸᬂᬚᬕᬢ᭄ᬧᬭᬩᬬ᭞ᬫᬶᬲᬦ᭄ᬳᬶᬤᬾᬯᬧᬶᬢᬸᬯᬶ᭞ᬧᬸᬢ᭄ᬭᬦᬾᬲᬂᬤᬶᬫᬵᬲᬾᬦ᭞ᬲᬂᬖᬝᭀᬢ᭄ᬓᬘ ᬓᬲᬸᬫ᭄ᬩᬸᬂ᭞ᬩᬯᬸᬤᬦ᭄ᬤᬦᬾ ᬫᬓᬢᬄ᭞ᬧᬤᬰᬓ᭄ᬢᬶ᭞ᬓᭂᬫᬳᬶᬤᬾᬯᬜᬭᬬ᭟ᬳᬧᬂᬳᭂᬤᬓᬧᬮᬶᬗᬦ᭄᭞ᬭᬾᬄᬳᬶᬤᬾᬯᬤᬸᬭᬸᬂᬳᬸᬦᬶᬂ᭞ᬧᬋᬓᬦ᭄ᬫᬾᬫᬾᬦᬾᬳᬚᬓ᭄᭞ᬳᬧᬂᬲᬶᬤᬳᬾᬗ᭄ᬕᬮ᭄ᬢᭂᬧᬸᬓ᭄᭞ᬲᬶᬪᬸᬢᬓ᭄ᬭᬸᬭᬭᬸᬧ᭞ᬧᬘᬂᬗᬶᬭᬶᬂ᭞ᬭᬶᬂᬳᬫ᭄ᬩᬭᬦᬾ ᬮᬸᬫᬫ᭄ᬧᬄ᭟ᬲᬂᬓᬮᬶᬄᬲᬫ᭄ᬧᬸᬦ᭄ᬲᬬᬕ᭞ᬧᬶ ᬢᭂᬮᬲ᭄ᬧᬤᬲᬳᬶᬭᬶᬂ᭞ᬮᬯᬸᬢ᭄ᬫᬶᬩᭂᬃᬗᬯᬂᬳᬯᬂ᭞ᬚᭂᬚᭂᬄᬓᬬᬸᬦᬾᬫᬗᬫ᭄ᬩᬸᬦ᭄᭞ᬚᬸᬭᬸᬤᬾᬬᬓᭂᬲ᭄ᬬᬩ᭄ᬓᭂᬲ᭄ᬬᬩ᭄᭞ᬗᬸᬯᬲ᭄ᬗᬸᬯᬶᬲ᭄᭞ᬩᬸᬓᬢ᭄ᬯᬭᬫᬲᬳᬯᬓ᭄᭟ᬳᭂᬗ᭄ᬲᬧ᭄ᬳᬶᬗᭂᬢ᭄ᬢᭂᬓᬾᬦ᭄ᬳᬯᬓ᭄᭞ᬗᭂᬤᬢ᭄ᬗᬶᬤᭂᬫ᭄ᬫᬶᬭᬶᬩ᭄ᬳᬶᬧᬶᬢ᭄᭞ᬓᭂᬤᬾᬓ᭄ᬗᬯᬕ᭄ᬢᬦ᭄ᬓᬧᬶᬸᬭᭀᬯᬦ᭄᭞ᬤᬾᬦᬶᬂᬓᬢᬸᬫ᭄ᬩᬾᬦᬦ᭄ᬦᬫ᭄ᬩᬸᬂ᭞ᬓᬕᬾᬢᬵᬗᬤᭂ ᬧ᭄ᬫᬗᬮᬬᬂ᭞ᬲᬫᬶᬗᬶᬮᬶᬲ᭄᭞ᬲᬳᬦᬾᬂᬢᬫᬦ᭄ᬓᬘᬶᬗᬓ᭄᭟ᬓᬵᬮᬯᭂᬗᬶᬲᭂᬧᬶᬲᬸᬦ᭄ᬬ᭞ᬲᬂᬪᬶᬫᬦ᭄ᬬᬸᬧᬭᬧ᭄ᬢᬶ᭞ᬚᬸᬭᬸᬤᬾᬬᬫᬗᬶᬭᬶᬗᬂ᭞ᬫᬓᬮᬶᬳᬦ᭄ᬢᭀᬂᬦᬯᬂᬳᬸᬦ᭄ᬤᬸᬓ᭄᭞ᬦᬾ ᬗᬶᬭᬶᬂᬲᬕᬾᬢ᭄‌ᬬᬳᬶᬮᬂ᭞ᬚᬕ᭄ᬮᬮᬶᬲ᭄᭞ᬫᬶᬭᬶᬩ᭄ᬳᬫᭀᬭᬶᬂᬅᬓᬰ᭞᭚᭜᭚ᬧᬸᬧᬸᬄᬕᬶᬦᬦ᭄ᬢᬶ᭚᭜᭚ᬲᬂᬪᬶᬫᬦ᭄ᬬᬸ

Auto-transliteration

[ 8 8B] 8 jiluwiḥ, hañuciragangararis, ringbalepamujanmalungguḥ, denhapĕnĕdmangastawa, hidadangarabhaṭāri, sagetrawuḥ, bhaṭāridur̀ghadumilaḥ. gĕr̥ĕnggĕr̥ĕngmanangsĕkang, pacangnadaḥsanghapĕkik, tangansukumagabagan, ngandikanowosmanĕlik, sanghano mgĕlismañawis, ndatĕngangratupukulun, tityangputransangar̀juna, wastantityangesujati, bhimānyu, santananpañcapaṇdhawa. bĕlogniṣṭane kaliwat, ngawinangmakadimangkin, manampĕdanglarabaya, hiduperumasatmati, mamar̥ĕkansakingrihin, ringhida sangkr̥ĕṣṇaratu, kaduruskĕnengbañcana, smaranālamangawenin, hasunglulut, ringputrinhidasangnatha. tambispadhĕmringpuryan, yantanhagĕlismalahib, hĕngsap'hingĕtringsikiyan, jagtityangrawuḥhiriki, ngr̥ĕdhanajĕngbhaṭāri, dumadak'hiratuhasung, ngicentityangka shidyan, kadurushawor̀sarasmin, tur̀salunglung, ringhidasangratnadwita. // • // pupuḥginada // • // yanhiratutansuweca, pisanpuputangnemangkin, hidabhaṭāringandika, ngar̥ĕgĕḥmakadisungsut, duḥdewaluwiḥuttama, tusingdadi, mememanadaḥ [ 9 9A] hidewa. deningdewabaskalaran, pantĕsmememitĕkĕtin, ngorahinhidewajalan, nesidapacangmitulung, tur̀hisinaḥmakolihang, ne kajudi, kadipamidinhidewa. tĕdungjagatparabaya, misanhidewapituwi, putranesangdimāsena, sangghaṭotkaca kasumbung, bawudandane makataḥ, padaśakti, kĕmahidewañaraya. hapanghĕdakapalingan, reḥhidewadurunghuning, par̥ĕkanmemenehajak, hapangsidahenggaltĕpuk, sibhutakrurarupa, pacangngiring, ringhambarane lumampaḥ. sangkaliḥsampunsayaga, pi tĕlaspadasahiring, lawutmibĕr̀ngawanghawang, jĕjĕḥkayunemangambun, jurudeyakĕsyabkĕsyab, nguwasnguwis, bukatwaramasahawak. hĕngsap'hingĕttĕkenhawak, ngĕdatngidĕmmirib'hipit, kĕdekngawagtankap̶rowan, deningkatumbenannambung, kagetāngadĕ pmangalayang, samingilis, sahanengtamankacingak. kālawĕngisĕpisunya, sangbhimanyuparapti, jurudeyamangiringang, makalihantongnawanghunduk, ne ngiringsagetyahilang, jaglalis, mirib'hamoringakaśa, // • // pupuḥginanti // • // sangbhimanyu

Leaf 9

Image on Archive.org

[ ᭙ 9B] ᭙᭞ ᬗᬮᬮᬸ᭞ᬦᬾᬭᬶᬂᬢᬫᬦ᭄ᬳᬭᬸᬫ᭄ᬳᬲ᭄ᬭᬶ᭞ᬮᬸᬯᬶᬳᬾᬢᬦ᭄ᬧᬢᬦ᭄ᬤᬶᬗᬦ᭄᭞ᬢᭀᬬᬦ᭄ᬢᬮᬕᬦᬾᬫᬳ᭄ᬦᬶᬂ᭞ᬓᬳᬶᬤᭂᬭᬦ᭄ᬲᬃᬯᬲᭂᬓᬃ᭞ᬢᬸᬃᬳᬶᬂᬭᬶᬲᬓ᭄‌ᬲᬫᬶᬢᬶᬢᬶᬩ᭄᭟ᬫᬓᭂᬚᬂᬗᬯ?ᬳᬾᬳᬸᬮᬗᬸᬦ᭄᭞ᬳᬲᬶᬂᬓᬢᭀᬦ᭄ᬫᬗᬭᬯᬶᬢ᭄᭞ᬲᬂᬪᬶᬫᬦ᭄ᬬᬸᬘᬭᬶᬢ᭞ᬳᭂᬗ᭄ᬲᭂᬓ᭄ᬓᬳ᭄ᬬᬸᬦᬾᬢᬦ᭄ᬲᬶᬧᬶ᭞ᬢᬸᬫᬸᬮᬶᬳᬶᬤᬫᬲᬶᬭᬫ᭄᭞ᬭᬶᬂᬢᭂᬗᬄᬢᭂ ᬮᬕᬦᬾᬲᬸᬘᬶ᭟ᬓᬯᬃᬡᬲᬫ᭄ᬧᬸᬦ᭄ᬗᬭᬗ᭄ᬲᬸᬓ᭄᭞ᬪᬸᬱᬡᬮᬯᬸᬢ᭄ᬜᬫᬤᬶ᭞ᬫᬶᬚᬶᬮ᭄ᬳᬶᬤᬳ᭄ᬬᬂᬪᬱ᭄ᬓᬭ᭞ᬫᭂᬢᬸᬰᬡᬗᬸᬱᬥᬦᬶ᭞ᬫᬸᬃᬡᬬᬂᬅᬗ᭄ᬕᬰᬭᬷᬭ᭞ᬓᬕᬾᬢᬵᬢᭂᬓᬭᬵᬓ᭄ᬱᬲᬮᬶᬗ᭄ᬲᬶᬃ᭞ᬗᬩᬓᬸᬜ᭄ᬘᬶᬫᬶᬯᬄᬲᬧᬸ᭞ᬓᬕ᭄ᬬᬢ᭄ᬫᬗ᭄ᬕᬶᬄᬯᬂᬳᬧᭂᬓᬶᬓ᭄᭞ᬯᬮᬸᬬᬲᬂᬳ᭄ᬬᬂᬲᬫᬭ᭞ᬲᬸᬢᬾᬚᬤᬸᬫᬶᬮᬄᬗᭂᬦ᭄ᬤᬶᬄ ᭞ᬢᬸᬫᬸᬮᬶᬭᬭᬶᬲ᭄ᬫᬜᬧ᭞ᬳᭂᬜᬾᬦ᭄ᬳᬶᬤᬾᬯᬦᬾᬚᬢᬶ᭟ᬢᬗᬸᬤᬤᬶᬦᬶᬫᬮᬸᬗ᭄ᬕᬸᬄ᭞ᬓᬸᬤ᭄ᬬᬗᬂᬳᬶᬤᬾᬯᬫᬳᬶ᭞ᬦᬶᬓᬶᬢᬫᬦ᭄ᬧᬧᬶᬗᬶᬢᬦ᭄᭞ᬢᭀᬂᬳᬤᬩᬦᬶᬫᬳᭂᬓᬶᬦ᭄᭞ᬲᬚᬯᬶᬦᬶᬂᬳᬶᬤᬲᬂᬦᬣ᭞ᬲᬂᬖᬝᭀᬢ᭄ᬓᬘᬧᬶᬦᬸᬚᬶ᭟ᬩᬧᬧᬘᬂᬫᬧᬶᬯᬸᬗᬸ᭞ᬗᬸᬦᬶᬗᬂᬳᬶᬦ᭄ᬤᬶᬓ᭄ᬧᬸᬦᬶᬓᬶ᭞ᬫᬦ᭄ᬢᬸᬓ᭄ᬭᬶᬂ ᬳᬶᬤᬲᬂᬦᬣ᭞ᬓᬯᬾᬦ᭄ᬢᭂᬦᬦ᭄ᬲᬦᬾᬫᬗ᭄ᬓᬶᬦ᭄᭞ᬓᭂᬦᬶᬲᬫ᭄ᬧᬸᬦ᭄ᬳᬶᬤᬫᭂᬗ᭄ᬕᬄ᭞ᬢᭂᬓᬾᬦ᭄ᬩᬧᬤᬶᬦᬶᬗᬶᬭᬶᬂ᭟ᬫᬗ᭄ᬤᬤᬾᬯᬲᬓᬶᬂᬫᬸᬮᬸᬲ᭄᭞ᬦᬸᬢᬸᬭᬂᬲᬦᬾᬲᬸᬚᬢᬶ᭞ᬳᭂᬤᬧᭂᬲᬦ᭄ᬫᬗᬸᬩ᭄ᬤᬬᬂ᭞ᬲᬧᬭᬶᬢᬶᬗ᭄ᬓᬳᬾᬤᬶᬦᬶ᭞ᬲᬂᬳᬦᭀᬫ᭄ᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬗᬦ᭄ᬤᬶᬓᬫᬤᬸᬮᬸᬃᬢᬗᬶᬲ᭄᭟ᬫᬦᬶᬭᬲᬂᬪᬶᬫᬦ᭄ᬬᬸ᭞ [ ᭑᭐ 10A] ᬧᬸᬢ᭄ᬭᬦ᭄ᬳᬶᬤᬲᬂᬓᬶᬭᬶᬢᬶ᭞ᬫᬂᬓᬲ᭄ᬧᬘᬂᬫᬗᬲ᭄ᬭᬬ᭞ᬫᬦ᭄ᬢᬸᬓ᭄ᬭᬶᬂᬲᬂᬦᬵᬭᬧᬢᬶ᭞ᬩᭂᬮᬶᬅᬕᬸᬂᬲᬂᬖᬝᭀᬢ᭄ᬓᬘ᭞ᬫᬶᬲᬦ᭄ᬫᬦᬶᬭᬢᬸᬯᬶ᭟᭚᭜᭚ᬧᬸᬧᬸᬄᬧᬗ᭄ᬓᬸᬃ᭚᭜᭚ᬲᬂᬖᬝᭀᬢ᭄ᬓᬘᬓᬾᬫᬗᬦ᭄᭞ᬫᬶᬳᬃᬱᬬᬂ᭞ᬧᬶᬯᬸᬗᬸᬦ᭄ᬳᬶᬗᬓ᭄ᬱᬲᬮᬶᬗ᭄ᬲᬶᬃ᭞ᬲᬾᬧᬦᬦ᭄ᬮᬯᬸᬢ᭄ᬫᬘᭂᬩᬸᬃ᭞ᬧᬫᬃᬕᬶᬦᬾᬕᬕᬜ᭄ᬘᬗᬦ᭄᭞ᬲᬫ᭄ᬧᬸ ᬦ᭄ᬧ᭄ᬭᬧ᭄ᬝᬶ᭞ᬭᬶᬂᬢᬫᬦ᭄ᬭᬭᬶᬲ᭄ᬫᬦ᭄ᬤᬸᬮᬸ᭞ᬗᬯᬲ᭄ᬧᬤᬢᬢᬸᬭᬶᬬᬦ᭄᭞ᬫᬜᬧᬫᬗᬲᬶᬄᬳᬲᬶᬄ᭟ᬳᭂᬜᬾᬦ᭄ᬲᬸᬚᬢᬶᬦᬾ ᬳᬶᬤᬾᬯ᭞ᬬᬾᬦ᭄ᬫᬦᬶᬭᬫᬶᬭᬶᬩ᭄ᬦᬯᬂᬫᬶᬭᬶᬩ᭄ᬢᬸᬲᬶᬂ᭞ᬬᬦ᭄ᬢᬍᬢᭂᬓᬂᬭᬶᬂᬳᬸᬦ᭄ᬢᬸ᭞ᬘᬘᬶᬗᬓ᭄ᬢᬸᬯᬶᬦ᭄ᬲᬫᬶᬢ᭞ᬢᬸᬯᬄᬲᬸᬫᬳᬶᬄ᭞ᬭᬶᬂᬲᬂᬤᬦᬦ᭄ᬚᬬᬢᬸᬳᬸ᭞ᬢᭀᬗᬸᬤᬤᬶᬦᬶᬓᬵᬮᬭᬦ᭄᭞ ᬮᬬᬸᬤᬸᬤᬸᬲ᭄ᬧᬳᬢᬗᬶᬲ᭄᭟ᬲᬂᬳᬦᭀᬫ᭄ᬧᬘᬂᬫᬜᭂᬫ᭄ᬩᬄ᭞ᬕᬕᭂᬮᬶᬲᬦ᭄᭞ᬲᬂᬖᬝᭀᬢ᭄ᬓᬘᬦᬫ᭄ᬧᭂᬓᬶᬦ᭄᭞ᬤᬾᬦᬶᬂᬳᬫ᭄ᬩᭂᬓ᭄ᬦᭀᬭᬧᬢᬸᬢ᭄᭞ᬲᬂᬪᬶᬫᬵᬦ᭄ᬬᬸᬫᬜᭂᬫ᭄ᬩᬄ᭞ᬤᬾᬦᬶᬂᬳᬤᬶ᭞ᬳᬶᬩᬸᬦ᭄ᬳᬶᬤᬾᬯᬦᬾᬢᬸᬳᬸ᭞ᬳᬫᬤᭂᬕ᭄ᬧᬭᬫᬾᬰ᭄ᬯᬃᬬ᭞ᬫᬾᬫᬾᬦ᭄ᬩᭂᬮᬶᬢ᭄ᬯᬄᬭᬵᬓ᭄ᬱᬲᬶ᭟ᬲᬂᬪᬶᬫ ᬦ᭄ᬬᬸᬦᬸᬢᬸᬕᬂ᭞ᬗᬸᬦᬶᬗᬬᬂ᭞ᬗᬯᬶᬦᬂᬫᬦᭂᬫᬸᬓᬶᬂᬓᬶᬂ᭞ᬫᬧᬋᬓ᭄ᬭᬶᬂᬩᭂᬮᬶᬳᬕᬸᬂ᭞ᬦᬾᬧᬫᭂᬓᬲ᭄ᬦᬸᬦᬲ᭄ᬳᬶᬘ᭄ᬘ᭞ᬦᬸᬦᬲ᭄ᬳᬸᬭᬶᬧ᭄᭞ᬫᬗ᭄ᬤᬾᬦ᭄ᬢᬶᬢ᭄ᬬᬂᬩᬸᬯᬸᬂᬮᬫ᭄ᬧᬸᬲ᭄᭞ᬓᭂᬦᬾᬂᬩᬬᬲ᭄ᬫᬭᬦᬮ᭞ᬭᬶᬂᬤᬾᬯᬷᬲᬶᬢᬶᬲᬸᬡ᭄ᬥᬭᬶ᭟ᬧᬸᬢ᭄ᬭᬷᬦ᭄ᬳᬶᬤᬲᬂᬓᬺᬱ᭄ᬡ᭞ᬫᬶᬲᬦ᭄ᬢᬶᬢ᭄ᬬᬂ᭞ᬲᬮᬸᬂᬮᬸᬂᬳᬯᭀᬃᬲᬭᬲ᭄ᬫᬶᬦ᭄᭞ᬓᬾᬢᭀᬚ

Auto-transliteration

[ 9 9B] 9 ngalalu, neringtamanharumhasri, luwihetanpatandingan, toyantalaganemahning, kahidĕransar̀wasĕkar̀, tur̀hingrisaksamititib. makĕjangngawa?hehulangun, hasingkatonmangarawit, sangbhimanyucarita, hĕngsĕkkahyunetansipi, tumulihidamasiram, ringtĕngaḥtĕ laganesuci. kawar̀ṇasampunngarangsuk, bhuṣaṇalawutñamadi, mijilhidahyangbhaṣkara, mĕtuśaṇanguṣadhani, mur̀ṇayanganggaśarīra, kagetātĕkarākṣasalingsir̀, ngabakuñcimiwaḥsapu, kagyatmanggiḥwanghapĕkik, waluyasanghyangsamara, sutejadumilaḥngĕndiḥ , tumulirarismañapa, hĕñenhidewanejati. tangudadinimalungguḥ, kudyanganghidewamahi, nikitamanpapingitan, tonghadabanimahĕkin, sajawininghidasangnatha, sangghaṭotkacapinuji. bapapacangmapiwungu, nguninganghindikpuniki, mantukring hidasangnatha, kawentĕnansanemangkin, kĕnisampunhidamĕnggaḥ, tĕkenbapadiningiring. mangdadewasakingmulus, nuturangsanesujati, hĕdapĕsanmangubdayang, saparitingkahedini, sanghanomrarismanimbal, ngandikamadulur̀tangis. manirasangbhimanyu, [ 10 10A] putranhidasangkiriti, mangkaspacangmangasraya, mantukringsangnārapati, bĕli'agungsangghaṭotkaca, misanmaniratuwi. // • // pupuḥpangkur̀ // • // sangghaṭotkacakemangan, mihar̀ṣayang, piwungunhingakṣasalingsir̀, sepananlawutmacĕbur̀, pamar̀ginegagañcangan, sampu nprapṭi, ringtamanrarismandulu, ngawaspadataturiyan, mañapamangasiḥhasiḥ. hĕñensujatine hidewa, yenmaniramiribnawangmiribtusing, yantal̥ĕtĕkangringhuntu, cacingaktuwinsamita, tuwaḥsumahiḥ, ringsangdananjayatuhu, tongudadinikālaran, layududuspahatangis. sanghanompacangmañĕmbaḥ, gagĕlisan, sangghaṭotkacanampĕkin, deninghambĕknorapatut, sangbhimānyumañĕmbaḥ, deninghadi, hibunhidewanetuhu, hamadĕgparameśwar̀ya, memenbĕlitwaḥrākṣasi. sangbhima nyunutugang, nguningayang, ngawinangmanĕmukingking, mapar̥ĕkringbĕlihagung, nepamĕkasnunashicca, nunashurip, mangdentityangbuwunglampus, kĕnengbayasmaranala, ringdewīsitisuṇdhari. putrīnhidasangkr̥ĕṣṇa, misantityang, salunglunghawor̀sarasmin, ketoja

Leaf 10

Image on Archive.org

[ ᭑᭐ 10B] ᭑᭐᭞ ᬢᭂᬩᬶᬮᬶᬳᬕᬸᬂ᭞ᬦᬾᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬫᬦᭀᬫᬄ᭞ᬳᬬᬢ᭄ᬫᬗᬫ᭄ᬩᬶᬮ᭄᭞ᬧᬸᬢ᭄ᬭᬦᬾᬲᬂᬦᬣᬓᬸᬭᬸ᭞ᬲᬂᬮᬓ᭄ᬱᬡᬫᬭᬗᬭᬦ᭄᭞ᬲᬫ᭄ᬧᬸᬦ᭄ᬗᬢᬕ᭄ᬩᬮᬯᬃᬕᬶ᭟ᬳᬶᬗ᭄ᬕ᭄ᬬᬦ᭄ᬧᬸᬦᬶᬓᬶᬢᬶᬢ᭄ᬬᬂ᭞ᬲᬸᬚᬢᬶᬦ᭄ᬜ᭞ᬫᬮᬳᬶᬩ᭄ᬲᬗ᭄ᬓᬦᬶᬂᬧᬸᬭᬶ᭞ᬢᬫ᭄ᬩᬶᬲ᭄ᬢᬶᬢ᭄ᬬᬂᬲᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬓᬋᬚᬶᬓ᭄‌ᬬᬭᬶᬂᬲᬭᬾᬦᬦ᭄᭞ᬲᬋᬂᬓ ᬮᬶᬄ᭞ᬓᬵᬮᬯᭂᬗᬶᬳᬯᭀᬃᬮᬸᬮᬸᬢ᭄᭞ᬦ᭄ᬤᬯᭂᬕ᭄ᬩᭂᬮᬶᬫᬗ᭄ᬤᬮᬾᬤᬂ᭞ᬢᬸᬮᬸᬂᬳᬧᬂᬩᬸᬯᬸᬂᬫᬢᬶ᭟ᬲᬂᬖᬝᭀᬢ᭄ᬓᬘᬫᬦᬶᬫ᭄ᬩᬮ᭄᭞ᬳᭂᬦ᭄ᬢᭀᬳᬾᬮᬄ᭞ᬫᬳᬶᬚ᭄ᬯᬳᬤᬶᬓᬧᬸᬭᬶ᭞ᬳᬚᬓ᭄ᬩᭂᬮᬶᬤᬶᬧᬸᬭᬶᬳᬕᬸᬂ᭞ᬤᬶᬢᬸᬫᬮᬶᬄᬫᬧᬶᬢᬸᬗᬦ᭄᭞ᬧᬂᬤᬧᭂᬮᬶᬄ᭞ᬫᬮᬓ᭄ᬱᬦᬢᬦ᭄ᬧᬲᬸᬮᬸᬃ᭞ᬚᬮᬦ᭄ᬳᬤᬶᬫᬤᬩ᭄ᬤ ᬩᬦ᭄᭞ᬗᬶᬜ᭄ᬘᭂᬧᬂᬲᬭᬶᬦᬶᬂᬩᬸᬤ᭄ᬥᬶ᭟᭚᭜᭚ᬧᬸᬧᬸᬄᬲᬶᬦᭀᬫ᭄᭚᭜᭚ᬭᬶᬂᬓᬭᬢᭀᬦ᭄ᬧᬸᬭᬩᬬ᭞ᬲᬂᬳᬦᭀᬫ᭄ᬘᬭᬶᬢᬫᬗ᭄ᬓᬶᬦ᭄᭞ᬩᬶᬦᬸᬱᬦᬦ᭄ᬲᬃᬯᬳᬾᬦ᭄ᬤᬄ᭞ᬧᬜᬫ᭄ᬩ᭄ᬭᬫᬲᬫᬶᬮᬸᬯᬶᬄ᭞ᬮᬶᬦ᭄ᬢᬗᬦ᭄ᬭᬶᬂᬢᬶᬕᬂᬯᭂᬗᬶ᭞ᬢᬦ᭄ᬧᬫᬗᬦ᭄ᬢᬦ᭄ᬳᬢᬸᬭᬸ᭞ᬢᬦ᭄ᬲᬄᬓᬳ᭄ᬬᬸᬦᬾᬓᬭᬯᬂ᭞ᬤᬾᬦᬶᬂ ᬓᬢᬳᬢᬦ᭄ᬳᬲᬶᬄ᭞ᬧᬯᭀᬃᬲᬸᬗ᭄ᬲᬸᬢ᭄᭞ᬧᬲᬄᬭᬶᬂᬲᬂᬓᭂᬦᬾᬂᬭᬶᬫᬂ᭟ᬲᬂᬖᬝᭀᬢ᭄ᬓᬘᬗᬦ᭄ᬤᬶᬓ᭞ᬫᬯᬶᬭᬂᬫᬤᬸᬮᬸᬃᬳᬲᬶᬄ᭞ᬗᬢᭀᬦᬂᬲᬂᬧᬃᬣᬲᬸᬢ᭞ᬢᬦ᭄ᬧᭂᬕᬢ᭄ᬫᬲᬯᬂᬢᬗᬶᬲ᭄᭞ᬫᬲᬩᭂᬮᬶᬢᬦ᭄ᬲᬸᬢᬶᬦ᭄ᬤᬶᬄ᭞ᬫᬩᬾᬮᬭᬶᬂᬳᬶᬤᬩᬕᬸᬲ᭄᭞ᬬᬤᬶᬦ᭄ᬫᬧ᭄ᬭᬂᬢᬦ᭄ᬤᬶᬗᬦ᭄᭞ᬤᬸᬯᬸᬃ [ ᭑᭑ 11A] ᬢᬦᬄᬩᭂᬢᬾᬦ᭄ᬮᬗᬶᬢ᭄᭞ᬢ᭄ᬯᬭᬢᬓᬸᬢ᭄᭞ᬗᬋᬧᬶᬦ᭄ᬲᬢᬸᬲ᭄ᬓᭀᬭᬯ᭟ᬩᭂᬮᬶᬗᬶᬤᬶᬄᬯᭂᬸᬚᭀᬮᬲ᭄ᬧᬶᬲᬦ᭄᭞ᬢᭂᬓᬾᬦ᭄ᬳᬤᬶᬩᬸᬓᬚᬦᬶ᭞ᬫᬶᬭᬶᬩ᭄ᬳᬤᬶᬓᬓᬶᬸᬭᬭᬾᬬᬦ᭄᭞ᬢ᭄ᬯᬭᬳᬦ᭄ᬤᭂᬮ᭄ᬢᭂᬓᬾᬦ᭄ᬩᭂᬮᬶ᭞ᬫᬶᬭᬶᬩ᭄ᬩᭂᬮᬶᬢᬦ᭄ᬲᬸᬢᬶᬦ᭄ᬤᬶᬄ᭞ᬭᬶᬓᬵᬮᬦ᭄ᬳᬤᬶᬧᬓᬾᬯᬸᬄ᭞ᬯᬢᭂᬓ᭄ᬫᬦ᭄ᬢ᭄ᬭᬶᬩᬯᬸᬤᬦ᭄ᬤ᭞ᬩᬮᬧᬢᬶᬄᬢᭀᬘᬶᬗ ᬓᬶᬦ᭄᭞ᬧᬕᬭᬸᬤᬸᬕ᭄᭞ᬓᬭᬶᬗᬦ᭄ᬢᭀᬲ᭄ᬧᬯᬘᬦ᭟ᬦᬾᬚᬦᬶᬩᭂᬮᬶᬘᬕᭂᬭᬂ᭞ᬲᬶᬦᬄᬧᬘᬂᬫᬧᬶᬓᭀᬮᬶᬄ᭞ᬢᬸᬯᬶᬤᬳᬢ᭄ᬫᬉᬢ᭄ᬢᬫ᭞ᬮᬶᬗ᭄ᬕᬶᬄᬲᬂᬲᬶᬢᬶᬲᬸᬡ᭄ᬥᬭᬶ᭞ᬩᭂᬮᬶᬲᬸᬫᬗ᭄ᬕᬸᬧ᭄ᬫᬗᬫ᭄ᬩᬶᬮ᭄᭞ᬭᬶᬂᬢᬫᬦ᭄ᬲᬂᬦᬣᬭᬢᬸ᭞ᬓᬕᬾᬢᬵᬳᬤᬲᬩ᭄ᬤᬫᬦ᭄ᬢᬭ᭞ᬗᬯᬂᬗᬯᬂᬦᬾᬭᬶᬂᬮᬗᬶᬢ᭄᭞ᬤᬸᬄᬲᬂᬧ᭄ᬭᬪᬸ᭞ᬳᬾᬗ᭄ᬕ ᬮᬂᬚᬦᭂᬫᬚᬮᬦ᭄᭟ᬲᬂᬳᬬᬸᬤᬳᬢ᭄ᬲᬸᬗ᭄ᬓᬯ᭞ᬳᬶᬩᬸᬓ᭄ᬲᬮᬶᬂᬗᬕᭂᬫ᭄‌ᬓᭂᬭᬶᬲ᭄᭞ᬢᬫ᭄ᬩᬂᬲ᭄ᬲᬫ᭄ᬧᬸᬦ᭄ᬜᬸᬤᬸᬓ᭄ᬭᬕ᭞ᬢ᭄ᬯᬭᬤᬤᬶᬧᬶᬯᬸᬗᬸᬳᬶᬦ᭄᭞ᬢᭀᬂᬳᬤᬩᬦᬶᬫᬳᭂᬓᬶᬦ᭄᭞ᬳᬶᬭᬵᬓ᭄ᬱᬲᬧᬕᬭᬸᬤᬸᬕ᭄᭞ᬲᬂᬦᬣᬲᬳᬓᬕᬾᬢ᭞ᬫᬓᭂᬩᭂᬃᬗᬫ᭄ᬩᬸᬦ᭄ᬗᬮᬗᬶᬢ᭄᭞ᬲᬳᬤᬸᬮᬸᬃ᭞ᬲᬂᬳᬦᭀᬫ᭄ᬮᬜ᭄ᬚᬸᬭᬸᬤᬾ ᬬ᭟ᬓᬵᬮᬯᭂᬗᬶᬲᭂᬧᬶᬲᬸᬦ᭄ᬬ᭞ᬫᬗᬶᬫ᭄ᬩᬂᬮᬸᬳᬸᬃᬳᬶᬂᬧᬸᬭᬶ᭞ᬗᬋᬕᭂᬧ᭄ᬲᬂᬳ᭄ᬬᬂᬅᬚᬶᬲᬸᬧ᭄ᬝ᭞ᬫᬯᬲ᭄ᬢᬸᬲᬤᬕᬶᬂᬧᬸᬭᬶ᭞ᬧᬍᬲᬼᬍᬄᬫᬓᬲᬫᬶ᭞ᬲᬚᬯᬶᬦᬶᬂᬲᬂᬓᭂᬦᬾᬂᬮᬸᬮᬸᬢ᭄᭞ᬓᬵᬮᬯᬦ᭄ᬲᬂᬲᬸᬤᬃᬧᬡ᭞ᬲᬂᬓᬮᬶᬄᬩᬸᬮᬲᬄᬧᬮᬶᬂ᭞ᬧᬢᬶᬳᭂᬦ᭄ᬢᬸᬮ᭄᭞ᬢᬦ᭄ᬲᬶᬤᬚᭂᬦᭂᬓ᭄ᬫᬦᭂᬕᬓ᭄᭟ᬲᬂᬪᬶᬫᬦ᭄ᬬᬸ

Auto-transliteration

[ 10 10B] 10 tĕbilihagung, nemangkinwentĕnmanomaḥ, hayatmangambil, putranesangnathakuru, sanglakṣaṇamarangaran, sampunngatagbalawar̀gi. hinggyanpunikitityang, sujatinña, malahibsangkaningpuri, tambistityangsampunlampus, kar̥ĕjikyaringsarenan, sar̥ĕngka liḥ, kālawĕngihawor̀lulut, ndawĕgbĕlimangdaledang, tulunghapangbuwungmati. sangghaṭotkacamanimbal, hĕntohelaḥ, mahijwahadikapuri, hajakbĕlidipurihagung, ditumaliḥmapitungan, pangdapĕliḥ, malakṣanatanpasulur̀, jalanhadimadabda ban, ngiñcĕpangsariningbuddhi. // • // pupuḥsinom // • // ringkaratonpurabaya, sanghanomcaritamangkin, binuṣanansar̀wahendaḥ, pañambramasamiluwiḥ, lintanganringtigangwĕngi, tanpamangantanhaturu, tansaḥkahyunekarawang, dening katahatanhasiḥ, pawor̀sungsut, pasaḥringsangkĕnengrimang. sangghaṭotkacangandika, mawirangmadulur̀hasiḥ, ngatonangsangpar̀thasuta, tanpĕgatmasawangtangis, masabĕlitansutindiḥ, mabelaringhidabagus, yadinmaprangtandingan, duwur̀ [ 11 11A] tanaḥbĕtenlangit, twaratakut, ngar̥ĕpinsatuskorawa. bĕlingidiḥwĕujolaspisan, tĕkenhadibukajani, mirib'hadikak̶rareyan, twarahandĕltĕkenbĕli, miribbĕlitansutindiḥ, rikālanhadipakewuḥ, watĕkmantribawudanda, balapatiḥtocinga kin, pagarudug, karingantospawacana. nejanibĕlicagĕrang, sinaḥpacangmapikoliḥ, tuwidahatma'uttama, linggiḥsangsitisuṇdhari, bĕlisumanggupmangambil, ringtamansangnatharatu, kagetāhadasabdamantara, ngawangngawangneringlangit, duḥsangprabhu, hengga langjanĕmajalan. sanghayudahatsungkawa, hibuksalingngagĕmkĕris, tambangssampunñudukraga, twaradadipiwunguhin, tonghadabanimahĕkin, hirākṣasapagarudug, sangnathasahakageta, makĕbĕr̀ngambunngalangit, sahadulur̀, sanghanomlañjurude ya. kālawĕngisĕpisunya, mangimbangluhur̀hingpuri, ngar̥ĕgĕpsanghyangajisupṭa, mawastusadagingpuri, pal̥ĕsl̥ĕl̥ĕḥmakasami, sajawiningsangkĕnenglulut, kālawansangsudar̀paṇa, sangkaliḥbulasaḥpaling, patihĕntul, tansidajĕnĕkmanĕgak. sangbhimanyu

Leaf 11

Image on Archive.org

[ ᭑᭑ 11B] ᭑᭑᭞ ᬓᭀᬘᬧᬦ᭄᭞ᬚᬸᬭᬸᬤᬾᬬᬲᬢ᭄ᬬᬗᬶᬭᬶᬂ᭞ᬜᬮᬶᬩ᭄ᬲᬶᬩ᭄ᬗᬮᬶᬄᬳᬮᬶᬗᬦ᭄᭞ᬦᬶᬲᬸᬤᬃᬧᬡᬫᬗᬶᬦ᭄ᬢᬶᬧ᭄᭞ᬜᬧᬢᬶᬦ᭄ᬲᬤᬜᬖᬕᬶᬦ᭄᭞ᬲᬤ᭄ᬬᬦ᭄ᬳᬶᬭᬢᬸᬦᬾᬭᬯᬸᬄ᭞ᬬᬦ᭄ᬓᬲᬾᬧ᭄ᬢᬦᬸᬭᬸᬂᬩᬬ᭞ᬳᬶᬤᬳᬶᬳᬭᬶᬗᭂᬫᬲᬶᬦ᭄᭞ᬤᬾᬦᬶᬂᬳᬶᬩᬸᬓ᭄᭞ᬳᭂᬗ᭄ᬲᬧ᭄ᬳᬶᬗᭂᬢ᭄ᬢᭂᬓᬾᬦ᭄ᬭᬕ᭟ᬮᬯᬸᬢ᭄ᬜᬕ᭄ᬚᬕ᭄ᬓᬲᬭᬾᬦᬦ᭄᭞ᬜᬦ᭄ᬢᭂ ᬦᬂᬲᬂᬓᬤᬶᬭᬢᬶᬄ᭞ᬲᬂᬳᬬᬸᬜᬸᬤᬸᬓ᭄ᬫᬕᬮᬓ᭄᭞ᬲᬂᬳᬦᭀᬫ᭄ᬲᭂᬩᭂᬢ᭄ᬫᬓᬶᬭᬶᬕ᭄᭞ᬦᬶᬲᬸᬤᬃᬧᬡᬫᬜ᭄ᬚᭂᬭᬶᬢ᭄᭞ᬗᬸᬤᬓᬾᬢᭀᬭᬢᬸᬳᬬᬸ᭞ᬧᬸᬦᬶᬓᬶᬳᬶᬤᬳᬶᬭᬓ᭞ᬲᬂᬪᬶᬫᬦ᭄ᬬᬸᬧᬭᬧ᭄ᬝᬶ᭞ᬲᬶᬗᬓ᭄ᬭᬢᬸ᭞ᬲᬧᬩᬦ᭄ᬫᬦᬶᬲᬶᬂᬘᬶᬗᬓ᭄᭟ᬲᬶᬢᬶᬲᬸᬦ᭄ᬡ᭄ᬥᬭᬶᬜᬸᬮᬶᬗᬄ᭞ᬜᬮᬾᬫ᭄ᬧᭀᬄᬮᬯᬸᬢ᭄ᬫᬗᬜ᭄ᬚᬮᬶ᭞ᬲᬂ ᬪᬶᬫᬦ᭄ᬬᬸᬦᬗ᭄ᬲᭂᬓᬂ᭞ᬗᬸᬲᬧ᭄ᬧᬶᬧᬶᬢᬗᬦ᭄ᬫᬮᬶᬄ᭞ᬗᬦ᭄ᬤᬶᬓᬫᬤᬸᬮᬸᬃᬢᬗᬶᬲ᭄᭞ᬲᬂᬖᬝᭀᬢ᭄ᬓᬘᬚᬕ᭄ᬭᬯᬸᬄ᭞ᬓᭂᬫᬚ᭄ᬯᬳᬤᬶᬕᭂᬮᬶᬲᬂ᭞ᬳᬚᬓ᭄ᬧᬢ᭄ᬧᬢ᭄ᬦᬾ ᬲᬫᬶ᭞ᬓᭂᬫᬫᬦ᭄ᬢᬸᬓ᭄᭞ᬭᬣᬦ᭄ᬩᭂᬮᬶᬳᭂᬦ᭄ᬢᭀᬩᬸᬯᬢ᭄᭟ᬩᭂᬮᬶᬤᬶᬦᬶᬤᬶᬧᬰ᭄ᬭᬫᬦ᭄᭞ᬫᬕᬸᬢᬶᬦ᭄ᬳᬲᬶᬂᬧᬭᬧ᭄ᬝᬶ᭞ᬫᬤᬓ᭄ᬳᬶᬮᬓ᭄ᬱᬡᬓᬸᬫᬭ᭞ᬲᬤ᭄ᬬ ᬢᭂᬓᬳᭂᬦᬾ ᬚᬦᬶ᭞ᬗᬮᬯᬸᬢ᭄ᬜᬗ᭄ᬓᬸᬢᬶᬦ᭄ᬩᭂᬮᬶ᭞ᬩᭂᬮᬶᬜᬭᬢᬂᬗᬭᬸᬫ᭄ᬭᬸᬫ᭄᭞ᬳᬦ᭄ᬢᬸᬓ᭄ᬳᬲ᭄ᬢ᭄ᬭᬧᬧᬶᬗᬶᬢᬦ᭄᭞ᬢᬸᬫᬸᬮᬶᬗᬢᭂᬳᬂᬫᬸᬮᬶᬄ᭞ᬢᬸᬃᬫᬮᬸᬗ᭄ᬕᬸᬄᬭᬶᬂᬓᬯᬄᬘᬫ᭄ᬩ᭄ᬭᬕᭀᬄᬫᬸᬓ᭟ᬲᬂᬪᬓᬫᬗ᭄ᬓᬜ᭄ᬘᬭᬶᬢ᭞ᬓᬪᬶᬦᬯᬮᬸᬯᬶᬄᬰᬓ᭄ᬢᬶ᭞ᬲᬶᬤᬧᬕᭂᬄᬭᬶᬂᬳᬾᬓᬘᬓ᭄ᬭ᭞ᬳᭀᬮᬶᬄᬲᬂᬪᬮᬯᬗᬸᬦᬶ᭞ᬯᬾᬦ᭄ᬢᭂᬦ᭄ᬧᬶ [ ᭑᭒ 12B] ᬬᬦᬓ᭄ᬜᬮᬓᬶ᭞ᬲᬂᬩᬚ᭄ᬭᭀᬤᬦ᭄ᬢᬓᬲᬸᬫ᭄ᬩᬸᬂ᭞ᬓᬶᬦᬦ᭄ᬤᭂᬮ᭄ᬲᬂᬖᬝᭀᬢ᭄ᬓᬘ᭞ᬩᬦ᭄ᬧᬾᬦ᭄ᬢᭂᬭᬾᬤᬤᬶᬓᬸᬲᬶᬃ᭞ᬤᬶᬢᬸᬜᬭᬸ᭞ᬫᬫᬜ᭄ᬚᬓ᭄ᬫᬶᬭᬶᬩ᭄ᬲᬸᬲᬢ᭄ᬬᬚᬦᬶᬬᬫᬭᬲᬲᬤ᭄ᬬ᭞ᬜᬮᬦᬂᬫᬦᬄᬫᬲᭂᬗᬶᬢ᭄᭞ᬫᭂᬚᬄᬳᬶᬂᬲᬂᬖᬝᭀᬢ᭄ᬓᬘ᭞ᬭᬶᬂᬧᬸᬭᬶᬤ᭄ᬯᬭᬯᬢᬶ᭞ᬢᬸᬫᬸᬮᬶᬳᬾᬜ᭄ᬘᭀᬮ᭄ᬫᬫᬃᬕᬶ᭞ᬮᬓ᭄ᬱᬡᬓᬸᬫᬭᬓ ᬚᬸᬚᬸᬃ᭞ᬓᬘᬸᬦ᭄ᬤᬸᬓ᭄ᬢᭂᬗᬳᬶᬂᬳᬯᬦ᭄᭞ᬲᬂᬩᬚ᭄ᬭᭀᬤᬦ᭄ᬢᬫᬦᬗ᭄ᬓᬶᬮ᭄᭞ᬫᬢᬸᬃᬳᬮᬸᬲ᭄᭞ᬭᬢᬸᬧᬘᬂᬮᬸᬗ᭄ᬳᬓᬶᬚ᭟ᬬᬦ᭄ᬳᬶᬭᬢᬸᬲᬭᬢ᭄ᬮᬸᬗ᭄ᬳ᭞ᬭᬶᬂᬧᬸᬭᬶᬤ᭄ᬯᬭᬯᬢᬶ᭞ᬢᬶᬢ᭄ᬬᬂᬫᬓᬤᬶᬲᬗ᭄ᬲᬬ᭞ᬯᬾᬦ᭄ᬢᭂᬜ᭄ᬘᬶᬳ᭄ᬦᬦᭀᬭᬲᬶᬗ᭄ᬕᬶᬄ᭞ᬦᬾᬫᬓ᭄ᬭᬦᬲᬃᬯᬯᬾᬘᬶ᭞ᬫᭂᬓᬲ᭄ᬗᬯᬾᬢᬦ᭄ᬭᬳᬬᬸ᭞ᬬᬦ᭄ᬯᬦ᭄ᬢᬄᬳᬶᬭᬢᬸᬮᬾᬤᬂ᭞ᬢᬶ ᬢ᭄ᬬᬂᬗᬶᬭᬶᬂᬫᬗ᭄ᬭᬶᬳᬶᬦᬶᬦ᭄᭞ᬫᬯᬲ᭄ᬤᬸᬫᬸᬦ᭄᭞ᬳᬮᬳᬬᬸᬦᬾᬳᬶᬭᬶᬓ᭟ᬮᬓ᭄ᬱᬡᬓᬸᬫᬭᬗᬦ᭄ᬤᬶᬓ᭞ᬳᬾᬗ᭄ᬕᬮᬂᬓᭂᬫᬧᭂᬤᬲᬶᬦ᭄᭞ᬚᭂᬮᬾ ᬫᭂᬮᬄᬦᬾᬧᬂᬢᬯᬂ᭞ᬮᬯᬸᬢ᭄ᬳᬶᬜ᭄ᬘᭂᬕᬂᬫᬯᬮᬶ᭞ᬲᬂᬩᬚ᭄ᬭᭀᬤᬦ᭄ᬢᬫᬫᬃᬕᬶ᭞ᬕᬥᬦᬾᬮᬯᬸᬢ᭄ᬓᬢᬶᬓᬸᬮ᭄᭞ᬲ᭄ᬬᬕᬗᬼᬫ᭄ᬧᬕ᭄ᬲᬶᬭᬄ᭞ᬲᬂᬖᬝᭀᬢ᭄ᬓᬘᬭᬶᬂ ᬧᬸᬭᬶ᭞ᬲᬫ᭄ᬧᬸᬦ᭄ᬭᬯᬸᬄ᭞ᬳᬤᬾᬂᬳᬮᬶᬸᬮᭀᬦ᭄ᬗᬫ᭄ᬧᬓ᭄ᬮᬯᬂ᭟ᬲᬂᬖᬝᭀᬢ᭄ᬓᬘᬫᬦᬶᬜ᭄ᬚᬓ᭄᭞ᬢᬦ᭄ᬧᬯᬶᬸᬗᬸᬘᬧ᭄ᬚᭂᬕ᭄ᬫᬢᬶᬕ᭄ᬢᬶᬕ᭄᭞ᬮᬯᬸᬢ᭄ᬜᬭᬸᬧ᭄ᬫᬫᬦ᭄ᬢᬶᬕᬂ᭞ᬮᬶᬫᬩᬢᬶᬲ᭄ᬤᭂᬓ᭄ᬤᭂᬓ᭄ᬲᬫᬶ᭞ᬲᬂᬩᬚ᭄ᬭᭀᬤᬦ᭄ᬢᬗᭂᬫᬲᬶᬦ᭄᭞ᬫᬢᬶᬦ᭄ᬜᬦᬾᬢᬦ᭄ᬧᬲᬸᬮᬸᬃ᭞ᬯᬲ᭄ᬢᬸᬳᬸᬬᬸᬢ᭄ᬭᬶᬂᬧᬸᬭ᭄ᬬᬦ᭄᭞ᬚᬕᬩᬬᬓᬢᬄᬫᬢᬶ᭞

Auto-transliteration

[ 11 11B] 11 kocapan, jurudeyasatyangiring, ñalibsibngaliḥhalingan, nisudar̀paṇamangintip, ñapatinsadañaghagin, sadyanhiratunerawuḥ, yankaseptanurungbaya, hidahiharingĕmasin, deninghibuk, hĕngsap'hingĕttĕkenraga. lawutñagjagkasarenan, ñantĕ nangsangkadiratiḥ, sanghayuñudukmagalak, sanghanomsĕbĕtmakirig, nisudar̀paṇamañjĕrit, ngudaketoratuhayu, punikihidahiraka, sangbhimanyuparapṭi, singakratu, sapabanmanisingcingak. sitisunṇdhariñulingaḥ, ñalempoḥlawutmangañjali, sang bhimanyunangsĕkang, ngusappipitanganmaliḥ, ngandikamadulur̀tangis, sangghaṭotkacajagrawuḥ, kĕmajwahadigĕlisang, hajakpatpatne sami, kĕmamantuk, rathanbĕlihĕntobuwat. bĕlidinidipaśraman, magutinhasingparapṭi, madak'hilakṣaṇakumara, sadya tĕkahĕne jani, ngalawutñangkutinbĕli, bĕliñaratangngarumrum, hantuk'hastrapapingitan, tumulingatĕhangmuliḥ, tur̀malungguḥringkawaḥcambragoḥmuka. sangbhakamangkañcarita, kabhinawaluwiḥśakti, sidapagĕḥringhekacakra, holiḥsangbhalawanguni, wentĕnpi [ 12 12B] yanakñalaki, sangbajrodantakasumbung, kinandĕlsangghaṭotkaca, banpentĕredadikusir̀, dituñaru, mamañjakmiribsusatyajaniyamarasasadya, ñalanangmanaḥmasĕngit, mĕjaḥhingsangghaṭotkaca, ringpuridwarawati, tumuliheñcolmamar̀gi, lakṣaṇakumaraka jujur̀, kacunduktĕngahinghawan, sangbajrodantamanangkil, matur̀halus, ratupacanglunghakija. yanhiratusaratlungha, ringpuridwarawati, tityangmakadisangsaya, wentĕñcihnanorasinggiḥ, nemakranasar̀waweci, mĕkasngawetanrahayu, yanwantaḥhiratuledang, ti tyangngiringmangrihinin, mawasdumun, halahayunehirika. lakṣaṇakumarangandika, henggalangkĕmapĕdasin, jĕle mĕlaḥnepangtawang, lawut'hiñcĕgangmawali, sangbajrodantamamar̀gi, gadhanelawutkatikul, syagangl̥ĕmpagsiraḥ, sangghaṭotkacaring puri, sampunrawuḥ, hadenghal̶lonngampaklawang. sangghaṭotkacamaniñjak, tanpaw̶ngucapjĕgmatigtig, lawutñarupmamantigang, limabatisdĕkdĕksami, sangbajrodantangĕmasin, matinñanetanpasulur̀, wastuhuyutringpuryan, jagabayakataḥmati,

Leaf 12

Image on Archive.org

[ ᭑᭒ 12B] ᬲᬮᬶᬂᬢᬸᬲᬸᬓ᭄᭞ᬲᬫᬶᬕᬮᬓ᭄ᬓᬧᬸᬧᬸᬗᬦ᭄᭚᭜᭚ᬧᬸᬧᬸᬢ᭄‌ᬲᬶᬦᬸᬭᬢ᭄ᬭᬶᬂᬭᬳᬶᬦ᭞ᬰᬦᬶᬰ᭄ᬘᬭ᭞ᬉᬫᬦᬶᬲ᭄‌ᬯᬭᬫᭂᬤᬗ᭄ᬓᬸᬗᬦ᭄᭞ᬣᬶᬢᬶᬕᬗ᭄ᬕᬮ᭄ᬧᬶᬂ᭞᭑᭒᭞ᬰᬰᬶᬄ᭞ᬓᭂᬧᬶᬢᬸ᭞ᬇᬰᬓᬯᬃᬧ᭞᭑᭙᭑᭒᭞ᬓᬲᬸᬭᬢ᭄ᬳᬦ᭄ᬢᬸᬓ᭄᭞ᬳᬶᬫᬤᬾᬲᬸᬓᬦᬭ᭞ᬲᬓᬶᬂᬤᬸᬲᬸᬦ᭄‌ᬯᬦ᭄ᬫ᭄ᬭᬶᬓ᭄᭞ᬲᬪᬲᬪᬩᭂᬲᬶᬓ ᬦ᭄‌ᬲᬶᬗᬭᬵᬚ᭚᭜᭚

Auto-transliteration

[ 12 12B] salingtusuk, samigalakkapupungan // • // puputsinuratringrahina, śaniścara, umaniswaramĕdangkungan, thitiganggalping 12 śaśiḥ, kĕpitu, iśakawar̀pa 1912 kasurat'hantuk, himadesukanara, sakingdusunwanmrik, sabhasabhabĕsika nsingarāja // • //

Leaf 13

Image on Archive.org