Gaguritan Desa Adat
This page has been accessed 7,165 times.
Description
Bahasa Indonesia
English
Front and Back Covers
[PERPUSTAKAAN
KTR. DOKBUD BALI
PROP. BALI
G/VI/1/DOKBUD
Judul : GAGURITAN DESA ADAT
Panj. 45 cm. Jl. 22 lb.
Asal : Desa Mantring, Petak, Gianyar.]
Auto-transliteration
[PERPUSTAKAAN
KTR. DOKBUD BALI
PROP. BALI
G/VI/1/DOKBUD
Judul : GAGURITAN DESA ADAT
Panj. 45 cm. Jl. 22 lb.
Asal : Desa Mantring, Petak, Gianyar.]Leaf 1
[᭑ 1B]
᭑
᭚᭐᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚ᬓᬾᬫᬯᬶᬦ᭄ᬯᬾᬦ᭄ᬢᭂᬦ᭄ᬳᬢᬸᬭᬂᬫ᭄ᬳᬗ᭄ᬕᬾᬦ᭄ᬧᬓᬾᬮᬶᬂᬭᬶᬂᬳᬢᬶ᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬯᬯᬸᬧᬶᬲᬦ᭄ᬫ᭄ᬮᬚᬄᬗᬸᬭᬶᬢ᭄᭞ᬳᬶᬦ᭄ᬤᬶᬓ᭄ᬫᬘᭂᬧᬢ᭄᭞ᬯ᭄ᬬᬓ᭄ᬢᬶ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬤᬲᬃᬳᬢᬸᬃ᭞ᬜᬲᬶᬳᬬᬂᬤᬾᬰᬳᬤᬢ᭄᭞ᬢᬸᬮᬸ
ᬗᬶᬦ᭄ᬢᬶᬢ᭄ᬬᬂᬗᬬᬸᬦᬶᬦ᭄᭞ᬳᬸᬦ᭄ᬢᭂᬂᬳᬶᬧᬸᬦ᭄᭞ᬓᬶᬭᬂᬮᬗ᭄ᬓᬸᬂᬳᬫ᭄ᬧᬸᬭᬂ᭟ᬤᬾᬦᬶᬂᬳᬤᬢ᭄ᬓᬓᬲᬸᬩᬂ᭞ᬭᬯᬸᬄᬭᬶᬂᬫᬜ᭄ᬘᬦᬵᬕᬭᬶ᭞ᬳᬦ᭄ᬢᬸᬓ᭄ᬱᬦᬾᬧᭀᬮᬶᬄᬦᭀᬤ᭄ᬬ᭞ᬫᬭᬶᬓᬶᬓᬚᬕᬢ᭄ᬩᬮᬶ᭞ᬳᬯᬶᬦᬦ᭄ᬧᬢᬸᬢ᭄ᬓᬬᬸᬦᬶᬦ᭄᭞ᬤᬸᬫᭀᬕᬶᬲᬶᬤᬗᬮᬦ᭄ᬢᬸᬃ᭞ᬳᬾ
ᬮᬶᬗᬂᬫᬮᬶᬄᬢᬶᬫ᭄ᬘᬧᬂ᭞ᬲᬓᬮᬫᬭᬶᬂᬧᬫᬃᬕᬶ᭞ᬭᬶᬂᬫᬦᬸᬦ᭄ᬢᬸᬦ᭄᭞ᬳᬶᬦ᭄ᬤᬶᬓ᭄ᬢᬢᬸᬚᭀᬦ᭄ᬗᬚᭂᬕᬂ᭟ᬳᬤᬢ᭄ᬩᬯᭀᬲ᭄ᬲᬓᬾᬂᬳᬭᬩ᭄᭞ᬭᬯᬸᬄᬫᬭᬶᬓᬶᬭᬶᬂᬩᬮᬶ᭞ᬯᬯᬸᬗᬯᬶᬢ᭄ᬚᬫᬦ᭄᭞ᬯ᭄ᬮᬦ᭄ᬥ᭞ᬳᬦ᭄ᬢᬸᬓ᭄ᬱᬦᬾᬜᬚᬄᬭᬶᬳᬶᬦ᭄᭞ᬢᬢᬸᬯᭂᬓ᭄ᬜᬫ
ᬓᬚᬢᬶ᭞ᬳᬶᬦ᭄ᬤᬶᬓ᭄ᬫᬗ᭄ᬤᬦᬾᬦ᭄ᬢᭂᬜ᭄ᬘᬫ᭄ᬧᬸᬃ᭞ᬲᬲᬸᬤᬸᬓ᭄ᬭᬶᬂᬤᬾᬰᬤᬶᬦᬲ᭄᭞ᬳᬦ᭄ᬢᬸᬓ᭄ᬤᬾᬰᬳᬤᬢ᭄ᬬᬸᬓ᭄ᬢᬶ᭞ᬳᬗ᭄ᬕᬾᬦ᭄ᬗᬢᬸᬃ᭞ᬳᬶᬓ᭄ᬭᬫᬤᬾᬰᬧᬸᬦᬶᬓ᭟ᬦᬩ᭄ᬤᬩ᭄ᬳᬤᬢᬾᬧᬸᬦᬶᬓ᭞ᬕᬕᬫ᭄ᬩᭂᬮᬦ᭄ᬲᬋᬂᬲᬫᬶ᭞ᬫᬗ᭄ᬤᬲᬶᬤᬫᬲᬶᬓ᭄ᬬᬦ᭄᭞ᬧᬢᬸᬢ᭄ᬧᬶ
[᭒ 2A]
ᬧᬦ᭄ᬧᬤᬳᬸᬦᬶᬂ᭞ᬮᬦ᭄ᬢᬸᬭᬂᬫᬮᬸᬄᬗᬬᬸᬦᬶᬦ᭄᭞ᬳᬦ᭄ᬢᬸᬓ᭄ᬱᬕᬶᬮᬶᬓ᭄ᬱᬕᬸᬮᬸᬓ᭄᭞ᬤᬲᬃᬧᬭᬲ᭄ᬧᬭᭀᬲ᭄ᬫᭂᬮᬄ᭞ᬳᬗ᭄ᬕᬾᬦ᭄ᬫ᭄ᬮᬶᬕ᭄ᬕᬕᬂᬢᬶᬬᬓ᭄ᬢᬶ᭞ᬳᬾᬮᬄᬳᬦ᭄ᬢᬸᬓ᭄᭞ᬭᬶᬂᬧᬘᬂᬗᬮᬧ᭄ᬓᬲᭀᬭᬂ᭟ᬳᬤᬢ᭄ᬭᬶᬂᬩᬮᬶᬧᬶᬦᬓ᭞ᬳᬸᬓᬸᬫ᭄ᬳᬤᬢᬾᬯᬶᬬᬓ᭄ᬢᬶ᭞ᬧᬢᬹᬢ᭄ᬧᬶ
ᬲᬗ᭄ᬓᬳᬾᬳᬮᬶᬗᬂ᭞ᬭᬶᬂᬦᬾᬲᬫ᭄ᬧᬸᬦ᭄ᬓᬯᬵᬱ᭄ᬝᬦᬶᬦ᭄᭞ᬳᭀᬦᬾᬓᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬧᬲ᭄ᬯᬭᬮᬓᬶᬢᬦᬶᬧᬸᬦ᭄᭞ᬩᭂᬘᬶᬓᬂᬫᬮᬶᬄᬳᬾᬮᬶᬗᬂ᭞ᬳᬯᬶᬕ᭄ᬳᬯᬶᬕ᭄ᬓ᭄ᬭᬫᬣᬶᬦᬶ᭞ᬮᬦ᭄ᬢᬸᬃᬳᬶᬧᬸᬦ᭄᭞ᬳᬶᬦ᭄ᬤᬶᬓ᭄ᬱᬶᬫᬓᬮᬶᬄᬤᬺᬱ᭄ᬝ᭟ᬧᬸᬦᬶᬓᬫᬓᬲᬫ᭄ᬬᬦ᭄᭞ᬳᬶ
ᬦ᭄ᬤᬶᬓᬾᬲᬫ᭄ᬧᬸᬦ᭄ᬓᬢᬫᬶ᭞ᬦᬵᬗ᭄ᬳᬶᬂᬓᬶᬭᬂᬓᬭᬸᬗ᭄ᬯᬂ᭞ᬳᬦ᭄ᬢᬸᬓ᭄ᬧᬶᬓᬬᬸᬦᬾᬬᬸᬓ᭄ᬢᬶ᭞ᬓᬤᬸᬂᬓᬤ᭄ᬭᭀᬧᭀᬦ᭄ᬲᬧᬳᬶ᭞ᬳᬦ᭄ᬢᬸᬓ᭄ᬗᬺᬋᬄᬩ᭄ᬕᭂᬓᭂᬮ᭄ᬳᬶᬤᬸᬧ᭄᭞ᬭᬭᬶᬲᬂᬫᬗ᭄ᬓᬶᬦ᭄ᬧ᭄ᬬᬭ᭞ᬳᬗ᭄ᬕᬾᬦ᭄ᬫᬦᬶᬦ᭄ᬤᬶᬳᬶᬦ᭄ᬳᬸᬭᬶᬧ᭄᭞ᬲᬶᬦᬄᬳᬤᬸᬂ᭞ᬳᬗ᭄ᬕᬾᬦ᭄ᬰ᭄ᬭᬡᬫᬩ᭄ᬮᬶᬕ᭄ᬩᬕᬦ᭄᭟
ᬲᬶᬫᬧᬸᬦᬶᬓᬳᬃᬣᭀᬲ᭄ᬜ᭞ᬳᬸᬕᭂᬃᬳᬸᬕᭂᬃᬢᬦ᭄ᬧᬢᬸᬮᬶᬲ᭄᭞ᬓᬵᬗ᭄ᬕᬾᬦ᭄ᬲᬋᬂᬲᬶᬦᬫ᭄ᬬᬦ᭄᭞ᬲᬵᬦ᭄ᬢᬸᬓᬦ᭄ᬲᬫ᭄ᬧᬸᬦ᭄ᬓᬢᬫ᭄ᬧᬶ᭞ᬲᬭᬶᬂᬧᬭᬋᬫᬾᬭᬶᬳᬶᬦ᭄᭞ᬳᬗ᭄ᬕᬾᬦ᭄ᬕᬕᬫ᭄ᬩᭂᬮᬦ᭄ᬦᬸᬦ᭄ᬢᬸᬦ᭄᭞ᬦᬾᬫᬗ᭄ᬓᬶᬦ᭄ᬮᬦ᭄ᬢᬸᬭᬂᬤᬺᬱ᭄ᬝ᭞ᬳᬶᬦ᭄ᬤᬶᬓ᭄ᬢᬢᬓ᭄ᬭᬫᬬᬸ
Auto-transliteration
[1 1B]
1
// 0 // oṁawighnamastu // kemawinwentĕnhaturangmhanggenpakelingringhati, hantuktambĕtekalintang, wawupisanmlajaḥngurit, hindikmacĕpat, wyakti, hanggentityangdasar̀hatur̀, ñasihayangdeśahadat, tulu
ngintityangngayunin, huntĕnghipun, kiranglangkunghampurang. deninghadatkakasubang, rawuḥringmañcanāgari, hantukṣanepoliḥnodya, marikikajagatbali, hawinanpatutkayunin, dumogisidangalantur̀, he
lingangmaliḥtimcapang, sakalamaringpamar̀gi, ringmanuntun, hindiktatujonngajĕgang. hadatbawossakengharab, rawuḥmarikiringbali, wawungawitjaman, wlandha, hantukṣaneñajaḥrihin, tatuwĕkñama
kajati, hindikmangdanentĕñcampur̀, sasudukringdeśadinas, hantukdeśahadatyukti, hanggenngatur̀, hikramadeśapunika. nabdab'hadatepunika, gagambĕlansar̥ĕngsami, mangdasidamasikyan, patutpi
[2 2A]
panpadahuning, lanturangmaluḥngayunin, hantukṣagilikṣaguluk, dasar̀parasparosmĕlaḥ, hanggenmliggagangtiyakti, helaḥhantuk, ringpacangngalapkasorang. hadatringbalipinaka, hukumhadatewiyakti, patūtpi
sangkahehalingang, ringnesampunkawāṣṭanin, honekangtityangnemangkin, paswaralakitanipun, bĕcikangmaliḥhelingang, hawig'hawigkramathini, lantur̀hipun, hindiksyimakaliḥdr̥ĕṣṭa. punikamakasamyan, hi
ndikesampunkatami, nānghingkirangkarungwang, hantukpikayuneyukti, kadungkadroponsapahi, hantukngr̥ĕr̥ĕḥbgĕkĕlhidup, rarisangmangkinpyara, hanggenmanindihinhurip, sinaḥhadung, hanggenśraṇamabligbagan.
simapunikahar̀thosña, hugĕr̀hugĕr̀tanpatulis, kānggensar̥ĕngsinamyan, sāntukansampunkatampi, saringparar̥ĕmerihin, hanggen'gagambĕlannuntun, nemangkinlanturangdr̥ĕṣṭa, hindiktatakramayuLeaf 2
[᭒ 2B]
᭒
ᬓ᭄ᬢᬶ᭞ᬦᬾᬓᬲᬸᬤᬸᬓ᭄᭞ᬕᬮᬄᬳᬶᬤᬸᬧ᭄ᬫᬘᬘᬶᬗᬓ᭄᭟ᬳᬶᬦ᭄ᬤᬶᬓ᭄ᬳᬯᬶᬕ᭄ᬓᬳᬢᬸᬭᬂ᭞ᬤᬕᬶᬂᬦᬾᬢᬢᬮᬦ᭄ᬢᬶᬢᬶ᭞ᬳᬾᬮᬶᬗᬂᬧᬶᬲᬗ᭄ᬓᬬᬸᬦᬂ᭞ᬧᬢᬸᬢ᭄ᬳᬲᬫᬶ᭞ᬫᬮᬶᬄᬮᬓᬶᬢᬦᬾᬬᬸᬓ᭄ᬢᬶ᭞ᬳᬗ᭄ᬕᬾᬦ᭄ᬫᬓᬾᬮᬶᬗᬂᬭᬢᬸ᭞ᬳᬸᬦ᭄ᬤᬸᬓ᭄ᬮᬓ᭄ᬱᬡᬦ᭄ᬳᬶᬓ᭄ᬭᬫ᭞
ᬭᬶᬂᬲᬯ᭄ᬗ᭄ᬓᭀᬦᬶᬂᬣᬦᬶ᭞ᬳᬶᬗ᭄ᬕᬶᬄᬓᬵᬢᬸᬃ᭞ᬧᬲ᭄ᬯᬭᬕᬸᬭᬸᬯᬶᬰᬾᬰ᭟ᬭᬶᬂᬤᬾᬰᬳᬤᬢ᭄ᬕᭂᬦᬄᬜ᭞ᬳᬶᬗ᭄ᬓᬸᬧᬂᬫᬗ᭄ᬓᬶᬦ᭄ᬗᬃᬤ᭄ᬥᬶᬦᬶᬦ᭄᭞ᬦᬩ᭄ᬤᬩ᭄ᬧᬓᬶᬮᬶᬢᬦ᭄ᬓ᭄ᬭᬫ᭞ᬕᬫ᭄ᬩᭂᬮ᭄ᬩᭂᬘᬶᬓᬂᬦᬶᬦ᭄ᬤᬶᬳᬶᬦ᭄᭞ᬚᬕᬢ᭄ᬩᬮᬶᬦᬾᬧᬸᬦᬶᬓᬶ᭞ᬳᬦ᭄ᬢᬸᬲᬵᬫ᭄ᬧᬸᬦ᭄ᬓᭂᬢᬄᬓᬲᬸᬩ᭄᭞
ᬕᬕᬶᬦᬦᬾᬓᬢᬶᬜ᭄ᬘᬧᬂ᭞ᬳᬕᬫᬳᬤᬢ᭄ᬫᬃᬕ᭄ᬕᬶᬦᬶᬦ᭄᭞ᬳᬶᬦᬸᬢ᭄ᬳᬤᬸᬂ᭞ᬳᬾᬮᬶᬗᬂᬭᬶᬂᬧᬗ᭄ᬮᬓ᭄ᬱᬡ᭟᭐᭟ᬤᬾᬰᬳᬤᬢᬾᬧᬸᬦᬶᬓ᭞ᬓᭂᬫ᭄ᬩᬦ᭄ᬳᬦ᭄ᬢᬸᬓ᭄ᬳᬯᬶᬕ᭄᭞ᬫᬤᬲᬃᬲᬓᬶᬂᬧᬩ᭄ᬮᬶᬕ᭄ᬩᬕ᭄᭞ᬳᬦ᭄ᬢᬸᬓ᭄ᬧᬭᬓ᭄ᬭᬫᬦ᭄ᬳᬶᬧᬸᬦ᭄᭞ᬲᬦᬾᬲᬵ
ᬫ᭄ᬧᬸᬦ?ᬓᬲᬸᬓᭂᬫᬂ᭞ᬲᬋᬂᬲᬫᬶ᭞ᬧᬸᬦᬶᬓᬓᬵᬗ᭄ᬕᬾᬦ᭄ᬢᬸᬦ᭄ᬢᬸᬦᬦ᭄᭟ᬤᬕᬶᬂᬕᬕᬫ᭄ᬩᭂᬓᬦ᭄ᬓ᭄ᬭᬫ᭞ᬫᬸᬗ᭄ᬕᬄᬭᬶᬂᬲᬚ᭄ᬭᭀᬦᬶᬂᬳᬯᬶᬕ᭄᭞ᬳᬶᬦ᭄ᬤᬶᬓ᭄ᬢ᭄ᬭᬶᬳᬶᬢᬓᬭᬡ᭞ᬧᬸᬦᬶᬓᬧᬢᬸᬢ᭄ᬓᬢᬸᬚᬸ᭞ᬓᬧᬶᬂᬲᬶᬓᬶᬓᬧ᭄ᬭᬳ᭄ᬬᬗᬦ᭄᭞ᬫᬗᬲ᭄ᬢᬶᬢᬶ᭞ᬭᬶᬂᬳᬶᬤᬳ᭄ᬬᬂᬯᬶᬥᬶ
[᭓ 3A]
ᬯᬶᬣ᭟ᬳᬶᬦ᭄ᬢᭂᬂᬳᬯᬶᬕ᭄ᬓᬧ᭄ᬭᬳ᭄ᬬᬗᬦ᭄᭞ᬧᬜ᭄ᬘᬬᬚ᭄ᬜᬫᬓᬲᬫᬶ᭞ᬲᬧᬸᬦᬧᬶᬓᬫᬃᬕ᭄ᬬᬂ᭞ᬫᬗ᭄ᬤᬓ᭄ᬭᬫᬲᬶᬤ᭄ᬥᬢᬶᬦᬸᬢ᭄᭞ᬧᬸᬦᬶᬓᬧᬢᬸᬢ᭄ᬓᬬᬸᬦᬂ᭞ᬲᬋᬂᬲᬫᬶ᭞ᬭᬶᬂᬲᭀᬯᬂᬤᬾᬰᬧᬓ᭄ᬭᬫᬦ᭄᭟ᬓᬧᬶᬂᬓᬮᬶᬄᬧᬍᬫᬳᬦ᭄᭞ᬕᭂᬦᬄᬫ᭄ᬬᬭᬲᬂᬳ᭄ᬬᬂᬳᬸᬭᬶᬧ᭄᭞ᬳᬶᬭᬶᬓᬶ
ᬭᬶᬂᬫᬺᬘᬧᬥ᭞ᬧᬢᬸᬢ᭄ᬩᭂᬘᬶᬓᬂᬫᬗᬢᬸᬃ᭞ᬦᬶᬱ᭄ᬝᬫᬤ᭄ᬬᬮᬦ᭄ᬳᬸᬢᬫ᭞ᬫᬓᬲᬫᬶ᭞ᬫᬦᬹᬢ᭄ᬤᬾᬰᬓᬵᬮᬧᬢ᭄ᬭ᭟ᬉᬢ᭄ᬢᬫᬕᭂᬦᬄᬧᬃᬬ᭄ᬬᬗᬦ᭄᭞ᬕᭂᬦᬄᬗᬲ᭄ᬢᬶᬢᬶᬳ᭄ᬬᬂᬯᬶᬥᬷ᭞ᬩᭂᬘᬶᬓ᭄ᬓᬃᬬ᭄ᬬᬦᬂᬲᬗ᭄ᬓᬃᬜ᭞ᬫᬗ᭄ᬤᬦᬾᬦ᭄ᬢᭂᬦ᭄ᬗᬤᬸᬓ᭄᭞ᬓᬢᬦ᭄ᬤᬸᬭᬶᬦ᭄ᬲᬃᬯ᭄ᬯ
ᬲᭂᬓᬃ᭞ᬲᬶᬤᬳᬰ᭄ᬭᬷ᭞ᬭᬶᬓᬵᬮᬧᬘᬂᬫᬢᬸᬭᬦ᭄᭟ᬕᭂᬦᬄᬧᬘᬂᬫᬕᬸᬕᬸᬩᬸᬕᬦ᭄᭞ᬫᬭᬶᬂᬫᬤ᭄ᬬᬫᬓᬚᬢᬶ᭞ᬓᬤᬕᬶᬗ᭄ᬕᬶᬦ᭄ᬯᬯᬗᬸᬦᬦ᭄᭞ᬲᬦᬾᬫᬵᬦᬸᬢ᭄ᬭᬶᬂᬧᬦᬸᬦ᭄ᬢᬸᬦ᭄᭞ᬤᬕᬶᬗᬶᬦ᭄ᬳᭂᬦ᭄ᬢᬶᬓ᭄ᬳᭂᬦ᭄ᬢᬶᬓᬦ᭄᭞ᬫᬗ᭄ᬤᬳᭂᬢᬶᬲ᭄᭞ᬳᬦᬸᬢᬂᬭᬶᬂᬓᬯᬾᬦ᭄ᬢᭂ
ᬦᬦ᭄᭟ᬯᬾᬦ᭄ᬢᭂᬦ᭄ᬳᬃᬱᬧᬘᬂᬫ᭄ᬬᬭ᭞ᬲᬃᬯ᭄ᬯᬲᬢᭀᬦᬾᬓᬬᬸᬦᬶᬦ᭄᭞ᬳᬦᬸᬢᬂᬭᬶᬂᬯᬾᬦ᭄ᬢᭂᬦ᭄ᬕᭂᬦᬄ᭞ᬫᬗ᭄ᬤᬦᬾᬦ᭄ᬢᭂᬦ᭄ᬧᬢᬶᬓᬧ᭄ᬮᬸᬕ᭄᭞ᬲᬵᬦ᭄ᬢᬸᬓᬦ᭄ᬳᬸᬩ᭄ᬯᬦ᭄ᬧᬸᬦᬶᬓ᭞ᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬭᬶᬂᬓᬋᬱᬶᬓᬦ᭄ᬳᬸᬢ᭄ᬢᬫ᭟ᬭᬶᬂᬕᭂᬦᬳᬾᬲᬦᬾᬦᬶᬲ᭄ᬢ᭞
Auto-transliteration
[2 2B]
2
kti, nekasuduk, galaḥhidupmacacingak. hindik'hawigkahaturang, dagingnetatalantiti, helingangpisangkayunang, patut'hasami, maliḥlakitaneyukti, hanggenmakelingangratu, hunduklakṣaṇanhikrama,
ringsawngkoningthani, hinggiḥkātur̀, paswaraguruwiśeśa. ringdeśahadatgĕnaḥña, hingkupangmangkinngar̀ddhinin, nabdabpakilitankrama, gambĕlbĕcikangnindihin, jagatbalinepuniki, hantusāmpunkĕtaḥkasub,
gaginanekatiñcapang, hagamahadatmar̀gginin, hinut'hadung, helingangringpanglakṣaṇa. 0. deśahadatepunika, kĕmbanhantuk'hawig, madasar̀sakingpabligbag, hantukparakramanhipun, sanesā
mpuna?kasukĕmang, sar̥ĕngsami, punikakānggentuntunan. daginggagambĕkankrama, munggaḥringsajroninghawig, hindiktrihitakaraṇa, punikapatutkatuju, kapingsikikaprahyangan, mangastiti, ringhidahyangwidhi
[3 3A]
witha. hintĕnghawigkaprahyangan, pañcayajñamakasami, sapunapikamar̀gyang, mangdakramasiddhatinut, punikapatutkayunang, sar̥ĕngsami, ringsowangdeśapakraman. kapingkaliḥpal̥ĕmahan, gĕnaḥmyarasanghyanghurip, hiriki
ringmr̥ĕcapadha, patutbĕcikangmangatur̀, niṣṭamadyalanhutama, makasami, manūtdeśakālapatra. uttamagĕnaḥpar̀yyangan, gĕnaḥngastitihyangwidhī, bĕcikkar̀yyanangsangkar̀ña, mangdanentĕnngaduk, katandurinsar̀wwa
sĕkar̀, sidahaśrī, rikālapacangmaturan. gĕnaḥpacangmagugubugan, maringmadyamakajati, kadagingginwawangunan, sanemānutringpanuntun, daginginhĕntik'hĕntikan, mangdahĕtis, hanutangringkawentĕ
nan. wentĕnhar̀ṣapacangmyara, sar̀wwasatonekayunin, hanutangringwentĕn'gĕnaḥ, mangdanentĕnpatikaplug, sāntukanhubwanpunika, nentĕnhuning, ringkar̥ĕsyikanhuttama. ringgĕnahesanenista,Leaf 3
[᭓ 3B]
᭓
ᬧᬢᬸᬢ᭄ᬧᬶᬲᬦ᭄ᬓᬯᬶᬓᬦᬶᬦ᭄᭞ᬓᬵᬗ᭄ᬕᬾᬦ᭄ᬕᭂᬦᬄᬫᬗᬶᬮᬶᬤᬂ᭞ᬜᬶᬫ᭄ᬧᭂᬦ᭄ᬲᬃᬯ᭄ᬯᬲᬦᬾᬳᬸᬯᬸᬕ᭄᭞ᬬᬦ᭄ᬭᬶᬂᬤᬾᬰᬕᭂᬦᬄᬲᬾᬢ᭄ᬭ᭞ᬲᬬᬸᬯᬓ᭄ᬢᬶ᭞ᬓᬗ᭄ᬕᬾᬦ᭄ᬕᭂᬦᬄᬦᬦᭂᬫ᭄ᬲᬯ᭟ᬬᬦᬶᬂᬫᬭᬶᬂᬧᬳᬸᬫᬳᬦ᭄᭞ᬢᭂᬩᬦᬶᬓᬓᬯᬵᬱ᭄ᬝᬦᬶᬦ᭄᭞ᬕᭂᬦᬄᬫᬳᬸᬩᬸᬄᬳᬸ
ᬩᬸᬳᬦ᭄᭞ᬫᬶᬯᬄᬕᭂᬦᬄᬗᬸᬢᬂᬮᬸᬳᬸᬳᬸ᭞ᬢᬍᬃᬳᬗ᭄ᬕᬾᬦ᭄ᬧᬵᬩ᭄ᬬᬦᬦ᭄᭞ᬧᬢᬸᬢ᭄ᬳᬾᬮᬶᬂ᭞ᬧᬸᬦᬶᬓᬲᬫᬶᬢᬺᬧ᭄ᬢ᭄ᬬᬂ᭟ᬓᬧᬶᬂᬢᬶᬕᬭᬶᬂᬧᬯᭀᬗᬦ᭄᭞ᬧᬗᬫ᭄ᬩᬮ᭄ᬓᬃᬬ᭄ᬬᬦᬾᬲᬫᬶ᭞ᬲᬶᬤᬓᬮᬯᬦ᭄ᬢᬦ᭄ᬲᬶᬤ᭞ᬧᬢᬸᬢ᭄ᬧᬶᬲᬦ᭄ᬓᬧᬶᬓᬬᬸᬦ᭄᭞ᬲᬦ᭄ᬢᬸᬓᬦ᭄ᬧᬯᭀᬗᬦ᭄ᬲᬶᬤ
ᬫᬗᬃᬤ᭄ᬥᬶᬦᬶᬦ᭄᭞ᬓᬯᭀᬦ᭄ᬩᭂᬘᬶᬓᬾᬧᬸᬦᬶᬓ᭟ᬓ᭄ᬭᬫᬤᬾᬰᬓᬧᬶᬤᬩ᭄ᬤᬩ᭄᭞ᬜᬸᬚᬸᬃᬫᬗ᭄ᬤᬲᬶᬤ᭄ᬥᬕᬶᬮᬶᬓ᭄᭞ᬭᬶᬂᬢ᭄ᬭᬶᬓᬬᬧᬭᬶᬰᬸᬤ᭄ᬥ᭞ᬧᬸᬦᬶᬓᬧᬢᬸᬢ᭄ᬓᬢᬸᬦ᭄ᬢᬸᬦ᭄᭞ᬫᬭᬶᬂᬲᭀᬯᬂᬧᬭᬋᬫᬦ᭄᭞ᬲᬮᬶᬂᬳᬲᬶᬄ᭞ᬗᬮᬧ᭄ᬓᬲᭀᬭᬾᬫᬃᬕ᭄ᬬᬂ᭞ᬤᬾᬰᬳᬤ
ᬢ᭄ᬫᬤ᭄ᬯᬾᬓ᭄ᬭᬫ᭞ᬮᬦᬂᬳᬶᬲ᭄ᬢ᭄ᬭᬷᬳᬕᬸᬂᬳᬮᬶᬢ᭄᭞ᬩᭂᬘᬶᬓ᭄ᬩᭂᬘᬶᬓᬂᬦᬩ᭄ᬤᬩᬂ᭞ᬩ᭄ᬮᬶᬕ᭄ᬩᬕᬂᬗᬗ᭄ᬕᬾᬦ᭄ᬲᬸᬮᬸᬃ᭞ᬬᬦ᭄ᬲᬫ᭄ᬧᬸᬦ᭄ᬳᬓᬾᬳᬦ᭄ᬦ᭄ᬭᬶᬫ᭞ᬓᬫᬃᬕ᭄ᬕᬶᬦᬶᬦ᭄᭞ᬳᬗ᭄ᬕᬾᬦ᭄ᬦᬩ᭄ᬤᬩ᭄ᬭᬶᬂᬮᬓ᭄ᬱᬡ᭟ᬧ᭄ᬭᬤᬾᬯᬾᬦ᭄ᬢᭂᬦ᭄ᬲᬦᬾᬲᬶᬗ᭄ᬲᬮ᭄᭞ᬧᬢᬸᬢ᭄ᬓᬢᬶ
[᭔ 4A]
ᬧᬢᬸᬢ᭄ᬓᬢᬶᬩᬓᬶᬦ᭄ᬳᬯᬶᬕ᭄᭞ᬲᬵᬦ᭄ᬢᬸᬓᬦ᭄ᬓ᭄ᬭᬫᬦᬾᬓᬢᬄ᭞ᬲᬶᬦᬄᬯᬾᬦ᭄ᬢᭂᬦ᭄ᬗᬭᬸᬗᬸ᭞ᬢᬢᭂᬧᬲᬦ᭄ᬲᬶᬤᬲᬶᬦᬄ᭞ᬫᬗ᭄ᬤᬚᬢᬶ᭞ᬳᬦᬸᬢ᭄ᬫᬭᬶᬂᬓᬳᬶᬯᬗᬦ᭄᭟ᬭᬶᬂᬫᬮᬶᬲᬫ᭄ᬧᬸᬦ᭄ᬓᬮᭀᬓ᭄ᬢᬄ᭞ᬯᬾᬦ᭄ᬢᭂᬦ᭄ᬤᬾᬰᬫᬓᬓᬮᬶᬄ᭞ᬤᬾᬰᬤᬶᬦᬲ᭄ᬤᬾᬰᬳᬤᬢ᭄᭞ᬫᬫᬶᬧ
ᬤᬫᬓ᭄ᬢᬲᬸᬮᬸᬃ᭞ᬜᬸᬚᬸᬃᬳᬶᬦ᭄ᬤᬶᬓ᭄ᬓᬲᬸᬓᬺᬢᬦ᭄᭞ᬬᬦ᭄ᬳᬸᬧᬫᬶ᭞ᬫᬓᬓᬮᬶᬄᬫᬭᬩ᭄ᬬᬦ᭄᭟ᬤᬾᬰᬤᬶᬦᬲ᭄ᬲᬦᬾᬮᬦᬂ᭞ᬧᬶᬦᬓᬳᬶᬳᬚᬶᬬᬸᬓ᭄ᬢᬶ᭞ᬗᬬᬄᬭᬶᬂᬕᬸᬭᬸᬯᬶᬰᬾᬱ᭟ᬗᬫᬃᬕ᭄ᬬᬂᬧᬶᬢᬸᬤᬸᬄ᭞ᬭᬶᬂᬤᬾᬰᬳᬤᬢ᭄ᬳᬶᬩᬶᬬᬂ᭞ᬗᬃᬤ᭄ᬤᬶᬢᬺᬧ᭄ᬢᬶ᭞ᬢᬸᬗ᭄ᬕᬮ᭄ᬭᬶᬂᬧᬲᬫᭂ
ᬢᭀᬦᬦ᭄᭟ᬭᬶᬂᬓᬳᬸᬭᬶᬧᬦ᭄ᬧᬸᬦᬶᬓ᭞ᬤᬾᬰᬲᬦᬾᬫᬓᬓᬮᬶᬄ᭞ᬧ᭄ᬭᬚᬸᬭᬸᬦᬾᬧᬢᬸᬢ᭄ᬢᬢᬲ᭄᭞ᬦᬾᬦ᭄ᬢᭂᬦ᭄ᬧᬘᬂᬧᬢᬶᬓᬮ᭄ᬮᬸᬕ᭄᭞ᬲᬵᬦ᭄ᬢᬸᬓᬦ᭄ᬦᬸᬦ᭄ᬢᬸᬦ᭄ᬳᬶᬓ᭄ᬭᬫ᭞ᬗ᭄ᬭᬜ᭄ᬚᬶᬂᬓᬮᬶᬄ᭞ᬫᬗᬱ᭄ᬝᬤᬤᭀᬲ᭄ᬓᭂᬮᬶᬳᬦ᭄᭟ᬲ᭄ᬯᬥᬃᬫ᭄ᬫᬦ᭄ᬤᬤᭀᬲ᭄ᬓᭂᬮᬶᬳᬦ᭄᭞
ᬗᬃᬤ᭄ᬤᬶᬦᬶᬦ᭄ᬓ᭄ᬭᬫᬦᬾᬢᬺᬧ᭄ᬢᬶ᭞ᬤᬲᬃᬳᬯᬶᬕᬾᬫᬗ᭄ᬕᭂᬳᬂ᭞ᬭᬶᬓᬵᬮᬧᬘᬂᬫᬦᬸᬦ᭄ᬢᬸᬦ᭄᭞ᬢᬦ᭄ᬤᬤᭀᬲ᭄ᬫᬗᬯᬕ᭄ᬳᬯᬕ᭄᭞ᬫᬗᬶᬘᬾᬦᬶᬦ᭄᭞ᬧᬶᬓᬬᬸᬦ᭄ᬓᬮᬶᬄᬮᬓ᭄ᬱᬡ᭟ᬫᬗ᭄ᬤᬭᬯᭀᬲ᭄ᬲᬶᬤᬫᬗᬦ᭄᭞ᬤᬲᬭᬶᬦ᭄ᬳᬦ᭄ᬢᬸᬓ᭄ᬫ᭄ᬮᬚᬳᬶᬦ᭄᭞ᬢᬸᬦ᭄ᬢᬸ
Auto-transliteration
[3 3B]
3
patutpisankawikanin, kānggen'gĕnaḥmangilidang, ñimpĕnsar̀wwasanehuwug, yanringdeśagĕnaḥsetra, sayuwakti, kanggen'gĕnaḥnanĕmsawa. yaningmaringpahumahan, tĕbanikakawāṣṭanin, gĕnaḥmahubuḥhu
buhan, miwaḥgĕnaḥngutangluhuhu, tal̥ĕr̀hanggenpābyanan, patut'heling, punikasamitr̥ĕptyang. kapingtigaringpawongan, pangambalkar̀yyanesami, sidakalawantansida, patutpisankapikayun, santukanpawongansida
mangar̀ddhinin, kawonbĕcikepunika. kramadeśakapidabdab, ñujur̀mangdasiddhagilik, ringtrikayapariśuddha, punikapatutkatuntun, maringsowangparar̥ĕman, salinghasiḥ, ngalapkasoremar̀gyang, deśahada
tmadwekrama, lananghistrīhagunghalit, bĕcikbĕcikangnabdabang, bligbagangnganggensulur̀, yansampunhakehannrima, kamar̀gginin, hanggennabdabringlakṣaṇa. pradewentĕnsanesingsal, patutkati
[4 4A]
patutkatibakinhawig, sāntukankramanekataḥ, sinaḥwentĕnngarungu, tatĕpasansidasinaḥ, mangdajati, hanutmaringkahiwangan. ringmalisampunkaloktaḥ, wentĕndeśamakakaliḥ, deśadinasdeśahadat, mamipa
damaktasulur̀, ñujur̀hindikkasukr̥ĕtan, yanhupami, makakaliḥmarabyan. deśadinassanelanang, pinakahihajiyukti, ngayaḥringguruwiśeṣa. ngamar̀gyangpituduḥ, ringdeśahadat'hibiyang, ngar̀dditr̥ĕpti, tunggalringpasamĕ
tonan. ringkahuripanpunika, deśasanemakakaliḥ, prajurunepatuttatas, nentĕnpacangpatikallug, sāntukannuntunhikrama, ngrañjingkaliḥ, mangaṣṭadadoskĕlihan. swadhar̀mmandadoskĕlihan,
ngar̀ddininkramanetr̥ĕpti, dasar̀hawigemanggĕhang, rikālapacangmanuntun, tandadosmangawag'hawag, mangicenin, pikayunkaliḥlakṣaṇa. mangdarawossidamangan, dasarinhantukmlajahin, tuntuLeaf 4
[᭔ 4B]
᭔
ᬦᬦ᭄ᬰᬵᬲ᭄ᬢ᭄ᬭᬅᬕᬫ᭞ᬧᬶᬦᬓᬤᬲᬃᬲᬧᬸᬤᬸᬓ᭄᭞ᬲᬦᬾᬧᬘᬂᬓᬕᬫ᭄ᬩᭂᬮᬂ᭞ᬳᬗ᭄ᬕᬾᬦ᭄ᬲᬸᬦ᭄ᬤᬶᬄ᭞ᬗᬮᬗᬂᬭᬶᬂᬧᬓᬬᬸᬦᬦ᭄᭟ᬫ᭄ᬮᬚᬳᬾᬧᬢᬸᬢ᭄ᬢᬢᬲᬂ᭞ᬲᬦᬾᬫᭂᬮᬄᬧ᭄ᬮᬳᬚᬶᬦ᭄᭞ᬲᬮᬄᬢᬫ᭄ᬧᬶᬦᬾᬓᭂᬮᬶᬤᬂ᭞ᬭᬸᬯᬂᬫᬸᬲᬸᬳᬶᬦ᭄ᬫᬓᬬᬸᬦ᭄᭞ᬬᬦ᭄ᬧ᭄ᬭᬲᬶ
ᬤᬲᬧᬸᬦᬶᬓ᭞ᬲᬶᬦᬄᬲᬦ᭄ᬢᬶ᭞ᬭᬳᬬᬸᬧᬘᬂᬧᬗ᭄ᬕᬸᬳᬂ᭟ᬭᬶᬂᬳᬸᬕᭂᬃᬕᬸᬭᬸᬯᬶᬰᬾᬱ᭞ᬧᬫᭂᬓᬲ᭄ᬭᬶᬂᬚᬕᬢ᭄ᬩᬮᬶ᭞ᬳᬶᬦ᭄ᬤᬶᬓ᭄ᬤᬾᬰᬳᬤᬢ᭄ᬦᬶᬓ᭞ᬲᬫ᭄ᬧᬸᬦ᭄ᬓᬧᬸᬢᬸᬲᬂᬤᬸᬫᬸᬦ᭄᭞ᬤᬯᭂᬕ᭄ᬯᬃᬱᬲᬶᬬᬸᬲᬗ᭞ᬳᬗ᭄ᬕᬸᬦ᭄ᬳᬶᬧᬸᬦ᭄᭞ᬳᬸᬮᬸᬂᬤᬰᬦᭂᬫ᭄ᬦᭂᬫ᭄ᬦᬶᬓ᭟
ᬦᭀᬫᭂᬃᬦᭀᬮ᭄ᬦᭂᬫ᭄ᬓᬳᬸᬗ᭄ᬕᬳᬂ᭞ᬤᬾᬰᬳᬤᬢ᭄ᬓᬲᬸᬗ᭄ᬓᭂᬫᬶᬦ᭄᭞ᬤᬤᭀᬲ᭄ᬗ᭄ᬭᬜ᭄ᬚᬶᬂᬤᬾᬰᬤᬺᬱ᭄ᬝ᭞ᬜᬶᬓ᭄ᬬᬂᬳᭀᬯᬫᬃᬕ᭄ᬕᬶᬦ᭄ᬳᬸᬓᬸᬫ᭄᭞ᬫᬤ᭄ᬯᬾᬢ᭄ᬭᬤᬶᬲᬶᬢᬸᬗ᭄ᬕᬮ᭄᭞ᬫᬭᬶᬂᬳᬸᬭᬶᬧ᭄᭞ᬜᬸᬂᬲᬸᬂᬭᬶᬂᬓᬳ᭄ᬬᬗᬦ᭄ᬢᬶᬕ᭟ᬢ᭄ᬭᬤᬶᬲᬶᬢᬸᬗ᭄ᬕᬮ᭄ᬧᬸᬦᬶᬓ᭞ᬓᬳᬢᬸᬃᬤ
ᬤᭀᬲ᭄ᬳᬲᬶᬓᬶ᭞ᬫᬭᬶᬂᬓ᭄ᬭᬫᬤᬾᬰᬳᬤᬢ᭄᭞ᬯᬦ᭄ᬢᬄᬦᬾᬫᬕᬫᬳᬶᬦ᭄ᬤᬸ᭞ᬳᬶᬦ᭄ᬤᬶᬓ᭄ᬯᬯᭂᬗ᭄ᬓᭀᬦ᭄ᬮᬦ᭄ᬳᬃᬱ᭞ᬲᬦᬾᬗ᭄ᬭᬜ᭄ᬚᬶᬂ᭞ᬧᬤᬺᬯᬾᬬᬦ᭄ᬤᬾᬰᬳᬤᬢ᭄᭟ᬓᬸᬓᬸᬯᬸᬩᬦ᭄ᬤᬾᬰᬳᬤᬢ᭄᭞ᬯᬾᬦ᭄ᬢᭂᬦ᭄ᬮᬶᬗ᭄ᬕᬄᬯᬾᬦ᭄ᬢᭂᬜ᭄ᬘᬸᬧᬶᬢ᭄᭞ᬧᬢᬸᬢ᭄
[᭕ 5A]
ᬩᭂᬘᬶᬓᬂᬦᬢᬲᬂ᭞ᬢᬍᬃᬯᬾᬦ᭄ᬢᭂᬦ᭄ᬲᬮᬶᬂᬲᭂᬮᬸᬓ᭄᭞ᬧᬫᭂᬓᬲ᭄ᬯᬾᬦ᭄ᬢᭂᬦ᭄ᬭᬶᬂᬓ᭄ᬭᬫ᭞ᬲᬦᬾᬳᬶᬦ᭄ᬤᬶᬄ᭞ᬦᬩ᭄ᬤᬩᬂᬓᬮᬶᬄᬗᬸᬓᬸᬳᬂ᭟ᬓᬯᬾᬦ᭄ᬢᭂᬦᬦ᭄ᬤᬾᬰᬳᬤᬢ᭄᭞ᬳᬓ᭄ᬯᬾᬄᬳᬶᬧᬸᬦ᭄ᬯᬾᬦ᭄ᬢᭂᬦ᭄ᬓᬮᬶᬄ᭞ᬯᬾᬦ᭄ᬢᭂᬦ᭄ᬓᬓᬃᬤ᭄ᬤᬶᬳᬩᬜ᭄ᬚᬃ᭞ᬢᬍᬃᬯᬾᬦ᭄ᬢᭂᬦ᭄ᬲᬦᬾᬮᬗ᭄ᬓᬸᬂ᭞ᬳᬩᬜ᭄ᬚᬃᬭᬶᬂᬧᬕᬸᬦᬸᬗ
ᬦ᭄᭞ᬲᬦᬾᬍᬩᬶᬄ᭞ᬯᬾᬦ᭄ᬢᭂᬦ᭄ᬭᬶᬂᬩᬮᬶᬤᬢᬭᬦ᭄᭟᭐᭟ᬲ᭄ᬯᬥᬃᬫ᭄ᬫᬦ᭄ᬓ᭄ᬭᬫᬦᬾᬫᬗ᭄ᬓᬶᬦ᭄᭞ᬲᬦᬾᬧᬢᬸᬢ᭄ᬓᬧᬶᬤᬩ᭄ᬤᬩ᭄᭞ᬢᭂᬕᭂᬦ᭄ᬲᬸᬯᬸᬦ᭄ᬲᬋᬂᬭᭀᬭᭀ᭞ᬮᬦᬂᬳᬶᬲ᭄ᬢ᭄ᬭᬶᬗ᭄ᬭᬜ᭄ᬚᬶᬂᬓ᭄ᬭᬫ᭞ᬧᬸᬦᬶᬓᬧᬢᬸᬢ᭄ᬢᬢᬲᬂ᭞ᬦᬧᬶᬲᬦᬾᬧᬢᬸᬢ᭄ᬭᬸᬗᬸᬦ᭄᭞ᬗᬃᬤ᭄ᬤᬶᬓᬲᬸᬓᬺᬳᬜ᭄ᬚ
ᬕᬢ᭄᭟ᬲ᭄ᬯᬥᬃᬫ᭄ᬫᬦ᭄ᬓ᭄ᬭᬫᬭᬶᬂᬳᬸᬭᬶᬧ᭄᭞ᬲᬮᬶᬂᬢᬸᬮᬸᬂᬫᬕᬭᬧᬦ᭄᭞ᬧᬸᬦᬶᬓᬢᬸᬚᭀᬦᬾᬋᬓᭀ᭞ᬲᬵᬦ᭄ᬢᬸᬓᬦ᭄ᬧᬢᭂᬄᬫᬬᬚ᭄ᬜ᭞ᬳᬲᬶᬄᬳᬲᬸᬄᬫᬗ᭄ᬤᬳᬲᬄ᭞ᬯᬾᬦ᭄ᬢᭂᬦ᭄ᬓᬶᬭᬂᬯᬾᬦ᭄ᬢᭂᬦ᭄ᬮᬗ᭄ᬓᬸᬂ᭞ᬗᬮᬧ᭄ᬓᬲᭀᬃᬭᬶᬂᬮᬓ᭄ᬱᬡ᭟ᬲᬓᬶᬂᬳᬲᬶᬄᬗᬯᬾᬢ᭄ᬭᬧ᭄ᬢᬶ᭞ᬭᬶᬂᬲᬓᬮᬮᬦ᭄ᬦᬶ
ᬲ᭄ᬓᬮ᭞ᬧᬸᬦᬶᬓᬯᬸᬮᬢᬶᬋᬓᭀ᭞ᬩ᭄ᬮᬶᬕ᭄ᬩᬕᬂᬫᬭᬶᬂᬧᬭᬸᬫᬦ᭄᭞ᬲᬮᬸᬂᬮᬸᬂᬲᬪᬬᬦ᭄ᬢᬓ᭞ᬧᬭᬲ᭄ᬧᬭᭀᬲ᭄ᬢᬶᬦᬸᬢ᭄ᬳᬤᬸᬂ᭞ᬩ᭄ᬭᬶᬬᬸᬓ᭄ᬧᬗ᭄ᬕᬸᬮ᭄ᬫᬮᬓ᭄ᬱᬡ᭟ᬓ᭄ᬭᬫᬤᬾᬰᬲᬋᬂᬲᬫᬶ᭞ᬧᬢᬸᬢ᭄ᬫᬗᬬᬳᬂᬤᬾᬰ᭞ᬗᬃᬤ᭄ᬤᬶᬧᬯᬗᬸᬦᬦᬺᬓᭀ᭞ᬭᬶᬂᬧᬯᬯᭂᬗ᭄ᬓᭀᬦ᭄ᬤᬾ
Auto-transliteration
[4 4B]
4
nanśāstra'agama, pinakadasar̀sapuduk, sanepacangkagambĕlang, hanggensundiḥ, ngalangangringpakayunan. mlajahepatuttatasang, sanemĕlaḥplahajin, salaḥtampinekĕlidang, ruwangmusuhinmakayun, yanprasi
dasapunika, sinaḥsanti, rahayupacangpangguhang. ringhugĕr̀guruwiśeṣa, pamĕkasringjagatbali, hindikdeśahadatnika, sampunkaputusangdumun, dawĕgwar̀ṣasiyusanga, hanggunhipun, hulungdaśanĕmnĕmnika.
nomĕr̀nolnĕmkahunggahang, deśahadatkasungkĕmin, dadosngrañjingdeśadr̥ĕṣṭa, ñikyanghowamar̀gginhukum, madwetradisitunggal, maringhurip, ñungsungringkahyangantiga. tradisitunggalpunika, kahatur̀da
doshasiki, maringkramadeśahadat, wantaḥnemagamahindu, hindikwawĕngkonlanhar̀ṣa, sanengrañjing, padr̥ĕweyandeśahadat. kukuwubandeśahadat, wentĕnlinggaḥwentĕñcupit, patut
[5 5A]
bĕcikangnatasang, tal̥ĕr̀wentĕnsalingsĕluk, pamĕkaswentĕnringkrama, sanehindiḥ, nabdabangkaliḥngukuhang. kawentĕnandeśahadat, hakweḥhipunwentĕnkaliḥ, wentĕnkakar̀ddihabañjar̀, tal̥ĕr̀wentĕnsanelangkung, habañjar̀ringpagununga
n, sanel̥ĕbiḥ, wentĕnringbalidataran. 0. swadhar̀mmankramanemangkin, sanepatutkapidabdab, tĕgĕnsuwunsar̥ĕngroro, lananghistringrañjingkrama, punikapatuttatasang, napisanepatutrungun, ngar̀ddikasukr̥ĕhañja
gat. swadhar̀mmankramaringhurip, salingtulungmagarapan, punikatujoner̥ĕko, sāntukanpatĕḥmayajña, hasiḥhasuḥmangdahasaḥ, wentĕnkirangwentĕnlangkung, ngalapkasor̀ringlakṣaṇa. sakinghasiḥngawetrapti, ringsakalalanni
skala, punikawulatir̥ĕko, bligbagangmaringparuman, salunglungsabhayantaka, parasparostinut'hadung, briyukpanggulmalakṣaṇa. kramadeśasar̥ĕngsami, patutmangayahangdeśa, ngar̀ddipawangunanr̥ĕko, ringpawawĕngkondeLeaf 5
[᭕ 5B]
᭕
ᬰᬳᬤᬢ᭄᭞ᬲᬓᬮᬦᬶᬲ᭄ᬓᬮᬤᬩ᭄ᬤᬩ᭄᭞ᬫᬗ᭄ᬤᬩᭂᬘᬶᬓ᭄ᬱᬶᬤ᭄ᬤᬗ᭄ᬮᬦ᭄ᬢᬸᬃ᭞ᬓᬯᬭᬶᬲᬂᬭᬶᬂᬲᬦ᭄ᬢᬦ᭟ᬲᬓᬮᬦᬾᬫᬧᬓᬃᬤ᭄ᬤᬶ᭞ᬧᬯᬗᬸᬦᬦ᭄ᬲᬓᬶᬂᬧᬸᬭ᭞ᬓᬳ᭄ᬬᬗᬦ᭄ᬢᬶᬕᬦᬾᬭᭀᬫ᭄ᬩᭀ᭞ᬭᬯᬸᬳᬂᬭᬶᬂᬫ᭄ᬭᬚᬦ᭄ᬲᬗ᭄ᬕᬄ᭞ᬧᬤᬺᬯᬾᬦ᭄ᬓ᭄ᬭᬫᬲᬫ᭄ᬬᬦ᭄᭞ᬫᬗ᭄ᬤᬦᬾᬦ᭄ᬢᭂᬜ᭄ᬚᬦ᭄ᬢᭀᬲ᭄ᬳᬸᬯᬸᬕ᭄᭞
ᬲᬋᬂᬲᬫᬶᬧᬢᬸᬢ᭄ᬲᬭᬢ᭄᭟ᬓᬦᬶᬱ᭄ᬓᬮᬫᬗᬱ᭄ᬝᬶᬢᬶ᭞ᬦᬸᬦᬲ᭄ᬧᬲ᭄ᬯᬾᬘᬦ᭄ᬳᬶᬤ᭞ᬢ᭄ᬬᬂᬯᬶᬥᬶᬓᬲᬸᬂᬲᬸᬂᬋᬓᭀ᭞ᬓᬧᬶᬤᬩ᭄ᬤᬩ᭄ᬳᬸᬧᬲᬵᬭ᭞ᬫᬤᬸᬮᬸᬭᬦ᭄ᬳᬦ᭄ᬢᬸᬓ᭄ᬬᬚ᭄ᬜ᭞ᬲᬓᬮᬦᬶᬱ᭄ᬓᬮᬓᬢᬸᬃ᭞ᬭᬶᬂᬭᬵᬳᬶᬦᬧᬶᬳᭀᬤᬮᬦ᭄᭟ᬭᬶᬂᬢᬶᬍᬫ᭄ᬧᬹᬃᬡ᭄ᬦᬫᬬᬸᬓ᭄ᬢᬶ᭞ᬢᬍᬃᬧᬢᬸᬢ᭄ᬫᬗᬢᬸ
ᬭᬂ᭞ᬩᬓ᭄ᬢᬶᬳᬦ᭄ᬢᬸᬓ᭄ᬬᬚ᭄ᬜᬋᬓᭀ᭞ᬢᬯᬸᬃᬘᬭᬸᬪᬸᬢᬬᬚ᭄ᬜ᭞ᬫᬮᬶᬲ᭄ᬫᬺᬱᬶᬳᬂᬪᬸᬯᬦ᭞ᬧᬸᬦᬶᬓᬲᬫᬶᬓᬧᬢᬸᬢ᭄᭞ᬦᬗ᭄ᬮᬓ᭄ᬫ᭄ᬭᬡᬮᬦ᭄ᬓᬲᬗ᭟ᬲᭀᬯᬂᬓ᭄ᬭᬫᬫᬦᬶᬦᬸᬢᬶᬦ᭄᭞ᬤᬕᬶᬂᬳᬯᬶᬕ᭄ᬳᬯᬶᬕ᭄ᬤᬾᬰ᭞ᬗᬃᬤ᭄ᬤᬶᬕᬶᬮᬶᬓ᭄ᬭᬶᬂᬲᬫᭂᬢᭀᬦ᭄᭞ᬲᬦᬾᬲᬫ᭄ᬧᬸᬦ᭄ᬓᬭᬋᬫᬂ᭞ᬳᬫ᭄ᬢᬸ
ᬮᬶᬲ᭄ᬓᬮᬶᬄᬧᬲ᭄ᬯᬭ᭞ᬧᬸᬦᬶᬓᬧᬢᬸᬢ᭄ᬓᬭᬸᬗᬸ᭞ᬫᬗᬸᬓᬸᬳᬂᬤᬾᬰᬳᬤᬢ᭄᭟ᬮ᭄ᬬᬦ᭄ᬭᬶᬂᬗᬫᬃᬕ᭄ᬕ᭄ᬬᬂᬳᬯᬶᬕ᭄᭞ᬢᬍᬃᬧᬢᬸᬢ᭄ᬓᬧᬶᬤᬩ᭄ᬤᬩ᭄᭞ᬩᭂᬘᬶᬓᬂᬲᬫ᭄ᬧᬸᬦᬂᬕᬾᬭᭀ᭞ᬲᬸᬓᬺᬢᬢᬺᬧ᭄ᬢᬶᬢᬸᬚ᭄ᬯᬂ᭞ᬧᬸᬲᬓᬤᬸᬄᬓᬫᬃᬕ᭄ᬬᬂ᭞ᬲᬮᬫᬶᬦ᭄ᬳᬸᬭᬶᬧᬾᬓᬦ᭄ᬢᬸᬦ᭄᭞ᬳᬗ᭄ᬕᬾᬦ᭄ᬦᬶᬜ᭄ᬘᬧᬂ
[᭖ 6A]
ᬧᬲᬶᬓ᭄ᬬᬦ᭄᭟ᬢᬍᬃᬧᬢᬸᬢ᭄ᬓᬯᬶᬓᬦᬶᬦ᭄᭞ᬲ᭄ᬯᬥᬃᬫ᭄ᬫᬦᬾᬤᬤᭀᬲ᭄ᬓ᭄ᬭᬫ᭞ᬓᬮᬸᬕ᭄ᬭᬧᬤᬫᬩᬯᭀᬲ᭄᭞ᬲᬦᬾᬧᬢᬸᬢ᭄ᬓᬢᬸᬦᬲᬂ᭞ᬧᬸᬦᬶᬓᬫᬮᬶᬄᬩ᭄ᬮᬶᬕ᭄ᬩᬕᬂ᭞ᬚᬦ᭄ᬢᭀᬲ᭄ᬧ᭄ᬭᬲᬶᬤ᭄ᬥᬓᬧᬸᬢᬸᬲ᭄᭞ᬧᬶᬓᭂᬦᭀᬄᬤᬕᬶᬂᬧᬭᬸᬫᬦ᭄᭟ᬲᬬᬕᬫᬶᬮᬶᬄᬓᬧᬶᬮᬶᬄ᭞ᬓᬚᭂᬕᬂᬤ
ᬤᭀᬲ᭄ᬫᬗ᭄ᬕᬮ᭞ᬗᬦ᭄ᬢᬶᬦᬶᬦ᭄ᬜᬸᬓ᭄ᬱᬸᬓᬶᬦᬺᬓᭀ᭞ᬫᬗᬾᬦ᭄ᬢᭂᬭᬂᬧᬭᬓ᭄ᬭᬫ᭞ᬗ᭄ᬮᬦ᭄ᬢᬸᬃᬜᬸᬚᬸᬃᬓᬲᬸᬓᬺᬢᬦ᭄᭞ᬫᬗ᭄ᬕᭂᬄᬤᬤᭀᬲ᭄ᬲᬂᬧ᭄ᬭᬚᬸᬭᬸᬫᬓᬤᬶᬩᬦ᭄ᬤᬾᬰᬳᬤᬢ᭄᭟ᬳᬶᬦ᭄ᬤᬶᬓ᭄ᬧ᭄ᬭᬚᬸᬭᬸᬦᬾᬬᬸᬓ᭄ᬢᬶ᭞ᬫᬓ᭄ᬯᬾᬄᬯᬾᬦ᭄ᬢᭂᬦ᭄ᬤᬸᬤᭀᬦᬦ᭄ᬜ᭞ᬭᬶᬂᬤᬾᬰᬳᬧᬦᬕᬋᬓᭀ᭞ᬩᭂᬦ᭄ᬤᬾᬰ
ᬳᬤᬢ᭄ᬯᬱ᭄ᬝᬦ᭄ᬜ᭞ᬫᬮᬶᬄᬯᬾᬦ᭄ᬢᭂᬦ᭄ᬲᬦᬾᬜᬗ᭄ᬕ᭄ᬭ᭞ᬯᬓᬶᬮ᭄ᬧᬶᬦᬓᬧᬢᬚᬸᬄ᭞ᬧᬢᭂᬗᭂᬦᬾᬚᬸᬭᬸᬭᬵᬓ᭄ᬱ᭟ᬫᬮᬶᬄᬯᬾᬦ᭄ᬢᭂᬜ᭄ᬚᬸᬭᬸᬢᬸᬮᬶᬲ᭄᭞ᬫᬯᬱ᭄ᬝᬲᬂᬧᬜᬭᬶᬓᬦ᭄᭞ᬚᬸᬭᬸᬳᬭᬄᬭᬶᬂᬲᬫᭂᬢᭀᬦ᭄᭞ᬓᭂᬢᬄᬫᬯᬱ᭄ᬝᬓᬲᬶᬦᭀᬫᬦ᭄᭞ᬦᬾᬗᬢᬸᬭᬂᬳᬸᬧᬘᬵ
ᬭ᭞ᬫᬯᬱ᭄ᬝᬚᭂᬭᭀᬧᬫᬗ᭄ᬓᬸ᭞ᬦᬶᬓᬭᬶᬂᬩᬮᬶᬤᬢᬭᬦ᭄᭟ᬭᬶᬂᬩᬮᬶᬳᬕᬧᬸᬦᬶᬓᬶ᭞ᬯᬵᬱ᭄ᬝᬦ᭄ᬧᬫᬸᬘᬸᬓᬾᬫᬗ᭄ᬕᬮ᭞ᬚᭂᬭᭀᬩᬬᬦ᭄ᬯᬾᬦ᭄ᬢᭂᬦ᭄ᬭᭀᬭᭀ᭞ᬩᬬᬦ᭄ᬫᬸᬘᬸᬓ᭄ᬓᬮᬶᬄᬜᭀᬫᬦ᭄᭞ᬢᬍᬃᬯᬾᬦ᭄ᬢᭂᬦ᭄ᬦᬾᬮᬶᬬᬦᬦ᭄᭞ᬓᬯᬵᬱ᭄ᬝᬦᬶᬦ᭄ᬚᭂᬭᭀᬩ
Auto-transliteration
[5 5B]
5
śahadat, sakalaniskaladabdab, mangdabĕciksyiddanglantur̀, kawarisangringsantana. sakalanemapakar̀ddi, pawangunansakingpura, kahyangantiganerombo, rawuhangringmrajansanggaḥ, padr̥ĕwenkramasamyan, mangdanentĕñjantoshuwug,
sar̥ĕngsamipatutsarat. kaniṣkalamangaṣṭiti, nunaspaswecanhida, tyangwidhikasungsungr̥ĕko, kapidabdab'hupasāra, maduluranhantukyajña, sakalaniṣkalakatur̀, ringrāhinapihodalan. ringtil̥ĕmpūr̀ṇnamayukti, tal̥ĕr̀patutmangatu
rang, baktihantukyajñar̥ĕko, tawur̀carubhutayajña, malismr̥ĕsyihangbhuwana, punikasamikapatut, nanglakmraṇalankasanga. sowangkramamaninutin, daginghawig'hawigdeśa, ngar̀ddigilikringsamĕton, sanesampunkarar̥ĕmang, hamtu
liskaliḥpaswara, punikapatutkarungu, mangukuhangdeśahadat. lyanringngamar̀ggyanghawig, tal̥ĕr̀patutkapidabdab, bĕcikangsampunanggero, sukr̥ĕtatr̥ĕptitujwang, pusakaduḥkamar̀gyang, salaminhuripekantun, hanggenniñcapang
[6 6A]
pasikyan. tal̥ĕr̀patutkawikanin, swadhar̀mmanedadoskrama, kalugrapadamabawos, sanepatutkatunasang, punikamaliḥbligbagang, jantosprasiddhakaputus, pikĕnoḥdagingparuman. sayagamiliḥkapiliḥ, kajĕgangda
dosmanggala, ngantininñuksyukinr̥ĕko, mangentĕrangparakrama, nglantur̀ñujur̀kasukr̥ĕtan, manggĕḥdadossangprajurumakadibandeśahadat. hindikprajuruneyukti, makweḥwentĕndudonanña, ringdeśahapanagar̥ĕko, bĕndeśa
hadatwaṣṭanña, maliḥwentĕnsaneñanggra, wakilpinakapatajuḥ, patĕngĕnejururākṣa. maliḥwentĕñjurutulis, mawaṣṭasangpañarikan, juruharaḥringsamĕton, kĕtaḥmawaṣṭakasinoman, nengaturanghupacā
ra, mawaṣṭajĕropamangku, nikaringbalidataran. ringbalihagapuniki, wāṣṭanpamucukemanggala, jĕrobayanwentĕnroro, bayanmucukkaliḥñoman, tal̥ĕr̀wentĕnneliyanan, kawāṣṭaninjĕrobaLeaf 6
[᭖ 6B]
᭖
ᬳᬸ᭞ᬚᭂᬭᭀᬧᬢᬶᬮᬦ᭄ᬲᬶᬗ᭄ᬕᬸᬓᬦ᭄᭟ᬭᬶᬂᬤᬾᬰᬢᬸᬳᬦᬾᬫᬗ᭄ᬓᬶᬦ᭄᭞ᬢᬍᬃᬫᬤᬺᬯᬾᬫᬗ᭄ᬕᬮ᭞ᬳᬓᬾᬄᬩᬸᬤ᭄ᬥᬬᬦᬾᬭᭀᬭᭀ᭞ᬢᭂᬗᬾᬕᭀᬢ᭄ᬲᬋᬂᬢᭂᬗᬯᬦ᭄᭞ᬩᭂᬦ᭄ᬤᬾᬰᬳᬤᬢ᭄ᬧᬢᬚᬸᬄ᭞ᬧᬜᬭᬶᬓᬦ᭄ᬓᬲᬶᬦᭀᬫᬦ᭄᭟ᬢ
ᬢᬢᬶᬢᬶᬦᬾᬯᬶᬓᬦᬶᬦ᭄᭞ᬧ᭄ᬭᬚᬸᬭᬸᬭᬶᬂᬤᬾᬰᬳᬤᬢ᭄᭞ᬯᬾᬦ᭄ᬢᭂᬦ᭄ᬲᬫ᭄ᬧᬸᬦ᭄ᬢᬶᬕᬂᬧᬭᭀᬲ᭄᭞ᬲᬶᬓᬶᬗᬗ᭄ᬕᬾᬦ᭄ᬧᬫᬶᬮᬶᬳᬦ᭄᭞ᬓᬧᬶᬂᬓᬮᬶᬄᬓᬢᬸᬭᬸᬦᬦ᭄᭞ᬧᬶᬂᬢᬶᬕᬦᬾᬢᬍᬃᬓᬢᬸᬃ᭞ᬫᬕᬶᬮᬶᬃᬗᬢᬸᬭᬂᬳᬬᬄ᭟ᬲᬸᬯᬾᬦ᭄ᬦᬾᬫᬬᬰᬓᬾᬃᬱᬶ᭞ᬜ
ᬗ᭄ᬕ᭄ᬭᬲ᭄ᬯᬥᬃᬫᬦ᭄ᬫᬗ᭄ᬕᬮ᭞ᬫᬦᬹᬢ᭄ᬤᬕᬶᬂᬳᬯᬶᬕᬺᬓᭀ᭞ᬢᬢ᭄ᬯᬫᬲᬶᬦᬾᬕᭂᬓᬭᬂ᭞ᬧᬸᬢᬸᬲᬦ᭄ᬫᬭᬶᬂᬧᬭᬸᬫᬦ᭄᭞ᬓ᭄ᬭᬫᬤᬾᬰᬲᬦᬾᬳᬶᬗ᭄ᬓᬸᬧ᭄᭞ᬲᬦᬾᬧᬢᬸᬢ᭄ᬓᬫᬗ᭄ᬕᭂᬳᬂ᭟᭐᭟ᬳᬶᬦ᭄ᬤᬶᬓ᭄ᬳᬗ᭄ᬕᬦ᭄ᬤᬾᬰᬓᬢᬸᬃ᭞ᬯᬾᬦ᭄ᬢᭂᬦ᭄ᬧᬸᬦᬶᬓᬓᬓᬮᬶᬄ᭞
ᬳᬲᬶᬓᬶᬲᬦᬾᬫᭀᬮᬶᬳᬂ᭞ᬢᬍᬃᬯᬾᬦ᭄ᬢᭂᬦ᭄ᬦᬾᬦ᭄ᬢᭂᬦ᭄ᬳᬾᬮᬄ᭞ᬓᬭᬂᬳᬬᬳᬦ᭄ᬭᬶᬂᬤᬾᬰ᭞ᬗᬶᬭᬶᬂᬲᬋᬂᬓᬯᬶᬓᬦᬶᬦ᭄᭟ᬲᬦᬾᬳᭀᬮᬶᬄᬓᬭᬂᬓᬢᬸᬃ᭞ᬓ᭄ᬯᬾᬄᬦᬾᬧᭀᬮᬶᬄᬫᬦᬶᬦᬸᬢᬶᬦ᭄᭞ᬧᬢᬸᬢ᭄ᬫᬗᬢᬸᬭᬂᬳᬬᬄ᭞ᬓ᭄ᬭᬫᬗᬋ
[᭗ 7A]
ᬧ᭄ᬓᬯᬵᬱ᭄ᬝᬦᬶᬦ᭄᭞ᬓᭂᬦᬶᬳᬬᬳᬦ᭄ᬭᬶᬂᬤᬾᬰ᭞ᬭᬶᬂᬓᬃᬬ᭄ᬬᬳᬤᬢᬾᬬᬸᬓ᭄ᬢᬶ᭟ᬧ᭄ᬭᬤᬾᬯᬾᬦ᭄ᬢᭂᬦ᭄ᬲᬦᬾᬮᬗ᭄ᬓᬸᬂ᭞ᬳᬓᬾᬄᬲᬫᭂᬢᭀᬦᬾᬬᬸᬓ᭄ᬢᬶ᭞ᬳᬲᬶᬓᬶᬲᬦᬾᬓᬋᬧᬂ᭞ᬧᬸᬦᬶᬓᬧᬢᬸᬢ᭄ᬓᬬᬸᬦᬶᬦ᭄᭞ᬦᬾᬲᬾᬯᭀᬲᬦ᭄ᬓ᭄ᬭᬫᬭᭀᬩᬦ᭄᭞ᬫᬢᬸᬮᬸᬂᬲᬋᬂᬗᬬᬳᬶᬦ᭄᭟
ᬦᬾᬲᬾᬯᭀᬲᬦ᭄ᬳᬗ᭄ᬕᬓᬢᬸᬃ᭞ᬯᬾᬦ᭄ᬢᭂᬦ᭄ᬲᬗ᭄ᬓᬦᬶᬂᬫᬗᬯᬶᬢ᭄᭞ᬗ᭄ᬭᬜ᭄ᬚᬶᬂᬭᬶᬂᬧᬯᬶᬯᬵᬳᬦ᭄᭞ᬭᬶᬂᬤᬾᬰᬳᬤᬢ᭄ᬯ᭄ᬬᬓ᭄ᬢᬶ᭞ᬚᭂᬦᭂᬓ᭄ᬳᬸᬭᬶᬧ᭄ᬫᬳᬸᬢ᭄ᬲᬳ᭞ᬢᬍᬃᬲᬋᬂᬗᬫᬶᬍᬢᬶᬦ᭄᭟ᬦᬾᬮᬶᬬᬦᬦ᭄ᬫᬮᬶᬄᬓᬢᬸᬃ᭞ᬤᬾᬰᬳᬤᬢ᭄ᬯᬯᬸᬓᬵᬧ᭄ᬢᬶ᭞ᬫᬤᬲᬃᬭᬶᬂᬧᬤᬳᬃ
ᬱ᭞ᬭᬶᬂᬕᭂᬦᬄᬳᬫᬗᬭᬗᬶᬦ᭄᭞ᬤᬲᬃᬗᬬᬳᬾᬧᬸᬦᬶᬓ᭞ᬓᬾᬗᬶᬦ᭄ᬫᬲᬶᬓ᭄ᬬᬦ᭄ᬲᬫᬶ᭟ᬫᬤᬾᬰᬳᬤᬢ᭄ᬓᬵᬳᬢᬸᬃ᭞ᬕᬸᬫᬦ᭄ᬢᬶᬗᬃᬤ᭄ᬤᬶᬧᬂᬩᭂᬘᬶᬓ᭄᭞ᬭᬶᬂᬢ᭄ᬭᬶᬓᬬᬧᬭᬶᬰᬸᬤ᭄ᬥ᭞ᬗᬸᬮᬢᬶᬮᬓ᭄ᬱᬡᬕᬶᬮᬶᬓ᭄᭞ᬭᬶᬂᬧᬬᬸᬦ᭄ᬮᬓ᭄ᬱᬡᬦ᭄ᬫᬘᬦ᭞ᬲᬋᬂ
ᬲᬫᭂᬢᭀᬦᬾᬲᬫᬶ᭟ᬤᬾᬰᬳᬤᬢ᭄ᬲᬶᬤᬗᬢᬸᬃ᭞ᬫᬮᬭᬧᬦ᭄ᬳᬦ᭄ᬢᬸᬓ᭄ᬳᬯᬶᬕ᭄᭞ᬲᬦᬾᬲᬫ᭄ᬧᬸᬦ᭄ᬓᬫᬗ᭄ᬕᭂᬳᬂ᭞ᬫᬤᬲᬃᬧᬭᬸᬫᬦ᭄ᬭᬶᬳᬶᬦ᭄᭞ᬭᬶᬂᬧᬭᬓ᭄ᬭᬫᬦᬾᬲᬫ᭄ᬬᬦ᭄᭞ᬧᬸᬦᬶᬓᬗᬃᬤ᭄ᬬᬂᬩᭂᬘᬶᬓ᭄᭟ᬳᬯᬶᬕ᭄ᬲᬦᬾᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬧ
Auto-transliteration
[6 6B]
6
hu, jĕropatilansinggukan. ringdeśatuhanemangkin, tal̥ĕr̀madr̥ĕwemanggala, hakeḥbuddhayaneroro, tĕngegotsar̥ĕngtĕngawan, bĕndeśahadatpatajuḥ, pañarikankasinoman. ta
tatitinewikanin, prajururingdeśahadat, wentĕnsampuntigangparos, sikinganggenpamilihan, kapingkaliḥkaturunan, pingtiganetal̥ĕr̀katur̀, magilir̀ngaturanghayaḥ. suwennemayaśaker̀syi, ña
nggraswadhar̀manmanggala, manūtdaginghawigr̥ĕko, tatwamasinegĕkarang, putusanmaringparuman, kramadeśasanehingkup, sanepatutkamanggĕhang. 0. hindik'hanggandeśakatur̀, wentĕnpunikakakaliḥ,
hasikisanemolihang, tal̥ĕr̀wentĕnnentĕnhelaḥ, karanghayahanringdeśa, ngiringsar̥ĕngkawikanin. saneholiḥkarangkatur̀, kweḥnepoliḥmaninutin, patutmangaturanghayaḥ, kramangar̥ĕ
[7 7A]
pkawāṣṭanin, kĕnihayahanringdeśa, ringkar̀yyahadateyukti. pradewentĕnsanelangkung, hakeḥsamĕtoneyukti, hasikisanekar̥ĕpang, punikapatutkayunin, nesewosankramaroban, matulungsar̥ĕngngayahin.
nesewosanhanggakatur̀, wentĕnsangkaningmangawit, ngrañjingringpawiwāhan, ringdeśahadatwyakti, jĕnĕk'huripmahutsaha, tal̥ĕr̀sar̥ĕngngamil̥ĕtin. neliyananmaliḥkatur̀, deśahadatwawukāpti, madasar̀ringpadahar̀
ṣa, ringgĕnaḥhamangarangin, dasar̀ngayahepunika, kenginmasikyansami. madeśahadatkāhatur̀, gumantingar̀ddipangbĕcik, ringtrikayapariśuddha, ngulatilakṣaṇagilik, ringpayunlakṣaṇanmacana, sar̥ĕng
samĕtonesami. deśahadatsidangatur̀, malarapanhantuk'hawig, sanesampunkamanggĕhang, madasar̀parumanrihin, ringparakramanesamyan, punikangar̀dyangbĕcik. hawigsanesampunpuput, paLeaf 7
[᭗ 7B]
᭗
ᬢᬸᬢ᭄ᬓᬲᬸᬭᬵᬢᬂᬫᬮᬶᬄ᭞ᬫᬗ᭄ᬤᬲᬶᬤᬓᬓᬬᬸᬦᬂ᭞ᬢᬸᬃᬓᬢ᭄ᬭᬶᬫᬬᬂᬫᬮᬶᬄ᭞ᬫᬭᬶᬂᬲᭀᬯᬂᬲᭀᬯᬂᬓ᭄ᬭᬫ᭞ᬲᬶᬤᬳᬗ᭄ᬕᬾᬦ᭄ᬫᬗᬸᬓᬸᬳᬶᬦ᭄᭟ᬳᬯᬶᬕ᭄ᬧᬶᬦᬓᬧᬦᭂᬕᬸᬮ᭄᭞ᬦᭂᬓᭂᬓᬂᬓ᭄ᬭᬫᬦᬾᬲᬫᬶ᭞ᬳᬶᬦ᭄ᬤᬶᬓ᭄ᬗᬃᬤ᭄ᬤᬶᬧᬲᬶᬓ᭄ᬬᬦ᭄᭞ᬧᬢᬸᬢ᭄ᬧᬶᬲᬦ᭄ᬓᬢᬶᬦᬸᬢᬶᬦ᭄᭞ᬳᬗ᭄ᬕᬾᬦ᭄ᬜᬸᬚᬸᬃᬓ
ᬲᬸᬓᬺᬢᬦ᭄᭞ᬧ᭄ᬭᬲᬶᬤᬤᬾᬰᬦᬾᬩᭂᬘᬶᬓ᭄᭟ᬧᬸᬦᬶᬓᬗᬯᬶᬦᬂᬓᬸᬓᬸᬄ᭞ᬤᬾᬰᬳᬤᬢᬾᬭᬶᬂᬩᬮᬶ᭞ᬧᬢᬸᬢ᭄ᬢᭂᬫᭂᬲ᭄ᬓᬧᬶᬤᬩ᭄ᬤᬩ᭄᭞ᬧᬶᬓᬬᬸᬦᬶᬦ᭄ᬲᬋᬂᬲᬫᬶ᭞ᬫᬗ᭄ᬤᬦᬾᬦ᭄ᬢᭂᬦ᭄ᬫᭂᬢᬸᬲᬶᬗ᭄ᬲᬮ᭄᭞ᬲᭂᬭᬶᬂᬧᬭᬸᬫ᭄ᬗᬃᬤ᭄ᬤᬶᬩᭂᬘᬶᬓ᭄᭟ᬲᬦᬾᬲᬵᬫ᭄ᬧᬸᬦ᭄ᬦᬾᬦ᭄ᬢᭂᬦ᭄ᬧᬢᬸᬢ᭄᭞ᬕᭂ
ᬮᬶᬲ᭄ᬓᬕᭂᬦ᭄ᬢᭀᬲᬶᬦ᭄ᬫᬮᬶᬄ᭞ᬫᬗ᭄ᬤᬦᬾᬦ᭄ᬢᭂᬦ᭄ᬫᬗ᭄ᬭᬡᬬᬂ᭞ᬧᬫᬃᬕ᭄ᬕᬶᬦᬾᬩᬮᬓ᭄ᬩᬮᬶᬓ᭄᭞ᬓᬬᬸᬦᬶᬦ᭄ᬲᬋᬂᬲᬶᬦᬫ᭄ᬬᬦ᭄᭞ᬫᬗ᭄ᬤᬕᬮᬂᬓᬫᬃᬕ᭄ᬕᬶᬦᬶᬦ᭄᭟ᬭᬶᬂᬤᬾᬰᬳᬤᬢᬾᬓᬸᬓᬸᬄ᭞ᬧᬫᬃᬕ᭄ᬕᬶᬦᬾᬜᬸᬂᬲᬸᬂᬯᬶᬥᬶ᭞ᬜᬶᬓ᭄ᬬᬂᬧᬲᭂᬫᭂᬢᭀᬦᬦ᭄᭞ᬫ᭄ᬬᬭ
ᬕᭂᬦᬳᬾᬳᬸᬭᬶᬧ᭄᭞ᬳᬦ᭄ᬢᬸᬓ᭄ᬗᬫᬃᬕ᭄ᬬᬂᬳᬤᬢ᭄᭟ᬓᬮᬶᬄᬩᬸᬤ᭄ᬥᬬᬦᬾᬬᬸᬓ᭄ᬢᬶ᭟ᬤᬾᬰᬳᬤᬢ᭄ᬕᭂᬦᬄᬧᬢᬸᬢ᭄᭞ᬫᬶᬤᬩ᭄ᬤᬩᬶᬦ᭄ᬓ᭄ᬭᬫᬲᬫᬶ᭞ᬗᬸᬮᬢᬶᬦᬶᬜ᭄ᬘᬧᬂᬳᬗ᭄ᬕ᭞ᬳᬗ᭄ᬕᬾᬦ᭄ᬗᬺᬋᬄᬩᭂᬓᭂᬮ᭄ᬳᬸᬭᬶᬧ᭄᭞ᬲᬵᬦ᭄ᬢᬸᬓᬦ᭄ᬫᬤᬲᬃᬥᬃᬫ᭄ᬫ᭞ᬲᬦᬾᬧᬢᬸᬢ᭄ᬓᬓᬃᬤ᭄ᬤᬶᬦᬶᬦ᭄᭟
[᭘ 8A]
ᬬᬦᬶᬂᬫᬮᬓ᭄ᬱᬡᬧᬢᬸᬢ᭄᭞ᬳᬓᬄᬲᬦᬾᬫᬜᬸᬗ᭄ᬓᭂᬫᬶᬦ᭄᭞ᬬᬦᬶᬂᬓᬯᭀᬦ᭄ᬓᬫᬃᬕ᭄ᬬᬂ᭞ᬳᬓᬾᬄᬳᬦᬓᬾᬗ᭄ᬮᬶᬤᬶᬦ᭄᭞ᬧᬸᬦᬶᬓᬧᬢᬸᬢ᭄ᬓᬬᬸᬦᬂ᭞ᬤᬤᭀᬲ᭄ᬓ᭄ᬭᬫᬧᬢᬸᬢ᭄ᬳᬸᬦᬶᬂ᭟ᬬᬦ᭄ᬲᭀᬮᬾᬄᬲᬦᬾᬮᬸᬫᬓᬸ᭞ᬓᬲᬶᬦᬳᬂᬫᬦᬸᬗ᭄ᬓᬲᬶᬦ᭄᭞ᬧᬫᬃᬕ᭄ᬕᬶᬦ᭄ᬳᬤᬢ᭄ᬭᬶᬂᬤᬾᬰ᭞
ᬢᬸᬃᬤᬶᬕᭂᬮᬶᬲ᭄ᬓᬯᬵᬱ᭄ᬝᬦᬶᬦ᭄᭞ᬚᬢ᭄ᬫᬢ᭄ᬯᬭᬦᬯᬂᬳᬤᬢ᭄᭞ᬳᬓᬾᬄᬓ᭄ᬭᬫᬦᬾᬗᬚᭀᬳᬶᬦ᭄᭟ᬳᬩᭀᬢ᭄ᬳᬗᬦ᭄ᬜᬸᬚᬸᬢ᭄ᬧᬢᬸᬢ᭄᭞ᬭ᭄ᬯᬪᬶᬦᬾᬤᬓᬳᬶᬘᬾᬦᬶᬦ᭄᭞ᬧᬢᬸᬢ᭄ᬩᭂᬘᬶᬓ᭄ᬧᬶᬓᬬᬸᬦᬂ᭞ᬫᬓᬓᬮᬶᬄᬦᬫ᭄ᬧᭂᬓ᭄ᬬᬸᬓ᭄ᬢᬶ᭞ᬧᬸᬦᬶᬓᬗᬸᬚᬶᬫᬵᬦᬸᬱ᭞ᬫᬭᬶᬂ
ᬲᬓᬦ᭄ᬢᬸᬦᬾᬳᬸᬭᬶᬧ᭄᭟ᬤᬤᭀᬲ᭄ᬚᬢ᭄ᬫᬮᬶᬦ᭄ᬢᬂᬳᬸᬦ᭄ᬢᬸᬂ᭞ᬧᬢᬸᬢ᭄ᬧᬶᬲᬦ᭄ᬓᬯᬶᬓᬦᬶᬦ᭄᭞ᬬᬦ᭄ᬲᬳᬶᬳᬂᬭᬶᬂᬮ᭄ᬬᬦᬦ᭄᭞ᬭᬶᬂᬲᬃᬯ᭄ᬯᬲᬦᬾᬫᬳᬸᬭᬶᬧ᭄᭞ᬧᬓᬃᬤ᭄ᬥᬶᬦ᭄ᬳ᭄ᬬᬂᬯᬶᬤ᭄ᬥᬶᬯᬰ᭞ᬧᬸᬦᬶᬓᬧᬢᬸᬢ᭄ᬳᬸᬦᬶᬗᬶᬦ᭄᭟᭐᭟ᬩᬜ᭄ᬚᬃᬓᬢᬸᬃ᭞ᬧᬢᬸᬢ᭄ᬧᬶᬲᬦ᭄ᬓᬧᬶᬓ
ᬬᬸᬦ᭄᭞ᬲᬦᬾᬫᬦᬤᭀᬲᬂ᭞ᬤᬾᬰᬳᬤᬢ᭄ᬓᬓᬃᬤ᭄ᬤᬶᬦᬶᬦ᭄᭞ᬳᬓᬾᬄᬳᬶᬧᬸᬦ᭄᭞ᬯᬾᬦ᭄ᬢᭂᬦ᭄ᬓᬢᬄᬓᬮᬶᬄᬢᬸᬗ᭄ᬕᬮ᭄᭟ᬢᬃᬱᬶᬓᬶᬧᬸᬦ᭄᭞ᬧᬶᬓᭂᬦᭀᬄᬭᬶᬂᬩᬜ᭄ᬚᬃᬇᬓᬸ᭞ᬫᬩᬭᬶᬲ᭄ᬫᬚᬚᬃ᭞ᬫᬶᬯᬄᬗ᭄ᬮᭀᬫ᭄ᬧᭀᬓ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬘᬸᬢᭂᬢ᭄ᬳᬶᬧᬸᬦ᭄᭞
Auto-transliteration
[7 7B]
7
tutkasurātangmaliḥ, mangdasidakakayunang, tur̀katrimayangmaliḥ, maringsowangsowangkrama, sidahanggenmangukuhin. hawigpinakapanĕgul, nĕkĕkangkramanesami, hindikngar̀ddipasikyan, patutpisankatinutin, hanggenñujur̀ka
sukr̥ĕtan, prasidadeśanebĕcik. punikangawinangkukuḥ, deśahadateringbali, patuttĕmĕskapidabdab, pikayuninsar̥ĕngsami, mangdanentĕnmĕtusingsal, sĕringparumngar̀ddibĕcik. sanesāmpunnentĕnpatut, gĕ
liskagĕntosinmaliḥ, mangdanentĕnmangraṇayang, pamar̀gginebalakbalik, kayuninsar̥ĕngsinamyan, mangdagalangkamar̀gginin. ringdeśahadatekukuḥ, pamar̀ggineñungsungwidhi, ñikyangpasĕmĕtonan, myara
gĕnahehurip, hantukngamar̀gyanghadat. kaliḥbuddhayaneyukti. deśahadatgĕnaḥpatut, midabdabinkramasami, ngulatiniñcapanghangga, hanggenngr̥ĕr̥ĕḥbĕkĕlhurip, sāntukanmadasar̀dhar̀mma, sanepatutkakar̀ddinin.
[8 8A]
yaningmalakṣaṇapatut, hakaḥsanemañungkĕmin, yaningkawonkamar̀gyang, hakeḥhanakenglidin, punikapatutkayunang, dadoskramapatut'huning. yansoleḥsanelumaku, kasinahangmanungkasin, pamar̀gginhadatringdeśa,
tur̀digĕliskawāṣṭanin, jatmatwaranawanghadat, hakeḥkramanengajohin. habot'hanganñujutpatut, rwabhinedakahicenin, patutbĕcikpikayunang, makakaliḥnampĕkyukti, punikangujimānuṣa, maring
sakantunehurip. dadosjatmalintanghuntung, patutpisankawikanin, yansahihangringlyanan, ringsar̀wwasanemahurip, pakar̀ddhinhyangwiddhiwaśa, punikapatut'huningin. 0. bañjar̀katur̀, patutpisankapika
yun, sanemanadosang, deśahadatkakar̀ddinin, hakeḥhipun, wentĕnkataḥkaliḥtunggal. tar̀syikipun, pikĕnoḥringbañjar̀iku, mabarismajajar̀, miwaḥnglompokwentĕnmaliḥ, cutĕt'hipun,Leaf 8
[᭘ 8B]
᭘
ᬲᬋᬂᬫᬓᬾᬄᬫᬲᬶᬓ᭄ᬬᬦ᭄᭟ᬫᬮᬶᬄᬓᬢᬸᬃ᭞ᬕᭂᬦᬄᬧᬘᬂᬓᬵᬗ᭄ᬕᬾᬦ᭄ᬦᬸᬦ᭄ᬢᬸᬦ᭄᭞ᬫᬜ᭄ᬚᬳᬂᬧᬶᬤᬩ᭄ᬤᬩ᭄᭞ᬗᬃᬤ᭄ᬤᬶᬓᬓᬬᬸᬦᬶᬦ᭄ᬫᬮᬶᬄ᭞ᬕᭂᬦᬄᬳᬶᬧᬸᬦ᭄᭞ᬭᬶᬂᬩᬮᬾᬩᬜ᭄ᬚᬃᬯᬵᬱ᭄ᬝᬦ᭄ᬜ᭟ᬫᬗ᭄ᬓᬶᬦ᭄ᬓᬢᬸᬃ᭞ᬕᬕᬸᬡᬦ᭄ᬩᬜ᭄ᬚᬃᬧᬸᬦᬶᬓᬸ᭞ᬧᬶᬦᬓᬧᬲᬶᬓ᭄ᬬᬦ᭄᭞ᬗᬃᬤ᭄ᬤᬶᬧᬫᬃᬕ᭄ᬕᬶ
ᬲᬕᬶᬮᬶᬓ᭄᭞ᬤᬲᬃᬳᬶᬧᬸᬦ᭄᭞ᬜᬸᬚᬸᬃᬢᬸᬗ᭄ᬕᬶᬮ᭄ᬧᬲᬶᬓ᭄ᬬᬦ᭄᭟ᬤᬲᬃᬳᬶᬧᬸᬦ᭄᭞ᬲᬶᬤᬦᬾᬧᬤᬫᬧᬸᬧᬸᬮ᭄᭞ᬧᬘᬂᬗᬫᬃᬕ᭄ᬬᬂ᭞ᬤᬲᬃᬳᬸᬭᬶᬧ᭄ᬧᬦᭂᬲ᭄ᬢᬶᬲ᭄᭞ᬮ᭄ᬯᬶᬃᬳᬶᬧᬸᬦ᭄᭞ᬲᬋᬂᬫᬭᬶᬂᬲᬸᬓᬤᬸᬄᬓ᭟ᬩᬜ᭄ᬚᬃᬳᬶᬓᬸ᭞ᬬᬦ᭄ᬢᬶᬮᬶᬓᬶᬦ᭄ᬯᬾᬦ᭄ᬢᭂᬦ᭄ᬳᬕᬸᬂ
ᬓᬢᬄ᭞ᬦᬾᬳᬕᭂᬂᬓᬧᬶᬮᬶᬄᬫᬮᬶᬄ᭞ᬤᬤᭀᬲ᭄ᬳᬶᬧᬸᬦ᭄᭞ᬫᬓᬸᬤᬂᬓᬸᬤᬂᬢᬾᬫ᭄ᬧᬾᬓᬦ᭄᭟ᬢᬾᬫ᭄ᬧᬾᬓ᭄ᬳᬶᬓᬸ᭞ᬫᬜᬶᬳ᭄ᬦᬬᬂᬳᬾᬮᬄᬗᬢᬸᬃ᭞ᬭᬶᬓᬮᬗᬸᬮᬢ᭄ᬬ᭞ᬗᬫᬃᬕ᭄ᬬᬂᬲᬳᬸᬭᬄᬳᬭᬶᬄ᭞ᬧᬢᬸᬢ᭄ᬓᬢᬸᬃ᭞ᬭᬯᬸᬳᬂᬭᬶᬂᬓ᭄ᬭᬫᬩᬜ᭄ᬚᬃ᭟ᬲᬂᬧ᭄ᬭ
ᬚᬸᬭᬸ᭞ᬓᭂᬮᬶᬳᬦ᭄ᬩᬜ᭄ᬚᬃᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬲᬦᬾᬫᬗᬾᬦ᭄ᬢᭂᬭᬂ᭞ᬧᬭᬓ᭄ᬭᬫᬫᬩᬜ᭄ᬚᬃᬲᬫᬶ᭞ᬫᬗ᭄ᬤᬢᬶᬦᬸᬢ᭄᭞ᬭᬶᬂᬲ᭄ᬯᬥᬃᬫ᭄ᬫᬤᬤᭀᬲ᭄ᬓ᭄ᬭᬫ᭟ᬮᬦ᭄ᬢᬸᬃᬳᬶᬧᬸᬦ᭄᭞ᬢᬍᬃᬯᬾᬦ᭄ᬢᭂᬦ᭄ᬲᬦᬾᬮᬸᬳᬸᬂ᭞ᬳᬶᬗ᭄ᬕᬶᬄᬧᬜᬭᬶᬓᬦ᭄᭞ᬚᬸᬭᬸᬲᬸᬭᬵᬢᬾᬲᬸᬚᬢᬶ᭞ᬫᬮᬶᬄ
[᭙ 9A]
ᬗ᭄ᬮᬦ᭄ᬢᬸᬃ᭞ᬓᬲᬶᬦᭀᬫᬜ᭄ᬚᬸᬭᬸᬳᬭᬄ᭟ᬬᬦᬶᬂᬳᬕᬸᬂ᭞ᬓᬯᬾᬦ᭄ᬢᭂᬦᬦ᭄ᬩᬜ᭄ᬚᬃᬇᬓᬸ᭞ᬤᬤᭀᬲ᭄ᬓᬧᬲᬳᬂ᭞ᬓᬤᬤᭀᬲᬂᬢᬾᬫ᭄ᬧᬾᬓ᭄ᬫᬮᬶᬄ᭞ᬲᬂᬧ᭄ᬭᬚᬸᬭᬸ᭞ᬓ᭄ᬮᬶᬳᬦ᭄ᬢᬾᬫ᭄ᬧᬾᬓ᭄ᬯᬵᬱ᭄ᬝᬦᬶᬦ᭄ᬜ᭟ᬲᬂᬧ᭄ᬭᬚᬸᬭᬸ᭞ᬓ᭄ᬮᬶᬳᬦ᭄ᬢᬾᬫ᭄ᬧᬾᬓᬾᬧᬸᬦᬶᬓᬸ᭞ᬓᬧᬶᬮᬶᬄᬭᬶᬂᬓ᭄ᬭᬫ᭞ᬧᬜᬭᬶᬓᬦᬾᬓᬲᭂ
ᬮᬶᬃ᭞ᬳᬦ᭄ᬢᬸᬓᬶᬧᬸᬦ᭄᭞ᬫᬗᬭᬳᬶᬦ᭄ᬧᬭᬓ᭄ᬭᬫ᭟ᬲᬂᬧ᭄ᬭᬚᬸᬭᬸ᭞ᬧᬭᬓᬮᬶᬳᬦ᭄ᬧᬸᬦᬶᬓᬸ᭞ᬓᬧᬶᬮᬶᬄᬭᬶᬂᬓ᭄ᬭᬫ᭞ᬧᬜᬭᬶᬓᬦᬾᬓᬲᭂᬮᬶᬃ᭞ᬳᬦ᭄ᬢᬸᬓᬶᬧᬸᬦ᭄᭞ᬲᬦᬾᬧᭀᬮᬶᬄᬤᬤᭀᬲ᭄ᬓ᭄ᬮᬶᬳᬦ᭄᭟ᬲᬂᬧ᭄ᬭᬚᬸᬭᬸ᭞ᬓᬲᬶᬦᭀᬫᬦ᭄ᬫᬮᬶᬄᬓᬢᬸᬃ᭞ᬦᬾᬦ᭄ᬢᭂᬦ᭄ᬓᬧᬶᬮᬶᬳᬂ᭞ᬓᬾ
ᬫᬯᭀᬦ᭄ᬓᬢᬸᬃᬫᬕᬶᬮᬶᬃ᭞ᬲᬸᬯᬾᬦᬶᬧᬸᬦ᭄᭞ᬳᬩᬸᬮᬦ᭄ᬲᬮᬶᬂᬕᬶᬮᬶᬭᬂ᭟ᬲᬸᬯᬾᬦ᭄ᬦᬶᬧᬸᬦ᭄᭞ᬲᬓ᭄ᬮᬶᬳᬦ᭄ᬧᭀᬮᬶᬄᬫᬦᬸᬦ᭄ᬢᬸᬦ᭄᭞ᬯᬾᬦ᭄ᬢᭂᬦ᭄ᬳᬢᬸᬭᬦ᭄ᬜ᭞ᬫᬵᬦᬸᬢ᭄ᬧᬶᬤᬩ᭄ᬤᬩᬾᬲᬫᬶ᭞ᬲᬓᬶᬂᬳᬶᬧᬸᬦ᭄᭞ᬓᬮᬶᬄᬓᬳᬸᬯᬸᬲᬂᬓ᭄ᬭᬫ᭟ᬫᬮᬶᬄᬓᬢᬸᬃ᭞ᬯᬢᭂᬲ᭄ᬓᭂᬮᬶᬳᬦᬾᬦᬸᬦ᭄ᬢᬸᬦ᭄᭞ᬗᬗ᭄ᬕᬾ
ᬦ᭄ᬳᬶᬮᬗᬦ᭄ᬯᬃᬱ᭟ᬲᬦᬾᬲᬵᬫ᭄ᬧᬸᬦ᭄ᬓᬲᬸᬗ᭄ᬓᭂᬫᬶᬦ᭄᭞ᬤᬤᭀᬲ᭄ᬳᬶᬧᬸᬦ᭄᭞ᬲᬫ᭄ᬧᬸᬦ᭄ᬲᬶᬦᬄᬚᬕᬗᬬᬄ᭟ᬭᬶᬂᬫᬫᬸᬢᬸᬲ᭄᭞ᬧᬫᬃᬕ᭄ᬕᬶᬦ᭄ᬲᬂᬧ᭄ᬭᬚᬸᬭᬸ᭞ᬲ᭄ᬯᬭᬦ᭄ᬧᬭᬋᬫᬦ᭄᭞ᬲᬦᬾᬧᬢᬸᬢ᭄ᬓᬫᬃᬕ᭄ᬕᬶᬦᬶᬦ᭄᭞ᬲᬂᬧ᭄ᬭᬚᬸᬭᬸ᭞ᬯᬦ᭄ᬢᬄᬗᬬᬄᬗᬫᬃᬕ᭄ᬬᬂ᭟᭐᭟
Auto-transliteration
[8 8B]
8
sar̥ĕngmakeḥmasikyan. maliḥkatur̀, gĕnaḥpacangkānggennuntun, mañjahangpidabdab, ngar̀ddikakayuninmaliḥ, gĕnaḥhipun, ringbalebañjar̀wāṣṭanña. mangkinkatur̀, gaguṇanbañjar̀puniku, pinakapasikyan, ngar̀ddipamar̀ggi
sagilik, dasar̀hipun, ñujur̀tunggilpasikyan. dasar̀hipun, sidanepadamapupul, pacangngamar̀gyang, dasar̀hurippanĕstis, lwir̀hipun, sar̥ĕngmaringsukaduḥka. bañjar̀hiku, yantilikinwentĕnhagung
kataḥ, nehagĕngkapiliḥmaliḥ, dadoshipun, makudangkudangtempekan. tempek'hiku, mañihnayanghelaḥngatur̀, rikalangulatya, ngamar̀gyangsahuraḥhariḥ, patutkatur̀, rawuhangringkramabañjar̀. sangpra
juru, kĕlihanbañjar̀wāṣṭanhipun, sanemangentĕrang, parakramamabañjar̀sami, mangdatinut, ringswadhar̀mmadadoskrama. lantur̀hipun, tal̥ĕr̀wentĕnsaneluhung, hinggiḥpañarikan, jurusurātesujati, maliḥ
[9 9A]
nglantur̀, kasinomañjuruharaḥ. yaninghagung, kawentĕnanbañjar̀iku, dadoskapasahang, kadadosangtempekmaliḥ, sangprajuru, klihantempekwāṣṭaninña. sangprajuru, klihantempekepuniku, kapiliḥringkrama, pañarikanekasĕ
lir̀, hantukipun, mangarahinparakrama. sangprajuru, parakalihanpuniku, kapiliḥringkrama, pañarikanekasĕlir̀, hantukipun, sanepoliḥdadosklihan. sangprajuru, kasinomanmaliḥkatur̀, nentĕnkapilihang, ke
mawonkatur̀magilir̀, suwenipun, habulansalinggilirang. suwennipun, saklihanpoliḥmanuntun, wentĕnhaturanña, mānutpidabdabesami, sakinghipun, kaliḥkahuwusangkrama. maliḥkatur̀, watĕskĕlihanenuntun, ngangge
nhilanganwar̀ṣa. sanesāmpunkasungkĕmin, dadoshipun, sampunsinaḥjagangayaḥ. ringmamutus, pamar̀gginsangprajuru, swaranparar̥ĕman, sanepatutkamar̀gginin, sangprajuru, wantaḥngayaḥngamar̀gyang. 0.Leaf 9
[᭙ 9B]
᭙ᬫ᭄ᬫᬦ᭄ᬜᬦᬾᬳᬶᬓ᭄ᬭᬫᬩᬜ᭄ᬚᬃᬭᬶᬂᬧᬓ᭄ᬭᬫᬦ᭄᭞ᬫᬧᬶᬢᬸᬮᬸᬂᬲᬂᬫᬗᬧ᭄ᬢᬶ᭞ᬭᬶᬓᬮᬫᬗᬸᬧᬘᬵᬭ᭞ᬗᬫᬃᬕ᭄ᬬᬂᬧᬜ᭄ᬘᬬᬚ᭄ᬜ᭞ᬧᬢᬸᬢ᭄ᬓ᭄ᬭᬫᬧᬤᬳᬸᬦᬶᬂ᭞ᬫᬗ᭄ᬤᬲᬬᬕ᭞ᬫᬗᬭᭀᬫ᭄ᬩᭀᬲᬋᬂᬲᬫᬶ᭟ᬭᬶᬂᬤᬾᬯᬧᬶᬢ᭄ᬭᬋᬱᬶᬫᬵᬦᬸᬱᬬᬚ᭄ᬜ᭞ᬫᬶᬯᬄᬪᬸᬢᬬᬚ᭄ᬜᬫᬮᬶᬄ᭞ᬫ
ᬕᬶᬮᬶᬃᬭᬶᬂᬓᬲᬶᬦᭀᬫᬦ᭄᭞ᬚᬕᬫᬗᬢᬸᬭᬂᬳᬬᬄ᭞ᬫᬮᬶᬄᬗᬫᬃᬕ᭄ᬬᬂᬳᬘᬶ᭞ᬧᬢᬸᬢ᭄ᬓᬲᬗ᭄ᬕ᭄ᬭ᭞ᬫᬦᬹᬢ᭄ᬳᬸᬭᬓᬾᬫᬕᬶᬮᬶᬃ᭟ᬮ᭄ᬬᬦ᭄ᬫᬮᬶᬄᬫᬗ᭄ᬓᬶᬜ᭄ᬚᬕᬓᬳᬢᬸᬭᬂ᭞ᬢᬍᬃᬳᬶᬦ᭄ᬤᬶᬓ᭄ᬧᬫᬃᬕ᭄ᬕᬶᬦ᭄ᬳᬘᬶ᭞ᬮᬶᬓᬵᬮᬯᬾᬦ᭄ᬢᭂᬦ᭄ᬧᬢᭀᬬᬦ᭄᭞ᬫᬶᬯᬄᬓ᭄ᬭᬫᬫᬤᬺᬯᬾᬓᬃᬬ᭄ᬬ᭞ᬮᬦ᭄ᬢᬸᬃ
ᬭᬶᬂᬫᬩᬺᬱᬶᬄᬩᬺᬱᬶᬄ᭞ᬧᬢᬸᬢᬂᬧᬶᬲᬦ᭄᭞ᬓ᭄ᬭᬦᬩᬜ᭄ᬚᬭᬾᬫᬫᬃᬕᬶ᭟ᬭᬶᬢᬢ᭄ᬓᬵᬮᬯᬾᬦ᭄ᬢᭂᬦ᭄ᬓᬮᬬᬸᬲᭂᬓᬭᬦ᭞ᬧᬸᬦᬶᬓᬧᬢᬸᬢ᭄ᬢᬸᬮᬸᬗᬶᬦ᭄᭞ᬗᬃᬤ᭄ᬤᬶᬳᬸᬧᬓᬵᬭᬦ᭄ᬜ᭞ᬲᬦᬾᬧᬢᬸᬢ᭄ᬓᬓᬃᬬ᭄ᬬᬦᬂ᭞ᬫᬗ᭄ᬤᬧ᭄ᬭᬲᬶᬤ᭄ᬥᬤᬶᬕᭂᬮᬶᬲ᭄᭞ᬓᬧᬶᬤᬩ᭄ᬤᬩᬂ᭞
ᬧᬫᬃᬕ᭄ᬕᬶᬫᬬᬰᬓᬾᬃᬣᬶ᭟ᬮᬦ᭄ᬢᬸᬃᬫᬮᬶᬄᬭᬶᬂᬧᬘᬂᬮᬸᬗᬓᬲᬾᬢ᭄ᬭ᭞ᬗᬶᬮᬶᬤᬂᬲᬂᬲᬦᬾᬫᬢᬶ᭞ᬳᬸᬢᬯᬶᬚᬕᬓᬳᬩᬾᬦᬂ᭞ᬓ᭄ᬭᬫᬩᬜ᭄ᬚᬃᬦᬸᬮᬸᬂᬤᬩ᭄ᬤᬩ᭄᭞ᬲᬳᬸᬭᬄᬳᬭᬶᬄᬭᬶᬂᬧᬫᬃᬕ᭄ᬕᬶ᭞ᬢᬸᬃᬫᬗᬢᭂᬳᬂ᭞ᬚᬦ᭄ᬢᭀᬲ᭄ᬧᬸᬧᬸᬢ᭄ᬲᬶᬤᬕᬶᬮᬶᬤ᭄᭟
[᭑᭐ 10A]
ᬢᬍᬃᬦᬸᬮᬸᬗᬶᬦ᭄ᬓ᭄ᬭᬫᬦᬾᬓᭂᬦᬶᬪᬬ᭞ᬳᬸᬢᬯᬶᬓᬢᬶᬩᬾᬦ᭄ᬧᬢᬶ᭞ᬧᬸᬦᬶᬓᬧᬢᬸᬢᬂᬧᬶᬲᬦ᭄᭞ᬲᬮᬸᬂᬮᬸᬂᬲᬪᬬᬵᬦ᭄ᬢᬓ᭞ᬲᬵᬦ᭄ᬢᬸᬓᬦ᭄ᬲᬵᬫ᭄ᬧᬸᬦ᭄ᬲᬕᬶᬮᬶᬓ᭄᭞ᬧᬢᬸᬢ᭄ᬳᭂᬫ᭄ᬩᬦ᭄᭞ᬲᬋᬂᬓ᭄ᬭᬫᬫᬓᬲᬫᬶ᭟ᬫᬮᬶᬄᬯᬾᬦ᭄ᬢᭂᬦ᭄ᬲᬦᬾᬧᬢᬸᬢ᭄ᬓᬫᬃᬕ᭄ᬬᬂ᭞ᬲᬤᬕᬶᬂ
ᬫᬸᬗ᭄ᬕᬄᬭᬶᬂᬳᬯᬶᬕ᭄᭞ᬫᬦᬹᬢ᭄ᬧᬲ᭄ᬯᬭᬭᬶᬂᬲᬶᬫ᭞ᬗᬃᬤ᭄ᬤᬶᬢᬺᬧ᭄ᬢᬶᬭᬶᬂᬩᬜ᭄ᬚᬃ᭞ᬫᬗ᭄ᬤᬲᬫᬶᬲᬶᬤᬰᬦ᭄ᬢᬶ᭞ᬭᬶᬂᬲᬸᬓᬤᬸᬄᬓ᭞ᬗᬫᬃᬕ᭄ᬬᬂᬧᬦᭂᬲ᭄ᬢᬶᬲ᭄᭟ᬗᬦᬶᬦᬶᬦ᭄ᬳᬶᬦ᭄ᬤᬶᬓ᭄ᬱᬲᬦᬦ᭄ᬓ᭄ᬭᬫᬩᬜ᭄ᬚᬃ᭞ᬲᬋᬂᬲᬋᬂᬫᬶᬓᬬᬸᬦᬶᬦ᭄᭞ᬫᬤᬮᬂᬭᬶᬂᬧᬭᬸᬫᬦ᭄᭞ᬧᬶᬦᬓᬤ
ᬲᬃᬧᬶᬤᬩ᭄ᬤᬩ᭄᭞ᬫᬗᬸᬮᬢᬶᬫᬗ᭄ᬤᬢᬺᬧ᭄ᬢᬶ᭞ᬫᬭᬶᬂᬧᬩ᭄ᬮᬶᬕ᭄ᬩᬕ᭄᭞ᬗᬮᬧ᭄ᬓᬲᭀᬭᬾᬓᬸᬓᬸᬳᬶᬦ᭄᭟ᬭᬶᬂᬚᬕᬫᬶᬮᬶᬄᬧ᭄ᬭᬚᬸᬭᬸᬓ᭄ᬭᬫᬩᬜ᭄ᬚᬃ᭞ᬢᬍᬃᬓ᭄ᬭᬫᬓᬳᬶᬘᬾᬦᬶᬦ᭄᭞ᬕᬮᬳᬾᬧᬢᬸᬢ᭄ᬳᬗ᭄ᬕᬾᬬᬂ᭞ᬫᬫᬶᬮᬶᬄᬲᬦᬾᬳᬸᬢ᭄ᬢᬫ᭞ᬓᬮᬶᬄᬗᬶᬭᬶᬂᬬᬦ᭄ᬓ
ᬧᬶᬮᬶᬄ᭞ᬲᬋᬂᬫᬗᬬᬄ᭞ᬫᬓᬾᬃᬣᬶᬲᬚ᭄ᬭᭀᬦᬶᬂᬳᬸᬭᬶᬧ᭄᭟ᬲᬦᬾᬢᬍᬃᬤᬤᭀᬲ᭄ᬧᬘᬂᬓᬳᬗ᭄ᬕ᭄ᬬᬂ᭞ᬤᬺᬯᬾᬦ᭄ᬩᬜ᭄ᬚᬃᬤᬤᭀᬲ᭄ᬧᬶᬮᬶᬄ᭞ᬓᬮᬶᬄᬦᬸᬦᬲ᭄ᬢᬸᬮᬸᬂᬰ᭄ᬭᬡ᭞ᬭᬶᬓᬮᬧᬘᬂᬫᬬᬚ᭄ᬜ᭞ᬓ᭄ᬭᬵ᭞ᬳᬯᭀᬦ᭄ᬫᬳᬢᬸᬃᬳᬸᬦᬶᬂ᭞ᬭᬶᬂᬲᬂᬫᬗ᭄ᬕᬮ᭞ᬓ
Auto-transliteration
[9 9B]
9mmanñanehikramabañjar̀ringpakraman, mapitulungsangmangapti, rikalamangupacāra, ngamar̀gyangpañcayajña, patutkramapadahuning, mangdasayaga, mangarombosar̥ĕngsami. ringdewapitrar̥ĕsyimānuṣayajña, miwaḥbhutayajñamaliḥ, ma
gilir̀ringkasinoman, jagamangaturanghayaḥ, maliḥngamar̀gyanghaci, patutkasanggra, manūt'hurakemagilir̀. lyanmaliḥmangkiñjagakahaturang, tal̥ĕr̀hindikpamar̀gginhaci, likālawentĕnpatoyan, miwaḥkramamadr̥ĕwekar̀yya, lantur̀
ringmabr̥ĕsyiḥbr̥ĕsyiḥ, patutangpisan, kranabañjaremamar̀gi. ritatkālawentĕnkalayusĕkarana, punikapatuttulungin, ngar̀ddihupakāranña, sanepatutkakar̀yyanang, mangdaprasiddhadigĕlis, kapidabdabang,
pamar̀ggimayaśaker̀thi. lantur̀maliḥringpacanglungakasetra, ngilidangsangsanemati, hutawijagakahabenang, kramabañjar̀nulungdabdab, sahuraḥhariḥringpamar̀ggi, tur̀mangatĕhang, jantospuputsidagilid.
[10 10A]
tal̥ĕr̀nulunginkramanekĕnibhaya, hutawikatibenpati, punikapatutangpisan, salunglungsabhayāntaka, sāntukansāmpunsagilik, patut'hĕmban, sar̥ĕngkramamakasami. maliḥwentĕnsanepatutkamar̀gyang, sadaging
munggaḥringhawig, manūtpaswararingsima, ngar̀dditr̥ĕptiringbañjar̀, mangdasamisidaśanti, ringsukaduḥka, ngamar̀gyangpanĕstis. nganininhindikṣasanankramabañjar̀, sar̥ĕngsar̥ĕngmikayunin, madalangringparuman, pinakada
sar̀pidabdab, mangulatimangdatr̥ĕpti, maringpabligbag, ngalapkasorekukuhin. ringjagamiliḥprajurukramabañjar̀, tal̥ĕr̀kramakahicenin, galahepatut'hanggeyang, mamiliḥsanehuttama, kaliḥngiringyanka
piliḥ, sar̥ĕngmangayaḥ, maker̀thisajroninghurip. sanetal̥ĕr̀dadospacangkahanggyang, dr̥ĕwenbañjar̀dadospiliḥ, kaliḥnunastulungśraṇa, rikalapacangmayajña, krā, hawonmahatur̀huning, ringsangmanggala, ka
