Tatwa Mahajnyana

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛᭜᭛ᬭᬶᬲ᭄ᬥᭂᬂᬲᬗ᭄ᬓᬸᬫᬵᬭᬫᬗᬚᬶᬭᬶᬪᬝᬵᬭᬕᬸᬭᬹ᭞ᬢᬸᬫᬜᬓᭂᬦ᭄‌ᬭᬱᬲᬂᬳ᭄ᬬᬂᬫᬳᬚ᭄ᬜ ᬦ᭞ᬫᬦᬫ᭄ᬩᬄᬢᬲᬶᬭᬭᬶᬂᬪᬝᬵᬭ᭞ᬮᬶᬂᬦᬶᬭ᭞ᬒᬁᬦᬫᬰᬷᬯ᭠ᬬ᭞ᬭᬶᬢ᭄ᬮᬲ᭄ᬦᬶᬭᬫᬦᬫ᭄ᬩᬄ᭞ᬉᬚᬃᬢᬲᬶᬭ᭞ᬮᬶᬂᬦᬶᬭ᭛ᬭ᭄ᬯᬧᬶᬳᬀᬲᬵᬃ ᬯ᭄ᬯᬪᬵᬱᬸ᭞ᬰᬭᬷᬭᬲ᭄ᬫᬶᬀᬰᬭᬷᬭᬡᬶᬀ᭞ᬓᬬᬾᬦᬰᬵᬯᬳᬰᬸᬤᬶᬀ᭞ᬢᬲ᭄ᬫᬶᬦ᭄ᬲᬸᬫᬸᬡ᭄ᬥᬮᬸᬳᬺᬢᬶᬀ᭛ᬲᬵᬚ᭄ᬜᬪᬵᬝᬵᬭ᭞ᬲᬂᬢᬗ᭄ᬬᬓ᭄ᬦᬢᬶ ᬓᬶᬧᬦᬫ᭄ᬩᬄᬭᬵᬡᬵᬓ᭄ᬪᬝᬵᬭ᭞ᬫ᭄ᬯᬂᬓᬢᬢ᭄ᬯᬦ᭄ᬲᬂᬳ᭄ᬬᬂ᭞ᬮ᭄ᬬᬩᬶᬭᬶᬂᬭᬵᬢ᭄ᬓᬩᬾᬄ᭞ᬧ᭄ᬦᬸᬄᬭᬶᬂᬚᬕᬢ᭄᭞ᬫ᭄ᬯᬂᬬ᭄ᬬᬯᬓ᭄ᬦᬶᬗ᭄ᬓᬵᬦ᭄ᬫᬦᬵᬣ᭞ [᭒ 2A] ᭒ ᬓᬳᬦᬦ᭄ᬪᬝᬵᬭ᭞ᬅᬧᬦ᭄ᬫᬗ᭄ᬓᬦᬧ᭄ᬯᬓᬤᬶᬩ᭄ᬬᬦ᭄ᬪᬝᬵᬭ᭞ᬬᬢᬫᬢᬂᬦ᭄ᬬᬦ᭄ᬧᬦᬫ᭄ᬩᬄᬗ᭄ᬳᬸᬮᬸᬦ᭄‌ᬳ᭄ᬬᬂᬫᬫᬶ᭞ᬓᬭᬡᬦᬶᬂᬗ᭄ᬳᬸᬮᬸᬦ᭄‌ᬲᬸᬫᭂ ᬫ᭄ᬩᬄᬭᬶᬂᬧᬤᬸᬓᬵᬳ᭄ᬬᬂᬫᬫᬶ᭞ᬇᬓᬾᬗᬯᬵᬓ᭄ᬦᬶᬂᬗ᭄ᬳᬸᬮᬸᬦ᭄᭞ᬏᬦᬓᬵᬕ᭄ᬭᬦ᭄‌ᬪᬓ᭄ᬢᬶᬭᬶᬂᬪᬵᬝᬵᬭ᭞ᬫ᭄ᬯᬂᬯᬸᬯᬸᬲ᭄ᬦᬶᬗ᭄ᬳᬸᬮᬸᬦ᭄ᬭᬳᬬᬸ᭞ᬮᬵᬯᬦ᭄ᬦᬾᬦ ᬓ᭄ᬓᬵᬫ᭄ᬩᭂᬓ᭄᭞ᬭᬳᬬ᭄ᬯᬵᬦᬓ᭄ᬳ᭄ᬬᬂᬫᬫᬶ᭛ᬓᬶᬦ᭄ᬦᬸᬧ᭄ᬢᬵᬰᬭᬷᬭᬵᬲ᭄ᬫᬶᬦ᭄᭞ᬓᬶᬦ᭄ᬦᬹᬚᬕ᭄ᬭᬢᬶᬚᬕ᭄ᬭᬵᬢᬶ᭞ᬓᬶᬦ᭄ᬦᬹᬕᬢ᭄ᬯᬵᬤᬰᬤᬶᬰᬶᬀ᭞ᬓᬶᬦ᭄ᬦᬹᬚᬵᬃ᭠ ᬬ᭄ᬬᬵᬢᬶᬚᬶᬃᬬ᭄ᬬᬢᬶ᭛ᬲᬚ᭄ᬜᬵᬳ᭄ᬬᬂᬫᬫᬶ᭞ᬅᬧᬭᬵᬦ᭄ᬢᬾᬓᬶᬫᬢᬸᬭᬹᬗ᭄ᬓᬾᬂᬰᬭᬷᬭ᭞ᬅᬧᬭᬦ᭄ᬢᬾᬓᬶᬫᬗ᭄ᬕᬶᬯᬶᬄ᭞ᬫ᭄ᬯᬂᬅᬧᬭᬦ᭄ᬢᬾᬓᬶᬫᬳ

Auto-transliteration

[1 1B] 1 /// • /// oṁawighnamāstu /// • /// risdhĕngsangkumāramangajiribhaṭāragurū, tumañakĕnraṣasanghyangmahajña na, manambaḥtasiraringbhaṭāra, lingnira, oṁnamaśīwa‐ya, ritlasniramanambaḥ, ujar̀tasira, lingnira /// rwapihaṃsār̀ wwabhāsyu, śarīrasmiṃśarīraṇiṃ, kayenaśāwahaśudiṃ, tasminsumuṇdhaluhr̥ĕtiṃ /// sājñabhāṭāra, sangtangyaknati kipanambaḥrāṇākbhaṭāra, mwangkatatwansanghyang, lyabiringrātkabeḥ, pnuḥringjagat, mwangyyawakningkānmanātha, [2 2A] 2 kahananbhaṭāra, apanmangkanapwakadibyanbhaṭāra, yatamatangnyanpanambaḥnghulunhyangmami, karaṇaningnghulunsumĕ mbaḥringpadukāhyangmami, ikengawākningnghulun, enakāgranbhaktiringbhāṭāra, mwangwuwusninghulunrahayu, lāwannena kkāmbĕk, rahaywānak'hyangmami /// kinnuptāśarīrāsmin, kinnūjagratijagrāti, kinnūgatwādaśadiśiṃ, kinnūjār̀‐ yyātijir̀yyati /// sajñāhyangmami, aparāntekimaturūngkengśarīra, aparantekimanggiwiḥ, mwangaparantekimaha

Leaf 2

Image on Archive.org

[᭒ 2B] ᭒ ᬲ᭄‌ᬗ᭄ᬓᬾᬰᬭᬷᬭ᭞ᬮᬵᬯᬦ᭄ᬧᬭᬦ᭄ᬢᬾᬓᬶᬫᬲ᭄ᬬᬸᬓᬾᬗᬯᬓ᭄᭞ᬫᬗ᭄ᬓᬦᬢᬓ᭄ᬯᬦ᭄ᬲᬂᬓᬸᬫᬵᬭᬭᬶᬂᬪᬝᬵᬭ᭞ᬤᬾᬯᬉᬯᬵᬘ᭞ᬲᬸᬫᬳᬸᬃᬪᬝᬵ ᬭ᭞ᬮᬶᬂᬦᬶᬭ᭛ᬤᬰᬾᬦ᭄ᬤ᭄ᬭᬶᬬᬦᬶᬲᬸᬧ᭄ᬢᬦᬶ᭞ᬩᬵᬬᬸᬭᬵᬕ᭄ᬦᬶᬰ᭄ᬘᬚᬕ᭄ᬭ᭠ᬢᬶ᭞ᬅᬦᭀᬦ᭄ᬤᬾᬰᬦ᭄ᬤᬶᬰᬶᬳᬢ᭄ᬯᬶᬀ᭞ᬧ᭄ᬭᬢᬶᬯᬶᬫ᭄ᬩᬚᬶᬢᬶᬃᬬ᭄ᬬᬢᬶ᭛ᬐᬓ ᬫᬸᬂᬓᬸᬫᬵᬭ᭞ᬅᬦᬸᬂᬲᬶᬦᬗ᭄ᬕᬸᬄᬫᬢᬸᬭᬹ᭞ᬇᬓᬂᬤᬰᬾᬦ᭄ᬤ᭄ᬭᬶᬬ᭞ᬇᬓᬂᬳᬢᬗ᭄ᬳᬶ᭞ᬪᬬᬸᬮᬵᬯᬦ᭄ᬢᬾᬚ᭞ᬬᬲᬶᬦᬗ᭄ᬕᬸᬄᬧᬜ᭄ᬘᬩᬵᬬᬸᬗᬭ ᬦ᭄ᬬ᭟ᬮ᭄ᬯᬶᬃᬦ᭄ᬬ᭞ᬧ᭄ᬭᬵᬡ᭞ᬅᬧᬦ᭞ᬲᬫᬦ᭞ᬉᬤᬦ᭞ᬩ᭄ᬬᬦ᭟ᬇᬓᬂᬲᬶᬦᬗ᭄ᬕᬸᬄᬢᬾᬚᬧᬻᬪᬝᬵ᭞ᬲᬸᬩ᭄ᬦᬶᬂᬰᬭᬷᬭ᭞ᬬᬢᬾᬓᬵᬫᬗᭂ [᭓ 3A] ᭓ ᬦᬳᬭᬶᬬᬯᬓ᭄᭞ᬇᬓᬂᬫᬳᬵᬲ᭄‌‌ᬭᬶᬂᬤᬰᬤᬾᬰ᭞ᬫᬦᬄᬩ᭄ᬭ᭠ᬦ᭄ᬢᬵᬯᬓ᭄ᬦ᭄ᬬ᭞ᬧᬶᬦᬓᬲᬬᬵᬦᬶᬂᬫᬗᬶᬧᬶ᭞ᬇᬓᬂᬫᬲ᭄ᬬᬸᬓᬶᬂᬮ᭄ᬫᬄᬮᬵᬯ᭠ ᬦ᭄‌‌ᬯ᭄ᬯᬬᬶᬓ᭞ᬓᬤ᭄ᬬᬗ᭄ᬕᬦᬶᬗᬭᬶᬗᭂᬢ᭄ᬧ᭄ᬭᬯᬺᬢᬶᬦ᭄ᬬ᭛ᬏᬓᬪᬵᬃᬬ᭄ᬬᬄᬢ᭄ᬭᬬᬄᬧᬸᬢ᭄ᬭᬄ᭞ᬤ᭄ᬯᬾᬳᬮᬤᬰᬤᬾᬦᬯᬄ᭞ᬲᬹᬓ᭄ᬱ᭄ᬫᬾᬢ᭄ᬭᬾᬫᬤᬯᬵᬰ ᬳᬀ᭞ᬬᭀᬯᬾᬢᬶᬰᬭᬯᬶᬩ᭄ᬭᬚᬾᬢ᭄᭛ᬳᬦᬬᬵᬦᬓ᭄ᬩᬶᬢᬸᬗ᭄ᬕ᭠ᬮ᭄᭞ᬫᬦᬓ᭄ᬢᬬᬢ᭄ᬮᬸ᭞ᬳᬦᬢᬕᬮᬭ᭄ᬯᬂᬲᬶᬓᬶ᭞ᬮᬵᬯᬦ᭄‌‌ᬍᬫ᭄ᬩᬸᬲᬧᬸ ᬮᬸᬄ᭞ᬉᬗ᭄ᬕ᭄ᬯᬦ᭄ᬬᬢ᭄ᬗᬄᬦᬶᬂᬲᬯᬄ᭞ᬅᬦ᭄ᬧ᭄ᬯᬫᬸᬯᬄᬭᬶᬓᬵᬦᬓ᭄ᬩᬶᬢᬸᬗ᭄ᬕᬮ᭄᭞ᬫᬦᬓ᭄ᬢᭂᬮᬸ᭞ᬫ᭄ᬯᬂᬇᬓᬂᬕᬮᬭ᭄ᬯ᭞ᬮᬵᬯᬦ᭄‌‌ᬍᬫ᭄ᬩᬸᬲᬧᬸᬮᬸᬄ

Auto-transliteration

[2 2B] 2 sngkeśarīra, lāwanparantekimasyukengawak, mangkanatakwansangkumāraringbhaṭāra, dewa'uwāca, sumahur̀bhaṭā ra, lingnira /// daśendriyanisuptani, bāyurāgniścajagra‐ti, anondeśandiśihatwiṃ, pratiwimbajitir̀yyati /// aika mungkumāra, anungsinangguḥmaturū, ikangdaśendriya, ikanghatanghi, bhayulāwanteja, yasinangguḥpañcabāyungara nya. lwir̀nya, prāṇa, apana, samana, udana, byana. ikangsinangguḥtejapr̥öbhaṭā, subningśarīra, yatekāmangĕ [3 3A] 3 nahariyawak, ikangmahāsringdaśadeśa, manaḥbra‐ntāwaknya, pinakasayāningmangipi, ikangmasyukinglmaḥlāwa‐ nwwayika, kadyangganingaringĕtprawr̥ĕtinya /// ekabhār̀yyaḥtrayaḥputraḥ, dwehaladaśadenawaḥ, sūkṣmetremadawāśa haṃ, yowetiśarawibrajet /// hanayānakbitungga‐l, manaktayatlu, hanatagalarwangsiki, lāwanl̥ĕmbusapu luḥ, unggwanyatngaḥningsawaḥ, anpwamuwaḥrikānakbitunggal, manaktĕlu, mwangikanggalarwa, lāwanl̥ĕmbusapuluḥ

Leaf 3

Image on Archive.org

[᭓ 3B] ᭓ ᭟ᬫ᭄ᬯᬂᬇᬓᬂᬲᬯᬄᬓᬳᬦᬦ᭄ᬬ᭞ᬬᬢᬾᬓᬢ᭄ᬓᬭᬶᬧᬥᬪᬝᬵᬭ᭠ᬰᬷᬯ᭞ᬉᬫᬗ᭄ᬕᬸᬄᬲᬂᬧᬶᬦᬓᬵᬰ᭄ᬯᬫᬶᬦᬶᬂᬭᬵᬢ᭄ᬓᬩᬾᬄ᭛ᬪᬵᬃᬬ᭄ᬬᬄᬩ᭄ᬬ ᬓ᭄ᬢᬄᬕᬸᬦᬄᬧᬸᬢ᭄ᬭᬄ᭞ᬫᬦᬩᬸᬤ᭄ᬥᬶᬰ᭄ᬘᬤ᭄ᬯᬾᬳᬮᬾ᭞᭛ᬦᬯᬵᬜ᭄ᬘᬶ᭠ᬦ᭄ᬤ᭄ᬭᬶᬬᬦᬾᬯᬄ᭞ᬳᬺᬤ᭄ᬫᬸᬮᬾᬓ᭄ᬱᬾᬄᬢ᭄ᬭᬫᬸᬘ᭄ᬙ᭄ᬬᬢᬾ᭛ᬇᬓᬂᬧ᭄ᬭᬤᬵᬦ᭞ᬬ ᬲᬶᬦᬗ᭄ᬕᬸᬄᬳᬦᬓ᭄ᬩᬶᬢᬸᬗ᭄ᬕᬮ᭄᭞ᬇᬓᬂᬢ᭄ᬭᬶᬕᬸᬦ᭞ᬬᬲᬶᬦᬗ᭄ᬕᬸᬄᬅᬦᬓ᭄ᬢᭂᬮᬸ᭞ᬅᬧᬦ᭄ᬫᬶᬚᬶᬮ᭄ᬲᬓᬾᬂᬧ᭄ᬭᬥᬵᬦᬬ᭞ᬇᬓᬂᬩᬸᬤ᭄ᬥᬶᬫᬦᬄ᭞ᬬᬲᬶ᭠ ᬦᬗ᭄ᬕᬸᬄᬕᬮᬭ᭄ᬯᬂᬲᬶᬓᬶ᭞ᬓᬂᬲᬶᬦᬗ᭄ᬕᬸᬄᬍᬫ᭄ᬩᬸᬲᬧᬸᬮᬸᬄ᭞ᬇᬓᬵᬤᬰᬾᬦ᭄ᬤ᭄ᬭᬶᬬ᭞ᬬᬲᬶᬦᬗ᭄ᬕᬸᬄᬲᬯᬄ᭞ᬇᬓᬂᬯᬶᬢ᭄ᬦᬶᬗ᭄ᬳᬢ᭄ᬢᬶ᭞ᬫ᭄ᬯᬂᬧᬸᬲᬸᬄᬧᬸ [᭔ 4A] ᭔ ᬲᬸᬄ᭞ᬇᬓᬢᬓᬩᬾᬄ᭞ᬬᬓᬯ᭄ᬭᬸᬳᬦᬤᬾᬲᬂᬫᬳ᭄ᬬᬸᬦ᭄ᬓᬮ᭄ᬧᬲᬦ᭄᭛ᬫᬵᬢᬧᬶᬄᬧᬶᬢᬵᬭᬶᬳᬢ᭄ᬯᬶᬀ᭞ᬤ᭄ᬯᬾᬳᬭᭀᬯᬘᬩ᭄ᬭᬵᬳ᭄ᬫᬡ᭞ᬰᬵ ᬭᬱ᭄ᬝ᭄ᬭᬦᬵᬕᬭᬶᬀᬢᬢ᭄ᬯ᭞ᬭᬸᬤ᭄ᬭᬮᭀᬓᬫᬯ᭄ᬯᬧ᭄ᬦᬸᬬᬵᬢ᭄᭛ᬩᬧᬦ᭄ᬢᬫ᭄ᬯᬂᬇᬩᬸᬦ᭄ᬢ᭞ᬲᬶᬭᬢᬧᬢ᭄ᬬᬦᬦ᭄ᬢ᭞ᬳᬦᬫᬮᬶᬂᬭ᭄ᬯ᭞ᬮᬵᬯᬦ᭄ ᬩ᭄ᬭᬳ᭄ᬫᬵᬡᬭ᭄ᬯ᭞ᬧᬢ᭄ᬬᬦ᭄ᬢᬢᬾᬓ᭞ᬢ᭄ᬮᬲ᭄‌‌ᬧ᭄ᬚᬄᬩᬧᬦ᭄ᬢᬫ᭄ᬯᬂᬇ᭠ᬩᬸᬦ᭄ᬢ᭞ᬫ᭄ᬯᬂᬢᬶᬓᬂᬫᬮᬶᬂᬭ᭄ᬯ᭞ᬮᬵᬯᬦ᭄ᬢᬶᬓᬂᬩ᭄ᬭᬵᬳ᭄ᬫᬵᬡᬭ᭄ᬯ᭞ᬫ᭄ᬯᬂᬓᬤ᭄ᬥ ᬢ᭄ᬯᬦ᭄‌‌ᬮᬵᬯᬦ᭄ᬯᬵᬃᬡ᭄ᬦᬦ᭄ᬫᬫᬶ᭞ᬓᬧᬗ᭄ᬕᬸᬄᬢᬂᬭᬸᬤ᭄ᬭᬮᭀᬓᬤᬾᬦ᭄ᬢ᭞ᬫᬗ᭄ᬓᬦᬮᬶᬂᬪᬝᬵᬭ᭛ᬫᬵᬢᬭᬶᬀᬧ᭄ᬭᬓᬺᬢ᭄ᬢᬶᬯᬶᬥ᭄ᬬᬢ᭄᭞ᬧᬸᬭᬹᬱᬵ

Auto-transliteration

[3 3B] 3 . mwangikangsawaḥkahananya, yatekatkaripadhabhaṭāra‐śīwa, umangguḥsangpinakāśwaminingrātkabeḥ /// bhār̀yyaḥbya ktaḥgunaḥputraḥ, manabuddhiścadwehale, /// nawāñci‐ndriyanewaḥ, hr̥ĕdmuleksyeḥtramucchyate /// ikangpradāna, ya sinangguḥhanakbitunggal, ikangtriguna, yasinangguḥanaktĕlu, apanmijilsakengpradhānaya, ikangbuddhimanaḥ, yasi‐ nangguḥgalarwangsiki, kangsinangguḥl̥ĕmbusapuluḥ, ikādaśendriya, yasinangguḥsawaḥ, ikangwitninghatti, mwangpusuḥpu [4 4A] 4 suḥ, ikatakabeḥ, yakawruhanadesangmahyunkalpasan /// mātapiḥpitārihatwiṃ, dweharowacabrāhmaṇa, śā raṣṭranāgariṃtatwa, rudralokamawwapnuyāt /// bapantamwangibunta, siratapatyananta, hanamalingrwa, lāwan brahmāṇarwa, patyantateka, tlaspjaḥbapantamwangi‐bunta, mwangtikangmalingrwa, lāwantikangbrāhmāṇarwa, mwangkaddha twanlāwanwār̀ṇnanmami, kapangguḥtangrudralokadenta, mangkanalingbhaṭāra /// mātariṃprakr̥ĕttiwidhyat, purūsyā

Leaf 4

Image on Archive.org

[᭔ 4B] ᭔ ᬧᬶᬢᬭᬶᬀᬯᬶᬤᬸᬄ᭞ᬥᬵᬃᬫ᭄ᬫᬵᬥᬵᬃᬫ᭄ᬫᬰ᭄ᬘᬦᭀᬪᬾᬭᭀ᭞ᬩᬸᬤ᭄ᬥᬶᬫᬦᬰ᭄ᬘᬩ᭄ᬭᬳ᭄ᬫᬵᬡ᭛ᬲᬂᬧ᭄ᬭᬦᬦᬲᬶᬭᬲᬶᬦᬗ᭄ᬕᬸᬄᬇᬩᬸ᭞ᬲᬂᬧᬸᬭᬸᬱᬲᬶᬦ ᬗ᭄ᬕᬸᬄᬩᬧ᭞ᬥᬵᬃᬫ᭄ᬫᬥᬵᬃᬫ᭄ᬫᬲᬶᬦᬗ᭄ᬕᬸᬄᬫᬮᬶᬂᬭ᭄ᬯ᭞ᬇᬓᬂᬩᬸᬤ᭄ᬥᬶᬫᬦᬄᬬᬲᬶᬦᬗ᭄ᬕᬸᬄᬩ᭄ᬭᬳ᭄ᬫᬵᬡᬭ᭄ᬯ᭛ᬤᬰᬾᬦ᭄ᬤ᭄ᬭᬶᬬᬶᬀᬰᬵᬭᬱ᭄ᬢ᭄ᬭᬷᬪᬾ᭞ᬆᬰᬭᬷ ᬭᬶᬀᬦᬕᬵᬭᬷᬣᬵᬢ᭄ᬣ᭞ᬆᬢ᭄ᬫᬦ᭄ᬢ᭄ᬯᬢᬸᬳᬵᬲᬵᬯ᭄ᬯᬶᬀ᭞ᬭᬸᬤ᭄ᬭᬮᭀᬓᬫᬯᬵᬧ᭄ᬦᬸᬬᬢ᭄᭛ᬬᬲᬶᬦᬗ᭄ᬕᬸᬄᬓᬢᬢ᭄ᬯᬦ᭄᭞ᬇᬓᬂᬤᬰᬾᬦ᭄ᬤ᭄ᬭᬶᬬ᭞ᬬ ᬲᬶᬦᬗ᭄ᬕᬸᬄᬯᬵᬦ᭄ᬯᬇᬓᬾᬂᬰᬭᬷᬭ᭞ᬇᬓᬢᬓᬩᬾᬄᬧᬢ᭄ᬬᬦᬦ᭄ᬢ᭞ᬲᬵᬫ᭄ᬧᬸᬦ᭄ᬧ᭄ᬯᬓᬯᬰᬓᬩᬾᬄᬓᬢᬶᬗ᭄ᬕᬮ᭄᭞ᬫᬢᬶᬓᬮᬶᬗᬦᬶ [᭕ 5A] ᭕ ᬓᬵ᭞ᬓᬧᬗ᭄ᬕᬸᬄᬢᬂᬭᬸᬤ᭄ᬭᬮᭀᬓ᭛ᬅᬓᬰᬾᬚᬬᬢᬾ᭠ᬧᬹᬱ᭄ᬧᬶᬀ᭞ᬰᬡᬥᬷᬓᭀᬫᬶᬧᬯᬓᬄ᭞ᬦᬵᬥ᭄ᬬᬶᬀᬚᭀᬮᬶᬓᬧᬵᬯᬓ᭞ ᬫᬺᬥᬸᬧ᭄ᬭᬱ᭄ᬝᬦᬶᬓᬹᬃᬫ᭄ᬫᬦᬶᬭᭀᬢ᭄ᬭ᭄ᬬᭀᬰᬚᬬᬢᬾᬭᬯᬶᬄ᭛ᬅᬦᬓᬫ᭄ᬩᬗᬶᬗᬵᬓᬵᬰ᭞ᬮᬵᬯᬦᬬᬧᬸᬬ᭄‌‌ᬤᬸᬫᬶᬮᬄᬭᬶᬤᬍᬫ᭄‌‌ᬯᬿ ᭞ᬳᬵᬦᬬᬧᬲ᭄ᬫᬧᭂᬲ᭄ᬕᬶᬕᬶᬃᬦ᭄ᬬ᭞ᬳᬦᬢᬅᬤᬷᬢ᭄ᬬᬭᬶᬂᬯ᭄ᬗᬶ᭞ᬇᬓᬢᬓᬩᬾᬄᬓᬯ᭄ᬭᬸᬳᬦᬤᬾᬲᬂᬫᬳ᭄ᬬᬸᬦ᭄ᬓᬍᬧᬲᭂᬦ᭄᭛ᬓᬶᬫ᭄ᬫᬓᬰ ᬜ᭄ᬘᬓᬶᬀᬧᬸᬱ᭄ᬧᬶᬀ᭞ᬕᬡᬥᬷᬓᭀᬫᬶᬧᬯᬓᬄ᭞ᬢᬹᬃᬫ᭄ᬫᬧᬺᬱ᭄ᬝᬓᬣᬤᬾᬯᬄ᭞ᬲᬄᬭᬵᬢ᭄ᬭ᭄ᬬᬶᬀᬲᬵᬭᬯᬶᬄᬓᬝᬵ᭛ᬅᬧᬭᬦ᭄ᬢᬾᬓᬲᬶᬦ᭠

Auto-transliteration

[4 4B] 4 pitariṃwiduḥ, dhār̀mmādhār̀mmaścanobhero, buddhimanaścabrahmāṇa /// sangprananasirasinangguḥibu, sangpuruṣasina ngguḥbapa, dhār̀mmadhār̀mmasinangguḥmalingrwa, ikangbuddhimanaḥyasinangguḥbrahmāṇarwa /// daśendriyiṃśāraṣtrībhe, āśarī riṃnagārīthāttha, ātmantwatuhāsāwwiṃ, rudralokamawāpnuyat /// yasinangguḥkatatwan, ikangdaśendriya, ya sinangguḥwānwa'ikengśarīra, ikatakabeḥpatyananta, sāmpunpwakawaśakabeḥkatinggal, matikalingani [5 5A] 5 kā, kapangguḥtangrudraloka /// akaśejayate‐pūṣpiṃ, śaṇadhīkomipawakaḥ, nādhyiṃjolikapāwaka, mr̥ĕdhupraṣṭanikūr̀mmanirotryośajayaterawiḥ /// anakambangingākāśa, lāwanayapuydumilaḥridal̥ĕmwai , hānayapasmapĕsgigir̀nya, hanata'adītyaringwngi, ikatakabeḥkawruhanadesangmahyunkal̥ĕpasĕn /// kimmakaśa ñcakiṃpuṣpiṃ, gaṇadhīkomipawakaḥ, tūr̀mmapr̥ĕṣṭakathadewaḥ, saḥrātryiṃsārawiḥkaṭā /// aparantekasina‐

Leaf 5

Image on Archive.org

[᭕ 5B] ᭕ ᬗ᭄ᬕᬸᬄᬧᬲ᭄ᬫᬧᭂᬲ᭄ᬕᬶᬕᬶᬃᬦ᭄ᬬ᭞ᬆᬧᬭᬦ᭄ᬢᬲᬶᬦᬗ᭄ᬕᬸᬄᬯ᭄ᬗᬶᬗᬭᬦ᭄ᬬᬯᬶᬄ᭞ᬅᬧᬭᬦ᭄ᬲᬶᬦᬗ᭄ᬕᬸᬄᬅᬥᬷᬢ᭄ᬬᬭᬶᬂᬯ᭄ᬗᬶ᭛ᬓᬶᬀᬰᬭᬷᬭᬶᬀᬫᬦᬄᬧᬸᬱ᭄ᬧᬶᬀ᭞ᬑᬁᬓᬵᬭᬶᬀ ᬧᬵᬓᬯᬓ᭄‌‌ᬲ᭄ᬫᬺᬢᬄ᭞ᬤᬰᬾᬦ᭄ᬤ᭄ᬭᬶᬬᬵᬦ᭄ᬢᬶᬓᬹᬃᬫ᭄ᬫᬢᬄ᭞ᬲᬵᬃᬯ᭄ᬯᬦᬥᬶᬲᬲ᭄ᬯᬰ᭄ᬭᬷᬢᬄ᭛ᬇᬓᬂᬰᬭᬷᬭ᭞ᬬᬢᬵᬓᬰᬗᬭᬦ᭄ᬬ᭞ᬲᬂᬳ᭄ᬬᬂᬫᬦᬄᬲᬶ ᬭᬓᬫ᭄ᬩᬂ᭞ᬲᬂᬳ᭄ᬬᬂᬑᬁᬓᬵᬭᬲᬶᬭᬧᬸᬬ᭄‌‌ᬭᬶᬤᬍᬫ᭄‌‌ᬯ᭄ᬯᬬ᭄᭞ᬇᬓᬂᬤᬰᬾᬦ᭄ᬤ᭄ᬭᬶᬬᬵ᭞ᬬᬾᬓᬵᬧᬲ᭄ᬫᬧᭂᬲ᭄ᬕᬶᬕᬶᬃᬦ᭄ᬬ᭞ᬇᬓᬂᬮ᭄ᬯᬄ᭞ᬗ᭞ᬦ᭄ᬬ᭞ᬦᬵ᭠ ᬥᬶᬑᬢ᭄ᬯᬢᬶᬓ᭛ᬭᬵᬢ᭄ᬭᬶᬰ᭄ᬘᬧ᭄ᬭᬵᬓᬺᬢᬶᬚ᭄ᬜᬾᬬᬄ᭞ᬭᬯᬶᬕ᭄ᬘᬧᬸᬭᬹᬱᬲ᭄ᬢᬯᬵ᭞ᬅᬢ᭄ᬫᬚ᭄ᬜᬦᬦ᭄ᬢᬸᬣᬾᬯᬵᬧ᭄ᬯ᭞ᬫᬸᬘ᭄ᬙ᭄ᬬᬢᬾᬦᬵᬢ᭄ᬭᬲᬗ᭄ᬰᬬᬄ᭛ [᭖ 6A] ᭖ ᬲᬂᬧ᭄ᬭᬤ᭄ᬥᬦᬲᬶᬭᬯ᭄ᬗᬶ᭞ᬲᬂᬧᬸᬭᬸᬱᬲᬶᬭᬅᬥᬷᬢ᭄ᬬᬫ᭄ᬢᬸᬭᬶᬂᬯ᭄ᬗᬶ᭞ᬲᬂᬳ᭄ᬬᬂ᭠ᬳᬢ᭄ᬫᬲᬶᬭᬲᬶᬦᬗ᭄ᬕᬸᬄᬚ᭄ᬜᬦᬵ᭞ᬯ᭄ᬭᬸᬄᬧ᭄ᬯᬯᬂᬇᬭᬶᬓᬓᬩᬾᬄ᭞ᬢᬢᬦ᭄ᬲᬦ᭄ᬤᬾ ᬬᬓ᭄ᬦᬬ᭛ᬲ᭄ᬓᬡ᭄ᬥᭀᬭᬢ᭄ᬭᬷᬰ᭄ᬘᬵᬯᬶᬚ᭄ᬜᬾᬬᬄ᭞ᬘᬓ᭄ᬱ᭄ᬬᬸᬰ᭄ᬘᬵᬯᬵᬭᬯᬶᬲ᭄ᬢᬣᬵ᭞ᬫᬦᭀᬚ᭄ᬜᬵᬦᬦ᭄ᬢᬸᬯᬶᬚ᭄ᬜᬾᬬᬄ᭞ᬲᬫᬸᬤ᭄ᬭᬵᬰ᭄ᬘᬾᬯᬚᬵᬦ᭄ᬫᬦᬶ᭛ ᬲᬶᬦᬗ᭄ᬕᬸᬄᬯ᭄ᬗᬶᬗᬭᬦ᭄ᬬᬯᬦᬾᬄ᭞ᬇᬓᬂᬰᬭᬷᬭᬧᬜ᭄ᬘᬫᬳᬪᬹ᭠ᬢ᭞ᬭᬯᬶᬗᬭᬦ᭄ᬬ᭞ᬇᬓᬂᬤᬰᬾᬦ᭄ᬤ᭄ᬭᬶᬬ᭞ᬲᬶᬦᬗ᭄ᬕᬸᬄᬳᬚ᭄ᬜᬦᬵᬢ᭄ᬫ᭞ᬲᬶ ᬭᬢᬮᬸᬧᬸᬢᬶᬂᬚᬵᬦ᭄ᬫᬲᬂᬲᬭ᭛ᬫᬦᭀᬩᬸᬤ᭄ᬥᬶᬅᬗ᭄ᬓᬵᬭᬄ᭞ᬩᬵᬬᬸᬩᬶᬄᬧᬜ᭄ᬘᬪᬶᬲᬳ᭞ᬧ᭄ᬭᬡᬲ᭄ᬢ᭄ᬭᭀᬲᬵᬃᬯ᭄ᬯᬪᬸᬢᬦᬶ᭞ᬰᬭᬷ

Auto-transliteration

[5 5B] 5 ngguḥpasmapĕsgigir̀nya, āparantasinangguḥwngingaranyawiḥ, aparansinangguḥadhītyaringwngi /// kiṃśarīriṃmanaḥpuṣpiṃ, oṅġkāriṃ pākawaksmr̥ĕtaḥ, daśendriyāntikūr̀mmataḥ, sār̀wwanadhisaswaśrītaḥ /// ikangśarīra, yatākaśangaranya, sanghyangmanaḥsi rakambang, sanghyangoṅġkārasirapuyridal̥ĕmwway, ikangdaśendriyā, yekāpasmapĕsgigir̀nya, ikanglwaḥ, nga, nya, nā‐ dhi'otwatika /// rātriścaprākr̥ĕtijñeyaḥ, rawigcapurūṣastawā, atmajñanantuthewāpwa, mucchyatenātrasangśayaḥ /// [6 6A] 6 sangpraddhanasirawngi, sangpuruṣasira'adhītyamturingwngi, sanghyang‐hatmasirasinangguḥjñanā, wruḥpwawangirikakabeḥ, tatansande yaknaya /// skaṇdhoratrīścāwijñeyaḥ, cakṣyuścāwārawistathā, manojñānantuwijñeyaḥ, samudrāścewajānmani /// sinangguḥwngingaranyawaneḥ, ikangśarīrapañcamahabhū‐ta, rawingaranya, ikangdaśendriya, sinangguḥhajñanātma, si rataluputingjānmasangsara /// manobuddhi'angkāraḥ, bāyubiḥpañcabhisaha, praṇastrosār̀wwabhutani, śarī

Leaf 6

Image on Archive.org

[᭖ 6B] ᭖ ᬭᬶᬀᬲᬹᬓ᭄ᬱ᭄ᬫᬫᬸᬘ᭄ᬙ᭄ᬬᬢᬾ᭛ᬳᬵᬦᬫᬦᬄ᭞ᬩᬸᬤ᭄ᬥᬶ᭞ᬅᬳᬗ᭄ᬓᬵᬭ᭞ᬳᬦᬢᬧᬜ᭄ᬘᬩᬵᬬᬸᬗᬭᬦ᭄ᬬᬯᬦᬾᬄ᭞ᬍᬯᬶᬃᬦ᭄ᬬ᭞ᬧ᭄ᬭᬵᬡ᭞ ᬅᬧᬦ᭞ᬲᬫᬦ᭞ᬉᬤᬦ᭞ᬩ᭄ᬬᬦ᭞ᬮᬶᬫᬪᬾᬤᬦ᭄ᬬ᭟ᬧ᭄ᬭᬵᬡᬱ᭄ᬝᭀᬲᬵᬃᬯ᭄ᬯᬪᬸᬢᬦᬶᬀ᭟ᬇᬓᬢᬓᬩᬾᬄᬯ᭄ᬯᬮᬸᬧᬶᬡ᭄ᬥᬦ᭄ᬬ᭞ᬧᬶᬦᬓ ᬧ᭄ᬭᬡᬦᬶᬂᬪᬸᬢᬓᬩᬾᬄ᭟ᬰᬭᬷᬭᬶᬀᬲᬹᬓ᭄ᬱ᭄ᬫᬫᬸᬘ᭄ᬙ᭄ᬬᬢᬾ᭟ᬬᬲᬶᬦᬗ᭄ᬕᬸᬄᬲᬹᬓ᭄ᬱ᭄ᬫᬰᬭᬷᬭᬇᬦᬵᬭᬦ᭄ᬬ᭛ᬭᬣᬫᬶᬀᬦ᭄ᬤ᭄ᬭᬶᬬᬭᬶᬘ᭄ᬬᬸᬓ᭄ᬢᬶᬀ᭞ᬧᬸᬭᬹ᭠ ᬱᬰ᭄ᬘᬯᬵᬲᬭᬯᬶᬄ᭞ᬥᬃᬫ᭄ᬫᬥᬵᬃᬫ᭄ᬫᬢᬢᬨᬮ᭞ᬧᬦ᭄ᬢᬧ᭄ᬭᬓᬺᬢ᭄ᬢᬶᬭᬸᬘ᭄ᬬᬢᬾ᭛ᬭᬣᬗᬭᬦ᭄ᬬ᭞ᬇᬓᬂᬤᬰᬾᬦ᭄ᬤ᭄ᬭᬶᬬ᭞ᬧᬸᬭᬸᬱᬵᬲᬶᬭ [᭗ 7A] ᭗ ᬲᬵᬭᬣᬶ᭞ᬇᬓᬂᬥᬵᬃᬫ᭄ᬫᬥᬵᬃᬫ᭄ᬫᬧᬶᬦᬓᬢᬢ᭄ᬣᬮᬶ᭞ᬲᬂᬧ᭄ᬭᬥᬵᬦᬢᬲᬶᬭᬧᬶᬦᬓᬳᬯᬓ᭄᭛ᬘᬓ᭄ᬭᬶᬬᬶᬀᬯᬶᬱ᭄ᬡᬸᬭᬶᬘ᭄ᬬᬸᬓ᭄ᬢᬶᬀ᭞ᬯᬺᬰᬪᭀᬯ ᬧᬶᬢᬫᬳ᭞ᬇᬰ᭄ᬯᬭᬶᬀᬲᬵᬭᬢᬶᬚ᭄ᬜᬾᬬᬄ᭞ᬰᬷᬯᬲᬂᬲ᭄ᬣᭀᬭᬣᬵᬦ᭄ᬢᬭᬾ᭛ᬲᬂᬳ᭄ᬬᬂᬯᬶᬱ᭄ᬡᬸᬧᬶᬦᬓᬭᬵᬣ᭞ᬲᬂᬳ᭄ᬬᬂᬩ᭄ᬭᬵᬳ᭄ᬫᬧᬶᬦᬓᬯᬺᬱ᭠ ᬪᬵ᭞ᬲᬂᬳ᭄ᬬᬂᬇᬰ᭄ᬯᬭᬲᬶᬭᬧᬶᬦᬓᬲᬭᬢᬶ᭞ᬪᬵᬝᬵᬭᬰᬷᬯᬲᬶᬭᬉᬫᬸᬗ᭄ᬕᬸᬄᬭᬶᬢ᭄ᬗᬄᬦᬶᬂᬭᬣ᭞ᬲᬶᬭᬲ᭄ᬣᬶᬢ᭄ᬣᬶᬧᬶᬦᬓᬚᬷᬯᬦᬶᬂ ᬭᬵᬢ᭄ᬓᬩᬾᬄ᭛ᬲᬵᬃᬤ᭄ᬥᬵᬗ᭄ᬕᬸᬮᬶᬢ᭄ᬭᬶᬪᬸᬯᬦᬵᬫᬡ᭄ᬥᬮᬫᬵᬖᬲᬵᬭᬶᬀ᭞ᬢᬲ᭄ᬫᬶᬦ᭄‌‌ᬲ᭄ᬣᬶᬢᬶᬢ᭄ᬭᬶᬪᬸᬯᬦᬵᬫᬡ᭄ᬥᬮᬘᬸᬝᬯᬶᬫ᭄ᬩᬵ᭞ᬢᬾᬲᬸ

Auto-transliteration

[6 6B] 6 riṃsūkṣmamucchyate /// hānamanaḥ, buddhi, ahangkāra, hanatapañcabāyungaranyawaneḥ, l̥ĕwir̀nya, prāṇa, apana, samana, udana, byana, limabhedanya. prāṇaṣṭosār̀wwabhutaniṃ. ikatakabeḥwwalupiṇdhanya, pinaka praṇaningbhutakabeḥ. śarīriṃsūkṣmamucchyate. yasinangguḥsūkṣmaśarīra'ināranya /// rathamiṃndriyaricyuktiṃ, purū‐ ṣaścawāsarawiḥ, dhar̀mmadhār̀mmatataphala, pantaprakr̥ĕttirucyate /// rathangaranya, ikangdaśendriya, purusyāsira [7 7A] 7 sārathi, ikangdhār̀mmadhār̀mmapinakatatthali, sangpradhānatasirapinakahawak /// cakriyiṃwiṣṇuricyuktiṃ, wr̥ĕśabhowa pitamaha, iśwariṃsāratijñeyaḥ, śīwasangsthorathāntare /// sanghyangwiṣṇupinakarātha, sanghyangbrāhmapinakawr̥ĕṣa‐ bhā, sanghyangiśwarasirapinakasarati, bhāṭāraśīwasira'umungguḥritngaḥningratha, sirasthitthipinakajīwaning rātkabeḥ /// sār̀ddhānggulitribhuwanāmaṇdhalamāghasāriṃ, tasminsthititribhuwanāmaṇdhalacuṭawimbā, tesu

Leaf 7

Image on Archive.org

[᭗ 7B] ᭗ ᬢ᭄ᬭᬶᬓᭀᬦᬶᬀᬧᬭᬫᬶᬀᬧ᭄ᬭᬯᬶᬸᬃᬯᬶᬘᬵᬃᬬ᭄ᬬᬬᬸᬓ᭄ᬢᬶᬀ᭞ᬪᬕ᭄ᬦᬶᬪᬚᬾᬲ᭄ᬣᬵᬦᬧᬤᭀᬘᬵᬳᬦᬫᬤᬾᬰ᭛ᬇᬢ᭄ᬗᬄᬦᬶᬓᬂᬢ᭄ᬭᬷᬪᬸᬯᬦᬫᬵᬡ᭄ᬥᬮ᭞ᬳ ᬦᬩ᭄ᬭᬳ᭄ᬫᬪᬸᬯᬦ᭞ᬫ᭄ᬯᬂᬯᬶᬱ᭄ᬡᬸᬪᬸᬯᬦ᭞ᬮᬵᬯᬦ᭄‌‌ᬭᬸᬤ᭄ᬭᬪᬸᬯᬦᬗᬭᬦ᭄ᬬ᭞ᬧ᭄ᬭᬢ᭄ᬬᬓ᭄ᬱᬘᬸᬢᬯᬶᬫ᭄ᬩ᭞ᬓᬤᬶᬧ᭄ᬯᬄᬮ᭄ᬯᬶᬃᬦ᭄ᬬ᭞ᬢ᭄ᬗᬄᬦᬶᬓᬂᬘᬸᬢᬯᬶ ᬫ᭄ᬩ᭞ᬳᬦᬢ᭄ᬭᬶᬓᭀᬦᬗ᭄ᬓᬦ᭞ᬓᬳᬦᬦᬶᬭᬪᬝᬵᬭᬰᬷᬯ᭞ᬮᬵᬯᬦᬶᬓᬂᬧᬤ᭄ᬫᬵᬦᬸᬫᬸᬗ᭄ᬕᬄᬭᬶᬧᬜ᭄ᬚᬗᬶᬂᬲᬸᬫ᭄ᬲᬸᬫ᭄ᬯᬂᬓᬮᬶᬄ᭞ᬲᬶᬦ ᬗ᭄ᬕᬸᬄᬩ᭄ᬭᬵᬳ᭄ᬫᬪᬸᬯᬦ᭞ᬫ᭄ᬯᬂᬯᬶᬱ᭄ᬡᬸᬪᬸᬯᬦ᭞ᬬᬢᬳᬸᬫᬧᬶᬢᬶ᭠ᬓᬂᬭᬸᬤ᭄ᬭᬵᬪᬸᬯᬦ᭞ᬲᬶᬭᬢᬗᭂᬦᬗᭂᬦᭂᬦ᭄ᬢᬵ᭞ᬬᬦᬳ᭄ᬬᬸᬦ᭄‌‌ᬮ᭄ᬧ [᭘ 8A] ᭘ ᬲ᭞ᬳᬬ᭄ᬯᬓᭀᬮᬶᬓᬵᬯᬶᬄ᭞ᬅᬧᬦ᭄ᬲᬶᬭᬲᬶᬦᬵᬪᬵᬫᬤᬾᬰ᭞ᬅᬫᬸᬳᬵᬭᬧ᭄ᬭᬶᬬᬢᬶ᭛ᬳᬺᬤᬾᬘ᭄ᬙᬯᬾᬤ᭄ᬬᬄᬦᬦᬸᬤᬾᬱ᭄ᬝᬬᬸᬓ᭄ᬢᬶᬀ᭞ᬅ ᬗ᭄ᬕᬸᬱ᭄ᬝᬫᬵᬢ᭄ᬭᬶᬅᬥᬷᬓᬵᬭᬧ᭄ᬭᬤᬯᬶᬀ᭞ᬧᬤ᭄ᬫᬵᬦ᭄ᬢᬧᬸᬱ᭄ᬧᬵᬃᬘ᭄ᬙᬶᬇᬰ᭄ᬯᬭᬾᬰᬵᬓᭀ᭞ᬱᬤ᭄ᬯᬤ᭄ᬬᬄᬧᬹᬃᬡ᭄ᬦᬳᬫᬦ᭄ᬢ᭄ᬭᬶᬀᬰᬷᬯᬫᬤ᭄ᬬᬵᬫ᭄ᬕᬲ᭄ᬬᬢ᭄᭠ ᭛ᬳᬦᬬᬢᬶᬦ᭄ᬢ᭞ᬗ᭞ᬅᬫ᭄ᬧ᭄ᬭᬸᬲᬵᬗ᭄ᬕᬸᬱ᭄ᬝᬕᭂᬂᬦ᭄ᬬ᭞ᬬᬢᬓᬯ᭄ᬭᬸᬳᬦ᭞ᬉᬫᬸᬗ᭄ᬕᬸᬄᬤᬾᬰᬦᬶᬂᬗᬵᬢᬶ᭞ᬧ᭄ᬭᬲᬶᬤᬬᬲᬶᬦᬗ᭄ᬕᬸᬄᬓᬵᬱ᭄ᬝᬾᬰ᭄ᬯᬵᬃᬬ᭄ᬬ ᬦ᭄᭞ᬗ᭞ᬦ᭄ᬬ᭞ᬇᬢ᭄ᬗᬄᬦᬶᬂᬗᬫ᭄ᬧ᭄ᬭᬸ᭞ᬗ᭄ᬓᬦᬢᬉᬗ᭄ᬕ᭄ᬯᬦ᭄ᬪᬝᬵᬭᬾᬰ᭄ᬯᬭ᭞ᬲᬶᬭᬢᬧᬸᬚᬦᭂᬦ᭄ᬤᬾᬦ᭄ᬢ᭞ᬇᬓᬵᬮᬦ᭄ᬢᬵᬫᬹᬚᬵᬳᬦ᭄ᬢᬱᬤ᭄ᬯᬵᬃᬡ᭄ᬦ᭞ᬑᬁᬲ

Auto-transliteration

[7 7B] 7 trikoniṃparamiṃpraw̶r̀wicār̀yyayuktiṃ, bhagnibhajesthānapadocāhanamadeśa /// itngaḥnikangtrībhuwanamāṇdhala, ha nabrahmabhuwana, mwangwiṣṇubhuwana, lāwanrudrabhuwanangaranya, pratyakṣacutawimba, kadipwaḥlwir̀nya, tngaḥnikangcutawi mba, hanatrikonangkana, kahananirabhaṭāraśīwa, lāwanikangpadmānumunggaḥripañjangingsumsumwangkaliḥ, sina ngguḥbrāhmabhuwana, mwangwiṣṇubhuwana, yatahumapiti‐kangrudrābhuwana, siratangĕnangĕnĕntā, yanahyunlpa [8 8A] 8 sa, haywakolikāwiḥ, apansirasinābhāmadeśa, amuhārapriyati /// hr̥ĕdecchawedyaḥnanudeṣṭayuktiṃ, a ngguṣṭamātri'adhīkārapradawiṃ, padmāntapuṣpār̀cchi'iśwareśāko, ṣadwadyaḥpūr̀ṇnahamantriṃśīwamadyāmgasyat‐ /// hanayatinta, nga, amprusāngguṣṭagĕngnya, yatakawruhana, umungguḥdeśaningngāti, prasidayasinangguḥkāṣṭeśwār̀yya n, nga, nya, itngaḥningngampru, ngkanata'unggwanbhaṭāreśwara, siratapujanĕndenta, ikālantāmūjāhantaṣadwār̀ṇna, oṅġsa

Leaf 8

Image on Archive.org

[᭘ 8B] ᭘ ᬩᬢᬅᬇ᭞ᬦᬵᬳᬦ᭄ᬢᬮᬶᬂᬗᬦ᭄ᬢ᭞ᬅᬣᬯᬵ᭞ᬑᬁᬦᬫᬰᬷᬯᬬ᭞᭠ᬦᬵᬳᬦ᭄ᬢᬱᬤᬵᬓ᭄ᬱᬭ᭞ᬗ᭞ᬦ᭄ᬬ᭞ᬮ᭄ᬯᬶᬃᬦᬶᬂᬱᬤ᭄ᬯᬵᬃᬡ᭄ᬦᬇᬓ᭞ᬲᬶᬭᬢᬧᬫᬸ ᬚᬵᬦ᭄ᬢ᭞ᬯᬸᬳᬸᬲ᭄ᬧ᭄ᬯᬓᬶᬢᬫᬸᬚᬵ᭞ᬉᬫᬗᭂᬦᬗᭂᬦ᭄ᬢᬶᬸᬦ᭄ᬪᬝᬵᬭᬰᬷᬯ᭞ᬅᬩ᭄ᬬᬧᬓᬾᬂᬭᬵᬢ᭄᭞ᬅᬮᬶᬮᬂᬢᬵᬃᬓ᭄ᬦᬾᬂᬕ᭄ᬮᭂᬂ᭛ᬢ᭄ᬭᬶᬧᬥᬶᬀᬧᭀᬡ᭄ᬥᬭᬶᬓᬵ ᬰ᭞ᬆᬃᬤ᭄ᬥᬵᬗ᭄ᬕᬸᬮᬶᬧ᭄ᬭᬫᬡᬓᬶᬀ᭞ᬲᬵᬃᬯ᭄ᬯᬦᬵᬥᬶᬲᬫᬓᬺᬢ᭄ᬢᬶᬀ᭞ᬭᬰ᭄ᬫᬶᬤᭀᬧᬵᬯᬓᭀᬭᬯᬶᬫ᭄᭞᭛ᬳᬦᬢᬧᬤ᭄ᬫᬵᬉᬫᬸᬗ᭄ᬕᬸᬄᬭᬶᬂᬳᬢᬶ᭞ᬮᬯ ᬦᬶᬂᬧᬸᬲᭂᬃ᭞ᬫ᭄ᬯᬂᬭᬶᬂᬗ᭄ᬳᬸᬮᬸ᭞ᬢᬶᬕᬓ᭄ᬯᬾᬄᬦ᭄ᬬ᭞ᬅᬦ᭄ᬢ᭄ᬬᬦ᭄ᬢᬭᬶᬂᬲᬹᬓ᭄ᬱ᭄ᬫᬬ᭞ᬇ᭠ᬭᬸᬳᬹᬃᬯᬶᬢ᭄ᬦ᭄ᬬ᭞ᬲᬸᬫᬸᬗ᭄ᬲᬂᬇᬲᭀᬃᬲ᭄ᬓᬵᬃᬦ᭄ᬬ᭟ᬲᬵᬃᬯ᭄ᬯᬦᬵᬤᬶᬫᬳᬵᬢ᭄ᬢᬶᬀ᭛ [᭙ 9A] ᭙ ᬇᬓᬂᬧᬤ᭄ᬫᬬᬢᬧᬗᬰ᭄ᬭᬬᬦᬶᬂᬦᬵᬥᬷᬓᬩᬾᬄ᭞ᬯᬶᬢ᭄ᬦ᭄ᬬᬓᬮᬶᬗᬦ᭄ᬬ᭞ᬢᬾᬚᬦ᭄ᬬᬲᬸᬫ᭄ᬦᭂᬓᬤᬶᬢᬾᬚᬵᬦᬶᬗᬥᬷᬢ᭄ᬬ᭛ᬓᬵᬫ᭄ᬩᬮᬦ᭄ᬢᬾ᭠ ᬘ᭄ᬙᬳᬺᬢ᭄ᬫᭀᬮᬾ᭞ᬝᬶᬓ᭄ᬢᬶᬀᬓᬺᬱ᭄ᬡᬶᬀᬤ᭄ᬭᬸᬯᬶᬀᬪᬯᬾᬢ᭄᭞ᬅᬢᬶᬓᬺᬱ᭄ᬡᬵᬦ᭄ᬢᬓᬺᬱ᭄ᬡᬵᬦ᭄ᬢᬶᬀ᭞ᬮᭀᬦᬢᬶᬀᬰᬶᬯᬮᬵᬬᬶᬀ᭛ᬅᬦᬬᬓᬵᬫ᭄ᬩᬵᬮᬗᬭ ᬦ᭄ᬬ᭞ᬧᬸᬲᬸᬄᬧᬸᬲᬸᬄ᭞ᬬᬢᬳᬸᬫᬸᬗ᭄ᬕᬸᬄᬭᬶᬂᬯᬶᬢ᭄ᬦᬶᬂᬗᬵᬢᬶ᭞ᬳᬵᬦ᭠ᬢᬢᬺᬱ᭄ᬡᬵᬗᬭᬦ᭄ᬬ᭞ᬬᬢᬲᬶᬦᬗ᭄ᬕᬸᬄᬢᬶᬓ᭄ᬢ᭞ᬳᬵᬦᬢᬬᬳᬢᬶᬓᬺ᭠ ᬱ᭄ᬡᬵ᭞ᬗᬭᬦ᭄ᬬ᭞ᬇᬓᬢᬓᬩᬾᬄᬧᬵᬭᬮᭀᬓᬗᬭᬦ᭄ᬬ᭞ᬓᬳᬦᬦ᭄ᬪᬝᬵᬭᬰᬷᬯ᭞ᬲᬶᬭᬢᬓᬪᬓ᭄ᬢ᭄ᬬᬦᬤᬾᬲᬂᬬᭀᬕᬶᬰ᭄ᬯᬭ᭛

Auto-transliteration

[8 8B] 8 bata'a'i, nāhantalingnganta, athawā, oṅġnamaśīwaya, ‐nāhantaṣadākṣara, nga, nya, lwir̀ningṣadwār̀ṇna'ika, siratapamu jānta, wuhuspwakitamujā, umangĕnangĕnt̶nbhaṭāraśīwa, abyapakengrāt, alilangtār̀knengglĕng /// tripadhiṃpoṇdharikā śa, ār̀ddhānggulipramaṇakiṃ, sār̀wwanādhisamakr̥ĕttiṃ, raśmidopāwakorawim, /// hanatapadmā'umungguḥringhati, lawa ningpusĕr̀, mwangringnghulu, tigakweḥnya, antyantaringsūkṣmaya, i‐ruhūr̀witnya, sumungsangisor̀skār̀nya. sār̀wwanādimahāttiṃ /// [9 9A] 9 ikangpadmayatapangaśrayaningnādhīkabeḥ, witnyakalinganya, tejanyasumnĕkaditejāningadhītya /// kāmbalante‐ cchahr̥ĕtmole, ṭiktiṃkr̥ĕṣṇiṃdruwiṃbhawet, atikr̥ĕṣṇāntakr̥ĕṣṇāntiṃ, lonatiṃśiwalāyiṃ /// anayakāmbālangara nya, pusuḥpusuḥ, yatahumungguḥringwitningngāti, hāna‐tatr̥ĕṣṇāngaranya, yatasinangguḥtikta, hānatayahatikr̥ĕ‐ ṣṇā, ngaranya, ikatakabeḥpāralokangaranya, kahananbhaṭāraśīwa, siratakabhaktyanadesangyogiśwara ///

Leaf 9

Image on Archive.org

[᭙ 9B] ᭙ ᬰ᭄ᬯᬮᬶᬗ᭄ᬕᬵᬫ᭄ᬧᬭᬮᬶᬗ᭄ᬕᬵᬫ᭄ᬯ᭞ᬲᬬᬾᬦᬓᬵᬭᬾᬕᬢᬶᬚᬵ᭞ᬮᬶ᭠ᬬᬢᬾᬲᬃᬯ᭄ᬯᬪᬸᬢᬦᬶᬀ᭞ᬲ᭄ᬯᬮᬶᬗ᭄ᬕᬶᬀᬮᬶᬬᬢᬾᬤ᭄ᬯᬶᬚᬄ᭛ᬳᬦᬢᬬ ᬲ᭄ᬯᬮᬶᬗ᭄ᬕᬵᬗᬭᬦ᭄ᬬᬵ᭞ᬫ᭄ᬯᬂᬧᬭᬮᬶᬗ᭄ᬕᬵ᭞ᬲᬂᬓ᭄ᬱᬾᬧᬦ᭄ᬬᬵ᭞ᬭ᭄ᬯᬇᬓᬂᬮᬶᬗ᭄ᬕᬵ᭞ᬇᬓᬤᬸᬫᬾᬄᬯ᭄ᬯᬂᬯ᭄ᬭᬸᬄᬬᬫᬕᬯᬾᬳᬯᬳ᭄ᬬᬮᬶᬗ᭄ᬕᬵ ᭞ᬇᬓᬂᬧᬭᬵᬮᬶᬗ᭄ᬕᬵ᭞ᬬᬾᬓᬵᬰ᭄ᬯᬮᬶᬗ᭄ᬕᬵᬗᬭᬦ᭄ᬬᬵ᭞ᬓᬮᬶᬗᬦᬶᬂᬲᬃᬯ᭄ᬯᬪᬸᬢ᭞ᬯᬸᬯᬸᬲᭂᬦ᭄ᬢᬢᬾᬓᬂᬰ᭄ᬯᬮᬶᬗ᭄ᬕᬵᬦᬓᬸᬲᬂᬓᬸᬫᬵ ᬭᬵ᭛ᬅᬢ᭄ᬫᬦᬶᬀᬲ᭄ᬯᬬᬀᬫᬸᬓ᭄ᬬᬦᬀ᭞ᬲ᭄ᬯᬮᬶᬗ᭄ᬕᬵᬫᬶᬯᬶᬘᭀᬤ᭄ᬬᬵᬢᬾ᭞ᬲ᭄ᬯᬮᬶᬗ᭄ᬕᬵᬧᬹᬃᬯ᭄ᬯᬫᬸᬢ᭄ᬬᬵᬢᬾ᭞ᬲ᭄ᬯᬮᬶᬗ᭄ᬕᬵᬫ᭄ᬧ᭄ᬭᭀᬘ᭄ᬙ᭄ᬬᬵᬢᬾᬯᬸ [᭑᭐ 10A] ᭑᭐ ᬥᬾ᭛ᬇᬓᬵᬤᬸᬫᬾᬄᬓᬶᬢᬯ᭄ᬭᬸᬳᬭᬶᬅᬢ᭄ᬫᬵᬦ᭄ᬢᬯᬶᬄ᭞ᬅᬦᬸᬂ᭠ᬧᬫᬵᬲᬃᬯ᭄ᬯᬚ᭄ᬜᬵᬦᬬᬲᬶᬦᬗ᭄ᬕᬸᬄᬅᬢ᭄ᬫᬵᬮᬶᬗ᭄ᬕᬵᬗᬭᬦ᭄ᬬᬵ᭞ᬭᬶᬤᬾᬦ᭄ᬬ ᬇᬓᬵᬭᬶᬂᬅᬢ᭄ᬫᬵᬮᬶᬗ᭄ᬕᬵ᭞ᬬᬢᬶᬓᬵᬩ᭄ᬬᬵᬓ᭄ᬢᬓᬶᬦᬯ᭄ᬭᬸᬳᬦ᭄‌‌ᬭᬸᬫᬸᬳᬸᬦ᭄᭞ᬓᬫ᭄ᬦᬓᬶᬢᬯ᭄ᬭᬸᬳᬭᬶᬂᬯᬳ᭄ᬬᬮᬶᬗ᭄ᬕᬵ᭞ᬫ᭄ᬯᬂᬳᬶᬓᬂᬧᬭᬮᬶᬗ᭄ᬕᬵ᭞ ᬲᬶᬫᬦᬬᬓᭂᬦᬶᬓᬂᬲ᭄ᬯᬮᬶᬗ᭄ᬕᬵ᭞ᬬᬢᬓᬯ᭄ᬭᬸᬳᬦᬓᬫᬸᬗ᭄ᬓᬸᬫᬭ᭛ᬧᬭᬮᬶᬗ᭄ᬕᬵᬲᬳᬰ᭄ᬭᬦᬷ᭞ᬅᬢ᭄ᬫᬵᬮᬶᬗ᭄ᬕᬵᬦᬢᬢ᭄ᬲᬫᬶᬀ᭞ᬅᬢᬄᬧ ᬭᬯᬶᬸᬢᬵᬭᬦᬲ᭄ᬢᬶ᭞ᬅᬢ᭄ᬫᬵᬮᬶᬗ᭄ᬕᬵᬯᬶᬰᬶᬱ᭄ᬬᬢᬾ᭛ᬭᬶᬂᬯᬳ᭄ᬬᬮᬶᬗ᭄ᬕᬵ᭞ᬮ᭄ᬯᬶᬃᬦ᭄ᬬᬵ᭞ᬧᬃᬬ᭄ᬬᬵᬗᬦ᭄᭞ᬧ᭄ᬭᬲᬥ᭞ᬲᬾᬯᬸᬓ᭄ᬯᬾᬄᬦ᭄ᬬᬵ᭞ᬇᬓ

Auto-transliteration

[9 9B] 9 śwalinggāmparalinggāmwa, sayenakāregatijā, li‐yatesar̀wwabhutaniṃ, swalinggiṃliyatedwijaḥ /// hanataya swalinggāngaranyā, mwangparalinggā, sangksyepanyā, rwa'ikanglinggā, ikadumeḥwwangwruḥyamagawehawahyalinggā , ikangparālinggā, yekāśwalinggāngaranyā, kalinganingsar̀wwabhuta, wuwusĕntatekangśwalinggānakusangkumā rā /// atmaniṃswayaṃmukyanaṃ, swalinggāmiwicodyāte, swalinggāpūr̀wwamutyāte, swalinggāmprocchyātewu [10 10A] 10 dhe /// ikādumeḥkitawruhari'atmāntawiḥ, anung‐pamāsar̀wwajñānayasinangguḥatmālinggāngaranyā, ridenya ikāringatmālinggā, yatikābyāktakinawruhanrumuhun, kamnakitawruharingwahyalinggā, mwanghikangparalinggā, simanayakĕnikangswalinggā, yatakawruhanakamungkumara /// paralinggāsahaśranī, atmālinggānatatsamiṃ, ataḥpa raw̶tāranasti, atmālinggāwiśiṣyate /// ringwahyalinggā, lwir̀nyā, par̀yyāngan, prasadha, sewukweḥnyā, ika

Leaf 10

Image on Archive.org

[᭑᭐ 10B] ᭑᭐ ᬢᬓᬩᬾᬄᬧᬤᬬᬢᬓᬮᬯᬵᬦ᭄‌‌ᬅᬢ᭄ᬫᬵᬮᬶᬗ᭄ᬕᬵ᭞ᬢᬳᬵᬫ᭄ᬧᬶᬄ᭞ᬢᬦ᭄ᬧᬥᬳᬶᬓᬵ᭞ᬅᬗ᭄ᬳᬶᬂᬅᬢ᭄ᬫᬵᬮᬶᬗ᭄ᬕᬵᬍᬯᬶᬄᬲᬗ᭄ᬓᬭᬶᬂᬮᬶᬗ᭄ᬕᬵ ᬓᬩᬾᬄ᭛ᬭᬵᬢ᭄ᬦᬮᬶᬗ᭄ᬕᬵᬲᬳᬰ᭄ᬭᬦᬷ᭞ᬰᬷᬯᬮᬶᬗ᭄ᬕᬵᬦᬢᬢ᭄ᬲᬫᬀ᭞ᬅᬓ᭄ᬱᬶᬮᬶᬗ᭄ᬕᬵᬲᬳᬰ᭄ᬭᬦᬷ᭞ᬅᬢ᭄ᬫᬵᬮᬶᬗ᭄ᬕᬵᬦᬵᬢᬢ᭄ᬲᬫᬀ᭛ ᬲᬾᬯᬸᬢᬓ᭄ᬯᬾᬄᬳᬦᬶᬓᬂᬭᬵᬢ᭄ᬦᬮᬶᬗ᭄ᬕᬵ᭞ᬧᬥᬵᬳᬢᬬᬮᬵᬯ᭠ᬦ᭄ᬓᬤᬶᬩ᭄ᬬᬦ᭄‌‌ᬰᬷᬯᬵᬮᬶᬗ᭄ᬕᬵᬢᬸᬗ᭄ᬕᬮ᭄᭞ᬅᬓ᭄ᬱᬶᬮᬶᬗ᭄ᬕᬵᬲᬾᬯᬸ᭞ᬧᬥ ᬳᬢᬬᬮᬵᬯᬦ᭄ᬓᬤᬶᬩ᭄ᬬᬦ᭄‌‌ᬅᬢ᭄ᬫᬵᬮᬶᬗ᭄ᬕᬵᬢᬸᬗ᭄ᬕᬵᬮ᭄᭞ᬦᬶᬳᬦ᭄ᬯᬦᬾᬄ᭛ᬢ᭄ᬭ᭄ᬬᬵᬓ᭄ᬱᬭᬜ᭄ᬘᬧᬤᭀᬬᬸᬓ᭄ᬢᬀ᭞ᬑᬁᬓᬵᬭᬀᬲᬫᬸ [᭑᭑ 11A] ᭑᭑ ᬤᬳᬺᬢ᭄ᬢᬀ᭞ᬮᬶᬗ᭄ᬕᭀᬤ᭄ᬪᬵᬯᬀᬫᬦᬄᬢᬶᬲ᭄ᬢᬢ᭄᭞ᬰᬷᬯᬵᬮᬶᬗ᭄ᬕᬵᬫᬬᭀᬢ᭄ᬢᬫᬀ᭛ᬲᬶᬭᬲᬂᬳ᭄ᬬᬂᬢ᭄ᬭ᭄ᬬᬵᬓ᭄ᬱᬭ᭞ᬫ᭄ᬯᬂᬧᬵᬤᬢ᭄ᬮᬸ᭞ᬳᬦᬩ᭄ᬭᬳ᭄ᬫᬧᬵ ᬤ᭞ᬫ᭄ᬯᬂᬯᬶᬱ᭄ᬡᬸᬧᬥ᭞ᬫ᭄ᬯᬂᬭᬸᬤ᭄ᬭᬧᬥ᭞ᬲᬶᬭᬲᬶᬦᬗ᭄ᬕᬸᬄᬑᬁᬓᬵᬭᬗ᭠ᬭᬦᬶᬭ᭞ᬳᬦᬢᬫᬦᬄᬫᬧᬕᭂᬄ᭞ᬫᬓᬰ᭄ᬭᬪᬶᬸᬬᬪᬵᬝᬵᬭᬰᬷᬯᬵ᭠ ᬮᬶᬗ᭄ᬕᬵᬭᬹᬧ᭞ᬬᬢᬾᬓᬰᬷᬯᬮᬶᬗ᭄ᬕᬵᬗᬭᬦ᭄ᬬᬵ᭞ᬢᬦ᭄ᬧᬥᬢᬶᬓ᭞ᬦᬶᬳᬦ᭄ᬯᬦᬾᬄᬓᭀᬘᬧᬦ᭄ᬬᬵᬤᬾᬲᬂᬯ᭄ᬭᬸᬄ᭛ᬅᬧ᭄ᬲᬸᬤᬾᬯᭀᬤ᭄ᬯᬶᬚᬵ᭠ ᬢᬶᬦᬀ᭞ᬋᬱᬶᬦᬦ᭄ᬤᬶᬯᬶᬤᬾᬯᬢᬄ᭞ᬰᬶᬮᬵᬓᬡ᭄ᬝᬜ᭄ᬘᬮᭀᬓᬦᬀ᭞ᬫᬸᬦᬶᬦᬫᬢ᭄ᬫᬤᬾᬯᬢᬄ᭛ᬮᬶᬂᬲᬂᬯᬢᭂᬓ᭄‌‌ᬩ᭄ᬭᬵᬳ᭄ᬫᬵᬡ᭞ᬭᬶᬂᬢᬶᬃ

Auto-transliteration

[10 10B] 10 takabeḥpadayatakalawānatmālinggā, tahāmpiḥ, tanpadhahikā, anghingatmālinggāl̥ĕwiḥsangkaringlinggā kabeḥ /// rātnalinggāsahaśranī, śīwalinggānatatsamaṃ, aksyilinggāsahaśranī, atmālinggānātatsamaṃ /// sewutakweḥhanikangrātnalinggā, padhāhatayalāwa‐nkadibyanśīwālinggātunggal, aksyilinggāsewu, padha hatayalāwankadibyanatmālinggātunggāl, nihanwaneḥ /// tryākṣarañcapadoyuktaṃ, oṅġkāraṃsamu [11 11A] 11 dahr̥ĕttaṃ, linggodbhāwaṃmanaḥtistat, śīwālinggāmayottamaṃ /// sirasanghyangtryākṣara, mwangpādatlu, hanabrahmapā da, mwangwiṣṇupadha, mwangrudrapadha, sirasinangguḥoṅġkāranga‐ranira, hanatamanaḥmapagĕḥ, makaśrab̶h̶yabhāṭāraśīwā‐ linggārūpa, yatekaśīwalinggāngaranyā, tanpadhatika, nihanwaneḥkocapanyādesangwruḥ /// apsudewodwijā‐ tinaṃ, r̥ĕsyinandiwidewataḥ, śilākaṇṭañcalokanaṃ, muninamatmadewataḥ /// lingsangwatĕkbrāhmāṇa, ringtir̀

Leaf 11

Image on Archive.org

[᭑᭑ 11B] ᭑᭑ ᬢ᭄ᬣᬓᬵᬤᬶᬓᬭᬦ᭄ᬪᬝᬵᬭ᭞ᬮᬶᬂᬲᬂᬯᬢᭂᬓ᭄‌‌ᬋᬱᬶ᭞ᬭᬶᬂᬳᬓᬵᬰᬓᬤᬶᬓᬵᬭᬦ᭄ᬪᬝᬵᬭ᭞ᬭᬶᬂᬮᭀᬓᬧ᭄ᬯᬬ᭞ᬭᬶᬂᬯᬢᬸ᭞ᬭᬶᬂᬓᬵᬬᬸ᭞ᬮᬯᬦ᭄ᬮᬶ᭠ ᬗᬶᬃᬧ᭄ᬭᬢᬶᬫ᭞ᬓᬵᬤᬶᬓᬵᬭᬦ᭄ᬪᬝᬵᬭ᭞ᬓᬸᬦᬂᬭᬶᬲᬂᬯᬢᭂᬓ᭄‌‌ᬬᭀᬕᬶ᭞ᬭᬶᬲᬂᬳ᭄ᬬᬂᬅᬢ᭄ᬫᬵᬓᬵᬤᬶᬓᬵᬭᬦ᭄ᬢᬪᬝᬵᬭ᭛ᬧᬸᬭᬸᬱ᭄ᬬᬧ᭄ᬭᬢᬾ ᬦᬀᬢᬲ᭄ᬬᬀ᭞ᬲᬓᬮᬀᬲᬗᬶᬫᬸᬢ᭄ᬢᬫᬀ᭞ᬧᬸᬭᬸᬱ᭄ᬬᬲ᭄ᬬᬦ᭄ᬢᬭᬶᬧᬸᬬᬀ᭞ᬲᬗ᭄ᬲᬭᬜ᭄ᬘᬘᬭᬘᬭᬀ᭛ᬳᬦᬲᬂᬓᬵᬮᬚ᭄ᬜᬡᬗᬭᬦ᭄ᬬ᭞ᬯ᭄ᬭᬸᬄᬦ᭄ᬬᬭᬶ ᬓᬕᬶᬯᬂᬲᬂᬧᬸᬭᬸᬱᬬᬾᬓᬳᬚ᭄ᬜᬵᬦᬗᬭᬦ᭄ᬬᬵ᭞ᬦᬶᬫᬶᬢᬦᬶᬂᬫᬦᭂᬫ᭄ᬯᬓᭂᬦ᭄᭞ᬳᬦᬢᬳᬚ᭄ᬜᬵᬦᬳᬸᬫᬤᬶᬓᬵᬭᬓᭂᬦ᭄ᬓᬲᬗ᭄ᬲ᭠ [᭑᭒ 12A] ᭑᭒ ᬭᬦ᭄‌‌ᬲᬂᬧᬸᬭᬸᬱᬵ᭞ᬅᬦ᭄ᬧᬯᬮᬶᬯᬮᬶᬭᬶᬂᬚᬦ᭄ᬫᬵᬮᭀᬓᬵ᭞ᬫᬵᬬᬓᬚᬦ᭄ᬫᬵᬲᬗ᭄ᬲᬭᬗᬭᬦ᭄ᬬᬵ᭞ᬦᬶᬫᬶᬢᬦᬶᬂᬫᬗ᭄ᬕᬸᬳᬓᭂᬦ᭄‌‌ᬧᬹᬃᬡ᭄ᬦᬚ᭠ ᬦ᭄ᬫᬵᬦᬶᬗ᭄ᬳᬸᬮᬸᬦ᭄᭞ᬮᬶᬂᬪᬝᬵᬭ᭛ᬧᬭᬵᬮᬶᬗ᭄ᬕᬵᬜ᭄ᬘᬬᭀᬩ᭄ᬬᬵ᭠ᬜ᭄ᬘ᭞ᬅᬢ᭄ᬫᬵᬮᬶᬗ᭄ᬕᬵᬲᬫᭀᬳᬶᬢᬵ᭞ᬅᬰ᭄ᬘᬬᬦ᭄ᬢᬶᬜ᭄ᬘᬬᬾᬫᬹᬃᬓᬄ᭞ ᬮᬬᬀᬓᬶᬜ᭄ᬘᬶᬧ᭄ᬭᬤᬾᬰᬢᬄ᭛ᬳᬦᬯ᭄ᬯᬂᬫᬕ᭄ᬮᭂᬫᬫᬹᬚᬵᬭᬶᬂᬯᬵᬳ᭄ᬬᬮᬶᬗ᭄ᬕᬵ᭞ᬦ᭄ᬤᬵᬢᬦ᭄‌‌ᬯ᭄ᬭᬸᬄᬬᬭᬶᬂᬳᬢ᭄ᬫᬮᬶᬗ᭄ᬕᬵ᭞ᬇᬓᬢᬯ᭄ᬯᬂᬫᬗ᭄ᬓᬦ ᬬᬾᬓᬵᬫᬹᬃᬓ᭄ᬓᬫᬫᬹᬚᬵᬗᬭᬦ᭄ᬬᬵ᭞ᬫᬨᬮᬥᬶᬧᬸᬦ᭄ᬓᬧᬗ᭄ᬕᬶᬳ᭠ᬦ᭄ᬬᬵ᭞ᬬᬤ᭄ᬬᬵᬧᬶᬦᬓ᭄ᬥᬶᬓ᭄ᬥᬶᬓᬢᭀᬯᬶ᭞ᬫᬨᬮᬢᬬ᭛ᬬᬯᬾᬢ᭄

Auto-transliteration

[11 11B] 11 tthakādikaranbhaṭāra, lingsangwatĕkr̥ĕsyi, ringhakāśakadikāranbhaṭāra, ringlokapwaya, ringwatu, ringkāyu, lawanli‐ ngir̀pratima, kādikāranbhaṭāra, kunangrisangwatĕkyogi, risanghyangatmākādikārantabhaṭāra /// puruṣyaprate naṃtasyaṃ, sakalaṃsangimuttamaṃ, puruṣyasyantaripuyaṃ, sangsarañcacaracaraṃ /// hanasangkālajñaṇangaranya, wruḥnyari kagiwangsangpuruṣayekahajñānangaranyā, nimitaningmanĕmwakĕn, hanatahajñānahumadikārakĕnkasangsa‐ [12 12A] 12 ransangpurusyā, anpawaliwaliringjanmālokā, māyakajanmāsangsarangaranyā, nimitaningmangguhakĕnpūr̀ṇnaja‐ nmāninghulun, lingbhaṭāra /// parālinggāñcayobyā‐ñca, atmālinggāsamohitā, aścayantiñcayemūr̀kaḥ, layaṃkiñcipradeśataḥ /// hanawwangmaglĕmamūjāringwāhyalinggā, ndātanwruḥyaringhatmalinggā, ikatawwangmangkana yekāmūr̀kkamamūjāngaranyā, maphaladhipunkapanggiha‐nyā, yadyāpinakdhikdhikatowi, maphalataya /// yawet

Leaf 12

Image on Archive.org

[᭑᭒ 12B] ᭑᭒ ᬲ᭄ᬫᬭᬦ᭄ᬢᬶᬫᬾᬰᬦ᭄ᬢᬶ᭞ᬅᬢ᭄ᬯᬀᬲ᭄ᬫᬭᬢᬶᬫᬾᬫᬦᬄ᭞ᬅᬢ᭄ᬬᬀᬲ᭄ᬫᬭᬢᬶ᭠ᬢᬾᬚᬰᬢᬀ᭞ᬧᬭᬵᬦ᭄ᬢᬓᬵᬃᬬ᭄ᬬᬵᬫᬾᬯᬘ᭄ᬙᬵ᭛ᬳᬦᬯ᭄ᬯᬂᬳᬸᬫᬗᭂᬦ ᬓᬸᬧᬶᬲᬦ᭄‌‌ᬳᬵᬦᬗᭃᬦᬓᬸᬧᬶᬂᬰᬢ᭞ᬳᬦᬢᬳᬸᬫᬗᭂᬦᬗᭃᬦᬓᬸᬲᬢᬢ᭞ᬦᬶᬢ᭄ᬬᬵᬲᬬᬢᬦ᭄ᬓᬳᬶᬮᬗᬦ᭄ᬬᬵᬃᬣ᭞ᬫᬦᬗ᭄ᬕᬸᬄᬧᬶ ᬦᬓᬵᬢᬸᬢᬸᬃᬦ᭄ᬬᬵ᭞ᬉᬢᬫᬓᬵᬃᬬ᭄ᬬᬦ᭄ᬬᬵᬍᬯᬶᬄᬬ᭛ᬬᬸᬕᬵᬦᬀᬲ᭄ᬯᬧ᭄ᬦᬫᬶᬢ᭄ᬬᬸᬓ᭄ᬢᬀ᭞ᬬᬸᬕᬦ᭄ᬢᬶᬤᬵᬓ᭄ᬱᬶᬡᬵᬬᬜ᭄ᬘ᭞ᬢᬹᬃᬬ᭄ᬬᬫᬾᬯᬲᬸᬲᬸ ᬧ᭄ᬢᬜ᭄ᬘ᭞ᬉᬢᬭᬾᬚᬕ᭄ᬭᬫᬸᬘ᭄ᬬᬵᬢᬾ᭛ᬳᬦᬢᬵᬲ᭄ᬯᬧ᭄ᬦᬧᬵᬤᬗᬭᬦ᭄ᬬᬵ᭞ᬬᬲᬶᬦᬗ᭄ᬕᬸᬄᬬᬸᬕᬦ᭄ᬢ᭞ᬤᬵᬓ᭄ᬱᬶᬡᬬᬡᬗᬭᬦ᭄ᬬᬵ᭞ᬳ [᭑᭓ 13A] ᭑᭓ ᬦᬢᬚᬕ᭄ᬭᬧᬵᬤᬗᬭᬦ᭄ᬬᬵ᭞ᬬᬲᬶᬦᬗ᭄ᬕᬸᬄᬉᬢ᭄ᬢᬭᬬᬡᬗᬭ᭠ᬦ᭄ᬬᬵ᭞ᬳᬦᬢᬲᬸᬲᬸᬧ᭄ᬢᬧᬵᬤᬗᬭᬦ᭄ᬬᬵ᭞ᬬᬲᬶᬦᬗ᭄ᬕᬸᬄᬢᬹᬃᬬ᭄ᬬᬵᬧᬵᬤᬗ ᬭᬦ᭄ᬬᬵ᭛ᬢ᭄ᬭᬶᬧᬵᬤᬀᬧᭀᬡ᭄ᬥᬭᬶᬓᬜ᭄ᬘ᭞ᬧᬵᬦᬀᬲ᭄ᬯᬧ᭄ᬦᬾᬜ᭄ᬘᬤ᭠ᬓ᭄ᬱᬶᬡᬾ᭞ᬧᬵᬤᬀᬚᬕ᭄ᬭᬦᬣᬀᬪᬫᬾ᭞ᬲᬸᬲᬸᬧ᭄ᬢᬀᬲ᭄ᬣᬦᬫᬾᬯᬘ᭄ᬙᬵ᭛ᬳᬦ᭠ ᬢᬧᬵᬤ᭄ᬫᬵᬢᬶᬕᬓ᭄ᬯᬾᬄᬦ᭄ᬬᬵ᭞ᬮ᭄ᬯᬵᬓᬶᬥᬸᬮ᭄᭞ᬭᬶᬢ᭄ᬗᬄᬲ᭄ᬣᬵᬦᬦ᭄ᬬᬵ᭞ᬲ᭄ᬯᬧ᭄ᬦᬧᬵᬤᬇᬓᬂᬧᬤ᭄ᬫᬵᬓᬶᬤᬸᬮ᭄᭞ᬚᬕ᭄ᬭᬧᬵᬤᬧᬤ᭄ᬫᬵᬯᬫ᭞ᬲᬸ᭠ ᬲᬸᬧ᭄ᬢᬧᬥᬧᬤ᭄ᬫᬵᬇᬢ᭄ᬗᬄᬲ᭄ᬣᬦᬦ᭄ᬬᬵ᭛ᬚᬵᬮᬵᬰ᭄ᬭᬬᬵᬲᬫᬬᬸᬓ᭄ᬢᬀ᭞ᬪᬫᬲ᭄ᬣᬾᬢᬸᬫᬩᬵᬦ᭄ᬤᬦᬀ᭛ᬇᬓᬂᬧᬤ᭄ᬫᬵᬭᬶᬣᭂᬗᬄᬬᬢᬸ

Auto-transliteration

[12 12B] 12 smarantimeśanti, atwaṃsmaratimemanaḥ, atyaṃsmarati‐tejaśataṃ, parāntakār̀yyāmewacchā /// hanawwanghumangĕna kupisanhānangönakupingśata, hanatahumangĕnangönakusatata, nityāsayatankahilanganyār̀tha, manangguḥpi nakātutur̀nyā, utamakār̀yyanyāl̥ĕwiḥya /// yugānaṃswapnamityuktaṃ, yugantidāksyiṇāyañca, tūr̀yyamewasusu ptañca, utarejagramucyāte /// hanatāswapnapādangaranyā, yasinangguḥyuganta, dāksyiṇayaṇangaranyā, ha [13 13A] 13 natajagrapādangaranyā, yasinangguḥuttarayaṇangara‐nyā, hanatasusuptapādangaranyā, yasinangguḥtūr̀yyāpādanga ranyā /// tripādaṃpoṇdharikañca, pānaṃswapneñcada‐ksyiṇe, pādaṃjagranathaṃbhame, susuptaṃsthanamewacchā /// hana‐ tapādmātigakweḥnyā, lwākidhul, ritngaḥsthānanyā, swapnapāda'ikangpadmākidul, jagrapādapadmāwama, su‐ suptapadhapadmā'itngaḥsthananyā /// jālāśrayāsamayuktaṃ, bhamasthetumabāndanaṃ /// ikangpadmārithĕngaḥyatu

Leaf 13

Image on Archive.org

[᭑᭓ 13B] ᭑᭓ ᬫᬶᬡ᭄ᬥᬶᬳᬶᬭᬸᬳᬸᬭ᭄᭞ᬇᬓᬂᬧᬤ᭄ᬫᬵᬮᭀᬃᬓ᭄ᬓᬶᬤᬸᬮ᭄᭞ᬬᬾᬓᬗᬭ᭠ᬦ᭄‌‌ᬪᬸᬫᬶᬳᬵᬃᬤ᭄ᬥᬡᬵ᭞ᬓᬤᬶᬢᬮᬕᬫᬵᬲᬢ᭄᭛ᬉᬃᬤ᭄ᬥ᭄ᬬᬵᬄᬢ᭄ᬭᬶ᭠ ᬲᬄᬧ᭄ᬭᬫᬵᬡᬾᬦᬯᬵᬯᬶᬦ᭄ᬤᬸᬄ᭞ᬢ᭄ᬭ᭄ᬬᬵᬗ᭄ᬕᬸᬮᬶᬄᬬᬧ᭄ᬭᬫᬵᬡᬦᬀ᭞ᬲ᭄ᬣᬦᬀᬧ᭄ᬭᬫᬵᬡᬉᬘ᭄ᬙ᭄ᬬᬵᬢᬾ᭛ᬲᬫᬗ᭄ᬓᬦᬳᬶᬭᬶᬗᬦ᭄ᬬᬵᬫᬶᬡ᭄ᬥᬸᬳᬹᬃᬦ᭄ᬬᬵ ᬢᬶᬕᬗᬗ᭄ᬕᬸᬮᬶ᭞ᬲᬫᬗ᭄ᬓᬦᬳᬶᬭᬶᬗᬦ᭄ᬬᬵᬢᬶᬕᬗᬗ᭄ᬕᬸᬮᬶᬅᬢᬬ᭞ᬧᬶᬂᬲᭀᬃᬦ᭄ᬬᬵᬦ᭄ᬢᬶᬕᬗᬗ᭄ᬕᬸᬮᬶᬢᬬ᭞ᬦᬵᬳᬦ᭄ᬢᬮ᭄ᬯᬶᬃᬦᬶᬂᬧᬤ᭄ᬫᬵᬓᭀᬰ ᬭᬶᬰᬭᬷᬭ᭛ᬢ᭄ᬭᬶᬧᬤᬀᬫᬡ᭄ᬥᬮᬀᬧᬵᬃᬬ᭄ᬬᬵ᭞ᬢ᭄ᬭᬶᬓᭀᬦᬶᬂᬪᬸᬯᬵᬦᬢ᭄ᬭᬬᬀ᭞ᬰᬷᬯᬵᬰ᭄ᬘᬶᬀᬭᬵᬣᬢᬾᬢᬢ᭄ᬭ᭞ᬫᬵᬫᬫᬬᬵᬯᬶᬥᬾᬭᬯᬶᬄ᭛ [᭑᭔ 14A] ᭑᭔ ᬇᬓᬂᬢ᭄ᬭᬶᬧᬥᬗᬭᬦ᭄ᬬᬵ᭞ᬚᬕ᭄ᬭᬧᬥ᭞ᬲᬸᬲᬸᬧ᭄ᬢᬧᬤ᭞ᬲ᭄ᬯᬧ᭄ᬦᬧᬥ᭞ᬬᬫᬡ᭄ᬥᬮᬢᬶᬕᬗᬭᬦ᭄ᬬᬵ᭞ᬳᬦᬢᬢ᭄ᬭᬶᬓᭀᬦᬗ᭄ᬓᬵᬦ᭞ᬓᬸᬦᬂ᭠ ᬳᬶᬢ᭄ᬗᬄᬦᬶᬓᬂᬢ᭄ᬭᬶᬓᭀᬦ᭞ᬳᬶᬗ᭄ᬓᬦᬢᬓᬳᬦᬦ᭄ᬪᬝᬵᬭᬰᬷᬯᬵ᭛ᬧᬤ᭄ᬫᬵᬦᬮᬳᬺᬤ᭄ᬥᬶᬲ᭄ᬣᬶᬢᬀ᭞ᬚᬵᬕ᭄ᬭᬲ᭄ᬯᬧ᭄ᬦᬢᬯᬾᬯᬘ᭄ᬙ᭞ᬇᬰᬭᬀᬧᬵ ᬤ᭄ᬫᬵᬦᬵᬮᬵᬫ᭄ᬩᬾ᭞ᬲᬃᬯ᭄ᬯᬤᬾᬯᬄᬲᬄᬯᬶᬢᬄ᭛ᬇᬓᬂᬧᬤ᭄ᬫᬵᬦᬵᬮᬬᬉᬫᬸᬗ᭄ᬕ᭄ᬯᬶᬂᬗᬢᬶ᭞ᬚᬵᬕ᭄ᬭᬧᬥᬬᬭᭀᬯᬂᬦ᭄ᬬᬵᬫᬸᬗ᭄ᬕ᭄ᬯᬶᬂᬗᬢᬶ᭞ᬳ᭄ᬬᬂᬦᬶᬂ ᬧᬤ᭄ᬫᬵᬦᬵᬮ᭞ᬲᬂᬳ᭄ᬬᬂᬇᬰ᭄ᬯᬭ᭞ᬇᬓᬂᬤᬾᬯᬢᬓᬩᬾᬄᬳᬦᬗ᭄ᬓᬵᬦ᭛ᬧᬤ᭄ᬫᬵᬦᬵᬮᬶᬸᬮᬾᬜ᭄ᬘᬳᬺᬤᬬᬾᬄ᭞ᬲᬸᬲᬸᬧ᭄ᬢᬵᬲ᭄ᬚᬵᬫᬸᬘ᭄ᬬᬢᬾ

Auto-transliteration

[13 13B] 13 miṇdhihiruhur, ikangpadmālor̀kkidul, yekangara‐nbhumihār̀ddhaṇā, kaditalagamāsat /// ur̀ddhyāḥtri‐ saḥpramāṇenawāwinduḥ, tryāngguliḥyapramāṇanaṃ, sthanaṃpramāṇa'ucchyāte /// samangkanahiringanyāmiṇdhuhūr̀nyā tigangangguli, samangkanahiringanyātigangangguli'ataya, pingsor̀nyāntiganganggulitaya, nāhantalwir̀ningpadmākośa riśarīra /// tripadaṃmaṇdhalaṃpār̀yyā, trikoningbhuwānatrayaṃ, śīwāściṃrāthatetatra, māmamayāwidherawiḥ /// [14 14A] 14 ikangtripadhangaranyā, jagrapadha, susuptapada, swapnapadha, yamaṇdhalatigangaranyā, hanatatrikonangkāna, kunang‐ hitngaḥnikangtrikona, hingkanatakahananbhaṭāraśīwā /// padmānalahr̥ĕddhisthitaṃ, jāgraswapnatawewaccha, iśaraṃpā dmānālāmbe, sar̀wwadewaḥsaḥwitaḥ /// ikangpadmānālaya'umunggwingngati, jāgrapadhayarowangnyāmunggwingngati, hyangning padmānāla, sanghyangiśwara, ikangdewatakabeḥhanangkāna /// padmānāl̶leñcahr̥ĕdayeḥ, susuptāsjāmucyate

Leaf 14

Image on Archive.org

[᭑᭔ 14B] ᭑᭔ ᭞ᬬᬢ᭄ᬭᬶᬤᬾᬯᬵᬲ᭄ᬣᬶᬢᬾᬦᬶᬢ᭄ᬬᬀ᭞ᬢᬤ᭄ᬯᬶᬤᬶᬦᬫᬸᬧᬸᬗ᭄ᬕᬵᬯᬵ᭛ᬇᬓᬂᬧᬤ᭄ᬫᬵᬭᬶᬢ᭄ᬗᬄ᭞ᬬᬲᬸᬲᬸᬧ᭄ᬢᬧᬤ᭄ᬫᬵᬗᬭᬦ᭄ᬬᬵ᭞ᬬᬢᬾᬓᬓᬳᬦᬵᬦ᭄ᬪᬝᬵ ᬭᬦᬶᬢ᭄ᬬᬵᬓᬮ᭞ᬲᬶᬭᬢᬓᬯ᭄ᬭᬸᬳᬓ᭄ᬦᬓᬫᬸᬗ᭄ᬓᬸᬫᬭ᭛ᬅᬕ᭄ᬦᬶᬯᬃᬡ᭄ᬦᬲᬵᬫᬀᬦᬫᭀᬪᬵ᭞ᬳ᭄ᬭᬤᬬᬾᬭᬯᬶᬲᬵᬦᬪᬀ᭞ᬢᬮᬸᬓᬾᬤᬤᬸ ᬯᬃᬡ᭄ᬦᬪᬀ᭞ᬦᬰᬀᬢᬲ᭄ᬨᬝᬶᬓᬵᬧ᭄ᬭᬤᬀ᭛ᬮ᭄ᬯᬶᬃᬦᬶᬂᬢᬾᬚᬵᬦᬶᬭᬵᬳᬦᬾᬂᬧᬸᬲᭂᬃ᭞ᬓᬤᬶᬢᬾᬚᬵᬦᬶᬗᬵᬧᬸᬬ᭄᭞ᬮ᭄ᬯᬶᬃᬦᬶᬂᬢᬾᬚᬵᬳᬦᬾᬂᬧᬸᬲᭂᬭ᭄᭞ ᬓᬤᬶᬢᬾᬚᬵᬦᬶᬗᬧᬸᬬ᭄᭞ᬮ᭄ᬯᬶᬃᬦᬶᬂᬢᬾᬚᬳᬦᬾᬂᬳᬢᬶ᭞ᬓᬤᬶᬢᬾᬚᬵᬦᬶᬗᬵᬤᬶᬢ᭄ᬬᬵ᭞ᬮ᭄ᬯᬶᬃᬦᬶᬂᬢᬾᬚᬵᬦᬶᬭᬭᬶᬂᬮᬓ᭄ᬮᬓᬦ᭄᭞ᬓᬤᬶ [᭑᭕ 15A] ᭑᭕ ᬢᬾᬚᬵᬦᬶᬂᬯᬸᬮᬦ᭄᭞ᬮ᭄ᬯᬶᬃᬦᬶᬂᬢᬾᬚᬵᬦᬶᬭᬳᬦᬭᬶᬂᬗᬶᬭᬸᬂ᭞ᬓᬤᬶᬢᬾᬚᬵᬦᬶᬂᬫᬵᬡᬶᬓ᭄‌‌ᬲ᭄ᬨᬢᬶᬓᬵ᭛ᬯ᭄ᬭᬸᬫᬵᬤ᭄ᬥ᭄ᬬᬵᬦᬵᬯᬪᬶᬰ᭄ᬘᬭᬀ᭞ᬮ ᬮᬵᬝᬾᬰ᭄ᬘᬲᬦ᭄ᬢᬦᬀ᭞ᬧᬡᬶᬭᬹᬧ᭄ᬬᬵᬦ᭄ᬢᬯᬶᬚ᭄ᬜᬾᬬᬵᬄ᭞ᬰᬷᬯᭀᬫᬵᬤ᭄ᬥ᭄ᬬᭀᬦᬵᬭᬜ᭄ᬘᬦᬀ᭛ᬧᬦ᭄ᬢᬭᬦᬶᬗᬮᬶᬲ᭄‌‌ᬓᬤᬶᬧ᭄ᬭᬪᬵᬦᬶᬗᬦᬶᬮᬵ᭞ ᬇᬓᬂᬭᬳᬶᬓᬤᬶᬮ᭄ᬯᬶᬃᬦᬶᬂᬫᬶᬜᬓ᭄᭞ᬭᬶᬂᬧᬵᬃᬡ᭄ᬦᬶᬓᬤᬶᬢᬾᬚᬵ᭠ᬦᬶᬂᬧᬶᬭᬓ᭄᭞ᬭᬶᬢ᭄ᬗᬄᬦᬶᬂᬗ᭄ᬳᬸᬮᬸ᭞ᬢᬢᬦ᭄ᬳᬦᬢᬾᬚᬵᬦᬶᬭᬗ᭄ᬓᬦ᭞ᬦᬶᬃᬯ᭄ᬯᬃ ᬡ᭄ᬦ᭛ᬅᬓᬵᬰᬾᬫᬡ᭄ᬥᬮᬀᬧ᭄ᬭᬧ᭄ᬬᬵ᭞ᬩᬻᬳ᭄ᬫᬤ᭄ᬯᬵᬭᬫᬤᬵᬳᬺᬢᬀ᭞ᬅᬕ᭄ᬦᬶᬫᬵᬮᬰᬸᬤ᭄ᬥᬵᬰ᭄ᬜᬰ᭄ᬘ᭞ᬰᬹᬦ᭄ᬬᬵᬲ᭄ᬣᬫᬦ᭄ᬢᬦᬶᬯᬶᬦ᭄ᬤᬸ᭛ᬥᬢᬂᬧ᭄ᬯᬬᬭᬶ

Auto-transliteration

[14 14B] 14 , yatridewāsthitenityaṃ, tadwidinamupunggāwā /// ikangpadmāritngaḥ, yasusuptapadmāngaranyā, yatekakahanānbhaṭā ranityākala, siratakawruhaknakamungkumara /// agniwar̀ṇnasāmaṃnamobhā, hradayerawisānabhaṃ, talukedadu war̀ṇnabhaṃ, naśaṃtasphaṭikāpradaṃ /// lwir̀ningtejānirāhanengpusĕr̀, kaditejāningāpuy, lwir̀ningtejāhanengpusĕr, kaditejāningapuy, lwir̀ningtejahanenghati, kaditejāningādityā, lwir̀ningtejāniraringlaklakan, kadi [15 15A] 15 tejāningwulan, lwir̀ningtejānirahanaringngirung, kaditejāningmāṇiksphatikā /// wrumāddhyānāwabhiścaraṃ, la lāṭeścasantanaṃ, paṇirūpyāntawijñeyāḥ, śīwomāddhyonārañcanaṃ /// pantaraningaliskadiprabhāninganilā, ikangrahikadilwir̀ningmiñak, ringpār̀ṇnikaditejā‐ningpirak, ritngaḥningnghulu, tatanhanatejānirangkana, nir̀wwar̀ ṇna /// akāśemaṇdhalaṃprapyā, br̥öhmadwāramadāhr̥ĕtaṃ, agnimālaśuddhāśñaśca, śūnyāsthamantaniwindu /// dhatangpwayari

Leaf 15

Image on Archive.org

[᭑᭕ 15B] ᭑᭕ ᬤᬾᬰᬫᬡ᭄ᬥᬮ᭞ᬯᬸᬦ᭄ᬯᬸᬦᬦ᭄᭞ᬬᬩ᭄ᬭᬳ᭄ᬫᬵᬤ᭄ᬯᬭ᭞ᬗ᭞ᬇᬓᬢᬓᬩᬾᬄᬕ᭄ᬲᭂᬂᬤᬾᬦᬶᬂᬳᬧᬸᬬ᭄‌‌ᬭᬶᬂᬧᬸᬲᭂᬭ᭄᭞ᬳᬸᬯᬸᬲ᭄ᬧ᭄ᬯᬬᬕ᭄ᬲᭂᬂᬲᬳᬦᬦ᭄ᬬ᭞ᬢ᭄ᬓ ᬢᬬᬭᬶᬧᬵᬤᬪᬵᬝᬵᬭ᭞ᬇᬓᬢᬧᬤᬵᬢᬦᬦᬉᬢ᭄ᬢᬫᬮᬶᬂᬪᬝᬵᬭ᭛ᬚᬕᬲ᭄ᬯᬧ᭄ᬦᬜ᭄ᬘᬤᬶᬚ᭄ᬜᬾᬬᬄ᭞ᬲᬸᬲᬸᬧ᭄ᬢᬀᬧᬤᬫᬾᬯᬘ᭄ᬙᬵ᭞ᬓᬾᬯ ᬮ᭄ᬬᬀᬧ᭄ᬭᬫᬓᬾᬯᬮ᭄ᬬᬀ᭞ᬲᬧ᭄ᬢᬓᬰᬫᬶᬫᬸᬘ᭄ᬙ᭄ᬬᬵ᭛ᬳᬦᬚᬵ᭠ᬕ᭄ᬭᬧᬤᬵᬗᬭᬦ᭄ᬬᬵ᭞ᬳᬦᬲᬸᬲᬸᬧ᭄ᬢᬧᬤᬗᬭᬦ᭄ᬬ᭞ᬳᬦᬢᬹᬃᬬ᭄ᬬᬧᬤ᭄ᬥᬗ ᬭᬦ᭄ᬬᬵ᭞ᬳᬦᬓᬾᬯᬮ᭄ᬬᬵᬧᬤᬗᬭᬦ᭄ᬬᬵ᭞ᬳᬦᬧᬭᬫᬓᬾᬯᬮ᭄ᬬᬗᬭᬦ᭄ᬬᬵ᭞ᬳᬦᬢᬹᬃᬬ᭄ᬬᬵᬦ᭄ᬢᬵᬧᬤᬗᬭᬦ᭄ᬬᬵ᭛ᬇᬓᬵᬢ᭠ [᭑᭖ 16A] ᭑᭖ ᬓᬩᬾᬄ᭞ᬬᬲᬶᬦᬗ᭄ᬕᬸᬄᬲᬧ᭄ᬢᬵᬓᬰ᭞ᬗᬭᬦ᭄ᬬ᭞ᬅᬓᬵᬰᬧᬶᬢᬸ᭞ᬫᬗ᭄ᬓᬦᬯᬸᬯᬸᬲ᭄‌‌ᬪᬝᬵᬭᬭᬶᬲᬗ᭄ᬓᬸᬫᬭ᭛ᬓᬺᬢ᭄ᬢᬬᬸᬕᬚᬵᬕ᭄ᬭᬀᬧ᭄ᬭᭀᬓ᭄ᬢᬀ᭞ᬢᬾᬃ᭠ ᬢ᭄ᬢᬳᬀᬲ᭄ᬯᬧ᭄ᬦᬢᬀᬯᬶᬤᬸᬄ᭞ᬤ᭄ᬯᬵᬧᬭᬜ᭄ᬘᬲᬸᬲᬸᬧ᭄ᬢᬜ᭄ᬘ᭞ᬓᬮᬶᬢᬹᬃᬬ᭄ᬬᬫᬶᬳᬸᬘ᭄ᬙ᭄ᬬᬵᬢᬾ᭛ᬇᬓᬂᬚᬵᬕ᭄ᬭᬧᬤ᭞ᬬᬓᬺᬢ᭄ᬢᬗᬭᬦ᭄ᬬᬵ᭞ᬇᬓᬂᬲ᭄ᬯᬧ᭄ᬦᬧ᭠ ᬤ᭞ᬬᬢ᭄ᬭᬾᬢᬗᬭᬦ᭄ᬬ᭞ᬇᬓᬂᬲᬸᬲᬸᬧ᭄ᬢᬧᬥ᭞ᬬᬤ᭄ᬯᬧᬭᬗᬭᬦ᭄ᬬ᭞ᬇᬓᬂᬢᬹᬃᬬ᭄ᬬᬧᬥ᭞ᬬᬓᬵᬮᬶᬲᬗ᭄ᬳᬵᬭᬗᬭᬦ᭄ᬬᬵ᭛ᬦᬵᬪᬶᬫᬸᬮᬾ ᬪᬵᬯᬾᬢ᭄ᬚᬕ᭄ᬭᬀ᭞ᬲ᭄ᬯᬧ᭄ᬦᬳᬺᬤᬬᬫᬸᬘ᭄ᬬᬢ᭄ᬢᬾ᭞ᬳᬺᬤᬬᬦ᭄ᬢᬶᬲᬸᬲᬸᬧ᭄ᬢᬜ᭄ᬘ᭞ᬓᬵᬮᬶᬢᬹᬃᬬ᭄ᬬᬵᬫᬶᬉᬘ᭄ᬬᬢᬾ᭛ᬇᬓᬂᬚᬕ᭄ᬭᬧᬤ᭞ᬬᬓᬺᬢ᭄ᬢ

Auto-transliteration

[15 15B] 15 deśamaṇdhala, wunwunan, yabrahmādwara, nga, ikatakabeḥgsĕngdeninghapuyringpusĕr, huwuspwayagsĕngsahananya, tka tayaripādabhāṭāra, ikatapadātanana'uttamalingbhaṭāra /// jagaswapnañcadijñeyaḥ, susuptaṃpadamewacchā, kewa lyaṃpramakewalyaṃ, saptakaśamimucchyā /// hanajā‐grapadāngaranyā, hanasusuptapadangaranya, hanatūr̀yyapaddhanga ranyā, hanakewalyāpadangaranyā, hanaparamakewalyangaranyā, hanatūr̀yyāntāpadangaranyā /// ikāta‐ [16 16A] 16 kabeḥ, yasinangguḥsaptākaśa, ngaranya, akāśapitu, mangkanawuwusbhaṭārarisangkumara /// kr̥ĕttayugajāgraṃproktaṃ, ter̀‐ ttahaṃswapnataṃwiduḥ, dwāparañcasusuptañca, kalitūr̀yyamihucchyāte /// ikangjāgrapada, yakr̥ĕttangaranyā, ikangswapnapa‐ da, yatretangaranya, ikangsusuptapadha, yadwaparangaranya, ikangtūr̀yyapadha, yakālisanghārangaranyā /// nābhimule bhāwetjagraṃ, swapnahr̥ĕdayamucyatte, hr̥ĕdayantisusuptañca, kālitūr̀yyāmi'ucyate /// ikangjagrapada, yakr̥ĕtta

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org