Gaguritan Majapahit

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬵᬫᬲ᭄ᬯᬳ᭛᭜᭛ᬑᬀᬲ᭄ᬯᬲ᭄ᬢ᭄ᬬᬲ᭄ᬢᬸᬦᬵᬫᭀᬲᬶᬤ᭄ᬥᬀ᭞ᬳᬲᬸᬂᬧᬸᬓᬸᬮᬸᬦ᭄ᬜᬸᬦ᭄ᬤᬭᬶᬦ᭄᭞ᬪᬝᬭᬭᬵᬓ᭄ᬱᬓᬾᬂᬚᬕᬢ᭄᭞ᬲ᭄ᬯᬾᬘ᭄ᬙᬵᬧᬤᬸᬓᬗ᭄ᬮᬸᬕ᭄ᬭᬳᬶᬦ᭄᭞ᬓᬤᬶᬮᬗ᭄ᬕ᭄ᬬᬢᬶᬢ᭄ᬬᬂᬗᬗ᭄ᬕᬶᬢ᭄᭞ ᬩᬩᬤ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂᬓᬶᬤᬸᬂ᭞ᬯᬶᬢ᭄ᬫᬦᬄᬢᬶᬢ᭄ᬬᬗᬾᬲᬭᬵᬢ᭄᭞ᬗᬸᬭᬸᬓᬂᬲᬶᬓ᭄ᬬᬦ᭄ᬲᬸᬚᬢᬶ᭞ᬓᬤᬶᬧᬸᬭᬸᬦ᭄᭞ᬗᭂᬢᬸᬲ᭄ᬩᬩᬤ᭄ᬫᬘᬦ᭄ᬢᬸᬗᬦ᭄᭟ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳᬵ᭞ᬭᬶᬂᬲᬂᬗᬯᬘᬾᬦ᭄ᬧᬸᬦᬶᬓᬶ᭞ᬓᬤᬶᬧᬸᬭᬸᬦ᭄ᬢᬶᬢ᭄ᬬᬂᬧᭀ ᬗᬄ᭞ᬗᬗ᭄ᬕᬶᬢ᭄ᬕᬶᬢᬓᬤᬶᬫᬗ᭄ᬓᬶᬦ᭄᭞ᬧᬸᬧᬸᬄᬩᬯᭀᬲ᭄ᬜᬮᬶᬢ᭄ᬳᬶᬦ᭄ᬤᬶᬓ᭄᭞ᬮᬶᬧ᭄ᬬᬭᬶᬂᬲᬶᬓ᭄ᬬᬦᬾᬧᬸᬗ᭄ᬕᬸᬂ᭞ᬕᬸᬂᬲᬭᬢ᭄ᬧᬗ᭄ᬮᬸᬗ᭄ᬲᬸᬃᬢᬶᬢ᭄ᬬᬂ᭞ᬲ᭄ᬯᬾᬘ᭄ᬙᬵᬳᬶᬤᬤᬦᬾᬲᬫᬶ᭞ᬫᭀᬕᬶᬭᬢᬸ᭞ᬧ᭄ᬭᬫᬮᬾᬤᬂᬗᬫ᭄ᬧᬸᬭᬬᬂ᭟ᬦᬾᬫᬗ᭄ᬓᬶ ᬦ᭄ᬓᬯᬶᬢᬶᬦ᭄ᬢᬶᬢ᭄ᬬᬂ᭞ᬤᬕᬶᬂᬩᬩᬤᬾᬓᬧᬗ᭄ᬕᬶᬄ᭞ᬰ᭄ᬭᬷᬅᬬᬫᬸᬭᬸᬓ᭄ᬳᬶᬦᬸᬘᬧ᭄᭞ᬚᬸᬫᭂᬦᭂᬂᬭᬶᬂᬫᬚᬧᬳᬶᬢ᭄᭞ᬓᬲᬗ᭄ᬕ᭄ᬭᬭᬶᬂᬫᬳᬵᬧᬢᬶᬄ᭞ᬲᬂᬕᬚᬄᬫᬤᬓᬯᬸᬯᬸᬲ᭄᭞ᬧᬢᬶᬄᬰᬓ᭄ᬢᬶᬫᬯᬶᬰᬾᬱ᭞ᬳᬢ᭄ᬯᬂᬦᬧᬓ᭄ [᭒ 2A] ᭒ ᬲᬶᬢᬶᬪᬓ᭄ᬢᬶ᭞ᬭᬶᬂᬲᬂᬧ᭄ᬭᬪᬹ᭞ᬢᬩᭂᬂᬚᬕᬢ᭄ᬯᬶᬮᬢᬶᬓ᭄ᬢ᭟ᬲᬶᬭᬦᬵᬣᬯᬶᬮᬢᬶᬓ᭄ᬢ᭞ᬓᬲᬶᬯᬶᬧᬭᬪᬸᬧᬢᬶ᭞ᬲᬶᬭᬢᬓᬸᬫᬯᬲᬓᭂᬦ᭄᭞ᬧᬡ᭄ᬥᬦ᭄ᬲᬯᬓᬸᬂᬮᬦ᭄ᬓᭀᬘᬶ᭞ᬢᬜ᭄ᬚᬸᬂᬧᬸᬭᬫᬶᬯᬄᬩᬮᬶ᭞ᬧᬸᬦᬶᬓᬓᬧ᭄ᬯᬲᬸ ᬫᬸᬬᬸᬕ᭄᭞ᬤᬺᬤ᭄ᬥᬪᬓ᭄ᬢᬶᬜᬗ᭄ᬕ᭄ᬭᬲᬶᬭ᭞ᬲᬳᬗᬢᬸᬭᬗᬸᬢ᭄ᬧᭂᬢᬶ᭞ᬦᭀᬭᬧᬸᬭᬸᬦ᭄᭞ᬯᬶᬯᬮ᭄ᬭᬶᬂᬳᬗ᭄ᬕᬦ᭄ᬲᬂᬦᬵᬣ᭟ᬚᬕᬢᬾᬓᭂᬃᬢ᭄ᬢᬭᬳᬃᬚ᭄ᬚ᭞ᬓᬂᬢᬶᬦᬦ᭄ᬤᬸᬃᬲᬃᬯ᭄ᬯᬦᬤᬶ᭞ᬓᬂᬢᬶᬦᬸᬓᬸᬲᬃᬯ᭄ᬯᬫᬸᬭᬄ᭞ᬧᬜ᭄ᬚᬓᬾᬲᬫᬶ ᬧᬓᭂᬜᬶᬂ᭞ᬗᭂᬫᬗ᭄ᬕᬸᬳᬶᬦ᭄ᬮᬶᬳᬂᬳᬢᬶ᭞ᬳᬶᬫᬮᬶᬂᬮᬮᬶᬫᬫᬦ᭄ᬤᬸᬂ᭞ᬲᬫᬶᬳᬦ᭄ᬢᭂᬂᬗᬫ᭄ᬩᬶᬮ᭄ᬓᬃᬬ᭄ᬬ᭞ᬤᬗᬦ᭄ᬫᬫᬗ᭄ᬕᬸᬳᬶᬦ᭄ᬪᬸᬓ᭄ᬢᬶ᭞ᬳᬸᬭᬶᬧ᭄ᬮᬡ᭄ᬥᬸᬄ᭞ᬧᬜ᭄ᬚᬓ᭄ᬰᬓ᭄ᬢᬶᬭᬢᬸᬲ᭄ᬯᬾᬘ᭄ᬙᬵ᭟ᬯᬾᬥᬢᬢ᭄ᬯᬫ᭄ᬯᬗᬕᬫ᭞ᬧᬸᬦᬶᬓᬲᬫᬶᬓᬳᬧ᭄ᬢᬶ ᭞ᬲᬳᬶᬢ᭄ᬬᬲᬂᬭᬳᬬᬤ᭄ᬜ᭞ᬲᬳᬦᬦᬶᬂᬲᬦᬾᬮᬸᬯᬶᬄ᭞ᬳᬶᬦ᭄ᬤ᭄ᬭᬮᭀᬓᬢᬸᬯᬶᬚᬢᬶ᭞ᬯᬶᬮᬢᬶᬓ᭄ᬢᬦᬾᬓᬯᬸᬯᬸᬲ᭄᭞ᬳᬦ᭄ᬢᬸᬓ᭄ᬲ᭄ᬯᬥᬃᬫ᭄ᬫᬦ᭄ᬲᬂᬦᬵᬣ᭞ᬗᬫᭀᬂᬚᬕᬢ᭄ᬢᭂᬳᭂᬃᬚᬢᬶ᭞ᬢᬸᬳᬸᬓᬸᬓᬸᬄ᭞ᬗᬦᬹᬢᬶ

Auto-transliteration

[1 1B] 1 /// • /// oṁawighnamāstunāmaswaha /// • /// oṃswastyastunāmosiddhaṃ, hasungpukulunñundarin, bhaṭararākṣakengjagat, swecchāpadukanglugrahin, kadilanggyatityangnganggit, babad'hanggentityangkidung, witmanaḥtityangesarāt, ngurukangsikyansujati, kadipurun, ngĕtusbabadmacantungan. tityangmamitanglugrahā, ringsangngawacenpuniki, kadipuruntityangpo ngaḥ, nganggitgitakadimangkin, pupuḥbawosñalit'hindik, lipyaringsikyanepunggung, gungsaratpanglungsur̀tityang, swecchāhidadanesami, mogiratu, pramaledangngampurayang. nemangki nkawitintityang, dagingbabadekapanggiḥ, śrī'ayamuruk'hinucap, jumĕnĕngringmajapahit, kasanggraringmahāpatiḥ, sanggajaḥmadakawuwus, patiḥśaktimawiśeṣa, hatwangnapak [2 2A] 2 sitibhakti, ringsangprabhū, tabĕngjagatwilatikta. siranāthawilatikta, kasiwiparabhupati, siratakumawasakĕn, paṇdhansawakunglankoci, tañjungpuramiwaḥbali, punikakapwasu muyug, dr̥ĕddhabhaktiñanggrasira, sahangaturangutpĕti, norapurun, wiwalringhanggansangnātha. jagatekĕr̀ttarahar̀jja, kangtinandur̀sar̀wwanadi, kangtinukusar̀wwamuraḥ, pañjakesami pakĕñing, ngĕmangguhinlihanghati, himalinglalimamandung, samihantĕngngambilkar̀yya, danganmamangguhinbhukti, huriplaṇdhuḥ, pañjakśaktiratuswecchā. wedhatatwamwangagama, punikasamikahapti , sahityasangrahayadña, sahananingsaneluwiḥ, hindralokatuwijati, wilatiktanekawuwus, hantukswadhar̀mmansangnātha, ngamongjagattĕhĕr̀jati, tuhukukuḥ, nganūti

Leaf 2

Image on Archive.org

[᭒ 2B] ᭒ ᬦ᭄ᬤᬕᬶᬗᬕᬫ᭟ᬢᬸᬳᬸᬲᬢ᭄ᬭ᭄ᬬᬤᬍᬫ᭄ᬲᬶᬭ᭞ᬩᬕᬸᬲ᭄ᬳᬘᬺᬂᬰ᭄ᬭᬷᬪᬹᬧᬢᬶ᭞ᬳᬗ᭄ᬕᬜᭂᬧᭂᬓ᭄ᬲᭂᬋᬗ᭄ᬕᬭ᭞ᬘᬃᬫ᭄ᬫᬦᬶᬤᬜᬦ᭄ᬤᬢ᭄ᬕᬥᬶᬂ᭞ᬩᬯᭀᬲ᭄ᬩᬦ᭄ᬩᬦ᭄ᬗᭂᬢᬸᬲᬢᬶ᭞ᬜᬸᬜᬸᬭᬾᬗᬲᭀᬭᬂᬫᬥᬸ᭞ᬳᬧᭂᬓᬶᬓ᭄ᬫᬯᬸᬯᬸᬄᬧ᭄ᬭ ᬤ᭄ᬜᬦ᭄᭞ᬢᬦ᭄ᬓᭂᬦᬶᬳᬦ᭄ᬢᬸᬓ᭄ᬜᭂᬤᬦᬶᬦ᭄᭞ᬬᬸᬓ᭄ᬢᬶᬳᬤᬸᬂ᭞ᬫᬤᭂᬕ᭄ᬭᬢᬸᬯᬶᬮᬢᬶᬓ᭄ᬢ᭟ᬧᬸᬭᬶᬳᬕᬸᬂᬤᬸᬫᬶᬮᬄ᭞ᬓᬳᬶᬢᭂᬭᬶᬦ᭄ᬢᬫᬦ᭄ᬲᬭᬶ᭞ᬢᬭᬸᬡᬶᬮᬦ᭄ᬢ᭄ᬭᬸᬡᬩᬸᬗ᭞ᬲᬫᬶᬫᬗᬢᬸᬭᬂᬪᬓ᭄ᬢᬶ᭞ᬳᬶᬕᬸᬫ᭄ᬗᬬᬄᬭᬶᬂᬚ᭄ᬭᭀᬧᬸᬭᬶ᭞ᬗ ᬫ᭄ᬩᬶᬮ᭄ᬓᬃᬬ᭄ᬬᬮᬶᬦ᭄ᬢᬂᬧᬸᬕᬸᬄ᭞ᬮᬓ᭄ᬱᬡᬢᬸᬳᬸᬮᬰ᭄ᬘᬃᬬ᭄ᬬ᭞ᬫᬦᬄᬦ᭄ᬬᬢᭂᬳᭂᬃᬲᬸᬪᬓ᭄ᬢᬶ᭞ᬜᬶᬯᬶᬜᬸᬗ᭄ᬲᬸᬂ᭞ᬲᬂᬦᬵᬣᬚᬦᬦᬸᬭᬕ᭟ᬳᬤᭀᬄᬳᬶᬤᬚᬢᬸᬓᬃᬫ᭄ᬫ᭞ᬤᬾᬭᬾᬂᬳᬶᬤᬫᭀᬮᬶᬄᬧᬸᬢ᭄ᬭᬶ᭞ᬭᬶᬯᬯᭂᬗ᭄ᬓᭀᬦ᭄ᬚᬕᬢ᭄ᬳᬶᬤ᭞ᬢ ᬦᬦᬲᬶᬭᬫᬫᬗ᭄ᬕᬶᬄ᭞ᬫᭂᬭᬶᬄᬲᬭᬶᬦ᭄ᬧᬸᬱ᭄ᬧᬦ᭄ᬩᬸᬤ᭄ᬥᬶ᭞ᬳᬗ᭄ᬕᬾᬦ᭄ᬫᬦᭂᬤᬸᬳᬶᬦ᭄ᬓᬬᬸᬦ᭄᭞ᬗᭂᬫ᭄ᬩᬦ᭄ᬳᬶᬤᬗᬫᭀᬂᬚᬕᬢ᭄᭞ᬓᬃᬬ᭄ᬬᬳᬕᬸᬂᬫᬳᬵᬲᬸᬓᬶᬮ᭄᭞ᬓᬮᬲᬸᬗ᭄ᬲᬸᬢ᭄᭞ᬲᬬᬂᬢᬦ᭄ᬯᬾᬦ᭄ᬢᭂᬦ᭄‌ᬗ᭄ᬮᬶᬧᬸᬭᬂ᭟ᬧᬶᬲᬭ [᭓ 3A] ᭓ ᬢ᭄ᬳᬃᬱᬦ᭄ᬲᬂᬦᬵᬣ᭞ᬫᬫ᭄ᬭᬶᬳᬶᬂᬧᬓᬸᬦᬶᬂᬧᬸᬭᬶ᭞ᬧᬸᬢ᭄ᬭᬶᬳᬬᬸᬯᬶᬘᬓ᭄ᬱᬡ᭞ᬳᬦᬹᬢ᭄ᬧᬰ᭄ᬘᬤ᭄ᬰᬷᬮᬓ᭄ᬭᬫᬶ᭞ᬫᬓᬢᬸᬲ᭄ᬦᬶᬂᬘᬶᬢ᭄ᬢᬩᬸᬤ᭄ᬥᬶ᭞ᬧᬮᬸᬗ᭄ᬕᬸᬄᬳᬶᬤᬲᬂᬧ᭄ᬭᬪᬸ᭞ᬕᭂᬦᬄᬫᬢᭂᬤᬸᬳᬂᬘᬶᬢ᭄ᬢ᭞ᬭᬶᬓᬵᬮᬲᬶᬭᬳᬫᬗ᭄ᬕᬶᬄ᭞ᬓᬬᬸᬦ᭄ᬲᬸ ᬗ᭄ᬲᬸᬢ᭄᭞ᬲᬗᬬᬸᬧᬶᬦᬓᬢᬫ᭄ᬩᬵ᭟ᬳᬶᬤᬗᬸᬢᬸᬲ᭄ᬚᬸᬭᬸᬭᬾᬓᬄᬜᬢᬸᬃᬤᬾᬰᬫᬫ᭄ᬭᬶᬄᬧᬸᬢ᭄ᬭᬶ᭞ᬧᬘᬂᬫᬗᬃᬤ᭄ᬥᬶᬦᬶᬦ᭄ᬕᬫ᭄ᬩᬃ᭞ᬲᬶᬭᬳᬬᬸᬲᬂᬓᬧᬗ᭄ᬕᬶᬄ᭞ᬧ᭄ᬭᬬᬓᬢᬹᬃᬭᬶᬂᬦᬺᬧᬢᬶ᭞ᬲᬂᬦᬵᬣᬰ᭄ᬭᬶᬅᬬᬫᬸᬭᬸᬓ᭄᭞ᬫᬶ ᬦᬩ᭄ᬢᬫᬜ᭄ᬚᬶᬂᬭᬶᬗᬃᬱ᭞ᬧᬘᬂᬓᬮᬶᬗ᭄ᬕᬶᬳᬂᬧ᭄ᬭᬫᬶ᭞ᬭᬶᬯᬸᬲ᭄ᬧᬸᬧᬸᬢ᭄᭞ᬧᭀᬮᬦᬾᬕᭂᬮᬶᬲ᭄ᬓᬳᬢᬸᬭᬂ᭟ᬤᭀᬄᬮᬾᬫ᭄ᬧᬲ᭄ᬭᬶᬂᬓᬬᬸᬦ᭄ᬳᬶᬤ᭞ᬧᬸᬢ᭄ᬭᬶᬦᬾᬭᬶᬂᬕᬫ᭄ᬩᬃᬓᬫ᭄ᬧᬶᬄ᭞ᬢᬦᬦᬫᬜ᭄ᬚᬶᬂᬭᬶᬂᬘᬶᬢ᭄ᬢ᭞ᬧᬩ᭄ᬮᭂᬲᭂᬓ᭄ᬓᬶᬧᬢᬶᬄᬲᬫᬶ ᭞ᬧᬶᬲᬭᬢ᭄ᬫᬫᭂᬭᬶᬄᬧᬸᬢ᭄ᬭᬶ᭞ᬓᬤᬶᬦᬶᬂᬳᬃᬱᬦ᭄ᬲᬂᬧ᭄ᬭᬪᬸ᭞ᬲᬕᬾᬢ᭄ᬯᬾᬦ᭄ᬢᭂᬦ᭄ᬭᬯᬸᬄᬕᬢ᭄ᬭ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬧᬸᬢ᭄ᬭᬶᬮᬸᬯᬶᬄ᭞ᬮᬶᬲ᭄ᬢᬸᬳᬬᬸ᭞ᬧᬸᬢ᭄ᬭᬦ᭄ᬲᬶᬭᬧ᭄ᬭᬪᬸᬲᬸᬡ᭄ᬥ᭟ᬗᬕᬯᭀᬓᬶᬦ᭄ᬫᬦᬹᬢ᭄ᬕᬢ᭄ᬭ᭞ᬳᬬᬸᬦᬾ

Auto-transliteration

[2 2B] 2 ndagingagama. tuhusatryadal̥ĕmsira, bagushacr̥ĕngśrībhūpati, hanggañĕpĕksĕr̥ĕnggara, car̀mmanidañandatgadhing, bawosbanbanngĕtusati, ñuñurengasorangmadhu, hapĕkikmawuwuḥpra dñan, tankĕnihantukñĕdanin, yuktihadung, madĕgratuwilatikta. purihagungdumilaḥ, kahitĕrintamansari, taruṇilantruṇabunga, samimangaturangbhakti, higumngayaḥringjropuri, nga mbilkar̀yyalintangpuguḥ, lakṣaṇatuhulaścar̀yya, manaḥnyatĕhĕr̀subhakti, ñiwiñungsung, sangnāthajananuraga. hadoḥhidajatukar̀mma, derenghidamoliḥputri, riwawĕngkonjagat'hida, ta nanasiramamanggiḥ, mĕriḥsarinpuṣpanbuddhi, hanggenmanĕduhinkayun, ngĕmbanhidangamongjagat, kar̀yyahagungmahāsukil, kalasungsut, sayangtanwentĕnnglipurang. pisara [3 3A] 3 t'har̀ṣansangnātha, mamrihingpakuningpuri, putrihayuwicakṣaṇa, hanūtpaścadśīlakrami, makatusningcittabuddhi, palungguḥhidasangprabhu, gĕnaḥmatĕduhangcitta, rikālasirahamanggiḥ, kayunsu ngsut, sangayupinakatambā. hidangutusjururekaḥñatur̀deśamamriḥputri, pacangmangar̀ddhinin'gambar̀, sirahayusangkapanggiḥ, prayakatūr̀ringnr̥ĕpati, sangnāthaśri'ayamuruk, mi nabtamañjingringar̀ṣa, pacangkalinggihangprami, riwuspuput, polanegĕliskahaturang. doḥlempasringkayunhida, putrineringgambar̀kampiḥ, tananamañjingringcitta, pablĕsĕkkipatiḥsami , pisaratmamĕriḥputri, kadininghar̀ṣansangprabhu, sagetwentĕnrawuḥgatra, kocapwentĕnputriluwiḥ, listuhayu, putransiraprabhusuṇdha. ngagawokinmanūtgatra, hayune

Leaf 3

Image on Archive.org

[᭓ 3B] ᭓ ᬢᬦ᭄ᬓᬤᬶᬓᬤᬶ᭞ᬧᬶᬢᬮᭀᬓᬗᬭᬦ᭄ᬲᬶᬭ᭞ᬗᬸᬮᬗᬸᬦᬶᬦ᭄ᬗᭂᬢᬸᬲ᭄ᬳᬢᬶ᭞ᬳᬶᬤᬤᬦᬾᬲᬂᬫᬫᬗ᭄ᬕᬶᬄ᭞ᬳᬓ᭄ᬯᬾᬄᬧᬭᬭᬢᬸᬮᬸᬮᬸᬢ᭄᭞ᬲᬫᬶᬲᬭᬢ᭄ᬫᬫᬸᬳᬢᬂ᭞ᬜᬤ᭄ᬬᬗᬗ᭄ᬕᬾᬦ᭄ᬲᭂᬓᬃᬲᬸᬦ᭄ᬢᬶᬂ᭞ᬫᭂᬢᬸᬳᬶᬩᬸᬓ᭄᭞ ᬫᬗᬭᬧ᭄ᬲᬗᬬᬸᬤ᭄ᬬᬄ᭟ᬰ᭄ᬭᬷᬅᬬᬫ᭄ᬫᬸᬭᬸᬓ᭄ᬳᬶᬦᬸᬘᬧ᭄᭞ᬧᬶᬲᬭᬢ᭄ᬓᬬᬸᬦᬾᬫᬗ᭄ᬓᬶᬦ᭄᭞ᬫᬗᬸᬢᬸᬲ᭄ᬳᬶᬚᬸᬭᬸᬕᬫ᭄ᬩᬃ᭞ᬗᬃᬤ᭄ᬥᬶᬕᬫ᭄ᬩᬃᬭᬤᬾᬦ᭄ᬤᬾᬯᬶ᭞ᬧᬶᬢᬮᭀᬓᬓᬲᬸᬩ᭄ᬩᬗ᭄ᬓᬶᬢ᭄᭞ᬫᬦᬹᬢ᭄ᬕᬢ᭄ᬭᬦᬾᬓᬧᬗ᭄ᬕᬸᬄ᭞ᬕᭂᬮᬶᬲᬂᬧᬸᬦᬂᬘ ᬭᬶᬢ᭞ᬓᬂᬤᬶᬦᬸᬢ᭄ᬢᬯᬸᬲ᭄ᬫᬫᬃᬕ᭄ᬕᬶ᭞ᬜᬤ᭄ᬬᬭᬯᬸᬄ᭞ᬫᬗᬸᬗ᭄ᬲᬶᬲᬸᬡ᭄ᬥᬦᬵᬕᬭ᭟ᬧᬶᬭᬂᬤᬶᬦ᭄ᬢᭂᬦ᭄ᬧᬫᬃᬕ᭄ᬕᬶᬦ᭄ᬜ᭞ᬢᬦ᭄ᬓᬘ᭄ᬭᬶᬢᬬᬂᬳᬶᬭᬶᬓᬶ᭞ᬫᬸᬗ᭄ᬕᬄᬩᬶᬳᬶᬢᬫᬮᬬᬃ᭞ᬢᬶᬩᬭᬶᬂᬲᬸᬡ᭄ᬥᬦᬕᬭᬶ᭞ᬤᬶᬕᭂᬮᬶᬲ᭄ᬓ ᬘ᭄ᬭᬶᬢᬫᬗ᭄ᬓᬶᬦ᭄᭞ᬕᬫ᭄ᬩᬭᬾᬘᬸᬫᬯᬶᬲ᭄ᬧᬸᬧᬸᬢ᭄᭞ᬢ᭄ᬯᬶᬧᬢᭂᬄᬢᬦᬦᬮᬾᬫ᭄ᬧᬲ᭄᭞ᬭᬶᬗᬶᬤᬲᬂᬓᬤᬶᬭᬢᬶᬄ᭞ᬢᬸᬳᬸᬳᬬᬸ᭞ᬫᬦᬹᬢ᭄ᬓᬤᬶᬤᬕᬶᬂᬕᬢ᭄ᬭ᭟ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭞ᬲᬶᬭᬦᬵᬣᬓᬢᬗ᭄ᬓᬶᬮᬶᬦ᭄᭞ [᭔ 4A] ᭔ ᬩᬳᬸᬤᬡ᭄ᬥᬭᬶᬂᬧᬲᬾᬪᬦ᭄᭞ᬲᬳᬵᬧᬢᬶᬄᬢᬡ᭄ᬥᬫᬦ᭄ᬢ᭄ᬭᬶ᭞ᬳᬶᬦᬸᬘᬧ᭄ᬢᬍᬃᬳᬶᬭᬶᬓᬶ᭞ᬓᬲᬋᬗᬶᬦ᭄ᬲᬶᬭᬧ᭄ᬭᬪᬸ᭞ᬭᬢᬸᬓᬳᬸᬭᬶᬧᬦ᭄ᬤᭂᬳ᭞ᬧᬫᬦ᭄ᬳᬶᬤᬫᬓᬓᬮᬶᬄ᭞ᬲᬫᬶᬳᬶᬕᬸᬫ᭄᭞ᬲᬭᬢ᭄ᬗᬦ᭄ᬢᭀᬲ᭄ᬓᬂᬤᬶᬦᬸᬢ᭄ᬢ ᭟ᬤᬸᬢ᭄ᬢᬦ᭄ᬲᬂᬦᬵᬣᬯᬸᬲ᭄ᬧ᭄ᬭᬧ᭄ᬢ᭞ᬲᬳᬤᬦᬾᬫᬗᬜ᭄ᬚᬮᬶ᭞ᬗᬤ᭄ᬧᬤᬗᬢᬸᬭᬂᬕᬫ᭄ᬩᬃ᭞ᬭᬾᬓᬦ᭄ᬳᬶᬤᬭᬤᬾᬦ᭄ᬤᬾᬯᬶ᭞ᬫᬓᭂᬩ᭄ᬬᬄᬭᬶᬂᬳᬗᭂᬦ᭄ᬚᬢᬶ᭞ᬕᬕᬾᬲᭀᬦᬦ᭄ᬲᬶᬭᬧ᭄ᬭᬪᬸ᭞ᬦᬫ᭄ᬧᬾᬦᬶᬦ᭄ᬳᬸᬢᬸᬲᬦ᭄ᬳᬶᬤ᭞ᬲᬶᬤ᭄ᬥᬤᬶᬕᭂ ᬮᬶᬲ᭄ᬓᬧᬗ᭄ᬕᬶᬄ᭞ᬧᭀᬮᬳᬶᬓᬸ᭞ᬧᬸᬱ᭄ᬧᬦ᭄ᬚᬕᬢᬾᬭᬶᬂᬲᬸᬡ᭄ᬥ᭟ᬓᬕ᭄ᬬᬢ᭄ᬓᬬᬸᬦᬾᬫᬜᬶᬗᬓ᭄᭞ᬕᬫ᭄ᬩᬭᬾᬓᬮᬶᬂᬮᬶᬂᬧᬱ᭄ᬝᬶ᭞ᬧᬶᬢᬮᭀᬓᬲᭂᬓᬃᬲᬸᬡ᭄ᬥ᭞ᬦᬸᬤᬸᬢ᭄ᬓᬬᬸᬦ᭄ᬦᬭᬧᬢᬶ᭞ᬦᬢᬦ᭄ᬧᬲᬄᬫᬗᭂᬮᬶᬂᬮᬶᬂ ᭞ᬲᬬᬦ᭄ᬮᬶᬂᬮᬶᬂᬲᬬᬦ᭄ᬮᬸᬮᬸᬢ᭄᭞ᬮᬸᬮᬸᬢᬾᬢᭀᬂᬲᬶᬤ᭄ᬥᬧᬹᬃᬡ᭄ᬦ᭞ᬫᭂᬢᬸᬚ᭄ᬭᭀᬦᬶᬂᬘᬶᬢ᭄ᬢᬧᬱ᭄ᬝᬶ᭞ᬳᬤᬶᬕᬮᬸᬄ᭞ᬩᭂᬮᬶᬜᬤ᭄ᬬᬗᭂᬢᭀᬳᬂᬚᬶᬯ᭟ᬳᬢ᭄ᬫᬚᬶᬯᬦ᭄ᬩᭂᬮᬶᬯ᭞ᬧᬶᬭᬫᬲᬩᭂᬮᬶᬧᬮᬶᬂ᭞ᬫᬜ᭄ᬮᬂᬜ᭄ᬮᬓ᭄ᬧᬓ᭄ᬫᬜᬢᬸᬃ

Auto-transliteration

[3 3B] 3 tankadikadi, pitalokangaransira, ngulanguninngĕtushati, hidadanesangmamanggiḥ, hakweḥpararatululut, samisaratmamuhatang, ñadyanganggensĕkar̀sunting, mĕtuhibuk, mangarapsangayudyaḥ. śrī'ayammuruk'hinucap, pisaratkayunemangkin, mangutushijurugambar̀, ngar̀ddhigambar̀radendewi, pitalokakasubbangkit, manūtgatranekapangguḥ, gĕlisangpunangca rita, kangdinuttawusmamar̀ggi, ñadyarawuḥ, mangungsisuṇdhanāgara. pirangdintĕnpamar̀gginña, tankacritayanghiriki, munggaḥbihitamalayar̀, tibaringsuṇdhanagari, digĕliska critamangkin, gambarecumawispuput, twipatĕḥtananalempas, ringidasangkadiratiḥ, tuhuhayu, manūtkadidaginggatra. punggĕlangpunangcarita, siranāthakatangkilin, [4 4A] 4 bahudaṇdharingpasebhan, sahāpatiḥtaṇdhamantri, hinucaptal̥ĕr̀hiriki, kasar̥ĕnginsiraprabhu, ratukahuripandĕha, pamanhidamakakaliḥ, samihigum, saratngantoskangdinutta . duttansangnāthawusprapta, sahadanemangañjali, ngadpadangaturanggambar̀, rekanhidaradendewi, makĕbyaḥringhangĕnjati, gagesonansiraprabhu, nampeninhutusanhida, siddhadigĕ liskapanggiḥ, polahiku, puṣpanjagateringsuṇdha. kagyatkayunemañingak, gambarekalinglingpaṣṭi, pitalokasĕkar̀suṇdha, nudutkayunnarapati, natanpasaḥmangĕlingling , sayanlinglingsayanlulut, lulutetongsiddhapūr̀ṇna, mĕtujroningcittapaṣṭi, hadigaluḥ, bĕliñadyangĕtohangjiwa. hatmajiwanbĕliwa, piramasabĕlipaling, mañlangñlakpakmañatur̀

Leaf 4

Image on Archive.org

[᭔ 4B] ᭔ ᬤᬾᬰ᭞ᬯᬯᬸᬫᬗ᭄ᬓᬶᬦ᭄ᬲᬤ᭄ᬬᬧᬗ᭄ᬕᬶᬄ᭞ᬳᬢ᭄ᬫᬚᬶᬯᬦ᭄ᬩᭂᬮᬶᬳᬤᬶ᭞ᬫᬶᬦᬩ᭄ᬢ᭄ᬯᬭᬲᬶᬤ᭄ᬥᬳᬶᬤᬸᬧ᭄᭞ᬬᬾᬦᬶᬂᬳᬶᬤᬾᬯᬢᬦ᭄ᬲ᭄ᬯᬾᬘ᭄ᬘᬵ᭞ᬜᬮᬸᬤ᭄ᬮᬭᬦ᭄ᬩᭂᬮᬶᬫᬗ᭄ᬓᬶᬦ᭄᭞ᬩᭂᬮᬶᬫᬸᬧᬸᬢ᭄᭞ᬧᬸᬧᬸᬢᬂᬚᬲᬸᬩᬧᭂᬚᬄ᭟ᬫᬦᬄ ᬩ᭄ᬮᬶᬢᭀᬂᬲᬶᬤ᭄ᬥᬧᬹᬃᬡ᭄ᬦ᭞ᬬᬦᬤᬶᬢᬦ᭄ᬫᬦᬶᬩᬓᬶᬦ᭄᭞ᬦᬶᬩᬓᬶᬦ᭄ᬢᬶᬃᬣᬧᬗ᭄ᬮᬸᬓᬢ᭄᭞ᬳᬶᬮᬭᬭᬶᬂᬓᬯᬄᬕᭂᬦᬶ᭞ᬲ᭄ᬯᬾᬘ᭄ᬘᬵᬳᬤᬶᬫᬦᬫ᭄ᬩᬦᬶᬦ᭄᭞ᬗ᭄ᬮᬸᬕ᭄ᬭᬳᬶᬦ᭄ᬢᬫ᭄ᬩᬳᬶᬩᬸᬤᬸᬄ᭞ᬩᬸᬤᬸᬄᬫᬦᬄᬭᬶᬂᬳᬶᬤᬾᬯᬵ᭞ᬳᬶᬤᬾᬯ ᬉᬱᬥᬚᬢᬶ᭞ᬳᬗ᭄ᬕᬾᬦ᭄‌ᬗ᭄ᬮᭂᬩᬸᬃ᭞ᬧᬗ᭄ᬮᭂᬩᬸᬃᬤᬸᬄᬓᬶᬢᬦ᭄ᬫᬦᬄ᭟ᬲᬧᬸᬦᬶᬓᬵᬓᬬᬸᬦ᭄ᬳᬶᬤ᭞ᬲᬚ᭄ᬭᭀᬦᬶᬂᬳᬤ᭄ᬜᬦᬚᬢᬶ᭞ᬘᬶᬳ᭄ᬦᬬᬸᬓ᭄ᬢᬶᬭᬶᬂᬲ᭄ᬯᬪᬵᬯ᭞ᬧ᭄ᬭᬭᬳᬶᬦᬾᬓᭂᬘᬸᬤ᭄ᬓᬸᬦᬶᬂ᭞ᬭᬲᬳᬶᬤᬢᬦ᭄ᬧᬕᬮᬶᬄ᭞ᬘ ᬘᬶᬗᬓᬾᬫᭂᬢᬸᬋᬤᬸᬧ᭄᭞ᬫᬯᬘᬦᬲᬳᬩᬦ᭄ᬩᬦ᭄᭞ᬭᬢᬸᬳᬚᬶᬫᬓᬓᬵᬮᬶᬄ᭞ᬤᬸᬭᬸᬲ᭄ᬭᬢᬸ᭞ᬲᬶᬤ᭄ᬥᬫᭀᬮᬶᬄᬫᬦᬄᬢᬶᬢ᭄ᬬᬂ᭟ᬓᭂᬦᬶᬳᬚᬶᬫᬜᬭᬢᬂ᭞ᬦᬫ᭄ᬩᬦᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬫᬦᬄᬢᬶᬢ᭄ᬬᬂᬮᬶ [᭕ 5A] ᭕ ᬦ᭄ᬢᬂᬲᬭᬵᬢ᭄᭞ᬫᬗ᭄ᬤᬧᬹᬃᬡ᭄ᬦᬓᬤᬶᬚᬢᬶ᭞ᬧᬶᬢᬮᭀᬓᬲᬶᬤ᭄ᬥᬓᭂᬦᬶ᭞ᬳᬶᬤᬢᬫ᭄ᬩᬦ᭄ᬢᬶᬢ᭄ᬬᬂᬭᬢᬸ᭞ᬬᬦᬦᬯᭀᬂᬧᬸᬭᬸᬦ᭄ᬯᬶᬯᬮ᭄᭞ᬮᬰ᭄ᬘᬃᬬ᭄ᬬᬦᬦᬓ᭄ᬦᬦ᭄ᬤᬶᬗᬶᬦ᭄᭞ᬬᬦ᭄ᬢᬦ᭄ᬋᬫᬸᬓ᭄᭞ᬫᬦᬳᬾᬢᭀᬂᬲᬶᬤ᭄ᬥᬧᬹᬃᬡ᭄ᬦ᭟ᬲᭂᬤᬸ ᬓᬾᬧᬹᬃᬡ᭄ᬦᬬᬂᬩᭀᬕ᭞ᬦᬶᬤ᭄ᬭᬦᬾᬧᬹᬃᬡ᭄ᬦᬬᬂᬳᬭᬶᬧ᭄᭞ᬓᬲᬢᬦ᭄ᬧᬹᬃᬡ᭄ᬦᬬᬂᬢᭀᬬ᭞ᬕᭂᬭᬶᬂᬦᬦᬓ᭄ᬓᬤᬶᬫᬗ᭄ᬓᬶᬦ᭄᭞ᬭᬢᬸᬳᬚᬶᬫᬓᬬᬸᬦᬶᬦ᭄᭞ᬓᭂᬦᬶᬳᬸᬭᬶᬢᬶᬢ᭄ᬬᬂᬮᬦ᭄ᬤᬸᬄ᭞ᬧᬢᬸᬢ᭄ᬳᬚᬶᬫᬜᬭᬢᬂ᭞ᬗᬯᬶ ᬮᬗᬶᬦ᭄ᬲᬋᬂᬲᬫᬶ᭞ᬢᬶᬢ᭄ᬬᬂᬫᬸᬧᬸᬢ᭄᭞ᬦᬦ᭄ᬤᬗᬶᬦ᭄ᬫᬩᬾᬮᬧᭂᬚᬄ᭟ᬲᬶᬭᬧ᭄ᬭᬪᬸᬫᬗ᭄ᬮᬦ᭄ᬢᬸᬭᬂ᭞ᬗᭂᬲᬾᬗᬶᬦ᭄ᬓᬶᬕᬸᬲ᭄ᬢᬶᬧᬢᬶᬄ᭞ᬧᬢᬶᬄᬫᬤᬓᬦᬶᬓᬬᬂ᭞ᬲᬶᬤ᭄ᬥᬤᬶᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬓᬳᬸᬢᬸᬲ᭄ᬧ᭄ᬭᬬᬫᬦᬗ᭄ᬓᬶᬮ᭄᭞ᬭᬶᬂᬧᬮᬸ ᬗ᭄ᬕᬸᬄᬲᬶᬭᬧ᭄ᬭᬪᬸ᭞ᬓᬶᬦᬢ᭄ᬯᬂᬭᬶᬂᬚᬕᬢ᭄ᬲᬸᬡ᭄ᬥ᭞ᬧ᭄ᬭᬬᬗ᭄ᬮᬫᬃᬭᬤᬾᬦ᭄ᬤᬾᬯᬶ᭞ᬲᬶᬤ᭄ᬥᬕᬸᬧᬸᬄ᭞ᬧ᭄ᬭᬵᬧ᭄ᬢᬵᬫᬭᬾᬂᬚᬕᬢ᭄ᬲᬸᬡ᭄ᬥ᭟ᬓᬶᬧᬢᬶᬄᬫᬳᬢᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂᬲᬳᬪᬓ᭄ᬢᬶ᭞ᬲᬧᬗᬦ᭄ᬤᬶᬓᬦ᭄ᬲᬂᬦᬵᬣ

Auto-transliteration

[4 4B] 4 deśa, wawumangkinsadyapanggiḥ, hatmajiwanbĕlihadi, minabtwarasiddhahidup, yeninghidewatansweccā, ñaludlaranbĕlimangkin, bĕlimuput, puputangjasubapĕjaḥ. manaḥ blitongsiddhapūr̀ṇna, yanaditanmanibakin, nibakintir̀thapanglukat, hilararingkawaḥgĕni, sweccāhadimanambanin, nglugrahintambahibuduḥ, buduḥmanaḥringhidewā, hidewa uṣadhajati, hanggennglĕbur̀, panglĕbur̀duḥkitanmanaḥ. sapunikākayunhida, sajroninghadñanajati, cihnayuktiringswabhāwa, prarahinekĕcudkuning, rasahidatanpagaliḥ, ca cingakemĕtur̥ĕdup, mawacanasahabanban, ratuhajimakakāliḥ, durusratu, siddhamoliḥmanaḥtityang. kĕnihajimañaratang, nambanintityangnemangkin, manaḥtityangli [5 5A] 5 ntangsarāt, mangdapūr̀ṇnakadijati, pitalokasiddhakĕni, hidatambantityangratu, yananawongpurunwiwal, laścar̀yyananaknandingin, yantanr̥ĕmuk, manahetongsiddhapūr̀ṇna. sĕdu kepūr̀ṇnayangboga, nidranepūr̀ṇnayangharip, kasatanpūr̀ṇnayangtoya, gĕringnanakkadimangkin, ratuhajimakayunin, kĕnihuritityanglanduḥ, patut'hajimañaratang, ngawi langinsar̥ĕngsami, tityangmuput, nandanginmabelapĕjaḥ. siraprabhumanglanturang, ngĕsenginkigustipatiḥ, patiḥmadakanikayang, siddhadigĕlismamar̀ggi, kahutusprayamanangkil, ringpalu ngguḥsiraprabhu, kinatwangringjagatsuṇdha, prayanglamar̀radendewi, siddhagupuḥ, prāptāmarengjagatsuṇdha. kipatiḥmahatur̀sĕmbaḥ, tityangngiringsahabhakti, sapangandikansangnātha

Leaf 5

Image on Archive.org

[᭕ 5B] ᭕ ᭞ᬢᬦ᭄ᬯᭂᬦᬂᬢᬶᬢ᭄ᬬᬂᬦᭂᬫ᭄ᬧᬮᬶᬦ᭄᭞ᬢᬶᬢ᭄ᬬᬂᬧᬜ᭄ᬚᬓ᭄ᬭᬢᬸᬚᬢᬶ᭞ᬲᬦᬾᬧᬢᬸᬢ᭄ᬜᬗ᭄ᬕ᭄ᬭᬜᬸᬯᬸᬦ᭄᭞ᬯᭂᬘᬦᬦ᭄‌ᬰ᭄ᬭᬷᬪᬹᬧᬮᬓᬵ᭞ᬢᬶᬢ᭄ᬬᬂᬜᬤ᭄ᬬᬫᬢᭀᬄᬧᬢᬶ᭞ᬲᬶᬤ᭄ᬥᬤᬸᬭᬸᬲ᭄᭞ᬫᬦᬹᬢ᭄ᬳᬃᬱᬦ᭄‌ᬰ᭄ᬭᬷᬦᬭᬾᬦ᭄ᬤ᭄ᬭ᭟᭜᭟ ᬧᬢᬶᬄᬫᬥᬸᬓᬾᬗᬶᬦ᭄ᬤᬸᬢ᭄ᬢ᭟ᬧᬸᬧᬸᬄᬕᬶᬦᬤ᭟᭜᭟ᬓᬘ᭄ᬭᬶᬢᬩᬾᬜ᭄ᬚᬂᬧ᭄ᬮᬶᬫᬸᬦᬦ᭄᭞ᬓᬶᬧᬢᬶᬄᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬸᬗ᭄ᬕᬄᬧᬭᬳᬸᬫᬮᬬᬃ᭞ᬓᬾᬗᬶᬦ᭄ᬤᬸᬢ᭄ᬢᬦ᭄ᬲᬶᬭᬲᬂᬧ᭄ᬭᬪᬸ᭞ᬧ᭄ᬭᬬᬗ᭄ᬭᬯᬸᬳᬂᬧᬗ᭄ᬮᬫᬃ᭞ᬲᬋᬂᬓᬵᬮᬶᬄ᭞ ᬓᬳᬶᬭᬶᬂᬮᬦ᭄ᬫᬦ᭄ᬢ᭄ᬭᬶᬯᬺᬥ᭟ᬳᬶᬦᬸᬘᬧ᭄ᬧᬶᬢᬸᬂᬭᬳᬶᬦ᭞ᬮᬫᬶᬦ᭄ᬜᬢᭂᬗᬳᬶᬂᬫᬃᬕ᭄ᬕᬶ᭞ᬢᬶᬩᬋᬓᭀᬭᬶᬂᬧᬲᬸᬡ᭄ᬥᬦ᭄᭞ᬳᬶᬭᬶᬓᬤᬦᬾᬫᬤᬸᬦᬸᬂ᭞ᬭᬶᬂᬚᭂᬭᭀᬦᬶᬂᬓᬧᬢᬶᬳᬦ᭄᭞ᬤᬦᬾᬧᬢᬶᬄ᭞ᬧᬗᬾᬜ᭄ᬘᬓᬶᬂᬚᬕ ᬢ᭄ᬲᬸᬡ᭄ᬥ᭟ᬏᬲᬸᬓ᭄ᬳᬾᬜ᭄ᬚᬶᬂᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬤᬸᬢ᭄ᬢᬦ᭄ᬧ᭄ᬭᬪᬸᬲᬫ᭄ᬧᬸᬦ᭄ᬢᬗ᭄ᬓᬶᬮ᭄᭞ᬫᬗᬜ᭄ᬚᬮᬶᬲᬳᬲᭂᬫ᭄ᬩᬄ᭞ᬭᬶᬂᬩᬸᬓ᭄ᬧᬤᬦ᭄ᬲᬶᬭᬭᬢᬸ᭞ᬓᬶᬦᬢ᭄ᬯᬂᬭᬶᬂᬚᬕᬢ᭄ᬲᬸᬡ᭄ᬥ᭞ᬕᬸᬲ᭄ᬢᬶᬧᬢᬶᬄ᭞ᬗᬢᬸᬭᬂᬲᬾᬯᬮᬧᬢ᭄ᬭ᭟ᬲ [᭖ 6A] ᭖ ᬳᬧᬶᬭᬦ᭄ᬢᬶᬦᬶᬗᬶᬓ᭞ᬥᬃᬫ᭄ᬫᬦᬶᬂᬫᬗ᭄ᬮᬫᬃᬧᬸᬢ᭄ᬭᬶ᭞ᬲᬵᬫ᭄ᬧᬸᬦ᭄ᬓᬢᬸᬃᬭᬶᬂᬲᬂᬦᬵᬣ᭞ᬓᬤᬸᬮᬸᬭᬶᬦ᭄ᬳᬦ᭄ᬢᬸᬓ᭄ᬳᬢᬸᬃ᭞ᬓᬶᬧᬢᬶᬄᬮᬦ᭄ᬫᬦ᭄ᬢ᭄ᬭᬶᬯᬺᬥ᭞ᬘᬶᬳ᭄ᬦᬬᬸᬓ᭄ᬢᬶ᭞ᬳᬃᬱᬦ᭄ᬯᬶᬮᬢᬶᬓ᭄ᬝᬵᬦᬵᬣ᭟ᬫᬸᬗ᭄ᬕᬄᬭᬶᬂᬋᬋᬧᬶᬓᭀᬘᬧ᭄᭞ᬤᬕᬶᬂ ᬧᬗ᭄ᬮᬫᬭᬾᬚᬢᬶ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬭᬶᬗᬗ᭄ᬕᬦ᭄ᬧᬮᬸᬗ᭄ᬕᬸᬄᬭᬢᬸ᭞ᬧᬜᬶᬯ᭄ᬬᬦ᭄ᬚᬕᬢ᭄ᬲᬸᬡ᭄ᬥ᭞ᬭᬢᬸᬮᬸᬯᬶᬄ᭞ᬳᬶᬤᬾᬯᬪᬓ᭄ᬢᬶᬦᬶᬦ᭄ᬚᬕᬢ᭄᭟ᬳᬫ᭄ᬧᬸᬭᬭᬢᬸᬳᬫ᭄ᬧᬸᬭ᭞ᬦᬦᬓ᭄ᬭᬯᬸᬄᬫᬦᬗ᭄ᬓᬶᬮᬶᬦ᭄᭞ᬜ ᬤ᭄ᬬᬦᬦᬓ᭄ᬫᬗᬢᬸᬭᬂ᭞ᬤᬾᬯᬾᬓ᭄ᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬗᬗ᭄ᬕᬾᬦ᭄ᬢᬶᬢ᭄ᬬᬂᬧᬸᬢ᭄ᬭᬮᬦᬂ᭞ᬗ᭄ᬮᬸᬗ᭄ᬲᬸᬃᬳᬸᬭᬶᬧ᭄᭞ᬮᬭᬦ᭄ᬢᬶᬢ᭄ᬬᬗᬾᬓᬮᬶᬦ᭄ᬢᬂ᭟ᬫᬦᬄᬢᬶᬢ᭄ᬬᬂᬓᬕ᭄ᬦᬶᬲᬭ᭞ᬓᬤᬶᬳᬶᬘᬢᬓᬧᬓ᭄ᬱᬶ᭞ᬲᬚ᭄ᬭᭀ ᬦᬶᬂᬰᬰᬶᬄᬓᬢᬶᬕ᭞ᬧᬦᭂᬲ᭄ᬩᬭᬩᭂᬤᬓᬶᬧᬸᬦ᭄᭞ᬫᬫᭂᬭᬶᬳᬶᬂᬢᬶᬃᬣᬦ᭄ᬯᬃᬱ᭞ᬬᬦ᭄ᬢᬦ᭄ᬫᭀᬮᬶᬄ᭞ᬲᬶᬦᬳᬶᬧᬸᬦ᭄ᬧᬘᬂᬧᭂᬚᬄ᭟ᬳᬶᬓᭂᬤᬰᬶᬄᬳᭂᬗ᭄ᬓᬓᭂᬗ᭄ᬓᬶᬓ᭄᭞ᬧᬮᬶᬂᬳᬶᬧᬸᬦ᭄᭞ᬗ᭄ᬭᬸᬭᬸᬄᬫᬃᬕ᭄ᬕᬶ᭞ᬢᬶᬫᬶ

Auto-transliteration

[5 5B] 5 , tanwĕnangtityangnĕmpalin, tityangpañjakratujati, sanepatutñanggrañuwun, wĕcananśrībhūpalakā, tityangñadyamatoḥpati, siddhadurus, manūt'har̀ṣanśrīnarendra \\•\\ patiḥmadhukengindutta. pupuḥginada \\•\\ kacritabeñjangplimunan, kipatiḥrarismamar̀ggi, munggaḥparahumalayar̀, kenginduttansirasangprabhu, prayangrawuhangpanglamar̀, sar̥ĕngkāliḥ, kahiringlanmantriwr̥ĕdha. hinucappitungrahina, laminñatĕngahingmar̀ggi, tibar̥ĕkoringpasuṇdhan, hirikadanemadunung, ringjĕroningkapatihan, danepatiḥ, pangeñcakingjaga tsuṇdha. esuk'heñjingsampunpraptā, duttanprabhusampuntangkil, mangañjalisahasĕmbaḥ, ringbukpadansiraratu, kinatwangringjagatsuṇdha, gustipatiḥ, ngaturangsewalapatra. sa [6 6A] 6 hapirantiningika, dhar̀mmaningmanglamar̀putri, sāmpunkatur̀ringsangnātha, kadulurinhantuk'hatur̀, kipatiḥlanmantriwr̥ĕdha, cihnayukti, har̀ṣanwilatikṭānātha. munggaḥringr̥ĕr̥ĕpikocap, daging panglamarejati, tityangmamitanglugraha, ringangganpalungguḥratu, pañiwyanjagatsuṇdha, ratuluwiḥ, hidewabhaktininjagat. hampuraratuhampura, nanakrawuḥmanangkilin, ña dyananakmangaturang, dewektityangringhiratu, nganggentityangputralanang, nglungsur̀hurip, larantityangekalintang. manaḥtityangkagnisara, kadihicatakapaksyi, sajro ningśaśiḥkatiga, panĕsbarabĕdakipun, mamĕrihingtir̀thanwar̀ṣa, yantanmoliḥ, sinahipunpacangpĕjaḥ. hikĕdaśiḥhĕngkakĕngkik, palinghipun, ngruruḥmar̀ggi, timi

Leaf 6

Image on Archive.org

[᭖ 6B] ᭖ ᬭᬢᬶᬍᬫ᭄ᬓᬤᬰ᭞ᬧᬢᬶᬓᬧ᭄ᬮᬸᬕ᭄ᬮᬫ᭄ᬧᬳᬶᬧᬸᬦ᭄᭞ᬫᬗᬚᬧ᭄ᬲᭂᬦᬦᬶᬂᬯᬸᬮᬦ᭄᭞ᬲᬶᬤ᭄ᬥᬧᬗ᭄ᬕᬶᬄ᭞ᬲᬲᬸᬮᬸᬃᬫᬃᬕ᭄ᬕᬦᬾᬕᬦ᭄ᬢᬃ᭟ᬲᬂᬦᬵᬣᬳᬗ᭄ᬤᬾᬬᬂᬢᬶᬢ᭄ᬬ᭞ᬲᬂᬳ᭄ᬬᬂᬯᬶᬱ᭄ᬡᬸᬫᬜ᭄ᬭᭀᬯᬤᬶ᭞ᬲ᭄ᬯᬾᬘ᭄ᬘᬵᬳᬶᬭᬢᬸᬫᬜᬸᬧ ᬢ᭄᭞ᬳᬶᬘᬢᬓᬮᬭᬗᬸᬦ᭄ᬗᬸᬦ᭄᭞ᬓᬤᬶᬦᬶᬂᬯᬸᬮᬦ᭄ᬳᬶᬤᬾᬯ᭞ᬫᬜᬸᬦ᭄ᬤᬭᬶᬦ᭄᭞ᬓᭂᬤᬰᬶᬄᬧᬮᬶᬂᬮᬵᬫ᭄ᬧᬄᬜ᭟ᬓᬤᬶᬧᬸᬭᬸᬦ᭄ᬫᬦᬄᬦᬦᬓ᭄᭞ᬫᬗ᭄ᬤᬲᬶᬤ᭄ᬥᬢᬶᬢ᭄ᬬᬂᬳᬸᬭᬶᬧ᭄᭞ᬫᬗ᭄ᬮᬸᬗ᭄ᬲᬸᬃᬧᬸᬢ᭄ᬭᬦ᭄ᬳᬶᬤᬾᬯ᭞ᬳᬤᬶᬳᬬᬸᬭ ᬤᬾᬦ᭄ᬕᬮᬸᬄ᭞ᬧᬶᬢᬮᭀᬓᬚᬶᬯᬦ᭄ᬢᬶᬢ᭄ᬬᬂ᭞ᬢᬸᬗ᭄ᬕᬸᬮ᭄ᬳᬸᬭᬶᬧ᭄᭞ᬦᬢᬦ᭄ᬲᬶᬤ᭄ᬥᬢᬶᬢ᭄ᬬᬂᬧᬲᬄ᭟ᬲᬶᬤ᭄ᬥᬭᬢᬸᬢᬢᬲ᭄ᬯᬶᬓᬦ᭄᭞ᬲ᭄ᬯᬾᬘ᭄ᬘᬵᬭᬢᬸᬫᬦᭂᬢᭂᬲᬶᬦ᭄᭞ᬧᬢᬶᬄᬫᬥᬸᬤᬸᬢ᭄ᬢᬦ᭄ᬦᬦᬓ᭄᭞ᬦᬯᭂᬕᬂᬦᬶᬓᬳᬶᬦ᭄ᬳᬶᬧᬸᬦ᭄᭞ᬳᬦ᭄ᬢᬸᬓ᭄ᬩᬸ ᬤᬸᬄᬫᬦᬄᬢᬶᬢ᭄ᬬᬂ᭞ᬢᬸᬳᬸᬚᬢᬶ᭞ᬚᬶᬯᬦ᭄ᬢᬶᬢ᭄ᬬᬂᬭᬢᬸᬗ᭄ᬭᬓ᭄ᬱ᭟ᬧ᭄ᬭᬚᬸᬭᬸᬲᬸᬡ᭄ᬥᬫᬗᬦ᭄ᬤᬶᬓ᭞ᬧᬢᬶᬄᬫᬥᬸᬢᬸᬢᬸᬭᬂᬤᬶᬦᬶ᭞ᬲᬯᬘᬦᬦ᭄ᬲᬶᬭᬦᬦᬓ᭄᭞ᬦᬦᬓ᭄ᬯᬶᬮᬢᬶᬓ᭄ᬝᬧ᭄ᬭᬪᬸ᭞ᬦᬾᬜᬦ᭄ᬤᬂᬧᬘᬂᬢᬶᬗ᭄ᬮᬲᬂ᭞ᬢᭂᬓ [᭗ 7A] ᭗ ᬫᬳᬶ᭞ᬫᬗ᭄ᬤᬦᬶᬭᬧᬭᬶᬢᬢᬲ᭄᭟ᬳᬶᬗ᭄ᬕᬶᬄᬭᬢᬸᬤᬾᬯᬦ᭄ᬢᬶᬢ᭄ᬬᬂ᭞ᬧᬸᬢ᭄ᬭᬦ᭄ᬭᬢᬸᬓᭂᬘᬸᬤ᭄ᬓᬸᬦᬶᬂ᭞ᬳᬸᬮᬗᬸᬦ᭄ᬳᬶᬤᬓᬮᬶᬦ᭄ᬢᬂ᭞ᬭᬶᬂᬧᬸᬢ᭄ᬭᬦ᭄ᬭᬢᬸᬲᬂᬧ᭄ᬭᬪᬸ᭞ᬲᬶᬬᬂᬤᬮᬸᬫᬧᬗᭂᬦᬦ᭄᭞ᬳᬶᬩᬸᬓ᭄ᬧᬮᬶᬂ᭞ᬫᬗᬫᬾᬳᬫᬾᬲᬂᬤ᭄ᬬᬄ ᭟ᬩᭂᬗᬂᬩᭂᬗᭀᬂᬧᬭᬭᬕᬦ᭄᭞ᬧᬜ᭄ᬚᬓ᭄ᬯᭂᬦᬂᬫᬦᬗ᭄ᬓᬶᬮᬶᬦ᭄᭞ᬧᬘᬂᬫᬹᬃᬡ᭄ᬦᬬᬂᬳᬶᬦᬦᬓ᭄᭞ᬗᬢᬸᬭᬶᬦ᭄ᬳᬶᬤᬫᬯᬸᬗᬸ᭞ᬉᬢ᭄ᬲᬳᬫᬗᬮᬶᬮᬬᬂ᭞ᬲᬫᬶᬓᬮᬶᬲ᭄᭞ᬲᭂᬤᬶᬄᬢᬶᬢ᭄ᬬᬂᬫᬗᬢᭀᬦᬂ᭟ᬲ᭄ᬯᬘ᭄ᬙᬵᬭᬢᬸᬗᬶᬘᬾᬦ᭄ᬢ ᬫ᭄ᬩ᭞ᬳᬢ᭄ᬫᬚᬶᬯᬦ᭄ᬳᬶᬤᬚᬢᬶ᭞ᬓᬭᬓ᭄ᬱᬧᬸᬢ᭄ᬭᬦ᭄ᬲᬂᬦᬵᬣ᭞ᬭᬢᬸᬳᬬᬸᬭᬤᬾᬦ᭄ᬕᬮᬸᬄ᭞ᬲ᭄ᬯᬾᬘ᭄ᬙᬵᬭᬢᬸᬫᬳᬶᬘᬬᬂ᭞ᬭᬤᬾᬦ᭄ᬧᬸᬢ᭄ᬭᬶ᭞ᬭᬶᬂᬧᬮᬸᬗ᭄ᬕᬸᬄᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭟ᬲᬶᬭᬦᬵᬣᬯᬶᬮᬢᬶᬓ᭄ᬝ᭞ᬬᬸᬱᬦ᭄ᬳᬶᬤ ᬓᬦ᭄ᬢᬸᬦᬮᬶᬢ᭄᭞ᬤᬸᬭᬸᬂᬳᬶᬤᬗᬫᬾᬢ᭄ᬕᬭ᭄ᬯ᭞ᬮᬫᬶᬮᬯᬲ᭄ᬳᬶᬤᬗ᭄ᬭᬸᬭᬸᬄ᭞ᬦᬾᬫᬗ᭄ᬓᬶᬦ᭄ᬧᬗ᭄ᬕᬸᬳᬶᬦ᭄ᬳᬶᬤ᭞ᬭᬤᬾᬦ᭄ᬤᬾᬯᬶ᭞ᬧᬸᬢ᭄ᬭᬦ᭄ᬭᬢᬸᬰ᭄ᬭᬷᬦᬭᬾᬦ᭄ᬤ᭄ᬭ᭟ᬬᬦ᭄ᬢᬦ᭄‌ᬲ᭄ᬯᬾᬘ᭄ᬙᬵᬭᬢᬸᬮᬸᬕ᭄ᬭ᭞ᬗ᭄ᬮᬸᬕ᭄ᬭᬳᬶᬦ᭄ᬳᬶᬦᬦᬓ᭄ᬫᬗ᭄ᬓᬶ

Auto-transliteration

[6 6B] 6 ratil̥ĕmkadaśa, patikapluglampahipun, mangajapsĕnaningwulan, siddhapanggiḥ, sasulur̀mar̀gganegantar̀. sangnāthahangdeyangtitya, sanghyangwiṣṇumañrowadi, sweccāhiratumañupa t, hicatakalarangunngun, kadiningwulanhidewa, mañundarin, kĕdaśiḥpalinglāmpaḥña. kadipurunmanaḥnanak, mangdasiddhatityanghurip, manglungsur̀putranhidewa, hadihayura den'galuḥ, pitalokajiwantityang, tunggulhurip, natansiddhatityangpasaḥ. siddharatutataswikan, sweccāratumanĕtĕsin, patiḥmadhuduttannanak, nawĕgangnikahinhipun, hantukbu duḥmanaḥtityang, tuhujati, jiwantityangratungrakṣa. prajurusuṇdhamangandika, patiḥmadhututurangdini, sawacanansirananak, nanakwilatikṭaprabhu, neñandangpacangtinglasang, tĕka [7 7A] 7 mahi, mangdaniraparitatas. hinggiḥratudewantityang, putranratukĕcudkuning, hulangunhidakalintang, ringputranratusangprabhu, siyangdalumapangĕnan, hibukpaling, mangamehamesangdyaḥ . bĕngangbĕngongpararagan, pañjakwĕnangmanangkilin, pacangmūr̀ṇnayanghinanak, ngaturinhidamawungu, utsahamangalilayang, samikalis, sĕdiḥtityangmangatonang. swacchāratungicenta mba, hatmajiwanhidajati, karakṣaputransangnātha, ratuhayuraden'galuḥ, swecchāratumahicayang, radenputri, ringpalungguḥgustintityang. siranāthawilatikṭa, yuṣanhida kantunalit, durunghidangametgarwa, lamilawashidangruruḥ, nemangkinpangguhinhida, radendewi, putranratuśrīnarendra. yantanswecchāratulugra, nglugrahinhinanakmangki

Leaf 7

Image on Archive.org

[᭗ 7B] ᭗ ᬦ᭄᭞ᬳᬶᬤᬫᬜᬸᬫᬓᬸᬢᬬᬂ᭞ᬫᬸᬧᬸᬢ᭄ᬓᬬᬸᬦ᭄ᬳᬶᬤᬲᬵᬫ᭄ᬧᬸᬦ᭄᭞ᬢᬦ᭄ᬧᬘᬂᬫᬗᬫᬾᬢ᭄ᬕᬭ᭄ᬯ᭞ᬳᬶᬤᬮᬮᬶᬲ᭄᭞ᬧᬘᬂᬫᬫᬸᬧᬸᬢᬂᬭᬕ᭟ᬦᬶᬃᬕᬸᬡᬯᬃᬡ᭄ᬦᬬᬂᬳᬶᬤ᭞ᬜᭂᬦᭂᬂᬲᬶᬭᬦᬦ᭄ᬤᬂᬲᭂᬤᬶᬄ᭞ᬧᬹᬃᬡ᭄ᬦᬬᬂᬢᭀᬂᬲᬶᬤ᭄ᬥᬧᬹᬃᬡ᭄ᬦ᭞ ᬧᬸᬧᬸᬢᬂᬚᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬯᭂᬘᬦᬦ᭄ᬲᬶᬭᬲᬂᬦᬵᬣ᭞ᬲᬦᬾᬚᬢᬶ᭞ᬓᬢᬸᬃᬭᬶᬂᬘᭀᬓᭀᬃᬳᬶᬤᬾᬯ᭟ᬳᬗᭂᬦ᭄ᬲᬶᬭᬲᬸᬡ᭄ᬥᬦᬵᬣ᭞ᬫ᭄ᬬᬃᬱᬬᬂᬳᬢᬸᬃᬓᬶᬧᬢᬶᬄ᭞ᬩᬦ᭄ᬩᬦ᭄ᬳᬮᭀᬦ᭄ᬰᬩ᭄ᬤᬦᬶᬤ᭞ᬳᬸᬤᬸᬄ ᬘᬳᬶᬳᬶᬧᬢᬶᬄᬫᬥᬸ᭞ᬭᬯᬸᬳᬂᬢᭂᬓᬾᬦ᭄ᬳᬶᬦᬦᬓ᭄᭞ᬢᬸᬯᬶᬚᬢᬶ᭞ᬮᬰ᭄ᬘᬃᬬ᭄ᬬᬦᬶᬭᬗᬢᬸᬭᬂ᭟ᬘᬘᬶᬭᬶᬦᬾᬦᬶᬭᬦ᭄ᬭᬶᬫ᭞ᬘᬶᬭᬶᬫᬗᬶᬓᭂᬢᬂᬩᬸᬤ᭄ᬥᬶ᭞ᬜᬶᬳ᭄ᬦᬬᬂᬓᬬᬸᬦᬾᬢᬸᬗ᭄ᬕᬮ᭄᭞ᬳᬃᬱᬦᬶᬭᬭᬶᬂᬲᬂᬧ᭄ᬭ ᬪᬸ᭞ᬦᬦᬓ᭄ᬯᬶᬮᬢᬶᬓ᭄ᬝᬦᬵᬣ᭞ᬓᬾᬢᭀᬧᬢᬶᬄ᭞ᬲᬶᬤ᭄ᬥᬧᬢᬶᬄᬧᬭᬶᬢᬢᬲ᭄᭟ᬓᭂᬦᬧᬢᬶᬄᬫᬗᬢᬸᬭᬂ᭞ᬳᬶᬦ᭄ᬤᬶᬓ᭄ᬦᬦᬓ᭄ᬦᬶᬭᬤᬶᬦᬶ᭞ᬳᬶᬦᬦᬓ᭄ᬫᬭᬕᬗᬸᬤ᭞ᬯᬶᬫᬸᬤᬚᬸᬕᬸᬮ᭄ᬳᬧᬸᬗ᭄ᬕᬸᬂ᭞ᬫᬗ᭄ᬤᬩᭂᬘᬶᬓ᭄ᬳᬶᬤ [᭘ 8A] ᭘ ᬗ᭄ᬭᬓ᭄ᬱ᭞ᬲᬳᬶᬲᬳᬶ᭞ᬲ᭄ᬯᬾᬘ᭄ᬙᬵᬳᬶᬤᬫᬗᬸᬭᬸᬓᬂ᭟ᬓᭂᬦᬶᬲᬵᬫ᭄ᬧᬸᬦ᭄ᬫᬯᬗᭂᬦᬦ᭄᭞ᬲᬲᬫ᭄ᬧᬸᬦ᭄ᬳᬶᬦᬦᬓ᭄ᬓᬫ᭄ᬩᬶᬮ᭄᭞ᬓᬾᬗᬶᬦ᭄ᬭᬩᬶᬦ᭄ᬲᬶᬭᬦᬵᬣ᭞ᬗᬯᬗᭂᬦᬂᬳᬶᬦ᭄ᬤᬶᬓ᭄ᬮᬗ᭄ᬓᬸᬂ᭞ᬫᬾᬯᭂᬄᬧᬘᬂᬗᬯᬮᬶᬬᬂ᭞ᬲᬦᬾᬤᬶᬩᬶ᭞ᬲᬵᬫ᭄ᬧᬸᬦ᭄ᬧᬲᬶ ᬮ᭄ᬧᬘᬂᬓᬸᬤ᭄ᬬᬂ᭟ᬧᬶᬲᭂᬲᭂᬤ᭄ᬯᬘᬦᬦ᭄ᬳᬶᬤ᭞ᬫᬦ᭄ᬢᬸᬓᬭᬶᬂᬕᬸᬲ᭄ᬢᬶᬧᬢᬶᬄ᭞ᬫᬗ᭄ᬤᬩᭂᬘᬶᬓ᭄ᬓᬳᬢᬸᬭᬂ᭞ᬭᬶᬂᬲᬶᬭᬰ᭄ᬭᬷᬅᬬᬫ᭄ᬫᬸᬭᬸᬓ᭄᭞ᬧᬢᬶᬄᬫᬥᬸᬫᬗᬶᬜ᭄ᬘᭂᬧᬂ᭞ᬢᭂᬓᬾᬗᬢᬶ᭞ᬫᬗ᭄ᬤᬲᬫ᭄ᬧᬸᬦ᭄ᬳᬶᬯᬂᬜᬗ᭄ᬕ᭄ᬭ᭟ᬩᬸᬩᬃᬧᬸᬦᬂᬧᬦᬗ᭄ᬓᬶᬮᬦ᭄᭞ᬓᬶᬫ ᬥᬸᬫᬲᭂᬫᬸᬓᭂᬜᬶᬂ᭞ᬳᬾᬕᬃᬫᬦᬄᬓᬲ᭄ᬯᬾᬘ᭄ᬙᬦᬦ᭄᭞ᬳᬦ᭄ᬢᬸᬓ᭄ᬧᬮᬸᬗ᭄ᬕᬸᬄᬲᬂᬧ᭄ᬭᬪᬸ᭞ᬲᬦᬾᬤᬳᬢ᭄ᬓᬲᬭᬢᬂ᭞ᬲᬂᬫᬵᬲ᭄ᬫᬡᬶᬓ᭄᭞ᬫᬡᬶᬓᬵᬃᬱᬲᬶᬭᬦᬵᬣ᭟ᬓᬶᬧᬢᬶᬄᬦᬸᬦᬲ᭄ᬧᬳᬶᬘ᭄ᬙᬵ᭞ᬲᭀᬤᬦᬾᬲᬵᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬧᬗ ᬦ᭄ᬓᬶᬦᬸᬫ᭄ᬲᬃᬯ᭄ᬯᬧᬵᬮ᭞ᬲᬫ᭄ᬬᬦ᭄ᬲᬵᬫ᭄ᬧᬸᬦ᭄ᬓᬮᬸᬗ᭄ᬲᬸᬃ᭞ᬳᬦ᭄ᬢᬸᬓ᭄ᬧᬢᬶᬄᬯᬶᬮᬢᬶᬓ᭄ᬝ᭞ᬚᬗ᭄ᬓᭂᬧ᭄ᬲᬫᬶ᭞ᬗᬦᬸᬢ᭄ᬮᬶᬗ᭄ᬕᬶᬄᬲᬂᬤᬶᬦᬸᬢ᭄ᬢ᭟ᬳᬶᬦᬸᬘᬧ᭄ᬲᬂᬧ᭄ᬭᬪᬸᬲᬸᬡ᭄ᬥ᭞ᬓᬳᬶᬭᬶᬂᬲᬂᬧ᭄ᬭᬫᬶᬰ᭄ᬯᬭᬶ᭞ᬗᬫᬭᬦᬶᬦ᭄ᬧᬕᬮᬸᬳᬦ᭄᭞ᬫᬗᬺᬋᬄᬳᬶ

Auto-transliteration

[7 7B] 7 n, hidamañumakutayang, muputkayunhidasāmpun, tanpacangmangametgarwa, hidalalis, pacangmamuputangraga. nir̀guṇawar̀ṇnayanghida, ñĕnĕngsiranandangsĕdiḥ, pūr̀ṇnayangtongsiddhapūr̀ṇna, puputangjasāmpunlampus, wĕcanansirasangnātha, sanejati, katur̀ringcokor̀hidewa. hangĕnsirasuṇdhanātha, myar̀ṣayanghatur̀kipatiḥ, banbanhalonśabdanida, huduḥ cahihipatiḥmadhu, rawuhangtĕkenhinanak, tuwijati, laścar̀yyanirangaturang. cacirineniranrima, cirimangikĕtangbuddhi, ñihnayangkayunetunggal, har̀ṣaniraringsangpra bhu, nanakwilatikṭanātha, ketopatiḥ, siddhapatiḥparitatas. kĕnapatiḥmangaturang, hindiknanakniradini, hinanakmaraganguda, wimudajugulhapunggung, mangdabĕcik'hida [8 8A] 8 ngrakṣa, sahisahi, swecchāhidamangurukang. kĕnisāmpunmawangĕnan, sasampunhinanakkambil, kenginrabinsiranātha, ngawangĕnanghindiklangkung, mewĕḥpacangngawaliyang, sanedibi, sāmpunpasi lpacangkudyang. pisĕsĕdwacananhida, mantukaringgustipatiḥ, mangdabĕcikkahaturang, ringsiraśrī'ayammuruk, patiḥmadhumangiñcĕpang, tĕkengati, mangdasampunhiwangñanggra. bubar̀punangpanangkilan, kima dhumasĕmukĕñing, hegar̀manaḥkaswecchanan, hantukpalungguḥsangprabhu, sanedahatkasaratang, sangmāsmaṇik, maṇikār̀ṣasiranātha. kipatiḥnunaspahicchā, sodanesāmpuncumawis, panga nkinumsar̀wwapāla, samyansāmpunkalungsur̀, hantukpatiḥwilatikṭa, jangkĕpsami, nganutlinggiḥsangdinutta. hinucapsangprabhusuṇdha, kahiringsangpramiśwari, ngamaraninpagaluhan, mangr̥ĕr̥ĕḥhi

Leaf 8

Image on Archive.org

[᭘ 8B] ᭘ ᬦᬦᬓ᭄ᬳᬬᬸ᭞ᬧ᭄ᬭᬬᬭᬯᬸᬄᬫᬜᬭᬢᬂ᭞ᬗᬦ᭄ᬤᬶᬓᬳᬶᬦ᭄᭞ᬳᬶᬦ᭄ᬤᬶᬓ᭄ᬧᬗ᭄ᬮᬫᬭᬾᬓᭀᬘᬧ᭄᭟ᬭᬤᬾᬦ᭄ᬕᬮᬸᬄᬧ᭄ᬭᬵᬧ᭄ᬢᬜᬗ᭄ᬕ᭄ᬭ᭞ᬬᬬᬄᬳᬶᬩᬸᬗᬫᬭᬦᬶᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬸᬤᬸᬄᬘᭂᬦᬶᬂᬦᬦᬓ᭄ᬕᬮᬸᬄ᭞ᬫᬓᬳᬢ᭄ᬫᬚᬶᬯᬦ᭄ᬩ ᬧ᭞ᬲᬭᬶᬦᬸᬭᬶᬧ᭄᭞ᬢᬫ᭄ᬩᬦ᭄ᬫᬦᬄᬬᬬᬄᬭᬾᬡ᭟ᬧᬗᬧ᭄ᬢᬶᬦ᭄ᬩᬧᬦᬾᬲᬭᬵᬢ᭄᭞ᬯᭂᬓᬲ᭄ᬫᬢᭂᬫᬸᬦᬸᬫᬶᬢᬶᬲ᭄᭞ᬫᬗ᭄ᬕᭂᬄᬓᬤᬶᬫᬗ᭄ᬓᬶᬦ᭄ᬦᬦᬓ᭄᭞ᬫᬗ᭄ᬤᬫᭀᬮᬶᬄᬤᬤᭀᬲ᭄ᬳᬤᬸᬂ᭞ᬬᬬᬄᬭᬾᬡᬮᬦᬶᬦᬦᬓ᭄᭞ᬫ᭄ᬯᬮᬶᬧᬗ᭄ᬕᬶᬄ᭞ᬢᭀᬂᬲᬶ ᬤ᭄ᬥᬳᬦ᭄ᬢᬸᬓ᭄ᬫᬲᬳᬂ᭟ᬲᬵᬫ᭄ᬧᬸᬦ᭄ᬘᭂᬦᬶᬂᬫᬯᬗᭂᬦᬦ᭄᭞ᬭᬯᬸᬄᬩᬧᬓᬤᬶᬫᬗ᭄ᬓᬶᬦ᭄᭞ᬩᬧᬓ᭄ᬭᬯᬸᬳᬶᬦ᭄ᬧᬗ᭄ᬮᬫᬃ᭞ᬲᬭᬢ᭄ᬫᬤᬶᬓ᭄ᬦᬦᬓ᭄ᬕᬮᬸᬄ᭞ᬲᬓᬶᬂᬧᬸᬭᬶᬯᬶᬮᬢᬶᬓ᭄ᬝ᭞ᬰ᭄ᬭᬷᬪᬹᬧᬢᬶ᭞ᬅᬬᬫ᭄ᬫᬸᬭᬸᬓ᭄ᬗᬭᬦᬶᬭ᭟ᬲᬶᬭᬯᬶᬮᬢᬶᬓ᭄ᬝᬦᬵᬣ᭞ᬢᬸᬲ᭄ᬦᬶᬂ ᬲᬶᬭᬭᬢᬸᬓᭂᬮᬶᬂ᭞ᬲᬶᬭᬢᬲᬂᬮ᭄ᬯᬶᬳᬶᬂᬦᬵᬣ᭞ᬳᬕᬸᬗᬾᬫᬩᬮᬭᬢᬸ᭞ᬳᬓ᭄ᬯᬾᬳᬶᬂᬭᬢᬸᬧ᭄ᬭᬦᬵᬣ᭞ᬜᬸᬗ᭄ᬲᬸᬂᬜᬶᬯᬶ᭞ᬫᬫᭂᬓᬸᬮ᭄ᬩᬸᬓ᭄ᬧᬤᬦᬶᬤ᭟ᬲᬂᬦᬵᬣᬯᬶᬭᬦᬶᬂᬬᬸᬥ᭞ᬧᬰ᭄ᬘᬤ᭄ᬭᬶᬂᬅᬓ᭄ᬱᬭᬅᬚᬶ᭞ᬧ᭄ᬭᬰᬱ᭄ᬝᬯ᭄ᬭᬸᬄᬲᬶᬭᬭᬶᬂ [᭙ 9A] ᭙ ᬭᬢ᭄᭞ᬯᬃᬡ᭄ᬦᬦᬶᬤᬢᬸᬳᬸᬩᬕᬸᬲ᭄᭞ᬳᬦᬹᬢ᭄ᬭᬸᬧᬭᬶᬂᬳᬶᬦᬦᬓ᭄᭞ᬲ᭄ᬫᬭᬭᬢᬶᬄ᭞ᬲᭂᬍᬧᬫᭀᬮᬶᬄᬢᭂᬓᭂᬧ᭄ᬜ᭟ᬲᬶᬭᬦᬵᬣᬫᬳ᭄ᬬᬸᬲ᭄ᬢ᭄ᬭᬸᬡ᭞ᬤᬾᬭᬾᬂᬳᬶᬤᬗᬫᬾᬢ᭄ᬭᬩᬶ᭞ᬯᬦ᭄ᬢᬄᬦᬦᬓ᭄ᬓᬲᬭᬢᬂ᭞ᬮᬰ᭄ᬘᬃ ᬬ᭄ᬬᬫᬢᬶᬦ᭄ᬤᬶᬄᬮᬫ᭄ᬧᬸᬲ᭄᭞ᬚᬶᬯᬦᬶᬤᬘᭂᬦᬶᬂᬗ᭄ᬭᬓ᭄ᬱ᭞ᬜᭂᬭᬳᬸᬭᬶᬧ᭄᭞ᬲ᭄ᬯᬾᬘ᭄ᬘᬵᬳᬶᬦᬦᬓ᭄ᬫᬗ᭄ᬮᬸᬓᬢ᭄᭟ᬧᬗ᭄ᬮᬫᬭᬾᬯᬸᬲ᭄ᬓᬢ᭄ᬭᬶᬫ᭞ᬬᬬᬄᬭᬾᬡᬯᬸᬲ᭄‌ᬗ᭄ᬮᬸᬕ᭄ᬭᬳᬶᬦ᭄᭞ᬲᬸᬓᬦᬦᬓ᭄ᬫᬗᬶᬥᭂᬧᬂ᭞ᬤᬕᬶᬂᬫᬦᬄᬩᬧᬢᬸᬳᬸ ᭞ᬩᬧᬫᬗ᭄ᬓᬶᬦ᭄ᬫᬜᬶᬳ᭄ᬦᬬᬂ᭞ᬗᭂᬫᬭᬦᬶᬦ᭄᭞ᬧᬶᬲᬭᬢ᭄ᬗ᭄ᬭᬯᬸᬳᬶᬦ᭄ᬦᬦᬓ᭄᭟ᬧ᭄ᬭᬫᬶᬰ᭄ᬯᬭᬶᬦᬶᬫ᭄ᬩᬮ᭄ᬗᬦ᭄ᬤᬶᬓᬵ᭞ᬳᬢ᭄ᬫᬚᬶᬯᬦ᭄ᬫᬾᬫᬾᬘᭂᬦᬶᬂ᭞ᬫᬵᬲ᭄ᬫᬶᬭᬄᬫᬾᬫᬾᬳᬶᬤᬾᬯ᭞ᬲᬵᬫ᭄ᬧᬸᬦ᭄ᬘᭂᬦᬶᬂᬲᬮᬄᬲᬸᬤᬸᬓ᭄᭞ᬫᬾᬫᬾᬢ᭄ᬯᬭᬲᬶᬤ᭄ᬥᬧ ᬲᬄ᭞ᬭᬶᬂᬳᬶᬘᭂᬦᬶᬂ᭞ᬲᬵᬫ᭄ᬧᬸᬦᬂᬚᬫᬯᬗᭂᬦᬦ᭄᭟ᬲᬵᬫ᭄ᬧᬸᬦᬂᬚᬘᭂᬦᬶᬂᬯᬶᬯᬮ᭄᭞ᬭᬶᬂᬓᬬᬸᬦ᭄ᬳᬶᬤᬳᬶᬳᬚᬶ᭞ᬧᬸᬢ᭄ᬭᬶᬮᬸᬯᬶᬄᬳᬶᬦᬸᬘᬧᬦ᭄᭞ᬲᬗᬦᬹᬢ᭄ᬭᬶᬂᬬᬬᬳᬶᬩᬸ᭞ᬪᬓ᭄ᬢᬶᬳᬦᬹᬢ᭄ᬭᬶᬂᬋᬭᬫ᭞ᬧᬸᬢ᭄ᬭᬶᬚ

Auto-transliteration

[8 8B] 8 nanak'hayu, prayarawuḥmañaratang, ngandikahin, hindikpanglamarekocap. raden'galuḥprāptañanggra, yayaḥhibungamaranin, sangprabhurarisngandikā, huduḥcĕningnanakgaluḥ, makahatmajiwanba pa, sarinurip, tambanmanaḥyayaḥreṇa. pangaptinbapanesarāt, wĕkasmatĕmunumitis, manggĕḥkadimangkinnanak, mangdamoliḥdadoshadung, yayaḥreṇalaninanak, mwalipanggiḥ, tongsi ddhahantukmasahang. sāmpuncĕningmawangĕnan, rawuḥbapakadimangkin, bapakrawuhinpanglamar̀, saratmadiknanakgaluḥ, sakingpuriwilatikṭa, śrībhūpati, ayammurukngaranira. sirawilatikṭanātha, tusning siraratukĕling, siratasanglwihingnātha, hagungemabalaratu, hakwehingratupranātha, ñungsungñiwi, mamĕkulbukpadanida. sangnāthawiraningyudha, paścadringakṣara'aji, praśaṣṭawruḥsiraring [9 9A] 9 rat, war̀ṇnanidatuhubagus, hanūtruparinghinanak, smararatiḥ, sĕl̥ĕpamoliḥtĕkĕpña. siranāthamahyustruṇa, derenghidangametrabi, wantaḥnanakkasaratang, laścar̀ yyamatindiḥlampus, jiwanidacĕningngrakṣa, ñĕrahurip, sweccāhinanakmanglukat. panglamarewuskatrima, yayaḥreṇawusnglugrahin, sukananakmangidhĕpang, dagingmanaḥbapatuhu , bapamangkinmañihnayang, ngĕmaranin, pisaratngrawuhinnanak. pramiśwarinimbalngandikā, hatmajiwanmemecĕning, māsmiraḥmemehidewa, sāmpuncĕningsalaḥsuduk, memetwarasiddhapa saḥ, ringhicĕning, sāmpunangjamawangĕnan. sāmpunangjacĕningwiwal, ringkayunhidahihaji, putriluwiḥhinucapan, sanganūtringyayahibu, bhaktihanūtringr̥ĕrama, putrija

Leaf 9

Image on Archive.org

[᭙ 9B] ᭙ ᬢᬶ᭞ᬲᬲᬫᬾᬦ᭄ᬜᬲᬂᬫᬤᬾᬯ᭄ᬬᬵ᭟ᬦᬦᬓ᭄ᬕᬮᬸᬄᬚᬶᬯᬦ᭄ᬩᬶᬬᬂ᭞ᬫᬸᬗ᭄ᬕᬄᬭᬶᬗᬓ᭄ᬱᬭᬅᬚᬶ᭞ᬫᬵᬦᬹᬢ᭄ᬓᭂᬘᬧᬶᬂᬧᬸᬭᬡ᭞ᬓᬤᬶᬭᬶᬂᬮᭀᬦ᭄ᬢᬃᬓᬯᬸᬯᬸᬲ᭄᭞ᬭᬶᬂᬘᬓᭂᬧᬦ᭄‌ᬰ᭄ᬮᭀᬓᬵᬦ᭄ᬢᬭ᭞ᬬᭀᬕ᭄ᬬᬘᭂᬦᬶᬂ᭞ᬗᬶᬜ᭄ᬘᭂᬧᬂᬭᬶᬂᬧ ᬓᬬᬸᬦᬦ᭄᭟ᬧᬸᬢ᭄ᬭᬪᬓ᭄ᬢᬶᬭᬶᬂᬋᬭᬫ᭞ᬦᬢᬦ᭄ᬧᬸᬭᬸᬦ᭄ᬫᬦᭂᬫ᭄ᬧᬮᬶᬦ᭄᭞ᬧᬸᬦᬶᬓᬦᬾᬓᬩᬯᭀᬲᬂ᭞ᬗᬲᭀᬭᬂᬬᬰᬧᬶᬂᬲᬢᬸᬲ᭄᭞ᬳᬓᬾᬢᭀᬓᬮᬸᬯᬶᬳᬦ᭄ᬜ᭞ᬳᬤᬸᬄᬘᭂᬦᬶᬂ᭞ᬳᬢ᭄ᬫᬚᬶᬯᬦ᭄ᬫᬾᬫᬾᬦᬦ ᬓ᭄᭟ᬓᬕ᭄ᬬᬢ᭄ᬓᬬᬸᬦᬾᬫᬶᬋᬗᬂ᭞ᬭᬤᬾᬦ᭄ᬤᬾᬯᬶᬓᭂᬘᬸᬤ᭄ᬓᬸᬦᬶᬂ᭞ᬢᭀᬬᬧᬦᭀᬦ᭄ᬤᭂᬋᬲ᭄ᬫᭂᬤᬮ᭄᭞ᬫᬩ᭄ᬮᭂᬲᭂᬓ᭄ᬳᬶᬤᬭᬶᬂᬓᬬᬸᬦ᭄᭞ᬳᬾᬮᬶᬂᬭᬶᬂᬬᬸᬱᬦᬾᬗᬸᬤ᭞ᬤᬾᬭᬾᬂᬳᬸᬦᬶᬂ᭞ᬧᬘᬂᬫᬦᬶᬗ᭄ᬓᬳᬂᬭᬕ᭟ ᬲ᭄ᬯᬥᬃᬫ᭄ᬫᬫ᭄ᬯᬂᬲᬸᬰᬶᬮ᭞ᬦᬾᬧᬢᬸᬢ᭄ᬧᬘᬂᬓᬳᬧ᭄ᬢᬶ᭞ᬲᬦᬾᬳᬗ᭄ᬕᬾᬦ᭄ᬕᬕᭂᬮᬭᬦ᭄᭞ᬫᬗᬵᬪᬓ᭄ᬢᬶᬭᬶᬂᬲᬂᬓᬓᬸᬂ᭞ᬲᬶᬭᬧ᭄ᬭᬪᬸᬯᬶᬮᬢᬶᬓ᭄ᬝ᭞ᬤᬳᬢ᭄ᬲᬸᬓᬶᬮ᭄᭞ᬤᬸᬭᬸᬂᬳᬶᬤᬧᬭᬶᬢᬢᬲ᭄᭟ᬳᬚ᭄ᬭᬶᬄᬤ [᭑᭐ 10A] ᭑᭐ ᬤᭀᬲ᭄ᬩᬩᬯᭀᬲᬦ᭄᭞ᬭᬶᬂᬲᬵᬫ᭄ᬧᬸᬦᬾᬤᬤᭀᬲ᭄ᬧ᭄ᬭᬫᬶ᭞ᬗ᭄ᬮᬗ᭄ᬓᬃᬕᬸᬦᬸᬂᬫᬭᬩ᭄ᬬᬦ᭄᭞ᬢᬫ᭄ᬩᭂᬢ᭄ᬳᬶᬤᬦᬾᬗᬮᬗ᭄ᬓᬸᬂ᭞ᬗᬯᬾᬘᬶᬦᬶᬦ᭄‌ᬬᬬᬄᬭᬾᬡ᭞ᬦᬾᬓᬲᬶᬯᬶ᭞ᬲᬂᬗ᭄ᬭᬸᬧᬓᬳᬗ᭄ᬕᬦᬶᬤ᭟ᬬᬬᬄᬭᬾᬡᬮᬗ᭄ᬓᬸᬂᬲ᭄ᬯᬾᬘ᭄ᬙᬵ ᭞ᬫᬘᬶᬳ᭄ᬦᬳᬸᬭᬶᬧᬾᬫᬗ᭄ᬓᬶᬦ᭄᭞ᬫᬫ᭄ᬬᬭᬫᬗᬸᬧᬪᭀᬕ᭞ᬲᬦᬾᬧᬢᬸᬢ᭄ᬧᬘᬂᬳᬦᬹᬢ᭄᭞ᬮᬰ᭄ᬘᬃᬬ᭄ᬬᬗᬢᬸᬭᬂᬚᬶᬯ᭞ᬩᬶᬬᬂᬳᬚᬶ᭞ᬧᬶᬦᬓᬵᬳᬶᬤᬳ᭄ᬬᬂᬯᭂᬦᬂ᭟ᬬᬤ᭄ᬬᬲ᭄ᬢᬸᬦ᭄ᬫᬫᬗ᭄ᬕᬸᬄᬧᭂᬚᬄ᭞ᬢᬦᬵᬗᭂ ᬦ᭄ᬲᬶᬭᬭᬶᬂᬳᬸᬭᬶᬧ᭄᭞ᬜᬗ᭄ᬕ᭄ᬭᬜᬸᬯᬸᬦ᭄ᬧᬓᬬᬸᬦᬦ᭄᭞ᬩᬶᬬᬂᬲᬸᬭᬶᬳᬚᬶᬧ᭄ᬭᬪᬸ᭞ᬗᬦᬹᬢᬶᬦ᭄ᬧᬸᬢ᭄ᬭᬰᬰᬡ᭞ᬦᬢᬦ᭄ᬯᭂᬤᬶ᭞ᬧᬘᬂᬫᬗᭂᬢᭀᬳᬶᬦ᭄ᬳᬶᬤ᭟ᬳᭂᬤᬚᬗᬸᬮᬸᬭᬶᬦ᭄ᬮᭂᬕ᭞ᬍᬕᬦ᭄ᬫᬦᬳᬾᬫ ᬦ᭄ᬤᬶᬭᬶ᭞ᬗᬸᬮᬸᬭᬶᬦ᭄ᬜᭂᬢ᭄ᬫᬓᬸᬋᬦᬦ᭄᭞ᬲᭀᬓ᭄ᬫᬫᭂᬭᬶᬄᬳᬦᬓ᭄ᬩᬕᬸᬲ᭄᭞ᬜᭂᬦ᭄ᬢᭀᬓᬂᬫᬫᬗ᭄ᬕᬸᬄᬲᬤ᭄ᬬ᭞ᬚᬦ᭄ᬢᭀᬲ᭄ᬮᬮᬶ᭞ᬢᬦᬦᬮᬗ᭄ᬕᭂᬂᬭᬶᬂᬚᬕᬢ᭄᭟ᬲᬸᬗ᭄ᬲᬸᬢᬾᬫᬤᬕᬶᬂᬮᬾᬤᬂ᭞ᬧᬓᬬᬸᬦᬦ᭄ᬭ

Auto-transliteration

[9 9B] 9 ti, sasamenñasangmadewyā. nanakgaluḥjiwanbiyang, munggaḥringakṣara'aji, mānūtkĕcapingpuraṇa, kadiringlontar̀kawuwus, ringcakĕpanślokāntara, yogyacĕning, ngiñcĕpangringpa kayunan. putrabhaktiringr̥ĕrama, natanpurunmanĕmpalin, punikanekabawosang, ngasorangyaśapingsatus, haketokaluwihanña, haduḥcĕning, hatmajiwanmemenana k. kagyatkayunemir̥ĕngang, radendewikĕcudkuning, toyapanondĕr̥ĕsmĕdal, mablĕsĕk'hidaringkayun, helingringyuṣanenguda, derenghuning, pacangmaningkahangraga. swadhar̀mmamwangsuśila, nepatutpacangkahapti, sanehanggen'gagĕlaran, mangābhaktiringsangkakung, siraprabhuwilatikṭa, dahatsukil, durunghidaparitatas. hajriḥda [10 10A] 10 dosbabawosan, ringsāmpunedadosprami, nglangkar̀gunungmarabyan, tambĕt'hidanengalangkung, ngawecininyayaḥreṇa, nekasiwi, sangngrupakahangganida. yayaḥreṇalangkungswecchā , macihnahuripemangkin, mamyaramangupabhoga, sanepatutpacanghanūt, laścar̀yyangaturangjiwa, biyanghaji, pinakāhidahyangwĕnang. yadyastunmamangguḥpĕjaḥ, tanāngĕ nsiraringhurip, ñanggrañuwunpakayunan, biyangsurihajiprabhu, nganūtinputraśaśaṇa, natanwĕdi, pacangmangĕtohinhida. hĕdajangulurinlĕga, l̥ĕganmanahema ndiri, ngulurinñĕtmakur̥ĕnan, sokmamĕriḥhanakbagus, ñĕntokangmamangguḥsadya, jantoslali, tananalanggĕngringjagat. sungsutemadagingledang, pakayunanra

Leaf 10

Image on Archive.org

[᭑᭐ 10B] ᭑᭐ ᬤᬾᬦ᭄ᬤᬾᬯᬶ᭞ᬲᬸᬗ᭄ᬲᬸᬢ᭄ᬳᬶᬤᬧᬘᬂᬓᬾᬲᬄ᭞ᬫᬧᬫᬶᬢ᭄ᬭᬶᬂᬬᬬᬳᬶᬩᬸ᭞ᬮᬰ᭄ᬘᬃᬬ᭄ᬬᬮᬾᬤᬂᬭᬶᬗᬃᬱ᭞ᬜᬤ᭄ᬬᬪᬓ᭄ᬢᬶ᭞ᬜᬸᬗ᭄ᬲᬸᬂᬜᬗ᭄ᬕ᭄ᬭᬧᬓᬬᬸᬦᬦ᭄᭟ᬭᬤᬾᬦ᭄ᬤᬾᬯᬶᬫᬢᬸᬃᬩᬦ᭄ᬩᬦ᭄᭞ᬲᬳᬳᬶᬤᬫᬗᬜ᭄ᬚᬮᬶ᭞ᬗᭂᬢᬸᬲ᭄ᬓ ᬬᬸᬦ᭄᭞ᬬᬬᬄᬭᬾᬡ᭞ᬳᬶᬗ᭄ᬕᬶᬄᬭᬢᬸᬳᬚᬶᬧ᭄ᬭᬪᬸ᭞ᬓᬳᬶᬭᬶᬂᬮᬦ᭄ᬭᬢᬸᬩᬶᬬᬂ᭞ᬢᬶᬢ᭄ᬬᬂᬗᬶᬭᬶᬂ᭞ᬜᬸᬗ᭄ᬲᬸᬂᬜᬗ᭄ᬕ᭄ᬭᬧᬓᬬᬸᬦᬦ᭄᭟ᬳᬶᬦᬸᬘᬧ᭄ᬲᬂᬧ᭄ᬭᬪᬸᬲᬸᬡ᭄ᬥ᭞ᬓᬳᬶᬭᬶᬂᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬳᬾᬕᬃᬓᬬᬸᬦᬾᬫᬜᬶ ᬗᬓ᭄᭞ᬯᭂᬓᬦᬶᬭᬭᬤᬾᬦ᭄ᬕᬮᬸᬄ᭞ᬮᬰ᭄ᬘᬃᬬ᭄ᬬᬜᬸᬗ᭄ᬲᬸᬂᬫᬜᬗ᭄ᬕ᭄ᬭ᭞ᬲᬓᬶᬂᬚᬢᬶ᭞ᬯᭂᬘᬦᬦ᭄ᬳᬶᬤᬲᬂᬦᬵᬣ᭟ᬳᬾᬲᬸᬓ᭄ᬳᬾᬜ᭄ᬚᬶᬂᬳᬶᬦᬸᬘᬧᬦ᭄᭞ᬯᬢᭂᬓ᭄ᬧ᭄ᬭᬚᬦᬦᬾᬲᬫᬶ᭞ᬓᬧ᭄ᬯᬭᬶᬂᬲᬸᬡ᭄ᬥᬦᬵᬕᬭ᭞ᬲᬫᬶᬲᬵᬫ᭄ᬧᬸ ᬦ᭄ᬢᬢᬲ᭄ᬯᭂᬭᬸᬄ᭞ᬧᬗ᭄ᬮᬫᬭᬾᬯᬸᬲ᭄ᬓᬮᬸᬕ᭄ᬭ᭞ᬤᬾᬦᬺᬧᬢᬶ᭞ᬫᬗ᭄ᬕᬮᬦᬶᬂᬚᬕᬢ᭄ᬲᬸᬡ᭄ᬥ᭟ᬲᬶᬭᬦᬺᬧᬢᬶᬳᬶᬦᬸᬘᬧ᭄᭞ᬭᬶᬂᬧᬲᬾᬪᬦ᭄ᬓᬢᬗ᭄ᬓᬶᬮᬶᬦ᭄᭞ᬓᬳᬶᬭᬶᬂᬧᬭᬧᬸᬗ᭄ᬕᬯ᭞ᬧᬢᬶᬄᬫᬥᬸᬲᬳᬵᬤᭂᬫᬸᬂ᭞ᬯᬢᭂᬓ᭄ᬧ᭄ᬭᬚ [᭑᭑ 11A] ᭑᭑ ᬦᬦᬾᬧ᭄ᬭᬧ᭄ᬢᬵ᭞ᬜᬤ᭄ᬬᬪᬓ᭄ᬢᬶ᭞ᬩᭂᬤᬓ᭄ᬜᬗ᭄ᬕ᭄ᬭᬧᬓᬬᬸᬦᬦ᭄᭟ᬯᭂᬘᬦᬦ᭄ᬲᬶᬭᬲᬂᬦᬵᬣ᭞ᬫᬦ᭄ᬢᬸᬓᬭᬶᬂᬕᬸᬲ᭄ᬢᬶᬧᬢᬶᬄ᭞ᬧᬢᬶᬄᬫᬥᬸᬓᭂᬦᬬᬢ᭄ᬦ᭞ᬤᬩ᭄ᬤᬩᬂᬤᬾᬯᬾᬓᬾᬫᬦ᭄ᬢᬸᬓ᭄᭞ᬫᬢᬸᬃᬩᬜᬭᬶᬂᬲᬂᬦᬵᬣ᭞ᬦᬦ ᬓ᭄ᬤᬾᬯᬶ᭞ᬦᬶᬭᬜᬤ᭄ᬬᬫᬗᬢᬸᬭᬂ᭟ᬲᬸᬭᬢᬾᬢᬦ᭄ᬯᬍᬲ᭄ᬦᬶᬭ᭞ᬦᬶᬭᬜᬤ᭄ᬬᬫᬗ᭄ᬭᬯᬸᬳᬶᬦ᭄᭞ᬧᬘᬂᬜᬋᬗᬶᬦ᭄ᬳᬶᬦᬦᬓ᭄᭞ᬧᬸᬗ᭄ᬓᬸᬭᬦ᭄ᬭᬯᬸᬄᬫᬗᭂᬢᬸᬢ᭄᭞ᬦᬦᬓ᭄ᬧ᭄ᬭᬪᬸᬓᭂᬦᬯᬶᬓᬦ᭄᭞ᬓᬾᬢᭀᬧᬢᬶᬄ᭞ᬦᬄᬜ ᬦ᭄ᬤᬂᬲᬸᬩᬤᬩ᭄ᬤᬩᬂ᭟ᬧᬢᬶᬄᬫᬥᬸᬫᬢᬸᬃᬲᭂᬫ᭄ᬩᬄ᭞ᬲᬳᬶᬢ᭄ᬬᬢᬶᬢ᭄ᬬᬂᬫᬗᬶᬭᬶᬂ᭞ᬲᬧᬗᬦ᭄ᬤᬶᬓᬦ᭄ᬳᬶᬤᬾᬯ᭞ᬜᬤ᭄ᬬᬓᬢᬸᬃᬭᬶᬂᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬗ᭄ᬮᬸᬗ᭄ᬲᬸᬃᬧᬫᬶᬢ᭄᭞ᬩᬾᬜ᭄ᬚᬂᬢᬶᬢ᭄ᬬᬂᬧ᭄ᬭᬬᬩᬸᬤᬮ᭄᭟ᬧᬸᬗ᭄ᬕᭂᬮᬂ ᬧᬸᬦᬂᬘᬭᬶᬢ᭞ᬧᬜ᭄ᬚᬓ᭄ᬲᬫᬶᬯᬸᬲ᭄ᬫᬧᬫᬶᬢ᭄᭞ᬩᬸᬩᬃᬧᬸᬦᬂᬧᬦᬗ᭄ᬓᬶᬮᬦ᭄᭞ᬯᬯᬶᬮᬗᬦ᭄ᬲᬫ᭄ᬧᬸᬦ᭄ᬳᬶᬕᬸᬫ᭄᭞ᬧᬜ᭄ᬚᬓᬾᬜᬤ᭄ᬬᬗᬶᬭᬶᬗᬂ᭞ᬭᬤᬾᬦ᭄ᬤᬾᬯᬶ᭞ᬓᬯᬶᬮᬢᬶᬓ᭄ᬝᬦᬵᬕᬭ᭟᭜᭟ᬧᬢᬶᬄᬫᬥᬸᬫᬧᬫᬶᬢ᭄ᬩᬸ

Auto-transliteration

[10 10B] 10 dendewi, sungsut'hidapacangkesaḥ, mapamitringyayahibu, laścar̀yyaledangringar̀ṣa, ñadyabhakti, ñungsungñanggrapakayunan. radendewimatur̀banban, sahahidamangañjali, ngĕtuska yun, yayaḥreṇa, hinggiḥratuhajiprabhu, kahiringlanratubiyang, tityangngiring, ñungsungñanggrapakayunan. hinucapsangprabhusuṇdha, kahiringlanpramiśwari, hegar̀kayunemañi ngak, wĕkaniraraden'galuḥ, laścar̀yyañungsungmañanggra, sakingjati, wĕcananhidasangnātha. hesuk'heñjinghinucapan, watĕkprajananesami, kapwaringsuṇdhanāgara, samisāmpu ntataswĕruḥ, panglamarewuskalugra, denr̥ĕpati, manggalaningjagatsuṇdha. siranr̥ĕpatihinucap, ringpasebhankatangkilin, kahiringparapunggawa, patiḥmadhusahādĕmung, watĕkpraja [11 11A] 11 nanepraptā, ñadyabhakti, bĕdakñanggrapakayunan. wĕcanansirasangnātha, mantukaringgustipatiḥ, patiḥmadhukĕnayatna, dabdabangdewekemantuk, matur̀bañaringsangnātha, nana kdewi, nirañadyamangaturang. suratetanwal̥ĕsnira, nirañadyamangrawuhin, pacangñar̥ĕnginhinanak, pungkuranrawuḥmangĕtut, nanakprabhukĕnawikan, ketopatiḥ, naḥña ndangsubadabdabang. patiḥmadhumatur̀sĕmbaḥ, sahityatityangmangiring, sapangandikanhidewa, ñadyakatur̀ringsangprabhu, tityangmamitanglugraha, nglungsur̀pamit, beñjangtityangprayabudal. punggĕlang punangcarita, pañjaksamiwusmapamit, bubar̀punangpanangkilan, wawilangansampunhigum, pañjakeñadyangiringang, radendewi, kawilatikṭanāgara \\•\\ patiḥmadhumapamitbu

Leaf 11

Image on Archive.org

[᭑᭑ 11B] ᭑᭑ ᬤᬮ᭄ᬓᬫᬚᬧᬳᬶᬢ᭄᭞ᬧ᭄ᬭᬪᬸᬲᬸᬡ᭄ᬥᬗᭂᬢᬸᬢ᭄ᬧᬸᬗ᭄ᬓᬸᬭᬦ᭄᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬧᬶᬢᬶᬸᬭᬂᬤᬶᬦ᭄ᬢᭂᬦ᭄ᬢᬦ᭄ᬓᬘ᭄ᬭᬶᬢ᭞ᬲᬲᬫ᭄ᬧᬸᬦ᭄ᬓᬶᬧᬢᬶᬄᬫᬥᬸᬫᬧᬫᬶᬢ᭄᭞ᬧᬜ᭄ᬚᬓ᭄ᬲᬸᬡ᭄ᬥᬲᬫᬶᬳᬶᬫ᭄ᬧᬸᬢ᭄᭞ᬗᬢᬸᬭᬂᬳᬬᬄᬫᬓᬃᬬ᭄ᬬ᭞ᬩᭂᬓᭂᬮ᭄ᬮᬸ ᬗ᭄ᬳᬵᬓᬫᬚᬧᬳᬶᬢ᭄ᬓᬯᬸᬯᬸᬲ᭄᭞ᬜᬤ᭄ᬬᬗᬶᬭᬶᬂᬲᬶᬭᬦᬵᬣ᭞ᬫᬜᬋᬗᬶᬦ᭄ᬭᬤᬾᬦ᭄ᬤᬾᬯᬶ᭟ᬓᬢᬄᬩᬳᬶᬢᬦᬾᬲᬢᬓ᭄᭞ᬲᬾᬬᭀᬲ᭄ᬫᬮᬶᬄᬳᬶᬦᬸᬘᬧ᭄ᬓᬯᬶᬮᬗᬶᬦ᭄᭞ᬧ᭄ᬭᬵᬧ᭄ᬢᬓᬮᬶᬄᬳᭂᬯᬸᬧ᭄ᬭᬳᬸ᭞ᬕᬚᬄᬓᬸᬤᬧ ᬮᬶᬗ᭄ᬕᬶᬳᬦ᭄᭞ᬲᬮᬸᬯᬶᬃᬜᬧᬶᬭᬦ᭄ᬢᬶᬦᬶᬂᬲᬂᬦᬵᬣᬭᬢᬸ᭞ᬲᬫᬶᬯᬸᬲ᭄ᬢᭂᬕᭂᬧ᭄ᬲᬬᬕ᭞ᬳᭂᬩᭂᬓ᭄ᬚᭂᬚᭂᬮ᭄ᬭᬶᬂᬧᬲᬶᬲᬶᬃ᭟ᬲᬦᬾᬫᬗ᭄ᬓᬶᬦ᭄ᬓᬘ᭄ᬭᬶᬢᬬᬂ᭞ᬲᬶᬭᬦᬵᬣᬯᬸᬲ᭄ᬧ᭄ᬭᬵᬧ᭄ᬢᬭᬶᬂᬧᬲᬶᬲᬶᬃ᭞ᬘᬶᬳ᭄ᬦᬦ᭄ᬚᬕᬢᬾᬢᬦ᭄ᬧᬢᬸᬢ᭄᭞ᬢᭀᬬ ᬦ᭄ᬲᬕᬭᬫᬓ᭄ᬮᬶᬳᬄ᭞ᬫᬯᬃᬡ᭄ᬦᬩᬂᬧᬓ᭄ᬱᬶᬕᭀᬯᬓ᭄ᬧᬓᭂᬩᬸᬃᬩᬸᬃ᭞ᬲ᭄ᬯᬭᬦ᭄ᬜᬦᬾᬗᬮᬤᬮᬤ᭄᭞ᬲᬳᬫᬗᬸᬢᬳᬂᬕᭂᬢᬶᬄ᭟ᬓᬤᬶᬲᭂᬤᬶᬄᬲ᭄ᬯᬭᬦ᭄ᬳᬶᬕᭀᬯᬓ᭄᭞ᬧᬶᬦᬓᬧᬯᬸᬗᬸᬭᬶᬂᬲᬂᬪᬹᬧᬢᬶ᭞ᬫ [᭑᭒ 12A] ᭑᭒ ᬗ᭄ᬤᬲᬵᬫ᭄ᬧᬸᬦ᭄ᬳᬶᬤᬓᬤᬸᬭᬸᬲ᭄᭞ᬧᬘᬂᬫᬗ᭄ᬮᬦ᭄ᬢᬸᬭᬂᬮᬫ᭄ᬧᬄ᭞ᬫᬤᬸᬃᬕ᭄ᬕᬫᬵᬧᬫᬃᬕ᭄ᬕᬶᬦ᭄ᬳᬶᬤᬲᬂᬧ᭄ᬭᬪᬸ᭞ᬲᬶᬦᬄᬳᬶᬤᬧᬘᬂᬭᬸᬲᬓ᭄᭞ᬘᬶᬳ᭄ᬦᬦ᭄ᬚᬕᬢᬾᬢᬦ᭄ᬩᭂᬘᬶᬓ᭄᭟ᬲᬂᬧ᭄ᬭᬪᬸᬢᬦ᭄ᬗᬋᬗᬬᬂ᭞ᬭᬶᬗᬶᬦ᭄ᬤᬶᬓ᭄ᬧ᭄ᬭᬘᬶᬭᬶᬦ᭄ᬚᬕᬢᬾ ᬲᬫᬶ᭞ᬢᭂᬳᭂᬃᬓᬬᬸᬦ᭄ᬳᬶᬤᬲᬫ᭄ᬧᬸᬦ᭄᭞ᬜᬤ᭄ᬬᬧᬘᬂᬫᬜᬗ᭄ᬓᭂᬧᬂ᭞ᬚᬢᬸᬓᬃᬫ᭄ᬫᬧᬸᬢ᭄ᬭᬦ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬗᬶᬭᬶᬂᬯᬶᬮᬢᬶᬓ᭄ᬝᬦᬵᬣ᭞ᬲᬸᬩᬬᬦᬾᬲᬫ᭄ᬧᬸᬦ᭄ᬧᬱ᭄ᬝᬶ᭟ᬲᬂᬦᬵᬣᬮᬦ᭄ᬓᬸᬮᬯᬃᬕ᭄ᬕ᭞ᬧᬧᬢᬶᬄ ᬢᬡ᭄ᬥᬫᬦ᭄ᬢ᭄ᬭᬶᬫᬓᬲᬫᬶ᭞ᬧᬸᬗ᭄ᬕᬯᬲᬳᬵᬢᬸᬫᭂᬗ᭄ᬕᬸᬂ᭞ᬧᬭᬯᬶᬭᬲᬺᬕᭂᬧ᭄ᬲᬜ᭄ᬚᬢ᭞ᬲᬫ᭄ᬧᬸᬦ᭄ᬫᬸᬗ᭄ᬕᬄᬩᬳᬶᬢᬧ᭄ᬭᬳᬸᬦᬾᬧᭂᬦᬸᬄ᭞ᬳᭂᬩᭂᬓ᭄ᬚᭂᬚᭂᬮ᭄ᬫᬕᬶᬳᬓᬦ᭄᭞ᬲᬫᬶᬫᬸᬗ᭄ᬕᬄᬮ᭄ᬬᬗᬢᬶ᭟ᬭᭀᬦ᭄ᬢᬾ ᬓ᭄ᬓᭀᬩᬾᬃᬮᬦ᭄ᬕᬫ᭄ᬩᭂᬮᬦ᭄᭞ᬲᬳᬧᬶᬭᬦ᭄ᬢᬶᬦᬶᬂᬳᬕᬸᬗᬾᬮᬸᬯᬶᬄ᭞ᬲᬶᬦᬫ᭄ᬬᬦ᭄ᬘᬸᬫᬯᬶᬲ᭄ᬲᬫ᭄ᬧᬸᬦ᭄᭞ᬲᭀᬯᬂᬲᭀᬯᬂᬗᬫᭀᬂᬕᬕᬶᬡᬦ᭄᭞ᬲᬫ᭄ᬧᬸᬦ᭄ᬢ᭄ᬭᬕ᭄ᬬ᭞ᬧᬫᬃᬕ᭄ᬕᬶᬦᬾᬯᬸᬲ᭄ᬗᬮᬦ᭄ᬢᬸᬃ᭞ᬩᬳᬶᬢᬧ᭄ᬭ

Auto-transliteration

[11 11B] 11 dalkamajapahit, prabhusuṇdhangĕtutpungkuran. pupuḥpangkur̀ \\•\\ pit̶rangdintĕntankacrita, sasampunkipatiḥmadhumapamit, pañjaksuṇdhasamihimput, ngaturanghayaḥmakar̀yya, bĕkĕllu nghākamajapahitkawuwus, ñadyangiringsiranātha, mañar̥ĕnginradendewi. kataḥbahitanesatak, seyosmaliḥhinucapkawilangin, prāptakaliḥhĕwuprahu, gajaḥkudapa linggihan, saluwir̀ñapirantiningsangnātharatu, samiwustĕgĕpsayaga, hĕbĕkjĕjĕlringpasisir̀. sanemangkinkacritayang, siranāthawusprāptaringpasisir̀, cihnanjagatetanpatut, toya nsagaramaklihaḥ, mawar̀ṇnabangpaksyigowakpakĕbur̀bur̀, swaranñanengaladalad, sahamangutahanggĕtiḥ. kadisĕdiḥswaranhigowak, pinakapawunguringsangbhūpati, ma [12 12A] 12 ngdasāmpunhidakadurus, pacangmanglanturanglampaḥ, madur̀ggamāpamar̀gginhidasangprabhu, sinaḥhidapacangrusak, cihnanjagatetanbĕcik. sangprabhutanngar̥ĕngayang, ringindikpracirinjagate sami, tĕhĕr̀kayunhidasampun, ñadyapacangmañangkĕpang, jatukar̀mmaputranhidaraden'galuḥ, ngiringwilatikṭanātha, subayanesampunpaṣṭi. sangnāthalankulawar̀gga, papatiḥ taṇdhamantrimakasami, punggawasahātumĕnggung, parawirasr̥ĕgĕpsañjata, sampunmunggaḥbahitaprahunepĕnuḥ, hĕbĕkjĕjĕlmagihakan, samimunggaḥlyangati. ronte kkober̀lan'gambĕlan, sahapirantininghagungeluwiḥ, sinamyancumawissampun, sowangsowangngamonggagiṇan, sampuntragya, pamar̀gginewusngalantur̀, bahitapra

Leaf 12

Image on Archive.org

[᭑᭒ 12B] ᭑᭒ ᬳᬸᬫᬮᬬᬃ᭞ᬫᬚᬧᬳᬶᬢᬾᬓᬳᬸᬗ᭄ᬲᬶ᭟ᬕᬕᬫ᭄ᬩᭂᬮᬦ᭄ᬬᬸᬲ᭄ᬓᬢᭂᬧᬓ᭄᭞ᬲ᭄ᬯᬭᬦ᭄ᬜᬦᬾᬗᬋᬋᬗᬶᬄᬫᬗᬸᬘᬶ᭞ᬗᬜᬶᬳᬜᬶᬄᬗᭂᬢᬸᬲ᭄ᬓᬬᬸᬦ᭄᭞ᬧᬗᬶᬭᬶᬗᬾᬫᬕ᭄ᬬᬓᬦ᭄᭞ᬲᬫᬶᬮᬾᬤᬂᬫᭂᬍᬤ᭄ᬳᬶ ᬤᬤᬦᬾᬳᬶᬧᬸᬦ᭄᭞ᬫᭂᬮᬘᬯᬶᬯᬳᬦ᭄ᬳᬶᬤ᭞ᬲᬶᬭᬭᬢᬸᬭᬤᬾᬦ᭄ᬤᬾᬯᬶ᭟ᬰᬹᬦ᭄ᬬᬋᬓᭀᬭᬶᬂᬚᬕᬢ᭄ᬲᬸᬡ᭄ᬥ᭞ᬯᬺᬥᬳᬮᬶᬢ᭄ᬮᬦᬂᬳᬶᬲ᭄ᬢ᭄ᬭᬶᬫᬗᬶᬭᬶᬂ᭞ᬲᬫᬶᬜᬤ᭄ᬬᬫᭂᬤᭂᬓ᭄ᬭᬯᬸᬄ᭞ᬲᬭᬢ᭄ᬗᬶᬭᬶᬂᬗᬲ᭄ᬢᬯᬬᬂ ᭞ᬓᬃᬬ᭄ᬬᬦᬶᬤᬯᬶᬯᬳᬦ᭄ᬳᬶᬤᬲᬂᬧ᭄ᬭᬪᬸ᭞ᬘᬢ᭄ᬭᬾᬂᬚᬕᬢ᭄ᬯᬶᬮᬢᬶᬓ᭄ᬝ᭞ᬓᬳᬶᬭᬶᬂᬮᬦ᭄ᬭᬤᬾᬦ᭄ᬤᬾᬯᬶ᭟ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭞ᬳᬶᬦᬸᬘᬧᬦ᭄ᬤᬦᬾᬓᬶᬕᬸᬲ᭄ᬢᬶᬧᬢᬶᬄ᭞ᬧᬢᬶᬄᬫᬥᬸᬲᬵᬫ᭄ᬧᬸᬦ᭄ᬭᬯᬸᬄ᭞ᬓᬳᬶᬭᬶᬂᬮᬦ᭄ᬫᬦ᭄ᬢ᭄ᬭᬶᬯᬺᬥ ᭞ᬭᬶᬂᬧᬲᬾᬪᬦ᭄‌ᬫᬢᬸᬃᬭᬶᬗᬶᬤᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬧ᭄ᬭᬬᬫᬢᬸᬃᬲᬦᬾᬫᬗ᭄ᬓᬶᬦ᭄᭟ᬲᬶᬭᬧ᭄ᬭᬪᬸᬲᬸᬡ᭄ᬥᬮᬾᬤᬂ᭞ᬗᬢᬸᬭᬂᬧᬸᬢ᭄ᬭᬦᬶᬤᬭᬤᬾᬦ᭄ᬤᬾᬯᬶ᭞ᬳᬶᬤᬜᬤ᭄ᬬᬧᬘᬂᬭᬯᬸᬄ᭞ᬲᬳ [᭑᭓ 13A] ᭑᭓ ᬧᬸᬢ᭄ᬭᬮᬦ᭄ᬲ᭄ᬯᬕᭀᬢ᭄ᬭ᭞ᬲᬋᬂᬲᬫ᭄ᬬᬦ᭄‌‌ᬜᬤ᭄ᬬᬫᭂᬤᭂᬓ᭄ᬭᬶᬂᬳᬶᬭᬢᬸ᭞ᬲᬭᬢ᭄ᬲᬋᬂᬗᬲ᭄ᬢᬯᬬᬂ᭞ᬓᬃᬬ᭄ᬬᬦ᭄ᬭᬢᬸᬰ᭄ᬭᬷᬪᬹᬧᬢᬶ᭟ᬳᬶᬤᬫᬫᬃᬕ᭄ᬕᬧᬸᬗ᭄ᬓᬸᬭᬦ᭄᭞ᬢᬶᬢ᭄ᬬᬂᬓᬦᬶᬓᬬᬂᬮᬸᬫᬫ᭄ᬧᬄᬭᬶᬳᬶᬦ᭄᭞ᬗᬯᭂᬓᬲᬂ ᬭᬶᬗᬶᬭᬢᬸ᭞ᬲᬶᬤ᭄ᬥᬭᬢᬸᬢᬢᬲ᭄ᬯᬶᬓᬦ᭄᭞ᬲᬧᬸᬦᬶᬓᬵᬤᬕᬶᬂᬳᬢᬸᬃᬢᬶᬢ᭄ᬬᬂᬭᬢᬸ᭞ᬲᬸᬓ᭄ᬱᭂᬭᬄᬘᭀᬓᭀᬃᬳᬶᬤᬾᬯ᭞ᬓᭂᬦᬶᬭᬢᬸᬫᬓᬬᬸᬦᬶᬦ᭄᭟ᬳᬾᬕᬃᬓᬬᬸᬦ᭄ᬲᬂᬦᬵᬣ᭞ᬤᬶᬕᭂᬮᬶᬲ᭄ᬳᬶᬤᬫᬦᬯᬸᬳᬶ ᬦ᭄ᬲᬫᬶ᭞ᬓᭂᬦᬶᬧᬜ᭄ᬚᬓ᭄ᬲᬫᬶᬭᬯᬸᬄ᭞ᬲᬶᬤ᭄ᬥᬬᬢ᭄ᬦᬧᬘᬂᬜᬗ᭄ᬕ᭄ᬭ᭞ᬭᬯᬸᬄᬳᬶᬤᬧᬮᬸᬗ᭄ᬕᬸᬄᬳᬶᬤᬲᬂᬧ᭄ᬭᬪᬸ᭞ᬲᬂᬦᬵᬣᬭᬢᬸᬭᬶᬂᬲᬸᬡ᭄ᬥ᭞ᬫᬗ᭄ᬤᬾᬦᬾᬲᬫᬶᬘᬸᬫᬯᬶᬲ᭄᭟ᬧᬜ᭄ᬚᬓᬾᬢᭂᬤᬸᬦ᭄ᬫᬓᬃᬬ᭄ᬬ᭞ᬳᬾᬩᭂᬓ᭄ᬚᭂ ᬚᭂᬮ᭄ᬲᬫᬶᬗᬬᬄᬭᬶᬂᬧᬸᬭᬶ᭞ᬫᬦᬹᬢ᭄ᬭᬶᬂᬳᬫᭀᬗᬦ᭄ᬲᬫ᭄ᬧᬸᬦ᭄᭞ᬯᬾᬦ᭄ᬢᭂᬦ᭄ᬲᬦᬾᬗᬯᬾᬩᬗ᭄ᬲᬮ᭄᭞ᬧᬘᬂᬕᭂᬦᬄᬧᬤᬸᬦᬸᬗᬦ᭄ᬧᬭᬢᬫ᭄ᬬᬸ᭞ᬲᬦᬾᬫᬗᬶᬭᬶᬗᬗᬶᬤ᭞ᬲᬂᬧ᭄ᬭᬪᬸᬲᬸᬡ᭄ᬥᬦᬵᬕᬭᬶ᭟ᬯᬾᬦ᭄ᬢᭂᬦ᭄ᬲᬦᬾ

Auto-transliteration

[12 12B] 12 humalayar̀, majapahitekahungsi. gagambĕlanyuskatĕpak, swaranñanengar̥ĕr̥ĕngiḥmanguci, ngañihañiḥngĕtuskayun, pangiringemagyakan, samiledangmĕl̥ĕd'hi dadanehipun, mĕlacawiwahanhida, siraraturadendewi. śūnyar̥ĕkoringjagatsuṇdha, wr̥ĕdhahalitlananghistrimangiring, samiñadyamĕdĕkrawuḥ, saratngiringngastawayang , kar̀yyanidawiwahanhidasangprabhu, catrengjagatwilatikṭa, kahiringlanradendewi. punggĕlangpunangcarita, hinucapandanekigustipatiḥ, patiḥmadhusāmpunrawuḥ, kahiringlanmantriwr̥ĕdha , ringpasebhanmatur̀ringidasangprabhu, tityangmamitanglugraha, prayamatur̀sanemangkin. siraprabhusuṇdhaledang, ngaturangputranidaradendewi, hidañadyapacangrawuḥ, saha [13 13A] 13 putralanswagotra, sar̥ĕngsamyanñadyamĕdĕkringhiratu, saratsar̥ĕngngastawayang, kar̀yyanratuśrībhūpati. hidamamar̀ggapungkuran, tityangkanikayanglumampaḥrihin, ngawĕkasang ringiratu, siddharatutataswikan, sapunikādaginghatur̀tityangratu, suksyĕraḥcokor̀hidewa, kĕniratumakayunin. hegar̀kayunsangnātha, digĕlishidamanawuhi nsami, kĕnipañjaksamirawuḥ, siddhayatnapacangñanggra, rawuḥhidapalungguḥhidasangprabhu, sangnātharaturingsuṇdha, mangdenesamicumawis. pañjaketĕdunmakar̀yya, hebĕkjĕ jĕlsamingayaḥringpuri, manūtringhamongansampun, wentĕnsanengawebangsal, pacanggĕnaḥpadununganparatamyu, sanemangiringangida, sangprabhusuṇdhanāgari. wentĕnsane

Leaf 13

Image on Archive.org

[᭑᭓ 13B] ᭑᭓ ᬫᭂᬘᬶᬓᬂᬫᬃᬕ᭄ᬕ᭞ᬧᬸᬭᬶᬳᬕᬸᬂᬫᬳᬸᬧᬋᬗ᭄ᬕᬧᬱ᭄ᬝᬶ᭞ᬚᬩᬧᬸᬭᬶᬦᬾᬫᬳᬸᬤᬸᬤ᭄᭞ᬓᬸᬝᬭᬚ᭄ᬬᬓᬢᭀᬦ᭄ᬭᬫ᭄ᬬ᭞ᬲᬃᬯ᭄ᬯᬶᬳᬶᬬᬲ᭄‌ᬤᬳᬢ᭄ᬗᬸᬮᬗᬸᬦᬶᬦ᭄ᬓᬬᬸᬦ᭄᭞ᬳᬶᬤᬤᬦᬾᬲᬂᬗᬢᭀᬦᬂ᭞ᬲᬫᬶᬓᬋᬲᬶᬓᬶᬦᬰ᭄ᬭᬷ᭟ ᬲᬧᬶᬭᬦ᭄ᬢᬶᬦᬶᬂᬯᬶᬯᬳ᭞ᬲᬫ᭄ᬧᬸᬦ᭄ᬓᬘᬯᬶᬲᬂᬫᬗ᭄ᬓᬶᬦ᭄ᬭᬶᬂᬧᬸᬭᬶ᭞ᬭᭀᬦ᭄ᬢᬾᬓ᭄ᬓᭀᬩᬾᬃᬳᬸᬫ᭄ᬩᬸᬮᬸᬫ᭄ᬩᬸᬮ᭄᭞ᬲᬫᬶᬲᬫ᭄ᬧᬸᬦ᭄ᬫᬚᬚᬃᬚᬚᬃ᭞ᬓᬤᬶᬤᬶᬮᬄᬲᬚ᭄ᬭᭀᬦᬶᬂᬭᬶᬂᬧᬸᬭᬶᬳᬕᬸᬂ᭞ᬢᬸᬳᬸᬧᬸᬭᬶᬦ᭄ᬲᬶᬭᬦᬵᬣ᭞ᬧ᭄ᬭᬪᬸᬮᬸᬯᬶᬄᬜᬓ᭄ᬭᬯᬺᬢ᭄ᬢᬶ᭟ᬲᬶᬭᬯᬶᬮ ᬢᬶᬓ᭄ᬝᬦᬵᬣ᭞ᬲᬶᬬᬤᬮᬸᬗᬚᬧᬚᬧ᭄ᬲᬂᬤᬾᬯᬶ᭞ᬲᬶᬤ᭄ᬥᬕᭂᬮᬶᬲ᭄ᬳᬶᬤᬭᬯᬸᬄ᭞ᬓᬬᬸᬦᬾᬢᭀᬂᬲᬶᬤ᭄ᬥᬧᬲᬄ᭞ᬭᬶᬂᬲᬂᬤ᭄ᬬᬄᬮᬶᬧᬸᬭᬂᬢᭀᬂᬲᬶᬤ᭄ᬥᬮᬶᬧᬸᬃ᭞ᬮᬮᬶᬳᬶᬤᬗᬫᭀᬂᬚᬕᬢ᭄᭞ᬚᬕᬢᬾᬢᭀᬂᬓᬧᬶᬦᭂᬳᬶᬦ᭄᭟ᬉᬤᬸᬄᬤ᭄ᬬᬄᬲᬂᬫ᭄ᬭ ᬕᬢᬶᬃᬣ᭞ᬤᬸᬭᬸᬲ᭄ᬢᭂᬤᬸᬳᬶᬦ᭄ᬕᭂᬦᬶᬦ᭄ᬫᬦᬄᬩᭂᬮᬶ᭞ᬧᬦᭂᬲᬾᬢᭀᬂᬲᬶᬤ᭄ᬥᬢᭂᬯᬸᬄ᭞ᬬᬦ᭄ᬢᬦ᭄ᬓᬢᬶᬩᬾᬦᬶᬦ᭄ᬯᬃᬱ᭞ᬢᬶᬃᬣᬦ᭄ᬯᬃᬱᬫᭂᬢᬸᬲᬓᬶᬂᬳᬗ᭄ᬕᬦ᭄ᬭᬢᬸ᭞ᬭᬢᬸᬳᬢ᭄ᬫᬚᬶᬯᬦ᭄ᬢᬶᬢ᭄ᬬᬂ᭞ᬕᭂᬮᬶᬲ᭄ᬭᬢᬸᬫᬜᬸᬯᬾᬘᬦᬶᬦ᭄᭟᭜᭟ᬧ᭄ᬭᬪᬸᬲᬸᬡ᭄ᬥᬯᬸᬲ᭄ᬧ᭄ᬭᬧ᭄ᬢᬵ [᭑᭔ 14A] ᭑᭔ ᬭᬶᬂᬫᬚᬧᬳᬶᬢ᭄᭟ᬧᬸᬧᬸᬄᬥᬂᬥᬂᬕᬸᬮ᭟᭜᭟ᬓᬘ᭄ᬭᬶᬢᬬᬂᬫᬸᬗ᭄ᬕᬄᬭᬶᬂᬩᬩᬤ᭄ᬧᬱ᭄ᬝᬶ᭞ᬤᬰᬤᬶᬦ᭄ᬢᭂᬦ᭄᭞ᬲᬲᬫ᭄ᬧᬸᬦ᭄ᬜᬧ᭄ᬭᬵᬧ᭄ᬢ᭞ᬓᬶᬧᬢᬶᬄᬫᬥᬸᬭᬯᬸᬳᬾ᭞ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬜ᭄ᬚᬓ᭄ᬭᬯᬸᬄ᭞ᬲᬓᬶᬂᬤᬾᬰᬩᬸᬩᬢ᭄ᬢᬗ᭄ᬓᬶᬮ᭄᭞ᬗᬯᭂᬓᬲᬂᬭᬶᬂᬲᬂᬦᬵᬣ ᭞ᬯᬶᬮᬢᬶᬓ᭄ᬝᬧ᭄ᬭᬪᬸ᭞ᬭᬶᬗᬶᬦ᭄ᬤᬶᬓ᭄ᬧᬗ᭄ᬭᬯᬸᬳᬶᬤ᭞ᬧ᭄ᬭᬪᬸᬲᬸᬡ᭄ᬥ᭞ᬭᬶᬂᬧᬲᬶᬲᬶᬃᬦᬾᬫᬗ᭄ᬓᬶᬦ᭄ᬧ᭄ᬭᬵᬧ᭄ᬢᬶ᭞ᬲᬕᭂᬋᬳᬵᬦ᭄ᬮᬦ᭄ᬩᬳᬸᬤᬡ᭄ᬥ᭟ᬧᬗ᭄ᬕᬶᬄᬢᬶᬢ᭄ᬬᬂᬳᬶᬤᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬭᬤᬾᬦ᭄ᬤᬾᬯ᭄ᬬ᭞ᬢᬍᬃᬫᬗᬶᬭᬶᬗᬂ᭞ᬓᬧ᭄ᬯᬧ᭄ᬭᬵᬧ᭄ᬢᬲᬶᬭᬫ ᬗ᭄ᬓᬾ᭞ᬧᬢᬶᬄᬢᬡ᭄ᬥᬫᬦ᭄ᬢ᭄ᬭᬶᬤᭂᬫᬸᬂ᭞ᬧ᭄ᬭᬚᬸᬭᬶᬢᬾᬲᬫᬶᬢᬶᬢᬶᬩ᭄᭞ᬲᬳᬲᬮ᭄ᬯᬶᬭᬶᬂᬲᬜ᭄ᬚᬢ᭞ᬲᬫᬶᬲᬵᬫ᭄ᬧᬸᬦ᭄ᬢᭂᬤᬸᬦ᭄᭞ᬲᬓᬶᬂᬧ᭄ᬭᬳᬸᬮᬦ᭄ᬩᬳᬶᬢ᭞ᬕᬕᬫ᭄ᬩᭂᬮᬦ᭄᭞ᬲ᭄ᬬᬕᬲᬫ᭄ᬧᬸᬦ᭄ᬘᬸᬫᬯᬶᬲ᭄ᬲᬫᬶ᭞ᬳᬶᬭᬶᬓᬭᬶᬂᬤᬾᬰᬩᬸᬩᬢ᭄᭞ᬲᬓᬶᬂ ᬲᭂᬫᭂᬂᬧᬜ᭄ᬚᬓᬶᬤᬳᬶᬫ᭄ᬧᬸᬢ᭄‌‌ᬲᬫᬶ᭞ᬗᬫ᭄ᬩᬶᬮ᭄ᬓᬃᬬ᭄ᬬ᭞ᬫᬧᬯᬗᬸᬦ᭄ᬩᬗ᭄ᬲᬮ᭄᭞ᬲᭀᬯᬂᬲᭀᬯᬂᬗᬫᭀᬂᬕᬯᬾ᭞ᬮᬦᬂᬳᬶᬲ᭄ᬢ᭄ᬭᬶᬲᬫᬶᬕᬸᬧᬸᬄ᭞ᬯᬾᬦ᭄ᬢᭂᬦ᭄ᬲᬦᬾᬫᬋᬋᬲᬶᬓ᭄᭞ᬫᬗᬺᬲᬶᬓᬶᬦ᭄ᬧᬓᬭᬗᬦ᭄᭞ᬲᬶᬤ᭄ᬥᬩᭂᬘᬶᬓ᭄

Auto-transliteration

[13 13B] 13 mĕcikangmar̀gga, purihagungmahupar̥ĕnggapaṣṭi, jabapurinemahudud, kuṭarajyakatonramya, sar̀wwihiyasdahatngulanguninkayun, hidadanesangngatonang, samikar̥ĕsikinaśrī. sapirantiningwiwaha, sampunkacawisangmangkinringpuri, rontekkober̀humbulumbul, samisampunmajajar̀jajar̀, kadidilaḥsajroningringpurihagung, tuhupurinsiranātha, prabhuluwiḥñakrawr̥ĕtti. sirawila tikṭanātha, siyadalungajapajapsangdewi, siddhagĕlishidarawuḥ, kayunetongsiddhapasaḥ, ringsangdyaḥlipurangtongsiddhalipur̀, lalihidangamongjagat, jagatetongkapinĕhin. uduḥdyaḥsangmra gatir̀tha, durustĕduhin'gĕninmanaḥbĕli, panĕsetongsiddhatĕwuḥ, yantankatibeninwar̀ṣa, tir̀thanwar̀ṣamĕtusakinghangganratu, ratuhatmajiwantityang, gĕlisratumañuwecanin \\•\\ prabhusuṇdhawuspraptā [14 14A] 14 ringmajapahit. pupuḥdhangdhanggula \\•\\ kacritayangmunggaḥringbabadpaṣṭi, daśadintĕn, sasampunñaprāpta, kipatiḥmadhurawuhe, mangkinwentĕnpañjakrawuḥ, sakingdeśabubattangkil, ngawĕkasangringsangnātha , wilatikṭaprabhu, ringindikpangrawuhida, prabhusuṇdha, ringpasisir̀nemangkinprāpti, sagĕr̥ĕhānlanbahudaṇdha. panggiḥtityanghidalanpramiśwari, radendewya, tal̥ĕr̀mangiringang, kapwaprāptasirama ngke, patiḥtaṇdhamantridĕmung, prajuritesamititib, sahasalwiringsañjata, samisāmpuntĕdun, sakingprahulanbahita, gagambĕlan, syagasampuncumawissami, hirikaringdeśabubat, saking sĕmĕngpañjakidahimputsami, ngambilkar̀yya, mapawangunbangsal, sowangsowangngamonggawe, lananghistrisamigupuḥ, wentĕnsanemar̥ĕr̥ĕsik, mangr̥ĕsikinpakarangan, siddhabĕcik

Leaf 14

Image on Archive.org

[᭑᭔ 14B] ᭑᭔ ᬧᬗ᭄ᬕᬸᬄ᭞ᬕᭂᬦᬄᬩᬗ᭄ᬲᬮᬾᬫᬚᬚᬃ᭞ᬓᬢᭀᬦ᭄ᬭᬫ᭄ᬬ᭞ᬳᬦᬹᬢ᭄ᬓᬤᬶᬮᬶᬗ᭄ᬕᬶᬄᬧᬸᬭᬶ᭞ᬧᬲᬗ᭄ᬕ᭄ᬭᬳᬦ᭄ᬧ᭄ᬭᬪᬸᬲᬸᬡ᭄ᬥ᭟ᬕᬃᬚ᭄ᬚᬶᬢᬳ᭄ᬬᬸᬦ᭄ᬧᬮᬸᬗ᭄ᬕᬸᬄᬲᬶᬭᬦᬃᬧ᭄ᬧᬢᬶ᭞ᬭᬶᬂᬧᬲᬾᬪᬦ᭄᭞ᬢᬍᬃᬳᬶᬦᬸᬘᬧᬦ᭄᭞ᬧ᭄ᬭᬪᬸᬓᬸᬭᬶᬧ ᬦ᭄ᬦᬾᬫᬗ᭄ᬓᬾ᭞ᬧ᭄ᬭᬪᬸᬤᭂᬳᬲᬫᬶᬳᬶᬕᬸᬫ᭄᭞ᬲᬂᬢᬶᬕᬲᬫᬶᬧᬓᭂᬜᬶᬂ᭞ᬲᬫᬶᬮᬾᬤᬂᬜᬤ᭄ᬬᬫᭂᬦ᭄ᬤᬓ᭄᭞ᬲᬶᬭᬦᬵᬣᬭᬢᬸ᭞ᬫᬗ᭄ᬕᬮᬦᬶᬂᬚᬕᬢ᭄ᬲᬸᬡ᭄ᬥ᭞ᬫᬢᬸᬯᬦ᭄ᬲᬶᬭᬦᬭᬧᬢᬶ᭞ᬲᬢ᭄ᬫᬓᬳᬚᬶᬦ᭄ᬲᬂᬦᬵᬣ᭟ᬕᭂᬮᬶ ᬲ᭄ᬲᬶᬭᬧ᭄ᬭᬪᬸᬓᬸᬭᬶᬧᬦ᭄ᬦᬯᬸᬳᬶᬦ᭄᭞ᬩᬳᬸᬤᬡ᭄ᬥ᭞ᬫᬦ᭄ᬢ᭄ᬭᬶᬮᬦ᭄ᬧᬸᬗ᭄ᬕᬯᬵ᭞ᬧᬢᬶᬄᬤᭂᬫᬸᬂᬲᬶᬤ᭄ᬥᬳᬕᬾ᭞ᬲᬶᬤ᭄ᬥᬵᬬᬢ᭄ᬦᬜᬤ᭄ᬬᬧᬸᬧᬸᬢ᭄᭞ᬫᬢᬓᬶᬢᬓᬶᬫᬓᬶᬦ᭄ᬓᬶᬦ᭄᭞ᬧᬘᬂᬫᭂᬦ᭄ᬤᬓ᭄ᬜᬗ᭄ᬕ᭄ᬭᬲᬶᬭ᭞ᬲᬂᬯᬸᬲ᭄ᬮᬫᬶᬓᬢᬸᬗ᭄ᬕᬸ᭞ᬲᬶᬭᬧ᭄ᬭᬪᬸ ᬚᬕᬢ᭄ᬲᬸᬡ᭄ᬥ᭞ᬲᬶᬤ᭄ᬥᬲ᭄ᬬᬕ᭞ᬫᬗ᭄ᬤᬤᬶᬕᭂᬮᬶᬲ᭄ᬘᬸᬫᬯᬶᬲ᭄᭞ᬫᬕᭂᬋᬳᬦ᭄ᬧᬘᬂᬮᬸᬫᬫ᭄ᬧᬄ᭟ᬳᬶᬦᬸᬘᬧᬦ᭄ᬲᬂᬧ᭄ᬭᬪᬸᬓᬸᬭᬶᬧᬦ᭄ᬫᬗ᭄ᬓᬶᬦ᭄᭞ᬧ᭄ᬭᬫᬮᬾᬤᬂ᭞ᬕᬸᬧᬸᬄᬫᬗᬾᬜ᭄ᬘᬓᬂ᭞ᬧ᭄ᬭᬬᬜᬋᬗᬶᬦ᭄ᬧᬸᬢ᭄ᬭᬦᬾ᭞ᬜᬗ᭄ᬕ᭄ᬭᬫ [᭑᭕ 15A] ᭑᭕ ᬢᬸᬯᬦ᭄ᬲᬶᬭᬧ᭄ᬭᬪᬸ᭞ᬲᬳᬯᬃᬕ᭄ᬕᬦᬶᬤᬲᬫᬶ᭞ᬳᬶᬭᬶᬓᬭᬶᬤᬾᬰᬩᬸᬩᬢ᭄᭞ᬧ᭄ᬭᬬᬓᬳᬶᬭᬶᬂᬭᬯᬸᬄ᭞ᬫᬭᬶᬂᬧᬸᬭᬶᬯᬶᬮᬢᬶᬓ᭄ᬝ᭞ᬫᬲᬗ᭄ᬕ᭄ᬭᬬᬦ᭄᭞ᬫᬮᬾᬤᬂᬮᬾᬤᬂᬭᬶᬂᬧᬸᬭᬶ᭞ᬜᬤ᭄ᬬᬫᬗᬤᬸᬗᬗᬃᬱ᭞ᬰ᭄ᬭᬷ ᬅᬬᬫ᭄ᬫᬸᬭᬸᬓ᭄ᬗᬮᬶᬗ᭄ᬕᬶᬳᬶᬦ᭄ᬳᬢᬸᬃᬓᬶᬫᬳᬵᬧᬢᬶᬄᬕᬚᬄᬫᬥ᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭞ᬓᬘ᭄ᬭᬶᬢᬬᬂᬭᬶᬂᬩᬜ᭄ᬘᬶᬗᬄᬦᬾᬫᬗ᭄ᬓᬶᬦ᭄᭞ᬧᬦᬗ᭄ᬓᬶᬮᬦ᭄ᬳᭂᬩᭂᬓ᭄ᬧᭂᬦᬸᬄ᭞ᬫᬦᬗ᭄ᬓᬶᬮᬶᬦ᭄ᬲᬶᬭᬦᬵᬣ᭞ᬲᬫᬶᬮᬾᬤᬂᬧᬘᬂᬫᭂ ᬦ᭄ᬤᬓ᭄ᬭᬤᬾᬦ᭄ᬕᬮᬸᬄ᭞ᬭᬢᬸᬳᬬᬸᬲᭂᬓᬃᬲᬸᬡ᭄ᬥ᭞ᬳᬶᬭᬶᬓᬭᬶᬂᬩᬸᬩᬢ᭄ᬫᬗ᭄ᬓᬶᬦ᭄᭟ᬭᬶᬳᬸᬄᬧᬸᬦᬂᬧᬦᬗ᭄ᬓᬶᬮᬵᬦ᭄᭞ᬫᬳᬶᬘᬳᬶᬘᬬᬦ᭄ᬲᬮᬶᬂᬓᭂᬜᬶᬗᬶᬦ᭄᭞ᬤᬳᬢ᭄ᬳᬾᬕᬭᬾᬓᬮᬗ᭄ᬓᬸᬂ᭞ᬯᬃᬡ᭄ᬦᬦ᭄ᬲᬶᬭᬦᬵᬣᬩᬶᬗᬃ᭞ᬧ᭄ᬭᬫ ᬮᬾᬤᬂᬲᬭᬢ᭄ᬓᬬᬸᬦᬾᬫᬢᭂᬫᬸ᭞ᬭᬶᬂᬲᬶᬭᬲᬂᬧᬸᬱ᭄ᬧᬚᬸᬯᬶᬢ᭞ᬧᬸᬱ᭄ᬧᬦᬵᬃᬣᬦ᭄ᬲᬶᬭᬚᬢᬶ᭟ᬤᬦᬾᬧᬢᬶᬄᬕᬚᬄᬫᬥ᭞ᬫᭂᬦᭂᬂᬦᬦᭂᬂᬪᬯᬦᬾᬲᬤᬚᭂᬗᬶᬲ᭄᭞ᬤᬦᬾᬦᬢᬦ᭄ᬓᬧᬶᬭᬸᬗᬸ᭞ᬢᬦ᭄ᬫᬦ᭄ᬢᬸᬓ᭄ᬭᬶᬂᬧᬓᬬᬸᬦ

Auto-transliteration

[14 14B] 14 pangguḥ, gĕnaḥbangsalemajajar̀, katonramya, hanūtkadilinggiḥpuri, pasanggrahanprabhusuṇdha. gar̀jjitahyunpalungguḥsiranar̀ppati, ringpasebhan, tal̥ĕr̀hinucapan, prabhukuripa nnemangke, prabhudĕhasamihigum, sangtigasamipakĕñing, samiledangñadyamĕndak, siranātharatu, manggalaningjagatsuṇdha, matuwansiranarapati, satmakahajinsangnātha. gĕli ssiraprabhukuripannawuhin, bahudaṇdha, mantrilanpunggawā, patiḥdĕmungsiddhahage, siddhāyatnañadyapuput, matakitakimakinkin, pacangmĕndakñanggrasira, sangwuslamikatunggu, siraprabhu jagatsuṇdha, siddhasyaga, mangdadigĕliscumawis, magĕr̥ĕhanpacanglumampaḥ. hinucapansangprabhukuripanmangkin, pramaledang, gupuḥmangeñcakang, prayañar̥ĕnginputrane, ñanggrama [15 15A] 15 tuwansiraprabhu, sahawar̀gganidasami, hirikarideśabubat, prayakahiringrawuḥ, maringpuriwilatikṭa, masanggrayan, maledangledangringpuri, ñadyamangadungangar̀ṣa, śrī ayammurukngalinggihinhatur̀kimahāpatiḥgajaḥmadha. pupuḥpangkur̀ \\•\\ punggĕlangpunangcarita, kacritayangringbañcingaḥnemangkin, panangkilanhĕbĕkpĕnuḥ, manangkilinsiranātha, samiledangpacangmĕ ndakraden'galuḥ, ratuhayusĕkar̀suṇdha, hirikaringbubatmangkin. rihuḥpunangpanangkilān, mahicahicayansalingkĕñingin, dahat'hegarekalangkung, war̀ṇnansiranāthabingar̀, prama ledangsaratkayunematĕmu, ringsirasangpuṣpajuwita, puṣpanār̀thansirajati. danepatiḥgajaḥmadha, mĕnĕngnanĕngbhawanesadajĕngis, danenatankapirungu, tanmantukringpakayuna

Leaf 15

Image on Archive.org

[᭑᭕ 15B] ᭑᭕ ᬦ᭄᭞ᬧᬘᬂᬫᭂᬦ᭄ᬤᬓ᭄‌ᬭᬶᬂᬳᬶᬤᬰ᭄ᬭᬷᬲᬸᬡ᭄ᬥᬧ᭄ᬭᬪᬸ᭞ᬧᬘᬂᬫᭂᬦ᭄ᬤᬓ᭄ᬭᬶᬯᬸᬄᬓᬩᬸᬩᬢ᭄᭞ᬧ᭄ᬭᬪᬸᬲᬸᬡ᭄ᬥᬧᭂᬘᬸᬦ᭄ᬤᬂᬳᬸᬭᬶᬧ᭄᭟ᬧᬢᬶᬄᬫᬥᬫᬢᬸᬃᬲᭂᬫ᭄ᬩᬄ᭞ᬤᬾᬯᬳᬕᬸᬂᬲᬭᬢ᭄ᬳᬢᬸᬃᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂᬭᬢᬸ᭞ᬓᬤᬶᬮᬗ᭄ᬕ᭄ᬬ ᬳᬢᬸᬃᬢᬶᬢ᭄ᬬᬂ᭞ᬭᬶᬂᬲᬂᬦᬵᬣᬭᬢᬸᬢᬸᬲ᭄ᬦᬶᬂᬢᬸᬳᬸᬭᬢᬸ᭞ᬚᬸᬜ᭄ᬚᬸᬗᬦ᭄ᬢᬶᬢ᭄ᬬᬂᬳᬶᬤᬾᬯ᭞ᬦᬵᬣᬭᬢᬸᬜᬓ᭄ᬭᬯᬺᬢ᭄ᬢᬶ᭟ᬳᬓ᭄ᬯᬾᬄᬭᬢᬸᬗᬯᬯᬚᬕᬢ᭄᭞ᬫᬥᬸᬭ᭞ᬧᬮᬾᬫ᭄ᬩᬂᬩᬮᬶᬮᬦ᭄ᬓᭀᬘᬶ᭞ᬢᬜ᭄ᬚᬸᬂᬧᬸᬭᬯᬦ᭄ᬤᬦ᭄ᬲᬸᬤᬸᬕ᭄᭞ᬲ ᬯᬓᬸᬂᬢᬸᬫᬲᬶᬓᬶᬓ᭄᭞ᬦᬢᬦᬵᬦᬧᬸᬭᬸᬦ᭄ᬮᬗ᭄ᬕ᭄ᬬᬭᬶᬂᬲᬂᬧ᭄ᬭᬪᬸ᭞ᬧ᭄ᬭᬲᬗ᭄ᬕᬫᬫᬤᬫᬤ᭞ᬜᬫᬾᬦ᭄ᬮᬸᬗ᭄ᬕᬸᬄᬰ᭄ᬭᬷᬪᬹᬧᬢᬶ᭟ᬧ᭄ᬭᬪᬸᬲᬸᬡ᭄ᬥᬲᬶᬭᬘᭀᬗᬄ᭞ᬮᬶᬧ᭄ᬬᬢᬦᬾᬮᬶᬂᬭᬶᬂᬮᬶᬗ᭄ᬕᬶᬳᬾᬚᬢᬶ᭞ᬫᬜᬫᬾᬦ᭄ᬮᬶᬗ᭄ᬕᬶᬄᬲᬂᬧ᭄ᬭ ᬪᬸ᭞ᬫᬶᬦᬩ᭄ᬳᬶᬤᬲᬵᬫ᭄ᬧᬸᬦ᭄ᬮᬶᬧ᭄ᬬ᭞ᬭᬶᬂᬧᬶᬤᬩ᭄ᬤᬩ᭄‌ᬤᬸᬓ᭄‌ᬬᬸᬥᬦᬾᬲᬦᬾᬲᬫ᭄ᬧᬸᬦ᭄᭞ᬚᬕᬢ᭄ᬳᬶᬤᬓᬓᬲᭀᬭᬂ᭞ᬳᬦ᭄ᬢᬸᬓ᭄ᬯᬤ᭄ᬬᬰ᭄ᬭᬷᬪᬹᬧᬢᬶ᭟ᬤᬳᬢᬾᬭᬂᬫᬦᬄᬢᬶᬢ᭄ᬬᬂ᭞ᬬᬦ᭄ᬭᬢᬸᬮᬾᬤᬂᬧᬘᬂᬫᬫᭂᬦ᭄ᬤᬓᬶᬦ᭄᭞ᬗ [᭑᭖ 16A] ᭑᭖ ᬦ᭄ᬤᬧᬂᬮᬶᬗ᭄ᬕᬶᬄᬳᬶᬭᬢᬸ᭞ᬫᬦ᭄ᬢᬸᬓᬭᬶᬂᬭᬢᬸᬲᬸᬡ᭄ᬥ᭞ᬢᬶᬢ᭄ᬬᬗᬗᭂᬦ᭄ᬧᭂᬤᬶᬄᬫᬗᬢᭀᬦᬂᬭᬢᬸ᭞ᬪᬝᬭᬲᬸᬲᬸᬦᬦ᭄ᬚᬕᬢ᭄᭞ᬜᬤ᭄ᬬᬭᬯᬸᬄᬫᬦᬗ᭄ᬓᬶᬮᬶᬦ᭄᭟ᬬᬾᬦ᭄ᬲ᭄ᬯᬾᬘ᭄ᬙᬵᬘᭀᬓᭀᬃᬳᬶᬤᬾᬯ᭞ᬦᬯᭂᬕᬂᬢᬶᬢ᭄ᬬᬂᬭᬶᬂᬳᬶᬭᬢᬸᬫᬗ᭄ᬓᬶ ᬦ᭄᭞ᬢᬶᬢ᭄ᬬᬂᬗᬢᬸᬭᬂᬧᬯᬸᬗᬸ᭞ᬚᬦ᭄ᬢᭀᬲ᭄ᬤᬸᬫᬸᬦ᭄ᬫᬗ᭄ᬤᬢᬢᬲ᭄᭞ᬳᬶᬘ᭄ᬙᬾᬦ᭄ᬯᬦᭂᬂᬲᬚ᭄ᬭᭀᬦᬶᬂᬳᬗᭂᬦ᭄ᬲᬂᬧ᭄ᬭᬪᬸ᭞ᬚᬗ᭄ᬓᭂᬧᬂᬮᬶᬫᬂᬭᬳᬶᬦ᭞ᬓᭂᬦᬶᬳᬶᬤᬫᬗ᭄ᬭᬯᬸᬳᬶᬦ᭄᭟ᬬᬦ᭄ᬲᬫ᭄ᬧᬸᬦ᭄ᬮᬶᬫᬂᬭᬳᬶᬦ᭞ᬦᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬗ᭄ᬭᬯᬸᬳᬶ ᬦ᭄ᬫ᭄ᬭᬶᬓᬶ᭞ᬲᬶᬦᬄᬓᬬᬸᬦᬾᬢᬦ᭄ᬧᬢᬸᬢ᭄᭞ᬧᬓᬬᬸᬦᬦ᭄ᬳᬶᬤᬮᭀᬫ᭄ᬧᬂ᭞ᬗᬶᬦ᭄ᬤ᭄ᬭᬚᬮᬵᬗᬤᬸᬫᬦᬶᬲ᭄ᬭᬶᬂᬲᬲᭂᬫᬸ᭞ᬫᬦᬶᬲᬾᬫᬧ᭄ᬯᬭᬮᬭ᭞ᬳᬶᬲᭂᬫᬸᬢ᭄ᬧᬤᭂᬫᬂᬕᭂᬡ᭄ᬥᬶᬲ᭄᭟ᬲᭂᬧᬶᬮᬶᬤᬶᬕ᭄ᬭᬶᬂᬧᬲᬾᬪᬦ᭄᭞ᬫ᭄ᬬᬃᬱᬬᬂᬧᬯᬸᬗᬸ ᬦ᭄ᬕᬸᬲ᭄ᬢᬶᬧᬢᬶᬄ᭞ᬢᬦᬵᬦᬧᬸᬭᬸᬦ᭄ᬫᬲᬯᬸᬃ᭞ᬭᬶᬂᬓᬶᬧᬢᬶᬄᬕᬚᬄᬫᬥ᭞ᬢᬩᭂᬂᬯᬶᬚᬂᬫᬳᬵᬧᬢᬶᬄᬤᬳᬢ᭄ᬓᬲᬸᬩ᭄᭞ᬳᬗ᭄ᬕᬓ᭄ᬭᬸᬭᬫᬯᬶᬫᬫᬰᬾᬱ᭞ᬧ᭄ᬭᬓᬗ᭄ᬕᬾᬦ᭄‌ᬰ᭄ᬭᬷᬦᬭᬧᬢᬶ᭟ᬧ᭄ᬭᬪᬸᬓᬸᬭᬶᬧᬦ᭄ᬳᬶᬦᬸᬘᬧ᭄᭞ᬗᬮᬶᬗ᭄ᬕᬶᬳᬶᬦ᭄ᬳᬢᬸᬃᬤ

Auto-transliteration

[15 15B] 15 n, pacangmĕndakringhidaśrīsuṇdhaprabhu, pacangmĕndakriwuḥkabubat, prabhusuṇdhapĕcundanghurip. patiḥmadhamatur̀sĕmbaḥ, dewahagungsarat'hatur̀tityangmangkin, hampurayangtityangratu, kadilanggya hatur̀tityang, ringsangnātharatutusningtuhuratu, juñjungantityanghidewa, nātharatuñakrawr̥ĕtti. hakweḥratungawawajagat, madhura, palembangbalilankoci, tañjungpurawandansudug, sa wakungtumasikik, natanānapurunlanggyaringsangprabhu, prasanggamamadamada, ñamenlungguḥśrībhūpati. prabhusuṇdhasiracongaḥ, lipyatanelingringlinggihejati, mañamenlinggiḥsangpra bhu, minab'hidasāmpunlipya, ringpidabdabdukyudhanesanesampun, jagat'hidakakasorang, hantukwadyaśrībhūpati. dahaterangmanaḥtityang, yanratuledangpacangmamĕndakin, nga [16 16A] 16 ndapanglinggiḥhiratu, mantukaringratusuṇdha, tityangangĕnpĕdiḥmangatonangratu, bhaṭarasusunanjagat, ñadyarawuḥmanangkilin. yenswecchācokor̀hidewa, nawĕgangtityangringhiratumangki n, tityangngaturangpawungu, jantosdumunmangdatatas, hicchenwanĕngsajroninghangĕnsangprabhu, jangkĕpanglimangrahina, kĕnihidamangrawuhin. yansampunlimangrahina, natanwentĕnhidangrawuhi nmriki, sinaḥkayunetanpatut, pakayunanhidalompang, ngindrajalāngadumanisringsasĕmu, manisemapwaralara, hisĕmutpadĕmanggĕṇdhis. sĕpilidigringpasebhan, myar̀ṣayangpawungu n'gustipatiḥ, tanānapurunmasawur̀, ringkipatiḥgajaḥmadha, tabĕngwijangmahāpatiḥdahatkasub, hanggakruramawimamaśeṣa, prakanggenśrīnarapati. prabhukuripanhinucap, ngalinggihinhatur̀da

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org