Paparikan Uwug Rusak Dwarawati

Original on Archive.org

Front and Back Covers

Image on Archive.org

[PERPUSTAKAAN KTR.DOKBUD BALI PROP. BALI G/XVI/3/DOKBUD Judul: PAPARIKAN UWUG/RUSAK DWARAWATI. Panj. 40 cm. Lb.3,5 cm. Jl : 57 lb. Asal: Desa Panjer, Denpasar, Badung.] [᭑ 1A] Judul: PAPARIKAN UWUG/RUSAK DWARAWATI. Panj. 40 cm. Lb.3,5 cm. Jl : 57 lb. Asal: Desa Panjer, Denpasar, Badung.

Auto-transliteration

[PERPUSTAKAAN KTR.DOKBUD BALI PROP. BALI G/XVI/3/DOKBUD Judul: PAPARIKAN UWUG/RUSAK DWARAWATI. Panj. 40 cm. Lb.3,5 cm. Jl : 57 lb. Asal: Desa Panjer, Denpasar, Badung.] [1 1A] Judul: PAPARIKAN UWUG/RUSAK DWARAWATI. Panj. 40 cm. Lb.3,5 cm. Jl : 57 lb. Asal: Desa Panjer, Denpasar, Badung.

Leaf 1

Image on Archive.org

[᭑ 1B] ᭑ ᭚᭜᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬫᬲᬶᬤᬀ᭚᭜᭚ᬇᬓᬶᬥᬂᬥᬂᬕᭂᬦ᭄ᬤᬲ᭄᭚ᬧᬹᬄᬤᬗ᭄ᬤᬂᬕᭂᬦ᭄ᬤᬶᬲ᭄᭚᭜᭚ᬧᬗᬯᬶᬢᬾᬢᭂᬫ᭄ᬩᬂᬤᬂᬤᬂᬕᭂᬦ᭄ᬤᬶᬲ᭄᭞ᬦᬗᬶᬢᭂᬫ᭄ᬩᬂ᭞ᬘᬭᬲᬹᬭᬓᬃᬢ᭄ᬢ ᭞ᬩᬲᬩᬮᬶᬧᬗᬶᬓᭂᬢᬾ᭞ᬫᬗᭂᬗ᭄ᬲᬸᬩ᭄‌ᬲᬶᬂᬓᬧᬗ᭄ᬕᬸᬄ᭞ᬩᬲᬮᬶᬬᬦ᭄‌ᬲᭀᬓ᭄ᬤᬦᬶᬜᬭᬶᬓ᭄᭞ᬓᬾᬯᬮᬵᬲᬶᬤ᭄ᬥᬕ᭄ᬢᬲ᭄᭞ᬤᬤᬶᬫᬦᬸᬢ᭄ᬓᬶᬤᬸᬂ᭞ᬲᬓᬶᬂᬤᬸᬭᬸᬂᬧᬢᬶᬢᬫ᭞ᬤᬸᬭᬸᬂᬳᬾ ᬮᬄ᭞ᬗᬃᬤ᭄ᬥᬶᬫᬗ᭄ᬤᬾᬧᬗᬸᬲ᭄᭞ᬢᬢᬦᬶᬂᬧᬜᬭᬶᬢᬵ᭚ᬫᭀᬖᬘᭀᬜᬓᬲᭂᬫ᭄ᬧᬸᬭᬳᬸᬕᬶ᭞ᬳᬦ᭄ᬢᬸᬓ᭄ᬳᬶᬲᬂ᭞ᬫᬦᬸᬚᬸᬫᬗ᭄ᬕᬸᬳᬂ᭞ᬧᬗᬯᬶᬦᬾᬓᬵᬢᬄᬘᬯᬤᬾ᭞ᬢᬦ᭄ᬲᬶᬤ᭄ᬥᬵᬩ᭄ᬘᬶᬓ᭄ᬦᭂ ᬭᬸᬓ᭄᭞ᬬᬤᬶᬦ᭄ᬪᬗᭂᬢ᭄‌ᬓᬧ᭄ᬭᬘᬫ᭄ᬧᬳᬶᬦ᭄᭞ᬯᬶᬭᬾᬄᬫᬲᬦᬶᬂᬲᬬᬄ᭞ᬲᬃᬯ᭄ᬯᬦ᭄ᬭᬸᬲ᭄ᬳᬮᬸᬲ᭄᭞ᬧᬫ᭄ᬥᬮᬾ᭞ᬲᬓᬶᬂᬲᬃᬯ᭄ᬯᬦᬧᬶᬦᬧᬶ᭞ᬚᬢ᭄ᬲᭂᬭᬶᬂᬫᬫ᭄ᬜᬓᬦ᭄᭚ᬦᬾᬓᬵᬘ᭄ᬭᬶᬢᬵᬘᬭ [᭒ 2A] ᬦᬶᬓᬮᬶ᭞ᬭᬹᬧᬭᬢᬸᬤᬸᬓ᭄ᬕᬸᬫᬶᬓᬕᭂᬦ᭄ᬢᬸᬭᬦ᭄᭞ᬳᬮ᭄ᬧᬰ᭄ᬭᬡᬩᬸᬤ᭄ᬥᬶᬦᬾ᭞ᬤᬸᬓ᭄ᬮᬶᬦ᭄ᬢᬂᬯᬢᬸᬲᬾᬯᬸ᭞ᬧ᭄ᬢᬂᬤᬰᬦᬗ᭄ᬕᬸᬓᬵᬓᬮᬶᬄ᭞ᬲᬓᬶᬂᬇᬰᬓᬵᬯᬃᬱ᭞ᬲᬾᬯᬸᬯᭂᬮᬸᬗᬢᬸᬲ᭄᭞ᬦᬗ᭄ᬕᬸᬧᬶ ᬢᬸᬮᬶᬓᬸᬃᬯᬃᬱ᭞ᬤᬸᬭᬸᬂᬫᬋᬦ᭄᭞ᬧᬦᬗ᭄ᬲᬭᬦᬾᬗᬤᬸᬫᬶᬦ᭄᭞ᬲᬂᬗ᭄ᬳ᭄ᬬᬂᬧᬸᬭᬸᬱᬵᬇᬭ᭚ᬓᬘ᭄ᬭᬶᬢᬩ᭄ᬭᬢ᭄ᬢᬬᬸᬥᬵᬗᬸᬦᬶ᭞ᬭᬶᬂᬧᬦ᭄ᬢᬭᬦ᭄᭞ᬓᭀᬚᬭᬶᬂᬳᬤᬶᬧᬃᬯ᭄ᬯᬦᬾ᭞ᬧᭂᬫ᭄ᬩᬗᬦ᭄ᬢᬕᬸᬦᬶ ᬧᬸᬦ᭄᭞ᬮᬭᬶᬲ᭄‌ᬰᬶᬃᬡ᭄ᬦᬦᬶᬂᬤ᭄ᬯᬭᬵᬯᬢᬶ᭞ᬢᬶᬕᬂᬤᬰᬦᭂᬫ᭄᭞ᬯᬶᬢ᭄ᬧᬦᬶᬜ᭄ᬘᬧᬶᬧᬸᬦ᭄᭞ᬳ᭄ᬬᬂᬓᬮᬶᬧᬸᬭᬸᬱᬵᬗ᭄ᬕᬭ᭞ᬧᬗ᭄ᬮᬦ᭄ᬢᬸᬭᬾ᭞ᬓᬢ᭄ᬓᬦᬶᬂᬓᬮᬫᬗ᭄ᬓᬶᬦ᭄᭞ᬫᬲᬶᬄᬓᬢᬳᬶᬂᬲᬗ᭄ᬕᬭᬵ᭚ᬯᬶᬮᬗᬶ ᬦ᭄ᬳᬶᬰᬓᬦᬾᬤᬸᬓᬾᬭᬶᬳᬶᬦ᭄᭞ᬢᬸᬭᬸᬦᬶᬓ᭞ᬓᬮᬶᬲᬗ᭄ᬕᬭᬦᬾ᭞ᬢᬶᬕᬂᬲᬶᬓ᭄ᬬᬓᬵᬚᬚᬭᬾ᭞ᬓᬯᬶᬮᬂᬧᬶᬢᬸᬗᬢᬸᬲ᭄᭞ᬯᭀᬮᬸᬂᬤᬰᬍᬩᬶᬳᬾ᭞ᬭᬶᬂᬯᬯᬶᬮᬗᬦ᭄ᬯᬃᬱ᭞ᬢᬸ᭠

Auto-transliteration

[1 1B] 1 // • // oṁawighnamāstunamasidaṃ // • // ikidhangdhanggĕndas // pūḥdangdanggĕndis // • // pangawitetĕmbangdangdanggĕndis, nangitĕmbang, carasūrakar̀tta , basabalipangikĕte, mangĕngsubsingkapangguḥ, basaliyansokdaniñarik, kewalāsiddhagtas, dadimanutkidung, sakingdurungpatitama, durunghe laḥ, ngar̀ddhimangdepangus, tataningpañaritā // moghacoñakasĕmpurahugi, hantuk'hisang, manujumangguhang, pangawinekātaḥcawade, tansiddhābciknĕ ruk, yadinbhangĕtkapracampahin, wireḥmasaningsayaḥ, sar̀wwanrushalus, pamdhale, sakingsar̀wwanapinapi, jatsĕringmamñakan // nekācritācara [2 2A] nikali, rūparatudukgumikagĕnturan, halpaśraṇabuddhine, duklintangwatusewu, ptangdaśananggukākaliḥ, sakingiśakāwar̀ṣa, sewuwĕlungatus, nanggupi tulikur̀war̀ṣa, durungmar̥ĕn, panangsaranengadumin, sangnghyangpurusyā'ira // kacritabrattayudhānguni, ringpantaran, kojaringhadipar̀wwane, pĕmbangantaguni pun, larisśir̀ṇnaningdwarāwati, tigangdaśanĕm, witpaniñcapipun, hyangkalipurusyānggara, panglanture, katkaningkalamangkin, masiḥkatahingsanggarā // wilangi nhiśakanedukerihin, turunika, kalisanggarane, tigangsikyakājajare, kawilangpitungatus, wolungdaśal̥ĕbihe, ringwawilanganwar̀ṣa, tu‐

Leaf 2

Image on Archive.org

[᭒ 2B] ᭒ ᬢᬹᬢᬾᬫᬾᬄᬧᬸᬧᬸᬢ᭄᭞ᬓᭀᬘᬧ᭄‌ᬗᬯᬶᬢᬶᬦ᭄ᬲᬗ᭄ᬕᬭ᭞ᬤᬸᬓ᭄ᬭᬸᬲᬓᬾᬦᬕᬭᬶᬭᬶᬂᬲ᭄ᬯᬭᬵᬯᬢᬶ᭞ᬮᬶᬂᬗᬶᬂᬫᬹᬰᬮᬧᬃᬯ᭄ᬯ᭚ᬯᬶᬢᬾᬯᬾᬦ᭄ᬢᭂᬦ᭄‌ᬋᬱᬶᬢᬸᬕᬂᬲᬶᬓᬶ᭞ᬋᬱᬶᬯᬶ ᬰ᭄ᬯᬫᬶᬢ᭄ᬭ᭞ᬮᬦᬺᬱᬶᬓᬡ᭄ᬯᬵ᭞ᬥᬗ᭄ᬳ᭄ᬬᬂᬦ᭄ᬭᬤ᭄ᬥᬜᬋᬗᬶᬦ᭄᭞ᬮᬸᬗ᭄ᬳᬵᬓᬮᬯᬸᬦ᭄ᬮᬯᬸᬦ᭄᭞ᬫᬧᬭᬦ᭄ᬭᬶᬂᬤ᭄ᬯᬭᬵᬯᬢᬶ᭞ᬲ᭄ᬯᬢᭂᬓ᭄‌ᬬᬤᬸᬕᬶᬭᬂ᭞ᬦ᭄ᬤᬤᬓ᭄ᬜᬥ᭄ᬬᬗ᭄ᬕᬸᬮ᭄ᬕᬸᬮ᭄᭞ᬧᬜᭀᬩᬓᬾᬫ ᬯᭀᬃᬘ᭄ᬓᬧ᭄᭞ᬗ᭄ᬳᬮᬶᬄᬳᬫ᭄ᬩᬄ᭞ᬫᬗ᭄ᬤᬾᬧᭀᬮᬶᬄᬫᬗᬸᬬᭀᬦᬶᬦ᭄᭞ᬢᬦ᭄ᬫᬵᬗ᭄ᬭᬱᬧᬘᬂᬘᬘᬤ᭄᭚ᬧᬗ᭄ᬭᬯᭀᬲᬾᬗᬃᬤ᭄ᬥᬶ᭞ᬅᬃᬬ᭄ᬬᬲᬫ᭄ᬪ᭞ᬤᬤᬶᬗᬦ᭄ᬢᬾᬦ᭄ᬳᬜᬃ᭞ᬘᬭᬯᬾᬲ᭄ᬢ᭄ᬭᬶᬧᬬ ᬲᬾ᭞ᬲᬂᬯᬩ᭄ᬭᬸᬮᬦᬂᬗᬶᬧᬸᬦ᭄᭞ᬅᬃᬬ᭄ᬬᬲᬫ᭄ᬪᬵᬓᬤᬶᬳᬶᬲ᭄ᬢ᭄ᬭᬶ᭞ᬭᬶᬲᬫ᭄ᬧᬸᬦ᭄ᬫᬕᭂᬫ᭄ᬧᬬᬲ᭄᭞ᬓᬦ᭄ᬢᭂᬦ᭄ᬫᬦᬶᬲ᭄‌ᬜᬸᬜᬸᬃ᭞ᬳᬲᬶᬦ᭄ᬧᬗᬸᬲᭀᬮᬳᬾ᭞ᬗ᭄ᬳᬶᬂᬓᬶᬭᬗᬾ᭞ᬧᬫᬸᬮᬸᬦᬾᬢᬸᬦᬕᬥᬶᬂ᭞ᬦᬶ [᭓ 3A] ᬭᬸᬪᬝᬵᬭᬓᬺᬱ᭄ᬡᬵ᭚ᬓᬩᬗᭂᬢᬦ᭄ᬲᭂᬍᬫ᭄ᬲᭂᬍᬫ᭄ᬫᬦᬶᬲ᭄᭞ᬢᬸᬃᬘᬬᬦᬾ᭞ᬕᬸᬫᬶᬮᬂᬕᬶᬮᬂ᭞ᬢᬸᬮ᭄ᬬᬓᬤᬶᬳᬶᬮ᭄ᬯᬶᬄ᭞ᬬᬤᬶᬦ᭄ᬲᬂᬳᬶᬰ᭄ᬭᬶᬫᬗ᭄ᬕᬸᬄᬩᬶᬗᬸᬂᬦᬃᬓ᭄ᬓᬳᬶᬲ᭄ᬢ᭄ᬭᬶᬓᬸᬲᬚᬢᬶ᭞ᬤᬭᬃᬫᬸᬍᬧ ᬭᬕᬦ᭄᭞ᬭᬚᬧᬸᬢ᭄ᬭᬵᬩᬕᬸᬲ᭄᭞ᬲᬃᬯ᭄ᬯᬧᬦ᭄ᬢᭂᬲ᭄‌ᬫᬾᬮᬦ᭄ᬤᬾᬄ᭞ᬲᬸᬕᬶᬄᬭᬭᬲ᭄᭞ᬦᬗᬶᬕ᭄‌ᬧᬕᬯᬾᬧᬸᬦᬶᬓᬶ᭞ᬭᬱᬓᬮᬶᬭᬸᬢᬃᬓ᭄ᬓ᭚ᬧᬦᬸᬕᬦᬾᬭᬱᬢᬗ᭄ᬯᬶᬱ᭄ᬬᬦᬶᬦ᭄᭞ᬫᬲᬵᬢ᭄ᬓᬾᬦ᭄ ᬧᬘᬂᬢᬦ᭄ᬓᬲᬫ᭄ᬧᬸᬭ᭞ᬭᬾᬄᬫᬓᬃᬬ᭄ᬬᬲᬫ᭄ᬧᬸᬦ᭄ᬓᬾᬳᬾ᭞ᬫᬦᬸᬮᬸᬂᬧᬭᬯᬶᬓᬸ᭞ᬓ᭄ᬭᬡᬜᬥ᭄ᬬᬫᬗ᭄ᬤᬾᬦᬾᬯᭀᬮᬶᬄ᭞ᬗᬸᬗ᭄ᬓᬸᬮ᭄ᬲᭂᬗ᭄ᬓᭂᬓ᭄ᬲᭂᬗ᭄ᬓᭂᬓ᭄᭞ᬜᭂᬦ᭄ᬢᭀᬓᬂᬧᬗᬯ᭄ᬭᬸᬄ᭞ᬩᬬᬲᬫ᭄ᬧᬸᬦ᭄ᬲᬓᬶᬂ ᬢᬶᬢᬄ᭞ᬓᬸᬦᬂᬓᬸᬦᬂ᭞ᬫᬶᬲᬥ᭄ᬬᬗᬸᬗ᭄ᬓᬸᬮᬶᬦ᭄ᬰᬰᬶᬄ᭞ᬩᭀᬬᬧᬘᬂᬓᬲᬶᬤᬬᬂ᭚ᬕ᭄ᬮᬶᬲᬶᬜ᭄ᬘ᭄ᬭᬶᬢᬵᬮᬭᬶᬲ᭄ᬫᬋᬜᬕ᭄ᬮᬶᬲ᭄᭞ᬫᬜᬫ᭄ᬩ᭄ᬭᬳᬵ᭞ᬲᬂᬫᬳᬵᬧᬡ᭄ᬥᬶᬢ᭞ᬲᬤ᭄ᬥᬵᬗᬲᭀᬃᬧᭀᬮᬳ᭄ᬜ

Auto-transliteration

[2 2B] 2 tūtemeḥpuput, kocapngawitinsanggara, dukrusakenagariringswarāwati, lingngingmūśalapar̀wwa // witewentĕnr̥ĕsyitugangsiki, r̥ĕsyiwi śwamitra, lanr̥ĕsyikaṇwā, dhanghyangnraddhañar̥ĕngin, lunghākalawunlawun, maparanringdwarāwati, swatĕkyadugirang, ndadakñadhyanggulgul, pañobakema wor̀ckap, nghaliḥhambaḥ, mangdepoliḥmanguyonin, tanmāngraṣapacangcacad // pangrawosengar̀ddhi, ar̀yyasambha, dadingantenhañar̀, carawestripaya se, sangwabrulanangngipun, ar̀yyasambhākadihistri, risampunmagĕmpayas, kantĕnmanisñuñur̀, hasinpangusolahe, nghingkirange, pamulunetunagadhing, ni [3 3A] rubhaṭārakr̥ĕṣṇā // kabangĕtansĕl̥ĕmsĕl̥ĕmmanis, tur̀cayane, gumilanggilang, tulyakadihilwiḥ, yadinsanghiśrimangguḥbingungnar̀kkahistrikusajati, darar̀mul̥ĕpa ragan, rajaputrābagus, sar̀wwapantĕsmelandeḥ, sugiḥraras, nangigpagawepuniki, raṣakalirutar̀kka // panuganeraṣatangwiṣyanin, masātken pacangtankasampura, reḥmakar̀yyasampunkehe, manulungparawiku, kraṇañadhyamangdenewoliḥ, ngungkulsĕngkĕksĕngkĕk, ñĕntokangpangawruḥ, bayasampunsaking titaḥ, kunangkunang, misadhyangungkulinśaśiḥ, boyapacangkasidayang // glisiñcritālarismar̥ĕñaglis, mañambrahā, sangmahāpaṇdhita, saddhāngasor̀polahña

Leaf 3

Image on Archive.org

[᭓ 3B] ᭓ ᬦᬾ᭞ᬫᬵᬫᬸᬚᬶᬭᬗ᭄ᬓᬸᬂᬭᬗ᭄ᬓᬸᬂ᭞ᬫᬲᬶᬄᬫ᭄ᬭᬯᬢ᭄‌ᬳᬾᬯᬾᬭᬾᬓᬶᬤᬶᬓ᭄᭞ᬫᬕᬢ᭄ᬭᬕᬢ᭄ᬭᬘ᭄ᬓᬧ᭄᭞ᬫᬫᬶᬋᬂᬫᬓᬵᬩᬸᬦ᭄᭞ᬧᬫᬸᬚᬶᬦᬾᬫᬗᬬᬸᬦᬂ᭞ᬫᬧᬶᬫᬧᬶ᭞ᬦᬸᬦᬲ᭄ᬳᬶᬘ᭄ᬘᬗᬲᬶᬳᬲᬶᬄ᭞ᬫ ᬗ᭄ᬤᬾᬦᬾᬤᬤᬶᬫᬦᬓ᭄᭚ᬅᬃᬬ᭄ᬬᬲᬫ᭄ᬪᬓᬧᬶᬳᬸᬦᬶᬂᬳᬶᬲ᭄ᬢ᭄ᬭᬶ᭞ᬤᬾᬲᬂᬯᬩ᭄ᬭᬸ᭞ᬲᬭᬢ᭄ᬦᬸᬦᬲ᭄ᬫᬦᬓ᭄᭞ᬓᬢᬃᬓ᭄ᬓᬘ᭄ᬓᬧ᭄ᬲ᭄ᬫᬶᬢᬦᬾ᭞ᬥᬸᬫᬢᬸᬃᬲᬃᬯ᭄ᬯᬶᬗᬸᬦ᭄ᬢᬸᬮ᭄᭞ᬘᬭᬢᬢᬲᬗᭂᬢ᭄‌ᬚ᭄ᬭᬶᬄᬦᬗ᭄ᬳᬶᬂᬚ᭄ᬭᬶᬄ ᬫᬲᬶᬄᬮᬗ᭄ᬕᬄ᭞ᬲᬂᬧᬡ᭄ᬥᬶᬢᬋᬗᬸ᭞ᬢᬦ᭄ᬓᬯᬰᬵᬳᬫ᭄ᬩᭂᬓ᭄ᬓ᭄ᬭᭀᬥ᭞ᬗ᭄ᬭᬱᬯᬶᬭᬗᬾᬭᬾᬄᬩᬗᭂᬢ᭄‌ᬓᬧ᭄ᬭᬂᬘᬫ᭄ᬧᬳᬶᬦ᭄᭞ᬓᬢᬄᬧ᭄ᬭᬄᬭᬗ᭄ᬓᬸᬂᬫᬸᬤᬄ᭚ᬇᬄᬲ᭄ᬯᬢᭂᬓ᭄ᬬᬤᬸᬧᬥᬵᬲᬫᬶ᭞ᬢ᭄ᬓᬫᬫᭂᬜ᭄ᬘ ᬦ᭞ᬢᬦ᭄ᬧᬓ᭄ᬭᬡᬦᬾ᭞ᬯᬶᬓᬸᬢᬦ᭄ᬳᬦᬤᭀᬱᬦᬾ᭞ᬫᬵᬦᬯᬶᬗ᭄ᬭᬱᬢᬗ᭄ᬕᬸᬄ᭞ᬗ᭄ᬭᬱᬮᬸᬯᬶᬳᬶᬂᬢᬦ᭄ᬧᬢᬦ᭄ᬤᬶᬂ᭞ᬢᬦ᭄ᬗ᭄ᬭᬱᬫᬶᬲᬶᬘᬘᬤ᭄᭞ᬦ᭄ᬤᬤᬓ᭄‌ᬗᬸᬢᬂᬲᬶᬓᬸᬢ᭄᭞ᬫᭂᬫ᭄ᬩᭀᬗᭀᬄᬗᬵ [᭔ 4A] ᬬᬸᬦᬬᬸᬦᬂ᭞ᬲᭀᬮᬄᬪᬵᬯᬾ᭞ᬩᬘ᭄ᬓᬧ᭄‌ᬫ᭄ᬭᬲᬫ᭄ᬧᬳᬶᬄ᭞ᬫᬗᬤᭀᬓᬦ᭄‌ᬤᬤᬸᬕᬬᬦ᭄᭚ᬭᬶᬬᬦ᭄ᬢᬸᬓᬾᬯᬶᬓᬸᬲᬩᬾᬂᬩᬸᬓᬶᬢ᭄᭞ᬓᬓᬸᬭᬗᬦ᭄᭞ᬭᬶᬂᬢᬢᬵᬦᬵᬕᬭ᭞ᬫᬶᬯᬄᬕᭂᬲᬶ ᬢ᭄ᬧᬭᬹᬧᬦᬾ᭞ᬓ᭄ᬭᬡᬵᬓᬲᭂᬗ᭄ᬕᬸᬄᬧᬸᬬᬸᬂ᭞ᬦᬗᬶᬂᬳᬦᬫᬾᬲᬶᬳᬓ᭄ᬥᬶᬓ᭄᭞ᬧᬸᬦᬶᬓᬵᬦᬾᬓᬯᬲ᭄ᬢᬂ᭞ᬭᬩᬶᬦᬾᬫᬂᬯᬩ᭄ᬭᬸ᭞ᬤᬸᬤᬹᬳ᭄ᬮᬸᬄ᭞ᬫᭀᬖᬫᬧᬦᬓ᭄ᬧᬮᬸᬩᭂᬲᬶ᭞ᬢᬹᬃ ᬤᬤᬶᬗ᭄ᬭᬸᬲᬓᬂ᭞ᬭᬶᬂᬲ᭄ᬯᬢᭂᬓ᭄ᬬᬤᬸ᭞ᬚᬯᬶᬦᬶᬂᬲᬂᬭᬢᬸᬓ᭄ᬭᬱᬵᬸ᭞ᬩᬮᬤᬾᬯ᭞ᬧᬸᬦᬶᬓᬲᬂᬭᬢᬸᬓᬮᬶᬄ᭞ᬢᬦ᭄ᬫᬶᬮᬸᬓ᭄ᬦᬢ᭄ᬫᬄ᭚ᬮᬭᬶᬲ᭄ᬮᬸᬗ᭄ᬕᬵᬫᬓᬢᬶᬕᬲᬂᬋᬱᬶ᭞ᬲᬓᬢᬳᬶᬂ᭞ᬬᬤᬸᬳ

Auto-transliteration

[3 3B] 3 ne, māmujirangkungrangkung, masiḥmrawat'hewerekidik, magatragatrackap, mamir̥ĕngmakābun, pamujinemangayunang, mapimapi, nunashiccangasihasiḥ, ma ngdenedadimanak // ar̀yyasambhakapihuninghistri, desangwabru, saratnunasmanak, katar̀kkackapsmitane, dhumatur̀sar̀wwinguntul, caratatasangĕtjriḥnanghingjriḥ masiḥlanggaḥ, sangpaṇdhitar̥ĕngu, tankawaśāhambĕkkrodha, ngraṣawirangereḥbangĕtkaprangcampahin, kataḥpraḥrangkungmudaḥ // iḥswatĕkyadupadhāsami, tkamamĕñca na, tanpakraṇane, wikutanhanadoṣane, mānawingraṣatangguḥ, ngraṣaluwihingtanpatanding, tanngraṣamisicacad, ndadakngutangsikut, mĕmbongoḥngā [4 4A] yunayunang, solaḥbhāwe, backapmrasampahiḥ, mangadokandadugayan // riyantukewikusabengbukit, kakurangan, ringtatānāgara, miwaḥgĕsi tparūpane, kraṇākasĕngguḥpuyung, nanginghanamesihakdhik, punikānekawastang, rabinemangwabru, dudūhluḥ, moghamapanakpalubĕsi, tūr̀ dadingrusakang, ringswatĕkyadu, jawiningsangratukrasyāu, baladewa, punikasangratukaliḥ, tanmiluknatmaḥ // larislunggāmakatigasangr̥ĕsyi, sakatahing, yaduha

Leaf 4

Image on Archive.org

[᭔ 4B] ᭔ ᬭᬵᬳᬭ᭞ᬓᬤ᭄ᬬᬵᬗ᭄ᬕᬦ᭄ᬫᬲᬦ᭄ᬓᬮᬶᬦᬾ᭞ᬭᬶᬂᬓᬭᬂᬲᬯᬄᬲᬸᬯᬸᬂ᭞ᬢᬦ᭄ᬓᬧ᭄ᬭᬾᬓ᭄ᬲᬲᬓᬶᬂᬢᬦᭀᬮᬶᬄ᭞ᬓᬢᬸᬗ᭄ᬓᬸᬮ᭄ᬓᭂᬧ᭄ᬫᬾᬦᬓ᭄᭞ᬳᭂᬍᬓ᭄ᬗᬩᭂᬢ᭄ᬧᬘᬸᬮ᭄᭞ᬫᬶᬯᬄᬓᭂᬲᭂᬧᬸᬗᬦ᭄ᬢᬦᬄ᭞ᬫᬫᭂ ᬓᭂᬮᬂ᭞ᬧ᭄ᬭᬬᬲᬗᬸᬩᬶᬦ᭄ᬫᬦᬶ᭞ᬚᬕ᭄ᬓᭂᬦ᭄ᬤᭂᬮ᭄‌ᬢ᭄ᬯᬭᬓᬸᬭᬂ᭚ᬧ᭄ᬭᬪᬸᬓᬺᬱ᭄ᬡᬵᬩᬮᬤᬾᬯᬓᬮᬶᬄ᭞ᬲᬫ᭄ᬧᬸᬦ᭄ᬫ᭄ᬬᬵᬃᬱ᭞ᬗ᭄ᬳᬶᬂᬢᬦ᭄ᬳᬭᭀᬳᬭ᭞ᬢᬦᬵᬃᬱᬫᬸᬦᬄᬰᬧᬦᬾ᭞ᬲᬓᬶᬂᬲᬂᬯᬶᬓᬸ ᬯᬳᬸ᭞ᬲᬓᬾᬯᬮᬫ᭄ᬦᭂᬂᬢᬦ᭄ᬫᬓ᭄ᬱᬶ᭞ᬓᭀᬘᬧ᭄ᬭᬶᬂᬩᬾᬜ᭄ᬘᭀᬂᬭᭀᬜ᭄ᬘᬂ᭞ᬫᬸᬓ᭄ᬰᬮᬦᬾᬫ᭄ᬢᬸ᭞ᬲᬶᬤ᭄ᬥᬯ᭄ᬓᬳᬃᬬ᭄ᬬᬲᬫ᭄ᬪᬵ᭞ᬓᬩᬶᬦᬯ᭞ᬓᬤᬶᬭᬱᬗᬮᬧ᭄ᬳᬸᬭᬶᬧ᭄᭞ᬓᬢᭀᬦ᭄ᬓᬩᬶᬩᬶᬡ᭚ ᬓᬮᬭᬶᬲᬦ᭄ᬓᬩ᭄ᬯᬢ᭄ᬓᬢᬸᬃᬕ᭄ᬮᬶᬲ᭄᭞ᬭᬶᬂᬧ᭄ᬮᬶᬗ᭄ᬲᬶᬭᬾ᭞ᬅᬃᬬ᭄ᬬᬉᬕ᭄ᬭᬲᬾᬦ᭞ᬓᬓᬸᬫ᭄ᬧᬸᬮᬂᬧᬳᬸᬫᬦᬾ᭞ᬓᬩᬯᭀᬲ᭄ᬧᬢᬹᬢ᭄‌ᬍᬩᬸᬃ᭞ᬯᬶᬭᬾᬄᬧ᭄ᬭᬬᬫᬗ᭄ᬭᬸᬲᬓ᭄ᬕᬸᬫᬶ᭞ᬚᬕᬶᬦᬧᬶᬓᬭᬶᬬᬂ᭞ᬢᬹᬃ [᭕ 5A] ᬭᬭᬶᬲ᭄ᬓᬤᬯᬸ᭞ᬫᬗ᭄ᬤᬾᬫᬓᬶᬓᬶᬃᬫᬵᬳᬜᬕᬦ᭄᭞ᬓᬶᬓᬶᬭᬦᬾ᭞ᬮᬯᬸᬢᬂᬳᬜᬸᬢ᭄ᬓᬧᬲᬶᬄ᭞ᬢᬹᬃᬲᬫ᭄ᬧᬸᬦ᭄ᬓᬫᬃᬕ᭄ᬕᬶ᭚ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬲᬶᬲᬶ᭞ᬓᬲᬫ᭄ᬩᬶᬳᬦ᭄᭞ᬓᬶᬓᬶᬭᬦᬾᬲᬫ᭄ᬬᬦ᭄᭞ᬤᬤᬶ ᬬᬯ᭄ᬢᬸᬳᬸᬭᬶᬧ᭄᭞ᬓᬢᬄᬢᬦ᭄‌ᬓ᭄ᬦᬶᬳᬶᬢᬸᬂ᭞ᬫᬗᬾᬩᭂᬓ᭄ᬭᬶᬂᬧᬲᬶᬲᬶ᭞ᬗ᭄ᬭᬳᬸᬦ᭄ᬓᬢᬸᬫ᭄ᬩ᭄ᬯᬦ᭄ᬧᬤᬂ᭞ᬓᬦ᭄ᬢᭂᬦ᭄ᬮᬸᬫ᭄ᬩᬂᬮᬸᬫ᭄ᬩᬂ᭞ᬚᭂᬚᭂᬮ᭄ᬳᬢᭂᬧ᭄ᬳᬢᬸᬩ᭄ᬚᬾᬫ᭄ᬩ᭄ᬭᬓ᭄᭞ᬭᬶᬂᬧᬲᭀᬯᬦ᭄᭞ᬧᬲᬶᬲᬶᬤ᭄ᬯᬭᬯᬢᬶ᭞ ᬓ᭄ᬫᬮᬶᬄ᭞ᬬᬾᬦ᭄ᬲᬧᬲᬶᬭᬢᬸᬮᬓ᭄᭞ᬲᬶᬲᬶᬧ᭄ᬢᬸᬃᬓᬢᬸᬦ᭄ᬤᬸᬂ᭞ᬓᭀᬘᬧ᭄ᬩᬯᭀᬲᬾᬧᬸᬦᬶᬓ᭞ᬲᬫ᭄ᬧᬸᬦ᭄‌ᬓᬵᬃᬱᬾᬦ᭄ᬯᬢᭂᬓ᭄‌ᬤ᭄ᬯᬭᬯᬢᬶ᭞ᬢᬸᬃᬲᬫ᭄ᬧᬸᬦ᭄ᬓᬤᬳᬸᬕᬶ᭚ᬓ᭄ᬮᬭᬲᬦ᭄ᬲᬫᬶᬲᬫᬶ᭞ᬲᭂᬧᬶ

Auto-transliteration

[4 4B] 4 rāhara, kadyāngganmasankaline, ringkarangsawaḥsuwung, tankapreksasakingtanoliḥ, katungkulkĕpmenak, hĕl̥ĕkngabĕtpacul, miwaḥkĕsĕpungantanaḥ, mamĕ kĕlang, prayasangubinmani, jagkĕndĕltwarakurang // prabhukr̥ĕṣṇābaladewakaliḥ, sampunmyār̀ṣa, nghingtanharohara, tanār̀ṣamunaḥśapane, sakingsangwiku wahu, sakewalamnĕngtanmaksyi, kocapringbeñcongroñcang, mukśalanemtu, siddhawkahar̀yyasambhā, kabinawa, kadiraṣangalap'hurip, katonkabibiṇa // kalarisankabwatkatur̀glis, ringplingsire, ar̀yya'ugrasena, kakumpulangpahumane, kabawospatūtl̥ĕbur̀, wireḥprayamangrusakgumi, jaginapikariyang, tūr̀ [5 5A] rariskadawu, mangdemakikir̀māhañagan, kikirane, lawutanghañutkapasiḥ, tūr̀sampunkamar̀ggi // sampunrawuḥringpasisi, kasambihan, kikiranesamyan, dadi yawtuhurip, kataḥtanknihitung, mangebĕkringpasisi, ngrahunkatumbwanpadang, kantĕnlumbanglumbang, jĕjĕlhatĕp'hatubjembrak, ringpasowan, pasisidwarawati, kmaliḥ, yensapasiratulak, sisiptur̀katundung, kocapbawosepunika, sampunkār̀syenwatĕkdwarawati, tur̀sampunkadahugi // klarasansamisami, sĕpi

Leaf 5

Image on Archive.org

[᭕ 5B] ᭕ ᬧᬶᬲᬦ᭄᭞ᬕ᭄ᬦᬳᬾᬫᬲᬲᬵᬚᭂᬗᬦ᭄᭞ᬩᬸᬂᬫ᭄ᬩᬸᬂᬓᬾᬮᬾᬧᬚ᭄ᬮᬓᬾᬢᬾᬓ᭄᭞ᬕᭀᬜ᭄ᬚᬸᬫᬵᬲ᭄ᬓᬢᬄᬫᭂᬍᬩᬸᬃ᭞ᬤᬕᬂᬲᬚᭂᬂᬳᬓᬾᬄᬗᬢᬶᬫᬶᬕ᭄᭞ᬳᬤᬫᬜᬶᬩᬓ᭄ᬜᬶᬩᬓ᭄᭞ᬓᬾᬮᬾ ᬫᬶᬯᬄᬩᬸᬂᬫ᭄ᬩᬸᬂ᭞ᬲᬬᬦ᭄‌ᬯ᭄ᬢᬸᬲᬮᬄᬧᬭ᭞ᬲᬬᬦ᭄ᬩᬶᬗᬸᬂ᭞ᬲᬬᬦ᭄ᬩᬶᬫ᭄ᬩᬂᬲᬬᬦ᭄ᬭᬸᬦ᭄ᬢᬶᬓ᭄᭞ᬭᬱᬦᬶᬂᬲᬦᬵᬕᬭ᭚ᬫᬮᬶᬄᬓᭀᬘᬧ᭄‌ᬓᬮᬦᬶᬂᬯ᭄ᬗᬶ᭞ᬯᬶᬢ᭄ᬭᬯᬸᬳᬾ᭞ᬓᬮᬧᬸᬭᬸᬱᬗᬭᬦᬾ ᭞ᬫᬭᬹᬧᬭᬵᬓ᭄ᬱᬲᬕ᭄ᬥᬾ᭞ᬫᬰᬶᬭᬄᬳᬮᬸᬲ᭄ᬕᬸᬦ᭄ᬤᬸᬮ᭄᭞ᬜᭂᬍᬧ᭄‌ᬩᬭᬓ᭄ᬱᬮᬶᬯᬄᬓᬵᬓ᭄ᬱᬶ᭞ᬳᬳᬾᬂᬓ᭄ᬮᬶᬯᬢ᭄ᬮᬶᬯᬢ᭄᭞ᬦᬾᬗᭀᬓ᭄‌ᬗᬸᬮᬸᬦᬸᬮᬸᬦ᭄᭞ᬭᬶᬂᬲᬩᬶᬮᬂᬧᬫᭂᬲ᭄ᬯᬦ᭄᭞ᬰ᭄ᬭᬶᬂᬓᬳᬶᬦ᭄ᬢᬶᬧ᭄ ᭞ᬓᬧᬦᬄᬦᬗᬶᬄᬢᬯᬾᬦ᭄ᬢᭂᬦ᭄‌ᬓ᭄ᬦᬶ᭞ᬰᬓ᭄ᬢᬶᬗᬫᬬᬫᬬᬦ᭄᭚ᬓ᭄ᬭᬡᬲ᭄ᬥᬶᬄᬯᬢᭂᬓ᭄ᬬᬤᬸᬯᬺᬱ᭄ᬡᬶ᭞ᬢᬃᬧᬧᭀᬮᬄ᭞ᬫᬫᬶᬦᭂᬄᬫᬦᬳᬾ᭞ᬲᬬᬦ᭄‌ᬓᬾᬄᬤᬸᬃᬫᬗ᭄ᬕᬮᬦᬾ᭞ᬩᬶᬓᬸᬮᬾᬧᬤᬭᬸᬢ᭄ᬤᬸ [᭖ 6A] ᬢ᭄᭞ᬦᬸᬳᬸᬢ᭄ᬫᬃᬕ᭄ᬕᬵᬳᬕᭂᬂᬢᬦᬚ᭄ᬭᬶᬄ᭞ᬬᬦᬶᬂᬯ᭄ᬗᬶᬫᬭᬶᬂᬧᬤ᭄ᬫ᭞ᬗᬶᬕᬶᬢ᭄ᬓᬸᬓᬸᬭᬫ᭄ᬩᬸᬢ᭄᭞ᬫᬮᬶᬯᬾᬦ᭄ᬢᭂᬦ᭄ᬓᬧᬶᬳᬃᬱ᭞ᬲ᭄ᬯᬭᬦ᭄ᬧᬓ᭄ᬱᬶ᭞ᬩ᭄ᬮᬶᬩᬶᬲ᭄‌ᬜᭀᬯᭀᬕ᭄ᬜᭀᬯᭀᬕᬶᬦ᭄᭞ᬦᬶᬭᬸᬘᬭᬘᬼᬧᬸ ᬓ᭄ᬢᬸᬳ᭚ᬲ᭄ᬯᬭᬦ᭄ᬓᬫ᭄ᬩᬶᬂᬗᬸᬮᬸᬦᬸᬮᬸᬦ᭄᭞ᬫᬓᬵᬲᬶᬘᬶᬘᬶᬂ᭞ᬫᬓᬾᬄᬳᬶᬗᭀᬦ᭄ᬳᬶᬗᭀᬦ᭄ᬓᬧᬗ᭄ᬕᬸᬄ᭞ᬘᬦ᭄ᬤ᭄ᬭᬕ᭄ᬭᬳᬵᬓᬵᬮᬦᬶᬯ᭄ᬗᬶ᭞ᬭᬶᬢᬗ᭄ᬕᬮ᭄ᬧᬶᬂᬢᬶᬕᬯ᭄ᬮᬲ᭄᭞ᬳᬾᬮᬶᬂᬤᬸᬓᬾᬤᬸᬫᬸᬦ᭄᭞ᬤᬸᬃᬫ ᬗ᭄ᬕᬮᬦᬶᬂᬓᭀᬭᬯ᭞ᬫᬘᬦ᭄ᬤ᭄ᬭᬕ᭄ᬭ᭞ᬭᬶᬓᬵᬮᬦᬶᬂᬯ᭄ᬗᬶ᭞ᬭᬶᬯᬯᬸᬢᬗ᭄ᬕᬮ᭄ᬧᬶᬂᬢ᭄ᬮᬸᬮᬲ᭄᭚ᬓᬾᬢᬂᬭᬵᬯᬳᬸᬢ᭄ᬮᬸᬂᬤᬰᬦᭂᬫ᭄ᬯᬃᬱᬶᬄ᭞ᬫᬫᬍᬢᬦ᭄᭞ᬤᬹᬃᬫᬗ᭄ᬕᬮᬧᬸᬦᬶᬓ᭞ᬦᬾᬲᬫ᭄ᬧᬸᬦ᭄ᬭᬶᬂᬦᬾᬫᬗ᭄ᬓᬾ᭞ ᬓ᭄ᬭᬡᬦᬾᬓᬩᬯᭀᬲ᭄ᬘᬸᬓᬸᬧ᭄᭞ᬗ᭄ᬯᬗ᭄ᬲᬶᬢᬂᬭᬸᬧᬓᬾᬪᬸᬫᬶ᭞ᬫᬮᬶᬄᬭᬶᬂᬭᬢ᭄ᬭᬶᬓᬵᬮ᭞ᬳᬶᬲ᭄ᬢ᭄ᬭᬶᬦᬶᬂᬲᬂᬬᬤᬸ᭞ᬧᬥᬵᬗᬶᬧᬶᬫᬗᬢᭀᬦᬂ᭞ᬲᬗ᭄ᬳ᭄ᬬᬂᬓᬮ᭞ᬲᬗ᭄ᬕᬭᬫᬳᬸᬦ᭄ᬢᬸᬧᬸᬢᬶᬄ᭞ᬇᬋᬂ

Auto-transliteration

[5 5B] 5 pisan, gnahemasasājĕngan, bungmbungkelepajlaketek, goñjumāskataḥmĕl̥ĕbur̀, dagangsajĕnghakeḥngatimig, hadamañibakñibak, kele miwaḥbungmbung, sayanwtusalaḥpara, sayanbingung, sayanbimbangsayanruntik, raṣaningsanāgara // maliḥkocapkalaningwngi, witrawuhe, kalapuruṣangarane , marūparākṣasagdhe, maśiraḥhalusgundul, ñĕl̥ĕpbarakṣaliwaḥkāksyi, hahengkliwatliwat, nengokngulunulun, ringsabilangpamĕswan, śringkahintip , kapanaḥnangiḥtawentĕnkni, śaktingamayamayan // kraṇasdhiḥwatĕkyaduwr̥ĕṣṇi, tar̀papolaḥ, maminĕḥmanahe, sayankeḥdur̀manggalane, bikulepadarutdu [6 6A] t, nuhutmar̀ggāhagĕngtanajriḥ, yaningwngimaringpadma, ngigitkukurambut, maliwentĕnkapihar̀ṣa, swaranpaksyi, blibisñowogñowogin, nirucaracl̥ĕpu ktuha // swarankambingngulunulun, makāsicicing, makeḥhingonhingonkapangguḥ, candragrahākālaniwngi, ritanggalpingtigawlas, helingdukedumun, dur̀ma nggalaningkorawa, macandragra, rikālaningwngi, riwawutanggalpingtlulas // ketangrāwahutlungdaśanĕmwar̀syiḥ, mamal̥ĕtan, dūr̀manggalapunika, nesampunringnemangke, kraṇanekabawoscukup, ngwangsitangrupakebhumi, maliḥringratrikāla, histriningsangyadu, padhāngipimangatonang, sanghyangkala, sanggaramahuntuputiḥ, ir̥ĕng

Leaf 6

Image on Archive.org

[᭖ 6B] ᭖ ᬧᬭᬕᬦᬶᬭ᭚ᬫᬗᬦ᭄ᬲᬓ᭄ᬯᬾᬄᬯᭀᬗᬶᬂᬤ᭄ᬯᬭᬯᬢᬶ᭞ᬲᬫᬶᬯ᭄ᬮᬲ᭄᭞ᬢᬦ᭄ᬧᬓᬦ᭄ᬢᬸᬦ᭞ᬲ᭄ᬯᬢᭂᬓ᭄ᬬᬤᬸᬮᬦᬗᬾ᭞ᬗᬶᬧᬶᬭᬶᬂᬭᬢ᭄ᬭᬶᬫᬗ᭄ᬕᬸᬄ᭞ᬬᬾᬦ᭄ᬭᬩᬶᬦᬾᬯᬮᬢ᭄ᬲᬫᬶ᭞ᬳᬦ᭄ᬢᬸᬓ᭄‌ᬩᬸ ᬭᭀᬦ᭄ᬯᬦᬭ᭞ᬧᬗᬶᬧ᭄ᬬᬦᬾᬧᬢᬸᬄ᭞ᬫᬩ᭄ᬭᬶᬬᬸᬓ᭄ᬱᬓᬢᬳᬾ᭞ᬓ᭄ᬭᬡᬲᬸᬲᬄ᭞ᬩᬮᬲᬄᬭᬶᬩᬸᬢ᭄ᬭᬶᬂᬩᬸᬤ᭄ᬥᬶ᭞ᬅᬦᬦ᭄ᬥᬂᬓᬩ᭄ᬬᬧᬭᬦ᭄᭞᭚ᬭᬶᬲᬫ᭄ᬧᬸᬦ᭄‌ᬍᬫᬄᬓᬓᬦ᭄ᬢᭂᬦ᭄ᬫᬮᬶᬄ᭞ᬚᬶᬸᬫᬶᬚᬶ ᬮ᭄ᬲᬜ᭄ᬚᬢ᭞ᬢᬂᬪᬝᬵᬭᬓᬺᬱ᭄ᬡᬵ᭞ᬲᬩᬚ᭄ᬭᬵᬦᬩᬵᬯᬲ᭄ᬢᬦᬾ᭞ᬧᬶᬘᬦ᭄ᬳ᭄ᬬᬂᬕ᭄ᬦᬶᬤᬸᬫᬸᬦ᭄᭞ᬤᬸᬓᬶᬂᬓᬡ᭄ᬥᬯᬯᬦᬗᬸᬦᬶ᭞ᬭᬱᬫᬶᬯᬄᬓᬸᬤᬦ᭄ᬬ᭞ᬓᬢᭀᬦ᭄ᬤᬾᬲᬂᬬᬤᬸ᭞ᬫᬫ᭄ᬭ᭄‌ᬕ᭄ᬕᬭᬶᬂᬲᬫᬸᬤ᭄ᬭ ᭞ᬫᬶᬯᬄᬢᬸᬗ᭄ᬕᬸᬮ᭄᭞ᬕᬭᬸᬥᬦᬾᬲᬫ᭄ᬧᬸᬦ᭄ᬓᬳᬫ᭄ᬩᬶᬮ᭄᭞ᬳᬦ᭄ᬢᬸᬓᬶᬂᬯᬶᬥ᭄ᬬᬥᬭ᭚ᬫᬶᬯᬄᬢᬸᬗ᭄ᬕᬸᬮ᭄‌ᬢᬮᬥ᭄ᬯᬚᬫᬮᬶᬄ᭞ᬢᬸᬗ᭄ᬕᬸᬮ᭄ᬳᬶᬤ᭞ᬰ᭄ᬭᬶᬩᬮᬤᬾᬯ᭞ᬫᬵᬲᬶᬄᬲᬫ᭄ᬧᬸᬦ᭄‌ᬚ᭄ᬯᬓᬳᬫ᭄ᬩᬶᬮ᭄᭞ᬳᬦ᭄ᬢᬸ [᭗ 7A] ᬓ᭄ᬯᬶᬥ᭄ᬬᬥᬭᬲᬫ᭄ᬧᬸᬦ᭄᭞ᬓ᭄ᬭᬡᬲᬸᬲᬄᬲᬂᬬᬤᬸᬯᬺᬱ᭄ᬡᬶ᭞ᬗᬢᭀᬦᬂᬤᬹᬃᬫᬗ᭄ᬕᬮᬦᬾ᭞ᬮᬭᬶᬲᬂᬲᬶᬦᬸᬳᬸᬦ᭄᭞ᬧ᭄ᬭᬪᬸᬓᬺᬱ᭄ᬡᬵᬩᬮᬤᬾᬯ᭞ᬫᬥᬳᬸᬢᬂ᭞ᬭᬶᬂᬲ᭄ᬯᬢᭂᬓ᭄ᬬᬤᬸᬲᬫᬶ᭞ᬳᬃᬱᬮᬸᬗ᭄ᬳ ᬫᬲᬶᬭᬫ᭄᭚ᬫᬭᬧ᭄ᬭᬩᬲᬵᬢᬶᬃᬣᬧᬲᬶᬲᬶ᭞ᬗ᭄ᬮᬶᬂᬮᬵᬮᬶᬮ᭞ᬢᬹᬃᬲᬫ᭄ᬧᬸᬦ᭄ᬲᬬᬕ᭞ᬫᬤᬩ᭄ᬤᬩᬦ᭄ᬧ᭄ᬭᬬᬮᬸᬗ᭄ᬳᬦᬾ᭞ᬕᬚᬄᬓᬸᬤᬫᬓᬸᬫ᭄ᬧᬸᬮ᭄᭞ᬭᬣᬲᬫ᭄ᬧᬸᬦ᭄ᬘᬸᬫᬦ᭄ᬤᬂᬲᬫᬶ᭞ᬧ᭄ᬭᬬ ᬫᬢᬶᬃᬣᬬᬢ᭄ᬭ᭞ᬲᬺᬕᭂᬧ᭄ᬲᬫᬶᬘᬸᬓᬸᬧ᭄᭞ᬓᬢ᭄ᬓᬦᬶᬂᬧᬲᬲᬫ᭄ᬯᬦ᭄᭞ᬯᬤ᭄ᬯᬓᬢᬄ᭞ᬓᬤᬯᬸᬳᬦ᭄ᬧ᭄ᬭᬬᬗᬶᬭᬶᬂ᭞ᬮᬾᬦ᭄ᬤᬤᬶᬚᬸᬭᬸᬲᬦ᭄ᬤᬂ᭚ᬤᬤᬯᬸᬳᬦᬾᬭᬶᬂᬚ᭄ᬭᭀᬧᬸᬭᬶ᭞ᬲᬫ᭄ᬧᬸᬦ᭄ᬲᬯᬢ᭄ᬭ᭞᭠ ᬧ᭄ᬭᬬᬗᬶᬭᬶᬂᬲᬫ᭄ᬬᬦ᭄᭞ᬲᬓᬢᬄᬧᬭᬯᬾᬲ᭄ᬢ᭄ᬭᬶᬦᬾ᭞ᬭᬩᬶᬦ᭄ᬳᬶᬤᬲᬂᬲᬶᬦᬸᬳᬸᬦ᭄᭞ᬰ᭄ᬭᬷᬪᬸᬧᬢᬶᬳᬭᬶᬫᬸᬃᬢ᭄ᬢᬶ᭞ᬧ᭄ᬭᬫᬾᬰ᭄ᬯᬭᬶᬢᬢᬶᬕ᭞ᬲᬫᬶᬧᬸᬢ᭄ᬭᬦ᭄ᬭᬢᬸ᭞ᬫᬶᬯᬄᬧᬸᬢ᭄ᬭᬶᬦᬶᬂᬧᬡ᭄ᬥᬶᬢ᭞ᬧᬗᬚᭂᬗᬾ

Auto-transliteration

[6 6B] 6 paraganira // mangansakweḥwongingdwarawati, samiwlas, tanpakantuna, swatĕkyadulanange, ngipiringratrimangguḥ, yenrabinewalatsami, hantukbu ronwanara, pangipyanepatuḥ, mabriyukṣakatahe, kraṇasusaḥ, balasaḥributringbuddhi, anandhangkabyaparan, // risampunl̥ĕmaḥkakantĕnmaliḥ, j̶miji lsañjata, tangbhaṭārakr̥ĕṣṇā, sabajrānabāwastane, picanhyanggnidumun, dukingkaṇdhawawananguni, raṣamiwaḥkudanya, katondesangyadu, mamrggaringsamudra , miwaḥtunggul, garudhanesampunkahambil, hantukingwidhyadhara // miwaḥtunggultaladhwajamaliḥ, tunggulhida, śribaladewa, māsiḥsampunjwakahambil, hantu [7 7A] kwidhyadharasampun, kraṇasusaḥsangyaduwr̥ĕṣṇi, ngatonangdūr̀manggalane, larisangsinuhun, prabhukr̥ĕṣṇābaladewa, madhahutang, ringswatĕkyadusami, har̀ṣalungha masiram // maraprabasātir̀thapasisi, nglinglālila, tūr̀sampunsayaga, madabdabanprayalunghane, gajaḥkudamakumpul, rathasampuncumandangsami, praya matir̀thayatra, sr̥ĕgĕpsamicukup, katkaningpasasamwan, wadwakataḥ, kadawuhanprayangiring, lendadijurusandang // dadawuhaneringjropuri, sampunsawatra, ‐ prayangiringsamyan, sakataḥparawestrine, rabinhidasangsinuhun, śrībhupatiharimur̀tti, prameśwaritatiga, samiputranratu, miwaḥputriningpaṇdhita, pangajĕnge

Leaf 7

Image on Archive.org

[᭗ 7B] ᭗ ᭞ᬫᬧᬭᬩ᭄‌ᬤᬾᬯᬶᬭᬸᬓ᭄ᬫᬡᬶ᭞ᬳᬦᬵᬦ᭄ᬭᬵᬚᬪᬶᬱ᭄ᬫᬓᬵ᭚ᬭᬢᬸᬳᬕᭂᬂᬭᬶᬂᬓᬸᬡ᭄ᬥᬶᬦᬵᬕᬭᬶ᭞ᬫᬮᬶᬄᬧ᭄ᬭᬫᬾ᭞ᬰ᭄ᬯᬭᬶᬦᬾᬫᬦ᭄ᬗᬄ᭞ᬲᬢ᭄ᬬᬪᭀᬫᬧᬧᬭᬩᬾ᭞ᬫᬲᬶᬄᬧᬸᬢ᭄ᬭᬦᬶᬂᬭᬢᬸ᭞ᬳ ᬦᬓ᭄ᬫᬳᬵᬭᬵᬚᬲᬢ᭄ᬬᬚᬶᬢ᭄᭞ᬧ᭄ᬭᬫᬾᬰᬯᬭᬶᬧᬫᬸᬦ᭄ᬢᬢ᭄᭞ᬧᬸᬢ᭄ᬭᬶᬦᬶᬂᬲᬂᬯᬶᬓᬸ᭞ᬲᬂᬯᬶᬓᬸᬓᬚᬫ᭄ᬪᬯᬦ᭄᭞ᬧᬧᬭᬩᬾ᭞ᬧ᭄ᬭᬫᬾᬰ᭄ᬯᬭᬶᬚᬫ᭄ᬩᬯᬢᬶ᭞ᬳᬶᬩᬸᬦᬾᬳᬃᬬ᭄ᬬᬲᬫ᭄ᬪ᭚ᬲ ᬚᬯᬦᬶᬂᬢᬶᬕᬵᬧ᭄ᬭᬫᬾᬰ᭄ᬯᬭᬶ᭞ᬭᬗ᭄ᬓᬸᬂᬓᬢᬄ᭞ᬧᬭᬵᬭᬩᬶᬧᬸᬦᬶᬓ᭞ᬬᬾᬦ᭄ᬲᬫᬶᬘᬘᬓ᭄ᬯᬱ᭄ᬝᬦᬾ᭞ᬭᬩᬶᬦ᭄ᬳᬶᬤᬚᭂᬂᬲᬶᬦᬸᬳᬸᬦ᭄᭞ᬫᬳᬵᬭᬵᬚᬳᬭᬶᬫᬸᬃᬢ᭄ᬢᬶ᭞ᬫᬗ᭄ᬤᬾᬧᬶᬲᬦ᭄ᬘᬸᬢᭂᬢᬂ᭞ᬕ᭄ᬩᭀᬕ ᬦᬾᬳᬶᬢᬸᬂ᭞ᬓᭀᬚᬭᬶᬂᬫᬸᬰᬮᬧᬃᬯ᭄ᬯ᭞ᬘᬘᬓᬦᬾ᭞ᬲᬫᬶᬬᬦ᭄ᬳᬦᭂᬫ᭄‌ᬩ᭄ᬮᬲ᭄ᬢᬮᬶ᭞ᬭᬯᬸᬳᬶᬂᬧᬤ᭄ᬫᬶᬢᬢᬶᬕ᭚ᬦᬾᬫᬸᬗ᭄ᬕᬸᬄᬲᭀᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬲᬓᬢᬳᬾ᭞ᬮᬶᬫᬂᬢᬮᬶᬧᬶᬂᬢᬶᬕ᭞ [᭘ 8A] ᬫᬯᬸᬯᬸᬲᬗᬵᬗ᭄ᬕᬢᬸᬲᬾ᭞ᬦᬗ᭄ᬕᬸᬲ᭄ᬬᬤᬰᬧᬶᬢᬸ᭞ᬲᬫᬓᬤᬤᬾᬯᬶᬥ᭄ᬬᬵᬥᬭᬶ᭞ᬲᬓᬶᬂᬯᬶᬱ᭄ᬡᬸᬪᬯᬡ᭞ᬓ᭄ᬭᬡᬫᬵᬲᬶᬄᬳᬬᬸ᭞ᬓᬢᬄᬧᬸᬢᬶᬄᬍᬗ᭄ᬓ᭄ᬬᬂᬍᬗ᭄ᬓ᭄ᬬᬂ᭞ᬲᬤᬧᬜ᭄ᬚᬂᬧᭀᬓᬶᬭ ᬦᬾᬫᬸᬮᬸᬓ᭄ᬫᬦᬶᬲ᭄᭞ᬳᬮᬶᬲᬾᬤᬯᬸᬦ᭄ᬳᬶᬦ᭄ᬢᬭᬦ᭄᭚ᬫᬲᬶᬄᬓᬢᬄᬦᬾᬜᬦ᭄ᬤᬢ᭄ᬕᬥᬶᬂ᭞ᬭᬕᬮᬗ᭄ᬲᬶᬂ᭞ᬢᬥᬄᬲᬤᬲ᭄ᬜᬂ᭞ᬲᬤᬳᬓᬲ᭄ᬩᬩᬮᬸᬗᬾ᭞ᬳᬲᬦᬾᬫᬲᬶᬄᬜᬸᬜᬸᬃ᭞ᬦ ᬗ᭄ᬳᬶᬂᬫᬢ᭄ᬭᬕᬮᬓ᭄ᬳᬫᬦᬶᬲ᭄᭞ᬧᬦ᭄ᬢᭂᬲ᭄ᬚᬸᬭᬸᬧᬗ᭄ᬕᭀᬥ᭞ᬮᬫ᭄ᬧ᭄ᬬᬲ᭄ᬢᬸᬃᬭᬶᬦ᭄ᬧᬗᬸᬲ᭄᭞ᬢᬥᬄᬩᬳᬸᬤ᭄‌ᬭᬭᬲᬾ᭞ᬩᬶᬱᬗᬾᬗ᭄ᬜᭀᬃ᭞ᬫᬾᬲᭂᬫᬾᬓᬭᬗ᭄ᬓᬸᬂᬫᬦᬶᬲ᭄᭞ᬧᬦ᭄ᬢᭂᬲ᭄ᬲᬧᬭᬶᬧᭀᬮᬄᬜ ᭚ᬫᬮᬶᬄᬯᬾᬦ᭄ᬢᭂᬦ᭄‌ᬍᬫ᭄ᬧᬸᬂᬕᬥᬶᬂ᭞ᬦᬗᬶᬂᬓᬸᬭᬗᬦ᭄᭞ᬓᬶᬤᬶᬓᬭᬫ᭄ᬧᬶᬗᬦ᭄᭞ᬦᬗᬶᬂᬓᬾᬩᭂᬓ᭄ᬫᬦᬶᬲᬾ᭞ᬫᬢᬦᬾᬦᬸᬜ᭄ᬚᬸᬂᬩᬶᬭᬸ᭞ᬦᬗᬶᬂᬕᬶᬕᬶᬦᬾᬲᬶᬮᬸᬢ᭄ᬳᬓᬢᬄ᭞ᬲᬸᬫᬗ᭄ᬓᬶᬦ᭄ᬗ

Auto-transliteration

[7 7B] 7 , maparabdewirukmaṇi, hanānrājabhiṣmakā // ratuhagĕngringkuṇdhināgari, maliḥprame, śwarinemanngaḥ, satyabhomapaparabe, masiḥputraningratu, ha nakmahārājasatyajit, prameśawaripamuntat, putriningsangwiku, sangwikukajambhawan, paparabe, prameśwarijambawati, hibunehar̀yyasambha // sa jawaningtigāprameśwari, rangkungkataḥ, parārabipunika, yensamicacakwaṣṭane, rabinhidajĕngsinuhun, mahārājaharimur̀tti, mangdepisancutĕtang, gboga nehitung, kojaringmuśalapar̀wwa, cacakane, samiyanhanĕmblastali, rawuhingpadmitatiga // nemungguḥsoringpramiśwari, sakatahe, limangtalipingtiga, [8 8A] mawuwusangānggatuse, nanggusyadaśapitu, samakadadewidhyādhari, sakingwiṣṇubhawaṇa, kraṇamāsiḥhayu, kataḥputiḥl̥ĕngkyangl̥ĕngkyang, sadapañjangpokira nemulukmanis, halisedawunhintaran // masiḥkataḥneñandatgadhing, ragalangsing, tadhaḥsadasñang, sadahakasbabalunge, hasanemasiḥñuñur̀, na nghingmatragalak'hamanis, pantĕsjurupanggodha, lampyastur̀rinpangus, tadhaḥbahudrarase, biṣangengñor̀, mesĕmekarangkungmanis, pantĕssaparipolaḥña // maliḥwentĕnl̥ĕmpunggadhing, nangingkurangan, kidikarampingan, nangingkebĕkmanise, matanenuñjungbiru, nanginggiginesilut'hakataḥ, sumangkinnga

Leaf 8

Image on Archive.org

[᭘ 8B] ᭘ ᬯᬭᬭᬲ᭄᭟ᬓᭂᬫᬶᬓᬦᬾᬫᬸᬮᬸᬓ᭄᭞ᬓᬤᬶᬭᬱᬫ᭄ᬮᬤ᭄ᬧ᭄ᬭᬡ᭞ᬲᭂᬫᬮᬶᬳᬾ᭞ᬤᭂᬍᬓ᭄ᬓᬦ᭄ᬢᭂᬦ᭄ᬢᬦ᭄ᬧᬢᬶᬧᬢᬶ᭞ᬓᬢᬄᬕᬕᭀᬜ᭄ᬘᬓᬦ᭄᭚ᬫᬲᬶᬄᬓᬢᬄᬦᬾᬫᬲᬶᬧ᭄ᬢᬵᬕᬜ᭄ᬚᬶᬄ᭞ᬓᬤᬶ ᬭᬱ᭟ᬓᬓᬸᬭᬂᬧᬕᭂᬳᬾ᭞ᬢᬥᬄᬲᬮᬾᬧ᭄ᬮᬶᬬᬢᬾ᭞ᬫᬦᬶᬲᬾᬓᭂᬧ᭄ᬬᬃᬓᭂᬧ᭄ᬬᬸᬃ᭞ᬫᬯᬵᬲᭀᬮᬄᬗᬜᬃᬗᬬᬭᬷᬦ᭄᭞ᬓᬢᬄᬳᬾᬜᭀᬃᬳᬾᬜᭀᬭᬦ᭄᭞ᬫᬸᬥᬄᬕᬸᬬᬸᬦ᭄ᬳᬶᬧᬸᬦ᭄ ᭞ᬦᬗᬶᬂᬯᬗᬶᬤ᭄ᬳᬲᬶᬂᬲᭀᬮᬳᬦ᭄᭞ᬳᬤᬸᬓ᭄ᬭᬭᬲ᭄᭞ᬓᬤᬶᬧᬦ᭄ᬥᭂᬂᬦᬶᬂᬲᬭᬶ᭞ᬲᭀᬮᬳᬦ᭄ᬗᬯᬾᬫᭂᬮᬄ᭚᭜᭚ᬲᬶᬦᭀᬫ᭄᭚᭜᭚ᬮᬭᬶᬲ᭄ᬲᬫ᭄ᬧᬸᬦᬶᬂᬤᬶᬯᬰ᭞ᬤᬶᬦᬦᬶᬂᬧ᭄ᬭᬬᬫᬫᬃ ᬕ᭄ᬕᬶ᭞ᬧᬮᬸᬗ᭄ᬳᬵᬦᬾᬢᬶᬃᬢ᭄ᬣᬬᬢ᭄ᬭ᭞ᬲᬶᬭᬶᬂᬢᬦᬄᬧᬲᬶᬲᬶ᭞ᬲᬬᬕᬵᬧᬥᬫᬗᬶᬭᬶᬂ᭞ᬚᭂᬚᭂᬮ᭄ᬳᬢᭂᬧ᭄ᬓᬗᬶᬦ᭄ᬓᬯᬸᬄ᭞ᬓᬤᬶᬲᬵᬕᬭᬧᬲᬂ᭞ᬳᬮᬸᬦ᭄ᬳᬮᬸᬦ᭄‌ᬤ᭄ᬯᬭᬵᬯᬢᬶ᭞ᬫᬳᬫ᭄ᬧᬸᬳᬦ᭄᭞ᬲ᭄ᬯᬭᬦ᭄ᬕᬚᬄ [᭙ 9A] ᬮᬦ᭄ᬓᬸᬤ᭚ᬫᬶᬯᬄᬲᬓᬾᬳᬶᬂᬋᬗ᭄ᬕᬯᬵ᭞ᬓ᭄ᬭᬶᬕ᭄‌ᬧᬲᬫ᭄ᬬᬦ᭄ᬫᬶᬚᬶᬮ᭄᭞ᬗᬦ᭄ᬢᬶᬚᬩᬦᬶᬂᬘᬭᬂᬘᬂ᭞ᬫᬪᬸᬱᬡᬵᬲᬃᬯ᭄ᬯᬍᬯᬶᬄ᭞ᬉᬕ᭄ᬭᬲᬾᬦᬲᬢ᭄ᬬᬓᬶ᭞ᬓᬺᬢᬯᬃᬫ᭄ᬫᬳᬃᬬ᭄ᬬᬯᬩ᭄ᬭᬸ᭞ᬫᬹᬓ᭄ᬬᬧ ᬢᬶᬄᬉᬤᬯ᭞ᬬᬤᬸᬯᬺᬱ᭄ᬡ᭄ᬬᬵᬦ᭄ᬤᬓᬵᬲᬫᬶ᭞ᬯᬢᭂᬓ᭄ᬓᬫ᭄ᬩᭀᬚᬵ᭞ᬫᬶᬯᬄᬧᬭᬭᬵᬚᬧᬸᬢ᭄ᬭ᭚ᬫᬓᬵᬤᬶᬳᬃᬬ᭄ᬬᬲᬫ᭄ᬪ᭞ᬳᬦᬓ᭄ᬤᬾᬯᬶᬚᬫ᭄ᬩᬯᬢᬶ᭞ᬫᬶᬯᬄᬳᬵᬃᬬ᭄ᬬᬧ᭄ᬭᬤ᭄ᬬᬸᬫ᭄ᬦ᭞ᬳᬦᬓ᭄ᬤᬾ ᬯᬶᬲᬂᬭᬸᬓ᭄ᬫᬶᬡᬶ᭞ᬓᬢᬄᬬᬦ᭄ᬘᬭᬓ᭄ᬲᬫᬶ᭞ᬧᬶᬦᬶᬧᬶᬦᬶᬄᬮᬗ᭄ᬓᬸᬂᬲᬢᬸᬲ᭄᭞ᬲᬢ᭄ᬬᬓᬮᬦ᭄ᬰᬭᬡ᭞ᬳᬃᬬ᭄ᬬᬳᬦᬶᬭᬸᬤᬫᬮᬶᬄ᭞ᬫᬶᬯᬄᬧᬸᬢ᭄ᬭᬦ᭄᭞ᬳᬶᬤᬰ᭄ᬭᬶᬩᬮᬤᬾᬯ᭚ᬦᬶᬲᬢᬵᬫᬶᬯᬄ ᬳᬸᬮ᭄ᬫᬸᬓ᭞ᬳᬦᬓ᭄ᬤᬾᬯᬶᬛᬭᬯᬢᬶᬧᬸᬦᬶᬓᬵ᭞ᬳᬦᬓ᭄ᬧ᭄ᬭᬪᬸᬫᬤ᭄ᬭᬧᬢᬶ᭞ᬲᬧᬭᬲ᭄ᬢ᭄ᬭᬶᬧᬸᬢ᭄ᬭᬲᬫᬶ᭞ᬧᬗᬗ᭄ᬕᬾᬦᬾᬲᬃᬯ᭄ᬯᬫᬸᬭᬸᬩ᭄᭞ᬫᬕᭂᬮᬸᬂᬲᬸᬧᬶᬢ᭄ᬳᬭᬂ᭞ᬫᬫᬩ

Auto-transliteration

[8 8B] 8 wararas. kĕmikanemuluk, kadiraṣamladpraṇa, sĕmalihe, dĕl̥ĕkkantĕntanpatipati, kataḥgagoñcakan // masiḥkataḥnemasiptāgañjiḥ, kadi raṣa. kakurangpagĕhe, tadhaḥsalepliyate, manisekĕpyar̀kĕpyur̀, mawāsolaḥngañar̀ngayarīn, kataḥheñor̀heñoran, mudhaḥguyunhipun , nangingwangid'hasingsolahan, hadukraras, kadipandhĕngningsari, solahanngawemĕlaḥ // • // sinom // • // larissampuningdiwaśa, dinaningprayamamar̀ ggi, palunghānetir̀tthayatra, siringtanaḥpasisi, sayagāpadhamangiring, jĕjĕlhatĕpkanginkawuḥ, kadisāgarapasang, halunhalundwarāwati, mahampuhan, swaran'gajaḥ [9 9A] lankuda // miwaḥsakehingr̥ĕnggawā, krigpasamyanmijil, ngantijabaningcarangcang, mabhuṣaṇāsar̀wwal̥ĕwiḥ, ugrasenasatyaki, kr̥ĕtawar̀mmahar̀yyawabru, mūkyapa tiḥudawa, yaduwr̥ĕṣṇyāndakāsami, watĕkkambojā, miwaḥpararājaputra // makādihar̀yyasambha, hanakdewijambawati, miwaḥhār̀yyapradyumna, hanakde wisangrukmiṇi, kataḥyancaraksami, pinipiniḥlangkungsatus, satyakalanśaraṇa, har̀yyahanirudamaliḥ, miwaḥputran, hidaśribaladewa // nisatāmiwaḥ hulmuka, hanakdewijharawatipunikā, hanakprabhumadrapati, saparastriputrasami, panganggenesar̀wwamurub, magĕlungsupit'harang, mamaba

Leaf 9

Image on Archive.org

[᭙ 9B] ᭙ ᬥᭀᬂᬫᬓᬸᬮᬫ᭄ᬩᬶ᭞ᬯᬮ᭄ᬯᬶᬬᬦᬾᬧᬧᬬᬲᬾᬯᬬᬂᬧ᭄ᬭᬯ᭄ᬯ᭚ᬯᬶᬯᬶᬢᬾᬧᬳ᭄ᬬᬲ᭄ᬧᬸᬦᬶᬓᬵ᭞ᬲᬓᬶᬂᬳ᭄ᬬᬂᬇᬦ᭄ᬤ᭄ᬭᬗᬹᬦᬶ᭞ᬫᬗᬶᬘᬾᬦᬶᬂᬢᬢᬶᬭ᭄ᬯᬦ᭄᭞ᬦᬗ᭄ᬳᬶᬂᬬᬾᬦ᭄ᬫᬲᬦᬶᬂᬫᬗ᭄ᬓᬶᬦ᭄᭞ᬭᬶᬂ ᬚᬯᬬᬤ᭄ᬬᬦ᭄ᬭᬶᬂᬩᬮᬶ᭞ᬲᬫ᭄ᬧᬸᬦ᭄ᬮᬫᬶᬩᭀᬬᬮᬓᬸ᭞ᬫᬗ᭄ᬤᬫᬗ᭄ᬓᬶᬦ᭄ᬓᬗ᭄ᬕᬾᬬᬂ᭞ᬭᬾᬄᬚᬯᬲᬫ᭄ᬧᬸᬦ᭄‌ᬜᬾᬚᬾᬦᬶᬦ᭄᭞ᬫᬲᬸᬓ᭄ᬕᬫ᭞ᬢᬢᬵᬘᬭᬯᭀᬂᬳᬭᬩ᭄᭚ᬦᬤ᭄ᬬ ᬦ᭄ᬫᬲᬦᬾᬭᬶᬳᬶᬭᬂ᭞ᬫᬲᬜ᭄ᬚᭂᬗᬮᬓᬤᬶᬭᬶ᭞ᬲᬢᬸᬭᬸᬢᬾᬫᬦᬸᬭᬸᬦᬂ᭞ᬓᬢ᭄ᬓᬦ᭄ᬭᬶᬂᬫᬚᬧᬳᬶᬢ᭄᭞ᬢᬍᬃᬫᬳᬶᬬᬦ᭄ᬓᬶᬤᬶᬓ᭄᭞ᬭᬶᬂᬳᬗ᭄ᬕᬾᬦᬗ᭄ᬕᬾᬦᬾᬤᬸᬫᬸᬦ᭄᭞ᬲᬤᬲᬓᬶᬂᬕᬫᬦ᭄ᬧ᭄ᬭ ᬯ᭄ᬯ᭞ᬕ᭄ᬮᬸᬂᬲᬸᬧᬶᬢ᭄ᬳᬸᬭᬂᬘᬦ᭄ᬤᬶ᭞ᬓᬕᭂᬦ᭄ᬢᭀᬲᬶᬦ᭄ᬳᬦ᭄ᬢᬸᬓ᭄ᬕᭂᬮᬸᬂᬓᬓᭂᬮᬶᬗᬦ᭄᭚ᬮᬭᬶᬲ᭄ᬭᬶᬲᬫ᭄ᬧᬸᬦᬾᬫᭂᬥᬮ᭄᭞ᬚᭂᬂᬲᬸᬲᬸᬦᬦ᭄‌ᬤ᭄ᬯᬭᬯᬢᬶ᭞ᬭᬚᬓᬺᬱ᭄ᬡᬵᬩᬮᬤᬾᬯ᭞ᬢ᭄ᬥᬸᬂᬳᬓᬾᬄᬧᬥᬮᬸ [᭑᭐ 10A] ᬯᬶᬄ᭞ᬲᭀᬧᬘᬭᬳ᭄ᬫᬲ᭄ᬲᬫᬶ᭞ᬧᬧᬜ᭄ᬚᬭᬦ᭄ᬳᬚᭂᬂᬲᬫ᭄ᬧᬸᬦ᭄᭞ᬫᬸᬗ᭄ᬕᬄᬫᬦᬸᬫ᭄ᬧᬓ᭄‌ᬭᬣ᭞ᬓᬜ᭄ᬚᭂᬂᬲᬸᬲᬸᬦᬦ᭄‌ᬤ᭄ᬯᬭᬯᬢᬶ᭞ᬧᬭᬾᬲ᭄ᬢ᭄ᬭᬶᬦᬾᬲᬫᬶᬫᬫᬃᬕ᭄ᬕᬶᬭᬶᬳᬶᬦᬦ᭄᭚ᬯᬾᬦ᭄ᬢᭂᬦ᭄ᬫ ᬚᬵᬮᬶᬚᬫ᭄ᬧᬦ᭞ᬯᬾᬦ᭄ᬢᭂᬦ᭄ᬭᬶᬂᬓ᭄ᬭᬾᬢᬧᭂᬥᬢᬶ᭞ᬧᬮᬶᬗ᭄ᬕ᭄ᬬᬦ᭄ᬧᬯᬶᬮᬗᬦ᭄᭞ᬮᬓ᭄ᬲᬬᬦ᭄ᬚᬫ᭄ᬧᬦᬚᭀᬮᬶ᭞ᬕᬚᬄᬓᬸᬤᬫᬭᬶᬭᬶᬕ᭄᭞ᬓᬢᬄᬢᬦ᭄‌ᬓ᭄ᬦᬶᬳᬶᬢᬸᬂ᭞ᬭᬓ᭄ᬭ᭄ᬬᬦ᭄ᬧᬢᬶᬄᬳᬸ ᬤᬯ᭞ᬓᬦ᭄ᬤᬶᬓᬬᬂᬗ᭄ᬭᬓ᭄ᬱᬧᬸᬭᬶ᭞ᬦᬸᬳᬸᬦ᭄ᬜᭂᬫ᭄ᬩᬄᬭᬶᬂᬧᬤᬵᬚᭂᬂᬲᬸᬲᬸᬦᬦ᭄᭚ᬳᬦᭀᬮᬶᬄᬮᬭᬶᬲ᭄ᬫᬫᬃᬕ᭄ᬕᬶ᭞ᬓᬤᬶᬕᭂᬦ᭄ᬢᬸᬄᬲᬓᬶᬂᬩᬸᬓᬶᬢ᭄᭞ᬫᬗᬾᬩᭂᬓᬶᬦ᭄ᬳᬭᬄᬳᬭᬄ᭞ᬢᬸᬗ᭄ᬕᬸᬮ᭄ᬧᬚᭂᬂᬕᬥᬂᬓᬸ ᬦᬶᬂ᭞ᬧᬸᬢᬶᬄᬩᬭᬓ᭄‌ᬮᬾᬦ᭄ᬢᬗᬶ᭞ᬓᬤᬶᬭᬱᬵᬓᬧᬸᬓᬧᬸ᭞ᬗᬫ᭄ᬩᬂᬫᬜᬸᬤᬜᬸᬤᬦ᭄᭞ᬲ᭄ᬯᬭᬦᬶᬂᬓᭂᬡ᭄ᬥᬂᬕᭀᬂᬩᬾᬭᬶ᭞ᬫᬶᬯᬄᬲᬸᬗᬸ᭞ᬲᬓᬤᬶᬕ᭄ᬭᬸᬤᬸᬕᬶᬦ᭄ᬢᭀᬬ᭚ᬳᬹᬃᬫᭂᬢ᭄ᬫᬭᬶᬬᭂᬫ᭄ᬧᬶᬂ

Auto-transliteration

[9 9B] 9 dhongmakulambi, walwiyanepapayasewayangprawwa // wiwitepahyaspunikā, sakinghyangindrangūni, mangiceningtatirwan, nanghingyenmasaningmangkin, ring jawayadyanringbali, sampunlamiboyalaku, mangdamangkinkanggeyang, reḥjawasampunñejenin, masukgama, tatācarawongharab // nadya nmasanerihirang, masañjĕngalakadiri, saturutemanurunang, katkanringmajapahit, tal̥ĕr̀mahiyankidik, ringhanggenanggenedumun, sadasakinggamanpra wwa, glungsupit'hurangcandi, kagĕntosinhantukgĕlungkakĕlingan // larisrisampunemĕdhal, jĕngsusunandwarawati, rajakr̥ĕṣṇābaladewa, tdhunghakeḥpadhalu [10 10A] wiḥ, sopacarahmassami, papañjaranhajĕngsampun, munggaḥmanumpakratha, kañjĕngsusunandwarawati, parestrinesamimamar̀ggirihinan // wentĕnma jālijampana, wentĕnringkretapĕdhati, palinggyanpawilangan, laksayanjampanajoli, gajaḥkudamaririg, kataḥtanknihitung, rakryanpatiḥhu dawa, kandikayangngrakṣapuri, nuhunñĕmbaḥringpadājĕngsusunan // hanoliḥlarismamar̀ggi, kadigĕntuḥsakingbukit, mangebĕkinharaḥharaḥ, tunggulpajĕnggadhangku ning, putiḥbaraklentangi, kadirasyākapukapu, ngambangmañudañudan, swaraningkĕṇdhanggongberi, miwaḥsungu, sakadigrudugintoya // hūr̀mĕtmariyĕmping

Leaf 10

Image on Archive.org

[᭑᭐ 10B] ᬭᬭᬲ᭄᭞ᬕᬸᬫᬸᬭᬸᬓᬭᬸᬗ᭄ᬯᬾᬮᬗᬶᬢ᭄᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬧᬚᬚᬳᬦ᭄᭞ᬚ᭄ᬭᭀᬓᬸᬝᬵᬦᬶᬂᬤ᭄ᬯᬭᬯᬢᬶ᭞ᬜᬭᬸᬫ᭄ᬩᬄᬤᬾᬰᬢᬦᬶ᭞ᬢ᭄ᬕᬮ᭄ᬢᭂᬕᬮ᭄ᬲᬯᬄᬤᬸᬓᬸᬄ᭞ᬢᬦ᭄ᬓᭀᬘᬧᬦ᭄ᬭᬶᬂᬫᬃᬕ᭄ᬕ᭞ᬲᬫ᭄ᬧᬸ ᬦ᭄ᬫᬢ᭄ᬭᬫᬢ᭄ᬭᬓᬳᬓ᭄ᬱᬶ᭞ᬮᬸᬭᬄᬮᬸᬭᬄ᭞ᬢᬦᬳᬶᬂᬧ᭄ᬭᬩᬰᬵᬢᬶᬃᬢ᭄ᬣᬵ᭚ᬭᬶᬲᬫ᭄ᬧᬸᬦᬾᬫᬲᬗ᭄ᬕ᭄ᬭᬳᬦ᭄᭞ᬧ᭄ᬭᬩᬸᬰᬢᬶᬃᬢ᭄ᬣᬧᬲᬶᬲᬶ᭞ᬳᬓᬾᬄᬕ᭄ᬦᬄᬧᬭᬵᬃᬬ᭄ᬬᬦ᭄᭞ᬩᬗ᭄ᬲᬮ᭄ᬩᬗ᭄ᬲᬮ᭄ᬩᬘᬶᬓ᭄ᬩᬘᬶ ᬓ᭄᭞ᬲᬫ᭄ᬧᬸᬦ᭄‌ᬯᬸᬲᬦ᭄ᬧᬥᬲᬫᬶ᭞ᬢᬶᬃᬢ᭄ᬣᬵᬬᬢ᭄ᬭᬦᬾᬓᬯᬗᬸᬦ᭄᭞ᬢᬶᬗ᭄ᬓᬄᬧᬫᬸᬚᬵᬭᬶᬂᬳ᭄ᬬᬂ᭞ᬲᬦ᭄ᬤᬶᬓᬦ᭄ᬬᬧᬸᬧᬹᬢ᭄ᬲᬫᬶ᭞ᬮᬭᬶᬲ᭄ᬫᬓᬸᬫ᭄ᬧᬸᬮ᭄᭞ᬤᬶᬢᬸᬳᬶᬤᬫᬧᬯᬸᬫᬦ᭄᭚ᬧᭂᬧᭂᬓ᭄ᬲᬫᬶᬧ᭄ᬭᬧᬸ ᬗ᭄ᬕᬯᬵ᭞ᬯᬢᭂᬓ᭄ᬬᬤᬸᬯᬢᭂᬓ᭄‌ᬯᬺᬱ᭄ᬡᬶ᭞ᬳᬦ᭄ᬤᬓᬵᬮᬾᬦ᭄ᬯᬢᭂᬓ᭄ᬩᭀᬚ᭞ᬧ᭄ᬭᬧᬸᬬ᭄ᬢᬫᬲ᭄ᬯᬭᬲᬫᬶ᭞ᬓᬩᬶᬦᬯᬵᬓᬳᬓ᭄ᬱᬶ᭞ᬤᬸᬫᬶᬮᬄᬲᬚᬫ᭄ᬩᬭᬶᬧᬸᬦ᭄᭞ᬭᬶᬂᬢᬦᬄᬧ᭄ᬭᬩᬰᬢᬶᬃᬢ᭄ᬣᬵ᭞ᬓᬾᬩᭂ [᭑᭑ 11A] ᬓᬦ᭄ᬤᬾᬦᬶᬂᬫᬵᬲ᭄ᬫᬡᬶᬓ᭄᭞ᬲᬃᬯ᭄ᬯᬫᬸᬮᬾ᭞ᬪᬸᬱᬡᬵᬦ᭄ᬭᬢᬸᬲᬶᬦᬫ᭄ᬬᬦ᭄᭚ᬫᬮᬶᬗ᭄ᬕᬶᬄᬭᬶᬂᬲᬶᬗ᭄ᬳᬲᬡ᭞ᬚᭂᬂᬲᬶᬦᬸᬳᬸᬦ᭄‌ᬤ᭄ᬯᬭᬯᬢᬶ᭞ᬫᬶᬯᬄᬧ᭄ᬭᬪᬸᬩᬮᬤᬾᬯ᭞ᬗᬧᬶᬢ᭄‌ᬲᭀᬧᬘᬭᬮ᭄ᬯᬶᬄ᭞ᬧᬸ ᬗ᭄ᬕᬯᬵᬗᬚᭂᬗᬶᬂᬲᬫᬶ᭞ᬉᬕ᭄ᬭᬲᬾᬦᬳᬃᬬ᭄ᬬᬯᬩ᭄ᬭᬸ᭞ᬲᬗᬃᬬ᭄ᬬᬉᬕ᭄ᬭᬲᬾᬦ᭞ᬗᬦᬶᬓᬵ᭠ᬳᬭᬹᬫ᭄ᬫᬲ᭄ᬫᬦᬶᬲ᭄᭞ᬲᬓᬾᬄᬭᬢᬸ᭞ᬬᬤᬸᬯᬺᬱ᭄ᬡ᭄ᬬᬵᬫ᭄ᬤᬓᬵᬩᭀᬚ᭚ᬲᬓᬾᬄᬧᬭᬬᬤᬸᬯᬗ᭄ᬰ ᭞ᬳᬾᬮᬶᬗᬾᬮᬶᬂᬫᬫᬶᬦᭂᬳᬶᬦ᭄᭞ᬓᬢᬶᬩᬦ᭄ᬓᬮᬶᬫᬗ᭄ᬕᬭ᭞ᬫᬲᬓᬢᬄᬳᬸᬮᬤ᭄ᬳᬮᬶᬤ᭄᭞ᬲᬃᬯ᭄ᬯᬲᬃᬯ᭄ᬯᬗᬯᬶᬱ᭄ᬬᬦᬶᬦ᭄᭞ᬲᬓᬳᬭᬲ᭄ᬲᬓᬳᬫ᭄ᬩᬸ᭞ᬲᬓᬋᬗᭂᬦ᭄ᬲᬓᬢᬢᬲ᭄᭞ᬬᬦ᭄ᬢᬦ᭄ᬧᬢᭀᬲ ᬭᬶᬂᬩᬸᬤ᭄ᬥᬶ᭞ᬧᬲ᭄ᬢᬶᬍᬩᬸᬃ᭞ᬓᬲᬫ᭄ᬩ᭄ᬭᬳᬦ᭄ᬲᬗ᭄ᬕᬭ᭚ᬲᬦ᭄ᬥᭀᬲᬵᬫᬭᬶᬂᬧᬤᬂ᭞ᬢᬦ᭄ᬧᬦᭀᬮᬶᬄᬓᬦᬦ᭄ᬓᬾᬭᬶ᭞ᬯᬶᬭᬾᬄᬲᬗ᭄ᬕᬭᬧᬸᬦᬶᬓᬵ᭞ᬫᬲᬶᬄᬫᬚᬫ᭄ᬩᬢᬦ᭄ᬩᬸᬤ᭄ᬥᬶ᭞ᬩᬸᬤ᭄ᬥᬶᬳᭂᬓᭂᬲ᭄‌ᬢ᭄ᬯᬶᬲ᭄ᬭᬶᬲ᭄᭞᭠

Auto-transliteration

[10 10B] raras, gumurukarungwelangit, sāmpunlintangpajajahan, jrokuṭāningdwarawati, ñarumbaḥdeśatani, tgaltĕgalsawaḥdukuḥ, tankocapanringmar̀gga, sampu nmatramatrakahaksyi, luraḥluraḥ, tanahingprabaśātir̀tthā // risampunemasanggrahan, prabuśatir̀tthapasisi, hakeḥgnaḥparār̀yyan, bangsalbangsalbacikbaci k, sampunwusanpadhasami, tir̀tthāyatranekawangun, tingkaḥpamujāringhyang, sandikanyapupūtsami, larismakumpul, dituhidamapawuman // pĕpĕksamiprapu nggawā, watĕkyaduwatĕkwr̥ĕṣṇi, handakālenwatĕkboja, prapuytamaswarasami, kabinawākahaksyi, dumilaḥsajambaripun, ringtanaḥprabaśatir̀tthā, kebĕ [11 11A] kandeningmāsmaṇik, sar̀wwamule, bhuṣaṇānratusinamyan // malinggiḥringsinghasaṇa, jĕngsinuhundwarawati, miwaḥprabhubaladewa, ngapitsopacaralwiḥ, pu nggawāngajĕngingsami, ugrasenahar̀yyawabru, sangar̀yya'ugrasena, nganikā‐harūmmasmanis, sakeḥratu, yaduwr̥ĕṣṇyāmdakāboja // sakeḥparayaduwangśa , helingelingmaminĕhin, katibankalimanggara, masakataḥhulad'halid, sar̀wwasar̀wwangawiṣyanin, sakaharassakahambu, sakar̥ĕngĕnsakatatas, yantanpatosa ringbuddhi, pastil̥ĕbur̀, kasambrahansanggara // sandhosāmaringpadang, tanpanoliḥkanankeri, wireḥsanggarapunikā, masiḥmajambatanbuddhi, buddhihĕkĕstwisris, ‐

Leaf 11

Image on Archive.org

[᭑᭑ 11B] ᭑᭑ ᬩᬸᬤ᭄ᬥᬶᬦᬾᬓᬢᭀᬦ᭄ᬲᬦ᭄ᬕ᭄ᬭᬶᬧᬸᬄ᭞ᬫᬚᬫ᭄ᬩᬢᬦ᭄‌ᬲᬗ᭄ᬕᬭ᭞ᬬᬤᬶᬦ᭄ᬲᬓ᭄ᬢᭀᬱᬵᬳ᭄ᬦᬶᬂ᭞ᬦᬾᬓᬲᬸᬫ᭄ᬩᬸᬂ᭞ᬢᬦ᭄ᬲᬶᬤᬓᬲ᭄ᬭᬫ᭄ᬩᬄᬲᬗ᭄ᬕᬭ᭞᭚ᬭᬾᬄᬓᭀᬘᬧ᭄ᬢᬦ᭄ᬲᬓᬶᬂᬰᬵᬲ᭄ᬢ᭄ᬭ᭞ᬢᬦ᭄ᬫᬦ᭄ᬢ᭄ᬭᬮ᭄ᬯᬶᬄᬫᬲ᭄ᬫᬡᬶᬓ᭄ ᭞ᬲᬶᬤ᭄ᬥᬫᬦᬸᬮᬓ᭄ᬲᬗ᭄ᬕᬭ᭞ᬓᬾᬯᬮᬲᬦᬾᬳᬲᬶᬓᬶ᭞ᬓᬲᬸᬰᬶᬮᬦᬶᬂᬩᬸᬤ᭄ᬥᬶ᭞ᬧᬸᬦᬶᬓᬓᬗ᭄ᬓᭂᬦ᭄ᬧ᭄ᬭᬭᬢᬸ᭞ᬓᬸᬓᬸᬄᬓᬮᬶᬯᬢ᭄ᬮᬶᬯᬢ᭄᭞ᬢ᭄ᬯᬭᬓᬾᬯᭂᬄᬢᭂᬫ᭄ᬧᬸᬄᬳᬗᬶᬦ᭄᭞ᬲᬶᬤᬫ᭄ᬢᬸ᭞ᬲᬗ᭄ᬕ ᬭᬲᬓᬶᬂᬲᬵᬕᬭ᭚ᬬᬦ᭄ᬳᬦ᭄ᬤᬾᬬᬂᬭᬱᬭᬱ᭞ᬭᬱᬦᬶᬂᬲᬸᬰᬶᬮᬩᬸᬤ᭄ᬥᬶ᭞ᬧᬸᬦᬶᬓᬵᬲᬓ᭄ᬱᬢ᭄‌ᬫᬺᬢ᭞ᬫᬜ᭄ᬭᬫ᭄ᬩᬄᬭᬶᬂᬲᬃᬯ᭄ᬯᬩᬸᬤ᭄ᬥᬶ᭞ᬬᬦ᭄ᬳᬦ᭄ᬤᬾᬬᬂᬭᬱᬫᬦᬶᬲ᭄᭞ᬓᬤᬶᬭᬱᬦᬶᬂᬕᬸᬮᬚᬸ ᬭᬸᬄ᭞ᬫᬦᬶᬲ᭄ᬫᬦᬶᬲᬶᬓᬵᬫᬦᬶᬲᬦ᭄᭞ᬫᬗᬲᭀᬭᬂᬲᬃᬯ᭄ᬯᬫᬦᬶᬲ᭄᭞ᬲᬫᬶᬫᬓᬸᬫ᭄ᬧᬸᬮ᭄᭞ᬓᬫᬦᬶᬲᬦᬾᬫᬓ᭄ᬚᬂ᭚᭜᭚ᬧᬸᬄᬤᬂᬤᬂᬕᬸᬮ᭚᭜᭚ᬫᬶᬯᬳᬾᬭᬶᬫᬲᬦᬶᬂᬓᬮᬶ᭞ [᭑᭒ 12A] ᬮᬘᬸᬧ᭄ᬚᬄ᭞ᬫᬫᬶᬦᭂᬳᬶᬦ᭄ᬫᬦᬄ᭞ᬭᬶᬓᬢᬶᬦ᭄ᬤᬶᬄᬲᬗ᭄ᬕᬭᬦᬾ᭞ᬲᬓᬬᬸᬦ᭄ᬓᬬᬸᬦ᭄ᬧᬸᬢᬸᬂ᭞ᬓᬢᬳᬶᬮᬂᬭᬱᬦᬶᬂᬩᬸᬤ᭄ᬥᬶ᭞ᬢᬸᬦᬭᬶᬂᬧᬦᬭᬶᬫᬦ᭄ᬢᬶᬢᬄ᭞ᬓᬤᬸᬂᬫᬯᬸᬄ᭞ᬓᬲᬫᬃᬦ᭄ᬗᬯᬶᬮᬗᬶ ᬦ᭄᭞ᬲᬚᬢᬶᬦᬾᬯ᭄ᬦᬂᬫᬃᬕ᭄ᬕᬦᬶᬂᬩᬸᬤ᭄ᬥᬶ᭞ᬮᬸᬧᬸᬢ᭄ᬲᬓᬶᬂᬲᬗ᭄ᬕᬭ᭚ᬚᬢᬦ᭄ᬩᬶᬗᬸᬂᬗᬭᬸᬭᬸᬳᬂᬲᬳᬶᬄ᭞ᬭᬶᬂᬳ᭄ᬬᬂᬲᬹᬓ᭄ᬱ᭄ᬫᬵ᭞ᬫᬶᬯᬄᬯᬶᬰᬾᬱᬭᬶᬂᬚᬕᬢ᭄᭞ᬢᬦ᭄ᬓᬢᬾᬫ᭄ᬧᬾᬮᬦᬾ᭞ᬲᬸᬘᬶᬭᬳ ᬬᬸᬦ᭄ᬭᬸᬲ᭄᭞ᬮᬶᬦᬶᬂᬗᬯᬓ᭄‌ᬫᬯᬶᬯᬶᬢᬕ᭄ᬢᬶᬄ᭞ᬫᬶᬯᬄᬓᬤᬦᬾᬦ᭄ᬓᬫ᭞ᬳᬫ᭄ᬩᭂᬓᬦᬾᬯᭂᬗᬸ᭞ᬦᬕᬶᬄᬦᬶᬜ᭄ᬘᬧ᭄‌ᬰᬹᬦ᭄ᬬᬧᬤ᭞ᬲᬓᬶᬂᬫᬦᬄ᭞ᬩᬮᬶᬢᬸᬓ᭄‌ᬢᬸᬃᬓᬯᬕ᭄ᬓᬶᬭᬶᬕ᭄᭞ᬢᬦ᭄ᬗᬗ᭄ᬕᭀᬢᬶ ᬫ᭄ᬩᬂᬢᬶᬫ᭄ᬩᬗᬦ᭄᭚ᬤᬤᬶᬜᬶᬸᬬᬦ᭄ᬜᬢᬸᬲ᭄‌ᬭᬸᬗ᭄ᬓᬭᬸᬗ᭄ᬓᬶᬃᬭᬾᬄᬭᬶᬂᬓᬭᬂ᭞ᬧᬥᬓᬦ᭄ᬢᬶᬦᬦ᭄᭞ᬲᬃᬯ᭄ᬯᬢᬦ᭄ᬳᬦᬕᬸᬡᬦᬾ᭞ᬲᭀᬓ᭄ᬗ᭄ᬭᬫ᭄ᬩᬸᬦ᭄ᬮᬸᬫ᭄ᬩᬸᬂᬮᬸᬫ᭄ᬩᬸᬂ᭞ᬢᬦ᭄ᬧᬕᬸᬡᬧᬦᬸᬮᬸᬂᬳᬸᬭᬶᬧ᭄᭞ᬫᬲᬶᬄᬓᬭᬶᬗᬸ

Auto-transliteration

[11 11B] 11 buddhinekatonsan'gripuḥ, majambatansanggara, yadinsaktosyāhning, nekasumbung, tansidakasrambaḥsanggara, // reḥkocaptansakingśāstra, tanmantralwiḥmasmaṇik , siddhamanulaksanggara, kewalasanehasiki, kasuśilaningbuddhi, punikakangkĕnpraratu, kukuḥkaliwatliwat, twarakewĕḥtĕmpuḥhangin, sidamtu, sangga rasakingsāgara // yanhandeyangraṣaraṣa, raṣaningsuśilabuddhi, punikāsakṣatmr̥ĕta, mañrambaḥringsar̀wwabuddhi, yanhandeyangraṣamanis, kadiraṣaninggulaju ruḥ, manismanisikāmanisan, mangasorangsar̀wwamanis, samimakumpul, kamanisanemakjang // • // puḥdangdanggula // • // miwaherimasaningkali, [12 12A] lacupjaḥ, maminĕhinmanaḥ, rikatindiḥsanggarane, sakayunkayunputung, katahilangraṣaningbuddhi, tunaringpanarimantitaḥ, kadungmawuḥ, kasamar̀nngawilangi n, sajatinewnangmar̀gganingbuddhi, luputsakingsanggara // jatanbingungngaruruhangsahiḥ, ringhyangsūkṣmā, miwaḥwiśeṣaringjagat, tankatempelane, suciraha yunrus, liningngawakmawiwitagtiḥ, miwaḥkadanenkama, hambĕkanewĕngu, nagiḥniñcapśūnyapada, sakingmanaḥ, balituktur̀kawagkirig, tannganggoti mbangtimbangan // dadiñ̶yanñatusrungkarungkir̀reḥringkarang, padhakantinan, sar̀wwatanhanaguṇane, sokngrambunlumbunglumbung, tanpaguṇapanulunghurip, masiḥkaringu

Leaf 12

Image on Archive.org

[᭑᭒ 12B] ᭑᭒ ᬘᬶᬧ᭄᭞ᬫᬶᬸᬢ᭄ᬕᭂᬃᬫᬯᬲ᭄ᬜᬸᬮᬸᬄ᭞ᬲᬦᬾᬢᬦ᭄ᬓᬳᬦᬦ᭄ᬘᬭᬤ᭄᭞ᬧᬶᬦᭂᬄᬢᬫ᭄ᬧᭂᬓ᭄ᬓᬮᬫᬺᬢ᭄ᬬᬸᬦᬾᬫᬗᬩᬶᬄ᭞ᬫᬲᬶᬄᬬᬤᬸᬭᬸᬂᬓᬭ᭄ᬯᬦ᭄᭚ᬓᬭᬶᬲᬯᬢᬦ᭄ᬧ᭄ᬭᬢᬯᬵᬓ᭄ᬥᬶᬓ᭄᭞ᬦᬾᬓᬧ᭄ᬢᬶᬬᬂ᭞ᬦᬾᬢᬦ᭄ᬫᬶᬲᬶ ᬘᬘᬤ᭄᭞ᬯᬶᬭᬾᬄᬘ᭄ᬓᬧᬫᬶᬮᬶᬢᬾ᭞ᬢᬦ᭄ᬳᬗ᭄ᬕᭀᬢᬶᬫ᭄ᬩᬂᬫᬤᬸᬫ᭄᭞ᬳᬕᭂᬂᬳᬮᬶᬢ᭄ᬫᬦᬶᬲ᭄ᬧᬳᬶᬢ᭄᭞ᬗᬓᬸᬩᬶᬱᬫᬗ᭄ᬯᬤ᭞ᬦᬶᬭᬸᬯᬢᭂᬓ᭄ᬯᬶᬓᬸ᭞ᬲᬧ᭄ᬝᬵᬋᬱᬶᬫᬶᬤ᭄ᬥᬶᬯᬓ᭄ᬬ᭞ᬗᬭᬸᬲᬓᬂ᭞ᬲᬫᬶ᭠ ᬲᬫᬶᬦᬾᬤᬸᬫᬤᬶ᭞ᬲᬓᬶᬂᬢᬸᬢᬸᬓᬾᬯᬮᬵ᭚ᬳᬳᬾᬮᬶᬗᬦ᭄ᬯᬢᭂᬓ᭄ᬬᬤᬸᬲᬫᬶ᭞ᬲᬳᬶᬄᬳᬓᭂᬥᬶᬓ᭄᭞ᬓᬲᬶᬤ᭄ᬬᬦᬶᬂᬢ᭄ᬫᬄ᭞ᬭᬶᬂᬲᬃᬯ᭄ᬯᬲᬃᬯ᭄ᬯᬳᬸᬧᬳᬾ᭞ᬳᬜᬸᬲᬸᬧ᭄ᬩᬮᬸᬂᬲᬸᬫ᭄ᬲᬸᬫ᭄᭞ᬳᬗ᭄ᬭᬸ᭠ ᬕ᭄ᬫᬦᬄ᭞ᬲᬫᬶᬗᬫᬶᬋᬗᬶᬦ᭄᭞ᬓ᭄ᬭᬡᬲᬫᬶᬓ᭄ᬮᬭᬂ᭞ᬲᬓᬾᬂᬯᬢᭂᬓ᭄ᬬᬤᬸ᭞ᬗᬗ᭄ᬕᭀᬰᬩ᭄ᬥᬵᬢᬦ᭄ᬧᬸᬭᬶᬱ᭄ᬬ᭞ᬫᬶᬯᬄᬗᬶᬦᬸᬫ᭄᭞ᬲᬃᬯ᭄ᬯᬦᬾᬫᬫᬸᬜᬳᬶᬦ᭄᭞ᬫᬗ᭄ᬤᬢᬦ᭄ᬓᬤᬸᬭᬸᬲᬦ᭄᭚ [᭑᭓ 13A] ᬦᬭᬦ᭄ᬢᬦᬂᬲᬮ᭄ᬯᬶᬭᬶᬂᬜᬜᭂᬗᬶᬢ᭄᭞ᬗ᭄ᬕᬯᬾᬢᬸᬓᬂ᭞ᬭᬾᬄᬫᬲᬦ᭄ᬲᬗ᭄ᬕᬭ᭞ᬢᬃᬳᬗᬸᬧᭂᬢ᭄ᬲᬲᬫᬦᬾ᭞ᬓᬮᬶᬗᬦᬾᬧᬸᬦᬶᬓᬸ᭞ᬲᬤᬕᬯᬾᬗᬚᭀᬳ᭄ᬦᬸᬳᬸᬦᬶᬦ᭄᭞ᬳᬸᬧᬢ᭄ᬧᬗᬸᬯ ᬦᬸᬫᬦ᭄᭞ᬲᬢ᭄ᬯᬶᬲ᭄ᬬᬢᬶᬫᬸᬄ᭞ᬭᬶᬂᬓᭀᬭᬶᬳᬫ᭄ᬩᬳᬫ᭄ᬩᬳᬦ᭄᭞ᬮᬫᬶᬮᬫᬶᬤᭀᬄᬧᬭᬵᬢᬦ᭄ᬤᬤᬶᬫᭂᬦ᭄ᬢᬶᬓ᭄᭞ᬓᬤᬘᭀᬧᬶᬂᬘ᭄ᬭᬶᬢᬗᬸᬦᬶ᭞ᬯᬶᬓᬸᬦ᭄ᬫᬄᬭᬢᬸᬓᬯᬍᬲᬦ᭄᭞ᬧᬥᬳᬾ ᬯᬸᬄᬓᬧᬗ᭄ᬕᬶᬳᬾ᭞ᬯᬶᬓᬸᬓᬓ᭄ᬢᬶᬓᬭᬸᬳᬸᬦ᭄᭞ᬦ᭄ᬫᬄᬭᬸᬢᬸᬲᭀᬥᬵᬤᬸᬓ᭄ᬗᬸᬦᬶ᭞ᬤᬤᬶᬭᬵ᭠ᬓ᭄ᬱᬲᬵᬕᬮᬓ᭄᭞ᬲᬲᬫ᭄ᬧᬸᬦᬾᬜᬸᬲᬸᬧ᭄᭞ᬭᬢᬸᬫᭀᬥᬵᬤᬤᬶᬬᬓ᭄ᬱ᭞ᬯᬶᬓᬸᬰᬓ᭄ᬭᬶ᭞ᬓᬲ ᬭᬧ᭄ᬲᬲᬦᬓ᭄ᬲᬳᬶ᭞ᬲᬢᬸᬲ᭄ᬯᬶᬓᬸᬧ᭄ᬭᬮᬬ᭚ᬫᬶᬯᬄᬯᬶᬓᬸᬯᬱ᭄ᬝᬶᬢᬦᬾᬭᬶᬳᬶᬦ᭄᭞ᬦ᭄ᬫᬄᬭᬢᬸᬦᬾ᭞ᬭᬶᬓᬓᬯᬍᬲᬦ᭄᭞ᬧᬥᬧᬥᬵᬓᬲ᭄ᬭᬾᬓᬢᬾ᭞ᬲᬂᬳ᭄ᬬᬂᬇᬦ᭄ᬤ᭄ᬭᬓᬭᬸᬳᬸᬦ᭄᭞ᬫ

Auto-transliteration

[12 12B] 12 cip, m̶tgĕr̀mawasñuluḥ, sanetankahanancarad, pinĕḥtampĕkkalamr̥ĕtyunemangabiḥ, masiḥyadurungkarwan // karisawatanpratawākdhik, nekaptiyang, netanmisi cacad, wireḥckapamilite, tanhanggotimbangmadum, hagĕnghalitmanispahit, ngakubiṣamangwada, niruwatĕkwiku, sapṭār̥ĕsyimiddhiwakya, ngarusakang, sami‐ saminedumadi, sakingtutukewalā // hahelinganwatĕkyadusami, sahiḥhakĕdhik, kasidyaningtmaḥ, ringsar̀wwasar̀wwahupahe, hañusupbalungsumsum, hangru‐ gmanaḥ, samingamir̥ĕngin, kraṇasamiklarang, sakengwatĕkyadu, nganggośabdhātanpuriṣya, miwaḥnginum, sar̀wwanemamuñahin, mangdatankadurusan // [13 13A] narantanangsalwiringñañĕngit, nggawetukang, reḥmasansanggara, tar̀hangupĕtsasamane, kalinganepuniku, sadagawengajohnuhunin, hupatpanguwa numan, satwisyatimuḥ, ringkorihambahambahan, lamilamidoḥparātandadimĕntik, kadacopingcritanguni, wikunmaḥratukawal̥ĕsan, padhahe wuḥkapanggihe, wikukaktikaruhun, nmaḥrutusodhāduknguni, dadirā‐kṣasāgalak, sasampuneñusup, ratumodhādadiyakṣa, wikuśakri, kasa rapsasanaksahi, satuswikupralaya // miwaḥwikuwaṣṭitanerihin, nmaḥratune, rikakawal̥ĕsan, padhapadhākasrekate, sanghyangindrakaruhun, ma

Leaf 13

Image on Archive.org

[᭑᭓ 13B] ᭑᭓ ᬗᭀᬬᭀᬦᬶᬂᬯᬶᬓ᭄ᬯᬮᬶᬢ᭄ᬰᬓ᭄ᬢᬶ᭞ᬦᬫᬲᬳᬰ᭄ᬭᬵᬯᬮᬶᬓᬶᬮ᭄ᬬ᭞ᬫᬲᬶᬄᬤᬤᬶᬓᬾᬯᬸᬄ᭞ᬳ᭄ᬬᬂᬇᬦ᭄ᬤ᭄ᬭᬫᬗ᭄ᬕᬶᬄᬓᬾᬭᬗᬦ᭄᭞ᬲᬓᬶᬂᬧᬫᬍᬲᬾ᭞ᬲᬂᬯᬶᬓᬸᬳᬮᬶᬢ᭄ᬳᬮᬶᬢ᭄᭞ᬕᭂᬗᬾᬲᬳᬶᬦᬦ᭄ᬢ᭠ ᬗᬦ᭄᭚ᬲᬓᬶᬂᬫᬫ᭄ᬧᬸᬄᬧᬓᬵᬃᬤ᭄ᬥᬶᬦᬾᬍᬯᬶᬄ᭞ᬫᬭᬹᬧ᭞ᬲᬂᬕᬭᬸᬥᬯᬶᬦᬵᬱ᭞ᬲᬶᬤ᭄ᬥᬵᬳ᭄ᬬᬂᬇᬦ᭄ᬤ᭄ᬭᬓᬲᭀᬭᬾ᭞ᬓ᭄ᬭᬡᬲᬂᬯᬢᭂᬓ᭄ᬬᬤᬸ᭞ᬬᬢ᭄ᬦᬵᬬᬢ᭄ᬦᬵᬦᭂᬓᭂᬲ᭄ᬩᬸᬤ᭄ᬥᬶ᭞ᬫᬗ᭄ᬤᬾᬦᬾᬲᬶᬤ᭄ᬥ ᬫᬶᬫ᭄ᬧᬲ᭄᭞ᬭᬶᬂᬲᬗ᭄ᬕᬭᬭᬯᬸᬄ᭞ᬲᬗ᭄ᬕᬭᬩᬶᬱᬫᬶᬗᬸᬗᬂ᭞ᬢᬸᬭᬶᬦ᭄ᬰᬓ᭄ᬢᬶ᭞ᬗᬫᬬᬫᬬᬭᬶᬂᬩᬸᬤ᭄ᬥᬶ᭞ᬦᬸᬦ᭄ᬢᬸᬦ᭄ᬫᬭᬶᬂᬦᬭᬓᬵ᭚ᬲᬫ᭄ᬧᬸᬦ᭄ᬧᬶᬲᬦ᭄ᬮᬮᬶᬗᬫᬶᬦᭂᬳᬶᬦ᭄᭞ᬗ᭄ᬳᬶᬂᬓᬯᬰ᭞ᬭᬶᬂᬲᬂᬳ᭄ᬬᬂᬯᬶᬰᬾ ᬱ᭞ᬦᬶᬢᬄᬲᬫ᭄ᬩᬭᬂᬩᬸᬤ᭄ᬥᬶᬦᬾ᭞ᬧᬦᭂᬫ᭄ᬧᬸᬄᬳᬮᬳᬬᬸ᭞ᬓᬮᬗ᭄ᬓᬳᬦ᭄ᬭᬳᬶᬦᬯ᭄ᬗᬶ᭞ᬫᬲᬶᬳᬾᬮᬶᬮᬮᬸᬧ᭞ᬫᬶᬲᬶᬫᬺᬢᬫᬶᬲᬶᬯᬶᬱ᭄ᬬ᭞ᬓᬕᭂᬦ᭄ᬢᬸᬭᬦ᭄ᬲᬸᬓᬵᬤᬸᬓ᭞ᬧᬢᬶᬳᬸᬭᬶᬧᬾᬢᭀᬂᬤ [᭑᭔ 14A] ᬤᬶᬩᬦ᭄ᬓᭂᬮᬶᬤᬶᬦ᭄᭞ᬬ᭄ᬯᬤᬶᬦ᭄ᬲ᭄ᬯᬃᬕ᭄ᬕᬫᬶᬯᬄᬦ᭄ᬭᬓ᭚ᬬᬦ᭄ᬭᬶᬂᬓᬮᬶᬓᬢᬄᬧ᭄ᬭᬶᬗᬲ᭄ᬧ᭄ᬭᬶᬗᬶᬲ᭄᭞ᬗᬭᬋᬳᬂ᭞ᬳᬦᬸᬓᬸᬧᬕ᭄ᬦᬄ᭞ᬲᬦᬾᬲᬩᬗ᭄ᬰᬳᬮᬦᬾ᭞ᬬᬾᬦ᭄ᬢᭂᬕᬸᬮᬾᬲᬶᬄᬲᬾᬯᬸᬄ᭞ᬭᬡ᭄ᬥᬄᬭᬸ ᬡ᭄ᬥᬸᬗ᭄ᬮᬾᬩ᭄ᬓᬘᬶᬘᬶᬂ᭞ᬓ᭄ᬭᬡᬳᬤᬓᬫ᭄ᬧᬸᬳᬂ᭞ᬳᬗᬶᬦ᭄‌ᬍᬓᬸᬲ᭄‌ᬍᬓᬸᬲ᭄᭞ᬬᬾᬦ᭄ᬳᬗᬶᬤᬸᬧᬂᬳᬮᬵᬢ᭄ᬓᬦ᭄ᬤᬤᬓ᭄᭞ᬤᬸᬓ᭄ᬗᭂᬫ᭄ᬯᬵᬫᬲᬯᬂᬳᬜᬶᬃ᭞ᬦᬾᬓᭀᬬᬧᬮᬮᬶᬬᬦ᭄᭚ᬓᬮᬭᬶ ᬘᭂᬦ᭄ᬓᭂᬦ᭄ᬤᭂᬮ᭄ᬧᭂᬲᬸᬫᬸᬮᬶᬄ᭞ᬗᭂᬕᭂᬦ᭄ᬜᬸᬫ᭄ᬩᬸᬗᬦ᭄᭞ᬤᬸᬓ᭄ᬤᬶᬧᬲᬫ᭄ᬯᬦ᭄᭞ᬭᬶᬳᬋᬧᬦᬶᬂᬯᭀᬗᬓ᭄ᬯᬾᬄ᭞ᬮᬮᬶᬬᬾᬤᬤᬶᬗ᭄ᬮᬦ᭄ᬢᬸᬓ᭄᭞ᬧ᭄ᬮᬮ᭄ᬬᬦ᭄ᬩᬶᬱᬗᬚᬾᬢ᭄ᬫᬮᬶᬓᬶᬦ᭄᭞ᬩᬲᬂᬫᬸᬢ᭄ᬢᬫ᭄ᬩᬸᬳᬦ᭄᭞ ᬢᬸᬭᬶᬂᬩᬶᬱᬗᬧᬸᬲ᭄᭞ᬫᬗᬚᭂᬓᬶᬦ᭄ᬗᬦ᭄ᬭᬓᬵ᭞ᬩᭀᬬᬧᬶᬲᬦ᭄᭞ᬧᬸᬦᬶᬓᬵᬜᬦ᭄ᬤᬂᬧᬸᬧᭀᬦᬶᬦ᭄᭞ᬫᬗ᭄ᬤᬾᬦᬾᬓᬭᬳᬬ᭄ᬯᬦ᭄᭞᭚ᬧ᭄ᬭᬪᬸᬓᬺᬱ᭄ᬡᬵᬓᭂᬜᭂᬫ᭄ᬤᬸᬓ᭄ᬫᬶᬳᬵᬃᬱᬶ᭞ᬳᬃᬬ᭄ᬬᬯᬩ᭄ᬭᬸ

Auto-transliteration

[13 13B] 13 ngoyoningwikwalitśakti, namasahaśrāwalikilya, masiḥdadikewuḥ, hyangindramanggiḥkerangan, sakingpamal̥ĕse, sangwikuhalit'halit, gĕngesahinanta‐ ngan // sakingmampuḥpakār̀ddhinel̥ĕwiḥ, marūpa, sanggarudhawināṣa, siddhāhyangindrakasore, kraṇasangwatĕkyadu, yatnāyatnānĕkĕsbuddhi, mangdenesiddha mimpas, ringsanggararawuḥ, sanggarabiṣamingungang, turinśakti, ngamayamayaringbuddhi, nuntunmaringnarakā // sampunpisanlalingaminĕhin, nghingkawaśa, ringsanghyangwiśe ṣa, nitaḥsambarangbuddhine, panĕmpuḥhalahayu, kalangkahanrahinawngi, masihelilalupa, misimr̥ĕtamisiwiṣya, kagĕnturansukāduka, patihuripetongda [14 14A] dibankĕlidin, ywadinswar̀ggamiwaḥnraka // yanringkalikataḥpringaspringis, ngarar̥ĕhang, hanukupagnaḥ, sanesabangśahalane, yentĕgulesiḥsewuḥ, raṇdhaḥru ṇdhunglebkacicing, kraṇahadakampuhang, hanginl̥ĕkusl̥ĕkus, yenhangidupanghalātkandadak, dukngĕmwāmasawanghañir̀, nekoyapalaliyan // kalari cĕnkĕndĕlpĕsumuliḥ, ngĕgĕnñumbungan, dukdipasamwan, rihar̥ĕpaningwongakweḥ, laliyedadinglantuk, plalyanbiṣangajetmalikin, basangmuttambuhan, turingbiṣangapus, mangajĕkinnganrakā, boyapisan, punikāñandangpuponin, mangdenekarahaywan, // prabhukr̥ĕṣṇākĕñĕmdukmihār̀syi, har̀yyawabru

Leaf 14

Image on Archive.org

[᭑᭔ 14B] ᭑᭔ ᭞ᬮᬭᬶᬲ᭄ᬫᬜᬳᬸᬭᬂ᭞ᬧᬸᬦᬶᬓᬵᬮᬗ᭄ᬓᬸᬂᬩᭂᬦᭂᬭᬾ᭞ᬭᬶᬂᬫᬦᬄᬫᬲᬦ᭄ᬢᬶᬧᬸ᭞ᬤᬶᬦᬶᬗ᭄ᬭᬩ᭄ᬥᬵᬤᬶᬢᬸᬜᬓᬶᬢᬶᬦ᭄᭞ᬲᬮ᭄ᬯᬶᬭᬶᬂᬯᬓ᭄ᬧᬭᬸᬱ᭄ᬬ᭞ᬢᬢᬵᬦᭂᬓᬦ᭄‌ᬍᬢᬸᬄ᭞ᬓᬕᬮᬶᬦ᭄ᬢᬶᬃᬫ ᬧᬸᬦᬮᬸᬗᬦ᭄᭞ᬳᬲᬶᬂᬳᬲᬶᬂ᭞ᬚᬦ᭄ᬫᬵᬦᬾᬓ᭄ᬦᬶᬢᬶᬫ᭄ᬧᬸᬕᬶᬦ᭄᭞ᬧᬲ᭄ᬢᬶᬦᬾᬬᬗ᭄ᬯᬍᬲᬦ᭄᭚ᬯᬶᬭᬾᬄᬳᬭᬂᬳᬸᬦᬶᬂᬦᬫ᭄ᬩᬦᬶᬂ᭞ᬬᬦ᭄ᬢᬦ᭄ᬲᬂᬯ᭄ᬭᬸᬄ᭞ᬫᬓᬃᬤ᭄ᬥᬶᬧᬗᬼᬧᬲ᭄᭞ᬳᬗ᭄ᬕᬾᬗᭂᬦ᭄ᬢ ᬲᬂᬍᬢᬸᬳᬾ᭞ᬧᬸᬦᬶᬓᬭᬗ᭄ᬓᬸᬂᬳᬾᬯᬸᬄ᭞ᬬᬤᬶᬦ᭄ᬲᬂᬯ᭄ᬭᬸᬄᬧ᭄ᬘᬓ᭄ᬗᬮᬶᬦ᭄ᬢᬶᬃ᭞ᬢᬸᬃᬮᬭᬶᬲ᭄ᬫᬦᬶᬫ᭄ᬧᬸᬳᬂ᭞ᬢᬦ᭄ᬳ᭄ᬭᬸᬄᬗᭂᬦ᭄ᬢᬲ᭄ᬢᬸᬳᬸᬦ᭄᭞ᬬᬾᬦ᭄ᬗᭂᬦ᭄ᬢᬲ᭄ᬳᬶᬲᭂᬂᬳᬶᬲᭂᬗᬦ᭄᭞ᬩᬶᬮᬶᬄᬩᬶᬱ᭞ᬲᬢ᭄ᬗᬬᬸᬦᬂ ᬮᬭᬾᬳᬮᬶᬢ᭄᭞ᬦᬾᬯᬯᬸᬲᬫ᭄ᬩᬸᬢᬦ᭄᭚ᬗᬬᬸᬦᬗᬾᬫᬲᬯᬂᬓ᭄ᬜᬶᬭ᭄᭞ᬯᬶᬭᬾᬄᬗᬮᬧ᭄᭞ᬲᬤ᭄ᬬᬂᬗᬬᬸᬦᬂᬗᬗ᭄ᬕᭀᬓᬢᬂᬓᬢᬂᬩᬸᬦᬾ᭞ᬢᬶᬗ᭄ᬓᬳᬾᬦᬾᬧᬸᬦᬶᬓᬸ᭞ᬲᬵ [᭑᭕ 15A] ᬲᬳᬶᬳᬾᬘᬭᬩᬶᬘᬭᬶ᭞ᬜᬶᬗᬶᬤ᭄ᬫᬗᬾᬭᬗᬾᬭᬗᬶᬦ᭄᭞ᬳᭀᬯᬶᬦ᭄ᬤᬫᬗᬮᬸᬲ᭄ᬳᬮᬸᬲ᭄᭞ᬚᬢᬶᬦᬾᬗ᭄ᬕᬯᬾᬩ᭄ᬬᬧᬭ᭞ᬲᬫ᭄ᬧᬸᬦ᭄ᬮᬶᬫ᭄ᬯᬄ᭞ᬫᬫᬃᬕ᭄ᬕᬶᬢᬶᬗ᭄ᬓᬄᬧᬸᬦᬶᬓᬶ᭞ᬬᬦ᭄ᬭᬶᬂᬓᬮᬶᬲᬗ᭄ᬕᬭ᭚ ᬳᬭᬂᬢᬶᬗ᭄ᬓᬳᬾᬩ᭄ᬯᬳᬶᬦ᭄᭞ᬲᬦᬾᬢ᭄ᬭᬂ᭞ᬢᬸᬃᬗᬗ᭄ᬕᭀᬧᬶᬳᭀᬮᬲ᭄᭞ᬧᬶᬢᬸᬢᬸᬃ᭠ᬲᬓᬧᬗ᭄ᬕᬸᬳᬾ᭞ᬲᬦᬾᬢᬦ᭄ᬲᬓᬶᬂᬭᬸᬲᬸᬄ᭞ᬲᬓᬶᬂᬳᬾᬯᬾᬃᬫᬤᬸᬮᬸᬃᬘᬶᬗᬶᬂ᭞ᬲᬂᬉᬕ᭄ᬭᬲᬾ ᬦᬵᬜᬯᬸᬭᬂ᭞ᬢᭀᬧᬶᬢ᭄ᬯᬶᬢᬸᬳᬸ᭞ᬓ᭄ᬭᬡᬦᬾᬚᬦᬶᬩᬓᭂᬮᬂ᭞ᬯᬶᬭᬾᬄᬚᬕᬢ᭄᭞ᬲᬸᬩᬓᬲᬸᬲᬸᬧᬦ᭄ᬓᬮᬶ᭞ᬢᬸᬮᬓᬲᬶᬤ᭄ᬥᬦ᭄᭛ᬓ᭄ᬭᬡᬯᬶᬭᬾᬄᬲᬸᬓᬤᬸᬓᬧᬱ᭄ᬝᬶ᭞ᬩ ᬩ᭄ᬓᭂᬮᬦ᭄᭞ᬫᬶᬯᬄᬢᬫ᭄ᬩᭂᬢ᭄ᬩᬶᬱ᭟ᬩᬦ᭄ᬢᬓᬸᬢ᭄ᬲᬓᬢᬳᬾ᭞ᬮᬮᬶᬳᬾᬮᬶᬂᬫᬦᬸᬭᬸᬢ᭄᭞ᬳᬢᬢ᭄ᬮᬘᬸᬃᬢᬶᬩᬵᬦᬾᬱ᭄ᬝᬶ᭞ᬲᬓᬶᬂᬢᬢᬶᬄᬳ᭄ᬬᬂᬲᬸᬓ᭄ᬱ᭄ᬫᬵ᭞ᬯᬶᬰᬾᬱᬗᬯᭂᬗ᭄ᬓᬸ᭞ᬬᬦ᭄ᬧᬱ᭄ᬝᬶᬩᬶᬱ

Auto-transliteration

[14 14B] 14 , larismañahurang, punikālangkungbĕnĕre, ringmanaḥmasantipu, diningrabdhādituñakitin, salwiringwakparuṣya, tatānĕkanl̥ĕtuḥ, kagalintir̀ma punalungan, hasinghasing, janmāneknitimpugin, pastineyangwal̥ĕsan // wireḥharanghuningnambaning, yantansangwruḥ, makar̀ddhipangl̥ĕpas, hanggengĕnta sangl̥ĕtuhe, punikarangkunghewuḥ, yadinsangwruḥpcakngalintir̀, tur̀larismanimpuhang, tanhruḥngĕntastuhun, yenngĕntashisĕnghisĕngan, biliḥbiṣa, satngayunang larehalit, newawusambutan // ngayunangemasawangkñir, wireḥngalap, sadyangngayunangnganggokatangkatangbune, tingkahenepuniku, sā [15 15A] sahihecarabicari, ñingidmangerangerangin, howindamangalushalus, jatinenggawebyapara, sampunlimwaḥ, mamar̀ggitingkaḥpuniki, yanringkalisanggara // harangtingkahebwahin, sanetrang, tur̀nganggopiholas, pitutur̀‐sakapangguhe, sanetansakingrusuḥ, sakinghewer̀madulur̀cinging, sangugrase nāñawurang, topitwituhu, kraṇanejanibakĕlang, wireḥjagat, subakasusupankali, tulakasiddhan /// kraṇawireḥsukadukapaṣṭi, ba bkĕlan, miwaḥtambĕtbiṣa. bantakutsakatahe, lalihelingmanurut, hatatlacur̀tibāneṣṭi, sakingtatiḥhyangsukṣmā, wiśeṣangawĕngku, yanpaṣṭibiṣa

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org