gaguritan-wiryya-guna-b

Original on Archive.org

Front and Back Covers

Image on Archive.org

[PERPUSTAKAAN KTR. DOKBUD BALI PROP. BALI G/XXIII/2/DOKBUD Judul : GAGURITAN WIRYYA GUNA B Panj. 45 cm. Jl. 87 lb. Asal : Puri Agung / Griya Suci, Amlapura, Karangasem.] [᭑ 1A] ᭑

Auto-transliteration

[PERPUSTAKAAN KTR. DOKBUD BALI PROP. BALI G/XXIII/2/DOKBUD Judul : GAGURITAN WIRYYA GUNA B Panj. 45 cm. Jl. 87 lb. Asal : Puri Agung / Griya Suci, Amlapura, Karangasem.] [1 1A] 1

Leaf 1

Image on Archive.org

[᭑ 1B] ᭑ ᭚᭐᭚ᬅᬯᬶᬖ᭄ᬦᬫᬲ᭄ᬢᬸ᭚ᬲᬂᬳ᭄ᬬᬂᬦᬶᬳ᭄ᬬᬂᬳᬭᬫᬵᬃᬣᬦᬸᬭᬢ᭄ᬫᬓᬫᬹᬃᬢ᭄ᬢᬶᬳ᭄ᬬᬂᬧᬰᬸᬧᬢᬶᬲᬶᬭᬰᬶᬯᬵᬮᬶᬗ᭄ᬕᬫ᭄ᬧᬦᬺᬱ᭄ᬝᬶᬲᬗ᭄ᬓᬦ᭄ᬧᬭᬦ᭄‌ᬧᬭᬫᬰᬹᬦ᭄ᬬᬫᬶᬦᬸᬱ᭄ᬝ᭄ᬝᬷᬰ᭄ᬭᬷᬩᬚᬻᬚ᭄ᬜᬵᬦᬵᬦᬷᬦ᭄ᬤ᭄ᬬᬵᬳᬸᬭᬶᬧᬶᬂᬪᬹᬫᬶ᭟ᬧᬶᬦ᭄ᬭᬢᬶᬱ᭄ᬝᬾᬂᬳᬺᬤ᭄ᬥᬬᬰᬹᬤ᭄ᬥᬵᬦᬶᬃᬫ᭄ᬫᬮᬫᬸᬱ᭄ᬝᬶᬓᬦᬶᬂᬧᬢᬶ ᬢᬶᬲ᭄‌ᬮᬶᬫ᭄ᬧᬤᬶᬂᬪᬹᬃᬪ᭄ᬯᬲ᭄ᬯᬄᬲᬸᬓ᭄ᬱ᭄ᬫᬫᬳᬵᬘᬾᬢᬦᬵᬅᬤᬶᬧ᭄ᬭᬓᬶᬃᬡ᭄ᬦᬵᬦᬸᬮᬸᬳᬶᬮ᭄ᬯᬶᬃᬲᬹᬃᬬ᭄ᬬᬘᬦ᭄ᬤ᭄ᬭᬤᬸᬫᬶᬮᬄᬭᬶᬂᬤᬶᬓ᭄ᬯᬶᬤᬶᬓ᭄᭟ᬳᬷᬦᬸᬲ᭄ᬣᬦᬭᬶᬳᬹᬃᬤ᭄ᬥᬦᬶᬗᬦ᭄ᬤ᭄ᬭᬶᬓᬯ᭄ᬬᬲᬂᬳ᭄ᬬᬂᬗ᭄ᬤᬵᬁᬓᬭᬫᬹᬃᬢ᭄ᬢᬶᬢᬸᬂᬢᬸᬦᬶᬂᬳᬺᬤ᭄ᬥᬬᬲᬸᬓ᭄ᬱ᭄ᬫᬦᬶᬂᬫᬳᬵᬚ᭄ᬜ᭄ᬬᬦᬵᬥ᭄ᬬᬦᬵᬗ᭄ᬕᬉᬢ᭄ᬧ᭄ᬢᬶᬲ᭄ᬣᬷᬢᬶᬤᬦᬶᬂ ᬧ᭄ᬭᬮᬷᬡᬮᬷᬮᬦᬶᬂᬕᬦᬮᬮᬶᬢ᭄᭟ᬫᬗ᭄ᬕᬓᬸᬯᬸᬂᬳᬗ᭄ᬕᬮᬸᬦ᭄ᬢᬂᬳᬦᬭᬯᬂᬲᬵᬢ᭄ᬫ᭄ᬬᬳᬫᬭᬶᬲᬦ᭄ᬤᬶᬳᬘᬶᬦ᭄ᬢ᭄ᬬᬾᬂᬳᬺᬤ᭄ᬥᬬᬤᬾᬦᬶᬭᬂᬬᭀᬕᬷᬰ᭄ᬯᬭᬧᬹᬚᬦ᭄ᬭᬶᬂᬗᬚ᭄ᬜᬵᬦᬲᬶᬗᬶᬢ᭄‌ᬳᬧᬭᬶᬫᬶᬢᬲ᭄ᬗᬸᬗᬶᬂᬬᭀᬕᬲᬦ᭄ᬤᬶ᭟ᬤᬶᬦᬭᬢ᭄ᬭᬶᬭᬶᬦ᭄ᬕᭂᬧ᭄᭞ᬳᬶᬦᬲ᭄ᬢᬸᬗ᭄ᬓᬵᬭᬫᬓᬵᬓᭂ ᬫ᭄ᬩᬗᬶᬂᬳᬢᬶᬤᬶᬯ᭄ᬬᬵᬱ᭄ᬝᬾᬗᬚ᭄ᬜᬵᬦᬵᬮᬶᬦᬶᬗ᭄ᬕ᭄ᬬᬾᬂᬧᬤ᭄ᬫᬵᬰᬡᬳᬸᬦᬸᬭᬶᬂᬰᬹᬦ᭄ᬬᬦᬶᬂᬳᬺᬤ᭄ᬥᬶᬫᬓᬭᬥ᭄ᬯᬚᬲᬸᬓ᭄ᬱ᭄ᬫᬰᬸᬦ᭄ᬬᬦᬶᬲᬶᬭᬶᬂ᭟ᬲᬦ᭄ᬢᬯ᭄ᬬᬵᬓ᭄ᬦᬧᬗᬜ᭄ᬤᬮᬷᬦᬷᬗᬦᬵᬣᬭᬶᬧᬵᬤᬧᬗ᭄ᬓᬚᬰ᭄ᬭᬷᬯᬸᬲ᭄ᬫᬦ᭄‌ᬬᭀᬕᬷᬲ᭄ᬯᬭᬳᬩᭂᬤ᭄ᬕᬲᬸᬩᬩ᭄ᬦᬯ᭄ᬳᬵᬦᬸᬕ᭄ᬭᬳᬲᬶᬤ᭄ᬥᬦᬶᬂ [᭒ 2A] ᬕᬸᬭᬶᬢ᭄‌ᬫᬓᬵᬳᬸᬁᬗ᭄ᬓᬭᬦᬫᬲ᭄ᬓᬭᬳ᭄ᬬᬂᬫᬫᬷ᭟ᬫᭀᬖᬫᭀᬖᬳᬦᬲᬶᬳᬶᬭᬳ᭄ᬬᬂᬲᬸᬓ᭄ᬱ᭄ᬫᬓᬢ᭄ᬓᬾᬂᬧᬭᬓᬯᬷᬲᬂᬯᬸᬲ᭄᭞ᬪ᭄ᬬᬱᬾᬂᬗ᭄ᬕᬶᬢᬵᬪᬹᬭᬵᬦᬳᬋᬧᬶᬗ᭄ᬯᬂᬳᬧ᭄ᬢ᭄ᬬᬢᬸᬫᬡ᭄ᬥᬶᬗᬶᬂᬢᬯᬷᬧᬦᬮ᭄ᬧᬕᬸᬡᬤᬾᬧᬸᬦ᭄ᬰᬦ᭄ᬢᭀᬲᬾᬗ᭄ᬳᬢᬷ᭟ᬢᬯᬶᬦᬃᬡ᭄ᬦᬰ᭄ᬭᬶᬯᬶᬃᬬ᭄ᬬᬳᬵᬃᬚ᭄ᬤᬮᬸᬫ᭄ᬮᬸᬗᬦ᭄ ᬧ᭄ᬭᬓᬵᬰᬶᬢᬳᬦ᭄ᬤᬶᬭᬷᬳᬦᬾᬗᬫ᭄ᬮᬵᬧᬸᬭᬤᬾᬰ᭄ᬭᬶᬫᬳᬵᬪᬕᬶᬡ᭄ᬥᬕᬸᬧᬺᬫᬾᬦ᭄ᬓᭀᬦᭂᬂᬯᬮᬦ᭄ᬤ᭄ᬭᬷᬯᬰᬯᬰᬷᬢ᭄ᬯᬲᬮ᭄ᬯᬦᬶᬂᬇᬦ᭄ᬤ᭄ᬬᬫᬶ᭞ᬫ᭄ᬭᬧ᭄ᬢᬂᬓᬵᬮᬧᬜ᭄ᬘᬤᬰᬶᬓᬺᬱ᭄ᬡᬧᬓ᭄ᬱᬯᬾᬲᭀᬭᬶᬧ᭄ᬭᬚᬧᬢᬶᬫᬦᬳᬶᬮ᭄ᬳᬸᬫᬯᬲ᭄᭞ᬢ᭄ᬓᬲᬶᬂᬫᬖᬫᬰᬫᬱ᭄ᬝᬓᬦᬶᬭᬾᬂᬓᬢ᭄ᬭᬶᬡᬷᬦᬯᬭᬸᬥᬶᬭᬬᬾᬓ ᬯᬃᬣᬦᬶᬂᬪᬹᬫᬶ᭟ᬯᬸᬲ᭄ᬲᬶᬦᬚ᭄ᬜᬵᬦ᭄ᬲᬳᬦᬵᬲᬂᬫᬳᬵᬧᬡ᭄ᬥ᭄ᬬᬰᬾᬯᬰᭀᬕᬢᬧ᭄ᬤᬱᬷᬮᬸᬫᬫ᭄ᬧᬄᬳᬢᬶᬃᬢ᭄ᬢᬬᬢ᭄ᬭᬵᬦᬾᬂᬢᬶᬃᬢ᭄ᬣᬕᬗ᭄ᬕᬲᬫᬷᬧᬓᬸᬮ᭄ᬯᬦᬶᬂᬯᬸᬓᬶᬃᬧᬋᬓᬾᬂᬭᬵᬚ᭄ᬬᬮᭀᬭᬶᬂᬢᬫ᭄ᬩᬾᬕᬤᬾᬰᬶ᭟ᬢᬲ᭄ᬓᬫᬦ᭄ᬢ᭄ᬬᬦ᭄‌ᬫ᭄ᬢᬸᬲᬂᬳ᭄ᬬᬂᬤᬶᬯᬗ᭄ᬓᬭᬵᬲᬓᬶᬂᬗᬹᬥᬬᬕᬶᬭᬶ ᬪᬸᬲ᭄ᬯᬭᬵᬪ᭄ᬭᬲᬷᬦᬂᬲᬸᬫᭂᬗ᭄ᬓᬵᬳᬾᬂᬢ᭄ᬭᬶᬮᭀᬓᬰᬸᬤ᭄ᬥᬦᬶᬃᬫ᭄ᬫᬮᬵᬫᬶᬮᬗᬶᬲᬵᬧᬵᬧᬓ᭄ᬮᬾᬰᬦᬶᬂᬪᬹᬫᬶᬲᬸᬤ᭄ᬥᬵᬩᬺᬱᬷᬄ᭟ᬢᬩᭂᬄᬧᬶᬲᬦ᭄‌ᬰ᭄ᬭᬷᬯᬶᬃᬬ᭄ᬬᬳᬵᬃᬚ᭄ᬚᬮᬸᬗ᭄ᬮᬸᬗᬦ᭄‌ᬮᬸᬫᬫ᭄ᬧᬄᬳᬮᬸᬫᬭᬶᬲ᭄‌ᬲᬾᬭᬶᬗᬶᬂᬤᬸᬚᬗ᭄ᬕᬵᬲᬵᬳᬦᬶᬂᬳᬶᬦᬵᬚ᭄ᬜ᭄ᬬᬦ᭄‌ᬧ᭄ᬭᬲᬫᬕᬃᬚ᭄ᬚᬶᬢᬾ

Auto-transliteration

[1 1B] 1 // 0 // awighnamastu // sanghyangnihyangharamār̀thanuratmakamūr̀ttihyangpaśupatisiraśiwālinggampanr̥ĕṣṭisangkanparanparamaśūnyaminuṣṭṭīśrībajr̥öjñānānīndyāhuripingbhūmi. pinratiṣṭenghr̥ĕddhayaśūddhānir̀mmalamuṣṭikaningpati tislimpadingbhūr̀bhwaswaḥsukṣmamahācetanā'adiprakir̀ṇnānuluhilwir̀sūr̀yyacandradumilaḥringdikwidik. hīnusthanarihūr̀ddhaningandrikawyasanghyangngdāṅġkaramūr̀ttitungtuninghr̥ĕddhayasukṣmaningmahājñyanādhyanāngga'utptisthītidaning pralīṇalīlaningganalalit. manggakuwunghanggaluntanghanarawangsātmyahamarisandihacintyenghr̥ĕddhayadenirangyogīśwarapūjanringngajñānasingit'haparimitasngungingyogasandi. dinaratririn'gĕp, hinastungkāramakākĕ mbanginghatidiwyāṣṭengajñānālininggyengpadmāśaṇahunuringśūnyaninghr̥ĕddhimakaradhwajasukṣmaśunyanisiring. santawyāknapangañdalīnīnganātharipādapangkajaśrīwusmanyogīswarahabĕdgasubabnawhānugrahasiddhaning [2 2A] guritmakāhuṅġngkaranamaskarahyangmamī. moghamoghahanasihirahyangsukṣmakatkengparakawīsangwus, bhyasyengnggitābhūrānahar̥ĕpingwanghaptyatumaṇdhingingtawīpanalpaguṇadepunśantosenghatī. tawinar̀ṇnaśriwir̀yyahār̀jdalumlungan prakāśitahandirīhanengamlāpuradeśrimahābhagiṇdhagupr̥ĕmenkonĕngwalandrīwaśawaśītwasalwaningindyami, mraptangkālapañcadaśikr̥ĕṣṇapakṣawesoriprajapatimanahilhumawas, tkasingmaghamaśamaṣṭakanirengkatriṇīnawarudhirayeka war̀thaningbhūmi. wussinajñānsahanāsangmahāpaṇdhyaśewaśogatapdasyīlumampaḥhatir̀ttayatrānengtir̀tthaganggasamīpakulwaningwukir̀par̥ĕkengrājyaloringtambegadeśi. taskamantyanmtusanghyangdiwangkarāsakingngūdhayagiri bhuswarābhrasīnangsumĕngkāhengtrilokaśuddhanir̀mmalāmilangisāpāpakleśaningbhūmisuddhābr̥ĕsyīḥ. tabĕḥpisanśrīwir̀yyahār̀jjalunglunganlumampaḥhalumarisseringingdujanggāsāhaninghinājñyanprasamagar̀jjite

Leaf 2

Image on Archive.org

[᭒ 2B] ᭒ ᬗ᭄ᬢᬢᬶᬳᬕᬸᬬ᭄ᬯᬕᬸᬬ᭄ᬯᬦ᭄‌ᬢᬹᬢ᭄ᬢᬯᬦ᭄ᬰᬷᬖ᭄ᬭᬧ᭄ᬭᬧ᭄ᬢᬶ᭟ᬳᬦᬾᬗ᭄ᬳᬯᬦ᭄ᬲᬫᬶᬧᬦᬶᬂᬰᬢᬵᬰᬺᬱᬸᬫᭂᬧᭂᬃᬳᬸᬫᬸᬮᬢᬶᬭᬰ᭄ᬫᬶᬦᬶᬂᬦᬸᬥ᭄ᬬᬦᬲᬫ᭄ᬬᬵᬫᬸᬧᬸᬓᬸᬱᬸᬫᬓᬢ᭄ᬓᬦᬶᬂᬧᬭᬯᬶᬦᬷᬲᬸᬓᬵᬲᬸᬲᬸᬫ᭄ᬧᬂᬲᬶᬦ᭄ᬯᬫᬶᬂᬦᬕᬲᬵᬭᬷ᭟ᬢᬦ᭄ᬓᭀᬦᬶᬗᬲᬭᬵᬫ᭄ᬬᬦᬶᬂᬯ᭄ᬭᬢ᭄ᬫᬭᬲᬵᬓ᭄ᬱᬡᬰᬷᬖ᭄ᬭᬧ᭄ᬭᬧ᭄ᬢᬶᬗ᭄ᬓᬵ ᬦᬾᬂᬢᬶᬃᬢ᭄ᬣᬕᬗ᭄ᬕᬵᬓᬢᭀᬦ᭄ᬢᬂᬥᬢᬸᬫᬸᬜ᭄ᬘᬃᬦᬶᬃᬫ᭄ᬫᬮᬵᬰᬸᬘ᭄ᬘᬶᬫᬳ᭄ᬦᬶᬂᬲᬸᬤ᭄ᬥᬫᬮᬷᬮᬂᬲᬵᬓ᭄ᬱᬢᬵᬫᬺᬢᭀᬫᬶᬮᬶ᭟ᬧᬥᬵᬭᬸᬳᬭᬸᬳᬦ᭄ᬲᬂᬋᬱᬶᬳᬓ᭄ᬭᬶᬓᬓ᭄ᬭᬫᬲ᭄‌ᬫ᭄ᬯᬂᬳᬲᬸᬯ᭄ᬬᬵᬭᬤᬶᬦ᭄‌ᬳᬲᬹᬃᬬ᭄ᬬᬮᬸᬫ᭄ᬓᬲ᭄‌ᬳᬗ᭄ᬭᬗ᭄ᬲᬸᬓ᭄ᬱ᭄ᬯᬾᬢᬵᬫ᭄ᬩᬭᬲᬧᬦᬶᬲ᭄ᬓᬭᬦᬶᬂᬧ᭄ᬚᬱᬶᬲᭀᬫ᭄ᬬᬢᬶᬦᬶᬗ᭄ᬓᬄ ᬮ᭄ᬭᬲᬫᬯᬸᬲ᭄ᬧᬶᬦᬱ᭄ᬝᬶ᭟ᬰᬷᬖ᭄ᬭᬵᬢᬢᬵᬳᬮᬶᬗ᭄ᬕᬶᬳᬾᬂᬧᬢᬭᬡᬦᬸᬮ᭄ᬬᬲᬶᬭᬫᬶᬦᬸᬱ᭄ᬝᬶᬧᬸᬱ᭄ᬧᬕᬦ᭄ᬤᬵᬓ᭄ᬱᬝᬵᬳᬸᬫ᭄ᬦᭂᬗᬾᬓᬘᬶᬢ᭄ᬢᬳᬗᬺᬕᭂᬧ᭄ᬬᭀᬕᬲᬫᬵᬥᬷᬫᬸᬱ᭄ᬝᬶᬓᬭᬡᬮᬸᬫ᭄ᬓᬲ᭄ᬯᬾᬥᬵᬲ᭄ᬢᬸᬢᬶ᭟ᬢᬦ᭄ᬯᬶᬯᬓ᭄ᬱᬦ᭄‌ᬲᬮ᭄ᬓᬲᬶᬭᬲᬂᬤ᭄ᬯᬷᬚᬵᬢᬶᬃᬢ᭄ᬣᬬᬢ᭄ᬭᬵᬗᬜ᭄ᬚᬮᬷᬲᬓ ᬮᬶᬓᬵᬭᬡᬵᬦᬸᬮ᭄ᬬᬵᬦᬗ᭄ᬤᬭᬫᬦ᭄ᬢ᭄ᬭᬦᬶᬃᬢᬂᬚᬧᬬᭀᬕᬲ᭄ᬫᬺᬢᬶᬤᬶᬯ᭄ᬬᬵᬧ᭄ᬭᬮᬷᬡᬢ᭄ᬭᬶᬖᬦ᭄ᬢ᭄ᬬᬧᬶᬦᬗᭂᬦᬦᬶᬂ᭟ᬳᬦᬺᬱᬶᬦᬂᬯᬬᬯᬦᬷᬭᬲᬂᬧᬡ᭄ᬥᬶᬢᬵᬧ᭄ᬭᬲᬫ᭄ᬬᬰᭀᬪᬵᬩᬺᬱᬶᬄᬮ᭄ᬯᬶᬃᬕᬕᬡᬵᬰᬸᬤ᭄ᬥᬭᬶᬯᬸᬲ᭄ᬲᬶᬭᬳᬢᬶᬃᬢ᭄ᬣᬢᬦ᭄ᬧᬾᬦ᭄ᬤᬄᬲᬂᬩ᭄ᬭᬵᬳ᭄ᬫᬋᬱᬶᬧ᭄ᬭᬲᬹᬫᬵᬥ [᭓ 3A] ᬬᬭᬶᬧᬵᬃᬰ᭄ᬯᬦᬶᬂᬳᬷᬫᬵᬤ᭄ᬭᬶ᭟ᬢᬦ᭄ᬤ᭄ᬯᬳᬦᬓ᭄ᬱᭂᬳᬶᬂᬰᬸᬓᬵᬦᬶᬫᬶᬢᬧ᭄ᬭᬧ᭄ᬢᬂᬫᬭᬸᬢᬵᬫᬭᬷᬃᬕᬦ᭄ᬤᬵᬦ᭄ᬬᬫ᭄ᬭᬶᬢ᭄ᬲᬸᬫᬃᬢᬸᬫᬶᬩᬂᬧᬸᬱ᭄ᬧᬯᬃᬣᬲᬓᬶᬂᬕᬕᬡᬳᬸᬫᬶᬮᬶᬫᬺᬥᬸᬓᭀᬫᬮᬵᬳᬸᬦᬶᬤᬶᬂᬯᬾᬤᬵᬲ᭄ᬢᬸᬢᬶ᭟ᬋᬧ᭄‌ᬲᬵᬓ᭄ᬱᬡᬮ᭄ᬯᬶᬃᬲᬶᬯᬓᬂᬦᬩᬱ᭄ᬝᬮᬵᬢᬾᬚᭀᬫᬬᬫᬳ᭄ᬮᬷᬲᬓᬶᬂᬩᬸᬤ᭄ᬥᬮᬬᬧᬤ᭄ᬫᬵ ᬰᬡᬵᬗ᭄ᬮᬬᬂᬢᬶᬦᬧᬓᬶᬂᬳᬢᬢ᭄ᬧᬸᬢᬶᬄᬲᬵᬓ᭄ᬱᬡᬧ᭄ᬭᬧ᭄ᬕᬭᬶᬲᬦ᭄ᬫᬸᬓᬦᬶᬂᬋᬱᬶ᭟ᬮ᭄ᬯᬶᬃᬧᬦᬸᬧ᭄ᬦᬦ᭄‌ᬲ᭄ᬯᬘᬶᬢᬲᬂᬫᬳᬵᬧᬡ᭄ᬥ᭄ᬬᬦᬶᬰ᭄ᬘᬾᬢᬦᬓᬂᬳᬺᬤ᭄ᬥᬶᬦᬷᬭᬵ ᬭᬵᬆᬢ᭄ᬳᬶᬘᭂᬧᬶᬭᬓᬤ᭄ᬬᬵᬦᬾᬂᬚᬶᬦᬮᬬᬵᬧ᭄ᬭᬲᬫᬵᬦᬸᬮᬶᬫᬲ᭄ᬢᬸᬢᬷᬕᬸᬳ᭄ᬬᬳᬺᬤ᭄ᬥᬬᬲᬸᬓ᭄ᬱ᭄ᬫᬦᬶᬚ᭄ᬜ᭄ᬬᬦᬲᬦ᭄ᬤᬶ᭟ᬤᬤ᭄ᬬ ᬫᭀᬚᬃᬢᬂᬧᬓ᭄ᬱᬶᬢ᭄ᬧ᭄ᬚᬄᬲᬵᬃᬚ᭄ᬚᬣᬫᬵᬃᬤ᭄ᬥᬯᬵᬭᬹᬫᬫᬦᬶᬲ᭄ᬏᬲᬂᬫᬳᬵᬧ᭄ᬡ᭄ᬥ᭄ᬬᬳᬦ᭄ᬢ᭄ᬬᬦ᭄ᬢᬳᬺᬱ᭄ᬝᬷᬗ᭄ᬯᬂᬭᬸᬫᭂᬗ᭄ᬯᬲ᭄ᬢᬯᬲᬂᬋᬱᬶᬳᬗᭂᬦᬦᬶᬢ᭄ᬯᬲ᭄‌ᬤᬾᬧᬸᬦ᭄‌ᬯ᭄ᬓᬲ᭄ᬥᬃᬫ᭄ᬫᬾᬱ᭄ᬝᬷ᭟ᬫᬗ᭄ᬓ᭄ᬬᬳᬓᬵᬧᬤᬵᬃᬣᬫᬫᬶᬭᬶᬲᬶᬭᬗ᭄ᬓᬾᬗ᭄ᬓᬾᬧᬋᬓᬓ᭄ᬦᬶᬂᬥ᭄ᬬᬦᬦ᭄ᬢᬵᬧᬳᬾᬦᬓ᭄‌ᬦᬶᬳ ᬤ᭄ᬭᬳᬧ᭄ᬬᭀᬢ᭄ᬢᬫᬧᬭᭀᬓ᭄ᬦᬶᬂᬕᬦᬮᬤ᭄ᬫᬶᬢ᭄‌ᬯ᭄ᬬᬧᬶᬯ᭄ᬬᬵᬧᬓᬵᬧᬭᬫᬵᬘᬶᬦ᭄ᬢ᭄ᬬᬚᬵᬢᬶ᭟ᬳᬦᬵᬲᬶᬭᬭᬢᬸᬢᭀᬲ᭄ᬦᬶᬂᬲᬹᬃᬬ᭄ᬬᬯᬗ᭄ᬰᬢᬭᬸᬡᬘᬓ᭄ᬭᬯᬶᬃᬢ᭄ᬢᬶᬫᬓᬵᬘᬢ᭄ᬭᬦᬶᬂᬭᬵᬢ᭄‌ᬲᬸᬮᬓ᭄ᬱᬡᬕᬸᬡᬯᬵᬦ᭄‌ᬲᬸᬭᬸᬧᬯᬶᬃᬬ᭄ᬬᬲᬶᬦᬶᬯᬷᬭᬶᬗᬗ᭄ᬕᬵ

Auto-transliteration

[2 2B] 2 ngtatihaguywaguywantūttawanśīghraprapti. hanenghawansamipaningśatāśr̥ĕsyumĕpĕr̀humulatiraśminingnudhyanasamyāmupukusyumakatkaningparawinīsukāsusumpangsinwamingnagasārī. tankoningasarāmyaningwratmarasākṣaṇaśīghrapraptingkā nengtir̀tthaganggākatontangdhatumuñcar̀nir̀mmalāśuccimahningsuddhamalīlangsākṣatāmr̥ĕtomili. padhāruharuhansangr̥ĕsyihakrikakramasmwanghasuwyāradinhasūr̀yyalumkashangrangsukṣwetāmbarasapaniskaraningpjasyisomyatiningkaḥ lrasamawuspinaṣṭi. śīghrātatāhalinggihengpataraṇanulyasiraminuṣṭipuṣpagandākṣaṭāhumnĕngekacittahangr̥ĕgĕpyogasamādhīmuṣṭikaraṇalumkaswedhāstuti. tanwiwakṣansalkasirasangdwījātir̀tthayatrāngañjalīsaka likāraṇānulyānangdaramantranir̀tangjapayogasmr̥ĕtidiwyāpralīṇatrighantyapinangĕnaning. hanr̥ĕsyinangwayawanīrasangpaṇdhitāprasamyaśobhābr̥ĕsyiḥlwir̀gagaṇāśuddhariwussirahatir̀tthatanpendaḥsangbrāhmar̥ĕsyiprasūmādha [3 3A] yaripār̀śwaninghīmādri. tandwahanaksyĕhingśukānimitapraptangmarutāmarīr̀gandānyamritsumar̀tumibangpuṣpawar̀thasakinggagaṇahumilimr̥ĕdhukomalāhunidingwedāstuti. r̥ĕpsākṣaṇalwir̀siwakangnabaṣṭalātejomayamahlīsakingbuddhalayapadmā śaṇānglayangtinapakinghatatputiḥsākṣaṇaprapgarisanmukaningr̥ĕsyi. lwir̀panupnanswacitasangmahāpaṇdhyaniścetanakanghr̥ĕddhinīrā rā'āt'hicĕpirakadyānengjinalayāprasamānulimastutīguhyahr̥ĕddhayasukṣmanijñyanasandi. dadya mojar̀tangpaksyitpjaḥsār̀jjathamār̀ddhawārūmamanisesangmahāpṇdhyahantyantahr̥ĕṣṭīngwangrumĕngwastawasangr̥ĕsyihangĕnanitwasdepunwkasdhar̀mmeṣṭī. mangkyahakāpadār̀thamamirisirangkengkepar̥ĕkakningdhyanantāpahenakniha drahapyottamaparokningganaladmitwyapiwyāpakāparamācintyajāti. hanāsiraratutosningsūr̀yyawangśataruṇacakrawir̀ttimakācatraningrātsulakṣaṇaguṇawānsurupawir̀yyasiniwīringanggā

Leaf 3

Image on Archive.org

[᭓ 3B] ᭓ ᬤ᭄ᬭᬷᬧᬚᬬᬓᬢ᭄ᬭᬸᬧ᭄ᬭᬚᬸᬭᬶᬢ᭄᭟ᬚᬷᬢᬵᬓ᭄ᬱᬭᬰᬷᬲ᭄ᬢᬵᬘᬵᬭᬯᬕ᭄ᬫᬷᬫᬬᬳᬾᬲ᭄ᬯᬵᬃᬬ᭄ᬬᬢᬦ᭄ᬧᬲᬶᬭᬶᬂᬚᬦᬵᬦᬸᬭᬕᬾᬂᬭᬵᬢ᭄‌ᬫᬸᬥᬶᬢᬩᬳᬸᬧ᭄ᬭᬚ᭄ᬜ᭄ᬬᬮ᭄ᬯᬶᬃᬳ᭄ᬬᬂᬳ᭄ᬬᬂᬗᬶᬂᬚᬶᬦᬫᬹᬃᬢ᭄ᬢᬶᬢ᭄ᬥᬓᬵᬦᬺᬱ᭄ᬝ᭄ᬬᬫᬓᬵᬘᬢ᭄ᬭᬦᬶᬂᬪᬹᬫᬶ᭟ᬳᬶᬦᬹᬢ᭄ᬧ᭄ᬢᬶᬤᬾᬲᬂᬳ᭄ᬬᬂᬧᬭᬫᬩᬸᬤ᭄ᬥᬵᬳᬶᬦᬲ᭄ᬢᬸ ᬗ᭄ᬓᬭᬵᬲᬶᬤ᭄ᬥᬶᬲᬸᬤᬶᬯ᭄ᬬᬵᬫᬶᬮᬗᬵᬲᬓᬍᬗ᭄ᬓᬦᬶᬂᬲᬭᬵᬢ᭄‌ᬮ᭄ᬯᬶᬃᬲᬹᬃᬬ᭄ᬬᬘᬦ᭄ᬤ᭄ᬭᬵᬦᬸᬮᬸᬳᬶᬳᬧᬭᬶᬫᬶᬢᬫᬓᬵᬓᭂᬫ᭄ᬩᬗᬶᬂᬪᬹᬫᬶ᭟ᬲᬸᬪᬕᬾᬂᬭᬵᬢ᭄ᬫᬳᬵᬭᬵᬳᬯᬶᬃᬬ᭄ᬬᬕᬸᬡᬪᬶᬱᬾᬓᬵᬰ᭄ᬭᬷᬦᬺᬧᬢᬶᬮ᭄ᬯᬶᬃᬕᬗ᭄ᬕᬵᬢᬶᬲᬸᬤ᭄ᬥᬳᬸᬫᬶᬮᬶᬢᬦ᭄ᬧᬦ᭄ᬢᬭᬤᬵᬦᬧᬸᬡ᭄ᬬᬓᬤ᭄ᬬᬯᬺᬱ᭄ᬝᬶᬭᬶᬂᬧᬭᬚᬦᬫᬗ᭄ᬕ ᬮ᭄ᬬᬫᬳᬵᬫᬸᬦᬷ᭟ᬬᬳᬾᬢᬸᬦ᭄ᬬᬦ᭄ᬧ᭄ᬭᬲᬫᬳᬭᬋᬫᬢ᭄ᬯᬂᬲᬓ᭄ᬯᬾᬳᬶᬂᬧᬭᬋᬱᬷᬲᬫ᭄ᬬᬵᬦᬫᬲ᭄ᬓᬭᬵᬦᬸᬭᬕᬰ᭄ᬭᬷᬦᬭᬾᬦ᭄ᬤ᭄ᬭᬓᬢ᭄ᬓᬾᬂᬢ᭄ᬓᬂᬧᬭᬵᬦᬶᬧᬢᬶᬢᬡ᭄ᬥᬵᬤᬶᬫᬦ᭄ᬢ᭄ᬭ᭄ᬬᬥᬺᬥᬵᬪᬓ᭄ᬢᬶᬲᬸᬫᬶᬯᬶ᭟ᬋᬧ᭄‌ᬲ᭄ᬯᬲ᭄ᬢᬂᬭᬵᬢ᭄‌ᬲᬪ᭄ᬢᬫᬶᬧᬸᬦ᭄ᬧᬸᬦᬦ᭄ᬦᬶᬭᬓᬢ᭄ᬓᬾᬂᬪᬹᬭᬦᬾᬰᬷᬕᬵᬃᬚ᭄ᬚᬶᬢᬵᬗ ᬢ᭄ᬧᬵᬤᬵᬭᬶᬚᭃᬂᬰ᭄ᬭᬷᬪᬹᬫᬶᬦᬵᬣᬳᬲᬸᬮᬸᬂᬲᬸᬮᬸᬂᬳᬲ᭄ᬢᬶᬢᬷᬳᬵᬃᬱᬾᬦᬶᬯᬶᬢᬵᬫᬶᬦ᭄ᬢᬵᬲᬶᬄᬰ᭄ᬭᬷᬦᬺᬧᬢᬶ᭟ᬰᭀᬪᬵᬭᬫ᭄ᬬᬲᬮ᭄ᬯᬦᬶᬂᬧ᭄ᬭᬚᬵᬗ᭄ᬕᬤ᭄ᬯᬶᬧᬲᬧᬦ᭄ᬤᬶᬭᬶᬦᬺᬧᬢᬶᬮ᭄ᬯᬶᬃᬫᬰᬓᬃᬢ᭄ᬢᬶᬓᬧᬶᬦᬢᬹᬕ᭄ᬫᬖᬫᬰᬢᬦᬦᬵᬍᬗ᭄ᬓᬦᬶᬂᬪᬹᬫᬶᬧᬦ᭄ᬲᬶᬦᬳᬬ [᭔ 4A] ᬦ᭄‌ᬤᬾᬧᬜ᭄ᬚᬢᬡ᭄ᬥᬫᬦ᭄ᬢ᭄ᬭᬶ᭟ᬤᬶᬫᬗ᭄ᬕᬮᬓ᭄ᬭ᭄ᬬᬦ᭄ᬧᬢᬶᬄᬢᬺᬢᬘᬶᬢ᭄ᬢᬯᬶᬤᬕ᭄ᬥᬫᬗ᭄ᬓᬸᬪᬹᬫᬷᬢᬦ᭄ᬧᭀᬧᬫᬾᬂᬲᬭᬵᬢ᭄‌ᬮ᭄ᬯᬶᬃᬲᬶᬭᬵᬃᬬ᭄ᬬᬕᬸᬡᬯᬦ᭄‌ᬦᬶᬢ᭄ᬬᬲᬵᬫᬥᬗᬶᬳᬢᬶᬥᬃᬫ᭄ᬫᬳᬸᬧᬾᬓ᭄ᬱᬢ᭄ᬭᬢᬵᬚ᭄ᬜ᭄ᬬᬘ᭄ᬢᬾᬂᬦᬶᬢ᭄ᬢᬶ᭟ᬤᬵᬦᬰᬹᬭᬲᬸᬬᬰᬭᬶᬂᬥᬦᬹᬃᬥᬭᬲᬸᬯᬃᬡ᭄ᬦᬵᬦ᭄ᬯᬫᬧ᭄ᬓᬶ ᬓ᭄‌ᬢᬺᬢᬵᬃᬣᬾᬂᬭᬡᬗ᭄ᬕᬳᬾᬰ᭄ᬯᬃᬬ᭄ᬬᬤᬶᬩ᭄ᬬᬕᬸᬡᬢᬦ᭄ᬫᬵᬃᬬ᭄ᬬᬧᬶᬦᬸᬚᬶᬧᬹᬚᬶᬳᬲᬶᬳᬶᬂᬲᬭᬵᬢ᭄‌ᬫᬓᬲᬶᬦᭀᬫᬶᬂᬪᬹᬫᬶ᭟ᬲᬶ᭚ᬦᬶᬢ᭄ᬬᬲᬧᬶᬦᬭᬶᬯᬺᬢ᭄ᬢᬤᬾᬦᬶᬂᬘᬢᬸᬃᬢᬡ᭄ᬥᬫᬦ᭄ᬢ᭄ᬭᬶᬲᬵᬲᬦᬓᬶᬭᬲᬥᬬᬵᬧᬶᬦ᭄ᬭᬢᬶᬱ᭄ᬝᬵᬦᬾᬂᬦᬵᬕᬭᬷᬓᬶᬦᬾᬦᬗᬤᬶᬧᬢᬶᬳ ᬜᬢᬹᬃᬤᬾᬰᬳᬸᬫᬸᬦ᭄ᬕᬸᬄᬭᬶᬂᬳᬶᬦ᭄ᬥ᭄ᬬᬲ᭄ᬯᬾᬢᬵᬆᬭᬵᬆᬢ᭄ᬦᬓ᭄ᬬᬢᬶᬂᬲᬭᬵᬢ᭄ᬳᬓᬓᬵᬲᬶᬄᬲᬯᬯᬵᬤᬹᬢ᭄‌ᬲᬷᬭᬭᬵᬓ᭄ᬭ᭄ᬬᬦᬵᬲ᭄ᬯᬭᬦ᭄ᬢᬓᬵᬫᬗ᭄ᬕᬮ᭄ᬬᬢᬶᬤᬸᬮᬶᬂᬓᬝᬵᬧᬦ᭄ᬮᬄᬦᬶᬭᬱᬶᬦᬹᬚᬶᬲᬶᬭᬭᬵᬓ᭄ᬭ᭄ᬬᬦ᭄‌ᬥᬕ᭄ᬭᬧᬸᬢ᭄ᬭᬭᬶᬂᬭᬵᬢᬵᬦᬵᬆᬓᬵᬆᬧᬵᬳᬷᬮᬵᬆᬤᬵᬳᬾᬰᬶᬓᬶᬦᬾᬦᬗᬤᬶᬧᬢᬶᬢ᭄ᬭᬱᬵᬃᬣᬢᬜ᭄ᬚ ᬬᬾᬂᬰᬢ᭄ᬭᬸᬭᬸᬧᬫᬳᬵᬪᬶᬭᬫᬮ᭄ᬯᬶᬃᬤᬶᬫ᭄ᬩ᭄ᬬᬵᬢ᭄ᬫᬚᬳᬗᬮᬶᬄᬰᬓ᭄ᬢ᭄ᬬᬵᬦᬸᬮᬸᬲ᭄‌ᬢᬦ᭄ᬧᬗ᭄ᬭᬲᬾᬂᬲᬹᬃᬕ᭄ᬕᬪᬬᬵ᭟ᬓᬂᬫᬸᬗ᭄ᬕ᭄ᬯᬶᬂᬓᬸᬮ᭄ᬯᬦᬶᬂᬓᬸᬝᬵᬭᬶᬂᬭᬵᬢ᭄ᬦᬓᬜ᭄ᬘᬡᬤᬾᬰᬶᬲᬶᬭᬭᬵᬢ᭄ᬭ᭄ᬬᬦ᭄ᬲᬸᬢᬵᬤᬾᬯᬵᬲᬶᬦᬭᬳᬗᬤᭂᬕ᭄ᬫᬦ᭄ᬢ᭄ᬭᬶᬲᬸᬮᬓ᭄ᬱᬡᬧ᭄ᬭᬚᬸᬭᬶᬢ᭄‌ᬧ᭄ᬭᬕᬶᬯᬓ᭄ᬳ

Auto-transliteration

[3 3B] 3 drīpajayakatruprajurit. jītākṣaraśīstācārawagmīmayaheswār̀yyatanpasiringjanānuragengrātmudhitabahuprajñyalwir̀hyanghyangngingjinamūr̀ttitdhakānr̥ĕṣṭyamakācatraningbhūmi. hinūtptidesanghyangparamabuddhāhinastu ngkarāsiddhisudiwyāmilangāsakal̥ĕngkaningsarātlwir̀sūr̀yyacandrānuluhihaparimitamakākĕmbangingbhūmi. subhagengrātmahārāhawir̀yyaguṇabhisyekāśrīnr̥ĕpatilwir̀ganggātisuddhahumilitanpantaradānapuṇyakadyawr̥ĕṣṭiringparajanamangga lyamahāmunī. yahetunyanprasamaharar̥ĕmatwangsakwehingparar̥ĕsyīsamyānamaskarānuragaśrīnarendrakatkengtkangparānipatitaṇdhādimantryadhr̥ĕdhābhaktisumiwi. r̥ĕpswastangrātsabhtamipunpunannirakatkengbhūraneśīgār̀jjitānga tpādārijöngśrībhūmināthahasulungsulunghastitīhār̀syeniwitāmintāsiḥśrīnr̥ĕpati. śobhāramyasalwaningprajānggadwipasapandirinr̥ĕpatilwir̀maśakar̀ttikapinatūgmaghamaśatananāl̥ĕngkaningbhūmipansinahaya [4 4A] ndepañjataṇdhamantri. dimanggalakryanpatiḥtr̥ĕtacittawidagdhamangkubhūmītanpopamengsarātlwir̀sirār̀yyaguṇawannityasāmadhangihatidhar̀mmahupekṣatratājñyactengnitti. dānaśūrasuyaśaringdhanūr̀dharasuwar̀ṇnānwamapki ktr̥ĕtār̀thengraṇanggaheśwar̀yyadibyaguṇatanmār̀yyapinujipūjihasihingsarātmakasinomingbhūmi. si // nityasapinariwr̥ĕttadeningcatur̀taṇdhamantrisāsanakirasadhayāpinratiṣṭānengnāgarīkinenangadipatiha ñatūr̀deśahumun'guḥringhindhyaswetā'ārā'ātnakyatingsarāt'hakakāsiḥsawawādūtsīrarākryanāswarantakāmanggalyatidulingkaṭāpanlaḥnirasyinūjisirarākryandhagraputraringrātānā'ākā'āpāhīlā'ādāheśikinenangadipatitrasyār̀thatañja yengśatrurupamahābhiramalwir̀dimbyātmajahangaliḥśaktyānulustanpangrasengsūr̀ggabhayā. kangmunggwingkulwaningkuṭāringrātnakañcaṇadeśisirarātryansutādewāsinarahangadĕgmantrisulakṣaṇaprajuritpragiwak'ha

Leaf 4

Image on Archive.org

[᭔ 4B] ᭔ ᬦᭀᬫᬩᬕᬸᬲ᭄‌ᬳᬲᬶᬳᬶᬂᬧᬭᬚᬦᬮ᭄ᬯᬶᬃᬲᬶᬭᬧᬢᬶᬄᬲᬸᬫᬦ᭄ᬢ᭄ᬭᬶᬧ᭄ᬭᬚ᭄ᬜᬵᬦᬸᬮᬸᬲ᭄‌ᬫᬶᬦᬓᬶᬘᬶᬢ᭄ᬢᬦᬶᬂᬢᬸᬳᬦ᭄᭟ᬦᬸᬦᭂᬂᬲᬗᬤᭂᬕ᭄ᬫᬦ᭄ᬢ᭄ᬭᬵᬲᬮᭀᬭᬶᬂᬓᭀᬝᬵᬦᬕᬭᬶᬲᬶᬭᬓ᭄ᬭ᭄ᬬᬦ᭄ᬫᬥᬹᬲᬸᬥᬦᬵᬧᬶᬦ᭄ᬭᬢᬶᬱ᭄ᬝᬵᬗᬤᬶᬧᬢᬶᬤᬾᬭᬰ᭄ᬭᬷᬦᬭᬧᬢᬶᬳᬶᬂᬦᬵᬕᬭᬭᬵᬢ᭄ᬦᬢᬸᬮᬸᬂ ᬯ᭄ᬭᬸᬳᬶᬂᬦᬬᬯᬶᬦᬬᬯᬶᬯᬾᬓᬵᬧᬰ᭄ᬘᬢᬶᬂᬚᬸᬭᬶᬢ᭄‌ᬚᬬᬰᬢ᭄ᬭᬸᬤᬺᬱᬵᬓ᭄ᬱᬢ᭄‌ᬰ᭄ᬭᬷᬚᬦᬵᬃᬤ᭄ᬥᬦ᭟ᬫᬓᬵᬕ᭄ᬭᬦᬶᬂᬘᬸᬥᬫᬡ᭄ᬬᬳᬶᬦᬋᬧ᭄‌ᬳᬋᬧ᭄‌ᬦᬺᬧᬢᬶᬧᬸᬗ᭄ᬕᬦᬶᬂᬓᬺᬢᭀᬧᬧᬢ᭄ᬬᬫᬹᬃᬤ᭄ᬥᬦᬶᬂᬧᬭᬫᬋᬱᬷᬓᬧ᭄ᬭᬓᬵᬰᬳᬶᬂᬪᬹᬫᬶᬧᬸᬱ᭄ᬧᬢᬦᬶᬭᬫᬳᬵᬫ᭄ᬧᬸᬥᬗ᭄ᬳ᭄ᬬᬂᬰᬹ ᬦ᭄ᬬᬯᬶᬪᬵᬯᬲᬸᬰ᭄ᬭᬫᬥᬃᬫ᭄ᬫᬓᬓ᭄ᬬᬢᬶᬂᬢ᭄ᬬᬕᬾᬂᬢᬸᬢᬹᬃᬲᬸᬤ᭄ᬥᬵᬚ᭄ᬜᬦᬲᬢ᭄ᬬᬾᬂᬯᬾᬤ᭄ᬥᬵ᭟ᬮ᭄ᬯᬶᬃᬤᬕᬯᬵᬦ᭄ᬫᬃᬓ᭄ᬓᬦ᭄ᬤᬾᬬᬵᬬᬦ᭄ᬭᬶᬂᬚ᭄ᬜᬦᬲᬸᬰᬵᬲ᭄ᬢ᭄ᬭᬵᬚᬶᬬᬦᬶᬂᬕᬸᬡᬦᬬᭀᬧᬬᬢᬸᬮ᭄ᬬᬥᬗ᭄ᬳ᭄ᬬᬂᬯᬺᬳᬲ᭄ᬧᬢᬶᬭᬶᬂᬥᬦᬹᬭᬵ ᬯᬵᬳᬾᬤ᭄ᬥᬵᬲᬶᬤ᭄ᬥᬷᬮ᭄ᬯᬶᬃᬯᬷᬧ᭄ᬭᬭᬵᬫᬧᬭᬰᬹᬳᬦ᭄ᬢ᭄ᬬ ᬦ᭄ᬕᬵᬲᬶᬄᬦᬭᬾᬦ᭄ᬤ᭄ᬭᬭᬶᬂᬧᬵᬤᬤ᭄ᬯᬬᬲᬂᬋᬱᬷᬦᬗ᭄ᬲᬸᬓ᭄‌ᬤᬶᬯ᭄ᬬᬦᬶᬂᬚ᭄ᬜᬦᬲᬂᬧᬵᬡ᭄ᬥ᭄ᬬ᭟ᬬᬳᬾᬕᬸᬘᬶᬢ᭄ᬢᬲᬂᬦᬵᬣᬮ᭄ᬯᬶᬃᬮᬶᬗ᭄ᬩᬵᬲᬝᬵᬢᬶᬓᬵᬫᬡᬶᬓ᭄‌ᬦᬶᬃᬫ᭄ᬫᬮᬵᬲᬸᬤ᭄ᬥᬵᬫᬮᬶᬮᬂᬓᬤ᭄ᬬᬵᬫᬺᬢᬲᬜ᭄ᬚᬶᬯᬦᬶᬦᬶᬢ᭄ᬬᬯᬶᬦᬲᭂᬳᬦᬶᬂᬭᬶᬰᬸᬤ᭄ᬥᬵᬚ᭄ᬜ [᭕ 5A] ᬦᬫᬳᬵᬫ᭄ᬧᬸᬲᬮ᭄ᬯᬶᬭᬶᬂᬫᬮᬾᬦ᭄ᬤ᭄ᬭᬶᬬᬧᬓᬺᬢᬶᬲᬂᬫᬵᬪᬹᬧᬢᬶᬰᬶᬃᬡ᭄ᬦᬵᬮᬭᬸᬢ᭄‌ᬫᬶᬮ᭄ᬬᬵᬢ᭄ᬫᬄᬱ᭄ᬝᬕᬸᬡ᭟ᬳᬶᬓᬸᬫᬃᬫ᭄ᬫᬦᬶᬂᬦᬵᬕᬭᬲᬸᬦᬶᬓ᭄ᬱᬢᬦᬦᬂᬯ᭄ᬬᬤᬶᬓᬍᬗ᭄ᬓᬦᬶᬂᬚᬕᬢ᭄‌ᬰᬶᬃᬡ᭄ᬦᬲᬵᬮ᭄ᬯᬶᬭᬶᬂᬧᬵᬧᬤᬸᬲ᭄ᬓᬺᬢᬶᬳᬦ᭄ᬤᬤᬓ᭄ᬱᬵᬥᬸᬩᬸᬤ᭄ᬥᬷᬧ᭄ᬭᬲᬫ᭄ᬬᬫᬾᬗᭂᬢᬶᬂᬢᬸᬢᬸᬃᬳᬲᬶᬂᬫᬵ ᬤᬵᬃᬫ᭄ᬧᬾᬂᬓᬸᬦᬤᬤ᭄ᬬᬲᭀᬫ᭄ᬬᬲᬵᬤᬸᬩᬸᬤ᭄ᬥᬶᬲᬫ᭄ᬬᬫᬵᬦᬹᬢ᭄‌ᬢᬶᬮᬰᬰ᭄ᬭᬶᬯᬶᬃᬬ᭄ᬬᬕᬸᬡ᭟ᬧ᭄ᬭᬧ᭄ᬢᬢᬂᬰᬸᬪᬤᬶᬯᬰᬓᬳᬥᬂᬰ᭄ᬭᬶᬦᬭᬧᬢᬶᬳᬗ᭄ᬮᬶᬮᬫᬭᬾᬂᬗᬸᬤ᭄ᬬᬦᬲᬯᬶᬚ᭄ᬬᬯ᭄ᬯᭀᬂᬗᬶᬭᬵᬗᬶᬭᬶᬂᬧᬸᬢ᭄‌ᬚᬬᬰ᭄ᬭᬡᬦᬵᬫᬶᬓᬵᬮᬦᬶᬂᬫᬰᬓᬘᬢᬸᬃᬧᬜ᭄ᬘᬤᬰᬶᬭᬶᬂ ᬲᬸᬓ᭄ᬮᬵᬲᬶᬤ᭄ᬥᬵᬳᬗᬼᬮᬶᬧᬸᬭᬭᬶᬧ᭄‌ᬳᬓᬮᬗᬸᬦ᭄‌ᬭᬶᬂᬧᬤ᭄ᬫᬵᬭᬹᬫ᭄ᬦ᭄ᬬᬢᬶᬭᬵᬫ᭄ᬬ᭟ᬳᬗᬸᬮᬢᬶᬲᬃᬯ᭄ᬯᬧᬸᬱ᭄ᬧᬫᬶᬤᭂᬃᬧᬶᬗ᭄ᬕᬶᬭᬶᬂᬲᬭᬲᬷᬫᬸᬂᬲᬶᬭᬵᬓᬭᭀᬧ᭄ᬧᬯ᭄ᬯᬳᬦ᭄‌ᬢᬶᬲ᭄ᬢᬶᬲ᭄ᬢᬦᬦᬵᬫᬋᬓᬶᬳᬗ᭄ᬤᬤᬓ᭄ᬧ᭄ᬭᬧ᭄ᬢᬂᬗᬭᬶᬧ᭄‌ᬮᬶᬦᬶᬮᬢᬦ᭄ᬤᬤ᭄ᬬᬮᬶᬧᬸᬃᬤᬤ᭄ᬬᬲᬶᬭᬳᬦᬶᬤ᭄ᬭᬭᬶ ᬫᬥ᭄ᬬᬦᬶᬓᬂᬲᬭᬲᬶᬢᬢᭀᬦ᭄ᬫᬸᬭᬸᬩ᭄‌ᬕᬺᬳᬵᬓᬜ᭄ᬘᬦᬪᬵᬲ᭄ᬯᬭ᭟ᬓᬶᬦᬸᬮᬶᬮᬶᬗᬦᬶᬂᬧᬸᬲ᭄ᬧᬵᬕᬦ᭄ᬤᬦ᭄ᬬᬫᬵᬳᬺᬪᬸᬓ᭄ᬫᬶᬗᬶᬂᬢᬶᬦᬸᬩᬶᬂᬗᬗᬶᬦ᭄ᬫᬦ᭄ᬤ᭄ᬭᬵᬓᬶᬦ᭄‌ᬪ᭄ᬭᬳ᭄ᬫᬭᬦ᭄ᬬᬢ᭄ᬓᬵᬗ᭄ᬭᬶᬗ᭄ᬭᬶᬂᬓᬤ᭄ᬬᬵᬦᬸᬃᬯᬦᬸᬃᬯᬦᬶᬲ᭄ᬯᬭᬦ᭄ᬬᬳᬗᬶᬲᭂᬋᬥᬸᬤᬤ᭄ᬬᬲᬶᬭᬵᬲ᭄ᬯᬧ᭄ᬦᬵᬦᭀᬦ᭄ᬓᬦ᭄ᬬ

Auto-transliteration

[4 4B] 4 nomabagushasihingparajanalwir̀sirapatiḥsumantriprajñānulusminakicittaningtuhan. nunĕngsangadĕgmantrāsaloringkoṭānagarisirakryanmadhūsudhanāpinratiṣṭāngadipatideraśrīnarapatihingnāgararātnatulung wruhingnayawinayawiwekāpaścatingjuritjayaśatrudr̥ĕsyākṣatśrījanār̀ddhana. makāgraningcudhamaṇyahinar̥ĕp'har̥ĕpnr̥ĕpatipungganingkr̥ĕtopapatyamūr̀ddhaningparamar̥ĕsyīkaprakāśahingbhūmipuṣpataniramahāmpudhanghyangśū nyawibhāwasuśramadhar̀mmakakyatingtyagengtutūr̀suddhājñanasatyengweddhā. lwir̀dagawānmar̀kkandeyāyanringjñanasuśāstrājiyaningguṇanayopayatulyadhanghyangwr̥ĕhaspatiringdhanūrā wāheddhāsiddhīlwir̀wīprarāmaparaśūhantya n'gāsiḥnarendraringpādadwayasangr̥ĕsyīnangsukdiwyaningjñanasangpāṇdhya. yahegucittasangnāthalwir̀lingbāsaṭātikāmaṇiknir̀mmalāsuddhāmalilangkadyāmr̥ĕtasañjiwaninityawinasĕhaningriśuddhājña [5 5A] namahāmpusalwiringmalendriyapakr̥ĕtisangmābhūpatiśir̀ṇnālarutmilyātmaḥṣṭaguṇa. hikumar̀mmaningnāgarasunikṣatananangwyadikal̥ĕngkaningjagatśir̀ṇnasālwiringpāpaduskr̥ĕtihandadaksyādhubuddhīprasamyamengĕtingtutur̀hasingmā dār̀mpengkunadadyasomyasādubuddhisamyamānūttilaśaśriwir̀yyaguṇa. praptatangśubhadiwaśakahadhangśrinarapatihanglilamarengngudyanasawijyawwongngirāngiringputjayaśraṇanāmikālaningmaśakacatur̀pañcadaśiring suklāsiddhāhangl̥ĕlipurarip'hakalangunringpadmārūmnyatirāmya. hangulatisar̀wwapuṣpamidĕr̀pinggiringsarasīmungsirākaroppawwahantististananāmar̥ĕkihangdadakpraptangngariplinilatandadyalipur̀dadyasirahanidrari madhyanikangsarasitatonmurubgr̥ĕhākañcanabhāswara. kinulilinganingpuspāgandanyamāhr̥ĕbhukmingingtinubingnganginmandrākinbhrahmaranyatkāngringringkadyānur̀wanur̀waniswaranyahangisĕr̥ĕdhudadyasirāswapnānonkanya

Leaf 5

Image on Archive.org

[᭕ 5B] ᭕ ᬭᬵᬢ᭄ᬦᬵᬬᬸᬯᬢᬶᬯᬃᬡ᭄ᬦᬲᬸᬫᬸᬢᬼᬗᬶᬂᬰᬰᬥᬭ᭟ᬯᬬᬯᬦᬶᬭᬕᬸᬫᬯᬂᬮ᭄ᬯᬶᬃᬳ᭄ᬬᬂᬳ᭄ᬬᬂᬦᬶᬂᬫᬲᬶᬃᬯᬸᬓᬶᬃᬫᬹᬃᬢ᭄ᬢᬶᬦᬶᬂᬲᬵᬭᬰᬺᬦ᭄ᬕᬭᬲᬵᬭᬶᬦᬶᬂᬮᬶᬡ᭄ᬥᬶᬳᬫᬦᬶᬲ᭄‌ᬍᬯᬶᬄᬳᬤᬶᬦᬶᬂᬭᬰ᭄ᬫᬶᬭᬹᬫ᭄ᬭᬸᬫ᭄ᬦᬶᬂᬲᬵᬃᬯ᭄ᬯᬓᬮᬗᬸᬦ᭄‌ᬲᬂᬳ᭄ᬬᬂᬦᬶᬂᬓᬭᬰᬶᬓᬦ᭄‌ᬳᬬᬸᬦᬾᬦ᭄ᬤᬢᬦ᭄ᬧᬲᬶᬭᬶᬂᬫᬵᬃᬲ᭄ᬬᬄᬋ ᬫ᭄ᬧᬸᬄᬢ᭄ᬯᬲᬶᬭᬳᬦᬾᬂᬧᬢᬶᬃᬯᬦ᭄᭟ᬮ᭄ᬯᬶᬃᬧᬾᬦ᭄ᬤᬄᬓᬤ᭄ᬬᬵᬩᬶᬦᬚ᭄ᬭᬳᬺᬤ᭄ᬥᬬᬰ᭄ᬭᬷᬦᬭᬧᬢᬶᬧᬶᬦᬜ᭄ᬚᭂᬫᬶᬂᬫᬥᬦᬵᬲ᭄ᬢ᭄ᬭᬤᬤ᭄ᬬᬲᬶᬭᬯᬸᬗ᭄ᬯᬵᬕ᭄ᬮᬶᬲ᭄‌ᬓᬤ᭄ᬬᬓᬓ᭄ᬦᬦ᭄ᬭᬰ᭄ᬫᬶᬯᬶᬦᬵᬰᬤᬾᬦᬶᬂᬓᬸᬂᬮᬸᬮᬸᬢ᭄‌ᬢᬦ᭄ᬤ᭄ᬯᬵᬢᬶᬩᭀᬂᬰᬬᬦᬵᬭᬸᬫᬲᬭᬲᬳᬶᬳᬺᬤ᭄ᬥᬶᬲᬗ ᬳᬬᬸᬧᬶᬦᬓᬵᬫᬸᬱ᭄ᬝᬶᬦᬶᬂᬘᬶᬢ᭄ᬢ᭟ᬳᬦᬸᬮ᭄ᬬᬲᬶᬭᬭᬹᬫ᭄ᬗᭃᬰᬡ᭄ᬥᬵᬓᬰᬫᬶᬢᬸᬢᬸᬭᬶᬭᬶᬕᬢ᭄ᬬᬦᬶᬓᬂᬲ᭄ᬯᬧ᭄ᬦᬵᬩᬬᬵᬬᬦ᭄ᬧᬗ᭄ᬤᬦᬶᬂᬯᬶᬤ᭄ᬥᬶᬢᬸᬫᬸᬥᬸᬄᬪᬹᬧᬢᬶᬤᬤ᭄ᬬᬵᬦᭀᬦ᭄ᬕᬢ᭄ᬭᬲᬗᬭᬹᬫ᭄‌ᬫ᭄ᬯᬓᬶᬦᬾᬦ᭄‌ᬬᬢ᭄ᬦᬾᬗᬸᬮᬄᬫᬶᬗᭂᬢᬶᬗᭂᬢᬾᬂᬓᬤᬤᬶᬦ᭄ ᬮᬶᬂᬳ᭄ᬬᬂᬥᬸᬄᬭᬲᬶᬓᬵᬫᬸᬮ᭄ᬬᬦᬶᬂᬓᬵᬃᬫ᭄ᬫ᭟ᬲᬵᬓ᭄ᬱᬡᬤᬤᬶᬲᬸᬫ᭄ᬓᬃᬳᬺᬤ᭄ᬥᬬᬰ᭄ᬭᬷᬦᬭᬧᬢᬶᬲᬸᬫᬂᬪᬶᬗᬭᬶᬂᬯᬥᬦᬵᬕᬶᬦ᭄ᬬᬂᬕ᭄ᬬᬂᬰᬶᬕ᭄ᬭᬵᬳᬢᬗᬶᬦᬸᬮ᭄ᬬᬳᬦ᭄ᬡ᭄ᬥᬳᬭᬶᬲ᭄‌ᬳᬾᬄᬓᬶᬢᬵᬓᬓᬲᬶᬄᬳᬶᬗ᭄ᬲᬸᬦ᭄‌ᬮᬳ᭄ᬬᬚᬬᬰᬭᬡᬫᬗ᭄ᬓᬾ [᭖ 6A] ᬧᬸᬦ᭄ᬫᬗ᭄ᬓᬢ᭄ᬤᬾᬦᬕ᭄ᬮᬶᬲ᭄‌ᬲᬶᬭᬳᬸᬫᬸᬦ᭄ᬤᬗᬘᬢᬸᬃᬢᬡ᭄ᬥᬫᬦ᭄ᬢ᭄ᬭ᭄ᬬ᭟ᬧᬸᬦ᭄ᬢᬬᬰᬭᬡᭀᬫᬗ᭄ᬓᬢ᭄‌ᬢᬦ᭄ᬯᬶᬦᬵᬃᬡ᭄ᬦᬳᬦᬾᬂᬕᬢᬶᬲᬂᬦᬵᬣᬦ᭄ᬤᬢᬦᬦᬶᬤ᭄ᬭᬦᬸᬮ᭄ᬬᬵᬳᬫ᭄ᬩᬂᬲᬲᬫᬵᬥᬷᬫᬗ᭄ᬮᬶᬮᬵᬮᬶᬮᬾᬗ᭄ᬢᬢᬶᬢᬦ᭄ᬲᬄᬳᬶᬦ᭄ᬤ᭄ᬭᬥᬦᬾᬂᬢᬦᬸᬳᬬᬸᬦᬶᬂᬭᬵᬢ᭄ᬦᬓᬦ᭄ᬬᬕᬸᬫᬦ᭄ᬢᬸᬂᬢᬸᬢᬸ ᬗᬶᬂᬮᬶᬭᬶᬂᬢ᭄ᬳᭂᬭᬗᬧᬸᬲ᭄‌ᬳᬸᬫᬶᬓᭂᬢᬶᬓᭂᬢ᭄ᬧ᭄ᬭᬮᬫ᭄ᬪᬂ᭟ᬲᬵᬓ᭄ᬱᬡᬢᬢᬲ᭄ᬓᬫᬦ᭄ᬢ᭄ᬬᬦ᭄‌ᬭᬵᬫ᭄ᬬᬓᬂᬫᬦᬸᬓ᭄ᬤᬸᬫᬸᬦᬶᬂᬳᬸᬫᬶᬩᭂᬃᬳᬦᬾᬗᬸᬥ᭄ᬬᬦᬢᬂᬫᬵᬦ᭄ᬤᬫᬭᬸᬢᬵᬫᬶᬭᬶᬃᬲᬸᬫᬵᬃᬕᬦ᭄ᬤᬦᬶᬂᬲᬵᬭᬷᬳᬲᬯᬸᬭᬦᬼᬗᭃᬂᬫᬭᬹᬫ᭄‌ᬦᬭᬾᬦ᭄ᬤ᭄ᬭᬵᬤᬦ᭄ᬢᬢᬗ᭄ᬬᬳᬗ᭄ᬤᬤᬓ᭄ᬳᬕ᭄ᬬ ᬮᬸᬯᬫ᭄ᬭᬶᬲ᭄‌ᬦᬸᬮ᭄ᬬᭀᬫᬦ᭄ᬢᬸᬓ᭄‌ᬳᬮᬶᬗ᭄ᬕᬶᬳᬾᬂᬲᬶᬗ᭄ᬳᬵᬰᬡ᭟ᬢᬸᬘᬧᬓᬾᬦ᭄ᬢᬬᬰ᭄ᬭᬡᬰᬶᬖ᭄ᬭᬧ᭄ᬢᬯᬸᬲ᭄ᬓᬂᬓᬾᬭᬶᬂᬭᬵᬓ᭄ᬭ᭄ᬬᬦ᭄‌ᬘᬢᬸᬃᬢᬦ᭄ᬤᬫᬦ᭄ᬢ᭄ᬬᬚᬸᬫᭀᬕᬶᬯᬶᬚᬶᬮ᭄ᬓᬢ᭄ᬭᬶᬡᬷᬳᬗᬦ᭄ᬢ᭄ᬬᬓᬵᬮᬤᬾᬰᬷᬳᬵᬳᬹᬫᬵᬳᭂᬭᬵᬚ᭄ᬜᬲᬗ᭄ᬳᬳᬸᬮᬸᬦ᭄‌ᬧᬸᬦ᭄‌ᬚᬬᬰ᭄ᬭᬡᬵᬦᭂ ᬫ᭄ᬩᬄᬳᬸᬫᬢᬸᬭᬶᬰ᭄ᬭᬶᬦᬺᬧᬢᬶᬧ᭄ᬭᬧ᭄ᬢᬲᬵᬫ᭄ᬧᬸᬦ᭄‌ᬧᬸᬦᬂᬘᬢᬸᬃᬢᬡ᭄ᬥᬫᬦ᭄ᬢ᭄ᬭ᭄ᬬ᭟ᬭᬵᬓ᭄ᬭ᭄ᬬᬦ᭄ᬧᬢᬶᬄᬓᬺᬢᬘᬶᬢ᭄ᬢᬢᬸᬘᬧᬲᬶᬭᬯᬸᬲ᭄ᬧ᭄ᬭᬧ᭄ᬢᬶᬧ᭄ᬭᬬᬳᬦᬗ᭄ᬓᬶᬮᬾᬂᬰᬪᬵᬓᬢ᭄ᬫᬸᬲᬂᬢᬡ᭄ᬥᬫᬦ᭄ᬢ᭄ᬭᬷᬧ᭄ᬭᬲᬫ᭄ᬬᬵᬢᬢᬾᬂᬮᬶᬗ᭄ᬕᬶᬄᬭᬶᬲᭀᬭᬶᬂᬢᬦ᭄ᬕᬸᬮᬷᬓ᭄ᬢᬸᬃᬤ

Auto-transliteration

[5 5B] 5 rātnāyuwatiwar̀ṇnasumutl̥ĕngingśaśadhara. wayawaniragumawanglwir̀hyanghyangningmasir̀wukir̀mūr̀ttiningsāraśr̥ĕn'garasāriningliṇdhihamanisl̥ĕwiḥhadiningraśmirūmrumningsār̀wwakalangunsanghyangningkaraśikanhayunendatanpasiringmār̀syaḥr̥ĕ mpuḥtwasirahanengpatir̀wan. lwir̀pendaḥkadyābinajrahr̥ĕddhayaśrīnarapatipinañjĕmingmadhanāstradadyasirawungwāgliskadyakaknanraśmiwināśadeningkungluluttandwātibongśayanārumasarasahihr̥ĕddhisanga hayupinakāmuṣṭiningcitta. hanulyasirarūmngöśaṇdhākaśamituturirigatyanikangswapnābayāyanpangdaningwiddhitumudhuḥbhūpatidadyānon'gatrasangarūmmwakinenyatnengulaḥmingĕtingĕtengkadadin linghyangdhuḥrasikāmulyaningkār̀mma. sākṣaṇadadisumkar̀hr̥ĕddhayaśrīnarapatisumangbhingaringwadhanāginyanggyangśigrāhatanginulyahanṇdhaharisheḥkitākakasiḥhingsunlahyajayaśaraṇamangke [6 6A] punmangkatdenaglissirahumundangacatur̀taṇdhamantrya. puntayaśaraṇomangkattanwinār̀ṇnahanenggatisangnāthandatananidranulyāhambangsasamādhīmanglilālilengtatitansaḥhindradhanengtanuhayuningrātnakanyagumantungtutu ngingliringt'hĕrangapushumikĕtikĕtpralambhang. sākṣaṇatataskamantyanrāmyakangmanukdumuninghumibĕr̀hanengudhyanatangmāndamarutāmirir̀sumār̀gandaningsārīhasawuranl̥ĕngöngmarūmnarendrādantatangyahangdadak'hagya luwamrisnulyomantuk'halinggihengsinghāśaṇa. tucapakentayaśraṇaśighraptawuskangkeringrākryancatur̀tandamantyajumogiwijilkatriṇīhangantyakāladeśīhāhūmāhĕrājñasanghahulunpunjayaśraṇānĕ mbaḥhumaturiśrinr̥ĕpatipraptasāmpunpunangcatur̀taṇdhamantrya. rākryanpatiḥkr̥ĕtacittatucapasirawuspraptiprayahanangkilengśabhākatmusangtaṇdhamantrīprasamyātatenglinggiḥrisoringtan'gulīktur̀da

Leaf 6

Image on Archive.org

[᭖ 6B] ᭖ ᬤ᭄ᬬᬲᬶᬭᬳᬢᬬᬲᬵᬧ᭄ᬭᬬᭀᬚᬦᬦᬶᬂᬫ᭄ᬦᬢ᭄ᬭᬷᬓᬵᬬ᭄ᬬᬳᬾᬲᬸᬓ᭄‌ᬲᬶᬭᬯᬸᬲ᭄ᬧ᭄ᬭᬧ᭄ᬢᬲᬥᬬ᭟ᬭᬶᬖᭀᬱ᭄ᬝᬶᬦᬶᬂᬢᬡ᭄ᬥᬫᬦ᭄ᬢ᭄ᬭ᭄ᬬᬯᬶᬚᬶᬮ᭄ᬲᬶᬭᬰ᭄ᬭᬶᬪᬹᬧᬢᬶᬕᬸᬫ᭄ᬮᬕ᭄ᬳᬦᬾᬂᬖᭀᬧᬸᬭᬮ᭄ᬯᬶᬃᬲᬹᬃᬬ᭄ᬬᬯᬯᬸᬳᬸᬫᬶᬚᬶᬮ᭄‌ᬪᬲ᭄ᬯᬭᬲᭃᬂᬦᬶᬂᬭᬳᬶᬫᬵᬃᬤ᭄ᬥᬯᬲᬸᬂᬲᬸᬂᬦᬶᬂᬕᬸ ᬬᬸᬤᬤ᭄ᬬᬲᬫ᭄ᬬᬵᬭᬋᬫ᭄ᬥ᭄ᬬᬫ᭄‌ᬢᬦᬦᬵᬯᬦ᭄ᬬᬳᬫᬸᬫᬶᬓ᭄‌ᬋᬧ᭄ᬲᬸᬫᬸᬬᬸᬕ᭄‌ᬧᬭᬢᬡ᭄ᬥᬳᬤᬶᬫᬦ᭄ᬢ᭄ᬭ᭄ᬬ᭟ᬓᬾᬯᬮ᭄ᬬᬵᬰ᭄ᬭᬷᬦᬭᬦᬵᬣᬲᬰ᭄ᬫᬶᬢᬵᬦᬫ᭄ᬩ᭄ᬭᬫᬾᬂᬮᬶᬭᬶᬂᬦᬸᬓ᭄ᬬᬲᬶᬭᬵᬤᬦᬸᬫᬸᬗ᭄ᬕᬄᬳᬮᬶᬗ᭄ᬕᬶᬳᬾᬂᬲᬶᬦ᭄ᬳᬫᬡᬶᬓ᭄‌ᬲᬵᬃᬯ᭄ᬬᬵᬗᬸᬘᬧᬶᬫᬦ᭄ᬢ᭄ᬭᬷᬮᬳ᭄ᬬᬲᬫᬵ ᬢᬢᬾᬂᬮᬸᬗ᭄ᬕᬸᬄᬲᬶᬭᬫᬢ᭄ᬬᬵᬯᭀᬢ᭄ᬲᬶᬦᭀᬫ᭄‌ᬢ᭄ᬓᬾᬂᬘᬢᬹᬃᬢᬡ᭄ᬥᬫᬦ᭄ᬢ᭄ᬭᬷᬳᬯᭀᬢ᭄ᬲᬦ᭄ᬢᬸᬦ᭄‌ᬲᬫ᭄ᬬᬵᬳᬗᬾᬮᬶᬗᬶᬧᬺᬡᬄ᭟ᬧᭂᬧᭂᬓ᭄ᬱᬧᬭᬵᬤᬶᬫᬦ᭄ᬢ᭄ᬭ᭄ᬬᬲᬸᬫᬾᬩᬵᬰ᭄ᬭᬷᬦᬭᬧᬢᬶᬪᬲ᭄ᬯᬭᬳᬪ᭄ᬭᬵᬤᬶᬓᬵᬭᬯᬃᬡ᭄ᬦᬦᬶᬂᬧᬭᬵᬤᬶᬫᬦ᭄ᬢ᭄ᬭᬶᬤᬾᬦᬶᬂᬲᬵᬃᬯ᭄ᬯᬭᬵ ᬢ᭄ᬦᬵᬤᬶᬲᬸᬫᭃᬲᬸᬢᬾᬚᬳᬸᬫᬸᬭᬸᬩ᭄‌ᬳᬲᬶᬦᬂᬢᬂᬧᬗᬲ᭄ᬢ᭄ᬭ᭄ᬬᬦ᭄‌ᬢᬶᬦᬫ᭄ᬧᬸᬳᬶᬂᬓᬺᬫ᭄ᬦᬶᬂᬭᬯᬶᬳᬪ᭄ᬭᬫᬸᬭᬸᬩ᭄‌ᬤᬺᬱᬵᬓ᭄ᬱᬢ᭄ᬕᬦ᭄ᬤᬃᬯ᭄ᬯᬭᬵᬚ᭟ᬤᬤ᭄ᬬᬲᬶᬭᬰ᭄ᬭᬷᬦᬭᬾᬦ᭄ᬤ᭄ᬭᬮ᭄ᬯᬶᬃᬭᬵᬃᬘ᭄ᬢᬵᬓᬦᬓᬵᬫᬡᬶᬓ᭄‌ᬮᬫᬵᬢᬸᬫᬸᬗ᭄ᬓᬸᬮ᭄ᬢᬦᭀᬚᬃᬲ᭄ᬯᬪᬵᬯ [᭗ 7A] ᬢᬦ᭄ᬓᬬᬾᬂᬓᬕᬷᬳᬶᬭᬶᬓᬵᬭᬵᬓ᭄ᬭ᭄ᬬᬦᬧᬢᬶᬄᬳᬸᬫᬗ᭄ᬓᬲᬗ᭄ᬓᬲᬸᬫᬢᬸᬃᬲᬵᬥᬭᬵᬮᭀᬦ᭄ᬫᬵᬃᬤ᭄ᬥᬯᬘᬾᬱ᭄ᬝᬶᬓᬵᬭᬳᬗᬾᬦᬓᬶᬧᬦ᭄ᬯᬸᬲ᭄‌ᬯ᭄ᬭᬸᬄᬳᬶᬗ᭄ᬕᬶᬢᬵᬰ᭄ᬭᬷᬫᬳᬵᬭᬵᬚ᭟ᬧᬸᬓᬸᬮᬸᬦ᭄‌ᬰ᭄ᬭᬷᬦᬭᬦᬵᬣᬲᬦ᭄ᬢᬯ᭄ᬬᬵᬧᬢᬶᬓ᭄ᬦᬺᬧᬢᬶᬭᬶᬧᬵᬤᬤ᭄ᬯᬬᬦᬭᬾᬦ᭄ᬤ᭄ᬭᬬᬦ᭄ᬯᭀᬦ᭄ᬢᭂ ᬦ᭄ᬲᬸᬗ᭄ᬓᬯᬾᬂᬳᬺᬤ᭄ᬥᬷᬧᬦ᭄ᬮᬶᬯᬃᬫᬹᬥᬵᬧᬶᬗ᭄ᬕᬶᬂᬲᬸᬫᬾᬯᬚᭃᬢᬧᬸᬓᬸᬮᬸᬦ᭄‌ᬢᬦ᭄‌ᬯ᭄ᬭᬸᬳᬾᬂᬕᬸᬥᬓᬵᬭᬢᬸᬫᬥᬳᬚ᭄ᬜᬪᬹᬧᬢᬶᬤᬾᬦ᭄ᬢᬸᬫᬸᬮᬸᬲ᭄‌ᬫᬗ᭄ᬓᬾᬯᬵᬃᬱᬚ᭄ᬜᬦᬓ᭄ᬦ᭟ᬳᬶᬭᬶᬓᬵᬰ᭄ᬭᬷᬫᬳᬵᬭᬵᬚᬳᬦᬩ᭄ᬥᬢᬺᬳᬮᬶᬡ᭄ᬥᬷᬳᬾᬢᬶᬢᬫᬦ᭄ᬢ᭄ᬭᬷᬲᬥᬬ ᬫᬸᬓ᭄ᬬᬧᬸᬦ᭄ᬭᬵᬓ᭄ᬭ᭄ᬬᬦᬧᬢᬶᬄᬓᬶᬦᬋᬧ᭄‌ᬳᬋᬧ᭄ᬫᬫᬶᬢᬦ᭄ᬧᬗ᭄ᬭᬲᬾᬂᬪᬬᬵᬓᬾᬬᬸᬄᬫᬹᬃᬤ᭄ᬥᬦᬶᬂᬗᬢ᭄ᬫᬭᬵᬓ᭄ᬱᬲᬸᬫᬷᬤ᭄ᬥᬲᬶᬤ᭄ᬥᬦᬶᬂᬓᬧ᭄ᬢᬶᬢ᭄ᬬᬕᬾᬂᬢᬸᬢᬸᬃᬫᬓᬵᬓᭂᬫ᭄ᬩᬗᬶᬂᬳᬺᬤ᭄ᬥᬬ᭟ᬳᬦ᭄ᬢ᭄ᬬᬳᬦ᭄ᬢᬢᬸᬱ᭄ᬝᬘᬶᬢ᭄ᬢᬰ᭄ᬯᬂᬭᬸᬫᭂᬗ᭄ᬯᬲᬵᬢᬸᬃᬢᬬᬾᬓᬷᬓᬂᬤᬤ᭄ᬬᬳᭀᬲᭂᬓᬶᬂᬘᬶᬢ᭄ᬢ ᬧᬦᬶᬗ᭄ᬲᬸᬦ᭄‌ᬳᬸᬦᬶᬭᬶᬂᬭᬢ᭄ᬭᬷᬳᬗ᭄ᬮᬶᬮᬵᬮᬶᬮᬾᬗ᭄ᬕᬢᬷᬳᬶᬂᬢᬫᬦ᭄‌ᬰᬹᬦ᭄ᬬᬧᬤ᭄ᬫᬵᬭᬹᬫ᭄‌ᬤᬤ᭄ᬬᬢ᭄ᬓᬳᬂᬗ᭄ᬤᬤᬓ᭄‌ᬧᬗᬯᬰᬦᬶᬗᬳᬭᬶᬧ᭄‌ᬦᬸᬮ᭄ᬬᬵᬢᬸᬭᬸᬲᬵᬓ᭄ᬱᬡᬾᬗ᭄ᬲᬸᬦᬦ᭄ᬭᬧ᭄ᬦ᭟ᬯ᭄ᬓᬲᬶᬂᬭᬳᬱ᭄ᬬᭀᬢ᭄ᬢᬫᬓᬭᬲᬢᬦ᭄ᬓᬬᬾᬂᬮᬕᬶᬮᬄ

Auto-transliteration

[6 6B] 6 dyasirahatayasāprayojananingmnatrīkāyyahesuksirawuspraptasadhaya. righoṣṭiningtaṇdhamantryawijilsiraśribhūpatigumlag'hanengghopuralwir̀sūr̀yyawawuhumijilbhaswarasöngningrahimār̀ddhawasungsungninggu yudadyasamyārar̥ĕmdhyamtananāwanyahamumikr̥ĕpsumuyugparataṇdhahadimantrya. kewalyāśrīnaranāthasaśmitānambramengliringnukyasirādanumunggaḥhalinggihengsinhamaṇiksār̀wyāngucapimantrīlahyasamā tatenglungguḥsiramatyāwotsinomtkengcatūr̀taṇdhamantrīhawotsantunsamyāhangelingipr̥ĕṇaḥ. pĕpĕkṣaparādimantryasumebāśrīnarapatibhaswarahabhrādikārawar̀ṇnaningparādimantrideningsār̀wwarā tnādisumösutejahumurub'hasinangtangpangastryantinampuhingkr̥ĕmningrawihabhramurubdr̥ĕsyākṣatgandar̀wwarāja. dadyasiraśrīnarendralwir̀rār̀ctākanakāmaṇiklamātumungkultanojar̀swabhāwa [7 7A] tankayengkagīhirikārākryanapatiḥhumangkasangkasumatur̀sādharālonmār̀ddhawaceṣṭikārahangenakipanwuswruḥhinggitāśrīmahārāja. pukulunśrīnaranāthasantawyāpatiknr̥ĕpatiripādadwayanarendrayanwontĕ nsungkawenghr̥ĕddhīpanliwar̀mūdhāpinggingsumewajötapukuluntanwruhenggudhakāratumadhahajñabhūpatidentumulusmangkewār̀ṣajñanakna. hirikāśrīmahārājahanabdhatr̥ĕhaliṇdhīhetitamantrīsadhaya mukyapunrākryanapatiḥkinar̥ĕp'har̥ĕpmamitanpangrasengbhayākeyuḥmūr̀ddhaningngatmarākṣasumīddhasiddhaningkaptityagengtutur̀makākĕmbanginghr̥ĕddhaya. hantyahantatuṣṭacittaśwangrumĕngwasātur̀tayekīkangdadyahosĕkingcitta paningsunhuniringratrīhanglilālilenggatīhingtamanśūnyapadmārūmdadyatkahangngdadakpangawaśaningaharipnulyāturusākṣaṇengsunanrapna. wkasingrahaṣyottamakarasatankayenglagilaḥ

Leaf 7

Image on Archive.org

[᭗ 7B] ᭗ ᬲᬫ᭄ᬬᬳᬦ᭄ᬢᬾᬓᬓ᭄ᬦᬵᬭᬶᬥᬢᬶᬲᬂᬫᬳᬵᬬᬢᬶᬲᬸᬦᬯᬭᬳᬶᬂᬕᬢᬶᬤᬾᬦ᭄ᬲᬫ᭄ᬬᬲᬶᬭᬳᬗ᭄ᬭᬸᬗᬸᬚᬕ᭄ᬥᬢᭂᬂᬲᬂᬧᬦᭂᬫ᭄ᬧ᭄ᬯᬦ᭄‌ᬳᬶᬦᬶᬭᬶᬂᬤᬾᬲᬂᬧᬭᬵᬃᬣᬶᬳᬪ᭄ᬭᬫᬸᬭᬸᬩ᭄‌ᬧ᭄ᬭᬲᬫ᭄ᬬᬳᬓᬾᬰᬩ᭄ᬭᬡ᭟ᬲᬧᬵᬃᬬ᭄ᬬᬦ᭄ᬢᬦᬶᬂᬯᬢᬗᬦ᭄‌ᬳᬲᬶᬦᬂᬦᬶᬃᬫ᭄ᬫᬮᬩᬺᬱᬶᬄᬭᬶᬥᬢᭂᬂᬲᬂᬫᬳᬵ ᬧᬡ᭄ᬥ᭄ᬬᬲᬳᬦᬦᬶᬂᬧᬭᬫᬦ᭄ᬢ᭄ᬭᬶᬧᬥᬕᬵᬃᬚ᭄ᬚᬶᬢᬾᬗ᭄ᬳᬢᬶᬰᬶᬖ᭄ᬭᬵᬤᬦ᭄ᬲᬫ᭄ᬬᬢᬸᬫᬸᬭᬸᬦ᭄‌ᬲᬫ᭄ᬬᬵᬭᬋᬫᬢ᭄ᬯᬂᬳᬦᭂᬫ᭄ᬩᬄᬭᬶᬚᭃᬂᬫᬳᬵᬃᬱᬶᬰᬷᬖ᭄ᬭᬵᬦᬸᬗ᭄ᬲᬸᬂᬲᬂᬧ᭄ᬭᬪᬸᬖᭀᬭᬯ᭄ᬬᬵᬦᭂᬫ᭄ᬩᬄ᭟ᬲᬵᬥᬭᬳᬸᬫᬲ᭄ᬢᬸᬗ᭄ᬓᬭᬲᬳᬵᬧᬥ᭄ᬬᬵᬃᬘᬫᬡᬷᬢ᭄ᬭᬶᬢᬵᬬᬶᬓᬧᬭᬶᬤᬸᬤ᭄ᬥᬭᬶ ᬢ᭄ᬮᬲᬶᬭᬫᬰᬦ᭄ᬢᬶᬳᬸᬫᬍᬲ᭄ᬲᬂᬫᬵᬬᬢᬶᬫ᭄ᬯᬂᬲᬵᬦᬦᬶᬂᬧᬭᬯᬶᬓᬸᬗᬸᬦ᭄ᬬᬓᭂᬦ᭄‌ᬚᬬᬚᬬᬲᬳᬵᬃᬱᬮᬶᬮᬵᬗᬲ᭄ᬢᬸᬢᬶᬫᬗ᭄ᬕᬮ᭄ᬬᬵᬦᬸᬂᬰ᭄ᬭᬷᬥᬗ᭄ᬳ᭄ᬬᬂᬰᬹᬤ᭄ᬬᬯᬶᬪᬵᬯ᭟ᬳᬮᬶᬗ᭄ᬕᬶᬳᬾᬂᬧᬢᬭᬡᬳᬦᬾᬂᬲᬶᬦ᭄ᬳᬵᬰᬡᬫᬡᬶᬓ᭄‌ᬭᬶᬲᬦ᭄ᬫᬸᬓᬵᬰ᭄ᬭᬷᬦᬭᬾᬦ᭄ᬤ᭄ᬭᬢ ᬓ᭄ᬧᬾᬦ᭄ᬤᬄᬳ᭄ᬬᬂᬩ᭄ᬭᬵᬳ᭄ᬫᬵᬃᬱᬶᬲᬗ᭄ᬓᬾᬂᬲ᭄ᬯᬃᬕ᭄ᬕᬵᬦᭂᬥᬓᬶᬮ᭄ᬯᬶᬭᬵᬫᬺᬢᬓᬫᬡ᭄ᬥᬮᬸᬲᬸᬫᬶᬭᬫᬶᬧᬗᬲ᭄ᬢ᭄ᬬᬦ᭄‌ᬭᬶᬤᬶᬩ᭄ᬬᬵᬚ᭄ᬜᬦᬲᬂᬋᬱᬶᬢᬸᬮ᭄ᬬᬚᬸᬯᬸᬄᬢᬸᬫᬶᬩᬾᬂᬫᬰᬓᬃᬢ᭄ᬢᬶᬓ᭟ᬭᬶᬲᬵᬫ᭄ᬧᬸᬦ᭄ᬲᬂᬫᬳᬵᬧᬡ᭄ᬥ᭄ᬬᬧ᭄ᬭᬲᬫ᭄ᬬᬲᬶᬦᬸᬗᬦ᭄ᬮᬶᬗ᭄ᬕᬶᬄᬳᬧᬸᬃᬯ᭄ᬯᬵ [᭘ 8A] ᬬᬸᬦᬶᬂᬯᬢᬗᬦ᭄‌ᬋᬧᬭᬋᬫ᭄ᬢᬦ᭄ᬯᬦ᭄ᬬᬵᬗ᭄ᬮᬶᬂᬳᬶᬭᬶᬓᬵᬰ᭄ᬭᬷᬪᬹᬧᬢᬶᬖᭀᬭᬯ᭄ᬬᬰᬶᬖ᭄ᬭᬳᬸᬫᬢᬹᬃᬫᬢ᭄ᬭᬸᬄᬫᬦᬶᬲ᭄ᬲᬵᬃᬚ᭄ᬚᬯᬥᬹᬄᬲᬚ᭄ᬜᬲᬂᬫᬳᬵᬫᬸᬦᬶᬳᬶᬗ᭄ᬲᬸᬦ᭄ᬫᬵᬢᬸᬃᬭᬶᬧᬵᬤᬲᬂᬬᬢᬶᬯᬭ᭟ᬗᬹᬦᬶᬭᬵᬤᬢ᭄ᬫᬳᬵᬧᬡ᭄ᬥ᭄ᬬᬳᬦᬶᬤ᭄ᬭᬳᬦᬸᬮ᭄ᬬᬳᬗᬶᬧᬶᬭᬶᬦᬲᬢᬦ᭄ᬓᬬᬾᬂᬢᬸᬦᬵᬤᬤ᭄ᬬᬵ ᬦᭀᬦ᭄ᬭᬵᬢ᭄ᬦᬬᬸᬯᬢᬶᬳᬮᬶᬗ᭄ᬕ᭄ᬬᭀᬂᬲᬶᬗ᭄ᬳᬵᬫᬡᬶᬓ᭄‌ᬭᬶᬦᬹᬤ᭄ᬥᬦᬶᬂᬧᬤ᭄ᬫᬫᬭᬹᬫ᭄‌ᬢᬼᬗᬶᬂᬰᬰᬥᬭᬳᬬᬸᬦ᭄ᬬᬦ᭄ᬤᬢᬦ᭄ᬧᬲᬶᬭᬶᬂᬪᬬᬳᬶᬓᬸᬲᬵᬭᬶᬦᬶᬂᬲᬵᬭᬶᬦᬶᬂᬳ᭄ᬬᬂᬦᬶᬂᬓᬸᬲᬸᬫ᭟ᬗ᭄ᬕᬦ᭄ᬬᬧᬗ᭄ᬤᬦᬶᬂᬳ᭄ᬬᬂᬲᬸᬓ᭄ᬱ᭄ᬫᬫᭀᬖᬭᬵᬦᬓ᭄ᬱᬂᬫᬳᬵᬃᬱᬷᬓᬢ᭄ᬦᬦ᭄ᬭᬵᬕᬫᬹᬃᬢᬤᬶᬦᬕ᭄ᬥᬶ ᬤᬾᬂᬦᬶᬂᬲᬭᬰ᭄ᬫᬶᬦ᭄‌ᬫᬵᬃᬲ᭄ᬬᬸᬄᬦᬵᬮᬦᬶᬂᬳᬢᬶᬪᬷᬦᬚ᭄ᬭᬤᬾᬦᬶᬂᬓᬸᬂᬮᬸᬮᬸᬢ᭄‌ᬳᬧ᭄ᬕᬵᬢ᭄ᬯᬲᬗᬾᬬᭀᬯᬦ᭄‌ᬩᬶᬦᬡ᭄ᬥᬦᬶᬂᬯ᭄ᬮᬲᬲᬶᬄᬰᬷᬃᬡ᭄ᬦᬋᬫ᭄ᬧᬸᬄᬘᬶᬢ᭄ᬢᬦᬶᬭᬵᬦᬓ᭄ᬱᬂᬧᬡ᭄ᬥ᭄ᬬ᭟ᬦᬸᬮ᭄ᬬᬭᬵᬦᬢ᭄ᬲᬂᬧᬦᭂᬫ᭄ᬧ᭄ᬯᬦ᭄‌ᬳᬸᬫᬶᬦᭂᬢᬶᬗᭂᬢᬶᬗ᭄ᬳᬢᬶᬫᭀᬖᬵᬦᬵᬲᬶᬳᬶᬂᬳ᭄ᬬᬂᬲᬸᬓ᭄ᬱ᭄ᬫᬥᬸᬫᬢᬶᬭᬵᬦᬢ᭄ᬫ ᬗᬃᬱᬶᬳᬓᭀᬦ᭄ᬢ᭄ᬬᬕᬾᬂᬓᬤᬤᬶᬦ᭄‌ᬫᬗ᭄ᬓᬦᬵᬰᬓ᭄ᬬᬳ᭄ᬬᬂᬢᬸᬥᬸᬄᬭᬶᬦ᭄ᬗᭃᬭᬵᬦᬓ᭄ᬱᬂᬧᬡ᭄ᬥ᭄ᬬᬢᬶᬦᬾᬦ᭄‌ᬰᬶᬖ᭄ᬭᬳᬗᬸᬮᬢᬶᬮᭀᬢᬸᬫᬸᬢᬸᬃᬭᬲᬶᬓᬵᬫᬸᬮ᭄ᬬᬦᬶᬂᬓᬵᬃᬫ᭄ᬫ᭟ᬫᬗ᭄ᬓᬾᬭᬵᬦᬓ᭄ᬫᬳᬧᬡ᭄ᬥ᭄ᬬᬢᬸᬫᬥᬳᬵᬚ᭄ᬜᬫᬳᬵᬃᬱᬶᬭᬶᬕᬢᬶᬦᬶᬓᬂᬲ᭄ᬯᬧ᭄ᬦᬵᬤᬶᬤᬶᬦᬾ

Auto-transliteration

[7 7B] 7 samyahantekaknāridhatisangmahāyatisunawarahinggatidensamyasirahangrungujagdhatĕngsangpanĕmpwanhiniringdesangparār̀thihabhramurubprasamyahakeśabraṇa. sapār̀yyantaningwatanganhasinangnir̀mmalabr̥ĕsyiḥridhatĕngsangmahā paṇdhyasahananingparamantripadhagār̀jjitenghatiśighrādansamyatumurunsamyārar̥ĕmatwanghanĕmbaḥrijöngmahār̀syiśīghrānungsungsangprabhughorawyānĕmbaḥ. sādharahumastungkarasahāpadhyār̀camaṇītritāyikapariduddhari tlasiramaśantihumal̥ĕssangmāyatimwangsānaningparawikungunyakĕnjayajayasahār̀ṣalilāngastutimanggalyānungśrīdhanghyangśūdyawibhāwa. halinggihengpataraṇahanengsinhāśaṇamaṇikrisanmukāśrīnarendrata kpendaḥhyangbrāhmār̀syisangkengswar̀ggānĕdhakilwirāmr̥ĕtakamaṇdhalusumiramipangastyanridibyājñanasangr̥ĕsyitulyajuwuḥtumibengmaśakar̀ttika. risāmpunsangmahāpaṇdhyaprasamyasinunganlinggiḥhapur̀wwā [8 8A] yuningwatanganr̥ĕparar̥ĕmtanwanyānglinghirikāśrībhūpatighorawyaśighrahumatūr̀matruḥmanissār̀jjawadhūḥsajñasangmahāmunihingsunmātur̀ripādasangyatiwara. ngūnirādatmahāpaṇdhyahanidrahanulyahangipirinasatankayengtunādadyā nonrātnayuwatihalinggyongsinghāmaṇikrinūddhaningpadmamarūmtl̥ĕngingśaśadharahayunyandatanpasiringbhayahikusāriningsārininghyangningkusuma. ngganyapangdaninghyangsukṣmamogharānakṣangmahār̀syīkatnanrāgamūr̀tadinagdhi dengningsaraśminmār̀syuḥnālaninghatibhīnajradeningkunglulut'hapgātwasangeyowanbinaṇdhaningwlasasiḥśīr̀ṇnar̥ĕmpuḥcittanirānakṣangpaṇdhya. nulyarānatsangpanĕmpwanhuminĕtingĕtinghatimoghānāsihinghyangsukṣmadhumatirānatma ngar̀syihakontyagengkadadinmangkanāśakyahyangtudhuḥrinngörānakṣangpaṇdhyatinenśighrahangulatilotumutur̀rasikāmulyaningkār̀mma. mangkerānakmahapaṇdhyatumadhahājñamahār̀syirigatinikangswapnādidine

Leaf 8

Image on Archive.org

[᭘ 8B] ᭘ ᬲᬶᬤ᭄ᬥᬵᬧᬶᬦᬗ᭄ᬕᬶᬄᬧᬶᬦᬓᬵᬖ᭄ᬭᬥᬢ᭄ᬦᬶᬢᬦ᭄ᬮ᭄ᬬᬦᬸᬕ᭄ᬭᬳᬵᬫᬳᬵᬫ᭄ᬧᬸᬲᬸᬫᬶᬤ᭄ᬥᬵᬓ᭄ᬦᬂᬓᬵᬃᬬ᭄ᬬᬳᬸᬫᬭᬳᬾᬂᬦᬬᬲᬦ᭄ᬤᬶᬧᬦ᭄ᬫᬳᬵᬫ᭄ᬧᬸᬫᬹᬃᬢᬶᬦᬶᬂᬳ᭄ᬬᬂᬢ᭄ᬭᬶᬳᬚ᭄ᬜᬵᬦ᭚᭐᭚ᬧᬂ᭚᭐᭚ᬰ᭄ᬭᬶᬥᬂᬦ᭄ᬳ᭄ᬬᬂᬰᬹᬦ᭄ᬬᬯᬷᬪᬵᬯᬰᬷᬖ᭄ᬭᬵᬘᬯᬸᬃᬲᬵᬃᬚ᭄ᬚᬢᬵᬭᬹᬫᬫᬦᬶᬲ᭄ ᬘᬾᬱ᭄ᬝᬓᬭᭀᬢ᭄ᬢᬫᬵᬦᬸᬮᬸᬲ᭄‌ᬥᬹᬄᬲᬵᬚ᭄ᬜᬰ᭄ᬭᬷᬦᬭᬾᬦ᭄ᬤ᭄ᬭᬫᬓᬵᬮᬶᬗ᭄ᬕᬫᬹᬃᬢ᭄ᬢᬶᬦᬶᬂᬲᬗ᭄ᬳ᭄ᬬᬂᬗᬢᬦᬸᬦ᭄ᬤᬦ᭄ᬫᬗ᭄ᬓᬾᬲᬦ᭄ᬓᬯ᭄ᬬᬵᬓ᭄ᬦᬲᬵᬢᬸᬭᬾᬪᬸᬚᬗ᭄ᬕᬳᬚᬶ᭟ᬧᬦ᭄‌ᬯ᭄ᬓᬲᬶᬂᬗᬮ᭄ᬧᬕᬸᬡᬫᬗᬰ᭄ᬭᬬᬭᬶᬚᭃᬂᬧᬗ᭄ᬓᬚᬳᬚᬶᬲ᭄ᬯᬲ᭄ᬢ᭄ᬬᬲ᭄ᬢᬸᬲᬵᬚ᭄ᬜᬧᬸᬓᬸᬮᬸᬦ᭄ ᬲᬶᬤ᭄ᬥᬦᬶᬂᬧ᭄ᬭᬬᭀᬚᬦᬫᬮᬃᬳᬦᬵᬲᬶᬳᬶᬭᬲᬂᬳ᭄ᬬᬂᬫᬳᬸᬮᬸᬦ᭄‌ᬭᬶᬪᬸᬚᬗ᭄ᬕᬰ᭄ᬭᬶᬦᬭᬾᬦ᭄ᬤ᭄ᬭᬲᬷᬤ᭄ᬥᬵᬲᬓᬾᬱ᭄ᬝᬶᬦᬺᬧᬢᬶ᭟ᬭᬶᬓᬵᬲᬂᬫᬳᬵᬧᬡ᭄ᬥ᭄ᬬᬦᬾᬓᬵᬘᬶᬢ᭄ᬢᬵᬗᬺᬕᭂᬧ᭄ᬬᭀᬕᬲᬫᬵᬥᬶᬋᬧ᭄‌ᬲᬵᬓ᭄ᬱᬡᬵᬦᬸᬮ᭄ᬬᬵᬫ᭄ᬢᬸᬳ᭄ᬬᬂᬦᬶᬂᬫᬬᬤᬸᬫᬶᬮᬄᬳ᭄ᬦᬶᬂᬕᬸᬫᬯᬂ ᬲᬓᬶᬂᬗᬚ᭄ᬜᬵᬦᬫᬳᬵᬫ᭄ᬧᬸᬫᬹᬃᬢ᭄ᬢᬶᬳ᭄ᬬᬂᬓᬵᬭᬳᬓᬭᬓᬤᬶᬯ᭄ᬬᬦᬶᬂᬘᬥᬸᬰᬓ᭄ᬢᬶ᭟ᬥᬺᬱ᭄ᬝᬵᬃᬤ᭄ᬥᬰ᭄ᬭᬶᬦᬭᬾᬰ᭄ᬯᬭᬳ᭄ᬬᬂᬦᬶᬂᬰᬹᬦ᭄ᬬᬳᬮᬶᬗ᭄ᬕ᭄ᬬᬾᬂᬧᬤ᭄ᬫᬲᬵᬭᬷᬳᬫᬗ᭄ᬓᬸᬢᬂᬭᬵᬢ᭄ᬦᬯᬥᬹᬭᬶᬓᬭᬢᬮᬦᬶᬭᬫᬳᬵᬧᬡ᭄ᬥ᭄ᬬᬪᬲ᭄ᬯᬭᬳᬪ᭄ᬭᬳᬸᬫᬸᬭᬸᬩ᭄ [᭙ 9A] ᬢᬶᬦᬹᬢ᭄ᬲᬶᬤ᭄ᬥ᭄ᬬᬵᬦᬶᬂᬗᬚ᭄ᬜᬵᬦᬭᬶᬧᬭᬫᬵᬃᬣᬫᬳᬵᬃᬱᬶ᭟ᬭᬶᬳᬸᬯᬸᬲ᭄ᬲᬶᬭᬫᬗ᭄ᬓᬦᬵᬦᬸᬮ᭄ᬬᬵᬗᬸᬘᬧ᭄ᬲᬶᬭᬲᬂᬫᬳᬵᬫᬹᬦᬶᬳᬾᬲᬵᬚ᭄ᬜᬲᬂᬫᬳᬵᬧ᭄ᬭᬪᬸᬬᬗ᭄ᬓᬾᬩ᭄ᬭᬵᬳ᭄ᬫᬡᬳᬚ᭄ᬬᬫᬶᬦ᭄ᬢᭀᬦᬦᬲᬓᬾᬱ᭄ᬝᬶᬲᬵᬚ᭄ᬜᬧᬸᬓᬸᬮᬸᬦ᭄‌ᬦ᭄ᬤᬦ᭄ᬬᬾᬓᬶᬢᬶᬗ᭄ᬳᬮᬓ᭄ᬦᬧᬳᬾᬦᬓ᭄‌ᬥ᭄ᬬᬦᬦᬶᬂᬳᬺᬤ᭄ᬥᬶ᭟ ᬰᬶᬖ᭄ᬭᬲᬂᬫᬳᬵᬧᬡ᭄ᬥᬶᬢᬮᬸᬫᬸᬗᬓᭂᬦ᭄ᬢᬗᬱ᭄ᬝᬯᬸᬲ᭄ᬧᬶᬦᬱ᭄ᬝᬶᬫᬋᬓᬶᬲᬂᬫᬳᬵᬧ᭄ᬭᬪᬸᬕᬃᬚ᭄ᬚᬶᬢᬰ᭄ᬭᬷᬦᬭᬾᬦ᭄ᬤ᭄ᬭᬵᬦᬶᬮᬶᬗᬓᭂᬦ᭄ᬧᬢᬶᬢᬶᬲ᭄ᬦᬶᬂᬚ᭄ᬜᬵᬦᬍᬗᬸᬢ᭄‌ᬫᬯᬵᬲ᭄ᬓᬢᭀᬦᬦᬭᬯᬂᬫᬬᬦᬶᬂᬓᬦ᭄ᬬᬬᬸᬯᬢᬶ᭟ᬲᬓᬵᬮᬓᬦᬶᬂᬲ᭄ᬯᬧ᭄ᬦᬵᬤᬤᬶᬫᬹᬃᬘᬶᬢ᭄ᬢᬲᬂᬰ᭄ᬭᬷ ᬦᬺᬧᬢᬶᬓᬧᬸᬳᬦ᭄ᬭᬸᬫᬲᬾᬂᬢᬦᬸᬯᬾᬢ᭄ᬦᬶᬂᬓᬫᬵᬢ᭄ᬫ᭄ᬬᬦᬶᬭᬫᬸᬦᬶᬯᬭᬵᬯᬓ᭄ᬩᬚ᭄ᬭᬫᬹᬃᬢ᭄ᬢᬶᬦᬶᬂᬢᬸᬥᬸᬄᬳᬕ᭄ᬬᬲᬶᬭᬵᬗᬲ᭄ᬢᬸᬗ᭄ᬓᬭᬲᬸᬫᭂᬫ᭄ᬩᬳᬶᬲᬂᬫᬵᬳᬬᬢᬶ᭟ᬲᬶᬗ᭄ᬕᬶᬄᬲᬵᬚ᭄ᬜᬲᬂᬧᬗᭂᬫ᭄ᬧ᭄ᬯᬦ᭄‌ᬯᬭᬵᬤᬳᬢᬦᬸᬕ᭄ᬭᬳᬲᬂᬫᬵᬬᬢᬶᬥᬸᬫᬢᭂᬂᬭᬵᬦᬓ᭄ᬫᬳᬵᬫ᭄ᬧᬸᬲᬶᬦᬸᬭ ᬦ᭄‌ᬪᬕ᭄ᬬᬫᬦ᭄ᬢᬵᬧᬦ᭄ᬲᬸᬚᬵᬢᬶᬢᬾᬓᬶᬓᬤ᭄ᬬᬲ᭄ᬯᬧ᭄ᬦᬾᬦ᭄ᬲᬸᬦ᭄‌ᬳᬶᬱ᭄ᬝᬦᬶᬂᬭᬵᬦᬓ᭄ᬱᬂᬧᬡ᭄ᬥ᭄ᬬᬳᬶᬂᬫᬗ᭄ᬓ᭄ᬬᬵᬓᭀᬦᬜᬶᬢ᭄ᬭᬦᬶ᭟ᬳᬾᬓᬶᬢᬵᬚᬬᬰᬭᬡᬮᬄᬢᬲᬶᬭᬯᬶᬢ᭄ᬭᬦᭂᬦ᭄ᬤᬾᬦᬕ᭄ᬮᬶᬲ᭄‌ᬧᬸᬦ᭄‌ᬚᬬᬰᬭᬡᬵᬦᬸᬳᬸᬦ᭄‌ᬢᬦᬵᬲᬃᬬ᭄ᬬ

Auto-transliteration

[8 8B] 8 siddhāpinanggiḥpinakāghradhatnitanlyanugrahāmahāmpusumiddhāknangkār̀yyahumarahengnayasandipanmahāmpumūr̀tininghyangtrihajñāna // 0 // pang // 0 // śridhangnhyangśūnyawībhāwaśīghrācawur̀sār̀jjatārūmamanis ceṣṭakarottamānulusdhūḥsājñaśrīnarendramakālinggamūr̀ttiningsanghyangngatanundanmangkesankawyāknasāturebhujanggahaji. panwkasingngalpaguṇamangaśrayarijöngpangkajahajiswastyastusājñapukulun siddhaningprayojanamalar̀hanāsihirasanghyangmahulunribhujanggaśrinarendrasīddhāsakeṣṭinr̥ĕpati. rikāsangmahāpaṇdhyanekācittāngr̥ĕgĕpyogasamādhir̥ĕpsākṣaṇānulyāmtuhyangningmayadumilaḥhninggumawang sakingngajñānamahāmpumūr̀ttihyangkārahakarakadiwyaningcadhuśakti. dhr̥ĕṣṭār̀ddhaśrinareśwarahyangningśūnyahalinggyengpadmasārīhamangkutangrātnawadhūrikaratalaniramahāpaṇdhyabhaswarahabhrahumurub [9 9A] tinūtsiddhyāningngajñānariparamār̀thamahār̀syi. rihuwussiramangkanānulyāngucapsirasangmahāmūnihesājñasangmahāprabhuyangkebrāhmaṇahajyamintonanasakeṣṭisājñapukulunndanyekitinghalaknapahenakdhyananinghr̥ĕddhi. śighrasangmahāpaṇdhitalumungakĕntangaṣṭawuspinaṣṭimar̥ĕkisangmahāprabhugar̀jjitaśrīnarendrānilingakĕnpatitisningjñānal̥ĕngutmawāskatonanarawangmayaningkanyayuwati. sakālakaningswapnādadimūr̀cittasangśrī nr̥ĕpatikapuhanrumasengtanuwetningkamātmyaniramuniwarāwakbajramūr̀ttiningtudhuḥhagyasirāngastungkarasumĕmbahisangmāhayati. singgiḥsājñasangpangĕmpwanwarādahatanugrahasangmāyatidhumatĕngrānakmahāmpusinura nbhagyamantāpansujātitekikadyaswapnensunhiṣṭaningrānakṣangpaṇdhyahingmangkyākonañitrani. hekitājayaśaraṇalaḥtasirawitranĕndenaglispunjayaśaraṇānuhuntanāsar̀yya

Leaf 9

Image on Archive.org

[᭙ 9B] ᭙ ᬘᬶᬦᬶᬢ᭄ᬭᬲᬲᬵᬓ᭄ᬱᬡᬭᬶᬦᬾᬓᬵᬦᬸᬮ᭄ᬬᬯᬸᬲ᭄ᬧᬸᬧᬸᬢ᭄‌ᬓᬢᬹᬭᬶᬂᬰ᭄ᬭᬷᬦᬭᬾᬦ᭄ᬤ᭄ᬭᬳᬦ᭄ᬢ᭄ᬬᬦ᭄ᬢᬲᬸᬓᬦᬺᬧᬢᬶ᭟ᬰ᭄ᬭᬷᬖᬦ᭄ᬳ᭄ᬬᬂᬰᬸᬦ᭄ᬬᬯᬶᬪᬵᬯᬦᬸᬮ᭄ᬬᬲ᭄ᬭᬵᬦᬗ᭄ᬳᬭᬾᬂᬚ᭄ᬜᬵᬦᬲᬶᬤ᭄ᬥᬶᬢᬦ᭄ᬧᬫ᭄ᬗᬦ᭄‌ᬢᬼᬗᬶᬂᬢᬦᬸᬢᬸᬘᬧᬰ᭄ᬭᬷᬦᬭᬾᬦ᭄ᬤ᭄ᬭᬮᬶᬮᬵᬗᬸᬘᬧ᭄‌ᬭᬶᬲᬦ᭄ᬢ᭄ᬭᬷᬦᬶᬭᬓᬘᬢᬸ ᬭ᭄‌ᬫᬓ᭄ᬬᬧᬢᬶᬄᬓᬺᬢᬵᬘᬶᬢ᭄ᬢᬓᬺᬣᬵᬣᬭᬶᬂᬧ᭄ᬭᬚ᭄ᬜᬦᬶᬢᬶ᭟ᬳᬾᬓᬶᬢᬵᬫᬦ᭄ᬢ᭄ᬭᬶᬲᬥᬬᬵᬮᬳ᭄ᬬᬵᬲᬶᬭᬲᬫ᭄ᬬᬭᬸᬫᬲᬵᬗ᭄ᬤᬦᬶᬕᬸᬡᬦᬶᬂᬬᬯᬶᬦᬸᬯᬸᬲ᭄‌ᬳᬦᬸᬂᬓᬕ᭄ᬮᬭᬓ᭄ᬦᬵᬗᬸᬮᬢᬶᬓᬳᬦᬦᬶᬭᬲᬂᬤ᭄ᬬᬳᬭᬹᬫ᭄‌ᬲᬗᬯᬃᬡ᭄ᬦᬳᬶᬓᬶᬂᬘᬶᬢ᭄ᬭᬦᬵᬕᬭᬦᬶᬭᬓᬯ᭄ᬭᬸ ᬳᬶ᭟ᬫᬯ᭄ᬓᬲᬶᬭᬳ᭄ᬬᬂᬲᬸᬓ᭄ᬱ᭄ᬫᬓᬂᬤᬾᬦ᭄‌ᬚᬢᬶᬳᬶᬦᬲ᭄ᬢᬸᬗ᭄ᬓᬭᬍᬯᬶᬄᬫᬓᬵᬖᬭᬥᬢ᭄ᬦᬶᬦᬶᬗ᭄ᬲᬸᬦ᭄‌ᬳᬓᭀᬦ᭄ᬧ᭄ᬭᬬᬢ᭄ᬦᬾᬂᬘᬶᬢ᭄ᬢᬫᬶᬗᭂᬢᬶᬗᭂᬢ᭄ᬓᬳᬦᬶᬭᬲᬗᬭᬹᬫ᭄‌ᬬᬦ᭄ᬢ᭄ᬬᬕᬲᬢ᭄ᬬᬭᬶᬂᬥᬃᬫ᭄ᬫᬓᬢ᭄ᬫᬸᬢᬂᬓᬵᬃᬫ᭄ᬫᬬᬸᬓ᭄ᬢᬶ᭟ᬫᬗ᭄ᬓᬦᬵᬮᬶᬂᬦᬭᬦᬵᬣᬲᬶᬖ᭄ᬭᬵᬲ ᬯᬸᬃᬲᬂᬧ᭄ᬭᬳᬤᬶᬫᬦ᭄ᬢ᭄ᬭᬶᬲᬶᬗ᭄ᬕᬶᬄᬯᬵᬃᬱᬵᬚ᭄ᬜᬧᬸᬓᬸᬮᬸᬦ᭄‌ᬗ᭄ᬳᬶᬂᬤᬾᬧᬸᬦ᭄‌ᬓ᭄ᬱᬫᬵᬓ᭄ᬦᬧᬗᬜ᭄ᬚᬮ᭄ᬬᬧᬢᬶᬓ᭄ᬪ᭄ᬭᬭᬶᬚᭃᬂᬧᬸᬓᬸᬮᬸᬦ᭄‌ᬧᬶᬮᬶᬄᬳᬲᬶᬄᬳ᭄ᬬᬂᬲᬸᬓ᭄ᬱ᭄ᬫᬲᬶᬤ᭄ᬥᬦᬶᬂᬗᬚ᭄ᬜᬪᬹᬧᬢᬶ᭟ᬓᬯᬸᬮᬧᬸᬦ᭄‌ᬘᬢᬹᬃᬕᬡ᭄ᬥᬲᬤᬶᬦᬭᬶᬫᬗ᭄ᬓᬾᬳᬫ᭄ᬯᬶᬢ᭄‌ᬮᬸᬫ [᭑᭐ 10A] ᬭᬷᬲ᭄‌ᬮᬸᬫᬓ᭄ᬯᬗᬚ᭄ᬜᬲᬂᬧ᭄ᬭᬪᬸᬭᬶᬫᬗ᭄ᬓᬾᬧᬓ᭄ᬦᬦ᭄ᬬᬳᬗᬯᬸᬮᬭᬶᬧᬵᬤᬧᬗ᭄ᬓᬵᬚᬵᬗ᭄ᬕᬸᬮᬸᬦ᭄‌ᬤᬤᬳᬵᬓᬵᬮᬦᬶᬂᬪᬬᬲᬸᬓᬵᬲᬶᬮᬸᬗ᭄ᬮᬸᬗᬂᬳᬸᬭᬶᬧ᭄᭟ᬰ᭄ᬭᬷᬦᬭᬦᬵᬣᬕᬃᬚ᭄ᬚᬶᬢᬲᬵᬃᬚ᭄ᬚᬯᬵᬭᬹᬫ᭄‌ᬫᬵᬤ᭄ᬥᬯᭀᬚᬫᬦᬶᬲ᭄‌ᬳᬾᬢᬶᬢᬵᬓᬓᬲᬶᬳᬶᬗ᭄ᬲᬸᬦ᭄‌ᬧᬸᬦ᭄ᬭᬵᬓ᭄ᬭ᭄ᬬᬦ᭄‌ᬲ᭄ᬯᬭᬵᬦ᭄ᬢ ᬓᬮᬯᬦ᭄ᬲᬶᬭᬭᬵᬓ᭄ᬭ᭄ᬬᬦ᭄‌ᬥᬢ᭄ᬭᬧᬸᬢ᭄ᬭᬢᬶᬦᬹᬢ᭄‌ᬓᬶᬂᬢᬵᬭᬵᬓ᭄ᬭ᭄ᬬᬦ᭄‌ᬲᬸᬢᬤᬾᬯᬫᬥᬸᬲᬸᬥᬦᬫᬓᬵᬤᬶ᭟ᬳᬲ᭄ᬢᬸᬢᬓᬶᬢᬲᬥᬬᬤᬶᬃᬖ᭄ᬕᬬᬸᬱᬲᬲ᭄ᬯᬢᬲᬶᬤ᭄ᬥᬾᬂᬕᬢᬶᬦ᭄ᬤᬬᬾᬓᬶᬢᬲᬶᬫ᭄ᬲᬶᬫᬗ᭄ᬲᬸᬦ᭄‌ᬳᬫᬸᬢ᭄ᬬᬳᬷᬭᬩᬚ᭄ᬭᬵᬲᬶᬗ᭄ᬳᬶᬢᬓ᭄ᬦᬵᬲᬶ ᬫ᭄ᬕᬳᭂᬦ᭄ᬭᬶᬚᭃᬂᬲᬗᬭᬹᬫ᭄‌ᬗᬸᬦᬶᬗᬸᬦᬶᬳᬦᬂᬤᬬᬵᬬᬤᬤ᭄ᬬᬫᬵᬚᬭᬾᬗ᭄ᬓᬫᬶ᭟ᬫᬗ᭄ᬓᬦᬵᬧᬫ᭄ᬓᬲᬶᬭᬦᬭᬦᬵᬣᬲᬂᬘᬢᬸᬃᬢᬡ᭄ᬥᬫᬦ᭄ᬢ᭄ᬭᬷᬳᬦᭂᬫ᭄ᬩᬳᬤᬦ᭄ᬮᬸᬫᬓᬸᬳᬶᬭᬶᬓᬵᬫᬳᬵᬱᬡ᭄ᬥ᭄ᬬᬳᬸᬫᬲ᭄ᬢᬸᬢᬶᬲᬂᬘᬢᬸᬃᬢᬡ᭄ᬥᬮᬸᬫᬓᬸᬧᬸᬦᬧᬢᬶᬄᬓᬺᬢ ᬘᬶᬢ᭄ᬢᬫᬶᬢ᭄ᬓᭂᬢᬶᬂᬦᬬᭀᬲᬦ᭄ᬤᬷ᭟ᬭᬶᬲᬵᬫ᭄ᬧᬸᬦ᭄ᬲᬫ᭄ᬬᬳᬋᬧᬢ᭄‌ᬲᬮ᭄ᬯᬶᬭᬦᬶᬂᬦᬬᬭᬳᬱ᭄ᬬᬧᬶᬗᬶᬢ᭄ᬢᬥᬦᬦ᭄ᬢᬭᬮᬸᬫᬓᬸᬧᬸᬦ᭄ᬧᬢᬶᬄᬓᬺᬢᬵᬘᬶᬢ᭄ᬢᬳᬗᬢᭂᬭᬮᬸᬫ᭄ᬧᬳᬶᬂᬫᬦ᭄ᬢ᭄ᬭᬶᬓᬘᬢᬸᬃᬲᬵᬃᬯ᭄ᬬᬲᬸᬓᬵᬗᬸᬘᬧᬸᬘᬧ᭄

Auto-transliteration

[9 9B] 9 cinitrasasākṣaṇarinekānulyawuspuputkatūringśrīnarendrahantyantasukanr̥ĕpati. śrīghanhyangśunyawibhāwanulyasrānangharengjñānasiddhitanpamngantl̥ĕngingtanutucapaśrīnarendralilāngucaprisantrīnirakacatu rmakyapatiḥkr̥ĕtācittakr̥ĕthātharingprajñaniti. hekitāmantrisadhayālahyāsirasamyarumasāngdaniguṇaningyawinuwushanungkaglaraknāngulatikahananirasangdyaharūmsangawar̀ṇnahikingcitranāgaranirakawru hi. mawkasirahyangsukṣmakangdenjatihinastungkaral̥ĕwiḥmakāgharadhatniningsunhakonprayatnengcittamingĕtingĕtkahanirasangarūmyantyagasatyaringdhar̀mmakatmutangkār̀mmayukti. mangkanālingnaranāthasighrāsa wur̀sangprahadimantrisinggiḥwār̀syājñapukulunnghingdepunkṣamāknapangañjalyapatikbhrarijöngpukulunpiliḥhasiḥhyangsukṣmasiddhaningngajñabhūpati. kawulapuncatūr̀gaṇdhasadinarimangkehamwitluma [10 10A] rīslumakwangajñasangprabhurimangkepaknanyahangawularipādapangkājānggulundadahākālaningbhayasukāsilunglunganghurip. śrīnaranāthagar̀jjitasār̀jjawārūmmāddhawojamanishetitākakasihingsunpunrākryanswarānta kalawansirarākryandhatraputratinūtkingtārākryansutadewamadhusudhanamakādi. hastutakitasadhayadir̀ghgayuṣasaswatasiddhenggatindayekitasimsimangsunhamutyahīrabajrāsinghitaknāsi mgahĕnrijöngsangarūmnguningunihanangdayāyadadyamājarengkami. mangkanāpamkasiranaranāthasangcatur̀taṇdhamantrīhanĕmbahadanlumakuhirikāmahāṣaṇdhyahumastutisangcatur̀taṇdhalumakupunapatiḥkr̥ĕta cittamitkĕtingnayosandī. risāmpunsamyahar̥ĕpatsalwiraningnayarahaṣyapingittadhanantaralumakupunpatiḥkr̥ĕtācittahangatĕralumpahingmantrikacatur̀sār̀wyasukāngucapucap

Leaf 10

Image on Archive.org

[᭑᭐ 10B] ᭑᭐ ᬢ᭄ᬓᬵᬳᬾᬂᬦᬶᬂᬭᬵᬚ᭄ᬬᬥᬦᬶ᭟ᬭᬶᬢ᭄ᬮᬲᬶᬭᬮᬸᬫᬫ᭄ᬧᬄᬲᬶᬭᬧᬢᬶᬄᬓᬺᬢᬵᬘᬶᬢ᭄ᬢᬳᬸᬫᬸᬮᬶᬄᬫᬜ᭄ᬚᬶᬗᬾᬂᬓᭀᬣᬵᬦᬵᬕᬦ᭄ᬢᬸᬦ᭄ᬫᬵᬢᬸᬭᬶᬂᬫᬳᬵᬭᬵᬚᬭᬶᬯᬸᬲ᭄ᬫᬗ᭄ᬓᬢ᭄‌ᬢᬂᬕᬡ᭄ᬥᬫᬦ᭄ᬢ᭄ᬭᬷᬓᬘᬢᬸᬃᬦᬭᬾᬦ᭄ᬤ᭄ᬭᬵᬢ᭄ᬬᬦ᭄ᬢᬵᬢᬶᬳᬵᬃᬱᬫᬓᬵᬤᬶᬲᬂᬫᬳᬵᬫᬸᬦᬶ᭟ᬲᬂᬳ᭄ᬬᬂᬲᬹᬃ ᬬ᭄ᬬᬯᬸᬲ᭄ᬳᬸᬫᬯᬵᬦ᭄‌ᬳᬮᬸᬯᬭᬦ᭄ᬢᬗ᭄ᬓᬶᬮᬦ᭄‌ᬰ᭄ᬭᬷᬪᬹᬧᬢᬶᬧᬭᬋᬱᬶᬦᬸᬮ᭄ᬬᬫᬦ᭄ᬢᬸᬓ᭄‌ᬳᬸᬫᬸᬗ᭄ᬲᬶᬯᬾᬰ᭄ᬫᬲᭀᬯᬂᬰ᭄ᬭᬷᬦᬭᬾᬦ᭄ᬳ᭄ᬭᬢᬸᬫᬫᬾᬂᬤᬍᬫ᭄ᬓᬥᬢᬸᬦ᭄‌ᬢᬦ᭄ᬮᬸᬧ᭄ᬢᬲᬶᬭᬳᬗᬚᬧ᭄‌ᬲᬂᬧᬸᬢ᭄ᬭᬶᬓᬦ᭄ᬬᬵᬬᬸᬯᬢᬶ᭟ᬕᬸᬫᬦ᭄ᬢᬸᬂᬢᬸᬂᬢᬸᬗᬶᬂᬢᬶᬗ᭄ᬳᬮ᭄‌ᬕᬢ᭄ᬭᬦᬶᬭᬲᬂ ᬫᬸᬱ᭄ᬝᬶᬓᬦᬶᬂᬳᬢᬶᬳᬗ᭄ᬳᬶᬂᬢᬦ᭄ᬮᬸᬳ᭄ᬬᬢᬸᬫᬸᬢᬸᬃᬚᬕᬤ᭄ᬥᬷᬢᬦᬶᬂᬲᬭᬵᬢ᭄‌ᬢᬸᬘᬧᬲᬂᬧᬭᬵᬤᬶᬫᬦ᭄ᬢ᭄ᬭᬶᬓᬘᬢᬸᬃᬓᬮᬸᬗ᭄ᬳᬵᬮᬸᬗ᭄ᬳᬦᬶᬂᬮᬫ᭄ᬧᬄᬮᬸᬫᬶᬦ᭄ᬢᬂᬕᬢ᭄ᬯᬭᬕᬶᬭᬶ᭟ᬲᬶᬭᬭᬵᬓ᭄ᬭ᭄ᬬᬦ᭄‌ᬲ᭄ᬯᬭᬦ᭄ᬢᬓᬵᬳᬗᬯᬾᬢᬦ᭄ᬮᬫ᭄ᬧᬳᬶᬭᬮᬸᬫᬭᬶᬲ᭄‌ᬧᬸᬦ᭄ᬥᬢ᭄ᬭᬧᬸᬢ᭄ᬭ ᬳᬗᬶᬤᬸᬮ᭄‌ᬲᬶᬭᬭᬵᬓ᭄ᬭ᭄ᬬᬦ᭄ᬲᬸᬢᬤᬾᬯᬵᬳᬸᬫᬸᬗ᭄ᬲᬶᬭᬶᬂᬧᬧᬰ᭄ᬘᬷᬫᬲᬶᬭᬮᬸᬫᬓᬸᬫᬸᬦ᭄ᬭᬵᬓ᭄ᬭ᭄ᬬᬦ᭄ᬫᬥᬸᬲᬸᬥᬵᬦᬳᬗᬮᭀᬃᬲᬶᬭᬮᬸᬫᬭᬶᬲ᭄᭟ᬢᬦ᭄ᬓᬯᬰᬶᬢᬦᬾᬂᬗ᭄ᬳᬯᬦ᭄‌ᬮᬫ᭄ᬧᬳᬶᬭᬲᬂᬘᬢᬹᬃᬢᬡ᭄ᬥᬫᬦ᭄ᬢ᭄ᬭᬷᬧᬶᬭᬂᬦᬵᬕᬭᬧᬶᬦᬲᬸᬓ᭄ [᭑᭑ 11A] ᬲᬮ᭄ᬯᬦᬶᬂᬪᬭᬢᬯᬃᬱᬢᬦ᭄ᬧᬫᬢ᭄ᬭᬕᬢ᭄ᬭᬦᬶᬂᬕᬢ᭄ᬭᬲᬗᬭᬹᬫ᭄‌ᬲᬧ᭄ᬢᬂᬯ᭄ᬯᬾᬕᬢᬶᬦᬶᬂᬮᬫ᭄ᬧᬄᬫᬾᬄᬧ᭄ᬭᬧ᭄ᬢᬢ᭄ᬧᬶᬦᬶᬂᬢᬲᬶᬓ᭄᭟ᬲᬕᬭᬮᭀᬭᬪᬹᬕ᭄ᬕᬫᬫᬮ᭄ᬯᬵᬮᬶᬯᬸᬂᬕᬫ᭄ᬩᬶᬭᬢᬦ᭄ᬧᬢ᭄ᬧᬶᬓᬵᬗ᭄ᬕᭂᬢ᭄‌ᬢ᭄ᬯᬲᬶᬭᬓᬘᬢᬸᬃᬧᬤᬵᬕᬦ᭄‌ᬯ᭄ᬭᬸᬳᬶᬂᬤᬾᬬᬭᬶᬲᬵᬓ᭄ᬱ᭄ᬫᬡᬭᬸᬫ᭄ᬕᭂ ᬯ᭄‌ᬤ᭄ᬬᬦᬵᬦᬾᬂᬢᬦᬸᬤᬤ᭄ᬬᬢᬵᬦᭀᬦ᭄ᬫᬓᬵᬭᬭᬶᬰᬶᬓᬭᬦᬶᬂᬳᬶᬫᬤ᭄ᬭᬶ᭟ᬳᬶᬮᬶᬦ᭄ᬬᬵᬦᬺᬱ᭄ᬳᬗ᭄ᬕᬮᬸᬦ᭄ᬢᬂᬧᬯᬶᬢ᭄ᬭᬳ᭄ᬦᬶᬂᬦᬶᬃᬫ᭄ᬫᬮᬫᬳᭀᬰᬸᬘ᭄ᬘᬶᬳᬦ᭄ᬤᬤᬶᬕᬦ᭄ᬕᬲᬭᬬᬸᬢᬷᬩᬵᬫᬭᬶᬂᬲᬫᬸᬤ᭄ᬭᬦᬸᬮ᭄ᬬᬲᬶᬭᬭᬵᬓ᭄ᬭ᭄ᬬᬦ᭄‌ᬲ᭄ᬯᬭᬦ᭄ᬕᬓᬵᬤ᭄ᬬᬸᬲ᭄‌ᬳᬗᬺᬕᭂᬧ᭄‌ᬬ᭄ᬧ᭄ᬕᬥᬭᬓᬵᬋ ᬧ᭄‌ᬫ᭄ᬢᬸᬳ᭄ᬬᬂᬧᬰᬸᬧᬢᬶ᭟ᬲᬓᬮᬵᬦᬸᬮ᭄ᬬᬵᬰᬭᬷᬭᬵᬗᬦᬸᬫᭀᬥᬭᬣᬫᬬᬲᬸᬰᬓ᭄ᬢᬶᬲᬳᬵᬚᬧᬦ᭄ᬬᬯᬸᬲ᭄ᬧᬸᬧᬸᬢ᭄ᬤᬶᬯ᭄ᬬᬦᬶᬂᬗᬰ᭄ᬯᬲᬶᬓ᭄ᬱ᭄ᬫᬲᬶᬤ᭄ᬥ᭄ᬬᬵᬚ᭄ᬜᬦᬲᬶᬤ᭄ᬥᬵᬲᬓᬳ᭄ᬬᬸᬦ᭄ᬢᬶᬦᬸᬥᬸᬄᬳᬾᬓᬶᬢᬵᬧᬸᬦ᭄‌ᬲ᭄ᬯᬭᬦ᭄ᬢᬓᬵᬲ᭄ᬢᬸᬚᬬᬵᬦᬸᬕ᭄ᬭᬳᬫᬫᬶ᭟ᬧᬸᬦ᭄‌ᬲ᭄ᬯᬭᬦ᭄ᬢ ᬓᬳᬦᭂᬫ᭄ᬩᬄᬫᬲ᭄ᬢᬸᬗ᭄ᬓᬭᬚᬬᬚᬬᭀᬫᬲ᭄ᬢᬸᬢᬶᬘᭂᬢ᭄ᬲᬸᬓ᭄ᬱ᭄ᬫᬲᬗ᭄ᬳ᭄ᬬᬂᬫᬳᬸᬮᬸᬦ᭄‌ᬫᬸᬓ᭄ᬱᬢᬢᬦ᭄ᬧᬵᬗ᭄ᬓᬦ᭄‌ᬢᬸᬘᬱᬱᬸᬦ᭄‌ᬥᬢ᭄ᬭᬧᬸᬢ᭄ᬭᬲᬗᬗᬶᬤᬸᬮ᭄‌ᬲᬂᬳ᭄ᬬᬂᬩ᭄ᬭᬵᬳ᭄ᬫᬳᬗᬶᬡ᭄ᬥᬭᬢ᭄‌ᬦᬸᬕ᭄ᬭᬳᬵᬭᬣᬲᬸᬰᬓ᭄ᬢᬶ᭟ᬫᬗ᭄ᬓᬦᬵᬲᬂᬲᬸᬢᬤᬾᬯᬵᬯᬸᬲ᭄ᬲ

Auto-transliteration

[10 10B] 10 tkāhengningrājyadhani. ritlasiralumampaḥsirapatiḥkr̥ĕtācittahumuliḥmañjingengkothānāgantunmāturingmahārājariwusmangkattanggaṇdhamantrīkacatur̀narendrātyantātihār̀ṣamakādisangmahāmuni. sanghyangsūr̀ yyawushumawānhaluwarantangkilanśrībhūpatiparar̥ĕsyinulyamantuk'humungsiweśmasowangśrīnarenhratumamengdal̥ĕmkadhatuntanluptasirahangajapsangputrikanyāyuwati. gumantungtungtungingtinghalgatranirasang muṣṭikaninghatihanghingtanluhyatumutur̀jagaddhītaningsarāttucapasangparādimantrikacatur̀kalunghālunghaninglampaḥlumintanggatwaragiri. sirarākryanswarantakāhangawetanlampahiralumarispundhatraputra hangidulsirarākryansutadewāhumungsiringpapaścīmasiralumakumunrākryanmadhusudhānahangalor̀siralumaris. tankawaśitanengnghawanlampahirasangcatūr̀taṇdhamantrīpirangnāgarapinasuk [11 11A] salwaningbharatawar̀ṣatanpamatragatraninggatrasangarūmsaptangwwegatininglampaḥmeḥpraptatpiningtasik. sagaralorabhūggamamalwāliwunggambiratanpatpikānggĕttwasirakacatur̀padāganwruhingdeyarisākṣmaṇarumgĕ wdyanānengtanudadyatānonmakārariśikaraninghimadri. hilinyānr̥ĕṣhanggaluntangpawitrahningnir̀mmalamahośuccihandadigan'gasarayutībāmaringsamudranulyasirarākryanswaran'gakādyushangr̥ĕgĕpypgadharakār̥ĕ pmtuhyangpaśupati. sakalānulyāśarīrānganumodharathamayasuśaktisahājapanyawuspuputdiwyaningngaśwasikṣmasiddhyājñanasiddhāsakahyuntinudhuḥhekitāpunswarantakāstujayānugrahamami. punswaranta kahanĕmbaḥmastungkarajayajayomastuticĕtsukṣmasanghyangmahulunmukṣatatanpāngkantucaṣasyundhatraputrasangangidulsanghyangbrāhmahangiṇdharatnugrahārathasuśakti. mangkanāsangsutadewāwussa

Leaf 11

Image on Archive.org

[᭑᭑ 11B] ᭑᭑ ᬗᬸᬮ᭄ᬯᬦ᭄ᬮᬓᬸᬦᬶᬭᬮᬸᬫᬭᬶᬲ᭄‌ᬳ᭄ᬬᬂᬧᬶᬢᬫᬳᬵᬢᬸᬫᬸᬭᬸᬦ᭄‌ᬳᬲᬸᬂᬭᬣᬯᬶᬰᬾᬱᬫᬗ᭄ᬓᬦᬵᬢᬄᬲᬗᬗᬮᭀᬃᬲᬶᬭᬵᬮᬓᬸᬧᬸᬦ᭄ᬭᬵᬓ᭄ᬭ᭄ᬬᬦ᭄ᬫᬥᬸᬲᬸᬥᬦᬲᬓᬵᬮᬥᬢᬂᬳ᭄ᬬᬂᬇᬭᬶ᭟ᬦᬸᬕ᭄ᬭᬳᬳᬰ᭄ᬯᬲ᭄ᬬᬦ᭄ᬤᬦᬵᬦᬶᬦ᭄ᬤ᭄ᬬᬲᬵᬓ᭄ᬱᬢ᭄‌ᬲᬸᬓᬦ᭄ᬢᬰᬾᬦ᭄ᬬᬰᬓ᭄ᬢᬶᬯᬮᬳᬵᬧ᭄ᬭᬧᬸᬱ᭄ᬧ ᬢᬶᬦᬹᬢ᭄‌ᬳᬸᬯᬸᬲ᭄ᬤᬶᬕ᭄ᬢᬬᬾᬂᬭᬡᬤᬢᬵᬕᬶᬭᬂᬢ᭄ᬯᬲᬶᬭᬫᬦ᭄ᬢ᭄ᬭᬷᬓᬘᬢᬸᬃᬧᬥᬳᬸᬫᬩᬹᬃᬭᬶᬂᬪ᭄ᬬᭀᬫᬲᬶᬤ᭄ᬥᬳᬸᬫᭂᬦ᭄ᬢᬲᬶᬂᬢᬲᬶᬓ᭄᭟ᬮᬶᬮᬵᬗᬩᭂᬢᬓᭂᬦᬲ᭄ᬯᬘᭂᬢ᭄ᬢᬸᬫ᭄ᬲᬢ᭄‌ᬮᬸᬫᬸᬫ᭄ᬧᬢ᭄ᬓᬤᬶᬢᬱᬶᬓ᭄‌ᬲᬓ᭄ᬤᬧ᭄‌ᬯᬸᬲ᭄ᬦᬫᬸᬦᬫᬸᬫᬥ᭄ᬬᬦᬶᬂᬦᬪᬵ ᬱ᭄ᬝᬮᬫᬵᬬᬫᬵᬬᬳᬸᬫᬷᬦ᭄ᬤᬸᬳᬸᬃᬗᬯᬗᬸᬯᬸᬂᬮᬮᬶᬢᬳᬭᬤᬵᬭᬣᬦ᭄‌ᬢᬦ᭄ᬓᬥᬹᬃᬫ᭄ᬫᬗ᭄ᬕᬮᬾᬂᬳᬢᬶ᭚᭐᭚ᬥᬹᬃ᭚᭐᭚ᬤᬤ᭄ᬬᬳᬦᬓᬮᬵᬡ᭄ᬝᬓᬳᬗᬶᬡ᭄ᬥᬭᬵᬢ᭄‌ᬯᬮᬸᬬᬵᬫᬺᬢ᭄ᬬᬸᬫᬹᬃᬢ᭄ᬢᬶᬓ᭄ᬭᬸᬭᭀᬕ᭄ᬭᬓᬢᬭᬪᬾᬭᬘᬵᬦᬭ ᬫᬗ᭄ᬲᬵᬳᬲ᭄ᬬᬸᬂᬮ᭄ᬯᬶᬃᬩᬚ᭄ᬭᬵᬮᬸᬗᬶᬤ᭄‌ᬳᬪ᭄ᬭᬵᬩ᭄ᬭᬂᬩ᭄ᬭᬗᬦ᭄‌ᬭᭀᬫᬦ᭄ᬬᬫᬸᬭᬸᬩᭂᬦ᭄ᬤᬶᬄ᭟ᬫᬸᬮ᭄ᬬᬃᬫᬸᬦ᭄ᬢᬩ᭄‌ᬢᬂᬦᬾᬦᬢ᭄ᬭᬮ᭄ᬯᬷᬃᬲᬹᬃᬬ᭄ᬬᬓᭂᬫ᭄ᬩᬃᬫᬮ᭄ᬦᬵᬧ᭄ᬡ᭄ᬦᬸᬂᬳᬸᬫᬶᬗᬶᬲ᭄‌ᬢᬸᬢᬸᬓ᭄ᬦ᭄ᬬᬳᬸᬫᬗᬂᬫᬓ᭄ᬭᬓᬫᬳᬫᬄᬲ᭄ᬯᬭᬦ᭄ᬬᬵᬗᬶᬩ᭄ᬓᬶᬮᬗᬶ [᭑᭒ 12A] ᬢ᭄‌ᬓᬤ᭄ᬬᬵᬫᬸᬩᬸᬭᬂᬦᬪᬱ᭄ᬝᬮᬧ᭄ᬭᬣᬶᬯᬶ᭟ᬧ᭄ᬢᭂᬂᬧᭂᬧᭂᬢ᭄ᬧᬦ᭄ᬢᬭᬦᬶᬂᬦ᭄ᬬᭀᬫᬦ᭄ᬢᬭᬕᬸᬫᭂᬦ᭄ᬢᭂᬃᬢᬂᬯᬦᬵᬤ᭄ᬭᬶᬲᭂᬫ᭄ᬧᬮ᭄ᬓᬧᬭᬧᬮ᭄‌ᬖᭂᬕᬸᬦ᭄ᬢᬸᬃᬩᭂᬦ᭄ᬢᬃᬩᬸᬩᬃᬓᬬᬸᬦ᭄ᬬᬢᬶᬩᬾᬂᬚᬮᬥᬶᬓᬤ᭄ᬬᬵᬧᬸᬢᭂᬭᬦ᭄‌ᬲᬫᬸᬤ᭄ᬭᬮᬦ᭄ᬧ᭄ᬭᬣᬶᬯᬶ᭟ᬰᬶᬖ᭄ᬭᬫᬓ᭄ᬭᬓ᭄ᬢᬂᬓᬮᬵᬡ᭄ᬝᬓᬢᬸᬫᬦ᭄ᬤᬂᬲᬳᬲᬵ ᬦᬸᬤᬶᬗᬶᬳᬾᬓᭀᬂᬦᬭᬵᬥᬫᬮᬮᬸᬢᬦ᭄‌ᬯ᭄ᬭᬸᬳᬶᬂᬪᬬᬘᭂᬗ᭄ᬕᬳᬸᬫᭂᬦ᭄ᬢᬲᬾᬂᬢᬲᬶᬓ᭄‌ᬫᬳᬵᬪᬷᬱᬡᬕᬫ᭄ᬩᬶᬭᬢᬦ᭄ᬧᬢ᭄ᬧᬶ᭟ᬧᬳᬍᬯᬵᬓᭀᬂᬫᬹᬥᬫᬦᬸᬱ᭄ᬬᬳᬷᬦᬵᬫᬗ᭄ᬓᬾᬲᬫᬬᬧᬢᬶᬫᬸᬤᬾᬦ᭄‌ᬬᬢ᭄ᬦᬬᬢ᭄ᬦᬗᭀᬂᬳᬶᬓ᭄ᬬᬓᬮᬭᭀᬤ᭄ᬭᬳᬧ᭄ᬢ᭄ᬬᬳᬜ᭄ᬚᬫ᭄ᬩᬓ ᬫ᭄ᬩᬦ᭄ᬢᬶᬂᬳᬗ᭄ᬭᬶᬫᬄᬫᬗ᭄ᬰᬵᬳᬗ᭄ᬮᬗ᭄ᬕᬂᬭᬸᬥᬷᬭᬵᬦᬸᬮᬶ᭟ᬲᬶᬦᬯᬸᬭᬦ᭄ᬤᬾᬦᬶᬭᬓ᭄ᬭ᭄ᬬᬦ᭄‌ᬲ᭄ᬯᬭᬦ᭄ᬢᬓᬥᬶᬓ᭄ᬢᬄᬓᭀᬂᬓᬮᬚᬸᬢᬶᬮᬄᬮᬕ᭄ᬬᬢᬸᬫᬦ᭄ᬤᬂᬯ᭄ᬢᭀᬓᭂᬦ᭄ᬓᬭᭀᬤ᭄ᬭᬦ᭄ᬢᬲᬫ᭄ᬩᬸᬢᬗᬬᬸᬤᬵᬕ᭄ᬮᬷᬲ᭄‌ᬲᬳᬯᬤ᭄ᬯᬦ᭄ᬢᬢᭀᬕᭂᬦ᭄ᬓᭀᬦᬗᭂᬫ᭄ᬩᬸᬮᬶ᭟ᬧᬦᬶᬂᬫᬗ᭄ᬓᬾᬲᬫ ᬬᬦᬶᬂᬓᬮᬰᬶᬃᬡ᭄ᬦᬓᬦ᭄ᬬᬸᬡ᭄ᬦᬗ᭄ᬓᬦᬶᬂᬪᬹᬫᬶᬳᬶᬓ᭄ᬬᬮᬶᬳᬢᬦᬵᬩᬚ᭄ᬭᬦᬮᬗ᭄ᬓᬸᬧᬭᬦ᭄‌ᬓᭀᬓᬮᬧᭀᬮ᭄ᬬᬳᬗ᭄ᬕᬭᬷᬢ᭄‌ᬳᬶᬄᬳᬚᬓᬥᬢ᭄‌ᬢᬸᬫᬦ᭄ᬤᬂᬢᬗ᭄ᬓᭀᬳᬕ᭄ᬮᬶᬲ᭄᭟ᬫᬗ᭄ᬓᬵᬲᬯᬸᬭᬶᬭᬓ᭄ᬭ᭄ᬬᬦ᭄‌ᬲ᭄ᬯᬭᬵᬦ᭄ᬢᬓᬢᬂᬓᬮᬭᭀᬤ᭄ᬭᬫᬗ᭄ᬭᬶ

Auto-transliteration

[11 11B] 11 ngulwanlakuniralumarishyangpitamahātumurunhasungrathawiśeṣamangkanātaḥsangangalor̀sirālakupunrākryanmadhusudhanasakāladhatanghyangiri. nugrahahaśwasyandanānindyasākṣatsukantaśenyaśaktiwalahāprapuṣpa tinūt'huwusdigtayengraṇadatāgirangtwasiramantrīkacatur̀padhahumabūr̀ringbhyomasiddhahumĕntasingtasik. lilāngabĕtakĕnaswacĕttumsatlumumpatkaditasyiksakdapwusnamunamumadhyaningnabhā ṣṭalamāyamāyahumīnduhur̀ngawanguwunglalitaharadārathantankadhūr̀mmanggalenghati // 0 // dhūr̀ // 0 // dadyahanakalāṇṭakahangiṇdharātwaluyāmr̥ĕtyumūr̀ttikrurograkatarabheracānara mangsāhasyunglwir̀bajrālungid'habhrābrangbranganromanyamurubĕndiḥ. mulyar̀muntabtangnenatralwīr̀sūr̀yyakĕmbar̀malnāpṇnunghumingistutuknyahumangangmakrakamahamaḥswaranyāngibkilangi [12 12A] tkadyāmuburangnabhaṣṭalaprathiwi. ptĕngpĕpĕtpantaraningnyomantaragumĕntĕr̀tangwanādrisĕmpalkaparapalghĕguntur̀bĕntar̀bubar̀kayunyatibengjaladhikadyāputĕransamudralanprathiwi. śighramakraktangkalāṇṭakatumandangsahasā nudingihekongnarādhamalalutanwruhingbhayacĕnggahumĕntasengtasikmahābhīṣaṇagambiratanpatpi. pahal̥ĕwākongmūdhamanuṣyahīnāmangkesamayapatimudenyatnayatnangonghikyakalarodrahaptyahañjambaka mbantinghangrimaḥmangśāhanglanggangrudhīrānuli. sinawurandenirakryanswarantakadhiktaḥkongkalajutilaḥlagyatumandangwtokĕnkarodrantasambutangayudāglīssahawadwantatogĕnkonangĕmbuli. paningmangkesama yaningkalaśir̀ṇnakanyuṇnangkaningbhūmihikyalihatanābajranalangkuparankokalapolyahanggarīt'hiḥhajakadhattumandangtangkohaglis. mangkāsawurirakryanswarāntakatangkalarodramangri

Leaf 12

Image on Archive.org

[᭑᭒ 12B] ᭑᭒ ᬓ᭄‌ᬫᬗᬺᬗᬾᬓᬧᬵᬤᬰᬶᬖ᭄ᬭᬢᬦ᭄ᬤᬂᬧᬸᬫᬸᬫ᭄ᬧᬢ᭄‌ᬚᬸᬫ᭄ᬭᭀᬚᭀᬕ᭄ᬧᬓ᭄ᬱᬳᬫ᭄ᬩᬦ᭄ᬢᬶᬂᬯᬳᬸᬳᬦ᭄ᬤᭂᬫᬓ᭄‌ᬧᬶᬦ᭄ᬭᬂᬢᬶᬩᬵᬓᬕᬸᬮᬶᬂ᭟ᬋᬧ᭄‌ᬲᬵᬓ᭄ᬱᬡᬳᬯᬸᬗᬸᬢᬂᬓᬮᬫᬸᬯᬄᬲᬸᬫᬫ᭄ᬩᬸᬢᬬᬸᬤᬵᬕ᭄ᬮᬶᬲ᭄‌ᬳᬫᬸᬢᭂᬃᬩᬥᬫᬳᬢᬦ᭄ᬤᬂᬳᬓᬜ᭄ᬘᬭᬦ᭄‌ᬳᬫ᭄ᬭᬂᬧᬶᬦ᭄ᬭᬂᬲᬶ ᬮᬶᬳᬸᬲᬶᬓᬜ᭄ᬘᬶᬢ᭄ᬓᬘᬶᬤ᭄ᬭᬢᬂᬓᬵᬮᬲᬶᬦᬸᬮᬶᬕᬶ᭟ᬫᬸᬜ᭄ᬚᬃᬫᬸᬫ᭄ᬩᬸᬮ᭄‌ᬭᬸᬥᬶᬭᬦᬶᬭᬗᬮᬸᬗ᭄ᬕᬂᬢᬦᭂᬫ᭄ᬦᬷᬓᬂᬲᬸᬮᬶᬕᬶᬮᬶᬦᬸᬤ᭄ᬲᬶᬦᬸᬲᬸᬦᬦ᭄‌ᬤᬾᬦᬶᬂᬰᬭᬵᬰᬬᬓᬵᬯᬗ᭄ᬓᬾᬦ᭄ᬬᬕ᭄ᬲᭃᬂᬤᬶᬦ᭄ᬤᬕᬶᬓᬂᬓᬮᬭᭀᬤ᭄ᬭᬫᬸᬯᬄᬯᬮᬸᬬᬚᬢᬶ᭟ᬫᬦᬪᬾᬭᬯᬫᬸᬯᬄᬳ ᬗᬶᬩ᭄ᬓᬶᬂᬚᬕᬢ᭄‌ᬫᭀᬡ᭄ᬥᬲ᭄ᬬᬫᭀᬖ᭄ᬭᬲᬷᬤ᭄ᬥᬷᬢ᭄ᬓᬵᬗᬸᬫᬦᬸᬫᬦ᭄‌ᬳᬾᬓᭀᬂᬚᬦᬵᬢᬶᬢᬸᬘ᭄ᬘᬵᬬᬢ᭄ᬦᬬᬢ᭄ᬦᬳᬬᭀᬕᬶᬗ᭄ᬲᬶᬃᬬᬾᬓᬶᬧᬗᬮᬧ᭄‌ᬚᬶᬯ᭄ᬯᬫᬸᬳᬬ᭄ᬯᬵᬯ᭄ᬤᬶ᭟ᬰᬶᬖ᭄ᬭᬮ᭄ᬧᬲ᭄‌ᬲ᭄ᬬᬫᭀᬖᬦᬶᬂᬓᬧᬭᭀᬤ᭄ᬭᬗᬭᬩᬭᬩᬶᬂᬮᬗᬶᬢ᭄‌ᬭᬵ ᬓ᭄ᬭ᭄ᬬᬦ᭄‌ᬲ᭄ᬯᬭᬡ᭄ᬝᬓᬵᬮᬶᬮᬵᬥᬶᬭᬦᬶᬃᬪᬬᬵᬫᬦᬳᬓᭂᬦ᭄‌ᬩᬚ᭄ᬭᬲᬶᬤ᭄ᬥᬶᬳ᭄ᬮᬲ᭄ᬫᬶᬦᬦ᭄ᬢ᭄ᬭᬦ᭄‌ᬱᬸᬓ᭄ᬱ᭄ᬫᬦᬶᬂᬧᬰᬸᬧᬢᬶ᭟ᬧ᭄ᬕᬢ᭄ᬭᬫ᭄ᬧᬸᬂᬓᬂᬲ᭄ᬬᬫᭀᬖᬢᬦ᭄ᬧᬰᬭᬵᬓᬢᬸᬮᬸᬬᬗᭂᬦᬦᬶᬳᬺᬤ᭄ᬥᬬᬦᬶᬂᬓᬮᬢᬸᬫᬸᬲ᭄‌ᬢ᭄ᬓᬾᬂᬯᬮᬓᬂᬦᬸᬮ᭄ᬬᬲᬶ [᭑᭓ 13A] ᬭᬫᬮ᭄ᬬᬳᬸᬭᬶᬧ᭄‌ᬰᬶᬖ᭄ᬭᬚᬶᬦᬫ᭄ᬩᬓ᭄‌ᬲᬸᬓᬸᬫ᭄ᬯᬂᬢᬗᬦ᭄ᬓᬮᬶᬄ᭟ᬯᬯᬸᬫᬬᬢᬶᬦᬶᬩᬵᬦᬶᬂᬘᬦ᭄ᬤ᭄ᬭᬳᬲᬢᭂᬗ᭄ᬕᭂᬓᬶᬂᬓᬮᬤᬤᬶᬲᬸᬓ᭄ᬱ᭄ᬫᬢᬦ᭄ᬧᬫ᭄ᬗᬦ᭄‌ᬢᬶᬩᬵᬢᬂᬧᬸᬱ᭄ᬧᬯᬃᬣᬲᬳᬵᬯᬾᬤᬵᬫᬦ᭄ᬢ᭄ᬭᬵᬲ᭄ᬢᬸᬢᬶᬲᬂᬗ᭄ᬳ᭄ᬬᬂᬗᬶᬰ᭄ᬯᬭᬢᬸᬫᬸᬭᬸᬦᬫᬭᬳᬶ᭟ᬳᬾᬳᬦᬢᬸᬧᬸᬦ᭄ᬭᬵᬓ᭄ᬭ᭄ᬬᬦ᭄ᬳᬶᬰ᭄ᬯᬭᬵᬦ᭄ᬢᬓ ᬳᬦ᭄ᬢ᭄ᬬᬦ᭄ᬢᬲᬸᬓᬫᬫᬶᬤᬾᬦ᭄ᬢᬲᬢ᭄ᬬᬾᬂᬘᬶᬢ᭄ᬢᬖᬺᬪᬓ᭄ᬢᬶᬭᬶᬂᬢᬸᬳᬦ᭄‌ᬳᬶᬂᬫᬗ᭄ᬓ᭄ᬬᬢᬭᬶᬫᬢᬾᬓᬶᬨᬮᬦᬶᬂᬲᬢ᭄ᬬᬵᬦᬶᬯᬶᬲᬂᬥᬃᬫ᭄ᬫᬚᬵᬢᬶ᭟ᬰᬶᬖ᭄ᬭᬦᭂᬫ᭄ᬩᬄᬧᬸᬦ᭄ᬧᬢᬶᬄᬇᬰ᭄ᬯᬭᬦ᭄ᬢᬓᬵᬢᬸᬫᬭᬶᬫᬓᬂᬗ᭄ᬳᬚᬶᬚᬧᬲᬸᬓ᭄ᬱ᭄ᬫᬫᬵᬬᬢ᭄ᬦᬂᬳᬦᬮᬶᬦ᭄‌ᬭᬹᬧᬲᬓᬵᬋᬧ᭄‌ᬤ ᬦ᭄ᬬᬬᬲᬶᬤ᭄ᬥᬶᬲᬓᬵᬫᬓᬵᬫᬳᬭᬸᬧᬕᬦᬮᬮᬶᬢ᭄᭟ᬫᬗ᭄ᬓᬦᬵᬢᬄᬲᬶᬭᬭᬵᬓ᭄ᬭ᭄ᬬᬦ᭄‌ᬥᬢ᭄ᬭᬧᬸᬢ᭄ᬭᬪᬝᬵᬭᬧ᭄ᬭᬚᬧᬢᬶᬳᬲᬮᬶᬦ᭄‌ᬰᬭᬶᬂᬭᬳᬢ᭄ᬫᬄᬭᭀᬤ᭄ᬭᬭᬹᬧᬦᬸᬦ᭄ᬧ᭄ᬬᬳᬲᬸᬂᬚ᭄ᬜᬵᬦᬰᬓ᭄ᬢᬶᬲᬂᬲᬸᬢᬤᬾᬯᬧᬷᬢᬫᬳᬵᬫᬺᬢ᭄ᬬᬓ᭄ᬱᬶ᭟ᬭᬵᬓ᭄ᬭ᭄ᬬᬦ᭄ᬫᬥᬸᬲᬸᬥᬦ ᬫᬤ᭄ᬯᬦ᭄ᬤ᭄ᬯᬵᬮᬵᬪᬝᬵᬭᬯᬶᬱ᭄ᬡᬸᬫᬹᬃᬢ᭄ᬢᬶᬳᬦᬮᬶᬦ᭄‌ᬰᬭᬷᬭᬤᬤᬶᬓᬕᬾᬦ᭄ᬤ᭄ᬭ᭄ᬭᬭᬵᬚᬫᬫᬶᬖ᭄ᬡᬲᬶᬭᬾᬂᬫᬃᬕ᭄ᬕᬦᬸᬮ᭄ᬬᬳᬫᬭᬄᬭᬶᬂᬤᬶᬯ᭄ᬬᬵᬚ᭄ᬜᬵᬦᬲᬶᬤ᭄ᬥᬶ᭟ᬓᬮᬶᬗᬦ᭄ᬬᬲᬶᬭᬲᬂᬲᬸᬥᬶᬭᬾᬂᬭᬡᬦ᭄ᬤᬢᬦ᭄ᬕᬶᬗ᭄ᬲᬶᬭᬶᬂᬧᬢᬶᬮᬸᬫᬓ᭄ᬯᬗᬚ᭄ᬜᬵᬦᬦᬶᬭᬲᬂᬫᬳᬵᬃᬤ᭄ᬥᬶᬓᬵᬦᬶ

Auto-transliteration

[12 12B] 12 kmangr̥ĕngekapādaśighratandangpumumpatjumrojogpakṣahambantingwahuhandĕmakpinrangtibākaguling. r̥ĕpsākṣaṇahawungutangkalamuwaḥsumambutayudāglishamutĕr̀badhamahatandanghakañcaranhamrangpinrangsi lihusikañcitkacidratangkālasinuligi. muñjar̀mumbulrudhiranirangalunggangtanĕmnīkangsuligilinudsinusunandeningśarāśayakāwangkenyagsöngdindagikangkalarodramuwaḥwaluyajati. manabherawamuwaḥha ngibkingjagatmoṇdhasyamoghrasīddhītkāngumanumanhekongjanātituccāyatnayatnahayogingsir̀yekipangalapjiwwamuhaywāwdi. śighralpassyamoghaningkaparodrangarabarabinglangitrā kryanswaraṇṭakālilādhiranir̀bhayāmanahakĕnbajrasiddhihlasminantransyukṣmaningpaśupati. pgatrampungkangsyamoghatanpaśarākatuluyangĕnanihr̥ĕddhayaningkalatumustkengwalakangnulyasi [13 13A] ramalyahuripśighrajinambaksukumwangtangankaliḥ. wawumayatinibāningcandrahasatĕnggĕkingkaladadisukṣmatanpamngantibātangpuṣpawar̀thasahāwedāmantrāstutisangnghyangngiśwaratumurunamarahi. hehanatupunrākryanhiśwarāntaka hantyantasukamamidentasatyengcittaghr̥ĕbhaktiringtuhanhingmangkyatarimatekiphalaningsatyāniwisangdhar̀mmajāti. śighranĕmbaḥpunpatiḥiśwarantakātumarimakangnghajijapasukṣmamāyatnanghanalinrūpasakār̥ĕpda nyayasiddhisakāmakāmaharupaganalalit. mangkanātaḥsirarākryandhatraputrabhaṭāraprajapatihasalinśaringrahatmaḥrodrarūpanunpyahasungjñānaśaktisangsutadewapītamahāmr̥ĕtyaksyi. rākryanmadhusudhana madwandwālābhaṭārawiṣṇumūr̀ttihanalinśarīradadikagendrrarājamamighṇasirengmar̀gganulyahamaraḥringdiwyājñānasiddhi. kalinganyasirasangsudhirengraṇandatan'gingsiringpatilumakwangajñānanirasangmahār̀ddhikāni

Leaf 13

Image on Archive.org

[᭑᭓ 13B] ᭑᭓ ᬰ᭄ᬘᬬᬵᬤᬶᬫᬦᭀᬭᬢᬶᬬᭀᬕᬯᬶᬰᬾᬱᬫᬓᬵᬮᬶᬮᬦᬶᬂᬩᬸᬤ᭄ᬥᬶ᭟ᬭᬶᬯᬸᬲ᭄ᬲᬶᬭᬮᬩ᭄ᬥᬓᬵᬃᬬ᭄ᬬᬾᬂᬗᬦᬸᬕ᭄ᬭᬳᬕᬭᬯᬮᬦ᭄ᬮᬸᬫᬭᬶᬲ᭄‌ᬮᬶᬮᬵᬢᬸᬫᬭᬶᬫᬢᬂᬳᬚᬶᬲᬸᬓ᭄ᬱ᭄ᬫᬫᬬᬵᬰᬶᬖ᭄ᬭᬳᬸᬫᭂᬦ᭄ᬢᬲᬶᬂᬢᬲᬶᬓ᭄‌ᬲᬓ᭄ᬱᬡᬧ᭄ᬭᬧ᭄ᬢᬭᬶᬓ᭄ᬢᭂᬩᬶᬂᬚᬮᬥᬶ᭟ᬢᬦ᭄ᬯᬃᬡ᭄ᬦᬦᭂᬦ᭄ᬕᬢᬶᬦᬶᬭᬂ ᬘᬢᬹᬃᬢᬡ᭄ᬥᬢᬸᬘᬧᬰ᭄ᬭᬷᬦᬺᬧᬢᬶᬗ᭄ᬓᬵᬦᬾᬂᬥ᭄ᬬᬦ᭄ᬢᬧᬸᬭᬭᬢᬸᬯᬺᬤ᭄ᬥᬥᬃᬫ᭄ᬫᬯᬦ᭄‌ᬲᬸᬬᬰᬫᭀᬮᬶᬳᬶᬂᬓᬶᬃᬢ᭄‌ᬢ᭄ᬢᬶᬭᬵᬚᬵᬤᬶᬭᬵᬚᬫᬳᭀᬧᬾᬓ᭄ᬱᬫ᭄ᬯᬂᬫᭂᬢ᭄ᬭᬶ᭟ᬓᬸᬦᬂᬲᬷᬭᬲᬂᬫᬓᭀᬢᬸᬗ᭄ᬕᬗ᭄ᬕᬭᬓ᭄ᬱᬫᬤᭂᬕ᭄ᬳᬫᭂᬗ᭄ᬓᬸᬪᬶᬫᬶᬧ᭄ᬭᬰᬵᬱ᭄ᬝᬾᬂᬪᬸᬯᬦᬧᬢᬶᬄᬓᬸᬡ᭄ᬥᬭᬳᬱ᭄ᬬ ᬧᬦ᭄ᬮᬄᬦᬷᬭᬧᬷᬦᬹᬚᬶᬥᬃᬫ᭄ᬫᬲᬸᬰᬷᬮᬵᬯᬶᬤᬕ᭄ᬥᬵᬳᬗ᭄ᬮᬸᬲ᭄‌ᬪᬹᬫᬶ᭟ᬓ᭄ᬬᬢᬶᬂᬲᬭᬵᬢ᭄‌ᬲᬂᬤ᭄ᬯᬶᬚᬧᬶᬦᬓᬵᬮᬷᬗ᭄ᬕᬫᬓᬵᬕ᭄ᬭᬘᬸᬥᬫᬡᬷᬧᬦ᭄ᬮᬳᬶᬭᬾᬂᬭᬵᬢ᭄‌ᬫ᭄ᬧᬸᬮᬷᬮᬵᬧᬭᬫᬵᬃᬣᬧ᭄ᬭᬚ᭄ᬜᬯᬶᬘᬓ᭄ᬱᬡᬾᬂᬗ᭄ᬳᬚᬶᬯᬾᬤ᭄ᬥᬵᬧᬭᬕᬧᬭᬵᬃᬣᬲᬵᬥᬹᬩᬸᬤ᭄ᬥᬷ᭟ᬚᬶᬢᬾᬦ᭄ᬤ᭄ᬭᬶ ᬬᬕᬸᬡᬯᬦ᭄ᬓᬳᬱ᭄ᬝᬾᬰ᭄ᬯᬃᬬ᭄ᬬᬦ᭄‌ᬫᬓᬵᬧᬸᬗ᭄ᬕᬦᬶᬂᬋᬱᬶᬩᬳᬸᬱᬶᬧ᭄ᬬᬾᬂᬲᬭᬵᬢ᭄‌ᬮ᭄ᬯᬶᬃᬪᬕᬯᬦ᭄ᬳᬗ᭄ᬕᬶᬭᬭᬶᬓᬫᬵᬢ᭄ᬫ᭄ᬬᬵᬚ᭄ᬜᬦᬲᬶᬤ᭄ᬥᬶᬬᬦᬶᬂᬓᬧ᭄ᬭᬚ᭄ᬜᬦ᭄‌ᬮ᭄ᬯᬶᬃᬥᬗ᭄ᬳ᭄ᬬᬂᬯᬭᬭᬸᬣᬶ᭟ᬧ᭄ᬭᬧ᭄ᬢᬂᬓᬵᬮᬓᬳᬥᬂᬰ᭄ᬭᬶᬦᬭᬦᬵᬣᬳᬫᬮᬶᬧᬹᬚᬾᬂᬧᬸᬢ᭄ᬭᬶᬯᬸᬲᬂᬭᬵᬚ [᭑᭔ 14A] ᬰ᭄ᬯᬮᬧᬶᬦᬓᬵᬢ᭄ᬫᬚᬦᬶᬭᬳᬸᬢ᭄ᬢᬫᬦᬶᬂᬭᬵᬚᬧᬸᬢ᭄ᬭᬷᬲᬗᬧᬸᬱ᭄ᬧᬢᬤ᭄ᬬᬄᬧᬸᬱ᭄ᬧᬲᬸᬓ᭄ᬱ᭄ᬫᬲᬵᬭᬷ᭟ᬤᬯᬸᬄᬓᬵᬮᬶᬄᬫᬸᬦ᭄ᬬᬲ᭄ᬭᬂᬢᬂᬕᬭᬦ᭄ᬢᬸᬗᬦ᭄‌ᬕᭀᬂᬕᬸᬩᬃᬕᭂᬡ᭄ᬥᬶᬂᬘᬸᬭᬶᬂᬫ᭄ᬯᬂᬪᬾᬭᬶᬫᬺᬥᬗ᭄ᬕᬵᬢᬶᬦᬩᭂᬳᬲᬯᬶᬭᬦ᭄‌ᬲ᭄ᬯᬭᬦ᭄ᬬᬵᬗᭂᬩ᭄ᬓᬶᬮᬗᬶᬢ᭄‌ᬦ᭄ᬤᬢᬦ᭄ᬧᬦ᭄ᬢᬭᬫᬦᭀᬳᬭᬵᬢᬶᬥ᭄ᬯᬦᬶ᭟ ᬫᬷᬚᬵᬳᬷᬮ᭄ᬲᬶᬭᬰ᭄ᬭᬷᬫᬳᬵᬭᬵᬚᬵᬤᬶᬭᬵᬚᬦᬭᬾᬦ᭄ᬤ᭄ᬭᬚᬮᬲᬶᬤ᭄ᬥᬶᬲᬗ᭄ᬓᬭᬶᬯᬢᬗᬦ᭄‌ᬳᬮᬶᬗ᭄ᬕ᭄ᬬᬾᬂᬥᬫ᭄ᬧᬫᬵᬲ᭄‌ᬳᬧᬬᬸᬂᬓᭂᬫ᭄ᬩᬃᬚᭀᬂᬓᬸᬦᬶᬂᬓᬤᬶᬯᬗ᭄ᬓᬯᬢᬶᬤᬮᬸᬕ᭄ᬥᬕᬗᬧᬶᬢ᭄᭟ᬳᬪᬺᬱᬶᬦᬂᬲᬳᬦᬲᬂᬫᬸᬦᬶᬯᬭᬫᬋᬧᭂᬓᬶᬳᬸᬫᬶᬭᬶᬂᬮᬓᬸᬰ᭄ᬭᬷᬦᬭᬾᬦ᭄ᬤ᭄ᬭᬳᬦᬸᬗ᭄ᬕᬂᬕᬚᬭᬣ ᬓᬢ᭄ᬓᬾᬂᬲᬂᬧᬭᬫᬦ᭄ᬢ᭄ᬭᬷᬳᬢᬶᬢᬶᬧᬢᬧ᭄‌ᬳᬸᬫᬶᬭᬶᬂᬰ᭄ᬭᬶᬪᬹᬧᬢᬶ᭟ᬤᬶᬫᬗ᭄ᬕᬮᬵᬧᬸᬦᭀᬯᬢᬶᬄᬓᬸᬡ᭄ᬥᬭᬳᬱ᭄ᬬᬭᬶᬯᬸᬭᬶᬰ᭄ᬭᬶᬪᬹᬧᬢᬶᬳᬮᬸᬗ᭄ᬯᬾᬂᬲ᭄ᬬᬦ᭄ᬤᬦᬵᬧᬬᬸᬂᬕᬭᬸᬥᬭᭀᬫᬧᬶᬦᬸᬧᬸᬮᬦᬶᬂᬧ᭄ᬭᬚᬸᬭᬶᬢ᭄‌ᬳᬪ᭄ᬭᬳᬲᬶᬦᬂᬋᬗ᭄ᬕᬦᬶᬂᬳᬤᬶᬫᬦ᭄ᬢ᭄ᬭᬷ᭚᭐ᬫᬵᬲᬹ᭚ ᬫᬓᬧᬗᬜ᭄ᬚᬸᬭᬶᬂᬮᬫ᭄ᬧᬄᬲᬶᬭᬲᬂᬧᬶᬦᬶᬢ᭄ᬯᬾᬂᬓᬶᬗ᭄ᬕᬶᬄᬥᬗ᭄ᬳ᭄ᬬᬂᬮᬷᬮᬧᬭᬫᬵᬃᬣᬦᬶᬃᬫ᭄ᬫᬮᬵᬲᬸᬤ᭄ᬥᬵᬫᬳ᭄ᬦᬶᬂᬲᬵᬃᬬ᭄ᬬᬰ᭄ᬭᬶᬳᬮᬶᬗ᭄ᬕᬶᬄᬦᬾᬂᬥᬫ᭄ᬧᬭᬚᬢᬫᬸᬭᬸᬩ᭄‌ᬳᬧᬬᬸᬂᬰ᭄ᬯᬾᬢᬵᬯᬃᬡ᭄ᬦᬳᬶᬦᬶᬭᬶᬗᬶᬂᬧᬭᬋᬱᬶᬲᬸᬤ᭄ᬥᬵᬦᬸᬮᬸᬲ᭄‌ᬮ᭄ᬯᬶᬃᬲᬂᬩ᭄ᬭᬵᬳ᭄ᬫᬋᬱᬶᬕᬡ᭟ᬭᬶᬯᬸ

Auto-transliteration

[13 13B] 13 ścayādimanoratiyogawiśeṣamakālilaningbuddhi. riwussiralabdhakār̀yyengnganugrahagarawalanlumarislilātumarimatanghajisukṣmamayāśighrahumĕntasingtasiksakṣaṇapraptariktĕbingjaladhi. tanwar̀ṇnanĕn'gatinirang catūr̀taṇdhatucapaśrīnr̥ĕpatingkānengdhyantapuraratuwr̥ĕddhadhar̀mmawansuyaśamolihingkir̀tttirājādirājamahopekṣamwangmĕtri. kunangsīrasangmakotungganggarakṣamadĕg'hamĕngkubhimipraśāṣṭengbhuwanapatiḥkuṇdharahaṣya panlaḥnīrapīnūjidhar̀mmasuśīlāwidagdhāhanglusbhūmi. kyatingsarātsangdwijapinakālīnggamakāgracudhamaṇīpanlahirengrātmpulīlāparamār̀thaprajñawicakṣaṇengnghajiweddhāparagaparār̀thasādhūbuddhī. jitendri yaguṇawankahaṣṭeśwar̀yyanmakāpungganingr̥ĕsyibahusyipyengsarātlwir̀bhagawanhanggirarikamātmyājñanasiddhiyaningkaprajñanlwir̀dhanghyangwararuthi. praptangkālakahadhangśrinaranāthahamalipūjengputriwusangrāja [14 14A] śwalapinakātmajanirahuttamaningrājaputrīsangapuṣpatadyaḥpuṣpasukṣmasārī. dawuḥkāliḥmunyasrangtanggarantungan'gonggubar̀gĕṇdhingcuringmwangbherimr̥ĕdhanggātinabĕhasawiranswaranyāngĕbkilangitndatanpantaramanoharātidhwani. mījāhīlsiraśrīmahārājādirājanarendrajalasiddhisangkariwatanganhalinggyengdhampamāshapayungkĕmbar̀jongkuningkadiwangkawatidalugdhagangapit. habhr̥ĕsyinangsahanasangmuniwaramar̥ĕpĕkihumiringlakuśrīnarendrahanungganggajaratha katkengsangparamantrīhatitipatap'humiringśribhūpati. dimanggalāpunowatiḥkuṇdharahaṣyariwuriśribhūpatihalungwengsyandanāpayunggarudharomapinupulaningprajurit'habhrahasinangr̥ĕngganinghadimantrī // 0māsū // makapangañjuringlampaḥsirasangpinitwengkinggiḥdhanghyanglīlaparamār̀thanir̀mmalāsuddhāmahningsār̀yyaśrihalinggiḥnengdhamparajatamurub'hapayungśwetāwar̀ṇnahiniringingparar̥ĕsyisuddhānuluslwir̀sangbrāhmar̥ĕsyigaṇa. riwu

Leaf 14

Image on Archive.org

[᭑᭔ 14B] ᭑᭔ ᬭᬶᬲᬂᬫᬳᬵᬤ᭄ᬯᬶᬚᬢᬸᬫᬸᬮᬶᬤ᭄ᬬᬄᬲᬸᬓ᭄ᬱ᭄ᬫᬲᬵᬭᬷᬫᬸᬦ᭄‌ᬕ᭄ᬯᬶᬂᬥᬫ᭄ᬧᬭᬵᬢ᭄ᬦᬫᬵᬬᬳᬧᬬᬸᬂᬓᬦᬓᬯᬶᬮᬶᬲ᭄‌ᬲᬸᬢᬾᬚᬃᬚ᭄ᬚᬵᬗᬬᭀᬦᬶᬦ᭄‌ᬢᬦ᭄ᬧᬾᬦ᭄ᬤ᭞ᬲᬂᬳ᭄ᬬᬂᬲᬶᬢᬗ᭄ᬲᬸᬲᬓᬮᬵᬳᬰᬭᬶᬭᬧᬶᬦᬋᬓᬶᬂᬭᬵᬢ᭄ᬦᬯᬶᬦᬷᬳᬾᬫ᭄ᬩᭂᬄᬭᬹᬫ᭄ᬭᬸᬫ᭄‌ᬮ᭄ᬯᬶᬃᬳ᭄ᬬᬂᬳ᭄ᬬᬂᬦᬶᬂᬲᬓᬫᬣᬦ᭄᭟ᬭᬶᬢ᭄ᬮ ᬲᬶᬭᬳᬢᬶᬗ᭄ᬓᬄᬧ᭄ᬭᬲᬳᬕ᭄ᬬᬮᬸᬫᬭᬶᬲ᭄‌ᬮᬶᬫᬫ᭄ᬧᬳᬶᬂᬯ᭄ᬭᬢ᭄ᬫᬭᬕᬦ᭄ᬤᬦ᭄ᬬᬵᬲᬸᬫᬃᬫ᭄ᬭᬶᬓ᭄ᬫᬶᬗᬶᬂᬧᬥᬵᬕᬃᬚ᭄ᬚᬶᬢᬾᬂᬇᬢᬶᬳᬧ᭄ᬢ᭄ᬬᬮᬸᬗ᭄ᬳᬵᬳᬃᬓᬮᬗᬸᬦ᭄‌ᬧ᭄ᬭᬳᬧ᭄ᬢᬭᬶᬂᬘᬢᬸᬲ᭄ᬧᬢᬵᬓᬘᬸᬦ᭄ᬤᬸᬓ᭄ᬢᬂᬘᬢᬸᬃᬫᬦ᭄ᬢ᭄ᬭᬷᬧᬦ᭄ᬢᬶᬦᬸᬥᬸᬄᬤᬾᬭᬳ᭄ᬬᬂᬳ᭄ᬬᬂᬦᬶᬂᬲᬸᬓ᭄ᬱ᭄ᬫ᭟ᬳᬶᬭᬶᬓᬵᬧᬸᬦ᭄‌ᬲ᭄ᬯᬭᬵᬡ᭄ᬝᬓᬵ ᬓᬧᬸᬳᬦ᭄ᬭᬸᬫᬲᬾᬗ᭄ᬳᬢᬶᬲᬵᬲᬦᬓᬶᬭᬲᬥᬬᬧ᭄ᬭᬲᬫ᭄ᬬᬵᬦ᭄ᬤᬸᬮᬸᬦᬸᬮ᭄ᬬᬵᬗ᭄ᬮᬶᬂᬲᬵᬕᬃᬚ᭄ᬚᬶᬢᭀᬫᬸᬮᬢᬶᬭᬶᬕᬢ᭄ᬭᬦᬶᬭᬲᬗᬭᬹᬫ᭄‌ᬯᬮᬸᬬᬓᬤᬶᬘᬶᬢ᭄ᬭᬲᬂᬫᬓᬧᬭᬦᬶᬂᬳᬶᬱ᭄ᬝᬶᬳᬶᬭᬶᬓᬵᬰ᭄ᬭᬸᬧ᭄ᬭᬲᬫ᭄ᬬᬳᬗ᭄ᬤᬤᬢ᭄ᬪᬯᬵ᭟ᬳᬭᬹᬧᬯ᭄ᬯᬂᬭᬃᬬ᭄ᬬᬗ᭄ᬯᬦ᭄‌ᬳᬸᬫᬶᬭᬶᬂᬮᬫ᭄ᬧᬄᬦᬹᬢ᭄ᬯᬸᬭᬶᬲᬵᬃ ᬯ᭄ᬭᬶᬲᬶᬭᬵᬫ᭄ᬕᬶᬘᬧᬸᬘᬧ᭄‌ᬳᬢᬦ᭄ᬬᬭᬶᬂᬯ᭄ᬯᬗᬗᬗᬶᬭᬶᬂᬯᬭᬪᬶᬱᬾᬓᬵᬳᬚᬶᬓᬮᬯᬦ᭄ᬲᬶᬭᬲᬗᬭᬹᬫ᭄‌ᬢᬥᬦᬦ᭄ᬢᬭᬧ᭄ᬭᬧ᭄ᬕᬭᬶᬢ᭄ᬧᬶᬦᬶᬓᬂᬚᬮᬥᬶᬭᬶᬯᬸᬲ᭄ᬧᬸᬧᬸᬢ᭄‌ᬧ᭄ᬭᬲᬫ᭄ᬬᬵᬲᬹᬃᬬ᭄ᬬᬰᬾᬯᬦ᭟ᬳᬶᬭᬶᬓᬵᬰ᭄ᬭᬷᬦᬭᬦᬵᬣᬢᬸᬫᬸᬦ᭄ᬢᬸᬦ᭄‌ᬤ᭄ᬬᬄᬲᬸᬓ᭄ᬱ᭄ᬫᬲᬵᬭᬶᬳ [᭑᭕ 15A] ᬗ᭄ᬮᬶᬮᬮᬶᬮᬾᬗᬸᬥ᭄ᬬᬦᬳᬗᬸᬮᬢᬶᬲᬵᬃᬯ᭄ᬯᬲᬵᬭᬷᬫᬭᬶᬂᬗᬕ᭄ᬭᬦᬶᬂᬳᬸᬓᬶᬢ᭄‌ᬳᬶᬦᬶᬭᬶᬂᬤᬾᬧᬭᬯᬶᬓᬸᬲᬫᬵᬫᬸᬧᬸᬓᬸᬫᬸᬫᬳᬢ᭄ᬬᬦ᭄ᬢᬲᬸᬓᬦᬺᬧᬢᬶᬲᬂᬤ᭄ᬬᬄᬳᬭᬹᬫ᭄‌ᬢᬮᬸᬗ᭄ᬳᬵᬮᬸᬗ᭄ᬳᬵᬦᬾᬂᬮᬫ᭄ᬧᬄ᭟ᬫᬭᬶᬂᬲᬶᬮᬸᬓᬶᬗᬘᬮᬲᬳᬦᬓ᭄ᬓᬓᬾᬜᬵᬗᬶᬭᬶᬂᬧᬶᬚᭂᬂᬫᬸᬮᬢᬶᬂᬓᬮᬗ᭄ᬯᬦ᭄‌ᬳᬶᬭᬶᬓᬵᬲᬂᬘᬢᬹᬃᬫᬦ᭄ᬢ᭄ᬭᬷ ᬪᬶᬧ᭄ᬭᬬᬳᬫᬋᬓᬶᬓᬳᬦᬦᬶᬭᬲᬗᬭᬹᬫ᭄‌ᬦᬸᬮ᭄ᬬᬳᬦᬮᬶᬦ᭄‌ᬭᬹᬧᬭᬸᬫ᭄ᬕᭂᬧ᭄ᬢᬂᬚᬧᬫᬦ᭄ᬤᬶᬋᬧᬸᬫ᭄ᬢᬸᬲᬸᬓ᭄ᬱ᭄ᬫᬦᬶᬂᬲᬷᬤ᭄ᬥᬵᬂᬳᬸᬧᬵᬬ᭟ᬲᬶᬭᬭᬵᬓ᭄ᬭ᭄ᬬᬦ᭄‌ᬲ᭄ᬯᬭᬵᬡ᭄ᬝᬢᬵᬤᬤ᭄ᬬᬧᬾᬓᬢ᭄ᬲᬸᬤ᭄ᬥᬧᬸᬢᬶᬄᬲᬶᬭᬭᬵᬓ᭄ᬭ᭄ᬬᬦ᭄‌ᬥᬢ᭄ᬭᬧᬸᬢ᭄ᬭᬬᬦᬯᬾᬰᬧᬓ᭄ᬱᬶᬕᭂᬡ᭄ᬥᬶᬂᬯᬸᬮᬸᬤ᭄ᬬᬵᬩᬗᬦ᭄ᬦᬗᬶᬲ᭄‌ᬲ᭄ᬯᬭᬦ᭄ᬬᬫᬦᬸᬗ᭄ᬓᬸᬂ ᬮᬸᬮᬸᬢ᭄‌ᬧᬸᬦ᭄ᬭᬵᬓ᭄ᬭ᭄ᬬᬦ᭄ᬲᬸᬢᬤᬾᬯᬵᬳᬦ᭄ᬤᬤᬶᬫᬬᬸᬭᬓᬸᬦᬶᬂᬳᬪᬺᬫᬸᬭᬸᬩ᭄‌ᬭᭀᬫᬦ᭄ᬬᬓᬤᬶᬓᬦᬓ᭟ᬧᬸᬦ᭄ᬭᬵᬓ᭄ᬭ᭄ᬬᬦ᭄ᬫᬥᬸᬲᬸᬥᬦᬵᬳᬢ᭄ᬫᬄᬓᬕᬵᬗ᭄ᬳ᭄ᬬᬦ᭄ᬳ᭄ᬬᬸᬦᬶᬯᬸᬮᬸᬦ᭄ᬬᬳᬶᬋᬗᬲᬶᬦᬂᬲ᭄ᬯᬭᬦ᭄ᬬᬢᬸᬳᬸᬲᬸᬚᬵᬢᬶᬳᬫᬗᬸᬦ᭄‌ᬯ᭄ᬮᬲᬲᬶᬄᬲᬳᬦᬦᬶᬂᬯ᭄ᬯᬗᬦ᭄ᬭᬸᬗᬸᬲᬮ᭄ᬯᬵᬦᬶᬂᬥ᭄ᬬᬦ᭄ᬢᬧᬸᬭᬳᬸᬫᬵᬃ ᬓ᭄ᬯᬲᬶᬭᬳᬗᬧᬶᬳᬫ᭄ᬥᬃᬳ᭄ᬬᬸᬦ᭄‌ᬭᬸᬫᬲᬭᬲᬾᬂᬓᬮᬗ᭄ᬯᬦ᭄᭟ᬭᬶᬧᬂᬦᬶᬂᬓᬬᬸᬫᬥᬸᬭᬧᬸᬦ᭄ᬧᬾᬓᬢ᭄ᬮᬶᬮᬫᬭᬦ᭄ᬢᬶᬦᬸᬮ᭄ᬬᬵᬫᬶᬯᬶᬃᬫᬶᬯᬶᬃᬳ᭄ᬮᬃᬮᬸᬫᬭᬧ᭄ᬓᬲᭂᬦ᭄ᬯᬦ᭄‌ᬭᬯᬷᬧᬸᬦ᭄ᬧᬓ᭄ᬱᬶᬕᭂᬡ᭄ᬥᬶᬂᬗ᭄ᬕ᭄ᬯᬶᬂᬭᬶᬧᬂᬦᬶᬂᬳᬗ᭄ᬰᬡᬵᬂᬳ᭄ᬬᬸᬦ᭄ᬳ᭄ᬬᬸᬦ᭄‌ᬲ᭄ᬯᬭᬦ᭄ᬬᬵᬫᬦᬶᬲᬮᭀᬦ᭄‌ᬍᬂᬍᬂᬗᬸᬫᬵᬃᬲᬸ

Auto-transliteration

[14 14B] 14 risangmahādwijatumulidyaḥsukṣmasārīmun'gwingdhamparātnamāyahapayungkanakawilissutejar̀jjāngayonintanpenda, sanghyangsitangsusakalāhaśarirapinar̥ĕkingrātnawinīhembĕḥrūmrumlwir̀hyanghyangningsakamathan. ritla sirahatingkaḥprasahagyalumarislimampahingwratmaragandanyāsumar̀mrikmingingpadhāgar̀jjitengitihaptyalunghāhar̀kalangunprahaptaringcatuspatākacunduktangcatur̀mantrīpantinudhuḥderahyanghyangningsukṣma. hirikāpunswarāṇṭakā kapuhanrumasenghatisāsanakirasadhayaprasamyāndulunulyānglingsāgar̀jjitomulatirigatranirasangarūmwaluyakadicitrasangmakaparaninghiṣṭihirikāśruprasamyahangdadatbhawā. harūpawwangrar̀yyangwanhumiringlampaḥnūtwurisār̀ wrisirāmgicapucap'hatanyaringwwangangangiringwarabhisyekāhajikalawansirasangarūmtadhanantaraprapgaritpinikangjaladhiriwuspuputprasamyāsūr̀yyaśewana. hirikāśrīnaranāthatumuntundyaḥsukṣmasāriha [15 15A] nglilalilengudhyanahangulatisār̀wwasārīmaringngagraninghukit'hiniringdeparawikusamāmupukumumahatyantasukanr̥ĕpatisangdyaḥharūmtalunghālunghānenglampaḥ. maringsilukingacalasahanakkakeñāngiringpijĕngmulatingkalangwanhirikāsangcatūr̀mantrī bhiprayahamar̥ĕkikahananirasangarūmnulyahanalinrūparumgĕptangjapamandir̥ĕpumtusukṣmaningsīddhānghupāya. sirarākryanswarāṇṭatādadyapekatsuddhaputiḥsirarākryandhatraputrayanaweśapaksyigĕṇdhingwuludyābangannangisswaranyamanungkung lulutpunrākryansutadewāhandadimayurakuninghabhr̥ĕmurubromanyakadikanaka. punrākryanmadhusudhanāhatmaḥkagānghyanhyuniwulunyahir̥ĕngasinangswaranyatuhusujātihamangunwlasasiḥsahananingwwanganrungusalwāningdhyantapurahumār̀ kwasirahangapihamdhar̀hyunrumasarasengkalangwan. ripangningkayumadhurapunpekatlilamarantinulyāmiwir̀miwir̀hlar̀lumarapkasĕnwanrawīpunpaksyigĕṇdhingnggwingripangninghangśaṇānghyunhyunswaranyāmanisalonl̥ĕngl̥ĕngngumār̀su

Leaf 15

Image on Archive.org

[᭑᭕ 15B] ᭑᭕ ᬓᬂᬳᬢᬶᬧᬓ᭄ᬱᬶᬫᬬᬸᬭᬫᬸᬦ᭄‌ᬕ᭄ᬯᬶᬂᬧᬂᬓᬦᬶᬕᬭ᭟ᬧᭀᬮᬄᬦ᭄ᬬᬵᬗᬶᬮᭀᬳᬗ᭄ᬭᬭᬲ᭄‌ᬲᭀᬫ᭄ᬬᬦᬶᬢ᭄ᬬᬲᬵᬗ᭄ᬬᬦ᭄ᬳ᭄ᬬᬸᬦᬶᬲ᭄ᬯᬭᬦ᭄ᬬᬫᬺᬥᬸᬓᭀᬫᬮᬵᬧᬸᬦ᭄ᬢᬸᬳᬸᬢᬸᬳᬸᬳᬗᬦ᭄ᬢᬷᬭᬶᬂᬧᬵᬂᬦᬶᬂᬓᬬᬸᬚᬵᬢᬶᬭᭀᬫᬦ᭄ᬬᬵᬳᬶᬋᬗᬍᬫᬸᬲ᭄ᬯᬭᬦ᭄ᬬᬓᭀᬦᬂᬗᬸᬦᬂᬍᬗᭃᬂᬗᬦᬸᬃᬯᬵᬦᬶᬬᬬᬵ ᬓᭂᬫ᭄ᬧᬸᬮ᭄‌ᬲ᭄ᬯᬭᬦᬶᬂᬧᬓ᭄ᬱᬶᬢᬶᬢᬶᬭᬦ᭄᭟ᬦᬸᬮ᭄ᬬᬲᬂᬫᬸᬱ᭄ᬝᬶᬦᬶᬂᬭᬭᬲ᭄‌ᬳᬗᬸᬘᬧᬫ᭄ᬮᬲᬲᬶᬄᬥᬸᬄᬓᬗ᭄ᬓᬸᬦᬶᬮᭀᬢᬥᬮᬢᬸᬮᬸᬗᬶᬦ᭄ᬫᬗ᭄ᬓ᭄ᬬᬲᬸᬦ᭄ᬢᬾᬓᬶᬫᬵᬃᬲ᭄ᬬᬸᬄᬦᬮᬦᬶᬗ᭄ᬳᬢᬶᬓᬯ᭄ᬮᬲᬵᬃᬱᬳᬦ᭄ᬤᬸᬮᬸᬓᬕᬵᬓᬂᬢᬦ᭄ᬓᬬᬾᬂᬓᬸᬦᬵᬧᬸᬦᬧᬤᬾᬦᬶᬂᬳᬗ᭄ᬤᬦᬶᬦᬤ᭄ᬬᬳᬶᬗ᭄ᬲᬸᬦ᭄‌ᬢ ᬧᬾᬗᬶᬳᬗᬶᬗ᭄ᬯᬦᬵ᭟ᬧᬸᬦ᭄ᬳᬢᬢ᭄ᬳᬱᬭᬸᬫᭂᬗᭃᬕᬵᬃᬱ᭄ᬝᬶᬢᬫᬋᬓ᭄ᬗᬜ᭄ᬚᬮᬶᬲᬵᬥᬭᬳᬸᬫᬢᬸᬃᬳᬮᭀᬦ᭄‌ᬥᬸᬄᬤᬾᬯᬰ᭄ᬭᬷᬫᬳᬵᬤᬾᬯᬶᬳ᭄ᬬᬂᬳ᭄ᬬᬂᬦᬶᬂᬧᬲᬶᬃᬳᬸᬓᬶᬃᬲᬯ᭄ᬬᬓ᭄ᬢᬶᬭᬢᬶᬳᬦᬸᬭᬸᬦ᭄‌ᬳᬦ᭄ᬤᬤ᭄ᬬᬭᬵᬚᬧᬸᬢ᭄ᬭᬥᬸᬄᬪᬕ᭄ᬬᬧᬝᬶᬓ᭄‌ᬰ᭄ᬭᬷᬥᬢ᭄ᬦᬷᬬᬦᬦᬵᬳ᭄ᬬᬸ ᬦ᭄‌ᬰ᭄ᬭᬷᬤᬾᬯᬶᬳᬗᬶᬗ᭄ᬯᬦᬵ᭟ᬗ᭄ᬳᬶᬂᬫᬗ᭄ᬓᬾᬕᬧᬮᬯ᭄ᬬᬵᬓ᭄ᬦᬬᬦᬦᬵᬲᬶᬄᬫᬳᬵᬤᬾᬯᬶᬥᬸᬫᬢᭂᬂᬧᬝᬶᬓ᭄ᬪᬝᬵᬭᬲᬸᬫᬗ᭄ᬕᬳᬧ᭄ᬢ᭄ᬬᬳᬸᬫᬶᬭᬶᬂᬳᬫᬭᬶᬯᬭᬢᬾᬓᬶᬢᬦ᭄ᬧᬲᬄᬭᬶᬚᭃᬂᬧᬸᬓᬸᬮᬸᬦ᭄‌ᬳᬦᭂᬥᬵᬲᬶᬦᬦ᭄ᬫᬣᬦ᭄‌ᬲᬸᬓ᭄ᬱ᭄ᬫᬦᬶᬂᬘᬶᬢᬰ᭄ᬭᬷᬤᬾᬯᬶᬳᬾ [᭑᭖ 16A] ᬜ᭄ᬚᬂᬳᬾᬲᬸᬓ᭄‌ᬧᬸᬦ᭄ᬫᬦᭂᬳ᭄ᬧ᭄ᬭᬧ᭄ᬢᬵᬗᬯᬸᬮ᭟ᬗ᭄ᬳᬶᬂᬫᬗ᭄ᬓᬾᬢᭀᬦ᭄ᬢᭀᬦᬓ᭄ᬦᬧᬗᬮ᭄ᬧᬶᬓᬦᬶᬧᬸᬦ᭄ᬧᬓ᭄ᬱᬶᬥᬸᬫᬢᭂᬂᬰ᭄ᬭᬷᬫᬳᬵᬤᬾᬯ᭄ᬬᬧᬸᬦ᭄ᬢᬸᬳᬸᬢᬸᬳᬸᬳᬕᭂᬦ᭄ᬤᬶᬂᬧᬸᬦᬂᬧᬸᬦ᭄ᬧᬓ᭄ᬱᬶᬕᭂᬡ᭄ᬥᬶᬂᬯᬶᬤᬕ᭄ᬥᬳᬦᬩᬸᬄᬓᭂᬫ᭄ᬧᬸᬮ᭄‌ᬓᬯᬸᬮᬵᬧᬸᬦ᭄ᬫᬬᬸᬭᬳᬰ᭄ᬭᬫᬦ᭄ᬧᬓ᭄ᬦᬦᬾᬓᬶᬲᬫᬵᬂᬳ᭄ᬬᬸᬦ᭄ᬳ᭄ᬬᬸᬦ᭄‌ᬫᬾᬦᬓᬶ ᬧᬸᬢ᭄ᬭᬶᬥᬸᬳᬶᬢᬵ᭟ᬲᬵᬦᬦᬶᬂᬯᭀᬂᬥ᭄ᬬᬦ᭄ᬢᬧᬸᬭᬵᬢ᭄ᬬᬦ᭄ᬢᬓᬰ᭄ᬘᬃᬬ᭄ᬬᭀᬫᬸᬮᬢᬶᬰ᭄ᬭᬫᬦᬶᬂᬧᬓ᭄ᬱᬶᬫᬬᬸᬭᬳᬗᬶᬮ᭄ᬯᭀᬗᬸᬤᬸᬧᬸᬓᬰ᭄ᬭᬷᬫᬶᬗ᭄ᬕᭂᬓ᭄ᬫᬶᬗ᭄ᬕᭂᬓ᭄ᬳᬦᭀᬮᬶᬜ᭄ᬚᬶᬭᬶᬗᬶᬯᬸᬕᬢ᭄‌ᬲᬸᬫᬸᬦᬸᬳᬫᬶᬯᬶᬃᬳ᭄ᬮᬃᬮᬸᬫᭂᬗ᭄ᬳᬾᬮᬶᬭᬶᬗᬫᬦᬶᬲ᭄‌ᬫᬶᬕᬄᬫᬶᬕᬸᬄᬳᬫᬗᬸᬦ᭄ᬳᬵᬃᬱᬦᬶᬂᬫᬸᬮᬢ᭄᭟ ᬧᬸᬦ᭄ᬧᬾᬓᬢ᭄ᬦᬸᬮ᭄ᬬᬵᬳᬦᭂᬫ᭄ᬩᬄᬳᬸᬫᬢᬸᬭᬶᬚᭃᬂᬫᬳᬵᬤᬾᬯᬶᬥᬸᬄᬓ᭄ᬱᬫᬵᬓ᭄ᬦᬫᬦᭂᬄᬢᬳᬦᭂᬥᬵᬲᬶᬄᬫᬳᬵᬤᬾᬯᬶᬫᬸᬖᬶᬢ᭄ᬳᭂᬃᬯ᭄ᬮᬲᬲᬶᬄᬲᬦ᭄ᬫᬣᬳᬸᬕᬧᬸᬓᬸᬮᬸᬦ᭄‌ᬥᬸᬫᬢᭂᬂᬗᬶᬧᬸᬦ᭄ᬧᬓ᭄ᬧ᭄ᬬᬳᬫᬶᬦ᭄ᬢᬲᬶᬫ᭄ᬲᬶᬫ᭄ᬲᬯᬶᬚᬶᬓᬂᬓᬶᬦᬳ᭄ᬬᬸᬦ᭄‌ᬲᬶᬦᬸᬓ᭄ᬱ᭄ᬫᬕᬜ᭄ᬚᬭᬦᬶᬭ᭟ᬲᬂᬓᬤᬶᬘᬶᬢ᭄ᬭ ᬳᬯ᭄ᬮᬲ᭄‌ᬦᬸᬮ᭄ᬯᬵᬲᬸᬂᬲᬶᬫ᭄ᬧᬶᬫ᭄ᬲᬯᬶᬚᬶᬢᬗᬫᬸᬢ᭄ᬬᬯᬶᬡ᭄ᬥᬸᬲᬵᬭᬢᬶᬦᬭᬶᬫᬤᬾᬧᬸᬦ᭄ᬧᬓ᭄ᬱᬶᬮᬶᬯᬃᬲᬸᬓᬦᬶᬂᬗ᭄ᬳᬯᬶᬦᬰᬯᬰᬤᬶᬦᬸᬮᬸᬰᬶᬖ᭄ᬭᬳᬗ᭄ᬮᬶᬬᬦᬦᬵᬭᬶᬲᬶᬫ᭄ᬲᬶᬫᬶᬭᬦᬺᬧᬢᬶᬳᬢ᭄ᬬᬦ᭄ᬢᬲᬸᬫᬸᬦᬸᬫᬸᬢ᭄ᬬᬳᬶᬭᬩᬚ᭄ᬭ᭟ᬳᬦᬸᬮᬶᬲᬶᬭᬦ᭄ᬭᬶᬫᬧᬸᬦᬂᬲᭂᬲᭂᬭᬦ᭄‌ᬲᬸᬢᬺ

Auto-transliteration

[15 15B] 15 kanghatipaksyimayuramun'gwingpangkanigara. polaḥnyāngilohangrarassomyanityasāngyanhyuniswaranyamr̥ĕdhukomalāpuntuhutuhuhangantīringpāngningkayujātiromanyāhir̥ĕngal̥ĕmuswaranyakonangngunangl̥ĕngöngnganur̀wāniyayā kĕmpulswaraningpaksyititiran. nulyasangmuṣṭiningrarashangucapamlasasiḥdhuḥkangkunilotadhalatulunginmangkyasuntekimār̀syuḥnalaninghatikawlasār̀ṣahandulukagākangtankayengkunāpunapadeninghangdaninadyahingsunta pengihangingwanā. punhatat'haṣarumĕngögār̀ṣṭitamar̥ĕkngañjalisādharahumatur̀halondhuḥdewaśrīmahādewihyanghyangningpasir̀hukir̀sawyaktiratihanurunhandadyarājaputradhuḥbhagyapaṭikśrīdhatnīyananāhyu nśrīdewihangingwanā. nghingmangkegapalawyāknayananāsiḥmahādewidhumatĕngpaṭikbhaṭārasumanggahaptyahumiringhamariwaratekitanpasaḥrijöngpukulunhanĕdhāsinanmathansukṣmaningcitaśrīdewihe [16 16A] ñjanghesukpunmanĕhpraptāngawula. nghingmangketontonaknapangalpikanipunpaksyidhumatĕngśrīmahādewyapuntuhutuhuhagĕndingpunangpunpaksyigĕṇdhingwidagdhahanabuḥkĕmpulkawulāpunmayurahaśramanpaknanekisamānghyunhyunmenaki putridhuhitā. sānaningwongdhyantapurātyantakaścar̀yyomulatiśramaningpaksyimayurahangilwongudupukaśrīminggĕkminggĕk'hanoliñjiringiwugatsumunuhamiwir̀hlar̀lumĕngheliringamanismigaḥmiguḥhamangunhār̀ṣaningmulat. punpekatnulyāhanĕmbaḥhumaturijöngmahādewidhuḥkṣamāknamanĕḥtahanĕdhāsiḥmahādewimughit'hĕr̀wlasasiḥsanmathahugapukulundhumatĕngngipunpakpyahamintasimsimsawijikangkinahyunsinukṣmagañjaranira. sangkadicitra hawlasnulwāsungsimpimsawijitangamutyawiṇdhusāratinarimadepunpaksyiliwar̀sukaningnghawinaśawaśadinuluśighrahangliyananārisimsimiranr̥ĕpatihatyantasumunumutyahirabajra. hanulisiranrimapunangsĕsĕransutr̥ĕ

Leaf 16

Image on Archive.org

[᭑᭖ 16B] ᭑᭖ ᬧ᭄ᬢᬷᬳᬫᬸᬢ᭄ᬬᬭᬵᬢ᭄ᬦᬰᬢᬶᬢᬄᬓᬸᬫ᭄ᬭᬫ᭄ᬧ᭄ᬭᬪᬦ᭄ᬬᬵᬫ᭄ᬭᬡᬦᬷᬳᭂᬦ᭄ᬢ᭄ᬬᬵᬃᬱᬦᬶᬭᬾᬂᬳᬺᬤ᭄ᬥᬷᬫᬸᬮᬢᬶᬂᬳᬷᬭᬲᬸᬫᬸᬦᬸᬮᬓ᭄ᬱ᭄ᬫᬦᬶᬂᬲᬵᬃᬯ᭄ᬯᬭᬵᬢ᭄ᬦᬢᬶᬦᬸᬤᬂᬓᬸᬦᬂᬦᬶᬂᬯᬷᬥᬷᬳᬦᬵᬃᬕ᭄ᬕ᭄ᬬᬵᬭᬹᬫ᭄‌ᬫᬶᬦᬸᬮ᭄ᬬᬦᬶᬂᬤᬾᬭᬵᬮᭀᬓ᭟ᬲᬤᬺᬱᬳᬶᬂᬭᬵᬢ᭄ᬦᬥᬦ᭄ᬢᬵᬫᬶᬦᬶᬓᬶᬂᬳ᭄ᬬᬂᬧ᭄ᬭᬚᬢᬶᬓᬶᬦ᭄ᬫᬶᬢᬂᬲᬸᬭ ᬗ᭄ᬕᬡᬓᬵᬲ᭄ᬢᬸᬢ᭄ᬬᬯᬶᬚᬬᬾᬂᬭᬰ᭄ᬫᬶᬦᬸᬧᬲᬦ᭄ᬢ᭄ᬯᬦᬶᬂᬋᬱᬶᬮᬶᬦᬶᬓᬶᬢᬾᬂᬮᬫ᭄ᬪᬂᬓᬶᬥᬸᬂᬲᬶᬦᬺᬱ᭄ᬝᬶᬦᬸᬧᬓᬵᬭᬲᬶᬦᬸᬓ᭄ᬱ᭄ᬫᬲᬶᬦᬭᬶᬲᬵᬭᬶᬫᬸᬯᬸᬳᬶᬭᬹᬫ᭄‌ᬫᬶᬦᬸᬱ᭄ᬝᬶᬳᬸᬭᬶᬧᬶᬂᬲᬭᬵᬢ᭄᭟ᬦᬸᬮ᭄ᬬᬵᬫᬶᬢ᭄ᬧᬸᬦᬂᬰᬓᬸᬦ᭄ᬢᬵᬭᬶᬯᬸᬲ᭄ᬦ᭄ᬬᬲᬫ᭄ᬬᬵᬗᬜ᭄ᬚᬮᬶᬳᬸᬫᬫ᭄ᬡᬸᬭᬶᬂᬪ᭄ᬬᭀᬫᬦ᭄ᬢᬭᬢᬸᬘᬧᬲᬂ ᬰ᭄ᬭᬶᬦᬶᬂᬧᬸᬭᬷᬧᬶᬚᭂᬃᬫᬸᬮᬢᬶᬂᬲᬶᬫ᭄ᬧᬶᬫ᭄‌ᬯᬶᬦᬰᬯᬰᬤᬶᬦᬸᬮᬸᬓ᭄ᬜᬭᬶᬂᬭᬵᬢ᭄ᬦᭀᬢ᭄ᬢᬫᬪᬲ᭄ᬯᬭᬓᬲᭂᬦ᭄ᬯᬦ᭄ᬭᬯᬷᬧ᭄ᬭᬪᬵᬫᬸᬭᬸᬩ᭄ᬓᬢᭀᬦ᭄ᬢᬂᬥᬶᬓ᭄ᬤᬰᬤᬾᬰ᭄‌ᬕᬵᬃᬚ᭄ᬚᬶᬢᬘᬶᬢ᭄ᬢᬭᬳᬤ᭄ᬬᬦ᭄‌ᬢᬦ᭄ᬯᬃᬱᬶᬳᬗᬭᬲᬭᬶᬲ᭄‌ᬮᬶᬦᬷᬗ᭄ᬮᬶᬂᬗᬶᬂᬢᬼᬗᬶᬂᬧᬦᭀᬦ᭄‌ᬤᬤ᭄ᬬᬳᬦᬭᬯᬂ ᬓᬓ᭄ᬱᬶᬳᬦ᭄ᬢᬦᬶᬂᬭᬵᬢ᭄ᬦᬳᬤᬶᬕᬸᬫᬯᬂᬓᬤ᭄ᬬᬵᬦᬸᬭᬸᬯᬸᬂᬢᬸᬳᬸᬢᬦ᭄ᬓᬯᬭᬡᬦ᭄‌ᬓᬢᭀᬦ᭄ᬫᬬᬦᬶᬂᬢᭀᬂᬧ᭄ᬓᬶᬓ᭄‌ᬢᬦ᭄ᬧᬫ᭄ᬢᬸᬓ᭄‌ᬳᬮᬗ᭄ᬕᬸᬳᬶᬂᬲᬶᬗ᭄ᬳᬵᬰᬡ᭞ᬉᬃᬤ᭄ᬥᬦᬶᬦ᭄‌ᬯᬶᬦ᭄ᬤ᭄ᬬᬵᬤᬶᬲᬸᬓ᭄ᬱ᭄ᬫᬵᬢᬶᬲᬸᬤ᭄ᬤ᭄ᬕᬵᬯᬃᬡ᭄ᬦᬫᬳ᭄ᬦᬶᬂᬮᬶᬫ᭄ᬧᬤ᭄ᬲᬓᬶᬂᬲᬹᬃᬬ᭄ᬬᬘᬦ᭄ᬤ᭄ᬭᬧᬶᬦᬋ [᭑᭗ 17A] ᬓᬶᬂᬤᬾᬯᬤᬾᬯᬷᬢᬸᬳᬸᬫᬹᬃᬢ᭄ᬢᬶᬦᬶᬂᬍᬯᬶᬄᬭᬸᬫᬭᬲ᭄ᬢ᭄ᬬᬲᬶᬭᬵᬦ᭄ᬤᬸᬮᬸᬰᬶᬃᬡ᭄ᬦᬢᬦ᭄ᬧᬘᬾᬢ᭄ᬢᬦᬓᬲᬭᬶᬓᬶᬂᬮᬸᬮᬸᬢᬲᬶᬄᬫᬵᬃᬲ᭄ᬬᬸᬄᬋᬫ᭄ᬧᬸᬄᬤ᭄ᬭᬯᬳᬢ᭄ᬫᬳᬦ᭄ᬭᬶᬫᬂ᭟ᬓᭀᬮᬸᬭᬶᬂᬭᬵᬕᬢᬵᬭᬡᬮ᭄ᬯᬶᬃᬮᬶᬦᬤ᭄ᬦᬮᬦᬶᬂᬗ᭄ᬕᬢᬶᬭᬶᬦᬲᬭᬲᬾᬂᬲ᭄ᬯᬘᬶᬢ᭄ᬢᬳ᭄ᬬᬂᬳ᭄ᬬᬂᬦᬶᬂᬲ᭄ᬫᬭᬵᬗᬸᬢ᭄ᬧ᭄ᬢᬶᬢᬦ᭄‌ᬓ᭄ᬦᬾᬗᬸᬘ ᬧ᭄ᬫᬮᬶᬄᬲᬬᬵᬫ᭄ᬭᬢ᭄ᬭᬵᬕᬓᬸᬂᬮᬸᬮᬸᬢ᭄‌ᬤᬤ᭄ᬬᬵᬦᬮᬗ᭄ᬲᬗᬾᬂᬢ᭄ᬯᬲ᭄‌ᬫᬋᬓᬶᬚᭃᬂᬰ᭄ᬭᬷᬪᬹᬧᬢᬶᬳᬗᬸᬡ᭄ᬥᬵᬓᬸᬂᬢᬸᬫᬸᬗ᭄ᬓᬸᬮᬦᬸᬭᬵᬢᬼᬫᬄ᭟᭐᭟ᬧᬂ᭟᭐᭟ᬢᬦ᭄ᬯᬶᬦᬃᬡ᭄ᬦᬧᭀᬮᬳᬶᬭᬫᬳᬵᬭᬵᬚᬦᬭᬾᬦ᭄ᬤ᭄ᬭᬚᬮᬲᬶᬤ᭄ᬥᬶᬢᬸᬲ᭄ᬫᬦ᭄ᬢᬸᬓᬶᬂᬲ᭄ᬯᬦᬵᬕᬦ᭄ᬢᬸᬦ᭄‌ᬕᬸᬫᬦ᭄ᬢ᭄ᬬᬢ ᬤᬵᬓ᭄ᬦᬮᬫ᭄ᬧᬳᬶᬭᬲᬂᬢᬡ᭄ᬥᬫᬦ᭄ᬢ᭄ᬭᬶᬓᬘᬢᬸᬃᬯᬸᬲ᭄ᬧ᭄ᬭᬧ᭄ᬢᬳᬾᬂᬗ᭄ᬕᬵᬤ᭄ᬯᬶᬧᬫᬋᬢᬶᬚᭃᬂᬰ᭄ᬭᬷᬪᬹᬧᬢᬶ᭟ᬓᬳᬤᬗᬦᬸᬘᬧᬸᬘᬧ᭄‌ᬰ᭄ᬭᬷᬦᬭᬾᬦ᭄ᬤ᭄ᬭᬳᬶᬦᬶᬭᬶᬂᬫᬳᬵᬫᬸᬦᬶᬚᬕ᭄ᬥᬢᭂᬂᬫᬦ᭄ᬢ᭄ᬭᬶᬓᬘᬢᬹᬃᬳᬪᬶᬗᬭᬶᬂᬯᬤᬦᬰ᭄ᬭᬷᬖ᭄ᬭᬵᬦᭂᬫ᭄ᬩᬄᬲᬵᬥᬭᬵᬦᬸᬮ᭄ᬬᬳᬸᬫᬢᬸᬃᬅ ᬧᬦ᭄ᬯᬸᬲ᭄ᬓᬲᬶᬤ᭄ᬥᬾᬓᬢ᭄ᬫᬸᬤ᭄ᬬᬄᬲᬸᬓ᭄ᬱ᭄ᬫᬲᬵᬭᬷ᭟ᬗ᭄ᬓᬵᬦᬾᬂᬭᬵᬚ᭄ᬬᬥ᭄ᬬᬦ᭄ᬢᬧᬸᬭᬲᬸᬢᬦᬶᬭᬰ᭄ᬭᬶᬦᬵᬣᬚᬮᬵᬲᬶᬤ᭄ᬥᬶᬲᬧᭀᬮᬳᬶᬭᬓᬘᬢᬸᬃᬧ᭄ᬭᬲᬫ᭄ᬬᬯᬸᬲ᭄ᬯᬶᬦᬃᬡ᭄ᬦᬲᬶᬫ᭄ᬧᬶᬫᬶᬭᬤ᭄ᬬᬄᬲᬸᬓ᭄ᬱ᭄ᬫᬲᬵᬭᬶᬯᬸᬰ᭄ᬘᬢᬸᬃᬳᭂᬦ᭄ᬢ᭄ᬬᬵᬃᬱᬰ᭄ᬭᬶᬦᬭᬾᬦ᭄ᬤ᭄ᬭ

Auto-transliteration

[16 16B] 16 ptīhamutyarātnaśatitaḥkumramprabhanyāmraṇanīhĕntyār̀ṣanirenghr̥ĕddhīmulatinghīrasumunulakṣmaningsār̀wwarātnatinudangkunangningwīdhīhanār̀ggyārūmminulyaningderāloka. sadr̥ĕṣahingrātnadhantāminikinghyangprajatikinmitangsura nggaṇakāstutyawijayengraśminupasantwaningr̥ĕsyilinikitenglambhangkidhungsinr̥ĕṣṭinupakārasinukṣmasinarisārimuwuhirūmminuṣṭihuripingsarāt. nulyāmitpunangśakuntāriwusnyasamyāngañjalihumamṇuringbhyomantaratucapasang śriningpurīpijĕr̀mulatingsimpimwinaśawaśadinulukñaringrātnottamabhaswarakasĕnwanrawīprabhāmurubkatontangdhikdaśadeśgār̀jjitacittarahadyantanwar̀syihangarasarislinīnglingngingtl̥ĕngingpanondadyahanarawang kaksyihantaningrātnahadigumawangkadyānuruwungtuhutankawaraṇankatonmayaningtongpkiktanpamtuk'halangguhingsinghāśaṇa, ur̀ddhaninwindyādisukṣmātisuddgāwar̀ṇnamahninglimpadsakingsūr̀yyacandrapinar̥ĕ [17 17A] kingdewadewītuhumūr̀ttiningl̥ĕwiḥrumarastyasirānduluśir̀ṇnatanpacettanakasarikinglulutasiḥmār̀syuḥr̥ĕmpuḥdrawahatmahanrimang. koluringrāgatāraṇalwir̀linadnalaningnggatirinasarasengswacittahyanghyangningsmarāngutptitanknenguca pmaliḥsayāmratrāgakunglulutdadyānalangsangengtwasmar̥ĕkijöngśrībhūpatihanguṇdhākungtumungkulanurātl̥ĕmaḥ. 0. pang. 0. tanwinar̀ṇnapolahiramahārājanarendrajalasiddhitusmantukingswanāgantun'gumantyata dāknalampahirasangtaṇdhamantrikacatur̀wuspraptahengnggādwipamar̥ĕtijöngśrībhūpati. kahadanganucapucapśrīnarendrahiniringmahāmunijagdhatĕngmantrikacatūr̀habhingaringwadanaśrīghrānĕmbaḥsādharānulyahumatur̀a panwuskasiddhekatmudyaḥsukṣmasārī. ngkānengrājyadhyantapurasutaniraśrināthajalāsiddhisapolahirakacatur̀prasamyawuswinar̀ṇnasimpimiradyaḥsukṣmasāriwuścatur̀hĕntyār̀ṣaśrinarendra

Leaf 17

Image on Archive.org

[᭑᭖ 16B] ᭑᭖ ᬓᬢ᭄ᬓᬾᬂᬧᬭᬵᬤᬶᬫᬦ᭄ᬢ᭄ᬭᬷ᭟ᬳᬶᬭᬶᬓᬰ᭄ᬭᬷᬦᬭᬦᬵᬣᬯᬶᬃᬬ᭄ᬬᬕᬸᬡᬳᬸᬫᬚ᭄ᬜᬾᬭᬓ᭄ᬭ᭄ᬬᬦ᭄ᬧᬢᬶᬄᬗ᭄ᬳ᭄ᬳᬶᬂᬫᬗ᭄ᬓᬾᬓᬳᬧᬶᬗ᭄ᬲᬸᬦ᭄‌ᬓᬶᬢᬵᬳᬸᬕᬮᬸᬫᬫ᭄ᬧᬄᬳᬗ᭄ᬮᬫᬭᬳᬸᬫᬯᬵᬧᬦᭀᬫᬳᬶᬗ᭄ᬲᬸᬦ᭄‌ᬳᬸᬫᬶᬭᬶᬂᬲᬂᬫᬳᬵᬤ᭄ᬯᬷᬚᬫᬋᬓᬶᬚᭃᬂᬰ᭄ᬭᬷᬪᬹᬧᬢᬶ᭟ᬗᬓ᭄ᬭ᭄ᬬᬦ᭄ᬧᬢᬶᬄᬓᬺᬢᬘᬶᬢ᭄ᬢᬰᬶᬖ᭄ᬭᬵ ᬦᭂᬫ᭄ᬩᬄᬕᬵᬃᬚ᭄ᬚᬶᬢᬵᬤᬦ᭄ᬮᬸᬫᬭᬶᬲ᭄‌ᬳᬸᬫᬶᬭᬶᬂᬲᬫᬳᬵᬪᬶᬓ᭄ᬱᬸᬦᬓᬵᬧᬸᬭᭀᬳᬶᬢᬦ᭄ᬤᬢᬦ᭄ᬧᬲᬄᬧᬸᬦ᭄‌ᬚᬬᬰᬭᬡᬢᬶᬦᬹᬢ᭄‌ᬳᬫᬯᬲᬾᬯᬮᬵᬧᬢ᭄ᬭᬯᬲ᭄ᬢ᭄ᬭᬵᬤᬶᬭᬵᬢ᭄ᬦᬫᬵᬲ᭄ᬫᬡᬶᬓ᭄᭟ᬲᬶᬭᬭᬵᬓ᭄ᬭ᭄ᬬᬦ᭄‌ᬘᬢᬹᬃᬢᬡ᭄ᬥᬫᬶᬭᬶᬗᬦ᭄ᬲᬶᬭᬭᬵᬓ᭄ᬭ᭄ᬬᬦᬧᬢᬶᬄ ᬦᬸᬮ᭄ᬬᬲᬶᬭᬯᬸᬲ᭄ᬳᬸᬫᬵᬢᬸᬃᬭᬶᬳᬯᬦ᭄ᬮᬫ᭄ᬧᬳᬶᬭᬳᬸᬫᭂᬦ᭄ᬢᬲᬶᬂᬲᬵᬕᬭᬕᭀᬭᬕᬸᬫᬸᬭᬸᬄᬕᬫ᭄ᬩᬶᬭᬦ᭄ᬤᬢᬦ᭄ᬧᬢ᭄ᬢ᭄ᬬᬤᬹᬃᬕ᭄ᬕᬫᬵᬳᬗᬺᬱᬷᬗ᭄ᬳᬢᬶ᭟ᬭᬶᬢ᭄ᬮᬲᬶᬭᬳᬗᬸᬘᬧ᭄‌ᬘᬢᬹᬃᬫᬦ᭄ᬢ᭄ᬭᬶᬫᬸᬯᬄᬲᬶᬭᬳᬸᬫᬸᬮᬶᬄᬫᬵᬩᬩᬩᬜᬲ᭄ᬫᬸᬕᭂᬬᬸᬄᬫᬜ᭄ᬚᬶᬗᬾᬂᬯᬾᬰ᭄ᬫᬦᬶᬭᬢᬸᬘ ᬧᬲᬂᬧᬢᬶᬄᬓᬺᬢ᭄ᬣᬘᬶᬢ᭄ᬢᬲᬵᬫ᭄ᬧᬸᬦ᭄‌ᬧ᭄ᬭᬧ᭄ᬢᬭᬶᬗᬥ᭄ᬬᬦ᭄ᬢᬧᬸᬭᬲᬧ᭄ᬢᬂᬗ᭄ᬯ᭄ᬯᬾᬲᬶᬭᬭᬶᬂᬫᬃᬕ᭄ᬕᬶ᭟ᬓᬳᬤᬂᬰ᭄ᬭᬷᬪᬹᬫᬶᬦᬵᬣᬫᬳᬵᬭᬵᬚᬦᬭᬾᬦ᭄ᬤ᭄ᬭᬚᬮᬲᬶᬤ᭄ᬥᬶᬲᬶᬦᬾᬪᬳᬦᬾᬂᬘᬗᬸᬦ᭄ᬢᬸᬃᬤᬾᬦᬶᬂᬧᬭᬵᬤᬶᬫᬦ᭄ᬢ᭄ᬭ᭄ᬬᬦᭀᬭᬯᬦᬾᬄᬖᬶᬦᭀᬱ᭄ᬝᬶᬦᬶᬭᬲᬂᬧ᭄ᬭ [᭑᭗ 17A] ᬪᬸᬭᬶᬕᬢ᭄ᬬᬦᬶᬂᬪᬢᬹᬃᬧᬓ᭄ᬱ᭄ᬬᬳᬶᬗᬹᬦᬶᬳᬦᬾᬂᬯᬦᬵᬤ᭄ᬭᬶ᭟ᬭᬶᬲ᭄ᬥᭂᬗᬶᬭᬳᬗᬸᬘᬧ᭄‌ᬓᬜ᭄ᬘᬷᬢ᭄ᬧ᭄ᬭᬧ᭄ᬢᬲᬶᬭᬭᬵᬓ᭄ᬭ᭄ᬬᬦᬧᬢᬶᬄᬫᬓᬵᬤᬶᬲᬂᬫᬳᬵᬪᬶᬓ᭄ᬱᬸᬢᬸᬫᬵᬳᬸᬢ᭄ᬚᬬᬰᬭᬡᬭᬶᬬᬯᬦᬶᬂᬧᬗᬲ᭄ᬢ᭄ᬭᬾᬦ᭄ᬲᬶᬭᬳᬮᬸᬗ᭄ᬕᬸᬄᬓᬢᭀᬦ᭄ᬓᬤᬶᬩᬳ᭄ᬦᬶᬫᬸᬦ᭄ᬢᬩ᭄‌ᬓᬰ᭄ᬢᬃᬬ᭄ᬬᬦ᭄‌ᬰ᭄ᬭᬷᬦᬭᬧᬢᬶ᭟ ᬳᬾᬄᬧᬢᬶᬄᬓᬸᬡ᭄ᬥᬭᬳᬱ᭄ᬬᬮᬄᬢᬓᬶᬢᬢᬢᬜᬭᬶᬯᬳᬸᬧ᭄ᬭᬧ᭄ᬢᬶᬧᬸᬦ᭄ᬧᬢᬶᬄᬦᬸᬮ᭄ᬬᬮᬸᬫᬓᬸᬢᬸᬫᬜᬾᬫᬭᬶᬂᬥᬸᬢᬲᬂᬧᬶᬦᬓᬵᬤᬹᬢᬲᬵᬃᬚ᭄ᬚᬯᬳᬸᬫᬢᬸᬃᬳᬯᬭᬳᬶᬓ᭄ᬭᬫᬦᬶᬭᬧ᭄ᬭᬧ᭄ᬢᬵᬗᬶᬭᬶᬂᬲᬂᬫᬳᬵᬃᬱᬶ᭟ᬓᬶᬦᬾᬦ᭄ᬤᬾᬰ᭄ᬭᬷᬫᬳᬵᬭᬵᬳᬯᬶᬃᬬ᭄ᬬᬕᬸᬡᬳᬸᬫ᭄ᬥᭂᬓ᭄‌ᬰ᭄ᬭᬶᬪᬹᬧ ᬢᬷᬫᬯᬲᬾᬯᬮᬧᬢ᭄ᬭᬵᬭᬹᬫ᭄‌ᬳᬤᬸᬮᬸᬭᬧᬦᬶᬫᬄᬫᬗ᭄ᬓᬦᬵᬮᬶᬂᬧᬸᬦ᭄‌ᬓᬺᬢᬘᬶᬢ᭄ᬢᬲᬸᬫᬳᬸᬃᬦᬸᬮ᭄ᬬᬧᬸᬦ᭄‌ᬓᬸᬡ᭄ᬥᬭᬳᬱ᭄ᬬᬰᬶᬖ᭄ᬭᬫᬢᬸᬭᬶᬂᬦᬺᬧᬢᬶ᭟ᬲᬶᬗ᭄ᬕᬶᬄᬲᬵᬚ᭄ᬜᬰ᭄ᬭᬷᬦᬭᬾᬦ᭄ᬤ᭄ᬭᬯᬸᬲ᭄ᬓᬢ᭄ᬬᬓ᭄ᬱᬤᬾᬭᬧᬢᬶᬓ᭄‌ᬦᬺᬧᬢᬶᬧᬸᬦᬶᬓᬲᬦ᭄‌ᬫᬳᬵᬪᬶᬓ᭄ᬱᬸ ᬤᬶᬦᬸᬧᬸᬃᬫᬦ᭄ᬢ᭄ᬭᬷᬢᬡ᭄ᬥᬧ᭄ᬭᬬᭀᬚᬦᬦᬶᬭᬢᬥᬕᭂᬗᬶᬦᬸᬢᬸᬲ᭄‌ᬤᬾᬰ᭄ᬭᬷᬳᬚᬶᬳᬗ᭄ᬕᬤ᭄ᬯᬶᬧᬳᬸᬫ᭄ᬥᭂᬓᬶᬚᭃᬦᬺᬧᬢᬶ᭟ᬳᬶᬭᬶᬓᬵᬰ᭄ᬭᬷᬫᬳᬵᬭᬵᬳᬲᬵᬃᬚ᭄ᬚᬢᭀᬚᬃᬳᬸᬫᬚ᭄ᬜᬾᬧᬸᬦ᭄ᬫᬗᬸᬭᬶᬮᬳ᭄ᬬᬢᬓᬶᬢᬵᬮᬸᬫᬓᬸᬫᬵᬚᬭᬶᬧᬸᬦᬂᬤᬹᬢᬤᬾᬃᬬ᭄ᬬᬲᬶᬭᬰᬶᬖ᭄ᬭ

Auto-transliteration

[16 16B] 16 katkengparādimantrī. hirikaśrīnaranāthawir̀yyaguṇahumajñerakryanpatiḥnghhingmangkekahapingsunkitāhugalumampaḥhanglamarahumawāpanomahingsunhumiringsangmahādwījamar̥ĕkijöngśrībhūpati. ngakryanpatiḥkr̥ĕtacittaśighrā nĕmbaḥgār̀jjitādanlumarishumiringsamahābhiksyunakāpurohitandatanpasaḥpunjayaśaraṇatinūt'hamawasewalāpatrawastrādirātnamāsmaṇik. sirarākryancatūr̀taṇdhamiringansirarākryanapatiḥ nulyasirawushumātur̀rihawanlampahirahumĕntasingsāgaragoragumuruḥgambirandatanpattyadūr̀ggamāhangr̥ĕsyīnghati. ritlasirahangucapcatūr̀mantrimuwaḥsirahumuliḥmābababañasmugĕyuḥmañjingengweśmaniratuca pasangpatiḥkr̥ĕtthacittasāmpunpraptaringadhyantapurasaptangngwwesiraringmar̀ggi. kahadangśrībhūmināthamahārājanarendrajalasiddhisinebhahanengcanguntur̀deningparādimantryanorawaneḥghinoṣṭinirasangpra [17 17A] bhurigatyaningbhatūr̀pakṣyahingūnihanengwanādri. risdhĕngirahangucapkañcītpraptasirarākryanapatiḥmakādisangmahābhiksyutumāhutjayaśaraṇariyawaningpangastrensirahalungguḥkatonkadibahnimuntabkaśtar̀yyanśrīnarapati. heḥpatiḥkuṇdharahaṣyalaḥtakitatatañariwahupraptipunpatiḥnulyalumakutumañemaringdhutasangpinakādūtasār̀jjawahumatur̀hawarahikramanirapraptāngiringsangmahār̀syi. kinendeśrīmahārāhawir̀yyaguṇahumdhĕkśribhūpa tīmawasewalapatrārūmhadulurapanimaḥmangkanālingpunkr̥ĕtacittasumahur̀nulyapunkuṇdharahaṣyaśighramaturingnr̥ĕpati. singgiḥsājñaśrīnarendrawuskatyakṣaderapatiknr̥ĕpatipunikasanmahābhiksyu dinupur̀mantrītaṇdhaprayojananiratadhagĕnginutusdeśrīhajihanggadwipahumdhĕkijönr̥ĕpati. hirikāśrīmahārāhasār̀jjatojar̀humajñepunmangurilahyatakitālumakumājaripunangdūtader̀yyasiraśighra

Leaf 18

Image on Archive.org

[᭑᭘ 18B] ᭑᭘ ᬫᬜ᭄ᬚᬶᬤᬶᬂᬯᬦᬸᬦ᭄ᬢᬸᬃᬧᬸᬦ᭄ᬫᬦᬹᬃᬬ᭄ᬬᬵᬦᬸᬮ᭄ᬬᬫᬗ᭄ᬓᬢ᭄‌ᬲᬵᬓ᭄ᬱᬡᬲᬵᬫ᭄ᬬᬯᬸᬲ᭄ᬧ᭄ᬭᬧ᭄ᬢᬶ᭟ᬧᬸᬦᬧᬢᬶᬄᬓᬺᬢᬘᬶᬢ᭄ᬢᬲᭃᬂᬓᬧᬸᬳᬦ᭄ᬘᬶᬢ᭄ᬢᬦᬶᬭᬫᬸᬮᬢᬶᬢᬗ᭄ᬓᬶᬮᬦᬶᬭᬲᬂᬧ᭄ᬭᬪᬸᬬᬬᬵᬳᬬᬸᬦᬶᬂᬓᬾᬦ᭄ᬤ᭄ᬭᬦ᭄‌ᬤᬾᬦᬶᬂᬓ᭄ᬜᬭᬶᬂᬭᬵᬢ᭄ᬦᬪᬓ᭄ᬯᬭᬫᬸᬭᬸᬩ᭄‌ᬳᬗᭂᬦ᭄ᬤᭂᬫᭂᬦ᭄ᬤᭂᬧᬓᬵᬭᬫᬵ ᬬᬪᬹᬣᬡᬦᬶᬂᬫᬦ᭄ᬢ᭄ᬭᬷ᭟ᬫᬓᬵᬤᬶᬰ᭄ᬭᬷᬫᬳᬵᬭᬵᬚᬳᬪᬺᬱᬶᬦᬂᬮ᭄ᬯᬶᬃᬢᬾᬚᬲᬂᬳ᭄ᬬᬂᬭᬯᬶᬲᬸᬫᭂᬗ᭄ᬓᬳᬦᬾᬂᬯᬗᬸᬦ᭄ᬢᬸᬃᬢᬸᬮ᭄ᬬᬩᬳ᭄ᬦᬶᬤᬸᬫᬶᬮᬄᬳᬶᬭᬩᬚ᭄ᬭᬋᬗ᭄ᬕᬦᬶᬂᬫᬓᬸᬝᬵᬫᬸᬭᬸᬩ᭄‌ᬓ᭄ᬥᬧᬶᬂᬲᬃᬯ᭄ᬯᬶᬯ᭄ᬤᬶᬳᬦ᭄‌ᬮᬸᬫᬭᬧ᭄ᬢᬦ᭄ᬧᬾᬦ᭄ᬤᬄᬢᬢᬶᬢ᭄᭟ᬢᬶᬦᬫ᭄ᬧᬸᬓ᭄ᬜᬭᬶᬂᬗᬵᬃ ᬓ᭄ᬓᬵᬧᬕᬸᬭᬵᬮᬧ᭄‌ᬳᬲᬶᬦᬂᬓᬂᬧᬢᬦᬶᬲᬬᬦᬵᬧᬹᬃᬯ᭄ᬯᬭᬶᬗ᭄ᬳᬬᬸᬰᭀᬪᬦᬶᬂᬧᬗᬲ᭄ᬢ᭄ᬭ᭄ᬬᬦ᭄‌ᬲᬶᬭᬵᬥᬂᬳ᭄ᬬᬂᬮᬧᬭᬫᬵᬃᬣᬵᬬᬸᬗ᭄ᬕᬸᬄᬭᬶᬲᬫᬶᬧᬰ᭄ᬭᬶᬦᬭᬾᬦ᭄ᬤᬮ᭄ᬯᬶᬃᬧᬾᬦ᭄ᬤᬄᬰᬸᬤ᭄ᬥᬵᬦᬶᬂᬮᬗᬶᬢ᭄᭟ᬦᬶᬃᬫ᭄ᬫᬮᬮᬷᬮᬕᬸᬫᬯᬂᬲᬵᬯᬬᬯᬦᬶᬭᬲᬂᬫᬳᬵᬫᬹᬦᬶᬮ᭄ᬯᬶᬃᬥᬗ᭄ᬳ᭄ᬬᬂᬲᬶᬗ᭄ᬳᬵᬮᬫ᭄ᬩ ᬬᬸᬢᬸᬗ᭄ᬕᬦᬶᬂᬋᬱᬶᬕᬓᬳᬗᬰ᭄ᬚᬃᬬ᭄ᬬᬢᬦ᭄ᬧᭀᬧᬫᬭᬶᬂᬓᬲᬵᬥᬸᬦ᭄‌ᬳᬶᬭᬶᬓᬵᬧᬸᬦ᭄‌ᬓᬺᬢᬘᬶᬢ᭄ᬢᬲᬵᬥᬭᬰᬶᬖ᭄ᬭᬗᬜ᭄ᬚᬮᬶ᭟ᬫᬓᬵᬤᬶᬲᬂᬧᬸᬭᬶᬳᬶᬢᬵᬲᭀᬧᬘᬵᬭᬫᬋᬓᬶᬂᬚᭃᬂᬦᬺᬧᬢᬶᬰᬶᬖ᭄ᬭᬯᬸᬲ᭄ᬲᬶᬦᬸᬗᬦ᭄‌ᬮᬸᬗᬸᬄᬲᬵᬧᬤ᭄ᬥ᭄ᬬᬵᬃᬕ᭄ᬕᬘᬫᬡ᭄ᬬᬵᬢ᭄ᬬᬦ᭄ᬢ [᭑᭙ 19A] ᬢᬸᬫ᭄ᬝᬘᬶᬢ᭄ᬢᬦᬶᬭᬫᬳᬵᬪᬶᬓ᭄ᬱᬸᬫ᭄ᬯᬂᬲᬶᬭᬓ᭄ᬭ᭄ᬬᬦ᭄‌ᬓᬺᬢᬘᬶᬢ᭄ᬢᬚᬬᬰᬭᬡᬢᬦ᭄ᬓᬵᬭᬶ᭟ᬦᬸᬮ᭄ᬬᬥᬗ᭄ᬳ᭄ᬬᬂᬧᬸᬭᭀᬳᬶᬢᬢ᭄ᬭᬸᬄᬫᬵᬃᬤ᭄ᬥᬯᬳᬸᬫᬵᬢᬸᬭᬶᬦᬺᬧᬢᬶᬲᬶᬗ᭄ᬕᬶᬄᬲᬵᬚ᭄ᬜᬧᬸᬢᬸᬮᬸᬦ᭄‌ᬪᬸᬚᬗ᭄ᬕᬰ᭄ᬭᬶᬦᬭᬾᬦ᭄ᬤ᭄ᬭᬲᬧᬤᬸᬮᬸᬃᬧᬸᬦ᭄‌ᬓᬺᬢᬘᬶᬢᬳᬶᬦᬸᬢᬸᬲ᭄‌ᬤᬾᬭᬵᬦᬓ᭄‌ᬰ᭄ᬭᬷᬫ ᬳᬵᬭᬵᬚᬭᬶᬗᬗ᭄ᬕᬵᬤ᭄ᬯᬷᬧᬦᬵᬕᬭᬶ᭟ᬗᬵᬃᬬᬡᬵᬓᭂᬦ᭄ᬧᬸᬦᬂᬭᬾᬓᬵᬲᬵᬧᬦᭀᬫᬄᬭᬶᬚᭃᬂᬫᬳᬵᬪᬹᬧᬢᬶᬢᬸᬫᬥᬳᬵᬲᬶᬄᬧᬸᬓᬸᬮᬸᬦ᭄‌ᬤᬾᬦ᭄‌ᬰᬺᬤ᭄ᬥᬵᬗᬦᬸᬫᬣᬵᬗᬤᬸᬫᭀᬘᬲᬶᬭᬭᬵᬦᬢ᭄ᬢᬧᬸᬓᬸᬮᬸᬦ᭄‌ᬳᬦᬳᭂᬦᬶᬪ᭄ᬭᬦ᭄ᬢᬘᬶᬢ᭄ᬢᬓ᭄ᬦᬫᬥᬦᬵᬲ᭄ᬢ᭄ᬭᬲᬵᬭᬶ᭟ ᬦ᭄ᬤᬵᬢᬦ᭄ᬮ᭄ᬬᬦ᭄‌ᬰ᭄ᬭᬷᬫᬳᬵᬭᬵᬚᬵᬤᬶᬫᬹᬃᬢ᭄ᬢᬶᬦᬶᬗᬫᬺᬢᬲᬜ᭄ᬚᬶᬯᬦᬶᬲᬸᬬᬰᬭᬸᬫᬕᬚᬯᬸᬄᬲ᭄ᬥᭂᬂᬫᬰᬓᬃᬢ᭄ᬢᬶᬓᬵᬗᬸᬱᬥᬦᬶᬲᬗᬦᬳᭂᬦ᭄ᬮᬭᬵᬯᬸᬬᬸᬂᬲᬵᬓ᭄ᬱᬢ᭄ᬯᬶᬚᬬᬓᬸᬱᬸᬫᬵᬜ᭄ᬚᬶᬯᬦᬶᬭᬵᬦᬓ᭄ᬦᬺᬧᬢᬶ᭟ᬫᬗ᭄ᬓᬦᬵᬮᬶᬂᬫᬳᬵᬤ᭄ᬯᬶᬚᬓᬲᬶᬗ᭄ᬕᬶᬳᬦ᭄ᬤᬾᬦᬶᬭᬭᬵᬓ᭄ᬭ᭄ᬬᬦ ᬧᬢᬶᬄᬧᬸᬦ᭄ᬢᬬᬰᬭᬡᬵᬦᬸᬳᬸᬦ᭄‌ᬲᬸᬰᬩ᭄ᬥᬦᬶᬂᬪᬸᬚᬗ᭄ᬕᬵᬦ᭄ᬤᬦ᭄ᬲᬂᬦᬵᬣᬵᬰ᭄ᬯᬕᬢᬲᬲ᭄ᬫᬶᬢᬵᬫᬭᬹᬫ᭄‌ᬕᬶᬦᬗ᭄ᬲᬮ᭄ᬧᬸᬦᬂᬰᬾᬰᬯᬮᬦᬸᬮ᭄ᬬᬲᬶᬭᬰᬶᬖ᭄ᬭᬵᬗ᭄ᬮᬶᬂ᭟ᬳᬾᬓᬶᬢᬓᬸᬡ᭄ᬥᬭᬳᬱ᭄ᬬᬬᬾᬓᬷᬯᬘᬦ᭄ᬢᬂᬘᬶᬢ᭄ᬭᬤᬾᬦᬭᬤᬶᬦ᭄‌ᬧᬸᬦ᭄ᬓᬸᬡ᭄ᬥᬭᬳᬱ᭄ᬬᬵᬦᬸᬳᬸᬦ᭄‌ᬢ

Auto-transliteration

[18 18B] 18 mañjidingwanuntur̀punmanūr̀yyānulyamangkatsākṣaṇasāmyawusprapti. punapatiḥkr̥ĕtacittasöngkapuhancittaniramulatitangkilanirasangprabhuyayāhayuningkendrandeningkñaringrātnabhakwaramurub'hangĕndĕmĕndĕpakāramā yabhūthaṇaningmantrī. makādiśrīmahārājahabhr̥ĕsyinanglwir̀tejasanghyangrawisumĕngkahanengwanguntur̀tulyabahnidumilaḥhirabajrar̥ĕngganingmakuṭāmurubkdhapingsar̀wwiwdihanlumaraptanpendaḥtatit. tinampukñaringngār̀ kkāpagurālap'hasinangkangpatanisayanāpūr̀wwaringhayuśobhaningpangastryansirādhanghyanglaparamār̀thāyungguḥrisamipaśrinarendalwir̀pendaḥśuddhāninglangit. nir̀mmalalīlagumawangsāwayawanirasangmahāmūnilwir̀dhanghyangsinghālamba yutungganingr̥ĕsyigakahangaśjar̀yyatanpopamaringkasādhunhirikāpunkr̥ĕtacittasādharaśighrangañjali. makādisangpurihitāsopacāramar̥ĕkingjöngnr̥ĕpatiśighrawussinunganlunguḥsāpaddhyār̀ggacamaṇyātyanta [19 19A] tumṭacittaniramahābhiksyumwangsirakryankr̥ĕtacittajayaśaraṇatankāri. nulyadhanghyangpurohitatruḥmār̀ddhawahumāturinr̥ĕpatisinggiḥsājñaputulunbhujanggaśrinarendrasapadulur̀punkr̥ĕtacitahinutusderānakśrīma hārājaringanggādwīpanāgari. ngār̀yaṇākĕnpunangrekāsāpanomaḥrijöngmahābhūpatitumadhahāsiḥpukulundenśr̥ĕddhānganumathāngadumocasirarānattapukulunhanahĕnibhrantacittaknamadhanāstrasāri. ndātanlyanśrīmahārājādimūr̀ttiningamr̥ĕtasañjiwanisuyaśarumagajawuḥsdhĕngmaśakar̀ttikānguṣadhanisanganahĕnlarāwuyungsākṣatwijayakusyumāñjiwanirānaknr̥ĕpati. mangkanālingmahādwijakasinggihandenirarākryana patiḥpuntayaśaraṇānuhunsuśabdhaningbhujanggāndansangnāthāśwagatasasmitāmarūmginangsalpunangśeśawalanulyasiraśighrāngling. hekitakuṇdharahaṣyayekīwacantangcitradenaradinpunkuṇdharahaṣyānuhunta

Leaf 19

Image on Archive.org

[᭑᭙ 19B] ᭑᭙ ᬲᬵᬃᬬ᭄ᬬᬯᬶᬦᬘᬵᬭᬶᬯᬸᬲ᭄ᬧᬸᬧᬸᬢ᭄ᬳᬶᬭᬶᬓᬵᬲᬂᬫᬳᬵᬧ᭄ᬭᬪᬹᬲᬵᬃᬚ᭄ᬚᬯᬤᬾᬭᬵᬗᬃᬱᬶᬓᬭᬶᬲᬶᬭᬲᬂᬫᬳᬵᬫᬸᬦᬷ᭟ᬲᬶᬗ᭄ᬕᬶᬄᬥᬗ᭄ᬳ᭄ᬬᬂᬧᬸᬭᭀᬳᬶᬢᬓᬃᬯᬓᬶᬢᬧᬢᬶᬳᬶᬂᬗᬗ᭄ᬕᬧᬸᬭᬶᬮᬄᬫᬗ᭄ᬓ᭄ᬬᬲᬶᬭᬤᬸᬤᬸᬦᬸᬂᬯᭀᬦ᭄ᬢᭂᬦᬶᬂᬓᬧᬢᬶᬳᬦ᭄‌ᬦ᭄ᬤᬭᬶᬗᬾᬜ᭄ᬚᬂᬫᬸᬯᬄᬳᬢᭂᬢᭂᬮ᭄ᬯᬭᬶᬲᬸᬦ᭄‌ᬤᬾ ᬓ᭄ᬧᭀᬮ᭄ᬬᬲᬶᬭᬵᬩᬩ᭄ᬢᬩᬩ᭄‌ᬬᬾᬓᬶᬫᬗᬸᬃᬬ᭄ᬬᬳᬸᬫᬶᬭᬶᬂ᭟ᬳᬶᬭᬶᬓᬲᬂᬧᬸᬭᭀᬳᬶᬢᬦᬸᬮ᭄ᬬᬫᬭᬶᬂᬯᬾᬰ᭄ᬦᬓ᭄ᬭ᭄ᬬᬦᬧᬢᬶᬄᬧᬸᬦ᭄‌ᬓᬺᬢᬵᬘᬶᬢ᭄ᬢᬳᬤᬸᬮᬸᬃ᭞ᬲᬭᬶᬂᬚᬬᬰᬭᬡᬦ᭄ᬤᬢᬦ᭄ᬯᬓ᭄ᬢᬦ᭄ᬓᬤᬶᬯ᭄ᬬᬦᬶᬂᬧᬲᬸᬲᬸᬕᬸᬄᬲᬮ᭄ᬯᬶᬭᬶᬂᬭᬲᬲᬸᬭᬲᬵᬳᬫᬗᬸᬦ᭄‌ᬢᬺᬧ᭄ᬢᬶᬦᬶᬗ᭄ᬳᬢᬶ᭟ᬢᬸ ᬘᬧᬢᬫᬳᬵᬭᬵᬚᬰ᭄ᬭᬶᬦᬭᬾᬦ᭄ᬤ᭄ᬭᬪᬹᬧᬢᬶᬚᬮᬲᬶᬤ᭄ᬥᬶᬓᬵᬃᬬ᭄ᬬᬵᬮᬸᬗ᭄ᬕᬸᬳᬶᬂᬯᬗᬸᬦ᭄ᬢᬸᬃᬮᬨᬵᬦ᭄ᬧᬘᬵᬤᬶᬢᬡ᭄ᬥᬫᬓᬵᬫᬸᬓ᭄ᬬᬳᬸᬦ᭄‌ᬓᬸᬡ᭄ᬥᬭᬳᬱ᭄ᬬᬾᬫᬬᬸᬦ᭄‌ᬥᬗ᭄ᬳ᭄ᬬᬂᬮᬶᬮᬵᬫᬭᬫᬵᬃᬣᬫᬓᬵᬮᬶᬗ᭄ᬕᬦᬶᬗᬕᭀᬱ᭄ᬝᬶ᭟ᬦᬭᬾᬦ᭄ᬤ᭄ᬭᬵᬳᬲ᭄ᬫᬸᬲᬸᬗ᭄ᬓᬯᬫᬶᬗᭂᬢᬶᬗᭂᬢ᭄ ᬕᬸᬡᬦᬶᬂᬦᬬᬬᬸᬓ᭄ᬢᬶᬭᬶᬕᬢᬶᬦᬶᬭᬲᬗᬭᬹᬫ᭄‌ᬤᬾᬦ᭄ᬬᬵᬦᬳᬦᬂᬧᬦᭀᬫᬄᬳᬾᬢᬸᬦᬶᬭᬳᬸᬫᬢᬸᬭᬶᬚᭃᬂᬥᬗ᭄ᬕᬸᬭᬸᬰ᭄ᬥᭂᬗᬶᬭᬵᬗᬸᬘᬧᬸᬘᬧ᭄‌ᬚᬕ᭄ᬥᬢᭂᬂᬲᬂᬫᬳᬵᬬᬢᬶ᭟ᬢᭂᬥᬓ᭄ᬱᬓᬶᬂᬲᬸᬓ᭄ᬱ᭄ᬫᬵᬘᬶᬦ᭄ᬢ᭄ᬬᬲᭀᬫ᭄ᬬᬲᬶᬭᬧ᭄ᬭᬲᬫ᭄ᬬᬵᬲᬫᬾᬂ [᭒᭐ 20A] ᬲᬶᬤ᭄ᬥᬶᬢᬓ᭄ᬩᬚ᭄ᬭᬫᬹᬃᬢ᭄ᬢᬶᬳ᭄ᬬᬂᬢᬸᬥᬸᬄᬲᬓᬮᬵᬤᬶᬯᬭᬹᬧᬦᬶᬃᬫ᭄ᬫᬮᬵᬳ᭄ᬦᬶᬂᬯᬬᬯᬦᬶᬭᬤᬶᬦᬸᬧᬸᬋᬧ᭄‌ᬳᬮᬶᬗ᭄ᬕ᭄ᬬᬾᬂᬲᬶᬗ᭄ᬳᬵᬰᬡᬭᬶᬲᬦ᭄ᬫᬸᬓᬦᬶᬂᬦᬺᬧᬢᬶ᭟ᬢᬸᬫᬶᬩᬵᬢᬂᬧᬸᬱ᭄ᬧᬯᬃᬱᬲᬓᬶᬂᬪ᭄ᬬᭀᬫᬢᬶᬦᬸᬩᭂᬂᬯᬢᬫᬶᬭᬶᬃᬕᬦ᭄ᬤᬦ᭄ᬬᬫᬵᬃᬳᬺᬩᬸᬓ᭄ᬫᬭᬹᬫ᭄‌ᬍᬗᭃᬂᬫᬶᬗᬶᬂᬗᬲᬸᬫᬃᬳᬲᬯᬸᬭ ᬦ᭄ᬢᬂᬳᬸᬗ᭄ᬓᬭᬵᬫᬦ᭄ᬢ᭄ᬭᬳᬸᬫᬸᬂᬓᬕ᭄ᬬᬢ᭄‌ᬕ᭄ᬬᬢ᭄‌ᬰ᭄ᬭᬶᬦᬭᬦᬵᬣᬫᬸᬮᬢᬶᬲᬂᬫᬳᬵᬋᬱᬶ᭟ᬰᬶᬖ᭄ᬭᬳᬸᬫᭂᬦ᭄ᬤᬓ᭄ᬳᬦᭂᬫ᭄ᬩᬄᬰ᭄ᬭᬶᬦᬭᬾᬭᬦ᭄ᬤ᭄ᬭᬫᬸᬲᬧᬶᬚᭃᬂᬤ᭄ᬯᬶᬚᬃᬱᬶᬧ᭄ᬭᬡᬢᬵᬦᬸᬮ᭄ᬬᬢᬮᬗ᭄ᬓᬸᬧ᭄‌ᬲᬵᬧᬹᬚᬢ᭄ᬭᬶᬧᬭᬶᬲᬸᬤ᭄ᬥᬲᬵᬧᬤ᭄ᬥ᭄ᬬᬵᬃᬕ᭄ᬕᬘᬫᬡᬶᬬᬢᬶᬂᬢ᭄ᬣᬫᬭᬹᬫ᭄‌ᬲᬵᬥᬭᬵᬢᬺᬄ ᬫᬵᬃᬤ᭄ᬥᬯᬳᬸᬫᬢᬸᬭᬶᬚᭃᬂᬫᬳᬵᬃᬱᬶ᭟ᬲᬶᬗ᭄ᬕᬶᬄᬲᬦ᭄‌ᬫᬳᬵᬤᬶᬧᬡ᭄ᬥ᭄ᬬᬵᬢ᭄ᬬᬦ᭄ᬤᬪᬕ᭄ᬬᬭᬵᬦᬓ᭄ᬱᬂᬫᬳᬵᬫᬸᬦᬶᬫᬗ᭄ᬓᬾᬭᬶᬥᬢᭂᬂᬫᬳᬵᬫ᭄ᬧᬸᬧ᭄ᬭᬧ᭄ᬢᬭᬶᬂᬤᬾᬰᬰᬹᬦ᭄ᬬᬦ᭄ᬤᬦᬧᬭᬦ᭄ᬕᬫᬦᬦ᭄ᬢᬸᬦ᭄ᬬᬭᬳᬬᬸᬳᬧᬦ᭄ᬲᬂᬫᬳᬵᬤᬶᬧᬡ᭄ᬥ᭄ᬬᬫᬶᬮᬗᬂᬓ᭄ᬮᬾᬰᬦᬶᬂᬪᬹᬫᬶ᭟ᬅᬲ᭄ᬢᬫ᭄ᬭᬵᬦ ᬢ᭄ᬫᬳᬤ᭄ᬯᬶᬚᬢᬦ᭄ᬯ᭄ᬭᬸᬳᬶᬂᬲ᭄ᬯᬃᬕ᭄ᬕᬬᬦ᭄ᬗᭀᬦ᭄ᬫᬳᬵᬃᬱᬶᬬᬦᬧᬵᬢᬢᬸᬦᬗ᭄ᬕᬸᬮᬸᬦ᭄‌ᬓᬵᬃᬬ᭄ᬬᬭᬶᬂᬧᬹᬃᬯ᭄ᬯᬚᬦ᭄ᬫᬵᬧᬶᬮᬶᬄᬦᬶᬢ᭄ᬬᬲᬵᬗ᭄ᬓ᭄ᬯᬵᬫᬗᬸᬦ᭄‌ᬬᬰᬵᬳᬬᬸᬦ᭄ᬤᬄᬫᬗ᭄ᬓᬾᬭᬓ᭄ᬯᬨᬮᬦ᭄ᬬᬭᬶᬥᬢᭂᬂᬲᬂᬫᬳᬵᬬᬢᬶ᭟ᬑᬫ᭄ᬑᬫ᭄‌ᬲᬵᬚ᭄ᬜᬰ᭄ᬭᬶᬦᬭᬾᬦ᭄ᬤ᭄ᬭ

Auto-transliteration

[19 19B] 19 sār̀yyawinacāriwuspuput'hirikāsangmahāprabhūsār̀jjawaderāngar̀syikarisirasangmahāmunī. singgiḥdhanghyangpurohitakar̀wakitapatihingnganggapurilaḥmangkyasiradudunungwontĕningkapatihanndaringeñjangmuwaḥhatĕtĕlwarisunde kpolyasirābabtababyekimangur̀yyahumiring. hirikasangpurohitanulyamaringweśnakryanapatiḥpunkr̥ĕtācittahadulur̀, saringjayaśaraṇandatanwaktankadiwyaningpasusuguḥsalwiringrasasurasāhamanguntr̥ĕptininghati. tu capatamahārājaśrinarendrabhūpatijalasiddhikār̀yyālungguhingwanguntur̀laphānpacāditaṇdhamakāmukyahunkuṇdharahaṣyemayundhanghyanglilāmaramār̀thamakālingganingagoṣṭi. narendrāhasmusungkawamingĕtingĕt guṇaningnayayuktirigatinirasangarūmdenyānahanangpanomaḥhetunirahumaturijöngdhangguruśdhĕngirāngucapucapjagdhatĕngsangmahāyati. tĕdhakṣakingsukṣmācintyasomyasiraprasamyāsameng [20 20A] siddhitakbajramūr̀ttihyangtudhuḥsakalādiwarūpanir̀mmalāhningwayawaniradinupur̥ĕp'halinggyengsinghāśaṇarisanmukaningnr̥ĕpati. tumibātangpuṣpawar̀ṣasakingbhyomatinubĕngwatamirir̀gandanyamār̀hr̥ĕbukmarūml̥ĕngöngmingingngasumar̀hasawura ntanghungkarāmantrahumungkagyatgyatśrinaranāthamulatisangmahār̥ĕsyi. śighrahumĕndak'hanĕmbaḥśrinarerandramusapijöngdwijar̀syipraṇatānulyatalangkupsāpūjatriparisuddhasāpaddhyār̀ggacamaṇiyatingtthamarūmsādharātr̥ĕḥ mār̀ddhawahumaturijöngmahār̀syi. singgiḥsanmahādipaṇdhyātyandabhagyarānakṣangmahāmunimangkeridhatĕngmahāmpupraptaringdeśaśūnyandanaparan'gamanantunyarahayuhapansangmahādipaṇdhyamilangangkleśaningbhūmi. astamrāna tmahadwijatanwruhingswar̀ggayanngonmahār̀syiyanapātatunanggulunkār̀yyaringpūr̀wwajanmāpiliḥnityasāngkwāmangunyaśāhayundaḥmangkerakwaphalanyaridhatĕngsangmahāyati. omomsājñaśrinarendra

Leaf 20

Image on Archive.org

[᭒᭐ 20B] ᭒᭐ ᬓᬸᬦᬗᬶᬓᬶᬲᬗ᭄ᬳᬸᬮᬸᬦ᭄ᬲᬶᬤ᭄ᬥᬵᬬᭀᬕᬶᬲᬵᬥᬭᬫᬵᬚᬭᬾᬧ᭄ᬭᬪᬸᬲᬳᬾᬱ᭄ᬝᬶᬰ᭄ᬭᬷᬦᬭᬾᬦ᭄ᬤ᭄ᬭᬳᬧᬦ᭄ᬳᬦᬵᬂᬲᬸᬲ᭄ᬓᬦᬶᬭᬦᬾᬂᬓᬳ᭄ᬬᬸᬦ᭄‌ᬦ᭄ᬤᬄᬫᬗ᭄ᬢᬾᬩ᭄ᬭᬵᬳ᭄ᬫᬡᬳᬚ᭄ᬬᬫᬭᬳᬶᬚᭃᬂᬰ᭄ᬭᬷᬪᬹᬧᬢᬶ᭟ᬲ᭄ᬯᬚᬵᬕᬶᬦᬶᬂᬫᬳᬵᬭᬚᬯᬷᬃᬬ᭄ᬬᬕᬸᬡᬭᬶᬗᬗ᭄ᬕᬤ᭄ᬯᬶᬧᬪᬹᬫᬶᬲᬓᬮᬳ᭄ᬬᬂ ᬚᬶᬤᬵᬦᬸᬭᬸᬦ᭄‌ᬲᬶᬦᬺᬱ᭄ᬝᬶᬘᬓ᭄ᬭᬯᬃᬢ᭄ᬢ᭄ᬬᬫᬳᬵᬩᬮᬵᬯᬶᬃᬬ᭄ᬬᬯᬦ᭄ᬥᬃᬫ᭄ᬫᬳᬦᬸᬮᬸᬲ᭄‌ᬳᬯᬢᬭᬲᬂᬳ᭄ᬬᬂᬩᬸᬤ᭄ᬥᬵᬫᬶᬮᬗᬂᬍᬗ᭄ᬢᬦᬶᬂᬪᬹᬫᬶ᭟ᬓᬸᬦᬂᬧᬸᬦᬂᬘᬢᬹᬃᬧᬓ᭄ᬱ᭄ᬬᬓᬂᬳᬶᬗᬹᬦᬶᬫᬢᭀᬳᬭᬾᬂᬯᬦᬵᬤ᭄ᬭᬶᬮᬶᬗ᭄ᬲ᭄ᬬᬦᬶᬂᬫᬦ᭄ᬢ᭄ᬭᬶᬓᬘᬢᬸᬃᬲᬦᬓᬶᬂᬓᬺᬢᬘᬶᬢ᭄ᬢᬲᬂ ᬫᬭᬗ᭄ᬓᬾᬫᬋᬓᬶᬂᬚᭃᬂᬰ᭄ᬭᬷᬫᬵᬳᬸᬳᬸᬦ᭄‌ᬳᬶᬦᬚ᭄ᬜᬳᬦ᭄ᬤᬤᬶᬤᬹᬢᬵᬫᬶᬦ᭄ᬢᬤ᭄ᬬᬄᬲᬸᬓ᭄ᬱ᭄ᬫᬲᬵᬭᬷ᭟ᬓᬸᬦᬂᬭᬵᬦᬓ᭄‌ᬰ᭄ᬭᬷᬦᬭᬾᬦ᭄ᬤ᭄ᬭᬲᬶᬭᬢᭀᬯᬶᬳ᭄ᬬᬂᬳ᭄ᬬᬂᬦᬶᬂᬧᬲᬶᬃᬯᬸᬓᬶᬃᬢᬸᬭᬸᬦ᭄ᬤᬤᬶᬭᬢ᭄ᬦᬯᬥᬹᬳᭀᬭᬵᬦᬸᬂᬯᬯᬦᬾᬳᬦ᭄‌ᬫᬓᬖᬭᬨᬢ᭄ᬦᬶᬭᬵᬦᬓ᭄ᬱᬗᬳᬸ ᬮᬸᬦ᭄‌ᬲᬂᬰ᭄ᬭᬷᬳᬚᬶᬯᬶᬃᬬ᭄ᬬᬕᬸᬡᬫᬗ᭄ᬓᬦᬵᬮᬶᬂᬫᬳᬵᬬᬢᬶ᭟ᬘᭂᬢ᭄ᬲᬸᬓ᭄ᬱ᭄ᬫᬢᬦ᭄ᬧᬳᬫ᭄ᬗᬦ᭄‌ᬤᬤᬶᬕᬶᬭᬂᬲᬵᬦᬦᬶᬂᬧᬭᬫᬦ᭄ᬢ᭄ᬭᬷᬕᬵᬃᬚ᭄ᬚᬶᬲᬫ᭄ᬬᬵᬳᬗ᭄ᬭᬸᬗᬸᬫᬓᬵᬤᬶᬰ᭄ᬭᬶᬦᬭᬾᬦ᭄ᬤ᭄ᬭᬮ᭄ᬯᬶᬃᬲᬸᬫ᭄ᬓᬃᬳᬺᬤ᭄ᬥᬬᬦᬶᬭᬢᬸᬫᬸᬢᬸᬃᬳᬲ᭄ᬫᬸᬩᬶᬗᬭᬶᬂᬯᬥᬦᬵ [᭒᭑ 21A] ᬓᬢ᭄ᬓᬾᬂᬲᬂᬫᬳᬵᬬᬢᬶ᭟ᬯᬸᬲᬯᬵᬦ᭄ᬳ᭄ᬬᬂᬥᬶᬯᬵᬗ᭄ᬓᬭᬵᬰᭀᬪᬵᬫᬢᬶᬲᬫᬾᬄᬢᬸᬫᬶᬩᬾᬂᬚᬮᬥᬷᬭᬵᬫ᭄ᬬᬂᬫᬸᬦᬶᬫᬦᬸᬢ᭄ᬕᬸᬫᬸᬂᬲ᭄ᬯᬭᬦ᭄ᬬᬓᭀᬦᬤᬸᬦᬂᬓᬤ᭄ᬬᬵᬗ᭄ᬕᬸᬧᬶᬢ᭄ᬓᬬᬸᬦ᭄ᬬᬵᬗᬶᬕᭂᬮᬫᬶᬕᬸᬄᬢᬶᬦᬹᬩᬶᬂᬫᬦ᭄ᬤᬫᬭᬸᬢᬰ᭄ᬭᬷᬦᬵᬣᬫᬜ᭄ᬚᬶᬗᬶᬂᬧᬸᬭᬶ᭟᭐᭟ᬥᬹᬃ᭟᭐᭟ ᬍᬂᬍᬂᬭᬵᬫ᭄ᬬᬦᬶᬂᬰᬰᬗ᭄ᬓᬭᬶᬂᬗᬸᬤᬬᬵᬲᬸᬫ᭄ᬦᭃᬳᬦᬸᬮᬸᬳᬶᬓᬭᬵᬫ᭄ᬬᬦᬶᬂᬧᬸᬭᬧ᭄ᬭᬤᬶᬧ᭄ᬢᬳ᭄ᬦᬶᬂᬕᬸᬫᬯᬂᬧ᭄ᬭᬪᬦᬶᬂᬖᭀᬧᬸᬭᬫᬡᬶᬓ᭄ᬓᬦᬓᬯᬾᬰ᭄ᬫᬢᬾᬚᬵᬗᭂᬦ᭄ᬤᭂᬧᭂᬦ᭄ᬤᭂᬧᬶ᭟ᬤᬾᬦ᭄ᬬᬵᬓ᭄ᬯᬾᬄᬦᬶᬂᬓᬭᬂᬭᬵᬢ᭄ᬦᬓᬭᭀᬚ᭄ᬯᬮᬕᬺᬳᬯᬾᬥᬹᬃᬬ᭄ᬬᬵᬭᬤᬶᬦ᭄‌ᬫᬡᬶᬧᬤ᭄ᬫᬵᬭᬵᬕ ᬪᬶᬦᬚ᭄ᬭᬮᬾᬧᬭᬸᬓ᭄ᬫᬪᬶᬦᬧ᭄ᬭᬦ᭄ᬫᬡᬶᬓᬶᬦᬸᬓᬶᬃᬧ᭄ᬭᬢᬶᬱ᭄ᬝᬦᬶᬭᬲᬂᬳ᭄ᬬᬂᬳ᭄ᬬᬂᬦᬶᬂᬓᬭᬰ᭄ᬫᬶᬦ᭄᭟ᬲᬶᬭᬵᬫᬚᬂᬯᬸᬮᬦ᭄‌ᬫ᭄ᬯᬂᬓᬓᬾᬜᬦᬶᬭᬳᬚᭃᬂᬮ᭄ᬯᬶᬃᬯᬭᬵᬧ᭄ᬲᬃᬲᬓ᭄ᬯᬾᬳᬶᬂᬓᬦ᭄ᬬᬓᬵᬳᬦᬓᬶᬂᬢᬡ᭄ᬥᬭᬵᬓ᭄ᬭ᭄ᬬᬦ᭄‌ᬳᬧᬸᬧᬸᬮ᭄ᬳᬬᬸᬭᬵᬲ᭄ᬧᬢ᭄ᬭᬶᬓᭀᬫᬮᬵᬭᬹᬧ ᬧᬸᬱ᭄ᬧᬶᬢᬵᬗ᭄ᬰᬵᬗᬹᬢ᭄ᬧ᭄ᬢᬶ᭟ᬳᬾᬫ᭄ᬩᭂᬄᬭᬹᬫ᭄ᬭᬸᬫ᭄‌ᬓᬲᭂᬦ᭄ᬯᬦᬶᬂᬦᬶᬰᬓᬵᬭᬲᬶᬭᬲᬂᬰ᭄ᬭᬷᬲᬸᬧᬸᬢ᭄ᬭᬷᬢᬸᬮ᭄ᬬᬰᬰᬵᬥᬭᬳᬳ᭄ᬬᬂᬧᬶᬤᬭᬶᬯᬺᬢ᭄ᬢᬳᬶᬂᬭᬭᬯᬦᬶᬢᬾᬂᬧᬸᬭᬶᬓᬤ᭄ᬬᬢᬺᬗ᭄ᬕᬡᬵᬰᬾᬯᬶᬭᬰ᭄ᬫᬶᬦᬶᬂᬰᬰᬶ᭟ᬭᬶᬲᬸᬭᬫ᭄ᬩ᭄ᬬᬦᬶᬂᬕᬺᬳᬵᬲᬶᬭᬲᬶᬦᬾᬪᬵ

Auto-transliteration

[20 20B] 20 kunangikisanghulunsiddhāyogisādharamājareprabhusaheṣṭiśrīnarendrahapanhanāngsuskaniranengkahyunndaḥmangtebrāhmaṇahajyamarahijöngśrībhūpati. swajāginingmahārajawīr̀yyaguṇaringanggadwipabhūmisakalahyang jidānurunsinr̥ĕṣṭicakrawar̀ttyamahābalāwir̀yyawandhar̀mmahanulushawatarasanghyangbuddhāmilangangl̥ĕngtaningbhūmi. kunangpunangcatūr̀pakṣyakanghingūnimatoharengwanādrilingsyaningmantrikacatur̀sanakingkr̥ĕtacittasang marangkemar̥ĕkingjöngśrīmāhuhunhinajñahandadidūtāmintadyaḥsukṣmasārī. kunangrānakśrīnarendrasiratowihyanghyangningpasir̀wukir̀turundadiratnawadhūhorānungwawanehanmakagharaphatnirānakṣangahu lunsangśrīhajiwir̀yyaguṇamangkanālingmahāyati. cĕtsukṣmatanpahamngandadigirangsānaningparamantrīgār̀jjisamyāhangrungumakādiśrinarendralwir̀sumkar̀hr̥ĕddhayaniratumutur̀hasmubingaringwadhanā [21 21A] katkengsangmahāyati. wusawānhyangdhiwāngkarāśobhāmatisameḥtumibengjaladhīrāmyangmunimanutgumungswaranyakonadunangkadyānggupitkayunyāngigĕlamiguḥtinūbingmandamarutaśrīnāthamañjingingpuri. 0. dhūr̀. 0. l̥ĕngl̥ĕngrāmyaningśaśangkaringngudayāsumnöhanuluhikarāmyaningpurapradiptahninggumawangprabhaningghopuramaṇikkanakaweśmatejāngĕndĕpĕndĕpi. denyākweḥningkarangrātnakarojwalagr̥ĕhawedhūr̀yyāradinmaṇipadmārāga bhinajraleparukmabhinapranmaṇikinukir̀pratiṣṭanirasanghyanghyangningkaraśmin. sirāmajangwulanmwangkakeñanirahajönglwir̀warāpsar̀sakwehingkanyakāhanakingtaṇdharākryanhapupulhayurāspatrikomalārūpa puṣpitāngśāngūtpti. hembĕḥrūmrumkasĕnwaningniśakārasirasangśrīsuputrītulyaśaśādharahahyangpidariwr̥ĕttahingrarawanitengpurikadyatr̥ĕnggaṇāśewiraśminingśaśi. risurambyaninggr̥ĕhāsirasinebhā

Leaf 21

Image on Archive.org

[᭒᭑ 21B] ᭒᭑ ᬲᬶᬦᬃᬫᬫᬢᬦᬶᬚ᭄ᬩᬤ᭄ᬓᬶᬦᬲ᭄ᬢᬹᬃᬬ᭄ᬬᬦ᭄‌ᬲᬶᬦᬫ᭄ᬩ᭄ᬬᬵᬫᬘᬕᬶᬢᬵᬢᭀᬦ᭄ᬢᭂᬦ᭄ᬯᭀᬗᬶᬭᬵᬓᬓᬲᬶᬄᬧᬸᬦ᭄ᬫᬥᬹᬥᬃᬬ᭄ᬬᬓᬶᬦᬾᬦᬫᬘᬕᬸᬭᬶᬢ᭄᭟ᬧᬭᬓᬶᬮᬶᬳᬢᬢᬳᬮᬸᬗ᭄ᬕ᭄ᬯᬾᬗᬵᬃᬱᬯᬃᬡ᭄ᬦᬵᬰᬸᬤ᭄ᬥᬵᬬᬸᬯᬢᬷᬯ᭄ᬭᬸᬳᬶᬂᬲᬃᬯ᭄ᬯᬕᬸᬡᬧ᭄ᬭᬚ᭄ᬜᬾᬂᬕᬶᬢᬵᬰᬵᬲ᭄ᬢ᭄ᬭᬵᬚ᭄ᬜᬲᬂᬦᬶ ᬢ᭄ᬬᭀᬫᬋᬓᬶᬂᬤᬾᬯᬶᬫ᭄ᬯᬂᬧᬸᬢ᭄ᬭᬶᬦᬶᬭᬲᬂᬫᬓᬵᬘᬸᬥᬫᬡᬷ᭟ᬓᬧ᭄ᬭᬓᬵᬰᬫᬦᭀᬳᬭᬤᬶᬯ᭄ᬬᬭᬹᬧᬰᬺᬗ᭄ᬕᬭᬢᬫᬾᬂᬓᬸᬤ᭄ᬥᬶᬧ᭄ᬭᬚ᭄ᬜᬚᬶᬢᬵᬓ᭄ᬱᬭᬵᬧᬢ᭄ᬭᬭᬵᬢ᭄ᬦᬢᬺᬗ᭄ᬕᬡᬧᬶᬦᬮᬶᬳᬭᬦ᭄ᬓᬓᬲᬶᬄᬤ᭄ᬬᬄᬚᬬᬮᬗᭃᬦᬾᬭᬲᬂᬰ᭄ᬭᬷᬲᬸᬧᬸᬢ᭄ᬭᬶ᭟ᬫᬗ᭄ᬕᭂᬄᬧ ᬓᬕᬸᬃᬯᬦᬶᬂᬓᬯᬶᬮᬮᬗ᭄ᬯᬦ᭄‌ᬳᬫᬃᬡ᭄ᬦᬵᬭᬹᬫ᭄ᬦᬶᬂᬧᬲᬶᬃᬯᬸᬮᬸᬲᬦᬘᬮᬵᬢᬶᬦᬢᬾᬂᬪᬱᬕᬶᬢᬘᬶᬦᬦ᭄ᬤᬓ᭄‌ᬲ᭄ᬯᬭᬳᬫᬦᬶᬳᬲ᭄‌ᬧᬶᬦᬢᬹᬢ᭄‌ᬪᬣᬓᬯ᭄ᬬᬲ᭄ᬫᬭᬵᬂᬗ᭄ᬭᬶᬫᬗᬶ᭟ᬤᬤ᭄ᬬᬵᬦᬩ᭄ᬥᬲᬂᬓᬤᬶᬳ᭄ᬬᬦᬶᬂᬓᬸᬱᬸᬫᬫᬥᬹᬥᬢᬳᬶᬓᬶᬕᬦ᭄ᬢ᭄ᬬᬦᬦᬵ ᬯᬘᬦ᭄‌ᬧᬮᬸᬧᬸᬬ᭄ᬦᬶᬭᬓᬓᬚᬬᬵᬭᬹᬫ᭄ᬳᬜᬃᬓᬶᬦᬯᬶᬲᬂᬧᬭᬢᬧ᭄ᬬᬘᬸᬫᬭᬶᬢᬓᭂᬦᬶᬓᬶ᭟ᬫᬥᬸᬥᬓᬫᬾᬲᭂᬫ᭄ᬲᬵᬃᬯ᭄ᬬᬵᬳᬯᭀᬢ᭄‌ᬲ᭄ᬓᬃᬢᬦᬲᬵᬃᬬ᭄ᬬᬯᬶᬦᬸᬦᬶᬢᬧ᭄ᬦᬶᬂᬓᬯ᭄ᬬᬵᬕᬶᬢᬵᬭᬹᬫ᭄ᬭᬸᬫ᭄ᬦᬶᬂᬫᬥᬸᬲ᭄ᬯᬭᬓᬾᬫ᭄ᬩᭂᬳᬦ᭄ᬫᬦᬶᬲ᭄ᬦᬶᬂᬕᭂᬦ᭄ᬤᬶᬂ [᭒᭒ 22A] ᬯᬾᬢ᭄ᬦᬶᬂᬯᬶᬚ᭄ᬜᬦ᭄ᬬᬫᬥᬸᬥᬓᬳᬜ᭄ᬭᬸᬢᬶ᭟ᬢ᭄ᬯᬲ᭄ᬓᬧᬸᬳᬦ᭄ᬲᬂᬧᬭᬓᬶᬮ᭄ᬬᬓᬯ᭄ᬗᬦ᭄‌ᬓᬲᭀᬭᬶᬂᬲ᭄ᬯᬭᬫᬦᬶᬲ᭄‌ᬧᬗᬸᬜ᭄ᬘᬮᬶᬂᬪᬵᬱᬲᬫ᭄ᬬᬲᬶᬭᬵᬫᬸᬫᬹᬚ᭄ᬬᬤᬸᬄᬧᬭᬦ᭄ᬲᬶᬦᬸᬘᬧ᭄ᬫᬮᬶᬄᬧᬦ᭄ᬢᬓᬯ᭄ᬦᬂᬗ᭄ᬯᬂᬫᭂᬢᬸᬓ᭄ᬱ᭄ᬫᬭᬾᬓᬶ᭟ᬯ᭄ᬯᭀᬦ᭄ᬢᭂᬦ᭄ᬲᬸᬦ᭄ᬯᭀᬂᬗᬶᬭᬵᬧᬢ᭄ᬭᬫᬥᬸᬤ᭄ᬭᬯᬓᬶᬦᬲᬶᬳ ᬦ᭄ᬲᬸᬦᬾᬯᬶᬯ᭄ᬭᬸᬄᬦ᭄ᬬᬵᬫᬸᬫᬸᬭᬂᬳᬗᬸᬘᬧ᭄‌ᬰᬸᬄᬫᬵᬲ᭄ᬫᬶᬭᬄᬓᬢᬳ᭄ᬬᭀᬦ᭄ᬢᬶᬦᬫ᭄ᬪᬂᬫ᭄ᬮᬶᬓ᭄‌ᬫᬸᬗ᭄ᬕ᭄ᬯᬶᬂᬧᬯ᭄ᬯᬳᬦ᭄‌ᬮᬫ᭄ᬩᬗ᭄ᬓᬸᬢᬦ᭄ᬓᬢᭀᬮᬶᬄ᭟ᬲᬸᬫ᭄ᬭᬓ᭄ᬳᬸᬫ᭄ᬬᬂᬕᬸᬫᬸᬬᬸᬯᭀᬗᬶᬭᬲᬂᬤ᭄ᬬᬄᬓᬢ᭄ᬓᬾᬂᬧᬭᬓᬶᬮᬶᬧᬥᬵᬃᬱᬵᬕᬸᬕᬸᬬ᭄ᬯᬦ᭄‌ᬲᬂᬳ᭄ᬬᬂᬳ᭄ᬬᬂᬦᬶᬂᬓᬸᬱᬸᬫᬵᬢᬶᬳᬵᬃᬱ ᬯᬘᬦᬳᬭᬶᬲ᭄‌ᬳᬲᭃᬂᬲᭃᬂᬲ᭄ᬫᬶᬢᬵᬢᭀᬗᬶᬓ᭄ᬬᬩ᭄ᬯᬢᬯᬜ᭄ᬘᬷ᭟ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬰ᭄ᬭᬷᬦᬣᬵᬳᬰ᭄ᬭᬹᬳᬦᬩ᭄ᬥᬧᬭᬦ᭄ᬤᬾᬧᬸᬦ᭄‌ᬕᬸᬬ᭄ᬯᬦᬶᬓᬕ᭄ᬬᬢ᭄ᬲᬂᬮ᭄ᬯᬶᬃᬲᬶᬦ᭄ᬯᬫ᭄‌ᬢᬸᬭᬸᬦ᭄ᬳᬕᬭᬯᬮᬦ᭄‌ᬳᬶᬦᬶᬭᬶᬗᬶᬂᬯᬭᬵᬧ᭄ᬲᬭᬷᬫ᭄ᬯᬂᬧᬭᬓᬶᬮ᭄ᬬᬫ᭄‌ᬥ᭄ᬬᬫ᭄‌ᬭᬶᬥᬢᭂᬂᬦᬺᬧᬢᬶ᭟ᬯᬸᬲ᭄ᬲ ᬮᬸᬗ᭄ᬕ᭄ᬯᬾᬂᬲᬸᬭᬫ᭄ᬩ᭄ᬬᬦ᭄‌ᬰ᭄ᬭᬷᬪᬹᬫᬶᬦᬵᬣᬲᬂᬰ᭄ᬭᬷᬦᬶᬂᬫᬥᬸᬧᬲᬶᬃᬯᬸᬲ᭄ᬓᬶᬦᬾᬦ᭄ᬫᬋᬓᬵᬮᬳᬶᬗ᭄ᬓᬾᬦ᭄ᬬᬵᬦᬓᬶᬗ᭄ᬯᬂᬲᬶᬭᬲᬂᬳ᭄ᬬᬂᬳ᭄ᬬᬂᬦᬶᬂᬧᬸᬭᬷᬫᬦ᭄ᬤᭂᬓ᭄ᬳᬦᭂᬫ᭄ᬩᬄᬭᬶᬚᭃᬂᬗᬶᬭᬦᬺᬧᬢᬶ᭟ᬢᬹᬭᬶᬗᬸᬲᬧ᭄ᬧᬶᬦ᭄ᬓᬸᬮ᭄ᬳᬶᬗᬭᬲᬭᬲ᭄‌ᬓᬾᬰᬦᬶᬭᬲᬸᬤᬾᬯᬶᬚᬶᬦᬯᬸᬳ

Auto-transliteration

[21 21B] 21 sinar̀mamatanijbadkinastūr̀yyansinambyāmacagitātontĕnwongirākakasiḥpunmadhūdhar̀yyakinenamacagurit. parakilihatatahalunggwengār̀ṣawar̀ṇnāśuddhāyuwatīwruhingsar̀wwaguṇaprajñenggitāśāstrājñasangni tyomar̥ĕkingdewimwangputrinirasangmakācudhamaṇī. kaprakāśamanoharadiwyarūpaśr̥ĕnggaratamengkuddhiprajñajitākṣarāpatrarātnatr̥ĕnggaṇapinaliharankakasiḥdyaḥjayalangönerasangśrīsuputri. manggĕḥpa kagur̀waningkawilalangwanhamar̀ṇnārūmningpasir̀wulusanacalātinatengbhaṣagitacinandakswarahamanihaspinatūtbhathakawyasmarāngngrimangi. dadyānabdhasangkadihyaningkusyumamadhūdhatahikigantyananā wacanpalupuynirakakajayārūmhañar̀kinawisangparatapyacumaritakĕniki. madhudhakamesĕmsār̀wyāhawotskar̀tanasār̀yyawinunitapningkawyāgitārūmrumningmadhuswarakembĕhanmanisninggĕnding [22 22A] wetningwijñanyamadhudhakahañruti. twaskapuhansangparakilyakawngankasoringswaramanispanguñcalingbhāṣasamyasirāmumūjyaduḥparansinucapmaliḥpantakawnangngwangmĕtukṣmareki. wwontĕnsunwongngirāpatramadhudrawakinasiha nsunewiwruḥnyāmumuranghangucapśuḥmāsmiraḥkatahyontinambhangmlikmunggwingpawwahanlambangkutankatoliḥ. sumrak'humyanggumuyuwongirasangdyaḥkatkengparakilipadhār̀syāguguywansanghyanghyangningkusyumātihār̀ṣa wacanaharishasöngsöngsmitātongikyabwatawañcī. kañcitpraptaśrīnathāhaśrūhanabdhaparandepun'guywanikagyatsanglwir̀sinwamturunhagarawalanhiniringingwarāpsarīmwangparakilyamdhyamridhatĕngnr̥ĕpati. wussa lunggwengsurambyanśrībhūmināthasangśrīningmadhupasir̀wuskinenmar̥ĕkālahingkenyānakingwangsirasanghyanghyangningpurīmandĕk'hanĕmbaḥrijöngngiranr̥ĕpati. tūringusappinkulhingarasaraskeśanirasudewijinawuha

Leaf 22

Image on Archive.org

[᭒᭒ 22B] ᭒᭒ ᬦᬸᬚᬃᬦᬶᬦ᭄ᬬᬵᬢ᭄ᬫᬚᬦᬶᬗ᭄ᬯᬂᬮᬶᬯᬃᬲᬸᬓᬦ᭄ᬓᬸᬳᬧᬸᬢ᭄ᬭᬷᬳ᭄ᬬᬂᬦᬶᬭᬵᬚ᭄ᬜᬵᬦᬫᬰᬭᬷᬭᬫᬦᬺᬱ᭄ᬝᬷ᭟ᬦᬶᬢ᭄ᬬᬳᬫᬥᬗᬶᬢ᭄ᬯᬲ᭄ᬦᬶᬂᬭᬵᬫᬭᬾᬡᬲᬵᬓᬰᬮᬦ᭄ᬧ᭄ᬭᬣᬶᬯᬶᬩ᭄ᬯᬢ᭄ᬲᬶᬄᬓᬸᬳᬧᬸᬢ᭄ᬭᬥᬸᬄᬳᬢ᭄ᬫᬚᬶᬯᬦᬶᬗ᭄ᬯᬂᬤᬾᬦ᭄ᬢᬸᬮᬸᬲ᭄‌ᬰᬺᬤ᭄ᬥᬦ᭄ᬢᬦᬶᬦᬶᬯᬶᬮᬰᬦᬶᬂᬗ᭄ᬯᬂᬢᬸᬳ᭄ᬯᬵᬫᬹᬥᬳᬧᬶᬗ᭄ᬕᬶᬂ᭟ᬫᬗ᭄ᬓ᭄ᬬ ᬦᬶᬦᬶᬮᬶᬦᬫᬭᬶᬗᬗ᭄ᬕᬵᬤ᭄ᬯᬷᬧᬧ᭄ᬭᬦᬸᬳᬦᭀᬫ᭄ᬳᬦᬫᬶᬲᬂᬰ᭄ᬭᬷᬯᬶᬃᬬ᭄ᬬᬕᬸᬡᬲᬶᬤ᭄ᬥᬫᬳᬵᬧᬸᬭᬸᬱᬥᬃᬫ᭄ᬫᬧᬭᬫᬵᬣᬾᬂᬩᬸᬤ᭄ᬥᬷᬳᬜᬓ᭄ᬭᬚᬕᬢ᭄‌ᬓᬮᭀᬦᬸᬱᬦ᭄ᬢᬭᬷ᭟ᬓ᭄ᬱᬫᬵᬓ᭄ᬦᬳᬚᬦᬶᬦᬶᬦᬮᬳᬰᬧᭀᬮᬳᬶᬗ᭄ᬲᬸᬦ᭄ᬳᬶᬗᬹᬦᬶᬓᬤ᭄ᬬᬓᬯᬦᬕᬦ᭄‌ᬓ ᬮᭀᬜ᭄ᬚᭀᬓ᭄ᬢᬸᬫᬭᬶᬫᬰᬾᬯᬮᬫ᭄ᬯᬂᬭᬵᬚᬧᬾᬦᬶᬢᬦ᭄ᬲᬗ᭄ᬓᬾᬂᬪ᭄ᬭᬦ᭄ᬢᬵᬳ᭄ᬬᬸᬦ᭄ᬳ᭄ᬬᬸᬦᬾᬂᬫᬵᬲ᭄ᬫᬡᬶᬓ᭄᭟ᬢᬦ᭄ᬲᬗ᭄ᬓᬭᬶᬂᬗᬯ᭄ᬤᬶᬤᬶᬦᭀᬦᬶᬂᬬᬸᬤ᭄ᬥᬵᬢᬦ᭄ᬲᬓᬾᬂᬢ᭄ᬤᬶᬧᬢᬶᬢᬦ᭄ᬮᬮᬶᬲ᭄ᬓᬵᬭᬡᬓᬮᬶᬗᬦ᭄ᬬᬵᬦᬓᬶᬗ᭄ᬯᬂᬧᬵᬗ᭄ᬤᬦᬶᬂᬯᬶᬥᬶᬳᬦᬺᬱ᭄ᬝᬶᬳᬢᭂᬫ᭄ᬯᬾᬂᬲᬶᬭᬫᬓᬵᬃᬤ᭄ᬥ ᬦᬭᬾᬰ᭄ᬯᬭᬶ᭟ᬤᬸᬓᬶᬂᬗᬹᬦᬶᬲᬧ᭄ᬭᬧ᭄ᬢᬦᬶᬧᬸᬦ᭄ᬳᬸᬢᬸᬲᬦ᭄‌ᬲᬶᬭᬵᬫᬦᬶᬭᬦᬶᬦᬶᬓᬵᬭᬶᬭᬸᬫᬲᬸᬳᬵᬮᬯᬦ᭄ᬲᬶᬭᬥᬗ᭄ᬕᬸᬭ᭄ᬯᬫᬸᬓ᭄ᬬᬲᬶᬭᬓ᭄ᬭ᭄ᬬᬦᬧᬢᬶᬄᬫ᭄ᬯᬂᬫᬦ᭄ᬢ᭄ᬭᬷᬢᬡ᭄ᬥᬚᬕ᭄ᬥᬢᬂᬲᬂᬲᬶᬤ᭄ᬥᬵᬃᬣᬶ᭟ᬢᬦ᭄ᬧᬲᬗ᭄ᬓᬦ᭄‌ᬚᬸᬫᭀᬮ᭄ᬧ᭄ᬭᬧ᭄ᬢᬾᬂᬯᬢᬗᬦ᭄‌ᬫᬭᬄ [᭒᭓ 23A] ᬫᬭᬳᬶᬓᬫᬶᬭᬶᬧᬹᬯ᭄ᬯᬦᬶᬤᬤ᭄ᬬᬦᬶᬭᬰ᭄ᬭᬶᬯᬶᬃᬬ᭄ᬬᬕᬸᬡᬫ᭄ᬯᬂᬲᬶᬭᬵᬦᬓᬶᬗ᭄ᬯᬂᬦᬶᬦᬶᬯᬸᬲ᭄ᬓᬧ᭄ᬭᬢ᭄ᬬᬓ᭄ᬱᬲ᭄ᬯᬓᬃᬫ᭄ᬫᬦᬶᬂᬤᬸᬫᬤᬶ᭟ᬦ᭄ᬤᬦ᭄ᬓᬢᬳᬵᬭᬶᬚ᭄ᬜᬵᬦᬲᬂᬫᬳᬵᬧᬡ᭄ᬥ᭄ᬬᬬᬦ᭄ᬢᬦ᭄ᬓᬲᭂᬗ᭄ᬓᬾᬂᬕᬢᬶᬯᬭᬯᬭᬳᬶᬭᬢ᭄ᬳᭂᬭᬲᬸᬂᬗᬦᬸᬕ᭄ᬭᬳᬵᬧᬭᬫᭀᬢ᭄ᬢᬫᬮᬶᬦᭂᬯᬶᬄᬓᬤᬶᬯ᭄ᬬᬘᬓ᭄ᬱ᭄ᬯᬦ᭄‌ᬳᬶᬦᬸᬲ ᬧ᭄ᬭ᭄ᬫᬸᬓᬫᬫᬶ᭟ᬤᬤ᭄ᬬᬓᬢᭀᬦ᭄ᬦᬭᬯᬂᬢᬂᬰᬸᬪᬵᬰᬸᬪᬫᬗ᭄ᬓ᭄ᬬᬮᬯᬦᬶᬗᬹᬦᬶᬫ᭄ᬯᬂᬭᬶᬂᬯᬃᬣᬫᬦᬵᬓᬮᬶᬗᬦ᭄ᬬᬵᬦᬓᬶᬗ᭄ᬯᬂᬤᬾᬦ᭄ᬢᬸᬮᬸᬲᬶᬄᬢᬭᬶᬓᬫᬶᬳᬗᬸᬓᬸᬳᬓ᭄ᬦᬲᬵᬰᬡᬦᬶᬂᬧᬸᬢ᭄ᬭ᭄ᬬᬵᬤᬶ᭟ᬧᬦ᭄ᬲᬶᬦᬶᬧ᭄ᬢᬾᬂᬱᬸᬭᬡᬢᬢ᭄ᬯᬘᬭᬷᬢᬓ᭄ᬭᬫᬦᬶᬂᬯᬗ᭄ᬰᬍᬯᬶᬄᬢᬶᬦ᭄ᬤᬓᬶᬗᬸᬢ᭄ᬢᬫᬲᬶᬦᬂᬬᭀ ᬕᬳᬓ᭄ᬭᬫᬤᬾᬦᬶᬂᬬᬬᬾᬦ᭄ᬤᬸᬂᬮᬶᬦᭂᬯᬶᬄᬲᬶᬤ᭄ᬥᬵᬦᬶᬂᬓᬧ᭄ᬢ᭄ᬬᬳᬸᬫᬺᬤ᭄ᬥ᭄ᬬᬯᬂᬰᭀᬢ᭄ᬢᬫᬶ᭟ᬬᬦ᭄ᬭᬶᬂᬲᬸᬢᬵᬲᬵᬥᬸᬩᬸᬤ᭄ᬥᬷᬧᬭᬫᬵᬃᬣᬫᬵᬦᬹᬢ᭄ᬲᭀᬚᬭᬶᬂᬗ᭄ᬳᬚᬶᬲᬢ᭄ᬬᬢᬦ᭄ᬓᬥᬮᬂᬫᬦᬹᬢ᭄ᬩᬸᬤ᭄ᬥᬷᬦᬶᬂᬬᬬᬄᬲᬶᬤ᭄ᬥᬵᬳᬸᬫᬥᬥᬮᬦᬶᬂᬲᬳᬰ᭄ᬭᬬᬚ᭄ᬜᬢᬸᬢᬸᬭᬦᬵᬦᬓ᭄ᬫᬫᬶ᭟ᬬ ᬦ᭄ᬢᬸᬫᬸᬮᬸᬲ᭄‌ᬲᬶᬤ᭄ᬥᬦᬶᬂᬥᬃᬫ᭄ᬫᬕᬶᬦᭂᬕ᭄ᬯᬦ᭄‌ᬓᬢ᭄ᬓᬾᬗ᭄ᬲᬸᬦ᭄ᬤᬬᬾᬓᬶᬲᬵᬪᬸᬫᬶᬧᬸᬦ᭄ᬧᬸᬦᬦ᭄‌ᬯᬯᬦ᭄ᬫᬃᬬ᭄ᬬᬗ᭄ᬕᬧᬸᬭᬲᬮ᭄ᬯᬦᬶᬂᬗᬦ᭄ᬢᬵᬦᬕᬭᬶᬲᬶᬭᬵᬦᬓᬶᬗ᭄ᬯᬂᬫᬶᬰᬾᬱᬵᬗ᭄ᬕᬦ᭄ᬬᬲᬫᬶ᭟ᬫᬗ᭄ᬓᬦᬵᬮᬶᬗᬶᬭᬲᬂᬰ᭄ᬭᬷᬦᬭᬦᬵᬣᬲᬂᬤ᭄ᬬᬄᬫᬡᬶᬓᬶᬂᬧᬸᬭᬶᬳᬦᬸᬯᬸᬭᬶᬯᬲ᭄ᬧᬵᬤ᭄ᬭᬯ

Auto-transliteration

[22 22B] 22 nujar̀ninyātmajaningwangliwar̀sukankuhaputrīhyangnirājñānamaśarīramanr̥ĕṣṭī. nityahamadhangitwasningrāmareṇasākaśalanprathiwibwatsiḥkuhaputradhuḥhatmajiwaningwangdentulusśr̥ĕddhantaniniwilaśaningngwangtuhwāmūdhahapingging. mangkya ninilinamaringanggādwīpapranuhanomhanamisangśrīwir̀yyaguṇasiddhamahāpuruṣadhar̀mmaparamāthengbuddhīhañakrajagatkalonuṣantarī. kṣamāknahajanininalahaśapolahingsunhingūnikadyakawanaganka loñjoktumarimaśewalamwangrājapenitansangkengbhrantāhyunhyunengmāsmaṇik. tansangkaringngawdidinoningyuddhātansakengtdipatitanlaliskāraṇakalinganyānakingwangpāngdaningwidhihanr̥ĕṣṭihatĕmwengsiramakār̀ddha nareśwari. dukingngūnisapraptanipunhutusansirāmaniraninikārirumasuhālawansiradhanggurwamukyasirakryanapatiḥmwangmantrītaṇdhajagdhatangsangsiddhār̀thi. tanpasangkanjumolpraptengwatanganmaraḥ [23 23A] marahikamiripūwwanidadyaniraśriwir̀yyaguṇamwangsirānakingwangniniwuskapratyakṣaswakar̀mmaningdumadi. ndankatahārijñānasangmahāpaṇdhyayantankasĕngkenggatiwarawarahirat'hĕrasungnganugrahāparamottamalinĕwiḥkadiwyacakṣwanhinusa prmukamami. dadyakatonnarawangtangśubhāśubhamangkyalawaningūnimwangringwar̀thamanākalinganyānakingwangdentulusiḥtarikamihangukuhaknasāśaṇaningputryādi. pansiniptengsyuraṇatatwacarītakramaningwangśal̥ĕwiḥtindakinguttamasinangyo gahakramadeningyayendunglinĕwiḥsiddhāningkaptyahumr̥ĕddhyawangśottami. yanringsutāsādhubuddhīparamār̀thamānūtsojaringnghajisatyatankadhalangmanūtbuddhīningyayaḥsiddhāhumadhadhalaningsahaśrayajñatuturanānakmami. ya ntumulussiddhaningdhar̀mmaginĕgwankatkengsundayekisābhumipunpunanwawanmar̀yyanggapurasalwaningngantānagarisirānakingwangmiśesyāngganyasami. mangkanālingirasangśrīnaranāthasangdyaḥmaṇikingpurihanuwuriwaspādrawa

Leaf 23

Image on Archive.org

[᭒᭓ 23B] ᭒᭓ ᬬᬢᬦ᭄ᬧᬫ᭄ᬧᭂᬢᬦ᭄‌ᬮ᭄ᬯᬶᬃᬫᬖᬫᬰᬦᬾᬂᬯᬺᬱ᭄ᬝᬷᬦ᭄ᬤᬦ᭄‌ᬰ᭄ᬭᬶᬦᬭᬾᬦ᭄ᬤ᭄ᬭᬢᬦ᭄ᬧᬦ᭄ᬢᬭᬵᬦᬸᬢᬸᬭᬶ᭟ᬤᬮᬸᬳᬯᬦ᭄‌ᬳ᭄ᬬᬂᬰᬰᬶᬫᬾᬄᬲᬸᬫᬸᬭᬸᬧᬓᬺᬱ᭄ᬡᬧᬓ᭄ᬱᬘᬢᬹᬃᬢᬷᬦ᭄ᬤᬦ᭄‌ᬰ᭄ᬭᬶᬦᬭᬧᬢ᭄ᬬᬵᬮᬸᬯᬭᬦᬸᬮ᭄ᬬᬵᬦᬶᬤ᭄ᬭᬳᬶᬂᬯᬾᬰ᭄ᬫᬓᬜ᭄ᬘᬦᬾᬂᬮᬕᬶᬢᬦ᭄ᬓᬝᬵᬢ᭄ᬦᬓᬸᬦᭂᬂᬭᬳᬤᬾᬦ᭄ᬧᬸᬢ᭄ᬭᬷ᭟ ᬓᬵᬃᬬ᭄ᬬᬰᭀᬓᬘ᭄ᬜᬶᬢᬵᬡ᭄ᬦᬓᬾᬧᬸᬓᬧ᭄ᬕᬦ᭄‌ᬲᬯᭂᬗ᭄ᬬᬢᬦ᭄ᬧᬕᬸᬮᬶᬂᬳᬳᭀᬲᬳᬗ᭄ᬲᬄᬳᬓ᭄ᬘᬧ᭄ᬢᬦ᭄ᬩᬷᬲᭀᬚᬃᬓᬵᬗᭂᬦ᭄ᬤ᭄ᬭᬶᬧᭀᬮᬳᬶᬂᬤᬤᬶᬧᬦ᭄ᬓᬵᬃᬬ᭄ᬬᬯᬮᬵᬢᬸᬭᬸᬂᬯᬃᬱᬶᬳᬾᬂᬕᬢᬶ᭟ᬧᬭᬓᬓᬾᬜᬫ᭄ᬯᬂᬲᬓ᭄ᬯᬾᬳᬦᬶᬂᬓᬦ᭄ᬬᬲᬫ᭄ᬬᬳᬫᬶᬢᬸᬭᬸᬦᬶᬯᬲ᭄ᬧᬳ ᬗᬲᬧ᭄ᬢᬓᬢ᭄ᬓᬾᬂᬧᬭᬓᬶᬮ᭄ᬬᬳᬯ᭄ᬮᬲ᭄‌ᬮᬫ᭄ᬮᬫᬶᬳᬢᬶᬭᬶᬭᬹᬫ᭄ᬭᬳᬤ᭄ᬬᬦ᭄‌ᬯᬳ᭄ᬯᬧᬶᬦᬮᬶᬧᬮᬶ᭟ᬲᬯᭀᬗᬶᬭᬲᬫ᭄ᬬᬵᬢᬹᬃᬧᬓ᭄ᬱ᭄ᬬᬵᬕᬤ᭄ᬕᬤᬵᬧᬸᬓᬸᬮᬸᬦ᭄ᬲᬵᬚ᭄ᬜᬲᬂᬰ᭄ᬭᬷᬦᬶᬂᬓᬸᬱᬸᬫᬲᬵᬮᬲ᭄‌ᬲᬂᬧᬶᬦᬓᬵᬢ᭄ᬫᬮᬶᬗ᭄ᬕᬓᬯᬸᬮᬲᬫᬢᬦ᭄ᬓᬵᬭᬷᬭᬷᬧᬵᬤᬤ᭄ᬯᬬᬵᬫ ᬳᬵᬭᬵᬚᬲᬸᬧᬸᬢ᭄ᬭᬶ᭟ᬲᬤᭀᬳᬦᬶᬂᬮᬓᬸᬲᬤᬹᬃᬕ᭄ᬕᬦᬶᬂᬮᬫ᭄ᬧᬄᬤ᭄ᬬᬲ᭄ᬢᬸᬦᬢ᭄ᬫᬄᬧᬢᬶᬲᬲᬶᬂᬲᬧᬭᬦᬵᬧᬓᬦᬶᬭᬧᬗᬾᬭᬦ᭄‌ᬓᬯᬸᬮᬵᬲᬫ᭄ᬬᬵᬳᬗᬶᬭᬶᬂᬲᬪᬬᬡ᭄ᬝᬓᬵᬓᬢ᭄ᬓᬾᬂᬧᬭᬧᬸᬢ᭄ᬭᬶ᭟ᬧᬭᬓᬶᬮᬶᬲᬫ᭄ᬬᬵᬭᬸᬭᬸᬳᬸᬦᬦᬸᬚᬃᬫᬵᬢᬸᬭᬶᬚᭃᬂᬲᬸᬧᬸᬢ᭄ᬭᬶ [᭒᭔ 24A] ᬫᬾᬄᬧ᭄ᬭᬧ᭄ᬢᬾᬂᬳᬶᬦᬵᬲ᭄ᬫᬸᬪᬵᬂᬳ᭄ᬬᬂᬗᬭᬸᬡᬲᬸᬢᬾᬚᬵᬦ᭄ᬭᬗᬷᬥᬷᬓ᭄ᬯᬷᬥᬷᬓ᭄‌ᬢᬦ᭄ᬓᬯᬵᬓ᭄ᬦᬓᬸᬦᬶᬂᬯᬃᬡ᭄ᬦᬦᭂᬦ᭄ᬫᬮᬶᬄ᭟ᬥᬯᬸᬄᬓᬵᬮᬶᬄᬰ᭄ᬭᬷᬦᬭᬾᬦ᭄ᬤ᭄ᬭᬯᬸᬲ᭄ᬲᬶᬦᬾᬪᬵᬤᬾᬭᬓ᭄ᬭ᭄ᬬᬦ᭄ᬢᬡ᭄ᬥᬫᬦ᭄ᬢ᭄ᬭᬷᬮᬦ᭄ᬧᬭᬪᬸᬚᬗ᭄ᬕᬰ᭄ᬭᬷᬮᬷᬮᬧᬭᬵᬫᬵᬃᬣᬲᬂᬫᬓᬵᬳᬤᬶᬦᬶᬂᬮᬶᬗ᭄ᬕᬶᬄᬫᬸᬗ᭄ᬕ᭄ᬯᬶᬂᬧᬗᬲ᭄ᬢ᭄ᬭ᭄ᬬᬦ᭄ ᬫᬓᬵᬕ᭄ᬭᬘᬸᬘᬥᬫᬡᬷ᭟ᬓᬸᬦᬂᬲᬶᬭᬗᬦᬸᬢᬸᬯᬸᬲ᭄ᬲᬶᬦᬸᬦ᭄ᬤᬂᬧ᭄ᬭᬧ᭄ᬢᬫᭂᬦ᭄ᬤᭂᬓᬦᬸᬮᬶᬲᬵᬥᬭᬧ᭄ᬭᬡᬣᬯᬸᬲ᭄ᬲᬶᬦᬸᬂᬧᬝᬵᬭᬡᬲᬶᬦᬫ᭄ᬩ᭄ᬭᬫᬾᬂᬗᬸᬧᬰᬦ᭄ᬢᬶᬦᬸᬮ᭄ᬬᬵᬗᬃᬥᬷᬓᬵᬲᬶᬭᬲᬂᬫᬵᬦᬹᬧᬢᬶ᭟ᬥᬹᬲᬵᬚ᭄ᬜᬫ᭄ᬧᬸᬥᬗ᭄ᬳ᭄ᬬᬂᬧᬸᬭᭀᬳᬶᬢᬵᬪᬹᬢᬵᬓᬃᬯᬓᬶᬢᬓᬶᬧᬢᬶᬄᬯᬶᬃᬬ᭄ᬬᬓᬺ ᬓᬘᬶᬢ᭄ᬢᬳᬶᬓ᭄ᬬᬰᬾᬯᬮᬧᬢ᭄ᬭᬧᬦᬸᬯᬮ᭄ᬮᬷᬗ᭄ᬲᬸᬦ᭄‌ᬯᬯᬦᬶᬳᬵᬃᬬᬦᬵᬓ᭄ᬦᬭᬶᬦᬯᬾᬂᬗᬱ᭄ᬝᬧᬸᬭᬶ᭟ᬗ᭄ᬳᬶᬂᬧᬯ᭄ᬓᬲ᭄ᬲᬶᬗ᭄ᬲᬸᬦ᭄‌ᬤᬾᬦ᭄ᬢᬸᬮᬸᬲᬶᬳᬶᬭᬲᬂᬲᬵᬓ᭄ᬱᬢ᭄ᬢᬶᬦᬫᬹᬃᬢ᭄ᬢᬶᬰᬺᬤ᭄ᬥᬵᬗᬫ᭄ᬧᬸᬦᬦᬵᬯᬶᬭᬹᬧᬦᬶᬂᬓᬶᬦᬵᬃᬱᬵᬢᬶᬫᬹᬥᬕᬸᬡᬵᬮ᭄ᬧᬾᬗ᭄ᬳᬚᬶᬤᬾᬦ᭄ᬯᬶᬮᬰᬳ ᬲᬷᬭᬰ᭄ᬭᬷᬦᬭᬧᬢᬶ᭟ᬦ᭄ᬤᬦ᭄ᬭᬷᬫᬲᬯᬾᬰᬓᬵᬧ᭄ᬭᬧ᭄ᬢᬳᬦᬶᬭᬰ᭄ᬭᬷᬯᬷᬃᬬ᭄ᬬᬕᬸᬡᬘᬢᬗ᭄ᬓᬾᬕᬦᬱ᭄ᬝ᭄ᬬᬵᬳᬦᬵᬰᬸᬦᬳᬷᬯᬰᬲᬶᬭᬓ᭄ᬭ᭄ᬬᬦ᭄ᬧᬢ᭄ᬬᬵᬢᭀᬢ᭄ᬲᬭᬶᬳᬦᬸᬳ᭄ᬯᬵᬚ᭄ᬜᬦᬦᬶᬭᬫᬳᬵᬪᬹᬧᬢᬶ᭟ᬫᬗ᭄ᬓᬦᭀᬚᬃᬰ᭄ᬭᬷᬦᬭᬾᬦ᭄ᬤ᭄ᬭᬚᬮᬲᬶᬤ᭄ᬥ᭄ᬬᬲᬂᬧᬸᬭᭀ

Auto-transliteration

[23 23B] 23 yatanpampĕtanlwir̀maghamaśanengwr̥ĕṣṭīndanśrinarendratanpantarānuturi. daluhawanhyangśaśimeḥsumurupakr̥ĕṣṇapakṣacatūr̀tīndanśrinarapatyāluwaranulyānidrahingweśmakañcanenglagitankaṭātnakunĕngrahadenputrī. kār̀yyaśokacñitāṇnakepukapgansawĕngyatanpagulinghahosahangsaḥhakcaptanbīsojar̀kāngĕndripolahingdadipankār̀yyawalāturungwar̀syihenggati. parakakeñamwangsakwehaningkanyasamyahamituruniwaspaha ngasaptakatkengparakilyahawlaslamlamihatirirūmrahadyanwahwapinalipali. sawongirasamyātūr̀pakṣyāgadgadāpukulunsājñasangśrīningkusyumasālassangpinakātmalinggakawulasamatankārīrīpādadwayāma hārājasuputri. sadohaninglakusadūr̀gganinglampaḥdyastunatmaḥpatisasingsaparanāpakanirapangerankawulāsamyāhangiringsabhayaṇṭakākatkengparaputri. parakilisamyāruruhunanujar̀māturijöngsuputri [24 24A] meḥpraptenghināsmubhānghyangngaruṇasutejānrangīdhīkwīdhīktankawāknakuningwar̀ṇnanĕnmaliḥ. dhawuḥkāliḥśrīnarendrawussinebhāderakryantaṇdhamantrīlanparabhujanggaśrīlīlaparāmār̀thasangmakāhadininglinggiḥmunggwingpangastryan makāgracucadhamaṇī. kunangsiranganutuwussinundangpraptamĕndĕkanulisādharapraṇathawussinungpaṭāraṇasinambramengngupaśantinulyāngar̀dhīkāsirasangmānūpati. dhūsājñampudhanghyangpurohitābhūtākar̀wakitakipatiḥwir̀yyakr̥ĕ kacittahikyaśewalapatrapanuwallīngsunwawanihār̀yanāknarinawengngaṣṭapuri. nghingpawkassingsundentulusihirasangsākṣattinamūr̀ttiśr̥ĕddhāngampunanāwirūpaningkinār̀syātimūdhaguṇālpenghajidenwilaśaha sīraśrīnarapati. ndanrīmasaweśakāpraptahaniraśrīwīr̀yyaguṇacatangkeganaṣṭyāhanāśunahīwaśasirakryanpatyātotsarihanuhwājñananiramahābhūpati. mangkanojar̀śrīnarendrajalasiddhyasangpuro

Leaf 24

Image on Archive.org

[᭒᭔ 24B] ᭒᭔ ᬳᬶᬢᬫᬫ᭄ᬯᬶᬢ᭄‌ᬧᬢᬶᬄᬢᬘᬶᬢ᭄ᬢᬢᬸᬫᬹᬢ᭄‌ᬚᬬᬰᬭᬡᬲᬫᬵᬃᬣᬵᬥᬭᬗᬜ᭄ᬘᬮᬷᬳᬫᬶᬢ᭄ᬫᬸᬮᬶᬳᬵᬰ᭄ᬭᬷᬦᬵᬣᬳᬸᬫᬲ᭄ᬢᬸᬢᬶ᭟ᬫᭀᬖᬫᭀᬖᬲᬸᬮᬪᬵᬲᬶᬭᬭᬶᬗ᭄ᬳᬯᬦ᭄‌ᬫᬗ᭄ᬓᬵᬦᬸᬕ᭄ᬭᬳᬵᬳᬚᬶᬲᬫ᭄ᬬᬵᬗᬲ᭄ᬢᬸᬗ᭄ᬓᬭᬵᬦ᭄ᬫ᭄ᬩᬄᬫᬫ᭄ᬯᬶᬢ᭄ᬮᬸᬫᬫ᭄ᬧᬄᬢᬦ᭄ᬓᬯᬵᬃ ᬡ᭄ᬦᬾᬂᬗ᭄ᬳᬯᬗ᭄ᬮᬷᬲ᭄‌ᬲᬧ᭄ᬢᬵᬤᬶᬯᬰᬵᬥᬢᭂᬗᬶᬂᬳᬗ᭄ᬕᬧᬸᬭᬶ᭟ᬦ᭄ᬤᬦ᭄ᬓᬳᬤᬂᬰ᭄ᬭᬷᬦᬭᬦᬵᬣᬲᬶᬦᬾᬪᬵᬳᬢᬢᬵᬓᬤᬶᬂᬮᬕᬶᬥᬗ᭄ᬳ᭄ᬬᬂᬧᬸᬭᭀᬳᬶᬢᬓ᭄ᬬᬵᬧᬢᬷᬄᬓᬺᬢᬘᬶᬢ᭄ᬢᬚᬬᬰᬭᬡᬮᬸᬫᬭᬶᬲ᭄‌ᬫᬭᬾᬂᬯᬢᬗᬦ᭄‌ᬲᬸᬫ᭄ᬬᭀᬓ᭄ᬕᬶᬭᬗᬶᬂᬫᬦ᭄ᬢ᭄ᬭᬷ᭚᭐᭚ ᭚ᬲᬶ᭚᭐᭚ᬲᬂᬧ᭄ᬭᬧ᭄ᬢᬲᬫ᭄ᬬᬵᬗ᭄ᬳᬸᬗᬗ᭄ᬕᬵᬫᭂᬦ᭄ᬤᭂᬓᬗᬦ᭄ᬤᬧᬲᬰ᭄ᬭᬷᬳᬦᭂᬫ᭄ᬩᬄᬳᬶᬚᭃᬂᬲᬂᬓᬢᭀᬂᬲᬶᬦᬵᬣᬳᬡ᭄ᬥᬸᬓᬶᬂᬮᬶᬭᬶᬂᬲᬳᬵᬯᬘᬦᬳᬭᬶᬲ᭄‌ᬮ᭄ᬯᬶᬭᬲᬶᬭᬢ᭄ᬲᬶᬭᬢ᭄ᬫᬥᬹᬤᬵᬳᬵᬆᬢᬵᬳᬾᬦᬵᬕᬵ ᬧᬵᬦᬵᬕᬵ ᬲᬵᬆᬦᬵᬕᬵ ᬩᬵᬭᬵᬆᬳ᭄ᬫᬡᬳᬧᬢᬶᬄᬧᭀᬓᬶᬢᬵᬓᬵᬮᬶᬄᬳᬢ᭄ᬬᬦ᭄ᬢᬲᬸᬓᬦᬶᬂᬗ᭄ᬯᬂᬲᬧ᭄ᬭᬧ᭄ᬢ ᬦᬶᬭ᭟ᬧᬶᬭᬂᬤᬷᬦᬵᬳᬦᬾᬂᬗ᭄ᬳᬯᬦ᭄‌ᬲᬷᬭᬵᬓ᭄ᬭ᭄ᬬᬦ᭄ᬧᬢ᭄ᬬᬵᬢᭀᬢ᭄ᬲᬭᬷᬧᬸᬓᬸᬮᬸᬦ᭄ᬧᬢᬶᬓ᭄ᬪᬝᬵᬭᬲᬧ᭄ᬢᬂᬗ᭄ᬯᬾᬢᭀᬦ᭄ᬢᭂᬦᬶᬂᬫᬃᬕ᭄ᬕᬶᬰ᭄ᬭᬷᬦᬣᬳᬦᬯᬸᬭᬶᬧᬸᬦᬧᬓ᭄ᬭᬫᬦᬶᬂᬮᬓᬸᬳᬮᬮ᭄ᬲᬸᬦᬢ᭄ᬬᬳᬢ᭄ᬬᬵᬲᬷᬭᬓ᭄ᬭ᭄ᬬᬦ᭄ᬧᬢ᭄ᬬᬫᬸᬮᬢ᭄‌ᬭᬶᬲᬗᬯᬶᬓᬸᬯ᭄ᬭᬸᬳᬾᬂᬗ᭄ᬕᬶ [᭒᭕ 25A] ᬳᬦ᭄ᬳᭂᬃᬫᭀᬚᬃ᭟ᬓ᭄ᬬᬬᬶᬳᬸᬕᬳᬸᬫᬢᬸᬭᬭᬶᬚᭂᬗᬶᬭᬰ᭄ᬭᬷᬪᬹᬧᬢᬶᬫᬗ᭄ᬓᬵᬮᬶᬗᬶᬭᬮᬰ᭄ᬘᬃᬬ᭄ᬬᬓᬳᬢᬸᬃᬢᬂᬭᬾᬓᬳᬕ᭄ᬮᬶᬲ᭄‌ᬯᬶᬦᬘᬤᬾᬦᬺᬧᬢᬶᬭᬲᬦ᭄ᬬᬯᬸᬲ᭄ᬢᬧᬶᬦ᭄ᬢᬸᬳᬸᬪᬭᬕᬶᬭᬗᬶᬂᬘᬶᬢ᭄ᬢ᭄ᬯᬶᬦᬰᬯᬰᬢᬶᬢᬸᬮᬶᬲ᭄‌ᬦ᭄ᬳᭂᬃᬓᬵᬢᬹᬭᬶᬚᭃᬥᬗ᭄ᬕᬸᬭᬸᬧᬗᭂᬫ᭄ᬧ᭄ᬯᬦ᭄᭟ᬥᬗ᭄ᬕᬸᬭᬸᬦ᭄ᬳᭂᬭᬗ᭄ᬯᬘᬵ ᬩᬶᬦ᭄ᬬᬓ᭄ᬢᬳᬋᬧᬶᬂᬫᬦ᭄ᬢ᭄ᬭᬷᬲᬫᬵᬃᬣᬲᬸᬓᬕᬵᬃᬚ᭄ᬚᬶᬢᬲᬓ᭄ᬯᬾᬳᬶᬂᬲᬂᬫᬫ᭄ᬬᬵᬃᬱᬶᬫᬸᬓ᭄ᬬᬲᬂᬧᬭᬫᬦ᭄ᬢ᭄ᬭᬷᬳᬩᬶᬗᬭᬶᬂᬢ᭄ᬯᬲ᭄‌ᬗ᭄ᬭᬸᬗᬸᬲᬶᬭᬧᬢᬶᬄᬳᬦᭂᬫ᭄ᬩᬄᬫᬸᬲᬧ᭄‌ᬲᬭᬡᬦᬺᬧᬢᬷᬳᬫᭀᬢᬓᭂᬦᬵᬚ᭄ᬜᬲᬂᬰ᭄ᬭᬷᬚᬮᬲᬷᬤ᭄ᬥ᭄ᬬ᭟ᬲᬫᬯᬶᬦᬢ᭄ᬭᬦ᭄ᬲᬶᬦᭂᬫ᭄ᬩᬄᬳᬦᬸᬮ᭄ᬬᬥᬢᬂᬧᬶᬲᬮᬶᬦ᭄ ᬧᬲᬸᬂᬲᬸᬂᬗᬶᬭᬲᬂᬦᬵᬣᬭᬶᬲᬶᬭᬲᬂᬯᬳᬸᬧ᭄ᬭᬧ᭄ᬢᬷᬮᬶᬗᬶᬭᬰ᭄ᬭᬷᬪᬸᬧᬢᬶᬮᬄᬤᬦ᭄ᬤᬦᬦᬵᬓᬂᬮᬓᬸᬫ᭄ᬯᬂᬓᬶᬦᬾᬦ᭄ᬭᬸᬫᬓ᭄ᬱᬳᬵᬭᬵᬚ᭄ᬬᬓᬶᬢᬧᭀᬳᬧᬢᬶᬄᬫᬶᬪᬕᬧᬸᬦ᭄ᬲᬓ᭄ᬯᬾᬳᬶᬂᬢᬡ᭄ᬥᬵᬦᬶᬫᬦ᭄ᬢ᭄ᬭ᭄ᬬ᭟ᬲᬶᬭᬓ᭄ᬭ᭄ᬬᬦ᭄ᬧᬢᬶᬄᬯᭀᬢ᭄ᬲ᭄ᬓᬃᬧᬶᬦᬭᬵᬧᬢᬶᬓᬂᬫᬦ᭄ᬢ᭄ᬭᬷᬲᬪᬕᬳᬗ᭄ᬳᬾᬭᬶᬂᬧᬸᬭᬢᬶᬕᬂ ᬪᬕᬢᬂᬮᬸᬫᬭᬶᬲ᭄‌ᬫᬓᬾᬭᬶᬂᬪᬹᬧᬢᬶᬧᬢ᭄ᬫᬸᬓ᭄ᬬᬦᬶᬂᬫᬦ᭄ᬢ᭄ᬭ᭄ᬬᬵᬢᬸᬗ᭄ᬕᬸᬳᬵᬃᬬ᭄ᬬᬯ᭄ᬓᬵᬫ᭄ᬯᬂᬬ᭄ᬬᬓ᭄ᬱᬓᬦᬸᬭᬸᬳᬦ᭄‌ᬫ᭄ᬯᬗᬸᬭᬷᬓᬂᬯᬶᬦᬸᬯᬸᬲ᭄ᬧ᭄ᬭᬢ᭄ᬬᬓ᭄ᬱᬯᬶᬤᬕ᭄ᬥᬾᬂᬦᬬ᭟ᬧ᭄ᬭᬓᭀᬰᬰᬹᬭᬮᬕᬯᬵᬰᬓ᭄ᬢᬶᬯᬶᬃᬬ᭄ᬬᬫᬳᬵᬲᬶᬤ᭄ᬥᬶᬬᬤᭀᬕ᭄ᬬᬲᬶᬦᬭᬪᬭᬦ᭄ᬤᬦ᭄ᬲᬶᬭᬰ᭄ᬭᬷᬫᬵᬪᬹᬧᬢᬶᬦᬸᬮ᭄ᬬᬳᬸ

Auto-transliteration

[24 24B] 24 hitamamwitpatiḥtacittatumūtjayaśaraṇasamār̀thādharangañcalīhamitmulihāśrīnāthahumastuti. moghamoghasulabhāsiraringhawanmangkānugrahāhajisamyāngastungkarānmbaḥmamwitlumampaḥtankawār̀ ṇnengnghawanglīssaptādiwaśādhatĕnginghanggapuri. ndankahadangśrīnaranāthasinebhāhatatākadinglagidhanghyangpurohitakyāpatīḥkr̥ĕtacittajayaśaraṇalumarismarengwatangansumyokgirangingmantrī // 0 // // si // 0 // sangpraptasamyānghunganggāmĕndĕkangandapasaśrīhanĕmbaḥhijöngsangkatongsināthahaṇdhukingliringsahāwacanaharislwirasiratsiratmadhūdāhā'ātāhenāgā pānāgā sā'ānāgā bārā'āhmaṇahapatiḥpokitākāliḥhatyantasukaningngwangsaprapta nira. pirangdīnāhanengnghawansīrākryanpatyātotsarīpukulunpatikbhaṭārasaptangngwetontĕningmar̀ggiśrīnathahanawuripunapakramaninglakuhalalsunatyahatyāsīrakryanpatyamulatrisangawikuwruhengnggi [25 25A] hanhĕr̀mojar̀. kyayihugahumaturarijĕngiraśrībhūpatimangkālingiralaścar̀yyakahatur̀tangrekahagliswinacadenr̥ĕpatirasanyawustapintuhubharagirangingcittwinaśawaśatitulisnhĕr̀kātūrijödhanggurupangĕmpwan. dhanggurunhĕrangwacā binyaktahar̥ĕpingmantrīsamār̀thasukagār̀jjitasakwehingsangmamyār̀syimukyasangparamantrīhabingaringtwasngrungusirapatiḥhanĕmbaḥmusapsaraṇanr̥ĕpatīhamotakĕnājñasangśrījalasīddhya. samawinatransinĕmbaḥhanulyadhatangpisalin pasungsungngirasangnātharisirasangwahupraptīlingiraśrībhupatilaḥdandananākanglakumwangkinenrumakṣahārājyakitapohapatiḥmibhagapunsakwehingtaṇdhānimantrya. sirakryanpatiḥwotskar̀pinarāpatikangmantrīsabhagahangheringpuratigang bhagatanglumarismakeringbhūpatipatmukyaningmantryātungguhār̀yyawkāmwangyyakṣakanuruhanmwangurīkangwinuwuspratyakṣawidagdhengnaya. prakośaśūralagawāśaktiwir̀yyamahāsiddhiyadogyasinarabharandansiraśrīmābhūpatinulyahu

Leaf 25

Image on Archive.org

[᭒᭕ 25B] ᭒᭕ ᬫᬢᬸᬭᬭᬶᬲ᭄‌ᬭᬶᬲᬶᬭᬰ᭄ᬭᬶᬫᬳᬵᬯᬶᬓᬸᬫᬶᬦ᭄ᬢᬵᬯᬦᬶᬂᬮᬸᬫᬫ᭄ᬧᬄᬲᬂᬧᬡ᭄ᬥ᭄ᬬᬵᬳᬕ᭄ᬮᬶᬲ᭄ᬳᬸᬫᬯᬶᬢ᭄‌ᬬᬦ᭄ᬮᬸᬫᬓᬸᬲᬸᬓ᭄ᬮᬧᬓ᭄ᬱᬦᬶᬂᬯᬾᬰᬓ᭟ᬯᬸᬲ᭄ᬧᬸᬢᬸᬲ᭄ᬓᬂᬗᬮᬧ᭄‌ᬓ᭄ᬦᬯᬶᬦᬵᬃᬱᬵᬚ᭄ᬜᬰ᭄ᬭᬷᬪᬹᬧᬢᬶᬫᬾᬳᬯᬵᬦ᭄ᬳ᭄ᬬᬂᬥᬶᬯᬵᬗ᭄ᬓᬭᬳᬮᬸᬯᬭᬦ᭄‌ᬰ᭄ᬭᬷᬪᬹᬧᬢᬷᬲᬵᬫ᭄ᬧᬸᬦ᭄ᬫᬜ᭄ᬚᬶᬗᬶᬂᬧᬸᬭᬷᬲᬂᬫᬦ᭄ᬢ᭄ᬭᬶᬲᬫ᭄ᬬᬳᬸᬫ ᬦ᭄ᬢᬸᬓ᭄‌ᬲᬫᬵᬤᬦ᭄ᬤᬦ᭄‌ᬧᬗᬭᬄᬲᬯᬢᭂᬓᬶᬂᬪᬝᬵᬫᬦ᭄ᬢ᭄ᬭᬷᬮᬶᬯᬃᬳᬸᬫᬸᬂᬳᬰ᭄ᬭᬫᬮ᭄ᬯᬶᬃᬫᬗ᭄ᬓᬢ᭄‌ᬬᬸᬤ᭄ᬥᬵ᭟ᬳᬯᬸᬮᬦ᭄ᬲᬶᬦᬃᬬ᭄ᬬᬲᬵᬃᬬ᭄ᬬᬲᬶᬦ᭄ᬭᬫᬵᬰ᭄ᬭᬫᬦ᭄ᬢᬸᬫᬸᬮᬷᬳᬶᬗᬶᬧᬸᬢ᭄ᬢᬂᬩᬮᬵᬲᬸᬚᭀᬦ᭄‌ᬲᬭᬹᬧᬦᬶᬂᬗᬗ᭄ᬕᬧᬸᬭᬷᬳᬾᬘᬵᬦᬸᬓᬦᬶᬓᬧ᭄ᬢᬷᬓᬵᬥᬄᬤᬺᬯᬶᬡᬮᬸᬫᬶᬦ᭄ᬢᬸᬢᬸᬳᬸᬲᬸᬩᬮᬯᬶᬃ ᬬ᭄ᬬᬧᬭᬦ᭄ᬢᬳᬶᬗᬸᬘᬧ᭄ᬫᬮᬶᬄᬦ᭄ᬤᬦ᭄ᬲᬂᬧ᭄ᬭᬪᬸᬲᬬᬵᬫ᭄ᬭᬢ᭄‌ᬭᬵᬕᬓᬵᬭᬡ᭟ᬓᬂᬓᬵᬮᬭᭀᬦ᭄ᬢᭂᬦ᭄ᬲᬘᬦ᭄ᬤ᭄ᬭᬳᬮᬯᬲ᭄ᬭᬶᬦᬲᬾᬗ᭄ᬳᬢᬶᬢᬶᬤᬵᬃᬓ᭄ᬓᬲᬳᬰ᭄ᬭᬬᬸᬕᬵᬤᬾᬦᬶᬂᬕ᭄ᬬᬳᬵᬃᬱᬦᬺᬧᬢᬶᬩ᭄ᬭᬬᬦ᭄ᬤᬶᬦᬢᬶᬦᬗ᭄ᬓᬶᬮ᭄‌ᬢᬦ᭄ᬮ᭄ᬬᬦ᭄ᬫᬓᬾᬱᬶᬦᬶᬂᬯᬸᬯᬸᬲ᭄‌ᬢᬸᬳ᭄ᬯᬦᬶᬗ᭄ᬯᬂᬗᬗᬚᬧ᭄‌ᬮ᭄ᬯᬶᬃᬘ ᬢᬓᬵᬭᬶᬗᬲᬸᬚᬷᬓᬦ᭄ᬤᭂᬳᬦ᭄ᬓᬸᬂᬯᬶᬪ᭄ᬭᬫᬾᬂᬪ᭄ᬬᭀᬫᬵᬫᬾᬢ᭄‌ᬯᬃᬱᬶ᭟ᬢᬦ᭄ᬲᬄᬓᬂᬘᬶᬢ᭄ᬭᬯᬶᬦᬲ᭄ᬯᬲ᭄‌ᬲᬾᬤᬶᬦᬭᬢ᭄ᬭᬶᬬᬓᬶᬦᬢᬶᬓ᭄‌ᬳᬤᬯᬦ᭄ᬯᬶᬦᬃᬡ᭄ᬦᬾᬂᬓᬝᬵᬲᬧᭀᬮᬳᬶᬂᬓ᭄ᬦᬾᬦᬾᬪ᭄ᬭᬗ᭄ᬢᬶᬓᬵᬮᬭᬶᬗᬾᬜ᭄ᬚᬶᬧᬸᬦᬗ᭄ᬓᬸᬧᬗ᭄ᬓᬸᬮᬶᬦᬶᬗ᭄ᬮᬶᬂᬧᬶᬦᬘᬸᬄᬕᬶᬦᬬᭀ [᭒᭖ 26A] ᬦ᭄‌ᬧᬶᬦ᭄ᬭᬳᬲᬦᬵᬳᬶᬦᬭᬶᬄᬯᬶᬦᬯᬾᬂᬕᬺᬳᬫᬡᬶᬓ᭄‌ᬳᬶᬗᭂᬫ᭄ᬩᬦ᭄ᬢᬶᬦᬸᬭᬸᬢᬸᬭᬸᬳᬶᬦ᭄ᬬᬲᬦ᭄ᬧᬶᬲ᭄ᬮᬂᬢᬶᬦ᭄ᬭᬗ᭄ᬕᬦᬾᬂᬧᬸᬱ᭄ᬧᬫᬶᬗᬶᬂᬧᬦᬸᬮᬗᬸᬦ᭄ᬲᬧᬶᬮᬳᬶᬂᬢ᭄ᬦᬾᬂᬪ᭄ᬭᬦ᭄ᬢᬵ᭟ᬓᬂᬲᬶᬫ᭄ᬲᬶᬫᬶᬗᬭᬲᬭᬲ᭄‌ᬲᬤᬶᬦᬭᬢ᭄ᬭ᭄ᬬᬓᬶᬦᬢᬶᬓ᭄‌ᬳᬤᬯᬦ᭄ᬯᬶᬦᬃᬡ᭄ᬦᬾᬂᬓᬝᬵᬲᬧᭀᬮᬳᬶᬂᬓ᭄ᬦᬭᬵᬕᬷᬧ᭄ᬭᬋᬓᬵ ᬮᬭᬶᬗᬾᬜ᭄ᬚᬶᬂᬮᬫ᭄ᬧᬳᬶᬭᬲᬗᬳᬸᬮᬸᬦ᭄‌ᬓᬂᬯᭀᬂᬢᬦ᭄ᬧᬮᬶᬕᬭᬦ᭄‌ᬲᬜ᭄ᬚᬢᬗᬶᬩ᭄ᬓᬶᬫᬃᬕ᭄ᬕᬶᬮ᭄ᬬᬦᬫᬶᬓᬸᬮ᭄‌ᬩᬭᬡᬳᬫᬯᬢᬥᬄ᭟ᬫᬦ᭄ᬢ᭄ᬭᬷᬢᬡ᭄ᬥᬯᬸᬲᬕ᭄ᬮᬃᬳᬢᬢᬵᬳᬦᬦ᭄ᬤᬂᬍᬯᬶᬄᬭᬶᬯᬾᬢᬶᬲ᭄ᬲᬫ᭄ᬬᬳᬗᬦ᭄ᬢ᭄ᬬᬳᬸᬫᬾᬃᬳᭀᬃᬚ᭄ᬜᬦᬺᬧᬢᬶᬦ᭄ᬤᬦ᭄ᬲᬶᬭᬰ᭄ᬭᬷ ᬦᬹᬧᬢᬶᬳᬳ᭄ᬬᬲᬗ᭄ᬭᬗ᭄ᬲᬸᬓᬧ᭄ᬭᬪᬸᬦ᭄‌ᬳᬥᬶᬓᬵᬭᬲᬸᬫ᭄ᬦᭃᬲᬶᬲᭀᬧᬘᬵᬭᬯᬸᬲᬸᬫᬶᬚᬶᬮ᭄‌ᬮ᭄ᬯᬶᬃᬳ᭄ᬬᬂᬪᬦᬸᬓ᭄ᬥᬧ᭄ᬦᬶᬂᬲᬃᬯ᭄ᬯᬪᬭᬡ᭟ᬳᭂᬦ᭄ᬢ᭄ᬬᬵᬃᬱᬰ᭄ᬭᬷᬦᬭᬦᬵᬣᬫᬸᬮᬢᬶᬓᬂᬩᬢᬫᬦ᭄ᬢ᭄ᬭᬶᬲᬵᬫ᭄ᬬᬲᬵᬫ᭄ᬧᬹᬃᬡ᭄ᬦᬳᬢᬶᬳᬂᬭᬶᬍᬪᬸᬄᬳᬢᬧᬢᬶᬢᬶᬧ᭄‌ᬳᬢᬢᬵᬢᬢᬾᬂ ᬫᬃᬕ᭄ᬕᬶᬕᬵᬃᬚ᭄ᬚᬷᬢᬳᬤᬦ᭄ᬮᬸᬫᬓᬸᬳᬶᬭᬶᬓᬵᬰ᭄ᬭᬷᬦᬭᬾᬦ᭄ᬤ᭄ᬭᬳᬸᬫᬚ᭄ᬜᬾᬭᬓ᭄ᬭ᭄ᬬᬦᬧᬢᬶᬄᬓᭀᬦ᭄ᬮᬸᬫᬓᬸᬲᬳᬦᬦᬶᬂᬘᬢᬸᬭᬗ᭄ᬕᬵ᭟ᬬ᭄ᬭ᭄ᬬᬵᬗ᭄ᬓᬢ᭄ᬲᬂᬦᬵᬣᬦᬶᬂᬲᬭᬵᬢ᭄‌ᬫᬶᬚᬶᬮ᭄ᬲᬓᬾᬂᬭᬵᬚ᭄ᬬᬥᬦᬶᬢᬦ᭄ᬧᬾᬦ᭄ᬤᬄᬳᬩ᭄ᬥᬶᬓᬸᬱᬸᬫᬵᬳᬂᬚ᭄ᬭᬄᬭᬶᬫᬰᬾᬗᬲᬸ

Auto-transliteration

[25 25B] 25 maturarisrisiraśrimahāwikumintāwaninglumampaḥsangpaṇdhyāhaglishumawityanlumakusuklapakṣaningweśaka. wusputuskangngalapknawinār̀syājñaśrībhūpatimehawānhyangdhiwāngkarahaluwaranśrībhūpatīsāmpunmañjingingpurīsangmantrisamyahuma ntuksamādandanpangaraḥsawatĕkingbhaṭāmantrīliwar̀humunghaśramalwir̀mangkatyuddhā. hawulansinar̀yyasār̀yyasinramāśramantumulīhingiputtangbalāsujonsarūpaningnganggapurīhecānukanikaptīkādhaḥdr̥ĕwiṇalumintutuhusubalawir̀ yyaparantahingucapmaliḥndansangprabhusayāmratrāgakāraṇa. kangkālarontĕnsacandrahalawasrinasenghatitidār̀kkasahaśrayugādeninggyahār̀ṣanr̥ĕpatibrayandinatinangkiltanlyanmakesyiningwuwustuhwaningwangngangajaplwir̀ca takāringasujīkandĕhankungwibhramengbhyomāmetwar̀syi. tansaḥkangcitrawinaswassedinaratriyakinatik'hadawanwinar̀ṇnengkaṭāsapolahingknenebhrangtikālaringeñjipunangkupangkulininglingpinacuḥginayo [26 26A] npinrahasanāhinariḥwinawenggr̥ĕhamaṇik'hingĕmbantinuruturuhinyasanpislangtinrangganengpuṣpamingingpanulangunsapilahingtnengbhrantā. kangsimsimingarasarassadinaratryakinatik'hadawanwinar̀ṇnengkaṭāsapolahingknarāgīprar̥ĕkā laringeñjinglampahirasangahulunkangwongtanpaligaransañjatangibkimar̀ggilyanamikulbaraṇahamawatadhaḥ. mantrītaṇdhawusaglar̀hatatāhanandangl̥ĕwiḥriwetissamyahangantyahumer̀hor̀jñanr̥ĕpatindansiraśrī nūpatihahyasangrangsukaprabhunhadhikārasumnösisopacārawusumijillwir̀hyangbhanukdhapningsar̀wwabharaṇa. hĕntyār̀ṣaśrīnaranāthamulatikangbatamantrisāmyasāmpūr̀ṇnahatihangril̥ĕbhuḥhatapatitip'hatatātateng mar̀ggigār̀jjītahadanlumakuhirikāśrīnarendrahumajñerakryanapatiḥkonlumakusahananingcaturanggā. yryāngkatsangnāthaningsarātmijilsakengrājyadhanitanpendaḥhabdhikusyumāhangjraḥrimaśengasu

Leaf 26

Image on Archive.org

[᭒᭖ 26B] ᭒᭖ ᬚᬶᬚ᭄ᬯᬮᬶᬢᬵᬪ᭄ᬭᬮᬸᬫᬶᬦ᭄ᬤᬶᬄᬳᬸᬫᬸᬂᬲ᭄ᬯᬭᬦᬶᬂᬕᬭᬦ᭄ᬢᬸᬦ᭄ᬢᬸᬂᬕᬸᬫᬸᬭᬸᬄᬓᬤ᭄ᬬᬵᬫ᭄ᬧᬸᬳᬦ᭄‌ᬧᬗᬺᬕᬸᬗᬶᬂᬢᬸᬭᬵᬗ᭄ᬕᬱ᭄ᬝᬶᬮ᭄ᬯᬶᬃᬧᬗ᭄ᬭᬸᬩᬸᬂᬗᬶᬂᬪ᭄ᬭᬳ᭄ᬫᬭᬵᬲ᭄ᬭᬗᬶᬂᬲ᭄ᬓᬃ᭟ᬧᬗᬸᬯᬸᬳᬶᬂᬬᭀᬘᬰᬹᬭᬳᬲᬶᬡ᭄ᬥᬸᬖᭀᬱᬮᬸᬫᬭᬶᬲ᭄‌ᬓᬤ᭄ᬬᬲ᭄ᬯᬭᬦᬶᬂᬗᬫ᭄ᬧᬸᬳᬦ᭄‌ᬕᬸᬫᭂᬦ᭄ᬢᭂᬃᬗᬶᬩ᭄ᬓᬶᬮᬗᬶᬢ᭄‌ᬕ᭄ᬭᬷᬢ᭄ᬦᬶᬂᬲ᭄ᬬᬦ᭄ᬤᬦ ᬓᬤᬶᬕᬺᬳᬶᬂᬫᬰᬓᬘᬢᬸᬃᬓ᭄ᬢᭂᬩᬶᬂᬯ᭄ᬯᬂᬮᬸᬫᬫ᭄ᬧᬄᬮ᭄ᬯᬶᬃᬕᬸᬦ᭄ᬢᬸᬭᬶᬂᬕᬗ᭄ᬕᬵᬦᬤᬷᬳᬸᬂᬦᬶᬂᬢᬸᬗ᭄ᬕᬸᬮ᭄‌ᬮ᭄ᬯᬶᬃᬕ᭄ᬮᬧ᭄ᬲᬵᬃᬯᬸᬤᬵᬫᬓ᭄ᬭᬓ᭄᭟ᬮᬭᬧ᭄ᬦᬶᬂᬲᬵᬃᬯ᭄ᬯᬪᬹᬱᬡᬮ᭄ᬯᬶᬃᬯᬶᬦ᭄ᬢᬂᬓᬸᬫ᭄ᬭᬫᬶᬂᬮᬗᬶᬢ᭄‌ᬓ᭄ᬜᬭᬶᬂᬲᬵᬃᬯ᭄ᬯᬫᬓᬸᬝᬵᬬᬬᬵᬕᬸᬫᬯᬗᬶᬂᬰᬰᬶᬄᬲ᭄ᬦᭃnᬳᬶᬂᬭᬵᬢ᭄ᬦᬳᬤᬷᬢᬶᬦ ᬧᬶᬂᬕᬭᬸᬥᬫᬸᬦ᭄ᬓᬸᬃᬢᬸᬫᬸᬭᬸᬢ᭄‌ᬮ᭄ᬯᬶᬃᬯᬗ᭄ᬓᬯᬓ᭄ᬜᬭᬶᬂᬗᬹᬃᬡ᭄ᬦᬮ᭄ᬯᬶᬃᬢᬣᬢ᭄‌ᬢᬶᬓ᭄ᬱ᭄ᬡᬫᬸᬭᬸᬩ᭄‌ᬓ᭄ᬥᬧᬶᬂᬲᬵᬃᬯ᭄ᬯᬤᬶᬯ᭄ᬬᬵᬲ᭄ᬢ᭄ᬭ᭟ᬫᬓᬵᬧᬗᬜ᭄ᬚᬸᬭᬶᬂᬮᬫ᭄ᬧᬄᬲᬂᬲᬵᬓ᭄ᬱᬢ᭄‌ᬳ᭄ᬬᬂᬯᬶᬱ᭄ᬡᬸᬫᬹᬃᬢ᭄ᬢᬶᬧᬸᬦ᭄ᬭᬵᬓ᭄ᬭ᭄ᬬᬦ᭄ᬫᬥᬸᬲᬸᬥᬦᬧᬶᬗᬋᬧᬶᬭᬢᬷᬳᬦᬸᬗ᭄ᬕᬂᬭᬣᬫᬡᬶᬓ᭄‌ᬧᬶᬦᬢ᭄ᬭ ᬧᬢ᭄ᬭᭀᬮᬸᬗᬮᬸᬲ᭄‌ᬘᬶᬦᬯᬶᬘᬯᬶᬂᬗ᭄ᬫᬵᬲ᭄‌ᬧᬶᬦᬲᬂᬭᬵᬢ᭄ᬦᬫᬬᬵᬤᬶᬳᬢᬸᬯᬸᬄᬭᬹᬫ᭄‌ᬤᬺᬱᬵᬓ᭄ᬱᬢᬤ᭄ᬭᬷᬓᬸᬱᬸᬫ᭟ᬧᬶᬦᬬᬸᬗᬶᬂᬓᬺᬱ᭄ᬡᬫ᭄ᬩᬭᬮ᭄ᬯᬶᬃᬚᬮᬥᬵᬗ᭄ᬫᬸᬭᬶᬭᬶᬲ᭄‌ᬓ᭄ᬥᬧ᭄ᬦᬶᬂᬥ᭄ᬯᬚᬓᬸᬫ᭄ᬮᬩ᭄‌ᬢᬶᬦᬸᬮᬶᬲ᭄ᬓᬕᬾᬦ᭄ᬤ᭄ᬭᬧᬢᬷᬢᬂᬤᬮᬸᬥᬕᬭᬵᬧᬶᬢ᭄‌ᬓᬸ [᭒᭗ 27A] ᬫ᭄ᬜᬃᬢ᭄ᬓᭂᬲ᭄ᬦᬶᬂᬕ᭄ᬮᬸᬂᬲᬸᬫ᭄ᬦᭃᬳᬪᬺᬱᬶᬦᬂᬢᬂᬓᬶᬮᬢ᭄ᬩᬳᬸᬓᬯᬾᬢᬶᬳᬢ᭄ᬬᬵᬯᬕᬸᬲ᭄‌ᬳᬗᬸᬡ᭄ᬥᬘᬓ᭄ᬭᬧ᭄ᬭᬤᬶᬧ᭄ᬢ᭟ᬭᬶᬯᬸᬦ᭄ᬢᬢ᭄ᬦᬷᬭᬮᬸᬫᬫ᭄ᬧᬄᬭᬓ᭄ᬭ᭄ᬬᬦ᭄ᬲᬸᬢᬤᬾᬯᬵᬲᬰ᭄ᬭᬷᬳᬦᬸᬗ᭄ᬕᬗᬶᬂᬭᬣᬲ᭄ᬬᬫᬮ᭄ᬯᬶᬃᬫᬳᬵᬤᬾᬯᬵᬤᬾᬯᬵᬗᬸᬢ᭄ᬧ᭄ᬢᬶᬳᬧᬬᬸᬂᬫᬵᬲᬶᬦᬸᬓᬶᬃᬫ᭄ᬯᬂᬢᬸᬗ᭄ᬕ᭄ᬕᬸᬮᬶᬭᬭᬵᬪ᭄ᬭᬫᬸᬭᬸᬩ᭄‌ᬢᬶᬦᬸ ᬮᬶᬲ᭄ᬦᬵᬕᬧᬸᬱ᭄ᬧᬕᬸᬫ᭄ᬬᬃᬚ᭄ᬯᬮᬵᬗ᭄ᬮᬾᬭᬾᬧᬶᬳᬾᬫ᭄ᬩᭂᬄᬩᬕ᭄ᬬ᭄ᬲ᭄‌ᬕ᭄ᬮᬸᬗᬶᬭᬵᬲᬸᬧᬸᬢ᭄ᬳᬸᬭᬂ᭟ᬲᬵᬤᬃᬧ᭄ᬧᬵᬤᬸᬡ᭄ᬥᬪᬥᬫᬯᬶᬥ᭄ᬬᬵᬲ᭄ᬢ᭄ᬭᬧᬰᬫᬶᬦᬸᬱ᭄ᬝᬷᬢᬦ᭄ᬧᬾᬦ᭄ᬤᬄᬳᬤ᭄ᬭᬶᬓᬜ᭄ᬘᬦᬲᬸᬯᬃᬡ᭄ᬦᬦᬤᬢᬦ᭄ᬧᬲᬶᬭᬶᬂᬬ᭄ᬭ᭄ᬬᬸᬦ᭄ᬢᬢᬶᬭᬳᬦᬸᬮᬶᬧᬸᬦ᭄‌ᬥᬢ᭄ᬭᬧᬸᬢ᭄ᬭᬮᬸᬫᬓᬸᬳᬦᬸᬗ᭄ᬕᬂ ᬭᬥᬭᬵᬢ᭄ᬦᬢᬶᬦ᭄ᬭᬧᬶᬂᬓᬧᬶᬮᬫᬡᬶᬓ᭄‌ᬳᬪ᭄ᬭᬫᬸᬭᬸᬩ᭄‌ᬢᬶᬦᬸᬮᬶᬲᬦ᭄‌ᬪᬸᬢᬵᬭᬵᬚ᭟ᬳᬧᬬᬸᬂᬲᬸᬯᬃᬡ᭄ᬦᬭᬓ᭄ᬢᬮ᭄ᬯᬶᬃᬤᬶᬕ᭄ᬥᬳᬳᬗᬺᬱ᭄ᬬᬢᬶᬢᬂᬭᬹᬧᬫᬓ᭄ᬭᬮᬰᬶᬕᬵᬓ᭄ᬭᬸᬭᬵᬤ᭄ᬪᬸᬢᬲᬶᬭᬵᬫᬸᬱ᭄ᬝᬶᬤᬡ᭄ᬥᬦᬮᬵᬯᬶᬱᬵᬕ᭄ᬦᬷᬧ᭄ᬭᬓᭀᬧᬳᬜ᭄ᬚᬬᬾᬂᬰᬢ᭄ᬭᬸᬳ ᬕ᭄ᬮᬸᬂᬘᬡ᭄ᬥᬶᬋᬩᬄᬲᬶᬦᬶᬫ᭄ᬩᬃᬓᭀᬫᬮᬵᬕ᭄ᬦᬷᬚ᭄ᬯᬮᬶᬢᭀᬫᬸᬭᬸᬩ᭄ᬓᬤ᭄ᬬᬵᬤ᭄ᬭᬶᬧᬯᬓ᭟ᬳᬦᬸᬮ᭄ᬬᬵᬤᬶᬰ᭄ᬯᬭᬡ᭄ᬝᬓᬵᬳᬦᬸᬗ᭄ᬕᬗᬶᬂᬭᬣᬫᬡᬶᬓ᭄‌ᬳᬧᬬᬸᬂᬲ᭄ᬯᬾᬲᬸᬯᬃᬡ᭄ᬦᬮ᭄ᬯᬶᬭᬫ᭄ᬪᬸᬤᬵᬰᬸᬤ᭄ᬥᬵᬧᬸᬢᬶᬄᬤ᭄ᬯᬚᬵᬧᬶᬗᬾᬢᬶᬦᬸᬮᬶᬲ᭄‌ᬧᬶᬡ᭄ᬥᬵᬫᬺᬢᬓᬵᬫᬦ᭄ᬤᬮᬸᬢᬂ

Auto-transliteration

[26 26B] 26 jijwalitābhralumindiḥhumungswaraninggarantuntunggumuruḥkadyāmpuhanpangr̥ĕgungingturānggaṣṭilwir̀pangrubungngingbhrahmarāsrangingskar̀. panguwuhingyocaśūrahasiṇdhughoṣalumariskadyaswaraningngampuhan'gumĕntĕr̀ngibkilangitgrītningsyandana kadigr̥ĕhingmaśakacatur̀ktĕbingwwanglumampaḥlwir̀gunturingganggānadīhungningtunggullwir̀glapsār̀wudāmakrak. larapningsār̀wwabhūṣaṇalwir̀wintangkumraminglangitkñaringsār̀wwamakuṭāyayāgumawangingśaśiḥsnönhingrātnahadītina pinggarudhamunkur̀tumurutlwir̀wangkawakñaringngūr̀ṇnalwir̀tathattikṣṇamurubkdhapingsār̀wwadiwyāstra. makāpangañjuringlampaḥsangsākṣat'hyangwiṣṇumūr̀ttipunrākryanmadhusudhanapingar̥ĕpiratīhanunggangrathamaṇikpinatra patrolungaluscinawicawingngmāspinasangrātnamayādihatuwuḥrūmdr̥ĕsyākṣatadrīkusyuma. pinayungingkr̥ĕṣṇambaralwir̀jaladhāngmuririskdhapningdhwajakumlabtinuliskagendrapatītangdaludhagarāpitku [27 27A] mñar̀tkĕsningglungsumnöhabhr̥ĕsyinangtangkilatbahukawetihatyāwagushanguṇdhacakrapradipta. riwuntatnīralumampaḥrakryansutadewāsaśrīhanunggangingrathasyamalwir̀mahādewādewāngutptihapayungmāsinukir̀mwangtungggulirarābhramurubtinu lisnāgapuṣpagumyar̀jwalānglerepihembĕḥbagysglungirāsuput'hurang. sādar̀ppāduṇdhabhadhamawidhyāstrapaśaminuṣṭītanpendaḥhadrikañcanasuwar̀ṇnanadatanpasiringyryuntatirahanulipundhatraputralumakuhanunggang radharātnatinrapingkapilamaṇik'habhramurubtinulisanbhutārāja. hapayungsuwar̀ṇnaraktalwir̀digdhahahangr̥ĕṣyatitangrūpamakralaśigākrurādbhutasirāmuṣṭidaṇdhanalāwisyāgnīprakopahañjayengśatruha glungcaṇdhir̥ĕbaḥsinimbar̀komalāgnījwalitomurubkadyādripawaka. hanulyādiśwaraṇṭakāhanunggangingrathamaṇik'hapayungswesuwar̀ṇnalwirambhudāśuddhāputiḥdwajāpingetinulispiṇdhāmr̥ĕtakāmandalutang

Leaf 27

Image on Archive.org

[᭒᭗ 27B] ᭒᭗ ᬤᬸᬮᬸᬕ᭄ᬥᬕᬵᬗ᭄ᬮᬩ᭄‌ᬥᬹᬬᬬᬵᬓ᭄ᬥᬧᬶᬂᬢᬣᬶᬢ᭄‌ᬳᬕ᭄ᬮᬸᬂᬓᬸᬭᬸᬂᬋᬗ᭄ᬕᬭᬵᬢ᭄ᬦᬫᬸᬮ᭄ᬬ᭟ᬳᬗᬸᬡ᭄ᬥᬩᬚ᭄ᬭᬵᬕ᭄ᬭᬢᬶᬓ᭄ᬱ᭄ᬡᬳᬗᬭᬩᬭᬩᬮᬸᬗᬶᬤ᭄‌ᬢᬦ᭄ᬧᬾᬦ᭄ᬤᬄᬲᬂᬳ᭄ᬬᬂᬇᬰ᭄ᬯᬭᬢᬶᬦᭀᬦ᭄ᬓᬤᬶᬕᬸᬦᬸᬂᬫᬡᬷᬓ᭄‌ᬭᬶᬗᬸᬦ᭄ᬢᬢᬶᬭᬫᬮᬷᬄᬲᬶᬭᬓ᭄ᬭ᭄ᬬᬦ᭄ᬧᬢᬶᬄᬮᬸᬫᬓᬸᬫᬗ᭄ᬕ᭄ᬯᬶᬂᬤ᭄ᬯᬶᬭᬥᬫᬦ᭄ᬢ ᬳᬦᬫ᭄ᬧᬶᬃᬲ᭄ᬬᬫᭀᬖᬲᬶᬤ᭄ᬥᬶᬢᬶᬓ᭄ᬱ᭄ᬡᬫᬸᬭᬸᬩ᭄‌ᬮ᭄ᬯᬶᬃᬲ᭄ᬬᬸᬗᬶᬂᬓᬮᬦ᭄ᬢᬓ᭟ᬳᬧᬬᬸᬂᬕᬭᬸᬥᬭᭀᬫᬮ᭄ᬯᬶᬃᬚᬮᬥᬭᬳᬗᬮᬶᬄᬢᬡ᭄ᬡ᭄ᬥᬦᬶᬭᬫᬜ᭄ᬘᬯᬃᬡ᭄ᬦᬢᬶᬦᬸᬮᬶᬲ᭄‌ᬬᬫᬵᬥᬶᬧᬢᬶᬫᬗᬂᬢᬸᬢᬸᬓ᭄ᬦ᭄ᬬᬵᬫᬶᬗᬶᬲ᭄‌ᬓᬸᬫ᭄ᬮᬩ᭄ᬓᬤᬶᬓᬵᬃᬮᬫᬺᬢ᭄ᬬᬸᬥᬸᬚᬦᬷᬭᬲᬶᬦᬸᬭᬵᬢ᭄‌ᬧᬶ ᬦᬶᬡ᭄ᬥᬦᬵᬕᬤᬰᬸᬓᬶᬳᬪ᭄ᬭᬫᬸᬭᬸᬩ᭄‌ᬫᬓᬸᬝᬵᬦ᭄ᬬᬓᬓ᭄ᬮᬶᬗᬦ᭄᭟ᬳᬶᬭᬶᬓᬵᬰ᭄ᬭᬶᬃᬯᬶᬃᬬ᭄ᬬᬕᬸᬡᬳᬓᬃᬯᬦ᭄ᬭᬳᬸᬫᬶᬭᬶᬂᬰ᭄ᬭᬶᬥᬗ᭄ᬕ᭄ᬯᬂᬰᬸᬦ᭄ᬬᬯᬶᬪᬵᬯᬮ᭄ᬯᬶᬃᬲᬹᬃᬬ᭄ᬬᬲᬳᬰ᭄ᬭᬓᭀᬝᬷᬲᬸᬫᭂᬗ᭄ᬓᬳᬶᬂᬥᬶᬓ᭄ᬯᬶᬥᬶᬓ᭄‌ᬪᬲ᭄ᬯᬭᬳᬧᬬᬸᬗᬕᬸᬂᬮ᭄ᬯᬶᬃᬲᬹᬃᬬ᭄ᬬᬘᬦ᭄ᬤ᭄ᬭᬓᭂᬫ᭄ᬩᬃᬳᬸᬫᬧᬶ ᬢ᭄‌ᬰ᭄ᬭᬷᬦᬭᬧᬢᬶᬓᬤ᭄ᬬᬵᬤᬸᬤᬸᬕ᭄‌ᬢᬂᬥ᭄ᬯᬚᬓᬢ᭄ᬓᬾᬂᬪ᭄ᬬᭀᬫ᭟ᬢᬶᬦᬸᬮᬶᬲ᭄ᬦᬵᬕᬤᬶᬭᬵᬚᬮᬸᬫᬭᬧ᭄‌ᬳᬲᬶᬭᬢᬧᬸᬬ᭄‌ᬢᬂᬢᬡ᭄ᬥᬳᬪ᭄ᬭᬓᬸᬫ᭄ᬤᬧ᭄‌ᬢᬶᬦᬸᬮᬶᬲᬶᬂᬧᬤ᭄ᬭᬵᬲᬵᬭᬷᬢᬦ᭄ᬧᬾᬦ᭄ᬤᬄᬮᬶᬗ᭄ᬕᬫᬡᬶᬓ᭄‌ᬯᬬᬯᬦᬶᬭᬲᬂᬧ᭄ᬭᬪᬸᬳᬕ᭄ᬮᬸᬂᬘ [᭒᭘ 28A] ᬡ᭄ᬥᬶᬓᬸᬱᬸᬫᬲᬷᬦᭂᬫ᭄ᬩᬃᬳᬷᬭᬩᬚ᭄ᬭᬵᬰ᭄ᬭᬷᬮᬸᬫᭂᬂᬫᬸᬭᬸᬩ᭄‌ᬓᬶᬦᬭᬓᬵᬭᬾᬂᬤᬶᬯ᭄ᬬᬵᬲ᭄ᬢ᭄ᬭ᭟ᬭᬶᬦ᭄ᬕᭂᬧᬶᬭᬦᬭᬾᬦ᭄ᬤ᭄ᬭᬳᬢ᭄ᬬᬦ᭄ᬢᬳᬗᬺᬱᬶᬗ᭄ᬳᬢᬶᬳᬗᬶᬫ᭄ᬩᬸᬳᬶᬳᬳ᭄ᬬᬗᬶᬭᬪᬶᬭᬫᬦᬶᬭᬵᬦᬶᬭᬶᬗᬶᬦ᭄ᬤᬶᬲ᭄ᬬᬦᬵᬧᬭᬳᬚᬶᬭᬵᬫᬡᬶᬬᬵᬲᬫᬾᬂᬭᬹᬫ᭄ᬭᬸᬫ᭄‌ᬰᬺᬗ᭄ᬕᬭᬫᬦᬶᬳᬭᬤᬶᬕ᭄ᬚᬬᬲᬸᬰ᭄ᬭ ᬫᬵᬓᬺᬢᬶᬢᬸᬳᬸᬢᬸᬳᬸᬲᬵᬭᬷᬦᬶᬂᬭᬵᬚᬵᬦᬶᬦ᭄ᬤᬶᬢ᭚᭐᭚ᬧᬂ᭚᭐᭚ᬭᬶᬢ᭄ᬮᬲᬶᬭᬮᬸᬫᬫ᭄ᬧᬄᬢᬦ᭄ᬯᬶᬦᬃᬡ᭄ᬦᬯᬸᬲ᭄ᬮᬸᬫᬶᬦ᭄ᬢᬂᬦᬵᬕᬭᬷᬳᬓ᭄ᬯᬾᬄᬯᬦ᭄ᬯᬥᬸᬲᬸᬦ᭄ᬤᬸᬲᬸᬦ᭄‌ᬓᬧᬾᬭᬶᬂᬮᬶᬦᬓ᭄ᬯᬦᬦ᭄‌ᬮᬸᬭᬮᬸᬭᬄᬲᬯᬳᬦ᭄ᬧ᭄ᬭᬶᬗ᭄ᬕᬢᬺᬚᬸᬂᬓᬸᬩ᭄ᬯᬦ᭄ᬭᬶᬂᬧᬶᬗ᭄ᬕᬶᬭᬶᬂᬚᬸᬭᬂᬩᬩ ᬤᬦ᭄ᬢᬮᬸᬦᬢᬺᬩᬶᬲ᭄᭟ᬮᬶᬫᬶᬦ᭄ᬢᬂᬕᬶᬭᬶᬕᬳ᭄ᬯᬭᬵᬢ᭄ᬕᬕᬮ᭄ᬧᬕᬕᬦ᭄ᬯᬦᬵᬭᬸᬲᬷᬢ᭄‌ᬲᭂᬫ᭄ᬓᬦ᭄ᬲᭂᬗ᭄ᬓᬦ᭄‌ᬮᬸᬭᬸᬂᬮᬸᬭᬸᬂᬧᬵᬃᬬ᭄ᬬᬗᬦ᭄ᬧᬗᬮᬸᬲᬦ᭄‌ᬲᭂᬜ᭄ᬚᬂᬲᭂᬜ᭄ᬚᬂᬧᬜ᭄ᬘᬸᬭᬦ᭄ᬯᬸᬮᬸᬲᬦ᭄ᬭᬡᬸᬦᬤᬶᬫᬮ᭄ᬯᬳᬦ᭄ᬕᬮᬸᬦ᭄ᬢᬂᬳᬤᬺᬱ᭄ᬳᬶᬮᬶᬦ᭄ᬬᬫᬳ᭄ᬦᬶᬂ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬭᬶᬗ ᬰ᭄ᬭᬫᬳ᭄ᬬᬂᬪᬱ᭄ᬓᬭᬳᬸᬯᬸᬲ᭄ᬢᬸᬫᬸᬗ᭄ᬕᬗᬶᬂᬳᬤ᭄ᬭᬶᬫᬦ᭄ᬤᬫᬭᬸᬢᬦ᭄ᬬᬵᬭᬸᬭᬸᬳᬫᭀᬢ᭄ᬕᬦ᭄ᬤᬦᬶᬂᬲ᭄ᬓᬃᬓᬾᬓᭂᬢ᭄ᬳᬶᬫᬫ᭄ᬧᭂᬃᬧᬦᬸᬗ᭄ᬲᬸᬗᬶᬂᬲᬓᬮᬗᬸᬦ᭄‌ᬧᬱ᭄ᬝᬓᬶᬂᬰᬢᬵᬯᬦᬓᬤ᭄ᬬᬵᬓᭀᬦ᭄ᬫᬶᬦᭂᬧᬶᬂᬕᬶᬭᬶ᭟ᬳᬸᬫᬦ᭄ᬤᭂᬕ᭄ᬮᬫ᭄ᬧᬳᬶᬂᬩᬮᬵᬲᬫᬵᬭᬵᬬ᭄ᬬᬦ᭄

Auto-transliteration

[27 27B] 27 dulugdhagānglabdhūyayākdhapingtathit'haglungkurungr̥ĕnggarātnamulya. hanguṇdhabajrāgratikṣṇahangarabarabalungidtanpendaḥsanghyangiśwaratinonkadigunungmaṇīkringuntatiramalīḥsirakryanpatiḥlumakumanggwingdwiradhamanta hanampir̀syamoghasiddhitikṣṇamurublwir̀syungingkalantaka. hapayunggarudharomalwir̀jaladharahangaliḥtaṇṇdhaniramañcawar̀ṇnatinulisyamādhipatimangangtutuknyāmingiskumlabkadikār̀lamr̥ĕtyudhujanīrasinurātpi niṇdhanāgadaśukihabhramurubmakuṭānyakaklingan. hirikāśrir̀wir̀yyaguṇahakar̀wanrahumiringśridhanggwangśunyawibhāwalwir̀sūr̀yyasahaśrakoṭīsumĕngkahingdhikwidhikbhaswarahapayungagunglwir̀sūr̀yyacandrakĕmbar̀humapi tśrīnarapatikadyādudugtangdhwajakatkengbhyoma. tinulisnāgadirājalumarap'hasiratapuytangtaṇdhahabhrakumdaptinulisingpadrāsārītanpendaḥlinggamaṇikwayawanirasangprabhuhaglungca [28 28A] ṇdhikusyumasīnĕmbar̀hīrabajrāśrīlumĕngmurubkinarakārengdiwyāstra. rin'gĕpiranarendrahatyantahangr̥ĕsyinghatihangimbuhihahyangirabhiramanirāniringindisyanāparahajirāmaṇiyāsamengrūmrumśr̥ĕnggaramaniharadigjayasuśra mākr̥ĕtituhutuhusārīningrājānindita // 0 // pang // 0 // ritlasiralumampaḥtanwinar̀ṇnawuslumintangnāgarīhakweḥwanwadhusundusunkaperinglinakwananluraluraḥsawahanpringgatr̥ĕjungkubwanringpinggiringjurangbaba dantalunatr̥ĕbis. limintanggirigahwarātgagalpagaganwanārusītsĕmkansĕngkanlurunglurungpār̀yyanganpangalusansĕñjangsĕñjangpañcuranwulusanraṇunadimalwahan'galuntanghadr̥ĕṣhilinyamahning, kañcitpraptaringa śramahyangbhaṣkarahuwustumungganginghadrimandamarutanyāruruhamotgandaningskar̀kekĕt'himampĕr̀panungsungingsakalangunpaṣṭakingśatāwanakadyākonminĕpinggiri. humandĕglampahingbalāsamārāyyan

Leaf 28

Image on Archive.org

[᭒᭘ 28B] ᭒᭘ ᬦ᭄ᬤᬦ᭄ᬲᬶᬭᬰ᭄ᬭᬷᬪᬹᬧᬢᬶᬰᬶᬖ᭄ᬭᬵᬓᭀᬦ᭄ᬧᬥᬵᬓᬸᬓᬸᬯᬸᬤᬾᬦᬕᬾᬬᬲᬲᬗ?ᬬᬲᬲᬗ᭄ᬓ᭄ᬭᬳ᭄ᬓ᭄ᬭᬄᬓᬂᬲᬚᬸᬭᬸᬲᬚᬸᬭᬸᬳᬓᬃᬬ᭄ᬬᬓᬸᬯᬸᬢᬸᬫᬶᬳᬂᬫᬶᬤᭂᬭᬓ᭄ᬭᬫᬓᬸᬥᬧᬲᬂᬯᬺᬤᬵᬃᬱᬶ᭟ᬲᬶᬭᬵᬫ᭄ᬧᬸᬩᬚ᭄ᬭᬵᬢ᭄ᬫᬮᬶᬗ᭄ᬕᬕᬭᬯᬮᬦ᭄ᬳᬶᬗᬶᬭᬶᬗᬶᬧᬭᬵᬃᬱᬶᬲᬸᬫᬸᬗ᭄ᬲᬸᬗᬶᬚᭃᬂᬲᬂᬧ᭄ᬭᬪᬸᬕᬾᬭᬯ᭄ᬬᬵᬦᬸᬧᬓ᭄ᬱ ᬫᬲᬵᬥᬭᭀᬚᬃᬥᬸᬪᬕ᭄ᬬᬲᬶᬗ᭄ᬕᬶᬄᬧᬸᬓᬸᬮᬸᬦ᭄‌ᬤᬶᬗᬵᬃᬬ᭄ᬬᬦ᭄‌ᬰ᭄ᬭᬷᬪᬹᬫᬶᬦᬵᬣᬧ᭄ᬭᬧ᭄ᬢᬯᭀᬦ᭄ᬢᭂᬦᬾᬂᬯᬳᬦᬵᬤ᭄ᬭᬶ᭟ᬳᬶᬦᬶᬭᬶᬗᬶᬂᬰ᭄ᬭᬷᬥᬗ᭄ᬕᬸᬃᬯᬫᬦ᭄ᬢ᭄ᬭᬷᬢᬡ᭄ᬥᬓᬤ᭄ᬬᬫᬗ᭄ᬓᬢᬚᬸᬭᬶᬢ᭄‌ᬧᬸᬦᬧᬓᬵᬃᬬ᭄ᬬᬧᬸᬓᬸᬮᬸᬦ᭄‌ᬬᬦ᭄ᬧᬭᬂᬫᬸᬓᬓᬸᬦᬂᬧᬭᬭᬢᬸᬳᬦ᭄ᬤᬕᬭᬶᬚᭃᬂᬧᬸ ᬮᬸᬦ᭄‌ᬧᬸᬦ᭄ᬯᬸᬲ᭄ᬓᬋᬗ᭄ᬯᬵᬲᬥᬬᬲ᭄ᬮ᭄ᬯᬦᬶᬦᬭᬝᬵᬪᬹᬫᬶ᭟ᬋᬧ᭄ᬲᬫ᭄ᬬᬪᬓ᭄ᬢᬶᬲᬫᬾᬯᬳᬗᬯᬸᬮᬭᬶᬚᭃᬂᬰ᭄ᬭᬶᬦᬭᬧᬢᬶᬢᬳᬫ᭄ᬲᬵᬚ᭄ᬜᬲᬂᬫᬵᬪᬷᬓ᭄ᬱᬸᬭᬵᬦᬓ᭄ᬱᬂᬫᬳᬵᬧᬡ᭄ᬥ᭄ᬬᬫᬭᬾᬂᬥ᭄ᬬᬦ᭄ᬢᬧᬸᬭᬫᬋᬓᬶᬚᭂᬂᬧ᭄ᬭᬪᬸᬫᬳᬵᬭᬵᬚᬚᬮᬲᬶᬤ᭄ᬥ᭄ᬬᬲᬶᬭᬳᬸᬫᬶᬯᬳᬾᬗ᭄ᬓᬫᬶ᭟ ᬭᬶᬫᬗ᭄ᬓᬾᬓᬳᬤᬂᬲᬦ᭄ᬤ᭄ᬬᬦ᭄ᬤᬳᬶᬗ᭄ᬓᬾᬦᬾᬭᬵᬦᬓ᭄ᬱᬂᬫᬳᬵᬬᬢᬶᬢᬸᬫᬥᬳᬵᬃᬱᬲᬂᬯᬷᬓᬸᬰᬺᬤ᭄ᬥᬵᬲᬸᬂᬧᬓᬸᬍᬫᬦ᭄‌ᬰ᭄ᬭᬷᬪᬕᬯᬵᬦ᭄ᬩᬚ᭄ᬭᬵᬢ᭄ᬫᬮᬶᬗ᭄ᬕᬲᬸᬫᬳᬸᬃᬥᬸᬄᬪᬕ᭄ᬬᬵᬳ᭄ᬬᬸᬦ᭄‌ᬰ᭄ᬭᬷᬦᬭᬾᬦ᭄ᬤ᭄ᬭᬲᬸᬤ᭄ᬥ᭄ᬬᬵᬫᬶᬦᭂᬧᬾᬂᬗᬰ᭄ᬭᬫᬶ᭟ᬓᬤ᭄ᬬᬵᬗ᭄ᬕᬦᬶᬂᬯᬺᬓ᭄ᬱ [᭒᭙ 29A] ᬕᬸᬮ᭄ᬫᬫᬸᬗ᭄ᬕ᭄ᬯᬶᬂᬧ᭄ᬭᬗ᭄ᬕᬳᬓᬸᬭᬸᬭᬕᬲᬓᬶᬂᬫᬗ᭄ᬓ᭄ᬬᬲᬸᬫᭂᬯᬵᬳᬗ᭄ᬮᬸᬂᬋᬦᭂᬲᬭᭀᬦᬲ᭄ᬓᬃᬓᬤ᭄ᬬᬵᬂᬗ᭄ᬤᬤᬓ᭄‌ᬢᭂᬤᬓ᭄ᬢᬶᬦᬶᬩᬦᬶᬂᬚᬯᬸᬄᬭᬶᬥᬢᭂᬂᬰ᭄ᬭᬷᬩᬵᬳᬵᬳᬹᬫᬶᬦᬵᬣᬮ᭄ᬯᬶᬃᬯᬵᬃᬱᬵᬫᬺᬢᬳᬸᬫᬶᬮᬶ᭄᭟ᬗ᭄ᬳᬶᬂᬳᬕᭃᬂᬮᬶᬮᬵᬦᬸᬕ᭄ᬭᬳᬵᬗᬫ᭄ᬧᬸᬦᬦᬵᬕᬢᬶᬭᬢᬧᬳᬚᬶᬡᬃᬬᬦᬳᬗᬦ᭄ᬢᬶᬂᬢᬮᬸ ᬪ᭄‌ᬓ᭄ᬱᬦ᭄ᬢᬯ᭄ᬬᬰ᭄ᬭᬷᬦᬭᬾᬦ᭄ᬤ᭄ᬭᬓᬃᬯᬧᬵᬤᬤᬂᬕᬸᬃᬯᬰᬺᬤ᭄ᬥᬵᬳᬗ᭄ᬮᬶᬧᬸᬃᬭᬶᬂᬚ᭄ᬜᬦᬲᬸᬤ᭄ᬥᬦᬶᬃᬫ᭄ᬫᬮᬚᬵᬢᬶᬦᬶᬂᬢᬧᬓᬲ᭄ᬬᬲᬶᬄ᭟ᬰ᭄ᬭᬷᬦᬭᬾᬦ᭄ᬤ᭄ᬭᬯᬶᬃᬬ᭄ᬬᬕᬸᬡᬵᬦᬫ᭄ᬩᬸᬢᭀᬚᬃᬓᬃᬯᬲᬂᬫᬳᬵᬫᬸᬦᬶᬲᬶᬗ᭄ᬕᬶᬄᬲᬵᬚ᭄ᬜᬲᬂᬫᬵᬪᬶᬓ᭄ᬱᬸᬲᬵᬫ᭄ᬧᬸᬦ᭄ᬢᬯᬜ᭄ᬘᬓ᭄ᬥᬃᬬ᭄ᬬᬵᬦ᭄ᬢᬢᬸᬱ᭄ᬝᬦᬶᬗ᭄ᬯᬂᬤᬾᬭᬵ ᬫᬳᬵᬫ᭄ᬧᬸᬭᬶᬰᬺᬥᬦ᭄ᬢᬫᬓᬩᬾᬳᬦ᭄‌ᬥᬸᬫᬢᭂᬂᬭᬦᬓ᭄ᬫᬳᬵᬃᬱᬶ᭟ᬳᬶᬭᬶᬓᬵᬰ᭄ᬭᬷᬫᬳᬵᬭᬵᬚᬤ᭄ᬬᬦ᭄ᬢᬷᬦᬸᬦ᭄ᬢᬸᬦ᭄‌ᬤᬾᬦᬶᬭᬂᬫᬳᬵᬬᬢᬶᬢᬸᬫᬫᬾᬂᬕᬺᬳᬲᬂᬪᬶᬓ᭄ᬤᬸᬓᬸᬦᬂᬧᬘᬵᬢᬡ᭄ᬥᬢ᭄ᬓᬾᬂᬩᬮᬧ᭄ᬭᬲᬫ᭄ᬬᬫᬜ᭄ᬚᬶᬗᬾᬂᬓᬸᬯᬸᬳᬢᬶᬢᬶᬧᬢᬧᬢ᭄ᬓᬄᬓᬢ᭄ᬓᬾᬂ ᬲᬷᬮᬸᬓᬶᬂᬯᬸᬓᬶᬃ᭟ᬲᬂᬢᬧᬶᬢᬧᬶᬩ᭄ᬬᬵᬕᬢᬳᬸᬫᬵᬃᬧ᭄ᬧᬡᬧᬯ᭄ᬯᬢ᭄ᬭᬶᬚᭂᬂᬦᬺᬧᬢᬶᬲᬵᬃᬯ᭄ᬯᬨᬮᬢᬷᬮᬵᬫᬥᬸᬤᬤᬶᬕᬺᬢᬦ᭄ᬯᬾᬰᬸᬤ᭄ᬥᬵᬯᬷᬦᬥᬳᬦ᭄‌ᬓᬸᬫ᭄ᬪᬭᬵᬢ᭄ᬦᬵᬢᬶᬲ᭄ᬦ᭄ᬬᬵᬦᬸᬮᬸᬲ᭄‌ᬪᬭᬵᬃᬱᬦ᭄ᬦᬶᬭᬂᬦᬭᬾᬦ᭄ᬤ᭄ᬭᬭᬶᬲᭀᬧᬓᬭᬲᬂᬋᬱᬶ᭟ᬳᬤᬯᬵᬬᬦ᭄ᬓ

Auto-transliteration

[28 28B] 28 ndansiraśrībhūpatiśighrākonpadhākukuwudenageyasasanga?yasasangkrahkraḥkangsajurusajuruhakar̀yyakuwutumihangmidĕrakramakudhapasangwr̥ĕdār̀syi. sirāmpubajrātmalinggagarawalanhingiringiparār̀syisumungsungijöngsangprabhugerawyānupakṣa masādharojar̀dhubhagyasinggiḥpukulundingār̀yyanśrībhūmināthapraptawontĕnengwahanādri. hiniringingśrīdhanggur̀wamantrītaṇdhakadyamangkatajuritpunapakār̀yyapukulunyanparangmukakunangpararatuhandagarijöngpu lunpunwuskar̥ĕngwāsadhayaslwaninaraṭābhūmi. r̥ĕpsamyabhaktisamewahangawularijöngśrinarapatitahamsājñasangmābhīksyurānakṣangmahāpaṇdhyamarengdhyantapuramar̥ĕkijĕngprabhumahārājajalasiddhyasirahumiwahengkami. rimangkekahadangsandyandahingkenerānakṣangmahāyatitumadhahār̀ṣasangwīkuśr̥ĕddhāsungpakul̥ĕmanśrībhagawānbajrātmalinggasumahur̀dhuḥbhagyāhyunśrīnarendrasuddhyāminĕpengngaśrami. kadyāngganingwr̥ĕkṣa [29 29A] gulmamunggwingpranggahakururagasakingmangkyasumĕwāhanglungr̥ĕnĕsaronaskar̀kadyāngngdadaktĕdaktinibaningjawuḥridhatĕngśrībāhāhūmināthalwir̀wār̀syāmr̥ĕtahumili. nghinghagönglilānugrahāngampunanāgatiratapahajiṇar̀yanahangantingtalu bhkṣantawyaśrīnarendrakar̀wapādadanggur̀waśr̥ĕddhāhanglipur̀ringjñanasuddhanir̀mmalajātiningtapakasyasiḥ. śrīnarendrawir̀yyaguṇānambutojar̀kar̀wasangmahāmunisinggiḥsājñasangmābhiksyusāmpuntawañcakdhar̀yyāntatuṣṭaningwangderā mahāmpuriśr̥ĕdhantamakabehandhumatĕngranakmahār̀syi. hirikāśrīmahārājadyantīnuntundenirangmahāyatitumamenggr̥ĕhasangbhikdukunangpacātaṇdhatkengbalaprasamyamañjingengkuwuhatitipatapatkaḥkatkeng sīlukingwukir̀. sangtapitapibyāgatahumār̀ppaṇapawwatrijĕngnr̥ĕpatisār̀wwaphalatīlāmadhudadigr̥ĕtanweśuddhāwīnadhahankumbharātnātisnyānulusbharār̀ṣannirangnarendrarisopakarasangr̥ĕsyi. hadawāyanka

Leaf 29

Image on Archive.org

[᭒᭙ 29B] ᭒᭙ ᬝᬵᬓ᭄ᬦᬧᭀᬮᬳᬷᬭᬰ᭄ᬭᬷᬦᬭᬾᬦ᭄ᬤ᭄ᬭᬢᬶᬦᬗ᭄ᬓᬶᬮ᭄‌ᬕᬶᬦᭀᬭᬯᬦ᭄ᬤᬾᬲᬂᬧ᭄ᬭᬶᬯᬶᬓᬸᬯ᭄ᬗ᭄ᬬᬵᬯᬸᬲᬶᬭᬵᬦᬥᬄᬫᬮᬄᬤᬮᬸᬳᬮᬸᬯᬭᬦ᭄ᬲᬂᬫᬵᬪᬶᬓ᭄ᬱᬸᬥ᭄ᬭᬶᬦᬭᬦᬣᬳᬦᬶᬤ᭄ᬭᬫ᭄ᬯᬂᬲᬓ᭄ᬦᬾᬳᬶᬂᬧᬭᬫᬦ᭄ᬢ᭄ᬭᬶ᭟ᬏᬜ᭄ᬚᬶᬂᬫᬳ᭄ᬯᬩᬂᬩᬂᬯᬾᬢᬦ᭄‌ᬓᭀᬦᬂᬗᬸᬦᬂᬲᬸᬲ᭄ᬯᬭᬵᬭᬹᬫᬫᬦᬶ ᬲ᭄‌ᬕᬶᬢᬵᬧᬫᬹᬃᬱᬶᬢᬦᬶᬧᬸᬦ᭄‌ᬫᬕᬥᬯᬾᬢᬮᬶᬓᬵᬢᬸᬮ᭄ᬬᬂᬫᬦ᭄ᬢ᭄ᬭᬵᬲ᭄ᬢᬯᬭᬶᬚᭂᬂᬫᬳᬧ᭄ᬭᬪᬸᬓᬤ᭄ᬬᬫᬫᬸᬗ᭄ᬯᬦᬵᬗ᭄ᬕᬸᬕᬄᬧᬢᬸᬃᬯᬦᬶᬭᬰ᭄ᬭᬷᬳᬚᬶ᭟ᬲᬶᬦᬫᬾᬦᬶᬂᬢᬩᬂᬢᬩᬂᬕᭂᬡ᭄ᬥᬶᬂᬘᬸᬭᬶᬂᬮᬶᬦᬯ᭄ᬯᬯᬶᬦᬵᬓᬗ᭄ᬲᬶᬩᬶᬦᬭᬸᬗᬶᬂᬕᭀᬂᬕᬸᬫᬸᬭᬸᬄᬕᬶᬦ᭄ᬬᬢ᭄ᬕᬸᬡᬵᬃᬳ ᬲᬶᬫ᭄ᬩᬦ᭄‌ᬓᬤ᭄ᬬᬵᬗᬢᬕ᭄ᬭᬶᬮᬫ᭄ᬧᬳᬶᬭᬲᬂᬧ᭄ᬭᬪᬸᬧᬗ᭄ᬭᬷᬓᬶᬂᬕᬚᬢᬸᬭᬗ᭄ᬕᬵᬮ᭄ᬯᬷᬃᬭᬵᬗ᭄ᬕ᭄ᬬᬮᬫ᭄ᬧᬄᬦᬺᬧᬢᬶ᭟ᬰ᭄ᬭᬷᬦᬵᬣᬰᬷᬖ᭄ᬭᬵᬯᬸᬗ᭄ᬯᬵᬤᬦ᭄ᬮᬸᬫᬫ᭄ᬧᬄᬳᬰᬸᬘ᭄ᬤᬶᬳᬭᬭᬤᬶᬦ᭄‌ᬭᬶᬂᬕᬗ᭄ᬕᭀᬥᬓᬵᬲᬭᬬᬸᬲᬷᬭᬵᬲᬹᬃᬬ᭄ᬬᬰᬾᬯᬦᬵᬳᬗᬸᬥᬓᬢᬵᬃᬬᬡᬲᬵᬫ᭄ᬧᬸ ᬦᬗ᭄ᬭᬗ᭄ᬲᬸᬓ᭄‌ᬪᬸᬱᬡᬦᬶᬂᬗᬤᬷᬦᬵᬣᬳᬫᬹᬚᬭᬶᬂᬲᬂᬳ᭄ᬬᬂᬗᬕ᭄ᬦᬶ᭟ᬫᬶᬤᭂᬃᬧᬶᬦ᭄ᬢᬶᬕᬾᬂᬧᬳᭀᬫᬦ᭄‌ᬦᬯᬸᬭᬓᭂᬦ᭄ᬧᬸᬱ᭄ᬧᬕᬦ᭄ᬤᬵᬫ᭄ᬯᬂᬲᬫᬶᬢ᭄‌ᬕᬺᬢᬵᬢᬶᬮᬮᬯᬦ᭄ᬫᬥᬸᬳᬗᬯᬗᬶᬭᬶᬂᬓᬸᬡ᭄ᬥᬰᬸᬪᬫᬗ᭄ᬕᬮᬦᬶᬮᬫ᭄ᬧᬳᬷᬭᬧ᭄ᬭᬪᬸᬢᬸᬫᬸᬮ᭄ᬬᬳᬤᬦᬵ [᭓᭐ 30A] ᬧᬸᬡ᭄ᬬᬯᬶᬦᬢ᭄ᬭᬦ᭄ᬲᬂᬢᬧᬢᬧᬶ᭟ᬳᭂᬦ᭄ᬢ᭄ᬬᬵᬃᬱᬦᬶᬂᬫᬳᬵᬧᬡ᭄ᬥ᭄ᬬᬵᬗᬲ᭄ᬢᬸᬗ᭄ᬓᬭᬵᬫᬍᬲ᭄ᬭᬶᬂᬧᬹᬚᬵᬆᬲ᭄ᬪᬸᬢᬷᬫᬲ᭄ᬢ᭄ᬯᬓᭂᬦ᭄ᬲᬶᬤ᭄ᬥᬦᬶᬂᬮᬓᬸᬤᬶᬃᬕ᭄ᬕᬬᬸᬄᬢᬦ᭄ᬓᬢᬫᬦ᭄‌ᬤᬬᬵᬪᬹᬃᬕ᭄ᬕᬮᬫ᭄ᬧᬳᬶᬭᬲᬗᬳᬸᬮᬸᬦ᭄‌ᬭᬶᬳᬸᬯᬸᬲᬶᬭᬵᬲᬸᬂᬥᬦᬧᬸᬡ᭄ᬬᬰᬶᬖ᭄ᬭᬵᬤᬦ᭄ᬮᬸᬫᬭᬶᬲ᭄᭟ᬲᬂᬢᬧᬲᬫ᭄ᬬᬮᬸᬫᬓ᭄ᬯᬳᬸᬫᬶᬭᬶ ᬗᬮᬫ᭄ᬧᬄᬰ᭄ᬭᬷᬦᬭᬧᬢᬶᬧ᭄ᬭᬧ᭄ᬢᬶᬗ᭄ᬕᬶᬭᬶᬂᬤᬾᬰᬵᬕᬸᬂᬲᬫ᭄ᬬᬳᬫᬶᬢ᭄ᬫᬸᬮᬶᬳᬵᬰ᭄ᬭᬷᬦᬭᬾᬦ᭄ᬤ᭄ᬭᬳᬯ᭄ᬮᬲᬶᬭᬳᬦ᭄ᬤᬸᬮᬸᬳᬦᬵᬦᬸᬦ᭄ᬢᬸᬦᬦᬓ᭄ᬧᬸᬕ᭄ᬯᬓᭀᬧᬲᬫᬵᬗ᭄ᬤᬾᬳᬰᬶᬄ᭟ᬳᬤᬯᬵᬦ᭄‌ᬬᬦ᭄ᬓᬝᬵᬓ᭄ᬦᬮ᭄ᬧᬲᬤᭀᬄᬮᬫ᭄ᬧᬳᬶᬭᬦᬺᬧᬢᬷᬧᬶᬭᬂᬦᬵᬕᬵᬭᬓᬮᬮᬸᬦ᭄‌ᬓᬳᬶᬭᬶᬂᬓᬮᬶ ᬯᬢᬦ᭄‌ᬢᬦ᭄ᬓᭀᬦᬶᬗᬵᬮᬗᭃᬦ᭄ᬬᬳᬗ᭄ᬤᬾᬓᬸᬂᬳᬲ᭄ᬭᬶᬂᬳᬲᬶᬧᭂᬂᬭᬶᬗ᭄ᬳᬯᬦ᭄‌ᬫᬾᬄᬧ᭄ᬭᬧ᭄ᬢᬾᬂᬧᬶᬗ᭄ᬕᬶᬭᬶᬂᬢᬲᬶᬓ᭄᭟ᬓᬢᭀᬦ᭄ᬧᬸᬦᬂᬢᬫᬦ᭄‌ᬭᬵᬫ᭄ᬬᬭᬲᬸᬓᬸᬦᬶᬂᬗᬘᬮᭀᬢ᭄ᬢᬫᬕᬶᬭᬶᬭᬶᬫᬦ᭄ᬥᭀᬥᬬ᭄ᬬᬵᬭᬦᬶᬧᬸᬦ᭄‌ᬩᭀᬢ᭄ᬭᬯᬶᬮᬶᬦ᭄ᬢᬂᬭᬵᬫ᭄ᬬᬳᬶᬗᬶᬤᭂᬭᬦ᭄ᬓᬸᬱᬸᬫᬢᬶᬭᬦ᭄ᬬᬵ ᬮᬗᬸᬢᬶᬃᬢ᭄ᬢᬦ᭄ᬬᬲᬸᬤ᭄ᬥᬵᬧᬯᬶᬢ᭄ᬭᬳᬵᬂᬚ᭄ᬭᬄᬚᬮᬚᬦ᭄ᬬᬫᬵᬃᬫ᭄ᬭᬶᬓ᭄᭟ᬢᬸᬲ᭄ᬦᬶᬂᬫᬦ᭄ᬤᭀᬥᬭᬶᬲᬵᬭᬪᬤᬷᬫᬵᬕᭃᬂᬓ᭄ᬬᬢᬶᬂᬭᬶᬂᬫᬡ᭄ᬥᬓᬡᬷᬢᬦ᭄ᬧᭀᬧᬫᬵᬤᬺᬱ᭄ᬤᬸᬫᬸᬤᬸᬕ᭄‌ᬧ᭄ᬭᬧ᭄ᬢᬶᬂᬲᬕᬭᬯᬾᬢᬦ᭄‌ᬭᬶᬢᬫ᭄ᬩᬶᬃᬦ᭄ᬬᬦᬡ᭄ᬥᬓᬯᬦᬧᬸᬦᬶᬓᬸᬕᬦ᭄ᬢᭂᬭ

Auto-transliteration

[29 29B] 29 ṭāknapolahīraśrīnarendratinangkilginorawandesangpriwikuwngyāwusirānadhaḥmalaḥdaluhaluwaransangmābhiksyudhrinaranathahanidramwangsaknehingparamantri. eñjingmahwabangbangwetankonangngunangsuswarārūmamani sgitāpamūr̀syitanipunmagadhawetalikātulyangmantrāstawarijĕngmahaprabhukadyamamungwanānggugaḥpatur̀waniraśrīhaji. sinameningtabangtabanggĕṇdhingcuringlinawwawinākangsibinarunginggonggumuruḥginyatguṇār̀ha simbankadyāngatagrilampahirasangprabhupangrīkinggajaturanggālwīr̀rānggyalampaḥnr̥ĕpati. śrīnāthaśīghrāwungwādanlumampaḥhaśucdihararadinringganggodhakāsarayusīrāsūr̀yyaśewanāhangudhakatār̀yaṇasāmpu nangrangsukbhuṣaṇaningngadīnāthahamūjaringsanghyangngagni. midĕr̀pintigengpahomannawurakĕnpuṣpagandāmwangsamitgr̥ĕtātilalawanmadhuhangawangiringkuṇdhaśubhamanggalanilampahīraprabhutumulyahadanā [30 30A] puṇyawinatransangtapatapi. hĕntyār̀ṣaningmahāpaṇdhyāngastungkarāmal̥ĕsringpūjā'āsbhutīmastwakĕnsiddhaninglakudir̀ggayuḥtankatamandayābhūr̀ggalampahirasangahulunrihuwusirāsungdhanapuṇyaśighrādanlumaris. sangtapasamyalumakwahumiri ngalampaḥśrīnarapatipraptinggiringdeśāgungsamyahamitmulihāśrīnarendrahawlasirahanduluhanānuntunanakpugwakopasamāngdehaśiḥ. hadawānyankaṭāknalpasadoḥlampahiranr̥ĕpatīpirangnāgārakalalunkahiringkali watantankoningālangönyahangdekunghasringhasipĕngringhawanmeḥpraptengpinggiringtasik. katonpunangtamanrāmyarasukuningngacalottamagiririmandhodhayyāranipunbotrawilintangrāmyahingidĕrankusyumatiranyā langutir̀ttanyasuddhāpawitrahāngjraḥjalajanyamār̀mrik. tusningmandodharisārabhadīmāgöngkyatingringmaṇdhakaṇītanpopamādr̥ĕṣdumudugpraptingsagarawetanritambir̀nyanaṇdhakawanapunikugantĕra

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org

Leaf 80

Image on Archive.org

Leaf 81

Image on Archive.org

Leaf 82

Image on Archive.org

Leaf 83

Image on Archive.org

Leaf 84

Image on Archive.org

Leaf 85

Image on Archive.org

Leaf 86

Image on Archive.org

Leaf 87

Image on Archive.org

Leaf 88

Image on Archive.org