Gaguritan Tatuptupan
This page has been accessed 32,877 times.
Description
Bahasa Indonesia
English
Front and Back Covers
[PERPUSTAKAAN
KTR.DOKBUD BALI
PROP. BALI
G/XXII/2/DOKBUD
Nama/judul : GAGURITAN TATUPTUPAN
Pnj. 35 cm. Lb. 3,5 cm. Jl. 209 lb.
Asal : Puri Madhura, Kr.asem.]
[᭑ 1A]
Nama/judul : GAGURITAN TATUPTUPAN
Pnj. 35 cm. Lb. 3,5 cm. Jl. 209 lb.
Asal : Puri Madhura, Kr.asem.
Auto-transliteration
[PERPUSTAKAAN
KTR.DOKBUD BALI
PROP. BALI
G/XXII/2/DOKBUD
Nama/judul : GAGURITAN TATUPTUPAN
Pnj. 35 cm. Lb. 3,5 cm. Jl. 209 lb.
Asal : Puri Madhura, Kr.asem.]
[1 1A]
Nama/judul : GAGURITAN TATUPTUPAN
Pnj. 35 cm. Lb. 3,5 cm. Jl. 209 lb.
Asal : Puri Madhura, Kr.asem.Leaf 1
[᭑ 1B]
᭑
᭚᭐᭚ᬳᬶᬧᬗ᭄ᬓᬃᬚᬭᬸᬫᬦ᭄ᬢᬶᬢ᭄ᬬᬂ᭞ᬓᬧᬶᬲᬺᬂᬫᬗ᭄ᬤᬫᬳᬢᬹᬃᬜᬶᬮᬶᬩ᭄᭞ᬗᬶᬂᬳᬫ᭄ᬧᬸᬭᬳᬸ᭠ᬕᬶᬭᬢᬸ᭞ᬳᬦ᭄ᬢᬸᬓ᭄ᬳᬶᬧᬸᬦ᭄ᬓᬢᬸᬭᬦ᭄᭞ᬢᬸᬦᬍᬯᬶᬄᬧᬧᭂᬲᭀᬦ᭄ᬫᬸᬜᬶᬦᬾᬓᭀᬮᬸᬕ᭄᭞ᬢᬸᬯᬶᬫᬗ
ᬢᬸᬭᬂᬭᬸᬚᬓ᭄᭞ᬬᬾᬦ᭄ᬓᭂᬘᬧᬂᬧ᭄ᬗᬄᬧᬳᬶᬢ᭄᭟ᬦᬾᬯᬦ᭄ᬢᭂᬦᬹᬫ᭄ᬗ᭄ᬯᬢᬂᬧᬶᬲᬦ᭄᭞ᬫᬢᬶᬢᬶᬭᭀᬦ᭄ᬦᬶᬦ᭄ᬤᬲᬂᬓᬯᬶᬍᬯᬶᬄ᭞ᬧᬲᬂᬰᬲ᭄ᬢ᭄ᬭᬢᬦᬶᬳᬗ᭄ᬓᬸᬄ᭞ᬧᬓᬺᬗᬶᬦ᭄ᬩᬦᬹᬦᬸᬮᬤ᭄᭞ᬫᬸᬜᬶᬲᬸᬢ᭄ᬭᬭᬚᭂᬕ᭄ᬢᭂᬗᭂᬦᬦ᭄ᬫ᭄ᬯᬂᬕ
ᬦ᭄ᬚᬸᬂ᭞ᬦᬾᬭᬲ᭄ᬫᬶᬯᬄᬧᬓᬪᬗᬦ᭄᭞ᬧᬸᬧᬸᬄᬚᭀᬓᬦ᭄ᬢᬦ᭄ᬧᬳᬶᬦ᭄ᬤᬶᬓ᭄᭟ᬧᬢ᭄ᬩᭂᬮᬶᬦ᭄ᬩᬳᬦ᭄ᬧᭀᬭᬄ᭞ᬓᬤᬸᬓ᭄ᬧᬗ᭄ᬓᬄᬫᬼᬤ᭄ᬫᬜᬸᬚᬸᬄᬮᬗᬶᬢ᭄᭞ᬮ᭄ᬯᬶᬃᬯᬲᬵᬤ᭄ᬤᬵᬦᬭᬸᬂᬲᬶᬢᬗ᭄ᬢᬸ᭞ᬓᬮᬶᬦ᭄ᬢᬂᬫᬤᬹᬃᬕ᭄ᬕᬫ᭞᭠
ᬳᬦ᭄ᬢᬸᬓ᭄ᬲᬯᬢ᭄ᬢᭂᬕᭂᬄᬤᬶᬮᬗᬶᬢᬾᬩᬶᬭᬸ᭞ᬧᬳᬸᬗ᭄ᬕ᭄ᬯᬦ᭄ᬲᬂᬓᬯᬶᬰ᭄ᬯᬭ᭞ᬘ᭄ᬙᬸᬢ᭄ᬢᭀᬂᬩᬓᬢ᭄ᬢᬸᬦᬲᬶᬤ᭄᭟ᬳᭂᬦ᭄ᬢᭀᬭᬢᬸᬧ᭄ᬬᬵᬃᬱᬬᬂ᭞ᬳᬢᬹᬃᬢᬶᬢ᭄ᬬᬂᬳᬶᬮᬭᬓᬰᬶᬳᬰᬶᬄ᭞ᬲᬸᬫᬤ᭄ᬬᬧᬋᬓ᭄ᬳᬶᬭᬢᬸ᭞ᬲᬢ᭄ᬫ᭠
[᭒ 2A]
ᬓᬤᬶᬧᬗᬶᬧ᭄ᬬᬦ᭄᭞ᬢ᭄ᬯᬭᬧ᭄ᬤᬲ᭄ᬩᬦ᭄ᬢᬶᬢ᭄ᬬᬂᬗᭂᬦᭀᬢ᭄ᬳᬶᬭᬢᬸ᭞ᬲᭀᬓ᭄ᬫᬩᬳᬦ᭄ᬯᬯᬬᬗᬦ᭄᭞ᬩᬸᬓᬤᬾᬯ᭄ᬯᬦᬾᬤᬶᬢᬸᬮᬶᬲ᭄᭟ᬓᬾᬢᭀᬭᬢᬸᬳᬸᬧᬫᬶᬬᬂ᭞ᬤᬶᬚᬵᬳᬶᬤ᭄ᬟᬢ᭄ᬯᬭᬩᬓᬢ᭄ᬲᭀᬘᬧᬶᬦ᭄
ᬢᬶᬢ᭄ᬬᬂᬲᬸᬫᬤ᭄ᬬᬫᬳᬢᬹᬃ᭞ᬫᬯᬶᬢ᭄ᬗᬢᬸᬭᬂᬚᬶᬯ᭄ᬯ᭞ᬢᬦ᭄ᬮ᭄ᬬᬦ᭄ᬢᬄᬭᬶᬂᬳᬶᬤ᭄ᬟᬳ᭄ᬬᬂᬦᬶᬂᬓᬮᬗᬸᬦ᭄᭞ᬜᬦ᭄ᬤᬂᬢᭀᬗᭀᬲ᭄ᬫᬫᬋᬓᬦ᭄᭞ᬫᬓᬳᬵᬃᬤ᭄ᬟᬦᬭᬶᬰ᭄ᬯᬭᬶ᭟ᬧᬸᬦᬶᬓᬶᬭᬢᬸᬧᬶᬋᬗᬂ᭞ᬳᬢᬹᬃᬢᬶᬢ᭄ᬬᬂᬭᬢᬸᬳᬶ
ᬢᬥᬳᬲᬶᬄ᭞ᬓᬢᬶᬓ᭄ᬱ᭄ᬩᬦ᭄ᬢᬸᬫᬸᬗ᭄ᬲᬶᬲᬗᬸᬩ᭄᭞ᬧᬶᬮᬶᬄᬬᬦ᭄ᬓᬳᬸᬤᬦᬦ᭄᭞ᬲ᭄ᬯᬾᬘᬦ᭄ᬳᬶᬤᬲᬂᬫᬓᬤᬾᬯᬦᬶᬂᬗ᭄ᬳᬭᬸᬫ᭄᭞ᬧᬶᬮᬶᬄᬳᬤ᭄ᬟᬫᬢᬺᬳᬸᬚᬦ᭄᭞ᬕᬸᬍᬫᬾᬫᬭᬯᬢ᭄ᬭᬶᬭᬶᬲ᭄᭟ᬫᬮᬶᬄᬭᬢᬸᬳ᭠
ᬢᬹᬃᬢᬶᬢ᭄ᬬᬂ᭞ᬧᬭᬶᬯ᭄ᬓᬲ᭄ᬤᬶᬕᬺᬳᬾᬗᬺᬋᬫᬶᬄ᭞ᬬᬾᬄᬫᬢᬦ᭄ᬢᬶᬢ᭄ᬬᬗᬾᬭᬢᬸ᭞ᬤᬶᬕᬸᬍᬫᬾ᭠ᬫᬘᬧ᭄ᬘᬧ᭄᭞ᬧᬭᬶᬲᬓ᭄ᬱᬢ᭄᭞ᬫᬓᬧᬗᬸᬕᬄᬳᬶᬭᬢᬸ᭞ᬫᬳᬸᬗᬸᬭᬢᬸᬧᬶᬋᬗᬂ᭞ᬳᬢᬹᬃᬢᬶᬢ᭄ᬬᬂᬳᬶ᭠
Auto-transliteration
[1 1B]
1
// 0 // hipangkar̀jarumantityang, kapisr̥ĕngmangdamahatūr̀ñilib, nginghampurahu‐giratu, hantuk'hipunkaturan, tunal̥ĕwiḥpapĕsonmuñinekolug, tuwimanga
turangrujak, yenkĕcapangpngaḥpahit. newantĕnūmngwatangpisan, matitironnindasangkawil̥ĕwiḥ, pasangśastratanihangkuḥ, pakr̥ĕnginbanūnulad, muñisutrarajĕgtĕngĕnanmwangga
njung, nerasmiwaḥpakabhangan, pupuḥjokantanpahindik. patbĕlinbahanporaḥ, kadukpangkaḥml̥ĕdmañujuḥlangit, lwir̀wasāddānarungsitangtu, kalintangmadūr̀ggama, ‐
hantuksawattĕgĕḥdilangitebiru, pahunggwansangkawiśwara, cchuttongbakattunasid. hĕntoratupyār̀ṣayang, hatūr̀tityanghilarakaśihaśiḥ, sumadyapar̥ĕk'hiratu, satma‐
[2 2A]
kadipangipyan, twarapdasbantityangngĕnot'hiratu, sokmabahanwawayangan, bukadewwaneditulis. ketoratuhupamiyang, dijāhidḍatwarabakatsocapin
tityangsumadyamahatūr̀, mawitngaturangjiwwa, tanlyantaḥringhidḍahyangningkalangun, ñandangtongosmamar̥ĕkan, makahār̀dḍanariśwari. punikiratupir̥ĕngang, hatūr̀tityangratuhi
tadhahasiḥ, katikṣbantumungsisangub, piliḥyankahudanan, swecanhidasangmakadewaningngharum, piliḥhadḍamatr̥ĕhujan, gul̥ĕmemarawatriris. maliḥratuha‐
tūr̀tityang, pariwkasdigr̥ĕhengr̥ĕr̥ĕmiḥ, yeḥmatantityangeratu, digul̥ĕme‐macapcap, parisakṣat, makapangugaḥhiratu, mahunguratupir̥ĕngang, hatūr̀tityanghi‐
