Gaguritan Stri Sasana B

Original on Archive.org

Description

Bahasa Indonesia

Geguritan ini menceritakan tentang kewajiban seorang istri dan penderitaan seorang istri yang dimadu oleh suaminya.

Front and Back Covers

Image on Archive.org

[GEGURITAN STRI SASANA P. 40cm L. 3 cm Jml. 19 Lbr Asal : Puri Anyar Klungkung] [᭑ 1A] ᭚ᬕᬕᬸᬭᬶᬢᬦ᭄ᬲ᭄ᬢ᭄ᬭᬶᬰᬰᬡ᭟

Auto-transliteration

[GEGURITAN STRI SASANA P. 40cm L. 3 cm Jml. 19 Lbr Asal : Puri Anyar Klungkung] [1 1A] // gaguritanstriśaśaṇa.

Leaf 1

Image on Archive.org

[᭑ 1B] ᭑ ᭛ᬒᬁᬅᬯᬶᬖ᭄ᬦᬫᬲ᭄ᬢᬸᬦᬵᬫᬲᬶᬤ᭄ᬥᬀ᭛᭐᭚ᬤᬹᬃᬫ᭄ᬫ᭟᭐᭟ᬲᬫ᭄ᬧᬸᬭᬬᬂᬫᬸᬜᬶᬩᬮᬶᬢᭂᬫ᭄ᬩᬂᬤᬹᬃᬫ᭄ᬫ᭞ᬲᬓᬶᬂᬱᬫ᭄ᬳ᭄ᬮᬄᬫᬗᬯᬶ᭞ᬫᬗᬶᬓᭂᬢ᭄ᬘᬭᬶᬢ᭞ᬢᬦᬶᬦᬯᬂᬩᬩᬲᬦ᭄᭞ᬲᭀᬓ᭄ᬧᭀᬗᬄᬧᬘᬂ ᬓ᭄ᬤᭀᬓᬶᬦ᭄᭞ᬰᬵᬲ᭄ᬢ᭄ᬭᬳᬸᬭᬶᬘᭂᬓ᭄᭞ᬧᬸᬧᬸᬳᬾᬲᬮᬄᬕᭂᬦ᭄ᬤᬶᬂ᭟᭐᭟ᬧᬫᬹᬃᬡ᭄ᬦᬬᬂᬫᬦᬄᬓᬢᬶᬦ᭄ᬤᬶᬳᬦ᭄ᬮᬭ᭞ᬗᭂᬩᭂᬓᬶᬦ᭄ᬢᬦᬄᬮᬗᬶᬢ᭄᭞ᬲᬢᬢᬧ᭄ᬭᬧᬜ᭄ᬘ᭞ᬢᬸᬯᬶᬢᬦ᭄ᬧᬮᬶᬧᬸᬭᬦ᭄᭞ᬚᬩᬦᬶᬂᬳᬸᬘᬧᬦ᭄ᬳᬚᬶ᭞ ᬳᬗ᭄ᬕᬾᬦ᭄ᬧᬫᬹᬃᬡ᭄ᬦ᭞ᬭᬱᬢᭀᬂᬳᬤᬫᬮᬶᬄ᭟᭐᭟ᬰᬵᬲ᭄ᬢ᭄ᬭᬧᬯᬭᬄᬪᬕᬯᬵᬦ᭄ᬓᬫᬦ᭄ᬤᬓ᭞ᬭᬶᬂᬲᬶᬲ᭄ᬬᬦᬶᬭᬲᬫᬶ᭞ᬩ᭄ᬯᬢ᭄ᬳᬶᬲ᭄ᬢ᭄ᬭᬶᬰᬰᬡ᭞ᬬᬢ᭄ᬦᬗᬫᭀᬂᬰᬭᬶᬭ᭞ᬓᬧᬲᬸᬓᬦ᭄ᬲᬂᬳ᭄ᬬᬂᬭᬢᬶᬄ᭞ᬳᬶᬦᬸᬢ᭄ᬩ᭄ᬭᬧᬢ᭄ᬬ᭞ ᬧᬧᬦᬶᬂᬤᬤᬶᬳᬶᬲ᭄ᬢ᭄ᬭᬶ᭟᭐᭟ᬓ᭄ᬭᬡᬚᬦᬶᬧᬢᬶᬩ᭄ᬭᬢᬦᬾᬮᬦᬂ᭞ᬳᬧᬂᬫᬢᭀᬬᬲᬳᬶᬫ᭄ᬜᬧᬸᬄᬤᬰᬫᬮ᭞ᬦᬗᬸᬦ᭄ᬕᬸᬦᬦᬶᬂᬳᬯᬓ᭄᭞ᬧᬸᬃᬡ᭄ᬦᬫᬢᬸᬍᬫ᭄ᬳᬩᬺᬱᬶᬄ᭞ᬫᬫᬢᬸᬢ᭄ᬧᬳ᭄ᬬᬲ᭄᭞ᬦ᭄ᬭᬧᬂᬲᬃᬯᬯᬯᬗᬶ᭟᭐᭟ [᭒ 2A] ᬧᬶᬦᬓᬤᬶᬜᬮᬸᬓᬂᬫᬦ᭄ᬢ᭄ᬭᬓᬳᬶᬲ᭄ᬢ᭄ᬭᬶᬬᬦ᭄᭞ᬫᬧᬮᬤ᭄ᬭᬫᬶᬦ᭄᭞ᬩᬗᬸᬦ᭄ᬳᬸᬢᬫᬦᬶᬂᬓᬾᬦ᭄ᬤ᭄ᬭᬦ᭄᭞ᬳᬬᬸᬢᬦ᭄ᬧᬢᬦ᭄ᬤᬶᬗᬦ᭄᭞ᬧᬧᬸᬮᬦ᭄ᬲᬃᬯ᭄ᬯᬫᬦᬶᬲ᭄᭞ᬫᬂᬧ᭄ᬭᬧᬜ᭄ᬘ᭞ᬢᬭᬸᬡᬩᬸᬤᬸᬄᬧᬮᬶᬂ᭟᭐᭟ᬳᬧᬦ᭄ᬚᬢᬸᬓᬃᬫ᭄ᬫ ᬢᭀᬂᬤᬤᬶᬧᭂᬮᬶᬳᬂ᭞ᬲ᭄ᬢ᭄ᬭᬶᬳ᭄ᬬᬂᬭᬢᬶᬄ᭞ᬳᬶᬮᬸᬄᬧᬯᬓ᭄ᬩᬸᬗ᭞ᬩᬯᬸᬫᬦᭂᬤᭂᬂᬓᭂᬫ᭄ᬩᬂ᭞ᬗ᭄ᬳᬮᬾᬬᭀᬳᬫ᭄ᬧᭂᬳᬂᬳᬗᬶᬦ᭄᭞ᬧᬦᭂᬤᭂᬂᬓᬧᬢ᭄᭞ᬫᬶᬬᬶᬓ᭄ᬗᭂᬩᭂᬓᬶᬦ᭄ᬕᬸᬫᬶ᭟᭐᭟ᬢᬭᬸᬡᬦᬾᬫᬳᬯᬓ᭄ᬢᬫ᭄ᬩᬸᬮᬶ ᬮᬶᬗᬦ᭄᭞ᬢᬦ᭄ᬫᬭᬶᬗᬮᬶᬄᬫᬶᬳᬶᬓ᭄᭞ᬗᬶᬲᭂᬧ᭄ᬲᬭᬶᬦ᭄ᬩᬸᬗ᭞ᬳᬲᬶᬂᬩᬯᬸᬲᬸᬫᭂᬓᬃ᭞ᬬᭀᬕ᭄ᬬᬫᬫᬶᬮᬶᬄᬫᬶᬮᬶᬳᬶᬦ᭄᭞ᬲᬶᬂᬩᬚᬗᬦ᭄᭞ᬚᬗ᭄ᬓᬸᬢᬶᬦ᭄ᬲᬳᬶᬲᬳᬶ᭟᭐᭟ᬬᬶᬗ᭄ᬓᬳᬶᬂᬫᬓᬃᬫ᭄ᬫᬧᬶᬮᬶᬳᬶᬂᬤᬶᬯ ᬱ᭞ᬳᬦᬸᬢᬂᬢ᭄ᬓᬾᬦ᭄ᬰᬰᬶᬄ᭞ᬭᬶᬂᬓᬵᬮᬦᬶᬂᬓᬱ᭞ᬓᬢᬸᬚᬸᬫᬧᬸᬫᬳᬦ᭄᭞ᬫᬧᬮᬧᬦᬓᬦ᭄ᬫᬢᬶ᭞ᬭᬸᬲᬓ᭄ᬤᬶᬩᬲᬂ᭞ᬯᬶᬲ᭄ᬬᬦᬶᬂᬳᬭᬶᬳᬭᬶ᭟᭐᭟ᬬᬦ᭄ᬭᬶᬂᬰᬰᬶᬄᬓᬭᭀᬧᬸᬭᬸᬕ᭄ᬫᬧᬸᬫᬳᬦ᭄᭞ᬤᭀᬬᬦ᭄ᬢᬶᬯ

Auto-transliteration

[1 1B] 1 /// oṁawighnamastunāmasiddhaṃ /// 0 // dūr̀mma. 0. sampurayangmuñibalitĕmbangdūr̀mma, sakingṣamhlaḥmangawi, mangikĕtcarita, taninawangbabasan, sokpongaḥpacang kdokin, śāstrahuricĕk, pupuhesalaḥgĕnding. 0. pamūr̀ṇnayangmanaḥkatindihanlara, ngĕbĕkintanaḥlangit, satataprapañca, tuwitanpalipuran, jabaninghucapanhaji, hanggenpamūr̀ṇna, raṣatonghadamaliḥ. 0. śāstrapawaraḥbhagawānkamandaka, ringsisyanirasami, bwat'histriśaśaṇa, yatnangamongśarira, kapasukansanghyangratiḥ, hinutbrapatya, papaningdadihistri. 0. kraṇajanipatibratanelanang, hapangmatoyasahimñapuḥdaśamala, nangun'gunaninghawak, pur̀ṇnamatul̥ĕmhabr̥ĕsyiḥ, mamatutpahyas, nrapangsar̀wawawangi. 0. [2 2A] pinakadiñalukangmantrakahistriyan, mapaladramin, bangunhutamaningkendran, hayutanpatandingan, papulansar̀wwamanis, mangprapañca, taruṇabuduḥpaling. 0. hapanjatukar̀mma tongdadipĕlihang, strihyangratiḥ, hiluḥpawakbunga, bawumanĕdĕngkĕmbang, nghaleyohampĕhanghangin, panĕdĕngkapat, miyikngĕbĕkin'gumi. 0. taruṇanemahawaktambuli lingan, tanmaringaliḥmihik, ngisĕpsarinbunga, hasingbawusumĕkar̀, yogyamamiliḥmilihin, singbajangan, jangkutinsahisahi. 0. yingkahingmakar̀mmapilihingdiwa ṣa, hanutangtkenśaśiḥ, ringkālaningkaṣa, katujumapumahan, mapalapanakanmati, rusakdibasang, wisyaningharihari. 0. yanringśaśiḥkaropurugmapumahan, doyantiwa

Leaf 2

Image on Archive.org

[᭒ 2B] ᭒ ᬲ᭄ᬗᬸᬮᬶᬲ᭄ᬢᬶᬂ᭞ᬤᬤᬶᬗᬸᬢᬂᬳᬸᬢᬂ᭞ᬢᭀᬂᬓᬕᬸᬕᬸᬫᬳᬸᬢᬂ᭞ᬓᬫ᭄ᬩᭂᬦᬾᬩᬾᬳᬾᬓ᭄ᬳᬢᭂᬩᬶᬄ᭞ᬩᭂᬓ᭄ᬢᬢᬫ᭄ᬩᭂᬮᬦ᭄᭞ᬤᬤᬶᬫᬯᬓ᭄ᬮᬗᭂᬤᬶᬂ᭟᭐᭟ᬰᬰᬶᬄᬓᬢᬶᬕᬫᬢ᭄ᬫᬸᬳᬗᬦ᭄ᬢᬾᬦ᭄᭞ᬫᬧᬮᬧᬦᬓ᭄ᬘᬶᬘᬶᬄ᭞ᬲ᭄ᬢᬢ ᬳᬤᬶᬦᬦ᭄᭞ᬳᬸᬓᬢᭀᬂᬢᬳᬾᬦ᭄ᬳᬾᬗ᭄ᬕᬮ᭄᭞ᬲᬸᬯᬸᬤ᭄ᬘᬫ᭄ᬧᬸᬃᬫᬯᬓ᭄ᬩᬓᬶ᭞ᬢᬸᬮᬓᬃᬓᬫ᭞ᬤᬤᬶᬳᬦᬓ᭄ᬮᬸᬄᬫ᭄ᬯᬦᬶ᭟᭐᭟᭞ᬳᬲᬦᬶᬂᬓᬧᬢ᭄ᬫᬦᬸᬚᬸᬫᬧᬸᬫᬳᬦ᭄᭞ᬫᬧᬮᬲᬦ᭄ᬱᬲᬸᬕᬶᬄ᭞ᬫᬦ᭄ᬤᬤᬶᬲᬸᬤᬕᬃ᭞ᬗᭂᬧᬸᬓ᭄ᬲᬃ ᬯ᭄ᬯᬩᬭᬡ᭞ᬧᬳᬸᬩᬦ᭄ᬤᬕᬗᬦ᭄ᬚᬯᬶ᭞ᬲᬓᬫ᭄ᬧᬸᬂᬲᭂᬮᬫ᭄᭞ᬲᬾᬳᬭᬩ᭄ᬘᬶᬦᬩᬸᬕᬶᬲ᭄᭟᭐᭟ᬫᬦᬶᬄᬬᬦᬶᬂᬫᬦᬸᬚᬸᬰᬰᬶᬄᬓᬮᬶᬫ᭞ᬦᬾᬮᬸᬄᬩᬓ᭄ᬢᬶᬳᬲ᭄ᬢᬶᬢᬶ᭞ᬳᬓᭂᬦ᭄ᬫᬗᬶᬩᬸᬓᬂ᭞ᬗ᭄ᬕᬯᬾᬦᬂᬳᬶᬲᬶᬦ᭄ᬳᬸᬫᬄ᭞ᬳᬸ ᬮᬸᬭᬶᬦ᭄ᬳᬦᬓ᭄ᬫᬸᬯᬦᬶ᭞ᬢᭀᬂᬤᬤᬶᬧᬲᬄ᭞ᬧᬶᬢᬺᬱ᭄ᬡᬦᬾᬫᬜ᭄ᬚᬓᬶᬦ᭄᭟᭐᭟ᬰᬰᬶᬄᬓᭂᬦᭂᬫ᭄ᬢᭂᬓᬧᬸᬭᬸᬕ᭄ᬫᬧᬸᬫᬳᬦ᭄᭞ᬦᬾᬮᬸᬄᬫᬯᬓ᭄ᬜᬓᬶᬢᬶᬦ᭄᭞ᬤᬤᬶᬧᬦᬲ᭄ᬩᬭ᭞ᬫᬧᬮᬗᬮᬧᬂ᭞ᬓᬮᬄᬢᬸᬫ᭄ᬧᬸᬃᬫᬾᬫ᭄ᬯᬦᬶ᭞ [᭓ 3A] ᬫᬢᬶᬓᬤᬤᬓ᭄᭞ᬢ᭄ᬯᬭᬤᬤᬶᬢᬸᬮᬸᬗᬶᬦ᭄᭟᭐᭟ᬬᬦ᭄ᬭᬶᬂᬰᬰᬶᬄᬓᬧᬶᬢᬸᬮᬯᬸᬢ᭄ᬫᬓᬃᬫ᭄ᬫ᭞ᬲᬸᬕᬶᬄᬋᬤᬄᬓᬪᬸᬓ᭄ᬢᬶ᭞ᬢᬺᬡᬳᬶᬦ᭄ᬤ᭄ᬭᬬ᭞ᬢ᭄ᬯᬭᬢᬳᬾᬦ᭄ᬓᬾᬮᬗᬦ᭄᭞ᬲᬶᬂᬳᬮᬶᬄᬳᬾᬗ᭄ᬕᬮ᭄ᬓᬧᬗ᭄ᬕᬶᬄ᭞ᬮᬸᬯᬲ᭄ᬫᬤᬕᬂ᭞ ᬮᬩᬤᭀᬬᬦ᭄ᬫᬩᬢᬶ᭟᭐᭟ᬭᬶᬂᬰᬰᬶᬄᬓᬳᬸᬮᬸᬢᬸᬚᬸᬳᬂᬫᬓᬃᬫ᭄ᬫ᭞ᬤᭀᬬᬦ᭄ᬫᬧᬮᬫᬢᬶ᭞ᬢᬸᬫ᭄ᬧᬸᬃᬲᬓᬸᬋᬡᬦ᭄᭞ᬫᬢᬶᬓ᭄ᬦᬧᬗᬯᬦ᭄᭞ᬳᬶᬤᬸᬧ᭄ᬩᬸᬤᬸᬄᬗᬸᬭᬓ᭄ᬳᬭᬶᬓ᭄᭞ᬫᬦᬸᬜ᭄ᬚᭂᬮ᭄ᬚᬸᬫᬄ᭞ᬓᬢᬶᬩᬦ᭄ᬲ ᬤ᭄ᬳᬢᬢᬬᬶ᭟᭐᭟ᬬᬾᬦᬶᬂᬓᬲᬗᬦᭂᬫᬸᬤᬸᬳ᭄ᬓᬶᬢᬩᬭ᭞ᬧᬮᬦ᭄ᬜᬦᬾᬓᬤᬮᬶᬄ᭞ᬓᬢᬶᬩᬦ᭄ᬤᬦ᭄ᬤ᭞ᬲᬓᬶᬢ᭄ᬩᬸᬮᬦ᭄ᬩᬸᬮᬦᬦ᭄᭞ᬢᬦᬶᬕᬦ᭄ᬤᬸᬲ᭄ᬧᬶᬲᬦ᭄ᬫᬢᬶ᭞ᬩ᭄ᬭᬕ᭄ᬘᭂᬓᬾᬳᬦ᭄᭞ᬗᬋᬕᭂᬲ᭄ᬩᬲᬂᬫᭂᬦᬶᬂ᭟᭐᭟ᬧᬳ ᬬᬸᬬᬦ᭄ᬚᬮᬦᬶᬦ᭄ᬰᬰᬶᬄᬓᬤᬰ᭞ᬲᬚᬕᬢ᭄ᬧᬥᬳᬲᬶᬄ᭞ᬕᬸᬱ᭄ᬝᬶᬫᬜᬬᬗᬂ᭞ᬭᬢᬸᬫᬗᬶᬘᬾᬦ᭄ᬤᬦ᭞ᬧᬶᬢᬸᬢᬸᬃᬲᬸᬓ᭄ᬱ᭄ᬫ᭞ᬲᬸᬓᬲᬤᬓᬧᬗ᭄ᬕᬶᬄ᭟᭐᭟ᬬᬾᬦᬶᬂᬰᬰᬶᬄᬚ᭄ᬬᬾᬱ᭄ᬝᬚᬮ

Auto-transliteration

[2 2B] 2 sngulisting, dadingutanghutang, tongkagugumahutang, kambĕnebehek'hatĕbiḥ, bĕktatambĕlan, dadimawaklangĕding. 0. śaśiḥkatigamatmuhanganten, mapalapanakciciḥ, stata hadinan, hukatongtahenhenggal, suwudcampur̀mawakbaki, tulakar̀kama, dadihanakluḥmwani. 0. , hasaningkapatmanujumapumahan, mapalasanṣasugiḥ, mandadisudagar̀, ngĕpuksar̀ wwabaraṇa, pahubandaganganjawi, sakampungsĕlam, seharabcinabugis. 0. maniḥyaningmanujuśaśiḥkalima, neluḥbaktihastiti, hakĕnmangibukang, nggawenanghisinhumaḥ, hu lurinhanakmuwani, tongdadipasaḥ, pitr̥ĕṣṇanemañjakin. 0. śaśiḥkĕnĕmtĕkapurugmapumahan, neluḥmawakñakitin, dadipanasbara, mapalangalapang, kalaḥtumpur̀memwani, [3 3A] matikadadak, twaradaditulungin. 0. yanringśaśiḥkapitulawutmakar̀mma, sugiḥr̥ĕdaḥkabhukti, tr̥ĕṇahindraya, twaratahenkelangan, singhaliḥhenggalkapanggiḥ, luwasmadagang, labadoyanmabati. 0. ringśaśiḥkahulutujuhangmakar̀mma, doyanmapalamati, tumpur̀sakur̥ĕṇan, matiknapangawan, hidupbuduḥngurak'harik, manuñjĕljumaḥ, katibansa d'hatatayi. 0. yeningkasanganĕmuduhkitabara, palanñanekadaliḥ, katibandanda, sakitbulanbulanan, taniganduspisanmati, bragcĕkehan, ngar̥ĕgĕsbasangmĕning. 0. paha yuyanjalaninśaśiḥkadaśa, sajagatpadhahasiḥ, guṣṭimañayangang, ratumangicendana, pitutur̀sukṣma, sukasadakapanggiḥ. 0. yeningśaśiḥjyeṣṭajala

Leaf 3

Image on Archive.org

[᭓ 3B] ᭓ ᬦᬶᬦ᭄ᬫᬓᬃᬫ᭄ᬫ᭞ᬫᬧᬮᬦ᭄ᬫᬸᬲᬸᬕᬶᬄ᭞ᬢ᭄ᬓᬢᬦ᭄ᬧᬲᬗ᭄ᬓᬦ᭄᭞ᬘᭂᬫᭀᬄᬫᬤᬤᬸᬮᬗᬦ᭄᭞ᬲᬶᬂᬕᬯᬾᬦᬂᬤᬤᬶᬯᬺᬤ᭄ᬥᬶ᭞ᬮᬩᬓᬯᬶᬃᬬ᭄ᬬᬦ᭄᭞ᬦᬫᬬᬂᬍᬕᬦ᭄ᬳᬢᬶ᭟᭐᭟ᬰᬰᬶᬄᬳᬲᬤᬓᬢ᭄ᬓᬦ᭄ᬓᬾᬯᭂᬄᬲᬢᬢ᭞ᬕᬯᬾ ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬫᬓ᭄ᬭᬾᬜ᭄ᬘᭀᬗᬦ᭄᭞ᬲᬾᬧᬦ᭄ᬗᬯᬾᬦᬂᬳᬯᬓ᭄᭞ᬓᬢᬸᬗ᭄ᬓᬸᬮᬦ᭄ᬩᬕ᭄ᬩᬕ᭄ᬩᬶᬕ᭄ᬩᬶᬕ᭄᭞ᬍᬧᬸᬕ᭄ᬤᬶᬚᬮᬦ᭄᭞ᬮᬾᬦ᭄ᬫᬢᭂᬧᭂᬢᬶᬦ᭄ᬲᬓᬶᬢ᭄᭟᭐᭟ᬓ᭄ᬭᬡᬚᬦᬶᬢᬶᬗ᭄ᬓᬳᬾᬫᬧᬳᬸᬫᬳᬦ᭄᭞ᬓᬥᬃᬫ᭄ᬫᬦᬾᬚᬸᬯᬕᬶ ᬲᬶ᭞ᬳᬶᬲ᭄ᬢ᭄ᬭᬶᬧᬢᬶᬩ᭄ᬭᬢ᭞ᬜᭀᬯᬓᬢ᭄ᬓᬾᬦ᭄‌ᬲᭀᬫᬄ᭞ᬧ᭄ᬭᬲᬶᬤ᭄ᬥᬱᬕᬸᬭᬸᬮᬓᬶ᭞ᬲᬓ᭄ᬧᬢ᭄ᬳᬶᬩᬧ᭞ᬗ᭄ᬕᬶᬲᬶᬳᬂᬧᬢᬶᬉᬭᬶᬱ᭄᭟᭐᭟ᬬᬦ᭄ᬲᬶᬤ᭄ᬥᬫᬫᬕᭂᬳᬂᬓᬧᬢᬶᬩ᭄ᬭᬢᬦ᭄᭞ᬩᬾᬲᬸᬓ᭄ᬢᭂᬓᬦᬶᬂᬧᬢᬶ᭞ᬫᬫᬗ᭄ᬕᬶᬳᬂ ᬲ᭄ᬯᬃᬕ᭄ᬕ᭞ᬧᬮᬦ᭄ᬲᬂᬫᬢᬶᬩ᭄ᬭᬢ᭞ᬭᬶᬂᬰᬶᬯᬮᭀᬓᬓᬧᬗ᭄ᬕᬶᬄ᭞ᬫᬩᬸᬓ᭄ᬢᬶᬲᬸᬓ᭞ᬉᬢᬫᬦᬶᬂᬤᬾᬯᬢᬶ᭟᭐᭟ᬬᬾᬦ᭄ᬓᬤᬸᬭᬸᬲ᭄ᬯᬗ᭄ᬮᬢ᭄ᬢᭂᬓᬦᬶᬂᬲᭀᬫᬄ᭞ᬫᬫᬶᬲᬸᬄᬩᬧᬓᭀᬫ᭄ᬧᬶ᭞ᬗᭀᬢᭀᬭᬶᬦ᭄ᬓᬯᬶᬢᬦ᭄᭞ᬗᬦ᭄ᬤᬾ [᭔ 4A] ᬬᬂᬩᬕᬧᭂᬮᬢ᭄᭞ᬫᬓᬤᬶᬫᬫᬢᬶᬫᬢᬶ᭞ᬜᭂᬢᬶᬓ᭄ᬫᬗᬸᬧᬲ᭄᭞ᬲᬮ᭄ᬯᬶᬭᬶᬂᬕᬸᬦᬤᬾᬱ᭄ᬝᬶ᭟᭐᭟ᬓᬢᬶᬩᬦᬦ᭄ᬤᬦ᭄ᬤᬲᬳᬸᬧᬤ᭄ᬭᬯ᭞ᬮᬶᬂᬦᬶᬂᬳᬭᬶᬘᬦ᭄ᬤᬦᬶ᭞ᬯ᭄ᬓᬲᬶᬂᬦᬭᬓᬶᬸᬓ᭞ᬢᬦ᭄ᬳᭂᬦ᭄ᬢᬲ᭄ᬓᬯᬩᬸᬤ᭄ᬥ᭞ᬲᬲᭀᬗ᭄ᬓᬸᬦᬶᬂ ᬧᬜ᭄ᬘᬪᬹᬫᬶ᭞ᬳᬶᬲᬶᬦᬶᬂᬓᬯᬄ᭞ᬤᬦ᭄ᬤᬦᬶᬂᬬᬫᬧᬢᬶ᭟᭐᭟ᬲᬓᬮᬦᬶᬲ᭄ᬓᬮᬫᬫᬗ᭄ᬕᬶᬳᬂᬧᬧ᭞ᬬᬦ᭄ᬢᭂᬓᬦᬶᬦ᭄ᬪᬧᬢᬶᬦ᭄᭞ᬢᬸᬫᬶᬢᬶᬲ᭄ᬓᬲᬲᬃ᭞ᬘᬘᬶᬂᬮᬶᬦ᭄ᬢᬄᬓᬸᬭᬶᬘᬓ᭄᭞ᬦᬫᬸᬦᬫᬸᬳᬸᬮᬤ᭄ᬳᬮᬶᬤ᭄᭞ᬤᬤ᭄ᬬᬦᬶᬂᬳᬸ ᬧᬲ᭄᭞ᬰᬭᬡᬫᬢᬶᬫᬢᬶ᭟᭐᭟ᬢᭀᬓ᭄ᬭᬡᬤᬧᬫ᭄ᬩᬳᬂᬳᬶᬥᭂᬧ᭄ᬳᬗ᭄ᬓᬭ᭞ᬧᬍᬄᬧᬍᬄᬤᬶᬳᬢᬶ᭞ᬲᬶᬧᬢᬶᬦ᭄ᬩᬦ᭄ᬰᬵᬲ᭄ᬢ᭄ᬭ᭞ᬳᭂᬤᬦᬤᬸᬭᬸᬲ᭄ᬓᬂᬓᬂ᭞ᬫᬤᬸᬦᬾᬩᬸᬓᬲᬓᬶᬢᬶᬦ᭄᭞ᬤᬤᬶᬫᬫ᭄ᬩᬾᬤ᭞ᬫᬫᬍᬲ᭄ᬲᬓᬶᬢ᭄ᬳ ᬢᬶ᭟᭐᭟ᬧᬕᭂᬳᬂᬫᬗ᭄ᬕᬶᬲᬶᬳᬂᬗᬥᭂᬧ᭄ᬓᬥᬃᬫ᭄ᬫᬦ᭄᭞ᬩᬋᬂᬳᬚᬓ᭄ᬫᬸᬧᭀᬦᬶᬦ᭄᭞ᬢᬺᬱ᭄ᬡᬦᬾᬫᬲᭀᬫᬄ᭞ᬲᬓ᭄ᬱᬢ᭄ᬲᬫ᭄ᬧᬶᬧᬢ᭄ᬓᬧ᭄᭞ᬧᬢᬸᬄᬢᬶᬦ᭄ᬤᬓᬾᬗᭂᬤᭂᬗᬶᬦ᭄᭞ᬩᬋᬂᬫᬬᬸᬕ᭞ᬢᭂᬢᭂᬳᬦᬾᬳᬩᭂᬲᬶᬓ᭄᭟᭐᭟

Auto-transliteration

[3 3B] 3 ninmakar̀mma, mapalanmusugiḥ, tkatanpasangkan, cĕmoḥmadadulangan, singgawenangdadiwr̥ĕddhi, labakawir̀yyan, namayangl̥ĕganhati. 0. śaśiḥhasadakatkankewĕḥsatata, gawe matindiḥtindiḥ, makreñcongan, sepanngawenanghawak, katungkulanbagbagbigbig, l̥ĕpugdijalan, lenmatĕpĕtinsakit. 0. kraṇajanitingkahemapahumahan, kadhar̀mmanejuwagi si, histripatibrata, ñowakatkensomaḥ, prasiddhaṣagurulaki, sakpat'hibapa, nggisihangpati'uriṣ. 0. yansiddhamamagĕhangkapatibratan, besuktĕkaningpati, mamanggihang swar̀gga, palansangmatibrata, ringśiwalokakapanggiḥ, mabuktisuka, utamaningdewati. 0. yenkaduruswanglattĕkaningsomaḥ, mamisuḥbapakompi, ngotorinkawitan, ngande [4 4A] yangbagapĕlat, makadimamatimati, ñĕtikmangupas, salwiringgunadeṣṭi. 0. katibanandandasahupadrawa, lingningharicandani, wkasingnarak̶ka, tanhĕntaskawabuddha, sasongkuning pañcabhūmi, hisiningkawaḥ, dandaningyamapati. 0. sakalaniskalamamanggihangpapa, yantĕkaninbhapatin, tumitiskasasar̀, cacinglintaḥkuricak, namunamuhulad'halid, dadyaninghu pas, śaraṇamatimati. 0. tokraṇadapambahanghidhĕp'hangkara, pal̥ĕḥpal̥ĕḥdihati, sipatinbanśāstra, hĕdanaduruskangkang, madunebukasakitin, dadimambeda, mamal̥ĕssakit'ha ti. 0. pagĕhangmanggisihangngadhĕpkadhar̀mman, bar̥ĕnghajakmuponin, tr̥ĕṣṇanemasomaḥ, sakṣatsampipatkap, patuḥtindakengĕdĕngin, bar̥ĕngmayuga, tĕtĕhanehabĕsik. 0.

Leaf 4

Image on Archive.org

[᭔ 4B] ᭔ ᬤᬦᬕᬶᬄᬓᭂᬋᬂᬘᬭᬕᬕᬸᬦᬲ᭄ᬚᬭᬦ᭄᭞ᬫᬫᭀᬦ᭄ᬤᭀᬂᬧᬤᬶᬤᬶᬳᬶᬦ᭄ᬢ᭄ᬯᬭᬤᬢᬶᬫ᭄ᬩᬮᬦ᭄᭞ᬓ᭄ᬭᬡᬤᬫᬫᬶᬭᬶᬳᬂ᭞ᬫᬤᬸᬦᬾᬫᬗ᭄ᬕᭂᬮᬄᬫᭂᬮᬶᬓ᭄᭞ᬲᬬᬗᬂᬲᭀᬫᬄ᭞ᬧᬗᬓᬦ᭄ᬤᬺᬫᬦ᭄ᬩᬗ᭄ᬓᬶᬢ᭄᭟᭐᭟ᬫᬸᬮᬩᭂᬓᬮ᭄ᬢᬸ ᬫᬶᬢᬶᬲ᭄‌ᬓᬫᬤ᭄ᬬᬮᭀᬓ᭞ᬓᬸᬤ᭄ᬬᬂᬧᬘᬂᬦᬶᬤᭀᬗᬶᬦ᭄᭞ᬥᬺᬱ᭄ᬝᬶᬚᬕᬢ᭄ᬓᬃᬢ᭄ᬣ᭞ᬰᬵᬲ᭄ᬢ᭄ᬭᬓᬺᬢᬫᬦᬶᬢ᭄ᬬ᭞ᬘᬓ᭄ᬘᬓᬦᬾᬤᬺᬫᬦ᭄ᬩᬗ᭄ᬓᬶᬢ᭄᭞ᬫᬤᬦ᭄ᬓᬸᬲ᭄ᬢᬢ᭄ᬯ᭞ᬧᬫᬸᬮᬸᬲᭂᬍᬫ᭄ᬳᬸᬦ᭄ᬤᬶᬲ᭄᭟᭐᭟ᬳᬯᬓ᭄ᬍᬗ᭄ᬓ᭄ᬬᬂᬧᬗᬤᭂᬕᬾᬘᬸᬫᬫ᭄ᬧ ᬓ᭞ᬧᬸᬘᬸᬓ᭄ᬩᭀᬓᬾᬕᬤᬶᬂ᭞ᬳᬩᭂᬦ᭄ᬬᬦ᭄ᬭᬶᬂᬲᭀᬮᬄ᭞ᬢᬶᬦ᭄ᬤᬓᬦᬾᬫᬕᬫ᭄ᬧᬭᬦ᭄᭞ᬮᬶᬬᬢᬾᬕᬧᬓ᭄ᬳᬫᬦᬶᬲ᭄᭞ᬓᬸᬤ᭄ᬬᬂᬫᭂᬮᬶᬳᬂ᭞ᬧᬦ᭄ᬢᭂᬲ᭄ᬚᬗ᭄ᬓᬸᬢᬶᬦ᭄ᬲᬳᬶ᭟᭐᭟ᬕ᭄ᬭᬶᬂᬦᬘᬭᬂᬳᬫᬕᬸᬢ᭄ᬧᬫᬸᬮᬸᬦᬾᬜᬮᬂ᭞ᬫᬤ ᬋᬧᬦ᭄ᬧᭀᬄᬕᬤᬶᬂ᭞ᬜᭀᬜᭀᬦᬾᬲᬸᬫᬗ᭄ᬕ᭞ᬳᬮᬶᬲ᭄ᬤᭀᬦ᭄ᬳᬶᬦ᭄ᬢᬭᬦ᭄᭞ᬩᬸᬮᬸᬦ᭄ᬫᬢᬦᬾᬫᬩᬮᬶᬓ᭄᭞ᬧᬯᬓᬦ᭄ᬤᬺᬫᬦ᭄᭞ᬓᬸᬤ᭄ᬬᬂᬧᬘᬂᬗᬮᬳᬶᬦ᭄᭟᭐᭟ᬫᬬᬸᬭᬲ᭄ᬢᬶᬩᬗ᭄ᬓ᭄ᬬᬂᬭᬫ᭄ᬧᬶᬂᬫᬕᭀᬮᬾᬭᬦ᭄᭞ᬧᬫᬸ [᭕ 5A] ᬮᬸᬧᬸᬢᬶᬄᬕᬤᬶᬂ᭞ᬜᭀᬜᭀᬦᬾᬲᬸᬫᬗ᭄ᬕ᭞ᬳᬓᬮᬸᬢ᭄ᬢ᭄ᬭᬗᬶᬂᬫᬢ᭞ᬧᬗᬸᬘᬧᬾᬋᬫ᭄ᬧᬸᬄᬫᬦᬶᬲ᭄᭞ᬜᬦᬹᬂᬲᭂᬳᭂᬤᬂ᭞ᬢ᭄ᬯᬄᬓᬸᬦ᭄ᬓᬸᬦ᭄ᬲᬳᬶᬲᬳᬶ᭟᭐᭙᭟ᬓᬸᬮᬲ᭄ᬦᬳᬮᬸᬲ᭄ᬧᬫᬸᬮᬸᬦᬾᬫᬤᬧ᭞ᬧᬯᬓᬦ᭄ᬲᬤᬮᭀᬮᬶᬂ᭞ ᬧᬸᬘᬸᬓ᭄ᬪᬶᬓᬾᬩᬳᬓ᭄᭞ᬚᬭᬶᬚᬶᬲᬤᬮᬫ᭄ᬩᬲ᭄᭞ᬓᭂᬜᬸᬗᬾᬫᬭᬯᬢ᭄ᬫᬦᬶᬲ᭄᭞ᬓᬸᬤ᭄ᬬᬂᬗᬮᬾᬩᬂ᭞ᬧᬦ᭄ᬢᭂᬲ᭄ᬫᬦ᭄ᬤᬸᬤᬸᬢ᭄ᬳᬢᬶ᭟᭐᭟ᬕᬸᬮᬚᬶᬦᬲᬶᬧᬢ᭄ᬳᬧᬸᬲ᭄‌ᬫᭀᬳᬜᬫ᭄ᬩᬸᬂ᭞ᬓᬤᬶᬩᬸᬮᬦ᭄‌ᬦ᭄ᬤᬫᬭᬶᬦ᭄᭞ᬩᬢᬶᬲᬾ ᬫᬫᬸᬤᬓ᭄᭞ᬩᬗ᭄ᬓ᭄ᬬᬗᬾᬲᬤᬍᬗ᭄ᬓ᭄ᬬᬂ᭞ᬜᭀᬜᭀᬦᬾᬫ᭄ᬩᬶᬮᬸᬮᬸᬓᬸᬦᬶᬂ᭞ᬧᬦ᭄ᬢᭂᬲ᭄ᬲᬬᬗᬂ᭞ᬢᬦ᭄ᬧᬧᬲᬄᬫᬲᬦ᭄ᬤᬶᬂ᭟᭐᭞ᬓᬸᬲᬸᬫᬶᬢᬕᬦᬹᬳᭂᬩᭀᬓᬾᬳᬯᬯᬃ᭞ᬩᬗ᭄ᬓ᭄ᬬᬂᬗᬮᬾᬬᭀᬃᬭᬫ᭄ᬧᬶᬂ᭞ᬮᭀᬮᭀᬳᭀ ᬓᬶᬂᬫᬢ᭞ᬫᬤᭀᬳᬜ᭄ᬚᬸᬃᬩᬶᬭᬸᬳᬸᬤ᭞ᬳᬦ᭄ᬢᬾᬫᬲ᭄ᬲᬸᬳᬸᬤ᭄ᬫᬲᬗ᭄ᬮᬶᬂ᭞ᬓᬸᬤ᭄ᬬᬂᬫᬓᬳᬤ᭄᭞ᬫᬧᬦ᭄ᬢᭀᬓᬢᭀᬗᭀᬲᬶᬦ᭄᭟᭐᭟ᬲ᭄ᬭᬗ᭄ᬕᬶᬦᬮᬶᬓᬗᭂᬭᭀᬜ᭄ᬚᭀᬲᬤᬮᬜ᭄ᬚᬃ᭞ᬜᬍᬤᬸᬶᬤᬾᬢ᭄ᬩᬸᬓ

Auto-transliteration

[4 4B] 4 danagiḥkĕr̥ĕngcaragagunasjaran, mamondongpadidihintwaradatimbalan, kraṇadamamirihang, madunemanggĕlaḥmĕlik, sayangangsomaḥ, pangakandr̥ĕmanbangkit. 0. mulabĕkaltu mitiskamadyaloka, kudyangpacangnidongin, dhr̥ĕṣṭijagatkar̀ttha, śāstrakr̥ĕtamanitya, cakcakanedr̥ĕmanbangkit, madankustatwa, pamulusĕl̥ĕmhundis. 0. hawakl̥ĕngkyangpangadĕgecumampa ka, pucukbokegading, habĕnyanringsolaḥ, tindakanemagamparan, liyategapak'hamanis, kudyangmĕlihang, pantĕsjangkutinsahi. 0. gringnacaranghamagutpamuluneñalang, mada r̥ĕpanpoḥgading, ñoñonesumangga, halisdonhintaran, bulunmatanemabalik, pawakandr̥ĕman, kudyangpacangngalahin. 0. mayurastibangkyangrampingmagoleran, pamu [5 5A] luputiḥgading, ñoñonesumangga, hakaluttrangingmata, pangucaper̥ĕmpuḥmanis, ñanūngsĕhĕdang, twaḥkunkunsahisahi. 09. kulasnahaluspamulunemadapa, pawakansadaloling, pucukbhikebahak, jarijisadalambas, kĕñungemarawatmanis, kudyangngalebang, pantĕsmandudut'hati. 0. gulajinasipat'hapusmohañambung, kadibulanndamarin, batise mamudak, bangkyangesadal̥ĕngkyang, ñoñonembilulukuning, pantĕssayangang, tanpapasaḥmasanding. 0 kusumitaganūhĕbokehawawar̀, bangkyangngaleyor̀ramping, loloho kingmata, madohañjur̀biruhuda, hantemassuhudmasangling, kudyangmakahad, mapantokatongosin. 0. srangginalikangĕroñjosadalañjar̀, ñal̥ĕduidetbuka

Leaf 5

Image on Archive.org

[᭕ 5B] ᭕ ᬢᬢᬶᬢ᭄᭞ᬲ᭄ᬫᬸᬩᬂᬩᬂᬳᬯᬓ᭄᭟ᬢᭀᬓᬸᬤ᭄ᬬᬂᬫᬫ᭄ᬭᬶᬳᬂ᭞ᬧᬯᬓᬦᬾᬫᬸᬮᬩᬗ᭄ᬓᬶᬢ᭄᭞ᬤᬾᬯᬦ᭄ᬧᭂᬤᭂᬫᬦ᭄᭞ᬩᬦ᭄ᬢᭂᬦᬶᬦ᭄ᬍᬕᬦ᭄ᬳᬢᬶ᭟᭐᭟ᬯᬦᬹᬲᬶᬭᭀᬳᬶᬲᬶᬢ᭄ᬩᬳᬦ᭄ᬗᬤᬶᬚᬲ᭞ᬕᬶᬕᬶ ᬳᬲᬢ᭄ᬫᬲᬗᬶᬄ᭞ᬜᬮᬂᬫᬗᬭᬜᬩ᭄᭞ᬗᬫ᭄ᬧᬶᬤ᭄ᬢᬫ᭄ᬩᬸᬮᬶᬮᬶᬗᬦ᭄᭞ᬓᭂᬜᬸᬗᬾᬫᬲᬫ᭄ᬩᬢ᭄ᬫᬦᬶᬲ᭄᭞ᬜᭀᬜᭀᬲᬸᬫᬗ᭄ᬕ᭞ᬜᬦᬹᬃᬢᬶᬦ᭄ᬤᬶᬳᬶᬦ᭄ᬫᬢᬶ᭟᭐᭟ᬳᭂᬤᬦᭂᬗ᭄ᬕᬸᬳᬂᬳᬲᬶᬂᬲᬬᬂᬫᬕᬸᬦ᭞ᬳᬶᬗᭂᬃᬓ ᬢᬶᬓ᭄ᬢᬜ᭄ᬚᬸᬂᬗᬶᬦ᭄᭞ᬮᬫᬸᬦ᭄ᬜᬢᬦ᭄ᬧᭀᬭᬢ᭄᭞ᬤᬤᬶᬫᬩᬮᬶᬓ᭄ᬱᬬᬂ᭞ᬳᭂᬦ᭄ᬢᭀᬗᬗ᭄ᬕᭀᬕᬸᬦᬩᬸᬕᬶᬲ᭄᭞ᬬᬩᬶᬲᬳᬶᬮᬂ᭞ᬧᬶᬢᬸᬤᬸᬄᬫᬦ᭄ᬢ᭄ᬭᬲᬶᬤ᭄ᬥᬶ᭟᭐᭟ᬬᬦᬶᬂᬫᬸᬮᬓᬧᬲᬸᬓᬦ᭄ᬕᬸᬦᬦ᭄ᬳᬯᬓ᭄᭞ᬳᬧ ᬦ᭄ᬧᬓᬃᬬ᭄ᬬᬦ᭄ᬯᬶᬤ᭄ᬥᬶ᭞ᬢᭀᬂᬤᬤᬶᬢᬶᬗ᭄ᬕᬮᬂ᭞ᬤᬺᬫᬦ᭄ᬓᬬᬗᬢᬸᬯ᭞ᬬᬩᬚᬗᬶᬦ᭄ᬢ᭄ᬯᬭᬓᬫ᭄ᬧᬶᬄ᭞ᬳᬗ᭄ᬕᭀᬳᬶᬦ᭄ᬕᬸᬦ᭞ᬤᬺᬫᬦᬾᬲᬓ᭄ᬱᬢ᭄ᬢᬢᬶᬢ᭄᭟᭐᭟ᬢᬦ᭄ᬧᬕᬯᬾᬲᬬᬂᬩᬳᬦ᭄ᬧᬚᭂᬗᬦ᭄᭞ᬫᬸᬦ᭄ᬤᬸᬃᬮᬶᬬᬸᬗᭂ [᭖ 6A] ᬤᬾᬓᬶᬦ᭄᭞ᬤᬺᬫᬦ᭄ᬮᬮᭀᬬᬗᬦ᭄᭞ᬓᬲ᭄ᬯᬾᬦ᭄ᬩᬶᬲᬧᬸᬦᬄ᭞ᬗᬮᬄᬓᬾᬩᬦᬸᬓ᭄ᬮ᭞ᬗᬸᬦᬶᬕᬸᬦᬦᬶᬂᬳᬯᬓ᭄᭞ᬧᬕᭂᬄᬢᭀᬂᬩᬶᬲᬓᬦ᭄ᬤᬶᬲ᭄᭟᭐᭟ᬳᬦᬓ᭄ᬲᭂᬗ᭄ᬓᬤᬤᬶᬮᬸᬄᬗᬩᬳᬯᬓ᭄᭞ᬳᬚᬸᬫ᭄ᬤᬢᬘ᭄ᬭᬾᬗᬾᬳᬶᬦ᭄᭞ ᬤᬤᬶᬗ᭄ᬕᬳᬾᬜ᭄ᬚᭂᬮᬩ᭄᭞ᬲᬬᬦ᭄ᬤᬤᬶᬢᬦ᭄ᬧᭀᬭᬢ᭄᭞ᬫᬸᬜ᭄ᬚᬸᬓ᭄ᬕᭀᬩᬢᬸᬦᬳᬚᬶ᭞ᬩᬓᬮ᭄ᬧᬗᭂᬦᬂ᭞ᬢᭀᬂᬳᬤᬕᬸᬫᬶᬭᬶᬲᬶᬦ᭄᭟᭐᭟ᬩᬶᬓᬲᬾᬫᬓᬤᬤᬤᬶᬓᬧᬶᬢᬺᬱ᭄ᬡᬦ᭄᭞ᬢᬶᬤᭀᬂᬕᭀᬩᬦᬾᬓᬶᬭᬶᬄ᭞ ᬧᬶᬢᬸᬯᬶᬩᭀᬘᭀᬓᬦ᭄᭞ᬮᬯᬦ᭄ᬩᬶᬲᬜᭀᬯᬓ᭞ᬳᭂᬦ᭄ᬢᭀᬦᬾᬫᬦ᭄ᬤᬸᬤᬸᬢ᭄ᬳᬢᬶ᭞ᬫᬓᬤᬲᬬᬂ᭞ᬩᬳᬦ᭄ᬳᬦᬓ᭄ᬫᬸᬯᬦᬶ᭟᭐᭟ᬫᬶᬗ᭄ᬓᬶᬦ᭄ᬚᭂᬕᬾᬕ᭄ᬩᬚᬂᬩᬶᬲᬫᬲᬾᬯᬓ᭞ᬳᬧᬦ᭄ᬭᬱᬦᬶᬦ᭄ᬫᬮᬶᬄ᭞ᬜᬦ᭄ᬤᬂᬳᬗ᭄ᬕᬾᬳᬃᬘ᭄ᬙ᭞ ᬓᬲᬸᬂᬲᬸᬂᬤᬶᬧᬫᬺᬫᬦ᭄᭞ᬳᬲ᭄ᬢᬯᬩᬳᬦ᭄ᬧᬧᬲᬶᬄ᭞ᬲ᭄ᬯᬃᬕᬲᬓᬵᬮ᭞ᬭᬱᬫᬲᬮᬶᬦ᭄ᬕᬸᬫᬶ᭟᭐᭟ᬓ᭄ᬭᬡᬳᭂᬤᬳᬶᬚᬸᬢ᭄ᬓᬫᬩᬶᬓᬲ᭄ᬓᬂᬓᬂ᭞ᬮᬫᬸᬦ᭄ᬢᭀᬂᬳᬤᬫᭂᬮᬶᬓ᭄᭞ᬦᬾᬲᬸᬩᬧᬮᬦ᭄ᬬ᭞ᬫᬲᬶᬄᬫᬧᬶᬦ᭄ᬤ

Auto-transliteration

[5 5B] 5 tatit, smubangbanghawak. tokudyangmamrihang, pawakanemulabangkit, dewanpĕdĕman, bantĕninl̥ĕganhati. 0. wanūsirohisitbahanngadijasa, gigi hasatmasangiḥ, ñalangmangarañab, ngampidtambulilingan, kĕñungemasambatmanis, ñoñosumangga, ñanūr̀tindihinmati. 0. hĕdanĕngguhanghasingsayangmaguna, hingĕr̀ka tiktañjungngin, lamunñatanporat, dadimabalikṣayang, hĕntonganggogunabugis, yabisahilang, pituduḥmantrasiddhi. 0. yaningmulakapasukan'gunanhawak, hapa npakar̀yyanwiddhi, tongdaditinggalang, dr̥ĕmankayangatuwa, yabajangintwarakampiḥ, hanggohin'guna, dr̥ĕmanesakṣattatit. 0. tanpagawesayangbahanpajĕngan, mundur̀liyungĕ [6 6A] dekin, dr̥ĕmanlaloyangan, kaswenbisapunaḥ, ngalaḥkebanukla, ngunigunaninghawak, pagĕḥtongbisakandis. 0. hanaksĕngkadadiluḥngabahawak, hajumdatacrengehin, dadinggaheñjĕlab, sayandaditanporat, muñjukgobatunahaji, bakalpangĕnang, tonghadagumirisin. 0. bikasemakadadadikapitr̥ĕṣṇan, tidonggobanekiriḥ, pituwibocokan, lawanbisañowaka, hĕntonemandudut'hati, makadasayang, bahanhanakmuwani. 0. mingkinjĕgegbajangbisamasewaka, hapanraṣaninmaliḥ, ñandanghanggehar̀ccha, kasungsungdipamr̥ĕman, hastawabahanpapasiḥ, swar̀gasakāla, raṣamasalin'gumi. 0. kraṇahĕdahijutkamabikaskangkang, lamuntonghadamĕlik, nesubapalanya, masiḥmapinda

Leaf 6

Image on Archive.org

[᭖ 6A] ᭖ ᬧᬶᬦ᭄ᬤ᭞ᬳᬸᬮᬢᬾᬗᬫᬜᬶᬂᬫᬜᬶᬂ᭞ᬦᬕᬶᬄᬲᬬᬗᬂ᭞ᬢᭀᬫᬗ᭄ᬤᬾᬕᭂᬤᭂᬕ᭄ᬳᬢᬶ᭟᭐᭟ᬫᬗ᭄ᬓᬶᬦ᭄ᬓᬾᬚᬦᬶᬳᬯᬓᬾᬲᬸᬩᬢ᭄ᬯ᭞ᬲ᭄ᬭᬩ᭄ᬳᬸᬩᬦᬾᬧᬸᬢᬶᬄ᭞ᬳᬮᬶᬲ᭄ᬲᬸᬩᬮᬕ᭄ᬮᬕ᭄᭞ᬧᬶᬧᬶᬦᬾᬫᬓᭀᬤᭀᬓᬦ᭄᭞ᬕᬶᬕᬶᬲᬸ ᬩᬭᬸᬕᬄᬭᬕᬶᬄ᭞ᬜᬮᭀᬦ᭄ᬓᬸᬦᬶᬗᬦ᭄᭞ᬜᭀᬜᭀᬓᬾᬧᬾᬓ᭄ᬦᬸᬮᬦ᭄ᬤᬶᬃ᭟᭐᭟ᬧᬶᬢ᭄ᬯᬶᬳᭂᬦᬸᬩᬚᬂᬫᬗᬬᬂ᭞ᬤᬗᭂᬭᬾᬄᬳᬦᬓ᭄ᬫ᭄ᬯᬦᬶ᭞ᬗᬶᬚᭂᬂᬗᬶᬦ᭄ᬤᬶᬚᬮᬦ᭄᭞ᬦᬸᬢᬸᬭᬂᬤᬶᬧᬶᬲᬕ᭞ᬮ᭄ᬯᬶᬄᬲᬳᬲᬫᬦᬶᬕ᭄ᬢᬶᬕ᭄᭞ ᬫᬸᬜᬶᬫᬫ᭄ᬩᬢ᭄ᬩᬢ᭄᭞ᬦᬕᬶᬄᬫᬗᬮᬮᬸᬗᬶᬦ᭄᭟᭐᭟ᬳᭂᬦ᭄ᬢᭀᬫᬤᬦ᭄ᬳᬦᬓ᭄ᬢ᭄ᬯᬭᬩᬶᬲᬚᭂᬗᬄ᭞ᬫᬢᬫᬗᬸᬮᬶᬢ᭄ᬢᬶᬗ᭄ᬓᬶᬄ᭞ᬤᬤᬶᬓᬓ᭄ᬤᬾᬓᬦ᭄᭞ᬓᬂᬓᬭᭀᬚᬸᬯᬤᬾᬳᬾᬗᬂ᭞ᬲᭀᬂᬤᬤᬶᬢᬸᬦᬳᬯᬳᬶ᭞ᬫᬶᬭᬶᬗ᭄ᬲᬶ ᬗᬢᬦ᭄᭞ᬕᬢᭂᬮ᭄ᬫᬕᬸᬭᬶᬂᬳᬸᬭᬶᬂ᭟᭐᭟ᬳᬤᬓᬂᬓᬂᬲᭀᬫᬳᬾᬗᭂᬮᬄᬧᬫᬶᬢ᭄ᬭ᭞ᬓᭂᬩᬸᬲ᭄ᬳᬶᬥᭂᬧᬾᬲᬳᬶ᭞ᬲᬢᬢᬫᬲᬫ᭄ᬩᬂ᭞ᬜᭂᬍᬳᬶᬦ᭄ᬗᬮᬶᬄᬳᭀᬃᬢ᭄ᬣ᭞ᬤᬶᬧᬶᬲᬕᬲᬸᬩᬚᬢᬶ᭞ᬓ᭄ᬭᭀᬤᬫᬚᬮᬦ᭄᭞ᬳᬗ᭄ᬓᭂ [᭗ 7A] ᬳᬦ᭄ᬤᬸᬳᬲ᭄ᬤᬶᬳᬶᬲ᭄᭟᭐᭟ᬳᬯᬓ᭄ᬗᭂᬢᭀᬃᬧᬸᬲᬸᬂᬓᭂᬮᬾᬲ᭄ᬫᬳᬫ᭄ᬩᬳᬦ᭄᭞ᬗᬩᬩᬸᬗᬓᬯᬗᬶ᭞ᬇᬥᭂᬧᬾᬜᬧᬶᬳᬦ᭄᭞ᬫᬸᬮᬶᬄᬗᬶᬩᬸᬓᬂᬜᬫ᭞ᬳᬦᬓᬾᬗᬸᬤᬳᬚᬳᬶᬦ᭄᭞ᬢᭀᬂᬢᬳᬾᬦ᭄ᬚᬸᬫᬄ᭞ᬜᬾᬦ᭄ᬩᬦᬶᬫᬤᬶᬤᬶᬳᬶ ᬦ᭄᭟᭐᭟ᬫᬫᬢᬲ᭄ᬧᬚᬮᬦᬾᬦᬸᬫ᭄ᬩᬓ᭄ᬳᬧᬶᬲᬦ᭄᭞ᬤᬧᭂᬢᬂᬦᬾᬫ᭄ᬯᬦᬶ᭞ᬫᬜᬦ᭄ᬤᬶᬂᬧᬫᬶᬢ᭄ᬭ᭞ᬫᬳᬶᬩᬸᬶᬫ᭄ᬩᬸᬄᬳᬶᬫ᭄ᬩᬸᬄᬚᭂᬗᬄ᭞ᬮᬯᬸᬢ᭄ᬦᬢ᭄ᬬᬫᬗᬋᬧᬶᬦ᭄᭞ᬜ᭄ᬚᬮᬾᬫ᭄ᬧᭀᬄᬦᭂᬕᬓ᭄᭞ᬩᭂᬮ᭄ᬩᭂᬮᬦ᭄ᬧᭂᬲᬸᬫᬸᬜᬶ᭟᭐᭟ᬫ ᬜᭂᬤᭂᬓᬂᬳᬯᬓ᭄ᬫᬧᬫᬶᬢ᭄᭞ᬳᬧᬶᬲᬦ᭄ᬫᬶᬲᬤ᭄ᬬᬗᬸᬢᬂᬉᬭᬶᬧ᭄᭞ᬫᬫᭂᬕᬢ᭄ᬧᬶᬢᬺᬱ᭄ᬡ᭞ᬬᬤ᭄ᬬᬦ᭄ᬧᬶᬂᬲᬧ᭄ᬢᬩᬭ᭞ᬢᬸᬫᬶᬢᬶᬲ᭄ᬲᬫ᭄ᬧᬸᬦ᭄ᬧᬗ᭄ᬕᬶᬄ᭞ᬮᬯᬸᬢ᭄ᬫᬜᬸᬫ᭄ᬩᬄ᭞ᬩᬳᬦ᭄ᬩᬸᬗᬓᬯᬮᬶ᭟᭐᭟ᬫᬲᬓ᭄ᬱᬶᬮᬯᬸᬢ᭄ᬫᬗᭂ ᬩᬓ᭄ᬢᬶᬓᬲᬹᬃᬬ᭄ᬬ᭞ᬫᬓᬵᬢᬸᬃᬫᬗᬲᬶᬄᬳᬲᬶᬄᬲᭂᬤᭂᬕ᭄ᬫᭂᬕᬢ᭄ᬫᭂᬕᬢ᭄᭞ᬗᭂᬫ᭄ᬩᭂᬂᬗᭂᬫ᭄ᬩᭂᬂᬬᬾᬄᬫᬢ᭞ᬦᬾᬳ᭄ᬮᬸᬄᬩᬗᬸᬦ᭄ᬫᬗᭂᬮᬶᬂ᭞ᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬫᬚᬸᬚᬸᬃᬮᬯᬸᬢ᭄ᬫᬸᬮᬶᬄ᭟᭐᭟ᬳᬤᬓᬂᬓᬂᬢᬶᬗ᭄ᬓᬄᬩᭀ

Auto-transliteration

[6 6A] 6 pinda, hulatengamañingmañing, nagiḥsayangang, tomangdegĕdĕg'hati. 0. mangkinkejanihawakesubatwa, srab'hubaneputiḥ, halissubalaglag, pipinemakodokan, gigisu barugaḥragiḥ, ñalonkuningan, ñoñokepeknulandir̀. 0. pitwihĕnubajangmangayang, dangĕreḥhanakmwani, ngijĕngngindijalan, nuturangdipisaga, lwiḥsahasamanigtig, muñimambatbat, nagiḥmangalalungin. 0. hĕntomadanhanaktwarabisajĕngaḥ, matamangulittingkiḥ, dadikakdekan, kangkarojuwadehengang, songdaditunahawahi, miringsi ngatan, gatĕlmaguringhuring. 0. hadakangkangsomahengĕlaḥpamitra, kĕbushidhĕpesahi, satatamasambang, ñĕl̥ĕhinngaliḥhor̀ttha, dipisagasubajati, krodamajalan, hangkĕ [7 7A] handuhasdihis. 0. hawakngĕtor̀pusungkĕlesmahambahan, ngababungakawangi, idhĕpeñapihan, muliḥngibukangñama, hanakengudahajahin, tongtahenjumaḥ, ñenbanimadidihi n. 0. mamataspajalanenumbak'hapisan, dapĕtangnemwani, mañandingpamitra, mahibuimbuḥhimbuḥjĕngaḥ, lawutnatyamangar̥ĕpin, ñjalempoḥnĕgak, bĕlbĕlanpĕsumuñi. 0. ma ñĕdĕkanghawakmapamit, hapisanmisadyangutangurip, mamĕgatpitr̥ĕṣṇa, yadyanpingsaptabara, tumitissampunpanggiḥ, lawutmañumbaḥ, bahanbungakawali. 0. masaksyilawutmangĕ baktikasūr̀yya, makātur̀mangasiḥhasiḥsĕdĕgmĕgatmĕgat, ngĕmbĕngngĕmbĕngyeḥmata, nehluḥbangunmangĕling, mañĕlsĕlhawak, majujur̀lawutmuliḥ. 0. hadakangkangtingkaḥbo

Leaf 7

Image on Archive.org

[᭗ 7B] ᭗ ᬢᭀᬄᬧᬗᭂᬤᬗᬦ᭄᭞ᬬᬦᬶᬂᬫᭂᬦᬂᬳᬸᬚᬸᬭᬶᬦ᭄᭞ᬬᬦ᭄ᬓᬧᬄᬲᭂᬲᭂᬮᬂ᭞ᬤᬶᬧᭂᬤᭂᬫ᭄ᬢ᭄ᬯᬭᬢᬸᬦᬵᬦ᭄‌᭞ᬫᬲᬶᬭᬫ᭄ᬋᬗᬲ᭄ᬫᬺᬗᬶᬲ᭄᭞ᬫᬦᬕᬶᬄᬳᬸᬧᬄ᭞ᬢ᭄ᬯᬭᬤᬤᬶᬫᬸᬚᬸᬗᬶᬦ᭄᭟᭐᭟ᬫᬸᬮᬫᬩᬶᬓᬲ᭄ᬍᬕᬦᬫ᭄ᬧᬶᬓ ᬬ᭞ᬳᬾᬧᬾᬄᬫᬸᬜᬶᬦᬾᬫᬦᬶᬲ᭄᭞ᬦᬜ᭄ᬚᬾᬦ᭄ᬧᬧᬲᬾᬳᬦ᭄᭞ᬳᬾᬜᭀᬃᬲᬫ᭄ᬩᬶᬮ᭄ᬫᬘᬦ᭄ᬤ᭞ᬜᬮᬾᬮᬾᬕ᭄ᬗᬶᬧᭂᬓ᭄ᬗᬫᬜ᭄ᬚᬶᬂ᭞ᬦᬕᬶᬄᬧᬩᬳᬂ᭞ᬗᬧ᭄ᬗᬧᬦᬾᬫᬮᬮᬶ᭟᭐᭟ᬦᬸᬚᬸᬢ᭄ᬯᬭᬳᬤᬫᬩᬳᬦ᭄ᬫ ᬗ᭄ᬓᬸᬳᬦ᭄᭞ᬜᭂᬩᭂᬗᬶᬦ᭄ᬫᬺᬢᬕ᭄ᬫᬺᬢᬶᬕ᭄᭞ᬫᬗᭀᬯᬾᬮ᭄ᬫᬗᭀᬫ᭄ᬧᬂ᭞ᬲᬶᬂᬲᬶᬂᬳᬗ᭄ᬕᭀᬦ᭄ᬤᬮᬶᬳᬦ᭄᭞ᬲᭀᬫᬄᬓᬮᬄᬢ᭄ᬓᬯᬾᬮᬶᬦ᭄᭞ᬲᭂᬮ᭄ᬲᭂᬮ᭄ᬫᬗᭀᬜᭀᬂ᭞ᬫᬗᬸᬢᬂᬳᬸᬢᬂᬧᬶᬧᬶᬲ᭄᭟᭐᭟ᬳᬤᬩᬸᬯᬶ ᬦ᭄ᬓᬂᬓᬂᬢᭀᬂᬤᬤᬶᬢᬸᬦᬬᬦ᭄᭟ᬳᬯᬓ᭄ᬫᬸᬮᬓᬧᬾᬭᬶᬦ᭄ᬩᬸᬤᬶᬦᬾᬦᭂᬧᬓᬃᬫ᭄ᬲᬶᬄ᭞ᬢ᭄ᬯᬭᬓᬲᬶᬤ᭄ᬥᬦ᭄᭞ᬤᬤᬶᬩᬸᬤᬸᬄᬳᬸᬬᬂᬧᬮᬶᬂ᭞ᬲᬳᬶᬮᬾᬜ᭄ᬚᬃ᭞ᬓᬧᬶᬲᬕᬫᬮᬮᬶ᭟᭐᭟ᬜᬤᬸᬳᬂᬳᬯᬓ᭄ᬢᬸᬬᬸᬄ [᭘ 8A] ᬩᬶᬘᬓ᭄ᬫᬚᬮᬦ᭄᭞ᬗᬶᬩᬸᬓᬂᬳᬦᬓ᭄ᬫᬸᬯᬦᬶ᭞ᬢᭀᬂᬩᬓᬢ᭄ᬢᬸᬦ᭄ᬤᬓᬂ᭞ᬢ᭄ᬯᬭᬲᭂᬓᭂᬦ᭄ᬤᬶᬚᬸᬫᬄ᭞ᬢᭂᬦ᭄ᬢᭀᬓ᭄ᬭᬡᬩᬸᬓᬚᬦᬶ᭞ᬫᬓᬶᬭᬓᬶᬭ᭞ᬫᬗ᭄ᬤᬾᬗᭂᬩ᭄‌ᬦᬾᬫ᭄ᬯᬦᬶ᭟᭐᭟ᬫᬫᬸᬤᬸᬄᬫᬜᬾᬜ᭄ᬘᬾᬂ᭞ᬗᬶ ᬲᬶᬦ᭄ᬧᬳᬸᬫᬳᬦ᭄᭞ᬢᬦᬶᬤᬸᬲᬶᬦ᭄ᬗᬸᬮᬶᬲ᭄ᬢᬶ᭞ᬳᬗ᭄ᬕᭀᬫ᭄ᬳᭂᬮᬶᬕᬸᬦ᭞ᬫᬗ᭄ᬤᬾᬤᬤᬶᬤᬺᬫᬦ᭄᭞ᬫᬲᬗᬂᬕᭂᬢᬶᬄᬕᬯᬾᬘᬶ᭞ᬓᬲᬸᬦᬦᬸᬗ᭄ᬕᬮ᭄᭞ᬧᬫᬸᬕ᭄ᬧᬸᬕ᭄ᬲᬃᬯ᭄ᬯᬫᬦ᭄ᬤᬶ᭟᭐᭟ᬳᬤᬗᭂᬓᭂᬃᬲᭀ ᬫᬄᬢᭀᬂᬤᬤᬶᬧᬫᬶᬢ᭄ᬭ᭞ᬲᬗ᭄ᬲᬬᬲᬳᬶᬲᬳᬶ᭞ᬗᬶᬦ᭄ᬢᬾᬩᬄᬮᬮᬶᬬᬢ᭄᭞ᬜᭂᬍᬳᬶᬦ᭄ᬲᬲᬶᬮᬶᬓᬦ᭄᭞ᬢᬦ᭄ᬫᬭᬶᬳᬩᬂᬫᬲᬦ᭄ᬤᬶᬂ᭞ᬘᬶᬭᬶᬦᬾᬤᬺᬫᬦ᭄᭞ᬦᬕᬶᬄᬤᬾᬯᬓᬧᬸᬚᬶ᭟᭐᭟ᬧᭂ ᬢᭂᬍᬫᬄᬲᬳᬶᬢᭀᬂᬢᬸᬦᬫᬳᬶᬗᬶᬸᬗᬦ᭄᭞ᬳᬢᬶᬤᬮᬶᬄᬤᬮᬶᬳᬶᬦ᭄᭞ᬧᬶᬲᬕᬦᬾᬢᬗᬃ᭞ᬲᭂᬗ᭄ᬕᬄᬫᬫᬤᭂᬫᭂᬦᬦ᭄᭞ᬲᬢᬢᬲᭂᬩᭂᬗᬾᬭᬸᬦ᭄ᬢᬶᬓ᭄᭞ᬳᬸᬮᬶᬄᬲᭂᬮᬶᬤᬦ᭄ᬗᬫᭀᬂᬦᬾᬯ᭄ᬯ

Auto-transliteration

[7 7B] 7 toḥpangĕdangan, yaningmĕnanghujurin, yankapaḥsĕsĕlang, dipĕdĕmtwaratunān, masiramr̥ĕngasmr̥ĕngis, managiḥhupaḥ, twaradadimujungin. 0. mulamabikasl̥ĕganampika ya, hepeḥmuñinemanis, nañjenpapasehan, heñor̀sambilmacanda, ñalelegngipĕkngamañjing, nagiḥpabahang, ngapngapanemalali. 0. nujutwarahadamabahanma ngkuhan, ñĕbĕnginmr̥ĕtagmr̥ĕtig, mangowelmangompang, singsinghanggondalihan, somaḥkalaḥtkawelin, sĕlsĕlmangoñong, mangutanghutangpipis. 0. hadabuwi nkangkangtongdaditunayan. hawakmulakaperinbudinenĕpakar̀msiḥ, twarakasiddhan, dadibuduḥhuyangpaling, sahileñjar̀, kapisagamalali. 0. ñaduhanghawaktuyuḥ [8 8A] bicakmajalan, ngibukanghanakmuwani, tongbakattundakang, twarasĕkĕndijumaḥ, tĕntokraṇabukajani, makirakira, mangdengĕbnemwani. 0. mamuduḥmañeñceng, ngi sinpahumahan, tanidusinngulisti, hanggomhĕliguna, mangdedadidr̥ĕman, masanganggĕtiḥgaweci, kasunanunggal, pamugpugsar̀wwamandi. 0. hadangĕkĕr̀so maḥtongdadipamitra, sangsayasahisahi, ngintebaḥlaliyat, ñĕl̥ĕhinsasilikan, tanmarihabangmasanding, cirinedr̥ĕman, nagiḥdewakapuji. 0. pĕ tĕl̥ĕmaḥsahitongtunamahin̶g̶ngan, hatidaliḥdalihin, pisaganetangar̀, sĕnggaḥmamadĕmĕnan, satatasĕbĕngeruntik, huliḥsĕlidanngamongnewwa

Leaf 8

Image on Archive.org

[᭘ 8B] ᭘ ᬦᬶ᭟᭐᭟ᬳᬦ᭄ᬢᬾᬩᬳᬦ᭄ᬭᬲᬦ᭄ᬳᬶᬲᬶᬦ᭄ᬧᬬᬸᬓ᭄ᬜᬓᬦ᭄᭞ᬫᬗ᭄ᬤᬾᬢ᭄ᬯᬭᬗᬮᬳᬶᬦ᭄᭞ᬳᬸᬩᭂᬓ᭄ᬤᬶᬧᭂᬤᭂᬫᬦ᭄᭞ᬲᬶᬧ᭄ᬢᬳᬶᬦ᭄ᬦᬭᬫ᭄ᬳᬗᬦ᭄᭞ᬳᬗ᭄ᬕᬾᬦ᭄ᬯᬗ᭄ᬲᬶᬢ᭄ᬫᬗᬚᬓᬶᬦ᭄᭞ᬲᬳᬶᬓᬸᬯᬗᬦ᭄᭞ᬚᬦᬶᬦᬕᬶᬄᬳᬸᬩᬸᬗᬶᬦ᭄᭟᭐᭟ ᬮᬾᬦ᭄ᬳᬤᬗ᭄ᬕᭂᬮᬄᬫᬤᬸᬧᬢ᭄ᬧᬢ᭄ᬮᬮᬶᬫ᭞ᬩᬵᬦ᭄ᬓᬶᬂᬓᬗᬾᬗᬶᬦ᭄ᬢᬶᬧ᭄᭞ᬜᬭᬸᬲᬶᬂᬲᬶᬂᬚᬮᬦ᭄᭞ᬲᭀᬫᬳᬾᬗᬮᬶᬄᬲᭀᬫᬄ᭞ᬫᬓᭂᬚᬂᬧᬥᬳᬶᬦ᭄ᬢᬶᬧᬶᬦ᭄᭞ᬳᭂᬦ᭄ᬢᭀᬦᬾᬲᬬᬂ᭞ᬫᬓᬤᬓᭂᬘᬕ᭄ᬓᭂᬘᬶᬕ᭄᭟᭐᭟ᬢᬸᬗ᭄ᬕ ᬮ᭄ᬧᭂᬢᭂᬂᬢᭀᬂᬢᬳᬾᬦ᭄ᬚᭂᬦᭂᬓ᭄ᬤᬶᬚᬸᬫᬄ᭞ᬲᬢᬢᬫᬗᬮᬶᬦᬶᬂ᭞ᬳᬶᬗᬦ᭄ᬤᬯᬸᬄᬮᬶᬫ᭞ᬢ᭄ᬓᬗᭀᬚᭀᬕ᭄‌ᬧᭂᬤᭂᬫᬦ᭄᭞ᬮᬯᬸᬢᬧᬸᬍᬲ᭄ᬫᬗᭂᬗ᭄ᬓᬶᬲ᭄ᬲᬸᬩᬫᬮᬮᬩ᭄᭞ᬫᬘᬶᬭᬶᬢ᭄ᬯᬭᬦᬕᬶᬄ᭟᭐᭟ᬢᬦ᭄ᬲᬄᬇᬥᭂᬧᬾᬚᬦᬶ ᬢ᭄ᬓᬫᬶᬧᬶᬢᬂ᭞ᬓᬳᬦᬾᬲᬸᬩᬚᬢᬶ᭞ᬲᭀᬓᬤᬤᬮᬶᬳᬦ᭄᭞ᬤᬶᬢᬸᬢ᭄ᬯᬭᬩᬸᬳᬸᬗᬦ᭄᭞ᬧᬜ᭄ᬚᬮᬦᬂᬲᬓᬶᬢ᭄ᬳᬢᬶ᭞ᬗᬮᬶᬳᬂᬤᭀᬱ᭞ᬫᬗ᭄ᬤᬾᬓᬲᬶᬤ᭄ᬥᬦ᭄ᬫᬢᬶ᭟᭐᭟ᬮᬯᬸᬢ᭄ᬜᬓᬶᬢ᭄ᬧᬫᬮᬶᬫᬧᬶᬦ᭄ᬤᬢ [᭙ 9A] ᬫ᭄ᬧ᭄ᬬᬲ᭄᭞ᬫᬤᬸᬢ᭄ᬓᬗᬚᬳᬶᬦ᭄᭞ᬮᬯᬸᬢ᭄ᬫᬜᭂᬓ᭄ᬦᬂ᭞ᬤᬮᬶᬳᬂᬬᬫᬕᬸᬦ᭞ᬗᬮᬾᬬᬓ᭄ᬲᬳᬶᬜᬓᬶᬢᬶᬦ᭄᭞ᬫᬢᭂᬢᬦᭂᬫᬦ᭄ᬗᭂᬦᬄᬤᬶᬢᭂᬦᬸᬂᬚᬢᬶ᭟᭐᭟ᬳᬦᬩᬸᬯᬶᬦ᭄ᬫᬗᬶᬮᬶᬤᬂᬓᬓᬗ᭄ᬓᬗᬦ᭄᭞ ᬢᭀᬂᬲᬶᬤ᭄ᬥᬩᬵᬦ᭄ᬦᭂᬓᭂᬧᬶᬦ᭄᭞ᬲ᭄ᬫᬸᬦᬾᬤᬶᬫᬢ᭞ᬢᬶᬗ᭄ᬕᬃᬫᬍᬮᬾᬤᬧ᭄᭞ᬢᭀᬂᬕ᭄ᬦᭂᬧ᭄ᬳᬧᬶᬲᬦ᭄ᬲᬳᬶ᭞ᬲᬓᬶᬂᬜᬭᬸᬯᬂ᭞ᬳᬾᬤᬍᬫ᭄ᬓᬓ᭄ᬤᬾᬓᬶᬦ᭄᭟᭐᭟ᬫᬗᬸᬧᬬᬤᬬᬦ᭄ᬩᬓᬦᬾᬜ᭄ᬚᬮᬦᬂ᭞ᬤ ᬢᬓᬸᬢ᭄ᬫᬗᬲᭀᬭᬶᬦ᭄᭞ᬗᬸᬮᬳᬂᬫᬩᬳᬦ᭄᭞ᬗᬫᬧᬶᬫᬧᬶᬥᬃᬫ᭄ᬫ᭞ᬤᬸᬮᬸᬭᬶᬦ᭄ᬩᬵᬦ᭄ᬫᬸᬜᬶᬫᬦᬶᬲ᭄᭞ᬤᬶᬳᬋᬧ᭄ᬲᭀᬫᬄ᭞ᬧᬥᬩᬳᬂᬘᬘᬭᬶᬦ᭄᭟᭐᭟ᬢᬸᬯᬶᬭᬶᬭᬶᬄᬫᬩᬳᬦ᭄ᬗᬮᬶᬄᬤᬮᬶ ᬳᬦ᭄᭞ᬫᬤᬸᬦᬾᬧᬥᬓᬯᬸᬓᬶᬦ᭄᭞ᬧᬶᬮᬶᬳᬶᬦ᭄ᬦᬾᬲᬬᬂ᭞ᬦᬧᬶᬩᬋᬂᬜᬜᬗᬂ᭞ᬤᬫ᭄ᬧᬶᬂᬤᬫ᭄ᬩᬳᬂᬫᬕ᭄ᬤᬶ᭞ᬩᬋᬂᬫᬦᭂᬕᬓ᭄᭞ᬧᭂᬢᭂᬂᬍᬫᬄᬢᬗᬭᬶᬦ᭄᭟᭐᭟ᬮᬾᬦ᭄ᬳᬤᬫᬧᬶᬥᬃᬫ᭄ᬫᬦᬜ᭄ᬚᬾ

Auto-transliteration

[8 8B] 8 ni. 0. hantebahanrasanhisinpayukñakan, mangdetwarangalahin, hubĕkdipĕdĕman, siptahinnaramhangan, hanggenwangsitmangajakin, sahikuwangan, janinagiḥhubungin. 0. lenhadanggĕlaḥmadupatpatlalima, bānkingkangengintip, ñarusingsingjalan, somahengaliḥsomaḥ, makĕjangpadhahintipin, hĕntonesayang, makadakĕcagkĕcig. 0. tungga lpĕtĕngtongtahenjĕnĕkdijumaḥ, satatamangalining, hingandawuḥlima, tkangojogpĕdĕman, lawutapul̥ĕsmangĕngkissubamalalab, maciritwaranagiḥ. 0. tansaḥidhĕpejani tkamipitang, kahanesubajati, sokadadalihan, ditutwarabuhungan, pañjalanangsakit'hati, ngalihangdoṣa, mangdekasiddhanmati. 0. lawutñakitpamalimapindata [9 9A] mpyas, madutkangajahin, lawutmañĕknang, dalihangyamaguna, ngaleyaksahiñakitin, matĕtanĕmanngĕnaḥditĕnungjati. 0. hanabuwinmangilidangkakangkangan, tongsiddhabānnĕkĕpin, smunedimata, tinggar̀mal̥ĕledap, tonggnĕp'hapisansahi, sakingñaruwang, hedal̥ĕmkakdekin. 0. mangupayadayanbakaneñjalanang, da takutmangasorin, ngulahangmabahan, ngamapimapidhar̀mma, dulurinbānmuñimanis, dihar̥ĕpsomaḥ, padhabahangcacarin. 0. tuwiririḥmabahanngaliḥdali han, madunepadhakawukin, pilihinnesayang, napibar̥ĕngñañangang, dampingdambahangmagdi, bar̥ĕngmanĕgak, pĕtĕngl̥ĕmaḥtangarin. 0. lenhadamapidhar̀mmanañje

Leaf 9

Image on Archive.org

[᭙ 9B] ᭙ ᬦᬶᬦ᭄ᬲᭀᬫᬄ᭞ᬫᬶᬲᬺᬗ᭄ᬦᬸᬦ᭄ᬤᬾᬦ᭄ᬗᬮᬶᬄ᭞ᬳᬦᬓ᭄ᬳᭂᬮᬸᬄᬩᬚᬂ᭞ᬮᬲ᭄ᬬᬢᬸᬢᬶᬂᬓᬩᬾᬳᬦ᭄᭞ᬦᬾᬫ᭄ᬯᬦᬶᬧᭀᬮᭀᬲ᭄ᬦᬸᬢᬸᬢᬶᬦ᭄᭞ᬧᬗᬮᬄᬲᭀᬫᬄ᭞ᬫᬩᬳᬦ᭄ᬩᬚᬂᬘ᭄ᬦᬶᬓ᭄᭟᭐᭟ᬓᬮᬦ᭄ᬢᬲᬦ᭄ᬳᬢᭂᬧ᭄ᬢᭀᬤᬤᬶᬩᭂᬮᬲᬂ᭞ ᬧᭂᬢᭂᬂᬍᬫᬄᬫᬓᬶᬮᬶᬢ᭄᭞ᬗᬮᬶᬦ᭄ᬢᬄᬓᭂᬤᭀᬓᬦ᭄᭞ᬦᭂᬕᭂᬫ᭄ᬢ᭄ᬯᬭᬗᬮᬾᬩᬂ᭞ᬦᬾᬮᬸᬄᬧᬶᬦᬄᬓᭂᬘᬸᬤ᭄ᬓᬸᬦᬶᬂ᭞ᬢ᭄ᬯᬭᬭᬾᬭᬾᬦᬦ᭄᭞ᬦᭂᬫᬸᬳᬂᬍᬕᬦ᭄ᬳᬢᬶ᭟᭐᭟ᬚᬦᬶᬳᬸᬬᬂᬧᬮᬶᬂᬫᬫᬗᭂᬦᬂᬳᬯᬓ᭄᭞ᬓᬤᬸᬂ ᬲᬦ᭄ᬫᬦᬜ᭄ᬚᬾᬦᬶᬦ᭄᭞ᬓᬤᬾᬦ᭄ᬢ᭄ᬯᬭᬜᬓ᭄᭞ᬳᬸᬮᬢᬾᬘᬮᬸᬦᬸᬢᬦ᭄᭞ᬢᭀᬂᬫᬤᬬᬩᬸᬓᬚᬦᬶ᭞ᬜᬶᬬᭂᬧ᭄ᬗᬾᬧᬾᬓᬂ᭞ᬩᬸᬓᬢ᭄ᬯᬭᬫᬦᭀᬮᬶᬄ᭟᭐᭟ᬦᬄᬳᭀᬜᬂᬦᬾᬚᬦᬶᬳᬗ᭄ᬕᭀᬳᬩᬶᬸᬧᬂᬫᭂ ᬮᬄ᭞ᬩᭂᬓᭂᬮ᭄ᬫᬍᬕᬦ᭄ᬫᬢᬶ᭞ᬲᬸᬩᬓᬧᭂᬧᭂᬓᬦ᭄᭞ᬳᬧᬩᬸᬯᬶᬦ᭄ᬢᬕᬶᬳᬦ᭄᭞ᬤᬚᬩᬲ᭄ᬜᬓᬶᬢᬶᬦ᭄ᬳᬢᬶ᭞ᬫᬜᭂᬍᬓ᭄ᬫᬢ᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬦᬾᬗᬸᬦᬶ᭟᭐᭟ᬧᭂᬢᭂᬂᬍᬫᬄᬢ᭄ᬯᬭᬲᬸᬳᬸᬤ᭄ᬫᬗᬸᬯᬾᬮᬂ᭞ᬮᬘᬸᬭᬾ [᭑᭐ 10A] ᬩᬸᬓᬚᬦᬶ᭞ᬢᭀᬂᬢᬳᬾᬦ᭄ᬓᬘᭀᬓᬦ᭄᭞ᬮᬯᬸᬢᬂᬓᬧᬶᬲᬕ᭞ᬫᬓ᭄ᬚᬂᬧᬥᬲᬤᬸᬳᬶᬦ᭄᭞ᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬫᬜᬾᬦ᭄ᬢᬾᬩᬸᬓᬚᬦᬶ᭟᭐᭟ᬩᬸᬯᬶᬦ᭄ᬳᬤᬩᭂᬮᭀᬕ᭄ᬓᬂᬓᬂᬓᬢᬸᬳᬸᬓᬦ᭄᭞ᬫᬗ᭄ᬳᭂᬮᬄᬧᬦᬓ᭄ᬘᭂ ᬦᬶᬓ᭄᭞ᬦᬾᬫ᭄ᬯᬦᬶᬫᬫᬶᬢ᭄ᬭ᭞ᬢ᭄ᬯᬭᬧᬢᬶᬤᬶᬚᬸᬫᬄ᭞ᬦᬾᬮᬸᬄᬫᬗᬸᬯᬾᬮᬲᬳᬶ᭞ᬫᬓᬓᬺᬜ᭄ᬘᭀᬗᬦ᭄‌᭞ᬢ᭄ᬯᬭᬳᬤᬦᬸᬮᬸᬗᬶᬦ᭄᭟᭐᭟ᬤᬤᬶᬓᬲᬸᬩ᭄ᬫᬫ᭄ᬩᬓᬸᬂᬧᭂᬓᭂᬦ᭄ᬫᬫ᭄ᬯᬲ᭄᭞ᬫᬦᬸᬢᬸᬕ᭄ᬳᬦᬓ᭄ᬫ᭄ᬯᬦᬶ᭞ᬓᬯᭀᬃ ᬢᬫᬫᬶᬢ᭄ᬭ᭞ᬫᬚᬮᬦ᭄ᬳᬜ᭄ᬘᬩ᭄ᬳᬜ᭄ᬘᬩ᭄᭞ᬫᬸᬜ᭄ᬘᬸᬓ᭄ᬜᭀᬜᭀᬦᬾᬫᬜᬸᬗ᭄ᬓᭂᬮᬶᬢ᭄᭞ᬢᬸᬢᬸᬕ᭄ᬧ᭄ᬬᬦᬓ᭄᭞ᬗᬸᬭᬕᬦ᭄ᬢᬾᬦ᭄ᬢᬾᬂᬫᬗᭂᬮᬶᬂ᭟᭐᭟ᬦᬕᬶᬄᬲᬶᬗᬮ᭄ᬗᬮᬦ᭄ᬢᬶᬂᬫᬗ᭄ᬕᭂᬮᬸᬢ᭄ᬩᬗ᭄ᬓ᭄ᬬᬂ᭞ᬫᬾᬭᬾᬜᬗᬸᬩᬲ᭄ᬳᬩᬶ ᬲ᭄᭞ᬫᬦᬫ᭄ᬧᭀᬓᬂᬮᬶᬫ᭞ᬓᬫ᭄ᬩᭂᬦ᭄ᬫᬲ᭄ᬭᬾᬗ᭄ᬓᬾᬤᬦ᭄᭞ᬧᬦᬓᬾᬓᬢᬂᬓᬮᬳᬶᬦ᭄᭞ᬩᭀᬓ᭄ᬫᬕᬫ᭄ᬩᬳᬶᬦ᭄᭞ᬲᬩᬸᬓ᭄ᬓᭂᬮᬾᬲ᭄ᬗᬸᬮᬦ᭄ᬤᬶᬃ᭟᭐᭟ᬢᬦ᭄ᬫᬭᬶᬜᬶᬗ᭄ᬲᭂᬢᬂᬓᬫ᭄ᬩᭂᬦ᭄ᬯᬸᬲ᭄ᬫᬚᬮᬦ᭄᭞ᬩᬸᬓᬢ᭄ᬯᬭᬫ

Auto-transliteration

[9 9B] 9 ninsomaḥ, misr̥ĕngnundenngaliḥ, hanak'hĕluḥbajang, lasyatutingkabehan, nemwanipolosnututin, pangalaḥsomaḥ, mabahanbajangcnik. 0. kalantasanhatĕptodadibĕlasang, pĕtĕngl̥ĕmaḥmakilit, ngalintaḥkĕdokan, nĕgĕmtwarangalebang, neluḥpinaḥkĕcudkuning, twararerenan, nĕmuhangl̥ĕganhati. 0. janihuyangpalingmamangĕnanghawak, kadung sanmanañjenin, kadentwarañak, hulatecalunutan, tongmadayabukajani, ñiyĕpngepekang, bukatwaramanoliḥ. 0. naḥhoñangnejanihanggohab̶pangmĕ laḥ, bĕkĕlmal̥ĕganmati, subakapĕpĕkan, hapabuwintagihan, dajabasñakitinhati, mañĕl̥ĕkmata, hĕngsaptĕkennenguni. 0. pĕtĕngl̥ĕmaḥtwarasuhudmanguwelang, lacure [10 10A] bukajani, tongtahenkacokan, lawutangkapisaga, makjangpadhasaduhin, mañĕlsĕlhawak, mañentebukajani. 0. buwinhadabĕlogkangkangkatuhukan, manghĕlaḥpanakcĕ nik, nemwanimamitra, twarapatidijumaḥ, neluḥmanguwelasahi, makakr̥ĕñcongan, twarahadanulungin. 0. dadikasubmambakungpĕkĕnmamwas, manutug'hanakmwani, kawor̀ tamamitra, majalanhañcab'hañcab, muñcukñoñonemañungkĕlit, tutugpyanak, nguragantentengmangĕling. 0. nagiḥsingalngalantingmanggĕlutbangkyang, mereñangubashabi s, manampokanglima, kambĕnmasrengkedan, panakekatangkalahin, bokmagambahin, sabukkĕlesngulandir̀. 0. tanmariñingsĕtangkambĕnwusmajalan, bukatwarama

Leaf 10

Image on Archive.org

[᭑᭐ 10B] ᭑᭐ ᬦᭀᬮᬶᬄ᭞ᬜᭂᬋᬧ᭄ᬓᬧᬶᬲᬕ᭞ᬘᬶᬘᬶᬗᬾᬫᬳᬸᬭᭀᬦᬦ᭄᭞ᬩᭂᬲᬸᬲ᭄ᬢᭀᬂᬤᬤᬶᬢᬓᭀᬦᬶᬦ᭄᭞ᬢ᭄ᬓᬜ᭄ᬮᬓ᭄ᬱᬓ᭄᭞ᬜᬶᬮᬶᬄᬤᬫᬃᬫᬜᬸᬦ᭄ᬤᬶᬄ᭟᭐᭟ᬤᬶᬚᬸᬫᬄᬫᭂᬢᬾᬦ᭄ᬩᬓᬢ᭄ᬤᬶᬤᬸᬮ᭄ᬯᬦ᭄ᬳᬧᬦ᭄᭞ᬳᭂᬦᬸᬓᭂᬍᬢ᭄ᬓᬲᬶ ᬲᬶ᭞ᬳᬦ᭄ᬢᬸᬓᬶᬦ᭄ᬍᬗ᭄ᬕᬢᬦ᭄᭞ᬦᬄᬓᬾᬢᬶᬤᭀᬂᬧᭂᬲᬸᬳᬦ᭄᭞ᬮᬯᬸᬢ᭄ᬧᭂᬲᬸᬩᬋᬂᬫᬸᬮᬶᬄ᭞ᬗᬸᬯᬾᬮ᭄ᬤᬶᬚᬮᬦ᭄᭞ᬗᭂᬫ᭄ᬧᭂᬗᬶᬦ᭄ᬦᬾᬫ᭄ᬯᬦᬶ᭟᭐᭟ᬳᬤᬩᭂᬮᭀᬕ᭄ᬳᬗ᭄ᬓᬭᬫᬫᬶᬗᬶᬢ᭄ᬲᭀᬫᬄ᭞ᬫᬧᬗᬬᬬ ᬲᬸᬕᬶᬄ᭞ᬦᬕ᭄ᬓᭂᬩᬂᬭᬭᬲᬦ᭄᭞ᬢᭀᬂᬳᬤᬳᬶᬲᬶᬦ᭄ᬳᬯᬓ᭄᭞ᬦᬾᬫ᭄ᬯᬦᬶᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭞ᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬳᬶᬩᬸᬓ᭄ᬩᬵᬦ᭄ᬓᬧᬶᬗᬶᬢ᭄᭟᭐᭟ᬢᬸᬫ᭄ᬩᬾᬦ᭄ᬳᬤᬘᬸᬓᬸᬄᬜᬶᬗ᭄ᬲᬾᬳᬂᬫᬮᬮᬩ᭄᭞ᬦᭂᬮᬦᬂ ᬫ᭄ᬩᬸᬓᬄᬓᭀᬭᬶ᭞ᬮᬘᬸᬃᬓᬢᬗᭂᬳᬦ᭄᭞ᬓᬸᬤ᭄ᬬᬂᬤᬬᬦᬾᬢᭀᬜ᭞ᬚᬩᬦᬶᬂᬢ᭄ᬓᬗᬮᬶᬓᬶᬄ᭞ᬲᬭᬸᬲᬭᬸᬳᬂ᭞ᬫᬦᬳᬶᬂᬦᬜ᭄ᬚᬶᬂᬓᭀᬭᬶ᭟᭐᭟ᬳᬶᬗᭂᬢ᭄ᬢᭂᬓᬾᬦ᭄ᬳᬯᬓ᭄ᬲᬳᬶᬓᬘᬢᭀᬦᬦ᭄᭞ᬓ᭄ᬭᬡ [᭑᭑ 11A] ᬤᬩᬸᬓᬚᬦᬶ᭞ᬧᬗᬗ᭄ᬕᭀᬦᬾᬩᬸᬗᬄ᭞ᬳᬶᬦ᭄ᬤ᭄ᬭᬶᬬᬓᬢᬸᬳᬸᬓᬦ᭄᭞ᬳᬗᬶᬂᬚᬩᬦᬶᬂᬳᬩᭂᬲᬶᬓ᭄᭞ᬫᬜᭀᬮᭀᬂᬲ᭄ᬫᬭ᭞ᬤᬤᬶᬲᬓᬶᬢ᭄ᬓᬳᬢᬶ᭟᭐᭟ᬓᬮᬦ᭄ᬢᬲᬦ᭄ᬲᬓᬶᬢ᭄ᬭᬸᬫ᭄ᬧᬸᬄᬚᬯᬓ᭄ᬩᭂᬭᬕ᭄᭞ᬓᬫᬦᬾᬫ ᬗᭂᬩᬸᬲᬶᬦ᭄᭞ᬗᬮᬶᬬᬄᬤᬶᬳᬯᬓ᭄᭞ᬤᬤᬶᬕᬢᭂᬮ᭄ᬢᬳᬸᬦᬦ᭄᭞ᬢᭀᬂᬳᬤᬳᬸᬩᬤ᭄ᬗᭂᬜ᭄ᬘᬢᬶᬦ᭄᭞ᬮᬶᬯᬲ᭄ᬯᬘᬓᬂ᭞ᬗᭂᬦᬄᬫᬳᬸᬩᬤ᭄ᬗᬸᬮᬶᬄ᭟᭐᭟ᬩᬬᬢᬶᬢᬄᬳᬯᬦᬶᬦ᭄ᬧᬘᬂᬧ᭄ᬭᬮᬬ᭞ᬩᬬᬸ ᬦᬾᬲᬬᬦ᭄ᬳᬶᬭᬶᬢ᭄᭞ᬢᭀᬂᬫᬫ᭄ᬧᬸᬄᬫᬚᬮᬦ᭄᭞ᬫᬳᭂᬧᭂᬧᬦ᭄ᬤᬶᬚᬸᬫᬄ᭞ᬓᭂᬦᭂᬄᬳᭂᬦᬸᬩᬚᬂᬘ᭄ᬦᬶᬓ᭄᭞ᬓᬧᭀᬩᬵᬦ᭄ᬮᬶᬓᬤ᭄᭞ᬲᬓᭂᬜ᭄ᬘᭂᬗᬾᬢᬗ᭄ᬓᭂᬓᬶᬦ᭄᭟᭐᭟ᬳᬤᬩᬸᬯᬶᬦ᭄ᬧᭂᬗ᭄ᬓᬸᬂᬪ᭄ᬭᬾᬗᬾᬢ᭄ᬘᬘᭂ ᬓᭂᬢᬦ᭄᭞ᬫᬸᬜᬶᬦᬾᬲᬤᬘᬗ᭄ᬕᬶᬄ᭞ᬓᬩᬢᭂᬓ᭄ᬩᬳᬦ᭄ᬓᬂᬓᬂ᭟ᬢᬸᬫ᭄ᬩ?ᬦ᭄ᬲᭀᬫᬳᬾᬲᬶᬗ᭄ᬕᬄ᭞ᬚᬸᬫᬄᬫᬤᬸᬦᬾᬫᬮᬮᬶ᭞ᬓᬤᬸᬂᬧᭂᬢᭂᬗᬦ᭄᭞ᬳᭂᬦ᭄ᬤᭂᬓᬂᬳᬸᬚᬦ᭄ᬤᬗᬶᬦ᭄᭟᭐᭟ᬗᭂᬫ᭄ᬩᭀᬂᬲᬲᬶᬫ᭄ᬩᬶᬗᬾ

Auto-transliteration

[10 10B] 10 noliḥ, ñĕr̥ĕpkapisaga, cicingemahuronan, bĕsustongdaditakonin, tkañlakṣak, ñiliḥdamar̀mañundiḥ. 0. dijumaḥmĕtenbakatdidulwanhapan, hĕnukĕl̥ĕtkasi si, hantukinl̥ĕnggatan, naḥketidongpĕsuhan, lawutpĕsubar̥ĕngmuliḥ, nguweldijalan, ngĕmpĕnginnemwani. 0. hadabĕlog'hangkaramamingitsomaḥ, mapangayaya sugiḥ, nagkĕbangrarasan, tonghadahisinhawak, nemwanimuntagmantig, mañĕlsĕlhawak, hibukbānkapingit. 0. tumbenhadacukuḥñingsehangmalalab, nĕlanang mbukaḥkori, lacur̀katangĕhan, kudyangdayanetoña, jabaningtkangalikiḥ, sarusaruhang, manahingnañjingkori. 0. hingĕttĕkenhawaksahikacatonan, kraṇa [11 11A] dabukajani, panganggonebungaḥ, hindriyakatuhukan, hangingjabaninghabĕsik, mañolongsmara, dadisakitkahati. 0. kalantasansakitrumpuḥjawakbĕrag, kamanema ngĕbusin, ngaliyaḥdihawak, dadigatĕltahunan, tonghadahubadngĕñcatin, liwaswacakang, ngĕnaḥmahubadnguliḥ. 0. bayatitaḥhawaninpacangpralaya, bayu nesayanhirit, tongmampuḥmajalan, mahĕpĕpandijumaḥ, kĕnĕḥhĕnubajangcnik, kapobānlikad, sakĕñcĕngetangkĕkin. 0. hadabuwinpĕngkungbhrengetcacĕ kĕtan, muñinesadacanggiḥ, kabatĕkbahankangkang. tumba?nsomahesinggaḥ, jumaḥmadunemalali, kadungpĕtĕngan, hĕndĕkanghujandangin. 0. ngĕmbongsasimbinge

Leaf 11

Image on Archive.org

[᭑᭑ 11B] ᭑᭑ ᬮᬯᬸᬢ᭄ᬫᬢᭂᬗ᭄ᬓᬳᬓ᭄᭞ᬫᬢᭂᬗ᭄ᬓᬾᬳᭂᬫ᭄ᬓᬲᬶᬲᬶ᭞ᬫᬜᬶᬗᬮ᭄ᬧ᭄ᬬᬦᬓ᭄᭞ᬤᬶᬦᬢᬳᬾᬫᬗᬃᬓ᭞ᬦᬾᬫ᭄ᬯᬦᬶᬢ᭄ᬓᬫᬫ᭄ᬤᬶᬮ᭄᭞ᬗᬫᬢᬶᬳᬯᬓ᭄᭞ᬦᬾᬮᬸᬄᬲᬸᬫᬗ᭄ᬓᬶᬦ᭄ᬲᭂᬗᬶᬢ᭄᭟᭐᭟ᬫᭂᬚᬂᬧᬦᬓ᭄ᬫᬗᬮᬶᬄᬤᬸᬯᬶ ᬳᬳᬶᬫ᭄ᬧᬂ᭞ᬳᬸᬦ᭄ᬤᬳᬾᬩᬭᬭᬓᬶᬦ᭄᭞ᬲᬸᬯᬸᬤᬾᬫᬓᬳᬤ᭄᭞ᬫᭂᬤᭂᬫ᭄ᬜᬗ᭄ᬓ᭄ᬭᬶᬫᬂᬧᬦᬓ᭄᭞ᬗ᭄ᬕᬳᬾᬲᬭᬸᬫᬗᬶᬫ᭄ᬧᭂᬓᬶᬦ᭄᭞ᬗᭂᬮᬶᬂᬫᬗ᭄ᬕᭂᬭᬓ᭄᭞ᬩᬸᬓᬳᭂᬗ᭄ᬲᬩᬶᬦ᭄ᬤᬾᬱ᭄ᬝᬶ᭟᭐᭟ᬢᬗ᭄ᬓᭂᬚᬸᬢ᭄ᬦᬾᬫ᭄ᬯᬦᬶᬩᬗᬸᬦ᭄ᬫ ᬜ᭄ᬚᬕ᭄ᬚᬕ᭄᭞ᬧᭂᬮᬶᬄᬩᬓᬢ᭄ᬮᬗ᭄ᬓᬳᬶᬦ᭄᭞ᬕᬶᬲᬸᬫᬦᬓᭀᬦᬂ᭞ᬲᬫ᭄ᬩᬶᬮ᭄ᬦᭂᬳᭂᬦ᭄ᬚᭂᬮᬦ᭄᭞ᬓᭂᬦᬧᬳᬶᬘᭂᬦᬶᬂᬗᭂᬮᬶᬂᬫᬲᬳᬸᬢ᭄ᬩᬗ᭄ᬕ᭄ᬭᬲ᭄᭞ᬤᭂᬧᬂᬓᭂᬫᬓᬮᬳᬶᬦ᭄᭟᭐᭟ᬧᬶᬢᬸᬯᬶᬗᭂᬮᬶᬂᬗᭂᬮᬶᬂᬤᬚᬫᬗᭂᬦ᭄ᬤᭂᬧᬂ᭞ᬤ᭄ᬧᬂᬳᬮᬶᬄᬩ ᬩᬳᬶ᭞ᬜᬓᬤᭂᬧ᭄ᬤᭂᬧ᭄ᬮᬾᬬᬓ᭄᭞ᬤᬶᬢᬸᬲᬸᬩᬧ᭄ᬭᬕᬢᬂ᭞ᬳᭂᬫᭂᬤᬂᬚᬦᬶᬓᬮᬳᬶᬦ᭄᭞ᬓᬤᬸᬂᬕᬯᬾᬦᬂ᭞ᬢᬸᬚᬸᬳᬂᬳᬸᬮᬶᬲᭂᬮᬶᬤ᭄᭟᭐᭟ᬦᬾᬫ᭄ᬯᬦᬶᬫᬾᬚᭂᬫ᭄ᬮᬯᬸᬢ᭄ᬫᬮᬶᬧᭂᬢᬦ᭄᭞ᬳᬸᬦ᭄ᬤᬕᬾᬫᬶᬲᬶᬤᬸᬯᬶ᭞ᬩᬮᬢᬸᬂ [᭑᭒ 12A] ᬳᬳᬶᬫ᭄ᬧᬂ᭞ᬜᬫ᭄ᬧᬶᬂᬮᬯᬸᬢ᭄ᬫᬸᬮᬶᬳᬦ᭄᭞ᬫᬦᬭᭀᬦᬦ᭄ᬍᬕᬦ᭄ᬳᬢᬶ᭞ᬫᬓᬤᬲᬼᬫᬄ᭞ᬓᬤᬸᬂᬲᬶᬮᬶᬄᬫᬜᬶᬗᬶᬦ᭄᭟᭐᭟ᬳᬤᬓᬩᬶᬦᬯᬓᬂᬓᬂᬓᬢᬸᬳᬸᬓᬦ᭄᭞ᬫᬮᬶᬗᭂᬩ᭄ᬦᬾᬫ᭄ᬯᬦᬶ᭞ᬲᬲᭀᬮᬄᬦᬸᬳᬸᬢᬂ᭞ᬢᭀᬂ ᬩᬦᬶᬫᬕᬦ᭄ᬢᬗᬦ᭄᭞ᬋᬲ᭄ᬲᬶᬋᬧ᭄ᬢᭂᬢᭂᬳᬶᬦ᭄ᬮᬗᬶᬢ᭄᭞ᬢᬦ᭄ᬧᬲᬶᬗ᭄ᬓᬩᬦ᭄᭞ᬓ᭄ᬦᭂᬄᬲᬸᬩᬫᬩᭂᬲᬶᬓ᭄᭟᭐᭟ᬗᬸᬮᬸᬭᬶᬦ᭄ᬳᬶᬦ᭄ᬤ᭄ᬭᬶᬬᬢᭀᬂᬢᬳᬾᬦ᭄ᬧᬫᬲᬄ᭞ᬢᬦ᭄ᬫᬭᬶᬢ᭄ᬯᬄᬫᬲᬦ᭄ᬤᬶᬂ᭞ᬗᬫᬜ᭄ᬚᬶᬂᬫᬘᬦ᭄ᬤ᭞ᬫᬤᬸᬦᬾ ᬩᬸᬓᬜᬄᬜᬄ᭞ᬢᭀᬂᬤᬤᬶᬳᬗᬦ᭄ᬫᬳᬓᬶᬦ᭄᭞ᬢᬸᬯᬶᬲᭀᬘᬧᬦ᭄᭞ᬲᬶᬂᬩᬶᬓᬲᬂᬳᭂᬫᬲᬶᬦ᭄᭟᭐᭟ᬧᬥᬦᭂᬗ᭄ᬕᬸᬄᬳᬯᬓ᭄ᬧᬥᬮᬦ᭄ᬓᬓᬸᬢᬂ᭞ᬧᬢᬸᬄᬫᬜᬓᬶᬢ᭄ᬳᬢᬶ᭞ᬳᬤᬫ᭄ᬩᭂᬮᬶᬕᬸᬦ᭞ᬮᬾᬦ᭄ᬫᬮ ᬚᬄᬗᬮᬾᬬᬓ᭄᭞ᬳᬤᬮᬓ᭄ᬱᬦᬫᬫᬮᬶᬂ᭞ᬳᬤᬫᬗᬸᬧᬲ᭄᭞ᬧᬥᬫᬩᬸᬤᬶᬫᬢᬶ᭟᭐᭟ᬧᬮᬶᬂᬭᬗ᭄ᬓᬸᬗᬶᬦ᭄ᬧᬥᬫᬧᬧᬲᬗᬦ᭄᭞ᬫᬸᬮᬶᬬᬂᬲᬓᬶᬢ᭄ᬳᬢᬶ᭞ᬳᬲᬶᬂᬧᬮᬓᬸᬳᬦ᭄᭞ᬲᬸᬩᬫᬶᬲᬶ

Auto-transliteration

[11 11B] 11 lawutmatĕngkahak, matĕngkehĕmkasisi, mañingalpyanak, dinatahemangar̀ka, nemwanitkamamdil, ngamatihawak, neluḥsumangkinsĕngit. 0. mĕjangpanakmangaliḥduwi hahimpang, hundahebararakin, suwudemakahad, mĕdĕmñangkrimangpanak, nggahesarumangimpĕkin, ngĕlingmanggĕrak, bukahĕngsabindeṣṭi. 0. tangkĕjutnemwanibangunma ñjagjag, pĕliḥbakatlangkahin, gisumanakonang, sambilnĕhĕnjĕlan, kĕnapahicĕningngĕlingmasahutbanggras, dĕpangkĕmakalahin. 0. pituwingĕlingngĕlingdajamangĕndĕpang, dpanghaliḥba bahi, ñakadĕpdĕpleyak, ditusubapragatang, hĕmĕdangjanikalahin, kadunggawenang, tujuhanghulisĕlid. 0. nemwanimejĕmlawutmalipĕtan, hundagemisiduwi, balatung [12 12A] hahimpang, ñampinglawutmulihan, manaronanl̥ĕganhati, makadasl̥ĕmaḥ, kadungsiliḥmañingin. 0. hadakabinawakangkangkatuhukan, malingĕbnemwani, sasolaḥnuhutang, tong banimagantangan, r̥ĕssir̥ĕptĕtĕhinlangit, tanpasingkaban, knĕḥsubamabĕsik. 0. ngulurinhindriyatongtahenpamasaḥ, tanmaritwaḥmasanding, ngamañjingmacanda, madune bukañaḥñaḥ, tongdadihanganmahakin, tuwisocapan, singbikasanghĕmasin. 0. padhanĕngguḥhawakpadhalankakutang, patuḥmañakit'hati, hadambĕliguna, lenmala jaḥngaleyak, hadalakṣanamamaling, hadamangupas, padhamabudimati. 0. palingrangkunginpadhamapapasangan, muliyangsakit'hati, hasingpalakuhan, subamisi

Leaf 12

Image on Archive.org

[᭑᭒ 12B] ᭑᭒ ᬰᬭᬡ᭞ᬳᬤᬦᬸᬗᬮᬶᬓᬂᬘᭂᬦᬶᬂ᭞ᬘᭂᬢᬶᬓ᭄ᬫᬗᬾᬘᬧᬶᬲᬦ᭄᭞ᬲᬧᬮᬫᬲᬶᬦ᭄ᬫᬢᬶ᭟᭐᭟ᬧᬥᬗᬫ᭄ᬩᬸᬮ᭄ᬫᬗᬗ᭄ᬕᭀᬳᬂᬮᬶᬬᬂᬫᬦᬄ᭞ᬫᬫᭂᬚᬂᬧᭂᬚᬂᬫᬸᬜᬶ᭞ᬫᬢᬶᬦᬾᬳᬧᬲᬦ᭄᭞ᬢ᭄ᬯᬭᬜᬦ᭄ᬤᬂᬧᬗᭂᬦᬂ᭞ᬇ ᬤᬸᬧᬾᬧᬥᬮᬦ᭄ᬫᬢᬶ᭞ᬦᬕᭂᬮᬕᭂᬮ᭞ᬦᬦ᭄ᬤᬗᬶᬦ᭄ᬲᬓᬶᬢ᭄ᬳᬢᬶ᭟᭐᭟ᬳᬤᬓᬂᬓᬂᬓᬤᭀᬳᭀᬲ᭄ᬓᭂᬋᬂᬫᬘᬭ᭞ᬫᬫᬸᬕ᭄ᬧᬸᬕ᭄ᬲᬳᬶᬲᬳᬶ᭞ᬚᭂᬫ᭄ᬩᬸᬂᬧᬶᬭᬶᬂᬧᬶᬗ᭄ᬕᬦ᭄᭞ᬕᭂᬫ᭄ᬧᬸᬂᬢᬸᬳᬸᬢᬂᬘᬭᬢᬦ᭄᭞ᬧ ᬦᬾᬧᬲᭀᬕᭂᬦ᭄ᬢᭀᬂᬚᬲᬶ᭞ᬢᬸᬗ᭄ᬕᬮ᭄ᬧᬓ᭄ᬦᬦ᭄᭞ᬢ᭄ᬯᬭᬲᬸᬳᬸᬤ᭄ᬫᬫ᭄ᬩᭂᬮᬶ᭟᭐᭟ᬢᬸᬮ᭄ᬬᬓᬮᬢ᭄ᬯᬭᬫᬩᬳᬦ᭄ᬩᬮᬧᬦ᭄᭞ᬫᬸᬜᬶᬦᬾᬩᬶᬓᭂᬃᬩᬶᬓᭂᬃ᭞ᬫᬦᬸᬚᬸᬕᬮᬸᬗᬦ᭄᭞ᬫᬓᬭᭀᬦᬦ᭄ᬫᬳᬾᬩᬢ᭄᭞ᬤᬶᬧ ᬯᭀᬦ᭄ᬲᬮᬶᬂᬕᭂᬋᬗᬶᬦ᭄᭞ᬦᬾᬫ᭄ᬯᬦᬶᬓᬮᬄ᭞ᬦᬾᬮ᭄ᬯᬗᬸᬩᬲ᭄ᬳᬩᬶᬲ᭄᭟᭐᭟ᬫᬦ᭄ᬢᭂᬕ᭄ᬧᬲᭀᬗᭂᬦ᭄ᬢᬸᬗᬂᬩᬳᬦ᭄ᬧᬶᬗ᭄ᬕᬦ᭄᭞ᬮᬯᬸᬢ᭄ᬗᬫ᭄ᬩ᭄ᬭᬾᬲ᭄ᬕᭂᬤᬶ᭞ᬓᬳᬫ᭄ᬩᬾᬦᬾᬦᭂᬕᬓ᭄᭞ᬫᬘᬺᬗ᭄ᬮᬶᬬᬢᬾᬲᬸᬫ᭄ᬩ᭄ᬭᬄ᭞ [᭑᭓ 13A] ᬫᬫᬸᬜᬶᬮᬯᬸᬢ᭄ᬫᬦᬸᬤᬶᬂ᭞ᬗᬸᬯᬾᬮ᭄ᬫᬗᭀᬫ᭄ᬧᬂ᭞ᬫᬫᬸᬤᬸᬄᬤᬢᬩᬶᬲ᭄ᬩᬶᬲ᭄᭟᭐᭟ᬲᬬᬦ᭄ᬮᬦ᭄ᬢᬂᬇᬥᭂᬄᬲᬩᬓᬮ᭄ᬳᬶᬗᭂᬢᬂ᭞ᬲᬸᬫᬗ᭄ᬓᬶᬦᬂᬫᬓᭂᬩ᭄ᬭᬶᬲ᭄᭞ᬮᬯᬸᬢ᭄ᬓᬤᬸᬮᬸᬳᬦ᭄᭞ᬜᬶᬢ᭄ᬲᬶᬢ᭄ᬓᬫ᭄ᬩᭂᬦ᭄ᬳᬓᭀᬢᬓ᭄᭞ ᬜᭂᬫᬓ᭄ᬢᬶᬬᬸᬓ᭄‌ᬦᬾᬭᬾᬲ᭄ᬤᬶᬦ᭄ᬤᬶᬂ᭞ᬫᬫᬾᬗ᭄ᬓᬾᬄᬢᭂᬧᬲ᭄᭞ᬧᬸᬮᬸᬩᭂᬮᬄᬗᬮᬶᬮᬶᬂ᭟᭐᭟ᬮᬾᬦ᭄ᬳᬤᬓᬂᬓᬂᬗᬍᬬᭂᬧ᭄ᬫᬫ᭄ᬩᬍᬫᬦ᭄᭞ᬢ᭄ᬯᬭᬧᬢᬶᬫᬫᬸᬜᬶ᭞ᬓᬶᬫᬸᬤ᭄ᬧᬓᬢᭀᬦᬦ᭄᭞ᬤᬳᬧ᭄ᬕᬮ ᬓᬾᬫᬜᬭᬧ᭄᭞ᬢᭀᬂᬤᬤᬶᬢᬸᬦᬳᬯᬳᬶ᭞ᬲᬳᬶᬓᬸᬯᬗᬦ᭄᭞ᬚᬳᭂᬦ᭄ᬢ᭄ᬯᬭᬦᬦ᭄ᬤᬶᬗᬶᬦ᭄᭟᭐᭟ᬦᬾᬫ᭄ᬯᬦᬶᬫᬲᬶᬄᬫᬗᭂᬮᬄᬧᬫᬶᬢ᭄ᬭ᭞ᬳᬗᬶᬂᬫᬜᬶᬮᬶᬩ᭄ᬜᬶᬮᬶᬩ᭄᭞ᬦᬸᬗᬮᬶᬄᬤᬮᬶᬳᬦ᭄᭞ᬦᬸᬚᬸ ᬲᬸᬯᬸᬂᬤᬶᬚᬸᬫᬄ᭞ᬜᭂᬮᬦᬶᬦ᭄ᬫᬗᬚᬓ᭄ᬫᬸᬮᬶᬄ᭞ᬭᬱᬢᭀᬂᬳᬤ᭞ᬳᬦᬓ᭄ᬧᬘᬂᬦᭀᬗᭂᬭᬶᬦ᭄᭟᭐᭟ᬢᬗᭂᬄᬦᬾᬳᭂᬮᬸᬄᬭᬭᬯᬢᬾᬲᭂᬮᬶᬤᬦ᭄᭞ᬳᬤᬧᬘᬂᬦᭂᬓᬦᬶᬦ᭄᭞ᬲᬚᬢ᭄ᬯᬭᬍᬧᬲ᭄᭞ᬧᭂᬢᭂᬗᬾ

Auto-transliteration

[12 12B] 12 śaraṇa, hadanungalikangcĕning, cĕtikmangecapisan, sapalamasinmati. 0. padhangambulmanganggohangliyangmanaḥ, mamĕjangpĕjangmuñi, matinehapasan, twarañandangpangĕnang, i dupepadhalanmati, nagĕlagĕla, nandanginsakit'hati. 0. hadakangkangkadohoskĕr̥ĕngmacara, mamugpugsahisahi, jĕmbungpiringpinggan, gĕmpungtuhutangcaratan, pa nepasogĕntongjasi, tunggalpaknan, twarasuhudmambĕli. 0. tulyakalatwaramabahanbalapan, muñinebikĕr̀bikĕr̀, manujugalungan, makaronanmahebat, dipa wonsalinggĕr̥ĕngin, nemwanikalaḥ, nelwangubashabis. 0. mantĕgpasongĕntungangbahanpinggan, lawutngambresgĕdi, kahambenenĕgak, macr̥ĕngliyatesumbraḥ, [13 13A] mamuñilawutmanuding, nguwelmangompang, mamuduḥdatabisbis. 0. sayanlantangidhĕḥsabakalhingĕtang, sumangkinangmakĕbris, lawutkaduluhan, ñitsitkambĕnhakotak, ñĕmaktiyukneresdinding, mamengkeḥtĕpas, pulubĕlaḥngaliling. 0. lenhadakangkangngal̥ĕyĕpmambal̥ĕman, twarapatimamuñi, kimudpakatonan, dahapgala kemañarap, tongdaditunahawahi, sahikuwangan, jahĕntwaranandingin. 0. nemwanimasiḥmangĕlaḥpamitra, hangingmañilibñilib, nungaliḥdalihan, nuju suwungdijumaḥ, ñĕlaninmangajakmuliḥ, raṣatonghada, hanakpacangnongĕrin. 0. tangĕḥnehĕluḥrarawatesĕlidan, hadapacangnĕkanin, sajatwaral̥ĕpas, pĕtĕnge

Leaf 13

Image on Archive.org

[᭑᭓ 13B] ᭑᭓ ᬤᬯᬸᬄᬧᬶᬲᬦ᭄᭞ᬫᬳᬬᬦᬾᬦᬾᬫ᭄ᬯᬦᬶ᭞ᬳᬤᬳᬸᬢᬸᬲᬦ᭄᭞ᬓᬲᬾᬗᬦ᭄ᬩᬵᬦ᭄ᬕᬸᬱ᭄ᬝᬶ᭟᭐᭟ᬫᬢᬩ᭄ᬢᬩᬦ᭄ᬫᬜ᭄ᬚᭂᬫᬓ᭄ᬲᬧᬸᬢ᭄ᬓᬤᬸᬢᬦ᭄᭞ᬢᬶᬦ᭄ᬤᬓᬾᬲᬤᬕᬢᬶ᭞ᬢ᭄ᬓᬦᬶᬂᬧᬸᬳᬭ᭞ᬩᬋᬂᬗᬚᬓ᭄ᬧᬫᬶᬢ᭄ᬭ᭞ ᬫᬤᬦ᭄ᬤᬦ᭄ᬮᬶᬫᬬᬫᬸᬮᬶᬄ᭞ᬢᭂᬓᭂᬤ᭄ᬤᬶᬚᬸᬫᬄ᭞ᬢᬶᬦ᭄ᬤᬓᬦᬾᬫᬕᬶᬕᬶᬧ᭄᭟᭐᭟ᬗᭀᬚᭀᬕ᭄ᬩᬮᬾᬕ᭄ᬤᬾᬦᬾᬮᬦᬂᬫᬦᭂᬕᬓ᭄᭞ᬫᬫᭂᬢᭂᬂᬳᬸᬮᬶᬲᭂᬮᬶᬤᬦ᭄ᬮᬯᬸᬢ᭄ᬧᬥᬗᭂᬩᬄ᭞ᬭᬯᭀᬲᬾᬕᬕᭂᬍᬲ ᬦ᭄᭞ᬦᬾᬳᭂᬮᬸᬄᬢ᭄ᬓᬫᬗᬶᬦ᭄ᬢᬶᬧ᭄᭞ᬩᭂᬢᬾᬦᬦ᭄ᬲᬂᬮᬫ᭄᭞ᬦᭂᬲᭂᬓᬂᬗᭂᬲᬾᬗᬂᬓᬸᬧᬶᬂ᭟᭐᭟ᬦᬾᬫ᭄ᬯᬦᬶᬩᬯᬸᬫᬦᬶᬗ᭄ᬓᬳᬂᬩᬶᬓᬲ᭄᭞ᬦᬸᬳᬸᬓᬂᬤ᭄ᬫᭂᬦ᭄ᬳᬢᬶ᭞ᬦᬾᬮᬸᬄᬫᬫᬓ᭄ᬱᬬᬂ᭞ᬮᬾᬩᭂᬢ᭄ᬜᬫ᭄ᬩᬸᬢ᭄ᬫ ᬘᬗᬂ᭞ᬦᭂᬓᭂᬓᬂᬗ᭄ᬕᬶᬲᬶᬓᬶᬓᬶᬦ᭄ᬘᬶᬂᬦᬾᬫ᭄ᬯᬦᬶᬓᬲ᭄ᬬᬩ᭄᭞ᬓᭂᬧᬃᬮᬶᬫᬦᬾᬦᭀᬮᬶᬄ᭟᭐᭟ᬧᬚᬼᬚᭂᬄᬳᬯᬓᬾᬚᬦᬶᬓᬢᬭ᭞ᬩᭂᬗᭀᬂᬢ᭄ᬯᬭᬫᬫᬸᬜᬶ᭞ᬦᬾᬮᬸᬄᬫᬚᬮ᭄ᬚᬮ᭄᭞ᬫᬸᬜᬶᬦᬾᬫᬕᭂᬦ᭄ᬢᬸᬳᬦ᭄᭞ [᭑᭔ 14A] ᬜᬾᬦ᭄ᬓᬳᬚᬓ᭄ᬫᭂᬤᭂᬫ᭄ᬤᬶᬦᬶ᭞ᬳᭂᬮᬸᬄᬧᬶᬦ᭄ᬤᭀᬦᬦ᭄᭞ᬮᬯᬸᬢ᭄ᬩᬸᬦ᭄ᬢᭂᬃᬫᬮᬳᬶᬩ᭄᭟᭐᭟ᬦᬾᬫ᭄ᬯᬦᬶᬗᬶᬲᬾᬦ᭄ᬗᬓᭂᬦ᭄ᬓᬫᭂᬫᭂᬕᬦ᭄᭞ᬦᬾᬫᬗᬸᬤᬫᬫᭂᬤᬶᬮ᭄᭞ᬓᬾᬦ᭄ᬓᬾᬦ᭄ᬤᬤᬶᬚᬸᬫᬄ᭞ᬳᬸᬮᬢ᭄ᬗᬓᬸᬓᭂᬲᬾᬗᬦ᭄᭞ᬳᭂᬦ᭄ᬢᭀ ᬜᬾᬦ᭄ᬦᬾᬫᬮᬳᬶᬩ᭄᭞ᬫᬫᬩᬃᬭᬩᬦ᭄᭞ᬚᬚᬦᬾᬫᬮᬗ᭄ᬢᭂᬢᬶᬓ᭄᭟᭐᭟ᬳᬤᬳᬗ᭄ᬓᬭᬲᬸᬩᬓᬢᬸᬳᬸᬓᬦ᭄᭞ᬳᬯᬓᬾᬲᬸᬩᬩᭂᬮᬶᬂ᭞ᬫᬾᬄᬢᬸᬢᬸᬕ᭄ᬩᬸᬮᬦᬦ᭄᭞ᬓᬸᬤ᭄ᬬᬂᬚᬦᬶᬦᬕᭀᬓᬂ᭞ ᬩᬲᬗᬾᬕ᭄ᬤᬾᬗᭂᬦ᭄ᬢᬸᬓᬶᬦ᭄᭞ᬢᭀᬂᬤᬤᬶᬢᬸᬦ᭞ᬫᬜᬾᬯᬾᬮ᭄ᬲᬳᬶᬲᬳᬶ᭟᭐᭟ᬦᬾᬫ᭄ᬯᬦᬶᬳᬤᬗ᭄ᬕᭂᬮᬄᬤᬤᭂᬫᭂᬦᬦ᭄᭞ᬳᬸᬩᬬᬲᬸᬩᬧᬲ᭄ᬢᬶ᭞ᬢ᭄ᬓᬦᬶᬂᬤᬶᬯᬰ᭞ᬢᬸᬯᭀᬦ᭄ᬦ᭄ᬫᬗᬭᭀᬭᭀᬤᬂ᭞ᬦᬾᬮᬸᬄᬩᬸ ᬓᬓᬩᬗᬶᬦ᭄᭞ᬗᬭᬱᬭᬱ᭞ᬓᬫ᭄ᬧᬶᬄᬳᬯᬓᬾᬚᬦᬶ᭟᭐᭟ᬲᬸᬫᬗ᭄ᬓᬶᬦ᭄ᬓ᭄ᬭᭀᬥᬲᬳᬶᬗᭀᬯᬾᬮ᭄ᬫᬗᭀᬫ᭄ᬧᭀᬂ᭞ᬫᬲᬶᬄᬦᬸᬲᬓᬶᬢ᭄ᬳᬢᬶ᭞ᬳᬯᬓᬾᬓᬮᬳᬂ᭞ᬲᬕᬾᬢ᭄ᬫᬗᭂᬦ᭄ᬢᬓ᭄ᬳᬯᬓ᭄᭞ᬗᭂᬮᬮᬸᬫᬦᬶ

Auto-transliteration

[13 13B] 13 dawuḥpisan, mahayanenemwani, hadahutusan, kasenganbān'guṣṭi. 0. matabtabanmañjĕmaksaputkadutan, tindakesadagati, tkaningpuhara, bar̥ĕngngajakpamitra, madandanlimayamuliḥ, tĕkĕddijumaḥ, tindakanemagigip. 0. ngojogbalegdenelanangmanĕgak, mamĕtĕnghulisĕlidanlawutpadhangĕbaḥ, rawosegagĕl̥ĕsa n, nehĕluḥtkamangintip, bĕtenansanglam, nĕsĕkangngĕsengangkuping. 0. nemwanibawumaningkahangbikas, nuhukangdmĕnhati, neluḥmamakṣayang, lebĕtñambutma cangang, nĕkĕkangnggisikikincingnemwanikasyab, kĕpar̀limanenoliḥ. 0. pajl̥ĕjĕḥhawakejanikatara, bĕngongtwaramamuñi, neluḥmajaljal, muñinemagĕntuhan, [14 14A] ñenkahajakmĕdĕmdini, hĕluḥpindonan, lawutbuntĕr̀malahib. 0. nemwaningisenngakĕnkamĕmĕgan, nemangudamamĕdil, kenkendadijumaḥ, hulatngakukĕsengan, hĕnto ñennemalahib, mamabar̀raban, jajanemalangtĕtik. 0. hadahangkarasubakatuhukan, hawakesubabĕling, meḥtutugbulanan, kudyangjaninagokang, basangegdengĕntukin, tongdadituna, mañewelsahisahi. 0. nemwanihadanggĕlaḥdadĕmĕnan, hubayasubapasti, tkaningdiwaśa, tuwonnmangarorodang, neluḥbu kakabangin, ngaraṣaraṣa, kampiḥhawakejani. 0. sumangkinkrodhasahingowelmangompong, masiḥnusakit'hati, hawakekalahang, sagetmangĕntak'hawak, ngĕlalumani

Leaf 14

Image on Archive.org

[᭑᭔ 14B] ᭑᭔ ᬕ᭄ᬢᬶᬕ᭄ᬩᭂᬮᬶᬂ᭞ᬜᬫ᭄ᬩᬮ᭄ᬯᬭᬗᬦ᭄᭞ᬫᬶᬲᬤ᭄ᬬᬦᬕᬶᬄᬫᬢᬶ᭟᭐᭟ᬧᭂᬢᭂᬂᬍᬫᬄᬲᬳᬶᬗᬸᬫᬶᬓ᭄ᬫᬧᬶᬦᬸᬦᬲ᭄᭞ᬳᬧᬂᬳᬾᬗ᭄ᬕᬮ᭄ᬚᬫᬢᬶ᭞ᬚᭂᬗᬄᬗᭂᬦᭀᬢ᭄ᬲᭀᬫᬄ᭞ᬍᬕᬫᬲᬲᬦ᭄ᬤᬶᬂ᭞ᬗ᭄ᬕᬳᬾᬘᬦᬂᬩᬸᬭᬢ᭄ᬯ ᬗᬶ᭞ᬮᬯᬸᬢ᭄ᬓᬲᬗ᭄ᬕᬄ᭞ᬫᬩᬓ᭄ᬢᬶᬲᬳᬶᬲᬳᬶ᭟᭐᭟ᬮᬾᬦ᭄ᬳᬤᬓᬂᬓᬂᬧᭀᬗᬄᬢ᭄ᬯᬭᬲᬶᬭᬶᬓᬦ᭄᭞ᬢᬾᬢᬾᬄᬳᬍᬧ᭄ᬫᬫᬸᬜᬶ᭞ᬧᬾᬲ᭄ᬢᬤ᭄ᬫᬓᬸᬋᬡᬦ᭄᭞ᬢᬢᬲ᭄ᬢᭂᬓᬦᬶᬂᬰᬵᬲ᭄ᬢ᭄ᬭ᭞ᬳᬓᭂᬦ᭄ᬫᬓᬲ᭄ᬓᬬᬲᬸᬕᬶᬄ᭞ᬢ᭄ᬯᬭ ᬓᬧᬘᬮ᭄᭞ᬗᬶᬩᬸᬓᬂᬳᬦᬓ᭄ᬫ᭄ᬯᬦᬶ᭟᭐᭟ᬦᬾᬫ᭄ᬯᬦᬶᬓᬩᬢᭂᬓ᭄ᬩᬳᬦ᭄ᬧ᭄ᬭᬘᬘᬄ᭞ᬳᬲᬶᬂᬩᬚᬗᬦ᭄ᬤᭂᬫᭂᬦᬶ᭞ᬲᬭᬢ᭄ᬫᬮᬶᬳᬦ᭄᭞ᬤᬤᬶᬓ᭄ᬦᭂᬳᬾᬩᬶᬂᬩᬂ᭞ᬦᬾᬚᬸᬫᬄᬫᬲᬶᬄᬢᬓᬶᬢᬶᬦ᭄᭞ᬦᬾᬤᬶᬧᬶᬲᬕ᭞ᬜᬦ᭄ᬤᬂᬳᭂ ᬢᭀᬳᬶᬫᬢᬶ᭟᭐᭟ᬗᬮᬮᬸᬇᬥᭂᬧᬾᬩᬸᬯᬶᬦ᭄ᬗᬮᬶᬄᬲᭀᬫᬄ᭞ᬩᬲ᭄ᬦᬕᭀᬓ᭄ᬮᬸᬄᬳᬤᬶᬳᬶ᭞ᬳᬸᬧᬫᬜᬩᬸᬗ᭞ᬓᭂᬫ᭄ᬩᬗᬾᬲᬸᬩᬫᬬᬂ᭞ᬢ᭄ᬯᬭᬦᬸᬫᬩᭀᬫᬶᬬᬶᬓ᭄᭞ᬳᬤᬧᬶᬲᬕ᭞ᬲᬢ᭄ᬲᬢ᭄ᬤᬤᬭᬶ᭟᭐᭟ [᭑᭕ 15A] ᬫᬗ᭄ᬤᬾᬭᬾᬦᭀᬄᬳᬸᬬᬂᬧᬮᬶᬂᬫᬫᬸᬮᬶᬲᬄ᭞ᬩᬯᬸᬫᬢᬓᬶᬢᬓᬶ᭞ᬗᬮᬶᬳᬂᬧᬚᬮᬦ᭄᭞ᬘᬾᬢᬶᬫᬮᬍᬫᭂᬲᬦ᭄᭞ᬧᬲᬮᬸᬓ᭄ᬱᬸᬩᬫᬘᬯᬶᬲ᭄᭞ᬦᬾᬳ᭄ᬮᬸᬄᬦᬗᭂᬳᬂ᭞ᬫᬲᬮᬩᬃᬫᬫᬸᬜᬶ᭟᭐᭟ ᬤᬸᬫᬤᬓᬦ᭄ᬳᬧᬂᬗᭂᬮᬄᬫᬤᬸᬩᬚᬂ᭞ᬳᬸᬫᬄᬩᬓᬮ᭄ᬢᬸᬜ᭄ᬚᭂᬮᬶᬦ᭄᭞ᬗᬸᬢᬂᬗᬸᬢᬂᬳᬯᬓ᭄᭞ᬢᬸᬯᬶᬲᬢᬶᬩᬧᬭᬦ᭄᭞ᬦᭂᬩᭂᬓ᭄ᬳᬯᬓ᭄ᬳᬧᬂᬫᬢᬶ᭞ᬳᬶᬤᬸᬧ᭄ᬦᬭᬓ᭞ᬫᬩᭀᬃᬩᭀᬃᬲᬳᬶᬲᬳᬶ᭟᭐᭟ᬢᭀᬂᬤ ᬤᬶᬧᬍᬄᬮᬯᬸᬢ᭄ᬗᬶᬲᬶᬦᬶᬦ᭄ᬧᬩ᭄ᬯᬦ᭄᭞ᬓᬧᬶᬲᬕᬗᭂᬦ᭄ᬤᭀᬦᬶᬦ᭄᭞ᬦᭂᬕᬓᬂᬫᬜ᭄ᬚᬚᬮ᭄᭞ᬧᭀᬗᬄᬳᬯᬓᬾᬗᬸᬤ᭞ᬦᬕᬶᬄᬗᭀᬤᬕ᭄ᬜᬮᬶᬤᬶᬳᬶ᭞ᬤᬮᬶᬦ᭄ᬢᬂᬕᭂᬫᬄ᭞ᬫᬸᬮᬫᬸᬯᭂᬤ᭄ᬦᬾᬤᬶᬦᬶ᭟᭐᭟ᬢ᭄ᬯᬭ ᬢᬯᬂᬫᬦᬸᬫ᭄ᬧᬗᬶᬦ᭄ᬧ᭄ᬭᬯᬸᬲᬭᬢ᭄᭞ᬫᬗᭂᬦᭀᬢᬂᬫᬲ᭄ᬧᬶᬧᬶᬲ᭄᭞ᬦᬧᭂᬢᬂᬓᬲᬸᬓᬦ᭄᭞ᬜᬾᬦ᭄ᬮᭂᬕᬫᬫ᭄ᬩᬳᬂ᭞ᬲᭀᬫᬄᬳᬦᬓᬾᬍᬫᭂᬲᬶᬦ᭄᭞ᬤᬜᬕ᭄ᬭᬂᬧᭀᬗᬄ᭞ᬦᬕᬶᬄᬫᬸᬧᭀᬦᬶᬦ᭄᭟᭐᭟ᬚᭂᬗᬄᬧᬶᬲ

Auto-transliteration

[14 14B] 14 gtigbĕling, ñambalwarangan, misadyanagiḥmati. 0. pĕtĕngl̥ĕmaḥsahingumikmapinunas, hapanghenggaljamati, jĕngaḥngĕnotsomaḥ, l̥ĕgamasasanding, nggahecanangburatwa ngi, lawutkasanggaḥ, mabaktisahisahi. 0. lenhadakangkangpongaḥtwarasirikan, teteḥhal̥ĕpmamuñi, pestadmakur̥ĕṇan, tatastĕkaningśāstra, hakĕnmakaskayasugiḥ, twara kapacal, ngibukanghanakmwani. 0. nemwanikabatĕkbahanpracacaḥ, hasingbajangandĕmĕni, saratmalihan, dadiknĕhebingbang, nejumaḥmasiḥtakitin, nedipisaga, ñandanghĕ tohimati. 0. ngalalu'idhĕpebuwinngaliḥsomaḥ, basnagokluḥhadihi, hupamañabunga, kĕmbangesubamayang, twaranumabomiyik, hadapisaga, satsatdadari. 0. [15 15A] mangderenoḥhuyangpalingmamulisaḥ, bawumatakitaki, ngalihangpajalan, cetimalal̥ĕmĕsan, pasaluksyubamacawis, nehluḥnangĕhang, masalabar̀mamuñi. 0. dumadakanhapangngĕlaḥmadubajang, humaḥbakaltuñjĕlin, ngutangngutanghawak, tuwisatibaparan, nĕbĕk'hawak'hapangmati, hidupnaraka, mabor̀bor̀sahisahi. 0. tongda dipal̥ĕḥlawutngisininpabwan, kapisagangĕndonin, nĕgakangmañjajal, pongaḥhawakenguda, nagiḥngodagñalidihi, dalintanggĕmaḥ, mulamuwĕdnedini. 0. twara tawangmanumpanginprawusarat, mangĕnotangmaspipis, napĕtangkasukan, ñenlĕgamambahang, somaḥhanakel̥ĕmĕsin, dañagrangpongaḥ, nagiḥmuponin. 0. jĕngaḥpisa

Leaf 15

Image on Archive.org

[᭑᭕ 15B] ᭑᭕ ᬕᬦᬾᬦ᭄ᬤᬶᬗᭂᬄᬓᬯᬯᭂᬕᬦ᭄᭞ᬩᬳᬦᬾᬩᬸᬓᬚᬦᬶ᭞ᬢ᭄ᬓᬦᬾᬫᬜ᭄ᬚᬚᬮ᭄᭞ᬢᬦᬶᬓᬭᭀᬯᬦ᭄ᬤᬦ᭄ᬤᬳᬦ᭄᭞ᬧᬳᬶᬚᬸᬢ᭄ᬓᬗᭂᬫ᭄ᬧᭂᬗᬶᬦ᭄᭞ᬮᬕᬸᬢᬾᬓᬂᬓᬂ᭞ᬲᬸᬩᬢᬾᬲᬚᬲᬸᬕᬶᬄ᭟᭐᭟ᬳᬤᬩᬸᬯᬶ ᬦ᭄ᬓᬂᬓᬂᬩᭂᬮᭀᬕ᭄ᬚᬚᭀᬢᭀᬗᬦ᭄᭞ᬦᬾᬫ᭄ᬯᬦᬶᬗᭂᬪᭂᬓᬶᬦ᭄᭞ᬫᬮᬮᬩ᭄ᬤᬶᬚᬸᬫᬄ᭞ᬳᬶᬮᬂᬳᬸᬮᬶᬲ᭄ᬮᬶᬤᬦ᭄᭞ᬳᭂᬗ᭄ᬓᬾᬦ᭄ᬳᬸᬫᬳᬾᬤᭂᬗᭀᬓᬶᬦ᭄᭞ᬓᬾᬫᭂᬂᬫᬦᬃᬓ᭞ᬲᬸᬩᬢ᭄ᬓᬳᬯᬕᬶᬦ᭄᭟᭐᭟ᬗᭀᬚᭀᬕ᭄ᬚᬸ ᬫᬄᬫᭂᬢᬾᬦ᭄ᬫᬤᬸᬦᬾᬤᬶᬢ᭄ᬗᬄ᭞ᬗᭂᬭᬓ᭄ᬫᬦᭀᬕ᭄ᬢᭀᬕ᭄‌ᬓᭀᬭᬶ᭞ᬫᬦᬸᬦ᭄ᬤᭂᬦ᭄ᬫᬫ᭄ᬩᬸᬗ᭄ᬓᬄ᭞ᬫᬤᬸᬦᬾᬓᬧᬸᬧᬸᬗᬦ᭄᭞ᬦᬸᬫᬕᬩᬕ᭄ᬫᬸᬗ᭄ᬓᬄᬓᭀᬭᬶ᭞ᬩᬯᬸᬳᬲᬶᬩᬓ᭄᭞ᬢ᭄ᬓᬜᬦ᭄ᬢ᭄ᬭᬜᭂᬮᬸᬧᬶᬦ᭄᭟᭐᭟ᬫᬜᬫ᭄ᬩ ᬓ᭄ᬜᭂᬓᬸᬓ᭄ᬦᬶᬜ᭄ᬚᬓ᭄ᬮᬯᬸᬢ᭄ᬫᬜᭂᬗ᭄ᬓ᭞ᬦᬸᬗ᭄ᬓᬬᬓ᭄ᬩᬸᬓᬧᬦ᭄ᬢᬶᬕ᭄᭞ᬫᬤᬦᬾᬩᭂᬢᬾᬦᬦ᭄᭞ᬧᭂᬜᭀᬢᭂᬢᭂᬄᬕ᭄ᬤᬾᬳᬦ᭄᭞ᬜᭂᬩᬓ᭄ᬢᭀᬂᬤᬤᬶᬫᬫᬸᬜᬶ᭞ᬳᬶᬩᬢᬸᬯᬄᬗᭂᬩᬂ᭞ᬫᬢᬶᬳᬶᬩᬩᬳᬦ᭄ᬓᬳᬶ᭟᭐᭟ [᭑᭖ 16A] ᬳᬤᬩᬗᬸᬦ᭄ᬫᬦ᭄ᬤᬶᬗᭂᬄᬫᬕᬕᬺᬤᭂᬕᬦ᭄᭞ᬢᬸᬮᬸᬂᬢᬸᬮᬸᬂᬫᬜ᭄ᬭᬶᬢ᭄᭞ᬢ᭄ᬓᬫᬭᬦ᭄ᬢᬩᬦ᭄᭞ᬳᬤᬫᬗᬩᬤᬫᬃ᭞ᬧᬥᬢᭂᬮᬸᬄᬫᬜ᭄ᬚᬕ᭄ᬚᬕᬶᬦ᭄᭞ᬤᬧᭂᬢ᭄ᬫᬚᭂᬗ᭄ᬓ᭞ᬳᬤᬦ᭄ᬚᭂᬫᬓ᭄ᬫᬗ᭄ᬕᬶᬲᬶ᭟᭐᭟ᬫᬫ᭄ᬩᭂᬮᬲᬦ᭄ᬳᬤ ᬦᬓᭀᬦᬶᬦ᭄ᬧᬶᬓᬦ᭄ᬤ᭞ᬗᭂᬢᭀᬲᬂᬩᭂᬦᭂᬄᬧᭂᬮᬶᬄ᭞ᬳᬯᬦᬦ᭄ᬫᬚᭂᬗ᭄ᬓ᭞ᬲᬸᬩᬧᬤᬫᬓᬦ᭄ᬤᬳᬦ᭄᭞ᬧᬢᬸᬢ᭄ᬩᬓᬢ᭄ᬢᬶᬢᬶᬕ᭄᭞ᬢᭂᬗ᭄ᬕᬸᬄᬫᬗᭂᬩᬂ᭞ᬜᬗ᭄ᬓᬸᬢᬶᬦ᭄ᬳᬯᬓ᭄ᬫᬸᬯᬦᬶ᭟᭐᭟ᬳᬤᬓᬂᬓᬂᬇᬥᭂᬧᬾᬢ ᬦ᭄ᬓᬢᬶᬫ᭄ᬧᬮᬦ᭄᭞ᬳᬗᬶᬂᬗᬭᬲᬦ᭄ᬧᬶᬤᬶᬓ᭄᭞ᬗᬶᬩᬸᬓᬂᬓᬸᬋᬡᬦ᭄᭞ᬢ᭄ᬯᬭᬩᬦᬶᬓᬮᬳᬦ᭄᭞ᬦᬾᬫ᭄ᬯᬦᬶᬲᬳᬶᬩᬢᬶᬦᬶᬦ᭄᭞ᬬᬦ᭄ᬓᬧᬶᬧᬶᬮᬦ᭄᭞ᬦᬾᬳᭂᬮᬸᬄᬫᬗᬤᭂᬧᬶᬦ᭄᭟᭐᭟ᬳᬾᬯᭂᬄᬦᬾᬫ᭄ᬯᬦᬶᬲ ᬳᬶᬗᬮᬶᬳᬂᬳᬗ᭄ᬓᬸᬳᬦ᭄᭞ᬫᬩᬳᬦ᭄ᬳᬦᬓ᭄ᬲᬸᬕᬶᬄ᭞ᬳᬗ᭄ᬕᭀᬦ᭄ᬬᬧᬫᬶᬢ᭄ᬭ᭞ᬘᭂᬫᭀᬄᬢ᭄ᬯᬭᬓᬸᬯᬗᬦ᭄᭞ᬳᭂᬗ᭄ᬲᬧ᭄ᬢ᭄ᬯᬭᬢᬳᬾᬦ᭄ᬫᬸᬮᬶᬄ᭞ᬫᬫᬸᬧᬸᬍᬕ᭞ᬫᬗᬸᬢᬂᬧᬦᬓ᭄ᬘᭂᬦᬶᬓ᭄᭟᭐᭟ᬦᬾᬮᬸᬄᬲᬳᬶᬢ

Auto-transliteration

[15 15B] 15 ganendingĕḥkawawĕgan, bahanebukajani, tkanemañjajal, tanikarowandandahan, pahijutkangĕmpĕngin, lagutekangkang, subatesajasugiḥ. 0. hadabuwi nkangkangbĕlogjajotongan, nemwaningĕbhĕkin, malalabdijumaḥ, hilanghulislidan, hĕngkenhumahedĕngokin, kemĕngmanar̀ka, subatkahawagin. 0. ngojogju maḥmĕtenmaduneditngaḥ, ngĕrakmanogtogkori, manundĕnmambungkaḥ, madunekapupungan, numagabagmungkaḥkori, bawuhasibak, tkañantrañĕlupin. 0. mañamba kñĕkukniñjaklawutmañĕngka, nungkayakbukapantig, madanebĕtenan, pĕñotĕtĕḥgdehan, ñĕbaktongdadimamuñi, hibatuwaḥngĕbang, matihibabahankahi. 0. [16 16A] hadabangunmandingĕḥmagagr̥ĕdĕgan, tulungtulungmañrit, tkamarantaban, hadamangabadamar̀, padhatĕluḥmañjagjagin, dapĕtmajĕngka, hadanjĕmakmanggisi. 0. mambĕlasanhada nakoninpikanda, ngĕtosangbĕnĕḥpĕliḥ, hawananmajĕngka, subapadamakandahan, patutbakattitig, tĕngguḥmangĕbang, ñangkutinhawakmuwani. 0. hadakangkangidhĕpeta nkatimpalan, hangingngarasanpidik, ngibukangkur̥ĕṇan, twarabanikalahan, nemwanisahibatinin, yankapipilan, nehĕluḥmangadĕpin. 0. hewĕḥnemwanisa hingalihanghangkuhan, mabahanhanaksugiḥ, hanggonyapamitra, cĕmoḥtwarakuwangan, hĕngsaptwaratahenmuliḥ, mamupul̥ĕga, mangutangpanakcĕnik. 0. neluḥsahita

Leaf 16

Image on Archive.org

[᭑᭖ 16B] ᭑᭖ ᬦ᭄ᬫᬭᬶᬫᬗᬶᬩᬸᬓᬂ᭞ᬩᬳᬦ᭄ᬢ᭄ᬯᬭᬗᭂᬮᬄᬧᬶᬧᬶᬲ᭄᭞ᬧᬜ᭄ᬘᭂᬤᬾᬫᬜᬸᬩᬮ᭄᭞ᬗᭂᬦᭂᬗᬂᬧᬬᬸᬓ᭄ᬚᬓᬦ᭄᭞ᬦᬾᬫ᭄ᬯᬦᬶᬢ᭄ᬓᬫᬩᬮᬶᬄ᭞ᬤᬤᬶᬯᬶᬭᭀᬤ᭞ᬦᬾᬳ᭄ᬮᬸᬄᬫᬶᬲᬤ᭄ᬬᬫᬢᬶ᭟᭐᭟ᬓᭂᬩᬸᬲ᭄ᬚᭂᬗᬄᬩᬳᬦ᭄ ᬲᭀᬫᬳᬾᬫᬫᬶᬢ᭄ᬭ᭞ᬗᭂᬜ᭄ᬘᭀᬮ᭄ᬢᭀᬂᬢᬳᬾᬦ᭄ᬫᬸᬮᬶᬄ᭞ᬲᭂᬓᭂᬦ᭄ᬤᬶᬧᬶᬲᬕ᭞ᬗᬩᬓᬓᬸᬭᬸᬗᬦ᭄᭞ᬳᬗ᭄ᬕᭀᬫᬜᬭᬸᬂᬩᬗᬶᬦ᭄᭞ᬗᬧᬸᬲ᭄ᬓᬸᬋᬡᬦ᭄᭞ᬗᬸᬮᬸᬭᬶᬦ᭄ᬍᬕᬦ᭄ᬳᬢᬶ᭟᭐᭟ᬬᬢ᭄ᬦᬲᬳᬶᬢᬦ᭄ᬲᬄᬫᬤ ᬫ᭄ᬧᬶᬂᬓᬤᬸᬢᬦ᭄᭞ᬧ᭄ᬭᬬᬧᬘᬂᬫᬜᬧᬶᬄ᭞ᬚᬬᬧᬭᬚᬬ᭞ᬧᬶᬲᬦ᭄ᬳᬲᬶᬂᬩᬕ᭄ᬬᬦᬦ᭄᭞ᬫᬦ᭄ᬫᬸᬳᬂᬍᬕᬦ᭄ᬳᬢᬶ᭞ᬢ᭄ᬯᬭᬕᬯᬾᬦ᭄ᬬ᭞ᬳᬶᬤᬸᬧᬾᬩᬸᬓᬚᬦᬶ᭟᭐᭟ᬦᬤᬓᬂᬦᬾᬫ᭄ᬯᬦᬶᬗᬩᬲ᭄ᬬᬧ᭄᭞ᬧ᭄ᬭ ᬬᬫᬗᬮᬶᬄᬳᬚᬶ᭞ᬗᭀᬚᭀᬕ᭄ᬓᬤᬸᬮᬸᬳᬦ᭄᭞ᬫ᭄ᬦᬾᬓ᭄ᬗᬩᬕ᭄ᬮᬗ᭄ᬕᬢᬦ᭄᭞ᬦᬾᬮᬸᬄᬦᭂᬩᭂᬓ᭄ᬳᬸᬮᬶᬤᬸᬭᬶ᭞ᬓ᭄ᬦᬓᬧ᭄ᬭᬩᬦ᭄᭞ᬫᬦᭀᬮᬶᬄᬮᬯᬸᬢ᭄ᬫᬢᬶ᭟᭐᭟ᬓᬢᬗᭂᬳᬦ᭄ᬳᬫᬸᬓ᭄ᬮᬯᬸᬢ᭄ᬫᬓᬸᬮ᭄ᬓᬸᬮᬦ᭄᭞ [᭑᭗ 17A] ᬧᭂᬦ᭄ᬤᭂᬳᬦ᭄ᬧᬥᬕᬢᬶ᭞ᬫᬗᭂᬩᭂᬓᬶᬦ᭄ᬫᬕ᭄ᬕ᭞ᬮᬾᬦ᭄ᬗᭂᬮᬦ᭄ᬢᬲ᭄ᬫᬸᬮᬶᬳᬦ᭄᭞ᬲᬳᬲᬢ᭄ᬓᬦᬸᬫ᭄ᬩᬓᬶᬦ᭄᭞ᬧ᭄ᬭᬲᬶᬤ᭄ᬥᬭᬸᬲᬓ᭄ᬮᬸᬄᬫ᭄ᬯᬦᬶ᭟᭐᭟ᬮᬾᬦ᭄ᬳᬤᬓᬂᬓᬂᬘᬗ᭄ᬕᬶᬄᬲᬳᬶᬫᬬᭂᬕᬦ᭄᭞ᬳᬲᬶᬂᬧᬳᬓ᭄ᬳᬸᬘᬸᬧᬶᬦ᭄᭞ᬳᬋ ᬧᬶᬦ᭄ᬫᬬᭂᬳᬦ᭄᭞ᬢᭀᬂᬢᬳᬾᬦ᭄ᬜᬓ᭄ᬓᬮᬳᬦ᭄᭞ᬳᬶᬧᬄᬫᬢ᭄ᬯᬧᬥᬧ᭄ᬯᬶᬓ᭄᭞ᬫᬤᬸᬜᭂᬗᬶᬢᬂ᭞ᬓᬾᬮᬗᬦ᭄ᬲᬳᬶᬲᬳᬶ᭟᭐᭟ᬳᬲᬶᬂᬧ᭄ᬚᬂᬳᬶᬮᬂᬢᭀᬂᬩᬓᬢ᭄ᬲᬺᬧᬂ᭞ᬧ᭄ᬭᬩᭀᬢ᭄ᬘᬯᬩ᭄ᬧᬶᬭᬶᬂ᭞ᬬᬓᬾ ᬲᬃᬯ᭄ᬯᬯᬶᬚ᭞ᬫᬓᬤᬶᬓ᭄ᬢᬦ᭄ᬩᬳᬲ᭄᭞ᬳᭂᬫ᭄ᬧᬸᬂᬢ᭄ᬓᬦᬶᬂᬦᬸᬚᬶᬚᬶᬄ᭞ᬢᬸᬯᬶᬲ᭄ᬧᬶᬗᬦ᭄᭞ᬜ᭄ᬚᬸᬯᬂᬲᬮᬶᬂᬮᬶᬗ᭄ᬕᬾᬦᬶᬦ᭄᭟᭐᭟ᬢᭀᬓ᭄ᬭᬡᬓᬾᬯᭂᬄᬜᬸᬗᭂᬜ᭄ᬘᬦᬂᬧᬬᬸᬓ᭄ᬚᬓᬦ᭄᭞ᬫᬓ᭄ᬚᬂᬫᬩᬸᬲᬸᬭᬶᬦ᭄᭞ᬳᬯ ᬓᬾᬩᬲ᭄ᬓᬂᬓᬂ᭞ᬢ᭄ᬯᬭᬤᬤᬶᬢᭂᬫ᭄ᬧᬶᬮᬦ᭄᭞ᬜᬗ᭄ᬓᬸᬢᬶᬦ᭄ᬳᬦᬓ᭄᭞ᬫ᭄ᬯᬦᬶᬤᬤᬶᬗᭂᬭᭀᬦ᭄ᬢᬂ᭞ᬫᬤᬸᬦᬾᬧᬥᬲᭂᬗᬶᬢ᭄᭟᭐᭟ᬩᬸᬯᬶᬦ᭄ᬳᬫᬓᬂᬓᬂᬢᭀᬂᬤᬤᬶᬢᬸᬦᬬᬦ᭄᭞ᬕᭂᬫᭂᬲ᭄ᬜᬚᬬᬂᬦᬶᬕᬶᬕ᭄᭞

Auto-transliteration

[16 16B] 16 nmarimangibukang, bahantwarangĕlaḥpipis, pañcĕdemañubal, ngĕnĕngangpayukjakan, nemwanitkamabaliḥ, dadiwiroda, nehluḥmisadyamati. 0. kĕbusjĕngaḥbahan somahemamitra, ngĕñcoltongtahenmuliḥ, sĕkĕndipisaga, ngabakakurungan, hanggomañarungbangin, ngapuskur̥ĕṇan, ngulurinl̥ĕganhati. 0. yatnasahitansaḥmada mpingkadutan, prayapacangmañapiḥ, jayaparajaya, pisanhasingbagyanan, manmuhangl̥ĕganhati, twaragawenya, hidupebukajani. 0. nadakangnemwaningabasyap, pra yamangaliḥhaji, ngojogkaduluhan, mnekngabaglanggatan, neluḥnĕbĕk'huliduri, knakapraban, manoliḥlawutmati. 0. katangĕhanhamuklawutmakulkulan, [17 17A] pĕndĕhanpadhagati, mangĕbĕkinmagga, lenngĕlantasmulihan, sahasatkanumbakin, prasiddharusakluḥmwani. 0. lenhadakangkangcanggiḥsahimayĕgan, hasingpahak'hucupin, har̥ĕ pinmayĕhan, tongtahenñakkalahan, hipaḥmatwapadhapwik, maduñĕngitang, kelangansahisahi. 0. hasingpjanghilangtongbakatsr̥ĕpang, prabotcawabpiring, yake sar̀wwawija, makadiktanbahas, hĕmpungtkaningnujijiḥ, tuwispingan, ñjuwangsalinglinggenin. 0. tokraṇakewĕḥñungĕñcanangpayukjakan, makjangmabusurin, hawa kebaskangkang, twaradaditĕmpilan, ñangkutinhanak, mwanidadingĕrontang, madunepadhasĕngit. 0. buwinhamakangkangtongdaditunayan, gĕmĕsñajayangnigig,

Leaf 17

Image on Archive.org

[᭑᭗ 17B] ᭑᭗ ᬤᬋᬧᬦ᭄ᬲᭀᬫᬄ᭞ᬲᭂᬧᭂᬢ᭄ᬫᬸᬜᬶᬦᬾᬫ᭄ᬩᬢ᭄ᬩᬢ᭄᭞ᬫᬦᬸᬦ᭄ᬤᬸᬂᬦᬸᬦ᭄ᬤᬾᬦ᭄ᬫᬕ᭄ᬤᬶ᭞ᬚᬦᬶᬫᬚᬮᬦ᭄᭞ᬧᬗᬾᬭᬦᬾᬳᬚᬳᬶᬦ᭄᭟᭐᭟ᬤᬤᬶᬋᬱᬺᬱ᭄ᬫᬤᬸᬦᬾᬧᬥᬦ᭄ᬤᬶᬗᭂᬳᬂ᭞ᬧᬥᬦᬗ᭄ᬕᬸᬳᬂᬫᬢᬶ᭞ᬢᭀᬂᬩᬶᬲᬫᬩᬶ ᬓᬲ᭄᭞ᬫᬓ᭄ᬚᬂᬳᬗ᭄ᬕᭀᬦ᭄ᬤᭀᬱ᭞ᬳᭂᬦ᭄ᬢᭀᬓ᭄ᬭᬡᬤᬤᬶᬮᬶᬮᬶᬄᬫᬫᬸᬭᬂᬮᬫ᭄ᬧᬄ᭞ᬳᬤᬫᬸᬮᬶᬄᬫᬜᬓᬶᬢ᭄᭟᭐᭟ᬳᬤᬗᬓᬸᬫᬸᬮᬶᬄᬫᬕᬯᬾᬤᬶᬲᬗ᭄ᬕᬄ᭞ᬮᬾᬦ᭄ᬳᬤᬫᭂᬢᭂᬧᭂᬢᬶᬦ᭄᭞ᬳᬤᬧᬚ᭄ᬦᬸ ᬓᬦ᭄᭞ᬳᬤᬩᬳᬦ᭄ᬓᬸᬦ᭄ᬤᬗᬦ᭄᭞ᬫᬳᬾᬗ᭄ᬕᬮ᭄ᬳᬾᬗ᭄ᬕᬮᬦ᭄ᬫᬸᬮᬶᬄ᭞ᬗᬚᬳᬶᬦ᭄ᬜᬫ᭞ᬮᬮ᭄ᬬᬢ᭄ᬯᬭᬫᬢᬶᬕ᭄ᬢᬶᬕ᭄᭟᭐᭟ᬳᬤᬓᬂᬓᬂᬫᬗᬶᬮᬶᬤᬂᬓᬓᬂᬓᬗᬦ᭄᭞ᬗᬸᬮᬦᬶᬦ᭄ᬦᬾᬫ᭄ᬯᬦᬶ᭞ᬫᬗᬮᬶᬳᬂᬢᬶᬫ᭄ᬧ ᬮ᭄᭞ᬦᬾᬩᬸᬭᬶᬓ᭄ᬩᬸᬓᬘᬮ᭄ᬘᬮ᭄᭞ᬦᬍᬂᬫᬢᬦᬓᬸᬢᬶᬦ᭄᭞ᬳᬸᬯᬭᬲᬗ᭄ᬲᬬ᭞ᬮᬸᬕᬦ᭄ᬤᬫᬗᬚᬳᬶᬦ᭄᭟᭐᭟ᬧᭂᬢᭂᬂᬍᬫᬄᬜᬓᬤᬶᬢᬸᬫᬤᬤ᭄ᬯᬦᬦ᭄᭞ᬢ᭄ᬯᬭᬳᬦᬓ᭄ᬗᬶᬢᬸᬦᬾᬫ᭄ᬯᬦᬶᬧᬺᬘᬘᬄ᭞ [᭑᭘ 18A] ᬳᬶᬲᭂᬂᬫᬲᬶᬗᬸᬤᬶᬮᬂ᭞ᬤᬤᬶᬤᬺᬫᬦᬾᬦᬾᬩᬸᬭᬶᬓ᭄᭞ᬩᬦ᭄ᬤᬮᬶᬳᬦ᭄᭞ᬓᬕᬸᬕᬸᬩᬸᬓᬚᬦᬶ᭟ᬩᬲ᭄ᬮᬯᬲ᭄ᬩᬵᬦ᭄ᬜᬗᬶᬮᬶᬤᬂᬲᬗ᭄ᬕᬫ᭞ᬤᬤᬶᬓᬢ᭄ᬗᭂᬃᬩᭂᬮᬶᬂ᭞ᬓ᭄ᬭᭀᬥᬫᬗᬶᬓᬶᬓᬦ᭄᭞ᬩᬸᬓᬚᬗ᭄ᬓ᭄ᬭᬶᬓ᭄ᬫ ᬗᬃᬓᬃ᭞ᬦᬓᭀᬦᬶᬦ᭄ᬦᬾᬦᬾᬫ᭄ᬯᬦᬶ᭞ᬩᬲ᭄‌ᬢᭀᬫᬤᬬ᭞ᬫᬫᬗ᭄ᬲᬂᬢᭀᬂᬫᬧᬶᬮᬶᬄ᭟᭐᭟ᬫᬗ᭄ᬓᬶᬦ᭄ᬓᬾᬩᬳᬂᬦᬾᬦᬾᬲᬤᬢᭂᬤᬲᬦ᭄᭞ᬕᬶᬕᬶᬲ᭄ᬩᬵᬦ᭄ᬜᬤ᭄ᬫᭂᬦ᭄᭞ᬓᬤᬾᬦᬂᬧᬲᬚ᭞ᬫᬮᬄᬫᬦ᭄ᬤᭂᬮ᭄ᬗᬮᬸᬫ᭄ᬩᬃ᭞ᬤ ᬤᬶᬳᬦ᭄ᬜᬩᬸᬓᬚᬦᬶ᭞ᬗᬳᬾᬩᭂᬮᬶᬗᬦ᭄᭞ᬦᬾᬢᭀᬂᬧᬦ᭄ᬢᭂᬲ᭄ᬤᭂᬫᭂᬦᬶᬦ᭄᭟᭐᭟ᬳᬤᬓᬂᬓᬂᬩᬶᬲᬜᬾᬯᬓᬬᬂᬳᬯᬓ᭄᭞ᬗᬸᬮᬦᬶᬦ᭄ᬦᬾᬫ᭄ᬯᬦᬶ᭞ᬢᭀᬂᬢᬳᬾᬦ᭄ᬓᬲᬶᬤ᭄ᬥᬦ᭄᭞ᬗᬸᬮᬸᬭᬶᬦ᭄ᬮᭂᬕᬦ᭄ᬫᬦᬄ᭞ ᬫᬤᬸᬦᬾᬢᭀᬂᬫ᭄ᬩᬳᬦ᭄ᬦᭂᬫ᭄ᬧᬶᬮ᭄᭞ᬢᬸᬚᬸᬄᬗᬸᬮᬶᬜ᭄ᬘᬂ᭞ᬫᬩᭂᬓᭂᬮ᭄ᬲᬓᬶᬢ᭄ᬳᬢᬶ᭟᭐᭟ᬜᬮᬶᬫᬸᬭᬂᬫᬦᬄᬓᬧ᭄ᬕᬢᬦ᭄ᬲ᭄ᬫᬭ᭞ᬳᬸᬬᬂᬫᬸᬮᬶᬲᬄᬧᬮᬶᬂᬢᭀᬂᬤᬤᬶᬧᬸᬍᬲᬂ᭞ᬳᬶᬲᭂᬂᬫᬧᬶᬦ᭄ᬤᬧᬶᬦ᭄ᬤ᭞ᬧ

Auto-transliteration

[17 17B] 17 dar̥ĕpansomaḥ, sĕpĕtmuñinembatbat, manundungnundenmagdi, janimajalan, pangeranehajahin. 0. dadir̥ĕsyr̥ĕṣmadunepadhandingĕhang, padhanangguhangmati, tongbisamabi kas, makjanghanggondoṣa, hĕntokraṇadadililiḥmamuranglampaḥ, hadamuliḥmañakit. 0. hadangakumuliḥmagawedisanggaḥ, lenhadamĕtĕpĕtin, hadapajnu kan, hadabahankundangan, mahenggalhenggalanmuliḥ, ngajahinñama, lalyatwaramatigtig. 0. hadakangkangmangilidangkakangkangan, ngulaninnemwani, mangalihangtimpa l, neburikbukacalcal, nal̥ĕngmatanakutin, huwarasangsaya, lugandamangajahin. 0. pĕtĕngl̥ĕmaḥñakaditumadadwanan, twarahanakngitunemwanipr̥ĕcacaḥ, [18 18A] hisĕngmasingudilang, dadidr̥ĕmaneneburik, bandalihan, kagugubukajani. baslawasbānñangilidangsanggama, dadikatngĕr̀bĕling, krodhamangikikan, bukajangkrikma ngar̀kar̀, nakoninnenemwani, bastomadaya, mamangsangtongmapiliḥ. 0. mangkinkebahangnenesadatĕdasan, gigisbānñadmĕn, kadenangpasaja, malaḥmandĕlngalumbar̀, da dihanñabukajani, ngahebĕlingan, netongpantĕsdĕmĕnin. 0. hadakangkangbisañewakayanghawak, ngulaninnemwani, tongtahenkasiddhan, ngulurinlĕganmanaḥ, madunetongmbahannĕmpil, tujuḥnguliñcang, mabĕkĕlsakit'hati. 0. ñalimurangmanaḥkapgatansmara, huyangmulisaḥpalingtongdadipul̥ĕsang, hisĕngmapindapinda, pa

Leaf 18

Image on Archive.org

[᭑᭘ 18B] ᭑᭘ ᬥᬮᬸᬄᬲᬶᬮᬶᬄᬗᬸᬭᬸᬗᬶᬦ᭄᭞ᬳᬗ᭄ᬕᭀᬦ᭄ᬧᬫᬹᬃᬡ᭄ᬦ᭞ᬤᬤᬶᬫᬗᬋᬦᭂᬳᬶᬦ᭄᭟᭐᭟ᬲᬬᬦ᭄ᬭᬫᬾᬓᬢᬸᬭᬦ᭄ᬲᬮᬶᬄᬓ᭄ᬭᭀᬢᭀᬓᬂ᭞ᬫᬶᬮᬸᬦᬾᬩᬚᬂᬘ᭄ᬦᬶᬓ᭄᭞ᬜᭂᬩᬸᬭᬶᬦ᭄ᬫᬕᬫ᭞ᬢ᭄ᬯᬭᬫᬗᬶᬢᬸᬂᬳᬯᬓ᭄᭞ᬩᭂ ᬜᬄᬩᬸᬯᬸᬢ᭄ᬜᭀᬜᭀᬧᬶᬧᬶ᭞ᬮᬬᬳᬾᬩᬯᬓ᭄᭞ᬫᬸᬜᬶᬦᬾᬤᬤᬶᬩᬤᬶᬮ᭄᭟᭐᭟ᬓ᭄ᬭᬡᬤᬫᬶᬮᬸᬳᬯᬓᬾᬦᬸᬩᬚᬂ᭞ᬕᬫᬮᬢᬸᬢᬾᬕᬶᬲᬶ᭞ᬓᬃᬫ᭄ᬫᬦᬾᬓᬃᬫ᭄ᬫᬬᬂ᭞ᬓᬳᬬᭀᬦᬾᬲᬬᬗᬂ᭞ ᬓᬤᬶᬩᬸᬗᬦᭂᬤᭂᬂᬫᬶᬬᬶᬓ᭄᭞ᬢᬫ᭄ᬩᬸᬮᬶᬮᬶᬗᬦ᭄᭞ᬧᬢᬸᬢ᭄ᬫᬗᬶᬲᭂᬧ᭄ᬲᬭᬷ᭟᭐᭟ᬬᬦ᭄ᬤᭂᬳᬢᬭᬸᬡᬓᬧ᭄ᬭᬥᬡᬧᬸᬭᬸᬱ᭞ᬧᬲᬸᬓ᭄ᬯᭂᬢᬸᬦᬶᬂᬤᬤᬶ᭞ᬗᬯᬶᬪᬸᬳᬂᬚᬕᬢ᭄᭞ᬤᬤᬶᬲ᭄ᬯᬚᬢᬸᬓᬃᬫ᭄ᬫ᭞ᬳ ᬮᬳᬬᬸᬦᬶᬂᬤᬸᬫᬤᬶ᭞ᬫᬲᬶᬧᬢ᭄ᬰᬵᬲ᭄ᬢ᭄ᬭ᭞ᬫᬳᬫ᭄ᬩᬮ᭄ᬧᬢᬶᬳᬸᬭᬶᬧ᭄᭟᭐᭟ᬳᬫ᭄ᬩᬸᬮ᭄ᬦᬾᬢᭂᬢᭂᬲ᭄ᬩᬵᬦ᭄ᬜᬭᬶᬢᬬᬂ᭞ᬦᬾᬢᭀᬂᬢᬯᬂᬳᬓᬸᬯᬶᬦ᭄᭞ᬫ᭄ᬩᭂᬮᭀᬕ᭄‌ᬦᬾᬫ᭄ᬩᭂᬮᭀᬕᬦ᭄᭞ᬧᬗᬶᬤᬶᬄᬓᬓ [᭑᭙ 19A] ᬲᬶᬳᬦ᭄᭞ᬳᬗ᭄ᬕᬾᬬᬧᬗᬾᬮᬶᬂᬳᬾᬮᬶᬂ᭞ᬘᬶᬭᬶᬧᬶᬢᬺᬱ᭄ᬡ᭞ᬳᬸᬮᬶᬄᬦᬸᬩᬚᬂᬘ᭄ᬦᬶᬓ᭄᭟᭐᭟ᬢᭀᬓᬭᬡᬗᬮᬮ᭄ᬯᬂᬫᬕᬕᬸᬭᬶᬢᬦ᭄᭞ᬲᬫ᭄ᬧᬸᬭᬤᬾᬯᬕᬸᬱ᭄ᬝᬶ᭞ᬲᬂᬓᬳ᭄ᬬᬸᬦ᭄ᬫᬯᭀᬲᬂ᭞ᬬᬦ᭄ᬳᬶᬯᬂᬳᬶᬘᬾ ᬦ᭄ᬳᬚᬄ᭞ᬲᬫ᭄ᬧᬸᬦ᭄ᬳᬸᬕᬶᬲᬮᬶᬢ᭄ᬢᬫ᭄ᬧᬶ᭞ᬫ᭄ᬩᬯᭀᬲᬂᬭᬕ᭞ᬤᬾᬦᬶᬂᬲᬶᬧᬢᬶᬂᬳᬚᬶ᭟ᬢ᭄ᬮᬲ᭄᭟᭚᭟ᬇᬢᬶᬭᭀᬦ᭄ᬢᬮ᭄ᬲ᭄ᬢ᭄ᬭᬶᬰᬰᬡ᭞ᬧᭂᬘᬓ᭄ᬤᬸᬯᬾᬦ᭄ᬳᬦᬓ᭄ᬳᬕᬸᬂᬧᬸᬢᬸᬧᬳᬶᬮ᭄᭞ᬭᬶᬂᬧᬸᬭᬶᬳᬜᬃᬓ᭄ᬮᬸᬗ᭄ᬓᬸᬂ᭟᭐᭟

Auto-transliteration

[18 18B] 18 dhaluḥsiliḥngurungin, hanggonpamūr̀ṇna, dadimangar̥ĕnĕhin. 0. sayanramekaturansaliḥkrotokang, milunebajangcnik, ñĕburinmagama, twaramangitunghawak, bĕ ñaḥbuwutñoñopipi, layahebawak, muñinedadibadil. 0. kraṇadamiluhawakenubajang, gamalatutegisi, kar̀mmanekar̀mmayang, kahayonesayangang, kadibunganĕdĕngmiyik, tambulilingan, patutmangisĕpsarī. 0. yandĕhataruṇakapradhaṇapuruṣa, pasukwĕtuningdadi, ngawibhuhangjagat, dadiswajatukar̀mma, ha lahayuningdumadi, masipatśāstra, mahambalpatihurip. 0. hambulnetĕtĕsbānñaritayang, netongtawanghakuwin, mbĕlognembĕlogan, pangidiḥkaka [19 19A] sihan, hanggeyapangelingheling, ciripitr̥ĕṣṇa, huliḥnubajangcnik. 0. tokaraṇangalalwangmagaguritan, sampuradewaguṣṭi, sangkahyunmawosang, yanhiwanghice nhajaḥ, sampunhugisalittampi, mbawosangraga, deningsipatinghaji. tlas. // . itirontalstriśaśaṇa, pĕcakduwenhanak'hagungputupahil, ringpurihañar̀klungkung. 0.

Leaf 19

Image on Archive.org

[᭑᭙ 19B] ᭑᭙

Auto-transliteration

[19 19B] 19

Leaf 20

Image on Archive.org