Paparikan Lubdhaka 03

Original on Archive.org

Front and Back Covers

Image on Archive.org

[PERPUSTAKAAN KTR,DOKBUD BALI PROP.BALI G/XV/4/DOKBUD Judul : PAPARIKAN LUBDHAKA Panj. 40 cm. Lb. 3,5 cm. Jl. 30 lb Asal : Gryan Tengah, Bdkling.] [᭑ 1A] Judul : PAPARIKAN LUBDHAKA Panj. 40 cm. Lb. 3,5 cm. Jl. 30 lb Asal : Gryan Tengah, Bdkling.

Auto-transliteration

[PERPUSTAKAAN KTR,DOKBUD BALI PROP.BALI G/XV/4/DOKBUD Judul : PAPARIKAN LUBDHAKA Panj. 40 cm. Lb. 3,5 cm. Jl. 30 lb Asal : Gryan Tengah, Bdkling.] [1 1A] Judul : PAPARIKAN LUBDHAKA Panj. 40 cm. Lb. 3,5 cm. Jl. 30 lb Asal : Gryan Tengah, Bdkling.

Leaf 1

Image on Archive.org

[᭑ 1B] ᭑ ᭚᭜᭚ᬒᬁᬅᬯᬶᬖ᭄ᬦᬵᬫᬲ᭄ᬢᬸ᭚᭜᭚ᬧᬗ᭄ᬓᬸᬃᬳᬗ᭄ᬕᬾᬦ᭄ᬫᬗᬯᬶᬢᬂ᭞ᬫᬗᬸᬗ᭄ᬕᬸᬳᬂ᭞ᬓᬢᬢ᭄ᬯᬦ᭄‌ᬩ᭄ᬭᬢᬵᬍᬯᬶᬄ᭞ᬲᬦᬾᬧᬢᬹᬢ᭄‌ᬲ᭄ᬥᭂᬂᬢᬶᬭᬸ᭞ᬳᬦ᭄ᬢᬸᬓ᭄ᬲᬂᬗᬸᬧᬵᬤᬾᬰ᭞ᬫᬫ᭄ᬭᬢᬬᬂ᭞ᬢᬶᬗ᭄ᬓᬳᬶᬂᬭᬕ᭄ᬕᬵᬢᬸᬫᬸᬯᬸᬄ ᭞ᬧᬦᭂᬧ᭄ᬢᭂᬧ᭄ᬳᬶᬤᬰᬾᬦ᭄ᬤ᭄ᬭᬶᬬᬵ᭞ᬫᬫᬸᬦᬄᬫᭀᬫᭀᬦᬾᬯ᭄ᬬᬓ᭄ᬢᬶ᭚ᬳᬗ᭄ᬳᬶᬂᬓᬾᬳᬫ᭄ᬧᬸᬭᬵᬧᬶᬲᬦ᭄᭞ᬳᬦ᭄ᬢᬸᬓ᭄ᬳᬶᬤᬵ᭞ᬤᬦᬾᬲᬂᬳᬗ᭄ᬯᬘᬾᬦᬶ᭞ᬧᬓᬃᬤ᭄ᬟᬶᬦ᭄ᬳᬶᬩ᭄ᬮᭀᬕ᭄ᬧᬸᬗ᭄ᬕᬸᬂ᭞ᬧᬗ᭄ᬓᬄᬗᬸᬗ᭄ᬕᬸᬳᬂᬰᬵᬲ᭄ᬢ᭄ᬭᬵ᭞ᬢ᭄ᬯᬭᬵᬗ᭄ᬭ ᬱᬵ᭞ᬭᬶᬂᬤᬾᬯᬾᬓ᭄ᬓᬮᬶᬦ᭄ᬢᬂᬚᬸᬕᬸᬮ᭄᭞ᬧᬗ᭄ᬓᬄᬗᬯᬶᬗᬯᬾᬢᭂᬫ᭄ᬩᬂ᭞ᬳᬗ᭄ᬕᬾᬧᬜᬮᬶᬫᬹᬃᬳᬭᬶᬧ᭄‌᭚ᬤᬾᬦᬶᬂᬯᬦ᭄ᬢᭂᬦ᭄ᬓᬢᬸᬢᬸᬭᬦ᭄᭞ᬫᬸᬗ᭄ᬕ᭄ᬯᬶᬂᬰᬲ᭄ᬢ᭄ᬭᬵ᭞ᬢᬶᬗ᭄ᬓᬳᬶᬂᬩ᭄ᬭᬢᬵᬍᬯᬶᬄ᭞ᬓᬾᬯᬮᬵᬫᬧ᭄ᬭᬤᬂᬫᬸᬗ᭄ᬕᬸᬄ᭞ ᬢᬍᬃᬓᬳᬶᬘᬦᬨᬮᬵ᭞ᬳᬦ᭄ᬢᬸᬓ᭄ᬳᬶᬤᬵᬲᬂᬳ᭄ᬬᬂᬰᬶᬯ᭄ᬯᬵᬦᬸᬕᬺᬳᬶᬓᬸ᭞ᬲᬮ᭄ᬯᬶᬃᬫᬮᬵᬫᬮᬭᬤᬦ᭄᭞ᬧᬧᬵᬧᬢᬓᬦᬾᬳᭂᬦ᭄ᬢᬶ᭚ᬲᬓᬮ᭄ᬯᬶᬃᬕᬕᬸᬡᬦ᭄ᬋᬫ᭄ᬩᬸᬢ᭄᭞ᬬᬦ᭄ᬫᬓᬶᬤᬸᬂ᭞ᬫᬲᬢ᭄ᬯᬵᬫ᭄ᬯᬂᬫᬕᭂᬡ᭄ᬟᬶᬂ᭞ᬫᬓᬵ [᭒ 2A] ᬬ᭄ᬬᬵᬫᬶᬯᬄᬫᬦᭂᬦᬸᬦ᭄᭞ᬫᬜᬸᬮᬫ᭄ᬭᬭᬶᬗ᭄ᬕᬶᬢᬦ᭄᭞ᬢᬍᬃᬓᬶᬗᬶᬦ᭄᭞ᬓᬾᬯᬮᬵᬫᬧ᭄ᬭᬥᬂᬲᬫ᭄‌ᬧᬸᬦ᭄᭞ᬧᬸᬦᬶᬓᬵᬲᬫ᭄ᬧᬸᬦ᭄ᬓᬲᬶᬤᬦ᭄᭞ᬗᬶᬭᬶᬧ᭄ᬯᬱᬦ᭄ᬲᬂᬳ᭄ᬬᬂᬯᬶᬤ᭄ᬟᬶ᭚ᬳᬶᬗ᭄ᬕᬶᬃᬓᬾᬪᬵᬝᬭᬵᬲᬫ᭄ᬬᬦ᭄᭞ᬓᬧᬶᬗᬚᭂᬂ᭞ ᬲᬂᬳ᭄ᬬᬂᬗᬤᬶᬲᬹᬓ᭄ᬱ᭄ᬫᬵᬚᬢᬷ᭞ᬫᬶᬯᬄᬲᬂᬳ᭄ᬬᬂᬰᬶᬯ᭄ᬯᬵᬕᬸᬭᬸ᭞ᬯᬾᬄᬢᬂᬗᬸᬮᬸᬦᬸᬕ᭄ᬭᬳᬵ᭞ᬫᬗᬸᬜ᭄ᬘᬭᬂ᭞ᬭᬶᬂᬢᭂᬫ᭄ᬩᬂᬫᬜᬮᬄᬳᬸᬦ᭄ᬤᬸᬓ᭄᭞ᬢᬦ᭄ᬫᬦᬹᬢᬶᬂᬧᬲᬂᬲᬃᬕ᭄ᬕᬵ᭞ᬪᬝᬭᬵᬗᬫ᭄ᬧᬸᬭᬵᬲᬫᬶ᭚ᬲᬵᬫ᭄ᬧᬸᬦ᭄ᬪᬝᬭᬵᬫᬶᬥᬸ ᬓᬵ᭞ᬳᬶᬗ᭄ᬯᬂᬫᬤ᭄ᬟᬵ᭞ᬢᬦ᭄ᬫᬦᬸᬢ᭄ᬫᬸᬗ᭄ᬕ᭄ᬯᬶᬂᬕᬢᬶ᭞ᬓᬾᬯᬦ᭄ᬢᭂᬦ᭄ᬫᬦᬳᬾᬚᬸᬚᬸᬃ᭞ᬫᬫᬦᬄᬫᬗᬸᬗ᭄ᬕᬸᬳᬂ᭞ᬫᬸᬗ᭄ᬕ᭄ᬯᬶᬂᬕᬶᬢᬵ᭞ᬧ᭄ᬯᬲᬦ᭄ᬳᬶᬤᬵᬲᬂᬳ᭄ᬬᬂᬕᬸᬭᬸ᭞ᬫᬸᬗ᭄ᬕᬸᬄᬭᬶᬂᬢᬢ᭄ᬯᬘᬭᬶᬢᬵ᭞ᬮᬸᬩ᭄ᬤᬓᬵᬗᬭᬦᬶᬂᬕᬸᬭᬶᬢ᭄᭚ᬳᬶᬗ᭄ᬯᬂᬳ ᬫᬶᬦ᭄ᬢᬲᬦ᭄ᬫᬢᬵ᭞ᬭᬶᬍᬩᬸᬫᬶᬂ᭞ᬚᭂᬂᬦᭂᬂᬪᬝᬭᬯᬶᬤ᭄ᬟᬶ᭞ᬳᬫ᭄ᬧᬸᬭᬵᬪᬝᬭᬵᬳᬕᬸ᭞ᬧᬾᬃᬳ᭄ᬫᬲᬾᬫᬗᬸᬗ᭄ᬕᬸᬳᬂ᭞ᬢᬦ᭄ᬓᬓ᭄ᬦᬦ᭄᭞ᬧᬗᬹᬧᬵᬤ᭄ᬭᬯᬳ᭄ᬬᬂᬗᬕᬸᬂ᭞ᬫᬮᬶᬗ᭄ᬕᬵᬳ᭄ᬬᬂᬚᬕᬢ᭄ᬓᬃᬝ᭞ᬜᬦ᭄ᬫᬢᬲᬮ᭄ᬯᬶᬃᬧ᭄ᬭᬯᬺ

Auto-transliteration

[1 1B] 1 // • // oṁawighnāmastu // • // pangkur̀hanggenmangawitang, mangungguhang, katatwanbratāl̥ĕwiḥ, sanepatūtsdhĕngtiru, hantuksangngupādeśa, mamratayang, tingkahingraggātumuwuḥ , panĕptĕp'hidaśendriyā, mamunaḥmomonewyakti // hanghingkehampurāpisan, hantuk'hidā, danesanghangwaceni, pakar̀dḍinhiblogpunggung, pangkaḥngungguhangśāstrā, twarāngra syā, ringdewekkalintangjugul, pangkaḥngawingawetĕmbang, hanggepañalimūr̀harip // deningwantĕnkatuturan, munggwingśastrā, tingkahingbratāl̥ĕwiḥ, kewalāmapradangmungguḥ, tal̥ĕr̀kahicanaphalā, hantuk'hidāsanghyangśiwwānugr̥ĕhiku, salwir̀malāmalaradan, papāpatakanehĕnti // sakalwir̀gaguṇanr̥ĕmbut, yanmakidung, masatwāmwangmagĕṇḍing, makā [2 2A] yyāmiwaḥmanĕnun, mañulamraringgitan, tal̥ĕr̀kingin, kewalāmapradhangsampun, punikāsampunkasidan, ngiripwaṣansanghyangwidḍi // hinggir̀kebhāṭarāsamyan, kapingajĕng, sanghyangngadisūkṣmājatī, miwaḥsanghyangśiwwāguru, weḥtangngulunugrahā, manguñcarang, ringtĕmbangmañalaḥhunduk, tanmanūtingpasangsar̀ggā, bhaṭarāngampurāsami // sāmpunbhaṭarāmidhu kā, hingwangmadḍā, tanmanutmunggwinggati, kewantĕnmanahejujur̀, mamanaḥmangungguhang, munggwinggitā, pwasanhidāsanghyangguru, mungguḥringtatwacaritā, lubdakāngaraninggurit // hingwangha mintasanmatā, ril̥ĕbuming, jĕngnĕngbhaṭarawidḍi, hampurābhaṭarāhagu, per̀hmasemangungguhang, tankaknan, pangūpādrawahyangngagung, malinggāhyangjagatkar̀ṭa, ñanmatasalwir̀prawr̥ĕ

Leaf 2

Image on Archive.org

[᭒ 2B] ᭒ ᬢ᭄ᬢᬷ᭚ᬳᬶᬗ᭄ᬕᬶᬄᬯᬾᬦ᭄ᬢᭂᬦ᭄ᬓᬢᬸᬢᬸᬭᬦ᭄᭞ᬲᬦᬾᬭᬶᬳᬶᬦ᭄᭞ᬚᬦ᭄ᬫᬵᬓᬮᬶᬦ᭄ᬢᬗᬶᬫᬶᬲ᭄ᬓᬶᬦ᭄᭞ᬮᬸᬤᬶᬦ᭄ᬋᬦ᭄ᬤᬄᬧ᭄ᬬᬦᬓ᭄ᬳᬶᬧᬸᬦ᭄᭞ᬢ᭄ᬯᬭᬵᬫᬗ᭄ᬮᬄᬧᬭᬦ᭄᭞ᬳᬸᬧᬵᬚᬶᬯᬵᬦ᭄᭞ᬳᬶᬧᬸᬦ᭄ᬲᬓᬶᬂᬫᬩᬸᬭᬸ᭞ᬳᬗ᭄ᬕᬾᬦ᭄ᬧᬲᬗᬸᬦᬵᬜ ᬩ᭄ᬭᬦ᭄᭞ᬗᬹᬧᬵᬧᬶᬭᬧ᭄ᬬᬦᬓ᭄ᬲᬫᬶ᭚ᬩᬲ᭄ᬢᬦ᭄ᬯᬦ᭄ᬢᭂᬦ᭄ᬮ᭄ᬬᬦᬦ᭄᭞ᬓᬯᬶᬲᬬᬦ᭄᭞ᬕᬕᬸᬡᬦᬾᬢᬦ᭄ᬤᬗᬶᬦ᭄᭞ᬲᬯᭀᬲᬦ᭄ᬭᬶᬂᬫᬩᬩᬸᬭᬸᬧᬸᬦᬶᬓᬵᬓᬢᬶᬮᬶᬗᬂ᭞ᬚ᭄ᬭᭀᬦᬶᬂᬳᬶᬥᭂᬧ᭄᭞ᬳᬗ᭄ᬕᬸᬦ᭄ᬲᬗᬸᬚ᭄ᬭᭀ ᬦᬶᬂᬗᬶᬤᬸᬧ᭄᭞ᬬᬦ᭄ᬢᬦ᭄ᬧᭀᬮᬶᬄᬓᬤᬸᬭᬸᬲᬦ᭄᭞ᬫᬓᭂᬦ᭄ᬢᭂᬧ᭄ᬬᬦᬓᬾᬲᬫᬶ᭚ᬫᬩᭀᬭᭀᬲ᭄ᬢᬦ᭄ᬢᬳᬾᬦ᭄ᬢᭂᬮᬕ᭄᭞ᬗᬦ᭄ᬳᬤᬶᬦᬵ᭞ᬢᬦ᭄ᬧᬗᬾᬢᬂᬧᬢᬶᬳᬸᬭᬶᬧ᭄᭞ᬳᬗ᭄ᬕᬾᬦᬫ᭄ᬢᬫ᭄ᬫᬦᬄᬳᬶᬧᬸᬦ᭄᭞ᬫ ᬲᬸᬓᬵᬲᬸᬓᬦ᭄ᬜᬩ᭄ᬭᬦ᭄᭞ᬤᬶᬧᭀᬮᬾᬳᬾ᭞ᬓᭂᬦ᭄ᬤᭂᬮ᭄ᬭᬫᬾᬢᬦ᭄ᬧᬯᬦ᭄ᬢᬸᬦ᭄᭞ᬲᬋᬂᬧ᭄ᬬᬦᬓ᭄ᬱᭀᬫᬄᬲᬫ᭄ᬬᬦ᭄᭞ᬧᬥᬵᬫᬸᬓ᭄ᬢᬶᬮᬸᬄᬫᭀᬯᬦᬶ᭚ᬢᬦ᭄ᬢᭂᬦ᭄ᬧᬶᬲᬦ᭄ᬤ᭄ᬭᬸᬯᬾᬫᬦᬄ᭞ᬫᬧᬵᬓᬶᬃᬢ᭄ᬬᬵ᭞ᬫᬩ᭄ᬭ [᭓ 3A] ᬢᬵᬫᬧᬸᬡ᭄ᬬᬚᬢᬷ᭞ᬓᬾᬯᬮᬵᬦᬫ᭄ᬢᬫᬶᬓᬳ᭄ᬬᬸᬦ᭄᭞ᬤᭀᬄᬧᬭᬵᬬᬦ᭄ᬫᬬᬰᬵ᭞ᬳᬭᬶᬫ᭄ᬩᬯᬵ᭞ᬭᬶᬲᬓᬵᬮ᭄ᬯᬶᬭᬶᬂᬫᬩᬬᬸ᭞ᬢᬸᬫᬸᬯᬸᬄᬭᬶᬚ᭄ᬭᭀᬦᬶᬂᬩ᭄ᬯᬦᬵ᭞ᬢᬺᬱ᭄ᬡᬵᬭᬶᬂᬲᬃᬯ᭄ᬯᬵᬫᬳᬸᬭᬶᬧ᭄᭚ᬓᬾᬯᬦ᭄ᬢᭂᬦ᭄ᬳᬶᬧᬸᬦ᭄ᬫ ᬩᬳᬦ᭄᭞ᬚᬕᬵᬫᬗᬦ᭄᭞ᬢᬦᬦᬵᬯ᭄ᬮᬲᬢᬶ᭞ᬲᬶᬂᬓᬧᬧᬕ᭄ᬲᬶᬂᬓᬧᬗ᭄ᬕᬸᬄ᭞ᬩᬸᬭᭀᬦᬾᬓᬩᬭᬦᬂ᭞ᬳᬕᬸᬂᬳᬮᬶᬢ᭄᭞ᬢᬦᬶᬦᬾᬢᬂᬬᬓᬩᬸᬭᬸ᭞ᬳᬗ᭄ᬕᬾᬦ᭄ᬮᬭᬧᬦ᭄ᬩᬩᬓ᭄ᬱᬦ᭄᭞ᬲᬗ᭄ᬯᬂᬲᬫᬗ᭄ᬤᬾᬯᬺᬤ᭄ᬟᬶ ᭚ᬕᬚᬄᬯᬭᬓ᭄ᬓᬩᬭᬡᬂ᭞ᬯᬶᬚᬸᬂᬓᬜ᭄ᬘᬶᬮ᭄᭞ᬲᬓᬜ᭄ᬘᬦ᭄ᬩᬸᬭᭀᬦᬾᬧᬗ᭄ᬕᬶᬄ᭞ᬢ᭄ᬮᬲ᭄ᬧᬥᬵᬧᬢᬶᬮᬸᬧ᭄ᬮᬸᬧ᭄᭞ᬳᬲᬶᬂᬓᬲᬶᬂᬲᬾᬧ᭄ᬚᬄ᭞ᬓᬩᭀᬭᭀᬲᬶᬦ᭄᭞ᬓᬭᬦ᭄ᬤᬳᬶᬦ᭄ᬓᬲᬮᬸᬓ᭄ᬱᬸᬓ᭄᭞ᬢᬦ᭄ᬧᬗᬾᬢᬂ ᬩᬬᬵᬤᬹᬃᬕ᭄ᬕᬵ᭞ᬚ᭄ᬭᭀᬦᬶᬂᬳᬮᬲ᭄ᬯᬦᬵᬕᬶᬭᬶ᭚ᬫᬗ᭄ᬓᬶᬦ᭄ᬦᬸᬚᬸᬤᬶᬦᬵᬫ᭄ᬮᬄ᭞ᬫᬦᭂᬫ᭄ᬯᬂ᭞ᬧᬗ᭄ᬮᭀᬂᬧᬢ᭄ᬩᭂᬮᬲ᭄ᬦᭂᬓᬦᬶᬦ᭄᭞ᬰᬰᬶᬄᬓᬧᬶᬢᬸᬦᬾᬭᬯᬸᬄ᭞ᬳᬶᬭᬶᬓᬵᬫᬤᬩ᭄ᬤᬩᬦ᭄᭞ᬓᬶᬮᬸᬩ᭄ᬤᬓᬵ᭞ᬧᬘᬂᬮᬸᬗ᭄ᬳᬵ

Auto-transliteration

[2 2B] 2 ttī // hinggiḥwentĕnkatuturan, sanerihin, janmākalintangimiskin, ludinr̥ĕndaḥpyanak'hipun, twarāmanglaḥparan, hupājiwān, hipunsakingmaburu, hanggenpasangunāña bran, ngūpāpirapyanaksami // bastanwantĕnlyanan, kawisayan, gaguṇanetandangin, sawosanringmababurupunikākatilingang, jroninghidhĕp, hanggunsangujro ningngidup, yantanpoliḥkadurusan, makĕntĕpyanakesami // maborostantahentĕlag, nganhadinā, tanpangetangpatihurip, hanggenamtammanaḥhipun, ma sukāsukanñabran, dipolehe, kĕndĕlrametanpawantun, sar̥ĕngpyanaksyomaḥsamyan, padhāmuktiluḥmowani // tantĕnpisandruwemanaḥ, mapākir̀tyā, mabra [3 3A] tāmapuṇyajatī, kewalānamtamikahyun, doḥparāyanmayaśā, harimbawā, risakālwiringmabayu, tumuwuḥrijroningbwanā, tr̥ĕṣṇāringsar̀wwāmahurip // kewantĕnhipunma bahan, jagāmangan, tananāwlasati, singkapapagsingkapangguḥ, buronekabaranang, hagunghalit, taninetangyakaburu, hanggenlarapanbabakṣan, sangwangsamangdewr̥ĕdḍi // gajaḥwarakkabaraṇang, wijungkañcil, sakañcanburonepanggiḥ, tlaspadhāpatiluplup, hasingkasingsepjaḥ, kaborosin, karandahinkasaluksyuk, tanpangetang bayādūr̀ggā, jroninghalaswanāgiri // mangkinnujudināmlaḥ, manĕmwang, panglongpatbĕlasnĕkanin, śaśiḥkapitunerawuḥ, hirikāmadabdaban, kilubdakā, pacanglunghā

Leaf 3

Image on Archive.org

[᭓ 3B] ᭓ ᬫᬩᬩᬸᬭᬸ᭞ᬲᬺᬕᭂᬧ᭄ᬲᬫ᭄ᬧᬸᬦ᭄ᬲᬕᬕᬯᬦ᭄᭞ᬧᬓᬓᬲ᭄ᬧᬩᬸᬭ᭄ᬯᬦ᭄ᬲᬫᬶ᭚ᬲᬳᬵᬫᬗ᭄ᬭᬗ᭄ᬲᬸᬓ᭄ᬩᬸᬱᬡᬵ᭞ᬫᬯᬘ᭄ᬙᬵ᭞ᬯᬲ᭄ᬢ᭄ᬭᬲᭂᬍᬫᬾᬍᬯᬶᬄ᭞ᬲᭂᬧᬢᬸᬕᬕᬯᬜ᭄ᬘᬸᬓᬸᬧ᭄᭞ᬧᬦᬄᬭᬯ᭄ᬯᬶᬂᬢᬗ᭄ᬓᬸᬮᬓ᭄᭞ ᬧ᭄ᬤᬂᬢᬸᬫ᭄ᬩᬓ᭄‌ᬲᬮ᭄ᬯᬶᬭᬶᬂᬧ᭄ᬭᬩᭀᬢ᭄ᬫᬩᬸᬭᬸ᭞ᬫᬫᬃᬕ᭄ᬕᬶᬗᬚᬓᬗᬶᬦᬂ᭞ᬗᬸᬗ᭄ᬲᬶᬧᬸᬘᬓ᭄ᬕᬸᬦᬸᬂᬢᬺᬩᬶᬲ᭄᭚ᬬᬦ᭄ᬳᬓᬸᬤᬂᬯᬸᬓᬶᬃᬭᬦᬓ᭄᭞ᬧᬦᭂᬕᬮᬦ᭄᭞ᬧᬃᬬ᭄ᬬᬗᬦ᭄ᬓᬳᭂᬦ᭄ᬢᬲᬶᬦ᭄᭞ᬫᬶᬯᬄᬓᬢᭀᬦ᭄ᬤᬾᬰᬵᬮᬗᬹ᭞ᬗᬸ ᬗ᭄ᬕᬸᬮ᭄ᬫᬾᬰᬶᬧᬺᬲᬤ᭄ᬟᬵ᭞ᬓᬢᭀᬦ᭄ᬲᬯᬢ᭄᭞ᬢᬶᬗ᭄ᬕᬃᬯᬾᬳᬢᬶᬮᬗᬹ᭞ᬲᬶᬂᬫᬜᬶᬗᬓ᭄ᬫᬗᬦ᭄ᬢᭂᬦᬂ᭞ᬗᬯᬾᬕᬶᬭᬂᬭᬶᬬᬂᬳᬢᬶ᭚ᬫᬮᬶᬄᬯᬦ᭄ᬢᭂᬦ᭄ᬬᬰᬗᬹᬗᬂ᭞ᬲᬤᬵᬢᬶᬗ᭄ᬕᬃ᭞ᬓᬺᬩ᭄ᬜᬦᬾᬗ᭄ᬬᬸᬦ᭄ᬳ᭄ᬬᬸᬦᬶᬦ᭄᭞ ᬓᬳᭂᬩᬦ᭄ᬯᬦ᭄ᬤᬶᬭᬵᬳᬕᬸᬂ᭞ᬲᬓᬶᬤᭀᬄᬲᬫᬃᬲᬫᬃ᭞ᬓᬭᬶᬭᬶᬲᬦ᭄᭞ᬓᬸᬓᬸᬲᬾᬫᬢ᭄ᬭᬸᬄᬢ᭄ᬭᬸᬄᬳᬶᬦᬩ᭄ᬕᭂᬦᬄᬫᬭᬭᬲᬦ᭄᭞ᬫᬕᭀᬱ᭄ᬢ᭄ᬬᬵᬢᬸᬢᬸᬭᬶᬂᬓᬯᬶ᭚ᬓᬳᬶᬤᭂᬭᬦ᭄ᬧᬲᬯᬳᬦ᭄᭞ᬓᬗᬶᬦ᭄ᬓᬯᬸᬄ [᭔ 4A] ᭞ᬓᬚᭂᬓ᭄ᬮᭀᬤ᭄ᬘᬭᬶᬓ᭄ᬲᬫᬶ᭞ᬓᭀᬬᬵᬳ᭄ᬦᬶᬂᬧᬓᭂᬩ᭄ᬬᬸᬃᬩ᭄ᬬᬸᬃ᭞ᬲᬓᬶᬂᬧᬸᬦ᭄ᬤᬸᬓᬦ᭄‌ᬦ᭄ᬭᬱᬄ᭞ᬓᬢᭀᬦ᭄ᬢᬶᬗ᭄ᬕᬃ᭞ᬲᬓᬶᬂᬳᬤᭀᬄᬳᬰ᭄ᬭᬶᬮᬗᬹ᭞ᬲᬳᬵᬓᬸᬦ᭄ᬢᬸᬮᬾᬫᬗᬶᬫ᭄ᬩᬂ᭞ᬫᬗᬸᬗ᭄ᬲᬶᬋᬫᭂᬗᬶᬂᬮᬗᬶᬢ᭄᭚ᬓᬢᭀᬲᬦᬯᬢ᭄ᬇᬧ᭄ᬤ ᬧ᭄᭞ᬓᬳᬯᭀᬭᬶᬦ᭄᭞ᬮᬶᬫᬸᬢᬾᬫᬦᭂᬓᬦᬶᬦ᭄᭞ᬫᬤᬸᬮᬸᬭᬦ᭄ᬭᬶᬭᬶᬲ᭄ᬭᬯᬸᬄ᭞ᬗᬯᬦᬂᬫᬵᬦᬄᬕᬶᬗ᭄ᬕᬂ᭞ᬫᬧᬵᬧᬃᬡ᭄ᬦᬦ᭄᭞ᬢᬶᬗ᭄ᬓᬄᬲᬂᬓᬳᬦᬦ᭄ᬮᬸᬮᬸᬢ᭄᭞ᬫᬃᬡ᭄ᬦᬵᬫᬃᬡ᭄ᬦᬵᬮᬸᬭᬄᬮᬸᬭᬄ᭞ᬧᬫᬃᬡ᭄ᬦᬦ᭄ᬳᬶᬤᬵᬲᬂ ᬓᬯᬷ᭚ᬲᬳᬵᬜᬦ᭄ᬤᬶᬂᬧᬸᬭᬵᬗᬸᬗᬂ᭞ᬲᬗ᭄ᬕᬃᬳᬕᬸᬂ᭞ᬫᬤ᭄ᬯᬭᬵᬢ᭄ᬕᭂᬄᬫᬗᬶᬗ᭄ᬕᬶᬮ᭄᭞ᬓᬳᬶᬤ᭄ᬭᬦ᭄ᬲᬃᬯ᭄ᬯᬲᬦ᭄ᬢᬸᬦ᭄᭞ᬧᬥᬦᭂᬤᭂᬂᬫᬲ᭄ᬓᬃ᭞ᬲᬫ᭄ᬧᬶᬂᬢᬸᬓᬤ᭄᭞ᬩᬜᬸᬦ᭄ᬬᬫᬥᬍᬫ᭄ᬧᭂᬗᬹᬂ᭞ᬲ᭄ᬓᬃᬜᬦᬾᬫᬦᬭᬲᬄ᭞ᬲ᭄ᬟᭂ ᬓ᭄ᬧᬥᬵᬦ᭄ᬟᭂᬂᬲᬭᬷ᭚ᬢᬜ᭄ᬚᬸᬂᬘᬫ᭄‌ᬧᬓᬵᬫᬾᬫ᭄ᬧᭀᬕᬦ᭄᭞ᬦᬵᬕᬵᬲᬭᬶ᭞ᬲᬦ᭄ᬤᬢ᭄ᬫᬦᭂᬤᭂᬂᬲᬭᬷ᭞ᬓᬲᬶᬃᬲᬶᬃᬳᬗᬶᬦᬾᬭᬯᬸᬄ᭞ᬩᬺᬳ᭄ᬫᬵᬭᬦ᭄ᬜᬦᬾᬳᬸᬫ᭄ᬬᬂ᭞ᬫᬳᬸᬭᬳᬦ᭄᭞ᬫᬗᬺᬂᬋᬂᬲᬭᬶᬦᬶᬂᬲᬦ᭄ᬢᬸᬦ᭄᭞ᬳᬶᬫ᭄ᬧᭂᬃ

Auto-transliteration

[3 3B] 3 mababuru, sr̥ĕgĕpsampunsagagawan, pakakaspaburwansami // sahāmangrangsukbuṣaṇā, mawacchā, wastrasĕl̥ĕmel̥ĕwiḥ, sĕpatugagawañcukup, panaḥrawwingtangkulak, pdangtumbaksalwiringprabotmaburu, mamar̀ggingajakanginang, ngungsipucakgunungtr̥ĕbis // yanhakudangwukir̀ranak, panĕgalan, par̀yyangankahĕntasin, miwaḥkatondeśālangū, ngu nggulmeśipr̥ĕsadḍā, katonsawat, tinggar̀wehatilangū, singmañingakmangantĕnang, ngawegirangriyanghati // maliḥwantĕnyaśangūngang, sadātinggar̀, kr̥ĕbñanengyunhyunin, kahĕbanwandirāhagung, sakidoḥsamar̀samar̀, karirisan, kukusematruḥtruḥhinabgĕnaḥmararasan, magoṣtyātuturingkawi // kahidĕranpasawahan, kanginkawuḥ [4 4A] , kajĕklodcariksami, koyāhningpakĕbyur̀byur̀, sakingpundukannraṣaḥ, katontinggar̀, sakinghadoḥhaśrilangū, sahākuntulemangimbang, mangungsir̥ĕmĕnginglangit // katosanawatipda p, kahaworin, limutemanĕkanin, maduluranririsrawuḥ, ngawanangmānaḥginggang, mapāpar̀ṇnan, tingkaḥsangkahananlulut, mar̀ṇnāmar̀ṇnāluraḥluraḥ, pamar̀ṇnanhidāsang kawī // sahāñandingpurāngungang, sanggar̀hagung, madwarātgĕḥmanginggil, kahidransar̀wwasantun, padhanĕdĕngmaskar̀, sampingtukad, bañunyamadhal̥ĕmpĕngūng, skar̀ñanemanarasaḥ, sḍĕ kpadhānḍĕngsarī // tañjungcampakāmempogan, nāgāsari, sandatmanĕdĕngsarī, kasir̀sir̀hanginerawuḥ, br̥ĕhmāranñanehumyang, mahurahan, mangr̥ĕngr̥ĕngsariningsantun, himpĕr̀

Leaf 4

Image on Archive.org

[᭔ 4B] ᭔ ᬤᬶᬰ᭄ᬯᬭᬦᬶᬂᬤ᭄ᬬᬄ᭞ᬳᬦᬸᬲᬸᬧ᭄ᬳᬗ᭄ᬭᬭᬄᬲᬭᬶ᭚ᬫᬶᬯᬄᬯᬦ᭄ᬢᭂᬦ᭄ᬓᬢᭀᬦ᭄ᬲᬯᬢ᭄᭞ᬫᬾᬭᬸᬳᬕᬸᬂ᭞ᬭᬶᬂᬲᬫ᭄ᬧᬶᬂᬮ᭄ᬯᬳᬾᬫᬗᬶᬗ᭄ᬕᬶᬮ᭄᭞ᬕᭀᬧᬸᬭᬦ᭄ᬜᬦᬾᬫᬾᬄᬭᬸᬦ᭄ᬢᬸᬄ᭞ᬢᬍᬃᬓᬳᬶᬤ᭄ᬭᬶᬦ᭄ᬲ᭄ᬓᬃ᭞ᬲ᭄ᬧᬶᬲᬫᬸᬦ᭄᭞ᬫᬶᬦ ᬩ᭄ᬢᬦᬦᬵᬫᬳᬬᬸ᭞ᬓᬾᬯᬮᬵᬧᬸᬱ᭄ᬧᬦ᭄ᬬᬳᬜ᭄ᬚ᭄ᬭᬄ᭞ᬢᬦᬵᬦᬯ᭄ᬯᬂᬫᬗᭂᬦ᭄ᬢᬲᬶᬦ᭄᭚ᬳᬓ᭄ᬯᬾᬄᬬᬦ᭄ᬧᬸᬦᬶᬓᬵᬩᬄᬩᬄ᭞ᬓᬗᭂᬦᬾ᭞ᬬᬦ᭄ᬧᬃᬡ᭄ᬦᬵᬚ᭄ᬭᭀᬦᬶᬂᬫᬃᬕ᭄ᬕᬶ᭞ᬬᬦ᭄ᬳᬓᬸᬤᬂᬕᬶᬮᬶᬲᬵᬫ᭄ᬧᬸᬦ᭄᭞ᬓᬫᬃᬕ᭄ᬕᬶᬦᬶᬦ᭄ᬓᬵ ᬦ᭄ᬢᬲᬦ᭄᭞ᬳᬦ᭄ᬢᬸᬓ᭄ᬤᬦᬾ᭞ᬓᬶᬲᬤ᭄ᬟᬵᬦᬾᬫᬩᬩᬸᬭᬸ᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬦᬶᬜ᭄ᬘᬧ᭄ᬳᬮᬲ᭄᭞ᬜᬮᬸᬓ᭄ᬱᬸᬓ᭄ᬢᭂᬗᬳᬶᬂᬳᬤ᭄ᬭᬶ᭚ᬧ᭄ᬭᬬᬦ᭄ᬜᬦᬾᬫᬗᬶᬦ᭄ᬢᬶᬧᬂ᭞ᬧᬕ᭄ᬦᬳᬦ᭄᭞ᬩᬸᬭᭀᬦᬾᬚ᭄ᬭᭀᬦᬶᬂᬳᬤ᭄ᬭᬶ᭞ᬤᬤᬶᬮᬘᬸᬃᬢᬦ᭄ᬧᬯ ᬲ᭄ᬢᬸ᭞ᬢᬦᬦᬵᬓᬧᬗ᭄ᬕᬸᬳᬵ᭞ᬩᬸᬭᭀᬦ᭄ᬫᭂᬦ᭄ᬢᬲ᭄᭞ᬲᬦᬾᬫᭂᬲᬶᬓ᭄‌ᬗ᭄ᬭᬋᬄᬲᬗᬸ᭞ᬩᬶᬦᬵᬧᬶᬲᬦ᭄ᬓᬤᬶᬓᬸᬦᬵ᭞ᬢᬶᬗ᭄ᬓᬳᬾᬫᬩᬸᬭ᭄ᬯᬗᬹᬦᬶ᭚ᬤᬾᬦᬶᬂᬳᬶᬧᬸᬦ᭄ᬩ᭄ᬬᬱᬧᬶᬲᬦ᭄᭞ᬫᬜᬮᬸᬓ᭄ᬱᬸᬓ᭄᭞ᬓᬚ᭄ᬭᭀᬦᬶᬓᬂ [᭕ 5A] ᬯᬦᬵᬕᬶᬭᬶ᭞ᬩᬗᬬᬂᬦᬾᬤᬸᬫᬸᬦ᭄ᬤᬸᬫᬸᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬦᬳᭂᬦᬶᬦ᭄ᬮᬾᬧᬲ᭄᭞ᬲᬓᬢᬳᬶᬂ᭞ᬩᬸᬭᭀᬦᬾᬧᬗ᭄ᬕᬶᬄᬓᬲᬸᬲᬸᬧ᭄᭞ᬦᬤᬓ᭄ᬱᬭᬵᬲᬸᬦ᭄ᬬᬵᬧᬶᬲᬦ᭄᭞ᬢᬦᬦᬵᬩᬸᬭᭀᬦ᭄ᬓᬧᬗ᭄ᬕᬶᬄ᭚ᬫᬮᬶᬄᬳᬶᬧᬸᬦ᭄ᬫᬳᬶᬤ᭄ᬭ ᬦ᭄᭞ᬢᬍᬃᬲ᭄ᬧᬶ᭞ᬭᬶᬂᬚᬸᬭᬂᬢᬺᬩᬶᬲ᭄ᬓᬸᬗ᭄ᬲᬶ᭞ᬲᬸᬦ᭄ᬬᬲᬸᬳᬸᬂᬲ᭄ᬧᬶᬲᬫᬸᬦ᭄᭞ᬢᬦᬦᬵᬫᬢᬺᬢᬫ᭄ᬧᬓ᭄᭞ᬩᬸᬭᭀᬦ᭄ᬫᭂᬦ᭄ᬢᬲ᭄᭞ᬤᬤᬶᬩ᭄ᬗᭀᬂᬗᬯᬾᬢᬦ᭄ᬢᬸ᭞ᬓᬤ᭄ᬬᬂᬩᬳᬦ᭄ᬫᬧᬶᬤᬩ᭄ᬤᬩ᭄᭞ᬢᬸᬫ᭄ᬩᬾᬦ᭄ᬮᬘᬸᬃᬢᬦ᭄ᬧᬓᭀ ᬮᬶᬄ᭚ᬤᬤᬶᬲ᭄ᬧᬶᬢ᭄ᬯᬭᬵᬧᬶᬲᬦ᭄᭞ᬧᬗ᭄ᬕᬶᬄᬢᬫ᭄ᬧᬓ᭄᭞ᬩᬸᬭᭀᬦ᭄ᬫᭂᬦ᭄ᬢᬲ᭄ᬦᬂᬲᬲᬶᬓᬶ᭞ᬮᬸᬤᬶᬦ᭄ᬮᭃᬍᬳᬾᬓᬤᬸᬭᬸᬲ᭄᭞ᬩᬦ᭄ᬳᬤᭀᬳᬾᬜᬮᬓ᭄ᬱᬓ᭄᭞ᬓᬶᬮᬸᬩ᭄ᬤᬓᬵ᭞ᬫᬭᬃᬬ᭄ᬬᬦ᭄ᬭᬶᬂᬲᭀᬭᬶᬂᬢᬭᬸ᭞ᬲᬫ᭄ᬩᬶᬮ᭄ᬤᬦᬾ ᬫᬧᬧᬃᬡ᭄ᬦᬦ᭄᭞ᬗᬶᬦ᭄ᬢᬶᬧᬂᬩᬸᬭᭀᬦᬾᬕᬶᬧᬶᬄ᭚ᬫᬲᬶᬄᬢ᭄ᬯᬭᬵᬳᬤ᭄ᬟᬵᬗᭂᬦᬄ᭞ᬤᬤᬶᬫᬗᬸ᭞ᬳᬶᬗᭂᬢ᭄ᬭᬶᬂᬧ᭄ᬬᬦᬓ᭄ᬫᬗ᭄ᬓᬶᬦ᭄᭞ᬬᬦ᭄ᬢᬦ᭄ᬧᭀᬮᬶᬄᬫᬩᬸᬭᬸ᭞ᬢᬸᬮᬸᬲ᭄ᬢᬦ᭄ᬓᭂᬦᬵᬢᬥᬄ᭞ᬗᬯ᭄ᬢᬸᬯᬂ᭞ᬫᬦᬄᬧᬓᬾᬯᭂᬳᬾᬭ

Auto-transliteration

[4 4B] 4 diśwaraningdyaḥ, hanusup'hangraraḥsari // miwaḥwantĕnkatonsawat, meruhagung, ringsampinglwahemanginggil, gopuranñanemeḥruntuḥ, tal̥ĕr̀kahidrinskar̀, spisamun, mina btananāmahayu, kewalāpuṣpanyahañjraḥ, tanānawwangmangĕntasin // hakweḥyanpunikābaḥbaḥ, kangĕne, yanpar̀ṇnājroningmar̀ggi, yanhakudanggilisāmpun, kamar̀ggininkā ntasan, hantukdane, kisadḍānemababuru, mangkinsampunniñcap'halas, ñaluksyuktĕngahinghadri // prayanñanemangintipang, pagnahan, buronejroninghadri, dadilacur̀tanpawa stu, tananākapangguhā, buronmĕntas, sanemĕsikngrar̥ĕḥsangu, bināpisankadikunā, tingkahemaburwangūni // deninghipunbyaṣapisan, mañaluksyuk, kajronikang [5 5A] wanāgiri, bangayangnedumundumun, tanwentĕnnahĕninlepas, sakatahing, buronepanggiḥkasusup, nadakṣarāsunyāpisan, tananāburonkapanggiḥ // maliḥhipunmahidra n, tal̥ĕr̀spi, ringjurangtr̥ĕbiskungsi, sunyasuhungspisamun, tananāmatr̥ĕtampak, buronmĕntas, dadibngongngawetantu, kadyangbahanmapidabdab, tumbenlacur̀tanpako liḥ // dadispitwarāpisan, panggiḥtampak, buronmĕntasnangsasiki, ludinlöl̥ĕhekadurus, banhadoheñalakṣak, kilubdakā, marar̀yyanringsoringtaru, sambildane mapapar̀ṇnan, ngintipangburonegipiḥ // masiḥtwarāhadḍāngĕnaḥ, dadimangu, hingĕtringpyanakmangkin, yantanpoliḥmaburu, tulustankĕnātadhaḥ, ngawtuwang, manaḥpakewĕhera

Leaf 5

Image on Archive.org

[᭕ 5B] ᭕ ᬯᬸᬄ᭞ᬫᬗᬺᬲᭂᬓ᭄ᬤᬶᬚ᭄ᬭᭀᬦᬶᬂᬳᬺᬤ᭄ᬟᬵ᭞ᬯ᭄ᬢᬸᬢᬂᬲᬶᬦ᭄ᬯᬫ᭄ᬦᬶᬂᬗᬓ᭄ᬱᬶ᭚᭜᭚ᬩ᭄ᬗᭀᬂᬩ᭄ᬗᭀᬂᬫᬧᬗᭂᬦᬦ᭄᭞ᬫᬍᬂᬧ᭄ᬬᬦᬓᬾᬚᬦᬶ᭞ᬩᬲ᭄ᬢᬦ᭄ᬧᬶᬲ᭄ᬧᭀᬮᬶᬄᬢᬥᬄ᭞ᬬᬦ᭄ᬢᬦ᭄ᬤᬦᬾᬫᬧᬶᬓᬵᬮᬶᬄᬢᬢᬦᬸᬭᬸᬂᬚᬸᬫᬄᬧᬮᬶᬂ ᭞ᬲᭀᬫᬄᬢᬶᬢ᭄ᬬᬂᬧᬥᬵᬳᬶᬩᬸᬓ᭄᭞ᬓᬗᭂᬦ᭄ᬢᭂᬓᬾᬦ᭄ᬧ᭄ᬬᬦᬓ᭄᭞ᬓᬾᬢᭀᬧᬫᬃᬡ᭄ᬦᬦᬶᬂᬳᬢᬶ᭞ᬤᬤᬶᬯ᭄ᬢᬸ᭞ᬫᬦᬳᬾᬫᬮᬶᬄᬗᬗ᭄ᬓᬲᬂ᭚ᬫᬫᬃᬕ᭄ᬕᬵᬤᬶᬢ᭄ᬗᬄᬳᬮᬲ᭄᭞ᬜᬮᬓ᭄ᬱᬓ᭄ᬩᬸᬭᭀᬦᬾᬲ᭄ᬧᬶ᭞ᬢ᭄ᬯᬭᬵᬧᬶᬲᬵ ᬦ᭄ᬳᬤᬵᬗᭂᬦᬄ᭞ᬫᬗ᭄ᬤᬵᬓᬾᬯᬾᬦ᭄ᬢᭂᬦ᭄ᬧᬶᬦ᭄ᬕᬶᬄ᭞ᬧᬶᬦᬲ᭄ᬓᬦ᭄ᬢᬶᬚᭂᬕ᭄ᬚᭂᬕ᭄ᬭᬯᬶ᭞ᬫᬦᬄᬜᬦᬾᬮᬶᬦ᭄ᬢᬂᬍᬲᬸ᭞ᬩᬲᬸᬯᬾᬦᬾᬫᬳᬶᬍᬳᬦ᭄᭞ᬜᬮᬸᬓ᭄ᬱᬸᬓ᭄ᬤᬶᬚ᭄ᬭᭀᬦᬶᬂᬳᬤ᭄ᬭᬶ᭞ᬫᬰᬶᬄᬮᬘᬸᬃ᭞ᬧᬤᬶᬤᬶᬫᬜᭂᬮ᭄ᬲᭂᬮ᭄ᬭᬕᬵ᭚ᬤᬸᬄ ᬓᬤᬸᬭᬸᬲ᭄ᬮᬘᬸᬃᬢᬶᬢ᭄ᬬᬂ᭞ᬓᬸᬤ᭄ᬬᬂᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬢᬦ᭄ᬯᬦ᭄ᬢᭂᬦ᭄ᬲᬶᬄᬳ᭄ᬬᬂᬲᬹᬓ᭄ᬱ᭄ᬫᬵ᭞ᬲ᭄ᬯᬾᬘ᭄ᬙᬵᬗᬶᬘᬾᬦ᭄ᬩᬸᬭᭀᬦ᭄ᬲᬶᬓᬶ᭞ᬬᬦ᭄ᬫᬢᬸᬮᬓ᭄‌ᬦᭂᬫᬸᬓᬶᬂᬓᬶᬂ᭞ᬢᬦᬸᬭᬸᬂᬧ᭄ᬬᬦᬓᬾᬗᬺᬩᬸᬢ᭄᭞ᬧᬥᬫᬦᬕᬶᬄᬕᬧ᭄ᬕᬧᬦ᭄᭞ [᭖ 6A] ᬓᬾᬢᭀᬧᬫᬃᬡ᭄ᬦᬤᬶᬳᬢᬶ᭞ᬫ᭄ᬭᬄᬫ᭄ᬭᬸᬄ᭞ᬜᭂᬮ᭄ᬲᭂᬮᬯᬓ᭄ᬢᬦ᭄ᬫᬩᬳᬦ᭄᭚ᬮᬸᬤᬶᬦ᭄ᬮᭂᬍᬳᬾᬫᬫ᭄ᬭᬢ᭄᭞ᬩ᭄ᬤᬓ᭄ᬮᬬᬄᬢᬦ᭄ᬧᬩᬸᬓ᭄ᬢᬶ᭞ᬫᬲᬶᬄᬮᬯᬦᬶᬦ᭄ᬫᬶᬍᬳᬦ᭄᭞ᬗᬢᭂᬳᬂᬚ᭄ᬭᭀᬦᬶᬂᬳᬤ᭄ᬭᬶ᭞ᬧᬶᬦᬾᬲ᭄ᬜᬾᬤᬾᬧ᭄ᬲᬂ ᬳ᭄ᬬᬂᬭᬯᬶ᭞ᬤᬤᬶᬧᬗ᭄ᬕᬶᬄᬯᬦ᭄ᬢᭂᬦ᭄ᬭᬡᬹ᭞ᬤᬶᬢᭂᬗᬳᬶᬂᬚ᭄ᬭᭀᬦᬶᬂᬳᬮᬲ᭄᭞ᬢᭀᬬᬵᬦᬶᬂᬦᬶᬃᬫ᭄ᬫᬮᬚᬢᬷ᭞ᬧᬦ᭄ᬢᭂᬲ᭄ᬤᬶᬢᬸ᭞ᬕ᭄ᬦᬄᬩᬸᬭᭀᬦ᭄ᬗᬶᬦᬸᬫ᭄ᬢᭀᬬᬵ᭚ᬤᬶᬢᬸᬤᬦᬾᬫᬲᬶᬦᬸᬢᬦ᭄᭞ᬤᬶᬧᬶᬗ᭄ᬕᬶᬃᬤᬡᬹᬦᬾᬗᬶᬦ᭄ᬢᬶᬧ᭄᭞ᬲᬫ᭄ᬩᬶ ᬮ᭄ᬤᬦᬾᬫᬘᬫᬦᬵ᭞ᬗᬶᬦᬸᬫ᭄ᬢᭀᬬᬵᬫ᭄ᬯᬂᬫᬲᬸᬕᬶᬤᬤᬶᬫᬦᭀᬮᬶᬄᬓᬲᬫ᭄ᬧᬶᬂ᭞ᬓᬢᭀᬦ᭄ᬧᬸᬜᬦ᭄ᬩᬶᬮᬵᬗᬺᬫ᭄ᬩᬸᬦ᭄᭞ᬧᬦ᭄ᬢᭂᬲ᭄ᬕᭂᬦᬄᬫᬗᬶᬦ᭄ᬢᬶᬧᬂ᭞ᬩᬸᬭᭀᬦᬾᬫᬗ᭄ᬭᬸᬭᬸᬄᬯᬭᬶᬄ᭞ᬤᬶᬢᬸᬢᬸᬮᬧ᭄᭞ᬓᬾᬢᭀᬫᬦᬄ ᬚ᭄ᬭᭀᬦᬶᬂᬳᬺᬤ᭄ᬟᬵ᭚ᬬᬤᬶᬦ᭄ᬧᬾᬢ᭄ᬧᬘᬂᬫᬢᬸᬮᬓ᭄᭞ᬩᬲᬤᭀᬳᬾᬢᬶᬤᭀᬂᬕᬶᬕᬶᬲ᭄᭞ᬢᬦᬸᬭᬸᬂᬫᬲᬶᬄᬧ᭄ᬢᭂᬗᭂᬦ᭄᭞ᬮᬸᬤᬶᬦ᭄ᬫᬦᬄᬫᬗ᭄ᬕᬶᬄᬓᬶᬂᬓᬶᬂ᭞ᬫ᭄ᬮᬄᬚᬦᬶᬗᬶᬦᭂᬧ᭄ᬤᬶᬦᬶ᭞ᬮᬦ᭄ᬢᬲ᭄ᬤᬦᬾᬫᬸᬗ᭄ᬕᬄᬲᬫ᭄ᬧᬸᬦ᭄

Auto-transliteration

[5 5B] 5 wuḥ, mangr̥ĕsĕkdijroninghr̥ĕdḍā, wtutangsinwamningngaksyi // • // bngongbngongmapangĕnan, mal̥ĕngpyanakejani, bastanpispoliḥtadhaḥ, yantandanemapikāliḥtatanurungjumaḥpaling , somaḥtityangpadhāhibuk, kangĕntĕkenpyanak, ketopamar̀ṇnaninghati, dadiwtu, manahemaliḥngangkasang // mamar̀ggāditngaḥhalas, ñalakṣakburonespi, twarāpisā nhadāngĕnaḥ, mangdākewentĕnpin'giḥ, pinaskantijĕgjĕgrawi, manaḥñanelintangl̥ĕsu, basuwenemahil̥ĕhan, ñaluksyukdijroninghadri, maśiḥlacur̀, padidimañĕlsĕlragā // duḥ kaduruslacur̀tityang, kudyangtityangkadimangkin, tanwantĕnsiḥhyangsūkṣmā, swecchāngicenburonsiki, yanmatulaknĕmukingking, tanurungpyanakengr̥ĕbut, padhamanagiḥgapgapan, [6 6A] ketopamar̀ṇnadihati, mraḥmruḥ, ñĕlsĕlawaktanmabahan // ludinlĕl̥ĕhemamrat, bdaklayaḥtanpabukti, masiḥlawaninmil̥ĕhan, ngatĕhangjroninghadri, pinesñedepsang hyangrawi, dadipanggiḥwantĕnraṇū, ditĕngahingjroninghalas, toyāningnir̀mmalajatī, pantĕsditu, gnaḥburonnginumtoyā // ditudanemasinutan, dipinggir̀daṇūnengintip, sambi ldanemacamanā, nginumtoyāmwangmasugidadimanoliḥkasamping, katonpuñanbilāngr̥ĕmbun, pantĕsgĕnaḥmangintipang, buronemangruruḥwariḥ, ditutulap, ketomanaḥ jroninghr̥ĕdḍā // yadinpetpacangmatulak, basadohetidonggigis, tanurungmasiḥptĕngĕn, ludinmanaḥmanggiḥkingking, mlaḥjaninginĕpdini, lantasdanemunggaḥsampun

Leaf 6

Image on Archive.org

[᭖ 6B] ᭖ ᭞ᬫᬭᬶᬂᬧᬸᬜᬦᬶᬓᬂᬫᬚ᭄ᬚᬵ᭞ᬧ᭄ᬭᬬᬜᬵᬫᬲᬶᬄᬗᬶᬦ᭄ᬢᬶᬧᬶᬦ᭄᭞ᬲᬶᬜᬭᬯᬸᬄ᭞ᬳᬤᬾᬩᬸᬭᭀᬦ᭄ᬗᬶᬦᬸᬫ᭄ᬢᭀᬬᬵ᭚ᬧᬶᬦᬵᬲ᭄ᬧ᭄ᬢᭂᬂᬢ᭄ᬯᬭᬵᬳᬤᬵ᭞ᬩᬸᬭᭀᬦ᭄ᬫᭂᬢᬲ᭄ᬦᬗᬩ᭄ᬲᬶᬓ᭄᭞ᬤᬤᬶᬓᬶᬬᬧ᭄‌ᬳᬸᬯᬩᬸᬯᬩ᭄᭞ᬢᬵ ᬓᬸᬢ᭄ᬜᬦᬾᬢᬦ᭄ᬲᬶᬦᬶᬧᬶ᭞ᬬᬦ᭄ᬧᬤᬾᬧᬸᬍᬲ᭄ᬚᬦᬶ᭞ᬢᬦᬸᬭᬸᬂᬤᬾᬯᬾᬓᬾᬭᬸᬦ᭄ᬢᬸᬄ᭞ᬤᬤᬶᬦᬸᬗ᭄ᬓᬲ᭄ᬦᬸᬗ᭄ᬓᬲᬂ᭞ᬤᭀᬦ᭄ᬩᬶᬮᬦᬾᬧᬸᬮᬂᬧᬶᬓ᭄ᬧᬶᬓ᭄᭞ᬭᬶᬂᬯᬾᬦ᭄ᬭᬡᬹ᭞ᬳᬗ᭄ᬕᬾᬗᬶᬫᬹᬃᬫᬢᬵᬓ᭄ᬬᬧ᭄᭚ᬢᭀᬬᬦᬾᬦᬶᬃᬫ᭄ᬫ ᬮᬵᬕᬮᬂ᭞ᬧᬸᬮᬗᬶᬦ᭄‌ᬤᭀᬦ᭄ᬫᬚᬵᬫᬶᬭᬶᬃ᭞ᬲᬫ᭄ᬩᬶᬮᬂᬜᬵᬫᬧᬵᬧᬃᬡ᭄ᬦᬦ᭄᭞ᬳᬗ᭄ᬕᬾᬦ᭄ᬧᬜᬮᬶᬫᬹᬃᬳᬭᬶᬧ᭄᭞ᬬᬦ᭄ᬩᬜᬵᬧᬸᬍᬲ᭄ᬤᬶᬦᬶ᭞ᬲᬶᬜᬵᬳᬤᬵᬩᬸᬭᭀᬦ᭄ᬭᬯᬸᬄ᭞ᬲᬶᬦᬄᬧᬘᬂᬓᬢᬦᬄ᭞ᬬᬦ᭄ᬳᬤᬵᬩᬸ ᬭᭀᬦ᭄ᬦᭂᬓᬦᬶᬦ᭄᭞ᬲᬶᬦᬄᬮᬫ᭄ᬧᬸᬲ᭄᭞ᬫᬢᬶᬢ᭄ᬬᬂᬓᬲᬸᬮᬬᬄ᭚ᬓᬸᬢᭀᬧᬫᬃᬡ᭄ᬦᬦᬶᬂᬫᬦᬄ᭞ᬩᬦ᭄ᬢᬓᬸᬢᬾᬳᬗᬺᬲᬺᬲᬶᬦ᭄᭞ᬤᬤᬶᬧᬬᬸᬫᬧ᭄ᬭᬤᬂ᭞ᬲᬶᬜᬵᬳᬤᬵᬲᬶᬄᬬᬂᬯᬶᬤ᭄ᬟᬶ᭞ᬩᬸᬭᭀᬦᬾ᭚ [᭗ 7A] ᬤᬵᬦᭂᬓᬦᬶᬦ᭄᭞ᬲᬶᬗ᭄ᬲᬾᬧᬦᬄᬳᬸᬮᬶᬤᬸᬳᬸᬃ᭞ᬓᬾᬢᭀᬤᬕᬶᬭᬭᬱᬦ᭄ᬜᬵ᭞ᬤᬤᬶᬮᬘᬸᬃᬲᬸᬳᬸᬂᬲ᭄ᬧᬶ᭞ᬢ᭄ᬧᬯᬲ᭄ᬢᬸ᭞ᬓᬢᭀᬦ᭄ᬳᬦᬵᬢ᭄ᬗᬳᬶᬂᬭᬡ᭄ᬯᬵ᭚ᬰᬶᬯ᭄ᬯᬵᬮᬶᬗ᭄ᬕᬵᬢ᭄ᬗᬳᬶᬂᬭᬡ᭄ᬯᬵ᭞ᬢᬦᬦᬵᬲᬦᬾᬗᬃᬤ᭄ᬟᬶᬦᬶᬦ᭄ ᭞ᬭᬶᬓᬳᬦᬵᬦ᭄ᬧᭀᬳᭀᬦ᭄ᬯᬶᬮ᭄ᬯᬵ᭞ᬓᬦ᭄ᬢᭂᬦ᭄ᬢᬶᬗ᭄ᬕᬃᬩ᭄ᬘᬶᬓ᭄ᬗᬶᬮᬶᬲ᭄᭞ᬲᬓᬶᬂᬕ᭄ᬦᬄᬜᬫᬗᬶᬦ᭄ᬢᬶᬧ᭄᭞ᬩᬸᬭᭀᬦᬾᬲᬓᬶᬂᬭᬶᬂᬮᬸᬯᬸᬃ᭞ᬲᬫ᭄ᬩᬶᬮᬂᬫᬸᬮᬂᬭ᭄ᬯᬦ᭄ᬬᬵ᭞ᬓᬢ᭄ᬗᬄᬭᬡᬹᬦᬾᬳ᭄ᬦᬶᬂ᭞ᬓᬦ᭄ᬢᭂᬦ᭄ᬮᬗᬸ᭞ᬳᬗ᭄ᬕᬾᬜᬮᬶᬫᬸᬃᬭᬶᬂᬫ ᬦᬄ᭚ᬧ᭄ᬭᬪᬵᬯᬦᬶᬓᬂᬧᬯᬰᬵ᭞ᬪᬝᬭᬵᬰᬶᬯ᭄ᬯᬵᬳᬗᬚᬶ᭞ᬧᬦᭂᬫ᭄ᬩ᭄ᬬᬦ᭄ᬳᬶᬤᬵᬗ᭄ᬯᬗᬸᬦᬂ᭞ᬫᬫᬸᬃᬡ᭄ᬦᬵᬓᬮᬸᬱᬚᬢᬶ᭞ᬫᬓᬵᬧᬗ᭄ᬮᭂᬩᬸᬭᬦᬶᬂ᭞ᬤᬰᬵᬫᬮᬵᬧᬤ᭄ᬟᬕᭂᬫ᭄ᬧᬸᬂ᭞ᬓᬲ᭄ᬫᬮᬦᬾᬓᬭᬸᬯᬢ᭄᭞ᬓᬢ᭄ᬫᭀᬦᬶ ᬦ᭄ᬓᬤᬶᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬳᬶᬧᬸᬦ᭄᭞ᬓᬶᬮᬸᬩ᭄ᬤᬓᬵᬫᬗᬯᬶᬢᬂ᭚ᬳᬗ᭄ᬳᬶᬂᬓᬾᬳᬶᬧᬸᬦ᭄ᬢᬦ᭄ᬫᭂᬳᬵ᭞ᬭᬶᬂᬤᬾᬯᬾᬓ᭄ᬦᬗᬸᬦᬂᬓᬾᬃᬢ᭄ᬢᬶ᭞ᬳᬶᬮᬶᬂᬫᬗᬺᬋᬄᬩᬩᬸᬓ᭄ᬢ᭄ᬬᬦ᭄᭞ᬲᬗᬸᬦ᭄ᬧ᭄ᬬᬦᬓ᭄ᬲᭀᬫᬳᬾᬱ᭄ᬝᬶ᭞ᬕᬶᬦᭂᬗᬂᬚ᭄ᬭᭀᬦᬶᬂᬳᬺ

Auto-transliteration

[6 6B] 6 , maringpuñanikangmajjā, prayañāmasiḥngintipin, siñarawuḥ, hadeburonnginumtoyā // pināsptĕngtwarāhadā, buronmĕtasnangabsik, dadikiyap'huwabuwab, tā kutñanetansinipi, yanpadepul̥ĕsjani, tanurungdewekeruntuḥ, dadinungkasnungkasang, donbilanepulangpikpik, ringwenraṇū, hanggengimūr̀matākyap // toyanenir̀mma lāgalang, pulangindonmajāmirir̀, sambilangñāmapāpar̀ṇnan, hanggenpañalimūr̀harip, yanbañāpul̥ĕsdini, siñāhadāburonrawuḥ, sinaḥpacangkatanaḥ, yanhadābu ronnĕkanin, sinaḥlampus, matityangkasulayaḥ // kutopamar̀ṇnaningmanaḥ, bantakutehangr̥ĕsr̥ĕsin, dadipayumapradang, siñāhadāsiḥyangwidḍi, burone // [7 7A] dānĕkanin, singsepanaḥhuliduhur̀, ketodagiraraṣanñā, dadilacur̀suhungspi, tpawastu, katonhanātngahingraṇwā // śiwwālinggātngahingraṇwā, tananāsanengar̀dḍinin , rikahanānpohonwilwā, kantĕntinggar̀bcikngilis, sakinggnaḥñamangintip, buronesakingringluwur̀, sambilangmulangrwanyā, katngaḥraṇūnehning, kantĕnlangu, hanggeñalimur̀ringma naḥ // prabhāwanikangpawaśā, bhaṭarāśiwwāhangaji, panĕmbyanhidāngwangunang, mamur̀ṇnākaluṣajati, makāpanglĕburaning, daśāmalāpadḍagĕmpung, kasmalanekaruwat, katmoni nkadimangkin, hantuk'hipun, kilubdakāmangawitang // hanghingkehipuntanmĕhā, ringdeweknangunangker̀tti, hilingmangr̥ĕr̥ĕḥbabuktyan, sangunpyanaksomaheṣṭi, ginĕngangjroninghr̥ĕ

Leaf 7

Image on Archive.org

[᭗ 7B] ᭗ ᬤ᭄ᬟᬶ᭞ᬫᬫ᭄ᬩᬸᬭᬸᬤᬕᬶᬂᬯᬦᬵᬕᬸᬂ᭞ᬩᬸᬭᭀᬦᬾᬩᬓᬢ᭄ᬩ᭄ᬭᬦᬂ᭞ᬓᬗ᭄ᬕᬾᬦ᭄ᬲᬗᬸᬲᬳᬶᬲᬳᬶ᭞ᬤᬤᬶᬦᬸᬚᬸ᭞ᬲᬂᬳ᭄ᬬᬂᬰᬶᬯ᭄ᬯᬵᬦᬗᬸᬦ᭄ᬧ᭄ᬯᬱᬵ᭚ᬰᬶᬯ᭄ᬯᬵᬭᬚᬦᬶᬧᬲᬚ᭄ᬜᬦ᭄᭞ᬩ᭄ᬭᬢᬦᬾᬫᬜᬾᬯᬵᬭᬰ᭄ᬭᬷ᭞ᬲᬫ᭄ᬩᬃᬲᬫᬶᬤᬶᬳᬭ ᬦ᭄ᬬᬵ᭞ᬫᬲᬫ᭄ᬩᬂᬧ᭄ᬯᬱᬦᬾᬫᬮᬶᬄ᭞ᬧᬸᬦᬶᬓᬵᬓᬓᬃᬤ᭄ᬟᬶᬦᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬵᬳ᭄ᬬᬂᬲᬶᬦᬸᬳᬸᬦ᭄᭞ᬳᬶᬤᬵᬪᬝᬭᬵᬰᬶᬯ᭄ᬯᬵ᭞ᬦᬸᬕᬺᬳᬵᬧ᭄ᬯᬱᬵᬦᬾᬍᬯᬶᬄ᭞ᬓᬗ᭄ᬕᬾᬗ᭄ᬮᭂᬩᬸᬃ᭞ᬲᬧᬧᬵᬦ᭄ᬭᬓᬦᬶᬂᬚᬦᬵ᭚ᬲᬓᬶᬂᬧᬦᬸᬕ᭄ᬭᬳᬦ᭄ᬳᬶ ᬤ᭄ᬟᬵ᭞ᬪᬝᬭᬵᬰᬶᬯ᭄ᬯᬵᬓᬭᬶᬳᬶᬦ᭄᭞ᬓᬶᬮᬸᬩ᭄ᬟᬓᬵᬫᬗᬯᬶᬢᬂ᭞ᬗᬶᬭᬶᬂᬧ᭄ᬯᬱᬦ᭄ᬲᬂᬳ᭄ᬬᬂᬯᬶᬤ᭄ᬟᬶ᭞ᬮᬭᬧᬦ᭄ᬳᬶᬧᬸᬦ᭄ᬢᬦ᭄ᬳᬸᬦᬶᬂ᭞ᬭᬶᬤᬾᬯᬾᬓ᭄ᬫᬓ᭄ᬭᬢᬵᬢᬸᬳᬸ᭞ᬤᬶᬕᬦ᭄ᬢᬶᬦ᭄ᬜᬦᬾᬲᬸᬧᬢ᭄᭞ᬲᬓᬶᬂᬢᬶᬢᬄᬲᬂᬳ᭄ᬬᬂᬯᬶᬤ᭄ᬟᬶ ᭞ᬳᬶᬤᬵᬳᬲᬸᬂ᭞ᬨᬮᬦᬶᬂᬧ᭄ᬯᬱᬵᬲ᭄ᬟᭂᬓᬦ᭄᭚ᬫᬓᬵᬍᬫᬄᬢᬦ᭄ᬧᬢᬸᬭ᭄ᬯᬵ᭞ᬓᬶᬮᬸᬩ᭄ᬤᬓᬵᬲᬓᬶᬂᬳᬚ᭄ᬭᬶᬄ᭞ᬳᬯᬦᬦᬾᬫᬧᭂᬭᬤᬂ᭞ᬭᬶᬂᬧᭀᬳᭀᬦ᭄ᬯᬶᬮ᭄ᬯᬦᬾᬗᭂᬧᬶᬮ᭄᭞ᬬᬶᬸᬦᬶᬸᬭᬶᬸᬦ᭄ᬢᬶᬸᬄ᭞ᬬ᭄ᬭᬸᬦ᭄ᬢᬸᬄᬦᬶᬩᬾᬂ [᭘ 8A] ᬓ᭄ᬱᬶᬢᬶ᭞ᬗᬯᬦᬂᬫᬧ᭄ᬯᬭᬵᬮᬫ᭄ᬧᬸᬲ᭄᭞ᬧᬸᬦᬶᬓᬵᬫᬗ᭄ᬮᬭᬧᬂ᭞ᬫᬧ᭄ᬭᬥᬂᬭᬶᬂᬯᬦᬵᬢᬺᬩᬶᬲ᭄᭞ᬳᬗ᭄ᬕᬾᬗᬶᬫᬹᬂ᭞ᬓᬚ᭄ᬭᬶᬳᬦᬾᬢ᭄ᬗᬳᬶᬂᬯᬦᬵ᭚ᬩᬸᬫᬭᬵᬗ᭄ᬤᬲ᭄ᬮᭂᬫᬳᬂ᭞ᬓᬓ᭄ᬭᬸᬬᬸᬓ᭄ᬲ᭄ᬬᬧᬾᬢᬶᬢᬶᬃ᭞ᬲᬯᬸᬂᬯᬦᬦᬾᬫᬦᬶᬫ᭄ᬩᬮ᭄᭞ ᬤᭀᬄᬲᬯᬢ᭄ᬲ᭄ᬯᬭᬜᬵᬢᬭᬶᬓ᭄᭞ᬓᬤᬸᬮᬸᬭᬦ᭄ᬳᬗᬶᬦ᭄ᬫᬶᬭᬶᬃ᭞ᬫᬦᭂᬫ᭄ᬧᬸᬄᬲ᭄ᬓᬭᬾᬫᬭᬸᬫ᭄᭞ᬧᬸᬦᬶᬓᬵᬫᬦᬸᬗ᭄ᬓᬸᬮᬂ᭞ᬓᬢᭀᬦ᭄ᬢᬂᬕᬕᬡᬵᬳᬰ᭄ᬭᬷ᭞ᬫᬲ᭄ᬫᬸᬪᬵᬂ᭞ᬓᬢᭂᬫ᭄ᬧᬸᬳᬦ᭄ᬲᬶᬦᬃᬲᬹᬃᬬ᭄ᬬᬵᬧᬃᬡ᭄ᬦᬵᬓᬤᬶᬲᬶᬜ᭄ᬚᬂᬤ᭄ᬬᬄ᭞ᬓ ᬓ᭄ᬦᬦ᭄ᬲ᭄ᬫᬭᬵᬓᬭᬲ᭄ᬫᬶᬦ᭄᭞ᬓᬮᬸᬓᬭᬦ᭄ᬓᬭᬸᬤᬶᬭᬦ᭄᭞ᬑᬧ᭄ᬤᬧ᭄ᬳᬍᬧᬰ᭄ᬭᬷ᭞ᬘᬬᬦ᭄ᬯᬶᬦ᭄ᬢᬗᬾᬗ᭄ᬭᬯᬶᬢ᭄᭞ᬭᬶᬂᬳᬫ᭄ᬩᬭᬵᬫᬸᬯᬸᬄᬮᬗᬹ᭞ᬬᬦ᭄ᬧᬃᬡ᭄ᬦᬬᬂᬩᬸᬓᬵᬤᬫᬃ᭞ᬜᬸᬦ᭄ᬤᬭᬶᬦ᭄ᬲᬂᬤ᭄ᬬᬄᬳᬯᬶᬗᬶᬢ᭄᭞ᬓ᭄ᬦᬾᬗᬓᬹᬂ᭞ᬓ ᬓ᭄ᬦᬦ᭄ᬲ᭄ᬫᬭᬵᬢᬸᬭᬶᬤ᭄ᬟᬵ᭚ᬧᬜ᭄ᬚᬂᬬᬦ᭄ᬧᬸᬦᬶᬓᬶᬩᬄᬩᬄ᭞ᬓᬮᬗᭂᬦᬶᬂᬯᬦᬵᬕᬶᬭᬶ᭞ᬓᬶᬮᬸᬩ᭄ᬤᬓᬵᬫᬗ᭄ᬓᬶᬦ᭄ᬳᬸᬘᬧ᭄᭞ᬭᬶᬲᬫ᭄ᬧᬸᬮ᭄ᬫᬶᬚᬶᬮ᭄ᬳ᭄ᬬᬂᬭᬯᬶ᭞ᬕᬮᬂᬭᬶᬂᬯᬦᬵᬢᬺᬩᬶᬲ᭄᭞ᬚᬦ᭄ᬢᭂᬦ᭄ᬢᬂᬤᬮᬦ᭄ᬓᬤᬸᬮᬸ᭞ᬫᬓᬶᬦ᭄ᬓᬶᬦ᭄ᬧ

Auto-transliteration

[7 7B] 7 dḍi, mamburudagingwanāgung, buronebakatbranang, kanggensangusahisahi, dadinuju, sanghyangśiwwānangunpwasyā // śiwwārajanipasajñan, bratanemañewāraśrī, sambar̀samidihara nyā, masambangpwaṣanemaliḥ, punikākakar̀dḍinin, hantuk'hidāhyangsinuhun, hidābhaṭarāśiwwā, nugr̥ĕhāpwasyānel̥ĕwiḥ, kanggenglĕbur̀, sapapānrakaningjanā // sakingpanugrahanhi dḍā, bhaṭarāśiwwākarihin, kilubḍakāmangawitang, ngiringpwaṣansanghyangwidḍi, larapanhipuntanhuning, ridewekmakratātuhu, digantinñanesupat, sakingtitaḥsanghyangwidḍi , hidāhasung, phalaningpwasyāsḍĕkan // makāl̥ĕmaḥtanpaturwā, kilubdakāsakinghajriḥ, hawananemapĕradang, ringpohonwilwanengĕpil, y̶n̶r̶nt̶ḥ, yruntuḥnibeng [8 8A] ksyiti, ngawanangmapwarālampus, punikāmanglarapang, mapradhangringwanātr̥ĕbis, hanggengimūng, kajrihanetngahingwanā // bumarāngdaslĕmahang, kakruyuksyapetitir̀, sawungwananemanimbal, doḥsawatswarañātarik, kaduluranhanginmirir̀, manĕmpuḥskaremarum, punikāmanungkulang, katontanggagaṇāhaśrī, masmubhāng, katĕmpuhansinar̀sūr̀yyāpar̀ṇnākadisiñjangdyaḥ, ka knansmarākarasmin, kalukarankarudiran, opdap'hal̥ĕpaśrī, cayanwintangengrawit, ringhambarāmuwuḥlangū, yanpar̀ṇnayangbukādamar̀, ñundarinsangdyaḥhawingit, knengakūng, ka knansmarāturidḍā // pañjangyanpunikibaḥbaḥ, kalangĕningwanāgiri, kilubdakāmangkinhucap, risampulmijilhyangrawi, galangringwanātr̥ĕbis, jantĕntangdalankadulu, makinkinpa

Leaf 8

Image on Archive.org

[᭘ 8B] ᭘ ᬘᬂᬢᬸᬮᬓ᭄᭞ᬫᬦ᭄ᬢᬸᬓ᭄ᬢᬦ᭄ᬧᭀᬮᬶᬄᬧᬶᬓᭀᬮᬶᬄ᭞ᬩᬸᬭᭀᬦ᭄ᬳᬕᬸᬂ᭞ᬳᬮᬶᬢ᭄ᬢᬦᬵᬓᬧᬗ᭄ᬕ᭄ᬯᬵ᭚ᬚᬤᭀᬚᬤᭀᬢ᭄ᬗᬳᬶᬂᬚᬮᬦ᭄᭞ᬫᬯᬵᬧᬓᬓᬲᬾᬫᬸᬮᬶᬄ᭞ᬲᭀᬧᬵᬘᬭᬦᬶᬂᬧᬩᬸᬭ᭄ᬯᬦ᭄᭞ᬧᬲ᭄ᬫᭂᬗᬦ᭄ᬯᬸᬲ᭄ᬫᬫᬃᬕ᭄ᬕᬶ᭞ᬳᬫᬯ ᬧᬦᬄᬳᬮᬶᬫ᭄᭞ᬢᬗ᭄ᬓᬸᬮᬓ᭄‌ᬫ᭄ᬯᬂᬳ᭄ᬭᬸᬦᬶᬧᬸᬦ᭄᭞ᬫᬗᬹᬲᬯᬢ᭄ᬭᬶᬂᬫᬃᬕ᭄ᬕᬵ᭞ᬩᬦ᭄ᬮᭂᬍᬳᬾᬗ᭄ᬭᬦᭂᬳᬶ᭞ᬚᭂᬗ᭄ᬓᬚᭂᬗ᭄ᬓᬸ᭞ᬧᬫᬃᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭚ᬩ᭄ᬟᬓ᭄ᬮᬬᬄᬢᬦ᭄ᬲᬧᬶᬭᬵ᭞ᬓᬓ᭄ᬦᬦ᭄ᬘᬬᬦᬶᬂᬭᬯᬶ᭞ᬢᬹᬃᬫᬧ᭄ᬭᬤᬵᬂ ᬫᬓᬵᬍᬫᬄ᭞ᬲᬯᬢ᭄ᬲᬯᬢᬶᬓᬂᬮᬶᬭᬶᬂ᭞ᬬᬦ᭄ᬧᬃᬡ᭄ᬦᬵᬚ᭄ᬭᭀᬦᬶᬂᬳᬢᬶ᭞ᬳᬶᬥᭂᬧ᭄ᬜᬦᬾᬢᬦ᭄ᬧᬢᬗ᭄ᬕᬸ᭞ᬳᬾᬮᬶᬂᬭᬶᬂᬧ᭄ᬬᬦᬓ᭄ᬲᭀᬫᬄ᭞ᬢᬦᬦᬵᬧᬘᬂᬓᬩᬸᬓ᭄ᬢᬶ᭞ᬤᬤᬶᬲᭂᬦ᭄ᬤᬸ᭞ᬕᬶᬦᬦ᭄ᬢᬶᬫᬮᬶᬄᬘ᭄ᬭᬶᬢᬬᬂ᭚᭜᭚ ᬧᬶᬦᬲ᭄ᬓᬦ᭄ᬢᬶᬦᬸᬗ᭄ᬕᬂᬕᬸᬦᬸᬂ᭞ᬲᬂᬳ᭄ᬬᬂᬲᬹᬃᬬ᭄ᬬᬵᬩᬯᬸᬧ᭄ᬭᬧ᭄ᬢᬶ᭞ᬓᬶᬮᬸᬩ᭄ᬤᬓᬵᬫᬭᬶᬂᬳᬸᬫᬄ᭞ᬧ᭄ᬬᬦᬓ᭄ᬲᭀᬫᬳᬾᬜᬕ᭄ᬚᬕᬶᬦ᭄᭞ᬧᬥᬫᬦᬕᬶᬄᬭᬭᬧᬦ᭄᭞ᬓᬤᬾᬦᬂᬫᬳᬦ᭄ᬧᬶᬓᭀᬮᬶᬄ᭚ᬦᬾᬳᬶᬲ᭄ᬢ᭄ᬭᬶᬫᬜᬧᬵᬳ [᭙ 9A] ᬮᬸᬲ᭄᭞ᬳᬸᬤᬸᬄᬩ᭄ᬮᬶᬗᬸᬤ᭄ᬟᬤᬤᬶ᭞ᬳᬶᬩᬶᬩ᭄ᬮᬶᬢ᭄ᬯᬭᬵᬧ᭄ᬭᬧ᭄ᬢᬵ᭞ᬲᬓᬶᬂᬫᬩᬸᬭ᭄ᬯᬵᬦᭂᬫ᭄ᬩᬾᬦᬶᬦ᭄᭞ᬧ᭄ᬬᬦᬓᬾᬲ᭄ᬟᬶᬄᬓᬤᬸᬄᬓᬦ᭄᭞ᬢᬦ᭄ᬧᬫᬗᬦ᭄ᬮᬸᬄᬫᭀᬯᬦᬶ᭚ᬢᬦ᭄ᬲᬶᬤᬵᬩᬦ᭄ᬢᬶᬢ᭄ᬬᬂᬭᬢᬸ᭞ᬫᬯᬾᬲᬗᬸᬦ᭄ᬳᬶᬧᬸᬦ᭄ᬓᬶᬤᬶᬓ᭄᭞ ᬫᬓᭂᬦ᭄ᬢᬵᬧᬤᬵᬲᬶᬦᬫ᭄ᬬᬦ᭄᭞ᬮᬸᬄᬫᭀᬯᬦᬶᬢᬦ᭄ᬧᬫᬸᬓ᭄ᬢᬶ᭞ᬗᬫᬾᬗᬫᬾᬩᬧᬵᬮᬸᬯᬲ᭄᭞ᬧ᭄ᬭᬬᬵᬧᬘᬂᬦᬕᬶᬄᬩᬸᬓ᭄ᬢᬶ᭚ᬫᬗ᭄ᬓᬶᬦ᭄ᬩᭂᬮᬶᬲᬫ᭄ᬧᬸᬦ᭄ᬭᬯᬸᬄ᭞ᬕᬢᬶᬳᬶᬧᬸᬦ᭄ᬮᬸᬄᬫᭀᬯᬦᬶ᭞ᬜᬕ᭄ᬚᬕᬶᬦ᭄ᬩᭂᬮᬶᬫᬫᭂᬦ᭄ᬤᬓ᭄ ᭞ᬧᬘᬂᬫᬦᬸᬲ᭄ᬧᬶᬓᭀᬮᬶᬄ᭞ᬧᬸᬧᬶᬩᬸᬭᭀᬦᬾᬩᬓᬢ᭄᭞ᬧᬘᬂᬳᬗ᭄ᬕᬾᬦ᭄ᬫᬲᬗᬸᬯᬶᬦ᭄᭚ᬓᬶᬮᬸᬩ᭄ᬤᬓᬵᬲᬳᬸᬃᬳᬮᬸᬲ᭄᭞ᬳᬸᬤᬸᬄᬩᬶᬩᬶᬮᬘᬸᬃᬩ᭄ᬮᬶ᭞ᬢᬦ᭄ᬫᬩᬳᬦ᭄ᬧᬓᭀᬮᬶᬳᬦ᭄᭞ᬢᬦᬲᬸᬂᬳᬶᬤᬵᬳ᭄ᬬᬂᬯᬶᬤ᭄ᬟᬶ᭞ ᬢᬦᬦᬵᬢᬫ᭄ᬧᬓᬶᬂᬫᬺᬕᬵ᭞ᬲᬸᬦ᭄ᬬᬵᬲᬫᬸᬦ᭄ᬭᬶᬂᬯᬦᬵᬤ᭄ᬭᬶ᭚ᬢᭀᬓ᭄ᬭᬡᬵᬩ᭄ᬮᬶᬢᬦ᭄ᬫᬦ᭄ᬢᬸᬓ᭄᭞ᬫᬗᬶᬦᭂᬧ᭄‌ᬚ᭄ᬭᭀᬦᬶᬂᬯᬦᬵᬤ᭄ᬭᬶ᭞ᬲᬫ᭄ᬩᬶᬮ᭄ᬩᭂᬮᬶᬫᬗᬦ᭄ᬢᬶᬬᬂ᭞ᬲᬶᬜᬵᬳᬤᬵᬩᬸᬭᭀᬦ᭄ᬧ᭄ᬭᬧ᭄ᬢᬶ᭞ᬧ᭄ᬭᬬᬦᬾᬧᬘᬂᬫᬫᬦᬄ

Auto-transliteration

[8 8B] 8 cangtulak, mantuktanpoliḥpikoliḥ, buronhagung, halittanākapanggwā // jadojadotngahingjalan, mawāpakakasemuliḥ, sopācaraningpaburwan, pasmĕnganwusmamar̀ggi, hamawa panaḥhalim, tangkulakmwanghrunipun, mangūsawatringmar̀ggā, banlĕl̥ĕhengranĕhi, jĕngkajĕngku, pamar̀gginemalonlonan // bḍaklayaḥtansapirā, kaknancayaningrawi, tūr̀mapradāng makāl̥ĕmaḥ, sawatsawatikangliring, yanpar̀ṇnājroninghati, hidhĕpñanetanpatanggu, helingringpyanaksomaḥ, tananāpacangkabukti, dadisĕndu, ginantimaliḥcritayang // • // pinaskantinungganggunung, sanghyangsūr̀yyābawuprapti, kilubdakāmaringhumaḥ, pyanaksomaheñagjagin, padhamanagiḥrarapan, kadenangmahanpikoliḥ // nehistrimañapāha [9 9A] lus, huduḥblingudḍadadi, hibiblitwarāpraptā, sakingmaburwānĕmbenin, pyanakesḍiḥkaduḥkan, tanpamanganluḥmowani // tansidābantityangratu, mawesangunhipunkidik, makĕntāpadāsinamyan, luḥmowanitanpamukti, ngamengamebapāluwas, prayāpacangnagiḥbukti // mangkinbĕlisampunrawuḥ, gatihipunluḥmowani, ñagjaginbĕlimamĕndak , pacangmanuspikoliḥ, pupiburonebakat, pacanghanggenmasanguwin // kilubdakāsahur̀halus, huduḥbibilacur̀bli, tanmabahanpakolihan, tanasunghidāhyangwidḍi, tananātampakingmr̥ĕgā, sunyāsamunringwanādri // tokraṇāblitanmantuk, manginĕpjroningwanādri, sambilbĕlimangantiyang, siñāhadāburonprapti, prayanepacangmamanaḥ

Leaf 9

Image on Archive.org

[᭙ 9B] ᭞ᬫᬦᬸᬫ᭄ᬩᬓ᭄ᬫᬶᬯᬄᬦᬸᬮᬸᬧᬶᬦ᭄᭚ᬤᬤᬶᬮᬘᬸᬃᬢᬦ᭄ᬧᬯᬲ᭄ᬢᬸ᭞ᬓᬧᬗ᭄ᬕᬶᬄᬫᬺᬕᬵᬲᬲᬶᬓᬶ᭞ᬲᬸᬩᬵᬩ᭄ᬮᬶᬢᬦ᭄ᬚᬗ᭄ᬫᬬᬦ᭄᭞ᬜᬮᬓ᭄ᬱᬓ᭄ᬭᬶᬂᬢ᭄ᬗᬳᬶᬂᬳᬤ᭄ᬭᬶ᭞ᬫᬰᬶᬄᬢ᭄ᬯᬭᬵᬳᬤᬵᬗᭂᬦᬄ᭞ᬢᬶᬢᬄᬮᬘᬸᬃᬢ᭄ᬫᬸᬚᬦᬶ᭚ᬓᬾ ᬢᬾᬲᬚᬵᬩᬶᬩᬶᬢᬸᬳᬸ᭞ᬓᬸᬤ᭄ᬬᬂᬩ᭄ᬮᬶᬩᬸᬓᬵᬚᬦᬶ᭞ᬫᬦᬸᬮᬸᬗᬶᬦ᭄ᬧ᭄ᬬᬦᬓ᭄ᬲᭀᬫᬄ᭞ᬮᬘᬸᬃᬢᬦᬦᬵᬧᬶᬓᭀᬮᬶᬄ᭞ᬲᬓᬶᬂᬮᬫ᭄ᬧᬄᬫᬩᬩᬸᬭ᭄ᬯᬵ᭞ᬢ᭄ᬯᬭᬵᬩᬸᬓᬵᬲᬦᬾᬗᬸᬦᬶ᭚ᬳᬶᬧᬶᬤᬦ᭄ᬩᭂᬮᬶᬫᬩᬸᬭᬸ᭞ᬢ᭄ᬯᬭᬵᬢ ᬳᬾᬦ᭄ᬢᬦ᭄ᬫᬶᬓᭀᬮᬶᬄ᭞ᬲᬓ᭄ᬯᬾᬄᬦᬶᬂᬲᬢ᭄ᬯᬵᬭᬶᬗᬮᬲ᭄᭞ᬲᬶᬤ᭄ᬟᬵᬲᬫᬶᬳᬦ᭄ᬢᬸᬓ᭄ᬩᭂᬮᬶ᭞ᬫᬦᬸᬫ᭄ᬩᬓ᭄ᬫᬶᬯᬄᬫᬫᬦᬄ᭞ᬫᬗᭂᬧᬸᬂᬤᬶᬚ᭄ᬭᭀᬦᬶᬂᬳᬤ᭄ᬭᬷ᭚ᬢᬸᬫ᭄ᬩᬾᬦ᭄ᬚᬦᬶᬩ᭄ᬮᬶᬮᬘᬸᬃ᭞ᬢᬢᬦ᭄ᬳᬦᬵᬧᬗ᭄ᬕᬶᬄᬩ᭄ᬮᬶ᭞ᬢᬫ᭄ᬧᬓᬶᬂᬫᬺᬕᬵ ᬭᬶᬂᬯᬦᬵ᭞ᬓᬦ᭄ᬢᬶᬭᬶᬂᬫᬥ᭄ᬬᬦᬶᬂᬳᬤ᭄ᬭᬶ᭞ᬮᬧᬵᬩ᭄ᬮᬶᬫᬜᬮᬓ᭄ᬱᬓ᭄᭞ᬫᬰᬶᬄᬢᬦᬦᬵᬓᬧᬗ᭄ᬕᬶᬄ᭚ᬓᬦ᭄ᬢᬶᬲᬸᬭᬸᬧ᭄ᬲᬂᬳ᭄ᬬᬂᬩᬦᬹ᭞ᬳ᭄ᬦᬸᬩ᭄ᬮᬶᬚ᭄ᬭᭀᬦᬶᬂᬳᬤ᭄ᬭᬶ᭞ᬬᬦ᭄ᬧᬤᬾᬦᭂᬦ᭄ᬩᬶᬮᬶᬢᬸᬮᬓ᭄᭞ᬢᬦᬸᬭᬸᬂᬩᬜ᭄ᬘᬦᬵᬧᬗ᭄ᬕᬶᬄ [᭑᭐ 10A] ᬓ᭄ᬭᬡᬵᬩ᭄ᬮᬶᬫᬋᬋᬧᬦ᭄᭞ᬤᬾᬢ᭄ᬗᬄᬳᬮᬲᬾᬢᬺᬩᬶᬲ᭄᭚ᬤᬹᬃᬕ᭄ᬕᬫᬵᬕ᭄ᬦᬳᬾᬤᬶᬢᬸ᭞ᬤᬶᬲᬫ᭄ᬧᬶᬂᬤᬦᬸᬦᬾᬲᬶᬗᬶᬤ᭄᭞ᬦᬤᬓ᭄ᬳᬤᬵᬧᬸᬜᬦ᭄ᬩᬶᬮᬵ᭞ᬫᬗᬺᬫ᭄ᬩᬸᬦ᭄ᬤᬶᬲᬶᬲᬶᬦ᭄ᬯᬭᬶᬄ᭞ᬤᬶᬢᬸᬩ᭄ᬮᬶᬫᬲᬶᬦᬸᬢᬦ᭄᭞ᬲᬫ᭄ᬩᬶᬮᬂᬩ᭄ᬮᬶᬫ ᬗᬶᬦ᭄ᬢᬶᬧ᭄᭚ᬲᬶᬜᬵᬳᬤᬵᬩᬸᬭᭀᬦ᭄ᬭᬯᬸᬄ᭞ᬓᬾᬢᭀᬧ᭄ᬭᬬᬦ᭄ᬩᭂᬮᬶᬩᬶᬩᬶ᭞ᬤᬤᬶᬢ᭄ᬯᬭᬵᬧᬶᬲᬦ᭄ᬳᬤᬵ᭞ᬫᬢᬺᬰᬶᬄᬳᬶᬤᬵᬳ᭄ᬬᬂᬯᬶᬤ᭄ᬟᬶ᭞ᬢ᭄ᬯᬄᬢᬶᬢᬳᬾᬗᬯᬦᬂ᭞ᬲ᭄ᬧᬶᬢᬦᬦᬵᬗ᭄ᬭᬯᬸᬳᬶᬦ᭄᭚ᬩ᭄ᬮᬶᬗᬢ᭄ᬓᬸᬮ᭄ᬭᬶᬂᬮᬸᬳᬸᬃ᭞ᬫ ᬓᬵᬍᬫᬄᬩ᭄ᬮᬶᬗᭂᬧᬶᬮ᭄᭞ᬢ᭄ᬯᬭᬵᬩᬦᬶᬫᬓᬶᬚᭂᬧᬦ᭄᭞ᬲᬶᬜᬳᬤᬵᬩᬸᬭᭀᬦ᭄ᬧ᭄ᬭᬧ᭄ᬢᬶ᭞ᬢᬦᬸᬭᬸᬂᬤᬾᬯᬾᬓᬾᬧ᭄ᬚᬄ᭞ᬓᬾᬢᭀᬧᬫᬃᬡ᭄ᬦᬦᬶᬗᬢᬶ᭚ᬩ᭄ᬤᬓ᭄ᬮᬬᬳᬾᬓᬤᬸᬭᬸᬲ᭄᭞ᬩ᭄ᬓᭂᬮ᭄ᬢᭂᬮᬄᬢᬦ᭄ᬧᬭᬭᬶ᭞ᬮᬸ ᬤᬶᬦ᭄ᬩᭂᬮᬶᬓᬧ᭄ᬢᭂᬗᬦ᭄᭞ᬢᬹᬃᬫᬧ᭄ᬭᬤᬂᬢᬦ᭄ᬧᬫᬸᬓ᭄ᬢᬶ᭞ᬓᬾᬯᬮᬵᬫᬳᬜ᭄ᬘᬫᬦᬵ᭞ᬓᬢᭀᬧᭀᬮᬶᬄᬩ᭄ᬮᬶᬚᬢᬷ᭚ᬫ᭄ᬭᬱᬵᬫᬢᬶᬩ᭄ᬮᬶᬳᬶᬩᬸ᭞ᬢᬸᬚᬸᬳᬤᬵᬲ᭄ᬯᬾᬘ᭄ᬙᬦ᭄ᬯᬶᬤ᭄ᬟᬶ᭞ᬩ᭄ᬮᬶᬳ᭄ᬦᬸᬫᬮᬶᬧᭂᬢᬦ᭄᭞ᬮᬘᬸᬭᬾᬢᬦ᭄ᬫ

Auto-transliteration

[9 9B] , manumbakmiwaḥnulupin // dadilacur̀tanpawastu, kapanggiḥmr̥ĕgāsasiki, subāblitanjangmayan, ñalakṣakringtngahinghadri, maśiḥtwarāhadāngĕnaḥ, titaḥlacur̀tmujani // ke tesajābibituhu, kudyangblibukājani, manulunginpyanaksomaḥ, lacur̀tananāpikoliḥ, sakinglampaḥmababurwā, twarābukāsanenguni // hipidanbĕlimaburu, twarāta hentanmikoliḥ, sakweḥningsatwāringalas, sidḍāsamihantukbĕli, manumbakmiwaḥmamanaḥ, mangĕpungdijroninghadrī // tumbenjaniblilacur̀, tatanhanāpanggiḥbli, tampakingmr̥ĕgā ringwanā, kantiringmadhyaninghadri, lapāblimañalakṣak, maśiḥtananākapanggiḥ // kantisurupsanghyangbanū, hnublijroninghadri, yanpadenĕnbilitulak, tanurungbañcanāpanggiḥ [10 10A] kraṇāblimar̥ĕr̥ĕpan, detngaḥhalasetr̥ĕbis // dūr̀ggamāgnaheditu, disampingdanunesingid, nadak'hadāpuñanbilā, mangr̥ĕmbundisisinwariḥ, ditublimasinutan, sambilangblima ngintip // siñāhadāburonrawuḥ, ketoprayanbĕlibibi, daditwarāpisanhadā, matr̥ĕśiḥhidāhyangwidḍi, twaḥtitahengawanang, spitananāngrawuhin // blingatkulringluhur̀, ma kāl̥ĕmaḥblingĕpil, twarābanimakijĕpan, siñahadāburonprapti, tanurungdewekepjaḥ, ketopamar̀ṇnaningati // bdaklayahekadurus, bkĕltĕlaḥtanparari, lu dinbĕlikaptĕngan, tūr̀mapradangtanpamukti, kewalāmahañcamanā, katopoliḥblijatī // mrasyāmatiblihibu, tujuhadāswecchanwidḍi, blihnumalipĕtan, lacuretanma

Leaf 10

Image on Archive.org

[᭑᭐ 10B] ᭑᭐ ᬧᬾᬓᭀᬮᬶᬄ᭞ᬓᬰ᭄ᬬᬲᬶᬳᬾᬩᬓᬢ᭄ᬲᬦ᭄ᬤᬂ᭞ᬢ᭄ᬫᬸᬰ᭄ᬫᬸᬦᭂᬦ᭄ᬭᬶᬂᬗᬹᬭᬶᬧ᭄᭚ᬓᬾᬢᭀᬢᬸᬢᬹᬃᬚᬸᬭᬸᬩᬸᬭᬸ᭞ᬭᬶᬂᬳᬶᬲ᭄ᬢ᭄ᬭᬶᬦᬾᬲ᭄ᬫᬸᬢᬗᬶᬲ᭄᭞ᬤᬤᬶᬦᬾᬮᬸᬄᬲ᭄ᬫᬸᬓᬕ᭄ᬬᬢ᭄᭞ᬭᬶᬂᬢᬸᬢᬹᬃᬓᬶᬮᬸᬩ᭄ᬤᬓᬾᬓᬶ᭞ᬓᬤᬶᬭᬱᬵᬢᬦ᭄ᬧᬚᬶᬯ᭄ᬯᬵ᭞ ᬫᬶᬭᬕᬶᬢᬸᬢᬸᬭᬶᬂᬲ᭄ᬯᬫᬶ᭚ᬲᬸᬫᬳᬸᬃᬦᬾᬳᬶᬲ᭄ᬢ᭄ᬭᬶᬳᬮᬸᬲ᭄᭞ᬫᬦᭀᬳᬕᬵᬗᬰᬶᬄᬳᬰᬶᬄ᭞ᬩᬦ᭄ᬩᬦ᭄ᬯᭂᬢᬸᬦᬶᬂᬧᬗᬸᬘᬧ᭄᭞ᬳᬤᬸᬄᬩ᭄ᬮᬶᬲᬫ᭄ᬧᬸᬦ᭄ᬮᬮᬶ᭞ᬭᬶᬂᬧ᭄ᬬᬦᬓ᭄ᬲᭀᬫᬄᬲᬫ᭄ᬬᬦ᭄᭞ᬳ᭄ᬜᬕ᭄ᬳᬢᬶᬦ᭄ᬢᬶᬢ᭄ᬬᬂᬚᬢᬶ᭚ᬫᬶᬭ ᬕ᭄ᬬᬂᬤᬕᬶᬂᬢᬸᬢᬹᬃ᭞ᬧᬶᬢᬸᬢᬹᬃᬩ᭄ᬮᬶᬦᬾᬫᬗ᭄ᬓᬶᬦ᭄᭞ᬗᭂᬢᬸᬲ᭄ᬳᬢᬶᬧᬧᬸᬲᬸᬯᬦ᭄᭞ᬗᬜᬸᬢ᭄ᬚᬶᬯᬦ᭄ᬢᬶᬢ᭄ᬬᬂᬚᬢᬶ᭞ᬓᬗᭂᬦ᭄ᬢᬶᬢ᭄ᬬᬂᬫᬧᬶᬢᬸᬗᬦ᭄᭞ᬢᬶᬢᬄᬮᬘᬸᬭᬾᬓᬧᬗ᭄ᬕᬶᬄ᭚ᬦᬶᬓᬶᬓᬸᬤᬸᬓᬭᬶᬳᬶᬤᬸᬧ᭄᭞ᬬᬦ᭄ᬢᬦ᭄ᬲᬶᬄᬳᬶᬤᬵ ᬳ᭄ᬬᬂᬦᬯᬶ᭞ᬬᬦ᭄ᬧᬤᬾᬦᬿᬦ᭄ᬩᭂᬮᬶᬧ᭄ᬚᬄ᭞ᬤᬶᬚᬵᬭᬸᬭᬸᬄᬢᬶᬢ᭄ᬬᬂᬩ᭄ᬮᬶ᭞ᬧ᭄ᬬᬦᬓ᭄ᬩᭂᬮᬶᬫᬓᬸᬭᬫ᭄ᬩ᭄ᬬᬦ᭄᭞ᬓᬤᬸᬭᬸᬲ᭄ᬮᬘᬸᬭᬾᬜᬦ᭄ᬫᬶ᭚ᬫ᭄ᬫᭂᬂᬤᬸᬫᬸᬦ᭄ᬩᭂᬮᬶᬤᬸᬭᬸᬲ᭄᭞ᬧᬸᬦᬶᬓᬶᬢᭀᬬᬵᬳᬚᭂᬗᬶᬦ᭄᭞ᬳᬗ᭄ᬕᬾᬫᬹᬃᬡ᭄ᬦᬵᬳᬶᬓᬮ [᭑᭑ 11A] ᬧᬦ᭄᭞ᬲ᭄ᬕᬵᬫᬢᬺᬳᬗ᭄ᬕᬾᬩᬸᬓ᭄ᬢᬶ᭞ᬓᬾᬢᭀᬫᬸᬜᬶᬦ᭄ᬜᬦᬾᬩᬦ᭄ᬩᬦ᭄᭞ᬦᬶᬲᬤ᭄ᬟᬵᬫᬤᬸᬮᬸᬃᬢᬗᬶᬲ᭄᭚ᬓᬶᬲᬤ᭄ᬟᬵᬫᬫᬸᬓ᭄ᬢᬶᬲᬫ᭄ᬧᬸᬦ᭄᭞ᬦᬲᬶᬲᬫᬢᬺᬤᬳᬭᬶᬦ᭄᭞ᬳᬗ᭄ᬕᬾᬧᬗᭂᬦ᭄ᬢᭂᬕ᭄ᬧᬺᬫᬡᬵ᭞ᬩᬦ᭄ᬮᭂᬍᬳᬾᬢᬶᬤᭀᬂᬕᬶᬕᬶ ᬲ᭄᭞ᬫᬧᬶᬦ᭄ᬤᬵᬓᬤᬶᬓᬲᬺᬧᬦ᭄᭞ᬳᬢᬸᬭᬸᬭᬶᬂᬩᬮᬾᬕ᭄ᬮᬶᬲ᭄᭚ᬭᬶᬲᬫ᭄ᬧᬸᬦ᭄ᬳ᭄ᬬᬂᬲᬹᬃᬬ᭄ᬬᬵᬲᬸᬭᬸᬧ᭄᭞ᬓᬶᬮᬸᬩ᭄ᬤᬓᬵᬧᬸᬍᬲ᭄ᬚᬢᬶ᭞ᬢᬜ᭄ᬘ᭄ᬭᬶᬢᬦᭂᬦ᭄ᬧ᭄ᬬᬦᬓ᭄ᬱᭀᬫᬄ᭞ᬬᬦ᭄ᬳᬓᬸᬤᬂᬤᬶᬦᬵᬫᬗ᭄ᬓᬶᬦ᭄᭞ᬢ᭄ᬓᬦᬶᬂᬲᬓᬶᬂᬫᬩᬸᬭ᭄ᬯᬵ᭞ᬢ᭄ᬓ ᬧᬗᬢᬕᬶᬂᬧᬶ᭚ᬧᬜᬓᬶᬢᬾᬚᬢᬶᬯ᭄ᬢᬸ᭞ᬓ᭄ᬩᬸᬲ᭄ᬫᬗ᭄ᬭᬧᬄᬦᭂᬓᬦᬶᬦ᭄᭞ᬳᭀᬲᬄᬩᬮᬶᬲᬄᬳᬗᭂᬲᬄ᭞ᬓᬶᬮᬸᬩ᭄ᬤᬓᬵᬤᬤᬶᬧᬮᬶᬂ᭞ᬢ᭄ᬯᬭᬵᬳᬶᬗᭂᬢ᭄ᬢᭂᬓᬾᬦ᭄ᬭᬕᬵ᭞ᬤᬳᬄᬤᬸᬯᬸᬄᬗᬦ᭄ᬤᬂᬧᬮᬶᬂ᭚᭜᭚ᬤᬤᬶᬫᬫ᭄ᬭ ᬢ᭄᭞ᬧᬯ᭄ᬢᬸᬦᬶᬓᬦᬂᬳᬕ᭄ᬭᬶᬂ᭞ᬳᬗᬺᬭᬧᬄ᭞ᬓᬶᬲᬤ᭄ᬟᬵᬫᬸᬮᬶᬲᬄ᭞ᬢᬦ᭄ᬓᬲᬦ᭄ᬤᬂᬩᬦ᭄ᬲᬓᬶᬢᬾ᭞ᬧ᭄ᬬᬦᬓ᭄ᬱᭀᬫᬄᬧᬤᬵᬦᬸᬗ᭄ᬕᬸ᭞ᬫᬗᭂᬦᬳᬶᬦ᭄ᬮᬸᬄᬫ᭄ᬯᬦᬶ᭞ᬲ᭄ᬟᬶᬄᬧᬥᬫᬲᭂᬮ᭄ᬲᭂᬮᬦ᭄᭞ᬗᬫᬾᬲᬂᬳ᭄ᬬᬂᬢᬸᬤᬸᬄ᭞ᬦᬸ

Auto-transliteration

[10 10B] 10 pekoliḥ, kaśyasihebakatsandang, tmuśmunĕnringngūrip // ketotutūr̀juruburu, ringhistrinesmutangis, dadineluḥsmukagyat, ringtutūr̀kilubdakeki, kadirasyātanpajiwwā, miragituturingswami // sumahur̀nehistrihalus, manohagāngaśiḥhaśiḥ, banbanwĕtuningpangucap, haduḥblisampunlali, ringpyanaksomaḥsamyan, hñag'hatintityangjati // mira gyangdagingtutūr̀, pitutūr̀blinemangkin, ngĕtushatipapusuwan, ngañutjiwantityangjati, kangĕntityangmapitungan, titaḥlacurekapanggiḥ // nikikudukarihidup, yantansiḥhidā hyangnawi, yanpadenainbĕlipjaḥ, dijāruruḥtityangbli, pyanakbĕlimakurambyan, kaduruslacureñanmi // mmĕngdumunbĕlidurus, punikitoyāhajĕngin, hanggemūr̀ṇnāhikala [11 11A] pan, sgāmatr̥ĕhanggebukti, ketomuñinñanebanban, nisadḍāmadulur̀tangis // kisadḍāmamuktisampun, nasisamatr̥ĕdaharin, hanggepangĕntĕgpr̥ĕmaṇā, banlĕl̥ĕhetidonggigi s, mapindākadikasr̥ĕpan, hatururingbaleglis // risampunhyangsūr̀yyāsurup, kilubdakāpul̥ĕsjati, tañcritanĕnpyanaksyomaḥ, yanhakudangdināmangkin, tkaningsakingmaburwā, tka pangatagingpi // pañakitejatiwtu, kbusmangrapaḥnĕkanin, hosaḥbalisaḥhangĕsaḥ, kilubdakādadipaling, twarāhingĕttĕkenragā, dahaḥduwuḥngandangpaling // • // dadimamra t, pawtunikananghagring, hangr̥ĕrapaḥ, kisadḍāmulisaḥ, tankasandangbansakite, pyanaksyomaḥpadānunggu, mangĕnahinluḥmwani, sḍiḥpadhamasĕlsĕlan, ngamesanghyangtuduḥ, nu

Leaf 11

Image on Archive.org

[᭑᭑ 11B] ᭑᭑ ᬦᬲ᭄ᬳᬶᬘ᭄ᬙᬫᬗ᭄ᬤᬵᬲᬸᬧᬢ᭄᭞ᬫᬮᬭᬤᬦ᭄᭞ᬯᬦ᭄ᬢᬸᬦᬶᬓᬦᬂᬳᬕ᭄ᬭᬶᬂ᭞ᬲᬧᬸᬦᬶᬓᬵᬳᬶᬱ᭄ᬝᬶᬫᬦᬄ᭚ᬢᬦ᭄ᬜᬶᬤᬬᬂ᭞ᬫᬮᬭᬤᬦ᭄ᬓᬶᬤᬶᬓ᭄᭞ᬜᬸᬫᬂᬗ᭄ᬓᬶᬦᬂ᭞ᬫᬜᬓᬶᬢᬂᬳᬯᬓ᭄᭞ᬓᬢᬶᬢᬄᬩᬦ᭄ᬳ᭄ᬬᬂᬯᬶᬤᬶᬦᬾ᭞ᬧᬗᬢ ᬕᬶᬓᬮᬵᬫᬺᬢ᭄ᬬᬸ᭞ᬢᭀᬂᬤᬤᬶᬧᬘᬂᬢᬲᬭᬶᬦ᭄᭞ᬬᬦ᭄ᬳᬓᬸᬤᬂᬳᬸᬲᬤ᭄ᬟᬵ᭞ᬭᬯᬸᬄᬧᬥᬦᬸᬮᬸᬂ᭞ᬫᬯᬾᬄᬢᬫ᭄ᬩᬵᬭᬶᬂᬓᬶᬲᬤ᭄ᬟᬵ᭞ᬢᬦ᭄ᬓᬲᬶᬤᬦ᭄᭞ᬢᬢᬦ᭄ᬳᬦᬵᬳᬫᬭᬲᬶᬜᬸᬫᬗ᭄ᬓᬶᬦ᭄‌ᬕ᭄ᬭᬶᬗᬾᬫ᭄ᬭᬢ᭄᭚ᬢ᭠ ᬦ᭄ᬧᬫᬗᬦ᭄᭞ᬢᬦᬍᬧᬢᬸᬭᬸᬫᬗ᭄ᬓᬶᬦ᭄‌ᬤᬤᬶᬳᭀᬲᬄ᭞ᬲ᭄ᬯᬭᬵᬲᬬᬦ᭄ᬳᬶᬮᬂ᭞ᬭᬸᬧᬦᬾᬘ᭄ᬮᭀᬂᬩᬦ᭄ᬲᬸᬯᬾ᭞ᬦᬾᬬᬦ᭄ᬳᬓᬸᬤᬂᬤᬶᬦᬵᬲᬧᬸᬦ᭄᭞ᬓᬶᬮᬸᬩ᭄ᬤᬓᬵᬦᬦ᭄ᬤᬂᬲᬓᬶᬢ᭄᭞ᬲᬳᬶᬫᬗᭂᬦ᭄ᬢᬓᭂᬦ᭄ᬢᬓ᭄᭞ᬢᬶ ᬦᬜᬦ᭄ᬢᬦ᭄ᬲᬳᬸᬃ᭞ᬲ᭄ᬯᬭᬵᬳᬶᬮᬂᬫᬓ᭄ᬮᭂᬤᬦ᭄᭞ᬲᬬᬦ᭄ᬳᬭᬶᬕ᭄᭞ᬓᬶᬮᬸᬩ᭄ᬤᬓᬵᬓ᭄ᬦᬂᬲᬓᬶᬢ᭄᭞ᬢᬢᬦ᭄ᬤᬤᬶᬢᬶᬦᬫ᭄ᬩᬦ᭄᭚ᬤᬤᬶᬲ᭄ᬟᬶᬄ᭞ᬦᬶᬲᬤ᭄ᬟᬵᬯ᭄ᬢᬗᬶᬦ᭄᭞ᬫᬲᬵᬲᬫ᭄ᬩᬢ᭄᭞ᬫᬗᬦ᭄ᬢᭂᬦᬂᬲᭀᬫᬄ᭞ [᭑᭒ 12A] ᬩᬲ᭄ᬓᬕᭂᬗᬦ᭄ᬧᬜᬓᬶᬢᬾ᭞ᬧ᭄ᬬᬦᬓᬾᬗ᭄ᬯᬸᬯᬸᬳᬶᬦ᭄ᬲᬸᬗ᭄ᬲᬸᬢ᭄᭞ᬧᬸᬦᬶᬓᬫᬗ᭄ᬢᬸᬲ᭄ᬳᬢᬶ᭞ᬮᬸᬤᬶᬦ᭄ᬢᬦ᭄ᬓᬶᬚᭂᬧᬦ᭄᭞ᬫᬧ᭄ᬭᬥᬂᬫᬦᬸᬗ᭄ᬕᬸ᭞ᬲᭀᬫᬳᬾᬫᬗᭂᬦ᭄ᬢᬓᭂᬦ᭄ᬢᬓ᭄᭞ᬓᬲᬓᬶᬢᬦ᭄᭞ᬚᬦ᭄ᬢᭂᬦ᭄ᬧᬘᬂᬫᬦᬶᬗ᭄ᬕ ᬮᬶᬦ᭄᭞ᬲᭀᬫᬳᬾᬓᬳᬦ᭄ᬢᬓᬦ᭄᭚ᬫᬓᭂᬘᭂᬳᬦ᭄᭞ᬢᭀᬬᬦ᭄ᬳᬓ᭄ᬱᬶᬦᬾᬲ᭄ᬤᬶᬄ᭞ᬜᭂᬮ᭄ᬲᭂᬮ᭄ᬳᬯᬓ᭄᭞ᬫᬶᬦᬸᬢᬸᬭᬶᬦ᭄ᬧ᭄ᬬᬦᬓ᭄᭞ᬫ᭄ᬮᬤ᭄ᬫᭂᬮᬤ᭄ᬧᬯᬭᬳᬾᬤᬸᬄᬘᬳᬶᬘ᭄ᬦᬶᬂᬩᬕᬸᬲ᭄᭞ᬓᬤᬸᬭᬸᬲ᭄ᬲᬦ᭄ᬘᬳᬶᬜᬳᬶ ᭞ᬮᬘᬸᬭᬾᬤᬤᬶᬚᬦ᭄ᬫᬵ᭞ᬢᭀᬂᬫᬩᬳᬦ᭄ᬢᬸᬫ᭄ᬩᬸᬄ᭞ᬳᬶᬩᬧᬵᬚᬦᬶᬫᬾᬄᬧ᭄ᬚᬄ᭞ᬓᬢᬶᬮᬭᬶᬦ᭄᭞ᬜᬳᬶᬘᬳᬶᬳ᭄ᬦᬸᬘ᭄ᬭᬶᬓ᭄᭞ᬓᬸᬤ᭄ᬬᬂᬫᬾᬫᬾᬫᬓ᭄ᬦᭂᬳᬦ᭄᭚ᬜᬾᬦ᭄ᬲᬶᬳᬤ᭄ᬭᬵᬲ᭄ᬯᬾᬘ᭄ᬙᬵᬢ᭄ᬓᬾᬦᬶᬂᬘᬳᬶ᭞ᬫᬗᬺᬲᭂᬧᬂ ᭞ᬧᬘᬂᬗᬸᬧᬵᬧᬶᬭᬵ᭞ᬦᬸᬮᬸᬂᬫᬾᬫᬾᬯᬾᬄᬲᬗᬸᬦᬾ᭞ᬚᬦ᭄ᬢᭂᬦ᭄ᬘᬳᬶᬢ᭄ᬧᬯᬲ᭄ᬢᬸ᭞ᬬᬦ᭄ᬲᬸᬩᬵᬳᬶᬩᬧᬵᬫᬢᬶ᭞ᬓᬾᬢᭀᬤᬕᬶᬂᬧᬲᬵᬲᬫ᭄ᬩᬢ᭄᭞ᬦᬶᬲᬤ᭄ᬟᬵᬫᬢᬸᬢᬸᬃ᭞ᬭᬶᬂᬧ᭄ᬬᬦᬓᬾᬲᬫ᭄ᬩᬶᬮ᭄ᬜᭂᬩᬕ᭄᭞

Auto-transliteration

[11 11B] 11 nashicchamangdāsupat, malaradan, wantunikananghagring, sapunikāhiṣṭimanaḥ // tanñidayang, malaradankidik, ñumangngkinang, mañakitanghawak, katitaḥbanhyangwidine, pangata gikalāmr̥ĕtyu, tongdadipacangtasarin, yanhakudanghusadḍā, rawuḥpadhanulung, maweḥtambāringkisadḍā, tankasidan, tatanhanāhamarasiñumangkin'gringemrat // ta‐ npamangan, tanal̥ĕpaturumangkindadihosaḥ, swarāsayanhilang, rupaneclongbansuwe, neyanhakudangdināsapun, kilubdakānandangsakit, sahimangĕntakĕntak, ti nañantansahur̀, swarāhilangmaklĕdan, sayanharig, kilubdakāknangsakit, tatandaditinamban // dadisḍiḥ, nisadḍāwtangin, masāsambat, mangantĕnangsomaḥ, [12 12A] baskagĕnganpañakite, pyanakengwuwuhinsungsut, punikamangtushati, ludintankijĕpan, mapradhangmanunggu, somahemangĕntakĕntak, kasakitan, jantĕnpacangmaningga lin, somahekahantakan // makĕcĕhan, toyanhaksyinesdiḥ, ñĕlsĕlhawak, minuturinpyanak, mladmĕladpawaraheduḥcahicningbagus, kadurussancahiñahi , lacuredadijanmā, tongmabahantumbuḥ, hibapājanimeḥpjaḥ, katilarin, ñahicahihnucrik, kudyangmememaknĕhan // ñensihadrāswecchātkeningcahi, mangr̥ĕsĕpang , pacangngupāpirā, nulungmemeweḥsangune, jantĕncahitpawastu, yansubāhibapāmati, ketodagingpasāsambat, nisadḍāmatutur̀, ringpyanakesambilñĕbag,

Leaf 12

Image on Archive.org

[᭑᭒ 12B] ᭑᭒ ᬲᬳᬢᬗᬶᬲ᭄᭞ᬫᬗᬸᬭᬸᬢ᭄ᬫᬗᬲᬶᬄᬳᬰᬶᬄ᭞ᬤᬶᬤᬕᬦ᭄ᬲᭀᬫᬳᭀᬳᭀᬲᬄ᭚ᬤᬤᬶᬲᬯᬢ᭄‌ᬓᬶᬮᬸᬩ᭄ᬤᬓᬵᬚᬦᬶ᭞ᬓᬸᬫᬮᬾᬚᬢ᭄᭞ᬯᬰᬯᬮᬲᬫ᭄ᬩ᭄ᬭᬕ᭄᭞ᬓ᭄ᬚᬢ᭄ᬓᭂᬚᬢ᭄ᬓᬓ᭄ᬢᭂᬕᬾ᭞ᬭᬶᬂᬢᬗ᭄ᬓᬄᬢᬦᬵᬩ ᬬᬸ᭞ᬭᬯᬸᬄᬓᬕᬸᬮᬸᬲᬸᬦ᭄ᬬᬵᬦᬶᬃ᭞ᬢᬦ᭄ᬤᬤᬶᬫᬓ᭄ᬮᬾᬧᬾᬲᬦ᭄᭞ᬢᬂᬳᬢ᭄ᬫᬵᬯᬸᬲ᭄ᬫᬦ᭄ᬢᬸᬓ᭄᭞ᬭᬶᬂᬯᬶᬦ᭄ᬤᬸᬲᬸᬦ᭄ᬬᬵᬳᬶᬦᬸᬗ᭄ᬲ᭄ᬬᬵ᭞ᬤᬤᬶᬫᬸᬓ᭄ᬱᬄᬧᬜ᭄ᬘᬵᬧᬺᬫᬡᬵᬦᬾᬕᬶᬗ᭄ᬲᬶᬃ᭞ᬧᬢᬶᬦᬾᬜᬸᬲᬸᬧ᭄ᬭᬶᬂᬳᬯᬓ᭄᭚ᬲᬫ᭄ᬧᬸ ᬦ᭄ᬧ᭄ᬚᬄ᭞ᬓᬶᬮᬸᬩ᭄ᬤᬓᬵᬚᬦᬶ᭞ᬭᬫᬾᬳᬸᬫ᭄ᬬᬂ᭞ᬢᬗᬶᬲᬶᬂᬲᬦ᭄ᬢᬦᬵ᭞ᬗᬰᬶᬳᬰᬶᬄᬩᬦ᭄ᬮᬘᬸᬭᬾ᭞ᬮᬓᬶᬲ᭄ᬢ᭄ᬭᬶᬧᬥᬳᬸᬬᬸᬢ᭄᭞ᬧᬕ᭄ᬮᬸᬃᬧᬥᬫᬗ᭄ᬮᬶᬂ᭞ᬲᭀᬫᬳᬾᬫᬲᬲᬫ᭄ᬩᬢ᭄᭞ᬧᬓᬤᬗᬦ᭄ᬭᬯᬸᬄ᭞ᬧᬥ ᬦᬗᬶᬲ᭄‌ᬕᬸᬃᬡ᭄ᬦᬶᬢᬵ᭞ᬓᬤᬶᬲᬸᬭᬓ᭄᭞ᬢᬗᬶᬲᬾᬫᬯᬦ᭄ᬢᬶᬯᬦ᭄ᬢᬶ᭞ᬓᬗᭂᬦ᭄ᬭᬶᬲᬂᬲᬫ᭄ᬧᬸᬦ᭄ᬮᬶᬦᬵ᭚ᬢ᭄ᬯᬄᬦᬶᬲᬤ᭄ᬟᬵ᭞ᬫᬸᬮᬶᬲᬄᬫᬧᬸᬮᬶᬮᬶᬢ᭄᭞ᬳᬲᬵᬲᬫ᭄ᬩᬢ᭄᭞ᬲᬸᬫᬸᬗ᭄ᬓᭂᬫᬶᬂᬰᬯ᭄ᬯᬵ᭞ᬫ᭄ᬮᬤ᭄ᬧ᭄ᬭᬡᬵᬩᬦ᭄ᬲ᭄ᬤᬶ [᭑᭓ 13A] ᬳᬾ᭞ᬲ᭄ᬭᬓ᭄ᬱ᭄ᬯᬭᬦᬾᬫ᭄ᬕᬢ᭄ᬬᬸᬦ᭄᭞ᬦᬸᬮᬫᬾᬲᭀᬫᬳᬾᬫᬢᬶ᭞ᬬᬾᬄᬫᬢᬦᬾᬧᬢᬫ᭄ᬯᬲ᭄᭞ᬘᬶᬗᬓ᭄ᬢᬶᬢ᭄ᬬᬂᬭᬢᬸ᭞ᬬᬦ᭄ᬤᬶᬚᬩ᭄ᬮᬶᬫᬕ᭄ᬦᬄ᭞ᬤᭀᬗᬶᬮᬶᬗᬂ᭞ᬧ᭄ᬬᬦᬓ᭄ᬩᭂᬮᬶᬳᬮᬶᬢ᭄᭞ᬢᬹᬃᬓᬸᬭᬗᬦ᭄ᬳᬸᬧᬵᬚᬶᬯ᭄ᬯᬵ᭚ᬓᬸᬤ᭄ᬬᬂᬢᬶ ᬢ᭄ᬬᬂ᭞ᬚᬦᬶᬧᬘᬂᬗᬸᬧᬵᬤᬾᬰᬶ᭞ᬭᬶᬂᬧᬶᬬᬦᬓ᭄᭞ᬩ᭄ᬮᬶᬮᬯᬸᬢ᭄ᬧ᭄ᬚᬄ᭞ᬜᬾᬦᬸᬮᬸᬗᬶᬦ᭄ᬢᬶᬢ᭄ᬬᬂ᭞ᬫᬗᬓᬓᬾ᭞ᬦᬾᬗᬸᬦᬶᬩᬮᬶᬫᬦᬸᬮᬸᬂ᭞ᬫᬩᬸᬭᬸᬢ᭄ᬗᬳᬶᬂᬳᬤ᭄ᬭᬶ᭞ᬓᬗ᭄ᬕᬾᬧᬗᬸᬧᬵᬚᬶᬯ᭄ᬯᬵ᭞ᬤᬶᬧᭀᬮᬶᬳᬾᬭᬢᬸ᭞ᬩᬸᬭᭀᬦ᭄ᬭᬶᬂᬢ᭄ᬗᬳᬶᬂ ᬳᬮᬲ᭄᭞ᬧᬗ᭄ᬕᬾᬲᬗᬸ᭞ᬫᬓᬧᬦᬸᬦ᭄ᬢᬸᬦᬶᬂᬳᬸᬭᬶᬧ᭄᭞ᬗᬹᬧᬵᬧᬶᬭᬵᬧ᭄ᬬᬦᬓ᭄ᬱᭀᬫᬄ᭚ᬫᬗ᭄ᬓᬾᬮᬫ᭄ᬧᬸᬲ᭄᭞ᬩ᭄ᬮᬶᬫᬦᬶᬗᬮᬶᬦ᭄᭞ᬳᬶᬓᬮᬭᬦ᭄᭞ᬓᬭᬶᬗᭂᬦ᭄ᬢᬓᭂᬦ᭄ᬢᬓ᭄᭞ᬮ᭄ᬯᬶᬃᬘᬢᬓᬵᬤᬹᬃᬕᬸᬫᬶᬦᬾ᭞ᬫᬗᬦ᭄ᬢᬶ ᬢᬶᬩᬦᬶᬂᬚᬯᬸᬄ᭞ᬭᬶᬫᬰᬵᬓᬃᬢ᭄ᬢᬶᬓᬵᬚᬢᬶ᭞ᬤᭀᬧᬘᬂᬜᬶᬤᬬᬂ᭞ᬢᬶᬢ᭄ᬬᬂᬫᬗ᭄ᬕᬶᬄᬲᬗᬸ᭞ᬬᬦ᭄ᬢ᭠ᬦ᭄ᬲᬶᬄᬳ᭄ᬬᬂᬯᬶᬥᬶᬯᬰᬵ᭞ᬧᬘᬂᬜᬸᬧᬢ᭄᭞ᬚᬦ᭄ᬢᭂᬦ᭄ᬢᬶᬢ᭄ᬬᬂᬫᬢᬶᬲ᭄ᬤᬶᬄ᭞ᬓᬤᬸᬮᬸᬭᬶᬦ᭄ᬢᬦ᭄ᬧᬦᭂᬤ᭄ᬟᬵ᭚ᬬᬦᬶᬂᬤᬶ

Auto-transliteration

[12 12B] 12 sahatangis, mangurutmangasiḥhaśiḥ, didagansomahohosaḥ // dadisawatkilubdakājani, kumalejat, waśawalasambrag, kjatkĕjatkaktĕge, ringtangkaḥtanāba yu, rawuḥkagulusunyānir̀, tandadimaklepesan, tanghatmāwusmantuk, ringwindusunyāhinungsyā, dadimukṣaḥpañcāpr̥ĕmaṇānegingsir̀, patineñusupringhawak // sampu npjaḥ, kilubdakājani, ramehumyang, tangisingsantanā, ngaśihaśiḥbanlacure, lakistripadhahuyut, paglur̀padhamangling, somahemasasambat, pakadanganrawuḥ, padha nangisgur̀ṇnitā, kadisurak, tangisemawantiwanti, kangĕnrisangsampunlinā // twaḥnisadḍā, mulisaḥmapulilit, hasāsambat, sumungkĕmingśawwā, mladpraṇābansdi [13 13A] he, srakṣwaranemgatyun, nulamesomahemati, yeḥmatanepatamwas, cingaktityangratu, yandijablimagnaḥ, dongilingang, pyanakbĕlihalit, tūr̀kuranganhupājiwwā // kudyangti tyang, janipacangngupādeśi, ringpiyanak, blilawutpjaḥ, ñenulungintityang, mangakake, nengunibalimanulung, maburutngahinghadri, kanggepangupājiwwā, dipoliheratu, buronringtngahing halas, panggesangu, makapanuntuninghurip, ngūpāpirāpyanaksyomaḥ // mangkelampus, blimaningalin, hikalaran, karingĕntakĕntak, lwir̀catakādūr̀gumine, manganti tibaningjawuḥ, rimaśākar̀ttikājati, dopacangñidayang, tityangmanggiḥsangu, yanta‐nsiḥhyangwidhiwaśā, pacangñupat, jantĕntityangmatisdiḥ, kadulurintanpanĕdḍā // yaningdi

Leaf 13

Image on Archive.org

[᭑᭓ 13B] ᭑᭓ ᬚᬵ᭞ᬗ᭄ᬮᬶᬧᭀᬮᬶᬄᬮᬶᬗ᭄ᬕᬶᬄ᭞ᬤᭀᬗᬶᬮᬶᬗᬂ᭞ᬢᬶᬢ᭄ᬬᬂᬓᬤᬶᬓᬸᬦᬵ᭞ᬓᬢᬶᬢᬄᬩᬳᬦ᭄ᬮᬘᬸᬭᬾ᭞ᬭᬶᬓᬮᬦᬶᬂᬩ᭄ᬮᬶᬭᬯᬸᬄ᭞ᬫᬩᬸᬭ᭄ᬯᬵᬲᬓᬶᬂᬳᬤ᭄ᬭᬶ᭞ᬫᬯᬾᬄᬢᬂᬮᬮᬩ᭄ᬚᬗᬦ᭄᭞ᬲ᭄ᬟᬄᬧᬸᬘᬂᬘᬸᬓᬸᬧ᭄᭞ᬦᬾ ᬳᬗ᭄ᬕᬾᬦ᭄ᬩᭂᬮᬶᬭᬭᬧᬦ᭄᭞ᬫᬓᬤᬶᬜ᭞ᬩᬸᬭᭀᬦ᭄ᬳᬕᬸᬂᬯᬶᬚᬸᬂᬓᬜ᭄ᬘᬶᬮ᭄᭞ᬧᬘᬂᬳᬗ᭄ᬕᬾᬳᬸᬧᬵᬚᬶᬯ᭄ᬯᬵ᭚ᬓᬾᬢᭀᬓᭀᬘᬧ᭄᭞ᬲᬲᬫ᭄ᬩᬢᬾᬳᬶᬲ᭄ᬢ᭄ᬭᬶ᭞ᬫ᭄ᬕᬢ᭄ᬫᭂᬕᬢ᭄᭞ᬤᬤᬶᬫᬭᬦ᭄ᬢᬩᬦ᭄᭞ᬓᬤᬂᬜ ᬦᬾᬜᭂᬦᬸᬓᬶᬦ᭄᭞ᬓᬶᬮᬸᬩ᭄ᬤᬓᬵᬲᬫ᭄ᬧᬸᬦ᭄ᬮᬧᬸᬲ᭄᭞ᬳᬶᬦᬸᬧᬵᬓᬭᬵᬩᬶᬦᬱ᭄ᬫᬶ᭞ᬰᬯᬦᬾᬯᬸᬲ᭄ᬭᬶᬦᬸᬭᬸᬩᬦ᭄᭞ᬭᬶᬳᬶᬭᬶᬗᬶᬂᬕᬸᬦᬸᬂᬳᬶᬦᬜᬸᬢ᭄ᬱᬓᬤᬗᬾ᭞ᬧᬥᬩᬸᬮ᭄᭞ᬳᬦᬹᬢ᭄‌ᬳ᭄ᬦᬸᬧᬥ ᬫᬸᬮᬶᬄ᭞ᬫᬗᬸᬗ᭄ᬲᬶᬤᬸᬦᬸᬗᬦ᭄ᬲᭀᬯᬂ᭚ᬳ᭄ᬦᭂᬗᬓ᭄ᬦᬵ᭞ᬢᬶᬗ᭄ᬓᬄᬲᬂᬓᬭᬶᬳᬸᬭᬶᬧ᭄᭞ᬗᬹᬧᬵᬓᬭᬵ᭞ᬲᬗᬫᭀᬭᬶᬂᬲᬸᬦ᭄ᬬᬵ᭞ᬓᬢᬶᬢᬄᬩᬳᬦ᭄ᬓᬃᬫ᭄ᬫᬦᬾ᭞ᬧᬸᬦᬶᬓᬵᬢ᭄ᬯᬄᬧᬘᬂᬢ᭄ᬫᬸ᭞ᬳᬮᬵᬳᬬᬸᬦᬶᬂ [᭑᭔ 14A] ᬧᬫᬃᬕ᭄ᬕᬶ᭞ᬧᬶᬦᬓᬵᬓᬗ᭄ᬕᬾᬦ᭄ᬤᬮᬦ᭄᭞ᬚᬮᬭᬦᬾᬫᬦ᭄ᬢᬸᬓ᭄᭞ᬳᬗᬗ᭄ᬲᬶᬧᬧᬵᬲᬸᬯᬃᬕ᭄ᬕᬵ᭞ᬳᬮᬵᬳᬬᬸ᭞ᬲᬸᬪᬵᬓᬃᬫ᭄ᬫᬦᬾᬢ᭄ᬫᭀᬦᬶᬦ᭄᭞ᬓᬸᬫᬫ᭄ᬩᬂᬭᬶᬂᬚ᭄ᬭᭀᬦᬶᬗ᭄ᬳᬯᬓ᭄᭚᭜᭚ᬘᬭᬶᬢᬬᬂᬳᬢ᭄ᬫᬦᬾ ᬓᬶᬲᬤ᭄ᬟᬵᬫᬗ᭄ᬓᬶᬦ᭄᭞ᬭᬶᬂᬳᬫ᭄ᬩᬭᬵᬳᭀᬲᬄ᭞ᬲᬗ᭄ᬲᬭᬵᬰᭀᬓᬵᬓᬰ᭄ᬬᬰᬶᬄ᭞ᬢᬢᬦ᭄ᬯ᭄ᬭᬸᬳᬶᬂᬫᬵᬃᬕ᭄ᬕᬵᬓᭀᬘᬧ᭄᭚ᬲᬦᬾᬧᬢᬸᬢ᭄ᬧᬘᬂᬢᬢᬸᬚᭀᬦᬶᬂᬧᬢᬶ᭞ᬬᬦ᭄ᬓᬾᬦ᭄ᬓᬫᬃᬕ᭄ᬕᬶᬦᬦ᭄᭞ᬫᬃᬕ᭄ᬕᬶᬲᬦᬾᬧᬘᬂ ᬳᬸᬗ᭄ᬲᬶ᭞ᬤᬤᬶᬩᬶᬗᬸᬂᬢᬦ᭄ᬧᬭᬯᬢ᭄᭚ᬭᬶᬗᬫ᭄ᬩᬭᬵᬳᬢ᭄ᬫᬦ᭄ᬳᬶᬧᬸᬦ᭄ᬓᬭᬶᬧᬮᬶᬂ᭞ᬳᬦᬾᬂᬦᬩᬲ᭄ᬢᬮᬵ᭞ᬮᬫ᭄ᬧᬳᬾᬫᬧ᭄ᬯᬭᬵᬤᬤᬶ᭞ᬲᬂᬳ᭄ᬬᬂᬰᬶᬯᬵᬕ᭄ᬮᬶᬲ᭄ᬫᬜᬶᬗᬓ᭄᭚ᬧᬫᬃᬕ᭄ᬕᬶᬦᬾᬓᬶᬮᬸᬩ᭄ᬤᬓᬵᬓᬤᬶᬫ ᬗ᭄ᬓᬶᬦ᭄᭞ᬲᬗ᭄ᬲᬭᬵᬭᬶᬂᬤᬮᬦ᭄᭞ᬳᬧᬦ᭄ᬮᬓ᭄ᬱᬡᬦᬾᬗᬸᬦᬶ᭞ᬢᬦᬭᬶᬫ᭄ᬩᬯᬵᬭᬶᬂᬧᬭᬵ᭚ᬲᬂᬳ᭄ᬬᬂᬰᬶᬯᬵᬳᬸᬦᬶᬂᬭᬶᬂᬮᬫ᭄ᬧᬳᬶᬂᬤᬤᬶ᭞ᬳᬮᬵᬳᬬᬸᬦ᭄ᬧᭀᬮᬄ᭞ᬲᬸᬪᬓᬃᬫ᭄ᬫᬦᬂᬤᬸᬫᬤᬶ᭞ᬦᬾᬗᬯᬦᬂᬧ

Auto-transliteration

[13 13B] 13 jā, nglipoliḥlinggiḥ, dongilingang, tityangkadikunā, katitaḥbahanlacure, rikalaningblirawuḥ, maburwāsakinghadri, maweḥtanglalabjangan, sḍaḥpucangcukup, ne hanggenbĕlirarapan, makadiña, buronhagungwijungkañcil, pacanghanggehupājiwwā // ketokocap, sasambatehistri, mgatmĕgat, dadimarantaban, kadangña neñĕnukin, kilubdakāsampunlapus, hinupākarābinaṣmi, śawanewusrinuruban, rihiringinggununghinañutṣakadange, padhabul, hanūt'hnupadha muliḥ, mangungsidunungansowang // hnĕngaknā, tingkaḥsangkarihurip, ngūpākarā, sangamoringsunyā, katitaḥbahankar̀mmane, punikātwaḥpacangtmu, halāhayuning [14 14A] pamar̀ggi, pinakākanggendalan, jalaranemantuk, hangangsipapāsuwar̀ggā, halāhayu, subhākar̀mmanetmonin, kumambangringjroninghawak // • // caritayanghatmane kisadḍāmangkin, ringhambarāhosaḥ, sangsarāśokākaśyaśiḥ, tatanwruhingmār̀ggākocap // sanepatutpacangtatujoningpati, yankenkamar̀gginan, mar̀ggisanepacang hungsi, dadibingungtanparawat // ringambarāhatmanhipunkaripaling, hanengnabastalā, lampahemapwarādadi, sanghyangśiwāglismañingak // pamar̀gginekilubdakākadima ngkin, sangsarāringdalan, hapanlakṣaṇanenguni, tanarimbawāringparā // sanghyangśiwāhuningringlampahingdadi, halāhayunpolaḥ, subhakar̀mmanangdumadi, nengawanangpa

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org