Paparikan Plalintih Brahmana

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭜᭛ᬅᬯᬶᬖ᭄ᬦᬫᬵᬲ᭄ᬢᬸ᭛᭜᭛ᬧᬸᬧᬸᬄᬲᭂᬓᬃ᭛ᬤᬸᬄᬤᬾᬯᬲᬂᬓᬘᬭᬶᬢ᭞ᬧᬗᬯᬓᬶᬂᬲᬭᬰ᭄ᬯᬢᬶ᭞ᬯᬶᬪᬸᬳᬶᬂᬳᬚ᭄ᬜᬵᬡᬲᬢ᭄ᬯ᭞ᬳᬶᬤᬯᬦ᭄ᬢᬄᬰ᭄ᬯᬭᬬᭀᬕ᭄ᬕᬶ᭞ᬧᬲᭀᬫ᭄ᬩᭀᬓᬦᬶᬂᬓᬯᬶ᭞ᬳ ᬦᬦᬶᬂᬧ᭄ᬭᬮᬫ᭄ᬩᬂᬓᬶᬤᬸᬂ᭞ᬫᬦ᭄ᬤᬤᬶᬕᬕᬸᬭᬶᬢᬦ᭄᭞ᬮᬶᬂᬲᬂᬳ᭄ᬬᬂᬫᬦᭀᬦ᭄‌ᬲᬸᬚᬢᬶ᭞ᬫ᭄ᬭᬕᬢᬸᬢᬸᬭ᭄᭞ᬭᬶᬂᬯ᭄ᬯᬂᬳᬦᬦᬶᬂᬓᬥᬃᬫ᭄ᬫᬦ᭄᭚ᬢᬩᬾᬳᬸᬮᬸᬦ᭄‌ᬭᬶᬂᬪᬝᬵᬭ᭞ᬢᬦ᭄‌ᬲᬓᬾᬂᬢᬮ᭄ᬧᬓᬾᬂᬳᬚᬶ᭞ᬫᬗ᭄ᬤᬢ ᬦ᭄ᬓᬪᬚ᭄ᬭᬯᬶᬱᬦ᭄᭞ᬳᬲᬸᬂᬪᬝᬵᬭᬗ᭄ᬮᬶᬗ᭄ᬕᬦᬶᬦ᭄᭞ᬲᬫ᭄ᬩᬾᬕᬦᬶᬂᬓᬰ᭄ᬬᬲᬶᬄ᭞ᬳᬸᬮᬸᬦ᭄ᬧ᭄ᬭᬲᬗ᭄ᬖᬫᬳᬢᬸᬭ᭄᭞ᬧᬶᬮᬶᬄᬬᬦ᭄ᬓᬮᬶᬗ᭄ᬕ᭄ᬬᬦ᭄᭞ᬤᬸᬫᬤᬓ᭄‌ᬲᬶᬳᬶᬂᬅᬯᬶᬥᬶ᭞ᬫᬗᬸᬘᬧᬂ᭞ᬢᬶᬗ᭄ᬓᬄᬧᬚᬮᬦᬾᬲᬸᬩᬵ᭚ᬑᬁ᭠ ᬲ᭄ᬯᬲ᭄ᬢ᭄ᬬᬲ᭄ᬢᬸᬳᬲ᭄ᬣᬶᬢ᭄ᬬ᭞ᬮᬶᬂᬲᬂᬳ᭄ᬬᬂᬅᬕᬫᬗᬸᬦᬶ᭞ᬫᭂᬢᬸᬲᬓᬶᬂᬧ᭄ᬭᬫᬰᬹᬡ᭄ᬬ᭞ᬳᬡ᭄ᬝᬵᬓᬭᬡᬓᬤᬦᬶᬦ᭄᭞ᬳᬦᬘᬶᬢ᭄ᬢᬯᭂᬢᬸᬩᬸᬤ᭄ᬥᬶ᭞ᬲᬓᬶᬂᬩᬸᬤ᭄ᬥᬶᬫᬦᬄᬢᬸᬳᬸ᭞ᬬᬸᬓ᭄ᬢᬶᬯᭂᬢᬸᬳᬗ᭄ᬓᬵᬭ᭞ᬰᬶᬯᬦᬶᬃᬫᬮᬵᬗ᭄ᬭᬕᬦᬶ [᭒ 2A] ᭒ ᬦ᭄᭞ᬤᬤᬶᬢᬸᬂᬢᬸᬂ᭞ᬓᬹᬮᬵᬯᬗ᭄ᬰᬦᬶᬂᬩ᭄ᬭᬵᬳ᭄ᬫᬡ᭚ᬧᬸᬦᬶᬓᬶᬮᬶᬂᬦᬶᬂᬳᬓ᭄ᬱᬭ᭞ᬧᬹᬃᬯ᭄ᬯᬳ᭄ᬬᬂᬅᬢ᭄ᬢᬫᬚ᭠ᬢᬶ᭞ᬫᬧᬸᬢ᭄ᬭᬳᬶᬤᬲᬦᬸᬗ᭄ᬕᬮ᭄᭞ᬧᭂᬲᬾᬗᬦ᭄ᬳᬶᬤᬦᬾᬍᬯᬶᬄ᭞ᬳ᭄ᬬᬂᬲᬶᬢ᭄ᬣᬤᬾᬯᬓᬭᬶᬳᬶᬦ᭄᭞ᬯᬦ᭄ᬢᬄᬲᬯᬶ᭠ ᬚᬶᬳᬲᬸᬦᬸ᭞ᬧᬢ᭄ᬭᬳ᭄ᬬᬂᬦᬭᬤᬾᬯ᭞ᬫᬮᬃᬧᬸᬢ᭄ᬭᬦᬾᬲᬯᬶᬚᬶ᭞ᬦᬾᬓᬯᬸᬯᬸᬲ᭄᭞ᬫᬧᬲᬾᬗ᭠ᬦ᭄ᬳ᭄ᬬᬂᬦᬸᬭᬱᬵ᭚ᬲᬂᬳ᭄ᬬᬂᬦᬸᬭᬱᬵᬓᬶᬦᬸᬘᬧ᭄᭞ᬳᬢ᭄ᬫᬚᬵᬳᬶᬤᬲᬯᬶᬚᬶ᭞ᬳᬧᬸᬱ᭄ᬧᬶᬣᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬳ᭠ ᬤᬶᬭᬶᬲᬸᬢᬦᬾᬯ᭄ᬬᬓ᭄ᬢᬶ᭞ᬧᬧᬰᬶᬳᬾᬮ᭄ᬯᬶᬄᬳᬤᬶ᭞ᬳ᭄ᬬᬂᬭᬢ᭄ᬦᬫᬵᬬᬫᬦᬸᬭᬸᬦ᭄᭞ᬳᬓ᭄ᬯᬾᬄᬲᬫ᭄ᬯᬦᬶᬂᬯᬗ᭄ᬰ᭞ᬲᬵᬚ᭄ᬜᬦᬾᬳ᭄ᬬᬂᬧᬰᬸᬧᬢᬶ᭞ᬭᬶᬂᬲᬸᬫᬾᬭᬸ᭞ᬧᬸᬘᬓᬶᬂᬕᬶᬭᬶᬳᬲ᭄ᬣᬦᬵ᭚ᬭᬶᬂᬧᬤ᭄ᬫᬰᬡᬧᬮᬸᬗ᭄ᬕ᭄ᬯᬦ᭄᭞ᬤ ᬤᭀᬲ᭄ᬧᬜᬸᬗ᭄ᬲᬸᬗᬦ᭄ᬕᬸᬫᬶ᭞ᬢᬦ᭄ᬮᬶᬬᬦ᭄‌ᬲᬦᬾᬓᬮᬶᬗ᭄ᬕᬬᬂ᭞ᬳᬶᬤᬲᬂᬳ᭄ᬬᬂᬧᬰᬸᬧᬢᬶ᭞ᬯᬺᬤ᭄ᬥᬶᬯᬗ᭄ᬰᬳᬲᬸᬚᬶ᭞ᬮᬦᬂᬳᬶᬲ᭄ᬢ᭄ᬭᬶᬮᬶᬦ᭄ᬢᬂᬳᬬᬸ᭞ᬓᬲᬶᬦᬗ᭄ᬕᬄᬳ᭄ᬬᬂᬢᬶᬕ᭞ᬧ᭄ᬭᬕᬬᬦ᭄ᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬲᬫᬶᬳᬦᬹᬢ᭄᭞ᬓᬬᬸ᭠

Auto-transliteration

[1 1B] 1 /// • /// awighnamāstu /// • /// pupuḥsĕkar̀ /// duḥdewasangkacarita, pangawakingsaraśwati, wibhuhinghajñāṇasatwa, hidawantaḥśwarayoggi, pasombokaningkawi, ha naningpralambangkidung, mandadigaguritan, lingsanghyangmanonsujati, mragatutur, ringwwanghananingkadhar̀mman // tabehulunringbhaṭāra, tansakengtalpakenghaji, mangdata nkabhajrawiṣan, hasungbhaṭāranglingganin, sambeganingkaśyasiḥ, hulunprasangghamahatur, piliḥyankalinggyan, dumadaksihingawidhi, mangucapang, tingkaḥpajalanesubā // oṅġ‐ swastyastuhasthitya, lingsanghyangagamanguni, mĕtusakingpramaśūṇya, haṇṭākaraṇakadanin, hanacittawĕtubuddhi, sakingbuddhimanaḥtuhu, yuktiwĕtuhangkāra, śiwanir̀malāngragani [2 2A] 2 n, daditungtung, kūlāwangśaningbrāhmaṇa // punikilingninghakṣara, pūr̀wwahyangattamaja‐ti, maputrahidasanunggal, pĕsenganhidanel̥ĕwiḥ, hyangsitthadewakarihin, wantaḥsawi‐ jihasunu, patrahyangnaradewa, malar̀putranesawiji, nekawuwus, mapasenga‐nhyangnurasyā // sanghyangnurasyākinucap, hatmajāhidasawiji, hapuṣpithasanghyangtunggal, ha‐ dirisutanewyakti, papaśihelwiḥhadi, hyangratnamāyamanurun, hakweḥsamwaningwangśa, sājñanehyangpaśupati, ringsumeru, pucakinggirihasthanā // ringpadmaśaṇapalunggwan, da dospañungsungan'gumi, tanliyansanekalinggayang, hidasanghyangpaśupati, wr̥ĕddhiwangśahasuji, lananghistrilintanghayu, kasinanggaḥhyangtiga, pragayanhyangtriśakti, samihanūt, kayu‐

Leaf 2

Image on Archive.org

[᭒ 2B] ᭒ ᬦ᭄ᬳᬶᬤᬫᬲᬵᬦᬓᬦ᭄᭚ᬧᬲᬾᬗᬦᬾᬓᬮᬸᬫ᭄ᬩ᭄ᬭᬳᬂ᭞ᬦᬾᬧᬮᬶᬂᬚ᭄ᬬᬾᬱ᭄ᬝᬵᬫᬹᬃᬯ᭄ᬯᬦᬶᬦ᭄᭞ᬳᬶᬤᬲᬂᬳ᭄ᬬᬂᬧᬸᬢ᭄ᬭᬚᬬ᭞ᬳ᭄ᬬᬂᬖ᭄ᬦᬶᬚᬬᬓᬂᬳᬭᬶ᭞ᬧᬸᬦᬂᬚᬶᬱ᭄ᬡᬸᬧᬧᬰᬶᬄ᭞ᬓᬳᬸᬘᬧ᭄‌ᬦᬵᬣᬭᬶᬂᬤᬦᬸᬄ᭞ᬓᬲᬶᬦᬗ᭄ᬕᬄᬳ᭄ᬬᬂᬢᬶᬕ᭞ ᬲᬫᬶᬳᬢ᭄ᬯᬂᬓᬳᬢ᭄ᬯᬗᬶᬦ᭄᭞ᬉᬢ᭄ᬢᬫᬾᬂᬳ᭄ᬬᬸᬦ᭄᭞ᬫᬓᬳᬸᬭᬶᬧᬶᬂᬲᬚᬕᬢ᭄᭚ᬯᬮ᭄ᬬᬵᬦᬶᬦ᭄ᬫᬮᬶᬄᬳᬸᬘᬧᬂ᭞ᬳᬶᬤᬲᬂᬳ᭄ᬬᬂᬧᬰᬸᬧᬢᬶ᭞ᬫᬮᬶᬄᬯᬺᬤ᭄ᬥᬶᬯᬗ᭄ᬰᬦᬶᬭ᭞ᬚᬮᬸᬚᬮᬸᬘᬢᬹᬃᬯᬶᬚᬶ᭞ᬧᬸᬱ᭄ᬧᬶᬣᬦᬾᬜᬸᬦ᭄ᬤᬭᬶᬦ᭄᭞ ᬳ᭄ᬬᬂᬫᬡᬶᬓ᭄ᬕᬮᬂᬓᬲᬸᬂᬲᬸᬂ᭞ᬭᬶᬂᬧᬾᬚᬾᬂᬓᬮᬶᬗ᭄ᬕᬬᬂ᭞ᬳ᭄ᬬᬂᬫᬡᬶᬓ᭄ᬓᬸᬫᬬᬂᬫᬮᬶᬄ᭞ᬳᬶᬤᬫᬸᬗ᭄ᬕᬄ᭞ᬫᬧᬸᬭᬶᬭᬶᬂᬕᬶᬭᬶᬩ᭄ᬭᬢᬦ᭄᭚ᬲᬂᬳ᭄ᬬᬂᬢᬸᬫᬸᬯᬸᬄᬳᬸᬘᬧᬂ᭞ᬭᬶᬂᬯᬢᬸᬓᬭᬸᬫᬮᬶᬗ᭄ᬕᬶᬄ᭞ᬲᬂᬳ᭄ᬬᬂᬢᬸᬕᬸᬓᬭᬯᭀᬲᬂ᭞ᬭᬶᬂᬅᬡ᭄ᬥ ᬓᬱᬫᬮᬶᬗ᭄ᬕᬶᬄ᭞ᬲᬂᬳ᭄ᬬᬂᬢᬶᬕᬵᬧᬹᬃᬯ᭄ᬯᬦᬶᬦ᭄᭞ᬳ᭄ᬬᬂᬧᬸᬢ᭄ᬭᬚᬬᬓᬲᬳᬸᬃ᭞ᬳᬶᬤᬤᬾᬯᬦᬶᬂᬳᬘᬵᬮ᭞ᬫᬸᬗ᭄ᬕᬄᬭᬶᬂᬕᬶᬭᬶᬢᭀᬓ᭄ᬮᬗ᭄ᬓᬶᬃ᭞ᬲᬫᬶᬗᬸᬬᬸ᭞ᬫᬓᬧᬦᭂᬫ᭄ᬩᬳᬦ᭄ᬚᬕᬢ᭄᭚ᬧᬸᬦᬶᬓᬶᬫᬮᬶᬄᬢᬸᬢᬸᬭᬂ [᭓ 3A] ᭓ ᬳ᭄ᬬᬂᬖ᭄ᬦᬶᬚᬬᬧᬹᬃᬯ᭄ᬯᬦᬶᬦ᭄᭞ᬳᬓᬳ᭄ᬬᬗᬦ᭄‌ᬭᬶᬂᬍᬫ᭄ᬧᬸᬬᬂ᭞ᬢᬍᬃᬧᬜᬶᬯᬶᬬᬦ᭄‌ᬪᬸᬫᬶ᭞ᬳᬸᬕᭂᬭᬶᬂᬳᬶᬦ᭄ᬤᬸᬩᬮᬶ᭞ᬭᬯᬸᬳᬶᬂᬪᬝᬵᬭᬷᬤᬦᬸᬄ᭞ᬳᬶᬤᬦᬾᬓᬳᬸᬘᬧᬂ᭞ᬭᬶᬂᬩᬢᬹᬃᬍᬩᬄᬯᬦᬵᬤ᭄ᬭᬶ᭞ᬲᬫᬶᬜᬸᬳᬸᬦ᭄᭞ᬲᬳᬶᬦ᭄ᬤᬸ ᬩᬮᬶᬳᬕᬫ᭚ᬦᬾᬫᬗ᭄ᬓᬶᬦ᭄ᬫᬮᬶᬄᬮᬦ᭄ᬢᬸᬭᬂ᭞ᬧᬫᬸᬕᭂᬭᬶᬂᬳᬶᬦ᭄ᬤᬸᬩᬮᬶ᭞ᬭᬶᬂᬩᬰᬓᬶᬄᬓᬳᬸᬘᬧᬂ᭞᭠ᬮᬶᬗ᭄ᬕᬶᬄᬳᬶᬤᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬓᬬᬗᬦᬾᬲᬸᬚᬢᬶ᭞ᬧᬸᬭᬵᬧᬦᬢᬭᬦ᭄‌‌ᬅᬕᬸᬂ᭞ᬭᬶᬂᬧᬤ᭄ᬫᬵᬰᬡᬢᬶᬕ᭞ᬯᬶᬰᬾ ᬱᬧᬭᬫᬰᬓ᭄ᬢᬶ᭞ᬓᬵᬮᬦᬸᬚᬸ᭞ᬳ᭄ᬬᬸᬦ᭄ᬤᬶᬤᬫᬢ᭄ᬭᬶᬯᬶᬓ᭄ᬭᬫ᭚ᬇᬭᬶᬓᬵᬪᬝᬵᬭᬢᬶᬕ᭞ᬘᬾᬢ᭄ᬢᬦᬭᬶᬂᬢᭀᬓ᭄ᬮᬗ᭄ᬓᬶᬭ᭄᭞ᬲᬫᬶᬳᬶᬤᬗᬶᬦᭂᬗᬂᬬᭀᬕ᭄ᬕ᭞ᬳᬕ᭄ᬭᬦᬶᬂᬕᬶᬭᬶᬢᭀᬓ᭄ᬮᬗ᭄ᬓᬶᬭ᭄᭞ᬳᬚ᭄ᬜᬵᬡᬮ᭄ᬯᬶᬄᬲᬸᬲᬦ᭄ᬤᬶ᭞ᬚᬢᬶ᭠ ᬲᬂᬫ᭄ᬭᬕᬧᬸᬢᬸᬲ᭄᭞ᬢ᭄ᬯᬶᬳᬶᬤᬧ᭄ᬭᬫᬰᬢ᭄ᬢ᭄ᬬ᭞ᬫᬺᬢ᭄ᬢᬶᬦᬶᬂᬬᭀᬕ᭄ᬕᬲᬫᬵᬥᬶ᭞ᬓᬭᬕᬾᬂᬳ᭄ᬬᬸᬦ᭄᭞ᬮᬸᬗᬶᬦᬶᬂᬧᬢ᭄ᬭᬶᬯᬶᬓ᭄ᬭᬫ᭚ᬤᬳᬢ᭄ᬲᬸᬓ᭄ᬱ᭄ᬫᬦᬶᬂᬳ᭄ᬬᬂᬢᬶᬕ᭞ᬫᬗ᭄ᬭᬜ᭄ᬚᬶᬂᬭᬶᬰᬹᬡ᭄ᬬᬪᬸᬫᬶ᭞ᬫᬯᬲ᭄ᬢᬸᬰᬹᬡ᭄ᬬᬦᬶᬃᬫᬮᬵ᭞

Auto-transliteration

[2 2B] 2 nhidamasānakan // pasenganekalumbrahang, nepalingjyeṣṭāmūr̀wwanin, hidasanghyangputrajaya, hyangghnijayakanghari, punangjiṣṇupapaśiḥ, kahucapnātharingdanuḥ, kasinanggaḥhyangtiga, samihatwangkahatwangin, uttamenghyun, makahuripingsajagat // walyāninmaliḥhucapang, hidasanghyangpaśupati, maliḥwr̥ĕddhiwangśanira, jalujalucatūr̀wiji, puṣpithaneñundarin, hyangmaṇikgalangkasungsung, ringpejengkalinggayang, hyangmaṇikkumayangmaliḥ, hidamunggaḥ, mapuriringgiribratan // sanghyangtumuwuḥhucapang, ringwatukarumalinggiḥ, sanghyangtugukarawosang, ringaṇdha kaṣamalinggiḥ, sanghyangtigāpūr̀wwanin, hyangputrajayakasahur̀, hidadewaninghacāla, munggaḥringgiritoklangkir̀, saminguyu, makapanĕmbahanjagat // punikimaliḥtuturang [3 3A] 3 hyangghnijayapūr̀wwanin, hakahyanganringl̥ĕmpuyang, tal̥ĕr̀pañiwiyanbhumi, hugĕringhindubali, rawuhingbhaṭārīdanuḥ, hidanekahucapang, ringbatūr̀l̥ĕbaḥwanādri, samiñuhun, sahindu balihagama // nemangkinmaliḥlanturang, pamugĕringhindubali, ringbaśakiḥkahucapang, ‐linggiḥhidahyangtriśakti, kayanganesujati, purāpanataranagung, ringpadmāśaṇatiga, wiśe ṣaparamaśakti, kālanuju, hyundidamatriwikrama // irikābhaṭāratiga, cettanaringtoklangkir, samihidanginĕngangyogga, hagraninggiritoklangkir, hajñāṇalwiḥsusandi, jati‐ sangmragaputus, twihidapramaśattya, mr̥ĕttiningyoggasamādhi, karagenghyun, lunginingpatriwikrama // dahatsukṣmaninghyangtiga, mangrañjingriśūṇyabhumi, mawastuśūṇyanir̀malā,

Leaf 3

Image on Archive.org

[᭓ 3B] ᭓ ᬳ᭄ᬬᬂᬧᬸᬢ᭄ᬭᬚᬬᬧᬹᬃᬯ᭄ᬯᬦᬶᬦ᭄᭞ᬗ᭄ᬭᭂᬕᭂᬧᬂᬬᭀᬕ᭄ᬕᬲᬦ᭄ᬤᬶ᭞ᬢᬦ᭄ᬤ᭄ᬯᬕᬸᬦᬸᬗᬾᬫᬓᭂᬧ᭄ᬮᬸᬕ᭄᭞ᬯᭂᬢᬸᬢᬂᬲᬮᭀᬤᬓ᭞ᬓᭂᬢᬸᬕ᭄ᬮᬶᬡ᭄ᬥᬸᬫᬜᬋᬗᬶᬦ᭄᭞ᬯᭂᬢᬸᬓᬸᬓᬸᬲ᭄᭞ᬳᬯᭀᬭᬶᬂᬳᬧᬸᬬ᭄‌ᬤᬸᬫᬶᬮᬄ᭚ᬲᬓᬶᬂᬲᬂᬳ᭄ᬬᬂᬭ᭄ᬯᬵ ᬪᬶᬦᬾᬥ᭞ᬫᬶᬚᬶᬮ᭄‌ᬧᬸᬢᬸᬦᬾᬓᬓᬮᬶᬄ᭞ᬮᬦᬂᬳᬶᬲ᭄ᬢ᭄ᬭᬶᬧᬭᬶᬧᬹᬃᬡ᭄ᬦ᭞ᬮᬶᬲ᭄ᬢ᭄ᬯᬬᬸᬳᬦᭀᬫ᭄ᬳᬧᭂᬓᬶᬓ᭄᭞ᬦᬾᬤᬸᬳᬸᬭᬦ᭄ᬧᬧᬰᬶᬄ᭞ᬪᬝᬵᬭᬕᬡᬓᬯᬸᬯᬸᬲ᭄᭞ᬭᬶᬂᬤᬲᬃᬳᬧᬃᬳ᭄ᬬᬗᬦ᭄᭞ᬳ᭄ᬬᬂᬫᬡᬶᬓ᭄‌ᬖ᭄ᬦᬶᬓᬂᬳᬭᬶ᭞ᬳᬶ᭠ ᬲ᭄ᬢ᭄ᬭᬶᬳᬬᬸ᭞ᬘᬾᬢ᭄ᬢᬦᬭᬶᬂᬬᬫ᭄ᬩᬸᬤ᭄ᬯᬶᬧ᭚ᬗᬶᬭᬶᬂᬧᬺᬦᬄᬓᬓ᭄ᬬᬗᬶᬭ᭞ᬳ᭄ᬬᬂᬧᬰᬸᬧᬢᬶᬭᬢ᭄ᬦᬵᬤᬶ᭞ᬧᬶᬦᬓᬘᬢ᭄ᬭᬦᬶᬂᬲᬭᬵᬢ᭄᭞ᬫᬓᬧᬗᬦ᭄ᬢᬸᬗᬦ᭄ᬳᬸᬭᬶᬧ᭄᭞ᬓᬲᬶᬗ᭄ᬕ᭄ᬬᬂᬭᬶᬂᬪᬸᬫᬶ᭞ᬭᬶᬂᬧᬤ᭄ᬫᬵᬰᬡᬳᬮᬸᬗ᭄ᬕᬸᬄ᭞ᬭᬶᬂᬲᬸᬫᬾᬭᬸ᭠ ᬳᬘᬵᬮ᭞ᬦᬾᬫᬗ᭄ᬓᬶᬦ᭄ᬫᬮᬶᬄᬯᬮ᭄ᬬᬦᬶᬦ᭄᭞ᬭᬶᬂᬅᬤ᭄ᬭᬶᬕᬸᬂ᭞ᬳ᭄ᬬᬂᬖ᭄ᬦᬶᬚᬬᬳᬸᬘᬧᬂ᭚ᬢᬢ᭄ᬓᬵᬮᬳᬗ᭄ᬮᬭᬂᬬᭀᬕ᭄ᬕ᭞ᬭᬶᬂᬧᬸᬘᬓ᭄ᬕᬶᬭᬶᬢᭀᬓ᭄ᬮᬗ᭄ᬓᬶᬭ᭄᭞ᬢᬦ᭄ᬤᬸᬫᬤᬾᬫᬕᬾᬜ᭄ᬚᭀᬗᬦ᭄᭞ᬫᬗᭂᬢᭀᬃᬕᬸᬦᬸ [᭔ 4A] ᭔ ᬗᬾᬫᬜ᭄ᬚ᭄ᬭᬶᬢ᭄᭞ᬫᬓᭂᬧ᭄ᬮᬸᬕ᭄‌ᬯᬶᬚᬶᬮ᭄ᬳᬧᬸᬬ᭄᭞ᬧ᭄ᬢᭂᬂᬓᬮᬶᬫᬸᬢᬦ᭄ᬓᬸᬓᬸᬲ᭄᭞ᬫᬓ᭄ᬮᬶᬬᭂᬩ᭄ᬤᬶᬓᬦᬂᬭᬵᬢ᭄᭞ᬫᬤᬸᬮᬸᬭᬦ᭄ᬓᭂᬢᬸᬕ᭄ᬢᬶᬢᬶᬃ᭞ᬲ᭄ᬯᬭᬵᬗ᭄ᬭᬸᬤᬸᬕ᭄᭞ᬩ᭄ᬮᬩᬸᬃᬳᬧᬸᬬ᭄‌ᬫᬳᬸᬜ᭄ᬘᬩᬦ᭄᭚ᬇᬭᬶᬓᬵᬕᬸᬦᬸᬗᬾᬫᭀᬮᬄ᭞ᬫᬸ᭠ ᬫ᭄ᬩᬸᬮ᭄ᬳᬧᬸᬯᬶᬦᬾᬫᬗᭂᬦ᭄ᬤᬶᬄ᭞ᬲᬓᬶᬂᬳ᭄ᬬᬂᬧᬜ᭄ᬘᬧ᭄ᬭᬫᬡ᭞ᬫᬶᬚᬶᬮ᭄‌ᬧᬸᬢ᭄ᬭᬮᬶᬫᬂᬤᬶᬭᬶ᭞ᬓᬧᬜ᭄ᬘᬲᬫᬶᬮᬓᬶ᭞ᬯᬃᬡ᭄ᬦᬦ᭄ᬳᬶᬤᬮᬶᬦ᭄ᬢᬂᬩᬕᬸᬲ᭄᭞ᬧᬥᬉᬢ᭄ᬢᬫᬾᬂᬳᬚ᭄ᬜᬵᬡ᭞ᬳᬲᬶᬂᬓᬬᬸᬦ᭄ᬲᬶᬤ᭄ᬥᬶᬫᬦ᭄ᬤᬶ᭞ᬚᬢᬶᬧᬸᬢᬸᬲ᭄᭞ᬫᬭ ᬕᬤᬾᬯᬲᬓᬮᬵ᭚ᬓᬣᬳᬶᬓᬂᬧᬮᬶᬂᬚ᭄ᬬᬾᬱ᭄ᬝ᭞ᬧᬧᬰᬶᬄᬳᬶᬤᬲᬸᬚᬢᬶ᭞ᬇᬤᬫ᭄ᬧᬸᬖ᭄ᬦᬶᬚᬬ᭞ᬢᬸᬗ᭄ᬕᬮ᭄ᬭᬶᬂᬦᬵᬫᬲᬂᬳᬚᬶ᭞ᬓᬂᬧᬗ᭄ᬳᬸᬮᬸᬓᬯᬃᬡ᭄ᬦᬶ᭞ᬳᬲᬵᬚ᭄ᬜᬫ᭄ᬧᬸᬲᬸᬫᬾᬭᬸ᭞ᬲᬦᬾᬭᬶᬂᬓᬧᬶᬂᬢᬶᬕ᭞ᬫ᭄ᬧᬸᬕᬡ ᬓᬧᬭᬩᬶᬦ᭄᭞ᬦᬾᬓᬘᬢᬹᬃ᭞ᬧᬸᬱ᭄ᬧᬶᬢ᭄ᬣᬫ᭄ᬧᬸᬓᬸᬢᬸᬭᬦ᭄᭚ᬦᬾᬧᬫᬸᬗ᭄ᬰᬸᬘᬭᬶᬢᬬᬂ᭞ᬧᬸᬱ᭄ᬧᬶᬣᬦ᭄ᬳᬶᬤᬦᬾᬯ᭄ᬬᬓ᭄ᬢᬶ᭞ᬫ᭄ᬧᬸᬩ᭄ᬭᬤᬄᬓᬮᬸᬫ᭄ᬩ᭄ᬭᬳᬂ᭞ᬤᬤᭀᬲ᭄ᬧᬜ᭄ᬘᬢᬶᬃᬢ᭄ᬣᬳᭂᬦᬶᬂ᭞ᬫᬲᬵᬦᬓ᭄‌ᬲᬫᬶᬳ

Auto-transliteration

[3 3B] 3 hyangputrajayapūr̀wwanin, ngrĕgĕpangyoggasandi, tandwagunungemakĕplug, wĕtutangsalodaka, kĕtugliṇdhumañar̥ĕngin, wĕtukukus, haworinghapuydumilaḥ // sakingsanghyangrwā bhinedha, mijilputunekakaliḥ, lananghistriparipūr̀ṇna, listwayuhanomhapĕkik, neduhuranpapaśiḥ, bhaṭāragaṇakawuwus, ringdasar̀hapar̀hyangan, hyangmaṇikghnikanghari, hi‐ strihayu, cettanaringyambudwipa // ngiringpr̥ĕnaḥkakyangira, hyangpaśupatiratnādi, pinakacatraningsarāt, makapangantunganhurip, kasinggyangringbhumi, ringpadmāśaṇahalungguḥ, ringsumeru‐ hacāla, nemangkinmaliḥwalyanin, ringadrigung, hyangghnijayahucapang // tatkālahanglarangyogga, ringpucakgiritoklangkir, tandumademageñjongan, mangĕtor̀gunu [4 4A] 4 ngemañjrit, makĕplugwijilhapuy, ptĕngkalimutankukus, makliyĕbdikanangrāt, madulurankĕtugtitir̀, swarāngrudug, blabur̀hapuymahuñcaban // irikāgunungemolaḥ, mu‐ mbulhapuwinemangĕndiḥ, sakinghyangpañcapramaṇa, mijilputralimangdiri, kapañcasamilaki, war̀ṇnanhidalintangbagus, padha'uttamenghajñāṇa, hasingkayunsiddhimandi, jatiputus, mara gadewasakalā // kathahikangpalingjyeṣṭa, papaśiḥhidasujati, idampughnijaya, tunggalringnāmasanghaji, kangpanghulukawar̀ṇni, hasājñampusumeru, saneringkapingtiga, mpugaṇa kaparabin, nekacatūr̀, puṣpitthampukuturan // nepamungśucaritayang, puṣpithanhidanewyakti, mpubradaḥkalumbrahang, dadospañcatir̀tthahĕning, masānaksamiha

Leaf 4

Image on Archive.org

[᭔ 4B] ᭔ ᬲᬶᬄ᭞ᬧᬸᬦᬶᬓᬦᬾᬧᬮᬶᬂᬤᬸᬳᬸᬃ᭞ᬳᬶᬤᬫ᭄ᬧᬸᬖ᭄ᬦᬶᬚᬬ᭞ᬫᬗᬶᬭᬶᬂᬓᬬᬸᬦ᭄ᬲᬂᬳᬚᬶ᭞ᬗᬸᬗ᭄ᬰᬶᬮᬸᬗ᭄ᬕᬸᬄ᭞ᬧᬸᬘ᭠ᬓᬶᬂᬕᬸᬦᬸᬂᬮᬫ᭄ᬧᬸᬬᬂ᭚ᬳᬶᬤᬲᬂᬳ᭄ᬬᬂᬧᬸᬢ᭄ᬭᬚᬬ᭞ᬘᬾᬢ᭄ᬢᬦᬫᬭᬶᬂᬩᬰᬓᬶᬄ᭞ᬫᬭᬕᬰᬹᬡ᭄ᬬᬦᬶᬃᬫᬮᬵ᭞ᬧᭂᬦᭂᬢ᭄ᬢ ᬦ᭄ᬓᬢᭀᬦ᭄ᬭᬶᬂᬪᬸᬫᬶ᭞ᬭᬶᬂᬧᬤ᭄ᬫᬢᬶᬕᬵᬮᬶᬗ᭄ᬕᬶᬄ᭞ᬯᬸᬯᬸᬲᭂᬦ᭄ᬪᬝᬵᬭᬷᬤᬦᬸᬄ᭞ᬳᬓᬳ᭄ᬬᬗᬦ᭄ᬭᬶᬂᬍᬩᬄ᭞ᬇᬭᬶᬓᬵᬳᬶᬤᬗᬰ᭄ᬭᬫᬶ᭞ᬕᬸᬦᬸᬂᬩᬢᬹᬃ᭞ᬳᬸᬮᬸᬦ᭄ᬤᬦᬸᬓᬳᬸᬘᬧᬂ᭚ᬫᬮᬶᬄᬧᬹᬃᬯ᭄ᬯᬳᬶᬓᬂᬓᬣ᭞ᬳᬶᬤᬲᬂᬘᬢᬹᬃᬫᬵ ᬬᬢᬶ᭞ᬳᬶᬓᬂᬧᬗ᭄ᬳᬸᬮᬸᬳᬸᬘᬧᬂ᭞ᬫ᭄ᬧᬸᬲᬸᬫᬾᬭᬸᬫᬗ᭄ᬭᬭᬶᬲ᭄᭞ᬭᬶᬂᬩᬰᬓᬶᬄᬫᬮᬶᬗ᭄ᬕᬶᬄ᭞ᬗᬶᬭᬶᬂᬤᬵᬲᬂᬧ᭄ᬭᬫᬕᬸᬭᬸ᭞ᬓᬂᬳᬭᬶᬫ᭄ᬧᬸᬕᬡ᭞ᬓᬤᬲᬃᬕᬾᬮ᭄ᬕᬾᬮ᭄ᬫᬗ᭄ᬭᬭᬶᬲ᭄᭞ᬫᬗᬶᬭᬶᬂᬳ᭄ᬬᬸᬦ᭄᭞ᬧᬺᬡᬄᬳᬶᬤᬳᬫᬶᬲᬦ᭄᭚ᬧᬸ᭠ ᬦᬶᬓᬵᬫ᭄ᬧᬸᬓᬸᬢᬸᬭᬦ᭄᭞ᬘᬾᬢ᭄ᬢᬦᬭᬶᬂᬰᬾᬮᬬᬸᬓ᭄ᬢᬶ᭞ᬳᬶᬭᬶᬓᬵᬦᬗᬸᬦ᭄ᬧᬰ᭄ᬭᬫᬦ᭄᭞ᬭᬶᬂᬧᬸᬘ᭠ᬓ᭄ᬕᬸᬦᬸᬗᬾᬗᬶᬗ᭄ᬕᬶᬮ᭄᭞ᬫᬗᬸᬗ᭄ᬓᬸᬮᬶᬦ᭄ᬚᬮᬥᬶ᭞ᬓᬳᬶᬍᬳᬦ᭄‌ᬭ᭄ᬬᬓ᭄ᬳᬕᬸᬂ᭞ᬳᬦᬹᬢ᭄ᬮᬶᬗ᭄ᬕᬶᬄᬧᬬᭀᬕ᭄ᬕᬦ᭄᭞ᬩ᭄ᬭ [᭕ 5A] ᭕ ᬢᬲᬫᬵᬥᬶᬧᬶᬦᬸᬚᬶ᭞ᬧᬕᭂᬄᬧᬸᬕᬸᬄ᭞ᬗᬫᭀᬂᬰᬸᬓ᭄ᬮᬩ᭄ᬭᬵᬳ᭄ᬫᬵᬘᬃᬬ᭄ᬬ᭚ᬇᬤᬲᬦᬾᬗᬯᬾᬦ᭄ᬢᭂᬦᬂ᭞ᬢᬶᬗ᭄ᬓᬄᬳᬕᬫᬦᬾᬲᬫᬶ᭞ᬗᬃᬤ᭄ᬥᬶᬦᬶᬦ᭄‌‌ᬯᬮ᭄ᬬᬵᬕᬸᬂᬧᬲᬃ᭞ᬧᬸᬭᬧᬸᬲᭂᬳᬾᬫᬓᬵᬤᬶ᭞ᬭᬶᬂᬤᬍᬫ᭄‌ᬘᬸᬗ᭄ᬓᬸᬩ᭄ᬫ ᬮᬶᬄ᭞ᬫᬯᬵᬱ᭄ᬝᬓᬳ᭄ᬬᬗᬦ᭄ᬢᭂᬮᬸ᭞ᬳᬤᬢ᭄ᬤᬾᬰᬓᬳᬸᬘᬧ᭄᭞ᬢᭂᬓᬦᬶᬂᬳᬘᬶᬦᬾᬲᬫᬶ᭞ᬕᬫᬵ᭠ᬳᬶᬦ᭄ᬥᬸ᭞ᬓᬲᭂᬩᬭᬂᬭᬶᬂᬯᬮ᭄ᬬᬵᬕ᭚ᬯᬸᬯᬸᬲᭂᬦ᭄ᬳᬶᬤᬫ᭄ᬧᬸᬩ᭄ᬭᬥᬄ᭞ᬭᬶᬂᬬᬯᬤ᭄ᬯᬶᬧᬫᬮᬶᬗ᭄ᬕᬶᬄ᭞ᬓᬳᬸᬘᬧ᭄ᬫᭂᬥᬂᬓ᭠ ᬫᬸᬮᬦ᭄᭞ᬲᬓᬶᬂᬧᬦᬶᬦ᭄ᬢᬦ᭄‌ᬪᬹᬧᬢᬶ᭞ᬳᬕᬸᬂᬫᬜᬓ᭄ᬭᬪᬹᬫᬶ᭞ᬧ᭄ᬭᬪᬹᬐᬃᬮᬗ᭄ᬕ᭄ᬬᬚᬸᬚᬸᬮᬸᬓ᭄᭞ᬢ᭄ᬯᬶᬤᬦᬾᬫᬗᬤᭂᬕᬂ᭞ᬤᬤᭀᬲ᭄ᬕ᭄ᬭᬦᬶᬂᬘᬸᬤ᭄ᬥᬫᬡᬶ᭞ᬲᬫᬶᬗᬸᬬᬸ᭞ᬳᬦ᭄ᬢᬸᬓ᭄‌ᬉᬢ᭄ᬢᬫᬾᬂᬳᬚ᭄ᬜᬵᬡ᭚ᬳᬶᬤᬲᬦᬾ ᬫᬦᬶᬗ᭄ᬕᬮᬂ᭞ᬲᬶᬦᬸᬭᬵᬢ᭄ᬫᬓᬦ᭄ᬢᬗᬹᬦᬶ᭞ᬤᬸᬓ᭄ᬓᬕ᭄ᬭᬶᬗᬦᬾᬭᬶᬂᬤᬶᬭᬄ᭞ᬓᬾᬲᬄᬳᬦ᭄ᬢᬸᬓ᭄ᬳᬶᬤᬲᬫᬶ᭞ᬦᬾᬫᬺᬢᬄᬤᬤᬶᬳᬸᬭᬶᬧ᭄᭞ᬓᬢᬯᬃᬩᬵᬦ᭄ᬓᬫᬡ᭄ᬥᬮᬸ᭞ᬢᬸᬱ᭄ᬝᬵᬋᬡᬓᬂᬧᬭᬵ᭞ᬮᬸᬦᬲ᭄ᬮᬦᬸᬲ᭄‌ᬯᬭᬲ᭄ᬳᬸ

Auto-transliteration

[4 4B] 4 siḥ, punikanepalingduhur̀, hidampughnijaya, mangiringkayunsanghaji, ngungśilungguḥ, puca‐kinggununglampuyang // hidasanghyangputrajaya, cettanamaringbaśakiḥ, maragaśūṇyanir̀malā, pĕnĕtta nkatonringbhumi, ringpadmatigālinggiḥ, wuwusĕnbhaṭārīdanuḥ, hakahyanganringl̥ĕbaḥ, irikāhidangaśrami, gunungbatūr̀, hulundanukahucapang // maliḥpūr̀wwahikangkatha, hidasangcatūr̀mā yati, hikangpanghuluhucapang, mpusumerumangraris, ringbaśakiḥmalinggiḥ, ngiringdāsangpramaguru, kangharimpugaṇa, kadasar̀gelgelmangraris, mangiringhyun, pr̥ĕṇaḥhidahamisan // pu‐ nikāmpukuturan, cettanaringśelayukti, hirikānangunpaśraman, ringpuca‐kgunungenginggil, mangungkulinjaladhi, kahil̥ĕhanryak'hagung, hanūtlinggiḥpayoggan, bra [5 5A] 5 tasamādhipinuji, pagĕḥpuguḥ, ngamongśuklabrāhmācar̀yya // idasanengawentĕnang, tingkaḥhagamanesami, ngar̀ddhininwalyāgungpasar̀, purapusĕhemakādi, ringdal̥ĕmcungkubma liḥ, mawāṣṭakahyangantĕlu, hadatdeśakahucap, tĕkaninghacinesami, gamā‐hindhu, kasĕbarangringwalyāga // wuwusĕnhidampubradhaḥ, ringyawadwipamalinggiḥ, kahucapmĕdhangka‐ mulan, sakingpanintanbhūpati, hagungmañakrabhūmi, prabhū'air̀langgyajujuluk, twidanemangadĕgang, dadosgraningcuddhamaṇi, saminguyu, hantukuttamenghajñāṇa // hidasane maninggalang, sinurātmakantangūni, dukkagringaneringdiraḥ, kesaḥhantuk'hidasami, nemr̥ĕtaḥdadihurip, katawar̀bānkamaṇdhalu, tuṣṭār̥ĕṇakangparā, lunaslanuswarashu

Leaf 5

Image on Archive.org

[᭕ 5B] ᭕ ᬭᬶᬧ᭄᭞ᬲᬬᬦ᭄ᬮᬦ᭄ᬤᬸᬄ᭞ᬚᬕᬢᬾᬓᬺᬢ᭄ᬢᬲᬸᬪᬶᬓ᭄ᬱ᭚ᬲᬬᬦ᭄ᬓᬲᬸᬫᬚ᭄ᬬᬂᬧᬶᬲᬦ᭄᭞ᬫᬳᬵᬚ᭄ᬜᬵᬡᬦᬾᬂᬲᬂᬬᬵᬢᬶ᭞ᬳᬶᬤᬯᬭᬵᬫ᭄ᬧᬸᬩ᭄ᬭᬥᬄ᭞ᬭᬶᬂᬬᬯᬤᭂᬳᬵᬦᬵᬕᬭᬶ᭞ᬓᬂᬧᬭᬵᬮᬶᬦ᭄ᬢᬂᬳᬲᬶᬄ᭞ᬲᬂᬲᬸᬚᬦᬵᬲ ᬫᬶᬳᬯᬸᬕ᭄᭞ᬮᬸᬯᬶᬄᬫᬦᬸᬪᬵᬯᬦ᭄ᬳᬶᬤ᭞ᬲᬸᬢᬾᬚᬤᬶᬧ᭄ᬢᬵᬫᬗᭂᬡ᭄ᬤᬶᬄ᭞ᬲᬫᬶᬦᬸᬗ᭄ᬓᬸᬮ᭄᭞ᬯᬢᭂᬓ᭄‌ᬤᬸᬃ᭠ᬚᬦᬵᬦᬾᬓᬮᬄ᭚ᬓᬮᬶᬄᬓᬵᬢᬸᬭᬦ᭄ᬧᬰ᭄ᬭᬫᬦ᭄᭞ᬭᬶᬂᬍᬫᬄᬢᬸᬮᬶᬲ᭄‌ᬦᬵᬕᬭᬶ᭞ᬧᬸᬧᬸᬢᬶᬂᬧᬗᬸᬭᬶᬬᬕ᭠ ᬦ᭄᭞ᬓᬳᬭᬶᬳᬦ᭄ᬢᬸᬓ᭄‌ᬲᬂᬅᬚᬶᬄᬤᬾᬯᬶᬖᭀᬭᬶᬧᬧᬰᬶᬄ᭞ᬫᬓᬲ᭄ᬯᬫᬶᬦ᭄ᬲᬂᬫᬳᬵᬫ᭄ᬧᬸ᭞ᬬᬸᬓ᭄ᬢᬶᬳᬶᬤᬫ᭄ᬧᬸᬩ᭄ᬭᬥᬄ᭞ᬲᬵᬫ᭄ᬧᬸᬦ᭄‌ᬦᬵᬕᬭᬲᬯᬶᬚᬶ᭞ᬳᬶᬲ᭄ᬢ᭄ᬭᬶᬳᬬᬸ᭞ᬫᬓᬳᬃᬤ᭄ᬥᬦᬭᬾᬰ᭄ᬯᬃᬬ᭄ᬬ᭚ᬧᬺᬡᬄᬲᬵᬦᬢ᭄ ᬫ᭄ᬧᬸᬓᬦ᭄ᬯᬵ᭞ᬜᭂᬦᭂᬂᬫᬓᬧ᭄ᬭᬫᬶᬰ᭄ᬯᬭᬷ᭞ᬤᬾᬯᬶᬖᭀᬭᬶᬦᬾᬳᬮᬶᬢᬦ᭄᭞ᬓᬓᬵᬮᬶᬄᬭᬩᬶᬦᬾᬯ᭄ᬬᬓ᭄ᬢᬶ᭞ᬦᬾᬤᬸᬳᬸᬭᬦ᭄ᬧᬹᬃᬯ᭄ᬯᬦᬶᬦ᭄᭞ᬭᭀᬭᭀᬧᬸᬢ᭄ᬭᬦᬾᬫᬦᬸᬭᬸᬦ᭄᭞ᬧᭂᬓᬶᬓ᭄ᬧᭂᬓᬶᬓ᭄‌ᬲᬫᬶᬮᬦᬂ᭞ [᭖ 6A] ᭖ ᬫ᭄ᬧᬸᬩᬳᬸᬮᬵᬧᬧᬰᬶᬄ᭞ᬓᬂᬧᬗᬸᬮᬸ᭞ᬰᬶᬯᬕᬡ᭄ᬥᬸᬓᬳᬸᬘᬧᬂ᭚ᬳᭂᬫ᭄ᬧᬸᬩᬳᬸᬮᬵᬘ᭄ᬭᬶᬢᬬᬂ᭞ᬭᬶᬂᬍᬫᬄᬢᬸᬮᬶᬲ᭄‌ᬗᬰ᭄ᬭᬫᬶ᭞ᬗᬶᬭᬶᬂᬮᬯᬦ᭄ᬳᬚᬶᬦ᭄ᬳᬶᬤ᭞ᬦᬶᬢ᭄ᬬᬵᬱᬦᬶᬢᬶᬫᬦᬶᬯᬶ᭞ᬧᬫᭂᬂᬧᭂᬂᬫᬹᬃᬯ᭄ᬯᬳ᭄ᬬᬸᬡᬶ᭞ᬲᬵᬫ᭄ᬧᬸᬦ᭄ᬗ᭠ ᬮᬧ᭄‌ᬖᬭᬳᬬᬸ᭞ᬳᬶᬲ᭄ᬢ᭄ᬭᬶᬍᬯᬶᬄᬲᬓᬶᬂᬥᬶᬭᬄ᭞ᬧᬭᬩᬾᬭᬵᬢ᭄ᬦᬫᬗ᭄ᬕᬮᬶ᭞ᬫᬸᬮᬵᬓᬲᬸᬩ᭄᭞ᬳᬦᬓ᭄ᬯᬮᬸᬦᬵᬣᬾᬂᬥᬶᬭᬄ᭚ᬤᬾᬯᬶᬖᭀᬭᬶᬘᬭᬶᬢᬬᬂ᭞ᬳᬦᬧᬸᬢ᭄ᬭᬦᬾᬲᬯᬶᬚᬶ᭞ᬳᬶᬲ᭄ᬢ᭄ᬭᬶᬚᭂᬕᬾᬕ᭄ᬗᬬᬂᬳᬬᬂ᭞ᬲᬂᬳ᭄ᬬᬂ ᬭᬢᬶᬄᬬᬦ᭄ᬳᬸᬧᬫᬶ᭞ᬳᬭᬦ᭄ᬥ᭄ᬬᬄᬫᬾᬥᬯᬢᬶ᭞ᬳᬶᬩᬸᬦᬾᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬓᬢᬶᬩᬾᬦ᭄ᬕ᭄ᬭᬶᬂᬫ᭄ᬭᬡ᭞ᬦᬵᬮᬶᬓᬦ᭄ᬢᬶᬢᬳᬶᬂᬯᬶᬥᬶ᭞ᬲᬵᬫ᭄ᬧᬸᬦ᭄ᬢᬸᬤᬸᬄ᭞ᬳᬦᭀᬫ᭄ᬓᬧᬸᬗ᭄ᬕᭂᬮᬦ᭄‌ᬬᬸᬱ᭚ᬢᬦ᭄ᬫᬭᬶᬧᬸᬢ᭄ᬭᬵᬲᬲᬫ᭄ᬩᬢ᭄᭞ ᬲᭂᬤᬶᬄᬳᬾᬮᬶᬂᬭᬶᬂᬳᬶᬩᬶᬩᬶ᭞ᬩᬂᬩᬂᬳᬶᬩᬸᬦᬾᬓᬳᭀᬕᬄ᭞ᬲᬤᬶᬦᬵᬓᬧᬸᬮᬶᬲᬳᬶᬦ᭄᭞ᬓᬗᭂᬦ᭄ᬳᬶᬤᬲᬂᬳᬚᬶ᭞ᬭᬯᬸᬄᬧᬸᬢ᭄ᬭᬦᬾᬓᬕᭂᬮᬸᬢ᭄᭞ᬢᬦ᭄ᬤ᭄ᬯᬭᬭᬶᬲ᭄ᬓᬳᭂᬫ᭄ᬩᬦ᭄᭞ᬳᬶᬭᬶᬓᬵᬓᬧᬧᬲᬶᬳᬶᬦ᭄᭞

Auto-transliteration

[5 5B] 5 rip, sayanlanduḥ, jagatekr̥ĕttasubhikṣa // sayankasumajyangpisan, mahājñāṇanengsangyāti, hidawarāmpubradhaḥ, ringyawadĕhānāgari, kangparālintanghasiḥ, sangsujanāsa mihawug, luwiḥmanubhāwanhida, sutejadiptāmangĕṇdiḥ, saminungkul, watĕkdur̀‐janānekalaḥ // kaliḥkāturanpaśraman, ringl̥ĕmaḥtulisnāgari, puputingpanguriyaga‐ n, kaharihantuksangajiḥdewighoripapaśiḥ, makaswaminsangmahāmpu, yuktihidampubradhaḥ, sāmpunnāgarasawiji, histrihayu, makahar̀ddhanareśwar̀yya // pr̥ĕṇaḥsānat mpukanwā, ñĕnĕngmakapramiśwarī, dewighorinehalitan, kakāliḥrabinewyakti, neduhuranpūr̀wwanin, roroputranemanurun, pĕkikpĕkiksamilanang, [6 6A] 6 mpubahulāpapaśiḥ, kangpangulu, śiwagaṇdhukahucapang // hĕmpubahulācritayang, ringl̥ĕmaḥtulisngaśrami, ngiringlawanhajinhida, nityāṣanitimaniwi, pamĕngpĕngmūr̀wwahyuṇi, sāmpunnga‐ lapgharahayu, histril̥ĕwiḥsakingdhiraḥ, paraberātnamanggali, mulākasub, hanakwalunāthengdhiraḥ // dewighoricaritayang, hanaputranesawiji, histrijĕgegngayanghayang, sanghyang ratiḥyanhupami, harandhyaḥmedhawati, hibunemangkinkawuwus, katiben'gringmraṇa, nālikantitahingwidhi, sāmpuntuduḥ, hanomkapunggĕlanyuṣa // tanmariputrāsasambat, sĕdiḥhelingringhibibi, bangbanghibunekahogaḥ, sadinākapulisahin, kangĕnhidasanghaji, rawuḥputranekagĕlut, tandwarariskahĕmban, hirikākapapasihin,

Leaf 6

Image on Archive.org

[᭖ 6B] ᭖ ᬦᬦᬓ᭄ᬳᬬᬸ᭞ᬚᬮᬦ᭄ᬫᬸᬮᬶᬄᬓᬧᬰ᭄ᬭᬫᬦ᭄᭚ᬳᭂᬤᬤᬾᬯᬫᬜᭂᬮ᭄ᬲᭂᬮᬂ᭞ᬳᬧᬦ᭄‌ᬲᬸᬩᬢᬶᬢᬄ᭠ᬯᬶᬥᬶ᭞ᬢᬦ᭄ᬯᭂᬦᬂᬧᬘᬂᬳᬕᭂᬲᬂ᭞ᬧᬸᬢ᭄ᬭᬦᬾᬫᬳᬢᬸᬃᬳᬭᬶᬲ᭄᭞ᬗᬸᬤ᭄ᬬᬂᬚᬵᬢᬶᬢᬦ᭄ᬲᬶᬤ᭄ᬥᬶ᭞ᬢᬦ᭄ᬲᬶᬤ᭄ᬥᬵᬗᬸᬭᬶᬧ᭄ᬲᬂᬳᬶ ᬩᬸ᭞ᬬᬦ᭄ᬭᬶᬂᬳᬦᬓ᭄‌ᬲᬯᭀᬲᬦ᭄᭞ᬳᬲᬸᬂᬳᬚᬶᬲᬶᬤ᭄ᬥᬶᬫᬦ᭄ᬤᬶ᭞ᬪᬬᬭᬢᬸ᭞ᬇᬩᬸᬦ᭄ᬢᬶᬢ᭄ᬬᬂᬢᬸᬮᬸᬲ᭄ᬫᬺᬢᬄ᭞᭚ᬗᬶᬭᬶᬂᬳᬚᬶᬫᬭᬶᬂᬲᬾᬢ᭄ᬭ᭞ᬳᬶᬭᬶᬓᬵᬳᬚᬶᬗᬰ᭄ᬭᬫᬶ᭞ᬫᬦᬄᬢᬶᬢ᭄ᬬᬂᬭᬶᬂᬳᬶᬩᬶᬬᬂ᭞ᬓᬗᭂᬦ᭄ᬓᬬᬸᬦᬾᬲᬂᬳᬚᬶ᭞ᬫᬶ ᬋᬂᬳᬢᬸᬃᬲᬂᬤᬾᬯᬶ᭞ᬦᬄᬚᬮᬦ᭄ᬤᬾᬯᬫᬗ᭄ᬮᬯᬸᬢ᭄᭞ᬩᬧᬫᬋᬗᬶᬦ᭄ᬳᬶᬤᬾᬯ᭞ᬢᬦ᭄ᬤ᭄ᬯᬓᬰᬾᬢ᭄ᬭᬫᬗ᭄ᬭᬭᬶᬲ᭄᭞ᬲᬵᬫ᭄ᬧᬸᬦ᭄‌ᬗ᭄ᬯᬗᬸᬦ᭄᭞ᬧᬢᬧᬵᬦᬾᬂᬰᭂᬫᬵᬰᬡ᭛᭜᭛ᬧᬸᬧᬸᬄᬤᬹᬃᬫ᭄ᬫ᭛ᬓᬘᬭᬶᬢᬭᬶᬂᬍ ᬫᬄᬢᬸᬮᬶᬲ᭄ᬧᬰ᭄ᬭᬫᬦ᭄᭞ᬕ᭄ᬭᬶᬬᬦ᭄ᬳᬶᬤᬲᬂᬫᬸᬦᬶ᭞ᬫ᭄ᬧᬸᬩᬳᬸᬮᬘᬦ᭄ᬤ᭄ᬭ᭞ᬭᬵᬫ᭄ᬬᬦᬶᬂᬕᬕᭂᬡ᭄ᬤᬾᬭᬦ᭄᭞ᬧᬗ᭄ᬭᬶᬂᬗ᭄ᬭᬶᬂᬲ᭄ᬯᬭᬦᬾᬫᬦᬶᬲ᭄᭞ᬳᬯᭀᬭᬶᬂᬋᬩᬤ᭄᭞ᬫᬺᬥᬸᬦᬶᬂᬫᬸᬜᬶᬦ᭄ᬲᬸᬮᬶᬂ᭟ᬓᬯᬸᬯᬸᬲᭂᬦ᭄‌ᬧᬸᬢ᭄ᬭᬦᬾᬪᬶᬓ᭄ᬱᬸᬩᬭ [᭗ 7A] ᭗ ᬥᬄ᭞ᬧᭀᬢ᭄ᬭᬓᬦ᭄ᬯᬶᬧ᭄ᬭᬚᬢᬶ᭞ᬳᬶᬤᬫ᭄ᬧᬸᬩᬳᬸᬮ᭞ᬧᬰ᭄ᬯᬫᬶᬦᬾᬳᬸᬘᬧᬂ᭞ᬮᬵᬯᬦ᭄ᬤ᭄ᬬᬄᬭᬵᬢ᭄ᬦᬫᬗ᭄ᬕ᭠ᬮᬶ᭞ᬮᬸᬮᬸᬢ᭄ᬓᬢᬺᬱ᭄ᬡᬦ᭄᭞ᬲᬶᬮ᭄ᬬᬵᬲᬶᬄᬲᬫᬶᬳᬲᬶᬄ᭟ᬲᬵᬫ᭄ᬧᬸᬦ᭄ᬕᬃᬩ᭄ᬪᬢᬦ᭄ᬤ᭄ᬯᬫᭂᬢᬸᬧᬸᬢ᭄ᬭᬮᬦᬂ᭞ᬯᬃᬡ᭄ᬦᬮ᭄ᬯᬶᬃᬲ᭄ᬫᬭᬵᬗᬹᬧ᭄ᬢᬶ᭞ ᬳᬚ᭄ᬜᬵᬡᬓᬲᬶᬤ᭄ᬬᬦ᭄᭞ᬧᬸᬧᬸᬢᬶᬂᬓᬤ᭄ᬬᬵᬢ᭄ᬫᬶᬓᬦ᭄᭞ᬳᬭᬦ᭄ᬢᬦ᭄ᬓᭂᬦᬾᬂᬢᬸᬮᬤᬶᬦ᭄᭞ᬳᭂᬫ᭄ᬧᬸᬢᬦ᭄ᬢᬸᬮᬃ᭞ᬯᬶᬘᬓ᭄ᬱᬦᬾᬂᬫᬗᬯᬶ᭟ᬫᬮᬶᬄᬫᭂᬢᬸᬧᬸᬢ᭄ᬭᬦᬾᬫ᭄ᬧᬸᬩᬵᬳᬸᬮᬵ᭞ᬲᬓᬯᬦ᭄ᬲᬫᬶᬳᬶᬲ᭄ᬢ᭄ᬭᬶ᭞ᬚᭂᬕᬾᬕ᭄ᬗᬬᬂᬗᬬᬂ᭠ ᬦᬾᬫᬦᭂᬗᬄᬳᬸᬘᬧᬂ᭞ᬳᬧᬭᬩ᭄‌ᬤᬾᬯᬶᬲᬸᬓᬾᬃᬢ᭄ᬢᬶ᭞ᬭᬶᬂᬓᬧᬶᬂᬢᬶᬕ᭞ᬦᬶᬤᬾᬯᬶᬲᬸᬫᬗ᭄ᬕᬮᬶ᭟ᬦᬾᬓᬘᬢᬸᬃᬤᬾᬯᬶᬭᬵᬢ᭄ᬦᬫᬺᬢ᭄ᬢᬚᬶᬯᬵ᭞ᬳᬶᬓᬂᬧᬫᬸᬗ᭄ᬰᬸᬧᬧᬰᬶᬄ᭞ᬤᬾᬯᬶᬭᬵᬢ᭄ᬦᬫᬵᬥ᭞ᬧᬜ᭄ᬘᬧᬲᬫ᭄ᬯᬦᬶᬭ᭞ ᬯᬗ᭄ᬰᬦ᭄‌ᬫ᭄ᬧᬸᬪᬳᬸᬮᬵᬦᬾᬓᬶ᭞ᬯᬮ᭄ᬬᬵᬳᬸᬘᬧᬂ᭞ᬳᭂᬫ᭄ᬧᬸᬢᬦ᭄ᬢᬸᬮᬃᬫᬮᬶᬄ᭟ᬲᬵᬫ᭄ᬧᬸᬦ᭄ᬳᬶᬤᬳᬤᬺᬯᬾᬧᬸᬢ᭄ᬭᬲᬓᬯᬦ᭄᭞ᬚᬮᬸᬚᬮᬸᬲᬫᬶᬧᭂᬓᬶᬓ᭄᭞ᬬᬦ᭄ᬭᬶᬂᬓᬳᬚ᭄ᬜᬵᬡᬦ᭄᭞ᬢᬾᬂᬢᬢ᭄ᬯᬓᬥ᭄ᬬᬵᬢ᭄ᬫᬶ᭠

Auto-transliteration

[6 6B] 6 nanak'hayu, jalanmuliḥkapaśraman // hĕdadewamañĕlsĕlang, hapansubatitaḥ‐widhi, tanwĕnangpacanghagĕsang, putranemahatur̀haris, ngudyangjātitansiddhi, tansiddhānguripsanghi bu, yanringhanaksawosan, hasunghajisiddhimandi, bhayaratu, ibuntityangtulusmr̥ĕtaḥ, // ngiringhajimaringsetra, hirikāhajingaśrami, manaḥtityangringhibiyang, kangĕnkayunesanghaji, mi r̥ĕnghatur̀sangdewi, naḥjalandewamanglawut, bapamar̥ĕnginhidewa, tandwakaśetramangraris, sāmpunngwangun, patapānengśĕmāśaṇa /// • /// pupuḥdūr̀mma /// kacaritaringl̥ĕ maḥtulispaśraman, griyanhidasangmuni, mpubahulacandra, rāmyaninggagĕṇderan, pangringngringswaranemanis, haworingr̥ĕbad, mr̥ĕdhuningmuñinsuling. kawuwusĕnputranebhiksyubara [7 7A] 7 dhaḥ, potrakanwiprajati, hidampubahula, paśwaminehucapang, lāwandyaḥrātnamangga‐li, lulutkatr̥ĕṣṇan, silyāsiḥsamihasiḥ. sāmpun'gar̀bbhatandwamĕtuputralanang, war̀ṇnalwir̀smarāngūpti, hajñāṇakasidyan, puputingkadyātmikan, harantankĕnengtuladin, hĕmputantular̀, wicakṣanengmangawi. maliḥmĕtuputranempubāhulā, sakawansamihistri, jĕgegngayangngayang‐ nemanĕngaḥhucapang, haparabdewisuker̀tti, ringkapingtiga, nidewisumanggali. nekacatur̀dewirātnamr̥ĕttajiwā, hikangpamungśupapaśiḥ, dewirātnamādha, pañcapasamwanira, wangśanmpubhahulāneki, walyāhucapang, hĕmputantular̀maliḥ. sāmpunhidahadr̥ĕweputrasakawan, jalujalusamipĕkik, yanringkahajñāṇan, tengtatwakadhyātmi‐

Leaf 7

Image on Archive.org

[᭗ 7B] ᭗ ᬓᬦ᭄᭞ᬳᭂᬫ᭄ᬧᬸᬢᬦ᭄ᬢᬸᬮᬃᬫᬓᬵᬃᬤ᭄ᬥᬶ᭞ᬤᬤᭀᬪᬕ᭄ᬯᬵᬦ᭄ᬢᬦ᭄᭞ᬰ᭄ᬭᬷᬳᬚᬶᬥᬂᬥᬂᬕᭂᬡ᭄ᬥᬶᬲ᭄᭟ᬧᬮᬶᬂᬚ᭄ᬬᬾᬱ᭄ᬝᬲᬂᬤ᭄ᬯᬶᬚᬵᬳᬲ᭄ᬫᬵᬭᬦᬵᬣᬦ᭄᭞ᬳᬭᬶᬦᬾᬓᬧᬶᬂᬓᬮᬶᬄ᭞ᬫ᭄ᬧᬸᬧᬡ᭄ᬥᬯᬵᬰᬶᬓᬦ᭄᭞ᬓᬂᬚᬶᬱ᭄ᬡᬸᬭᬶᬂᬳᬲᬸᬚ᭄ᬬ᭞ᬢᭂ ᬗᭂᬭᬦ᭄ᬳᬶᬤᬲᬸᬚᬢᬶ᭞ᬫ᭄ᬧᬸᬧᬦᬢᬭᬦ᭄᭞ᬫ᭄ᬯᬂᬲᬦᬾᬧᬶᬦᬶᬄᬳᬮᬶᬢ᭄᭟ᬅᬧᬸᬱ᭄ᬧᬣᬳᬶᬤᬥᬂᬳ᭄ᬬᬂ᭠ᬓᬧᬓᬶᬲᬦ᭄᭞ᬓᬃᬢ᭄ᬢᬶᬓᬧᬲᬫ᭄ᬯᬦᬶᬂ᭞ᬲᬸᬢᬵᬦ᭄‌‌ᬫ᭄ᬧᬸᬢᬦ᭄ᬢᬸᬮᬃ᭞ᬯᬶᬪᬸᬳᬶᬂᬚ᭄ᬜᬵᬡᬲᬢ᭄ᬯᬵ᭞ᬦᬶᬢ᭄ᬬᬵᬱᬫᬗᬸ᭠ ᬮᬶᬓ᭄ᬳᬚᬶ᭞ᬯᭀᬦ᭄ᬢᭂᬦ᭄ᬧᬫᬶᬦ᭄ᬢᬵᬦ᭄᭞ᬭᬵᬚᬤᭂᬳᬾᬂᬦᬵᬕᬭᬶ᭟ᬅᬦᬓ᭄ᬳᬕᬸᬂᬳᬶᬲ᭄ᬢ᭄ᬭᬶᬲᬓᬶᬂᬯᬶᬮ᭄ᬯᬵᬢᬶᬓ᭄ᬝ᭞ᬧᬢ᭄ᬦᬶᬦᬶᬭᬲᬂᬳᬚᬶ᭞ᬰ᭄ᬭᬷᬅᬲ᭄ᬢ᭄ᬭᬯᬶᬚᬬ᭞ᬧᭂᬲᬾᬗᬦᬾᬳᬸᬘᬧᬂ᭞ᬢ᭄ᬭᬶᬪᬸᬯᬦᬢᬸᬗ᭄ᬕᬵᬤᬾᬯᬷ᭞ᬫᬥᭂᬕ᭄ ᬦᬭᬾᬦ᭄ᬥ᭄ᬭᬵ᭞ᬦᬾᬂᬲ᭄ᬯᬦᬕᬭᬾᬂᬧᬸᬢ᭄ᬭᬶ᭟ᬧᬫᬶᬦ᭄ᬢᬵᬦᬾᬭᬶᬂᬤ᭄ᬯᬶᬚᬵᬧᬡ᭄ᬥᬯᬰᬶᬓᬦ᭄᭞ᬓᬵᬥᭂᬕᬂᬘᬸᬤ᭄ᬥᬵᬫᬡᬶ᭞ᬫᬓᬧᬢᬶᬃᬢ᭄ᬣᬬᬦ᭄᭞ᬅᬦᬓ᭄ᬳᬕᬸᬂᬭᬶᬂᬤᭂᬳᬵ᭞ᬢᬦ᭄ᬤ᭄ᬯᬓᬬᬸᬦ᭄ᬲᬂᬫᬵᬬᬢᬶ᭞ᬳᬰ᭄ᬭ᭠ [᭘ 8A] ᭘ ᬫᬾᬂᬤᭂᬳᬵ᭞ᬳ᭄ᬬᬸᬦ᭄ᬮᬶᬗ᭄ᬕᬘᬸᬤ᭄ᬥᬫᬡᬶ᭟ᬘᬭᬶᬢᬬᬂᬳᬶᬤᬫ᭄ᬧᬸᬧᬦᬢᬭᬦ᭄᭞ᬧᬶᬦᬸᬦᬲ᭄ᬲᬂᬦᬺᬧᬢᬶ᭞ᬭᬵᬚᬭᬶᬂᬧᬲᬹᬭ᭄ᬯᬦ᭄᭞ᬳ᭄ᬬᬸᬦ᭄ᬭᬵᬚᬗᬮᬶᬗ᭄ᬕᬬᬂ᭞ᬗᬤᭂᬕ᭄ᬳᬕ᭄ᬭᬵᬘᬸᬤ᭄ᬥᬫᬡᬶ᭞ᬫᬸᬱ᭄ᬝᬶᬦᬶᬂᬳᬶᬤ᭞ᬫ᭄ᬧᬸᬧᬦᬢᬭ ᬦ᭄ᬰᬓ᭄ᬢᬶ᭟ᬭᬵᬚᬳᬶᬲ᭄ᬢ᭄ᬭᬶᬦᬭᬾᬦ᭄ᬤ᭄ᬭᬳᬦᬾᬂᬧᬲᬹᬃᬯᬦ᭄᭞ᬢᬍᬃᬲ᭄ᬯᬫᬶᬦ᭄ᬦᬺᬧᬢᬶ᭞ᬰ᭄ᬭᬷᬳᬲ᭄ᬢ᭄ᬭᬯᬶᬚᬬ᭞ᬓᬶᬦᬸᬘᬧ᭄ᬭᬶᬂᬫᬵᬤᬾᬯ᭄ᬬᬵ᭞ᬰ᭄ᬭᬷᬕᬶᬣᬭᬵᬚᬧᬧᬰᬶᬄ᭞ᬓᬳᬭᬶᬳᭀᬮᬶᬄ᭞ᬢ᭄ᬭᬶᬪᬸᬯᬦᬢᬸᬗ᭄ᬕᬵᬤᬾᬯᬷ᭟ᬓᬳᬢᬸᬭᬶ᭠ ᬦ᭄ᬳᬶᬤᬫ᭄ᬧᬸᬧᬦᬢᬭᬦ᭄᭞ᬫᬗ᭄ᬤᬳᬶᬤᬗᬰ᭄ᬭᬫᬶ᭞ᬭᬶᬂᬚᬕᬢ᭄ᬧᬲᬹᬭ᭄ᬯᬦ᭄᭞ᬳ᭄ᬬᬸᬦ᭄‌‌ᬤᬍᬫ᭄ᬫᬶᬲᬭᬢᬂ᭞ᬳᬃᬱᬓᬳ᭄ᬬᬸᬦ᭄ᬲᬂᬫᬳᬵᬃᬱᬶ᭞ᬤᬤᭀᬲ᭄ᬧᬦᭂᬫ᭄ᬩᬳᬦ᭄᭞ᬭᬶᬂᬧᬲᬹᬭ᭄ᬯᬦ᭄ᬫᬗ᭄ᬭᬭᬶᬲ᭄᭟ᬚᭂᬦᭂᬓ᭄ᬳᬶᬤᬭᬶᬂᬧᬲᬹᬭ᭄ᬯᬦ᭄ᬓᬮᬶ ᬗ᭄ᬕᬬᬂ᭞ᬳᬶᬤᬲᬂᬫᬳᬵᬬᬢᬶ᭞ᬯᬺᬤ᭄ᬥᬶᬯᬗ᭄ᬰᬦᬶᬭ᭞ᬲᬫᬶᬯᬶᬪᬸᬳᬶᬂᬳᬓ᭄ᬱᬭ᭞ᬢᬦ᭄ᬓᬸᬭᬂᬓᬓᭂᬘᬧ᭄ᬳᬚᬶ᭞ᬫ᭄ᬯᬂᬬᬚᬸᬃᬯᬾᬥ᭞ᬧ᭄ᬭᬕᬶᬯᬵᬓᬫᬗᬯᬶ᭟ᬓᬯᬸᬯᬸᬲᬦ᭄ᬲᬶᬭᬵᬫ᭄ᬧᬸᬲ᭄ᬫᬵᬭᬦᬵᬣ᭞ᬬᬶᬦᬶᬭᬧᬶᬦᬶᬄᬳ

Auto-transliteration

[7 7B] 7 kan, hĕmputantular̀makār̀ddhi, dadobhagwāntan, śrīhajidhangdhanggĕṇdhis. palingjyeṣṭasangdwijāhasmāranāthan, harinekapingkaliḥ, mpupaṇdhawāśikan, kangjiṣṇuringhasujya, tĕ ngĕranhidasujati, mpupanataran, mwangsanepiniḥhalit. apuṣpathahidadhanghyang‐kapakisan, kar̀ttikapasamwaning, sutānmputantular̀, wibhuhingjñāṇasatwā, nityāṣamangu‐ lik'haji, wontĕnpamintān, rājadĕhengnāgari. anak'hagunghistrisakingwilwātikṭa, patninirasanghaji, śrī'astrawijaya, pĕsenganehucapang, tribhuwanatunggādewī, madhĕg narendhrā, nengswanagarengputri. pamintāneringdwijāpaṇdhawaśikan, kādhĕgangcuddhāmaṇi, makapatir̀tthayan, anak'hagungringdĕhā, tandwakayunsangmāyati, haśra‐ [8 8A] 8 mengdĕhā, hyunlinggacuddhamaṇi. caritayanghidampupanataran, pinunassangnr̥ĕpati, rājaringpasūrwan, hyunrājangalinggayang, ngadĕg'hagrācuddhamaṇi, muṣṭininghida, mpupanatara nśakti. rājahistrinarendrahanengpasūr̀wan, tal̥ĕr̀swaminnr̥ĕpati, śrīhastrawijaya, kinucapringmādewyā, śrīgitharājapapaśiḥ, kahariholiḥ, tribhuwanatunggādewī. kahaturi‐ nhidampupanataran, mangdahidangaśrami, ringjagatpasūrwan, hyundal̥ĕmmisaratang, har̀ṣakahyunsangmahār̀syi, dadospanĕmbahan, ringpasūrwanmangraris. jĕnĕk'hidaringpasūrwankali nggayang, hidasangmahāyati, wr̥ĕddhiwangśanira, samiwibhuhinghakṣara, tankurangkakĕcap'haji, mwangyajur̀wedha, pragiwākamangawi. kawuwusansirāmpusmāranātha, yinirapiniḥha

Leaf 8

Image on Archive.org

[᭘ 8B] ᭘ ᬮᬶᬢ᭄᭞ᬥᬂᬳ᭄ᬬᬂᬓᬧᬓᬶᬲᬦ᭄᭞ᬚᬸᬫᭂᬦᭂᬂᬓᬮᬶᬗ᭄ᬕᬬᬂ᭞ᬭᬶᬂᬯᬶᬮᬢᬶᬓ᭄ᬝᬦᬵᬕᬭᬶ᭞ᬧᬫᬶᬤ᭄ᬥᬶᬦᬶᬭ᭞ᬦ᭄ᬤ᭄ᬭᬧᬢᬶᬫᬚᬧᬳᬶᬢ᭄᭟ᬦᬾᬫᬧᬭᬩ᭄‌ᬰ᭄ᬭᬷᬳᬚᬶᬓᬺᬢ᭄ᬢᬭᬵᬚᬰ᭞ᬳᬕᬸᬂᬫᬜᬓ᭄ᬭᬪᬹᬫᬶ᭞ᬰ᭄ᬭᬷᬅᬲ᭄ᬢ᭄ᬭᬯᬶᬚ ᬬ᭞ᬧᬲᬾᬗᬦ᭄ᬭᬶᬂᬓᬧᬶᬂᬭ᭄ᬯᬵ᭞ᬧᬧᬢᬶᬄᬳᬕᬸᬂᬗ᭄ᬯᬓᬶᬮᬶᬦ᭄᭞ᬦᬾᬓᬲᬸᬩ᭄‌ᬧ᭄ᬭᬵᬚ᭄ᬜᬦ᭄᭞ᬕᬚᬄᬫᬥᬧᬧᬢᬶᬄ᭟ᬓᬵᬮᬶᬄᬯᬾᬦ᭄ᬢᭂᬦ᭄ᬧᬗ᭄ᬕᬸᬄᬢᬶᬢ᭄ᬬᬂᬓᬢᬸᬢᬸᬭᬦ᭄᭞ᬳᬸᬗ᭄ᬕ᭄ᬯᬂᬢᬶᬢ᭄ᬬᬂᬭᬶᬂᬕᬸᬭᬶᬢ᭄᭞ᬥᬂᬳ᭄ᬬᬂᬓᬧ ᬓᬶᬲᬦ᭄᭞ᬤᬤᭀᬲ᭄ᬧ᭄ᬭᬓᬵᬃᬬ᭄ᬬᬕᭂᬲᬃ᭞ᬓᬺᬢ᭄ᬣᬧ᭄ᬭᬕᬶᬯᬓᬾᬂᬦᬶᬣᬶ᭞ᬦᭂᬧᬲ᭄ᬯᬶᬓᬵᬭ᭞ᬓᬓᬦ᭄ᬢᭀᬃᬲᬶᬥᬂᬲᬳᬶ᭟ᬓᬯᬓᬶᬮᬶᬦ᭄ᬳᭀᬮᬶᬄᬧᬢᬶᬄᬕᬚᬄᬫᬥ᭞ᬘᭂᬢ᭄ᬢᬾᬂᬳᬚᬶᬭᬶᬂᬦᬶᬣᬶ᭞ᬫᬤᬸᬫ᭄ᬧᬶᬤᬸᬫ᭄ᬧᬶ ᬮᬦ᭄᭞ᬫᬗᬺᬫ᭄ᬩᬸᬓᬂᬳᬓ᭄ᬱᬭ᭞ᬚᬕᬢᬾᬓᬺᬢ᭄ᬢᬢᬦ᭄ᬲᬶᬧᬶ᭞ᬧᬜᭂᬦᭂᬗᬶᬭ᭞ᬓᬺᬢ᭄ᬢᬭᬵᬚᬰᬳᬚᬶ᭟ᬫᬗ᭄ᬓᬾᬯᬮ᭄ᬬᬘᬭᬶᬢᬲᬂᬫᬳᬵᬤ᭄ᬯᬶᬚᬵ᭞ᬪᬶᬓ᭄ᬱᬸᬲ᭄ᬫᬵᬭᬦᬵᬣᬫᬮᬶᬄ᭞ᬧᬶᬦᬸᬦᬲ᭄ᬲᬂᬦᬵᬣ᭞ [᭙ 9A] ᭙ ᬚᬸᬫᭂᬦᭂᬂᬳ᭄ᬬᬸᬦ᭄‌ᬪᬕ᭄ᬯᬦ᭄ᬢ᭞ᬧᬦᬶᬓ᭄ᬮᬦᬶᬂᬫᬚᬧᬳᬶᬢ᭄᭞ᬓᬺᬢ᭄ᬢᬳᬸᬧᬧᬢ᭄ᬬ᭞ᬯ᭄ᬭᬸᬳᬶᬂᬳᬕᬫᬳ᭠ᬚᬶ᭟ᬓᬵᬮᬶᬄᬲᬵᬫ᭄ᬧᬸᬦ᭄ᬳᬶᬤᬫᬧᬸᬢ᭄ᬭᬢᬢᬶᬕ᭞ᬫᬸᬂᬮᬓᬶᬮᬓᬶᬲᬫᬶ᭞ᬩᬕᬸᬲᬾᬓᬮᬶᬦ᭄ᬢᬂ᭞ᬮ᭄ᬯᬶᬃᬳᬶᬤᬲᬂᬳ᭄ᬬᬂᬲ᭄ᬫᬵ ᬭ᭞ᬦᬾᬧᬮᬶᬂᬤᬸᬳᬸᬃᬧᬹᬃᬯ᭄ᬯᬦᬶᬦ᭄᭞ᬧᬸᬱ᭄ᬧᬶᬣᬦ᭄ᬳᬶᬤ᭞ᬅᬗ᭄ᬰᭀᬓᬦᬵᬣᬤ᭄ᬯᬶᬚᬢᬶ᭟ᬳᬭᬶᬦᬶᬭᬳᬲᬵᬚ᭄ᬜᬵᬫ᭄ᬧᬸᬦᬶᬭᬵᬃᬣ᭞ᬳᬶᬤᬤ᭄ᬯᬶᬚᬾᬦ᭄ᬤ᭄ᬭᬰᬓ᭄ᬢᬶ᭞ᬦᬵᬫᬭᬶᬂᬓᬧᬶᬂᬭ᭄ᬯᬵ᭞ᬲᬵᬦᬓ᭄ᬭᬶᬂᬓᬧᬶᬂᬢᬶᬕ᭞ᬫ᭄ᬧᬸᬲᬶᬤ᭄ᬥᬶᬫᬦ᭄ᬢ᭄ᬭ᭠ ᬧᬧᬰᬶᬄ᭞ᬲᬫᬶᬯᬶᬤᬕ᭄ᬥ᭞ᬘᬾᬱ᭄ᬝᬓᬵᬭᬭᬶᬂᬳᬚᬶ᭟ᬫᬗ᭄ᬓᬶᬦ᭄ᬧᬹᬃᬯ᭄ᬯᬘᬭᬶᬢᬳᭂᬫ᭄ᬧᬸᬦᬶᬭᬵᬃᬣ᭞ᬲᬵᬫ᭄ᬧᬸᬦ᭄‌ᬳᬗᬫᬾᬢ᭄‌ᬲᬶᬢ᭄ᬭᬶ᭞ᬭᬶᬂᬤᭂᬳᬵᬦᬵᬕᬭ᭞ᬧᬸᬢ᭄ᬭᬦ᭄ᬲᬂᬫᬳᬵᬤ᭄ᬯᬶᬚ᭞ᬧᬡ᭄ᬥᬯᬰᬶᬓᬦ᭄ᬧᬧᬰᬶᬄ᭞ᬧᬺᬡᬄᬳᬫᬶ ᬲᬦ᭄᭞ᬲᬓᬶᬂᬧᬸᬭᬸᬱᬚᬢᬶ᭟ᬤᬾᬯᬶᬧᬢ᭄ᬦᬶᬳᬬᬸᬦᬾᬮ᭄ᬯᬶᬃᬲᬂᬳ᭄ᬬᬂᬯᬸᬮᬦ᭄᭞ᬫᬓᬵᬃᬤ᭄ᬥᬦᬭᬾᬰ᭄ᬯ᭠ᬭᬶ᭞ᬫᬭᬕᬤᬫ᭄ᬧᬢ᭄ᬬ᭞ᬲᬵᬫ᭄ᬧᬸᬦ᭄ᬳᬶᬤᬫᬧᬸᬢ᭄ᬭ᭞ᬩᬤ᭄ᬭᬯᬤᬮᬦᬂᬳᬶᬲ᭄ᬢ᭄ᬭᬶ᭞ᬲᬦᬾᬤᬸᬳᬸᬭᬦ᭄᭞ᬮᬦᬂᬳᬦᭀ

Auto-transliteration

[8 8B] 8 lit, dhanghyangkapakisan, jumĕnĕngkalinggayang, ringwilatikṭanāgari, pamiddhinira, ndrapatimajapahit. nemaparabśrīhajikr̥ĕttarājaśa, hagungmañakrabhūmi, śrī'astrawija ya, pasenganringkapingrwā, papatiḥhagungngwakilin, nekasubprājñan, gajaḥmadhapapatiḥ. kāliḥwentĕnpangguḥtityangkatuturan, hunggwangtityangringgurit, dhanghyangkapa kisan, dadosprakār̀yyagĕsar̀, kr̥ĕtthapragiwakengnithi, nĕpaswikāra, kakantor̀sidhangsahi. kawakilinholiḥpatiḥgajaḥmadha, cĕttenghajiringnithi, madumpidumpi lan, mangr̥ĕmbukanghakṣara, jagatekr̥ĕttatansipi, pañĕnĕngira, kr̥ĕttarājaśahaji. mangkewalyacaritasangmahādwijā, bhiksyusmāranāthamaliḥ, pinunassangnātha, [9 9A] 9 jumĕnĕnghyunbhagwanta, paniklaningmajapahit, kr̥ĕttahupapatya, wruhinghagamaha‐ji. kāliḥsāmpunhidamaputratatiga, munglakilakisami, bagusekalintang, lwir̀hidasanghyangsmā ra, nepalingduhur̀pūr̀wwanin, puṣpithanhida, angśokanāthadwijati. harinirahasājñāmpunirār̀tha, hidadwijendraśakti, nāmaringkapingrwā, sānakringkapingtiga, mpusiddhimantra‐ papaśiḥ, samiwidagdha, ceṣṭakāraringhaji. mangkinpūr̀wwacaritahĕmpunirār̀tha, sāmpunhangametsitri, ringdĕhānāgara, putransangmahādwija, paṇdhawaśikanpapaśiḥ, pr̥ĕṇaḥhami san, sakingpuruṣajati. dewipatnihayunelwir̀sanghyangwulan, makār̀ddhanareśwa‐ri, maragadampatya, sāmpunhidamaputra, badrawadalananghistri, saneduhuran, lananghano

Leaf 9

Image on Archive.org

[᭙ 9B] ᭙ ᬫ᭄ᬳᬧᭂᬓᬶᬓ᭄᭟ᬧᬭᬩ᭄ᬳᬶᬤᬓᬶᬦᬸᬘᬧ᭄‌ᬧᬤᬡ᭄ᬥᬗᬸᬭᬄ᭞ᬲᬵᬚ᭄ᬜᬳᬶᬤᬲᬂᬳᬭᬶ᭞ᬧᬤᬡ᭄ᬥᬲ᭄ᬯᬪᬵᬯ᭞ᬧᭂᬲᬾᬗᬦ᭄ᬭᬶᬂᬓᬧᬶᬂᬭ᭄ᬯ᭞ᬳᬶᬤᬧᬡ᭄ᬥ᭄ᬬᬳᬶᬲ᭄ᬢ᭄ᬭᬶᬭᬳᬶ᭞ᬚ᭄ᬜᬵᬡᬾᬂᬯᬶᬰᬾᬱ᭞ᬯᬶᬤᬕ᭄ᬥᬗᬸᬓᬶᬃᬯᬗᬶᬢ᭄᭟ᬫᬮᬶᬄᬳᬶᬤ ᬲᬂᬤ᭄ᬯᬶᬚᬵᬦᬶᬭᬵᬃᬣ᭞ᬰᬓ᭄ᬢᬶᬳᬗᬮᬧ᭄ᬳᬶᬲ᭄ᬢ᭄ᬭᬶᬍᬯᬶᬄ᭞ᬲᬓᬶᬂᬧᬲᬸᬭᬸᬯᬦ᭄᭞ᬳᬦᬓ᭄ᬳᬶᬭᬲᬂᬤ᭄ᬯᬶᬚᬵ᭞᭠ᬫ᭄ᬧᬸᬧᬦᬢᬭᬦ᭄ᬰᬓ᭄ᬢᬶ᭞ᬧᬺᬡᬄᬳᬫᬶᬲᬦ᭄᭞ᬚᬸᬫᭂᬦᭂᬂᬭᬶᬂᬫᬤᬾᬯᬶ᭟ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬸᬢ᭄ᬭᬦᬾᬲᬓᬶᬫᬵ ᬤᬾᬯ᭄ᬬ᭞ᬮᬓᬶᬮᬓᬶᬘᬢᬹᬃᬯᬶᬚᬶ᭞ᬯᬃᬡ᭄ᬦᬲᬫᬶᬳᬳ᭄ᬬᬲ᭄᭞ᬧᭂᬓᬶᬓ᭄ᬢᬦ᭄ᬓᬲᬲᬫᬦ᭄᭞ᬧ᭄ᬭᬚ᭄ᬜᬾᬂᬢᬢ᭄ᬯᬓ᭄ᬱᬭᬳᬚᬶ᭞ᬭᬶᬂᬓᬥ᭄ᬬᬵᬢ᭄ᬫᬶᬓᬦ᭄᭞ᬧᬸᬧᬸᬢᬶᬂᬚ᭄ᬜᬵᬡᬲᬦ᭄ᬤᬶ᭟ᬧᬸᬱ᭄ᬧᬶᬣᬦᬾᬲᬂᬧᬮᬶᬂᬤᬸᬳᬸᬃᬳᬸᬘᬧᬂ᭞ᬧᬤᬡ᭄ᬥᬮᬾᬃ ᬭᬶᬫᬶᬳᬶᬦ᭄᭞ᬲᬦᬓᬾᬓᬧᬶᬂᬭ᭄ᬯᬵ᭞ᬳᬶᬤᬧᬤᬡ᭄ᬥᬯᬾᬢᬦ᭄᭞ᬲᬫᭂᬢᭀᬦᬾᬧᬮᬶᬂᬢ᭄ᬭᬶᬡᬶ᭞ᬧᬤᬡ᭄ᬥᬓᬸᬮ᭄ᬯᬦ᭄᭞ᬧᬡ᭄ᬥ᭄ᬬᬵᬮᭀᬃᬭᬶᬂᬓᬃᬢ᭄ᬣᬶᬦᬶ᭟ᬘᬢᬹᬃᬯᬶᬚᬶᬧᬲᬫ᭄ᬯᬦᬶᬂᬯᬗ᭄ᬰᬦᬶᬭ᭞ᬧᬯᬶᬚᬶᬮᬶᬂᬫᬵᬤᬾ [᭑᭐ 10A] ᭑᭐ ᬯᬶ᭞ᬯᬮ᭄ᬬᬦᬶᬦ᭄ᬳᬸᬘᬧᬂ᭞ᬳᬶᬤᬰᬓ᭄ᬢᬶᬤ᭄ᬯᬶᬚᬾᬦ᭄ᬤ᭄ᬭ᭞ᬫᬮᬶᬄᬳ᭄ᬬᬸᬦ᭄ᬳᬗᬮᬧ᭄ᬭᬩᬶ᭞ᬫᬭᬶᬂᬓᬦᬵᬢᬦ᭄᭞ᬳᬦᬓ᭄ᬳᬶᬭᬰ᭄ᬭᬷᬳᬚᬶ᭟ᬦᬾᬓᬯᬸᬯᬸᬲ᭄‌ᬤᬍᬫ᭄ᬳᬚᬶᬩᬮᬂᬩᬗᬦ᭄᭞ᬳᬶᬓᬂᬳᬤᬺᬯᬾᬧᬸᬢ᭄ᬭᬶ᭞ᬮ᭄ᬯᬶᬃᬲ᭄ᬫᬵᬭᬤᬬᬶ ᬢ᭞ᬓᬳᬫᬾᬢ᭄ᬳᭀᬮᬶᬄᬳᬶᬤ᭞ᬲᬂᬧ᭄ᬭᬡ᭄ᬥ᭄ᬬᬤ᭄ᬯᬶᬚᬾᬦ᭄ᬤ᭄ᬭᬵᬰᬓ᭄ᬢᬶ᭞ᬢᬦ᭄ᬓᬘᬭᬶᬢ᭞ᬧᬘᬸᬫ᭄ᬩ᭄ᬯᬦᬶᬂᬲᬶᬮᬶᬳᬰᬶᬄ᭟ᬧᭂᬲᬾᬗᬦᬾᬧᬤᬡ᭄ᬥᬳᬶᬲ᭄ᬢ᭄ᬭᬶᬓᬦᬵᬣᬦ᭄᭞ᬩᬳᬹᬫᬭᬳᬲᬸᬄᬚᬶ᭞ᬭᬩᬶᬦᬾᬲᬂᬧᬵᬡ᭄ᬥ᭄ᬬ᭞ᬳᬶᬤ᭠ ᬰᬓ᭄ᬢᬶᬦᬶᬭᬵᬃᬣ᭞ᬲᬵᬫ᭄ᬧᬸᬦ᭄ᬳᬢ᭄ᬫᬚᬳᬲᬸᬚᬶ᭞ᬢᬸᬃᬳᬶᬲ᭄ᬢ᭄ᬭᬶᬮᬦᬂ᭞ᬩᬤ᭄ᬭᬯᬤᬓᬂᬮᬓᬶ᭟ᬳᬶᬓᬂᬳᬶᬲ᭄ᬢ᭄ᬭᬶᬧᭂᬲᬾᬗᬦ᭄ᬳᬶᬤᬓᬶᬦᬸᬘᬧ᭄᭞ᬧᬤᬡ᭄ᬥᬳᬶᬲ᭄ᬢ᭄ᬭᬶᬭᬳᬶ᭞ᬫᬮᬶᬄᬲᬵᬦᬓ᭄ᬳᬶᬤ᭞ᬧᬤᬡ᭄ᬥᬰᬓ᭄ᬢᬶᬢ᭄ᬮᬕᬵ᭞ᬳᬦᬓᬾᬫ ᬮᬶᬄᬲᬲᬶᬓᬶ᭞ᬧᬲᬵᬦ᭄ᬢᬜᬦ᭄ᬳᬶᬤ᭞ᬤ᭄ᬯᬶᬚᬓᬦᬶᬢᬾᬦ᭄ᬰᬓ᭄ᬢᬶ᭟ᬓᬘᬭᬶᬢᬭᬶᬂᬬᬫ᭄ᬪᬸᬤ᭄ᬯᬶᬧᬫᬡ᭄ᬥᬮ᭞ᬳᬸᬭᬸᬳᬭᬫᬗ᭄ᬭᬯᬸᬳᬶᬦ᭄᭞ᬤᬾᬦᬶᬂᬕᬫᬳᬶᬲ᭄ᬮᬫ᭄᭞ᬳᬶᬤᬲᬂᬬᬢᬶᬯᬭ᭞ᬢᬦ᭄ᬳᬃᬱᬳ᭄ᬬᬸᬦ᭄ᬓᬕᬫᬳᬶᬦ᭄᭞᭠

Auto-transliteration

[9 9B] 9 mhapĕkik. parab'hidakinucappadaṇdhanguraḥ, sājñahidasanghari, padaṇdhaswabhāwa, pĕsenganringkapingrwa, hidapaṇdhyahistrirahi, jñāṇengwiśeṣa, widagdhangukir̀wangit. maliḥhida sangdwijānirār̀tha, śaktihangalap'histril̥ĕwiḥ, sakingpasuruwan, hanak'hirasangdwijā, ‐mpupanataranśakti, pr̥ĕṇaḥhamisan, jumĕnĕngringmadewi. mangkinwentĕnputranesakimā dewya, lakilakicatūr̀wiji, war̀ṇnasamihahyas, pĕkiktankasasaman, prajñengtatwakṣarahaji, ringkadhyātmikan, puputingjñāṇasandi. puṣpithanesangpalingduhur̀hucapang, padaṇdhaler̀ rimihin, sanakekapingrwā, hidapadaṇdhawetan, samĕtonepalingtriṇi, padaṇdhakulwan, paṇdhyālor̀ringkar̀tthini. catūr̀wijipasamwaningwangśanira, pawijilingmāde [10 10A] 10 wi, walyaninhucapang, hidaśaktidwijendra, maliḥhyunhangalaprabi, maringkanātan, hanak'hiraśrīhaji. nekawuwusdal̥ĕmhajibalangbangan, hikanghadr̥ĕweputri, lwir̀smāradayi ta, kahamet'holiḥhida, sangpraṇdhyadwijendrāśakti, tankacarita, pacumbwaningsilihaśiḥ. pĕsenganepadaṇdhahistrikanāthan, bahūmarahasuḥji, rabinesangpāṇdhya, hida‐ śaktinirār̀tha, sāmpunhatmajahasuji, tur̀histrilanang, badrawadakanglaki. hikanghistripĕsenganhidakinucap, padaṇdhahistrirahi, maliḥsānak'hida, padaṇdhaśaktitlagā, hanakema liḥsasiki, pasāntañanhida, dwijakanitenśakti. kacaritaringyambhudwipamaṇdhala, huruharamangrawuhin, deninggamahislam, hidasangyatiwara, tanhar̀ṣahyunkagamahin, ‐

Leaf 10

Image on Archive.org

[᭑᭐ 10B] ᭑᭐ ᬫᬓᬶᬦ᭄ᬓᬶᬦ᭄ᬮᬸᬗ᭄ᬳᬵ᭞ᬢᬸᬭᬸᬦ᭄‌ᬯᭀᬦ᭄ᬢᭂᬦᬶᬂᬩᬮᬶ᭟ᬢᬦ᭄ᬤ᭄ᬯᬓᬾᬲᬄᬧᬫᬃᬕ᭄ᬕᬶᬦᬾᬫᬭᬦ᭄ᬢᬩᬦ᭄᭞ᬧᬸᬢ᭄ᬭᬧᬸᬢ᭄ᬭᬶᬫᬗᬶᬭᬶᬂ᭞ᬫ᭄ᬯᬂᬭᬩ᭄ᬬᬓᬢᬶᬕᬦ᭄᭞ᬢᬦ᭄‌ᬘᬶᬦᬭᬶᬢᬾᬂᬳᬯᬦ᭄᭞ᬯᬸᬲ᭄ᬤᬢᬂᬳᬦᬾᬂᬓᬓᬶᬲᬶᬓ᭄᭞ ᬧᬶᬗ᭄ᬕᬶᬃᬲᬫᬸᬤ᭄ᬭ᭞ᬧᬫᬃᬕ᭄ᬕᬶᬦᬾᬫᬲᬶᬲᬶ᭟ᬤᬤᭀᬲ᭄‌ᬦᬵᬯᬧᬲᬫ᭄ᬯᬦᬶᬂᬯᬗ᭄ᬰᬦᬶᬭ᭞ᬫ᭄ᬧᬸᬤ᭄ᬯᬶᬚᬾᬦ᭄ᬤ᭄ᬭᬰᬓ᭄ᬢᬶ᭞ᬲᬓᬶᬂᬯᬶᬮᬢᬶᬓ᭄ᬝᬵ᭞ᬬᬫ᭄ᬪᬸᬤ᭄ᬯᬶᬧᬫᬡ᭄ᬥᬮ᭞ᬳᬶᬤᬫ᭄ᬧᬸᬤ᭄ᬯᬶᬚᬾᬦ᭄ᬤ᭄ᬭᬯ᭄ᬬᬵᬓ᭄ᬢᬶ᭞ᬯ᭄ᬭᬸᬳᬶᬂᬳᬢᬷᬢ᭞ᬦᬵᬕᬢ᭄ᬢᬯᬃ ᬢ᭄ᬢᬫᬦᬵ᭛᭜᭛ᬧᬸᬧᬸᬄᬧᬗ᭄ᬓᬸᬃ᭛᭜᭛ᬦᬾᬫᬗ᭄ᬓᬶᬦ᭄ᬭᬭᬶᬲ᭄ᬫᬫᬃᬕ᭄ᬕ᭞ᬲᬂᬫᬵᬬᬢᬶᬳᬶ᭠ᬤᬤ᭄ᬯᬶᬚᬾᬦ᭄ᬤ᭄ᬭᬰᬓ᭄ᬢᬶ᭞ᬘᬾᬢᭂᬭᬾᬧᬸᬢ᭄ᬭᬦᬾᬲᬂᬯᬶᬓᬸ᭞ᬮᬵᬯᬦ᭄‌ᬖᬭᬓᬢᬶᬕᬦ᭄᭞ᬲᬂᬫᬵᬬᬢᬶᬫᬓᬵᬯ ᬦ᭄ᬩᭂᬮᬳᬦ᭄ᬯᬮᬸᬄ᭞ᬳᬦᬬᬫ᭄ᬯᬂᬭᬩᬶᬦᬶᬭ᭞ᬚᬸᬓᬸᬂᬩᬾᬲᬾᬃᬓᬮᬶᬗ᭄ᬕᬶᬳᬶᬦ᭄᭟ᬢᬸᬫᬸᬮᬶᬳᬶᬤᬫ᭠ᬮᬬᬃ᭞ᬧᬫᬃᬕ᭄ᬕᬶᬦᬾᬫᬳᬶᬍᬄᬳᬦᬾᬂᬢᬲᬶᬓ᭄᭞ᬘᬾᬢ᭄ᬢᬦᬢᭂᬧᬶᬦᬶᬂᬮᬯᬸᬢ᭄᭞ᬫᬸᬂᬲᬋᬂᬳᬶᬤᬲᬫ᭄ᬬᬦ᭄᭞ᬫ [᭑᭑ 11A] ᭑᭑ ᬫᬲᬶᬲᬶᬧᬫᬃᬕ᭄ᬕᬶᬦᬾᬗᬦ᭄ᬢᬸᬦ᭄ᬳᬦ᭄ᬢᬸᬦ᭄᭞ᬢᬸᬭᬸᬦᬾᬂᬍᬫᬄᬯᬮ᭄ᬬᬵᬕ᭞ᬯᭀᬦ᭄ᬢᭂᬦᬶᬂᬓᬓᬶᬲᬶᬓ᭄ᬩᬮᬶ᭟ᬇᬭᬶᬓᬵᬳᬶᬤᬫᬭᬵᬃᬬ᭄ᬬᬦ᭄᭞ᬭᬶᬂᬚᬗ᭄ᬕᬮᬾᬂᬓᬧᬸᬭᬵᬜ᭄ᬘᬓ᭄‌ᬯᬦᬵᬤ᭄ᬭᬶ᭞ᬳᬶᬭᬭᬾᬳᬗ᭄ᬯᬦ᭄ᬓᬘᬸᬡ᭄ᬥᬸᬓ᭄᭞ᬭᬭᬶᬲᬂ᭠ ᬬᬢᬶᬯᬭ᭞ᬗᬡ᭄ᬥᬶᬓᬵᬭᬶᬲ᭄‌ᬲᬃᬚ᭄ᬚᬯᬳᬫᬸᬮᬸᬄᬋᬫ᭄ᬧᬸᬄ᭞ᬦᬾᬢᬾᬘᬳᬶᬭᬭᬾᬳᬗ᭄ᬯᬦ᭄᭞ᬗᬸᬤ᭄ᬬᬂᬤᬶᬦᬶᬧᬤᬶᬤᬶᬳᬶ᭟ᬓᬮᬶᬄᬦᬶᬭᬫᬦᬓᭀᬦᬂ᭞ᬳᭂᬗ᭄ᬓᬾᬦ᭄ᬳᬫ᭄ᬩᬄᬫᬃᬕ᭄ᬕᬦᬾᬓᬦᬵᬕᬭᬶ᭞ᬳᬶᬭᬭᬾᬳᬗ᭄ᬯᬦ᭄‌ᬳᬸ᭠ ᬫᬢᬸᬃ᭞ᬳᬶᬭᬶᬓᬵᬗᬢᭂᬗᬳᬂ᭞ᬫᬃᬕ᭄ᬕᬶᬲ᭄ᬭᬶᬧᬶᬢ᭄᭞ᬗᬮᬶᬦ᭄ᬢᬗᬶᬦ᭄ᬳᬮᬲ᭄ᬳᬕᬸᬂ᭞ᬢᬦ᭄ᬤ᭄ᬯᬵᬳᬶᬤᬬᬢᬶᬯᬭ᭞ᬳᬸᬫᬜ᭄ᬚᬶᬗᬶᬂᬳᬮᬲ᭄‌ᬉᬓᬶᬃ᭟ᬧᬫᬃᬕ᭄ᬕᬶᬦᬾᬗᬢᭂᬗᬳᬂ᭞ᬚᬸᬭᬂᬧᬗ᭄ᬓᬸᬂᬳᬓ᭄ᬯᬾᬄᬲᬦᬾᬓᬮᬶᬦ᭄ᬢᬗᬶᬦ᭄᭞ᬢᬦ᭄ᬤ᭄ᬯᬧ᭄ᬭ ᬕᬸᬱᬓᬘᬸᬡ᭄ᬤᬸᬓ᭄᭞ᬫᬲ᭄ᬯᬭᬕ᭄ᬭᬄᬕ᭄ᬭᬄ᭞ᬤ᭄ᬯᬶᬚᬰᬓ᭄ᬢᬶᬢᬦ᭄ᬧᬗᬾᬢᬂᬪᬬᬓᬾᬬᬸᬄ᭞ᬓᬮᬶᬦ᭄ᬢᬗᬦ᭄ᬳᬶᬧ᭄ᬭᬕᬸᬱ᭞ᬳᬸᬮᬵᬳᬕᬸᬂᬫᬗᬂᬧᬗ᭄ᬕᬶᬄ᭟ᬅᬕᬾᬳᬶᬤᬲᬂᬤ᭄ᬯᬶᬚᬾᬦ᭄ᬤ᭄ᬭ᭞ᬫᬗ᭄ᬭᬜ᭄ᬚᬶᬂᬭᬶᬂᬢᬸᬢᬸᬓ᭄ᬳᬸᬮᬵᬫᬗ᭄ᬭᬭᬶᬲ᭄᭞

Auto-transliteration

[10 10B] 10 makinkinlunghā, turunwontĕningbali. tandwakesaḥpamar̀gginemarantaban, putraputrimangiring, mwangrabyakatigan, tancinaritenghawan, wusdatanghanengkakisik, pinggir̀samudra, pamar̀gginemasisi. dadosnāwapasamwaningwangśanira, mpudwijendraśakti, sakingwilatikṭā, yambhudwipamaṇdhala, hidampudwijendrawyākti, wruhinghatīta, nāgattawar̀ ttamanā /// • /// pupuḥpangkur̀ /// • /// nemangkinrarismamar̀gga, sangmāyatihi‐dadwijendraśakti, cetĕreputranesangwiku, lāwangharakatigan, sangmāyatimakāwa nbĕlahanwaluḥ, hanayamwangrabinira, jukungbeser̀kalinggihin. tumulihidama‐layar̀, pamar̀gginemahil̥ĕḥhanengtasik, cettanatĕpininglawut, mungsar̥ĕnghidasamyan, ma [11 11A] 11 masisipamar̀gginengantunhantun, turunengl̥ĕmaḥwalyāga, wontĕningkakisikbali. irikāhidamarār̀yyan, ringjanggalengkapurāñcakwanādri, hirarehangwankacuṇdhuk, rarisang‐ yatiwara, ngaṇdhikārissar̀jjawahamuluḥr̥ĕmpuḥ, netecahirarehangwan, ngudyangdinipadidihi. kaliḥniramanakonang, hĕngkenhambaḥmar̀gganekanāgari, hirarehangwanhu‐ matur̀, hirikāngatĕngahang, mar̀ggisripit, ngalintanginhalashagung, tandwāhidayatiwara, humañjinginghalasukir̀. pamar̀gginengatĕngahang, jurangpangkunghakweḥsanekalintangin, tandwapra guṣakacuṇduk, maswaragraḥgraḥ, dwijaśaktitanpangetangbhayakeyuḥ, kalintanganhipraguṣa, hulāhagungmangangpanggiḥ. agehidasangdwijendra, mangrañjingringtutuk'hulāmangraris,

Leaf 11

Image on Archive.org

[᭑᭑ 11B] ᭑᭑ ᬚ᭄ᬭᭀᬦᬶᬂᬕᬃᬩ᭄ᬪᬳᬸᬮᬵᬳᬶᬓᬸ᭞ᬧᬶᬦᬗ᭄ᬕᬸᬄᬢᬸᬜ᭄ᬚᬸᬂᬫᭂᬓᬃ᭞ᬭᬭᬶᬲ᭄ᬓᬵᬫ᭄ᬩᬶᬮ᭄ᬓᬲᬸᬫ᭄ᬧᬂᬳᬸᬗ᭄ᬕ᭄ᬯᬂᬭᬶᬂᬕᭂᬮᬸᬂ᭞ᬢᬦ᭄ᬤ᭄ᬯᬳᬶᬤᬲᬂᬫᬸᬦᬷᬦ᭄ᬤ᭄ᬭ᭞ᬫᬶᬚᬶᬮ᭄ᬲᬓᬶᬂᬳᬸᬮᬵᬕᭂᬮᬶᬲ᭄᭟ᬇᬭᬶᬓᬵᬳᬶᬤᬫᬸᬦᬷᬦ᭄ᬤ᭄ᬭᬵ᭞ᬲᬵᬃᬯᬶᬕᭂᬮᬶᬲ᭄‌‌ᬯᬃᬡ᭄ᬦᬳᬶᬋᬂᬫᬍ᭠ ᬗᬶᬲ᭄᭞ᬳᬚ᭄ᬭᬶᬄᬧᬸᬢ᭄ᬭᬦᬾᬫᬦ᭄ᬤᬸᬮᬸ᭞ᬫᬮᬳᬶᬩ᭄ᬧᬢᬶᬲᬫ᭄ᬩᬸᬭᬢ᭄᭞ᬢᬦ᭄ᬤ᭄ᬯᬵᬫᬾᬮᬶᬂᬓᬬᬸᬦᬾᬲᬂᬫᬳᬵᬪᬶᬓ᭄ᬱᬸ᭞ᬳᬶᬭᬶᬩ᭄ᬳᬶᬭᬕᬩᬲ᭄ᬢᬯᬄ᭞ᬳᬯᬦᬦ᭄ᬧᬸᬢ᭄ᬭᬦᬾᬳᬚ᭄ᬭᬶᬄ᭟ᬢᬸᬫᬸᬮᬶᬳᬶᬤᬤ᭄ᬯᬶᬚᬾᬦ᭄ᬤ᭄ᬭ᭞ᬕ᭄ᬮᬶᬲ᭄ᬗᬭᬜ᭄ᬚᬶᬂᬭᬶᬂᬢᬸ᭠ ᬢᬸᬓ᭄ᬳᬸᬮᬵᬫᬮᬶᬄ᭞ᬢ᭄ᬓᬾᬂᬕᬃᬩ᭄ᬪᬳᬸᬮᬵᬳᬕᬸᬂ᭞ᬢᬸᬜ᭄ᬚᬸᬗᬾᬓᬕᭂᬦᬳᬂ᭞ᬫᬮᬶᬄᬫᬶᬚᬶᬮ᭄ᬳᬶᬤᬲᬂᬫᬭᬕ᭠ᬧᬸᬢᬸᬲ᭄᭞ᬯᬮ᭄ᬯᬶᬯᬃᬡ᭄ᬦᬦᬾᬓᬵᬜ᭄ᬘᬦᬵ᭞ᬓᬤᬶᬳᬾᬫᬦᬾᬲᬶᬦᬗ᭄ᬮᬶᬂ᭟ᬦᬗᬶᬂᬳ᭄ᬬᬸᬦ᭄‌‌ᬲᬂᬬᬢᬷᬯᬭ᭞ᬓᬳᬓ᭄ᬱᬶᬦᬶ᭠ ᬦ᭄ᬧᬸᬢ᭄ᬭᬦᬾᬓ᭄ᬯᬾᬄᬫᬮᬳᬶᬩ᭄᭞ᬳᬶᬭᬶᬓᬵᬳᬶᬤᬲᬂᬪᬶᬓ᭄ᬱᬸ᭞ᬫᬗᬺᬋᬳᬶᬦ᭄ᬜᬮᬓ᭄ᬱᬓ᭄᭞ᬲᬵᬫ᭄ᬧᬸ᭠ᬦ᭄ᬧᬗ᭄ᬕᬶᬄ᭞ᬧᬸᬢ᭄ᬭᬦᬾᬫᬮᬶᬄᬫᬓᬸᬫ᭄ᬧᬸᬮ᭄᭞ᬓᬳᬓ᭄ᬱᬶᬲᬫ᭄ᬯᬦᬶᬂᬯᬗ᭄ᬰ᭞ᬓᬦ᭄ᬢᬸᬦ᭄ᬯᬦ᭄ᬢᬄᬳᬱ᭄ᬝᬯᬶᬚᬶ᭟ᬫᬸᬂᬳᬶᬤ᭠ [᭑᭒ 12A] ᭑᭒ ᬧᬡ᭄ᬥ᭄ᬬᬲ᭄ᬯᬪᬵᬯ᭞ᬢ᭄ᬯᬭᬓᬭᬶᬳᭀᬮᬶᬄᬲᬂᬋᬱᬶᬓᬵᬓ᭄ᬱᬶ᭞ᬮᬸᬗ᭄ᬳᬳᬶᬤᬫᬮᬶᬄᬗ᭄ᬭᬸᬭᬸᬄ᭞ᬫᬜᬸᬲᬸᬧ᭄ᬭᬶᬂ᭠ᬓᬦᬵᬦ᭞ᬚᬸᬭᬂᬲ᭄ᬭᬶᬧᬶᬢ᭄ᬧᬫᬃᬕ᭄ᬕᬶᬦᬾᬲᬶᬮᬓ᭄‌‌ᬲᬶᬮᬸᬓ᭄᭞ᬯᬸᬲ᭄ᬥᬢᬂᬭᬶᬂᬯᬮᬦ᭄ᬢᬕ᭞ᬭᬶᬂᬤᬧᭀᬮᬓᬶᬧᬶᬦᬗ᭄ᬕᬶᬄ᭟ ᬳᬃᬱᬵᬳ᭄ᬬᬸᬦ᭄ᬳᬶᬤᬫᬸᬦᬶᬦ᭄ᬤ᭄ᬭ᭞ᬓᬵᬡ᭄ᬤᬶᬓᬳᬶᬦ᭄ᬧᬸᬢ᭄ᬭᬦᬾᬓᬧᬵᬲᬶᬳᬶᬦ᭄᭞ᬧᬤᬡ᭄ᬥᬳᬶᬲ᭄ᬢ᭄ᬭᬶᬢᬦ᭄ᬓᬳ᭄ᬬᬸᬦ᭄᭞ᬢᬸᬫᬹᬢ᭄ᬭᬶᬂᬳ᭄ᬬᬸᬦ᭄ᬫᬸᬦᬶᬦ᭄ᬤ᭄ᬭ᭞ᬳ᭄ᬬᬸᬦ᭄ᬫᬮᬶᬗ᭄ᬕᬶᬄᬳᬰ᭄ᬭᬫᬭᬶᬂᬳᬮᬲ᭄ᬳᬕᬸᬂ᭞ᬘᬾᬢ᭄ᬢᬦᬫ᭄ᬭᬕᬦᬶᬃᬫᬮ᭞ᬫᬮᬦ᭄ᬢᬶᬗᬾᬂᬓᬧᭀ ᬮᬓᬶ᭟ᬮᬾᬤᬂᬓᬳ᭄ᬬᬸᬦ᭄ᬲᬂᬤ᭄ᬯᬶᬚᬾᬦ᭄ᬤ᭄ᬭᬵ᭞ᬫᬫᬶᬋᬗᬂᬳᬢᬸᬭᬾᬧᬡ᭄ᬥ᭄ᬬᬳᬶᬲ᭄ᬢ᭄ᬭᬶ᭞ᬬᬢᬶᬯᬭᬗᬡ᭄ᬤᬶᬓ᭠ᬳᬮᬸᬲ᭄᭞ᬦᬄᬳᬬᬸᬤᬶᬦᬶᬫᭂᬮᬄ᭞ᬧᬂᬓᬲᬶᬯᬶᬩᬳᬦ᭄ᬯᭀᬂᬢᬦ᭄ᬳᬦᬵᬦ᭄ᬤᬸᬮᬸ᭞ᬳᬶᬭᬶᬓᬳᬶᬤᬫᬸᬦᬶᬦ᭄ᬤ᭄ᬭ᭞ᬳᬗ᭄ᬮ ᬭᬂᬬᭀᬕᬲᬫᬵᬥᬶ᭟ᬯᬸᬲ᭄‌‌ᬧᬸᬧᬸᬢᬶᬂᬓᬧ᭄ᬭᬮᬶᬡ᭞ᬤᬳᬢ᭄ᬮᬸᬯᬶᬄᬬᭀᬕᬦᬾᬫᬳᬵᬲᬶᬤ᭄ᬥᬶ᭞ᬳᬦᬅᬦ᭄ᬚᬸᬮᬢ᭄ᬬᬵᬓᬮᬸᬂ᭞ᬫᬦᬶᬗᭂᬄᬬᭀᬕ᭄ᬕᬦ᭄ᬳᬶᬤ᭞ᬳᬚᬳᬦ᭄‌‌ᬕ᭄ᬮᬶᬲ᭄ᬫᬦ᭄ᬤᬤᬶᬯᭀᬂᬳᬶᬲ᭄ᬢ᭄ᬭᬶᬳᬬᬸ᭞ᬓᬳᬓ᭄ᬱᬶᬳᭀ

Auto-transliteration

[11 11B] 11 jroninggar̀bbhahulāhiku, pinangguḥtuñjungmĕkar̀, rariskāmbilkasumpanghunggwangringgĕlung, tandwahidasangmunīndra, mijilsakinghulāgĕlis. irikāhidamunīndrā, sār̀wigĕliswar̀ṇnahir̥ĕngmal̥ĕ‐ ngis, hajriḥputranemandulu, malahibpatisamburat, tandwāmelingkayunesangmahābhiksyu, hirib'hiragabastawaḥ, hawananputranehajriḥ. tumulihidadwijendra, glisngarañjingringtu‐ tuk'hulāmaliḥ, tkenggar̀bbhahulāhagung, tuñjungekagĕnahang, maliḥmijilhidasangmaraga‐putus, walwiwar̀ṇnanekāñcanā, kadihemanesinangling. nanginghyunsangyatīwara, kahaksyini‐ nputranekweḥmalahib, hirikāhidasangbhiksyu, mangr̥ĕr̥ĕhinñalakṣak, sāmpu‐npanggiḥ, putranemaliḥmakumpul, kahaksyisamwaningwangśa, kantunwantaḥhaṣṭawiji. munghida‐ [12 12A] 12 paṇdhyaswabhāwa, twarakariholiḥsangr̥ĕsyikāksyi, lunghahidamaliḥngruruḥ, mañusupring‐kanāna, jurangsripitpamar̀gginesilaksiluk, wusdhatangringwalantaga, ringdapolakipinanggiḥ. har̀syāhyunhidamunindra, kāṇdikahinputranekapāsihin, padaṇdhahistritankahyun, tumūtringhyunmunindra, hyunmalinggiḥhaśramaringhalashagung, cettanamraganir̀mala, malantingengkapo laki. ledangkahyunsangdwijendrā, mamir̥ĕnganghaturepaṇdhyahistri, yatiwarangaṇdika‐halus, naḥhayudinimĕlaḥ, pangkasiwibahanwongtanhanāndulu, hirikahidamunindra, hangla rangyogasamādhi. wuspuputingkapraliṇa, dahatluwiḥyoganemahāsiddhi, hana'anjulatyākalung, maningĕḥyogganhida, hajahan'glismandadiwonghistrihayu, kahaksyiho

Leaf 12

Image on Archive.org

[᭑᭒ 12B] ᭑᭒ ᬮᬶᬄᬲᬂᬤ᭄ᬯᬶᬚᬵ᭞ᬓᬍᬲ᭄ᬯᬂᬬᭀᬕᬦᬾᬕᭂᬮᬶᬲ᭄᭞ᬳᭂᬫᬾᬳᬶᬩᬳᬜ᭄ᬚᬸᬮᬢ᭄ᬬᬵ᭞ᬢᬸᬳᬸᬜᬳᬶᬢ᭄ᬯᬄᬲᬲᬭᬦ᭄ᬥᬥᬭᬶ᭞ᬫᬫᬗ᭄ᬕᬸᬄᬧᬵᬧᬳᬦᬸᬮᬸᬲ᭄᭞ᬚᬦᬶᬲᬸᬩᬓᬲᬸᬧᬢ᭄᭞ᬮ᭄ᬯᬶᬄᬲᬸᬚᬢᬶᬫᬦ᭄ᬤᬤᬶᬯᭀᬂᬳᬶᬲ᭄ᬢ᭄ᬭᬶᬳᬬᬸ᭞ᬤᬸ ᬫᬤᬓ᭄ᬳᬧᬂᬓᬲᬶᬤ᭄ᬥ᭄ᬬᬦ᭄᭞ᬗᬦᬸᬢᬾᬂᬰᬰᬡᬬᬸᬓ᭄ᬢᬶ᭟ᬓᬮᬶᬄᬦᬾᬧᬫᬸᬜᬶᬦᬶᬭ᭞ᬬᬸᬓ᭄ᬢᬶᬜᬳᬶᬲ᭠ᬯᬶᬢ᭄ᬭᬦᬾᬕᬯᬾᬦᬶᬦ᭄᭞ᬓᬲᬸᬲᬢ᭄ᬬᬦᬾᬚ᭄ᬯᬭᬸᬭᬸᬄ᭞ᬤᬲᬭᬶᬦ᭄ᬩᬵᬦ᭄ᬓᬥᬃᬫ᭄ᬫᬦ᭄᭞ᬲᬥᬸᬩᬸᬤ᭄ᬥᬶᬳᬕᬫᬳᬗ᭄ᬕᭀ ᬦ᭄ᬲᬲᬸᬮᬸᬄ᭞ᬦᬄᬢᭀᬩᭂᬓᭂᬮᬂᬤᬶᬳᬯᬓ᭄᭞ᬧᬘᬂᬗᬮᬶᬄᬓᬲᬸᬕᬢᬶᬦ᭄᭟ᬧᬸᬧᬸᬢ᭄ᬲᬫᬶᬓᬡ᭄ᬥᬶᬓᬬᬂ᭞ᬤ᭄ᬯᬶᬚᬰᬓ᭄ᬢᬶᬓᬦ᭄ᬢᬸᬦᬾᬂᬧᬲᬶᬃᬉᬓᬶᬃ᭞ᬢᬸᬫᬸᬮᬶᬳᬶᬤᬳᬮᬸᬗ᭄ᬕᬸᬄ᭞ᬭᬫᬾᬳᬩᬩᬯᭀᬲᬦ᭄᭞ᬫᬶᬕᬸᬫ᭄‌‌ᬲᬫᬶᬧᬸ ᬢ᭄ᬭᬫ᭄ᬯᬂᬭᬩᬶᬫᬦ᭄ᬤᬸᬮᬸᬃ᭞ᬳᬶᬭᬶᬓᬵᬳᬶᬤᬫᬸᬦᬶᬦ᭄ᬤ᭄ᬭ᭞ᬳᬮᭀᬦ᭄ᬯᬘᬦᬦᬾᬳᬭᬶᬲ᭄᭟ᬚᬦᬶᬲᬸᬩᬓᬲᬸᬓᬺᬢ᭄ᬢᬦ᭄᭞ᬚ᭄ᬭᭀᬦᬶᬂᬳᬺᬤ᭄ᬥᬶᬮ᭄ᬬᬗᬾᬢᬦ᭄ᬲᬶᬦᬶᬧᬶ᭞ᬫᬸᬢᭂᬭᬂᬕᬸᬫᬶᬮᬦ᭄ᬕᬸᬦᬸᬂ᭞ᬢ᭄ᬯᬶᬤᬾᬰᬓᬢᭀᬦ᭄ᬳᬮᬲ᭄᭞ [᭑᭓ 13A] ᭑᭓ ᬫᬸᬗᬶᬚᬵᬦ᭄ᬫᬶᬫᬦ᭄ᬤᬤᬶᬫᬘᬦ᭄ᬓᬤᬸᬮᬸ᭞ᬤᭀᬦᬶᬂᬲᬵᬫ᭄ᬧᬸᬦ᭄ᬓᬧ᭄ᬭᬮᬶᬡ᭞ᬯᬮᬦ᭄ᬢᬕᬵᬦᬾᬂᬧᭀᬮᬓᬶ᭟ᬚᭂᬦᭂᬓ᭄ᬳᬶᬤᬬᬾᬂᬧᬢᬧᬦ᭄᭞ᬳᬫᬮᬦ᭄ᬢᬶᬂᬯᭀᬦ᭄ᬢᭂᬦᬶᬂᬓᬧᭀᬮᬓᬶ᭞ᬲᬶᬦᬸᬗ᭄ᬲᬸᬂᬯᭀᬂᬢᬦ᭄ᬓᬤᬸᬮᬸ᭞ᬗ᭄ᬳᬶᬂᬲᬧᭀ ᬢ᭄ᬭᬓᬦ᭄ᬳᬶᬤ᭞ᬫᬗᬸᬪᬓ᭄ᬢᬶᬦᬶᬢ᭄ᬬᬵᬱᬳᬶᬤᬓᬲᬸᬳᬸᬦ᭄᭞ᬤᭀᬦᬶᬂᬳᬾᬮᬶᬂᬓᬯᬗ᭄ᬰᬬᬂ᭞ᬲᬶᬦᬸᬗ᭄ᬲᬸᬂ᭠ᬓᬢᭂᬓᬦ᭄ᬫᬗ᭄ᬓᬶᬦ᭄᭛᭜᭛ᬧᬸᬧᬸᬄᬥᬂᬥᬂ᭛ᬥᬂᬥᬂᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬜᬭᬶᬣᬬᬂ᭞ᬲᬂᬓ᭠ ᬦ᭄ᬢᬸᬦᬾᬂᬳᬮᬲ᭄᭞ᬤ᭄ᬯᬶᬚᬾᬦ᭄ᬤ᭄ᬭᬰᬓ᭄ᬢᬶᬧᬹᬃᬯ᭄ᬯᬦᬾ᭞ᬓᬳᬶᬭᬶᬂᬩᬵᬦ᭄ᬳᬱ᭄ᬝᬲᬸᬦᬹ᭞ᬫᬮᬶᬄᬭᬩ᭄ᬬᬲᬦᬾ᭠ᬓᬢ᭄ᬭᬶᬡᬶ᭞ᬲᬂᬧᬢ᭄ᬦᬶᬫ᭄ᬯᬂᬫᬵᬤᬾᬯ᭄ᬬᬵ᭞ᬗᬶᬭᬶᬂᬳ᭄ᬬᬸᬦ᭄ᬫᬳᬵᬫ᭄ᬧᬸ᭞ᬧᬫᬃᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭞ᬢᬦ᭄ᬤ᭄ᬯᬧ᭄ᬭᬵᬧ᭄ᬢ᭠ ᬳᬋᬧ᭄ᬦᬶᬂᬕᭂᬤᭀᬂᬧᬮᬶᬗ᭄ᬕᬶᬄ᭞ᬓᬬᬗᬦ᭄ᬭᬶᬂᬚ᭄ᬭᭀᬦᬶᬗᬮᬲ᭄᭟ᬭᬭᬶᬲ᭄ᬳᬶᬤᬫ᭄ᬧᬸᬤ᭄ᬯᬶᬚᬾᬦ᭄ᬤ᭄ᬭᬰᬓ᭄ᬢᬶ᭞ᬓᬭᬵᬃᬬ᭄ᬬᬦᬂ᭞ᬩᬵᬦ᭄ᬳᬶᬓ᭄ᬭᬫᬤᬾᬰ᭞ᬧ᭄ᬭᬡᬫ᭄ᬬᬳᬮᭀᬦ᭄ᬳᬢᬸᬭᬾ᭞ᬳᬶᬗ᭄ᬕᬶᬄᬭᬢᬸᬲᬂᬫᬳᬵᬫ᭄ᬧᬸ᭞ᬦ᭄ᬤᬯᭂᬕ᭄ᬢᬶ

Auto-transliteration

[12 12B] 12 liḥsangdwijā, kal̥ĕswangyoganegĕlis, hĕmehibahañjulatyā, tuhuñahitwaḥsasarandhadhari, mamangguḥpāpahanulus, janisubakasupat, lwiḥsujatimandadiwonghistrihayu, du madak'hapangkasiddhyan, nganutengśaśaṇayukti. kaliḥnepamuñinira, yuktiñahisa‐witranegawenin, kasusatyanejwaruruḥ, dasarinbānkadhar̀mman, sadhubuddhihagamahanggo nsasuluḥ, naḥtobĕkĕlangdihawak, pacangngaliḥkasugatin. puputsamikaṇdhikayang, dwijaśaktikantunengpasir̀ukir̀, tumulihidahalungguḥ, ramehababawosan, migumsamipu tramwangrabimandulur̀, hirikāhidamunindra, halonwacananeharis. janisubakasukr̥ĕttan, jroninghr̥ĕddhilyangetansinipi, mutĕranggumilan'gunung, twideśakatonhalas, [13 13A] 13 mungijānmimandadimacankadulu, doningsāmpunkapraliṇa, walantagānengpolaki. jĕnĕk'hidayengpatapan, hamalantingwontĕningkapolaki, sinungsungwongtankadulu, nghingsapo trakanhida, mangubhaktinityāṣahidakasuhun, doninghelingkawangśayang, sinungsung‐katĕkanmangkin /// • /// pupuḥdhangdhang /// dhangdhangratuhanggentityangpuniki, ñarithayang, sangka‐ ntunenghalas, dwijendraśaktipūr̀wwane, kahiringbānhaṣṭasunū, maliḥrabyasane‐katriṇi, sangpatnimwangmādewyā, ngiringhyunmahāmpu, pamar̀gginemalonlonan, tandwaprāpta‐ har̥ĕpninggĕdongpalinggiḥ, kayanganringjroningalas. rarishidampudwijendraśakti, karār̀yyanang, bānhikramadeśa, praṇamyahalonhature, hinggiḥratusangmahāmpu, ndawĕgti

Leaf 13

Image on Archive.org

[᭑᭓ 13B] ᭑᭓ ᬢ᭄ᬬᬂᬫᬳᬢᬸᬃᬲᬶᬲᬶᬧ᭄᭞ᬫᬗ᭄ᬤᬲᬂᬫ᭄ᬧᬸᬫᬜᭂᬓᬃ᭞ᬭᬶᬂᬕᭂᬤᭀᬂᬧᬸᬦᬶᬓᬸ᭞ᬬᬦ᭄ᬤᬸᬭᬸᬂᬧᭀᬮᬶᬄᬫᬜᭂᬓᬃ᭠ᬲᬂᬫᬸᬦᬷᬦ᭄ᬤ᭄ᬭ᭞ᬢᬦ᭄ᬤᬤᭀᬲ᭄ᬧᬘᬂᬗ᭄ᬮᬶᬦ᭄ᬢᬗᬶᬦ᭄᭞ᬕᭂᬤᭀᬂᬓᬬᬗᬦ᭄ᬧᬸᬦᬶᬓᬵ᭟ᬓᬗ᭄ᬕᭂᬓ᭄ᬓᬬᬸᬦ᭄ᬳᬶᬤᬦᬶᬲᬂᬫᬵ ᬬᬢᬶ᭞ᬫᬫᬶᬋᬗᬂ᭞ᬳᬲᬸᬄᬫᬗᬋᬧᬂ᭞ᬲᬵᬃᬚ᭄ᬚᬯᬵᬭᬹᬫ᭄‌‌ᬯᬘᬡᬦᬾ᭞ᬳᬶᬭᬫᬗᭀᬭᬳᬂᬫ᭠ᬮᬸ᭞ᬲ᭄ᬯᬭᬯᭂᬦᬂᬳᬶᬭᬦᬾᬤᬶᬦᬶ᭞ᬗᬪᬓ᭄ᬢᬶᬭᬶᬂᬓᬳ᭄ᬬᬗᬦ᭄᭞ᬇᬯᭀᬂᬤᬾᬰᬫᬢᬹᬃ᭞ᬦ᭄ᬤᬯᭂᬕ᭄ᬢᬶᬢ᭄ᬬᬂᬭᬶᬂᬲᬂᬧᬡ᭄ᬥ᭄ᬬ᭞ ᬫᬗ᭄ᬤᬵᬜᭂᬓᬃ᭞ᬬᬦ᭄ᬢᬦ᭄ᬳ᭄ᬬᬸᬦ᭄ᬲᬂᬫᬵᬬᬢᬶ᭞ᬦᭀᬭᬓᬵᬢᬸᬭᬦ᭄ᬗᬮᬶᬦ᭄ᬢ᭟ᬬᬦ᭄‌‌ᬢ᭄ᬯᬄᬓᬾᬢᭀ᭠ᬩᬦ᭄ᬳᬶᬕᭂᬥᬾᬫᬫᬸᬜᬶ᭞ᬢᭂᬓᬾᬦ᭄ᬩᬧ᭞ᬳᬶᬗ᭄ᬲᬸᬦ᭄ᬧᬘᬂᬜᭂᬓᬃ᭞ᬧᬶᬲᬺᬂᬧᬫᬶᬥᬶᬦ᭄ᬤᬾᬰᬦᬾ᭞ᬩᬹᬫᬭᬳᬶᬤᬲᬂᬪᬶ ᬓ᭄ᬱᬸ᭞ᬳᬬᬢ᭄ᬘᬸᬓᬸᬧ᭄ᬢᬂᬓᬵᬭᬓᬮᬶᬄ᭞ᬫᬾᬭᬸᬦᬾᬭᬭᬶᬲ᭄ᬳᭂᬩᬄ᭞ᬢᬸᬫ᭄ᬧᬂᬜᬦᬾᬮᬸᬂᬮᬸᬂ᭞ᬇᬯᭀᬂᬤᬾᬰᬓᬕᬯᭀᬓᬦ᭄᭞ᬭᬶᬂᬫᬸᬦᬷᬦ᭄ᬤ᭄ᬭ᭞ᬚᬢᬶᬳᬶᬤᬲᬂᬩ᭄ᬭᬳ᭄ᬫᬵᬤᬶ᭞ᬚᬫᬥᬵᬖ᭄ᬦᬶᬗ᭄ᬯᬗ᭄ᬰᬬᬂ᭟ᬫᬩ᭄ᬭᬶᬬᬸᬓ᭄ᬳᬶ [᭑᭔ 14A] ᭑᭔ ᬯᭀᬂᬤᬾᬰᬫᬢᬸᬃᬲᬶᬲᬶᬧ᭄᭞ᬭᬶᬲᬂᬧᬡ᭄ᬥ᭄ᬬ᭞ᬦᬸᬦᬲ᭄ᬧᬗᬵᬫ᭄ᬧᬸᬭᬵ᭞ᬲᬵᬫ᭄ᬧᬸᬦᬂᬕᬸᬂᬩ᭄ᬭᬵᬳ᭄ᬫᬦ᭄ᬢ᭄ᬬᬦᬾ᭞ᬢᬶᬢ᭄ᬬᬂᬳᬶᬓᬯᬸᬮᬾᬂᬤᬸᬲᬸᬦ᭄᭞ᬫᬸᬂᬲ᭄ᬯᬾᬘ᭄ᬙᬦᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬫᬾᬭᬸᬦᬾᬫᬗ᭄ᬤᬓᬵᬤᭂᬕᬂ᭞ᬢᬦ᭄ᬤ᭄ᬯᬵᬲᬂ ᬫᬳᬵᬫ᭄ᬧᬸ᭞ᬲ᭄ᬯᬾᬘ᭄ᬙᬳᬲᬸᬂᬭᬶᬂᬳᬶᬤᬾᬰ᭞ᬓᬳᬩᬸᬢᬂᬭᭀᬫᬦᬾᬓᬵᬗ᭄ᬕᬾᬦ᭄ᬗᭂᬤᭂᬢᬶᬦ᭄᭞ᬫᬾᬭᬸ᭠ᬦᬾᬳᬸᬫᬥᭂᬕ᭄ᬫᬸᬯᬄ᭟ᬭᬭᬶᬲ᭄ᬳᬶᬤᬫ᭄ᬧᬸᬤ᭄ᬯᬶᬚᬾᬦ᭄ᬤ᭄ᬭᬰᬓ᭄ᬢᬶ᭞ᬗᬡ᭄ᬤᬶᬓᬬᬂᬳᭂᬦᬾᬭᭀᬫᬦᬶᬭ᭞ᬲᬸᬂᬲᬸᬂᬫᬓᬧ᭄ᬭᬮᬶᬗ᭄ᬕ ᬦᬾ᭞ᬳᬧᬂᬳᬤᬳᬗ᭄ᬕᬾᬦ᭄ᬢᬸᬂᬢᬸᬂ᭞ᬓᬳᬸᬘᬧᬂᬤᬶᬭᬫ᭄ᬩᬸᬢ᭄ᬲᬶᬯᬶ᭞ᬳᬓᬾᬢᭀᬘᬳᬶᬍᬕᬬᬂ᭞ᬚ᭠ᬢᬶᬮᬸᬕ᭄ᬭᬳᬶᬗ᭄ᬲᬸᬦ᭄᭞ᬳᬧᬂᬫᭂᬮᬄᬘᬳᬶᬜᬶᬯ᭄ᬬᬵ᭞ᬢᬸᬃᬳᬸᬘᬧᬂ᭞ᬫᬳᬤᬤ᭄ᬥᬶᬭᬫ᭄ᬩᬸᬢ᭄‌‌ᬲᬶᬯᬶ᭞ᬲᬶᬦᬸᬗ᭄ᬲᬸᬂᬓᬬᬾᬂ᭠ ᬓᬯᭂᬓᬲ᭄᭟ᬦᬄᬓᬾᬢᭀᬩᬧᬚᬦᬶᬗᬮᬳᬶᬦ᭄᭞ᬇᬯᭀᬂᬤᬾᬰ᭞ᬢᬦ᭄ᬤ᭄ᬯᬲᬂᬧᬯᬶᬤ᭄ᬯᬦ᭄᭞ᬮᬯᬦ᭄ᬭᬩ᭄ᬬᬫ᭄ᬯᬂᬧᬸᬢ᭄ᬭᬦᬾ᭞ᬢᬸᬫᬸᬮᬶᬳᬶᬤᬮᬸᬫᬓᬸ᭞ᬯᬸᬲ᭄ᬥᬢᬂᬭᬶᬂᬪᬹᬫᬶᬲᬓ᭄ᬯᬢᬶ᭞ᬳᬶᬭᬶᬓᬵᬫᬳᬶᬍ

Auto-transliteration

[13 13B] 13 tyangmahatur̀sisip, mangdasangmpumañĕkar̀, ringgĕdongpuniku, yandurungpoliḥmañĕkar̀‐sangmunīndra, tandadospacangnglintangin, gĕdongkayanganpunikā. kanggĕkkayunhidanisangmā yati, mamir̥ĕngang, hasuḥmangar̥ĕpang, sār̀jjawārūmwacaṇane, hiramangorahangma‐lu, swarawĕnanghiranedini, ngabhaktiringkahyangan, iwongdeśamatūr̀, ndawĕgtityangringsangpaṇdhya, mangdāñĕkar̀, yantanhyunsangmāyati, norakāturanngalinta. yantwaḥketo‐banhigĕdhemamuñi, tĕkenbapa, hingsunpacangñĕkar̀, pisr̥ĕngpamidhindeśane, būmarahidasangbhi ksyu, hayatcukuptangkārakaliḥ, merunerarishĕbaḥ, tumpangñanelunglung, iwongdeśakagawokan, ringmunīndra, jatihidasangbrahmādi, jamadhāghningwangśayang. mabriyuk'hi [14 14A] 14 wongdeśamatur̀sisip, risangpaṇdhya, nunaspangāmpurā, sāmpunanggungbrāhmantyane, tityanghikawulengdusun, mungswecchanintityangnemangkin, merunemangdakādĕgang, tandwāsang mahāmpu, swecchahasungringhideśa, kahabutangromanekānggenngĕdĕtin, meru‐nehumadhĕgmuwaḥ. rarishidampudwijendraśakti, ngaṇdikayanghĕneromanira, sungsungmakapralingga ne, hapanghadahanggentungtung, kahucapangdirambutsiwi, haketocahil̥ĕgayang, ja‐tilugrahingsun, hapangmĕlaḥcahiñiwyā, tur̀hucapang, mahadaddhirambutsiwi, sinungsungkayeng‐ kawĕkas. naḥketobapajaningalahin, iwongdeśa, tandwasangpawidwan, lawanrabyamwangputrane, tumulihidalumaku, wusdhatangringbhūmisakwati, hirikāmahil̥ĕ

Leaf 14

Image on Archive.org

[᭑᭔ 14B] ᭑᭔ ᬳᬦ᭄᭞ᬭᬶᬂᬉᬥ᭄ᬬᬦᬵᬲᬫᬸᬦ᭄᭞ᬳᬃᬱᬵᬳ᭄ᬬᬸᬦ᭄ᬳᬶᬤᬳᬭᬵᬃᬬ᭄ᬬᬦ᭄᭞ᬦᬾᬂᬧᬢᬮ᭞ᬓᬕᬾᬢ᭄ᬳᬤᬵᬯᭀᬂᬧ᭄ᬭᬵᬯᬶᬸᬧ᭄ᬢᬶ᭞ᬳᬦᬵᬫᬤᬾᬩᬡ᭄ᬤᬾᬰᬫᬵᬲ᭄᭟ᬳᬾᬕᬃᬲᬶᬭᬓᬶᬩᬡ᭄ᬤᬾᬰᬜᬕ᭄ᬚᬕᬶᬦ᭄᭞ᬲᬂᬫᬸᬦᬷᬦ᭄ᬤ᭄ᬭ᭞᭠ ᬘᬸᬫᬸᬦ᭄ᬥᬸᬓᬾᬂᬢᬶᬗ᭄ᬳᬮ᭄᭞ᬳᬸᬫᬲᭂᬄᬚᭂᬂᬫᬸᬦᬷᬦ᭄ᬤ᭄ᬭᬦᬾ᭞ᬲᬥᬭᬳᬗ᭄ᬮᬸᬂᬳᬸᬫᬢᬸᬃ᭞ᬭᬢᬸᬧᬘᬂᬓᬶᬚᬵᬦᬾᬫᬗ᭄ᬓᬶᬦ᭄᭞ᬦᬸᬦᬲ᭄ᬳᬶᬭᬶᬓᬵᬫᬭᬵᬃᬬ᭄ᬬᬦ᭄᭞ᬭᬶᬂᬳᬸᬫᬳᬾᬗ᭄ᬳᬸᬮᬸᬦ᭄᭞ᬤᬾᬯᬲᬸᬲᬸᬳᬸᬦᬦ᭄ᬢᬶᬢ᭄ᬬᬂ᭞ᬫᬲᬗ᭄ᬕ᭄ᬭ ᬳᬦ᭄᭞ᬳᬸᬮᬸᬦ᭄‌‌ᬤᬺᬤ᭄ᬥᬭᬶᬂᬲᬂᬫᬹᬦᬶ᭞ᬳᬲᬸᬂᬉᬥ᭄ᬬᬦᬾᬂᬧᬰ᭄ᬭᬫᬦ᭄᭟ᬳᬃᬱᬳᬶᬤᬫ᭄ᬧᬸᬦᬶᬭᬵᬃᬣ᭠ᬰᬓ᭄ᬢᬶ᭞ᬳᬲᬗ᭄ᬕ᭄ᬭᬳᬦ᭄᭞ᬲᬯᬾᬕᬮᬸᬫᬫ᭄ᬧᬄ᭞ᬭᬶᬂᬳᬸᬫᬄᬤᬾᬩᬡ᭄ᬤᬾᬰᬦᬾ᭞ᬯᬸᬲ᭄ᬥᬢᬂᬳᬶᬤᬫᬳᬵᬫ᭄ᬧᬸ ᭞ᬭᬶᬂᬧᬲᬗ᭄ᬕ᭄ᬭᬳᬦ᭄ᬫᬮᬶᬗ᭄ᬕᬶᬄ᭞ᬲᬶᬭᬓ᭄ᬬᬵᬬᬶᬩᬡ᭄ᬤᬾᬰ᭞ᬗᬢᬸᬭᬂᬧᬲᬸᬕᬸᬄ᭞ᬭᬬᬸᬦᬦ᭄‌‌ᬫ᭄ᬯᬂᬲᬲᬗᬦᬦ᭄᭞ᬲᬢᭂᬕᭂᬧᬦ᭄᭞ᬢᬶᬮᬫ᭄‌‌ᬧᬧᭂᬥᭂᬓ᭄ᬘᬸᬫᬯᬶᬲ᭄᭞ᬳᬢᬸᬭᬦ᭄ᬤᬾᬩᬡ᭄ᬤᬾᬰ᭟ᬓᬲ᭄ᬯᬾᬦ᭄ᬲᬵᬫ᭄ᬧᬸ [᭑᭕ 15A] ᭑᭕ ᬦ᭄ᬳᬶᬤᬤ᭄ᬯᬶᬚᬾᬦ᭄ᬤ᭄ᬭᬰᬓ᭄ᬢᬶ᭞ᬳᬲᬗ᭄ᬕ᭄ᬭᬳᬦ᭄᭞ᬳ᭄ᬬᬸᬦ᭄ᬫᬮᬶᬄᬳᬯᬾᬰ᭄ᬫ᭞ᬭᬶᬂᬧᬸᬘᬓ᭄ᬫᬡᬶᬓ᭄‌‌ᬧᬹᬃᬯ᭄ᬯᬦᬾ᭞ᬓᬳᬶᬭᬶᬗᬂᬳᬱ᭄ᬝᬲᬸᬦᬹ᭞ᬳᬦᬹᬢ᭄ᬩᭂᬘᬶᬓ᭄ᬕᭂᬦᬄᬧᬲ᭄ᬫᬵᬥᬶᬦ᭄᭞ᬓᬦ᭄ᬢᬸᬦ᭄ᬧ᭄ᬭᬪᬹᬫ᭄ᬬᬦ᭄‌‌ᬕ᭄ᬬᬜᬃ᭞ᬓᬶᬩᬡ᭄ᬤᬾᬰᬯᬸᬯᬸᬲ᭄᭞ ᬤᬺᬤ᭄ᬥᬭᬶᬂᬳ᭄ᬬᬸᬦ᭄‌‌ᬲᬂᬫᬸᬦᬶᬦ᭄ᬤ᭄ᬭ᭞ᬫᬜᬸᬪᬓ᭄ᬢ᭄ᬬ᭞ᬳᭀᬓᬦᬾᬳᬢᬸᬭᬂᬭᬶᬳᬶᬦ᭄᭞ᬫᬓᬭᬩᬶᬦ᭄‌‌ᬲᬂ᭠ᬫᬸᬦᬷᬦ᭄ᬤ᭄ᬭ᭟ᬤᬳᬢ᭄ᬮᬾᬤᬂᬓᬳ᭄ᬬᬸᬦᬾᬲᬂᬫᬳᬵᬃᬱᬶ᭞ᬓᬳᬢᬸᬭᬦ᭄᭞ᬧᬸᬢ᭄ᬭᬶᬚᭂᬕᬾᬕ᭄‌‌ᬗᬬᬂ᭞ᬧᬫᬶᬩᬶᬦ᭄ᬢᬂᬓᬃ ᬢ᭄ᬢᬶᬓᬦᬾ᭞ᬢᬸᬫᬹᬢ᭄‌‌ᬭᬶᬂᬳ᭄ᬬᬸᬦ᭄ᬲᬂᬫᬳᬵᬫ᭄ᬧᬸ᭞ᬧᬘᬸᬫ᭄ᬩ᭄ᬯᬦᬾᬲᬮᬾᬂᬲᬶᬮ᭄ᬬᬰᬶᬄ᭞ᬲᬵᬫ᭄ᬧᬸᬦ᭄‌‌ᬯᬺᬤ᭄ᬥᬶᬢᬦᬬᬵ᭞ᬘᬢᬸᬃᬲᬫᬶᬚᬮᬸ᭞ᬧᭂᬲᬾᬗᬦᬾᬓᬳᬸᬘᬧᬂ᭞ᬦᬾᬧ᭄ᬭᬢᬫ᭞ᬧᬤᬡ᭄ᬥᬢᬶᬫ᭄ᬩᬸᬮ᭄‌‌ᬭᬶᬫᬶᬳᬶᬦ᭄᭞ᬭᬶᬂ᭠ ᬓᬧᬶᬂᬓᬮᬶᬄᬘ᭄ᬭᬶᬢᬬᬂ᭟ᬲᬂᬲᬤ᭄ᬥᬓᬅᬮᬂᬓᬚᭂᬂᬲᬵᬚ᭄ᬜᬦᬶ᭞ᬦᬾᬓᬢᬶᬕ᭞ᬧᬤᬡ᭄ᬥᬲᬶᬕᬭ᭠ᬦ᭄᭞ᬓᬮᬸᬫ᭄ᬩ᭄ᬭᬄᬧᬭᬩ᭄ᬳᬶᬤᬦᬾ᭞ᬧᬸᬦᬶᬓᬵᬦᬾᬓᬘᬢᬹᬃ᭞ᬤ᭄ᬯᬶᬚᬵᬧᬦᬭᬸᬓᬦ᭄‌‌ᬧᬧᬰᬶᬄ᭞ᬤᬤᭀ

Auto-transliteration

[14 14B] 14 han, ringudhyanāsamun, har̀syāhyunhidaharār̀yyan, nengpatala, kaget'hadāwongprāw̶pti, hanāmadebaṇdeśamās. hegar̀sirakibaṇdeśañagjagin, sangmunīndra, ‐ cumundhukengtinghal, humasĕḥjĕngmunīndrane, sadharahanglunghumatur̀, ratupacangkijānemangkin, nunashirikāmarār̀yyan, ringhumahenghulun, dewasusuhunantityang, masanggra han, hulundr̥ĕddharingsangmūni, hasungudhyanengpaśraman. har̀ṣahidampunirār̀tha‐śakti, hasanggrahan, sawegalumampaḥ, ringhumaḥdebaṇdeśane, wusdhatanghidamahāmpu , ringpasanggrahanmalinggiḥ, sirakyāyibaṇdeśa, ngaturangpasuguḥ, rayunanmwangsasanganan, satĕgĕpan, tilampapĕdhĕkcumawis, haturandebaṇdeśa. kaswensāmpu [15 15A] 15 nhidadwijendraśakti, hasanggrahan, hyunmaliḥhaweśma, ringpucakmaṇikpūr̀wwane, kahiringanghaṣṭasunū, hanūtbĕcikgĕnaḥpasmādhin, kantunprabhūmyan'gyañar̀, kibaṇdeśawuwus, dr̥ĕddharinghyunsangmunindra, mañubhaktya, hokanehaturangrihin, makarabinsang‐munīndra. dahatledangkahyunesangmahār̀syi, kahaturan, putrijĕgegngayang, pamibintangkar̀ ttikane, tumūtringhyunsangmahāmpu, pacumbwanesalengsilyaśiḥ, sāmpunwr̥ĕddhitanayā, catur̀samijalu, pĕsenganekahucapang, nepratama, padaṇdhatimbulrimihin, ring‐ kapingkaliḥcritayang. sangsaddhaka'alangkajĕngsājñani, nekatiga, padaṇdhasigara‐n, kalumbraḥparab'hidane, punikānekacatūr̀, dwijāpanarukanpapaśiḥ, dado

Leaf 15

Image on Archive.org

[᭑᭕ 15B] ᭑᭕ ᬲ᭄‌‌ᬘᬢᬹᬃᬧᬲᬫ᭄ᬯᬦ᭄᭞ᬯᬗ᭄ᬰᬦᬾᬫᬳᬵᬫ᭄ᬧᬸ᭞ᬧᬯᬶᬚᬶᬮᬶᬂᬚ᭄ᬭᭀᬩᬡ᭄ᬥᬾᬰ᭞ᬓᬳᬸᬘᬧᬂ᭞ᬯᬮ᭄ᬬᬦᬶᬦ᭄ᬲᬂᬧᬡ᭄ᬤ᭄ᬬᬵᬰᬓ᭄ᬢᬶ᭞ᬫᬮᬶᬄᬳ᭄ᬬᬸᬦ᭄ᬳᬗᬮᬧ᭄‌‌ᬖᬭ᭟ᬲᭂᬥᭂᬓ᭄ᬯᬾᬦ᭄ᬢᭂᬦ᭄ᬧᬭᬶᬯᬭᬦᬾᬫᬮᬶᬄ᭞ᬤᬾᬩ ᬡ᭄ᬥᬾᬰ᭞ᬫᬮᬶᬄᬫᬗᬢᬸᬭᬂ᭞ᬫᬓᬭᬩᬶᬦ᭄ᬫᬸᬦᬷᬦ᭄ᬤ᭄ᬭᬦᬾ᭞ᬳᬢᭂᬫᬸᬢᬗᬦ᭄ᬲᬮᬸᬮᬸᬢ᭄᭞ᬯᭂᬢᬸᬲᬸᬢᬮᬓᬶᬲᬯᬶᬚᬶ᭞ᬳᬶᬗᬭᬦᬦ᭄‌‌ᬫᬵᬲ᭄ᬳᬮᬶᬢᬦ᭄᭞ᬧᬲᬫ᭄ᬯᬦᬶᬂᬲᬸᬦᬹ᭞ᬧᬯᬶᬚᬶᬮᬶᬂᬬᬫ᭄ᬩᬸᬤ᭄ᬯᬶᬧᬵ᭞ᬮᬦ᭄‌‌ᬩ᭠ ᬮ᭄ᬬᬵᬕ᭞ᬘᬢᬸᬃᬤᬰᬶᬮᬦᬂᬳᬶᬲ᭄ᬢ᭄ᬭᬶ᭞ᬧᬸᬢ᭄ᬭᬦ᭄ᬳᬶᬤᬫ᭄ᬧᬸᬦᬶᬭᬵᬃᬣ᭟ᬯᭂᬢᬸᬫᬮᬶᬄᬓᬬᬸᬦ᭄ᬳᬶᬤᬗᬃᬤ᭄ᬥᬶᬦᬶᬦ᭄᭞ᬧᬬᭀᬕ᭄ᬕᬬᬦ᭄᭞ᬳᬯᬾᬰ᭄ᬫᬭᬶᬂᬢᬫᬦ᭄᭞ᬲᬸᬳᬸᬂᬲᭂᬧᬶᬧᬓᬬᬸᬦᬦᬾ᭞ᬭᬶᬂᬧᬸᬭᬵᬳᭂᬫᬵᬲ᭄‌‌ᬓᬯᬸ ᬯᬸᬲ᭄᭞ᬫᬮᬃᬳᬶᬤᬪᬝᬵᬭᬰᬓ᭄ᬢᬶ᭞ᬧ᭄ᬭᬮᬶᬗ᭄ᬕᬦᬶᬂᬧᬸᬭᬵᬳᭂᬫᬵᬲ᭄᭞ᬧᬸᬢ᭄ᬭᬦᬾᬓᬘᬢᬸᬃ᭞ᬲᬦᬾᬯᭂᬢᬸᬲᬓᬶᬂᬳᭂᬫᬵᬲ᭄᭞ᬫᬗᬶᬭᬶᬗᬂ᭞ᬳᭀᬓᬦᬾᬫᬮᬶᬄᬲᬯᬶᬚᬶ᭞ᬧᬢᬧᬵᬦᬾᬂᬫᬵᬲ᭄‌‌ᬅᬮᬶ [᭑᭖ 16A] ᭑᭖ ᬢᬦ᭄᭟ᬲᬵᬢ᭄ᬲᬢ᭄‌‌ᬲᬂᬳ᭄ᬬᬂᬢ᭄ᬭᬬᭀᬤᬰᬲᬓ᭄ᬱᬶ᭞ᬧᬸᬢ᭄ᬭᬦ᭄ᬳᬶᬤ᭞ᬬᬦ᭄ᬭᬶᬂᬓᬳᭀᬢ᭄ᬢᬫᬦ᭄᭞ᬲᬵᬫ᭄ᬧᬸᬦ᭄ᬧᬸᬢᬸᬲ᭄ᬧᬓᬬᬸᬦᬦᬾ᭞ᬓᬂᬧᬭᬲᬸᬚᬦᬳᬳᬸᬩ᭄᭞ᬲᬫᬶᬍᬕᬵᬮᬾᬤᬂᬫᬦᬗ᭄ᬓᬶᬮ᭄᭞ᬳᬫᬶ᭠ ᬦ᭄ᬢᬵᬧᬯᬘᬦᬦ᭄᭞ᬲᬶᬤ᭄ᬥᬵᬦᬶᬂᬧᬗᬯ᭄ᬭᬸᬄ᭞ᬳᬶᬦ᭄ᬤᬶᬓ᭄‌‌ᬧᬤᬦᬸᬃᬥᬭᬬᬦ᭄᭞ᬭᬶᬂᬳᬓ᭄ᬱᬭ᭞ᬯᬢᭂᬓ᭄ᬭᬢᬸᬲᬫᬶᬳᬰᬶᬄ᭞ᬭᬶᬂᬳᬶᬤᬥᬂᬳ᭄ᬬᬂᬦᬶᬭᬵᬃᬣ᭟ᬬᬦ᭄ᬤᬶᬕᬸᬦᬸᬂᬲᬦᬾᬧᬶᬦᬓᬓᬦ᭄ᬢᬶ᭞ᬲᬂᬧᬡ᭄ᬥᬶᬢ᭞᭠ ᬬᬦ᭄ᬭᬶᬂᬧᬦᬵᬕᬭᬦ᭄᭞ᬭᬢᬸᬧᬶᬦᬓᬰ᭄ᬭᬬᬦᬾ᭞ᬭᬢᬸᬢᬦ᭄ᬳᬓᬦ᭄ᬢᬶᬯᬶᬓᬸ᭞ᬤᬸᬤᬹᬭᬢᬸᬦᬶᬂᬳᬕᬫᬭᬶᬳᬶᬦ᭄᭞ᬯᬶᬓᬸᬢᬦ᭄ᬳᬓᬦ᭄ᬢᬶᬭᬵᬚ᭞ᬫᬮᬃᬤᬸᬤᬹᬯᬶᬓᬸ᭞ᬲᬧᬸᬦᬶᬓᬵᬓᬳᬸᬘᬧᬂ᭞ᬭᬶᬂᬳᬕᬫ᭞ᬯᬶ ᬓᬸᬓᬯᬵᬦ᭄ᬪᬹᬧᬢᬶ᭞ᬬᬸᬓ᭄ᬢᬶᬢᬦ᭄ᬤᬤᭀᬲ᭄ᬩᭂᬮᬲᬂ᭟ᬯᬮ᭄ᬬᬫᬮᬶᬄᬧᬸᬢ᭄ᬭᬦᬾᬲᬂᬫᬵᬬᬢᬶ᭞᭠ᬫ᭄ᬧᬸᬤ᭄ᬯᬶᬚᬾᬦ᭄ᬤ᭄ᬭ᭞ᬧᬲᬫ᭄ᬯᬦᬶᬂᬯᬗ᭄ᬰ᭞ᬢᬸᬭᬸᬦᬾᬂᬬᬫ᭄ᬩᬸᬤ᭄ᬯᬶᬧᬦᬾ᭞ᬧᬥᬫᬗᬾᬮᬶᬗᬶᬦ᭄ᬳᬶᬩᬸ᭞ᬧᬯᬶᬚᬶᬮᬾᬂᬤᭂ

Auto-transliteration

[15 15B] 15 scatūr̀pasamwan, wangśanemahāmpu, pawijilingjrobaṇdheśa, kahucapang, walyaninsangpaṇdyāśakti, maliḥhyunhangalapghara. sĕdhĕkwentĕnpariwaranemaliḥ, deba ṇdheśa, maliḥmangaturang, makarabinmunīndrane, hatĕmutangansalulut, wĕtusutalakisawiji, hingarananmāshalitan, pasamwaningsunū, pawijilingyambudwipā, lanba‐ lyāga, catur̀daśilananghistri, putranhidampunirār̀tha. wĕtumaliḥkayunhidangar̀ddhinin, payoggayan, haweśmaringtaman, suhungsĕpipakayunane, ringpurāhĕmāskawu wus, malar̀hidabhaṭāraśakti, pralingganingpurāhĕmās, putranekacatur̀, sanewĕtusakinghĕmās, mangiringang, hokanemaliḥsawiji, patapānengmāsali [16 16A] 16 tan. sātsatsanghyangtrayodaśasaksyi, putranhida, yanringkahottaman, sāmpunputuspakayunane, kangparasujanahahub, samil̥ĕgāledangmanangkil, hami‐ ntāpawacanan, siddhāningpangawruḥ, hindikpadanur̀dharayan, ringhakṣara, watĕkratusamihaśiḥ, ringhidadhanghyangnirār̀tha. yandigunungsanepinakakanti, sangpaṇdhita, ‐ yanringpanāgaran, ratupinakaśrayane, ratutanhakantiwiku, dudūratuninghagamarihin, wikutanhakantirāja, malar̀dudūwiku, sapunikākahucapang, ringhagama, wi kukawānbhūpati, yuktitandadosbĕlasang. walyamaliḥputranesangmāyati, ‐mpudwijendra, pasamwaningwangśa, turunengyambudwipane, padhamangelinginhibu, pawijilengdĕ

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org