Paparikan Dammapada
This page has been accessed 31,482 times.
Description
Bahasa Indonesia
English
Front and Back Covers
Leaf 1
[ ᭑ 1B]
᭑᭞
᭛ᬑᬁᬅᬯᬶᬖ᭄ᬦᬫᬵᬲ᭄ᬢᬸ᭛ᬤᬕᬶᬂᬢᬸᬢᬸᬃᬥᬃᬫ᭄ᬫᬧᬤ᭞ᬳᬢᬸᬭᬂᬢᬶᬢ᭄ᬬᬂᬧᬸᬦᬶᬓᬶ᭞ᬧᬯᬭᬄᬳᬶᬤᬳ᭄ᬬᬂᬩᬸᬤ᭄ᬥ᭞ᬰᬩ᭄ᬤᬳᬬᬸᬮᬶᬦ᭄ᬢᬂᬍᬯᬶᬄ᭞ᬲᬦᬾᬫᬢᬸᬚᬸᬳᬶᬦ᭄ᬫᬃᬕᬶ᭞ᬫᬢᬶᬢᬶᬲ᭄ᬳᬸᬭᬶᬧᬾᬮᬦ᭄ᬤᬸᬄ
᭞ᬗᭂᬦ᭄ᬢᬶᬓᬂᬫᬦᬳᬾᬕᬮᬂ᭞ᬫᬸᬘᭂᬄᬧᭂᬢᭂᬗᬾᬓᬯᭂᬗᬶᬦ᭄᭞ᬩᬲ᭄ᬫᬶᬧᬸᬧᬸᬦ᭄᭞ᬳᬶᬩᬸᬓ᭄ᬧᬮᬶᬂᬮᬦ᭄ᬲᬗ᭄ᬰᬬ᭟ᬓᬯᬾᬦ᭄ᬢᭂᬦᬦᬾᬫᬓᭂᬚᬂ᭞ᬫᬦᬄᬲᬦᬾᬗᬭᬶᬳᬶᬦᬶᬦ᭄᭞ᬫᬦᬳᬾᬯᬮᬸ
ᬥᬤᬃᬲ᭞ᬲᬦᬾᬫᬦᬦᭀᬤᬲᬂᬲᬫᬶ᭞ᬫᬦᬳᬾᬧᬸᬦᬶᬓᬳᬸᬕᬶ᭞ᬫᬭᬸᬧᬫᭂᬓᭂᬮ᭄ᬢᬸᬳᬸ᭞ᬧᬸᬦᬶᬓᬲᬦᬾᬗᬯᬶᬦᬂ᭞ᬓᬯᬾᬦᬵᬢᭂᬦᬦ᭄ᬫᬓᬲᬫᬶ᭞ᬯᬦ᭄ᬢᬄᬢᬸᬳᬸ᭞ᬫᬦᬄᬗᬭᬾᬓᬫᬲ᭄ᬢᬶᬬᬂ᭟
ᬬᬾᬦ᭄ᬧᬤᬾᬚᬤ᭄ᬫᬦᬾᬗᬸᬘᬧ᭄᭞ᬬᬤ᭄ᬬᬧᬶᬦ᭄ᬫᬲᭀᬮᬄᬫᬮᬶᬄ᭞ᬫᬤᬲᬃᬫᬦᬳᬾᬘᭀᬭᬄ᭞ᬧᬤᬤᭀᬲᬦ᭄ᬳᬶᬧᬸᬦ᭄ᬧᬲ᭄ᬢᬶ᭞ᬤᬸᬄᬓᬶᬢᬮᬦ᭄ᬲᭂᬤᬶᬄᬳᬢᬶ᭞ᬦᬸᬢᬸᬢᬶᬦ᭄ᬳᬶᬧᬸᬦ᭄ᬲᬢᬸ
[ ᭒ 2A]
ᬯᬸᬓ᭄᭞ᬦᬾᬯᬮᬸᬬᬭᭀᬤᬦ᭄ᬘᬶᬓᬃ᭞ᬢᬦ᭄ᬲᬄᬲᬢᬢᬦᬸᬢᬸᬢᬶᬦ᭄᭞ᬩᬢᬶᬲ᭄ᬳᬶᬧᬸᬦ᭄᭞ᬳᬶᬍᬫ᭄ᬩᬸᬲᬦᬾᬫᬗᬸᬫᬤ᭄᭟ᬢᬍᬃᬲᬧᬸᬦᬶᬓᬓᭀᬘᬧ᭄᭞ᬬᬾᬦ᭄ᬧᬤᬾᬚᬤ᭄ᬫᬦᬾᬫᬗ᭄ᬓᬶᬦ᭄᭞ᬗᬸᬘᬧᬶ
ᬲᬤ᭄ᬬᬧᬶᬦ᭄ᬫᬲᭀᬮᬄ᭞ᬫᬤᬲᬃᬓᬬᬸᬦᬾᬩᭂᬘᬶᬓ᭄᭞ᬯᬲᬦᬦ᭄ᬳᬶᬧᬸᬦᬾᬭᬭᬶᬲ᭄᭞ᬲᬸ᭠ᬩᬕ᭄ᬬᬮᬯᬦ᭄ᬭᬳᬬᬸ᭞ᬦᬸᬢᬸᬢᬶᬦ᭄ᬳᬶᬧᬸᬦ᭄ᬲᬢᬢ᭞ᬓᬤᬶᬮᬯᬢᬾᬳᬸᬫ᭄ᬧᬫᬶ᭞ᬗᬶᬦ᭄ᬢᬶᬮ᭄ᬢᭂᬭᬸᬲ᭄᭞ᬢ
ᬦᬼᬧᬲ᭄ᬲᬓᬶᬂᬳᬸᬓᬸᬤᬦ᭄᭟ᬳᬶᬧᬸᬦ᭄ᬗᬦᬶᬱ᭄ᬝᬬᬂᬢᬶᬢ᭄ᬬᬂ᭞ᬳᬶᬧᬸᬦ᭄ᬲᬦᬾᬫᬫᬜ᭄ᬘᬦᬶᬦ᭄᭞ᬳᬶᬧᬸᬦ᭄ᬦᬾᬗᬲᭀᬭᬂᬢᬶᬢ᭄ᬬᬂ᭞ᬳᬶᬧᬸᬦ᭄ᬫᬾᬕᬮ᭄ᬢᬶᬢ᭄ᬬᬂᬫᬮᬶᬄ᭞ᬚᬤ᭄ᬫᬦᬾᬲᬦᬾᬕᭂᬜ᭄ᬘᭂᬕᬶᬦ᭄᭞ᬫᬦ
ᬳᬾᬓᬤᬶᬧᬸᬦᬶᬓᬸ᭞ᬲᭂᬗᬶᬢᬾᬮᬦ᭄ᬩᬺᬕᭂᬤᭂᬕᬦ᭄᭞ᬫᬦᬳᬾᬗᬯᬍᬲ᭄ᬫᬮᬶᬄ᭞ᬢᬸᬫ᭄ᬩᬸᬄᬓᬸᬓᬸᬄ᭟ᬢᬦ᭄ᬳᬸᬤᭂᬧ᭄ᬳᬸᬤᭂᬧ᭄ᬭᬶᬂᬫᬦᬄ᭟ᬦᬗ᭄ᬳᬶᬂᬳᬦᬓᬾᬓᬶᬦᬸᬘᬧ᭄᭞ᬲᬦᬾᬢᬦ᭄ᬲᬶᬤᬓᭂᬜ᭄ᬘᭂ
Auto-transliteration
[ 1 1B]
1
/// oṅġawighnamāstu /// dagingtutur̀dhar̀mmapada, haturangtityangpuniki, pawaraḥhidahyangbuddha, śabdahayulintangl̥ĕwiḥ, sanematujuhinmar̀gi, matitishuripelanduḥ
, ngĕntikangmanahegalang, mucĕḥpĕtĕngekawĕngin, basmipupun, hibukpalinglansangśaya. kawentĕnanemakĕjang, manaḥsanengarihinin, manahewalu
dhadar̀sa, sanemananodasangsami, manahepunikahugi, marupamĕkĕltuhu, punikasanengawinang, kawenātĕnanmakasami, wantaḥtuhu, manaḥngarekamastiyang.
yenpadejadmanengucap, yadyapinmasolaḥmaliḥ, madasar̀manahecoraḥ, padadosanhipunpasti, duḥkitalansĕdiḥhati, nututinhipunsatu
[ 2 2A]
wuk, newaluyarodancikar̀, tansaḥsatatanututin, batishipun, hil̥ĕmbusanemangumad. tal̥ĕr̀sapunikakocap, yenpadejadmanemangkin, ngucapi
sadyapinmasolaḥ, madasar̀kayunebĕcik, wasananhipuneraris, su‐bagyalawanrahayu, nututinhipunsatata, kadilawatehumpami, ngintiltĕrus, ta
nl̥ĕpassakinghukudan. hipunnganiṣṭayangtityang, hipunsanemamañcanin, hipunnengasorangtityang, hipunmegaltityangmaliḥ, jadmanesanegĕñcĕgin, mana
hekadipuniku, sĕngitelanbr̥ĕgĕdĕgan, manahengawal̥ĕsmaliḥ, tumbuḥkukuḥ. tanhudĕp'hudĕpringmanaḥ. nanghinghanakekinucap, sanetansidakĕñcĕ
