Paparikan Siptagama
This page has been accessed 8,214 times.
Description
Bahasa Indonesia
English
Front and Back Covers
Leaf 1
[᭑ 1B]
᭚᭜᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭟ ᭟ᬧᬧᬭᬶᬓᬦ᭄ᬲᬶᬧ᭄ᬢᬵᬕᬫ᭟ ᬧᬸᬧᬸᬄᬕᬶᬦᬵᬤ᭟᭜᭟᭑᭟ᬧᬸᬄᬕᬶᬦᬵᬤᬳᬗ᭄ᬕᬾᬦ᭄ᬢᭂᬫ᭄ᬩᬂ
ᬲᬦᬾᬓᬵᬗ᭄ᬕᬾᬦ᭄ᬫᬭᬶᬂᬕᬸᬭᬶᬢ᭄᭞ᬫᬸᬜᬶᬩᬮᬶᬧᬧᭀᬮᭀᬲ᭠ᬦ᭄᭞ᬫᬶᬤᬃᬣᬬᬂᬲᬦᬾᬧᬵᬢᬹᬢ᭄᭞ᬫᬓᬤᬲᬃᬭᬶᬂᬓᬯᬶᬓᬾᬦ᭄᭞᭠
ᬫᬗ᭄ᬤᬵᬳᬸᬦᬶᬂ᭞ᬲᬧᬸᬦᬶᬓᬶᬚ᭄ᬯᬵᬧᬶᬋᬗᬂ᭟᭒᭟ᬲᭀᬢᬦᬶᬂᬫᬦᬤᬶᬚᬵᬦ᭄ᬫᬵ᭞ᬲᬲᬳᬶᬗᬲ᭄ᬢᬶᬢᬶᬯᬶᬥᬶ᭞ᬳᭂᬤᬫᬗᬸᬮᬄᬫᬗᬳᬦ᭄᭞
ᬧᬓᬾᬃᬢ᭄ᬢᬶᬦᬾᬳᬧᬂᬧᬵᬢᬹᬢ᭄᭞ᬧᬬᬸᬓᬲᬶᬧᬢ᭄ᬩᬵᬦ᭄ᬳᬕᬫ᭞᭠ᬲᬶᬂᬜᭂᬦ᭄ᬧᭂᬮᬶᬄ᭞ᬫᭂᬮᬄᬩᭂᬜᬧ᭄ᬮᬧᬦᬂ᭟᭓᭟ᬅᬕᬫᬦᬾᬢ᭄ᬯ
[᭒ 2A]
ᬧᭂᬤᬲᬂ᭞ᬢᬢᬲᬂᬚᬳᬧᬂᬧᬱ᭄ᬝᬶ᭞ᬤᬾᬦᬶᬂᬳᭂᬦ᭄ᬢᭀᬓᬩᬸᬯᬢᬂ᭞ᬳᬯᬓᬾᬧᬥᬢᬸᬫᬸᬯᬸᬄ᭞ᬤᬤᬶᬚᬵᬢ᭄ᬫᬓᬫᬵᬦᬸᬱᬦ᭄᭞ᬩᬸᬓᬚᬦᬶ᭞
ᬳᬧᬂᬳᭂᬤᬵᬓᬢᬦ᭄ᬤ᭄ᬭᬸᬳᬦ᭄᭟᭔᭟ᬮᬫᬸᬦ᭄ᬫᬭᬱᬵᬓᬾᬦ᭄ᬳ᭠ᬯᬓ᭄᭞ᬤᬤᬶᬚᬦ᭄ᬫᬵᬩᬸᬓᬚᬦᬶ᭞ᬧᬵᬢᬹᬢᬾᬜᬓ᭄ᬫᬓᭂᬦᭂᬳᬦ᭄᭞ᬗ
ᬮᬶᬄᬲᬸᬮᬸᬄᬲᬦᬾᬧᬵᬢᬹᬢ᭄᭞ᬢᬓᭀᬦᬂᬢᭂᬓᬾᬦ᭄ᬦᬾᬦᬯᬂ᭞ᬳᬧᬂᬧᬱ᭄ᬝᬶ᭞ᬳᬯᬓᬾᬦᬯᬂᬆᬕᬫ᭟᭕᭟ᬮᬫᬸᬦ᭄ᬲᬶᬂᬦᬯᬂᬅᬕ᭠
ᬫ᭞ᬚᬯᬢ᭄ᬳᬮᬵᬚᬯᬢ᭄ᬩᭂᬘᬶᬓ᭄᭞ᬲᭀᬓ᭄ᬕᬯᬾᬦᬾᬲᬳᬶᬭᬫ᭄ᬩᬂ᭞ᬫᬗᬸᬮᬄᬳᬯᬓᬾᬧᬬᬸ᭞ᬢᬸᬲᬶᬂᬫᬗᬶᬢᬸᬗᬂᬳᬯᬓ᭄᭞ᬫᬦᬸᬫᬤᬶ᭞
Auto-transliteration
[1 1B]
// • // oṁawighnamāstu. . paparikansiptāgama. pupuḥgināda \\•\\ 1. puḥginādahanggentĕmbang
sanekānggenmaringgurit, muñibalipapolosa‐n, midar̀thayangsanepātūt, makadasar̀ringkawiken, ‐
mangdāhuning, sapunikijwāpir̥ĕngang. 2. sotaningmanadijānmā, sasahingastitiwidhi, hĕdamangulaḥmangahan,
paker̀ttinehapangpātūt, payukasipatbānhagama, ‐singñĕnpĕliḥ, mĕlaḥbĕñaplapanang. 3. agamanetwa
[2 2A]
pĕdasang, tatasangjahapangpaṣṭi, deninghĕntokabuwatang, hawakepadhatumuwuḥ, dadijātmakamānuṣan, bukajani,
hapanghĕdākatandruhan. 4. lamunmarasyākenha‐wak, dadijanmābukajani, pātūteñakmakĕnĕhan, nga
liḥsuluḥsanepātūt, takonangtĕkennenawang, hapangpaṣṭi, hawakenawangāgama. 5. lamunsingnawangaga‐
ma, jawat'halājawatbĕcik, sokgawenesahirambang, mangulaḥhawakepayu, tusingmangitunganghawak, manumadi,
