Gaguritan Wariga

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭚ᬧᬸᬧᬸᬄᬲᬶᬦᭀᬫ᭄᭚ᬳᬤᬓᬶᬤᬸᬂᬕᬕᬸᬭᬶᬢᬦ᭄᭞ᬢᭂᬫ᭄ᬩᬂᬲᬶᬦᭀᬫ᭄ᬤᬲᬃᬕᭂᬦ᭄ᬤᬶᬂ᭞ᬫᬗᬧᬸᬲ᭄ᬢᬢ᭄ᬯᬘᬭᬶᬢ᭞ᬧᭀᬗᬄᬚ᭄ᬯᬭᬶᬗᬸᬭᬶᬕᬦᬶᬦ᭄᭞ᬫᬧᬶᬫᬧᬶᬗᬓᬸᬭᬶᬭᬶᬄ᭞ᬢ᭄ᬯᬭᬚᬦᬯᬂᬲᬲᬸᬤᬸᬓ᭄᭞᭠ ᬳᬗ᭄ᬕᬄᬳᬸᬗ᭄ᬕᬸᬳᬶᬂᬯᬭᬶᬕ᭞ᬓᬩᬢᭂᬓ᭄ᬤᭂᬫᭂᬦ᭄ᬫᬦᬸᬮᬶᬲ᭄᭞ᬬᬦ᭄ᬢᬦ᭄ᬫᬦᬹᬢ᭄᭞ᬳᬫ᭄ᬧᬸᬭᬬᬂᬳᬶᬯᬂᬢᬶᬢ᭄ᬬᬂ᭟ᬩᬦ᭄ᬫᬦᬳᬾᬮᬶᬦ᭄ᬢᬂᬲᬭᬢ᭄᭞ᬫᬧᬯᬸᬭᬸᬓ᭄ᬫᬶᬤᬩ᭄ᬤᬩᬶᬦ᭄᭞ᬫᬧᬶᬢᬸᬢᬸᬃᬩᬦ᭄ᬫᬢᭂᬫ᭄ᬩᬂ᭞ᬳᬧᬂᬳᬮᬸᬄᬫᬮᬚᬳᬶᬦ᭄᭞ᬗ ᬧᬮᬂᬲᬫ᭄ᬩᬶᬮ᭄ᬫᬕᭂᬦ᭄ᬤᬶᬂ᭞ᬧ᭄ᬭᬤᬾᬲᬶᬤᬲᬓᬶᬂᬳᬮᬸᬲ᭄᭞ᬳᬯᬶᬦᬦ᭄ᬫᬦᬄᬜᬸᬭᬢ᭄᭞ᬗᬸᬮᬢᬶᬲᬦᬾᬓᬳᬧ᭄ᬢᬶ᭞ᬲᬶᬤᬮᬦ᭄ᬢᬸᬃ᭞ᬳᬲᬶᬂᬮᬫ᭄ᬧᬄᬦᭂᬫᬸᬫᭂᬮᬄ᭟ᬳᭂᬦᬾᬳᬤᬢᬸᬢᬸᬃᬢᬢ᭄ᬯ᭞ᬫᬕᭂᬕᭂᬮᬃᬩᬳᬦ᭄ᬕᭂᬦ᭄ᬤᬶᬂ᭞ᬩ᭄ᬮᬶ ᬕ᭄ᬩᬕᬂᬭᬶᬓᬮᬲᭂᬗ᭄ᬕᬂ᭞ᬳᬧᬂᬳᬾᬮᬶᬂᬢᬢᬲ᭄ᬳᬸᬦᬶᬂ᭞ᬧᬳᬶᬦ᭄ᬤᬶᬓᬦ᭄ᬤᬶᬦᬩᭂᬘᬶᬓ᭄᭞ᬤᬶᬯᬭᬶᬕᬳ᭠ᬤᬫᬸᬗ᭄ᬕᬸᬄ᭞ᬦᬸᬢᬸᬭᬂᬲᬳᬦᬦ᭄ᬮᬫ᭄ᬧᬄ᭞ᬳᬦᬾᬧᬢᬸᬢ᭄ᬓᬫᬃᬕ᭄ᬕᬶᬦᬶᬦ᭄᭞ᬲᬶᬤᬳᬦᬸᬢ᭄᭞ᬲᬧᬭᬶᬧᭀᬮᬄ᭠ [᭒ 2A] ᬧᬚᬮᬦ᭄᭟ᬬᬦ᭄ᬫᬗᬯᬕ᭄ᬲᬶᬦᬄᬭᬸᬲᬓ᭄᭞ᬧᬚᬮᬦᬾᬦᭂᬫᬸᬭᬸᬕᬶ᭞ᬳᬲᬶᬂᬕᬯᬾᬧᬢᬸᬢ᭄ᬧᭂᬮᬧ᭠ᬦ᭄᭞ᬫᭂᬮᬳᬂᬫᬮᬸᬧᬶᬮᬶᬳᬶᬦ᭄᭞ᬦᬾᬜᬦ᭄ᬤᬂᬓᬳᬫ᭄ᬩᬳᬶᬦ᭄᭞ᬫᬗ᭄ᬤᬧᬚᬮᬦᬾᬮᬦ᭄ᬢᬸᬤ᭄᭞ᬬᬦ᭄ᬮᬦ᭄ᬢᬸᬤ᭄ᬲᬶᬦᬄ᭠ ᬜᬲᬃ᭞ᬩᬦ᭄ᬗᬯᬕᬾᬳᬸᬯᬸᬕ᭄ᬤᬤᬶ᭞ᬓ᭄ᬭᬡᬤᬶᬢᬸ᭞ᬤᬾᬯᬲᬳᬬᬸᬧᬂᬢᬯᬂ᭟ᬧᬯᬭᬗᬦ᭄ᬚᬦᬶᬯᬶᬮᬂ᭞ᬫᬦᬹᬢᬮᬳᬬᬸᬦ᭄‌ᬰᬰᬶᬄ᭞ᬓᬲᬓᭀᬘᬧ᭄ᬳᬬᬸᬋᬦ᭄ᬤᬄ᭞ᬓᬤᬂᬳᬲᬶᬄᬚᬸᬂᬚᬸᬂᬯᬃᬕ᭄ᬕᬶ᭞ᬧᬫᬸᬧᬸᬢ᭄ᬢᬶᬯᬲ᭄ᬤᬤᬶ᭞ᬓᬾᬢᭀ ᬓᬲᬸᬩ᭄ᬳᬦᬾᬫᬸᬗ᭄ᬕᬄ᭞ᬬᬦ᭄ᬓᬲᬧᬯᬭᬗᬦ᭄᭞ᬳᭂᬦ᭄ᬢᭀᬧᬶᬦᭂᬳᬂᬧᬂᬲᬳᬶ᭞ᬧᬂᬤᬮᬦ᭄ᬢᬸᬤ᭄᭞ᬧᬚᬮᬦᬾᬲᬮᬄᬢᬶᬦ᭄ᬤᬓ᭄᭟ᬓᬭᭀᬲᬶᬤᬤᬶᬃᬖ᭄ᬖᬬᬸᬲ᭞ᬦᬗᬶᬂᬮᬗᬄᬦᬾᬫᬩᬢᬶ᭞ᬭᬾᬄᬳᬭᬂᬫᬗ᭄ᬕᬶᬳᬶᬦ᭄ᬧᬸᬢ᭄ᬭ᭞ᬲᭂ ᬦ᭄ᬢᬦᬦᬾᬳᬸᬮ᭄ᬬᬦ᭄ᬗᬶᬤᬶᬄ᭞ᬯᭂᬢᬸᬲᭂᬤᬶᬄᬢᬶᬯᬲ᭄ᬚᬢᬶ᭞ᬬᬦ᭄ᬓᬢᬶᬕᬦᬾᬓᬭᬸᬭᬸᬄ᭞ᬮᭀᬩᬘᭀᬭ᭠ᬳᬾᬓᬮᬶᬯᬢ᭄᭞ᬩᬶᬲᬧᬮᬲ᭄ᬯᭂᬢᬸᬲᭂᬤᬶᬄ᭞ᬦᭂᬫᬸᬳᬶᬩᬸᬄᬬᬦ᭄ᬓᬢᬶᬕᬦᬾᬩᬸᬯᬢᬂ᭟ᬓᬧᬢᬾᬬᬯᬺᬤᬶᬧᬸᬢ᭄ᬭ

Auto-transliteration

[1 1B] // oṁawighnamāstu // pupuḥsinom // hadakidunggaguritan, tĕmbangsinomdasar̀gĕnding, mangapustatwacarita, pongaḥjwaringuriganin, mapimapingakuririḥ, twarajanawangsasuduk, ‐ hanggaḥhungguhingwariga, kabatĕkdĕmĕnmanulis, yantanmanūt, hampurayanghiwangtityang. banmanahelintangsarat, mapawurukmidabdabin, mapitutur̀banmatĕmbang, hapanghaluḥmalajahin, nga palangsambilmagĕnding, pradesidasakinghalus, hawinanmanaḥñurat, ngulatisanekahapti, sidalantur̀, hasinglampaḥnĕmumĕlaḥ. hĕnehadatutur̀tatwa, magĕgĕlar̀bahan'gĕnding, bli gbagangrikalasĕnggang, hapanghelingtatashuning, pahindikandinabĕcik, diwarigaha‐damungguḥ, nuturangsahananlampaḥ, hanepatutkamar̀gginin, sidahanut, saparipolaḥ‐ [2 2A] pajalan. yanmangawagsinaḥrusak, pajalanenĕmurugi, hasinggawepatutpĕlapa‐n, mĕlahangmalupilihin, neñandangkahambahin, mangdapajalanelantud, yanlantudsinaḥ‐ ñasar̀, banngawagehuwugdadi, kraṇaditu, dewasahayupangtawang. pawaranganjaniwilang, manūtalahayunśaśiḥ, kasakocap'hayur̥ĕndaḥ, kadanghasiḥjungjungwar̀ggi, pamuputtiwasdadi, keto kasub'hanemunggaḥ, yankasapawarangan, hĕntopinĕhangpangsahi, pangdalantud, pajalanesalaḥtindak. karosidadir̀ghghayusa, nanginglangaḥnemabati, reḥharangmanggihinputra, sĕ ntananehulyanngidiḥ, wĕtusĕdiḥtiwasjati, yankatiganekaruruḥ, lobacora‐hekaliwat, bisapalaswĕtusĕdiḥ, nĕmuhibuḥyankatiganebuwatang. kapateyawr̥ĕdiputra

Leaf 2

Image on Archive.org

[᭒ 2B] ᭒ ᭞ᬲᬸᬓᬲᬤᬳᬬᬸᬪᬓ᭄ᬢᬶ᭞ᬧᬓᬸᬋᬡᬦ᭄‌‌ᬦ᭄ᬫᬸᬩᬕ᭄ᬬ᭞ᬧᬭᬲ᭄ᬧᬭᭀᬲ᭄ᬳᬲᬸᬄᬳᬲᬶᬄ᭞ᬧᬤᬲᬢ᭄ᬬᬮᬓᬶᬩᬶᬦᬶ᭞ᬩᬶᬲᬫᬸᬧᬸᬥᬃᬫ᭄ᬫᬲᬤᬸ᭞ᬤᬾᬯᬲᬦᬾᬗᭀᬜᬂᬫᭂᬮᬄ᭞ᬳᭂᬦ᭄ᬢᭀᬳᬶᬗᭂᬢᬂᬧᬂᬲᬳᬶ᭞ᬜᬦ᭄ᬤᬂᬢᬸᬭᬸᬢ᭄ ᭞ᬳᬸᬮᬢ᭄ᬬᬂᬰᬰᬶᬄᬓᬧᬢ᭄᭟ᬓᬮᬶᬫᬦᬾᬫᬸᬓ᭄ᬢᬶᬪᭀᬖ᭞ᬦᬗᬶᬂᬳᬶᬬᭂᬕᬾᬲᭂᬲᬳᬶ᭞ᬧᭂᬢᭂᬂᬍᬫᬄᬬᬫᬋᬩᬢ᭄᭞ᬧᭂᬢᭂᬂᬍᬫᬄᬲᬳᬶᬲᬳᬶ᭞ᬗᬯᬾᬳᬶᬩᬸᬓ᭄ᬲᬓᬶᬢ᭄ᬳᬢᬶ᭞ᬓᬾᬢᭀᬓᬮᬶᬫᬦᬾᬫᬸ ᬗ᭄ᬕᬄ᭞ᬓᭂᬦᭂᬫᬾᬢ᭄ᬯᬭᬚᬩᬶᬦ᭞ᬦᭂᬫᬸᬩᭀᬖᬳᬶᬬᭂᬕ᭄ᬲᬳᬶ᭞ᬤᬓᬤᬸᬭᬸᬲ᭄᭞ᬓᬮᬶᬫᬓᭂᬦᭂᬫ᭄ᬓᭂᬮᬶᬤᬂ᭟ᬓᬧᬶᬢᬸᬕᭂᬭᬶᬗᬾᬜᬤᬂ᭞ᬓᬶᬭᬂᬩ᭄ᬭᬡᬢᬶᬯᬲ᭄ᬤᬤᬶ᭞ᬮᬶᬯᬢ᭄ᬳᬮᬬᬓᬳᬸᬘᬧ᭄᭞ᬓᬯᬸ᭠ ᬮᬸᬧᬢᬸᬢ᭄ᬓᭂᬮᬶᬤᬶᬦ᭄᭞ᬓᬲᬗᬓᬢᬶᬩᬾᬦ᭄ᬲᬓᬶᬢ᭄᭞ᬤᬾᬲ᭄ᬢᬶᬕᬮᬓ᭄ᬗᬤᬸᬕᬤᬸᬕ᭄᭞ᬧᬫ᭄ᬭᬕᬢᬾᬤᬤᬶᬢᬶᬯᬲ᭄᭞ᬗᬯᬾᬲᬸᬲᬄᬩᬶᬗᬸᬂᬧᬮᬶᬂ᭞ᬤᬫᬫᬸᬭᬸᬕ᭄᭞ᬲᬶᬦᬄᬲᬗ᭄ᬲᬭᬯᭂᬓᬲᬦ᭄᭟᭠ [᭓ 3A] ᭓ ᬓᬤᬰᬦᬾᬗᭀᬜᬂᬫᭂᬮᬄ᭞ᬓ᭄ᬯᬾᬄᬧᬸᬢ᭄ᬭᬮᬩᬚᬢᬶ᭞ᬳᬬᬸᬩᬕ᭄ᬬᬦᬾᬲᬢᬢ᭞ᬧ᭄ᬭᬚ᭄ᬜᬦ᭄ᬯᬶᬘᬓ᭄ᬱᬡᬍᬯᬶᬄ᭞ᬳᬲᬶᬂᬢᬶᬗ᭄ᬓᬄᬦᭂᬫᬸᬩᬢᬶ᭞ᬳᭂᬦ᭄ᬢᭀᬢᬸᬯᬸᬢ᭄ᬳᬧᬂᬳᬤᬸᬂ᭞ᬚᬾᬲ᭄ᬢᬅᬰᬤᬦᬾᬓᬲᬃ᭞ᬧᬶᬲᬸᬦᬦᬾ᭠ ᬫᭂᬫ᭄ᬩᬄᬲᬳᬶ᭞ᬳᬸᬬᬸᬢ᭄ᬢᭂᬭᬸᬲ᭄᭞ᬳᭂᬦ᭄ᬢᭀᬳᬶᬗᭂᬢᬂᬤᬳᬫ᭄ᬧᬄ᭟ᬧᬯᬶᬯᬳᬦ᭄ᬫᬦᬹᬢ᭄ᬢᬗ᭄ᬕᬮ᭄᭞ᬢᬗ᭄ᬕᬮ᭄ᬧᬶᬲᬦ᭄ᬤᬳᬢ᭄‌‌ᬍᬯᬶᬄ᭞ᬧᬶᬦ᭄ᬤᭀᬦᬾᬳᬲᬶᬂᬓᬲᬶᬤᬦ᭄᭞ᬧᬶᬂᬢᭂᬮᬸᬧᬸᬢ᭄ᬭᬦᬾᬯᬺᬤᬶ᭞ᬧᬶᬂᬧᬢ᭄‌‌ᬦᬾᬮᬦᬂ᭠ ᬫᬢᬶ᭞ᬧᬶᬂᬮᬶᬫᬦᬾᬫᬗ᭄ᬕᬸᬄᬳᬬᬸ᭞ᬧᬶᬂᬦᭂᬫᬾᬦᭂᬫᬸᬲᬗ᭄ᬲᬭ᭞ᬧᬶᬂᬧᬶᬢᬸᬲᬸᬓᬓᬧᬗ᭄ᬕᬶᬄ᭞ᬬᬦ᭄ᬧᬶᬂᬓᬸᬢᬸᬲ᭄᭞ᬤᬳᬢ᭄ᬳᬮᬬᬓᬳᬸᬘᬧ᭄᭟ᬧᬶᬂᬲᬶᬬᬮᬶᬯᬢ᭄ᬲᬗ᭄ᬲᬭ᭞ᬧᬶᬂᬤᬰᬯᬶᬃᬬ᭄ᬬᬲᬸᬚᬢᬶ᭞ᬧᬶᬂ ᬲᭀᬮᬲ᭄ᬓᬶᬭᬂᬲᬓᬬ᭞ᬧᬶᬂᬭᭀᬭᬲᬾᬲᬓᬶᬢ᭄ᬳᬢᬶ᭞ᬧᬶᬂᬢ᭄ᬮᬸᬮᬲ᭄‌‌ᬮᬩᬫᬫᬸᬓ᭄ᬢᬶ᭞ᬧᬶᬂᬧᬢ᭄ᬩᭂᬮᬲ᭄ᬳᬶᬬᭂᬕ᭄ᬢᭂᬭᬸᬲ᭄᭞ᬧᬶᬂᬮᬶᬫᭀᬮᬲ᭄ᬳᬮᬤᬳᬢ᭄᭞ᬓᬾᬢᭀᬳᬾᬮᬶᬗᬂᬲᬲᬳᬶ᭞ᬤᬫᬫᬸᬭᬸ

Auto-transliteration

[2 2B] 2 , sukasadahayubhakti, pakur̥ĕṇannmubagya, parasparoshasuḥhasiḥ, padasatyalakibini, bisamupudhar̀mmasadu, dewasanengoñangmĕlaḥ, hĕntohingĕtangpangsahi, ñandangturut , hulatyangśaśiḥkapat. kalimanemuktibhogha, nanginghiyĕgesĕsahi, pĕtĕngl̥ĕmaḥyamar̥ĕbat, pĕtĕngl̥ĕmaḥsahisahi, ngawehibuksakit'hati, ketokalimanemu nggaḥ, kĕnĕmetwarajabina, nĕmuboghahiyĕgsahi, dakadurus, kalimakĕnĕmkĕlidang. kapitugĕringeñadang, kirangbraṇatiwasdadi, liwat'halayakahucap, kawu‐ lupatutkĕlidin, kasangakatibensakit, destigalakngadugadug, pamragatedaditiwas, ngawesusaḥbingungpaling, damamurug, sinaḥsangsarawĕkasan. ‐ [3 3A] 3 kadaśanengoñangmĕlaḥ, kweḥputralabajati, hayubagyanesatata, prajñanwicakṣaṇal̥ĕwiḥ, hasingtingkaḥnĕmubati, hĕntotuwut'hapanghadung, jesta'aśadanekasar̀, pisunane‐ mĕmbaḥsahi, huyuttĕrus, hĕntohingĕtangdahampaḥ. pawiwahanmanūttanggal, tanggalpisandahatl̥ĕwiḥ, pindonehasingkasidan, pingtĕluputranewr̥ĕdi, pingpatnelanang‐ mati, pinglimanemangguḥhayu, pingnĕmenĕmusangsara, pingpitusukakapanggiḥ, yanpingkutus, dahat'halayakahucap. pingsiyaliwatsangsara, pingdaśawir̀yyasujati, ping solaskirangsakaya, pingrorasesakit'hati, pingtlulaslabamamukti, pingpatbĕlashiyĕgtĕrus, pinglimolashaladahat, ketohelingangsasahi, damamuru

Leaf 3

Image on Archive.org

[᭓ 3B] ᭓ ᬕ᭄᭞ᬩᬶᬲᬓᬢᬶᬩᬾᬦ᭄ᬲᭂᬗ᭄ᬓᬮ᭟ᬧᬯᬶᬯᬳᬦ᭄ᬫᬦᬹᬢ᭄ᬤᬶᬦ᭞ᬲᬧ᭄ᬢᬯᬭᬦᬾᬧᭂᬤᬲᬶᬦ᭄᭞ᬋᬤᬶᬢᬾᬳᬮᬫᬩ᭄ᬯᬢ᭄᭞ᬲᭀᬫᬫᬗ᭄ᬕᬶᬄᬲᬸᬓᬍᬯᬶᬄ᭞ᬳᬗ᭄ᬕᬭᬳᬸᬬᬸᬢ᭄ᬲᬲᬳᬶ᭞ᬩᬸᬤᬦᬾᬤᬳᬢᬶᬂᬳᬬᬸ ᭞ᬯᭂᬭᬲ᭄ᬧᬢᬶᬓᬶᬦᬲᬶᬳᬦ᭄᭞ᬲᬸᬓ᭄ᬭᬲᬸᬓᬯᬶᬩᬸᬄᬲᬸᬕᬶᬄ᭞ᬓᬧᬶᬂᬳᬸᬗ᭄ᬓᬸᬃ᭞ᬰᬦᬶᬲ᭄ᬘᬭᬧᬦᭂᬲ᭄ᬩᬭ᭟ᬬᬦ᭄ᬦᬸᬚᬸᬗᬸᬮᬢᬶᬤᬶᬦ᭞ᬲᬶᬤᬧᬗ᭄ᬕᬶᬄᬲᬦᬾᬍᬯᬶᬄ᭞ᬭᬶᬓᬮᬫᬧᬦ᭄ᬤᭂᬲ᭄‌‌ᬋᬓᭀ᭞ᬰᬸᬓ᭄ᬭᬧᬳᬶᬗᬾ ᬧᬶᬮᬶᬳᬶᬦ᭄᭞ᬢᬗ᭄ᬕᬮ᭄ᬧᬶᬂᬤᬰᬫᬦᬫ᭄ᬧᬶ᭞ᬳᭂᬦ᭄ᬢᭀᬤᬶᬦᬲᭂᬤᭂᬂᬢᬸᬳᬸᬢ᭄᭞ᬓᭀᬘᬧ᭄ᬫᬮᬳᬾᬫᬗᭀᬜᬂ᭞ᬤᬶᬃᬖ᭄ᬖᬳᬬᬸᬲᬶᬤᬕᬢᬶ᭞ᬓᬾᬢᭀᬫᬸᬗ᭄ᬕᬸᬄ᭞ᬫᬶᬯᬄᬓᬶᬦᬲᬶᬳᬶᬂᬤᬾᬯ᭟ᬳᬮᬳᬬᬸᬗ᭄ᬯᬗᬸᬦ᭄ᬳᬸᬫᬄ᭞ ᬰᬰᬶᬳᬾᬧᬢᬸᬢ᭄‌‌ᬯᬶᬮᬗᬶᬦ᭄᭞ᬳᬧᬂᬲᬶᬤᬦᬾᬓᬩ᭄ᬯᬢ᭄᭞ᬫᬗ᭄ᬕᬶᬄᬲᬤ᭄ᬬᬳᬬᬸᬍᬯᬶᬄ᭞ᬓᬰᬓᬭᭀᬫᬸᬗ᭄ᬕᬸᬄᬩᭂᬘᬶᬓ᭄᭞ᬓᬧᬢ᭄ᬓᬮᬶᬫᬦᬾᬮᬸᬯᬸᬂ᭞ᬓᭂᬦᭂᬫ᭄‌‌ᬓᬤᬰᬫᭂᬮᬄ᭞ᬳᭂᬦ᭄ᬢᭀᬓᭀ [᭔ 4A] ᭔ ᬘᬧ᭄‌‌ᬰᬰᬶᬄᬍᬯᬶᬄ᭞ᬬᬦ᭄ᬗᬯᬗᬸᬦ᭄᭞ᬜᬦ᭄ᬤᬂᬳᬫ᭄ᬩᬳᬶᬦ᭄‌‌ᬤᬮᬾᬫ᭄ᬧᬲ᭄᭟ᬗ᭄ᬯᬗᬸᬦ᭄ᬳᬸᬫᬄᬫᬦᬹᬢ᭄ᬤᬶᬦ᭞ᬲᬧ᭄ᬢᬯᬭᬦᬾᬧᬶᬮᬶᬳᬶᬦ᭄᭞ᬤᬶᬢᬾᬳᬮᬦᬾᬓᬮᬶᬯᬢ᭄᭞ᬲᭀᬫᬭᬳᬬᬸᬓᬧᬗ᭄ᬕᬶᬄ᭞ᬅᬗ᭄ᬕᬭᬦᬾᬳᬶᬬᭂᬕ᭄ᬲᭂᬲ ᬳᬶ᭞ᬩᬸᬤ᭄ᬥᬲᬸᬓᬦᭂᬫᬸᬮᬦ᭄ᬤᬸᬄ᭞ᬯᬺᬱ᭄ᬧᬢᬶᬓᬸᬭᬂᬧᬗᬦ᭄᭞ᬰᬸᬓ᭄ᬭᬓᬶᬦᬲᬶᬳᬦ᭄ᬢᬸᬯᬶ᭞ᬓᬧᬶᬂᬳᬸᬗ᭄ᬓᬸᬃ᭞ᬰᬦᬶᬲ᭄ᬘᬭᬓᬲᬗ᭄ᬲᬭᬦ᭄᭟ᬲᬗᬯᬭᬦᬾᬢᬢᬲᬂ᭞ᬤᬗᬸᬓᬯᭀᬦ᭄‌‌ᬚᬗᬸᬃᬲᬓᬶᬢ᭄᭞ᬕᬶᬕᬶᬲ᭄ᬕ᭄ᬭᬶᬂᬦᭀᬳᬦ᭄ᬓᬲᬃ ᭞ᬳᭀᬕᬦ᭄ᬫᬲᬶᬄᬗᬯᬾᬲ᭄ᬤᬶᬄ᭞ᬳᬾᬭᬗᬦ᭄ᬓᬫᬮᬶᬗᬶᬦ᭄᭞ᬳᬸᬭᬸᬗᬦ᭄ᬲᬦ᭄ᬢᬦᬧᬸᬢᬸᬂ᭞ᬢᬸᬮᬸᬲᬾᬫᬳᬸᬢᬫ᭞ᬤᬤᬶᬦᬾᬓᬲᬶᬤᬦ᭄ᬤᬤᬶ᭞ᬳ᭄ᬤᬩᬶᬗᬸᬂ᭞ᬫᬶᬮᬶᬄᬤᬶᬦᬗ᭄ᬯᬗᬸᬦ᭄ᬳᬸᬫᬄ᭟ᬤᬶᬦᬳᬬᬸᬗᬸᬯᬸᬕ᭄ᬳᬸᬫᬄ᭞ᬧᬢᬸ ᬢ᭄ᬧᭂᬤᬲᬂᬧᬂᬲᬳᬶ᭞ᬯᬸᬓᬸᬦᭂᬫᬸᬤᬶᬦᬫᭂᬮᬄ᭞ᬳᬦᬜᬦ᭄ᬤᬂᬓᬳᬫ᭄ᬩᬳᬶᬦ᭄᭞ᬤᬾᬯᬲᬳᬬᬸᬦᬾᬳᬮᬶᬄ᭞ᬮᬦ᭄ᬤᭂᬧᬾᬩᬸᬤᬓᬢᬸᬚᬸ᭞ᬢᭀᬮᬸᬦᬾᬬᬫᬲᬶᬄᬩᬸᬤ᭞ᬫᭂᬤᬗ᭄ᬲ᭄ᬬᬯᭂᬭᬲ᭄ᬧᬢᬶ᭞ᬦᬸ

Auto-transliteration

[3 3B] 3 g, bisakatibensĕngkala. pawiwahanmanūtdina, saptawaranepĕdasin, r̥ĕditehalamabwat, somamanggiḥsukal̥ĕwiḥ, hanggarahuyutsasahi, budanedahatinghayu , wĕraspatikinasihan, sukrasukawibuḥsugiḥ, kapinghungkur̀, śaniscarapanĕsbara. yannujungulatidina, sidapanggiḥsanel̥ĕwiḥ, rikalamapandĕsr̥ĕko, śukrapahinge pilihin, tanggalpingdaśamanampi, hĕntodinasĕdĕngtuhut, kocapmalahemangoñang, dir̀ghghahayusidagati, ketomungguḥ, miwaḥkinasihingdewa. halahayungwangunhumaḥ, śaśihepatutwilangin, hapangsidanekabwat, manggiḥsadyahayul̥ĕwiḥ, kaśakaromungguḥbĕcik, kapatkalimaneluwung, kĕnĕmkadaśamĕlaḥ, hĕntoko [4 4A] 4 capśaśiḥl̥ĕwiḥ, yanngawangun, ñandanghambahindalempas. ngwangunhumaḥmanūtdina, saptawaranepilihin, ditehalanekaliwat, somarahayukapanggiḥ, anggaranehiyĕgsĕsa hi, buddhasukanĕmulanduḥ, wr̥ĕṣpatikurangpangan, śukrakinasihantuwi, kapinghungkur̀, śaniscarakasangsaran. sangawaranetatasang, dangukawonjangur̀sakit, gigisgringnohankasar̀ , hoganmasiḥngawesdiḥ, herangankamalingin, hurungansantanaputung, tulusemahutama, dadinekasidandadi, hdabingung, miliḥdinangwangunhumaḥ. dinahayunguwug'humaḥ, patu tpĕdasangpangsahi, wukunĕmudinamĕlaḥ, hanañandangkahambahin, dewasahayunehaliḥ, landĕpebudakatuju, toluneyamasiḥbuda, mĕdangsyawĕraspati, nu

Leaf 4

Image on Archive.org

[᭔ 4B] ᭔ ᬚᬸᬳᬸᬕᬸ᭞ᬰᬦᬶᬲ᭄ᬘᬭᬦᬾᬳᬫ᭄ᬩᬳᬂ᭟ᬫ᭄ᬤᬗ᭄ᬓᬸᬗᬦ᭄‌‌ᬰᬦᬶᬲ᭄ᬘᬭ᭞ᬫ᭄ᬭᬓᬶᬳᬾᬯ᭄ᬭᬲ᭄ᬧᬢᬶ᭞ᬳᭂᬦ᭄ᬢᭀᬓᭀᬤᬶᬦᬫᭂᬮᬄ᭞ᬜᬦ᭄ᬤᬂᬢᬸᬯᬸᬢ᭄ᬓᬳᬫ᭄ᬩᬳᬶᬦ᭄᭞ᬧᬂᬤᬓᬦ᭄ᬢᬶᬲᬮᬄᬧᬶᬮᬶᬄ᭞ᬗᬯᬶᬮᬂᬤᬾᬯᬲᬳᬬᬸ᭞ᬬᬦ᭄ᬮᭀᬫ᭄ᬧᬂᬦᭂ ᬫᬸᬳᬮ᭞ᬗᬗᬾᬳᬶᬩᬸᬓ᭄ᬳᬸᬬᬂᬧᬮᬶᬂ᭞ᬤᬓᬲᬸᬲᬸ᭞ᬬᬦ᭄ᬗᬯᬶᬢ᭄ᬫᬗᬸᬯᬸᬕ᭄ᬳᬸᬫᬄ᭟ᬳᬧᬂᬤᬓᬕ᭄ᬦᬶᬩᬬ᭞ᬓᬮᬗᭂᬋᬩᬶᬦ᭄ᬳᬶᬗᭂᬢᬶᬦ᭄᭞ᬤᬫᬧᬲ᭄‌‌ᬕ᭄ᬦᬶᬭᬯᬦ᭞ᬢᬗ᭄ᬕᬮ᭄ᬧᬗ᭄ᬮᭀᬗᬾᬧᭂᬤᬲᬶᬦ᭄᭞ᬢᬢᬲᬂᬳᬧᬗᬧᬲ᭄ᬢᬶ᭞ᬧᬶᬂ ᬮᬶᬫᬦᬾᬲᬸᬩᬓᬲᬸᬩ᭄᭞ᬧᬶᬂᬦᭂᬫᬾᬬᬫᬲᬶᬄᬫᭂᬮᬄ᭞ᬰᬦᬶᬲ᭄ᬘᬭᬦᬾᬓᭂᬮᬶᬤᬶᬦ᭄᭞ᬦᬾᬧᬶᬂᬧᬶᬢᬸ᭞ᬰᬸᬓ᭄ᬭᬦᬾᬜᬦ᭄ᬤᬂᬓᭂᬮᬶᬤᬂ᭟ᬗᬯᬶᬢ᭄‌‌ᬦᬾᬫ᭄ᬩᭀᬓ᭄ᬤᬫᬗᬯᬕ᭄᭞ᬫᬲᬶᬄᬧᬶᬮᬶᬄᬤᬶᬦᬍᬯᬶᬄ᭞ᬳᬸᬭᬢ᭄ᬬᬂ ᬳᬧᬂᬧᭂᬤᬲ᭄᭞ᬦᬾᬓᬳᬸᬘᬧ᭄ᬚᬢᬶᬩᭂᬘᬶᬓ᭄᭞ᬰᬸᬓ᭄ᬭᬧᬳᬶᬗᬾᬧᬶᬮᬶᬳᬶᬦ᭄᭞ᬓᬢᬸᬚᬸᬢᬗ᭄ᬕᬮ᭄‌‌ᬧᬶᬂᬢᭂᬮᬸ᭞ᬳᭂᬦ᭄ᬢᭀᬜᬦ᭄ᬤᬂᬢᬸᬯᬸᬢ᭄ᬧᬶᬲᬦ᭄᭞ᬲᬶᬦᬄᬲᬶᬤᬦᬾᬓᬳᬧ᭄ᬢᬶ᭞ᬓᬸᬲᬸᬩ᭄ᬮᬸᬯᬸᬂ᭞ᬳᬚᬓ᭄ᬳᭀᬜᬂᬫ [᭕ 5A] ᭕ ᬜᬭᬢᬂ᭟ᬓᬮᬦᬩ᭄ᬤᬩ᭄ᬯᬯᬗᬸᬦᬦ᭄᭞ᬳᬧᬂᬬᬗᬦᬸᬢᬶᬦ᭄‌‌ᬰᬰᬶᬄ᭞ᬓᬰᬕᭂᬤᭀᬂᬩᬮᬾᬢᭂᬗᬄ᭞ᬓᬭᭀᬧᬯᬋᬕᬦ᭄ᬩᭂᬘᬶᬓ᭄᭞ᬓᬢᬶᬕᬓᬸᬩᬸᬯᬗᬸᬦᬶᬦ᭄᭞ᬓᬧᬢᬾᬩᬮᬾᬓᬲᬸᬫ᭄ᬩᬸᬂ᭞ᬓᬮᬶᬫᬦᬾᬩᬮᬾᬫᭂ ᬮᬄ᭞ᬓᭂᬦᭂᬫ᭄ᬮᬸᬫ᭄ᬩᬸᬂᬧᬤᬶᬩᭂᬘᬶᬓ᭄᭞ᬬᬦ᭄ᬓᬧᬶᬢᬸ᭞ᬓᬸᬩᬸᬭᬶᬂᬘᬭᬶᬓ᭄ᬳᬸᬢᬫ᭟ᬓᬯᬸᬮᬸᬕᭂᬦᬄᬓᭂᬢᬸ᭠ᬗᬦ᭄᭞ᬓᬲᬗᬗᬯᬗᬸᬦ᭄‌‌ᬓᭀᬭᬶ᭞ᬓᬤᬰᬓᬳ᭄ᬬᬗᬦ᭄ᬫᭂᬮᬄ᭞ᬚᬾᬲ᭄ᬢᬦᬾᬢᭂᬩᬓᬃᬬ᭄ᬬᬦᬶᬦ᭄᭞ᬅᬰᬤ ᬕ᭄ᬦᬄᬍᬲᬸᬂᬧᬤᬶ᭞ᬳᭂᬦ᭄ᬢᭀᬢᬸᬯᬸᬢ᭄ᬳᬧᬂᬳᬤᬸᬂ᭞ᬬᬦ᭄ᬮᬾᬫ᭄ᬧᬲ᭄ᬫᬓ᭄ᬭᬡᬳᬮ᭞ᬬᬦ᭄ᬢᬸᬯᬸᬢ᭄ᬳᬬᬸᬓᬧᬗ᭄ᬕᬶᬄ᭞ᬤᬫᬫᬸᬭᬸᬕ᭄᭞ᬗᬯᬕᬾᬫᬓ᭄ᬭᬡᬳᬶᬯᬂ᭟ᬮᬶᬬᬸᬳᬦᬓ᭄ᬢ᭄ᬯᬭᬦᬯᬂ᭞ᬫᬶᬮᬶᬄᬤᬶᬦᬳᬦᬾᬚᬢᬶ᭞ᬦᬾᬓᭀ ᬘᬧ᭄ᬗᬯᬶᬦᬂᬫᭂᬮᬄ᭞ᬳᬦᬾᬜᬦ᭄ᬤᬂᬭᬸᬭᬸᬄᬳᬮᬶᬄ᭞ᬭᬶᬓᬮᬗᬯᬶᬢ᭄ᬗᭂᬦᬳᬶᬦ᭄᭞ᬭᬶᬂᬳᬸᬫᬳᬾᬲᬦᬾᬯᬯᬸ᭞ᬩᬸᬤᬓ᭄ᬮᬶᬯᭀᬦ᭄ᬤᬶᬦᬢᬸᬗ᭄ᬕᬮ᭄᭞ᬢ᭄ᬯᬭᬜᬦ᭄ᬤᬂᬫᬮᬶᬄᬩᬸᬯᬶᬦ᭄᭞ᬤᬶᬦᬓᬲᬸᬩ᭄‌‌ᬭᬶᬓᬮᬗᬸᬮᬶ᭠

Auto-transliteration

[4 4B] 4 juhugu, śaniscaranehambahang. mdangkunganśaniscara, mrakihewraspati, hĕntokodinamĕlaḥ, ñandangtuwutkahambahin, pangdakantisalaḥpiliḥ, ngawilangdewasahayu, yanlompangnĕ muhala, ngangehibuk'huyangpaling, dakasusu, yanngawitmanguwug'humaḥ. hapangdakagnibaya, kalangĕr̥ĕbinhingĕtin, damapasgnirawana, tanggalpanglongepĕdasin, tatasanghapangapasti, ping limanesubakasub, pingnĕmeyamasiḥmĕlaḥ, śaniscaranekĕlidin, nepingpitu, śukraneñandangkĕlidang. ngawitnembokdamangawag, masiḥpiliḥdinal̥ĕwiḥ, huratyang hapangpĕdas, nekahucapjatibĕcik, śukrapahingepilihin, katujutanggalpingtĕlu, hĕntoñandangtuwutpisan, sinaḥsidanekahapti, kusubluwung, hajak'hoñangma [5 5A] 5 ñaratang. kalanabdabwawangunan, hapangyanganutinśaśiḥ, kaśagĕdongbaletĕngaḥ, karopawar̥ĕganbĕcik, katigakubuwangunin, kapatebalekasumbung, kalimanebalemĕ laḥ, kĕnĕmlumbungpadibĕcik, yankapitu, kuburingcarik'hutama. kawulugĕnaḥkĕtu‐ngan, kasangangawangunkori, kadaśakahyanganmĕlaḥ, jestanetĕbakar̀yyanin, aśada gnaḥl̥ĕsungpadi, hĕntotuwut'hapanghadung, yanlempasmakraṇahala, yantuwut'hayukapanggiḥ, damamurug, ngawagemakraṇahiwang. liyuhanaktwaranawang, miliḥdinahanejati, neko capngawinangmĕlaḥ, haneñandangruruḥhaliḥ, rikalangawitngĕnahin, ringhumahesanewawu, budakliwondinatunggal, twarañandangmaliḥbuwin, dinakasubrikalanguli‐

Leaf 5

Image on Archive.org

[᭕ 5B] ᭕ ᬳᬶᬦ᭄ᬳᬸᬫᬄ᭟ᬬᬦ᭄ᬓᬢᬸᬚᬸᬗᬯᬾᬧ᭄ᬭᬩᭀᬢ᭄᭞ᬦᬾᬫᬮᬓᬃᬯᬚᬩᭂᬲᬶ᭞ᬬᬦ᭄ᬗᬯᬕ᭄ᬫᬓ᭄ᬭᬡᬧᭀᬘᭀᬮ᭄᭞ᬩᬶᬲᬧᬸᬦ᭄ᬢᬸᬮ᭄ᬧᬸᬗᬓ᭄ᬧᭂᬮᬶᬢ᭄᭞ᬧᬢᬸᬢ᭄ᬤᬶᬦᬦᬾᬧᬶᬮᬶᬳᬶᬦ᭄᭞ᬳᬧᬂᬲᬶᬤᬫᬗ᭄ᬕᬶᬄᬳᬬᬸ᭞ᬳᬭ᭄ᬬᬗᬾᬗᭀᬜᬂᬫᭂ ᬮᬄ᭞ᬓᬢᬸᬚᬸᬩ᭄ᬭᬳ᭄ᬫᬦᭂᬫᭀᬦᬶᬦ᭄᭞ᬜᬦ᭄ᬤᬂᬢᬸᬯᬸᬢ᭄᭞ᬬᬦᬸᬚᬸᬫᬓᬃᬬ᭄ᬬᬧ᭄ᬭᬩᭀᬢ᭄᭟ᬫᬢᭂᬢᬦ᭄ᬤᬸᬭᬦ᭄‌‌ᬤᬗᬯᬕ᭄᭞ᬲᬧ᭄ᬢᬯᬭᬦᬾᬧᬶᬮᬶᬳᬶᬦ᭄᭞ᬤᬶᬢᬾᬦᬾᬲᭀᬭᭀᬄᬫᬲᭀᬘ᭞ᬲᭀᬫᬦᬾᬲᭀᬭᭀᬄ ᬫᬳᬸᬫ᭄ᬩᬶ᭞ᬅᬗ᭄ᬕᬭᬦᬾᬫᭂᬤᭀᬦ᭄ᬩᭂᬘᬶᬓ᭄᭞ᬩᬸᬤᬲᬃᬯ᭄ᬯᬲᭂᬓᬃᬳᬬᬸ᭞ᬯ᭄ᬭᬲ᭄ᬧᬢᬶᬲᬃᬯ᭄ᬯᬯᬶᬚ᭞ᬲᬸᬓ᭄ᬭᬲᭀᬭᭀᬄᬧᬮᬩᭂᬘᬶᬓ᭄᭞ᬳᬧᬂᬳᬦᬸᬢ᭄᭞ᬰᬦᬶᬲ᭄ᬘᬭᬢᭂᬭᬸᬲ᭄ᬫᭂᬮᬄ᭟ᬯ᭄ᬭᬲ᭄ᬧᬢᬶᬯᬕᬾᬫ᭄ᬤᬗ᭄ᬓᬸᬗᬦ᭄᭞ᬳᭂᬦ᭄ᬢᭀ ᬬᬸᬓ᭄ᬢᬶᬤᬶᬦᬩᭂᬘᬶᬓ᭄᭞ᬓᬢᬸᬚᬸᬫᬫᬸᬮᬫᬸᬮᬬᬦ᭄᭞ᬲᭀᬭᭀᬄᬫᬩᬢᬸᬢᭀᬳᬮᬶᬄ᭞ᬯ᭄ᬭᬲ᭄ᬧᬢᬶᬫᬢᬮ᭄ᬫᬦᬶᬲ᭄᭞ᬫᬸᬮᬕᭂᬤᬂᬤᬶᬢᬸᬮᬸᬯᬂ᭞ᬯᬕᬾᬫᭂᬦᬳᬶᬮ᭄‌‌ᬩᬸᬤ᭞ᬫᬸᬮᬧᬶᬚᭂᬃ᭞ᬢᭀᬳᬫ᭄ᬩᬳᬶ [᭖ 6A] ᭖ ᬦ᭄᭞ᬤᬶᬦᬮᬸᬯᬸᬂ᭞ᬜᬦ᭄ᬤᬂᬢᬸᬯᬸᬢ᭄ᬲᬶᬤᬓᬃᬬ᭄ᬬ᭟ᬦᬦ᭄ᬤᬸᬃᬧᬤᬶᬳᬧᬂᬢᬗᬃ᭞ᬯᬶᬮᬂᬤᬶᬦᬳᬧᬂᬧᬲ᭄ᬢᬶ᭞ᬤᬶᬢᬾᬫᬦᬶᬲ᭄‌‌ᬫ᭄ᬭᬓᬶᬄᬫᭂᬮᬄ᭞ᬲᭀᬫᬦᬾᬢᭀᬮᬸᬳᬸᬫᬦᬶᬲ᭄᭞ᬅᬗ᭄ᬕᬭᬳᬸᬬᬾᬳᬸᬫᬦᬶᬲ᭄᭞ᬚᬸᬮᬸᬗ᭄ᬯᬗᬶᬩᬸᬤᬦᬸᬚᬸ᭞ᬯ᭄ᬭᬲ᭄ᬧ ᬢᬶᬳᬸᬕᬸᬫᭂᬮᬄ᭞ᬰᬸᬓ᭄ᬭᬫᬦᬶᬲ᭄ᬮᬗ᭄ᬓᬶᬃᬍᬯᬶᬄ᭞ᬯᬢᬸᬕᬸᬦᬸᬂ᭞ᬰᬦᬶᬲ᭄ᬘᬭᬫᬦᬶᬲ᭄‌‌ᬓᭀᬘᬧ᭄᭟ᬳᬤᬩ᭄ᬯᬶᬦ᭄ᬧᬢᬸᬢ᭄ᬢᬯᬂ᭞ᬢᬸᬭᬸᬦ᭄ᬤᬫᬸᬄᬫᬦᬹᬢ᭄‌‌ᬰᬰᬶᬄ᭞ᬓᬲᬦᬸᬚᬸᬢᬗ᭄ᬕᬮ᭄ᬤᬰ᭞ᬤᬫᬸᬄᬍᬗᬶᬲ᭄ᬢᬸᬭᬸᬦ᭄ᬧᬲ᭄ᬢᬶ᭞ᬧᬤᬶᬘᬶᬄᬘᬶᬄ᭠ ᬢᬦ᭄ᬤᬸᬃᬩᭂᬘᬶᬓ᭄᭞ᬓᬭᭀᬤᬫᬸᬄᬳᬧᬶᬢᬸᬭᬸᬦ᭄᭞ᬧᬗ᭄ᬮᭀᬂᬧᬶᬂᬮᬶᬫᬓᬳᬸᬘᬧ᭄᭞ᬲᬃᬯ᭄ᬯᬩᬸᬗ᭄ᬓᬄᬢᬦ᭄ᬤᬸᬃᬩᭂᬘᬶᬓ᭄᭞ᬧᬗ᭄ᬮᭀᬂᬧᬶᬢᬸ᭞ᬤᬫᬸᬄᬍᬗᬶᬲ᭄ᬢᬸᬭᬸᬦ᭄ᬫᭂᬫ᭄ᬩᬄ᭟ᬓᬢᬶᬕᬓᬧᬢ᭄ᬓᬮᬶᬫ᭞ᬚᬦ᭄ᬢᭂᬦ᭄ᬢᬸᬭᬸᬦ᭄ᬤᬫᬸᬄᬳ ᬧᬶ᭞ᬧᬮᬕᬦ᭄ᬢᬸᬂᬧᬮᬩᬸᬗ᭄ᬓᬄ᭞ᬲᬃᬯ᭄ᬯᬫᭂᬩᬸᬦ᭄ᬢᬦ᭄ᬤᬸᬃᬩᭂᬘᬶᬓ᭄᭞ᬓᭂᬦᭂᬫᬾᬤᬫᬸᬄᬳᬗᬶᬦ᭄᭞᭠ᬘᭀᬘᭀᬓ᭄ᬦᬦ᭄ᬤᬸᬃᬧᬮᬕᬦ᭄ᬢᬸᬂ᭞ᬓᬧᬶᬢᬸᬦᬾᬧᬢᬸᬄᬓᬧᬢ᭄᭞ᬤᬫᬸᬄᬳᬗᬶᬸᬗᬶᬦ᭄ᬫᬦᭂᬫᭀᬦᬶᬦ᭄᭞ᬧᬗ᭄ᬮᭀᬂ

Auto-transliteration

[5 5B] 5 hinhumaḥ. yankatujungaweprabot, nemalakar̀wajabĕsi, yanngawagmakraṇapocol, bisapuntulpungakpĕlit, patutdinanepilihin, hapangsidamanggiḥhayu, haryangengoñangmĕ laḥ, katujubrahmanĕmonin, ñandangtuwut, yanujumakar̀yyaprabot. matĕtandurandangawag, saptawaranepilihin, ditenesoroḥmasoca, somanesoroḥ mahumbi, anggaranemĕdonbĕcik, budasar̀wwasĕkar̀hayu, wraspatisar̀wwawija, sukrasoroḥpalabĕcik, hapanghanut, śaniscaratĕrusmĕlaḥ. wraspatiwagemdangkungan, hĕnto yuktidinabĕcik, katujumamulamulayan, soroḥmabatutohaliḥ, wraspatimatalmanis, mulagĕdangdituluwang, wagemĕnahilbuda, mulapijĕr̀, tohambahi [6 6A] 6 n, dinaluwung, ñandangtuwutsidakar̀yya. nandur̀padihapangtangar̀, wilangdinahapangpasti, ditemanismrakiḥmĕlaḥ, somanetoluhumanis, anggarahuyehumanis, julungwangibudanuju, wraspa tihugumĕlaḥ, śukramanislangkir̀l̥ĕwiḥ, watugunung, śaniscaramaniskocap. hadabwinpatuttawang, turundamuḥmanūtśaśiḥ, kasanujutanggaldaśa, damuḥl̥ĕngisturunpasti, padiciḥciḥ‐ tandur̀bĕcik, karodamuḥhapiturun, panglongpinglimakahucap, sar̀wwabungkaḥtandur̀bĕcik, panglongpitu, damuḥl̥ĕngisturunmĕmbaḥ. katigakapatkalima, jantĕnturundamuḥha pi, palagantungpalabungkaḥ, sar̀wwamĕbuntandur̀bĕcik, kĕnĕmedamuḥhangin, ‐cocoknandur̀palagantung, kapitunepatuḥkapat, damuḥhan̶g̶nginmanĕmonin, panglong

Leaf 6

Image on Archive.org

[᭖ 6B] ᭖ ᬧᬶᬢᬸ᭞ᬧᬮᬕᬦ᭄ᬢᬸᬂᬩᬸᬗ᭄ᬓᬄᬫᭂᬮᬄ᭟ᬓᬯᬸᬮᬸᬚᬦᬶᬢᬢᬲᬂ᭞ᬤᬫᬸᬄᬩᬜᬸᬦᬾᬦᭂᬤᬸᬦᬶᬦ᭄᭞ᬧᬤᬶᬢᬳᬸᬦ᭄ᬢᬦ᭄ᬤᬸᬃᬫᭂᬮᬄ᭞ᬓᬲᬗᬦᬾᬤᬫᬸᬄᬍᬗᬶᬲ᭄᭞ᬧᬤᬶᬘᬶᬄᬘᬶᬄᬢᬦ᭄ᬤᬸᬃᬩᭂᬘᬶᬓ᭄᭞ᬓᬤᬰᬦᬾᬤᬫᬸᬄᬩᬜᬸ ᬧᬤᬶᬢᬳᬸᬦ᭄ᬢᬦ᭄ᬤᬸᬃᬫᭂᬮᬄ᭞ᬚᬾᬲ᭄ᬢᬤᬫᬸᬄᬍᬗᬶᬲ᭄ᬗᬦ᭄ᬢᬶ᭞ᬫᬲᬶᬄᬫᬶᬫ᭄ᬩᬸᬄ᭞ᬤᬫᬸᬄᬳᬗᬶᬦ᭄ᬧᬗ᭄ᬮᭀᬂᬫᭀᬮᬲ᭄᭟ᬅᬲᬤᬦᬾᬳᬧᬂᬢᬯᬂ᭞ᬢᬗ᭄ᬕᬮ᭄‌‌ᬫᭀᬮᬲ᭄ᬤᬫᬸᬄᬍᬗᬶᬲ᭄᭞ᬧᬤᬶᬘᬶᬘᬶᬄᬢᬦ᭄ᬤᬸᬃᬫᭀᬓᭀᬄ᭞ᬧᬗ᭄ᬮᭀᬂ ᬫᭀᬮᬲ᭄ᬤᬫᬸᬄᬳᬗᬶᬦ᭄᭞ᬧᬮᬩᬸᬗ᭄ᬓᬄᬢᬦ᭄ᬤᬸᬃᬩᭂᬘᬶᬓ᭄᭞ᬧᬮᬕᬦ᭄ᬢᬸᬂᬫᬲᬶᬄᬮᬸᬯᬸᬂ᭞ᬲᬃᬯ᭄ᬯᬫᭂᬩᬸ᭠ᬦ᭄ᬤᬶᬢᬸᬫᭂᬮᬄ᭞ᬳᭂᬦ᭄ᬢᭀᬧᭂᬤᬲᬂᬳᬾᬮᬶᬗᬶᬦ᭄᭞ᬳ᭄ᬤᬮᬶᬗ᭄ᬮᬸᬂ᭞ᬲᬮᬄᬧᬶᬮᬶᬄᬦᭂᬫᬸᬚᭂᬗᬄ᭟ᬘᬢᬸᬃᬮᬩᬦᬾᬳᬾ ᬮᬶᬗᬂ᭞ᬫᬦᬸᬢ᭄ᬢᬗ᭄ᬕᬮ᭄ᬧᬗ᭄ᬮᭀᬂᬧᬲ᭄ᬢᬶ᭞ᬬᬦ᭄ᬯᬶᬮᬗᬦ᭄ᬳᬧᬶᬲᬦ᭄᭞ᬳᬲᬶᬂᬓᬃᬬ᭄ᬬᬦᭂᬫᬸᬩᬢᬶ᭞ᬧᬶᬦ᭄ᬤᭀᬫᬲᬶᬄᬫᭂᬮᬄᬕᬢᬶ᭞ᬧᬶᬂᬢ᭄ᬮᬸᬧᭀᬘᭀᬮ᭄ᬓᬢᭂᬫᬸ᭞ᬧᬶᬂᬧᬢᬾᬫᬲᬶᬄᬓᬲᬃ᭞ᬧᬶᬂᬮᬶᬫᬩᭀ [᭗ 7A] ᭗ ᬖᬓᬢᭂᬫᬸ᭞ᬧᬶᬂᬦᭂᬫ᭄ᬮᬦ᭄ᬢᬸᬤ᭄᭞ᬧᬶᬢᬸᬭᬳᬬᬸᬯᭂᬓᬲᬦ᭄᭟ᬧᬶᬂᬓᬸᬢᬸᬲᬾᬓᬯᭀᬦ᭄ᬭᬸᬲᬓ᭄᭞ᬲᬶᬬᬫᬤᬸᬃᬕ᭄ᬕ᭠ᬫᬚᬢᬶ᭞ᬧᬶᬂᬤᬰᬭᬳᬬᬸᬗᭀᬜᬂ᭞ᬧᬶᬂᬲᭀᬮᬲ᭄ᬓᬩᬯᭀᬲ᭄ᬩᭂᬘᬶᬓ᭄᭞ᬧᬶᬂᬭᭀᬭᬲ᭄ᬗᬯᬶᬦᬂᬫᬢᬶ᭞ᬧᬶᬂᬢ᭄ᬮᬸᬮᬲ᭄ᬭᬳ ᬬᬸᬦᬸᬮᬸᬲ᭄᭞ᬧᬢ᭄ᬩᭂᬮᬲ᭄‌‌ᬦᭂᬫᬸᬲᬗ᭄ᬲᬭ᭞ᬧᬶᬂᬫᭀᬮᬲᬾᬢᬺᬱ᭄ᬡᬳᬲᬶᬄ᭞ᬜᬦ᭄ᬤᬂᬳᬶᬢᬸᬂ᭞ᬧᬯᬶᬮᬗ᭠ᬦ᭄ᬤᬶᬦᬫᭂᬮᬄ᭟ᬤᬕ᭄ᬤᬶᬕ᭄ᬓ᭄ᬭᬡᬦᬾᬲᬢ᭄ᬯᬬᬂ᭞ᬫᬦᬸᬢ᭄ᬢᬗ᭄ᬕᬮ᭄ᬧᬗ᭄ᬮᭀᬂᬲᬫᬶ᭞ᬅᬲᬗ᭄ᬕᬫᬢᭀᬓᭂᬮᬶᬤᬂ᭞ᬤᬶᬢᬾ᭠ ᬧᬶᬂᬧᬶᬦ᭄ᬤᭀᬦᭂᬫᭀᬦᬶᬦ᭄᭞ᬲᭀᬫᬦᬾᬧᬶᬂᬧᬶᬲᬦ᭄‌‌ᬦᬫ᭄ᬧᬶ᭞ᬅᬗ᭄ᬕᬭᬤᬰᬓᬢᬸᬚᬸ᭞ᬩᬸᬤᬦᬾᬧᬶᬂᬧᬶᬢᬸᬜᬦ᭄ᬤᬂ᭞ᬯᬺᬲ᭄ᬧᬢᬶᬧᬶᬂᬦᭂᬫ᭄ᬗᬦ᭄ᬢᬶ᭞ᬲᬸᬓᬺᬧᬶᬦ᭄ᬤᭀ᭞ᬧᬶᬢᬸᬰᬦᬶᬲ᭄ᬘᬭᬦᬶᬫ᭄ᬩᬮ᭄᭟ᬓᬮᬤᬗᬲ᭄ᬢ᭄ᬭᬦᬾᬓᭀ ᬘᬧ᭄᭞ᬤᬶᬦᬢᬦ᭄ᬧᬢᬸᬢ᭄ᬳᬫ᭄ᬩᬳᬶᬦ᭄᭞ᬳᬲᬶᬂᬓᬃᬬ᭄ᬬᬦᭂᬫᬸᬳᬮ᭞ᬤᬶᬢᬾᬧᬶᬂᬭᭀᬭᬲ᭄ᬫᬦᬫ᭄ᬧᬶ᭞ᬲᭀᬫᬧᬶᬂᬲᭀᬮᬲ᭄ᬓᭂᬮᬶᬤᬶᬦ᭄᭞ᬅᬗ᭄ᬕᬭᬧᬶᬂᬤᬰᬦᬫ᭄ᬧᬸᬂ᭞ᬩᬸᬤᬦᬾᬧᬶᬂᬲ᭄ᬬᬦᬶᬫ᭄ᬩᬮ᭄᭞ᬓᬸᬢᬸᬲᬾᬦᬸᬚᬸ᭠

Auto-transliteration

[6 6B] 6 pitu, palagantungbungkaḥmĕlaḥ. kawulujanitatasang, damuḥbañunenĕdunin, paditahuntandur̀mĕlaḥ, kasanganedamuḥl̥ĕngis, padiciḥciḥtandur̀bĕcik, kadaśanedamuḥbañu paditahuntandur̀mĕlaḥ, jestadamuḥl̥ĕngisnganti, masiḥmimbuḥ, damuḥhanginpanglongmolas. asadanehapangtawang, tanggalmolasdamuḥl̥ĕngis, padiciciḥtandur̀mokoḥ, panglong molasdamuḥhangin, palabungkaḥtandur̀bĕcik, palagantungmasiḥluwung, sar̀wwamĕbu‐nditumĕlaḥ, hĕntopĕdasanghelingin, hdalinglung, salaḥpiliḥnĕmujĕngaḥ. catur̀labanehe lingang, manuttanggalpanglongpasti, yanwilanganhapisan, hasingkar̀yyanĕmubati, pindomasiḥmĕlaḥgati, pingtlupocolkatĕmu, pingpatemasiḥkasar̀, pinglimabo [7 7A] 7 ghakatĕmu, pingnĕmlantud, piturahayuwĕkasan. pingkutusekawonrusak, siyamadur̀gga‐majati, pingdaśarahayungoñang, pingsolaskabawosbĕcik, pingrorasngawinangmati, pingtlulasraha yunulus, patbĕlasnĕmusangsara, pingmolasetr̥ĕṣṇahasiḥ, ñandanghitung, pawilanga‐ndinamĕlaḥ. dagdigkraṇanesatwayang, manuttanggalpanglongsami, asanggamatokĕlidang, dite‐ pingpindonĕmonin, somanepingpisannampi, anggaradaśakatuju, budanepingpituñandang, wr̥ĕspatipingnĕmnganti, sukr̥ĕpindo, pituśaniscaranimbal. kaladangastraneko cap, dinatanpatut'hambahin, hasingkar̀yyanĕmuhala, ditepingrorasmanampi, somapingsolaskĕlidin, anggarapingdaśanampung, budanepingsyanimbal, kutusenuju‐

Leaf 7

Image on Archive.org

[᭗ 7B] ᭗ ᬯ᭄ᬭᬲ᭄ᬧᬢᬶ᭞ᬰᬸᬓ᭄ᬭᬧᬶᬢᬸ᭞ᬧᬶᬂᬦᭂᬫᬾᬓᬰᬦᬶᬲ᭄ᬘᬭ᭟ᬓᬮᬓ᭄ᬘᬶᬭᬦ᭄‌‌ᬦᬸᬚᬸᬢᬗ᭄ᬕᬮ᭄᭞ᬳᬲᬶᬂᬮᬦ᭄ᬤᭂᬧ᭄ᬕ᭠ᬯᬾᬩᭂᬘᬶᬓ᭄᭞ᬢᬚᬶᬧᬗᬶᬭᬶᬲ᭄ᬳᬸᬢᬫ᭞ᬧᬶᬦ᭄ᬤᭀᬧᬢ᭄ᬤᬶᬢᬾᬓᬳᬸᬗ᭄ᬲᬶ᭞ᬲᭀᬫᬧᬶᬂᬤᬰᬦᭂᬫᭀᬦᬶᬦ᭄᭞᭠ ᬅᬗ᭄ᬕᬭᬤᬰᬓᬢᬸᬚᬸ᭞ᬧᬶᬂᬧᬶᬢᬸᬫᬦᬸᬚᬸᬩᬸᬤ᭄ᬥ᭞ᬧᬶᬂᬦᭂᬫᬾᬓᬯ᭄ᬭᬲ᭄ᬧᬢᬶ᭞ᬰᬸᬓ᭄ᬭᬧᬶᬦ᭄ᬤᭀ᭞ᬰ᭠ᬦᬶᬲ᭄ᬘᬭᬓᬸᬢᬸᬲ᭄ᬦᬶᬫ᭄ᬩᬮ᭄᭟ᬓᬮᬓᬢᭂᬫᬸᬳᬶᬗᭂᬢᬂ᭞ᬧᬭᬸᬫᬦ᭄‌‌ᬯᬾᬦ᭄ᬢᭂᬦᬂᬩᭂᬘᬶᬓ᭄᭞ᬮ᭄ᬯᬲ᭄ᬫᬧᬶᬓᬢ᭄ᬬᬫᭂ ᬮᬄ᭞ᬢᬗ᭄ᬕᬮ᭄ᬧᬶᬦ᭄ᬤᭀᬦᭂᬫᬸᬲᭂᬭᬶ᭞ᬧᬶᬂᬢᬶᬕᬳᬸᬫᬓᬳᬸᬗ᭄ᬲᬶ᭞ᬧᬶᬂᬧᬢᬾᬓᬮᬓᬢᭂᬫᬸ᭞ᬧᬶᬂᬦᭂᬫᬾᬫᬦᬸᬚᬸᬩ᭄ᬭᬳ᭄ᬫ᭞ᬢᬗ᭄ᬕᬮ᭄ᬧᬶᬢᬸᬭᬸᬤ᭄ᬭᬦᬫ᭄ᬧᬶ᭞ᬬᬫᬓᬸᬢᬸᬲ᭄᭞ᬕᬸᬭᬸᬦᬾᬢᬗ᭄ᬕᬮ᭄ᬧᬶᬂᬲ᭄ᬬ᭟ᬓᬮ᭠ ᬫᬺᬢ᭄ᬬᬸᬧᬂᬧᭂᬤᬲ᭄᭞ᬳᭂᬦ᭄ᬢᭀᬤᬶᬦᬳᬮᬕᬢᬶ᭞ᬳᬲᬶᬂᬓᬃᬬ᭄ᬬᬧᬘᬂᬭᬸᬲᬓ᭄᭞ᬅᬲᬗ᭄ᬕᬫᬢᭀᬓᭂᬮᬶᬤᬶᬦ᭄᭞ᬫᭂᬤᬗ᭄ᬓᬸᬗᬦ᭄‌‌ᬤᬶᬢᬾᬦ᭄ᬫᭀᬦᬶᬦ᭄᭞ᬅᬗ᭄ᬕᬭᬯᬬᬂᬓᬘᬸᬦ᭄ᬤᬸᬓ᭄᭞ᬓᬢᬶᬫ᭄ᬩᬮ᭄ᬳᬸᬓᬸᬰᬶᬦ᭄ᬢ [᭘ 8A] ᭘ ᬢᭀᬮᬸᬦᬾᬓᬯ᭄ᬭᬲ᭄ᬧᬢᬶ᭞ᬲᬸᬓ᭄ᬭᬧᬸᬚᬸᬢ᭄᭞ᬰᬦᬶᬲ᭄ᬘᬭᬫᭂᬤᬂᬲ᭄ᬬ᭟ᬓᬮᬗᬤᭂᬕᬾᬲᬢ᭄ᬯᬬᬂ᭞ᬗᬯ᭠ᬗᬸᬦ᭄ᬧᬫᭂᬤᬮ᭄ᬓᭀᬭᬶ᭞ᬫᭂᬮᬄᬫᬓᬃᬬ᭄ᬬᬕᬸᬯᬸᬗᬦ᭄᭞ᬩᬸᬤᬦᬾᬓᬸᬦᬶᬗᬦ᭄ᬧᬳᬶᬂ᭞ᬤᬸᬗᬸᬮᬦ᭄‌‌ᬅᬗ᭄ᬕᬭᬯᬕᬾ ᬓᬶ᭞ᬰᬸᬓ᭄ᬭᬓ᭄ᬮᬶᬯᭀᬦ᭄ᬯᬢᬸᬕᬸᬦᬸᬂ᭞ᬳᬗ᭄ᬕᬭᬯᬕᬾᬤᬸᬗᬸᬮᬦ᭄᭞ᬓ᭄ᬭᬸᬮᬸᬋᬤᬶᬢᬾᬦᭂᬫᭀᬦᬶᬦ᭄᭞ᬳᭂᬦ᭄ᬢᭀᬢᬸᬯᬸᬓ᭄᭞ᬳᬧᬂᬲᬶᬤᬫᬗ᭄ᬕᬶᬄᬲᬤ᭄ᬬ᭟ᬓᬮᬦᬗ᭄ᬕᬸᬦᬾᬢᬸᬢᬸᬭᬂ᭞ᬧᬢᬸᬢ᭄ᬳᬮᬦᬾᬢᬗᬭᬶᬦ᭄᭞ᬢ᭄ᬯᬭᬜ ᬦ᭄ᬤᬂᬗ᭄ᬯᬗᬸᬦ᭄ᬓᬃᬬ᭄ᬬ᭞ᬭᬶᬓᬮᬩᬸᬤ᭄ᬥᬳᬸᬫᬦᬶᬲ᭄᭞ᬲᭀᬫᬦᬾᬓᬢᬸᬚᬸᬧᬳᬶᬂ᭞ᬰᬦᬶᬲ᭄ᬘᬭᬯᬕᬾᬦᭂᬫᬸ᭞ᬋᬤᬶᬢᬾᬧᭀᬦᬾᬫᬦᬗ᭄ᬕᬧ᭄᭞ᬳᭂᬦ᭄ᬢᭀᬳᬾᬮᬶᬗᬂᬧᬂᬲᬳᬶ᭞ᬬᬦ᭄ᬫᬫᬸᬭᬸᬕ᭄᭞ᬲᬶᬦᬄᬦᭂᬫᬸᬳᬮᬤᬳ ᬢ᭄᭟ᬓᬮᬕᬸᬫᬭᬗᬾᬓᭀᬘᬧ᭄᭞ᬤᬶᬦᬦᬾᬧᬢᬸᬢ᭄ᬳᬶᬫ᭄ᬧᬲᬶᬦ᭄᭞ᬓᬸᬮᬦ᭄ᬢᬶᬃᬧᭀᬦ᭄‌‌ᬦᬸᬚᬸᬰᬸᬓ᭄ᬭ᭞ᬧᬸᬚᬸᬢ᭄‌‌ᬧᭀᬦᬾᬩᬸᬤ᭄ᬥᬦᬫ᭄ᬧᬶ᭞ᬰᬸᬓ᭄ᬭᬧᭀᬦᬾᬦᬸᬚᬸᬢᬫ᭄ᬩᬶᬃ᭞ᬤᬶᬢᬾᬧᭀᬦ᭄ᬧ᭄ᬭᬗ᭄ᬩᬓᬢ᭄

Auto-transliteration

[7 7B] 7 wraspati, śukrapitu, pingnĕmekaśaniscara. kalakcirannujutanggal, hasinglandĕpga‐webĕcik, tajipangirishutama, pindopatditekahungsi, somapingdaśanĕmonin, ‐ anggaradaśakatuju, pingpitumanujubuddha, pingnĕmekawraspati, śukrapindo, śa‐niscarakutusnimbal. kalakatĕmuhingĕtang, parumanwentĕnangbĕcik, lwasmapikatyamĕ laḥ, tanggalpindonĕmusĕri, pingtigahumakahungsi, pingpatekalakatĕmu, pingnĕmemanujubrahma, tanggalpiturudranampi, yamakutus, gurunetanggalpingsya. kala‐ mr̥ĕtyupangpĕdas, hĕntodinahalagati, hasingkar̀yyapacangrusak, asanggamatokĕlidin, mĕdangkunganditenmonin, anggarawayangkacunduk, katimbalhukuśinta [8 8A] 8 tolunekawraspati, sukrapujut, śaniscaramĕdangsya. kalangadĕgesatwayang, ngawa‐ngunpamĕdalkori, mĕlaḥmakar̀yyaguwungan, budanekuninganpahing, dungulananggarawage ki, śukrakliwonwatugunung, hanggarawagedungulan, krulur̥ĕditenĕmonin, hĕntotuwuk, hapangsidamanggiḥsadya. kalananggunetuturang, patut'halanetangarin, twaraña ndangngwangunkar̀yya, rikalabuddhahumanis, somanekatujupahing, śaniscarawagenĕmu, r̥ĕditeponemananggap, hĕntohelingangpangsahi, yanmamurug, sinaḥnĕmuhaladaha t. kalagumarangekocap, dinanepatut'himpasin, kulantir̀ponnujuśukra, pujutponebuddhanampi, śukraponenujutambir̀, diteponprangbakat

Leaf 8

Image on Archive.org

[᭘ 8B] ᭘ ᬦᬸᬗ᭄ᬕᬸ᭞ᬯᬢᬸᬕᬸᬦᬸᬂᬧᭀᬦᬾᬩᬸᬤ᭞ᬳᭂᬦ᭄ᬢᭀᬳᬶᬗᭂᬢᬂᬤᬮᬮᬶ᭞ᬳᬧᬂᬭᬸᬗᬸ᭞ᬭᬳᬶᬦᬢᬦ᭄ᬯᭂᬦᬂᬧᬧᬲ᭄᭟ᬤᬫᬧᬲ᭄ᬓᬮᬗ᭄ᬭᬸᬤ᭞ᬬᬦ᭄ᬓᬢᭂᬫᬸᬢᭀᬳᬶᬫ᭄ᬧᬲᬶᬦ᭄᭞ᬤᬗᬯᬗᬸᬦ᭄ᬓᬃᬬ᭄ᬬᬫᬩ᭄ᬯᬢ᭄᭞ᬲᭀᬫᬲᬸᬗ᭄ᬲᬂᬦᬸᬚᬸᬫᬦᬶᬲ᭄᭞ ᬲᭀᬫᬧᬳᬶᬗᬾᬫᭂᬦᬳᬶᬮ᭄᭞ᬋᬤᬶᬢᬾᬧᭀᬦ᭄ᬳᬸᬓᬸᬤᬸᬓᬸᬢ᭄᭞ᬤᬾᬯᬲᬓᬳᬸᬘᬧ᭄ᬓᬲᬃ᭞ᬲᬶᬂᬕᬯᬾᬦᭂᬫᬸᬢᬦ᭄ᬩᭂᬘᬶᬓ᭄᭞ᬤᬫᬫᬸᬯᬸᬓ᭄᭞ᬲᬶᬦᬄᬲᭂᬗ᭄ᬓᬮᬫᬜᬤᬂ᭟ᬓᬮᬚᭂᬗ᭄ᬓᬶᬂᬚᬦᬶᬲᬫ᭄ᬩ ᬢ᭄᭞ᬗᬯᬾᬩᬸᬩᬸᬲᬯᬸᬩᭂᬘᬶᬓ᭄᭞ᬲᬃᬯ᭄ᬯᬚᬭᬶᬂᬤᬶᬢᬸᬫᭂᬮᬄ᭞ᬫᬦᬸᬲᬬᬚ᭄ᬜᬳᬶᬫ᭄ᬧᬲᬶ᭠ᬦ᭄᭞ᬅᬗ᭄ᬕᬭᬓ᭄ᬮᬶᬯᭀᬦ᭄ᬢᬫ᭄ᬩᬶᬃ᭞ᬰᬦᬶᬲ᭄ᬘᬭᬫᬦᬶᬲ᭄ᬧᬸᬚᬸᬢ᭄᭞ᬩᬸᬤᬦᬾᬧᬳᬶᬂᬓᬸᬦᬶᬗᬦ᭄᭞ᬰᬸᬓ᭄ᬭᬯᬕᬾ ᬳᬸᬬᬾᬫᬮᬶᬄ᭞ᬲᭀᬫᬧᭀᬦᬸᬕᬸ᭞ᬩᬸᬤᬓ᭄ᬮᬯᭀᬦ᭄ᬕᬸᬫ᭄ᬩᬺᬕ᭄ᬓᭂᬢᬄ᭟ᬓᬮᬚᭂᬗ᭄ᬓᬶᬂ᭠ᬲᬸᬩᬮᬸᬫ᭄ᬩ᭄ᬭᬄ᭞ᬋᬤᬶᬢᬾᬳᬸᬫᬦᬶᬲ᭄ᬳᬸᬓᬶᬃ᭞ᬗᬤᬂᬢᬚᬾᬦ᭄ᬤᬶᬢᬸᬫᭂᬮᬄ᭞ᬓᬮᬫᬸᬜ᭄ᬘ᭄ᬭᬢᬾᬳᬾᬮᬶ [᭙ 9A] ᭙ ᬗᬶᬦ᭄᭞ᬗᬯᬾᬢᬸᬫ᭄ᬩᬓ᭄ᬫᬶᬯᬄᬓ᭄ᬭᬶᬲ᭄᭞ᬲᭀᬫᬧᬳᬶᬂᬫ᭄ᬭᬓᬶᬄᬦᭂᬫᬸ᭞ᬓᬮᬘᬧ᭄ᬮᭀᬓᬦᬾᬭᬫ᭄ᬩᬂ᭞ᬦᬸᬚᬸᬲᭀᬫᬧᬳᬶᬂᬫ᭄ᬭᬓᬶᬄ᭞ᬤᬶᬦᬳᬬᬸ᭞ᬗᬯᬾᬧᬜ᭄ᬘᬶᬂᬤᬶᬢᬸᬫᭂᬮᬄ᭟ᬓᬮᬳᬢᬢ᭄ᬫᬳᬸᬮᬢᬦ᭄᭞ᬤᬶᬦᬍᬯᬶᬄᬗᬯᬾᬢᬮᬶ ᭞ᬲᬤ᭄ᬬᬗᬯᬾᬩᬓᬸᬮ᭄‌‌ᬓ᭄ᬭᬜ᭄ᬚᬂ᭞ᬳᬲᬶᬂᬳᬸᬮᬢ᭄ᬕᬯᬾᬩᭂᬘᬶᬓ᭄᭞ᬓᬮᬳᬢᬢᬾᬧᭂᬤᬲᬶᬦ᭄᭞ᬩᬸᬤᬧᭀ᭠ᬦ᭄ᬯᬢᬸᬕᬸᬦᬸᬂ᭞ᬓᬮᬚᬧᬶᬢᬦᬾᬓᭀᬘᬧ᭄᭞ᬦᬸᬚᬸᬲᭀᬫᬧᬳᬶᬂᬫ᭄ᬭᬓᬶᬄ᭞ᬤᬶᬢᬸᬫᬸᬗ᭄ᬕᬸᬄ᭞ᬗᬯᬾᬚᭂᬩᬕ᭄ᬳᬬᬸᬤᬳᬢ᭄ ᭟ᬓᬮᬫᬗᬧᬾᬓᭂᬮᬶᬤᬂ᭞ᬓᬢᬸᬚᬸᬋᬤᬶᬢᬾᬫᬦᬶᬲ᭄᭞ᬫᬩ᭄ᬮᬜ᭄ᬚᬤᬶᬢᬸᬳᬶᬗᭂᬢᬂ᭞ᬗᬯᬾᬓᭀᬯᭀᬲ᭄‌‌ᬩᭀᬭᭀᬲ᭄ᬤᬤᬶ᭞ᬓᬮᬓᬶᬮᬂᬓᬶᬮᬸᬂᬩᬸᬯᬶᬦ᭄᭞ᬗᬯᬾᬲᭀᬓ᭄ᬧᬦᬭᬓ᭄ᬳᬬᬸ᭞ᬲᬓᬜ᭄ᬘᬦ᭄‌‌ᬲᭀ ᬭᭀᬄᬢᭀᬢᭀᬦᬦ᭄᭞ᬯ᭄ᬭᬲ᭄ᬧᬢᬶᬯᬸᬓᬸᬢᬫ᭄ᬩᬶᬃ᭞ᬫᬸᬮᬮᬸᬯᬸᬂ᭞ᬫ᭄ᬮᬄᬗᬯᬾᬓᭂᬩᭂᬦ᭄‌‌ᬩᭀᬤᬕ᭄᭟ᬓᬮᬕᭂᬕᭂᬭᬾᬧᭂᬤᬲᬂ᭞ᬗᬯᬾᬕᭂᬦ᭄ᬢᬤᬶᬢᬸᬍᬯᬶᬄ᭞ᬗᬯᬾᬓᬸᬮ᭄ᬓᬸᬮ᭄ᬫᬶᬯᬄᬓᭂᬦ᭄ᬤᬂ᭞ᬯᬭᬶᬕ

Auto-transliteration

[8 8B] 8 nunggu, watugunungponebuda, hĕntohingĕtangdalali, hapangrungu, rahinatanwĕnangpapas. damapaskalangruda, yankatĕmutohimpasin, dangawangunkar̀yyamabwat, somasungsangnujumanis, somapahingemĕnahil, r̥ĕditeponhukudukut, dewasakahucapkasar̀, singgawenĕmutanbĕcik, damamuwuk, sinaḥsĕngkalamañadang. kalajĕngkingjanisamba t, ngawebubusawubĕcik, sar̀wwajaringditumĕlaḥ, manusayajñahimpasi‐n, anggarakliwontambir̀, śaniscaramanispujut, budanepahingkuningan, śukrawage huyemaliḥ, somaponugu, budaklawon'gumbr̥ĕgkĕtaḥ. kalajĕngking‐subalumbraḥ, r̥ĕditehumanishukir̀, ngadangtajenditumĕlaḥ, kalamuñcrateheli [9 9A] 9 ngin, ngawetumbakmiwaḥkris, somapahingmrakiḥnĕmu, kalacaplokanerambang, nujusomapahingmrakiḥ, dinahayu, ngawepañcingditumĕlaḥ. kalahatatmahulatan, dinal̥ĕwiḥngawetali , sadyangawebakulkrañjang, hasinghulatgawebĕcik, kalahatatepĕdasin, budapo‐nwatugunung, kalajapitanekocap, nujusomapahingmrakiḥ, ditumungguḥ, ngawejĕbag'hayudahat . kalamangapekĕlidang, katujur̥ĕditemanis, mablañjadituhingĕtang, ngawekowosborosdadi, kalakilangkilungbuwin, ngawesokpanarak'hayu, sakañcanso roḥtotonan, wraspatiwukutambir̀, mulaluwung, mlaḥngawekĕbĕnbodag. kalagĕgĕrepĕdasang, ngawegĕntaditul̥ĕwiḥ, ngawekulkulmiwaḥkĕndang, wariga

Leaf 9

Image on Archive.org

[᭙ 9B] ᭙ ᬧᭀᬦ᭄‌‌ᬯ᭄ᬭᬲ᭄ᬧᬢᬶ᭞ᬓᬮᬢᬶᬫ᭄ᬧᬗᬾᬢᭀᬩ᭄ᬯᬶᬦ᭄᭞ᬗᬯᬾᬲᬸᬗ᭄ᬕᬤᬶᬢᬸᬫᬸᬗ᭄ᬕᬸᬄ᭞ᬲᬸᬓ᭄ᬭᬧᭀᬦ᭄‌‌ᬫ᭄ᬤᬗ᭄ᬲ᭄ᬬ᭞ᬓᬮᬚᬗ᭄ᬓᬸᬢ᭄ᬢᭀᬢᬢᬲᬶᬦ᭄᭞ᬧᭂᬧᭂᬢ᭄ᬓᬚᭂᬂ᭞ᬳᬘᭂᬧᬂᬬᬗᬯᬾᬧᭂᬜ᭄ᬘᬃ᭟ᬦᬾᬳᬤᬓᬮᬳᬸᬧ᭞ᬧᬲᬄᬧ ᬦᬶᬭᭀᬦᬾᬳᬸᬕᬶ᭞ᬗᬯᬶᬢ᭄ᬗᬸᬩᬸᬄᬯᬯᬮᬸᬗᬦ᭄᭞ᬘᬾᬮᬾᬂᬚᬭᬦ᭄ᬫᬶᬯᬄᬲᬫ᭄ᬧᬶ᭞ᬩᬾᬩᬾᬓ᭄ᬲ᭄ᬬᬧ᭄ᬩᬗ᭄ᬓᬸᬂᬓᬸᬘᬶᬢ᭄᭞ᬲᬓᬜ᭄ᬘᬦᬾᬧᬢᬸᬢ᭄ᬳᬸᬩᬸᬄ᭞ᬳᭂᬦ᭄ᬢᭀᬓᭀᬘᬧ᭄ᬤᬶᬦᬮᬸᬫ᭄ᬩ᭄ᬭᬄ᭞ᬮ᭄ᬬᬸᬳᬦᬓᬾᬗᬸᬮᬢᬶ᭞ᬲᬶᬤᬮᬦᬸᬲ᭄ ᬳᬲᬶᬂᬳᬸᬩᬸᬄᬫᬲᬓᬬ᭟ᬓᬮᬲᬸᬤᬸᬓᬦ᭄ᬤᬫᬧᬲ᭄᭞ᬧᬲᬄᬧᬦᬶᬭᭀᬦᬾᬳᬸᬕᬶ᭞ᬬᬦ᭄ᬗᬶᬲᬶᬤᬂᬳᬦᬓ᭄ᬲᬓᬶᬢ᭄᭞ᬩᬸᬤᬫᬦᬶᬲ᭄ᬋᬤᬶᬢᬾᬧᭀᬦ᭄᭞ᬓᬗᬶᬦ᭄ᬓᬯᬸᬄᬳᬫ᭄ᬩᬄᬩᭂᬘᬶᬓ᭄᭞ᬭᬶᬓᬮᬦᬶᬂᬲᭀᬫᬧᬳᬶᬂ᭞ᬲᬦᬶᬲ᭄ᬘ ᬭᬯᬕᬾᬧᬢᬸᬄ᭞ᬗᬚᬦᬂᬫᬶᬯᬄᬗᭂᬮᭀᬤᬂ᭞ᬤᬶᬢᬸᬳᬾᬮᬶᬗᬂᬤᬮᬮᬶ᭞ᬬᬦ᭄ᬫᬫᬸᬭᬸᬕ᭄᭞ᬲᬶᬦᬄᬩᭂᬜ᭄ᬘᬦᬧᬗ᭄ᬕᬸᬳᬂ᭟ᬓᬮᬭᬯᬸᬤᬫᬫᬧᬲ᭄᭞ᬫᬦᬹᬢ᭄ᬢᬗ᭄ᬕᬮ᭄ᬧᬗ᭄ᬮᭀᬂᬳᬸᬕᬶ᭞ᬓᬗᬶᬦ᭄ᬧᬶᬂᬢ᭄ᬮᬸᬮᬲ᭄ᬧᬶᬂᬲᭀᬮ [᭑᭐ 10A] ᭑᭐ ᬲ᭄᭞ᬧᬶᬂᬧᬢ᭄‌‌ᬭᭀᬭᬲ᭄ᬓᭂᬮᭀᬤ᭄ᬓᬗᬶᬦ᭄᭞ᬮᬶᬫᬢ᭄ᬮᬸᬮᬲ᭄ᬓᭂᬮᭀᬤ᭄ᬦᬫ᭄ᬧᬶ᭞ᬧᬶᬂᬦᭂᬫ᭄ᬧᬢ᭄ᬩᭂᬮᬲ᭄ᬓᭂᬮᭀ᭠ᬤ᭄ᬓᬯᬸᬄ᭞ᬓᬚᬓᬯᬸᬄᬧᬶᬦ᭄ᬤᭀᬤᬰ᭞ᬧᬶᬲᬦ᭄ᬲ᭄ᬬᬓᬚᬓᬗᬶᬦ᭄᭞ᬓᬾᬢᭀᬫᬸᬗ᭄ᬕᬸᬄ᭞ᬓᬸᬢᬸᬲ᭄ᬫᭀᬮᬲᬾᬳᬸᬢᬫ ᭟ᬓᬮᬫᭂᬋᬗᬾᬳᬾᬮᬶᬗᬂ᭞ᬫᬢᭂᬢᬦ᭄ᬤᬸᬭᬦ᭄ᬧᭂᬤᬲᬶᬦ᭄᭞ᬯᬺᬲ᭄ᬧᬢᬶᬧᭀᬦᬾᬮᬦ᭄ᬤᭂᬧ᭄᭞ᬋᬤᬶᬢᬾᬧᭀᬦᬾᬚᬸᬮᬸᬂᬯᬗᬶ᭞ᬳᬗ᭄ᬕᬭᬧᭀᬦᬾᬓᬮᬗ᭄ᬓᬶᬃ᭞ᬩᬸᬤᬧᭀᬦᬾᬓᬧᬸᬚᬸᬢ᭄᭞ᬲᭀᬫᬧᭀᬦᬾ᭠ ᬤᬸᬗᬸᬮᬦ᭄᭞ᬯᬺᬲ᭄ᬧᬢᬶᬧᭀᬦᬾᬢᬫ᭄ᬩᬶᬃ᭞ᬲᭀᬫᬧᭀᬦ᭄ᬳᬸᬕᬸ᭞ᬋᬤᬶᬢᬾᬧᭀᬦ᭄ᬧᭂᬭᬂᬩᬓᬢ᭄᭟ᬓᬮᬕᭀᬢᭀᬗᬦᬾᬓᭀᬘᬧ᭄᭞ᬫᭂᬦ᭄ᬤᭂᬫ᭄ᬲᬯᬢᭀᬓᭂᬮᬶᬤᬶᬦ᭄᭞ᬯᬶᬮᬂᬤᬶᬦᬦᬾᬧᬂᬢᬯᬂ ᬲᬸᬓ᭄ᬭᬓ᭄ᬮᬶᬯᭀᬦ᭄ᬤᬶᬢᬾᬧᬳᬶᬂ᭞ᬰᬦᬶᬲ᭄ᬘᬭᬦᬾᬳᬸᬫᬦᬶᬲ᭄᭞ᬓᬾᬢᭀᬫᬲᬶᬄᬲ᭄ᬫᬸᬢ᭄ᬲᬤᬸᬮᬸᬃ᭞ᬰᬸᬓ᭄ᬭᬧᭀᬦ᭄ᬤᬶᬢᬾᬓ᭄ᬮᬶᬯᭀᬦ᭄᭞ᬰᬦᬶᬲ᭄ᬘᬭᬯᬕᬾᬦᭂᬫᭀᬦᬶᬦ᭄᭞ᬲᬸᬩᬓᬲᬸᬩ᭄᭞ᬢᬦ᭄ᬓᬯᭂᬦᬂᬫᭂ

Auto-transliteration

[9 9B] 9 ponwraspati, kalatimpangetobwin, ngawesunggaditumungguḥ, sukraponmdangsya, kalajangkuttotatasin, pĕpĕtkajĕng, hacĕpangyangawepĕñcar̀. nehadakalahupa, pasaḥpa nironehugi, ngawitngubuḥwawalungan, celengjaranmiwaḥsampi, bebeksyapbangkungkucit, sakañcanepatut'hubuḥ, hĕntokocapdinalumbraḥ, lyuhanakengulati, sidalanus hasinghubuḥmasakaya. kalasudukandamapas, pasaḥpanironehugi, yanngisidanghanaksakit, budamanisr̥ĕditepon, kanginkawuḥhambaḥbĕcik, rikalaningsomapahing, sanisca rawagepatuḥ, ngajanangmiwaḥngĕlodang, dituhelingangdalali, yanmamurug, sinaḥbĕñcanapangguhang. kalarawudamamapas, manūttanggalpanglonghugi, kanginpingtlulaspingsola [10 10A] 10 s, pingpatroraskĕlodkangin, limatlulaskĕlodnampi, pingnĕmpatbĕlaskĕlo‐dkawuḥ, kajakawuḥpindodaśa, pisansyakajakangin, ketomungguḥ, kutusmolasehutama . kalamĕr̥ĕngehelingang, matĕtanduranpĕdasin, wr̥ĕspatiponelandĕp, r̥ĕditeponejulungwangi, hanggaraponekalangkir̀, budaponekapujut, somapone‐ dungulan, wr̥ĕspatiponetambir̀, somaponhugu, r̥ĕditeponpĕrangbakat. kalagotonganekocap, mĕndĕmsawatokĕlidin, wilangdinanepangtawang sukrakliwonditepahing, śaniscaranehumanis, ketomasiḥsmutsadulur̀, śukraponditekliwon, śaniscarawagenĕmonin, subakasub, tankawĕnangmĕ

Leaf 10

Image on Archive.org

[᭑᭐ 10B] ᭑᭐ ᬦ᭄ᬤᭂᬫ᭄ᬲᬯ᭟ᬓᬍᬩᬸᬭᬯᬸᬳᬢᬶᬯᬢᬶᬯ᭞ᬉᬓᬶᬃᬋᬤᬶᬢᬾᬳᬸᬫᬦᬶᬲ᭄᭞ᬳᬗ᭄ᬕᬭᬫᬦᬶᬲ᭄ᬯᬭᬶᬕ᭞ᬕᬸᬫ᭄ᬩ᭄ᬭᬕᬾᬬᬰᬸᬓ᭄ᬭᬧᬳᬶᬂ᭞ᬋᬤᬶᬢᬾᬯᬕᬾᬮᬦ᭄ᬤᭂᬧ᭄‌‌ᬩ᭄ᬯᬶᬦ᭄᭞ᬩᬸᬤᬧᬳᬶᬗᬾᬓᬭᬸᬮᬸᬢ᭄᭞ᬤᬾᬢᬾᬫ᭠ ᬦᬶᬲ᭄ᬯᬭᬶᬕᬤ᭄ᬬᬦ᭄᭞ᬲᬦᬶᬲ᭄ᬘᬭᬧᬳᬶᬂᬫ᭄ᬭᬓᬶᬄ᭞ᬩᬸᬤᬫᬦᬶᬲ᭄ᬤᬸᬓᬸᬢ᭄᭞ᬋᬤᬶᬢᬾᬯᬕᬾᬦᬾᬯᬬᬂ᭟ᬯ᭄ᬭᬲ᭄ᬧᬢᬶᬯᬕᬾᬫ᭄ᬤᬗ᭄ᬓᬸᬗᬦ᭄᭞ᬳᬗ᭄ᬕᬭᬧᭀᬦᬾᬮᬗ᭄ᬓᬶᬃ᭞ᬋᬤᬶᬢᬾᬧᭀᬦ᭄ᬫᭂᬤᬂᬲ᭄ᬬ᭞ᬳᬸᬬᬾᬦᬾᬳᬗ᭄ᬕ ᬭᬫᬦᬶᬲ᭄᭞ᬩᬮᬦᬾᬳᬗ᭄ᬕᬭᬧᬳᬶᬂ᭞ᬰᬦᬶᬲ᭄ᬘᬭᬧᭀᬦᬾᬳᬸᬕᬸ᭞ᬩᬸᬤᬓ᭄ᬮᬶᬯᭀᬦᬾᬫᬢᬮ᭄᭞ᬳᬗ᭄ᬕᬭᬯᬕᬾᬫᬢᬮ᭄ᬫᬮᬶᬄ᭞ᬯᬢᬸᬕᬸᬦᬸᬂ᭞ᬋᬤᬶᬢᬾᬧᭀᬦᬾᬓ᭄ᬮᬶᬯᭀᬦ᭄ᬫᬦᬗ᭄ᬕᬧ᭄᭟ᬤᬶᬦ ᬳᬬᬸᬳᬢᬶᬯᬢᬶᬯ᭞ᬲᬧ᭄ᬢᬯᬭᬦᬾᬧᬶᬮᬶᬳᬶᬦ᭄᭞ᬧᬜ᭄ᬘᬯᬭᬫᬶᬯᬄᬢᬗ᭄ᬕᬮ᭄᭞ᬯᬺᬲ᭄ᬧᬢᬶᬓ᭄ᬮᬶᬯᭀᬦ᭄ᬩᭂᬘᬶᬓ᭄᭞ᬢᬗ᭄ᬕᬮ᭄ᬧᬶᬂᬲᭀᬮᬲ᭄ᬦᭂᬫᭀᬦᬶᬦ᭄᭞ᬫᬸᬗ᭄ᬕᬸᬄᬳᭂᬦ᭄ᬢᭀᬤᬶᬦᬳᬬᬸ᭞ᬗ᭄ᬮᬓ᭄ᬱ [᭑᭑ 11A] ᭑᭑ ᬡᬬᬂᬳᬢᬶᬯᬢᬶᬯ᭞ᬚᬦ᭄ᬢᭂᬦ᭄ᬧᬗ᭄ᬕᬶᬄᬦᬾᬯᬸᬮᬢᬶ᭞ᬲᬸᬩᬓᬲᬸᬩ᭄᭞ᬧᬦ᭄ᬢᭂᬲ᭄ᬳᬗ᭄ᬕᭀᬦ᭄ᬋᬭᬫ᭄ᬩ᭠ᬗᬦ᭄᭟ᬢᬦ᭄ᬬᭀᬕ᭄ᬬᬵᬢᬶᬯᬢᬶᬯ᭞ᬢᬗ᭄ᬕᬮ᭄ᬧᬗ᭄ᬮᭀᬗᬾᬢᬶᬮᬶᬓᬶᬦ᭄᭞ᬢᬢᬲᬂᬳᬧᬗᬲᬶᬦᬄ᭞ᬬᬦ᭄ᬫᬫᬸ ᬭᬸᬕ᭄ᬳᬮᬧᬗ᭄ᬕᬶᬄ᭞ᬢᬗ᭄ᬕᬮ᭄ᬧᬶᬂᬲ᭄ᬬᬳᬶᬫ᭄ᬧᬲᬶᬦ᭄᭞ᬧᬂᬗ᭄ᬮᭀᬂᬧᬶᬲᬦ᭄‌‌ᬤᬫᬫᬸᬯᬸᬓ᭄᭞ᬧᬗ᭄ᬮᭀᬂᬧᬶᬂᬦᭂᬫᬾᬤᬫᬧᬲ᭄᭞ᬧᬶᬂᬧᬢ᭄ᬩᭂᬮᬲ᭄‌‌ᬓᬾᬢᭀᬫᬲᬶᬄ᭞ᬳ᭄ᬤᬩᬶᬗᬸᬂ᭞ᬧᭂᬤᬲᬂᬳᬧᬗᬢᬯᬂ᭟ᬳᭂᬦᬾᬳᬤ᭠ ᬩ᭄ᬯᬶᬦ᭄‌‌ᬘᬘᬓᬦ᭄᭞ᬕᬕᬓ᭄ᬳᬦᬸᬗ᭄ᬲᬸᬂᬧᬢᬶ᭞ᬢᬗ᭄ᬕᬮ᭄ᬧᬶᬂᬲ᭄ᬬᬦᬾᬓᭀᬘᬧ᭄᭞ᬬᬦ᭄ᬫᬫᬸᬭᬸᬕ᭄ᬳᬮᬧᬗ᭄ᬕᬶᬄ᭞ᬳᬤᬩ᭄ᬯᬶᬦ᭄ᬤᬶᬦᬓᭂᬮᬶᬤᬶᬦ᭄᭞ᬚᬦ᭄ᬢᭂᬦ᭄ᬩᬜ᭄ᬘᬦᬓᬧᬗ᭄ᬕᬸᬄ᭞ᬫᬤᬦ᭄ᬮᬭᬸᬂᬧᬕᭂᬮᬗᬦ᭄᭞ᬯᭂᬭ ᬲ᭄ᬧᬢᬶᬦᬾᬧᭂᬤᬲᬶᬦ᭄᭞ᬬᬦ᭄ᬓᬢᬸᬚᬸ᭞ᬦ᭄ᬫᬸᬢᬗ᭄ᬕᬮ᭄ᬧᬗ᭄ᬮᭀᬂᬧᬶᬂᬦᭂᬫ᭄᭟ᬧᬢᬶᬧᬢᬦᬾ᭠ᬳᬶᬗᭂᬢᬂ᭞ᬳᬲᬶᬂᬓᬃᬬ᭄ᬬᬢᭀᬳᬶᬫ᭄ᬧᬲᬶᬦ᭄᭞ᬏᬓᬲᬸᬗ᭄ᬲᬂᬦᬸᬚᬸᬇᬦ᭄ᬤ᭄ᬭ᭞ᬤᬸᬯᬶᬢᬫ᭄ᬩᬶᬃᬦᭂᬫᬸᬰ᭄ᬭᬶ᭞ᬢ᭄ᬭᬶᬓ

Auto-transliteration

[10 10B] 10 ndĕmsawa. kal̥ĕburawuhatiwatiwa, ukir̀r̥ĕditehumanis, hanggaramaniswariga, gumbrageyaśukrapahing, r̥ĕditewagelandĕpbwin, budapahingekarulut, detema‐ niswarigadyan, saniscarapahingmrakiḥ, budamanisdukut, r̥ĕditewagenewayang. wraspatiwagemdangkungan, hanggaraponelangkir̀, r̥ĕditeponmĕdangsya, huyenehangga ramanis, balanehanggarapahing, śaniscaraponehugu, budakliwonematal, hanggarawagematalmaliḥ, watugunung, r̥ĕditeponekliwonmananggap. dina hayuhatiwatiwa, saptawaranepilihin, pañcawaramiwaḥtanggal, wr̥ĕspatikliwonbĕcik, tanggalpingsolasnĕmonin, mungguḥhĕntodinahayu, nglakṣa [11 11A] 11 ṇayanghatiwatiwa, jantĕnpanggiḥnewulati, subakasub, pantĕshanggonr̥ĕramba‐ngan. tanyogyātiwatiwa, tanggalpanglongetilikin, tatasanghapangasinaḥ, yanmamu rug'halapanggiḥ, tanggalpingsyahimpasin, pangnglongpisandamamuwuk, panglongpingnĕmedamapas, pingpatbĕlasketomasiḥ, hdabingung, pĕdasanghapangatawang. hĕnehada‐ bwincacakan, gagak'hanungsungpati, tanggalpingsyanekocap, yanmamurug'halapanggiḥ, hadabwindinakĕlidin, jantĕnbañcanakapangguḥ, madanlarungpagĕlangan, wĕra spatinepĕdasin, yankatuju, nmutanggalpanglongpingnĕm. patipatane‐hingĕtang, hasingkar̀yyatohimpasin, ekasungsangnuju'indra, duwitambir̀nĕmuśri, trika

Leaf 11

Image on Archive.org

[᭑᭑ 11B] ᭑᭑ ᬓᬯᬸᬮᬸᬳᬸᬫᬦᬫ᭄ᬧᬶ᭞ᬘᬢᬸᬃᬯᬭᬶᬕᬓᬮᬦᬸᬚᬸ᭞ᬧᬜ᭄ᬘᬧᬳᬂᬦᭂᬫᬸᬬᬫ᭞ᬲᬤ᭄‌‌ᬩᬮᬩ᭄ᬭᬳ᭄ᬫᬦᬫ᭄ᬧᬶ᭞ᬭᬸᬤ᭄ᬭᬦᬸᬚᬸ᭞ᬲᬧ᭄ᬢᬓᬸᬮᬦ᭄ᬢᬶᬃᬫᬦᬗ᭄ᬕᬧ᭄᭟ᬅᬲ᭄ᬢᬮᬗ᭄ᬓᬶᬃᬦᭂᬫᬸᬳᬸᬫ᭞ᬦᬯᬕᬸᬭᬸᬳᬸᬬᬾᬦᬫ᭄ᬧᬶ᭞ ᬤᬰᬲᬶᬦ᭄ᬢᬦᬸᬚᬸᬭᬸᬤ᭄ᬭ᭞ᬭᬫ᭄ᬩᬂᬳᬶᬗᭂᬢᬂᬲᬲᬳᬶ᭞ᬳᬸᬍᬳᬂᬳᭂᬦ᭄ᬢᭀᬳᬶᬫ᭄ᬧᬲᬶᬦ᭄᭞ᬬᬦ᭄ᬫᬶᬲᬤ᭄ᬬᬧᬶᬮᬳᬬᬸ᭞ᬧᬢᬶᬧᬢᬦᬾᬤᬫᬧᬲ᭄᭞ᬬᬦᬶᬄᬳᬫ᭄ᬧᬄᬯᭂᬢᬸᬭᬸᬕᬶ᭞ᬤᬤᬶᬮᬘᬸᬃ᭞ᬗᬯᬕᬾᬳᬸᬯᬸᬕ᭄ᬫᬓ᭠ ᬤ᭟ᬓᬃᬡ᭄ᬦᬲᬸᬮᬤᬶᬦᬓᬲᬃ᭞ᬬᬦ᭄ᬓᬲᬶᬤᬦ᭄ᬤᬗᬫ᭄ᬩᬳᬶᬦ᭄᭞ᬭᬶᬓᬮᬗᬯᬗᬸᬦ᭄ᬳᬸᬫᬄ᭞ᬲᬧ᭄ᬢᬯᬭᬦᬾᬧᬶᬗᭂᬢᬶᬦ᭄᭞ᬢᬗ᭄ᬕᬮ᭄ᬧᬗ᭄ᬮᭀᬗᬾᬳᬾᬮᬶᬗᬶᬦ᭄᭞ᬤᬶᬢᬾᬧᬶᬂᬭᭀᬭᬲ᭄ᬓᬘᬸᬦ᭄ᬤᬸᬓ᭄᭞ᬲᭀᬫᬧᬶᬂᬲᭀ ᬮᬲ᭄ᬫᬜᬦ᭄ᬤᬂ᭞ᬯ᭄ᬭᬲ᭄ᬧᬢᬶᬧᬶᬂᬲ᭄ᬬᬳᬸᬕᬶ᭞ᬳᬍᬦ᭄ᬫᬸ᭞ᬲᬮᬄᬳᬸᬮᬳᬾᬫᬚᬮᬦ᭄᭟ᬓᬮᬚᭂᬚᭂᬧᬦ᭄ᬧᬂᬧ᭄ᬮᬧᬦ᭄᭞ᬤᬾᬯᬲᬳᬮᬗ᭄ᬭᬳᬩᬶᬦ᭄᭞ᬲᬧ᭄ᬢᬯᬭᬦᬾᬳᬶᬗᭂᬢᬂ᭞ᬢᬗ᭄ᬕᬮ᭄ᬧᬗ᭄ᬮᭀᬂᬢᭀᬧᭂ [᭑᭒ 12A] ᭑᭒ ᬤᬲᬶᬦ᭄᭞ᬧᬶᬂᬓᬸᬢᬸᬲ᭄ᬓᬯ᭄ᬭᬲ᭄ᬧᬢᬶ᭞ᬳᭂᬦ᭄ᬢᭀᬳᬾᬮᬶᬗᬂᬤᬩᬶᬗᬸᬂ᭞ᬭᬶᬓᬮᬗ᭄ᬭᬳᬩᬶᬦ᭄ᬳᬸᬫᬄ᭞ᬳᬸᬬᬾᬳᬚᬤᬗᬫ᭄ᬩᬳᬶᬦ᭄᭞ᬮᬘᬸᬃᬢ᭄ᬧᬸᬓ᭄᭞ᬓᬮᬚᭂᬚᭂᬧᬦ᭄‌‌ᬗ᭄ᬭᬸᬩᬾᬤ᭟ᬕᭂᬦᬶᬭᬵᬯᬦᬤᬫᬧᬲ᭄᭞ᬳᬶᬫ᭄ᬧ ᬲᬶᬦ᭄ᬓᬮᬗ᭄ᬭᬳᬩᬶᬦ᭄᭞ᬲᬧ᭄ᬢᬯᬭᬦᬾᬳᬶᬗᭂᬢᬂ᭞ᬳᬗ᭄ᬕᬭᬧᬶᬂᬤᬰᬢᬸᬯᬶ᭞ᬦᬾᬳᬤᬘᬘᬓᬦ᭄‌‌ᬩᬸᬯᬶᬦ᭄᭞ᬭᬳᬶᬦᬢᬦ᭄ᬯᭂᬦᬂᬢᬸᬳᬸᬢ᭄᭞ᬕ᭄ᬦᬶᬳᬕᬸᬂᬧᬢ᭄ᬭᬮᬶᬫᬸᬢᬦ᭄᭞ᬤᬶᬋᬤᬶᬢᬾᬩ᭄ᬭᬳ᭄ᬫᬚᬢᬶ᭞ᬤ᭠ ᬫᬓᬸᬄ᭞ᬗ᭄ᬭᬩᬶᬦ᭄‌‌ᬫ᭄ᬯᬄᬗᬶᬗ᭄ᬲᬶᬃᬳᬸᬫᬄ᭟ᬳᬤᬩ᭄ᬯᬶᬦ᭄ᬓᬢᬸᬢᬸᬭᬦ᭄᭞ᬕᭂᬦᬶᬳᬕᬸᬂᬤᭀᬬᬦ᭄‌‌ᬩᬲ᭄ᬫᬶ᭞ᬳᬗ᭄ᬕᬭᬓᬢᬸᬚᬸᬩ᭄ᬭᬳ᭄ᬫ᭞ᬳᬗ᭄ᬕᬭᬧᬹᬃᬡ᭄ᬦᬫᬫᬮᬶᬄ᭞ᬕᭂᬦᬶᬭᬵᬯᬦᬧᭂᬤᬲᬶᬦ᭄᭞ᬢᬗ᭄ᬕᬮ᭄ᬧᬗ᭄ᬮᭀ ᬗᬾᬬᬳᬦᬹᬢ᭄᭞ᬧᭂᬢᬾᬓᬶᬦ᭄ᬳᬧᬗᬢᭂᬭᬂ᭞ᬓᭂᬮᬶᬤᬶᬦ᭄ᬓᬮᬗ᭄ᬭᬳᬩᬶᬦ᭄᭞ᬫᬗ᭄ᬕᬶᬄᬳ᭠ᬬᬸ᭞ᬬᬦ᭄ᬢᭂᬍᬩ᭄ᬗᬶᬗᭂᬢᬂᬤᬶᬦ᭟ᬢᬗ᭄ᬕᬮ᭄ᬧᬶᬦ᭄ᬤᭀᬕ᭄ᬦᬶᬭᭀᬯᬦ᭞ᬢᬗ᭄ᬕᬮ᭄ᬧᬶᬂᬧᬢ᭄‌‌ᬬᬗᬦ᭄ᬢᬶᬦᬶ᭠

Auto-transliteration

[11 11B] 11 kawuluhumanampi, catur̀warigakalanuju, pañcapahangnĕmuyama, sadbalabrahmanampi, rudranuju, saptakulantir̀mananggap. astalangkir̀nĕmuhuma, nawaguruhuyenampi, daśasintanujurudra, rambanghingĕtangsasahi, hul̥ĕhanghĕntohimpasin, yanmisadyapilahayu, patipatanedamapas, yaniḥhampaḥwĕturugi, dadilacur̀, ngawagehuwugmaka‐ da. kar̀ṇnasuladinakasar̀, yankasidandangambahin, rikalangawangunhumaḥ, saptawaranepingĕtin, tanggalpanglongehelingin, ditepingroraskacunduk, somapingso lasmañandang, wraspatipingsyahugi, hal̥ĕnmu, salaḥhulahemajalan. kalajĕjĕpanpangplapan, dewasahalangrahabin, saptawaranehingĕtang, tanggalpanglongtopĕ [12 12A] 12 dasin, pingkutuskawraspati, hĕntohelingangdabingung, rikalangrahabinhumaḥ, huyehajadangambahin, lacur̀tpuk, kalajĕjĕpanngrubeda. gĕnirāwanadamapas, himpa sinkalangrahabin, saptawaranehingĕtang, hanggarapingdaśatuwi, nehadacacakanbuwin, rahinatanwĕnangtuhut, gnihagungpatralimutan, dir̥ĕditebrahmajati, da‐ makuḥ, ngrabinmwaḥngingsir̀humaḥ. hadabwinkatuturan, gĕnihagungdoyanbasmi, hanggarakatujubrahma, hanggarapūr̀ṇnamamaliḥ, gĕnirāwanapĕdasin, tanggalpanglo ngeyahanūt, pĕtekinhapangatĕrang, kĕlidinkalangrahabin, manggiḥha‐yu, yantĕl̥ĕbngingĕtangdina. tanggalpindognirowana, tanggalpingpatyangantini‐

Leaf 12

Image on Archive.org

[᭑᭒ 12B] ᭑᭒ ᬦ᭄ᬤᬂᬧᬶᬮᬶᬳᬶᬦ᭄᭞ᬯ᭄ᬭᬲ᭄ᬧᬢᬶᬢᬗ᭄ᬕᬮ᭄ᬧᬶᬲᬦ᭄᭞ᬭᬳᬶᬦᬜᬦ᭄ᬤᬂᬧᬶᬮᬶᬳᬶᬦ᭄᭞ᬓᬲᬢᬗ᭄ᬕᬮᬶᬫᬍᬯᬶᬄ᭞ᬓᭂᬢᬄᬤᬶᬦᬧᬶᬦᬶᬄᬮᬸᬳᬸᬂ᭞ᬧᬦ᭄ᬢᭂᬲ᭄ᬢᬸᬳᬸᬢ᭄‌‌ᬳ᭄ᬤᬮᬾᬫ᭄ᬧᬲ᭄᭞ᬬᬦ᭄ᬮᬾᬫ᭄ᬧᬲ᭄ᬫᬧ᭄ᬯᬭᬓᬮᬶ᭞ᬮᬓᬃᬮᬘᬸᬃ᭞ᬢᬶᬗ᭄ᬓᬄᬮ᭠ ᬓ᭄ᬱᬡᬦᬾᬢᬸᬗ᭄ᬓᬲ᭄᭟ᬫᬳᬬᬸᬭᬭᬾᬳᬶᬗᭂᬢᬂ᭞ᬲᬶᬤᬓᬃᬬ᭄ᬬᬳᬬᬸᬬᬸᬓ᭄ᬢᬶ᭞ᬯᭂᬢᬸᬦ᭄ᬫᬸᬤᬶᬃᬖ᭄ᬖᬬᬸᬰ᭞ᬲᬧ᭄ᬢᬯᬭᬦᬾᬧᬶᬮᬶᬳᬶᬦ᭄᭞ᬢᬗ᭄ᬕᬮᬾᬧᬂᬫᬦᬸᬢ᭄ᬳᬶᬦ᭄ᬤᬶᬓ᭄᭞ᬩᬸᬤᬧᭀᬦ᭄ᬧᬶᬂᬤᬰᬓᬲᬸᬩ᭄᭞ᬳᭂᬦ᭄ᬢᭀᬤᬶᬦᬫᬳᬸᬢ ᬫ᭞ᬫᬳᬬᬸᬭᬭᬾᬗᬯᬶᬢᬶᬦ᭄᭞ᬲᬶᬤᬢᬸᬮᬸᬲ᭄᭞ᬬᬦ᭄ᬗᬮᭀᬫ᭄ᬧᬂᬳᭀᬫ᭄ᬧᭀᬂᬢᭂᬓ᭟ᬗ᭄ᬮᬓ᭄ᬱᬡᬬᬂᬤᬾᬯᬬᬚ᭄ᬜ᭞ᬤᬾᬯᬲᬧᬢᬸᬢ᭄ᬧᬶᬮᬶᬳᬶᬦ᭄᭞ᬗᬯᬕᬾᬗᬸᬯᬸᬕᬂᬫᬦᬄ᭞ᬩᬶᬲᬧᭂᬲᬸᬲᬓᬶᬢ᭄ᬳᬢᬶ᭞ᬮᬓ᭄ᬱ᭠ ᬡᬦᬾᬢᬦ᭄ᬧᬓᬾᬃᬣᬶ᭞ᬬᬦ᭄ᬧ᭄ᬭᬤᬾᬢᬦ᭄ᬫᬦᬹᬢ᭄ᬳᬸᬦ᭄ᬤᬸᬓ᭄‌‌ᬩᬸᬤᬯᬕᬾᬢᬗ᭄ᬕᬮ᭄ᬧᬶᬂᬤᬰ᭞ᬳᭂᬦ᭄ᬢᭀᬤᬶᬦᬤᬳᬢ᭄ᬮᭂᬯᬶᬄ᭞ᬫᬗ᭄ᬕᬶᬄᬳᬬᬸ᭞ᬗ᭄ᬮᬓ᭄ᬱᬡᬬᬂᬤᬾᬯᬬᬚ᭄ᬜ᭟ᬲᬤᬦᬢᬶᬩᬓᬮᭀᬓ᭄ᬢᬄ᭞ᬦᬗᬸᬦ᭄ [᭑᭓ 13A] ᭑᭓ ᬓᬃᬬ᭄ᬬᬬᬸᬓ᭄ᬢᬶᬍᬯᬶᬄ᭞ᬧᬶᬢ᭄ᬭᬬᬚ᭄ᬜᬤᬾᬯᬬᬚ᭄ᬜ᭞ᬦᬗᬸᬦ᭄ᬲᬗ᭄ᬕᬄᬬᬤᬶᬦ᭄ᬧᬦ᭄ᬢᬶ᭞ᬧᬳᬶᬩᭀᬦ᭄‌‌ᬫ᭄ᬭᬚᬦ᭄ᬫᬮᬶᬄ᭞ᬯ᭄ᬭᬲ᭄ᬧᬢᬶᬯᬕᬾᬧᬶᬂᬧᬶᬢᬸ᭞ᬓᭂᬢᬄᬫᬸᬮᬤᬶᬦᬫᭂᬮᬄ᭞ᬫᬓᭂᬚᬂᬳᬚᬓ᭄ᬗᭂᬤᭀᬢᬶᬦ᭄᭞ᬦᭂᬫᬸᬳᬤᬸᬂ᭞ᬳᬲᬶᬂᬮᬫ᭄ᬧᬄᬲᬶ ᬤ᭄ᬥᬓᬃᬬ᭄ᬬ᭟ᬤᬾᬯᬳᬗ᭄ᬮᬬᬂᬤᬾᬯᬲ᭞ᬤᬶᬦᬳᬬᬸᬓᬲᬸᬩ᭄‌‌ᬬᬸᬓ᭄ᬢᬶ᭞ᬧᬶᬢ᭄ᬭᬬᬚ᭄ᬜᬤᬾᬯᬬᬚ᭄ᬜ᭞ᬫᬦᬹᬢ᭄ᬢᬗ᭄ᬕᬮ᭄ᬫᬶᬯᬄᬰᬰᬶᬄ᭞ᬓᬲᬦᬾᬧᬶᬂᬭᭀᬭᬲ᭄ᬦᬫ᭄ᬧᬶ᭞ᬧᬶᬂᬮᬶᬫᬫᭀᬮᬲ᭄‌‌ᬓᬭᭀᬳᬶᬓᬸ᭞ᬳᭂᬦ᭄ᬢᭀᬤᬶᬦᬫᭂᬮᬄᬧᬶ᭠ ᬲᬦ᭄᭞ᬦᬾᬧᬢᬸᬢ᭄ᬜᬦ᭄ᬤᬂᬚᬮᬦᬶᬦ᭄᭞ᬳᬧᬂᬢᭂᬧᬸᬓ᭄᭞ᬩᬕ᭄ᬬᬭᬶᬓᬮᬯᭂᬓᬲᬦ᭄᭟ᬫᭂᬃᬢ᭄ᬢᬬᭀᬕᬗᭀᬜᬂᬫᭂᬮᬄ᭞ᬮᬶᬬᬸᬳᬦᬓᬾᬫᬩᬸᬤᬶ᭞ᬗᬤᬓᬂᬫᬦᬸᬰᬬᬚ᭄ᬜ᭞ᬲᭀᬫᬧᬳᬶᬂᬳᬸᬓᬸᬫᭂᬦᬳᬶᬮ᭄᭞ᬲᭀ ᬫᬢᭀᬮᬸᬦᬸᬚᬸᬫᬦᬶᬲ᭄᭞ᬲᭀᬫᬓ᭄ᬮᬶᬯᭀᬦ᭄ᬮᬦ᭄ᬤᭂᬧ᭄ᬳᬤᬸᬂ᭞ᬲᭀᬫᬯᬕᬾᬫᭂᬤᬂᬲ᭄ᬬ᭞ᬫᭂᬤᬗ᭄ᬓᬸᬗᬦ᭄‌‌ᬲᭀᬫᬫᬦᬶᬲ᭄᭞ᬲᭀᬫᬧᭀᬦᬸᬕᬸ᭞ᬤᬸᬓᬸᬢ᭄‌‌ᬓ᭄ᬭᬸᬮᬸᬢ᭄‌‌ᬦᬸᬚᬸᬲᭀᬫ᭟ᬫᭂᬃᬢ᭄ᬢᬤᬾᬯᬦᬾᬳᬸᬢ

Auto-transliteration

[12 12B] 12 ndangpilihin, wraspatitanggalpisan, rahinañandangpilihin, kasatanggalimal̥ĕwiḥ, kĕtaḥdinapiniḥluhung, pantĕstuhut'hdalempas, yanlempasmapwarakali, lakar̀lacur̀, tingkaḥla‐ kṣaṇanetungkas. mahayurarehingĕtang, sidakar̀yyahayuyukti, wĕtunmudir̀ghghayuśa, saptawaranepilihin, tanggalepangmanut'hindik, budaponpingdaśakasub, hĕntodinamahuta ma, mahayurarengawitin, sidatulus, yanngalompanghompongtĕka. nglakṣaṇayangdewayajña, dewasapatutpilihin, ngawagenguwugangmanaḥ, bisapĕsusakit'hati, lakṣa‐ ṇanetanpaker̀thi, yanpradetanmanūt'hundukbudawagetanggalpingdaśa, hĕntodinadahatlĕwiḥ, manggiḥhayu, nglakṣaṇayangdewayajña. sadanatibakaloktaḥ, nangun [13 13A] 13 kar̀yyayuktil̥ĕwiḥ, pitrayajñadewayajña, nangunsanggaḥyadinpanti, pahibonmrajanmaliḥ, wraspatiwagepingpitu, kĕtaḥmuladinamĕlaḥ, makĕjanghajakngĕdotin, nĕmuhadung, hasinglampaḥsi ddhakar̀yya. dewahanglayangdewasa, dinahayukasubyukti, pitrayajñadewayajña, manūttanggalmiwaḥśaśiḥ, kasanepingrorasnampi, pinglimamolaskarohiku, hĕntodinamĕlaḥpi‐ san, nepatutñandangjalanin, hapangtĕpuk, bagyarikalawĕkasan. mĕr̀ttayogangoñangmĕlaḥ, liyuhanakemabudi, ngadakangmanuśayajña, somapahinghukumĕnahil, so matolunujumanis, somakliwonlandĕp'hadung, somawagemĕdangsya, mĕdangkungansomamanis, somaponugu, dukutkrulutnujusoma. mĕr̀ttadewanehuta

Leaf 13

Image on Archive.org

[᭑᭓ 13B] ᭑᭓ ᬫ᭞ᬬᬦ᭄ᬫᬓᬃᬬ᭄ᬬᬢᭀᬧᬶᬮᬶᬳᬶᬦ᭄᭞ᬓᬧᬶᬗᬚᭂᬂᬤᬾᬯᬬᬚ᭄ᬜ᭞ᬢᬗ᭄ᬕᬮᬶᬫᬯ᭄ᬭᬲ᭄ᬧᬢᬶ᭞ᬲᬸᬓ᭄ᬭ᭠ᬳᬧᬶᬲᬦ᭄ᬦᭂᬫᭀᬦᬶᬦ᭄᭞ᬲᬦᬶᬲ᭄ᬘᬭᬧᬶᬂᬧᬢ᭄ᬜᬫ᭄ᬩᬸᬂ᭞ᬋᬤᬶᬢᬾᬧᬶᬂᬦᭂᬫ᭄ᬦᬶᬫ᭄ᬩᬮ᭄᭞ᬲᭀᬫᬧᬶᬂᬧᬶᬢᬸᬗᭂᬦ᭄ᬢᭀᬲᬶᬦ᭄ ᬳᬗ᭄ᬕᬭᬧᬶᬂᬢ᭄ᬮᬸ᭞ᬩᬸᬤᬧᬶᬦ᭄ᬤᭀᬦᬾᬫᬜᬦ᭄ᬤᬂ᭟ᬫᭂᬃᬢ᭄ᬢᬤᬤᬶᬫᬲᬶᬄᬭᬫ᭄ᬩᬂ᭞ᬳᬫᬸᬚᬳᬶᬮᬂᬢᭀᬧᬶᬮᬶᬄ᭞ᬲᭀᬫᬦᬸᬚᬸᬩᭂᬢᭂᬂᬋᬓᭀ᭞ᬓᬚᭂᬂᬧᬹᬃᬡ᭄ᬦᬫᬦᬶᬫ᭄ᬧᬮᬶᬦ᭄᭞ᬫᭂᬃᬢ᭄ᬢᬳᬓᬲᬦᬾᬩ᭄ᬯᬶᬦ᭄᭞ᬧᬹᬃᬡ᭄ᬦ ᬫᬳᬗ᭄ᬕᬭᬦᭂᬫᬸ᭞ᬳᬫᭂᬃᬢ᭄ᬢᬲᬩᬸᬯᬦ᭞ᬤᬶᬢᬾᬧᬹᬃᬡ᭄ᬦᬫᬫᬜᬦ᭄ᬤᬶᬂ᭞ᬩ᭄ᬭᬳ᭄ᬫᬦᬸᬚᬸ᭞ᬦᭂᬫᬸᬳᬭᬬᬂᬉᬢᬫ᭟ᬫᭂᬃᬢ᭄ᬢᬕᬢᬶᬳᬧᬂᬢᬯᬂ᭞ᬤᬶᬦᬩᭂᬘᬶᬓ᭄ᬓᬮᬗᬯᬶᬢ᭄᭞ᬲᬧ᭄ᬢᬯᬭᬦᬾᬳᬶᬗᭂᬢᬂ᭞ᬢ ᬗ᭄ᬕᬮ᭄ᬧᬗ᭄ᬮᭀᬂᬳᬧᬂᬧᬲ᭄ᬢᬶ᭞ᬲᬸᬓ᭄ᬭᬧᬶᬲᬦ᭄‌‌ᬫᭂᬃᬢ᭄ᬢᬕᬢᬶ᭞ᬯ᭄ᬭᬲ᭄ᬧᬢᬶᬧᬶᬦ᭄ᬤᭀᬜᬫ᭄ᬩᬸᬂ᭞ᬳᬗ᭄ᬕᬭᬧᬶᬦ᭄ᬤᭀᬦᬗ᭄ᬕᬧ᭄᭞ᬧᬶᬂᬢ᭄ᬮᬸᬧᬶᬂᬮᬶᬫᬢ᭄ᬯᬶ᭞ᬳᭂᬦ᭄ᬢᭀᬢᬸᬯᬸᬢ᭄᭞ᬓᬮᬗᬯᬶᬢᬶᬦ᭄‌‌ᬫᬓᬃᬬ᭄ᬬ᭟ [᭑᭔ 14A] ᭑᭔ ᬭᬢᬸᬫᬗᭂᬫ᭄ᬩᬦ᭄‌‌ᬳᬾᬮᬶᬗᬂ᭞ᬗᬚᬄᬩᬸᬭᭀᬦ᭄ᬤᬶᬢᬸᬩᭂᬘᬶᬓ᭄᭞ᬲᬧ᭄ᬢᬯᬭᬧᬜ᭄ᬘᬯᬭ᭞ᬯ᭄ᬭᬲ᭄ᬧᬢᬶᬧᬳᬶᬂᬢᬫ᭄ᬩᬶᬃ᭞ᬳᭂᬦ᭄ᬢᭀᬓᭂᬢᬄᬤᬶᬦᬍᬯᬶᬄ᭞ᬗᬚᬄᬩᬸᬭᭀᬦ᭄ᬳᬧᬂᬦᬸᬭᬸᬢ᭄᭞ᬬᬦ᭄ᬮᬾᬫ᭄ᬧᬲ᭄ᬲᬶᬦᬄᬫᬫᬾᬗ᭄ᬓᬮ᭄᭞ᬮᬓ᭄ᬱᬡ ᬢᬦ᭄ᬫᬧᬶᬓᭀᬮᬶᬄ᭞ᬯᭂᬢᬸᬩᬶᬗᬸᬂ᭞ᬧᬚᬮᬦᬾᬓᬸᬢᬂᬓᬸᬢᬂ᭟ᬧᬫᬘᭂᬓᬦ᭄ᬳᬧᬂᬢᬢᬲ᭄᭞ᬗᬯᬶᬢ᭄ᬫᬓᬃᬬ᭄ᬬᬓᬘᬭᬶᬓ᭄᭞ᬲᬧ᭄ᬢᬯᬭᬢᬗ᭄ᬕᬮ᭄ᬧᬗ᭄ᬮᭀᬂ᭞ᬤᬶᬢᬾᬭᭀᬭᬲ᭄‌‌‌‌ᬫᭀᬮᬲ᭄ᬘᭂᬦᬶᬂ᭞ᬲᭀᬫᬲᭀ᭠ ᬮᬲ᭄ᬫᭀᬮᬲ᭄ᬫᬮᬶᬄ᭞ᬳᬗ᭄ᬕᬭᬤᬰᬫᭀᬮᬲ᭄ᬜᬫ᭄ᬩᬸᬂ᭞ᬩᬸᬤᬲ᭄ᬬᬫᭀᬮᬲ᭄ᬦᬶᬫ᭄ᬩᬮ᭄᭞ᬯᬺᬲ᭄ᬧᬢᬶᬓᬸᬢᬸᬲ᭄ᬫᭀᬮᬲ᭄ᬗᬦ᭄ᬢᬶ᭞ᬧᬶᬂᬦᭂᬫ᭄‌‌ᬫᭀᬮᬲ᭄ᬲᬦᬶᬲ᭄ᬘᬭ᭟ᬰ᭄ᬭᬷᬫᬹᬃᬢ᭄ᬢᬶᬧᬢᬹᬢ᭄ᬯᬶᬮᬂ᭞ᬳᬸᬧᬘᬭᬤᬾᬯᬶᬰ᭄ᬭᬷ᭞ ᬓᬮᬸᬫ᭄ᬩᬸᬂᬗᬢᬸᬭᬂᬘᬦᬂ᭞ᬩᭂᬢᭂᬗᬾᬫᬦᭂᬫᬸᬰ᭄ᬭᬷ᭞ᬳᭂᬦ᭄ᬢᭀᬳᬶᬗᭂᬢᬂᬲᬲᬳᬶ᭞ᬳᬸᬧᬓᬭ᭠ᬦᬾᬭᬶᬂᬮᬸᬫ᭄ᬩᬸᬂ᭞ᬳᬧᬂᬳᬶᬦᬶᬄᬦᬸᬦᬲ᭄‌‌ᬫᬺᬢ᭄ᬢ᭞ᬭᬶᬂᬳᬶᬤᬪᬝᬵᬭᬰ᭄ᬭᬷ᭞ᬳᭂᬦ᭄ᬢᭀᬢᬶᬦᬹᬢ᭄᭞ᬰ᭄ᬭᬶᬫᬹᬃᬢ᭄ᬢᬶᬳᬧᬂᬢ

Auto-transliteration

[13 13B] 13 ma, yanmakar̀yyatopilihin, kapingajĕngdewayajña, tanggalimawraspati, sukra‐hapisannĕmonin, saniscarapingpatñambung, r̥ĕditepingnĕmnimbal, somapingpitungĕntosin hanggarapingtlu, budapindonemañandang. mĕr̀ttadadimasiḥrambang, hamujahilangtopiliḥ, somanujubĕtĕngr̥ĕko, kajĕngpūr̀ṇnamanimpalin, mĕr̀ttahakasanebwin, pūr̀ṇna mahanggaranĕmu, hamĕr̀ttasabuwana, ditepūr̀ṇnamamañanding, brahmanuju, nĕmuharayangutama. mĕr̀ttagatihapangtawang, dinabĕcikkalangawit, saptawaranehingĕtang, ta nggalpanglonghapangpasti, sukrapisanmĕr̀ttagati, wraspatipindoñambung, hanggarapindonanggap, pingtlupinglimatwi, hĕntotuwut, kalangawitinmakar̀yya. [14 14A] 14 ratumangĕmbanhelingang, ngajaḥburonditubĕcik, saptawarapañcawara, wraspatipahingtambir̀, hĕntokĕtaḥdinal̥ĕwiḥ, ngajaḥburonhapangnurut, yanlempassinaḥmamengkal, lakṣaṇa tanmapikoliḥ, wĕtubingung, pajalanekutangkutang. pamacĕkanhapangtatas, ngawitmakar̀yyakacarik, saptawaratanggalpanglong, diterorasmolascĕning, somaso‐ lasmolasmaliḥ, hanggaradaśamolasñambung, budasyamolasnimbal, wr̥ĕspatikutusmolasnganti, pingnĕmmolassaniscara. śrīmūr̀ttipatūtwilang, hupacaradewiśrī, kalumbungngaturangcanang, bĕtĕngemanĕmuśrī, hĕntohingĕtangsasahi, hupakara‐neringlumbung, hapanghiniḥnunasmr̥ĕtta, ringhidabhaṭāraśrī, hĕntotinūt, śrimūr̀ttihapangta

Leaf 14

Image on Archive.org

[᭑᭔ 14B] ᭑᭔ ᬯᬂ᭟ᬓᬚᭂᬂᬓ᭄ᬮᬶᬯᭀᬦ᭄ᬜᬶᬢᬓ᭄ᬓᭀᬘᬧ᭄᭞ᬗᬲ᭄ᬢᬯᬬᬂᬧᬲᬶᬓᭂᬧᬦ᭄ᬩᭂᬘᬶᬓ᭄᭞ᬓᬚᭂᬂᬓ᭄ᬮᬶᬯᭀᬦ᭄‌‌ᬯᬸᬤᬦ᭄ᬓᭀᬘᬧ᭄᭞ᬗᬲ᭄ᬢᬯᬬᬂᬧᬗᬶᬯᬩᭂᬘᬶᬓ᭄᭞ᬳᬸᬜ᭄ᬘᬮ᭄ᬩᬮᬸᬂᬳᬧᬂᬳᬸᬦᬶᬂ᭞ᬳᬗ᭄ᬕᬭᬤᬸᬗᬸᬮᬦ᭄ᬳᬶᬓᬸ᭞ᬗᬦ᭄ᬢᭀ ᬲ᭄ᬩᬸᬤᬓ᭄ᬮᬶᬯᭀᬦ᭄ᬧᬳᬂ᭞ᬤᬶᬦᬓᬯᭀᬦ᭄ᬢᭀᬯᬶᬮᬗᬶᬦ᭄᭞ᬯᬶᬮᬂᬫᬮᬸ᭞ᬳᬲᬶᬂᬕᬯᬾᬦᭂᬫᬸ᭠ᬳᬮ᭟ᬭᬗ᭄ᬤᬢᬶᬕᬫᬤᬸᬃᬕᬫ᭞ᬳᬮᬶᬗᬂᬳᬸᬓᬸᬦᬾᬳᬸᬕᬶ᭞ᬯᬭᬶᬕᬓᬮᬯᬦ᭄ᬧᬳᬂ᭞ᬯᬭᬶᬕᬤᬶᬬ ᬦ᭄ᬫᭂᬦᬳᬶᬮ᭄᭞ᬧᬸᬚᬸᬢ᭄ᬧ᭄ᬭᬗ᭄ᬩᬓᬢ᭄‌‌ᬬᬸᬓ᭄ᬢᬶ᭞ᬲᬲᬶᬤᬦ᭄ᬓᭂᬮᬶᬤᬂᬫᬮᬸ᭞ᬚᬦ᭄ᬕᬦ᭄ᬲᬶᬦᬄᬦᭂᬫᬸᬳᬮ᭞ᬬᬦ᭄ᬫᬫᬸᬭᬸᬕ᭄‌‌ᬢ᭄ᬯᬭᬩᭂᬘᬶᬓ᭄᭞ᬭᬫ᭄ᬩᬂᬫᬮᬸ᭞ᬭᬗ᭄ᬤᬢᬶᬕᬫᬤᬸᬃᬕ᭄ᬕᬫ᭟ᬢᬦ᭄ᬧᬕᬸᬭᬸᬤᬶᬦᬓᬲᬃ ᭞ᬗᬯᬶᬢᬶᬦ᭄ᬫᬮᬚᬄᬢᬦ᭄ᬩᭂᬘᬶᬓ᭄᭞ᬳᬸᬓᬸᬦᬾᬯᬶᬮᬂᬧᭂᬤᬲᬂ᭞ᬕᬸᬫ᭄ᬩᬺᬕ᭄ᬓᬸᬦᬶᬗᬦᬾᬧᬲ᭄ᬢᬶ᭞ᬫᭂᬤᬗ᭄ᬓᬸᬗᬦ᭄‌‌ᬓ᭄ᬮᬯᬸᬧᬲ᭄ᬢᬶ᭞ᬫᬸᬗ᭄ᬕᬸᬄᬤᬶᬦᬢᬦ᭄ᬧᬕᬸᬭᬸ᭞ᬢᬦ᭄ᬜᬦ᭄ᬤᬂᬗᬯᬶᬢ᭄ᬫᬮᬚᬄ᭞ᬬᬦᬶᬂᬗᬸᬮᬄᬳᭂᬚᭀᬄᬳ [᭑᭕ 15A] ᭑᭕ ᬮᬶᬄ᭞ᬓᬤᬾᬦᬮᬸᬄ᭞ᬦᬶᬸᬬᬦ᭄ᬓᬧᬧᬲ᭄‌‌ᬦ᭄ᬫᬸᬚᭂᬗᬄ᭟ᬢᬸᬢᬸᬢ᭄ᬫᬲᬶᬄᬘᬶᬭᬶᬢᬬᬂ᭞ᬗᬚᬄᬚᬭᬦ᭄ᬓᭂᬩᭀᬲᬫ᭄ᬧᬶ᭞ᬯ᭄ᬭᬲ᭄ᬧᬢᬶᬫᬦᬶᬲ᭄ᬲᬶᬦ᭄ᬢ᭞ᬫᬶᬯᬄᬲᭀᬫᬧᬳᬶᬂᬳᬸᬓᬶᬃ᭞ᬲᭀᬫᬯᬕᬾᬚᬸᬮᬸᬂᬯᬗᬶ᭞ᬩᬸᬤᬧᭀᬦᬾ ᬦ᭄ᬫᬸᬧᬸᬚᬸᬢ᭄᭞ᬳᬗ᭄ᬕᬭᬧᬳᬶᬗᬾᬲᬸᬗ᭄ᬲᬂ᭞ᬳᬗ᭄ᬕᬭᬧᭀᬦᬾᬦ᭄ᬫᬸᬮᬗ᭄ᬓᬶᬃ᭞ᬳᬤᬳᭂᬦᬸ᭞ᬲᭀᬫᬓ᭄ᬮᬶᬯᭀᬦᬾᬓᬸᬦᬶᬗᬦ᭄᭟ᬰᬸᬓ᭄ᬭᬧᬳᬶᬂᬦᬸᬚᬸᬧᬳᬂ᭞ᬯ᭄ᬭᬲ᭄ᬧᬢᬶᬓ᭄ᬮᬶᬯᭀᬦ᭄‌‌ᬫ᭄ᬭᬓᬶᬄ᭞ᬲᬦᬶᬲ᭄ᬘᬭᬧᭀᬦᬾᬫᬢᬮ᭄᭞ᬳ ᬗ᭄ᬕᬭᬓ᭄ᬮᬶᬯᭀᬦᬾᬢᬫ᭄ᬩᬶᬃ᭞ᬰᬸᬓ᭄ᬭᬯᬕᬾᬯᬬᬂᬦᬫ᭄ᬧᬶ᭞ᬳᬗ᭄ᬕᬭᬓ᭄ᬮᬶᬯᭀᬦ᭄‌‌ᬧ᭄ᬭᬗ᭄ᬩᬓᬢ᭄ᬜᬫ᭄ᬩᬸᬂ᭞ᬬᬦᬶᬂᬗᬚᬄᬲᭀᬭᭀᬄᬩᬸᬭᭀᬦ᭄᭞ᬢᬸᬢᬸᬢ᭄ᬫᬲᬶᬳᬾᬳᬸᬮᬢᬶ᭞ᬲᬶᬦᬄᬢᭂᬧᬸᬓ᭄᭞ᬧᬗᬧ᭄ᬢᬶᬦᬾᬲᬶᬤ ᬢᭂᬓ᭟ᬰᬶᬸᬲᬸᬩᬘᬭᬤᬶᬦᬫᭂᬮᬄ᭞ᬗᬯᬶᬢᬶᬦ᭄ᬫᬮᬚᬄᬩᭂᬘᬶᬓ᭄᭞ᬲᬧ᭄ᬢᬯᬭᬦᬾᬧᭂᬤᬲᬂ᭞ᬢᬗ᭄ᬕᬮ᭄ᬧᬗ᭄ᬮᭀᬗᬾᬳᬾᬮᬶᬗᬶᬦ᭄᭞ᬲᭀᬫᬧᬳᬶᬂᬗᬾᬶᬸᬰᬶᬸᬢᬶᬸ᭞ᬢᬶᬕᬚᬢᬶ᭞ᬳᬗ᭄ᬕᬭᬧᬶᬢᬸᬫ᭄ᬯᬄᬓᬢᬸᬲ᭄

Auto-transliteration

[14 14B] 14 wang. kajĕngkliwonñitakkocap, ngastawayangpasikĕpanbĕcik, kajĕngkliwonwudankocap, ngastawayangpangiwabĕcik, huñcalbalunghapanghuning, hanggaradungulanhiku, nganto sbudakliwonpahang, dinakawontowilangin, wilangmalu, hasinggawenĕmu‐hala. rangdatigamadur̀gama, halinganghukunehugi, warigakalawanpahang, warigadiya nmĕnahil, pujutprangbakatyukti, sasidankĕlidangmalu, jan'gansinaḥnĕmuhala, yanmamurugtwarabĕcik, rambangmalu, rangdatigamadur̀ggama. tanpagurudinakasar̀ , ngawitinmalajaḥtanbĕcik, hukunewilangpĕdasang, gumbr̥ĕgkuninganepasti, mĕdangkunganklawupasti, mungguḥdinatanpaguru, tanñandangngawitmalajaḥ, yaningngulaḥhĕjoḥha [15 15A] 15 liḥ, kadenaluḥ, n̶yankapapasnmujĕngaḥ. tututmasiḥciritayang, ngajaḥjarankĕbosampi, wraspatimanissinta, miwaḥsomapahinghukir̀, somawagejulungwangi, budapone nmupujut, hanggarapahingesungsang, hanggaraponenmulangkir̀, hadahĕnu, somakliwonekuningan. śukrapahingnujupahang, wraspatikliwonmrakiḥ, saniscaraponematal, ha nggarakliwonetambir̀, śukrawagewayangnampi, hanggarakliwonprangbakatñambung, yaningngajaḥsoroḥburon, tututmasihehulati, sinaḥtĕpuk, pangaptinesida tĕka. ś̶subacaradinamĕlaḥ, ngawitinmalajaḥbĕcik, saptawaranepĕdasang, tanggalpanglongehelingin, somapahingnge̶ś̶t̶, tigajati, hanggarapitumwaḥkatus

Leaf 15

Image on Archive.org

[᭑᭕ 15B] ᭑᭕ ᬩᬸᬤᬧᬶᬦ᭄ᬤᭀᬢ᭄ᬮᬸᬦᭂᬫ᭄᭞ᬮᬶᬫᬦᭂᬫ᭄‌‌ᬯ᭄ᬭᬲ᭄ᬧᬢᬶ᭞ᬰᬸᬓ᭄ᬭᬫᬦᬸᬢ᭄᭞ᬧᬶᬂᬧᬶᬦ᭄ᬤᭀᬧᬢᬾᬜᬦ᭄ᬤᬂ᭟ᬲ᭠ᬤᬦᬬᭀᬕᬳᬸᬢᬫ᭞ᬗᬯᬶᬢ᭄ᬫᬤᭀᬮᬦ᭄‌‌ᬢᭀᬳᬮᬶᬄ᭞ᬲᬧ᭄ᬢᬯᬭᬢᬗ᭄ᬕᬮ᭄ᬧᬗ᭄ᬮᭀᬂ᭞ᬋᬤᬶᬢᬾᬧᬶᬂᬓᬸ᭠ ᬢᬸᬲ᭄ᬚᬢᬶ᭞ᬲᭀᬫᬦᬾᬧᬶᬂᬢᬶᬕᬢ᭄ᬯᬶ᭞ᬳᬗ᭄ᬕᬭᬦᬸᬚᬸᬧᬶᬂᬧᬶᬢᬸ᭞ᬩᬸᬤᬦᬾᬧᬶᬦ᭄ᬤᭀᬫᬦᬗ᭄ᬕᬧ᭄᭞ᬧᬶᬂᬧᬢᬾᬓᬯ᭄ᬭᬲ᭄ᬧᬢᬶ᭞ᬰᬸᬓ᭄ᬭᬤᬶᬢᬸ᭞ᬧᬶᬂᬦᭂᬫ᭄ᬲᬦᬶᬲ᭄ᬘᬭᬮᬶᬫ᭟ᬫᬺᬢᬲᬸᬮᬚᬦᬶᬯᬶᬮᬂ᭞ᬤᬶᬦᬢᬦ᭄ᬧᬢᬸ᭠ ᬢ᭄ᬳᬫ᭄ᬩᬳᬶᬦ᭄᭞ᬬᬦ᭄ᬧᬤᬾᬫᬦᬗᬸᬦ᭄‌‌ᬬᬚ᭄ᬜ᭞ᬤᬶᬦᬓᬲᬃᬢᭀᬳᬫ᭄ᬧᬲᬶᬦ᭄᭞ᬲᬧ᭄ᬢᬯᬭᬦᬾᬯᬶ᭠ᬗᬶᬦ᭄᭞ᬢᬗ᭄ᬕᬮ᭄ᬧᬗ᭄ᬮᭀᬂᬳᬧᬂᬳᬦᬸᬢ᭄᭞ᬯ᭄ᬭᬲ᭄ᬧᬢᬶᬧᬶᬂᬧᬶᬢᬸᬓᭀᬘᬧ᭄᭞ᬲᬲᬶᬤᬦ᭄ᬲᬶᬤᬦ᭄ᬓᭂᬮᬶᬤᬶᬦ᭄᭞ ᬤᬶᬢᬸᬫᬸᬗ᭄ᬕᬸᬄ᭞ᬳᬮᬬᬦ᭄ᬗᬯᬗᬸᬦ᭄‌‌ᬬᬚ᭄ᬜ᭟ᬧᬢ᭄ᬭᬮᬶᬫᬸᬢᬦ᭄‌‌ᬚᬦᬶᬦᬶᬫ᭄ᬩᬮ᭄᭞ᬫᬲᬂᬕᬸᬡᬯᬶᬲᬾᬱᬰᬓ᭄ᬢᬶ᭞ᬲᭀᬫᬦᬾᬫᬦᬸᬚᬸᬩᭂᬢᭂᬂ᭞ᬓᬚᭂᬗᬾᬢᬶᬍᬫ᭄‌‌ᬦᭂᬫᭀᬦᬶᬦ᭄᭞ᬫᬺᬢ᭄ᬢᬧᬧᬕᭂᬭᬦ᭄ [᭑᭖ 16A] ᭑᭖ ᬗᬯᬾᬕ᭄ᬭᬶᬂᬲᬓᬶᬢ᭄ᬳᬶᬩᬸᬓ᭄᭞ᬲᬦᬶᬲ᭄ᬘᬭᬦᬾᬧᬸᬃᬡ᭄ᬦᬫ᭞ᬓᬢᬸᬚᬸᬬᬫᬦᬶᬫ᭄ᬧᬮᬶᬦ᭄᭞ᬲᬸᬩᬓᬲᬸᬩ᭄᭞ᬤᬶᬦᬗᬯᬾᬕ᭄ᬭᬶᬂᬓᬩᬭᬦ᭄᭟ᬓᬍᬩᬸᬭᬯᬸᬦᬾᬭᬫ᭄ᬩᬂ᭞ᬳᬲᬶᬂᬕᬯᬾᬚ᭄ᬮᬾᬢᬫ᭄ᬧᬶ᭞ᬲᭀᬫᬦ᭄ᬫᬸᬢᬶᬍᬫ᭄ᬕᭂᬢᬂ᭞᭠ ᬧᬹᬃᬯ᭄ᬯᬦᬶᬦ᭄ᬤᬶᬦᬦᬾᬚᬦᬶ᭞ᬲᭀᬦᬾᬯᬕᬾᬦᭂᬫᭀᬦᬶᬦ᭄᭞ᬳᬗ᭄ᬕᬭᬓ᭄ᬮᬶᬯᭀᬦ᭄ᬓᬘᬸᬦ᭄ᬤᬸᬓ᭄᭞ᬩᬸᬤᬓ᭄ᬮᬶᬯᭀᬦᬾᬫᬜᬦ᭄ᬤᬂ᭞ᬰᬸᬓ᭄ᬭᬯᬕᬾᬦᬾᬗᭂᬦ᭄ᬢᭀᬲᬶᬦ᭄᭞ᬳᬧᬂᬢᬳᬸ᭞ᬲᬦᬶᬲ᭄ᬘᬭᬓ᭄ᬮᬶᬯᭀᬦ᭄ᬦᬗ᭄ᬕᬧ᭄᭟᭠ ᬢᬮᬶᬯᬗ᭄ᬓᬾᬤᬗᭂᬗ᭄ᬲᬧᬂ᭞ᬤᬶᬦᬢᬦ᭄ᬩᭂᬘᬶᬓ᭄ᬫᬃᬕ᭄ᬕᬶᬦᬶᬦ᭄᭞ᬬᬦ᭄ᬗᬯᬶᬢ᭄ᬗᬯᬗᬸᬦ᭄ᬓᬃᬬ᭄ᬬ᭞ᬢᬮᬶᬯᬗ᭄ᬓᬾᬦᬾᬳᬶᬫ᭄ᬧᬲᬶᬦ᭄᭞ᬲᭀᬫᬧᭀᬦ᭄ᬲᬶᬦ᭄ᬢᬓᬳᬸᬗ᭄ᬲᬶ᭞ᬲᭀᬫᬧᭀᬦ᭄ᬯᬭᬶᬕᬜᬫ᭄ᬩᬸᬂ᭞ᬲᭀᬫᬧᬳᬶᬂᬮ ᬗ᭄ᬓᬶᬃᬦᬶᬫ᭄ᬩᬮ᭄᭞ᬜᬮᬸᬓ᭄ᬧᭀᬫᬯᬕᬾᬢᬫ᭄ᬩᬶᬃ᭞ᬓ᭄ᬮᬶᬯᭀᬦ᭄ᬓᭂᬭᬸᬮᬸᬢ᭄᭞ᬫᬦᬸᬚᬸᬯᬂᬲᬦᬲ᭄ᬘᬭ᭟ᬯᬺᬲ᭄ᬧᬢᬶᬧᭀᬦ᭄ᬯᬭᬶᬕ᭞ᬩᬸᬤᬮᬦ᭄ᬤᭂᬧ᭄‌‌ᬦ᭄ᬫᬸᬢᬶᬸᬫ᭄ᬩᬶᬸᬃᬧᬳᬶᬂ᭞ᬰᬸᬓ᭄ᬭᬯᬕᬾᬦᬾᬓᬸᬦᬶᬗᬦ᭄᭞ᬲᭀᬫ᭠

Auto-transliteration

[15 15B] 15 budapindotlunĕm, limanĕmwraspati, śukramanut, pingpindopateñandang. sa‐danayogahutama, ngawitmadolantohaliḥ, saptawaratanggalpanglong, r̥ĕditepingku‐ tusjati, somanepingtigatwi, hanggaranujupingpitu, budanepindomananggap, pingpatekawraspati, śukraditu, pingnĕmsaniscaralima. mr̥ĕtasulajaniwilang, dinatanpatu‐ t'hambahin, yanpademanangunyajña, dinakasar̀tohampasin, saptawaranewi‐ngin, tanggalpanglonghapanghanut, wraspatipingpitukocap, sasidansidankĕlidin, ditumungguḥ, halayanngawangunyajña. patralimutanjaninimbal, masangguṇawiseṣaśakti, somanemanujubĕtĕng, kajĕngetil̥ĕmnĕmonin, mr̥ĕttapapagĕran [16 16A] 16 ngawegringsakit'hibuk, saniscaranepur̀ṇnama, katujuyamanimpalin, subakasub, dinangawegringkabaran. kal̥ĕburawunerambang, hasinggawejletampi, somanmutil̥ĕmgĕtang, ‐ pūr̀wwanindinanejani, sonewagenĕmonin, hanggarakliwonkacunduk, budakliwonemañandang, śukrawagenengĕntosin, hapangtahu, saniscarakliwonnanggap. ‐ taliwangkedangĕngsapang, dinatanbĕcikmar̀gginin, yanngawitngawangunkar̀yya, taliwangkenehimpasin, somaponsintakahungsi, somaponwarigañambung, somapahingla ngkir̀nimbal, ñalukpomawagetambir̀, kliwonkĕrulut, manujuwangsanascara. wr̥ĕspatiponwariga, budalandĕpnmut̶mb̶r̀pahing, śukrawagenekuningan, soma‐

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org