Babad Pasek Kayu Selem 02

Original on Archive.org

Front and Back Covers

Image on Archive.org

[PERPUSTAKAAN KTR.DOKBUD BALI PROP.BALI B/VII/6/DOKBUD K.27 Judul : - BABAD PASEK KAYU SELEM - 2 Panj. : 45 cm. Leb. 3,5 cm. Jml. 65 lb. Asal : Desa Songan, Batur, Bangli.] [᭑ 1A] ᭚ᬩᬩᬤ᭄‌ᬧᬲᭂᬓ᭄‌ᬓᬬᬸᬲ᭄ᬮᬶᬫ᭟ [Judul : - BABAD PASEK KAYU SELEM - Panj. 45 cm. Leb. 3,5 cm. Jml 65 lb. Asal : Desa Songan, Batur, Bangli]

Auto-transliteration

[PERPUSTAKAAN KTR.DOKBUD BALI PROP.BALI B/VII/6/DOKBUD K.27 Judul : - BABAD PASEK KAYU SELEM - 2 Panj. : 45 cm. Leb. 3,5 cm. Jml. 65 lb. Asal : Desa Songan, Batur, Bangli.] [1 1A] // babadpasĕkkayuslima. [Judul : - BABAD PASEK KAYU SELEM - Panj. 45 cm. Leb. 3,5 cm. Jml 65 lb. Asal : Desa Songan, Batur, Bangli]

Leaf 1

Image on Archive.org

[᭑ 1B] ᭑ ᭛᭐᭛ᬒᬁᬅᬯᬶᬖ᭄ᬦᬫᬲ᭄ᬢᬸᬦᬫᬲ᭄ᬯᬳ᭛ᬧᬗᬓ᭄ᬱᬫᬦᬶᬗ᭄ᬳᬸᬮᬸᬦ᭄‌ᬤᬾᬪᬝᬭᬳ᭄ᬬᬂᬫᬫᬶ᭞ᬲᬶᬗ᭄ᬕᬶᬄᬢᬲᬶᬭᬳ᭄ᬬᬂᬪᬝᬵᬭᬧᬰᬸᬧᬢᬶ᭞ᬅᬮᬸᬗ᭄ᬕᬸᬄᬧ᭄ᬯᬲᬶᬭᬭᬶᬂᬰᬸᬦ᭄ᬬᬢᬬᬵ᭞ᬚᬸᬫ᭄ᬦᭂᬂᬭᬶᬂᬕᬶᬭᬶᬚᬫ᭄ᬩᬸᬤ᭄ᬯᬶᬧ᭞ᬢᬩᬾᬢᬩᬾ ᬧ᭄ᬯᬗ᭄ᬳᬸᬮᬸᬦ᭄ᬭᬶᬳᭀᬮᬶᬄᬤᬾᬪᬝᬵᬭᬳ᭄ᬬᬂᬓᬩᬾᬄ᭞ᬲᬂᬕᬶᬦ᭄ᬮᬃᬑᬗ᭄ᬓᬭᬫ᭄‌ᬭᬢ᭄ᬦᬫᬦ᭄ᬢ᭄ᬭᬫ᭄᭞ᬋᬥᬬᬫ᭄᭞ᬫᬰᬸᬘᬶᬦᬶᬃᬫ᭄ᬫᬮᬬᬫ᭄᭞ᬬᭀᬕᬶᬰ᭄ᬯᬭᬦᬫ᭄‌ᬲᬶᬭᬲᬗᬦᬸᬕ᭄ᬭᬳ᭞ᬳᬦᬯᬓᬧᬹᬃᬯ᭄ᬯᬲᬂᬯᬸᬲ᭄‌ᬍᬧᬲ᭄᭞ᬮᬸᬧᬸ ᬢᬓ᭄ᬦᬭᬶᬂᬢᬸᬮᬄᬧᬫᬶᬥᬶᬤᬾᬳ᭄ᬬᬂᬫᬫᬶ᭞ᬫ᭄ᬯᬂᬯᬶᬕ᭄ᬭᬳᬦᬶᬂᬫᬮᬧᬵᬧᬧᬝᬵᬓ᭞ᬢᬦ᭄ᬓᬢᬫᬦᬦᬳᬸ᭠ᬧᬤ᭄ᬯᬯ᭞ᬤᬾᬳ᭄ᬬᬂᬫᬫᬶ᭞ᬯᬲ᭄ᬢᬸ᭞ᬑ᭟ᬧᬭᬶᬧᬹᬃᬡ᭄ᬦ᭞ᬅᬦᭂᬫ᭄ᬯᬓᭂᬦᬬᬸ᭞ᬓᬢ᭄ᬓᬾᬂᬓᬸᬮᬖᭀᬢ᭄ᬭᬫ᭄ᬯᬂᬲᬦ᭄ᬢᬦ᭞ᬦᬫᭀ ᬲ᭄ᬢᬸᬚᬕᬤᬶᬢᬬᬵ᭟᭐᭟ᬳᬦᬯᬓ᭄‌ᬭᬶᬂᬧᬹᬃᬯ᭄ᬯᬓᬵᬮ᭞ᬳᬦᬫᬬᬰᬓ᭄ᬢᬶᬢᬃᬧᬃᬬ᭄ᬬᬗᬦ᭄᭞ᬓ᭄ᬭᬸᬭᬳᬲ᭄ᬬᬸᬂᬥᬗᬱ᭄ᬝ᭄ᬭᬮᬸᬗᬶᬤ᭄᭞ᬢᬶᬓ᭄ᬱ᭄ᬡᬳᬗᬫᬳᬫᬄ᭞ᬓᬤᬶᬢ᭄ᬭᬧ᭄ᬦᬶᬂᬥᬦᬯ᭞ᬮᭀᬪᬵ᭞ᬫᭀᬳ᭞ᬫᬹᬃᬓ᭄ᬓᬵ᭞ [᭒ 2A] ᬤᬾᬰᬵᬲ᭄ᬢ᭄ᬭᬱ᭄ᬭᬫᬥᬾᬂᬳᬬᬸ᭞ᬘᬶᬦᬘᬤ᭄ᬲᬃᬯ᭄ᬯᬵᬢᬢ᭄ᬯᬾᬂᬅᬢᬶᬢ᭞ᬬᬢᬯᬶᬰᬶᬃᬡ᭄ᬦ᭞ᬩᬶᬦᬸᬭᬸᬉᬢᬓᬦ᭄ᬢᭂᬧ᭄᭞ᬭᬶᬧᬸᬧᬸᬢ᭄ᬦᬶᬓᬂᬓᬲ᭄ᬫᬮ᭞ᬳᬸᬫᬦ᭄ᬢᬸᬓ᭄ᬢᬬᬾᬂᬲ᭄ᬯᬃᬕ᭄ᬕᬲᬪ᭟ᬧᭂᬭᬢᬓᬸᬦᬂᬓᬵᬮᬵᬦᬶᬭ᭞ᬫ᭄ᬯᬄᬢᬲᬶᬭᬢᬶ ᬦᬸᬥᬳᬸᬄᬤᬾᬭᬳ᭄ᬬᬂᬅᬜ᭄ᬚᬤ᭄ᬫᬵ᭞ᬲᬶᬦᬸᬂᬦᬸᬕ᭄ᬭᬳᬲᭀᬓ᭄ᬫᬅᬃᬤ᭄ᬥᬦᬭᬾᬰ᭄ᬯᬭᬶ᭞ᬧ᭄ᬯᬭᬶᬯ᭄ᬓᬲᬦ᭄᭞ᬫᬢᬂᬦ᭄ᬬᬲᬶᬦᬸᬓ᭄ᬱ᭄ᬫ᭞ᬭᬶᬂᬢᬢᬓᬮᬧᬵ᭞ᬧᬶᬦᬸᬢᬃᬤᬾᬦᬶᬂᬧ᭄ᬤᬂ᭞ᬯᬸᬲ᭄ᬧᬶᬦᬮᬶᬭᬩᬶᬦᬺᬲᬶᬳᬦ᭄᭞ᬤᬾᬲᬂᬧ᭄ᬭᬢᬧᬦᬶᬂᬢᭀ ᬮᬗ᭄ᬓᬶᬃ᭞ᬢᬶᬦᬸᬥᬸᬄᬤᬾᬳ᭄ᬬᬂᬧᬱᬸᬧᬢᬶ᭞ᬫᬮᬶᬗ᭄ᬕᬶᬄᬭᬶᬂᬩᬮᬶᬭᬵᬚ᭄ᬬ᭞ᬫᬓᬧᬗᬸᬮᬸᬦᬶᬂᬦᬕᬦ᭄ᬢᬸᬦ᭄᭞ᬳᬕᬦ᭄ᬢᬶᬧᬹᬚᬱ᭄ᬝᬯᬵ᭞ᬭᬶᬲ᭄ᬣᬸᬮᬦᬶᬭ᭞ᬚᬸᬫ᭄ᬦᭂᬂᬭᬵᬢᬸᬭᬶᬂᬩᬮᬶᬭᬵᬚ᭄ᬬ᭞ᬪᬶᬦᬶᬰᬾᬓᬰ᭄ᬭᬷᬳᬚᬶᬫᬲᬸᬮᬫᬲᬸᬮᬶ᭞ᬢ᭄ᬳᭂᬃᬯᬶᬦᬶᬯ ᬳᬧ᭄ᬯᬲᬶᬭᬭᬶᬲᬗᬭᬶ᭞ᬢᬦ᭄ᬮᬶᬗᭂᬤ᭄ᬧ᭄ᬭᬓᬺᬢᬦᬶᬂᬦᬵᬕᬭ᭞ᬲᬯᬶᬚᬶᬮᬦᬶᬭᬇᬦᬶ᭟ᬧᬶᬭᬢᬓᬸᬦᬂᬓᬮᬦᬶᬭᬅᬫᬸᬓ᭄ᬢᬶ᭞ᬅᬕᬦ᭄ᬢᬶᬧᬹᬚᬱ᭄ᬝᬯ᭞ᬕᬡ᭄ᬝᬕᬸᬫᬡ᭄ᬝᬶ᭞ᬕ᭄ᬦᭂᬧ᭄ᬧ᭄ᬯᬬᬭᬶᬬᭀᬕᬡ᭄ᬝ᭞ᬧᬥᬫᬸᬓ᭄ᬱᬲᬶᬭᬢ᭄ᬓᬭᬶᬂᬅᬢ᭄ᬭᬸᬮ

Auto-transliteration

[1 1B] 1 /// 0 /// ōmawighnamastunamaswaha /// pangakṣamaninghulundebaṭarahyangmami, singgihtasirahyangbaṭārapaśupati, alungguhpwasiraringśunyatayā, jumnĕngringgirijambudwipa, tabetabe pwanghulunriholihdebaṭārahyangkabeh, sangginlar'ongkaramratnamantram, rĕdhayam, maśucinirmmalayam, yogiśwaranamsirasanganugraha, hanawakapūrwwasangwuslĕpas, lupu taknaringtulahpamidhidehyangmami, mwangwigrahaningmalapāpapaṭāka, tankatamananahu‐padwawa, dehyangmami, wastu, o. paripūrṇna, anĕmwakĕnayu, katkengkulaghotramwangsantana, namo stujagaditayā. 0. hanawakringpūrwwakāla, hanamayaśaktitarparyyangan, krurahasyungdhangaṣṭralungid, tikṣṇahangamahamah, kaditrapningdhanawa, lobhā, moha, mūrkkā, [2 2A] deśāstraṣramadhenghayu, cinacadsarwwātatwengatita, yatawiśirṇna, binuru'utakantĕp, ripuputnikangkasmala, humantuktayengswarggasaba. pĕratakunangkālānira, mwahtasirati nudhahuhderahyangañjadmā, sinungnugrahasokma'arddhanareśwari, pwariwkasan, matangnyasinukṣma, ringtatakalapā, pinutardeningpdang, wuspinalirabinrĕsihan, desangpratapaningto langkir, tinudhuhdehyangpasyupati, malinggihringbalirājya, makapanguluningnagantun, hagantipūjaṣṭawā, risthulanira, jumnĕngrāturingbalirājya, bhiniśekaśrīhajimasulamasuli, t'hĕrwiniwa hapwasirarisangari, tanlingĕdprakrĕtaningnāgara, sawijilanira'ini. piratakunangkalanira'amukti, agantipūjaṣṭawa, gaṇṭagumaṇṭi, gnĕppwayariyogaṇṭa, padhamukṣasiratkaringatrula

Leaf 2

Image on Archive.org

[᭒ 2B] ᭒ ᬬ᭞ᬦᬳᬦᬶᬂᬓᬂᬢᬢ᭄ᬯᬭᬶᬂᬉᬰᬡ᭟᭐᭟ᬅᬧᬶᬘ᭄ᬘᬭᬶᬦᬶᬜ᭄ᬘᬶᬦᬶᬭᬧᬤᬸᬓᬵᬪᬝᬵᬭᬳ᭄ᬬᬂᬧᬱᬸᬧᬢᬶ᭞ᬫᬭᬶᬂ᭠ᬕᬶᬭᬶᬫᬳᬵᬫᬾᬭᬸ᭞ᬦ᭄ᬤ᭄ᬬᬓᬸᬦᬂᬓᬵᬲᬶᬳᬦᬢᬸᬫᭀᬦᬶᬂᬪᬹᬫ᭞ᬩᬮᬶᬫ᭄ᬯᬂᬰᬾᬮᬧᬭᬂ᭞ᬥᬸᬓ᭄ᬳ᭄ᬬᬂᬓᬸᬫᬮᬾᬜ᭄ᬘᬾᬂ᭞ᬮ᭄ᬯᬶᬃ ᬚᭀᬂ᭞ᬲᬢᬢᬫᬋᬬᭂᬕᬦ᭄᭞ᬩᬮᬶᬫ᭄ᬯᬂᬰᬾᬮᬧᬭᬂ᭟ᬇᬗᬹᬦᬶᬫᬶᬫᬶᬢᬦᬶᬂᬕᬸᬦᬸᬂᬭᬶᬂᬩᬮᬶᬳᬦᬕᬸᬦᬸᬂᬘᬢᬹᬃ᭞ᬗ᭟ᬕᬸᬦᬸᬂᬮᭀᬓᬨᬮ᭞ᬭᬶᬂᬯᬾᬢᬦᬶᬂᬕᬸᬦᬸᬂᬍᬫ᭄ᬧᬸᬬᬂ᭟ᬗ᭞ᬭᬶᬂᬕᬸᬦᬸᬂᬅᬡ᭄ᬥᬓᬰ᭞ᬗ᭟ᬓᬸᬮ᭄ᬯᬦ᭄᭞ᬕᬸ ᬦᬸᬂᬯᬢᬸᬓᬭᬸ᭞ᬗ᭟ᬲᬫᬫ᭄ᬯᬂᬕᬸᬦᬸᬂ᭞ᬩᬭᬢᬦ᭄᭞ᬓᬸᬦᬂᬭᬶᬂᬮᭀᬃᬕᬸᬦᬸᬂᬫᬇ᭞ᬗ᭟ᬧᬋᬓ᭄ᬮᬗᬶᬭᬶᬢᬸᬮᬸᬓ᭄ᬩ᭄ᬬᬄ᭞ᬬᬫᬢᬂᬦ᭄ᬬᬇᬗᬦ᭄ᬤᬾᬳ᭄ᬬᬂᬅᬭᬶᬪᬵᬯᬦ᭞ᬲᬤᬓᬵᬮᬕᬶᬗ᭄ᬕᬸᬂᬢᬂᬪᬹᬫᬶᬩᬮᬶ᭞ᬫᬢᬂᬦ᭄ᬬ ᬳ᭄ᬬᬂᬧᬱᬸᬧᬢᬶᬳᬸᬫᬸᬧᬓ᭄‌ᬧᬃᬱ᭄ᬯᬦᬶᬓᬂᬕᬶᬭᬶᬫᬳᬵᬫᬾᬭᬹ᭞ᬢᬶᬦᬸᬭᬸᬦᬓᭂᬦ᭄ᬫᬭᬾᬂᬩᬮᬶᬭᬚ᭄ᬬ᭞ᬢ᭄ᬓᬾᬂᬰᬾᬮᬧᬭᬂ᭞ᬓᬶᬩᬤᬯᬂᬦᬮ᭞ᬓᬶᬦ᭄ᬯᬦ᭄ᬫᬓᬩᬸᬗ᭄ᬓᬳᬶᬂᬯᬸᬓᬶᬭ᭄᭞ᬫ᭄ᬯᬂᬲᬂᬦᬵᬕᬪᬲᬸᬓᬶᬄ᭞ᬫᬓ [᭓ 3A] ᬩᬡ᭄ᬥᬦᬶᬓᬂᬕᬶᬭᬶ᭞ᬲᬂᬦᬵᬕᬢᬳᬓ᭄ᬱᬓᬳᬸᬫᬶᬩᭂᬭᬓᭂᬦ᭄‌ᬕᬶᬭᬶ᭞ᬢᬗᬾᬄᬬᬦ᭄ᬓᬝᬵᬓ᭄ᬦᬵ᭞ᬧᭀᬮᬳᬶᬂᬅᬫᬸᬢᭂᬃᬕᬶᬭᬶ᭞ᬓᬵᬮᬦ᭄ᬬᬤᬶᬯᬾ᭞ᬯ᭄ᬭ᭞ᬓ᭞ᬧᬢᬶᬢᬶᬚᬢᬶ᭞ᬓᬺᬱ᭄ᬡᬧᬜ᭄ᬘᬤᬰᬶ᭞ᬲᬸᬥᬶᬭᬪᬸᬫᬶ᭞ᬰᬶᬃᬱᬳᬸ᭠ ᬮᬦ᭄᭞ᬇᬰᬓ᭄ᬬᬷᬀ᭞᭐᭐᭞ᬇᬓᬫᬶᬫᬶᬢᬦᬶᬂᬏᬓᬢᬂᬪᬹᬫᬶᬩᬮᬶ᭞ᬭᬄ᭞᭐᭞ᬢᭂᬗ᭄ᬕᭂᬓ᭄᭞ᬭᬄ᭞᭐᭞ᬢᭂᬂ᭞᭐᭞ᬦᬳᬦᬶᬓᬂᬘᬭᬶᬢ᭟ᬅᬭᬯᬲ᭄ᬭᬯᬲᬶᬂᬓᬵᬮ᭞ᬧ᭄ᬭᬧ᭄ᬢᬧ᭄ᬯᬬᬸᬰᬦᬶᬓᬂᬭᬵᬢ᭄᭞ᬭᬶᬲᬤᬶᬦ᭄ᬢᭂᬦ᭄ᬬ᭞ᬰᬶᬯ᭠ ᬓᬯ᭄ᬬᬯᬭ᭞ᬉᬢᬫᬦᬶᬂᬢᭀᬮᬸ᭞ᬘᬡ᭄ᬥ᭄ᬭᬲᬶᬭ᭞ᬢᬶᬢᬶᬲᬸᬓ᭄ᬮᬧᬓ᭄ᬱᬵ᭞ᬅᬃᬚ᭄ᬚᬸᬦᬯᬶᬢᬗ᭄ᬲᬸ᭞ᬭᬸᬤᬶᬭᬧᬃᬯ᭄ᬯᬢ᭞ᬲᬶᬭᬤᬾᬯᬲᬓ᭄ᬬᬷᬀ᭞ᬰᬸᬦ᭄ᬬᬧᬡ᭄ᬥᬶᬢ᭞ᬯᬃᬰᬦᬶᬂᬚᬕᬤ᭄ᬬ᭞ᬩ᭄ᬭᬸᬯᬂᬳᬸᬤᬦ᭄ᬫᬤᬺᬱ᭄᭞ᬲᬶᬡ᭄ᬥᬸᬂᬭᬶᬯᬸᬢ᭄ ᬫᬤᬸᬮᬸᬃᬓᬼᬧᬸᬕ᭄᭟ᬲᬳᬵᬓᬶᬮᬢ᭄‌ᬢᬢᬶᬢ᭄᭞ᬕᭂᬦ᭄ᬢᭂᬃᬧᬢᭂᬃ᭞ᬮᬶᬡ᭄ᬡᬸᬢᬂᬳᬡ᭄ᬡᬪ᭄ᬯᬦ᭞ᬲᬯᬸᬮᬦ᭄‌ᬮᬯᬲ᭄ᬦ᭄ᬬ᭞ᬇᬯ᭄ᬓᬲᬦ᭄᭞ᬫᬓᭂᬧ᭄ᬮᬸᬕ᭄‌ᬕᬶᬭᬶᬳ᭄ᬬᬂᬗᬶᬂᬢᭀᬮᬗ᭄ᬓᬶᬃ᭞ᬳᬸᬫᬶᬚᬶᬮ᭄ᬢᬂᬲᬮᭀᬥᬓᬵ᭞ᬫᬗ᭄ᬓᬦᬓᬢ

Auto-transliteration

[2 2B] 2 ya, nahaningkangtatwaringuśaṇa. 0. apiccariniñcinirapadukābaṭārahyangpasyupati, maring‐girimahāmeru, ndyakunangkāsihanatumoningbhūma, balimwangśelaparang, dhuk'hyangkumaleñceng, lwir jong, satatamarĕyĕgan, balimwangśelaparang. ingūnimimitaninggunungringbalihanagunungcatūr, nga. gununglokaphala, ringwetaninggununglĕmpuyang. nga, ringgunungaṇdhakaśa, nga. kulwan, gu nungwatukaru, nga. samamwanggunung, baratan, kunangringlorgunungma'i, nga. parĕklangiritulukbyah, yamatangnya'ingandehyangaribhāwana, sadakālaginggungtangbhūmibali, matangnya hyangpasyupatihumupakparṣwanikanggirimahāmerū, tinurunakĕnmarengbalirajya, tkengśelaparang, kibadawangnala, kinwanmakabungkahingwukir, mwangsangnāgabasukih, maka [3 3A] baṇdhanikanggiri, sangnāgatahakṣakahumibĕrakĕn'giri, tangehyankaṭāknā, polahingamutĕrgiri, kālanyadiwe, wra, ka, patitijati, krĕṣṇapañcadaśi, sudhirabhumi, śirṣahu‐ lan, iśakyīm00ikamimitaningekatangbhūmibali, rah0tĕnggĕk, rah0tĕng0nahanikangcarita. arawasrawasingkāla, praptapwayuśanikangrāt, risadintĕnya, śiwa‐ kawyawara, utamaningtolu, caṇdhrasira, titisuklapaksyā, arjjunawitangsu, rudiraparwwata, siradewasakyīm, śunyapaṇdhita, warśaningjagadya, bruwanghudanmadrĕṣ, siṇdhungriwut madulurklĕpug. sahākilattatit, gĕntĕrpatĕr, liṇṇutanghaṇṇabhwana, sawulanlawasnya, iwkasan, makĕpluggirihyangngingtolangkir, humijiltangsalodhakā, mangkanakata

Leaf 3

Image on Archive.org

[᭓ 3B] ᭓ ᬢ᭄ᬬᬦ᭄ᬬᬇᬗᬹᬦᬶ᭟ᬧᬶᬭᬢᬓᬸᬦᬂᬢᬂᬓᬵᬮ᭞ᬧ᭄ᬯᬵᬧ᭄ᬢᬲᬤᬶᬦ᭄ᬢᭂᬦ᭄ᬬ᭞ᬰᬶᬯᬓᬸᬚᬵ᭞ᬯᬭᬧ᭄ᬭᬂᬩᬓᬢ᭄᭞ᬰᬰᬥᬭᬋᬢᬸ᭞ᬲᬸᬓ᭄ᬮᬧᬓ᭄ᬱ᭞ᬧᬜ᭄ᬘᬤ᭄ᬭᬶᬬᬪᬸᬫᬶ᭞᭑᭕᭞ᬧᬹᬃᬡ᭄ᬦᬫ᭞ᬢᬶᬢᬶ᭞ᬗ᭟ᬲ᭄ᬯᬲ᭄ᬢᬧᬯᬓᬵ᭞ᬭᬄ᭞᭓᭞ᬫᬱ᭄ᬝ ᬯᬶᬢᬗ᭄ᬲᬶ᭞ᬢᭂᬂ᭞᭑᭞ᬯᬾᬰᬓ᭄ᬬᬷᬀ᭞ᬖ᭄ᬦᬶᬪᬸᬥᬭᬵ᭞ᬢ᭄ᬕᭂᬲ᭄ᬦ᭄ᬬ᭞᭓᭑᭐᭞ᬯᬃᬰᬦᬶᬂᬭᬵᬢ᭄᭞ᬫᬗ᭄ᬓᬦᬫ᭄ᬯᬄᬫᬓᭂᬧ᭄ᬮᬸᬕ᭄‌ᬧᬃᬯ᭄ᬯᬢᬾᬂᬢᭀᬮᬗ᭄ᬓᬶᬭ᭄᭞ᬉᬫᬶᬚᬶᬮ᭄ᬪᬝᬵᬭᬧᬸᬢ᭄ᬭᬚᬬᬵ᭞ᬢᬸᬫᬹᬢ᭄ᬪᬝᬵᬭᬶᬤᬾᬯᬶᬤᬦᬸᬄ᭞ᬅᬧᬃᬬ᭄ᬬᬗᬦ᭄ᬫᬭᬶᬂ ᬳᬸᬮᬸᬦ᭄ᬥᬦᬸ᭞ᬗ᭞ᬢᬫ᭄ᬧᬹᬃᬳ᭄ᬬᬂ᭟ᬓᬸᬦᬂᬪᬝᬵᬭᬧᬸᬢ᭄ᬭᬜ᭄ᬚᬬᬅᬧᬃᬬ᭄ᬬᬗᬦ᭄ᬭᬶᬂᬪᬲᬓᬶᬄ᭞ᬫᬓᬧᬗᬸ᭠ᬮᬸᬦᬂᬕᬾᬮ᭄ᬕᬾᬮ᭄᭞ᬧᬶᬦᬲᬶᬳᬦᬶᬭᬢᬸᬫᬹᬢ᭄᭞ᬪᬝᬵᬭᬩ᭄ᬭᬵᬳ᭄ᬫ᭞ᬅᬤᬶᬰᬾᬓᬳ᭄ᬬᬂᬕ᭄ᬦᬶᬚᬬᬵ᭞ᬅᬧᬃᬬ᭄ᬬᬗᬦ᭄ᬧ᭄ᬯ ᬫᬭᬶᬂᬕᬸᬦᬸᬂᬮᬫ᭄ᬧᬸᬬᬂ᭞ᬫᬗ᭄ᬓᬓᬢᬢ᭄ᬯᬦ᭄ᬬᬭᬶᬂᬓᬸᬦ᭞ᬦᬶᬳᬦᬶᬓᬶᬋᬜᭂᬦ᭄ᬧᬶᬤᬃᬣᬦ᭄ᬬ᭟ᬗᬹᬦᬶᬥᬸᬓᬶᬗᬤᬦ᭄ᬪᬝᬵᬭᬢᬶᬕᬵ᭞ᬳᬸᬫᬶᬫ᭄ᬩᬫᬭᬶᬂᬩᬮᬶᬭᬵᬚ᭄ᬬ᭞ᬧᬗᬸᬢᬸᬲ᭄ᬪᬝᬵᬭᬚᬕᬢ᭄ᬓᬭᬡᬵ᭞ᬮᬶᬂᬪᬝᬵᬭ᭟ᬓ [᭔ 4A] ᬫᬸᬂᬅᬦᬓᬸᬳ᭄ᬬᬂᬢᬶᬕᬵ᭞ᬫᬳᬵᬤᬾᬯᬵ᭞ᬦᬶᬤᬦᬸᬄ᭞ᬖ᭄ᬦᬶᬚᬬᬵ᭞ᬫᬗ᭄ᬓᬾᬦᭀᬭᬯᬦᬾᬄᬳᬦᬓᬸ᭞ᬢᬸᬫᬸᬭᬸᬦ᭄ᬯᭀᬦ᭄ᬢᭂᬦᬶᬂᬩᬮᬶ᭞ᬫᬓᬮᬶᬗ᭄ᬕᬦᬶᬂᬪᬹᬫᬶ᭞ᬅᬧᬦ᭄ᬢᬶᬲ᭄ᬢᬶᬲ᭄‌ᬳᬲᬫᬸᬦ᭄ᬢᬂᬧᬸᬮᬶᬦᬩᬮᬶ᭞ᬫᬓᬧᬦᭂᬫ᭄ᬩᬳ ᬦᬶᬂᬭᬵᬢ᭄ᬓᬩᬾᬄ᭞ᬓᬢ᭄ᬓᬾᬂᬚ᭄ᬫᬄ᭟ᬫᬗ᭄ᬓᬯᬓ᭄ᬬᬪᬝᬵᬭᬓᬲᬸᬳᬸᬦ᭄᭞ᬅᬗᬲ᭄ᬢᬸᬗ᭄ᬓᬭᬪᬝᬵᬭᬢᬶᬕ᭟ᬲᬚ᭄ᬜᬵᬳ᭄ᬬᬂᬫᬫᬶ᭞ᬤᬸᬤᬸᬲᬓᬶᬂᬅᬦ᭄ᬯᬮ᭄ᬳᬚ᭄ᬜᬵᬪᬝᬵᬭ᭞ᬦ᭄ᬥ᭄ᬬᬤᬸᬫᬾᬄᬦ᭄ᬬ᭞ᬧᬦ᭄ᬓᬃᬬ᭄ᬬᬭᬭᬾᬦᬓ᭄ᬪᬝᬵᬭ᭞ᬢᬸᬳᬸ ᬢᬦ᭄ᬯ᭄ᬭᬸᬳᬶᬂᬫᬃᬕ᭄ᬕᬳᬵ᭟ᬮᬶᬂᬪᬝᬵᬭ᭟ᬅᬦᬓᬸᬳ᭄ᬬᬂᬢᬶᬕᬵ᭞ᬳᬚᬵᬯᬮᬂᬅᬢᬶ᭞ᬳᬸᬮᬸᬦᬦᬸᬕ᭄ᬭᬳᬳᬦᬓᬸ᭞ᬅᬧᬦ᭄ᬓᬶᬢᬳᬦᬓ᭄‌ᬫᬦᬶᬭᬦ᭄ᬢᭀ᭞ᬦᬶᬳᬦᬵᬦᬸᬕ᭄ᬭᬳᬗ᭄ᬓᬸᬢᬭᬶᬫᬓ᭄ᬦᬳᬚᬘᬯᬸᬄ᭟ᬅᬗᬲ᭄ᬢᬸᬗ᭄ᬓᬭ ᬪᬝᬵᬭᬢᬶᬕᬵᬰᬓ᭄ᬢᬶ᭞ᬅᬤᬸᬮᬸᬃᬧᬗᬮ᭄ᬧᬶᬓ᭞ᬅᬧᬦ᭄ᬯᬸᬲ᭄ᬲᬶᬦᬶᬫ᭄ᬧᭂᬦᬶᬂᬢᬢ᭄ᬯᬚ᭄ᬜᬵᬦ᭞ᬢᬗᬾᬄᬬᬦ᭄ᬯᬃᬡ᭄ᬦᬦᭂᬦ᭄᭞ᬯᬸᬲ᭄ᬯᬶᬦᬲ᭄ᬢ᭄ᬯᬪᬝᬵᬭᬢᬶᬕᬵ᭞ᬲᬶᬦᬸᬓ᭄ᬱ᭄ᬫᬭᬶᬂᬢᬢᬓᬧᬧᬵᬜᬸᬄᬕᬥᬶᬂ᭞ᬅᬯᬦ᭄ᬲᭀᬃ

Auto-transliteration

[3 3B] 3 tyanya'ingūni. piratakunangtangkāla, pwāptasadintĕnya, śiwakujā, waraprangbakat, śaśadhararĕtu, suklapakṣa, pañcadriyabhumi15pūrṇnama, titi, nga. swastapawakā, rah3maṣṭa witangsi, tĕng1weśakyīm, ghnibhudharā, tgĕsnya310warśaningrāt, mangkanamwahmakĕplugparwwatengtolangkir, umijilbaṭāraputrajayā, tumūtbaṭāridewidanuh, aparyyanganmaring hulundhanu, nga, tampūrhyang. kunangbaṭāraputrañjaya'aparyyanganringbasakih, makapangu‐lunanggelgel, pinasihaniratumūt, baṭārabrāhma, adiśekahyanggnijayā, aparyyanganpwa maringgununglampuyang, mangkakatatwanyaringkuna, nihanikirĕñĕnpidarthanya. ngūnidhukingadanbaṭāratigā, humimbamaringbalirājya, pangutusbaṭārajagatkaraṇā, lingbaṭāra. ka [4 4A] munganakuhyangtigā, mahādewā, nidanuh, ghnijayā, mangkenorawanehhanaku, tumurunwontĕningbali, makalingganingbhūmi, apantistishasamuntangpulinabali, makapanĕmbaha ningrātkabeh, katkengjmah. mangkawakyabaṭārakasuhun, angastungkarabaṭāratiga. sajñāhyangmami, dudusakinganwalhajñābaṭāra, ndhyadumehnya, pankaryyararenakbaṭāra, tuhu tanwruhingmarggahā. lingbaṭāra. anakuhyangtigā, hajāwalangati, hulunanugrahahanaku, apankitahanakmaniranto, nihanānugrahangkutarimaknahajacawuh. angastungkara baṭāratigāśakti, adulurpangalpika, apanwussinimpĕningtatwajñāna, tangehyanwarṇnanĕn, wuswinastwabaṭāratigā, sinukṣmaringtatakapapāñuhgadhing, awansor

Leaf 4

Image on Archive.org

[᭔ 4B] ᭔ ᬭᬶᬂᬅᬃᬡ᭄ᬦᬯᬵ᭞ᬘᭂᬢ᭄‌ᬥᬢᭂᬂᬫᬭᬾᬂᬧᬃᬬ᭄ᬬᬗᬦ᭄‌ᬪᬲᬓᬶᬄ᭞ᬬᬳᬾᬢᬸᬦ᭄ᬬᬳᬓᬬᬗᬦ᭄‌ᬫᬭᬶᬂᬪᬲᬓᬶᬄ᭟ᬦᬳᬦ᭄ᬯᬶᬚᬶᬮᬶᬭᬪᬝᬵᬭᬳᬶᬂᬉᬰᬡ᭟ᬓᬸᬦᬂᬲᬶᬭᬪᬝᬵᬭᬤᬾᬯᬶᬤᬦᬸ᭞ᬢᬸᬫᬸᬮᬶᬅᬧᬃᬬ᭄ᬬᬗ ᬦ᭄ᬫᬭᬶᬂᬪᬲᬓᬶᬄ᭞ᬦᬳᬦ᭄ᬯᬶᬚᬶᬮᬶᬭᬪᬝᬵᬭᬳᬶᬗᬸᬰᬡ᭟ᬓᬸᬦᬂᬲᬶᬭᬪᬝᬵᬭᬤᬾᬯᬶᬥᬦᬸ᭞ᬢᬸᬫᬸᬮᬶᬅᬧᬃᬬ᭄ᬬᬗᬦ᭄ᬫᬭᬶᬂᬳᬸᬮᬸᬦ᭄ᬥᬦᬸ᭞ᬫᬓᬗᬹᬦᬶᬢᬫ᭄ᬧᬹᬃᬳ᭄ᬬᬂ᭞ᬲᬶᬭᬪᬝᬵᬭᬳ᭄ᬬᬂᬖ᭄ᬦᬶᬚᬬ᭞ᬫᬭᬶᬂᬕᬸ ᬦᬸᬂᬮᬫ᭄ᬧᬸᬬᬂᬅᬓᬳ᭄ᬬᬗᬦ᭄‌ᬫᬗ᭄ᬓᬦᬓᬢᬢ᭄ᬯᬦ᭄ᬬ᭟ᬳᬦᬧ᭄ᬯᬬᬯᬸᬯᬸᬲᬦ᭄‌ᬫ᭄ᬯᬄ᭞ᬲᬸᬢᬦᬶᬭᬲᬗ᭄ᬳ᭄ᬬᬂᬧᬲᬸᬧᬢᬶ᭞ᬢᬶᬦᬸᬭᬸᬦᬓᭂᬦ᭄‌ᬯᬦ᭄ᬢᭂᬦᬶᬂᬩᬮᬶ᭞ᬫᬓᬲᬶᬦᭂᬫ᭄ᬩᬳᬓᭂᬦ᭄ᬧ᭄ᬭᬚᬵ᭞ᬫᬗᬶᬭᬶᬂᬪ ᬝᬵᬭᬧᬸᬢ᭄ᬭᬚᬬᬅᬪᬶᬰᬾᬓᬪᬝᬵᬭᬢᬸᬫᬸᬯᬸᬄ᭞ᬅᬧᬃᬬ᭄ᬬᬗᬦ᭄‌ᬫᬭᬶᬂᬕᬶᬭᬶᬯᬢᬸᬓᬭᬸ᭞ᬗ᭟ᬫ᭄ᬯᬄᬪᬝᬵᬭᬳ᭄ᬬᬂᬫᬡᬶᬓ᭄ᬓᬸᬫᬬᬂ᭞ᬅᬧᬃᬬ᭄ᬬᬗᬦ᭄‌ᬫᬭᬶᬂᬕᬶᬭᬶᬩ᭄ᬭᬢᬦ᭄᭞ᬗ᭟ᬫ᭄ᬯᬄᬅᬧᬸᬱ᭄ᬧᬢᬵ [᭕ 5A] ᬳ᭄ᬬᬂᬫᬡᬶᬓ᭄ᬕᬮᬂ᭞ᬅᬧᬃᬬ᭄ᬬᬗᬦ᭄ᬫᬭᬶᬂᬧᬾᬚᬾᬂ᭞ᬗ᭟ᬫ᭄ᬯᬄᬪᬝᬵᬭᬳ᭄ᬬᬂᬢᬸᬕᬸ᭞ᬅᬧᬃᬬ᭄ᬬᬗᬦ᭄ᬭᬶᬂᬕᬶᬭᬶᬅᬡ᭄ᬥᬓᬰ᭞ᬲᬫᬅᬬᭀᬕᬲᬫᬥᬶ᭞ᬢᬦ᭄ᬧᭀᬧᬫᬫᬋᬡᭂᬲ᭄ᬧᬃᬬ᭄ᬬᬗᬦ᭄ᬪᬝᬵᬭᬲᭀᬯᬂᬲᭀᬯᬂ᭞ᬫ ᬗ᭄ᬓᬦᬧᬶᬤᬃᬣᬦ᭄ᬬᬪᬝᬵᬭᬫᬭᬾᬂᬩᬮᬶ᭞ᬅᬬ᭄ᬯᬲᬺᬤᭀ᭟ᬯᬸᬲ᭄ᬲᬶᬦ᭄ᬭᬢ᭄‌ᬤᬾᬭᬤ᭄ᬯᬶᬚᬾᬡ᭄ᬥ᭄ᬭᬯᬯᬸᬥᬢᭂᬂ᭞ᬥᬸᬓᬶᬂᬲᬫ᭄ᬧ᭄ᬭᬗᬦ᭄᭟᭐᭟ᬅᬧᬶᬘ᭞ᬧᬶᬭᬂᬮᬯᬲᬶᬓᬂᬓᬵᬮ᭞ᬧ᭄ᬭᬵᬧ᭄ᬢᬲᬤᬶᬦ᭄ᬢᭂᬦ᭄ᬬ᭞ᬰᬶᬯᬓᬸᬚ᭞ᬚᬸ᭠ ᬮᬸᬂᬫ᭄ᬭᬶᬓ᭄᭞ᬰᬰᬤᬭ᭞ᬫᬃᬕ᭄ᬕᬉᬢ᭄ᬢᬭ᭞ᬩᬤ᭄ᬭᬯᬤ᭞ᬢᬶᬢᬶᬧ᭄ᬭᬢᬶᬰᬸᬓ᭄ᬮᬵ᭞ᬧᬯᬦᬩᬸᬥᬭᬵ᭞ᬲ᭄ᬯᬦᬶᬢ᭞ᬦᬵᬕᬪᬹᬫᬶ᭞ᬲᬶᬃᬰᬵᬚᬤ᭄ᬫᬵ᭞ᬦᬕᬳᬸᬮᬦ᭄᭞ᬯᬶᬢᬗ᭄ᬲᬸ᭞ᬳᬸᬥᬦᬶᬚᬕᬤᬶᬢ᭞ᬧᬬᭀᬕᬦᬶᬭ ᬪᬝᬵᬭᬳ᭄ᬬᬂᬖ᭄ᬦᬶᬚᬬ᭞ᬧᬧᬋᬂᬳ᭄ᬬᬂᬪᬝᬵᬭᬫᬳᬵᬤᬾᬯ᭞ᬫ᭄ᬯᬄᬕᬶᬗ᭄ᬕᬸᬂᬢᬂᬪᬯᬦ᭞ᬫᬓᭂᬧ᭄ᬮᬸᬕ᭄‌ᬕᬶᬭᬶᬳ᭄ᬬᬂᬢᭀᬮᬗ᭄ᬓᬶᬭ᭄᭞ᬅᬯ᭄ᬢᬸᬩᬮᬩᬸᬃᬖ᭄ᬦᬶ᭞ᬬᬳᬾᬢᬸᬦ᭄ᬬᬦ᭄‌ᬳᬦᬇᬦᬭᬡᬦ᭄‌ᬮ᭄ᬯᬄᬫ᭄ᬩᬄᬖ᭄ᬦᬶ᭞ᬢᬶ

Auto-transliteration

[4 4B] 4 ringarṇnawā, cĕtdhatĕngmarengparyyanganbasakih, yahetunyahakayanganmaringbasakih. nahanwijilirabaṭārahinguśaṇa. kunangsirabaṭāradewidanu, tumuli'aparyyanga nmaringbasakih, nahanwijilirabaṭārahinguśaṇa. kunangsirabaṭāradewidhanu, tumuli'aparyyanganmaringhulundhanu, makangūnitampūrhyang, sirabaṭārahyangghnijaya, maringgu nunglampuyangakahyanganmangkanakatatwanya. hanapwayawuwusanmwah, sutanirasanghyangpasupati, tinurunakĕnwantĕningbali, makasinĕmbahakĕnprajā, mangiringba ṭāraputrajaya'abhiśekabaṭāratumuwuh, aparyyanganmaringgiriwatukaru, nga. mwahbaṭārahyangmaṇikkumayang, aparyyanganmaringgiribratan, nga. mwahapuṣpatā [5 5A] hyangmaṇikgalang, aparyyanganmaringpejeng, nga. mwahbaṭārahyangtugu, aparyyanganringgiri'aṇdhakaśa, sama'ayogasamadhi, tanpopamamarĕṇĕsparyyanganbaṭārasowangsowang, ma ngkanapidarthanyabaṭāramarengbali, aywasrĕdo. wussinratderadwijeṇdhrawawudhatĕng, dhukingsamprangan. 0. apica, piranglawasikangkāla, prāptasadintĕnya, śiwakuja, ju‐ lungmrik, śaśadara, margga'uttara, badrawada, titipratiśuklā, pawanabudharā, swanita, nāgabhūmi, sirśājadmā, nagahulan, witangsu, hudhanijagadita, payoganira baṭārahyangghnijaya, paparĕnghyangbaṭāramahādewa, mwahginggungtangbawana, makĕpluggirihyangtolangkir, awtubalaburghni, yahetunyanhana'inaraṇanlwahmbahghni, ti

Leaf 5

Image on Archive.org

[᭕ 5B] ᭕ ᬦᭂᬫ᭄ᬯᬓᭂᬦ᭄ᬫᬗ᭄ᬓᬾ᭟ᬓᬸᬦᬂᬫ᭄ᬯᬄᬧᬬᭀᬕᬦᬶᬭᬳ᭄ᬬᬂᬖ᭄ᬦᬶᬚᬬᬵ᭞ᬳᬸᬫᬶᬚᬶᬮ᭄ᬲᬓᬾᬂᬧᬜ᭄ᬘᬩᬬᬸᬅᬱ᭄ᬝᬯᬵ᭞ᬢᬸᬫᬸᬮᬶᬫᬶᬚᬶᬮ᭄‌ᬲᬸᬢ᭞᭕᭞ᬲᬶᬓᬶ᭞ᬮᬓᬶᬮᬓᬶ᭞ᬮᬶᬲ᭄ᬢ᭄ᬯᬬᬸᬧᬭᬶᬧᬹᬃᬡ᭄ᬦ᭟ᬓᬸᬦᬂᬲᬯᬶᬚᬶᬮᬶᬭ᭞ᬅ ᬓᬮᬰᬭ᭄ᬯᬦᬶᬂᬕ᭄ᬤᬂᬓᬳᬶᬓᬶᬓ᭄ᬧ᭄ᬭᬲᬫᬦ᭄ᬬ᭟ᬓᬃᬧᬦ᭄ᬯᬵᬅᬧᬸᬱ᭄ᬧᬢᬲᬶᬭᬲᬂᬩ᭄ᬭᬵᬳ᭄ᬫᬡᬧᬡ᭄ᬥᬶ᭠ᬢ᭞ᬓᬂᬧᬫᬥᬾᬅᬪᬶᬰᬾᬓᬫ᭄ᬧᬸᬫᬳᬫᬾᬭᬹ᭞ᬫ᭄ᬯᬄᬓᬂᬯᬭᬸᬚᬸ᭞ᬅᬧᬲᬚ᭄ᬜᬵᬲᬶᬭᬫ᭄ᬧᬸᬖᬦ᭞ᬓᬸᬦᬂ ᬲᬗᬶᬂᬯ᭄ᬓᬲ᭄᭞ᬅᬧᬸᬱ᭄ᬧᬢᬲᬶᬭᬫ᭄ᬧᬸᬓᬸᬢᬸᬭᬦ᭄᭞ᬫ᭄ᬯᬄᬲᬗᬭᬶᬅᬓᬓᬲᬶᬄᬲᬶᬭᬫ᭄ᬧᬸᬧ᭄ᬭᬥᬄ᭞ᬧᬶᬦᬶᬄᬳᬮᬶᬢ᭄᭞ᬯᬶᬓᬸᬲᬗ᭄ᬓᬦ᭄ᬮᬭᬾ᭞ᬲᬫᬳᬗᬫ᭄ᬩᭂᬓᬓᭂᬦ᭄ᬓᬧᬭᬫᬃᬣᬦ᭄᭞ᬢ᭄ᬮᬸᬲᬸᬫᬦ᭄ᬢᬸᬓ᭄‌ᬭᬶᬂᬫᬳᬵ ᬫᬾᬭᬸ᭞ᬅᬦᬗᬸᬦᬓᭂᬦ᭄ᬲᬫᬥᬶ᭞ᬥᬭᬓ᭟ᬢᬦ᭄ᬗᬾᬄᬬᬦᬸᬘᬧᬓ᭄ᬦ᭞ᬦᭂᬂᬇᬓᬂᬓᬝᬵᬲᬓᬋᬂ᭞ᬅᬧᬦ᭄ᬯᬸᬲ᭄ᬮᬗ᭄ᬕᭂᬗᬶᬂᬬᭀᬕ᭄ᬖᬵ᭟ᬯᬲᬶᬢᬦᭂᬦ᭄ᬫᬸᬯᬄᬧᬬᭀᬕᬦᬶᬭᬪᬝᬵᬭᬳ᭄ᬬᬂᬫᬳᬵᬤᬾᬯ᭞ᬇ [᭖ 6A] ᬧᬃᬱ᭄ᬯᬦᬶᬂᬕᬶᬭᬶᬢᭀᬮᬗ᭄ᬓᬶᬃ᭞ᬳᬸᬫᬶᬚᬶᬮ᭄ᬧᬸᬢ᭄ᬭᬲᬓᬶᬂᬭ᭄ᬯᬪᬶᬦᬾᬤ᭄ᬥ᭞᭒᭞ᬲᬶᬓᬶ᭞ᬚᬮ᭄ᬯᬶᬲ᭄ᬢ᭄ᬭᬷ᭟ᬓᬂᬮᬓᬶᬅᬪᬶᬰᬾᬓᬪᬝᬵᬭᬖᬡ᭞ᬅᬭᬶᬦᬶᬭᬲ᭄ᬢ᭄ᬭᬷᬅᬓᬓᬲᬶᬄᬪᬝᬵᬭᬶᬫᬡᬶᬓ᭄‌ᬖ᭄ᬦᬶ᭞ᬢᬦ᭄ᬧᬾᬗᬦ᭄ᬧᬭᬶᬧᬹᬃᬡ᭄ᬦᬭᬶ᭠ ᬗᬳᬬᬸ᭞ᬓᬸᬫᭀᬦ᭄ᬤᬾᬪᬝᬵᬭᬫᬦ᭄ᬢᬸᬓᬶᬂᬕᬶᬭᬶᬫᬳᬵᬫᬾᬭᬹ᭞ᬅᬬᭀᬕᬲᬫᬥᬶ᭞ᬅᬗᬶᬱ᭄ᬝᬳ᭄ᬬᬂᬧ᭄ᬭᬫᬾᬱ᭄ᬝᬶᬥᬶᬕᬸᬭᬹ᭟ᬧᬶᬭᬢᬓᬸᬦᬂᬯᬃᬱᬦᬶᬓᬂᬮᭀᬓ᭞ᬯᬸᬲ᭄ᬧᬸᬢᬸᬲ᭄‌ᬬᬱᬦᬶᬭᬫᬭᬶᬂᬕᬶᬭᬶᬲᬸᬫᬾᬭᬸ᭞ᬇᬭᬶ ᬓᬪᬝᬵᬭᬭᬶᬂᬳ᭄ᬬᬂᬫᬡᬶᬓ᭄‌ᬖ᭄ᬦᬶ᭞ᬇᬗᬮᬧ᭄‌ᬭᬩᬶᬤᬾᬲᬗᬧᬦ᭄ᬮᬄᬲᬂᬩ᭄ᬭᬵᬳ᭄ᬫᬡᬧᬡ᭄ᬥᬶᬢ᭞ᬮᬯᬦ᭄ᬪᬝᬵᬭᬶᬫᬡᬶᬓ᭄‌ᬖ᭄ᬦᬶ᭞ᬦ᭄ᬳᭂᬃᬕᬶᬦᬦ᭄ᬢᬶᬓᬂᬧᬸᬱ᭄ᬧᬢ᭞ᬫᬗ᭄ᬓᬾᬅᬧᬸᬱ᭄ᬧᬢᬫ᭄ᬧᬸᬖ᭄ᬦᬶᬚᬬ᭞ᬗ᭞ᬫᬾᬫ᭄ᬧᭂᬃᬪᬶᬰᬾᬓ ᬪᬝᬵᬭᬓᬲᬸᬳᬸᬦ᭄᭞ᬫᬗ᭄ᬓᬓᬢᬢ᭄ᬯᬦ᭄ᬬᬭᬶᬂᬉᬰᬡ᭟᭐᭟ᬅᬧᬶᬘ᭞ᬪᬝᬵᬭᬧᬸᬢ᭄ᬭ᭞ᬅᬕᭂ᭠ᬡ᭄ᬥᬸᬭᬱᬮᬯᬦ᭄ᬪᬝᬵᬭᬳ᭄ᬬᬂᬖ᭄ᬦᬶᬚᬬ᭞ᬫ᭄ᬯᬂᬪᬝᬵᬭᬘᬢᬹᬃᬧᬸᬭᬸᬱ᭞ᬇᬧᬃᬱ᭄ᬯᬦᬶᬂᬢᭀᬮᬗ᭄ᬓᬶᬃ᭞ᬦᭀᬭᬯᬦᬾᬄ

Auto-transliteration

[5 5B] 5 nĕmwakĕnmangke. kunangmwahpayoganirahyangghnijayā, humijilsakengpañcabayu'aṣṭawā, tumulimijilsuta5siki, lakilaki, listwayuparipūrṇna. kunangsawijilira, a kalaśarwaninggdangkahikikprasamanya. karpanwā'apuṣpatasirasangbrāhmaṇapaṇdhi‐ta, kangpamadhe'abhiśekampumahamerū, mwahkangwaruju, apasajñāsirampughana, kunang sangingwkas, apuṣpatasirampukuturan, mwahsangari'akakasihsirampupradhah, pinihhalit, wikusangkanlare, samahangambĕkakĕnkaparamarthan, tlusumantukringmahā meru, anangunakĕnsamadhi, dharaka. tanngehyanucapakna, nĕngikangkaṭāsakarĕng, apanwuslanggĕngingyogghā. wasitanĕnmuwahpayoganirabaṭārahyangmahādewa, i [6 6A] parṣwaninggiritolangkir, humijilputrasakingrwabhineddha2siki, jalwistrī. kanglaki'abhiśekabaṭāraghaṇa, arinirastrī'akakasihbaṭārimaṇikghni, tanpenganparipūrṇnari‐ ngahayu, kumondebaṭāramantukinggirimahāmerū, ayogasamadhi, angiṣṭahyangprameṣṭidhigurū. piratakunangwarṣanikangloka, wusputusyaṣaniramaringgirisumeru, iri kabaṭāraringhyangmaṇikghni, ingalaprabidesangapanlahsangbrāhmaṇapaṇdhita, lawanbaṭārimaṇikghni, nhĕrginantikangpuṣpata, mangke'apuṣpatampughnijaya, nga, mempĕrbhiśeka baṭārakasuhun, mangkakatatwanyaringuśaṇa. 0. apica, baṭāraputra, agĕ‐ṇdhuraṣalawanbaṭārahyangghnijaya, mwangbaṭāracatūrpuruṣa, iparṣwaningtolangkir, norawaneh

Leaf 6

Image on Archive.org

[᭖ 6B] ᭖ ᬧᬕᭀᬦᬶᬢᬦᬶᬭᬵ᭞ᬲᬯᬾᬢ᭄ᬦᬶᬂᬢᬶᬲ᭄ᬢᬶᬲ᭄ᬳᬲᬫᬸᬦ᭄‌ᬢᬂᬩᬮᬶᬭᬵᬚ᭄ᬬ᭞ᬢᬦᬦᬶᬂᬫᬵᬦᬸᬱᬵᬮᭀᬓ᭞ᬢᬦᬦᬦᬶᬂᬲᬸᬫᬸᬗ᭄ᬲᬸᬗᬓᬳ᭄ᬬᬗᬦᬾᬫᬭᬶᬂᬩᬮᬶ᭞ᬬᬤᬸᬫᬾᬄᬦ᭄ᬬᬪᬝᬵᬭᬧᬸᬢ᭄ᬭᬚᬬ᭞ᬧᬧᬋᬂᬪᬝᬵᬭᬳ᭄ᬬᬂᬕ᭄ᬦᬶᬚ ᬬ᭞ᬫ᭄ᬯᬂᬪᬝᬵᬭᬘᬢᬹᬃᬧᬸᬭᬸᬱᬓᬳ᭄ᬬᬦᬶᬂᬩᬮᬶ᭞ᬳᬸᬫᬦ᭄ᬢᬸᬓ᭄ᬫᬭᬾᬂᬬᬯᬵᬚᬫ᭄ᬪᬸᬤ᭄ᬯᬶᬧᬵ᭞ᬅᬫ᭄ᬪᭂᬓ᭄ᬳ᭄ᬬᬂᬧᬲᬸᬧᬢᬶ᭟ᬓᬮᬸᬗ᭄ᬳᬂᬮᬸᬗ᭄ᬳᬂᬮᬫ᭄ᬧᬳᬶᬭ᭞ᬢᬦ᭄ᬓᬝᬵᬓ᭄ᬦᬵᬲᬶᬭᬾᬗ᭄ᬳᬯᬦ᭄᭞ᬘᭂᬢ᭄ᬧ᭄ᬭᬵᬧ᭄ᬢᬫᬭᬾᬂᬕᬶᬭᬶᬚᬫ᭄ᬪᬸᬤ᭄ᬯᬶᬧᬵ᭟ᬮ ᬚᬸᬧ᭄ᬯᬲᬶᬭᬳᬸᬫ᭄ᬥᭂᬓ᭄ᬪᬝᬵᬭ᭞ᬗᬓ᭄ᬧᬥᬳᬤᬸᬮᬸᬃᬧᬗᬮ᭄ᬧᬶᬓ᭞ᬢᬸᬫᬶᬗ᭄ᬳᬮ᭄‌ᬲᬶᬭᬧᬤᬸᬓᬪᬝᬵᬭᬳ᭄ᬬᬂᬫᬳᬵᬲᬸᬘᬶ᭞ᬢᬶᬦᬓ᭄ᬯᬦᬓᭂᬦ᭄ᬭᬶᬲᬗ᭄ᬓᬦ᭄ᬬᬥᬢᬂ᭟ᬮᬶᬂᬲᬗ᭄ᬳ᭄ᬬᬂ᭞ᬅᬦᬓᬶᬗ᭄ᬳᬸᬮᬸᬦ᭄ᬓᬫᬸᬂᬳ᭄ᬬᬂᬧᬸᬢ᭄ᬭᬚᬬ᭞ᬫ᭄ᬯᬂᬖ᭄ᬦᬶ ᬚᬬ᭞ᬮᬯᬦ᭄ᬲᬦᬓ᭄ᬲᬥᬬᬵ᭞ᬦ᭄ᬥ᭄ᬬᬫᬃᬫ᭄ᬫᬦ᭄ᬢᬓᬬᬧ᭄ᬭᬡᬕᬢ᭞ᬅᬗᬸᬕᬄᬓᬳᬦᬦᬶᬗ᭄ᬳᬸᬮᬸ᭠ᬦ᭄ᬫᬭᬗ᭄ᬓᬾ᭞ᬮ᭄ᬯᬶᬭᬲ᭄ᬫᬸᬭᬸᬥᬶᬢ᭞ᬬᬦ᭄ᬧᬶᬡ᭄ᬥᬦᬶᬂᬬᭀᬕ᭄ᬬᬧᬶᬥᬶᬦᭂᬦ᭄ᬲᬶᬭᬵᬫᬦᬶᬭ᭟ᬳᬸᬫᬢᬸᬃᬪᬝᬵᬭᬓᬳ᭄ᬬᬗᬦᬶᬂᬩ [᭗ 7A] ᬮᬶ᭞ᬅᬤᬸᬮᬸᬃᬧᬜ᭄ᬚᬬᬧᬜ᭄ᬚᬬᬚᬬ᭞ᬫ᭄ᬯᬂᬧᬗᬮᬧᬶᬓᬵ᭞ᬮᬶᬗᬶᬭ᭟ᬲᬚ᭄ᬜᬵᬪᬝᬵᬭ᭞ᬦᬶᬫᬶᬢᬦᬶᬂᬭᬦᬓ᭄ᬧᬤᬸᬓᬪᬝᬵᬭᬧᬭᬫᬾᬰ᭄ᬯᬭ᭞ᬥᬢᭂᬂᬳᬸᬫ᭄ᬥᭂᬓ᭄ᬚᭃᬂᬪᬝᬵᬭ᭞ᬢᬦ᭄ᬯᬦᬾᬄᬧ᭄ᬯᬯᬾᬄᬢ᭄ᬦᬶᬂᬤᬳᬢᬶᬂᬢᬶᬲ᭄ᬢᬶᬲᬫᬸ ᬦ᭄ᬯᭀᬦ᭄ᬢᭂᬦᬶᬂᬩᬮᬶᬩᬗ᭄ᬲᬸᬮ᭄᭞ᬦᭀᬭᬦᬶᬂᬫᬦᬸᬱᬮᭀᬓᬲᬸᬫᬸᬗ᭄ᬲᬸᬗᬭᬦᬓ᭄‌ᬪᬝᬵᬭ᭞ᬲᬶᬗ᭄ᬕᬶᬄᬬᬦ᭄ᬧᬶᬦ᭄ᬤᬦᬶᬂᬯ᭄ᬦᬂ᭞ᬫᬓᬇᬦᬶᬲᬶᬦᬦ᭄ᬫᬢᬪᬝᬵᬭ᭞ᬅᬕ᭄ᬬᬧᬥᬸᬓᬪᬝᬵᬭᬅᬦᬸᬕ᭄ᬭᬳᬵ᭞ᬕᬯᬬ᭄ᬬᬫᬦᬸᬱ᭞ᬤᬶᬤᬶ ᬦᬾᬳᬦᬲᬸᬫᬸᬗ᭄ᬲᬸᬗᬓᭂᬦ᭄ᬧᬸᬦᬂᬓᬳ᭄ᬬᬗᬦᬶᬂᬩᬮᬶ᭞ᬫᬗ᭄ᬓᬦᬳᬸᬕᬲᬶᬫ᭄ᬩᬄᬦᬶᬂᬧ᭄ᬯᬗ᭄ᬓᬸᬮᬸᬦ᭄ᬲᬥᬬ᭟ᬲᬸᬫᬳᬸᬃᬧᬤᬸᬓᬪᬝᬵᬭᬧᬲᬸᬧᬢᬶ᭞ᬳᬤᬸᬮᬸᬃᬧᬜ᭄ᬚᬬᬚᬬᬵ᭟ᬯᬓ᭄ᬳ᭄ᬬᬂᬲᬸᬘ᭄ᬬᬚ᭄ᬜᬵᬢᬶᬃᬢ᭄ᬯᬀ᭞ᬲᬦ᭄ᬫᬢᬾ᭠ ᬲ᭄ᬢᬸᬢᬾᬧᬭᬡᬀ᭞ᬥᬃᬫ᭄ᬫᬘᬧᬭᬲ᭄ᬭᬬᬦ᭄ᬢᬾ᭞ᬲᬶᬥᬶᬃᬅᬲ᭄ᬢᬸᬦᬫᭀᬲ᭄ᬢᬸᬢᬫ᭄᭟ᬅᬦᬓ᭄ᬦᬶᬂᬗ᭄ᬳᬸᬮᬸᬦ᭄‌ᬬᬦ᭄ᬫᬗ᭄ᬓᬦ᭞ᬅᬚᬯᬮᬗᬢᬶ᭞ᬩᬧᬦ᭄ᬢᬢᬦ᭄ᬢᬸᬫᭂᬗᭂᬢ᭄‌ᬳᬓᭂᬦ᭄᭞ᬦᬶᬳᬦᬦᬸᬕ᭄ᬭᬳᬦᬶᬗ᭄ᬳᬸᬮᬸᬦ᭄ᬢᬭᬶᬫᬦ᭄

Auto-transliteration

[6 6B] 6 pagonitanirā, sawetningtistishasamuntangbalirājya, tananingmānusyāloka, tanananingsumungsungakahyanganemaringbali, yadumehnyabaṭāraputrajaya, paparĕngbaṭārahyanggnija ya, mwangbaṭāracatūrpuruṣakahyaningbali, humantukmarengyawājambhudwipā, ambhĕk'hyangpasupati. kalunghanglunghanglampahira, tankaṭāknāsirenghawan, cĕtprāptamarenggirijambhudwipā. la jupwasirahumdhĕkbaṭāra, ngakpadhahadulurpangalpika, tuminghalsirapadukabaṭārahyangmahāsuci, tinakwanakĕnrisangkanyadhatang. lingsanghyang, anakinghulunkamunghyangputrajaya, mwangghni jaya, lawansanaksadhayā, ndhyamarmmantakayapraṇagata, angugahkahananinghulu‐nmarangke, lwirasmurudhita, yanpiṇdhaningyogyapidhinĕnsirāmanira. humaturbaṭārakahyanganingba [7 7A] li, adulurpañjayapañjayajaya, mwangpangalapikā, lingira. sajñābaṭāra, nimitaningranakpadukabaṭāraparameśwara, dhatĕnghumdhĕkjöngbaṭāra, tanwanehpwawehtningdahatingtistisamu nwontĕningbalibangsul, noraningmanuṣalokasumungsungaranakbaṭāra, singgihyanpindaningwnang, maka'inisinanmatabaṭāra, agyapadhukabaṭāra'anugrahā, gawayyamanuṣa, didi nehanasumungsungakĕnpunangkahyanganingbali, mangkanahugasimbahningpwangkulunsadhaya. sumahurpadukabaṭārapasupati, hadulurpañjayajayā. wak'hyangsucyajñātirtwam, sanmate‐ stuteparaṇam, dharmmacaparasrayante, sidhir'astunamostutam. anakningnghulunyanmangkana, ajawalangati, bapantatantumĕngĕt'hakĕn, nihananugrahaninghuluntariman

Leaf 7

Image on Archive.org

[᭗ 7B] ᭗ ᬯᬲ᭄ᬢᬸ᭞᭓᭟ᬢᬦ᭄ᬧᬭᬶᬯᬲ᭄ᬢᬸ᭞ᬲᬶᬤ᭄ᬥ᭄ᬬᬚ᭄ᬜᬵᬦ᭞ᬧᬋᬂᬮᬯᬦ᭄ᬲᬲᬦᬓ᭄ᬢ᭞ᬮᬸᬤ᭄ᬭᬵ᭞ᬢᬢ᭄ᬯ᭞ᬩ᭄ᬭᬵᬳ᭄ᬫ᭞ᬇᬰ᭄ᬯᬭ᭞ᬯᬶᬱ᭄ᬡᬸ᭞ᬫᬳᬵᬤᬾᬯ᭞ᬗᬶᬂᬅᬦ᭄ᬢᬾᬓ᭄ᬦ᭞ᬭᬸᬫᬸᬳᬦ᭄᭞ᬅᬕ᭄ᬬᬯᭀᬦ᭄ᬢᭂᬦᬶᬂᬩᬮᬶ᭟ᬅᬗᬲ᭄ᬢᬸᬗ᭄ᬓᬭᬪ ᬝᬵᬭᬧᬸᬢ᭄ᬭᬚᬬᬵ᭞ᬧᬧᬋᬂᬪᬝᬵᬭᬳ᭄ᬬᬂᬖ᭄ᬦᬶᬚᬬᬵ᭞ᬅᬤᬸᬮᬸᬃᬧᬗᬮ᭄ᬧᬶᬓᬵ᭞ᬉᬫᬸᬂᬮ᭄ᬯᬶᬃᬲᬤ᭄ᬧᬥᬳᬗᬶᬲᭂᬧ᭄ᬲᬭᬶ᭞ᬫᬗ᭄ᬓᬬᬦ᭄ᬧᬗᭀᬧᬫᬵ᭞ᬦ᭄ᬳᭂᬃᬢᬸᬫᬸᬮᬶᬅᬫ᭄ᬯᬶᬢ᭄‌ᬳᬸᬫᬦ᭄ᬢᬸᬓᬶᬂᬩᬮᬶ᭞ᬢᬗᬾᬄᬬᬦ᭄ᬯᬸᬯᬸᬲᭂᬦ᭄᭞ ᬢᬦ᭄ᬓᬝᬵᬓ᭄ᬦᬾᬗᬯᬦ᭄᭞ᬘᭂᬢ᭄ᬧ᭄ᬭᬵᬧ᭄ᬢᬫᬭᬶᬂᬩᬮᬶ᭞ᬅᬧᬦ᭄ᬧᬥᬫᬯᬦ᭄ᬳ᭄ᬬᬸᬦ᭄᭞ᬢᬸᬫᬸᬭᬸᬦ᭄ᬧ᭄ᬯᬫᬭᬾᬂᬪᬲᬓᬶᬄ᭞ᬢᬦ᭄ᬮᬶᬗᭂᬦ᭄ᬲᬸᬓᬦᬶᬂᬅᬚ᭄ᬜᬵᬦᬦᬶᬭᬵ᭞ᬅᬧᬦ᭄ᬯᬸᬲ᭄ᬓᬲᬦ᭄ᬫᬢᬦ᭄᭞ᬲᬶᬤ᭄ᬪᬦᬶᬂᬤᭀᬦ᭄᭞ᬳᬸᬫᬦ᭄ᬢᬸᬓ᭄ ᬧᬥᬪᬝᬵᬭᬫᬭᬶᬂᬓᬳ᭄ᬬᬗᬦᬶᬭᬲᭀᬯᬂᬲᭀᬯᬂ᭞ᬳ᭄ᬦᭂᬗᬓ᭄ᬦᬭᬶᬂᬩᬮᬶᬓᬫᬦ᭄ᬢ᭄ᬬᬦ᭄᭟᭐᭟ᬧᬭᬫᬾᬰ᭄ᬯᬋᬀᬫᬥ᭄ᬬᬩᬮ᭄ᬬᬕᬫ᭄᭞ᬤᬃᬧ᭄ᬧᬾᬤᬾᬯᬰ᭄ᬘᬧᬭᬡᬀ᭞ᬪᬲ᭄ᬯᬋᬀᬫᬳᬵᬧ [᭘ 8A] ᬯᬶᬢ᭄ᬭᬀ᭟ᬯᬸᬯᬸᬲᬦ᭄ᬢᬸᬫᬸᬭᬸᬦᬶᬭᬪᬝᬵᬭᬳ᭄ᬬᬂᬧ᭄ᬭᬫᬾᬱ᭄ᬝᬶᬕᬸᬭᬸᬫᬭᬶᬂᬩᬮᬶᬭᬵᬚ᭄ᬬ᭞ᬢᬸᬫᬸᬢ᭄ᬲᬂᬯᬢᭂᬓ᭄ᬤᬾ᭠ᬯᬢᬓᬩᬾᬄ᭞ᬫ᭄ᬯᬂᬋᬱᬶᬖᬡ᭞ᬤᬾᬯᬲᬗ᭄ᬕ᭞ᬲᬳᬦᬶᬂᬫᬭᬶᬂᬲ᭄ᬯᬃᬕ᭄ᬕ᭞ᬢ᭄ᬮᬲ᭄ᬳᬸᬫᬶᬭᬶᬂᬪᬝᬵᬭᬫᬭᬶᬂᬩᬮᬶ᭞ᬓᬸᬦᬂ ᬦᬂᬪᬝᬵᬭᬧᬭᬫᬾᬰ᭄ᬯᬭᬢᬦ᭄ᬲᬄᬳᬮᬸᬗ᭄ᬕ᭄ᬯᬶᬂᬧᬤ᭄ᬫᬵᬫᬡᬶᬓᬵᬗ᭄ᬮᬬᬂ᭞ᬲᬳᬵᬧᬬᬸᬂᬳᬫᬭᬧᬶᬢ᭄᭞ᬫ᭄ᬯᬂᬢᬸᬗ᭄ᬕᬸᬮᬸᬫ᭄ᬩᬸᬮᬸᬫ᭄ᬩᬸᬮ᭄᭞ᬳᬸᬫᬸᬂᬲ᭄ᬯᬭᬦᬶᬂᬓᭂᬡ᭄ᬥᬂ᭞ᬫ᭄ᬯᬂᬧᬜ᭄ᬚᬬᬚᬬ᭞ᬲᬳᬧᬸᬱ᭄ᬧᬯᬃᬱ᭞ᬭᬶᬂᬥᬶᬃᬖᬵᬦ᭄ᬢᬭ᭞ᬋᬂᬋᬂ ᬭᬶᬂᬥᬶᬓ᭄ᬯᬶᬥᬶᬓ᭄᭞ᬅᬤᬸᬮᬸᬃᬓᬼᬧᬸᬕ᭄᭟ᬓᬸᬦᬂᬪᬝᬵᬭᬯᬦᬾᬄᬧᬥᬅᬤᬸᬤ᭄ᬯᬦ᭄‌ᬤᬸᬤ᭄ᬯᬦ᭄ᬢᬸᬗ᭄ᬕᬗᬦᬶᬭ᭞ᬅᬧᬦ᭄ᬧᬥᬤᬃᬧ᭄ᬧᬳᬸᬫᬶᬭᬶᬂᬪᬝᬵᬭᬫᬸᬗ᭄ᬕ᭄ᬯᬶᬂᬢᬯᬂ᭟ᬢᬗᬾᬄᬬᬦ᭄ᬯᬸᬯᬸᬲᭂᬦ᭄᭞ᬘᭂᬢ᭄ᬧ᭄ᬭᬵᬧ᭄ᬢᬫᬭᬶᬂᬢᭀ ᬮᬗ᭄ᬓᬶᬃ᭞ᬲᬶᬦᬸᬗ᭄ᬲᬸᬂᬤᬾᬪᬝᬵᬭᬧᬸᬢ᭄ᬭᬚᬬ᭞ᬫ᭄ᬯᬂᬪᬝᬵᬭᬖ᭄ᬦᬶᬚᬬ᭞ᬇᬦᬶᬯᬾᬄᬪᬝᬵᬭᬘᬢᬹᬃᬧᬸᬭᬸᬱ᭞ᬲᬳᬤᬸᬮᬸᬃᬧᬗᬮ᭄ᬧᬶᬓ᭞ᬧᬗᬲ᭄ᬢᬸᬗ᭄ᬓᬭᬚᬬᬚᬬᬕᬡ᭄ᬥᬓ᭄ᬱᬢ᭞ᬲᬶᬦᬯᬸᬭᬦᬶᬂᬧᬸᬱ᭄ᬧᬯᬃᬱ᭞

Auto-transliteration

[7 7B] 7 wastu3. tanpariwastu, siddhyajñāna, parĕnglawansasanakta, ludrā, tatwa, brāhma, iśwara, wiṣṇu, mahādewa, ngingantekna, rumuhan, agyawontĕningbali. angastungkaraba ṭāraputrajayā, paparĕngbaṭārahyangghnijayā, adulurpangalpikā, umunglwirsadpadhahangisĕpsari, mangkayanpangopamā, nhĕrtumuli'amwit'humantukingbali, tangehyanwuwusĕn, tankaṭāknengawan, cĕtprāptamaringbali, apanpadhamawanhyun, tumurunpwamarengbasakih, tanlingĕnsukaningajñānanirā, apanwuskasanmatan, sidbaningdon, humantuk padhabaṭāramaringkahyanganirasowangsowang, hnĕngaknaringbalikamantyan. 0. parameśwarĕmmadhyabalyagam, darppedewaścaparaṇam, baswarĕmmahāpa [8 8A] witram. wuwusantumurunirabaṭārahyangprameṣṭigurumaringbalirājya, tumutsangwatĕkde‐watakabeh, mwangrĕsyighaṇa, dewasangga, sahaningmaringswargga, tlashumiringbaṭāramaringbali, kunang nangbaṭāraparameśwaratansahhalunggwingpadmāmaṇikānglayang, sahāpayunghamarapit, mwangtunggulumbulumbul, humungswaraningkĕṇdhang, mwangpañjayajaya, sahapuṣpawarṣa, ringdhirghāntara, rĕngrĕng ringdhikwidhik, adulurklĕpug. kunangbaṭārawanehpadha'adudwandudwantungganganira, apanpadhadarppahumiringbaṭāramunggwingtawang. tangehyanwuwusĕn, cĕtprāptamaringto langkir, sinungsungdebaṭāraputrajaya, mwangbaṭāraghnijaya, iniwehbaṭāracatūrpuruṣa, sahadulurpangalpika, pangastungkarajayajayagaṇdhakṣata, sinawuraningpuṣpawarṣa,

Leaf 8

Image on Archive.org

[᭘ 8B] [᭘] ᬲᬵᬫ᭄ᬧᬸᬦᬧᬸᬧᬸᬮ᭄ᬫᬭᬶᬂᬓᬳ᭄ᬬᬗᬦ᭄ᬢᭀᬮᬗ᭄ᬓᬶᬃ᭞ᬮᬶᬗ᭄ᬳᬶᬭᬳ᭄ᬬᬂᬧ᭄ᬭᬫᬾᬱ᭄ᬝᬶᬕᬸᬭᬸ᭟ᬅᬦᬓᬸᬓᬫᬸᬂᬳ᭄ᬬᬂᬤᬾᬯᬤᬾᬯᬢᬓᬩᬾᬄ᭞ᬫᬗ᭄ᬓᭀᬤᬾᬦ᭄ᬧ᭄ᬭᬬᭀᬕᬓ᭄ᬦ᭞ᬤᬶᬤᬶᬦᬾᬕ᭄ᬬᬲᬶᬤ᭄ᬥᬅᬗᬚᬶᬫᬦᬸᬱ᭞ᬲᬶᬦᬸᬓ᭄ᬱ᭄ᬫ ᬢ᭄ᬓᬾᬂᬳᬸᬮᬸᬦ᭄ᬓᬩᬾᬄ᭞ᬲᬯᬸᬃᬫᬦᬸᬓ᭄ᬲᬂᬯᬢᭂᬓ᭄‌ᬤᬾᬯᬤᬾᬯᬢᬓᬩᬾᬄ᭞ᬳᬸᬫᬶᬭᬶᬗᬚ᭄ᬜᬪᬝᬵᬭ᭞ᬧᬥᬲᬶᬦᬸᬓ᭄ᬱ᭄ᬫᬧ᭄ᬭᬮᬶᬡᬵ᭞ᬲᬸᬫᬸᬲᬸᬧ᭄‌ᬭᬶᬂᬰᬶᬯᬖᬃᬪᬵ᭞ᬮᬶᬂᬪᬝᬵᬭ᭟ᬓᬫᬸᬂᬅᬦᬓᬸᬇᬰ᭄ᬯᬭᬓᬶ᭠ ᬫᬸᬗ᭄ᬕ᭄ᬯᬶᬂᬓᬸᬮᬶᬢ᭄᭞ᬳ᭄ᬬᬂᬩ᭄ᬭᬵᬳ᭄ᬫᬫᬸᬗ᭄ᬕᬄᬭᬶᬂᬳᭀᬢᭀᬢ᭄᭞ᬳ᭄ᬬᬂᬯᬶᬱ᭄ᬡᬸᬫᬸᬗ᭄ᬕᬄᬭᬶᬂᬤᬕᬶᬂ᭞ᬳ᭄ᬬᬂᬫᬳᬤᬾᬯᬫᬸᬗ᭄ᬕᬸᬄᬭᬶᬂᬲᬸᬫ᭄ᬲᬸᬫ᭄᭞ᬓᬸᬦᬂᬲᬶᬭᬓᬮᬶᬄ᭞ᬲᬗ᭄ᬓᬭᬮᬸᬤ᭄ᬭᬵ᭞ᬫᬸᬗ᭄ᬕᬄᬭᬶᬂᬧᬩ᭄ᬯᬳᬦ᭄᭟ᬯ᭄ᬓᬲᬦ᭄ᬲᬵ᭠ ᬫ᭄ᬧᬸᬦ᭄ᬲᬫᬵᬬᭀᬕ᭞ᬥᬭᬓᬵ᭞ᬅᬗᬺᬕᭂᬧᬦᬓᬺᬦ᭄᭞ᬖ᭄ᬦᬶᬲᬓᬸᬡ᭄ᬥᬵ᭞ᬮ᭄ᬯᬶᬃᬦ᭄ᬬᬦᬶᬫᬶᬢᬦᬶᬂᬤᬤᬶᬚᬤ᭄ᬫᬵ᭞ᬤᭀᬭᬯᬦᬾᬄᬲᬭᬶᬦᬶᬂᬳ᭄ᬬᬂᬪᬲᬸᬡ᭄ᬥᬭᬶ᭞ᬬᬢ᭄ᬓᬭᬶᬦᬾᬓᬫᬦᬸᬱᬵ᭟ᬓᬸᬳᬤᬂᬢ᭄ᬓᬪ [᭙ 9A] ᬭᬬᬫᬤᬶᬧᬢᬶ᭞ᬅᬰᬭᬶᬭᬲᭀᬦᬇᬋᬂ᭞ᬢᬦ᭄ᬫᬃᬬ᭄ᬬᬅᬗᬶᬭᬗᬶᬭᬗᬶᬧᬬᭀᬕᬦ᭄ᬪᬝᬵᬭ᭞ᬧ᭄ᬭᬵᬧ᭄ᬢ᭠ᬳᬦᬤᬸᬓᬭᬳᬸᬫᬢᬸᬃ᭞ᬮᬶᬂᬦᬶᬭᬵ᭞ᬦᬶᬳᬦ᭄᭟ᬲᬶᬗ᭄ᬕ᭄ᬕᬶᬄᬳ᭄ᬬᬂᬪᬝᬵᬭ᭞ᬫᬗ᭄ᬓᬾᬧᬤᬸᬓᬪᬝᬵᬭᬳ᭄ᬬᬸᬦᬵᬗᬚᬶ ᬫᬦᬸᬱᬵ᭞ᬤᬾᬦᬼᬫᬄᬳᬶᬓᬸ᭞ᬫᬗ᭄ᬓᬾᬳᬸᬮᬸᬦ᭄ᬧ᭄ᬭᬘᬫ᭄ᬧᬄ᭞ᬫᬲᬤᬶᬤᬶᬫᬦᬸᬱᬵ᭞ᬬᬦ᭄ᬢᬸᬳᬸᬇᬓᬸᬤᬤᬶᬫᬦᬸᬱ᭞ᬳᬸᬮᬸᬦ᭄ᬲᬸᬫᬗ᭄ᬕᬸᬧᬓᭂᬦᬵᬫᬗᬦ᭄ᬧᬸᬭᬶᬱ᭄ᬬᬦᬶᬂᬫᬦᬹᬱᬵ᭟ᬲᬸᬫᬳᬸᬃᬪᬝᬵᬃᬲ᭄᭞ᬫᬧᬮᬶᬂᬫᬸᬪᬃᬕ᭄ᬕᬯᬵ᭞ ᬢ᭄ᬓᬧ᭄ᬭᬘᬫ᭄ᬧᬄ᭞ᬅᬕᬸᬂᬲᬗ᭄ᬕᬸᬧ᭄ᬢ᭞ᬢ᭄ᬓᬾᬗᬓᬸ᭞ᬫᬗ᭄ᬓᬾᬗ᭄ᬯᬂᬅᬩᬲᬫᬮᬵᬯᬦ᭄ᬓᬶᬢᬵ᭞ᬬᬦ᭄ᬢᬦ᭄ᬤᬤᬶᬇᬓᬶᬂᬫᬦᬸᬱᬵ᭞ᬤᬸᬤᬸᬗ᭄ᬯᬂᬤᬾᬯᬦᬶᬂᬳᬤᬾᬯᬵ᭞ᬯ᭄ᬦᬂᬍᬩᭀᬓᬓ᭄ᬦᬭᬶᬗᬯᬾᬘᬶ᭟ᬢᬗᬾᬄᬬᬜ᭄ᬘᬭᬶᬢᬧᬥ ᬅᬓᭂᬤ᭄ᬯᬓᭂᬤ᭄ᬯᬦᬸᬚᬃ᭞ᬇᬭᬶᬓᬦ᭄ᬳᭂᬃᬧᬤᬸᬓᬳ᭄ᬬᬂᬧ᭄ᬭᬫᬾᬱ᭄ᬝᬶᬕᬸᬭᬸ᭞ᬭᬸᬫ᭄ᬕᭂᬧᬓᭂᬦᬲᬡ᭄ᬥᬶᬦᬶᬗᬚ᭄ᬜ᭠ᬦ᭞ᬤᬸᬫᬶᬮᬄᬧᬸᬦᬂᬓᬸᬡ᭄ᬥ᭞ᬅᬯᭀᬃᬓᬸᬓᬸᬲ᭄᭞ᬯ᭄ᬓᬲᬦ᭄ᬲᬫ᭄ᬧᬸᬦ᭄ᬧ᭄ᬯᬅᬗᬾᬓᬫᬸᬓ᭞ᬢᬦ᭄ᬥᬧᬸᬗ᭄ᬕᭂᬮ᭄

Auto-transliteration

[8 8B] [8] sāmpunapupulmaringkahyangantolangkir, linghirahyangprameṣṭiguru. anakukamunghyangdewadewatakabeh, mangkodenprayogakna, didinegyasiddha'angajimanuṣa, sinukṣma tkenghulunkabeh, sawurmanuksangwatĕkdewadewatakabeh, humiringajñabaṭāra, padhasinukṣmapraliṇā, sumusupringśiwagharbhā, lingbaṭāra. kamunganaku'iśwaraki‐ munggwingkulit, hyangbrāhmamunggahringhotot, hyangwiṣṇumunggahringdaging, hyangmahadewamungguhringsumsum, kunangsirakalih, sangkaraludrā, munggahringpabwahan. wkasansā‐ mpunsamāyoga, dharakā, angrĕgĕpanakrĕn, ghnisakuṇdhā, lwirnyanimitaningdadijadmā, dorawanehsarininghyangbasuṇdhari, yatkarinekamanusyā. kuhadangtkaba [9 9A] rayamadipati, aśarirasona'irĕng, tanmaryya'angirangirangipayoganbaṭāra, prāpta‐hanadukarahumatur, lingnirā, nihan. singggihhyangbaṭāra, mangkepadukabaṭārahyunāngaji manusyā, denlĕmahhiku, mangkehulunpracampah, masadidimanusyā, yantuhu'ikudadimanuṣa, hulunsumanggupakĕnāmanganpuriṣyaningmanūsyā. sumahurbaṭārs, mapalingmubarggawā, tkapracampah, agungsanggupta, tkengaku, mangkengwangabasamalāwankitā, yantandadi'ikingmanusyā, dudungwangdewaninghadewā, wnanglĕbokaknaringaweci. tangehyañcaritapadha akĕdwakĕdwanujar, irikanhĕrpadukahyangprameṣṭiguru, rumgĕpakĕnasaṇdhiningajña‐na, dumilahpunangkuṇdha, aworkukus, wkasansampunpwa'angekamuka, tandhapunggĕl

Leaf 9

Image on Archive.org

[᭙ 9B] ᭙ ᬢᬂᬫᬦᬹᬱᬭᬾᬓᬵ᭞ᬇᬭᬶᬓᬫᬘᬓᬮᬶᬓᬂᬅᬲᬸ᭞ᬅᬲ᭄ᬯᬭᬓᭀᬂᬓᭀᬂᬓᭀᬂ᭞ᬫ᭄ᬯᬄᬪᬝᬵᬭᬳᬬᭀᬕ᭞ᬫ᭄ᬯᬄᬧᬸᬗ᭄ᬕᭂᬮ᭄ᬢᬂᬫᬦᬹᬱᬭᬾᬓᬵ᭞ᬫᬮᬶᬄᬢᬂᬲᭀᬦᬳᬜᬓᬮ᭄᭞ᬲ᭄ᬯᬭᬦ᭄ᬬ᭞ᬓᭀᬂᬓᭀᬂᬓᭀᬂ᭞ᬫ᭄ᬯᬄ ᬪᬝᬵᬭᬅᬬᭀᬕ᭞ᬫ᭄ᬯᬄᬧᬸᬗ᭄ᬕᭂᬮ᭄ᬢᬂᬭᬾᬓᬵ᭞ᬢᬦ᭄ᬫᬃᬬ᭄ᬬᬢᬂᬲᭀᬦᬅᬜᬓᬮ᭄᭞ᬲ᭄ᬯᬭᬦ᭄ᬬᬓᬶᬂᬓᬶᬂᬓᬶᬂ᭞ᬢ᭄ᬗᭂᬭᬦ᭄ᬬᬅᬦᬶᬢᬶᬃᬅᬯ᭄ᬬᬢᬭᬪᬝᬵᬭᬅᬗᬾᬓᬵᬫᬦᬹᬱᬵ᭞ᬧᬶᬂ᭞᭕᭞ᬢᬶᬦ᭄ᬳᭂᬃᬧᬸᬗ᭄ᬕᭂᬮ᭄ᬧᬸᬦᬂᬚᬤ᭄ᬫᬭᬾᬓ ᭞ᬢᬦ᭄ᬤ᭄ᬯᬓᬳᬾᬭᬂᬳᬾᬭᬂᬪᬝᬵᬭᬲᬶᬭᬾᬂᬅᬚ᭄ᬜᬵᬦ᭞ᬅᬧᬦᬮᬄᬤᬾᬦᬶᬓᬂᬅᬲᬸ᭟ᬦ᭄ᬳᭂᬃᬫ᭄ᬯᬄᬪᬝᬵᬭᬳᬗ᭄ᬯᬢᭀᬓᬓᭂᬦ᭄‌ᬲᬶᬤ᭄ᬥᬶᬅᬤ᭄ᬜᬦ᭞ᬭᬸᬫᬯᬓᬶᬓᬂᬢ᭄ᬭᬶᬮᭀᬓ᭞ᬤᬸᬫᬶᬮᬄᬢᬂᬓᬸᬡ᭄ᬥᬵᬖ᭄ᬦᬶ᭞ᬕᬶᬗ᭄ᬕᬸᬂ᭠ ᬢᬂᬧ᭄ᬭᬢᬶᬯᬶᬫᬡ᭄ᬥᬮᬵ᭞ᬳᬸᬫᬶᬚᬶᬮ᭄‌ᬲᬗ᭄ᬳ᭄ᬬᬂᬅᬫᬺᬢ᭄ᬢᬲᬾᬯᬫ᭄ᬩᬵ᭞ᬩ᭄ᬬᬓ᭄ᬢᬯᬮᬸᬬᬤᬤᬶᬫᬦᬹᬱᬵ᭞ᬇᬭᬶᬓᬓᬯ᭄ᬗᬦ᭄‌ᬧᬸᬦᬂᬲᭀᬦ᭞ᬅᬯᭂᬗᬶᬲ᭄ᬢᬸᬫᭀᬦᬶᬂᬫᬦᬹᬱ᭞ᬮᬶᬂᬪᬝᬵᬭᬳ᭄ᬬᬂᬧᬱᬸᬧᬢᬶᬕᬸᬭᬸ [᭑᭐ 10A] ᭟ᬫᬗ᭄ᬓᬾᬩ᭄ᬬᬓ᭄ᬢᬅᬮᬄᬓᬶᬢᬵᬯᬕ᭄ᬭᬄ᭞ᬓᬾᬗᭂᬢᬓᭂᬦ᭄ᬳᬸᬚᬃᬢᬗᬹᬦᬶ᭞ᬯᬲ᭄ᬢᬸ᭞᭓᭞ᬢᬦ᭄ᬧᬭᬶᬯᬲ᭄ᬢᬸ᭞ᬓᬢ᭄ᬓᬾᬂᬤ᭄ᬮᬳᬵ᭞ᬧᬸᬦᬂᬲᭀᬦᬳᬫᬗᬦ᭄ᬧᬸᬭᬶᬱ᭄ᬬᬦᬶᬂᬫᬦᬹᬱ᭟ᬫᬶᬗᬶᬲ᭄ᬓᬳᬾᬭᬗᬾᬭᬂᬧᬸᬦᬂᬲᬫ᭄ᬩᬸᬓ ᬦ᭄ᬥᬓ᭄ᬱᬫᬓ᭄ᬦᬵ᭞ᬢᬦ᭄ᬢᬶᬦᬗ᭄ᬕᬧᬦ᭄᭞ᬬᬳᬾᬢᬸᬦ᭄ᬬᬳᬫ᭄ᬯᬶᬢ᭄ᬫᬸᬮᬶᬄ᭞ᬢᬦ᭄ᬲᬄᬳᬲ᭄ᬯᭂᬂᬢᬗᬶᬲ᭄᭞ᬅᬦ᭄ᬲᭂᬮ᭄‌ᬧᬸᬮᬵᬓᬺᬢᬶ᭞ᬦ᭄ᬤᬄᬯᬮᬸᬬᬫ᭄ᬯᬄᬲᬗ᭄ᬳ᭄ᬬᬂᬬᬫᬤᬶᬧᬢᬶ᭞ᬢᬦ᭄ᬯᬃᬡ᭄ᬦᬾᬂᬅᬯᬦ᭄᭞ᬧ᭄ᬭᬵᬧ᭄ᬢᬂᬬᬫᬦᬶᬮᭀᬓᬵ᭞ ᬇᬭᬶᬓᬳ᭄ᬬᬂᬫᭀᬚᬃᬭᬶᬂᬲᬯᬢᭂᬓᬶᬂᬘᬶᬓ᭄ᬭᬩᬮᬫᬓᬩᬾᬳᬦ᭄᭞ᬫᬓᬫᬸᬓᬭᬶᬂᬓᬂᬗᬭᬦ᭄‌ᬓᬶᬪᬸᬢᬓᬮᬶᬓᬵ᭞ᬅᬧᬮᬶᬂᬦᬶᬭ᭟ᬉᬥᬸᬄᬓᬫᬸᬓᬮᬶᬓ᭞ᬫ᭄ᬯᬂᬓᬶᬢᬓᬶᬗ᭄ᬓᬭᬩᬮᬵ᭞ᬲᬤᬬᬵ᭞ᬓᬶᬢ᭠ ᬓᬶᬦᭀᬦ᭄ᬓᬸᬢᬸᬭᬸᬦ᭄ᬫᬭᬾᬂᬫᬥ᭄ᬬᬮᭀᬓ᭞ᬲᬸᬫᭂᬡ᭄ᬥᬶᬇᬗ᭄ᬲᬸᬦ᭄ᬅᬫᬗᬦ᭄ᬧᬸᬭᬶᬱ᭄ᬬᬦᬶᬂᬫᬦᬸᬱᬵ᭞ᬢᬸᬭᬸᬦ᭄ᬢᬸᬫᬸᬭᬸᬦ᭄‌ᬓᬢ᭄ᬓᬾᬂᬯᬃᬢ᭄ᬢᬫᬦᬚᬸᬕᬵ᭞ᬤ᭄ᬥ᭄ᬬᬤᬸᬫᬾᬄᬦ᭄ᬬᬦ᭄ᬫᬗ᭄ᬓᬦ᭞ᬅᬧᬦᬶᬗ᭄ᬳᬸᬮᬸᬦᬢᭀᬄᬢᭀ

Auto-transliteration

[9 9B] 9 tangmanūṣarekā, irikamacakalikangasu, aswarakongkongkong, mwahbaṭārahayoga, mwahpunggĕltangmanūṣarekā, malihtangsonahañakal, swaranya, kongkongkong, mwah baṭāra'ayoga, mwahpunggĕltangrekā, tanmaryyatangsona'añakal, swaranyakingkingking, tngĕranya'anitir'awyatarabaṭāra'angekāmanūsyā, ping5tinhĕrpunggĕlpunangjadmareka , tandwakaherangherangbaṭārasirengajñāna, apanalahdenikangasu. nhĕrmwahbaṭārahangwatokakĕnsiddhi'adñana, rumawakikangtriloka, dumilahtangkuṇdhāghni, ginggung‐ tangpratiwimaṇdhalā, humijilsanghyangamrĕttasewambā, byaktawaluyadadimanūsyā, irikakawnganpunangsona, awĕngistumoningmanūṣa, lingbaṭārahyangpasyupatiguru [10 10A] . mangkebyakta'alahkitāwagrah, kengĕtakĕnhujartangūni, wastu3tanpariwastu, katkengdlahā, punangsonahamanganpuriṣyaningmanūṣa. mingiskaherangerangpunangsambuka ndhakṣamaknā, tantinanggapan, yahetunyahamwitmulih, tansahhaswĕngtangis, ansĕlpulākrĕti, ndahwaluyamwahsanghyangyamadipati, tanwarṇnengawan, prāptangyamanilokā, irikahyangmojarringsawatĕkingcikrabalamakabehan, makamukaringkangngarankibhutakalikā, apalingnira. udhuhkamukalika, mwangkitakingkarabalā, sadayā, kita‐ kinonkuturunmarengmadhyaloka, sumĕṇdhi'ingsunamanganpuriṣyaningmanusyā, turuntumurunkatkengwarttamanajugā, ddhyadumehnyanmangkana, apaninghulunatohto

Leaf 10

Image on Archive.org

[᭑᭐ 10B] ᭑᭐ ᬳᬦ᭄ᬮᬯᬦ᭄ᬪᬝᬵᬭᬅᬘᬶᬡ᭄ᬝ᭄ᬬᬰᬸᬘᬶ᭞ᬬᬫᬢᬂᬦ᭄ᬬᬦᭀᬭᬯᬦᬾᬄᬓᬶᬢᬅᬓᭀᬦ᭄ᬓᬸᬲᬸᬫᭂᬡ᭄ᬥᬶᬇᬗ᭄ᬕᬸᬮᬸᬦ᭄‌ᬳᬦ᭄ᬤᬤᬶᬰᬺᬕᬮᬵ᭞ᬯᭀᬦ᭄ᬢᭂᬦᬶᬂᬫᬥ᭄ᬬᬮᭀᬓ᭞ᬳᬦᬧᬶᬯ᭄ᬓᬲᬶᬗ᭄ᬳᬸᬮᬸᬦ᭄᭞ᬯ᭄ᬓᬲ᭄ᬧ᭄ᬭᬵᬧ᭄ᬢᬓᬧᬢ᭄ᬬᬦᬶᬂᬫᬦᬸᬱ ᬇᬭᬶᬓᬬᭀᬕ᭄ᬬᬓᬶᬢᬧᬧᬋᬂᬲᬦᬓ᭄ᬢᬵᬅᬗ᭄ᬕᭂᬮᬕ᭄ᬮᬵᬅᬢ᭄ᬫᬦᬶᬂᬫᬦᬹᬱᬵᬲᬂᬫᬳᬸᬮᬄᬢᬦ᭄ᬬᭀᬕ᭄ᬬ᭟ᬓᬳᬦ᭄ᬮᬶᬂᬳ᭄ᬬᬂᬬᬫᬤᬶᬧᬢᬶ᭞ᬢᬸᬫᬸᬗ᭄ᬓᬸᬮ᭄ᬲᬳᬦᬦᬶᬂᬓᬶᬗ᭄ᬓᬭᬩᬮᬵ᭞ᬲᬥᬬ᭞ᬫᬶᬗ᭄ᬳᭂᬢ᭄ᬢᬶᬗᭂᬢᬶᬂᬘᬶᬢ᭞ᬓᬸᬦᬂᬬ ᬦ᭄ᬯᬜ᭄ᬘᬓ᭄ᬥᬬᬵ᭞ᬢᬦ᭄ᬯᬸᬓ᭄ᬓᬩᬚ᭄ᬭᬯᬶᬱ᭞ᬪᬶᬦᬓ᭄ᬱᬕᬶᬦ᭄ᬮᬕ᭄ᬮᬵ᭟ᬬᬢᬳᬾᬢᬸᬦ᭄ᬬᬦᬸᬫᬶᬭᬶᬂᬲᬚ᭄ᬜᬵᬪᬝᬵᬭ᭞ᬓᬶᬪᬸᬢᬓᬮᬶᬓ᭞ᬫ᭄ᬯᬂᬓᬶᬗ᭄ᬓᬭᬓᬩᬾᬄ᭞ᬫᬗ᭄ᬓᬦᬧᬶᬤᬃᬣᬦ᭄ᬬᬫᬶᬫᬶᬢᬦᬶᬂᬧᬸᬦᬂᬅᬲᬸᬳᬫᬗᬦ᭄ᬩᬘᬶ ᬦ᭄ᬫᬦᬹᬱᬵ᭟ᬢ᭄ᬳᭂᬃᬓᬢ᭄ᬓᬾᬂᬯ᭄ᬓᬲ᭄᭟᭐᭟ᬫ᭄ᬯᬄᬧᬬᭀᬕᬦᬶᬭᬳ᭄ᬬᬂᬪᬝᬵᬭ᭞ᬪᬝᬵᬭᬳ᭄ᬬᬂᬧᬱᬸᬧᬢᬶᬧ᭄ᬭᬫᬾᬱ᭄ᬝᬶᬕᬸᬭᬸ᭞ᬅᬗᬚᬶᬫᬦᬹᬱᬵ᭞ᬰᬭᬡᬢᭀᬓ᭄ᬢᭀᬓᬦ᭄ᬜᬸᬄᬕᬥᬶᬂ᭞ᬳᬸᬫ᭄ᬢᬸᬫᬦᬹᬱᬵ᭞᭒᭞ᬲᬶᬓᬶᬚᬮ᭄ᬯᬶᬲ᭄ᬢ᭄ᬭᬷ [᭑᭑ 11A] ᬓᬂᬮᬓᬶᬇᬗᬭᬡᬦ᭄‌ᬓᬶᬓ᭄ᬢᭀᬓ᭄ᬧᬶᬢᬵ᭞ᬓᬂᬲ᭄ᬢ᭄ᬭᬷᬤᬭᬡᬦ᭄‌ᬦᬶᬚ᭄ᬦᬃ᭞ᬇᬓᬢᬫᬓᬮᬓᬶᬦ᭄ᬬ᭞ᬏᬦᬓ᭄‌ᬧ᭄ᬯᬧᬓᬸᬋᬦᬶᬭᬵᬅᬧᬦ᭄ᬧᬶᬡ᭄ᬥᬦᬶᬂᬳ᭄ᬬᬂ᭟ᬧᬶᬭᬓᬸᬦᬂᬇᬓᬂᬓᬵᬮ᭞ᬇᬯ᭄ᬓᬲᬦ᭄‌ᬯᬺᬤ᭄ᬥᬶᬲᬦ᭄ᬢᬦᬲᬶᬭ᭞ᬢᬦᬶᬧᬮᬶᬧᬮ᭄ ᬚᬮ᭄ᬯᬶᬲ᭄ᬢ᭄ᬭ᭄ᬬ᭟ᬫ᭄ᬯᬄᬪᬝᬵᬭᬅᬬᭀᬕ᭞ᬅᬗᬚᬶᬫᬦᬸᬱᬵ᭞ᬢᬦ᭄ᬮᬶᬗᭂᬦ᭄‌ᬥᬭᬓᬲᬫᬥᬶᬦᬶᬭ᭞ᬅᬗᬋᬧᬓᭂᬦ᭄‌ᬓᬸᬡ᭄ᬥᬵᬕ᭄ᬦᬶ᭞ᬲᬓᬶᬂᬲᬶᬤ᭄ᬥᬶᬅᬚ᭄ᬜᬵᬦ᭞ᬯ᭄ᬓᬲᬦᬸᬫ᭄ᬢᬸᬫᬦᬸᬱᬵ᭞᭒᭞ᬲᬶᬓᬶ᭞ᬚᬮ᭄ᬯᬶᬲ᭄ᬢ᭄ᬭᬶᬬᬵ᭞ᬓᬂᬮᬓᬶᬇᬦᬭ ᬩᬦ᭄ᬓᬶᬳᬩᬂ᭞ᬓᬂᬲ᭄ᬢ᭄ᬭᬷᬇᬗᬭᬡᬓᭂᬦ᭄‌ᬦᬶᬩᬭᬓ᭄᭞ᬫᬗ᭄ᬓᬾᬳᬦᬫᬗ᭄ᬓᭀᬫᬯᬬᬄ᭞ᬬᬢᬧ᭄ᬯᬲᬶᬦᬸᬂᬬᭀᬕ᭞ᬅᬮᬓᬶᬜ᭄ᬫ᭟ᬧᬶᬭᬢᬓᬸᬦᬂᬮᬯᬲᬶᬭᬅᬓᬸᬋᬦ᭄‌ᬢᬦ᭄ᬧᬾᬗᬦ᭄‌ᬯᬺᬤ᭄ᬥᬶᬲᬦ᭄ᬢᬦᬧ᭄ᬯᬲᬶᬭᬚ ᬮ᭄ᬯᬷᬲ᭄ᬢ᭄ᬭ᭄ᬬ᭟ᬢᬗᬾᬄᬬᬦ᭄ᬓᬝᬵᬓ᭄ᬦᬤᬺᬱ᭄ᬞᬶᬦᬶᬭᬧᬤᬸᬓᬪᬝᬵᬭ᭞ᬅᬬᭀᬕᬲᬫᬥᬶ᭞ᬅᬗᬚᬶᬫᬦᬹᬱᬭᬶᬂᬢᬫ᭄ᬧᬸᬬᬂ᭞ᬅᬧᬦ᭄ᬯᬸᬯᬸᬲ᭄ᬢᬳᬸᬯᬸᬲ᭄‌ᬩ᭄ᬬᬓ᭄ᬢᬅᬓᬾᬄᬢᬂᬫᬦᬹᬱᬵᬭᬶᬂᬩᬮᬶ᭞ᬫᬦᬓ᭄ᬕᬸᬫᬦᬓ᭄

Auto-transliteration

[10 10B] 10 hanlawanbaṭāra'aciṇṭyaśuci, yamatangnyanorawanehkita'akonkusumĕṇdhi'inggulunhandadiśrĕgalā, wontĕningmadhyaloka, hanapiwkasinghulun, wkasprāptakapatyaningmanuṣa irikayogyakitapaparĕngsanaktā'anggĕlaglā'atmaningmanūsyāsangmahulahtanyogya. kahanlinghyangyamadipati, tumungkulsahananingkingkarabalā, sadhaya, minghĕttingĕtingcita, kunangya nwañcakdhayā, tanwukkabajrawiṣa, bhinakṣaginlaglā. yatahetunyanumiringsajñābaṭāra, kibhutakalika, mwangkingkarakabeh, mangkanapidarthanyamimitaningpunangasuhamanganbaci nmanūsyā. t'hĕrkatkengwkas. 0. mwahpayoganirahyangbaṭāra, baṭārahyangpasyupatiprameṣṭiguru, angajimanūsyā, śaraṇatoktokanñuhgadhing, humtumanūsyā2sikijalwistrī [11 11A] kanglaki'ingaraṇankiktokpitā, kangstrīdaraṇannijnar, ikatamakalakinya, enakpwapakurĕnirā'apanpiṇdhaninghyang. pirakunangikangkāla, iwkasanwrĕddhisantanasira, tanipalipal jalwistrya. mwahbaṭāra'ayoga, angajimanusyā, tanlingĕndharakasamadhinira, angarĕpakĕnkuṇdhāgni, sakingsiddhi'ajñāna, wkasanumtumanusyā2siki, jalwistriyā, kanglaki'inara bankihabang, kangstrī'ingaraṇakĕnnibarak, mangkehanamangkomawayah, yatapwasinungyoga, alakiñma. piratakunanglawasira'akurĕntanpenganwrĕddhisantanapwasiraja lwīstrya. tangehyankaṭāknadrĕṣṭhinirapadukabaṭāra, ayogasamadhi, angajimanūṣaringtampuyang, apanwuwustahuwusbyakta'akehtangmanūsyāringbali, manakgumanak

Leaf 11

Image on Archive.org

[᭑᭑ 11B] ᭑᭑ ᬫᬓᬸᬭᬫ᭄ᬩ᭄ᬬᬦ᭄᭞ᬬᬫᬢᬗᬶᬭᬧᬤᬸᬓᬪᬝᬵᬭᬫᬳᬵᬰᬸᬘᬶ᭞ᬅᬓᭀᬦ᭄ᬲᬂᬯᬢᭂᬓ᭄ᬤᬾᬯᬢ᭞ᬢᬸᬫᬸᬭᬸᬦ᭄ᬫᬭᬾᬂᬩᬮᬶ᭞ᬅᬗᬚᬭᬓᭂᬦ᭄ᬳᬸᬮᬳᬶᬂᬫᬦᬸᬱᬵ᭟ᬫᬓᬗᬹᬦᬶᬅᬕᬯᬬᬧ᭄ᬭᬩᭀᬢᬶᬂᬫᬦᬹᬱᬵ᭞ᬤᬶᬤᬶᬦ᭄ᬬᬦ᭄ᬯ᭄ᬭᬸᬄᬳᬦ ᬫ᭄ᬩᬸᬢ᭄ᬕᬯᬾ᭞ᬯ᭄ᬭᬸᬄᬭᬶᬂᬮᬧᬯᬼᬓᬂ᭞ᬬᬫᬢᬗᬾᬢᬂᬫᬦᬹᬱᬧᬥᬗᬗ᭄ᬲᬶᬕᬯᬓᬢᬦᭂᬫ᭄᭞ᬅᬦᬳᬮᬲᬵᬕᬸᬂᬭᬶᬂᬢᬫ᭄ᬧᬸᬬᬂ᭞ᬕᬶᬦᬯᬾᬚᬗ᭄ᬕᬮᬵᬧᬕᬕᬦ᭄᭞ᬳᭀᬮᬶᬳᬶᬂᬯᭀᬂᬩᬮ᭄ᬬᬕᬵ᭞ᬭᬶᬦᬸᬩᬸᬄᬢᬂᬢᬭᬸᬯᬕᬸᬂ᭞ᬇ ᬦᬶᬯᬾᬄᬕᬶᬦ᭄ᬲᭂᬗᬶᬂᬧᬯᬓ᭞ᬤᬸᬫᬶᬮᬄᬅᬢᬯ᭄ᬮᬸᬓᬸᬓᬸᬲ᭄ᬦ᭄ᬬ᭟ᬅᬦᬢᬭᬸᬘ᭄ᬮᬕᬶ᭞ᬓᬭᬶᬢᬸᬗ᭄ᬕᬓ᭄ᬦ᭄ᬬᬅᬧᬦᬸᬯᬸᬲ᭄ᬭᬶᬦᬸᬩᬸᬳᬦ᭄᭞ᬓᬬᬮᬶᬗᬶᬃᬭᬹᬧᬦᬶᬓᬂᬢ᭄ᬯᭂᬤ᭄᭞ᬬᬦ᭄ᬯᬶᬦᬶᬫ᭄ᬩᬓ᭄ᬦ᭞ᬢᬦ᭄ᬯᬦᬾᬄᬓᬬᬵᬯ᭄ᬯᬂᬳᬦᬸᬤᬸᬓᬸᬄ᭞ ᬳᬗ᭄ᬭᬡᬰᬶᬓ᭞ᬦᬳᬦ᭄ᬧ᭄ᬭᬱ᭄ᬝᬯᬦ᭄ᬬ᭞ᬓᬸᬦᬂᬚᬗ᭄ᬕᬮᬯᬕᬕᬦ᭄ᬲᬵᬫ᭄ᬧᬸᬦ᭄ᬯᬸᬲ᭄ᬤᬤᬶ᭞ᬫᬦᬸᬱᬅᬦᬫ᭄ᬩᬸᬢ᭄ᬕᬯᬾ᭞ᬫᬗ᭄ᬓᬦᬓᬘᬭᬶᬢᬦ᭄ᬬᬇᬦᬶ᭟ᬦᭂᬗᬓ᭄ᬦᬲᬓᬫᬦ᭄ᬢ᭄ᬬᬦ᭄᭟ᬉᬘᬧᬓ᭄ᬦᬫ᭄ᬯᬄᬳᬶᬩᬂᬮᬦ᭄ᬳᬶᬗᬭ᭠ [᭑᭒ 12A] ᬓ᭄᭞ᬯᬸᬲ᭄ᬮᬫᬵᬤᬾᬦ᭄ᬬᬵᬓᬸᬋᬦ᭄᭞ᬢᬸᬫᬸᬮᬶᬅᬗᬮᬶᬳᬶᬉᬗ᭄ᬕ᭄ᬯᬦ᭄᭞ᬅᬓᬸᬓᬸᬩᭀᬦ᭄ᬭᬶᬂᬧᬶᬗ᭄ᬮᬶᬭᬶᬂᬥᬦᬸ᭞ᬬᬳᬾᬢᬸᬦ᭄ᬬᬇᬗᬭᬡᬦ᭄‌ᬭᬶᬂᬳᬩᬂ᭞ᬲᬵᬫ᭄ᬧᬸᬦ᭄ᬧ᭄ᬯᬯᬺᬤ᭄ᬥᬶᬲᬦ᭄ᬢᬦᬵ᭞ᬯᬯᬸ᭞᭕᭞ᬲᬶᬓᬶ᭞ᬚᬮᬸ᭞᭔᭟ᬲ᭄ᬢ᭄ᬭᬶ᭞᭑᭟ᬓᬂᬧᬦ᭄ᬯᬵ᭞ᬇ᭠ ᬦᬭᬦᬦ᭄‌ᬓᬶᬢᬦᬄᬩᬭᬓ᭄᭞ᬓᬂᬲ᭄ᬢ᭄ᬭᬷᬇᬦᬭᬡᬦ᭄‌ᬦᬶᬍᬯᬶᬄ᭟ᬓᬸᬦᬂᬓᬶᬧᬶᬢ᭞ᬅᬓᬸᬋᬦ᭄‌ᬮᬯᬦ᭄ᬦᬶᬚ᭄ᬦᬃ᭞ᬲᬵᬫ᭄ᬧᬸᬦᬵᬲᬸᬢᬵ᭞ᬯᬯᬸ᭞᭒᭞ᬲᬶᬓᬶ᭞ᬮᬓᬶᬲ᭄ᬢ᭄ᬭᬷ᭟ᬓᬂᬚᬮᬸᬗᬭᬦ᭄‌ᬳᬶᬜᬸᬄᬕᬥᬶᬂ᭞ᬓᬂᬲ᭄ᬢ᭄ᬭᬷ᭞ᬗᬭᬦ᭄‌ᬦᬶᬓᬸ ᬦᬶᬂ᭞ᬬᬢᬦᬶᬓᬸᬦᬶᬂᬇᬦᬮ᭄ᬧ᭄ᬯᬳᬸᬫᬄ᭞ᬤᬾᬓᬶᬩᬭᬓᬦ᭄᭟ᬓᬸᬦᬂᬳᬶᬍᬯᬶᬄᬳᬶᬗᬮᬧ᭄‌ᬳᬓᬸᬋᬦ᭄‌ᬮᬯᬦ᭄ᬳᬶᬧᬶᬢᬵ᭞ᬳᬲᬸᬢ᭞᭓᭞ᬲ᭄ᬢ᭄ᬭᬶᬲᬯᬶᬚᬶ᭞ᬮᬓᬶ᭞᭒᭟ᬓᬂᬧᬦ᭄ᬯᬲ᭄ᬢ᭄ᬭᬷ᭞ᬳᬭᬦᬶᬓᬸᬦᬶᬂ᭞ᬧᬫᬥᬾᬲ᭄ᬢ᭄ᬭᬶᬮᬓᬶ ᭞ᬅᬭᬦ᭄‌ᬳᬶᬜᬸᬄᬕᬥᬶᬂ᭞ᬫ᭄ᬯᬂᬲᬗᬶᬂᬯᬭᬸᬚᬸᬅᬭᬦ᭄ᬳᬶᬕᬥᬶᬗᬦ᭄᭟ᬓᬸᬦᬂᬓᬂᬇᬗᬭᬡᬦ᭄ᬳᬶᬢᬦᬄᬩᬭᬓ᭄᭞ᬲᬵᬫ᭄ᬧᬸᬦᬵᬲᬸᬢᬵ᭞᭓᭟ᬮᬓᬶ᭞᭑᭞ᬲ᭄ᬢ᭄ᬭᬶ᭞᭒᭟ᬓᬂᬧᬦ᭄ᬯᬮᬓᬶ᭞ᬅᬭᬦ᭄ᬓᬶᬯᬬᬦ᭄‌ᬢᬫ᭄ᬧᬮᬦ᭄

Auto-transliteration

[11 11B] 11 makurambyan, yamatangirapadukabaṭāramahāśuci, akonsangwatĕkdewata, tumurunmarengbali, angajarakĕnhulahingmanusyā. makangūni'agawayaprabotingmanūsyā, didinyanwruhhana mbutgawe, wruhringlapawlĕkang, yamatangetangmanūṣapadhangangsigawakatanĕm, anahalasāgungringtampuyang, ginawejanggalāpagagan, holihingwongbalyagā, rinubuhtangtaruwagung, i niwehginsĕngingpawaka, dumilahatawlukukusnya. anataruclagi, karitunggaknya'apanuwusrinubuhan, kayalingirrūpanikangtwĕd, yanwinimbakna, tanwanehkayāwwanghanudukuh, hangraṇaśika, nahanpraṣṭawanya, kunangjanggalawagagansāmpunwusdadi, manuṣa'anambutgawe, mangkanakacaritanya'ini. nĕngaknasakamantyan. ucapaknamwahhibanglanhingara‐ [12 12A] k, wuslamādenyākurĕn, tumuli'angalihi'unggwan, akukubonringpingliringdhanu, yahetunya'ingaraṇanringhabang, sāmpunpwawrĕddhisantanā, wawu5siki, jalu4. stri1. kangpanwā, i‐ naranankitanahbarak, kangstrī'inaraṇannilĕwih. kunangkipita, akurĕnlawannijnar, sāmpunāsutā, wawu2siki, lakistrī. kangjalungaranhiñuhgadhing, kangstrī, ngaranniku ning, yatanikuninginalpwahumah, dekibarakan. kunanghilĕwihhingalap'hakurĕnlawanhipitā, hasuta3strisawiji, laki2. kangpanwastrī, haranikuning, pamadhestrilaki , aranhiñuhgadhing, mwangsangingwaruju'aranhigadhingan. kunangkangingaraṇanhitanahbarak, sāmpunāsutā3. laki1stri2. kangpanwalaki, arankiwayantampalan

Leaf 12

Image on Archive.org

[᭑᭒ 12B] ᭑᭒ ᬓᬂᬲ᭄ᬢ᭄ᬭᬷᬗᬭᬦ᭄‌ᬦᬶᬲᭂᬮᭀᬓᬵ᭟ᬬᬢᬓᬩᬾᬄᬓᬧᬺᬡᬄᬳᬫᬶᬲᬦ᭄᭞ᬗ᭟ᬲᬶᬮᬶᬄᬳᬮᬧ᭄᭞ᬲᬶᬮᬶᬄᬲᭂᬫ᭄ᬩᬄ᭟᭐᭟ᬫ᭄ᬯᬄᬳᬶᬜᬸᬄᬕᬥᬶᬂᬫᬮᬶᬄᬕᬗᬮᬧ᭄ᬫᬶᬲᬦᬾᬓᬂᬇᬗᬭᬡᬦ᭄‌ᬦᬶᬮᭀᬓᬵ᭟ᬓᬸᬦᬂᬳᬶᬲ᭄ᬮᭀᬓᬵ᭞ᬓᬳᬮ ᬧ᭄ᬤᬾᬓᬶᬕᬥᬶᬗᬦ᭄᭞ᬅᬲᬸᬢᬵ᭞᭕᭞ᬲ᭄ᬢ᭄ᬭᬷ᭞᭒᭞ᬚᬮᬸ᭞᭓᭟ᬫ᭄ᬯᬄᬳᬶᬜᬸᬄᬕᬥᬶᬂᬅᬲᬸᬢ᭞᭔᭞ᬚᬮᬸᬲ᭄ᬢ᭄ᬭᬷ᭟ᬚᬮᬸ᭞᭒᭞ᬲ᭄ᬢ᭄ᬭᬶ᭞᭒᭟ᬓᬸᬦᬂᬲᬶᬭᬓᬶᬯᬬᬳᬦ᭄ᬢᬫ᭄ᬧᬮᬦ᭄᭞ᬢᬍᬃᬲᬵᬫ᭄ᬧᬸᬦ᭄ᬅᬲᬸᬢ᭞᭕᭞ᬤᬶᬭᬶ᭟ᬚᬮᬸ᭞᭓᭞ᬲ᭄ᬢ᭄ᬭᬶ᭞᭒᭟ ᬭᬶᬯ᭄ᬓᬲᬦ᭄‌ᬧᬥᬯᬺᬤ᭄ᬥᬶᬲᬦ᭄ᬢᬦ᭞ᬧ᭄ᬯᬲᬶᬭᬵ᭞ᬢᬦᬶᬧᬮᬶᬧᬮ᭄᭞ᬧᬥᬲᬶᬮᬶᬄᬳᬮᬧ᭄᭞ᬅᬫᬶᬲᬦ᭄‌ᬳᬫᬶᬦ᭄ᬤᭀᬦ᭄᭞ᬤᬸᬓᬶᬂᬫᬗ᭄ᬓᬲᭀᬯᬂᬲᭀᬯᬂᬲᭀᬯᬦᬶᬂᬫᬦᬸᬱᬵᬲᬫᬧᬥᬇᬋᬂ᭟ᬢᬦ᭄ᬳᬦᬧ᭄ᬢᬓ᭄ᬦ᭄ᬬᬵ᭞ᬯ᭄ᬦᬂᬇᬗᬸᬘᬧᬸᬘᬧ᭄ ᬮᬯᬦ᭄ᬤᬾᬯᬵ᭞ᬇᬓᬸᬫᬶᬫᬶᬢᬦᬶᬂᬯ᭄ᬯᬂᬯ᭄ᬭᬸᬳᬵᬕᬯᬾᬚᬗ᭄ᬕᬮᬧᬕᬕᬦ᭄᭞ᬅᬫ᭄ᬩᬩᬓᬶᬦ᭄‌ᬗᬮ᭄ᬕᬮ᭄᭞ᬗ᭟ᬅᬦᬦ᭄ᬤᬸᬃᬲᬚᬮ᭄ᬯᬶᬭᬶᬂᬨᬮᬩᬸᬗ᭄ᬓᬄ᭞ᬨᬮᬫᬸᬮ᭞ᬫ᭄ᬯᬂᬕᬕᬵ᭞ᬲᬃᬯ᭄ᬯᬯᬶᬚᬵ᭞ᬢᬦ᭄ᬓᬝᬵᬓ᭄ᬦᬓᬋᬱ᭄ᬝ᭄ᬬᬦᬶᬂᬢᬢᬦ᭄ᬤᬸ [᭑᭓ 13A] ᬭᬦ᭄ᬬᬓᬩᬾᬄ᭞ᬇᬦᬶᬯᬾᬄᬓᬓᬸᬩᭀᬦᬦ᭄ᬬ᭞ᬢᬦ᭄ᬓᬸᬭᬗᬶᬂᬧᬗᬦ᭄ᬓᬶᬦᬹᬫ᭄᭞ᬦ᭄ᬤ᭄ᬬᬤᬸᬫᬾᬄᬦ᭄ᬬᬦ᭄᭞ᬅᬧᬦ᭄ᬤᬾᬯᬤᬳᬢᬶᬂᬅᬲᬶᬄ᭞ᬅᬗᬚᬭᬓᭂᬦ᭄ᬳᬶᬫᬦᬹᬱᬵᬮᬾᬓᬵ᭞ᬫᬗ᭄ᬓᬦᬓᬧ᭄ᬭᬥᬢᬦ᭄ᬬ᭟᭐᭟ᬇᬦᬶᬓᬵᬮᬦᬶᬭᬪᬝᬵᬭᬓ ᬲᬸᬳᬸᬦ᭄᭞ᬮᬸᬗ᭄ᬳᬵᬅᬲᬲᬜ᭄ᬚᬦ᭄‌ᬫᬭᬶᬂᬚᬗ᭄ᬕᬮᬧᬕᬕᬦ᭄᭞ᬫ᭄ᬯᬂᬓᬓᬸᬩᭀᬦᬦ᭄᭞ᬮᬸᬫᬶᬳᬢ᭄ᬓᬭᬫ᭄ᬬᬦᬶᬂᬯᬦᬵᬘᬮᬵ᭞ᬅᬧᬦ᭄ᬯᬸᬲ᭄ᬤᬤᬶᬧᬸᬦᬂᬢᬢᬦ᭄ᬤᬸᬭᬦ᭄᭞ᬲᬃᬯ᭄ᬯᬫᬍᬝᬶᬓ᭄᭞ᬅᬋᬡᭂᬲ᭄ᬢᬂᬢᬢᬦ᭄ᬤᬸᬭᬦ᭄᭞ᬤᬤᬶᬓᬢᬶ᭠ ᬗ᭄ᬳᬮᬦ᭄‌ᬪᬝᬵᬭᬤᬾᬦᬶᬓᬂᬯ᭄ᬯᬂ᭞ᬅᬩ᭄ᬬᬕᬢᬳᬸᬫᬢᬹᬃᬧᬸᬦᬂᬯᭀᬂ᭞ᬅᬧᬮ᭄ᬯᬶᬃᬦ᭄ᬬᬦᬶᬳᬦ᭄᭟ᬲᬶᬗ᭄ᬕᬶᬄᬧᬦ᭄ᬤᬾᬯᬮᬸᬗ᭄ᬳᬵᬳᬶᬗᭂᬡ᭄ᬥᬶᬫᬗ᭄ᬓᬾ᭟ᬫᬦᬶᬭᬫᬶᬥᭂᬃᬅᬲᬲᬜ᭄ᬚᬦ᭄᭞ᬅᬧ᭄ᬢ᭄ᬬᬢᬸᬫᬶᬗ᭄ᬳᬮᬶᬢᬂᬢᬦ᭄ᬤᬸᬭᬦ᭄᭟ᬳᬢᬹᬃᬧᬸᬦᬂ ᬯ᭄ᬯᬂ᭟ᬲᬶᬗ᭄ᬕᬶᬄᬬᬦ᭄ᬫᬗ᭄ᬓᬦᬵ᭞ᬓᬯᬸᬮᬲᬸᬓᬳᬗᬢᭂᬭᬓᭂᬦ᭄᭞ᬲᬤᬕᬶᬂᬧᬩ᭄ᬬᬦᬦ᭄‌ᬢᬗ᭄ᬳᬸᬮᬸᬦ᭄᭞ᬲᬭᬳᬲ᭄ᬬᬦᬶᬂᬳ᭄ᬬᬸᬦ᭄ᬧᬤᬸᬓᬇᬧᬦ᭄ᬤᬾᬯᬵ᭟ᬳᬸᬫ᭄ᬦᭂᬂᬢᬪᬝᬵᬭ᭞ᬓᬳᬥᬂᬓᬭᬸᬇᬤᬾᬦᬶᬂᬓᬶᬩᬮ᭄ᬯᬦ᭄᭞

Auto-transliteration

[12 12B] 12 kangstrīngarannisĕlokā. yatakabehkaprĕṇahhamisan, nga. silihhalap, silihsĕmbah. 0. mwahhiñuhgadhingmalihgangalapmisanekangingaraṇannilokā. kunanghislokā, kahala pdekigadhingan, asutā5strī2jalu3. mwahhiñuhgadhingasuta4jalustrī. jalu2stri2. kunangsirakiwayahantampalan, talĕrsāmpunasuta5diri. jalu3stri2. riwkasanpadhawrĕddhisantana, pwasirā, tanipalipal, padhasilihhalap, amisanhamindon, dukingmangkasowangsowangsowaningmanusyāsamapadha'irĕng. tanhanaptaknyā, wnangingucapucap lawandewā, ikumimitaningwwangwruhāgawejanggalapagagan, ambabakinngalgal, nga. anandursajalwiringphalabungkah, phalamula, mwanggagā, sarwwawijā, tankaṭāknakarĕṣṭyaningtatandu [13 13A] ranyakabeh, iniwehkakubonanya, tankurangingpangankinūm, ndyadumehnyan, apandewadahatingasih, angajarakĕnhimanūsyālekā, mangkanakapradhatanya. 0. inikālanirabaṭāraka suhun, lunghā'asasañjanmaringjanggalapagagan, mwangkakubonan, lumihatkaramyaningwanācalā, apanwusdadipunangtatanduran, sarwwamalĕṭik, arĕṇĕstangtatanduran, dadikati‐ nghalanbaṭāradenikangwwang, abyagatahumatūrpunangwong, apalwirnyanihan. singgihpandewalunghāhingĕṇdhimangke. maniramidhĕr'asasañjan, aptyatuminghalitangtanduran. hatūrpunang wwang. singgihyanmangkanā, kawulasukahangatĕrakĕn, sadagingpabyanantanghulun, sarahasyaninghyunpaduka'ipandewā. humnĕngtabaṭāra, kahadhangkaru'ideningkibalwan,

Leaf 13

Image on Archive.org

[᭑᭓ 13B] ᭑᭓ ᬢᬦ᭄ᬧᬶᬭᬭᬸᬡ᭄ᬝᬶᬓ᭄ᬘᬶᬢᬦᬾᬓᬶᬩᬮ᭄ᬯᬦ᭄᭞ᬦ᭄ᬥ᭄ᬬᬫᬢᬂᬦ᭄ᬬᬓ᭄ᬭᭀᬥ᭞ᬅᬧᬦᬶᬫᬦᬹᬱᬵᬫᬢᬹᬃᬲᬃᬯ᭄ᬯᬶᬅᬩᬘᬶᬦ᭄᭞ᬦ᭄ᬳᭂᬃᬧᬸᬦ᭄ᬩᬮ᭄ᬯᬦ᭄‌ᬢᬸᬫᬡ᭄ᬥᬗᬦᬸᬤᬶᬗᬶᬦ᭄᭞ᬩ᭄ᬭᬸᬓᬸᬢᬶᬳᬗᬸᬘᬧ᭄᭟ᬇᬄ᭞ᬲᬶᬕᬵᬫᬦᬹᬱᬵ᭞ᬅᬦ᭄ᬢ᭄ᬬᬦ᭄ᬢᬦ᭄ᬧ᭄ᬭᬘᬸᬭ᭠ ᬦ᭄ᬫᬸᬅᬦ᭄ᬤᬤᬶᬫᬦᬹᬱᬵ᭞ᬍᬯᬶᬄᬘᬸᬫᬦ᭄ᬢᬓᬦ᭄ᬫᬸ᭞ᬤᬳᬢᬶᬗᬯ᭄ᬕᬶᬕ᭄᭞ᬲᬲᬃᬓᬤᬤ᭄ᬬᬦ᭄ᬫᬸ᭞ᬢᬸᬳ᭄ᬯᬫᬸᬢᬦ᭄ᬯ᭄ᬭᬶᬂᬭᬾᬳᬵ᭞ᬦ᭄ᬤᬶᬳᬦᬲᬰᬡᬓᬢ᭄ᬫᬸᬤᬾᬫᬸ᭞ᬳᬸᬫᬢᬹᬃᬭᬶᬂᬳ᭄ᬬᬂᬲᬃᬯ᭄ᬯᬶᬳᬩᬩᬘᬶᬦ᭄᭞ᬢᬸᬳᬸᬓᬤᬤᬾᬦ᭄ᬫᬍᬫᬄᬓᬶᬦ᭄ᬧᭂ᭠ ᬮ᭄ᬓᭂᬧᭂᬮ᭄᭟ᬲᬸᬫᬳᬸᬃᬓᬂᬫᬦᬹᬱᬵ᭟ᬇᬄ᭞ᬧᬭᬦ᭄ᬩᬮ᭄ᬯᬦ᭄᭞ᬳᬚᬫ᭄ᬚᬫ᭄ᬳᬸᬚᬃᬫᬸ᭞ᬅᬦᬫ᭄ᬩᬢ᭄‌ᬦᬫ᭄ᬩᬢᬶᬂᬢᬯ᭄ᬯᬗᬦ᭄‌᭞ᬢᬸᬳᬸᬫᬸᬢᬦ᭄ᬧ᭄ᬭᬘᬸᬭ᭞ᬳᬧᬶᬳᬧᬶᬯ᭄ᬭᬸᬳᬾᬂᬲᬃᬯ᭄ᬯᬢᬢ᭄ᬯᬲᬰᬡᬵ᭞ᬢᬦ᭄ᬮᬶᬗᭂᬦ᭄ᬓᬯᬗᬦ᭄ᬫᬸᬓᬸᬫᬢᬧ᭄ᬓᬸᬫᬢᬶ ᬧ᭄‌ᬮ᭄ᬬᬩᬶᬂᬅᬯᬾᬘᬶ᭞ᬅᬗᬫ᭄ᬩᭂᬓᬓᭂᬦᬶᬃᬱ᭄ᬬ᭞ᬫᬧᬶᬲᬥᬸ᭞ᬢᬸᬳᬸᬳ᭄ᬬᬂᬪᬝᬵᬭᬦᭀᬭᬭᬸᬡ᭄ᬝᬶᬓ᭄ᬦᬾᬂᬅᬓᬸ᭟ᬲᬸᬫᬳᬸᬃᬓᬶᬩᬮ᭄ᬯᬦ᭄‌ᬫ᭄ᬮᬸᬢᬸᬓ᭄‌ᬢᬂᬦᬾᬢ᭄ᬭᬅᬩᬂ᭞ᬮ᭄ᬯᬶᬃᬲᬸᬫᬶᬭᬢᬶᬂᬖ᭄ᬦᬶᬳᬸᬚ᭄ᬯᬮᬵ᭞ᬦ᭄ᬳᭂᬃᬳᬦᬧᬵ᭟ᬇᬄ᭞ᬅ [᭑᭔ 14A] ᬧᬦ᭄ᬫᬸᬫᬦᬸᬱᬵᬳᬧᬸᬗ᭄ᬕᬸᬂ᭞ᬫᭀᬕᬫᭀᬕᬫᬸᬢᬦ᭄ᬧᬭᬶᬯᬲ᭄ᬢᬸᬇᬦᬭᬹᬧ᭞ᬇᬦᬇᬥᭂᬧ᭄᭞ᬯᬲ᭄ᬢᬸᬤᬤᬶᬯᭀᬂᬤᬸᬲᬸᬦ᭄‌ᬓᬢ᭄ᬓᬾᬂᬯ᭄ᬓᬲᬶᬂᬤ᭄ᬮᬳᬵ᭞ᬤᭀᬱᬫᬸᬳᬜᬫ᭄ᬧᬸᬭᬶᬂᬤᬾᬯᬵ᭟ᬅᬧᬦ᭄ᬢᬦ᭄ᬓᭂᬦᬢᬶᬦᬳᭂᬦ᭄‌ᬢᬂᬩ᭄ᬭᬳ᭄ᬫᬵᬦ᭄ᬬ᭞ ᬢᬸᬫᬸᬮᬶᬢᬂᬩᬮ᭄ᬯᬦᬗᬸᬧᬲᬦ᭄ᬢ᭄ᬯᬭᬶᬂᬪᬝᬵᬭ᭞ᬬᬬᬅᬗᬸᬮᬸᬗᬸᬮᬸᬗᬶ᭞ᬲᬶᬦᬦ᭄ᬫᬢᬤᬾᬪᬝᬵᬭ᭞ᬇᬭᬶᬓᬧᬤᬸᬓᬪᬝᬵᬭᬇᬦᬯᬾᬧᬸᬦᬂᬫᬦᬸᬱᬵᬓᬩᬾᬄ᭟ᬲᬧ᭄ᬭᬵᬧ᭄ᬢᬦᬶᬓᬂᬯ᭄ᬯᬂ᭞ᬓᬶᬦᭀᬦᬵᬦ᭄ᬮᬶᬓᬓᭂᬦ᭄ᬢᬂᬲᭀᬘ ᬦ᭄ᬬᬓᬩᬾᬄ᭞ᬅᬦᬼᬂᬪᬝᬵᬭ᭞ᬢᬸᬫᬸᬮᬶᬕᬶᬦᭀᬭᬾᬢ᭄‌ᬲᭀᬘᬦᬶᬂᬫᬦᬸᬱᬵ᭞ᬤᬾᬦᬶᬂᬓᬧᬸᬃ᭞ᬤᬶᬦᬸᬮᬸᬭᬓᭂᬦ᭄ᬯᬓ᭄ᬲᬧᬵ᭟ᬚᬄᬢᬰ᭄ᬫᬢ᭄᭞ᬯᬲ᭄ᬢᬸ᭞ᬯᬲ᭄ᬢᬸ᭞ᬯᬲ᭄ᬢᬸ᭞ᬓᬫᬸᬫᬦᬹᬱᬵ᭞ᬤᬾᬤᬾᬮᬯᬦᬶᬗ᭄ᬳᬸᬮᬸᬦ᭄᭞ᬢᬦ᭄ᬯᭂ ᬦᬂᬢᬸᬫᭀᬦᬓᭂᬦ᭄‌ᬭᬶᬂᬧᬥᬳ᭄ᬬᬂᬓᬩᬾᬄ᭟ᬓᬢ᭄ᬓᬾᬂᬯ᭄ᬓᬲᬶᬂᬤ᭄ᬮᬳᬵ᭟ᬦ᭄ᬥ᭄ᬬᬫᬢᬂᬦ᭄ᬬ᭞ᬤᭀᬱᬫᬸᬳᬸᬫᬢᬹᬃᬓ᭄ᬦᬾᬂᬅᬓᬸᬲᬃᬯ᭄ᬯᬶᬅᬧᬸᬭᬶᬱ᭄ᬬ᭞ᬫᬗ᭄ᬓᬦᬧᬦᬧᬦᬶᬗ᭄ᬳᬸᬮᬸᬦ᭄‌ᬢᬶᬦᭂᬫ᭄ᬯᬓᭂᬦ᭄ᬤᬾᬧ᭄ᬭᬢᬶᬲᬦ᭄ᬢᬦᬦ᭄ᬢ

Auto-transliteration

[13 13B] 13 tanpiraruṇṭikcitanekibalwan, ndhyamatangnyakrodha, apanimanūsyāmatūrsarwwi'abacin, nhĕrpunbalwantumaṇdhanganudingin, brukutihangucap. ih, sigāmanūsyā, antyantanpracura‐ nmu'andadimanūsyā, lĕwihcumantakanmu, dahatingawgig, sasarkadadyanmu, tuhwamutanwringrehā, ndihanasaśaṇakatmudemu, humatūrringhyangsarwwihababacin, tuhukadadenmalĕmahkinpĕ‐ lkĕpĕl. sumahurkangmanūsyā. ih, paranbalwan, hajamjamhujarmu, anambatnambatingtawwangan, tuhumutanpracura, hapihapiwruhengsarwwatatwasaśaṇā, tanlingĕnkawanganmukumatapkumati plyabingaweci, angambĕkakĕnirṣya, mapisadhu, tuhuhyangbaṭāranoraruṇṭiknengaku. sumahurkibalwanmlutuktangnetra'abang, lwirsumiratingghnihujwalā, nhĕrhanapā. ih, a [14 14A] panmumanusyāhapunggung, mogamogamutanpariwastu'inarūpa, ina'idhĕp, wastudadiwongdusunkatkengwkasingdlahā, doṣamuhañampuringdewā. apantankĕnatinahĕntangbrahmānya, tumulitangbalwanangupasantwaringbaṭāra, yaya'angulungulungi, sinanmatadebaṭāra, irikapadukabaṭāra'inawepunangmanusyākabeh. saprāptanikangwwang, kinonānlikakĕntangsoca nyakabeh, anlĕngbaṭāra, tumuliginoretsocaningmanusyā, deningkapur, dinulurakĕnwaksapā. jahtaśmat, wastu, wastu, wastu, kamumanūsyā, dedelawaninghulun, tanwĕ nangtumonakĕnringpadhahyangkabeh. katkengwkasingdlahā. ndhyamatangnya, doṣamuhumatūrknengakusarwwi'apuriṣya, mangkanapanapaninghuluntinĕmwakĕndepratisantananta

Leaf 14

Image on Archive.org

[᭑᭔ 14B] ᭑᭔ ᬓᬬᬂᬓᬯ᭄ᬓᬲ᭄‌ᬯ᭄ᬓᬲ᭄᭟ᬳᬦᬧᬦᬸᬕ᭄ᬭᬳᬦ᭄ᬓᬸᬢ᭄ᬓᬾᬓᬶᬢᬵᬫᬦᬹᬱᬵᬓᬩᬾᬄ᭞ᬬᬦ᭄ᬓᬶᬢᬳᬋᬧ᭄ᬓᬢ᭄ᬫᬸᬮᬯᬦᬶᬗ᭄ᬳᬸᬮᬸᬦ᭄᭞ᬯ᭄ᬦᬂᬭᬶᬓᬧᬢ᭄ᬬᬦ᭄ᬢᬚᬸᬕᬵ᭞ᬬᬢ᭞ᬗ᭟ᬦᬶᬱ᭄ᬓᬵᬮᬚᬢᬶ᭞ᬢᬸᬫᭀᬦᬓ᭄ᬦᬶᬂᬗ᭄ᬳᬸᬮᬸᬦ᭄᭟ᬫᬗ᭄ᬓ ᬦᬧᬯ᭄ᬓᬲ᭄ᬪᬝᬵᬭᬳ᭄ᬬᬂᬧ᭄ᬭᬫᬾᬱ᭄ᬝᬶᬕᬸᬭᬹ᭞ᬓᬯᬶᬰᬸᬡ᭄ᬬᬵ᭞ᬳᬸᬫᬶᬭᬶᬂᬢᬂᬫᬦᬹᬱᬓᬩᬾᬄᬲᬳᬵᬤᬸᬮᬸᬃᬲᭂᬫ᭄ᬩᬄ᭞ᬫᬸᬮᬶᬄᬳᬫ᭄ᬯᬶᬢ᭄‌ᬧᬥᬅᬲ᭄ᬯᭂᬂᬢᬗᬶᬲ᭄᭞ᬅᬦ᭄ᬲᭂᬮᬨᬮᬓᬺᬢ᭞ᬫᬗ᭄ᬓᬦᬫᬶᬫᬶᬢᬦ᭄ᬬᬗᬹᬦᬶ᭞ᬓᬂᬫᬦᬹᬱᬮᭀ ᬓᬢᬦ᭄ᬯᭂᬦᬂᬢᬸᬫᭀᬦᬶᬂᬤᬾᬯᬳ᭄ᬬᬂ᭟ᬢᬸᬘᬧᬓᬶᬫᬦᬸᬱ᭞ᬤᬸᬓ᭄ᬧ᭄ᬭᬵᬧ᭄ᬢᬾᬂᬅᬯᬦ᭄᭞ᬓᬢ᭄ᬫᬸᬢᬂᬩᬮ᭄ᬯᬦ᭄ᬫᬸᬯᬄ᭞ᬅᬰ᭄ᬭᬸᬢᬂᬫᬦᬹᬱᬵᬅᬗᬸᬘᬧ᭄᭟ᬓᬫᬸᬩᬮ᭄ᬯᬦ᭄ᬩᬕ᭄ᬬᬓᬶᬢᬓᬘᬸᬡ᭄ᬥᬸᬓ᭄᭞ᬭᬶᬗ᭄ᬓᬾᬦᬾ᭟ᬫᬗ᭄ᬓᬾᬅᬓᬸ ᬅᬧ᭄ᬭᬢᬶᬚ᭄ᬜᬮᬯᬦ᭄ᬓᬶᬢ᭞ᬯᬶᬯᬶᬢᬦᬶᬂᬫᬗ᭄ᬓᬾᬓᬢ᭄ᬓᬾᬂᬯ᭄ᬓᬲ᭄᭞ᬢ᭄ᬭᬸᬲ᭄ᬢᬸᬫᬸᬲᬶᬗ᭄ᬯᬂᬳᬕᬢᬶᬰᬢ᭄ᬭᬸᬢ᭄ᬓᬾᬂᬓᬶᬢᬵ᭞ᬢᬸᬭᬸᬦ᭄ᬢᬸᬫᬸᬭᬸᬦ᭄᭞ᬓᬮᬶᬮᬶᬭᬦ᭄᭟ᬢᬦ᭄ᬯᬸᬦ᭄ᬧ᭄ᬭᬢᬶᬲᬦ᭄ᬢᬦᬦ᭄ᬓᬸᬅᬫᬢ᭄ᬬᬦᬶᬓᬶᬢᬵᬢ᭄ᬓᬾᬂᬧ᭄ᬭᬢᬶ [᭑᭕ 15A] ᬲᬦ᭄ᬢᬦᬦ᭄ᬢᬵ᭟ᬲᬸᬫᬢᬸᬃᬢᬂᬩᬮ᭄ᬯᬦ᭄᭟ᬫᬦᬹᬱᬵᬇᬗ᭄ᬲᬸᬦ᭄ᬢᬦ᭄ᬯᬶᬳᬂᬲᬧᬫᬶᬦ᭄ᬢᬦ᭄ᬢᬵᬫᬗ᭄ᬓᬾᬳᬬᬸᬬᬦ᭄ᬫᬗ᭄ᬓᬦ᭞ᬓᬾᬯᬮᬳᬦᬧ᭄ᬭᬢᬶᬚ᭄ᬜᬵᬗ᭄ᬓᬸᬭᬶᬓᬶᬢᬵ᭞ᬬᬦ᭄ᬳᬦᬧ᭄ᬭᬢᬶᬲᬦ᭄ᬢᬦᬦ᭄ᬓᬸᬳᬫᬗ᭄ᬕᬶᬄᬧ᭄ᬭᬢᬶᬲᬦ᭄ᬢᬦᬦ᭄ᬢ᭞ᬦᬸᬚᬸᬓᬚᭂᬂᬓ᭄ᬮᬶ ᬯᭀᬦ᭄᭞ᬇᬭᬶᬓᬵᬧ᭄ᬭᬢᬶᬲᬦ᭄ᬢᬦᬦ᭄ᬓᬸᬳᬲᬶᬮᬸᬫᬦ᭄᭞ᬳᬦᬶᬮᬄᬳᬫ᭄ᬚᬳᬶᬲᬦ᭄ᬢᬦᬦ᭄ᬢᬵ᭞ᬓ᭄ᬦᬤᬶᬦᬶᬮ᭠ᬢ᭄‌ᬳᬸᬮᬸᬦᬵᬗᭂᬦ᭄ᬬᬵ᭞ᬮᬯᬦ᭄ᬲᭀᬘᬦᬶᬂᬲᬸᬓᬸ᭞ᬳᬲᬶᬂᬓ᭄ᬦᬘᬶᬦᬶᬢ᭄ᬭᬳᬸᬫᬗ᭄ᬕᬸᬳᬓᭂᬦ᭄ᬭᬸᬫᬸᬳᬸᬦ᭄᭞ᬬᬢᬫᬃᬕ᭄ᬕᬦ᭄ᬬ ᬧ᭄ᬚᬄ᭞ᬤᬾᬧ᭄ᬭᬢᬶᬲᬦ᭄ᬢᬦᬗ᭄ᬓᬸ᭟ᬲᬸᬫᬳᬸᬃᬓᬶᬫᬦᬸᬱᬵ᭞ᬳᬬᬸᬬᬦ᭄ᬫᬗ᭄ᬓᬦᬵ᭞ᬫᬗ᭄ᬓᬾᬤᬾᬦ᭄ᬧᬥᬯᭂᬭᬸᬳᬵ᭞ᬲᭀᬲᭀᬢᬶᬗ᭄ᬲᬸᬦ᭄ᬮᬯᬦ᭄ᬓᬶᬢᬵ᭟ᬦᬳᬦᬶᬓᬘᬭᬶᬢᬵ᭞ᬦᬶᬓᬶᬢ᭄ᬢᬦᬶᬓᬂᬩᬮ᭄ᬯᬦ᭄‌ᬯ᭄ᬭᬸᬄᬳᬜ᭄ᬚᬸᬢᬶᬭᬹᬧᬵ ᬳᬦᬸᬭᬸᬢ᭄‌ᬲᬭᬹᬧᬦᬶᬂᬕᬶᬦᬯᬾᬳᬮᬶᬗᬦ᭄᭞ᬲᬮ᭄ᬯᬶᬭᬶᬂᬭᬹᬧᬦᬶᬂᬭ᭄ᬯᬦ᭄ᬢᬭᬸ᭞ᬫᬗ᭄ᬓᬦᬓ᭄ᬭᬫᬦ᭄ᬬᬭᬶᬂᬳᬸᬰᬡᬵ᭟᭐᭟ᬋᬗ᭄ᬯᬓ᭄ᬦᬫ᭄ᬯᬄ᭞ᬧᬬᭀᬕᬦᬶᬭᬪᬝᬵᬭᬩ᭄ᬭᬳ᭄ᬫᬵᬭᬶᬂᬢᬸᬫ᭄ᬧᬸᬃᬳ᭄ᬬᬂ᭞ᬓᬶᬦᭀᬦ᭄ᬤᬾᬪᬝᬵᬭ᭠

Auto-transliteration

[14 14B] 14 kayangkawkaswkas. hanapanugrahankutkekitāmanūsyākabeh, yankitaharĕpkatmulawaninghulun, wnangrikapatyantajugā, yata, nga. niṣkālajati, tumonakningnghulun. mangka napawkasbaṭārahyangprameṣṭigurū, kawiśuṇyā, humiringtangmanūṣakabehsahādulursĕmbah, mulihhamwitpadha'aswĕngtangis, ansĕlaphalakrĕta, mangkanamimitanyangūni, kangmanūṣalo katanwĕnangtumoningdewahyang. tucapakimanuṣa, dukprāptengawan, katmutangbalwanmuwah, aśrutangmanūsyā'angucap. kamubalwanbagyakitakacuṇdhuk, ringkene. mangke'aku apratijñalawankita, wiwitaningmangkekatkengwkas, trustumusingwanghagatiśatrutkengkitā, turuntumurun, kaliliran. tanwunpratisantananku'amatyanikitātkengprati [15 15A] santanantā. sumaturtangbalwan. manūsyā'ingsuntanwihangsapamintantāmangkehayuyanmangkana, kewalahanapratijñāngkurikitā, yanhanapratisantanankuhamanggihpratisantananta, nujukajĕngkli won, irikāpratisantanankuhasiluman, hanilahhamjahisantanantā, knadinila‐t'hulunāngĕnyā, lawansocaningsuku, hasingknacinitrahumangguhakĕnrumuhun, yatamargganya pjah, depratisantanangku. sumahurkimanusyā, hayuyanmangkanā, mangkedenpadhawĕruhā, sosotingsunlawankitā. nahanikacaritā, nikittanikangbalwanwruhhañjutirūpā hanurutsarūpaningginawehalingan, salwiringrūpaningrwantaru, mangkanakramanyaringhuśaṇā. 0. rĕngwaknamwah, payoganirabaṭārabrahmāringtumpurhyang, kinondebaṭāra‐

Leaf 15

Image on Archive.org

[᭑᭕ 15B] ᭑᭕ ᬰᬸᬦ᭄ᬬᬰᬹᬘᬶ᭞ᬳᬗ᭄ᬕᬯᬬᬤᬺᬱ᭄ᬝᬶ᭞ᬳᬗᬚᬶᬫᬦᬹᬱᬵ᭞ᬤᬶᬤᬶᬦ᭄ᬬᬦ᭄ᬳᬦᬪᬹᬚᬗ᭄ᬕᬵᬩᬮᬶ᭞ᬳᬦᬢᬭᬸᬢ᭄ᬯᭂᬤ᭄ᬘᬮᬕᬶ᭞ᬯᬸᬲ᭄ᬕᬶᬦ᭄ᬲᭂᬂ᭞ᬬᬢᬶᬦᬶᬗ᭄ᬳᬮᬦ᭄‌ᬤᬾᬪᬝᬵᬭᬬᬬᬵᬯᭀᬂᬳᬤᬸᬤᬸᬓᬸᬄ᭞ᬬᬢᬳᬚ᭄ᬜᬵᬪᬝᬵᬭᬫᬶᬦᬺ ᬢᬶᬱ᭄ᬝᬵ᭞ᬫᬓᬪᬸᬚᬗ᭄ᬕᬩᬮᬶ᭞ᬯ᭄ᬓᬲᬦ᭄ᬥᬢᭂᬂᬪᬕᬯᬦ᭄ᬯᬶᬲ᭄ᬯᬓᬃᬫ᭄ᬫ᭞ᬫᬭᬶᬂᬢᬫ᭄ᬧᬸᬃᬳ᭄ᬬᬂ᭞ᬅᬧᬦ᭄ᬳᬶᬦᬸᬦ᭄ᬤᬂᬤᬾᬪᬝᬵᬭᬩ᭄ᬭᬵᬳ᭄ᬫ᭞ᬇᬭᬶᬓᬪᬝᬵᬭᬓᬸᬫᭀᬦ᭄ᬪᬕᬯᬦ᭄ᬯᬶᬲ᭄ᬯᬓᬃᬫ᭄ᬫ᭞ᬭᬶᬦᬾᬓᬓᭂᬦ᭄ᬢᬂᬢ᭄ᬯᭂᬤ᭄‌ᬕᬶᬦᬯᬾᬮᬶᬗ᭄ᬳᬶᬃ ᬤᬶᬤᬶᬦ᭄ᬬᬦᬵᬭᬹᬧᬫᬦᬹᬱᬵ᭞ᬢᬦ᭄ᬯᬶᬳᬂᬧ᭄ᬯᬪᬕᬯᬦ᭄ᬯᬶᬲ᭄ᬯᬓᬃᬫ᭄ᬫ᭞ᬦ᭄ᬳᭂᬃᬢᬸᬫᬸᬮᬶᬳᬫ᭄ᬯᬶᬢ᭄‌ᬫᬭᬫᬭᬶᬂᬢ᭄ᬯᭂᬤ᭄᭞ᬇᬭᬶᬓᬢᬲᬶᬭᬪᬕᬯᬦ᭄‌ᬯᬶᬲ᭄ᬯᬓᬃᬫ᭄ᬫ᭞ᬳᬮᬓᬸᬲᬶᬗ᭄ᬳᬶᬳᬰᬭᬶᬭᬫᬦᬹᬱᬵᬢᬦᬶ᭞ᬅᬪᬹᬱᬡᬤ᭄ᬓᬶᬮ᭄᭞ ᬅᬧᬬᬸᬂᬓᬸᬲ᭄ᬓᬸᬲᬦ᭄᭞ᬅᬫᬯᬧ᭄ᬭᬩᭀᬢ᭄᭞ᬅᬧᬫᬢᬂᬦ᭄ᬬᬫᬗ᭄ᬓᬦ᭞ᬤᬶᬤᬶᬦ᭄ᬬᬢᬦ᭄ᬓᬯ᭄ᬭᬸᬄᬳᬦᬶᬂᬫᬦᬹᬱᬵ᭟ᬓᬸᬦᬂᬲᬧ᭄ᬭᬵᬧ᭄ᬢᬦᬶᬭᬲᬂᬫᬳᬵᬧᬡ᭄ᬥ᭄ᬬᬳᬦᬾᬂᬢ᭄ᬯᭂᬤ᭄᭞ᬢᬸᬫᬸᬮᬶᬧᬶᬦᬳᬬᬸᬧᬶᬦᬺᬱ᭄ᬝᬶᬱ᭄ᬝᬵᬢᬂᬢ᭄ᬯᭂᬤ᭄ [᭑᭖ 16A] ᬕᬶᬦᬯᬾᬮᬶᬗᬶᬃ᭞ᬯ᭄ᬓᬲᬦ᭄ᬢᬦ᭄ᬧᬶᬭᬵᬢᬗᬾᬄᬧᬸᬦᬂᬯᭀᬂᬧ᭄ᬭᬵᬧ᭄ᬢ᭞ᬅᬧ᭄ᬢᬶᬓᬸᬫᬯ᭄ᬭᬸᬳᬵᬢᬸᬫᭀᬦᬶᬲᬶᬭ᭞ᬳᬸᬮᬳᬶᬂᬳᬕᬯᬾ᭞ᬯ᭄ᬓᬲᬦ᭄ᬧᬸᬧᬸᬢ᭄ᬢᬂᬢᬯᬸᬮᬦ᭄᭞ᬅᬭᬹᬧᬚᬦ᭄ᬫᬵ᭞ᬢᬦ᭄ᬧᬾᬗᬦ᭄ᬓᬧᬾᬗᬶᬦ᭄ᬢᬂᬯᭀᬂᬳ ᬦᭀᬦ᭄ᬢᭀᬦ᭄᭞ᬫᬗ᭄ᬓᬾᬲᬵᬫ᭄ᬧᬸᬦ᭄ᬓᬯ᭄ᬭᬸᬳᬓ᭄ᬦᬵᬭᬶᬂᬪᬝᬵᬭᬩ᭄ᬭᬵᬳ᭄ᬫᬵ᭞ᬳᭂᬦ᭄ᬢᬶᬲᬸᬓᬦᬶᬂᬳᬺᬤ᭄ᬥᬬᬵ᭞ᬅᬧᬦ᭄ᬯᬸᬲ᭄ᬓᬲᬶᬤ᭄ᬥᬵᬦᬶᬂᬤᭀᬦ᭄᭞ᬯᬸᬲ᭄ᬫᬗ᭄ᬓᬦ᭞ᬫ᭄ᬯᬄᬓᬶᬦᭀᬦᬓᭂᬦ᭄ᬪᬕᬯᬦ᭄ᬯᬶᬲ᭄ᬯᬓᬃᬫ᭄ᬫᬳᬗᬸᬭᬸᬓᬓᭂᬦ᭄ᬢᬂᬫ ᬦᬹᬱᬅᬗᬡ᭄ᬥᬕᬶᬦᬶᬦ᭄᭞ᬤᬶᬤᬶᬦ᭄ᬬᬧᬥᬅᬦᬗᬸᬦᬓ᭄ᬦᬯᬯᬗᬸᬦᬦ᭄᭞ᬢᬦ᭄ᬯᬶᬳᬂᬧ᭄ᬯᬲᬂᬋᬱᬶᬓᬶᬦᭀᬦ᭄᭞ᬢᬸᬫᬸᬮᬶᬧᬶᬯ᭄ᬭᬸᬄᬳᬓ᭄ᬦᬢᬂᬫᬦᬹᬱ᭞ᬕᬢᬶᬦᬶᬓᬗᬸᬮᬄ᭟ᬢᬗᬾᬄᬬᬜ᭄ᬘᬭᬶᬢᬧᭀᬮᬄᬲᬂᬧᬡ᭄ᬥ᭄ᬬᬇ ᬗᬚᬭᬓᭂᬦ᭄ᬯᭀᬂᬳᬗᬸᬦ᭄ᬤᬕᬶᬦᬶᬦ᭄᭞ᬫᬗ᭄ᬓᭀᬯᬸᬯᬸᬲᬦ᭄ᬲᬵᬫ᭄ᬧᬸᬦ᭄‌ᬧᬥᬯ᭄ᬭᬸᬳᬢᬂᬫᬦᬹᬱᬵᬅ᭠ᬫᭂᬍᬓᬲᬓᭂᬦ᭄ᬓᬃᬬ᭄ᬬ᭞ᬦᬳᬦᬶᬓᬂᬘᬭᬶᬢᬵ᭟᭐᭟ᬋᬗ᭄ᬯᬵᬓ᭄ᬦᬵᬫ᭄ᬯᬄᬲᬶᬭᬧᬤᬸᬓᬪᬝᬵᬭᬳ᭄ᬬᬂᬇᬦ᭄ᬤ᭄ᬭᬳᬶ

Auto-transliteration

[15 15B] 15 śunyaśūci, hanggawayadrĕṣṭi, hangajimanūsyā, didinyanhanabhūjanggābali, hanatarutwĕdcalagi, wusginsĕng, yatininghalandebaṭārayayāwonghadudukuh, yatahajñābaṭāraminrĕ tiṣṭā, makabhujanggabali, wkasandhatĕngbagawanwiswakarmma, maringtampurhyang, apanhinundangdebaṭārabrāhma, irikabaṭārakumonbagawanwiswakarmma, rinekakĕntangtwĕdginawelinghir didinyanārūpamanūsyā, tanwihangpwabagawanwiswakarmma, nhĕrtumulihamwitmaramaringtwĕd, irikatasirabagawanwiswakarmma, halakusinghihaśariramanūsyātani, abhūṣaṇadkil, apayungkuskusan, amawaprabot, apamatangnyamangkana, didinyatankawruhhaningmanūsyā. kunangsaprāptanirasangmahāpaṇdhyahanengtwĕd, tumulipinahayupinrĕṣṭiṣṭātangtwĕd [16 16A] ginawelingir, wkasantanpirātangehpunangwongprāpta, aptikumawruhātumonisira, hulahinghagawe, wkasanpuputtangtawulan, arūpajanmā, tanpengankapengintangwongha nonton, mangkesāmpunkawruhaknāringbaṭārabrāhmā, hĕntisukaninghrĕddhayā, apanwuskasiddhāningdon, wusmangkana, mwahkinonakĕnbagawanwiswakarmmahangurukakĕntangma nūṣa'angaṇdhaginin, didinyapadha'anangunaknawawangunan, tanwihangpwasangrĕsyikinon, tumulipiwruhhaknatangmanūṣa, gatinikangulah. tangehyañcaritapolahsangpaṇdhya'i ngajarakĕnwonghangundaginin, mangkowuwusansāmpunpadhawruhatangmanūsyā'a‐mĕlĕkasakĕnkaryya, nahanikangcaritā. 0. rĕngwāknāmwahsirapadukabaṭārahyangindrahi

Leaf 16

Image on Archive.org

[᭑᭖ 16B] ᭑᭖ ᬦᬸᬢᬸᬲ᭄‌ᬤᬾᬳ᭄ᬬᬂᬧ᭄ᬭᬫᬾᬱ᭄ᬝᬶᬕᬸᬭᬸ᭞ᬢᬸᬫᬸᬭᬸᬦ᭄ᬫᬭᬶᬂᬫᬥ᭄ᬬᬮᭀᬓ᭞ᬚᬸᬫᬸᬚᬸᬃᬫᬭᬶᬂᬢᬫ᭄ᬧᬸᬃᬳ᭄ᬬᬂ᭞ᬓᬸᬫᬯ᭄ᬭᬸᬳᬓᭂᬦ᭄ᬢᬾᬓᬂᬩᬮ᭄ᬬᬕᬵ᭞ᬳᬓᬃᬬ᭄ᬬᬤᬶᬤᬶᬦ᭄ᬬᬯ᭄ᬭᬸᬳᬳᬲᬲᬗ᭄ᬕᬶᬗᬦ᭄᭞ᬓᬢ᭄ᬓᬾᬂᬳᬫ᭄ᬘᬶᬓᬓᭂᬦ᭄ᬮᬶᬗᬶᬃ᭞ᬘ ᬮᬕᬶ᭞ᬢᬂᬯᬶᬳᬂᬧ᭄ᬯᬳ᭄ᬬᬂᬇᬦ᭄ᬤ᭄ᬭᬓᬶᬦᭀᬦ᭄᭞ᬢᬸᬫᬸᬮᬶᬳᬫ᭄ᬯᬶᬢ᭄ᬫᬗ᭄ᬓᬢ᭄᭞ᬚᬸᬫᬸᬚᬸᬕᬶᬂᬢᬫ᭄ᬧᬸᬃᬳ᭄ᬬᬂ᭞ᬳᬯᬾᬱᬲᬗ᭄ᬕᬶᬂᬧ᭄ᬭᬩᬗ᭄ᬓᬭ᭞ᬳᬫᬯᬧ᭄ᬭᬩᭀᬢᬶᬂᬲᬗ᭄ᬕᬶᬂ᭞ᬢᬦ᭄ᬓᬝᬵᬓ᭄ᬦᬾᬗᬯᬦ᭄᭞ᬅᬧᬦ᭄ᬫᬳᬯᬦ᭄ᬳ᭄ᬬᬸᬦ᭄᭞ ᬲᬵᬫ᭄ᬧᬸᬦ᭄ᬲᬓ᭄ᬱᬡᬧ᭄ᬭᬵᬧ᭄ᬢᬫᬭᬶᬂᬢᬫ᭄ᬧᬸᬃᬳ᭄ᬬᬂ᭞ᬭᬶᬂᬳᬸᬗ᭄ᬕ᭄ᬯᬦᬶᬂᬢ᭄ᬯᭂᬤ᭄ᬘᬮᬕᬶ᭞ᬓᬂᬯᬸᬲ᭄ᬧᬶᬦᬳᬬᬸᬤᬾᬪᬕᬯᬦ᭄‌ᬯᬶᬲ᭄ᬯᬓᬃᬫ᭄ᬫᬗᬹᬦᬶ᭞ᬲᬥᬢᭂᬗᬶᬭᬦ᭄ᬳᭂᬃᬳᬫ᭄ᬘᬶᬓᬓᬦ᭄‌ᬧᬸᬦᬂᬮᬶᬗᬶᬭᬵ᭞ᬲᬧᬭᬶᬓ᭄ᬭᬫᬦᬶᬂᬫᬦᬹᬱ ᬅᬦ᭄ᬢ᭄ᬬᬦ᭄ᬫᬧ᭄ᬓᬶᬓ᭄ᬭᬸᬧᬦᬶᬂᬢᭀᬕᭀᬕ᭄᭞ᬤᬺᬲᬓ᭄ᬱᬢ᭄‌ᬳ᭄ᬬᬂᬓᬫᬢᬦ᭄ᬢ᭄ᬭ᭟ᬬᬦ᭄ᬧᬓᭀᬧᬫᬦ᭄‌ᬓᬬᬳᬮᬫᬮᬫ᭄‌ᬧᬦ᭄ᬢᬦ᭄ᬯ᭄ᬭᬸᬳᬗᬸᬘᬧ᭄᭞ᬬᬫᬢᬂᬦ᭄ᬬᬓᬂᬯᭀᬂᬩᬮ᭄ᬬᬕᬓᬧᭂᬗᬧᭂᬗᬢᬸᬫᭀ [᭑᭗ 17A] ᬦᬸᬮᬳᬶᬂᬮᬶᬗᬶᬃ᭞ᬮ᭄ᬯᬶᬃᬳᬶᬗᬸᬦ᭄ᬤᬸᬄᬢᬾᬓᬗᬢᬶ᭞ᬬᬬᬵᬢᬦᬾᬥᭂᬧ᭄ᬢᬸᬫᬶᬗ᭄ᬕᬮᬵ᭟ᬓᬸᬦᬂᬯᬸᬲᬶᬂᬫᬗ᭄ᬓᬦ᭞ᬦ᭄ᬳᭂᬃᬧ᭄ᬯᬲᬶᬭᬲᬗ᭄ᬳ᭄ᬬᬂᬇᬦ᭄ᬤ᭄ᬭᬳᬗᬚᬭᬓᭂᬦ᭄ᬫᬦᬹᬱᬵᬧᬥ᭞ᬅᬕᬸᬡᬳᬲᬲᬗ᭄ᬕᬶᬗᬦ᭄᭞ᬅᬕᬶᬭᬢ᭄ᬯᬲ᭄ᬦᬶᬓᬂᬯᭀᬂ ᭞ᬇᬗᬚᬭᬓᭂᬦ᭄ᬯᬲᬶᬢᬫᬗ᭄ᬓᬾ᭞ᬲᬵᬫ᭄ᬧᬸᬦ᭄ᬧᬥᬯ᭄ᬭᬸᬄᬯᭀᬂ᭞ᬅᬫ᭄ᬭᬩᬗ᭄ᬓᬭᬵ᭞ᬢᬸᬫᬸᬮᬶᬫᬦ᭄ᬢᬸᬓ᭄ᬳ᭄ᬬᬂᬇᬦ᭄ᬤ᭄ᬭᬫᬭᬶᬂᬢᬦ᭄ᬓᬢᭀᬦ᭄᭞ᬫᬭᬶᬂᬇᬦ᭄ᬤ᭄ᬭᬮᭀᬓ᭟᭐᭟ᬘᬭᬶᬢᬦᭂᬦ᭄‌ᬯᬶᬤ᭄ᬬᬥᬭᬫ᭄ᬯᬂᬯᬶᬤ᭄ᬬᬥᬭᬶ᭞ᬇᬦᬸ ᬢᬸᬲ᭄ᬤᬾᬪᬝᬵᬭᬕᬸᬭᬸᬢᬸᬭᬸᬦ᭄ᬯᭀᬦ᭄ᬢᭂᬦᬶᬂᬩᬮᬶᬳᬕᬵ᭞ᬳᬧᬶᬳᬧᬶᬅᬤᬤᬗᬦᬦ᭄ᬓ᭄ᬭᬶᬲ᭄᭞ᬇᬦᬶᬯᬾᬄᬳᬫᬯᬵᬯᬲ᭄ᬢ᭄ᬭᬮᬍᬯᭂᬲ᭄᭞ᬤᬶᬤ᭄ᬬᬦ᭄‌ᬳᬦᬢᬶᬦᬸᬮᬃᬤᬾᬦᬶᬂᬯᭀᬂᬩᬮ᭄ᬬᬕᬵ᭞ᬢᬦ᭄ᬓᬝᬵᬓ᭄ᬦᬾᬂᬤᬤ ᬮᬦ᭄‌ᬯᬸᬲ᭄ᬧ᭄ᬭᬵᬧ᭄ᬢᬳᬾᬂᬢᬫ᭄ᬧᬸᬃᬳ᭄ᬬᬂ᭞ᬇᬲᬫᬶᬧᬦᬶᬂᬮᬶᬗ᭄ᬳᬶᬃ᭞ᬢᬶᬦ᭄ᬳᭂᬃᬭᬶᬦ᭄ᬬᬲᬓᭂᬦ᭄ᬢᬂᬮᬶᬗ᭄ᬳᬶᬃ᭞ᬭᬶᬦᬗ᭄ᬲᬸᬓᬓᭂᬦ᭄ᬪᬸᬱᬡ᭞ᬮ᭄ᬯᬶᬃᬦ᭄ᬬᬯᬲ᭄ᬢ᭄ᬭ᭞ᬲᬫ᭄ᬧᬶᬭ᭄᭞ᬥᬲ᭄ᬢᬃᬮᬦ᭄ᬧᬧ᭄ᬢᭂᬢ᭄᭞ᬕᬶᬦᬦ᭄ᬥᬲᬃᬯ᭄ᬯᬭᬸᬓ᭄ᬫᬶ᭞ᬧᬦ᭄ᬢᭂᬲ᭄ᬧᬬᬲ᭄

Auto-transliteration

[16 16B] 16 nutusdehyangprameṣṭiguru, tumurunmaringmadhyaloka, jumujurmaringtampurhyang, kumawruhakĕntekangbalyagā, hakaryyadidinyawruhahasasanggingan, katkenghamcikakĕnlingir, ca lagi, tangwihangpwahyangindrakinon, tumulihamwitmangkat, jumujugingtampurhyang, haweṣasanggingprabangkara, hamawaprabotingsangging, tankaṭāknengawan, apanmahawanhyun, sāmpunsakṣaṇaprāptamaringtampurhyang, ringhunggwaningtwĕdcalagi, kangwuspinahayudebagawanwiswakarmmangūni, sadhatĕngiranhĕrhamcikakanpunanglingirā, saparikramaningmanūṣa antyanmapkikrupaningtogog, drĕsakṣat'hyangkamatantra. yanpakopamankayahalamalampantanwruhangucap, yamatangnyakangwongbalyagakapĕngapĕngatumo [17 17A] nulahinglingir, lwirhingunduhtekangati, yayātanedhĕptuminggalā. kunangwusingmangkana, nhĕrpwasirasanghyangindrahangajarakĕnmanūsyāpadha, aguṇahasasanggingan, agiratwasnikangwong , ingajarakĕnwasitamangke, sāmpunpadhawruhwong, amrabangkarā, tumulimantuk'hyangindramaringtankaton, maringindraloka. 0. caritanĕnwidyadharamwangwidyadhari, inu tusdebaṭāraguruturunwontĕningbalihagā, hapihapi'adadanganankris, iniwehhamawāwastralalĕwĕs, didyanhanatinulardeningwongbalyagā, tankaṭāknengdada lanwusprāptahengtampurhyang, isamipaninglinghir, tinhĕrrinyasakĕntanglinghir, rinangsukakĕnbhuṣaṇa, lwirnyawastra, sampir, dhastarlanpaptĕt, ginandhasarwwarukmi, pantĕspayas

Leaf 17

Image on Archive.org

[᭑᭗ 17B] ᭑᭗ ᬳᬗ᭄ᬭᬯᬶᬢ᭄᭞ᬲᬶᬦᬸᬗ᭄ᬓᭂᬮᬂᬓ᭄ᬭᬶᬲ᭄᭞ᬅᬮᬜ᭄ᬘᬶᬗᬦ᭄‌ᬫᬯᬶᬥᬭᬕᬸᬫᬸᬮᬸᬂ᭞ᬲᬬᬦᬢᬫ᭄ᬩᬄᬢᬫ᭄ᬩᬄᬳᬾᬚᬦ᭄ᬬ᭞ᬬᬦᬯᬲᬓ᭄ᬦᬵ᭞ᬮ᭄ᬯᬶᬃᬫᬦ᭄ᬢ᭄ᬭ᭄ᬬᬕᬸᬂ᭞ᬫᬸᬗ᭄ᬕ᭄ᬯᬶᬂᬕᬸᬭᬶᬢ᭄᭞ᬳᬓ᭄ᬚᭂᬧ᭄ᬮᬶᬭᬶᬗᬫᬦᬶᬲ᭄᭞ᬫᬗ᭄ᬓᬦᬬᬦ᭄ᬧᬗᭀ ᬧᬗᬦ᭄᭞ᬢᬦ᭄ᬯ᭄ᬭᬶᬂᬢᭀᬕᭀᬕ᭄ᬢᬭᬸ᭟ᬯᬸᬲᬶᬂᬫᬗ᭄ᬓᬦᬳᬸᬫᬦ᭄ᬢᬸᬓ᭄ᬢᬂᬯᬶᬤ᭄ᬬᬥᬭᬯᬶᬤ᭄ᬬᬥᬭᬶ᭞ᬲᬫ᭄ᬩ᭄ᬬᬳᬗᬚᬭᬓᭂᬦ᭄ᬳᬤᬤᬕᬂ᭟ᬢᬜ᭄ᬘᬭᬶᬢᬮᬫ᭄ᬧᬳᬶᬭᬘᭂᬢ᭄ᬧ᭄ᬭᬧ᭄ᬢᬾᬂᬲ᭄ᬯᬃᬕ᭄ᬕᬮᭀᬓᬵ᭞ᬫᬗ᭄ᬓᬧ᭄ᬭᬯᬺᬢᬶᬦ᭄ᬬ᭟ᬓ ᬝᬵᬓ᭄ᬦᬵᬯᭀᬂᬩᬮ᭄ᬬᬕ᭞ᬚᬮ᭄ᬯᬷᬲ᭄ᬢ᭄ᬭᬶᬬᬵ᭞ᬅᬦ᭄ᬢ᭄ᬬᬦ᭄ᬧᬥᬲᬸᬓᬦ᭄ᬬᬳᬦᭀᬦ᭄ᬢᭀᬦ᭄᭞ᬇᬓᬂᬢᭀᬕᭀᬕ᭄᭞ᬧᬥᬳᬕᬶᬭᬂᬲ᭄ᬬᬂᬭᬢ᭄ᬭᬶ᭞ᬢᬦ᭄ᬧᬧ᭄ᬕᬢᬦ᭄ᬧ᭄ᬭᬵᬧ᭄ᬢ᭞ᬅᬗᬶᬲᭂᬓᬶᬲᭂᬓᬶᬓᬯᬗᬦᬶᬂᬢᬶᬗᬮ᭄᭞ᬬ ᬦ᭄ᬯᬶᬦᬯᬗᬦᬶᬂᬘᬶᬢ᭞ᬢᬦ᭄ᬮᭀᬢ᭄‌ᬓᬬᬵᬭᬶᬂᬘᬭᬶᬢᬵ᭞ᬉᬫᬋᬓ᭄ᬰ᭄ᬭᬷᬓᬺᬱ᭄ᬡᬭᬶᬂᬤ᭄ᬯᬭᬯᬢᬶᬭᬶᬂᬓᬸᬦᬵ᭟ᬬᬳᬾᬢᬸᬦ᭄ᬬᬦ᭄ᬧᬥᬲᬸᬫᬸᬬᬸᬕ᭄ᬧᬸᬦᬂᬯ᭄ᬯᬂᬩᬮ᭄ᬬᬕᬵ᭞ᬢᬦ᭄ᬮᬶᬗᭂᬦ᭄ᬧ᭄ᬯᬫᬭᬶᬂᬢᭀᬕᭀᬕ᭄ᬓᬬᬸ᭞ᬅ [᭑᭘ 18A] ᬕᬶᬭᬂᬳᬋᬧ᭄ᬦ᭄ᬬ᭞ᬳᬋᬧ᭄ᬦ᭄ᬬᬕᬶᬦᬯᬾᬲᬸᬲᬸᬳᬸᬦᬦ᭄᭞ᬬᬳᬾᬢᬸᬦ᭄ᬬᬳᬫ᭄ᬢᬸᬧ᭄ᬭᬢᬶᬚ᭄ᬜᬵ᭞ᬅᬧᬮ᭄ᬯᬶᬃᬦ᭄ᬬ᭟ᬲᬶᬗ᭄ᬕᬶᬄᬧᬥᬸᬓᬳ᭄ᬬᬂᬫᭀᬦ᭞ᬫᭀᬕᬫᭀᬕᬳ᭄ᬬᬂᬢᬸᬫᬸᬭᬸᬦ᭄ᬲᬓᬵᬮ᭞ᬬᬦ᭄ᬲᬵᬫ᭄ᬧᬸᬦᬰᬭᬶᬭ᭞ᬅᬧ ᬦ᭄ᬲᬫᬸᬥᬬᬵ᭞ᬳᬲᬲᬗᬶ᭞ᬳᬋᬧ᭄ᬓᬸᬫᬯᬸᬮ᭄᭞ᬧᬤᬸᬓᬳ᭄ᬬᬂᬫᭀᬦᬳᬗ᭄ᬕ᭄ᬬᬦ᭄ᬫᬦᬶᬭᬲᬸᬲᬸ᭠ᬳᬸᬦᬦ᭄᭞ᬓᬬᬂᬯ᭄ᬓᬲᬶᬂᬤ᭄ᬮᬳᬵ᭟ᬫᬗ᭄ᬓᬦᬧᬦᬫ᭄ᬩᬢᬫ᭄ᬩᬢ᭄‌ᬯᭀᬂᬩᬮ᭄ᬬᬕ᭞ᬲᬤᬓᬵᬮᬲ᭄ᬬᬂᬭᬢ᭄ᬭᬶ᭞ ᬢᬦ᭄ᬧ᭄ᬕᬢ᭄᭞ᬫᬗ᭄ᬓᬦᬢᬾᬓᬂᬘᬭᬶᬢ᭞ᬳ᭄ᬦᭂᬗᬓ᭄ᬦᬲᬓᬋᬂ᭟᭐᭟ᬅᬧᬶᬘ᭞ᬕᬶᬦᬦ᭄ᬢ᭄ᬬᬢᬂ᭠ᬘᬭᬶᬢᬫ᭄ᬯᬄ᭞ᬕᬸᬫᬦ᭄ᬢᬶᬢᬂᬯᬢᭂᬓ᭄ᬥᬦᬯᬭᬵᬚ᭞ᬓᬶᬦᭀᬦ᭄ᬤᬾᬳ᭄ᬬᬂᬯᬶᬥᬶᬯᬶᬰᬾᬱᬵ᭞ᬳᬜ᭄ᬚᬤ᭄ᬫᬫᬭᬶᬂᬩ ᬩᬮᬶᬭᬵᬚ᭄ᬬ᭞ᬫᬓᬧᬗᬸᬮᬸᬦᬶᬂᬦᬵᬕᬭ᭞ᬰᬓ᭄ᬢᬶᬢᬦ᭄ᬧᬳᬶᬗᬦ᭄᭞ᬤᬿᬢ᭄ᬬᬫᬧᬓᬺᬢ᭄ᬢᬶᬥᬃ᭠ᬫ᭄ᬫ᭞ᬅᬗᬶᬂᬢᬃᬧᬃᬬ᭄ᬬᬗᬦ᭄᭞ᬫᬶᬫᬶᬢᬦᬶᬂᬭᬢᬸᬩᬮᬶᬗᬹᬦᬶ᭞ᬅᬯᬾᬱ᭄ᬫᬧ᭄ᬯᬭᬶᬂᬩᬮᬶᬗ᭄ᬓᬂ᭞ᬇᬗᬭᬡᬦ᭄‌ᬲᬶ

Auto-transliteration

[17 17B] 17 hangrawit, sinungkĕlangkris, alañcinganmawidharagumulung, sayanatambahtambahhejanya, yanawasaknā, lwirmantryagung, munggwinggurit, hakjĕpliringamanis, mangkanayanpango pangan, tanwringtogogtaru. wusingmangkanahumantuktangwidyadharawidyadhari, sambyahangajarakĕnhadadagang. tañcaritalampahiracĕtpraptengswarggalokā, mangkaprawrĕtinya. ka ṭāknāwongbalyaga, jalwīstriyā, antyanpadhasukanyahanonton, ikangtogog, padhahagirangsyangratri, tanpapgatanprāpta, angisĕkisĕkikawanganingtingal, ya nwinawanganingcita, tanlotkayāringcaritā, umarĕkśrīkrĕṣṇaringdwarawatiringkunā. yahetunyanpadhasumuyugpunangwwangbalyagā, tanlingĕnpwamaringtogogkayu, a [18 18A] girangharĕpnya, harĕpnyaginawesusuhunan, yahetunyahamtupratijñā, apalwirnya. singgihpadhukahyangmona, mogamogahyangtumurunsakāla, yansāmpunaśarira, apa nsamudhayā, hasasangi, harĕpkumawul, padukahyangmonahanggyanmanirasusu‐hunan, kayangwkasingdlahā. mangkanapanambatambatwongbalyaga, sadakālasyangratri, tanpgat, mangkanatekangcarita, hnĕngaknasakarĕng. 0. apica, ginantyatang‐caritamwah, gumantitangwatĕkdhanawarāja, kinondehyangwidhiwiśesyā, hañjadmamaringba balirājya, makapanguluningnāgara, śaktitanpahingan, daityamapakrĕttidhar‐mma, angingtarparyyangan, mimitaningratubalingūni, aweṣmapwaringbalingkang, ingaraṇansi

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org