Gaguritan Ligya Patibrata

Original on Archive.org

Front and Back Covers

Image on Archive.org

[PERPUSTAKAAN KTR.DOKBUD BALI PROP. BALI G/IX/14/DOKBUD Judul : Gag. Ligya/Patibrata. Pnj. 40 cm. Lb. 3,5 cm. Jl. 21 lb. Asal : Puri Madhura, Kr.asem.] [᭑ 1A] Judul : Gag. Ligya/Patibrata. Pnj. 40 cm. Lb. 3,5 cm. Jl. 21 lb. Asal : Puri Madhura, Kr.asem.

Auto-transliteration

[PERPUSTAKAAN KTR.DOKBUD BALI PROP. BALI G/IX/14/DOKBUD Judul : Gag. Ligya/Patibrata. Pnj. 40 cm. Lb. 3,5 cm. Jl. 21 lb. Asal : Puri Madhura, Kr.asem.] [1 1A] Judul : Gag. Ligya/Patibrata. Pnj. 40 cm. Lb. 3,5 cm. Jl. 21 lb. Asal : Puri Madhura, Kr.asem.

Leaf 1

Image on Archive.org

[᭑ 1B] ᭑ ᭛ᬅᬯᬶᬖ᭄ᬦᬫᬵᬲ᭄ᬢᬸ᭛ᬧᬸᬧᬸᬄᬲᬶᬦᭀᬫ᭄᭛ᬫ᭄ᬧᬸᬭᬬᬂᬭᬢᬸᬢᬶᬢ᭄ᬬᬂ᭞ᬧᬗ᭄ᬓᬄᬫᬦᬳᬾᬫᬗᬯᬶ᭞᭠ᬩᭀᬬᬢᬶᬢ᭄ᬬᬂᬫᬵᬧᬶᬧ᭄ᬭᬚ᭄ᬜᬦ᭄᭞ᬦᬸᬳᬸᬢᬂᬳᬦᬓᬾᬭᬶᬭᬶᬄ᭞ᬓᬾᬯᬦ᭄ᬢᭂᬦ᭄ᬤᬤᭀᬲ᭄ᬫᬫᬃᬕ᭄ᬕᬶ᭞ᬢᬸᬦᬲ᭄ᬯᬭᬢᬦᬶᬧᬸᬧᬸᬄ᭞ᬮᬸ᭠ ᬤᬶᬦ᭄ᬲᬸᬕᬮ᭄ᬓᬩ᭄ᬮᬓᬲᬦ᭄᭞ᬳᬫᬸᬂᬤᬤᭀᬲᬂᬧᬓᬾᬮᬶᬂ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬭᬋᬓᭀᬦᬦᬓᬾᬗᬸᬘᬧ᭄᭟ᬦᬾᬤᬤᭀᬲ᭄‌ᬫᬹᬃᬤ᭄ᬥᬦᬶᬂᬲᭂᬫ᭄ᬩᬂ᭞ᬯᬦ᭄ᬢᬄᬲᬂᬳ᭄ᬬᬂᬲᬭᬰ᭄ᬯᬢᬶ᭞ᬫᬓᬲᬭᬶᬦᬶᬂᬧᬮᬫ᭄ᬩᬂ᭞ᬳ᭄ᬬᬂᬳ᭄ᬬᬂᬦᬶᬂᬤᬶᬤ᭄ᬥᬦᬶᬂᬓᬯᬶ᭞ᬤᬸᬮᬸ ᬭᬶᬦᭂᬦᭂᬄᬳᬲ᭄ᬯᬶᬢᬶ᭞ᬦᬸᬦᬲᬂᬭᬶᬂᬳᬚᬶᬅ᭄᭞ᬲᬂᬫᬓᬮᬶᬗ᭄ᬕᬦᬶᬂᬓᬭᬲ᭄᭞ᬤᬸᬫᬤᬓ᭄᭞ᬲ᭄ᬯᬾᬘ᭄ᬙᬗᭂ᭠ᬢᬸᬭᬶᬦ᭄᭞ᬫᬵᬧᬦ᭄ᬢᬸᬮᬸᬲ᭄᭞ᬩᭂᬮᭀᬕ᭄ᬧᭀᬮᭀᬲᬾᬳᬢᬸᬭᬂ᭞ᬳᬶᬤᬫᬳᬗ᭄ᬕᬵᬗ᭄ᬭᬸᬧᬓ᭞ᬢᬶᬢ᭄ᬬᬂᬓᬧ᭄ᬬᬸᬢᬗᬦ᭄ᬳᬸ ᬭᬶᬧ᭄᭞ᬕᭂᬦᬄᬢᬶᬢ᭄ᬬᬂᬗᬲ᭄ᬢᬧᬬᬂ᭞ᬗᬢᬸᬭᬂᬲᬭᬶᬦᬶᬂᬓᬶᬃᬢ᭄ᬢᬶ᭞ᬰᬸᬪᬓᬃᬫ᭄ᬫᬦᬾᬢᬦ᭄ᬫᬭᬶ᭞ᬫᬗ᭄ᬤᬳᬶᬤᬢᬸᬮᬸᬲ᭄ᬢᬸᬫᬸᬲ᭄᭞ᬫᬸᬗ᭄ᬕᬄᬳᬫᭀᬭᬶᬂᬗᬘᬶᬦ᭄ᬢ᭄ᬬ᭞ᬢᬦ᭄ᬓᭂᬦᬾᬂᬢᬸᬮᬄᬧᬫᬶᬥᬶ᭞ᬢᬶᬢ᭄ᬬᬂᬮᬸᬧᬸᬢ᭄‌ᬳᬦ᭄ᬓᬳᬦᬦ᭄ᬤᬶᬮᬵᬳᬶᬮ᭟ [᭒ 2A] ᬦᬾᬫᬸᬮᬳᬾᬜ᭄ᬘᭂᬧ᭄ᬲᬸᬭᬵᬢᬂ᭞ᬦᬸᬗ᭄ᬓᬸᬮᬂᬳᬶᬥᭂᬧ᭄‌ᬧ᭄ᬭᬶᬳᬢᬶᬦ᭄᭞ᬳᬧᬂᬯᬾᬦ᭄ᬢᭂᬦ᭄ᬧᬳᬶᬗᭂᬢᬦ᭄᭞ᬦᬸᬳᬸᬢᬂᬤᬺᬱ᭄ᬝᬦᬾᬗᬹᬦᬶ᭞ᬗᬢᬸᬭᬂᬫᬦᬄᬲᬸᬪᬓ᭄ᬢᬶ᭞ᬳᬲ᭄ᬯᬶᬢᬶᬲᬸᬰ᭄ᬭᬸᬱᬵᬦᬸᬮᬸᬲ᭄᭞ᬧᬘᬂᬳᬕ᭄ᬕᭀᬧᬦᬳᬸᬭᬦ᭄᭞ᬭᬶᬂᬳᬶ ᬤᬳᬦᬓᬾᬮᬶᬗ᭄ᬲᬶᬃ᭞ᬳᬚᬶᬅ᭄᭞ᬧᬶᬲᬤ᭄ᬥᬫᬸᬗ᭄ᬕᬄᬫᬮᬶᬕ᭄ᬬ᭟ᬳᬸᬮᬶᬫᬓᭂᬮᭀᬲᬭᬢᬂ᭞ᬳᬧᬂᬫ᭄ᬭᬲᬶᬤ᭄ᬥᬬᬂᬳᬸᬕᬶ᭞ᬦᬸᬳᬸᬢᬂᬓᭂᬦᭂᬳᬾᬧᬗ᭄ᬓᬄ᭞ᬢ᭄ᬯᬭᬵᬗᬶᬢᬸᬂᬳᬯᬓ᭄ᬫᬶᬲ᭄ᬓᬶᬦ᭄᭞ᬫᬕᭂᬮᬃᬳᬶᬥᭂᬧᬲ᭄ᬣᬶᬢᬶ᭞ᬳᬳᭀᬯᬂᬧ᭄ᬭᬲᬶᬤ ᬦᬾᬧᬸᬧᬸᬢ᭄᭞ᬫᬬᬄᬳᬸᬢᬂᬭᬶᬂᬓᬯᬶᬢᬦ᭄᭞ᬧᬦᬓᬾᬧᬥᬩᬺᬲᬶᬳᬶᬦ᭄᭞ᬫᬸᬗ᭄ᬕᬄᬢᭂᬤᬸᬦ᭄᭞ᬧᬂᬫᬓᭂᬚᬂᬤᬤᬶᬳᬶᬗ᭄ᬕᬲ᭄᭟ᬦᬾᬮᬓᬃᬧᬢᬸᬢ᭄ᬳᬸᬗ᭄ᬕᬳᬂ᭞ᬤᬾᬯᬢᬤᬾᬯᬢᬷᬲᬫᬶ᭞ᬧᬫᬸᬘᬸᬓ᭄ᬢᬸᬯᬄᬢᬸᬓᬸᬫ᭄ᬧ᭄ᬬᬂ᭞ᬓᬸᬘᬧ᭄᭠ ᬤᬾᬯᬢᬤᬶᬭᬗ᭄ᬓᬶ᭞ᬳᬶᬤᬳᬸᬗ᭄ᬕᬳᬂᬥᬫ᭄ᬧᬶᬢ᭞ᬳᬦᬓᬕᬸᬂᬕ᭄ᬥᬾᬧᬸᬢᬸ᭞ᬓᬳᬶᬭᬶᬂᬳᬦ᭄ᬢᬸᬓ᭄‌ᬢᬸᬧᭂᬓ᭠ᬓ᭄᭞ᬳᬦᬓᬕᬸᬂᬓᭂᬢᬸᬢ᭄‌ᬚ᭄ᬮᬡ᭄ᬝᬶᬓ᭄᭞ᬦᬾᬓᬲᬸᬫ᭄ᬩᬸᬂ᭞ᬤᬾᬯᬢᬦᬶᬚᬫ᭄ᬪᬭᬡ᭟ᬥᬫ᭄ᬧᬢᬶᬳᬶᬤᬳᬸᬗ᭄ᬕᬸᬳᬂ᭞ᬳᬸᬦᬶ

Auto-transliteration

[1 1B] 1 /// awighnamāstu /// pupuḥsinom /// mpurayangratutityang, pangkaḥmanahemangawi, ‐boyatityangmāpiprajñan, nuhutanghanakeririḥ, kewantĕndadosmamar̀ggi, tunaswaratanipupuḥ, lu‐ dinsugalkablakasan, hamungdadosangpakeling, mangdasāmpun, rar̥ĕkonanakengucap. nedadosmūr̀ddhaningsĕmbang, wantaḥsanghyangsaraśwati, makasariningpalambang, hyanghyangningdiddhaningkawi, dulu rinĕnĕḥhaswiti, nunasangringhajik', sangmakalingganingkaras, dumadak, swecchangĕ‐turin, māpantulus, bĕlogpolosehaturang, hidamahanggāngrupaka, tityangkapyutanganhu rip, gĕnaḥtityangngastapayang, ngaturangsariningkir̀tti, śubhakar̀mmanetanmari, mangdahidatulustumus, munggaḥhamoringngacintya, tankĕnengtulaḥpamidhi, tityangluput'hankahanandilāhila. [2 2A] nemulaheñcĕpsurātang, nungkulanghidhĕpprihatin, hapangwentĕnpahingĕtan, nuhutangdr̥ĕṣṭanengūni, ngaturangmanaḥsubhakti, haswitisuśrusyānulus, pacanghaggopanahuran, ringhi dahanakelingsir̀, hajik', pisaddhamunggaḥmaligya. hulimakĕlosaratang, hapangmrasiddhayanghugi, nuhutangkĕnĕhepangkaḥ, twarāngitunghawakmiskin, magĕlar̀hidhĕpasthiti, hahowangprasida nepuput, mayaḥhutangringkawitan, panakepadhabr̥ĕsihin, munggaḥtĕdun, pangmakĕjangdadihinggas. nelakar̀patut'hunggahang, dewatadewatīsami, pamucuktuwaḥtukumpyang, kucap‐ dewatadirangki, hidahunggahangdhampita, hanakagunggdheputu, kahiringhantuktupĕka‐k, hanakagungkĕtutjlaṇṭik, nekasumbung, dewatanijambharaṇa. dhampatihidahungguhang, huni

Leaf 2

Image on Archive.org

[᭒ 2B] ᭒ ᬬᬂᬳᬕᬸᬂᬫᬗᬶᬭᬶᬂ᭞ᬦᬾᬲᬢᬢᬵᬧᬢᬶᬩ᭄ᬭᬢ᭞ᬦᬫ᭄ᬧᬶᬦᬶᬦ᭄ᬲᬳᬸᬭᬳᬭᬶᬄ᭞ᬭᭀᬯᬲ᭄ᬢᬶᬩᬦ᭄ᬫᬗᭂᬫ᭄ᬧᬶ᭞ᬤᬶᬚᬫ᭄ᬪᬭᬡᬵᬦᬾᬫᬮᬸ᭞ᬫᬲᬾᬮᭀᬂᬲᬓᬶᬂᬯᬶᬯᬾᬓ᭞ᬗᭂᬫᬲᬶᬦ᭄ᬫᬢᬶᬢᬶᬗ᭄ᬕᬮ᭄ᬳᬸᬭᬶᬧ᭄᭞ᬫᬧᬦ᭄ᬓᬾᬓᬾᬢᭀ᭞ᬩᭂᬮᬡ᭄ᬥ ᬦᬾᬫᬶᬢᬸᬤᬸᬳᬂ᭟ᬦᬾᬢ᭄ᬯᬭᬤᬤᬶᬮᬾᬫ᭄ᬧᬲᬂ᭞ᬯᬅ᭄‌ᬳᬕᬸᬂᬳᬶᬤᬢᬦ᭄ᬫᬭᬶ᭞ᬢᬸᬧᭂᬓᬦ᭄‌ᬦᬾᬦᬶᬫᬶᬲ᭄ᬓᬺ᭠ᬥᬫ᭄᭞ᬫᭂᬢᬶᬂᬫᭂᬢᬶᬂᬳᬸᬮᬶᬘᭂᬦᬶᬓ᭄᭞ᬓᬦ᭄ᬢᬶᬤᬤᬶᬩᬸᬓᬚᬦᬶ᭞ᬜᭂᬓᭀᬮᬳᬂᬳᬸᬮᬶᬫᬮᬸ᭞ᬳᬶᬤᬢᭀᬗᭀᬲ᭄ᬓᬧ᭄ᬬᬸ ᬢᬗᬦ᭄᭞ᬫᬲᬶᬳᬸᬗ᭄ᬕᬳᬂᬤᬶᬰᬸᬘᬶ᭞ᬩ᭄ᬯᬶᬦ᭄ᬢᬢᭂᬮᬸ᭞ᬤᬶᬩᬸᬓᬸᬭᬾᬩᬋᬂᬫᬸᬗ᭄ᬕᬄ᭟ᬳᬦᬓᬕᬸᬂᬕ᭄ᬥᬾᬳᭀᬓ᭞ᬢᬸᬳᬚᬶᬅ᭄‌ᬳᬶᬤᬕᬸᬫᬦ᭄ᬢᬶ᭞ᬦᬾᬦᬾᬫᬸᬮᬵᬫᬗ᭄ᬕᬮᬬᬂ᭞ᬥᬫ᭄ᬧᬢᬶᬳᬶᬩᬸᬅ᭄‌ᬫᬗᬶᬭᬶᬂ᭞ᬓᬳᬶᬭᬶᬂᬳᭀᬓᬵᬳᬲᬶ ᬓᬶ᭞ᬦᬾᬲᬤ᭄ᬬᬧᭀᬮᬶᬄᬫᬦᬸᬢᬸᬕ᭄᭞ᬳᬦᬓᬕᬸᬂᬫᬥᬾᬳᭀᬓ᭞ᬳᬶᬤᬩᬹᬫᬭᬗᬮᬶᬳᬶᬦ᭄᭞ᬫᬸᬮᬢᬸᬤᬸᬄ᭞ᬤᬾᬯᬾᬓᬾᬚᬦᬶᬫ᭄ᬭᬕᬢᬂ᭟ᬢᬸᬯᬄᬢ᭄ᬮᬸᬂᬤᬰᬮᬶᬬᬸᬦ᭄ᬜᬵ᭞ᬦᬾᬚᬦᬶᬧᬢᬸᬢ᭄ᬲᬗᬶᬳᬶᬦ᭄᭞ [᭓ 3A] ᬧ᭄ᬬᬦᬓ᭄ᬫᬦ᭄ᬢᬸᬓᬧᭀᬦᬓᬦ᭄᭞ᬫᬓᭂᬚᬂᬦᬾᬮᬸᬄᬫᬸᬯᬦᬶ᭞ᬧᬥᬢᬸᬦᬲᬂᬧᬂᬩᬺᬲᬶᬄ᭞ᬦᬢᬦ᭄ᬢᬶᬬᬶᬲ᭄‌ᬭᬶᬂᬮᬮᬸᬳᬸᬃ᭞ᬳᭂᬦ᭄ᬢᭀᬘᬧ᭄ᬫᬉᬢ᭄ᬢᬫ᭞ᬗᬶᬭᬶᬗᬂᬳᬶᬦᬵᬦᬓ᭄ᬮᬶᬗ᭄ᬲᬶᬃ᭞ᬫᬵᬦᬹᬢ᭄ᬲᬸᬮᬸᬃ᭞ᬦᬾᬧᬢᬸᬢ᭄ᬮᬓᬃᬢᬸᬳᬸᬢᬂ᭟ᬢ᭄ᬯ ᬭᬳᬤᬮᬓᬃᬕᬩᬕ᭄᭞ᬢᬦᬶᬢᭂᬕᬮ᭄ᬢᬦᬶᬘᬭᬶᬓ᭄᭞ᬧᬘᬂᬤᬤᬶᬳᬸᬢ᭄ᬲᬳᬬᬂ᭞ᬳᬗ᭄ᬕᭀᬧᬶᬦᭂᬮᬲᬾᬲᬫᬶ᭞ᬳᬳᬸᬂᬳᬤᬲ᭄ᬯᬾᬘ᭄ᬙᬦ᭄ᬓᬯᬶ᭞ᬧᬹᬯ᭄ᬯᬳᬸᬫᬳᬩᬸᬗ᭄ᬓᬸᬮ᭄᭞ᬤᬶᬢᬫᬦ᭄ᬅᬭᬶᬬᬾᬲ᭄‌ᬚᬓᬃᬣ᭞ᬤᬸᬓ᭄ᬤᬰᬢᬶ ᬩᬦ᭄ᬫᬗᭂᬫ᭄ᬧᬶ᭞ᬲᬦᬾᬧᬢᬸᬢ᭄᭞ᬦᬾᬚᬦᬶᬳᬸᬦᬵᬤᬶᬓᬬᬂ᭟ᬲᬹᬓ᭄ᬱ᭄ᬫᬦ᭄ᬫᬦᬳᬳᬾᬳᬢᬸᬭᬂ᭞ᬳᬗ᭄ᬕᭀᬦ᭄ᬤᬸᬮᬸᬭᬦ᭄ᬲᬸᬪᬓ᭄ᬢᬶ᭞ᬫᬰ᭄ᬭᬥᬩᬳᬦ᭄ᬓᬲ᭄ᬓᬬᬵ᭞ᬢᬸᬬᬸᬳᬾᬳᬗ᭄ᬕᭀᬦ᭄ᬫᬓᬶᬃᬢ᭄ᬢᬶ᭞ᬳᭂᬦ᭄ᬢᭀᬧᬶᬦᬓᬵᬲᬲᬚᬶ᭞ᬦᬾᬰᬸᬘᬶ ᬫᬸᬗ᭄ᬕᬄᬦᬶᬘᬢᬹᬃ᭞ᬳᬗ᭄ᬕᭀᬩᬸᬓᬸᬃᬧᬮᬶᬗ᭄ᬕᬶᬳᬦ᭄᭞ᬢ᭄ᬯᬄᬳᬶᬥᭂᬧ᭄‌ᬧᬕᭂᬄᬳᬲ᭄ᬣᬶᬢᬶ᭞ᬗᬓᬲ᭄ᬮᬶᬬᬸᬕ᭄᭞ᬓᬾᬦ᭄ᬓᬕᭀᬥᬦᬾᬤᬶᬚᬮᬦ᭄᭟ᬳᬢ᭄ᬯᬂᬫᬦᬳᬾᬳᬾᬜ᭄ᬘᭂᬧᬂ᭞ᬩᬺᬲᬶᬳᬶᬦ᭄ᬓᭂᬦᭂᬳᬾᬲᬳᬶ᭞ᬳᬗ᭄ᬕᭀᬩ᭄ᬭᬢᬫ

Auto-transliteration

[2 2B] 2 yanghagungmangiring, nesatatāpatibrata, nampininsahurahariḥ, rowastibanmangĕmpi, dijambharaṇānemalu, maselongsakingwiweka, ngĕmasinmatitinggalhurip, mapankeketo, bĕlaṇdha nemituduhang. netwaradadilempasang, wak'hagunghidatanmari, tupĕkannenimiskr̥ĕ‐dham, mĕtingmĕtinghulicĕnik, kantidadibukajani, ñĕkolahanghulimalu, hidatongoskapyu tangan, masihunggahangdiśuci, bwintatĕlu, dibukurebar̥ĕngmunggaḥ. hanakagunggdhehoka, tuhajik'hidagumanti, nenemulāmanggalayang, dhampatihibuk'mangiring, kahiringhokāhasi ki, nesadyapoliḥmanutug, hanakagungmadhehoka, hidabūmarangalihin, mulatuduḥ, dewekejanimragatang. tuwaḥtlungdaśaliyunñā, nejanipatutsangihin, [3 3A] pyanakmantukaponakan, makĕjangneluḥmuwani, padhatunasangpangbr̥ĕsiḥ, natantiyisringlaluhur̀, hĕntocapma'uttama, ngiringanghinānaklingsir̀, mānūtsulur̀, nepatutlakar̀tuhutang. twa rahadalakar̀gabag, tanitĕgaltanicarik, pacangdadihutsahayang, hanggopinĕlasesami, hahunghadaswecchankawi, pūwwahumahabungkul, ditamanariyesjakar̀tha, dukdaśati banmangĕmpi, sanepatut, nejanihunādikayang. sūkṣmanmanahahehaturang, hanggonduluransubhakti, maśradhabahankaskayā, tuyuhehanggonmakir̀tti, hĕntopinakāsasaji, neśuci munggaḥnicatūr̀, hanggobukur̀palinggihan, twaḥhidhĕppagĕḥhasthiti, ngakasliyug, kenkagodhanedijalan. hatwangmanaheheñcĕpang, br̥ĕsihinkĕnĕhesahi, hanggobratama

Leaf 3

Image on Archive.org

[᭓ 3B] ᭓ ᬉᬢ᭄ᬢᬫ᭞ᬜᬫᬳᬶᬗᬃᬘ᭄ᬘᬦᬯᬶᬥᬶ᭞ᬫᬗ᭄ᬤᬦᬾᬳᬶᬤᬵᬦᬸᬮᬸᬭᬶᬦ᭄᭞ᬤᬵᬫᬗᬾᬢᬂᬪᬬᬓᬾᬯᬸᬄ᭞ᬳᭂᬦ᭄ᬢᭀᬫᬳᬯᬦ᭄‌ᬦᬶᬃᬫᬮ᭞ᬤᬶᬤᬲᬃᬳᬶᬥᭂᬧᬾᬧᬶᬗᬶᬢ᭄᭞ᬳᬗ᭄ᬕᭀᬗᬚᬸᬫ᭄᭞ᬗᬭᬾᬓᬬᬂᬧᬸᬱ᭄ᬧᬵᬮᬶᬗ᭄ᬕ᭟ᬢ᭄ᬯᬭᬳᬤ ᬦᬾᬳᬦᭂᬮᬂ᭞ᬳᬚᬓ᭄ᬫᬕᬳᬾᬗᬶᬢᬸᬗᬶᬦ᭄᭞ᬳᬶᬗᭂᬢ᭄ᬳᬯᬓ᭄ᬢᬦ᭄ᬧᬩᬵᬮ᭞ᬜᬾᬦ᭄‌ᬩ᭄ᬭᬬᬧᬘᬂᬓᬯᬸᬓᬶᬦ᭄᭞ᬦᬾᬫᬸᬮᬮᬲᬸᬚᬢᬶᬪᬓ᭄ᬢᬶ᭞ᬳᬶᬤᬤᬾᬯᬢᬫᬮᬸ᭞ᬩᬸᬕ᭄ᬩᬸᬕ᭄ᬤᬲᬓ᭄‌ᬮᬦ᭄ᬲᬸᬪᬕᬦ᭄᭞ᬲᬶᬩᭂᬢᬦᬚᬲᬶ ᬧᭂᬭᬱᬶ᭞ᬫᬸᬯᬄᬧᬮᬥᬸᬂ᭞ᬧᬥᬢᬸᬮᬸᬲ᭄ᬫᬗᬾᬜ᭄ᬘ᭄ᬭᬓᬂ᭟ᬭᭀᬩᬦᬾᬚᬦᬶᬓᭂᬦ᭄ᬥᭂᬮᬂ᭞ᬤᬶᬩᬜ᭄ᬚᬃᬓᭀᬤᭀᬓ᭄ᬕᬸᬫᬦ᭄ᬢᬶ᭞ᬦᬾᬫᬕᬤᬂᬧᭂᬢᭂᬂᬍᬫᬄ᭞ᬘᭂᬦᬶᬓ᭄‌ᬓᭂᬮᬶᬄᬮᬸᬄᬫᬸᬯᬦᬶ᭞ᬧᬥᬕᬃᬕ᭄ᬕᬶᬢᬵᬦᬸᬮᬸᬗᬶᬦ᭄᭞ᬳᬸᬦᬶᬗᬯᬶ᭠ ᬢ᭄‌ᬓᬬᬂᬮᬸᬧᬸᬢ᭄᭞ᬫᬵᬯᬦᬦ᭄‌ᬧ᭄ᬭᬲᬶᬤ᭄ᬥᬮᬜ᭄ᬘ᭞ᬲᬶᬂᬓᬦ᭄ᬢᬶᬧᬘᬂᬜᭂᬗᬳᬶᬦ᭄᭞ᬳᬸᬮᬶᬫᬮᬸ᭞ᬫᬸᬮᬤᬤᬶᬧᬓᬡ᭄ᬥᭂᬮᬦ᭄᭟ᬦᬾᬢ᭄ᬯᬭᬤᬤᬶᬮᬾᬫ᭄ᬧᬲᬂ᭞ᬫᬓᬲᬭᬷᬦᬶᬂᬧᬗᬯᬶ᭞ᬲ᭄ᬯᬾᬘ᭄ᬙᬦ᭄ᬤᬶᬲᬂᬲᬥᬓ᭞ᬰᬶᬯᬩᬸᬤ᭄ᬥ᭠ [᭔ 4A] ᬦᬾᬲᬂᬓᬮᬶᬄ᭞ᬲᬦᬾᬗᬸᬜ᭄ᬘᬭᬂᬉᬢ᭄ᬧᭂᬢᬶ᭞ᬲ᭄ᬣᬶᬢᬶᬧ᭄ᬭᬮᬶᬡᬫᬫᬸᬧᬸᬢ᭄᭞ᬧᬤᬡ᭄ᬥᬧᬶᬥᬥᬕᬡ᭞᭠ᬦᬾᬧᬕᭂᬄᬧᬸᬕᬸᬄᬗᬲ᭄ᬣᬶᬢᬶ᭞ᬫᬓᬲᬸᬮᬸᬄ᭞ᬓᬳ᭄ᬬᬸᬦ᭄ᬤᬶᬤᬦᬾᬦᬾᬕᬮᬂ᭟ᬫᬸᬮᬧᬗᬡ᭄ᬥᬶᬓᬕᭂᬢᬃ᭞ᬫᬵᬦᬸᬢ᭄ᬲᬮᬶᬂ ᬲᬶᬮᬶᬳᬲᬶᬄ᭞ᬲᬋᬂᬧ᭄ᬭᬡ᭄ᬥᬯᬬᬦ᭄‌ᬥᬢᬄ᭞ᬧ᭄ᬭᬡ᭄ᬥᬕ᭄ᬭᬶᬬᬤᬯᬦ᭄ᬕᬸᬫᬦ᭄ᬢᬶ᭞ᬲᬫᬶᬳᬲᬶᬄᬲᬓᬶᬂᬗᬹᬦᬶ᭞ᬲᬮᬶᬂᬳᬲᬄᬲᬮᬶᬂᬳᬲᬸᬄ᭞ᬫᬗᬶᬭᬶᬂᬳᬶᬤᬤᬾᬯᬢ᭞ᬲᬗ᭄ᬓᬦᬶᬂᬮᬦᬸᬲ᭄ᬫᬫᬃᬕ᭄ᬕᬶ᭞ᬢᭂᬭᬸᬲ᭄ᬢᬸᬫᬸᬲ᭄᭞ᬲᬶᬤ᭄ᬥᬲᬓᬵᬮ᭠ ᬦᬶᬲ᭄ᬓᬵᬮ᭟ᬍᬕᬦ᭄ᬫᬦᬄᬳᬾᬘ᭄ᬭᬶᬢᬬᬂ᭞ᬕᬸᬭᬶᬢ᭄ᬲᬚᭂᬭᭀᬦᬶᬂᬳᬢᬶ᭞ᬳᬶᬦ᭄ᬤᬶᬓ᭄‌ᬧ᭄ᬭᬡ᭄ᬥᬦᬾᬦᬩ᭄ᬤᬩᬂ᭞᭠ᬗᬯᬾᬲᬓᬮ᭄ᬯᬶᬭᬶᬂᬲᬚᬶ᭞ᬯᬯᬦ᭄ᬢᭂᬦᬦ᭄‌ᬘᬢᬹᬃᬰᬸᬘᬶ᭞ᬲᭀᬧᬓᬭᬲᬶᬤ᭄ᬥᬧᬸᬧᬸᬢ᭄᭞ᬦᬸᬦ᭄ᬢᬸᬦᬶᬦ᭄ᬳᬦᬓ᭄ᬫᬕᬫ᭄ᬕᬫ᭄ ᭞ᬫᬗ᭄ᬤᬦᬾᬲᬶᬤ᭄ᬥᬫᬫᬃᬕ᭄ᬕᬶ᭞ᬫᬵᬦᬸᬢ᭄ᬲᬸᬮᬸᬃ᭞ᬗ᭄ᬮᬓ᭄ᬱᬡᬬᬂᬰᬵᬲ᭄ᬢ᭄ᬭᬤᬺᬱ᭄ᬝ᭟ᬧ᭄ᬭᬡ᭄ᬥᬕ᭄ᬥᬾᬧᬲᬸᬭᬸᬯᬦ᭄᭞᭠ᬭᬶᬂᬕ᭄ᬭᬶᬬᬓᬯᬦ᭄ᬕᬸᬫᬦ᭄ᬢᬶ᭞ᬦᬶᬮᬸᬯᬦ᭄ᬥᬾᬰᬲᬶᬩᭂᬢᬦ᭄᭞ᬓᬩ᭄ᬭ᭄ᬬᬸᬓᬶᬦ᭄ᬲᬫᭂᬢᭀᬦ᭄ᬲᬫᬶ᭞ᬭᬶᬂᬕ᭄ᬭᬶᬬᬢᭂᬗᬄᬓᬦ᭄ᬤᬸᬕᬶ

Auto-transliteration

[3 3B] 3 uttama, ñamahingar̀ccanawidhi, mangdanehidānulurin, dāmangetangbhayakewuḥ, hĕntomahawannir̀mala, didasar̀hidhĕpepingit, hanggongajum, ngarekayangpuṣpālingga. twarahada nehanĕlang, hajakmagahengitungin, hingĕt'hawaktanpabāla, ñenbrayapacangkawukin, nemulalasujatibhakti, hidadewatamalu, bugbugdasaklansubhagan, sibĕtanajasi pĕrasyi, muwaḥpaladhung, padhatulusmangeñcrakang. robanejanikĕndhĕlang, dibañjar̀kodokgumanti, nemagadangpĕtĕngl̥ĕmaḥ, cĕnikkĕliḥluḥmuwani, padhagar̀ggitānulungin, huningawi‐ tkayangluput, māwananprasiddhalañca, singkantipacangñĕngahin, hulimalu, muladadipakaṇdhĕlan. netwaradadilempasang, makasarīningpangawi, swecchandisangsadhaka, śiwabuddha‐ [4 4A] nesangkaliḥ, sanenguñcarangutpĕti, sthitipraliṇamamuput, padaṇdhapidhadhagaṇa, ‐nepagĕḥpuguḥngasthiti, makasuluḥ, kahyundidanenegalang. mulapangaṇdhikagĕtar̀, mānutsaling silihasiḥ, sar̥ĕngpraṇdhawayandhataḥ, praṇdhagriyadawan'gumanti, samihasiḥsakingngūni, salinghasaḥsalinghasuḥ, mangiringhidadewata, sangkaninglanusmamar̀ggi, tĕrustumus, siddhasakāla‐ niskāla. l̥ĕganmanaḥhecritayang, guritsajĕroninghati, hindikpraṇdhanenabdabang, ‐ngawesakalwiringsaji, wawantĕnancatūr̀śuci, sopakarasiddhapuput, nuntuninhanakmagamgam , mangdanesiddhamamar̀ggi, mānutsulur̀, nglakṣaṇayangśāstradr̥ĕṣṭa. praṇdhagdhepasuruwan, ‐ringgriyakawan'gumanti, niluwandheśasibĕtan, kabryukinsamĕtonsami, ringgriyatĕngaḥkandugi

Leaf 4

Image on Archive.org

[᭔ 4B] ᭔ ᭞ᬳᬶᬤᬧ᭄ᬭᬡ᭄ᬥᬳᬶᬲ᭄ᬢ᭄ᬭᬷᬧᬸᬢᬸ᭞ᬦᬾᬮᬶᬗ᭄ᬲᬶᬃᬓᬲᬸᬩ᭄‌ᬯᬶᬤᬕ᭄ᬥ᭞ᬫᬓᬩ᭄ᬥᬗ᭄ᬲᬚᬶᬦᬾᬲᬫᬶ᭞ᬫᬸᬗ᭄ᬕᬄᬢᭂᬤᬸᬦ᭄᭞ᬍᬲᬸᬳᬶᬤᬢᬦ᭄ᬧᬗᬾᬢᬂ᭟ᬳᬶᬤᬧ᭄ᬭᬡ᭄ᬥᬳᬶᬲ᭄ᬢ᭄ᬭᬷᬓᬭᬂ᭞ᬗᬾᬜ᭄ᬘᬓᬂᬭᬳᬶᬦᬯᭂᬗᬶ᭞ᬗᬸᬦ᭄ᬥᬸᬓᬂᬲᬃᬯ᭄ᬯᬩᬩᬦ᭄ᬢᭂᬦ᭄᭞᭠ ᬢᬢᬵᬉᬧᬓᬵᬭᬲᬫᬶ᭞ᬰ᭄ᬭᬗ᭄ᬕᬭᬢᬸᬢᬸᬭᬫᬦᬶᬲ᭄᭞ᬓᬾᬩᭂᬓ᭄‌ᬭᬶᬂᬲᬃᬯ᭄ᬯᬧᬗᬯ᭄ᬭᬸᬄ᭞ᬧᬫᬃᬕ᭄ᬕᬶᬦᬾᬲᬤᬵᬕᬜ᭄ᬘᬂ᭞ᬳᬦᭀᬫ᭄‌ᬧ᭄ᬭᬫᬡᬦᬾᬳᬭᬶᬲ᭄᭞ᬫᬸᬮᬵᬘᬸᬘᬸᬤ᭄᭞ᬗᬶᬭᬶᬗᬕ᭄ᬓᬪᬾᬧᬸᬗ᭄ᬓᬸᬭᬦ᭄᭛᭜᭛ ᬧᬸᬧᬸᬄᬧᬗ᭄ᬓᬸᬃ᭛᭜᭛ᬫᬭᬮᬓᬃᬫᬤᬩ᭄ᬥᬩᬦ᭄᭞ᬧᬸᬧᬸᬢ᭄‌ᬯᬯᬗᬸᬦᬦ᭄ᬧᬬᬚ᭄ᬜᬦᬾᬳᬰ᭄ᬭᬶ᭞ᬢᭂᬓ᭠ᬮᬘᬸᬭᬾᬫᬦᬸᬢᬸᬕ᭄᭞ᬗᬯᬶᬦᬂᬳᬶᬥᭂᬧᬾᬩᬸᬬᬃ᭞ᬤᬯᭂᬕ᭄ᬤᬶᬤᬳᬶᬩᭂᬮᬶᬦᬾᬲᬸᬩᬫᬦᬸᬢ᭄᭞ᬳᬶᬭᬶᬂᬫᬧᬶᬕᬸᬫᬶᬫᬶ ᬢᬸᬗᬦ᭄᭞ᬮᬮᬶᬲ᭄‌ᬤᬾᬯᬢᬗᬮᬶᬳᬶᬦ᭄᭟ᬳᬦᬓᬕᬸᬂᬫᬥᬾᬳᭀᬓ᭞ᬢᬸᬯᬄᬳᬶᬤᬵᬦᬾᬳᬗ᭄ᬕᭀᬧᬗᬮᬶᬗ᭄ᬲᬶᬃ᭞ᬮᬓᬃᬳᬶᬭᬶᬂᬗᬋᬂᬢᬸᬬᬸᬄ᭞ᬮᬲ᭄‌ᬳᬶᬤᬚᬦᬶᬫᬗᬸᬢᬂ᭞ᬫᬦᬶᬗ᭄ᬕᬮᬶᬦ᭄ᬳᬯᬓᬾᬦᬾ [᭕ 5A] ᬲᭂᬤᭂᬂᬩᬶᬜ᭄ᬘᬸᬄ᭞ᬫᬦ᭄ᬢᬸᬓ᭄‌ᬓᬕᬸᬯᬶᬦᬾᬯᬬᬄ᭞ᬢ᭄ᬯᬭᬧᭂᬲᬦ᭄ᬧᬗᬓᬾᬭᬶᬂ᭟ᬬᬦ᭄ᬫᬸᬗ᭄ᬕ᭄ᬯᬶᬂᬧᬶᬦᬸᬗ᭄ᬓᬦ᭄ᬳᬶᬤ᭞ᬭᬶᬂᬳᬸᬮᬸᬦ᭄ᬳᬗᭂᬦ᭄ᬭᬳᬢ᭄ᬫᬯᬦ᭄ᬢᬶᬯᬦ᭄ᬢᬶ᭞ᬓᭂᬜ᭄ᬘᬶᬂᬫᬦᬶᬲ᭄‌ᬮᬸᬤᬶᬦ᭄ᬓᭂᬫ᭄ᬩᬸᬂ᭞ᬲᬲᬫ᭄ᬧᬸᬦ᭄ᬧᬶᬂᬓᬸᬦᬂᬓᬸᬦᬂ᭞ᬫᬧᬭᬶᬓ᭄ᬱᬵ ᬭᬶᬂᬦᭀᬦ᭄ᬢᭂᬃᬲᬦᬾᬶᬸᬦᬓᬲᬸᬫ᭄ᬩᬸᬂ᭞ᬧᬭᬳᬄᬮᬶᬲᬫ᭄ᬧᬸᬦ᭄ᬧᬰ᭄ᬘᬢ᭄᭞ᬳᬍᬃᬢᬦ᭄ᬲᬶᬤ᭄ᬥᬵᬦᬸᬮᬸᬗᬶᬦ᭄᭟ᬧ᭄ᬭᬲᬶᬤ᭄ᬤ᭄ᬥᬳᬶᬤᬫᬫᬃᬕ᭄ᬕ᭞ᬤᬶᬦᬲᭀᬫᬧ᭄ᬯᭀᬦ᭄‌ᬯᬸᬓᬸᬲᬶᬦ᭄ᬢᬦᭂᬫᭀᬦᬶᬦ᭄᭞ᬭᬶᬂᬭᬸᬫᬄᬲᬓᬶᬢ᭄ᬤᬶᬩᬤᬸᬂ᭞ᬦᬸᬚ᭄ᬯᬂᬤᬶᬲ᭠ ᬦ᭄ᬤ᭄ᬬᬓᬵᬮ᭞ᬩᬢᭂᬓ᭄ᬚᭂᬗᬄᬢ᭄ᬯᬭᬳᬦᬗᬶᬢᬸᬂᬢᬸᬬᬸᬄ᭞ᬲᭂᬩᭂᬢ᭄ᬤᬶᬥᭂᬧᬾᬲᬾᬍᬩᬂ᭞ᬓᬅᬫ᭄ᬮᬵᬧᬸᬭᬫᬯ᭠ᬮᬶ᭟ᬚᬦᬶᬧᬼᬩᭀᬦᬾᬳᬕᭂᬫᬂ᭞ᬤᬾᬯᬲᬦ᭄ᬜᬭᬤᬶᬳᬾᬯᬕᬾᬫᬦᬫ᭄ᬧᬶ᭞ᬳᬧᬂᬧ᭄ᬭᬲᬶᬤᬦᬾᬧᬸᬧᬸᬢ᭄᭞ᬢᬸ᭠ ᬦ᭄ᬢᬲᬂᬮᬯᬸᬢ᭄ᬫᬮᬕ᭄ᬬ᭞ᬗᬶᬭᬶᬂᬳᬶᬤᬤᬾᬯᬳᬢᬫᬸᬗ᭄ᬕᬄᬤᬶᬩᬸᬓᬸ᭞ᬯᬶᬭᬾᬄᬳᬶᬤᬭᬸᬮᬲᬤ᭄ᬬ᭞ᬫᬫᬶᬮᬶᬄᬚᬮᬦ᭄ᬫᬫᬃᬕ᭄ᬕᬶ᭟ᬲᬸᬩᬧ᭄ᬭᬕᬢ᭄ᬫᬧᬶᬕᬸᬫᬦ᭄᭞ᬗᬶᬭᬶᬂᬳᬶᬤᬧ᭄ᬭᬡ᭄ᬥᬦᬾᬗᬳᬾᬲᬚᬶ᭞ᬢᬸᬦᬲᬂᬩᬦ᭄ᬢᭂᬦ᭄ᬧᬫᬸᬧᬸᬢ᭄᭞᭠

Auto-transliteration

[4 4B] 4 , hidapraṇdhahistrīputu, nelingsir̀kasubwidagdha, makabdhangsajinesami, munggaḥtĕdun, l̥ĕsuhidatanpangetang. hidapraṇdhahistrīkarang, ngeñcakangrahinawĕngi, ngundhukangsar̀wwababantĕn, ‐ tatā'upakārasami, śranggaratuturamanis, kebĕkringsar̀wwapangawruḥ, pamar̀gginesadāgañcang, hanompramaṇaneharis, mulācucud, ngiringagkabhepungkuran /// • /// pupuḥpangkur̀ /// • /// maralakar̀madabdhaban, puputwawangunanpayajñanehaśri, tĕka‐lacuremanutug, ngawinanghidhĕpebuyar̀, dawĕgdidahibĕlinesubamanut, hiringmapigumimi tungan, lalisdewatangalihin. hanakagungmadhehoka, tuwaḥhidānehanggopangalingsir̀, lakar̀hiringngar̥ĕngtuyuḥ, lashidajanimangutang, maninggalinhawakene [5 5A] sĕdĕngbiñcuḥ, mantukkaguwinewayaḥ, twarapĕsanpangakering. yanmunggwingpinungkanhida, ringhulunhangĕnrahatmawantiwanti, kĕñcingmanisludinkĕmbung, sasampunpingkunangkunang, mapariksyā ringnontĕr̀sane̶nakasumbung, parahaḥlisampunpaścat, hal̥ĕr̀tansiddhānulungin. prasidddhahidamamar̀gga, dinasomapwonwukusintanĕmonin, ringrumaḥsakitdibadung, nujwangdisa‐ ndyakāla, batĕkjĕngaḥtwarahanangitungtuyuḥ, sĕbĕtdidhĕpesel̥ĕbang, ka'amlāpuramawa‐li. janipl̥ĕbonehagĕmang, dewasanñaradihewagemanampi, hapangprasidanepuput, tu‐ ntasanglawutmalagya, ngiringhidadewahatamunggaḥdibuku, wireḥhidarulasadya, mamiliḥjalanmamar̀ggi. subapragatmapiguman, ngiringhidapraṇdhanengahesaji, tunasangbantĕnpamuput, ‐

Leaf 5

Image on Archive.org

[᭕ 5B] ᭕ ᬧᬍᬩᭀᬦ᭄‌ᬦᬾᬫᬉᬢ᭄ᬢᬫ᭞ᬫᬓᬢᬍᬤ᭄ᬩᬓ᭄ᬢᬶᬦᬾᬲᬸᬰ᭄ᬭᬸᬱᬵᬦᬸᬮᬸᬲ᭄᭞ᬫᬜᬫᬓᬮᬶᬄᬫᬯᬭᬂ᭞ᬢᬺᬱ᭄ᬡᬦᬾᬓᬢᭂᬓᬾᬗᬢᬶ᭟ᬳᬤᬹᬄᬓᭂᬲ᭄ᬬᬩᬾᬓᬮᬶᬯᬢ᭄᭞ᬭᬲᬓᬭᬶᬳᬶᬤᬤᬶᬢᬸᬫᬮᬶᬗ᭄ᬕᬶᬄ᭞ᬲᬤᬓᭂᬜᭂ᭠ ᬫ᭄‌ᬲᬸᬫ᭄ᬲᬸᬫ᭄ᬕᬸᬬᬸ᭞ᬳᬶᬭᬶᬗᬂᬩᬋᬂᬫᬝᬶᬃᬣ᭞ᬤᬸᬓ᭄‌ᬲᬭᬰ᭄ᬯᬢᬶᬦᬾᬦᬸᬦᬲ᭄ᬳᬧ᭄ᬝᬸᬧᬸᬗ᭄ᬓᬸ᭞ᬭᬶᬂᬧ᭄ᬭᬡ᭄ᬥᬧᬲᬸᬭᬸ᭠ᬯᬦ᭄᭞ᬫᬦ᭄ᬢᭂᬦᬶᬦ᭄ᬮᭀᬯᬶᬸᬦ᭄ᬢᬃᬤᬶᬮᭀᬚᬶ᭟ᬲᬕᬾᬢ᭄ᬤᬶᬗᭂᬢ᭄ᬢᭂᬓᬾᬦ᭄ᬳᬫᬓ᭄᭞ᬲᬬᬦ᭄ᬳᬸᬯᬵᬗ᭄ᬤᬶᬂᬩᭂᬮᭀᬕᬾᬢᬦ᭄ᬲᬶ ᬧᬶ᭞ᬦᬫ᭄ᬧᬲ᭄ᬯᬾᬘ᭄ᬙᬦ᭄ᬲᬂᬳ᭄ᬬᬂᬢᬸᬤᬸᬄ᭞ᬳᬧᬂᬲᬫ᭄ᬧᬸᬦ᭄ᬓᬩᬶᬗᬸᬗᬦ᭄᭞ᬯᬶᬭᬾᬄᬧᬜ᭄ᬚᬚᬮᬦᬾᬦᬾᬧ᭠ᬘᬂᬢᬸᬯᬸᬓ᭄᭞ᬓᭂᬩᬸᬲ᭄ᬩᬭᬦᬾᬢᬳᬦᬂ᭞ᬫᬫᬸᬯᬸᬓ᭄ᬕᬸᬫᬶᬦᬾᬓᬮᬶ᭟ᬓᬮᬶᬬᬸᬕᬦᬾᬫᬫ᭄ᬭᬢ᭄᭞ᬫᬜᬸᬲᬸᬧᬶᬦ᭄ᬤᬤᬶ ᬕᬕᭀᬤᬦ᭄ᬲᬫᬶ᭞ᬳᬤᬲᬦᬾᬗᬤᬸᬕᬤᬸᬕ᭄᭞ᬫᬫᬸᬜᬶᬲᬤᬮᬫ᭄ᬧ᭄ᬬᬲ᭄᭞ᬲᭂᬩᭂᬂᬧᬸᬜᬄᬲᬮ᭠ᬧ᭄ᬩᬸᬓᬓᬸᬮᬸᬓ᭄ᬜᬮᬸᬂ᭞ᬫᬶᬭᬶᬩ᭄ᬓᬭᬗ᭄ᬲᬸᬓ᭄ᬩᬪᬹᬢᬦ᭄᭞ᬗᬺᬩᬸᬢᬶᬦ᭄‌ᬘᬭᬸᬦᬾᬳᬗᬶᬢ᭄᭟ᬓᬾᬢᭀᬯᬮᬸᬬᬲᬓ [᭖ 6A] ᬮ᭞ᬧᭀᬮᬄᬳᬦᬓᬾᬮᬶᬬᬸᬫᬳᭀᬦᭂᬳᬾᬮᬶᬓ᭄᭞ᬧᬶᬰᬸᬳᬲᬬᬦ᭄ᬓᬕᬸᬕᬸ᭞ᬳᬶᬭᬶᬳᬢᬶᬦᬾ᭠ᬗᬯᬶᬦᬂ᭞ᬦᬾᬤᭂᬳᭂᬦᬶᬦ᭄‌ᬜᬲᬳᬶᬳᭀᬭᬳᬂᬧᬵᬢᬸᬢ᭄᭞ᬢ᭄ᬯᬭᬲᬶᬤᬫᬜᭂᬤ᭄ᬲᭂᬤᬂ᭞ᬦᬾᬧᬢᬸᬢ᭄ᬭᬸᬭᬸᬄᬤᭂ ᬫᭂᬦᬶᬦ᭄᭟ᬫᬸᬮᬚᬦᬶᬧᬳᬶᬤᭂᬭᬳᬦ᭄᭞ᬓᬤᬶᬚᬦ᭄ᬢ᭄ᬭᬧ᭄ᬭᬯᬾᬱᬦ᭄ᬕᬸᬫᬶᬦᬾᬓᬮᬶ᭞ᬦᬾᬩᭂᬢᬾᬦ᭄ᬤᬤᬶᬤᬶᬤᬸᬳᬸᬃ᭞ᬳᬲᬶᬂᬗᬍᬫ᭄ᬓᬤᬾᬦ᭄ᬫᭂᬮᬄ᭞ᬩᬸᬓᬳᬦᬓᬾᬜᬸᬚᬸᬄᬮᬗᬶᬢᬾᬧᭂᬮᬸᬂ᭞ᬫ᭄ᬭᬲᬢᭂᬓᬾᬦ᭄ᬤᬾᬯᬾᬓ᭄ᬚᬫ᭄ᬧ᭄ᬭᬄ᭞ᬢᭀ᭠ ᬮᬶᬄᬩᬸᬮᬸᬦᬾᬦᬸᬕᬸᬤᬶᬕ᭄᭞ᬳᬤᬩᬸᬯᬶᬦ᭄‌ᬬᬦ᭄ᬲᬯᬗᬂ᭞ᬘᬵᬭᬧᬾᬜ᭄ᬚᭀᬃᬦᬾᬦᬾᬩᬾᬗ᭄ᬓᭀᬢ᭄‌ᬬᬧᬬᬲᬶᬦ᭄᭞ᬗᭂᬦᬄᬩᬸᬗᬄᬲᬃᬯ᭄ᬯᬩᬕᬸᬲ᭄᭞ᬦᬾᬦᬾᬍᬲᭂᬃᬢᭀᬳᬜ᭄ᬘᭂᬗᬂ᭞ᬓᬾᬢᭀᬩᬳᬦ᭄ᬫᬃᬡ᭄ᬦᬓᭂᬦᭂ ᬳᬾᬓᬢᬸᬗ᭄ᬓᬸᬮ᭄᭞ᬤᭂᬲᭂᬲᭂᬓ᭄ᬧᭂᬢᭂᬂᬚᬫ᭄‌ᬤ᭄ᬯᬵ᭞ᬧᬸᬮᬸᬄᬲᬢ᭄ᬯᬭᬜᬦ᭄ᬤᬭᬶᬲ᭄᭟ᬧᬶᬦᬳᬦ᭄ᬲᬸᬩᬤᬲᬼᬫᬄ᭞ᬫᬸᬜᬶᬦ᭄ᬓᭂᬤᬶᬲ᭄ᬘᬭᬸᬓ᭄ᬘᬸᬓᬾᬫᬗᬸᬘᬶ᭞ᬢᬶᬢᬶᬭᬦ᭄ᬢᬶᬢᬶᬃᬗᬢᭂᬗ᭄ᬓᬸᬂ᭞ᬚᬗᬬᬾᬳᬶᬫ᭄ᬩᬮ᭄ᬓᬢᬶᬫ᭄ᬩᬮ᭄᭞ᬩᬦ᭄‌ᬳᬶᬓᭂᬤᬶᬲ᭄ᬓᬸ

Auto-transliteration

[5 5B] 5 pal̥ĕbonnema'uttama, makatal̥ĕdbaktinesuśrusyānulus, mañamakaliḥmawarang, tr̥ĕṣṇanekatĕkengati. hadūḥkĕsyabekaliwat, rasakarihidaditumalinggiḥ, sadakĕñĕ‐ msumsumguyu, hiringangbar̥ĕngmaṭir̀tha, duksaraśwatinenunashapṭupungku, ringpraṇdhapasuru‐wan, mantĕninlow̶ntar̀diloji. sagetdingĕttĕkenhamak, sayanhuwāngdingbĕlogetansi pi, nampaswecchansanghyangtuduḥ, hapangsampunkabingungan, wireḥpañjajalanenepa‐cangtuwuk, kĕbusbaranetahanang, mamuwukguminekali. kaliyuganemamrat, mañusupindadi gagodansami, hadasanengadugadug, mamuñisadalampyas, sĕbĕngpuñaḥsala‐pbukakulukñalung, miribkarangsukbabhūtan, ngr̥ĕbutincarunehangit. ketowaluyasaka [6 6A] la, polaḥhanakeliyumahonĕhelik, piśuhasayankagugu, hirihatine‐ngawinang, nedĕhĕninñasahihorahangpātut, twarasidamañĕdsĕdang, nepatutruruḥdĕ mĕnin. mulajanipahidĕrahan, kadijantrapraweṣan'guminekali, nebĕtendadididuhur̀, hasingngal̥ĕmkadenmĕlaḥ, bukahanakeñujuḥlangitepĕlung, mrasatĕkendewekjampraḥ, to‐ liḥbulunenugudig, hadabuwinyansawangang, cārapeñjor̀nenebengkotyapayasin, ngĕnaḥbungaḥsar̀wwabagus, nenel̥ĕsĕr̀tohañcĕngang, ketobahanmar̀ṇnakĕnĕ hekatungkul, dĕsĕsĕkpĕtĕngjamdwā, puluḥsatwarañandaris. pinahansubadasl̥ĕmaḥ, muñinkĕdiscarukcukemanguci, titirantitir̀ngatĕngkung, jangayehimbalkatimbal, banhikĕdisku

Leaf 6

Image on Archive.org

[᭖ 6B] ᭖ ᬓᬹᬃᬮᬗᭃᬘᭂᬓᬹᬃᬘᭂᬓᬹᬃ᭞ᬲᬦᬾᬲᭂᬭᬩ᭄ᬗᬶᬫ᭄ᬩᬂ᭞ᬗᬤᬳᬲᬶᬄᬳᬫᬗᭂᬗ᭄ᬓᬶᬓ᭄᭟ᬫᬭᬗᬶᬦ᭄ᬤᬭᬗᬶᬦ᭄ᬓᭂᬤ᭠ᬢ᭄᭞ᬦᬶᬗᭂᬄᬕᭀᬯᬓ᭄ᬗᬕᬮᭀᬓ᭄ᬫᬯᬦ᭄ᬢᬶᬯᬦ᭄ᬢᬶ᭞ᬲᬤᬢᬶᬗ᭄ᬮᬶᬲ᭄‌ᬲᬬᬦ᭄ᬮᬸᬮᬸᬢ᭄᭞ᬫᬳᬶᬭᬶᬩ᭄‌ᬬᬫᬦᬸᬤ᭄ᬢᬸᬤᬂ᭞ᬤᬸ᭠ ᬳ᭄ᬓᬶᬢᬦᬾᬦᬾᬲᬶᬂᬤᬤᬶᬳᬸᬯᬳᬸᬯᬸᬄ᭞ᬳᬶᬦ᭄ᬤᬶᬓᬾᬦᬶᬦᬶᬅ᭄‌ᬕᬸᬡᬓ᭄ᬱᬵ᭞ᬤᬶᬢᬶᬃᬣᬕᬗ᭄ᬕᬵᬗᬮᬳᬶᬦ᭄᭟ᬭᬲᬤᬶᬤᬸᬯᬸᬃᬗᬫ᭄ᬩᬭ᭞ᬳᬤᬓᭂᬤᬶᬲ᭄ᬢᬸᬳᬸᬦᬶᬫ᭄ᬩᬮᬶᬦ᭄᭞ᬢᬸᬯᬭᬫᬳᬂᬫᭂᬭᬄ᭞ᬤᬢᬤᬢᬩᬓᬗ᭄ᬭᬫ᭄ᬩᬂ᭞ ᬫᬢ᭄ᬯᬶᬮᬶᬗᬂᬫᬗ᭄ᬤᬦᬾᬢ᭄ᬯᬭᬓᬲ᭄ᬮᬶᬫᬹᬃ᭞ᬩᭂᬘᬶᬓᬂᬭᬢᬸᬧᬕᭂᬳᬂ᭞ᬓᬬᬸᬦᬾᬫᬗ᭄ᬤᬦᬾᬢᬶᬮᬶᬂ᭟ᬬᬤ᭄ᬬᬲ᭄ᬢᬸᬦ᭄ᬓᬤᬸᬳ᭄ᬓᬢᬦ᭄᭞ᬳᬦ᭄ᬢᬸᬓ᭄ᬘᬸᬦ᭄ᬢᬓᬦᬾᬢᬦ᭄ᬢᭂᬮᬕ᭄ᬫᬕᬶᬮᬶᬃ᭞ᬲᬵᬫ᭄ᬧᬸᬦᬂᬭᬢᬸᬫᬫᬸᬭᬸᬕ᭄᭞ᬫᬮᬶᬳᬸᬢ᭄ᬲᬳᬬᬂᬕᬮᬄ᭞ᬤᬾᬯᬲ ᬦᬾᬜᬸᬘᬶᬫᬗ᭄ᬤᬫᬦᬹᬢ᭄ᬲᬸᬮᬸᬃ᭞ᬓᬾᬢᭀᬬᬦ᭄ᬧᬃᬡ᭄ᬦᬕᬸᬭᬶᬢᬂ᭞ᬳᬶᬢᬸᬳᬸᬢᬸᬳᬸᬦᬸᬢᬸᬭᬶᬦ᭄᭛᭜᭛ᬧᬸᬧᬸᬄᬤᬸᬃᬫ᭄ᬫ᭛᭜᭛ᬲᬸᬩᬵᬮᬶᬯᬢ᭄ᬧᬢ᭄‌ᬮᬶᬓᬸᬃᬤᬶᬦᬵᬲᭂᬩᭂᬮᬂ᭞ᬩᬸᬓᬢᬸᬤᬸᬄᬲᬂᬳ᭄ᬬᬂᬓᬯᬶ᭞ᬕᬮᬂᬫᬲᭂᬭ᭄ᬬ [᭗ 7A] ᬓ᭄᭞ᬢᭂᬓᬳᬶᬥᭂᬧᬾᬮᬶᬬᬂ᭞ᬚᬕᬶᬫᬗᬯᬶᬢᬶᬦ᭄ᬜᬸᬘᬶ᭞ᬭᬾᬄᬯᬯᬦ᭄ᬢᭂᬦᬦ᭄‌ᬧᬸᬧᬸᬢ᭄ᬤᬶᬕ᭄ᬭ᭄ᬬᬲᬫᬶ᭟ᬩᬸᬤ᭄ᬥᬫ᭠ᬦᬶᬲ᭄ᬓᬸᬮᬦ᭄ᬢᬶᬃᬭᬯᬸᬄᬤᬶᬦᬦ᭄ᬜᬵ᭞ᬧᬹᬃᬦᬫᬫᬶᬸᬓᬲᬵᬫᬦᬫ᭄ᬧᬶ᭞ᬚᬸᬮᬶᬢᬗ᭄ᬓᬮ᭄ᬢᬶᬕ᭞ᬩᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬫᬩᭂᬜ᭄ᬘᬄ᭞ᬓᭂᬢᬸᬗ᭠ ᬦ᭄ᬓᬸᬭᬸᬄᬫᬦᬸᬗ᭄ᬢᬶᬢ᭄᭞ᬤᬶᬧᬫᬭᬚᬦ᭄᭞ᬲᬸᬦ᭄ᬤᬭᬶᬦᬾᬜᬢᬹᬃᬳᬰ᭄ᬭᬶ᭟ᬳᬸᬮᬶᬤᬶᬚᬢᭂᬓᬦ᭄ᬤᬗᬶᬦᬾᬫᬲ᭄ᬭᬶ᭠ᬗᬫ᭄ᬧᭂᬄᬳᬶᬘᬵᬫ᭄ᬧᬓᬓᬸᬦᬶᬂ᭞ᬗᬮᬸᬩ᭄ᬫᬳᬶᬓ᭄ᬲᬸᬫᬵᬃ᭞ᬫᬳᬶᬭᬶᬩ᭄‌ᬬᬢᬕᬶᬳᬮᬧ᭄᭞ᬳᬗ᭄ᬕᭀᬗᬢᬸᬭᬂᬲᬸᬪᬓ᭄ᬢᬶ᭞ᬧᬂᬲᬶ ᬤ᭄ᬥᬲᬤ᭄ᬬ᭞ᬩᬋᬂᬫᬸᬗ᭄ᬕᬄᬭᬶᬂᬤᭀᬦ᭄ᬩᬶᬗᬶᬦ᭄᭟ᬩᬸᬯᬶᬦ᭄ᬩᬸᬗᬦ᭄ᬫᬥᬸᬭᬶᬧᬸᬢᬶᬄᬫᬲ᭄ᬮᬶᬬᬩ᭄᭞ᬤᬶᬤᬗᬶᬦ᭄ᬩᬮᬾ᭠ᬧᬧᭂᬮᬶᬓ᭄᭞ᬦᬕᬶᬄᬫᬶᬮᬸᬳᬮᬧ᭄᭞ᬗᬶᬭᬶᬂᬗᬚᬸᬫ᭄ᬗᬭᬾᬓᬵ᭞ᬫᬲᬦ᭄ᬤᬶᬂᬳᬶᬭᬵᬢ᭄ᬦᬧᬸᬢᬶᬄ᭞ᬧᬂᬫᬩᬋᬗᬂ᭞ᬲᬓᬃᬲᬸᬮᬵ ᬰᬶᬳᬾᬲᬸᬘᬶ᭟ᬓᬾᬢᭀᬲᬃᬯ᭄ᬯᬲᭂᬓᬭᬾᬗᭂᬦᬄᬕᬃᬕ᭄ᬕᬶᬢ᭞ᬫᬶᬭᬶᬩ᭄‌ᬬᬲᬮᬶᬂᬳᬸᬮᬧᬶᬦ᭄᭞ᬫᭂᬍᬤ᭄ᬧᬤᬗᬸᬬᬸᬄ᭞ᬭᬶᬂᬭᬾᬓᬵᬧᬸᬱ᭄ᬧᬮᬶᬗ᭄ᬕ᭞ᬗᬢᬸᬭᬂᬳᬯᬓ᭄ᬲᬸᬪᬓ᭄ᬢᬶ᭞ᬬᬦ᭄ᬢᭀᬂᬧᬃᬡ᭄ᬦᬬᬂ᭞ᬕᬸᬭᬶᬢᬸᬗ᭄ᬕᬳᬂᬧᬗᬯᬶ᭟ᬧ᭄ᬭᬡ᭄ᬥᬳᬶᬲ᭄ᬢ᭄ᬭᬷ

Auto-transliteration

[6 6B] 6 kūr̀langöcĕkūr̀cĕkūr̀, sanesĕrabngimbang, ngadahasiḥhamangĕngkik. marangindaranginkĕda‐t, ningĕḥgowakngagalokmawantiwanti, sadatinglissayanlulut, mahiribyamanudtudang, du‐ hkitanenesingdadihuwahuwuḥ, hindikeninik'guṇaksyā, ditir̀thaganggāngalahin. rasadiduwur̀ngambara, hadakĕdistuhunimbalin, tuwaramahangmĕraḥ, datadatabakangrambang, matwilingangmangdanetwarakaslimūr̀, bĕcikangratupagĕhang, kayunemangdanetiling. yadyastunkaduhkatan, hantukcuntakanetantĕlagmagilir̀, sāmpunangratumamurug, malihutsahayanggalaḥ, dewasa neñucimangdamanūtsulur̀, ketoyanpar̀ṇnaguritang, hituhutuhunuturin /// • /// pupuḥdur̀mma /// • /// subāliwatpatlikur̀dināsĕbĕlang, bukatuduḥsanghyangkawi, galangmasĕrya [7 7A] k, tĕkahidhĕpeliyang, jagimangawitinñuci, reḥwawantĕnanpuputdigryasami. buddhama‐niskulantir̀rawuḥdinanñā, pūr̀namam̶kasāmanampi, julitangkaltiga, bantĕnsāmpunmabĕñcaḥ, kĕtunga‐ nkuruḥmanungtit, dipamarajan, sundarineñatūr̀haśri. hulidijatĕkandanginemasri‐ngampĕḥhicāmpakakuning, ngalubmahiksumār̀, mahiribyatagihalap, hanggongaturangsubhakti, pangsi ddhasadya, bar̥ĕngmunggaḥringdonbingin. buwinbunganmadhuriputiḥmasliyab, didanginbale‐papĕlik, nagiḥmiluhalap, ngiringngajumngarekā, masandinghirātnaputiḥ, pangmabar̥ĕngang, sakar̀sulā śihesuci. ketosar̀wwasĕkarengĕnaḥgar̀ggita, miribyasalinghulapin, mĕl̥ĕdpadanguyuḥ, ringrekāpuṣpalingga, ngaturanghawaksubhakti, yantongpar̀ṇnayang, guritunggahangpangawi. praṇdhahistrī

Leaf 7

Image on Archive.org

[᭗ 7B] ᭗ ᬧᬸᬢᬸᬫᬗᬸᬜ᭄ᬘᬭᬯᬾᬤ᭞ᬲ᭄ᬯᬭᬦ᭄ᬕᭂᬦ᭄ᬢᬦᬾᬦᬾᬢᬶᬗ᭄ᬮᬶᬲ᭄᭞ᬦᬸᬮᬸᬭᬶᬦ᭄ᬗᬲ᭄ᬣᬯ᭞ᬳ᭄ᬬᬂᬯᬶᬥᬶᬫᬗ᭄ᬤᬜᬓ᭄ᬱᬶᬬᬂ᭞ᬓᬶᬭᬶᬂᬪᬝᬵᬭᬪᬝᬵᬭᬶ᭞ᬗᬓ᭄ᬱᬶᬲᬦ᭄ᬢᬦ᭞ᬗᬕᭂᬫᬂᬬᬚ᭄ᬜᬦᬾᬲᬸᬘᬶ᭟ᬦᬶᬫ᭄ᬓᬮ᭄‌ᬲ᭄ᬯᬭᬦ᭄ᬯᬮᬂᬳᬸᬫᬸᬗᬾᬫᬦ᭄ᬭᬯᬂ᭞ᬫᬶᬭᬶᬩ᭄ ᬬᬲᬮᬶᬂᬢᭂᬫ᭄ᬩᬗᬶᬦ᭄᭞ᬭᬶᬂᬲ᭄ᬯᬭᬦ᭄ᬢᬗ᭄ᬕᬸᬭᬦ᭄᭞ᬢᬶᬮᬶᬂᬩᬋᬂᬗᬃᬘ᭄ᬙᬦ᭞ᬫᬫᬸᬚᬶᬳ᭄ᬬᬂᬫᬵᬳᬲᬶᬤ᭄ᬥᬶ᭞ᬧᬂᬓᬤᬸᬮᬸᬭᬦ᭄᭞ᬧᬤᬕᬶᬗᬦᬾᬫᬲᬵᬭᬷ᭟ᬲᬶᬬᭀᬲ᭄ᬫᬮᬶᬄᬦᬶᬧᬸᬗ᭄ᬓᬸᬃᬧ᭄ᬭᬡ᭄ᬥᬫᬯᬾᬤ᭞ᬧᬧᬯᭀᬲᬦ᭄‌ᬧ᭄ᬭᬯᬅᬤᬶ᭞ᬦᬾ ᬢᬦ᭄ᬤᬤᭀᬲ᭄ᬧᬲᬄ᭞ᬮᬭᬧᬫ᭄ᬲᬶᬤ᭄ᬥᬓᬵᬃᬬ᭄ᬬ᭞ᬕᬸᬲ᭄ᬢᬶᬫᬺᬥᬸᬦᬾᬫᬲᬦᬶᬦ᭄᭞ᬫᬗᬼᬗ᭄ᬓᬭᬬᬂ᭞ᬳᬶᬤᬩᬕᬸᬲ᭄ᬓᭂᬢᬸᬢ᭄‌ᬭᬳᬶ᭟ᬲᬵᬫ᭄ᬧᬸᬦ᭄ᬢᭂᬋᬫ᭄‌ᬚᬫ᭄ᬲᭀᬮᬲ᭄ᬲᬫᬶᬫᬦᬫ᭄ᬧ᭄ᬬᬕ᭄᭞ᬲᬫᭂᬢᭀᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬗᬕᭂᬫ᭄ᬧᬫᬸᬱ᭄ᬧᬬ ᬦ᭄᭞ᬲ᭄ᬯᬪᬯᬧᬥᬳᬾᬕᬃ᭞ᬤᬸᬮᬸᬭᬶᬦ᭄ᬓᬬᬸᬦ᭄ᬤᬲ᭄ᬣᬶᬢᬶ᭞ᬲᬫᬶᬦᬸᬦᬲᬂ᭞ᬫᬗ᭄ᬤᬮᬦᬸᬲ᭄ᬲᬶᬤ᭄ᬥᬓᬶᬃᬢ᭄ᬢᬶ᭟ᬘᬭᬶᬢᬬᬂᬲᬵᬫ᭄ᬧᬸᬦ᭄ᬫᬶᬢᬸᬂᬦᬶᬦᬵᬦ᭄ᬓᬵᬃᬬ᭄ᬬ᭞ᬭᬶᬂᬳ᭄ᬬᬂᬇᬕᬸᬫᬧᬚᬵᬢᬶ᭞ᬳ᭄ᬬᬂᬳ᭄ᬬᬂᬦᬶᬂᬧᬶᬢᬭ᭞ᬫᬗ᭄ᬤᬢᬦ᭄ᬓᬢᬦ᭄ᬤ᭄ᬭᬸᬳᬦ᭄᭞ᬫᬶᬢᬸ᭠ [᭘ 8A] ᬯᬶᬬᬃᬫᬦᬄᬚᬵᬢᬶ᭞ᬕᬮᬂᬫᬮᬶᬮᬂ᭞ᬗᬸᬗ᭄ᬓᬳᬂᬤᬾᬯᬢᬲᬫᬶ᭟ᬓᬮᬦ᭄ᬢᬸᬭᬂᬫᬮᬶᬄᬳᬦ᭄ᬢᬸᬓ᭄ᬧᬫᬮᬲ᭄ᬧᬲ᭄᭞ᬩᬸᬓᬹᬃᬯᬯᬗᬸᬦᬦ᭄ᬲᬫᬶ᭞ᬩᬮᬾᬧᬯᬾᬤᬬᬦ᭄᭞ᬦᬾᬲᬫ᭄ᬧᬸᬦ᭄ᬲᬫᬶᬳᬬᬲ᭄᭞ᬩᬮᬾᬧᬗ᭄ᬮᬶᬯᭂᬗᬦ᭄ᬫᬸᬗᬶᬮ᭄᭞᭠ ᬫ᭄ᬯᬄᬲᬗ᭄ᬮᬃᬢᬯᬂ᭞ᬧᬬᬚ᭄ᬜᬦ᭄ᬫᬳᬜ᭄ᬘᬓ᭄ᬱᬚᬶ᭟ᬤᬶᬩᬜ᭄ᬘᬶᬗᬄᬩᬮᬾᬩᬸᬦ᭄ᬤᭂᬭᬾᬫᬧᬬᬲ᭄᭞ᬩᬮᬾᬧᬕᭀᬗᬦᬾᬗᬶᬗ᭄ᬕᬶᬮ᭄᭞ᬯᬯᬭᬸᬗᬾᬫᬸᬦ᭄ᬢᬩ᭄᭞ᬧᬘᬂᬕᭂᬦᬄᬧᬢᬫ᭄ᬬᬸᬯᬦ᭄᭞ᬳᬶᬮᬾᬦᬶᬮᬾᬦ᭄‌ᬮᬦ᭄ᬩᬩᬮᬶ᭞ᬦᬾᬗᭂᬦᬄᬩᬸ ᬗᬄ᭞ᬩᬸᬓᬹᬭᬾᬢᬢᬶᬕᬳᬰ᭄ᬭᬶ᭟ᬧ᭄ᬭᬡ᭄ᬥᬕ᭄ᬥᬾᬧᬶᬥᬥᬕᬡᬫᬧᬹᬚ᭞ᬫᬓᬥᬂᬕᬸᬭᬸᬚᬵᬢᬶ᭞ᬗᬸᬜ᭄ᬘᬭᬂᬳᬲ᭄ᬣᬯ᭞ᬧᬫ᭄ᬩᬂᬧᬩᬺᬲᬶᬳᬦ᭄᭞ᬫᬶᬭᬶᬩ᭄‌ᬪᬕᬯᬵᬦ᭄‌ᬯ᭄ᬭᬲ᭄ᬧᬢᬶ᭞ᬗᭂᬤᬸᬦ᭄ᬗᬦ᭄ᬢᭂᬕᬂ᭞ᬲᬮ᭄ᬯᬶᬃᬲᬲᬚᬾᬦᬾᬲᬫᬶ᭟ᬭ ᬭᬶᬲ᭄ᬤᬶᬦᬗᬫᬃᬕ᭄ᬕᬶᬬᬂᬪᬸᬫᬶᬲᬸᬤ᭄ᬥ᭞ᬫᬗ᭄ᬤᬦᬾᬲᬫᬶᬩᬺᬲᬶᬄ᭞ᬢᬸᬃᬫᬢᭂᬧᬸᬂᬢᬯᬃ᭞ᬧ᭄ᬭᬡ᭄ᬥᬕ᭄ᬥᬾᬧᬲᬸᬭ᭄ᬯᬦ᭄᭞᭠ᬭᬭᬶᬲ᭄ᬦᬸᬮᬸᬭᬶᬦ᭄ᬫᬗᬺᬲᬶᬓ᭄᭞ᬲᬯᬯᬗᬸᬦᬦ᭄᭞ᬧ᭄ᬭᬡ᭄ᬥᬳᬶᬲ᭄ᬢ᭄ᬭᬶᬓᬭᬂᬗᬶᬭᬶᬂ᭟ᬭᬯᬸᬄᬳᬶᬤᬧᬤᬡ᭄ᬥᬰᭂᬢᬸᬢ᭄‌ᬦᬸᬯ

Auto-transliteration

[7 7B] 7 putumanguñcaraweda, swaran'gĕntanenetinglis, nulurinngasthawa, hyangwidhimangdañaksyiyang, kiringbhaṭārabhaṭāri, ngaksyisantana, ngagĕmangyajñanesuci. nimkalswaranwalanghumungemanrawang, mirib yasalingtĕmbangin, ringswarantangguran, tilingbar̥ĕngngar̀cchana, mamujihyangmāhasiddhi, pangkaduluran, padaginganemasārī. siyosmaliḥnipungkur̀praṇdhamaweda, papawosanprawa'adi, ne tandadospasaḥ, larapamsiddhakār̀yya, gustimr̥ĕdhunemasanin, mangl̥ĕngkarayang, hidabaguskĕtutrahi. sāmpuntĕr̥ĕmjamsolassamimanampyag, samĕtonlananghistri, ngagĕmpamuṣpaya n, swabhawapadhahegar̀, dulurinkayundasthiti, saminunasang, mangdalanussiddhakir̀tti. caritayangsāmpunmitungninānkār̀yya, ringhyangigumapajāti, hyanghyangningpitara, mangdatankatandruhan, mitu‐ [8 8A] wiyar̀manaḥjāti, galangmalilang, ngungkahangdewatasami. kalanturangmaliḥhantukpamalaspas, bukūr̀wawangunansami, balepawedayan, nesampunsamihayas, balepangliwĕnganmungil, ‐ mwaḥsanglar̀tawang, payajñanmahañcakṣaji. dibañcingaḥbalebundĕremapayas, balepagonganenginggil, wawarungemuntab, pacanggĕnaḥpatamyuwan, hilenilenlanbabali, nengĕnaḥbu ngaḥ, bukūretatigahaśri. praṇdhagdhepidhadhagaṇamapūja, makadhanggurujāti, nguñcaranghasthawa, pambangpabr̥ĕsihan, miribbhagawānwraspati, ngĕdunngantĕgang, salwir̀sasajenesami. ra risdinangamar̀ggiyangbhumisuddha, mangdanesamibr̥ĕsiḥ, tur̀matĕpungtawar̀, praṇdhagdhepasurwan, ‐rarisnulurinmangr̥ĕsik, sawawangunan, praṇdhahistrikarangngiring. rawuḥhidapadaṇdhaśĕtutnuwa

Leaf 8

Image on Archive.org

[᭘ 8B] ᭘ ᬪ᭞ᬧᬤᬡ᭄ᬥᬳᬶᬲ᭄ᬢ᭄ᬭᬶᬢᬦ᭄ᬫᬭᬶ᭞ᬗᬶᬭᬶᬂᬫᬓᭂᬫ᭄ᬩᬭᬦ᭄᭞ᬧᬤᬡ᭄ᬥᬓᬦᬶᬢᬾᬦ᭄‌ᬢᬦ᭄ᬲᬄ᭞ᬫᬫᬸᬢ᭄ᬭᬹᬫᬫᬯᭀᬲ᭄ᬅᬤᬶ᭞ᬕᭂᬢᬃᬲᬃᬚ᭄ᬚᬯ᭞ᬓᬤᬶᬧ᭄ᬭᬪᬸᬥᬂᬥᬂᬕᭂᬡ᭄ᬥᬶᬲ᭄᭛᭜᭛ᬧᬸᬧᬸᬄᬥᬂᬥᬂ᭛᭜᭛ᬳᬢᬹᬃᬢᬶᬢ᭄ᬬᬂ ᬳᬶᬥᬂᬥᬂᬭᬯᬸᬄᬢᬗ᭄ᬓᬶᬮ᭄᭞ᬗᬯᭂᬓᬲᬂᬢᬶᬢ᭄ᬬᬂᬓᬤᬯᬸᬳᬦ᭄᭞ᬕᬸᬫᬦ᭄ᬢᬶᬫᬸᬦ᭄ᬤᬸᬢ᭄‌ᬢᬶᬃᬣᬦᬾ᭞ᬳᬶᬤ᭠ᬳᬚᬶᬦ᭄‌ᬘᭀᬓᭀᬭᬶᬭᬢᬸ᭞ᬗᬸᬢᬸᬲ᭄ᬢᬶᬢ᭄ᬬᬂᬧᬋᬓ᭄‌ᬫ᭄ᬭᬶᬓᬶ᭞ᬳᬦᬓᬕᬸᬂᬓᭂᬢᬸᬢ᭄ᬓᬭᬂ᭞ᬲᬂᬫᬓᬧᬫᬸᬘᬸᬓ᭄᭞ᬗᬾᬦ᭄ᬢᭂ ᬭᬂᬳᬦᬓᬾᬫᭂᬦ᭄ᬤᬓ᭄᭞ᬫᬭᬭᬫ᭄ᬬᬦ᭄᭞ᬕᭀᬢᬫ᭄ᬗᬸᬃᬯᬃᬕ᭄ᬕᬲᬭᬶ᭞ᬫᬧᬾᬳᬾᬦ᭄ᬧᬜ᭄ᬚᬂᬧᬶᬲᬦ᭄᭟ᬲᬵᬫ᭄ᬧᬸᬦᬬᬲ᭄‌ᬭᬶᬂᬢᬸᬓᬤ᭄ᬚᬗ᭄ᬤᬵᬗᬯᬶᬢ᭄᭞ᬲᬫᬶᬦᬫ᭄ᬧ᭄ᬬᬕ᭄‌ᬲᬳᬵᬢᬢᬩᬸᬳᬦ᭄᭞ᬜᬦ᭄ᬢᭀᬲ᭄ᬭᬯᬸᬄᬧᬫᬸᬦ᭄ᬤᬸ᭠ ᬢᬾ᭞ᬲᬓᬶᬂᬕ᭄ᬭᬶᬬᬧᬶᬥᬥᬓ᭄ᬮᬸᬂᬓᬸᬂ᭞ᬫᬳᬶᬭᬶᬗᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬦᬾᬕᬸᬫᬦ᭄ᬢᬶᬜᬭᬢᬂ᭞ᬫᬗ᭄ᬤᬲᬋᬂᬗ᭠ᬚᬸᬫ᭄᭞ᬗᬭᬾᬓᬵᬪᬝᬭᬶᬮᬶᬗ᭄ᬕᬵ᭞ᬦᬾᬉᬢ᭄ᬢᬫ᭞ᬪᬝᬭᬶᬲᬶᬦ᭄ᬤᬸᬕᬸᬫᬦ᭄ᬢᬶ᭞ᬧᬘᬂᬫᬸᬘᬸᬓ᭄ᬧᬫᭂᬓᬲ᭄᭟ [᭙ 9A] ᬓᬾᬢᭀᬩᬳᬦ᭄ᬤᬶᬥᭂᬧᬾᬫᬗ᭄ᬭᬶᬜ᭄ᬘᬶ᭞ᬗᬸᬫ᭄ᬧᬫᬬᬂᬳᬸᬗ᭄ᬕᬳᬂᬧᬗ᭄ᬭᬶᬧ᭄ᬢ᭞ᬫᬓᬲᬹᬓ᭄ᬱ᭄ᬫᬦ᭄ᬫᬦᬳᬾ᭞ᬫᬗ᭄ᬤᬤᬤᭀᬲ᭄ᬢᬍᬤ᭄ᬳᬢᬹᬃ᭞ᬭᬶᬂᬳᬶᬤᬲᬂᬯᬳᬸᬧ᭄ᬭᬧ᭄ᬢᬶ᭞ᬢᬹᬃᬦᬸᬦᬲ᭄ᬧᬗᬫ᭄ᬧᬸᬭ᭞ᬳᬶᬭᬶᬂᬗ᭄ᬭᬭᬶᬲ᭄ᬗᬚᬸᬫ᭄᭞ᬩᬾᬜ᭄ᬚᬂᬫᬧᬹᬃᬯ᭄ᬯᬤ ᬓ᭄ᬱᬶᬡ᭞ᬧᬗᬸᬧᭂᬢ᭄ᬬᬦ᭄᭞ᬫᬗ᭄ᬤᬧ᭄ᬭᬲᬶᬤ᭄ᬥᬗᬯᬶᬢᬶᬦ᭄᭞ᬓᬵᬃᬬ᭄ᬬᬦᬾᬲᬋᬂᬤ᭄ᬭᬸᬯᬾᬦᬂ᭟ᬳᬶᬭᬶᬂᬫᬗ᭄ᬓᬶᬦ᭄ᬳᬦ᭄ᬢᬸᬭᬂᬫᬗᬸᬭᬶᬢ᭄᭞ᬘᬭᬶᬢᬬᬂᬗᬯᬶᬢᬶᬦ᭄ᬗᬫ᭄ᬩᬶᬮᬂ᭞ᬗᬸᬢ᭄ᬧᭂᬢᬶᬤᬶᬦᬦ᭄ᬓᬵᬃᬬ᭄ᬬᬦᬾ᭞ᬰᬰᬶᬄᬓᬭᭀᬓᬭᬸᬭᬸᬄ᭞ᬢᬗ᭄ᬓ ᬮ᭄ᬧᬶᬂᬧᬶᬲᬦ᭄‌ᬦᭂᬫᭀᬦᬶᬦ᭄᭞ᬰᬸᬓ᭄ᬭᬧᬳᬶᬂᬤᬶᬦᬦ᭄ᬜ᭞ᬯᬭᬕᬸᬫ᭄ᬩᬺᬕ᭄‌ᬦᬸᬚᬸ᭞ᬲᬥᬸᬰᬹᬤ᭄ᬥᬲᬗᬦᬸᬗ᭄ᬕᬮ᭄᭞ᬇᬰᬓᬦ᭄ᬬ᭞ᬢᬗ᭄ᬕᬮ᭄ᬲᬶᬬᬗᭀᬮᬲ᭄‌ᬚᬸᬮᬶ᭞ᬢᬳᬸᬦ᭄‌ᬳᬸᬮᬸᬂᬤᬰᬮᬶᬫ᭟ᬗᭂᬤᬲᬼᬫᬓᬸᬮ᭄ᬓᬸᬮᬾᬫᬦᬸᬗ᭄ᬢᬶᬢ᭄᭞ ᬲᬮᬶᬂᬢᬶᬫ᭄ᬩᬮ᭄ᬢᬫ᭄ᬩᬸᬃᬩᬩᬦ᭄ᬤ᭄ᬭᬗᬦ᭄᭞ᬳᬸᬫ᭄ᬯᬂᬲ᭄ᬯᬭᬦ᭄‌ᬩᬼᬕᬜ᭄ᬚᬸᬭᬾ᭞ᬮᬦᬂᬳᬶᬲ᭄ᬢ᭄ᬭᬶᬫᬩ᭄ᬭᬶᬬᬸᬓ᭄᭞ᬫᬧᬬᬲ᭄ᬲᬫᬶᬗᬗᭀᬩᬶᬦ᭄᭞ᬧᬸᬢᬶᬄᬓᬸᬦᬶᬂᬧᬧ᭄ᬭᬤᬬᬦ᭄᭞ᬲᬳᬵᬚᭀᬮᬶᬳᬕᬸᬂ᭞ᬓᬓᬮᬶᬄᬦᬾᬧᬘᬂᬫᭂᬦ᭄ᬤᬓ᭄᭞

Auto-transliteration

[8 8B] 8 bha, padaṇdhahistritanmari, ngiringmakĕmbaran, padaṇdhakanitentansaḥ, mamutrūmamawosadi, gĕtar̀sar̀jjawa, kadiprabhudhangdhanggĕṇdhis /// • /// pupuḥdhangdhang /// • /// hatūr̀tityang hidhangdhangrawuḥtangkil, ngawĕkasangtityangkadawuhan, gumantimunduttir̀thane, hida‐hajincokoriratu, ngutustityangpar̥ĕkmriki, hanakagungkĕtutkarang, sangmakapamucuk, ngentĕ ranghanakemĕndak, mararamyan, gotamngur̀war̀ggasari, mapehenpañjangpisan. sāmpunayasringtukadjangdāngawit, saminampyagsahātatabuhan, ñantosrawuḥpamundu‐ te, sakinggriyapidhadhaklungkung, mahiringanlananghistri, negumantiñaratang, mangdasar̥ĕngnga‐jum, ngarekābhaṭarilinggā, ne'uttama, bhaṭarisindugumanti, pacangmucukpamĕkas. [9 9A] ketobahandidhĕpemangriñci, ngumpamayanghunggahangpangripta, makasūkṣmanmanahe, mangdadadostal̥ĕd'hatūr̀, ringhidasangwahuprapti, tūr̀nunaspangampura, hiringngrarisngajum, beñjangmapūr̀wwada ksyiṇa, pangupĕtyan, mangdaprasiddhangawitin, kār̀yyanesar̥ĕngdruwenang. hiringmangkinhanturangmangurit, caritayangngawitinngambilang, ngutpĕtidinankār̀yyane, śaśiḥkarokaruruḥ, tangka lpingpisannĕmonin, śukrapahingdinanña, waragumbr̥ĕgnuju, sadhuśūddhasanganunggal, iśakanya, tanggalsiyangolasjuli, tahunhulungdaśalima. ngĕdasl̥ĕmakulkulemanungtit, salingtimbaltambur̀babandrangan, humwangswaranbl̥ĕgañjure, lananghistrimabriyuk, mapayassamingangobin, putiḥkuningpapradayan, sahājolihagung, kakaliḥnepacangmĕndak,

Leaf 9

Image on Archive.org

[᭙ 9B] ᭙ ᬓᬲᬓᬸᬣ᭞ᬢᬶᬃᬣᬧᬯᬶᬢ᭄ᬭᬦᬾᬋᬱᬶᬓ᭄᭞ᬦᬾᬓᬵᬢᬹᬃᬓᬧᬬᬚ᭄ᬜᬵᬦ᭄᭟ᬯᬾᬦ᭄ᬢᭂᬦ᭄ᬫᬮᬶᬄᬫᬕ᭄ᬭᬸᬤᬸᬕ᭄‌ᬫᬯᬗ᭄ᬲᬶᬢ᭄᭞ᬧᬜᬢᬸᬲᬦ᭄‌ᬤᭂᬳᬵᬮᬦ᭄ᬢᬭᬸᬡ᭞ᬲᬓᬶᬂᬩᬸᬗ᭄ᬳᬬᬧ᭄ᬭᬢᬸᬳᬾ᭞ᬫᬸᬦ᭄ᬥᬸᬢ᭄ᬪᬝᬵᬭᬩᬕᬸᬲ᭄᭞ᬦᬾ ᬓᬳᬸᬯᬸᬃᬗᬮᬶᬗ᭄ᬕᬦᬶᬦ᭄᭞ᬗᬶᬘ᭄ᬙᬾᬦ᭄ᬓᬭᬳᬬ᭄ᬯᬦ᭄᭞ᬢᬦ᭄ᬓᬩᬬᬓᬾᬯᬸᬄ᭞ᬮᬸᬧᬸᬢᬭᬶᬂᬳᬶᬫᬵᬳᬶᬮ᭞ᬲᬃᬯ᭄ᬯᬬᬚ᭄ᬜᬵ᭞ᬢᬦ᭄ᬓᭂᬦᬾᬂᬢᬸᬮᬄᬧᬫᬶᬥᬶ᭞ᬲᬓᬵᬋᬧ᭄ᬲᬶᬤ᭄ᬥᬓᬵᬃᬬ᭄ᬬ᭟ᬚᬫ᭄ᬲᭂᬫ᭄ᬩᬶᬮᬦ᭄‌ᬧᬤᬡ᭄ᬥᬦᬾᬗᬯᬶᬢ᭄᭞ᬫᬗᬃ ᬘ᭄ᬙᬦ᭞ᬫᬯᬾᬤᬫᬫᬸᬗ᭄ᬓᬄ᭞ᬗᬢᬸᬭᬂᬲᬸᬘᬶᬘᬢᬸᬭᬾ᭞ᬗ᭄ᬭᬭᬶᬲ᭄‌ᬭᬵᬫ᭄ᬬᬫᬓᬸᬫ᭄ᬧᬸᬮ᭄᭞ᬧᬭᬲᬲᬫᭂᬢᭀᬦᬾᬲᬫᬶ᭞ᬗᬩᭂᬫ᭄ᬧᬹᬃᬯ᭄ᬯᬘᬓ᭄ᬱᬶᬡ᭞ᬢᬦ᭄ᬫᬭᬶᬧᬦᬸᬦ᭄ᬢᬸᬦ᭄᭞ᬭᬶᬂᬳᬚᭂᬂᬪᬝᬵᬭᬶᬮᬶᬗ᭄ᬕᬵ᭞ᬫᬳᬶᬭᬶᬗᬦ᭄᭞ᬓᬓᬯᬶ ᬦ᭄ᬮᬦ᭄‌ᬯᬃᬕ᭄ᬕᬲᬭᬶ᭞ᬳᬸᬫ᭄ᬯᬂᬧᬲᬮᬶᬂᬢᬶᬫ᭄ᬩᬮ᭄᭟ᬮᬸᬯᬸᬂᬗᭂᬦᬄᬧᬸᬧ᭄ᬱᬮᬶᬗ᭄ᬕᬲᬫᬶ᭞ᬫᬵᬫ᭄ᬓᬃᬳᬫ᭄ᬩᬃ᭞ᬫᬭᬾᬭᭀᬤ᭄ᬫᬶᬍᬳᬦ᭄᭞ᬧᬶᬂᬢᭂᬮᬸᬮᬶᬯᬢ᭄ᬩᬸᬓᬸᬭᬾ᭞ᬫᬳᬶᬭᬶᬗᬦ᭄‌ᬚᭂᬕᬾᬕ᭄ᬓᬕᬸᬲ᭄᭞ᬤᭂᬳᬵᬢ᭄ᬭᬸᬓᬦᬾᬫᬲᭂᬮᬶᬓ᭄᭞᭠ [᭑᭐ 10A] ᬦᬾᬭᬯᬸᬄᬲᬓᬶᬂᬅᬲᬓ᭄᭞ᬕᭂᬮᬸᬗᬾᬫᬵᬲ᭄‌ᬫᬸᬭᬸᬩ᭄᭞ᬓᬫ᭄ᬩᭂᬦ᭄ᬲᬲᭀᬗ᭄ᬓᬾᬢᬦ᭄᭞ᬗᭂᬦᬄᬩᬸᬗᬄ᭞ᬭᬭᬲᬾᬫᬲᭂᬫᬸᬓᭂᬜᬶᬂ᭞ᬲᭂᬩᭂᬂᬲᬫᬶᬕᬃᬕ᭄ᬕᬶᬢ᭟ᬬᬦ᭄ᬲᬯᬗᬂᬳᬸᬗ᭄ᬓᬳᬂᬤᬶᬕᬸᬭᬶᬢ᭄᭞ᬩᬸᬓᬵᬳᬶᬤᬲᬂᬧᬜ᭄ᬘᬧᬡ᭄ᬥᬯ᭞ ᬗᬶᬍᬳᬶᬦ᭄ᬫᬳᬵᬫᬾᬭᬸᬦᬾ᭞ᬫᬫᬶᬭᬶᬕ᭄ᬲᬫ᭄ᬧᬶᬄᬕᬸᬦᬸᬂ᭞ᬰᬶᬯᬮᭀᬓᬦᬾᬓᬳᬸᬗ᭄ᬲᬶ᭞ᬲᭂᬓᬵᬲᬶᬓᬶᬦᬶᬗ᭄ᬕᬮ᭄᭞ᬢ᭄ᬯᬄᬲᬂᬥᬃᬫ᭄ᬫᬧᬸᬢᬸᬲ᭄᭞ᬦᬾᬦᬾᬫ᭄ᬭᬲᬶᬤ᭄ᬥᬬᬂᬦᬶᬜ᭄ᬘᬧ᭄᭞ᬲᬼᬩᭀᬗ᭄ᬓᭀᬳᬦ᭄᭞ᬢᬸᬫᬸᬲ᭄ᬓᬲᬶᬤ᭄ᬥᬦ᭄ᬧ᭄ᬭᬧ᭄ᬢᬶ᭞ ᬭᬯᬸᬄᬭᬶᬂᬰᬶᬯᬮᭀᬓ᭟ᬭᬶᬂᬧᬸᬭ᭄ᬬᬦ᭄‌ᬫᬥᬹᬭᬯᬾᬦ᭄ᬢᭂᬦ᭄ᬫᬮᬶᬄ᭞ᬧᬫ᭄ᬤᭂᬲᬦ᭄‌ᬧ᭄ᬬᬦᬓᬧᭀᬦᬓ᭠ᬦ᭄᭞ᬫᬦ᭄ᬢᬸᬳ᭄ᬬᬲ᭄‌ᬧᬬᬲᬦᬾ᭞ᬮᬸᬄᬫ᭄ᬯᬦᬶᬧᬥᬫᬓᬸᬫ᭄ᬧᬸᬮ᭄᭞ᬕᬃᬕ᭄ᬕᬶᬢᬲᬮᬶᬂᬓᭂᬜᬶᬗᬶᬦ᭄᭞ᬧᭀᬮᬶᬄᬗᭂᬓᭂᬩ᭄ᬳᬭ ᬳᬶᬦ᭞ᬕᬶᬮᬶᬭᬦ᭄ᬫᬜᬸᬦ᭄ᬤᬸᬮ᭄᭞ᬫᬸᬗ᭄ᬕᬄᬩᬮᬾᬧᬫᬤ᭄ᬤᭂᬲᬦ᭄᭞ᬢᬸᬃᬫᬢᬶᬃᬣ᭞ᬩᬬᬩ᭄‌ᬩᬦ᭄ᬢᭂᬦ᭄ᬦᬾᬦᬸ᭠ᬮᬸᬭᬶᬦ᭄᭞ᬢᬸᬃᬲᬫᬶᬫᬚᬬᬵᬚᬬ᭛᭜᭛ᬧᬸᬧᬸᬄᬲ᭄ᬫᬵᬭᬦ᭄ᬤᬦ᭛᭜᭛ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬶ᭞

Auto-transliteration

[9 9B] 9 kasakutha, tir̀thapawitraner̥ĕsyik, nekātūr̀kapayajñān. wentĕnmaliḥmagrudugmawangsit, pañatusandĕhālantaruṇa, sakingbunghayapratuhe, mundhutbhaṭārabagus, ne kahuwur̀ngalingganin, ngicchenkarahaywan, tankabayakewuḥ, luputaringhimāhila, sar̀wwayajñā, tankĕnengtulaḥpamidhi, sakār̥ĕpsiddhakār̀yya. jamsĕmbilanpadaṇdhanengawit, mangar̀ cchana, mawedamamungkaḥ, ngaturangsucicature, ngrarisrāmyamakumpul, parasasamĕtonesami, ngabĕmpūr̀wwacaksyiṇa, tanmaripanuntun, ringhajĕngbhaṭārilinggā, mahiringan, kakawi nlanwar̀ggasari, humwangpasalingtimbal. luwungngĕnaḥpupṣalinggasami, māmkar̀hambar̀, marerodmil̥ĕhan, pingtĕluliwatbukure, mahiringanjĕgegkagus, dĕhātrukanemasĕlik, ‐ [10 10A] nerawuḥsakingasak, gĕlungemāsmurub, kambĕnsasongketan, ngĕnaḥbungaḥ, rarasemasĕmukĕñing, sĕbĕngsamigar̀ggita. yansawanganghungkahangdigurit, bukāhidasangpañcapaṇdhawa, ngil̥ĕhinmahāmerune, mamirigsampiḥgunung, śiwalokanekahungsi, sĕkāsikininggal, twaḥsangdhar̀mmaputus, nenemrasiddhayangniñcap, sl̥ĕbongkohan, tumuskasiddhanprapti, rawuḥringśiwaloka. ringpuryanmadhūrawentĕnmaliḥ, pamdĕsanpyanakaponaka‐n, mantuhyaspayasane, luḥmwanipadhamakumpul, gar̀ggitasalingkĕñingin, poliḥngĕkĕb'hara hina, giliranmañundul, munggaḥbalepamaddĕsan, tur̀matir̀tha, bayabbantĕnnenu‐lurin, tur̀samimajayājaya /// • /// pupuḥsmārandana /// • /// nemangkinmaliḥkawi,

Leaf 10

Image on Archive.org

Leaf 11

Image on Archive.org

Leaf 12

Image on Archive.org

Leaf 13

Image on Archive.org

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org