Gaguritan Anak Bekung

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛ᬧᬸᬧᬸᬄᬕᬶᬦᬤ᭟᭜᭟ᬳᬤᬚᬦᬶᬓᬘᬭᬶᬢ᭞ᬳᬦᬓ᭄ᬩᭂᬓᬸᬂᬗᬲᬶᬳᬵᬲᬶᬄ᭞ᬕᬯᬾᬦᬾᬫᬤᬕᬂᬧᬫᭀᬃ᭞ᬮᬸᬤᬶᬦ᭄ᬢᬶᬯᬲ᭄ᬢᬦᬶᬫᬫ᭄ᬧᬸᬄ᭞ᬫᬤᬕᬂᬧᬶᬚᭂᬋᬦ᭄‌‌ᬲᭀᬦᬃ᭞ᬲᬶᬂᬚᬕ᭄ᬚᬕᬶᬦ᭄᭞ᬫᬓᭂᬚᬂᬬᬧᬤᬲᭀ ᬦᬃ᭟ᬫᬮᬮᬶᬬᬓᬸᬫᬄᬫᬶᬲᬦ᭄᭞ᬦᬸᬦᬲ᭄ᬚᬕᬸᬗᬾᬓᬓᬮᬶᬄ᭞ᬦᭂᬓᭂᬤ᭄ᬥᬶᬦᬢᬄᬦᬾᬜᭀᬗ᭄ᬓᭀᬓ᭄᭞ᬫᬶᬲᬦᬾᬫᬲᬯᬸᬢ᭄ᬋᬗᬸᬢ᭄᭞ᬓᬮᬶᬂᬚᬕᬸᬂᬧᬓᬶᬤᬶᬳᬂ᭞ᬤᬚ᭄ᬯᬭᬶ᭞ᬫᬜ᭄ᬮᬸᬓ᭄ᬱᬸᬓ᭄ᬳᬸᬫᬄᬳᬦᬓ᭄᭟ᬮᬦ᭄ᬢᬲ᭄ᬚᬦᬶᬫᬮᬶᬧᭂᬢᬦ᭄ ᭞ᬓᬚᬸᬫᬄᬫᬶᬦ᭄ᬤᭀᬦᬾᬚᬦᬶ᭞ᬢᭂᬓᭂᬤ᭄ᬥᬶᬦᬢᬄᬦᬾᬜᭀᬗ᭄ᬓᭀᬓ᭄᭞ᬳᬤᬫᬦᬕᬶᬄᬫᬗᭂᬩᬸᬕ᭄᭞ᬳᬤᬫᬦᬕᬶᬄᬫᬦᬶᬜ᭄ᬚᬓ᭄᭞ᬮᬾᬦ᭄ᬦᬸᬗ᭄ᬕᬶᬗᬶᬦ᭄᭞ᬳᬤᬗᬸᬩᭂᬢᬂᬚᬮᬦᬦ᭄᭟ᬲᬶᬂᬳᭀᬚᭀᬕ᭄‌‌ᬬᬢᬦᬶᬳᭀᬮ ᬲ᭄᭞ᬫᬓᭂᬚᬂᬗᭂᬤᭂᬕᬂᬳᬢᬶ᭞ᬩ᭄ᬭᬬᬦᬾᬧᬤᬳᭀᬚᭀᬕ᭄᭞ᬳᬤᬫᬦᬕᬶᬄᬫᬗᭂᬩᬸᬕ᭄᭞ᬳᬤᬫᬦᬕᬶᬄᬫᬦᬶᬜ᭄ᬚᬓ᭄᭞ᬮᬾᬦ᭄ᬦᬸᬗ᭄ᬕᬶᬗᬶᬦ᭄᭞ᬳᬤᬗᬸᬩᭂᬢᬶᬦ᭄ᬚᬮᬦᬦ᭄᭟ᬧᬚᭂᬗᬄᬚᭂᬗᬄᬫᬓᬮᬄ᭞ᬬᬾᬄᬫᬢᬦᬾᬚ᭄ᬯᬳᬸᬲᬧᬶᬦ᭄᭞ [᭒ 2A] ᭒ ᬢᭂᬓᭂᬤ᭄‌‌ᬬᬚᬸᬫᬄᬫᬜᭀᬗ᭄ᬓᭀᬓ᭄᭞ᬓᬢᬸᬗ᭄ᬕᬮᬶᬦ᭄ᬢᬦᬶᬫᬫ᭄ᬧᬸᬄ᭞ᬜᬫᬩ᭄ᬭᬬᬧᬥᬗᬸᬢᬂ᭞ᬫᬗᭂᬤᭂᬕᬶᬦ᭄᭞ᬫᬓᭂᬚᬂᬢ᭄ᬯᬭᬗ᭄ᬭᬸᬗᬸᬯᬂ᭟ᬳᭂᬦᭂᬗᬵᬓ᭄ᬦᬓᭀᬘᬧ᭞ᬧᬹᬃᬡ᭄ᬦᬫᬓᬧᬢᬾᬫᬗ᭄ᬓᬶᬦ᭄᭞ᬫᬲᬦ᭄ᬳᬦᬓᬾᬫᬗᬗ᭄ᬕᭀ ᭞ᬧᬥᬬᬫᬲᬶᬲᬶᬕ᭄ᬫᬫ᭄ᬩᬸᬄ᭞ᬫᬲᬦ᭄ᬳᬦᬓ᭄ᬫᬸᬚᬳᬲ᭄ᬫᬭ᭞ᬳᬕᬸᬂᬳᬮᬶᬢ᭄᭞ᬫᬗᬾᬱ᭄ᬝᬶᬭᬳᬶᬦᬵᬫᭂᬮᬄ᭟ᬫᬾᬦ᭄ᬩᭂᬓᬸᬂᬫᬮᬶᬄᬓᭀᬘᬧᬂ᭞ᬗᬮᬶᬄᬤᬯᬸᬦ᭄ᬓᬮᬗᬶᬤᬶᬂ᭞ᬓᬢᭂᬗᬄᬳᬮᬲᬾᬋᬓᭀ᭞ᬳᬓᬾᬄᬤᬯᬸᬦᬾᬓᬢᭂᬧᬸ ᬓ᭄᭞ᬲᬬᬦ᭄ᬕᬶᬭᬂᬬᬫᬗᬮᬧ᭄᭞ᬳᬓᬾᬄᬧᭀᬮᬶᬄ᭞ᬫᬭᬾᬭᬾᬦ᭄ᬩᭂᬗᭀᬂᬫᬦᭂᬕᬓ᭄᭟ᬩᬸᬓᬄᬯᬶᬥᬶᬫᬦᬸᬤᬸᬳᬂ᭞ᬲᬕᬾᬢ᭄ᬓᬭᬸᬗᬸᬓᬂᬢᬗᬶᬲ᭄᭞ᬢᬗᬶᬲ᭄ᬭᬭᬾᬦᬾᬗᬭᭀᬤ᭄ᬗᬭᭀᬤ᭄᭞ᬦᬵᬗ᭄ᬳᬶᬂᬤᭀᬄᬲᬤᬓᬭᬸᬗᬸ᭞ᬩᭂᬗᭀᬂᬭ ᬭᬶᬲ᭄‌‌ᬦᬍᬓ᭄ᬢᭂᬓᬂ᭞ᬧᭂᬤᬲ᭄ᬫᬗ᭄ᬓᬶᬦ᭄᭞ᬓᬭᬸᬗᬸᬫᬵᬭᬶᬂᬮᭀᬃ᭟ᬢᬗᬶᬲᬾᬫᬦᬸᬤᬸᬢ᭄ᬘᬶᬢ᭞ᬭᬲᬦ᭄ᬜᬫᬗᬲᬶᬳᬲᬶᬄ᭞ᬢᬦ᭄‌‌ᬭᬶᬫ᭄ᬭᬶᬫ᭄ᬫᬦᬳᬾᬋᬓᭀ᭞ᬤᬤᬶᬬᬚᬦᬶᬫᬗ᭄ᬮᬮᬸ᭞ᬤ᭄ᬬᬲ᭄ᬢᬸᬢᬾᬬᬢᭀᬜᬦ᭄ᬳᬮᬲ᭄᭞ᬭᬸᬭᬸᬄᬚᬦᬶ᭞ᬤᬸᬫ

Auto-transliteration

[1 1B] 1 /// oṁawighnamāstu /// pupuḥginada \\•\\ hadajanikacarita, hanakbĕkungngasihāsiḥ, gawenemadagangpamor̀, ludintiwastanimampuḥ, madagangpijĕr̥ĕnsonar̀, singjagjagin, makĕjangyapadaso nar̀. malaliyakumaḥmisan, nunasjagungekakaliḥ, nĕkĕddhinataḥneñongkok, misanemasawutr̥ĕngut, kalingjagungpakidihang, dajwari, mañluksyuk'humaḥhanak. lantasjanimalipĕtan , kajumaḥmindonejani, tĕkĕddhinataḥneñongkok, hadamanagiḥmangĕbug, hadamanagiḥmaniñjak, lennunggingin, hadangubĕtangjalanan. singhojogyatanihola s, makĕjangngĕdĕganghati, brayanepadahojog, hadamanagiḥmangĕbug, hadamanagiḥmaniñjak, lennunggingin, hadangubĕtinjalanan. pajĕngaḥjĕngaḥmakalaḥ, yeḥmatanejwahusapin, [2 2A] 2 tĕkĕdyajumaḥmañongkok, katunggalintanimampuḥ, ñamabrayapadhangutang, mangĕdĕgin, makĕjangtwarangrunguwang. hĕnĕngāknakocapa, pūr̀ṇnamakapatemangkin, masanhanakemanganggo , padhayamasisigmambuḥ, masanhanakmujahasmara, hagunghalit, mangeṣṭirahināmĕlaḥ. menbĕkungmaliḥkocapang, ngaliḥdawunkalangiding, katĕngaḥhalaser̥ĕko, hakeḥdawunekatĕpu k, sayan'girangyamangalap, hakeḥpoliḥ, marerenbĕngongmanĕgak. bukaḥwidhimanuduhang, sagetkarungukangtangis, tangisrarenengarodngarod, nānghingdoḥsadakarungu, bĕngongra risnal̥ĕktĕkang, pĕdasmangkin, karungumāringlor̀. tangisemanudutcita, rasanñamangasihasiḥ, tanrimrimmanaher̥ĕko, dadiyajanimanglalu, dyastuteyatoñanhalas, ruruḥjani, duma

Leaf 2

Image on Archive.org

[᭒ 2B] ᭒ ᬤᬓ᭄ᬳᬶᬬᬲᬤ᭄ᬬ᭟ᬫᬚᬮᬦ᭄ᬗᬚᬓᬗᬶᬦᬂ᭞ᬳᬓᬾᬄᬩᬸᬭᭀᬦᬾᬓᬧᬗ᭄ᬕᬶᬄ᭞ᬧᬦᬸᬗ᭄ᬕᬸᬦ᭄ᬭᬭᬾᬦᬾᬋᬓᭀ᭞ᬳᬦᬗ᭄ᬭᬓ᭄ᬳᬦᬗᭂᬮᬸᬃ᭞ᬧᬤᬫᬧᬲ᭄ᬤᬶᬚᬮᬦ᭄᭞ᬓᬢᭀᬦ᭄ᬫᬗ᭄ᬓᬶᬦ᭄᭞ᬭᬭᬾᬮᬦᬂᬩᬕᬸᬲ᭄ᬧᬶᬲᬦ᭄᭟ᬫᬍᬤ᭄ᬧᬶᬢᭀᬮᬚᬶᬗ᭄ᬕ᭞ ᬫᬕᬍᬂᬧᬾᬃᬫᬲ᭄‌‌ᬯᬶᬮᬶᬲ᭄᭞ᬫᬦᬫ᭄ᬧᬶᬂᬬᬓ᭄ᬭᬶᬲ᭄ᬓᬯᭀᬢ᭄᭞ᬢᬢᬄᬳᬦᬾᬚᬕᬰᬢ᭄ᬭᬸ᭞ᬫᬳᬸᬭᬗ᭄ᬓᬧᬾᬮᬾᬢ᭄ᬚᬫ᭄ᬧ᭄ᬭᬄ᭞ᬢᬸᬳᬸᬭᬯᬶᬢ᭄᭞ᬤᬗᬦᬦᬾᬫᬵᬲ᭄ᬓᬜ᭄ᬘᬡ᭞ᬫᬲᬲᭀᬘᬯᬶᬦ᭄ᬢᭂᬦ᭄ᬫᬶᬭᬄ᭞ᬓᭂᬓᬦ᭄ᬤᭂᬮᬦ᭄ᬲᬶᬮᬶᬄᬳᬲᬶᬄ᭞ ᬫᬓᬓᬸᬤᬸᬂᬮᬸᬗ᭄ᬲᬶᬃᬓᬯᭀᬢ᭄᭞ᬯᬢᬸᬧᬸᬢᬶᬄᬳᬗ᭄ᬕᬾᬦ᭄ᬳᬶᬧᬸᬦ᭄᭞ᬫᬾᬦ᭄ᬩᭂᬓᬸᬂᬗᬸᬘᬧ᭄ᬭᬶᬂᬫᬦᬄ᭞ᬪᬬᬯᬶᬥᬶ᭞ᬓᬮᬶᬗᬦᬾᬢᬸᬢᬸᬭᬸᬦᬦ᭄᭟ᬮᬄᬢᬩᬾᬭᬢᬸᬫᬵᬲ᭄ᬫᬶᬭᬄ᭞ᬢᬦ᭄ᬓᭂᬦᬭᬶᬂᬢᬸᬮᬄᬲᬵᬭᬶ᭞ᬢᬦ᭄ᬓᭂᬦᬭᬶᬂᬳᬶᬮᬳᬶᬮ᭞ᬮᬸᬧᬸ᭠ ᬢᬦᬵᬢᬸᬚᬸᬢᭂᬮᬸᬄ᭞ᬢᬦ᭄ᬓᭂᬦᬭᬶᬂᬢ᭄ᬯᬧᬢ᭄ᬬ᭞ᬤᬶᬃᬕ᭄ᬖᬵᬬᬸᬲᬶᬂ᭞ᬢᬸᬃᬳᬦᬫ᭄ᬩᬸᬢ᭄ᬢᬸᬢᬸᬭᬸᬦᬦ᭄᭟ᬲᬶᬦᬫ᭄ᬩᬸᬢ᭄ᬭᬭᬾᬦᬾᬏᬗ᭄ᬕᬮ᭄᭞ᬭᬹᬧᬵᬦᬾᬢᬸᬳᬸᬳᬧᭂᬓᬶᬓ᭄᭞ᬓᬸᬫᬺᬢ᭄ᬫᬦᬳᬾᬋᬓᭀ᭞ᬮᬯᬸᬢ᭄‌‌ᬬᬫᬚᬮᬦ᭄ᬳᬶᬚᬸ᭞ᬲᬳᬸᬧ᭄ᬤᬯᬸ [᭓ 3A] ᭓ ᬦᬾᬏᬗ᭄ᬕᬮᬂ᭞ᬢᬦ᭄ᬧᬦᭀᬮᬶᬄ᭞ᬲᬵᬫ᭄ᬧᬸᬦ᭄ᬓᬮᬯᬢᬦ᭄ᬳᬮᬲ᭄᭟ᬦᭂᬫᭀᬦᬶᬦ᭄‌‌ᬲᬸᬯᬸᬂᬤᬶᬚᬮᬦ᭄᭞ᬢ᭄ᬯᬭᬳᬤᬳᬦᬓ᭄ᬓᬧᬗ᭄ᬕᬶᬄ᭞ᬦᬾᬫ᭄ᬯᬦᬶᬗ᭄ᬭᬸᬓ᭄ᬭᬸᬓ᭄ᬤᬶᬧᬯᭀᬦ᭄᭞ᬧᬶᬦᬄᬚᬦᬶᬲᬸᬩᬢᭂᬤᬸᬄ᭞ᬳᬸᬩᬶᬗᭂᬤ᭄ᬢᭀᬮᬩ᭄ᬮᬩ᭞ ᬫᬲᬶᬄᬫᬦᬶᬲ᭄᭞ᬦᬾᬳᭂᬮᬸᬄᬲᬕᬾᬢ᭄ᬢᭂᬓ᭟ᬏᬯᬬᬗᭀᬚᭀᬕ᭄ᬫᬸᬮᬶᬳᬦ᭄᭞ᬓᬚᬸᬫᬄᬫᭂᬢᬾᬦ᭄ᬫᬗ᭄ᬭᬭᬶᬲ᭄᭞ᬭᬭᬾᬦᬾᬘᭂᬓᭀᬮᬂᬋᬓᭀ᭞ᬓᬧᬯᭀᬦ᭄ᬗᬮᬶᬄᬧᬦ᭄ᬩᭂᬓᬸᬂ᭞ᬤᬸᬄᬘᬳᬶᬦᬶᬭᬫᬩᬳᬦ᭄᭞ᬳᬦᬓ᭄ᬘᭂᬭᬶᬓ᭄ ᭞ᬮᬦᬂᬤᬶᬢᭂᬗᬳᬶᬂᬳᬮᬲ᭄᭟ᬦᬾᬫ᭄ᬯᬦᬶᬫᬲᬯᬸᬢ᭄ᬘᬫ᭄ᬧᬄ᭞ᬫᬲᬓᭂᬤᬦᬦ᭄ᬢᬜᬳᬶ᭞ᬤᬚ᭄ᬯᬘᬳᬶᬘᬵᬫ᭄ᬧᬄᬋᬓᭀ᭞ᬚᬮᬦ᭄ᬓᬸᬫᬄᬫᭂᬢᬾᬦ᭄ᬫᬮᬸ᭞ᬮᬫᬸᬦ᭄ᬘᬳᬶᬫᬺᬤᭀᬦᬶᬭ᭞ᬦᬾᬫ᭄ᬯᬦᬶ᭞ᬫᬲᬯᬸᬢ᭄ᬤᬸᬫᬤᬓ᭄ᬲᬚ᭟᭠ ᬦᬾᬳᭂᬮᬸᬄᬚᬦᬶᬫᬸᬮ᭄ᬬᬦ᭄᭞ᬦᬾᬫ᭄ᬯᬦᬶᬏᬯᬦᬸᬢᬸᬢᬶᬦ᭄᭞ᬢᭂᬓᬬᬢᬗ᭄ᬓᭂᬚᬸᬢ᭄ᬩᭂᬗᭀᬂ᭞ᬳᬤᬸᬄᬜᬳᬶᬤᬾᬯᬭᬢᬸ᭞ᬓᬾᬦ᭄ᬓᬾᬦ᭄ᬚᬜᬳᬶᬓᬦ᭄ᬤᬜ᭞ᬲᬗ᭄ᬓᬦ᭄ᬧᭀᬮᬶᬄ᭞ᬦᬾᬳᭂᬮᬸᬄᬭᬭᬶᬲ᭄ᬗᬦ᭄ᬤᬬᬂ᭟ᬦᬶᬭᬜᬸᬲᬸᬧ᭄ᬓᬳ

Auto-transliteration

[2 2B] 2 dak'hiyasadya. majalanngajakanginang, hakeḥburonekapanggiḥ, panunggunrarener̥ĕko, hanangrak'hanangĕlur̀, padamapasdijalan, katonmangkin, rarelanangbaguspisan. mal̥ĕdpitolajingga, magal̥ĕngper̀maswilis, manampingyakriskawot, tataḥhanejagaśatru, mahurangkapeletjampraḥ, tuhurawit, dangananemāskañcaṇa, masasocawintĕnmiraḥ, kĕkandĕlansiliḥhasiḥ, makakudunglungsir̀kawot, watuputiḥhanggenhipun, menbĕkungngucapringmanaḥ, bhayawidhi, kalinganetuturunan. laḥtaberatumāsmiraḥ, tankĕnaringtulaḥsāri, tankĕnaringhilahila, lupu‐ tanātujutĕluḥ, tankĕnaringtwapatya, dir̀gghāyusing, tur̀hanambuttuturunan. sinambutrarene'enggal, rūpānetuhuhapĕkik, kumr̥ĕtmanaher̥ĕko, lawutyamajalanhiju, sahupdawu [3 3A] 3 ne'enggalang, tanpanoliḥ, sāmpunkalawatanhalas. nĕmoninsuwungdijalan, twarahadahanakkapanggiḥ, nemwaningrukrukdipawon, pinaḥjanisubatĕduḥ, hubingĕdtolablaba, masiḥmanis, nehĕluḥsagettĕka. ewayangojogmulihan, kajumaḥmĕtenmangraris, rarenecĕkolangr̥ĕko, kapawonngaliḥpanbĕkung, duḥcahiniramabahan, hanakcĕrik , lanangditĕngahinghalas. nemwanimasawutcampaḥ, masakĕdanantañahi, dajwacahicāmpaḥr̥ĕko, jalankumaḥmĕtenmalu, lamuncahimr̥ĕdonira, nemwani, masawutdumadaksaja. ‐ nehĕluḥjanimulyan, nemwani'ewanututin, tĕkayatangkĕjutbĕngong, haduḥñahidewaratu, kenkenjañahikandaña, sangkanpoliḥ, nehĕluḥrarisngandayang. nirañusupkaha

Leaf 3

Image on Archive.org

[᭓ 3B] ᭓ ᬮᬲ᭄ᬯᬬᬄ᭞ᬢᭀᬂᬢᬳᬾᬦ᭄ᬳᬦᬓ᭄ᬗᭂᬦ᭄ᬢᬲᬶᬦ᭄᭞ᬫᬘᬦᬾᬫᬗᭂᬮᬸᬃᬳᬸᬫᭀᬃ᭞ᬯᬭᬓ᭄᭞ᬦᬵᬕᬧᬤᬭᬯᬸᬄ᭞ᬢ᭄ᬯᬭᬵᬤᬦᬶᬭᬲᬗ᭄ᬰᬬ᭞ᬳᭂᬦ᭄ᬢᭀᬚᬦᬶ᭞ᬲᬸᬩᬬᬧᬤᬫᬓᬮᬄ᭟ᬓᬢᭂᬧᬸᬓ᭄ᬪᬮᬂᬩᬾᬲᬫᬄ᭞ᬲᬕᬾᬢ᭄ᬓᬭᬸᬗᬸ ᬓᬂᬢᬗᬶᬲ᭄᭞ᬤᬶᬢᭂᬗᬄᬳᬮᬲᬾᬋᬓᭀ᭞ᬤᬤᬶᬬᬦᬶᬭᬫᬗ᭄ᬮᬮᬸ᭞ᬤ᭄ᬬᬲ᭄ᬢᬸᬳᬶᬬᬢᭀᬜᬦ᭄ᬳᬮᬲ᭄᭞ᬭᬸᬭᬸᬄᬚᬦᬶ᭞ᬤᬸᬫᬤᬓ᭄ᬳᬶᬬᬲᬤ᭄ᬬ᭞ᬤᬶᬢᬸᬏᬯᬦᬶᬭᬜᭂᬫᬓ᭄᭞ᬳᬾᬯᭂᬦᬶᬭᬮᬯᬸᬢ᭄ᬫᬸᬮᬶᬄ᭞ᬦᬾᬫ᭄ᬯᬦᬶᬓᬮᬶᬯᬢ᭄ᬕ ᬯᭀᬓ᭄᭞ᬳᬤᬸᬄᬜᬳᬶᬤᬾᬯᬭᬢᬸ᭞ᬓᬾᬦ᭄ᬓᬾᬦ᭄ᬓᬦ᭄ᬤᬜᬲᬗ᭄ᬓᬦ᭄᭞ᬧᭀᬮᬶᬄᬜᬳᬶ᭟ᬩᬸᬓᬄᬓᬾᬢᭀᬭᬵᬩᬬᬦ᭄ᬜ᭟ᬓᭂᬫᬓᬾᬜᬳᬶᬫᬳᬸᬢᬂ᭞ᬫᬗᬗ᭄ᬕᭂᬄᬩᬳᬲ᭄ᬳᬓᬶᬓᬶᬢ᭄᭞ᬳᬧᬬᬚᬦᬶᬳᬗ᭄ᬓᬸᬳᬂ᭞ᬤᬾᬭᬾᬂᬧᭂᬕ ᬢ᭄‌‌ᬥᬫᬢᬸᬢᬸᬃ᭞ᬲᬕᬾᬢ᭄ᬢᭂᬓᬤᬕᬂᬩᬳᬲ᭄᭞ᬩᬸᬓᬄᬯᬶᬥᬶ᭞ᬳᬦᬓ᭄ᬫᬗᬸᬳᬸᬧᬂᬩᬳᬲ᭄᭟ᬫᬗ᭄ᬮᬯᬸᬢ᭄ᬚᬦᬶᬫᬸᬮ᭄ᬬᬦ᭄᭞ᬓᬳᬸᬫᬄᬦᬾᬩᭂᬓᬸᬂᬗ᭄ᬭᬭᬶᬲ᭄᭞ᬢᭀᬂᬢᬳᬾᬦ᭄ᬜᬓ᭄ᬓᭂᬫᬋᬓᭀ᭞ᬦᬾᬄᬩᬶᬩᬶᬩᬳᬲ᭄ᬳᬘᬢᬸ᭞ᬧᬸᬳᬸᬧᬂᬤᬶᬦᬶ [᭔ 4A] ᭔ ᬮ᭄ᬯᬲᬂ᭞ᬦᬾᬦᬾᬫᬦᬶ᭞ᬳᬶᬘᬂᬫᬳᬶᬲᬜ᭄ᬚᬲᬜ᭄ᬚ᭟ᬫᬾᬦ᭄ᬩᭂᬓᬸᬂᬭᬭᬶᬲ᭄ᬫᬦᬗ᭄ᬕᬧ᭄᭞ᬩᬾᬜ᭄ᬚᬂᬧᬫᭂᬮᬶᬦ᭄ᬜᬦᬾᬳᬫ᭄ᬩᬶᬮ᭄᭞ᬯᬸᬲ᭄ᬫᬤᬳᬃᬲᭂᬤᬄᬋᬓᭀ᭞ᬤᬕᬂᬩᬳᬲᬾᬬᬫᬦ᭄ᬢᬸᬓ᭄᭞ᬫᬾᬦ᭄ᬩᭂᬓᬸᬂᬏᬯᬗᬢᬶᬧᬢ᭄᭞ᬦᬾᬦᬾᬫ᭄ᬯᬦᬶ᭞ᬗᭂᬦ᭄ᬤᬶ ᬳᬂᬳᬧᬶᬗᬾᬗ᭄ᬕᬵᬮᬂ᭟ᬦᬾᬓᬓᬸᬂᬗ᭄ᬭᬲᬩᬶᬗᬃ᭞ᬳᬾᬧᭀᬢ᭄ᬫᬗᭂᬦ᭄ᬤᬶᬳᬂᬳᬧᬶ᭞ᬫᬕᬯᬾᬤᭂᬤᬭᬦ᭄ᬋᬓᭀ᭞ᬗ᭄ᬕᬯᬾᬲᬫ᭄ᬩᭂᬮ᭄‌‌ᬗ᭄ᬕᬯᬾᬚᬸᬓᬸᬢ᭄᭞ᬚᬦᬶᬲᬸᬩᬧᬤᬧ᭄ᬭᬕᬢ᭄᭞ᬜᬶᬦ᭄ᬤᬸᬓ᭄ᬦᬲᬶ᭞ᬜᬶᬦ᭄ᬤᬸᬓ᭄ᬚᬸᬓᬸᬢ᭄ᬗᬮᬶᬄᬳᬸᬬᬄ᭟ᬓᬸᬫᬄᬫᭂ ᬢᬾᬦ᭄ᬚᬦᬶᬓᬩ᭞ᬦᬾᬫ᭄ᬯᬦᬶᬗᬩᬲᭀᬓ᭄ᬦᬲᬶ᭞ᬍᬕᬦᬾᬓᬮᬶᬯᬢ᭄ᬋᬓᭀ᭞ᬫ᭄ᬥᬭᬶᬦ᭄ᬭᬭᬾᬕᬸᬧᬸᬄ᭞ᬭᬭᬾᬦᬾᬢᬸᬢᬸᬢ᭄ᬫᬤᬳᬂ᭞ᬢ᭄ᬯᬭᬧᬗ᭄ᬕᬶᬮ᭄᭞ᬭᬭᬾᬦᬾᬢ᭄ᬯᬭᬩᬸᬓᬄᬤᬾᬯ᭟ᬫᬾᬦ᭄ᬩᭂᬓᬸᬂᬚᬦᬶᬫᬤᬳᬃ᭞ᬳᬚᬓ᭄ᬓᭀᬦᬾᬦᬾᬫ᭄ᬯ ᬦᬶ᭞ᬫᬤᬳᬃᬚᬦᬶᬤᬶᬧᬳᭀᬦ᭄᭞ᬩᬸᬓᬄᬢᭀᬂᬦᬾᬫ᭄ᬯᬦᬶᬩᭂᬓᬸᬂ᭞ᬫ᭄ᬭᬲᬳᬢᬶᬦᬾᬲᭂᬕᭂᬭᬦ᭄᭞ᬩᬸᬄᬳᬕᬶᬕᬶᬲ᭄᭞ᬢᬸᬫ᭄ᬩᬾᬦ᭄ᬓᭂᬦᬦᬲᬶᬫᭂᬮᬄ᭟ᬧᬶᬦᬄᬮᬶᬗ᭄ᬲᬶᬃᬲᬂᬳ᭄ᬬᬂᬲᬹᬃᬬ᭄ᬬ᭞ᬳᬸᬲᬦ᭄‌‌ᬬᬫᬤᬳᬃᬫᬗ᭄ᬓᬶᬦ᭄᭞ᬫᬗ᭄ᬕᬾᬮᬾᬗᬶᬦ᭄ᬤ

Auto-transliteration

[3 3B] 3 laswayaḥ, tongtahenhanakngĕntasin, macanemangĕlur̀humor̀, warak, nāgapadarawuḥ, twarādanirasangśaya, hĕntojani, subayapadamakalaḥ. katĕpukbhalangbesamaḥ, sagetkarungu kangtangis, ditĕngaḥhalaser̥ĕko, dadiyaniramanglalu, dyastuhiyatoñanhalas, ruruḥjani, dumadak'hiyasadya, ditu'ewanirañĕmak, hewĕniralawutmuliḥ, nemwanikaliwatga wok, haduḥñahidewaratu, kenkenkandañasangkan, poliḥñahi. bukaḥketorābayanña. kĕmakeñahimahutang, manganggĕḥbahashakikit, hapayajanihangkuhang, derengpĕga tdhamatutur̀, sagettĕkadagangbahas, bukaḥwidhi, hanakmanguhupangbahas. manglawutjanimulyan, kahumaḥnebĕkungngraris, tongtahenñakkĕmar̥ĕko, neḥbibibahashacatu, puhupangdini [4 4A] 4 lwasang, nenemani, hicangmahisañjasañja. menbĕkungrarismananggap, beñjangpamĕlinñanehambil, wusmadahar̀sĕdaḥr̥ĕko, dagangbahaseyamantuk, menbĕkungewangatipat, nenemwani, ngĕndi hanghapingenggālang. nekakungngrasabingar̀, hepotmangĕndihanghapi, magawedĕdaranr̥ĕko, nggawesambĕlnggawejukut, janisubapadapragat, ñinduknasi, ñindukjukutngaliḥhuyaḥ. kumaḥmĕ tenjanikaba, nemwaningabasoknasi, l̥ĕganekaliwatr̥ĕko, mdharinraregupuḥ, rarenetututmadahang, twarapanggil, rarenetwarabukaḥdewa. menbĕkungjanimadahar̀, hajakkonenemwa ni, madahar̀janidipahon, bukaḥtongnemwanibĕkung, mrasahatinesĕgĕran, buḥhagigis, tumbenkĕnanasimĕlaḥ. pinaḥlingsir̀sanghyangsūr̀yya, husanyamadahar̀mangkin, manggelenginda

Leaf 4

Image on Archive.org

[᭔ 4B] ᭔ ᬯᬸᬦ᭄‌‌ᬏᬧᭀᬢ᭄᭞ᬲᬫ᭄ᬩᬶᬮ᭄ᬫᬦᬸᬗ᭄ᬕᬸᬳᬶᬩᬕᬸᬲ᭄᭞ᬲᬸᬯᬸᬦ᭄ᬳᬦᬾᬮᬸᬄ᭞᭐᭞ᬫᬗ᭄ᬯᬤᬳᬶᬦ᭄᭞ᬩᬓᬮ᭄ᬳᬩᬮ᭄ᬯᬲ᭄ᬫᬩ᭄ᬮᬜ᭄ᬚ᭟ᬲᬸᬭᬸᬧ᭄‌‌ᬲᬹᬃᬬ᭄ᬬᬦᬶᬯᬗ᭄ᬓᬭ᭞ᬓᭀᬘᬧᬜᬲᬵᬫ᭄ᬧᬸᬦ᭄ᬯᭂᬗᬶ᭞ᬢᬦ᭄ᬓᭀᬘᬧ᭄ᬧᭀᬮᬳᬾᬋᬓᭀ᭞ᬏᬜ᭄ᬚᬶᬂᬧᬲᭂᬫᭂᬗᬦ᭄ᬲᬵ ᬫ᭄ᬧᬸᬦ᭄᭞ᬫᬓᬶᬭᬾᬮ᭄ᬯᬲ᭄ᬓᬧᬲᬃ᭞ᬳᬤᬸᬄᬘᬳᬶ᭞ᬤᬶᬦᬶᬚᬸᬫᬄᬳᬧᬂᬫᭂᬮᬄ᭟ᬲᬦ᭄ᬤᬶᬓᬦ᭄ᬚ᭄ᬭᭀᬦᬾᬳᬶᬫᬂ᭞ᬦᬾᬳᭂᬮᬸᬄᬳᬶᬫᬂᬫᬫᬵᬃᬕ᭄ᬕᬶ᭞ᬓᬧᬲᬃᬫᬤᭀᬮᬤᭀᬮᬦ᭄᭞ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬭᬯᬸᬄ᭞ᬮᬶᬬᬸᬳᬦᬓᬾᬫᬜᬕ᭄ᬚᬕ᭄᭞ ᬦᬕᬶᬄᬫᭂᬮᬶ᭞ᬤᬾᬭᬾᬂᬧᬸᬧᬸᬢ᭄ᬫᬜᭀᬓᭀᬮᬂ᭟ᬏᬗ᭄ᬕᬍᬦ᭄ᬧᬤᬫᬚᬸᬭᬕ᭄᭞ᬮᬶᬬᬸᬧᬤᬫᬗ᭄ᬭᭀᬫ᭄ᬩᬾᬗᬶᬦ᭄᭞ᬳᬤᬫᬺᬩᬸᬢ᭄ᬲᬮᬶᬂᬕᭂᬢᭀᬓ᭄᭞ᬫᬾᬦ᭄ᬩᭂᬓᬸᬂᬜᬧᬢᬶᬦ᭄ᬳᬮᬸᬲ᭄᭞ᬤᬚ᭄ᬭᭀᬦᬾᬫᬳᬶᬩᬸᬓᬦ᭄᭞ᬤᬯᭂᬕ᭄ᬕᬸᬲ᭄ᬢᬶ᭞ᬦᬶ ᬓᬶᬤᬯᬸᬦ᭄ᬓᬭᬶᬓᬢᬄ᭟ᬮᬯᬸᬢ᭄ᬳᬶᬬᬧᬤᬫᬬᬄ᭞ᬳᬦᬾᬫᬬᬄᬫᬍᬩᬶᬳᬶᬦ᭄᭞ᬳᬤᬢ᭄ᬯᬭᬧᭀᬮᬶᬄᬳ᭄ᬤᭀᬦ᭄᭞ᬳᬤᬩ᭄ᬭᬗ᭄ᬢᬶᬫᬗᬜᬸᬢ᭄ᬜᬸᬢ᭄᭞ᬧᬮᬶᬂᬮᬳᬶᬲᬫᬤᬕᬂᬫᬫᭂᬢᬾᬓᬶᬦ᭄᭞ᬲᬕᬾᬢ᭄ᬧᭀᬮᬶᬄᬳᬚᬶᬲᬢᬓ᭄᭟ [᭕ 5A] ᭕ ᬓᬂᬭᬭᬾᬫᬗ᭄ᬓᬶᬦ᭄ᬓᭀᬘᬧᬂ᭞ᬲᬶᬋᬧ᭄ᬫᬢᬾᬚᬭᬶᬂᬮᬗᬶᬢ᭄᭞ᬫᬾᬦ᭄ᬩᭂᬓᬸᬂᬲᬕᬾᬢᬦ᭄ᬢᬸᬫᭀᬦ᭄᭞ᬢᬾᬚᬦᬾᬜᬭᬩ᭄ᬭᬶᬂᬮᬸᬳᬸᬃ᭞ᬫᬾᬦ᭄ᬩᭂᬓᬸᬂᬗᬸᬘᬧ᭄ᬭᬶᬂᬫᬦᬄ᭞ᬬᬦ᭄ᬢᬾᬚᬦᬶ᭞ᬳᬶᬩᬕᬸᬲ᭄‌‌ᬤᬶᬚᬸᬫᬄᬲᬶᬋᬧ᭄᭟ᬫᬩ᭄ᬮᬜ᭄ᬚᬏᬗ᭄ᬕᬮᬾᬗ᭄ᬕᬮ᭄᭞ᬫᭂ᭠ ᬮᬶᬩᬸᬗᬩᬸᬭᬢ᭄ᬯᬗᬶ᭞ᬚᬚᬓᬸᬲ᭄ᬓᬸᬲ᭄ᬮᬦ᭄ᬓᬍᬧᭀᬦ᭄᭞ᬚᬚᬕᬶᬦᬮᬦ᭄ᬩᬸᬓᬬᬸ᭞ᬧᬘᬂᬤᬕᬶᬂᬧᬮᬗ᭄ᬓᬶᬭᬦ᭄᭞ᬲᬃᬯ᭄ᬯᬩᭂᬘᬶᬓ᭄᭞ᬢᭂᬮᬸᬂᬘᬢᬸᬗᬸᬳᬸᬧ᭄ᬩᬳᬲ᭄᭟ᬫᭂᬮᬶᬩᬾᬚᬶᬮᬶᬫᭀᬮᬲ᭄᭞ᬫᭂᬮᬶᬲᬮᬓ᭄ᬮᬵᬯᬦ᭄ᬫᬗ᭄ᬕᬶᬲ᭄᭞ᬩᬸᬲᬦ᭄ᬜᬬᬫᬩ᭄ᬮᬜ᭄ᬚ ᬋᬓᭀ᭞ᬫᬜᬶᬫ᭄ᬧᭂᬦᬂᬭᬭᬶᬲ᭄ᬫᬦ᭄ᬢᬸᬓ᭄᭞ᬫᬫᬵᬃᬕ᭄ᬕᬶᬬᬕᬕ᭄ᬮᬶᬲᬦ᭄᭞ᬲᬃᬯ᭄ᬯᬶᬦᭀᬮᬶᬄ᭞ᬢᬾᬚᬦᬾᬫᬲᬶᬫᬗ᭄ᬭᬜᬩ᭄᭟ᬢᬸᬗ᭄ᬕᬮ᭄ᬫᬲᬭᬾᬫᬢᬾᬚ᭞ᬢᭂᬗᭂᬭᬦᬾᬲᬳᬶᬲᬳᬶ᭞ᬢᬦ᭄ᬓᭀᬘᬧ᭄ᬤᬶᬚᬮᬦ᭄ᬋᬓᭀ᭞ᬢᭂᬓᭂᬤ᭄‌‌ᬬᬤᬶᬚᬸᬫᬄ ᬲᬵᬫ᭄ᬧᬸᬦ᭄᭞ᬦᬾᬗᭂᬮᬄᬩᬳᬲᬾᬢᭂᬓ᭞ᬦᬕᬶᬄᬧᬶᬧᬶᬲ᭄᭞ᬫᬾᬦ᭄ᬩᭂᬓᬸᬂᬭᬭᬶᬲ᭄ᬫᭂᬫ᭄ᬩᬬᬄ᭟ᬲᬳᬶᬬᬗᬤᭂᬧ᭄ᬤᭀᬦ᭄ᬓᬮᬂ᭞ᬧᭀᬮᬶᬄᬳᬚᬶᬲᬢᬓ᭄ᬱᬳᬶ᭞ᬲᭂᬓᬢ᭄ᬧᭀᬮᬶᬄᬭᬭᬾᬋᬓᭀ᭞ᬦᬵᬗ᭄ᬳᬶᬂᬢ᭄ᬯᬭᬳᬦᬓ᭄ᬢᬳᬸ᭞ᬫᬾᬦ᭄ᬩᭂᬓᬸᬂᬢᬦ᭄ᬓᬸᬭᬂ

Auto-transliteration

[4 4B] 4 wunepot, sambilmanungguhibagus, suwunhaneluḥ 0 mangwadahin, bakalhabalwasmablañja. surupsūr̀yyaniwangkara, kocapañasāmpunwĕngi, tankocappolaher̥ĕko, eñjingpasĕmĕngansā mpun, makirelwaskapasar̀, haduḥcahi, dinijumaḥhapangmĕlaḥ. sandikanjronehimang, nehĕluḥhimangmamār̀ggi, kapasar̀madoladolan, tankocapasāmpunrawuḥ, liyuhanakemañagjag, nagiḥmĕli, derengpuputmañokolang. enggal̥ĕnpadamajurag, liyupadamangrombengin, hadamr̥ĕbutsalinggĕtok, menbĕkungñapatinhalus, dajronemahibukan, dawĕggusti, ni kidawunkarikataḥ. lawut'hiyapadamayaḥ, hanemayaḥmal̥ĕbihin, hadatwarapoliḥhdon, hadabrangtimangañutñut, palinglahisamadagangmamĕtekin, sagetpoliḥhajisatak. [5 5A] 5 kangraremangkinkocapang, sir̥ĕpmatejaringlangit, menbĕkungsagetantumon, tejaneñarabringluhur̀, menbĕkungngucapringmanaḥ, yantejani, hibagusdijumaḥsir̥ĕp. mablañja'enggalenggal, mĕ‐ libungaburatwangi, jajakuskuslankal̥ĕpon, jajaginalanbukayu, pacangdagingpalangkiran, sar̀wwabĕcik, tĕlungcatunguhupbahas. mĕlibejilimolas, mĕlisalaklāwanmanggis, busanñayamablañja r̥ĕko, mañimpĕnangrarismantuk, mamār̀ggiyagaglisan, sar̀wwinoliḥ, tejanemasimangrañab. tunggalmasaremateja, tĕngĕranesahisahi, tankocapdijalanr̥ĕko, tĕkĕdyadijumaḥ sāmpun, nengĕlaḥbahasetĕka, nagiḥpipis, menbĕkungrarismĕmbayaḥ. sahiyangadĕpdonkalang, poliḥhajisatakṣahi, sĕkatpoliḥrarer̥ĕko, nānghingtwarahanaktahu, menbĕkungtankurang

Leaf 5

Image on Archive.org

[᭕ 5B] ᭕ ᬧᬗᬦ᭄᭞ᬧᬶᬦᬄᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬮᬯᬲ᭄ᬲᬧᬸᬦᬶᬓᬵ᭟ᬫᬧᭂᬦᬄᬧᬢ᭄ᬩᭂᬮᬲ᭄ᬢᭂᬫ᭄ᬯᬂ᭞ᬓᬂᬭᬭᬾᬧᬶᬦᬳᭂᬦ᭄ᬓᭂᬮᬶᬄ᭞ᬫᬾᬦ᭄ᬩᭂᬓᬸᬂᬩᬸᬗᬄᬫᬗᬗ᭄ᬕᭀ᭞ᬓᬲᬸᬕᬶᬳᬦ᭄ᬜᬦᬾᬮᬶᬬᬸ᭞ᬳᬶᬩᬕᬸᬲ᭄ᬫᬲᬮᬶᬦ᭄ᬧᬭᬩ᭄᭞ᬯᬵᬱ᭄ᬝᬦᬾᬓᬶ᭞ᬫᬯᬵᬱ᭄ᬝᬩᬕᬸᬲ᭄ᬢᬸ᭠ ᬭᬸᬦᬦ᭄᭟ᬩᬕᬸᬲᬾᬢ᭄ᬯᬭᬫᬫᬥ᭞ᬧ᭄ᬭᬚ᭄ᬜᬵᬦ᭄ᬫᬓᬶᬤᬸᬂᬓᬓᬯᬶᬦ᭄᭞ᬮᬯᬸᬢ᭄ᬬᬫᬦᬗᬸᬦ᭄‌‌ᬚ᭄ᬭᭀ᭞ᬫᬢᬾᬫ᭄ᬩᭀᬓ᭄ᬫᬓᬸᬭᬶᬳᬕᬸᬂ᭞ᬩᬮᬾᬦᬾᬲᬃᬯ᭄ᬯᬫᬕᬫ᭄ᬩᬃ᭞ᬜᬦ᭄ᬤᬶᬂᬩᬾᬚᬶ᭞ᬩᬮᬾᬤᬡ᭄ᬝᬫᬩᬜ᭄ᬘᬶᬗᬄ᭟ᬫᬓᬸᬭᬶᬫᬘᬦ᭄ᬤᬶᬩᭂᬦ᭄ᬢᬃ᭞ᬫ ᬚᭂᬦ᭄ᬤᬾᬮᬩᬢᬸᬃᬲᬭᬶ᭞ᬫᬳᬸᬧᬘᬭᬫᬧᭂᬮᭀᬓ᭄᭞ᬫᬕᬫ᭄ᬩᬃᬫᬢᭂᬩᬸᬲ᭄ᬕᬸᬬᬸᬦ᭄᭞ᬢᬢᬳᬦᬾᬓᬸᬫᬭᬦᬂ᭞ᬓᬸ᭠ᬫᬭᬶᬦᬶᬂ᭞ᬫᬶᬲᬶᬢᭀᬕᭀᬕ᭄ᬗᬶᬲᬶᬕᬥ᭟ᬧᬦ᭄ᬢᭂᬲ᭄ᬫᬩᬮᬳᬮᬓ᭄ᬱ᭞ᬤᬾᬩᭂᬓᬸᬂᬲᬸᬓᬢᬦ᭄ᬲᬶᬧᬶ᭞ᬲᭂᬓᬢ᭄ᬗᭂᬮᬄᬧ᭄ᬬᬦᬓ᭄ᬋᬓᭀ ᭞ᬮᬄᬫᬓᬓᬯᬶᬦ᭄ᬢᬾᬭᬢᬸ᭞ᬢᬶᬢ᭄ᬬᬂᬫᭂᬍᬤ᭄ᬫᬤᬶᬗᭂᬳᬂ᭞ᬦᬄᬢᭀᬚᬦᬶ᭞ᬳᬶᬩᬕᬸᬲ᭄ᬭᬭᬶᬲ᭄ᬫᬕᬶᬢ᭟ᬫᬓᬓᬯᬶᬦ᭄‌‌ᬚᬯᬶᬯᬳᬵ᭞ᬲ᭄ᬯᬭᬦᬾᬳᬭᬸᬫ᭄ᬫᬫᬦᬶᬲ᭄᭞ᬩᬩᬲᬦᬾᬦᬸᬯᬸᬢ᭄ᬰᬲ᭄ᬢ᭄ᬭ᭞ᬤᬸᬓ᭄‌‌ᬲᬂᬆᬃᬚ᭄ᬚᬸᬦᬵᬭᬶᬂᬕᬸᬦᬸᬂ᭞ᬇᬦ᭄ᬤ᭄ᬭᬓᬶᬮᬦ [᭖ 6A] ᭖ ᬗᬸᬦ᭄ᬢᬧ᭞ᬯᬶᬤ᭄ᬬᬥᬭᬶ᭞ᬯᬶᬥ᭄ᬬᬥᬭᬦᬾᬫᬗᭀᬥ᭟ᬧᬸᬦᬶᬓᬫᬗ᭄ᬓᬶᬦ᭄ᬩᬲᬬᬂ᭞ᬫᬵᬦᬸᬱᬦᭀᬭᬦᬦ᭄ᬤᬶᬗᬶᬦ᭄᭞ᬰ᭄ᬯᬪᬯᬜᬲᬸᬓᬋᬓᭀ᭞ᬲᬕᬾᬢ᭄ᬮᬶᬬᬸᬳᬦᬓ᭄ᬢᬳᬸ᭞ᬤᬾᬩᭂᬓᬸᬂᬦᬸᬤᬸᬓ᭄ᬧ᭄ᬬᬦᬓ᭄᭞ᬩᬕᬸᬲ᭄ᬭᬶᬭᬶᬄ᭞ᬫᬵᬦᬸᬱ ᬢᭀᬂᬳᬤᬧᬥ᭟ᬧᬥᬦᬓᭀᬦ᭄ᬦᬓᭀᬦᬂ᭞ᬧᬥᬓᭂᬫᬫᬦᭂᬮᭀᬓᬶᬦ᭄᭞ᬫᬮᬶᬧᭂᬢᬦ᭄ᬧᬥᬕᬯᭀᬓ᭄᭞ᬓᬲᭂᬫᬭᬦᬾᬩᬸᬤᬸᬄ᭞ᬫᬗᭂᬦᭀᬢ᭄ᬩᬕᬸᬲ᭄ᬢᬸᬭᬸᬦᬦ᭄᭞ᬘᬾᬦ᭄ᬢᬾᬭᬸᬗᬶᬄ᭞ᬧᬥᬕᬯᭀᬓ᭄ᬲᬂᬢᬸᬫᬶᬗ᭄ᬳᬵᬮ᭄᭟ᬮᬶᬬᬸᬧᬥ ᬫᬦᬸᬢᬸᬭᬂ᭞ᬦᬸᬢᬸᬭᬂᬤᬾᬩᭂᬓᬸᬂᬲᬸᬕᬶᬄ᭞ᬧᬶᬦᬄᬚᬦᬶᬗᭂᬮᬄᬚ᭄ᬭᭀ᭞ᬫᬗᬗ᭄ᬕᭀᬬᬳᭂᬦ᭄ᬤᬶᬄᬫᬸᬭᬸᬩ᭄᭞ᬓᬲᬸᬕᬶᬳᬦ᭄ᬜᬦᬾᬓᬢᬄ᭞ᬧ᭄ᬬᬦᬓ᭄ᬧᭂᬓᬶᬓ᭄᭞ᬯᬶᬯᬾᬓᬭᬶᬭᬶᬄᬢᬸᬃᬧ᭄ᬭᬚ᭄ᬜᬦ᭄‌᭟ᬓᬮᬶᬂᬓᬾᬳᬦᬓᬾᬩᬚᬂ᭞ᬢᬦᬶᬬᬓᬾᬧᬥᬧ ᬮᬶᬂ᭞ᬦᬾᬲᬸᬩᬢ᭄ᬯᬫᬗ᭄ᬮᭀᬘᭀᬓ᭄᭞ᬫᬲᬶᬄᬩᬋᬂᬳᬶᬬᬩᬸᬤᬸᬄ᭞ᬫᬗᭂᬦᭀᬢ᭄ᬩᬕᬸᬲ᭄ᬢᬸᬭᬸᬦᬦ᭄᭞ᬧᬥᬲᭂᬤᬶᬄ᭞ᬤᬾᬦᬶᬂᬢ᭄ᬯᬭᬓᭂᬦᬶᬘᭀᬗᬄ᭟ᬳᬓᬾᬄᬧᬓᬶᬭᬶᬫᬾᬢᭂᬓ᭞ᬳᬤᬗᬩᬩᬸᬗᬫᬶᬳᬶᬓ᭄᭞ᬳᬤᬗᬩᬲᭂᬤᬄᬋᬓᭀ

Auto-transliteration

[5 5B] 5 pangan, pinaḥmangkin, sāmpunlawassapunikā. mapĕnaḥpatbĕlastĕmwang, kangrarepinahĕnkĕliḥ, menbĕkungbungaḥmanganggo, kasugihanñaneliyu, hibagusmasalinparab, wāṣṭaneki, mawāṣṭabagustu‐ runan. bagusetwaramamadha, prajñānmakidungkakawin, lawutyamanangunjro, matembokmakurihagung, balenesar̀wwamagambar̀, ñandingbeji, baledaṇṭamabañcingaḥ. makurimacandibĕntar̀, ma jĕndelabatur̀sari, mahupacaramapĕlok, magambar̀matĕbusguyun, tatahanekumaranang, ku‐marining, misitogogngisigadha. pantĕsmabalahalakṣa, debĕkungsukatansipi, sĕkatngĕlaḥpyanakr̥ĕko , laḥmakakawinteratu, tityangmĕl̥ĕdmadingĕhang, naḥtojani, hibagusrarismagita. makakawinjawiwahā, swaraneharummamanis, babasanenuwutśastra, duksangār̀jjunāringgunung, indrakilana [6 6A] 6 nguntapa, widyadhari, widhyadharanemangodha. punikamangkinbasayang, mānuṣanoranandingin, śwabhawañasukar̥ĕko, sagetliyuhanaktahu, debĕkungnudukpyanak, bagusririḥ, mānuṣa tonghadapadha. padhanakonnakonang, padhakĕmamanĕlokin, malipĕtanpadhagawok, kasĕmaranebuduḥ, mangĕnotbagusturunan, centerungiḥ, padhagawoksangtuminghāl. liyupadha manuturang, nuturangdebĕkungsugiḥ, pinaḥjaningĕlaḥjro, manganggoyahĕndiḥmurub, kasugihanñanekataḥ, pyanakpĕkik, wiwekaririḥtur̀prajñan. kalingkehanakebajang, taniyakepadhapa ling, nesubatwamanglocok, masiḥbar̥ĕnghiyabuduḥ, mangĕnotbagusturunan, padhasĕdiḥ, deningtwarakĕnicongaḥ. hakeḥpakirimetĕka, hadangababungamihik, hadangabasĕdaḥr̥ĕko

Leaf 6

Image on Archive.org

[᭖ 6B] ᭖ ᭞ᬳᬤᬗᬩᬩᬸᬭᬵᬢ᭄ᬳᬭᬸᬫ᭄᭞ᬢ᭄ᬯᬭᬤᬦᬾᬓᭂᬦᬾᬂᬳᭀᬩᬄ᭞ᬩᬦ᭄ᬧᬯᬾᬲ᭄ᬢ᭄ᬭᬶ᭞ᬮᬶᬬᬸᬳᬦᬓ᭄ᬫᬗᬾᬭᬸᬢᬂ᭟ᬳᬤᬬᬫᬸᬮᬶᬄᬫᭂᬘᬭ᭞ᬫᬳᬶᬩᬸᬓᬦ᭄‌‌ᬲᬳᬶᬲᬳᬶ᭞ᬳᬢᬶᬦᬾᬓᬤᬸᬂᬗᬩᬾᬭ᭞ᬢ᭄ᬯᬭᬳᬤᬓᬧᬤᬦ᭄ᬓᬬᬸᬦ᭄᭞ᬳᬤᬮ᭄ᬯᬲ᭄ᬗᬸᬢᬂ ᬳᬯᬓ᭄᭞ᬲᬫ᭄ᬩᬶᬮ᭄ᬗᭂᬮᬶᬂ᭞ᬳᭂᬦ᭄ᬤᬶᬄᬦᬦᬗᬾᬦᬓᭀᬦᬂ᭟ᬩ᭄ᬭᬬᬦ᭄ᬤᬾᬩᭂᬓᬸᬗᬾᬓᭀᬘᬧ᭄᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬜᬮᬸᬄᬫ᭄ᬯᬦᬶ᭞ᬧᬤᬫᬤᭂᬓᭂᬲᬦ᭄ᬋᬓᭀ᭞ᬏᬮᬶᬂᬭᬶᬂᬧᭀᬮᬳᬾᬫᬮᬸ᭞ᬤᬸᬕᬲ᭄ᬤᬾᬩᭂᬓᬸᬗᬾᬮᬭ᭞ᬧᬥᬲᭂᬗᬶᬢ᭄᭞ᬧᬥᬫ ᬢᬸᬢᬸᬃᬚᬸᬫᬄᬜ᭟ᬲᬶᬂᬳᬮᬶᬄᬜᬢᬦᬶᬳᭀᬮᬲ᭄᭞ᬫᬓᭂᬚᬂᬗᭂᬤᭂᬕᬂᬳᬢᬶ᭞ᬧᬶᬦᬄᬚᬦᬶᬗᭂᬮᬄᬚ᭄ᬭᭀ᭞ᬫᬶ᭠ᬭᬶᬩ᭄‌‌ᬚ᭄ᬭᭀᬦ᭄ᬳᬦᬓ᭄ᬳᬕᬸᬂ᭞ᬧᬦ᭄ᬢᭂᬲ᭄ᬫᬩᬮᬳᬮᬓ᭄ᬱ᭞ᬓᬸᬤ᭄ᬬᬂᬚᬦᬶ᭞ᬫᬫᬮᬶᬓᬂᬦᬾᬦᬾᬲᬸᬩ᭟ᬗᬸᬤ᭄ᬬᬂᬢᬳᬶᬩᬜᬳᬸ᭠ ᬮᬧ᭄᭞ᬦᬾᬦᬾᬲᬸᬩᬧᬥᬲᭂᬗᬶᬢ᭄᭞ᬳᬗ᭄ᬕᭀᬦ᭄ᬳᬶᬬᬩ᭄ᬭᬬᬩᭀᬤ᭞ᬢ᭄ᬯᬭᬵᬤᬦᭀᬮᬶᬄᬓᬧᬸᬗ᭄ᬓᬸᬃ᭞ᬲᭀᬓ᭄ᬫᬮᬸᬩᬦ᭄ᬫᬮᬶᬬᬢ᭄᭞ᬧᬓ᭄ᬱᬗᬮᬶᬄ᭞ᬳ᭄ᬬᬲᬸᬩᬚ᭄ᬭᭀᬧᬶᬲᬦ᭄᭟ᬳᬧᬳᬶᬬᬚᬦᬶᬓᬸᬭᬂ᭞ᬫᬓᭂᬚᬂᬬᬲᬸᬩᬦᬫ᭄ᬧᬶᬂ᭞ᬢ [᭗ 7A] ᭗ ᬦ᭄ᬓᬸᬭᬂᬥ᭄ᬭᬸᬯᬾᬫ᭄ᬯᬂᬗᬗ᭄ᬕᭀ᭞ᬢᬸᬃᬫᬦᬸᬤᬸᬓ᭄ᬧ᭄ᬬᬦᬓ᭄ᬩᬕᬸᬲ᭄᭞ᬤᬶᬚᬳᬳᬦᬓᬾᬫᬥ᭞ᬳᬕᬸᬂᬳᬮᬶᬢ᭄᭞ᬳᭀᬓᬦ᭄ᬭᬢᬸᬫᬲᬧᬥ᭟ᬢᬦ᭄ᬓᭀᬘᬧᬯᭀᬂᬳᬜᬫ᭄ᬩᬢ᭄᭞ᬤᬾᬩᭂᬓᬸᬂᬓᭀᬘᬧᬂᬫᬮᬶᬄ᭞ᬍᬫᭂᬂᬍᬫᬄᬲᬸᬩᬳᭀᬳᭀᬦ᭄᭞ᬗᭂᬦᭂ ᬫᬶᬦ᭄ᬳᬦᬓᬾᬭᬯᬸᬄ᭞ᬳᭂᬮᬾᬦ᭄ᬗᬚᬂᬕᭂᬮᬾᬦ᭄ᬢᬸᬯ᭞ᬢᬦᬶᬓᬶᬓᬶᬢ᭄᭞ᬧᬥᬫᬫᭂᬚᬂᬕᬯᬾᬜ᭟ᬳᭂᬦᭂᬂᬳᬓ᭄ᬦᬓᭀᬘᬧ᭞ᬧᬹᬃᬡ᭄ᬦᬫᬓᬧᬢᬾᬫᬗ᭄ᬓᬶᬦ᭄᭞ᬫᬲᬦ᭄ᬳᬦᬓᬾᬫᬗᬗ᭄ᬕᭀ᭞ᬧᬥᬬᬫᬲᬶᬲᬶᬕ᭄ᬫᬫ᭄ᬩᬸᬄ᭞ᬫᬗᬾᬱ᭄ᬝᬶᬭᬳᬶᬦᬫᭂ ᬮᬄ᭞ᬮᬦᬂᬳᬶᬲ᭄ᬢ᭄ᬭᬶ᭞ᬧᬥᬬᬫᬫᬸᬚᬲ᭄ᬫᬭ᭟ᬩᬕᬸᬲ᭄ᬢᬸᬭᬸᬦᬦ᭄‌‌ᬓᭀᬘᬧ᭞ᬳᬸᬲᬦ᭄ᬫᬓᬸᬭᬫᬲ᭄ᬫᬗ᭄ᬓᬶᬦ᭄᭞ᬫᬯᬸᬯᬸᬄᬩᬕᬸᬲᬾᬋᬓᭀ᭞ᬲᭂᬤᭂᬓᬦ᭄ᬤᬦᬾᬳᬢᬸᬭᬸ᭞ᬲᬯᬢᬭᬤᬯᬸᬄᬳᭂᬫ᭄ᬧᬢ᭄᭞ᬫᬥ᭄ᬬᬮᬢ᭄ᬭᬶ᭞ᬲᬕᬾᬢ᭄ᬤᬦᬾᬫᬜᬸᬧ᭄ᬦ᭟ ᬫᬗᬶᬲᬶᬫᬜᬗ᭄ᬕᬵᬩᬸᬮᬦ᭄᭞ᬲᬸᬗᬾᬗᬾᬬᬲᬯᬸᬧ᭄ᬧᭂᬮᬶᬄ᭞ᬳᬸᬮᬸᬂᬤᬶᬧᬩᬶᬦᬦ᭄ᬋᬓᭀ᭞ᬮᬯᬸᬢ᭄ᬤᬤᬶᬧᬸᬢ᭄ᬭᬶᬳᬬᬸ᭞ᬫᭂᬮᬄᬢ᭄ᬯᬭᬫᬫᬥ᭞ᬦᬸᬫᬳᬩᬶᬦ᭄᭞ᬭᬭᬶᬲ᭄ᬩᬗᬸᬦ᭄ᬫᬗᬸᬮᬾᬧᬢ᭄᭟ᬢᬸᬫᬸᬮᬶᬳᬗᬕᬧᬵᬕᬧ᭄᭞ᬫᬮᬸᬗ᭄ᬕᬸᬄ

Auto-transliteration

[6 6B] 6 , hadangababurāt'harum, twaradanekĕnenghobaḥ, banpawestri, liyuhanakmangerutang. hadayamuliḥmĕcara, mahibukansahisahi, hatinekadungngabera, twarahadakapadankayun, hadalwasngutang hawak, sambilngĕling, hĕndiḥnanangenakonang. brayandebĕkungekocap, misanmindonñaluḥmwani, padamadĕkĕsanr̥ĕko, elingringpolahemalu, dugasdebĕkungelara, padhasĕngit, padhama tutur̀jumaḥña. singhaliḥñataniholas, makĕjangngĕdĕganghati, pinaḥjaningĕlaḥjro, mi‐ribjronhanak'hagung, pantĕsmabalahalakṣa, kudyangjani, mamalikangnenesuba. ngudyangtahibañahu‐ lap, nenesubapadhasĕngit, hanggonhiyabrayaboda, twarādanoliḥkapungkur̀, sokmalubanmaliyat, pakṣangaliḥ, hyasubajropisan. hapahiyajanikurang, makĕjangyasubanamping, ta [7 7A] 7 nkurangdhruwemwangnganggo, tur̀manudukpyanakbagus, dijahahanakemadha, hagunghalit, hokanratumasapadha. tankocapawonghañambat, debĕkungkocapangmaliḥ, l̥ĕmĕngl̥ĕmaḥsubahohon, ngĕnĕ minhanakerawuḥ, hĕlenngajanggĕlentuwa, tanikikit, padhamamĕjanggaweña. hĕnĕnghaknakocapa, pūr̀ṇnamakapatemangkin, masanhanakemanganggo, padhayamasisigmambuḥ, mangeṣṭirahinamĕ laḥ, lananghistri, padhayamamujasmara. bagusturunankocapa, husanmakuramasmangkin, mawuwuḥbaguser̥ĕko, sĕdĕkandanehaturu, sawataradawuḥhĕmpat, madhyalatri, sagetdanemañupna. mangisimañanggābulan, sungengeyasawuppĕliḥ, hulungdipabinanr̥ĕko, lawutdadiputrihayu, mĕlaḥtwaramamadha, numahabin, rarisbangunmangulepat. tumulihangagapāgap, malungguḥ

Leaf 7

Image on Archive.org

[᭗ 7B] ᭗ ᬳᬗᭂᬫᬶᬢ᭄ᬢᬗᬶᬲ᭄᭞ᬢᬦ᭄ᬮ᭄ᬬᬦ᭄ᬕᬸᬫᬦ᭄ᬢᬸᬗᬶᬦ᭄ᬧᬦᭀᬦ᭄᭞ᬓ᭄ᬮᬧ᭄ᬓᭂᬮᬧ᭄ᬩᬸᬓᬄᬓᭂᬜᬸᬂ᭞ᬢᬸᬫᬸᬮᬶᬳᬜᬫ᭄ᬩᬢ᭄ᬜᬫ᭄ᬩᬢ᭄᭞ᬤᬾᬯᬕᬸᬲ᭄ᬢᬶ᭞ᬤᬶᬚᬳᬶᬫᬶᬭᬄᬫᬕᭂᬦᬄ᭟ᬢᬸᬫ᭄ᬩᬾᬦ᭄ᬳᬶᬫᬶᬭᬄᬓᬲᬸᬧ᭄ᬦ᭞ᬤᬶᬳᭂᬗ᭄ᬓᬾᬦ᭄ᬫᬶᬭᬄᬫᬮᬶᬗ᭄ᬕᬶᬄ᭞ᬢᬦ᭄ᬮ᭄ᬬᬦ᭄ᬕᬸᬫᬦ᭄ᬢᬸᬗᬶᬂᬧ ᬦᭀᬦ᭄᭞ᬓ᭄ᬮᬧ᭄ᬓᭂᬮᬧ᭄ᬩᬸᬓᬄᬓᭂᬜᬸᬂ᭞ᬫᬗ᭄ᬕᬯᬾᬮᬭᬢᬸᬭᬶᬤ᭞ᬳᬕᬸᬂᬓᬶᬂᬓᬶᬂ᭞ᬩᬸᬓᬮᬯᬢᬾᬤᬶᬫᭂᬓ᭟ᬫᬾᬦ᭄ᬩᭂᬓᬸᬂᬩᬗᬸᬦ᭄ᬗᬸᬮᬾᬧᬢ᭄᭞ᬮᬯᬸᬢ᭄ᬫᬦᬸᬦ᭄ᬤᬸᬦ᭄ᬦᬾᬫ᭄ᬯᬦᬶ᭞ᬏᬗ᭄ᬕᬮᬂᬓᬸᬤᬫᭂᬢᬓᭀᬦ᭄᭞ᬮᬸᬄᬫ᭄ᬯᬦᬶᬧᬥᬕᬸᬧᬸᬄ᭞ᬤᬾ ᬯᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬮᬄᬦᬶᬓᬳᬶᬦ᭄᭞ᬧᬸᬦᬧᬶᬫᬵᬃᬕ᭄ᬕᬦᬶᬂᬮᬭ᭟ᬥᬹᬄᬫᬾᬫᬾᬢᬶᬬᬂᬜᬸᬧ᭄ᬦ᭞ᬧᬶᬦ᭄ᬥ᭠ᬗᬶᬧᬶᬜᬗ᭄ᬕᬰᬰᬶᬄ᭞ᬲᬳᬸᬧ᭄ᬲᬳᬸᬧ᭄ᬧᭂᬮᬶᬄᬋᬓᭀ᭞ᬮᬯᬸᬢ᭄ᬤᬶᬧᬩᬶᬦᬦ᭄ᬳᬸᬮᬸᬂ᭞ᬤᬤᬶᬳᬦᬓ᭄ᬮᬸᬄᬫᭂᬮᬄ᭞ᬧᬸᬢ᭄ᬭᬶᬍᬯᬶᬄ᭞ ᬧᬸᬢ᭄ᬭᬦ᭄ᬭᬢᬸᬫᬸᬢᭂᬃᬚᬕᬢ᭄᭟ᬧᬶᬦ᭄ᬤᬜᬤᬶᬧᬗᬶᬧ᭄ᬬᬦ᭄᭞ᬤᬶᬩᬮᬾᬧᬗᬭᬶᬗᬭᬶᬂ᭞ᬧᬶᬗ᭄ᬕᬶᬭᬶᬂᬢᬮᬕᬋᬓᭀ᭞ᬧᬶᬦ᭄ᬤᬜᬫᬗᬮᬧ᭄ᬢᬸᬜ᭄ᬚᬸᬂ᭞ᬫᬧᬜ᭄ᬘᭀᬭᬦ᭄ᬩᬦ᭄ᬲᬮᬓ᭞ᬦᬶᬓᬫᬗ᭄ᬓᬶᬦ᭄᭞ᬕᭂᬦᬳᬾᬫᬭᬶᬂᬮᭀᬃᬯᬾᬢᬦ᭄᭟ [᭘ 8A] ᭘ ᬫᬾᬫᬾᬩᬧᬤᬶᬦᬶᬚᬸᬫᬄ᭞ᬳᬸᬩᭂᬢ᭄ᬚᬦ᭄ᬤᬾᬮᬦᬾᬲᬫᬶ᭞ᬳᬯᬲᬂᬢᬸᬜ᭄ᬚᬸᬗᬾᬳᭂᬦ᭄ᬢᭀ᭞ᬦᬾᬓᭂᬫ᭄ᬩᬂᬢᭂᬗᬳᬶᬂᬤᬦᬸ᭞ᬬᬾᬦ᭄ᬜᬮᬬᬸᬓᬧᬦᬲᬦ᭄᭞ᬢᬶᬬᬂᬫᬢᬶ᭞ᬬᬦ᭄‌‌ᬲᭂᬕᭂᬃᬤᬲᬗ᭄ᬰᬬ᭟ᬧᬦ᭄ᬩᭂᬓᬸᬂᬢᬦ᭄ᬓᭂᬦᬾᬂᬗᬸᬘᬧ᭄᭞ᬬᬾᬄ ᬫᬢᬦᬾᬤᭂᬋᬲ᭄ᬫᬶᬚᬶᬮ᭄᭞ᬮᬸᬄᬫ᭄ᬯᬦᬶᬗᭂᬫ᭄ᬩᭂᬂᬧᬦᭀᬦ᭄᭞ᬲᬂᬩᬕᬸᬲ᭄ᬫᬳᭂᬲᬾᬄᬓᬫ᭄ᬧᬸᬄ᭞ᬫᭂᬲᬾᬄᬯᬵᬲ᭄ᬢ᭄ᬭᬕᬕᭂᬮᬶᬲᬦ᭄᭞ᬜᬸᬗ᭄ᬓᭂᬮᬶᬢ᭄ᬓᭂᬭᬶᬲ᭄᭞ᬓᬾᬢᭀᬚᬸᬚᬸᬫᬄᬳᬶᬗᭂᬢᬂ᭟ᬬᬾᬦ᭄ᬢᬶᬬᬂᬤᬾᬭᬾᬂᬓᬢᭂᬓᬦ᭄᭞ᬓᬵᬤᬶᬳᬶᬧ᭄ᬬ ᬦᬾᬦᬸᬦᬶ᭞ᬫᬲᬏᬗ᭄ᬕᬮ᭄ᬫᬸᬮᬶᬄᬋᬓᭀ᭞ᬲᬸᬫᬗ᭄ᬓᬶᬦ᭄ᬫᬾᬦ᭄ᬩᭂᬓᬸᬂᬕᭂᬮᬸ᭞ᬦᬧᬶᬲᬶᬧ᭄ᬯᬭᬦ᭄ᬢᬶᬢ᭄ᬬᬂ᭞ᬓᬵᬭᬶᬳᬸᬭᬶᬧ᭄᭞ᬢᬦ᭄ᬳᬸᬭᬸᬗᭂᬦ᭄ᬫᬢᬶᬩᭂᬭᬕ᭄᭟ᬢ᭄ᬬᬂᬮ᭄ᬯᬲ᭄ᬢᬶᬕᬂᬤᬶᬦᬵ᭞ᬳᭂᬤᬫᬾᬫᬾᬚᭂᬚᭂᬄᬳᬢᬶ᭞ᬲᬵᬫ᭄ᬧᬸᬦ᭄ᬫᬗ᭄ᬭᬗ᭄ᬲᬸᬓ᭄ᬧᬗᬗ᭄ᬕᭀ᭞ᬩᬸᬓᬄ ᬤᬾᬯᬦᬾᬢᬸᬫᬸᬭᬸᬦ᭄᭞ᬭᬭᬶᬲ᭄ᬫᬶᬚᬶᬮ᭄ᬓᬩᬜ᭄ᬘᬶᬗᬄ᭞ᬳᬲᭂᬫᬸᬢᬗᬶᬲ᭄᭞ᬫᬫᬵᬃᬕ᭄ᬕᬶᬗᬚᬓᬗᬶᬦᬂ᭟᭠ᬫᬦᬸᬚᬸᬲᭂᬧᬶᬫᬫᬵᬃᬕ᭄ᬕ᭞ᬢ᭄ᬯᬭᬵᬳᬤᬳᬦᬓ᭄ᬧᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬮᬶᬯᬢ᭄ᬤᬾᬰᬋᬓᭀ᭞ᬳᬓᬾᬄᬩᬸᬭᭀᬦᬾᬫᬫᭂᬦ᭄ᬤ

Auto-transliteration

[7 7B] 7 hangĕmittangis, tanlyan'gumantunginpanon, klapkĕlapbukaḥkĕñung, tumulihañambatñambat, dewagusti, dijahimiraḥmagĕnaḥ. tumbenhimiraḥkasupna, dihĕngkenmiraḥmalinggiḥ, tanlyan'gumantungingpa non, klapkĕlapbukaḥkĕñung, manggawelaraturida, hagungkingking, bukalawatedimĕka. menbĕkungbangunngulepat, lawutmanundunnemwani, enggalangkudamĕtakon, luḥmwanipadhagupuḥ, de waratugustintityang, laḥnikahin, punapimār̀gganinglara. dhūḥmemetiyangñupna, pindha‐ngipiñanggaśaśiḥ, sahupsahuppĕliḥr̥ĕko, lawutdipabinanhulung, dadihanakluḥmĕlaḥ, putril̥ĕwiḥ, putranratumutĕr̀jagat. pindañadipangipyan, dibalepangaringaring, pinggiringtalagar̥ĕko, pindañamangalaptuñjung, mapañcoranbansalaka, nikamangkin, gĕnahemaringlor̀wetan. [8 8A] 8 memebapadinijumaḥ, hubĕtjandelanesami, hawasangtuñjungehĕnto, nekĕmbangtĕngahingdanu, yenñalayukapanasan, tiyangmati, yansĕgĕr̀dasangśaya. panbĕkungtankĕnengngucap, yeḥ matanedĕr̥ĕsmijil, luḥmwaningĕmbĕngpanon, sangbagusmahĕseḥkampuḥ, mĕseḥwāstragagĕlisan, ñungkĕlitkĕris, ketojujumaḥhingĕtang. yentiyangderengkatĕkan, kādihipya nenuni, masa'enggalmuliḥr̥ĕko, sumangkinmenbĕkunggĕlu, napisipwarantityang, kārihurip, tanhurungĕnmatibĕrag. tyanglwastigangdinā, hĕdamemejĕjĕḥhati, sāmpunmangrangsukpanganggo, bukaḥ dewanetumurun, rarismijilkabañcingaḥ, hasĕmutangis, mamār̀ggingajakanginang. ‐manujusĕpimamār̀gga, twarāhadahanakpanggiḥ, sāmpunliwatdeśar̥ĕko, hakeḥburonemamĕnda

Leaf 8

Image on Archive.org

[᭘ 8B] ᭘ ᬓ᭄᭞ᬧᬤᬜᭂᬭᬶᬢ᭄᭞ᬯᬭᬓ᭄ᬫᬘᬦ᭄᭞ᬦᬕᬧᬲᬄ᭟ᬩᬕᬸᬲ᭄ᬢᬸᬭᬸᬦᬦ᭄‌‌ᬗᬦ᭄ᬤᬶᬓ᭞ᬬᬦ᭄ᬓᭀᬕᭂᬫᭂᬲ᭄ᬢᬤᬄᬓᬫᬶ᭞ᬩᬸᬭᭀᬦᬾᬧᬤᬫᬫᬾᬗᭀᬲ᭄᭞ᬲᬯᬢᬭᬤᬯᬸᬄᬢᭂᬮᬸ᭞ᬧ᭄ᬭᬵᬧ᭄ᬢᬭᬶᬂᬢᭂᬍᬗᬶᬂᬳᬮᬲ᭄᭞ᬬᬓ᭄ᬱᬬᬓ᭄ᬱᬶ᭞ ᬧᬤᬫᬧᬧᬲ᭄ᬤᬶᬚᬮᬦ᭄᭟ᬲᬂᬬᬓ᭄ᬱᬕᭂᬮᬶᬲ᭄ᬫᬜᬦ᭄ᬢ᭄ᬭ᭞ᬲᬕᬾᬢ᭄ᬓᬢᭀᬦ᭄ᬧᬸᬦᬂᬓ᭄ᬭᬶᬲ᭄᭞ᬦᬾᬲᬸᬂᬓ᭄ᬮᬶᬢ᭄‌‌ᬳᬶᬩᬕᬸᬲ᭄ᬋᬓᭀ᭞ᬓᬳᬶᬮᬶᬗᬦ᭄ᬋᬓᬾᬲᬵᬫ᭄ᬧᬸᬦ᭄᭞ᬧᬕᬯᬾᬦ᭄ᬧᬦ᭄ᬤᬾᬮᬶᬫ᭄ᬲᬶᬫᬦ᭄᭞ᬲᬶᬭᬬᬓ᭄ᬱᬶ᭞ᬢᬸᬫᬸᬮᬶ ᬳᬕ᭄ᬮᬶᬲ᭄ᬳᬦᭂᬫ᭄ᬩᬄ᭟ᬓᬮᬶᬗᬦᬶᬂᬭᬢᬸᬦᬶᬂᬯ᭄ᬯᬂ᭞ᬓᬚᬳᬚ᭄ᬯᬧᬸᬢᬸᬫᬗ᭄ᬓᬶᬦ᭄᭞ᬩᬕᬸᬲ᭄ᬢᬸᬭᬸᬦᬦ᭄ᬮᬶᬂᬦ᭄ᬬᬳᬮᭀᬦ᭄᭞ᬮᬫᬸᬦ᭄ᬓᬓᬶᬲᬸᬓᬂᬳᬓᬸ᭞ᬫᬢᬸᬚ᭄ᬯᬶᬦ᭄ᬳᬶᬗ᭄ᬲᬸᬦ᭄ᬫᬵᬃᬕ᭄ᬕ᭞ᬗᬮᬶᬄᬧᬸᬢ᭄ᬭᬶ᭞ᬳᬤᬋᬓᬾᬧᬸᬢ᭄ᬭᬶᬫᭂᬮᬄ᭟ᬲᬂᬬᬓ᭄ᬱᬭᬭᬶᬲ᭄ᬳᬗᬸᬘ ᬧ᭄᭞ᬬᬦ᭄‌‌ᬳᭀᬃᬣᬦᬾᬢᭂᬓᬾᬦ᭄ᬓᬓᬶ᭞ᬤᬶᬢᬸᬓᬚᬓᬗᬶᬦ᭄ᬋᬓᭀ᭞ᬦᬾᬫᬡᬶᬓ᭄ᬓᬓᬶᬦᬾᬓᬤᬸᬢ᭄᭞ᬳᬧᬂᬘᬳᬶᬧᭀᬮᬶᬄᬫᬵᬃᬕ᭄ᬕ᭞ᬏᬗ᭄ᬕᬮ᭄ᬧ᭄ᬭᬵᬧ᭄ᬢᬶ᭞ᬫᬦᭂᬫᬸᬕᬮᬂᬳᬧᬤᬂ᭟ᬮᬫᬸᬦ᭄ᬘᬳᬶᬤᬶᬢᬸᬢᭂᬓ᭞ᬦᭂᬧᬸᬓᬶᬦ᭄ᬓᬬᭂᬳ [᭙ 9A] ᭙ ᬦ᭄ᬩᭂᬘᬶᬓ᭄᭞ᬫᭂᬜᬦ᭄ᬤᬶᬂᬢᭂᬮᬕᬋᬓᭀ᭞ᬧᬶᬗ᭄ᬕᬶᬃᬜᬦᬾᬩᬮᬾᬮᬸᬳᬸᬂ᭞ᬩᬮᬾᬧᬗᬭᬶᬗᬵᬭᬶᬗᬦ᭄᭞ᬭᬤᬾᬦ᭄ᬤᬾᬯᬶ᭞ᬭᬶᬂᬓᬤᬶᬭᬶᬫᬦᬺᬯᬾᬦᬂ᭟ᬭᬹᬧᬦᬾᬢ᭄ᬯᬭᬫᭂᬧᬤ᭞ᬤᬦᬾᬓᭂᬫᬓᬬᭂᬄᬲᬳᬶ᭞ᬬᬦ᭄ᬓᬓᬶᬗᬢᭂᬳᬂᬋᬓᭀ᭞ ᬢᭀᬂᬦᬸᬕᬘᬳᬶᬫᬢᭂᬫᬸ᭞ᬢᬦ᭄ᬳᬸᬭᬸᬂᬳᭂᬗᭂᬩ᭄ᬫᬓᭂᬚᬂ᭞ᬢᭀᬂᬓᬧᬗ᭄ᬕᬶᬄ᭞ᬳᬶᬭᬶᬗᬦᬾᬘᭀᬦ᭄ᬤᭀᬂᬩᬬᬦ᭄᭟ᬧᬤᬤᬶᬤᬶᬘᬳᬶᬓᭂᬫ᭞ᬳᬧᬂᬜᬏᬗ᭄ᬕᬮ᭄ᬓᬧᬗ᭄ᬕᬶᬄ᭞ᬓᬓᬶᬮ᭄ᬯᬲ᭄ᬚᬦᬶᬋᬓᭀ᭞ᬮᬶᬯᬢ᭄ᬳᬮᬲ᭄ᬮᬶᬯᬢ᭄ᬕᬸᬦᬸᬂ᭞ᬓᬓᬶᬦᬸᬫᬸᬧᬸᬢᬂᬢ ᬧ᭞ᬦᬸᬳᬰᬰᬶᬄ᭞ᬫᬲᬘᬳᬶᬳᬭᬲᬤ᭄ᬬ᭟ᬲᬂᬬᬓ᭄ᬱᬭᬭᬶᬲ᭄ᬫᬫᬵᬃᬕ᭄ᬕ᭞ᬩᬕᬸᬲ᭄ᬢᬸᬭᬸᬦᬦ᭄ᬫᬫᬵᬃᬕ᭄ᬕᬶ᭞ᬢᬦ᭄ᬓᭀᬘᬧ᭄‌‌ᬲᬂᬬᬓ᭄ᬱᬋᬓᭀ᭞ᬩᬕᬸᬲ᭄ᬢᬸᬭᬸᬦᬦ᭄ᬓᬯᬸᬯᬸᬲ᭄᭞ᬳᬦ᭄ᬤᬭᬸᬂᬦᬸᬚᬸᬮᭀᬃᬯᬾᬢᬦ᭄᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬧᬫᬵᬃᬕ᭄ᬕᬶ ᬦᬾᬢᬶᬕᬂᬤᬶᬦᬵ᭟ᬢᬦ᭄ᬓᭀᬘᬧᬦ᭄ᬳᬦᬾᬂᬤᬮᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬭᬶᬂᬓᬵᬤᬶᬭᬶ᭞ᬧᬶᬗ᭄ᬕᬶᬭᬶᬂᬩᬾᬚᬶ᭠ᬚᬸᬫᭀᬚᭀᬕ᭄᭞ᬢ᭄ᬯᬭᬳᬤᬳᬦᬓ᭄ᬓᬢᭂᬧᬸᬓ᭄᭞ᬢᬮᬕᬦᬾᬭᬯᬶᬢ᭄ᬚᬶᬫ᭄ᬩᬃ᭞ᬜᬦ᭄ᬤᬶᬂᬩᬾᬚᬶ᭞ᬩᬮᬾᬧᬗᬭᬶᬗᬭᬶᬗ

Auto-transliteration

[8 8B] 8 k, padañĕrit, warakmacan, nagapasaḥ. bagusturunanngandika, yankogĕmĕstadaḥkami, buronepadamamengos, sawataradawuḥtĕlu, prāptaringtĕl̥ĕnginghalas, yakṣayaksyi, padamapapasdijalan. sangyakṣagĕlismañantra, sagetkatonpunangkris, nesungklit'hibagusr̥ĕko, kahilinganr̥ĕkesāmpun, pagawenpandelimsiman, sirayaksyi, tumuli haglishanĕmbaḥ. kalinganingratuningwwang, kajahajwaputumangkin, bagusturunanlingnyahalon, lamunkakisukanghaku, matujwinhingsunmār̀gga, ngaliḥputri, hadar̥ĕkeputrimĕlaḥ. sangyakṣararishanguca p, yanhor̀thanetĕkenkaki, ditukajakanginr̥ĕko, nemaṇikkakinekadut, hapangcahipoliḥmār̀gga, enggalprāpti, manĕmugalanghapadang. lamuncahiditutĕka, nĕpukinkayĕha [9 9A] 9 nbĕcik, mĕñandingtĕlagar̥ĕko, pinggir̀ñanebaleluhung, balepangaringāringan, radendewi, ringkadirimanr̥ĕwenang. rūpanetwaramĕpada, danekĕmakayĕḥsahi, yankakingatĕhangr̥ĕko, tongnugacahimatĕmu, tanhurunghĕngĕbmakĕjang, tongkapanggiḥ, hiringanecondongbayan. padadidicahikĕma, hapangña'enggalkapanggiḥ, kakilwasjanir̥ĕko, liwat'halasliwatgunung, kakinumuputangta pa, nuhaśaśiḥ, masacahiharasadya. sangyakṣararismamār̀gga, bagusturunanmamār̀ggi, tankocapsangyakṣar̥ĕko, bagusturunankawuwus, handarungnujulor̀wetan, sāmpunmangkin, pamār̀ggi netigangdinā. tankocapanhanengdalan, sāmpunprāptaringkādiri, pinggiringbeji‐jumojog, twarahadahanakkatĕpuk, talaganerawitjimbar̀, ñandingbeji, balepangaringaringa

Leaf 9

Image on Archive.org

[᭙ 9B] ᭙ ᬭᬶᬗᬦ᭄᭟ᬳᬓᬾᬄᬢᭂᬢᬦ᭄ᬥᬸᬭᬦ᭄ᬲᭂᬓᬃ᭞ᬲᬃᬯ᭄ᬯᬳᬭᬸᬫ᭄‌‌ᬲᬃᬯ᭄ᬯᬫᬶᬳᬶᬓ᭄᭞ᬦᬕᬲᬭᬶᬦᬾᬫᭂᬗᬬᭀᬦ᭄᭞ᬧᬜ᭄ᬘᭀᬭᬦ᭄ᬢᬮᬕᬫᭂᬦᬸᬄ᭞ᬩᭀᬦ᭄ᬜᬦᬾᬫᬮᬶᬫ᭄ᬧᬸᬕᬦ᭄᭞ᬫᭂᬂᬧᭂᬂᬲᬭᬶ᭞ᬳᬧᬦ᭄ᬳᬶᬧᬹᬃᬡ᭄ᬦᬫᬾᬂᬓᬧᬢ᭄‌᭟ᬤᬯᬸᬄᬧᬶᬲ ᬦ᭄ᬤᬸᬓᬶᬂᬧ᭄ᬭᬵᬧ᭄ᬢ᭞ᬲᬶᬂᬢᬶᬗ᭄ᬳᬵᬮᬶᬦ᭄ᬲᬃᬯ᭄ᬯᬍᬯᬶᬄ᭞ᬢᬦ᭄ᬧᬾᬦ᭄ᬤᬄᬤᬶᬲ᭄ᬯᬃᬕ᭄ᬕᬵᬦ᭄ᬋᬓᭀ᭞ᬢᬦ᭄ᬓᭀᬘᬧᬲᬂᬳᬩᬕᬸᬲ᭄᭞ᬭᬳᬤᬾᬦ᭄ᬕᬮᬸᬄᬓᭀᬘᬧ᭞ᬭᬶᬂᬓᬵᬤᬶᬭᬶ᭞ᬤᬦᬾᬓᬬᭂᬄᬫᬓᬸᬭᬫᬲ᭄᭟ᬫᬳᬶᬭᬶᬗᬦ᭄‌‌ᬘᭀᬦ᭄ᬤᭀᬂᬩᬬᬦ᭄ ᭞ᬲᬕᬺᬳᬦ᭄‌‌ᬯᭀᬂᬚ᭄ᬭᭀᬧᬸᬭᬶ᭞ᬳᬤᬢᭂᬮᬸᬂᬤᬰᬋᬓᭀ᭞ᬫᬗᬶᬭᬶᬂᬭᬤᬾᬦ᭄ᬕᬮᬸᬄ᭞ᬢᬦ᭄ᬓᭀᬘᬧᬭᬶᬂᬦᬵᬕᬭ᭞ᬢᬫ᭄ᬧᭂᬓ᭄ᬫᬗ᭄ᬓᬶᬦ᭄᭞ᬫᬭᬾᬭᬾᬦ᭄ᬫᭂᬦᬬᬂᬧᬬᬲ᭄᭟ᬫᬲᬸᬯᭂᬂᬫᬵᬲ᭄ᬢᬸᬮᬓ᭄ᬫᬸᬜ᭄ᬘᬃ᭞ᬫᬕ᭄ᬮᬂᬫᬵᬲ᭄ᬲᬶᬦᬗ᭄ᬮᬶᬂ᭞ᬢᬓᭂ ᬫᭂᬓᬵᬦ᭄ᬤᬶᬢ᭄ᬗᬩᬤᭀᬂ᭞ᬫᬯᬵᬲ᭄ᬢ᭄ᬭᬲᬸᬢ᭄ᬭᬳᬯᬸᬦᬵᬯᬸᬦ᭄᭞ᬩᬸᬓᬤᬥᬭᬶᬮᭀᬢ᭄ᬢᬫ᭞ᬫᬗᬾᬤᬦᬶᬦ᭄᭞ᬳᬓᬾᬄᬯᭀᬂᬚ᭄ᬭᭀᬓᬍᬂᬍᬂᬗᬦ᭄᭟ᬭᬳᬤᬾᬦ᭄ᬕᬮᬸᬄᬫᬫᬵᬃᬕ᭄ᬕ᭞ᬧ᭄ᬭᬵᬧ᭄ᬢᬭᬶᬂᬓᬬᭂᬳᬦ᭄ᬕᭂᬮᬶᬲ᭄᭞ᬲᬕᬾᬢ᭄ᬢᬾᬚᬫ [᭑᭐ 10A] ᭑᭐ ᬗ᭄ᬓᬶᬦ᭄ᬓᬢᭀᬦ᭄᭞ᬳᬸᬫᬋᬧ᭄ᬤᬸᬳᬸᬭᬶᬂᬓᬬᬸ᭞ᬢᬾᬚᬗᬤᭂᬕ᭄ᬲᬂᬧᬗᬾᬭᬦ᭄᭞ᬩᬸᬓᬄᬓᭂᬜᬶᬂ᭞ᬓᬵᬗ᭄ᬕᭂᬓ᭄ᬤᬦᬾᬢᬸᬃᬳᬭᬭ᭄ᬬᬦ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓ᭞ᬘᭀᬦ᭄ᬤᭀᬂᬩᬬᬦ᭄‌‌ᬢᭀᬳᬶᬯᬲᬶᬦ᭄᭞ᬢᬸᬲᬶᬂᬓᬳᬶᬢᬳᬾᬦ᭄ᬢᬸᬫᭀᬦ᭄᭞ᬢᬦ᭄ᬳᬸ ᬭᬸᬂᬩᬜ᭄ᬘᬦᬭᬯᬸᬄ᭞ᬳᬢᬶᬗ᭄ᬓᬳᬾᬫᭂᬲ᭄ᬯᬃᬲ᭄ᬯᬃ᭞ᬫᬶᬮᬶᬄᬓᬳᬶ᭞ᬓᬬᭂᬄᬢ᭄ᬯᬭᬢᬳᬾᬦ᭄ᬗᭂᬦᬄ᭟ᬘᭀᬦ᭄ᬤᭀᬂᬩᬬᬦ᭄ᬲᬯᬸᬃᬦᭂᬫ᭄ᬩᬄ᭞ᬯ᭄ᬬᬓ᭄ᬢᬶᬤᬾᬭᬾᬂᬩᬸᬓᬫᬗ᭄ᬓᬶᬦ᭄᭞ᬧᬸᬦᬧᬶᬫᬢᬾᬚᬋᬓᭀ᭞ᬭᬳᬤᬾᬦ᭄ᬕᬮᬸᬄᬳᬫᬸᬯᬸᬲ᭄᭞ᬚᬮᬦ᭄ᬧᬾ ᬢ᭄ᬓᬓᬫᬲᬶᬭᬫ᭄᭞ᬯᬸᬲᬾᬫᬸᬮᬶᬄ᭞ᬳᬢᬸᬃᬢᭂᬓᬾᬦ᭄ᬲᬂᬦᬵᬣ᭟ᬩᬕᬸᬲ᭄ᬢᬸᬭᬸᬦᬦ᭄ᬓᭀᬘᬧ᭞ᬢᬸᬫᭀᬦᬶᬂᬭᬶᬂᬭᬤᬾᬦ᭄ᬤᬾᬯᬶ᭞ᬫᬓ᭄ᬮᬧ᭄ᬫᬩ᭄ᬮᬶᬫᬭᬾᬭᬾᬦ᭄᭞ᬓᬤᬶᬥᬥᬭᬶᬢᬸᬫᬸᬭᬸᬦ᭄᭞ᬕᬶᬧᬶᬄᬗᬮᬶᬄᬲᬲᬗᬶᬤᬦ᭄᭞ᬲᭀᬃᬩ ᬳᬶᬗᬶᬦ᭄᭞ᬩᬢᬦ᭄ᬓᬮᬗᬶᬤᬶᬦ᭄ᬦᭂᬕᬓ᭄᭟ᬤᬶᬢᬸᬋᬓᬾᬫᬳᬶᬮᬶᬤᬦ᭄᭞ᬭᬤᬾᬦ᭄ᬕᬮᬸᬄᬢᬦ᭄ᬮ᭄ᬯᬧ᭄ᬭᬵᬧ᭄ᬢᬶ᭞ᬢ᭄ᬯᬭᬲᬗ᭄ᬰᬬᬭᬶᬂᬫᬦᬄ᭞ᬤᬾᬦᬶᬂᬲᬳᬶᬓᬬᭂᬄᬲᬸᬯᬸᬂ᭞ᬚᬸᬫᭀᬚᭀᬕ᭄ᬧᬶᬗ᭄ᬕᬶᬃᬢᬮᬕ᭞ᬗᭂᬮᬸᬲ᭄ᬲᬫᬶ᭞ᬗᭂᬮᬸᬲ᭄‌‌ᬯᬫᭂᬚᬂᬕᭂᬮᬂ᭟

Auto-transliteration

[9 9B] 9 ringan. hakeḥtĕtandhuransĕkar̀, sar̀wwaharumsar̀wwamihik, nagasarinemĕngayon, pañcorantalagamĕnuḥ, bonñanemalimpugan, mĕngpĕngsari, hapanhipūr̀ṇnamengkapat. dawuḥpisa ndukingprāpta, singtinghālinsar̀wwal̥ĕwiḥ, tanpendaḥdiswar̀ggānr̥ĕko, tankocapasanghabagus, rahaden'galuḥkocapa, ringkādiri, danekayĕḥmakuramas. mahiringancondongbayan , sagr̥ĕhanwongjropuri, hadatĕlungdaśar̥ĕko, mangiringraden'galuḥ, tankocaparingnāgara, tampĕkmangkin, marerenmĕnayangpayas. masuwĕngmāstulakmuñcar̀, maglangmāssinangling, takĕ mĕkānditngabadong, mawāstrasutrahawunāwun, bukadadharilottama, mangedanin, hakeḥwongjrokal̥ĕngl̥ĕngngan. rahaden'galuḥmamār̀gga, prāptaringkayĕhan'gĕlis, sagettejama [10 10A] 10 ngkinkaton, humar̥ĕpduhuringkayu, tejangadĕgsangpangeran, bukaḥkĕñing, kānggĕkdanetur̀hararyan. rahaden'galuḥngandika, condongbayantohiwasin, tusingkahitahentumon, tanhu rungbañcanarawuḥ, hatingkahemĕswar̀swar̀, miliḥkahi, kayĕḥtwaratahenngĕnaḥ. condongbayansawur̀nĕmbaḥ, wyaktiderengbukamangkin, punapimatejar̥ĕko, rahaden'galuḥhamuwus, jalanpe tkakamasiram, wusemuliḥ, hatur̀tĕkensangnātha. bagusturunankocapa, tumoningringradendewi, maklapmablimareren, kadidhadharitumurun, gipiḥngaliḥsasangidan, sor̀ba hingin, batankalangidinnĕgak. ditur̥ĕkemahilidan, raden'galuḥtanlwaprāpti, twarasangśayaringmanaḥ, deningsahikayĕḥsuwung, jumojogpinggir̀talaga, ngĕlussami, ngĕluswamĕjanggĕlang.

Leaf 10

Image on Archive.org

[᭑᭐ 10B] ᭑᭐ ᬗᭂᬮᬸᬲ᭄ᬲᬩᬸᬓ᭄ᬗᭂᬚᬂᬯᬵᬲ᭄ᬢ᭄ᬭ᭞ᬯᬸᬲ᭄ᬫᬮᬸᬕᬲ᭄ᬲᬶᬜ᭄ᬚᬂᬫᬗ᭄ᬓᬶᬦ᭄᭞ᬢᭂᬓᬦᬶᬂᬧᬤᬯᭀᬂᬚ᭄ᬭᭀ᭞ᬯᬸᬲ᭄ᬫᬮᬸᬕᬲ᭄ᬲᬶᬜ᭄ᬚᬂᬲᬵᬫ᭄ᬧᬸᬦ᭄᭞ᬩᬕᬸᬲ᭄ᬢᬸᬭᬸᬦᬦ᭄‌‌ᬓᭀᬘᬧ᭄᭞ᬧ᭄ᬭᬵᬧ᭄ᬢᬫᬗ᭄ᬓᬶᬦ᭄᭞ᬭᬤᬾᬦ᭄ᬕᬮᬸᬄᬓᬘᬶᬗᬓᬦ᭄᭟ᬭᬹᬧᬵᬦᬾᬫᬜᬦ᭄ᬤᬢ᭄ᬫ ᬬᬂ᭞ᬤᭂᬓ᭄ᬤᭂᬓ᭄‌‌ᬍᬫ᭄ᬧᬸᬂᬫᬗᬾᬤᬦᬶᬦ᭄᭞ᬢᬗᬦ᭄ᬮᭂᬫᭂᬢ᭄‌‌ᬚ᭄ᬭᬶᬚᬶᬫ᭄ᬭᭀᬲ᭄᭞ᬢᬶᬦᭀᬦ᭄ᬓᬤᬶᬳᭂᬫ᭄ᬩᬸᬢᬦ᭄ᬕᬥᬸᬂ᭞ᬫᬗᭂᬍᬍᬢᬾᬓᬧᬦᬲᬦ᭄᭞ᬍᬫ᭄ᬧᬸᬂᬕᬥᬶᬂ᭞ᬓᬵᬤᬶᬕᭂᬥᬄᬧᬶᬦᬭᬦ᭄ᬤ᭟ᬩᬶᬮᬂᬤᬗ᭄ᬓᬯᬵᬲ᭄ᬧᬥ᭞ᬧᭀᬮᬳᬾᬭᬳᬤᬾ ᬦ᭄ᬤᬾᬯᬶ᭞ᬭᬫᬾᬧᬤᬫᬦ᭄ᬥᬸᬲ᭄ᬋᬓᭀ᭞ᬳᬤᬫᬗᬶᬮᭀᬭᬶᬂᬩᬜᬸ᭞ᬭᬫᬾᬳᬧᬸᬦᬂᬕᬕᬸᬬ᭄ᬯᬦ᭄᭞ᬭᬤᬾᬦ᭄ᬤᬾᬯᬶ᭞ᬭᬹᬧᬦᬾᬫᬗᬬᬂᬗᬬᬂ᭟ᬓᬵᬤᬶᬢᭂᬫᬸᬕᬶᬦᭀᬫ᭄ᬩᬾᬢᬦ᭄᭞ᬧᬸᬧᬸᬦᬾᬮ᭄ᬯᬶᬃᬢᬫ᭄ᬩᭂᬮᬂᬕᬥᬶᬂ᭞ᬢᬗᬦ᭄ᬮᭂᬫᭂᬢ᭄ᬚᬭᬶᬚᬶᬫᭂᬭᭀ ᬲ᭄᭞ᬳᬦᬋᬧ᭄ᬲᬲᬶᬦᭀᬫ᭄ᬳᬶᬧᬸᬦ᭄᭞ᬭᬫᬾᬳᬓᭀᬩᭀᬓ᭄ᬗᭀᬩᭀᬓᬦ᭄᭞ᬭᬤᬾᬦ᭄ᬤᬾᬯᬶ᭞ᬲᬫᬶᬢᭂᬮᬲ᭄ᬓᬯᬵᬲ᭄ᬧᬥ᭟ᬲᬯᬢᬭᬳᬫᬶᬂᬢᭂᬗᬄ᭞ᬧᬲᬶᬭᬫᬦᬾᬭᬤᬾᬦ᭄ᬤᬾᬯᬶ᭞ᬲᬂᬩᬕᬸᬲ᭄ᬫᭂᬫᬮᬶᬂᬋᬓᭀ᭞ᬲᬸᬯᬶᬗᬾᬫᬗ᭄ᬓᬶ [᭑᭑ 11A] ᭑᭑ ᬦ᭄ᬤᬶᬦᬸᬫ᭄ᬧᬸᬢ᭄᭞ᬤᬾᬦᬶᬂᬓᬢᬯᭂᬗᬦ᭄ᬧᬸᬥᬓ᭄᭞ᬢᬸᬃᬫᬯᬶᬮᬶᬤ᭄᭞ᬤᬤᬶᬢ᭄ᬯᬭᬓᬢᬶᬗ᭄ᬕᬮᬦ᭄᭟ᬲᬵᬫ᭄ᬧᬸᬦ᭄‌‌ᬯᬸᬲ᭄ᬫᬗ᭄ᬓᬶᬦ᭄ᬫᬲᬶᬭᬫ᭄᭞ᬫᬗᬤᭂᬕ᭄ᬢᭂᬧᬶᬦᬶᬂᬯᬭᬶᬄ᭞ᬲᬂᬩᬕᬸᬲ᭄ᬢᬍᬃᬫᬦᭀᬦ᭄ᬢᭀᬦ᭄᭞ᬓᬢᭀᬦ᭄ᬲᬶᬲᬶᬦᭀᬫᬾᬗ᭄ᬭᬸᬗᬸ᭞ᬭ ᬭᬶᬲ᭄ᬫᬲᬶᬜ᭄ᬚᬂᬫᬯᬵᬲ᭄ᬢ᭄ᬭ᭞ᬫᬸᬯᬄᬭᬯᬶᬢ᭄᭞ᬘᭀᬦ᭄ᬤᭀᬂᬩᬬᬦ᭄‌‌ᬯᬸᬲ᭄ᬫᬯᬵᬲ᭄ᬢ᭄ᬭ᭟ᬢᬸᬫᬸᬮᬶᬳᬗᬫᬾᬢ᭄ᬕᭂᬮᬂ᭞ᬲᬸᬯᬶᬗᬾᬦᭀᬭᬧᬗ᭄ᬕᬶᬄ᭞ᬢᬸᬫᬸᬮᬶᬢᬗ᭄ᬓᭂᬚᬸᬢ᭄ᬩᭂᬗᭀᬂ᭞ᬫᬭᬾᬗᬂᬦᭀᬭᬓᬢᭂᬫᬸ᭞ᬫᬵᬢᬶᬳᬶᬩᬓᬓᬩᬬᬦ᭄᭞ᬢᬸᬮᬸᬂ ᬓᬳᬶ᭞ᬲᬸᬯᬶᬂᬓᬳᬶᬦᬾᬬᬳᬶᬮᬂ᭟ᬭᬤᬾᬦ᭄ᬕᬮᬸᬄᬜᭂᬭᬶᬢ᭄ᬓᬮᬭᬦ᭄᭞ᬕᬸᬧᬸᬄᬧᬜ᭄ᬚᬓᬾᬗᬮᬶᬳᬶᬦ᭄᭞ᬩ᭄ᬭᬶᬬᬸᬕ᭄ᬓᬚᬩ᭄ᬭᬶᬬᬸᬓ᭄ᬓᭂᬮᭀᬤ᭄᭞ᬗᬭᬸᬭᬸᬄᬦᭀᬭᬓᬢᭂᬫᬸ᭞ᬯ᭄ᬯᬂᬳᬧᬚᬦᬶᬫᬜᬸᬯᬂ᭞ᬦᬶᬓᬶᬫᬗ᭄ᬓᬶᬦ᭄᭞ᬧᬜ᭄ᬚᬓ᭄ᬳᬶᬤᬾ ᬯᬦᬾᬕᬸᬭᬄ᭟ᬲᬫᬶᬧᬜ᭄ᬚᬓᬾᬗᬩᬩᬂ᭞ᬓᬫ᭄ᬩᭂᬦᬾᬦᭀᬭᬓᬧᬗ᭄ᬕᬶᬄ᭞ᬓᭂᬫᬸᬭᬸᬭᬸᬄᬤᬶᬦ᭄ᬢᭀᬤᬶᬦ᭄ᬢᭀ᭞ᬲᬯᬸᬃᬫᬵᬦᬸᬓ᭄ᬧᬥᬗ᭄ᬭᬸᬭᬸᬄ᭞ᬧᬶᬦᬄᬫᬗ᭄ᬓᬶᬦ᭄ᬤᬯᬸᬄᬢᬶᬕ᭞ᬢᬦ᭄ᬓᬧᬗ᭄ᬕᬶᬄ᭞ᬢᬦ᭄ᬳᬸᬭᬸᬂᬲᬂᬧ᭄ᬭᬪᬸᬤᬸᬓ᭟ᬩᬕᬸᬲ᭄ᬢᬸᬭᬸᬦᬦ᭄᭠

Auto-transliteration

[10 10B] 10 ngĕlussabukngĕjangwāstra, wusmalugassiñjangmangkin, tĕkaningpadawongjro, wusmalugassiñjangsāmpun, bagusturunankocap, prāptamangkin, raden'galuḥkacingakan. rūpānemañandatma yang, dĕkdĕkl̥ĕmpungmangedanin, tanganlĕmĕtjrijimros, tinonkadihĕmbutan'gadhung, mangĕl̥ĕl̥ĕtekapanasan, l̥ĕmpunggadhing, kādigĕdhaḥpinaranda. bilangdangkawāspadha, polaherahade ndewi, ramepadamandhusr̥ĕko, hadamangiloringbañu, ramehapunanggaguywan, radendewi, rūpanemangayangngayang. kāditĕmuginombetan, pupunelwir̀tambĕlanggadhing, tanganlĕmĕtjarijimĕro s, hanar̥ĕpsasinomhipun, ramehakobokngobokan, radendewi, samitĕlaskawāspadha. sawatarahamingtĕngaḥ, pasiramaneradendewi, sangbagusmĕmalingr̥ĕko, suwingemangki [11 11A] 11 ndinumput, deningkatawĕnganpudhak, tur̀mawilid, daditwarakatinggalan. sāmpunwusmangkinmasiram, mangadĕgtĕpiningwariḥ, sangbagustal̥ĕr̀manonton, katonsisinomengrungu, ra rismasiñjangmawāstra, muwaḥrawit, condongbayanwusmawāstra. tumulihangametgĕlang, suwingenorapanggiḥ, tumulitangkĕjutbĕngong, marengangnorakatĕmu, mātihibakakabayan, tulung kahi, suwingkahineyahilang. raden'galuḥñĕritkalaran, gupuḥpañjakengalihin, briyugkajabriyukkĕlod, ngaruruḥnorakatĕmu, wwanghapajanimañuwang, nikimangkin, pañjak'hide waneguraḥ. samipañjakengababang, kambĕnenorakapanggiḥ, kĕmururuḥdintodinto, sawur̀mānukpadhangruruḥ, pinaḥmangkindawuḥtiga, tankapanggiḥ, tanhurungsangprabhuduka. bagusturunan‐

Leaf 11

Image on Archive.org

[᭑᭑ 11B] ᭑᭑ ᬓᭀᬘᬧ᭞ᬮᬶᬯᬢ᭄ᬕᬸᬫᬸᬬᬸᬭᬶᬂᬳᬢᬶ᭞ᬳᭂᬮᬶᬗᬾᬫᬗᬭᭀᬤ᭄ᬳᬭᭀᬤ᭄᭞ᬩᬕᬸᬲ᭄ᬢᬸᬭᬸᬦᬦ᭄ᬫᬓᬶᬤᬸᬂ᭞ᬫᬓᭂᬓᬯᬶᬦ᭄ᬚᬶᬯᬶᬯᬳ᭞ᬲ᭄ᬯᬭᬫᬦᬶᬲ᭄᭞ᬤᬸᬓ᭄‌‌ᬲᬂᬆᬃᬚ᭄ᬚᬸᬦᬵᬭᬶᬂᬲ᭄ᬯᬃᬕ᭄ᬕᬦ᭄᭟ᬦᬶᬓᬫᬗ᭄ᬓᬶᬦ᭄ᬓᭂᬓᬯᬶᬦᬂ᭞ᬫᬧᬶᬬᬗᬮᬮᬶᬮᬮᬶ᭞ᬫᬧᬶᬢᬦ᭄‌‌ᬯ᭄ᬭᬸᬄᬲ ᬬᬦ᭄ᬗᭂᬚᭀᬄ᭞ᬭᬳᬤᬾᬦ᭄ᬕᬮᬸᬄᬗᬭᬸᬗᬸ᭞ᬩᭂᬗᭀᬂᬲᬃᬯ᭄ᬯᬶᬦᬍᬓ᭄ᬢᭂᬓᬂ᭞ᬧᭂᬤᬲ᭄ᬫᬗ᭄ᬓᬶᬦ᭄᭞ᬭᬹᬧᬩᬕᬸᬲ᭄ᬢᭂᬫ᭄ᬩᬂᬫᭂᬮᬄ᭟ᬭᬤᬾᬦ᭄ᬕᬮᬸᬄᬓᬍᬂᬍᬗᬦ᭄᭞ᬢᬸᬫᭀᬦᬶᬂᬭᬹᬧᬳᬧᭂᬓᬶᬓ᭄᭞ᬢᭀᬂᬦᬸᬕᬳᭂᬮᬾᬦᬦ᭄ᬋᬓᭀ᭞ᬫᭂᬫᬮᬶᬗᬶᬦ᭄ ᬦᬶᬭᬩᬯᬸ᭞ᬢᬸᬃᬳᬯᬓᬾᬬᬳᬶᬦ᭄ᬢᬶᬧ᭞ᬩᬯᬸᬤᬶᬦᬶ᭞ᬚᭂᬗᬄᬲᬦ᭄ᬳᬢᬶᬦᬶᬭ᭟ᬓᭂᬫᭀᬄᬓᬓᬘᭀᬦ᭄ᬤᭀᬂᬩᬬᬦ᭄᭞ᬢᬓᭀᬦᬶᬦ᭄ᬳᬦᬓᬾᬚᬦᬶ᭞ᬳ᭄ᬬᬢ᭄ᬯᬄᬜᬧᬶᬜ᭄ᬘᬸᬮ᭄ᬋᬓᭀ᭞ᬢᬕᬶᬄᬧᬾᬢ᭄ᬤᬶᬢᬸᬫᬦ᭄ᬤᬸᬲ᭄᭞ᬦᬤ᭄ᬬᬦ᭄ᬳᬸᬮᬶᬫᬵᬲ᭄ᬳᬃ᭠ ᬣ᭞ᬮᬄᬲᬦ᭄ᬤᬗᬶᬦ᭄᭞ᬳᬦᬓ᭄ᬳ᭄ᬬᬢ᭄ᬯᬄᬫᬜᬸᬯᬂ᭟ᬓᬾᬦ᭄ᬘᭀᬦ᭄ᬤᭀᬂᬩᬬᬦ᭄ᬫᬚᬮᬦ᭄᭞ᬫᬵᬢᬸᬃᬭᬶᬂᬲᬂᬩᬕᬸᬲ᭄ᬕᭂᬮᬶᬲ᭄᭞ᬢᬶᬢ᭄ᬬᬂᬢᬾᬓᬳᬸᬢᬸᬲ᭄ᬋᬓᭀ᭞ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬳᬶᬤᬓᬾᬧᬶᬜ᭄ᬘᬸᬮ᭄ᬩᬸᬲᬦ᭄᭞ᬫᬫᬮᬶᬗᬶᬦ᭄᭞ [᭑᭒ 12A] ᭑᭒ ᬤᬦᬾᬲᬸᬯᬶᬫᬵᬲ᭄ᬘᬭᬗ᭄ᬘᬂ᭟ᬩᬕᬸᬲ᭄ᬢᬸᬭᬸᬦᬦ᭄ᬗᬵᬦ᭄ᬤᬶᬓ᭞ᬳᬸᬚᬭᬾᬳᬭᬸᬫ᭄ᬳᬫᬦᬶᬲ᭄᭞ᬩ᭄ᬬᬦᬳᬤᬩᭂᬮᬶᬢᬸᬫᭀᬦ᭄᭞ᬳᬦᬓ᭄ᬩᭂᬮᬶᬫᬭᬭᬯᬸᬄ᭞ᬓᬮᬶᬓᬾᬦ᭄ᬓᬾᬦ᭄ᬩᭂᬮᬶᬓᭂᬫ᭞ᬩᭂᬮᬶᬚᬢᬶ᭞ᬲᬧᬸᬦᬶᬓᬚᬳᬢᬸᬭᬂ᭟ᬘᭀ ᬦ᭄ᬤᭀᬂᬩᬬᬦ᭄ᬫᬮᬶᬧᭂᬢᬦ᭄᭞ᬫᬵᬢᬸᬃᬭᬶᬂᬭᬳᬤᬾᬦ᭄ᬤᬾᬯᬶ᭞ᬤᬦᬾᬩᬯᬸᬭᬯᬸᬄᬋᬓᭀ᭞ᬩ᭄ᬬᬦᬋ᭠ᬓᬾᬤᬦᬾᬫᬶᬜ᭄ᬘᬸᬮ᭄᭞ᬭᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᬧᬩ᭄ᬯᬶᬦ᭄᭞ᬳᬦᬓ᭄ᬳ᭄ᬬᬢ᭄ᬯᬄᬫᬜᬸᬯᬂ᭟ᬓ᭄ᬫᬄᬓᬓᬫᬮᬶᬧᭂᬢᬦ᭄᭞ ᬢᬸᬦ᭄ᬤᬾᬦᬂᬳᬧᬗᬫᬳᬶ᭞ᬦᬶᬭᬫᬫᬦ᭄ᬢᭂᬲᬂᬋᬓᭀ᭞ᬲᬗ᭄ᬓᬦ᭄ᬜᬬᬫᬳᬶᬭᬯᬸᬄ᭞ᬤᬾᬰᬦ᭄ᬜᬫᬶᬯᬄᬳ᭠ᬤᬦ᭄ᬜ᭞ᬳᬧᬂᬓᬳᬶ᭞ᬫᬦᬯᬂᬚᬦᬶᬓᬦ᭄ᬤᬜ᭟ᬓᬳᬶᬚᬦᬶᬫᭂᬦᬦ᭄ᬢᭂᬲᬂ᭞ᬲᬗ᭄ᬓᬦ᭄ᬳ᭄ᬬᬢᭂᬓᭂᬤ᭄ᬥᬶᬦᬶ᭞ᬤᬾᬦᬶᬂᬢᭂᬫ᭄ᬩᬾᬓᬳᬶᬢᬸ ᬫᭀᬦ᭄᭞ᬢᭀᬂᬢᬳᬾᬦ᭄ᬓᬳᬶᬫᬦᭂᬫᬸ᭞ᬚᬦᬶᬓᬳᬶᬫᬫᬦ᭄ᬢᭂᬲᬂ᭞ᬬᬾᬦ᭄ᬢᭀᬚᬦᬶ᭞ᬳᬧᬂᬬᬫᬳᬶᬢᭂᬓ᭟ᬓᬾᬘᭀᬦ᭄ᬤᭀᬂᬩᬬᬦ᭄ᬫᬚᬮᬦ᭄᭞ᬫᬵᬢᬸᬃᬭᬶᬂᬲᬂᬩᬕᬸᬲ᭄ᬕᭂᬮᬶᬲ᭄᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬫᬮᬶᬄᬗᭀᬦ᭄ᬓᭀᬦ᭄᭞ᬫᬵᬃᬕ᭄ᬕᬶᬓᬾ᭠

Auto-transliteration

[11 11B] 11 kocapa, liwatgumuyuringhati, hĕlingemangarod'harod, bagusturunanmakidung, makĕkawinjiwiwaha, swaramanis, duksangār̀jjunāringswar̀ggan. nikamangkinkĕkawinang, mapiyangalalilali, mapitanwruḥsa yanngĕjoḥ, rahaden'galuḥngarungu, bĕngongsar̀wwinal̥ĕktĕkang, pĕdasmangkin, rūpabagustĕmbangmĕlaḥ. raden'galuḥkal̥ĕngl̥ĕngan, tumoningrūpahapĕkik, tongnugahĕlenanr̥ĕko, mĕmalingin nirabawu, tur̀hawakeyahintipa, bawudini, jĕngaḥsanhatinira. kĕmoḥkakacondongbayan, takoninhanakejani, hyatwaḥñapiñculr̥ĕko, tagiḥpetditumandus, nadyanhulimāshar̀‐ tha, laḥsandangin, hanak'hyatwaḥmañuwang. kencondongbayanmajalan, mātur̀ringsangbagusgĕlis, tityangtekahutusr̥ĕko, hantuk'hidaraden'galuḥ, hidakepiñculbusan, mamalingin, [12 12A] 12 danesuwimāscarangcang. bagusturunanngāndika, hujareharumhamanis, byanahadabĕlitumon, hanakbĕlimararawuḥ, kalikenkenbĕlikĕma, bĕlijati, sapunikajahaturang. co ndongbayanmalipĕtan, mātur̀ringrahadendewi, danebawurawuḥr̥ĕko, byanar̥ĕ‐kedanemiñcul, raden'galuḥngandikā, hapabwin, hanak'hyatwaḥmañuwang. kmaḥkakamalipĕtan, tundenanghapangamahi, niramamantĕsangr̥ĕko, sangkanñayamahirawuḥ, deśanñamiwaḥha‐danña, hapangkahi, manawangjanikandaña. kahijanimĕnantĕsang, sangkanhyatĕkĕddhini, deningtĕmbekahitu mon, tongtahenkahimanĕmu, janikahimamantĕsang, yentojani, hapangyamahitĕka. kecondongbayanmajalan, mātur̀ringsangbagusgĕlis, gustintityangmaliḥngonkon, mār̀ggike‐

Leaf 12

Image on Archive.org

[᭑᭒ 12B] ᭑᭒ ᬫᬭᬶᬓᬤᬸᬫᬸᬦ᭄᭞ᬤᬦᬾᬓᬬᬸᬦ᭄ᬫᬢᬢᬲᬦ᭄᭞ᬭᬶᬂᬳᬶᬕᬸᬲ᭄ᬢᬶ᭞ᬤᭂᬭᬶᬓᬢ᭄ᬯᬄᬲᬯᬓ᭄ᬱᬯᬓ᭄᭟ᬫᬵᬃᬕ᭄ᬕᬶᬩᭂᬮᬶᬫᬗᬶᬭᬶᬗᬂ᭞ᬢᬸᬫᬸᬮᬶᬲᬋᬂᬫᬫᬵᬃᬕ᭄ᬕᬶ᭞ᬲᬧ᭄ᬭᬵᬧ᭄ᬢᬦᬾᬓᬧᭂᬦ᭄ᬤᬓ᭄ᬧᬦᭀᬦ᭄᭞ᬭᬤᬾᬦ᭄ᬕᬮᬸᬄᬲᬬᬦ᭄ᬳᬜᬸᬤ᭄᭞ᬩᬸᬓᬄᬓᬳᬶ ᬮᬗᬦ᭄ᬚᬶᬯ᭞ᬤᬾᬦᬶᬂᬧᭂᬓᬶᬓ᭄᭞ᬳᬓᬾᬄᬫᬦ᭄ᬢ᭄ᬭᬶᬢ᭄ᬯᬭᬧᬤ᭟ᬳ᭄ᬦᬾᬢᬘᬳᬶᬯᭀᬂᬳᬧ᭞ᬲᬗ᭄ᬓᬦ᭄ᬘᬳᬶᬢᭂᬓᭂᬤ᭄ᬥᬶᬦᬶ᭞ᬬᬦ᭄‌‌ᬲᬶᬂᬘᬳᬶᬳᬦᬓ᭄ᬓᬯᭀᬢ᭄᭞ᬩᭂᬦᭂᬄᬩᬳᬦ᭄ᬘᬳᬶᬭᬯᬸᬄ᭞ᬬᬾᬦ᭄ᬲᬶᬂᬘᬳᬶᬳᬦᬓ᭄ᬱᬸᬤ᭄ᬭ᭞ᬩᭀᬬᬢᬦ᭄ᬥᬸ ᬕᬶ᭞ᬘᬳᬶᬧᬘᬂᬤᬶᬦᬶᬢᭂᬓ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬢᬸᬭᬂ᭞ᬤᬯᭂᬕ᭄ᬢᬶᬢ᭄ᬬᬗᬾᬦᬸᬘᭂᬭᬶᬓ᭄᭞ᬓᬤᬸᬤᬸᬓ᭄ᬩᬵᬦ᭄ᬤᬕᬂᬧᬫᭀᬃ᭞ᬓᬤᬸᬤᬸᬓ᭄ᬤᬶᬳᬮᬲ᭄ᬳᬕᬸᬂ᭞ᬲᭂᬤᭂᬓ᭄ᬦ᭄ᬬᬗᬮᬶᬄᬓᬮᬂ᭞ᬦᬶᬓᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬩ᭄ᬬᬦᬦᬯᬂᬓᬦ᭄ᬥ᭟ᬭᬳᬤᬾ ᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬓᬮᬶᬂᬦᬾᬲᬶᬯᭀᬂᬍᬯᬶᬄ᭞ᬳᭂᬜᬾᬦ᭄ᬧᬶᬜ᭄ᬘᬸᬮ᭄ᬤᬶᬦᬶᬋᬓᭀ᭞ᬫᬜᬸᬯᬂᬲᬸᬯᬶᬢ᭄ᬳᬶᬩ᭠ᬯᬸ᭞ᬤᬾᬯᬭᬢᬸᬢᬶᬢ᭄ᬬᬂᬫᬶᬦ᭄ᬤᬄ᭞ᬢᬶᬢ᭄ᬬᬂᬚᬢᬶ᭞ᬢᬶᬢ᭄ᬬᬂᬯᬯᬸᬫᬭᬢᭂᬓᬵ᭟ᬢᭀᬂᬦᬸᬕᬳᬦᬓ᭄ᬮᬾᬦᬦ᭄᭞ᬮᬫᬸᬦ᭄ᬘᬳᬶ [᭑᭓ 13A] ᭑᭓ ᬢ᭄ᬯᬄᬫᬫᬮᬶᬂ᭞ᬳᭂᬫ᭄ᬩᭀᬓ᭄ᬱᬸᬓᬦᭂᬩᬸᬲ᭄ᬋᬓᭀ᭞ᬦᬤ᭄ᬬᬦ᭄ᬳᬸᬮᬶᬫᬵᬲ᭄ᬩᬸᬗ᭄ᬓᬸᬂ᭞ᬦᬤ᭄ᬬᬦ᭄ᬳᬸᬮᬶᬯᬶᬦ᭄ᬢᭂᬦ᭄ᬫᬶᬭᬄ᭞ᬫᬶᬯᬄᬧᬶᬧᬶᬲ᭄᭞ᬳᬸᬮᬶᬳᬧᬳᭂᬫ᭄ᬩᭀᬓ᭄ᬱᬸᬓ᭟ᬦᬤ᭄ᬬᬦ᭄ᬳᬸᬮᬶᬧᬜ᭄ᬚᭀᬭᭀᬯᬦ᭄᭞ᬫᬓᭂᬚᬂᬳᭂᬫ᭄ᬩᭀᬓ᭄ᬜᬸᬓᬦᬶᬦ᭄᭞ᬤᬘᬳᬶᬫ ᬢᬶᬮᬲ᭄ᬋᬓᭀ᭞ᬲᬂᬩᬕᬸᬲ᭄ᬫᬲᬯᬸᬃᬓᭂᬜᬸᬂ᭞ᬓᭂᬜᬶᬗᬾᬫᬢᬸᬂᬢᬸᬂᬫᬶᬭᬄ᭞ᬤᬾᬯᬕᬸᬲ᭄ᬢᬶ᭞ᬳᬸᬮᬶᬂᬲᬫᬶᬢᬶᬢ᭄ᬬᬂᬫᬶᬦ᭄ᬤᬄ᭟ᬦᬤ᭄ᬬᬦ᭄ᬳᬸᬮᬶᬫᬵᬲ᭄ᬫᬶᬭᬄ᭞ᬧᬶᬧᬶᬲ᭄ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬲᬫᬶ᭞ᬬᬦ᭄ᬳᬶᬤᬾᬯᬳᬶᬘᬋᬓᭀ᭞ᬳᭀᬮᬶᬄᬧᬸᬦᬶᬓᬳᬳᬸᬓᬸᬤ᭄᭞ ᬳᬦᬾᬢ᭄ᬯᬭᬧᬤᬧᬤ᭞ᬢᬶᬢ᭄ᬬᬂᬗᬶᬭᬶᬂ᭞ᬗᬢᬸᬭᬂᬤᬸᬯᬾᬦ᭄ᬳᬶᬤᬾᬯ᭟ᬭᬤᬾᬦ᭄ᬕᬮᬸᬄᬗ᭄ᬭᬲᬾᬂᬘᬶᬢ᭞ᬢᬦ᭄‌‌ᬲᬸᬭᬸᬤ᭄ᬫᬦᬳᬾᬫᬗ᭄ᬓᬶᬦ᭄᭞ᬯᬶᬥᬶᬫᬫᬜ᭄ᬘᬦᬋᬓᭀ᭞ᬦᬤ᭄ᬬᬦ᭄ᬢᬾᬳᬸᬮᬶᬳᬯᬸᬓᬸᬤ᭄᭞ᬳᭂᬫ᭄ᬩᭀᬓ᭄‌‌ᬲᬸᬓᬧᬘᬂᬦᭂ᭠ ᬩᬲ᭄᭞ᬢᭂᬓᬾᬦ᭄ᬘᬳᬶ᭞ᬪᬬᬘᬳᬶᬯᭀᬂᬉᬢ᭄ᬢᬫ᭟ᬫᬳᬶᬢᬾᬘᬳᬶᬫᭂᬦᬾᬓᬦ᭄᭞ᬤᬶᬩᬮᬾᬧᬗᬭᬶᬗᬭᬶᬂ᭞ᬫᬗᬸᬤᬤᬶᬢᬸᬫᬦᭀᬗᭀᬲ᭄᭞ᬫᬳᬶᬫᬮᬶᬗ᭄ᬕᬶᬄᬤᬶᬤᬸᬯᬸᬃ᭞ᬳᭂᬫ᭄ᬩᭀᬓ᭄ᬫᬲᬮᬶᬦ᭄ᬩᬱ᭞ᬢᭂᬓᬾᬦ᭄ᬘᬳᬶ᭞ᬩᬵ

Auto-transliteration

[12 12B] 12 marikadumun, danekayunmatatasan, ringhigusti, dĕrikatwaḥsawakṣawak. mār̀ggibĕlimangiringang, tumulisar̥ĕngmamār̀ggi, saprāptanekapĕndakpanon, raden'galuḥsayanhañud, bukaḥkahi langanjiwa, deningpĕkik, hakeḥmantritwarapada. hnetacahiwonghapa, sangkancahitĕkĕddhini, yansingcahihanakkawot, bĕnĕḥbahancahirawuḥ, yensingcahihanaksyudra, boyatandhu gi, cahipacangdinitĕka. hinggiḥtityangmangaturang, dawĕgtityangenucĕrik, kadudukbāndagangpamor̀, kadudukdihalashagung, sĕdĕknyangaliḥkalang, nikamangkin, tityangbyananawangkandha. rahade n'galuḥngandikā, kalingnesiwongl̥ĕwiḥ, hĕñenpiñculdinir̥ĕko, mañuwangsuwit'hiba‐wu, dewaratutityangmindaḥ, tityangjati, tityangwawumaratĕkā. tongnugahanaklenan, lamuncahi [13 13A] 13 twaḥmamaling, hĕmboksyukanĕbusr̥ĕko, nadyanhulimāsbungkung, nadyanhuliwintĕnmiraḥ, miwaḥpipis, hulihapahĕmboksyuka. nadyanhulipañjorowan, makĕjanghĕmbokñukanin, dacahima tilasr̥ĕko, sangbagusmasawur̀kĕñung, kĕñingematungtungmiraḥ, dewagusti, hulingsamitityangmindaḥ. nadyanhulimāsmiraḥ, pipissāmpunwentĕnsami, yanhidewahicar̥ĕko, holiḥpunikahahukud, hanetwarapadapada, tityangngiring, ngaturangduwenhidewa. raden'galuḥngrasengcita, tansurudmanahemangkin, widhimamañcanar̥ĕko, nadyantehulihawukud, hĕmboksukapacangnĕ‐ bas, tĕkencahi, bhayacahiwonguttama. mahitecahimĕnekan, dibalepangaringaring, mangudaditumanongos, mahimalinggiḥdiduwur̀, hĕmbokmasalinbaṣa, tĕkencahi, bā

Leaf 13

Image on Archive.org

[᭑᭓ 13B] ᭑᭓ ᬬᬘᬳᬶᬯᭀᬂᬉᬢ᭄ᬢᬫ᭟ᬫᬮᬶᬄᬢᬾᬘᬳᬶᬫᭂᬦᬾᬓᬦ᭄᭞ᬮᬫᬸᬦ᭄ᬳᬦᬓ᭄ᬰᬸᬤ᭄ᬭᬫᬳᬶ᭞ᬢᭀᬂᬬᬲᬓᬶᬢ᭄ᬫᬢᬶᬋᬓᭀ᭞ᬢᭀᬂᬧᬮᬶᬂᬫᬦᭂᬫᬸᬩᬸᬤᬸᬄ᭞ᬤᬾᬦᬶᬂᬦᬶᬓᬶᬢᭂᬗᭂᬢ᭄ᬧᬶᬲᬦ᭄᭞ᬢ᭄ᬯᬄᬢᭀᬂᬤᬤᬶ᭞ᬳᬦᬓ᭄ᬢᬫ᭄ᬩᬃᬫᬳᬶᬢᭂᬓ᭟ᬩᬕᬸᬲ᭄ᬢᬸ ᬭᬸᬦᬦ᭄ᬗᬵᬦ᭄ᬤᬶᬓ᭞ᬳᬶᬗ᭄ᬕ᭄ᬬᬦ᭄ᬢᬶᬢ᭄ᬬᬂᬫᬗᬶᬭᬶᬂ᭞ᬭᬭᬶᬲ᭄ᬫᭂᬦᬾᬓᬦ᭄ᬲᬭᭀᬭᭀᬦ᭄᭞ᬢᬸᬫᬸᬮᬶᬫᬗᭂᬮᬸᬲ᭄ᬲᬩᬸᬓ᭄᭞ᬗᭂᬮᬸᬲ᭄ᬲᬸᬯᬶᬕᬕᭂᬮᬶᬲᬦ᭄᭞ᬦᬶᬓᬶᬫᬗ᭄ᬓᬶᬦ᭄᭞ᬤᬸᬯᬾᬦᬾᬢᬶᬢ᭄ᬬᬂᬗᬢᬸᬭᬂ᭟ᬭᬳᬤᬾᬦ᭄ᬕᬮᬸᬄᬢᬦᬗ᭄ᬕᬧ᭄᭞ᬲᬶᬦᬫ᭄ᬩᬸᬢ᭄ᬭ ᬳᬤᬾᬦ᭄ᬤᬾᬯᬶ᭞ᬧᬶᬦᭂᬓᬸᬮ᭄ᬳᬶᬗᬭᬲ᭄ᬲᬭᬲ᭄᭞ᬧᬗ᭄ᬭᬸᬫ᭄ᬭᬸᬫᬾᬳᬫᭂᬮᬲ᭄ᬓᬬᬸᬦ᭄᭞ᬧᬸᬧᬸᬦᭂᬦ᭄ᬢᬶᬢ᭄ᬬᬂᬓᬕ᭄ᬭᬶᬗᬦ᭄᭞ᬤᬳᬢ᭄ᬓᬶᬂᬓᬶᬂ᭞ᬗᬲᬶᬳᬲᬶᬄᬲᬫ᭄ᬩᬶᬮ᭄ᬗᬭᬲ᭄᭟ᬘᭀᬦ᭄ᬤᭀᬂᬩᬬᬦ᭄ᬧᬓᬸᬭᬾᬬᬓ᭄᭞ᬕᬸᬫᭂᬢᭂᬄᬳᬲᭂᬫᬸᬢᬗᬶᬲ᭄᭞ᬫᬦ᭄ᬤ ᬬᬦᬶᬦ᭄ᬭᬸᬲᬓ᭄ᬋᬓᭀ᭞ᬦᬯᬶᬭᬯᬸᬄᬤᭂᬫᬂᬤᭂᬫᬸᬂ᭞ᬧᬭᬦ᭄ᬧᭀᬮᬳᬾᬤᬶᬢᬫᬦ᭄᭞ᬳᬸᬭᬸᬂᬫᬵᬢᬶ᭞ᬳᬤᬫᬵᬢᬸᬃᬫᬫᬶᬦ᭄ᬤᬳᬂ᭟ᬘᭀᬦ᭄ᬤᭀᬂᬩᬬᬦ᭄‌‌ᬮᬶᬂᬓ᭄ᬯᬵᬗᬸᬘᬧ᭄᭞ᬮᬾᬩᬂᬓᬸᬤᬭᬤᬾᬦ᭄ᬤᬾᬯᬶ᭞ᬧᬸᬦᬧᬶᬧᭀᬮᬳᬾᬋ᭠ [᭑᭔ 14A] ᭑᭔ ᬓᭀ᭞ᬦᬯᬶᬭᬯᬸᬄᬤᬲᬂᬧ᭄ᬭᬪᬸ᭞ᬢᬦ᭄ᬳᬸᬭᬸᬂᬳᬶᬤᬾᬯᬲᬾᬤ᭞ᬤᬾᬯᬕᬸᬲ᭄ᬢᬶ᭞ᬦᬯᬶᬭᬯᬸᬄᬤᭂᬫᬸᬂᬤᭂᬫᬂ᭟ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓ᭞ᬤᬸᬫᬤᬓ᭄ᬚᬤᬦᬾᬫᬳᬶ᭞ᬢᬸᬲᬶᬂᬳᬶᬘᬂᬯᭂᬤᬶᬋᬓᭀ᭞ᬓᭂᬫᬲᬸᬩᬩᬶᬩᬶᬫᬦ᭄ᬢᬸᬓ᭄᭞ᬳᬢᬸᬭᬂᬢᭂᬓᬾ ᬦ᭄ᬲᬂᬦᬵᬣ᭞ᬕᬸᬲ᭄ᬢᬶᬩᬶᬩᬶ᭞ᬭᬤᬾᬦ᭄ᬕᬮᬸᬄᬤᬶᬦᬶᬤᭂᬧᬂ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬬᬦ᭄ᬓᬓᬲᬸᬓᬓᬾᬦ᭄ᬓᬳᬶ᭞ᬳᬦᬓ᭄ᬱᬸᬓᬦ᭄ᬓᬳᬶᬋᬓᭀ᭞ᬳᬦᬓ᭄ᬓᬳᬶᬧᬘᬂᬦᬯᬸᬃ᭞ᬢᭂᬓᬾᬦ᭄ᬤᬦᬾᬫᬦᬶᬧᬸᬯᬦ᭄᭞ᬳᬯᬓ᭄ᬓᬳᬶ᭞ᬤᬦᬾ ᬧᬘᬂᬫᬗᬮᬳᬂ᭟ᬳᭂᬦᬾᬳᬶᬩᬵᬚᬦᬶᬧᬥ᭞ᬳᬫ᭄ᬩᬸᬮ᭄ᬳᬧᬢᭂᬓᬾᬦ᭄ᬓᬳᬶ᭞ᬮᬫᬸᬦ᭄ᬳᬶᬩᬧᬤᬳᭂᬮᭀᬂ᭞ᬓᭂᬫᬧᬾᬢᭂᬦ᭄ᬧᬥᬫᬦ᭄ᬢᬸᬓ᭄᭞ᬲᬯᬸᬃᬫᬵᬦᬸᬓ᭄ᬧᬥᬵᬦᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬯ᭄ᬬᬤᬶᬦ᭄ᬢᬶᬢ᭄ᬬᬂᬧᬘᬂᬭᬸᬲᬓ᭄᭟ᬬᬦ᭄ᬳᬶ ᬤᬾᬯᬧᬘᬂᬲᬾᬤ᭞ᬳᬦ᭄ᬢᬸᬓ᭄ᬳᬶᬤᬰ᭄ᬭᬶᬪᬸᬧᬢᬶ᭞ᬲᬫᬶᬢᬶᬢ᭄ᬬᬂᬗᬶᬭᬶᬂᬋᬓᭀ᭞ᬲᬯᬸᬃᬫᬵᬦᬸᬓ᭄ᬩᬋᬂᬧᬸᬧᬸᬢ᭄᭞ᬳᭂᬦᬄᬮᬫᬸᬦ᭄ᬓᬓᬲᬸᬓ᭞ᬳᭂᬦ᭄ᬢᭀᬚᬦᬶ᭞ᬳᬶᬤᬶᬄᬓᬳᬶᬢᭂᬓᬾᬦ᭄ᬳᬶᬩ᭟ᬳᬤᬫᬓᬶᬲᬶᬕᬶᬕᬶᬲᬂ᭞ᬤᬸᬫᬤᬓ᭄ᬓᬬᬸᬦᬾᬫᬧ

Auto-transliteration

[13 13B] 13 yacahiwonguttama. maliḥtecahimĕnekan, lamunhanakśudramahi, tongyasakitmatir̥ĕko, tongpalingmanĕmubuduḥ, deningnikitĕngĕtpisan, twaḥtongdadi, hanaktambar̀mahitĕka. bagustu runanngāndika, hinggyantityangmangiring, rarismĕnekansaroron, tumulimangĕlussabuk, ngĕlussuwigagĕlisan, nikimangkin, duwenetityangngaturang. rahaden'galuḥtananggap, sinambutra hadendewi, pinĕkulhingarassaras, pangrumrumehamĕlaskayun, pupunĕntityangkagringan, dahatkingking, ngasihasiḥsambilngaras. condongbayanpakureyak, gumĕtĕḥhasĕmutangis, manda yaninrusakr̥ĕko, nawirawuḥdĕmangdĕmung, paranpolaheditaman, hurungmāti, hadamātur̀mamindahang. condongbayanlingkwāngucap, lebangkudaradendewi, punapipolaher̥ĕ‐ [14 14A] 14 ko, nawirawuḥdasangprabhu, tanhurunghidewaseda, dewagusti, nawirawuḥdĕmungdĕmang. bagusturunanngandika, dumadakjadanemahi, tusinghicangwĕdir̥ĕko, kĕmasubabibimantuk, haturangtĕke nsangnātha, gustibibi, raden'galuḥdinidĕpang. rahaden'galuḥngandikā, yankakasukakenkahi, hanaksyukankahir̥ĕko, hanakkahipacangnawur̀, tĕkendanemanipuwan, hawakkahi, dane pacangmangalahang. hĕnehibājanipadha, hambulhapatĕkenkahi, lamunhibapadahĕlong, kĕmapetĕnpadhamantuk, sawur̀mānukpadhānĕmbaḥ, tityangngiring, wyadintityangpacangrusak. yanhi dewapacangseda, hantuk'hidaśribhupati, samitityangngiringr̥ĕko, sawur̀mānukbar̥ĕngpuput, hĕnaḥlamunkakasuka, hĕntojani, hidiḥkahitĕkenhiba. hadamakisigigisang, dumadakkayunemapa

Leaf 14

Image on Archive.org

[᭑᭔ 14B] ᭑᭔ ᬗ᭄ᬕᬶᬄ᭞ᬢ᭄ᬯᬭᬩᬜᬢᬳᬾᬦ᭄ᬢᬸᬫᭀᬦ᭄᭞ᬫᬗᭂᬦᭀᬢ᭄ᬳᬦᬓᬾᬩᬕᬸᬲ᭄᭞ᬚᬦᬶᬲᬸᬩᬩᬜᬦᬯᬂ᭞ᬚᬯᬢ᭄ᬗᬮᬶᬄ᭞ᬫᬲᬫᬳᬦ᭄ᬧᬘᬂᬧᬥ᭟ᬳᬓᬾᬢᭀᬚ᭄ᬭᭀᬓᬍᬍᬗᬦ᭄᭞ᬢᬸᬫᭀᬦᬶᬂᬯᬃᬡ᭄ᬦᬳᬧᭂᬓᬶᬓ᭄᭞ᬦᬾᬦᬾᬫᬸᬮᬫᬸ ᬮᬏᬜᭀᬃ᭞ᬲᭂᬮᬾᬂᬕᭂᬢᭂᬮ᭄ᬲᭂᬮᬾᬂᬲᬸᬯᬸᬓ᭄᭞ᬗᭂᬦᭀᬢ᭄ᬤᬦᬾᬤᬶᬧᬩᬶᬦᬦ᭄᭞ᬢ᭄ᬯᬭᬯᭂᬥᬶ᭞ᬩᬸᬓᬄᬤᬾᬯᬶᬮᬵᬯᬦ᭄ᬤᬾᬯ᭟ᬭᬭᬶᬲ᭄ᬤᬦᬾᬳᬲᬸᬂᬲᭂᬧᬄ᭞ᬫᭂᬘᬶᬓ᭄ᬱᬸᬲᬸᬗᬭᬲ᭄ᬧᬶᬧᬶ᭞ᬯᭀᬂᬚ᭄ᬭᭀᬕᬕᬺᬢᬦ᭄ᬢᬸᬫᭀᬦ᭄᭞ᬓᭂᬤᬾ ᬓᬾᬫᬦᭂᬓᭂᬧ᭄ᬩᬸᬗᬸᬢ᭄᭞ᬘᭀᬦ᭄ᬤᭀᬂᬩᬬᬦ᭄ᬤᬶᬳᬋᬧᬦ᭄᭞ᬳᬸᬮᬢ᭄ᬳᬶᬫ᭄ᬩᬶᬄ᭞ᬓᭂᬦᭂᬄᬜᬦᬾᬩᬸᬓᬄᬕᬶᬯᬂ᭟ᬩᬕᬸᬲ᭄ᬢᬸᬭᬸᬦᬦ᭄ᬳᬗᬸᬘᬧ᭄᭞ᬦᬶᬓᬢᬸᬂᬢᬸᬗᬾᬘᬶᬗᬓᬶᬦ᭄᭞ᬤᬶᬢᭀᬬᬦᬾᬫᬶᬭᬶᬩ᭄ᬩᭂᬗᭀᬂ᭞ᬳᬸᬮᬢᬾᬫᬦᬕᬶᬄᬓᭂ ᬢᬸᬲ᭄᭞ᬕᬶᬧᬶᬄᬫᬦᬕᬶᬄᬩᬸᬗᬬᬂ᭞ᬫᬶᬭᬶᬩ᭄ᬲᭂᬤᬶᬄ᭞ᬕᭂᬩᬸᬕ᭄ᬧᬦᬲ᭄‌‌ᬜᬢᬦ᭄ᬢᭀᬬ᭟ᬭᬳᬤᬾᬦ᭄ᬕᬮᬸᬄᬫᬗ᭄ᬭᬲ᭞ᬲᬶᬲᬶᬫ᭄ᬩᬶᬗᬾᬲᬂᬳᬧᭂᬓᬶᬓ᭄᭞ᬚ᭄ᬦᭂᬂᬩᭂᬮᬶᬫᬦ᭄ᬤᬮᭀᬮᭀ᭞ᬫᬶᬭᬶᬩ᭄ᬢᬶᬤᭀᬂᬳᭂᬜᬄᬭᬢᬸ᭞ᬤᬶᬦᬵᬕᬭᬧᬾᬢ᭄ᬲᬤ᭄ᬬ [᭑᭕ 15A] ᭑᭕ ᬬᬂ᭞ᬩᭂᬮᬶᬧᭀᬮᬶᬄ᭞ᬗᬬᬸᬦᬂᬢᬸᬜ᭄ᬚᬸᬗᬾᬦᬶᬓᬵ᭟ᬮᬫᬸᬦ᭄ᬩᭂᬮᬶᬢ᭄ᬯᬄᬮᬓ᭄ᬱᬡ᭞ᬢ᭄ᬯᬭᬚᭂᬚᭂᬄᬓᬧᬸᬘᬶᬗᬶᬦ᭄᭞ᬗᬬᬸᬦᬂᬢᬸᬜ᭄ᬚᬸᬗᬾᬦᬶᬓᬵ᭞ᬦᬵᬗ᭄ᬳᬶᬂᬩᭂᬮᬶᬓᬭᬶᬢᬸᬬᬸᬄ᭞ᬳᬧᬦ᭄ᬢᭀᬗᭀᬲ᭄ᬜᬦᬾᬮᬶᬓᬤ᭄᭞ᬜᬦ᭄ᬤᬶᬂᬩᭂᬤᬶᬮ᭄᭞ᬳᬧᬶ ᬢ᭄ᬓᭂᬭᬶᬲ᭄ᬜᬦ᭄ᬤᬶᬂᬢᬸᬫ᭄ᬩᬓ᭄᭟ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓ᭞ᬩᭀᬬᬢᬶᬢ᭄ᬬᬂᬧᬘᬂᬯᭂᬥᬶ᭞ᬓᬮᬶᬂᬓᬾᬫᬭᬳᬓᬾᬢᭀ᭞ᬦᬤ᭄ᬬᬦ᭄ᬢᬾᬤ᭄ᬯᬂᬧᬸᬦᬶᬓᬸ᭞ᬢᬶᬢ᭄ᬬᬂᬭᬯᬸᬄᬫᬮᬓ᭄ᬱᬡ᭞ᬦᬾᬦᬾᬫᬗ᭄ᬓᬶᬦ᭄᭞ᬩᬶᬦ᭄ᬧᬶᬤᬦ᭄‌‌ᬲᬶᬢᬶᬢ᭄ᬬᬂᬫᬭᬶᬓᬵ᭟ ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬩᬸᬯᬶᬦ᭄ᬢᭂᬮᬸᬦ᭄ᬩᭂᬮᬶᬫᬫᬵᬃᬕ᭄ᬕᬶ᭞ᬳᭀᬤᬮᬦ᭄ᬤᬭᬶᬓᬋᬓᭀ᭞ᬲᬫ᭄ᬩᬶᬮᬂᬫᬩᬮᬶᬄᬕᬫ᭄ᬩᬸᬄ᭞ᬳᭀᬤᬮᬦ᭄ᬤᬶᬚ᭄ᬭᭀᬳᬭ᭄ᬬ᭞ᬕᬫ᭄ᬩᬸᬄᬫᬶᬚᬶᬮ᭄᭞ᬳᭂᬕᭀᬂᬭᬫᬾᬤᬶᬩᬜ᭄ᬘᬶᬗᬄ‌᭟ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓᬵ᭞ᬲ ᬦ᭄ᬤᬶᬓᬦ᭄ᬫᬶᬭᬄᬤ᭄ᬬᬄᬳᬭᬶ᭞ᬧᬶᬋᬗᬂᬳᬸᬮᬶᬤᬶᬚ᭄ᬭᭀ᭞ᬬᬦ᭄ᬕᬫ᭄ᬩᬸᬳᬾᬲᬵᬫ᭄ᬧᬸᬦ᭄ᬧᭂᬲᬸ᭞ᬬᬦ᭄ᬭᬫᬾᬧᬸᬦᬂᬕᬕᬸᬬ᭄ᬯᬦ᭄᭞ᬯᬦ᭄ᬢᬯᬦ᭄ᬢᬶ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬤᬶᬩᬜ᭄ᬘᬶᬗᬄ᭟ᬧᬸᬦᬶᬓᬳᬗ᭄ᬕᬾᬦ᭄ᬢᭂᬗᭂᬭᬦ᭄᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬳᬶᬩᭂᬮᬶ᭞ᬬᬦ᭄ᬤᬾᬭᬾᬂᬭ

Auto-transliteration

[14 14B] 14 nggiḥ, twarabañatahentumon, mangĕnot'hanakebagus, janisubabañanawang, jawatngaliḥ, masamahanpacangpadha. haketojrokal̥ĕl̥ĕngan, tumoningwar̀ṇnahapĕkik, nenemulamu la'eñor̀, sĕlenggĕtĕlsĕlengsuwuk, ngĕnotdanedipabinan, twarawĕdhi, bukaḥdewilāwandewa. rarisdanehasungsĕpaḥ, mĕciksyusungaraspipi, wongjrogagr̥ĕtantumon, kĕde kemanĕkĕpbungut, condongbayandihar̥ĕpan, hulat'himbiḥ, kĕnĕḥñanebukaḥgiwang. bagusturunanhangucap, nikatungtungecingakin, ditoyanemiribbĕngong, hulatemanagiḥkĕ tus, gipiḥmanagiḥbungayang, miribsĕdiḥ, gĕbugpanasñatantoya. rahaden'galuḥmangrasa, sisimbingesanghapĕkik, jnĕngbĕlimandalolo, miribtidonghĕñaḥratu, dināgarapetsadya [15 15A] 15 yang, bĕlipoliḥ, ngayunangtuñjungenikā. lamunbĕlitwaḥlakṣaṇa, twarajĕjĕḥkapucingin, ngayunangtuñjungenikā, nānghingbĕlikarituyuḥ, hapantongosñanelikad, ñandingbĕdil, hapi tkĕrisñandingtumbak. bagusturunanngandika, boyatityangpacangwĕdhi, kalingkemarahaketo, nadyantedwangpuniku, tityangrawuḥmalakṣaṇa, nenemangkin, binpidansitityangmarikā. rahaden'galuḥngandikā, buwintĕlunbĕlimamār̀ggi, hodalandarikar̥ĕko, sambilangmabaliḥgambuḥ, hodalandijroharya, gambuḥmijil, hĕgongramedibañcingaḥ. bagusturunanngandikā, sa ndikanmiraḥdyaḥhari, pir̥ĕnganghulidijro, yan'gambuhesāmpunpĕsu, yanramepunanggaguywan, wantawanti, tityangsāmpundibañcingaḥ. punikahanggentĕngĕran, hinggiḥsandikanhibĕli, yanderengra

Leaf 15

Image on Archive.org

[᭑᭕ 15B] ᭑᭕ ᬫᬾᬕᬕᬸᬬ᭄ᬯᬦ᭄᭞ᬲᬵᬫ᭄ᬧᬸᬦᬂᬳᬶᬫᬶᬭᬄᬧᭂᬲᬸ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭞ᬓᬬᬸᬦ᭄ᬩᭂᬮᬶ᭞ᬫᬵᬃᬕ᭄ᬕᬶᬩᭂᬮᬶᬫᬗ᭄ᬓᬶᬦ᭄ᬩᬸᬤᬮ᭄᭟ᬦᬯᬶᬳᬤᬳᬦᬓ᭄ᬢᭂᬓ᭞ᬤᬾᬦᬶᬂᬬᬲᬵᬫ᭄ᬧᬸᬦ᭄ᬢᭂᬗᬳᬶ᭞ᬲᬦ᭄ᬤᬶᬓᬦ᭄ᬫᬵᬲ᭄ᬫᬶᬭᬄᬳᬶᬗᭀᬂ᭞ᬫᬗᬭᬲ᭄ᬧᬶᬦ᭄ᬤᭀᬧᬶᬂᬢᭂᬮᬸ᭞ ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓᬵ᭞ᬲᬶᬜᬦᬯᬶ᭞ᬳᬶᬤᬾᬯᬫᬗᬧᬸᬲ᭄ᬢᬶᬢ᭄ᬬᬂ᭟ᬗᬸᬤᬩᭂᬮᬶᬓᬢᬄᬧᬜ᭄ᬚᬂ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬜᬶᬭᬶᬓᬶᬦ᭄᭞ᬦᬶᬓᬶᬩᬸᬗ᭄ᬓᬸᬂᬩᭂᬮᬶᬳᬗ᭄ᬕᭀᬦ᭄᭞ᬦᬾᬫᬲᭀᬘᬯᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬘᬶᬭᬶᬦ᭄ᬢᬶᬢ᭄ᬬᬗᬾᬧᬲᬚ᭞ᬗᬦ᭄ᬢᬶᬩᭂ ᬮᬶ᭞ᬲᬵᬫ᭄ᬧᬸᬦ᭄ᬩᭂᬮᬶᬲᬸᬫᬗ᭄ᬰᬬ᭟ᬩᬸᬗᬲᬸᬩᬢ᭄ᬯᬄᬩᬸᬗᬬᬂ᭞ᬫᬲᬶᬄᬩᭂᬮᬶᬳᬸᬮᬢ᭄ᬮᭂᬗᬶᬢ᭄᭞ᬩᬲ᭄ᬮᬶᬬᬸᬦᬦ᭄ᬤᬬᬋᬓᭀ᭞ᬤᬬᬚᭂᬮᬶᬄᬧᬸᬬᬸᬂᬢᬤᬸᬢ᭄᭞ᬓᬸᬤ᭄ᬬᬂᬢᬦᬶᬫᬫᬭᬸᬫ᭄ᬩᬂ᭞ᬦᬾᬳᬩᭂᬲᬶᬓ᭄᭞ᬤᬬᬦᬾᬯ᭄ᬦᬂᬫᬵᬃᬕ᭄ᬬᬂ᭟ᬩᬕᬸᬲ᭄ᬢᬸᬭᬸ ᬦᬦ᭄ᬗᬦ᭄ᬤᬶᬓ᭞ᬢᬶᬢ᭄ᬬᬂᬯᬦ᭄ᬢᬄᬫᬵᬢᬸᬃᬲᬶᬲᬶᬧ᭄᭞ᬳᬫ᭄ᬧᬸᬭᬳᬸᬕᬶᬯᬵᬓ᭄ᬳᬶᬗᭀᬂ᭞ᬭᬤᬾᬦ᭄ᬕᬮᬸᬄᬳᬲᭂᬫᬸᬓᭂᬜᬸᬂ᭞ᬳᬧᬂᬫᬲᬶᬄᬓᬮᬯᬢᬦ᭄᭞ᬲᬂᬳᬧᭂᬓᬶᬓ᭄᭞ᬳᬗᬲᬶᬳᬲᬶᬄᬳᬗᬸᬘᬧ᭄᭟ᬭᬤᬾᬦ᭄ᬕᬮᬸᬄᬮᬶᬦ᭄ᬢᬂᬲᬸᬓ᭞ᬢᬸᬃᬗᭂᬜ᭄ᬚᬸᬯᬂ [᭑᭖ 16A] ᭑᭖ ᬳᬮᬶᬳᬮᬶ᭞ᬦᬶᬓᬶᬩᬸᬗ᭄ᬓᬸᬂᬩᭂᬮᬶᬳᬗ᭄ᬕᭀᬦ᭄᭞ᬫᬓᬘᬶᬭᬶᬦ᭄ᬢᬶᬢ᭄ᬬᬂᬢᬸᬳᬸ᭞ᬗᬦ᭄ᬢᬶᬩᭂᬮᬶᬤᬶᬦᬵᬕᬭ᭞ᬲᬂᬳᬧᭂᬓᬶᬓ᭄᭞ᬭᬭᬶᬲ᭄‌‌ᬦᬵᬗ᭄ᬕᬧᬶᬦ᭄ᬮᭂᬧᬶᬓᬵ᭞ᬫᬲᬲᭀᬘᬦ᭄‌‌ᬯᬶᬦ᭄ᬢᭂᬦ᭄ᬫᬶᬭᬄ᭞ᬧᬢᬶᬓ᭄ᬭᬾᬤᬾᬧ᭄ᬓᬸᬫᬭᬶᬦᬶᬂ᭞ᬭᬳᬤᬾ ᬦ᭄ᬕᬮᬸᬄᬫᬲᭂᬭᭀᬤ᭄᭞ᬗᬦ᭄ᬤᬶᬓᬳᬲᭂᬫᬸᬓᭂᬜᬸᬂ᭞ᬫᬦ᭄ᬢᬸᬓᬾᬩᭂᬮᬶᬕᭂᬮᬶᬲᬂ᭞ᬢᬶᬢ᭄ᬬᬂᬧᬫᬶᬢ᭄᭞ᬏᬮᬶᬗᬂᬳᬸᬕᬶᬲᬬ᭟ᬲᬂᬩᬕᬸᬲ᭄ᬢᬦ᭄ᬫᭂᬤᬮ᭄ᬰᬩ᭄ᬤ᭞ᬲᬃᬯ᭄ᬯᬶᬗᭂᬫ᭄ᬩᭂᬂᬗᭂᬫ᭄ᬩᭂᬂᬢᬗᬶᬲ᭄᭞ᬭᬤᬾᬦ᭄ᬕᬮᬸᬄᬲᬵᬫ᭄ᬧᬸᬦ᭄ᬳᬤᭀᬄ᭞ᬓᬯᭀᬦ᭄ᬓᬤᬶ ᬲᬹᬃᬬ᭄ᬬᬲᬸᬭᬸᬧ᭄᭞ᬲᬵᬫ᭄ᬧᬸᬦ᭄ᬦᭀᬭᬓᬢᬶᬗ᭄ᬳᬵᬮᬦ᭄᭞ᬲᬂᬳᬧᭂᬓᬶᬓ᭄᭞ᬫᬦ᭄ᬢᬸᬓ᭄ᬢᬸᬃᬳᬗᭂᬫ᭄ᬩᬵᬯᬵᬱ᭄ᬧ᭟ᬢᬦ᭄ᬓᭀᬘᬧᬦ᭄ᬤᬶᬚᬮᬦ᭄᭞ᬭᬤᬾᬦ᭄ᬕᬮᬸᬄᬧ᭄ᬭᬵᬧ᭄ᬢᬾᬂᬧᬸᬭᬶ᭞ᬢᬦ᭄ᬮ᭄ᬬᬦ᭄ᬕᬸᬫᬦ᭄ᬢᬸᬗᬶᬦ᭄ᬧᬦᭀᬦ᭄᭞ᬓ᭄ᬮᬧ᭄ᬓᭂᬮᬧ᭄ᬲᬂᬳᬩᬕᬸ ᬲ᭄᭞ᬤᬧᭂᬢᬂᬕᬯᬾᬦᬾᬓᬢᬄ᭞ᬩᭂᬓ᭄ᬤᬶᬧᬸᬭᬶ᭞ᬫᬦᭂᬧᬸᬂᬫᬜ᭄ᬭᬸᬄᬩᬳᬲ᭄‌᭟ᬳᬤᬫᬾᬩᬩᬢ᭄ᬳᬤᬫᬗ᭄ᬕᬂ᭞ᬫᬦᬶᬫ᭄ᬩᬸᬂᬮᬵᬯᬦ᭄ᬫᬗᬸᬮᬶᬂ᭞ᬳᬤᬜᬳᬶᬢ᭄ᬩᬸᬲᬸᬂᬳᭂᬭᭀᬦ᭄᭞ᬭᬤᬾᬦ᭄ᬕᬮᬸᬄᬳᬲᬸᬭᬸ᭞ᬳᭂᬕᭀᬂᬭᬫᬾᬤᬶᬩᬜ᭄ᬘᬶ

Auto-transliteration

[15 15B] 15 megaguywan, sāmpunanghimiraḥpĕsu, hinggiḥtityangmangiringang, kayunbĕli, mār̀ggibĕlimangkinbudal. nawihadahanaktĕka, deningyasāmpuntĕngahi, sandikanmāsmiraḥhingong, mangaraspindopingtĕlu, bagusturunanngandikā, siñanawi, hidewamangapustityang. ngudabĕlikataḥpañjang, tityangmangkinmañirikin, nikibungkungbĕlihanggon, nemasocawintĕnmurub, cirintityangepasaja, ngantibĕ li, sāmpunbĕlisumangśaya. bungasubatwaḥbungayang, masiḥbĕlihulatlĕngit, basliyunandayar̥ĕko, dayajĕliḥpuyungtadut, kudyangtanimamarumbang, nehabĕsik, dayanewnangmār̀gyang. bagusturu nanngandika, tityangwantaḥmātur̀sisip, hampurahugiwāk'hingong, raden'galuḥhasĕmukĕñung, hapangmasiḥkalawatan, sanghapĕkik, hangasihasiḥhangucap. raden'galuḥlintangsuka, tur̀ngĕñjuwang [16 16A] 16 halihali, nikibungkungbĕlihanggon, makacirintityangtuhu, ngantibĕlidināgara, sanghapĕkik, rarisnānggapinlĕpikā, masasocanwintĕnmiraḥ, patikredepkumarining, rahade n'galuḥmasĕrod, ngandikahasĕmukĕñung, mantukebĕligĕlisang, tityangpamit, elinganghugisaya. sangbagustanmĕdalśabda, sar̀wwingĕmbĕngngĕmbĕngtangis, raden'galuḥsāmpunhadoḥ, kawonkadi sūr̀yyasurup, sāmpunnorakatinghālan, sanghapĕkik, mantuktur̀hangĕmbāwāṣpa. tankocapandijalan, raden'galuḥprāptengpuri, tanlyan'gumantunginpanon, klapkĕlapsanghabagu s, dapĕtanggawenekataḥ, bĕkdipuri, manĕpungmañruḥbahas. hadamebabat'hadamanggang, manimbunglāwanmanguling, hadañahitbusunghĕron, raden'galuḥhasuru, hĕgongramedibañci

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org