Gaguritan Pura Dalem Abyantubuh
This page has been accessed 15,581 times.
Revision as of 08:23, 23 June 2020 by Astupurnadhita@gmail.com (talk | contribs) (→Front and Back Covers)
Description
Bahasa Indonesia
English
Front and Back Covers
[Judul : GAG. PURA DALEM ABYANTUBUH
Pnj.40 cm.Lb.3,5 cm.Jl.51 lb.
Asal : Prasi, Karangasem
PERPUSTAKAAN
KTR. DOKBUD BALI
PROP. BALI
G/XVIII/10/DOKBUD]
[ 1A]
[G/XVIII/10
Judul : GAG. PURA DALEM ABYANTUBUH
Pnj.40 cm.Lb.3,5 cm.Jl.51 lb.
Asal : Prasi, Karangasem.]
Auto-transliteration
[Judul : GAG. PURA DALEM ABYANTUBUH
Pnj.40 cm.Lb.3,5 cm.Jl.51 lb.
Asal : Prasi, Karangasem
PERPUSTAKAAN
KTR. DOKBUD BALI
PROP. BALI
G/XVIII/10/DOKBUD]
[ 1A]
[G/XVIII/10
Judul : GAG. PURA DALEM ABYANTUBUH
Pnj.40 cm.Lb.3,5 cm.Jl.51 lb.
Asal : Prasi, Karangasem.]Leaf 1
[᭑ 1B]
᭑
᭛᭜᭛ᬓ᭄ᬱᬡ᭄ᬝᬵᬯᬶᬧ᭄ᬭᬯᬾᬱ᭄ᬡᬯᬵ᭞ᬘᬸᬫᬗ᭄ᬓᬄᬫᬓᬵᬫ᭄ᬩᭂᬓᬵᬯᬶ᭞ᬲᬶᬦ᭄ᬭᬓ᭄ᬲᬶᬦᬸᬭᬸᬂᬤᬾᬦᬶᬲᬂᬗᬃᬬ᭄ᬬᬵᬃᬚ᭄ᬚᬫ᭄ᬮᬦᬳᬶᬂᬧᬸᬭᬶ᭞ᬕ᭄ᬥᬸᬃᬓᬸᬮ᭄ᬯᬦᬶᬂᬧᬩ᭄ᬭᬶᬓ᭄᭞ᬫᬸᬗ᭄ᬕ᭄ᬯᬶᬂᬤᬾᬰᬧ᭄ᬭᬩᬦᬶᬂᬓᬹᬂ᭞ᬓ᭄ᬥᬵᬳᬓᭀᬦᬵᬗ᭄ᬕᬶᬝᬵ᭞ᬅᬗ᭄ᬕᬸᬧᬶᬢ᭄ᬫᬓᬵ
ᬧᬳᬾᬮᬶᬂ᭞ᬋᬜ᭄ᬘᬦᬶᬂᬤᬍᬫ᭄ᬲᬯᬵᬱ᭄ᬝᬵᬧ᭄ᬭᬦᬯᬵ᭟ᬲᬭᬡᬲᬶᬦᭀᬫ᭄ᬲᬶᬦ᭄ᬓᬃ᭞ᬳᬾᬂᬲ᭄ᬫᬵᬰᬡᬧᬶᬦᬹᬦ᭄ᬤᬶ᭞ᬳᬶᬂᬰ᭄ᬯᬱ᭄ᬝᬧ᭄ᬭᬦᬯᬵᬧᬸᬭ᭞ᬤᬍᬫ᭄ᬡᬸᬗ᭄ᬓᬸᬩ᭄ᬧ᭄ᬭᬚ᭄ᬚᬧᬢᬶ᭞ᬓ᭄ᬮᬧᭀᬥ᭄ᬬᬡᬰᬶᬦᬶᬯᬶ᭞ᬤᬾᬧᬭᬤᬾᬰᬫᬜᬸᬗ᭄ᬲᬸᬂ
᭞ᬲᬓᬾᬲᬶᬦᬸᬭᬸᬂᬘᬶᬢ᭄ᬣ᭞ᬧᬫ᭄ᬭᬶᬳᬶᬂᬗᬢᬶᬦᬶᬃᬲᬶᬭᬶᬂ᭞ᬢ᭄ᬯᬶᬲᬋᬫ᭄ᬩᬕ᭄ᬩ᭄ᬭᬸᬓ᭄ᬲᬫ᭄ᬧ᭄ᬭᬵᬬᬹᬓ᭄ᬢᬗᬃᬱ᭟ᬢᬦ᭄ᬧᬳᬶᬭᬶᬳᬶᬭᬶᬬᬡ᭞ᬮᬵᬲ᭄ᬢᬭᬶᬦᭀᬭᬮᬶᬦᬵᬮᬶᬦ᭄᭞ᬲᬮᬶᬮᬾᬗᬶᬥᭂᬧ᭄ᬦᬶᬃᬫ᭄ᬫᬮ᭞ᬗᬢᬹᬃᬓᬢ᭄ᬬᬕᬦᬶᬂᬪᬸᬤ᭄ᬥᬶ᭞ᬪᬸᬓ᭄ᬢ
ᬲᬸᬪᬓ᭄ᬢ᭄ᬬᬾᬂᬯᬶᬥᬶ᭞ᬢᬦᬵᬧᬶᬮ᭄ᬬᬵᬲᬶᬄᬳᬫᬗᬹᬦ᭄᭞ᬢᬢᬶᬰ᭄ᬭᬤᬾᬂᬅᬕᬫ᭞ᬫᭀᬖᬲᬸᬮᬓ᭄ᬱᬡᬮᬭᬶᬲ᭄᭞ᬅᬗᬤ᭄ᬕᭃᬧᬦᬶᬣ᭄ᬬᬵᬭᬋᬫ᭄ᬲᬋᬫ᭄ᬩᬕ᭄᭟ᬗᬚᭂᬂᬭᬢᬹᬅ᭄ᬪᬕᬸᬲ᭄ᬓᬭᬂ᭞ᬫᬓᬵᬫᬗ᭄ᬕᬮᬵᬧᬦᬶ
[᭒ 2A]
ᬣᬶ᭞ᬲᬂᬯᬶᬪᬸᬄᬯᬶᬃᬬ᭄ᬬᬗᬸᬓᬹᬢᬂ᭞ᬯᬮᬸᬬᬵᬢᬳᬸᬮᬦ᭄ᬕᬶᬳᬶᬃ᭞ᬅᬦ᭄ᬢᬭᬓᬵᬭᬶᬧᬦᬸᬮᬶᬲ᭄᭞ᬲᬾᬩᭂᬢ᭄ᬕᬜ᭄ᬘᬂᬗᬢᬸᬃᬮᬸᬗ᭄ᬕᬸᬄ᭞ᬧᬵᬰ᭄ᬘᬢ᭄ᬳᬗᬹᬦᬵᬥᬶᬓ᭞ᬲᬶᬮᬘᬭᬢᬢᬵᬓ᭄ᬭᬫᬶ᭞ᬲᬾᬓ᭄ᬭᬢ᭄ᬯᬭᬶᬲ᭄ᬲᬗᬶᬚ᭄ᬬᬾᬱ᭄ᬝᬯᬶᬃᬬ᭄ᬬᬵᬲᭂᬫ᭄ᬧ᭄ᬬᬃ᭟
ᬅᬗ᭄ᬕᬮᬃᬳᬗᬹᬧᬵᬥᬾᬰ᭞ᬲ᭄ᬮᬃᬮᬫ᭄ᬧ᭄ᬬᬲ᭄ᬗᬢᬶᬄᬗ᭄ᬕᬶᬮᬶᬲ᭄᭞ᬧᬭᬶᬜ᭄ᬘ᭄ᬬᬦ᭄ᬲᬓᬾᬂᬧᬹᬃᬯ᭄ᬯᬓᬵ᭞ᬫᬥ᭄ᬬᬯᬸᬰᬦᬵᬳᬸᬲ᭄ᬢᬫ᭄ᬧᬶᬲ᭄᭞ᬓᬾᬢᬂᬧᬦ᭄ᬮᬲᬵᬫᬶ᭞ᬦᬾᬯ᭄ᬯᬶᬢ᭄ᬲᬓᬾᬂᬧᬫ᭄ᬭᬶᬄᬦᬶᬂᬳ᭄ᬬᬸᬦ᭄᭞ᬲᬯᭀᬲᬓᬶᬂᬧᬫ᭄ᬭᬾᬦ᭄ᬢᬄ᭞ᬧᬹᬡ᭄ᬬᬯᬵ
ᬦ᭄ᬫᬤᬲᬃᬲᬸᬘᬶ᭞ᬯ᭄ᬓᬲ᭄ᬳᬦ᭄ᬢᬸᬓ᭄ᬗᬬᬸᬩᬕ᭄ᬬᬲᬋᬂᬲᬫ᭄ᬬᬦ᭄᭞ᬜᬸᬓ᭄ᬱ᭄ᬫᬵᬭᬶᬂᬳᬢᬶᬧ᭄ᬝᬓ᭄᭞ᬫᭀᬕᬶᬳ᭄ᬬᬂᬯᬶᬥᬶᬜᬢᬫ᭄ᬧᬹᬮᬶᬄ᭞ᬗᬜ᭄ᬚᬭᬶᬫᬦᬹᬢ᭄ᬲᬸᬓᬃᬫ᭄ᬫ᭞ᬲ᭄ᬬᬧᬵᬓᬭᬶᬢᬦ᭄ᬢᭂᬫᬹᬂᬮ᭄ᬯᬶᬄ᭞ᬬᬦ᭄ᬫᬗᬃᬥ᭄ᬤᬶᬩ᭄ᬘᬶᬓ᭄᭞ᬦ᭄ᬬᬢᬵᬢᬦ᭄ᬳᬬᬸᬓ᭠
ᬢ᭄ᬫᬸ᭞ᬬᬦᬶᬂᬲᬤᬦᬅᬮᬵ᭞ᬓᬾᬦ᭄ᬢᭂᬩ᭄ᬧᬶᬦᭂᬄᬲᬂᬓᬶᬭᬶᬢᬶ᭞ᬫᬸᬗ᭄ᬕ᭄ᬯᬶᬂᬓᬯᬶᬧᬯᬗᬸᬦ᭄ᬳᬶᬤᬵᬫ᭄ᬧᬸᬓᬦ᭄ᬯᬵ᭟ᬗᬸᬘᬧᬂᬬᬦ᭄ᬯᬾᬦ᭄ᬢᭂᬦ᭄ᬚᬦ᭄ᬫ᭞ᬓᬶᬭᬂᬧ᭄ᬭᬘᬬᬭᬶᬂᬯᬷᬥᬷ᭞ᬢᬦ᭄ᬳᬶᬥᭂᬧ᭄ᬢᬸᬢᬹᬃᬅᬕᬫ᭞ᬩᭀᬦᬶᬦ᭄ᬲᬸᬩ᭄ᬭᬢ᭄ᬢᬓᬶᬃᬢ᭄ᬣᬶ
Auto-transliteration
[1 1B]
1
/// • /// kṣaṇṭāwipraweṣṇawā, cumangkaḥmakāmbĕkāwi, sinraksinurungdenisangngar̀yyār̀jjamlanahingpuri, gdhur̀kulwaningpabrik, munggwingdeśaprabaningkūng, kdhāhakonānggiṭā, anggupitmakā
paheling, r̥ĕñcaningdal̥ĕmsawāṣṭāpranawā. saraṇasinomsinkar̀, hengsmāśaṇapinūndi, hingśwaṣṭapranawāpura, dal̥ĕmṇungkubprajjapati, klapodhyaṇaśiniwi, deparadeśamañungsung
, sakesinurungcittha, pamrihingngatinir̀siring, twisar̥ĕmbagbruksamprāyūktangar̀ṣa. tanpahirihiriyaṇa, lāstarinoralinālin, salilengidhĕpnir̀mmala, ngatūr̀katyaganingbhuddhi, bhukta
subhaktyengwidhi, tanāpilyāsiḥhamangūn, tatiśradengagama, moghasulakṣaṇalaris, angadgöpanithyārar̥ĕmsar̥ĕmbag. ngajĕngratūk'bhaguskarang, makāmanggalāpani
[2 2A]
thi, sangwibhuḥwir̀yyangukūtang, waluyātahulan'gihir̀, antarakāripanulis, sebĕtgañcangngatur̀lungguḥ, pāścat'hangūnādhika, silacaratatākrami, sekratwarissangijyeṣṭawir̀yyāsĕmpyar̀.
anggalar̀hangūpādheśa, slar̀lampyasngatiḥnggilis, pariñcyansakengpūr̀wwakā, madhyawuśanāhustampis, ketangpanlasāmi, newwitsakengpamriḥninghyun, sawosakingpamrentaḥ, pūṇyawā
nmadasar̀suci, wkashantukngayubagyasar̥ĕngsamyan, ñukṣmāringhatipṭak, mogihyangwidhiñatampūliḥ, ngañjarimanūtsukar̀mma, syapākaritantĕmūnglwiḥ, yanmangar̀dhdibcik, nyatātanhayuka‐
tmu, yaningsadana'alā, kentĕbpinĕḥsangkiriti, munggwingkawipawangunhidāmpukanwā. ngucapangyanwentĕnjanma, kirangpracayaringwīdhī, tanhidhĕptutūr̀agama, boninsubrattakir̀tthiLeaf 2
[᭒ 2B]
᭒
᭞ᬓᬮᬶᬂᬓᬾᬤᬦᬋᬡ᭄ᬬᬵᬥᬶ᭞ᬦᬾᬓᬯᬶᬮᬄᬬᬵᬚ᭄ᬜᬵᬳᬬᬸ᭞ᬳᬲᬶᬄᬦᬸᬮᬸᬂᬓᬢᬸᬦᬦ᭄᭞ᬭᬶᬲᬂᬤᬭᬶᬤ᭄ᬭᬓᬲ᭄ᬬᬲᬶᬄ᭞ᬦᬫᬹᬂᬮᭀᬪᬫᬾᬢ᭄ᬨᬮᬜᬸᬓᬦᬶᬦ᭄ᬳᬯᬓ᭄᭟ᬢᬦᬶᬥᭂᬧ᭄ᬥᬸᬄᬓᬦᬶᬂᬮ᭄ᬬᬦ᭄᭞ᬫᬹᬂᬦᬵ᭠
ᬫ᭄ᬢᬫ᭄ᬲᬸᬓᬦᬶᬂᬤᬾᬳᬶ᭞ᬧᬸᬦᬶᬓᬲᬶᬦᬄᬓᬢᬶᬩᬦ᭄᭞ᬯᬶᬦᬮᬶᬓ᭄ᬲᬥ᭄ᬬᬦᬶᬂᬧᬫ᭄ᬭᬶᬄ᭞ᬮ᭄ᬯᬶᬄᬓᬮᬭᬦ᭄ᬓᬶᬗ᭄ᬓᬶᬂ᭞ᬦᬶᬢ᭄ᬬᬵᬢᬦᭀᬮᬶᬄᬭᬳᬬᬸ᭞ᬭᬶᬦᬓᭂᬢ᭄ᬮᭀᬩᬗ᭄ᬓᬭᬵ᭞ᬗ᭄ᬕᬯᬾᬦᬶᬦ᭄ᬮᭀᬪᬗᬶᬂᬤᬶᬭᬶ᭞ᬢ᭄ᬯᬶᬢᬦ᭄ᬮᬶᬬ᭠
ᬦ᭄ᬫᬸᬂᬤᬾᬳᬶᬢᬸᬳᬸᬦ᭄ᬫᬗᬶᬱ᭄ᬬ᭟ᬓᬾᬦ᭄ᬢᭂᬦ᭄ᬲᬹᬓ᭄ᬱ᭄ᬫᬦᬶᬂᬯᬭᬄ᭞ᬲᬗ᭄ᬓᬦ᭄ᬫᬗ᭄ᬤᬫᬾᬗᭂᬢ᭄ᬫᬾᬮᬶᬂ᭞ᬬᬦ᭄ᬓᬭᬶᬢᬼᬩ᭄ᬫᬵᬕᬫ᭞ᬇᬡ᭄ᬥᬸᬯᬮᬶᬥᬃᬫ᭄ᬫᬮ᭄ᬯᬶᬄ᭞ᬤᬲᬃᬧᬜ᭄ᬘᬰ᭄ᬭᬤ᭄ᬥᬦᬶ᭞ᬧ᭄ᬭᬘᬬᬵᬭᬶᬂᬯᬶᬥᬶᬳᬕᬸᬂ᭞ᬓᬮᬶᬄᬭᬶᬂᬲᬂᬳ᭄ᬬᬂᬳᬢ᭄ᬫᬵ᭞
ᬢᬶᬕᬵᬧᬸᬦᬃᬪᬯᬵᬦᬶᬢᬶᬲ᭄᭞ᬓᬧᬶᬂᬳᭂᬫ᭄ᬧᬢ᭄ᬧ᭄ᬭᬘᬬᬭᬶᬂᬧᬮᬓᬃᬫ᭄ᬫ᭟ᬧᬸᬧᬸᬢ᭄ᬓᬮᬶᬫᬵᬫᭀᬓ᭄ᬱᬢ᭄ᬫᬵ᭞ᬳᬗ᭄ᬕᬾᬦ᭄ᬮᬓ᭄ᬱᬡᬫᬢᬶᬢᬶᬲ᭄᭞ᬫᭀᬢ᭄ᬲᬃᬢᭂᬫ᭄ᬳᬶᬂᬚᬕᬢ᭄ᬤᬶᬣ᭞ᬇᬢ᭄ᬬᬾᬓᬥᬃᬫ᭄ᬫᬦᬶᬂᬳᬢᬶ᭞ᬤ
[᭓ 3A]
ᬲᬃᬢ᭄ᬭᬶᬓᬬᬲᬸᬤ᭄ᬥᬶ᭞ᬓᬬᬶᬓᬯᬘᬶᬓᬵᬗᬬᬸ᭞ᬓᬮᬯᬦ᭄ᬫᬦᬵᬘᬶᬓ᭞ᬓᬢ᭄ᬭᬶᬡᬶᬲᬶᬦᬸᬥᬵᬦᬶᬢᬶ᭞ᬲ᭄ᬬᬂᬤᬮᬸᬚᬕ᭄ᬭᬳᬶᬦ᭄ᬲᬫ᭄ᬋᬦ᭄ᬧ᭄ᬭᬫᬤᬵ᭟ᬓᬬᬶᬓᬵᬩᬬᬸᬮᬓ᭄ᬲᬡ᭞ᬧ᭄ᬓᭂᬢ᭄ᬲᬶᬮᬬᬂᬳᬮᬶᬗ᭄ᬕᬶᬄ᭞ᬳᬾᬮᬶᬂᬲᬫ᭄ᬧᬸᬦ᭄ᬧ
ᬯᬓ᭄ᬢ᭄ᬭᬚᬓ᭄᭞ᬫᬗ᭄ᬤᬲᬸᬮᬓ᭄ᬱᬩᬦᬶᬢᬶ᭞ᬯᬘᬶᬓᬵᬗᬭᬦ᭄ᬫᬸᬜᬶ᭞ᬧ᭄ᬓᭂᬓ᭄ᬫᭀᬦᬵᬩ᭄ᬭᬢ᭄ᬢᬳᬸᬭᬹᬓ᭄᭞ᬲᬸᬘᬭᬲᬫ᭄ᬧᬸᬦ᭄ᬲᬸᬕᬮ᭄᭞ᬅᬓᬲ᭄ᬓ᭄ᬭᭀᬥᬦᬾᬲᬶᬗ᭄ᬓᬶᬭᬶ᭞ᬬᬦ᭄ᬳᬶᬗ᭄ᬲᬵᬓᬵᬳᬗᬼᬩᬸᬃᬧᬸᬦᬂᬓᬥᬃᬫ᭄ᬫᬦ᭄᭟ᬫ᭠
ᬦᬵᬘᬶᬓᬵᬗᬭᬦ᭄ᬫᬦᬄ᭞ᬇᬥᭂᬧ᭄ᬦᬶᬃᬫ᭄ᬫᬮᬧᬗ᭄ᬕᬶᬮᬶᬲ᭄᭞ᬲᬸᬰ᭄ᬭᬸᬱᬭᬶᬂᬯᬶᬥᬶᬦᬸᬗ᭄ᬕᬮ᭄᭞ᬢᬦ᭄ᬧᬗ᭄ᬭᬫ᭄ᬪᬵ᭠ᬧᬮᬵᬗᬢᬶ᭞ᬮᭀᬪᬂᬓᬭᬦᬾᬧᬶᬓ᭄ᬧᬶᬓ᭄᭞ᬓᬤᬶᬳᬶᬮᬹᬩ᭄ᬤᬓᬵᬮᬸᬗ᭄ᬕᬸᬄ᭞ᬳᬫᭀᬦᬵᬜᬶᬯᬵᬮᬳ᭄ᬭ᭄ᬬᬵ᭞ᬦᬶᬢ᭄ᬬᬵ
ᬗ᭄ᬭᬶᬓ᭄ᬫᬮᬵᬦᬶᬗᬢᬶ᭞ᬦᬶᬓᬯᬦ᭄ᬢᬄᬫᬗᬭᬦ᭄ᬢ᭄ᬭᬶᬓᬬᬲᬹᬤ᭄ᬥᬵ᭟ᬳᬓᬾᬦ᭄ᬢᭂᬦ᭄ᬥᬸᬫᬸᬦ᭄ᬧᬸᬧᬸᬢᬂ᭞ᬓᬧᬸ᭠ᬗ᭄ᬓᬸᬃᬫᬮᬶᬄᬯᬮᬶᬦᬶᬦ᭄᭞ᬯᬮᬶᬦᬶᬦ᭄ᬲᬢ᭄ᬯᬦᬾᬓᭀᬘᬧ᭄᭞ᬳᬶᬦ᭄ᬤᬶᬓ᭄ᬧᬦᬶᬣ᭄ᬬᬦᬾᬗᬯ᭄ᬯᬶᬢ᭄᭞ᬩ᭄ᬯᬢ᭄ᬩᭂᬃᬤᬶᬭᬶ᭠
Auto-transliteration
[2 2B]
2
, kalingkedanar̥ĕṇyādhi, nekawilaḥyājñāhayu, hasiḥnulungkatunan, risangdaridrakasyasiḥ, namūnglobhametphalañukaninhawak. tanidhĕpdhuḥkaninglyan, mūngnā‐
mtamsukaningdehi, punikasinaḥkatiban, winaliksadhyaningpamriḥ, lwiḥkalarankingking, nityātanoliḥrahayu, rinakĕtlobangkarā, nggaweninlobhangingdiri, twitanliya‐
nmungdehituhunmangiṣya. kentĕnsūkṣmaningwaraḥ, sangkanmangdamengĕtmeling, yankaritl̥ĕbmāgama, iṇdhuwalidhar̀mmalwiḥ, dasar̀pañcaśraddhani, pracayāringwidhihagung, kaliḥringsanghyanghatmā,
tigāpunar̀bhawānitis, kapinghĕmpatpracayaringpalakar̀mma. puputkalimāmokṣatmā, hanggenlakṣaṇamatitis, motsar̀tĕmhingjagatditha, ityekadhar̀mmaninghati, da
[3 3A]
sar̀trikayasuddhi, kayikawacikāngayu, kalawanmanācika, katriṇisinudhāniti, syangdalujagrahinsamr̥ĕnpramadā. kayikābayulaksaṇa, pkĕtsilayanghalinggiḥ, helingsampunpa
waktrajak, mangdasulakṣabaniti, wacikāngaranmuñi, pkĕkmonābrattahurūk, sucarasampunsugal, akaskrodhanesingkiri, yanhingsākāhangl̥ĕbur̀punangkadhar̀mman. ma‐
nācikāngaranmanaḥ, idhĕpnir̀mmalapanggilis, suśruṣaringwidhinunggal, tanpangrambhā‐palāngati, lobhangkaranepikpik, kadihilūbdakālungguḥ, hamonāñiwālahryā, nityā
ngrikmalāningati, nikawantaḥmangarantrikayasūddhā. hakentĕndhumunpuputang, kapu‐ngkur̀maliḥwalinin, walininsatwanekocap, hindikpanithyanengawwit, bwatbĕr̀diri‐Leaf 3
[᭓ 3B]
᭓
ᬓᬭᬶ᭞ᬧᬸᬧᬹᬲᬓ᭄ᬲᬶᬤᬦ᭄ᬫ᭄ᬢᬸ᭞ᬩᬳᬦ᭄ᬩᬳᬦ᭄ᬤᬶᬦ᭄ᬳᬃᬢ᭄ᬣᬶ᭞ᬧᬯᬶᬚᬶᬮ᭄ᬲᬳᬵᬗᬃᬬ᭄ᬬᬦᬶᬦ᭄᭞ᬳᬶᬲ᭄ᬢ᭄ᬭᬶᬚᬮᬸ᭠ᬳᬕᬸᬂᬳᬮᬶᬢ᭄ᬯᭂᬤ᭄ᬥᬵᬳᬦ᭄ᬯᬫ᭄᭟ᬫᬦᬹᬢ᭄ᬰ᭄ᬯᬵᬤᬬᬦᬶᬂᬳᬯᬓ᭄᭞ᬫᬤᬲᬃᬰ᭄ᬯᬘᬶᬢ᭄ᬣᬕ᭄ᬦᬶᬂ᭞ᬪᬓ᭄ᬢᬶᬲᬸᬰ᭄ᬭᬸᬰᬾᬂᬪᬝ᭠
ᬭ᭞ᬲ᭄ᬦᬦᬶᬂᬯᬶᬥᬶᬦᬶᬃᬲᬶᬭᬶᬂ᭞ᬓᬹᬘᬧ᭄ᬲᬓᬾᬂᬧᬗᬯ᭄ᬯᬶᬢ᭄᭞ᬓ᭄ᬭᬤᭀᬦᬶᬦ᭄ᬤᬾᬭᬲᬂᬯᬶᬓᬹ᭞ᬭ᭄ᬯᬵᬰᬶᬯᬵ᭠ᬰᭀᬕᬝ᭞ᬲᬂᬯᬮᬚᬮᬚᬵᬫᬸᬦᬶ᭞ᬰᬶᬯᬵᬧᬓ᭄ᬱᬵᬯᬶᬧ᭄ᬭᬢᬹᬮᬓ᭄ᬓᬶᬓᬾᬰᬯᬵ᭟ᬳᬫᬸᬮᬂᬤᬲᬃᬧ᭄ᬭᬢᬫ᭟
ᬫᬸᬗ᭄ᬕ᭄ᬯᬶᬂᬧᬸᬭᬧ᭄ᬭᬚ᭄ᬚᬧᬢᬶ᭞ᬧᬤ᭄ᬫᬬᭀᬡᬶᬘᬢᬹᬃᬫᬸᬓᬵ᭞ᬓᬮᬶᬄᬧᬸᬭᬤᬍᬫᬵᬮᬶᬄ᭞ᬘᬸᬗ᭄ᬓᬸᬩ᭄᭠ᬓ᭄ᬮᬧᭀᬯᬸᬥ᭄ᬬᬡᬶ᭞ᬧᬭᬓ᭄ᬭᬫᬤᬾᬰᬜᬸᬗ᭄ᬲᬸᬂ᭞ᬯᭂᬗ᭄ᬓ᭄ᬯᬦᬶᬂᬘᬓ᭄ᬭᬤᬓ᭄ᬲᬶᬡ᭞ᬧᬭᬓ᭄ᬮᬶᬬᬂᬳᬗᬫᭀᬗᬶᬦ᭄᭟
ᬓᬸᬩᭀᬦ᭄ᬳᬸᬩᬸᬄᬓᬭᬂᬓ᭄ᬭᬦᬶᬂᬅᬗ᭄ᬕᬦ᭄ᬢᬶᬕᬵ᭟ᬓᬭᬂᬓᬸᬩᬸᬧ᭄ᬭᬡᬭᬕᬵ᭞ᬓᬭᬂᬩᬩᬓᬦ᭄ᬢᬦ᭄ᬓᬭᬶ᭞ᬫᬶᬯᬳᬶᬂᬓᬭᬂᬓᬚᬦᬦ᭄᭞ᬫ᭄ᬯᬄᬦᬾᬲᬯᭀᬲ᭄ᬫᬮᬶᬄ᭞ᬦᬾᬫᬯ᭄ᬯᬶᬢ᭄ᬲᬓᬾᬂᬪᬓ᭄ᬢᬶ᭞ᬲᬮᬶᬮᬾᬗᬢᬶ
[᭔ 4A]
ᬫᬜᬸᬗ᭄ᬲᬸᬂ᭞ᬫᬢᬸᬭᬦ᭄ᬭᬶᬂᬪᬝᬭᬵᬢᬹᬃᬢᬫ᭄ᬬᬸᬳᬓᬾᬄᬦᬫ᭄ᬩᭂᬢᬶᬦ᭄᭞ᬮ᭄ᬯᬶᬃᬤᬾᬰᬯᬯᭂᬗ᭄ᬓᭀᬦ᭄ᬓᭀᬝᬫᬢᬭᬫ᭄᭟ᬧᬗᬚᭂᬂᬗᬚᭂᬂᬫᬵᬲ᭄ᬭᬵᬓᬢ᭄᭞ᬧᬳ᭄ᬫᬘᬢ᭄ᬘᬓ᭄ᬭᬦ᭄ᬕᬭᬶ᭞ᬧᬫᬶᬫ᭄ᬧᬶᬦᬶᬂᬫᬵᬲᬭᬓᬢ᭄᭞ᬧᬅᬬᬦ᭄ᬫ᭠
ᬗ᭄ᬓᬸᬧᬶᬦᬸᬚᬶ᭞ᬫᬶᬯᬄᬕᬸᬭᬸᬧᬗᬚᬶ᭞ᬕ᭄ᬥᬾᬧᬜ᭄ᬚᬶᬓᬂᬚᬸᬚᬸᬮᬸᬓ᭄᭞ᬫᬮᬶᬄᬳᬓᬾᬄᬲᬯᭀᬲᬦ᭄᭞᭠ᬧ᭄ᬭᬕᬶᬯᬓᬵᬫᭀᬂᬧ᭄ᬭᬚ᭄ᬚᬦᬶ᭞ᬦᬾᬦᭂᬫᬗ᭄ᬓᬶᬦ᭄ᬫᬸᬯ᭄ᬯᬦᬶᬲᬂᬤ᭄ᬯᬾᬓᬭᬡ᭟ᬅᬦ᭄ᬢᬭᬵᬓᬦ᭄ᬢᬸᬦ᭄ᬫᬶᬤᬃᬢ᭄ᬣ᭞ᬗ᭄ᬘᬧ᭄ᬪ᭠
ᬬᬸᬩᬕ᭄ᬬᬾᬗᬢᬶ᭞ᬳᬦᬗ᭄ᬕᬧ᭄ᬳᬲᬶᬳᬶᬂᬘᬶᬢ᭄ᬣ᭞ᬓᬩᬾᬄᬢᬫ᭄ᬬᬸᬓᬓᬹᬂᬳᬶᬲ᭄ᬢ᭄ᬭᬶ᭞ᬓᬂᬲᬸᬤᬶᬫᬗ᭄ᬭᬬᭀᬦᬶᬦ᭄᭞ᬜ᭄ᬮᬬᬂᬧᬓᬃᬬ᭄ᬬᬭᬯᬸᬄ᭞ᬫᬓᬵᬭᬫ᭄ᬬᬦᬶᬂᬓᬃᬬ᭄ᬬ᭞ᬳᬸᬧᬘᬭᬦᬾᬧᬸᬦᬶᬓᬶ᭞ᬯ᭄ᬓᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬜᬸᬓ᭄ᬱ᭄ᬫ᭠
ᬭᬶᬂᬫᬦᬄ᭟ᬧᬸᬧᬸᬢ᭄ᬧᬸᬦᬶᬓᬢᬶᬦᬶᬫ᭄ᬩᬮ᭄᭞ᬲᬶᬦᬫ᭄ᬩᬸᬢ᭄ᬥᬾᬦᬶᬂᬧᬳ᭄ᬤᬶᬲ᭄ᬢ᭄ᬭᬶᬓ᭄᭞ᬓ᭄ᬧᬵᬮᬘᬓ᭄ᬭᬦ᭄ᬕᬭᬵ᭞ᬇᬘᬧ᭄ᬤᬕᬶᬂᬗᬬᬸᬯ᭄ᬭᬤ᭄ᬥᬶ᭞ᬯ᭄ᬓᬲ᭄ᬩᬕ᭄ᬬᬫᬵᬯᭀᬮᬶᬄ᭞ᬫᬲᬭᬓᬢ᭄ᬘᬓ᭄ᬭᬓᬶᬤᬹᬮ᭄᭞ᬩ᭄ᬭ᭄ᬬᬸᬓ᭄ᬲᬧᬸᬮᬸᬂᬫᬹᬓ᭞ᬮ᭠
Auto-transliteration
[3 3B]
3
kari, pupūsaksidanmtu, bahanbahandinhar̀tthi, pawijilsahāngar̀yyanin, histrijalu‐hagunghalitwĕddhāhanwam. manūtśwādayaninghawak, madasar̀śwacitthagning, bhaktisuśruśengbhaṭa‐
ra, snaningwidhinir̀siring, kūcapsakengpangawwit, kradoninderasangwikū, rwāśiwā‐śogaṭa, sangwalajalajāmuni, śiwāpaksyāwipratūlakkikeśawā. hamulangdasar̀pratama.
munggwingpuraprajjapati, padmayoṇicatūr̀mukā, kaliḥpuradal̥ĕmāliḥ, cungkub‐klapowudhyaṇi, parakramadeśañungsung, wĕngkwaningcakradaksiṇa, parakliyanghangamongin.
kubonhubuḥkarangkraninganggantigā. karangkubupraṇaragā, karangbabakantankari, miwahingkarangkajanan, mwaḥnesawosmaliḥ, nemawwitsakengbhakti, salilengati
[4 4A]
mañungsung, maturanringbhaṭarātūr̀tamyuhakeḥnambĕtin, lwir̀deśawawĕngkonkoṭamataram. pangajĕngngajĕngmāsrākat, pahmacatcakran'gari, pamimpiningmāsarakat, pa'ayanma‐
ngkupinuji, miwaḥgurupangaji, gdhepañjikangjujuluk, maliḥhakeḥsawosan, ‐pragiwakāmongprajjani, nenĕmangkinmuwwanisangdwekaraṇa. antarākantunmidar̀ttha, ngcapbha‐
yubagyengati, hananggap'hasihingcittha, kabeḥtamyukakūnghistri, kangsudimangrayonin, ñlayangpakar̀yyarawuḥ, makāramyaningkar̀yya, hupacaranepuniki, wkashantuktityangñukṣma‐
ringmanaḥ. puputpunikatinimbal, sinambutdheningpahdistrik, kpālacakran'garā, icapdagingngayuwraddhi, wkasbagyamāwoliḥ, masarakatcakrakidūl, bryuksapulungmūka, la‐Leaf 4
[᭔ 4B]
᭔᭞
ᬲ᭄ᬢᬭᬶᬩᭂᬃᬤᬶᬭᬶᬓᬭᬶ᭞ᬢᬸᬮᬸᬲ᭄ᬳᬬᬸᬫᬗᬸᬦ᭄ᬧᬸᬭᬫᬩᬸᬯᬢ᭄᭟ᬪᬸᬓ᭄ᬢᬶᬢᬼᬩ᭄ᬭᬶᬂᬅᬕᬫ᭞ᬪᬓ᭄ᬢᬶᬭᬶᬂᬳ᭄ᬬᬂᬯᬶᬥᬶᬦᬸᬗ᭄ᬕᬶᬮ᭄᭞ᬤᬸᬫᬤᬓ᭄ᬢ᭄ᬯᬓᬲᭀᬯᬾᬘᬦ᭄᭞ᬳᬦ᭄ᬫᬸᬓᬂᬲᬥ᭄ᬬᬾᬂᬳᬢᬶ᭞ᬧᬸᬧᬸᬢ᭄ᬧᬸᬦᬶᬓᬭᬭᬶᬲ᭄᭞ᬢᬶᬦᬶᬫ᭄ᬩᬮ᭄ᬫ
ᬮᬶᬄᬲᬶᬦᬫ᭄ᬩᬸᬢ᭄᭞ᬤᬾᬗᬭᬦ᭄ᬚ᭄ᬬᬾᬱ᭄ᬝᬲᬧ᭄ᬯᬵ᭞ᬫᬦᬸᬢ᭄ᬢᬂᬓᬲ᭄ᬭᬶᬂᬧᬯᬶᬚᬶᬮ᭄᭞ᬫᬯᬶᬢ᭄ᬜᬫ᭄ᬧᬸᬄᬲ᭄ᬮᬃᬫᬗ᭄ᬮᬕᭂᬲᬶᬦ᭄ᬓᬃᬡ᭄ᬦ᭟ᬤᬕᬶᬂᬢᬍᬃᬗᬬᬸᬩᬕ᭄ᬬ᭞ᬭᬶᬂᬲᬂᬫᬢᬸᬚᬸᬯᬦ᭄ᬲᬸᬘᬶ᭞ᬗᬭᬄᬢᬼᬩ᭄ᬭᬶᬂᬅᬕᬫ᭞ᬮᬫᬓ᭄ᬳᬢ᭄ᬯᬗᬾᬭᬶᬂᬯᬶ
ᬥᬷ᭞ᬓᬦ᭄ᬢᭂᬦ᭄ᬫᬗ᭄ᬓᬶᬦ᭄ᬫᬪᬸᬓ᭄ᬢᬶ᭞ᬲᬭᬋᬫ᭄ᬩ᭄ᬭᬶᬬᬹᬓ᭄ᬲᬧᬗ᭄ᬕᬸᬮ᭄᭞ᬢ᭄ᬗᭂᬭᬶᬂᬧᬘᬂᬚᬬᬵ᭞ᬲᬶᬥᬵᬲᬶᬂᬲᬶᬦ᭠ᬥ᭄ᬬᬾᬂᬓᬵᬧ᭄ᬢᬶ᭞ᬫᭀᬕᬦᬦᬵᬓᬤᬸᬮᬸᬭᬦ᭄ᬤᬾᬦᬶᬂᬳ᭄ᬬᬂ᭟ᬫᬶᬢᬸᬮᬸᬲ᭄ᬫᬗᬸᬧᬤ᭄ᬬᬂ᭞ᬓᬩᬾᬳᬶᬂᬲᬂᬦᬸᬚᬸᬲᬸᬘᬶ᭞
ᬥᬃᬬ᭄ᬬᬦᬶᬂᬘᬶᬢ᭄ᬣᬦᬸᬮᬸᬲᬂ᭞ᬫᬸᬕᬶᬢᬦ᭄ᬓᬳᬮᬂᬲᬸᬮᬶᬢ᭄᭞ᬮᬜ᭄ᬘᬃᬧᬯᬗᬸᬦ᭄ᬮᬭᬶᬲ᭄᭞ᬲᬶᬤᬵᬧᬸᬧᬸ᭠ᬢ᭄ᬦᬸᬮᬸᬲ᭄ᬳᬬᬸ᭞ᬲᬧᬸᬧᬸᬢᬶᬓᬫᬢᬶᬓᬲ᭄᭞ᬲᬗᬶᬗᬭᬦ᭄ᬕ᭄ᬥᬾᬧᬜ᭄ᬚᬶ᭞ᬦᬾᬫᬫᬶᬫ᭄ᬧᬶᬦ᭄ᬧ᭄ᬭᬲᭂᬫ᭄ᬩᬳᬦ᭄ᬫᬢ᭄ᬭᬶᬲ
[᭕ 5A]
ᬡ᭄ᬥ᭄ᬬᬵ᭟ᬫᬗ᭄ᬓᬾᬤᬹᬓ᭄ᬓᬮᬧ᭄ᬭᬢ᭄ᬢᬫ᭞ᬅᬫᬸᬮᬂᬤᬲᬃᬧᬗᬯᬶᬢ᭄᭞ᬧᬸᬭᬤᬍᬫ᭄ᬧ᭄ᬭᬚᬧᬢ᭄ᬬ᭞ᬫᬦᬹᬚᬸ᭠ᬤᬶᬦᬓᬧᬸᬚᬶ᭞ᬘᬦ᭄ᬤ᭄ᬭᬵᬮᬶᬫ᭄ᬯᬭᬵᬕ᭄ᬮᬶᬲ᭄᭞ᬓᬸᬭᬡ᭄ᬝᬶᬮᬶᬋᬂᬓᬢ᭄ᬮᬸ᭞ᬭᬲ᭄ᬬᬸᬮᬹᬮᬄᬲᬓᬃᬬ᭄ᬬ᭞ᬲᬃᬧᬱ᭄ᬝᬲᬗᬹᬳᬸᬫᬶᬚᬶᬮ᭄
᭞ᬲᬫ᭄ᬧ᭄ᬭᬬᬹᬓ᭄ᬢᬵᬲᬭᬋᬫ᭄ᬩ᭄ᬭ᭄ᬬᬸᬓ᭄ᬲᬋᬫ᭄ᬩᬕ᭄᭟ᬫ᭄ᬢᬸᬲᬫᬶᬫ᭄ᬩ᭄ᬯᬢ᭄ᬳᬢᬸᬭᬦ᭄᭞ᬧᬭᬾᬲ᭄ᬢ᭄ᬭᬶᬦᬾᬳᬕᬸᬂᬳᬮᬶᬢ᭄᭞ᬯ᭄ᬭᬤ᭄ᬥᬵᬦ᭄ᬯᬫ᭄ᬲᬫᬶᬗ᭄ᬕᬯᬵ᭞ᬩᬦ᭄ᬢᭂᬦ᭄ᬕᭂᬦ᭄ᬢᭂᬦ᭄ᬘᬦᬂᬲᬭᬶ᭞ᬍᬗ᭄ᬳᬵᬭᬹᬫ᭄ᬩᬸᬭᬢ᭄ᬯᬗᬶ᭞ᬧ᭄ᬭᬲ᭄ᬤᬓ᭄ᬱᬶᬡᬲᬫ᭄ᬩᬬᬸᬢ᭄᭞ᬦᬾᬗᬭ
ᬦ᭄ᬥᬸᬃᬫᬗ᭄ᬕᬮᬵ᭞ᬧ᭄ᬭᬬᬲ᭄ᬘᬶᬢ᭄ᬣᬲᬹᬤ᭄ᬥᬵᬫᬵᬮᬶ᭞ᬫᬓᬵᬚᭂᬂᬧᬰᬹᬧᬢᬶᬩᬢᬸᬤᬲᬃ᭟ᬤᬾᬧᬗᬵᬲ᭄ᬢᬸᬢ᭄ᬯᭀᬂᬓᬭᬵ᭞ᬭᬶᬄᬳ᭄ᬬᬂᬧᬜ᭄ᬘᬤᬾᬯᬣᬵᬥᬶ᭞ᬧᬸᬃᬯ᭄ᬯᬪᬚ᭄ᬭᬵᬥᬡ᭄ᬥᬵᬓ᭄ᬱᬶᬡ᭞ᬧᬋᬧᬰ᭄ᬘᬶᬫᭀᬉᬢᬭᬶ᭞ᬕᬥᬵᬫᬥ᭄ᬬᬲᬸᬧᬥ᭄ᬫᬶ᭞
ᬫᬶᬰ᭄ᬭᬧᬰᬹᬧᬢ᭄ᬬᬂᬕᬸᬭᬸ᭞ᬚᬸᬫ᭄ᬦᭂᬗᬶᬂᬫᬭᬾᬓ᭞ᬮᬗ᭄ᬕᭂᬗᬶᬂᬤᬰᬧ᭄ᬭᬫᬦᬶ᭞ᬗᬸᬥᬵᬳ᭄ᬭᬵᬦᬶᬩᬸᬤ᭄ᬥᬶᬦᬶᬓᬂᬓᬵᬮᬵᬪᬸᬣᬵ᭟ᬇᬓᬦᬂᬢ᭄ᬭᬶᬥᬹᬡᬵᬗ᭄ᬓᬭᬵ᭞ᬯᬾᬓ᭄ᬭᬣᬢᬾᬚᬵᬰ᭄ᬪᬹᬝᬵᬥᬶ᭞ᬯ᭄ᬢᬸᬦ᭄ᬬᬵᬱ᭄ᬝᬓᬵᬮᬪᬹᬝ᭞ᬳ᭄ᬬᬂᬧ᭄ᬭᬚ
Auto-transliteration
[4 4B]
4
staribĕr̀dirikari, tulushayumangunpuramabuwat. bhuktitl̥ĕbringagama, bhaktiringhyangwidhinunggil, dumadaktwakasowecan, hanmukangsadhyenghati, puputpunikararis, tinimbalma
liḥsinambut, dengaranjyeṣṭasapwā, manuttangkasringpawijil, mawitñampuḥslar̀manglagĕsinkar̀ṇna. dagingtal̥ĕr̀ngayubagya, ringsangmatujuwansuci, ngaraḥtl̥ĕbringagama, lamak'hatwangeringwi
dhī, kantĕnmangkinmabhukti, sarar̥ĕmbriyūksapanggul, tngĕringpacangjayā, sidhāsingsina‐dhyengkāpti, mogananākadulurandeninghyang. mitulusmangupadyang, kabehingsangnujusuci,
dhar̀yyaningcitthanulusang, mugitankahalangsulit, lañcar̀pawangunlaris, sidāpupu‐tnulushayu, sapuputikamatikas, sangingaran'gdhepañji, nemamimpinprasĕmbahanmatrisa
[5 5A]
ṇdhyā. mangkedūkkalaprattama, amulangdasar̀pangawit, puradal̥ĕmprajapatya, manūju‐dinakapuji, candrālimwarāglis, kuraṇṭilir̥ĕngkatlu, rasyulūlaḥsakar̀yya, sar̀paṣṭasangūhumijil
, samprayūktāsarar̥ĕmbryuksar̥ĕmbag. mtusamimbwat'haturan, parestrinehagunghalit, wraddhānwamsaminggawā, bantĕn'gĕntĕncanangsari, l̥ĕnghārūmburatwangi, prasdaksyiṇasambayut, nengara
ndhur̀manggalā, prayascitthasūddhāmāli, makājĕngpaśūpatibatudasar̀. depangāstutwongkarā, riḥhyangpañcadewathādhi, pur̀wwabhajrādhaṇdhāksyiṇa, par̥ĕpaścimo'utari, gadhāmadhyasupadhmi,
miśrapaśūpatyangguru, jumnĕngingmareka, langgĕngingdaśapramani, ngudhāhrānibuddhinikangkālābhuthā. ikanangtridhūṇāngkarā, wekrathatejāśbhūṭādhi, wtunyāṣṭakālabhūṭa, hyangprajaLeaf 5
[᭕ 5B]
᭕᭞
ᬓᬵᬮᬦ᭄ᬢᬓᬦᬶ᭞ᬲᬂᬓᬮᬲᬮᬄᬧᬢᬶ᭞ᬓᬓᬶᬥᬗ᭄ᬤᬂᬫᬶᬭᬄᬳᬧᬤᬸᬓ᭄᭞ᬭᬦᬶᬦᬶᬪ᭄ᬝᬵᬭᬶᬤᬹᬃᬖ᭄ᬕᬵ᭞ᬲᬶᬭᬪᬝᬭᬳ᭄ᬬᬂᬓᬮᬶ᭞ᬓᬮ᭄ᬯᬶᬰᬾᬱᬲᬶᬭᬳ᭄ᬬᬂᬦᬶᬂᬢᬥᬄᬚᬦ᭄ᬫ᭟ᬧᬸᬦᬶᬓᬶᬯᬾᬄᬩ᭄ᬬᬓᬵᬮᬦᬶᬂᬲᬫᬬᬸ᭠
ᬢ᭄ᬥᬸᬃᬫ᭄ᬫᬗ᭄ᬕᬮᬶ᭞ᬧ᭄ᬭᬬᬰ᭄ᬘᬶᬢ᭄ᬣᬲᬹᬤ᭄ᬥᬵᬫᬵᬮ᭞ᬥᬶᬤᬓ᭄ᬱᬶᬡᬧ᭄ᬭᬲ᭄ᬲᬶᬦᬸᬤ᭄ᬥᬶ᭞ᬗ᭄ᬕ᭄ᬯᬦᬶᬦᬥᬶᬱ᭄ᬝᬦᬶ᭞ᬳᬶᬤᬵᬳ᭄ᬬᬂᬧ᭄ᬭᬫᬾᬱ᭄ᬝᬶᬕᬸᬭᬸ᭞ᬳᬜᬸᬤ᭄ᬥᬫᬵᬮᬓᬵᬮ᭞ᬗ᭄ᬮᬸᬃᬯᬭᬶᬓᬂᬤᬹᬃᬫᬗ᭄ᬕᬮᬶ᭞ᬳᬶᬂᬧ᭄ᬭᬣᬶᬯᬶᬲᬹᬓ᭄ᬱ᭄ᬫᬦᬶᬩᬢᬸᬧ᭄ᬭᬢ᭄ᬢᬫ᭟ᬫ
ᬗ᭄ᬓᬾᬳᬸᬲ᭄ᬧᬸᬧᬸᬢ᭄ᬕᬶᬦ᭄ᬮᬃ᭞ᬧᬹᬃᬡ᭄ᬦᬦᬶᬂᬧᬶᬦᬰᬸᬧᬢᬶ᭞ᬦᬸᬮᬶᬮᬶᬦ᭄ᬓᬸᬧᬶᬦᬲᬂ᭞ᬩᬢᬸᬤᬲᬃᬧ᭄ᬭᬢᬫᬦᬶ᭞ᬤᬾ᭠ᬭᬵᬓᬭᭀᬫᬄᬳ᭄ᬬᬣᬶ᭞ᬳᬶᬂᬧᬸᬭᬤᬍᬫ᭄ᬓᬭᬸᬳᬸᬦ᭄᭞ᬦᬸᬮᬶᬳᬶᬂᬧ᭄ᬭᬚ᭄ᬢᬧᬢ᭄ᬬ᭞ᬫᬗ᭄ᬓᬾᬳᬸᬲ᭄ᬧᬹᬃᬡ᭄ᬦᬲᬫ᭄ᬧᬢᬶ᭞ᬯᬶ
ᬦᬮ᭄ᬬᬦᬶᬂᬓᬝᬯᬸᬢ᭄ᬲᬳᬵᬓᬶᬦᬸᬘᬧ᭄᭟ᬮᬓ᭄ᬱᬡᬓᬃᬬ᭄ᬬᬫᬦᬶᬣ᭄ᬬ᭞ᬲ᭄ᬓᬤᬶᬓᬹᬘᬧ᭄ᬓᬭᬶᬳᬶᬦ᭄᭞ᬗᬚᭂᬂᬭᬢᬸᬳ᭄ᬪᬕᬸᬲ᭄ᬓᬭᬂ᭞ᬲᬂᬯᬶᬪᬸᬄᬲᬤᬦᬰ᭄ᬭᬷ᭞ᬬ᭄ᬬᬰᬤᬦᬲᬸᬓᬶᬃᬢ᭄ᬢᬶ᭞ᬧᬸᬡ᭄ᬬᬵᬯᬵᬦ᭄ᬥᬃᬫ᭄ᬫᬦᬶᬂᬳ᭄ᬬᬸᬦ᭄᭞ᬮ
[᭖ 6A]
ᬗ᭄ᬕᭂᬂᬤ᭄ᬭᬤᬦᬶᬂᬘᬶᬢ᭄ᬣ᭞ᬫᬢ᭄ᬯᬂᬰ᭄ᬭᬤ᭄ᬥᬦᬶᬂᬳ᭄ᬬᬂᬯᬶᬥᬶ᭞ᬩ᭄ᬯᬢᬶᬂᬳ᭄ᬬᬸᬦ᭄ᬧᬸᬧᬸᬢ᭄ᬢᬦ᭄ᬗᬾᬢᬂᬧᬦ᭄ᬮᬲ᭄᭟ᬅᬦ᭄ᬢᬭ᭠ᬓᬦ᭄ᬢᬸᬦ᭄ᬘᬶᬢ᭄ᬭᬰ᭞ᬫᬭᬗ᭄ᬓᭂᬧ᭄ᬳᬦᬵᬣᬓᬃᬫ᭄ᬫᬶ᭞ᬢᬸᬳᬸᬦᭂᬫ᭄ᬯᬂᬤᬤᬶᬥᬦᬵᬥᬵ᭞ᬳᬗᬾᬢᬂᬳᬃᬢ᭄ᬣᬦᬗ᭄ᬕᬧᬶ᭞ᬓᬶᬦᬦ᭄ᬢᬶ
ᬲᬾᬓ᭄ᬭᬢ᭄ᬢᬭᬶᬲ᭄᭞ᬲᬂᬚ᭄ᬬᬾᬱ᭄ᬝᬯᬶᬃᬬ᭄ᬬᬚᬸᬚᬸᬮᬸᬓ᭄᭞ᬫ᭄ᬩᬦ᭄ᬢᬸᬭᬓ᭄ᬱᬭᬹᬫᬵᬓ᭄ᬱ᭞ᬯᬓᬶᬮ᭄ᬫᬗ᭄ᬕᬮᬓᬧᬸᬚᬶ᭞ᬫᬯᬶᬪᬕᬵᬲᬾᬓ᭄ᬱᬶᬲᬾᬓ᭄ᬱᬶᬦᬶᬂᬰ᭄ᬯᬵᬓᬃᬬ᭄ᬬ᭟ᬅᬗ᭄ᬕᭀᬣᬧᬦᬶᬣ᭄ᬬᬓᬝᬄ᭞ᬫ᭄ᬯᬄᬓ᭄ᬭᬫᬧᬸᬭᬲᬫᬶ᭞ᬲᬯᬱ᭄ᬝ᭠
ᬧ᭄ᬭᬦᬯᬵᬧᬸᬭ᭞ᬤᬍᬫ᭄ᬡᬸᬗ᭄ᬓᬸᬩ᭄ᬓ᭄ᬮᬧᬵᬥ᭄ᬬᬦᬶ᭞ᬲᬋᬫ᭄ᬩᬵᬗᬬᬧ᭄ᬲᬫᬶ᭞ᬳᬕᬸᬂᬳᬮᬶᬢ᭄ᬳᬶᬲ᭄ᬢ᭄ᬭᬶᬚᬮᬸ᭞ᬧᬭᭀᬤᬳᬾᬗᬶᬮᬶᬗᬂ᭞ᬫᬗᬹᬦᬤᬶᬓᬳᬶᬂᬕᬢᬶ᭞ᬓᬗᬦᬫᬕ᭄ᬥᬾᬥᬥᬓᭀᬫᬂᬫᬲ᭄ᬢ᭄ᬭ᭟ᬦ᭄ᬗᬄᬧᬭ᭠
ᬓᭀᬫᬂᬓᬭᬂ᭞ᬫᬗᬺᬫ᭄ᬪᬓ᭄ᬭᬫᬧᬸᬭᬦᬶ᭞ᬕᬸᬲ᭄ᬢᬶᬫᬧᬃᬡ᭄ᬦᬫ᭄ᬯᬄ᭞ᬓᬤᬾᬅ᭄ᬲᬸᬢᬵᬓᬤᬾᬅ᭄ᬓᬲ᭄ᬢᬶ᭞ᬕᬸᬲ᭄ᬢᬶᬯᬬᬳᬦ᭄ᬯᬶᬣᬶ᭞ᬕ᭄ᬥᬾᬧᬃᬡ᭄ᬦᬓᭀᬫᬂᬮᬸᬫ᭄ᬩᬸᬂ᭞ᬓᭀᬫᬂᬮᬶᬗ᭄ᬕᬵᬤᬾᬅ᭄ᬲᬫ᭄ᬪ᭞ᬫᬂᬅᬃᬤ᭄ᬥᬦᬯᬬᬦ᭄ᬫᬸᬲ᭄ᬢᬶ᭞ᬬᬦᬶᬓ᭄ᬢᬸ
Auto-transliteration
[5 5B]
5
kālantakani, sangkalasalaḥpati, kakidhangdangmiraḥhapaduk, raninibhṭāridūr̀ghgā, sirabhaṭarahyangkali, kalwiśeṣasirahyangningtadhaḥjanma. punikiweḥbyakālaningsamayu‐
tdhur̀mmanggali, prayaścitthasūddhāmāla, dhidaksyiṇaprassinuddhi, nggwaninadhiṣṭani, hidāhyangprameṣṭiguru, hañuddhamālakāla, nglur̀warikangdūr̀manggali, hingprathiwisūkṣmanibatuprattama. ma
ngkehuspuputginlar̀, pūr̀ṇnaningpinaśupati, nulilinkupinasang, batudasar̀pratamani, de‐rākaromaḥhyathi, hingpuradal̥ĕmkaruhun, nulihingprajtapatya, mangkehuspūr̀ṇnasampati, wi
nalyaningkaṭawutsahākinucap. lakṣaṇakar̀yyamanithya, skadikūcapkarihin, ngajĕngratuhbhaguskarang, sangwibhuḥsadanaśrī, yyaśadanasukir̀tti, puṇyāwāndhar̀mmaninghyun, la
[6 6A]
nggĕngdradaningcittha, matwangśraddhaninghyangwidhi, bwatinghyunpuputtanngetangpanlas. antara‐kantuncitraśa, marangkĕp'hanāthakar̀mmi, tuhunĕmwangdadidhanādhā, hangetanghar̀tthananggapi, kinanti
sekrattaris, sangjyeṣṭawir̀yyajujuluk, mbanturakṣarūmākṣa, wakilmanggalakapuji, mawibhagāseksyiseksyiningśwākar̀yya. anggothapanithyakaṭaḥ, mwaḥkramapurasami, sawaṣṭa‐
pranawāpura, dal̥ĕmṇungkubklapādhyani, sar̥ĕmbāngayapsami, hagunghalit'histrijalu, parodahengilingang, mangūnadikahinggati, kanganamagdhedhadhakomangmastra. nngaḥpara‐
komangkarang, mangr̥ĕmbhakramapurani, gustimapar̀ṇnamwaḥ, kadek'sutākadek'kasti, gustiwayahanwithi, gdhepar̀ṇnakomanglumbung, komanglinggādek'sambha, mangar̀ddhanawayanmusti, yaniktu
