Gaguritan Indra Bang Induraja
This page has been accessed 50,557 times.
Description
Bahasa Indonesia
English
Front and Back Covers
Leaf 1
[ ᭑ 1B]
᭑᭞
᭚᭜᭚ᬒᬁᬅᬯᬶᬰ᭄ᬦᬫᬲ᭄ᬢᬸᬦᬵᬫᬲ᭄ᬯᬳᬵ᭚᭜᭚ᬧᬸᬄᬲᬶᬦᭀᬫ᭄᭟᭐᭟ᬫᬭᬩᬗᬸᬦ᭄ᬧᬲᭂᬫᭂᬗᬦ᭄᭞ᬗᬫ᭄ᬩᬶᬮ᭄ᬮᭀᬦ᭄ᬢᬃᬮᬯᬸᬢ᭄ᬦᬸᬮᬶᬲ᭄᭞ᬦᬗ᭄ᬳᬶᬂᬰᬵᬲ᭄ᬢ᭄ᬭᬦ᭄ᬢᬶᬢ᭄ᬬᬂᬓᬲᬃ᭞ᬢᬸᬦ
ᬧᬲᬂᬩᬦ᭄ᬤᬸᬂᬲᬫᬶ᭞ᬲᬫ᭄ᬧᬸᬭᬲᬂᬫᬯᭀᬲᬶᬦ᭄᭞ᬤᬾᬦᬶᬯᬯᬸᬫ᭄ᬮᬚᬄᬦᬸᬭᬸᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬲᬫ᭄ᬩᬶᬮᬦ᭄᭞ᬫᬗ᭄ᬤᬤᬸᬭᬸᬲ᭄ᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬦᬸᬗ᭄ᬓᬸᬮᬂᬩᬲᬂ
ᬤ᭄ᬯᬭᬦᬾᬧᬦᬶᬭᭀᬦ᭄ᬳᬶᬓᬸ᭞ᬰᬰᬶᬄᬓᭂᬦᭂᬫ᭄ᬦᬾᬬᬓᭀᬘᬧ᭄᭞ᬢᬗ᭄ᬕᬮ᭄ᬧᬶᬂᬲᭀᬮᬲ᭄ᬫᬦᬫ᭄ᬧᬶ᭞ᬬᬱᬦ᭄ᬚᬕᬢ᭄᭞ᬲ᭄ᬬᬩᬗ᭄ᬲᬶᬢ᭄ᬳᬸᬮᬸᬂᬤᬰ᭟᭐᭟ᬬᬦ᭄ᬯᬾᬦ᭄ᬢᭂᬦ᭄ᬜᬮᬶᬗ᭄ᬲᬸ
[ ᭒ 2A]
ᬢᬃ᭞ᬮᭀᬦ᭄ᬢᬃᬢᬶᬢ᭄ᬬᬗᬾᬧᬸᬦᬶᬓᬶ᭞ᬫᬗ᭄ᬤᬵᬫᬫᬗ᭄ᬕᬶᬄᬦᬵᬭᬓᬵ᭞ᬓᬧᬲ᭄ᬢᬸᬳᬦ᭄ᬢᬸᬓ᭄ᬳ᭄ᬬᬂᬯᬶᬥᬶ᭞ᬫᬗ᭄ᬤᬵᬢᬦ᭄ᬲᬤ᭄ᬬᬓᬧᬗ᭄ᬕᬶᬄ᭞ᬢ᭄ᬭᬸᬲ᭄ᬢᭂᬓᬾᬦ᭄ᬓᬸᬢᬸᬩᬸᬬᬸᬢ᭄᭞ᬬᬦ᭄ᬯᬾᬦ᭄ᬢᭂᬦ᭄ᬲ᭄ᬬᭀ
ᬲ᭄ᬫᬜᭂᬮᬂ᭞ᬫᬗ᭄ᬤᬵᬩᭂᬘᬶᬓ᭄ᬫᬫᬯᭀᬲᬶᬦ᭄᭞ᬫᬗ᭄ᬤᬾᬫᬸᬧᬸᬄ᭞ᬲᬧᬸᬦᬶᬓᬳᬢᬸᬃᬢᬶᬢ᭄ᬬᬂ᭟᭐᭟ᬯᬾᬦ᭄ᬢᭂᬦ᭄ᬩᬸᬓᬸᬯᬶᬡ᭄ᬥᬸᬚᬯ᭞ᬧᬸᬦᬶᬓᬵᬳᬶᬓᭂᬢᬂᬕᬸᬭᬶᬢ᭄᭞ᬭᬢᬸᬦᬾᬭᬶᬂᬯᬶ
ᬡ᭄ᬥᬸᬭᬵᬚ᭞ᬧ᭄ᬭᬶᬳᬮᬋᬓᬾᬦᬵᬕᬭᬶ᭞ᬧᬲᬾᬗᬦᬾᬲᬗᬚᬶ᭞ᬪᬶᬰᬾᬓᬵᬲᬂᬇᬦ᭄ᬤ᭄ᬭᬳᬸᬗ᭄ᬲᬸ᭞ᬧᬸᬦᬶᬓᬳᬶᬤᬓᬳᬸᬘᬧ᭄᭞ᬓᬕᬸᬗᬦᬾᬜᬓ᭄ᬭᬯᬺᬢ᭄ᬢᬶ᭞ᬓᬲᬸᬩᬼᬯᬶᬄ᭞ᬅ
ᬲ᭄ᬢᬶᬢᬶᬧᬕᭂᬄᬭᬶᬂᬩ᭄ᬭᬢ᭟᭐᭟ᬢᬸᬃᬧᬕᭂᬄᬫᬗᬫᭂᬮ᭄ᬚᬕᬢ᭄᭞ᬰᬹᬭᬵᬥᬃᬫ᭄ᬫᬦᬾᬫᬓᬵᬤᬶ᭞ᬥᬦᬉᬧᬫᬭᬶᬂᬧᬜ᭄ᬚᬓ᭄᭞ᬗᬺᬱᬶᬤᭀᬚᬦᬗᭂᬰᬰᬶᬄ᭞ᬫᬶᬯᬄᬭᬶᬂᬢᬡ᭄ᬥᬫ
Auto-transliteration
[ 1 1B]
1
// • // oṁawiśnamastunāmaswahā // • // puḥsinom. 0. marabangunpasĕmĕngan, ngambillontar̀lawutnulis, nanghingśāstrantityangkasar̀, tuna
pasangbandungsami, sampurasangmawosin, deniwawumlajaḥnurun, hanggentityangsambilan, mangdadurusgĕndanggĕnding, hanggentityangmanungkulangbasang
dwaranepanironhiku, śaśiḥkĕnĕmneyakocap, tanggalpingsolasmanampi, yaṣanjagat, syabangsit'hulungdaśa. 0. yanwentĕnñalingsu
[ 2 2A]
tar̀, lontar̀tityangepuniki, mangdāmamanggiḥnārakā, kapastuhantuk'hyangwidhi, mangdātansadyakapanggiḥ, trustĕkenkutubuyut, yanwentĕnsyo
smañĕlang, mangdābĕcikmamawosin, mangdemupuḥ, sapunikahatur̀tityang. 0. wentĕnbukuwiṇdhujawa, punikāhikĕtanggurit, ratuneringwi
ṇdhurāja, prihalar̥ĕkenāgari, pasenganesangaji, bhiśekāsangindrahungsu, punikahidakahucap, kagunganeñakrawr̥ĕtti, kasubl̥ĕwiḥ, a
stitipagĕḥringbrata. 0. tur̀pagĕḥmangamĕljagat, śūrādhar̀mmanemakādi, dhana'upamaringpañjak, ngr̥ĕsyidojanangĕśaśiḥ, miwaḥringtaṇdhamaLeaf 2
[ ᭒ 2B]
᭒᭞
ᬦ᭄ᬢ᭄ᬭᬶ᭞ᬜᬩ᭄ᬭᬦ᭄ᬓᬳᬶᬘᬾᬦ᭄ᬧᬲᬗᬸ᭞ᬇᬧᬢᬶᬄᬓᬧᬶᬲᬭ᭞ᬦᬯᬓᬂᬤᬤᬭᬾᬍᬯᬶᬄ᭞ᬢᭀᬕᭀᬕ᭄ᬕ᭄ᬭᬦ᭄ᬢᬶᬫ᭄᭞ᬧᬸᬦᬶᬓᬵᬓᬗ᭄ᬕᬾᬦ᭄ᬘᬦᬗᬦ᭄᭟᭐᭟ᬅᬯᬦᬦ᭄ᬧᬜ᭄ᬚᬓᬾ
ᬲᬫ᭄ᬬᬦ᭄᭞ᬮᬶᬬᬂᬳᬶᬤᭂᬧᬾᬢᬦ᭄ᬲᬶᬧᬶ᭞ᬧᬭᬫᬦ᭄ᬢ᭄ᬭᬶᬮᬦ᭄ᬧᬸᬗ᭄ᬕᬯᬵ᭞ᬲᬸᬚᬸᬤ᭄ᬫᬭᬶᬦ᭄ᬫᬭᬶᬗᬪᬓ᭄ᬢᬶ᭞ᬮᬶᬦ᭄ᬢᬂᬚᭂᬭᬶᬄᬭᬶᬲᬗᬚᬶ᭞ᬲᭂᬗᬤᭂᬕ᭄ᬳᬶᬤᬲᬂᬧ᭄ᬭᬪᬸ᭞ᬜᭂᬦᭂᬂᬭᬵᬚᬭᬶᬂᬧ᭄ᬭᬶᬳ
ᬮ᭞ᬳᬓᬭᭀᬦ᭄ᬭᬶᬂᬧ᭄ᬭᬫᬶᬰ᭄ᬯᬭᬷ᭞ᬢᬍᬃᬤᬸᬭᬸᬂ᭞ᬲᬂᬧ᭄ᬭᬪᬸᬫᬤᬺᬯᬾᬧᬸᬢ᭄ᬭ᭟᭐᭟ᬲᬯᬦᬦ᭄ᬳᬶᬤᬲᬂᬦᬵᬣ᭞ᬓᭀᬩᭂᬢ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬳᬦ᭄ᬢᬸᬓᬾᬤᬸᬭᬸᬂᬫᬧᬸᬢ᭄ᬭ᭞ᬢ
ᬦ᭄ᬮᬶᬬᬦᬾᬓᬧᬶᬦᭂᬳᬶᬦ᭄᭞ᬲᬦᬾᬚᬕᬵᬚᬸᬫᭂᬦ᭄ᬤᬶ᭞ᬓᬧᬸᬗ᭄ᬓᬸᬃᬫᬜᭂᬦᭂᬂᬧ᭄ᬭᬪᬸ᭞ᬭᬶᬲᬫ᭄ᬧᬸᬦᬾᬳᬶᬤᬮᬷᬡ᭞ᬫᬗᬢᬸᬭᬶᬦ᭄ᬭᬶᬂᬦᬵᬕᬭᬶ᭞ᬰ᭄ᬭᬡᬵᬳᬶᬤ᭞ᬗᭂᬲᬾᬗᬶᬦ᭄ᬧ
[ ᭓ 3A]
ᬢᬶᬄᬧᬡ᭄ᬥᬶᬢ᭟᭐᭟ᬇᬧᬢᬶᬄᬲᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬫᬜᭀᬗ᭄ᬓᭀᬓ᭄ᬫᬳᬢᬸᬃᬪᬓ᭄ᬢᬶ᭞ᬲᬂᬦᬵᬣᬳᬮᭀᬦ᭄ᬗᬦ᭄ᬤᬶᬓᬵ᭞ᬉᬤᬸᬄᬧᬫᬦ᭄ᬫᬗ᭄ᬓᬸᬪᬸᬫᬶ᭞ᬓ᭄ᬭᬡᬵᬳᬶᬭᬫᬗᭂᬲᬾᬗᬶᬦ᭄᭞ᬫᬫᬦ᭄ᬧᬢᬶᬄ
ᬳᬧᬂᬭᬯᬸᬄ᭞ᬲᬋᬂᬫᬶᬯᬄᬧᬤᬡ᭄ᬥ᭞ᬳᬶᬭᬵᬧᬘᬂᬗ᭄ᬯᬗᬸᬦ᭄ᬓᬾᬃᬢ᭄ᬢᬶ᭞ᬫᬗ᭄ᬤᬾᬲᬶᬤ᭄ᬥᬵᬳᬶᬭᬵᬗᭂᬮᬄᬧᬦᬓ᭄ᬮᬦᬂ᭟᭐᭟ᬓᭂᬫᭀᬳᬶᬧᬢᬶᬄᬫᬚᬮᬦ᭄᭞ᬫᬳᬸᬢᬸᬃᬭᬶᬂᬪᬸᬚᬗ᭄ᬕᬵᬚᬦᬶ᭞ᬇᬧ
ᬢᬶᬄᬫᬳᬢᬸᬃᬜᭂᬫ᭄ᬩᬄ᭞ᬢᬶᬢ᭄ᬬᬂᬧᬶᬢ᭄ᬮᬲ᭄ᬫᬗᬶᬭᬶᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧᬵᬲᬫ᭄ᬧᬸᬦ᭄ᬭᬯᬸᬄ᭞ᬫᭂᬗᬢᬸᬭᬶᬦ᭄ᬲᬂᬪᬸᬚᬗ᭄ᬕᬵ᭞ᬫᬗ᭄ᬤᬾᬫᬬᭀᬕᬦᬾᬫᬗ᭄ᬓᬶᬦ᭄᭞ᬓᬧᬶᬤᬵᬃᬢ᭄ᬢ᭞ᬓ
ᬤᬶᬧᬶᬦᬸᬦᬲ᭄ᬲᬂᬦᬵᬣ᭟᭐᭟ᬲᬂᬪᬸᬚᬗ᭄ᬕᬵᬫᬤᬩ᭄ᬥᬩᬦ᭄᭞ᬫᬦᬸᬱᬡᬵᬫ᭄ᬬᭀᬕᬵᬭᬭᬶᬲ᭄᭞ᬬᭀᬕᬦᬾᬫᬜ᭄ᬘᬯᬶᬓ᭄ᬭᬫ᭞ᬗᬺᬤᬦᬲᬂᬳ᭄ᬬᬂᬤᬾᬯᬵᬤᬶ᭞ᬲᬂᬦᬵᬣᬭᬭᬶᬲ᭄ᬗᬪᬓ᭄ᬢᬶ᭞ᬢᬦ᭄ᬮ᭄ᬬᬵ
Auto-transliteration
[ 2 2B]
2
ntri, ñabrankahicenpasangu, ipatiḥkapisara, nawakangdadarel̥ĕwiḥ, togoggrantim, punikākanggencanangan. 0. awananpañjake
samyan, liyanghidĕpetansipi, paramantrilanpunggawā, sujudmarinmaringabhakti, lintangjĕriḥrisangaji, sĕngadĕg'hidasangprabhu, ñĕnĕngrājaringpriha
la, hakaronringpramiśwarī, tal̥ĕr̀durung, sangprabhumadr̥ĕweputra. 0. sawananhidasangnātha, kobĕtkayunetansipi, hantukedurungmaputra, ta
nliyanekapinĕhin, sanejagājumĕndi, kapungkur̀mañĕnĕngprabhu, risampunehidalīṇa, mangaturinringnāgari, śraṇāhida, ngĕsenginpa
[ 3 3A]
tiḥpaṇdhita. 0. ipatiḥsampunprapta, mañongkokmahatur̀bhakti, sangnāthahalonngandikā, uduḥpamanmangkubhumi, kraṇāhiramangĕsengin, mamanpatiḥ
hapangrawuḥ, sar̥ĕngmiwaḥpadaṇdha, hirāpacangngwangunker̀tti, mangdesiddhāhirāngĕlaḥpanaklanang. 0. kĕmohipatiḥmajalan, mahutur̀ringbhujanggājani, ipa
tiḥmahatur̀ñĕmbaḥ, tityangpitlasmangiring, tumulirarismamar̀ggi, tankocapāsampunrawuḥ, mĕngaturinsangbhujanggā, mangdemayoganemangkin, kapidār̀tta, ka
dipinunassangnātha. 0. sangbhujanggāmadabdhaban, manuṣaṇāmyogāraris, yoganemañcawikrama, ngr̥ĕdanasanghyangdewādi, sangnāthararisngabhakti, tanlyā
