Gaguritan Janmaprawreti 01

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚ᬅᬯᬶᬖ᭄ᬦᬫᬲ᭄ᬢᬸ᭟ᬧᬸᬄᬧᬸᬘᬸᬂ᭟ᬘ᭄ᬦᬶᬂᬩᬕᬸᬲ᭄᭞ᬫ᭄ᬮᬳᬂᬫᬦᬫ᭄ᬧᬶᬢᬸᬢᬸᬃ᭞ᬧᬶᬋᬗᬂᬲ᭄ᬓᭂᬦᬕ᭄᭞ᬳᬶᬜ᭄ᬘᭂᬧᬂᬲᬶᬫ᭄ᬧᭂᬦ᭄‌ᬤᬶᬳᬢᬶ᭞ᬧᬂᬤᬮᬩᬸᬄ᭞ᬓᬲᬸᬲᬶᬮ ᬦ᭄‌ᬳᬗ᭄ᬕᬾᬦ᭄ᬗᭂᬫ᭄ᬩᬦ᭄᭟ᬬᬦ᭄ᬓᬧᬸᬗ᭄ᬓᬸᬃ᭞ᬓᬕᬾᬢ᭄‌ᬘ᭄ᬦᬶᬂᬗᬮᬶᬄᬕᬸᬭᬸ᭞ᬫ᭄ᬮᬳᬂᬫ᭄ᬤᬲᬂ᭞ᬯᬲ᭄ᬧᬤᬬᬂᬳᬧᬂᬧᬱ᭄ᬝᬶ᭞ᬧᬂᬤᬮᬘᬸᬃ᭞ᬗᭀᬚᭀᬕ᭄ᬕᬸᬭᬸᬫᭀᬦ᭄ᬤᭀᬂ ᬮᭀᬪ᭟ᬕᬸᬭᬸᬳᬶᬓᬸ᭞ᬦᬾᬫᭀᬦ᭄ᬤᭀᬂᬮᭀᬪᬲᬢᬸᬯᬸᬓ᭄᭞ᬳᬶᬫ᭄ᬧᬲᬶᬦ᭄‌ᬢᭀᬦᬦᬓ᭄᭞ᬫᬗ᭄ᬤᬾᬦ᭄ᬢᬦ᭄ᬮᬩᬸᬄᬗᬸᬮᬶᬮᬶᬂ᭞ᬦᬾᬢᬦ᭄ᬳᬸᬭᬸᬂ᭞ ᬗᬯᬾᬲᬗ᭄ᬲᬭᬓᬯ᭄ᬓᬲ᭄᭞ᬢᭀᬲᬂᬕᬸᬭᬸ᭞ᬦᬾᬗᬩᬘᭀᬭᬄᬲᬢᬸᬯᬸᬓ᭄᭞ᬢᬦ᭄ᬤᭀᬄᬭᬶᬂᬲᬂᬩᬓ᭞ᬗᬸᬮᬄᬧᬢᬶᬲᬓᬶᬂᬲᬶᬮᬶᬩ᭄᭞ᬚᬦ᭄ᬢᭀ [᭒ 2A] ᬲ᭄ᬧᬸᬭᬸᬦ᭄᭞ᬗᬫᬃᬕ᭄ᬕ᭄ᬬᬂᬳᬶᬫ᭄ᬲᬓᬃᬫ᭄ᬫ᭟ᬫᬶᬭᬶᬩ᭄ᬳᬶᬧᬸᬦ᭄᭞ᬮᬮᬶᬭᬶᬂᬲᬂᬓᬃᬫ᭄ᬫᬦᬸᬢᬸᬕ᭄᭞ᬫᬗ᭄ᬓᬶᬦ᭄‌ᬘᬭᬶᬢᬬᬂ᭞ᬲᬂᬬᬸᬬᬸᬤᬸᬭᬸᬲ᭄‌ᬫᬗᬧᬶᬢ᭄᭞ᬦᬄᬧ ᬫᬸᬧᬸᬢ᭄᭞ᬲᬂᬩᬓᬗᭂᬫᬲᬶᬦ᭄‌ᬧ᭄ᬚᬄ᭞ᬫᬸᬮᬢᬸᬤᬸᬄ᭞ᬳ᭄ᬬᬂᬯᬶᬤ᭄ᬥᬶᬦᬾᬫᬸᬮᬳᬲᬸᬂ᭞ᬫᬯᬾᬄᬓᬃᬫ᭄ᬫᬧᬮ᭞ᬢᬦ᭄ᬤᬤᭀᬲ᭄ᬢᬸᬮᬓ᭄‌ᬓ᭄ᬮᬶᬤᬶᬦ᭄᭞ᬗᬃᬤ᭄ᬥᬶᬳᬬᬸ᭞ᬲᬶ ᬦᬄᬳᬬᬸᬢᭂᬫᭀᬓᬂ᭟ᬬᬦ᭄ᬓᬧᬸᬮᬸᬢ᭄᭞ᬕᬸᬭᬸᬦᬾᬮᭀᬪᬓᬧᬶᬢᬸᬢ᭄᭞ᬢᬦ᭄ᬧᬳᬭᬶᬫ᭄ᬪᬯ᭞ᬲᬶᬦᬄᬳᬦᬦᭂᬧᬾᬦᬶᬦ᭄᭞ᬳᬮᬳᬬᬸ᭞ᬳᬶᬓᬸ ᬫᬶᬚᬶᬮ᭄‌ᬲᬓᬶᬂᬓᬃᬫ᭄ᬫ᭟ᬲᬗ᭄ᬓᬦ᭄ᬩᬕᬸᬲ᭄᭞ᬕᬸᬭᬸᬦᬾᬤᬹᬃᬰᬶᬮᬳᬶᬓᬸ᭞ᬩ᭄ᬘᬶᬓ᭄‌ᬬᬳᬶᬫ᭄ᬧᬲᬂ᭞ᬫᬗ᭄ᬤᬾᬦ᭄ᬢᬦ᭄ᬗᬃᬤ᭄ᬥᬶᬧᬶᬦᬓᬶᬢ᭄᭞ᬢ᭄ᬯᬭᬧᬢᬸᬢ᭄᭞ᬳᭂᬦ᭄ᬢᭀ

Auto-transliteration

[1 1B] 1 // awighnamastu. puḥpucung. cningbagus, mlahangmanampitutur̀, pir̥ĕngangskĕnag, hiñcĕpangsimpĕndihati, pangdalabuḥ, kasusila nhanggenngĕmban. yankapungkur̀, kagetcningngaliḥguru, mlahangmdasang, waspadayanghapangpaṣṭi, pangdalacur̀, ngojoggurumondong lobha. guruhiku, nemondonglobhasatuwuk, himpasintonanak, mangdentanlabuḥnguliling, netanhurung, ngawesangsarakawkas, tosangguru, nengabacoraḥsatuwuk, tandoḥringsangbaka, ngulaḥpatisakingsilib, janto [2 2A] spurun, ngamar̀ggyanghimsakar̀mma. mirib'hipun, laliringsangkar̀mmanutug, mangkincaritayang, sangyuyudurusmangapit, naḥpa muput, sangbakangĕmasinpjaḥ, mulatuduḥ, hyangwiddhinemulahasung, maweḥkar̀mmapala, tandadostulakklidin, ngar̀ddhihayu, si naḥhayutĕmokang. yankapulut, gurunelobhakapitut, tanpaharimbhawa, sinaḥhananĕpenin, halahayu, hiku mijilsakingkar̀mma. sangkanbagus, gurunedūr̀śilahiku, bcikyahimpasang, mangdentanngar̀ddhipinakit, twarapatut, hĕnto

Leaf 2

Image on Archive.org

[᭒ 2B] ᭒ ᬳᬗ᭄ᬕᭀᬦ᭄‌ᬧᬕᬸᬭ᭄ᬯᬦ᭄᭟ᬕᬸᬭᬸᬢᬸᬳᬸ᭞ᬳᬗ᭄ᬓᬾᬦ᭄ᬓᬦ᭄ᬢᬶᬳᭂᬦ᭄ᬢᭀᬭᬸᬭᬸᬄ᭞ᬦᬗ᭄ᬳᬶᬂᬓᬾᬧᬂᬢᬢᬲ᭄᭞ᬯᬶᬯᬾᬓᬳᬗ᭄ᬕᬾᬦ᭄‌ᬜᭂᬍᬳᬶᬦ᭄᭞ᬳᭂᬦ᭄ᬢᭀ ᬢ᭄ᬦᬸᬂ᭞ᬳᬗ᭄ᬕᬾᬦ᭄ᬜᬶᬓ᭄ᬱᬕᬸᬭᬸᬭᬕ᭟ᬫᬗ᭄ᬤᬾᬦ᭄ᬳᬤᬸᬂ᭞ᬩ᭄ᬘᬶᬓ᭄‌ᬯᬲ᭄ᬧᬤᬬᬂᬫᬮᬸ᭞ᬲᬸᬩᬓᬾᬲᬂᬕᬸᬭᬸᬭ᭄ᬯ᭞ᬢ᭄ᬓᭂᬓ᭄ᬗᬫᭀᬂᬲᬶᬮᬬᬸᬓ᭄ᬢᬶ᭞ᬳᭂᬦ᭄ᬢᭀᬢᬸᬳᬸ᭞ᬲᬶ ᬓᬸᬢ᭄ᬩᭂᬘᬶᬓ᭄‌ᬗᬯᬾᬲᬤ᭄ᬬ᭟ᬘ᭄ᬦᬶᬂᬩᬕᬸᬲ᭄᭞ᬩᬧᬫ᭄ᬮᬶᬤ᭄ᬫᬧᬶᬢᬸᬢᬸᬃ᭞ᬫ᭄ᬮᬳᬂᬫᬶᬋᬗᬂ᭞ᬚ᭄ᬭᭀᬦᬶᬂᬳᬸᬭᬶᬧ᭄‌ᬳᬧᬂᬳᬸᬦᬶᬂ᭞ᬩ᭄ᬘᬶᬓ᭄ᬫᬮᬸ᭞ᬤᬶᬭᬕᬲᬸᬮᬸᬄᬲᬸ ᬮᬸᬳᬂ᭟ᬲᬸᬮᬸᬄᬳᬶᬓᬸ᭞ᬲᬸᬗᬭᬦ᭄‌ᬮ᭄ᬯᬶᬄᬫᬦ᭄ᬭᬸᬲ᭄᭞ᬮᬸᬄᬳᬳᬸᬓᬂᬗᬭᬦ᭄᭞ᬓᬾᬢᭀᬘ᭄ᬦᬶᬂᬳᬧᬂᬳᬾᬮᬶᬂ᭞ᬚ᭄ᬭᭀᬦᬶᬂᬳᬶᬧᬶᬸᬤᬸᬧ᭄᭞ᬭᬳᬬᬸᬳᬲᬶᬄᬳ [᭓ 3A] ᬋᬧ᭟ᬳ᭄ᬤᬘᬮᬸᬄ᭞ᬦᬮᬦᬂᬩᬶᬓᬲᬾᬲᬶᬕᬸᬕ᭄᭞ᬩ᭄ᬭᬂᬢᬶᬮᭀᬪᬗ᭄ᬓᬭ᭞ᬳᭂᬦ᭄ᬢᭀᬲᬸᬢ᭄ᬲᬸᬢᬶᬦ᭄ᬤᬶᬳᬢᬶ᭟ᬧᬂᬤᬗ᭄ᬮᬶᬧᬸᬢ᭄᭞ᬗᬯᬾᬲᬭᬦ᭄ᬢᬤᬶ ᬚᬮᬦ᭄᭟ᬥᬃᬫ᭄ᬫᬳᬶᬓᬸ᭞ᬳᬕᭂᬫ᭄ᬫᬗ᭄ᬤᬾᬦ᭄ᬜᬭᬳᬬᬸ᭞ᬭᬸᬭᬸᬂᬢᬦ᭄ᬧᬘᬾᬤ᭞ᬩᬺᬲᬶᬄᬕᬮᬂᬮᬗ᭄ᬓᬸᬂᬢᬺᬧ᭄ᬢᬶ᭞ᬗᬯᬾᬮᬦ᭄ᬢᬸᬃ᭞ᬦᬸᬮᬸᬄᬓᬚᬕᬢ᭄‌ᬦᬶᬃ ᬪᬦ᭟ᬳᭂᬦ᭄ᬢᭀᬢᬸᬳᬸ᭞ᬢᬢᬸᬚᭀᬦ᭄‌ᬚᬦ᭄ᬫᬦᬾᬳᬶᬤᬸᬧ᭄᭞ᬫᬶᬭᬶᬩ᭄‌ᬲᬸᬩᬢᬶᬗ᭄ᬮᬲ᭄᭞ᬫᬤᬓ᭄ᬢᬦ᭄‌ᬩᬶᬗᬸᬂᬤᬶᬳᬢᬶ᭞ᬚᬮᬦ᭄ᬢᬶᬦᬸᬢ᭄᭞ᬲᬓᬶᬂ ᬘᬸᬮᬸᬄᬗᬮᬄᬳᬾᬮᬄ᭞ᬫᬶᬭᬶᬩ᭄ᬲᬫ᭄ᬧᬸᬦ᭄᭞ᬘ᭄ᬦᬶᬂᬚᬕ᭄ᬭᬳᬸᬮᬶᬩᬗᬸᬦ᭄᭞ᬓᬢᬶᬦ᭄ᬤᬶᬄᬩᬦ᭄ᬕᬮᬂ᭞ᬕᬓᬂᬳᬶᬗᬭᬦ᭄‌ᬫᬃᬕ᭄ᬕᬶ᭞ᬮᬂᬧᬸᬦᬶᬓᬸ᭞ᬮᬗᬶᬢ᭄ᬩᭂᬃ

Auto-transliteration

[2 2B] 2 hanggonpagurwan. gurutuhu, hangkenkantihĕntoruruḥ, nanghingkepangtatas, wiwekahanggenñĕl̥ĕhin, hĕnto tnung, hanggenñikṣagururaga. mangdenhadung, bcikwaspadayangmalu, subakesanggururwa, tkĕkngamongsilayukti, hĕntotuhu, si kutbĕcikngawesadya. cningbagus, bapamlidmapitutur̀, mlahangmir̥ĕngang, jroninghurip'hapanghuning, bcikmalu, diragasuluḥsu luhang. suluḥhiku, sungaranlwiḥmanrus, luḥhahukangngaran, ketocninghapangheling, jroninghip̶dup, rahayuhasiḥha [3 3A] r̥ĕpa. hdacaluḥ, nalanangbikasesigug, brangtilobhangkara, hĕntosutsutindihati. pangdangliput, ngawesarantadi jalan. dhar̀mmahiku, hagĕmmangdenñarahayu, rurungtanpaceda, br̥ĕsiḥgalanglangkungtr̥ĕpti, ngawelantur̀, nuluḥkajagatnir̀ bhana. hĕntotuhu, tatujonjanmanehidup, miribsubatinglas, madaktanbingungdihati, jalantinut, saking culuḥngalaḥhelaḥ, miribsampun, cningjagrahulibangun, katindiḥban'galang, gakanghingaranmar̀ggi, langpuniku, langitbĕr̀

Leaf 3

Image on Archive.org

[᭓ 3B] ᭓ ᬲᬶᬄᬳᬗᬭᬦᬦ᭄᭞ᬫᬸᬕᬶᬮᬦ᭄ᬢᬸᬃ᭞ᬘ᭄ᬦᬶᬂᬫᬫᬗ᭄ᬕᬸᬄᬭᬾᬭᬸᬭᬸᬄ᭞ᬦᬸᬮᬸᬄᬫᬃᬕ᭄ᬕᬕᬮᬂ᭞ᬕᬮᬗᬾᬤᬶᬓᬬᬸᬦ᭄ᬚᬢᬶ᭞ᬦᬄᬧᬫᬸᬧᬸᬢ᭄᭞ᬲᬶᬤ᭄ᬥᬫᬗ᭄ᬕᬶᬄᬓ ᬲᬦ᭄ᬢᭀᬲᬦ᭄᭟ᬯᬶᬭᬾᬄᬲᬫ᭄ᬧᬸᬦ᭄᭞ᬩᬗᭂᬢ᭄ᬯᭂᬗᬶᬦᬾᬓᬮᬗ᭄ᬓᬸᬂ᭞ᬗᬶᬭᬶᬂᬓᬾᬧᬸᬗ᭄ᬕᭂᬮᬂ᭞ᬮᬦ᭄ᬢᬸᬭᬂᬳᬦ᭄ᬢᬸᬓ᭄‌ᬕᬶᬦᬦ᭄ᬢᬶ᭞ᬭᬾᬄᬲᬂᬧᬸᬘᬸᬂ᭞ᬲᬸᬩᬓ᭄ᬬᬧ᭄‌ᬳ᭄ᬯᬩ᭄ ᬳ᭄ᬯᬩ᭄᭟᭜᭟ᬧᬸᬄᬕᬶᬦᬦ᭄ᬢᬶ᭟ᬲᬂᬲᬶᬱ᭄ᬬᬯᬦ᭄‌ᬭᬭᬶᬲ᭄ᬫᬢᬸᬃ᭞ᬤᬸᬄᬭᬢᬸᬲᬂᬢᬧᬮ᭄ᬯᬶᬄ᭞ᬤᬸᬭᬸᬂᬲᬂᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂ᭞ᬦᬾᬓᬢᬸᬦᬦ᭄‌ᬲᬫᬶᬲᬫᬶ᭞ᬢᬶ ᬢ᭄ᬬᬂᬲᬬᬕᬗᬦ᭄ᬢᭀᬲᬂ᭞ᬲᬩᬸᬄᬯᬘᬦᬦ᭄‌ᬲᬂᬋᬱᬶ᭟ᬲᬂᬕᬸᬭᬸᬗᬦ᭄ᬤᬶᬓᬳᬮᬸᬲ᭄᭞ᬘ᭄ᬦᬶᬂᬩᬕᬸᬲ᭄‌ᬲᬬᬂᬍᬯᬶᬄ᭞ᬲᬤᬸᬭᬸᬂᬩᬧᬦᬾᬩᬸᬤᬮ᭄᭞ [᭔ 4A] ᬓᬚᬕᬢᬾᬲᬸᬦ᭄ᬬᬲ᭄ᬧᬶ᭞ᬓ᭄ᬤᭂᬄᬩᬧᬫᬓᬾᬮᬶᬗᬂ᭞ᬳᬶᬦ᭄ᬤᬶᬓ᭄ᬓᬲᬸᬰᬶᬮᬦ᭄ᬚᬢᬶ᭟ᬫᬦᬸᬢ᭄ᬩᬯᭀᬲ᭄‌ᬳᬶᬤᬲᬂᬧᬸᬢᬸᬲ᭄᭞ᬤᬰᬲᬶᬮᬳᬧᬂᬧᬱ᭄ᬝᬶ᭞ᬩ᭄ᬘᬶᬓ᭄ᬩᬧ ᬫᬶᬢ᭄ᬭᬗᬂ᭞ᬲᬶᬓᬶᬲᬶᬓᬶ᭞ᬳᬃᬣᬶᬦ᭄ᬜᬦᬾ᭞ᬦᬗ᭄ᬳᬶᬂᬧ᭄ᬤᬲᬂᬫᬶᬋᬗᬂ᭞ᬳᬧᬂᬢ᭄ᬯᬭᬩᬶᬗᬸᬂᬦᬫ᭄ᬧᬶ᭟ᬳᬳᬶᬫ᭄ᬲᬫᬮᬸᬦᬯᬸᬯᬸᬲ᭄᭞ᬮᭀᬮᬄᬢᬦ᭄‌ᬫᬫᬢᬶᬫᬢᬶ᭞ᬲᬳᬶ ᬫᭀᬦ᭄ᬤᭀᬂᬳᬲᬶᬄᬲᬬᬂ᭞ᬫᬋᬧ᭄‌ᬭᬶᬂᬲᬃᬯ᭄ᬯᬫᬳᬸᬭᬶᬧ᭄᭞ᬧᬢᬸᬄᬲᬬᬗᬾᬭᬶᬂᬭᬕ᭞ᬳᭂᬦ᭄ᬢᭀᬲᭀᬮᬄᬥᬃᬫ᭄ᬫᬚᬢᬶ᭟ᬯ᭄ᬮᬲ᭄ᬳᬲᬶᬳᬾᬧᬸᬦᬶᬓᬸ᭞ᬩ᭄ᬘᬶᬓ᭄ᬳᬕᭂᬫ᭄ ᬳᬧᬂᬧᬱ᭄ᬝᬶ᭞ᬧ᭄ᬢᭂᬂᬍᬫᬄᬳᬚᬮᬸᬧ᭞ᬗᬘᭂᬧ᭄ᬳᬶᬲᬃᬯ᭄ᬯᬫᬳᬸᬭᬶᬧ᭄᭞ᬳᬧᬂᬫᬗ᭄ᬕᬶᬄᬓᬲᬦ᭄ᬢᭀᬲᬦ᭄᭞ᬧᬗᬦ᭄ᬓᬶᬦᬸᬫ᭄‌ᬯᬶᬪᬸᬄᬲᬫᬶ᭟ᬓᬾᬢᭀᬫᬲᬶᬄᬧᬂ

Auto-transliteration

[3 3B] 3 siḥhangaranan, mugilantur̀, cningmamangguḥreruruḥ, nuluḥmar̀ggagalang, galangedikayunjati, naḥpamuput, siddhamanggiḥka santosan. wireḥsampun, bangĕtwĕnginekalangkung, ngiringkepunggĕlang, lanturanghantukginanti, reḥsangpucung, subakyap'hwab hwab \\•\\ puḥginanti. sangsiṣyawanrarismatur̀, duḥratusangtapalwiḥ, durungsangndikahintityang, nekatunansamisami, ti tyangsayagangantosang, sabuḥwacanansangr̥ĕsyi. sanggurungandikahalus, cningbagussayangl̥ĕwiḥ, sadurungbapanebudal, [4 4A] kajagatesunyaspi, kdĕḥbapamakelingang, hindikkasuśilanjati. manutbawoshidasangputus, daśasilahapangpaṣṭi, bcikbapa mitrangang, sikisiki, har̀thinñane, nanghingpdasangmir̥ĕngang, hapangtwarabingungnampi. hahimsamalunawuwus, lolaḥtanmamatimati, sahi mondonghasiḥsayang, mar̥ĕpringsar̀wwamahurip, patuḥsayangeringraga, hĕntosolaḥdhar̀mmajati. wlashasihepuniku, bcik'hagĕm hapangpaṣṭi, ptĕngl̥ĕmaḥhajalupa, ngacĕp'hisar̀wwamahurip, hapangmanggiḥkasantosan, pangankinumwibhuḥsami. ketomasiḥpang

Leaf 4

Image on Archive.org

[᭔ 4B] ᭔ ᬲᬢᬸᬯᬸᬓ᭄᭞ᬤᬕᬶᬂᬭᬯᬸᬄᬚᬕᬢ᭄ᬲᬫᬶ᭞ᬫᬗ᭄ᬤᬢᬦ᭄‌ᬳᭀᬩᬄᬢᬦ᭄ᬕᬶᬗ᭄ᬕᬂ᭞ᬫᬯᬾᬄᬤᬸᬓ᭄ᬢᬶᬳᬲᬶᬮ᭄ᬩᬸᬫᬶ᭞ᬓᬮᬶᬄᬲᬂᬫᬗᬫᭀᬂᬚᬕᬢ᭄᭞ᬫᬗ᭄ᬤᬚᬸᬚᬸᬃᬗᬯᬾ ᬢᬺᬧ᭄ᬢᬶ᭟ᬩᬗ᭄ᬭᬲ᭄ᬫᬕᭂᬳᭂᬓ᭄ᬧᬸᬦᬶᬓᬸ᭞ᬢᬍᬃᬗ᭄ᬭᬜ᭄ᬚᬶᬂᬳᬶᬫ᭄ᬲᬓᬃᬫ᭄ᬫᬶ᭞ᬬᬤ᭄ᬬᬲ᭄ᬢᬸᬫᬋᬧ᭄ᬭᬶᬂᬳᭀᬓ᭞ᬚᬗ᭄ᬓᭂᬧ᭄‌ᬗᬯᬾᬚᭂᬚᭂᬄᬧᬮᬶᬂ᭞ᬓᬬᬂᬓ᭄ᬮᬶᬄᬫᭀᬦ᭄ᬤᭀᬂᬕ᭄ᬢᬧ᭄᭞ᬋᬦ᭄ᬤᬄ ᬤᬶᬭᬶᬳᭂᬦ᭄ᬢᭀᬓᬕᬶᬲᬶ᭟ᬋᬦ᭄ᬤᬄᬤᬶᬭᬶᬳᬃᬢᭀᬲ᭄ᬳᬶᬧᬸᬦ᭄᭞ᬢᬓᬸᬢ᭄ᬭᬶᬓᬸᬄᬳᬲᬶᬂᬓᬫ᭄ᬩᬶᬮ᭄᭞ᬫᬲᬧ᭄ᬮᬶᬄᬫᬲᬮᬶᬓᬤ᭄᭞ᬚᬶᬯᬦᬾᬘ᭄ᬦᬶᬓ᭄ᬫᬗᬶᬮ᭄ᬕᬶᬮ᭄᭞ ᬓᬾᬢᭀᬲᬂᬓᬢᬸᬦᬦ᭄ᬫᬦᬄ᭞ᬓᭂᬚᭀᬓᬦ᭄ᬲᬫᬶᬲᬫᬶ᭟ᬲᬚ᭄ᬭᭀᬦᬶᬂᬢ᭄ᬭᬶᬓᬬᬳᬶᬓᬸ᭞ᬤᬶᬩᬩᭀᬲ᭄ᬧᬢᬸᬢ᭄ᬳᬧᬶᬓᬶᬦ᭄᭞ᬯᬶᬭᬾᬄᬬᬦ᭄ᬩᬯᭀᬲᬾᬳᬶ [᭕ 5A] ᬯᬂ᭞ᬩᬂᬕ᭄ᬭᬲ᭄ᬫᬜᬓᬶᬢᬶᬦ᭄ᬳᬢᬶ᭞ᬫᬸᬯᬸᬄᬤ᭄ᬫᭂᬦᬾᬫᬶᬲᬸᬦ᭞ᬧᬢᭂᬄᬓᬾᬦ᭄ᬫᬫᬢᬶᬫᬢᬶ᭟ᬳᭂᬦ᭄ᬢᭀᬓ᭄ᬭᬡᬘ᭄ᬦᬶᬂᬩᬕᬸᬲ᭄᭞ᬫᬕᭂᬳᭂᬓ᭄ᬩᬂᬕ᭄ᬭᬲ᭄ᬳᬶᬫ᭄ᬧᬲᬶᬦ᭄᭞ ᬫᬓᬤᬶᬤᬗᬯᬾᬳᬮ᭞ᬫᬋᬧ᭄ᬭᬶᬂᬳᬶᬲᬃᬯ᭄ᬯᬧ᭄ᬭᬡᬶ᭞ᬓᬾᬢᭀᬘ᭄ᬦᬶᬂᬳᬧᬂᬢᬢᬲ᭄᭞ᬳᬶᬫ᭄ᬲᬓᬃᬫ᭄ᬫᬦᬾᬓ᭄ᬮᬶᬤᬶᬦ᭄᭟ᬭᬶᬂᬢᬢ᭄ᬯᬲᭂᬓᭂᬦ᭄‌ᬓᬧᬗ᭄ᬕᬸᬄ᭞ᬲᭀ ᬮᬳᬾᬫᬫᬢᬶᬫᬢᬶ᭞ᬫᬓᬤᬶᬦ᭄ᬜᬭᬶᬂᬫᬦᬸᬱ᭞ᬩᬗᭂᬢ᭄ᬧᬧᬦᬾᬓᬧᬗ᭄ᬕᬶᬄ᭞ᬢᬸᬭᬸᬦᬦᬾᬫᬶᬮᬸᬚ᭄ᬗᬄ᭞ᬧᬸᬃᬯ᭄ᬯᬓᬃᬫ᭄ᬫᬦᬾᬓᬢᬫ᭄ᬧᬶ᭟ᬗᬯᬶᬢ᭄ᬚᬦᬶᬤ ᬫᬫᬸᬭᬸᬕ᭄᭞ᬲᭀᬮᬳᬾᬫᬫᬢᬶᬫᬢᬶ᭞ᬯᬶᬭᬾᬄᬲ᭄ᬓᭂᬦ᭄‌ᬗᬯᬾᬤᭀᬱ᭞ᬲᬦ᭄ᬢᬦᬦᬾᬫᬶᬮᬸᬄᬲ᭄ᬤᬶᬄ᭞ᬫ᭄ᬮᬄᬦᬾᬚᬦᬶᬓᬯᬶᬢᬶᬦ᭄᭞ᬲᬶᬮᬥᬃᬫ᭄ᬫᬦᬾᬫᬃ

Auto-transliteration

[4 4B] 4 satuwuk, dagingrawuḥjagatsami, mangdatanhobaḥtan'ginggang, maweḥduktihasilbumi, kaliḥsangmangamongjagat, mangdajujur̀ngawe tr̥ĕpti. bangrasmagĕhĕkpuniku, tal̥ĕr̀ngrañjinghimsakar̀mmi, yadyastumar̥ĕpringhoka, jangkĕpngawejĕjĕḥpaling, kayangkliḥmondonggtap, r̥ĕndaḥ dirihĕntokagisi. r̥ĕndaḥdirihar̀toshipun, takutrikuḥhasingkambil, masapliḥmasalikad, jiwanecnikmangilgil, ketosangkatunanmanaḥ, kĕjokansamisami. sajroningtrikayahiku, dibabospatut'hapikin, wireḥyanbawosehi [5 5A] wang, banggrasmañakitinhati, muwuḥdmĕnemisuna, patĕḥkenmamatimati. hĕntokraṇacningbagus, magĕhĕkbanggrashimpasin, makadidangawehala, mar̥ĕpringhisar̀wwapraṇi, ketocninghapangtatas, himsakar̀mmaneklidin. ringtatwasĕkĕnkapangguḥ, so lahemamatimati, makadinñaringmanuṣa, bangĕtpapanekapanggiḥ, turunanemilujngaḥ, pur̀wwakar̀mmanekatampi. ngawitjanida mamurug, solahemamatimati, wireḥskĕnngawedoṣa, santananemiluḥsdiḥ, mlaḥnejanikawitin, siladhar̀mmanemar̀

Leaf 5

Image on Archive.org

[᭕ 5B] ᭕ ᬕ᭄ᬕᬶᬦᬶᬦ᭄᭟ᬯᬦ᭄ᬢᬄᬲᭀᬮᬳᬾᬦᬾᬧᬢᬸᬢ᭄᭞ᬗᬶᬘᬮᬂᬲᬓᬜ᭄ᬘᬦ᭄‌ᬕ᭄ᬭᬶᬂ᭞ᬕ᭄ᬭᬶᬗᬾᬫᬸᬗ᭄ᬕᬸᬄᬭᬶᬂᬭᬕ᭞ᬫᬓᬤᬶᬫᬫᬢᬶᬫᬢᬶ᭞ᬫᬶᬯᬄᬤ᭄ᬫᭂᬦᬾ ᬫᬶᬲᬸᬦ᭞ᬫᬓ᭄ᬚᬂᬧᬢᬸᬢ᭄‌ᬩᬺᬱᬶᬳᬶᬦ᭄᭟ᬲᬂᬲᬶᬱ᭄ᬬᬯᬦ᭄ᬫᬮᬶᬄᬫᬢᬸᬃ᭞ᬭᬢᬸᬲᬂᬤᬶᬓ᭄ᬱᬶᬢᬍᬯᬶᬄ᭞ᬫᬮᬶᬄᬢᬶᬢ᭄ᬬᬂᬫᬦᬸᬦᬲᬂ᭞ᬳᬶᬦ᭄ᬤᬶᬓᬾᬫᬫ ᬢᬶᬫᬢᬶ᭞ᬦᬾᬫᬓᬦ᭄ᬢᭂᬦ᭄‌ᬚ᭄ᬭᭀᬦᬶᬂᬬᬚ᭄ᬜ᭞ᬳᬓ᭄ᬯᬾᬄᬓᬦ᭄ᬢᬸᬦ᭄ᬓᬫᬃᬕ᭄ᬕᬶᬦᬶᬦ᭄᭟ᬲᬂᬢᬧᬕ᭄ᬮᬶᬲ᭄ᬫᬯᬸᬯᬸᬲ᭄᭞ᬓᬾᬦᬾᬦᬦᬓ᭄‌ᬳᬧᬂᬳᬸᬦᬶᬂ᭞ᬲᬚ᭄ᬭᭀ ᬦᬶᬂᬳᬶᬫ᭄ᬲᬓᬃᬫ᭄ᬫ᭞ᬭᬶᬂᬲᬶᬮᬓᬃᬫ᭄ᬫᬓᬧᬗ᭄ᬕᬶᬄ᭞ᬫᬲᬶᬄᬳᬤᬧᬯᬢᭂᬲ᭄ᬜ᭞ᬫᬗ᭄ᬕᬾᬭᬶᬂᬬᬚ᭄ᬜᬫᬓᬤᬶ᭟ᬚ᭄ᬭᭀᬦᬶᬂᬧᬜ᭄ᬘᬬᬚ᭄ᬜᬳᬶᬓᬸ᭞ᬳᬢᬶᬳᬢᬶᬧᬸᬚ [᭖ 6A] ᬢᭀᬫᬮᬶᬄ᭞ᬓᬾᬢᭀᬫᬲᬶᬄᬯᬢᭂᬓ᭄‌ᬓ᭄ᬱᬢ᭄ᬭ᭄ᬬ᭞ᬤᬸᬓ᭄ᬗᬤᬸᬬᬸᬥᬲᬸᬢᬶᬦ᭄ᬤᬶᬄ᭞ᬭᬶᬂᬦᬕ᭄ᬭᬳᬫᬶᬯᬄᬯᬤ᭄ᬯ᭞ᬫᬲᬶᬄᬥᬃᬫ᭄ᬫᬫᬗᬯᬓᬶᬦ᭄᭟ᬳᬶᬦ᭄ᬤᬶᬓᬾᬲ ᬫᬶᬧᬸᬦᬶᬓ᭞ᬬᬤ᭄ᬬᬲ᭄ᬢᬸᬫᬫᬢᬶᬫᬢᬶ᭞ᬭᬾᬄᬓᬦ᭄ᬢᬸᬦ᭄‌ᬚ᭄ᬭᭀᬦᬶᬂᬥᬃᬫ᭄ᬫ᭞ᬢ᭄ᬯᬭᬧᬘᬂᬓᬧᬲᬶᬲᬶᬧ᭄᭞ᬯᬶᬭᬾᬄᬧᬗᬧ᭄ᬢᬶᬦᬲᬶᬦᬄ᭞ᬢᬦ᭄ᬲᬓᬶᬂᬦ᭄ᬭᬲᬗ᭄ᬲ ᬩᬸᬤᬶ᭞ᬳᬯᬶᬦᬦ᭄ᬲᬂᬓ᭄ᬱᬢ᭄ᬭ᭄ᬬᬳᬶᬓᬸ᭞ᬓᬮᬫᬬᬸᬥᬢᬦ᭄ᬕᬶᬗ᭄ᬲᬶᬃ᭞ᬬᬦᬶᬂᬮᬫ᭄ᬧᬸᬲ᭄ᬭᬶᬂᬧᬬᬸᬥᬦ᭄᭞ᬯᬶᬱ᭄ᬡᬸᬮᭀᬓᬦᬾᬓᬧᬗ᭄ᬕᬶᬄ᭞ᬓᬾᬢᭀᬓᬩ ᬯᭀᬲ᭄ᬭᬶᬂᬕᬶᬢ᭞ᬧᬓᬾᬮᬶᬂᬰ᭄ᬭᬷᬓᬺᬱ᭄ᬡᬚᬢᬶ᭟ᬦᬗ᭄ᬳᬶᬂᬫᬲᬶᬄᬳᬧᬂᬢᬸᬳᬸ᭞ᬗᬸᬦᬤᬶᬓᬚ᭄ᬭᭀᬦᬶᬂᬳᬶᬦ᭄ᬤᬶᬓ᭄᭞ᬭᬾᬄᬧᬗ᭄ᬓᭂᬤ᭄‌ᬳᬸᬦᬶᬗᬾᬓᬢᬄ᭞ᬫᬃᬕ᭄ᬕᬶᬦᬾᬫᬲᬶᬄ

Auto-transliteration

[5 5B] 5 gginin. wantaḥsolahenepatut, ngicalangsakañcan'gring, gringemungguḥringraga, makadimamatimati, miwaḥdmĕne misuna, makjangpatutbr̥ĕsyihin. sangsiṣyawanmaliḥmatur̀, ratusangdiksyital̥ĕwiḥ, maliḥtityangmanunasang, hindikemama timati, nemakantĕnjroningyajña, hakweḥkantunkamar̀gginin. sangtapaglismawuwus, kenenanak'hapanghuning, sajro ninghimsakar̀mma, ringsilakar̀mmakapanggiḥ, masiḥhadapawatĕsña, manggeringyajñamakadi. jroningpañcayajñahiku, hatihatipuja [6 6A] tomaliḥ, ketomasiḥwatĕkkṣatrya, dukngaduyudhasutindiḥ, ringnagrahamiwaḥwadwa, masiḥdhar̀mmamangawakin. hindikesa mipunika, yadyastumamatimati, reḥkantunjroningdhar̀mma, twarapacangkapasisip, wireḥpangaptinasinaḥ, tansakingnrasangsa budi, hawinansangkṣatryahiku, kalamayudhatan'gingsir̀, yaninglampusringpayudhan, wiṣṇulokanekapanggiḥ, ketokaba wosringgita, pakelingśrīkr̥ĕṣṇajati. nanghingmasiḥhapangtuhu, ngunadikajroninghindik, reḥpangkĕd'huningekataḥ, mar̀gginemasiḥ

Leaf 6

Image on Archive.org

[᭖ 6B] ᭖ ᬢᬦ᭄ᬓᬶᬤᬶᬓ᭄᭞ᬓᬗ᭄ᬕᬾᬦ᭄ᬜᬸᬚᬸᬄᬲ᭄ᬯᬃᬕ᭄ᬕᬮᭀᬓ᭞ᬩᬶᬦᬯᬓ᭄ᬬᬢᬗ᭄ᬓᬶᬮ᭄‌ᬓᬧ᭄ᬢᬶ᭟ᬳᬶᬦ᭄ᬤᬶᬓᬾᬫᬧᬮᬶᬄᬮ᭄ᬬᬸ᭞ᬲᬗ᭄ᬓᬦ᭄‌ᬬᬕᬮᬶᬄᬕᬮᬶᬳᬶᬦ᭄᭞ᬫᬗ᭄ᬤᬾ ᬦ᭄ᬜᬢᬦ᭄ᬲᬮᬄᬕ᭄ᬦᬄᬳᬶᬯᬂᬲᬸᬤᬸᬓ᭄‌ᬫᬶᬦᬓᬤᬶ᭞ᬧᬸᬧᬸᬢ᭄‌ᬦᬾᬧᬢᬸᬢ᭄‌ᬳᬾᬮᬶᬗᬂ᭞ᬲ᭄ᬯᬥᬃᬫ᭄ᬫᬦᬾᬳᭂᬦ᭄ᬢᭀᬘ᭄ᬦᬶᬂ᭟ᬦᬄᬳᬫᭀᬦ᭄ᬢᭀᬘ᭄ᬦᬶᬂᬫᬮᬸ᭞ᬩᬧᬫ ᬓᬾᬮᬶᬂᬭᬶᬂᬘ᭄ᬦᬶᬂ᭞ᬦᬾᬗᭂᬦᬶᬦᬶᬦ᭄‌ᬳᬶᬫ᭄ᬲᬓᬃᬫ᭄ᬫ᭞ᬦᬾᬚᬦᬶᬩ᭄ᬘᬶᬓ᭄‌ᬯᬮᬶᬦᬶᬦ᭄᭞ᬤᬰᬲᬶᬮᬦᬾᬮᬦ᭄ᬢᬸᬭᬂ᭞ᬢᬸᬃᬋᬱᭂᬧᬂᬚ᭄ᬭᭀᬦᬶᬂᬳᬢᬶ᭟ᬓᬃᬯ᭄ᬯᬩ᭄ᬭᬳ᭄ᬫᬘ ᬭᬶᬳᬶᬓᬸ᭞ᬢᬦ᭄ᬭᬸᬗᬸᬭᬶᬂᬳᬦᬓ᭄‌ᬳᬶᬲ᭄ᬢ᭄ᬭᬶ᭞ᬤᬶᬦᬶᬢ᭄ᬭᬸᬲ᭄ᬓᬳᬶᬧ᭄ᬬᬦ᭄᭞ᬢᬦ᭄ᬓᬕᭀᬤᬲᬂᬳᬧᭂᬓᬶᬓ᭄᭞ᬳᬦ᭄ᬢᬸᬓ᭄ᬳᬧᬶᬓ᭄ᬗᬫᭀᬂᬩ᭄ᬭᬢ᭞ᬢᬧᬮᬦ᭄ᬲᬫ [᭗ 7A] ᬥᬶᬮ᭄ᬯᬶᬄ᭟ᬲᬂᬩ᭄ᬭᬳ᭄ᬫᬘᬭᬶᬲᬢᬸᬯᬸᬓ᭄᭞ᬢ᭄ᬓᭂᬓ᭄ᬗᬫᭀᬂᬲᬶᬮᬬᬸᬓ᭄ᬢᬶ᭞ᬲᬳᬶᬢᬫ᭄ᬧᭂᬓ᭄‌ᬭᬶᬲᬂᬕᬸᬭᬸ᭞ᬪᬓ᭄ᬢᬶᬜ᭄ᬭᬳᬂᬤᬶᬭᬶ᭞ᬳᬧᬦ᭄ᬳᬶᬤᬓᬗ᭄ᬕᬾᬦ᭄ᬮᬶᬗ᭄ᬕ᭞ᬫ ᬦᬸᬜ᭄ᬘᬧ᭄‌ᬦᬶᬃᬪᬦᬪᬸᬫᬶ᭟ᬲᬂᬕᬸᬭᬸᬫᬮᬶᬄᬫᬯᬸᬯᬸᬲ᭄᭞ᬳᬍᬧ᭄ᬩᬦ᭄ᬩᬦ᭄‌ᬦᭂᬓᭂᬂᬳᬢᬶ᭞ᬯᬶᬯᬾᬓᬦᬾᬢᬦ᭄ᬓᬢᬶᬗ᭄ᬕᬮ᭄᭞ᬯᬾᬭᬕ᭄ᬬᬓᬗ᭄ᬕᬾᬦ᭄‌ᬦᬲᬭᬶ ᬦ᭄᭞ᬓᬾᬢᭀᬕᬸᬭᬸᬦᬾᬳᬸᬢᬫ᭞ᬜᬶᬸᬗᭂᬚᬸᬓ᭄‌ᬫᬸᬭᬶᬤ᭄ᬫᬳᭂᬗ᭄ᬓᭂᬢ᭄ᬓᬮᬶᬄ᭟ᬲ᭄᭟ᬧᬧᬶᬓᬢᬾᬩᬯᭀᬲ᭄ᬳᬮᬸᬲ᭄᭞ᬦᬾᬤᭀᬄᬲᬓᬶᬂᬓᬬᬸᬦ᭄ᬧ᭄ᬭᬶᬄ᭞ᬫᬪᬯᬫᬸ ᬓ᭞ᬓᬶᬸᬦᬕᬮᬂ᭞ᬩᬗᭂᬢ᭄ᬦᬸᬤᬸᬢ᭄‌ᬲᬂᬜᬶᬗᬓᬶᬦ᭄᭞ᬩ᭄ᬭᬂᬢᬶᬮᭀᬪᬦᬾᬫᬜ᭄ᬭᬄ᭞ᬲᬂᬕᬸᬭᬸᬮ᭄ᬯᬶᬃᬳᬶᬂᬩᬸᬥᬶ᭟ᬦᬦᬓ᭄ᬩᬕᬸᬲ᭄ᬲᬂᬳᬦᬸᬮᬸᬲ᭄᭞ᬫᬮᬶᬄᬩᬧᬫᬫ

Auto-transliteration

[6 6B] 6 tankidik, kanggenñujuḥswar̀ggaloka, binawakyatangkilkapti. hindikemapaliḥlyu, sangkanyagaliḥgalihin, mangde nñatansalaḥgnaḥhiwangsudukminakadi, puputnepatut'helingang, swadhar̀mmanehĕntocning. naḥhamontocningmalu, bapama kelingringcning, nengĕnininhimsakar̀mma, nejanibcikwalinin, daśasilanelanturang, tur̀r̥ĕsyĕpangjroninghati. kar̀wwabrahmaca rihiku, tanrunguringhanak'histri, dinitruskahipyan, tankagodasanghapĕkik, hantuk'hapikngamongbrata, tapalansama [7 7A] dhilwiḥ. sangbrahmacarisatuwuk, tkĕkngamongsilayukti, sahitampĕkrisangguru, bhaktiñrahangdiri, hapanhidakanggenlingga, ma nuñcapnir̀bhanabhumi. sanggurumaliḥmawuwus, hal̥ĕpbanbannĕkĕnghati, wiwekanetankatinggal, weragyakanggennasari n, ketogurunehutama, ñ̶ngĕjukmuridmahĕngkĕtkaliḥ. s. papikatebawoshalus, nedoḥsakingkayunpriḥ, mabhawamu ka, k̶nagalang, bangĕtnudutsangñingakin, brangtilobhanemañraḥ, sanggurulwir̀hingbudhi. nanakbagussanghanulus, maliḥbapamama

Leaf 7

Image on Archive.org

[᭗ 7B] ᭗ ᬜ᭄ᬚᬗᬶᬦ᭄᭞ᬲᬂᬫᬗᬫᭀᬂᬩ᭄ᬭᬳ᭄ᬫᬲᬃᬬ᭄ᬬ᭞ᬢᬼᬩ᭄ᬗᬫᭀᬂᬩᬸᬥᬶᬳ᭄ᬦᬶᬂ᭞ᬩᬺᬱᬶᬄᬕᬮᬂᬢ᭄ᬯᬭᬲᬫ᭞ᬕ᭄ᬫᭂᬢ᭄ᬗᭂᬫᬶᬢ᭄‌ᬲᬸᬓ᭄ᬮᬦ᭄ᬳᬢᬶ᭟ᬲᬢᬸᬤᬸᬄᬳᬶᬤᬲᬂᬕᬸᬭᬸ᭞ᬓᬢ ᬢ᭄ᬧᬦᬶᬦ᭄ᬳᬦ᭄ᬢᬸᬓ᭄‌ᬳᬾᬮᬶᬂ᭞ᬲᬳᬢᬦ᭄ᬮᬮᬶᬫᬜᭂᬫ᭄ᬩᬄ᭞ᬫᬓᬪᬸᬓ᭄ᬢᬶᬪᬓ᭄ᬢᬶᬚᬢᬶ᭞ᬢᬸᬮᬸᬲ᭄‌ᬢ᭄ᬯᬭᬓᬯᬭᬦᬦ᭄᭞ᬚᭂᬕ᭄ᬘᬮᬸᬄᬦᬭᭀᬲᬂᬳᬢᬶ᭟ᬲᬂᬩ᭄ᬭ ᬳ᭄ᬫᬘᬭᬶᬲᬢᬸᬯᬸᬓ᭄᭞ᬫᭀᬢ᭄ᬲᬳᬗᬯᬲᬤᬶᬭᬶ᭞ᬓᬦ᭄ᬢᬶᬧᬮᬶᬂᬳᬶᬳᬗ᭄ᬓᬭ᭞ᬢ᭄ᬯᬭᬫᬳᬦ᭄‌ᬲ᭄ᬮᬄᬩ᭄ᬘᬶᬓ᭄᭞ᬗᬶᬲᬶᬦᬶᬦ᭄ᬧᬓᬶᬢᬦ᭄ᬫᬦᬄ᭞ᬦᬾᬦᭀᬢ᭄‌ᬗ ᬲᭀᬭᬂᬚᬤ᭄ᬫᬶ᭟ᬳᭂᬦ᭄ᬢᭀᬓ᭄ᬭᬡᬘ᭄ᬦᬶᬂᬩᬕᬸᬲ᭄᭞ᬕᬶᬩ᭄ᬭᬲᬂᬤᬗᭂᬓᭀᬄᬳᬢᬶ᭞ᬩᬧᬚᬢᬶᬩᬗᭂᬢ᭄‌ᬲᬬᬂ᭞ᬭᬶᬂᬲᬂᬢᬓᬸᬢ᭄‌ᬗᬃᬤ᭄ᬥᬶᬩ᭄ᬘᬶᬓ᭄᭞ᬗ᭄ᬳᬶᬂᬩᬦᬶᬫᬲᭀ [᭘ 8A] ᬮᬄᬳᬶᬯᬂ᭞ᬦᬾᬲᬶᬦᬄᬜᬗ᭄ᬲᬭᬦ᭄ᬤᬶᬭᬶ᭟ᬚᬦ᭄ᬢᭀᬲ᭄ᬳᬶᬭᬶᬓᬶᬓᬧᬸᬢᬸᬲ᭄᭞ᬮᬂᬫᬲᭀᬮᬄᬩ᭄ᬭᬳ᭄ᬫᬘᬭᬶ᭞ᬩ᭄ᬘᬶᬓ᭄ᬮᬦ᭄ᬢᬸᬭᬂᬦᬾᬮ᭄ᬬᬦ᭄᭞ᬕᬶᬦᬤᬢᬸᬯᬸᬃᬦᬾ ᬫᬗ᭄ᬓᬶᬦ᭄᭞ᬦᬗ᭄ᬳᬶᬂᬓᬾᬲᬫ᭄ᬧᬸᬦᬂᬮᬸᬧ᭞ᬜᬸᬓ᭄ᬱ᭄ᬫᬭᬶᬂᬲᬂᬕᬶᬦᬦ᭄ᬢᬶ᭟᭜᭟ᬧᬸᬄᬕᬶᬦᬤ᭟ᬦᬾᬫᬗ᭄ᬓᬶᬦ᭄ᬩᬧᬗᬶᬦ᭄ᬤᬬᬂ᭞ᬳᬃᬣᬶᬦ᭄‌ᬲᬢ᭄ᬬᬦᬾᬧᬂᬳᬸᬦᬶᬂ᭞ᬳᭂ ᬦ᭄ᬢᭀᬲᬶᬮᬓᬧᬶᬂᬢᬶᬕ᭞ᬫ᭄ᬮᬳᬂᬘ᭄ᬦᬶᬂᬫᬗ᭄ᬭᬸᬗᬸ᭞ᬲᬂᬲᬢ᭄ᬬᬢᬦ᭄‌ᬦᬳᬦ᭄‌ᬩᭀᬩᬩ᭄᭞ᬚᬸᬚᬸᬃᬲᬳᬶ᭞ᬫᬓᬤᬶᬲᬢ᭄ᬬᬯᬘᬦ᭟ᬲᬢ᭄ᬬᬫᬸᬓ᭄ᬬᬦᬶᬂᬥᬃᬫ᭄ᬫ᭞ᬫ ᬦᬸᬢ᭄ᬩᬩᬯᭀᬲ᭄‌ᬲᬂᬋᬱᬶ᭞ᬚᬮᬦ᭄ᬦᬾᬚᬦᬶᬢᬢᬲᬂ᭞ᬳᬧᬂᬢ᭄ᬯᬭᬘ᭄ᬦᬶᬂᬩᬶᬗᬸᬂ᭞ᬦᬾᬳᬶᬫ᭄ᬩᬳᬗ᭄ᬕᭀᬦ᭄‌ᬫ᭄ᬤᬲᬂ᭞ᬫᬸᬕᬶᬘ᭄ᬦᬶᬂ᭞ᬲᬶᬤ᭄ᬥᬦᬫ᭄ᬧᬶᬢᬸᬃᬋᬲᭂᬧᬂ᭟ᬤᬸ

Auto-transliteration

[7 7B] 7 ñjangin, sangmangamongbrahmasar̀yya, tl̥ĕbngamongbudhihning, br̥ĕsyiḥgalangtwarasama, gmĕtngĕmitsuklanhati. satuduḥhidasangguru, kata tpaninhantuk'heling, sahatanlalimañĕmbaḥ, makabhuktibhaktijati, tulustwarakawaranan, jĕgcaluḥnarosanghati. sangbra hmacarisatuwuk, motsahangawasadiri, kantipalinghihangkara, twaramahanslaḥbcik, ngisininpakitanmanaḥ, nenotnga sorangjadmi. hĕntokraṇacningbagus, gibrasangdangĕkoḥhati, bapajatibangĕtsayang, ringsangtakutngar̀ddhibcik, nghingbanimaso [8 8A] laḥhiwang, nesinaḥñangsarandiri. jantoshirikikaputus, langmasolaḥbrahmacari, bciklanturangnelyan, ginadatuwur̀ne mangkin, nanghingkesampunanglupa, ñukṣmaringsangginanti \\•\\ puḥginada. nemangkinbapangindayang, har̀thinsatyanepanghuning, hĕ ntosilakapingtiga, mlahangcningmangrungu, sangsatyatannahanbobab, jujur̀sahi, makadisatyawacana. satyamukyaningdhar̀mma, ma nutbabawossangr̥ĕsyi, jalannejanitatasang, hapangtwaracningbingung, nehimbahanggonmdasang, mugicning, siddhanampitur̀r̥ĕsĕpang. du

Leaf 8

Image on Archive.org

[᭘ 8B] ᭘ ᬔᬶᬤᬲᬂᬯᬺᬓᭀᬥᬭ᭞ᬫᬕᬸᬭᬸᬲᬢ᭄ᬬᬤᬸᬓ᭄ᬗᬸᬦᬶ᭞ᬭᬶᬂᬳᬶᬤᬪᬕᬯᬦ᭄‌ᬤ᭄ᬭᭀᬦ᭟ᬯᬦ᭄ᬢᬄᬲᬢ᭄ᬬᬮᬓᬳᬸᬮᬸ᭞ᬳᬶᬤᬸᬧ᭄ᬫᬢᬶᬢᬦ᭄‌ᬓᬳᬾᬢᬂ᭞ᬯᬦ᭄ᬢᬄ ᬦᬸᬗ᭄ᬕᬶᬮ᭄᭞ᬢᬸᬤᬸᬄᬕᬸᬭᬸᬓᬫᬃᬕ᭄ᬕ᭄ᬬᬂ᭟ᬫᬦᬸᬢ᭄ᬧᬦᬫ᭄ᬧᬶᬦ᭄ᬲᬂᬪᬶᬫ᭞ᬲᬸᬓᬤᬸᬓᬮᬭᬧᬢᬶ᭞ᬳᭂᬦ᭄ᬢᭀᬚᬢᬶᬦ᭄ᬜᬢᬦ᭄‌ᬗᭀᬤ᭞ᬯᬶᬭᬾᬄᬧᬗᬸᬕᬸᬦᬾᬧᬸᬧᬸᬢ᭄᭞ ᬢᬼᬩ᭄ᬫᬕᬸᬭᬸᬲᬸᬰ᭄ᬭᬸᬲ᭞ᬲᬢ᭄ᬬᬪᬓ᭄ᬢᬶ᭞ᬓᬗ᭄ᬕᬾᬦ᭄ᬗᬮᬶᬄᬓᬦᬶᬃᬪᬦᬦ᭄᭟ᬓ᭄ᬧᬳᬶᬂᬧᬢ᭄‌ᬫᬗ᭄ᬓᬶᬦ᭄ᬲᬢ᭄ᬯᬬᬂ᭞ᬳᬯ᭄ᬬᬯᬳᬭᬓᬧᬸᬚᬶ᭞ᬦᬾᬫᬃᬣᬶᬢᬦ᭄‌ᬦᬳ ᬦ᭄ᬲᬸᬕᬢ᭄᭞ᬗᬯᬾᬳᬤᬸᬂᬬᬲᬢᬸᬯᬸᬓ᭄᭞ᬘᬶᬢ᭄ᬢᬩᬸᬥᬶᬮᬦ᭄ᬧᬗ᭄ᬭᬲ᭞ᬫᬲᬶᬄᬦᬸᬗ᭄ᬕᬶᬮ᭄᭞ᬫᬲᬥᬦᬳᬭᬶᬫ᭄ᬪᬯ᭟ᬦᬾᬓᬩᬯᭀᬲ᭄ᬳᬭᬶᬫ᭄ᬪᬯ᭞ᬳᬧᬂᬘ᭄ᬦᬶᬂᬳᬸ [᭙ 9A] ᬦᬶᬂ᭞ᬩ᭄ᬘᬶᬓ᭄‌ᬢᬫ᭄ᬧᬦᬶᬦ᭄ᬋᬱᭂᬧᬂ᭞ᬲᬼᬳᬶᬦ᭄ᬳᬃᬣᬶᬦ᭄ᬜᬫᬮᬸ᭞ᬳᬭᬶᬫ᭄ᬪᬯᬓᬳᬃᬢ᭄ᬬᬂ᭞ᬯᬦ᭄ᬢᬄᬚᬢᬶ᭞ᬲᬂᬳᬸᬦᬶᬂᬜᬶᬓᬸᬢᬂᬭᬕ᭟ᬘᬶᬗᬓ᭄ᬤᬕᬶᬂᬲᬫᬸᬲ᭄ᬘ ᬬ᭞ᬓᬃᬤ᭄ᬥᬶᬦ᭄‌ᬋᬱᬶᬯᬭᬭᬸᬘᬶ᭞ᬜᬢ᭄ᬯᬬᬂᬲᬂᬳᬭᬶᬫ᭄ᬪᬯ᭞ᬦᬾᬲᬢᬸᬯᬸᬓ᭄ᬗᬩᬳᬤᬸᬂ᭞ᬫᬭᬶᬂᬭᬕᬢ᭄ᬯᬶᬦ᭄‌ᬯᭀᬂᬮ᭄ᬬᬦ᭄᭟ᬧᬢᭂᬄᬲᬫᬶ᭞ᬳᬦ᭄ᬢᬸᬓ᭄ᬳᬶᬤ ᬫᬦ᭄ᬭᬧᬂ᭟ᬫᬸᬮᬲᭀᬮᬄᬳᬭᬶᬫ᭄ᬪᬯ᭞ᬭᬳᬬᬸᬯᬦ᭄ᬢᬄᬓᬳᬧ᭄ᬢᬶ᭞ᬢᬦ᭄ᬲᬗᬾᬫᭀᬂᬓᬫᬦᬸᬱᬦ᭄᭞ᬫᬦᬸᬢ᭄ᬧᬶᬤᬩ᭄ᬤᬩ᭄‌ᬳ᭄ᬬᬂᬫᬦᬸ᭞ᬳᬸᬮᬶᬗᬸᬦᬶ ᬯᬾᬄᬢᬸᬮᬤᬦ᭄᭞ᬫᬓᬸᬲ᭄ᬫᬺᬢ᭄ᬢᬶ᭞ᬓᬃᬤ᭄ᬥᬶᬦ᭄ᬳᬶᬤᬮ᭄ᬯᬶᬄᬉᬢ᭄ᬢᬫ᭟ᬧᬸᬧᬸᬢᬂᬲᬂᬳᬭᬶᬫ᭄ᬪᬯ᭞ᬩ᭄ᬘᬶᬓ᭄ᬮᬦ᭄ᬢᬸᬭᬂᬦᬾᬫᬗ᭄ᬓᬶᬦ᭄᭞ᬓᬰᬶᬮᬦᬾᬓᬧᬶᬂᬮᬶᬫ᭞ᬳᬲ᭄ᬢᬾ

Auto-transliteration

[8 8B] 8 khidasangwr̥ĕkodhara, magurusatyaduknguni, ringhidabhagawandrona. wantaḥsatyalakahulu, hidupmatitankahetang, wantaḥ nunggil, tuduḥgurukamar̀ggyang. manutpanampinsangbhima, sukadukalarapati, hĕntojatinñatanngoda, wireḥpangugunepuput, tl̥ĕbmagurusuśrusa, satyabhakti, kanggenngaliḥkanir̀bhanan. kpahingpatmangkinsatwayang, hawyawaharakapuji, nemar̀thitannaha nsugat, ngawehadungyasatuwuk, cittabudhilanpangrasa, masiḥnunggil, masadhanaharimbhawa. nekabawosharimbhawa, hapangcninghu [9 9A] ning, bciktampaninr̥ĕsyĕpang, sl̥ĕhinhar̀thinñamalu, harimbhawakahar̀tyang, wantaḥjati, sanghuningñikutangraga. cingakdagingsamusca ya, kar̀ddhinr̥ĕsyiwararuci, ñatwayangsangharimbhawa, nesatuwukngabahadung, maringragatwinwonglyan. patĕḥsami, hantuk'hida manrapang. mulasolaḥharimbhawa, rahayuwantaḥkahapti, tansangemongkamanuṣan, manutpidabdab'hyangmanu, hulinguni weḥtuladan, makusmr̥ĕtti, kar̀ddhinhidalwiḥuttama. puputangsangharimbhawa, bciklanturangnemangkin, kaśilanekapinglima, haste

Leaf 9

Image on Archive.org

[᭙ 9B] ᭙ ᬦ᭄ᬬᬢᭀᬓᬯᬸᬯᬸᬲ᭄᭞ᬦᬾᬫᬃᬣᬶᬢᬦ᭄ᬦᬳᬦ᭄‌ᬘᭀᬭᬄ᭞ᬬᬤ᭄ᬬᬦ᭄ᬳᬮᬶᬢ᭄᭞ᬢᬦ᭄ᬓᬧᬦ᭄ᬤᬸᬂᬓᬳᭂᬗ᭄ᬓᭂᬩᬂ᭟ᬲᬂᬜ᭄ᬫᬓ᭄‌ᬢ᭄ᬯᬭᬫᭀᬭᬳᬦ᭄᭞ᬫᬓᬾᬄᬓ᭄ᬤᬶᬓ᭄ᬢ ᬍᬃᬲᬮᬶᬢ᭄᭞ᬳᬶᬯᬗᬾᬗᬢᬸᬢ᭄ᬢᬦ᭄ᬧ᭄ᬕᬢ᭄᭞ᬲᬂᬓᬃᬫ᭄ᬫᬦᬸᬢᬸᬕ᭄ᬲᬢᬸᬯᬸᬓ᭄᭞ᬦᬾᬧ᭄ᬮᬶᬄᬫᬗ᭄ᬕᭂᬄᬬᬳᬶᬯᬂ᭞ᬬᬫᬧᬢᬶ᭞ᬫᬗ᭄ᬕᭂᬄᬤᬾᬯᬦ᭄‌ᬓᬳᬤᬶᬮᬦ᭄᭟ ᬲᬗ᭄ᬓᬦ᭄ᬳᬧᬶᬓᬶᬦ᭄ᬫᬲᭀᬮᬄ᭞ᬫᬗ᭄ᬤᬾᬦ᭄ᬳᬶᬯᬗᬾᬢᬦ᭄ᬦᬶᬦ᭄ᬤᬶᬄ᭞ᬩ᭄ᬘᬶᬓ᭄ᬧᬢᬸᬢᬾᬫᬃᬕ᭄ᬕ᭄ᬬᬂ᭞ᬳᬗ᭄ᬕᬾᬦ᭄‌ᬕ᭄ᬮᬃᬚ᭄ᬭᭀᬦᬶᬂᬳᬶᬤᬸᬧ᭄᭞ᬲᬢ᭄ᬬᬦᬾᬳᬗ᭄ᬕᬾᬦ᭄ᬧᬦᬢᬲ᭄᭞ ᬫᬗ᭄ᬤᬾᬦ᭄ᬗᬶᬮᬶᬲ᭄᭞ᬦᬸᬜ᭄ᬘᬧ᭄ᬓᬫᭀᬓ᭄ᬱᬦ᭄‌ᬪᬯᬦ᭟ᬢᬍᬃᬫᬦᬸᬢ᭄‌ᬲᬫᬸᬲ᭄ᬘᬬ᭞ᬦᬾᬫᬤᬦ᭄‌ᬘᭀᬭᬄᬫᬮᬶᬳᬶᬦ᭄᭞ᬲᬧᬸᬦᬶᬓᬶᬓᬳᬸᬗ᭄ᬕᬳᬂ᭞ [᭑᭐ 10A] ᬤᬶᬳᬋᬧ᭄‌ᬲᭀᬮᬄᬜᬗᬚᬸᬫ᭄᭞ᬦᬗ᭄ᬳᬶᬂᬤᬶᬧᬸᬗ᭄ᬓᬸᬃᬫᬗᭀᬤ᭞ᬢᬍᬃᬗ᭄ᬭᬜ᭄ᬚᬶᬂ᭞ᬮᬓ᭄ᬱᬡᬘᭀᬭᬄᬧᬸᬦᬶᬓ᭟ᬲᬂᬫᬲᭀᬮᬄᬓᬤᬶᬳᬶᬓ᭞ᬓᬲᬸᬓᬦᬾ ᬤᭀᬄᬓᬧᬗ᭄ᬕᬶᬄ᭞ᬤᬶᬲᬓᬮᬮᬦ᭄ᬦᬶᬲ᭄ᬓᬮ᭞ᬘᭀᬭᬄᬜᬦᬸᬢᬸᬕ᭄ᬲᬢᬸᬯᬸᬓ᭄᭞ᬬᬦ᭄ᬓᬧᬸᬗ᭄ᬓᬸᬃᬬᬫᬗ᭄ᬚᬦ᭄ᬜ᭞ᬲᬓᬶᬢ᭄ᬮᬘᬸᬃ᭞ᬓᬬᬸᬭᬶᬕᬶᬲ᭄‌ᬬᬢᬦ᭄‌ᬧᬾ ᬦ᭄ᬤᬄ᭟ᬓᬾᬢᭀᬓᬩᬯᭀᬲ᭄ᬲᬂᬘᭀᬭᬄ᭞ᬩ᭄ᬘᬶᬓ᭄‌ᬤᬾᬯᬬᬓ᭄ᬮᬶᬤᬶᬦ᭄᭞ᬫ᭄ᬮᬄᬗᬶᬤᬶᬄᬲᬓᬶᬂᬢ᭄ᬭᬂ᭞ᬓ᭄ᬤᬶᬓ᭄‌ᬦᬗ᭄ᬳᬶᬂᬲᬓᬶᬂᬧᬢᬸᬢ᭄᭞ᬦᬾᬲᬢ᭄ᬫᬓᬫ ᬓᬾᬮᬶᬗᬂ᭞ᬭᬶᬂᬲᬂᬗᬧ᭄ᬢᬶ᭞ᬫᬥᬦᬭᬶᬂᬲᬂᬓᬮᬭᬦ᭄᭟ᬦᬗ᭄ᬳᬶᬂᬧᬤᬓᬲᭂᬗ᭄ᬓᬮ᭞ᬬᬦ᭄ᬩᬲ᭄‌ᬓ᭄ᬤᭂᬄᬦᬾᬫᬗᬶᬤᬶᬄ᭞ᬦᬾᬓᬶᬤᬶᬳᬶᬦ᭄‌ᬫᬗ᭄ᬭᬯᭀᬲᬂ᭞

Auto-transliteration

[9 9B] 9 nyatokawuwus, nemar̀thitannahancoraḥ, yadyanhalit, tankapandungkahĕngkĕbang. sangñmaktwaramorahan, makeḥkdikta l̥ĕr̀salit, hiwangengatuttanpgat, sangkar̀mmanutugsatuwuk, nepliḥmanggĕḥyahiwang, yamapati, manggĕḥdewankahadilan. sangkanhapikinmasolaḥ, mangdenhiwangetannindiḥ, bcikpatutemar̀ggyang, hanggen'glar̀jroninghidup, satyanehanggenpanatas, mangdenngilis, nuñcapkamokṣanbhawana. tal̥ĕr̀manutsamuscaya, nemadancoraḥmalihin, sapunikikahunggahang, [10 10A] dihar̥ĕpsolaḥñangajum, nanghingdipungkur̀mangoda, tal̥ĕr̀ngrañjing, lakṣaṇacoraḥpunika. sangmasolaḥkadihika, kasukane doḥkapanggiḥ, disakalalanniskala, coraḥñanutugsatuwuk, yankapungkur̀yamangjanña, sakitlacur̀, kayurigisyatanpe ndaḥ. ketokabawossangcoraḥ, bcikdewayaklidin, mlaḥngidiḥsakingtrang, kdiknanghingsakingpatut, nesatmakama kelingang, ringsangngapti, madhanaringsangkalaran. nanghingpadakasĕngkala, yanbaskdĕḥnemangidiḥ, nekidihinmangrawosang,

Leaf 10

Image on Archive.org

[᭑᭐ 10B] ᭑᭐ ᬢ᭄ᬯᬭᬗ᭄ᬮᬄᬩᬭᬳᬓᬸ᭞ᬤ᭄ᬫᬶᬢ᭄ᬧ᭄ᬭᬶᬳᬾᬢᭀᬢᬸᬗ᭄ᬕᬮ᭄᭞ᬯᭀᬄᬜᬢᬸᬗ᭄ᬕᬶᬮ᭄᭞ᬧᬤᬫᬗ᭄ᬕᬶᬄᬓᬲᭂᬗ᭄ᬲᬭᬦ᭄᭟ᬫᬮᬶᬄᬓ᭄ᬤᬶᬓ᭄‌ᬬᬲᬢ᭄ᬯᬬᬂ᭞ᬲᬂᬳᬄᬲ᭄ᬢᬓᬸ ᬧᬶᬦᬸᬚᬶ᭞ᬫᬲᬶᬄᬫᬳᬸᬕ᭄ᬲᬶᬮᬥᬃᬫᬭᬾᬄᬢᬦ᭄ᬤᭂᬫᭂᬦ᭄ᬗᬯᬾᬲᬸᬲᬸᬄ᭞ᬜᬫᬩ᭄ᬭᬬᬮᬦ᭄ᬧᬫ᭄ᬭᬶᬦ᭄ᬢᬄ᭞ᬢᬍᬃᬫᬃᬣᬶ᭞ᬫᬶᬮᬸᬗᬯᬾᬓᬢᬺᬧ᭄ᬢ᭄ᬬᬦ᭄᭞ᬩᬮᬶ ᬓ᭄‌ᬬᬦ᭄ᬫᬓᬾᬄᬲᬂᬘᭀᬭᬄ᭞ᬜᬫᬩ᭄ᬭᬬᬮᬦ᭄‌ᬧᭀᬮᬶᬲᬶ᭞ᬫᬶᬮᬸᬢᬸᬬᬸᬄᬫᬗᭂᬜ᭄ᬘᬦᬂ᭞ᬬᬦ᭄ᬳᬶᬯᬂᬓᬩ᭄ᬯᬶᬮᬳᬸᬢ᭄᭞ᬧ᭄ᬢᭂᬂᬍᬫᬄᬬᬓᬚᬕ᭞ᬳᬸᬧ ᬲ᭄‌ᬩ᭄ᬯᬶ᭞ᬧᬤᬕ᭄ᬫᭂᬢ᭄ᬫᬦᬸᬭᬾᬓ᭄ᬱ᭟ᬧᬸᬧᬸᬢ᭄‌ᬓᬾᬯᭂᬳᬾᬢᭂᬮᭀᬓᬂ᭞ᬲᭀᬫᬄᬧᬦᬓ᭄‌ᬦᬾᬩᬮᬳᬶᬦ᭄᭞ᬩᬋᬂᬲ᭄ᬤᬶᬄᬫᬗᭂᬦᬦ᭄᭞ᬚ᭄ᬗᬄᬦᬶᬫᬸᬄ [᭑᭑ 11A] ᬤᬾᬫᬢᬸᬫ᭄ᬧᬸᬓ᭄᭞ᬢ᭄ᬯᬭᬢᬯᬂᬲᭀᬫᬄᬲᭀᬭᬄ᭞ᬬᬦ᭄ᬳᬫ᭄ᬩᬸᬮᬶᬦ᭄᭞ᬓᬾᬯᭂᬳᬾᬲᬶᬦᬄᬧᬗ᭄ᬕᬸᬳᬂ᭟ᬬᬦ᭄ᬫᬦᬸᬢᬶᬦ᭄ᬓᬃᬫ᭄ᬫᬨᬮ᭞ᬲᬂᬫᬗᬫᭀᬂᬚᬶᬯᬫᬮᬶᬂ᭞ ᬬᬦ᭄ᬓᬧᬸᬗ᭄ᬓᬸᬃᬬᬫᬗ᭄ᬚᬦ᭄ᬫ᭞ᬳᬮᬶᬧᬾᬲᬓᬾᬯᬸᬄ᭞ᬢᬸᬃᬫᬓ᭄ᬚᬂᬗᬯᬾᬚ᭄ᬗᬄ᭞ᬓᬸᬮᬯᬃᬕ᭄ᬕᬶ᭞ᬓᬭᬲᬬᬂᬢᬦ᭄ᬢᭀᬮᬶᬳᬦ᭄᭟ᬧᬸᬧᬸᬢ᭄‌ᬫᭀᬦ᭄ᬤᭀᬂᬓᬲᬗ᭄ᬲᬭᬦ᭄ ᬧᬹᬃᬯ᭄ᬯᬓᬃᬫ᭄ᬫᬦᬾᬫᬦᬶᬦ᭄ᬤᬶᬄ᭞ᬲ᭄ᬤᬶᬄᬓᬶᬗ᭄ᬓᬶᬗᬾᬢᭂᬮᭀᬓᬂ᭞ᬓᬢᭀᬲᬂᬫᬲᭀᬮᬄᬭᬸᬭᬸᬄ᭞ᬲᬗ᭄ᬓᬦ᭄ᬚᬦᬶᬚ᭄ᬯᬤᬩ᭄ᬤᬩᬂ᭞ᬥᬃᬫ᭄ᬫᬚᬢᬶ᭞ᬳᭂᬦ᭄ᬢᭀᬳᬗ᭄ᬕᭀ ᬦ᭄ᬗᬫᭀᬂᬭᬕ᭟ᬫᬶᬭᬶᬩ᭄‌ᬲᬫ᭄ᬧᬸᬦ᭄‌ᬓᬾᬬᬲᬶᬦᬄ᭞ᬳᬃᬣᬶᬦ᭄ᬳᬲ᭄ᬢᬾᬦ᭄ᬬᬚᬢᬶ᭞ᬩ᭄ᬘᬶᬓ᭄‌ᬦᬾᬫᬗ᭄ᬓᬶᬦ᭄ᬓᬯᬶᬢᬂ᭞ᬲᬫ᭄ᬧᬸᬦᬂᬫᬲᭀᬮᬄᬭᬸᬭᬸᬄ᭞ᬯᬶᬭᬾᬄᬲ᭄ᬓᭂᬂ

Auto-transliteration

[10 10B] 10 twaranglaḥbarahaku, dmitprihetotunggal, woḥñatunggil, padamanggiḥkasĕngsaran. maliḥkdikyasatwayang, sanghaḥstaku pinuji, masiḥmahugsiladhar̀mareḥtandĕmĕnngawesusuḥ, ñamabrayalanpamrintaḥ, tal̥ĕr̀mar̀thi, milungawekatr̥ĕptyan, bali kyanmakeḥsangcoraḥ, ñamabrayalanpolisi, milutuyuḥmangĕñcanang, yanhiwangkabwilahut, ptĕngl̥ĕmaḥyakajaga, hupa sbwi, padagmĕtmanurekṣa. puputkewĕhetĕlokang, somaḥpanaknebalahin, bar̥ĕngsdiḥmangĕnan, jngaḥnimuḥ [11 11A] dematumpuk, twaratawangsomaḥsoraḥ, yanhambulin, kewĕhesinaḥpangguhang. yanmanutinkar̀mmaphala, sangmangamongjiwamaling, yankapungkur̀yamangjanma, halipesakewuḥ, tur̀makjangngawejngaḥ, kulawar̀ggi, karasayangtantolihan. puputmondongkasangsaran pūr̀wwakar̀mmanemanindiḥ, sdiḥkingkingetĕlokang, katosangmasolaḥruruḥ, sangkanjanijwadabdabang, dhar̀mmajati, hĕntohanggo nngamongraga. miribsampunkeyasinaḥ, har̀thinhastenyajati, bciknemangkinkawitang, sampunangmasolaḥruruḥ, wireḥskĕng

Leaf 11

Image on Archive.org

[᭑᭑ 11B] ᭑᭑ ᬗ᭄ᬕᬯᬾᬭᬸᬲᬓ᭄᭞ᬓᬤᬂᬯᬃᬕ᭄ᬕᬶ᭞ᬫᬓᬤᬶᬭᬶᬂᬯᬶᬚᬭᬕ᭟ᬦᬾᬫᬗ᭄ᬓᬶᬦ᭄‌ᬧᬘᬂᬮᬦ᭄ᬢᬸᬭᬂ᭞ᬓᬲᬤ᭄ᬰᬶᬮᬫᬗ᭄ᬤᬾᬦ᭄ᬗᬸᬦᬶ᭞ᬗ᭄ᬳᬶᬂᬲᬤᬸᬭᬸᬂᬓᬲᬶᬦᬳᬂ᭞ᬲᬂᬲᬶ ᬓᭀᬫ᭄ᬧᬘᬂᬓᬢᬸᬯᬸᬃ᭞ᬳᬗ᭄ᬕᬾᬦ᭄ᬫᬗᬬᭀᬦᬶᬦ᭄‌ᬲᬢ᭄ᬯ᭞ᬦᬄᬤᬸᬫᬸᬕᬶ᭞ᬲᬂᬕᬶᬦᬤᬮᬾᬤᬂᬢᬶᬗ᭄ᬕᬮ᭄᭟ᬧᬸᬄᬲᬶᬦᭀᬫ᭄᭟ᬓᬲᬤ᭄ᬰᬶᬮᬚᬮᬦ᭄ᬢᬢ ᬲ᭄᭞ᬦᬾᬫᬤᬦ᭄ᬳᬓ᭄ᬭᭀᬥᬘ᭄ᬦᬶᬂ᭞ᬫ᭄ᬮᬄᬳᬃᬣᬶᬦ᭄ᬜᬧᬂᬢᬯᬂ᭞ᬳᬓ᭄ᬭᭀᬥᬫᬃᬣᬶᬢᬦ᭄‌ᬩ᭄ᬭᬗ᭄ᬢᬶ᭞ᬳᬍᬫ᭄‌ᬤᬶᬢ᭄ᬗᬄᬤᬶᬲᬶᬲᬶ᭞ᬤᬶᬓᬬᬸᬦ᭄ᬕᬮᬂᬲᬯᬸᬯᬸᬓ᭄᭞ ᬢ᭄ᬯᬭᬩ᭄ᬭᬗ᭄ᬢᬶᬬᬦ᭄ᬓᬘᬾᬤ᭞ᬫᬲᬶᬄᬢᬦ᭄ᬳᬚᬸᬫ᭄ᬓᬧᬸᬚᬶ᭞ᬤᭂᬕ᭄ᬤᭂᬕ᭄ᬮᬦ᭄ᬤᬸᬄ᭞ᬲᬢ᭄ᬤᬫᬃᬢᬦ᭄ᬓᬧᬯᬦᬦ᭄᭟ᬲᬂᬜᬶᬤ᭄ᬥᬬᬂᬗᬺᬢ᭄ᬳᬶᬦ᭄ᬤ᭄ᬭ᭄ᬬ᭞ᬩ᭄ᬭᬗ᭄ᬢᬶᬳᭂᬦ᭄ᬢᭀᬫᬶ [᭑᭒ 12A] ᬦᬓᬤᬶ᭞ᬓᭀᬘᬧ᭄ᬗᬃᬥᬶᬧᬜ᭄ᬚᬂᬬᬸᬱ᭞ᬢᬸᬃᬗᭂᬦ᭄ᬢᬶᬓᬩᬸᬤ᭄ᬥᬶᬳ᭄ᬦ᭄ᬦᬶᬂ᭞ᬤᬾᬯᬪᬸᬢᬲᬫᬶᬳᬲᬶᬄ᭞ᬜᬫᬩ᭄ᬭᬬᬧᬤᬮᬸᬮᬸᬢ᭄᭞ᬦᬾᬓ᭄ᬢᬶᬮᬫᬾᬦᬤᬶᬳᬾᬮᬄ᭞ ᬳᬮᬸᬄᬯ᭄ᬓᬳᬲᬶᬂᬳᬮᬶᬄ᭞ᬓᬾᬢᭀᬢᬸᬳᬸ᭞ᬲᬂᬜᬶᬤ᭄ᬥᬬᬂᬗᬺᬢ᭄ᬇᬦ᭄ᬤ᭄ᬭ᭄ᬬ᭟ᬦᬗ᭄ᬳᬶᬂᬲᬂᬓᭀᬗ᭄ᬕ᭄ᬯᬦ᭄‌ᬓ᭄ᬭᭀᬥ᭞ᬩᬗᭂᬢ᭄ᬧ᭄ᬲᬦ᭄‌ᬬᬢᬸᬗ᭄ᬓᬮᬶᬓ᭄᭞ᬫᬦᬄᬜᬳᬶᬫ᭄ᬧᬸ ᬢ᭄ᬲᬢᬢ᭞ᬦᬾᬧᬢᬸᬢ᭄ᬓᬲᭂᬗ᭄ᬕᬸᬄ᭞ᬦᬾᬓᬳᭀᬦ᭄ᬓᬤᬮᬶᬄᬩ᭄ᬘᬶᬓ᭄᭞ᬧ᭄ᬢᭂᬂᬳᬢᬶᬢᭀᬓᬯᬸᬯᬸᬲ᭄᭞ᬓᬤᭀᬄᬲᬓᬶᬂᬢᬢᬶᬫ᭄ᬩᬗᬦ᭄᭞ᬩ᭄ᬦᭂᬄᬧᬤᬶᬤᬶᬓᬕᬶ ᬲᬶ᭞ᬓ᭄ᬦᭂᬄᬳᬸᬗ᭄ᬕᬸᬄᬮ᭄᭞ᬦᬾᬩᬸᬢᬶᬜᬤᬳᬢ᭄‌ᬳᬦ᭄ᬤᬧ᭄᭟ᬬᬦ᭄‌ᬩ᭄ᬭᬗ᭄ᬢᬶᬦᬾᬯᬸᬲ᭄ᬓᬩᬯᬲ᭞ᬜᬧᬳᬓᬸᬦᬾᬬᬫᭂᬦ᭄ᬢᬶᬓ᭄᭞ᬳᬤᬓᬾᬲᬫᬶᬓᬦ᭄ᬤᬧᬂ᭞

Auto-transliteration

[11 11B] 11 nggawerusak, kadangwar̀ggi, makadiringwijaraga. nemangkinpacanglanturang, kasadśilamangdennguni, nghingsadurungkasinahang, sangsi kompacangkatuwur̀, hanggenmangayoninsatwa, naḥdumugi, sangginadaledangtinggal. puḥsinom. kasadśilajalantata s, nemadanhakrodhacning, mlaḥhar̀thinñapangtawang, hakrodhamar̀thitanbrangti, hal̥ĕmditngaḥdisisi, dikayun'galangsawuwuk, twarabrangtiyankaceda, masiḥtanhajumkapuji, dĕgdĕglanduḥ, satdamar̀tankapawanan. sangñiddhayangngr̥ĕt'hindrya, brangtihĕntomi [12 12A] nakadi, kocapngar̀dhipañjangyuṣa, tur̀ngĕntikabuddhihnning, dewabhutasamihasiḥ, ñamabrayapadalulut, nektilamenadihelaḥ, haluḥwkahasinghaliḥ, ketotuhu, sangñiddhayangngr̥ĕtindrya. nanghingsangkonggwankrodha, bangĕtpsanyatungkalik, manaḥñahimpu tsatata, nepatutkasĕngguḥ, nekahonkadaliḥbcik, ptĕnghatitokawuwus, kadoḥsakingtatimbangan, bnĕḥpadidikagi si, knĕḥhungguḥl, nebutiñadahat'handap. yanbrangtinewuskabawasa, ñapahakuneyamĕntik, hadakesamikandapang,

Leaf 12

Image on Archive.org

[᭑᭒ 12B] ᭑᭒ ᬩᬦ᭄ᬤᬾᬯᬾᬓ᭄ᬜᬫᬲᬭᬶᬭᬶᬄ᭞ᬲᬸᬕᬶᬄᬢᬸᬃᬗᬸᬯᬲᬕᬸᬫᬶ᭞ᬳᬲᬶᬂᬧ᭄ᬭᬾᬦ᭄ᬢᬄᬫᬗ᭄ᬤᬾᬦ᭄ᬢᬶᬦᬸᬢ᭄᭞ᬬᬦ᭄ᬳᬤᬧᬦᬾᬦᬾᬧᬶᬯᬮ᭄᭞ᬫᬸᬲᬸᬄᬧᬶᬢ᭄ᬯᬶᬬᬓᬤᬤᬶᬦ᭄᭞ᬢᬸᬃᬓᬲᭂ ᬗ᭄ᬕᬸᬄᬧᬘᬂᬜᭂᬗ᭄ᬓᬮᬤᬾᬯᬾᬓ᭄ᬜ᭟ᬓᬾᬄᬢᭀᬲᬂᬓᭀᬗ᭄ᬕᬳᬦ᭄‌ᬓ᭄ᬭᭀᬥ᭞ᬩᬗᭂᬢ᭄ᬫᬗᬺᬋᬱᬶᬦ᭄‌ᬳᬢᬶ᭞ᬦᬾᬲᬶᬦᬄᬗᬯᬾᬲᭂᬗ᭄ᬓᬮ᭞ᬜᬫᬩ᭄ᬭᬬᬧᬤᬲ᭄ᬗᬶᬢ᭄᭞ ᬦᬾᬢᬓᬸᬢ᭄‌ᬤᬤᬶᬬᬩᬤᬶᬸᬦᬶ᭞ᬗ᭄ᬮᬯᬦ᭄ᬧᬤᬬᬗᬩᬸᬢ᭄᭞ᬬᬦ᭄ᬓᬾᬢᭀᬳᬧᬧᬳᬮᬦ᭄ᬜ᭞ᬲᬶᬦᬄᬗᬃᬤ᭄ᬥᬶᬢ᭄ᬯᬭᬩ᭄ᬘᬶᬓ᭄᭞ᬩᬶᬮᬶᬄᬧᬢᬸᬢ᭄᭞ᬳᬤᬸᬄ ᬗᬫᬕ᭄ᬕᬶᬲᬭᬢᬂ᭟ᬩ᭄ᬘᬶᬓ᭄ᬯᬮᬶᬦᬶᬦ᭄‌ᬳᬾᬮᬶᬗᬂ᭞ᬲᬂᬜᬶᬤ᭄ᬥᬬᬂᬢ᭄ᬯᬭᬩ᭄ᬭᬗ᭄ᬢᬶ᭞ᬲᬮᬯᬲ᭄ᬜᬫᬗ᭄ᬕᬸᬄᬲᬸᬓ᭞ᬲᬦ᭄ᬢᭀᬲᬚ᭄ᬭᭀᬦᬶᬂᬳᬸᬭᬶᬧ᭄᭞ᬳᬶᬲᬤ᭄ᬭᬶᬧᬸᬓ [᭑᭓ 13A] ᬲᭀᬃᬲᬫᬶ᭞ᬢ᭄ᬯᬭᬩ᭄ᬯᬶᬦ᭄‌ᬬᬫᬗᬤᬸᬓ᭄᭞ᬚᭂᬕ᭄‌ᬚ᭄ᬫᭂᬢ᭄‌ᬬᬤᬤᬶᬯᬃᬕ᭄ᬕ᭞ᬳᬶᬲᬤ᭄ᬕᬸᬡᬓᬯᬱ᭄ᬝᬦᬶᬦ᭄᭞ᬢᬸᬃᬲᬸᬫᬗ᭄ᬕᬸᬕᬶᬸᬧ᭄᭞ᬗᬃᬤ᭄ᬥᬶᬭᬳᬬᬸᬭᬶᬂᬚᬕᬢ᭄᭟ᬤ ᬩ᭄ᬤᬩᬂᬘ᭄ᬦᬶᬂᬤᬩ᭄ᬤᬩᬂ᭞ᬫᬲᭀᬮᬄᬚ᭄ᬯᬳᬧᬶᬓᬶᬦ᭄᭞ᬢᬢᬰᬶᬮᬫᬗ᭄ᬤᬾᬦ᭄ᬢᬢᬲ᭄᭞ᬳᬍᬧ᭄ᬫᬦᬶᬲ᭄‌ᬗᬸᬮᬗᬸᬦᬶᬦ᭄᭞ᬳᬤᭀᬚ᭄‌ᬲᬓᬶᬂᬧ᭄ᬭᬶᬄᬜᬶᬮᬶᬩ᭄᭞ᬲᬂᬲᬢ᭄ᬬᬩ᭄ᬘᬶᬓ᭄ ᬬᬢᬶᬦᬸᬢ᭄᭞ᬚᬸᬚᬸᬃᬦᬸᬮᬸᬃᬲ᭄ᬢᬦ᭄ᬧᬘᬾᬤ᭞ᬳᬧᬶᬓ᭄ᬫᬫᬺᬲᬶᬳᬶᬦ᭄ᬤᬶᬭᬶ᭞ᬩᬸᬤ᭄ᬥᬶᬮᬸᬳᬸᬃ᭞ᬤᬤᬶᬲᬸᬓᬭᬶᬂᬪᬯᬦ᭟ᬲᬲᬫ᭄ᬧᬸᬦᬾᬘ᭄ᬦᬶᬂᬦᬯᬂ᭞ᬲᭀᬮᬄᬲᬂᬢᬦ᭄ᬦᬳᬦ᭄ᬩ᭄ᬭ ᬗ᭄ᬢᬶ᭞ᬚᬮᬦ᭄ᬮᬦ᭄ᬢᬸᬭᬂᬢᬸᬢᬸᬕᬂ᭞ᬕᬸᬭᬸᬲᬸᬰ᭄ᬭᬸᬲᬉᬢ᭄ᬢᬫᬶ᭞ᬦᬾᬫᬣᬶᬪᬓ᭄ᬢᬶᬲᬸᬢᬶᬦ᭄ᬤᬶᬄ᭞ᬫᬋᬧ᭄ᬭᬶᬂᬲᬂᬳᬥᬶᬕᬸᬭᬸ᭞ᬚᬶᬯᬭᬕᬢᬦ᭄ᬓᬳᬾᬢᬂ᭞ᬯᬦ᭄ᬢᬄᬪᬓ᭄ᬢᬶᬦᬾ

Auto-transliteration

[12 12B] 12 bandewekñamasaririḥ, sugiḥtur̀nguwasagumi, hasingprentaḥmangdentinut, yanhadapanenepiwal, musuḥpitwiyakadadin, tur̀kasĕ ngguḥpacangñĕngkaladewekña. keḥtosangkonggahankrodha, bangĕtmangr̥ĕr̥ĕsyinhati, nesinaḥngawesĕngkala, ñamabrayapadasngit, netakutdadiyabad̶ni, nglawanpadayangabut, yanketohapapahalanña, sinaḥngar̀ddhitwarabcik, biliḥpatut, haduḥ ngamaggisaratang. bcikwalininhelingang, sangñiddhayangtwarabrangti, salawasñamangguḥsuka, santosajroninghurip, hisadripuka [13 13A] sor̀sami, twarabwinyamangaduk, jĕgjmĕtyadadiwar̀gga, hisadguṇakawaṣṭanin, tur̀sumanggug̶p, ngar̀ddhirahayuringjagat. da bdabangcningdabdabang, masolaḥjwahapikin, tataśilamangdentatas, hal̥ĕpmanisngulangunin, hadojsakingpriḥñilib, sangsatyabcik yatinut, jujur̀nulur̀stanpaceda, hapikmamr̥ĕsihindiri, buddhiluhur̀, dadisukaringbhawana. sasampunecningnawang, solaḥsangtannahanbra ngti, jalanlanturangtutugang, gurusuśrusa'uttami, nemathibhaktisutindiḥ, mar̥ĕpringsanghadhiguru, jiwaragatankahetang, wantaḥbhaktine

Leaf 13

Image on Archive.org

[᭑᭓ 13B] ᭑᭓ ᬓᬲᬸᬗ᭄ᬕᬶ᭞ᬓᬾᬢᭀᬩᬕᬸᬲ᭄᭞ᬲᬂᬗᬫᭀᬂᬕᬸᬭᬸᬲᬸᬰ᭄ᬭᬸᬲ᭞ᬓᬤᬶᬦᬾᬲᬫ᭄ᬧᬸᬦ᭄ᬓᬸᬗ᭄ᬕᬳᬂ᭞ᬲᭀᬮᬄᬲᬂᬪᬶᬫᬦᬾᬯ᭄ᬬᬓ᭄ᬢᬶ᭞ᬕᬸᬭᬸᬲᬸᬰ᭄ᬭᬸᬲᬓᬱ᭄ᬝᬯ᭞ᬓᬧᬶᬂᬧᬶ ᬢᬸᬰᬶᬮᬦᬾᬍᬯᬶᬄ᭞ᬳᭂᬦ᭄ᬢᭀᬓᬳᬗ᭄ᬕᬾᬦ᭄ᬧᬫᬃᬕ᭄ᬕᬶ᭞ᬫᬲᬶᬄᬤᬍᬫ᭄ᬢᬦ᭄ᬓᬳᬶᬢᬸᬂ᭞ᬩᬬᬸᬰᬩ᭄ᬤᬳᬶᬥᭂᬧ᭄ᬦᬸᬗ᭄ᬕᬮ᭄᭞ᬭᬕᬓᬫ᭄ᬩᬂᬢᬦ᭄ᬧᬳᬸᬭᬶᬧ᭄᭞ᬓᬕᬾᬢ᭄ᬲ ᬫ᭄ᬧᬸᬦ᭄᭞ᬢᬗ᭄ᬓᬶᬮ᭄ᬭᬶᬂᬤᬾᬯᬭᬸᬘᬶᬢ᭟ᬲᬂᬪᬶᬫᬧᬡ᭄ᬥᬸᬧᬸᬢ᭄ᬭ᭞᭞ᬢ᭄ᬯᬭᬮ᭄ᬬᬸᬗᬫᭀᬂᬳᬶᬦ᭄ᬤᬶᬓ᭄᭞ᬯᬦ᭄ᬢᬄᬲᬶᬓᬶᬓᬢ᭄ᬓᭂᬓᬂ᭞ᬭᬶᬗ᭄ᬓᭂᬲ᭄‌ᬫᬗ᭄ᬳᬶᬂᬩᬗᭂᬢ᭄ᬮᬸᬯᬶᬄ᭞ᬲᬂᬪᬶ ᬫᬧᬢᬸᬢ᭄ᬓᬧᬸᬚᬶ᭞ᬩᬗᭂᬢ᭄ᬧᬸᬭᬸᬱᬢᬸᬃᬢ᭄ᬕᬸᬄ᭞ᬤᬾᬯᬪᬸᬢᬮᬦ᭄ᬫᬦᬸᬱ᭞ᬓᬾᬫᬤ᭄ᬲᬫᬶᬢᬸᬃᬫᬫᬸᬚᬶ᭞ᬳᬲᬶᬂᬢᬸᬤᬸᬄᬲᬂᬕᬸᬭᬸᬢᬦ᭄ᬓᬢᬸᬮᬓᬂ᭟ᬲᬂᬗᬫᭀᬂ [᭑᭔ 14A] ᬕᬸᬭᬸᬲᬸᬰ᭄ᬭᬸᬲ᭞ᬯᬦ᭄ᬢᬄᬫᬲᬥᬦᬪᬓ᭄ᬢᬶ᭞ᬕᬸᬭᬸᬳᬚᬶᬕᬸᬭᬸᬭᬾᬓ᭞ᬕᬸᬭᬸᬯᬶᬰᬾᬱᬫᬓᬤᬶ᭞ᬪᬓ᭄ᬢᬶᬦᬾᬢᬦ᭄ᬧᬭᭀᬓᬮᬶᬄ᭞ᬦᬸᬗ᭄ᬕᬶᬮ᭄ᬲᬫᬶᬚ᭄ᬭᭀ ᬦᬶᬂᬓᬮ᭄ᬩᬸ᭞ᬲᬸᬓᬤᬸᬓᬢᬦ᭄ᬓᬳᬾᬢᬂ᭞ᬬᬤ᭄ᬬᬦ᭄ᬮᬮᬶᬸᬫ᭄ᬧᬸᬲ᭄‌ᬲᬓᬶᬂᬪᬓ᭄ᬢᬶ᭞ᬢᬸᬦᬶᬸᬤᬸᬄᬕᬸᬭᬸ᭞ᬦᬶᬩᬯᬦ᭄ᬢᬄᬓᬳᬦ᭄ᬢᭀᬲᬂ᭟ᬳᬲᬶᬂᬢᬸᬤᬸᬄᬓᬗ᭄ᬕᬾᬦ᭄‌ᬫᬃ ᬕ᭄ᬕ᭞ᬳᬦ᭄ᬢᬸᬓ᭄‌ᬲᬂᬲᬸᬰ᭄ᬭᬸᬲᬪᬓ᭄ᬢᬶ᭞ᬳᬮᬲ᭄ᬢᬸᬓᬤ᭄ᬧᬗ᭄ᬓᬸᬂᬚᬸᬭᬂ᭞ᬚ᭄ᬭᭀᬦᬶᬂᬓᬬᬸᬦ᭄ᬢᬦᬄᬓᬾᬢᬗᬶᬦ᭄᭞ᬧᬗᬧ᭄ᬢᬶᬦᬾᬯᬦ᭄ᬢᬄᬢᬸᬗ᭄ᬕᬶᬮ᭄᭞ᬫᬸᬧᬸᬢᬂᬲᬲ᭄ᬯᬶᬃᬧᬶᬢᬸ ᬤᬸᬄ᭞ᬧᬸᬦᬶᬓᬲᬤ᭄ᬬᬦ᭄‌ᬲᬂᬪᬓ᭄ᬢ᭄ᬬ᭞ᬧᬘᬂᬓᬢᬸᬃᬓᬗ᭄ᬕᬾᬦ᭄ᬩᬸᬓ᭄ᬢᬶ᭞ᬧᬂᬲᬢᬸᬯᬸᬓ᭄᭞ᬗᬯᬾᬦᬂᬲᬂᬕᬸᬭᬸᬮᬾᬤᬂ᭟ᬦᬾᬫᬗ᭄ᬓᬶᬦ᭄ᬩᭂᬘᬶᬓ᭄ᬮᬦ᭄ᬢᬸᬭᬂ᭞ᬰᬶᬮ

Auto-transliteration

[13 13B] 13 kasunggi, ketobagus, sangngamonggurusuśrusa, kadinesampunkunggahang, solaḥsangbhimanewyakti, gurusuśrusakaṣṭawa, kapingpi tuśilanel̥ĕwiḥ, hĕntokahanggenpamar̀ggi, masiḥdal̥ĕmtankahitung, bayuśabdahidhĕpnunggal, ragakambangtanpahurip, kagetsa mpun, tangkilringdewarucita. sangbhimapaṇdhuputra, , twaralyungamonghindik, wantaḥsikikatkĕkang, ringkĕsmanghingbangĕtluwiḥ, sangbhi mapatutkapuji, bangĕtpuruṣatur̀tguḥ, dewabhutalanmanuṣa, kemadsamitur̀mamuji, hasingtuduḥsanggurutankatulakang. sangngamong [14 14A] gurusuśrusa, wantaḥmasadhanabhakti, guruhajigurureka, guruwiśeṣamakadi, bhaktinetanparokaliḥ, nunggilsamijro ningkalbu, sukadukatankahetang, yadyanlal̶mpussakingbhakti, tun̶duḥguru, nibawantaḥkahantosang. hasingtuduḥkanggenmar̀ gga, hantuksangsuśrusabhakti, halastukadpangkungjurang, jroningkayuntanaḥketangin, pangaptinewantaḥtunggil, muputangsaswir̀pitu duḥ, punikasadyansangbhaktya, pacangkatur̀kanggenbukti, pangsatuwuk, ngawenangsangguruledang. nemangkinbĕciklanturang, śila

Leaf 14

Image on Archive.org

[᭑᭔ 14B] ᭑᭔ ᬦᬾᬧᬶᬂᬓᬸᬢᬸᬲ᭄ᬘᭂᬦᬶᬂ᭞ᬲᭀᬘᬳᭂᬦ᭄ᬢᭀᬓᬩᬯᬄᬩᬵᬲᬂ᭞ᬦᬾᬫᬃᬣᬶᬕᬶᬃᬫ᭄ᬫᬮᬳ᭄ᬦᬶᬂ᭞ᬤᬶᬲᬶᬲᬶᬤᬶᬢ᭄ᬗᬄᬳᬧᬶᬓ᭄᭞ᬩᭂᬃᬲᬶᬄᬕᬮᬂᬯ᭄ᬬᬓ᭄ᬢᬶᬦᬸᬮᬸᬲ᭄᭞ᬳᬤᭀᬄ ᬲᬓᬶᬂᬤᭀᬱᬫᬬ᭞ᬮᭀᬪᬓᭀᬧᬳᬶᬭᬶᬳᬢᬶ᭞ᬢ᭄ᬯᬭᬗᬤᬸᬓ᭄᭞ᬚᬦ᭄ᬢᭀᬲ᭄‌ᬓᬲ᭄ᬯᬕ᭄ᬕᬶᬸᬧ᭄ᬦᬧᬤ᭟ᬦᬾᬗ᭄ᬭᬜ᭄ᬚᬶᬂᬓᬦᬶᬲ᭄ᬓᬮ᭞ᬩᬺᬲᬶᬄᬭᬶᬂᬓᬬᬸ ᬦ᭄ᬓᬦ᭄ᬫᬭᬶ᭞ᬯ᭄ᬮᬲ᭄ᬳᬲᬶᬄᬢᬦ᭄ᬚᬗ᭄ᬓᬬᬦ᭄᭞ᬫᬋᬧ᭄ᬭᬶᬂᬳᬶᬲᬃᬯ᭄ᬯᬧ᭄ᬭᬡᬶ᭞ᬢ᭄ᬯᬭᬮᭀᬪᬳᬶᬭᬶᬳᬢᬶ᭞ᬭᬶᬂᬳᬦᬓ᭄ᬦᬾᬂᬚᬸᬫᬗ᭄ᬕᬸᬄ᭞ᬓᬯᬶᬃᬬ᭄ᬬᬦ᭄‌ᬫᬶᬯᬄ ᬓᬲᬸᬓᬦ᭄᭞ᬓᬢᬦ᭄ᬜᬾᬤᬤᬶᬳᬢᬶ᭞ᬭᬶᬂᬲᬂᬮᬘᬸᬃ᭞ᬫᬸᬧᬸᬄᬦᬾᬩᬗᭂᬢ᭄ᬓᬢᬸᬦᬦ᭄᭟ᬳᭂᬦ᭄ᬢᭀᬦᬾᬗ᭄ᬭᬜ᭄ᬚᬶᬂᬦᬶᬲ᭄ᬓᬮ᭞ᬤᬶᬲᬓᬮᬫᬗ᭄ᬓᬶ [᭑᭕ 15A] ᬦ᭄ᬳᬾᬢᬗᬶᬦ᭄᭞ᬧᬗᬗ᭄ᬕᬾᬮᬦ᭄ᬧᬓᬭᬗᬦ᭄᭞ᬫᬭᬶᬂᬲᬮᬫᬶᬦᬓᬤᬶ᭞ᬫᬗ᭄ᬤᬾᬦ᭄ᬩᭂᬃᬲᬶᬄᬢᬸᬭᬶᬂᬳᬧᬶᬂ᭞ᬕ᭄᭞ᬬᬦ᭄ᬭᬶᬂᬭᬕᬢ᭄ᬯᬭᬭᬸᬗᬸ᭞ᬩᬶᬲᬗᬯᬾᬕ᭄ᬭᬶᬂᬮᬭ᭞ᬢᬸ ᬬᬸᬄᬧᬘᬂᬫᬦᬫ᭄ᬩᬦᬶᬦ᭄᭞ᬗᬗᭂᬢ᭄ᬳᬶᬫ᭄ᬧᬸᬢ᭄᭞ᬲᬶᬦᬄᬗᬃᬤ᭄ᬥᬶᬓᬲᬗ᭄ᬲᬭᬦ᭄᭟ᬲᬦ᭄ᬤᬗᬾᬫᬲᬶᬄᬩ᭄ᬯᬢᬂ᭞ᬳᬗ᭄ᬕᬾᬦ᭄ᬗᬧᬸᬢ᭄ᬓᬮᬤᬶᬗᬶᬦ᭄᭞ᬬᬦ᭄ᬩᭂᬲ᭄ᬤᬶᬗᬶᬦ᭄᭞ ᬫᬲᬶᬄᬩᬶᬲ᭞ᬗᬯᬾᬮᬭᬩᬸᬬᬦ᭄ᬳᬢᬶ᭞ᬲᬓᬶᬢᬾᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬭᬸᬦ᭄ᬢᬕ᭄‌ᬯᬢᬸᬓᬾᬫᬢᬸᬫ᭄ᬧᬸᬓ᭄᭞ᬩᬶᬲᬢᬸᬫ᭄ᬩᬸᬄᬤᬤᬶᬕ᭄ᬢᬧ᭄᭞ᬳᬗ᭄ᬓᬶᬳᬦᬾᬤᬳ ᬲ᭄ᬤᬶᬳᬶᬲ᭄᭞ᬢ᭄ᬯᬫᬫ᭄ᬧᬸᬄ᭞ᬕᬯᬾᬦᬾᬫᬓ᭄ᬚᬂᬦᬸᬗ᭄ᬓᬓ᭄᭟ᬓᬮᬸᬤ᭄ᬮᬘᬸᬃᬫᬸᬯᬸᬄᬮᬭ᭞ᬮ᭄ᬬᬸᬲᬓᬶᬢᬾᬢᬦ᭄ᬤᬗᬶᬦ᭄᭞ᬢᬶᬫ᭄ᬧᬮ᭄‌ᬫ᭄ᬭᬲᬢᬦ᭄ᬢᭀᬮᬶᬳᬦ᭄᭞ᬜᬫ

Auto-transliteration

[14 14B] 14 nepingkutuscĕning, socahĕntokabawaḥbāsang, nemar̀thigir̀mmalahning, disisiditngaḥhapik, bĕr̀siḥgalangwyaktinulus, hadoḥ sakingdoṣamaya, lobhakopahirihati, twarangaduk, jantoskaswagg̶pnapada. nengrañjingkaniskala, br̥ĕsiḥringkayu nkanmari, wlashasiḥtanjangkayan, mar̥ĕpringhisar̀wwapraṇi, twaralobhahirihati, ringhanaknengjumangguḥ, kawir̀yyanmiwaḥ kasukan, katanñedadihati, ringsanglacur̀, mupuḥnebangĕtkatunan. hĕntonengrañjingniskala, disakalamangki [15 15A] nhetangin, panganggelanpakarangan, maringsalaminakadi, mangdenbĕr̀siḥturinghaping, g, yanringragatwararungu, bisangawegringlara, tu yuḥpacangmanambanin, ngangĕt'himput, sinaḥngar̀ddhikasangsaran. sandangemasiḥbwatang, hanggenngaputkaladingin, yanbĕsdingin, masiḥbisa, ngawelarabuyanhati, sakitematindiḥtindiḥ, runtagwatukematumpuk, bisatumbuḥdadigtap, hangkihanedaha sdihis, twamampuḥ, gawenemakjangnungkak. kaludlacur̀muwuḥlara, lyusakitetandangin, timpalmrasatantolihan, ñama

Leaf 15

Image on Archive.org

[᭑᭕ 15B] ᭑᭕ ᬦᬾᬓᬤᬾᬦ᭄ᬜᬓᬶᬢᬶᬦ᭄᭞ᬫᬶᬍᬄᬩᬮ᭄ᬬᬦᬾᬢᬓᭀᬦᬶᬦ᭄᭞ᬤᬶᬧ᭄ᬮᬶᬳᬾᬗᬯᬾᬩᬸᬯᬸᬢ᭄᭞ᬜᬮᬩ᭄ᬭᬬᬧᬤᬲᬕ᭄ᬲᬕ᭄᭞ᬩᭂᬲ᭄ᬗᬸᬕᬸᬓᬾᬦ᭄ᬩᬮ᭄ᬬᬦ᭄ᬳᬶ ᬧᬶᬢ᭄᭞ᬓᬦ᭄ᬢᬶᬢᬦ᭄ᬤ᭄ᬭᬸᬄ᭞ᬓᬾᬦ᭄ᬤᬾᬯᬾᬓᬾᬩ᭄ᬮᭀᬕ᭄ᬩᬸᬤᬕ᭄᭟ᬫᬦᬸᬢ᭄ᬯᬘᬦᬦ᭄ᬲᬂᬧ᭄ᬭᬚ᭄ᬜ᭄ᬬᬦ᭄᭞ᬢᬫ᭄ᬩᭂᬢ᭄ᬤᬤᬶᬤᬲᬃᬲ᭄ᬤᬶᬄ᭞ᬳᬶᬭᬶᬳᬢᬶᬮᭀᬪᬓᭀᬧ᭞ᬗᬶᬕ᭄ᬮᬂ ᬤᬾᬯᬾᬓᬾᬚᬢᬶ᭞ᬫᬢᭀᬧᬾᬂᬩᬦ᭄ᬢᬓᬸᬢ᭄ᬲᬳᬶ᭞ᬫᭂᬕᭀᬂᬩᬦ᭄ᬩᭀᬩᬩ᭄ᬲᬢᬸᬯᬸᬓ᭄᭞ᬕ᭄ᬮᬄᬢᬶᬫ᭄ᬧᬮᬾᬳᬦ᭄ᬢᭂᬧᬂᬓ᭄ᬫᬫᬳᬶᬳᬮᬶᬳᬂᬧᬶᬧᬶᬲ᭄᭞ᬕ᭄ᬭᬢ᭄‌ᬕ᭄ᬭᬸᬢ᭄᭞ᬧᭀ ᬳᬢᬦᬾᬗᬾᬦ᭄ᬤᬄᬧᬾᬮᬕ᭄᭟ᬲᬗ᭄ᬓᬦ᭄‌ᬮ᭄ᬮᬄᬚ᭄ᬯᬤᬩ᭄ᬤᬩᬂ᭞ᬤ᭄ᬥᬾᬤ᭄ᬯᬩ᭄ᬘᬶᬓ᭄ᬳᬧᬶᬓᬶᬦ᭄᭞ᬦᬾᬲᬓᬮᬮᬦ᭄ᬦᬶᬲ᭄ᬓᬮ᭞ᬳᬤᬸᬗᬂᬧᬂᬳᬦᬸᬢ᭄ᬲᬳᬶ᭞ᬓᬬᬸᬦᬾ [᭑᭖ 16A] ᬢᬸᬦ᭄ᬢᬸᬦ᭄ᬕᬮᬶᬳᬶᬦ᭄᭞ᬳᬚᬶᬧᬧᬶᬦᭂᬳᬾᬧᬢᬸᬢ᭄᭞ᬲᬼᬳᬶᬦ᭄‌ᬚ᭄ᬭᭀᬦᬶᬂᬳᬕᬫ᭞ᬲᬸᬰᬶᬮᬳᬗ᭄ᬕᬾᬦ᭄ᬫᬕᭂᬳᬶᬦ᭄᭞ᬲᬶᬦᬄᬧᬗ᭄ᬕᬸᬄ᭞ᬲᬸᬓᬲᬓᬮᬦᬶᬲ᭄ᬓᬮ᭟ ᬮ᭄ᬬᬸᬲᬸᬩᬓᬲᬶᬦᬳᬂ᭞ᬭᬶᬂᬳᬶᬤᬲᬂᬧ᭄ᬭᬚ᭄ᬜᬦ᭄ᬚᬢᬶ᭞ᬧᬶᬤᬩ᭄ᬤᬩ᭄ᬜᬳᬶᬫᬦᬸᬱ᭞ᬗᬮᬶᬄᬲᬸᬓᬓᬾᬮᬸᬚᬢᬶ᭞ᬳᬶᬤᬯ᭄ᬬᬸᬓ᭄ᬢᬶᬩᬗᭂᬢ᭞ᬚᬦ᭄ᬢᭀᬲ᭄ᬳᬶᬤᬧᬸᬭᬸᬦ᭄ ᬢᬸᬬᬸᬄ᭞ᬗᬃᬤ᭄ᬥᬶᬢᬢ᭄ᬯᬢᬢ᭄ᬯᬶᬬᬦ᭄᭞ᬚ᭄ᬜᬦᬬᬤ᭄ᬜᬓᬯᬲ᭄ᬢᬦ᭄᭞ᬬᬚ᭄ᬜᬳᬶᬓᬸᬓᬩᬯᭀᬲ᭄‌ᬧᬶᬦᬶᬄᬉᬢ᭄ᬢᬫ᭟ᬲᬚ᭄ᬭᭀᬦᬶᬂᬧᬜ᭄ᬘᬬᬚ᭄ᬜ᭞ᬫᬓ᭄ᬯᬾᬄ ᬬᬤ᭄ᬜᬦᬾᬫᬮᬶᬄ᭞ᬤᬺᬯ᭄ᬬᬬᬚ᭄ᬜᬓᬩᬯᭀᬲᬂ᭞ᬲᬂᬫᬶᬘᬬᬂᬳᬃᬣᬩ᭄ᬭᬡᬶ᭞ᬢᬧᬬᬚ᭄ᬜᬳᭂᬦ᭄ᬢᭀᬫᬮᬶᬄ᭞ᬧᬸᬭᬸᬦ᭄ᬗᬢᭂᬤ᭄‌ᬳᬶᬲᬤ᭄ᬭᬶᬧᬸ᭞ᬓᬫᬮᭀᬪᬳᭀᬳᬫ

Auto-transliteration

[15 15B] 15 nekadenñakitin, mil̥ĕḥbalyanetakonin, diplihengawebuwut, ñalabrayapadasagsag, bĕsngugukenbalyanhi pit, kantitandruḥ, kendewekeblogbudag. manutwacanansangprajñyan, tambĕtdadidasar̀sdiḥ, hirihatilobhakopa, ngiglang dewekejati, matopengbantakutsahi, mĕgongbanbobabsatuwuk, glaḥtimpalehantĕpangkmamahihalihangpipis, gratgrut, po hatanengendaḥpelag. sangkanllaḥjwadabdabang, ddhedwabcik'hapikin, nesakalalanniskala, hadungangpanghanutsahi, kayune [16 16A] tuntun'galihin, hajipapinĕhepatut, sl̥ĕhinjroninghagama, suśilahanggenmagĕhin, sinaḥpangguḥ, sukasakalaniskala. lyusubakasinahang, ringhidasangprajñanjati, pidabdabñahimanuṣa, ngaliḥsukakelujati, hidawyuktibangĕta, jantoshidapurun tuyuḥ, ngar̀ddhitatwatatwiyan, jñanayadñakawastan, yajñahikukabawospiniḥuttama. sajroningpañcayajña, makweḥ yadñanemaliḥ, dr̥ĕwyayajñakabawosang, sangmicayanghar̀thabraṇi, tapayajñahĕntomaliḥ, purunngatĕd'hisadripu, kamalobhahohama

Leaf 16

Image on Archive.org

[᭑᭖ 16B] ᭑᭖ ᬤ᭞ᬓ᭄ᬭᭀᬥᬫᬶᬯᬄᬳᬶᬭᬶᬳᬢᬶ᭞ᬲᬫᬶᬭᬧᬸᬄ᭞ᬲᬓᬶᬂᬭᬕᬦ᭄ᬲᬂᬧᬡ᭄ᬥᬶᬢ᭟ᬲ᭄ᬯᬥ᭄ᬬᬬᬬᬚ᭄ᬜᬮᬦ᭄ᬢᬸᬭᬂ᭞ᬲᬂᬢᬦ᭄ᬫᬭᬶᬫᬳᬸᬭᬸᬓᬶᬦ᭄᭞ᬓᬜ᭄ᬘᬦ᭄ᬢᬢ᭄ᬯᬦᬾᬉᬢ᭄ᬢᬫ ᭞ᬦᬾᬫᬸᬗ᭄ᬕᬸᬄᬭᬶᬂᬯᬾᬦ᭄ᬥᬲ᭄ᬫ᭄ᬭᬢ᭄ᬢᬶ᭞ᬦᬶᬢᬶᬰᬵᬲ᭄ᬢ᭄ᬭᬮᬦ᭄‌ᬢᬢ᭄ᬯᬯᬶᬢ᭄᭞ᬦᬾᬧᬢᬸᬢ᭄ᬳᬕᭂᬫ᭄‌ᬢᬸᬃᬕᬸᬕᬸ᭞ᬳᬗ᭄ᬕᬾᬦ᭄ᬲᬲᬸᬮᬸᬄᬤᬶᬭᬕ᭞ᬫᬗ᭄ᬤᬾᬦ᭄ᬳᬸᬦᬶᬂᬭᬶᬂᬦᬾᬚᬢᬶ᭞ ᬓᬾᬢᭀᬩᬕᬸᬲ᭄᭞ᬫᬃᬕ᭄ᬕᬶᬦᬶᬦ᭄‌ᬲᬫ᭄ᬧᬸᬦᬂᬳᬶᬫ᭟ᬤᬸᬮᬸᬃᬫᬲᬶᬄᬬᭀᬕᬬᬚ᭄ᬜ᭞ᬯᬦ᭄ᬢᬄᬬᭀᬕᬫᬓᬫᬃᬕ᭄ᬕᬶ᭞ᬧᬘᬂᬗ᭄ᬓᬶᬮ᭄ᬭᬶᬂᬳ᭄ᬬᬂᬢᬶᬢᬄ᭞ᬧᬸᬭᬸᬦ᭄ᬗᬸᬢᬂᬲᬸᬓᬦ᭄ ᬳᬢᬶ᭞ᬲᬸᬓᬦᬾᬩᬮᬶᬓ᭄ᬲᬓᬶᬢ᭄᭞ᬢᬦ᭄ᬫᬮᬶ᭞ᬩ᭄ᬯᬢ᭄ᬓᬕᬸᬕᬸ᭞ᬳᭀᬮᬶᬄᬧᬭᬬᭀᬕᬶᬰ᭄ᬯᬭ᭞ᬳᬧᬦ᭄ᬧᬢᬶᬢᬶᬲᬾᬧᬱ᭄ᬝᬶ᭞ᬦᬸᬚᬸᬲᬸᬯᬸᬂ᭞ᬦᬾᬤᭀᬄᬲᬓᬶᬂᬤᭀᬱ [᭑᭗ 17A] ᬫᬬ᭟ᬓᬤᬶᬦᬾᬲᬫ᭄ᬧᬸᬦ᭄‌ᬓᬸᬗ᭄ᬕᬸᬳᬂ᭞ᬚ᭄ᬜᬦᬬᬚ᭄ᬜᬧᬶᬦᬶᬄᬮ᭄ᬯᬶᬄ᭞ᬳᬫᭀᬗᬦ᭄‌ᬲᬂᬲᬥᬸᬥᬃᬫ᭄ᬫ᭞ᬓᬧ᭄ᬭᬚ᭄ᬜᬦᬦ᭄‌ᬢᭀᬓᬲ᭄ᬢᬶᬢᬶ᭞ᬦᬶᬓᬓᬤᬬᬦᬂᬲᬫᬶ᭞ᬭᬶᬂᬫᬦᬸᬱ ᬓᬤᬶᬦ᭄ᬳᬶᬧᬸᬦ᭄᭞ᬦᬶᬢᬫ᭄ᬩᬮ᭄ᬯᬶᬄᬉᬢ᭄ᬢᬫ᭞ᬧᬗ᭄ᬮᬸᬓᬢᬦ᭄‌ᬭᬕᬯ᭄ᬬᬤᬶ᭞ᬢᬺᬱ᭄ᬡᬲᬸᬗ᭄ᬲᬸᬢ᭄᭞ᬲᬫᬶᬲᬧ᭄ᬫᬂᬓᬯᬭᬲᬂ᭟ᬳᬫᭀᬦ᭄ᬢᭀᬩᬧᬜᬢ᭄ᬯᬬᬂ᭞ᬲᭀᬭᭀᬄᬬᬚ᭄ᬜᬫ ᬗ᭄ᬤᬾᬦ᭄ᬳᬸᬦᬶᬂ᭞ᬲᬶᬦᬄᬮ᭄ᬬᬸᬬᬦ᭄ᬩᬯᭀᬲᬂ᭞ᬩ᭄ᬘᬶᬓ᭄ᬚᬦᬶᬮᬦ᭄ᬫᬃᬕ᭄ᬕᬶᬦᬶᬦ᭄᭞ᬯᬶᬭᬾᬄᬩᬧᬫᬫᬶᬦᭂᬳᬶᬦ᭄᭞ᬲᬳᭂᬦᬸᬦ᭄ᬳᬦᬦᬾᬳᬶᬤᬸᬧ᭄᭞ᬳᬸᬭᬶᬧᬾᬩᭂᬓ᭄ᬫᬶᬲᬶᬬᬚ᭄ᬜ᭞ᬢᬺᬱ᭄ᬡᬦ᭄ᬧ ᬦᬓ᭄᭞ᬢᬺᬱ᭄ᬡᬦ᭄ᬩᬶᬩᬶ᭞ᬢ᭄ᬯᬭᬮᬸᬧᬸᬢ᭄᭞ᬫᬲᬶᬄᬧᬧᬶᬦ᭄ᬤᬦᬶᬂᬬᬚ᭄ᬜ᭟ᬲᬮᬶᬂᬕᬭᬧ᭄‌ᬫᬯᬓ᭄‌ᬬᬚ᭄ᬜ᭞ᬗᬮᬶᬄᬧᬗᬦ᭄ᬗᬮᬶᬄᬧᬶᬧᬶᬲ᭄᭞ᬫ᭄ᬬᬭᬘᬸᬘᬸᬫᬶᬯᬄᬧᬦᬓ᭄᭞ᬫᬢᬢᬸ

Auto-transliteration

[16 16B] 16 da, krodhamiwaḥhirihati, samirapuḥ, sakingragansangpaṇdhita. swadhyayayajñalanturang, sangtanmarimahurukin, kañcantatwane'uttama , nemungguḥringwendhasmratti, nitiśāstralantatwawit, nepatut'hagĕmtur̀gugu, hanggensasuluḥdiraga, mangdenhuningringnejati, ketobagus, mar̀ggininsampunanghima. dulur̀masiḥyogayajña, wantaḥyogamakamar̀ggi, pacangngkilringhyangtitaḥ, purunngutangsukan hati, sukanebaliksakit, tanmali, bwatkagugu, holiḥparayogiśwara, hapanpatitisepaṣṭi, nujusuwung, nedoḥsakingdoṣa [17 17A] maya. kadinesampunkungguhang, jñanayajñapiniḥlwiḥ, hamongansangsadhudhar̀mma, kaprajñanantokastiti, nikakadayanangsami, ringmanuṣa kadinhipun, nitambalwiḥuttama, panglukatanragawyadi, tr̥ĕṣṇasungsut, samisapmangkawarasang. hamontobapañatwayang, soroḥyajñama ngdenhuning, sinaḥlyuyanbawosang, bcikjanilanmar̀gginin, wireḥbapamaminĕhin, sahĕnunhananehidup, huripebĕkmisiyajña, tr̥ĕṣṇanpa nak, tr̥ĕṣṇanbibi, twaraluput, masiḥpapindaningyajña. salinggarapmawakyajña, ngaliḥpanganngaliḥpipis, myaracucumiwaḥpanak, matatu

Leaf 17

Image on Archive.org

[᭑᭗ 17B] ᭑᭗ ᬮᬸᬂᬭᬶᬂᬲᬂᬲᬓᬶᬢ᭄᭞ᬫᬲᬶᬄᬬᬚ᭄ᬜᬫᬗᬯᬓᬶᬦ᭄᭞ᬓᬾᬢᭀᬦᬦᬓ᭄‌ᬳᬧᬂᬢᬳᬸ᭞ᬲᬗ᭄ᬓᬦ᭄ᬫᬢᬸᬮᬸᬂᬩ᭄ᬯᬢᬂ᭞ᬭᬶᬂᬲᬂᬮᬘᬸᬃᬫᬶᬦᬓᬤᬶ᭞ᬫᬗ᭄ᬤᬾᬦ᭄ᬳᬶᬧᬸᬦ᭄᭞ᬭ᭄ᬯᬢ᭄ ᬲᬓᬶᬂᬓᬲᭂᬗ᭄ᬲᬭᬦ᭄᭟ᬫᬮᬶᬄᬩᬧᬫᬓᬾᬮᬶᬗᬂ᭞ᬧᬶᬤᬩ᭄ᬤᬩ᭄‌ᬬᬜ᭄ᬚᬦᬾᬲᬫᬶ᭞ᬫᬗ᭄ᬤᬾᬦ᭄‌ᬢᬦ᭄ᬳᬶᬯᬂᬧᬫᬃᬕ᭄ᬕᬶ᭞ᬤᬲᬭᬶᬦ᭄ᬩᬦ᭄‌ᬥᬃᬫ᭄ᬫᬪᬓ᭄ᬢᬶ᭞ᬫᬗ᭄ᬤᬾᬦ᭄ᬧᬶ ᬓᭀᬮᬶᬄᬳᬩ᭄ᬘᬶᬓ᭄᭞ᬚᬕᬢᬾᬲᬶᬤ᭄ᬥᬭᬳᬬᬸ᭞ᬓᬾᬢᭀᬦᬦᬓ᭄‌ᬫᬗ᭄ᬤᬾᬦ᭄ᬲᬶᬦᬄ᭞ᬧᬶᬓᭂᬦᭀᬄᬬᬚ᭄ᬜᬦᬾᬚᬢᬶ᭞ᬦᬄᬧᬫᬸᬧᬸᬢ᭄᭞ᬤᬸᬭᬸᬲᬂᬦᬦᬓ᭄ᬫᬬᬜ᭄ᬚ᭟ ᬳᬫᭀᬦ᭄ᬢᭀᬧᬶᬢ᭄ᬓᭂᬢ᭄ᬩᬧ᭞ᬘ᭄ᬦᬶᬂᬩ᭄ᬯᬶᬦ᭄‌ᬫᬫᬶᬦᭂᬳᬶᬦ᭄᭞ᬯᬶᬭᬾᬄᬮ᭄ᬬᬸᬦᬸᬧ᭄ᬮᬚᬳᬂ᭞ᬫᬶᬦᬩ᭄‌ᬢ᭄ᬯᬭᬩᬓᬮ᭄ᬮᬶᬲᬶᬓ᭄᭞ᬢᬢ᭄ᬯᬦᬾᬦᬸᬮ᭄ᬬᬸᬲᬶᬗᬶᬤ᭄᭞ᬘᬭᬫᭂ [᭑᭘ 18A] ᬗ᭄ᬓᭂᬩ᭄‌ᬬᬢᬦ᭄‌ᬭᬸᬗᬸᬫᬶᬦᬓᬤᬶᬭᬶᬂᬲᬂᬢᬸᬦ᭞ᬦᬾᬫᬓᬦ᭄ᬢᬶᬳᬶᬦ᭄ᬤ᭄ᬭ᭄ᬬᬰᬓ᭄ᬢᬶ᭞ᬦᬾᬓᬤᬸᬮᬸ᭞ᬯᬦ᭄ᬢᬄᬯᬶᬲᬬᬦ᭄ᬜᬓᬢᬄ᭟ᬦᬦᬓ᭄ᬩᬕᬸᬲ᭄ᬧ᭄ᬬᬦᬓ᭄ᬩᬧ᭞ᬚᬲ ᬦ᭄ᬮᬦ᭄ᬢᬸᬭᬂᬦᬾᬚᬦᬶ᭞ᬓᬰᬶᬮᬦᬾᬓᬧᬶᬂᬲᬗ᭞ᬳᬳᬭᬮᬖᬯᬧᬶᬗᬶᬢ᭄᭞ᬳᬦᬾᬫᬃᬣᬶᬫᬓᬶᬭᬗᬶᬦ᭄᭞ᬫᬶᬦᬓᬤᬶᬧᬗᬦ᭄ᬓᬶᬦᬸᬫ᭄᭞ᬢ᭄ᬯᬭᬗ᭄ᬭᬧᬸ᭞ᬦ ᬜ᭄ᬘᬾᬦ᭄ᬧᬗᬦ᭄᭞ᬦᬾᬲᬶᬦᬄᬫᬗᬯᬾᬕ᭄ᬭᬶᬂ᭞ᬚ᭄ᬭᭀᬦᬶᬂᬓᬶᬦᬸᬫ᭄᭞ᬦᬾᬗᬯᬾᬧᬸᬜᬄᬳᭂᬚᭀᬳᬂ᭟ᬢ᭄ᬯᬓᬾᬦᬾᬗᬯᬾᬧᬸᬜᬄ᭞ᬳᬭᬓ᭄‌ᬩ᭄ᬭᬾᬦ᭄ᬤᬶᬧ ᬢᭂᬄᬲᬫᬶ᭞ᬧᬶᬭᬦ᭄ᬢᬶᬦᬾᬫᬓᬾᬄᬭᬸᬲᬓ᭄᭞ᬳᬢᬶᬳᭂᬦ᭄ᬢᭀᬫᬶᬦᬓᬤᬶ᭞ᬓᬜ᭄ᬘᬦ᭄ᬧᬗᬦ᭄‌ᬢ᭄ᬯᬭᬍᬕᬶᬢ᭄᭞ᬲᬓᬶᬢ᭄ᬩᭂᬢᭂᬕᬾᬬᬧ᭄ᬲᬸ᭞ᬯᬶᬭᬾᬄᬓᬜ᭄ᬘ

Auto-transliteration

[17 17B] 17 lungringsangsakit, masiḥyajñamangawakin, ketonanak'hapangtahu, sangkanmatulungbwatang, ringsanglacur̀minakadi, mangdenhipun, rwat sakingkasĕngsaran. maliḥbapamakelingang, pidabdabyañjanesami, mangdentanhiwangpamar̀ggi, dasarinbandhar̀mmabhakti, mangdenpi koliḥhabcik, jagatesiddharahayu, ketonanakmangdensinaḥ, pikĕnoḥyajñanejati, naḥpamuput, durusangnanakmayañja. hamontopitkĕtbapa, cningbwinmaminĕhin, wireḥlyunuplajahang, minabtwarabakallisik, tatwanenulyusingid, caramĕ [18 18A] ngkĕbyatanrunguminakadiringsangtuna, nemakantihindryaśakti, nekadulu, wantaḥwisayanñakataḥ. nanakbaguspyanakbapa, jasa nlanturangnejani, kaśilanekapingsanga, haharalaghawapingit, hanemar̀thimakirangin, minakadipangankinum, twarangrapu, na ñcenpangan, nesinaḥmangawegring, jroningkinum, nengawepuñaḥhĕjohang. twakenengawepuñaḥ, harakbrendipa tĕḥsami, pirantinemakeḥrusak, hatihĕntominakadi, kañcanpangantwaral̥ĕgit, sakitbĕtĕgeyapsu, wireḥkañca

Leaf 18

Image on Archive.org

[᭑᭘ 18B] ᭑᭘ ᬦ᭄ᬲᬭᬶᬦ᭄ᬧᬗᬦ᭄᭞ᬢ᭄ᬯᬭᬮᬦᬸᬲ᭄ᬫᬫᬃᬕ᭄ᬕᬶ᭞ᬲᬶᬦᬄᬤᬶᬢᬸ᭞ᬤᬾᬯᬾᬓᬾᬫᬗ᭄ᬕᬶᬄᬓᬮᬭᬦ᭄᭟ᬓᭂᬫᭀᬫᬳᬶᬫᭀᬦ᭄ᬤᭀᬂᬮᬭ᭞ᬫᬳᬶᬍᬳᬦ᭄‌ᬬᬳᬸᬩᬤᬶ ᬦ᭄᭞ᬫᬭᬫ᭄ᬭᬲᬓ᭄ᬓᬾᬦ᭄ᬳᬯᬓ᭄᭞ᬤᬸᬓ᭄ᬗᬸᬦᬶᬩᭂᬲ᭄ᬫᬗᬸᬮᬸᬭᬶᬦ᭄᭞ᬧᬗᬦ᭄ᬓᬶᬦᬸᬫ᭄ᬫᬗᬩᬾᬳᬶᬦ᭄᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬮᬭᬫᬗ᭄ᬕᬸᬄ᭞ᬫᬸᬧᬸᬧᬸᬜᬄᬳᬚᬓ᭄ᬢᬶᬫ᭄ᬧᬮ᭄ ᭞ᬗᬸᬩᬸᬗᬶᬦ᭄ᬧᬓᬶᬢᬦ᭄ᬳᬢᬶ᭞ᬗᬦ᭄ᬢᬶᬢᬸᬬᬸᬄ᭞ᬧᬦᬓ᭄‌ᬲᭀᬫᬳᬾᬦᬩ᭄ᬤᬩᬂ᭟ᬕ᭄ᬮᬄᬳᬯᬓ᭄‌ᬕ᭄ᬮᬄᬲᭀᬫᬄ᭞ᬳᬗ᭄ᬕᭀᬦ᭄ᬫᬗᬸᬮᬸᬭᬶᬦ᭄ᬳᬢᬶ᭞ᬩᬗ᭄ᬕᬓᭀᬧᬦᬾ ᬳᭂᬢᭀᬳ᭞ᬬᬦ᭄ᬓᬚᬸᬫᬭᬲᬬᬂᬩ᭄ᬘᬶᬓ᭄᭞ᬳᭂᬗ᭄ᬲᬧ᭄‌ᬓᬾᬦ᭄ᬓᬯᬗ᭄ᬰᬦ᭄ᬚᬢᬶ᭞ᬦᬗ᭄ᬳᬶᬂᬧᬗᬓᬸᬦᬾᬓᬸᬓᬸᬄ᭞ᬫᬳᭀᬲᬂᬯᬗ᭄ᬰᬉᬢ᭄ᬢᬫ᭞ᬦᬾᬤᭀᬄᬲᬓᬶᬂᬰᬶᬮ [᭑᭙ 19A] ᬬᬸᬓ᭄ᬢᬶ᭞ᬳᬯᬓ᭄ᬧᬸᬬᬸᬂ᭞ᬩᬦ᭄ᬢᬲ᭄ᬩᭂᬓ᭄ᬫᬳᬶᬲᬶᬩᬗ᭄ᬕ᭟ᬳᬦᬾᬫᬤᬦ᭄‌ᬢ᭄ᬭᬶᬫᬮ᭞ᬫᬫᭀᬢᭀᬄᬫᬫᬸᬜᬄᬫᬮᬶᬄ᭞ᬫᬓᬤᬶᬦ᭄ᬜᬯᬯᬤᭀᬦᬦ᭄᭞ᬳᭂᬦ᭄ᬢᭀᬢ᭄ᬭᬶ ᬫᬮᬓᬤᬦᬶᬦ᭄᭞ᬕ᭄ᬫᭂᬂᬢᬂᬳᭂᬦ᭄ᬢᭀᬳᬧᬶᬓᬶᬦ᭄᭞ᬫᬗ᭄ᬤᬾᬦ᭄ᬜᬢᬦ᭄‌ᬗᬃᬤ᭄ᬥᬶᬩᬸᬯᬸᬢ᭄᭞ᬭᬶᬂᬲᭀᬫᬄᬮᬦ᭄ᬜᬫᬩ᭄ᬭᬬ᭞ᬧᬫ᭄ᬭᬶᬦ᭄ᬢᬄᬢᭀᬫᬓᬤᬶ᭞ᬦᬄᬧᬫᬸᬧᬸᬢ᭄᭞ ᬳ᭄ᬤᬳᬫ᭄ᬧᬄᬫᬓ᭄ᬢᬭᬕ᭟ᬲᬫᬥᬶᬮᬦ᭄‌ᬩ᭄ᬭᬢᬢᬧ᭞ᬢ᭄ᬭᬶᬬᬚ᭄ᬜᬳᭂᬦ᭄ᬢᭀᬓᬤᬦᬶᬦ᭄᭞ᬕ᭄ᬫᭂᬢᬂᬘ᭄ᬦ᭄ᬦᬶᬂᬗ᭄ᬯᬢᬂ᭞ᬳᬗ᭄ᬕᬾᬦ᭄ᬗᬢᭂᬤᬄᬳᬶᬦ᭄ᬤ᭄ᬭ᭄ᬬᬰᬓ᭄ᬢᬶ᭞ᬭᬕᬤ᭄ᬯᬾᬲᬫᬶᬦ ᬓᬤᬶ᭞ᬧᬸᬦᬳᬂᬬᬚ᭄ᬭᭀᬦᬶᬂᬓᬮ᭄ᬩᬸ᭞ᬫᬗ᭄ᬤᬾᬦ᭄ᬢᬦ᭄ᬗᬤᬸᬓ᭄ᬫ᭄ᬬᬮᬂ᭞ᬦᬸᬜ᭄ᬘᬧ᭄ᬓᬦᬶᬃᬩᬦᬪᬸᬫᬶ᭞ᬕ᭄ᬦᬄᬮᬸᬯᬸᬂ᭞ᬲ᭄ᬢᬦᬦ᭄ᬲᬂᬩᬸᬥᬶᬲᬢ᭄ᬯᬶᬓ᭟ᬳᬫᭀᬦ᭄ᬢᭀᬩᬧᬜᬢ᭄ᬯᬬᬂ᭞ᬳ

Auto-transliteration

[18 18B] 18 nsarinpangan, twaralanusmamar̀ggi, sinaḥditu, dewekemanggiḥkalaran. kĕmomahimondonglara, mahil̥ĕhanyahubadi n, maramrasakkenhawak, dukngunibĕsmangulurin, pangankinummangabehin, hĕngsaptĕkenlaramangguḥ, mupupuñaḥhajaktimpal , ngubunginpakitanhati, ngantituyuḥ, panaksomahenabdabang. glaḥhawakglaḥsomaḥ, hanggonmangulurinhati, banggakopane hĕtoha, yankajumarasayangbcik, hĕngsapkenkawangśanjati, nanghingpangakunekukuḥ, mahosangwangśa'uttama, nedoḥsakingśila [19 19A] yukti, hawakpuyung, bantasbĕkmahisibangga. hanemadantrimala, mamotoḥmamuñaḥmaliḥ, makadinñawawadonan, hĕntotri malakadanin, gmĕngtanghĕntohapikin, mangdenñatanngar̀ddhibuwut, ringsomaḥlanñamabraya, pamrintaḥtomakadi, naḥpamuput, hdahampaḥmaktaraga. samadhilanbratatapa, triyajñahĕntokadanin, gmĕtangcnningngwatang, hanggenngatĕdaḥhindryaśakti, ragadwesamina kadi, punahangyajroningkalbu, mangdentanngadukmyalang, nuñcapkanir̀banabhumi, gnaḥluwung, stanansangbudhisatwika. hamontobapañatwayang, ha

Leaf 19

Image on Archive.org

[᭑᭙ 19B] ᭑᭙ ᬳᬭᬖᬘᬧᬶᬗᬶᬢ᭄᭞ᬩ᭄ᬘᬶᬓ᭄ᬧ᭄ᬮᬚᬳᬂᬤᬾᬯ᭞ᬤᬩᭂᬲ᭄ᬩᬗᭂᬢ᭄ᬫᬗᬸᬮᬸᬭᬶᬦ᭄᭞ᬲᬤᬭᬦᬬᬂᬢᭀᬲᬫᬶ᭞ᬫᬗ᭄ᬤᬾᬦ᭄ᬳᬶᬦ᭄ᬤ᭄ᬭ᭄ᬬᬦᬾᬫᬦᬸᬄ᭞ᬫᬦᬄᬳᭂᬦ᭄ᬢᭀᬬᬕᬶᬲ᭄ᬬᬂ᭞ ᬫᬗ᭄ᬤᬾᬦ᭄ᬢᬦ᭄ᬕᬜ᭄ᬚᬄᬢᬸᬃᬕᬜ᭄ᬚᬶᬄ᭞ᬓᬾᬢᭀᬩᬕᬸᬲ᭄᭞ᬩ᭄ᬘᬶᬓ᭄ᬚᬦᬶᬬᬤᬩ᭄ᬤᬩᬂ᭞ᬳᬾᬮᬶᬗᬂᬤᬾᬯᬳᬾᬮᬶᬗᬂ᭞ᬳᬶᬤᬸᬧᬾᬳᬦᬶᬢ᭄ᬬᬚᬢᬶ᭞ᬢᬸᬃᬦ᭄ᬤᬶᬓᬧᬦ᭄ᬧᬘᬂᬲᬾᬤ᭄ᬥ᭞ᬢ᭄ᬯ ᬭᬳᬤᬫᬗᭀᬭᬳᬶᬦ᭄᭞ᬲᬸᬓᬤᬸᬓᬮᬭᬧᬢᬶ᭞ᬳᭂᬦ᭄ᬢᭀᬢ᭄ᬯᬄᬦᬾᬓᬢ᭄ᬧᬸᬓ᭄᭞ᬦᬄᬳᬓᬾᬢᭀᬚ᭄ᬯᬧᬸᬗ᭄ᬕᭂᬮᬂ᭞ᬩ᭄ᬘᬶᬓ᭄ᬲᬂᬧᬸᬘᬸᬂᬩᬮᬶᬓᬶᬦ᭄᭞ᬫᬗ᭄ᬤᬾᬦ᭄ᬮᬦ᭄ᬢᬸᬭᬂ᭞ᬓᬲᬶ ᬮᬦᬾᬓᬧᬶᬂᬤᬰ᭟᭜᭟ᬧᬸᬄᬧᬸᬘᬸᬂ᭟ᬘ᭄ᬦᬶᬂᬩᬕᬸᬲ᭄᭞ᬫᬗ᭄ᬤᬾᬦ᭄ᬲᬢ᭄ᬯᬦᬾᬗ᭄ᬮᬦ᭄ᬢᬸᬃ᭞ᬚᬮᬦ᭄ᬓᬾᬢᬗ᭄ᬲᭂᬳᬂ᭞ᬬᬤ᭄ᬬᬦ᭄ᬲᬸᬩᬩᬗᭂᬢ᭄‌ᬯ᭄ᬗᬶ᭞ᬲᬫ᭄ᬩᬶᬮ᭄ᬫᬸᬭᬸᬓ᭄᭞ᬗᬮᬶᬯᬢᬂ [᭒᭐ 20A] ᬫᬢᬓ᭄ᬬᬧ᭄᭟ᬳ᭄ᬤᬢᬓᬸᬢ᭄᭞ᬗᬸᬢᬂᬢᬸᬬᬸᬄᬗᬮᬶᬄᬳᬬᬸ᭞ᬩ᭄ᬯᬢᬂᬕ᭄ᬫᭂᬢᬂ᭞ᬮᬳᬸᬢᬂᬚᬮᬦᬶᬦ᭄‌ᬘ᭄ᬦᬶᬂᬓᭀᬚᬩᬶᬗᬸᬂ᭞ᬢ᭄ᬓᬾᬦ᭄‌ᬕᭀᬤᬲᬲᬸᬗ᭄ᬮᬧᬦ᭄᭟ᬕᭀᬤᬳᬶ ᬓᬸ᭞ᬦᬾᬫᬭᬸᬧᬗᬾᬦ᭄ᬤᬄᬳᬾᬭᬸᬢ᭄᭞ᬮᬯᬢ᭄ᬢᭀᬚᬢᬶᬦ᭄ᬜ᭞ᬫ᭄ᬤᬮ᭄ᬲᬓᬶᬂᬭᬕᬬᬸᬓ᭄ᬢᬶ᭞ᬗᬸᬤ᭄ᬬᬂᬢᬓᬸᬢ᭄᭞ᬫ᭄ᬮᬄᬮᬶᬂᬮᬶᬂᬳᬧᬂᬧ᭄ᬤᬮ᭄᭟ᬳ᭄ᬤᬩᬶᬗᬸᬂ᭞ᬢᬸᬃᬩᬶᬫ᭄ᬩᬂᬚ᭄ᬭᭀᬦᬶᬂᬳᬶᬤᬸᬧ᭄ ᭞ᬕᬸᬕᬸᬢᭀᬲᬂᬓᬃᬫ᭄ᬫ᭞ᬦᬾᬫᬯᬓ᭄‌ᬳ᭄ᬬᬂᬢᬶᬢᬄᬚᬢᬶ᭞ᬬᬾᬦᬶᬂᬧᬢᬸᬢ᭄᭞ᬤᬢᬓᬸᬢ᭄ᬫᬢᬶᬤᬶᬚᬮᬦ᭄᭟ᬲᬂᬳ᭄ᬬᬂᬢᬸᬤᬸᬄ᭞ᬳᬸᬦᬶᬂᬯ᭄ᬬᬓ᭄ᬢᬶᬳᬶᬤᬦᬸᬤᬸᬄ᭞ᬦᬾᬧᬢᬸᬢ᭄ᬮᬦ᭄ᬳᬶ ᬯᬂ᭞ᬲᬗ᭄ᬓᬦ᭄ᬳᬤᬶᬮ᭄‌ᬓᬯᬲ᭄ᬢᬦᬶᬦ᭄᭞ᬕ᭄ᬮᬶᬲ᭄ᬩᬕᬸᬲ᭄᭞ᬥᬃᬫ᭄ᬫᬧ᭄ᬭᬯᬺᬢ᭄ᬢᬶᬦᬾᬕᬭᬧ᭄᭟ᬳᬶᬤᬲᬂᬯᬶᬓᬸ᭞ᬩ᭄ᬘᬶᬓ᭄ᬢᬸᬮᬤ᭄ᬳᬗ᭄ᬕᬾᬦ᭄ᬲᬶᬓᬸᬢ᭄᭞ᬢᬦ᭄ᬲᬄᬫᬫ᭄ᬭᬶᬳᬂ᭞ᬦᬶᬃᬫ᭄ᬫᬮᬚ᭄ᬭᭀ

Auto-transliteration

[19 19B] 19 haraghacapingit, bcikplajahangdewa, dabĕsbangĕtmangulurin, sadaranayangtosami, mangdenhindryanemanuḥ, manaḥhĕntoyagisyang, mangdentan'gañjaḥtur̀gañjiḥ, ketobagus, bcikjaniyadabdabang, helingangdewahelingang, hidupehanityajati, tur̀ndikapanpacangseddha, twa rahadamangorahin, sukadukalarapati, hĕntotwaḥnekatpuk, naḥhaketojwapunggĕlang, bciksangpucungbalikin, mangdenlanturang, kasi lanekapingdaśa \\•\\ puḥpucung. cningbagus, mangdensatwanenglantur̀, jalanketangsĕhang, yadyansubabangĕtwngi, sambilmuruk, ngaliwatang [20 20A] matakyap. hdatakut, ngutangtuyuḥngaliḥhayu, bwatanggmĕtang, lahutangjalanincningkojabingung, tken'godasasunglapan. godahi ku, nemarupangendaḥherut, lawattojatinña, mdalsakingragayukti, ngudyangtakut, mlaḥlinglinghapangpdal. hdabingung, tur̀bimbangjroninghidup , gugutosangkar̀mma, nemawak'hyangtitaḥjati, yeningpatut, datakutmatidijalan. sanghyangtuduḥ, huningwyaktihidanuduḥ, nepatutlanhi wang, sangkanhadilkawastanin, glisbagus, dhar̀mmaprawr̥ĕttinegarap. hidasangwiku, bciktulad'hanggensikut, tansaḥmamrihang, nir̀mmalajro

Leaf 20

Image on Archive.org

[᭒᭐ 20B] ᭒᭐ ᬦᬶᬂᬳᬺᬤ᭄ᬥᬶ᭞ᬯᬦ᭄ᬢᬄᬳᬤᬸᬂ᭞ᬓᬗ᭄ᬕᬾᬦ᭄ᬫᬦᬫ᭄ᬧᬦᬶᬦ᭄‌ᬯᬃᬕ᭄ᬕ᭟ᬳᬲᬶᬄᬳᬶᬓᬸ᭞ᬫᬸᬮᬳᬫᭀᬗᬦ᭄ᬲᬂᬯᬶᬓᬸ᭞ᬳᬤᭀᬄᬲᬓᬶᬂᬲᬸᬕᬢ᭄᭞ᬲᬗ᭄ᬓᬦ᭄‌ᬦᬫ᭄ᬧᭂᬓ᭄ᬓᬜ᭄ᬘᬦ᭄ᬯᬃᬕ᭄ᬕᬶ᭞ ᬓᬾᬄᬲᬸᬫᬸᬬᬸᬕ᭄᭞ᬳᬤᬸᬂᬗᬃᬤ᭄ᬥᬶᬓᬭᬳᬃᬚ᭄ᬚᬦ᭄᭟ᬦᬾᬧᬫᬸᬧᬸᬢ᭄᭞ᬓᬤᬰᬕᬶᬮᬧᬫᬸᬢᬸᬲ᭄᭞ᬢᬦ᭄ᬮᬾᬦ᭄‌ᬳᬧ᭄ᬭᬫᬤ᭞ᬦᬾᬫᬃᬣᬶᬲᬢᬢᬳᬾᬮᬶᬂ᭞ᬘ᭄ᬤᬂᬮᬦᬸᬲ᭄᭞ᬢ᭄ᬯᬭ ᬳᬫ᭄ᬧᬄᬫᬓ᭄ᬢᬭᬕ᭟ᬩᬮᬶᬓ᭄ᬳᬶᬧᬸᬦ᭄᭞ᬬᬦ᭄ᬳᬫ᭄ᬧᬄᬘ᭄ᬦᬶᬂᬲᬢᬸᬯᬸᬓ᭄᭞ᬢᬦ᭄ᬫᬫ᭄ᬧᬸᬄᬨᬮᬦ᭄ᬜ᭞ᬳᬲᬶᬂᬩᬯᭀᬲᬂᬢᬦ᭄ᬫᬶᬲᬶ᭞ᬗᬯᬾᬳᬶᬫ᭄ᬧᬸᬢ᭄᭞ᬭᬾᬄᬧ᭄ᬭᬾᬦ᭄ᬢᬳᬾᬓᬢᭂ ᬫ᭄ᬧᬮᬶᬦ᭄᭟ᬲᬗ᭄ᬓᬦ᭄ᬩᬕᬸᬲ᭄᭞ᬳᬧ᭄ᬭᬫᬤᬦᬾᬲᬢᬸᬯᬸᬓ᭄᭞ᬳᬗ᭄ᬕᭀᬦ᭄‌ᬬᬲᬭᬡ᭞ᬫᬶᬦᬓᬤᬶᬗᬶᬲᬶᬕᬸᬫᬶ᭞ᬳ᭄ᬤᬳᬗ᭄ᬓᬸᬄ᭞ᬗᬮᬧ᭄ᬓᬲᭀᬭᬾᬫᬃᬕ᭄ᬕ᭄ᬬᬂ᭟ᬲᬶᬕᬸᬕ᭄ᬳᬶ [᭒᭑ 21A] ᬓᬸ᭞ᬓᬸᬢᬂᬳᭂᬜ᭄ᬘᭀᬢᬂᬤᬶᬧᬗ᭄ᬓᬸᬂ᭞ᬧᬗ᭄ᬤᬗ᭄ᬭᬸᬩᬾᬤ᭞ᬗᬯᬾᬕ᭄ᬭᬶᬂᬓᬸᬮᬯᬃᬕ᭄ᬕᬶ᭞ᬗᬃᬤ᭄ᬥᬶᬩᬸᬯᬸᬢ᭄᭞ᬭᬲᬦ᭄ᬧᬢᬸᬳᬾᬳᬶᬮᬂ᭟ᬬᬦ᭄ᬢᬦ᭄ᬧᬢᬸᬄ᭞ᬲᬢ᭄ᬭᬸᬦᬾᬓᬢᬶ ᬕᬜᬸᬲᬸᬧ᭄᭞ᬜᬶᬮᬶᬩ᭄ᬘᬭᬩᬓ᭞ᬫᬸᬜᬶᬫᬦᬶᬲ᭄‌ᬗᬮᬶᬄᬧᬢᬶ᭞ᬓᬤᭀᬂᬦᬳᬸ᭞ᬗᬤᭀᬓ᭄‌ᬓᬭᬶᬭᬶᬳᬦ᭄‌ᬘᭀᬭᬄ᭟ᬲᬗ᭄ᬓᬦ᭄ᬩᬕᬸᬲ᭄᭞ᬬᬦ᭄ᬢᬦ᭄‌ᬲᬾᬄᬗᭂᬄ ᬢ᭄ᬓᬾᬦ᭄ᬲᬢ᭄ᬭᬸ᭞ᬩᬶᬲᬓᬧᬘᬸᬦ᭄ᬤᬂ᭞ᬩᭀᬬᬓᬶᬤᬶᬓ᭄‌ᬦᬬᬲᬶᬮᬶᬩ᭄᭞ᬦᬾᬧᬫᬸᬧᬸᬢ᭄᭞ᬳ᭄ᬤᬳᬫ᭄ᬧᬄᬫᬓ᭄ᬢᬭᬕ᭟ᬬᬦᬶᬂᬲᬫ᭄ᬧᬸᬦ᭄᭞ᬕᬮᬂᬤᬶᬓᬬᬸᬦᬾᬧᬗ᭄ᬕᬸᬄ᭞ ᬢᬼᬓ᭄ᬗᬫᭀᬂᬰᬶᬮ᭞ᬫᬸᬯᬸᬄᬧ᭄ᬭᬚ᭄ᬜᬦ᭄‌ᬮ᭄ᬯᬶᬳᬶᬂᬩᬸᬥᬶ᭞ᬲᬶᬦᬄᬳᬮᬸᬄ᭞ᬗᬫᭀᬂᬯᬃᬕ᭄ᬕᬶᬫᬶᬯᬄᬧᬜ᭄ᬚᬓ᭄᭟ᬫᬸᬮᬳᬮᬸᬄ᭞ᬲᬂᬚᬶᬢᬾᬦ᭄ᬤ᭄ᬭ᭄ᬬᬫᬦᬸᬤᬸᬄ᭞ᬫᬦᬄᬮᬦ᭄ᬳᬶᬦ᭄ᬤ᭄ᬭ᭄ᬬ᭞

Auto-transliteration

[20 20B] 20 ninghr̥ĕddhi, wantaḥhadung, kanggenmanampaninwar̀gga. hasiḥhiku, mulahamongansangwiku, hadoḥsakingsugat, sangkannampĕkkañcanwar̀ggi, keḥsumuyug, hadungngar̀ddhikarahar̀jjan. nepamuput, kadaśagilapamutus, tanlenhapramada, nemar̀thisatataheling, cdanglanus, twara hampaḥmaktaraga. balik'hipun, yanhampaḥcningsatuwuk, tanmampuḥphalanña, hasingbawosangtanmisi, ngawehimput, reḥprentahekatĕ mpalin. sangkanbagus, hapramadanesatuwuk, hanggonyasaraṇa, minakadingisigumi, hdahangkuḥ, ngalapkasoremar̀ggyang. sigug'hi [21 21A] ku, kutanghĕñcotangdipangkung, pangdangrubeda, ngawegringkulawar̀ggi, ngar̀ddhibuwut, rasanpatuhehilang. yantanpatuḥ, satrunekati gañusup, ñilibcarabaka, muñimanisngaliḥpati, kadongnahu, ngadokkaririhancoraḥ. sangkanbagus, yantanseḥngĕḥ tkensatru, bisakapacundang, boyakidiknayasilib, nepamuput, hdahampaḥmaktaraga. yaningsampun, galangdikayunepangguḥ, tl̥ĕkngamongśila, muwuḥprajñanlwihingbudhi, sinaḥhaluḥ, ngamongwar̀ggimiwaḥpañjak. mulahaluḥ, sangjitendryamanuduḥ, manaḥlanhindrya,

Leaf 21

Image on Archive.org

[᭒᭑ 21B] ᭒᭑ ᬫᬗ᭄ᬤᬾᬦ᭄ᬢᬦ᭄‌ᬦᭂᬕᬸᬮ᭄ᬗᭂᬮᬶᬮᬶᬢ᭄᭞ᬲᬗ᭄ᬓᬦ᭄ᬩᬕᬸᬲ᭄᭞ᬩ᭄ᬯᬢᬂᬫᬄᬗᬫᭀᬂᬫᬦᬄ᭟ᬫᬸᬮᬢᬸᬬᬸᬄ᭞ᬗᬫᭀᬂᬫᬦᬄᬬᬦ᭄ᬢᬦ᭄ᬓᬸᬓᬸᬄ᭞ᬗᭂᬦ᭄ᬢᬧ᭄‌ᬦᬾᬢᬢᬶᬕ᭞ᬥᬭᬩᬥ᭄ᬬ ᬦᬲᬫᬤ᭄ᬥᬶ᭞ᬫᬃᬕ᭄ᬕᬮᬦ᭄ᬢᬸᬃ᭞ᬧᬫᬃᬕ᭄ᬕᬦ᭄ᬲᬂᬬᭀᬕᬶᬰ᭄ᬯᬭ᭟ᬲᬗ᭄ᬓᬦ᭄‌ᬮ᭄ᬬᬸ᭞ᬗᬚᬓ᭄ᬮᬘᬸᬃᬚ᭄ᬭᭀᬦᬶᬂᬳᬶᬤᬸᬧ᭄᭞ᬳᬧᬦ᭄᭞ᬢ᭄ᬯᬭᬓ᭄ᬯᬢ᭄᭞ᬗᬢᭂᬤ᭄ᬫᬦᬄᬮᬦ᭄ᬳᬶᬦ᭄ᬤ᭄ᬭ᭄ᬬᬦᬶ᭞ᬦᬾᬧ ᬫᬸᬧᬸᬢ᭄᭞ᬮᬩᬸᬄᬓᬚᬸᬭᬂᬲᬗ᭄ᬲᬭ᭟ᬫᬗ᭄ᬤᬾᬦ᭄ᬮᬦ᭄ᬢᬸᬃ᭞ᬢᬸᬢᬸᬭᬾᬗᬗ᭄ᬲᬦ᭄‌ᬬᬳᬤᬸᬂ᭞ᬓ᭄ᬤᭂᬄᬫᬦᬄ᭞ᬗᬯᬸᬯᬸᬳᬶᬦ᭄‌ᬲᬢ᭄ᬯᬫᬮᬶᬄ᭞ᬢᬸᬢᬸᬃᬮᬸᬯᬸᬂ᭞ᬘᬢᬸᬃ ᬧ᭄ᬭᬯᬺᬢ᭄ᬢᬶᬳᬤᬦ᭄ᬜ᭟ᬢᬸᬢᬸᬃᬳᬶᬓᬸ᭞ᬧᬓᬾᬮᬶᬂᬳᬶᬤᬳ᭄ᬬᬂᬫᬦᬸ᭞ᬩᬗᭂᬢ᭄ᬫᬉᬢ᭄ᬢᬫ᭞ᬳᬫᭀᬗᬦ᭄ᬲᬂᬘᬢᬸᬃᬯᬃᬡ᭄ᬦᬶ᭞ᬓᬾᬢᭀᬩᬕᬸᬲ᭄᭞ᬓᬳᬸᬗ᭄ᬕᬳᬂᬭᬶᬂᬲᬫᬸᬲ᭄ᬢ [᭒᭒ 22A] ᬬ᭟ᬗ᭄ᬳᬶᬂᬲᬤᬸᬭᬸᬂ᭞ᬩᬧᬦ᭄ᬭᬗᬂᬦᬾᬘᬢᬸᬃ᭞ᬩ᭄ᬘᬶᬓ᭄‌ᬬᬳᬶᬤᬹᬃᬫ᭄ᬫ᭞ᬳᬸᬦ᭄ᬤᬂᬳᬚᬓᬶᬦ᭄ᬫᬕᭂᬦ᭄ᬤᬶᬂ᭞ᬭᬾᬄᬲᬂᬧᬸᬘᬸᬂ᭞ᬫᬓ᭄ᬚᬶᬢ᭄‌ᬬᬗᬯᬗ᭄ᬲᬶᬢᬂ᭟ᬧᬸᬄᬤᬹᬃᬫ᭄ᬫ᭟ᬫᬗ᭄ᬓᬶᬦ᭄ᬩᬧᬫᬦᬸ ᬢᬸᬭᬂᬳᬧᬂᬧ᭄ᬤᬲ᭄᭞ᬦᬾᬫᬤᬦ᭄‌ᬘᬢᬸᬃᬯᬺᬢ᭄ᬢᬶ᭞ᬘᬢᬸᬃᬫᬵᬃᬣᬶᬧᬢ᭄ᬧᬢ᭄᭞ᬧ᭄ᬭᬯᬺᬢ᭄ᬢᬶᬫᬵᬃᬢᬶᬧᬶᬤᬩ᭄ᬤᬩ᭄᭞ᬩᬘᬓᬦ᭄ᬜᬳᭂᬦ᭄ᬢᭀᬲᬫᬶ᭞ᬓᬧᬃᬣᬫ᭞ᬳᬃᬚ᭄ᬚᬯᬩᬗᭂᬢ᭄ᬧᬶ ᬦᬸᬚᬶ᭟ᬓᬧᬶᬂᬭ᭄ᬯᬳᬦᬺᬲᬗ᭄ᬲᬓᬩᬯᭀᬲᬂ᭞ᬥᬫᬗ᭄ᬭᬜ᭄ᬚᬶᬂᬓᬧᬶᬂᬢ᭄ᬭᬶᬦᬶ᭞ᬇᬦ᭄ᬤ᭄ᬭ᭄ᬬᬦᬶᬕ᭄ᬭᬳ᭞ᬓᬧᬶᬂᬧᬶᬸᬳᭂᬫ᭄ᬧᬢ᭄‌ᬢᭀᬧᬦ᭄ᬮᬲ᭄᭞ᬩ᭄ᬘᬶᬓ᭄ᬫᬗ᭄ᬓᬶᬦ᭄‌ᬬᬳᬃᬣᬶᬦᬶᬦ᭄᭞ᬫ ᬗ᭄ᬤᬾᬦ᭄‌ᬢ᭄ᬭᬂ᭞ᬧᬶᬓ᭄ᬦᭀᬄᬜᬚ᭄ᬭᭀᬦᬶᬂᬳᬸᬭᬶᬧ᭄᭟ᬲᬂᬳᬃᬚ᭄ᬚᬯᬚᬸᬚᬸᬃᬲᬳᬶᬚ᭄ᬭᭀᬦᬶᬂᬫᬦᬄ᭞ᬓᬮᬶᬄᬯ᭄ᬬᬕᬦᭂᬓᬾᬂᬳᬢᬶ᭞ᬧᬢᬸᬢ᭄ᬜᬦ᭄ᬤᬂᬢᬸᬮᬤ᭄᭞ᬫᬃᬕ᭄ᬕᬩᬺᬲᬶ

Auto-transliteration

[21 21B] 21 mangdentannĕgulngĕlilit, sangkanbagus, bwatangmaḥngamongmanaḥ. mulatuyuḥ, ngamongmanaḥyantankukuḥ, ngĕntapnetatiga, dharabadhya nasamaddhi, mar̀ggalantur̀, pamar̀ggansangyogiśwara. sangkanlyu, ngajaklacur̀jroninghidup, hapan, twarakwat, ngatĕdmanaḥlanhindryani, nepa muput, labuḥkajurangsangsara. mangdenlantur̀, tuturengangsanyahadung, kdĕḥmanaḥ, ngawuwuhinsatwamaliḥ, tutur̀luwung, catur̀ prawr̥ĕttihadanña. tutur̀hiku, pakelinghidahyangmanu, bangĕtma'uttama, hamongansangcatur̀war̀ṇni, ketobagus, kahunggahangringsamusta [22 22A] ya. nghingsadurung, bapanrangangnecatur̀, bcikyahidūr̀mma, hundanghajakinmagĕnding, reḥsangpucung, makjityangawangsitang. puḥdūr̀mma. mangkinbapamanu turanghapangpdas, nemadancatur̀wr̥ĕtti, catur̀mār̀thipatpat, prawr̥ĕttimār̀tipidabdab, bacakanñahĕntosami, kapar̀thama, har̀jjawabangĕtpi nuji. kapingrwahanr̥ĕsangsakabawosang, dhamangrañjingkapingtrini, indryanigraha, kapingp̶hĕmpattopanlas, bcikmangkinyahar̀thinin, ma ngdentrang, piknoḥñajroninghurip. sanghar̀jjawajujur̀sahijroningmanaḥ, kaliḥwyaganĕkenghati, patutñandangtulad, mar̀ggabr̥ĕsi

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org