Gaguritan Sliksik

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᬕᬕᬸᬭᬶᬢᬦ᭄‌ᬲ᭄ᬮᬶᬓ᭄ᬱᬶᬓ᭄᭟ ᬑᬁᬳᬯᬶᬖ᭄ᬦᬲ᭄ᬢᬸ᭟ᬧᬸᬧᬸᬄᬲᬶᬦᭀᬫ᭄᭟ᬭᬶᬂᬚᬫ᭄‌ᬲ᭄ᬬᬫᬦᬸᬚᬸᬰᬸᬓ᭄ᬭ᭞ᬭᬳᬶᬦᬧ᭄ᬯᭀᬦ᭄‌ᬬᬫᬗᬯᬶ᭞ᬰᬰᬶᬄᬓᬢᬶᬕᬦᬾᬓᭀᬘᬧ᭄᭞ᬭᬄᬢᭂᬗ᭄ᬕᭂᬓ᭄ᬜᬫᬦᬸᬚᭀᬦᬶᬦ᭄᭞ᬲ᭄ᬬᬩᬗ᭄ᬲᬶᬢ᭄ᬲᬫ᭄ᬧᬸᬦ᭄‌ᬯ᭄ᬬᬓ᭄ᬢᬶ᭞ᬮᬶᬫᬂᬧᬸᬮᬸᬄ ᬮᬗ᭄ᬓᬸᬂᬳᬶᬧᬸᬦ᭄᭞ᬳᬸᬓᬸᬦ᭄ᬢᬫ᭄ᬩᬶᬭᬾᬓᬳᬸᬘᬧ᭄᭞ᬢᬗ᭄ᬕᬮ᭄ᬧᬶᬂᬘᬢᬸᬃᬫᬦᬫ᭄ᬧᬶ᭞ᬫᬶᬮ᭄ᬯᬗᬧᬸᬲ᭄᭞ᬦᬶᬭᬸᬲᭀᬮᬄᬲᬂᬲᬃᬚᬦ᭟᭑᭟ᬲᬶᬕ᭄ᬕᭂᬦᬄᬜᬦᬾᬓᬳᬸᬘᬧ᭄᭞ᬭᬶᬂᬦᬪᬲ᭄ᬣᬮᬓᬲ᭄ᬣᬯᬶ᭞ᬫᬸᬮᬢᭀᬲ᭄ᬓᬯᬸᬮᬦ᭄ᬳᬶ ᬤ᭞ᬳᬶᬤᬭᬢᬸᬫᬹᬃᬪᬾᬂᬪᬸᬫᬶ᭞ᬓᬰ᭄ᬝᬄᬦᬵᬫᬦᬾᬲᬸᬚᬢᬶ᭞ᬢᬸᬓᬂᬳᬮᬶᬢ᭄ᬦᬾᬓᬯᬸᬯᬸᬲ᭄᭞ᬲᬓᬶᬂᬧᬗ᭄ᬓᬄᬫᬶᬮᬸᬗᬯ᭄ᬬ᭟ᬧᬸᬧᬸᬄᬮᬕᬸᬲᬮᬄᬕᭂᬦ᭄ᬤᬶᬂ᭞ᬳᬫ᭄ᬧᬸᬭᬵᬭᬢᬸ᭞ᬲᬂᬓᬢᬦᬾᬳᬓᬾᬄᬢᬸᬦᬵ᭟᭒᭟ [ ᭒ 2A] ᬳᬤᭀᬄᬲᬓᬶᬂᬓᬯᬶᬰ᭄ᬯᬭ᭞ᬢᬶᬢ᭄ᬬᬂᬧᬸᬗ᭄ᬕᬸᬂᬫᬦᬶᬦᬹᬢᬶᬦ᭄᭞ᬲᬓ᭄ᬱᬢ᭄ᬗᬸᬗ᭄ᬕᬳᬶᬦ᭄ᬳᬦᬮ᭞ᬤᭂᬓᬄᬧᬘᬂᬫᬦᬸᬢᬹᬢᬶᬦ᭄᭞ᬲᬧᬸᬦᬶᬓᬬᬾᬦ᭄ᬳᬸᬧᬫᬶ᭞ᬳᬶᬦᬩ᭄ᬤᬸᬭᬭᬱᬦ᭄ᬳᬶᬧᬸᬦ᭄᭞ᬮ᭄ᬯᬶᬃᬋᬫ᭄ᬧᬄᬓᬶᬭᬗᬦ᭄ᬳᬸᬬᬄ᭞ᬢᬦ᭄ᬢᬄ ᬲᬂᬮᬾᬤᬂᬗᭂᬘᬧᬶᬦ᭄᭞ᬲᬶᬂᬜᬮᬸᬮᬸᬢ᭄᭞ᬲᬂᬲᬸᬓᬭᬶᬂᬭᬲᬗᭂᬢᬲ᭄᭟᭓᭟ᬲᬦᬾᬫᬗ᭄ᬕᭂᬄᬓᬮᬶᬗ᭄ᬕᬬᬂ᭞ᬤᬾᬦᬶᬂᬲᬂᬫᬸᬤᬫᬗᬯᬶ᭞ᬲᭂᬓᬢ᭄‌ᬦᬵᬕᬭᬭᬸᬦ᭄ᬥᬄ᭞ᬧᭂᬢᭂᬂᬍᬫᬄᬫᬫᬶᬦᭂᬳᬶᬦ᭄᭞ᬤᬸᬫᬤᬓ᭄ᬭᬢᬸᬓᬢ ᬫ᭄ᬧᬶ᭞ᬫᬧᬓᬃᬤ᭄ᬥᬶᬲᬓᬶᬂᬧᬸᬗ᭄ᬕᬸᬂ᭞ᬫᬜᬸᬫ᭄ᬩᬸᬗᬂᬓᬢᬸᬢᬸᬭᬦ᭄᭞ᬳᬸᬢ᭄ᬧᭂᬢ᭄ᬬᬦ᭄ᬳᬶᬤᬲᬗ᭄ᬳ᭄ᬬᬂᬳᬭᬶ᭞ᬭᬶᬂᬳᬶᬧᬸᬦ᭄᭞ᬕᬸᬭᬸᬦ᭄ᬮᬸᬢᬸᬂᬬᬯᬱ᭄ᬞᬦ᭄ᬜ᭟᭔᭟ᬳᬦᬭᬶᬂᬚᬕᬢ᭄ᬫᬬᬸᬭ᭞ᬫᬤ᭄ᬯᬾᬳᭀᬓᬓᬓᬮᬶᬄ᭞ᬮᬸᬄᬮᬸᬢᬸᬂᬲᬦᬾᬤᬸᬳᬸᬭᬦ᭄᭞ ᬦᬾᬮᬦᬂᬫᬵᬤᬦ᭄ᬲᭂᬮᬶᬓ᭄ᬱᬶᬓ᭄᭞ᬲᬸᬩᬚᬦᬶᬢᬸᬢᬸᬕ᭄ᬓᭂᬮᬶᬄ᭞ᬢ᭄ᬯᬭᬚᭂᬦᭂᬓ᭄ᬬᬫᬮᬸᬗ᭄ᬕᬸᬄ᭞ᬮᬸᬗ᭄ᬳᬓᬤᬾᬰ᭞ᬫᬶᬜ᭄ᬘᬂᬫᬶᬜ᭄ᬘᬸᬂᬕᭂᬜ᭄ᬚᬃᬕᭂᬜ᭄ᬚᬶᬃ᭞ᬜᭀᬮᭀᬂᬗᬧᬸᬲ᭄᭞ᬕᬯᬾᬦ᭄ᬜᬦᬾᬢ᭄ᬯᬭᬮᬾᬦᬦ᭄᭟᭕᭟

Auto-transliteration

[1 1B] 1 gaguritansliksyik. oṅġhawighnastu. pupuḥsinom. ringjamsyamanujuśukra, rahinapwonyamangawi, śaśiḥkatiganekocap, raḥtĕnggĕkñamanujonin, syabangsitsampunwyakti, limangpuluḥ langkunghipun, hukuntambirekahucap, tanggalpingcatur̀manampi, milwangapus, nirusolaḥsangsar̀jana. 1. siggĕnaḥñanekahucap, ringnabhasthalakasthawi, mulatoskawulanhi da, hidaratumūr̀bhengbhumi, kaśṭaḥnāmanesujati, tukanghalitnekawuwus, sakingpangkaḥmilungawya. pupuḥlagusalaḥgĕnding, hampurāratu, sangkatanehakeḥtunā. 2. [ 2 2A] hadoḥsakingkawiśwara, tityangpunggungmaninūtin, sakṣatngunggahinhanala, dĕkaḥpacangmanutūtin, sapunikayenhupami, hinabduraraṣanhipun, lwir̀r̥ĕmpaḥkiranganhuyaḥ, tantaḥ sangledangngĕcapin, singñalulut, sangsukaringrasangĕtas. 3. sanemanggĕḥkalinggayang, deningsangmudamangawi, sĕkatnāgararundhaḥ, pĕtĕngl̥ĕmaḥmaminĕhin, dumadakratukata mpi, mapakar̀ddhisakingpunggung, mañumbungangkatuturan, hutpĕtyanhidasanghyanghari, ringhipun, gurunlutungyawaṣṭhanña. 4. hanaringjagatmayura, madwehokakakaliḥ, luḥlutungsaneduhuran, nelanangmādansĕliksyik, subajanitutugkĕliḥ, twarajĕnĕkyamalungguḥ, lunghakadeśa, miñcangmiñcunggĕñjar̀gĕñjir̀, ñolongngapus, gawenñanetwaralenan. 5.

Leaf 2

Image on Archive.org

[ ᭒ 2B] ᭒ ᬫᬫᬮᬶᬂᬫᬾᬕᬮ᭄ᬫᬫᬶᬭᬢ᭄᭞ᬕᬯᬾᬦ᭄ᬜᬦᬾᬢ᭄ᬯᬄᬗᬮᬶᬦᬶᬂ᭞ᬫᬗᬸᬮᬸᬭᬶᬦ᭄ᬓᬫᭀᬓᬓᬦ᭄᭞ᬲᭂᬫ᭄ᬧᭀᬓ᭄‌ᬦᬸᬢᬸᬃᬚᭂᬤᬕ᭄ᬢᭂᬤᬶᬕ᭄᭞ᬫᬓᭂᬚᬂᬢ᭄ᬯᬭᬫᬩᬸᬓ᭄ᬢᬶ᭞ᬩᬵᬦ᭄ᬮ᭄ᬬᬸᬦᬾᬗᭂᬮᬄᬢᬸᬢᬸᬃ᭞ᬫᭀᬫᭀᬫᬹᬃᬓ᭄ᬓᬓᬳᬸᬮᬸᬭᬦ᭄᭞ᬫᬓᭂ ᬚᬂᬳᬦᬓᬾᬳᭂᬦ᭄ᬤᬶᬕ᭄᭞ᬧᬢᬶᬓᬘᬸᬄ᭞ᬫ᭄ᬭᬸᬓ᭄ᬢᬓᬶᬮ᭄‌ᬬᬲᬢᬢ᭟᭖᭟ᬤᬳᬢ᭄ᬧᬗᬶᬤ᭄ᬫᬓᬭᬸᬬ᭞ᬗᬯᬾᬓᬕᬸᬕᬸᬧᬂᬲᬳᬶ᭞ᬲᬲᭀᬮᬳᬦᬶᬂᬯᭀᬂᬮᬭ᭞ᬭᬸᬧᬩᬕᬸᬲ᭄ᬓᭂᬜᬶᬂᬫᬦᬶᬲ᭄᭞ᬢᬩᬸᬄᬕᭂᬢᬃᬢ᭄ᬯᬭᬧᬗ᭄ᬕᬶᬮ᭄᭞ ᬲᬫᬶᬤᬬᬦᬾᬓᬭᬗ᭄ᬓᬸᬲ᭄᭞ᬢ᭄ᬯᬭᬓᬮᬄᬩᬳᬦ᭄ᬧᭂᬢ᭞ᬓᬾᬯᭂᬄᬳᬦᬓᬾᬦᬶᬫ᭄ᬧᬮᬶᬦ᭄᭞ᬩᭂᬮᭀᬕ᭄ᬧᬘᬸᬮ᭄᭞ᬯᬶᬓᬦ᭄ᬢᬍᬃᬓᬓᬲᭀᬭᬂ᭟᭗᭟ᬫᬫᭀᬢᭀᬄᬫᬗᬸᬢᬂᬳᬸᬢᬂ᭞ᬗᬸᬮᬸᬭᬶᬦ᭄ᬫᬦᬳᬾᬘᬸᬮᬶᬕ᭄᭞ ᬩᬗ᭄ᬕᬩᭀᬗ᭄ᬕᬦ᭄‌ᬬᬲᬢᬢ᭞ᬫᬭᭀᬲᬶᬄᬬᬍᬫᬄᬯᭂᬗᬶ᭞ᬫ᭄ᬯᬂᬳᬶᬭᬶᬳᬢᬶᬦᬾᬧᬱ᭄ᬞᬶ᭞ᬤᬸᬍᬕ᭄ᬓᬧᬶᬦ᭄ᬳᬦᬓ᭄ᬮᬘᬸᬃ᭞ᬢ᭄ᬮᬲ᭄ᬮᬫ᭄ᬧᬳᬾᬲᬦᬾᬘᬘᬤ᭄᭞ᬤᬸᬍᬕ᭄ᬳᬢᬶᬦᬾᬫᬫᬹᬃᬢ᭄ᬢᬶ᭞ᬫᬸᬲᬸᬄᬮ᭄ᬬᬸ᭞ᬳᬲᬶᬂᬢᭂᬓᬧᬤ [ 3A] ᬗᭂᬘᬸᬳᬂ᭟᭘᭟ᬭᬭᬫᬦᬾᬲᭂᬦ᭄ᬤᬸᬧᬶᬲᬦ᭄᭞ᬩᬵᬦ᭄ᬳᭀᬓᬦᬾᬫᬾᬤ᭄ᬥᬲᬳᬶ᭞ᬲᬩᬶᬮᬂᬢᭂᬓᬗᬩᬳᬸᬢᬂ᭞ ᬤ᭄ᬯᬾᬳᭀᬓ᭞ᬤᬾᬦᬶᬂᬓᬧᬄᬗᭂᬦᬄᬫᬸᬮᬶᬄ᭞ᬓᬕᬾᬢ᭄ᬫᬘᭂᬮᬸᬧ᭄᭞ᬘᬳᬶᬫᬤᬾᬭᬭᬶᬲ᭄ᬢᭂᬓ᭟᭙᭟ ᬓᬫᬦᬸᬱᬦ᭄᭞ᬳᬶᬢᬶᬩᬸᬭᭀᬦ᭄ᬓᬾᬢᭀᬘᬳᬶ᭞ᬫ᭄ᬯᬂᬳᬢᬶᬯᬗᬮ᭄᭞ᬘᭂᬫᭂᬃᬍᬢᬸᬳᬾᬢ᭄ᬯᬄᬘᬳᬶ᭟᭑᭟ ᬳᬫ᭄ᬧᬄ᭞ᬢᭂᬦ᭄ᬢᬶᬓᬦᬼᬢᭂᬳᬾᬘᬳᬶ᭞ᬗᬼᬢᭂᬳᬶᬜ᭄ᬚᬕᬢ᭄᭞ᬩᬧᬢ᭄ᬯᬄᬲᬓᬶᬢ᭄ᬳᬢᬶ᭟᭒᭟ᬲᬧᬸᬦᬶᬓ

Auto-transliteration

[ 2 2B] 2 mamalingmegalmamirat, gawenñanetwaḥngalining, mangulurinkamokakan, sĕmpoknutur̀jĕdagtĕdig, makĕjangtwaramabukti, bānlyunengĕlaḥtutur̀, momomūr̀kkakahuluran, makĕ janghanakehĕndig, patikacuḥ, mruktakilyasatata. 6. dahatpangidmakaruya, ngawekagugupangsahi, sasolahaningwonglara, rupabaguskĕñingmanis, tabuḥgĕtar̀twarapanggil, samidayanekarangkus, twarakalaḥbahanpĕta, kewĕḥhanakenimpalin, bĕlogpacul, wikantal̥ĕr̀kakasorang. 7. mamotoḥmangutanghutang, ngulurinmanaheculig, banggabongganyasatata, marosiḥyal̥ĕmaḥwĕngi, mwanghirihatinepaṣṭhi, dul̥ĕgkapinhanaklacur̀, tlaslampahesanecacad, dul̥ĕg'hatinemamūr̀tti, musuḥlyu, hasingtĕkapada [ 3A] ngĕcuhang. 8. raramanesĕndupisan, bānhokanemeddhasahi, sabilangtĕkangabahutang, dwehoka, deningkapaḥngĕnaḥmuliḥ, kagetmacĕlup, cahimaderaristĕka. 9. kamanuṣan, hitiburonketocahi, mwanghatiwangal, cĕmĕr̀l̥ĕtuhetwaḥcahi. 1. hampaḥ, tĕntikanl̥ĕtĕhecahi, ngl̥ĕtĕhiñjagat, bapatwaḥsakit'hati. 2. sapunika

Leaf 3

Image on Archive.org

[᭓ 3B] ᭓ ᬕᬸᬭᬸᬦ᭄ᬜᬦᬾᬗᬫᬮᬶᬳᬶᬦ᭄᭞ᬢᬸᬃᬫᬧᬶᬤᬃᬣ᭞ᬫᬧᬶᬢᬸᬢᬸᬃᬫᬗᬺᬲᬺᬲᬶᬦ᭄᭟᭓᭟ᬓᬾᬦᬾᬘᬳᬶᬢᬸᬢᬸᬭᬦᬾᬲᬓᬶᬂᬓᬸᬦᬵ᭞ᬬᬾᬦᬶᬂᬫᬓᬃᬤ᭄ᬥᬶᬯᭂᬕᬶᬕ᭄᭞ᬫ᭄ᬯᬄᬓᬋᬧᬾᬘᭀᬭᬄ᭞ᬲᬸᬩᬮ᭄ᬬᬸᬦᬾᬫᬘᬶᬭ᭄ᬬ᭞ᬮ᭄ᬯᬶᬃᬕᬕᬶᬢᬬᬦ᭄ ᬢᬦ᭄ᬢ᭄ᬭᬶ᭞ᬢᬶᬂᬓᬳᬶᬂᬩᬓ᭞ᬧᬧᬓᬵᬩᬵᬂᬯᬶᬢᬲ᭄ᬓᬭᬶ᭟᭔᭟ᬬᬤ᭄ᬬᬧᬶᬦ᭄ᬭᬶᬂᬩ᭄ᬭᬢᬬᬸᬤ᭄ᬥᬵᬦᬾᬓᭀᬘᬧ᭄᭞ᬲᬂᬤᬹᬃᬬ᭄ᬬᭀᬥᬩᬘᬸᬮᬶᬕ᭄᭞ᬫ᭄ᬯᬂᬭᬶᬂᬭᬵᬫᬬᬦ᭞ᬭ᭄ᬯᬡᬫ᭄ᬯᬂᬓᬸᬫ᭄ᬪᬓᬃᬡ᭄ᬦ᭞ᬳᬦᬓ᭄ᬜᬦᬾᬫ᭄ᬯᬄᬳᬶᬦ᭄ᬤ᭄ᬭᬚᬶᬢ᭄᭞ᬲᬸᬩᬫᬘᬶᬳ᭄ᬦ ᬲᬫᬶᬗᭂᬫᬲᬶᬦ᭄ᬫᬢᬶ᭟᭕᭟ᬢᬦᬮᬦᬵᬳᬲᬶᬂᬫᭀᬫᭀᬧᬶᬓᬋᬧ᭄ᬜ᭞ᬦᬄᬘᬳᬶᬫᬥᬾᬚᬦᬶ᭞ᬢᬶ‌ᬭ᭄ᬯᬂᬫᬢᬶᬗ᭄ᬓᬄ᭞ᬢᭀᬮᬶᬄᬤᬾᬯᬭᬶᬂᬭᬕ᭞ᬤ᭄ᬯᬦᬶᬂᬚᬗ᭄ᬓᭂᬧ᭄ᬫᬦᬸᬫᬤᬶ᭞ᬧ᭄ᬭᬩᭀᬢᬾᬫᭂᬮᬄ᭞ᬳᬫᭀᬗᬶᬦ᭄ᬳᬧᬂᬧᬲ᭄ᬢᬶ᭟᭖᭟ ᬳᭀᬓᬦ᭄ᬜᬦᬾᬲᬶᬕ᭄ᬲᬶᬕᬦ᭄ᬭᬭᬶᬲ᭄ᬫᬜᬸᬫ᭄ᬩᬄ᭞ᬢᬳᭂᬦ᭄ᬭᬶᬂᬭᬕᬧᭂᬮᬶᬄ᭞ᬦᬸᬦᬲ᭄‌ᬲᬶᬦᬫ᭄ᬧᬸᬭ᭞ᬗᬮᬸᬗ᭄ᬲᬸᬃᬓᬮᬸᬧᬸᬢᬦ᭄᭞ᬤ᭄ᬬᬲ᭄ᬢᬸᬧᭂᬚᬄᬢᬶᬢ᭄ᬬᬂᬗᬶᬭᬶᬂ᭞ᬤᬸᬭᬸᬲ᭄‌ᬯᭂᬘᬦᬬᬂ᭞ᬢᬦ᭄ᬯᬦᭂᬄᬫᬫᬶᬭᬕᬶ᭟᭗᭟ [ ᭔ 4A] ᬗᬫᬮᬶᬳᬶᬦ᭄ᬕᬸᬭᬸᬦ᭄ᬮᬸᬢᬸᬂᬫᬧᬶᬤᬃᬣ᭞ᬬᬾᬦ᭄ᬢᬸᬳᬸᬳᬸᬚᬃᬘᭂᬦᬶᬂ᭞ᬢᬶᬦᬸᬢ᭄ᬭᬶᬂᬧᬗ᭄ᬭᬱ᭞ᬋᬲᭂᬧᬂᬤᬾᬯᬧᬂᬫᭂᬮᬄ᭞ᬤ᭄ᬬᬲ᭄ᬢᬸᬘᭂᬦᬶᬂᬗᬚᬄᬕᬸᬫᬶ᭞ᬧᬵᬢᬹᬢ᭄‌ᬩᬸᬯᬢᬂ᭞ᬳᬶᬲᬶᬦ᭄ᬭᬕᬦᬾᬘᬳᬶ᭟᭘᭟ᬧᭂᬮᬚᬳᬶᬦ᭄‌ᬘᬳᬶᬫᬦᬶ ᬗ᭄ᬓᬳᬂᬳᬯᬓ᭄᭞ᬥᬃᬫ᭄ᬫᬧᬵᬢᬹᬢᬾᬕᬸᬕᭀᬦᬶᬦ᭄᭞ᬗᬤᬸᬲᬲᭂᬫᬶᬢ᭞ᬳᬗ᭄ᬕᭀᬦ᭄ᬗᬮᬧᬶᬦ᭄‌ᬢᬺᬱ᭄ᬡ᭞ᬫᬗ᭄ᬤᬓᬾᬩ᭄ᬭᬬᬦᬾᬳᬲᬶᬄ᭞ᬧᬵᬢᬹᬢ᭄‌ᬩ᭄ᬯᬢᬂ᭞ᬧᬢᬶᬗ᭄ᬓᭂᬲᬶᬦ᭄ᬗᬫᭀᬂᬤᬶᬭᬶ᭟᭙᭟ᬤᬫᬦᬶᬭᬸᬲᭀ ᬮᬄᬳᬦᬓᬾᬫᭀᬓᬓ᭄᭞ᬤᬾᬦᬶᬂᬲᬸᬩᬫᬘᬶᬭᬶ᭞ᬮ᭄ᬬᬸᬦᬦ᭄ᬩᬶᬲᬗᭀᬃᬣ᭞ᬯ᭄ᬬᬤᬶᬦ᭄ᬩᬱᬲᬢᬢ᭞ᬫᬲᬶᬄᬳᭂᬦ᭄ᬤᬾᬦ᭄ᬫᬗᬸᬕᭀᬦᬶᬦ᭄᭞ᬳᬓᬾᬳᬦ᭄‌ᬓᭀᬘᬧ᭄᭞ᬮ᭄ᬯᬶᬃᬚᬸᬦ᭄ᬓᬸᬯᬗᬦ᭄ᬳᬶᬲᬶ᭟᭑᭐᭟ᬳᬶᬲᬮᬶᬓ᭄ᬱᬶᬓ᭄ ᬦᬸᬦᬲ᭄ᬫᬮᬶᬄᬲᬦᬾᬫᬩ᭄ᬯᬢ᭄᭞ᬢᬶᬢ᭄ᬬᬂᬢᭂᬮᬲ᭄ᬫᬕᬶᬭᬶᬂ᭞ᬮ᭄ᬯᬶᬃᬧᬦᬸᬤᬸᬄᬩᬧ᭞ᬤ᭄ᬬᬲ᭄ᬢᬸᬦ᭄ᬫᬗᭂᬫᬲᬶᬦ᭄ᬧᭂᬚᬄ᭞ᬗ᭄ᬭᬜ᭄ᬚᬶᬂᬭᬶᬂᬲᬫᬸᬤ᭄ᬭᬳᬧᬶ᭞ᬯᬦ᭄ᬢᬄᬜᬸᬯᬸᬦᬂ᭞ᬫᬲᬸᬓ᭄ᬢᬸᬭᬂᬓᬮᬶᬢᬺᬩᬶᬲ᭄᭟᭑᭑᭟ᬭᬭᬵᬫᬜ᭄ᬜᬦᬗ᭄ᬕ

Auto-transliteration

[3 3B] 3 gurunñanengamalihin, tur̀mapidar̀tha, mapitutur̀mangr̥ĕsr̥ĕsin. 3. kenecahituturanesakingkunā, yeningmakar̀ddhiwĕgig, mwaḥkar̥ĕpecoraḥ, subalyunemacirya, lwir̀gagitayan tantri, tingkahingbaka, papakābāngwitaskari. 4. yadyapinringbratayuddhānekocap, sangdūr̀yyodhabaculig, mwangringrāmayana, rwaṇamwangkumbhakar̀ṇna, hanakñanemwaḥhindrajit, subamacihna samingĕmasinmati. 5. tanalanāhasingmomopikar̥ĕpña, naḥcahimadhejani, tirwangmatingkaḥ, toliḥdewaringraga, dwaningjangkĕpmanumadi, prabotemĕlaḥ, hamonginhapangpasti. 6. hokanñanesigsiganrarismañumbaḥ, tahĕnringragapĕliḥ, nunassinampura, ngalungsur̀kaluputan, dyastupĕjaḥtityangngiring, duruswĕcanayang, tanwanĕḥmamiragi. 7. [ 4 4A] ngamalihin'gurunlutungmapidar̀tha, yentuhuhujar̀cĕning, tinutringpangraṣa, r̥ĕsĕpangdewapangmĕlaḥ, dyastucĕningngajaḥgumi, pātūtbuwatang, hisinraganecahi. 8. pĕlajahincahimani ngkahanghawak, dhar̀mmapātūtegugonin, ngadusasĕmita, hanggonngalapintr̥ĕṣṇa, mangdakebrayanehasiḥ, pātūtbwatang, patingkĕsinngamongdiri. 9. damaniruso laḥhanakemokak, deningsubamaciri, lyunanbisangor̀tha, wyadinbaṣasatata, masiḥhĕndenmangugonin, hakehankocap, lwir̀junkuwanganhisi. 10. hisaliksyik nunasmaliḥsanemabwat, tityangtĕlasmagiring, lwir̀panuduḥbapa, dyastunmangĕmasinpĕjaḥ, ngrañjingringsamudrahapi, wantaḥñuwunang, masukturangkalitr̥ĕbis. 11. rarāmaññanangga

Leaf 4

Image on Archive.org

[ ᭔ 4B] ᭔ ᬮ᭄ᬓᬜᬶᬂᬫᬲᬳᬸᬭᬵᬦ᭄᭞ᬤᬸᬄᬤᬾᬯᬫᬥᬾᬲ᭄ᬮᬶᬓ᭄ᬱᬶᬓ᭄᭞ᬍᬕᬩᬧᬫ᭄ᬬᬃᬱ᭞ᬲᬓᬤᬶᬳᬸᬚᬃᬳᬶᬤᬾᬯᬵᬲᬸᬓᬩᬧᬦᬸᬤᬸᬄᬲᬳᬶ᭞ᬫ᭄ᬮᬚᬳᬂᬳᬯᬓ᭄᭞ᬓᬜ᭄ᬘᬦ᭄ᬯᬶᬓᬸᬦᬾᬢᬸᬦᬲᬶᬦ᭄᭞᭑᭒᭟ᬓᭂᬫᬚᬦᬶᬘᭂᬦᬶᬂᬓᬤᬾ ᬰᬤᬾᬰ᭞ᬭᬸᬭᬸᬄᬫᬗ᭄ᬤᬾᬦ᭄ᬓᬧᬗ᭄ᬕᬶᬄ᭞ᬬᬦ᭄ᬭᬶᬂᬕᬸᬦᬸᬂᬳᬮᬲ᭄᭞ᬤᬸᬓᬸᬄᬰᬓ᭄ᬢᬶᬢᬦ᭄ᬓᬶᬭ᭞ᬓᬮᬶᬄᬲᬥᬓᬧᬵᬡ᭄ᬥᬶᬢᬍᬯᬶᬄ᭞ᬤᬶᬢᬸᬫᬮᬚᬄ᭞ᬧᬜ᭄ᬚᬓᬶᬦ᭄ᬲᬢᬸᬗ᭄ᬕᬸᬦ᭄ᬳᬸᬭᬶᬧ᭄᭟᭑᭓᭟ᬓᬕᬾᬢ᭄ᬳᬤᬯᬶᬓᬸᬲ᭄ᬯᬾᬘᬫᬗᬸᬭᬸᬓᬂ᭟ ᬢᬢᬓ᭄ᬘᭂᬦᬶᬂᬳᬧᬂᬧᬲ᭄ᬢᬶ᭞ᬦᬸᬦᬲ᭄‌ᬲ᭄ᬯᬾᬘᬦ᭄ᬳᬶᬤ᭞ᬳ᭄ᬤᬘᭂᬦᬶᬂᬧᬘᬂᬳᭀᬩᬄ᭞ᬢᭂᬢᭂᬧᬂᬚ᭄ᬯᬤᬶᬢᬸᬘᭂᬦᬶᬂ᭞ᬩᬧᬫᬶᬲᬤ᭄ᬬ᭞ᬫᬧᬸᬢ᭄ᬭᬲᬸᬚᬦᬢ᭄ᬯᬶ᭟᭑᭔᭟ᬳᬾᬮᬶᬂᬤᬾᬯᬢᭂᬓᬾᬦᬶᬂᬧᬶᬢᬸᬢᬸᬃᬩᬧ᭞ᬋᬲᭂᬧᬺᬲᭂᬧᬂᬤᬶᬳᬢᬶ᭞ ᬫᬗ᭄ᬤᬾᬦᭂᬫᬸᬮᬦ᭞ᬲᬧᬶᬢᬸᬢᬸᬃᬧᬕᬸᬃᬯᬦ᭄᭞ᬢᬦ᭄ᬯᭂᬦᬂᬢᬸᬗ᭄ᬓᬲ᭄ᬧᬶᬯᬮᬶᬦ᭄᭞ᬳᬧᬂᬧᬲᬚ᭞ᬕᬮᬶᬕᬶᬦᬼᬫᬄᬯᭂᬗᬶ᭟᭑᭕᭟ᬤᬾᬦᬶᬂᬲᬢᬢᬪᬓ᭄ᬢᬶᬭᬶᬂᬳᬶᬤᬥᬂᬧᬦᬩᬾᬬᬦ᭄᭞ᬲᬓᬶᬂᬳᬶᬤᬦᬾᬲᬸᬚᬢᬶ᭞ᬮ᭄ᬯᬶᬃᬧᭂᬫ᭄ᬩᬳᬶᬂᬢᭀᬬ᭞ [ ᭕ 5A] ᬫᬶᬮᬶᬲᬓᬶᬂᬤᬦᬸᬦ᭄ᬜ᭞ᬢᬶᬗ᭄ᬓᬄᬫᬕᬸᬭᬸᬧᬂᬳᬾᬮᬶᬂ᭞ᬲᬓ᭄ᬱᬢ᭄‌ᬲᬵᬫᬸᬤ᭄ᬭ᭞ᬭᬩᬜ᭄ᬘᭂᬦᬶᬂᬫᬦᬫ᭄ᬧᬦᬶᬦ᭄᭟᭑᭖᭟ᬤᬾᬦᬶᬂᬧᬢᬹᬢ᭄‌ᬘᭂᬦᬶᬂᬗ᭄ᬭᬯᬸᬳᬶᬦ᭄ᬧᭂᬦᬩᬾᬬᬦ᭄᭞ᬮ᭄ᬯᬶᬃᬓᭀᬤᭀᬓ᭄‌ᬭᬕᬜ᭄ᬘᭂᬦᬶᬂ᭞ᬫᬗᬺᬋᬄᬢᭂᬮᬕ᭞ᬢᬦ᭄ᬧᬵᬢᬹᬢ᭄ ᬢᭂᬮᬕᬦᬾᬗᬸᬜ᭞ᬮ᭄ᬯᬶᬃᬧᬜ᭄ᬘᭀᬭᬵᬦ᭄ᬓᭂᬡ᭄ᬥᬶ᭞ᬩ᭄ᬯᬢᬂᬫ᭄ᬮᬓ᭄ᬱᬡ᭞ᬲᬶᬧᬸᬬᬸᬂᬫᬗᬫᬭᬦᬶᬦ᭄᭟᭑᭗᭟ᬓᬕᬾᬢ᭄ᬲᬥ᭄ᬬᬓᬢ᭄ᬭᬶᬫᬧᬗᬚ᭄ᬬᬦ᭄᭞ᬧ᭄ᬮᬧᬦᬂᬤᬶᬢᬸᬘᭂᬦᬶᬂ᭞ᬤᬤᬶᬲᬶᬲ᭄ᬬᬳᬜᬃ᭞ᬤᭂᬦᬶᬭᬸᬲᬶᬲ᭄ᬬᬮᬫ᭞ ᬲᬶᬂᬲᬬᬂᬤᬶᬢᬸᬘᬳᬶ᭞ᬳ᭄ᬤᬫᬫᬹᬃᬓ᭄ᬓ᭞ᬗᬗ᭄ᬓᭂᬦ᭄ᬓᬓᬲᬶᬄᬚᬢᬶ᭟᭑᭘᭟ᬤ᭄ᬬᬧᬶᬦ᭄ᬭᬕᬜ᭄ᬘᭂᬦᬶᬂᬓᬲᬸᬫ᭄ᬩᬸᬗᬂ᭞ᬫᬭᬶᬂᬲᬂᬕᬸᬭᬸᬜ᭄ᬘᭂᬦᬶᬂ᭞ᬢᬍᬃᬚ᭄ᬯᬧᭂᬮᬧᬦᬂ᭞ᬫᬜ᭄ᬯᬶᬢᬭᬶᬂᬚᭂᬂᬳᬶᬤ᭞ᬢᬶᬭᬸᬢᬶᬭ᭄ᬯᬂᬭᬶᬂᬭᬕᬜ᭄ᬘᭂᬦᬶᬂ᭞ᬳᬾᬮᬶᬂᬫᬫᬃ ᬕ᭄ᬕ᭞ᬧ᭄ᬬᬦᬓ᭄ᬩᬧᬢ᭄ᬯᬄᬘᭂᬦᬶᬂ᭟᭑᭙᭟ᬲᬲ᭄ᬯᬾᬦᬶᬂᬦᬸᬦᬲ᭄ᬫᬭᬶᬂᬤᬂᬧᬦᬩᬾᬬᬦ᭄᭞ᬲᬳᬶᬪᬓ᭄ᬢᬶᬫᬃᬕ᭄ᬕᬶᬦᬶᬦ᭄᭞ᬳ᭄ᬤᬗᬸᬢᬂᬲᭂᬫ᭄ᬩᬄ᭞ᬗᬮᬸᬗ᭄ᬲᬸᬃᬭᬶᬂᬧᬦᬩᬾᬬᬦ᭄᭞ᬗᬶᬭᬶᬂᬳᬶᬤᬭᬳᬶᬦᬯᭂᬗᬶ᭞ᬬᬦ᭄ᬯᬯᬸᬧ᭄ᬭᬧ᭄ᬢ᭞ᬲᭂᬫ᭄ᬩᬳ᭄

Auto-transliteration

[ 4 4B] 4 lkañingmasahurān, duḥdewamadhesliksyik, l̥ĕgabapamyar̀ṣa, sakadihujar̀hidewāsukabapanuduḥsahi, mlajahanghawak, kañcanwikunetunasin 12. kĕmajanicĕningkade śadeśa, ruruḥmangdenkapanggiḥ, yanringgununghalas, dukuḥśaktitankira, kaliḥsadhakapāṇdhital̥ĕwiḥ, ditumalajaḥ, pañjakinsatunggunhurip. 13. kaget'hadawikuswecamangurukang. tatakcĕninghapangpasti, nunasswecanhida, hdacĕningpacanghobaḥ, tĕtĕpangjwaditucĕning, bapamisadya, maputrasujanatwi. 14. helingdewatĕkeningpitutur̀bapa, r̥ĕsĕpr̥ĕsĕpangdihati, mangdenĕmulana, sapitutur̀pagur̀wan, tanwĕnangtungkaspiwalin, hapangpasaja, galiginl̥ĕmaḥwĕngi. 15. deningsatatabhaktiringhidadhangpanabeyan, sakinghidanesujati, lwir̀pĕmbahingtoya, [ 5 5A] milisakingdanunña, tingkaḥmagurupangheling, sakṣatsāmudra, rabañcĕningmanampanin. 16. deningpatūtcĕningngrawuhinpĕnabeyan, lwir̀kodokragañcĕning, mangr̥ĕr̥ĕḥtĕlaga, tanpātūt tĕlaganenguña, lwir̀pañcorānkĕṇdhi, bwatangmlakṣaṇa, sipuyungmangamaranin. 17. kagetsadhyakatrimapangajyan, plapanangditucĕning, dadisisyahañar̀, dĕnirusisyalama, singsayangditucahi, hdamamūr̀kka, ngangkĕnkakasiḥjati. 18. dyapinragañcĕningkasumbungang, maringsangguruñcĕning, tal̥ĕr̀jwapĕlapanang, mañwitaringjĕnghida, tirutirwangringragañcĕning, helingmamar̀ gga, pyanakbapatwaḥcĕning. 19. sasweningnunasmaringdangpanabeyan, sahibhaktimar̀gginin, hdangutangsĕmbaḥ, ngalungsur̀ringpanabeyan, ngiringhidarahinawĕngi, yanwawuprapta, sĕmbah

Leaf 5

Image on Archive.org

[ ᭕ 5B] ᭕ ᬳᬶᬤᬲᬂᬳᬚᬶ᭟᭒᭐᭟ᬯ᭄ᬬᬤᬶᬦ᭄ᬦᭂᬕᬓ᭄‌ᬧ᭄ᬮᬧᬓᬶᬦ᭄ᬧᬶᬲᬦ᭄ᬦᬤᬳᬂ᭞ᬳ᭄ᬤᬤᬗ᭄ᬲᬄᬦᭂᬕᬓ᭄ᬘᭂᬦᬶᬂ᭞ᬭᬶᬂᬚᭂᬂᬧᬦᬩᬾᬬᬦ᭄᭞ᬲᭀᬃᬳᬤᭀᬄᬧᬵᬢᬹᬢ᭄ᬜ᭞ᬜᬗ᭄ᬕ᭄ᬭᬧᬓᬬᬸᬦᬦ᭄‌ᬲᬂᬳᬚᬶ᭞ᬲᬾᬩᭂᬢᬂᬫᬮ᭄ᬬᬢ᭄᭞ᬗᬶᬭᬶᬂᬳᬦ᭄ᬢᬸᬓ᭄ ᬲᬫᬾᬥᬶ᭟᭒᭑᭟ᬲᬫ᭄ᬧᬸᬦ᭄ᬧᬸᬧᬸᬢ᭄‌ᬕᬸᬭᬸᬦ᭄ᬮᬸᬢᬸᬂᬫᬧᬶᬤᬃᬣ᭞ᬭᬶᬂᬳᭀᬓᬦ᭄ᬜᬦᬾᬫᬗ᭄ᬓᬶᬦ᭄᭞ᬳᬶᬲ᭄ᬮᬶᬓ᭄ᬱᬶᬓ᭄ᬫᬦᬼᬓ᭄ᬢᭂᬓᬂ᭞ᬗ᭄ᬭᬋᬭᬱᬭᬶᬂᬳᬯᬓ᭄᭞ᬫᬶᬦᭂᬄᬧᬓᬃᬤ᭄ᬥᬶᬲᬂᬮᬶᬗ᭄ᬲᬶᬃ᭞ᬭᬱᬱᬤ᭄ᬭᬱ᭞ᬓᬢᬾᬢᬾᬲᬦ᭄ᬲᬜ᭄ᬚᬶᬯᬦᬶ᭟᭒᭒᭟ᬭᬭᬶᬲ᭄ᬫᬢᬸᬃ ᬤᬦᬾᬫᬥᬾᬢᬸᬃᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂᬦᬾᬫᬗ᭄ᬓᬶᬦ᭄᭞ᬦᬸᬦᬲ᭄ᬓᬲᬶᬦᬸᬧᬢ᭄᭞ᬧᬹᬚᬦᬾᬳᬬᬹᬢ᭄ᬢᬫ᭞ᬭᬵᬯᬦ᭄ᬜᬳᬲᬸᬂᬦᬸᬕ᭄ᬭᬳᬶᬦ᭄᭞ᬭᬭᬶᬲ᭄ᬫᬫᬃᬕ᭄ᬕ᭞ᬳᬶᬲ᭄ᬮᬶᬓ᭄ᬱᬶᬓ᭄ᬱᬳᬧᬫᬶᬢ᭄᭟᭒᭓᭟ᬧᬸᬧᬸᬄᬫᬶᬚᬶᬮ᭄᭟ ᬳᬶᬲ᭄ᬮᬶᬓ᭄ᬱᬶᬓ᭄‌ᬭᬭᬶᬲ᭄ᬤᬦᬾᬫᬶᬚᬶᬮ᭄᭞ᬲᬄᬲᬓᬶᬂᬫᬬᬸᬭᬵ᭞ᬢᬸᬃᬤᬩ᭄ᬤᬩ᭄‌ᬳᬭᬶᬲ᭄ᬬᬧᬫᬃᬕ᭄ᬕᬶᬦ᭄ᬜᬦᬾ᭞ᬮ᭄ᬯᬶᬃᬧᬓᬬᬸᬦ᭄ᬳᬶᬩᬧᬦᬾᬗᬸᬦᬶ᭞ᬜᬸᬲᬸᬧ᭄ᬕᬸᬦᬸᬂᬳᬕ᭄ᬮᬶᬲ᭄᭞ᬧᬗ᭄ᬓᬸᬂᬭᬾᬚᬾᬂᬫᬶᬯᬄᬕᬸᬦᬸᬂ᭟᭑᭟ᬲ᭄ᬬᬂᬤᬮᬸᬦᬸᬮ᭄ᬬ [ ᭖ 6A] ᬤᬦᬾᬫᬫᬃᬕ᭄ᬕᬶ᭞ᬢᬜ᭄ᬚᭂᬦᭂᬓ᭄ᬫᬳᭂᬗ᭄ᬕᭀᬦ᭄᭞ᬫᬦᬸᬚᬸᬭᬶᬂᬳᬮᬲ᭄ᬤᬳᬢ᭄ᬲᭂᬧᬶᬦᬾ᭞ᬭᬭᬶᬲ᭄ᬗᭀᬚᭀᬕ᭄‌ᬳᬶᬤᬸᬓᬸᬄᬢ᭄ᬯᬧᬢᬶ᭞ᬲ᭄ᬤᭂᬓ᭄ᬤᬦᬾᬫᬮᬶᬗ᭄ᬕᬶᬄ᭞ᬭᬶᬂᬧᭀᬦ᭄ᬤᭀᬓ᭄ᬫᬦᬸᬚᬸᬲᬸᬯᬸᬂ᭟᭒᭟ᬚ᭄ᬭᭀᬤᬸᬓᬸᬄᬦᬸᬕᬶᬫᬜᬧᬳᬭᬶᬧ᭄᭞ ᬧᬭᬦ᭄ᬲᬶᬭᬓᬯᭀᬢ᭄᭞ᬲᬓᬶᬂᬳᭂᬦ᭄ᬤᬶᬲᬗ᭄ᬓᬦᬾᬬᬫᬾᬭᬾᬦᬾ᭞ᬲᬫ᭄ᬕ᭄ᬓᬦᬾᬮᬚᬸᬢᭂᬓᬦᬾᬫᬳᬶ᭞ᬧᬦ᭄ᬤᬾᬯᬾᬓᬜ᭄ᬘᬳᬶ᭞ᬢ᭄ᬓᬜ᭄ᬘᭂᬦᬶᬗᬾᬢᬸᬃᬮᬸᬘᬸᬢ᭄᭟᭓᭟ᬤᬦᬾᬫᬥᬾᬢᬸᬃᬫᬜᭂᬫ᭄ᬩᬄᬳᬭᬶᬧ᭄᭞ᬢᬶᬢ᭄ᬬᬂᬯ᭄ᬯᬂᬫᬬᬸᬭ᭞ᬧᬢᬶ ᬮᬸᬧ᭄ᬮᬸᬧ᭄‌ᬧᬮᬶᬂᬯᬦ᭄ᬢᬄᬢᬶᬢ᭄ᬬᬂᬋᬓᬾ᭞ᬫᬯᬱ᭄ᬞᬢᬶᬢ᭄ᬬᬂᬫᬥᬾᬲ᭄ᬮᬶᬓ᭄ᬱᬶᬓ᭄᭞ᬜᬤ᭄ᬬᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬜᬯᬶᬢᬭᬶᬂᬚ᭄ᬭᭀᬤᬸᬓᬸᬄ᭟᭔᭟ᬲᬧᬸᬦᬧᬶᬘᬭᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬤ᭄ᬯᬦᬶᬂᬦᬸᬦᬲ᭄ᬓᬯᭀᬢ᭄᭞ᬲᬢᬸᬯᬸᬓ᭄‌ᬭᬶᬂᬚ᭄ᬭᭀ ᬤᬸᬓᬸᬄᬲᬓᬶᬂᬫᬗ᭄ᬓᬾ᭞ᬓ᭄ᬭᬡᬦᬶᬂᬧᬗᬚ᭄ᬬᬦ᭄ᬲᬦᬾᬧᬶᬗᬶᬢ᭄᭞ᬫᬗ᭄ᬤᬦᬾᬲᬦᬾᬧᬶᬗᬶᬢ᭄᭞ᬚ᭄ᬭᭀᬤᬸᬓᬸᬄᬦᬸᬕᬶᬕᬕᬶᬲᬸᬦ᭄᭟᭕᭟ᬦᬄᬗᭀᬬᭀᬂᬓᬾᬲᬸᬩᬘᬳᬶᬤᬶᬦᬶ᭞ᬕᬸᬭᬸᬚᬕᬢᬸᬯᭀᬦ᭄᭞ᬢᬦ᭄ᬧᬰ᭄ᬭᬡᬢ᭄ᬯᬄᬤᬤᬶᬮ

Auto-transliteration

[ 5 5B] 5 hidasanghaji. 20. wyadinnĕgakplapakinpisannadahang, hdadangsaḥnĕgakcĕning, ringjĕngpanabeyan, sor̀hadoḥpātūtña, ñanggrapakayunansanghaji, sebĕtangmalyat, ngiringhantuk samedhi. 21. sampunpuputgurunlutungmapidar̀tha, ringhokanñanemangkin, hisliksyikmanl̥ĕktĕkang, ngrar̥ĕraṣaringhawak, minĕḥpakar̀ddhisanglingsir̀, raṣaṣadraṣa, katetesansañjiwani. 22. rarismatur̀ danemadhetur̀mañumbaḥ, tityangngiringnemangkin, nunaskasinupat, pūjanehayūttama, rāwanñahasungnugrahin, rarismamar̀gga, hisliksyikṣahapamit. 23. pupuḥmijil. hisliksyikrarisdanemijil, saḥsakingmayurā, tur̀dabdab'harisyapamar̀gginñane, lwir̀pakayunhibapanenguni, ñusupgununghaglis, pangkungrejengmiwaḥgunung. 1. syangdalunulya [ 6 6A] danemamar̀ggi, tañjĕnĕkmahĕnggon, manujuringhalasdahatsĕpine, rarisngojog'hidukuḥtwapati, sdĕkdanemalinggiḥ, ringpondokmanujusuwung. 2. jrodukuḥnugimañapaharip, paransirakawot, sakinghĕndisangkaneyamerene, samgkanelajutĕkanemahi, pandewekañcahi, tkañcĕningetur̀lucut. 3. danemadhetur̀mañĕmbaḥharip, tityangwwangmayura, pati lupluppalingwantaḥtityangr̥ĕke, mawaṣṭhatityangmadhesliksyik, ñadyatityangmangkin, mañawitaringjrodukuḥ. 4. sapunapicarantityangmangkin, dwaningnunaskawot, satuwukringjro dukuḥsakingmangke, kraṇaningpangajyansanepingit, mangdanesanepingit, jrodukuḥnugigagisun. 5. naḥngoyongkesubacahidini, gurujagatuwon, tanpaśraṇatwaḥdadila

Leaf 6

Image on Archive.org

[ 6B] ᭖ ᬓ᭄ᬱᬡᬦᬵ᭞ᬢᬸᬳᬸᬘᭂᬦᬶᬂᬯᬦ᭄ᬢᬄᬲᬓᬶᬂᬪᬓ᭄ᬢᬶ᭞ᬦᭀᬭᬳᬦᬫᬮᬶᬄᬩᬋᬂᬤᬶᬦᬶᬫᬤᬤᬸᬓᬸᬄ᭟᭖᭟ᬳᬶᬫᬥᬾᬮᬶᬦ᭄ᬢᬂᬍᬕᭂᬤᬶᬳᬢᬶ᭞ᬫᬦᬸᬦᬲ᭄ᬩᬩᬯᭀᬲ᭄᭞ᬳᬦᬭᬶᬂᬧᭀᬦ᭄ᬤᭀᬓ᭄‌ᬤᬦᬾᬚ᭄ᬭᭀᬤᬸᬓᬸᬳᬾ᭞ᬳᬶᬤᬸᬓᬸᬄᬗᬦ᭄ᬥᬶᬓᬲᬤ ᬳᬭᬶᬲ᭄᭞ᬢ᭄ᬭᬶᬫᬚᬦᬶᬘᭂᬦᬶᬂ᭞ᬭᬶᬂᬯᬳ᭄ᬬᬫᭂᬮᬚᬄᬫᬮᬸ᭟᭗᭟ᬤ᭄ᬯᬦᬶᬂᬧᬵᬢᬹᬢ᭄‌ᬫ᭄ᬮᬚᬄᬲᬓᬶᬂᬓᬸᬮᬶᬢ᭄᭞ᬯᬶᬯᬶᬢ᭄ᬳᬸᬮᬶᬧᭀᬮᭀᬲ᭄᭞ᬳᬦᬓ᭄ᬫᬸᬮᬓᬮᬶᬦ᭄ᬢᬗ᭄ᬲᬸᬮᬶᬢᬾ᭞ᬢᬢ᭄ᬯᬢᬯᬳᬦᬓ᭄ᬧᬵᬢᬹᬢ᭄ᬕᬸᬮᬶᬓ᭄᭞ᬳᬧᬂ ᬢᬯᬂᬘᭂᬦᬶᬂ᭞ᬧᬶᬢᬸᬢᬸᬭᬾᬲᬸᬩᬤᬶᬢᬸ᭟᭘᭟ᬘᬳᬶᬫᬤᬾᬭᬭᬶᬤᬾᬭᬭᬶᬲ᭄ᬫᬢᬸᬃᬲᬶᬗ᭄ᬕᬶᬄ᭞ᬓ᭄ᬯᬾᬄᬳᬸᬦᬶᬗᬶᬦᬺᬓᭀ᭞ᬓᬜ᭄ᬘᬦ᭄ᬓᬦ᭄ᬥᬫᬶᬯᬄᬢᬸᬢᬸᬭᬾ᭞ᬢᬍᬃᬲᬫᬶᬢᬦ᭄ᬯᬾᬦ᭄ᬢᭂᬦ᭄ᬫᬩᬸᬓ᭄ᬢᬶ᭞ᬪᬸᬓ᭄ᬢᬶᬦᬾᬲᬯᬯᬶ᭞ᬢᬶᬢ᭄ᬬᬂᬗᬶᬧᬶᬧᬢᬶᬓᬘᬸᬄ᭟ ᭟᭙᭟ᬫᬾᬯᭂᬄᬢᬶᬢ᭄ᬬᬂᬫᬢᬫ᭄ᬯᬂᬳᬓ᭄ᬱᬭᬶ᭞ᬢᬸᬗ᭄ᬓᬸᬮ᭄ᬫᬦᬳᬾᬗᭀᬦ᭄᭞ᬓᬦ᭄ᬤᬸᬕᬶᬮᬮᬶᬢᬶᬢ᭄ᬬᬂᬭᬶᬂᬤᬾᬯᬾᬓ᭄᭞ᬳᬶᬥᭂᬧ᭄ᬳᬥᭂᬧᬦ᭄‌ᬭᬱᬕᬸᬕ᭄ᬯᬦᬶᬦ᭄᭞ᬫᬓᭂᬦ᭄ᬤᭂᬮᬶᬦ᭄ᬤᬶᬭᬶ᭞ᬲᬫᬃᬲᬫᬃᬫᬦᬄᬗᬘᬸᬄ᭟᭑᭐᭟ [ 7A] ᬧᬸᬧᬸᬄᬲ᭄ᬫᬭᬦ᭄ᬤᬦ᭟ᬚ᭄ᬭᭀᬤᬸᬓᬸᬄᬓᭂᬜᬶᬂᬜᬯᬸᬭᬶᬦ᭄᭞ᬳᬸᬤᬸᬄᬘᭂᬦᬶᬂᬧ᭄ᬬᬦᬓ᭄ᬩᬧ᭞ᬤᬕᬶᬂᬜᬦᬾᬢ᭄ᬯᬭᬓᬾᬢᭀ᭞ᬢᬦ᭄ᬢᬄᬲᬲᬶᬫ᭄ᬩᬶᬂᬤᬕᬶᬂᬜ᭞ᬗᬸᬤᬤᬾᬯᬓᬾᬢᭀᬢᬼᬩᬂ᭞ᬕᬫ᭄ᬩᬃᬧᬶᬢᬸᬢᬸᬃᬲᬂᬯᬶᬓᬸ᭞ᬤᬕᬶᬂᬜᬦᬾᬫᬪᬶᬦᬬᬦ᭄᭟ ᭟᭑᭟ᬢᬦ᭄ᬪᬶᬦᬫᬦᭀᬦ᭄ᬢᭀᬦ᭄ᬭᬶᬗ᭄ᬕᬶᬢ᭄᭞ᬤᬮᬗᬾᬦᭀᬭᬓᬢᬶᬗ᭄ᬕᬮ᭄᭞ᬳᬸᬬᬸᬢ᭄ᬫᬩ᭄ᬬᬬᬸᬯᬦ᭄ᬲᬸᬯᬭᬦᬾ᭞ᬳᬯᬓᬾᬳᬾᬗ᭄ᬕᬮᬦᬺᬗᬲ᭄᭞ᬫᬫ᭄ᬤᬲᬂᬦᬾᬫᬲ᭄ᬯᬭ᭞ᬲᭂᬗ᭄ᬕᬸᬳᬂᬯᬬᬗᬾᬦᬸᬢᬸᬃᬳᬸᬮ᭄ᬬᬦ᭄‌ᬧᬮᬶᬂᬩᬩᭀᬜᭀ ᬮᬦ᭄᭟᭒᭟ᬳᬓ᭄ᬯᬾᬄᬦᬭᬦᬾᬧᬥᬧᭂᬮᬶᬄ᭞ᬫᬜᬸᬗ᭄ᬓᭂᬫᬶᬦ᭄ᬲᬦᬾᬩᭀᬬ᭞ᬓᬤᬸᬂᬘᬮᬸᬄᬧᬗᭀᬮᬳᬾ᭞ᬳᬓ᭄ᬱᬭᬦᬾᬲᬳᬶᬓᬶᬲᬶᬤᬂ᭞ᬳᬶᬲᬶᬦ᭄ᬳᬯᬓᬾᬕᭂᬕᭂᬭᬂ᭞ᬳᭂᬥᭂᬧᬂᬲᬸᬩᬫᬢᭂᬫᬸ᭞ᬫᬢᬦᬾᬓᬶᬤᭂᬫ᭄ᬓᬶ ᬤᭂᬫᬂ᭟᭔᭞ᬤᬵᬧᬧᬓ᭄ᬧᬢᬶᬳᬗ᭄ᬓᭂᬦᬶᬦ᭄᭞ᬳᬶᬫᬦᬸᬱᬦ᭄ᬤᬢᬦ᭄ᬓᬸᬯᬰ᭞ᬫᬗᭀᬤᬕᬂᬳᬧᬮ᭄ᬯᬶᬭᬾ᭞ᬤᬾᬦᬶᬂᬤᬧᭂᬢᬲᬸᬩᬳᬤ᭞ᬳᭂᬦ᭄ᬢᭀᬲᬸᬩᬫᬤᬦ᭄ᬳᬸᬧᬲ᭄᭞ᬯᬶᬱᬦᬾᬓᬤᭀᬗᬩᬗᬸᬦ᭄᭞ᬫᬗᬤᬓᬂ

Auto-transliteration

[ 6B] 6 kṣaṇanā, tuhucĕningwantaḥsakingbhakti, norahanamaliḥbar̥ĕngdinimadadukuḥ. 6. himadhelintangl̥ĕgĕdihati, manunasbabawos, hanaringpondokdanejrodukuhe, hidukuḥngandhikasada haris, trimajanicĕning, ringwahyamĕlajaḥmalu. 7. dwaningpātūtmlajaḥsakingkulit, wiwit'hulipolos, hanakmulakalintangsulite, tatwatawahanakpātūtgulik, hapang tawangcĕning, pituturesubaditu. 8. cahimaderariderarismatur̀singgiḥ, kweḥhuninginr̥ĕko, kañcankandhamiwaḥtuture, tal̥ĕr̀samitanwentĕnmabukti, bhuktinesawawi, tityangngipipatikacuḥ. . 9. mewĕḥtityangmatamwanghakṣari, tungkulmanahengon, kandugilalitityangringdewek, hidhĕp'hadhĕpanraṣagugwanin, makĕndĕlindiri, samar̀samar̀manaḥngacuḥ. 10. [ 7A] pupuḥsmarandana. jrodukuḥkĕñingñawurin, huduḥcĕningpyanakbapa, dagingñanetwaraketo, tantaḥsasimbingdagingña, ngudadewaketotl̥ĕbang, gambar̀pitutur̀sangwiku, dagingñanemabhinayan. . 1. tanbhinamanontonringgit, dalangenorakatinggal, huyutmabyayuwansuwarane, hawakehenggalanr̥ĕngas, mamdasangnemaswara, sĕngguhangwayangenutur̀hulyanpalingbaboño lan. 2. hakweḥnaranepadhapĕliḥ, mañungkĕminsaneboya, kadungcaluḥpangolahe, hakṣaranesahikisidang, hisinhawakegĕgĕrang, hĕdhĕpangsubamatĕmu, matanekidĕmki dĕmang. 4 dāpapakpatihangkĕnin, himanuṣandatankuwaśa, mangodaganghapalwire, deningdapĕtasubahada, hĕntosubamadanhupas, wiṣanekadongabangun, mangadakang

Leaf 7

Image on Archive.org

[ 7B] ᭗ ᬲᬓᬶᬢᬶᬯ᭄ᬯᬂ᭟᭕᭟ᬬᬦ᭄ᬳᭂᬦ᭄ᬢᭀᬲᬸᬩᬫᬪᬸᬓ᭄ᬢᬶ᭞ᬩ᭄ᬯᬄᬜᬦᬾᬢ᭄ᬯᬄᬲᬫᬶᬮᬭ᭞ᬕ᭄ᬭᬶᬂᬳᬩᭀᬢ᭄ᬤᬤᬶᬳᬯᬓᬾ᭞ᬩ᭄ᬭᬸᬗᬾᬲᬳᬶᬢᬦ᭄ᬧᭂᬕᬢ᭄᭞ᬢᬦ᭄ᬪᬶᬦᬢᬶᬗ᭄ᬓᬄᬳᬶᬦᬶᬱ᭄ᬞ᭞ᬫᬤᬕᬂᬮ᭄ᬯᬲ᭄ᬫᬗᬮᬸ᭞ᬫᬓᬫᬸᬮᬦ᭄ᬩ ᬳᬦ᭄ᬳᬯᬓ᭄᭟᭖᭟ᬫᬤᬕᬂᬫᬗᬗ᭄ᬕᭂᬄᬲᬳᬶ᭞ᬳᬯᬓᬾᬤᬤᬶᬓᭂᬫᬸᬮᬦ᭄᭞ᬲᬶᬂᬚᬮᬦ᭄ᬲᬦ᭄ᬤᬬᬂᬋᬓᭀ᭞ᬤᬶᬧᬲᬭᬾᬫᬳᬶᬍᬳᬦ᭄᭞ᬮᬘᬸᬭᬾᬢ᭄ᬯᬭᬫᬩᬳᬦ᭄᭞ᬳᬢᬶᬳᬶᬩᬸᬓ᭄ᬩᬲᬂᬲᭂᬤᬸᬓ᭄᭞ᬜᬾᬦ᭄ᬳᬦᬓᬾᬚ᭄ᬯ ᬲᭂᬮ᭄ᬲᭂᬮᬂ᭟᭗᭟ᬓᬾᬢᭀᬳᬸᬧᬫᬦ᭄ᬜᬘᭂᬦᬶᬂ᭞ᬧᬶᬦᭂᬄᬧᬶᬦᭂᬦᬾᬤᬶᬳᬯᬓ᭄᭞ᬮ᭄ᬯᬶᬃᬢᬸᬢᬸᬭᬦ᭄ᬳᬶᬤᬋᬓᭀ᭞ᬲᬂᬧ᭄ᬭᬪᬸᬥᬃᬫ᭄ᬫᬲᬸᬲᬶᬮ᭞ᬗᬫᬗ᭄ᬕᭂᬳᬂᬓᭂᬥᬃᬫ᭄ᬫᬦ᭄᭞ᬗᬸᬧᬓᬭᬧᬜ᭄ᬚᬓ᭄ᬯᬶᬦᬸᬯᬸᬲ᭄᭞ᬲᬬᬂᬓᬮᬶᬄᬭᬶᬂᬲᬲᬦᬓ᭄ ᭟᭘᭟ᬦᬶᬫᬵᬃᬚ᭄ᬢᬸᬦᬦᬓᬸᬮᬲᬤᬾᬯᬶ᭞ᬯᬢᬸᬃᬲᬫᬶᬫᬓᬲᬵᬦᬓ᭄᭞ᬢᭂᬢᭂᬧ᭄ᬓᬶᬘ᭄ᬮᬾᬦ᭄‌ᬓᬕᬸᬗᬦᬾ᭞ᬗᭀᬋᬕᬶᬦ᭄ᬧᬫᬸᬘᬸᬓ᭄ᬚᬕᬢ᭄᭞ᬓᬗᬶᬦ᭄ᬓᬯᬸᬄᬓᬚᬓ᭄ᬮᭀᬤ᭄‌᭞ᬓᬮᬸᬕ᭄ᬭᬳᬶᬦ᭄ᬭᬶᬂᬲᬂᬧ᭄ᬭᬪᬸ᭞ᬲᬫᬶᬦᭂᬧᭂᬢᬂᬧᬓᬃᬬ᭄ᬬᬦ᭄᭟᭙᭟ [ 8A] ᬗᬰᬰᬶᬄᬜᬭᭀᬦᬶᬗᬸᬫᬶ᭞ᬫᬪᬶᬦᬬᬦ᭄ᬳᬸᬧᬓᬭ᭞ᬫᬜ᭄ᬘᬲᬦᬓ᭄‌ᬕ᭄ᬮᬃᬘᬭᬸᬦᬾ᭞ᬭᬶᬂᬦᬫ᭄ᬧᬶᬄᬰᬰᬶᬄᬲᬗ᭄ᬳ᭞ᬲᬓᬢᬄᬰᬰᬶᬳᬾᬭᭀᬭᬲ᭄᭞ᬧᬵᬢᬹᬢ᭄ᬯᬦ᭄ᬢᬄᬳᬸᬓᬸᬤ᭄ᬳᬸᬓᬸᬤ᭄᭞ᬧᬗᬦ᭄ᬢᭂᬩᬾᬚᬗ᭄ᬓᭂᬧ᭄ᬲᬫᬲ᭄᭟᭑᭐᭟ ᬳᬶᬫᬥᬾᬭᬭᬶᬲ᭄ᬜᬳᬸᬭᬶᬦ᭄᭞ᬳᬾᬫᭂᬂᬢᬶᬢ᭄ᬬᬂᬫᬫᬶᬋᬗᬂ᭞ᬓᬮᬶᬦ᭄ᬢᬂᬓᬸᬮᬸᬕ᭄ᬢᬶᬢ᭄ᬬᬗᬾ᭞ᬜᬸᬓ᭄ᬱ᭄ᬡᬧᬧᬶᬭᬶᬂᬳᬚ᭄ᬬᬵ᭞ᬤᬾᬦᬶᬂᬩᬗᭂᬢ᭄ᬫᬪᬶᬦᬬᬦ᭄᭞ᬭᬶᬂᬢ᭄ᬬᬂᬫᬤ᭄ᬯᬾᬢᬸᬢᬸᬃ᭞ᬤᬾᬫᬸᬗ᭄ᬕᬄᬭᬶᬂᬓᬡ᭄ᬥᬳᭂᬫ᭄ᬧᬢ᭄᭟᭑᭑᭟ᬦᬸᬦᬲ᭄ᬢᬶᬢ᭄ᬬᬂᬲᬦᬾ ᬚᬢᬶ᭞ᬲᬗ᭄ᬓᬦ᭄ᬜᬦᬾᬳᬤᬰ᭞ᬤᬰᬓ᭄ᬱᬭᬦᬯᬵᬤᭀᬗᬾ᭞ᬳᬱ᭄ᬞᬂᬓᬵᬭᬲᬧ᭄ᬢᬂᬓᬭ᭞ᬤᬰᬓ᭄ᬱᬭᬧᬜ᭄ᬘᬓ᭄ᬱᬭ᭞ᬢ᭄ᬭᬶᬬᬓ᭄ᬱᬭᬧᬶᬂᬭ᭄ᬯᬳᬶᬓᬸ᭞ᬪᬶᬦᬾᬥᬮᬦ᭄ᬳᬾᬓᬵᬓ᭄ᬱᬭ᭟᭑᭒᭟ᬧᬗᬯᬓ᭄ᬳᬶᬧᬸᬦ᭄‌ᬕᬯᬶᬦᬧᬶ᭞ᬬᬾᬦ᭄ᬳᬾ ᬯᬳᬶᬗ᭄ᬕ᭄ᬬᬦ᭄ᬓᬮ᭞ᬫᬮᬶᬄᬭᬶᬂᬓᬡ᭄ᬥᬪᬸᬱᬦ᭞ᬓᭀᬘᬧ᭄ᬜᬫᬲᬋᬂᬫᭂᬢ᭄ᬯ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬦᭂᬯᭂᬓᬂ᭞ᬤᬶᬓᬾᬦ᭄ᬓᬾᬦᬾᬲᭂᬥᭂᬂᬕᬸᬕᬸ᭞ᬫᬮᬄᬢᬶᬗᬓᬸᬜᬫ᭟᭑᭓᭟ᬤᭀᬦᬶᬂᬢ᭄ᬯᬭᬦᬳᭂᬦ᭄ᬧᬗ᭄ᬕᬶᬄ᭞ᬢᬸᬗ᭄ᬓᬸᬮ᭄ᬢᬶᬢ᭄ᬬᬂᬗ᭄ᬭᬫ᭄ᬩᬂᬭᭀᬦ᭄ᬢᬮ᭄᭞

Auto-transliteration

[ 7B] 7 sakitiwwang. 5. yanhĕntosubamabhukti, bwaḥñanetwaḥsamilara, gringhabotdadihawake, brungesahitanpĕgat, tanbhinatingkaḥhiniṣṭha, madaganglwasmangalu, makamulanba hanhawak. 6. madagangmanganggĕḥsahi, hawakedadikĕmulan, singjalansandayangr̥ĕko, dipasaremahil̥ĕhan, lacuretwaramabahan, hatihibukbasangsĕduk, ñenhanakejwa sĕlsĕlang. 7. ketohupamanñacĕning, pinĕḥpinĕnedihawak, lwir̀tuturanhidar̥ĕko, sangprabhudhar̀mmasusila, ngamanggĕhangkĕdhar̀mman, ngupakarapañjakwinuwus, sayangkaliḥringsasanak . 8. nimār̀jtunanakulasadewi, watur̀samimakasānak, tĕtĕpkiclenkagungane, ngor̥ĕginpamucukjagat, kanginkawuḥkajaklod, kalugrahinringsangprabhu, saminĕpĕtangpakar̀yyan. 9. [ 8A] ngaśaśiḥñaroningumi, mabhinayanhupakara, mañcasanakglar̀carune, ringnampiḥśaśiḥsangha, sakataḥśaśiheroras, pātūtwantaḥhukud'hukud, pangantĕbejangkĕpsamas. 10. himadherarisñahurin, hemĕngtityangmamir̥ĕngang, kalintangkulugtityange, ñukṣṇapapiringhajyā, deningbangĕtmabhinayan, ringtyangmadwetutur̀, demunggaḥringkaṇdhahĕmpat. 11. nunastityangsane jati, sangkanñanehadaśa, daśakṣaranawādonge, haṣṭhangkārasaptangkara, daśakṣarapañcakṣara, triyakṣarapingrwahiku, bhinedhalanhekākṣara. 12. pangawak'hipun'gawinapi, yenhe wahinggyankala, maliḥringkaṇdhabhuṣana, kocapñamasar̥ĕngmĕtwa, sapunapihantuknĕwĕkang, dikenkenesĕdhĕnggugu, malaḥtingakuñama. 13. doningtwaranahĕnpanggiḥ, tungkultityangngrambangrontal,

Leaf 8

Image on Archive.org

[ 8B] ᭘ ᬢᬶᬢ᭄ᬬᬂᬓᬮᬶᬦ᭄ᬢᬂᬩᬶᬗᬸᬂ᭞ᬤᬾᬦᬶᬂᬢ᭄ᬯᬭᬫᭂᬮᬶᬯᬢ᭄ᬳᬧ᭞ᬓᬮᬶᬗ᭄ᬓᬾᬮᬯᬢ᭄ᬓᬦ᭄ᬢᭂᬦᬂ᭞ᬳᬶᬤᬸᬓᬸᬄᬓᭂᬤᬾᬓ᭄ᬗᬭᬸᬓ᭄ᬕᬸᬓ᭄᭞ᬲᬗᭂᬢ᭄ᬘᬳᬶᬓᬧᬮᬶᬗᬦ᭄᭟᭑᭔᭟ᬫᬓ᭄ᬚᬂᬲᬲᬶᬓ᭄ᬩᬶᬂᬘᭂᬦᬶᬂ᭞ᬚᬢᬶᬦ᭄ᬜᬦᬾᬫᬪᬶᬦᬬᬦ᭄᭞ᬳᬯᬲᬂ ᬧᭂᬮᬸᬢᬦ᭄ᬜᬦᬾ᭞ᬳᬤᬢᬸᬢᬸᬭᬦ᭄ᬜᬓᬸᬦᬵ᭞ᬳᬶᬤᬪᬕᬯᬵᬦ᭄‌ᬩ᭄ᬬᬱ᭞ᬫᬧᬸᬢ᭄ᬭᬳᬶᬤᬢᬢᭂᬮᬸ᭞ᬩᬕᬸᬲ᭄‌ᬲᬫᬶᬯᬶᬘᬓ᭄ᬱᬡ᭟᭑᭕᭟ᬦᬗᬶᬂᬪᬾᬥᬲᬫᬶᬘᭂᬦᬶᬂ᭞ᬤᭂᬢᬭᬵᬱ᭄ᬞᬫᬯᬓ᭄ᬪᬸᬢ᭞ᬫᬮᬶᬄᬧᬡ᭄ᬥᬸᬧᬫᬥᬾᬦᬾ᭞ ᬧᬫᬸᬦ᭄ᬢᬢᬾᬲᬂᬲᬸᬫᬦ᭄ᬢ᭄ᬭᬶᬬ᭞ᬲᬸᬓᬸᬦᬾᬳᬲᬶᬓᬶᬧᬶᬜ᭄ᬘᬂ᭞ᬢ᭄ᬭᬶᬦᬤᬶᬯᬱ᭄ᬞᬦ᭄ᬳᬶᬧᬸᬦ᭄᭞ᬢᬢ᭄ᬓᬮᬦᬾᬫᬜᬶᬤ᭄ᬥᬬᬂ᭟᭑᭖᭟ᬢ᭄ᬭᬶᬫᬹᬃᬢ᭄ᬢᬶᬲᬦᬾᬳᬲᬶᬓᬶ᭞ᬬᬾᬦᬶᬂᬲᬶᬤ᭄ᬥᬲᬸᬩᬫᬵᬯᬓ᭄᭞ᬳᬸᬘᬧᬂᬢᬶᬕᬰᬓ᭄ᬢᬶᬦᬾ᭞ᬤᬾᬦᬶᬂᬢ᭄ᬯᬭᬩᬶᬱᬧᭂᬕᬢ᭄᭞ ᬳᬕᬸᬂᬳᬮᬶᬢ᭄ᬓᬳᬦᬦ᭄ᬜ᭞ᬫᬵᬯᬓ᭄ᬢᬦ᭄ᬫᬵᬯᬓ᭄‌ᬢ᭄ᬯᬄᬤᬶᬢᬸ᭞ᬦᬵᬗ᭄ᬳᬶᬂᬕᭀᬤ᭄ᬥᬬᬲᬢᬢ᭟᭑᭗᭟ᬫᬯᬵᬓ᭄‌ᬧᬢᬶᬬᬢᬦ᭄ᬫᬢᬶ᭞ᬳ᭄ᬬᬫᭂᬤᬮ᭄‌ᬢ᭄ᬯᬭᬗᭂᬦᬄ᭞ᬬᬗᭀᬤᬕ᭄‌ᬲᬢᬢᬯᬓᬾ᭞ᬓᭂᬫᬫᬳᬶᬬᬫᭂᬚᬮᬦ᭄᭞ [ 9A] ᬤᬤᬶᬳᭂᬦ᭄ᬢᭀᬲᬶᬂᬧᭂᬤᬲᬂ᭞ᬓᬤᬂᬤᬤᬶᬫᬸᬲᬸᬄᬲᬭᬸ᭞ᬧᬫᬹᬃᬢ᭄ᬬᬦᬶᬂᬭᬚᬄᬢᬫᬄ᭟᭑᭘᭟ᬤᭂᬚ᭄ᬯᬘᬦᬶᬂᬧᬢᬶᬕᬸᬜ᭄ᬚᬶᬄ᭞ᬗᬫᭀᬂᬭᬕᬬᬲᬢᬢ᭞ᬳᭂᬦ᭄ᬢᭀᬫᬵᬯᬓ᭄ᬧᬮᬶᬂᬢ᭄ᬭᬂᬋᬓᭀ᭞ᬍᬫᬄᬯᭂᬗᬶᬬᬫᬫᬾᬕᬮ᭄᭞ ᬫᬗᭀᬤᬕᬂᬕᭂᬮᬄᬳᬦᬓ᭄᭞ᬭᬶᬧᬹᬭᬶᬂᬳᬯᬓ᭄ᬫᬗ᭄ᬮᬶᬧᬸᬢ᭄᭞ᬢ᭄ᬭᬶᬫᬹᬃᬢ᭄ᬢᬶᬦᬾᬫᬓᬸᬫᬭᭀᬯᬂ᭟᭑᭙᭟ᬳᭂᬦ᭄ᬢᭀᬜᬦ᭄ᬥᬂᬳᬾᬱ᭄ᬞᬶᬘᭂᬦᬶᬂ᭞ᬦᬂᬳᬶᬂᬢ᭄ᬯᬭᬜᬦ᭄ᬥᬂᬩ᭄ᬯᬢᬂ᭞ᬫᭀᬦ᭄ᬓᬥ᭄ᬥᬦ᭄‌ᬪᬸᬣᬦᬾᬳᭂᬦ᭄ᬢᭀ᭞ᬮᭀᬩᬫᬹᬃᬓ᭄ᬓᬬᬲᬢᬢ᭞ᬫᬸ ᬲᬸᬳᬾᬤᬸᬳᬯᬓ᭄‌ᬢ᭄ᬯᬄᬬ᭞ᬦᬗ᭄ᬳᬶᬂᬬᬳᬧᬗᬢᬳᬸ᭞ᬭᬹᬧᬦ᭄ᬜᬲᬦᬾᬤᬶᬳᬯᬓ᭄᭟᭒᭐᭟ᬳᬶᬫᬥᬾᬲᬸᬫᬳᬸᬃᬳᬭᬶᬲ᭄᭞ᬗᬃᬣᬶᬢᬶᬢ᭄ᬬᬂᬬᬦ᭄ᬧᬸᬦᬶᬓ᭞ᬦᬾᬫ᭄ᬯᬱ᭄ᬞᬢ᭄ᬭᬶᬓᬬᬋᬓᭀ᭞ᬳᬶᬗ᭄ᬕ᭄ᬬᬦ᭄‌ᬢ᭄ᬭᬶᬫᬾᬥᬳᬶᬓᬵ᭞ᬢ᭄ᬭᬶᬕᬸᬡ ᬯᬦ᭄ᬢᬄᬧᬸᬦᬶᬓ᭞ᬗᭀᬮᬄᬤᬶᬓᬮᬦᬾᬳᬶᬤᬸᬧ᭄᭞ᬫᬳᬸᬗᬹᬫᬜᬫ᭄ᬩᬸᬢ᭄ᬓᬃᬬ᭄ᬬ᭟᭒᭑᭟ᬢᬶᬢ᭄ᬬᬂᬦᬸᬦᬲ᭄ᬫᬮᬶᬄᬫᬮᬶᬄᬓᭂᬓ᭄ᬓᬶᬓ᭄᭞ᬗᬸᬤᬮᬮᬶᬢᬶᬢ᭄ᬬᬂᬲᬢᬢ᭞ᬭᬶᬂᬧ᭄ᬬᬦᬓ᭄‌ᬲᭀᬫᬄᬓᬮᬶᬄᬤ᭄ᬭᬸᬯᬾ᭞ᬭᬶᬓᬮᬢᬶᬢ᭄ᬬᬂᬫᬢᬸᬭ᭄ᬯ᭞

Auto-transliteration

[ 8B] 8 tityangkalintangbingung, deningtwaramĕliwat'hapa, kalingkelawatkantĕnang, hidukuḥkĕdekngarukguk, sangĕtcahikapalingan. 14. makjangsasikbingcĕning, jatinñanemabhinayan, hawasang pĕlutanñane, hadatuturanñakunā, hidabhagawānbyaṣa, maputrahidatatĕlu, bagussamiwicakṣaṇa. 15. nangingbhedhasamicĕning, dĕtarāṣṭhamawakbhuta, maliḥpaṇdhupamadhene, pamuntatesangsumantriya, sukunehasikipiñcang, trinadiwaṣṭhanhipun, tatkalanemañiddhayang. 16. trimūr̀ttisanehasiki, yeningsiddhasubamāwak, hucapangtigaśaktine, deningtwarabiṣapĕgat, hagunghalitkahananña, māwaktanmāwaktwaḥditu, nānghinggoddhayasatata. 17. mawākpatiyatanmati, hyamĕdaltwarangĕnaḥ, yangodagsatatawake, kĕmamahiyamĕjalan, [ 9A] dadihĕntosingpĕdasang, kadangdadimusuḥsaru, pamūr̀tyaningrajaḥtamaḥ. 18. dĕjwacaningpatiguñjiḥ, ngamongragayasatata, hĕntomāwakpalingtrangr̥ĕko, l̥ĕmaḥwĕngiyamamegal, mangodaganggĕlaḥhanak, ripūringhawakmangliput, trimūr̀ttinemakumarowang. 19. hĕntoñandhangheṣṭhicĕning, nanghingtwarañandhangbwatang, monkadhdhanbhuthanehĕnto, lobamūr̀kkayasatata, mu suheduhawaktwaḥya, nanghingyahapangatahu, rūpanñasanedihawak. 20. himadhesumahur̀haris, ngar̀thitityangyanpunika, nemwaṣṭhatrikayar̥ĕko, hinggyantrimedhahikā, triguṇa wantaḥpunika, ngolaḥdikalanehidup, mahungūmañambutkar̀yya. 21. tityangnunasmaliḥmaliḥkĕkkik, ngudalalitityangsatata, ringpyanaksomaḥkaliḥdruwe, rikalatityangmaturwa,

Leaf 9

Image on Archive.org

[ 9B] ᭙ ᬬᬦ᭄ᬧᬸᬦᬧᬶᬧᬩᭂᬮᬢ᭄ᬜ᭞ᬮᬮᬶᬳᬾᬮᬶᬂᬲᬶᬋᬧ᭄ᬢᬸᬭᬹ᭞ᬢᬦ᭄ᬳᬾᬮᬶᬂᬢᬶᬢ᭄ᬬᬂᬫᬓ᭄ᬚᬂ᭟᭒᭒᭟ᬧᬸᬧᬸᬄᬕᬶᬦᬦ᭄ᬢᬶ᭟ᬚ᭄ᬭᭀᬤᬸᬓᬸᬄᬫᬗ᭄ᬓᬶᬦ᭄ᬲᬸᬫᬳᬸᬃ᭞ᬲᬸᬩᬘᬳᬶᬩᬗᬸᬦ᭄‌ᬚᬦᬶ᭞ᬗᬶᬗᭂᬭᬂᬧᬓᬾᬮᬶᬂᬩᬧ᭞ᬧᬵᬢᬹᬢ᭄ᬘᭂᬦᬶᬂ ᬚᬦᬶᬦᬫ᭄ᬧᬶ᭞ᬩᬧᬫᬗᭂᬦ᭄ᬢᭀᬲᬶᬦ᭄‌ᬦᬵᬫ᭞ᬫᬥᬾᬳᬸᬗᬹᬯᬱ᭄ᬞᬜ᭄ᬘᭂᬦᬶᬂ᭟᭑᭟ᬓᭂᬫᬘᭂᬦᬶᬂᬗᭀᬚᭀᬕ᭄ᬤᬶᬢᬸ᭞ᬫᬗᬮᭀᬃᬧᬭᬦᬾᬚᬦᬶ᭞ᬭᬶᬂᬕᭂᬦᬄᬧᬰ᭄ᬭᬫᬦ᭄ᬳᬶᬤ᭞ᬳᬶᬤᬋᬱᬶᬩᬚ᭄ᬭᬲᬶᬤ᭄ᬥᬶ᭞ᬦ᭄ᬢᭀᬲᬸᬩᬧᬗᬚ᭄ᬬᬦ᭄ᬩᬧ᭞ᬭᬶᬂᬳᬮᬲ᭄ ᬲᬺᬗ᭄ᬕᬭᬕᬶᬭᬶ᭟᭒᭟ᬫᬥᬾᬳᬸᬗᬹᬦᭂᬫ᭄ᬩᬄᬫᬢᬸᬃ᭞ᬢᬶᬢ᭄ᬬᬂᬯᬦ᭄ᬢᬄᬢ᭄ᬮᬲ᭄ᬫᬗᬶᬭᬶᬂ᭞ᬭᬭᬶᬲ᭄ᬤᬦᬾᬫᬤᬩ᭄ᬤᬩᬦ᭄᭞ᬳᬶᬫᬥᬾᬭᬭᬶᬲ᭄ᬫᬧᬫᬶᬢ᭄᭞ᬚ᭄ᬭᭀᬤᬸᬓᬸᬄᬳᬲᬸᬂᬦᬸᬕ᭄ᬭᬳ᭞ᬲᬳᬵᬯᬾᬥᬧᬸᬚᬰ᭄ᬭᬸᬢᬶ᭟᭓᭟ᬳᬶᬫᬥᬾᬬᬢ᭄ᬭᬸᬲ᭄ᬫᬦᬸᬚᬸ᭞ ᬓᬧᬰ᭄ᬭᬫᬦ᭄ᬳᬶᬤᬋᬱᬶ᭞ᬲᭂᬥᭂᬓ᭄ᬳᬶᬤᬗ᭄ᬭᬖᬲᬶᬓ᭞ᬫᬗᬸᬜ᭄ᬘᬭᬂᬯᬾᬥᬰ᭄ᬭᬸᬢᬶ᭞ᬦᬭᬶᬂᬩᬮᬾᬧᬲᬗ᭄ᬕ᭄ᬭᬳᬦ᭄᭞ᬳᬶᬫᬥᬾᬭᬭᬶᬲ᭄ᬫᬪᬓ᭄ᬢᬶ᭟᭔᭟ᬫᬭᬶᬂᬳᬗᭂᬦ᭄ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬦ᭄ᬥᭂᬕ᭄ᬳᬶᬤᬋᬱᬶᬫᬗ᭄ᬓᬶᬦ᭄᭞ᬲᬚ᭄ᬭᭀᬦᬶᬂᬫᬗᬸᬜ᭄ᬚᬃᬯᬾᬥ᭞ [ 10A] ᬤ᭄ᬯᬦᬶᬂᬳᬤᬧᬸᬢ᭄ᬭᬓᬓᬲᬶᬄ᭞ᬢᬸᬃᬳᬮᭀᬦ᭄ᬳᬶᬤᬗᬡ᭄ᬥᬶᬓ᭞ᬯ᭄ᬭᬸᬄᬩᬧᬭᬶᬂᬓᬃᬬ᭄ᬬᬜ᭄ᬘᭂᬦᬶᬂ᭟᭕᭟ᬮ᭄ᬯᬶᬃᬧᬦᬸᬤᬸᬄᬬᬳᬶᬤᬸᬓᬸᬄ᭞ᬦᬾᬚᬦᬶᬲᬭᬢᬂᬘᭂᬦᬶᬂ᭞ᬲᬗ᭄ᬓᬦ᭄ᬧᬭᬦ᭄ᬜᬧᬸᬦᬶᬓ᭞ᬲᬶᬋᬧ᭄ᬳᬸᬗᬸᬫᬗ᭄ᬤᬳᬸᬦᬶᬂ᭞ᬤᬤᬶᬘᭂᬦᬶᬂᬮ᭄ᬯᬶᬃᬫᬪᭀᬬ᭞ ᬳᬸᬤᬸᬄᬘᭂᬦᬶᬂᬫᬥᬾᬢᬗ᭄ᬳᬶ᭟᭖᭟ᬫᬤᬾᬳᬸᬗᬹᬭᬭᬶᬲ᭄ᬫᬢᬸᬃ᭞ᬦᬸᬦᬲ᭄ᬢᬶᬢ᭄ᬬᬂᬢᬸᬗ᭄ᬕᬸᬦ᭄ᬳᬸᬭᬶᬧ᭄᭞ᬓᬧᬹᬃᬯ᭄ᬯᬦ᭄ᬜᬦᬾᬧᬸᬦᬶᬓᬸᬲᬗ᭄ᬓᬦ᭄ᬜᬦᬾᬲ᭄ᬬᬂᬮᬢ᭄ᬭᬶ᭞ᬧᬜ᭄ᬚᬂᬮᬶᬗ᭄ᬕᬄᬜᬧᬸᬦᬶᬓ᭞ᬳᬸᬓᬸᬭᬦᬾᬳᬫᬸᬦᬧᬶ᭟᭗᭟ᬲᬂᬲᬥᬓᬭᬭᬶᬲ᭄ᬫᬸᬯᬸᬲ᭄᭞ᬧᬶᬗᬶᬢ᭄ᬧᬶ ᬗᬶᬢ᭄‌ᬓᬾᬢᭀᬘᭂᬦᬶᬂ᭞ᬓ᭄ᬦᬳᬸᬧᬤ᭄ᬭᬯᬤᬾᬯ᭞ᬧᬧᬶᬗᬶᬢᬤ᭄ᬯᬶᬓᬸᬲᬫᬶ᭞ᬳᬤᭀᬄᬫᬸᬗ᭄ᬕᬸᬄᬭᬶᬂᬳᬸᬧᬫ᭞ᬳᬶᬗᭂᬃᬳᬶᬗᭂᬃᬳᬧᬂᬧᬱ᭄ᬝᬶ᭟᭘᭟ᬓᬤᬶᬓᬶᬤᬸᬂᬮᬯᬦ᭄ᬧᬸᬧᬸᬄ᭞ᬳᬦᬓ᭄ᬱᬭᬭᬶᬂᬧᬧᬦ᭄ᬫᬮᬶᬄ᭞ᬓᬮᬶᬄᬮᬫ᭄ᬧᬸᬫᬭᬶᬂᬳᭂᬦ᭄ᬤ᭄ᬬᬦ᭄᭞ ᬮ᭄ᬯᬶᬃᬫᬗᬤᬸᬧ᭄ᬘᬸᬓᬶᬂᬭ᭄ᬯᬶ᭞ᬳᬗ᭄ᬕᬦᬶᬂᬫᬶᬬᬶᬓᬶᬂᬩᬸᬗ᭄ᬳ᭞ᬳᬭᬸᬫ᭄ᬜᬦᬾᬢᬦ᭄ᬧᬪᬸᬓ᭄ᬢᬶ᭟᭙᭟ᬓᬤᬶᬬᬫᬦᬶᬲᬶᬂᬫᬥᬸ᭞ᬫ᭄ᬯᬂᬜᭂᬜᭂᬃᬦᬶᬂᬕᭂᬦ᭄ᬤᬶᬲ᭄᭞ᬯ᭄ᬬᬤᬶᬦ᭄ᬩᬓᬳ᭄ᬬᬓᭂᬘᬧᬂ᭞ᬫᬦᬶᬲ᭄ᬜᬦᬾᬢᬦ᭄ᬧᬪᬸᬓ᭄ᬢᬶ᭞ᬢ᭄ᬯᬭᬳᬤᬧᬯᬓᬦ᭄ᬜ᭞

Auto-transliteration

[ 9B] 9 yanpunapipabĕlatña, lalihelingsir̥ĕpturū, tanhelingtityangmakjang. 22. pupuḥginanti. jrodukuḥmangkinsumahur̀, subacahibangunjani, ngingĕrangpakelingbapa, pātūtcĕning janinampi, bapamangĕntosinnāma, madhehungūwaṣṭhañcĕning. 1. kĕmacĕningngojogditu, mangalor̀paranejani, ringgĕnaḥpaśramanhida, hidar̥ĕsyibajrasiddhi, ntosubapangajyanbapa, ringhalas sr̥ĕnggaragiri. 2. madhehungūnĕmbaḥmatur̀, tityangwantaḥtlasmangiring, rarisdanemadabdaban, himadherarismapamit, jrodukuḥhasungnugraha, sahāwedhapujaśruti. 3. himadheyatrusmanuju, kapaśramanhidar̥ĕsyi, sĕdhĕk'hidangraghasika, manguñcarangwedhaśruti, naringbalepasanggrahan, himadherarismabhakti. 4. maringhangĕnsāmpunpuput, kandhĕg'hidar̥ĕsyimangkin, sajroningmanguñjar̀wedha, [ 10A] dwaninghadaputrakakasiḥ, tur̀halonhidangaṇdhika, wruḥbaparingkar̀yyañcĕning. 5. lwir̀panuduḥyahidukuḥ, nejanisaratangcĕning, sangkanparanñapunika, sir̥ĕp'hungumangdahuning, dadicĕninglwir̀mabhoya, huduḥcĕningmadhetanghi. 6. madehungūrarismatur̀, nunastityangtunggunhurip, kapūr̀wwanñanepunikusangkanñanesyanglatri, pañjanglinggaḥñapunika, hukuranehamunapi. 7. sangsadhakararismuwus, pingitpi ngitketocĕning, knahupadrawadewa, papingitadwikusami, hadoḥmungguḥringhupama, hingĕr̀hingĕr̀hapangpaṣṭi. 8. kadikidunglawanpupuḥ, hanakṣararingpapanmaliḥ, kaliḥlampumaringhĕndyan, lwir̀mangadupcukingrwi, hangganingmiyikingbungha, harumñanetanpabhukti. 9. kadiyamanisingmadhu, mwangñĕñĕr̀ninggĕndis, wyadinbakahyakĕcapang, manisñanetanpabhukti, twarahadapawakanña,

Leaf 10

Image on Archive.org

[ 10B] ᭑᭐ ᬳᭂᬦ᭄ᬢᭀᬳᬶᬗᭂᬃᬳᬧᬂᬧᬱ᭄ᬞᬶ᭟᭑᭐᭟ᬳᭂᬦ᭄ᬢᭀᬤᬬᬲᬦᬾᬢᬸᬳᬸ᭞ᬳᬶᬫ᭄ᬩᬬᬂᬳᬓ᭄ᬱᬭᬫᬮᬶᬄ᭞ᬳᬸᬮᬸᬯᭂᬮᬲ᭄ᬓᬤᬗᬦ᭄ᬜ᭞ᬘᬭᬓᬤᬢᬦᬾᬲᬫᬶ᭞ᬳᬦᬾᬚᬢᬶᬓᬫᬸᬮᬦ᭄ᬜ᭞ᬳᬶᬗᬸᬦ᭄ᬜᬳᬓ᭄ᬱᬭᬲᬫᬶ᭟᭑᭑᭟ᬰᬲ᭄ᬢ᭄ᬭᬕᬫ᭄ᬩᬃ ᬧᭂᬮᬸᬦ᭄ᬳᬶᬧᬸᬦ᭄᭞ᬧᭂᬗᭂᬢ᭄ᬮᬮᬶᬲᬳᬶᬲᬳᬶ᭞ᬗᬸᬤᬳᭂᬦ᭄ᬢᭀᬓᬾᬲᬸᬭᬸᬧᬂ᭞ᬳᬩᭀᬢ᭄ᬧᬶᬲᬦ᭄‌ᬓᬾᬦᬾᬘᬳᬶ᭞ᬬᬦ᭄ᬳᬸᬗ᭄ᬕᬸᬳᬂᬭᬶᬂᬳᬸᬧᬫ᭞ᬬᬸᬬᬸᬜᬼᬧᬂᬓᭂᬩᭀᬳᬸᬧᬫᬶ᭟᭑᭒᭟ᬫᬥᬾᬳᬸᬗᬹᬫᬢᬸᬃᬳᬮᬸᬲ᭄᭞ᬫᬗ᭄ᬤᬢᬶᬢ᭄ᬬᬂᬲᬸ ᬯᬸᬤ᭄ᬧᬮᬶᬂ᭞ᬦᬸᬦᬲ᭄ᬢᬶᬢ᭄ᬬᬂᬧᬗᬚᬭᬦ᭄᭞ᬢᬢ᭄ᬯᬤᬾᬯᬦᬾᬲᬸᬚᬢᬶ᭞ᬩ᭄ᬭᬳ᭄ᬫᬯᬶᬱ᭄ᬡᬸᬮᬦ᭄ᬳᬶᬰ᭄ᬯᬭ᭞ᬰᬶᬯᬕᬸᬭᬸᬮᬦ᭄ᬪᬣᬭᬶ᭟᭑᭓᭟ᬳᬶᬤᬰᬶᬯᬳᬮᭀᬦ᭄ᬫᬯᬸᬯᬸᬲ᭄᭞ᬓᬾᬦᬾᬚᬢᬶᬦ᭄ᬜᬦᬾᬘᭂᬦᬶᬂ᭞ᬲᬫᬶᬤᬤᬶᬬᬦ᭄ᬳᬸᬘᬧᬂᬚᬢᬶ ᬦ᭄ᬜᬦᬾᬢᬦ᭄ᬧᬪᬸᬓ᭄ᬢᬶ᭞ᬩ᭄ᬭᬳ᭄ᬫᬯᬶᬱ᭄ᬡᬸᬮᬦ᭄ᬳᬶᬰ᭄ᬯᬭ᭞ᬦᬶᬓᬵᬫᬸᬓ᭄ᬬᬦᬶᬂᬧᬧᬢᬶᬄ᭟᭔᭟ᬫᬦᬸᬱᬦᬾᬧᬶᬦᬶᬄᬮᬸᬳᬸᬃ᭞ᬤᬾᬯᬪᬣᬭᬦᬢᬓᬶᬦ᭄᭞ᬓᬮᬪᬸᬢᬧᬥᬦᭂᬫ᭄ᬩᬄ᭞ᬳᭂᬚᬶᬫ᭄‌ᬲᬾᬢᬦ᭄ᬢᬦᬦᬯᬦᬶ᭞ᬳᬦ᭄ᬢᬸᬤᭂᬗᭂᬦ᭄ᬧᬥᬳᬮᬄ᭞ [ 11A] ᬳᬶᬫᬦᬸᬱᬗᬫᬺᬢᬦᬶᬦ᭄᭟᭑᭕᭟ᬫᬦᬸᬱᬦᬾᬳᬓᬾᬳᬦ᭄ᬩᬶᬗᬸᬂ᭞ᬢᬢᬓᬦᬾᬲᬸᬫ᭄ᬩᬄᬲᬳᬶ᭞ᬚᬦ᭄ᬫᬩᬸᬤᬸᬄᬦ᭄ᬢᭀᬳᬤᬦ᭞ᬓᬤᬾᬯᬦ᭄ᬤᬾᬯᬦ᭄ᬬᬧᬮᬶᬂ᭞ᬢᬸᬮᬾᬦ᭄ᬤᭂᬫᭂᬦ᭄‌ᬲᬸᬬ᭄ᬬᬓ᭄ᬱᬸᬃᬬ᭄ᬬᬓ᭄᭞ᬢ᭄ᬯᬭᬬᬢᭂᬕᭂᬲ᭄ᬫᬶᬦᭂᬳᬶᬦ᭄᭟᭑᭖᭟ ᬓᬾᬯᭂᬄᬚᬢᬶᬬᬦ᭄ᬲ᭄ᬯᬾᬩᬶᬗᬸᬂ᭞ᬫᬜᬤ᭄ᬫᬢᬦ᭄ᬢᬳᬸᬤᬶᬭᬶ᭞ᬬᬦ᭄ᬳᬗ᭄ᬕᬦᬶᬂᬳᬦᬓ᭄‌ᬮ᭄ᬯᬲ᭄᭞ᬢ᭄ᬯᬭᬢᬳᬾᬦ᭄‌ᬦᬯᬂᬫᬸᬮᬶᬄ᭞ᬳᬦ᭄ᬤᬾᬬᬂᬧᬓ᭄ᬱᬶᬫᬗᬸᬫ᭄ᬩᬂ᭞ᬢ᭄ᬯᬭᬢᬳᬸᬲᬗ᭄ᬓᬦ᭄ᬫᬸᬮᬶᬄ᭟᭑᭗᭟ᬗᬃᬣᬶᬢᬶᬢ᭄ᬬᬂᬤᬾᬯᬭᬢᬸ᭞ ᬳᬢᬸᬃᬜᬦᬾᬫᬥᬾᬢᬗ᭄ᬳᬶ᭞ᬢᬶᬢ᭄ᬬᬂᬦᬸᬦᬲ᭄‌ᬧᬗᬯᬲ᭄ᬯᬲ᭄᭞ᬲᬤᬸᬭᬸᬗᬾᬫᬗ᭄ᬤᬳᬸᬦᬶᬂ᭞ᬲᬂᬧᬦ᭄ᬤ᭄ᬬᬭᬭᬶᬲ᭄ᬳᬗᬸᬘᬧ᭄᭞ᬳᭀᬮᬄᬧᬸᬢᭂᬃᬩᬢᬸᬦᬾᬘᭂᬦᬶᬂ᭟᭑᭘᭟ᬧᬸᬧᬸᬄᬧᬗ᭄ᬓᬸᬃ᭟ᬳᬦᬓ᭄ᬯᭀᬂᬤᬤᬶᬲᬫ᭄ᬩᬸᬗᬂ᭞ ᬳᬶᬫᬵᬦᬸᬱᬢᬦ᭄ᬯᭂᬦᬶᬂᬳ᭄ᬬᬗᬯ᭄ᬭᬸᬳᬶᬦ᭄᭞ᬬᬾᬦᬶᬂᬢ᭄ᬯᬭᬳᬦᬓ᭄ᬧᬸᬢᬸᬲ᭄᭞ᬫᬲᬳ᭄ᬬᬧᬘᬂᬲᬶᬤ᭄ᬥ᭞ᬦᬾᬲᬸᬚᬢᬶᬧᬭᭀᬓᬶᬂᬦᬬᬮᬦ᭄ᬩᬬᬸ᭞ᬮ᭄ᬯᬶᬃᬦᬶᬂᬓ᭄ᬭᬶᬲ᭄‌ᬫᬜ᭄ᬚᬶᬂᬳᬸᬭᬗ᭄ᬓ᭞ᬲᭂᬗ᭄ᬓᬫᬜ᭄ᬚᬶᬂᬳᬸᬭᬗ᭄ᬓᬭᬶᬂᬓ᭄ᬭᬶᬲ᭄᭟᭑᭟ᬩᬢᬸᬦᬾᬤᬶᬫᭂ

Auto-transliteration

[ 10B] 10 hĕntohingĕr̀hapangpaṣṭhi. 10. hĕntodayasanetuhu, himbayanghakṣaramaliḥ, huluwĕlaskadanganña, carakadatanesami, hanejatikamulanña, hingunñahakṣarasami. 11. śastragambar̀ pĕlunhipun, pĕngĕtlalisahisahi, ngudahĕntokesurupang, habotpisankenecahi, yanhungguhangringhupama, yuyuñl̥ĕpangkĕbohupami. 12. madhehungūmatur̀halus, mangdatityangsu wudpaling, nunastityangpangajaran, tatwadewanesujati, brahmawiṣṇulanhiśwara, śiwagurulanbhathari. 13. hidaśiwahalonmawuwus, kenejatinñanecĕning, samidadiyanhucapangjati nñanetanpabhukti, brahmawiṣṇulanhiśwara, nikāmukyaningpapatiḥ. 4. manuṣanepiniḥluhur̀, dewabhatharanatakin, kalabhutapadhanĕmbaḥ, hĕjimsetantananawani, hantudĕngĕnpadhahalaḥ, [ 11A] himanuṣangamr̥ĕtanin. 15. manuṣanehakehanbingung, tatakanesumbaḥsahi, janmabuduḥntohadana, kadewandewanyapaling, tulendĕmĕnsuyyaksyur̀yyak, twarayatĕgĕsminĕhin. 16. kewĕḥjatiyanswebingung, mañadmatantahudiri, yanhangganinghanaklwas, twaratahennawangmuliḥ, handeyangpaksyimangumbang, twaratahusangkanmuliḥ. 17. ngar̀thitityangdewaratu, hatur̀ñanemadhetanghi, tityangnunaspangawaswas, sadurungemangdahuning, sangpandyararishangucap, holaḥputĕr̀batunecĕning. 18. pupuḥpangkur̀. hanakwongdadisambungang, himānuṣatanwĕninghyangawruhin, yeningtwarahanakputus, masahyapacangsiddha, nesujatiparokingnayalanbayu, lwir̀ningkrismañjinghurangka, sĕngkamañjinghurangkaringkris. 1. batunedimĕ

Leaf 11

Image on Archive.org

[ 11B] ᭑᭑ ᬓᬄᬳᬸᬮᬳᬂ᭞ᬧᬢᭂᬫ᭄ᬯᬂᬬᬫᬭᬶᬂᬕᬸᬫᬶᬫᭂᬲᬶᬃ᭞ᬢᬦᬄᬭᬸᬫᬾᬤᬶᬢᬸᬢᭂᬧᬸᬓ᭄᭞ᬳᬶᬲᬶᬦ᭄ᬜᬦᬾᬱᬤ᭄ᬭᬱ᭞ᬓᬾᬢᭀᬘᭂᬦᬶᬂᬬᬾᬦ᭄ᬫᬜᬥ᭄ᬬᬫᭂᬭᬕᬧᬸᬢᬸᬲ᭄᭞ᬳᬤᬶᬩ᭄ᬬᬘᬓ᭄ᬱᬸᬯᬲ᭄ᬣᬦ᭄ᬜ᭞ᬬᬾᬦ᭄ᬳᬸᬦᬶᬂᬭᬱᬦᬾᬚᬢᬶ᭟᭒᭟ᬫᬥᬾᬳᬸᬗᬸ ᬦᬫ᭄ᬧᬶᬧ᭄ᬯᬭᬄ᭞ᬧ᭄ᬭᬫᬗ᭄ᬓᬾᬲᬫ᭄ᬧᬸᬦᬺᬓᬾᬤᬦᬾᬳᬸᬦᬶᬂ᭞ᬫᬯᬲ᭄ᬧᬥᬢᬸᬃᬢ᭄ᬭᬂᬲᬵᬫ᭄ᬧᬸᬦ᭄᭞ᬲᬦᬾᬤᭀᬄᬫᬓᬦ᭄ᬢᭂᬦᬦ᭄᭞ᬮ᭄ᬯᬶᬄᬦᬾᬢᬫ᭄ᬧᭂᬓ᭄᭞ᬢᬍᬃᬤᬦᬾᬲᬫ᭄ᬧᬸᬦ᭄ᬢᬳᬸ᭞ᬳᬶᬫᬥᬾᬫᬮᬶᬄᬫᬦᬸᬦᬲ᭄᭞ᬫᬭᬶᬂᬥᬗ᭄ᬳ᭄ᬬᬂ ᬕᬸᬭᬸᬫᬮᬶᬄ᭟᭓᭟ᬥᬂᬕᬸᬭᬸᬭᬭᬶᬲ᭄ᬗᬦ᭄ᬥᬶᬓ᭞ᬧᬸᬧᬸᬢ᭄ᬢᬦᬶᬩᬧᬫᬗᬚᬃᬘᭂᬦᬶᬂ᭞ᬤ᭄ᬯᬦᬶᬂᬲᬶᬤ᭄ᬥᬘᭂᬦᬶᬂᬢᬶᬦᬹᬢ᭄᭞ᬫᬭᬶᬂᬧᬲ᭄ᬯᬾᬘᬦ᭄ᬩᬧ᭞ᬜᬫᬜ᭄ᬘᭂᬦᬶᬂᬕᭂᬦ᭄ᬢᭀᬲ᭄ᬩᬧᬦᬾᬓᬯᬸᬯᬸᬲ᭄᭞ᬓᬲ᭄ᬢᬯᬳᬶᬫᬥᬾᬳᬯᬲ᭄᭞ᬤ᭄ᬯᬦᬶᬂᬘᭂᬮᬂᬢᬶᬤᭀᬂ ᬕᬶᬕᬶᬲ᭄᭟᭔᭟ᬤᬶᬢᬸᬮᬓᬸᬫᬧᬶᬦᬸᬦᬲ᭄᭞ᬳᬦᬫᬭᬶᬂᬧᬦᬩ᭄ᬬᬦ᭄ᬕᬸᬭᬸᬦᬾᬭᬶᬳᬶᬦ᭄᭞ᬤᬶᬩ᭄ᬬᬋᬗᬢ᭄ᬯᬶᬓᬯᬸᬯᬸᬲ᭄᭞ᬪᬕᬯᬵᬦ᭄ᬲᬶᬤ᭄ᬥ᭄ᬬᬵᬚ᭄ᬜᬦ᭞ᬢᬸᬃᬓᬋᬗᬧᬦ᭄ᬮᬄᬳᬶᬤᬲᬓᬾᬲᬵᬫ᭄ᬧᬸᬦ᭄᭞ᬤᬤᭀᬲ᭄ᬧᬦᬩᬾᬬ [ 12A] ᬜ᭄ᬚᬕᬢ᭄᭞ᬓᬵᬍᬫ᭄ᬭᬶᬂᬲᬸᬚᬦᬲᬫᬶ᭟᭕᭟ᬫᬥᬾᬳᬯᬲ᭄ᬫᬢᬸᬃᬲᭂᬫ᭄ᬩᬄ᭞ᬦᬾᬭᬶᬂᬤᬶᬚᬧᬰ᭄ᬭᬫᬦ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬲᬫ᭄ᬧᬸᬦ᭄ᬲᬮᬄᬲᬸᬭᬸᬧ᭄᭞ᬥᬗ᭄ᬳ᭄ᬬᬂᬕᬸᬭᬸᬫᬯᬘᬡ᭞ᬘᬶᬢ᭄ᬭᬓᬸᬝᬵᬧᬰ᭄ᬭᬫᬦ᭄ᬳᬶᬤᬓᬯᬸᬯᬸᬲ᭄᭞ᬢᬫᬦ᭄ᬤ ᬳᬢ᭄ᬫᬳᬸᬢᬫᬳᬸᬢᬫ᭞ᬲ᭄ᬬᬂᬤᬮᬹᬢᬦ᭄ᬓᬘᬶᬳ᭄ᬦᬳᬶᬦ᭄᭟᭖᭟ᬢᬸᬜ᭄ᬚᬸᬂᬯᬶᬮᬶᬲ᭄ᬤᬶᬢᬸᬳᬤ᭞ᬮᬶᬦ᭄ᬢᬂᬤᬳᬢ᭄ᬧᬶᬗᬶᬢᬾᬢᬶᬤᭀᬂᬕᬶᬕᬶᬲ᭄᭞ᬢᬸᬜ᭄ᬚᬸᬂᬳᭂᬫᬵᬲ᭄ᬫᬳᭂᬤᭀᬦ᭄ᬲ᭄ᬬᬸ᭞ᬍᬫᬳᬾᬤᬶᬢᬸᬲᬢᬢ᭞ᬫᬗ᭄ᬤᬧ᭄ᬮᬧᬦ᭄‌ᬘᭂᬦᬶᬂᬫᬫᬜ᭄ᬚ ᬓᬶᬦ᭄ᬤᬶᬢᬸ᭞ᬫᬦᬸᬦᬲ᭄ᬧᬳᬶᬘᬦ᭄ᬳᬶᬤ᭞ᬘᬳᬶᬫᬥᬾᬫᬫᬶᬲᬶᬗ᭄ᬕᬶᬄ᭟᭗᭟ᬢᬸᬃᬤᬦᬾᬲᬵᬫ᭄ᬧᬸᬦ᭄ᬫᬫᬶᬦ᭄ᬤᬄ᭞ᬢᬸᬃᬫᬫᬹᬃᬯ᭄ᬯᬧᬦᬸᬚᬸᬦ᭄ᬤᬦᬾᬦᬾᬫᬗ᭄ᬓᬶᬦ᭄᭞ᬫᬃᬕ᭄ᬕᬦ᭄ᬜᬦᬾᬓᬶᬮᬓ᭄ᬓᬶᬮᬸᬓ᭄᭞ᬋᬧᭂᬢᬺᬧᭂᬢ᭄ᬢᬸᬃᬲᭂᬗ᭄ᬓ᭞ᬢ᭄ᬭᬸᬲ᭄ᬫᬫᬃᬕ᭄ᬕᬶ᭞ ᬲᬡ᭄ᬥᬶᬮᬢ᭄ᬬᬤᬦᬾᬭᬯᬸᬄ᭞ᬦᬭᬶᬂᬕᬸᬦᬸᬂᬘᬶᬢ᭄ᬭᬓᬸᬝᬵ᭞ᬰ᭄ᬭᬫᬦ᭄ᬳᬶᬤᬋᬱᬶᬲᬶᬤ᭄ᬥᬶ᭟᭘᭟ᬳᬶᬤᬋᬱᬶᬕᭀᬭᬯᬵᬗᬡ᭄ᬥᬶᬓ᭞ᬘᬳᬶᬫᬥᬾᬲᬳᬕᬢᬶᬧᭂᬃᬮᬸᬫᬳᬶ᭞ᬯᬶᬢ᭄ᬤᬶᬚᬲᬗ᭄ᬓᬦᬾᬭᬯᬸᬄ᭞ᬳᬧᬩ᭄ᬯᬢ᭄‌ᬲᬗ᭄ᬓᬦᬾᬢᭂᬓ᭞ᬕᬸᬦᬸᬂ

Auto-transliteration

[ 11B] 11 kaḥhulahang, patĕmwangyamaringgumimĕsir̀, tanaḥrumeditutĕpuk, hisinñaneṣadraṣa, ketocĕningyenmañadhyamĕragaputus, hadibyacaksyuwasthanña, yenhuningraṣanejati. 2. madhehungu nampipwaraḥ, pramangkesampunr̥ĕkedanehuning, mawaspadhatur̀trangsāmpun, sanedoḥmakantĕnan, lwiḥnetampĕk, tal̥ĕr̀danesampuntahu, himadhemaliḥmanunas, maringdhanghyang gurumaliḥ. 3. dhanggururarisngandhika, puputtanibapamangajar̀cĕning, dwaningsiddhacĕningtinūt, maringpaswecanbapa, ñamañcĕninggĕntosbapanekawuwus, kastawahimadhehawas, dwaningcĕlangtidong gigis. 4. ditulakumapinunas, hanamaringpanabyan'gurunerihin, dibyar̥ĕngatwikawuwus, bhagawānsiddhyājñana, tur̀kar̥ĕngapanlaḥhidasakesāmpun, dadospanabeya [ 12A] ñjagat, kāl̥ĕmringsujanasami. 5. madhehawasmatur̀sĕmbaḥ, neringdijapaśramanhidanemangkin, mangdasampunsalaḥsurup, dhanghyanggurumawacaṇa, citrakuṭāpaśramanhidakawuwus, tamanda hatmahutamahutama, syangdalūtankacihnahin. 6. tuñjungwilisdituhada, lintangdahatpingitetidonggigis, tuñjunghĕmāsmahĕdonsyu, l̥ĕmaheditusatata, mangdaplapancĕningmamañja kinditu, manunaspahicanhida, cahimadhemamisinggiḥ. 7. tur̀danesāmpunmamindaḥ, tur̀mamūr̀wwapanujundanenemangkin, mar̀gganñanekilakkiluk, r̥ĕpĕtr̥ĕpĕttur̀sĕngka, trusmamar̀ggi, saṇdhilatyadanerawuḥ, naringgunungcitrakuṭā, śramanhidar̥ĕsyisiddhi. 8. hidar̥ĕsyigorawāngaṇdhika, cahimadhesahagatipĕr̀lumahi, witdijasangkanerawuḥ, hapabwatsangkanetĕka, gunung

Leaf 12

Image on Archive.org

[᭑᭒ 12B] ᭑᭒ ᬳᬮᬲ᭄‌ᬋᬧᭂᬢᬺᬧᭂᬢ᭄ᬓᬶᬮᬓ᭄ᬓᬶᬮᬸᬓ᭄᭞ᬲᬶᬓᬸᬲᬶᬓᬸᬬᬦ᭄ᬳᬸᬧᬫ᭞ᬳᬶᬫᬥᬾᬫᬳᬢᬸᬃᬳᬭᬶᬲ᭄᭟᭙᭟ᬜᬥ᭄ᬬᬢᬶᬢ᭄ᬬᬂᬗᬢᬸᬭᬂᬚᬶᬯ᭞ᬭᬶᬂᬚᭂᬂᬗ᭄ᬕ᭄ᬯᬦ᭄ᬳᬶᬭᬢᬸᬧ᭄ᬭᬡ᭄ᬥᬲᬶᬤ᭄ᬥᬶ᭞ᬢᬶᬢ᭄ᬬᬂᬦᬸᬦᬲ᭄‌ᬲ᭄ᬯᬾᬘᬦ᭄ᬭᬢᬸ᭞ᬩᭂᬓ᭄ᬮᬂᬢᬶᬢ᭄ᬬᬂᬫᬜ ᬤ᭄ᬫ᭞ᬢᬸᬗ᭄ᬕᬸᬦ᭄ᬳᬸᬭᬶᬧ᭄‌ᬬᬤᬶᬦ᭄ᬧᬘᬂᬢᭂᬓᬾᬂᬮᬫ᭄ᬧᬸᬲ᭄᭞ᬫᬃᬕ᭄ᬕᬦᬾᬦᭂᬫᬹᬳᬧᬥᬂ᭞ᬫᬗ᭄ᬤᬲᬸᬯᬸᬤ᭄ᬢᬶᬢ᭄ᬬᬂᬧᬮᬶᬂ᭟᭑᭐᭟ᬳᬤᬧ᭄ᬭᬡ᭄ᬥᬮᬶᬦ᭄ᬢᬂᬲ᭄ᬯᬾᬘ᭄ᬘ᭞ᬫᬗᬡ᭄ᬥᬶᬓᬳᬸᬮᬢ᭄ᬕᬸᬬᬸᬢᬫᬦᬶᬲ᭄᭞ᬮᬶᬡ᭄ᬥᬶᬘᬶᬗᬓᬾᬳᬩᬮᬸᬢ᭄᭞ᬢᬸᬃᬳ ᬮᭀᬦ᭄ᬫᬗᬡ᭄ᬥᬶᬓ᭞ᬳᬸᬤᬸᬄᬘᭂᬦᬶᬂᬤᬾᬯᬦ᭄ᬩᬧᬘᬳᬶᬩᬕᬸᬲ᭄᭞ᬢ᭄ᬯᬄᬘᭂᬦᬶᬂᬓᬓᬲᬶᬄᬳᬶᬤ᭞ᬭᬢᬸᬳᬕᬸᬂᬫᬹᬃᬩ᭄ᬪᬾᬂᬪᬸᬫᬶ᭟᭑᭑᭟ᬰᬶᬱ᭄ᬬᬦ᭄ᬩᬧᬢ᭄ᬯᬄᬳᬶᬤᬾᬯ᭞ᬗᬸᬤᬘᭂᬦᬶᬂᬲᭂᬗ᭄ᬕᬸᬳᬂᬭᬕᬦᬾᬧᬮᬶᬂ᭟ᬳᬾᬮᬶᬂᬤᬾᬯᬭᬶᬂᬫᬵᬣᬬᬹ ᬳᬦ᭄ᬤᬾᬬᬂᬩᬧᬓᬤᬶᬩᭂᬦᬂ᭞ᬯᬃᬡ᭄ᬦᬦᬾᬮ᭄ᬬᬸᬯᬶᬢ᭄ᬜᬦᬾᬢ᭄ᬯᬄᬧᭂᬝᬵᬓ᭄‌ᬤᬸᬫᬸᬦ᭄᭞ᬳᬦ᭄ᬤᬾᬬᬂᬓᬫ᭄ᬩᭂᬦ᭄ᬫᬩᬶᬓᬲ᭄᭞ᬫᬸᬮᬦᬾᬬᬩᭂᬦᬂᬚᬢᬶ᭟᭑᭒᭟ᬦᬗ᭄ᬳᬶᬂᬩᬶᬓᬲᬾᬳᬯᬲᬂ᭞ᬫᬸᬮᬗᬘᬸᬄᬭᬱᬦ᭄ᬲᭂᬦᭂᬗᬾᬗᬗ᭄ᬕᭀᬯᬶᬦ᭄᭞ᬳᬶᬧᬗ [᭑᭓ 13A] ᬗ᭄ᬕᬶᬦᬸᬤᬸᬢ᭄ᬓᬬᬸᬦ᭄᭞ᬩᬶᬓᬲᬾᬭᬹᬧᬲᬗ᭄ᬳ᭞ᬬᬾᬦ᭄ᬯᬶᬮᬗᬶᬦ᭄‌ᬘᬢᬹᬃᬫᬸᬮᬲᬦᬾᬧᬢᬹᬢ᭄᭞ᬳᭂᬦ᭄ᬢᭀᬫᬸᬮᬦᬶᬂᬳᬶᬦ᭄ᬤ᭄ᬭᬶᬬ᭞ᬫᬗᭀᬩᬄᬚᬦ᭄ᬫᬦᬾᬲᬫᬶ᭟᭑᭓᭟ᬩᭂᬦᬗᬾᬫᬸᬮᬫᭂᬦᭂᬗᬂ᭞ᬧᬕᭂᬄᬜᬦᬾᬯᬦ᭄ᬢᬄᬳᬲᬶᬓᬶᬲᬸᬚᬢᬶ᭞ ᬩᬶᬓᬲ᭄ᬘᬢᬸᬃᬗᭀᬮᬄᬳᬶᬧᬸᬦ᭄᭞ᬬᬫᬵᬤᬦ᭄ᬧᬜ᭄ᬘᬾᬦ᭄ᬤ᭄ᬭᬶᬬ᭞ᬤᬰᬾᬦ᭄ᬤ᭄ᬭᬶᬬᬭᬚᬄᬢᬫᬄᬢᭂᬕᭂᬲ᭄ᬳᬶᬧᬸᬦ᭄᭞ᬲ᭄ᬫᬭᬦᬾᬫᬯᬓ᭄ᬱᬫᬃ᭞ᬫᬗ᭄ᬮᬶᬧᬸᬢ᭄‌ᬚᬕᬢᬾᬲᬫᬶ᭟᭑᭔᭟ᬍᬢᬸᬳᬾᬤᬶᬳᬯᬓᬢ᭄ᬯᬄᬬ᭞ᬰᬤ᭄ᬭᬶᬧᬸᬤ ᬍᬫᬲᬶᬄᬳᬶᬬᬧᬸᬦᬶᬓᬶ᭞ᬗᬢᬾᬦᬂᬧᬮᬶᬂᬢ᭄ᬯᬄᬳᬶᬧᬸᬦ᭄᭞ᬫᬸᬲᬸᬳᬾᬮ᭄ᬬᬸᬢᭂᬓ᭞ᬳᬦ᭄ᬤᬤᬶᬕ᭄ᬭᬶᬂᬲᬢᬢᬫᬗ᭄ᬕᬯᬾᬫᬸᬲᬸᬄ᭞ᬦ᭄ᬢᭀᬤᬾᬯᬳᬯᬲ᭄ᬧᬶᬲᬦ᭄᭞ᬬᬾᬦ᭄ᬜᬮᬮᬶᬫᬗ᭄ᬭᬵᬭᬦᬶᬦ᭄᭟᭑᭕᭟ᬓ᭄ᬭᬡᬮ᭄ᬬᬸᬚᬦ᭄ᬫᬦᬾᬘᬘᬤ᭄᭞ ᬧᬢᬶᬓᬘᬸᬄᬮᬭᬭᭀᬕᬢᬦ᭄ᬓᬶᬦᬶᬢᬶᬦ᭄᭞ᬲᬓᬶᬂᬧᬓᬃᬤ᭄ᬥᬶᬦ᭄‌ᬢ᭄ᬯᬦ᭄ᬳᬶᬧᬸᬦ᭄᭞ᬢ᭄ᬯᬭᬦᬺᬧ᭄ᬢ᭄ᬬᬂᬳᬕᬫ᭞ᬤ᭄ᬯᬦᬶᬂᬦᬸᬚᬸᬫᬦᬄᬍᬢᬸᬄᬬᬫᬢᭂᬫᬸ᭞ᬓ᭄ᬮᬶᬧᬸᬢ᭄ᬩᬳᬦ᭄ᬭᬚᬄᬢᬫᬄ᭞ᬓᬾᬢᭀᬤᬾᬯᬧᭂᬮᬚᬳᬶᬦ᭄᭟᭑᭖᭟

Auto-transliteration

[12 12B] 12 halasr̥ĕpĕtr̥ĕpĕtkilakkiluk, sikusikuyanhupama, himadhemahatur̀haris. 9. ñadhyatityangngaturangjiwa, ringjĕngnggwanhiratupraṇdhasiddhi, tityangnunasswecanratu, bĕklangtityangmaña dma, tunggunhuripyadinpacangtĕkenglampus, mar̀gganenĕmūhapadhang, mangdasuwudtityangpaling. 10. hadapraṇdhalintangswecca, mangaṇdhikahulatguyutamanis, liṇdhicingakehabalut, tur̀ha lonmangaṇdhika, huduḥcĕningdewanbapacahibagus, twaḥcĕningkakasiḥhida, ratuhagungmūr̀bbhengbhumi. 11. śiṣyanbapatwaḥhidewa, ngudacĕningsĕngguhangraganepaling. helingdewaringmāthayū handeyangbapakadibĕnang, war̀ṇnanelyuwitñanetwaḥpĕṭākdumun, handeyangkambĕnmabikas, mulaneyabĕnangjati. 12. nanghingbikasehawasang, mulangacuḥraṣansĕnĕngenganggowin, hipanga [13 13A] ngginudutkayun, bikaserūpasangha, yenwilangincatūr̀mulasanepatūt, hĕntomulaninghindriya, mangobaḥjanmanesami. 13. bĕnangemulamĕnĕngang, pagĕḥñanewantaḥhasikisujati, bikascatur̀ngolaḥhipun, yamādanpañcendriya, daśendriyarajaḥtamaḥtĕgĕshipun, smaranemawakṣamar̀, mangliputjagatesami. 14. l̥ĕtuhedihawakatwaḥya, śadripuda l̥ĕmasiḥhiyapuniki, ngatenangpalingtwaḥhipun, musuhelyutĕka, handadigringsatatamanggawemusuḥ, ntodewahawaspisan, yenñalalimangrāranin. 15. kraṇalyujanmanecacad, patikacuḥlararogatankinitin, sakingpakar̀ddhintwanhipun, twaranr̥ĕptyanghagama, dwaningnujumanaḥl̥ĕtuḥyamatĕmu, kliputbahanrajaḥtamaḥ, ketodewapĕlajahin. 16.

Leaf 13

Image on Archive.org

[ ᭑᭓ 13B] ᭑᭓ ᬫᬥᬾᬳᬯᬲ᭄ᬫᬢᬸᬃᬲᭂᬫ᭄ᬩᬄ᭞ᬦᬸᬓᬲᬧᬶᬤᬃᬣᬲᬦᬾᬢ᭄ᬯᬶᬫᬪᬸᬓ᭄ᬢᬶ᭞ᬩᬘᬓᬦᬾᬫ᭄ᬯᬱ᭄ᬞᬍᬢᬸᬄ᭞ᬓᬮᬶᬄᬫᬯᬵᬱ᭄ᬞᬳᬸᬢ᭄ᬢᬫ᭞ᬮᬾᬤᬂᬭᬢᬸᬫᬗᭂᬢᬸᬭᬶᬦ᭄ᬢᬶᬢ᭄ᬬᬂᬤᬸᬲᬸᬦ᭄᭞ᬲᬓᬶᬂᬳᬾᬓᬧᬶᬥᬃᬣᬬᬂ᭞ᬫᬗ᭄ᬤᬲᬫ᭄ᬧᬸᬦ᭄‌ᬓᬦ᭄ᬢᬸ ᬦ᭄ᬲᬶᬗᬶᬤ᭄᭟᭑᭗᭟ᬧᬸᬧᬸᬄᬕᬶᬦᬦ᭄ᬢᬶ᭟ᬥᬗ᭄ᬳ᭄ᬬᬂᬲᬶᬤ᭄ᬥᬶᬢ᭄ᬯᬶᬫᬯᬸᬯᬸᬲ᭄᭞ᬬᬦ᭄ᬢᬸᬳᬸᬫᭂᬮᬚᬳᬂᬤᬶᬭᬶ᭞ᬫᬸᬗ᭄ᬕᭂᬮᬶᬦ᭄ᬯᬢᭂᬓ᭄ᬳᬗ᭄ᬓᬭ᭞ᬧᬭᬶᬘᬾᬥᬫᭀᬫᭀᬤᬺᬗ᭄ᬕᬶ᭞ᬦᬾᬳᬲ᭄ᬬᬤᬤᬶᬳᬤᬰ᭞ᬳᬶᬜ᭄ᬘᭂᬧ᭄ᬭᬶᬂᬭᬕᬦᬾᬧᬱ᭄ᬝᬶ᭟᭑᭟ ᬦᬯᬵᬲᬗ᭄ᬳᬯᬱ᭄ᬞᬦ᭄ᬳᬶᬧᬸᬦ᭄᭞ᬦ᭄ᬢᭀᬩᭂᬓᭂᬮᬾᬦᬸᬫᬤᬶ᭞ᬲᬢᬢᬩ᭄ᬭᬢᬦᬾᬳᭂᬫ᭄ᬩᬦ᭄᭞ᬫ᭄ᬯᬄᬫᬚᬮᬦ᭄ᬓᭂᬫᭀᬫᬳᬶ᭞ᬯ᭄ᬬᬤᬶᬦ᭄ᬧᬸᬍᬲ᭄ᬫᬲᬶᬄᬳᬩ᭞ᬢ᭄ᬯᬭᬳᬤᬳᬦᬓ᭄ᬜᬶᬮᬶᬄ᭟᭒᭟ᬓᬸᬧᬶᬗᬾᬓᬦᬦ᭄ᬧᬸᬦᬶᬓᬸ᭞ᬳᭂ ᬦ᭄ᬢᭀᬳᭂᬫ᭄ᬩᬦ᭄ᬳᬧᬂᬲᬳᬶ᭞ᬫᬸᬮᬳᭂᬦ᭄ᬢᭀᬦᬢᬓ᭄ᬱ᭄ᬯᬭ᭞ᬫᬦᬢᬓᬶᬦ᭄‌ᬍᬫᬄᬯᭂᬗᬶ᭞ᬗᬯᬗᬸᬦ᭄‌ᬓ᭄ᬭᭀᬥᬲᬢᬢ᭞ᬳᬯᬓᬾᬢ᭄ᬯᬄᬫᬗᭂᬫᬲᬶᬦ᭄᭟᭓᭟ᬳᬶᬭᬸᬗᬾᬓᬦᬦ᭄ᬧᬸᬦᬶᬓᬸ᭞ᬩᬶᬱᬗᬫ᭄ᬩᬸᬲ᭄ᬬᬂᬮᬢ᭄ᬭᬶ᭞ᬦᬫ᭄ᬧᬶ [ ᭑᭔ 14A] ᬧᭂᬗᬶᬢ᭄ᬳᬮᬶᬤ᭄ᬳᬶᬓᬵ᭞ᬫᬗ᭄ᬮᬦ᭄ᬢᬭᬂᬧᭂᬤᬶᬄᬳᬢᬶ᭞ᬗᬯᭂᬢ᭄ᬯᬂᬧᬭᬶᬘᬾᬤ᭞ᬧᬬᬸᬳᬯᬓᬾᬗᭂᬫᬲᬶᬦ᭄᭟᭔᭟ᬫᬢᬦᬾᬓᬦᬦ᭄ᬧᬸᬦᬶᬓᬸ᭞ᬳᬶᬦ᭄ᬤ᭄ᬭᬶᬬᬦᬾᬲᬳᬶᬓᬢᬫ᭄ᬧᬶ᭞ᬫᬸᬮᬬᬦᬢᬓᬶᬦ᭄ᬤᬸᬓ᭞ᬫᬢᭂᬫ᭄ᬯᬂᬬᬲᬳᬶᬲᬳᬶ᭞ᬲᬗ᭄ᬓ ᬦ᭄ᬤᭂᬫᭂᬦ᭄ᬤᬤᬶᬳᬮ᭞ᬳᬯᬓᬾᬢ᭄ᬯᬄᬫᬗᭂᬫᬲᬶᬦ᭄᭟᭕᭟ᬩᬬᬦᬾᬫᭂᬢᬸᬓᬧᬸᬭᬸᬲ᭄᭞ᬤᬾᬯᬾᬓᬾᬳᭀᬮᬳᬲᬳᬶ᭞ᬗᬚᬓ᭄ᬳᬚᬸᬫ᭄‌ᬬᬲᬢᬢ᭞ᬗᬸᬢᬂᬳᬸᬢᬂᬓᭂᬫᬫᬳᬶ᭞ᬤᬾᬯᬾᬓᬾᬳᬸᬮᬸᬓ᭄ᬳᬸᬮᬸᬓ᭞ᬓ᭄ᬭᬡᬳᬯᬓᬾᬗᭂ ᬫᬲᬶᬦ᭄᭟᭖᭟ᬲᬶᬮᬶᬢᬾᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬜᬫ᭄ᬧᬸᬭᬳᬶᬦ᭄ᬳᬧᬂᬲᬳᬶ᭞ᬦᬕᬶᬄᬤᬕᬶᬗᬶᬦ᭄ᬲᭂᬢᬢ᭞ᬢ᭄ᬯᬭᬤᬤᬶᬧᬘᬂᬳᭂᬫ᭄ᬩᬳᬶᬦ᭄᭞ᬲᬩᬶᬮᬂᬩᭂᬓ᭄‌ᬬᬓᬓᬸᬢᬂ᭞ᬳᬯᬓᬾᬫᬫᬜ᭄ᬚᬓ᭄ᬱᬳᬶ᭟᭗᭟ᬳᬮᬶᬓᬶᬭᬶᬕᬸᬡᬦ᭄ᬳᬶᬧᬸᬦ᭄᭞ ᬢᬮᬶᬗᬓᬶᬭᬶᬕᬸᬡᬦ᭄ᬳᬶᬧᬸᬦ᭄᭞ᬦᬫ᭄ᬧᬶᬲᬃᬯ᭄ᬯᬫᬗᬺᬡᬦᬶᬦ᭄᭞ᬫᬸᬜᬶᬫᬦᬶᬲ᭄‌ᬲ᭄ᬯᬭᬫᭂᬮᬄ᭞ᬦᬾᬗ᭄ᬯᬗᬸᬦᬂᬳᬶᬲᭂᬂᬳᬢᬶ᭞ᬬᬦ᭄ᬳᭂᬦ᭄ᬢᭀᬩᬓᬢ᭄‌ᬢᬸᬳᬸᬢᬂ᭞ᬲᬃᬯ᭄ᬯᬦᬾᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭟᭘᭟ᬳᬶᬭᬸᬗᬾᬓᬶᬭᬶᬲᬸᬓᬦ᭄ᬳᬶᬧᬸᬦ᭄᭞ᬦᬫ᭄ᬧᬶ

Auto-transliteration

[ 13 13B] 13 madhehawasmatur̀sĕmbaḥ, nukasapidar̀thasanetwimabhukti, bacakanemwaṣṭhal̥ĕtuḥ, kaliḥmawāṣṭhahuttama, ledangratumangĕturintityangdusun, sakinghekapidhar̀thayang, mangdasampunkantu nsingid. 17. pupuḥginanti. dhanghyangsiddhitwimawuwus, yantuhumĕlajahangdiri, munggĕlinwatĕk'hangkara, paricedhamomodr̥ĕnggi, nehasyadadihadaśa, hiñcĕpringraganepaṣṭi. 1. nawāsanghawaṣṭhanhipun, ntobĕkĕlenumadi, satatabratanehĕmban, mwaḥmajalankĕmomahi, wyadinpul̥ĕsmasiḥhaba, twarahadahanakñiliḥ. 2. kupingekananpuniku, hĕ ntohĕmbanhapangsahi, mulahĕntonatakṣwara, manatakinl̥ĕmaḥwĕngi, ngawangunkrodhasatata, hawaketwaḥmangĕmasin. 3. hirungekananpuniku, biṣangambusyanglatri, nampi [ 14 14A] pĕngit'halid'hikā, manglantarangpĕdiḥhati, ngawĕtwangpariceda, payuhawakengĕmasin. 4. matanekananpuniku, hindriyanesahikatampi, mulayanatakinduka, matĕmwangyasahisahi, sangka ndĕmĕndadihala, hawaketwaḥmangĕmasin. 5. bayanemĕtukapurus, dewekeholahasahi, ngajak'hajumyasatata, ngutanghutangkĕmamahi, dewekehuluk'huluka, kraṇahawakengĕ masin. 6. silitemangkinkawuwus, ñampurahinhapangsahi, nagiḥdaginginsĕtata, twaradadipacanghĕmbahin, sabilangbĕkyakakutang, hawakemamañjakṣahi. 7. halikiriguṇanhipun, talingakiriguṇanhipun, nampisar̀wwamangr̥ĕṇanin, muñimanisswaramĕlaḥ, nengwangunanghisĕnghati, yanhĕntobakattuhutang, sar̀wwanengĕmpĕnginkuping. 8. hirungekirisukanhipun, nampi

Leaf 14

Image on Archive.org

[ ᭑᭔14B] ᭑᭔ ᬳᬫ᭄ᬩᬸᬲᬃᬯ᭄ᬯᬫᬶᬬᬶᬓ᭄᭞ᬫᬲᬶᬄᬮᭀᬩᬲᬤᬕᬶᬂᬜ᭞ᬓᬤᬾᬦ᭄ᬳᭂᬦ᭄ᬢᭀᬧᬳ᭄ᬬᬲᬼᬯᬶᬄ᭞ᬢᬦ᭄ᬫᬭᬶᬗᬯᬾᬢ᭄ᬬᬂᬳᬸᬢᬂ᭞ᬦᬫᬶᬲᬓᬶᬢ᭄‌ᬲᬳᬶᬲᬳᬶ᭟᭙᭟ᬲᭀᬘᬓᬶᬯᬍᬕᬦ᭄ᬳᬶᬧᬸᬦ᭄᭞ᬲᬢᬢᬬᬫᬲᬂᬳᬓ᭄ᬱᬶ᭞ᬳᬲᬶᬂᬳᬬᬸᬚ᭄ᬯᬓᬫᭂᬍᬤᬂ᭞ ᬳᬲᬶᬂᬳᬰ᭄ᬭᬶᬩᬓᬢᬕᬶᬄ᭞ᬲᬦᬾᬤᬸᬤᬹᬓᬤᬾᬦ᭄ᬕᭂᬮᬄ᭞ᬫᭂᬢᬸᬯᭀᬭᬄᬗᬯᬾᬭᬸᬲᬶᬢ᭄᭟᭑᭐᭟ᬓᬯᬶᬕᬸᬡᬜ᭄ᬘᬗ᭄ᬓᭂᬫ᭄ᬳᬶᬓᬸ᭞ᬫ᭄ᬮᬶᬓᬸ᭞ᬤᬸᬭᬸᬂᬧᬶᬦᭂᬄᬬᬫᬫᬸᬜᬶ᭞ᬫᬜᬓᬶᬢᬶᬦ᭄ᬓᭂᬦᭂᬄᬳᬦᬓ᭄᭞ᬢ᭄ᬯᬭᬤᬤᬶᬳᬚᬓ᭄ᬱᬶᬗᬶᬤ᭄᭞ᬧᭂᬢᭂᬂᬧᬶᬢᬸᬬᬯᬵᬱ᭄ᬞ ᬦ᭄ᬜ᭞ᬫᬫᬶᬖ᭄ᬦᬭᬕᬲᬳᬶ᭟᭑᭑᭟ᬦᬯᬲᬗ᭄ᬳᬲᬵᬫ᭄ᬧᬸᬦ᭄‌ᬧᬸᬧᬸᬢ᭄᭞ᬧᬸᬦᬶᬓᬳᭂᬫ᭄ᬩᬦᬶᬦ᭄ᬲᬫᬶ᭞ᬳᭂᬦ᭄ᬢᭀᬧᬬᬲ᭄ᬦᬾᬳᬸᬢ᭄ᬢᬫ᭞ᬳᬧᬓᬾᬲᭂᬫᬗᬶᬦ᭄ᬩᬸᬤ᭄ᬥᬶ᭞ᬤᬸᬫᬤᬶᬦᬾᬗᬮᬶᬄᬤᬳᬃ᭞ᬦᬾᬢᬶᬤᭀᬂᬩᬓᬢ᭄ᬓᭂᬜ᭄ᬘᬦᬶᬦ᭄᭟᭑᭒᭟ᬧᬧᬬᬲ ᬦ᭄‌ᬲᬸᬩᬧᬸᬧᬸᬢ᭄᭞ᬳᬧᬦᬾᬩ᭄ᬯᬶᬦ᭄ᬳᬶᬫ᭄ᬩᬸᬳᬶᬦ᭄᭞ᬚᭂᬫᭂᬢ᭄ᬳᬾᬯᬗᬮᬶᬄᬤᬳᬃ᭞ᬳᬧᬂᬤᬓᬧ᭄ᬭᬾᬦ᭄ᬢᬄᬲᬳᬶ᭞ᬭᬶᬂᬧᬗᬗ᭄ᬕᭀᬲᬸᬩᬳᬩ᭞ᬦᬯᬲᭀᬗᬾᬬᬲᬸᬚᬢᬶ᭟᭑᭓᭟ᬳᭂᬦ᭄ᬢᭀᬲᬸᬩᬳᬗ᭄ᬕᭀᬦ᭄ᬭᬸᬭᬸᬂ᭞ᬧ᭄ᬮᬧᬦᬶᬦ᭄‌ᬬ [᭑᭕15A] ᬫᬗᭂᬦ᭄ᬳᬲᬶᬦ᭄᭞ᬧᭂᬃᬮᬸᬳᬧᬗᬮᬶᬄᬰᬲ᭄ᬢ᭄ᬭ᭞ᬲᬗ᭄ᬓᬦ᭄ᬜᬦᬾᬲᬸᬩᬳᬸᬦᬶᬗᬶᬦ᭄᭞ᬲᬗ᭄ᬳᬧᬶᬦ᭄ᬤᭀᬬᬧᬸᬦᬶᬓ᭞ᬲᬗ᭄ᬓᬦ᭄ᬳᬓ᭄ᬱᬭᬦᬾᬲᬫᬶ᭟᭑᭔᭟ᬭ᭄ᬯᬪᬶᬦᬾᬥᬦᬾᬓᬯᬸᬯᬸᬲ᭄᭞ᬭ᭄ᬯᬧᬸᬦᬶᬓᬬᬓᬓᬮᬶᬄ᭞ᬪᬶᬦᬾᬥᬬ ᬢ᭄ᬯᬄᬫᭂᬮᬾᬦᬦ᭄᭞ᬳᬾᬤᬦ᭄ᬜᬦᬾᬢᭂᬕᭂᬲ᭄‌ᬧᬮᬶᬂ᭞ᬲᬸᬚᬢᬶᬦᬾᬲᬦᬾᬯᬵᬳ᭄ᬬ᭞ᬲᬃᬯ᭄ᬯᬲᬶᬦᬄᬫᬭᬶᬂᬪᬸᬫᬶ᭟᭑᭕᭟ᬤ᭄ᬬᬢ᭄ᬫᬶᬓᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬤ᭄ᬬᬢ᭄ᬧᬸᬦᬶᬓᬗᬭᬦ᭄ᬢᬶᬦ᭄ᬤᬶᬄ᭞ᬫᬶᬓᬵᬲᬸᬰᬩ᭄ᬤᬗᬭᬦ᭄‌ᬜ᭞ᬧᬕᭂᬄᬫᬭᬶᬂ ᬰᬩ᭄ᬤᬚᬢᬶ᭞ᬲᬸᬓᬮᬶᬮᬫ᭄ᬯᬂᬍᬕᬯ᭞ᬰᬩ᭄ᬤᬚᬢᬶᬢᬦ᭄ᬧᬪᬸᬓ᭄ᬢᬶ᭟᭑᭖᭟ᬤᬸᬫᬤᬓ᭄ᬳᬤᬦᬭᬯᭂᬭᬸᬄ᭞ᬫᬲᬗ᭄ᬕᬫᬦᬾᬲᬸᬚᬢᬶ᭞ᬲ᭄ᬫᬭᬵᬕᬫᬓᬧᬱ᭄ᬞᬶᬓ᭞ᬫᬦᬺᬳᬂᬚᬤ᭄ᬫᬳᬸᬢ᭄ᬢᬫᬶ᭞ᬳᭂᬦ᭄ᬢᭀᬧᬢᭂᬫ᭄ᬯᬦᬾᬓᭀᬘᬧ᭄᭞ᬩᬶᬱ ᬫᬗ᭄ᬭᬳᬬ᭄ᬯᬂᬕᬸᬫᬶ᭟᭑᭗᭟ᬯᬶᬘᬓ᭄ᬱᬡᬢᬸᬃᬬᬩᬕᬸᬲ᭄᭞ᬢᬶᬦᬹᬢ᭄ᬫᬭᬶᬂᬢᬢᬓ᭄ᬭᬫᬶ᭞ᬤᬤᬶᬬᬧᬓ᭄ᬯᬦᬶᬂᬦᬵᬯ᭞ᬓᬸᬚᬂᬚᬦᬶᬫᬢᬸᬳᬸᬢᬶᬦ᭄᭞ᬥᬃᬫ᭄ᬫᬳᭀᬮᬲᬾᬧᬱ᭄ᬞᬶᬬᬂ᭞ᬲᬗ᭄ᬓᬦ᭄ᬳᬦᬓᬾᬫᬓ᭄ᬭᬫᬶ᭟᭑᭘᭟

Auto-transliteration

[ 1414B] 14 hambusar̀wwamiyik, masiḥlobasadagingña, kadenhĕntopahyasl̥ĕwiḥ, tanmaringawetyanghutang, namisakitsahisahi. 9. socakiwal̥ĕganhipun, satatayamasanghaksyi, hasinghayujwakamĕl̥ĕdang, hasinghaśribakatagiḥ, sanedudūkaden'gĕlaḥ, mĕtuworaḥngawerusit. 10. kawiguṇañcangkĕmhiku, mliku, durungpinĕḥyamamuñi, mañakitinkĕnĕḥhanak, twaradadihajaksyingid, pĕtĕngpituyawāṣṭha nña, mamighnaragasahi. 11. nawasanghasāmpunpuput, punikahĕmbaninsami, hĕntopayasnehuttama, hapakesĕmanginbuddhi, dumadinengaliḥdahar̀, netidongbakatkĕñcanin. 12. papayasa nsubapuput, hapanebwinhimbuhin, jĕmĕt'hewangaliḥdahar̀, hapangdakaprentaḥsahi, ringpanganggosubahaba, nawasongeyasujati. 13. hĕntosubahanggonrurung, plapaninya [1515A] mangĕnhasin, pĕr̀luhapangaliḥśastra, sangkanñanesubahuningin, sanghapindoyapunika, sangkanhakṣaranesami. 14. rwabhinedhanekawuwus, rwapunikayakakaliḥ, bhinedhaya twaḥmĕlenan, hedanñanetĕgĕspaling, sujatinesanewāhya, sar̀wwasinaḥmaringbhumi. 15. dyatmikamangkinkawuwus, dyatpunikangarantindiḥ, mikāsuśabdangaranña, pagĕḥmaring śabdajati, sukalilamwangl̥ĕgawa, śabdajatitanpabhukti. 16. dumadak'hadanarawĕruḥ, masanggamanesujati, smarāgamakapaṣṭhika, manr̥ĕhangjadmahuttami, hĕntopatĕmwanekocap, biṣa mangrahaywanggumi. 17. wicakṣaṇatur̀yabagus, tinūtmaringtatakrami, dadiyapakwaningnāwa, kujangjanimatuhutin, dhar̀mmaholasepaṣṭhiyang, sangkanhanakemakrami. 18.

Leaf 15

Image on Archive.org

[ ᭑᭕ 15B] ᭑᭕ ᬤᬶᬚᬳᬮᬶᬄᬤᬶᬚᬭᬸᬭᬸᬄ᭞ᬫᬗ᭄ᬤᬾᬦ᭄ᬜᬦᬾᬦᭂᬫᬸᬩᭂᬘᬶᬓ᭄᭞ᬳᬶᬫᬤᬾᬭᬭᬶᬲ᭄ᬜᬸᬚᬸᬢᬂ᭞ᬳᬶᬤᬋᬱᬶᬫᬜᬳᬸᬭᬶᬦ᭄᭞ᬪᬸᬱᬡᬦᬾᬲᬗ᭄ᬳᬮᬮ᭄ᬬᬂ᭞ᬧᬸᬦᬶᬓᬧᬓ᭄ᬭᬫᬍᬯᬶᬄ᭟᭑᭙᭟ᬲ᭄ᬫᬭᬵᬕᬫᬧᬶᬮᬶᬄᬮᬸᬳᬸᬂ᭞ ᬤ᭄ᬬᬢ᭄ᬫᬶᬓᬳᬗ᭄ᬕᭀᬦᬸᬮᬸᬭᬶᬦ᭄᭞ᬰᬲ᭄ᬢ᭄ᬭᬲᬭᭀᬤᬺᬱ᭄ᬞᬶᬯᬱ᭄ᬞᬦ᭄ᬜ᭞ᬳᬕᭂᬫᬦ᭄‌ᬳᬶᬘᬢᬸᬃᬚᬦ᭄ᬫ᭞ᬦᬶᬓᬲᬸᬓ᭄ᬮᬦᬶᬂᬳᬸᬢ᭄ᬢᬫ᭞ᬲᬶᬂᬳᬋᬧ᭄ᬫᬧᬸᬢ᭄ᬭᬍᬯᬶᬄ᭟᭒᭐᭟ᬲ᭄ᬫᬭᬢᬸᬭᬶᬤᬓᬶᬭᬂᬮᬸᬯᬸᬂ᭞ᬢᭂᬕᭂᬲ᭄ᬜᬦᬾᬲᬧᬸᬦᬶᬓᬶ᭞ ᬬᬦᭂᬭᬯᬫᬭᬶᬂᬧᬢᭂᬫ᭄ᬯᬦ᭄᭞ᬧᬧᬓ᭄‌ᬳᬶᬗᭂᬢᬂᬗᬯᬾᬧᭂᬮᬶᬄ᭞ᬫᬫᬸᬤᬸᬄᬗᬸᬢᬂᬳᬸᬢᬂ᭞ᬳᭂᬦ᭄ᬢᭀᬫᬤᬦ᭄ᬓᬃᬤ᭄ᬥᬶᬦᬾᬧᭂᬮᬶᬄ᭟᭒᭑᭟ᬕᭂᬜ᭄ᬚᬃᬕᭂᬜ᭄ᬚᬶᬃᬫᬶᬜ᭄ᬘᬃᬫᬶᬜ᭄ᬘᬸᬃ᭞ᬢ᭄ᬯᬭᬚᭂᬦᭂᬓ᭄‌ᬦᬫ᭄ᬧᬶᬫᬸᬜᬶ᭞ᬤᬶᬓᬾᬦ᭄ᬢᭀᬦᬾᬦᬜᬾᬦ᭄ ᬲᭂᬮ᭄ᬲᭂᬮᬂ᭞ᬳᬯᬓᬾᬢ᭄ᬯᬄᬗᬃᬤ᭄ᬥᬶᬧᭂᬮᬶᬄ᭞ᬦ᭄ᬢᭀᬤᬾᬯᬚ᭄ᬯᬧ᭄ᬮᬧᬦᬂ᭞ᬢᬸᬢᬸᬭᬾᬚ᭄ᬯᬲᬳᬶᬕᬸᬮᬶᬲ᭄᭟᭒᭒᭟ᬲ᭄ᬫᬭᬦᬮᬦᬾᬓᬯᬸᬯᬸᬲ᭄᭞ᬤᬕᬶᬂᬜᬦᬾᬓᬶᬭᬂᬩᭂᬘᬶᬓ᭄᭞ᬬᬦ᭄ᬳᬯᭀᬃᬜᭂᬩᭂᬢᬂᬳᬦᬓ᭄᭞ᬓᬕᬾᬢ᭄ᬦ [ ᭑᭖ 16A] ᬤᬶᬧᬢᭂᬫᬸᬦᬾᬧᭂᬮᬶᬄ᭞ᬲᬓᬶᬢᬾᬢᬦ᭄ᬳᬦᬮᬦ᭞ᬘᭂᬦ᭄ᬤᭂᬓ᭄ᬢᬸᬯᬸᬄᬲᬂᬤᬸᬫᬤᬶ᭟᭒᭓᭟ᬓᬕᬾᬢ᭄‌ᬓ᭄ᬯᬢ᭄‌ᬳᬶᬤᬸᬧ᭄ᬓᬧᬸᬗ᭄ᬓᬸᬃ᭞ᬳᬶᬤᬸᬧ᭄ᬓᬧᬸᬗ᭄ᬓᬸᬃ᭞ᬢᬸᬯᬸᬄᬯ᭄ᬯᬂᬢ᭄ᬯᬦᬾᬫᬜ᭄ᬚᬓᬶᬦ᭄᭞ᬲᬫ᭄ᬧᬾᬢ᭄ᬯᬓᬭᬶᬳᭂᬫ᭄ᬩᬦ᭄᭞ᬮ᭄ᬬᬸᬩᬮ᭄ᬬᬦᬾᬦᬫ᭄ᬩᬦᬶᬦ᭄᭞ᬤᬢᬫᬶ ᬮᬭᬓᬸᬘᬧᬂ᭞ᬫᬶᬭᬓ᭄ᬦᭂᬤᬸᬄᬫ᭄ᬯᬂᬫᬗᬗ᭄ᬓᬶᬤ᭄᭟᭒᭓᭟ᬓᬧᬶᬂᬘᬢᬸᬃᬜᬓᬯᬸᬯᬸᬲ᭄᭞ᬲ᭄ᬫᬭᬖᬦᬬᬫᬦᬫ᭄ᬧᬶ᭞ᬫᬺᬓᬓ᭄ᬘᬸᬮᬶᬕ᭄‌ᬓᭂᬓᭂᬄᬕᬫᬂ᭞ᬲᬂᬕᬫᬦᬾᬬᬦ᭄ᬫᭂᬦᬤᬶ᭞ᬳᬦᬓ᭄ᬜᬦᬾᬓᬢᬸᬮᬭᬦ᭄᭞ᬤᬗ᭄ᬓᬮ᭄‌ᬜᬾᬩᬩ᭄ᬢᬸᬃᬫᬫᬮᬶᬂ᭟ ᭟᭒᭕᭟ᬗᬤᬸᬤᬬᬤᬶᬦᬶᬤᬶᬢᬸ᭞ᬗ᭄ᬮᬶᬗ᭄ᬕᬘᬬᬦᬾᬢᬦ᭄ᬫᬭᬶ᭞ᬩᬶᬮᬂᬢᭂᬓᬗᬩᬳᬸᬢᬂ᭞ᬫᬚᬸᬤ᭄ᬬᬦ᭄‌ᬬᬍᬫᬄᬯᭂᬗᬶ᭞ᬤᬾᬯᬾᬓᬾᬢ᭄ᬯᬄᬫᬲᭂᬮ᭄ᬲᭂᬮᬦ᭄᭞ᬫᬗᭀᬚᬳᬂᬕᭂᬡ᭄ᬥᬦ᭄‌ᬯᬶᬤ᭄ᬥᬶ᭟᭒᭖᭟ᬧᬶᬂᬧᬜ᭄ᬘᬧᬶᬤᬃᬣᬦ᭄ᬳᬶᬧᬸᬦ᭄᭞ ᬲ᭄ᬫᬭᬳᬸᬦᬦᬦᬾᬢᬸᬯᬶ᭞ᬬᬦ᭄ᬯᭀᬂᬯᬥᬸᬢ᭄ᬯᬭᬲᬸᬓ᭞ᬬᬦᬶᬂᬧᬓ᭄ᬱᬬᬢᬸᬭᭀᬦᬶᬦ᭄᭞ᬩᬬᬸᬲᬶᬗ᭄ᬲᬮ᭄‌ᬬᬫᬦ᭄ᬤ᭄ᬬᬂ᭞ᬳᬲᬮ᭄ᬲᬶᬤ᭄ᬥᬫᬧᬶᬓᭀᬮᬶᬄ᭟᭑᭗᭟ᬫᬦᬶᬲᬮᬄᬯᬱ᭄ᬞᬦ᭄ᬳᬶᬧᬸᬦ᭄᭞ᬲᬶᬂᬜᬲᬥ᭄ᬬᬬᬫᬦᬤᬶ᭞ᬤᬤᬶ

Auto-transliteration

[ 15 15B] 15 dijahaliḥdijaruruḥ, mangdenñanenĕmubĕcik, himaderarisñujutang, hidar̥ĕsyimañahurin, bhuṣaṇanesanghalalyang, punikapakramal̥ĕwiḥ. 19. smarāgamapiliḥluhung, dyatmikahanggonulurin, śastrasarodr̥ĕṣṭhiwaṣṭhanña, hagĕmanhicatur̀janma, nikasuklaninghuttama, singhar̥ĕpmaputral̥ĕwiḥ. 20. smaraturidakirangluwung, tĕgĕsñanesapuniki, yanĕrawamaringpatĕmwan, papak'hingĕtangngawepĕliḥ, mamuduḥngutanghutang, hĕntomadankar̀ddhinepĕliḥ. 21. gĕñjar̀gĕñjir̀miñcar̀miñcur̀, twarajĕnĕknampimuñi, dikentonenañen sĕlsĕlang, hawaketwaḥngar̀ddhipĕliḥ, ntodewajwaplapanang, tuturejwasahigulis. 22. smaranalanekawuwus, dagingñanekirangbĕcik, yanhawor̀ñĕbĕtanghanak, kagetna [ 16 16A] dipatĕmunepĕliḥ, sakitetanhanalana, cĕndĕktuwuḥsangdumadi. 23. kagetkwat'hidupkapungkur̀, hidupkapungkur̀, tuwuḥwwangtwanemañjakin, sampetwakarihĕmban, lyubalyanenambanin, datami larakucapang, miraknĕduḥmwangmangangkid. 23. kapingcatur̀ñakawuwus, smaraghanayamanampi, mr̥ĕkakculigkĕkĕḥgamang, sanggamaneyanmĕnadi, hanakñanekatularan, dangkalñebabtur̀mamaling. . 25. ngadudayadiniditu, nglinggacayanetanmari, bilangtĕkangabahutang, majudyanyal̥ĕmaḥwĕngi, deweketwaḥmasĕlsĕlan, mangojahanggĕṇdhanwiddhi. 26. pingpañcapidar̀thanhipun, smarahunananetuwi, yanwongwadhutwarasuka, yaningpakṣayaturonin, bayusingsalyamandyang, hasalsiddhamapikoliḥ. 17. manisalaḥwaṣṭhanhipun, singñasadhyayamanadi, dadi

Leaf 16

Image on Archive.org

[ ᭑᭖16B] ᭑᭖ ᬯᭂᬓᬯᭂᬢᬸᬲᬗ᭄ᬳᬃ᭞ᬳᬾᬤᬦ᭄‌ᬪᬸᬢᬩᬶᬲᬸᬢᬸᬮᬶ᭞ᬢ᭄ᬯᬭᬤᬤᬶᬬᬳᬚᬃ᭞ᬩᭂᬮᭀᬕ᭄‌ᬲᬶᬕᬸᬕ᭄ᬧᬸᬗ᭄ᬕᬸᬂᬕᬢᬶ᭟᭒᭗᭟ᬬᬦ᭄ᬳᭂᬦ᭄ᬢᭀᬫᬦᬸᬢᬸᬕ᭄ᬢᬸᬢᬸᬃ᭞ᬲᬂᬳᭀᬤᬄᬓᬾᬯᭂᬄᬦᬡ᭄ᬥᬓᬶᬦ᭄᭞ᬫᬓᬭᬸᬡᬲᬃᬯ᭄ᬯᬩᬗ᭄ᬕ᭄ᬭᬲ᭄᭞ᬢᬦ᭄ᬧᬧᬶᬦᭂᬄᬕᭂ ᬫᭂᬲ᭄ᬕᬢᬶ᭞ᬢ᭄ᬯᬭᬍᬓ᭄ᬭᬶᬂᬜᬫᬩ᭄ᬭᬬ᭞ᬲᭀᬮᬄᬮᬓᬸᬢᬦ᭄ᬧᬲᬶᬭᬶᬂ᭟᭒᭙᭟ᬳᬧᬂᬤᬵᬲᬫ᭄ᬧᬾᬓᬤᬸᬭᬸᬲ᭄᭞ᬳᬾᬮᬶᬂᬳᬾᬮᬶᬂᬤᬾᬦ᭄ᬧᬓᬾᬮᬶᬂ᭞ᬳᬗ᭄ᬕᭀᬦ᭄ᬢᬸᬢᬸᬃᬢᬢᬫᬬᬦ᭄᭞ᬧᬶᬲᬸᬓᬦᬶᬦ᭄‌ᬢ᭄ᬭᬸᬡᬢ᭄ᬭᬸᬡᬶ᭞ᬩᬶᬮᬶᬄ ᬩᬶᬱᬫᬜᬸᬲᬸᬧᬂ᭞ᬦᭂᬍᬩᬂᬭᬶᬂᬫᬲᬂᬕᬫᬶ᭟᭓᭐᭟ᬫᬥᬾᬳᬯᬲ᭄ᬭᬭᬶᬲ᭄ᬫᬵᬢᬸᬃ᭞ᬩᭀᬬᬓᬾᬤᬤᭀᬲ᭄ᬢᬫ᭄ᬩᬦᬶᬦ᭄᭞ᬋᬋᬳᬂᬫᬭᬶᬂᬳᬸᬲᬥᬵ᭞ᬭᬶᬂᬩᬕ᭄ᬬᬦ᭄ᬓᭀᬦ᭄ᬢᬾᬗᬾᬫᬮᬶᬄ᭞ᬤᬶᬢᬸᬮᬓᬸᬫᬢᬸᬮᬸᬗᬂ᭞ᬲᬓᬶᬢᬾᬫ ᬗ᭄ᬤᬫᬕᬶᬗ᭄ᬲᬶᬃ᭟᭓᭑᭟ᬲᬂᬲᬥᬓᬭᬭᬶᬲ᭄ᬫᬫᬸᬯᬸᬲ᭄᭞ᬦᭀᬭᬯᬶᬓᬸᬳᬸᬲᬥᬢ᭄ᬯᬶ᭞ᬲᬚᬲᬶᬤ᭄ᬥᬶᬫᬢᬢᬫ᭄ᬩᬦ᭄᭞ᬫᬦᬸᬮᬸᬗᬶᬦ᭄ᬳᬦᬓ᭄ᬳᬸᬭᬶᬧ᭄᭞ᬦᬾᬧᭂᬚᬄᬢᬦ᭄ᬓᬢᬸᬮᬸᬗᬦ᭄᭞ᬫᬘᬶᬳ᭄ᬦᬫᬯᬸᬓᬾᬲᬫᬶ᭟᭓᭒᭟ᬩᬦᬾᬢ᭄ᬯᬭᬩᬶᬱ [ ᭑᭗ 17A] ᬢᬸᬮᬸᬂ᭞ᬭᬶᬂᬲᬦᬾᬓᭂᬜ᭄ᬚᭂᬓᬦ᭄ᬫᬢᬶ᭞ᬫᬮᬸᬬᬵᬳᬶᬬᬫᬳᬮᬶᬳᬦ᭄᭞ᬢᭀᬂᬢᬸᬮᬸᬂᬭᬶᬂᬳᬓ᭄ᬱᬓᬶᬢ᭄᭞ᬫᬓᬾᬯᭂᬳᬶᬦ᭄ᬳᬦᬓ᭄ᬤᬸᬄᬓ᭞ᬲᬸᬩᬮᬘᬹᬃᬩ᭄ᬯᬶᬦ᭄ᬳᭂᬮᬸᬤᬶᬦ᭄᭟᭓᭓᭟ᬫᬮᬶᬄᬗᭀᬦ᭄ᬓᬸᬮᬧᬓᬸᬮᬸᬦ᭄᭞ᬗᬦ᭄ᬢᭂᬦᬂᬲᬂᬩᬶᬗᬸᬂ ᬧᬮᬶᬂ᭞ᬫᬜᬭᬢᬂᬗᬮᬶᬄᬩᬮ᭄ᬬᬦ᭄᭞ᬩᬮ᭄ᬬᬦ᭄ᬓᭀᬦ᭄ᬢᬾᬗᬾᬓᬧᬗ᭄ᬕᬶᬄ᭞ᬥᬗ᭄ᬳ᭄ᬬᬂᬕᬸᬭᬸᬫᬦᬶᬗ᭄ᬕᬭᬂ᭞ᬳᭂᬤᬗᬸᬕᬸᬳᬸᬘᬧᬦ᭄ᬧᬮᬶᬂ᭟᭓᭔᭟ᬓᬮᬶᬗ᭄ᬓᬾᬧᬮᬶᬂᬩᬶᬱᬢᬸᬮᬸᬂ᭞ᬲᬗᬃᬳᬾᬤᬦ᭄‌ᬬᬲᬯᬯᬶ᭞ᬳᬸᬘᬧᬦᬾᬗᬯᬕ᭄ᬳᬯᬕ᭄᭞ ᬤᬢᬵᬳᬸᬘᬧᬂᬜᬓᬶᬢᬶᬦ᭄᭞ᬳᭂᬦ᭄ᬢᭀᬓᬤᭀᬂᬢᭂᬕᭂᬦᬗ᭞ᬳᬸᬫᬳᬾᬳᬸᬯᬸᬕ᭄‌ᬧᬦᬓ᭄ᬫᬢᬶ᭟᭓᭕᭟ᬢᬦ᭄ᬯᬗ᭄ᬤᬾᬬᬲᭂᬤᬶᬄᬗᬸᬦ᭄ᬗᬸᬦ᭄᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦ᭄ᬧᬓᬾᬃᬢ᭄ᬣᬶ᭞ᬤᬢᬤᬢᬬᬲᭂᬮ᭄ᬲᭂᬮᬂ᭞ᬧᬸᬭᬲᬗ᭄ᬕᬄᬬᬳᬫ᭄ᬩᬸ ᬮᬶᬦ᭄᭞ᬜᬫᬳᭀᬮᬲ᭄ᬓᬤᬾᬦ᭄ᬩᭀᬗ᭄ᬕᬦ᭄᭞ᬫᬢᬸᬢᬸᬭᬶᬦ᭄ᬓᭂᬫᬫᬳᬶ᭟᭓᭖᭟ᬳᬦᬾᬦᬹᬢᭂᬍᬩ᭄ᬫᬕᬸᬭᬸ᭞ᬳᬾᬤᬦ᭄ᬩᬮ᭄ᬬᬦ᭄ᬓᭀᬦ᭄ᬢᬾᬗᬾᬲᬳᬶ᭞ᬮᬾᬬᬓ᭄ᬤᬾᬱ᭄ᬞᬶᬓᭀᬘᬧᬗ᭞ᬧᬶᬲᬕᬵᬦᬾᬮᬸᬄᬫᬜᭂᬢᬶᬓ᭄᭞ᬢᬸᬮᬾᬡᬫ

Auto-transliteration

[ 1616B] 16 wĕkawĕtusanghar̀, hedanbhutabisutuli, twaradadiyahajar̀, bĕlogsigugpunggunggati. 27. yanhĕntomanutugtutur̀, sanghodaḥkewĕḥnaṇdhakin, makaruṇasar̀wwabanggras, tanpapinĕḥgĕ mĕsgati, twaral̥ĕkringñamabraya, solaḥlakutanpasiring. 29. hapangdāsampekadurus, helinghelingdenpakeling, hanggontutur̀tatamayan, pisukanintruṇatruṇi, biliḥ biṣamañusupang, nĕl̥ĕbangringmasanggami. 30. madhehawasrarismātur̀, boyakedadostambanin, r̥ĕr̥ĕhangmaringhusadhā, ringbagyankontengemaliḥ, ditulakumatulungang, sakitema ngdamagingsir̀. 31. sangsadhakararismamuwus, norawikuhusadhatwi, sajasiddhimatatamban, manulunginhanak'hurip, nepĕjaḥtankatulungan, macihnamawukesami. 32. banetwarabiṣa [ 17 17A] tulung, ringsanekĕñjĕkanmati, maluyāhiyamahalihan, tongtulungringhakṣakit, makewĕhinhanakduḥka, subalacūr̀bwinhĕludin. 33. maliḥngonkulapakulun, ngantĕnangsangbingung paling, mañaratangngaliḥbalyan, balyankontengekapanggiḥ, dhanghyanggurumaninggarang, hĕdanguguhucapanpaling. 34. kalingkepalingbiṣatulung, sangar̀hedanyasawawi, hucapanengawag'hawag, datāhucapangñakitin, hĕntokadongtĕgĕnanga, humahehuwugpanakmati. 35. tanwangdeyasĕdiḥngunngun, ñĕlsĕlhawaktanpaker̀tthi, datadatayasĕlsĕlang, purasanggaḥyahambu lin, ñamaholaskadenbonggan, matuturinkĕmamahi. 36. hanenūtĕl̥ĕbmaguru, hedanbalyankontengesahi, leyakdeṣṭhikocapanga, pisagāneluḥmañĕtik, tuleṇama

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org