Gaguritan Gelem
This page has been accessed 9,350 times.
Description
Bahasa Indonesia
English
Front and Back Covers
Leaf 1
[ ᭑ 1B]
᭑᭞
᭚ᬧᬗ᭄ᬓᬸᬃ᭚ᬳᬶᬲᭂᬂᬢᬶᬢ᭄ᬬᬂᬜᬭᬶᬢᬬᬂ᭞ᬫᬸᬜᬶᬦ᭄ᬲᬢ᭄ᬯᬳᬶᬓᭂᬢ᭄ᬳᬗ᭄ᬕᭀᬦ᭄ᬧᬗᬯᬶ᭞ᬢᭂᬫ᭄ᬩᬂᬗᬶᬦ᭄ᬩᬦ᭄ᬢᭂᬫ᭄ᬩᬂᬧᬗ᭄ᬓᬸᬃ᭞ᬰ᭄ᬤᭂᬓ᭄ᬤᬶᬢᬢᬢ᭄ᬭᬂ᭞ᬢ᭄ᬯᬭᬵᬮᬾᬦᬦᬾᬫ᭄ᬮᬄᬳᬗ᭄ᬕᭀᬦ᭄ᬧᬗᬜ᭄ᬤᬸᬃ᭞ᬳᬶᬤ᭄ᬯᬕᬸᬂᬧᬸᬢᬺᬢᬸᬘᬧᬂ᭞ᬗᬫ᭄ᬩᬶᬮ᭄ᬧᬸᬢ᭄ᬭᬶᬦᬾᬓᬓᬮᬶᬄ᭟ᬫᬸᬮᬵᬧᬸᬢ᭄ᬭᬶᬳᬶᬓᬵᬢ᭄ᬭᬂ᭞
ᬲᬸᬕᬶᬄᬩᬮᬵᬯᬶᬃᬬ᭄ᬬᬰᬓ᭄ᬢᬶᬢᬦ᭄ᬲᬶᬧᬶ᭞ᬗ᭄ᬩᭂᬓ᭄ᬤᬶᬚᬕᬢᬾᬓᬲᬸᬩ᭄᭞ᬩᬶᬱᬗᬫᬬᬫᬬᬵ᭞ᬢ᭄ᬯᬭᬵᬳᬤᬧᬭᬭᬵᬢᬸᬯ᭄ᬦᬂᬫᬕᬸᬢ᭄᭞ᬧᬦ᭄ᬢᬦᬓ᭄ᬯᭂᬓᬲ᭄ᬯᬶᬤᬕ᭄ᬥᬵ᭞ᬩᬶᬱᬫᬗᬶᬮᬂᬕᬸᬫᬶ᭟ᬲᬓᬵᬮᬳ᭄ᬬᬂᬕᬶᬭᬶᬲᬸᬢᬵ᭞ᬩᬋᬂᬢ᭄ᬓᬾᬦ᭄ᬪᬢᬭᬶᬰᬭᬲ᭄ᬯᬢᬶ᭞ᬤᬶᬳᬢᬢ᭄ᬭᬂᬢᬸᬫᬸᬭᬸ
ᬦ᭄᭞ᬫᬗ᭄ᬤᬤᬶᬧᬸᬢ᭄ᬭᬶᬓᭂᬫ᭄ᬩᬃ᭞ᬢ᭄ᬯᬭᬩᬓᬢ᭄ᬯᬤᭀᬕᭀᬩᬦ᭄ᬜᬦᬾᬧᬢᬸᬄ᭞ᬚ᭄ᬕᬾᬕ᭄ᬦᬸᬮᬸᬲ᭄ᬦ᭄ᬭᬸᬲ᭄ᬫᭂᬮᬄ᭞ᬲᬶᬗᭂᬦᭀᬢ᭄ᬳ᭄ᬬᬢᬸᬬᬂᬧᬮᬶᬂ᭟ᬢ᭄ᬯᬭᬵᬤᬵᬩᬓᬢ᭄ᬓ᭄ᬦᭂᬳᬂ᭞ᬓᬮᬬᭀᬦᬾᬜᬦ᭄ᬤᬂᬗ᭄ᬯᬶᬱ᭄ᬬᬦᬶᬦ᭄ᬕᬸᬫᬶ᭞ᬳᬓᬸᬤᬵᬧ᭄ᬭᬭᬵᬢᬸᬮᬶᬗ᭄ᬮᬸᬂ᭞ᬳᬸᬮᬍᬦ᭄ᬧᬘᬂᬗᬭᬂ᭞ᬬᬾ
ᬦᬶᬧᬓ᭄ᬱᬫᬧᬤᬶᬓ᭄ᬢᭀᬂᬩᬓᬢ᭄ᬭᬸᬭᬸᬄ᭞ᬩᬦ᭄ᬕᬸᬫᬶᬦᬾ ᬗᭂᬦᬳᬶᬮᬂ᭞ᬳᬦᬓ᭄ᬯᬶᬘᬓ᭄ᬱᬡ᭄ᬦᬵᬕᬢᬶ᭟ᬓᬸᬤ᭄ᬬᬂᬧᬘᬂᬫᬦᬬᬦᬂ᭞ᬲᬚᬯ᭄ᬯ᭄ᬦᬶᬂᬫᭂᬦ᭄ᬤᭂᬧ᭄ᬗᭂᬧᭂᬲ᭄ᬫᬗᭂᬮᬶᬂ᭞ᬧ᭄ᬭᬕᬢᬂᬩᬳᬦ᭄ᬤᬸᬳᬸᬄ᭞ᬲᬭᬸᬯᬂᬩᬦ᭄ᬤ᭄ᬓᭂᬲᬦ᭄᭞ᬳᬲᬶᬗ᭄ᬮᬓᬸᬗᬦ᭄ᬢᬶᬗᬶᬜ᭄ᬘᬗᬂᬢᭀᬂ
[ ᭒ 2A]
ᬢ᭄ᬧᬸᬓ᭄᭞ᬓᬸᬤᬸᬢ᭄ᬧᬸᬓ᭄ᬳᬮᬫ᭄ᬳᬮᬫ᭄᭞ᬳᬤᬦ᭄ᬧᬶᬲᬦ᭄ᬥᬵᬗ᭄ᬮᬶᬬᬢᬶᬦ᭄᭟ᬫᬶᬗ᭄ᬓᬶᬦ᭄ᬚᬦᬶᬢᭀᬤᬶᬓᬧᬦ᭄᭞ᬮᬓᬃᬲᬶᬤᬵᬩ᭄ᬯᬶᬦ᭄ᬗᬢ᭄ᬧᬓᬶᬦ᭄᭞ᬳᬦᬓ᭄ᬗᭂᬮᬄᬩᬕᬸᬲ᭄᭞ᬓᭀᬘᬧ᭄ᬳᬸᬮᬶᬓᬸᬭᬶᬧᬦ᭄᭞ᬦᬾᬦᬾᬓᬲᬸᬩ᭄ᬧ᭄ᬭᬚᬸᬭᬶᬢᬹᬃᬚᬬᬾᬂᬲᬢ᭄ᬭᬸ᭞ᬲᬸ
ᬩᬵᬫᬶᬮᬶᬄᬗᬮᬤᬾᬰ᭞ᬜᬾᬦ᭄ᬩᬦᬶᬧᬘᬂᬦᬶᬫ᭄ᬧᬮᬶᬦ᭄᭟ᬳᬓᬾᬢᭀᬫᬸᬜᬶᬜᬗᬭᬂ᭞ᬫᬫᬸᬮᬶᬲᬄᬫᬲᬲᬫ᭄ᬩᬢᬦ᭄ᬲ᭄ᬤᬶᬄ᭞ᬢᭀᬚᬦᬶᬤᬶᬚᬫᬗ᭄ᬭᬸᬭᬸᬄ᭞ᬧᬸᬢ᭄ᬭᬶᬫᬕᭀᬩᬢ᭄ᬬ᭞ᬦᬄᬳᬓᬾᬢᭀᬲᭂᬮ᭄ᬲᭂᬮᬦ᭄ᬭᬚᬦᬾᬮ᭄ᬬᬸ᭞ᬳᬸᬘᬧᬂᬗᬦ᭄ᬢ᭄ᬬᬂᬓᬢᬫ
ᬦ᭄᭞ᬳ᭄ᬬᬂᬲ᭄ᬫᬭᬵᬫᬓᬭᭀᬦ᭄ᬭᬢᬶᬄ᭟ᬳᬧᬦ᭄ᬢᬦᬓ᭄ᬯᭂᬓᬲᬶᬂᬲᬮᬂ᭞ᬫᬓᬤᬤ᭄ᬯᬢ᭄ᬯᬭᬵᬳᬤᬵᬦᬦ᭄ᬤᬶᬗᬶᬦ᭄᭞ᬧᬦ᭄ᬢᭂᬲ᭄ᬧᬧᬲᬶᬳᬾᬳᬦᬸᬢ᭄᭞ᬳᬶᬯᬶᬦ᭄ᬢᭂᬦ᭄ᬓᬾᬦ᭄ᬳᬶᬫᬶᬭᬄ᭞ᬜᬦ᭄ᬤᬂᬳᬗ᭄ᬕᭀᬦ᭄ᬩᬩᬗ᭄ᬕᬦ᭄ᬳᬚᬓ᭄ᬫᬓ᭄ᬮᬗᬸᬦ᭄᭞ᬳᬸᬮᬶᬲ᭄ᬫᭂᬗᬦ᭄ᬫᬤᬩ᭄ᬤᬩ᭄᭞ᬤᬯᬸᬄᬭᭀᬫ
ᬭᬫᬫᬃᬕ᭄ᬕᬶ᭞ᬦᬾᬦᬾᬗᬩᬧᬘᬦᬗᬦ᭄᭞ᬳ᭄ᬬᬂᬳᬶᬮᬶᬭᬶᬂᬩᬋᬂᬢ᭄ᬓᬾᬦ᭄ᬳᬶᬧᬸᬭᬶᬂ᭞ᬳᬶᬜᭂᬜᭂᬃᬢ᭄ᬓᬾᬦ᭄ᬳᬶᬮᬸᬭᬸ᭞ᬦᬾᬗᬩᬲᬧᬸᬢᬗᬦ᭄᭞ᬳ᭄ᬬᬢᬶᬧ᭄ᬭᬸᬤ᭄ᬥᬵᬚᬸᬭᬸᬗᬩᬓ᭄ᬧᭂᬢ᭄ᬩᬸᬮᬸ᭞ᬳᬤᬦᬫ᭄ᬧᬯᬶᬰᬹᬮᬦ᭄᭞ᬓᬢᬫᬦ᭄ᬢᬾᬃᬫᬵᬲ᭄ᬫᬗ᭄ᬭᬭᬶᬲ᭄᭟ᬧᬋᬓ
Auto-transliteration
[ 1 1B]
1
// pangkur̀ // hisĕngtityangñaritayang, muñinsatwahikĕt'hanggonpangawi, tĕmbangnginbantĕmbangpangkur̀, śdĕkditatatrang, twarālenanemlaḥhanggonpangañdur̀, hidwagungputr̥ĕtucapang, ngambilputrinekakaliḥ. mulāputrihikātrang,
sugiḥbalāwir̀yyaśaktitansipi, ngbĕkdijagatekasub, biṣangamayamayā, twarāhadapararātuwnangmagut, pantanakwĕkaswidagdhā, biṣamangilanggumi. sakālahyanggirisutā, bar̥ĕngtkenbhatariśaraswati, dihatatrangtumuru
n, mangdadiputrikĕmbar̀, twarabakatwadogobanñanepatuḥ, jgegnulusnrusmĕlaḥ, singĕnot'hyatuyangpaling. twarādābakatknĕhang, kalayoneñandangngwiṣyanin'gumi, hakudāprarātulinglung, hulal̥ĕnpacangngarang, ye
nipakṣamapadiktongbakatruruḥ, ban'gumine ngĕnahilang, hanakwicakṣaṇnāgati. kudyangpacangmanayanang, sajawwningmĕndĕpngĕpĕsmangĕling, pragatangbahanduhuḥ, saruwangbandkĕsan, hasinglakungantingiñcangangtong
[ 2 2A]
tpuk, kudutpuk'halamhalam, hadanpisandhāngliyatin. mingkinjanitodikapan, lakar̀sidābwinngatpakin, hanakngĕlaḥbagus, kocap'hulikuripan, nenekasubprajuritūr̀jayengsatru, su
bāmiliḥngaladeśa, ñenbanipacangnimpalin. haketomuñiñangarang, mamulisaḥmasasambatansdiḥ, tojanidijamangruruḥ, putrimagobatya, naḥhaketosĕlsĕlanrajanelyu, hucapangngantyangkatama
n, hyangsmarāmakaronratiḥ. hapantanakwĕkasingsalang, makadadwatwarāhadānandingin, pantĕspapasihehanut, hiwintĕnkenhimiraḥ, ñandanghanggonbabangganhajakmaklangun, hulismĕnganmadabdab, dawuḥroma
ramamar̀ggi, nenengabapacanangan, hyanghiliringbar̥ĕngtkenhipuring, hiñĕñĕr̀tkenhiluru, nengabasaputangan, hyatipruddhājurungabakpĕtbulu, hadanampawiśūlan, katamanter̀māsmangraris. par̥ĕkaLeaf 2
[ ᭒ 2B]
᭒᭞
ᬦᬾᬩᬚᬂᬩᬚᬂ᭞ᬲᬦᬾ ᬗᬶᬭᬶᬂᬫᬓ᭄ᬮᬗᭂᬦ᭄ᬮᬗᭃᬕᬢᬶ᭞ᬗᬺᬩᬸᬢ᭄ᬩᬸᬗᬦᬾᬫᬢᬸᬭᬸᬢ᭄᭞ᬧᬤᬫᬦ᭄ᬤᭂᬂᬓᭂᬫ᭄ᬩᬂ᭞ᬫᬳᬶᬬᬸᬭᬦ᭄ᬳ᭄ᬩᭀᬦᬾᬫᬶᬳᬶᬓ᭄ᬫᬗᬮᬸᬩ᭄᭞ᬧᬦ᭄ᬢᭂᬲ᭄ᬢᬫᬦ᭄ᬳ᭄ᬬᬂᬫᬦ᭄ᬫᬱᬵ᭞ᬫ᭄ᬮᬄᬢᭀᬗᭀᬲ᭄ᬫᬓᬭᬲ᭄ᬫᬶᬦ᭄᭟ᬤᬶᬢ᭄ᬗᬄᬢ᭄ᬮᬕᬦᬾᬮᬶᬗ᭄ᬕᬶᬄ᭞ᬫᬶᬲᬶᬕ᭄ᬤᭀᬂᬕ᭄ᬥᬄᬧᬸᬢᬶᬄ
ᬫᬳᬸᬓᬶᬃ᭞ᬍᬃᬳᬮᬸᬲ᭄ᬩᬸᬓᬵᬕ᭄ᬭᬸᬲ᭄᭞ᬳᬶᬍᬳᬦ᭄ᬧᬢᬸᬜ᭄ᬚᬸᬗᬦ᭄᭞ᬕ᭄ᬥᬄᬤᬤᬸᬫᬳᬶᬲᬶᬳᭀᬃᬧ᭄ᬧᬫᬢᬸᬭᬸᬢ᭄᭞ᬲᬯᬃᬡ᭄ᬦᬜᬫᬧᬮᬕᬦ᭄᭞ᬫᬭᬶᬂᬭᬶᬂᬕᬥᬸᬂᬓᬲ᭄ᬢᬸᬭᬶ᭟ᬦᬄᬳᬓᬾᬢᭀᬘᬭᬶᬢᬬᬂ᭞ᬮᬾᬦᬾᬮᭀᬜᬧ᭄ᬦᬾᬓᬂᬤᬶᬧᬗᬧᬶ᭞ᬓᬢᬶᬓ᭄ᬮᬦ᭄ᬢᬦᬄ
ᬕᬭᬸᬂ᭞ᬗᬭᬂᬓᬢᬸᬦᬦ᭄ᬓᬭᬲ᭄᭞ᬩᬳᬦ᭄ᬫ᭄ᬮᬄᬢᬫᬦᬾᬢᭀᬂᬩᬓᬢ᭄ᬳᬧᬸᬲ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬳᬸᬘᬧᬂ᭞ᬫᬓᭂᬮᬗᭂᬦ᭄ᬫᬗᬢᭂᬃᬭᬩᬶ᭟ᬲᬸᬩᬬᬲᬸᬳᬸᬤ᭄ᬫᬧᬬᬲ᭄᭞ᬧᬧᬢᬸᬳᬦ᭄ᬭᬩᬶᬦᬾᬫᬓᬓᬮᬶᬄ᭞ᬫᬓᬫ᭄ᬩᭂᬦ᭄ᬩᬶᬮᬸᬤ᭄ᬭᬸᬥᬥᬸ᭞ᬫᬋᬜᬾᬂᬫᬘ᭄ᬭᬘᬧ᭄᭞ᬲᬩᬸ
ᬓ᭄ᬜᬦᬾᬳ᭄ᬫᬲ᭄ᬓᬓᬯᬢᬦ᭄ᬳᬮᬸᬲ᭄᭞ᬫᬤᬲᬃᬩᬦ᭄ᬲᬸᬢᬺᬕᬥᬂ᭞ᬫᬗᬶᬸᬗᬗ᭄ᬕᭀᬫᬧᬢ᭄ᬭᬰᬭᬶ᭟ᬫᬓᬸᬮᬫ᭄ᬩᬶᬲᬸᬢ᭄ᬭᬵᬲᬫ᭄ᬧᬃ᭞ᬫᬓᬓᭂᬫ᭄ᬩᬂᬫᬓᬜ᭄ᬘᬶᬃᬫᬵᬲ᭄ᬫᬳᬸᬓᬶᬃ᭞ᬫᬧᬶᬡ᭄ᬥᬩᬭ᭄ᬯᬂᬫᬢᬭᬸᬂ᭞ᬫᬲᬗ᭄ᬓᬸᬳᬸᬗ᭄ᬲᬸᬢᬺᬱᬮ᭄᭞ᬢᬗᬶᬳᬮᬸᬲ᭄ᬧᬓᬶᬭᬸᬫ᭄ᬭᬚᬵᬲ
[ ᭓ 3A]
ᬢᬫ᭄ᬩᬸᬮ᭄᭞ᬫᬲᬸᬮᬫ᭄ᬩᬜᬸᬫᬲ᭄ᬢᬶᬫ᭄ᬩᬂ᭞ᬫᬢᬸᬭᬸᬢ᭄ᬗᭂᬜᬸᬤᬂᬳᬢᬶ᭟ᬫᬘᬘᬸᬦ᭄ᬤᬸᬓ᭄ᬩᬸᬗᬦ᭄ᬓ᭄ᬭᬢᬲ᭄᭞ᬫᭂᬫ᭄ᬧᬃᬋᬫ᭄ᬧᬃᬓᬘᬶᬢ᭄ᬣᬫᬵᬲ᭄ᬧᬓ᭄ᬭᬶᬡᬶᬂ᭞ᬳᬶᬤ᭄ᬯᬕᬸᬂᬧᬸᬢᬺᬫᬤᬸᬮᬸᬃ᭞ᬫᬫᬩᬓ᭄ᬬᬓ᭄ᬫᬲᬢ᭄ᬭᬯᬂ᭞ᬓᬳᬦᬸᬢᬂᬢᬸᬢᬶᬂᬘᬘᬸᬡ᭄ᬥᬸᬓᬾᬧᬢᬸᬄ᭞ᬫᬢᬶᬓᬸᬮᬂᬲᬧᬸᬢ᭄ᬲᬸᬢᬺ
᭞ᬲᬮ᭄ᬢᬗᬶᬫᬳᬸᬤᭂᬂᬧᬸᬢᬶᬄ᭟ᬧᬭᬧᬸᬢ᭄ᬭᬦᬾᬫᬓ᭄ᬚᬂ᭞ᬧᬧᬢᬸᬳᬦ᭄ᬳᬦᬸᬢ᭄ᬫᬓ᭄ᬮᬫ᭄ᬩᬶᬧᬸᬢᬶᬄ᭞ᬫᬓᬫ᭄ᬩᭂᬦ᭄ᬕ᭄ᬭᬶᬫ᭄ᬲᬢᬫ᭄ᬩᬸᬮ᭄᭞ᬤᬥᬸᬳᬮᬸᬲ᭄ᬫᬗ᭄ᬭᬜᬩ᭄᭞ᬫᬩᬩᬲᬓ᭄ᬕᬕᬸᬮᬸᬂᬓᬘ᭄ᬬᬮ᭄ᬢ᭄ᬭᬸᬲ᭄᭞ᬫᬳᬸᬤᭂᬂᬩᬢᬶᬓ᭄ᬫᬓᬲᬃ᭞ᬩᬸᬫᬭᬫᬲᬼᬢ᭄ᬲᬫᬶ᭟ᬳᬤᬫᬘᬘᬸᬦ᭄ᬤᬸᬓ᭄ᬧᬸᬤ
ᬓ᭄᭞ᬫᭂᬫ᭄ᬧᬃᬋᬫ᭄ᬧᬃᬩᬦ᭄ᬩᬸᬗᬦ᭄ᬳᬗ᭄ᬕ᭄ᬭᬾᬓ᭄ᬰᬰᬶᬄ᭞ᬳᬤᬫᬮᬮᬾᬦ᭄ᬢᬃᬕᬥᬸᬂ᭞ᬲᬦ᭄ᬤᬢ᭄ᬲᬸᬲᬸᬦ᭄ᬫᬕᬸᬩᬄ᭞ᬩᬬᭂᬫ᭄ᬭᬚᬵᬧᬥᬧᬦ᭄ᬓ᭄ᬧᬮ᭄ᬩᬶᬮᬸᬤ᭄ᬭᬸ᭞ᬕᬫ᭄ᬩᬶᬃᬫᬲᬶᬗ᭄ᬳᬵᬧᬜ᭄ᬚᬭ᭞ᬩᬕᬸᬲ᭄ᬜᬘᬸᬦ᭄ᬥᬸᬓᬂᬢᬦᬭᬶ᭟ᬧᬤᬗᬮᬶᬄᬤᬤ᭄ᬫᭂᬦᬦ᭄ᬗᬮᬧ᭄ᬩᬸᬗᬵᬧᬤᬲᬮᬾᬂᬮᬗ᭄ᬓᬸᬗᬶᬦ᭄᭞ᬳ
ᬤᬫ᭄ᬦᬾᬓ᭄ᬜᭀᬘᭀᬓ᭄ᬢᬜ᭄ᬤᬸ᭞ᬳᬤᬗᬮᬧ᭄ᬢᬾᬃᬫᬯᬵ᭞ᬮᬾᬜ᭄ᬘᬫ᭄ᬧᬓᬵᬳᬶᬤ᭄ᬯᬕᬸᬂᬧᬸᬢᬺᬫᬘ᭄ᬩᬸᬃ᭞ᬗᬮᬧ᭄ᬩᬸᬗᬦ᭄ᬢᬸᬜ᭄ᬚᬸᬂᬳ᭄ᬫᬲ᭄᭞ᬭᬩᬶᬦᬾᬫᬢᬺᬗ᭄ᬕᬡᬳᬶᬦ᭄᭟ᬲᬸᬫᬗ᭄ᬓᬶᬦ᭄ᬫᬯᬸᬯᬸᬄᬭᬭᬲ᭄᭞ᬗᭂᬦᬄᬳᬶᬮᬂᬭᬱᬫᬼᬘᬢ᭄ᬮ᭄ᬬᬢᬶᬦ᭄᭞ᬗᬲᭀᬭᬂᬓᬮ
Auto-transliteration
[ 2 2B]
2
nebajangbajang, sane ngiringmaklangĕnlangögati, ngr̥ĕbutbunganematurut, padamandĕngkĕmbang, mahiyuranhbonemihikmangalub, pantĕstamanhyangmanmasyā, mlaḥtongosmakarasmin. ditngaḥtlaganelinggiḥ, misigdonggdhaḥputiḥ
mahukir̀, l̥ĕr̀halusbukāgrus, hil̥ĕhanpatuñjungan, gdhaḥdadumahisihor̀ppamaturut, sawar̀ṇnañamapalagan, maringringgadhungkasturi. naḥhaketocaritayang, leneloñapnekangdipangapi, katiklantanaḥ
garung, ngarangkatunankaras, bahanmlaḥtamanetongbakat'hapus, hidwagungputrahucapang, makĕlangĕnmangatĕr̀rabi. subayasuhudmapayas, papatuhanrabinemakakaliḥ, makambĕnbiludrudhadhu, mar̥ĕñengmacracap, sabu
kñanehmaskakawatanhalus, madasar̀bansutr̥ĕgadhang, man̶g̶nganggomapatraśari. makulambisutrāsampar̀, makakĕmbangmakañcir̀māsmahukir̀, mapiṇdhabarwangmatarung, masangkuhungsutr̥ĕṣal, tangihaluspakirumrajāsa
[ 3 3A]
tambul, masulambañumastimbang, maturutngĕñudanghati. macacundukbungankratas, mĕmpar̀r̥ĕmpar̀kacitthamāspakriṇing, hidwagungputr̥ĕmadulur̀, mamabakyakmasatrawang, kahanutangtutingcacuṇdhukepatuḥ, matikulangsaputsutr̥ĕ
, saltangimahudĕngputiḥ. paraputranemakjang, papatuhanhanutmaklambiputiḥ, makambĕn'grimsatambul, dadhuhalusmangrañab, mababasakgagulungkacyaltrus, mahudĕngbatikmakasar̀, bumaramasl̥ĕtsami. hadamacacundukpuda
k, mĕmpar̀r̥ĕmpar̀banbunganhanggrekśaśiḥ, hadamalalentar̀gadhung, sandatsusunmagubaḥ, bayĕmrajāpadhapankpalbiludru, gambir̀masinghāpañjara, bagusñacundhukangtanari. padangaliḥdadmĕnanngalapbungāpadasalenglangkungin, ha
damnekñocoktañdu, hadangalapter̀mawā, leñcampakāhidwagungputr̥ĕmacbur̀, ngalapbungantuñjunghmas, rabinematr̥ĕnggaṇahin. sumangkinmawuwuḥraras, ngĕnaḥhilangraṣaml̥ĕcatlyatin, ngasorangkala
