Gaguritan Pandawa Rare

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚ᬅᬯᬶᬖ᭄ᬦᬵᬫᬲ᭄ᬢᬸ᭚ᬲᬶᬦᭀᬫ᭄ᬳᬶᬲᭂᬂᬕᬯᬾᬕᬕᬸᬭᬶᬢᬦ᭄᭞ᬢᭂᬫ᭄ᬩᬂᬲᬶᬦᭀᬫᬸᬦᬶᬩᬮᬶ᭞ᬚᬯ᭄ᬯᬲᭀᬓ᭄ᬳᬗ᭄ᬕᭀᬦ᭄ᬜᬶᬤᬬᬂ᭞ᬳᬶᬤᭂᬧ᭄ᬳᬦᬓᬾᬫᬗ᭄ᬯᬶᬥᬶ᭞ᬓᬢᬢ᭄ᬯᬦ᭄ᬭᬢᬸᬦᬾᬳᬶᬮᬸ᭞ᬦᬾᬧ᭄ᬭᬵ ᬲᬶᬤ᭄ᬥᬵᬦᭂᬋᬳᬂ᭞ᬧᬜ᭄ᬘᬧᬡ᭄ᬥᬯᬦᬾᬲᬫᬶ᭞ᬫᬗ᭄ᬤᬾᬜᬦᬾ᭞ᬢᬢᬲ᭄‌ᬢ᭄ᬓᬾᬦ᭄ᬧᬹᬃᬯ᭄ᬯᬓᬦ᭄ᬥᬵ᭟ᬬᬾᬦ᭄ᬢᭂᬓᬵᬢᬸᬢᬸᬭᬶᬦ᭄ᬲᬢ᭄ᬯ᭞ᬳᬮᬫ᭄ᬳᬮᬫ᭄ᬩᬜᬦᬫ᭄ᬧᬶ᭞ᬫᬫ᭄ᬢᬂᬕᬳᬾᬗ᭄ᬕᭂᬕ᭄ᬯᬦᬶᬦ᭄᭞ᬫᬲᬢ᭄ᬯᬵᬲᬳᬶᬲᬳᬶ᭞ᬱᬮᬜᬫ ᬧ᭄ᬯᬭᬵᬮᬦ᭄ᬢᬸᬤ᭄᭞ᬜᬭᬦ᭄ᬢᬾᬦ᭄ᬓᬦ᭄ᬓᬩᬜ᭄ᬘᬶᬗᬄ᭞ᬡᬸᬳᬹᬃᬫᬫᬘᬵᬫᬦᬹᬮᬶᬲ᭄᭞ᬲᬗ᭄ᬓᬦ᭄ᬢᬸᬢᬸᬭᬶᬦ᭄ᬩᬳᬶᬦ᭄ᬓᬶᬤᬹᬂᬕᬕᬸᬭᬶᬢᬦ᭄᭟ᬳᬤᬵᬋᬓᭀᬯᭀᬭᬦ᭄ᬲᬢ᭄ᬯᬵᬮᬶᬦᬶᬗ᭄ᬳᬵᬤᬶᬧᬃᬯ᭄ᬯ᭞ᬫᬶᬫᬶᬢᬦᬾᬲᬂᬫᬜᬦ᭄ᬢᬦᬬᬂ᭞ᬧᬜ᭄ᬘᬧᬡ᭄ᬥᬯ ᬦᬾᬗᬹᬦᬶ᭞ᬳᬗ᭄ᬳᬶᬂᬢᬾᬳᬸᬮᬶᬬᬶᬲ᭄ᬢ᭄ᬭᬶ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬋᬓᬾᬭᬵᬢᬸ᭞ᬲᬹᬃᬬ᭄ᬬᬯᬗ᭄ᬰᬵᬉᬢ᭄ᬢᬵᬫ᭞ᬳᬕᬸᬗᬾᬫᬜᬓᬺᬯᭂᬃᬢ᭄ᬢᬶ᭞ᬫᬧᬲᬾᬗᬦ᭄ᬧ᭄ᬭᬪᬹᬩᬲᬸᬧᬭᬶᬘᬭᬵ᭟ᬭᬢᬸᬭᬶᬂᬘᬾᬤᬶᬯᬶᬲᬬᬵ᭞ᬓᬲᬸᬩ᭄ [᭒ 2A] ᬯᬶᬰᬾᬱᬢᬸᬃᬰᬓ᭄ᬢᬶ᭞ᬫᬯᬤ᭄ᬯᬢᬦ᭄ᬧᬢᬦ᭄ᬤᬶᬗᬦ᭄᭞ᬫᬕᭂᬳᬂᬓᬤᬃᬫ᭄ᬫᬦ᭄‌ᬬᬸᬓ᭄ᬢᬶ᭞ᬓᬮᬶᬄᬧᬶᬓᬡ᭄ᬥᬦᬫ᭄ᬧᬶ᭞ᬫᬸᬜᬶᬦ᭄ᬲᬮ᭄ᬯᬶᬭᬶᬂᬫᬩᬬᬸ᭞ᬓᭀᬘᬧᬯᬾᬦ᭄ᬢᭂᬦ᭄ᬢᬸᬓᬤ᭄᭞ᬧᬯᬶᬢᭂᬫᬯᬸᬕ᭄ᬓᬧᬸᬭᬶ᭞ᬢᬶᬳᬶᬲᬦ᭄ᬕᬸᬦᬸᬂ᭞ᬓᭀᬮᬵᬕᬶᬭᬶᬢ᭄ᬢᬵᬫ᭟ᬫᬸᬮᬧ ᬲᬩᬦ᭄ᬳᬦ᭄ᬢᬃᬯ᭄ᬯ᭞ᬫᬳᬵᬤᬦ᭄ᬥᬶᬲᬸᬓ᭄ᬢᬶᬫᬢᬶ᭞ᬲᬕᬾᬢ᭄ᬳᬤᬶᬩᬸᬓᬵᬤᬥᬓ᭄᭞ᬳᬶᬬᬾᬳᬾᬫᬯᬸᬕ᭄ᬓᬧᬸᬭᬶ᭞ᬩᬸᬓᬵᬳᬤᬗᭂᬫ᭄ᬧᭂᬢᬶᬦ᭄᭞ᬳᭂᬗ᭄ᬓᭂᬲ᭄ᬧᬳᭂᬫ᭄ᬩᬳᬾᬫᬯᬸᬕ᭄᭞ᬓᬧᬸᬭᬶᬭᬭᬶᬰᬤᬵ᭞ᬲᬂᬧ᭄ᬭᬪᬹᬓᬕ᭄ᬬᬢ᭄ᬫᬗᬓ᭄ᬱᬶ᭞ᬮᬦ᭄ᬢᬲ᭄ᬜᬯᬸᬢ᭄᭞ᬭᬭᬾᬦᬾ ᬓᬚᬓ᭄ᬓᬧᬸᬭᬵ᭟ᬲᬭᬯᬸᬳᬾᬤᬶᬚ᭄ᬭᭀᬧᬸᬭᬵ᭞ᬓᬧ᭄ᬭᬢᬾᬓᬵᬩ᭄ᬘᬶᬓ᭄ᬩᭂᬘᬶᬓ᭄᭞ᬲᭀᬧᬓᬭᬦ᭄ᬭᬚᬵᬧᬸᬢᬺ᭞ᬫᬢᭀᬤᬮᬦ᭄ᬢᬶᬕᬂᬲᬰᬶᬄ᭞ᬓᭀᬘᬧᬲᬸᬩᬓ᭄ᬮᬶᬄ᭞ᬦᬾᬮᬦᬂᬮᬶᬯᬢᬶᬂᬩᬕᬸᬲ᭄᭞ᬓᬮᬸᬫ᭄ᬩ᭄ᬭᬄᬫᬧ᭄ᬲᬾᬗᬦ᭄᭞ᬲᬂᬯ ᬲᬸᬧ᭄ᬭᬥᬦᬵᬭᬭᬶᬲ᭄᭞ᬲᬶᬦᬸᬂᬮᬸᬗ᭄ᬕᬸᬄᬤᬶᬧᬢᬶᬫᬗ᭄ᬓᬸᬦᬵᬕᬭ᭟ᬦᬾᬳᬶᬲ᭄ᬢ᭄ᬭᬶᬳᬬᬸᬦᬾᬮᬶᬯᬢ᭄‌ᬢ᭄ᬯᬭ᭄ᬲᬵᬩᬶᬦᬦᬾᬯᬶᬘᬘᬶ᭞ᬲᬵᬫ᭄ᬧᬸᬦ᭄ᬋᬓᬾᬓᬮᬧ᭄‌ᬯᬶᬸᬕᬵᬃᬯ᭄ᬯ᭞ᬓᬚ᭄ᬜᭂᬗᬵᬂᬧ᭄ᬭᬫᬶᬰ᭄ᬯᬭᬶ᭞ᬲᬂᬕᬶᬭᬶᬓᬵᬓᬓᬰᬶᬄ᭞ᬲᬂᬧ᭄ᬭᬪᬹᬳᬾ

Auto-transliteration

[1 1B] 1 // awighnāmastu // sinomhisĕnggawegaguritan, tĕmbangsinomunibali, jawwasok'hanggonñidayang, hidĕp'hanakemangwidhi, katatwanratunehilu, neprā siddhānĕr̥ĕhang, pañcapaṇdhawanesami, mangdeñane, tatastkenpūr̀wwakandhā. yentĕkātuturinsatwa, halamhalambañanampi, mamtanggahenggĕgwanin, masatwāsahisahi, ṣalañama pwarālantud, ñarantenkankabañcingaḥ, ṇuhūr̀mamacāmanūlis, sangkantuturinbahinkidūnggaguritan. hadār̥ĕkoworansatwālininghādipar̀wwa, mimitanesangmañantanayang, pañcapaṇdhawa nengūni, hanghingtehuliyistri, kocapwentĕnr̥ĕkerātu, sūr̀yyawangśā'uttāma, hagungemañakr̥ĕwĕr̀tti, mapasenganprabhūbasuparicarā. raturingcediwisayā, kasub [2 2A] wiśeṣatur̀śakti, mawadwatanpatandingan, magĕhangkadar̀mmanyukti, kaliḥpikaṇdhanampi, muñinsalwiringmabayu, kocapawentĕntukad, pawitĕmawugkapuri, tihisan'gunung, kolāgirittāma. mulapa sabanhantar̀wwa, mahādandhisuktimati, saget'hadibukādadhak, hiyehemawugkapuri, bukāhadangĕmpĕtin, hĕngkĕspahĕmbahemawug, kapurirariśadā, sangprabhūkagyatmangaksyi, lantasñawut, rarene kajakkapurā. sarawuhedijropurā, kapratekābcikbĕcik, sopakaranrajāputr̥ĕ, matodalantigangsaśiḥ, kocapasubakliḥ, nelanangliwatingbagus, kalumbraḥmapsengan, sangwa supradhanāraris, sinunglungguḥdipatimangkunāgara. nehistrihayuneliwattwarsābinanewicaci, sāmpunr̥ĕkekalapw̶gār̀wwa, kajñĕngāngpramiśwari, sanggirikākakaśiḥ, sangprabhūhe

Leaf 2

Image on Archive.org

[᭒ 2B] ᭒ ᬕᬭᬶᬂᬓᬬᬸᬦ᭄᭞ᬚ᭄ᬜᭂᬓ᭄ᬓᬶᬂᬭᬚᬲ᭄ᬫᬵᬭ᭞ᬢᬦ᭄ᬮᬤ᭄ᬭᬳᬶᬓᬵᬯ᭄ᬗᬶ᭞ᬗᬫᭀᬂᬮᬸᬮᬸᬢ᭄᭞ᬫᬓᬭᭀᬦ᭄ᬳᬶᬚ᭄ᬭᭀᬧᬫᬺᬫᬦ᭄᭟ᬓᭀᬘᬧᬳᬶᬤᬲᬂᬦᬵᬣ᭞ᬲ᭄ᬥᭂᬓ᭄ᬫᬩᬸᬩᬸᬭᬸᬳᬗ᭄ᬳᬶᬂ᭞ᬮᬸᬗᬦᬾᬢ᭄ᬯᬭᬵᬲᬕᬺᬳᬦ᭄᭞ᬲᬂᬕᬶᬭᬶᬓᬵᬦᬸᬤᬶᬧᬸᬭᬶ᭞ᬢ᭄ᬯᬭᬵᬲᬋᬂᬫᬗᬶ᭠ ᬭᬶᬂ᭞ᬢᬦ᭄ᬓᭀᬘᬧ᭄ᬮᬓᬸᬦᬾᬲᬵᬫ᭄ᬧᬸᬦ᭄᭞ᬭᬯᬸᬄᬋᬓᬾᬭᬶᬂᬗ᭄ᬳᬮᬲ᭄᭞ᬲᬂᬧ᭄ᬭᬪᬹᬓᬗ᭄ᬕᭂᬓᬶᬗ᭄ᬳᬢᬶ᭞ᬫ᭄ᬢᬸᬭᬕᬦ᭄‌ᬫᬾᬮᬶᬂᬢ᭄ᬓᬾᬦ᭄ᬲᬂᬗ᭄ᬕᬶᬭᬶᬓᬵ᭟ᬩᬳᬦ᭄ᬓᬳᬬᭀᬦᬾᬮᬶᬯᬢ᭄᭞ᬲᬬᬂᬲᬦ᭄ᬓᬶᬸᬦ᭄ᬧᬘᬂᬓᬮᬳᬶᬦ᭄᭞ᬓᬢᭀᬦ᭄ᬭᬚᬰᬦᬾᬓᭂᬫ᭄ᬩᬂ᭞ᬫᬶᬭᬶᬩ᭄ᬮᬶᬬᬂᬕᬶ᭠ ᬲᬶᬕᬶᬲᬶ᭞ᬕᬥᬸᬗᬾᬩᬩᬃᬢᬗᬶᬦ᭄᭞ᬫᬳᬶᬭᬶᬩ᭄ᬧᬢᬜ᭄ᬚᭂᬓ᭄ᬳᬸᬮᬸ᭞ᬚᬮᬦᬾᬫᬗ᭄ᬮᬶᬤᬂ᭞ᬧᬶᬧᬶᬦᬾᬓᬮᬳᬭᬲ᭄ᬢᬶᬢᬶᬭ᭄᭞ᬦ᭄ᬤᭀᬦ᭄ᬳᬶᬦ᭄ᬳᬶᬸᬦ᭄ᬢᬭᬦ᭄᭞ᬦᬾᬦᬾᬭᬕᬲ᭄ᬓᬧᬦᬲᬦ᭄᭟ᬫᬶᬭᬶᬩ᭄ᬳᬮᬶᬲ᭄ᬫᬗᬺᬗᬹᬯᬂ᭞ᬲᬸᬗᬾᬗᬾᬦᬾᬜᬮᬂᬕᬥᬶᬂ᭞ᬫᬳᬶᬭᬶᬩ᭄ ᬫᭀᬯᬵᬗᬸᬦ᭄ᬢᬸᬓᬂ᭞ᬚᬮᬦᬾᬓ᭄ᬭᬸᬫ᭄ᬭᬸᬫᬫᬜᬶᬂ᭞ᬤᬤᬶᬩᬸᬓᬵᬗᬸᬯᬸᬳᬶᬦ᭄᭞ᬲᬗ᭄ᬕᬮᬗᬶᬢᬾᬫᬗᬺᬫ᭄ᬩᬸᬦ᭄᭞ᬫᬶᬭᬶᬩᭀᬓ᭄ᬫᬕᬫ᭄ᬩᬳᬦ᭄᭞ᬚᬮᬦᬾᬩᬳᬸᬫᬢᬗᬶ᭞ᬧᬸᬗᬸᬦ᭄ᬧᬸᬗᬸᬦ᭄᭞ᬲᬶᬭᬰᬜᬦᬕᬶᬄᬧᬸᬲᬸᬗᬂ᭟ᬓᬢᭀ [᭓ 3A] ᬦ᭄ᬜᬸᬄᬕᬥᬶᬗᬾᬓᭂᬫ᭄ᬩᬃ᭞ᬮᬸᬫ᭄ᬮᬸᬫ᭄ᬜᬮᬂᬩᬸᬓᬵᬲᬗ᭄ᬮᬶᬂ᭞ᬫᬶᬭᬶᬩ᭄ᬲᬸᬲᬸᬓᬓ᭄ᬮᬾᬲᬦᬦ᭄ᬳᭂᬗᬫᬼᬤᬂᬳᬢᬶ᭞ᬢᬶᬳᬶᬂᬕᬥᬶᬗᬾᬤᬤᬶᬦ᭄᭞ᬓ᭄ᬮᬾᬲ᭄ᬓᬸᬧᬓ᭄ᬜᬦᬾᬮᬩᬸᬄ᭞ᬫᬳᬶᬭᬶᬩ᭄ᬭᭀᬲ᭄ᬦᬶᬂᬫᬤ᭄ᬬ᭞ᬧᬸᬲᬸᬄᬓᬓᬸᬗᬾᬫᬳᬶᬭᬶᬩ᭄᭞ᬚ᭄ᬭᬶᬚᬶᬭᬸᬭᬸᬲ᭄᭞ᬫᭂᬧᭂᬲ᭄ᬗᬢᬸ ᬭᬂᬧᬜᬧᬵ᭟ᬳᬫ᭄ᬩᬸᬮ᭄ᬢᭀᬩᬳᬦ᭄ᬗᬸᬘᬧᬂ᭞ᬳᬸᬮᬗᬸᬦ᭄ᬳᬶᬤᬵᬲᬗ᭄ᬳᬚᬶ᭞ᬢᬦ᭄ᬳᬸᬫᬥᬾᬫ᭄ᬢᬸᬓᬫᬵ᭞ᬭᬭᬶᬲ᭄‌ᬕ᭄ᬮᬶᬲ᭄ᬓᬯᬤᬳᬶᬦ᭄᭞ᬤᬯᬸᬦ᭄ᬫᬓᬧᬸᬢ᭄ᬧᬲ᭄ᬢᬶ᭞ᬫᬗ᭄ᬭᬯᭀᬲ᭄ᬭᬯᭀᬲ᭄ᬭᬶᬂᬓᬬᬸᬦ᭄᭞ᬭᬭᬶᬲ᭄ᬳᬶᬤᬵᬫᬘᬶᬗᬓ᭄᭞ᬢᬦ᭄ᬤ᭄ᬯᬳᬤᬓᬢᭀᬦ᭄ᬓᭂᬤᬶ᭠ ᬲ᭄᭞ᬘ᭄ᬮᬂᬫᬗᬶᬦ᭄ᬤᬂᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓᬵ᭟ᬳ᭄ᬦᬾᬳᬶᬩᬓ᭄ᬤᬶᬲ᭄ᬮᬂ᭞ᬳᭀᬮᬲᬶᬜ᭄ᬚᬵᬓᬸᬤᬓᬳᬶ᭞ᬬᬾᬦ᭄ᬲᬶᬂᬳᬶᬩᬢᬸᬮᬸᬲᬸᬓᬵ᭞ᬫᬜᬶᬤᬬᬂᬳᬶᬤᭂᬧ᭄ᬓᬳᬶ᭞ᬳ᭄ᬦᬾᬓᬳᬶᬫᬢᬶᬢᬶᬲ᭄᭞ᬓᬫᬦ᭄ᬓᬳᬶᬦᬾᬬᬵᬮᬩᬸᬄ᭞ᬓ᭄ᬦᬳᬶᬩᬗᬢᬸᬭᬂ᭞ᬢ᭄ᬓᬾᬦ᭄ᬳᬶ ᬤᬵᬧ᭄ᬭᬫᬶᬰ᭄ᬯᬭᬶ᭞ᬳᬧᬂᬩᬳᬸᬓᬢᬫ᭄ᬧᬶᬮᬯᬸᬢ᭄ᬓᬢᬥᬄ᭟ᬫᬳᬢᬸᬃᬳᬶᬓ᭄ᬤᬶᬲ᭄ᬮᬂ᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬲᬗ᭄ᬳᬚᬶ᭞ᬢᬸᬫᬸᬮᬶᬭᬭᬶᬲ᭄ᬦᬭᬶᬫᬵ᭞ᬓᬫᬦᬾᬫᬓᬧᬸᬢ᭄ᬧᬲ᭄ᬢᬶ᭞ᬮᬦ᭄ᬢᬲ᭄ᬫᬓ᭄ᬩᬸᬃᬕ᭄ᬮᬶᬲ᭄᭞ᬫᬦᬗᬮ᭄ᬭᬾᬢ᭄ᬣᬫᬓᬧᬸᬢ᭄᭞ᬗᬶᬦ᭄ᬤᬂᬤᬸᬳᬸᬃᬲ

Auto-transliteration

[2 2B] 2 garingkayun, jñĕkkingrajasmāra, tanladrahikāwngi, ngamonglulut, makaronhijropamr̥ĕman. kocapahidasangnātha, sdhĕkmabuburuhanghing, lunganetwarāsagr̥ĕhan, sanggirikānudipuri, twarāsar̥ĕngmangi‐ ring, tankocaplakunesāmpun, rawuḥr̥ĕkeringnghalas, sangprabhūkanggĕkinghati, mturaganmelingtkensangnggirikā. bahankahayoneliwat, sayangsank̶npacangkalahin, katonrajaśanekĕmbang, miribliyanggi‐ sigisi, gadhungebabar̀tangin, mahiribpatañjĕk'hulu, jalanemanglidang, pipinekalaharastitir, ndonhinh̶ntaran, neneragaskapanasan. mirib'halismangr̥ĕngūwang, sungengeneñalanggadhing, mahirib mowānguntukang, jalanekrumrumamañing, dadibukānguwuhin, sanggalangitemangr̥ĕmbun, miribokmagambahan, jalanebahumatangi, pungunpungun, siraśañanagiḥpusungang. kato [3 3A] nñuḥgadhingekĕmbar̀, lumlumñalangbukāsangling, miribsusukaklesananhĕngaml̥ĕdanghati, tihinggadhingedadin, kleskupakñanelabuḥ, mahiribrosningmadya, pusuḥkakungemahirib, jrijirurus, mĕpĕsngatu rangpañapā. hambultobahanngucapang, hulangunhidāsanghaji, tanhumadhemtukamā, rarisgliskawadahin, dawunmakaputpasti, mangrawosrawosringkayun, rarishidāmacingak, tandwahadakatonkĕdi‐ s, clangmangindangsangprabhūrarisngandikā. hnehibakdislang, holasiñjākudakahi, yensinghibatulusukā, mañidayanghidĕpkahi, hnekahimatitis, kamankahineyālabuḥ, knahibangaturang, tkenhi dāpramiśwari, hapangbahukatampilawutkatadhaḥ. mahatur̀hikdislang, hinggiḥsandikansanghaji, tumulirarisnarimā, kamanemakaputpasti, lantasmakbur̀glis, manangalretthamakaput, ngindangduhur̀sa

Leaf 3

Image on Archive.org

[᭓ 3B] ᭓ ᬕᬭ᭞ᬮ᭄ᬬᬸᬓ᭄ᬤᬶᬲ᭄ᬮᬂᬫᬫᬗ᭄ᬕᬶᬄ᭞ᬓᬲᬶᬦᭂᬗ᭄ᬕᬸᬄ᭞ᬯᬦ᭄ᬢᬄᬧᭀᬮᬶᬄᬩᬩᬓ᭄ᬢᬶᬓ᭄ᬱᬬᬦ᭄᭟ᬮ᭄ᬬᬸᬭᭀᬯᬗᬦᬾᬢ᭄ᬓᬵ᭞ᬫᬗᬺᬩᬸᬢ᭄ᬧᬤᬜᬦ᭄ᬤᭂᬭᬶᬦ᭄᭞ᬤᬤᬶᬓ᭄ᬮᬾᬲ᭄ᬩᬜᬦᬗᬮ᭄᭞ᬓᬫᬦᬾᬮᬩᬸᬄᬓᬧᬲᬶᬄ᭞ᬩᬸᬓᬵᬢᬸᬤᬸᬳᬶᬂᬯᬶᬥᬶ᭞ᬦᬤᬓ᭄ᬳᬤ ᬳ᭄ᬩᬾᬳᬕᬸᬂ᭞ᬳᭂᬦ᭄ᬢᭀᬮᬯᬸᬢ᭄ᬫᬦᬥᬄ᭞ᬓᬫᬦᬾᬮᬩᬸᬄᬓᬰᬶᬄ᭞ᬢᬦ᭄ᬘᬭᬶᬢᬵ᭞ᬮᬓᬸᬦᬾᬳᬶᬓ᭄ᬤᬶᬲ᭄ᬮᬂ᭟ᬚᬦᬶᬳᬤᬮᬾᬦ᭄ᬓᬳᬸᬘᬧ᭄᭞ᬲᭀᬭᭀᬄᬚᬤ᭄ᬫᬵᬯᬂᬓᬓᬶᬮᬶᬓ᭄᭞ᬲ᭄ᬓᬳᬵᬫᬧᬸᬮᬂᬭᬓᬤ᭄᭞ᬗ᭄ᬕᭂᬮᬄᬧᬫᭀᬳᬵᬚᬤᬶᬭᬶ᭞ᬧ᭄ᬭ ᬫᬾᬦᬓ᭄ᬤᬶᬧᬲᬶᬰᬶ᭞ᬯᬦ᭄ᬢᬄᬧᬸᬦᬶᬓᬵᬓᬢᬸᬭᬸᬢ᭄᭞ᬫᬳᬤᬦ᭄ᬲᬂᬤᬰᬩᬮᬵ᭞ᬓᭀᬘᬧᬦᬲ᭄ᬥᭂᬓ᭄ᬯᭂᬗᬶ᭞ᬫᬦ᭄ᬥᬦᬂᬲ᭄ᬓᬳᬵᬫᬧᬸᬮᬂᬭᬓᬤ᭄᭟ᬭᬭᬶᬲ᭄ᬧᬺᬚᬦᬶᬫᬧᬸᬮᬂ᭞ᬭᬓᬤ᭄ᬮᬶᬬᬸᬫᬗ᭄ᬤᭂᬗᬶᬦ᭄᭞ᬭᬓᬤᬾᬫᬸᬮᬵᬓ᭄ᬥᭂᬗᬦ᭄᭞ᬚᬤ᭄ᬫᬵᬧ᭄ᬢᬂᬤᬰᬤᬶ ᬭᬶ᭞ᬫᬦ᭄ᬢᬸᬢ᭄ᬯᬭᬵᬤᬤᬶ᭞ᬫᬓ᭄ᬥᭂᬂᬓᬢᭀᬲᬾᬫᬸᬧᬸᬢ᭄᭞ᬳᬤᬚᬤ᭄ᬫᬵᬲᬢᬸᬲᬦ᭄᭞ᬫᬗ᭄ᬥᭂᬂᬫᬲᬶᬄᬢᭀᬂᬤᬤᬶ᭞ᬗᬲᬶᬲᬶᬬᬂ᭞ᬲᬂᬤᬰᬵᬩᬮᬓᬾᬯᭂᬳᬦ᭄᭟ᬮᬦ᭄ᬢᬲ᭄ᬧᬺᬚᬦᬶᬦ᭄ᬥᬸᬦᬂ᭞ᬲᬚᬤ᭄ᬫᬵᬦᬾᬤᬶᬓᬓᬶᬰᬶᬓ᭄᭞ᬕ᭄ᬮᬶᬲ᭄ᬬᬢ᭄ᬓᬫᬸᬦ᭄ᬢ [᭔ 4A] ᬩᬦ᭄᭞ᬩᬸᬓᬵᬳᬤᬵᬧᬶᬢᬸᬂᬩᬗ᭄ᬲᬶᬢ᭄᭞ᬚᬤ᭄ᬫᬵᬦᬾᬫᬫ᭄ᬩᬋᬗᬶᬦ᭄᭞ᬫᬗ᭄ᬤᭂᬂᬭᬓᬤᬾᬮᬯᬸᬢ᭄᭞ᬤᬤᬶᬬᬵᬗᬲᬶᬲᬶᬬᬂ᭞ᬲᬶᬸᬤᬶᬸᬰᬵᬸᬩᬶᬸᬮᬶᬸᬓᬾᬸᬯᭂᬸᬳᬶᬸᬦ᭄᭟ᬗᭂᬦᬬᬂᬳ᭄ᬩᬾᬳᬩ᭄ᬲᬶᬓ᭄᭞ᬓᬳᬶᬦᬗᬸᬦ᭄᭞ᬳ᭄ᬩᬾᬦᬾᬫᬫᬢᬫᬶᬭᬄ᭟ᬕ᭄ᬥᬾᬦᬾᬓᬩᬶᬦᬵ ᬩᬶᬦᬵ᭞ᬧᬥᬕᬯᭀᬓ᭄ᬱᬶᬂᬦᭂᬧᬸᬓᬶᬦ᭄᭞ᬗᭂᬦ᭄ᬤᬶᬄᬫᬸᬳᬸᬕ᭄ᬫᬢ᭄ᬭᬬᬸᬯᬦ᭄᭞ᬤᬤᬶᬢ᭄ᬥᬸᬦ᭄ᬮᬸᬄᬫ᭄ᬯᬦᬶ᭞ᬘ᭄ᬦᬶᬓ᭄ᬮᬶᬄᬫᬩᬮᬶᬄ᭞ᬳ᭄ᬩᬾᬦᬾᬕ᭄ᬥᬾᬫᬜ᭄ᬚᬸᬓᬸᬃ᭞ᬮᬯᬸᬢ᭄ᬲᬂᬤᬰᬵᬩᬮ᭞ᬫᬗ᭄ᬭᬱᬭᬱᬵᬤᬶᬳᬢᬶ᭞ᬧᬢᬸᬢ᭄ᬳᬶᬧᬸᬦ᭄᭞ᬓᬳᬢᬸᬃᬭᬶᬂᬪᬵᬲᬂᬦᬵᬣ᭞ᬩᬳᬦᬾᬩ ᬲ᭄ᬓᬩᬶᬦᬯᬵ᭞ᬮᬦ᭄ᬢᬲ᭄ᬦᬸᬦ᭄ᬤᬾᬦ᭄ᬗᬩᬫᬸᬮᬶᬄ᭞ᬦᬾᬩᬾᬜ᭄ᬚᬂᬧ᭄ᬭᬬᬗᬢᬸᬭᬂ᭞ᬩᬳᬦᬾᬳᬮᬗᬦ᭄ᬯᭂᬗᬶ᭞ᬢᬦ᭄ᬓᭀᬘᬧᬦᬾᬚᬦᬶ᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬲᬶᬤ᭄ᬥᬵᬭᬯᬸᬄ᭞ᬚᬸᬫᬄᬲᬂᬤᬰᬵᬩᬮᬵ᭞ᬳ᭄ᬩᬾᬦᬾᬓᬧ᭄ᬭᬬᬢ᭄ᬦᬳᬶᬦ᭄᭞ᬦᭀᬗᭀᬲ᭄ᬥᬶ ᬦᬢᬄᬲᬗ᭄ᬕᬳᬾᬫᬧᬭᬶᬓ᭄ᬱᬵ᭟ᬤᬾᬦᬶᬂᬩᬾᬫᬸᬮᬵᬉᬢ᭄ᬢᬵᬫ᭞ᬓᬢᬢ᭄ᬯᬦ᭄ᬜᬦᬾᬭᬶᬗᬹᬦᬶ᭞ᬯᬶᬤ᭄ᬬᬤᬭᬶᬓ᭄ᬦᬵᬲᬧᬵ᭞ᬚᬦᬶᬧᬳᬶᬗᬦᬦ᭄ᬫᬸᬮᬶᬄ᭞ᬢᬦ᭄ᬧᬓᬭᬡᬵᬧᭀᬮᬶᬄ᭞ᬫᬦᬥᬄᬓᬫᬦ᭄ᬲᬂᬧ᭄ᬭᬪᬹ᭞ᬳᬯᬦᬜᬓᬲᬧᬵ᭞

Auto-transliteration

[3 3B] 3 gara, lyukdislangmamanggiḥ, kasinĕngguḥ, wantaḥpoliḥbabaktikṣayan. lyurowanganetkā, mangr̥ĕbutpadañandĕrin, dadiklesbañanangal, kamanelabuḥkapasiḥ, bukātuduhingwidhi, nadak'hada hbehagung, hĕntolawutmanadhaḥ, kamanelabuḥkaśiḥ, tancaritā, lakunehikdislang. janihadalenkahucap, soroḥjadmāwangkakilik, skahāmapulangrakad, nggĕlaḥpamohājadiri, pra menakdipasiśi, wantaḥpunikākaturut, mahadansangdaśabalā, kocapanasdhĕkwĕngi, mandhanangskahāmapulangrakad. rarispr̥ĕjanimapulang, rakadliyumangdĕngin, rakademulākdhĕngan, jadmāptangdaśadi ri, mantutwarādadi, makdhĕngkatosemuput, hadajadmāsatusan, mangdhĕngmasiḥtongdadi, ngasisiyang, sangdaśābalakewĕhan. lantaspr̥ĕjanindhunang, sajadmānedikakiśik, glisyatkamunta [4 4A] ban, bukāhadāpitungbangsit, jadmānemambar̥ĕngin, mangdĕngrakadelawut, dadiyāngasisiyang, s̶d̶śāub̶l̶keuwĕuh̶n. ngĕnayanghbehabsik, kahinangun, hbenemamatamiraḥ. gdhenekabinā binā, padhagawoksyingnĕpukin, ngĕndiḥmuhugmatrayuwan, daditdhunluḥmwani, cnikliḥmabaliḥ, hbenegdhemañjukur̀, lawutsangdaśābala, mangraṣarasyādihati, patut'hipun, kahatur̀ringbhāsangnātha, bahaneba skabinawā, lantasnundenngabamuliḥ, nebeñjangprayangaturang, bahanehalanganwĕngi, tankocapanejani, sagetsāmpunsiddhārawuḥ, jumaḥsangdaśābalā, hbenekaprayatnahin, nongosdhi nataḥsanggahemapariksyā. deningbemulā'uttāma, katatwanñaneringūni, widyadariknāsapā, janipahingananmuliḥ, tanpakaraṇāpoliḥ, manadhaḥkamansangprabhū, hawanañakasapā,

Leaf 4

Image on Archive.org

[᭔ 4B] ᬩ᭄ᬮᬶᬂᬫᬦᬓ᭄ᬧᬭᬚᬦᬶ᭞ᬫᬶᬚᬶᬮ᭄ᬭᬭᬾ᭞ᬮᬸᬄᬫᭀᬯᬦᬶᬫᬓᬭᭀᬦᬦ᭄᭟ᬲᬳᭂᬫ᭄ᬩᬲ᭄ᬭᬭᬾᬦᬾᬤᬤ᭄ᬯ᭞ᬳ᭄ᬩᬾᬦᬾᬫᭀᬓ᭄ᬢᬄᬧ᭄ᬭᬚᬦᬶ᭞ᬯᬮᬸᬬᬵᬫᬦ᭄ᬢᬸᬓᬶᬂᬰ᭄ᬯᬃᬕ᭄ᬖᬦ᭄᭞ᬫᬮᬶᬄᬤᬤᭀᬲ᭄ᬯᬶᬥ᭄ᬬᬤᬭᬶ᭞ᬓᭀᬘᬧ᭄ᬤᬶᬦᬦᬾᬫᬦᬶ᭞ᬲᬂᬤᬰᬩᬮᬵᬳ᭄ᬦᬸ ᬭᬸᬧᬸᬢ᭄᭞ᬫᬜᬕ᭄ᬚᬕᬶᬦ᭄ᬓᬲᬸᬗ᭄ᬕᬄ᭞ᬲᬕᬾᬢ᭄ᬓᬢᭀᬦ᭄ᬳᬦᬓ᭄ᬘᭂᬦᬶᬓ᭄᭞ᬩᬯᬸᬍᬓᬤ᭄᭞ᬮᬸᬄᬫ᭄ᬯᬦᬶᬫᬓᬭᭀᬦᬦ᭄᭟ᬤᬶᬮᬳᬤ᭄ᬩᬾᬦᬾᬫᬕ᭄ᬦᬄ᭞ᬢ᭄ᬯᬭ᭄ᬲᬵᬚᬤ᭄ᬫᬵᬫᬦᭀᬗᭀᬲᬶᬦ᭄᭞ᬲᬂᬤᬰᬩᬮᬵᬓᬾᬫᭂᬗᬦ᭄᭞ᬫᬗ᭄ᬭᬱᬭᬱᬵᬤᬶᬳᬢᬶ᭞ᬩ ᬬᬓᬤᬤᬾᬦ᭄‌ᬍᬯᬶᬄ᭞ᬮᬦ᭄ᬢᬲ᭄ᬫᬗᬾᬗ᭄ᬕᬮᬂᬜᬯᬸᬧ᭄᭞ᬭᬭᬾᬦᬾᬫᬓᬤᬤ᭄ᬯ᭞ᬕ᭄ᬮᬶᬲ᭄ᬓᬢᬸᬭᬂᬓᬧᬸᬭᬶ᭞ᬭᬶᬂᬲᬂᬧ᭄ᬭᬪᬸ᭞ᬲᬧ᭄ᬭᬢᬶᬗ᭄ᬓᬳᬾᬓᬢᬸᬭᬂ᭟ᬲᬂᬧ᭄ᬭᬪᬹᬳᬾᬕᬭᬸᬂᬘᬶᬢᬵ᭞ᬫᬾᬮᬶᬂᬲᬧᭀᬮᬳᬾᬗᬹᬦᬶ᭞ᬤᬸᬓᬾᬫᬢᬶᬢᬶᬧᬂᬓᬫᬵ᭞ᬓ ᬳᬢᬸᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬤᬤᬸᬯᬜᬢ᭄ᬯᬭᬵᬢᭀᬦ᭄ᬤᬶᬄ᭞ᬓᬫᬦᬾᬢ᭄ᬯᬭᬓᬳᬢᬸᬃ᭞ᬭᬶᬂᬳᬶᬤᬧ᭄ᬭᬫᬾᬰ᭄ᬯᬃᬬ᭄ᬬ᭞ᬩᬬᬢ᭄ᬯᬭᬮᬾᬦ᭄ᬓᭀᬤᬤᬶ᭞ᬭᬭᬾᬤᬤ᭄ᬯ᭞ᬮᬸᬄᬫ᭄ᬯᬦᬶᬫᬩᬋᬗᬦ᭄᭟ᬲᬂᬧ᭄ᬭᬪᬹᬳᬕ᭄ᬮᬶᬲ᭄ᬦᬭᬶᬫᬵ᭞ᬭᬭᬾᬦᬾᬭᬭᬶ [᭕ 5A] ᬲ᭄ᬓᬳᬩᬶᬦ᭄᭞ᬢᬸᬫᬸᬮᬶᬳᬮᭀᬦ᭄ᬗᬦ᭄ᬤᬶᬓᬵ᭞ᬳᬶᬭᬢᬾᬲᬸᬩᬫᬦᬫ᭄ᬧᬶ᭞ᬳ᭄ᬦᬾᬭᬭᬾᬦᬾᬫ᭄ᬯᬦᬶ᭞ᬧᬘᬂᬳᬶᬭᬵᬧ᭄ᬬᬦᬓ᭄ᬢᬸᬳᬸ᭞ᬦᬾᬳ᭄ᬮᬸᬄᬳᬶᬭᬵᬫ᭄ᬩᬳᬂ᭞ᬲᬂᬤᬰᬩᬮᬵᬦᬶᬢᬾᬦᬶᬦ᭄᭞ᬳᬧᬂᬫ᭄ᬮᬄᬳᬗ᭄ᬕᭀᬦ᭄ᬧ᭄ᬬᬦᬓ᭄ᬢᬸᬢᬸᬯᬶᬬᬦ᭄᭟ᬫ᭠ ᬳᬵᬢᬸᬃᬳᬶᬤᬰᬩᬮᬵ᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬲᬂᬗ᭄ᬳᬚᬶ᭞ᬢᬸᬫᬸᬮᬶᬫᬧᬫᬶᬢ᭄ᬩᬸᬤᬮ᭄᭞ᬳᬾᬕᬃᬲᬳᬶᬲᬶᬦᬶᬂᬧᬸᬭᬶ᭞ᬮᬸᬫ᭄ᬩ᭄ᬭᬄᬯᬺᬢᬦᬾᬚᬦᬶ᭞ᬬᬦ᭄ᬋᬓᬾᬳᬶᬤᬵᬲᬂᬧ᭄ᬭᬪᬹ᭞ᬫᭀᬮᬶᬄᬧᬸᬢ᭄ᬭᬯᬸᬢ᭄ᬢᬫᬵ᭞ᬓᬧ᭄ᬭᬢᬾᬓᬧᬭᬫᬗ᭄ᬓᬶᬦ᭄ ᭞ᬲᬧ᭄ᬭᬢᬾᬓᬦ᭄ᬭᬭᬾᬯ᭄ᬓᬵᬲᬹᬃᬬ᭄ᬬᬯᬗ᭄ᬰᬵ᭟ᬢᬸᬫᬸᬮᬶᬭᬭᬶᬲ᭄ᬓᬦᬸᬕ᭄ᬭᬳᬦ᭄᭞ᬧᬲᬾᬗᬦ᭄ᬲᬂᬫᬢ᭄ᬲ᭄ᬬᬧᬢᬶ᭞ᬲᬮᬸᬳᬸᬭᬾᬓᬚ᭄ᬦᭂᬗᬂ᭞ᬭᬢᬸᬫᬫᭂᬗ᭄ᬓᬸᬦᬵᬕᬭᬶ᭞ᬤᬶᬯᬶᬭᬢ᭄ᬢᬫᬮᬶᬗ᭄ᬕᬶᬄ᭞ᬓᬲᬸᬂᬲᬸᬂᬫᬯᬤ᭄ᬯᬮᬶᬬᬸ᭞ᬳᭂᬦ᭄ᬢᭀᬧ᭄ᬭᬪᬹᬯᬶᬭᬣᬵ ᭞ᬓᬢᬶᬕᬧᬸᬢ᭄ᬭᬦᬾᬢᬺᬲᬶᬄ᭞ᬦᬾᬓᬲᬫ᭄ᬩᬸᬢ᭄᭞ᬤᬸᬓ᭄ᬧ᭄ᬭᬗᬾᬤᬶᬩ᭄ᬭᬢᬬᬸᬤᬵ᭟ᬢᬦ᭄ᬓᭀᬘᬧ᭄ᬳᬶᬤᬵᬲᬂᬦᬵᬣ᭞ᬩᬲᬸᬧᬭᬶᬘᬭᬫᬮᬶᬄ᭞ᬳᬸᬘᬧᭂᬦ᭄ᬲᬂᬤᬰᬩᬮᬵ᭞ᬮ᭄ᬬᬳᬶᬤᭂᬧᬾᬢᬦ᭄ᬲᬶᬧᬶ᭞ᬮᬸᬄᬫᭀᬯᬦᬶᬧᬺᬚᬦᬶ᭞ᬫ᭄ᬭ

Auto-transliteration

[4 4B] blingmanakparajani, mijilrare, luḥmowanimakaronan. sahĕmbasrarenedadwa, hbenemoktaḥprajani, waluyāmantukingśwar̀gghan, maliḥdadoswidhyadari, kocapdinanemani, sangdaśabalāhnu ruput, mañagjaginkasunggaḥ, sagetkatonhanakcĕnik, bawul̥ĕkad, luḥmwanimakaronan. dilahadbenemagnaḥ, twarsājadmāmanongosin, sangdaśabalākemĕngan, mangraṣarasyādihati, ba yakadadenl̥ĕwiḥ, lantasmangenggalangñawup, rarenemakadadwa, gliskaturangkapuri, ringsangprabhu, sapratingkahekaturang. sangprabhūhegarungcitā, melingsapolahengūni, dukematitipangkamā, ka haturingpramiśwari, daduwañatwarātondiḥ, kamanetwarakahatur̀, ringhidaprameśwar̀yya, bayatwaralenkodadi, raredadwa, luḥmwanimabar̥ĕngan. sangprabhūhaglisnarimā, rarenerari [5 5A] skahabin, tumulihalonngandikā, hiratesubamanampi, hnerarenemwani, pacanghirāpyanaktuhu, nehluḥhirāmbahang, sangdaśabalānitenin, hapangmlaḥhanggonpyanaktutuwiyan. ma‐ hātur̀hidaśabalā, hinggiḥsandikansangnghaji, tumulimapamitbudal, hegar̀sahisiningpuri, lumbraḥwr̥ĕtanejani, yanr̥ĕkehidāsangprabhū, moliḥputrawuttamā, kapratekaparamangkin , sapratekanrarewkāsūr̀yyawangśā. tumulirariskanugrahan, pasengansangmatsyapati, saluhurekajnĕngang, ratumamĕngkunāgari, diwirattamalinggiḥ, kasungsungmawadwaliyu, hĕntoprabhūwirathā , katigaputranetr̥ĕsiḥ, nekasambut, dukprangedibratayudā. tankocap'hidāsangnātha, basuparicaramaliḥ, hucapĕnsangdaśabalā, lyahidĕpetansipi, luḥmowanipr̥ĕjani, mra

Leaf 5

Image on Archive.org

[᭕ 5B] ᭕ ᬢᬾᬓᬭᬭᬾᬦᬾᬳᬶᬚᬸ᭞ᬫᬢ᭄ᬮᬸᬩᬸᬮᬦ᭄ᬫᬳᭀᬢᭀᬦ᭄᭞ᬕ᭄ᬦᭂᬧ᭄ᬲᬧ᭄ᬭᬢᬾᬓᬵᬲᬫᬶ᭞ᬓᬘᬭᬶᬢ᭞ᬲᬸᬩᬢᬸᬢᬸᬕ᭄ᬓᭂᬮᬶᬄᬤ᭄ᬳᬵ᭟ᬭᬸᬧᬦᬾᬓᬩᬶᬦᬩᬶᬦᬵ᭞ᬳᬬᬸᬦᬾᬢ᭄ᬯᬭᬦᬦ᭄ᬤᬶᬗᬶᬦ᭄᭞ᬓᬤᬶᬕᬫ᭄ᬩᬃᬯᬯᬗᬸᬦᬦ᭄᭞ᬳᬗ᭄ᬳᬶᬂᬘᬾᬤᬦᬾᬳᬩ᭄ᬲᬶᬓ᭄ ᭞ᬳ᭄ᬩᭀᬦᬾᬩᬗᭂᬲ᭄ᬳᬮᬶᬤ᭄᭞ᬲ᭄ᬮᬢ᭄ᬲᬢᬸᬲ᭄ᬤ᭄ᬧᬵᬫᬫ᭄ᬩᬸ᭞ᬳᬾᬫᭂᬂᬲᬂᬤᬰᬩᬮᬵ᭞ᬫᬓ᭄ᬦᭂᬳᬦ᭄ᬮᬸᬄᬫ᭄ᬯᬦᬶ᭞ᬩᬦᬾᬮᬶᬯᬢ᭄ᬳᬬᬸᬫᬲᬶᬄᬗ᭄ᬮᬄᬘᬾᬤ᭄ᬥᬵ᭟ᬚᬦᬶᬮᬯᬸᬢ᭄ᬗᬮᬸᬫ᭄ᬩ᭄ᬭᬳᬂ᭞ᬫᬳᬤᬦ᭄ᬲᬂᬤᬹᬃᬕ᭄ᬖᬡ᭄ᬥᬶ᭞ᬦᬶᬓᬧ᭄ᬚᬂᬤᬶᬲᬶᬲᬶᬦ᭄ᬢᬸᬓᬤ᭄᭞ ᬳᬶᬬᬫᬸᬦᬦᬾᬧᬤᬤᬶᬳᬶ᭞ᬢ᭄ᬓᬾᬦ᭄ᬲᬫ᭄ᬧᬦᬵᬩ᭄ᬲᬶᬓ᭄᭞ᬩᬮᬾᬫᬧᭂᬤᭂᬫᬦ᭄ᬳᬩᬸᬗ᭄ᬓᬸᬮ᭄᭞ᬲᬳᬵᬫᬸᬜᬶᬜᭂᬲᭂᬤᬂ᭞ᬳ᭄ᬦᬾᬧ᭄ᬬᬦᬓ᭄ᬩᬧᬜᬳᬶ᭞ᬳᬧᬂᬫ᭄ᬮᬄᬤᬶᬦᬶᬧᬢᬧᬬᬂᬳᬯᬓ᭄᭟ᬲᬶᬜᬳᬤᬳᬦᬓ᭄ᬳᭀᬮᬲ᭄᭞ᬧᬘᬂᬫᬗᬸᬩ ᬤᬶᬦ᭄ᬜᬳᬶ᭞ᬗᬶᬮᬗᬂᬩᭀᬦᬾᬫᬍᬓᬤ᭄᭞ᬳᭂᬦ᭄ᬢᭀᬜᬦ᭄ᬤᬂᬢᭀᬗᭀᬲ᭄ᬜᬳᬶ᭞ᬫᬧᬦᬯᬸᬭᬦ᭄ᬬᬤᬶᬦ᭄᭞ᬳᬗ᭄ᬕᭀᬦ᭄ᬯᬳᬸᬫᬄᬳᬲᬸᬦ᭄ᬤᬸᬓ᭄᭞ᬘᬶᬭᬶᬦ᭄ᬳᬦᬓ᭄ᬳᬸᬢ᭄ᬢᬫᬵ᭞ᬜᬦ᭄ᬤᬂᬢᭀᬲ᭄‌ᬰ᭄ᬭᬸᬲᬩᬓ᭄ᬢᬶ᭞ᬳᬧᬦ᭄ᬳᬦᬓ᭄ᬳᭀᬮᬲ᭄ᬫ [᭖ 6A] ᬗᭂᬦ᭄ᬢᬲᬂᬫᬮᬵ᭟ᬦᬾᬚᬦᬶᬩᬧᬵᬫᬫ᭄ᬩᬳᬂ᭞ᬧᬲᬗᬸᬦ᭄ᬜᬳᬶᬦᬾᬤᬶᬦᬶ᭞ᬓᬫᬸᬮᬦ᭄ᬩᬦ᭄ᬲᬫ᭄ᬧᬦ᭄ᬳᬦ᭄ᬤ᭞ᬳᭂᬦ᭄ᬢᭀᬲᬸᬩᬳᬗ᭄ᬕᭀᬦ᭄ᬗᬮᬶᬄ᭞ᬧᬗᬸᬧᬚᬶᬯ᭄ᬯᬵᬲᬳᬶ᭞ᬲᬦᬗ᭄ᬓᭂᬦ᭄ᬳᬶᬬᬾᬳᬾᬕᭂᬦ᭄ᬢᬸᬄ᭞ᬲᬫ᭄ᬧᬦᬾᬳᬗ᭄ᬕᭀᬦ᭄ᬗᬸᬜ᭄ᬚᬮ᭄᭞ᬧᭂᬦ᭄ᬢᬲᬦᬾ ᬮᬸᬄᬫ᭄ᬯᬦᬶ᭞ᬤᬶᬢᬸᬢᭀᬗᭀᬲ᭄ᬗᬮᬶᬄᬧᬶᬓᭀᬮᬶᬄᬩᬦ᭄ᬳᬸᬧᬄ᭟ᬲᬂᬤᬹᬃᬕ᭄ᬕᬡ᭄ᬥᬶᬦᬶᬢᬦ᭄ᬧᬜ᭄ᬚᬂ᭞ᬲᬯᬸᬭᬾ᭠ᬢ᭄ᬓᬲᬳᬶᬭᬶᬂ᭞ᬲᬧᬗᬦ᭄ᬤᬶᬓᬦ᭄ᬳᬶᬩᬧᬵ᭞ᬤᬾᬦᬶᬂᬳᬦᬓ᭄ᬫᬸᬮᬵᬍᬯᬶᬄ᭞ᬧᬕᭂᬄᬓᬤᬃᬫ᭄ᬫᬦ᭄‌ᬬᬸᬓ᭄ᬢᬶ᭞ᬢᬦ᭄ᬯᭂᬦᬂᬳᬮ᭄ᬧᬓ ᬕᬸᬭᬸ᭞ᬓᭀᬘᬧ᭄ᬲᬂᬤᬰᬩᬮᬵ᭞ᬧᬸᬧᬸᬢ᭄ᬧᬯᬭᬳᬾᬲᬫᬶ᭞ᬭᬭᬶᬲ᭄ᬫᬦ᭄ᬢᬸᬓ᭄᭞ᬢᬦ᭄ᬓᭀᬘᬧᬜᬤᬶᬚᬮᬦ᭄᭟ᬚᬦᬶᬲᬸᬩᬢ᭄ᬓᭂᬤ᭄ᬚᬸᬫᬄ᭞ᬳᬸᬘᬧᭂᬦ᭄ᬲᬂᬤᬹᬃᬕ᭄ᬕᬡ᭄ᬥᬶᬦᬶ᭞ᬲᬳᬶᬲᬳᬶᬗᬫᭀᬂᬲᬫ᭄ᬧᬦ᭄᭞ᬤᬶᬲᬶᬲᬶᬦ᭄ᬢᬸᬓᬤᬾᬦᭂᬧᬶ᭞ ᬮ᭄ᬬᬸᬳᬦᬓ᭄ᬫᬦᬕᬶᬄ᭞ᬮᬶᬯᬢᬂᬲᬦᬗ᭄ᬓᭂᬦ᭄ᬕᭂᬦ᭄ᬢᬸᬄ᭞ᬤᬶᬢᬸᬮᬯᬸᬢ᭄ᬓᬩ᭄ᬯᬢ᭄᭞ᬩᬦ᭄ᬲᬫ᭄ᬧᬦ᭄ᬳᭂᬮᬸᬄᬫ᭄ᬯᬦᬶ᭞ᬲᬵᬫ᭄ᬧᬸᬦ᭄ᬮᬫᬶ᭞ᬢᬶᬗ᭄ᬓᬳᬾᬗᬗᬶᬦ᭄ᬲᬫ᭄ᬧᬦ᭄᭟ᬲᬵᬫ᭄ᬧᬸᬦ᭄ᬓᬢᬄᬧᭀᬮᬶᬄᬳᬸᬧᬄ᭞ᬦ᭄ᬢᭀᬳᬗ᭄ᬕᭀᬜᬲ

Auto-transliteration

[5 5B] 5 tekararenehiju, matlubulanmahoton, gnĕpsapratekāsami, kacarita, subatutugkĕliḥd'hā. rupanekabinabinā, hayunetwaranandingin, kadigambar̀wawangunan, hanghingcedanehabsik , hbonebangĕshalid, slatsatusdpāmambu, hemĕngsangdaśabalā, maknĕhanluḥmwani, baneliwat'hayumasiḥnglaḥceddhā. janilawutngalumbrahang, mahadansangdūr̀gghaṇdhi, nikapjangdisisintukad, hiyamunanepadadihi, tkensampanābsik, balemapĕdĕmanhabungkul, sahāmuñiñĕsĕdang, hnepyanakbapañahi, hapangmlaḥdinipatapayanghawak. siñahadahanak'holas, pacangmanguba dinñahi, ngilangangbonemal̥ĕkad, hĕntoñandangtongosñahi, mapanawuranyadin, hanggonwahumaḥhasunduk, cirinhanak'huttamā, ñandangtosśrusabakti, hapanhanak'holasma [6 6A] ngĕntasangmalā. nejanibapāmambahang, pasangunñahinedini, kamulanbansampanhanda, hĕntosubahanggonngaliḥ, pangupajiwwāsahi, sanangkĕnhiyehegĕntuḥ, sampanehanggonnguñjal, pĕntasane luḥmwani, ditutongosngaliḥpikoliḥbanhupaḥ. sangdūr̀ggaṇdhinitanpañjang, sawure‐tkasahiring, sapangandikanhibapā, deninghanakmulāl̥ĕwiḥ, pagĕḥkadar̀mmanyukti, tanwĕnanghalpaka guru, kocapsangdaśabalā, puputpawarahesami, rarismantuk, tankocapañadijalan. janisubatkĕdjumaḥ, hucapĕnsangdūr̀ggaṇdhini, sahisahingamongsampan, disisintukadenĕpi, lyuhanakmanagiḥ, liwatangsanangkĕn'gĕntuḥ, ditulawutkabwat, bansampanhĕluḥmwani, sāmpunlami, tingkahenganginsampan. sāmpunkataḥpoliḥhupaḥ, ntohanggoñasa

Leaf 6

Image on Archive.org

[᭖ 6B] ᭖ ᬗᬲᬳᬶ᭞ᬓᭀᬘᬧᬯᬾᬦ᭄ᬢᭂᬦ᭄ᬩ᭄ᬭᬳ᭄ᬫᬵᬡ᭞ᬲᬸᬮᬶᬗ᭄ᬕᬶᬄᬮ᭄ᬯᭂᬳᬶᬳᬶᬂᬰᬓ᭄ᬢᬶ᭞ᬳᬶᬤᬗᬬᬢ᭄ᬫᬫᬵᬃᬕ᭄ᬕᬶ᭞ᬫᬗ᭄ᬮᬶᬦ᭄ᬢᬂᬳᬶᬬᬾᬳᬾᬕᭂᬦ᭄ᬢᬸᬄ᭞ᬪᬖᬯᬦ᭄ᬧᬭᬲᬭ᭞ᬧᬲᬾᬗᬦ᭄ᬳᬶᬤᬵᬲᬂᬍᬯᬶᬄ᭞ᬩᬯᬸᬳᬶᬤᬭᬯᬸᬄᬤᬶᬲᬶᬲᬶᬦ᭄ᬬᬫᬸᬦᬵ᭟ᬲᬂᬤᬹᬃᬕ᭄ᬕᬡ᭄ᬥᬶ ᬦᬶᬫᬜᬕ᭄ᬚᬕ᭄᭞ᬦᬫ᭄ᬧᭂᬓᬂᬲᬫ᭄ᬧᬦᬾᬕ᭄ᬮᬶᬲ᭄᭞ᬪᬕᬯᬦ᭄ᬓᬕ᭄ᬬᬢ᭄ᬫᬜᬶᬗᬓ᭄᭞ᬩᬳᬦ᭄ᬓᬳᬬᭀᬦᬾᬍᬯᬶᬄ᭞ᬩᬸᬓᬢ᭄ᬯᬭᬦᬦ᭄ᬤᬶᬗᬶᬦ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬵᬳᬮᬸᬲ᭄᭞ᬤᬸᬄᬜᬳᬶᬧ᭄ᬬᬦᬓ᭄ᬩᬧᬵ᭞ᬲᬬᬂᬩᬦ᭄ᬕᭀᬩᬦᬾᬮ᭄ᬯᭂᬳᬶᬄ᭞ᬗ ᬫᭀᬂᬲᬫ᭄ᬧᬩ᭄᭞ᬗᬮᬶᬯᬢᬂᬧᬳᭂᬦ᭄ᬢᬲᬦ᭄᭟ᬳ᭄ᬜᬾᬦ᭄ᬲᬶᬕ᭄ᬫᭂᬲ᭄ᬗᬸᬤᬸᬳᬂ᭞ᬓ᭄ᬭᬡᬜᬳᬶᬩᬸᬓᬵᬚᬦᬶ᭞ᬓᬮᬶᬄᬳᭂᬜᬾᬦ᭄ᬫᬗ᭄ᬮᬳᬂ᭞ᬜᬳᬶᬧ᭄ᬬᬦᬓᬾᬫᬲ᭄ᬫᬡᬶᬓ᭄᭞ᬲᬸᬩᬓᬾᬗ᭄ᬮᬄᬭᬩᬶ᭞ᬬᬾᬦ᭄‌ᬤ᭄ᬳᬵᬩᬧᬵᬦᬸᬢᬦ᭄ᬤ᭄ᬭᬸᬄ᭞ᬳᭀ ᬭᬳᬶᬦ᭄ᬓᬸᬤᬵᬩᬧᬵ᭞ᬬᬾᬦ᭄ᬲᬶᬜᬳᬶᬗ᭄ᬮᬄᬰ᭄ᬯᬫᬶ᭞ᬩᬲ᭄ᬓᬤᬸᬭᬸᬲ᭄᭞ᬳ᭄ᬮᬲᬾᬫᬧᬳᬸᬫᬳᬦ᭄᭟ᬲᬂᬤᬹᬃᬕ᭄ᬕᬡ᭄ᬥᬶᬦᬶᬧᬺᬦᬫ᭄ᬬ᭞ᬢᬸᬫᬸᬮᬶᬫᬳᬢᬸᬃᬭᬭᬶᬲ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬢᬸᬭᬂ᭞ᬳᬯᬦᬦ᭄ᬢᬶᬢ᭄ᬬᬂᬳᬶᬭᬶᬓᬶ᭞ᬢᬶᬢ᭄ᬬᬂᬯᭀᬂᬮᬶ [᭗ 7A] ᬦ᭄ᬢᬂᬫᬶᬲ᭄ᬓᬶᬦ᭄᭞ᬓᬭᬶᬤ᭄ᬳᬵᬲᬓᬶᬂᬤᬸᬫᬸᬦ᭄᭞ᬧ᭄ᬬᬦᬓ᭄ᬱᬂᬤᬰᬩᬮᬵ᭞ᬓᬢᬸᬕ᭄ᬦᬄᬫᬺᬓᬗ᭄ᬕᬾᬦᬶᬦ᭄᭞ᬚᬸᬭᬸᬭᬓᬤ᭄᭞ᬫᬕ᭄ᬦᬄᬭᬶᬂᬧᬲᬯᬦ᭄᭟ᬳᬯᬦᬦ᭄ᬢᬶᬢ᭄ᬬᬂᬓᬓᬸᬢᬂ᭞ᬓᬢᬸᬕ᭄ᬦᬳᬂᬳᬶᬭᬶᬓᬶ᭞ᬫᬗᬫᭀᬗᬶᬦ᭄ᬲᬫ᭄ᬧᬦ᭄ᬢᬸᬦ᭄ᬥᬵ᭞ᬤᭀ ᬦᬶᬂᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬫᬳᬫ᭄ᬩᬸᬩᬗᭂᬲ᭄ᬳᬮᬶᬤ᭄᭞ᬳᬓᬸᬤᬵᬢᬫ᭄ᬩᬧᬗ᭄ᬮᬸᬢᬸᬃ᭞ᬫᬍᬃᬩᭀᬬᬜᬶᬤᬬᬂ᭞ᬗᬶᬘᬮᬂᬮᬤᬶᬫᬗ᭄ᬓᬶᬦ᭄᭞ᬦ᭄ᬢᬸᬕᬶᬯᬾᬦ᭄ᬢᭂᬦ᭄᭞ᬧᬶᬲᭂᬲᭂᬤ᭄ᬭᬭᬫᬦ᭄ᬢᬶᬢ᭄ᬬᬂ᭟ᬬᬾᬦ᭄ᬲᬧᬲᬶᬭᬦᬾᬜᬦ᭄ᬤᬂ᭞ᬋᬓᬾᬧᬘᬂᬫᬦᬫ᭄ᬩ ᬦᬶᬦ᭄᭞ᬫᬗ᭄ᬤᬾᬫᬗᬶᬘᬮᬂᬫᬮᬵᬦ᭄ᬢᬶᬢ᭄ᬬᬗᬾᬲᬓᬵᬤᬶᬫᬗ᭄ᬓᬶᬦ᭄᭞ᬧᬸᬦᬶᬓᬜᬦ᭄ᬤᬂᬯᬸᬕᬶ᭞ᬧᬕ᭄ᬦᬳᬦ᭄ᬢᬶᬢ᭄ᬬᬗᭂᬦᬸᬯᬸᬦ᭄᭞ᬩᬓ᭄ᬢᬶᬧᬘᬂᬫᬫᬜ᭄ᬚᬓ᭄᭞ᬬᬤᬶᬦ᭄ᬓᬢᬸᬕ᭄ᬦᬄᬓᬾᬗᬶᬦ᭄᭞ᬚᬸᬭᬸᬲᬧᬸᬄ᭞ᬮ᭄ᬯᭂᬳᬶᬄᬓᬗ᭄ᬕᬾᬦ᭄ᬚᬚᬫᬳᬦ᭄᭟ᬪᬕ ᬯᬦ᭄ᬋᬲᭂᬧ᭄ᬫᬶᬋᬗᬂ᭞ᬳᬢᬸᬭᬾᬲᬂᬤᬹᬃᬕ᭄ᬖᬡ᭄ᬥᬶᬦᬶ᭞ᬢᬸᬫᬸᬮᬶᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬤᬸᬄᬧ᭄ᬬᬦᬓ᭄ᬩᬜᬳᬶ᭞ᬬᬾᬦᬦ᭄ᬢ᭄ᬯᬄᬳᬫ᭄ᬩᬸᬮ᭄ᬢᭀᬜᬳᬶ᭞ᬤᭂᬧᬂᬲᬦ᭄ᬩᬧᬵᬫᬗ᭄ᬭᬧᬸᬄ᭞ᬚ᭄ᬮᬾᬦ᭄ᬜᬳᬶᬦᬾᬮᬶᬯᬢ᭄᭞ᬩᬧᬜᬦ᭄ᬤᬂᬫ

Auto-transliteration

[6 6B] 6 ngasahi, kocapawentĕnbrahmāṇa, sulinggiḥlwĕhihingśakti, hidangayatmamār̀ggi, manglintanghiyehegĕntuḥ, bhaghawanparasara, pasenganhidāsangl̥ĕwiḥ, bawuhidarawuḥdisisinyamunā. sangdūr̀ggaṇdhi nimañagjag, nampĕkangsampaneglis, bhagawankagyatmañingak, bahankahayonel̥ĕwiḥ, bukatwaranandingin, rarismangandikāhalus, duḥñahipyanakbapā, sayangban'gobanelwĕhiḥ, nga mongsampab, ngaliwatangpahĕntasan. hñensigmĕsnguduhang, kraṇañahibukājani, kaliḥhĕñenmanglahang, ñahipyanakemasmaṇik, subakenglaḥrabi, yend'hābapānutandruḥ, ho rahinkudābapā, yensiñahinglaḥśwami, baskadurus, hlasemapahumahan. sangdūr̀ggaṇdhinipr̥ĕnamya, tumulimahatur̀raris, hinggiḥtityangmangaturang, hawanantityanghiriki, tityangwongli [7 7A] ntangmiskin, karid'hāsakingdumun, pyanakṣangdaśabalā, katugnaḥmr̥ĕkanggenin, jururakad, magnaḥringpasawan. hawanantityangkakutang, katugnahanghiriki, mangamonginsampantundhā, do ningtityangkadimangkin, mahambubangĕshalid, hakudātambapanglutur̀, mal̥ĕr̀boyañidayang, ngicalangladimangkin, ntugiwentĕn, pisĕsĕdraramantityang. yensapasiraneñandang, r̥ĕkepacangmanamba nin, mangdemangicalangmalāntityangesakādimangkin, punikañandangwugi, pagnahantityangĕnuwun, baktipacangmamañjak, yadinkatugnaḥkengin, jurusapuḥ, lwĕhiḥkanggenjajamahan. bhaga wanr̥ĕsĕpmir̥ĕngang, haturesangdūr̀gghaṇdhini, tumulirarisngandikā, haduḥpyanakbañahi, yenantwaḥhambultoñahi, dĕpangsanbapāmangrapuḥ, jlenñahineliwat, bapañandangma

Leaf 7

Image on Archive.org

[᭗ 7B] ᭗ ᬗᬸᬩᬤᬶᬦ᭄᭞ᬫᬗ᭄ᬤᬾᬳᬶᬮᬂ᭞ᬳ᭄ᬩᭀᬦᬾᬩᬗᭂᬲ᭄ᬓᬮᬶᬦ᭄ᬢᬂ᭟ᬲᬂᬤᬹᬃᬕ᭄ᬖᬤᬶᬦᬶᬢᬦ᭄ᬢᬸᬮᬓ᭄᭞ᬳᬢᬸᬭᬾᬯᬦ᭄ᬢᬄ᭠ᬲᬳᬶᬭᬶᬂ᭞ᬢᬸᬫᬸᬮᬶᬭᬭᬶᬲ᭄ᬓᬳᬸᬘᬧ᭄᭞ᬭᬳᬦᬾᬲᬤᬹᬃᬕ᭄ᬖᬡ᭄ᬥᬶᬦᬶ᭞ᬭᬭᬶᬲ᭄ᬳᬶᬮᬂᬧᬺᬚᬦᬶ᭞ᬳ᭄ᬩᭀᬦᬾᬩᬗᭂᬲ᭄ᬫᬓ᭄ᬤᬸᬲ᭄᭞ᬤ ᬤᬶᬫᬕᭂᬦ᭄ᬢᬶᬩᬳᬦ᭄ᬫᬶᬳᬶᬓᬾᬢ᭄ᬯᬭᬦᬦ᭄ᬤᬶᬗᬶᬦ᭄᭞ᬲ᭄ᬮᬢ᭄ᬲᬶᬬᬸ᭞ᬤ᭄ᬧᬳᬫ᭄ᬩᬸᬦᬾᬓᬘᬶᬃᬬ᭄ᬬᬦ᭄᭞ᬫᬳᬶᬭᬶᬩ᭄ᬳᬸᬮᬶᬤᬶᬰ᭄ᬯᬃᬕ᭄ᬖᬦ᭄᭞ᬫᬶᬳᬶᬓᬾᬢ᭄ᬯᬭᬦᬦ᭄ᬤᬶᬗᬶᬦ᭄ᬩᬸᬓᬥᬥᬭᭀᬫᬗ᭄ᬮᬬᬂ᭞ᬓᬫᬺᬘᬧᬥᬦᬸᬭᭀᬦᬶᬦ᭄᭞ᬫᬳ᭄ᬩᭀᬲᬃᬯ᭄ᬯᬭᬘᬶ ᬓ᭄᭞ᬳᭀᬧᬶᬢ᭄ᬢᬍᬗᬶᬲ᭄ᬫᬚᭂᬫᬸᬓ᭄᭞ᬮᬶᬫᬸᬢ᭄ᬩᬳᬦ᭄ᬕᬕᬦᬡ᭄ᬥᬦ᭄᭞ᬘᬶᬭᬶᬦ᭄ᬓᬫᬢ᭄ᬫ᭄ᬬᬦᬾᬍᬯᬶᬄ᭞ᬉᬱᬤ᭄ᬥᬦᬾ᭞ᬫᬶᬚᬶᬮᬶᬂᬚ᭄ᬜ᭄ᬬᬦᬲᬸᬦ᭄ᬬ᭟ᬚᬦᬶᬲᬸᬩᬓᬲᬶᬤᬬᬂ᭞ᬓᬬᬸᬦᬾᬲᬂᬤᬹᬃᬕ᭄ᬖᬡ᭄ᬥᬶᬦᬶ᭞ᬤᬶᬦᬶᬳᬬᬸᬦᬾᬲᬧᬧᬵ᭞ᬢ᭄ᬓᬾᬦ᭄ᬳᭂᬩᭀᬦᬾ ᬲᬢᬦ᭄ᬤᬶᬂ᭞ᬤᬤᬶᬫ᭄ᬢᬸᬧᬺᬫᬗ᭄ᬓᬶᬦ᭄᭞ᬧᬓᬬᬸᬦᬦᬾᬢᬦ᭄ᬲᬸᬦ᭄ᬢᬸᬮ᭄᭞ᬪᬕᬯᬦ᭄ᬧᬭᬲᬭ᭞ᬢᬦ᭄ᬤᬸᬫᬥᬾᬧᬭᬫᬗ᭄ᬓᬶᬦ᭄᭞ᬲᬂᬤᬹᬃᬕ᭄ᬖᬡ᭄ᬥᬶᬦᬶᬓᬳᬮᬧ᭄᭟ᬭᬭᬶᬲ᭄ᬕᬸᬫᬦ᭄ᬢᬶᬧᬲᬾᬗᬦ᭄᭞ᬲᬂᬲᬬᭀᬚᬦᬕᬡ᭄ᬥᬶᬦᬶ [᭘ 8A] ᭞ᬢ᭄ᬗᬳᬶᬂᬮ᭄ᬯᬄᬬᬫᬸᬦ᭞ᬯᬾᬦ᭄ᬢᭂᬦ᭄ᬫᬕᬶᬮᬶᬬᬦ᭄ᬳᬮᬶᬢ᭄᭞ᬳᬶᬭᬶᬓᬓᬕ᭄ᬦᬳᬶᬦ᭄᭞ᬫᬓᬸᬋᬦᬦ᭄‌ᬓᭀᬘᬧ᭄ᬲᬵᬫ᭄ᬧᬸᬦ᭄᭞ᬕᬃᬩ᭄ᬩᬚᬢᬄᬳᬤᬜ᭞ᬩᭀᬩᭀᬢ᭄ᬫᬳᭀᬓᬧᬺᬫᬗ᭄ᬓᬶᬦ᭄᭞ᬩᬯᬸᬳᭂᬫ᭄ᬩᬲ᭄᭞ᬳᭀᬓᬦᬾᬲᬵᬫ᭄ᬧᬸᬦ᭄ᬫᬯᬾᬦ᭄ᬥᬵ᭟ᬧᬸᬦᬶ ᬓᬦᬾᬫᬧ᭄ᬲᬾᬗᬦ᭄᭞ᬪᬕᬯᬦ᭄ᬩ᭄ᬬᬱᬵᬲᬂᬍᬯᬶᬄ᭞ᬩᬳᬦᬾᬳᭂᬫ᭄ᬩᬲ᭄ᬤᬶᬩ᭄ᬬᬲ᭄᭞ᬓᬩᭀᬩᭀᬢᬂᬤᬶᬧ᭄ᬭᬭᬳᬶ᭞ᬭᬶᬂᬰᬶᬯᬤ᭄ᬯᬭᬵᬫᬶᬚᬶᬮ᭄᭞ᬕ᭄ᬦᭂᬧ᭄ᬩᬸᬱᬦᬦ᭄ᬲᬂᬯᬶᬓᬹ᭞ᬪᬕᬯᬦ᭄ᬧᬭᬲᬭᬵ᭞ᬭᬭᬶᬰᬶᬤᬵᬫᬗ᭄ᬯᬲ᭄ᬢᭀᬦᬶᬦ᭄᭞ᬲᬗ᭄ᬓᬚ ᬫᬄ᭞ᬫᬗ᭄ᬤᬾᬳᬧᬂᬫᬸᬮᬶᬄᬤ᭄ᬳᬵ᭟ᬤᬤᬶᬯᬮᬸᬬᬳᬚᬳᬦ᭄᭞ᬫᬸᬮᬶᬄᬤ᭄ᬳᬵᬧᬭᬫᬗ᭄ᬓᬶᬦ᭄᭞ᬫᬦ᭄ᬢᬸᬓ᭄ᬭᬶᬂᬲᬂᬤᬰᬩᬮᬵ᭞ᬢᬦ᭄ᬓᬘᬭᬶᬢᬦᬾᬫᬗ᭄ᬓᬶᬦ᭄᭞ᬪᬕᬯᬦ᭄ᬩ᭄ᬬᬱᬭᬭᬶᬲ᭄᭞ᬫᬫᬋᬓ᭄ᬳᬶᬤᬲᬂᬕᬸᬭᬸ᭞ᬪᬕᬯᬦ᭄ᬧᬭᬲᬭ᭄ᬲᬵ᭞ᬲᬵᬫ᭄ᬧᬸ ᬦ᭄ᬩᬸᬦᬸᬕ᭄ᬭᬶᬳᬶᬦ᭄ᬲᬫᬶ᭞ᬭᬭᬶᬲ᭄ᬳᬶᬤᬵ᭞ᬫᬮᬶᬄᬫᬦ᭄ᬢᬸᬓᬧᬢᬧᬦ᭄᭟ᬓᭀᬘᬧᬪᬕᬯᬦ᭄ᬩ᭄ᬬᬱᬵ᭞ᬳᬶᬭᬶᬓᬚ᭄ᬜᭂᬓ᭄ᬫᬮᬶᬗ᭄ᬕᬶᬄ᭞ᬤᬶᬧᬕ᭄ᬦᬳᬦᬾᬳᭂᬫ᭄ᬩᬲ᭄᭞ᬓᬯᬗᬸᬩ᭄ᬧᬰ᭄ᬭᬫᬦ᭄ᬭᬭᬶᬲ᭄᭞ᬕ᭄ᬦᭂᬧ᭄ᬭᬢᬾᬓᬲᬫᬶ᭞ᬢᬶᬗ᭄ᬓᬄᬲᭀᬧᬘᬭᬦ᭄ᬯᬶᬓᬹ

Auto-transliteration

[7 7B] 7 ngubadin, mangdehilang, hbonebangĕskalintang. sangdūr̀gghadinitantulak, haturewantaḥ‐sahiring, tumulirariskahucap, rahanesadūr̀gghaṇdhini, rarishilangpr̥ĕjani, hbonebangĕsmakdus, da dimagĕntibahanmihiketwaranandingin, slatsiyu, dpahambunekacir̀yyan, mahirib'hulidiśwar̀gghan, mihiketwaranandinginbukadhadharomanglayang, kamr̥ĕcapadhanuronin, mahbosar̀wwaraci k, hopittal̥ĕngismajĕmuk, limutbahan'gaganaṇdhan, cirinkamatmyanel̥ĕwiḥ, uṣaddhane, mijilingjñyanasunya. janisubakasidayang, kayunesangdūr̀gghaṇdhini, dinihayunesapapā, tkenhĕbone satanding, dadimtupr̥ĕmangkin, pakayunanetansuntul, bhagawanparasara, tandumadheparamangkin, sangdūr̀gghaṇdhinikahalap. rarisgumantipasengan, sangsayojanagaṇdhini [8 8A] , tngahinglwaḥyamuna, wentĕnmagiliyanhalit, hirikakagnahin, makur̥ĕnankocapsāmpun, gar̀bbajataḥhadaña, bobotmahokapr̥ĕmangkin, bawuhĕmbas, hokanesāmpunmawendhā. puni kanemapsengan, bhagawanbyasyāsangl̥ĕwiḥ, bahanehĕmbasdibyas, kabobotangdiprarahi, ringśiwadwarāmijil, gnĕpbuṣanansangwikū, bhagawanparasarā, rariśidāmangwastonin, sangkaja maḥ, mangdehapangmuliḥd'hā. dadiwaluyahajahan, muliḥd'hāparamangkin, mantukringsangdaśabalā, tankacaritanemangkin, bhagawanbyaṣararis, mamar̥ĕk'hidasangguru, bhagawanparasarsā, sāmpu nbunugrihinsami, rarishidā, maliḥmantukapatapan. kocapabhagawanbyasyā, hirikajñĕkmalinggiḥ, dipagnahanehĕmbas, kawangubpaśramanraris, gnĕpratekasami, tingkaḥsopacaranwikū

Leaf 8

Image on Archive.org

[᭘ 8B] ᭘ ᭞ᬳᬫ᭄ᬩᬸᬮ᭄ᬢᭀᬢ᭄ᬯᬄᬳᬸᬘᬧᬂ᭞ᬢᬦ᭄ᬓᭀᬘᬧ᭄ᬳᬶᬤᬲᬂᬍᬯᬶᬄ᭞ᬤᬶᬧᬰ᭄ᬭᬫᬦ᭄᭞ᬢ᭄ᬯᬭᬵᬓᬤᬹᬃᬫ᭄ᬫᬵᬗ᭄ᬕᬮᬬᬦ᭄᭟᭐᭟ᬥᬹᬃᬫ᭄ᬫ᭝ᬲᬧᬸᬦᬶᬓᬵᬓᭀᬘᬧ᭄‌ᬕ᭄ᬮᬶᬲᬶᬂᬘᬭᬶᬢ᭞ᬓᭀᬘᬧᬯᬾᬦ᭄ᬢᭂᬦ᭄ᬫᬮᬶᬄ᭞ᬭᬢᬸᬲᭀᬫᬯᬗ᭄ᬰᬵ᭞ᬦᬾᬧ᭄ᬭᬲᬶᬤ᭄ᬥᬦ᭄ᬤ᭄ᬭᬳᬂ᭞ᬧ ᬜ᭄ᬘᬧᬢ᭄ᬥᬯᬦᬾᬗᬸᬦᬶ᭞ᬲᬓᬶᬂᬧᬸᬭᬹᬱᬵ᭞ᬭᬶᬂᬳᬲ᭄ᬢᬶᬦᬵᬲᬶᬦᬶᬯᬶ᭟ᬧ᭄ᬭᬪᬹᬲᬦ᭄ᬢᬦᬸᬋᬓᬾᬧᬲᬾᬗᬦ᭄᭞ᬳᬶᬤᬓᬮᭀᬓᬍᬯᬶᬄ᭞ᬰᬓ᭄ᬢᬶᬫᬓᬤᬶᬜ᭞ᬯᬶᬓᬦ᭄ᬭᬶᬂᬧᬫᬗ᭄ᬲᬸᬮᬶᬂᬚᬶᬯᬵ᭞ᬯ᭄ᬦᭂᬂᬫᬗᬺᬋᬤ᭄ᬗᬸᬯᬸᬳᬶᬦ᭄᭞ᬳᬸᬭᬶᬧᬶᬂᬭᬕ᭄ᬕᬵ᭞ᬧᬦᬸᬕ᭄ᬭ ᬳᬦᬶᬂᬯᬶᬤ᭄ᬥᬶ᭟ᬓᭀᬘᬧ᭄ᬳᬶᬤᬵᬫᬭᬩᬶᬦᬵᬣᬭᬶᬕᬗ᭄ᬕᬵ᭞ᬫᬤ᭄ᬯᬾᬧᬸᬢ᭄ᬭᬳᬲᬶᬓᬶ᭞ᬮᬦᬂᬫᬧ᭄ᬲᬾᬗᬦ᭄᭞ᬋᬓᬾᬲᬗᬵᬃᬬ᭄ᬬᬪᬶᬱ᭄ᬫᬵ᭞ᬓᬲ᭄ᬯᬾᬦ᭄ᬫᬦ᭄ᬥᬶᬢᬳᬶᬦ᭄᭞ᬲᬵᬫ᭄ᬧᬸᬦ᭄ᬓᬦᬸᬕ᭄ᬭᬦ᭄᭞ᬓᬫᬳᬢ᭄ᬫ᭄ᬬᬦᬾᬍᬯᬶᬄ᭟ᬭᬶᬂᬪᬕᬯᬦ᭄ᬭᬫᬵ ᬧᬭᬲᬸᬫᬲᬹᬃᬬ᭄ᬬ᭞ᬲᬵᬫ᭄ᬧᬸᬦ᭄ᬓᬦᬸᬕ᭄ᬭᬳᬶᬦ᭄᭞ᬩ᭄ᬯᬢ᭄ᬭᬶᬂᬤᬦᬸᬃᬥᬭᬵ᭞ᬳᬯᬾᬤ᭄ᬥᬵᬰᬲ᭄ᬢ᭄ᬭᬵᬫᬸᬮ᭄ᬬ᭞ᬪᬕᬯᬦ᭄‌ᬪᬶᬱ᭄ᬫᬵᬲᬸᬰᬓ᭄ᬢᬶ᭞ᬧᬕᭂᬳᬶᬂᬩ᭄ᬭᬢᬵ᭞ᬫᬜᬸᬓ᭄ᬮᬩ᭄ᬭᬳ᭄ᬫᬘᬭᬶ᭟ᬢᬦ᭄‌ᬓ᭄ᬦᬾᬂᬲ᭄ᬢ᭄ᬭᬶ᭞ᬫᬜᬤᬶᬫᬫᬕᭂᬳᬂᬰ᭄ᬭᬸᬱ᭞ᬢ᭄ᬓᬾᬦᬶᬂᬲ [᭙ 9A] ᬗ᭄ᬳᬚᬶ᭞ᬳᬲᬶᬂᬧᬓᬬᬸᬦᬦ᭄᭞ᬳᬧᬂᬲᬶᬤ᭄ᬥᬓᬢ᭄ᬓᬦ᭄᭞ᬓᭀᬘᬧᬳᬶᬤᬲᬗᬚᬶ᭞ᬰᬦ᭄ᬢᬦᬸᬯᬺᬤ᭄ᬥᬵ᭞ᬫᬩᬸᬩᬸᬭᬸᬗ᭄ᬮᬸᬗᬦᬶᬦ᭄᭟ᬢ᭄ᬯᬭᬵᬧᭀᬮᬶᬄᬫᬫᬵᬃᬕ᭄ᬕᬶᬓᬮᬸᬦ᭄ᬮᬸᬦ᭄ᬢ᭞ᬕᬸᬦᬸᬂᬳᬮᬲᬸᬲᬸᬧᬶᬦ᭄᭞ᬓᬤᭀᬳᬶᬂᬧᬫᬵᬃᬕ᭄ᬕ᭞ᬭᬯᬸᬄᬭᬶᬂᬧᬳᬮ ᬲᬦ᭄᭞ᬳᬬᭀᬤ᭄ᬬᬳᬶᬓᬵᬲᬂᬳᬚᬶ᭞ᬢ᭄ᬧᬶᬦ᭄ᬲᬕᬭ᭞ᬓᬯᬸᬗᬲᬫ᭄ᬩᬸᬫᬶᬳᬶᬓ᭄᭟ᬓᬩᬶᬦᬯᬵᬫᬶᬳᬶᬓᬾᬢ᭄ᬯᬭᬤᬧᬥ᭞ᬤᬤᬶᬕ᭄ᬬᬢ᭄ᬲᬂᬳᬚᬶ᭞ᬭᬭᬶᬲ᭄ᬫᬦᬸᬤ᭄ᬢᬸᬤᬂ᭞ᬧᬦᬗ᭄ᬓᬜᬦᬾᬢ᭄ᬓ᭞ᬳ᭄ᬩᭀᬦᬾᬫᬶᬳᬶᬓ᭄ᬲᬸᬫᬶᬭᬶᬢ᭄᭞ᬓᬭᬸᬭᬸᬄᬧᬶᬲᬵ ᬦ᭄᭞ᬲᬳᬵᬯᬤᬵᬫᬗᬶᬭᬶᬂ᭟ᬲᬕᬾᬢ᭄ᬭᬯᬸᬄᬓᬚᬸᬫᬄᬲᬂᬤᬰᬩᬮᬵ᭞ᬲᬂᬧ᭄ᬭᬪᬹᬢ᭄ᬓᬗ᭄ᬭᬭᬶᬲ᭄᭞ᬚ᭄ᬭᭀᬕ᭄ᬢᬦ᭄ᬧᬭᬭᬧᬦ᭄᭞ᬓᬕ᭄ᬬᬢ᭄ᬲᬂᬤᬰᬩᬮᬵ᭞ᬳᬾᬧᭀᬢ᭄ᬫᬫᬋᬓ᭄ᬲᬂᬳᬚᬶ᭞ᬫᬢᬸᬃᬧᬜᬧ᭞ᬧ᭄ᬬᬦᬓ᭄ᬲᭀᬫᬄᬜᬋᬗᬶᬦ᭄᭟ ᬲᬯᬸᬃᬫᬦᬸᬓ᭄ᬫᬳᬢᬸᬃᬧᬥᬫᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬲᬗ᭄ᬳᬚᬶ᭞ᬧᬸᬦᬧᬶᬰ᭄ᬯᬓᬵᬃᬬ᭄ᬬ᭞ᬲᬓᬶᬂᬳᬱ᭄ᬝᬶᬦᬧᬸᬭᬵ᭞ᬭᬯᬸᬄᬓᬧ᭄ᬭᬤᬾᬱᬢᬦᬶ᭞ᬳᬫ᭄ᬧᬸᬭᬧᬶᬲᬦ᭄᭞ᬢᬶᬢ᭄ᬬᬂᬓᬮᬶᬦ᭄ᬢᬂᬫᬶᬲ᭄ᬓᬶᬦ᭄᭟ᬩᭀᬬᬲᬶᬤ᭄ᬥᬳᬦ᭄ᬢᬸ

Auto-transliteration

[8 8B] 8 , hambultotwaḥhucapang, tankocap'hidasangl̥ĕwiḥ, dipaśraman, twarākadūr̀mmānggalayan. 0. dhūr̀mma:sapunikākocapglisingcarita, kocapawentĕnmaliḥ, ratusomawangśā, neprasiddhandrahang, pa ñcapatdhawanenguni, sakingpurūsyā, ringhastināsiniwi. prabhūsantanur̥ĕkepasengan, hidakalokal̥ĕwiḥ, śaktimakadiña, wikanringpamangsulingjiwā, wnĕngmangr̥ĕr̥ĕdnguwuhin, huripingraggā, panugra haningwiddhi. kocap'hidāmarabināthariganggā, madweputrahasiki, lanangmapsengan, r̥ĕkesangār̀yyabhiṣmā, kaswenmandhitahin, sāmpunkanugran, kamahatmyanel̥ĕwiḥ. ringbhagawanramā parasumasūr̀yya, sāmpunkanugrahin, bwatringdanur̀dharā, haweddhāśastrāmulya, bhagawanbhiṣmāsuśakti, pagĕhingbratā, mañuklabrahmacari. tanknengstri, mañadimamagĕhangśruṣa, tkeningsa [9 9A] nghaji, hasingpakayunan, hapangsiddhakatkan, kocapahidasangaji, śantanuwr̥ĕddhā, mabuburunglunganin. twarāpoliḥmamār̀ggikalunlunta, gununghalasusupin, kadohingpamār̀gga, rawuḥringpahala san, hayodyahikāsanghaji, tpinsagara, kawungasambumihik. kabinawāmihiketwaradapadha, dadigyatsanghaji, rarismanudtudang, panangkañanetka, hbonemihiksumirit, karuruḥpisā n, sahāwadāmangiring. sagetrawuḥkajumaḥsangdaśabalā, sangprabhūtkangraris, jrogtanpararapan, kagyatsangdaśabalā, hepotmamar̥ĕksanghaji, matur̀pañapa, pyanaksomaḥñar̥ĕngin. sawur̀manukmahatur̀padhamañumbaḥ, hinggiḥratusanghaji, punapiśwakār̀yya, sakinghaṣṭinapurā, rawuḥkapradeṣatani, hampurapisan, tityangkalintangmiskin. boyasiddhahantu

Leaf 9

Image on Archive.org

[᭙ 9B] ᭙ ᬓ᭄ᬢᬶᬢ᭄ᬬᬂᬫᬗᬢᬸᬭᬂ᭞ᬧᬕ᭄ᬦᬳᬦ᭄ᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬫᬘᬶᬗᬓ᭄᭞ᬓᬢᭀᬦ᭄ᬲᬂᬤᬰᬩᬮᬵ᭞ᬲᬋᬂᬳᬦᬓ᭄ᬮᬸᬄᬳᬤᬶᬭᬶ᭞ᬳᬬᬸᬦᬾᬮᬶᬯᬢ᭄᭞ᬯᬮᬸᬬᬵᬩᭀᬦᬾᬫᬶᬳᬶᬓ᭄᭞ᬲᬂᬧ᭄ᬭᬪᬹᬫᬗ᭄ᬭᬯᭀᬲ᭄ᬭᬶᬂᬧᬓᬬᬸᬦᬦ᭄᭞ᬤᬬᬵ ᬢ᭄ᬯᬄᬳ᭄ᬦᬾᬫᬶᬳᬶᬓ᭄᭞ᬢᬸᬃᬲᬸᬩᬲᬯᬯᬵ᭞ᬢ᭄ᬓᬾᬦ᭄ᬩᭀᬦᬾᬫ᭄ᬮᬄ᭞ᬤᬤᬶᬓᬭᬕᬦ᭄ᬲᬗ᭄ᬳᬚᬶ᭞ᬳᬮᭀᬦ᭄ᬗᬦ᭄ᬤᬶᬓᬵ᭞ᬳᬶᬭᬓᬤᬸᬂᬫᬮᬮᬶ᭟ᬓᬮᬸᬦ᭄ᬢᬮᬸᬦ᭄ᬢᬵᬫᬫᭂᬗ᭄ᬕᭂᬮ᭄‌ᬕᬸᬦᬸᬂᬳᬮᬲ᭄᭞ᬤᬤ᭄ᬬᬜᬢ᭄ᬓᬫᬳᬶ᭞ᬢᬦ᭄ᬤ᭄ᬭᬸᬄᬓᬧᭀᬳᬶ ᬭᬵ᭞ᬢ᭄ᬓᬾᬦ᭄ᬢᬭᬄᬦᬕᬭᬵ᭞ᬯᬯᭂᬗ᭄ᬓᭀᬦ᭄ᬳᬱ᭄ᬝᬶᬦᬧᬶᬮᬶᬄ᭞ᬕᬸᬫᬶᬳᬬᭀᬤ᭄ᬬ᭞ᬢᬾᬫᭂᬂᬓᭀᬳᬶᬭᬦᬫ᭄ᬧᬶ᭟ᬲᬂᬤᬰᬩᬮᬵᬳᬲᬯᬸᬃᬲᭂᬫ᭄ᬩᬄ᭞ᬗᬢᬸᬭᬂᬳᬶᬗ᭄ᬕᬶᬄᬭᬢᬸᬧᬸᬦᬶᬓᬶ᭞ᬯᬯᭂᬗ᭄ᬓᭀᬦ᭄ᬳᬬᭀᬤ᭄ᬬ᭞ᬦ᭄ᬧᬶᬄᬭᬶᬂᬮ᭄ᬯᬄᬬᬫᬸᬦ ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬭᬶᬲ᭄᭞ᬢᬦ᭄ᬤ᭄ᬭᬸᬄᬓᭀᬳᬶᬭ᭞ᬫᬫᬦ᭄ᬥᬵᬲᬮᬄᬢᬫ᭄ᬧᬶ᭟ᬳ᭄ᬦᬾᬢᬾᬜᬾᬦ᭄ᬩᬚᬂᬲ᭄ᬮᬾᬄᬳᬚᬓ᭄ᬫᬫᬦ᭄᭞ᬩᬸᬓᬢ᭄ᬯᬭᬦᬦ᭄ᬤᬶᬗᬶᬦ᭄᭞ᬳᬬᬸᬦᬾᬲᬯᬯᬵ᭞ᬢ᭄ᬓᬾᬦ᭄ᬕᭀᬩᬦᬾᬫ᭄ᬮᬄ᭞ᬫᬶᬳᬶᬓ᭄ᬫᬗᬾᬤ [᭑᭐ 10A] ᬦᬶᬦ᭄ᬳᬢᬶ᭞ᬲᬂᬤᬰᬩᬮᬵ᭞ᬫᬳᬢᬸᬃᬳᬯᭀᬢ᭄ᬲᬭᬶ᭟ᬳᬶᬗ᭄ᬕᬶᬄᬭᬢᬸᬧᬸᬦᬶᬓᬶᬓᬯᬸᬮᬦ᭄ᬲᬂᬦᬵᬣ᭞ᬧ᭄ᬬᬦᬓ᭄ᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬳᬶᬧᬸᬦ᭄ᬓᬭᬶᬤ᭄ᬳᬵ᭞ᬢᬦ᭄ᬯᬾᬦ᭄ᬢᭂᬦ᭄ᬫᬤ᭄ᬯᬾᬜᬫ᭞ᬧᬘᬂᬢᬶᬢ᭄ᬬᬂᬲᬸᬫᬦ᭄ᬤᬶᬳᬶ᭞ᬯᬱ᭄ᬝᬦᬶᬦ᭄ᬢᬶᬢ᭄ᬬᬂ᭞ᬲᬂᬲᬬᭀ ᬚᬦᬕᬡ᭄ᬥᬶ᭟ᬲᬂᬧ᭄ᬭᬪᬸᬲᬬᬦ᭄ᬫᭂᬢᬸᬓᬬᬸᬦᬾᬭᬕᬦ᭄᭞ᬭᬭᬶᬲ᭄ᬗᬦ᭄ᬤᬶᬓᬵᬳᬭᬶᬲ᭄᭞ᬢᬸᬮᬸᬲᬂᬯᬲᬸᬓᬦ᭄᭞ᬫᬫᬦᬾᬢ᭄ᬓᬾᬦ᭄ᬳᬶᬭ᭞ᬧ᭄ᬬᬦᬓ᭄ᬫᬫᬦᬾᬳᬶᬜᬳᬶ᭞ᬳᬶᬭᬳᬶᬤᬶᬳᬵ᭞ᬧᬘᬂᬳᬗ᭄ᬕᬾᬦ᭄ᬳᬶᬭᬰ᭄ᬯᬫᬶ᭟ᬲᬂᬤᬰᬩᬮᬵᬳᬢᬸᬭᬾᬢ᭄ᬯᬭ ᬧᬜ᭄ᬚᬂ᭞ᬲᬦ᭄ᬤᬶᬓᬦ᭄ᬥᬲᬂᬳᬚᬶ᭞ᬢᬶᬢ᭄ᬬᬂᬫᬗᬢᬸᬭᬂ᭞ᬓᬾᬯᬦ᭄ᬢᭂᬦ᭄ᬧᬶᬳᬢᬸᬃᬢᬶᬢ᭄ᬬᬂ᭞ᬓᬤᬶᬫᬦᬸᬦᬲ᭄ᬫᬗ᭄ᬯᬶᬥᬶ᭞ᬭᬶᬂᬤᬵᬲᬂᬦᬵᬣ᭞ᬧᬶᬮᬶᬄᬢᬵᬳᬶᬘ᭄ᬙᬵᬯᬶᬤ᭄ᬥᬶ᭟ᬧᬶᬮᬶᬄᬲᬶᬤ᭄ᬥᬵᬘᭀᬓᭀᬃᬳᬶᬤᬾᬯᬵ᭞ᬳᬤᬺᬯᬾᬧᬸᬢᬺ᭞ᬫ᭄ᬢᬸᬳᭀᬮᬶᬄᬦᬾᬫᬗ᭄ᬓᬶ ᬦ᭄᭞ᬫᬗ᭄ᬤᬾᬓᬚ᭄ᬦᭂᬗᬂ᭞ᬲᬸᬫᬶᬮᬶᬄᬗᬤᭂᬕ᭄‌ᬦᬵᬣ᭞ᬭᬶᬂᬳᬱ᭄ᬝᬶᬦᬵᬢᬶᬢ᭄ᬬᬂᬗᬶᬭᬶᬂ᭞ᬲᬧᬓᬬᬸᬦᬦ᭄᭞ᬢᬶᬢ᭄ᬬᬂᬗᬢᬸᬭᬂᬳᬸᬕᬶ᭞ᬬᬤᬶᬦ᭄ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬘᬂᬧᬓᬬᬸᬦᬦ᭄᭞ᬳᬶᬤᬾᬯᬧᬘᬂᬗᬫ᭄ᬩᬶᬮ᭄᭞ᬢᬶᬢ᭄ᬬᬂᬫᬗᬢᬸᬭᬂ᭞ᬤᬤᬶᬓ

Auto-transliteration

[9 9B] 9 ktityangmangaturang, pagnahanmalinggiḥ, sangprabhumacingak, katonsangdaśabalā, sar̥ĕnghanakluḥhadiri, hayuneliwat, waluyābonemihik, sangprabhūmangrawosringpakayunan, dayā twaḥhnemihik, tur̀subasawawā, tkenbonemlaḥ, dadikaragansanghaji, halonngandikā, hirakadungmalali. kaluntaluntāmamĕnggĕlgununghalas, dadyañatkamahi, tandruḥkapohi rā, tkentaraḥnagarā, wawĕngkonhaṣṭinapiliḥ, gumihayodya, temĕngkohiranampi. sangdaśabalāhasawur̀sĕmbaḥ, ngaturanghinggiḥratupuniki, wawĕngkonhayodya, npiḥringlwaḥyamuna , sangprabhūngandikaharis, tandruḥkohira, mamandhāsalaḥtampi. hneteñenbajangsleḥhajakmaman, bukatwaranandingin, hayunesawawā, tken'gobanemlaḥ, mihikmangeda [10 10A] ninhati, sangdaśabalā, mahatur̀hawotsari. hinggiḥratupunikikawulansangnātha, pyanaktityangwyakti, hipunkarid'hā, tanwentĕnmadweñama, pacangtityangsumandihi, waṣṭanintityang, sangsayo janagaṇdhi. sangprabhusayanmĕtukayuneragan, rarisngandikāharis, tulusangwasukan, mamanetkenhira, pyanakmamanehiñahi, hirahidihā, pacanghanggenhiraśwami. sangdaśabalāhaturetwara pañjang, sandikandhasanghaji, tityangmangaturang, kewantĕnpihatur̀tityang, kadimanunasmangwidhi, ringdāsangnātha, piliḥtāhicchāwiddhi. piliḥsiddhācokor̀hidewā, hadr̥ĕweputr̥ĕ, mtuholiḥnemangki n, mangdekajnĕngang, sumiliḥngadĕgnātha, ringhaṣṭinātityangngiring, sapakayunan, tityangngaturanghugi, yadinmangkinwentĕnpacangpakayunan, hidewapacangngambil, tityangmangaturang, dadika

Leaf 10

Image on Archive.org

[᭑᭐ 10B] ᬗ᭄ᬕᭂᬓ᭄ᬲᬂᬦᬵᬣ᭞ᬫᬾᬮᬶᬂᬭᬶᬂᬧᬸᬢᬺᬫᬓᬵᬤᬶ᭞ᬲᬵᬫ᭄ᬧᬸᬦ᭄ᬓᬦᬸᬕ᭄ᬭᬦ᭄᭞ᬓᬫᬳᬢ᭄ᬫ᭄ᬬᬦᬾᬲᬫᬶ᭟ᬓᬮᬶᬄᬲᬵᬫ᭄ᬧᬸᬦ᭄ᬧᬓᬬᬸᬦᬦᬾᬧᬃᬘ᭄ᬘᬬᬵ᭞ᬭᬶᬂᬩ᭄ᬯᬢ᭄ᬓᬤᬶᬯ᭄ᬬᬰᬓ᭄ᬢᬶᬦ᭄᭞ᬓ᭄ᬭᬡᬢᭀᬦ᭄ᬤᬾᬦ᭄ᬩᬾᬩᬲ᭄᭞ᬓᬬᬸᬦ᭄ᬳᬶᬤᬲᬂᬦᬵ ᬣ᭞ᬲᬸᬫᬗ᭄ᬕᬸᬧᬘᬂᬦ᭄ᬤᬕᬶᬗᬶᬦ᭄᭞ᬳᬮᭀᬦ᭄ᬗᬦ᭄ᬤᬶᬓ᭞ᬓᬾᬦ᭄ᬓᬾᬦ᭄ᬩᬦ᭄ᬳᬶᬭᬚᬦᬶ᭟ᬫᬦ᭄ᬤᬕᬶᬗᬶᬦ᭄ᬧᬗᬶᬤᬶᬄᬫᬫᬦ᭄ᬓᬾᬦ᭄ᬳᬶᬭ᭞ᬤᬾᬦᬶᬂᬲᬸᬩᬕᬸᬫᬦ᭄ᬢᬶ᭞ᬳᬤᬧ᭄ᬬᬦᬓ᭄ᬳᬶᬭ᭞ᬳᬤᬶᬳᬶᬓᬮᬶᬄᬲᬸᬩ᭞ᬩᬶᬱᬵᬫᬗᬼᬕᬦᬶᬦ᭄ᬳᬢᬶ᭞ᬲᬩᬸᬤᬶᬦ᭄ᬳᬶᬭᬵ᭞ ᬢ᭄ᬯᬭᬢᬳᬾᬦ᭄ᬫᬶᬯᬮᬶᬦ᭄᭟ᬓᬾᬫᬤ᭄ᬩᬳᬦ᭄ᬳᬶᬭᬚᬦᬶᬗᬫᬭᬶᬬᬂ᭞ᬚᬸᬫ᭄ᬦᭂᬂᬤᬶᬦᬵᬕᬭᬶ᭞ᬩᬮᬶᬓ᭄‌ᬬᬾᬦ᭄ᬢ᭄ᬯᬄᬫᬫᬦ᭄᭞ᬲᬸᬓᬵᬢ᭄ᬓᬾᬦ᭄ᬳᬶᬭ᭞ᬲᬳᬶᬤᭂᬧ᭄ᬫᬫᬦ᭄ᬦᬕᬶᬳᬶᬦ᭄᭞ᬳᬶᬭᬜᬶᬤᬬᬂ᭞ᬫ᭄ᬩᬳᬂᬫᬫᬦ᭄ᬫᬲ᭄ᬧᬶᬧᬶᬲ᭄᭟ᬓᬾᬯᬮᬫᬫ ᬦ᭄ᬲᬸᬓᬵᬫᬫ᭄ᬩᬳᬂᬳᬶᬭᬧ᭄ᬬᬦᬓ᭄᭞ᬫᬫᬦᬾᬚᬦᬶ᭞ᬳᬶᬭᬫᬦᬸᬦ᭄ᬤᬾᬦ᭄᭞ᬮᬯᬸᬢ᭄ᬗᬬᬂᬫᬫᬦ᭄᭞ᬫᬲ᭄ᬫᬶᬭᬄᬯᬶᬦ᭄ᬢᭂᬦᬾᬍᬯᬶᬄ᭞ᬲᬤᬰᬩᬮᬵ᭞ᬫᬢᬸᬃᬫᬫᬶᬦ᭄ᬤᬄᬳᬸᬕᬶ᭟ᬢᬦ᭄ᬘᬭᬶᬢᬳᬸᬘᬧᭂᬦ᭄ᬳᬶᬤᬲᬂᬦᬵᬣ᭞ᬳᬦ᭄ᬢᬸᬓᬦᬾ [᭑᭑ 11A] ᬢᬦ᭄ᬧᭀᬮᬶᬄ᭞ᬓᬳᬢᬸᬭᬦ᭄ᬓᬦ᭄ᬬ᭞ᬭᬭᬶᬲ᭄ᬧ᭄ᬭᬫᬗᬶᬦ᭄ᬩᬸᬤᬮ᭄᭞ᬢᬦ᭄ᬓᬘᬭᬶᬢᬤᬶᬫᬵᬃᬕ᭄ᬕᬶ᭞ᬫᬫ᭄ᬕᬢ᭄ᬳᬮᬲ᭄‌ᬲᬵᬫ᭄ᬧᬸᬦ᭄ᬭᬯᬸᬄᬤᬶᬧᬸᬭᬶ᭟ᬲᬂᬧ᭄ᬭᬪᬸᬤᬳᬢ᭄ᬲᬸᬗ᭄ᬲᬸᬢ᭄ᬭᬶᬂᬓᬬᬸᬦ᭄᭞ᬓᬲ᭄ᬫᬭᬦ᭄ᬫᬗ᭄ᬭᬦᭂᬳᬶᬦ᭄᭞ᬢᭀᬂᬤᬤᬶᬲᬭᬸᬯᬂ᭞ᬢ ᬦ᭄ᬮ᭄ᬬᬦ᭄ᬓᬳᬚᬧᬚᬧ᭄᭞ᬢᬦ᭄ᬲᬄᬕᬸᬫᬦ᭄ᬢᬸᬗᬶᬂᬮᬶᬭᬶᬂ᭞ᬓᬳᬬᭀᬦᬶᬭ᭞ᬲᬂᬲᬬᭀᬚᬦᬵᬕᬡ᭄ᬥᬶ᭟ᬪᬕᬯᬦ᭄ᬪᬶᬱ᭄ᬫᬵᬯ᭄ᬭᬸᬳᬶᬂᬘᬾᬱ᭄ᬝᬵᬓᬭ᭞ᬳᬕ᭄ᬮᬶᬲ᭄‌ᬫ᭄ᬤᭂᬓ᭄ᬲᬂᬳᬚᬶ᭞ᬦᬸᬦᬲᬂᬢᬯᬦᬦ᭄᭞ᬫᬗ᭄ᬤᬾᬲᬸᬗ᭄ᬲᬸᬢᬾᬭᬳᬢ᭄᭞ ᬲᬂᬧ᭄ᬭᬪᬹᬗᬦ᭄ᬤᬶᬓᬵᬳᬭᬶᬲ᭄᭞ᬫᬫᬶᬤᬃᬢ᭄ᬣᬬᬂ᭞ᬲᬧ᭄ᬭᬢᬶᬗ᭄ᬓᬳᬾᬲᬫᬶ᭟ᬪᬕᬯᬦ᭄ᬩᬶᬱ᭄ᬫᬳᬢᬸᬭᬾᬢ᭄ᬯᬭᬧᬜ᭄ᬚᬂ᭞ᬲᬧᬗᬃᬱᬦ᭄ᬲᬗ᭄ᬳᬚᬶ᭞ᬧᬘᬂᬓᬲᬶᬤᬬᬂ᭞ᬩ᭄ᬯᬢ᭄ᬫᬕᭂᬳᬂᬲᬸᬰ᭄ᬭᬸᬱᬵ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬫᬫᬭᬵᬰ᭄ᬭᬬᬵ᭞ ᬲᬂᬲᬬᭀᬚᬦᬕᬡ᭄ᬥᬶ᭟ᬬᬤᬶᬦ᭄ᬫᬗ᭄ᬤᬾᬓᬧᬸᬗ᭄ᬓᬸᬃᬲᬶᬤ᭄ᬥᬵ᭞ᬳᬧᬸᬢᬺ᭞ᬳᬶᬤᬵᬜᬦ᭄ᬤᬂᬫᬢᬶᬳᬶᬦ᭄᭞ᬓ᭄ᬦᬶᬓᬪᬶᬱᬾᬓᬵ᭞ᬭᬵᬢᬸᬫᬜᬓᬺᬚᬕᬢ᭄᭞ᬧᬸᬢᬺᬧᬶᬓᭀᬮᬶᬳᬾᬫᬗ᭄ᬓᬶᬦ᭄᭞ᬳᬾᬕᬃᬲᬂᬦᬵᬣ᭞ᬢᬦ᭄ᬓᬘᬭᬶᬢ

Auto-transliteration

[10 10B] nggĕksangnātha, melingringputr̥ĕmakādi, sāmpunkanugran, kamahatmyanesami. kaliḥsāmpunpakayunanepar̀ccayā, ringbwatkadiwyaśaktin, kraṇatondenbebas, kayunhidasangnā tha, sumanggupacangndagingin, halonngandika, kenkenbanhirajani. mandaginginpangidiḥmamankenhira, deningsubagumanti, hadapyanak'hira, hadihikaliḥsuba, bisyāmangl̥ĕganinhati, sabudinhirā, twaratahenmiwalin. kemadbahanhirajaningamariyang, jumnĕngdināgari, balikyentwaḥmaman, sukātkenhira, sahidĕpmamannagihin, hirañidayang, mbahangmamanmaspipis. kewalamama nsukāmambahanghirapyanak, mamanejani, hiramanunden, lawutngayangmaman, masmiraḥwintĕnel̥ĕwiḥ, sadaśabalā, matur̀mamindaḥhugi. tancaritahucapĕnhidasangnātha, hantukane [11 11A] tanpoliḥ, kahaturankanya, rarispramanginbudal, tankacaritadimār̀ggi, mamgat'halassāmpunrawuḥdipuri. sangprabhudahatsungsutringkayun, kasmaranmangranĕhin, tongdadisaruwang, ta nlyankahajapajap, tansaḥgumantungingliring, kahayonira, sangsayojanāgaṇdhi. bhagawanbhiṣmāwruhingceṣṭākara, haglismdĕksanghaji, nunasangtawanan, mangdesungsuterahat, sangprabhūngandikāharis, mamidar̀tthayang, sapratingkahesami. bhagawanbiṣmahaturetwarapañjang, sapangar̀ṣansanghaji, pacangkasidayang, bwatmagĕhangsuśrusyā, tumulirarismamār̀ggi, mamarāśrayā, sangsayojanagaṇdhi. yadinmangdekapungkur̀siddhā, haputr̥ĕ, hidāñandangmatihin, knikabhisyekā, rātumañakr̥ĕjagat, putr̥ĕpikolihemangkin, hegar̀sangnātha, tankacarita

Leaf 11

Image on Archive.org

[᭑᭑ 11B] ᭑᭑ ᬭᬶᬂᬧᬸᬭᬶ᭟ᬪᬕᬯᬦ᭄ᬩᬶᬱ᭄ᬫᬭᬭᬶᬲ᭄ᬮᬸᬗ᭄ᬳᬵ᭞ᬜᬶᬤᬬᬂᬧᬓᬬᬸᬦᬦ᭄ᬲᬗ᭄ᬳᬚᬶ᭞ᬳᬓ᭄ᬯᬾᬄᬫᬗᬶᬭᬶᬗᬂ᭞ᬲᬺᬕᭂᬧ᭄ᬲᬳᬵᬲᬜ᭄ᬚᬢ᭞ᬳᬦ᭄ᬤᬭᬸᬂᬓᬸᬦᬾᬳᬕ᭄ᬮᬶᬲ᭄᭞ᬫᬫ᭄ᬕᬢ᭄ᬳᬮᬲ᭄᭞ᬫᬫᭂᬗ᭄ᬕᭂᬮ᭄ᬕᬸᬦᬸᬂᬲ᭄ᬭᬶᬧᬶᬢ᭄᭟ᬲᬭᬯᬸᬳᬾᬓᬧᬗ᭄ᬕᬶᬄ ᬲᬂᬤᬰᬩᬮᬵ᭞ᬪᬕᬯᬦ᭄ᬩᬶᬱ᭄ᬫᬵᬭᬭᬶᬲ᭄᭞ᬫᬧᬢᬸᬢ᭄ᬧᬢᬸᬢᬦ᭄᭞ᬲᬸᬫᬗ᭄ᬕᬸᬧ᭄ᬫᬜᬶᬤᬬᬂ᭞ᬓᬤᬶᬥᬥᭂᬧᬾᬫᬗ᭄ᬯᬶᬥᬶ᭞ᬲᬂᬤᬰᬩᬮᬵ᭞ᬭᬶᬂᬲᬂᬧ᭄ᬭᬪᬸᬦᬾᬗᬹᬦᬶ᭟ᬓᬧᬸᬗ᭄ᬓᬸᬃᬧᬶᬮᬶᬄᬲᬶᬤ᭄ᬥᬫᬤ᭄ᬯᬾᬧᬸᬢᬺ᭞ᬲᬂᬲᬬᭀᬚᬦᬵᬕ ᬡ᭄ᬥᬶ᭞ᬳᬧᬂᬜ᭄ᬦᭂᬂᬦᬵᬣ᭞ᬭᬶᬂᬳᬱ᭄ᬝᬶᬦᬵᬦᬕᬭᬵ᭞ᬪᬕᬯᬦ᭄ᬩᬶᬱ᭄ᬫᬵᬫᬢᬶᬳᬶᬦ᭄᭞ᬲᬂᬤᬰᬩᬮᬵ᭞ᬳᬾᬕᬃᬫᬳᬢᬸᬃᬭᬭᬶᬲ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬯᬦ᭄ᬢᬄᬗᬶᬭᬶᬂᬧᬓᬬᬸᬦᬦ᭄᭞ᬬᬤᬶᬦ᭄ᬓᬯᭀᬦᬾᬫᬗ᭄ᬓᬶᬦ᭄᭞ᬋᬓᬾᬧᬓᬬᬸᬦᬦ᭄᭞ ᬢᬶᬢ᭄ᬬᬂᬗᬢᬸᬭᬂᬧᬶᬲᬦ᭄᭞ᬪᬕᬯᬦ᭄ᬩᬶᬱ᭄ᬫᬢᬦ᭄ᬲᬶᬧᬶ᭞ᬓᬬᬸᬦᬾᬰ᭄ᬯᬾᬘᬵ᭞ᬤᬾᬦᬶᬂᬧᬥᬗᬤ᭄ᬬᬦᬶᬦ᭄᭟ᬧᬲᭀᬩᬬᬵᬧᬥᬢ᭄ᬯᬭᬵᬤᬤᬶᬫᬶᬢ᭄ᬬ᭞ᬲᬂᬲᬬᭀᬚᬦᬕᬡ᭄ᬥᬶ᭞ᬭᬭᬶᬲ᭄ᬓᬳᬢᬸᬭᬂ᭞ᬳᬦ᭄ᬢᬸᬓ᭄ᬱᬂᬤ [᭑᭒ 12A] ᬱᬩᬮᬵ᭞ᬪᬕᬯᬦ᭄ᬪᬶᬱ᭄ᬫᬵᬫᬦᬫ᭄ᬧᬶ᭞ᬫᬗ᭄ᬭᬭᬶᬲ᭄ᬩᬸᬤᬮ᭄᭞ᬢᬦ᭄ᬘᬭᬶᬢᬤᬶᬫᬵᬃᬕ᭄ᬕᬶ᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬦᬵᬕᬭᬳᬱ᭄ᬝᬶᬦᬵ᭞ᬮᬸᬫ᭄ᬩ᭄ᬭᬄᬯᬺᬢᬦᬾᬚᬦᬶ᭞ᬬᬦ᭄ᬪᬕᬯᬦ᭄ᬩᬶᬱ᭄ᬫᬵ᭞ᬭᬯᬸᬄᬫᬗ᭄ᬕᬯᬓᬦ᭄ᬬ᭞ᬳᬬᬸᬦᬾᬢ᭄ᬯᬭᬵᬦᬦ᭄ᬤᬶᬗᬶᬦ᭄᭞ᬓᬮᬶᬄᬓᬩᬶᬦᬵ ᬩᬶᬦᬵᬳᬫ᭄ᬩᬸᬦᬾᬫᬶᬳᬶᬓ᭄᭟ᬳᬶᬤᬲᬂᬧ᭄ᬭᬪᬹᬳᬾᬕᬃᬫᬫᬶᬋᬂᬯᬺᬢ᭄ᬣᬵ᭞ᬪᬖᬯᬦ᭄ᬩᬶᬱ᭄ᬫᬵᬳᭀᬮᬶᬄ᭞ᬓᬤᬶᬧᬓᬬᬸᬦᬦ᭄᭞ᬢᬦ᭄ᬘᬭᬶᬢᬲᬂᬦᬣᬵ᭞ᬪᬖᬯᬦ᭄ᬩᬶᬱ᭄ᬫᬵᬫᬗ᭄ᬭᬭᬶᬲ᭄᭞ᬗᬢᬸᬭᬂᬓᬦ᭄ᬬ᭞ᬩᭀᬦᬾᬫᬶᬳᬶᬓ᭄ᬲᬸᬫᬶᬭᬶᬢ᭄᭟ᬢᬦ᭄ᬲᬶᬦᬶ᭠ ᬧᬶᬰ᭄ᬯᬾᬘ᭄ᬙᬵᬓᬬᬸᬦᬾᬲᬂᬦᬵᬣ᭞ᬢᬦ᭄ᬤᬸᬭᬭᬶᬲ᭄ᬧ᭄ᬭᬫᬗ᭄ᬓᬶᬦ᭄᭞ᬫᬗ᭄ᬯᬗᬸᬦᬶᬂᬓᬃᬬ᭄ᬬ᭞ᬪᬶᬱᬾᬓᬵᬧᬯᬶᬯᬳᬦ᭄᭞ᬳᬾᬕᬃᬧᬯᭀᬗᬶᬂᬚ᭄ᬭᭀᬧᬸᬭᭀ᭞ᬫ᭄ᬯᬂᬢᬡ᭄ᬥᬵᬳᭂᬳᬓ᭄ᬬᬦ᭄᭞ᬓᬢ᭄ᬓᬾᬂᬩᬮᬵᬢᬦᬶ᭟ᬳᭂᬦ᭄ᬤᭂᬄᬫᬸᬳᬸᬕ᭄ᬫᬜᬶᬦ᭄ᬢᬦ᭄ᬫᬦᬾᬕ᭄ᬚᭂ ᬦᬦ᭄᭞ᬳᬯᭀᬭᬶᬦ᭄ᬫᬸᬜᬶᬦ᭄ᬩᭂᬤᬶᬮ᭄᭞ᬕᭀᬂᬫᬢᬩᬸᬳᬦ᭄᭞ᬮᬾᬦ᭄ᬲ᭄ᬫᬭᬵᬧᬕᬸᬮᬶᬗᬦ᭄᭞ᬲᬳᬸᬧᬘᬭᬦᬾᬍᬯᬶᬄ᭞ᬳᬶᬤᬵᬩ᭄ᬭᬳ᭄ᬫᬵᬳᬰᬶᬯ᭄ᬯᬩᬸᬤ᭄ᬥᬵᬗᬚᭂᬗᬶᬦ᭄᭟ᬲᬳᬤᬦᬵᬧᬸᬦ᭄ᬬᬫ᭄ᬯᬂᬋᬱᬶᬩ᭄ᬧ᭄ᬚᬦ᭞

Auto-transliteration

[11 11B] 11 ringpuri. bhagawanbiṣmararislunghā, ñidayangpakayunansanghaji, hakweḥmangiringang, sr̥ĕgĕpsahāsañjata, handarungkunehaglis, mamgat'halas, mamĕnggĕlgunungsripit. sarawuhekapanggiḥ sangdaśabalā, bhagawanbiṣmāraris, mapatutpatutan, sumanggupmañidayang, kadidhadhĕpemangwidhi, sangdaśabalā, ringsangprabhunengūni. kapungkur̀piliḥsiddhamadweputr̥ĕ, sangsayojanāga ṇdhi, hapangñnĕngnātha, ringhaṣṭinānagarā, bhagawanbiṣmāmatihin, sangdaśabalā, hegar̀mahatur̀raris. hinggiḥtityangwantaḥngiringpakayunan, yadinkawonemangkin, r̥ĕkepakayunan, tityangngaturangpisan, bhagawanbiṣmatansipi, kayuneśwecā, deningpadhangadyanin. pasobayāpadhatwarādadimitya, sangsayojanagaṇdhi, rariskahaturang, hantukṣangda [12 12A] ṣabalā, bhagawanbhiṣmāmanampi, mangrarisbudal, tancaritadimār̀ggi. sāmpunrawuḥringnāgarahaṣṭinā, lumbraḥwr̥ĕtanejani, yanbhagawanbiṣmā, rawuḥmanggawakanya, hayunetwarānandingin, kaliḥkabinā bināhambunemihik. hidasangprabhūhegar̀mamir̥ĕngwr̥ĕtthā, bhaghawanbiṣmāholiḥ, kadipakayunan, tancaritasangnathā, bhaghawanbiṣmāmangraris, ngaturangkanya, bonemihiksumirit. tansini‐ piśwecchākayunesangnātha, tandurarispramangkin, mangwanguningkar̀yya, bhisyekāpawiwahan, hegar̀pawongingjropuro, mwangtaṇdhāhĕhakyan, katkengbalātani. hĕndĕḥmuhugmañintanmanegjĕ nan, haworinmuñinbĕdil, gongmatabuhan, lensmarāpagulingan, sahupacaranel̥ĕwiḥ, hidābrahmāhaśiwwabuddhāngajĕngin. sahadanāpunyamwangr̥ĕsyibpjana,

Leaf 12

Image on Archive.org

[᭑᭒ 12B] ᭑᭒ ᬢᬦ᭄ᬯᬶᬮᬗᬶᬦ᭄ᬫᬲ᭄ᬧᬶᬧᬶᬲ᭄᭞ᬢ᭄ᬮᬲ᭄ᬓᬩ᭄ᬬᬬᬳᬂ᭞ᬢᬦ᭄ᬓᬯᬃᬳ᭄ᬦᬦᭂᬦ᭄ᬳᬶᬤ᭄ᬥᬵ᭞ᬲᬂᬧ᭄ᬭᬪᬹᬲᬵᬫ᭄ᬧᬸᬦ᭄‌ᬤᬫ᭄ᬧᬢᬶ᭞ᬓᬚᬬᬚᬬᬵ᭞ᬳᬦ᭄ᬢᬸᬓ᭄ᬲᬂᬫᬗᬚᭂᬗᬶᬦ᭄᭟ᬲᬧᬸᬧᬸᬢᬶᬂᬧᬯᬶᬯᬳᬵᬳᬶᬤᬵᬲᬂᬦᬵᬣ᭞ᬮᬶᬦ᭄ᬢᬂᬰ᭄ᬯᬱ᭄ᬝᬦᬶᬂᬪᬹᬫᬶ᭞ᬲᬩᬩ᭄ᬮᬜ᭄ᬚ ᬦ᭄ᬫᬸᬤᬄ᭞ᬲᬮ᭄ᬯᬶᬃᬭᬶᬂᬢᬢᬦ᭄ᬤᬸᬭᬦ᭄᭞ᬫᬓ᭄ᬚᬂᬧᬥᬫᬦ᭄ᬤᬤᬶ᭞ᬳᬶᬚᬦ᭄ᬫᬵᬘᭀᬭᬄ᭞ᬤᬤᬶᬤᬃᬫ᭄ᬫᬵᬫᬕᭂᬦ᭄ᬢᬶ᭟ᬢᬦ᭄ᬓᭀᬘᬧᬩᬦ᭄ᬩ᭄ᬭᬢᬦᬾᬭᬶᬂᬳᬱ᭄ᬝᬶᬦᬵ᭞ᬲᬂᬲᬬᭀᬚᬦᬵᬕᬡ᭄ᬥᬶ᭞ᬚᬦᬶᬓᬘᬭᬶᬢ᭞ᬲᬵᬫ᭄ᬧᬸᬦ᭄ᬫᬤᬺᬯᬾᬧᬸᬢ᭄ᬭ᭞ᬮᬦᬂᬮ ᬦᬂᬫᬓᬓᬮᬶᬄ᭞ᬓᬤᬶᬪᬵᬝᬵᬭ᭞ᬓᭂᬫ᭄ᬩᬃᬯᬵᬃᬡ᭄ᬦᬦᬾᬓᬮᬶᬄ᭟ᬦᬾᬤᬸᬳᬸᬭᬦ᭄ᬫᬧᬭᬩ᭄ᬲᬂᬘᬶᬢ᭄ᬭᬗ᭄ᬕᬥ᭞ᬲ᭄ᬤᭂᬂᬫᭂᬂᬧᭂᬂᬗᬬᭀᬦᬶᬦ᭄᭞ᬓᬤᬶᬲᬗ᭄ᬳ᭄ᬬᬂᬲ᭄ᬫᬭ᭞ᬦᬾᬳᬮᬶᬢᬦ᭄ᬲᬂᬘᬶᬢᬺ᭞ᬯᬶᬃᬬ᭄ᬬᬧᬲᬾᬗᬦᬾᬢ᭄ᬯᬶ᭞ᬯᬦ᭄ᬢᬄᬲᬯᬯᬵ᭞ᬭᬹᬧᬕᬸ ᬡᬵᬲᬢᬦ᭄ᬤᬶᬂ᭟ᬲᬂᬭᬚᬵᬧᬸᬢ᭄ᬭᬓᬮᬶᬄᬲᬵᬫ᭄ᬧᬸᬦ᭄ᬓᬢ᭄ᬓᬦ᭄᭞ᬭᬕᬲ᭄ᬫᬭᬵᬗ᭄ᬭᬦᭂᬳᬶᬦ᭄᭞ᬓᬬᬸᬦ᭄ᬫᬯᬶᬯᬳᬵ᭞ᬓᬾᬯᭂᬄᬳᬶᬤᬲᬂᬦᬵᬣ᭞ᬓᬮᬶᬄᬳᬶᬤᬵᬧ᭄ᬭᬫᬶᬰ᭄ᬯᬭᬶ᭞ᬫᬗ᭄ᬭᬸᬭᬸᬄᬓᬦ᭄ᬬ᭞ᬭᬚᬵᬧᬸᬢ᭄ᬭᬓᬓᬮᬶᬄ᭟ᬭᬭᬶᬲ᭄ᬯᬾ [᭑᭓ 13A] ᬦ᭄ᬢᭂᬦ᭄‌ᬯᬺᬢ᭄ᬢᬮᬸᬫ᭄ᬩ᭄ᬭᬄᬤᬶᬦᬵᬕᬭ᭞ᬬᬦᬺᬓᬾᬭᬢᬸᬓᬰᬶ᭞ᬭᬵᬚᬫᬤ᭄ᬯᬾᬧᬸᬢ᭄ᬭ᭞ᬳᬶᬲ᭄ᬢ᭄ᬭᬶᬳᬬᬸᬦᬾᬮᬶᬯᬢ᭄ᬢᬢᬶᬕᬢ᭄ᬯᬭᬦᬦ᭄ᬤᬶᬗᬶᬦ᭄᭞ᬯ᭄ᬬᬓ᭄ᬢᬶᬲᬯᬯᬵ᭞ᬫᬢᬸᬭᬸᬦᬦ᭄ᬓᬧᬸᬚᬶ᭟ᬦᬾᬧᬮᬶᬂᬤᬸᬳᬸᬃᬧᬲᬾᬗᬦᬾᬲᬗᬫ᭄ᬩᬵ᭞ᬫ᭄ᬯᬂᬲᬗ᭄ᬳ ᬭᬶᬲᬗᬫ᭄ᬩᬶ᭞ᬫ᭄ᬯᬄᬲᬗᬫ᭄ᬩᬶᬮᬶᬓᬵ᭞ᬧᬸᬦᬶᬓᬓᬯᬗᬸᬦᬂ᭞ᬲᬾᬯᬫ᭄ᬩᬭᬵᬳᬦ᭄ᬢᬸᬓ᭄ᬱᬗ᭄ᬳᬚᬶ᭞ᬭᬭᬶᬲ᭄ᬓᬧᬶᬦᬂ᭞ᬧᬭᬵᬭᬢᬸᬦᬾᬲᬫᬶ᭟ᬪᬕᬯᬦ᭄ᬩᬶᬱ᭄ᬫᬵᬭᬭᬶᬲ᭄ᬫᬧᬫᬶᬢ᭄‌ᬮᬸᬗ᭄ᬳᬵ᭞ᬫᬲᬤ᭄ᬬᬢ᭄ᬯᬄᬗᭂᬦ᭄ᬤᭀᬦᬶᬦ᭄᭞ᬧᬘᬂᬫᬜᬶᬤᬬᬂ᭞ ᬓᬬᬸᬦ᭄ᬳᬶᬤᬵᬲᬂᬦᬵᬣ᭞ᬗᬺᬋᬳᬂᬭᬳᬶᬦᬾᬓᬮᬶᬄ᭞ᬭᬩᬶᬲᬯᬯᬵ᭞ᬳᭀᬓᬦ᭄ᬭᬢᬸᬦᬾᬍᬯᬶᬄ᭟ᬢᬦ᭄ᬘᬭᬶᬢᬢᬶᬗ᭄ᬓᬳᬾᬪᬕᬯᬦ᭄ᬩᬶᬱ᭄ᬫᬵ᭞ᬲᬵᬫ᭄ᬧᬸᬦ᭄ᬳᬶᬤᬵᬫᬫᬵᬃᬕ᭄ᬕᬶ᭞ᬗᭂᬦ᭄ᬤᭀᬦ᭄‌ᬲᭀᬯᬫ᭄ᬩᬭᬵ᭞ᬲᬺᬕᭂᬧ᭄ᬲᬳᬵ ᬲᬜ᭄ᬚᬢ᭞ᬢᬦ᭄ᬓᬘᬭᬶᬢᬤᬶᬫᬃᬕ᭄ᬕᬶ᭞ᬭᬯᬸᬄᬭᬶᬂᬲᬾᬯᬫ᭄ᬩᬭᬵᬓᬰ᭄ᬢᬶᬦᬵᬕᬭᬶ᭟ᬲ᭄ᬤᭂᬂᬧᬳᬶᬗᬦᬦ᭄ᬧᬭᬭᬢᬸᬦᬾᬦᬧᬓ᭄᭞ᬲᬾᬯᬫ᭄ᬩᬭᬦᬾᬲᬫᬶ᭞ᬲᬦᬾᬦᬾᬓᬧᬶᬦᬂ᭞ᬧᬥᬗ᭄ᬯᭂᬢ᭄ᬯᬂᬧᬫᬃᬡ᭄ᬦᬵ᭞ᬧᬗ᭄ᬭᬸᬫ᭄ᬭᬸᬫ᭄ᬓᭂᬳᬶᬓᬸᬂᬓᬓᬵ

Auto-transliteration

[12 12B] 12 tanwilanginmaspipis, tlaskabyayahang, tankawar̀hnanĕnhiddhā, sangprabhūsāmpundampati, kajayajayā, hantuksangmangajĕngin. sapuputingpawiwahāhidāsangnātha, lintangśwaṣṭaningbhūmi, sabablañja nmudaḥ, salwir̀ringtatanduran, makjangpadhamandadi, hijanmācoraḥ, dadidar̀mmāmagĕnti. tankocapabanbrataneringhaṣṭinā, sangsayojanāgaṇdhi, janikacarita, sāmpunmadr̥ĕweputra, lanangla nangmakakaliḥ, kadibhāṭāra, kĕmbar̀wār̀ṇnanekaliḥ. neduhuranmaparabsangcitranggadha, sdĕngmĕngpĕngngayonin, kadisanghyangsmara, nehalitansangcitr̥ĕ, wir̀yyapasenganetwi, wantaḥsawawā, rūpagu ṇāsatanding. sangrajāputrakaliḥsāmpunkatkan, ragasmarāngranĕhin, kayunmawiwahā, kewĕḥhidasangnātha, kaliḥhidāpramiśwari, mangruruḥkanya, rajāputrakakaliḥ. rariswe [13 13A] ntĕnwr̥ĕttalumbraḥdināgara, yanr̥ĕkeratukaśi, rājamadweputra, histrihayuneliwattatigatwaranandingin, wyaktisawawā, maturunankapuji. nepalingduhur̀pasenganesangambā, mwangsangha risangambi, mwaḥsangambilikā, punikakawangunang, sewambarāhantukṣanghaji, rariskapinang, parāratunesami. bhagawanbiṣmārarismapamitlunghā, masadyatwaḥngĕndonin, pacangmañidayang, kayunhidāsangnātha, ngr̥ĕr̥ĕhangrahinekaliḥ, rabisawawā, hokanratunel̥ĕwiḥ. tancaritatingkahebhagawanbiṣmā, sāmpunhidāmamār̀ggi, ngĕndonsowambarā, sr̥ĕgĕpsahā sañjata, tankacaritadimar̀ggi, rawuḥringsewambarākaśtināgari. sdĕngpahingananpararatunenapak, sewambaranesami, sanenekapinang, padhangwĕtwangpamar̀ṇnā, pangrumrumkĕhikungkakā

Leaf 13

Image on Archive.org

[᭑᭓ 13B] ᭑᭓ ᬯᬶᬦ᭄᭞ᬳᬤᬫᬦᬺᬓᬲ᭄᭞ᬩᬳᬦ᭄ᬢᬸᬮᬶᬲ᭄ᬧᬓᬶᬭᬶᬫ᭄᭟ᬳᬤᬫᬧᬸᬢᬸᬲᬦ᭄ᬧᬋᬓᬦ᭄ᬓᬧᬃᬘ᭄ᬙᬬᬵ᭞ᬯᬶᬤᬕ᭄ᬥᬗᬸᬩᬫᬸᬜᬶ᭞ᬫᬕᬸᬮᬵᬕᬸᬮᬬᬦ᭄᭞ᬲᬸᬩᬲ᭄ᬭᬶᬂᬫᬘᬶᬳ᭄ᬦ᭞ᬫᬜᬶᬤᬬᬂᬓᬬᬸᬦ᭄ᬕᬸᬲ᭄ᬢᬶ᭞ᬳ᭄ᬮᬾᬦ᭄ᬳᬸᬢᬸᬲᬦ᭄᭞ᬗᬩᬬᬂ ᬳ᭄ᬫᬲ᭄ᬫᬧᬶᬦᬶᬓ᭄᭟ᬲᬂᬭᬵᬚᬧᬸᬢ᭄ᬭᬶᬩᬸᬓᬵᬢ᭄ᬯᬭᬓᬾᬫᬸᬢᬦ᭄᭞ᬢ᭄ᬓᬾᬦ᭄ᬲᬃᬯ᭄ᬯᬫᬲ᭄ᬫᬡᬶᬓ᭄᭞ᬳᬧᬦ᭄‌ᬢ᭄ᬯᬭᬳᬤ᭞ᬋᬱᭂᬧᬶᬂᬧᬓᬬᬸᬦᬦ᭄᭞ᬧ᭄ᬭᬢᬶᬗ᭄ᬓᬄᬭᬢᬸᬦᬾᬲᬫᬶ᭞ᬲᬦᬾᬓᬧᬶᬦᬂ᭞ᬧᬤᬢᬦ᭄ᬓᬳᬃᬱᬦᬶᬦ᭄᭟ᬳᭂᬦ᭄ᬤᭂᬄ᭠ ᬫᬸᬳᬸᬕ᭄ᬫᬸᬜᬶᬦ᭄ᬢᬦ᭄ᬫᬦᬾᬕ᭄ᬩᭀᬕᬦ᭄᭞ᬧᬘᬂᬕᭂᬦ᭄ᬫᬗᬮᬶᬄ᭞ᬳᬤᬦᬦ᭄ᬤᬦ᭄ᬧᬦᬓ᭄᭞ᬜᬶᬗᬮ᭄ᬘᬸᬘᬸᬧᬓ᭄ᬭᬾᬬᬓ᭄᭞ᬩᬳᬦ᭄ᬘᬸᬫ᭄ᬧᬸᬦᬾᬫᬦ᭄ᬗᬮᬶᬄ᭞ᬢ᭄ᬯᬭᬗᬯᬶᬮᬂ᭞ᬓ᭄ᬩᬸᬲ᭄ᬩᬳᬂᬧ᭄ᬮᬸᬄᬧᬶᬤᬶᬢ᭄᭟ᬳᬤᬵᬦ᭄ᬢᭀᬦᬾᬩᬮᬸ ᬮᬸᬄᬓᬢᬼᬩ᭄ᬧᬶᬲᬦ᭄᭞ᬗᭂᬦᭀᬢ᭄ᬲᬂᬭᬚᬧᬸᬢ᭄ᬭᬶ᭞ᬢᬶᬕᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬢ᭄ᬓᬩ᭄ᬗᭀᬂᬫᬜᭂᬩᬵᬓ᭄᭞ᬳᬯᭀᬓ᭄ᬜᬦᬾᬢ᭄ᬯᬭᬕᬶᬕᬶᬲ᭄᭞ᬳᬤᬫᬫᬦ᭄ᬢᭂᬕ᭄᭞ᬢᬗ᭄ᬓᬄᬢᭂᬫ᭄ᬩᬾᬦᭂᬧᬸᬓᬶᬦ᭄᭟ᬳᬤᬧᬓᬶᬲᬶᬧᬥ [᭑᭔ 14A] ᬢ᭄ᬓᬾᬩ᭄ᬭᭀᬯᬗᬵ᭞ᬕᬯᭀᬓ᭄ᬱᬦᬶᬭᬚᬦᬶ᭞ᬤᬶᬚᬢᬵᬳᬮᬶᬳᬂ᭞ᬭᬢᬸᬦᬾᬫᬢᬦ᭄ᬤᬶᬗᬦ᭄᭞ᬧᬘᬂᬳᬗ᭄ᬕᬾᬦ᭄ᬳᬶᬤᬰ᭄ᬯᬫᬶ᭞ᬫᬗ᭄ᬤᬲᬯᬯᬵ᭞ᬦᬾᬜᬦ᭄ᬤᬂᬧᬘᬂᬜᬦ᭄ᬤᬶᬂ᭞ᬮᬾᬦ᭄ᬫᬲᬯᬸᬢ᭄‌ᬗᬸᬤᬓᬾᬢᭀᬩᬦ᭄ᬕᬸᬭᬸᬜ᭞ᬢ᭄ᬯᬭᬤᬤᬶ ᬧᬶᬮᬶᬳᬶᬦ᭄᭞ᬲᬭᬜᬢ᭄ᬯᬄᬢᬶᬢᬄ᭞ᬯᬶᬤ᭄ᬥᬶᬦᬾᬫᬢ᭄ᬫᬸᬯᬂ᭞ᬳᬶᬤᬭᬢᬸᬳᬬᬸᬬᬤᬶᬦ᭄᭞ᬢ᭄ᬯᬭᬲᬯᬯᬵ᭞ᬮᬫᬸᬦ᭄ᬯᬶᬤ᭄ᬥᬶᬦᬾᬫᬜᬢ᭄ᬭᬶ᭟ᬳᬫ᭄ᬩᬸᬮ᭄ᬢᭀᬳᬸᬘᬧᬂᬫᬸᬜᬶᬦᬾᬗ᭄ᬭᬸᬳᬬᬂ᭞ᬮ᭄ᬬᬸᬲᬮᬾᬂᬢᬶᬫ᭄ᬩᬮᬶᬦ᭄᭞ᬚᬦᬶᬓᬘᬭᬶᬢ ᭞ᬳᬶᬤᬪᬵᬕᬯᬦ᭄ᬩᬶᬱ᭄ᬫ᭞ᬳᬧᬦ᭄ᬲᬤ᭄ᬬᬦᬾᬫᬗᬸᬗ᭄ᬲᬶ᭞ᬰᬲᬦᬵᬫᬸᬮ᭄ᬬ᭞ᬲᬢ᭄ᬭᬶᬬᬵᬗᬫ᭄ᬩᬸᬮ᭄ᬭᬩᬶ᭟ᬳᬧᬦ᭄ᬓᬳᬸᬘᬧᬮᬶᬂᬉᬢ᭄ᬢᬵᬫᬜ᭞ᬢᬶᬗ᭄ᬓᬳᬾᬗᬫ᭄ᬩᬸᬮ᭄ᬭᬩᬶ᭞ᬩᬦ᭄ᬫᬗ᭄ᬯᬮᬢ᭄ᬓᬭᬵ᭞ᬘᬶᬳ᭄ᬦᬦᬶᬂᬲᬂᬧᬸᬭᬸᬱᬵ᭞ᬳᬯ᭄ᬓᬦ᭄ᬳᬶᬤ ᬧᬺᬫᬗ᭄ᬓᬶᬦ᭄᭞ᬫᬫᬭᬶᬓᭀᬱᬵ᭞ᬲᬂᬢᬶᬕᬵᬭᬚᬵᬧᬸᬢ᭄ᬭᬶ᭟ᬧᬭᬭᬢᬸᬦᬾᬲᬫᬶᬓᬕ᭄ᬬᬢ᭄ᬫᬘᬶᬗᬓ᭄᭞ᬕ᭄ᬮᬶᬲ᭄ᬧᬥᬗᬫ᭄ᬩᬗᬶᬦ᭄᭞ᬫᬯᬦᬦ᭄ᬫᬬᬸᬤ᭄ᬥ᭞ᬭᬫᬾᬳᬤᬫᬫᬦᬄ᭞ᬳᬤᬫᬜᬓᬺᬗᭂᬫ᭄ᬩᬸᬮᬶᬦ᭄᭞ᬪᬕᬯᬦ᭄ᬩᬶ

Auto-transliteration

[13 13B] 13 win, hadamanr̥ĕkas, bahantulispakirim. hadamaputusanpar̥ĕkankapar̀cchayā, widagdhangubamuñi, magulāgulayan, subasringmacihna, mañidayangkayun'gusti, hlenhutusan, ngabayang hmasmapinik. sangrājaputribukātwarakemutan, tkensar̀wwamasmaṇik, hapantwarahada, r̥ĕsyĕpingpakayunan, pratingkaḥratunesami, sanekapinang, padatankahar̀ṣanin. hĕndĕḥ‐ muhugmuñintanmanegbogan, pacanggĕnmangaliḥ, hadanandanpanak, ñingalcucupakreyak, bahancumpunemanngaliḥ, twarangawilang, kbusbahangpluḥpidit. hadāntonebalu luḥkatl̥ĕbpisan, ngĕnotsangrajaputri, tigangrangsukpayas, tkabngongmañĕbāk, hawokñanetwaragigis, hadamamantĕg, tangkaḥtĕmbenĕpukin. hadapakisipadha [14 14A] tkebrowangā, gawokṣanirajani, dijatāhalihang, ratunematandingan, pacanghanggenhidaśwami, mangdasawawā, neñandangpacangñanding, lenmasawutngudaketoban'guruña, twaradadi pilihin, sarañatwaḥtitaḥ, widdhinematmuwang, hidaratuhayuyadin, twarasawawā, lamunwiddhinemañatri. hambultohucapangmuñinengruhayang, lyusalengtimbalin, janikacarita , hidabhāgawanbiṣma, hapansadyanemangungsi, śasanāmulya, satriyāngambulrabi. hapankahucapalinguttāmaña, tingkahengambulrabi, banmangwalatkarā, cihnaningsangpurusyā, hawkanhida pr̥ĕmangkin, mamarikosyā, sangtigārajāputri. pararatunesamikagyatmacingak, glispadhangambangin, mawananmayuddha, ramehadamamanaḥ, hadamañakr̥ĕngĕmbulin, bhagawanbi

Leaf 14

Image on Archive.org

[᭑᭔ 14B] ᭑᭔ ᬱ᭄ᬫᬵ᭞ᬢᬦ᭄ᬓᬾᬯᭂᬄᬢ᭄ᬓᬵᬕ᭄ᬮᬶᬲ᭄᭟ᬫᬗᬶᬗ᭄ᬕᬳᬂᬲᬂᬭᬚᬵᬧᬸᬢ᭄ᬭᬶᬓᬢᬶᬕ᭄ᬕ᭞ᬧᬭᬭᬢᬸᬦᬾᬲᬫᬶ᭞ᬲᬦᬾᬦᬾᬓᬧᬶᬦᬂ᭞ᬧᬤᬮᬶᬦ᭄ᬢᬂᬩ᭄ᬭᬳ᭄ᬫᬵᬦ᭄ᬳ᭄ᬬᬦ᭄᭞ᬲᬳᬲᬢ᭄ᬓᬦᬹᬢ᭄ᬜᬸᬭᬶ᭞ᬳᬤᬫᬳᬯᬦ᭄ᬕᬚᬄᬓᬸᬤ᭄ᬥᬧᬤᬢᬶ᭟ᬢᬦ᭄ᬯᬶᬮᬗᭂᬦ᭄ᬧᬭ ᬭᬢᬸᬦᬾᬫᬫᬦᬄ᭞ᬧᬥᬢᬦ᭄ᬧᬗᬸᬤᬶᬮᬶ᭞ᬓᭀᬘᬧᬪᬖᬯᬦ᭄᭞ᬩᬶᬱ᭄ᬫᬲᬵᬫ᭄ᬧᬸᬦ᭄ᬜᬶᬤᬬᬂ᭞ᬫᬗ᭄ᬯᬮᬢ᭄ᬓᬭᬲᬂᬭᬚᬧᬸᬢ᭄ᬭᬶ᭞ᬓᬢᬶᬕ᭄ᬕᬵᬤ᭄ᬳᬵ᭞ᬳᬬᬸᬢᬦ᭄ᬲᬶᬧᬶ᭟ᬧ᭄ᬭᬪᬹᬲᬦ᭄ᬢᬦᬸᬳᬾᬕᬃᬭᬶᬂᬧᬓᬬᬸᬦᬦ᭄᭞ᬢᬦ᭄ᬤᬸᬫᬥᬾᬧᬺᬫᬗ᭄ᬓᬶ᭠ ᬦ᭄᭞ᬭᬭᬶᬲ᭄ᬫᬳᬸᬢᬸᬲᬦ᭄᭞ᬫᬗ᭄ᬤᬾᬯᬾᬦ᭄ᬢᭂᬦ᭄ᬧᬫᭂᬦ᭄ᬤᬓ᭄᭞ᬕᭀᬂᬲᬳᬵᬢᬸᬗ᭄ᬕᬸᬮ᭄‌ᬫ᭄ᬯᬂᬩ᭄ᬤᬶᬮ᭄᭞ᬫᬤᬸᬮᬸᬃᬤᬫ᭄ᬧᬵᬫᬢᬸᬭᬸᬦᬦ᭄ᬫᬫᬵᬃᬕ᭄ᬕᬶᬢ᭄ᬭᬯᬸᬄᬪᬵᬕᬯᬦ᭄ᬩᬶᬱ᭄ᬫᬳᬚᬳᬦ᭄᭞ᬫᬫᬋᬓ᭄ᬥᬲᬗ᭄ᬳᬚᬶ᭞ᬲᬧ᭄ᬭᬗ᭄ᬓᬓᬄᬫ᭄ᬧᬸ ᬦ᭄ᬢᭂᬮᬲ᭄ᬓᬢᬸᬭᬂ᭞ᬢ᭄ᬓᬦᬶᬂᬲᬂᬭᬚᬧᬸᬢ᭄ᬭᬶ᭞ᬳᬬᬸᬦᬾᬮᬶᬯᬢ᭄᭞ᬲᬂᬧ᭄ᬭᬪᬸᬲ᭄ᬯᬾᬘ᭄ᬙᬵᬦᬫ᭄ᬧᬶ᭟ᬭᬭᬶᬲ᭄ᬧ᭄ᬭᬫᬗ᭄ᬓᬶᬦ᭄‌ᬗ᭄ᬯᬗᬸᬦᬂᬧᬯᬶᬯᬳᬵ᭞ᬲᬂᬘᬶᬢᬺᬗ᭄ᬕᬤᬭᬭᬶᬲ᭄ᬓᬪᬶᬱᬾᬓᬦᬵᬣ᭞ᬲᬗᬫ᭄ᬩᬶᬓᬵᬯᬸᬲ᭄ᬮᬸᬫ᭄ᬩ᭄ᬭᬄ᭞ᬋᬓᬾᬫᬓ [᭑᭕᭕ 15A] ᬧ᭄ᬭᬫᬶᬰ᭄ᬯᬭᬶ᭞ᬲᬂᬘᬶᬢᬺᬯᬶᬃᬬ᭄ᬬ᭞ᬲᬗᬫ᭄ᬩᬶᬮᬶᬓᬵᬧᬸᬢ᭄ᬭᬶ᭟ᬳᬾᬕᬃᬲᬳᬶᬲᬶᬦᬶᬂᬦᬵᬕᬭᬾᬂᬳᬱ᭄ᬝᬶᬦ᭞ᬲᬂᬲᬬᭀᬚᬦᬕᬡ᭄ᬥᬶ᭞ᬕᬸᬫᬦ᭄ᬢᬶᬧᬲᬾᬗᬦ᭄᭞ᬓᬮᬸᬫ᭄ᬩ᭄ᬭᬳᬂᬫᬧᬭᬩ᭄᭞ᬋᬓᬾᬤᬾᬯᬶᬕᬡ᭄ᬥᬯᬢᬶ᭞ᬳᬶᬤᬵᬓᬳᬸᬘᬧ᭄᭞ᬚᬸᬫ᭄ᬦᭂᬂᬧ᭄ᬭ ᬫᬶᬰ᭄ᬯᬭᬶ᭟ᬢᬦᬸᬘᬧᭂᬦ᭄ᬮᬦ᭄ᬤᬸᬳᬶᬂᬩᬸᬫᬶᬳᬱ᭄ᬝᬶᬦ᭞ᬲᬧᬗᬤᭂᬕᬶᬦᬵᬰ᭄ᬭᬶᬳᬚᬶ᭞ᬘᬶᬢᬺᬗ᭄ᬕᬤ᭞ᬳᬧᬦ᭄‌ᬲᬵᬫ᭄ᬧᬸᬦ᭄ᬲᬯᬯᬵ᭞ᬪᬕᬯᬦ᭄ᬩᬶᬱ᭄ᬫᬫᬢᬶᬳᬶᬦ᭄᭞ᬲᬂᬘᬶᬢ᭄ᬭᬯᬶᬃᬬ᭄ᬬ᭞ᬚᬸᬫ᭄ᬦᭂᬂᬗᬫᬥᬾᬦᬶᬦ᭄᭟ᬢᬦ᭄ᬧᬳᬶᬗᬦ᭄ᬳᬕᬸᬗᬾᬲᬂᬘᬶᬢ᭄ᬭᬗ᭄ᬕᬥ᭞ᬭᬶᬂᬳ ᬲ᭄ᬢᬶᬦᬵᬲᬶᬦᬶᬯᬶ᭞ᬓᬺᬢᬵᬓᬂᬦᬵᬕᬭ᭞ᬋᬧ᭄ᬢᬦ᭄ᬓᬢ᭄ᬓᬾᬂᬤᬸᬱ᭄ᬝᬵ᭞ᬳᬧᬦ᭄ᬲᬶᬭᬲᬂᬲᬶᬦᬶᬯᬶ᭞ᬍᬯᬶᬳᬶᬂᬥᬃᬫ᭄ᬫᬵ᭞ᬫᬕᭂᬳᬂᬮᬶᬦᬶᬗ᭄ᬳᬚᬶ᭟ᬪᬬᬵᬧᬦᬶᬢᬳᬶᬂᬯᬶᬤ᭄ᬥᬶᬫᬗ᭄ᬭᬸᬲᬓᬂ᭞ᬤᬤᬶᬓᬮᬸᬫ᭄ᬩ᭄ᬭᬄᬕ᭄ᬮᬶᬲ᭄᭞ᬓᬳᬶᬦ᭄ᬤ᭄ᬭᬩᬯᬦ᭞ᬮᬦ᭄ᬲᬂᬧ᭄ᬭᬩ᭄ᬯᬶᬂ᭠ ᬳᬱ᭄ᬝᬶᬦ᭞ᬓᬤᬶᬳᬫᬤᬫᬤᬦᬶᬦ᭄᭞ᬧᬲᬾᬗᬦ᭄ᬳᬶᬤᬵ᭞ᬘᬶᬢᬺᬗ᭄ᬕᬥᬪᬸᬧᬢᬶ᭟ᬳᬧᬦ᭄‌ᬯᬾᬦ᭄ᬢᭂᬦ᭄ᬕᬦ᭄ᬤᬃᬯ᭄ᬯᬭᬶᬂᬇᬦ᭄ᬤ᭄ᬭᬮᭀᬓᬵ᭞ᬲᬂᬘᬶᬢᬺᬗ᭄ᬕᬤᬦᬫᬶ᭞ᬫ᭄ᬯᬂᬲᬂᬘᬶᬢ᭄ᬋᬲᭀᬦᬵ᭞ᬤᬤᬶᬓ᭄ᬭᭀᬤᬲᬂᬘᬶᬢᬺᬗ᭄ᬕᬤ᭞ᬳᬦ᭄ᬢᬸᬓ᭄ᬓᬧᬦᬤᬶᬦ᭄᭞

Auto-transliteration

[14 14B] 14 ṣmā, tankewĕḥtkāglis. manginggahangsangrajāputrikatigga, pararatunesami, sanenekapinang, padalintangbrahmānhyan, sahasatkanūtñuri, hadamahawan'gajaḥkuddhapadati. tanwilangĕnpara ratunemamanaḥ, padhatanpangudili, kocapabhaghawan, biṣmasāmpunñidayang, mangwalatkarasangrajaputri, katiggād'hā, hayutansipi. prabhūsantanuhegar̀ringpakayunan, tandumadhepr̥ĕmangki‐ n, rarismahutusan, mangdewentĕnpamĕndak, gongsahātunggulmwangbdil, madulur̀dampāmaturunanmamār̀ggitrawuḥbhāgawanbiṣmahajahan, mamar̥ĕkdhasanghaji, saprangkakaḥmpu ntĕlaskaturang, tkaningsangrajaputri, hayuneliwat, sangprabhuswecchānampi. rarispramangkinngwangunangpawiwahā, sangcitr̥ĕnggadarariskabhisyekanātha, sangambikāwuslumbraḥ, r̥ĕkemaka [155 15A] pramiśwari, sangcitr̥ĕwir̀yya, sangambilikāputri. hegar̀sahisiningnāgarenghaṣṭina, sangsayojanagaṇdhi, gumantipasengan, kalumbrahangmaparab, r̥ĕkedewigaṇdhawati, hidākahucap, jumnĕngpra miśwari. tanucapĕnlanduhingbumihaṣṭina, sapangadĕgināśrihaji, citr̥ĕnggada, hapansāmpunsawawā, bhagawanbiṣmamatihin, sangcitrawir̀yya, jumnĕngngamadhenin. tanpahinganhagungesangcitranggadha, ringha stināsiniwi, kr̥ĕtākangnāgara, r̥ĕptankatkengduṣṭā, hapansirasangsiniwi, l̥ĕwihingdhar̀mmā, magĕhanglininghaji. bhayāpanitahingwiddhimangrusakang, dadikalumbraḥglis, kahindrabawana, lansangprabwing‐ haṣṭina, kadihamadamadanin, pasenganhidā, citr̥ĕnggadhabhupati. hapanwentĕn'gandar̀wwaringindralokā, sangcitr̥ĕnggadanami, mwangsangcitr̥ĕsonā, dadikrodasangcitr̥ĕnggada, hantukkapanadin,

Leaf 15

Image on Archive.org

[᭑᭕ 15B] ᭑᭕ ᬧᬲᬾᬗᬦ᭄ᬳᬶᬤᬵ᭞ᬢᬦ᭄ᬤᬸᬫᬥᬾᬧ᭄ᬭᬫᬗ᭄ᬓᬶᬦ᭄᭟ᬲᬳᬯᬤ᭄ᬯᬲᬺᬕᭂᬧ᭄ᬲᬮ᭄ᬯᬶᬭᬶᬂᬲᬜ᭄ᬚᬢ᭞ᬳᬕ᭄ᬮᬶᬲ᭄ᬮᬓᬸᬦᬾᬫᬗ᭄ᬓᬶᬦ᭄᭞ᬫᬗᭂᬩᬸᬕ᭄ᬲᬂᬘᬶᬢᬺ᭞ᬗ᭄ᬕᬤᬭᬢ᭄ᬯᬶᬂᬳᬱ᭄ᬝᬶᬦᬵ᭞ᬢᬦ᭄ᬓᬘᬭᬶᬢᬭᬶᬂᬫᬵᬃᬕ᭄ᬕᬶ᭞ᬘᬶᬢᬺᬗ᭄ᬕᬤᬕᬡ᭄ᬤᬃᬯ᭄ᬯᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭟ᬭᬶᬂᬢ᭄ᬧᬶᬦᬶᬂ ᬧᬦᬕᬭᬾᬂᬳᬲ᭄ᬢᬶᬦ᭞ᬲᬳᬵᬲᬸᬭᬓ᭄ᬓᬳᬶᬦ᭄ᬤᬶᬄ᭞ᬮᬯᬦ᭄ᬕᬕᬫᭂᬮᬦ᭄᭞ᬕᭀᬂᬩᬾᬭᬶᬫᬢᬩᬸᬳᬂ᭞ᬓᭀᬘᬧ᭄ᬲᬂᬧ᭄ᬭᬪᬸᬲᬶᬦᬶᬯᬶ᭞ᬳᬲ᭄ᬢᬶᬦᬵᬧᬸᬭᬵ᭞ᬲᬵᬫ᭄ᬧᬸᬦ᭄ᬓᬢᬸᬭᬦ᭄ᬫᬶᬚᬶᬮ᭄᭟ᬬᬦ᭄ᬯᬾᬦ᭄ᬢᭂᬦ᭄ᬲᬢ᭄ᬭᬸᬲᬓᬶᬂᬇᬦ᭄ᬤ᭄ᬭᬪᬵᬯᬡᬵ᭞ᬭᬯᬸᬄᬗ᭄ᬭᬶ ᬱ᭄ᬝᬵᬦᬵᬕᬭᬶ᭞ᬭᬶᬂᬳᬱ᭄ᬝᬶᬦᬵᬧᬸᬭᬵ᭞ᬲᬧᬶᬗᬋᬧᬶᬂᬬᬸᬤ᭄ᬥᬵ᭞ᬯᬾᬦ᭄ᬢᭂᬦ᭄ᬕᬡ᭄ᬥᬃᬯ᭄ᬯᬓᬓᬮᬶᬄ᭞ᬲᬂᬘᬶᬢᬺᬗ᭄ᬕᬥ᭞ᬧᬸᬦᬶᬓᬵᬫᬗ᭄ᬮᬶᬗ᭄ᬕᬦᬶᬦ᭄᭟ᬳᬯᬦᬦ᭄ᬫᬗ᭄ᬕᭂᬩᬸᬕ᭄ᬳᬦ᭄ᬢᬸᬓ᭄ᬥᬲᬂᬦᬵᬣ᭞ᬭᬶᬂᬳᬱ᭄ᬝᬶᬦᬲᬶᬯᬶ᭞ᬳᬫᬥᬧᬲᬾᬗᬦ᭄᭞ᬲᬂᬘᬶᬢᬺᬕᬥ ᬭᬚᬵ᭞ᬯᬶᬚᬶᬮ᭄ᬲᬳᬵᬯᬤ᭄ᬯᬗᬶᬭᬶᬂ᭞ᬳᬢᬦ᭄ᬤᬶᬂᬬᬸᬤᬵ᭞ᬧᬥᬧᬶᬭᬢᬦ᭄ᬕᬶᬂᬲᬶᬃ᭟ᬫᬩᬸᬭᬸᬓᬩᬸᬭᬸᬳᬯᭀᬃᬲᬶᬮᬶᬄᬤᭂᬡ᭄ᬥ᭞ᬲᬳᬯᬢᬂᬲᬶᬮᬶᬄᬓ᭄ᬭᬶᬲ᭄᭞ᬳᬓ᭄ᬯᬾᬄᬓᬧ᭄ᬭᬬᬵ᭞ᬫᬺᬚᬬᬢᬦ᭄ᬯᬶᬦᬶᬮᬂ᭞ᬯᬤ᭄ᬯᬦ᭄ᬬᬧᬢᬶᬄ [᭑᭖ 16A] ᬧᬶᬦᬢᬶᬄ᭞ᬲᬶᬭᬵᬫᬮᬗ᭄ᬕᬵ᭞ᬧᬥᬢᬦ᭄ᬤᬶᬂᬓᬯᬦᬶᬦ᭄᭟ᬲᬂᬘᬶᬢᬺᬗ᭄ᬕᬥᬲᬵᬫ᭄ᬧᬸᬦ᭄ᬳᬫᬕᬸᬢ᭄‌ᬬᬸᬤᬵ᭞ᬢᬦᬚ᭄ᬭᬶᬄᬧᬥᬯᬦᬶ᭞ᬮᬯᬦ᭄ᬘᬶᬢᬺᬗ᭄ᬕᬥ᭞ᬭᬚᬲᬳᬯᬳᬦᬵ᭞ᬢᬦᭀᬸᬦ᭄ᬓᬲᭀᬭᬦ᭄ᬢᬦᬍᬯᬶᬄ᭞ᬢᬸᬳᬸᬧ᭄ᬭᬯᬶᬭᬵ᭞ᬧᬤᬢᬦ᭄ᬓ ᬦᬦ᭄ᬓᬦᬶᬦ᭄᭟ᬭᬫᬾᬧᬸᬦᬂᬬᬸᬤᬵᬧᬤᬢᬦᬭᬵᬬ᭄ᬬᬦ᭄᭞ᬳᬸᬘᬧᭂᬦ᭄ᬢᬸᬶᬦ᭄ᬲᬗᬢᬦ᭄ᬤᬶᬂ᭞ᬯᬦᬶᬧᬤᬯᬶᬭ᭞ᬯᬢᬭᬧᬶᬢᬸᬂᬤᬶᬦᬵ᭞ᬳᬧᬦ᭄ᬧᬦᬶᬢᬳᬶᬂᬯᬶᬤ᭄ᬥᬶ᭞ᬲᬂᬘᬶᬢᬺᬗ᭄ᬕᬤ᭞ᬭᬵᬚᬢᬦ᭄ᬤᬸᬗ᭄ᬫᬲᬶᬦ᭄᭟ᬢᬦᬸᬘᬧᭂᬦ᭄ᬲᬂᬘᬶᬢᬺᬗ᭄ᬕᬤ᭄ᬥ ᬕᬡ᭄ᬥᬃᬯ᭄ᬯᬵ᭞ᬳᬦᬸᬮᬶᬲᬶᬭᬳᬕ᭄ᬮᬶᬲ᭄᭞ᬫᬭᬾᬂᬓᬤᬾᬯᬢᬦ᭄᭞ᬫᬢᬸᬭᬶᬂᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬬᬦ᭄ᬫᬸᬲᬸᬄᬳᬶᬭᬢᬦ᭄ᬓᬶᬭ᭞ᬲᬂᬘᬶᬢᬺᬗ᭄ᬕᬤ᭄ᬥᬵ᭞ᬭᬵᬚᬲᬵᬫ᭄ᬧᬸᬦ᭄ᬗᭂᬫᬲᬶᬦ᭄᭟ᬢᬦ᭄ᬲᬶᬧᬶᬰ᭄ᬯᬾᬘ᭄ᬙᬦᬾᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬳᬸᬘᬧᭂᬦ᭄ᬲᬂᬲᬶᬦᬶᬯᬶ ᭞ᬭᬶᬗ᭄ᬳᬱ᭄ᬝᬶᬦᬧᬸᬭᬵ᭞ᬲᬵᬫ᭄ᬧᬸᬦ᭄ᬋᬓᬾᬩᬶᬦᬲ᭄ᬫ᭄ᬬᬦ᭄᭞ᬲᬳᬸᬧᬓᬭᬦ᭄ᬲᬗ᭄ᬳᬚᬶ᭞ᬲᬂᬳᬭᬶᬘᬶᬢᬺ᭞ᬯᬶᬃᬬ᭄ᬬᬲᬶᬭᬕᬸᬫᬦ᭄ᬢᬶ᭟ᬗᬤᭂᬕ᭄ᬭᬢᬸᬲᬶᬦᬶᬯᬶᬭᬶᬂᬳᬱ᭄ᬝᬶᬦᬧᬸᬭᬵ᭞ᬢᬦ᭄ᬩᬶᬦᬓᬤᬶᬗᬹᬦᬶ᭞ᬲᬧᬗᬤᭂᬕ᭄ᬳᬶᬤ᭞ᬲᬂᬭᬢᬸᬘᬶ᭠

Auto-transliteration

[15 15B] 15 pasenganhidā, tandumadhepramangkin. sahawadwasr̥ĕgĕpsalwiringsañjata, haglislakunemangkin, mangĕbugsangcitr̥ĕ, nggadaratwinghaṣṭinā, tankacaritaringmār̀ggi, citr̥ĕnggadagaṇdar̀wwasāmpunprapti. ringtpining panagarenghastina, sahāsurakkahindiḥ, lawan'gagamĕlan, gongberimatabuhang, kocapsangprabhusiniwi, hastināpurā, sāmpunkaturanmijil. yanwentĕnsatrusakingindrabhāwaṇā, rawuḥngri ṣṭānāgari, ringhaṣṭināpurā, sapingar̥ĕpingyuddhā, wentĕn'gaṇdhar̀wwakakaliḥ, sangcitr̥ĕnggadha, punikāmanglingganin. hawananmanggĕbug'hantukdhasangnātha, ringhaṣṭinasiwi, hamadhapasengan, sangcitr̥ĕgadha rajā, wijilsahāwadwangiring, hatandingyudā, padhapiratan'gingsir̀. maburukaburuhawor̀siliḥdĕṇdha, sahawatangsiliḥkris, hakweḥkaprayā, mr̥ĕjayatanwinilang, wadwanyapatiḥ [16 16A] pinatiḥ, sirāmalanggā, padhatandingkawanin. sangcitr̥ĕnggadhasāmpunhamagutyudā, tanajriḥpadhawani, lawancitr̥ĕnggadha, rajasahawahanā, tanounkasorantanal̥ĕwiḥ, tuhuprawirā, padatanka nankanin. ramepunangyudāpadatanarāyyan, hucapĕntuinsangatanding, wanipadawira, watarapitungdinā, hapanpanitahingwiddhi, sangcitr̥ĕnggada, rājatandungmasin. tanucapĕnsangcitr̥ĕnggaddha gaṇdhar̀wwā, hanulisirahaglis, marengkadewatan, maturingsanghyangindra, yanmusuḥhiratankira, sangcitr̥ĕnggaddhā, rājasāmpunngĕmasin. tansipiśwecchanesanghyangindra, hucapĕnsangsiniwi , ringhaṣṭinapurā, sāmpunr̥ĕkebinasmyan, sahupakaransanghaji, sangharicitr̥ĕ, wir̀yyasiragumanti. ngadĕgratusiniwiringhaṣṭinapurā, tanbinakadingūni, sapangadĕg'hida, sangratuci‐

Leaf 16

Image on Archive.org

[᭑᭖ 16B] ᭑᭖ ᬢᬺᬗ᭄ᬕᬤ᭄ᬥ᭞ᬪᬕᬯᬦ᭄ᬩᬶᬧ᭄ᬫᬫᬢᬶᬳᬶᬦ᭄᭞ᬲᬂᬧ᭄ᬭᬪᬸᬯᬺᬤ᭄ᬥ᭞ᬓᬮᬶᬄᬮᬦ᭄ᬧ᭄ᬭᬫᬶᬰ᭄ᬯᬭᬶ᭟ᬫ᭄ᬢᬸᬤᬤᬶᬧᬓᬬᬸᬦᬦᬾᬲᬗ᭄ᬲᬬ᭞ᬭᬶᬂᬧᬸᬢ᭄ᬭᬦᬾᬕᬸᬫᬦ᭄ᬢᬸ᭞ᬭᬢᬸᬭᬶᬂᬳᬱ᭄ᬝᬶᬦ᭞ᬳᬧᬦ᭄ᬢ᭄ᬯᬭᬫᬕᭂᬳᬂ᭞ᬧᬗ᭄ᬭᬯᭀᬲ᭄ᬭᬓᬦᬾᬗᬸᬦᬶ᭞ᬮᬮᬶᬰᬰ ᬡ᭞ᬳᬸᬘᬧᬦ᭄ᬮᬶᬦᬶᬂᬳᬚᬶ᭟ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬫᬕᬸᬕ᭄ᬯᬦᬦ᭄ᬓᬭᬯᭀᬲᬂ᭞ᬯᬦ᭄ᬢᬄᬳᬸᬮᬸᬭᬶᬦ᭄᭞ᬲᬸᬓᬦᬶᬗ᭄ᬳᬶ᭠ᬦ᭄ᬤ᭄ᬭᬶᬬᬵ᭞ᬮᬮᬶᬭᬶᬂᬓᬩ᭄ᬬᬸᬤᬬᬦ᭄᭞ᬢᬦᬗᬾᬢᬂᬳᬫ᭄ᬩᭂᬓ᭄ᬬᬸᬓ᭄ᬢᬶ᭞ᬲᬂᬫᬳᬵᬤ᭄ᬯᬶᬚᬵ᭞ᬗ᭄ᬤᭀᬄᬭᬶᬂᬲᬂᬪᬸᬧᬢᬶ᭟ᬧ᭄ᬭᬧ᭄ᬢᬶᬤᬶᬦ ᬲᬂᬧ᭄ᬭᬪᬸᬳᬲᬸᬓᬦ᭄ᬲᬸᬓᬦ᭄᭞ᬲᬭᬸᬫ᭄ᬦᬶᬓᬂᬧᬯᬾᬯ᭄ᬢ᭄ᬭᬶ᭞ᬳᬜ᭄ᬚᬚᬄᬓᬮᬗ᭄ᬯᬦ᭄᭞ᬳᬫᬗᬸᬦ᭄ᬭᬭᬲ᭄ᬫᬭᬵ᭞ᬢᬦ᭄ᬓᬾᬯᭂᬳᬾᬂᬤᬬᬵᬯᬶᬲ᭄ᬢᬶ᭞ᬲᬮ᭄ᬯᬶᬭᬶᬂᬫᬮᬧᬦ᭄‌ᬲᬵᬫ᭄ᬧᬸᬦ᭄ᬓᬧᬸᬗ᭄ᬕᭂᬮᬶᬦ᭄᭟᭐᭟᭚ᬧᬗ᭄ᬓᬸᬃ᭚ᬓᬾᬯᬦ᭄ᬢᭂᬦ᭄ᬲᬶᬤᬓᬢ᭄ᬓ ᬦ᭄᭞ᬧᬓᬬᬸᬦᬦᬾᬗᬫᭀᬂᬧᬯᬾᬲ᭄ᬢ᭄ᬭᬶ᭞ᬲᬂᬤᬶᬦᬤᬶᬦᬵᬲᬂᬧ᭄ᬭᬪᬹ᭞ᬢᬦ᭄ᬥᬤ᭄ᬭᬶᬧ᭄ᬭᬫᬶᬰ᭄ᬯᬃᬬ᭄ᬬ᭞ᬢᬦ᭄ᬘᬭᬶᬢᬲᬵᬫ᭄ᬧᬸᬦ᭄ᬮᬫᬶᬜ᭄ᬚᭂᬦᭂᬂᬭᬢᬸ᭞ᬚ᭄ᬜᭂᬓᬶᬂᬲᬲ᭄ᬫᬭᬦ᭄᭞ᬢᬦ᭄ᬮᬮᬶᬭᬳᬶᬦᬵᬯ᭄ᬗᬶ᭟ᬤᬤᬶᬫᬧ᭄ᬯᬭᬓᬕ᭄ᬭᬶᬗᬦ᭄᭞ᬤᬲᬂᬧ᭄ᬭᬪᬸ [᭑᭗ 17A] ᬗᬯᬲᬸᬗ᭄ᬓᬦᬾᬢ᭄ᬯᬭᬵᬕᬶᬕᬶᬲ᭄᭞ᬮ᭄ᬬᬸᬉᬱᬤ᭄ᬥᬦᬾᬭᬯᬸᬳ᭄᭞ᬲᬸᬗ᭄ᬓᬦᬾᬲᬬᬦ᭄ᬭᬳᬢ᭄᭞ᬓᬳᬸᬘᬧᬂᬳᬦ᭄ᬢᬸᬓ᭄ᬩᬮ᭄ᬬᬦ᭄ᬲᬸᬗ᭄ᬓᬦ᭄ᬜᬸᬲᬸᬂ᭞ᬯ᭄ᬢᭂᬗᬾᬲᬬᬦ᭄ᬗᬕᭂᬗᬂ᭞ᬩ᭄ᬲᭂᬄᬢᭀᬂᬤᬤᬶᬫᬯᬭᬶᬄ᭟ᬤᬾᬦᬶᬂᬲᬸᬗ᭄ᬓᬦᬾᬩᬲ᭄ᬭᬳᬢ᭄᭞ᬢᬸᬦ᭄ᬤᬸ᭞ᬳᬥᬾᬧᬸᬦᬶᬓᬵ ᬓᬳᬯᬶᬦᬦ᭄᭞ᬦᬾᬯᬢᬳᬶᬤᬵᬲᬂᬧ᭄ᬭᬪᬸ᭞ᬘᬶᬢᬺᬯᬶᬃᬬ᭄ᬬᬓᬮᬸᬫ᭄ᬩ᭄ᬭᬄ᭞ᬫᬗ᭄ᬓᬶᬦ᭄ᬳᬾᬯᭂᬄᬧ᭄ᬭᬪᬸᬯᬺᬤ᭄ᬥᬦᬳᭂᬦ᭄ᬲᬸᬗ᭄ᬲᬸᬢ᭄᭞ᬓᬮᬶᬄᬳᬶᬤᬧ᭄ᬭᬫᬶᬰ᭄ᬯᬃᬬ᭄ᬬ᭞ᬪᬕᬯᬦ᭄ᬩᬶᬱ᭄ᬫᬫᬓᬵᬤᬶ᭟ᬲᬧᬘᬶᬭᬜ᭄ᬚᭂᬦᭂᬂᬦᬵᬣ᭞ᬬᬦ᭄ᬢᬦ᭄ᬳᬸᬕᬶᬫᬮᬶᬄᬯᬯᭀᬦᬶᬦ᭄ ᭞ᬧᬗ᭄ᬭᬯᭀᬲ᭄ᬫᬗ᭄ᬤᬾᬦᬾᬫᭂᬢᬸ᭞ᬳᬤᬧ᭄ᬭᬢᬶᬲᬦ᭄ᬢᬦ᭞ᬢ᭄ᬯᬭᬧ᭄ᬕᬢ᭄ᬲᭀᬫᬯᬗ᭄ᬰᬦᬾᬓᬧᬸᬗ᭄ᬓᬸᬃ᭞ᬳᬫ᭄ᬩᬸᬮ᭄ᬢᭀᬬᬦ᭄ᬳᬸᬘᬧᬂ᭞ᬧᬗ᭄ᬭᬯᭀᬲ᭄ᬳᬶᬤᬲᬗ᭄ᬳᬚᬶ᭟ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬶᬰ᭄ᬯᬃᬬ᭄ᬬ᭞ᬓᬘᬭᬶᬢᬲᬂᬤᬾᬯᬩ᭄ᬭᬢᬭᬭᬶᬲ᭄᭞ᬧᬋᬓ᭄ᬭᬶᬂᬳᬶᬤ ᬲᬂᬧ᭄ᬭᬪᬸ᭞ᬓᬮᬶᬄᬮᬦ᭄ᬧ᭄ᬭᬫᬶᬰ᭄ᬯᬃᬬ᭄ᬬ᭞ᬫᬦᬸᬦᬲᬂᬳᬦ᭄ᬢᬸᬓᬾᬓᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬫᬗ᭄ᬭᬯᭀᬲᬂᬧᬶᬮᬶᬄᬧ᭄ᬕᬢ᭄᭞ᬲᭀᬫᬯᬗ᭄ᬰᬦᬾᬓᬚ᭄ᬭᬶᬳᬶᬦ᭄᭟ᬪᬖᬯᬦ᭄ᬩᬶᬱ᭄ᬫᬫᬢᬸᬭ᭞ᬢᬢᬶᬗ᭄ᬓᬳᬦ᭄ᬫᬗ᭄ᬤᬾᬲᬶᬤ᭄ᬥᬵᬫᬫᬵᬃᬕ᭄ᬕᬶ᭞ᬧᬓᬬᬸ

Auto-transliteration

[16 16B] 16 tr̥ĕnggaddha, bhagawanbipmamatihin, sangprabhuwr̥ĕddha, kaliḥlanpramiśwari. mtudadipakayunanesangsaya, ringputranegumantu, raturinghaṣṭina, hapantwaramagĕhang, pangrawosrakanenguni, laliśaśa ṇa, hucapanlininghaji. tanlyanwantaḥmagugwanankarawosang, wantaḥhulurin, sukaninghi‐ndriyā, laliringkabyudayan, tanangetanghambĕkyukti, sangmahādwijā, ngdoḥringsangbhupati. praptidina sangprabhuhasukansukan, sarumnikangpawewtri, hañjajaḥkalangwan, hamangunrarasmarā, tankewĕhengdayāwisti, salwiringmalapansāmpunkapunggĕlin. 0. // pangkur̀ // kewantĕnsidakatka n, pakayunanengamongpawestri, sangdinadināsangprabhū, tandhadripramiśwar̀yya, tancaritasāmpunlamiñjĕnĕngratu, jñĕkingsasmaran, tanlalirahināwngi. dadimapwarakagringan, dasangprabhu [17 17A] ngawasungkanetwarāgigis, lyu'uṣaddhanerawuh, sungkanesayanrahat, kahucapanghantukbalyansungkanñusung, wtĕngesayanngagĕngang, bsĕḥtongdadimawariḥ. deningsungkanebasrahat, tundu, hadhepunikā kahawinan, newatahidāsangprabhu, citr̥ĕwir̀yyakalumbraḥ, mangkinhewĕḥprabhuwr̥ĕddhanahĕnsungsut, kaliḥhidapramiśwar̀yya, bhagawanbiṣmamakādi. sapacirañjĕnĕngnātha, yantanhugimaliḥwawonin , pangrawosmangdenemĕtu, hadapratisantana, twarapgatsomawangśanekapungkur̀, hambultoyanhucapang, pangrawoshidasanghaji. sangprabhulanpramiśwar̀yya, kacaritasangdewabratararis, par̥ĕkringhida sangprabhu, kaliḥlanpramiśwar̀yya, manunasanghantukekalintangsungsut, mangrawosangpiliḥpgat, somawangśanekajrihin. bhaghawanbiṣmamatura, tatingkahanmangdesiddhāmamār̀ggi, pakayu

Leaf 17

Image on Archive.org

[᭑᭗ 17B] ᭑᭗ ᬦᬦᬾᬲᬂᬧ᭄ᬭᬪᬸ᭞ᬗᬯ᭄ᬢᬸᬯᬂᬲᬦ᭄ᬢᬦᬵ᭞ᬯᬾᬦ᭄ᬢᭂᬦ᭄‌ᬩ᭄ᬭᬳ᭄ᬫᬵᬡᬍᬯᬶᬄᬰᬓ᭄ᬢᬶᬓᬯᬸᬯᬸᬲ᭄᭞ᬪᬖᬯᬦ᭄ᬩ᭄ᬬᬱᬵᬧᬲᬾᬗᬦ᭄᭞ᬳᬶᬤᬲᬂᬧᬸᬢᬸᬲᬶᬗ᭄ᬳᬚᬶ᭟ᬧᬸᬦᬶᬓᬯᬶᬓᬦ᭄ᬫᬓᬵᬃᬬ᭄ᬬ᭞ᬧᬸᬢ᭄ᬭᭀᬤᬦᬵᬧᬸᬦᬶᬓᬜᬦ᭄ᬤᬂᬳᬸᬕᬶ᭞ᬧᬘᬂᬭᬯᬸᬄᬓᬢᬸ ᬳᬸᬃ᭞ᬢᬸᬦᬲᬶᬦ᭄ᬧᬸᬢ᭄ᬭᭀᬤᬦ᭞ᬫᬗ᭄ᬤᬾᬲᬶᬤ᭄ᬥᬵᬧᬓᬬᬸᬦᬦ᭄ᬫᬗ᭄ᬤᬾᬦ᭄ᬭᬸᬲ᭄᭞ᬫᬫᬕᭂᬳᬂᬲᭀᬫᬯᬗ᭄ᬰ᭞ᬳᬦ᭄ᬢᬸᬓ᭄ᬱᬂᬯᬮᬸᬓᬓᬮᬶᬄ᭟ᬧᬸᬦᬶᬓᬜᬦ᭄ᬤᬂᬳᬢᬸᬭᬂ᭞ᬭᬶᬂᬪᬖᬯᬦ᭄ᬩ᭄ᬬᬱᬫᬗ᭄ᬤᬾᬓᬃᬤ᭄ᬥᬶ᭞ᬧᬸᬢ᭄ᬭᬤᬦᬲᬂᬧ᭄ᬭᬪᬸ᭞ᬫᬶᬯᬄᬮᬦ᭄ᬧ᭄ᬭ ᬫᬶᬰ᭄ᬯᬃᬬ᭄ᬬ᭞ᬤᬳᬢ᭄ᬫᬫᬶᬲᬶᬗ᭄ᬕᬶᬄᬓ᭄ᬭᬯᭀᬲ᭄ᬯᬦ᭄ᬢᬄᬫᬢᬸᬢ᭄᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬪᬕᬯᬦ᭄᭞ᬩᬶᬱ᭄ᬫᬵᬓᬳᬸᬢᬸᬲ᭄ᬫᬫᬃᬕ᭄ᬕᬶ᭞ᬫᬦᬸᬢᬸᬃᬪᬕᬯᬦ᭄ᬩ᭄ᬬᬱᬵ᭟ᬢᬦ᭄ᬓᭀᬘᬧᬳᬶᬤᬲᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬢᬦ᭄ᬓᬘᬭᬶᬢᬭᬶᬂᬳ᭄ᬦᬸ᭞ᬭᬯᬸᬄᬭᬶᬂᬩ᭄ᬬᬲᬰ᭄ᬭᬫᬵ᭞ ᬪᬕᬯᬦ᭄ᬩᬶᬱ᭄ᬫᬋᬓᬾᬲᬵᬫ᭄ᬧᬸᬦ᭄ᬓᬢ᭄ᬫᬸ᭞ᬲᬓᬵᬤᬶᬫᬶᬤᬃᬢ᭄ᬣᬬᬂ᭞ᬭᬶᬂᬪᬕᬯᬦ᭄ᬩ᭄ᬬᬱᬲᬫᬶ᭟ᬪᬕᬯᬦ᭄ᬩ᭄ᬬᬱᬜᬶᬤᬬᬂ᭞ᬲᬧᬓᬬᬸᬦᬾᬲᬂᬕᬡ᭄ᬥᬯᬢᬶ᭞ᬢᬸᬫᬸᬮᬶᬭᬭᬶᬲ᭄ᬫᬤᬸᬮᬸᬃ᭞ᬫᬫᬵᬃᬕ᭄ᬕᬶ᭞ᬲᬭᬯᬸᬳᬾᬪᬕ [᭑᭘ 18A] ᬯᬦ᭄ᬩᬶᬸᬱ᭄ᬫᬵᬶᬸᬦ᭄ᬩ᭄ᬬᬱᬵᬓᬲᬸᬗ᭄ᬲᬸᬂ᭞ᬓᬳᬢᬸᬭᬦ᭄ᬯᬚᬶᬓ᭄ᬢᬗᬦ᭄᭞ᬘᭀᬓᭀᬃᬲᭀᬧᬘᬭᬲᬫᬶ᭟ᬲᬂᬧ᭄ᬭᬪᬸᬲᬦ᭄ᬢᬦᬹᬲᬂᬯᬺᬤ᭄ᬥᬵ᭞ᬫᬲᬋᬗᬦ᭄ᬮᬦ᭄ᬤᬾᬯᬶᬕᬡ᭄ᬥᬯᬢᬶ᭞ᬲᬭᭀᬭᭀᬭᬭᬶᬲ᭄ᬫᬳᬢᬸᬃ᭞ᬫᬦᬸᬦᬲ᭄ᬧᬸᬢ᭄ᬭᬤᬦᬵ᭞ᬭᬶᬂᬪᬕᬯ ᬦ?ᬩ᭄ᬬᬱᬫᬗ᭄ᬤᬾᬯᬾᬦ᭄ᬢᭂᬦ᭄ᬧᬸᬢᬸ᭞ᬫᬗᬸᬭᬶᬧᬂᬲᭀᬫᬯᬗ᭄ᬰᬵ᭞ᬪᬕᬯᬦ᭄ᬩ᭄ᬬᬱᬵᬗᬤᬸᬯᬦᬶᬦ᭄᭟ᬭᬭᬶᬲ᭄ᬳᬶᬤᬗᬦ᭄ᬤᬶᬓᬬᬂ᭞ᬫᬤᬩ᭄ᬤᬩᬦ᭄ᬲᬂᬯᬮᬸᬬᬫᬓᬓᬮᬶᬄ᭞ᬓ᭄ᬦᬶᬫᬢᬢ᭄ᬮᬄᬤᬸᬫᬸᬦ᭄᭞ᬫᬓᬓ᭄ᬭᬶᬓᬸᬭᬫᬲ᭄᭞ᬫ᭄ᬮᬸᬓᬢ᭄ᬫ ᬮᬵᬳᬧᬦ᭄ᬢᬶᬗ᭄ᬓᬳᬶᬂᬲᬂᬧᬸᬢᬸᬲ᭄᭞ᬦᬕᬃᬤ᭄ᬥᬶᬧᬸᬢ᭄ᬭᭀᬧᬥᬦᬵ᭞ᬢᬦ᭄ᬯᭂᬦᬂᬧᬘᬂᬍᬢᭂᬳᬶᬦ᭄᭟ᬲᬂᬯᬮᬸᬬᬓᬮᬶᬄᬲᬵᬫ᭄ᬧᬸᬦ᭄ᬳ᭄ᬬᬲ᭄᭞ᬗ᭄ᬭᬗ᭄ᬲᬸᬓ᭄ᬧᬳ᭄ᬬᬲ᭄ᬫᬘᬫᬦᬳᬲ᭄ᬢᬶᬢᬶ᭞ᬫᬕ᭄ᬦᬄᬤᬶᬚ᭄ᬭᭀᬦᬶᬂᬓᬲᬸᬃ᭞ᬫᬮᬗ᭄ᬲᬾᬳᬸᬮ ᬧᬸᬮᬄ᭞ᬫᬮᬮᬸᬳᬸᬃᬘᬘᬦ᭄ᬤᬾᬦᬾᬲᬵᬃᬯ᭄ᬯᬫᬸᬭᬸᬩ᭄᭞ᬕᭂᬧ᭄ᬲᬳᬵᬳᬸᬧᬘᬭ᭞ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬯᭂᬗᬶ᭟ᬲᬯᬢᬭᬧᬳᬶᬗᬦᬦ᭄᭞ᬲᬸᬩᬧᬦᬮᬶᬓᬦ᭄ᬧᬶᬂᬢ᭄ᬮᬸᬧᬲ᭄ᬢᬶ᭞ᬲ᭄ᬬᭂᬧ᭄ᬲᬮ᭄ᬯᬶᬭᬶᬂᬫᬩᬬᬸ᭞ᬳᬶᬤᬪᬕ

Auto-transliteration

[17 17B] 17 nanesangprabhu, ngawtuwangsantanā, wentĕnbrahmāṇal̥ĕwiḥśaktikawuwus, bhaghawanbyasyāpasengan, hidasangputusinghaji. punikawikanmakār̀yya, putrodanāpunikañandanghugi, pacangrawuḥkatu hur̀, tunasinputrodana, mangdesiddhāpakayunanmangdenrus, mamagĕhangsomawangśa, hantukṣangwalukakaliḥ. punikañandanghaturang, ringbhaghawanbyaṣamangdekar̀ddhi, putradanasangprabhu, miwaḥlanpra miśwar̀yya, dahatmamisinggiḥkrawoswantaḥmatut, tanlyanwantaḥbhagawan, biṣmākahutusmamar̀ggi, manutur̀bhagawanbyasyā. tankocapahidasampunmamār̀ggi, tankacaritaringhnu, rawuḥringbyasaśramā, bhagawanbiṣmar̥ĕkesāmpunkatmu, sakādimidar̀tthayang, ringbhagawanbyaṣasami. bhagawanbyaṣañidayang, sapakayunesanggaṇdhawati, tumulirarismadulur̀, mamār̀ggi, sarawuhebhaga [18 18A] wanb̶ṣmā̶nbyasyākasungsung, kahaturanwajiktangan, cokor̀sopacarasami. sangprabhusantanūsangwr̥ĕddhā, masar̥ĕnganlandewigaṇdhawati, sarororarismahatur̀, manunasputradanā, ringbhagawa na?byaṣamangdewentĕnputu, manguripangsomawangśā, bhagawanbyasyāngaduwanin. rarishidangandikayang, madabdabansangwaluyamakakaliḥ, knimatatlaḥdumun, makakrikuramas, mlukatma lāhapantingkahingsangputus, nagar̀ddhiputropadhanā, tanwĕnangpacangl̥ĕtĕhin. sangwaluyakaliḥsāmpunhyas, ngrangsukpahyasmacamanahastiti, magnaḥdijroningkasur̀, malangsehula pulaḥ, malaluhur̀cacandenesār̀wwamurub, gĕpsahāhupacara, tankocapasāmpunwĕngi. sawatarapahinganan, subapanalikanpingtlupasti, syĕpsalwiringmabayu, hidabhaga

Leaf 18

Image on Archive.org

[᭑᭘ 18B] ᭑᭘ ᬯᬦ᭄ᬩ᭄ᬬᬱᬵ᭞ᬫᬫᬭᬦᬶᬦ᭄‌ᬲᬗᬫ᭄ᬩᬶᬓᬵᬚ᭄ᬭᬶᬳᬾᬧᬸᬧᬸᬢ᭄᭞ᬳᬦ᭄ᬢᬸᬓ᭄ᬳᬶᬤᬵᬲᬪᬸᬱᬦᬵ᭞ᬫᬩᬯᬵᬲᬫ᭄ᬧᭂᬢ᭄ᬕᬶᬦᬶᬢ᭄ᬭᬷ᭟ᬫᬓᬵᬤᬶᬯᬃᬡ᭄ᬦᬦ᭄ᬳᬶᬤ᭞ᬲᬵᬫ᭄ᬧᬸᬦ᭄‌ᬯᬺᬥᬓ᭄ᬭᬯᬶᬲᬾᬲᬫᬶᬧᬸᬢᬶᬄ᭞ᬲᬗᬫ᭄ᬩᬶᬓᬵᬚᭂᬚᭂᬄᬮᬯᬸᬢ᭄᭞ᬢ᭄ᬯ ᬭᬧᬸᬭᬸᬦ᭄ᬫᬘᬶᬗᬓ᭄᭞ᬳᬯᬦᬦ᭄ᬢᬦ᭄ᬲᬶᬤ᭄ᬥᬵᬧᬸᬢ᭄ᬭᬦᬾᬭᬳᬬᬸ᭞ᬩᬳᬦ᭄ᬲᬢᬶᬗ᭄ᬓᬳᬾᬲᬾᬗ᭄ᬮᬤ᭄᭞ᬗᬶᬤᭂᬫ᭄ᬤᬸᬓᬾᬓᬢᬸᬭᭀᬦᬶᬦ᭄᭟ᬪᬕᬯᬦ᭄ᬩ᭄ᬬᬱᬓᭀᬘᬧ᭞ᬭᬭᬶᬲ᭄ᬩᬸᬤᬮ᭄‌ᬗᬸᬗ᭄ᬲᬶᬲᬂᬕᬡ᭄ᬥᬯᬢᬶ᭞ᬗ᭄ᬭᬯᭀᬲᬂᬢᬦ᭄ᬤᬶᬤ᭄ᬥᬾᬂ ᬮᬓᬸ᭞ᬢᬶᬗ᭄ᬓᬳᬾᬢᬸᬭᭀᬦᬦ᭄᭞ᬫᬓᬃᬬ᭄ᬬᬧᬸᬢᬺᬳᬸᬧᬤᬵᬦᬲᬂᬧᬸᬢᬸᬲ᭄᭞ᬲᬢᬶᬗ᭄ᬓᬳᬾᬓᬩ᭄ᬬᬓ᭄ᬢᬳᬂ᭞ᬲᬤᬸᬓ᭄ᬳᬶᬤᬦᬾᬦᬸᬭᭀᬦᬶᬦ᭄᭟ᬲᬂᬕᬡ᭄ᬥᬯᬢᬶᬓᬾᬫᭂᬗᬦ᭄᭞ᬫᬗ᭄ᬭᬯᭀᬲᬂᬳᬯᬶᬦᬦ᭄ᬗᬫᬮᬶᬳᬶᬦ᭄ ᬲᬗᬫ᭄ᬩᬶᬮᬶᬓᬵᬳᬢᬸᬃ᭞ᬫᬗ᭄ᬤᬾᬲᬶᬤ᭄ᬥᬓᬢ᭄ᬓᬦ᭄᭞ᬧᬓᬬᬸᬦᬭᬤᬶᬦ᭄ᬫᬦᬸᬮᬸᬲ᭄ᬳᬬᬸ᭞ᬲᬵᬫ᭄ᬧᬸᬦ᭄ᬳᬶᬤᬫᬤᬩ᭄ᬤᬩᬦ᭄᭞ᬲᬧ᭄ᬭᬢᬾᬓᬦᬾᬦᬸᬭᭀᬦᬶᬦ᭄᭟ᬪᬕᬯᬦ᭄ᬫᬮᬶᬄᬫᬢᬸᬮᬓ᭄᭞ᬫᬫᬭᬦᬶᬦ᭄ᬲᬗ [᭑᭙ 19A] ᬫ᭄ᬩᬶᬮᬶᬓᬵᬭᬭᬶᬲ᭄᭞ᬓᬳᭂᬚᬸᬓ᭄ᬚ᭄ᬭᬶᬳᬾᬫᬸᬧᬸᬢ᭄᭞ᬓᬤᬵ᭞ᬍᬫᭂᬢ᭄ᬫᬮᬾᬕ᭄ᬮᬾᬕᬦ᭄ᬭᬓᬦᬾᬓᬤᬸᬭᬸᬲ᭄᭞ᬳᬦ᭄ᬢᬸᬓ᭄ᬳᬚ᭄ᬭᬶᬳᬾᬗᬢᭀᬦᬂ᭞ᬪᬕᬯᬦ᭄ᬩ᭄ᬬᬱᬦᬸᬭᭀᬦᬶᬦ᭄᭟ᬲᬵᬫ᭄ᬧᬸᬦᬺᬓᬾᬓᬢᬸᬭᭀᬦᬵ ᬦ᭄᭞ᬲᬗᬫ᭄ᬩᬶᬮᬶᬓᬵᬢ᭄ᬯᬭᬫᬗ᭄ᬮᬶᬲᬶᬃ᭞ᬪᬕᬯᬦ᭄ᬩ᭄ᬬᬱᬲᬵᬫ᭄ᬧᬸᬦ᭄᭞ᬧᬸᬢᬸᬲᬶᬂᬓᬫᬳᬢ᭄ᬫ᭄ᬬᬦ᭄᭞ᬭᬭᬶᬲ᭄ᬩᬸᬤᬮ᭄ᬲᬧᬭᬶᬧᭀᬮᬳᬾᬲᬵᬫ᭄ᬧᬸᬦ᭄᭞ᬯᬸᬲ᭄ᬢᭂᬮᬲ᭄ᬓᬧᬺᬭᬶᬸᬤᬃᬢ᭄ᬣᬬᬂ᭞ᬭᬶᬂᬲᬂᬕᬡ᭄ᬥᬯᬢᬶᬲᬫᬶ᭟ᬤᭀᬦᬶᬂᬫᬮᬶᬄᬫᬗ᭄ᬮᭀ ᬩᬬᬂ᭞ᬧᬓᬬᬸᬦᬦ᭄ᬳᬶᬤᬵᬤᬾᬯᬶᬕᬡ᭄ᬥᬯᬢᬶ᭞ᬫᬗ᭄ᬤᬾᬯᬾᬦ᭄ᬢᭂᬦᬾᬓᬧᬸᬗ᭄ᬓᬸᬃ᭞ᬧᬘᬂᬓᬢᬸᬕ᭄ᬦᬳᬂ᭞ᬫᬗᬸᬭᬸᬧᬶᬦ᭄ᬧᬗ᭄ᬭᬯᭀᬲᭀᬯᬸᬢᬸᬦᬾᬦ᭄ᬫᬸ᭞ᬚᬸᬫ᭄ᬦᭂᬂᬭᬶᬂᬳᬲ᭄ᬢᬶᬦᬵ᭞ᬪᬕᬯᬦ᭄ᬩ᭄ᬬᬱᬵᬗᬤ᭄ᬬᬦᬶᬦ᭄᭟ᬭᬭᬶᬲ᭄ᬧᬺᬫᬗ᭄ᬓᬶ᭠ ᬦ᭄‌ᬗ᭄ᬭᬸᬭᬸᬳᬂ᭞ᬋᬓᬾᬓᬦ᭄ᬬᬳᬦᬓᬶᬂᬧᬭᬫᬦ᭄ᬢ᭄ᬭᬶ᭞ᬢᬦ᭄ᬤᬸᬫᬥᬾᬲᬵᬫ᭄ᬧᬸᬦ᭄ᬭᬯᬸᬄ᭞ᬓᬳᬢᬸᬃᬭᬶᬂᬪᬕᬯᬦ᭄᭞ᬢᬦ᭄ᬘᬭᬶᬢᬓᭀᬘᬧ᭄ᬓᬢᬸᬭᭀᬦᬦ᭄ᬲᬵᬫ᭄ᬧᬸᬦ᭄᭞ᬫᬍᬃᬢᬋᬓᬾᬲᬂᬓᬦ᭄ᬬ᭞ᬚᭂᬚᭂᬄᬫᬗᭂᬤ᭄ᬓᭂᬤᬂᬗᬢᬶ

Auto-transliteration

[18 18B] 18 wanbyasyā, mamaraninsangambikājrihepuput, hantuk'hidāsabhuṣanā, mabawāsampĕtginitrī. makādiwar̀ṇnanhida, sāmpunwr̥ĕdhakrawisesamiputiḥ, sangambikājĕjĕḥlawut, twa rapurunmacingak, hawanantansiddhāputranerahayu, bahansatingkahesenglad, ngidĕmdukekaturonin. bhagawanbyaṣakocapa, rarisbudalngungsisanggaṇdhawati, ngrawosangtandiddheng laku, tingkaheturonan, makar̀yyaputr̥ĕhupadānasangputus, satingkahekabyaktahang, saduk'hidanenuronin. sanggaṇdhawatikemĕngan, mangrawosanghawinanngamalihin sangambilikāhatur̀, mangdesiddhakatkan, pakayunaradinmanulushayu, sāmpunhidamadabdaban, sapratekanenuronin. bhagawanmaliḥmatulak, mamaraninsanga [19 19A] mbilikāraris, kahĕjukjrihemuput, kadā, l̥ĕmĕtmalegleganrakanekadurus, hantuk'hajrihengatonang, bhagawanbyaṣanuronin. sāmpunr̥ĕkekaturonā n, sangambilikātwaramanglisir̀, bhagawanbyaṣasāmpun, putusingkamahatmyan, rarisbudalsaparipolahesāmpun, wustĕlaskapr̥ĕr̶dar̀tthayang, ringsanggaṇdhawatisami. doningmaliḥmanglo bayang, pakayunanhidādewigaṇdhawati, mangdewentĕnekapungkur̀, pacangkatugnahang, mangurupinpangrawosowutunenmu, jumnĕngringhastinā, bhagawanbyasyāngadyanin. rarispr̥ĕmangki‐ nngruruhang, r̥ĕkekanyahanakingparamantri, tandumadhesāmpunrawuḥ, kahatur̀ringbhagawan, tancaritakocapkaturonansāmpun, mal̥ĕr̀tar̥ĕkesangkanya, jĕjĕḥmangĕdkĕdangngati

Leaf 19

Image on Archive.org

[᭑᭙ 19B] ᭑᭙ ᬲ᭄᭟ᬲᬵᬫ᭄ᬧᬸᬦ᭄ᬲᬫᬶᬓᬢᬸᬭᭀᬦᬦ᭄᭞ᬲᬂᬓᬢᬶᬕ᭄ᬕᬵᬪᬕᬯᬦ᭄ᬩ᭄ᬬᬱᬭᬭᬶᬲ᭄᭞ᬫᬦ᭄ᬢᬸᬓ᭄ᬓᬧᬰ᭄ᬭᬫᬦ᭄‌ᬲᬵᬫ᭄ᬧᬸᬦ᭄᭞ᬢᬦ᭄ᬘᬭᬶᬢᬭᬶᬂᬫᬵᬃᬕ᭄ᬕ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬩ᭄ᬬᬱᬰ᭄ᬭᬫᬵᬫᬮᬸᬗ᭄ᬕᬸᬄ᭞ᬓᭀᬘᬧᬲᬂᬓᬢᬸᬭᭀᬦᬦ᭄᭞ᬓᬢᬶ ᬕᬲᬵᬫ᭄ᬧᬸᬦ᭄ᬕᬃᬩ᭄ᬩᬶᬦᬶ᭟ᬢᬦ᭄ᬤᬸᬫᬥᬾᬧᬳᬶᬗᬦᬦ᭄᭞ᬲᬵᬫ᭄ᬧᬸᬦ᭄ᬳᭂᬫ᭄ᬩᬲ᭄‌ᬩᭀᬩᭀᬢᬾᬢᬶᬕᬂᬲᬶᬓᬶ᭞ᬲᬗᬫ᭄ᬩᬶᬓᬵᬧᬮᬶᬤᬸᬫᬸᬦ᭄᭞ᬳᭂᬫ᭄ᬩᬲ᭄ᬧᬸᬢ᭄ᬭᬦᬾᬩᬸᬢ᭄ᬣᬵ᭞ᬳᬧᬦ᭄ᬲᬵᬫ᭄ᬧᬸᬦ᭄ᬢᬶᬗ᭄ᬓᬳᬶᬂᬲᬂᬫᬳᬵᬧᬸᬢᬸᬲ᭄᭞ᬧᬸᬦᬶᬓᬦᬾᬫᬧ ᬲᬾᬗᬦ᭄᭞ᬲᬂᬤᬺᬢ᭄ᬣᬭᬲ᭄ᬢ᭄ᬭᬵᬧᬗ᭄ᬭᬶᬳᬶᬦ᭄᭟ᬫᬗ᭄ᬭᬭᬶᬲᬂᬗᬫ᭄ᬩᬶᬮᬶᬓᬵ᭞ᬫᬗᭂᬫ᭄ᬩᬲᬂᬩᭀᬩᭀᬢᬾᬧᬭᬫᬗ᭄ᬓᬶᬦ᭄᭞ᬧᬡ᭄ᬥᬸᬯᬃᬡ᭄ᬦᬦᬾᬩᬸᬫ᭄ᬢᬸ᭞ᬓᬤᬶᬢᬦ᭄ᬧᬧ᭄ᬭᬫᬡᬵ᭞ᬓ᭄ᬘᬸᬤ᭄ᬦᬶᬂᬭᬭᬾᬦᬾᬗ᭄ᬮᬾᬮᬾᬧᬾᬮᬬᬸ᭞ᬧᬸᬦᬶᬓᬦᬾ ᬫᬧᬲᬾᬗᬦ᭄᭞ᬲᬂᬧᬡ᭄ᬥᬸᬲᬶᬭᬲᬗ᭄ᬳᬚᬶ᭟ᬫᬮᬶᬄᬲᬗᬦᬓᬶᬂᬫᬦ᭄ᬢ᭄ᬭ᭄ᬬ᭞ᬫᬗᭂᬫ᭄ᬩᬲᬂᬭᬭᬾᬦᬾᬩᬳᬸᬫᬶᬚᬶᬮ᭄᭞ᬘᭀᬓᭀᬭᬾᬚᭀᬓᬦ᭄ᬳᬯᬸᬓᬸᬤ᭄᭞ᬧᬸᬦᬶᬓᬫᬧᬲᬾᬗᬦ᭄᭞ᬲᬂᬯᬶᬥᬸᬭᬵᬧᬘᬂᬕᬸᬫᬦ᭄ᬢᬶᬓᬧᬸᬗ᭄ᬓᬸᬃ᭞ᬚᬸᬫ᭄ᬦᭂᬂ [᭒᭐ 20A] ᬫᬦ᭄ᬢ᭄ᬭᬶᬯᬺᬤ᭄ᬥᬵ᭞ᬲᬗ᭄ᬓᬮᬶᬄᬚᬸᬫ᭄ᬦᭂᬗ᭄ᬳᬚᬶ᭟ᬫᬸᬶᬮᬶᬄᬲᬗᬦᬓᬶᬂᬫᬦ᭄ᬢ᭄ᬭ᭄ᬬᬶ᭟ᬓᬰ᭄ᬯᬾᬦ᭄ᬢᬦᬶᬓᭀᬘᬧᬵ᭞ᬲᬵᬫ᭄ᬧᬸᬦ᭄ᬋᬓᬾᬲᬂᬭᬚᬧᬸᬢᬺᬱᬫᬶ᭞ᬧᬳᬶᬗᬦᬦ᭄ᬤᬸᬳᬸᬃᬤᬸᬳᬸᬃ᭞ᬓᭀᬘᬧ᭄‌ᬕ᭄ᬮᬶᬲᬶᬂᬘᬭᬶᬢ᭞ᬲᬂᬤᬺᬢᬭᬵᬲ᭄ᬢ᭄ᬭᬫᬗᬮᬧ᭄ᬭᬩᬶᬲᬵᬫ᭄ᬧᬸᬦ᭄᭞ ᬳᭀᬓᬦ᭄ᬧ᭄ᬭᬪᬸᬕᬡ᭄ᬥᬭᬫᬵ᭞ᬫᬧᬭᬩ᭄ᬤᬾᬯᬶᬕᬦ᭄ᬤᬭᬶ᭟ᬫᬤ᭄ᬯᬾᬲᬫ᭄ᬢᭀᬦ᭄ᬮᬦᬂ᭞ᬲᬂᬲᬓᬸᬦᬶᬧᬲᬾᬗᬦᬾ᭠ᬢᬸᬃᬭᬶᬭᬶᬄ᭞ᬫᬗ᭄ᬮᬄᬳᬸᬧᬬᬵᬮᬶᬬᬸ᭞ᬧᬸᬦᬶᬓᬓᬧᬶᬲᬭᬵ᭞ᬫᬗ᭄ᬭᬯᭀᬲᬂᬦᬾᬫᬳᬤᬦ᭄ᬳᬶᬯᬂᬧᬢᬸᬢ᭄᭞ᬳᬦ᭄ᬢᬸᬓ᭄ᬲᬂᬤᬺᬢᬭᬲ᭄ᬢ᭄ᬭ ᭞ᬓᬤᬶᬢᬶᬗ᭄ᬓᬄᬫᬫᬢᬶᬳᬶᬦ᭄᭟ᬲᬂᬧᬡ᭄ᬥᬸᬋᬓᬾᬓᭀᬘᬧᬵ᭞ᬢᬦ᭄ᬫᬤ᭄ᬯᬾᬧᬓᬬᬸᬦ᭄ᬭᬶᬂᬧᬯᬾᬲ᭄ᬢ᭄ᬭᬶ᭞ᬩᬕᬦᬾᬧᬦ᭄ᬥᬭᬓ᭄ᬘᬸᬤ᭄᭞ᬳ᭄ᬦᬾᬫᬗ᭄ᬓᬶᬦ᭄ᬳᬸᬘᬧᬂ᭞ᬯᬾᬦ᭄ᬢᭂᬦ᭄ᬭᬢᬸᬢᬸᬢᬸᬲ᭄ᬦᬶᬂᬯᬢᭂᬓ᭄ᬬᬤᬸ᭞ᬲᬂᬓᬸᬦ᭄ᬢᬶᬩᭀᬚᬧᬲᬾᬗᬦ᭄᭞ᬚᬸᬫ᭄ᬦᭂᬂ ᬭᬶᬂᬤ᭄ᬯᬭᬯᬢᬶ᭟ᬫᬤ᭄ᬯᬾᬧᬸᬢ᭄ᬭᬢᬢᬶᬕᬵ᭞ᬦᬾᬓᬓᬮᬶᬄᬮᬦᬂᬯᬵᬃᬡ᭄ᬦ᭄ᬦᬦᬾᬮ᭄ᬯᭂᬳᬶᬄ᭞ᬳᬶᬲ᭄ᬢ᭄ᬭᬶᬳᬲᬶᬓᬶᬢᬹᬃᬳᬬᬸ᭞ᬦᬾᬮᬦᬂᬫᬧ᭄ᬲᬾᬗᬦ᭄᭞ᬲᬂᬩᬲᬸᬤᬾᬯᬧᬸᬦᬶᬓᬧᬮᬶᬂᬤᬸᬳᬸᬃ᭞ᬦᬾᬳᬮᬶᬢᬦ᭄ᬫᬧᬭᬩ᭄᭞ᬲᬗᬸᬕᬺ

Auto-transliteration

[19 19B] 19 s. sāmpunsamikaturonan, sangkatiggābhagawanbyaṣararis, mantukkapaśramansāmpun, tancaritaringmār̀gga, sāmpunrawuḥringbyaṣaśramāmalungguḥ, kocapasangkaturonan, kati gasāmpun'gar̀bbini. tandumadhepahinganan, sāmpunhĕmbasbobotetigangsiki, sangambikāpalidumun, hĕmbasputranebutthā, hapansāmpuntingkahingsangmahāputus, punikanemapa sengan, sangdr̥ĕttharastrāpangrihin. mangrarisangngambilikā, mangĕmbasangboboteparamangkin, paṇdhuwar̀ṇnanebumtu, kaditanpapramaṇā, kcudningrarenenglelepelayu, punikane mapasengan, sangpaṇdhusirasanghaji. maliḥsanganakingmantrya, mangĕmbasangrarenebahumijil, cokorejokanhawukud, punikamapasengan, sangwidhurāpacanggumantikapungkur̀, jumnĕng [20 20A] mantriwr̥ĕddhā, sangkaliḥjumnĕnghaji. muiliḥsanganakingmantryi. kaśwentanikocapā, sāmpunr̥ĕkesangrajaputr̥ĕṣami, pahingananduhur̀duhur̀, kocapglisingcarita, sangdr̥ĕtarāstramangalaprabisāmpun, hokanprabhugaṇdharamā, maparabdewigandari. madwesamtonlanang, sangsakunipasengane‐tur̀ririḥ, manglaḥhupayāliyu, punikakapisarā, mangrawosangnemahadanhiwangpatut, hantuksangdr̥ĕtarastra , kaditingkaḥmamatihin. sangpaṇdhur̥ĕkekocapā, tanmadwepakayunringpawestri, baganepandharakcud, hnemangkinhucapang, wentĕnratututusningwatĕkyadu, sangkuntibojapasengan, jumnĕng ringdwarawati. madweputratatigā, nekakaliḥlanangwār̀ṇnnanelwĕhiḥ, histrihasikitūr̀hayu, nelanangmapsengan, sangbasudewapunikapalingduhur̀, nehalitanmaparab, sangugr̥ĕ

Leaf 20

Image on Archive.org

[᭒᭐ 20A] ᭒᭐ ᬲᬦᬓᬤᬦᬶᬦ᭄᭟ᬦᬾᬳᬶᬲ᭄ᬢ᭄ᬭᬶᬋᬓᬾᬫᬧᬭᬩ᭄᭞ᬤᬾᬯᬶᬓᬸᬦ᭄ᬢᬶᬢ᭄ᬯᬭᬳᬤᬦᬦ᭄ᬤᬶᬗᬶᬦ᭄᭞ᬓᬯᬶᬤᬕ᭄ᬥᬦᬾᬫᬦ᭄ᬭᬸᬲ᭄᭞ᬢᬸᬃᬲᬵᬫ᭄ᬧᬸᬦ᭄ᬓᬦᬸᬕ᭄ᬭᬳᬦ᭄᭞ᬧᬗᬭᬤᬦ᭄ᬫᬗ᭄ᬤᬾᬪᬝᬵᬭᬭᬯᬸᬄ᭞ᬳᬦ᭄ᬢᬸᬓ᭄ᬩᬕᬯᬦ᭄ᬤᬃᬯᬱᬵ᭞ᬲᬂᬲᬶᬤ᭄ᬥᬍ ᬯᬶᬳᬶᬂᬰᬓ᭄ᬢᬶ᭟ᬮᬮᬶᬄᬲᬵᬫ᭄ᬧᬸᬦ᭄ᬫᬧᬺᬘᬶᬳ᭄ᬦᬵ᭞ᬧᬦᬸᬕ᭄ᬭᬳᬦᬾᬢᬶᬸᬦᬾᬶᬢᬳᬾᬦ᭄ᬓᬩᬶᬦ᭄ᬤᬸᬯᬶᬦ᭄᭞ᬪᬝᬵᬭᬲᬹᬃᬬ᭄ᬬᬢᬸᬫᬸᬭᬸᬦ᭄᭞ᬓᬳᬭᬤ᭄ᬥᬶᬧᬫᬺᬫᬦ᭄᭞ᬯᬮᬸᬬᬫᬭᬕᬪᬹᬱᬦᬦᬾᬫᬸᬭᬸᬩ᭄᭞ᬤᬤᬶᬫ᭄ᬢᬸᬲᬭᬕᬦ᭄᭞ᬤᬾᬯᬶᬓᬸᬦ᭄ᬢᬶ ᬓᬢᬸᬭᭀᬦᬶᬦ᭄᭟ᬧᬸᬧᬸᬢ᭄ᬲᬳᬵᬧᬦᬸᬕ᭄ᬭ᭄᭞ᬢᬦ᭄ᬤᬸᬫᬥᬾᬪᬝᬵᬭᬲᬹᬃᬬ᭄ᬬᬭᬭᬶᬲ᭄᭞ᬩᬸᬤᬮ᭄ᬳᬶᬤᬫᬳᬯᬦ᭄ᬳ᭄ᬬᬸᬦ᭄᭞ᬲᬂᬓᬸᬦ᭄ᬢᬶᬓᬘᬭᬶᬢ᭞ᬧᬭᬫᬗ᭄ᬓᬶᬦ᭄ᬓᬦ᭄ᬢᭂᬦ᭄ᬩᭀᬩᭀᬢᬾᬤᬶᬩᬯᬸ᭞ᬳᭂᬫ᭄ᬩᬲ᭄ᬭᬭᬾᬦᬾᬤᬶᬓᬃᬡ᭄ᬦᬵ᭞ᬭᬭᬶ ᬲ᭄ᬓᬓᬸᬢᬂᬓᬧᬲᬶᬄ᭟ᬭᬭᬾᬦ᭄ᬭᬵᬫᬯᬤᬄᬢᬩ᭄ᬮᬵ᭞ᬲᬳᬸᬧᬘᬭᬲᬵᬫ᭄ᬧᬸᬦ᭄ᬓᬤᬕᬶᬗᬶᬦ᭄᭞ᬜᬶᬮᬶᬩ᭄ᬢ᭄ᬯᬭᬳᬤᬢᬳᬸ᭞ᬳᬦ᭄ᬢᬸᬓᬾᬮᬶᬦ᭄ᬢᬂᬫᬾᬭᬂ᭞ᬫᬤ᭄ᬯᬾᬧᬸᬢᬺᬩᬦᬾᬲ᭄ᬤᭂᬂᬓᬦ᭄ᬬᬳᬬᬸ᭞ᬲᬲᬵᬫ᭄ᬧᬸᬦ᭄ᬲᬶᬤ᭄ᬥᬓᬓᬸᬢᬂ᭞ᬭᬭᬾ [᭒᭑ 21A] ᬦᬾᬢ᭄ᬯᬭᬳᬦᬓ᭄ᬳᬦᬶᬂ᭟ᬳᬫ᭄ᬩᬸᬮ᭄ᬢᬩᬳᬦ᭄ᬗᬸᬘᬧᬂ᭞ᬤᬾᬯᬶᬓᬸᬦ᭄ᬢᬶᬯᬮᬸᬬᬵᬤ᭄ᬳᬵᬧᬲ᭄ᬢᬶ᭞ᬢᬦ᭄ᬩᬶᬦᬓᬤᬶᬦᬾᬲᬵᬫ᭄ᬧᬸᬦ᭄᭞ᬚᬦᬶᬮᬾᬦ᭄ᬓᬘᬭᬶᬢ᭞ᬳᬤᬧᬺᬫᬾᬦᬓᬺᬓᬾᬦᭀᬗᭀᬲ᭄ᬤᬶᬤᬸᬲᬸᬦ᭄᭞ᬫᬳᬤᬦ᭄ᬲᬂᬗᬪᬶᬸᬭᬾᬢᬵ᭞ᬫ ᬗ᭄ᬮᬄᬲᭀᬫᬄᬳᬤᬶᬳᬶ᭟ᬲᬂᬭᬦ᭄ᬥᬋᬓᭀᬳᬤᬜ᭞ᬳᬗ᭄ᬳᬶᬂᬩ᭄ᬓᬸᬂᬮᬶᬕᬸᬜᬓᬧᬲᬶᬲᬶ᭞ᬫᬳᬤᭂᬧᬦ᭄‌ᬲᬶᬂᬓᬢ᭄ᬧᬸᬓ᭄᭞ᬦᬾᬫ᭄ᬯᬦᬶᬫᬕᬸᬕ᭄ᬯᬦᬦ᭄᭞ᬗᬤᬸᬄᬧᭂᬜ᭄ᬘᬃᬩᬸᬓᬵᬳᬤᬯᬶᬤ᭄ᬥᬶᬗᬸᬤᬸᬄ᭞ᬧᬳᬶᬗᬸᬦᬦ᭄ᬧᬘᬂᬲᬤ᭄ᬬ᭞ᬲ᭄ᬤᭂᬓ᭄ᬫᭂ ᬜ᭄ᬘᬃᬤᬶᬧᬲᬶᬲᬶ᭟ᬧᬶᬂᬓᬸᬤᬵᬫᬫᬸᬮᬂᬧᭂᬜ᭄ᬘᬃ᭞ᬩᬸᬓᬵᬢ᭄ᬯᬭᬫᬩᬳᬦ᭄ᬩᬾᬳᬩ᭄ᬲᬶᬓ᭄᭞ᬲᬸᬩᬓᬶᬫᬗ᭄ᬭᬱᬮᬘᬸᬃ᭞ᬚᬦᬶᬫᬓᬶᬓᬾᬦ᭄ᬩᬸᬤᬮ᭄᭞ᬲᬕᬾᬢ᭄ᬳᬤᬓᬦ᭄ᬢᭂᬦ᭄ᬢᬩ᭄ᬮᬵᬲᬯᬢ᭄ᬲᬭᬸ᭞ᬤᬶᬢ᭄ᬗᬄᬧᬲᬶᬳᬾᬗᬫ᭄ᬩᬂ᭞ᬲᬬᬦ᭄ᬫᬗᬸ ᬗ᭄ᬲᬶᬓᬲᬶᬲᬶ᭟ᬚᬦᬶᬩᬸᬓᬵᬗᬮᬳᬧᬵ᭞ᬫᬗᬦ᭄ᬢᬶᬬᬂᬤᬤᬶᬬᬵᬲᬬᬦ᭄ᬧᬶ᭞ᬓᬲᬶᬲᬶᬢᬩ᭄ᬮᬦᬾᬮᬯᬸᬢ᭄᭞ᬧᬸᬮᬗᬶᬜᬩᬦ᭄ᬧᭂᬜ᭄ᬘᬃ᭞ᬲᬢ᭄ᬓᬦᬾᬤᬶᬲᬶᬲᬶᬮᬦ᭄ᬢᬲ᭄ᬓᬢᬶᬓᬸᬮ᭄᭞ᬢᬩ᭄ᬮᬦᬾᬫᬓᬺᬢ᭄ᬩᬳᬢ᭄᭞ᬲᬗ

Auto-transliteration

[20 20A] 20 sanakadanin. nehistrir̥ĕkemaparab, dewikuntitwarahadanandingin, kawidagdhanemanrus, tur̀sāmpunkanugrahan, pangaradanmangdebhaṭārarawuḥ, hantukbagawandar̀wasyā, sangsiddhal̥ĕ wihingśakti. laliḥsāmpunmapr̥ĕcihnā, panugrahanet̶neitahenkabinduwin, bhaṭārasūr̀yyatumurun, kaharaddhipamr̥ĕman, waluyamaragabhūṣananemurub, dadimtusaragan, dewikunti katuronin. puputsahāpanugr, tandumadhebhaṭārasūr̀yyararis, budalhidamahawanhyun, sangkuntikacarita, paramangkinkantĕnbobotedibawu, hĕmbasrarenedikar̀ṇnā, rari skakutangkapasiḥ. rarenrāmawadaḥtablā, sahupacarasāmpunkadagingin, ñilibtwarahadatahu, hantukelintangmerang, madweputr̥ĕbanesdĕngkanyahayu, sasāmpunsiddhakakutang, rare [21 21A] netwarahanak'haning. hambultabahanngucapang, dewikuntiwaluyād'hāpasti, tanbinakadinesāmpun, janilenkacarita, hadapr̥ĕmenakr̥ĕkenongosdidusun, mahadansangngab̶h̶retā, ma nglaḥsomaḥhadihi. sangrandhar̥ĕkohadaña, hanghingbkungliguñakapasisi, mahadĕpansingkatpuk, nemwanimagugwanan, ngaduḥpĕñcar̀bukāhadawiddhinguduḥ, pahingunanpacangsadya, sdĕkmĕ ñcar̀dipasisi. pingkudāmamulangpĕñcar̀, bukātwaramabahanbehabsik, subakimangraṣalacur̀, janimakikenbudal, saget'hadakantĕntablāsawatsaru, ditngaḥpasihengambang, sayanmangu ngsikasisi. janibukāngalahapā, mangantiyangdadiyāsayanpi, kasisitablanelawut, pulangiñabanpĕñcar̀, satkanedisisilantaskatikul, tablanemakr̥ĕtbahat, sanga

Leaf 21

Image on Archive.org

[᭒᭑ 21B] ᭒᭑ ᬤᬶᬭᬢ᭄ᬢᬗᬕᬳᬶᬦ᭄᭟ᬩᬯᬸᬢᬩ᭄ᬮᬦᬾᬫᬩᬸᬓᬵ᭞ᬲᬕᬾᬢ᭄ᬚᬢᭀᬦ᭄ᬫᬳᬶᬲᬶᬳᬦᬓ᭄ᬘ᭄ᬭᬶᬓ᭄᭞ᬲᬧᬺᬢᬾᬓᬜᬫᬤᬸᬮᬸᬃ᭞ᬢᬶᬗ᭄ᬓᬳᬶᬂᬭᬚᬧᬸᬢᬺ᭞ᬲᬗᬤᬶᬭᬢᬮᬦ᭄ᬢᬲ᭄‌ᬕ᭄ᬮᬶᬲ᭄ᬫᬜᬯᬸᬧ᭄᭞ᬭᬭᬾᬦᬾᬓᬢᬍᬓ᭄ᬢᭂᬓᬂ᭞ ᬓᬢᭀᬦ᭄ᬫᬩᬸᬱᬡᬍᬯᬶᬄ᭟ᬢᬸᬃᬫᬤᬸᬮᬸᬃᬲᬧ᭄ᬭᬢᬾᬓᬦ᭄᭞ᬭᬚᬧᬸᬢ᭄ᬭᬲᬗ᭄ᬳᬤᬶᬭᬢᬕ᭄ᬮᬶᬲ᭄᭞ᬫᬮᬳᬶᬩᬂᬗᬚᬓ᭄ᬫᬦ᭄ᬢᬸᬓ᭄᭞ᬲᬢ᭄ᬓᬦᬾᬤᬶᬚᬸᬫᬄ᭞ᬧ᭄ᬭᬢᬾᬓᬵᬧᬳᬂᬓᬗ᭄ᬕᬾᬦ᭄ᬧᬦᬓ᭄ᬢᬸᬳᬸ᭞ᬲᬂᬭᬤ᭄ᬥᬳᬾᬕᬭᬾᬮᬶᬯᬢ᭄ ᭞ᬳᬤᬧᬘᬂᬘᬸᬫᬦ᭄ᬤᬶᬳᬶ᭟ᬓᬲᬸᬯᬾᬦ᭄ᬢᬦᬶᬓᭀᬘᬧᬵ᭞ᬳᬶᬗᬦᬜᬭᬭᬾᬲᬸᬢᬓ᭄ᬮᬶᬄ᭞ᬯᬃᬡ᭄ᬦᬵᬦᬾᬩᬲ᭄ᬓᬩᬶᬦᬗᬸᬦ᭄᭞ᬩᬕᬸᬲ᭄ᬢ᭄ᬯᬭᬦᬓ᭄ᬧᬥ᭞ᬪᬹᬱᬦᬦᬾᬓᬤᬶᬲᬗ᭄ᬳ᭄ᬬᬂᬲ᭄ᬫᬭᬦᬸᬭᬸᬦ᭄᭞ᬓᬧᬭᬩᬶᬦ᭄ᬲᬂᬓᬃᬡ᭄ᬦᬵ ᭞ᬳᬲᬶᬦᭀᬫᬾᬗᬂᬦᬵᬕᬭᬶ᭟᭐᭟᭚ᬲᬶᬦᭀᬫ᭄᭝ᬓᬘᬭᬶᬢᬲᬗᬤᬶᬭᬣᬵ᭞ᬓᭀᬘᬧᬂᬓᬸᬦ᭄ᬢᬶ᭞ᬤᬤᬶᬫ᭄ᬢᬸᬧᬓᬳ᭄ᬬᬸᬦᬦ᭄᭞ᬲᬂᬓᬸᬦ᭄ᬢᬩᭀᬚᬫᬗᬓ᭄ᬱᬶ᭞ᬫᬗ᭄ᬤᬾᬫᬤ᭄ᬯᬾᬰ᭄ᬯᬫᬶ᭞ᬓᬂᬓᬶᬦᬾᬦ᭄ᬫ [᭒᭒ 22A] ᬫᬶᬮᬶᬄᬭᬢᬸ᭞ᬭᬶᬂᬧᬲᬾᬯᬫ᭄ᬩᬭᬵ᭞ᬢᬦ᭄ᬤᬸᬫᬥᬾᬧᬭᬫᬗ᭄ᬓᬶᬦ᭄᭞ᬯᬗᬸᬦ᭄ᬓᬵᬃᬬ᭄ᬬᬲᬺᬕᭂᬧᬶᬂᬧᬲᬾᬯᬫ᭄ᬩᬭᬵ᭟ᬳᬓ᭄ᬯᬾᬄᬲᬂᬭᬢᬸᬓᬧᬶᬦᬂ᭞ᬫᬗ᭄ᬤᬾᬲᬫᬶᬫᬗ᭄ᬭᬯᬸᬳᬶᬦ᭄᭞ᬭᬶᬂᬓᬵᬃᬬ᭄ᬬᬧᬲᬾᬯᬫ᭄ᬩᬭᬦ᭄᭞ᬲᬵᬫ᭄ᬧᬸᬦ᭄ᬲᬫᬶᬫᬗ ᬤ᭄ᬬᬦᬶᬦ᭄᭞ᬧᬘᬂᬗ᭄ᬭᬯᬸᬳᬶᬦ᭄ᬳᬸᬕᬶ᭞ᬚᬦᬶᬓᭀᬘᬧᬵᬲᬂᬧᬦ᭄ᬥᬸ᭞ᬮᬸᬗ᭄ᬳᬵᬓᬲᬾᬯᬫ᭄ᬩᬭᬵ᭞ᬢᬦ᭄ᬓᬘᬭᬶᬢᬭᬶᬂᬫᬵᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬋᬓᬾᬭᬶᬂᬧᬲᬾᬯᬫ᭄ᬩᬭᬦ᭄᭟ᬲᬕᬾᬢ᭄ᬲᬫ᭄ᬧᬸᬦ᭄ᬲᬫᬶᬦᬧᬓ᭄᭞ᬲᬯᬢᭂᬓ᭄ᬭᬢᬸᬦᬾ ᬍᬯᬶᬄ᭞ᬓᬧᬶᬦᬂᬫᬲᬾᬯᬫ᭄ᬩᬭᬵ᭞ᬳᬾᬩᭂᬓ᭄ᬭᬶᬂᬧᬬᬚ᭄ᬜᬵᬦ᭄ᬢᬶᬢᬶᬩ᭄᭞ᬕᭀᬂᬢᬢᬩᬸᬳᬦ᭄ᬫᬸᬜᬶ᭞ᬩ᭄ᬤᬶᬮᬾᬫᬢᬸᬭᬸᬢᬶᬸᬦ᭄ᬢᬸᬭᬸᬦ᭄᭞ᬧᬭᬭᬢᬸᬦᬾᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬫᬳᬸᬗ᭄ᬯᬦᬦ᭄ᬮᬶᬗ᭄ᬕᬶᬄ᭞ᬲᬕᬾᬢ᭄ᬭᬯᬸᬄ᭞ᬲᬂᬓᬸᬦ᭄ᬢᬶᬳᬸ ᬮᬶᬤᬶᬧᬸᬭᬵ᭟ᬫᬤᬸᬮᬸᬃᬲᬳᬸᬧᬘᬭᬵ᭞ᬧᬗᬶᬭᬶᬗᬾᬩ᭄ᬘᬶᬓ᭄ᬩᭂᬘᬶᬓ᭄᭞ᬩᬸᬓᬕᬫ᭄ᬩᬃᬯᬯᬗᬸᬦᬦ᭄᭞ᬫᬗ᭄ᬤᬾᬦᬾᬗᬾᬮᭀᬢᬂᬗᬢᬶ᭞ᬩᭀᬦᬾᬫᬶᬳᬶᬓ᭄ᬲᬸᬫᬶᬭᬶᬢ᭄᭞ᬫᬗᭂᬢᬸᬲ᭄‌ᬓ᭄ᬦᭂᬄᬲᬢᬸᬳᬸᬓ᭄᭞ᬫᬳ᭄ᬩᭀᬓ

Auto-transliteration

[21 21B] 21 dirattangagahin. bawutablanemabukā, sagetjatonmahisihanakcrik, sapr̥ĕtekañamadulur̀, tingkahingrajaputr̥ĕ, sangadiratalantasglismañawup, rarenekatal̥ĕktĕkang, katonmabuṣaṇal̥ĕwiḥ. tur̀madulur̀sapratekan, rajaputrasanghadirataglis, malahibangngajakmantuk, satkanedijumaḥ, pratekāpahangkanggenpanaktuhu, sangraddhahegareliwat , hadapacangcumandihi. kasuwentanikocapā, hinganañararesutakliḥ, war̀ṇnānebaskabinangun, bagustwaranakpadha, bhūṣananekadisanghyangsmaranurun, kaparabinsangkar̀ṇnā , hasinomengangnāgari. 0. // sinom:kacaritasangadirathā, kocapangkunti, dadimtupakahyunan, sangkuntabojamangaksyi, mangdemadweśwami, kangkinenma [22 22A] miliḥratu, ringpasewambarā, tandumadheparamangkin, wangunkār̀yyasr̥ĕgĕpingpasewambarā. hakweḥsangratukapinang, mangdesamimangrawuhin, ringkār̀yyapasewambaran, sāmpunsamimanga dyanin, pacangngrawuhinhugi, janikocapāsangpandhu, lunghākasewambarā, tankacaritaringmār̀ggi, sāmpunrawuḥ, r̥ĕkeringpasewambaran. sagetsampunsaminapak, sawatĕkratune l̥ĕwiḥ, kapinangmasewambarā, hebĕkringpayajñāntitib, gongtatabuhanmuñi, bdilematurut̶nturun, pararatunesamyan, sāmpunmahungwananlinggiḥ, sagetrawuḥ, sangkuntihu lidipurā. madulur̀sahupacarā, pangiringebcikbĕcik, bukagambar̀wawangunan, mangdenengelotangngati, bonemihiksumirit, mangĕtusknĕḥsatuhuk, mahboka

Leaf 22

Image on Archive.org

[᭒᭒ 22B] ᭒᭒ ᬤᬯᬢᬦ᭄᭞ᬬᬤᬶᬦ᭄ᬇᬦ᭄ᬤ᭄ᬭᬮᭀᬓᬫᬶᬭᬶᬫᬶᬸᬩ᭄᭞ᬦᬾᬧᬧᬶᬢᬸ᭞ᬪᬝᬵᬭᬩ᭄ᬭᬳ᭄ᬫᬵᬗ᭄ᬯᬗᬸᬦᬂ᭟ᬳᬫ᭄ᬩᬸᬮ᭄ᬢᭀᬩᬳᬦ᭄ᬗᬦ᭄ᬤᬾᬬᬂ᭞ᬓᬳᬬᭀᬦ᭄ᬲᬦᬾᬫᬗᬶᬭᬶᬂ᭞ᬬᬗᬩᬲᬳᬸᬧᬘᬭᬵ᭞ᬢᬦᬸᬘᬧᭂᬦ᭄ᬤᬾᬯᬶᬓᬸᬦ᭄ᬢᬶ᭞ᬢᬦ᭄ᬩᬶᬦᬵᬤᬾᬯᬶ ᬭᬢᬶᬄ᭞ᬢᬸᬫᬸᬭᬸᬦ᭄ᬫᬳᬯᬦᬦ᭄ᬳ᭄ᬬᬸᬦ᭄᭞ᬲᬂᬧᬡ᭄ᬥᬸᬳᬸᬧᬫᬶᬜ᭞ᬲᬂᬳ᭄ᬬᬂᬲ᭄ᬫᬭᬵᬫᬫ᭄ᬩᬋᬗᬶᬦ᭄᭞ᬓ᭄ᬭᬡᬧᬬᬸ᭞ᬫᬢ᭄ᬫᬸᬭᬶᬂᬲᬾᬯᬫ᭄ᬩᬭᬵ᭟ᬳᬯᬦᬦ᭄ᬭᬢᬸᬦᬾᬮᬾᬦᬦ᭄᭞ᬩᬸᬓᬢᭀᬂᬓᬮᬶᬗᬸᬲᬫᬶ᭞ᬢ᭄ᬯᬭᬮᬾᬦᬾᬓᬓᬵᬃᬱᬬᬂ᭞ ᬋᬓᬾᬳᬦ᭄ᬢᬸᬓ᭄ᬤᬾᬯᬶᬓᬸᬦ᭄ᬢᬶ᭞ᬲᬂᬧᬡ᭄ᬥᬸᬦᬾᬓᬧᬸᬚᬶ᭞ᬓᬢᬼᬩ᭄ᬤᬶᬚ᭄ᬭᭀᬦᬶᬂᬓᬬᬸᬦ᭄᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬓᬮᬸᬫ᭄ᬩ᭄ᬭᬄ᭞ᬭᬶᬂᬧᬭᬭᬵᬢᬸᬦᬾᬲᬫᬶ᭞ᬬᬦ᭄ᬲᬂᬧᬡ᭄ᬥᬸᬧ᭄ᬭᬲᬶᬤ᭄ᬥᬵᬭᬶᬂᬰᬾᬯᬫ᭄ᬩᬵᬭᬵ᭟ᬭᬭᬶᬲᬵᬫ᭄ᬧᬸᬦ᭄ᬲ ᬫᬶᬩᬸᬤᬮ᭄᭞ᬲᬂᬧᬭᬭᬵᬢᬸᬦᬾᬲᬫᬶ᭞ᬲᬂᬧᬡ᭄ᬥᬸᬚᬦᬶᬓᭀᬘᬧᬵ᭞ᬫᬓᬭᭀᬦ᭄ᬭᬶᬂᬤᬾᬯᬶᬓᬸᬦ᭄ᬢᬶ᭞ᬓᬳᬲ᭄ᬢᬶᬦᬵᬫᬗ᭄ᬭᬭᬶᬲ᭄᭞ᬬᬦ᭄ᬓᭀᬘᬧ᭄ᬮᬓᬸᬦᬾᬲᬵᬫ᭄ᬧᬸᬦ᭄᭞ᬭᬯᬸᬄᬭᬶᬂᬤᬍᬫ᭄ᬧᬸᬭᬵ᭞ᬳᬾᬕᬃ [᭒᭓ 23A] ᬲᬳᬶᬲᬶᬦᬶᬂᬧᬸᬭᬶ᭞ᬲᬵᬫ᭄ᬧᬸᬦ᭄ᬮᬫᬶᬫᬓᬸᬋᬦ᭄ᬢ᭄ᬯᬭᬲᬲ᭄ᬫᬭᬦ᭄᭟ᬳ᭄ᬦᭂᬗᬓ᭄ᬦᬵᬧᬸᬯᬶᬓᬵ᭞ᬓᭀᬘᬧ᭄ᬫᬮᬶᬄᬯᬾᬦ᭄ᬢᭂᬦ᭄ᬧᬸᬢ᭄ᬭᬶ᭞ᬭᬶᬂᬧᬤ᭄ᬯᬭᬵᬚᬓᬯ᭄ᬓᬲ᭄᭞ᬳᬬᬸᬦᬾᬢ᭄ᬯᬭᬦᬦ᭄ᬤᬶᬗᬶᬦ᭄᭞ᬫᬧᬭᬩ᭄ᬤᬾᬯᬶᬦᬤ᭄ᬭᬶ᭞ᬫᬲᬫ᭄ᬢᭀ ᬦ᭄ᬭᬶᬂᬲᬂᬧ᭄ᬭᬪᬸ᭞ᬰᬮ᭄ᬬᬧᬸᬦᬶᬓᬓᭀᬘᬧ᭄᭞ᬫᬗ᭄ᬓᬶᬦ᭄ᬫᬮᬶᬄᬓᬮᬧ᭄ᬭᬪᬶ᭞ᬳᬦ᭄ᬢᬶᬓ᭄ᬱᬂᬧᬡ᭄ᬥᬸᬲᬕ᭄ᬦᭂᬧᬶᬂᬧᬯᬶᬯᬳᬵ᭟ᬚᬦᬶᬓᭀᬘᬧ᭄ᬲᬂᬯᬶᬥᬸᬭᬵ᭞ᬗᬮᬧ᭄ᬭᬩᬶᬲᬸᬤ᭄ᬭᬢᬦᬶ᭞ᬲᬵᬫ᭄ᬧᬸᬦ᭄ᬲᬂᬢᬶᬕᬫᬭᬩ᭄ᬬᬦ᭄᭞ᬓᭀ ᬘᬧᬤᬾᬯᬶᬕᬡ᭄ᬥᬭᬶ᭞ᬲᬵᬫ᭄ᬧᬸᬦ᭄ᬋᬓᬾᬕᬃᬩ᭄ᬩᬶᬦᬶ᭞ᬕ᭄ᬦᭂᬧ᭄ᬲᬲᬶᬳᬦᬾᬲᬵᬫ᭄ᬧᬸᬦ᭄᭞ᬲᬂᬓᬸᬦ᭄ᬢᬶᬤᬤᬶᬫᬾᬭᬂ᭞ᬧᬓᬬᬸᬦᬦᬾᬦᬦ᭄ᬤᬶᬗᬶᬦ᭄᭞ᬫᬗ᭄ᬤᬾᬧᬗ᭄ᬭᬶᬳᬶᬦ᭄ᬫᬤ᭄ᬯᬾᬧᬸᬢᬺ᭟ᬤᬤᬶᬧᬭᬫᬗ᭄ᬓᬶᬦ᭄‌ᬗ᭄ᬭᬯᭀ ᬲ᭄ᬲᬂᬧᬡ᭄ᬥᬸᬭᬶᬂᬤᬾᬯᬶᬓᬸᬦ᭄ᬢᬶ᭞ᬫᬓᬬᬸᬦ᭄ᬫᬤ᭄ᬯᬾᬧᬸᬢ᭄ᬭ᭞ᬳᬦ᭄ᬢᬸᬓ᭄ᬤᬦᬾᬲᬂᬕᬡ᭄ᬥᬭᬶ᭞ᬲᬵᬫ᭄ᬧᬸᬦ᭄ᬋᬓᬾᬕᬃᬩ᭄ᬩᬶᬦᬶ᭞ᬲᬂᬧᬡ᭄ᬥᬸᬳᬾᬫᭂᬂᬭᬶᬂᬓᬳ᭄ᬬᬸᬦ᭄᭞ᬯᬦ᭄ᬢᬄᬗ᭄ᬭᬯᭀᬲ᭄ᬢᬦ᭄ᬲᬶᬤ᭄ᬥ᭞ᬧᬓᬬᬸᬦᬦᬾᬦᬦ᭄ᬤᬶᬗᬶᬦ᭄

Auto-transliteration

[22 22B] 22 dawatan, yadinindralokamirim̶b, nepapitu, bhaṭārabrahmāngwangunang. hambultobahanngandeyang, kahayonsanemangiring, yangabasahupacarā, tanucapĕndewikunti, tanbinādewi ratiḥ, tumurunmahawananhyun, sangpaṇdhuhupamiña, sanghyangsmarāmambar̥ĕngin, kraṇapayu, matmuringsewambarā. hawananratunelenan, bukatongkalingusami, twaralenekakār̀ṣayang, r̥ĕkehantukdewikunti, sangpaṇdhunekapuji, katl̥ĕbdijroningkayun, mangkinsāmpunkalumbraḥ, ringpararātunesami, yansangpaṇdhuprasiddhāringśewambārā. rarisāmpunsa mibudal, sangpararātunesami, sangpaṇdhujanikocapā, makaronringdewikunti, kahastināmangraris, yankocaplakunesāmpun, rawuḥringdal̥ĕmpurā, hegar̀ [23 23A] sahisiningpuri, sāmpunlamimakur̥ĕntwarasasmaran. hnĕngaknāpuwikā, kocapmaliḥwentĕnputri, ringpadwarājakawkas, hayunetwaranandingin, maparabdewinadri, masamto nringsangprabhu, śalyapunikakocap, mangkinmaliḥkalaprabhi, hantikṣangpaṇdhusagnĕpingpawiwahā. janikocapsangwidhurā, ngalaprabisudratani, sāmpunsangtigamarabyan, ko capadewigaṇdhari, sāmpunr̥ĕkegar̀bbini, gnĕpsasihanesāmpun, sangkuntidadimerang, pakayunanenandingin, mangdepangrihinmadweputr̥ĕ. dadiparamangkinngrawo ssangpaṇdhuringdewikunti, makayunmadweputra, hantukdanesanggaṇdhari, sāmpunr̥ĕkegar̀bbini, sangpaṇdhuhemĕngringkahyun, wantaḥngrawostansiddha, pakayunanenandingin

Leaf 23

Image on Archive.org

[᭒᭓ 23B] ᭒᭓ ᭞ᬲᬂᬕᬡ᭄ᬥᬭᬶᬫᬗ᭄ᬤᬾᬗᬯᬾᬦ᭄ᬢᭂᬦᬂᬧᬸᬢᬺ᭟ᬲᬂᬓᬸᬦ᭄ᬢᬶᬭᬭᬶᬲ᭄ᬗᬢᬸᬭᬂ᭞ᬓᬫᬢ᭄ᬫ᭄ᬬᬦᬾᬦᬾᬲᬸᬗ᭄ᬓᭂᬫᬶᬦ᭄᭞ᬲᬓᬶᬂᬪᬕᬯᬦ᭄ᬤᬸᬃᬯᬱ᭞ᬳᬶᬤᬋᬓᬾᬗᬦᬸᬕ᭄ᬭᬳᬶᬦ᭄᭞ᬓᬳᬯᬶᬓᬦᬦ᭄ᬳᬓᬶᬤᬶᬓ᭄᭞ᬧᬗᬭᬤᬦ᭄ᬤᬾᬯ᭄ᬯᬭ ᬯᬸᬄ᭞ᬳᬗ᭄ᬳᬶᬂᬢ᭄ᬯᬃᬍᬩᬶᬳᬦ᭄᭞ᬢ᭄ᬓᬾᬦᬶᬂᬧᬶᬂᬢ᭄ᬮᬸᬤᬤᬶ᭞ᬳᬧᬦ᭄ᬓᬾᬢᬶᬧᬦᬸᬕ᭄ᬭᬳᬦᬾᬫᬩᬦ᭄ᬢᬲ᭄᭟ᬲᬂᬧᬡ᭄ᬥᬸᬳᬾᬕᬭᬾᬮᬶᬯᬢ᭄᭞ᬯᬦ᭄ᬢᬄᬫᬶᬲᬭᬵᬲᬂᬓᬸᬦ᭄ᬢᬶ᭞ᬓᬾᬯᬦ᭄ᬢᭂᬦ᭄ᬲᬶᬤ᭄ᬥᬫᬧᬸᬢᬺ᭞ᬭᬭᬶᬲ᭄ᬧ᭄ᬭᬫᬗ᭄ᬓᬶᬦ᭄ᬲᬂᬓᬸᬦ᭄ᬢᬶ᭞ᬫ ᬤᬩ᭄ᬤᬩᬦ᭄ᬫᬲᬸᬘᬶ᭞ᬢᬦ᭄ᬲᬄᬫᬗᬶᬱ᭄ᬝᬶᬭᬳᬬᬸ᭞ᬫᬦᬺᬕᭂᬧ᭄ᬤᬶᬧᬫᬺᬫᬦ᭄᭞ᬧᬳᬭᬕᬬᬦ᭄ᬫᬫᬸᬱ᭄ᬝᬶ᭞ᬫᬗᬱ᭄ᬝᬯᬵ᭞ᬫᬗᬭᬤ᭄ᬪᬝᬵᬭᬥᬃᬫ᭄ᬫᬵ᭟ᬲᬕᬾᬢ᭄ᬯᬮᬸᬬᬳᬚᬳᬦ᭄᭞ᬪᬝᬵᬭᬤᬃᬫ᭄ᬫᬵᬦᬸᬭᭀᬦᬶᬦ᭄᭞ᬢ ᬦ᭄ᬤᬸᬫᬥᬾᬫᬶᬚᬶᬮ᭄ᬧᬸᬢᬺ᭞ᬮᬦᬂᬯᬃᬡ᭄ᬦᬦᬾᬳᬧ᭄ᬓᬶᬓ᭄᭞ᬲᬂᬬᬸᬤᬶᬲ᭄ᬢᬶᬭᬦᬫᬶ᭞ᬧᬸᬧᬸᬢᬶᬂᬓᬤᬃᬫᬦ᭄ᬲᬥᬸ᭞ᬳᬶᬤᬵᬪᬝᬵᬭᬥᬃᬫ᭄ᬫᬵ᭞ᬲᬵᬫ᭄ᬧᬸᬦ᭄‌ᬫᭂᬲᬢ᭄ᬢᬦ᭄ᬓᬳᬓ᭄ᬱᬶ᭞ᬪᬝᬵᬭᬶᬓᬸᬦ᭄ᬢᬶᬫᬮᬶᬄᬋᬓᬾᬫ [᭒᭔ 24A] ᬗᬱ᭄ᬝᬯ᭟ᬪᬝᬵᬭᬩᬬᬸᬓᬳᬭᬤ᭄᭞ᬢᬦ᭄ᬤᬸᬫᬥᬾᬧᬭᬫᬗ᭄ᬓᬶᬦ᭄᭞ᬯᬮᬸᬢᬭᬯᬸᬄᬫᬜ᭄ᬚᬫᬄ᭞ᬫ᭄ᬢᬸᬧᬸᬢ᭄ᬭᬦᬾᬧ᭄ᬭᬫᬗ᭄ᬓᬶᬦ᭄᭞ᬲᬂᬯᬺᬓᭀᬤᬭᬤᬤᬶ᭞ᬯᬳᬸᬳᭂᬫ᭄ᬩᬲ᭄ᬦᭂᬧᬾᬦ᭄ᬩᬢᬸ᭞ᬭᬭᬶᬲ᭄ᬩᬢᬸᬦᬾᬩᭂ ᬜ᭄ᬘᬃ᭞ᬳᬤᬫᬘᬦ᭄ᬫᬜᬕ᭄ᬚᬕᬶᬦ᭄᭞;ᬳᬦ᭄ᬢᬲ᭄ᬜᬯᬸᬧ᭄‌ᬭᬭᬾᬦᬾᬢ᭄ᬯᬭᬵᬤᬩᬶᬗ᭄ᬮᬲ᭄᭟ᬯᬃᬡ᭄ᬦᬦᬾᬫᬺᬗᭂᬗᭂᬂᬧᬶᬲᬦ᭄᭞ᬩᬤᭂᬗᬶᬓᬃᬫᬲ᭄ᬫᬸᬢᬗᬶ᭞ᬧᬗᬤᭂᬕᬾᬕ᭄ᬥᬾᬕᬗ᭄ᬕᬲ᭄᭞ᬫᬓᬸᬓᬸᬫᬮᬾᬮᬕᬥᬶᬂ ᭞ᬪᬝᬵᬭᬩᬬᬸᬭᬭᬶᬲ᭄᭞ᬫᭀᬓ᭄ᬭᬳᬾᬫᬳᬯᬦᬦ᭄ᬳ᭄ᬬᬸᬦ᭄᭞ᬲᬂᬓᬸᬦ᭄ᬢᬶᬫᬗ᭄ᬭᬭᬶᬲᬂ᭞ᬧᬶᬂᬢᬶᬕ᭄ᬕᬗᬲ᭄ᬢᬯᬭᬭᬶᬲ᭄᭞ᬫᬗᬺᬕᭂᬧᬂᬪᬝᬵᬭᬇᬦ᭄ᬤ᭄ᬭᬵᬓᬳᬭᬤ᭄᭟ᬭᬭᬶᬲ᭄ᬧᬺᬫᬗ᭄ᬓᬶᬦ᭄ᬯᬮᬸᬬᬵ᭞ᬪᬝᬵᬭᬇᬦ᭄ᬤ᭄ᬭ ᬦᬸᬭᭀᬦᬶᬦ᭄᭞ᬫᬶᬚᬶᬮ᭄ᬧᬸᬢ᭄ᬭᬓᬩᬶᬦᬯᬵ᭞ᬩᬕᬸᬲᬾᬢ᭄ᬯᬭᬦᬦ᭄ᬤᬶᬗᬶᬦ᭄᭞ᬓᬮᬶᬄᬮᬶᬦ᭄ᬢᬂᬧ᭄ᬭᬳᬸᬭᬶᬢ᭄᭞ᬢ᭄ᬓᬾᬦ᭄ᬥᬦᬸᬃᬥᬭᬧᬸᬧᬸᬢ᭄᭞ᬧᬸᬦᬶᬓᬲᬗᬃᬚ᭄ᬚᬸᬦᬵ᭞ᬧᬸᬧᬸᬢ᭄ᬧᬶᬂᬢᬶᬕ᭄ᬕᬲᬂᬓᬸᬦ᭄ᬢᬶ᭞ᬫᬗᬼᬓ

Auto-transliteration

[23 23B] 23 , sanggaṇdharimangdengawentĕnangputr̥ĕ. sangkuntirarisngaturang, kamatmyanenesungkĕmin, sakingbhagawandur̀waṣa, hidar̥ĕkenganugrahin, kahawikananhakidik, pangaradandewwara wuḥ, hanghingtwar̀l̥ĕbihan, tkeningpingtludadi, hapanketipanugrahanemabantas. sangpaṇdhuhegareliwat, wantaḥmisarāsangkunti, kewantĕnsiddhamaputr̥ĕ, rarispramangkinsangkunti, ma dabdabanmasuci, tansaḥmangiṣṭirahayu, manr̥ĕgĕpdipamr̥ĕman, paharagayanmamuṣṭi, mangaṣṭawā, mangaradbhaṭāradhar̀mmā. sagetwaluyahajahan, bhaṭāradar̀mmānuronin, ta ndumadhemijilputr̥ĕ, lanangwar̀ṇnanehapkik, sangyudistiranami, puputingkadar̀mansadhu, hidābhaṭāradhar̀mmā, sāmpunmĕsattankahaksyi, bhaṭārikuntimaliḥr̥ĕkema [24 24A] ngaṣṭawa. bhaṭārabayukaharad, tandumadheparamangkin, walutarawuḥmañjamaḥ, mtuputranepramangkin, sangwr̥ĕkodaradadi, wahuhĕmbasnĕpenbatu, rarisbatunebĕ ñcar̀, hadamacanmañagjagin, ;hantasñawuprarenetwarādabinglas. war̀ṇnanemr̥ĕngĕngĕngpisan, badĕngikar̀masmutangi, pangadĕgegdheganggas, makukumalelagadhing , bhaṭārabayuraris, mokrahemahawananhyun, sangkuntimangrarisang, pingtiggangastawararis, mangr̥ĕgĕpangbhaṭāra'indrākaharad. rarispr̥ĕmangkinwaluyā, bhaṭāra'indra nuronin, mijilputrakabinawā, bagusetwaranandingin, kaliḥlintangprahurit, tkendhanur̀dharapuput, punikasangar̀jjunā, puputpingtiggasangkunti, mangl̥ĕka

Leaf 24

Image on Archive.org

[᭒᭔ 24B] ᭒᭔ ᬲᬂᬲᬢᬶᬗ᭄ᬓᬳᬶᬂᬧᬦᬸᬕ᭄ᬭᬳᬵ᭟ᬲᬂᬫᬤ᭄ᬭᬶᬚᬦᬶᬓᭀᬘᬧᬵ᭞ᬧᬓᬬᬸᬦᬦᬾᬢᬦ᭄ᬫᬭᬶ᭞ᬫᬗ᭄ᬤᬾᬦᬾᬫᬤ᭄ᬯᬾᬧᬸᬢ᭄ᬭ᭞ᬫᬜᬋᬗᬶᬦ᭄ᬤᬾᬯᬶᬓᬸᬦ᭄ᬢᬶ᭞ᬕ᭄ᬮᬶᬲ᭄ᬫᬗᬰᬶᬳᬲᬶᬄ᭞ᬭᬶᬂᬤᬾᬯᬶᬓᬸᬦ᭄ᬢᬶᬫᬳᬢᬸᬃ᭞ᬦᬸᬦᬲ᭄ᬫᬗ᭄ᬤᬾᬫᬧᬸᬢᬺ᭞ᬲ ᬓᬶᬂᬧᬗᬭᬤ᭄ᬲᬂᬓᬸᬦ᭄ᬢᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄‌ᬧᬗ᭄ᬭᬯᭀᬲᬾᬓᬳᬤ᭄ᬬᬦᬦ᭄᭟ᬲᬂᬓᬸᬦ᭄ᬢᬶᬫᬮᬶᬄᬗᬱ᭄ᬝᬯᬵ᭞ᬲᬢᬶᬗ᭄ᬓᬳᬦᬾᬲᬫᬶ᭞ᬪᬝᬵᬭᬓᭂᬫ᭄ᬩᬃᬓᬳᬭᬤ᭄᭞ᬭᬯᬸᬄᬫᬜ᭄ᬚᬫᬄᬲᬂᬫᬤ᭄ᬭᬶ᭞ᬢᬦ᭄ᬤᬸᬭᬭᬶᬲ᭄ ᬧᬺᬫᬗ᭄ᬓᬶᬦ᭄᭞ᬪᬝᬵᬭᬓᭂᬫ᭄ᬩᬃᬢᬸᬫᬸᬭᬸᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬚᬫᬄ᭞ᬲᬂᬫᬤ᭄ᬭᬶᬫᬧᬸᬢᬺᬭᬭᬶᬲ᭄᭞ᬫ᭄ᬢᬸᬓᭂᬫ᭄ᬩᬃ᭞ᬢ᭄ᬯᬭᬫᬩᬶᬦᬬᬦ᭄ᬯᬃᬡ᭄ᬦᬵ᭟ᬧᬸᬦᬶᬓᬫᬧᬲᬾᬗᬦ᭄᭞ᬲᬂᬦᬓᬸᬮᬵᬲᬤᬾᬯᬓᬮᬶᬄ᭞ᬳᬯᬦᬦᬾ ᬓᬳᬸᬘᬧᬂ᭞ᬲᬂᬫᬜ᭄ᬘᬧᬡ᭄ᬥᬯᬤᬤᬶ᭞ᬳᬦ᭄ᬢᬸᬓᬦᬾᬲᬂᬓᬸᬦ᭄ᬢᬶ᭞ᬫᬗᬭᬤ᭄ᬮᬮᬶᬫᬫ᭄ᬢᬸ᭞ᬲᬗ᭄ᬓᬦ᭄ᬳᬤᬳᬸᬘᬧᬂ᭞ᬓᬮᬸᬫ᭄ᬩ᭄ᬭᬳᬂᬓᬜ᭄ᬘᬂᬚᬦᬶ᭟ᬬᬾᬦ᭄ᬫᬜᬫᬮᬮᬶᬫᬫᬤᬦ᭄ᬧᬡ᭄ᬥᬯᬵ᭟ᬢᬦ᭄ᬓᭀᬘᬧᬲᬂ [᭒᭕ 25A] ᬧᬡ᭄ᬥᬯ᭞ᬚᬦᬶᬓᭀᬘᬱ᭄ᬲᬂᬕᬡ᭄ᬥᬭᬶ᭞ᬩᬸᬓᬗ᭄ᬮᬄᬓᬬᬸᬦ᭄ᬫᬾᬭᬂ᭞ᬩᬦᬾᬤᬸᬫᬸᬦᬦ᭄ᬕᬃᬪᬶᬦᬶ᭞ᬤᬤ᭄ᬬᬜᬤᬾᬯᬶᬓᬸᬦ᭄ᬢᬶ᭞ᬤᬸᬫᬸᬦᬦ᭄ᬧᬸᬢ᭄ᬭᬦᬾᬫ᭄ᬢᬸ᭞ᬓᭀᬘᬧᬩᬳᬸᬳᭂᬫ᭄ᬩᬲ᭄᭞ᬲᬂᬬᬸᬤᬶᬲ᭄ᬢᬶᬭᬫᬗ᭄ᬭᬶᬳᬶᬦ᭄᭞ᬲᬂᬕᬡ᭄ᬥᬭᬶᬩᬳᬦ᭄ᬓ ᬳ᭄ᬬᬸᬦᬾᬩᬲ᭄ᬫᬾᬭᬂ᭟ᬮᬯᬸᬢ᭄ᬫᬗ᭄ᬮᬮᬸᬯᬂᬭᬕᬵ᭞ᬩᭀᬩᭀᬢᬾᬮᬦ᭄ᬢᬲ᭄ᬓᬢᬸᬕ᭄ᬢᬶᬕ᭄᭞ᬓᬧᭀᬓ᭄ᬧᭀᬓᬶᬦ᭄ᬳᬦ᭄ᬢᬸᬓ᭄ᬢᬗᬦ᭄᭞ᬫᬩᬶᬬᭀᬓ᭄‌ᬧ᭄ᬲᬸᬕ᭄ᬢᬶᬄ᭞ᬩᬮᬳᬦ᭄ᬮᬶᬬᬸᬫᬮᬸᬲ᭄ᬩᬸᬲ᭄᭞ᬓᬕ᭄ᬮᬶ᭠ ᬲᬂᬫᬭᬶᬓ᭄ᬱᬵ᭞ᬫᬯᬤᬳᬶᬦ᭄ᬳᭂᬚᬸᬦ᭄ᬲᬫᬶ᭞ᬫᬲᭀᬯᬗᬦ᭄ᬫᬢᬢᬦ᭄ᬤᭀᬦ᭄ᬓᬳᬸᬫ᭄ᬩᬂ᭟ᬭᬭᬶᬲ᭄ᬫᬢᬩᭂᬄᬫᬧ᭄ᬭᬶᬓ᭄ᬱ᭞ᬧᬯᬶᬮᬗᬦ᭄ᬚᬸᬦᬾᬲᬫᬶ᭞ᬲᬢᬸᬲ᭄ᬳᬓᬸᬢᬸᬲ᭄ᬮᬶᬬᬸᬜ᭞ᬲᬸᬩᬢᬸᬢᬸᬕ᭄ᬢᬶᬕᬂᬰᬲᬶᬄ᭞ᬭᬭᬶᬲ᭄ᬳᭂᬫ᭄ᬩᬵ ᬲᬲᬶᬓᬶ᭞ᬲᬩᬯᬸᬳᭂᬫ᭄ᬩᬲᬾᬮᬯᬸᬢ᭄᭞ᬩᬸᬓᬳᬮᬄᬢᬫ᭄ᬩᬸᬦᬂ᭞ᬩᬲᭀᬗᬾᬮ᭄ᬬᬸ᭠ᬦᭂᬓᬳᬶᬦ᭄᭞ᬧᬤᬗᬸᬮᬸᬦ᭄᭞ᬧᬫᬧᬕ᭄ᬭᬭᬾᬦᬾᬳᭂᬫ᭄ᬩᬲ᭄᭟ᬧᬸᬦᬶᬓᬦᬾᬫᬧ᭄ᬲᬾᬗᬵ

Auto-transliteration

[24 24B] 24 sangsatingkahingpanugrahā. sangmadrijanikocapā, pakayunanetanmari, mangdenemadweputra, mañar̥ĕngindewikunti, glismangaśihasiḥ, ringdewikuntimahatur̀, nunasmangdemaputr̥ĕ, sa kingpangaradsangkunti, sāmpunpuputpangrawosekahadyanan. sangkuntimaliḥngaṣṭawā, satingkahanesami, bhaṭārakĕmbar̀kaharad, rawuḥmañjamaḥsangmadri, tanduraris pr̥ĕmangkin, bhaṭārakĕmbar̀tumurun, sāmpunpuputkajamaḥ, sangmadrimaputr̥ĕraris, mtukĕmbar̀, twaramabinayanwar̀ṇnā. punikamapasengan, sangnakulāsadewakaliḥ, hawanane kahucapang, sangmañcapaṇdhawadadi, hantukanesangkunti, mangaradlalimamtu, sangkanhadahucapang, kalumbrahangkañcangjani. yenmañamalalimamadanpaṇdhawā. tankocapasang [25 25A] paṇdhawa, janikocaṣsanggaṇdhari, bukanglaḥkayunmerang, banedumunan'gar̀bhini, dadyañadewikunti, dumunanputranemtu, kocapabahuhĕmbas, sangyudistiramangrihin, sanggaṇdharibahanka hyunebasmerang. lawutmanglaluwangragā, bobotelantaskatugtig, kapokpokinhantuktangan, mabiyokpsugtiḥ, balahanliyumalusbus, kagli‐ sangmariksyā, mawadahinhĕjunsami, masowanganmatatandonkahumbang. rarismatabĕḥmaprikṣa, pawilanganjunesami, satushakutusliyuña, subatutugtigangśasiḥ, rarishĕmbā sasiki, sabawuhĕmbaselawut, bukahalaḥtambunang, basongelyu‐nĕkahin, padangulun, pamapagrarenehĕmbas. punikanemapsengā

Leaf 25

Image on Archive.org

[᭒᭕ 25B] ᭒᭕ ᬦ᭄᭞ᬲᬂᬤᬸᬃᬬᭀᬥᬦᬵᬭᬶᬸᬭᬭᬶᬲ᭄᭞ᬓᬳᬢᬸᬭᬶᬂᬲᬂᬯᬶᬥᬸᬭ᭞ᬲᬧ᭄ᬭᬢᬶᬗ᭄ᬓᬳᬾᬩᬸᬫᬶᬚᬶᬮ᭄᭞ᬲᬂᬯᬶᬸᬯᬶᬥᬸᬭᬢᬳᬦ᭄ᬲᬶᬧᬶ᭞ᬲᬗ᭄ᬲᬬᬦ᭄ᬓᬳ᭄ᬬᬸᬦᬾᬫᬸᬧᬸᬢ᭄᭞ᬢᬦ᭄ᬯᬗ᭄ᬤᬾᬓᬲᬾᬯᬢᬄ᭞ ᬧᬘᬂᬫᬗᬤᬓᬂᬓᬮᬶ᭞ᬬᬾᬦ᭄‌ᬚ᭄ᬜᭂᬗᬂᬭᬢᬸᬤᬶᬳᬱ᭄ᬝᬶᬦᬵᬧᬸᬭᬵ᭟ᬭᬭᬶᬲ᭄ᬧ᭄ᬭᬫᬗ᭄ᬓᬶᬦ᭄ᬫᬫᬵᬃᬕ᭄ᬕ᭞ᬫᬫᬋᬓ᭄ᬭᬓᬦᬾᬕ᭄ᬮᬶᬲ᭄᭞ᬫᬗᬢᬸᬭᬂᬲᬵᬫ᭄ᬧᬸᬦ᭄ᬧᬶᬲᬦ᭄᭞ᬧᬘᬂᬗᬗ᭄ᬕᬾᬦ᭄ᬲᬸᬫᬦ᭄ᬤᬶᬳᬶ᭞ᬭᬭᬾᬦᬾᬳᭂᬫ᭄ᬩᬲ᭄ ᬧᬮᬶᬂ᭞ᬭᬶᬳᬶᬦ᭄‌ᬬᬾᬦ᭄ᬫᬜ᭄ᬚᭂᬦᭂᬂᬭᬢᬸ᭞ᬢᬦ᭄ᬯᬗ᭄ᬤᬾᬓᬭᬯᭀᬲᬂ᭞ᬧᬘᬂᬫᬗ᭄ᬯᬗᬸᬦᬂᬓᬮᬶ᭞ᬲᬧᬸᬦᬶᬓᬵᬧᬫᬸᬗᬸᬦᬾᬲᬂᬯᬶᬥᬸᬭᬵ᭟ᬲᬂᬤᬺᬢᬭᬲ᭄ᬢ᭄ᬭᬵᬫ᭄ᬬᬃᬱᬵᬬᬂ᭞ᬓᬤᬶᬢ᭄ᬯᬭᬵᬫᬫᬶᬲᬶᬗ᭄ᬕᬶᬄ᭞ᬢᬦ᭄ᬓᭀᬘᬧ᭄ᬲᬂ ᬤᬹᬃᬬ᭄ᬬᭀᬥᬦᬵ᭞ᬓᭀᬘᬧᬖ᭄ᬢᬶᬳᬾᬲᬫᬶ᭞ᬫᬯᬤᬄᬳ᭄ᬚᬸᬦ᭄ᬭᬭᬶᬲ᭄᭞ᬳᭂᬫ᭄ᬩᬲ᭄ᬦᬾᬲᬢᬸᬲ᭄ᬧᬧᬶᬢᬸ᭞ᬲᬵᬫ᭄ᬧᬸᬦ᭄ᬲᬫᬶᬓᬩ᭄ᬬᬓ᭄ᬢᬄ᭞ᬧᬲᬾᬗᬦᬾᬲᬶᬓᬶᬲᬶᬓᬶ᭞ᬓᬘᬭᬶᬢ᭞ᬲᬫ᭄ᬧᬸᬦ᭄ᬧᬳᬶᬗᬦᬦ᭄ᬩᬶᬦ᭄ᬢ [᭒᭖ 26A] ᬦ᭄᭟ᬩᬦᬾᬫᬲᬫ᭄ᬢᭀᬦ᭄ᬓᬢᬄ᭞ᬲᬢᬸᬲᬦ᭄ᬓ᭄ᬭᬡᬵᬤᬤᬶ᭞ᬓᬳᬸᬘᬧᬂᬲᬂᬓᭀᬭᬯ᭞ᬓᭀᬘᬧᬵᬢᬶᬗ᭄ᬓᬳᬾᬚᬦᬶ᭞ᬲᬂᬭᬵᬚᬧᬸᬢᬺᬱᬫᬶ᭞ᬓᭀᬭᬯᬧᬡ᭄ᬥᬯᬲᬵᬫ᭄ᬧᬸᬦ᭄᭞ᬫᬤ᭄ᬯᬾᬲᬲ᭄ᬦᭂᬗᬦ᭄᭞ᬫᬧ᭄ᬮᬮ᭄ᬬ ᬦ᭄ᬧᬢᬸᬭᬸᬳᬮᬶᬢ᭄᭞ᬳᬗ᭄ᬳᬶᬂᬢ᭄ᬯᬭᬲᬸᬳᬸᬤ᭄ᬫᬫᬸᬲᬸᬄᬫᬸᬲᬸᬳᬦ᭄᭟ᬲᬂᬧᬡ᭄ᬥᬯᬩᬸᬓᬵᬫᬢᬶᬍᬲᬂᬭᬕᬵᬲᬳᬶᬲᬳᬶ᭞ᬫᬧᬸᬦ᭄ᬤᬸᬄᬲᬋᬂᬮᬮᬶᬫ᭞ᬲᬂᬓᭀᬭᬯᬵᬫᬜ᭄ᬚᭂᬮᬾᬓᬶᬦ᭄᭞ᬫᬩᬸᬓᬲ᭄ᬳᬶᬭᬶᬳᬢᬶ᭞ᬳᬾᬮᬶ ᬓ᭄‌ᬢ᭄ᬓᬾᬦᬾᬳᬯᬸᬓᬸᬤ᭄᭞ᬦᬾᬫᬧᬭᬩ᭄ᬲᬂᬪᬶᬫᬵ᭞ᬧᬸᬦᬶᬓᬵᬦᬾᬓᬕ᭄ᬥᭂᬕᬶᬦ᭄᭞ᬜᬩ᭄ᬭᬦ᭄ᬤᬶᬦᬵ᭞ᬓᬓᬵᬃᬬ᭄ᬬᬦᬂᬳᬾᬓᬦ᭄ᬳᬾᬓᬦ᭄᭟ᬬᬾᬦ᭄ᬲᬶᬤ᭄ᬥᬵᬫᬗ᭄ᬤᬾᬦᬾᬭᬸᬲᬓ᭄᭞ᬲ᭄ᬭᬶᬂᬓᬳᬚᬓ᭄ᬫᬮᬮᬶ᭞ᬤᬶᬲᬶ ᬲᬶᬦ᭄‌ᬢ᭄ᬮᬕᬦᬾᬋᬓᭀ᭞ᬤᬍᬫ᭄ᬮᬶᬗ᭄ᬕᬄᬢᬶᬤᭀᬂᬕᬶᬕᬶᬲ᭄᭞ᬩᬳᬸᬳᬶᬗᬦᬦ᭄ᬦᭂᬧᬶ᭞ᬤᬶᬲᬶᬲᬶᬦ᭄ᬢᭂᬮᬕᬦᬾ;ᬳᬯᬸᬢ᭄᭞ᬓᬚ᭄ᬫᬓᬢᬸᬮᬸᬤᬂ᭞ᬲᬸᬩᬫᬘ᭄ᬩᬸᬃᬓᬮᬳᬶᬦ᭄᭞ᬢ᭄ᬯᬭᬓᬾᬗ᭄ᬕᬸᬄᬲᬂᬪᬶᬫᬵᬫ᭄ᬦᬾᬓᬂ

Auto-transliteration

[25 25B] 25 n, sangdur̀yodhanār̶raris, kahaturingsangwidhura, sapratingkahebumijil, sangw̶widhuratahansipi, sangsayankahyunemuput, tanwangdekasewataḥ, pacangmangadakangkali, yenjñĕngangratudihaṣṭināpurā. rarispramangkinmamār̀gga, mamar̥ĕkrakaneglis, mangaturangsāmpunpisan, pacangnganggensumandihi, rarenehĕmbas paling, rihinyenmañjĕnĕngratu, tanwangdekarawosang, pacangmangwangunangkali, sapunikāpamungunesangwidhurā. sangdr̥ĕtarastrāmyar̀syāyang, kaditwarāmamisinggiḥ, tankocapsang dūr̀yyodhanā, kocapaghtihesami, mawadaḥhjunraris, hĕmbasnesatuspapitu, sāmpunsamikabyaktaḥ, pasenganesikisiki, kacarita, sampunpahingananbinta [26 26A] n. banemasamtonkataḥ, satusankraṇādadi, kahucapangsangkorawa, kocapātingkahejani, sangrājaputr̥ĕṣami, korawapaṇdhawasāmpun, madwesasnĕngan, maplalya npaturuhalit, hanghingtwarasuhudmamusuḥmusuhan. sangpaṇdhawabukāmatil̥ĕsangragāsahisahi, mapunduḥsar̥ĕnglalima, sangkorawāmañjĕlekin, mabukashirihati, heli ktkenehawukud, nemaparabsangbhimā, punikānekagdhĕgin, ñabrandinā, kakār̀yyananghekanhekan. yensiddhāmangdenerusak, sringkahajakmalali, disi sintlaganer̥ĕko, dal̥ĕmlinggaḥtidonggigis, bahuhinganannĕpi, disisintĕlagane;hawut, kajmakatuludang, subamacbur̀kalahin, twarakengguḥsangbhimāmnekang

Leaf 26

Image on Archive.org

[᭒᭖ 26B] ᬭᬕ᭄ᬕᬵ᭟ᬫᬲᬶᬄᬢᭀᬂᬲᬶᬤ᭄ᬥᬵᬜᬓ᭄ᬭᬸᬲᬓ᭄᭞ᬳᬤᬩ᭄ᬯᬶᬦ᭄ᬳᬸᬧᬬᬫᭂᬦ᭄ᬢᬶᬓ᭄᭞ᬫᬗ᭄ᬤᬾᬲᬶᬤ᭄ᬥᬵᬧᬘᬂᬭᬸᬲᬓ᭄᭞ᬳᬤᬧᬸᬜᬦ᭄ᬜᬫ᭄ᬩᬸᬳᬧᬶᬢ᭄᭞ᬩ᭄ᬯᬄᬜᬦᬾᬧᬕ᭄ᬮᬦ᭄ᬢᬶᬂ᭞ᬳᬶᬭᬶᬓᬋᬓᬾᬓᬳᬧᬸᬲ᭄᭞ᬓᬳᬢᬸᬭ ᬲᬂᬪᬶᬫᬵ᭞ᬫ᭄ᬦᬾᬓ᭄ᬫᬗᬮᬧ᭄ᬳᬩ᭄ᬲᬶᬓ᭄᭞ᬢ᭄ᬯᬭᬓᬾᬗ᭄ᬕᬶᬄ᭞ᬲᬂᬪᬶᬫᬵᬢ᭄ᬓᬦᬸᬳᬸᬢᬂ᭟ᬭᬭᬶᬲ᭄ᬗ᭄ᬭᬕᬲ᭄ᬗᬵᬫ᭄ᬦᬾᬓᬂ᭞ᬲᬢ᭄ᬓᭂᬤᬶᬤᬸᬳᬸᬃᬭᬭᬶᬲ᭄᭞ᬧᬸᬜᬦ᭄ᬜᬫ᭄ᬩᬸᬦᬾᬓᬳᭀᬕᬄ᭞ᬳᬚᬓ᭄ᬱᬢᬸᬲ᭄ᬫᬫ᭄ᬩᬋᬗᬶᬦ᭄᭞ᬢᬦ᭄ᬤᬸᬫ ᬥᬾᬧ᭄ᬭᬚᬦᬶ᭞ᬲᬂᬪᬶᬫᬵᬮᬩᬸᬄᬫᬜᬶᬗ᭄ᬓ᭄ᬭᬸᬂ᭞ᬳᬗ᭄ᬳᬶᬂᬢ᭄ᬯᬭᬤᬩᬶᬗ᭄ᬮᬓ᭄᭞ᬩᬸᬓᬢ᭄ᬯᬭᬦᬳᭂᬦ᭄ᬲᬓᬶᬢ᭄᭞ᬮᬦ᭄ᬢᬲ᭄‌ᬕ᭄ᬮᬶᬲ᭄ᬫᬢᬗᬶᬫᬗᬸᬲᬧ᭄ᬭᬕ᭄ᬕᬵ᭟ᬤᬤ᭄ᬬᬜᬲᬂᬤᬸᬃᬬᭀᬥᬦᬵ᭞ᬲᬸᬫᬗ᭄ᬓᬶᬦ᭄ᬓᬬᬸᬦᬾᬲ᭄ᬗᬶᬢ᭄᭞ᬢ ᬦ᭄ᬢᬸᬓᬾᬢᭀᬂᬲᬶᬤ᭄ᬥᬵᬭᬸᬲᬓ᭄᭞ᬲᬂᬪᬶᬫᬵᬫᬮᬶᬄᬓ᭄ᬯᬯᭀᬦᬶᬦ᭄᭞ᬉᬧᬬᬵᬓᬚᬓᬶᬦ᭄᭞ᬋᬓᬾᬮᬸᬗ᭄ᬳᬵᬫ᭄ᬩᬸᬩᬸᬭᬸ᭞ᬓᬳᬮᬲᬾᬦᬾᬮᬶᬗ᭄ᬕᬄ᭞ᬢᭀᬂᬢᬳᬾᬦ᭄ᬚᬦ᭄ᬫᬵᬗ᭄ᬭᬯᬸᬳᬶᬦ᭄᭞ᬓᬤᬶᬦᬗᬸᬦ᭄‌ᬫᬶᬲᬶᬯᬵ [᭒᭗ 27A] ᬭᬢ᭄ᬲᬶᬗ᭄ᬳᬵᬫᬘᬦ᭄᭟ᬲᬂᬪᬶᬫᬵᬢᭀᬂᬢᬳᬾᬦ᭄ᬢᬸᬮᬓ᭄᭞ᬢ᭄ᬓᬫᬦᬸᬳᬸᬢᬂᬲᬳᬶ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬵ᭞ᬢᬦ᭄ᬓᬘᬭᬶᬢᬵᬤᬶᬫᬵᬃᬕ᭄ᬕᬶ᭞ᬳᬓ᭄ᬯᬾᬄᬚᬦ᭄ᬫᬵᬫᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬤᬶᬳᬮᬲᬾᬭᬯᬸᬄ᭞ᬳᬧᬦ᭄ᬳ᭄ᬬᬳᬮ᭄ᬲ᭄ᬯᬬᬄ᭞ᬢᭀᬂᬢ ᬳᬾᬦ᭄ᬚᬦ᭄ᬫᬵᬗᭂᬦ᭄ᬢᬲᬶᬦ᭄᭞ᬤᬤᬶᬧ᭄ᬲᬸᬯᬭᬓ᭄ᬫᬘᬦᬾᬭᬦ᭄ᬢᬩᬦ᭄᭟ᬧᬕ᭄ᬭᬾᬂᬦᬕᬶᬄᬫᬜᬭᬧ᭄᭞ᬮᬦ᭄ᬢᬲ᭄ᬫᬓ᭄ᬚᬂᬫ᭄ᬮᬳᬶᬩ᭄᭞ᬲᬂᬪᬶᬫᬵᬧᬭᬭᬕᬬᬦ᭄᭞ᬳ᭄ᬦᬸᬤᬶᬳᬮᬲᬾᬲ᭄ᬭᬶᬧᬶᬢ᭄᭞ᬫᬘᬦᬾᬢ᭄ᬓᬭᬭᬶᬲ᭄᭞ᬫᬦ᭄ᬭᬚᬂᬫᬜᬧ᭄ᬮᭀᬓ᭄ᬩ ᬯᬸ᭞ᬲᬂᬪᬶᬫᬵᬢ᭄ᬯᬭᬩᬶᬗ᭄ᬮᬓ᭄᭞ᬩᬸᬓᬵᬢ᭄ᬯᬭᬗ᭄ᬮᬄᬳᬾᬭᬶᬂ᭞ᬮᬦ᭄ᬢᬲ᭄ᬜᭂᬓᬸᬓ᭄᭞ᬫᬘᬦᬾᬮᬸᬢ᭄ᬓᬧᬦ᭄ᬢᬶᬕᬂ᭟ᬋᬫᬸᬓ᭄ᬳᭂᬦ᭄ᬤᬲᬾᬦᬾᬩᬸᬬᬃ᭞ᬮᬲ᭄ᬬᬲᬧᬶᬲᬦᬦ᭄ᬫᬢᬶ᭞ᬲᬂᬪᬶᬫᬵᬧᬭᬭᬕᬬᬦ᭄᭞ᬫᬦ᭄ᬢᬸᬓ᭄ᬫᬓ᭄ᬚᬂᬗᬮᬳᬶᬦ᭄᭞ᬓᭀ ᬘᬧ᭄ᬭᬯᬸᬄᬤᬶᬧᬸᬭᬶ᭞ᬢ᭄ᬯᬭᬓᭀᬳ᭄ᬮᬾᬦ᭄ᬓᬚᬸᬚᬸᬃ᭞ᬫᬦᬓᬾᬦᬂᬳᬚ᭄ᬗᬦ᭄᭞ᬭᬯᬸᬄᬳᬚᭂᬗᬦᬾᬲᬫᬶ᭞ᬓᬢ᭄ᬮᬲᬗ᭄ᬢ᭄ᬯᬭᬗᬶᬢᬸᬂᬦᬾᬧᬸᬦ᭄ᬗ᭄ᬓᬸᬭᬦ᭄᭟᭐᭟᭚ᬧᬗ᭄ᬓᬸᬃ᭝ᬳᬫ᭄ᬩᬸᬮ᭄ᬢᭀᬩᬳᬦ᭄ᬗᬸᬘᬧᬂ᭞ᬧᬡ᭄ᬥᬯᬦᬾᬓᭀᬭᬯᬤᬸ

Auto-transliteration

[26 26B] raggā. masiḥtongsiddhāñakrusak, hadabwinhupayamĕntik, mangdesiddhāpacangrusak, hadapuñanñambuhapit, bwaḥñanepaglanting, hirikar̥ĕkekahapus, kahatura sangbhimā, mnekmangalap'habsik, twarakenggiḥ, sangbhimātkanuhutang. rarisngragasngāmnekang, satkĕdiduhur̀raris, puñanñambunekahogaḥ, hajakṣatusmambar̥ĕngin, tanduma dheprajani, sangbhimālabuḥmañingkrung, hanghingtwaradabinglak, bukatwaranahĕnsakit, lantasglismatangimangusapraggā. dadyañasangdur̀yodhanā, sumangkinkayunesngit, ta ntuketongsiddhārusak, sangbhimāmaliḥkwawonin, upayākajakin, r̥ĕkelunghāmbuburu, kahalasenelinggaḥ, tongtahenjanmāngrawuhin, kadinangunmisiwā [27 27A] ratsinghāmacan. sangbhimātongtahentulak, tkamanuhutangsahi, tumulirarismamār̀ggā, tankacaritādimār̀ggi, hakweḥjanmāmangiring, sāmpundihalaserawuḥ, hapanhyahalswayaḥ, tongta henjanmāngĕntasin, dadipsuwarakmacanerantaban. pagrengnagiḥmañarap, lantasmakjangmlahib, sangbhimāpararagayan, hnudihalasesripit, macanetkararis, manrajangmañaplokba wu, sangbhimātwarabinglak, bukātwaranglaḥhering, lantasñĕkuk, macanelutkapantigang. r̥ĕmuk'hĕndasenebuyar̀, lasyasapisananmati, sangbhimāpararagayan, mantukmakjangngalahin, ko caprawuḥdipuri, twarakohlenkajujur̀, manakenanghajngan, rawuḥhajĕnganesami, katlasangtwarangitungnepunngkuran. 0. // pangkur̀:hambultobahanngucapang, paṇdhawanekorawadu

Leaf 27

Image on Archive.org

[᭒᭗ 27B] ᭒᭗ ᬓᬾᬳᬮᬶᬢ᭄᭞ᬚᬦᬓᭀᬘᬧ᭄ᬲᬵᬫ᭄ᬧᬸᬦ᭄ᬤᬸᬳᬸᬃ᭞ᬜᬦ᭄ᬤᬂᬫᬗ᭄ᬥᬵ᭞ᬓᬘᬭᬶᬢᬵᬯᬾᬦ᭄ᬢᭂᬦ᭄ᬧᬡ᭄ᬥᬶᬢᬓᬯᬸᬯᬸᬲ᭄᭞ᬯᬶᬤᬕ᭄ᬥᬭᬶᬂᬤᬦᬹᬃᬤ᭄ᬥᬭᬵ᭞ᬧ᭄ᬭᬓᭀᬱᬍᬯᬶᬳᬶᬂᬰᬓ᭄ᬢᬶ᭟ᬫᬧ᭄ᬲᬾᬗᬦ᭄ᬥᬗ᭄ᬳ᭄ᬬᬂᬤ᭄ᬭᭀᬡᬵ᭞ᬭᬶᬂᬰ᭄ᬭ ᬫᬦ᭄‌ᬕ᭄ᬦᬄᬳᬶᬤᬫᬮᬶᬗ᭄ᬕᬶᬄ᭞ᬫᬤ᭄ᬯᬾᬧᬸᬢᬺᬳᬯᬸᬓᬸᬤ᭄᭞ᬧᬸᬦᬶᬓᬫᬧ᭄ᬲᬾᬗᬦ᭄᭞ᬲᬗᬰ᭄ᬯᬢ᭄ᬢᬫᬵᬧ᭄ᬭᬓᭀᬱᬦᬾᬓᬯᬸᬯᬸᬲ᭄᭞ᬓᬵᬃᬬ᭄ᬬᬦᬾᬫᬗᬼᬮᬦᬵ᭞ᬓᬕᬸᬮᬗ᭄ᬳᬮᬸᬭᬶᬂᬚᬸᬭᬶᬢ᭄᭟ᬓᬘᬭᬶᬢ᭄ᬣᬬᬗ᭄ᬳ᭄ᬬᬂᬤ᭄ᬭᭀᬡᬵ᭞ᬧᬓᬳ᭄ᬬᬸᬦ ᬦᬾᬗᬸᬗ᭄ᬲᬶᬦᬕᬭᬶ᭞ᬲᬸᬫᬸᬬᬸᬕ᭄ᬭᬶᬂᬧᬭᬭᬵᬢᬸ᭞ᬲᬤ᭄ᬬᬧᬘᬂᬫᬓᬵᬃᬬ᭄ᬬ᭞ᬧᬭᬰᬶᬲ᭄ᬬᬭᬶᬂᬲᬂᬧᬭᬵᬯᬢᭂᬓ᭄ᬭᬢᬸ᭞ᬩ᭄ᬯᬢ᭄ᬤᬦᬸᬃᬥᬭᬳᬶᬤᬵ᭞ᬳᬶᬤᬧᬘᬂᬗᬦᬸᬕ᭄ᬭᬶᬳᬶᬦ᭄᭟ᬯᬾᬦ᭄ᬢᭂᬦ᭄ᬭᬢᬸᬭᬶᬂᬧᬜ᭄ᬘᬮ᭞ᬫᬧ᭄ᬲᬾᬗᬦ᭄ᬧ᭄ᬭᬪᬸᬤ᭄ᬭᬸᬧᬤᬯ᭄ᬬ ᬓ᭄ᬢᬶ᭞ᬩ᭄ᬯᬢ᭄ᬓᬯᬶᬃᬬ᭄ᬬᬦᬾᬫᬦ᭄ᬭᬸᬲ᭄᭞ᬯᬶᬩᬸᬳᬶᬂᬲᬃᬯ᭄ᬯᬵᬫᬸᬮ᭄ᬬ᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬧᬸᬦᬶᬓᬋᬓᬾᬓᬚᬸᬚᬸᬃ᭞ᬳᬦ᭄ᬢᬸᬓ᭄ᬳᬶᬤᬤᬗ᭄ᬳ᭄ᬬᬂᬤ᭄ᬭᭀᬡᬵ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬶ᭟ᬲᬭᬯᬸᬳᬾᬭᬶᬂᬧᬜ᭄ᬘᬮᬵ᭞ᬥᬗ᭄ᬳ᭄ᬬᬂᬤ᭄ᬭᭀᬡᬵᬫᬗ᭄ᬭ [᭒᭘ 28A] ᬭᬶᬲ᭄ᬓᬦᬵᬕᬭᬶ᭞ᬲᬂᬧ᭄ᬭᬪᬸᬲ᭄ᬥᭂᬓ᭄ᬫᬮᬸᬗ᭄ᬕᬸᬄ᭞ᬓᬢᬗ᭄ᬓᬶᬮ᭄ᬭᬶᬂᬩᬜ᭄ᬘᬶᬗᬄ᭞ᬢᬦ᭄ᬤᬸᬫᬥᬾᬤᬗ᭄ᬳ᭄ᬬᬂᬤ᭄ᬭᭀᬡᬵᬭᬭᬶᬲ᭄ᬭᬯᬸᬄ᭞ᬚᬸᬫ᭄ᬭᭀᬭᭀᬕ᭄ᬢᬦ᭄ᬧᬭᬧᬦ᭄᭞ᬲᬂᬧ᭄ᬭᬪᬸᬓᬕ᭄ᬬᬢ᭄ᬫᬗᬓ᭄ᬱᬶ᭟ᬭᬭᬶᬲ᭄ᬓᬳᬢᬸᬭᬦ᭄ᬫᬸᬗ᭄ᬕᬄ᭞ᬤᬗ᭄ᬳ᭄ᬬᬂᬤ᭄ᬭᭀᬡᬵ ᬭᬭᬶᬲ᭄ᬫᬸᬗ᭄ᬕᬄᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬕ᭄ᬮᬶᬲ᭄ᬫᬳᬢᬸᬃ᭞ᬬᬦ᭄ᬧᬸᬦᬧᬶᬰ᭄ᬯᬓᬵᬃᬬ᭄ᬬ᭞ᬓᬮᬶᬄᬲᬧᬲᬶᬭᬧᬲᬾᬗᬦᬾᬲᬂᬧᬸᬢᬸᬲ᭄᭞ᬢᭂᬫ᭄ᬩᬾᬭᬯᬸᬄᬓᬦᬕᬭ᭞ᬤᬗ᭄ᬳ᭄ᬬᬂᬤ᭄ᬭᭀᬡᬵᬫᬜᬯᬸᬭᬶᬦ᭄᭟ᬳᬶᬗ᭄ᬕᬶᬄᬲᬂᬧ᭄ᬭᬪᬸᬤ᭄ᬭᬸᬧᬥ᭞ᬩᬧᬩ᭄ᬭᬳ᭄ᬫᬵᬡᬢᬧᬭᬵ ᬯᬸᬄᬫ᭄ᬭᬶᬓᬶ᭞ᬲᬤ᭄ᬬᬦᬾᬫᬋᬓ᭄ᬳᬶᬭᬢᬸ᭞ᬫᬦᬸᬦᬵᬕᬭᬫᬗ᭄ᬤᬾᬫᬳᬲ᭄ᬬᬦᭂᬭᬸᬲ᭄᭞᭠ᬳᬧᬦ᭄ᬲᬂᬫᬳᬵᬤ᭄ᬯᬶᬚᬵ᭞ᬢᬦ᭄ᬯᭂᬦᬂᬫᬤᭀᬳᬶᬂᬳᬚᬶ᭟ᬓᬮᬶᬄᬳᬸᬦᬶᬂᬭᬶᬂᬗ᭄ᬳᬰ᭄ᬭᬫᬵ᭞ᬦᬩᬾᬳᬶᬤᬵᬪᬝᬵᬭᬍᬧᬵ ᬲ᭄ᬭᬶᬂᬗᬹᬦᬶ᭟ᬳᬲᬶᬄᬭᬶᬂᬩᬧᬵᬲᬂᬧ᭄ᬭᬪᬸ᭞ᬫᬳᬵᬭᬚ᭄ᬚᬤᬾᬯᬢᬵ᭞ᬳᬕᬸᬕᬸᬭᬸᬩ᭄ᬯᬢ᭄ᬭᬶᬂᬤᬦᬸᬃᬤᬭᬤᬗᬸ᭞ᬤ᭄ᬯᬦᬶᬂᬩᬧᬵᬫᬫᬋᬓ᭄᭞ᬲᬂᬧ᭄ᬭᬪᬸᬳᬧᬦ᭄ᬯᬸᬕᬸᬫᬦ᭄ᬢᬶ᭟ᬬᬦ᭄ᬜᬦ᭄ᬤᬂᬲᬂᬧ᭄ᬭᬪᬸᬳᬶᬘᬵ᭞ᬳᬸᬱᬵᬚᬶᬯ᭄ᬯᬭᬶᬂᬩᬧᬵᬦᬾᬦᬾ

Auto-transliteration

[27 27B] 27 kehalit, janakocapsāmpunduhur̀, ñandangmangdhā, kacaritāwentĕnpaṇdhitakawuwus, widagdharingdanūr̀ddharā, prakoṣal̥ĕwihingśakti. mapsengandhanghyangdroṇā, ringśra man'gnaḥhidamalinggiḥ, madweputr̥ĕhawukud, punikamapsengan, sangaśwattamāprakoṣanekawuwus, kār̀yyanemangl̥ĕlanā, kagulanghaluringjurit. kacaritthayanghyangdroṇā, pakahyuna nengungsinagari, sumuyugringpararātu, sadyapacangmakār̀yya, paraśisyaringsangparāwatĕkratu, bwatdanur̀dharahidā, hidapacangnganugrihin. wentĕnraturingpañcala, mapsenganprabhudrupadawya kti, bwatkawir̀yyanemanrus, wibuhingsar̀wwāmulya, tanlyanwantaḥpunikar̥ĕkekajujur̀, hantuk'hidadanghyangdroṇā, tumulirarismamār̀ggi. sarawuheringpañcalā, dhanghyangdroṇāmangra [28 28A] riskanāgari, sangprabhusdhĕkmalungguḥ, katangkilringbañcingaḥ, tandumadhedanghyangdroṇārarisrawuḥ, jumrorogtanparapan, sangprabhukagyatmangaksyi. rariskahaturanmunggaḥ, danghyangdroṇā rarismunggaḥmalinggiḥ, sangprabhuglismahatur̀, yanpunapiśwakār̀yya, kaliḥsapasirapasenganesangputus, tĕmberawuḥkanagara, danghyangdroṇāmañawurin. hinggiḥsangprabhudrupadha, bapabrahmāṇataparā wuḥmriki, sadyanemar̥ĕk'hiratu, manunāgaramangdemahasyanĕrus, ‐hapansangmahādwijā, tanwĕnangmadohinghaji. kaliḥhuningringnghaśramā, nabehidābhaṭāral̥ĕpā sringngūni. hasiḥringbapāsangprabhu, mahārajjadewatā, hagugurubwatringdanur̀daradangu, dwaningbapāmamar̥ĕk, sangprabhuhapanwugumanti. yanñandangsangprabhuhicā, husyājiwwaringbapānene

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org