Gaguritan Liku
This page has been accessed 27,156 times.
Description
Bahasa Indonesia
English
Front and Back Covers
Leaf 1
[᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬲᬶᬦᭀᬫ᭄᭚᭜᭚ᬳᬶᬲᭂᬂᬗᬯᬾᬕᬕᭂᬦ᭄ᬤᬶᬗᬦ᭄᭞ᬢᭂᬫ᭄ᬩᬂᬲᬶᬦᭀᬫ᭄ᬭᬶᬂᬧᬗᬯᬶᬢ᭄᭞ᬦᬵᬗ᭄ᬳᬶᬂᬳᬫ᭄ᬧᬸᬭᬬᬂᬧᬶᬲᬦ᭄᭞ᬲᬵᬫ᭄ᬧᬸᬦᬂᬩᬗᭂᬢ᭄ᬗᭂᬤᬾᬓᬶᬦ᭄᭞ᬯᬶ
ᬭᬾᬄᬓᬢᬸᬦᬬᬂᬲᬫᬶ᭞ᬭᬶᬭᬶᬕᬦᬾᬗᬦ᭄ᬤᬂᬗᬜ᭄ᬚᬸᬄ᭞ᬬᬾᬦ᭄ᬭᬗ᭄ᬓᬸᬂᬦᬯᭂᬕᬂᬓᬸᬢᬂ᭞ᬬᬾᬦ᭄ᬓᬶᬭᬂᬫᬮᬶᬄᬯᬸᬯᬸᬳᬶᬦ᭄᭞ᬲᬵᬫ᭄ᬧᬸᬦ᭄ᬩᭂᬦ᭄ᬤᬸ᭞ᬲᬧᬲᬶᬭᬚᬫᬜᬶᬗᬓ᭄᭟ᬯᬾᬦ᭄ᬢᭂᬦᬺᬓᬾᬢᬸᬢᬸᬃᬲᬢ᭄ᬯ᭞ᬓᬳᬸᬘᬧ᭄ᬳᬶᬤᬲᬂ
ᬳᬚᬶ᭞ᬦᬣᬭᬢᬸᬦᬾᬭᬶᬂᬤᬳ᭞ᬮᬾᬤᬂᬓᬳ᭄ᬬᬸᬦ᭄ᬧ᭄ᬭᬫᬶᬰ᭄ᬯᬭᬶ᭞ᬳᬤᬧᬸᬢ᭄ᬭᬲᬯᬶᬚᬶ᭞ᬳᬶᬲ᭄ᬢ᭄ᬭᬶᬳᬬᬸᬦᬾᬓᬮᬗ᭄ᬓᬸᬂ᭞ᬲᬂᬧ᭄ᬭᬪᬸᬧ᭄ᬭᬫᬾᬲ᭄ᬯᬃᬬ᭄ᬬ᭞ᬮᬶᬦ᭄ᬢᬂᬮᬾᬤᬂᬫᬜᬶᬗᬓᬶᬦ᭄᭞ᬧᬸᬢ᭄ᬭᬶᬳᬬᬸ᭞ᬢᬸᬃᬫᬗᬗ᭄ᬕᬾᬲᬃᬯ᭄ᬯ
ᬫᬵᬲ᭄᭟ᬢᬦ᭄ᬓᭀᬘᬧ᭄ᬳᬶᬤᬲᬂᬦᬣ᭞ᬓᬯᬸᬯᬸᬲ᭄ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬦᬫ᭄ᬧᬦᬶᬦ᭄ᬓᬳ᭄ᬬᬸᬦ᭄ᬲᬂᬦᬣ᭞ᬰ᭄ᬭᬷᬓᬸᬦ᭄ᬤᬦᬶᬮᬃᬱᬍᬯᬶᬄ᭞ᬓᬸᬫᬦ᭄ᬤᭂᬮᬾᬂᬦᬺᬧᬢᬶ᭞ᬢᬸᬭᬶᬂᬯᬶᬘᬓ᭄ᬱᬡᬦᬸᬮᬸᬲ᭄᭞ᬧ᭄ᬭᬚ᭄ᬜᬦ᭄ᬢ᭄ᬯᬭᬤ
[᭒ 2A]
᭒
ᬫᬤ᭞ᬢ᭄ᬯᬭᬳᬤᬫᬫᬦ᭄ᬤᬶᬗᬶᬦ᭄᭞ᬜᬦ᭄ᬤᬂᬓᬲᬸᬩ᭄ᬓᬮᭀᬓᬤᬶᬫᬺᬘᬧᬤᬵ᭟ᬳᬶᬧᬢᬶᬄᬓᬸᬤᬦᬶᬮᬃᬱ᭞ᬗ᭄ᬮᬄᬧ᭄ᬬᬦᬓ᭄ᬮᬸᬄᬳᬤᬶᬭᬶ᭞ᬲ᭄ᬮᭂᬫ᭄ᬲᭂᬍᬫ᭄ᬲᬤᬕᬗ᭄ᬕᬲ᭄᭞ᬜᭀᬜᭀᬦᬾᬫᭂᬮᬶᬕᭀ
ᬮᬫ᭄ᬩᬶᬄ᭞ᬩᭀᬓ᭄ᬩᬭᬓ᭄ᬓᭂᬜ᭄ᬘᭂᬂᬕᬸᬭᬶᬄ᭞ᬩᬢᬶᬲ᭄ᬢᬸᬮ᭄ᬬᬢᬶᬳᬶᬂᬧ᭄ᬢᬸᬂ᭞ᬢᬸᬃᬓᬄᬓᬄᬓᬘᬶᬘᬶᬗᬦ᭄᭞ᬓᬗ᭄ᬓᭂᬦ᭄ᬭᬶᬂᬰ᭄ᬭᬶᬦᬭᬧᬢᬶ᭞ᬕᬸᬢᬶᬮᬶᬓᬸᬫᬸᬜᬶᬕ᭄ᬤᬾᬩ᭄ᬯᬶᬦ᭄ᬲᬭᬕ᭄᭟ᬫᬧᬭᬩ᭄ᬳᬶᬮᬶᬫ᭄ᬩᬸᬃᬢᭂᬫ᭄ᬧᭀᬭᬢ᭄᭞ᬢᭀᬲᬶᬂᬓ
ᬭᬸᬗ᭄ᬯᬂᬚᬦᬶ᭞ᬲᬶᬂᬚᬮᬦ᭄ᬚᬮᬦ᭄ᬫᬕ᭄ᬦᬄ᭞ᬚᬸᬭᬸᬗᬸᬮᬶᬕ᭄ᬳᭀᬤᬓ᭄ᬲᬳᬶ᭞ᬧᬗᬬᬄᬧ᭄ᬭᬫᬶᬲ᭄ᬯᬭᬶ᭞ᬓᬵᬮᬶᬄᬮᬦ᭄ᬳᬶᬤᬲᬂᬧ᭄ᬭᬪᬸ᭞ᬚᬸᬭᬸᬫᬗᬫ᭄ᬩᬶᬮ᭄ᬢᭀᬬ᭞ᬧ᭄ᬢᭂᬂᬍᬫᬄᬲᬳᬶᬲ᭄ᬤᬶᬄ᭞ᬭᬭᬶᬲ᭄ᬫᬦ᭄ᬢᬸᬓ᭄᭞ᬦᬕᬶᬄᬕᬸᬡᬓᬾ
ᬦ᭄ᬭᬭᬫ᭟ᬦᬶᬓᬸᬤᬦᬶᬮᬃᬱᬳᬾᬭᬂ᭞ᬢ᭄ᬓᬵᬧ᭄ᬬᬦᬓᬾᬫᬗ᭄ᬮᬶᬂ᭞ᬭᬭᬶᬲ᭄ᬓᬭᬗ᭄ᬲᬸᬓᬶᬦ᭄ᬕᬸᬡ᭞ᬕᬸᬡᬲᭀᬄᬦᬾᬦᬾᬍᬯᬶᬄ᭞ᬤᬶᬫᬢᬭᬗ᭄ᬲᬸᬂᬲᬭᬶ᭞ᬤᬶᬳᬯᬓ᭄ᬩᬗ᭄ᬓᬸᬂᬩᬸᬤᬸᬄ᭞ᬤᬶᬮᬶᬫᬳᬶᬚᬭᬶᬂᬲᬸᬢ᭄ᬭ᭞ᬤᬶᬩᬶᬩᬶᬄ
Auto-transliteration
[1 1B]
1
// • // oṁawighnamāstu // • // sinom // • // hisĕngngawegagĕndingan, tĕmbangsinomringpangawit, nānghinghampurayangpisan, sāmpunangbangĕtngĕdekin, wi
reḥkatunayangsami, ririganengandangngañjuḥ, yenrangkungnawĕgangkutang, yenkirangmaliḥwuwuhin, sāmpunbĕndu, sapasirajamañingak. wentĕnr̥ĕketutur̀satwa, kahucap'hidasang
haji, natharatuneringdaha, ledangkahyunpramiśwari, hadaputrasawiji, histrihayunekalangkung, sangprabhuprameswar̀yya, lintangledangmañingakin, putrihayu, tur̀manganggesar̀wwa
mās. tankocap'hidasangnatha, kawuwusrakryanpatiḥ, nampaninkahyunsangnatha, śrīkundanilar̀ṣal̥ĕwiḥ, kumandĕlengnr̥ĕpati, turingwicakṣaṇanulus, prajñantwarada
[2 2A]
2
mada, twarahadamamandingin, ñandangkasubkalokadimr̥ĕcapadā. hipatiḥkudanilar̀ṣa, nglaḥpyanakluḥhadiri, slĕmsĕl̥ĕmsadaganggas, ñoñonemĕligo
lambiḥ, bokbarakkĕñcĕngguriḥ, batistulyatihingptung, tur̀kaḥkaḥkacicingan, kangkĕnringśrinarapati, gutilikumuñigdebwinsarag. maparab'hilimbur̀tĕmporat, tosingka
rungwangjani, singjalanjalanmagnaḥ, jurungulig'hodaksahi, pangayaḥpramiswari, kāliḥlanhidasangprabhu, jurumangambiltoya, ptĕngl̥ĕmaḥsahisdiḥ, rarismantuk, nagiḥguṇake
nrarama. nikudanilar̀ṣaherang, tkāpyanakemangling, rariskarangsukin'guṇa, guṇasoḥnenel̥ĕwiḥ, dimatarangsungsari, dihawakbangkungbuduḥ, dilimahijaringsutra, dibibiḥ
