Wrati Sasana

Original on Archive.org

Front and Back Covers

Image on Archive.org

Leaf 1

Image on Archive.org

[ ᭑ 1B] ᭑᭞ ᭛᭞ᬒᬁᬅᬯᬶᬖ᭄ᬦᬫᬲ᭄ᬢᬸ᭛᭖᭛ᬧ᭄ᬭᬡᬫ᭄ᬬᬪᬱ᭄ᬓᬭᬦ᭄ᬤᬾᬯᬫ᭄᭞ᬪᬸᬓ᭄ᬢᬫᬸᬓ᭄ᬢᬶᬯᬭᬧ᭄ᬭᬤᬫ᭄᭞ᬲᬃᬯᬮᭀᬓᬳᬶᬢᬢᬵᬃᬣᬬ᭞ᬧ᭄ᬭᬯᬵᬓ᭄ᬱ᭄ᬬᬾᬢᬶᬰᬲᬦᬫ᭄᭟᭐᭟ᬪᬝᬵᬳᬭᬰᬶᬯᬵᬤᬶᬢ᭄ᬬ᭞ᬲᬶᬭᬤᬾᬯᬲᬶᬦᭂᬫ᭄ᬩᬄᬦᬶᬗ᭄ᬳᬸᬮᬸᬦ᭄᭞ᬲᬶᬭᬫᬯᬾᬄ ᬪᬸᬓ᭄ᬢᬶᬫᬸᬯᬂᬫᬸᬓ᭄ᬢᬶ᭞ᬫᬗ᭄ᬓᬦᬳᬦᬸᬕ᭄ᬭᬳᬦᬶᬭ᭛ᬪᬸᬓ᭄ᬢᬶ᭞ᬗ᭟ᬅᬪ᭄ᬬᬸᬤᬬ᭞ᬫᬸᬓ᭄ᬢᬶ᭞ᬗ᭟ᬓᬦᬶᬰ᭄ᬭᬾᬬᬰᬦ᭄᭛ᬳᬧᬢᬤᭀᬦᬶᬗ᭄ᬳᬸᬮᬸᬦ᭄ᬲᬸᬫᬫ᭄ᬩᬄᬭᬶᬲᬶᬭ᭞ᬯ᭄ᬭᬢᬶᬰᬵᬲᬦᬫ᭄‌ᬧ᭄ᬭᬯᬵᬓ᭄ᬱ᭄ᬬᬾ᭞ᬗ᭄ᬳᬸᬮᬸᬦᬸᬫᬵᬚᬭᬓᭂᬦ᭄‌ᬰᬵᬲᬦᬲᬂᬯᬶ ᬓᬸ᭛ᬲᬃᬯ᭄ᬯᬮᭀᬓᬳᬶᬢᬵᬃᬣᬬ᭞ᬫᬓᬤᭀᬦ᭄ᬲᬸᬓᬦᬶᬂᬮᭀᬓ᭟᭐᭟ᬬᬫᬰ᭄ᬘᬦᬶᬬᬫᬰ᭄ᬘᬾᬯ᭞ᬬᬝᬵᬳᬭᬓ᭄ᬱ᭄ᬬᬾᬕᬸᬧᬡ᭄ᬥᬶᬢᬄ᭞ᬢᬾᬧᬫ᭄ᬲᬗ᭄ᬭᬓ᭄ᬱᬢᬾᬦᬾᬯ᭞ᬩᬸᬤ᭄ᬥᬶᬭᬓ᭄ᬱ᭄ᬬᬦᬘᬮ᭄ᬬᬢᬾ᭟᭐᭟ᬲᬂ ᬧᬵᬡ᭄ᬤᬶᬢᬲᬶᬭ᭞ᬭᬶᬦᬵᬓ᭄ᬱᬦᬶᬭᬳᬶᬓᬂᬬᬫᬩ᭄ᬭᬢ᭞ᬫᬸᬯᬗᬶᬓᬂᬦᬶᬬᬫᬩ᭄ᬭᬢ᭞ᬆᬧᬦ᭄‌ᬬᬦ᭄ᬓᬭᬵᬓ᭄ᬱ᭞ᬬᬫᬦᬶᬬᬫᬩ᭄ᬭᬢ᭞ᬢᬜ᭄ᬘᬮᬩᬸᬤ᭄ᬥᬶᬦᬶᬭ᭛ᬦ᭄ᬤ᭄ᬬᬢᬂᬬᬫᬩ᭄ᬭᬢ᭟᭐᭟ᬅᬳᬶᬗ᭄ᬲᬩ᭄ᬭᬵᬳ᭄ᬫᬵᬘᬵᬃᬬᬜ᭄ᬘ᭞ᬲ [ ᭒ 2A] ᬢ᭄ᬬᬫ᭄‌‌ᬳᬯ᭄ᬬᬵᬯᬳᬵᬭᬶᬓᬄ᭞ᬳᬲ᭄ᬢᬾᬦ᭄ᬬᬫᬶᬢᬶᬧᬜ᭄ᬘᬾᬢᬾ᭞ᬬᬫᬭᬸᬤ᭄ᬭᬾᬦᬪᬱᬶᬢᬄ᭟᭐᭟ᬅᬳᬶᬗ᭄ᬲᬗᬭᬦᬶᬂᬢᬦ᭄ᬧᬫᬢᬶᬫᬢᬶ᭞ᬩ᭄ᬭᬵᬳ᭄ᬫᬵᬘᬵᬃᬬᬗᬭᬦᬶᬂᬢᬦ᭄ᬓᭂᬦᬾᬂᬲ᭄ᬢ᭄ᬭᬷᬲᬗ᭄ᬓᬵᬦ᭄‌ᬭᬭᬾ᭞ᬫᬸᬯᬂᬲᬂᬓᬸᬫᬯ᭄ᬭᬸᬳᬶᬫᬦ᭄ᬢ᭄ᬭᬓ ᬩ᭄ᬭᬳ᭄ᬫᬵᬘᬵᬬᬦ᭄᭞ᬲᬢ᭄ᬬᬗᬭᬦᬶᬂᬢᬸᬳᬸᬫᭀᬚᬭ᭄᭞ᬳᬯ᭄ᬬᬵᬯᬳᬵᬭᬶᬓᬵᬗᬭᬦᬶᬂᬢᬦ᭄ᬧᬧ᭄ᬬᬵᬯᬳᬵᬭ᭞ᬳᬲ᭄ᬢᬾᬦ᭄ᬬᬗᬭᬦᬶᬂᬢᬜ᭄ᬘᬶᬤ᭄ᬭᬦᬶᬂᬤᬺᬯ᭄ᬬᬦᬶᬂᬮᬾᬦ᭄᭞ᬳᬶᬓᬢᬓᬮᬶᬫ᭞ᬬᬫᬩ᭄ᬭᬢᬗᬭᬦ᭄ᬬᬮᬶᬂᬪᬝᬵᬳᬭᬭᬸ ᬥ᭄ᬭ᭟᭐᭟ᬅᬓ᭄ᬭᭀᬥᬵᬕᬸᬭᬸᬲᬸᬰ᭄ᬭᬸᬱᬄ᭞ᬰᭀᬘᬫ᭄‌‌ᬳᬳᬭᬮᬵᬖᬯᬫ᭄᭞ᬅᬧ᭄ᬭᬫᬤᬰ᭄ᬘᬧᬜ᭄ᬘᬾᬢᬾ᭞ᬦᬶᬬᬫᬄᬧᬭᬶᬓᬷᬃᬢ᭄ᬢᬶᬢᬄ᭟᭐᭟ᬳᬓ᭄ᬭᭀᬥᬗᬭᬦᬶᬂᬢᬦ᭄ᬓᬢᬫᬦ᭄‌‌ᬲᬺᬗᭂᬦ᭄᭞ᬕᬸᬭᬸᬲᬸᬰ᭄ᬭᬸᬱᬗᬭᬦᬶᬂ ᬮᭀᬢᬸᬫᬸᬮᬳᬓᭂᬦ᭄ᬲᬶᬤ᭄ᬥᬦᬶᬂᬲ᭄ᬯᬓᬃᬬ᭄ᬬᬦᬶᬂᬕᬸᬭᬸ᭞ᬕᬸᬭᬸᬪᬓ᭄ᬢᬶᬓᬮᬷᬗᬦ᭄ᬬᬭᬶᬲᬫᬗ᭄ᬓᬦ᭞ᬫᬓᬦᬶᬫᬶᬢ᭄ᬢᬳ᭄ᬬᬸᬦᬶᬭᬦ᭄‌‌ᬭᬸᬫᭂᬗ᭄ᬯᬓᭂᬦᬲᬭᬶᬦᬳᬲ᭄ᬬᬦᬶᬂᬯᬭᬄᬯᬭᬄᬲᬂᬕᬸᬭᬸ᭞ᬲᭀᬘᬗᬭᬦᬶᬂᬦᬶᬢ᭄ᬬᬲᬫᬘᬵᬫ

Auto-transliteration

[ 1 1B] 1 /// , oṁawighnamastu /// 6 /// praṇamyabhaṣkarandewam, bhuktamuktiwarapradam, sar̀walokahitatār̀thaya, prawākṣyetiśasanam. 0. bhaṭāharaśiwāditya, siradewasinĕmbaḥninghulun, siramaweḥ bhuktimuwangmukti, mangkanahanugrahanira /// bhukti, nga. abhyudaya, mukti, nga. kaniśreyaśan /// hapatadoninghulunsumambaḥrisira, wratiśāsanamprawākṣye, nghulunumājarakĕnśāsanasangwi ku /// sar̀wwalokahitār̀thaya, makadonsukaningloka. 0. yamaścaniyamaścewa, yaṭāharakṣyegupaṇdhitaḥ, tepamsangrakṣatenewa, buddhirakṣyanacalyate. 0. sang pāṇditasira, rinākṣanirahikangyamabrata, muwangikangniyamabrata, āpanyankarākṣa, yamaniyamabrata, tañcalabuddhinira /// ndyatangyamabrata. 0. ahingsabrāhmācār̀yañca, sa [ 2 2A] tyamhawyāwahārikaḥ, hastenyamitipañcete, yamarudrenabhasyitaḥ. 0. ahingsangaraningtanpamatimati, brāhmācār̀yangaraningtankĕnengstrīsangkānrare, muwangsangkumawruhimantraka brahmācāyan, satyangaraningtuhumojar, hawyāwahārikāngaraningtanpapyāwahāra, hastenyangaraningtañcidraningdr̥ĕwyaninglen, hikatakalima, yamabratangaranyalingbhaṭāhararu dhra. 0. akrodhāgurusuśruṣaḥ, śocamhaharalāghawam, apramadaścapañcete, niyamaḥparikīr̀ttitaḥ. 0. hakrodhangaraningtankatamansr̥ĕngĕn, gurusuśruṣangaraning lotumulahakĕnsiddhaningswakar̀yyaningguru, gurubhaktikalīnganyarisamangkana, makanimittahyuniranrumĕngwakĕnasarinahasyaningwaraḥwaraḥsangguru, socangaraningnityasamacāma

Leaf 2

Image on Archive.org

[ ᭒ 2B] ᭒᭞ ᬦ᭞ᬲᬹᬃᬬᬲᬾᬯᬦᬃᬗᬵᬘᬦᬭᬶᬪᬝᬵᬭ᭞ᬳᬳᬵᬭᬮᬵᬖᬧᬫ᭄‌ᬗᬭᬦᬶᬂᬢᬦ᭄ᬩᬭᬂᬩᬭᬗᬶᬂᬧᬶᬦᬗᬦ᭄᭞ᬳᬧ᭄ᬭᬫᬵᬤᬗᬭᬦᬶᬂᬢᬦ᭄ᬧᬍᬄᬧᬍᬄ᭞ᬅᬦ᭄ᬫᬗᬪ᭄ᬬᬵᬱᬭᬶᬲᬂᬳ᭄ᬬᬂᬓᬪᬸᬚᬗ᭄ᬕᬦ᭄᭞ᬳᬶᬓᬢᬓᬮᬶᬫ᭞ᬦᬶᬬᬫᬩ᭄ᬭ ᬢ᭞ᬗ᭟ᬮᬶᬂᬪᬝᬵᬭᬰᬶᬯ᭛ᬳᬶᬓᬵᬢᬂᬬᬫᬦᬶᬬᬫᬩ᭄ᬭᬢ᭞ᬬᬝᬵᬭᬶᬦᬵᬓ᭄ᬱᬤᬾᬲᬂᬯᬶᬓᬸᬲᬭᬶᬲᬭᬶ᭞ᬫᬓᬤᭀᬦ᭄ᬓᬢᭂᬕᬸᬳᬦᬶᬭᬲᬂᬳ᭄ᬬᬂᬩ᭄ᬭᬢ᭞ᬳᬵᬧᬦ᭄ᬢᬦ᭄ᬓᬭᬵᬓ᭄ᬱᬳᬲᬮᬄᬲᬶᬓᬶᬳᬶᬓᬵ᭞ᬦᬶᬬᬢᬩᬸᬤ᭄ᬥᬶᬘᬵᬜ᭄ᬤ ᬮᬢᭂᬫᬳᬦ᭄ᬬ᭛ᬬᬢᬫᬢᬗ᭄ᬬᬦ᭄ᬧᬦᬲᬃᬲᬗ᭄ᬓᬾᬂᬓᬧᬶᬓᬸᬦ᭄᭞ᬧᬓᬵᬧᬰᬦᬗᬪᬓ᭄ᬱᬦ᭞ᬳᬧᬾᬬᬧᬾᬬ᭞ᬳᬕᬫ᭄ᬬᬵᬕᬫᬦ᭞ᬬᬾᬓᬧᬦ᭄ᬢᭂᬦ᭄‌ᬩ᭄ᬯᬢ᭄ᬚᬧᬦ᭄ᬬ᭞ᬬᬧ᭄ᬯᬦ᭄‌‌ᬢᬦ᭄ᬓᬭᬵᬓ᭄ᬱᬳᬶᬗ᭄ᬲᬩ᭄ᬭᬢ᭞ᬫᬓ ᬦᬶᬫᬶᬢ᭄ᬢᬂᬓ᭄ᬭᭀᬥ᭞ᬫᭀᬳ᭞ᬫᬤ᭞ᬫᬵᬦᬫᬵᬢ᭄ᬲᬃᬬ᭞ᬗᬸᬦᬶᬬᬸᬦᬶᬫᬓᬦᬶᬫᬶᬢ᭄ᬢᬂᬓᬵᬫ᭞ᬬᬾᬓᬵᬧᬦ᭄ᬢᭂᬦ᭄ᬤᬤ᭄ᬬᬦ᭄ᬬ᭛ᬓᬸᬦᬂᬧ᭄ᬯᬳᬶᬗ᭄ᬲᬓᬬᬦ᭄ᬫᬓᬤᭀᬦ᭄ᬥᬫ᭄ᬫ᭞ᬢᬦ᭄ᬤᭀᬱᬳᬶᬓᬵᬦ᭄ᬤ᭄ᬬᬳᬢᬶᬗ᭄ᬲᬓᬫ [ ᭓ 3A] ᬓᬤᭀᬃᬦ᭄ᬥᬃᬫ᭄ᬫ᭟ᬭᬶᬗᬫᬢ᭄ᬬᬦᬶᬲᬃᬯᬲᬢ᭄ᬯ᭞ᬫᬢᬤᭀᬦ᭄ᬕᬶᬦᬯᬾᬘᬭᬸᬭᬶᬂᬤᬾᬯᬧᬹᬚᬵ᭞ᬧᬶᬢᬺᬧᬹᬚᬵ᭞ᬳᬢᬶᬢᬶᬧᬹᬚᬵ᭞ᬧᬮᬶᬓᬃᬫᬧᬹᬚᬵᬢᬦ᭄ᬤᭀᬱᬲᬶᬭᬬᬦ᭄ᬫᬗ᭄ᬓᬦ᭛ᬢᬣᬧᬶᬦ᭄ᬬᬦ᭄‌ᬯᭂᬦᬂᬯᭂᬦᬂ᭞ᬳᬶᬓᬂᬳᬶᬗ᭄ᬲᬸᬓᬦ᭄᭞ᬓᬤ᭄ᬬᬗ᭄ᬕᬵ ᬦᬶᬂᬳᬶᬢᬶᬓ᭄᭞ᬳᬗ᭄ᬲ᭞ᬳᬬᬫ᭄᭞ᬗᬸᬦᬶᬬᬸᬦᬶᬯᭂᬤᬸᬲ᭄᭞ᬘᬾᬮᬾᬂ᭞ᬫᬶᬱ᭞ᬢᬦ᭄ᬧᬗᬯᬓᬦᬲᬶᬭᬳᬶᬗ᭄ᬲᬓ᭞ᬫᬓᭀᬦ᭄ᬓᭀᬦᬦᬲᬶᬭᬓᬬᭀᬕ᭄ᬬᬦᬶᬓᬵ᭛ᬓᬸᬦᬗᬶᬓᬂᬩᬸᬃᬯᬦ᭄᭞ᬓᬯᬰᬳᬶᬓᬳᬶᬗ᭄ᬲᬸᬦ᭄᭞ᬲᬓᬮ᭄ᬯᬶᬭᬶᬂᬫᬺ ᬕ᭞ᬧᬓ᭄ᬱᬶ᭞ᬫᬵᬢ᭄ᬲ᭄ᬬᬵᬲᬶᬂᬳᬧᬓᬦ᭄ᬬ᭞ᬗᬸᬦᬶᬬᬦᬶᬦ᭄ᬯᬮᬂ᭞ᬯᬶᬮᬮᬦ᭄‌ᬳᬶᬢ᭄ᬬᬾᬯᬫᬵᬤᬶ᭞ᬢᬦ᭄ᬤᭀᬱᬲᬂᬯᬶᬓᬸᬳᬶᬗ᭄ᬲᬓᬭᬶᬲᬫᬗ᭄ᬓᬦ᭞ᬬᬦ᭄ᬫᬓᬤᭀᬦ᭄ᬪᬶᬦᬸᬓ᭄ᬢᬶ᭛ᬫᬸᬯᬳᬶᬓᬂᬲᬬᭀᬕ᭄ᬬᬳᬶᬦᬶᬗ᭄ᬲᬦ᭄᭟ᬳᬶᬓᬗᬲᬃᬯ ᬧ᭄ᬭᬡᬶᬥᬃᬫ᭄ᬫᬯᬷᬖᬢ᭞ᬫᬸᬯᬂᬬᭀᬕᬯᬶᬖᬢ᭛ᬳᬶᬓᬂᬲᬶᬦᬗ᭄ᬕᬸᬄᬫᬕᬯᬾᬰᬭᬷᬭᬯᬶᬓᬵᬭᬓᬵᬭᬡ᭞ᬦ᭄ᬤ᭄ᬬᬢᬮ᭄ᬯᬶᬃᬦ᭄ᬬ᭟ᬢᬸᬫᬢᬶᬢᬶᬗ᭄ᬕᬶ᭞ᬦᬫᬹᬓ᭄᭞ᬲᬮ᭄ᬯᬶᬭᬶᬂᬫᬗ᭄ᬮᬭᬦᬶᬧᬦᬳᬸᬢ᭄ᬜᬫᬸᬯᬂᬧᬗᬸᬫ᭄ᬧᭂᬢ᭄ᬦ᭄ᬬ᭞ᬯᭂᬦᬂᬧ

Auto-transliteration

[ 2 2B] 2 na, sūr̀yasewanar̀ngācanaribhaṭāra, hahāralāghapamngaraningtanbarangbarangingpinangan, hapramādangaraningtanpal̥ĕḥpal̥ĕḥ, anmangabhyāṣarisanghyangkabhujanggan, hikatakalima, niyamabra ta, nga. lingbhaṭāraśiwa /// hikātangyamaniyamabrata, yaṭārinākṣadesangwikusarisari, makadonkatĕguhanirasanghyangbrata, hāpantankarākṣahasalaḥsikihikā, niyatabuddhicāñda latĕmahanya /// yatamatangyanpanasar̀sangkengkapikun, pakāpaśanangabhakṣana, hapeyapeya, hagamyāgamana, yekapantĕnbwatjapanya, yapwantankarākṣahingsabrata, maka nimittangkrodha, moha, mada, mānamātsar̀ya, nguniyunimakanimittangkāma, yekāpantĕndadyanya /// kunangpwahingsakayanmakadondhamma, tandoṣahikāndyahatingsakama [ 3 3A] kador̀ndhar̀mma. ringamatyanisar̀wasatwa, matadon'ginawecaruringdewapūjā, pitr̥ĕpūjā, hatitipūjā, palikar̀mapūjātandoṣasirayanmangkana /// tathapinyanwĕnangwĕnang, hikanghingsukan, kadyanggā ninghitik, hangsa, hayam, nguniyuniwĕdus, celeng, miṣa, tanpangawakanasirahingsaka, makonkonanasirakayogyanikā /// kunangikangbur̀wan, kawaśahikahingsun, sakalwiringmr̥ĕ ga, paksyi, mātsyāsinghapakanya, nguniyaninwalang, wilalanhityewamādi, tandoṣasangwikuhingsakarisamangkana, yanmakadonbhinukti /// muwahikangsayogyahiningsan. hikangasar̀wa praṇidhar̀mmawīghata, muwangyogawighata /// hikangsinangguḥmagaweśarīrawikārakāraṇa, ndyatalwir̀nya. tumatitinggi, namūk, salwiringmanglaranipanahutñamuwangpangumpĕtnya, wĕnangpa

Leaf 3

Image on Archive.org

[ ᭓ 3B] ᭓᭞ ᬢ᭄ᬬᬦᬳᬶᬓᬵ᭞ᬫᬸᬯᬳᬤᬶᬦ᭄ᬬᬳᬶᬗ᭄ᬲᬓᬦᬶᬓᬂᬰᬭᬷᬭᬯᬶᬓᬵᬭᬓᬵᬭᬡ᭞ᬳᬶᬓᬂᬥᬃᬫ᭄ᬫᬯᬶᬖᬵᬢ᭞ᬗ᭟ᬫᬮᬶᬂ᭞ᬬᭀᬕ᭄ᬬᬲᬂᬯᬶᬓᬸᬫᬫᭂᬚᬳᬦᬾᬭᬶᬬ᭞ᬬᬦ᭄ᬫᬭ᭄ᬬᬾᬸᬫᬄᬦᬶᬭ᭞ᬳᬸᬫᬄᬦᬶᬂᬯᭂᬓᬵᬦᬶᬭ᭞ᬳᬸᬫᬄᬦᬶᬂᬓᬤᬂᬫᬸᬯᬂ ᬯ᭄ᬯᬂᬲᬵᬦᬓ᭄ᬦᬶᬭ᭞ᬬᬦ᭄ᬫᬶᬢ᭄ᬭᬦᬶᬭᬓᬸᬦᬂ᭞ᬢᬦ᭄ᬤᭀᬱᬲᬂᬯᬶᬓᬸᬳᬶᬗ᭄ᬲᬸᬓᬾᬭᬶᬬ᭞ᬳᬧᬦᬢ᭄ᬫᬭᬵᬓ᭄ᬱᬤᭀᬦᬶᬭᬦ᭄ᬫᬗ᭄ᬓᬦ᭛ᬳᬦᬧ᭄ᬯᬤᬸᬱ᭄ᬝᬲᬮ᭄ᬯᬶᬭᬦ᭄ᬬ᭞ᬓᬲᭂᬓᭂᬧ᭄ᬢᬬᬤᬾᬦᬶᬭ᭞ᬢᬦ᭄ᬯᬵᬕ᭄ᬬᬲᬂᬯᬶᬓᬸᬳᬧᬢ᭄ᬬᬦᬦᬳᬶᬭᬶ ᬬ᭞ᬳᬧᬦ᭄ᬢᬦᬵᬦᬪᬵᬬᬦᬶᬂᬳᬸᬯᬸᬲ᭄ᬓᬢᬮ᭄ᬬᬦ᭄᭞ᬧᬦ᭄ᬢᭂᬦ᭄ᬲᬂᬯᬶᬓᬸᬬᬦ᭄ᬳᬶᬗ᭄ᬲᬓᬾᬂᬢᭂᬮᬲ᭄ᬓᬲᬶᬓᭂᬧ᭄᭞ᬫᬸᬯᬂᬳᬸᬧᬸᬲ᭄ᬓᬢᬮ᭄ᬬᬦᬶᬓᬂᬯ᭄ᬯᬂᬧᬓᬾᬄᬚᬸᬕᬓᭀᬦᭂᬦᬶᬭᬳᬫᭂᬚᬳᬦᬓᬬᭀᬳ᭄ᬬᬦᬶᬓᬵ᭛ᬬᬦ᭄ᬳᬦᬯ᭄ᬯᬂᬓᬸᬫᬭᬓᬶᬭᬭᬶ ᬧᬢ᭄ᬬᬦᬶᬭ᭛ᬳᬢᭂᬢᭂᬃᬢᬔᬓᬯᬸᬭᬸᬗᬦ᭄ᬩᬸᬤ᭄ᬥᬶᬦ᭄ᬬᬵᬳᬮᬭᬶᬲᬶᬭ᭞ᬫᬓᭀᬦ᭄ᬓᭀᬦᬦᬲᬶᬭᬭᬶᬧᬢ᭄ᬬᬦᬶᬓᬵ᭞ᬢᬦ᭄ᬲᬶᬭᬳᬶᬗ᭄ᬲᬓᬧ᭄ᬭᬶᬳᬯᬓ᭄᭛ᬬᬦ᭄ᬲᬶᬭᬳᬶᬗ᭄ᬲᬓᬵ᭞ᬧᬦ᭄ᬢᭂᬦ᭄ᬲᬶᬭᬬᬦ᭄ᬫᬗ᭄ᬓᬦ᭞ᬢᭂᬓᬵᬧ᭄ᬯᬳᬶ [ ᭔ 4A] ᬲᬶᬭᬳᬶᬓᬂᬓᬸᬫᬶᬭᬓᬶᬭᬭᬶᬧᬢ᭄ᬬᬦᬶᬭ᭞ᬲᬳᬘᬶᬳ᭄ᬦ᭞ᬪᬵᬬᬲᬶᬭᬦ᭄ᬫᬗ᭄ᬓᬦ᭞ᬢᬦ᭄ᬤᭀᬱᬲᬶᬭᬳᬶᬗ᭄ᬲᬓᬵ᭞ᬮᬯᬦ᭄‌ᬬᬦ᭄ᬳᬦᬲ᭄ᬢ᭄ᬭᬷᬦᬶᬭᬤᬹᬃᬰᬶᬮ᭞ᬧᬸᬢ᭄ᬭᬷᬦᬶᬭᬓᬸᬦᬂ᭞ᬫᬓᭀᬦ᭄ᬓᭀᬦᬦᬲᬶᬭᬳᬫᭂᬚᬳᬦ᭞ᬳᬶᬓᬂᬭᭀᬯᬂ ᬦᬶᬂᬲ᭄ᬢ᭄ᬭᬶᬦᬶᬭᬤᬹᬭᬵᬘᬵᬭ᭞ᬢᬦ᭄ᬲᬶᬭᬳᬫᭂᬚᬳᬦ᭞ᬬᬦ᭄ᬲᬶᬭᬳᬫᭂᬚᬳᬶᬭᬶᬬ᭞ᬧᬦ᭄ᬢᭂᬦ᭄ᬲᬶᬭᬬᬦ᭄ᬫᬗ᭄ᬓᬦ᭛ᬓᬸᬦᬂᬬᬦ᭄ᬓᬍᬗᬦᬶᬲᭂᬤᭂᬂᬦ᭄ᬬᬦ᭄ᬫᬗ᭄ᬓᬦ᭞ᬓᬲᬺᬕᬕᭂᬦᬢᬲᬶᬭᬳᬫᭂᬚᬳᬶᬭᬶᬬ᭞ᬫᭂᬚᬳᬦᬲ᭄ᬢ᭄ᬭᬷᬦᬶᬭ ᬓᬸᬦᬂ᭞ᬢᬦ᭄ᬤᭀᬱᬳᬶᬓᬵᬬᬦ᭄ᬫᬗ᭄ᬓᬦᬲᬶᬭ᭛ᬳᬧ᭄ᬯᬦ᭄ᬲᬶᬭᬳᬶᬗ᭄ᬲᬓᬫᬓᬦᬶᬫᬶᬢ᭄ᬢᬂᬢᬸᬓᬭ᭄᭞ᬦ᭄ᬤᬵᬦᬗ᭄ᬭᬸᬳᬸᬦᬶᬢᬲᬶᬭ᭞ᬧᬦ᭄ᬢᭂᬦᬶᬓᬵᬲᬂᬯᬶᬓᬸᬫᬗ᭄ᬓᬦ᭞ᬓᬸᬦᬂᬬᬦ᭄ᬓᬭᬸᬳᬸᬦᬦ᭄᭞ᬢᬦ᭄‌‌ᬯᬶᬖᬵᬦᬶ᭞ᬲᬶᬭᬦ᭄ᬲᬶᬦᬵᬳ ᬲ᭞ᬘᬶᬦᬧᬮᬦ᭄᭞ᬳᬶᬭᬶᬓᬂᬰᬩ᭄ᬤᬫᬸᬧᬗᬲ᭄ᬢ᭛ᬘᬶᬦᬧᬮᬦ᭄ᬧ᭄ᬯᬲᬶᬭᬭᬶᬂᬓᬤ᭄ᬕᬵᬫᬍᬲ᭄ᬢᬲᬶᬭ᭞ᬢᬦ᭄ᬤᭀᬱᬲᬶᬭᬬᬦ᭄ᬫᬗ᭄ᬓᬦ᭞ᬳᬧᬦ᭄ᬪᬵᬬᬭᬵᬓ᭄ᬱᬓᬗᬭᬦᬶᬂᬫᬗ᭄ᬓᬦ᭛ᬬᬤᭀᬦᬶᬓᬵᬲᬳᬸᬭᬦ᭄ᬬ᭞ᬮ᭄ᬯᬶᬃᬦ᭄ᬬᬾᬓᬂ

Auto-transliteration

[ 3 3B] 3 tyanahikā, muwahadinyahingsakanikangśarīrawikārakāraṇa, hikangdhar̀mmawighāta, nga. maling, yogyasangwikumamĕjahaneriya, yanmaryeumaḥnira, humaḥningwĕkānira, humaḥningkadangmuwang wwangsānaknira, yanmitranirakunang, tandoṣasangwikuhingsukeriya, hapanatmarākṣadoniranmangkana /// hanapwaduṣṭasalwiranya, kasĕkĕptayadenira, tanwāgyasangwikuhapatyananahiri ya, hapantanānabhāyaninghuwuskatalyan, pantĕnsangwikuyanhingsakengtĕlaskasikĕp, muwanghupuskatalyanikangwwangpakeḥjugakonĕnirahamĕjahanakayohyanikā /// yanhanawwangkumarakirari patyanira /// hatĕtĕr̀takhakawurunganbuddhinyāhalarisira, makonkonanasiraripatyanikā, tansirahingsakaprihawak /// yansirahingsakā, pantĕnsirayanmangkana, tĕkāpwahi [ 4 4A] sirahikangkumirakiraripatyanira, sahacihna, bhāyasiranmangkana, tandoṣasirahingsakā, lawanyanhanastrīniradūr̀śila, putrīnirakunang, makonkonanasirahamĕjahana, hikangrowang ningstriniradūrācāra, tansirahamĕjahana, yansirahamĕjahiriya, pantĕnsirayanmangkana /// kunangyankal̥ĕnganisĕdĕngnyanmangkana, kasr̥ĕgagĕnatasirahamĕjahiriya, mĕjahanastrīnira kunang, tandoṣahikāyanmangkanasira /// hapwansirahingsakamakanimittangtukar, ndānangruhunitasira, pantĕnikāsangwikumangkana, kunangyankaruhunan, tanwighāni, siransināha sa, cinapalan, hirikangśabdamupangasta /// cinapalanpwasiraringkadgāmal̥ĕstasira, tandoṣasirayanmangkana, hapanbhāyarākṣakangaraningmangkana /// yadonikāsahuranya, lwir̀nyekang

Leaf 4

Image on Archive.org

[ ᭔ 4B] ᭔᭞ ᬢᬸᬓᬭ᭄᭞ᬭᬶᬦᬸᬳᬸᬦᬦ᭄ᬢᬲᬶᬭᬳᬶᬗ᭄ᬲᬓᬦ᭄᭞ᬫᬍᬘ᭄ᬢᬲᬶᬭ᭞ᬬᭀᬕ᭄ᬬᬵᬲᬂᬲᭂᬓᬵᬭᬫᬸᬯᬄ᭞ᬲᬂᬯᬶᬓᬸᬧ᭄ᬯᬲᬶᬭᬳᬗ᭄ᬭᬸᬳᬸᬦᬓᭂᬦ᭄ᬦᬶᬫᬶᬢ᭄ᬢᬦᬶᬂᬳᬸᬓᬭ᭄᭞ᬫᬓᬵᬯᬰᬦᬂᬳᬶᬗ᭄ᬲᬓᬦ᭄᭞ᬫᬓᬦᬶᬫᬢ᭄ᬢᬵᬢ᭄ᬬᬦ᭄ᬢᬦᬶᬂᬢᬦ᭄‌‌ᬬᬸᬓ᭄ᬢᬶᬦᬶᬓᬂᬰ ᬩ᭄ᬤᬓᬋᬗᭃ᭞ᬳᬢ᭄ᬬᬦ᭄ᬢᬯᬧᬮᬓᬸᬦᭂᬂᬲᬶᬭ᭞ᬫᬍᬲ᭄ᬢᬲᬶᬭᬳᬶᬗ᭄ᬲᬓ᭄᭞ᬧᬦ᭄ᬢᭂᬦ᭄ᬲᬶᬭᬬᬦ᭄ᬫᬗ᭄ᬓᬦ᭞ᬢᬦ᭄ᬬᭀᬕ᭄ᬬᬲᬗ᭄ᬲᭂᬓᬵᬭᬦ᭄ᬫᬸᬯᬄ᭛ᬳᬧᬦ᭄ᬢᬦ᭄ᬳᬦᬧ᭄ᬭᬬᬰ᭄ᬘᬶᬢ᭄ᬢᬦᬶᬂᬧᬦ᭄ᬢᭂᬦ᭄ᬗᬭᬦ᭄ᬬ᭞ᬬᬢᬫᬢᬗ᭄ᬬᬦ᭄ᬳᬬ᭄ᬯᬢᬦ᭄ᬧ᭄ᬭᬬᬢ᭄ᬦ ᬘᬂᬯᬶᬓᬸ᭞ᬭᬶᬓᬭᬵᬓ᭄ᬱᬦᬶᬂᬳᬳᬶᬗ᭄ᬲᬩ᭄ᬭᬢ᭛ᬓᬸᬦᬗᬶᬓᬵᬲᬂᬩ᭄ᬭᬳ᭄ᬫᬵᬘᬵᬃᬬ᭟ᬳᬶᬓᬂᬢᬦ᭄ᬓᭂᬦᬾᬂᬲ᭄ᬢ᭄ᬭᬷ᭛ᬫᬧᬢᬮ᭄ᬯᬶᬃᬦᬶᬭᬳᬶᬦᬦ᭄᭟ᬢᬸᬓ᭄ᬮᬩ᭄ᬭᬵᬳ᭄ᬫᬵᬘᬵᬭᬶ᭞ᬢᬺᬱ᭄ᬡᬩ᭄ᬭᬵᬳ᭄ᬫᬵᬘᬭᬶ᭞ᬲᬧᬮᬩ᭄ᬭᬵᬳ᭄ᬫᬵᬘᬵᬭᬶ᭛ᬰᬸᬓ᭄ᬮᬩ᭄ᬭᬵᬳ᭄ᬫᬵᬘᬵ ᬭᬶ᭞ᬗ᭟ᬢᬦ᭄ᬧᬲ᭄ᬢ᭄ᬭᬷᬲᬗ᭄ᬓᬦ᭄ᬲᬗ᭄ᬓᬦ᭄‌‌‌ᬭᬭᬾᬢᭂᬓᬾᬂᬧᬢᬶᬦᬶᬭ᭛ᬢᬺᬱ᭄ᬡᬩ᭄ᬭᬵᬳ᭄ᬫᬵᬘᬵᬭᬶ᭞ᬗ᭟ᬳᬃᬓᭂᬦᬾᬂᬲ᭄ᬢ᭄ᬭᬷᬲᭂᬤᭂᬂᬦᬶᬂᬲᬸᬫᬾᬯᬓᬾᬂᬕᬸᬭᬸ᭞ᬫᬓᬦᬶᬫᬶᬢ᭄ᬢᬧᭂᬤᬶᬦᬶᬭᬦ᭄‌‌ᬩ᭄ᬬᬧᬃᬢ᭄ᬢᬶᬓᬵᬦᬸᬫᬸᬮᬳᬓᭂᬦ᭄ᬓᬕᬸᬭᬸᬲᬸᬰ᭄ᬭᬸ [ ᭕ 5A] ᬱᬦ᭄᭞ᬳᬋᬧ᭄‌‌ᬯ᭄ᬭᬸᬳᬭᬶᬢᭂᬕᭂᬲ᭄ᬲᬂᬳ᭄ᬬᬂᬓᬪᬸᬚᬗ᭄ᬕᬦ᭄᭞ᬫᬸᬯᬗᬫ᭄ᬭᬶᬄᬭᬶᬓᬧᬸᬢᬸᬲᬦᬶᬭᬲᬂᬳ᭄ᬬᬂᬯᬮᬯᬶᬤ᭄ᬬᬵ᭞ᬲᬾᬱ᭄ᬝᬶᬦᬶᬭ᭞ᬬᬦ᭄ᬢᬃᬓ᭄ᬓ᭞ᬯ᭄ᬬᬓᬵᬭᬡ᭞ᬚ᭄ᬭᭀᬢᬶᬱ᭞ᬲᬮ᭄ᬯᬶᬭᬶᬂᬳᬕᬫᬲᬾᬱ᭄ᬝᬶᬲᬂᬯᬶᬓᬸ᭛ᬓᬸᬦᬂᬭᬶᬲᭂᬤᭂᬗᬶᬂ ᬯᬭᬄᬦᬶᬭᬳᬦᬸᬫᬸᬗ᭄ᬲᬶᬭᬂᬓᬕᬺᬳᬲ᭄ᬣᬵᬦᬦ᭄᭞ᬫᬭᬩᬶᬢᬲᬶᬭᬢᬸᬗ᭄ᬕᬮ᭄᭞ᬢᬦ᭄ᬧᬭᬩᬶᬲᬶᬭᬫᬸᬯᬄ᭞ᬭᬶᬧᬢᬶᬦᬶᬭᬩᬶᬦᬶᬭ᭞ᬬᬢᬺᬱ᭄ᬝᬩ᭄ᬭᬶᬳ᭄ᬫᬵᬘᬵᬭᬶ᭞ᬗ᭟ᬓᬸᬦᬂᬗᬶᬓᬂᬲᬯᬵᬮᬩ᭄ᬭᬵᬳ᭄ᬫᬵᬘᬵᬭᬶ᭞ᬗ᭟ᬢᬦ᭄ᬧᬭᬩᬶᬲᭂᬤᭂ ᬗᬶᬂᬕᬸᬭᬸᬰᬾᬯᬓ᭞ᬓᬸᬦᬗᬶᬲᭂᬤᭂᬂᬦᬶᬂᬓᬕᬺᬳᬲ᭄ᬣᬵᬦ᭄᭞ᬫᬭᬩ᭄ᬬᬢᬲᬶᬭᬲᬓᬳᬋᬧ᭄᭛ᬦ᭄ᬤᬦ᭄‌‌ᬧᬸᬢ᭄ᬭᬯᬺᬤ᭄ᬥᬶᬤᭀᬦᬶᬭ᭞ᬯ᭄ᬭᬸᬳᬢᬲᬶᬭᬾᬂᬧᬹᬚᬵᬲᬗ᭄ᬕᬫ᭞ᬫᬸᬯᬂᬓᬵᬮᬤᬾᬰ᭞ᬯᬶᬳᬶᬓᬦᬢᬲᬶᬭᬭᬶᬂᬬᭀᬕ᭄ᬬᬪᬵᬃ ᬬᬭᭀᬯᬗᬦᬶᬭᬳᬫᬺᬤ᭄ᬥ᭄ᬬᬓᭂᬦ᭄ᬧᬸᬢ᭄ᬭᬰᬦ᭄ᬢᬦ᭞ᬫᭀᬧᬪᬵᬬᬢᬸᬯᬶ᭛ᬦ᭄ᬤᬭᭀᬯᬗᬦᬶᬭᬳᬫ᭄ᬭᬶᬸᬧᬸᬢ᭄ᬭ᭛ᬬᬦ᭄ᬰᬸᬰᬶᬮᬳᬫ᭄ᬩᭂᬓ᭄ᬦᬶᬓᬂᬲ᭄ᬢ᭄ᬭᬷᬭᭀᬯᬗᬦᬶᬭ᭞ᬲᬚᬶᬲᬚᬶᬧᬃᬡ᭄ᬦᬄᬦ᭄ᬬ᭞ᬢᬸᬳᬶᬦ᭄‌‌ᬯ᭄ᬭᬸᬳᬳᬗᬶᬭᬶᬗᬓᬵᬮ

Auto-transliteration

[ 4 4B] 4 tukar, rinuhunantasirahingsakan, mal̥ĕctasira, yogyāsangsĕkāramuwaḥ, sangwikupwasirahangruhunakĕnnimittaninghukar, makāwaśananghingsakan, makanimattātyantaningtanyuktinikangśa bdakar̥ĕngö, hatyantawapalakunĕngsira, mal̥ĕstasirahingsak, pantĕnsirayanmangkana, tanyogyasangsĕkāranmuwaḥ /// hapantanhanaprayaścittaningpantĕnngaranya, yatamatangyanhaywatanprayatna cangwiku, rikarākṣaninghahingsabrata /// kunangikāsangbrahmācār̀ya. hikangtankĕnengstrī /// mapatalwir̀nirahinan. tuklabrāhmācāri, tr̥ĕṣṇabrāhmācari, sapalabrāhmācāri /// śuklabrāhmācā ri, nga. tanpastrīsangkansangkanraretĕkengpatinira /// tr̥ĕṣṇabrāhmācāri, nga. har̀kĕnengstrīsĕdĕngningsumewakengguru, makanimittapĕdiniranbyapar̀ttikānumulahakĕnkagurusuśru [ 5 5A] ṣan, har̥ĕpwruharitĕgĕssanghyangkabhujanggan, muwangamriḥrikaputusanirasanghyangwalawidyā, seṣṭinira, yantar̀kka, wyakāraṇa, jrotiṣa, salwiringhagamaseṣṭisangwiku /// kunangrisĕdĕnging waraḥnirahanumungsirangkagr̥ĕhasthānan, marabitasiratunggal, tanparabisiramuwaḥ, ripatinirabinira, yatr̥ĕṣṭabrihmācāri, nga. kunangngikangsawālabrāhmācāri, nga. tanparabisĕdĕ ngingguruśewaka, kunangisĕdĕngningkagr̥ĕhasthān, marabyatasirasakahar̥ĕp /// ndanputrawr̥ĕddhidonira, wruhatasirengpūjāsanggama, muwangkāladeśa, wihikanatasiraringyogyabhār̀ yarowanganirahamr̥ĕddhyakĕnputraśantana, mopabhāyatuwi /// ndarowanganirahamr̶putra /// yanśuśilahambĕknikangstrīrowanganira, sajisajipar̀ṇnaḥnya, tuhinwruhahangiringakāla

Leaf 5

Image on Archive.org

[ ᭕ 5B] ᭕᭞ ᬦᬶᬂᬧᬲᬗ᭄ᬕᬫᬦ᭞ᬫᬸᬯᬗᬶᬓᬵᬮᬶᬦᬶᬂᬲᬶᬗ᭄ᬕᬳᬦᬧᬲᬗ᭄ᬕᬫᬦᬶᬓᬵ᭞ᬢᬦ᭄ᬢᬫ᭄ᬢᬫᬲᬶᬭᬭᬶᬂᬲᬗ᭄ᬕᬫ᭛ᬫᬓᬦᬶᬫᬶᬢ᭄ᬢᬯ᭄ᬭᬸᬄᬦᬶᬭᬭᬶᬂᬳᬮᬦᬶᬂᬰᬓᭂᬢᬾᬂᬯᬶᬱᬬ᭞ᬳᬧᬦ᭄‌‌ᬦᬶᬓᬂᬲ᭄ᬢ᭄ᬭᬷᬤᬤᬶᬳᬶᬓᬂᬓᬵᬫᬤᭀᬱᬬᬦ᭄ᬓᬶᬦᬰᬓ᭄ᬢ᭛ᬲᬗ᭄ᬓᬾᬂ ᬓᬵᬱᬤᬤᬶᬓ᭄ᬭᭀᬥ᭞ᬲᬗ᭄ᬓᬾᬂᬓ᭄ᬭᭀᬥᬤᬤᬶᬮᭀᬪ᭞ᬲᬗ᭄ᬓᬾᬂᬮᭀᬪᬤᬤᬶᬫᭀᬳ᭞ᬲᬗ᭄ᬓᬾᬂᬫᬵᬳᬤᬤᬶᬫᬵᬦ᭞ᬲᬗ᭄ᬓᬾᬂᬫᬵᬦᬤᬤᬶᬫᬵᬢ᭄ᬲᬵᬃᬬ᭞ᬲᬗ᭄ᬓᬾᬂᬫᬢ᭄ᬲᬵᬃᬬᬤᬤᬶᬳᬶᬗ᭄ᬲᬓᬵ᭛ᬬᬢᬫᬢᬗ᭄ᬬᬦᬶᬦᭂᬋᬢ᭄ᬦᬶᬓᬂᬯᬶ ᬱᬬ᭞ᬗᬸᬦᬶᬬᬸᬦᬶᬬᬦᬶᬂᬲ᭄ᬢ᭄ᬭᬷᬯᬶᬱᬬ᭞ᬢᬦᬸᬮᬸᬭᬵᬦᬗᬸᬮᬄᬰᬓ᭄ᬢᬭᬶᬂᬲ᭄ᬢ᭄ᬭᬶ᭞ᬫᬓᬵᬤᬶᬭᬶᬗᬕᬫ᭄ᬬᬵᬕᬫᬦ᭞ᬚᬫᭂᬚᬫᬶᬓᬂᬩᬸᬤ᭄ᬥᬶᬬᬦ᭄ᬫᬗ᭄ᬓᬦ᭞ᬧᬶᬮᬶᬳᬕᬫ᭄ᬬᬵᬕᬫᬦ᭄᭞ᬧᬶᬮᬶᬄᬗ᭄ᬕᬸᬭ᭄ᬯᬵᬗ᭄ᬕᬦᬵᬫᬦ᭛ᬳᬕᬫ᭄ᬬᬵᬕᬫᬦ᭞ᬗ᭟ᬫ ᬓᬲ᭄ᬢ᭄ᬭᬷᬢᬦ᭄‌‌ᬬᭀᬕ᭄ᬬᬧᬓᬲ᭄ᬢ᭄ᬭ᭄ᬬᬵᬦᬶᬭ᭞ᬓᬤ᭄ᬬᬗ᭄ᬕᬦᬶᬂ᭟ᬳᬶᬩᬸ᭞ᬳᬦᬓ᭄᭞ᬧᬸᬢᬸ᭞ᬓᬧ᭄ᬯᬵᬦᬓᬦ᭄᭞ᬫᬸᬯᬂᬲᬵᬦᬓ᭄᭞ᬯᬭᬂ᭛ᬦᬳᬦ᭄ᬢᬂᬧᬶᬦᬓᬲ᭄ᬢ᭄ᬭᬷᬦᬶᬂᬳᬕᬫ᭄ᬬᬵᬕᬫᬦ᭛ᬧ᭄ᬭᬥᬭ᭞ᬗ᭟ᬫᬓᬲ᭄ᬢ᭄ᬭᬷᬲ᭄ᬢ᭄ᬭᬶᬦᬶᬂᬧ᭄ᬯᬂᬧᬦᬾᬄ [ ᭖ 6A] ᭞ᬳᬶᬓᬵᬢᬲᬂᬯᬶᬓᬸᬬᬦ᭄ᬫᬗ᭄ᬓᬦ᭞ᬢᬦ᭄ᬯᬸᬭᬸᬂᬢᬸᬫᬫ᭄ᬧᬸᬭᬶᬂᬦᬶᬭᬬᬮᭀᬓ᭞ᬓᬶᬦᭂᬮᬤᬾᬦᬶᬂᬬᬫᬩᬮ᭛ᬫᬗ᭄ᬓᬦᬭᬶᬗᬕᬫ᭄ᬬᬵᬕᬫᬦ᭞ᬍᬯᬶᬄᬧᬵᬢᬓᬦ᭄ᬬ᭛ᬳᬮᬯᬲ᭄ᬧᬶᬦᬓᬾᬲᬶᬦᬶᬂᬓᬯᬄ᭞ᬲᬂᬳ᭄ᬬᬂᬬᬫ᭞ᬲᬩᬭᬶ ᬦ᭄ᬬᬦ᭄ᬫᭂᬦ᭄ᬢᬲ᭄ᬲᬗ᭄ᬓᬾᬂᬓᬯᬄ᭞ᬲᬓᬾᬮᬶᬓᬾᬮᬶᬓ᭄ᬦᬶᬂᬭᬵᬢ᭄ᬧᬶᬦᬓᬢᭂᬫᬳᬦ᭄ᬬ᭞ᬓᬤ᭄ᬬᬗ᭄ᬕᬦᬶᬂᬢᭂᬢᭂᬓ᭄ᬮᬶᬦ᭄ᬢᬄᬳᬶᬭᬶᬲ᭄ᬳᬶᬭᬶᬲ᭄ᬧᭀᬄ᭞ᬘᬘᬶᬂ᭞ᬧᭂᬮᬸᬲ᭄᭞ᬓᬸᬭᬶᬘᬓ᭄᭞ᬳᬲᬶᬂᬓᬾᬓᬾᬮᬶᬓᬶᬂᬢ᭄ᬫᬸᬕᬢᭂᬫᬳᬦ᭄ᬬ᭛lᬳᭂᬯᬶᬄᬢᬧ ᬢᬓᬦᬶᬂᬕᬸᬃᬯᬵᬗ᭄ᬕᬦᬫᬦ᭞ᬗ᭟ᬫᬓᬲ᭄ᬢ᭄ᬭᬷᬪᬵᬃᬬ᭄ᬬᬲᬂᬕᬸᬭᬸ᭞ᬚᬚᬫᬳᬦ᭄ᬲᬂᬕᬸᬭᬸ᭞ᬧᬦ᭄ᬢᭂᬦ᭄‌ᬓᬸᬗᬢᭂᬓᬶᬢᬓᬶᬯᬶᬓᬸᬬᬦ᭄ᬫᬗ᭄ᬓᬦ᭛ᬓᬸᬦᬗᬶᬓᬭᬶᬂᬯᬶᬓᬸᬬᬦᬕᬫ᭄ᬬᬵᬕᬫᬦ᭞ᬧᬢᬶᬢᬗᬭᬦ᭄ᬬ᭞ᬓᬵᬢᬃᬕᬢᬭᬶᬂᬧᬦ᭄ᬢᭂ ᬦ᭄᭛ᬬᬢᬓᬵᬭᬡᬲᬂᬧᬵᬡ᭄ᬤᬶᬢ᭞ᬧ᭄ᬭᬬᬢ᭄ᬦᬭᬶᬓᬭᬵᬓ᭄ᬱᬓᬦᬶᬂᬩ᭄ᬭᬵᬳ᭄ᬫᬵᬘᬵᬃᬬ᭞ᬤ᭄ᬯᬶᬢᬀᬬᬲᬂᬳ᭄ᬬᬂᬬᬫᬩ᭄ᬭᬢ᭛ᬓᬸᬦᬗᬶᬓᬂᬲᬢ᭄ᬬ᭞ᬳᬢᭂᬕᬸᬄᬢᬲᬂᬯᬶᬓᬸᬭᬶᬂᬯᬘᬦ᭞ᬬᬢ᭄ᬦᬳᬸᬫᬶᬗᬦᬶᬭᬶᬯᬸᬯᬸᬲ᭄ᬦᬶᬭ᭞ᬯᭂᬤᬶ

Auto-transliteration

[ 5 5B] 5 ningpasanggamana, muwangikāliningsinggahanapasanggamanikā, tantamtamasiraringsanggama /// makanimittawruḥniraringhalaningśakĕtengwiṣaya, hapannikangstrīdadihikangkāmadoṣayankinaśakta /// sangkeng kāṣadadikrodha, sangkengkrodhadadilobha, sangkenglobhadadimoha, sangkengmāhadadimāna, sangkengmānadadimātsār̀ya, sangkengmatsār̀yadadihingsakā /// yatamatangyaninĕr̥ĕtnikangwi ṣaya, nguniyuniyaningstrīwiṣaya, tanulurānangulaḥśaktaringstri, makādiringagamyāgamana, jamĕjamikangbuddhiyanmangkana, pilihagamyāgaman, piliḥnggurwāngganāmana /// hagamyāgamana, nga. ma kastrītanyogyapakastryānira, kadyangganing. hibu, hanak, putu, kapwānakan, muwangsānak, warang /// nahantangpinakastrīninghagamyāgamana /// pradhara, nga. makastrīstriningpwangpaneḥ [ 6 6A] , hikātasangwikuyanmangkana, tanwurungtumampuringnirayaloka, kinĕladeningyamabala /// mangkanaringagamyāgamana, l̥ĕwiḥpātakanya /// halawaspinakesiningkawaḥ, sanghyangyama, sabari nyanmĕntassangkengkawaḥ, sakelikelikningrātpinakatĕmahanya, kadyangganingtĕtĕklintaḥhirishirispoḥ, cacing, pĕlus, kuricak, hasingkekelikingtmugatĕmahanya /// lhĕwiḥtapa takaninggur̀wāngganamana, nga. makastrībhār̀yyasangguru, jajamahansangguru, pantĕnkungatĕkitakiwikuyanmangkana /// kunangikaringwikuyanagamyāgamana, patitangaranya, kātar̀gataringpantĕ n /// yatakāraṇasangpāṇdita, prayatnarikarākṣakaningbrāhmācār̀ya, dwitaṃyasanghyangyamabrata /// kunangikangsatya, hatĕguḥtasangwikuringwacana, yatnahuminganiriwuwusnira, wĕdi

Leaf 6

Image on Archive.org

[ ᭖ 6B] ᭖᭞ ᬦᬶᬭᬵᬦ᭄‌ᬢᬦ᭄ᬢᬸᬳ᭄ᬯᬵ᭞ᬳᬧᬦᬓ᭄ᬯᬾᬄᬯᬘᬦᬭᬶᬓᬍᬓᬲᬦᬶᬗᬸᬚᬭ᭄᭞ᬮᬵᬯᬦ᭄ᬢᬬ᭄ᬯᬯᬵᬓ᭄ᬧᬭᬸᬱ᭄ᬬ᭞ᬳᬲᬶᬗᬸᬚᬃᬫᬾᬦᬓ᭄ᬚᬸᬕᬯᬸᬯᬸᬲᬓᭂᬦ᭞ᬢᬦ᭄ᬫᬸᬚᬭᬓᭂᬦᬗᬸᬚᬭᬕᬗ᭄ᬲᬸᬮ᭄᭞ᬳᬬ᭄ᬯᬫᬸᬚᬭᬓᭂᬦᬸᬚᬃᬳᬯᭀᬃᬓ᭄ᬭᭀᬥ ᭞ᬗᬸᬦᬶᬬᬸᬦᬶᬬᬦᬤᬸᬮᬸᬭᬲᬵᬧᬢ᭞ᬧᬶᬲᬸᬄᬧᬶᬲᬸᬄ᭞ᬳᬧᬦᬸᬚᬃᬫᬤ᭄ᬯᬵᬳᬶᬓᬂᬲᬵᬧᬢᬫᬸᬯᬂᬧᬶᬲᬸᬄ᭞ᬢᬦ᭄ᬲᬢ᭄ᬬᬾᬂᬩ᭄ᬭᬢ᭞ᬗ᭟ᬫᬸᬯᬄᬲᬢ᭄ᬬᬢᬲᬶᬭᬭᬶᬗ᭄ᬳᬸᬮᬄ᭞ᬭᬶᬂᬩ᭄ᬭᬢ᭞ᬲ᭟ᬲᬯᬘᬦᬶᬸᬂᬦᬦᬶᬂᬲᬂᬕᬸᬭᬸᬳᭂᬮᬲ᭄ᬓᬾᬭᬶᬂ ᬤᬾᬦᬶᬭ᭞ᬳᬧᬦ᭄ᬲᬂᬯᬶᬓᬸᬬᬦ᭄ᬢᬦ᭄ᬲᬢ᭄ᬬᬾᬂᬩ᭄ᬭᬢᬧᬦ᭄ᬢᭂᬦ᭄ᬲᬶᬭ᭞ᬓᬤ᭄ᬬᬗ᭄ᬕᬵᬦᬶᬭᬲᬂᬲᬶᬤ᭄ᬥᬵᬦ᭄ᬢᬩ᭄ᬭᬢ᭛ᬬᬦ᭄ᬧᬫᬗᬦᬶᬭᬶᬓᬗᬶᬦᬸᬳᬸᬢᬓᭂᬦᬶᬂᬲᬶᬤ᭄ᬥᬦ᭄ᬢᬩ᭄ᬭᬢ᭞ᬧᬦ᭄ᬢᭂᬦ᭄ᬲᬶᬭᬬᬦ᭄ᬫᬗ᭄ᬓᬦ᭞ᬬᬢᬾᬓᬵᬢᬦ᭄ᬧᬗᬦᭂᬦᬶᬭ ᬦᬶᬳᬦ᭄᭟᭐᭟ᬓᬭᬯᬵᬦᬭᬕᭀᬯ᭄ᬬᬖ᭄ᬭᬄ᭞ᬕᬚᬵᬰ᭄ᬯᬲ᭄ᬯᬵᬦᬕᬃᬤ᭄ᬥᬪᬄ᭞ᬓᬹᬃᬓᬸᬝᬵᬳᬲᬹᬓᬭᬲ᭄ᬲᬶᬗ᭄ᬕᬄ᭞ᬲᬃᬯ᭄ᬯᬫᬘᭀᬓ᭄ᬱᬫᬗ᭄ᬲᬓᬫ᭄᭟᭐᭟ᬓᬤ᭄ᬬᬗ᭄ᬕᬵᬦᬶᬂᬤᬕᬶᬗᬶᬂᬯᭀᬂ᭞ᬤᬕᬶᬗᬶᬂᬯ᭄ᬭᬾ᭞ᬤᬕᬶᬗᬶᬂᬲᬧᬶ᭞ᬤ [ ᭗ 7A] ᬕᬶᬗᬶᬂᬧ᭄ᬬᬥ᭄ᬭ᭞ᬤᬕᬶᬗᬶᬂᬕᬚᬄ᭞ᬤᬕᬶᬗᬶᬗᬚᬭᬦ᭄᭞ᬤᬕᬶᬗᬶᬂᬳᬲᬸ᭞ᬤᬕᬶᬗᬶᬂᬕᬦ᭄ᬥᬃᬪ᭞ᬤᬕᬶᬗᬶᬂᬢᬾᬢᬾᬧᬸᬫᬄ᭞ᬤᬕᬶᬗᬶᬂᬘᬾᬮᬾᬂᬳᬸᬫᬄ᭞ᬤᬕᬶᬗᬶᬂᬲᬶᬗ᭄ᬳ᭞ᬳᬶᬓᬵᬢᬓᬩᬾᬄ᭞ᬳᬶᬗᬭᬦᬦᬘᭀᬓ᭄ᬱᬫᬗ᭄ᬲ᭞ ᬗ᭟᭐᭟ᬕ᭄ᬭᬳᬰ᭄ᬘᬓᬸᬫ᭄ᬪᬶᬭᬦ᭄ᬦᬓ᭄ᬭᬄ᭞ᬫᬭᬿᬭᬄᬫᬸᬱᬶᬓᬲ᭄ᬢᬱᬵ᭞ᬦᬓᬸᬮᬄᬫᬦ᭄ᬤᬸᬓᬯ᭄ᬬᬮᬄ᭞ᬲᬃᬯ᭄ᬯᬫᬘᭀᬓ᭄ᬱᬗ᭄ᬲᬓᬫ᭄᭟᭐᭟ᬮᬵᬯᬦ᭄ᬢᬫᬸᬯᬄ᭟ᬤᬕᬶᬗᬶᬂᬧᬸᬳᬬ᭞ᬤᬕᬶᬗᬶᬂᬮᭀᬤᬦ᭄᭞ᬤᬕᬶᬗᬶᬂᬓᬸᬮᬸ ᬬᬸ᭞ᬤᬕᬶᬗᬶᬂᬧᬸᬱ᭞ᬤᬕᬶᬗᬶᬂᬢᬶᬓᬸᬲ᭄᭞ᬲᬮ᭄ᬯᬶᬭᬶᬂᬢᬶᬓᬸᬲ᭄᭞ᬤᬕᬶᬗᬶᬂᬕᬭᬂᬕᬭᬗᬦ᭄᭞ᬤᬕᬶᬗᬶᬂᬓᬸᬯᬸᬓ᭄᭞ᬤᬕᬶᬗᬶᬂᬯᬶᬬᬸᬂ᭞ᬤᬕᬶᬗᬶᬗᬸᬮᬲᬮ᭄ᬯᬶᬭᬶᬗᬸᬮ᭞ᬳᬶᬓᬵᬢᬓᬩᬾᬄ᭞ᬳᬶᬦᬭᬦᬦ᭄‌ᬘᭀᬓ᭄ᬱᬫᬗ᭄ᬲ᭟᭐᭟ ᬤᬸᬄᬓ᭄ᬭᬶᬫᬫᬗ᭄ᬲᬓᬶᬢᬪᬸᬄ᭞ᬲᬃᬯ᭄ᬯᬮᭀᬓᬧ᭄ᬭᬳᬾᬮᬶᬓᬄ᭞ᬧ᭄ᬭᬡᬶᬦᬫ᭄‌‌ᬭᬹᬧᬪᬾᬤᬜ᭄ᬘ᭞ᬲᬃᬯ᭄ᬯᬫ᭄ᬓᬦᬶᬱ᭄ᬝᬗ᭄ᬲᬓᬫ᭄᭟᭐᭟ᬫᬸᬯᬳᬶᬓᬂᬧ᭄ᬭᬵᬡᬶᬓ᭄ᬭᬶᬫᬶ᭞ᬗ᭟ᬓᬤ᭄ᬬᬗ᭄ᬕᬵᬦᬶᬂᬳᬸᬍᬃᬫᬸᬗ᭄ᬕ᭄ᬯᬶᬂᬍᬫᬄ᭞ᬮᬵᬫᬦ᭄ᬢᬲ

Auto-transliteration

[ 6 6B] 6 nirāntantuhwā, hapanakweḥwacanarikal̥ĕkasaningujar, lāwantaywawākparuṣya, hasingujar̀menakjugawuwusakĕna, tanmujarakĕnangujaragangsul, haywamujarakĕnujar̀hawor̀krodha , nguniyuniyanadulurasāpata, pisuḥpisuḥ, hapanujar̀madwāhikangsāpatamuwangpisuḥ, tansatyengbrata, nga. muwaḥsatyatasiraringhulaḥ, ringbrata, sa. sawacan̶ngnaningsangguruhĕlaskering denira, hapansangwikuyantansatyengbratapantĕnsira, kadyanggānirasangsiddhāntabrata /// yanpamanganirikanginuhutakĕningsiddhantabrata, pantĕnsirayanmangkana, yatekātanpanganĕnira nihan. 0. karawānaragowyaghraḥ, gajāśwaswānagar̀ddhabhaḥ, kūr̀kuṭāhasūkarassinggaḥ, sar̀wwamacokṣamangsakam. 0. kadyanggāningdagingingwong, dagingingwre, dagingingsapi, da [ 7 7A] gingingpyadhra, daginginggajaḥ, dagingingajaran, daginginghasu, daginginggandhar̀bha, dagingingtetepumaḥ, dagingingcelenghumaḥ, dagingingsingha, hikātakabeḥ, hingarananacokṣamangsa, nga. 0. grahaścakumbhirannakraḥ, marairaḥmusyikastasyā, nakulaḥmandukawyalaḥ, sar̀wwamacokṣangsakam. 0. lāwantamuwaḥ. dagingingpuhaya, daginginglodan, dagingingkulu yu, dagingingpuṣa, dagingingtikus, salwiringtikus, daginginggaranggarangan, dagingingkuwuk, dagingingwiyung, dagingingulasalwiringula, hikātakabeḥ, hinaranancokṣamangsa. 0. duḥkrimamangsakitabhuḥ, sar̀wwalokaprahelikaḥ, praṇinamrūpabhedañca, sar̀wwamkaniṣṭangsakam. 0. muwahikangprāṇikrimi, nga. kadyanggāninghul̥ĕr̀munggwingl̥ĕmaḥ, lāmantasa

Leaf 7

Image on Archive.org

[ ᭗ 7B] ᭗᭞ ᬮ᭄ᬯᬶᬭᬶᬂᬧ᭄ᬭᬵᬡᬶᬓᬕᬶᬮᬕᬶᬮ᭞ᬓᬶᬦᬾᬮᬶᬓ᭄ᬓᬾᬮᬶᬓᬦ᭄ᬤᬾᬦᬶᬂᬲᬃᬯ᭄ᬯᬮᭀᬓ᭛ᬳᬶᬓᬂᬧ᭄ᬭᬵᬡᬶᬪᬾᬤᬭᬹᬧᬦ᭄ᬬ᭞ᬓᬤ᭄ᬬᬗ᭄ᬕᬦᬶᬂᬮᬶᬦ᭄ᬢᬄ᭞ᬘᬘᬶᬂ᭞ᬓᬸᬭᬶᬘᬓ᭄᭞ᬳᬶᬭᬶᬲᬶᬭᬶᬲ᭄ᬧᭀᬄ᭞ᬳᬸᬍᬃ᭞ᬓᬓᬯᭂᬤᬶᬯᭂᬤᬶ᭞ᬲᬶᬗ᭄ᬕᬢ᭄᭞ᬳᬶᬢ᭄ᬬᬾᬯᬫᬤᬶ ᭞ᬢᬦ᭄ᬓᬶᬦᬰᬺᬤ᭄ᬥᬦᬶᬂᬯᬂᬫᬸᬮᬢ᭄᭞ᬢᬶᬓᬵᬢᬓᬩᬾᬄᬲᬶᬦᬗ᭄ᬕᬸᬄᬓᬦᬶᬱ᭄ᬝᬫᬗ᭄ᬲ᭞ᬗ᭟ᬓᬵᬮᬯᬦᬶᬓᬂᬲᬶᬦᬗ᭄ᬕᬸᬄᬘᬫᬄ᭞ᬳᬶᬓᬂᬫᬺᬕᬤᬾᬲᬂᬲᬶᬤ᭄ᬥᬦ᭄ᬢᬩ᭄ᬭᬢ᭞ᬓᬤ᭄ᬬᬗ᭄ᬕᬵᬦᬶᬂᬮᬸᬯᬓ᭄᭞ᬯᬶᬗ᭄ᬲᬂ᭞ᬮᬗ᭄ᬓᬧᬦ᭄᭞ᬓᭂᬦ᭄ᬤ᭄ᬤᭀ ᬯᬦ᭄ᬢᬭᬄ᭞ᬯᬸᬢ᭄᭞ᬯᬶᬭᭀᬕ᭄᭞ᬭᬸᬢᬶ᭞ᬯᬸᬭᬗᬸᬢᬦ᭄᭞ᬮᬮᬯᬄ᭞ᬢᬍᬥᬸ᭞ᬳᬸᬯᬳᬸᬯ᭞ᬓᬤᬮ᭄᭞ᬓᬭᬧ᭄ᬓᬭᬧ᭄᭞ᬢᭂᬓᬾᬓ᭄᭞ᬘᭂᬘᭂᬓ᭄᭞ᬳᬶᬮᬧ᭄᭞ᬢᬸᬗ᭄ᬕᭂᬮᬶᬢ᭄᭞ᬢᬦ᭄ᬬᭀᬕ᭄ᬬᬪᬓ᭄ᬱᬦᬤᬾᬲᬂᬲᬶᬤ᭄ᬥᬦ᭄ᬢᬰᬸᬤ᭄ᬥ᭟᭐᭟ ᬓᭀᬓᭀᬮ᭄ᬮᬓᬰ᭄‌ᬰᬢᬾᬰ᭄ᬬᬾᬦ᭞ᬓᬵᬓᬓᭀᬓᬶᬓᬰᬹᬲᬶᬓᬄ᭞ᬓᬷᬭᬰᬹᬓᬰ᭄ᬘᬲᬭᬶᬓᬄ᭞ᬲᬃᬯ᭄ᬯᬫᬘᭀᬓ᭄ᬱᬫᬗ᭄ᬲᬓᬫ᭄᭟᭐᭟ᬓᬤ᭄ᬬᬗ᭄ᬕᬵᬦᬶᬓᬂᬫᬦᬸᬓ᭄‌ᬓ᭄ᬭᬸᬭᬧᬓ᭄ᬱᬶ᭞ᬕᬕᬓ᭄᭞ᬤᭀᬓ᭄᭞ᬳᬬᬫ᭄ᬩᬓᬶ [ ᭘ 8A] ᬓᬸᬓ᭄᭞ᬳᬸᬮᬸᬂ᭞ᬢ᭄ᬭᬶᬮᬓ᭄ᬮᬓ᭄᭞ᬓᬓ᭄᭞ᬢᬸᬢᬸᬳᬸ᭞ᬤᭀᬫ᭄ᬤᭀᬫᬦ᭄᭞ᬳᬢᬢ᭄᭞ᬲ᭄ᬬᬸᬂ᭞ᬦᭀᬭᬶ᭞ᬘᭀᬤ᭄᭞ᬕᬕᬦ᭄ᬤ᭄ᬬᬦᬮᬧᬮᬧ᭄᭞ᬩᬶᬩᬶᬥᭀ᭞ᬤᬃᬬ᭄ᬬᬲ᭄᭞ᬫᬶᬦᬸᬓ᭄ᬯᬶᬥᬸ᭞ᬢᬦ᭄ᬬᭀᬕ᭄ᬬᬪᬓ᭄ᬱᬤᬶᬬᬓ᭄ᬤᬾᬲᬂᬲᬶᬤ᭄ᬥᬦ᭄ᬢᬩ᭄ᬭᬢ᭛ ᬫᬸᬯᬄᬦᬷᬮᬧᬓ᭄ᬱᬶ᭞ᬫᬸᬯᬗᬶᬓᬂᬧᬓ᭄ᬱᬶᬦᬭᬰᬩ᭄ᬤ᭞ᬓᭀᬘᬶ᭞ᬘᭂᬗ᭄ᬓᬾᬮᬸᬂ᭞ᬤᬾᬤᬾᬓ᭄ᬘᬸ᭞ᬢᬶᬓᬸᬲ᭄ᬢᬶᬓᬸᬲᬦ᭄᭞ᬚᬮᬓ᭄᭞ᬲᬸᬤᬳᬦ᭄᭞ᬘᬸᬘᬓ᭄ᬲᬮ᭄ᬯᬶᬭᬶᬂᬘᬸᬘᬓ᭄᭞ᬣᬾᬣᬾᬓᬾᬓ᭄᭞ᬲᬸᬮᬶᬦ᭄ᬤᬶᬢ᭄᭞ᬢᬦ᭄ᬪᬓ᭄ᬱᬦᬶᬓᬤᬾᬲᬂ ᬲᬶᬤ᭄ᬥᬦ᭄ᬢᬩ᭄ᬭᬢ᭞ᬫᬸᬯᬄᬲᬮ᭄ᬯᬶᬭᬶᬂᬲᬢ᭄ᬯᬧᬜ᭄ᬘᬦᬓ᭞ᬢᬦ᭄ᬬᭀᬕ᭄ᬬᬪᬓ᭄ᬱᬦᭂᬦ᭄‌ᬤᬾᬲᬂᬲᬶᬤ᭄ᬥᬦ᭄ᬢᬩ᭄ᬭᬢ᭛ᬓᬸᬦᬗᬶᬓᬂᬧᬜ᭄ᬘᬦᬓᬬᬸᬓ᭄ᬢᬶᬪᬓ᭄ᬱᬦᭂᬦ᭄᭟ᬯᬭᬓ᭄᭞ᬮᬡ᭄ᬤᬓ᭄᭞ᬩᬸᬮᬸᬲ᭄᭞ᬩᬦᬶᬂ᭞ᬧᭂᬜᬸ᭞ᬲᬮ᭄ᬯᬶᬭᬶᬂ ᬧᭂᬜᬸ᭞᭛ᬫᬸᬯᬳᬶᬓᬂᬬᭀᬕ᭄ᬬᬪᬓ᭄ᬱᬦᭂᬦ᭄᭞ᬳᬶᬓᬂᬘᬾᬮᬾᬗᬮᬲ᭄᭞ᬳᬬᬫ᭄ᬯᬦ᭞ᬫᬳᬶᬱ᭞ᬯᭂᬤᬸᬲ᭄᭞ᬩᬜᬓ᭄᭞ᬳᬶᬢᬶᬓ᭄᭞ᬥᬭ᭞ᬫᬸᬗ᭄ᬯᬄᬩᬸᬃᬯᬦ᭄ᬪᬓ᭄ᬱᬦᭂᬦᬶᬓᬵ᭞ᬢᬶᬗ᭄ᬕᬶᬮᬶᬂ᭞ᬓᬶᬤᬂ᭞ᬫᬜ᭄ᬚᬗᬦ᭄᭞ᬓ

Auto-transliteration

[ 7 7B] 7 lwiringprāṇikagilagila, kinelikkelikandeningsar̀wwaloka /// hikangprāṇibhedarūpanya, kadyangganinglintaḥ, cacing, kuricak, hirisirispoḥ, hul̥ĕr̀, kakawĕdiwĕdi, singgat, hityewamadi , tankinaśr̥ĕddhaningwangmulat, tikātakabeḥsinangguḥkaniṣṭamangsa, nga. kālawanikangsinangguḥcamaḥ, hikangmr̥ĕgadesangsiddhantabrata, kadyanggāningluwak, wingsang, langkapan, kĕnddo wantaraḥ, wut, wirog, ruti, wurangutan, lalawaḥ, tal̥ĕdhu, huwahuwa, kadal, karapkarap, tĕkek, cĕcĕk, hilap, tunggĕlit, tanyogyabhakṣanadesangsiddhantaśuddha. 0. kokollakaśśateśyena, kākakokikaśūsikaḥ, kīraśūkaścasarikaḥ, sar̀wwamacokṣamangsakam. 0. kadyanggānikangmanukkrurapaksyi, gagak, dok, hayambaki [ 8 8A] kuk, hulung, trilaklak, kak, tutuhu, domdoman, hatat, syung, nori, cod, gagandyanalapalap, bibidho, dar̀yyas, minukwidhu, tanyogyabhakṣadiyakdesangsiddhantabrata /// muwaḥnīlapaksyi, muwangikangpaksyinaraśabda, koci, cĕngkelung, dedekcu, tikustikusan, jalak, sudahan, cucaksalwiringcucak, thethekek, sulindit, tanbhakṣanikadesang siddhantabrata, muwaḥsalwiringsatwapañcanaka, tanyogyabhakṣanĕndesangsiddhantabrata /// kunangikangpañcanakayuktibhakṣanĕn. warak, laṇdak, bulus, baning, pĕñu, salwiring pĕñu, /// muwahikangyogyabhakṣanĕn, hikangcelengalas, hayamwana, mahiṣa, wĕdus, bañak, hitik, dhara, mungwaḥbur̀wanbhakṣanĕnikā, tinggiling, kidang, mañjangan, ka

Leaf 8

Image on Archive.org

[ ᭘ 8B] ᭘᭞ ᬜ᭄ᬘᬶᬮ᭄᭛ᬬᬧ᭄ᬯᬦ᭄ᬫᬦᬸᬓ᭄ᬮᬾᬦ᭄ᬲᬗ᭄ᬓᬗᬶᬦᬸᬳᬸᬢᬓᭂᬦ᭄ᬪᬓ᭄ᬱ᭄ᬬᬦᭂᬦ᭄‌‌ᬗᬹᬦᬶ᭞ᬓᬤ᭄ᬬᬗ᭄ᬕᬵᬦᬶᬂᬫᭂᬭᬵᬓ᭄᭞ᬓᬤᬯ᭞ᬳᬶᬚᭀᬳᬦ᭄᭞ᬯᬸᬭᬸᬯᬸᬭᬸ᭞ᬧᬸᬭᬸᬓᬸᬓᬸᬢ᭄᭞ᬢᬺᬕᬸᬓᬸ᭞ᬧᬸᬢᭂᬃ᭞ᬯᬮᬶᬯᬶᬲ᭄᭞ᬫᬬᭀᬂ᭞ᬓᬮ᭄ᬯᬂ᭛ᬦᬵᬳᬦᬶᬓᬗᬤᬶ ᬦ᭄ᬬᬬᭀᬕ᭄ᬬᬪᬓ᭄ᬱᬦᭂᬦ᭄᭞ᬳᬶᬓᬗᬶᬯᬓᬶᬂᬮ᭄ᬯᬄ᭞ᬫᬸᬯᬗᬶᬯᬓ᭄ᬲᬵᬕᬭ᭞ᬦ᭄ᬤᬢᬦᬶᬮᬸᬂᬯᬸᬳᬬ᭛ᬫᬸᬯᬩᬶᬓᬂᬫᬷᬡᬳᬢ᭄ᬬᬦ᭄ᬢᬭᬶᬂᬕᭃᬗᬢᬶᬓ᭄ᬭᬹᬭᬭᬹᬧᬦ᭄ᬬ᭞ᬳᬶᬓᬵᬢᬢᬦ᭄ᬯᭂᬦᬂ᭛ᬮᬵᬯᬦ᭄ᬢᬫᬸᬯᬳᬶᬓᬂᬬᬾᬕ᭄ᬬᬪᬓ᭄ᬱᬦᭂᬦ᭄ᬤᬾ ᬲᬂᬲᬶᬤ᭄ᬥᬦ᭄ᬢᬢᬸᬦ᭄ᬤ᭄ᬥᬩ᭄ᬭᬢ᭛ᬳᬶᬲᭂᬤᭂᬂᬦ᭄ᬬᬦᬶᬦᭀᬮᬄ᭞ᬬᬦ᭄ᬓᬍᬩ᭄ᬯᬦ᭄ᬤᬾᬦᬶᬂᬮᬍᬃᬜᬫᬸᬓ᭄ᬢᬶᬢᬶᬗ᭄ᬕᬶ᭞ᬫᭂᬭᬶᬫᭂᬭᬶ᭞ᬢᬸᬫ᭞ᬓᬧᬶᬜ᭄ᬚᬮ᭄᭞ᬲᬝᬵᬓ᭄ᬘᬝᬵᬳᬓ᭄᭞ᬮᬶᬫ᭄ᬧᬶᬢ᭄᭞ᬢᭂᬗᬸ᭞ᬘᬵᬫ᭄ᬧᬸᬃᬬᬦ᭄ᬫᬗ᭄ᬓᬦ᭞ᬢᬦ᭄ᬬᬸᬓ᭄ᬢᬶᬪᬓ᭄ᬱᬦᭂᬦ᭄᭛ᬮᬵ ᬯᬦ᭄ᬢᬫᬸᬯᬄᬲᬂᬲᬶᬤ᭄ᬥᬦ᭄ᬢᬳᬬ᭄ᬯᬲᬶᬭᬳᬫᬸᬓ᭄ᬢᬶᬲᬸᬭᬸᬤᬦ᭄᭞ᬲᬮ᭄ᬯᬶᬭᬦᬶᬓᬂᬘᬭᬸ᭞ᬢᬸᬳᬶᬢᬦ᭄ᬧᬫᬗᬦᬲᬓᬶᬮ᭄ᬯᬶᬭᬶᬂᬓᬢᬸᬫ᭄ᬧᬗᬦ᭄ᬘᬫᬄᬓᬳᬭᬲᬾᬂᬘᬵᬫ᭄ᬧᬸᬃᬓᬸᬦᬂ᭞ᬳᬧᬶᬢᬸᬯᬶᬳᬶᬓᬂᬢᭂᬮᬲ᭄ᬓᬢᭂᬤᬤᬾᬦᬶᬂᬳᬜ᭄ᬚᬶᬂ᭞ᬓᬢᭂᬤ [ ᭙ 9A] ᬤᬾᬦᬶᬂᬳᬬᬫ᭄᭞ᬓᬢᭂᬤᬤᬾᬦᬶᬂᬘᬾᬍᬂ᭞ᬓᬾᬩᭂᬭᬦ᭄ᬓᬸᬦᬂ᭛ᬫᬸᬯᬂᬳᬬ᭄ᬯᬫᬸᬓ᭄ᬢᬶᬲᬮ᭄ᬯᬶᬭᬶᬂᬲᬶᬦᬗ᭄ᬱᬬᬦ᭄᭞ᬘᬫᬄ᭞ᬰᬸᬘᬶᬓᬸᬦᭂᬂ᭞ᬢᬦ᭄ᬧᬫᬸᬮᬸᬬᬦᬢᭂᬤ᭞ᬲᬓᬮ᭄ᬯᬶᬭᬦᬶᬂᬢᭂᬤ᭞ᬫᬓᬵᬤᬶᬬᬦᬫᬗᬦᬢᭂᬤᬦᬶᬂᬰᬸ ᬤ᭄ᬭ᭞ᬲᬮ᭄ᬯᬶᬭᬦ᭄ᬦᬶᬓᬂᬧ᭄ᬯᬂᬧ᭄ᬯᬂᬲᬶᬦᬗ᭄ᬕᬸᬄᬚᬦ᭄ᬫᬘᬡ᭄ᬤᬮᬓᭀᬳᬸᬢᬓᭂᬦᬓᬶᬓᬵ᭞ᬓᬸᬦᬂᬬᬦᬫᬗᬦᬓᬗᬶᬦᬸᬳᬸᬢᬓᭂᬦ᭄ᬓᬂᬲᬶᬦᬗ᭄ᬕᬸᬄᬘᬫᬄᬲᬮᬶᬂᬗᬶᬂᬩ᭄ᬭᬢᬶᬰᬵᬲᬦᬧᬢᭂᬦᬶᬓᬵᬲᬂᬪᬸᬚᬗ᭄ᬕᬬᬦ᭄ᬫᬗ᭄ᬓᬦ᭞ᬢᬦ᭄ᬲᭂᬗ᭄ᬕᭂᬳᭂ ᬦ᭄‌‌ᬯᬶᬓᬸ᭞ᬗ᭟ᬬᬦᬪᬓ᭄ᬱᬪᬓ᭄ᬱᬡ᭞ᬫᬸᬯᬗᬯᬾᬬᬧᬾᬬ᭞ᬗ᭟ᬳᬗᬸᬦᬸᬫ᭄ᬢᬦ᭄ᬬᭀᬕ᭄ᬬᬳᬶᬦᬸᬫᭂᬦ᭄᭞ᬓᬤ᭄ᬬᬗ᭄ᬕᬵᬦᬶᬂᬢ᭄ᬯᬓ᭄‌‌‌ᬯᬭᬕᬂ᭞ᬩᬥ᭄ᬬᬕ᭄᭞ᬢ᭄ᬯᬓᬂᬰᬯᬮᬦ᭄᭞ᬢ᭄ᬯᬓ᭄ᬩᬸᬤᬸᬭ᭄᭛ᬓᬸᬦᬗᬶᬓᬗᬶᬦᬸᬫᭂᬦᬶᬭ ᬬᭀᬕ᭄ᬬᬓᬾᬦᬸᬫᬤᬾᬲᬂᬲᬶᬤ᭄ᬥᬦ᭄ᬢᬩ᭄ᬭᬢ᭟ᬩᬺᬫ᭄᭞ᬓᬶᬮᬂ᭞ᬫᬥᬸ᭞ᬳᬫ᭄ᬧ᭄ᬯ᭞ᬩᬺᬫ᭄ᬘᬶᬦ᭞ᬬᬾᬓᬵᬯᭂᬦᬗᬶᬦᬸᬫᭂᬦᬶᬭ᭛ᬳᬣᬧᬶᬦ᭄ᬬᬬᬦ᭄ᬘᬫ᭄ᬧᬸᬃᬪᬵᬚᬦᬦ᭄ᬬ᭞ᬳᬸᬯᬸᬲ᭄‌‌ᬯᬶᬦᬥᬳᬓᭂᬦᬶᬂᬘᬚᭃᬗ᭄᭞ᬲᬓᬮ᭄ᬯᬶᬭᬓᬶᬂ

Auto-transliteration

[ 8 8B] 8 ñcil /// yapwanmanuklensangkanginuhutakĕnbhakṣyanĕnngūni, kadyanggāningmĕrāk, kadawa, hijohan, wuruwuru, purukukut, tr̥ĕguku, putĕr̀, waliwis, mayong, kalwang /// nāhanikangadi nyayogyabhakṣanĕn, hikangiwakinglwaḥ, muwangiwaksāgara, ndatanilungwuhaya /// muwabikangmīṇahatyantaringgöngatikrūrarūpanya, hikātatanwĕnang /// lāwantamuwahikangyegyabhakṣanĕnde sangsiddhantatunddhabrata /// hisĕdĕngnyaninolaḥ, yankal̥ĕbwandeninglal̥ĕr̀ñamuktitinggi, mĕrimĕri, tuma, kapiñjal, saṭākcaṭāhak, limpit, tĕngu, cāmpur̀yanmangkana, tanyuktibhakṣanĕn /// lā wantamuwaḥsangsiddhantahaywasirahamuktisurudan, salwiranikangcaru, tuhitanpamanganasakilwiringkatumpangancamaḥkaharasengcāmpur̀kunang, hapituwihikangtĕlaskatĕdadeninghañjing, katĕda [ 9 9A] deninghayam, katĕdadeningcel̥ĕng, kebĕrankunang /// muwanghaywamuktisalwiringsinangṣayan, camaḥ, śucikunĕng, tanpamuluyanatĕda, sakalwiraningtĕda, makādiyanamanganatĕdaningśu dra, salwirannikangpwangpwangsinangguḥjanmacaṇdalakohutakĕnakikā, kunangyanamanganakanginuhutakĕnkangsinangguḥcamaḥsalingngingbratiśāsanapatĕnikāsangbhujanggayanmangkana, tansĕnggĕhĕ nwiku, nga. yanabhakṣabhakṣaṇa, muwangaweyapeya, nga. hangunumtanyogyahinumĕn, kadyanggāningtwakwaragang, badhyag, twakangśawalan, twakbudur /// kunangikanginumĕnira yogyakenumadesangsiddhantabrata. br̥ĕm, kilang, madhu, hampwa, br̥ĕmcina, yekāwĕnanginumĕnira /// hathapinyayancampur̀bhājananya, huwuswinadhahakĕningcajöng, sakalwiraking

Leaf 9

Image on Archive.org

[ ᭙ 9B] ᭙᭞ ᬲᬚᭃᬂ᭞ᬢᬦ᭄ᬬᭀᬕ᭄ᬬᬚᬸᬕᬳᬶᬦᬸᬫᭂᬦᬶᬭ᭞ᬤᬾᬲᬂᬲᬶᬤ᭄ᬥᬦ᭄ᬢᬩ᭄ᬭᬢ᭞ᬳᬧᬦ᭄ᬓᬳᬭᬲᬶᬂᬘᬵᬫ᭄ᬧᬸᬃ᭞ᬗ᭟ᬓᬸᬦᬂᬬᬦ᭄ᬳᬦᬲᬂᬲᬶᬤ᭄ᬥᬦ᭄ᬢᬫᬶᬦᬸᬫᬶᬓᬂᬢᬦ᭄ᬬᭀᬕ᭄ᬬᬳᬶᬦᬸᬫᭂᬦᬶᬭ᭞ᬬᬦ᭄ᬫᬓᬦᬶᬫᬶᬢ᭄ᬢᬢᬦ᭄ᬯ᭄ᬭᬸᬾᬦᬶᬭᬬᬦ᭄ᬘᬫᬄ᭞ᬫᬓᬵᬯᬰᬵᬡᬯ᭄ᬭᬸᬄᬲᬶᬭ ᬬᬦ᭄ᬘᬫ᭄ᬧᬸᬭ᭄᭞ᬳᬶᬯᭂᬓᬲᬦ᭄᭞ᬫᬧ᭄ᬭᬬᬰ᭄ᬘᬶᬢ᭄ᬢᬢᬲᬶᬭ᭞ᬫᬦᬥᬳᬧ᭄ᬭᬵᬬᬰ᭄ᬘᬶᬢ᭄ᬢᬭᬶᬂᬕᬸᬭᬸ᭛ᬓᬸᬦᬂᬬᬦᬍᬫᭂᬳᬧ᭄ᬭᬵᬬᬰ᭄ᬘᬶᬢ᭄ᬢᬵ᭞ᬧᬦ᭄ᬢᭂᬦ᭄ᬲᬶᬭᬬᬦ᭄ᬫᬗ᭄ᬓᬦ᭛ᬓᬸᬦᬂᬬᬦ᭄ᬫᬓᬦᬶᬫᬶᬢ᭄ᬢᬫᭀᬳᬫᬵᬤᬤᬾᬦᬶᬭᬳᬫᬗᬦ᭄ᬘᬫᬄ᭞ᬢᬦ᭄ᬲ ᬗ᭄ᬓᬾᬂᬢᬦ᭄ᬯ᭄ᬭᬸᬄᬦᬶᬭ᭞ᬧᬦ᭄ᬢᭂᬦᬶᬓᬵ᭞ᬢᬦ᭄ᬯᭂᬦᬂᬢᬶᬗ᭄ᬳᬮᬦᬤᬾᬲᬂᬯᬶᬓᬸ᭞ᬗᬸᬦᬶᬬᬸᬦᬶᬦ᭄ᬲᬫ᭄ᬪᬵᬱᬡᬦ᭄ᬤᬾᬲᬂᬲᬫᬲᬫᬦᬶᬭ᭞ᬫᬢᬗ᭄ᬬᬦ᭄ᬧ᭄ᬭᬬᬢ᭄ᬦᬵᬢᬲᬂᬯᬶᬓᬸᬭᬶᬓᬭᬵᬓ᭄ᬱᬦᬶᬭᬲᬂᬳ᭄ᬬᬂᬲᬶᬤ᭄ᬥᬦ᭄ᬢᬩ᭄ᬭᬳᬰᬵᬲᬦ᭛ᬫᬭᬦᬢᭂᬕᬸᬳᬶ ᬓᬂᬓᬲᬢ᭄ᬬᬩ᭄ᬭᬢᬦ᭄᭞ᬳᬸᬫᬦ᭄ᬢᬸᬓ᭄ᬱᬶᬭᬫᬭᬶᬂᬧᬭᬫᬧᬤᬬᬦᬧᬕᭂᬳᬶᬂᬓ᭄ᬭᬫ᭞ᬢᬺᬢᬷᬬᬲᬂᬳ᭄ᬬᬂᬬᬫᬩ᭄ᬭᬢ᭟᭐᭟ᬰᬶᬓᬵᬚᬶᬳ᭄ᬯᬵᬰᬶᬯᬤ᭄ᬯᬵᬭᬫ᭄᭞ᬲ᭄ᬢ᭄ᬭᬷᬘᬹᬓ᭄ᬢᬳᬶᬄᬰᬸᬤ᭄ᬭᬯᬵᬮᬓᬾᬄ᭞ᬰᬧᬫᬯ᭄ᬬᬦ᭄ᬦᬪᬓ᭄ᬱᬜ᭄ᬘ᭞ᬰᬧᬲᬂᬲ᭄ᬧᬃ [ ᭑᭐ 10A] ᬱᬡᬫ᭄ᬪᬯᬾᬢ᭄᭟᭐᭟ᬮᬵᬯᬦ᭄ᬢᬫᬸᬯᬳᬶᬓᬾᬲᬂᬲᬶᬤ᭄ᬥᬦ᭄ᬢᬰᬸᬤ᭄ᬥᬩ᭄ᬭᬢ᭞ᬳᬶᬓᬂᬰᬶᬓᬵ᭞ᬫᬸᬯᬗᬶᬓᬂᬚᬶᬳ᭄ᬯᬵ᭞ᬮᬵᬯᬦᬶᬓᬂᬰᬶᬯᬤ᭄ᬯᬵᬭ᭞ᬳᬬ᭄ᬯᬚᬸᬕᬓᬳᬸᬗ᭄ᬓᬸᬮᬦ᭄ᬤᬾᬦᬶᬂᬲᬶᬦᬗ᭄ᬕᬄᬳᬗ᭄ᬰᬸᬘᬶ᭞ᬢᬦ᭄ᬓᬕᬭᬧᬤᬾᬦᬲ᭄ᬢ᭄ᬭᬷᬲᭂᬤᬂᬘᬵᬫ᭄ᬧᬸᬭ᭄᭞ᬮᬵᬯ ᬦᬶᬓᬂᬧ᭄ᬯᬂᬰᬸᬤ᭄ᬭᬚᬵᬢᬶ᭞ᬫᬓᬵᬤᬶᬧ᭄ᬯᬂᬘᬡ᭄ᬤᬮ᭞ᬲᬮ᭄ᬯᬶᬭᬶᬂᬚᬦ᭄ᬫᬘᬡ᭄ᬥᬮ᭞ᬳᬧᬦᬶᬓᬵᬓᬢᭂᬮᬸ᭞ᬯᬶᬰᬾᬱᬘᬶᬳ᭄ᬦᬲᬂᬲᬶᬤ᭄ᬥᬵᬰᬸᬤ᭄ᬥᬩ᭄ᬭᬢ᭛ᬫᬸᬯᬄᬳᬬ᭄ᬯᬢᬦ᭄ᬲᬶᬭᬳᬫ᭄ᬪᬓ᭄ᬱᬡᬘᬭᬸᬦᬶᬂᬯ᭄ᬯᬂᬫᬵᬢᬶ᭞ᬫᬸᬯᬂᬲᬓᬮ᭄ᬯᬶᬭᬦᬶᬂᬲᬚᬶᬲᬚᬶᬦᬶᬂ ᬯ᭄ᬯᬂᬫᬵᬢᬶ᭞ᬢᬦ᭄ᬤᬤᬶᬲᬶᬭᬓᬧᬋᬓᬾᬂᬯ᭄ᬯᬂᬫᬵᬢᬶ᭞ᬗᬸᬦᬶᬯᬾᬄᬬᬦ᭄ᬓᬕᭂᬧᭀᬓᬭᬶᬲᬳᬸᬧᬓᬵᬭᬦᬶᬂᬓᬸᬦᬧ᭞ᬳᬯ᭄ᬬᬲᬂᬲᬶᬗ᭄ᬥᬵᬦ᭄ᬢᬫᬗ᭄ᬓᬦ᭞ᬫᬓᬵᬤᬶᬬᬦ᭄ᬧᬗᬗ᭄ᬕ᭄ᬯᬲᬧᬲᬚᬶᬦᬶᬂᬓᬸᬦᬧ᭞ᬮᬵᬯᬦ᭄ᬩᭂᬓᭂᬮ᭄ᬩᭂᬓᭂᬮ᭄ᬦ᭄ᬬ᭞ᬳᬭ᭄ᬯᬦ ᬭ᭄ᬯᬦᬶᬂᬫᬵᬢᬶ᭞ᬢᬦ᭄‌‌ᬬᬸᬓ᭄ᬢᬶᬳᬗ᭄ᬕ᭄ᬯᬦᭂᬦᬶᬭᬳᬶᬓᬓᬩᬾᬄ᭞ᬲᬳᬦᬦ᭄ᬬ᭛ᬮᬵᬯᬦ᭄ᬢᬫᬸᬯᬄᬓᬸᬫ᭄ᬯᬮᬶᬂᬦᬶᬂᬰᬲ᭄ᬢ᭄ᬭ᭞ᬢᬦ᭄ᬤᬤᬶᬲᬶᬭᬵᬦ᭄ᬧᬯ᭄ᬬᬯᬳᬵᬭ᭞ᬦ᭄ᬤᬦ᭄‌‌ᬯᭂᬦᬂᬲᬶᬭᬫᬧ᭄ᬬᬯᬳᬵᬭ᭞ᬦ᭄ᬤ᭄ᬬᬢᬤᭀᬦᬶᬭᬬᬦ᭄ᬧᬯ᭄ᬬᬯᬳᬭ᭞ᬫ

Auto-transliteration

[ 9 9B] 9 sajöng, tanyogyajugahinumĕnira, desangsiddhantabrata, hapankaharasingcāmpur̀, nga. kunangyanhanasangsiddhantaminumikangtanyogyahinumĕnira, yanmakanimittatanwruenirayancamaḥ, makāwaśāṇawruḥsira yancampur, hiwĕkasan, maprayaścittatasira, manadhahaprāyaścittaringguru /// kunangyanal̥ĕmĕhaprāyaścittā, pantĕnsirayanmangkana /// kunangyanmakanimittamohamādadenirahamangancamaḥ, tansa ngkengtanwruḥnira, pantĕnikā, tanwĕnangtinghalanadesangwiku, nguniyuninsambhāṣaṇandesangsamasamanira, matangyanprayatnātasangwikurikarākṣanirasanghyangsiddhantabrahaśāsana /// maranatĕguhi kangkasatyabratan, humantuksyiramaringparamapadayanapagĕhingkrama, tr̥ĕtīyasanghyangyamabrata. 0. śikājihwāśiwadwāram, strīcūktahiḥśudrawālakeḥ, śapamawyannabhakṣañca, śapasangspar̀ [ 10 10A] ṣaṇambhawet. 0. lāwantamuwahikesangsiddhantaśuddhabrata, hikangśikā, muwangikangjihwā, lāwanikangśiwadwāra, haywajugakahungkulandeningsinanggaḥhangśuci, tankagarapadenastrīsĕdangcāmpur, lāwa nikangpwangśudrajāti, makādipwangcaṇdala, salwiringjanmacaṇdhala, hapanikākatĕlu, wiśeṣacihnasangsiddhāśuddhabrata /// muwaḥhaywatansirahambhakṣaṇacaruningwwangmāti, muwangsakalwiraningsajisajining wwangmāti, tandadisirakapar̥ĕkengwwangmāti, nguniweḥyankagĕpokarisahupakāraningkunapa, hawyasangsingdhāntamangkana, makādiyanpanganggwasapasajiningkunapa, lāwanbĕkĕlbĕkĕlnya, harwana rwaningmāti, tanyuktihanggwanĕnirahikakabeḥ, sahananya /// lāwantamuwaḥkumwalingningśastra, tandadisirānpawyawahāra, ndanwĕnangsiramapyawahāra, ndyatadonirayanpawyawahara, ma

Leaf 10

Image on Archive.org

[ ᭑᭐ 10B] ᭑᭐᭞ ᬓᬤᭀᬦ᭄ᬓᬭᬵᬓ᭄ᬱᬓᬦᬶᬂᬤ᭄ᬭᬾᬯ᭄ᬬ᭞ᬲᬗ᭄ᬓᬾᬂᬢᬸᬳᬢᬸᬳᬗᬹᬦᬶ᭛ᬳᬶᬓᬂᬤᬺᬯ᭄ᬬᬓᬮᬶᬮᬶᬭᬦ᭄᭞ᬪᬹᬫᬶ᭞ᬦ᭄ᬤᬦ᭄‌‌‌ᬫᬗ᭄ᬓᬦᬫᬓᬢᬗ᭄ᬕ᭄ᬯᬦᬂᬓᬲᬵᬥᬸᬦ᭄᭞ᬮᬵᬯᬦ᭄ᬓᬲᬢ᭄ᬬᬦᬶᬭ᭞ᬤᬤᬶᬲᬂᬯᬶᬓᬸᬫᬯ᭄ᬬᬯᬳᬭ᭞ᬳᬬ᭄ᬯᬢᬫᬓᬵᬫ᭄ᬩᭂᬓ᭄‌‌ᬤᬸᬱ᭄ᬝ᭛ᬳ ᬧᬦ᭄‌‌‌ᬬᬦᬢ᭄ᬬᬦ᭄ᬢᬳᬸᬫᭂᬦᭂᬗᬭᬶᬧᬦᬳᬵᬲᬦᬶᬂᬧᬭᬧ᭄ᬭᬲᬗ᭄ᬖᬳᬸᬫᬮᬧ᭄‌‌ᬤ᭄ᬭᬯ᭄ᬬᬦᬶᬭᬓᬮᬶᬮᬶᬭᬦ᭄ᬲᬗ᭄ᬓᬾᬂᬢᬸᬳᬢᬸᬳ᭞ᬩ᭄ᬬᬓ᭄ᬢᬳᬶᬮᬗᬶᬓᬂᬤᬺᬯ᭄ᬬᬓᬮᬶᬮᬶᬭᬦ᭄᭞ᬤᬾᬦᬶᬂᬧᬭ᭛ᬬᬢᬳᬾᬢᬸᬦᬶᬭᬦ᭄ᬯᭂᬦᬂᬫᬧ᭄ᬬᬯᬳᬵᬭ᭛ ᬫᬸᬯᬄᬬᬦ᭄ᬫᬓᬤᭀᬦ᭄ᬓᬭᬵᬓ᭄ᬱᬓᬦᬶᬂᬲ᭄ᬢ᭄ᬭᬷᬦᬶᬭ᭞ᬧᬸᬢ᭄ᬭᬦᬶᬭ᭞ᬲᬮ᭄ᬯᬶᬭᬶᬂᬤᬺᬯ᭄ᬬᬦᬶᬭᬓ᭄ᬭᬵᬓ᭄ᬱᬵᬦᬶᬂᬧᭀᬫᬳᭀᬫᬄ᭞ᬫᬸᬯᬂᬓᬭᬵᬓ᭄ᬱᬵᬦᬶᬂᬗᬺᬯ᭄ᬬᬲᬂᬕᬸᬭᬸ᭞ᬓᬭᬵᬓ᭄ᬱᬵᬦᬶᬂᬪᬵᬃᬬ᭄ᬬᬓᬸᬝᬸᬫ᭄ᬪᬲᬂᬕᬸᬭᬸ᭞ᬢᭂᬓᬾᬂᬧᬸᬢ᭄ᬭᬧᬸᬢ᭄ᬭᬷᬦᬶᬭ᭞ᬫᬯ᭄ᬬᬯ ᬳᬵᬭᬵᬢᬲᬶᬭᬵ᭛ᬦ᭄ᬤᬦ᭄‌ᬢᬸᬳ᭄ᬯᬢᬲᬶᬭᬵᬦ᭄ᬫᬵᬚᬭᬓᭂᬦᬲᬢᬸᬳᬸᬢᬸᬳᬸᬦᬶᬂᬲ᭄ᬯᬓᬃᬫ᭄ᬫᬭᬳᬬᬸ᭞ᬬᭀᬕ᭄ᬬᬲᬶᬭᬫᬯ᭄ᬬᬧᬳᬵᬭ᭛ᬫᬯ᭄ᬬᬯᬳᬭᬧ᭄ᬯᬲᬂᬯᬶᬓᬸᬤᬾᬦᬶᬂᬧᬶᬳᬸᬢᬂ᭞ᬤᬾᬦᬶᬂᬤᬕᬗᬦ᭄᭞ᬢᬦᬸᬮᬳᬦᬶᬭᬳᬶᬓᬵ᭛ [ ᭑᭑ 11A] ᬳᬧᬦ᭄ᬢᬦᬸᬮᬳᬦᬶᬭᬲᬂᬯᬶᬓᬸᬫᬤ᭄ᬯᬮᬯᭂᬮ᭄ᬬ᭞ᬫᬧᬶᬳᬸᬢᬂᬧ᭄ᬯᬲᬶᬭᬫᬤ᭄ᬯᬮᬯᭂᬮ᭄ᬬᬳᬸᬮᬄᬦᬶᬭ᭞ᬧ᭄ᬭᬬᬢ᭄ᬦᬢᬲᬶᬭ᭞ᬢᬦ᭄ᬤᬤᬶᬫᬗᬮᬦ᭄ᬢᬭᬓᭂᬦᬧᬶᬭᬓ᭄᭞ᬘᬓ᭄ᬭᬯᬺᬤ᭄ᬥᬶ᭞ᬯ᭄ᬭᬸᬳᬭᬶᬓ᭄ᬭᬫᬦᬶᬂᬯᬤ᭄ᬯᬮᬦᬫᬸᬯᬂᬧᬯᭂᬮ᭄ᬬᬦ᭛ ᬮᬵᬯᬦᬶᬓᬂᬧᬫᬶᬢᬸᬢᬗᬦ᭞ᬫᬭᬦ᭄ᬲᬶᬭᬢᬦ᭄ᬓᬾᬯᭂᬭᬦᬶᬂᬍᬓᬲᬶᬂᬓ᭄ᬭᬬᬯᬶᬓ᭄ᬭᬬᬓᬃᬫ᭄ᬫ᭞ᬮᬵᬯᬦ᭄‌‌ᬭᬾᬡᬋᬡᬶ᭞ᬳᬧᬦᬾᬯᭂᬳᬶᬓᬂᬬᭀᬕ᭄ᬬᬧᬶᬳᬸᬢᬗᬦᬦᬾᬦᬶᬭ᭛ᬫᬢᬗ᭄ᬬᬦᬶᬗᭂᬢᬶᬗᭂᬢᬶᬦᬶᬭ᭞ᬳᬬ᭄ᬯᬳᬸᬢᬂᬳ ᬬ᭄ᬯᬧᬶᬳᬸᬢᬂ᭞ᬳᬬ᭄ᬯᬤ᭄ᬯᬮᬯᬮ᭄ᬬᬳᬫ᭄ᬩᭂᬓ᭄ᬲᬂᬧᬶᬓᬸ᭞ᬗᬸᬦᬶᬬᬸᬦᬶᬬᬦᬫᬫᬮᬶᬗ᭞ᬳᬗᬸᬢᬶᬮ᭞ᬳᬦᬬᬩ᭞ᬳᬦᬸᬫ᭄ᬧ᭄ᬯ᭞ᬫᬗᭂᬦ᭄ᬢᬮ᭞ᬲᬓᬮ᭄ᬯᬶᬭᬦᬶᬂᬳᬸᬮᬄᬢᬦ᭄ᬲᬵᬥᬸᬳᬸᬮᬄᬦᬶᬭ᭞ᬧᬢᭂᬦ᭄ᬲᬶᬭᬬᬦ᭄ᬫᬗ᭄ᬓᬦ᭛ᬳᬦ ᬧ᭄ᬯᬲᬶᬭᬦ᭄ᬧᬜᭀᬮᭀᬗᬓᭂᬩᭀ᭞ᬲᬧᬶ᭞ᬘᬾᬮᬾᬂ᭞ᬲ᭄ᬯᬵᬦ᭞ᬯᭂᬤᬸᬲ᭄᭞ᬩᬜᬓ᭄᭞ᬳᬶᬢᬶᬓ᭄᭞ᬳᬬᬫ᭄᭞ᬬᬦ᭄‌ᬯ᭄ᬯᬂᬯᬦᬾᬳᬾᬜᭀᬮᭀᬂ᭞ᬯ᭄ᬭᬸᬄᬲᬶᬭᬭᬶᬢᭀᬮᬶᬄᬦ᭄ᬬᬳᬜᭀᬮᭀᬂ᭞ᬬᬢᬢᬸᬓᬸᬦᭂᬦᬶᬭ᭞ᬫᬓᬧᬲ

Auto-transliteration

[ 10 10B] 10 kadonkarākṣakaningdrewya, sangkengtuhatuhangūni /// hikangdr̥ĕwyakaliliran, bhūmi, ndanmangkanamakatanggwanangkasādhun, lāwankasatyanira, dadisangwikumawyawahara, haywatamakāmbĕkduṣṭa /// ha panyanatyantahumĕnĕngaripanahāsaningparaprasangghahumalapdrawyanirakaliliransangkengtuhatuha, byaktahilangikangdr̥ĕwyakaliliran, deningpara /// yatahetuniranwĕnangmapyawahāra /// muwaḥyanmakadonkarākṣakaningstrīnira, putranira, salwiringdr̥ĕwyanirakrāksyāningpomahomaḥ, muwangkarāksyāningngr̥ĕwyasangguru, karāksyāningbhār̀yyakuṭumbhasangguru, tĕkengputraputrīnira, mawyawa hārātasirā /// ndantuhwatasirānmājarakĕnasatuhutuhuningswakar̀mmarahayu, yogyasiramawyapahāra /// mawyawaharapwasangwikudeningpihutang, deningdagangan, tanulahanirahikā /// [ 11 11A] hapantanulahanirasangwikumadwalawĕlya, mapihutangpwasiramadwalawĕlyahulaḥnira, prayatnatasira, tandadimangalantarakĕnapirak, cakrawr̥ĕddhi, wruharikramaningwadwalanamuwangpawĕlyana /// lāwanikangpamitutangana, maransiratankewĕraningl̥ĕkasingkrayawikrayakar̀mma, lāwanreṇar̥ĕṇi, hapanewĕhikangyogyapihutangananenira /// matangyaningĕtingĕtinira, haywahutangha ywapihutang, haywadwalawalyahambĕksangpiku, nguniyuniyanamamalinga, hangutila, hanayaba, hanumpwa, mangĕntala, sakalwiraninghulaḥtansādhuhulaḥnira, patĕnsirayanmangkana /// hana pwasiranpañolongakĕbo, sapi, celeng, swāna, wĕdus, bañak, hitik, hayam, yanwwangwaneheñolong, wruḥsiraritoliḥnyahañolong, yatatukunĕnira, makapasa

Leaf 11

Image on Archive.org

[ ᭑᭑ 11B] ᭑᭑᭞ ᬚᬶᬲᬚᬶᬘᬭᬸ᭛ᬓᬸᬦᬂᬬᬦ᭄ᬪᬓ᭄ᬱᬦᬦᬶᬭ᭞ᬧᬢᭂᬦ᭄ᬲᬶᬭᬬᬦ᭄ᬫᬗ᭄ᬓᬦ᭞ᬳᬶᬮᬗᬶᬓᬂᬓᬯᬶᬓ᭄ᬯᬦᬶᬭ᭞ᬲᬓᬮ᭄ᬯᬶᬭᬦᭂᬂᬯᭂᬦᬂᬯᭂᬦᬂᬘᬶᬦᭀᬮᭀᬗᬶᬭ᭞ᬬᬦ᭄ᬓᬵᬮᬦᬶᬓᬂᬭᬳᬶᬦ᭞ᬧᬸᬦᬄᬲᬂᬲᭂᬓᬵᬭᬦᬶᬓᬵ᭞ᬫᬲᬗ᭄ᬲᭂᬓᬭᬵᬲᬶᬭᬫᬸᬯᬄ᭞ᬦ᭄ᬤ ᬦ᭄‌ᬫᬵᬃᬬ᭄ᬬᬦᬦᬢᬦ᭄ᬯᬪᬯᬦ᭄ᬢᬫᬗ᭄ᬓᬦ᭛ᬓᬸᬦᬂᬬᬦ᭄ᬢᬦ᭄ᬫᬵᬭᬶᬧᬦ᭄ᬢᭂᬦᬶᬓᬵ᭞ᬳᬶᬮᬗᬶᬓᬂᬓᬪᬸᬚᬗ᭄ᬕᬦ᭄᭛ᬓᬸᬦᬂᬤᬾᬯᬲᬂᬯᬶᬓᬸ᭞ᬬᬦ᭄ᬓᬢᬸᬦᬦ᭄‌ᬬᬵᬢ᭄ᬭᬲᬶᬭᬭᬶᬂᬧᬭᬦ᭄ᬧᬭᬦ᭄᭞ᬢᬦ᭄ᬤᭀᬱᬲᬶᬭᬓ᭄ᬧᬵᬮᬵᬮᬧᬦ᭄᭞ᬬᬦ᭄ ᬳᬶᬫᬸᬦ᭄᭞᭓᭐᭞ᬩᬮᬶᬕᭀ᭞᭑᭞ᬧᬭᬶᬲᬫᬸᬱ᭄ᬝᬶᬕ᭄ᬭᬳ᭞ᬲᬕᭂᬕᭂᬫ᭄᭞ᬕᬗᬦ᭄ᬲᬮ᭄ᬯᬶᬭᬦ᭄ᬬ᭞ᬲᬬᬝᬵᬳᬲᬫ᭄ᬪᬯ᭞ᬦᬗ᭄ᬓ᭞᭑᭞ᬓᬮ᭄ᬯᬶᬄ᭞᭕᭞ᬫᬗ᭄ᬓᬦᬂᬲᭂᬦ᭄ᬢᬸᬮ᭄᭞ᬳᬲᬶᬂᬯᭀᬳᬦᬶᬦᬮᬧ᭄ᬦᬶᬭ᭞ᬳᬬ᭄ᬯᬚᬸᬕᬳᬓ᭄ᬯᬾᬄ᭛ᬬᬦ᭄ᬓᬸᬩ᭄ᬯ ᬦᬤᭀᬄ᭞ᬳᬸᬫᬄᬢᬦ᭄‌ᬲ᭄ᬣᬵᬦᬦᬶᬂᬕᬕᬵᬲᬯᬄ᭞ᬫᭀᬮᬶᬳᬲᬤᬸᬯᭂᬕᬶᬗᬫᬗᬦ᭄᭞ᬢᬦᬦᬳᬭᬦᬲ᭄ᬢᬾᬬᬲᬶᬭᬬᬦ᭄ᬫᬗ᭄ᬓᬦ᭛ᬓᬸᬦᬂᬬᬦᬗ᭄ᬕᬯᬳᬫᬩᭀᬢ᭄ᬩᭀᬢᬦ᭞ᬲ᭄ᬢᬾᬬᬗᬭᬳᬶᬭᬬᬦ᭄ᬫᬗ᭄ᬓᬦ᭞ᬬᭀᬕ᭄ᬬᬋᬗᬸ [ ᭑᭒ 12A] ᬢᬦᬤᬾᬲᬂᬫᬤᬺᬯ᭄ᬬ᭞ᬳᬶᬓᬶᬂᬢᬦᭂᬫ᭄ᬢᬦᭂᬫᬦ᭄᭛ᬳᬬ᭄ᬯᬲᬂᬯᬶᬓᬸᬫᬵᬮᬧ᭄‌ᬬᬦ᭄ᬢᬦᬸᬪᬬᬮᬵᬯᬦᬶᬓᬂᬫᬤᬺᬯ᭄ᬬᬢᬦᭂᬫ᭄ᬢᬦᭂᬫᬦ᭄᭞ᬬᬦ᭄ᬢᬦ᭄ᬲᭀᬪᬬᬓᬂᬤᬾᬦᬶᬦᬮᬧ᭄᭞ᬩ᭄ᬬᬓ᭄ᬢᬧᬵᬫᬫᬕᭃᬂᬢᬶᬦᭂᬫᬸᬦᬶᬭ᭞ᬍᬳᭂᬂᬬᬦ᭄ᬓᬋᬩᬸᬢ ᬦᬤᬾᬲᬂᬫᬤᬺᬯ᭄ᬬ᭞ᬳᬶᬮᬂᬧᬵᬧᬦᬶᬭ᭛ᬳᬗ᭄ᬳᬶᬂᬬᬦ᭄ᬳᬦᬧ᭄ᬯᬂᬫᬢᬸᬗ᭄ᬕᬸᬓᬸᬩ᭄ᬯᬦ᭄᭞ᬫᬧᬋᬓᬤᭀᬳᬳᬸᬯᬶ᭞ᬓᬬᭀᬕ᭄ᬬᬦᬶᬭᬳᬫᬶᬦ᭄ᬢᬵᬚᬸᬕᬭᬶᬲᬂᬫᬤᬺᬯ᭄ᬬ᭞ᬲᬧᬯᬾᬄᬦ᭄ᬬ᭞ᬲᬦ᭄ᬢᭀᬱᬢᬲᬶᬭᬳᬬ᭄ᬯᬫᬹᬃᬓ᭞ᬩ᭄ᬬᬓ᭄ᬢᬢᬦ᭄ᬧᬦᭂ ᬫᬸᬧᬵᬧ᭞ᬫᬭᬦ᭄ᬓᬭᬓ᭄ᬱᬗᬲ᭄ᬢᬾᬬᬩ᭄ᬭᬢ᭞ᬧᬜ᭄ᬘᬫᬲᬂᬳ᭄ᬬᬂᬬᬫᬩ᭄ᬭᬢ᭛ᬓᬸᬦᬗᬶᬓᬂᬲᬶᬦᬗ᭄ᬕᬸᬄᬓ᭄ᬭᭀᬥ᭞ᬗ᭟ᬧᬵᬚᬭᬓᭂᬦᬫᬗ᭄ᬓᬾ᭞ᬳᬧᬦ᭄ᬦᭀᬭᬫᬸᬲᬸᬳ᭄ᬓᬤᬶᬓ᭄ᬭᭀᬥ᭛ᬳᬦᬰ᭄ᬮᭀᬓᬓᬸᬫ᭄ᬯᬮᬶᬂᬦ᭄ᬬ᭟᭐᭟ᬦᬵᬱ᭄ᬝᬶᬯᬶ ᬤ᭄ᬬᬵᬲᬫᭀᬫᬶᬢ᭄ᬭᬄ᭞ᬦᬵᬱ᭄ᬝᬶᬓ᭄ᬭᭀᬥᬲᬫᭀᬭᬶᬧᬸᬄ᭞ᬓᬘᬧᬢ᭄ᬢ᭄ᬬᬲᬫᬲ᭄ᬦᬾᬳᬄ᭞ᬦᬘᬤᬾᬯᬵᬢ᭄ᬧᬭᬫ᭄ᬩᬮᬫ᭄᭟᭐᭟ᬓ᭟ᬦᭀᬭᬫᬶᬢ᭄ᬭᬧᬥᬮᬵᬯᬦ᭄‌ᬯᬶᬤ᭄ᬬᬰᬵᬲ᭄ᬢ᭄ᬭ᭞ᬳᬧᬦ᭄ᬮᭀᬢᬢᬶᬦᬶᬂᬫᬶᬢ᭄ᬭᬲᬧᬯᬭᬄᬲᬂᬳ᭄ᬬᬂᬰᬵ

Auto-transliteration

[ 11 11B] 11 jisajicaru /// kunangyanbhakṣananira, patĕnsirayanmangkana, hilangikangkawikwanira, sakalwiranĕngwĕnangwĕnangcinolongira, yankālanikangrahina, punaḥsangsĕkāranikā, masangsĕkarāsiramuwaḥ, nda nmār̀yyananatanwabhawantamangkana /// kunangyantanmāripantĕnikā, hilangikangkabhujanggan /// kunangdewasangwiku, yankatunanyātrasiraringparanparan, tandoṣasirakpālālapan, yan himun 30 baligo 1 parisamuṣṭigraha, sagĕgĕm, gangansalwiranya, sayaṭāhasambhawa, nangka 1 kalwiḥ 5 mangkanangsĕntul, hasingwohaninalapnira, haywajugahakweḥ /// yankubwa nadoḥ, humaḥtansthānaninggagāsawaḥ, molihasaduwĕgingamangan, tananaharanasteyasirayanmangkana /// kunangyananggawahamabotbotana, steyangarahirayanmangkana, yogyar̥ĕngu [ 12 12A] tanadesangmadr̥ĕwya, hikingtanĕmtanĕman /// haywasangwikumālapyantanubhayalāwanikangmadr̥ĕwyatanĕmtanĕman, yantansobhayakangdeninalap, byaktapāmamagöngtinĕmunira, l̥ĕhĕngyankar̥ĕbuta nadesangmadr̥ĕwya, hilangpāpanira /// hanghingyanhanapwangmatunggukubwan, mapar̥ĕkadohahuwi, kayogyanirahamintājugarisangmadr̥ĕwya, sapaweḥnya, santoṣatasirahaywamūr̀ka, byaktatanpanĕ mupāpa, marankarakṣangasteyabrata, pañcamasanghyangyamabrata /// kunangikangsinangguḥkrodha, nga. pājarakĕnamangke, hapannoramusuhkadikrodha /// hanaślokakumwalingnya. 0. nāṣṭiwi dyāsamomitraḥ, nāṣṭikrodhasamoripuḥ, kacapattyasamasnehaḥ, nacadewātparambalam. 0. ka. noramitrapadhalāwanwidyaśāstra, hapanlotatiningmitrasapawaraḥsanghyangśā

Leaf 12

Image on Archive.org

Leaf 13

Image on Archive.org

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org