Gaguritan Pakangraras 01
This page has been accessed 34,102 times.
Description
Bahasa Indonesia
English
Front and Back Covers
[PERPUSTAKAAN
KTR.DOKBUD BALI
PROP. BALI
G/XI/14/DOKBUD
Judul : GAGURITAN PAKANG RARAS
Panj. 35 cm. Leb. 3,4 cm. Jlm. 107 lb.
Asal : Kubutambahan, Buleleng.]
[᭑ 1A]
[Judul : GAGURITAN PAKANG RARAS
Panj. 35 cm. Leb. 3,4 cm. Jlm. 107 lb.
Asal : Kubutambahan, Buleleng.]
Auto-transliteration
[PERPUSTAKAAN
KTR.DOKBUD BALI
PROP. BALI
G/XI/14/DOKBUD
Judul : GAGURITAN PAKANG RARAS
Panj. 35 cm. Leb. 3,4 cm. Jlm. 107 lb.
Asal : Kubutambahan, Buleleng.]
[1 1A]
[Judul : GAGURITAN PAKANG RARAS
Panj. 35 cm. Leb. 3,4 cm. Jlm. 107 lb.
Asal : Kubutambahan, Buleleng.]Leaf 1
[᭑ 1B]
᭑
᭚᭐᭚ᬒᬁᬆᬯᬶᬖ᭄ᬦᬵᬫᬲ᭄ᬢᬸ᭚᭐᭚ᬧᬸᬄᬕᬶᬦᬥ᭟᭐᭟ᬳᬤᬓᬶᬤᬸᬂᬲᬢ᭄ᬯᬫᭂᬮᬄ᭞ᬢᬸᬢᬹᬃᬫᬮᬢᬾᬓᬲᭂᬫ᭄ᬩᬶᬃ᭞ᬫᬢᭂᬫ᭄ᬩᬂᬕᬶᬦᬥᬋᬓᭀ᭞ᬦᬗ᭄ᬳᬶᬂ
ᬢ᭄ᬯᬭᬧᬢᬶᬫᬸᬧᬸᬄ᭞ᬲᬸᬤᬸᬓᬾᬓᬢᬳᬦ᭄ᬲᬶᬗ᭄ᬲᬮ᭄᭞ᬤᬾᬯᬕᬸᬲ᭄ᬢᬶ᭞ᬆᬓ᭄ᬱᬫᬢᬶᬢ᭄ᬬᬂᬫᬜᬸᬭᬢ᭄᭟ᬘᬶᬸᬲᬂᬧ᭄ᬭᬪᬸᬭᬶᬂᬚᬗ᭄ᬕᬮ᭞ᬳᬕᬸᬗᬾᬫᬜᬓ᭄ᬭ
ᬯ᭄ᬭᬢ᭄ᬢᬶ᭞ᬫᬩᬮᬦ᭄ᬤᬢᬦ᭄ᬧᬳᬶᬗᬦ᭄᭞ᬫᬤᬸᬯᬾᬧᬸᬢ᭄ᬭᬳᬳᬸᬓᬸᬤ᭄᭞ᬫᬧᬲᬾᬗᬦ᭄ᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬳᬦᭀᬫᬮᬶᬢ᭄᭞ᬯᬯᬸᬳᬶᬤᬫᬤᬸᬯᬾ
ᬫᬾᬦ᭄ᬤ᭄ᬭ᭟ᬓᬤᬶᬳ᭄ᬬᬂᬲ᭄ᬫᬭᬗᬶᬦ᭄ᬤᬭᬢ᭄᭞ᬭᬸᬧᬦᬾᬢ᭄ᬯᬭᬫᬥᬾᬦᬶᬦ᭄᭞ᬬᬾᬦᬶᬲᬲᭀᬭᬶᬂᬅᬓᬕ᭞ᬢᭀᬂᬳᬤᬭᬢᬸᬫᬫᬦ᭄ᬤᬸᬂ᭞ᬲᬓᬤᬶᬭᬶᬂᬯᬃᬡ᭄ᬦᬵ
[᭒ 2A]
ᬦᬶᬤ᭞ᬢᬸᬳᬸᬍᬯᬶᬄ᭞ᬩᬕᬸᬲᬾᬗᬜᬸᬤᬂᬫᬦᬄ᭟ᬧᬭᬳᬶᬲ᭄ᬢ᭄ᬭᬶᬓᬢᬄᬓᬲ᭄ᬫᬭᬦ᭄᭞ᬧᬥᬮᬸᬮᬸᬢ᭄ᬢᬺᬱ᭄ᬡᬾᬂᬓᬲᬶᬄ᭞ᬤᬶᬚᬗᬫᬶᬯᬄᬤᬶᬚ᭄ᬭᭀ᭞ᬢ᭄ᬯᬩ
ᬚᬂᬮᬶᬬᬸᬩᬸᬤᬸᬄ᭞ᬲᬦᬾᬢ᭄ᬯᬩᬸᬯᬶᬦ᭄ᬧᬫᬤᬢ᭄᭞ᬫᬶᬮᬸᬗᬶᬤᬶᬄ᭞ᬢ᭄ᬯᬭᬗᬲᬾᬦ᭄ᬤᬶᬕᬶᬧᭀᬗ᭄ᬤᬂ᭟ᬩᬶᬦᬮ᭄ᬤᬶᬭᬂᬚᬶᬩ᭄ᬭᬕ᭄ᬚᬶᬩ᭄ᬭᬕ᭄᭞ᬗᬗ᭄ᬕᭀᬓᬵᬭ
ᬩ᭄ᬫᬯᬗᬶᬯᬗᬶ᭞ᬓᬤᬾᬦ᭄ᬤᬾᬯᬾᬓᬾᬩᬚᬂᬳᭂᬜᭀᬫ᭄᭞ᬗᬯᬾᬢᬶᬗ᭄ᬓᬄᬢᬦ᭄ᬤᬂᬳᬬᬸ᭞ᬍᬩᬶᬳᬦ᭄ᬢᭂᬓᬾᬦᬶᬂᬚᬩ᭞ᬫᬗᬸᬦ᭄ᬓᬸᬗᬶᬦ᭄᭞ᬫᬩᬸᬗ᭄ᬤᬵ
Auto-transliteration
[1 1B]
1
// 0 // oṁāwighnāmastu // 0 // puḥginadha. 0. hadakidungsatwamĕlaḥ, tutūr̀malatekasĕmbir̀, matĕmbangginadhar̥ĕko, nanghing
twarapatimupuḥ, sudukekatahansingsal, dewagusti, ākṣamatityangmañurat. c̶sangprabhuringjanggala, hagungemañakra
wratti, mabalandatanpahingan, maduweputrahahukud, mapasenganmantrikoripan, hanomalit, wawuhidamaduwe
mendra. kadihyangsmarangindarat, rupanetwaramadhenin, yenisasoringakaga, tonghadaratumamandung, sakadiringwar̀ṇnā
[2 2A]
nida, tuhul̥ĕwiḥ, bagusengañudangmanaḥ. parahistrikataḥkasmaran, padhaluluttr̥ĕṣṇengkasiḥ, dijangamiwaḥdijro, twaba
jangliyubuduḥ, sanetwabuwinpamadat, milungidiḥ, twarangasendigipongdang. binaldirangjibragjibrag, nganggokāra
bmawangiwangi, kadendewekebajanghĕñom, ngawetingkaḥtandanghayu, l̥ĕbihantĕkeningjaba, mangunkungin, mabungdāLeaf 2
[᭒ 2B]
᭒
ᬫᬜᬸᬫ᭄ᬧᭂᬦ᭞ᬢᬸᬭᬸᬦᬶᬦ᭄ᬭᬢᬶᬄ᭞ᬕᭂᬮᬶᬲ᭄ᬫᬢᬗᬶᬭᬳᬤ᭄ᬬᬦ᭄᭟ᬢᬸᬫᬸᬮ᭄ᬬᬯᬢᬲ᭄ᬭᬳᬶᬦ᭞ᬭᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬫᬶᬚᬶᬮ᭄᭞ᬫᭂᬤᬮ᭄ᬳᬶᬤᬓᬩᬜ᭄ᬘᬶ
ᬗᬄ᭞ᬫᬗ᭄ᬭᬯᭀᬲ᭄ᬮᬸᬗ᭄ᬳᬵᬫᬩᬸᬭᬸ᭞ᬧ᭄ᬭᬩᭂᬓᭂᬮ᭄ᬫᬶᬯᬄᬧᬋᬓᬦ᭄᭞ᬓᬢᬄᬗᬶᬭᬶᬂ᭞ᬢ᭄ᬯᬭᬤᬫᬶᬮᬶᬳᬶᬦ᭄ᬤᬶᬦ᭟ᬧᬃᬫᬗ᭄ᬓᬶᬦᬶᬤᬮᬸᬗ᭄ᬳᬵ᭞ᬢᬸᬫᬸᬮᬶᬭᬭᬶᬲ᭄ᬫᬫᬃ
ᬕ᭄ᬕᬶ᭞ᬲᬳᬲᬜ᭄ᬚᬢᬫ᭄ᬯᬂᬩᬲᭀᬂ᭞ᬧᬸᬦ᭄ᬢᬚ᭄ᬭᭀᬥᬾᬄᬓᬃᬣᬮᬢᬸᬫᬸᬢ᭄᭞ᬧᬫᬃᬕ᭄ᬕᬶᬢᬦ᭄ᬧᬭᬃᬬ᭄ᬬᬦ᭄᭞ᬕ᭄ᬮᬶᬲ᭄ᬧ᭄ᬭᬧ᭄ᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬭᬶᬂᬳᬮᬵ
ᬲ᭄᭟ᬲᬢᭂᬓᬦᬾᬫᬭᬶᬂᬳᬮᬲ᭄᭞ᬓᬢᬄᬩᬸᬭᭀᬦᬾᬓᬧᬗ᭄ᬕᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬕᭂᬮᬶᬲ᭄ᬗᬦ᭄ᬤᬶᬓ᭞ᬓᭂᬫᬓᬓᬧᬥᬗᭂᬧᬸᬂ᭞ᬧᬗᬶᬭᬶᬗᬾᬫ
[᭓ 3A]
ᬢᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬾᬯ᭟ᬧᬗᬶᬭᬶᬗᬾᬭᬭᬶᬲ᭄ᬩᬮᬄ᭞ᬳᬤᬶᬭᬶᬢ᭄ᬯᬭᬤᬓᬭᬶ᭞ᬢᭂᬮᬲ᭄ᬩᬸᬗ᭄ᬓᬄᬢᭂᬓᬦᬶᬂ
ᬗᬲᭀᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬭᬕᬓᬦ᭄ᬢᬸᬦ᭄᭞ᬫᬗᬤᭂᬕ᭄ᬩᬢᬦ᭄ᬓᬭᭀᬬ᭞ᬢᬶᬢᬄᬕᬦ᭄ᬢᬶ᭞ᬲᬂᬓᬯᬶᬫᬫᬦ᭄ᬢᭂᬲᬂ᭟ᬤᬾᬦᬶᬕ᭄ᬲᬫ᭄ᬧᬸᬦ᭄ᬲᬧᬸᬦᬶᬓᬵ᭞
ᬭᬭᬶᬲ᭄ᬭᬯᬸᬄᬳᬸᬚᬦ᭄ᬳᬗᬶᬦ᭄᭞ᬧᭂᬢᭂᬂᬩᬸᬢ᭄ᬫᬓᬸᬍᬓᬦ᭄᭞ᬓᬢᬄᬢᬭᬸᬲᭂᬫ᭄ᬧᬮ᭄ᬩᭂᬭᬸᬕ᭄᭞ᬳᬓᬾᬄᬧᬸᬗ᭄ᬓᬢ᭄ᬧᬚᬸᬮᬶᬫ᭄ᬧᬂ᭞ᬲᬮᬶᬂᬢᬶᬦ᭄ᬤᬶᬄ᭞ᬭᬤᬾ
ᬦ᭄ᬫᬦ᭄ᬢ᭄ᬭᬶᬓᬘᬭᬶᬢ᭟ᬢᬦ᭄ᬫᬾᬮᬶᬂᬢᭂᬓᬾᬦᬶᬦ᭄ᬭᬕ᭞ᬓᬕᬸᬮᬸᬂᬩᬳᬦ᭄ᬳᬸᬚᬦ᭄ᬳᬗᬶᬦ᭄᭞ᬓᬤᬶᬓᬧᬸᬓᬾᬲᬮᬫ᭄ᬩᬵ᭞ᬓᬳᬫ᭄ᬧᭂᬳᬂᬩᬳᬦ᭄ᬳᬯᬸᬲ᭄᭞
Auto-transliteration
[2 2B]
2
mañumpĕna, turuninratiḥ, gĕlismatangirahadyan. tumulyawatasrahina, radenmantrirarismijil, mĕdalhidakabañci
ngaḥ, mangrawoslunghāmaburu, prabĕkĕlmiwaḥpar̥ĕkan, kataḥngiring, twaradamilihindina. par̀mangkinidalunghā, tumulirarismamar̀
ggi, sahasañjatamwangbasong, puntajrodheḥkar̀thalatumut, pamar̀ggitanparar̀yyan, glisprapti, radenmantrimaringhalā
s. satĕkanemaringhalas, kataḥburonekapanggiḥ, radenmantrigĕlisngandika, kĕmakakapadhangĕpung, pangiringema
[3 3A]
tur̀sĕmbaḥ, tityangngiring, sandikancokor̀hidewa. pangiringerarisbalaḥ, hadiritwaradakari, tĕlasbungkaḥtĕkaning
ngasong, radenmantringaragakantun, mangadĕgbatankaroya, titaḥganti, sangkawimamantĕsang. denigsampunsapunikā,
rarisrawuḥhujanhangin, pĕtĕngbutmakul̥ĕkan, kataḥtarusĕmpalbĕrug, hakeḥpungkatpajulimpang, salingtindiḥ, rade
nmantrikacarita. tanmelingtĕkeninraga, kagulungbahanhujanhangin, kadikapukesalambā, kahampĕhangbahanhawus,Leaf 3
[᭓ 3B]
᭓
ᬓᬩᬓ᭄ᬢᬲᬧᬭᬦ᭄ᬧᬭᬦ᭄᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬢᬶᬩᬫᬭᬶᬂᬢᬫᬦ᭄ᬤᭂᬳ᭟᭠ᬢᬦ᭄ᬓᭀᬘᬧᬦ᭄ᬫᬭᬶᬂᬢᬫᬦ᭄᭞ᬓᭀᬘᬧ᭄ᬧ᭄ᬭᬩᭂᬓᭂᬮᬾᬫᬗ᭄ᬓᬶᬦ᭄᭞ᬲᬳᬶᬮᬂ
ᬧᭂᬢᭂᬗᬾᬋᬓᭀ᭞ᬭᬤᬾᬦ᭄ᬫᬦ᭄ᬢ᭄ᬭᬶᬢ᭄ᬯᬭᬓᬦ᭄ᬢᬸᬦ᭄᭞ᬕᭂᬮᬶᬲ᭄ᬤᬦᬾᬧᬥᬵᬮᬸᬗ᭄ᬳᬵ᭞ᬫᬗᬸᬮᬢᬶ᭞ᬲᬢᬶᬩᬧᬭᬦᬾᬓᭀᬘᬧ᭄᭟ᬧᬦ᭄ᬢᬵᬓᬃᬣᬮᬓ?
ᬮᬯᬦ᭄᭞ᬚᬭᬸᬥᬾᬄᬲᬋᬂᬫᬫᬃᬕ᭄ᬕᬶ᭞ᬫᬗᭂᬮᬶᬂᬫᬲᬲᬫ᭄ᬩᬢᬦ᭄᭞ᬤᬶᬚᬳᬭᬢᬸᬫᬮᬸᬗ᭄ᬕᬄ᭞ᬤᬾᬯᬩᬕᬸᬲ᭄ᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬤᬶᬚᬦᬚ
ᬦᬶᬭᬸᬭᬸᬄᬢᬶᬢ᭄ᬬᬂ᭟ᬬᬦ᭄ᬩᭀᬬᬓᭂᬦᬓᬧᭂᬦ᭄ᬤᬓ᭄᭞ᬲᬸᬓᬢᬶᬢ᭄ᬬᬂᬗᭂᬫᬲᬶᬦ᭄ᬫᬢᬶ᭞ᬤ᭄ᬬᬧᬶᬦ᭄ᬢᬶᬢ᭄ᬬᬂᬫᬗ᭄ᬕᬶᬄᬓᬯᭀᬦ᭄᭞ᬦᬾᬦ᭄ᬢᭂᬦ᭄ᬢᬶᬢ᭄ᬬᬂᬓᬲᬳᬶᬂᬭ
[᭔ 4A]
ᬢᬸ᭞ᬩ᭄ᬬᬓ᭄ᬢᬧᬧᬓᬚᬦ᭄ᬢᬓ᭞ᬢᬶᬢ᭄ᬬᬂᬩᬭᬂ᭞ᬬ᭄ᬬᬤᬶᬦ᭄ᬢᬶᬩᬫᬭᬶᬂᬓᬯᬄ᭟ᬢᬦ᭄ᬓᭀᬘᬧ᭄ᬧᬸᬦ᭄ᬢᬓᬃᬣᬮ᭞ᬓᭀᬘᬧ᭄ᬧ᭄ᬭᬩᭂᬓᭂᬮ᭄ᬧᬮ᭄ᬧᬥᬫᬸᬮᬶᬄ᭞ᬲᬭ
ᬯᬸᬳᬾᬭᬶᬂᬦᬕᬭ᭞ᬫᬗ᭄ᬭᬭᬶᬲ᭄ᬓᬰ᭄ᬭᭀᬳᬕᬸᬂ᭞ᬕᭂᬮᬶᬲ᭄ᬫᬸᬗ᭄ᬕᬄᬭᬶᬂᬩᬜ᭄ᬘᬶᬗᬄ᭞ᬲᬫᬶᬲᭂᬤᬶᬄ᭞ᬫᬢᬸᬃᬲᭂᬫ᭄ᬩᬄᬭᬶᬂᬲᬂᬦᬵᬣ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬓᬾ
ᬓ᭄ᬓᬾᬦ᭄ᬓ᭄ᬭᬡᬤᬤᬶᬲᭂᬤᬶᬄ᭞ᬧ᭄ᬭᬩᭂᬓᭂᬮᬾᬫᬢᬸᬃᬲᬶᬕ᭄ᬲᬶᬕᬦ᭄᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬲᬗᬳᬸᬮᬸᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬕᬸᬂᬲᬫ᭄ᬧᬸᬭ᭞ᬫᬢᬸᬃᬲᬶᬲᬶᬧ᭄᭞ᬢ᭄ᬯᬦ᭄ᬫᬦ᭄ᬢ᭄ᬭᬶ
ᬳᬶᬤᬳᬶᬘᬮ᭄᭟ᬲᭂᬤᭂᬓ᭄ᬢᬶᬢ᭄ᬬᬂᬗᭂᬧᬸᬂᬓᬶᬤᬂ᭞ᬭᬭᬶᬲ᭄ᬭᬯᬸᬄᬳᬸᬚᬦ᭄ᬳᬗᬶᬦ᭄᭞ᬧᭂᬢᭂᬂᬮᬶᬤᭂᬕ᭄ᬢᬦ᭄ᬢᭀᬦ᭄ᬢᬶᬫ᭄ᬧᬮ᭄᭞ᬳᬓᬾᬄᬓᬬᬸᬧᬸᬗ᭄ᬓᬢ᭄ᬳᭂᬭᬸ᭠
Auto-transliteration
[3 3B]
3
kabaktasaparanparan, gĕlisprapti, tibamaringtamandĕha. ‐tankocapanmaringtaman, kocapprabĕkĕlemangkin, sahilang
pĕtĕnger̥ĕko, radenmantritwarakantun, gĕlisdanepadhālunghā, mangulati, satibaparanekocap. pantākar̀thalaka?
lawan, jarudheḥsar̥ĕngmamar̀ggi, mangĕlingmasasambatan, dijaharatumalunggaḥ, dewabagusgustintityang, radenmantri, dijanaja
niruruḥtityang. yanboyakĕnakapĕndak, sukatityangngĕmasinmati, dyapintityangmanggiḥkawon, nentĕntityangkasahingra
[4 4A]
tu, byaktapapakajantaka, tityangbarang, yyadintibamaringkawaḥ. tankocappuntakar̀thala, kocapprabĕkĕlpalpadhamuliḥ, sara
wuheringnagara, mangrariskaśrohagung, gĕlismunggaḥringbañcingaḥ, samisĕdiḥ, matur̀sĕmbaḥringsangnātha. sangprabhurarisngandika, ke
kkenkraṇadadisĕdiḥ, prabĕkĕlematur̀sigsigan, gustintityangsangahulun, tityangnunasgungsampura, matur̀sisip, twanmantri
hidahical. sĕdĕktityangngĕpungkidang, rarisrawuḥhujanhangin, pĕtĕnglidĕgtantontimpal, hakeḥkayupungkat'hĕru‐
