Kawiswara Gaguritan
This page has been accessed 11,970 times.
Description
Bahasa Indonesia
English
Front and Back Covers
Leaf 1
[᭑ 1B]
᭑
᭚᭜᭚ᬳᬢᬹᬃᬢᬶᬢ᭄ᬬᬂᬭᬶᬂᬳᬶᬭᬢᬸ᭟ᬅᬯᬶᬖ᭄ᬦᬫᬲ᭄ᬢᬸᬦᬫᬲᬶᬯᬬᬵ᭞ᬲᬦᬾᬫᬮᬶᬗ᭄ᬕᬭᬶᬂᬘᬃᬫ᭄ᬫᬓᭀᬃᬘᬶᬓᬳᬭᬦᬾᬓᬶ᭞ᬭᬶᬳᬸᬢᬭ᭠
ᬧᬺᬦᬄᬳᬶᬭᬫᬮᬶᬄᬲᬂᬕᬃᬕ᭄ᬕᬭᬶᬂᬤᬕᬶᬂ᭞ᬭᬶᬂᬤᬓ᭄ᬱᬶᬡᬧᬺᬦᬄᬳᬶᬓᬶ᭞ᬫᬾᬲ᭄ᬢ᭄ᬭᬶᬭᬶᬂᬳᭀᬢᭀᬢ᭄ᬳᬮᬸᬗ᭄ᬕᬸᬄ᭞ᬭᬶᬂᬧᬹᬃᬯ᭄ᬯᬮᬶᬗ᭄ᬕᬶᬄᬳᬶᬭᬵ᭞᭠
ᬓᬹᬭᬸᬱ᭄ᬬᬭᬶᬂᬩᬮᬸᬂᬳᬶᬓᬶ᭞ᬓᬸᬮᭀᬦ᭄ᬤᬶᬢᬸ᭞ᬮᬸᬗ᭄ᬕᬸᬄᬜᬦᬾᬢᭀᬳᬾᬮᬶᬗᬂ᭟ᬲᬂᬧ᭄ᬭᬢᬵᬜ᭄ᬚᬮᬵᬤᬾᬢᬵ᭞ᬭᬶᬂᬲᬸᬫ᭄ᬱᬸᬫ᭄ᬲᬶᬭᬳᬮᬶ
ᬦ᭄ᬕᬶᬄ᭞ᬭᬶᬫᬤ᭄ᬬᬧᬺᬦᬄᬳᬶᬭ᭞ᬦᬾᬭᬶᬂᬚᬚ᭄ᬭᭀᬯᬦ᭄ᬳᬮᬶᬗ᭄ᬕᬶᬄ᭟ᬦᬗᬶᬂᬓᭀᬮᬶᬦ᭄ᬢᬂᬳᬧᬶᬗᬶᬢ᭄᭞ᬳᬚᬯᬾᬭᬵᬳᬚᬘᬯᬸᬄ᭞ᬬᬳᬶ᭠
[᭒ 2A]
ᬮᬵᬂᬳᬶᬮᬵᬤᬳᬢ᭄᭞ᬯᭀᬂᬲᬶᬯᬬᬵᬕᬗ᭄ᬬᬂᬕᬶᬦ᭄ᬥᬶ᭞ᬤᬳᬢ᭄ᬓᬾ᭠ᬯᬸᬄ᭞ᬫᬦᬹᬱᬵᬢᬦ᭄ᬓᬾᬦᬾᬂᬓᬮ᭄ᬧᬵ᭟ᬲᬂᬤᬾᬯᬦᬯᬲᬗ᭄ᬳᬵ᭞ᬫ᭄ᬢᬸᬢᬵᬲᬂᬳ᭄ᬬᬂ
ᬮᬶᬗ᭄ᬕᬶᬄ᭞ᬭᬶᬂᬧᬧᬸᬲ᭄ᬯᬦ᭄ᬳ᭄ᬬᬂᬇᬰ᭄ᬯᬭᬵ᭞ᬯᬃᬡ᭄ᬦᬦ᭄ᬳᬶᬤᬵᬲ᭄ᬯᬾᬢ᭄ᬣᬳ᭄ᬦᬶᬂᬩᬚᬺᬱᬜ᭄ᬚᬢᬦᬾᬳᬶᬓᬶ᭞ᬭᬶᬂᬧᬥ᭄ᬫᬲᬦᬵᬳᬮᬸᬗ᭄ᬕᬸᬄ᭞ᬫᬳᬵᬤᬾᬯᬵ
ᬦᬾᬓᭀᬘᬧᬵ᭞ᬭᬶᬂᬉᬗ᭄ᬲᬶᬮᬦ᭄ᬳᬸᬗ᭄ᬕ᭄ᬯᬦᬾᬓᬶ᭞ᬓᬸᬮᭀᬦ᭄ᬥᬶᬢᬸᬫᬮᬶᬗ᭄ᬕᬓᬸᬦᬶᬂᬓᬯᬃᬡ᭄ᬦ᭟ᬫᬲᭂᬦ᭄ᬳᬢᬵᬦᬕᬵᬧᬲᬄ᭞ᬩ᭄ᬭᬳ᭄ᬫᬵᬗ᭄ᬕᭀᬦᬾ᭠
ᬭᬶᬂᬅᬢᬶ᭞ᬫᬭᬶᬂᬓᬶᬤᬸᬮ᭄ᬧ᭄ᬭᬦᬄᬳᬶᬤᬵ᭞ᬳᬩᬂᬫᬸᬭᬸᬩ᭄ᬯᬃᬦᬦᬾ᭠ᬓᬶ᭞ᬕᬤᬵᬲᬜ᭄ᬚᬢ᭄ᬣᬵᬍᬯᬶᬄ᭞ᬲᬶᬭᬓᬂᬫᬤ᭄ᬬᬳᬮᬸᬗ᭄ᬕᬸᬄ᭞ᬧᬥ᭄ᬫᬲᭂᬜ᭄ᬚ
Auto-transliteration
[1 1B]
1
// • // hatūr̀tityangringhiratu. awighnamastunamasiwayā, sanemalinggaringcar̀mmakor̀cikaharaneki, rihutara‐
pr̥ĕnaḥhiramaliḥsanggar̀ggaringdaging, ringdaksyiṇapr̥ĕnaḥhiki, mestriringhotot'halungguḥ, ringpūr̀wwalinggiḥhirā, ‐
kūruṣyaringbalunghiki, kulonditu, lungguḥñanetohelingang. sangpratāñjalādetā, ringsumsyumsirahali
n'giḥ, rimadyapr̥ĕnaḥhira, neringjajrowanhalinggiḥ. nangingkolintanghapingit, hajawerāhajacawuḥ, yahi‐
[2 2A]
lānghilādahat, wongsiwayāgangyanggindhi, dahatke‐wuḥ, manūsyātankenengkalpā. sangdewanawasanghā, mtutāsanghyang
linggiḥ, ringpapuswanhyangiśwarā, war̀ṇnanhidāswetthahningbajr̥ĕṣañjatanehiki, ringpadhmasanāhalungguḥ, mahādewā
nekocapā, ringungsilanhunggwaneki, kulondhitumalinggakuningkawar̀ṇna. masĕnhatānagāpasaḥ, brahmānggone‐
ringati, maringkidulpranaḥhidā, habangmurubwar̀nane‐ki, gadāsañjatthāl̥ĕwiḥ, sirakangmadyahalungguḥ, padhmasĕñjaLeaf 2
[᭒ 2B
᭒
ᬢᬦ᭄ᬳᬶᬥᬵ᭞ᬩ᭄ᬭᬸᬦ᭄ᬩᬸᬦ᭄ᬯᬃᬡ᭄ᬦᬦᬾᬍᬯᬶᬄ᭞ᬲᬂᬳ᭄ᬬᬂᬯᬶᬱ᭄ᬡᬸᬭᬶᬂᬳᬫ᭄ᬧ᭄ᬭᬸ᭠ᬲᬶᬭᬫᬮᬶᬗ᭄ᬕᬵ᭟ᬭᬶᬂᬮᭀᬃᬧᬺᬦᬄᬇᬤᬵ᭞ᬳᬶᬋᬃᬧ᭄ᬢᭂᬂᬯᬃᬡ᭄ᬦᬦᬾᬓᬶ᭞ᬳ᭠
ᬮᬸᬗ᭄ᬕᬸᬄᬭᬶᬂᬘᬓᬺᬱᬡ᭄ᬦ᭞ᬫᬲᬜ᭄ᬚᬢ᭄ᬣᬘᬓᬺᬍᬯᬶᬄ᭞ᬲᬫ᭄ᬩᬸᬭᬶᬂᬛᬃ᭠ᬲᬦ᭄ᬬ᭞ᬦᬾᬓᬶ᭞ᬧᬺᬦᬄᬳᬶᬭᬭᬶᬂᬧᬧᬭᬸ᭞ᬢ᭄ᬭᬶᬰᬸᬮᬵᬲᬜ᭄ᬚᬢᬦ᭄ᬳᬶᬭᬵ᭞᭠
ᬯᬃᬡ᭄ᬦᬩᬶᬭᬸᬢ᭄ᬯᬶᬚᬢᬶ᭞ᬧ᭄ᬢᭂᬂᬮᬶᬧᬸᬢ᭄᭞ᬓᬾᬘᬵᬧᬦ᭄ᬫᬭᬶᬂᬫ᭄ᬫᭀᬕ᭄ᬕ᭟ᬫᬳᬶᬘᭀᬭᬵᬫᬭᬶᬂᬕ᭄ᬦᬾᬬᬵᬦ᭄᭞ᬯᬃᬡ᭄ᬦᬤᬥᬸᬫᬾᬕ᭄ᬕᬵᬢᬸᬯᬵ᭞ᬭᬶᬂᬯᬥᬸ
ᬓ᭄ᬳᬗ᭄ᬕᬵᬦᬶᬭ᭞ᬤᬸᬧᬵᬤᬜ᭄ᬚᬢ᭄ᬣᬦᬶᬭᬾᬓᬶ᭞ᬲᬂᬳ᭄ᬬᬂᬮᬹᬤᬺᬭᬶᬂᬦ᭠ᬭᬶᬓᬶ᭞ᬢᬸᬫᬧᬸᬓᬶᬂᬳᬢᬶᬳᬮᬸᬗ᭄ᬕᬸᬄ᭞ᬫᭀᬓ᭄ᬱᬮᬵᬲᬜ᭄ᬚᬢᬦᬶᬭ᭞᭠
[᭓ 3A]
ᬚᬶᬗ᭄ᬕᬯᬃᬡ᭄ᬦᬦᬾᬢᬹᬃᬳᬰ᭄ᬭᬶ᭞ᬓᬚᬓᬯᬸᬄ᭞ᬮᬶᬗ᭄ᬕᬶᬄᬪᬝᬵᬭᬲᬗ᭄ᬓ᭠ᬭᬵ᭟ᬫᬮᬶᬗ᭄ᬕᬳᬶᬤᬵᬭᬶᬂᬮᬶᬫ᭄ᬧᬵ᭞ᬳᬶᬚᭀᬯᬃᬡ᭄ᬦᬦᬾᬭᬶᬓᬶ᭞ᬳᬗ᭄ᬓᬸᬲᬜ᭄ᬚ
ᬢᬦ᭄ᬳᬶᬘ᭞ᬭᬶᬂᬫᬤ᭄ᬬᬰᬶᬯᬵᬳᬮᬶᬗ᭄ᬕᬶᬄ᭞ᬳᬯᭀᬃᬯᬶᬦ᭄ᬢᭂᬦ᭄ᬍᬯᬶᬄ᭞ᬢ᭄ᬭᬶᬲᬓ᭄ᬱᬭᬤᬘᬶᬦ᭄ᬳᬶᬧᬸᬦ᭄᭞ᬤᬾᬦᬶᬂᬧᬸᬢᬸᬲᬶᬂᬳᬚ᭄ᬜᬡ᭄ᬦ᭞ᬫᬕᭂᬦᬄᬩᬸ
ᬗ᭄ᬓᬳᬶᬂᬳᬢᬶ᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬦᬶᬓᬯᬶᬲᬾᬰᬵᬉᬢ᭄ᬢᬫ᭟ᬳᬧ᭠ᬦ᭄ᬬᬚᬢᬶᬯᬶᬲᬾᬰᬵ᭞ᬲᬗ᭄ᬓᬦ᭄ᬲᭂᬗ᭄ᬓᭂᬩᬦ᭄ᬫᬗᬾᬲ᭄ᬢᬶ᭞ᬦᬯᬵᬲᬗ᭄ᬳᬢᭀᬳᬶ
ᬮᬶᬗᬦ᭄᭞ᬉᬗ᭄ᬕ᭄ᬯᬦ᭄ᬬᬩᬶᬲᬫᭂᬲᬮᬶᬦ᭄᭞ᬦᬾᬚᬦᬶᬓ᭄ᬦᭂᬳᬂᬩ᭄ᬯᬶᬦ᭄᭞ᬧᬜᬶᬫ᭄ᬧᭂᬦᬦ᭄ᬜᬦᬾᬭᬸᬭᬸᬄ᭞ᬳᬧᬂᬩᬶᬲᬓᬾᬦᬾᬓᬾᬢᭀ᭞ᬬᬦ᭄ᬢ᭠
Auto-transliteration
[2 2B
2
tanhidhā, brunbunwar̀ṇnanel̥ĕwiḥ, sanghyangwiṣṇuringhampru‐siramalinggā. ringlor̀pr̥ĕnaḥidā, hir̥ĕr̀ptĕngwar̀ṇnaneki, ha‐
lungguḥringcakr̥ĕṣaṇna, masañjatthacakr̥ĕl̥ĕwiḥ, samburingjhar̀‐sanya, neki, pr̥ĕnaḥhiraringpaparu, triśulāsañjatanhirā, ‐
war̀ṇnabirutwijati, ptĕngliput, kecāpanmaringmmogga. mahicorāmaringgneyān, war̀ṇnadadhumeggātuwā, ringwadhu
k'hanggānira, dupādañjatthanireki, sanghyanglūdr̥ĕringna‐riki, tumapukinghatihalungguḥ, mokṣalāsañjatanira, ‐
[3 3A]
jinggawar̀ṇnanetūr̀haśri, kajakawuḥ, linggiḥbhaṭārasangka‐rā. malinggahidāringlimpā, hijowar̀ṇnaneriki, hangkusañja
tanhica, ringmadyaśiwāhalinggiḥ, hawor̀wintĕnl̥ĕwiḥ, trisakṣaradacinhipun, deningputusinghajñaṇna, magĕnaḥbu
ngkahinghati, sampunpuput, nikawiseśā'uttama. hapa‐nyajatiwiseśā, sangkansĕngkĕbanmangesti, nawāsanghatohi
lingan, unggwanyabisamĕsalin, nejaniknĕhangbwin, pañimpĕnanñaneruruḥ, hapangbisakeneketo, yanta‐Leaf 3
[᭓ 3B]
᭓
ᬦ᭄ᬧᬸᬢᬸᬲᬶᬂᬓᬾᬃᬢᬶ᭞ᬜᬶᬫ᭄ᬧᭂᬦ᭄ᬳᬶᬓᬸ᭞ᬪᬝᬵᬭᬦᬾᬭᬶᬂᬰᬭᬶᬭ᭟ᬳᬧᬦ᭄ᬬᬥᬢᬶᬂᬲᭂᬗ᭄ᬓᬵ᭞ᬩᬩᬾᬤᬦ᭄ᬜᬦᬾᬢᬦ᭄ᬓᭀᬢᬶ᭞ᬬᬦ᭄ᬢᬦ᭄ᬮᬗ᭄ᬕᭂᬂᬢᭂ
ᬕ᭄ᬢᭂᬕ᭄ᬫᬦᬄ᭞ᬦ᭄ᬭᬸᬲᬓᬶᬦ᭄ᬩᬩᬾᬤᬦᬾᬲᬫᬶ᭞ᬧᬤᬤᬸᬗ᭄ᬭᬸᬩᬾᬤᬦᬶ᭠ᬦ᭄᭞ᬦᬾᬓᬧᬶᬢᬸᬳᬸᬚ᭄ᬯᬢᬸᬭᬸ᭞ᬤᬧᭂᬢᬂᬗᬩᬾᬭᬩᬾᬭᬵ᭞ᬗᬸᬮᬸᬭᬶ᭠
ᬦ᭄ᬧ᭄ᬭᬧᬜ᭄ᬚᬦᬩᬸᬤ᭄ᬥᬶ᭞ᬳᬧᬦ᭄ᬲᭂᬫᬧᬸᬦ᭄᭞ᬧᬸᬧᬸᬢ᭄ᬭᬶᬂᬲᬂᬳ᭄ᬬᬂᬲᬹᬓ᭄ᬱ᭄ᬫᬵ᭟ᬧ᭄ᬭᬫ᭄ᬫᬵᬰᬶᬯ᭄ᬯᬫᬵᬦᬸᬗ᭄ᬕᬮᬂ᭞ᬫᬕ᭄ᬦᬄᬧᬸᬢᬶᬳᬶᬂᬳᬢᬶ᭞ᬫᬯᭀᬭᬦ᭄ᬭᬶᬂᬲᬂᬳ᭄ᬬᬂ᭠
ᬢᬬᬵ᭞ᬓᬬᬗᬦᬶᬭᬭᬶᬂᬦᬪᬶ᭞ᬲᬂᬫᬾᬢ᭄ᬭᬶᬓᭀᬘᬧ᭄ᬫᬮᬶᬄ᭞ᬇ᭠ᬰ᭄ᬯᬭᬵᬲᬋᬂᬳᬮᬸᬗ᭄ᬕᬸᬄ᭞ᬢᬸᬂᬢᬸᬂᬳᬢᬶᬧᬸᬢᬶᬄᬓᭀᬘᬧ᭄᭞ᬳᬶᬭᬶᬓᬵ᭠
[᭔ 4A]
ᬳᬶᬤᬫᬮᬶᬗ᭄ᬕᬶᬄ᭞ᬬᬦ᭄ᬫᬮᬸᬗ᭄ᬕᬸᬄ᭞ᬓᬬᬗᬦ᭄ᬭᬶᬂᬧᬥ᭄ᬫᬲᬸᬦ᭄ᬬ᭟ᬪᬝᬵᬭᬯᬶᬱ᭄ᬡᬸᬓᭀᬘᬧᬵᬦ᭄᭞ᬲᬋᬂᬲᬂᬳ᭄ᬬᬂᬘᬦ᭄ᬥᬸᬲᬓ᭄ᬢᬶ᭞ᬢᭀᬤᬶᬳᬢᬶᬧᬸᬢᬶᬄ
ᬗ᭄ᬕᭀᬦ᭄ᬜ᭞ᬓᬬᬗᬦ᭄ᬭᬶᬂᬩ᭄ᬯᬦᬵᬳᬮᬶᬢ᭄᭞ᬤᬶᬢᬸᬓᬸᬫ᭄ᬧᬸᬮᬦᬾ᭠ᬲᬫᬶ᭞ᬧᬤᬵᬫᬦ᭄ᬢᬸᬓ᭄ᬚ᭄ᬭᭀᬦᬶᬂᬯᬶᬦ᭄ᬥᬸ᭞ᬤᬾᬦᬶᬂᬯᬶᬦ᭄ᬥᬸᬦᬾᬢᬢᬶᬕ᭄ᬕᬵ᭞ᬰ᭄ᬯ᭠
ᬭᬦ᭄ᬜᬦᬾᬩᬶᬦᬵᬲᬫᬶ᭞ᬭᬸᬧᬦ᭄ᬳᬶᬧᬸᬦ᭄᭞ᬲᬫᬶᬫᬲᬶᬬᭀᬲᬶᬬᭀᬲᬦ᭄᭟ᬓᭀᬘᬧ᭄ᬳᬶᬤᬲᬂᬳ᭄ᬬᬂᬢᬬᬵ᭞ᬫ᭄ᬯᬂᬧ᭄ᬭᬫᬵᬰᬶᬯ᭄ᬯᬫᬮᬶᬄ᭞ᬫᬦᬸᬲᬸᬧ᭄ᬭᬶᬂ᭠
ᬅᬃᬤ᭄ᬥᬘᬦ᭄ᬤ᭄ᬭᬵ᭞ᬳᬩᬂᬯᬃᬡ᭄ᬦᬦᬾᬢᬸᬃᬳ᭄ᬦᬶᬂ᭞ᬳᬀ᭞ᬲᬲ᭄ᬢ᭄ᬭᬦ᭄ᬜᬤᬤᬶ᭞ᬓᭀᬘᬧᬦ᭄ᬪᬝᬵᬭᬯᬶᬱ᭄ᬡᬸ᭞ᬫᬶᬯᬄᬘᬦ᭄ᬥᬸᬲᬓ᭄ᬢᬶᬳᬶᬓᬵ᭞ᬭᬶᬂᬦᬪᬶᬲᬶᬭᬳᬮᬶ
Auto-transliteration
[3 3B]
3
nputusingker̀ti, ñimpĕnhiku, bhaṭāraneringśarira. hapanyadhatingsĕngkā, babedanñanetankoti, yantanlanggĕngtĕ
gtĕgmanaḥ, nrusakinbabedanesami, padadungrubedani‐n, nekapituhujwaturu, dapĕtangngaberaberā, nguluri‐
nprapañjanabuddhi, hapansĕmapun, puputringsanghyangsūkṣmā. prammāśiwwamānunggalang, magnaḥputihinghati, maworanringsanghyang‐
tayā, kayanganiraringnabhi, sangmetrikocapmaliḥ, i‐śwarāsar̥ĕnghalungguḥ, tungtunghatiputiḥkocap, hirikā‐
[4 4A]
hidamalinggiḥ, yanmalungguḥ, kayanganringpadhmasunya. bhaṭārawiṣṇukocapān, sar̥ĕngsanghyangcandhusakti, todihatiputiḥ
nggonña, kayanganringbwanāhalit, ditukumpulane‐sami, padāmantukjroningwindhu, deningwindhunetatiggā, śwa‐
ranñanebināsami, rupanhipun, samimasiyosiyosan. kocap'hidasanghyangtayā, mwangpramāśiwwamaliḥ, manusupring‐
ar̀ddhacandrā, habangwar̀ṇnanetur̀hning, haṃ, sastranñadadi, kocapanbhaṭārawiṣṇu, miwaḥcandhusaktihikā, ringnabhisirahaliLeaf 4
[᭔ 4B]
᭔
ᬗ᭄ᬕᬶᬄ᭞ᬳ᭄ᬦᬶᬂᬳᬮᬸᬲ᭄᭞ᬯᬃᬡ᭄ᬦᬦᬾᬍᬢᭂᬂᬗᬸᬭᬜᬄ᭟ᬒᬁᬬᬁᬲᬲ᭄ᬢ᭄ᬭᬦ᭄ᬜᬓᭀᬘᬧ᭄᭞ᬇᬰ᭄ᬯᬭᬵᬲᬋᬂᬲᬂᬫᬾᬲ᭄ᬢ᭄ᬭᬶ᭞ᬜᬸᬲᬸᬧ᭄ᬭᬶᬂᬯᬶᬦ᭄ᬥᬸᬢ᭄ᬭᬶᬮᭀᬓᬵ᭞ᬰ᭄ᬯᬾᬢ᭄ᬣ᭠
ᬯᬃᬡ᭄ᬦᬢᬸᬃᬳ᭄ᬦᬶᬂ᭟ᬇᬁᬬᬁᬲᬲ᭄ᬢ᭄ᬭᬦᬾᬭᬾᬓᬶ᭞ᬳᬧᬦ᭄ᬢᭀᬤᬍᬫᬾᬫᬸᬗ᭄ᬕᬸᬄ᭞ᬦᬾᬓᭀᬘᬧ᭄ᬭᬶᬂᬰᬭᬶᬭ᭞ᬤᬤᬶᬩᬸᬮᬦ᭄ᬫᬢᬦ᭄ᬦᬳᬶ᭞ᬩᬶᬦ᭄ᬢᬂᬳᬶᬓᬸ᭞ᬮᬫᬸ᭠
ᬦ᭄ᬧᬶᬤᬵᬩᬦ᭄ᬗᭂᬦᭂᬳᬂ᭟ᬳᭂᬦ᭄ᬢᭀᬦᬾᬫᭂᬦᬤᬶᬩᬸᬮᬦ᭄᭞ᬯᬶᬱ᭄ᬡᬸᬲᬋᬂ᭠ᬘᬦ᭄ᬥᬸᬲᬓ᭄ᬢᬶ᭞ᬫᬕ᭄ᬦᬄᬭᬶᬂᬫᬢ᭄ᬣᬳᬓᬶᬯ᭄ᬯ᭞ᬧᭂᬲᬸᬦ᭄ᬜᬦᬾᬲᬓᬾᬂᬩᬮᬶ᭞ᬢ᭄ᬭᬸᬲ᭄ᬢᬸᬫᬸᬲ᭄ᬫ
ᬭᬶᬂᬳᬢᬶ᭞ᬇᬰ᭄ᬯᬭᬵᬲᬂᬫᬾᬢ᭄ᬭᬶᬫᬸᬗ᭄ᬕᬸᬄ᭞ᬭᬶᬂᬧᬧᬸᬲᬸᬄᬳᬶᬤᬫ᭄ᬤᬮ᭄᭞ᬧᭂᬧᬭᬸᬧᬫᬸᬧᬸᬢᬾᬓᬶ᭞ᬤᬤᬶᬲᬹᬃᬬ᭄ᬬ᭞ᬭᬶᬂᬦᬾᬢᬺᬢ᭄ᬗᭂᬦ᭄ᬫᬮᬶᬗ᭄ᬕᬵ᭟ᬳᭂᬦ᭄ᬢᭀ
[᭕ 5B]
ᬦᬾᬫᬦᬤᬶᬩᬶᬦ᭄ᬢᬂ᭞ᬲᬂᬳ᭄ᬬᬂᬢᬬᬵᬫᬗ᭄ᬬᬂᬬᬗᬶᬦ᭄᭞ᬫᬲᬋᬗᬦ᭄ᬧ᭄ᬭᬫ᭄ᬫᬵ᭠ᬰᬶᬯ᭄ᬯ᭞ᬭᬶᬂᬦᬪᬶᬧᬸᬢᬶᬄᬳᬮᬶᬗ᭄ᬕᬶᬄ᭞ᬤᬾᬤᬶᬂᬧᬸᬢᬸᬲᬶᬂᬓᬾᬃᬢᬶ᭞ᬳᬫᬢᭂᬓ᭄
ᬬᭀᬕᬦᬾᬧᬸᬢᬸᬲ᭄᭞ᬮᬯᬗᬦ᭄ᬬᬫᬓᭂᬫ᭄ᬮᬭᬦ᭄᭞ᬫᭂᬢᬸᬓᬶᬯ᭠ᬩᬶᬦ᭄ᬢᬂᬤᬤᬶ᭞ᬢ᭄ᬗᭂᬦ᭄ᬫᭂᬢᬸ᭞ᬢ᭄ᬭᬗ᭄ᬕᬓᬵᬤᬤᬶᬦᬶᬭ᭟ᬭᬶᬂᬲᬫ᭄ᬧᬸᬦᬾᬤᬾᬯᬵ᭠
ᬢᬢᬲ᭄᭞ᬘᬤᬶᬩᬶᬦ᭄ᬢᬂᬫᬢᬦᬵᬳᬶ᭞ᬤᬶᬚᬮᬦ᭄ᬩᬸᬮᬦᬾ᭠ᬳᭂᬦ᭄ᬤᬕ᭄᭞ᬫᬳᬾᬲᭀᬭᬫᬦᬾᬚᬦᬶᬦ᭄᭞ᬫᬓ᭄ᬭᬦᬦ᭄ᬩᭂᬗᬄᬓᬸᬦᬶᬂ᭞
ᬳᬯᭀᬭᬶᬦ᭄ᬓ᭄ᬮᬶᬬᬲᬾᬤᬤᬸ᭞ᬤᬶᬢᬸᬳᬯᬲ᭄ᬳᬧᬂᬢᬢᬲ᭄᭞᭠ᬫᬗ᭄ᬤᬵᬦᬓᭀᬦᬂᬩ᭄ᬯᬶᬦ᭄᭞ᬢᬢᬲ᭄ᬤᬶᬢᬸ᭞ᬧᬫᬹᬃᬢ᭄ᬢᬶᬯᬢᭂᬓᬶᬂᬳ᭄ᬬᬂ᭟ᬧᬗ᭠
Auto-transliteration
[4 4B]
4
nggiḥ, hninghalus, war̀ṇnanel̥ĕtĕngngurañaḥ. oṁyaṅġsastranñakocap, iśwarāsar̥ĕngsangmestri, ñusupringwindhutrilokā, śwettha‐
war̀ṇnatur̀hning. iṅġyaṅġsastranereki, hapantodal̥ĕmemungguḥ, nekocapringśarira, dadibulanmatannahi, bintanghiku, lamu‐
npidābanngĕnĕhang. hĕntonemĕnadibulan, wiṣṇusar̥ĕng‐candhusakti, magnaḥringmatthahakiwwa, pĕsunñanesakengbali, trustumusma
ringhati, iśwarāsangmetrimungguḥ, ringpapusuḥhidamdal, pĕparupamuputeki, dadisūr̀yya, ringnetr̥ĕtngĕnmalinggā. hĕnto
[5 5B]
nemanadibintang, sanghyangtayāmangyangyangin, masar̥ĕnganprammā‐śiwwa, ringnabhiputiḥhalinggiḥ, dedingputusingker̀ti, hamatĕk
yoganeputus, lawanganyamakĕmlaran, mĕtukiwa‐bintangdadi, tngĕnmĕtu, tranggakādadinira. ringsampunedewā‐
tatas, cadibintangmatanāhi, dijalanbulane‐hĕndag, mahesoramanejanin, makrananbĕngaḥkuning,
haworinkliyasedadu, dituhawashapangtatas, ‐mangdānakonangbwin, tatasditu, pamūr̀ttiwatĕkinghyang. panga‐Leaf 5
[᭕ 5B]
᭕
ᬫ᭄ᬧᬸᬦᬶᬂᬲᬂᬳ᭄ᬬᬂᬘᬦ᭄ᬤᬻ᭞ᬦᬯ᭄ᬯᬵᬲᬗᬵᬦᬾᬫᭂᬕᬶᬮᬶᬃ᭞ᬓ᭄ᬭᬦᬵᬳᬘᬤᭂᬥᬯᬸᬳᬂ᭞ᬫ᭄ᬯᬂᬤᬯᬸᬄᬲᬓᭂᬭᬦ᭄ᬢᬶ᭞ᬤᬶᬢᬚᭂᬕ᭄ᬜᭂᬫᬲᬮᬶᬦ᭄᭞ᬪᬝᬵᬭ᭠
ᬩ᭄ᬭᬳ᭄ᬫᬵᬦᬾᬤᬶᬢᬸ᭟ᬦᬾᬚᬦᬶᬲᬗ᭄ᬓᬦ᭄ᬚᭂᬦᬃ᭞ᬩᬭᬓᬾᬢᭂᬓᬾᬦᬶᬂᬓᬸᬦᬶᬂ᭞ᬕᬤᬶᬂᬫᬸᬯᬸᬩ᭄᭞ᬲᬋᬂᬤᬶᬢᬸᬫᬳᬯᭀᬭᬦ᭄᭟ᬲᬾᬂᬓᬯᬸᬄᬮᬾ
ᬦ᭄ᬫᬦᬶᬫ᭄ᬩᬮ᭄᭞ᬫᬳᬵᬤᬾᬯᬵᬫᬦᬾᬚᬦᬶᬦ᭄᭞ᬤᬶᬢᬸᬩᬭᬓᬾᬢᭂᬓᬾᬦᬶᬂᬓᬸᬦᬶᬂ᭞ᬕᬤᬶᬂᬫᬸᬭᬸᬩ᭄᭞ᬲᬋᬂᬤᬶᬢᬸᬫᬳᬯᭀᬭᬦ᭄᭟ᬲᬾᬂᬓᬯᬸᬄᬮᬾ
ᬦ᭄ᬫᬦᬶᬫ᭄ᬩᬮ᭄᭞ᬫᬳᬵᬤᬾᬯᬵᬫᬦᬾᬚᬦᬶᬦ᭄᭞ᬤᬶᬢᬸᬩᬭᬓ᭄ᬜᬦᬾᬧᬸᬦᬄ᭞ᬓᬸᬦᬶᬗᬾᬫᬸᬭᬸᬩ᭄ᬗᬸᬗ᭄ᬓᬸᬮᬶᬦ᭄᭞ᬤᬤᬶᬦ᭄ᬜᬮ᭄ᬬᬵᬦ᭄ᬗᭂᬦ᭄ᬢᭀᬲᬶᬦ᭄᭞ᬤᬶ᭠
ᬚᬮᬦ᭄ᬩᬶᬦ᭄ᬢᬗᬾᬫᭂᬢᬸ᭞ᬓ᭄ᬭᬡ᭄ᬦᬢᬾᬚᬵᬫᬲᬸᬦ᭄ᬥᬭᬦ᭄᭞ᬪᬝᬵᬭᬳᬶᬯ᭄ᬯᬦᬾᬚᬦᬶᬦ᭄᭞ᬤᬤᬶᬫᬸᬭᬸᬩ᭄᭞ᬰ᭄ᬯᬾᬢᬳ᭄ᬦᬶᬂᬢ᭄ᬯᬭᬫᬥ᭄ᬥᬵ᭟ᬤᬶᬲᬸ
[᭖ 6A]
ᬩᬦᬾᬤᬲᬼᬫᬄ᭞ᬪᬝᬵᬭᬲᬫ᭄ᬩᬸᬦᬾᬚᬦᬶᬦ᭄᭞ᬤᬤᬶᬧᬸᬢᬶᬄᬜ᭠ᬦᬾᬧᬸᬦᬄ᭞ᬩᬳᬦ᭄ᬩᬶᬭᬸᬦᬾᬜᬧᬸᬢᬶᬦ᭄᭞ᬧᬸᬢᬶᬄᬫᬓ᭄ᬮᬶᬬᬄᬢᬗᬶ᭞ᬬ
ᬲᬸᬩᬵᬤᬶᬢᬸᬫᬲᬶᬮᬸᬃ᭞ᬫ᭄ᬯᬂᬪᬝᬵᬭᬲᬥ᭄ᬥᬵᬳᬶᬯ᭄ᬯ᭞ᬳᬶᬤᬫ᭄ᬮᬶᬗ᭄ᬕᬫᬦᬾᬚᬦᬶᬦ᭄᭞ᬓ᭄ᬭᬡ᭄ᬦᬫᬸᬭᬸᬩ᭄᭞ᬧᬸᬢᬶᬄᬜᬦᬾᬲᬶᬃᬡ᭄ᬦ᭟ᬤᬶᬢᬸᬧᬸᬢᬶᬄᬜ
ᬦᬾᬢᬶᬕ᭄ᬕᬵ᭞ᬫᬓᬸᬫ᭄ᬧᬸᬮ᭄ᬤᬤᬶᬳᬩ᭄ᬲᬶᬓ᭄᭞ᬤᬤᬶᬲᬂᬳ᭄ᬬᬂᬢ᭄ᬭᬶᬬᬓ᭄ᬱᬭ᭞ᬳ᭄ᬬᬂᬇᬰ᭄ᬯᬭᬫᬫᭀᬗ᭄ᬓᭀᬮᬶᬦ᭄᭞ᬤᬶᬫᬤ᭄ᬬᬲᬂᬳ᭄ᬬᬂᬫᬾᬢ᭄ᬭᬶ᭞ᬧ᭄ᬭᬫ᭄ᬫᬰᬶ᭠
ᬗ᭄ᬯᬵᬬᬤᬶᬢᬸᬢᬸᬂ᭞ᬢᭀᬢᬾᬚᬦᬶᬓᭂᬦᭂᬳᬂ᭞ᬭᬲᬬᬂᬚ᭄ᬭᭀᬦᬶᬗᬵᬢᬶ᭞ᬳᬦ᭄ᬢᬸᬤ᭄ᬳᬦ᭄ᬢᬸᬤ᭄᭞ᬧᬲᬸᬭᬸᬧᬦ᭄ᬜᬧᬂᬢᬯᬂ᭟ᬳᬧᬦ᭄ᬬᬫᬓ᭄ᬚᬂᬫᬤᬦ᭄᭞
Auto-transliteration
[5 5B]
5
mpuningsanghyangcandr̥ö, nawwāsangānemĕgilir̀, kranāhacadĕdhawuhang, mwangdawuḥsakĕranti, ditajĕgñĕmasalin, bhaṭāra‐
brahmāneditu. nejanisangkanjĕnar̀, baraketĕkeningkuning, gadingmuwub, sar̥ĕngditumahaworan. sengkawuḥle
nmanimbal, mahādewāmanejanin, ditubaraketĕkeningkuning, gadingmurub, sar̥ĕngditumahaworan. sengkawuḥle
nmanimbal, mahādewāmanejanin, ditubarakñanepunaḥ, kuningemurubngungkulin, dadinñalyānngĕntosin, di‐
jalanbintangemĕtu, kraṇnatejāmasundharan, bhaṭārahiwwanejanin, dadimurub, śwetahningtwaramadhdhā. disu
[6 6A]
banedasl̥ĕmaḥ, bhaṭārasambunejanin, dadiputiḥña‐nepunaḥ, bahanbiruneñaputin, putiḥmakliyaḥtangi, ya
subāditumasilur̀, mwangbhaṭārasadhdhāhiwwa, hidamlinggamanejanin, kraṇnamurub, putiḥñanesir̀ṇna. dituputiḥña
netiggā, makumpuldadihabsik, dadisanghyangtriyakṣara, hyangiśwaramamongkolin, dimadyasanghyangmetri, prammaśi‐
ngwāyaditutung, totejanikĕnĕhang, rasayangjroningāti, hantud'hantud, pasurupanñapangtawang. hapanyamakjangmadan,
