Gaguritan Candrawati
This page has been accessed 12,843 times.
Description
Bahasa Indonesia
English
Front and Back Covers
Leaf 1
[᭑ 1B]
᭑
᭛᭜᭛ᬅᬯᬶᬖ᭄ᬦᬫᬲ᭄ᬢᬸ᭛᭜᭛ᬕᬕᬸᬭᬶᬢᬦ᭄ᬘᬦ᭄ᬤ᭄ᬭᬯᬢᬶ᭟ᬧᬸᬄᬕᬶᬦᬤ᭟᭑᭟ᬲᭀᬫᬦᬶᬂᬢᭀᬮᬸᬓᭀᬘᬧᬂ᭞ᬗᬶᬓᭂᬢᬂᬫᬕᬯᬾᬕᭂᬡ᭄ᬥᬶᬂ᭞ᬫᬦᬸᬚᬸᬯᬸᬮᬦ᭄ᬇᬰᬓᬵ᭞ᬰᬸᬓ᭄ᬮᬧᬓ᭄ᬱᬜᬧᬶᬂᬢ᭄ᬮᬸ᭞ᬇᬭᬶ
ᬓᬗ᭄ᬕᬯᬾᬘᬭᬶᬢ᭞ᬳᬢᬶᬲ᭄ᬤᬶᬄ᭞ᬓᬶᬤᬸᬂᬳᬗ᭄ᬕᭀᬦ᭄ᬫᬫᬹᬃᬡ᭄ᬦᬬᬂ᭟᭒᭟ᬳᬦᬦᬾᬫᬗ᭄ᬓᬾᬓᭀᬘᬧ᭄᭞ᬧ᭄ᬭᬪᬸᬭᬶᬂᬓᬺᬢᬦᬵᬕᬭᬶ᭞ᬳᬦᬺᬯᬾᬧᬸᬢ᭄ᬭᬲᬭᭀᬭᭀ᭞ᬮᬦᬂᬳᬶᬲ᭄ᬢ᭄ᬭᬶᬳᬬᬸᬳᬬᬸ᭞ᬧ᭄ᬭᬪᬸᬯᬶᬪᬸᬄᬫᬭᬶᬂᬚᬕᬢ᭄᭞
ᬲᬸᬓᬍᬯᬶᬄ᭞ᬫᬗ᭄ᬕᭂᬳᬂᬓᬮᬶᬗᬦ᭄ᬰᬵᬲ᭄ᬢ᭄ᬭ᭟᭓᭟ᬓᬯᬸᬯᬸᬲ᭄ᬧᬸᬢ᭄ᬭᬦᬾᬮᬦᬂ᭞ᬯᬃᬡ᭄ᬦᬦᬾᬢᬸᬳᬸᬳᬧ᭄ᬓᬶᬓ᭄᭞ᬫᬳᬭᬦ᭄ᬳᬶᬯᬷᬭᬦᬵᬣ᭞ᬩᬸᬤ᭄ᬥᬶᬳᬮᬸᬲ᭄ᬓᬤᬶᬯᬶᬱ᭄ᬡᬸ᭞ᬯᬶᬘᬓ᭄ᬱᬡᬲᬶᬤ᭄ᬥᬶᬗᬸᬘᬧ᭄᭞ᬥᬃᬫ᭄ᬫᬚᬵᬢᬶ᭞ᬯ᭄ᬭᬸᬄᬭᬶᬂᬭ
ᬲᬉᬢ᭄ᬢᬫ᭟᭔᭟ᬅᬭᬶᬦᬾᬳᬶᬲ᭄ᬢ᭄ᬭᬷᬫᬗᬬᬂ᭞ᬫᬳᬭᬦ᭄ᬳᬶᬘᬦ᭄ᬤ᭄ᬭᬯᬢᬶ᭞ᬳᬶᬲ᭄ᬢ᭄ᬭᬷᬍᬯᬶᬳᬶᬂᬧᬯᭀᬗᬦ᭄᭞ᬳ᭄ᬬᬂᬭᬢᬶᬄᬳᬶᬤᬢᬸᬫᬸᬭᬸᬦ᭄᭞ᬫᬜᬸᬮᬸᬳᬶᬦ᭄ᬲᬓᬶᬂᬲ᭄ᬯᬃᬕ᭄ᬕᬦ᭄᭞ᬲᬗ᭄ᬓᬦ᭄ᬤᬤᬶ᭞ᬳᬬᬸᬍᬯᬶᬳᬶᬂᬧᬯᭀᬗᬦ᭄᭟᭕᭟
[᭒ 2A]
᭒
ᬯᬃᬡ᭄ᬦᬦᬾᬮ᭄ᬯᬶᬃᬲᬸᬭᬵᬧ᭄ᬲᬭ᭞ᬳᬬᬸᬦᬾᬢᬦ᭄ᬧᬾᬦ᭄ᬤᬄᬭᬢᬶᬄ᭞ᬭᬕᬍᬫ᭄ᬧᬸᬂᬫᬕᬾᬮᭀᬳᬦ᭄᭞ᬳᬓ᭄ᬯᬾᬄᬧᬥᬧᬭᬭᬢᬸ᭞ᬫᬗ᭄ᬮᬫᬃᬳᬶᬤᬢᬦ᭄ᬳᬃᬱ᭞ᬧᬘᬂᬲ᭄ᬯᬵᬫᬶ᭞ᬫᬳ᭄ᬬᬸᬦ᭄ᬜᬸᬓ᭄ᬮᬩ᭄ᬭᬵᬳ᭄ᬫᬘᬵᬃᬬ᭄ᬬ᭟᭖᭟ᬲᬢᬢᬫᬗᬸᬮᬶ
ᬓ᭄ᬰᬵᬲ᭄ᬢ᭄ᬭ᭞ᬳᬲ᭄ᬢᬶᬢᬶᬭᬶᬂᬲᬭᬲ᭄ᬯᬢᬶ᭞ᬫᬶᬯᬄᬢᬸᬢᬸᬃᬳᬸᬢ᭄ᬢᬫ᭞ᬬᭀᬕᬩ᭄ᬭᬢᬦᬾᬭᬶᬂᬘᬓ᭄ᬱᬸ᭞ᬧᬳᬶᬘ᭄ᬙᬵᬦ᭄ᬲᬂᬫᬸᬦᬷᬰ᭄ᬯᬭ᭞ᬲᬭᬲᬶᬤ᭄ᬥᬶ᭞ᬫᬳᬭᬦ᭄ᬪᬕᬯᬵᬦ᭄ᬳᬸᬢᬢ᭄ᬬ᭟᭗᭟ᬜᬩ᭄ᬭᬦ᭄ᬤᬶᬦᬦᬗᬸᬦ᭄ᬩ᭄ᬭᬢ᭞ᬦᭂᬭᬸᬲ᭄ᬢᬸᬜ᭄ᬚᬸᬂ
ᬜᬾᬯᬮᬢ᭄ᬭᬶ᭞ᬦᬸᬚᬸᬧᬹᬃᬡ᭄ᬦᬫᬦᬶᬂᬓᬧᬢ᭄᭞ᬧᬸᬦᬶᬓᬭᬳᬶᬦᬳᬬᬸ᭞ᬳᬶᬘᬦ᭄ᬤ᭄ᬭᬯᬢᬶᬫᬓ᭄ᬭᬫᬲ᭄᭞ᬢᬸᬃᬫᬲᬶᬲᬶᬕ᭄᭞ᬫᬗ᭄ᬭᬗ᭄ᬲᬸᬓ᭄ᬭᬵᬚᬪᬹᬱᬡ᭟᭘᭟ᬭᬭᬶᬲ᭄ᬫᬸᬗ᭄ᬕᬄᬓᬧᬰᬸᬘ᭄ᬬᬦ᭄᭞ᬫᬮᬶᬗ᭄ᬕᬶᬄᬤᬶᬩᬮᬾᬕᬥᬶᬂ᭞ᬫ
ᬬᭀᬕᬗᬃᬘ᭄ᬘᬡᬤᬾᬯ᭞ᬳᬲ᭄ᬢᬶᬢᬶᬳᬦᬭᬶᬂᬓᬳ᭄ᬬᬸᬦ᭄᭞ᬢᬸᬭᬸᬦ᭄ᬳᬶᬤᬲᬂᬳ᭄ᬬᬂᬲ᭄ᬫᬭ᭞ᬳᬦᬸᬭᭀᬦᬶᬦ᭄᭞ᬓᬚᬫᬄᬳᬶᬘᬦ᭄ᬤ᭄ᬭᬯᬢ᭄ᬬ᭟᭙᭟ᬧᬶᬭᬂᬤᬶᬦᬮᬯᬲ᭄ᬦ᭄ᬬ᭞ᬳᬶᬘᬦ᭄ᬤ᭄ᬭᬯᬢᬶᬗᬺᬫ᭄ᬧᬶᬦᬶ᭞ᬤᬤ᭄ᬬᬬᬫᬯᭂᬢ᭄ᬯᬫᭀ
Auto-transliteration
[1 1B]
1
/// • /// awighnamastu /// • /// gaguritancandrawati. puḥginada. 1. somaningtolukocapang, ngikĕtangmagawegĕṇdhing, manujuwulaniśakā, śuklapakṣañapingtlu, iri
kanggawecarita, hatisdiḥ, kidunghanggonmamūr̀ṇnayang. 2. hananemangkekocap, prabhuringkr̥ĕtanāgari, hanr̥ĕweputrasaroro, lananghistrihayuhayu, prabhuwibhuḥmaringjagat,
sukal̥ĕwiḥ, manggĕhangkalinganśāstra. 3. kawuwusputranelanang, war̀ṇnanetuhuhapkik, maharanhiwīranātha, buddhihaluskadiwiṣṇu, wicakṣaṇasiddhingucap, dhar̀mmajāti, wruḥringra
sa'uttama. 4. arinehistrīmangayang, maharanhicandrawati, histrīl̥ĕwihingpawongan, hyangratiḥhidatumurun, mañuluhinsakingswar̀ggan, sangkandadi, hayul̥ĕwihingpawongan. 5.
[2 2A]
2
war̀ṇnanelwir̀surāpsara, hayunetanpendaḥratiḥ, ragal̥ĕmpungmagelohan, hakweḥpadhapararatu, manglamar̀hidatanhar̀ṣa, pacangswāmi, mahyunñuklabrāhmacār̀yya. 6. satatamanguli
kśāstra, hastitiringsaraswati, miwaḥtutur̀huttama, yogabrataneringcaksyu, pahicchānsangmunīśwara, sarasiddhi, maharanbhagawānhutatya. 7. ñabrandinanangunbrata, nĕrustuñjung
ñewalatri, nujupūr̀ṇnamaningkapat, punikarahinahayu, hicandrawatimakramas, tur̀masisig, mangrangsukrājabhūṣaṇa. 8. rarismunggaḥkapaśucyan, malinggiḥdibalegadhing, ma
yogangar̀ccaṇadewa, hastitihanaringkahyun, turunhidasanghyangsmara, hanuronin, kajamaḥhicandrawatya. 9. pirangdinalawasnya, hicandrawatingr̥ĕmpini, dadyayamawĕtwamoLeaf 2
[᭒ 2B]
᭒
ᬩᭀᬢ᭄᭞ᬲᬵᬫ᭄ᬧᬸᬦ᭄ᬫᬢᬶᬮᬃᬤᬶᬲᬸᬲᬸ᭞ᬳᬶᬘᬦ᭄ᬤ᭄ᬭᬯᬢᬶᬓᭀᬲᭂᬓᬦ᭄᭞ᬢᬸᬃᬫᬦᬗᬶᬲ᭄᭞ᬚᬦᬶᬓᬸᬤ᭄ᬬᬂᬫᬜᬭ᭄ᬯᬂ᭟᭑᭐᭟ᬬᬦ᭄ᬳᬸᬦᬶᬂᬳᬶᬤᬲᬂᬦᬵᬣ᭞ᬫᬶᬯᬄᬳᬶᬩᬸᬧ᭄ᬭᬫᬷᬰ᭄ᬯᬭᬷ᭞ᬓᬾᬦ᭄ᬓᬾᬦ᭄ᬤᬶᬢᬸᬩᬵᬦ᭄ᬗᬸᬦᬶᬗᬂ᭞ᬓᬲ᭄ᬮᭂᬓ᭄ᬧ
ᬘᬂᬫᬳᬢᬸᬃ᭞ᬤᬾᬦᬶᬂᬳᬯᬓ᭄ᬳ᭄ᬦᬸᬩᬚᬂ᭞ᬮᬩ᭄ᬯᬦ᭄ᬘ᭄ᬦᬶᬓ᭄᭞ᬤᬾᬭᬾᬂᬫᬦ᭄ᬫᬸᬤᬶᬓ᭄ᬭᬫ᭟᭑᭑᭟ᬯ᭄ᬯᬂᬚ᭄ᬭᭀᬧᬥᬳᬸᬦᬶᬗ᭞ᬫᬗ᭄ᬭᬯᭀᬲ᭄ᬧᬥᬧᬓᬶᬲᬶ᭞ᬓᬸᬤ᭄ᬬᬂᬤᬾᬯᬚᬦᬶᬓᬸᬤ᭄ᬬᬂ᭞ᬬᬦᬳᬸᬦᬶᬂᬳᬶᬤᬲᬂᬧ᭄ᬭ
ᬪᬸ᭞ᬜᬳᬶᬫ᭄ᬩᭀᬓ᭄ᬧᬘᬂᬭᬸᬲᬓ᭄᭞ᬫᬗ᭄ᬫᬲᬶᬦ᭄᭞ᬤᬤᬶᬫᬓᬘᬭᬸᬦ᭄ᬲᬾᬢ᭄ᬭ᭟᭑᭒᭟ᬲᬂᬧ᭄ᬭᬪᬸᬫᬗ᭄ᬓᬾᬓᭀᬘᬧᬦ᭄᭞ᬳᬗᬺᬗᭃᬳᭀᬃᬢ᭄ᬢᬲᬸᬚᬵᬢᬶ᭞ᬓᬳᬸᬦᬶᬂᬧᬸᬢ᭄ᬭᬦᬾᬫᭀᬩᭀᬢ᭄᭞ᬓᬕ᭄ᬬᬢ᭄ᬳᬶᬤᬲᬂᬧ᭄ᬭ
ᬪᬸ᭞ᬳᬕ᭄ᬮᬶᬲ᭄ᬳᬶᬤᬫᬧᬸᬢᬸᬲᬦ᭄᭞ᬲᬵᬫ᭄ᬧᬸᬦ᭄ᬚᬵᬢᬶ᭞ᬧᬸᬢ᭄ᬭᬦᬾᬦ᭄ᬫᬸᬩᬜ᭄ᬘᬦ᭟᭑᭓᭟ᬳᭀᬲᭂᬓ᭄ᬭᬯᭀᬲᬾᬭᬶᬂᬧᬸᬭ᭞ᬬᬬᬶᬳᬶᬩᬸᬦᬶᬭᬯᬶᬗᬶᬢ᭄᭞ᬳᬶᬯᬷᬭᬦᬵᬣᬳᬗᬸᬘᬧ᭄᭞ᬩ᭄ᬮᬶᬸᬧᬸᬦᬧᬶᬫᭂᬗ᭄ᬕᬄᬭᬶᬂᬓᬳ᭄ᬬᬸ
[᭓ 3A]
᭓
ᬦ᭄᭞ᬬᬦᬶᬂᬫᬦᬹᬢ᭄ᬫᬦᬄᬢᬶᬢ᭄ᬬᬂ᭞ᬩᬧᬳᬚᬶ᭞ᬳᬶᬘᬦ᭄ᬤ᭄ᬭᬯᬢᬶᬭᬯᬸᬳᬂ᭟᭑᭔᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬓ᭄ᬫᭀᬳᬶᬩᬫᬗᬢᬸᬭᬶᬦ᭄᭞ᬳᬦᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬳᬶᬘᬦ᭄ᬤ᭄ᬭᬯᬢᬶᬓᬢ᭄ᬫᬸ᭞ᬭᬭᬶᬲ᭄ᬬᬫᬳᬢᬸᬃᬲᭂᬫ᭄ᬩᬄ᭞
ᬤᬸᬄᬫᬵᬲ᭄ᬫᬡᬶᬓ᭄᭞ᬳᬶᬳᬚᬶᬫᬗᬸᬢᬸᬲ᭄ᬢᬶᬢ᭄ᬬᬂ᭟᭑᭕᭟ᬳᬶᬭᬢᬸᬓᬢᬸᬭᬦ᭄ᬫᭂᬤᬮ᭄᭞ᬦᬗ᭄ᬓᬶᬮ᭄ᬭᬶᬂᬳᬶᬤᬳᬶᬳᬚᬶ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬓᭀᬳᬶᬭᬶᬓ᭞ᬳᬶᬘᬦ᭄ᬤ᭄ᬭᬯᬢᬶᬳᬢᬸᬭᬸᬢ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬲᬵ
ᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶ᭞ᬭᬶᬂᬳᬚᭂᬂᬲᬂᬳᬶᬩᬸᬬᬬᬄ᭟᭑᭖᭟ᬫᬮᬶᬗ᭄ᬕᬶᬄᬳᬶᬤᬭᬶᬂᬦᬢᬃ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬫᬵᬲ᭄ᬫᬶᬭᬄᬳᬦᬓᬶᬗ᭄ᬯᬂ᭞ᬯᬳᬸᬧ᭄ᬭᬵᬧ᭄ᬢᬳᬦᬓᬶᬗ᭄ᬲᬸᬦ᭄᭞ᬲᬗᬬᬸᬭᬭᬶᬲ᭄ᬳᬦᭂᬫ᭄ᬩᬄ᭞ᬲᬶᬗ᭄ᬕᬶᬄᬳᬚᬶ᭞
ᬳᬦᬓᬶᬭᬯᬳᬸᬧ᭄ᬭᬵᬧ᭄ᬢ᭟᭑᭗᭟ᬥᬸᬄᬤᬾᬯᬅᬢ᭄ᬫᬚᬶᬯᬶᬢ᭞ᬳᬶᬗ᭄ᬓᬾᬦᬾᬲᬋᬂᬳᬮᬶᬗ᭄ᬕᬶᬄ᭞ᬳᬶᬘᬦ᭄ᬤ᭄ᬭᬯᬢᬶᬫᬫᬶᬡ᭄ᬥᬄ᭞ᬲᬂᬧ᭄ᬭᬫᬷᬢᬸᬫᬸᬭᬸᬦ᭄᭞ᬫᬦᬸᬦ᭄ᬢᬸᬦ᭄ᬳᬶᬘᬦ᭄ᬤ᭄ᬭᬯᬢ᭄ᬬ᭞ᬗᬲᬶᬳᬲᬶᬄ᭞ᬳᬶᬗᬭᬲ᭄ᬢᬸᬃᬢᬶᬦᬗᬶᬲ
Auto-transliteration
[2 2B]
2
bot, sāmpunmatilar̀disusu, hicandrawatikosĕkan, tur̀manangis, janikudyangmañarwang. 10. yanhuninghidasangnātha, miwaḥhibupramīśwarī, kenkenditubānnguningang, kaslĕkpa
cangmahatur̀, deninghawak'hnubajang, labwancnik, derengmanmudikrama. 11. wwangjropadhahuninga, mangrawospadhapakisi, kudyangdewajanikudyang, yanahuninghidasangpra
bhu, ñahimbokpacangrusak, mangmasin, dadimakacarunsetra. 12. sangprabhumangkekocapan, hangr̥ĕngöhor̀ttasujāti, kahuningputranemobot, kagyat'hidasangpra
bhu, haglishidamaputusan, sāmpunjāti, putranenmubañcana. 13. hosĕkrawoseringpura, yayihibunirawingit, hiwīranāthahangucap, bl̶punapimĕnggaḥringkahyu
[3 3A]
3
n, yaningmanūtmanaḥtityang, bapahaji, hicandrawatirawuhang. 14. sangprabhurarisngandika, kmohibamangaturin, hanulirarismamar̀gga, hicandrawatikatmu, rarisyamahatur̀sĕmbaḥ,
duḥmāsmaṇik, hihajimangutustityang. 15. hiratukaturanmĕdal, nangkilringhidahihaji, tityangsāmpunkohirika, hicandrawatihaturut, tumulirarismamar̀gga, sā
mpunprāpti, ringhajĕngsanghibuyayaḥ. 16. malinggiḥhidaringnatar̀, sangprabhungandikaharis, duḥmāsmiraḥhanakingwang, wahuprāptahanakingsun, sangayurarishanĕmbaḥ, singgiḥhaji,
hanakirawahuprāpta. 17. dhuḥdewa'atmajiwita, hingkenesar̥ĕnghalinggiḥ, hicandrawatimamiṇdhaḥ, sangpramītumurun, manuntunhicandrawatya, ngasihasiḥ, hingarastur̀tinangisaLeaf 3
[᭓ 3B]
᭓
ᬦ᭄᭟᭑᭘᭟ᬢᬸᬫᬸᬮᬶᬭᬭᬶᬲ᭄ᬗᬦ᭄ᬤᬶᬓ᭞ᬗᬍᬫᭂᬲᬶᬦ᭄ᬲᬓᬶᬂᬳᬭᬶᬲ᭄᭞ᬧᬚᬭᬂᬤᬾᬯᬧᬚᬭᬂ᭞ᬦᬾᬬᬸᬓ᭄ᬢᬶᬦᬦᬓ᭄ᬤᬗᬧᬸᬲ᭄᭞ᬤᬸᬫᬤᬓ᭄ᬧᬢᬸᬄᬤᬶᬓᬃᬫ᭄ᬫ᭞ᬦᬾᬩᬶᬦ᭄ᬫᬦᬶ᭞ᬢᬶᬢ᭄ᬬᬂᬫᬤᬦᬓᬲᬸᬓᬵᬦ᭄᭟᭑᭙᭟ᬳᬶᬘᬦ᭄ᬤ᭄ᬭᬯ
ᬢᬶᬫᬦᭂᬫ᭄ᬩᬄ᭞ᬳᬸᬚᬭᬾᬳᬮᬸᬲᬫᬦᬶᬲ᭄᭞ᬫᬦ᭄ᬤ᭄ᬭᬫᬦ᭄ᬤ᭄ᬭᬫᬢᬸᬭᬮᭀᬦ᭄᭞ᬓᬤᬶᬕᭂᬡ᭄ᬥᬶᬲ᭄ᬫᬯᭀᬃᬫᬥᬸ᭞ᬥᬸᬄᬭᬢᬸᬳᬫ᭄ᬧᬸᬭᬢᬶᬢ᭄ᬬᬂ᭞ᬤᬾᬦᬶᬂᬓᬯᬶ᭞ᬦᬸᬤᬸᬳᬂᬗᬯᬾᬩᬜ᭄ᬘᬦ᭟᭒᭐᭟ᬲᬶᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄᭞ᬢᬶ
ᬢ᭄ᬬᬂᬗᬸᬦᬶᬗᬂᬲᬸᬚᬵᬢᬶ᭞ᬓ᭄ᬭᬡᬢᬶᬢ᭄ᬬᬂᬦ᭄ᬫᬸᬓᬯᭀᬦ᭄᭞ᬳᬶᬤᬲᬂᬳ᭄ᬬᬂᬲ᭄ᬫᬭᬢᬸᬭᬸᬦ᭄᭞ᬳᬦᬸᬭᬸᬦᬶᬦ᭄ᬲᬓᬶᬂᬲ᭄ᬯᬃᬕ᭄ᬕᬦ᭄᭞ᬤᬾᬦᬶᬂᬍᬯᬶᬄ᭞ᬲᬓ᭄ᬱᬡᬫᬸᬗ᭄ᬕ᭄ᬯᬶᬂᬲᬬᬦᬵ᭟᭒᭑᭟ᬲᬂᬧ᭄ᬭᬪᬸᬲᬸᬓᬫ᭄ᬬᬵᬃᬱ᭞ᬫᬶᬯᬄᬳᬶᬩᬸᬧ᭄ᬭ
ᬫᬾᬰ᭄ᬯᬭᬷ᭞ᬳᬶᬯᬷᬭᬦᬵᬣᬳᬗᬸᬘᬧ᭄᭞ᬩ᭄ᬮᬶᬢ᭄ᬯᬭᬳᬤᬗᬸᬕᬸ᭞ᬤᬢᬤᬾᬯᬦᬾᬳᭀᬭᬳᬂ᭞ᬫᬦᬸᬭᭀᬦᬶᬦ᭄᭞ᬫᬲᬓᬸᬭᬂᬫᬭᬶᬂᬲ᭄ᬯᬃᬕ᭄ᬕᬦ᭄᭟᭒᭒᭟ᬬᬦ᭄ᬲᬸᬚᬵᬢᬶᬦᬯᬂᬤᬾᬯ᭞ᬓ᭄ᬫᭀᬳᬶᬤᬚᬦᬶᬳᬮᬶᬄ᭞ᬳᬧᬂ
[᭔ 4A]
᭔
ᬩ᭄ᬮᬶᬦᬯᬂᬤᬾᬯ᭞ᬳᬶᬘᬦ᭄ᬤ᭄ᬭᬯᬢᬶᬫᬳᬢᬸᬃ᭞ᬲᬶᬗ᭄ᬕᬶᬄᬩ᭄ᬮᬶᬯᬶᬭᬦᬵᬣ᭞ᬫᬦᬯᬶᬩ᭄ᬮᬶ᭞ᬓᬭᬶᬲᬗ᭄ᬰᬬᬭᬶᬂᬢᬶᬢ᭄ᬬᬂ᭟᭒᭓᭟ᬮᬯᬸᬢ᭄ᬫᬜᬓ᭄ᬱ᭄ᬬᬂᬭᬵᬕ᭞ᬭᬶᬂᬢ᭄ᬭᬶᬬᭀᬤᬰᬰᬓ᭄ᬢᬶ᭞ᬫᬶᬯᬄᬭᬶᬂᬳ᭄ᬬᬂᬳᬸᬢᬲᬦ᭞ᬬᬦ᭄ᬢᬶᬢ᭄ᬬᬂᬫᬶᬢ᭄ᬬᬭᬶᬂᬯᬸᬯᬸ
ᬲ᭄᭞ᬤᬸᬫᬤᬓᬦ᭄ᬫᬸᬳᬮ᭞ᬪᬵᬬᬧᬢᬶ᭞ᬲᬢᬢᬵᬫᬗ᭄ᬕᬶᬄᬲᬗ᭄ᬲᬭ᭟᭒᭔᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓ᭞ᬘᬦ᭄ᬤ᭄ᬭᬯᬢᬶᬳᬬ᭄ᬯᬫᬮᬶᬄ᭞ᬜᬳᬶᬳᬲᬓ᭄ᬱᬶᬭᬶᬂᬤᬾᬯ᭞ᬢᬸᬯᬶᬜᬳᬶᬢᬸᬳᬸᬲᬵᬥᬸ᭞ᬳᬶᬯᬶᬭᬦᬵᬣᬳ
ᬗᬸᬘᬧ᭄᭞ᬢᬶᬢ᭄ᬬᬂᬓᬭᬶ᭞ᬲᬸᬫᬗ᭄ᬰᬬᬭᬶᬂᬫᬦᬄ᭟᭒᭕᭟ᬧᬸᬦᬶᬓᬶᬯᬾᬦ᭄ᬢᭂᬦ᭄ᬘᬭᬶᬢ᭞ᬭᬶᬂᬢᬦ᭄ᬢ᭄ᬭᬶᬢᬶᬢ᭄ᬬᬂᬗᬫᬗ᭄ᬕᬶᬄ᭞ᬳᬯᬲ᭄ᬢᬧᬸᬦ᭄ᬘᬾᬯᬗ᭄ᬕᬭ᭞ᬢᬦ᭄ᬧᬲᬵᬓ᭄ᬱᬶᬬᬫᬳᬢᬸᬃ᭞ᬲᬺᬗᭂᬦ᭄ᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬸᬦᬸᬲ᭄
ᬓ᭄ᬭᬶᬲ᭄᭞ᬲᬶᬦᭂᬫ᭄ᬧᬮ᭄ᬲᭂᬫ᭄ᬧᬮ᭄ᬕᬸᬮᬸᬦ᭄ᬬ᭟᭒᭖᭟ᬧᬸᬦᬶᬓᬦᬾᬢᬸᬮᬓ᭄ᬢᬶᬢ᭄ᬬᬂ᭞ᬳᬶᬘᬦ᭄ᬤ᭄ᬭᬯᬢᬶᬧᬸᬦᬶᬓᬶ᭞ᬫᬦᬄᬢᬶᬢ᭄ᬬᬗᬾᬫᬗᬸᬢᬂ᭞ᬭᬶᬗ᭄ᬳᬮᬲ᭄ᬯᬬᬄᬧᬸᬦᬶᬓᬸ᭞ᬤᬾᬦᬶᬂᬳᬶᬮᬗᬫᬢ᭄ᬬᬂ᭞ᬳᬦᬓ᭄ᬩ᭄ᬮᬶᬂ᭞ᬫᬧᬦ᭄ᬓᭀ
Auto-transliteration
[3 3B]
3
n. 18. tumulirarisngandika, ngal̥ĕmĕsinsakingharis, pajarangdewapajarang, neyuktinanakdangapus, dumadakpatuḥdikar̀mma, nebinmani, tityangmadanakasukān. 19. hicandrawa
timanĕmbaḥ, hujarehalusamanis, mandramandramaturalon, kadigĕṇdhismawor̀madhu, dhuḥratuhampuratityang, deningkawi, nuduhangngawebañcana. 20. singgiḥratususuhunan, ti
tyangnguningangsujāti, kraṇatityangnmukawon, hidasanghyangsmaraturun, hanuruninsakingswar̀ggan, deningl̥ĕwiḥ, sakṣaṇamunggwingsayanā. 21. sangprabhusukamyār̀ṣa, miwaḥhibupra
meśwarī, hiwīranāthahangucap, blitwarahadangugu, datadewanehorahang, manuronin, masakurangmaringswar̀ggan. 22. yansujātinawangdewa, kmohidajanihaliḥ, hapang
[4 4A]
4
blinawangdewa, hicandrawatimahatur̀, singgiḥbliwiranātha, manawibli, karisangśayaringtityang. 23. lawutmañakṣyangrāga, ringtriyodaśaśakti, miwaḥringhyanghutasana, yantityangmityaringwuwu
s, dumadakanmuhala, bhāyapati, satatāmanggiḥsangsara. 24. sangprabhuhalonngandika, candrawatihaywamaliḥ, ñahihasaksyiringdewa, tuwiñahituhusādhu, hiwiranāthaha
ngucap, tityangkari, sumangśayaringmanaḥ. 25. punikiwentĕncarita, ringtantritityangngamanggiḥ, hawastapuncewanggara, tanpasāksyiyamahatur̀, sr̥ĕngĕnhidaśrīnarendra, ngunus
kris, sinĕmpalsĕmpalgulunya. 26. punikanetulaktityang, hicandrawatipuniki, manaḥtityangemangutang, ringhalaswayaḥpuniku, deninghilangamatyang, hanakbling, mapanko
