Gaguritan Sucita
This page has been accessed 49,502 times.
Description
Bahasa Indonesia
English
Front and Back Covers
Leaf 1
[ ᭑ 1B]
᭑᭞
᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭞ᬧᬸᬦᬶᬓᬶᬕᬕᬸᬭᬶᬢᬦ᭄᭞ᬰᬸᬘᬶᬢ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬚᭂᬦᭂᬓ᭄ᬭᬶᬂᬫᬾᬭᬸᬰᬭᬷᬭ᭞ᬓᬱ᭄ᬝᬸᬢᬶᬳ᭄ᬬᬂᬫᬳᬵᬰᬸᬘᬶ᭞ᬫᬧᬸᬱ᭄ᬧᬤ᭄ᬫᬳᬺᬤ
ᬬ᭞ᬫᬕᭂᬦ᭄ᬢᬲ᭄ᬯᬭᬦᭂᬂᬲᭂᬧᬶ᭞ᬫᬕᬡ᭄ᬤᬬᬢᬶᬲ᭄ᬦᬶᬂᬩᬸᬤ᭄ᬥᬶ᭞ᬫᬮᬾᬧᬜᬰᬶᬮᬳᬬᬸ᭞ᬫᬯᬶᬚᬫᬾᬗᭂᬢ᭄ᬧ᭄ᬭᬓᬰ᭞ᬓᬸᬓᬸᬲᬶᬂᬱᬤ᭄ᬭᬶᬧᬸᬦᬕ᭄ᬤᬶ᭞ᬤᬸᬧᬦᬶᬧᬸᬦ᭄᭞ᬫᬥᬶᬧᬳᬶᬥᭂᬧᬾ
ᬕᬮᬂ᭟᭐᭟᭒᭟ᬓᬩ᭄ᬤᬧ᭄ᬧᬭᬶᬲᬸᬤ᭄ᬤᬧᬹᬚ᭞ᬕᭂᬫᭂᬢᬶᬂᬅᬚ᭄ᬜᬦᬯᬶᬲᬶᬓ᭄᭞ᬢᭂᬕᭂᬳᬶᬂᬲᬉᬧᬘᬵᬭ᭞ᬤ᭄ᬯᬦᬶᬂᬳᬶᬤᬓᬵᬱ᭄ᬝᬸᬢᬶ᭞ᬳᬲᬸᬂᬦᬸᬕ᭄ᬭᬳᬧᬶᬦᬃᬭᬶᬄ᭞ᬫᬸᬕᬶᬫᬗ᭄ᬕᬶᬄᬫᬃ
ᬕ᭄ᬕᬮᬦ᭄ᬢᬸᬃ᭞ᬲᬶᬤ᭄ᬥᬲᬤ᭄ᬬᬧᬜ᭄ᬚᬂᬬᬸᬱ᭞ᬭᬶᬂᬧᬵᬧᬩᬸᬤ᭄ᬥᬶᬳᬓᬮᬶᬲ᭄᭞ᬫᬗ᭄ᬤᬮᬸᬧᬸᬢ᭄᭞ᬭᬶᬂᬰᬓ᭄ᬢᬶᬦᬶᬂᬪᬯᬘᬓ᭄ᬭ᭟᭐᭟᭓᭟ᬳᬦ᭄ᬢᬸᬓ᭄ᬮᬗᬸᬢ᭄ᬓᬧᬸᬢ᭄ᬫᭂᬮᬄ᭞ᬧᬓᬃᬤᬶᬤ᭄ᬧᬂ
[ ᭒ 2A]
ᬓᬯᬶᬗᭂᬦᬶ᭞ᬢᬸᬳᬸᬩᬗ᭄ᬓᬶᬢ᭄ᬦᬸᬤᬸᬢ᭄ᬫᬦᬄ᭞ᬗᬄᬯᬮᬶᬗ᭄ᬮᬸᬂᬫᬗᬺᬲᭂᬧᬶ᭞ᬳᬯᬶᬦᬦ᭄ᬫᭂᬢᬾᬦ᭄ᬳᬮᬶᬂ᭞ᬭᬶᬂᬢᬫ᭄ᬩᭂᬢ᭄ᬓᬮᬸᬤᬦ᭄ᬤᬸᬲᬸᬦ᭄᭞ᬕᬶᬭᬶᬂᬧᬗ᭄ᬓᬄᬫᬸᬭᬸᬓ᭄ᬜᬸᬭᬢ᭄᭞ᬲᬶ
ᬦᭀᬫ᭄ᬓᬳᬗ᭄ᬕᬾᬦ᭄ᬦᭂᬫ᭄ᬩᬗᬶᬦ᭄᭞ᬫᬧᬶᬜᬫ᭄ᬩᬸᬂ᭞ᬲᬸᬓᬾᬃᬢ᭄ᬢᬶᬦ᭄ᬲᬂᬓᬯᬶᬭᬵᬚ᭟᭐᭟ᬫᬫᬶᬢᬂᬕᭂᬂᬧᬗᬫ᭄ᬧᬸᬭ᭞ᬳᬦ᭄ᬢᬸᬓ᭄ᬩᬲ᭄ᬮᬕᬲ᭄ᬫᬗᬯᬶ᭞ᬲᬢ᭄ᬯᬗᬯᬸᬃᬢᬦ᭄ᬧᬪᬸᬓ᭄ᬢ᭞ᬲᭀᬓ᭄ᬤ
ᬲᬃᬧᬫ᭄ᬭᬶᬳᬾᬩᭂᬘᬶᬓ᭄᭞ᬜᬭᬢᬂᬭᬳᬬᬸᬦ᭄ᬕᬸᬫᬶ᭞ᬫᬸᬥᬶᬢᬫᬓᬧᬓᬸᬓᬸᬄ᭞ᬓᬤᬶᬢᬶᬗ᭄ᬓᬳᬶᬂᬓᬲᬢ᭄ᬬᬦ᭄᭞ᬳᬤ᭄ᬯᬢᬸᬳᬸᬢᬦ᭄ᬓᬾᬢᬗᬶᬦ᭄᭞ᬲᭀᬓ᭄ᬦᬾᬢᬸᬚᬸ᭞ᬯᬲᬦᬳ
ᬬᬸᬧᬸᬦᬶᬓ᭟᭐᭟᭕᭟ᬫᬓᬧᬦᭂᬫ᭄ᬩᬾᬦᬶᬂᬲᬢ᭄ᬯ᭞ᬯᬾᬦ᭄ᬢᭂᬦ᭄ᬯᬦ᭄ᬯᬗᬸᬮᬗᬸᬦᬶᬦ᭄᭞ᬭᬫ᭄ᬬᬤᬳᬢᬶᬂᬲᬸᬤᬷᬓ᭄ᬱ᭞ᬢᭂᬧᭂᬢᬶᬂᬰᬶᬮᬲᬬᬸᬓ᭄ᬢᬶ᭞ᬫᬦᬹᬢᬶᬂᬕᬫᬰᬵᬲ᭄ᬢ᭄ᬭᬯᬶᬢ᭄᭞
Auto-transliteration
[ 1 1B]
1
// oṁawighnamastu, punikigaguritan, śucita. 0. pupuḥsinom. 0. jĕnĕkringmeruśarīra, kaṣṭutihyangmahāśuci, mapuṣpadmahr̥ĕda
ya, magĕntaswaranĕngsĕpi, magaṇdayatisningbuddhi, malepañaśilahayu, mawijamengĕtprakaśa, kukusingṣadripunagdi, dupanipun, madhipahidhĕpe
galang. 0. 2. kabdapparisuddapūja, gĕmĕtingajñanawisik, tĕgĕhingsa'upacāra, dwaninghidakāṣṭuti, hasungnugrahapinar̀riḥ, mugimanggiḥmar̀
ggalantur̀, siddhasadyapañjangyuṣa, ringpāpabuddhihakalis, mangdaluput, ringśaktiningbhawacakra. 0. 3. hantuklangutkaputmĕlaḥ, pakar̀didpang
[ 2 2A]
kawingĕni, tuhubangkitnudutmanaḥ, ngaḥwalinglungmangr̥ĕsĕpi, hawinanmĕtenhaling, ringtambĕtkaludandusun, giringpangkaḥmurukñurat, si
nomkahanggennĕmbangin, mapiñambung, suker̀ttinsangkawirāja. 0. mamitanggĕngpangampura, hantukbaslagasmangawi, satwangawur̀tanpabhukta, sokda
sar̀pamrihebĕcik, ñaratangrahayun'gumi, mudhitamakapakukuḥ, kaditingkahingkasatyan, hadwatuhutanketangin, soknetuju, wasanaha
yupunika. 0. 5. makapanĕmbeningsatwa, wentĕnwanwangulangunin, ramyadahatingsudīkṣa, tĕpĕtingśilasayukti, manūtinggamaśāstrawit,Leaf 2
[ ᭒ 2B]
᭒᭞
ᬲᬳᬶᬫᬗᬺᬫ᭄ᬩᬸᬕᬂᬢᬸᬢᬸᬃ᭞ᬢᭂᬍᬩ᭄ᬦᬗᬸᬦ᭄ᬢ᭄ᬭᬶᬬᬚ᭄ᬜ᭞ᬗ᭄ᬭᬢᬢᬧᬮᬦ᭄ᬲᬵᬫᬤᬷ᭞ᬢᭂᬓᬕᬸᬮᬸᬓ᭄᭞ᬳᬤᬸᬂᬗᬯᬾᬓᬺᬢᬬᬸᬕ᭟᭐᭟ᬉᬡ᭄ᬤᬕᬶᬧᬡ᭄ᬤᬾᬮᬦ᭄ᬢᬸ
ᬓᬂ᭞ᬳᬲ᭄ᬢᬓᭀᬰᬮᬓᭀᬰᬮᬷ᭞ᬳᬓᬾᬄᬢᬦ᭄ᬯᬾᬦ᭄ᬢᭂᬦ᭄ᬧᬓᬶᬭᬂ᭞ᬗᬤᭂᬕ᭄ᬫᬫᬃᬕ᭄ᬕᬶᬫᬮᬶᬗ᭄ᬕᬶᬄ᭞ᬫᬨᬮᬳᬬᬸᬜᬸᬓᬦᬶᬦ᭄᭞ᬢᬹᬃᬳᬸᬦᬶᬂᬫᬫᬕᬶᬤᬯᬸᬄ᭞ᬗᬶ
ᬗᬦᬶᬦ᭄ᬲᬮ᭄ᬯᬶᬃᬓᬃᬬ᭄ᬬ᭞ᬲᬲᭀᬮᬳᬦ᭄ᬮᬗᭀᬂᬕᭂᬦ᭄ᬤᬶᬂ᭞ᬢᬦ᭄ᬓᬳᬶᬢᬸᬂ᭞ᬮ᭄ᬯᬶᬃᬭᬶᬂᬇᬦ᭄ᬤ᭄ᬭᬪᬯᬦ᭟᭐᭟᭗᭟ᬯᬯᬗᬸᬦᬦ᭄ᬤᬳᬢ᭄ᬓᬢᬄ᭞ᬕᭂᬤᭀᬂᬕᭂᬤᭀᬂᬧᬜᭂᬗ᭄ᬓᭂᬃᬳ
ᬲᬭᬶ᭞ᬫᬕ᭄ᬕᬩᬺᬲᬶᬳ᭄ᬤᬳᬢ᭄ᬚᬶᬫ᭄ᬩᬃ᭞ᬳᬮᬸᬦᬮᬸᬦ᭄ᬗᬸᬮᬗᬸᬦᬶᬦ᭄᭞ᬧᬃᬬ᭄ᬬᬗᬗᭀᬧᬸᬭᬭᬯᬶᬢ᭄᭞ᬫᬯᬸᬓᬶᬂᬫᬧᬢ᭄ᬭᬮᬸᬯᬸᬂ᭞ᬫᬧᬶᬦ᭄ᬤᬫᬮᬮᬫ᭄ᬧᬳ
[ ᭓ 3A]
ᬦ᭄᭞ᬢᬫᬦ᭄ᬳᬮᬸᬲ᭄ᬫᬗᬾᬤᬦᬶᬦ᭄᭞ᬫᬸᬮᬓᬲᬸᬩ᭄᭞ᬢᬦ᭄ᬯᬯᬾᬓ᭄ᬭᬢᬧᬸᬦᬶᬓ᭟᭐᭟᭘᭞ᬮᬸᬯᬶᬄᬬᬦᬶᬂᬳᬩᬵᬂᬯᬾᬢᬦ᭄᭞ᬲ᭄ᬯᬭᬦ᭄ᬕᭂᬦ᭄ᬢᬦᬾᬚᬗᬶᬄ᭞ᬫᬦᬸᬭᬹ
ᬢ᭄ᬕᬶᬸᬢ᭄ᬰ᭄ᬮᭀᬓᬓᬳᬲ᭄ᬢᬯ᭞ᬓᬮᬦᬶᬂᬧᬭᬲᬸᬮᬶᬗ᭄ᬕᬶᬄ᭞ᬫᬗᬃᬕ᭄ᬕᬗᬃᬘ᭄ᬘᬡᬯᬶᬥᬶ᭞ᬫ᭄ᬭᬶᬄᬓᬚᬬᬦ᭄ᬲᬂᬧ᭄ᬭᬪᬸ᭞ᬫᬓᬵᬤᬶᬮᬡ᭄ᬤᬸᬳᬶᬂᬚᬕᬢ᭄᭞ᬮᬸᬧᬸᬢᬶᬂᬘᭀᬭᬪᬬ
ᬤᬶ᭞ᬮᬭᬕᭂᬫ᭄ᬧᬸᬂ᭞ᬩᬮᬶᬓ᭄ᬢᬫ᭄ᬧᭂᬓᬶᬦ᭄ᬓᬲᬤ᭄ᬬᬦ᭄᭟᭐᭟᭙᭞ᬲᬓᬢᬳᬶᬂᬯᭀᬂᬳᬶᬭᬶᬓ᭞ᬯᬾᬦ᭄ᬢᭂᬦ᭄ᬓᬚᬯᬢ᭄ᬓᬧᬶᬮᬶᬄ᭞ᬓᬳᬗ᭄ᬕᬾᬦ᭄ᬩᬩᬸᬗᬄᬲᬢ᭄ᬯ᭞ᬲᬂᬲᬸᬘᬶᬢᬓᬯ
ᬱ᭄ᬝᬦᬶᬦ᭄᭞ᬫᬸᬮᬢᬸᬭᬸᬦᬦᬸᬢ᭄ᬢᬫᬶ᭞ᬢᭀᬲ᭄ᬦᬶᬂᬫᬲᬤ᭄ᬬᬳᬬᬸ᭞ᬧᬸᬦᬶᬓᬫᬗ᭄ᬓᬶᬦ᭄ᬘᬭᬶᬢ᭞ᬫᬤᬸᬯᬾᬲᬯᬶᬢ᭄ᬭᬩᭂᬲᬶᬓ᭄᭞ᬲᬫᬶᬮᬸᬮᬸᬢ᭄᭞ᬳᬧᬦ᭄ᬯᬯᬦᭂᬗᬦ᭄ᬢᬸ
Auto-transliteration
[ 2 2B]
2
sahimangr̥ĕmbugangtutur̀, tĕl̥ĕbnanguntriyajña, ngratatapalansāmadī, tĕkaguluk, hadungngawekr̥ĕtayuga. 0. uṇdagipaṇdelantu
kang, hastakośalakośalī, hakeḥtanwentĕnpakirang, ngadĕgmamar̀ggimalinggiḥ, maphalahayuñukanin, tūr̀huningmamagidawuḥ, ngi
nganinsalwir̀kar̀yya, sasolahanlangonggĕnding, tankahitung, lwir̀ringindrabhawana. 0. 7. wawangunandahatkataḥ, gĕdonggĕdongpañĕngkĕr̀ha
sari, maggabr̥ĕsihdahatjimbar̀, halunalunngulangunin, par̀yyangangopurarawit, mawukingmapatraluwung, mapindamalalampaha
[ 3 3A]
n, tamanhalusmangedanin, mulakasub, tanwawekratapunika. 0. 8 luwiḥyaninghabāngwetan, swaran'gĕntanejangiḥ, manurū
tg̶tślokakahastawa, kalaningparasulinggiḥ, mangar̀ggangar̀ccaṇawidhi, mriḥkajayansangprabhu, makādilaṇduhingjagat, luputingcorabhaya
di, laragĕmpung, baliktampĕkinkasadyan. 0. 9 sakatahingwonghirika, wentĕnkajawatkapiliḥ, kahanggenbabungaḥsatwa, sangsucitakawa
ṣṭanin, mulaturunanuttami, tosningmasadyahayu, punikamangkincarita, maduwesawitrabĕsik, samilulut, hapanwawanĕngantu
