Gaguritan Basur 03
This page has been accessed 9,740 times.
Description
Bahasa Indonesia
English
Front and Back Covers
Leaf 1
[᭑ 1A] (physical label incorrect, should have been 14B)
᭑᭟
᭚ᬒᬁᬅᬯᬶᬖ᭄ᬦᬫᬲ᭄ᬢᬸᬦᬫᬲᬶᬥᬀ᭚ᬇᬢᬶᬓᬯᬷᬰ᭄ᬯᬭᬗᬭᬦ᭄᭞ᬩᬲᬸᬃᬲᬫᬧ᭄ᬢ᭟ᬧᬸᬧᬸᬄ᭞ᬕᬶᬦ᭠
ᬥ᭟᭐᭟᭑᭟ᬧᬸᬓᬸᬮᬸᬦ᭄ᬳ᭄ᬬᬂᬓᬯᬷᬰ᭄ᬯᬭ᭞ᬫᬶᬯᬄᬲᬳ᭄ᬬᬂᬲᬭᬲ᭄ᬯᬢᬷ᭞ᬢᭂᬫ᭄ᬩᬾᬢᬶᬢ᭄ᬬᬂᬗᬯᬾᬕᬶᬢ᭞ᬯᭀᬂ
ᬳᬩ᭄ᬬᬦ᭄ᬓᬾᬯᬸᬢ᭄ᬫᬗᬸᬢᬸᬲ᭄᭞ᬫᬶᬦ᭄ᬢᬕᬶᬢᬢᬢᬗᬶᬲᬦ᭄᭞ᬤᬾᬯᬳᬚᬷ᭞ᬮᬩ᭄ᬕ᭄ᬬᬢᬶᬢ᭄ᬬᬂᬢᬦ᭄ᬘᬦ᭄ᬢᬸ᭠
ᬮ᭟᭐᭟ᬓᭀᬘᬧᬦ᭄ᬳᬶᬜᭀᬫᬦ᭄ᬓᬭᬂ᭞ᬫᬉᬫᬄᬤᬶᬩᬜ᭄ᬚᬃᬲᬭᬷ᭞ᬫᬗᭂᬮᬄᬧ᭄ᬬᬦᬓ᭄ᬤᬤ᭄ᬯ᭞
[᭒ 2A]
ᬦᬗᬶᬂᬲᬫᬶᬳᭂᬮᬸᬄᬳᭂᬮᬸᬄ᭞ᬦᬾᬓᭂᬮᬶᬳᬦ᭄ᬳᬤᬦᬶᬦ᭞ᬦᬷᬰᭀᬓᬱ᭄ᬝᬷ᭞ᬦᬾᬘᭂᬦᬶᬓᬦ᭄ᬦᬷᬭᬶᬚᬲᬵ᭟
᭐᭟᭓᭟ᬳᬤᭂᬕ᭄ᬮᬜ᭄ᬚᬃᬲᬤᬜᬦ᭄ᬤᬢ᭄᭞ᬓᬜᬸᬂᬫᬦᬶᬲ᭄ᬫᬗᬾᬤᬦᬶᬦ᭄᭞ᬢᬸᬮ᭄ᬬᬓᬤᬶᬢᬶᬮᭀᬢ᭄ᬢ᭠
ᬫᬵ᭞ᬲᬲᭀᬮᬄᬫᬦᬸᬤᬸᬢ᭄ᬓᬬᬸᬦ᭄᭞ᬫᬭᬭᬵᬫᬮᬶᬦ᭄ᬢᬂᬢᬺᬱ᭄ᬡ᭞ᬓᬢᬄᬫᬸᬚᬶ᭞ᬥᬃᬫ᭄ᬫᬳᬮᬸᬲ᭄ᬤᬦ
ᬕᭀᬬ᭟᭐᭟᭔᭟ᬦᬶᬰᭀᬓᬱ᭄ᬝᬷᬫᬜᭂᬫ᭄ᬧᬓ᭞ᬘᭂᬦᬶᬓ᭄ᬕᬮᬶᬂᬳᬤᭂᬕ᭄ᬧᬸᬢ᭄ᬭᬷ᭞ᬲᬸᬩᬢᬸᬢᬸ
Auto-transliteration
[1 1A] (physical label incorrect, should have been 14B)
1.
// oṁawighnamastunamasidhaṃ // itikawīśwarangaran, basur̀samapta. pupuḥ, gina‐
dha. 0. 1. pukulunhyangkawīśwara, miwaḥsahyangsaraswatī, tĕmbetityangngawegita, wong
habyankewutmangutus, mintagitatatangisan, dewahajī, labgyatityangtancantu‐
la. 0. kocapanhiñomankarang, ma'umaḥdibañjar̀sarī, mangĕlaḥpyanakdadwa,
[2 2A]
nangingsamihĕluḥhĕluḥ, nekĕlihanhadanina, nīśokaṣṭī, necĕnikannīrijasā.
0. 3. hadĕglañjar̀sadañandat, kañungmanismangedanin, tulyakaditilotta‐
mā, sasolaḥmanudutkayun, mararāmalintangtr̥ĕṣṇa, kataḥmuji, dhar̀mmahalusdana
goya. 0. 4. niśokaṣṭīmañĕmpaka, cĕnikgalinghadĕgputrī, subatutuLeaf 2
[᭒ 2B]
᭒᭟
ᬕ᭄ᬤᬳᬧᬶᬲᬦ᭄᭞ᬯᭂᬤᬦᬦᬾᬫᭂᬮᭀᬓ᭄ᬮᬸᬫ᭄ᬮᬸᬫ᭄᭞ᬩᬸᬓᬩᬸᬮᬦᬾᬧᬹᬃᬡ᭄ᬦᬫ᭞ᬫᬗᬾᬤᬦᬶᬦ᭄᭞ᬢᬸ᭠
ᬮ᭄ᬬᬭᬢᬶᬄᬫᬗᬲ᭄ᬫᬭ᭟᭐᭟᭕᭟ᬫᬜᬫᬓᬮᬶᬦ᭄ᬢᬂᬢᬺᬱ᭄ᬡ᭞ᬢ᭄ᬯᬭᬩᬶᬱᬤᬺᬗ᭄ᬕᬶᬘᬶᬗᬶᬂ᭞ᬭᬭᬵᬫ
ᬦ᭄ᬜᬓᬮᬶᬦ᭄ᬢᬂᬳᬾᬫᬦ᭄᭞ᬩᬶᬱᬫᬗᬸᬮᬦᬶᬦ᭄ᬕᬸᬭᬸ᭞ᬳᬶᬜᭀᬫᬦ᭄ᬓᬭᬂᬗᬲ᭄ᬢᬧ᭞ᬗᬚᬧ᭄ᬲᬳᬶ᭞᭠
ᬧ᭄ᬬᬦᬓᬾᬤᬤ᭄ᬯᬗ᭄ᬕᬾᬦ᭄ᬤᬾᬯ᭟᭐᭟᭖᭟ᬳᬶᬗᭂᬢ᭄ᬢᬶᬢ᭄ᬬᬂᬦᬾᬦᬾᬲᬸᬩ᭞ᬓᬭᬩ᭄ᬬᬂᬳᬶᬤᬾᬯᬦᬾ
[᭓ 3A]
ᬳᬸᬭᬶᬧ᭄᭞ᬳᬶᬬᬤᬶᬤᬸᬫᬭᬳᬯᭀᬢᭀᬦ᭄᭞ᬩ᭄ᬬᬂᬳᬶᬤᬾᬯᬫᬗᬗ᭄ᬕᬸᬃ᭞ᬓᬚᬦᬦ᭄ᬚᬸᬫᬄᬤᬾᬭᬫ᭄ᬧ
ᬕ᭄᭞ᬫᬫᬶᬧᬶᬲᬦ᭄᭞ᬢᭂᬓᭂᬦ᭄ᬚᬸᬫᬄᬫᬫᬸᬮᬶᬲᬄ᭟᭐᭟᭗᭟ᬗᭀᬭᬳᬂᬜᬓᬶᬢᬂᬩᬲᬂ᭞ᬓᬕᬾ
ᬢ᭄ᬕᬥᬂᬱᬺᬚᬦᬶ᭞ᬩᬧᬗᭂᬮᬸᬃᬕᭂᬭᬓ᭄ᬕᭂᬭᬓ᭄᭞ᬧᬶᬲᬕᬦᬾᬢᭂᬓᬦᬸᬮᬸᬂ᭞ᬩᬮ᭄ᬬᬦ᭄ᬮᬶᬬᬸᬢᬦᬶᬩᬮ᭄ᬬ
ᬦ᭄᭞ᬧᬥᬧ᭄ᬭᬧ᭄ᬢᬶ᭞ᬤᬧᭂᬢᬗᬲᬸᬩᬧᭂᬚᬄ᭟᭐᭟᭘᭟ᬤᬾᬭᬫ᭄ᬧᬕ᭄ᬭᬭᬶᬲ᭄ᬬᬩᬸᬤᬮ᭄᭞ᬫᬗ
Auto-transliteration
[2 2B]
2.
gdahapisan, wĕdananemĕloklumlum, bukabulanepūr̀ṇnama, mangedanin, tu‐
lyaratiḥmangasmara. 0. 5. mañamakalintangtr̥ĕṣṇa, twarabiṣadr̥ĕnggicinging, rarāma
nñakalintangheman, biṣamangulanin'guru, hiñomankarangngastapa, ngajapsahi, ‐
pyanakedadwanggendewa. 0. 6. hingĕttityangnenesuba, karabyanghidewane
[3 3A]
hurip, hiyadidumarahawoton, byanghidewamanganggur̀, kajananjumaḥderampa
g, mamipisan, tĕkĕnjumaḥmamulisaḥ. 0. 7. ngorahangñakitangbasang, kage
tgadhangsyr̥ĕjani, bapangĕlur̀gĕrakgĕrak, pisaganetĕkanulung, balyanliyutanibalya
n, padhaprapti, dapĕtangasubapĕjaḥ. 0. 8. derampagrarisyabudal, mangaLeaf 3
[᭓ 3B]
᭓᭟
ᬭᭀᬭᭀᬤ᭄ᬧᬺᬚᬦᬶ᭞ᬩᬧᬳᭂᬜᬕ᭄ᬩᬸᬓᬩᭀᬃᬩᭀᬃ᭞ᬓᬧᭀᬓᭀᬳᬶᬤᬾᬯᬳᭂᬦᬸ᭞ᬫᬓᬤᬳ
ᬤ᭄ᬯᬦᬸᬗ᭄ᬕᬸᬢᬶᬢ᭄ᬬᬂ᭞ᬗᬦ᭄ᬢᬸᬂᬳᬸᬭᬶᬧ᭄᭞ᬢᬗᬭᬶ᭠ᬦ᭄ᬤᬾᬯᬧᬂᬫᭂᬮᬄ᭟᭐᭟᭙᭟ᬳᬯᬓ᭄ᬘᭂᬭᬶᬓ᭄ᬢ᭄ᬯᬭᬩᬶ
ᬲ᭞ᬳᬶᬓᬓᬶᬩᬮ᭄ᬬᬦ᭄ᬢᬺᬱ᭄ᬡᬳᬶᬦ᭄᭞ᬳᬶᬤᬤᭀᬂᬓᬮᭀᬓᬩᬤ᭄ᬮᭀᬤ᭄᭞ᬳᭀᬮᬲᬶᬦ᭄ᬥᬃᬱᬡᬢᬸ
ᬬᬸᬄ᭞ᬳᬶᬤᬶᬳᬶᬦ᭄ᬲᬶᬓᭂᬧ᭄ᬤᬶᬳᬯᬓ᭄᭞ᬦᬾᬦᬾᬰᬓ᭄ᬢᬶ᭞ᬫᬳᬤᬦ᭄ᬰᬶᬯᬲᬸᬫᭂᬥᬂ᭟᭐᭟᭑᭐᭟᭠
[᭔ 4B] (physical label incorrect, should have been 4A)
ᬳᬯᬓ᭄ᬓᭂᬮᬶᬄᬲᬸᬩᬜᬦ᭄ᬤᬂ᭞ᬤᭂᬫᭂᬦᬶᬦ᭄ᬳᬦᬓ᭄ᬫᭀᬯᬦᬶ᭞ᬳᭂᬤᬧᬢᬶᬘᬘᬮᭀᬤᭀᬄ᭞ᬫᬦᬸᬳᬸᬓᬶ᭠
ᬦ᭄ᬤᭂᬫᭂᬦ᭄ᬓᬬᬸᬦ᭄᭞ᬳᬧᬂᬓᬃᬥᬶᬓ᭄ᬧᬲᭂᬮ᭄ᬲᭂᬮᬦ᭄᭞ᬢᭂᬓᭂᬦ᭄ᬜᬳᬶ᭞ᬧᭂᬮᬚᬳᬶᬦ᭄ᬢᭂᬓᬾᬦ᭄ᬢᬶᬗ᭄ᬓᬄ᭟᭐᭟
ᬥᬃᬫ᭄ᬫᬧᬢᬹᬢᬾᬢᬸᬮᬤᬂ᭞ᬪᬓ᭄ᬢᬶᬭᬶᬂᬤᬾᬯᬤᬮᬮᬶ᭞ᬗᬮᬶᬬᭀᬦ᭄ᬗᬢᬸᬭᬂᬘᬦᬂ᭞ᬫᬪᬓ᭄ᬢᬶᬭᬭᬶ᭠
ᬲ᭄ᬫᬓᬶᬤᬸᬂ᭞ᬲᬳᬶᬜᬫ᭄ᬧᬢ᭄ᬤᬶᬲᬗ᭄ᬕᬄ᭞ᬳᬧᬂᬢᬶᬢᬶᬓ᭄᭞ᬳᬶᬦᬶᬄᬧᬸᬦᬂᬫᬓᬲᬓᬬ᭟ᬳᭀ᭟᭑᭒᭟
Auto-transliteration
[3 3B]
3.
rorodpr̥ĕjani, bapahĕñagbukabor̀bor̀, kapokohidewahĕnu, makadaha
dwanunggutityang, ngantunghurip, tangari‐ndewapangmĕlaḥ. 0. 9. hawakcĕriktwarabi
sa, hikakibalyantr̥ĕṣṇahin, hidadongkalokabadlod, holasindhar̀ṣaṇatu
yuḥ, hidihinsikĕpdihawak, neneśakti, mahadanśiwasumĕdhang. 0. 10. ‐
[4 4B] (physical label incorrect, should have been 4A)
hawakkĕliḥsubañandang, dĕmĕninhanakmowani, hĕdapaticacalodoḥ, manuhuki‐
ndĕmĕnkayun, hapangkar̀dhikpasĕlsĕlan, tĕkĕnñahi, pĕlajahintĕkentingkaḥ. 0.
dhar̀mmapatūtetuladang, bhaktiringdewadalali, ngaliyonngaturangcanang, mabhaktirari‐
smakidung, sahiñampatdisanggaḥ, hapangtitik, hiniḥpunangmakasakaya. ho. 12.
