Gaguritan Cilinaya 02

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚᭐᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭟ᬳᬶᬲᭂᬂᬗᬯᬾᬕᬕᭂᬦ᭄ᬤᬶᬗᬦ᭄᭞ᬢᭂᬩᬂᬲ᭄ᬦᭀᬫ᭄ᬭᬶᬂᬧᬗᬯᬶᬢ᭄᭞ᬦᬵᬗ᭄ᬳᬶᬂᬳᬫ᭄ᬧᬸᬭᬬᬂᬧᬶᬲᬦ᭄᭞ᬲᬵᬫ᭄ᬧᬸᬦᬩ᭠ ᬗᭂᬢ᭄ᬗᭂᬧᭀᬓᬶᬦ᭄᭞ᬯᬶᬭᬾᬄᬓᬢᬸᬦᬬᬂᬲᬫᬶ᭞ᬭᬶᬭᬶᬕᬦᬾᬗᬦ᭄ᬤᬂᬗᬜ᭄ᬘᬸᬄ᭞ᬬᬾᬦ᭄ᬭᬗ᭄ᬓᬸᬂᬦᬯ᭄ᬕᬂᬓᬸᬢᬂ᭞ᬬᬾᬦ᭄ᬓᬶᬭᬂᬫᬮᬶᬄᬯᬸᬯᬸᬳᬶᬦ᭄᭞ᬲᬵᬫ᭄ᬧᬸᬦ᭄ᬩᭂᬦ᭄ᬳᬸ ᬲᬧᬲᬶᬭᬚᬫᬜᬶᬕᬓ᭄᭚᭐᭚ᬲᬶᬦᭀᬫ᭄᭟᭐᭟ᬯᬾᬦ᭄ᬢᭂᬦ᭄ᬋᬓᬾᬢᬸᬢᬹᬃᬲᬢ᭄ᬯᬓᬳᬸᬘᬧ᭄ᬳᬶᬤᬲᬗ᭄ᬳᬚᬷ᭞ᬦᬵᬬᬭᬵᬢᬸᬦᬾ ᬭᬶᬂᬤ᭄ᬳᬵ᭞ ᬮᬾᬤᬂᬓᬳ᭄ᬬᬸᬦ᭄ᬧ᭄ᬭᬫᬶᬰ᭄ᬯᬭᬷ᭞ᬳᬦᬧᬸᬢ᭄ᬭᬲᬯᬶᬚᬶᬳᬶᬲ᭄ᬭᬷᬳᬬᬸᬦᬾᬓᬮᬗ᭄ᬓᬸᬂ᭞ᬲᬂᬧ᭄ᬭᬪᬹᬧ᭄ᬭᬫᬾᬰ᭄ᬯᬭ᭄ᬬᬵ᭞ᬮᬶᬦ᭄ᬢᬂᬮᬾᬤᬂᬫᬜᬶᬗᬓᬶᬦ᭄ [᭒ 2A] ᬧᬸᬢ᭄ᬭᬷᬳᬬᬸᬢᬹᬃᬫᬗᬗ᭄ᬕᬾᬲᬃᬯ᭄ᬯᬫᬵᬲ᭄᭟ᬢᬦ᭄ᬓᭀᬘᬧ᭄ᬳᬶᬤᬲᬂᬦᬵᬣ᭞ᬓᬯᬸᬯᬸᬲ᭄‌ᬭᬓ᭄ᬬᬦ᭄ᬧᬢᬶᬄ᭞ᬦᬫᬦᬶᬦ᭄ᬓᬳ᭄ᬬᬸᬦ᭄ᬲᬂᬦᬣᬵ᭞ᬰ᭄ᬭᬷᬓᬸᬡ᭄ᬤᬮᬃᬱᬵ ᬍᬯᬶᬄ᭞ᬓ᭄ᬫᬦ᭄ᬤᭂᬮᬾᬦ᭄ᬤᬺᬧᬢᬶᬬᬸᬃᬭᬶᬯᬶᬘᬓ᭄ᬱᬡᬵᬦᬸᬮᬸᬲ᭄᭞ᬧ᭄ᬭᬚ᭄ᬜᬦ᭄‌ᬢ᭄ᬯᬭᬤᬧᬥ᭞ᬢ᭄ᬯᬭᬳᬤᬫᬦᬦ᭄ᬤᬶᬗᬶᬦ᭄᭞ᬜᬦ᭄ᬤᬂᬓᬲᬸᬩ᭄ᬓᬮᭀᬓᬵᬤᬶᬫ᭄ᬭᬵ ᬘᬧᬤᬵ᭟ᬳᬶᬧᬢᬶᬄᬓᬸᬤᬦᬶᬮᬃᬱᬵ᭞ᬗ᭄ᬮᬄᬧ᭄ᬬᬦᬓ᭄‌ᬮᬸᬄᬳᬤᬶᬭᬶ᭞ᬲᬼᬫ᭄ᬲᬼᬲᬤ᭄ᬥᬵᬕᬗ᭄ᬕᬲ᭄᭞ᬦᭀᬦᭀᬦᬾᬫᬮᬶᬕᭀᬮᬫᬶᬄ᭞ᬩᭀ ᬓ᭄ᬩᬭᬓᬶᬜ᭄ᬘᭂᬂᬕᬸᬭᬶᬄ᭞ᬩᬢᬶᬲ᭄ᬢᬸᬮ᭄ᬬᬵᬢᬶᬳᬶᬂᬧ᭄ᬢᬸᬂ᭞ᬢᬸᬃᬓᬄᬓᬄᬓᬘᬶᬘᬶᬗᬦ᭄᭞ᬓᬗ᭄ᬓᭂᬦ᭄ᬭᬶᬰ᭄ᬭᬷᬦᬭᬧᬢᬶ᭞ᬳᬸᬢᬶᬮᬶᬓᬸᬯᬸᬜᬶᬕ᭄ᬤᬾᬩ᭄ᬯᬶ

Auto-transliteration

[1 1B] 1 // 0 // oṁawighnamāstu. hisĕngngawegagĕndingan, tĕbangsnomringpangawit, nānghinghampurayangpisan, sāmpunaba‐ ngĕtngĕpokin, wireḥkatunayangsami, ririganengandangngañcuḥ, yenrangkungnawgangkutang, yenkirangmaliḥwuwuhin, sāmpunbĕnhu sapasirajamañigak // 0 // sinom. 0. wentĕnr̥ĕketutūr̀satwakahucap'hidasanghajī, nāyarātune ringd'hā, ledangkahyunpramiśwarī, hanaputrasawijihisrīhayunekalangkung, sangprabhūprameśwaryā, lintangledangmañingakin [2 2A] putrīhayutūr̀manganggesar̀wwamās. tankocap'hidasangnātha, kawuwusrakyanpatiḥ, namaninkahyunsangnathā, śrīkuṇdalar̀syā l̥ĕwiḥ, kmandĕlendr̥ĕpatiyur̀riwicakṣaṇānulus, prajñantwaradapadha, twarahadamanandingin, ñandangkasubkalokādimrā capadā. hipatiḥkudanilar̀syā, nglaḥpyanakluḥhadiri, sl̥ĕmsl̥ĕsaddhāganggas, nononemaligolamiḥ, bo kbarakiñcĕngguriḥ, batistulyātihingptung, tur̀kaḥkaḥkacicingan, kangkĕnriśrīnarapati, hutilikuwuñigdebwi

Leaf 2

Image on Archive.org

[᭒ 2B] ᭒ ᬦ᭄ᬲᬭᬕ᭄᭟ᬧᬭᬩ᭄ᬳᬶᬮᬶᬫ᭄ᬩᬸᬃᬢᬫ᭄ᬭᬓ᭄᭞ᬢ᭄ᬲᬶᬂᬢᬸᬲᬶᬂᬓᬭᬸᬗ᭄ᬯᬂᬚᬦᬶ᭞ᬲᬶᬂᬚᬳᬮᬜ᭄ᬚᬮᬦ᭄ᬫᬕ᭄ᬦᬄ᭞ᬚᬸᬭᬸᬗᬸᬮᬶᬕ᭄ᬳᭀᬤᬓ᭄ᬲᬳᬶ᭞ᬧᬗᬬᬄᬧ᭄ᬭᬫᬶ ᬰ᭄ᬯᬭᬶ᭞ᬓᬵᬮᬶᬄᬮᬦ᭄ᬳᬶᬤᬲᬂᬧ᭄ᬭᬪᬸ᭞ᬚᬸᬭᬸᬫᬗᬫ᭄ᬩᬶᬮ᭄ᬢᭀᬬᬵ᭞ᬧ᭄ᬢᭂᬂᬮ᭄ᬫᬄᬲᬳᬶᬲ᭄ᬤᬶᬄ᭞ᬭᬭᬶᬲ᭄ᬫᬦ᭄ᬢᬸᬓ᭄‌ᬦᬕᬶᬄᬕᬸᬡᬭᬶᬂᬭᬭᬫᬵ᭟ᬦᬶᬓᬸᬳ᭄ᬤᬦᬶᬮᬃᬱᬵ ᬳᬾᬭᬂ᭞ᬢ᭄ᬓᬵᬧ᭄ᬬᬓᬾᬫᬗ᭄ᬮᬶᬂ᭞ᬭᬭᬶᬲ᭄ᬳᬦ᭄ᬭᬗ᭄ᬲᬸᬓᬶᬬᬸᬡ᭞ᬕᬸᬡᬲᭀᬃᬄᬦᬾᬦᬾᬍᬯᬶᬄ᭞ᬤᬶᬫᬢᬭᬗ᭄ᬲᬸᬂᬲᬭᬷ᭞ᬤᬶᬳᬯᬓ᭄ᬳᬶᬩᬗ᭄ᬓᬸᬂᬩᬸ ᬤᬸᬄ᭞ᬤᬶᬮᬶᬫᬳᬶᬚᬭᬶᬂᬲᬸᬢ᭄ᬭ᭞ᬤᬶᬩᬶᬩᬶᬄᬳᬶᬬᬸᬂᬢᬸᬂᬳᬗᬶᬲ᭄᭞ᬦᬾᬃᬂᬭᬫ᭄ᬩᬸᬢ᭄‌ᬧᬶᬗᬭᬧ᭄ᬳᬶᬚᬭᬦ᭄ᬕᬸᬬᬂ᭟ᬤᬶᬢᬶᬦ᭄ᬤᬓᬦ᭄ᬲᬸᬍᬫᬦᬓ᭄ [᭓ 3A] ᬢᬬᬸᬗᬦ᭄ᬕᬥᬹᬂᬫᬮᬢᬶ᭞ᬤᬶᬓᬫ᭄ᬩᭂᬦ᭄‌ᬳᬶᬘᬸᬓᬩ᭄ᬭᬕ᭞ᬤᬶᬢᬧᬶᬄᬧᬦᬸᬗ᭄ᬓᬸᬮ᭄ᬕᬸᬫᬶ᭞ᬤᬶᬫᬸᬜᬶᬳᬶᬳᬫ᭄ᬩᬃᬰᬭᬷ᭞ᬕᬸᬡᬧᬸᬮᬢᬾᬭᬶᬂᬲᬩᬸᬓ᭄᭞ᬲᬮᬾᬦ᭄ᬤᬂᬳᬶ ᬕᬸᬡᬓ᭄ᬭᬫᬵ᭞ᬤᬶᬩᬸᬮᬂᬦᬵᬕ᭄ᬕᬲᬗ᭄ᬓᬸᬯᬶᬢ᭄᭞ᬦᬾᬭᬶᬂᬘᬸᬗᬸᬄᬕᬸᬡᬧᬦ᭄ᬭᬉᬧᬲ᭄ᬫᬦ᭄ᬤᬃ᭟ᬲᬵᬫ᭄ᬧᬸᬯᬸᬲ᭄ᬫᬗ᭄ᬭᬢᬶᬸᬗ᭄ᬲᬸᬓ᭄ᬕᬸᬡᬦᬩ᭄ᬤᬩ᭄ᬓᬓᬩᭂᬦᬦ᭄ᬫᬗ᭄ᬓᬶᬦ᭄᭞ᬫᬵ ᬢᭀᬭᭀᬲ᭄ᬩᬲᬗᬾᬩᭂᬗ᭄ᬓᬓ᭄᭞ᬢᬸᬬᬸᬄᬭᬾᬜ᭄ᬘᬗᬾᬦᬸᬮᬸᬗᬶᬦ᭄᭞ᬫᬦᬕ᭄ᬢᬕ᭄ᬫᬗᬧᬸᬭᬶᬦ᭄᭞ᬫᬲ᭄ᬯᬄᬳᭂᬩᭀᬓ᭄ᬦᬾᬧ᭄ᬭᬸᬢ᭄᭞ᬳᬮᬶᬲᬾᬳᬼᬄᬲᬫ᭄ᬮᬄ ᭞ᬢᬸᬬᬸᬄᬫᬜᭀᬮᬾᬓᬶᬦ᭄ᬫᬗ᭄ᬲᬶ᭞ᬫᬢᬲᬾᬗᬢ᭄ᬕᬶᬕᬶᬗ᭄ᬲᬸᬮ᭄ᬳᬶᬲᬶᬢ᭄ᬲᭂᬍᬫ᭄᭟ᬭᬭᬶᬲ᭄ᬫᬗᬫ᭄ᬩᬶᬮᬂᬫᬶᬜᬓ᭄᭞ᬧᬾᬦ᭄ᬤᬾᬂᬳᭂᬩᭀᬜ

Auto-transliteration

[2 2B] 2 nsarag. parab'hilimbur̀tamrak, tsingtusingkarungwangjani, singjahalañjalanmagnaḥ, jurungulig'hodaksahi, pangayaḥprami śwari, kāliḥlanhidasangprabhu, jurumangambiltoyā, ptĕnglmaḥsahisdiḥ, rarismantuknagiḥguṇaringraramā. nikuhdanilar̀syā herang, tkāpyakemangling, rarishanrangsukiyuṇa, guṇasor̀ḥnenel̥ĕwiḥ, dimatarangsungsarī, dihawak'hibangkungbu duḥ, dilimahijaringsutra, dibibiḥhiyungtunghangis, ner̀ngrambutpingarap'hijaran'guyang. ditindakansul̥ĕmanak [3 3A] tayungan'gadhūngmalati, dikambĕnhicukabraga, ditapiḥpanungkulgumi, dimuñihihambar̀śarī, guṇapulateringsabuk, salendanghi guṇakramā, dibulangnāggasangkuwit, neringcunguḥguṇapanra'upasmandar̀. sāmpuwusmangrat̶ngsukguṇanabdabkakabĕnanmangkin, mā torosbasangebĕngkak, tuyuḥreñcangenulungin, managtagmangapurin, maswaḥhĕbokneprut, halisehl̥ĕḥsamlaḥ , tuyuḥmañolekinmangsi, matasengatgigingsulhisitsĕl̥ĕm. rarismangambilangmiñak, pendenghĕboña

Leaf 3

Image on Archive.org

[᭓ 3B] ᭓ ᬦᬫᬶᬳᬶᬓ᭄᭞ᬳᬗ᭄ᬕᭀᬦ᭄ᬫᬬᬧ᭄ᬲᬧᬶᬦ᭄ᬭᬵᬕ᭞ᬧᬸᬧᬸᬢ᭄ᬧᬧᬳ᭄ᬬᬲᬦ᭄ᬫᬗ᭄ᬓᬶᬦ᭄᭞ᬫᬓᬶᬭᬾᬧᬘᬂᬓᬧᬸᬭᬶ᭞ᬫᬧ᭄ᬫᬶᬢ᭄ᬭᬶᬂᬳᬚᬶᬕᬸᬭᬸ᭞ᬓᬳᬶ ᬘ᭄ᬘᬾᬦ᭄ᬧᬋᬓᬦ᭄ᬤᬤ᭄ᬯ᭞ᬗᬩᬓᭂᬫ᭄ᬩᬮ᭄ᬩᬭᬓ᭄ᬗᭂᬦ᭄ᬤᬶᬄ᭞ᬢᬜ᭄ᬘᬭᬶᬢᬵᬭᬶᬂᬚᬮᬦ᭄ᬭᬯᬸᬄᬤᬶᬧᬸᬭᬶ᭟ᬓᭀᬘᬧᬳᬶᬤᬲᬂᬦᬵᬣ᭞ᬩᬸᬜᬶᬗᬓ᭄ᬳᬶᬮᬫ᭄ᬩᬸᬃᬧ ᬮᬶᬂ᭞ᬓᬮᬶᬧᬸᬢ᭄‌ᬳᬦ᭄ᬩᬳᬦ᭄ᬕᬸᬡᬵ᭞ᬮᬶᬗ᭄ᬮᬸᬂᬳᬸᬬᬂᬮᬶᬗ᭄ᬮᬸᬂᬳᬸᬧᬮᬶᬂ᭞ᬲᬓ᭄ᬭᬄᬭᬩᬶᬦᬾᬲᬫᬶ᭞ᬓᬫ᭄ᬧᬶᬄᬢ᭄ᬯᬭᬳᬤᬗ᭄ᬭᬸᬗᬸ᭞ᬧ᭄ᬭᬫᬶᬰ᭄ᬯᬳᬷᬓᬢᭂᬫ᭄ᬧᭀᬭ ᬢ᭄᭞ᬭᬯᬶᬂᬧᬸᬢ᭄ᬭᬓᬭᬶᬳᬮᬶᬢ᭄᭞ᬯᬾᬢᭂᬦ᭄ᬯᬳᬸᬫᬬᬸᬱᬵᬢᬶᬕᬂᬳᭀᬤᬮᬦ᭄᭟ᬩᬮᬶᬓᬶᬦ᭄‌ᬩ᭄ᬯᬶᬦ᭄ᬘᬭᬶᬢᬬᬂ᭞ᬳᬶᬮᬶᬫ᭄ᬩᬸᬃᬫ᭄ᬢᬸᬯᬸᬄᬩᬗ᭄ᬕᬶ᭞ᬳᬶ᭠ [᭔ 4A] ᬗᭂᬢ᭄ᬩᬦ᭄‌ᬤᬾᬯᬾᬓᬾᬲᬬᬂ᭞ᬢ᭄ᬯᬭᬫᬗᬶᬢᬸᬂᬓᬯᬸᬭᬶ᭞ᬫᬤᬸᬦᬾᬫᬓ᭄ᬚᬂᬓᬫ᭄ᬧᬶᬄᬲᬯᬢᬭᬳᬤᬲᬢᬸᬲ᭄᭞ᬫᬓᬵᬤᬶᬜᬧ᭄ᬭᬫᬶᬰ᭄ᬯᬃᬬ᭄ᬬᬵ᭞ᬯᬭᬩᬦᬶᬫ ᬗᬸᬭᬶᬫᬶᬓ᭄᭞ᬲᬧᬢᬸᬤᬸᬄᬓᬵᬮᬶᬄᬓᬳᬲᬳᬶᬦ᭄ᬩᬱᬵᬳᬶᬮᬶᬓᬸᬲᬸᬫᬶᬗ᭄ᬓᬶᬦ᭄ᬩᬶᬗᬃ᭞ᬢ᭄ᬯᬭᬫᬚᬦ᭄ᬓᬵᬫᬫᬸᬜᬶ᭞ᬭᬾᬄᬫᬗᬸᬮᬄᬳᬲᬓ᭄ᬱᬡ᭞ᬢ᭄ᬯᬭ ᬗᬶᬢᬸᬂᬳᬾ ᬓᬳᬸᬯᬶ᭞ᬬᬾᬦ᭄ᬳᬕᬓ᭄ᬢᬗ᭄ᬲᬄᬜᬦ᭄ᬤᬶᬂ᭞ᬲᬂᬧ᭄ᬭᬪᬹᬫᬗᬸᬭᬢ᭄ᬳᬸᬭᬢ᭄᭞ᬮᬯᬸᬢ᭄ᬫᬜ᭄ᬭᬶᬢ᭄ᬲᬭᬕ᭄᭞ᬳᭂᬜᬾᬦ᭄ᬤᬶᬢᬸᬲᭀᬭᭀᬄ᭠ ᬘᬶᬘᬶᬂ᭞ᬫᬳᬶᬫᬮᬸᬧᬳᭂᬓᬶᬜ᭄ᬚᬓᬸᬤ᭄ᬥᬵᬓᭀᬮᭀ᭟ᬫᬓ᭄ᬚᬂᬫᬥᬸᬦᬾᬜᬕ᭄ᬘᬕ᭄᭞ᬫᬓᬵᬤᬶᬜᬧ᭄ᬭᬳᬶᬰ᭄ᬯᬭᬷ᭞ᬕᬕᬾᬲᭀᬦᬦ᭄ᬧᬤᬵ

Auto-transliteration

[3 3B] 3 namihik, hanggonmayapsapinrāga, puputpapahyasanmangkin, makirepacangkapuri, mapmitringhajiguru, kahi ccenpar̥ĕkandadwa, ngabakĕmbalbarakngĕndiḥ, tañcaritāringjalanrawuḥdipuri. kocapahidasangnātha, buñingak'hilambur̀pa ling, kaliput'hanbahan'guṇā, linglunghuyanglinglunghupaling, sakraḥrabinesami, kampiḥtwarahadangrungu, pramiśwahīkatĕmpora t, rawingputrakarihalit, wetĕnwahumayusyātiganghodalan. balikinbwincaritayang, hilimbur̀mtuwuḥbanggi, hi‐ [4 4A] ngĕtbandewekesayang, twaramangitungkawuri, madunemakjangkampiḥsawatarahadasatus, makādiñapramiśwar̀yyā, warabanima ngurimik, sapatuduḥkāliḥkahasahinbasyāhilikusumingkinbingar̀, twaramajankāmamuñi, reḥmangulaḥhasakṣaṇa, twara ngitunghe kahuwi, yenhagaktangsaḥñanding, sangprabhūmangurat'hurat, lawutmañritsarag, hĕñenditusoroḥ‐ cicing, mahimalupahĕkiñjakuddhākolo. makjangmadhuneñagcag, makādiñaprahiśwarī, gagesonanpadā

Leaf 4

Image on Archive.org

[᭔ 4B] ᭔ ᬢ᭄ᬓᬵ᭞ᬳᬶᬮᬶᬫ᭄ᬩᬸᬃᬩᬗ᭄ᬕ᭄ᬭᬲ᭄ᬫᬫᬸᬜᬶ᭞ᬦᬾᬳᬶᬧᬸᬶᬩᬧᬥᬤᬶᬦᬶ᭞ᬳ᭄ᬤᬳᬶᬩᬧᬘᬂᬯᬗ᭄ᬲᬸᬮ᭄᭞ᬫᬦᬸᬮᬓ᭄ᬫᬸᬜᬶᬦ᭄ᬓᭀᬮᭀ᭞ᬗᬳᬾᬳᭀᬤᬓ᭄ᬲᬳᬶᬲᬳᬶ ᭞ᬫ᭄ᬯᬄᬍᬫᬸᬭᬸᬤ᭄᭞ᬓᬾᬢᭀᬚ᭄ᬯᬧᬥᬳᬶᬗᭂᬢᬂ᭟ᬲᬂᬧ᭄ᬭᬪᬹᬳᬳᭀᬦ᭄ᬗᬦ᭄ᬤᬶᬓᬵ᭞ᬗᬲᬶᬳᬶᬦ᭄ᬳᬶᬮᬶᬫ᭄ᬩᬸᬃᬭᬭᬶᬲ᭄᭞ᬳᬦᬓᬕᬸᬂᬲᬸᬳᬸᬤ᭄ᬫᭂᬗ᭄ᬕᬄ᭞ᬢ᭄ᬬᬂ ᬧᬘᬂᬫᬗᭂᬯᬾᬮᬶᬦ᭄᭞ᬬᬾᬦ᭄ᬳᬶᬧᬸᬦ᭄ᬧᬘᬂᬩᬦᬶ᭞ᬧᬶᬯᬮ᭄‌ᬢ᭄ᬓᬾᬦ᭄ᬓᬬᬸᬦ᭄ᬳᬕᬸᬂ᭞ᬢᬦ᭄ᬲᬄᬮᬯᬸᬢ᭄ᬓᬤᬦ᭄ᬤᬦ᭄᭞ᬫᬳᬶᬫᬺᬫ᭄ᬳᬕᬸᬂᬳᬶᬲ᭄ᬢ᭄ᬭᬶ᭞ᬗᬤᬸᬕ᭄ᬳᬤᬸᬕ᭄ ᬳᬶᬮᬶᬫ᭄ᬩᬸᬃᬫᬯᬸᬯᬸᬄᬩᬗ᭄ᬕ᭟ᬧ᭄ᬢᭂᬂᬍᬫᬄᬗ᭄ᬓᭂᬢ᭄ᬤᬬᬵ᭞ᬧᬕ᭄ᬜᬶᬤ᭄ᬥᬵᬬᬂᬳᬶᬲᬸᬭᬶ᭞ᬲᬶᬤ᭄ᬥᬵᬫᬗᭂᬫᬲᬶᬦ᭄ᬭᬸᬲᬓ᭄᭞ᬓᬾᬢᭀᬳᬶᬤᭂᬧ᭄ᬜᬦᬾᬲᬳᬶ᭞ᬾ [᭕ 5A] ᬬᬾᬦ᭄ᬢᭀᬲᬶᬂᬜᬶᬤ᭄ᬥᬬᬂᬫᬢᬶ᭞ᬢ᭄ᬯᬭᬚᬧᬘᬂᬬᬳᬸᬳᬸᬂ᭞ᬳᬶᬤᬸᬧ᭄ᬓᬮᬵᬭᬮᬭ᭞ᬲᬳᬶᬤᬸᬧᬾᬲᬓᬶᬢ᭄ᬳᬢᬶ᭞ᬩᬦᬾᬩ᭄ᬓᬸᬂ᭞ᬢ᭄ᬯᬭᬵᬫᬗ᭄ᬮᬄᬧ᭄ᬬᬦᬓ᭄᭟ᬭ ᬭᬶᬲ᭄ᬫᬢᬹᬃᬭᬶᬂᬲᬂᬦᬵᬣ᭞ᬗᬸᬲᬧ᭄ᬳᬸᬲᬧ᭄‌ᬧ᭄ᬲᬸᬫᬸᬬᬶ᭞ᬗᬭᬭᬲ᭄ᬫᬫ᭄ᬕᬢ᭄ᬫ᭠ᬫᭂᬳᬢ᭄᭞ᬤᬸᬄᬭᬢᬸᬤᬾᬯᬕᬸᬂᬳᬚᬶ᭞ᬧᬶᬋᬗᬂᬚᬵᬭᬢᬸᬫᬗ᭄ᬓᬶᬦ᭄᭞ᬗ᭄ᬳᬶᬂᬲᬵᬫ᭄ᬧᬸ ᬦ᭄ᬳᬶᬭᬢᬸᬩᭂᬦ᭄ᬤᬸ᭞ᬳᬶᬲᬸᬭᬶᬬᭂᬗᬶᬄᬕᭂᬤᬶᬬᬂ᭞ᬢᬸᬢᬶᬂᬧ᭄ᬬᬦᬓ᭄‌ᬦᬾᬦᬾᬘ᭄ᬦᬶᬓ᭄᭞ᬩᬩᬃᬢᬸᬦ᭄ᬤᬸᬂ᭞ᬕ᭄ᬦᬳᬂᬤᬶᬢ᭄ᬗᬄᬳᬮᬲ᭄᭟ᬫᬧᬶᬮᬸᬶᬳᬶᬮᬶᬫ᭄ᬩᬸᬃᬲᬶᬕ᭄ᬲᬶ ᬕᭂᬦ᭄᭞ᬦᭂᬓᭂᬧ᭄ᬫᬢᬳ᭄ᬢᬸᬄᬕᬳᬶᬂ᭞ᬲᬂᬦᬵᬣᬮᬯᬸᬢ᭄ᬫᬕᬾᬩ᭄ᬭᬲ᭄᭞ᬫᬗᬺᬋᬄᬰ᭄ᬭᬷᬧ᭄ᬭᬫᬶᬰ᭄ᬯᬭᬷᬚᬕ᭄ᬗᬫ᭄ᬩᬶᬮ᭄‌ᬮᬯᬸᬢ᭄ᬦᬶᬕ᭄ᬢᬶᬕ᭄᭞ᬫᬦᬶᬜ᭄ᬚᬓ᭄ᬲᬳᬵᬫᬦᬜ᭄ᬚᬸᬂ

Auto-transliteration

[4 4B] 4 tkā, hilimbur̀banggrasmamuñi, nehipuibapadhadini, hdahibapacangwangsul, manulakmuñinkolo, ngahehodaksahisahi , mwaḥl̥ĕmurud, ketojwapadhahingĕtang. sangprabhūhahonngandikā, ngasihinhilimbur̀raris, hanakagungsuhudmĕnggaḥ, tyang pacangmangĕwelin, yenhipunpacangbani, piwaltkenkayunhagung, tansaḥlawutkadandan, mahimr̥ĕmhagunghistri, ngadug'hadug hilimbur̀mawuwuḥbangga. ptĕngl̥ĕmaḥngkĕtdayā, pagñiddhāyanghisuri, siddhāmangĕmasinrusak, ketohidĕpñanesahi, ̔e [5 5A] yentosingñiddhayangmati, twarajapacangyahuhung, hidupkalāralara, sahidupesakit'hati, banebkung, twarāmanglaḥpyanak. ra rismatūr̀ringsangnātha, ngusap'husappsumuyi, ngararasmamgatma‐mĕhat, duḥratudewagunghaji, pir̥ĕngangjāratumangkin, nghingsāmpu nhiratubĕndu, hisuriyĕngiḥgĕdiyang, tutingpyanaknenecnik, babar̀tundung, gnahangditngaḥhalas. mapiluihilimbur̀sigsi gĕn, nĕkĕpmatahtuḥgahing, sangnāthalawutmagebras, mangr̥ĕr̥ĕḥśrīpramiśwarījagngambillawutnigtig, maniñjaksahāmanañjung

Leaf 5

Image on Archive.org

[᭕ 5B] ᬧ᭄ᬭᬫᬶᬰ᭄ᬯᬭᬷᬓᬦ᭄ᬢᬓᬵ᭞ᬇᬭᬸᬗᬾᬫᬯ᭄ᬢᬸᬕ᭄ᬢᬶᬄ᭞ᬩᬩᬓ᭄ᬩᭂᬮᬸᬃᬲᬂᬦᬵᬣ᭠ᬮ᭄ᬬᬸᬦᬶᬲᬶᬬᬂ᭟ᬳᬗ᭄ᬕ᭄ᬭᬲ᭄ᬲᬂᬧ᭄ᬭᬪᬹᬗᬦ᭄ᬤᬶᬓᬵ᭞ᬕ᭄ᬤᬶᬬᬂᬳᬸᬮᬶᬤᬶᬦᬶ᭞ᬤᬶᬢ᭄ᬗᬄᬳᬮ ᬲᬾᬬᬸᬢᬕ᭄᭞ᬳ᭄ᬤᬧ᭄ᬲᬦ᭄‌ᬫᬳᬂᬫᬸᬮᬶᬄ᭞ᬩᬋᬂᬧ᭄ᬬᬦᬓ᭄ᬦᬾᬘ᭄ᬦᬶᬓ᭄᭞ᬤᬶᬳᬮᬲ᭄ᬕᬳᬾᬦᬂᬓᬸᬩᬸ᭞ᬳᬓᬾᬢᭀᬫᬗᬦ᭄ᬤᬶᬓᬵ᭞ᬲᬂᬧ᭄ᬭᬪᬹᬭᬭᬶᬲ᭄ᬦᬶᬗ᭄ᬕᬮᬶᬦ᭄᭞ᬢᬵ ᬲᬄᬜᬸᬚᬸᬃ᭞ᬳᬶᬮᬶᬫ᭄ᬩᬸᬃᬲᬳᬸᬧ᭄ᬓᬳᬭᬲ᭄᭟ᬳ᭄ᬦᭂᬗᬵᬓ᭄ᬦᬲᬂᬦᬵᬣ᭞ᬓᭀᬘᬧ᭄ᬳᬶᬤᬧ᭄ᬭᬫᬶᬰ᭄ᬯᬭᬷ᭞ᬤᬶᬦᬢᬳᬾᬫᬫᬸᬮᬶᬲᬄ᭞ᬩ᭄ᬭᬤ᭄ᬩ᭄ᬭᬸᬤ᭄‌ᬧ᭄ᬲᬸᬕ᭄ᬢᬶᬄ᭞ᬧᬯ᭄ᬯᭀ ᬕᬦ᭄ᬫᬗᬺᬦ᭄ᬢᭂᬩᬶᬦ᭄᭞ᬧᬥᬗ᭄ᬮᬶᬂᬲᬼᬕᬢ᭄ᬲᬼᬕᬢ᭄᭞ᬗᬢᬸᬭᬂᬢᭀᬬᬲᬶᬦᬫ᭄ᬬᬦ᭄᭞ᬳᬤᬫᬗᬢᬸᬮᬶᬦ᭄ᬓᬢᬶᬄ᭞ᬳᬤᬗᭀᬲᭀᬓ᭄ᬘᬡ᭄ᬤᬦᬵᬓᬳᬗ᭄ᬕᬾᬦ᭄ᬢ [᭖ 6A] ᬫ᭄ᬩᬵ᭟ᬳᬚᬳᬦ᭄ᬳᬾᬮᬶᬕ᭄ᬭᬶᬂᬧᬸᬢ᭄ᬭ᭞ᬓᬳᭂᬫ᭄ᬩᬦ᭄ᬢᬸᬃᬓᬧᬲᬶᬳᬶᬦ᭄᭞ᬳ᭄ᬤᬢᬦ᭄ᬤ᭄ᬭᬸᬄᬫᬡᬶᬦ᭄ᬲᬬᬂ᭞ᬮᬶᬯᬢ᭄ᬮᬘᬸᬃᬩᬸᬓᬵᬚᬦᬶ᭞ᬫᬸᬮᬵᬢᬶᬢᬄᬳ᭄ᬬᬂᬯᬶᬤ᭄ᬥᬷ᭞ᬓᬢᬸᬦ᭄ᬤᬸᬂᬩᬳᬦ᭄ᬳᬶ ᬳᬸᬭᬸ᭞ᬫᬓᬸᬢᬂᬢ᭄ᬗᬳᬶᬂᬳᬮᬲ᭄᭞ᬢ᭄ᬯᬭᬳᬸᬦᬶᬂᬢ᭄ᬓᬾᬦ᭄ᬲᬶᬲᬶᬧ᭄᭞ᬘ᭄ᬦᬶᬗᬬᬸᬫᬶᬮᬸᬫᬦᬦ᭄ᬤᬂᬲᬗ᭄ᬲᬭᬵ᭟ᬧ᭄ᬭᬫᬶᬰ᭄ᬯᬭᬷᬭᬭᬶᬲ᭄ᬫᬫᬫᬵᬃᬕ᭄ᬕ᭞ᬳᬦᬭᬸᬂᬮᬫ᭄ᬧᬳᬾᬕ᭄ᬮᬶᬲ᭄᭞ ᬫᬸᬗ᭄ᬕᬄᬕᬸᬦᬸᬂᬫᬜ᭄ᬚᬶᬂᬳᬮᬲ᭄᭞ᬯᬾᬦ᭄ᬢᭂᬦ᭄ᬲᬢᬓ᭄ᬫᬜᬋᬗᬶᬦ᭄᭞ᬘ᭄ᬭᬶᬓ᭄‌ᬓ᭄ᬮᬶᬄᬮᬸᬄᬫ᭄ᬯᬦᬶ᭞ᬧᬤᬫᬗ᭄ᬮᬶᬂᬧᬲᬼᬕᬢ᭄‌᭞ᬫᬓ᭄ᬚᬂᬫᬜᭂᬮ᭄ᬲᭂᬮᬂᬳᬶᬮᬶᬓᬸᬮᬦ᭄ᬰ᭄ᬭᬶ ᬦᬺᬧᬢᬶ᭞ᬩᬲ᭄ᬓᬤᬸᬭᬸᬲ᭄᭞ᬳ᭄ᬮᬲᬾᬢ᭄ᬓᬾᬦᬶᬂᬧᬸᬢ᭄ᬭ᭟ᬳᬓᬾᬄᬧᬓ᭄ᬭᬶᬫᬶᬓᬾᬧᬥ᭞ᬫᬗ᭄ᬓᬶᬦ᭄ᬓᭀᬘᬧ᭄‌ᬧ᭄ᬭᬫᬶᬰ᭄ᬯᬭᬶ᭞ᬫᬜᬸᬲᬸᬧ᭄‌ᬧ᭄ᬢᭂᬗᬶᬂᬳᬮᬲ᭄᭞ᬫᬾᬄᬲᬸ

Auto-transliteration

[5 5B] pramiśwarīkantakā, irungemawtugtiḥ, babakbĕlur̀sangnātha‐lyunisiyang. hanggrassangprabhūngandikā, gdiyanghulidini, ditngaḥhala seyutag, hdapsanmahangmuliḥ, bar̥ĕngpyanaknecnik, dihalasgahenangkubu, haketomangandikā, sangprabhūrarisninggalin, tā saḥñujur̀, hilimbur̀sahupkaharas. hnĕngāknasangnātha, kocap'hidapramiśwarī, dinatahemamulisaḥ, bradbrudpsugtiḥ, pawwo ganmangr̥ĕntĕbin, padhanglingsl̥ĕgatsl̥ĕgat, ngaturangtoyasinamyan, hadamangatulinkatiḥ, hadangosokcaṇdanākahanggenta [6 6A] mbā. hajahanheligringputra, kahĕmbantur̀kapasihin, hdatandruḥmaṇinsayang, liwatlacur̀bukājani, mulātitaḥhyangwiddhī, katundungbahanhi huru, makutangtngahinghalas, twarahuningtkensisip, cningayumilumanandangsangsarā. pramiśwarīrarismamamār̀gga, hanarunglampaheglis, munggaḥgunungmañjinghalas, wentĕnsatakmañar̥ĕngin, crikkliḥluḥmwani, padamanglingpasl̥ĕgat, makjangmañĕlsĕlanghilikulanśri nr̥ĕpati, baskadurus, hlasetkeningputra. hakeḥpakrimikepadha, mangkinkocappramiśwari, mañusupptĕnginghalas, meḥsu

Leaf 6

Image on Archive.org

[᭖ 6B] ᬭᬸᬧ᭄‌ᬳ᭄ᬬᬂᬭᬯᬶᬭᬲ᭄ᬫᬶᬦ᭄᭞ᬢᬤᬄᬳᬰᬶᬄᬫᬕᭂᬗᬶᬓ᭄᭞ᬫᬶᬮᬸᬲ᭄ᬤᬶᬄᬦᬕᬶᬄᬦᬸᬢᬸᬕ᭄᭞ᬲ᭄ᬤᬶᬄᬓᬗᭂᬦ᭄ᬭᬶᬂᬭᬳᬤ᭄ᬬᬦ᭄᭞ᬮᬦ᭄ᬓᬾᬓᬾᬃᬭᬫᬾᬫᬫᬸᬜᬶ᭞ᬓ᭄ᬭᬸᬬᬸᬓ᭄ᬳᬬ ᬫ᭄ᬲᬯᬢ᭄ᬫᬳᬶᬭᬶᬩ᭄ᬫᬜᬧᬵ᭟ᬓ᭄ᬤᬶᬲᬾᬭᬫᬾᬫᬩ᭄ᬭᬶᬬᬓ᭄᭞ᬧᬲᭂᬮᬾᬂᬢᬸ᭠ᬢᬸᬭᬶᬦ᭄ᬲ᭄ᬤᬶᬄ᭞ᬓᬗᭂᬦ᭄‌ᬭᬶᬂᬲᬂᬯᬯᬸᬧ᭄ᬭᬧ᭄ᬢᬵ᭞ᬕᬺᬳᬾᬤᬺᬱ᭄ᬫᬫᬸᬜᬶ᭞ᬢᬦ᭄ᬘᬭᬶ ᬢᬭᬶᬂᬫᬃᬕ᭄ᬕᬶ᭞ᬭᬯᬸᬄᬫᬭᬶᬂᬳᬮᬲ᭄ᬳᬕᬸᬂ᭞ᬭᬶᬂᬕ᭄ᬦᬳᬾᬫᬓᬸᬢᬂ᭞ᬓᬸᬩᬸᬲᬵᬫ᭄ᬧᬸᬦ᭄ᬓᬓᬃᬬ᭄ᬬᬦᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄‌ᬓᬳᬸᬮᬦᬾᬲᬫᬶᬩᬸᬤ ᬮ᭄᭟ᬲᬭᬯᬸᬳᬾᬭᬶᬂᬦᬵᬕᬭ᭞ᬭᬭᬶᬲ᭄ᬧᬋᬓ᭄ᬭᬶᬂᬦᬺᬧᬢᬶ᭞᭠ᬗᬢᬸᬭᬂᬲᬧᬵᬓᬦ᭄ᬤᬵ᭞ᬳᬶᬮᬶᬓᬸᬳᬾᬕᬃᬭᬶᬂᬳᬢᬶ᭞ᬗᬭᬾᬫᭀ [᭗ 7A] ᬦ᭄‌ᬚ᭄ᬭᭀᬦᬶᬗᬢᬶ᭞ᬦᬄᬤᬸᬫᬤᬓ᭄ᬳᬧᬂᬮᬫ᭄ᬧᬸᬲ᭄᭞ᬍᬕᬧ᭄ᬲᬦ᭄‌ᬓ᭄ᬦᭂᬄᬓᭀᬮ᭞ᬬᬾᬦ᭄ᬲᭀᬤ᭄ᬥᬵᬳᬶᬰᬹᬭᬷᬫᬢᬶ᭞ᬢ᭄ᬯᬭᬵᬓᬾᬗ᭄ᬕᬸᬄᬲᬘᬶᬢᬓᬋᬧᬾ ᬲᬶᬤ᭄ᬥᬵ᭟ᬧ᭄ᬭᬫᬶᬰ᭄ᬯᬭᬷᬫᬗ᭄ᬓᬶᬦ᭄ᬓᭀᬘᬧ᭄᭞ᬗᬶᬭᬶᬂᬧᬸᬢ᭄ᬭᬓᬭᬶᬳᬮᬶᬢ᭄᭞ᬚᬸᬫ᭄ᬦᭂᬓ᭄‌ᬢ᭄ᬗᬳᬶᬗᬮᬲ᭄᭞ᬧᭂᬂᬍᬫᬄᬲᬳᬶᬲ᭄ᬤᬶᬄ᭞ᬫᬜᭂᬮ᭄ᬲᭂᬮ᭄ ᬧᬸᬍᬓᬺᬢ᭄ᬢᬶ᭞ᬫᬸᬮᬵᬫᬶᬫᬶᬢᬦᬾᬫᬮᬸ᭞ᬳᬯᬦᬦ᭄ᬳᬶᬲᬦ᭄ᬢᬦᬵ᭞ᬫᬦᭂᬧᬸᬓᬶᬦ᭄ᬧᬦᬲ᭄ᬳᬢᬶ᭞ᬢ᭄ᬯᬭᬵᬦᬯᬂᬧ᭄ᬮᬶᬄᬲᬵᬕᬾᬢᬦ᭄ᬓᬓᬸᬢᬂ᭟᭠ ᭚ᬕᬶᬦᬥ᭚᭐᭚ᬓᬲ᭄ᬯᬾᬦ᭄ᬳᬶᬤᬭᬶᬂᬳᬮᬲ᭄᭞ᬳᬗᬶᬭᬶᬂᬧᬸᬢ᭄ᬭᬦᬾᬬᬮᬶᬢ᭄᭞ᬲᬗᬸᬦᬾᬬᬵᬲᬵᬫ᭄ᬧᬸᬦ᭄ᬢᭂᬮᬲ᭄᭞ᬬᬾᬦᬶᬂ

Auto-transliteration

[6 6B] rup'hyangrawirasmin, tadaḥhaśiḥmagĕngik, milusdiḥnagiḥnutug, sdiḥkangĕnringrahadyan, lankeker̀ramemamuñi, kruyuk'haya msawatmahiribmañapā. kdiseramemabriyak, pasĕlengtu‐turinsdiḥ, kangĕnringsangwawupraptā, gr̥ĕhedr̥ĕṣmamuñi, tancari taringmar̀ggi, rawuḥmaringhalashagung, ringgnahemakutang, kubusāmpunkakar̀yyanin, sāmpunpuputkahulanesamibuda l. sarawuheringnāgara, rarispar̥ĕkringnr̥ĕpati, ‐ngaturangsapākandā, hilikuhegar̀ringhati, ngaremo [7 7A] njroningati, naḥdumadak'hapanglampus, l̥ĕgapsanknĕḥkola, yensoddhāhiśūrīmati, twarākengguḥsacitakar̥ĕpe siddhā. pramiśwarīmangkinkocap, ngiringputrakarihalit, jumnĕktngahingalas, pĕngl̥ĕmaḥsahisdiḥ, mañĕlsĕl pul̥ĕkr̥ĕtti, mulāmimitanemalu, hawananhisantanā, manĕpukinpanashati, twarānawangpliḥsāgetankakutang. ‐ // ginadha // 0 // kaswenhidaringhalas, hangiringputraneyalit, sanguneyāsāmpuntĕlas, yening

Leaf 7

Image on Archive.org

[᭗ 7B] ᭗ ᬚᬶᬦᬄᬯᬾᬦ᭄ᬢᭂᬦ᭄ᬓᬦ᭄ᬢᬸᬦ᭄᭞ᬓᬶᬚᬮᬓᬸᬫᬩ᭄ᬮᬜ᭄ᬚ᭞ᬭᬤᬾᬦ᭄ᬤᬾᬯᬶ᭞ᬫᬦᬗᬶᬲ᭄‌ᬦᬕᬶᬄᬳᬚᭂᬗᬦ᭄᭟ᬦᬗᬶᬲ᭄ᬳᬶᬤᬧ᭄ᬭᬫᬶᬰ᭄ᬯᬃᬬ᭄ᬬ᭞ᬧᬸᬢ᭄ᬭᬦᬾᬲᬳᬸᬧ᭄ᬓᬳ ᬩᬶᬦ᭄᭞ᬤᬸᬄᬫᬵᬲ᭄ᬫᬶᬭᬄᬫᬡᬶᬓᬶᬗ᭄ᬯᬂ᭞ᬲᬸᬳᬸᬤ᭄‌ᬦᬗᬶᬲ᭄ᬭᬢᬸᬳᬕᬸᬂ᭞ᬤ᭄ᬚᬩ᭄ᬬᬂᬗᬮᬶᬄᬤᬳᬃ᭞ᬜᬾᬦᬕᬶᬳᬶᬦ᭄‌ᬮᬘᬸᬃᬫᬓᬸᬢᬂᬤᬶᬳᬮᬲ᭄‌ᬫᬦ ᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬲᬵᬃᬯ᭄ᬯᬗᭂᬫ᭄ᬩᬦ᭄ᬭᬤᬾᬦ᭄ᬤᬾᬯᬶ᭞ᬚᬕᬶᬦᬧᬶᬢ᭄ᬬᬂᬉᬭᬶᬧᬂ᭞ᬲᬸᬓᬬᬦ᭄ᬗᭂᬫᬲᬶᬦ᭄ᬮᬫ᭄ᬧᬸᬲ᭄‌ᬳᬶᬭᬶᬓᬵᬧᬤ᭄ᬫᬢᬶᬢ᭄ᬬᬂ᭞ᬕ᭄ᬮᬶᬲ᭄ᬕᭂᬮᬶ ᬲ᭄᭞ᬗᬸᬤᬵᬢᬶᬢ᭄ᬬᬂᬮᬭᬮᬭᬵ᭟ᬦᬗᬶᬲ᭄ᬫᬶᬢᬸᬢᬸᬭᬶᬦ᭄ᬧᬸᬢ᭄ᬭ᭞᭠ᬫᬸᬧᬸᬢ᭄ᬲᬮᬘᬸᬃᬳᬶᬫᬡᬶᬓ᭄᭞ᬲᬶᬗ᭄ᬕᬶᬄᬳ᭄ᬬᬂᬯᬶᬥᬶᬲᬫ᭄ᬬᬦ᭄᭞ᬧᬥᭂᬫᬃᬓᬾ [᭘ 8A] ᬢᬶᬢ᭄ᬬᬂᬭᬢᬸ᭞ᬳᬧᬂᬩᬋᬂᬧ᭄ᬬᬦᬓ᭄ᬢᬶᬢ᭄ᬬᬂ᭞ᬭᬤᬾᬦ᭄ᬤᬾᬯᬶ᭞ᬫᬦᬗᬶᬲ᭄ᬦᬳᬶᬄᬳᬚᭂᬗᬦ᭄᭟ᬓᬳᬮᬶᬳᬂᬩ᭄ᬯᬄᬓᬱᬵᬩ᭄ᬯᬄᬓᭂᬫ᭄ᬮᬦ᭄‌ᬍᬫ᭄ᬧ᭄ᬦᬶ᭞ᬩ᭄ᬯᬄᬕ ᬳᬸᬗ᭄ᬕᬸᬗᬾᬧᬥ᭞ᬧᬚᭂᬗᬶᬦ᭄ᬧᬸᬢ᭄ᬭᬦᬾᬤᬶᬢᬸ᭞ᬓᬳᬚᭂᬗᬂᬲᬋᬂᬩ᭄ᬬᬂ᭞ᬲ᭄ᬤᬶᬄᬓᬶᬂᬓᬶᬂ᭞ᬬᬾᬘᬶᬗᬓᬾᬤᬺᬱ᭄‌ᬳᭂᬤᬮ᭄᭟ᬲᬳᬶᬗᬮᬶᬄᬯᭀᬄᬯᭀᬳᬦ᭄ ᭞ᬤᬸᬭᬾᬦ᭄ᬲᬮᬓ᭄ᬮᬜ᭄ᬘᬭᬸᬭᬶᬂ᭞ᬦᬗ᭄ᬓᬯᬶᬦᬶᬮᬦ᭄ᬓᬮᬫ᭄ᬧ᭄ᬯᬓ᭄᭞ᬢ᭄ᬯᬭᬵ᭠ᬓ᭄ᬯᬂᬩ᭄ᬯᬄᬓᬬᬸ᭞ᬜᬩ᭄ᬭᬦ᭄ᬗᬚ᭄ᬗᬂᬯᭀᬄᬯᭀᬳᬦ᭄᭞ᬧ᭄ᬭᬫᬶᬰ᭄ᬯᬭᬷ᭞ᬓᬮᬯᬦ᭄ᬭ ᬤᬾᬦᬵᬤ᭄ᬯᬵᬯ᭄ᬬ᭟ᬢᬶᬢ᭄ᬬᬸᬶᬢᬄᬲᬦ᭄ᬳ᭄ᬬᬂᬯᬶᬤ᭄ᬥᬷᬯᬱᬵᬢ᭄ᬯᬭᬓᭀᬤᬤᬶᬓ᭄ᬮᬶᬤᬶᬦ᭄᭞ᬧ᭄ᬭᬫᬶᬰ᭄ᬯᬭᬷᬲᬸᬗ᭄ᬓᬦ᭄‌ᬯ᭄ᬢᭂᬂ᭞ᬳᬗ᭄ᬕᬵᬧᬦᭂᬲ᭄‌ᬧ᭄ᬲᬸᬧᭂᬮᬸᬄ᭞ᬫᬗ᭄ᬭᬭᬶᬲ᭄ᬳᬶ

Auto-transliteration

[7 7B] 7 jinaḥwentĕnkantun, kijalakumablañja, radendewi, manangisnagiḥhajĕngan. nangishidapramiśwar̀yya, putranesahupkaha bin, duḥmāsmiraḥmaṇikingwang, suhudnangisratuhagung, djabyangngaliḥdahar̀, ñenagihinlacur̀makutangdihalasmana ngismasasambatan, sār̀wwangĕmbanradendewi, jaginapityanguripang, sukayanngĕmasinlampushirikāpadmatityang, glisgĕli s, ngudātityanglaralarā. nangismituturinputra, ‐muputsalacur̀himaṇik, singgiḥhyangwidhisamyan, padhĕmar̀ke [8 8A] tityangratu, hapangbar̥ĕngpyanaktityang, radendewi, manangisnahiḥhajĕngan. kahalihangbwaḥkasyābwaḥkĕmlanl̥ĕmpni, bwaḥga hunggungepadha, pajĕnginputraneditu, kahajĕngangsar̥ĕngbyang, sdiḥkingking, yecingakedr̥ĕṣhĕdal. sahingaliḥwoḥwohan , durensalaklañcaruring, nangkawinilankalampwak, twarā‐kwangbwaḥkayu, ñabranngajngangwoḥwohan, pramiśwarī, kalawanra denādwāwya. tityuitaḥsanhyangwiddhīwasyātwarakodadiklidin, pramiśwarīsungkanwtĕng, hanggāpanĕspsupĕluḥ, mangrarishi

Leaf 8

Image on Archive.org

[᭘ 8B] ᭘ ᬤᬦᬾᬯᬢᬵ᭞ᬭᬤᬾᬦ᭄ᬤᬾᬯᬶᬫᬬᬸᬱᬵᬢᬶᬕᬕ᭄ᬳᭀᬤᬮᬦ᭄᭟ᬮᬬᭀᬦ᭄ᬩ᭄ᬬᬗᬾᬓᬳᭀᬕᬄ᭞ᬲᬃᬯ᭄ᬯᬶᬦᬗᬶᬲ᭄ᬳᬤᬸᬄᬩ᭄ᬩᬶ᭞ᬳᬮᬶᬳᬂᬢᬶᬢ᭄ᬬᬂ᭠ ᬯᭀᬄᬯᭀᬳᬦ᭄᭞ᬩᬲᬂᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬲᭂᬤᬸᬓ᭄᭞ᬗᬸᬤ᭄ᬥᬩᬶᬩᬶᬲᬗ᭄ᬓᬦ᭄ᬫᭂᬦᭂᬂ᭞ᬢᬸᬮᬸᬲ᭄ᬮᬳᬶ᭞ᬭᬳᬤᬾᬦ᭄ᬤᬾᬯᬶᬓᬦ᭄ᬢᬓᬵ᭟ᬘᬫᬭᬦᬾ᭠ ᬫᬳᬸᬮᬶᬲᬄ᭞ᬫᬕᬸᬬᬂᬳᬫ᭄ᬧᭂᬳᬂᬳᬗᬶᬦ᭄᭞ᬳᬸᬮᬢ᭄ᬫᬶᬮᬸᬫᬜᭂᬤᬶᬳᬂ᭞ᬳᬶᬤᬵᬲᬂᬗ᭄ᬫᬲᬶᬦ᭄ᬮᬫ᭄ᬧᬸᬲ᭄᭞ᬢᬤᬲᬶᬳᬾᬫᬲ᭄ᬯᬭᬵ᭞ᬮ᭄ᬯᬶᬃᬓᬓᬯᬶ᭠ ᬦ᭄᭞ᬭᬶᬂᬲᬂᬮᬫ᭄ᬧᬸᬲ᭄ᬫᬗ᭄ᬕᬶᬄᬰ᭄ᬯᬃᬕ᭄ᬖᬵ᭟ᬓᭀᬘᬧ᭄ᬩᬸᬭᭀᬦᬾᬧᬓᬺ᭠ᬬᬓ᭄᭞ᬓᬗᭂᬦ᭄ᬭᬶᬂᬭᬳᬤᬾᬦ᭄ᬤᬾᬯᬶ᭞ᬳ᭄ᬦᬸᬳᬮᬶᬢ᭄ᬓᬢᬶᬗ᭄ᬕᬮᬦ᭄᭞ᬢ᭄ᬯᬭᬭᬓᭀ [᭙ 9A] ᬳᬤᬫᬗ᭄ᬭᬸᬗᬸ᭞ᬮᬬᭀᬦᬾᬩ᭄ᬯᬶᬦ᭄ᬳᬸᬘᬧᬂ᭞ᬢ᭄ᬓᬵᬳᬗᬶᬦ᭄᭞ᬫᬗᬫ᭄ᬧᭂᬳᬂᬲᬳᬵᬫᭀᬓ᭄ᬱᬄ᭟ᬳᬢ᭄ᬫᬵᬦ᭄ᬳᬶᬤᬧ᭄ᬭᬫᬶᬰ᭄ᬯᬃᬬ᭄ᬬ᭞ᬲᬵᬫ᭄ᬧᬸᬦ᭄ᬭᬶᬂᬰ᭄ᬯᬃᬕ᭄ᬕᬦ᭄ᬦᬾᬫᬗ᭄ᬓᬶᬦ᭄ ᭞ᬪᬝᬵᬭᬕᬸᬭᬸᬜᬬᬗᬂ᭞ᬲᬘᬶᬢᬓᬋᬧᬾᬤᬶᬢᬸ᭞ᬢ᭄ᬯᬭᬢᬳᬾᬦ᭄ᬩᬦᬶᬧᬶᬯᬮ᭄᭞ᬫᬭᬶᬦ᭄ᬰᬃᬕ᭄ᬕᬶ᭞ᬫᬕ᭄ᬓᬶᬦ᭄ᬓᭀᬘᬧ᭄‌ᬦᬾᬭᬶᬗᬮᬲ᭄᭟ᬓᭀᬘᬧᬭᬳ᭠ ᬤᬾᬦᬵᬤᬾᬯ᭄ᬬᬵ᭞ᬳᬚᬳᬦ᭄ᬳᬾᬮᬵᬳᬶᬂᬫᬦᬗᬶᬲ᭄᭞ᬘᬶᬗᬓ᭄ᬓᬸᬩᬸᬦᬾᬳᭂᬜᬢ᭄᭞ᬓ᭄ᬩᬸᬲᭂᬦ᭄ᬲᬳᬶᬫᬤᬸᬯᬸᬄ᭞ᬢᭀᬂᬳᬫ᭄ᬧᬸᬄᬳᬶᬤᬳᬢᬗ᭄ᬬ᭞ᬓᬸᬭᬸ᭠ ᬲ᭄ᬤᬓᬶ᭞ᬓᬮᬸᬤ᭄‌ᬢ᭄ᬯᬭᬫᬗᬬᬸᬦᬂ᭟ᬯᬾᬦᭂᬦ᭄ᬫᬗᬶᬦ᭄ᬓᬘᬭᬶᬢ᭞ᬚᬦ᭄ᬫᬵᬫᬤᬦ᭄ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬲ᭄ᬤᭂᬓ᭄ᬬᬵᬫᬗᬮᬶᬄᬲᬳᬂ᭞ᬢᭀᬗᬤ᭄ᬤᬵᬲᬳᬂᬓ

Auto-transliteration

[8 8B] 8 danewatā, radendewimayusyātigag'hodalan. layonbyangekahogaḥ, sar̀wwinangishaduḥbbi, halihangtityang‐ woḥwohan, basangtityangsāmpunsĕduk, nguddhabibisangkanmĕnĕng, tuluslahi, rahadendewikantakā. camarane‐ mahulisaḥ, maguyanghampĕhanghangin, hulatmilumañĕdihang, hidāsangngmasinlampus, tadasihemaswarā, lwir̀kakawi‐ n, ringsanglampusmanggiḥśwar̀gghā. kocapburonepakr̥ĕ‐yak, kangĕnringrahadendewi, hnuhalitkatinggalan, twararako [9 9A] hadamangrungu, layonebwinhucapang, tkāhangin, mangampĕhangsahāmokṣaḥ. hatmānhidapramiśwar̀yya, sāmpunringśwar̀ggannemangkin , bhaṭāraguruñayangang, sacitakar̥ĕpeditu, twaratahenbanipiwal, marinśar̀ggi, magkinkocapneringalas. kocaparaha‐ denādewyā, hajahanhelāhingmanangis, cingakkubunehĕñat, kbusĕnsahimaduwuḥ, tonghampuḥhidahatangya, kuru‐ sdaki, kaludtwaramangayunang. wenĕnmanginkacarita, janmāmadandukuḥhistri, sdĕkyāmangaliḥsahang, tongaddāsahangka

Leaf 9

Image on Archive.org

[᭙ 9B] ᭙ ᬧᬗ᭄ᬕᬸᬄ᭞ᬫᬸᬭᬂᬫᬸᬭᬂᬗᬢ᭄ᬗᬳᬂ᭞ᬤᬤᬶᬧᬮᬶᬂᬤᬶᬬᬸᬤᬶᬢ᭄ᬗᬳᬂᬳᬮᬲ᭄᭟ᬩᬸᬓᬯᬶᬤ᭄ᬥᬷᬫᬗᬸᬤᬸᬳᬂ᭞ᬤᬸᬶᬤᭀᬸᬶᬭᬤᬾᬦ᭄ᬤᬾᬯᬶᬓᬭᬶᬉᬭᬶᬧ᭄᭞ᬤᬶᬕᬦᬳᬾᬫᬫᬸᬮᬶᬲᬄ ᭞ᬧᬶᬦᬄᬲᬸᬩᬮᬶᬦ᭄ᬢᬂᬓᬸᬭᬸᬲ᭄᭞ᬧ᭄ᬭᬫᬓᬫᬓᬶᬭᬾᬦᬶᬗ᭄ᬕᬮ᭄᭞ᬓᬯᬶᬦᬵᬃᬡ᭄ᬦᬷ᭞ᬦᬶᬤᬸᬓᬸᬄᬳᬶᬲ᭄ᬢ᭄ᬭᬷᬗᬢᭀᬦᬂ᭟ᬦᬶᬤᬸᬔ᭄ᬳᬶᬲ᭄ᬢ᭄ᬭᬶᬫᬓᭂᬲ᭄ᬬᬩ᭄᭞ᬳᬤᬾᬦᬗ᭄ᬓᬾ ᬦ᭄ᬳᬦᬓ᭄ᬘᭂᬦᬶᬓ᭄᭞ᬦᬶᬤᬸᬓᬸᬄᬬᬦᬍᬓ᭄ᬢᭂᬓᬂ᭞ᬓᬢᭀᬦ᭄ᬭᬭᬾᬳ᭄ᬦᬸᬳᬶᬤᬸ᭠ᬧ᭄᭞ᬦᬵᬗ᭄ᬳᬶᬂᬢᭀᬂᬫᬫ᭄ᬧᬸᬄᬫᬦ᭄ᬕᬓ᭄᭞ᬢᬦ᭄ᬯᬸᬲ᭄ᬕᭂᬮᬶᬲ᭄᭞ᬦᬶᬤᬸᬓᬸᬄᬗᬚᬕ᭄‌ᬗ᭄ᬮᬶ ᬲᬂ᭟ᬓᬢᬫ᭄ᬧᭂᬓᬶᬦ᭄ᬭᬤᬾᬦ᭄ᬤᬾᬯ᭄ᬬᬵ᭞ᬢᬮ᭄ᬭ᭄ᬫᬧᬶᬦᭂᬄᬭ᭄ᬗᬢᬶ᭞ᬲᬶᬜᬚᬦ᭄ᬫᬵᬢᬧᬋᬓᭀ᭞ᬫᬗ᭄ᬮᬮᬸᬳᬶᬤᬸᬓᬸᬄᬦᬸᬤᬸᬓ᭄᭞ᬫᬗᭀᬮᬲᬶᬦ᭄ᬳᬦᬓ᭄ᬮᬭ [᭑᭐ 10A] ᭞ᬧᬢᭂᬧᭂᬢᬶᬦ᭄᭞ᬲᬶᬜᬳᬤᬲ᭄ᬯᬾᬘ᭄ᬘᬦ᭄ᬤᬾᬯᬵ᭟ᬦᬶᬤᬸᬓᬸᬄᬭᬭᬶᬲ᭄ᬳᬗᬸᬘᬧ᭄᭞ᬚ᭄ᬭᭀᬦᬾᬳᭂᬜᬓ᭄ᬤᬸᬤᬸᬓ᭄ᬩᬶᬩᬶ᭟ᬳᬦᬓᬾᬘ᭄ᬭᬶᬓ᭄ᬫᬗ᭄ᬕᬸᬢᬦ᭄᭞ᬢᭀᬂᬫᬫ᭄ᬧᬸᬄ ᬳᬶᬤᬫᬲᬳᬸᬢ᭄᭞ᬦᬶᬤᬸᬓᬸᬄᬓᬗᭂᬦ᭄ᬗᬢ᭄ᬦᬂ᭞ᬢᬹᬃᬫᬗ᭄ᬮᬶᬂ᭞ᬜᬾᬜ᭄ᬚᬳ᭄ᬮᬲ᭄‌ᬗᬸᬢᬂᬧ᭄ᬬᬦᬓ᭄᭟ᬦᬶᬤᬸᬓᬸᬄᬜᬗ᭄ᬓᭀᬮ᭄ᬗᬾᬗ᭄ᬕᬮᬂ᭞ᬲᬫ᭄ᬩᬶᬮ᭄ᬲ᭄ᬤᬶᬄᬫᬗᭂ ᬫᬶᬓ᭄ᬫᬶᬓ᭄᭞ᬬᬾᬦ᭄ᬧ᭄ᬬᬦᬓ᭄ᬳᬧᬋᬓᭀ᭞ᬬᬦᬶᬂᬳᭀᬓᬦ᭄‌ᬦᬵᬣᬭᬢᬸ᭞ᬫᬓᬸᬢᬂᬢ᭄ᬗᬳᬶᬂᬳᬮᬲ᭄᭞ᬩᬲ᭄ᬓᬍᬩᬶᬄ᭞ᬢᭂᬦ᭄ᬍᬫᬄᬬᬫᬧᬲᬄ᭟ᬲᬵᬫ᭄ᬧᬸ ᬳᭂᬚᭀᬄᬬᬫᬫᬃᬕ᭄ᬕ᭞ᬢᭀᬂᬳᬤᬳᬦᬓᬧᬗ᭄ᬕᬶᬄ᭞ᬦᬶᬤᬸᬓᬸᬄᬫᬲᬶᬄᬗᬸᬮᬳᬂ᭞ᬫᬫᬵᬃᬕ᭄ᬕᬢᬦ᭄ᬦᭀᬮᬶᬄᬧᬸᬗ᭄ᬓᬸᬃ᭞ᬲᬵᬫ᭄ᬧᬸᬦ᭄ᬲᬸᬭᬹᬧ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬᬵ

Auto-transliteration

[9 9B] 9 pangguḥ, murangmurangngatngahang, dadipalingdiyuditngahanghalas. bukawiddhīmanguduhang, duidouiradendewikari'urip, diganahemamulisaḥ , pinaḥsubalintangkurus, pramakamakireninggal, kawinār̀ṇnī, nidukuḥhistrīngatonang. nidukhhistrimakĕsyab, hadenangke nhanakcĕnik, nidukuḥyanal̥ĕktĕkang, katonrarehnuhidu‐p, nānghingtongmampuḥman'gak, tanwusgĕlis, nidukuḥngajagngli sang. katampĕkinradendewyā, talrmapinĕḥrngati, siñajanmātapar̥ĕko, manglaluhidukuḥnuduk, mangolasinhanaklara [10 10A] , patĕpĕtin, siñahadasweccandewā. nidukuḥrarishangucap, jronehĕñakdudukbibi. hanakecrikmanggutan, tongmampuḥ hidamasahut, nidukuḥkangĕnngatnang, tūr̀mangling, ñeñjahlasngutangpyanak. nidukuḥñangkolngenggalang, sambilsdiḥmangĕ mikmik, yenpyanak'hapar̥ĕko, yaninghokannātharatu, makutangtngahinghalas, baskal̥ĕbiḥ, tĕnl̥ĕmaḥyamapasaḥ. sāmpu hĕjoḥyamamar̀gga, tonghadahanakapanggiḥ, nidukuḥmasiḥngulahang, mamār̀ggatannoliḥpungkur̀, sāmpunsurūpsanghyangsūr̀yyā

Leaf 10

Image on Archive.org

[᭑᭐ 10B] ᭑᭐ ᭞ᬦᬸᬮᬶᬄᬕ᭄ᬮᬶᬲ᭄᭞ᬦᬶᬤᬸᬓᬸᬄᬭᬯᬸᬄᬭᬶᬂᬉᬫᬄ᭟ᬲᬭᬯᬸᬳᬾᬫᬭᬶᬂᬉᬫᬄ᭞ᬧ᭄ᬚᬂᬬᬳᬦᬓᬾᬘ᭄ᬦᬶᬓ᭄᭞ᬭᬾᬧᭀᬢ᭄ᬫᬗᬳᬾᬦᬗ᭄ᬳᭀᬤᬓ᭄᭞ᬓᬲᬶᬭᬫᬂᬮ ᬯᬸᬢ᭄ᬫᬮᬸ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬉᬧᬘᬵᬭ᭞ᬧᬸᬶᬓᬧᬚᭂᬗᬶᬦ᭄᭞ᬦᬵᬗ᭄ᬳᬶᬂᬜᬗ᭄ᬓᬵᬫᬳᬂᬤᬳᬃ᭟ᬩᬸᬫᬭᬲᬸᬳᬸᬤ᭄ᬫᬤᬳᬃ᭞ᬳᬶᬱᬵᬫᬓ᭄ᬮᬶᬬᬸᬤ᭄ᬫᬩᬤᬶᬂ᭞ᬲ᭄ᬫᭂᬗ ᬦ᭄ᬫᬲᬶᬭᬫ᭄‌ᬋᬓᭀ᭞ᬫᬩᭀᬭᬾᬄᬫᬳᬸᬭᬸᬢ᭄ᬳᬸᬭᬸᬢ᭄᭞ᬲᬬᬦ᭄ᬓᭂᬮᬶᬄᬲᬬᬦ᭄ᬫᭂᬮᬄ᭞ᬭᬤᬾᬦ᭄ᬤᬾᬯᬷ᭞ᬓᬤᬶᬲ᭄ᬓᬵᬃᬢᭀᬦ᭄ᬤᬾᬦ᭄ᬓᭂᬫ᭄ᬩᬂ᭟ᬦᬶᬤᬸᬓᬸᬄᬲᬸᬫᬗ᭄ᬓᬶ ᬦ᭄ᬮᬶᬬᬂ᭞ᬫᬗᬚᬓ᭄ᬳᬦᬓᬾᬘ᭄ᬭᬶᬓ᭄᭞ᬫᬦᬄᬜᬦᬾᬲᬵᬫ᭄ᬧᬸᬦ᭄ᬳᬾᬕᬃ᭞ᬗ᭄ᬕᬶᬄᬫᬤᬕᬂᬩᬶᬩᬶᬤᬸᬓᬸᬄ᭞ᬢ᭄ᬬᬂᬗᬳᬾᬦᬂᬤᬕᬗᬦ᭄᭞ᬲᬳᬶᬲᬳᬶ᭞ᬦᬶᬤᬸᬓᬸᬄ [᭑᭑ 11A] ᬗᬤᭂᬧ᭄ᬓᬧᬲᬵᬃ᭟ᬓᬲ᭄ᬯᬾᬦ᭄‌ᬦᬶᬤᬸᬓᬸᬄᬲᬵᬤ᭄ᬬ᭞ᬲᬸᬓᬢ᭄ᬦᬸᬤᬸᬓ᭄ᬳᬦᬓ᭄ᬘᭂᬦᬶᬓ᭄᭞ᬢ᭄ᬯᬭᬓ᭄ᬯᬂᬧᬘᬂᬥᬳᬃ᭞ᬲᬋᬂᬧ᭄ᬬᬦᬓᬾᬩᬦ᭄‌ᬦᬸᬤᬸᬓ᭄᭞ᬢ᭄ᬯᬭᬵᬓ᭄ᬯᬂᬫᬵ ᬲ᭄ᬲᬮᬓᬵ᭞ᬲᬸᬓᬵᬲᬸᬕᬶᬄ᭞ᬦᬾᬚᬦᬶᬲᬸᬳᬸᬤ᭄ᬫᬤᬕᬂ᭟ᬫᬗ᭄ᬓᬶᬦ᭄ᬓᭀ᭠ᬘᬧ᭄ᬭᬤᬾᬦ᭄ᬤᬾᬯ᭄ᬬ᭞ᬲᬵᬫ᭄ᬧᬸᬦ᭄‌ᬳᬶᬤᬫᬸᬗ᭄ᬕᬄᬢ᭄ᬭᬸᬦᬶ᭞ᬳ᭄ᬕᬾᬕᬾᬫᬗᬬᬂᬗᬬᬂ ᭞ᬯᬵᬃᬡ᭄ᬦᬦᬾᬮ᭄ᬯᬶᬃᬳ᭄ᬬᬂᬭᬢᬶᬄ᭞ᬭᬫ᭄ᬩᬸᬢ᭄ᬲᬳᬄᬫᬕᬾᬮᭀᬳᬦ᭄᭞ᬓ᭄ᬜᬸᬂᬫᬦᬶᬲ᭄᭞ᬲᬶᬲᭀᬮᬳᬂᬗᬯᬾᬫ᭄ᬮᬄ᭟ᬦᬸᬚᬸᬧᬹᬃᬡ᭄ᬦᬫᬦᬶᬂᬓᬨᬢ᭄᭞ᬓᭀ ᬘᬧ᭄ᬳᬶᬤᬭᬤᬾᬦ᭄ᬤᬾᬯᬶ᭞ᬫᬓᬵᬓ᭄ᬭᬶᬓ᭄ᬫᬓᬸᬭᬫᬲ᭄᭞ᬫᬲᬶᬭᬫ᭄‌ᬭᬵᬳᬤᬾᬦ᭄ᬕᬮᬸᬄ᭞ᬲᬵᬫᬸᬦᬾᬯᬸᬲᬦ᭄ᬫᬲᬶᬭᬫ᭄‌᭞ᬭᬤᬾᬦ᭄ᬤᬾᬯᬷᬢᬸᬫᬸᬮᬶᬭ

Auto-transliteration

[10 10B] 10 , nuliḥglis, nidukuḥrawuḥringumaḥ. sarawuhemaringumaḥ, pjangyahanakecnik, repotmangahenanghodak, kasiramangla wutmalu, sāmpunpuputupacāra, puikapajĕngin, nānghingñangkāmahangdahar̀. bumarasuhudmadahar̀, hisyāmakliyudmabading, smĕnga nmasiramr̥ĕko, maboreḥmahurut'hurut, sayankĕliḥsayanmĕlaḥ, radendewī, kadiskār̀tondenkĕmbang. nidukuḥsumangki nliyang, mangajak'hanakecrik, manaḥñanesāmpunhegar̀, nggiḥmadagangbibidukuḥ, tyangngahenangdagangan, sahisahi, nidukuḥ [11 11A] ngadĕpkapasār̀. kaswennidukuḥsādya, sukatnuduk'hanakcĕnik, twarakwangpacangdhahar̀, sar̥ĕngpyanakebannuduk, twarākwangmā ssalakā, sukāsugiḥ, nejanisuhudmadagang. mangkinko‐capradendewya, sāmpunhidamunggaḥtruni, hgegemangayangngayang , wār̀ṇnanelwir̀hyangratiḥ, rambutsahaḥmagelohan, kñungmanis, sisolahangngawemlaḥ. nujupūr̀ṇnamaningkaphat, ko cap'hidaradendewi, makākrikmakuramas, masiramrāhaden'galuḥ, sāmunewusanmasiram, radendewītumulira

Leaf 11

Image on Archive.org

[᭑᭑ 11B] ᭑᭑ ᬭᬶᬲ᭄ᬫᬳ᭄ᬬᬸᬲ᭄᭟ᬕ᭄ᬮᬸᬂᬧᬬᬲᬫᬶᬭᬡᬵ᭞ᬯᬵᬃᬡ᭄ᬦᬦᬾᬮ᭄ᬯᬶᬃᬰᬰᬶᬄᬳᬶᬚᬶᬮ᭄᭞ᬲᭂᬓ᭄ᬧᬹᬃᬡ᭄ᬦᬫᬦᬶᬂᬓᬨᬢ᭄᭞ᬮᬸᬫ᭄ᬮᬸᬫ᭄ᬕᬥᬶᬂᬩᬸᬓᬵᬕ᭄ᬭᬸᬲ᭄᭞ᬓᬤᬶᬕᬫ᭄ᬩᬃᬯᬯᬗᬸ᭠ ᬦᬦ᭄᭞ᬫᬗᬾᬤᬦᬶᬦ᭄᭞ᬚ᭄ᬕᬾᬕᬾᬢᭀᬂᬳᬤᬧᬥᬵ᭟ᬦᬶᬤᬸᬓᬸᬄᬗ᭄ᬭᬱᬃᬂᬫᬦ᭄ᬳ᭄᭞ᬢᬓᭀᬦᬶᬦ᭄ᬳᬦᬓᬾᬘ᭄ᬦᬶᬓ᭄᭞ᬳ᭄ᬤᬳᬶᬤᬾᬯ᭄ᬯᬫᬗᬸᬩᬵ᭞ᬯᬶᬩᬶᬩᬶᬓ᭠ ᬧᬶᬢᬤ᭄ᬭᬸᬄ᭞ᬧᬸᬢ᭄ᬭᬶᬦᬶᬦ᭄ᬭᬢᬸᬦᬾᬦᬾᬤᬶᬚᬵ᭞ᬓᬸᬤᬕᬸᬲ᭄ᬢᬶ᭞ᬢᬸᬢᬸᬭᬶᬜ᭄ᬚᬓᬸᬤ᭄ᬥᬵᬳᬶᬢ᭄ᬬᬦ᭄᭞ᬦᬶᬤᬸᬓᬸᬄᬲᭂᬲᭂᬤ᭄ᬦᬓᭀᬦᬂᬗᬦ᭄ᬤᬶᬓᬵᬭᬳᬤᬾᬦ᭄ᬤᬾᬯᬶ᭞᭠ ᬦᬵᬗ᭄ᬳᬶᬂᬩᬶᬩᬶᬳ᭄ᬤᬯᬾᬭ᭞ᬲᬲᬃᬢ᭄ᬬᬗᬾᬓᬮᬦ᭄ᬓᬸᬂ᭞ᬳᬸᬮᬶᬂᬩᬸᬫᬭᬫᬜᬤ᭄ᬫᬵ᭞ᬓᬜ᭄ᬘᬂᬚᬦᬶ᭞ᬢ᭄ᬬᬂᬫᬦᬦ᭄ᬤᬂᬤᬸᬄᬓᬶᬢ᭟ᬢ᭄ᬬᬂᬳᭀᬓᬦ᭄ᬧ᭄ᬭᬪᬸᬤ᭄ᬳᬵ᭞ᬗᬹ [᭑᭒ 12A] ᬦᬶᬩᬋᬂᬩ᭄ᬬᬂᬲᬸᬭᬷ᭞ᬫᬓᬸᬢᬂᬢ᭄ᬗᬳᬶᬂᬳᬮᬲ᭄᭞ᬧᬕᬯᬾᬦ᭄ᬳᬶᬩᬶᬩᬶᬮᬶᬓᬸᬳᬾᬮᬶᬂᬭᬶᬂᬩ᭄ᬬᬗᬾᬲᬾᬤ᭄ᬥᬵ᭞ᬭᬭᬶᬲ᭄ᬦᬗᬶᬲ᭄᭞ᬭᬤᬾᬦ᭄ᬤᬾᬯᬶᬜᭂᬮ᭄ᬲᭂᬮ᭄ᬭᬵᬕ ᭟ᬦᬶᬤᬸᬯᬸᬄᬓᬗᭂᬦ᭄ᬦᬶᬗᭂᬳᬂᬗ᭄ᬮᬸᬢ᭄ᬘᭀᬓᭀᬃᬩᬺᬗ᭄ᬗ᭄ᬮᬶᬂ᭞ᬤᬸᬄᬭᬵᬢᬸᬫᬵᬳᬢ᭄ᬫᬵᬚ᭄ᬯᬶᬢ᭄ᬣ᭞ᬳᬸᬲᬦᬂᬳᬶᬤᬾᬯ᭄ᬯᬵᬲᬸᬗ᭄ᬲᬸᬢ᭄᭞ᬮᬶᬮᬬᬂᬭᬶᬂᬧᬓᬬᬸᬦᬦ᭄᭞᭠ ᬲᬦᬾᬫᬗ᭄ᬓᬶᬦ᭄‌ᬧᬕᭂᬳᬂᬭᬵᬢᬸᬓᬾᬃᬢ᭄ᬢ᭄ᬬᬂ᭞ᬳᬶᬕᬮᬸᬄᬭᬳᬶᬲ᭄ᬦᬦ᭄ᬤᬶᬓᬵ᭞ᬫᬸᬮᬵᬢᬶᬢᬄᬢᬸᬤᬸᬄᬯᬶᬤ᭄ᬥᬷ᭞ᬳᬧᬂᬳᬤᬲᬢ᭄ᬯᬋᬓᭀ᭞ᬤᬶᬓᬸᬤᬹᬂᬧᬗᬯᬶ ᬫᬸᬕ᭄ᬕᬸᬄ᭞ᬫᬦᬤᬷᬳᬸᬘᬧ᭄ᬜ᭄ᬚᬕᬢ᭄᭞ᬓ᭄ᬢᭀᬩᬶᬩᬶᬳ᭄ᬤᬲᬗᭂᬢ᭄ᬫᬦᬦ᭄ᬤ᭄ᬭᬸᬳᬂ᭟ᬦᬶᬤᬸᬓᬸᬄᬭᬭᬶᬲ᭄ᬫᬢᬸᬭᬵ᭞ᬲᬵᬫ᭄ᬧᬸᬦ᭄ᬩᬗᭂᬢ᭄ᬗᬫᭂᬗ᭄ᬕᬳ᭄ᬦ᭄᭞ᬕᭂ

Auto-transliteration

[11 11B] 11 rismahyus. glungpayasamiraṇā, wār̀ṇnanelwir̀śaśiḥhijil, sĕkpūr̀ṇnamaningkaphat, lumlumgadhingbukāgrus, kadigambar̀wawangu‐ nan, mangedanin, jgegetonghadapadhā. nidukuḥngraṣar̀ngmanh, takoninhanakecnik, hdahidewwamangubā, wibibika‐ pitadruḥ, putrininratunenedijā, kudagusti, tuturiñjakuddhāhityan, nidukuḥsĕsĕdnakonangngandikārahadendewi, ‐ nānghingbibihdawera, sasar̀tyangekalankung, hulingbumaramañadmā, kañcangjani, tyangmanandangduḥkita. tyanghokanprabhud'hā, ngū [12 12A] nibar̥ĕngbyangsurī, makutangtngahinghalas, pagawenhibibilikuhelingringbyangeseddhā, rarisnangis, radendewiñĕlsĕlrāga . niduwuḥkangĕnningĕhangnglutcokor̀br̥ĕngngling, duḥrātumāhatmājwittha, husananghidewwāsungsut, lilayangringpakayunan, ‐ sanemangkinpagĕhangrātuker̀ttyang, higaluḥrahisnandikā, mulātitaḥtuduḥwiddhī, hapanghadasatwar̥ĕko, dikudūngpangawi mugguḥ, manadīhucapñjagat, ktobibihdasangĕtmanandruhang. nidukuḥrarismaturā, sāmpunbangĕtngamĕnggahn, gĕ

Leaf 12

Image on Archive.org

[᭑᭒ 12B] ᭑᭒ ᬦ᭄ᬢᭀᬲᬶᬦ᭄ᬭᬢᬸᬧᬲᬾᬗᬦ᭄᭞ᬢᬢ᭄ᬓᬵᬮᬦᬶᬂᬯᬾᬦ᭄ᬢᭂᬦ᭄ᬭᬯᬸᬄ᭞ᬘᬶᬭᬶᬦᬬᬳᬦᬸᬢ᭄ᬧᬶᬲᬦ᭄᭞ᬬᬦᬶᬂᬩᬶᬩᬶ᭞ᬫᬳᬓᭀᬦ᭄ᬫᬦᭂᬩᬄᬩᬱᬵ᭟ᬲᬧᬸᬦᬶᬓ ᬫᬦᬄᬢᬶᬢ᭄ᬬᬂ᭞ᬫᬗ᭄ᬤᬾᬲᬭᬸᬯᬦ᭄ᬳᬓᬶᬤᬶᬓ᭄᭞ᬭᬤᬾᬗᬮᬸᬄᬲᬳᬸᬃᬳᬮᭀᬦ᭄᭞ᬦᬄᬓᬾᬢ᭄ᬚᬵᬫᬲᬶᬄᬧᬢᬸᬢ᭄᭞ᬢ᭄ᬬᬂᬢ᭄ᬯᬭᬵᬩᬦᬶᬧᬶᬯᬮ᭄᭞ᬢ᭄ᬓᬾ ᬦ᭄ᬩᬶᬩᬶ᭞ᬲᬸᬩᬳᭀᬮᬲ᭄‌ᬢ᭄ᬓᬾᬦ᭄‌ᬢ᭄ᬬᬂ᭟ᬳ᭄ᬦᭂᬕᬓ᭄ᬦᬵᬭᬳᬤ᭄ᬬᬦ᭄‌ᬳᬦᬓᬯᬃᬡ᭄ᬦᬳᬵᬫᬗᬶᬦ᭄᭞ᬓᭀᬘᬧ᭄ᬲᬂᬧ᭄ᬭᬪᬸᬚᭂᬗ᭄ᬕᬮᬵ᭞ᬲᬸᬓᬣᬶᬤᬜ᭄ᬦᭂᬂ ᬳᬕᬸᬂᬤᬦᬵᬳᬸᬧᬫᬭᬶᬂᬚᬕᬢ᭄‌ᬧ᭄ᬭᬫᬶᬰ᭄ᬯᬭᬷ᭞ᬫᬧᬸᬢᬺᬮᬦᬕ᭄ᬲᬦᬸᬗ᭄ᬕᬮ᭄᭟ᬫᬧᭂᬲᬾᬗᬦ᭄‌ᬚᬬᬵᬲ᭄ᬫᬭᬵ᭞ᬳᬦᭀᬫ᭄ᬯᬵᬃ [᭑᭓ 13A] ᬡ᭄ᬦᬮᬶᬦ᭄ᬢᬂᬧ᭄ᬓᬶᬓ᭄᭞ᬯᬮᬸᬬᬓᬤᬶᬳ᭄ᬬᬂᬲ᭄ᬫᬵᬭᬲᬬᬦᬾᬓᬮᬗ᭄ᬓᬸᬂᬮᬗ᭄ᬓᬸᬂ᭞ᬳᬳᬶᬘ᭄ᬘᬾᬦ᭄ᬧᬋᬓᬦ᭄ᬲᬢᬓ᭄᭞ᬘ᭄ᬭᬶᬓ᭄‌ᬓ᭄ᬮᬶᬄᬩᬕᬸᬲ᭄ᬩᬕᬸᬲ᭄‌ᬲᬲ᭄ᬮᬶᬭᬦ᭄᭟ ᬓᬸᬦᬂᬦᬶᬭᬚᬬᬲᬭ᭞ᬲ᭄ᬫᭂᬂᬯᬾᬦᬵᬢᭂᬦ᭄ᬤᬯᬸᬄᬓᬮᬶᬄ᭞ᬭᬭᬶᬲ᭄ᬫᬗ᭄ᬭᬗ᭄ᬲᬸᬓ᭄‌ᬩᬸᬱᬡ᭞ᬫᬯᬲ᭄ᬢ᭄ᬭᬧ᭄ᬭᬜ᭄ᬘᬶᬲ᭄ᬳᬮᬸᬲ᭄᭞ᬫᬓ᭄ᬯᬘ᭄ᬙᬕᬕᬸᬮᬸᬂᬕᬤᬂ᭞ᬜᬸᬗ᭄ᬓᭂ ᬮᬶᬢ᭄ᬓᭂᬭᬶᬲ᭄᭞ᬳᬦ᭄ᬤᬾᬬᬦᬾᬫᬯᬭᬵᬢ᭄ᬦ᭟ᬫᬤᬲ᭄ᬢᬃᬩᬢᬶᬓ᭄ᬫᬧ᭄ᬭᬤ᭞ᬳᬦᬸᬢ᭄ᬲ᭄ᬓᬃᬫ᭄ᬭᬶᬓ᭄‌ᬫᬶᬗᬶᬂ᭞ᬫᬓᬫ᭄ᬧᬸᬄᬧᬾᬃᬫᬵᬲᬶᬚᭀ᭞ᬳᬮᬶᬳᬮᬶ ᬯᬾᬦ᭄ᬢᭂᬦ᭄ᬫᬸᬭᬸᬩ᭄᭞ᬓᬲᬸᬦ᭄ᬤᬭᬶᬦ᭄ᬲᬗ᭄ᬳ᭄ᬬᬂᬅᬃᬓ᭄ᬓ᭞ᬢ᭄ᬯᬶᬩ᭄ᬘᬶᬓ᭄᭞ᬫᬯᬸᬯᬸᬄᬩᬕᬸᬲ᭄ᬫᬩ᭄ᬗᬸᬤ᭄᭟ᬲᬵᬫᬸᬦ᭄‌ᬯᬸᬲ᭄ᬳᬶᬤᬫᬧᬳ᭄ᬬᬲ᭄᭞ᬭᬭᬶᬲ᭄ᬓᬩᭂᬜ᭄ᬘᬶᬗᬄᬫ

Auto-transliteration

[12 12B] 12 ntosinratupasengan, tatkālaningwentĕnrawuḥ, cirinayahanutpisan, yaningbibi, mahakonmanĕbaḥbasyā. sapunika manaḥtityang, mangdesaruwanhakidik, radengaluḥsahur̀halon, naḥketjāmasiḥpatut, tyangtwarābanipiwal, tke nbibi, subaholastkentyang. hnĕgaknārahadyanhanakawar̀ṇnahāmangin, kocapsangprabhujĕnggalā, sukathidañnĕng hagungdanāhupamaringjagatpramiśwarī, maputr̥ĕlanagsanunggal. mapĕsenganjayāsmarā, hanomwār̀ [13 13A] ṇnalintangpkik, waluyakadihyangsmārasayanekalangkunglangkung, hahiccenpar̥ĕkansatak, crikkliḥbagusbagussasliran. kunangnirajayasara, smĕngwenātĕndawuḥkaliḥ, rarismangrangsukbuṣaṇa, mawastraprañcishalus, makwacchagagulunggadang, ñungkĕ litkĕris, handeyanemawarātna. madastar̀batikmaprada, hanutskar̀mrikminging, makampuḥper̀māsijo, halihali wentĕnmurub, kasundarinsanghyangar̀kka, twibcik, mawuwuḥbagusmabngud. sāmunwushidamapahyas, rariskabĕñcingaḥma

Leaf 13

Image on Archive.org

[᭑᭓ 13B] ᭑᭓ ᬗ᭄ᬓᬶᬦ᭄᭞ᬫᬳᬶᬭᬶᬗᬦ᭄ᬩᬚᬂᬳᬦᭀᬫ᭄᭞ᬦᬫ᭄ᬧᬩᭀᬓᭀᬃᬫᬲ᭄ᬫᬸᬭᬸᬩ᭄᭞ᬲᬵᬫ᭄ᬧᬸᬦ᭄ᬭᬭᬶᬂᬩᬜ᭄ᬘᬶᬗᬄ᭞ᬲᬵᬫ᭄ᬧᬸᬦ᭄ᬢᬶᬢᬶᬩ᭄᭞ᬧᬢᬶᬄᬫᬶᬯᬄᬓ ᬳᬸᬮᬵ᭞ᬳᭂᬧᭂᬓᬺᬩ᭄ᬓᭂᬮ᭄‌ᬧᬸᬗ᭄ᬕᬯ᭞ᬧᬧᬢᬶᬄᬫᬶᬯᬄᬲᬂᬋᬱᬶ᭞ᬳᬮᬶᬗ᭄ᬕᬶᬄᬫᬲ᭄ᬯᬂᬲ᭄ᬯᬂ᭞ᬭᬭᬶᬲ᭄ᬫᬢᬹᬃᬫᬦᬹᬓ᭄᭞ᬧᬸᬦᬧᬶᬯᬾᬦ᭄ᬢᭂᬦ᭄ᬦᬶᬓᬵᬬᬂ᭞ᬲ᭄ᬫᭂᬂᬫᬶ ᬚᬶᬮ᭄᭞ᬤᬸᬭᬸᬲ᭄ᬦᬶᬓᬬᬂᬭᬶᬂᬢᬶᬢ᭄ᬬᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬓ᭄ᬦᭂᬄᬦᬶᬭᬦᬾᬚᬦᬶ᭞ᬚᬮᬦ᭄ᬓᬳᬮᬲ᭄ᬫᬩᭀᬭᭀᬲ᭄᭞ᬦᬄᬤᬩ᭄ᬤᬩᬂᬚ ᬭᬶᬂᬢᬧᬸᬲ᭄᭞ᬧᬫᬦ᭄ᬧᬢᬶᬄᬦᬄᬤᬩ᭄ᬤᬩᬂᬲᬳᬵᬘᬶᬘᬶᬂ᭞ᬚᬸᬭᬸᬩᭀᬭᭀᬲᬾᬢᬫ᭄ᬩᬸᬦᬂ᭟ᬳᬧᬢᬶᬄᬳᬫᬢᬹᬃᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬭᬢᬸᬲ [᭑᭔ 14A] ᬗᬧ᭄ᬓᬶᬓ᭄᭞ᬢᬶᬢ᭄ᬬᬂᬯᬦ᭄ᬢᬄᬫᬗᬶᬭᬶᬂ᭞ᬓᬳᬮᬲᬾᬫᬩᬸᬭᬸ᭞ᬳᬶᬧᬢᬶᬄᬭᬭᬶᬲ᭄‌ᬦᬯᬸᬢᬂ᭞ᬦᬾᬦᬾᬚᬦᬶ᭞ᬤᬩ᭄ᬤᬩᬂᬲᬳᬸᬧᬓᬵᬭ᭞ᬚᬭᬶᬂᬳ ᬫ᭄ᬧᬸᬲ᭄‌ᬓ᭄ᬫᬚ᭄ᬫᬓ᭄᭞ᬚᬸᬭᬸᬩᭀᬭᭀᬲ᭄ᬗᬩᬘᬶᬘᬶᬂ᭞ᬲᬵᬫ᭄ᬧᬸᬦ᭄ᬧᬸᬶᬧᬸᬢ᭄ᬳ᭄ᬧᬓᬵᬭ᭞ᬓᬸᬤᬧᬮᬶᬗ᭄ᬕᬶᬳᬦ᭄ᬲᬵᬫ᭄ᬧᬸᬦ᭄᭞ᬫᬧᬗᬗ᭄ᬕᭀᬫᬵᬲᬲᭀᬘ᭄ᬙ᭞ ᬧᬚᭂᬂᬳᬸᬦᬶᬂ᭞ᬓᬸᬤᬵᬧᬮᬶᬗ᭄ᬕᬶᬳᬦ᭄ᬳᬶᬤ᭟ᬭᬳᬤ᭄ᬬᬦ᭄ᬫᬸᬗ᭄ᬕᬸᬄᬭᬶᬕ᭄ᬓᬸᬤ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬫᬶᬯᬄᬧᬗᬶᬭᬶᬗᬾᬲᬫ᭄ᬬᬦ᭄᭞ᬗᬫ᭄ᬩ᭄ᬬᬃᬤᬶᬫᬵᭂᬃᬕ᭄ᬕᬦᬾᬳᬸ ᬬᬸᬢ᭄᭞ᬯᭀᬂᬤᬾᬰᬦᬾᬬᬕᬺᬤᭂᬕ᭄᭞ᬬᬫᬩᬮᬶᬄ᭞ᬩ᭄ᬗᭀᬂᬜᭀᬧᬓ᭄ᬫᬗᬢᭀᬦᬂ᭟ᬭᬤᬾᬦ᭄ᬫᬦ᭄ᬭᬶᬢᬸᬫ᭄ᬩᬾᬦ᭄ᬫᭂᬤᬮ᭄᭞ᬓᬤᬶᬲᬗ᭄ᬳ᭄ᬬᬂᬲ᭄ᬫ

Auto-transliteration

[13 13B] 13 ngkin, mahiringanbajanghanom, nampabokor̀masmurub, sāmpunraringbañcingaḥ, sāmpuntitib, patiḥmiwaḥka hulā, hĕpĕkr̥ĕbkĕlpunggawa, papatiḥmiwaḥsangr̥ĕsyi, halinggiḥmaswangswang, rarismatūr̀manūk, punapiwentĕnnikāyang, smĕngmi jil, durusnikayangringtityang. rahadenmantringandikā, knĕḥniranejani, jalankahalasmaboros, naḥdabdabangja ringtapus, pamanpatiḥnaḥdabdabangsahācicing, juruborosetambunang. hapatiḥhamatūr̀ñumbaḥ, singgiḥratusa [14 14A] ngapkik, tityangwantaḥmangiring, kahalasemaburu, hipatiḥrarisnawutang, nenejani, dabdabangsahupakāra, jaringha mpuskmajmak, juruborosngabacicing, sāmpunpuiput'hpakāra, kudapalinggihansāmpun, mapanganggomāsasoccha, pajĕnghuning, kudāpalinggihanhida. rahadyanmungguḥrigkuda, tumulirarismamār̀ggi, miwaḥpangiringesamyan, ngambyar̀dimāĕr̀gganehu yut, wongdeśaneyagr̥ĕdĕg, yamabaliḥ, bngongñopakmangatonang. radenmanritumbenmĕdal, kadisanghyangsma

Leaf 14

Image on Archive.org

[᭑᭔ 14B] ᭑᭔ ᬭᬢᬸᬯᬶ᭞ᬳᬮᬂᬯᬃᬡ᭄ᬦ᭄ᬦᬦᬾᬫᬮᬶᬮᬂ᭞ᬢᬦ᭄ᬓᭀᬘᬧ᭄ᬭᬶᬂᬚᬮᬦ᭄ᬳᬕᬸᬂ᭞ᬧᬋᬓᬦᬾᬫᬦᬶᬭᬶᬦᬂ᭞ᬲᬕᬾᬢ᭄ᬧ᭄ᬭᬵᬧ᭄ᬢᬶ᭞ᬭᬶᬂᬳᬮᬲ᭄ᬭᬭᬶᬲ᭄ᬫᬤᬩ᭄ᬤᬩ᭄᭟ᬲᬓ᭄ᬭᬄᬩᬸ᭠ ᬭᭀᬦᬾᬧᬩᬼᬲᬢ᭄᭞ᬓᬳᬸᬩᭂᬭᬶᬦ᭄ᬩᬳᬦ᭄‌ᬘᬶᬘᬶᬂ᭞ᬚᬸᬭᬸᬩᭀᬭᭀᬲᬾᬗᬦ᭄ᬢᬸᬧᬂ᭞ᬓᬶᬤᬂᬫᬜ᭄ᬚᬦᬦ᭄ᬯᬶᬚᬸᬂ᭞ᬢᬸᬃᬫᬢᬶᬬᬵᬧᬚᬸᬮᬾᬫᬵᬧᬂ᭞ᬢᬸᬃᬫᬗᬸᬗ᭄ᬲᬶ ᬦᬾᬳᬸᬭᬶᬢᬫ᭄ᬧᬸᬲ᭄ᬗᭂᬦᬶᬬᬂ᭟ᬮᬶᬦ᭄ᬢᬂᬮᬾᬤᬂᬭᬤᬾᬦ᭄ᬫᬦ᭄ᬢ᭄ᬭ᭄ᬬᬵ᭞ᬜᬶᬗᬓ᭄ᬩᬸᬭᭀᬦ᭄ᬳᬓᬾᬄᬓ᭄ᬦᬶ᭞ᬲᬸᬫᬶᬗ᭄ᬓᬶᬦ᭄ᬳᬶᬤᬗᬶᬮᬓᬂ᭞ᬓᬵᬮᬶᬄᬳᬶᬚᬸᬭᬸᬩᬸᬭᬸ᭞ᬢ᭄ᬯᬭ ᬗᬶᬢᬸᬂᬩ᭄ᬤᬓ᭄ᬮᬬᬄ᭞ᬧ᭄ᬮᬸᬄᬧᬶᬤᬶᬢ᭄᭞ᬘᬶᬘᬶᬗᬾᬕᬢᬶᬫᬬᬓᬮ᭄᭟ᬧᬦᬲᬾᬫᬗᭂᬦ᭄ᬢᭂᬓ᭄ᬳᭂᬦ᭄ᬢᭂᬓ᭄᭞ᬦ᭄ᬤᭂᬂᬰᬰᬶᬄᬓᬧᬢ᭄ᬦᬫ᭄ᬧᬶ᭞ᬚᭂᬕ᭄ᬚᭂᬕ᭄ᬲᬹᬃᬬ᭄ᬬᬓᭂ [᭑᭕ 15A] ᬩᬸᬲ᭄ᬩᬳᬂ᭞ᬫᬭᬵᬃᬬ᭄ᬬᬦ᭄ᬫᬶᬲᭀᬭᬶᬂᬓᬬᬸ᭞ᬧᬥᬦᭂᬗᬶᬮ᭄‌ᬩ᭄ᬤᬓ᭄ᬮᬳᬄ᭞ᬭᬤᬾᬦᬵᬫᬦ᭄ᬢ᭄ᬭᬶ᭞ᬍᬲᬸᬢᬹᬃᬳᬶᬤᬓᬲ᭄ᬢᬦ᭄᭟ᬳ᭄ᬦᭂᬗᬓ᭄ᬦᬵᬭᬤᬾᬦ᭄ᬫᬦ᭄ᬢ᭄ᬭ᭄ᬬᬵ᭞ᬓᭀᬘᬧᬳᬶ ᬤᬸᬓᬸᬄ᭞ᬳᬶᬲ᭄ᬢ᭄ᬭᬶ᭞ᬭᬾᬧᭀᬢ᭄ᬫᬜᬓᬦ᭄ᬤᬶᬧᬳᭀᬦ᭄᭞ᬭᬳᬤᬾᬦ᭄ᬕᬮᬸᬄᬫᬦᬸᬦᬸᬦ᭄᭞ᬘᬕ᭄ᬘᬕ᭄ᬚᬗᬶᬄᬓᭂᬫ᭄ᬧ᭄ᬬᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬧᭂᬧ᭄ᬗᬵᬫᬫᬶᬋᬗᬂ ᭟ᬧᬫᬦ᭄ᬧᬢᬶᬄᬢᭀᬤᬶᬗᭂᬳᬂ᭞ᬲ᭄ᬯᬭᬦ᭄‌ᬘᬕ᭄ᬘᬕ᭄ᬫᬸᬮᬸᬓ᭄ᬫᬦᬶᬲ᭄᭞ᬭᬭᬶᬲ᭄ᬳᬶᬤᬵᬫᬘᬶᬗᬓᬦ᭄᭞ᬓᬦᭂᬦ᭄ᬳᬸᬫᬄᬫᬾᬫᬾᬤᬸᬓᬸᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬷᬗᬦ᭄ᬤᬶ ᬓᬵ᭞ᬩᬧᬧᬢᬶᬄ᭞ᬓ᭄ᬫᭂᬓᬾᬫᬗᬶᬥ᭄ᬢᭀᬬᭀ᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬳᬶᬧᬢᬶᬄᬫᬶᬯᬄᬧᬗᬶᬭᬶᬂ᭞ᬲᬃᬋᬂᬓᬮᬶᬄᬚ᭄ᬯᬫᬫᬃᬕ᭄ᬕ᭞ᬢᬦ᭄ᬓᭀᬘᬧᬲᬫ᭄ᬧᬸ

Auto-transliteration

[14 14B] 14 ratuwi, halangwar̀ṇnnanemalilang, tankocapringjalanhagung, par̥ĕkanemanirinang, sagetprāpti, ringhalasrarismadabdab. sakraḥbu‐ ronepabl̥ĕsat, kahubĕrinbahancicing, juruborosengantupang, kidangmañjananwijung, tur̀matiyāpajulemāpang, tur̀mangungsi nehuritampusngĕniyang. lintangledangradenmantryā, ñingakburonhakeḥkni, sumingkinhidangilakang, kāliḥhijuruburu, twara ngitungbdaklayaḥ, pluḥpidit, cicingegatimayakal. panasemangĕntĕk'hĕntĕk, ndĕngśaśiḥkapatnampi, jĕgjĕgsūr̀yyakĕ [15 15A] busbahang, marār̀yyanmisoringkayu, padhanĕngilbdaklahaḥ, radenāmantri, l̥ĕsutūr̀hidakastan. hnĕngaknāradenmantryā, kocapahi dukuḥ, histri, repotmañakandipahon, rahaden'galuḥmanunun, cagcagjangiḥkĕmpyang, radenmantri, kapĕpngāmamir̥ĕngang . pamanpatiḥtodingĕhang, swarancagcagmulukmanis, rarishidāmacingakan, kanĕnhumaḥmemedukuḥ, rahadenmantrīngandi kā, bapapatiḥ, kmĕkemangidhtoyo. tumulirarismamar̀gga, hipatiḥmiwaḥpangiring, sar̀r̥ĕngkaliḥjwamamar̀gga, tankocapasampu

Leaf 15

Image on Archive.org

[᭑᭕ 15B] ᭑᭕ ᬦ᭄ᬭᬯᬸ᭞ᬫᬗᭀᬚᭀᬕ᭄ᬢᬦ᭄ᬧᬯᭂᬓᬲᬦ᭄᭞ᬕᬸᬲ᭄ᬢᬶᬧᬢᬶᬄ᭞ᬕ᭄ᬮᬸᬓᬳ᭄ᬬᬸᬦᬾᬫᬜᬶᬗᬓ᭄᭟ᬦᬾᬦᬾᬦᬸᬦᬸᬦ᭄‌ᬚ᭄ᬕᬾᬕ᭄ᬧᬶᬲᬦ᭄᭞ᬩᬚᬂᬘ᭄ᬦᬶᬓ᭄ᬧᬸᬢᬶᬄᬓᬸᬦᬶᬂ ᭞ᬩ᭄ᬗᭀᬂᬜᭀᬧᬓ᭄ᬫᬓᬵᬤᬤ᭄ᬯ᭞ᬓᭀᬘᬧᬭᬳᬤᬾᬦ᭄ᬕᬮᬸᬄ᭞ᬕ᭄ᬮᬸᬓᬳ᭄ᬬᬸᬦᬾᬫᬜᬶᬗᬓ᭄᭞ᬚᬦ᭄ᬫᬵᬧ᭄ᬭᬧ᭄ᬢᬶ᭞ᬲᬕᬾᬢ᭄ᬤᬶᬦᬢᬳᬾᬜᭀᬧᬓ᭄᭟ᬭᬤᬾ ᬗᬮᬸᬄᬫᬗᬦ᭄ᬤᬶᬓᬵᬘᬳᬸᬮᬶᬤᬶᬚᬫᬳᬶ᭞ᬳᬶᬧᬢᬶᬄᬬᬓᬫᭂᬫ᭄ᬕᬦ᭄᭞ᬢᬦ᭄ᬧᬲᬯᬸᬃᬭᬭᬶᬲ᭄‌ᬧ᭄ᬲᬸ᭞ᬓᬮᬶᬦ᭄ᬓᬾᬫᬗᬶᬤᬶᬄᬢᭀᬬ᭞ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬢ᭄ᬯᬭᬦ ᬯᬂᬳᬦᬓ᭄‌ᬢ᭄ᬓᬵ᭟ᬢᬸᬗ᭄ᬓᬸᬮᬭᬾᬧᭀᬢ᭄ᬤᬶᬧᬳᭀᬦ᭄‌ᬢ᭄ᬯᬭᬦᬯᬂᬳᬦᬓ᭄ᬧ᭄ᬭᬧ᭄ᬢᬶ᭞ᬢᬦ᭄ᬓᭀᬘᬧᬭᬤᬾᬦ᭄ᬤᬾᬯ᭄ᬬ᭞ᬳᬶᬧᬢᬶᬄᬫᬚᬮᬦᬭᬸᬂ᭞ᬢ᭄ᬯ [᭑᭖ 16A] ᬭᬧᬬᬸᬗᬶᬤᬶᬄᬢᭀᬬᬵ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬯᬸᬄᬭᬶᬂᬗᬬᬸᬦ᭄ᬭᬳᬤ᭄ᬬᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬓᬾᬦ᭄ᬢᭀᬬᬦᬾᬧᬫᬦ᭄ᬧᬢᬶᬄ᭞ᬳᬶᬧᬢᬶᬄᬫᬳᬢᬹᬃ ᬳᬮᭀᬦ᭄᭞ᬤᬕᬸᬶᬯᭂᬕ᭄ᬳᬫ᭄ᬧᬸᬭᬬᬂᬭᬢᬸ᭞ᬫᬦᬄᬢᬶᬢ᭄ᬬᬂᬓᬫᭂᬫᭂᬕᬦ᭄᭞ᬤᬸᬯᬸᬄᬳᬶᬲ᭄ᬢ᭄ᬭᬶ᭞ᬗ᭄ᬮᬄᬧ᭄ᬬᬦᬓ᭄ᬚ᭄ᬕᬾᬕ᭄ᬧᬶᬲᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬬᬦᬶᬂ ᬓᬾᬢᭀᬧᬫᬦ᭄ᬧᬢᬶᬄ᭞ᬚᬮ᭄ᬦ᭄ᬓᬾᬤᭂᬮᭀᬓᬶᬦ᭄‌ᬓ᭄ᬫᬵ᭞ᬢᬸᬫᬸᬮᬶᬫᬫᬃᬕ᭄ᬕᬶᬦᬭᬸᬂ᭞ᬧᬋᬓᬦ᭄‌ᬮ᭄ᬬᬸᬗᬶᬭᬶᬗᬂ᭞ᬚᬕ᭄ᬗᭂᬭᬜ᭄ᬚᬶᬂ᭞ᬓᬚᬸᬫᬄᬳᬶᬤᬸᬓᬸᬄ ᬳᬶᬢ᭄ᬭ᭄ᬬᬵ᭟ᬮᬸᬓᬳ᭄ᬬᬸᬦ᭄ᬭᬤᬾᬦ᭄ᬫᬦ᭄ᬢ᭄ᬭ᭄ᬬᬵ᭞ᬦᬾᬫᬦᬸᬦᬸᬦ᭄ᬓᬤᬶᬭᬢᬶᬄ᭞ᬚ᭄ᬕᬾᬕ᭄‌ᬍᬫᬄᬫᬕᭀᬮᬭᬦ᭄᭞ᬫᬶᬭᬶᬩ᭄ᬳᭀᬓᬦ᭄ᬧᬭᬵᬭ

Auto-transliteration

[15 15B] 15 nrawu, mangojogtanpawĕkasan, gustipatiḥ, glukahyunemañingak. nenenununjgegpisan, bajangcnikputiḥkuning , bngongñopakmakādadwa, kocaparahaden'galuḥ, glukahyunemañingak, janmāprapti, sagetdinataheñopak. rade ngaluḥmangandikācahulidijamahi, hipatiḥyakamĕmgan, tanpasawur̀rarispsu, kalinkemangidiḥtoya, dukuḥhistri, twarana wanghanaktkā. tungkularepotdipahontwaranawanghanakprapti, tankocaparadendewya, hipatiḥmajalanarung, twa [16 16A] rapayungidiḥtoyā, sāmpunprapti, rawuḥringngayunrahadyan. rahadenmantringandikā, kentoyanepamanpatiḥ, hipatiḥmahatūr̀ halon, daguiwĕg'hampurayangratu, manaḥtityangkamĕmĕgan, duwuḥhistri, nglaḥpyanakjgegpisan. rahadenmantringandikā, yaning ketopamanpatiḥ, jalnkedĕlokinkmā, tumulimamar̀gginarung, par̥ĕkanlyungiringang, jagngĕrañjing, kajumaḥhidukuḥ hitryā. lukahyunradenmantryā, nemanununkadiratiḥ, jgegl̥ĕmaḥmagolaran, mirib'hokanparāra

Leaf 16

Image on Archive.org

[᭑᭖ 16B] ᭑᭖ ᬢᬸ᭞ᬓᭀᬘᬧᬭᬳᬤᬾᬦ᭄ᬤᬾᬯ᭄ᬬᬵ᭞ᬕ᭄ᬮᬸᬗᬓ᭄ᬱᬶ᭞ᬳᬦᬓ᭄ᬳᬸᬮᬶᬤᬶᬚᬧ᭄ᬭᬧ᭄ᬢ᭟ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬫᬜᬧ᭞ᬢᬍᬃᬓᬸᬫ᭄ᬜᭂᬧ᭄ᬭᬶᬂᬳᬢᬶ᭞ᬳᬦᬓ᭄ᬳᬸᬮᬶ ᬤᬶᬚᬵᬋᬓᭀ᭞ᬦᬾᬲᬶᬓᬶᬮᬶᬦ᭄ᬢᬂᬩᬕᬸᬲ᭄᭞ᬢᬦ᭄ᬓᭀᬘᬧ᭄ᬭᬳᬤᬾᬦ᭄ᬤᬾᬯ᭄ᬬ᭞ᬢᬹᬃᬓᬭᬶᬳᬶᬤᬫᬦᬸᬦᬸᬦ᭄᭞ᬦᬶᬤᬸᬓᬸᬗᬢᬹᬭᬂᬲ᭄ᬤᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ ᭞ᬫᬗᬦ᭄ᬤᬶᬓᬵᬳᬸᬶᬤᬸᬶᬦᬶᬭᬦᬭᬶᬫ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧ᭞ᬦᬓᭀᬦᬶᬦ᭄ᬳᬶᬤᬸᬓᬸᬄᬕ᭄ᬮᬶᬲ᭄᭞ᬳ᭄ᬜᬾᬦ᭄‌ᬦ᭄ᬢᭀᬦᬾᬲᬶᬓᬚᬵ᭞ᬫᬸ [᭑᭗ 17A] ᬫᬳᬢᬸᬃᬳᬮᬸᬲ᭄ᬳᬶᬤᬸᬓᬸᬄ᭞ᬳᬶᬧᬸᬦ᭄ᬫᬸᬮᬵᬧ᭄ᬬᬦᬓ᭄ᬢᬶᬢ᭄ᬬᬂ᭞ᬢ᭄ᬯᬄᬳᬲᬶᬓᬶ᭞ᬫᬯᬱ᭄ᬝᬵᬳᬶᬘᬶᬮ᭄ᬦᬬ᭞ᬭᬳᬤ᭄ᬬᬦ᭄ᬫᬮᬶᬄᬗᬦ᭄ᬤᬶᬓᬵ᭞ᬲᬚᬦᬾᬢᬸᬢᬸᬭᬂᬚᬦᬶ᭞ ᬢᭀᬂᬦᬸᬕᬩᬶᬩᬶᬗ᭄ᬮᬳᬂ᭞ᬧ᭄ᬬᬦᬓᬾᬤᭂᬩᬶᬩᬶᬳᬚᬸᬫ᭄᭞ᬬᬾᬦ᭄ᬘᬳ᭄ᬬᬦᬾᬫᬶᬭᬶᬩ᭄ᬫᬾᬦᬓ᭄᭞ᬲᬓᬾᬂᬩᬶᬩᬶ᭞ᬫᬗᭂᬮᬶᬤᬂᬢ᭄ᬓᬾᬦ᭄ᬢ᭄ᬬᬂ᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬗ ᬦ᭄ᬤᬶᬓᬵ᭞ᬘᭂᬦ᭄ᬤᭂᬓ᭄ᬚᬦᬶᬦᬶᬭᬗᬶᬤᬶᬄ᭞ᬧ᭄ᬬᬦᬓ᭄ᬩᬶᬩᬶᬦᬾᬋᬓᭀ᭞ᬳ᭄ᬤᬵᬩ᭄ᬯᬶᬦ᭄ᬮᬶᬦ᭄ᬢᬂᬢᬸᬢᬸᬃ᭞ᬢᭀᬂᬤᬤᬶᬲᬭᬸᬯᬂᬦᬶᬭ᭞ᬢᬸᬢᬶᬂᬩᬶᬩᬶ᭞ᬩᬋᬂᬳᬸᬮᬶᬄᬓᬦᬵ ᬕᬭ᭟ᬦᬶᬤᬸᬓᬸᬄᬫᬢᬹᬃᬳᬦᭂᬫ᭄ᬩᬄ᭞ᬬᬦ᭄ᬢᬦ᭄ᬫᬳ᭄ᬯᬦᬦ᭄ᬲᬶᬲᬶᬧ᭄᭞ᬤᬯᭂᬕ᭄ᬦᬸᬦᬲ᭄ᬲᭂᬫ᭄ᬧᬸᬭᬬᬦ᭄᭞ᬧ᭄ᬬᬦᬓ᭄ᬢᬶᬢ᭄ᬬᬂᬳᬶᬧᬸᬦ᭄ᬭᬢᬸ᭞ᬲᬓᬶᬢ᭄ᬩᬸᬤᬸᬄᬗᭂ

Auto-transliteration

[16 16B] 16 tu, kocaparahadendewyā, glungaksyi, hanak'hulidijaprapta. tanwentĕnhidamañapa, tal̥ĕr̀kumñĕpringhati, hanak'huli dijār̥ĕko, nesikilintangbagus, tankocaprahadendewya, tūr̀karihidamanunun, nidukungatūrangsdaḥ, radenmantri , mangandikāhuiduiniranarima. rahadenmantrikocapa, nakoninhidukuḥglis, hñenntonesikajā, mu [17 17A] mahatur̀halushidukuḥ, hipunmulāpyanaktityang, twaḥhasiki, mawaṣṭāhicilnaya, rahadyanmaliḥngandikā, sajanetuturangjani, tongnugabibinglahang, pyanakedĕbibihajum, yencahyanemiribmenak, sakengbibi, mangĕlidangtkentyang. radenmantrimanga ndikā, cĕndĕkjaninirangidiḥ, pyanakbibiner̥ĕko, hdābwinlintangtutur̀, tongdadisaruwangnira, tutingbibi, bar̥ĕnghuliḥkanā gara. nidukuḥmatūr̀hanĕmbaḥ, yantanmahwanansisip, dawĕgnunassĕmpurayan, pyanaktityanghipunratu, sakitbuduḥngĕ

Leaf 17

Image on Archive.org

[᭑᭗ 17B] ᭑᭗ ᬦ᭄ᬢᬄᬳᭂᬦ᭄ᬢᬄ᭞ᬲᬵᬫ᭄ᬧᬸᬦ᭄ᬲ᭄ᬭᬶᬂᬘᬶᬮᬶᬦᬬᬜᬾᬢ᭄ᬲᬾᬢ᭄ᬯᬲ᭄ᬢ᭄ᬭ᭟ᬭᬤᬾᬦ᭄ᬫᬦ᭄ᬭᬶᬫᬗᬦ᭄ᬤᬶᬓᬵ᭞ᬬᬤᬶᬦ᭄ᬓᬾᬢᭀᬫᬸᬜᬶᬦ᭄ᬩᬶᬩᬶ᭞ᬚᬦᬶᬬᬶᬭᬧᬘᬂᬗ᭄ᬭᬯᭀᬲ᭄᭞ ᬭᬤᬾᬦ᭄ᬫᬦ᭄ᬢ᭄ᬭᬷᬭᬭᬶᬲ᭄ᬢᭂᬤᬸᬦ᭄᭞ᬫᬗᬮᬶᬄᬦᬶᬘᬶᬮᬶᬦᬬ᭞ᬳᬸᬤᬸᬄᬘ᭄ᬦᬶᬂᬩ᭄ᬮᬶ᭠ᬗᬶᬤᬶᬄᬜᬳᬶᬲᬬᬂ᭟ᬳᬗ᭄ᬩ᭄‌ᬩ᭄ᬮᬶᬦᬾᬓᬮᬶᬯᬢ᭄᭞ᬳᬧᬲᬚᬵᬜᬳᬶᬕᬸᬲ᭄ᬢᬶ᭞ ᬢᭀᬂᬧᬦ᭄ᬢᭂᬲ᭄᭞ᬯᭀᬂᬢᬦᬶᬋᬓᭀ᭞ᬧᬦ᭄ᬢᭂᬰᭀᬓᬦ᭄‌ᬦᬵᬣᬭᬵᬢᬸ᭞ᬘᬶᬮᬶᬦᬬᬫᬗ᭄ᬓᬶᬦ᭄ᬓᭀᬘᬧ᭄᭞ᬫᬢᬹᬃᬭᬭᬶᬲ᭄᭞ᬳᬫ᭄ᬧᬸᬭᬬᬂᬭᬵᬢᬸᬢᬶᬢ᭄ᬬᬂ ᭟ᬢᬶᬢ᭄ᬬᬂᬚᬦ᭄ᬫᬵᬢᬦ᭄‌ᬳᬶᬓᬦ᭄ᬢᬵ᭞ᬳᬶᬯᭀᬂᬧᬤᬲᬤᬲᬦ᭄ᬫᬦᭂᬫ᭄ᬧᬶ᭞ᬢᬹᬃᬫᬦᬤ᭄ᬬᬢᭀᬦᬦ᭄‌ᬳᬮᬲ᭄᭞ᬮᬶᬦ᭄ᬢᬂᬫᬶᬲ᭄ᬓᬶᬦ᭄‌ᬢᬶᬢ᭄ᬬᬂᬭᬢᬸ᭞ᬲᬵᬫ᭄ᬧᬸᬦᬂᬧ [᭑᭘ 18A] ᬜ᭄ᬚᬂᬯᬘᬦᬵ᭞ᬢᬶᬢ᭄ᬬᬂᬧᬫᬶᬢ᭄᭞ᬭᬳᬤ᭄ᬬᬦ᭄‌ᬫᬲᬳᬸᬢ᭄ᬦᬶᬫ᭄ᬩᬮ᭄᭟᭠ᬳ᭄ᬤᬓᬸᬤᬘ᭄ᬦᬶᬂᬢᬸᬮᬓ᭄᭞ᬢ᭄ᬓᬾᬦᬶᬂᬲᬫᬸᬜᬶᬦ᭄ᬩᭂᬮᬶᬢᭀᬂᬤᬤᬶᬮᬶᬮᬮ᭄ᬮᬬᬕ᭄᭞ᬢ᭄ᬓ ᬲᬬᬦ᭄ᬮᬶᬗ᭄ᬮᬸᬂᬩ᭄ᬗᬸᬂ᭞ᬢ᭄ᬯᬭᬵᬗᬶᬢᬸᬂᬩᬗ᭄ᬰᬵᬲᬹᬤᬺ᭞ᬬᬾᬦ᭄ᬫᬫᭂᬥᬶ᭞ᬫᬕ᭄ᬓᬶᬦ᭄ᬓᬾᬫᬯᬗ᭄ᬰᬵᬫᬾᬦᬵᬳᬓ᭄᭟ᬬᬦᬶᬂᬓ᭄ᬤᭂᬄᬢ᭄ᬯᬭᬵᬳ᭄ᬜᬓ᭄᭞ᬧᬘᬂᬳᬲᬗ᭄ᬓᭀᬮ᭄‌ᬦᬾᬚᬦᬶ᭞ ᬫᬕ᭄ᬓᬶᬦ᭄ᬳᭂᬜᬓ᭄‌ᬮᬦ᭄ᬫᬚᬮᬦ᭄᭞ᬳᬧᬂᬳᬋᬂᬩᬶᬩᬶᬤᬸᬓᬸᬄ᭞ᬚᬮᬦ᭄ᬓᬾᬚᬦᬶᬤᬩ᭄ᬤᬩᬂ᭞ᬚᬦᬶᬧᬬᬸᬦᬶᬭᬜ᭄ᬯᬂ᭟ᬦᬶᬤᬸᬓᬸᬄᬢᬦ᭄ᬧᬸᬭᬸᬦ᭄ᬢᬸ ᬮᬓ᭄᭞ᬫᬶᬯᬄᬳᬶᬤᬭᬳᬾᬦ᭄ᬤᬾᬯᬶ᭞ᬫ᭄ᬦᭂᬕ᭄ᬢᬦ᭄ᬧᬲᬳᬸᬃᬋᬓᭀ᭞ᬗᬵᬦ᭄ᬤᬶᬓᬵᬭᬳᬤᬾᬦ᭄ᬩᬕᬸᬲ᭄᭞ᬢ᭄ᬓᬾᬦᬶᬂᬧᬜ᭄ᬚᬓᬾᬧᬥ᭞ᬩᬧᬧᬢᬶᬄ᭞ᬚᬮ

Auto-transliteration

[17 17B] 17 ntaḥhĕntaḥ, sāmpunsringcilinayañetsetwastra. radenmanrimangandikā, yadinketomuñinbibi, janiyirapacangngrawos, radenmantrīraristĕdun, mangaliḥnicilinaya, huduḥcningbli‐ngidiḥñahisayang. hangbblinekaliwat, hapasajāñahigusti, tongpantĕs, wongtanir̥ĕko, pantĕśokannātharātu, cilinayamangkinkocap, matūr̀raris, hampurayangrātutityang . tityangjanmātanhikantā, hiwongpadasadasanmanĕmpi, tūr̀manadyatonanhalas, lintangmiskintityangratu, sāmpunangpa [18 18A] ñjangwacanā, tityangpamit, rahadyanmasahutnimbal. ‐hdakudacningtulak, tkeningsamuñinbĕlitongdadililallayag, tka sayanlinglungbngung, twarāngitungbangśāsūdr̥ĕ, yenmamĕdhi, magkinkemawangśāmenāhak. yaningkdĕḥtwarāhñak, pacanghasangkolnejani, magkinhĕñaklanmajalan, hapanghar̥ĕngbibidukuḥ, jalankejanidabdabang, janipayunirañwang. nidukuḥtanpuruntu lak, miwaḥhidarahendewi, mnĕgtanpasahur̀r̥ĕko, ngāndikārahadenbagus, tkeningpañjakepadha, bapapatiḥ, jala

Leaf 18

Image on Archive.org

[᭑᭘ 18B] ᭑᭘ ᬦ᭄ᬫᬤᬩ᭄ᬤᬩᬦ᭄ᬩ᭄ᬤᬮ᭄᭟ᬦᬶᬤᬸᬓᬸᬄᬮᬦ᭄ᬘᬶᬮᬶᬦᬬ᭞ᬚᬮᬦ᭄ᬩᬋᬂᬓᬗᬭᬶ᭞ᬢᬸᬫᬸᬮᬶᬫᬫᬵᬃᬕ᭄ᬕᬋᬓᭀ᭞ᬫᬜᬸᬯᬸᬭᬶᬂᬢᬫᬦ᭄ᬲᬫ᭄ᬧᬸᬦ᭄᭞ᬢᬦ᭄ᬓᭀᬘ ᬧᬫᬭᬶᬂᬚᬮᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬭᬶᬂᬢᬫ᭄ᬦ᭄᭟ᬓᬢᭀᬦ᭄ᬩᬮᬾᬦᬾ ᬫᬕ᭄ᬭᬜᬩ᭄᭞ᬳᬾᬫ᭄ᬧᬾᬮ᭄ᬫᬧ᭄ᬭᬤᬫᬕᭂᬦ᭄ᬤᬶᬄ᭞ᬳᬦᬸᬢ᭄ᬩ ᬮᬾᬧᬗᬦᬦ᭄᭞ᬭᬶᬂᬧᬶᬗ᭄ᬕᬶᬃᬲ᭄ᬓᬵᬃᬫᬢᬸᬭᬸᬓ᭄᭞ᬫᬜᬦ᭄ᬤᬶᬂᬢᬮᬕᬚᬶᬫ᭄ᬩᬃ᭞ᬓᬢᭀᬦ᭄ᬳᬰ᭄ᬭᬷ᭞ᬲᬵᬃᬯ᭄ᬯᬩᬸᬗ᭄ᬳᬵᬦ᭄ᬥᭂᬂᬓᭂᬫ᭄ᬩᬂ᭞ᬲᬵᬫ᭄ᬧᬸᬦ᭄ᬲᬜ᭄ᬚᬲᬸᬭᬸ ᬧ᭄ᬲᬹᬃᬬ᭄ᬬᬵ᭞ᬤᬫᬃᬳᬸᬮᬦ᭄ᬫᬗᬮᬗᬶᬦ᭄᭞ᬓᭀᬘᬧ᭄ᬩᬶᬩᬶᬤᬸᬓᬸᬄᬋᬓᭀ᭞ᬓᬶᬘᬾᬦ᭄ᬳᬸᬫᬄᬢ᭄ᬯᬄᬳᬩᬸᬗ᭄ᬓᬸᬮ᭄᭞ᬲᬵᬫ᭄ᬧᬸᬦ᭄ᬯᬾᬦᭂᬦ᭄ᬤᬯᬸᬄᬢᬶᬕ [᭑᭙ 19A] ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬘᬶᬮᬶᬦᬬᬵᬓᬧᬫᬺᬫᬦ᭄᭟ᬲᬫ᭄ᬩᬶᬮ᭄ᬳᬶᬤᬫᬭᬭᬲᬦ᭄᭞ᬧᬗ᭄ᬭᬸᬫ᭄ᬭᬸᬫᬾᬗᭂᬢᬸᬲ᭄ᬳᬢᬶ᭞ᬳᬸᬤᬸᬄᬜᬳᬶᬘᬶᬮᬶᬦᬬᬵ᭞ᬓᬢᬸᬚᬸᬲᬦ᭄ᬩᭂᬮᬶᬭ ᬯᬸᬄ᭞ᬓᬳᬮᬲᬾᬩᬩᬸᬃᬯ᭄ᬯ᭞ᬢᭂᬧᬸᬓ᭄ᬚᬦᬶ᭞ᬘᬶᬮᬶᬦᬬᬲᬬᬂᬓᬸᬢᬂ᭚ᬳᬸᬫᬫ᭄ᬩᬂ᭚ᬭᬢᬸᬩᬸᬮᬦ᭄‌ᬧᬶᬋᬗᬂᬭᬢᬸᬳᬃᬱᬦᬶᬦ᭄᭞ᬳᬢᬹᬃᬳᬶᬓᬮᬭ ᬦ᭄᭞ᬢᭀᬂᬤᬤᬶᬩᬦ᭄‌ᬗᬺᬢ᭄ᬩᬸᬤ᭄ᬥᬶ᭞ᬢᬸᬮᬸᬲᬂᬲ᭄ᬯᬾᬘ᭄ᬙᬦᬾᬫᬶᬭᬄ᭟ᬩᬲ᭄ᬓᬍᬩᬶᬄᬩᬳᬦ᭄ᬳᬶᬭᬢᬸᬜᬓᬶᬢᬶᬦ᭄᭞ᬢᭀᬂᬤᬤᬶᬧᬹᬃᬡ᭄ᬦᬬᬂ᭞ᬲᬭᬸ ᬯᬂᬲ᭄ᬫᬗ᭄ᬓᬶᬦ᭄ᬧᬮᬶᬂ᭞ᬧᬮᬶᬂᬢᭀᬂᬤᬤᬶᬢᬸᬗ᭄ᬓᬲᬂ᭟ᬉᬧᬵᬫᬶᬜᬢᬶᬢ᭄ᬬᬂᬳᬶᬱᬤ᭄ᬧᬤᬲ᭄ᬤᬶᬄ᭞ᬲ᭄ᬯᬾᬘᬵᬓᬧ᭄ᬢᬶᬗᬦ᭄᭞ᬢ᭄ᬓᬩᬸᬮᬦᬾᬗᬮᬗᬶ᭠

Auto-transliteration

[18 18B] 18 nmadabdabanbdal. nidukuḥlancilinaya, jalanbar̥ĕngkangari, tumulimamār̀ggar̥ĕko, mañuwuringtamansampun, tankoca pamaringjalan, sāmpunprapti, rahadenmantriringtamn. katonbalene magrañab, hempelmapradamagĕndiḥ, hanutba lepanganan, ringpinggir̀skār̀maturuk, mañandingtalagajimbar̀, katonhaśrī, sār̀wwabunghāndhĕngkĕmbang, sāmpunsañjasuru psūr̀yyā, damar̀hulanmangalangin, kocapbibidukuḥr̥ĕko, kicenhumaḥtwaḥhabungkul, sāmpunwenĕndawuḥtiga [19 19A] radenmantri, cilinayākapamr̥ĕman. sambilhidamararasan, pangrumrumengĕtushati, huduḥñahicilinayā, katujusanbĕlira wuḥ, kahalasebabur̀wwa, tĕpukjani, cilinayasayangkutang // humambang // ratubulanpir̥ĕngangratuhar̀ṣanin, hatūr̀hikalara n, tongdadibanngr̥ĕtbuddhi, tulusangswecchanemiraḥ. baskal̥ĕbiḥbahanhiratuñakitin, tongdadipūr̀ṇnayang, saru wangsmangkinpaling, palingtongdaditungkasang. upāmiñatityanghiṣadpadasdiḥ, swecākaptingan, tkabulanengalangi‐

Leaf 19

Image on Archive.org

[᭑᭙ 19B] ᭑᭙ ᬦ᭄᭞ᬢᬶᬢ᭄ᬬᬂᬫᬗ᭄ᬕᬶᬄᬍᬕ᭟ᬬᬦ᭄ᬲᬯᬗᬂᬳᬶᬭᬢᬸᬳᬶᬳᬫᭂᬮ᭄ᬕᬤᬶᬂ᭞ᬢᬶᬢ᭄ᬬᬂᬢ᭄ᬯᬭᬧᬲᬄ᭞ᬳᬶᬲᬗ᭄ᬕᬵᬳᬗᬶᬢ᭄ᬫ᭄ᬭᬶᬓ᭄‌ᬫᬶᬗᬶᬂ᭞ᬫᬮᬶᬮᬶᬢ᭄‌ᬳᬶᬢ᭄ᬬᬂ ᬫᬸᬮᬶᬲᬄᬦᬄᬳᬓᬾᬢᭀᬧᬶᬢᬸᬮᬸᬲ᭄‌ᬭᬢᬸᬮᬶᬗ᭄ᬕᬶᬳᬶᬦ᭄᭞ᬲᬃᬯ᭄ᬯᬶᬗᬭᬲ᭄ᬳᬭᬲ᭄᭞ᬧᬗ᭄ᬭᬸᬫ᭄ᬭᬸᬫᬾᬫᬸᬮᬓ᭄ᬫᬦᬶᬲ᭄᭞ᬓᬾᬯ᭄ᬭᬦ᭄‌ᬦᬶᬘᬶᬮᬶᬦᬬ᭟ᬓᬧᬺ᭠ ᬓ᭄ᬧᭂᬓᬶᬦ᭄ᬕᬶᬦᬸᬕᬄᬲᬃᬯ᭄ᬯᬶᬓᬶᬦᬶᬢᬶᬲ᭄᭞ᬲᬵᬫ᭄ᬧᬸᬦ᭄ᬳᬯᭀᬃᬲ᭄ᬫᬵᬭ᭞ᬓᬧᬢᬶᬭᬳᬤᬾᬦ᭄ᬤᬾᬯᬷ᭞ᬍᬲᬸᬭᬱᬵᬢᬦ᭄ᬧᬚᬶᬯᬵ᭟ᬭᬤᬾᬦᬵᬫᬦ᭄ᬢ᭄ᬭᬶᬫ ᬓᬵᬲ᭄ᬬᬩ᭄‌ᬓᬳᬸᬦᬾᬧᬮᬶᬂ᭞ᬳᬤᬸᬄᬳᬢ᭄ᬫᬵᬚᬶᬯᬵ᭞ᬳ᭄ᬤᬭᬵᬢᬸᬫᬦᬶᬗ᭄ᬕᬮᬶᬦ᭄᭞ᬓᬾᬦᬾᬬᬶᬢ᭄ᬬᬂᬳᬚᬢᬓ᭟ᬓᬕᬸᬬᬗᬶᬦ᭄ᬭᬳᬤᬾ [᭒᭐ 20A] ᬦ᭄ᬤᬾᬯᬶᬢᬦ᭄ᬳᬾᬮᬶᬂ᭞ᬳᬶᬦᬄᬳᭂᬗ᭄ᬲᭂᬓ᭄ᬧᬶᬲᬦ᭄᭞ᬚᬶᬯᬦᬾᬭᬱᬵᬦᬶᬗ᭄ᬕᬮᬶᬦ᭄᭞ᬭᬳᬤᬾᬫᬦ᭄ᬭᬶᬓᬾᬯ᭄ᬭᬦ᭄᭟ᬲᬃᬯ᭄ᬯᬶᬦᬺᬗ᭄ᬓᬸᬮ᭄‌ᬭᬭᬶᬲ᭄ᬳᬶᬤᬗᭂᬫᬦ᭄ᬢ᭄ᬭᬦᬸᬶ᭠ ᬳᬶᬦ᭄᭞ᬯᬶᬚᬬᬓᬸᬲᬸᬫ᭞ᬳᭂᬦ᭄ᬢᭀᬓᭀᬘᬧ᭄ᬫᬦ᭄ᬢ᭄ᬭᬲᬶᬤ᭄ᬥᬶ᭞ᬧᬗᬭᬤᬦ᭄ᬲᬂᬳ᭄ᬬᬂᬳᬢ᭄ᬫᬵ᭟ᬳᭀᬦ᭄ᬤᬾᬦ᭄ᬧ᭄ᬕᬢ᭄ᬧᬦᬲ᭄ᬢ᭄ᬭᬾᬦ᭄ᬲᬕᬾᬢ᭄ᬗᬮᬶᬮᬶᬃ᭞ᬮᬾᬤᬂᬭᬤᬾ ᬦ᭄ᬫᬦ᭄ᬢ᭄ᬭ᭄ᬬᬵ᭞ᬭᬭᬶᬲ᭄ᬳᬶᬤᬫᬧᬲᬶᬳᬶᬦ᭄᭞ᬳᬤᬸᬄᬳᬕᬸᬂᬳᬢ᭄ᬫᬵᬚᬶᬯᬵ᭟ᬬᬾᬦᬶᬂᬓᬕᬸᬂᬧᬬᬸᬫᬗᭂᬫᬲᬶᬦ᭄ᬫᬢᬶ᭞ᬳᬶᬢ᭄ᬬᬂᬫᬮᬸᬧ᭄ᬚᬄ᭞ᬲᬾᬧ᭄‌ᬍᬕᬳᬾᬗ᭄ᬕᬮ ᬦ᭄ᬫᬢᬶ᭞ᬘᬶᬮᬶᬦᬬᬕ᭄ᬤᭂᬕ᭄ᬧᬶᬲᬦ᭄᭟ᬲᬃᬯ᭄ᬯᬶᬕᬸᬘᬧ᭄‌ᬤᬸᬄᬤᬾᬯᬵᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᭂᬫ᭄ᬧᭂᬂᬲᬚᬢ᭄ᬬᬂ᭞ᬗ᭄ᬕᬶᬄᬲᬸᬳᬸᬤ᭄ᬓᬸᬤᬵᬫᬗᬸᬫᬶᬓ᭄᭞

Auto-transliteration

[19 19B] 19 n, tityangmanggiḥl̥ĕga. yansawanganghiratuhihamĕlgading, tityangtwarapasaḥ, hisanggāhangitmrikminging, malilit'hityang mulisaḥnaḥhaketopitulusratulinggihin, sar̀wwingarasharas, pangrumrumemulakmanis, kewrannicilinaya. kapr̥ĕ‐ kpĕkin'ginugaḥsar̀wwikinitis, sāmpunhawor̀smāra, kapatirahadendewī, l̥ĕsurasyātanpajiwā. radenāmantrima kāsyabkahunepaling, haduḥhatmājiwā, hdarātumaninggalin, keneyityanghajataka. kaguyanginrahade [20 20A] ndewitanheling, hinaḥhĕngsĕkpisan, jiwanerasyāninggalin, rahademanrikewran. sar̀wwinr̥ĕngkulrarishidangĕmantranui‐ hin, wijayakusuma, hĕntokocapmantrasiddhi, pangaradansanghyanghatmā. hondenpgatpanastrensagetngalilir̀, ledangrade nmantryā, rarishidamapasihin, haduḥhagunghatmājiwā. yeningkagungpayumangĕmasinmati, hityangmalupjaḥ, sepl̥ĕgahenggala nmati, cilinayagdĕgpisan. sar̀wwigucapduḥdewārahadenmantri, hĕmpĕngsajatyang, nggiḥsuhudkudāmangumik,

Leaf 20

Image on Archive.org

[᭒᭐ 20B] ᭒᭐ ᬢᭀᬂᬫᬫ᭄ᬧᬸᬄᬢᬶᬢ᭄ᬬᬂᬦᬶᬗᭂᬳᬂ᭟ᬳᬸᬧᬫᬶᬜᬳᬶᬭᬢᬸᬫᬗ᭄ᬭᬸᬫ᭄ᬭᬸ᭠ᬫ᭄ᬲᬦ᭄ᬤᬶ᭞ᬫᬧᬲᬶᬳᬶᬦ᭄ᬢᬸᬫ᭄ᬩᬮ᭄᭞ᬢᭀᬂᬩᬶᬱᬵᬳᬶᬧᬸᬦ᭄‌ᬦᬶᬫ᭄ᬧᬶᬮ᭄᭞ᬘᬤᬶ ᬓ᭄ᬕᬮᬶᬃᬜᬾᬦ᭄ᬗᬺᬱᭂᬧᬂ᭟ᬭᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄ᬳᬫ᭄ᬮᬤ᭄ᬳᬰᬶᬄ᭞ᬓᬵᬕᬸᬂᬲᬸᬳᬸᬦ᭄ᬫᭂᬗ᭄ᬕᬄ᭞ᬢᬶᬢ᭄ᬬᬂᬤᬯᭂᬕ᭄ᬫᬢᬹᬃᬲᬶᬲᬶᬧ᭄᭞ᬓ᭄ᬭᭀᬥᬦᬶᬘᬶᬮᬶᬦᬬ᭟ᬲᬃᬯ᭄ᬯᬶ᭠ ᬦᬶᬜ᭄ᬚᬓ᭄‌ᬓᬕᬾᬲ᭄ᬕᬾᬲ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬫᬲᬶᬄᬢ᭄ᬯᬭᬢ᭄ᬮᬕ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬲᬶᬳᬶᬦ᭄᭞ᬧᬗᬸᬘᬧᬾᬳᬫ᭄ᬮᬤᬸᬶᬲ᭄ᬧ᭄ᬭᬡᬵ᭟᭐᭟ᬲᭀᬦᭀᬫ᭄ ᭚᭐᭚ᬩᬗᭂᬢᬂᬭᬢᬸᬩᬗᭂᬢᬂ᭞ᬢᬶᬢ᭄ᬬᬂᬢ᭄ᬯᬭᬦᬶᬗ᭄ᬕᬮ᭄‌ᬪᬓ᭄ᬢᬶ᭞ᬳᬶᬭᬢᬸᬫᬦᬳᬂᬢᬶᬢ᭄ᬬᬂ᭞ᬳᬫ᭄ᬩᬸᬮ᭄‌ᬳ᭄ᬫᬵᬲᬾᬳᬩ᭄ᬕᬸᬫᬶ᭞ᬓᬾᬢᭀᬳᬸᬧᬫᬶᬜᬫ [᭑᭑ 11A] ᬡᬶᬦ᭄᭞ᬓᬤᬶᬯᬶᬦ᭄ᬢᭂᬦᬾᬳᬕᬸᬂ᭞ᬤᬶᬚᬩ᭄ᬯᬶᬦ᭄ᬳᬮᬶᬳᬂ᭞ᬭᬵᬚᬧᬸᬢ᭄ᬭᬶᬫᬜᬦ᭄ᬤᬶᬗᬶᬦ᭄᭞ᬬᬤᬶᬦ᭄ᬭᬸᬭᬸᬄᬩᬢᬦ᭄ᬮᬗᬶᬢ᭄‌ᬤᬸᬳᬸᬃᬢᬦᬄ᭟ᬲᬧᬳᬸᬢ᭄ᬓᬢᭀᬦ᭄ᬲᬯᬗᬂ ᬢᭀᬂᬳᬤᬓᬲᭀᬃᬲᬢᬦ᭄ᬤᬶᬂ᭞ᬧᬦ᭄ᬢᭂᬲ᭄ᬫᬓᬘᬦ᭄ᬤ᭄ᬭᬓᬦ᭄ᬢ᭞ᬲᬂᬤ᭄ᬬᬄᬮᬯᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬂᬳ᭄ᬬᬂᬲ᭄ᬫᬭᬮᬯᬦ᭄ᬭᬢᬶᬄ᭞ᬧᬗ᭄ᬭᬸᬫ᭄ᬭᬸᬫᬾᬫᭂᬫ᭄ᬩᬄᬫᬥᬸ᭞ᬜᬶᬲᬬᬂᬓᬫᬦᬶ ᬲᬦ᭄᭞ᬳᬦᬸᬢ᭄‌ᬚᭂᬗ᭄ᬕᬮᬵᬓᬤᬶᬭᬶ᭞ᬧᬲᬶᬄᬫᬥᬸᬲᬶᬃᬲᭀᬮᬳᬂᬗᬯᬾᬫ᭄ᬮᬄ᭟ᬮᬦ᭄ᬢᬂᬬᬾᬦ᭄ᬢ᭄ᬯᬄᬘᬭᬶᬢᬬᬂ᭞ᬯᬾᬦ᭄ᬢᭂᬦ᭄ᬳᬶᬗᬦ᭄ᬢᬶᬕᬂᬰᬶᬄ᭞ᬭᬳᬤᬾ ᬫᬦ᭄ᬢ᭄ᬭᬶᬭᬶᬂᬢᬫᬦ᭄᭞ᬢᭀᬂᬢᬳᬾᬦ᭄ᬗᭂᬦᬄᬓᬧᬸᬭᬶ᭞ᬢᬦ᭄ᬤᬸᬳᬗᬩ᭄ᬪᬶᬦᬶ᭞ᬢᬸᬢᬸᬕ᭄‌ᬰᬰᬶᬳᬦᬾᬫᭂᬢᬸ᭞ᬧᬸᬢ᭄ᬭᬮᬦᬂᬲᬦᬸᬗ᭄ᬕᬮ᭄᭞ᬯᬵᬃᬡ᭄ᬦᬦᬾᬓᬮᬶ

Auto-transliteration

[20 20B] 20 tongmampuḥtityangningĕhang. hupamiñahiratumangrumru‐msandi, mapasihintumbal, tongbisyāhipunnimpil, cadi kgalir̀ñenngr̥ĕsyĕpang. radenmantrihangucap'hamlad'haśiḥ, kāgungsuhunmĕnggaḥ, tityangdawĕgmatūr̀sisip, krodhanicilinaya. sar̀wwi‐ niñjakkagesgesrahadenmantri, masiḥtwaratlag, rahadenmantrimasihin, pangucapehamladuispraṇā. 0. sonom // 0 // bangĕtangratubangĕtang, tityangtwaraninggalbhakti, hiratumanahangtityang, hambulhmāsehabgumi, ketohupamiñama [11 11A] ṇin, kadiwintĕnehagung, dijabwinhalihang, rājaputrimañandingin, yadinruruḥbatanlangitduhur̀tanaḥ. sapahutkatonsawangang tonghadakasor̀satanding, pantĕsmakacandrakanta, sangdyaḥlawanradenmantri, sanghyangsmaralawanratiḥ, pangrumrumemĕmbaḥmadhu, ñisayangkamani san, hanutjĕnggalākadiri, pasiḥmadhusir̀solahangngawemlaḥ. lantangyentwaḥcaritayang, wentĕnhingantigangśiḥ, rahade mantriringtaman, tongtahenngĕnaḥkapuri, tanduhangabbhini, tutugśaśihanemĕtu, putralanangsanunggal, wār̀ṇnanekali

Leaf 21

Image on Archive.org

[᭒᭑ 21B] ᭒᭑ ᬦ᭄ᬢᬂᬧ᭄ᬓᬶᬓ᭄‌ᬮᬾᬤᬂᬓᬳ᭄ᬬᬸᬦ᭄‌ᬭᬤᬾᬦᬵᬫᬦ᭄ᬢ᭄ᬭᬶᬜᬶᬗᬓᭀᬓᬍᬗᬓ᭄ᬦᬵᬭᬳᬤ᭄ᬬᬦ᭄᭞ᬓᭀᬘᬧᬂᬧ᭄ᬭᬳᬸᬮᬶᬦ᭄ᬲᬶᬃ᭞ᬤᬯᬸᬄᬓᬮᬶᬄᬲᬵᬫ᭄ᬧᬸᬦ᭄ᬳᬳ᭄ᬬ ᬲ᭄᭞ᬭᬭᬶᬲ᭄ᬓᬩᬜ᭄ᬘᬶᬗᬄᬕ᭄ᬮᬶᬲ᭄‌ᬧᬳᭂᬓᬦ᭄ᬲᬫᬶᬗᬶᬃᬂ᭞ᬲᬶᬭᬧᬢᬶᬄᬤ᭄ᬫᬂᬤ᭄ᬫᬸᬂ᭞ᬫᬶᬯᬄᬢᬦ᭄ᬤᬫᬦ᭄ᬢ᭄ᬭᬷᬗᬫ᭄ᬩ᭄ᬬᬃ᭞ᬓᬦᬸᬭᬸᬯᬦ᭄ᬫᬶᬯᬄᬋᬱᬶ᭞ᬧᬥᬦᬗ᭄ᬓᬶᬮ᭄ᬲᬂ ᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓᬵ᭟ᬳ᭄ᬦᬄᬢᬾᬧᬥᬓ᭄ᬦᭂᬳᬂ᭞ᬧᬸᬧᬸᬢ᭄ᬮᬘᬸᬃᬦᬶᬭᬚᬦᬶ᭞ᬓᭀᬘᬧᬳᬶᬦᬦᬓ᭄ᬫᬦ᭄ᬢ᭄ᬭ᭄ᬬᬵ᭞ᬚ᭄ᬦᭂᬓ᭄ᬤᬶᬢᬫᬦ᭄ᬫᬮᬶᬗ᭄ᬕᬶᬄ᭞ᬢᭀᬂᬢ ᬳᬾᬦ᭄ᬗᭂᬦᬄᬫᬸᬮᬶᬄ᭞ᬓᬵᬮᬶᬄᬤᬶᬢᬫᬦ᭄ᬫᬗᬸᬗ᭄ᬓᬸᬂ᭞ᬕ᭄ᬮᬄᬩᬩᬾᬤᬦ᭄ᬓᬸᬢᬸᬦ᭄ᬳᬮᬲ᭄‌ᬤᬸᬯᬸᬓᬦ᭄ᬳᬶᬤᬸᬓᬸᬄᬳᬶᬲ᭄ᬢ᭄ᬭᬷ᭞ᬩᬲ᭄ᬓᬤᬸᬭᬸᬲ᭄ᬮᬘᬸᬃᬦᬶᬭᬗ᭄ᬮᬄ [᭒᭒ 22A] ᬧ᭄ᬬᬦᬓ᭄᭟ᬢᭀᬂᬓᬮᬸᬕᬸᬗᬮᬶᬄᬲᬵᬳᭀᬫᬄ᭞ᬓᬮᬸᬤ᭄ᬫᬳᬦ᭄‌ᬲᭀᬫᬄᬳ᭄ᬯᬶᬮ᭄᭞ᬩᬲ᭄ᬫᬗᬯᬾᬳᬸᬘᬧ᭄ᬚᬕᬢ᭄᭞ᬬᬦᬶᬂᬓ᭄ᬦᭂᬄᬦᬶᬭᬚᬦᬶ᭞ᬕᬧᬸᬰᬶᬦᬦᬓ᭄ᬫᬦ᭄ᬢ᭄ᬭᬷ᭞ ᬦᬾᬳᬶᬤ᭄ᬫᬂᬓ᭄ᬫᬵᬗᬧᬸᬲ᭄᭞ᬓᬮᬶᬄᬳ᭄ᬦᬾ ᬩᬳᬂᬲᬸᬳᬵᬢ᭄᭞ᬓᬾᬢᭀᬓ᭄ᬦᭂᬄᬦᬶᬭᬚᬦᬶ᭞ᬲᬫᬶᬫᬫᬢᬹᬢ᭄ᬩᭂᬘᬶᬓ᭄᭟ᬬᬾᬦ᭄ᬲᬸᬩᬳᬶᬤᬫᬚᬮ ᬦ᭄᭞ᬳᬶᬧᬢᬶᬄᬢᬸᬦ᭄ᬤᬾᬦᬕ᭄ᬚᬦᬶ᭞ᬫᬗ᭄ᬭᬸᬲᬓ᭄‌ᬦᬶᬘᬶᬮᬶᬦᬬᬵ᭞ᬓ᭄ᬢᭀᬓ᭄ᬦᭂᬄᬦᬶᬭᬚᬦᬶᬲᬫᬶᬫᬫᬢᬹᬢ᭄ᬩᭂᬘᬶᬓ᭄᭞ᬧᬢᬶᬄᬤᬶᬦᬵᬱᬵᬓᬳᬸᬢᬸᬲ᭄ ᭞ᬓᬢᬫᬦ᭄ᬧᬘᬂᬗ᭄ᬭᬸᬲᬓ᭄᭞ᬲᬶᬲᬶᬦ᭄ᬩᬗᬯᬦᬾ᭞ᬬᬫᬢ᭄ᬬᬂᬫᬳᬤᬦ᭄ᬤᬶᬧᬦ᭄ᬤᬦ᭄ᬲ᭄ᬓᬃ᭞ᬢᬦ᭄ᬓᭀᬘᬧᬢᬲᬂᬦᬵᬣ᭞ᬓᭀᬘᬧ᭄ᬦᬾᬗᬢᬸ

Auto-transliteration

[21 21B] 21 ntangpkikledangkahyunradenāmantriñingakokal̥ĕngaknārahadyan, kocapangprahulinsir̀, dawuḥkaliḥsāmpunhahya s, rariskabañcingaḥglispahĕkansamingir̀ng, sirapatiḥdmangdmung, miwaḥtandamantrīngambyar̀, kanuruwanmiwaḥr̥ĕsyi, padhanangkilsang prabhuhalonngandikā. hnaḥtepadhaknĕhang, puputlacur̀nirajani, kocapahinanakmantryā, jnĕkditamanmalinggiḥ, tongta henngĕnaḥmuliḥ, kāliḥditamanmangungkung, glaḥbabedankutunhalasduwukanhidukuḥhistrī, baskaduruslacur̀niranglaḥ [22 22A] pyanak. tongkalugungaliḥsāhomaḥ, kaludmahansomaḥhwil, basmangawehucapjagat, yaningknĕḥnirajani, gapuśinanakmantrī, nehidmangkmāngapus, kaliḥhne bahangsuhāt, ketoknĕḥnirajani, samimamatūtbĕcik. yensubahidamajala n, hipatiḥtundenagjani, mangrusaknicilinayā, ktoknĕḥnirajanisamimamatūtbĕcik, patiḥdināsyākahutus , katamanpacangngrusak, sisinbangawane, yamatyangmahadandipandanskar̀, tankocapatasangnātha, kocapnengatu

Leaf 22

Image on Archive.org

[᭒᭒ 22B] ᭒᭒ ᬭᬂᬢᬸᬮᬶᬲ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬢᬫᬦ᭄᭞ᬓᬢᭀᬦ᭄ᬲᬶᬭᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬜᬗ᭄ᬓ᭄ᬭᬶᬫᬂᬳᭀᬓᬳᬮᬶᬢ᭄᭞ᬘᬶᬮᬶᬦᬬᬩ᭄ᬬᬂᬳᬶᬩᬸ᭞ᬚ᭄ᬕᬾᬕ᭄ᬢᭀᬂ ᬳᬤ᭄ᬫᬥᬵ᭞ᬕᬯᭀᬓ᭄ᬳᬶᬤ᭄ᬫᬂᬢᬦ᭄ᬲᬶᬧᬶ᭞ᬩᭀᬬᬵᬦᬸᬕᬶᬚᬦ᭄ᬫᬵᬰᬹᬤᬺᬢᭀᬜᬦ᭄ᬳᬮᬲ᭄᭟ᬳᬶᬤ᭄ᬫᬂᬫᬢᬹᬃᬫᬦᭂᬫ᭄ᬩᬄ᭞ᬫᭂᬧᭂᬲ᭄ᬢᬸᬃᬗᬢᬸᬭᬂᬢᬸᬮᬶᬲ᭄᭞ᬭᬳ ᬤᬾᬦᬵᬫᬦ᭄ᬢ᭄ᬭᬶᬦᬭᬶᬫ᭞ᬓᬧᬯᭀᬲ᭄ᬲᬚ᭄ᬭᭀᬦᬶᬗᬢᬶ᭞ᬲᬵᬫ᭄ᬧᬸᬦ᭄ᬭᬸᬫᬲᭂᬧᬶᬗᬢᬶ᭞ᬲᬃᬯ᭄ᬯᬶᬫᬗᬦ᭄ᬤᬶᬓᬵᬳᬮᬸᬲ᭄᭞ᬤᬸᬄᬜᬳᬶᬘᬶᬮᬶᬦᬬᬧᬤᬶᬗᭂᬳᬕ᭄ᬫᬸᬜᬶ ᬦ᭄‌ᬩ᭄ᬮᬶᬤᬶᬦᬶᬳᭂᬫ᭄ᬧᬸᬳᬶᬘ᭄ᬦᬶᬂᬧᬂᬫ᭄ᬮᬄᬩ᭄ᬮᬶᬚᬦᬶᬧᬘᬂᬮ᭄ᬯᬲ᭄᭞ᬓᬳᬸᬢᬸᬲ᭄ᬩᬳᬦ᭄ᬳᬶᬳᬚᬶ᭞ᬓᬳᬮᬲ᭄ᬫᬗᬮᬶᬄᬳᬶᬤᬂ᭞ᬳᬧᬂᬫᬳᬦ᭄ᬓᬶᬤᬂᬧᬸᬢᬶᬄ᭞ᬧᬩ᭄ᬯ [᭒᭓ 23A] ᬣᬶᬩᬧᬚᬦᬶ᭞ᬩᬃᬋᬂᬦᬾᬳᬶᬩᬧᬤ᭄ᬫᬸᬂ᭞ᬫᬳᬢᬸᬃᬳᬶᬘᬶᬮᬶᬦᬬᬵ᭞ᬳᬶᬢ᭄ᬬᬂᬧᬶᬢ᭄ᬮᬲ᭄ᬫᬗᬶᬭᬶᬂ᭞ᬲᬧᬢᬸᬤᬸᬄᬢᬶᬢ᭄ᬬᬂᬗᬶᬃᬂᬧᬓᬳ᭄ᬬᬸᬦᬦ᭄᭟ᬫᬗ᭄ᬤᬓᬾ᭠ ᬲᬓᬾᬂᬓᬢᬶᬢᬄ᭞ᬳᬦ᭄ᬢᬸᬓ᭄ᬳᬶᬤᬭᬪᬹᬮᬶᬗ᭄ᬲᬷᬃ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬸᬃᬦ᭄ᬧᬶᬯᬮ᭄᭞ᬫᬗ᭄ᬓᬶᬦ᭄ᬓᭀᬘᬧ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬤᬸᬄᬳᬤᬶᬩ᭄ᬮᬶᬳᬸᬧᬫᬶ᭞ᬫᬳᬶ ᬭᬶᬗᬦ᭄‌ᬚᬸᬭᬸᬩᬸᬭᬸ᭞ᬢᬦ᭄ᬓᭀᬘᬧᬭᬶᬂᬚᬮᬦ᭄᭞ᬭᬶᬂᬳᬮᬲ᭄ᬳᬕᬸᬂᬯᬸᬲ᭄ᬧ᭄ᬭᬵᬧ᭄ᬢᬶ᭞ᬢᬦ᭄ᬓᭀᬘᬧᬭᬶᬂᬳᬮᬲᬾᬭᬤᬾᬦ᭄ᬫᬦ᭄ᬢ᭄ᬭ᭄ᬬᬵ᭟ᬫᬗ᭄ᬓᬶᬦ᭄ᬓᭀᬘ ᬧᬲᬂᬦᬵᬣ᭞ᬫᬗᬸᬢᬸᬲ᭄ᬳᬶᬧᬢᬶᬄᬕ᭄ᬮᬶᬲ᭄᭞ᬕᬸᬲ᭄ᬢᬶᬧᬢᬶᬄᬧᬫᬶᬢ᭄ᬩᬸᬤᬮ᭄᭞ᬫᬗᬸᬗ᭄ᬲᬶᬓᬢᬫᬦ᭄ᬕᭂᬮᬶᬲ᭄᭞ᬓᬳᬸᬢᬸᬲ᭄ᬧᬘᬂᬫᬢᬾᬦᬶ᭞ᬘᬶᬮᬶ

Auto-transliteration

[22 22B] 22 rangtulis, sāmpunrawuḥmaringtaman, katonsiraradenmantri, mañangkrimanghokahalit, cilinayabyanghibu, jgegtong hadmadhā, gawok'hidmangtansipi, boyānugijanmāśūdr̥ĕtoñanhalas. hidmangmatūr̀manĕmbaḥ, mĕpĕstur̀ngaturangtulis, raha denāmantrinarima, kapawossajroningati, sāmpunrumasĕpingati, sar̀wwimangandikāhalus, duḥñahicilinayapadingĕhagmuñi nblidinihĕmpuhicningpangmlaḥblijanipacanglwas, kahutusbahanhihaji, kahalasmangaliḥhidang, hapangmahankidangputiḥ, pabwa [23 23A] thibapajani, bar̀r̥ĕngnehibapadmung, mahatur̀hicilinayā, hityangpitlasmangiring, sapatuduḥtityangngir̀ngpakahyunan. mangdake‐ sakengkatitaḥ, hantuk'hidarabhūlingsīr̀, tityangnentĕnpur̀npiwal, mangkinkocapradenmantri, haduḥhadiblihupami, mahi ringanjuruburu, tankocaparingjalan, ringhalashagungwusprāpti, tankocaparinghalaseradenmantryā. mangkinkoca pasangnātha, mangutushipatiḥglis, gustipatiḥpamitbudal, mangungsikataman'gĕlis, kahutuspacangmateni, cili

Leaf 23

Image on Archive.org

[᭒᭓ 23B] ᭒᭓ ᬦᬬᬵᬫᬗ᭄ᬤᬧᬸᬧᬸᬢ᭄᭞ᬲᬭᬯᬸᬳᬾᬫᬭᬶᬂᬢᬫ᭄ᬦ᭄᭞ᬳᬶᬧᬢᬶᬄᬫᬦᬩ᭄ᬤᬳᬭᬶᬲ᭄᭞ᬳᬤᬸᬄᬜᬳᬶᬳᬶᬘᬶᬮᬶᬦᬬᬵᬦᬾᬤᬶᬗᭂᬳᬂᬓ᭄ᬭᬡᬫᬭ ᬢ᭄ᬓᬵ᭞ᬰ᭄ᬭᬶᬦᬭᬾᬦ᭄ᬤ᭄ᬭᬗᬸᬢᬸᬲ᭄‌ᬩ᭄ᬮᬶ᭞ᬳᬘᬂᬗ᭄ᬭᬸᬲᬓ᭄ᬗᬳᬶᬋᬓᭀ᭞ᬲᬶᬲᬶᬦ᭄ᬩᬗᬯᬦᬾᬓᬗᬶᬦ᭄᭞ᬧᬦ᭄ᬤᬦ᭄‌ᬲ᭄ᬓᬃᬓᬯᬱ᭄ᬝᬵᬦᬶᬦ᭄᭞ᬤᬶᬢᬸᬜᬳᬶᬧᬸᬧᬸᬢ᭄᭞ᬓᬾ᭠ ᬢᭀᬧᬦᬦ᭄ᬤᬶᬓᬦ᭄ᬳᬶᬤ᭞ᬦᬶᬘᬶᬮᬶᬦᬬᬵᬜᬳᬸᬭᬶᬦ᭄᭞ᬦᬧᬶᬳᬶᬯᬂᬢᬶᬢ᭄ᬬᬗᬾᬢ᭄ᬓᬾᬦᬵᬲᬂᬦᬵᬣ᭟ᬘᬶᬮᬶᬦᬬᬵᬫᬜᭂᬲᭂᬤᬂ᭞ᬫᬸᬜᬶᬦᬾᬳᬭᬸᬫᬫ᭠ ᬦᬶᬲ᭄᭞ᬦᬧᬶᬲᬶᬲᬶᬧ᭄ᬢᬶᬢ᭄ᬬᬂᬋᬓᭀ᭞ᬳᬶᬧᬢᬶᬄᬫᬲᬳᬸᬢ᭄ᬦᭂᬗ᭄ᬓᬶᬓ᭄᭞ᬳ᭄ᬤᬜᬳᬶᬮ᭄ᬬᬸᬫᬸᬜᬶ᭞ᬩ᭄ᬮᬶᬢ᭄ᬯᬭᬦᬯᬂᬳᬸᬦ᭄ᬤᬸᬓ᭄᭞ᬘᬳᬶᬮᬶᬦᬵᬬᬫᬮᬶᬄᬗᬸᬘᬧ᭄᭞ [᭒᭔ 24A] ᬬᬾᬦᬶᬂᬧᬸᬦᬶᬓᬵᬕᬸᬲ᭄ᬢᬶ᭞ᬗ᭄ᬕᬶᬄᬦᬯ᭄ᬕᬂᬳᬦ᭄ᬢᭀᬓᬸᬶᬲ᭄ᬓᬸᬤ᭄ᬥᬚ᭄ᬯᬢᬶᬢ᭄ᬬᬂᬢᬶᬢ᭄ᬬᬂᬓᬭᬶᬫᬢᬢ᭄ᬮᬄ᭞ᬫᬲᬶᬲᬶᬕ᭄ᬫᬫᬳᬫ᭄ᬩᬸᬄᬕ᭄ᬮᬶᬲ᭄᭞ᬯᬸᬲ᭄ᬧᬸᬧᬸᬢ᭄ᬫᬩᬺᬲᬶᬄᬋᬓᭀ᭞ᬳᬶ ᬧᬢᬶᬄᬩᬗ᭄ᬭᬲ᭄ᬫᬫᬸᬜᬶ᭞ᬦᬄᬓᬸᬤᬳᭂᬗ᭄ᬕᬮᬦ᭄ᬜᬳᬶ᭞ᬦᬶᬘᬶᬮᬶᬦᬬᬫᬲᬳᬸᬢ᭄᭞ᬤᬸᬭᬸᬂᬧᬸᬧᬸᬢ᭄ᬧᬸᬮᬧᬮᬶᬦ᭄ᬢᬶᬢ᭄ᬬᬂ᭞ᬗᬦ᭄ᬤᬶᬓᬵᬭᬶᬂᬤᬸᬓᬸᬄ᭞ᬳᬶᬲ᭄ᬢ᭄ᬭᬷ᭞ᬩᬶᬩᬶᬤᬸ ᬓᬸᬄᬢ᭄ᬬᬂᬧᬫᬶᬢ᭄‌ᬦᬾᬫᬗ᭄ᬓᬶᬦ᭄ᬩᬸᬤᬮ᭄᭚᭐᭚ᬧᬸᬧᬸᬄᬤ᭄ᬫᬸᬂ᭚᭐᭚ᬦᬾ ᬫᬗ᭄ᬓᬶᬦ᭄ᬦᬶᬘᬶᬮᬶᬦᬬᬓᬭᬶᬜᬸᬭᬵᬢ᭄᭞ᬲᬸᬭᬵᬢ᭄‌ᬧ᭄ᬭᬬᬵᬓᬢᬹᬃ᭞ᬧᬗᬸᬘ᭠ ᬧᬾᬳᬮᬸᬲ᭄᭞ᬳᬤᬸᬄᬭᬢᬸᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬢᬹᬃᬢᬶᬢ᭄ᬬᬂᬫᬤᬃᬢ᭄ᬣᬬᬂ᭞ᬭᬶᬂᬓᬦ᭄ᬥᬦ᭄ᬢᬶᬢ᭄ᬬᬗᬾᬮᬫ᭄ᬧᬸᬲ᭄‌᭞ᬲᬓᬶᬂᬳᬶᬤᬲᬂᬦᬵᬣ᭞ᬫᬗᬸᬢᬸᬲ᭄ᬭᬓ᭄ᬭ᭄ᬬ

Auto-transliteration

[23 23B] 23 nayāmangdapuput, sarawuhemaringtamn, hipatiḥmanabdaharis, haduḥñahihicilinayānedingĕhangkraṇamara tkā, śrinarendrangutusbli, hacangngrusakngahir̥ĕko, sisinbangawanekangin, pandanskar̀kawaṣṭānin, dituñahipuput, ke‐ topanandikanhida, nicilinayāñahurin, napihiwangtityangetkenāsangnātha. cilinayāmañĕsĕdang, muñineharumama‐ nis, napisisiptityangr̥ĕko, hipatiḥmasahutnĕngkik, hdañahilyumuñi, blitwaranawanghunduk, cahilināyamaliḥngucap, [24 24A] yeningpunikāgusti, nggiḥnawganghantokuiskuddhajwatityangtityangkarimatatlaḥ, masisigmamahambuḥglis, wuspuputmabr̥ĕsiḥr̥ĕko, hi patiḥbangrasmamuñi, naḥkudahĕnggalanñahi, nicilinayamasahut, durungpuputpulapalintityang, ngandikāringdukuḥ, histrī, bibidu kuḥtyangpamitnemangkinbudal // 0 // pupuḥdmung // 0 // ne mangkinnicilinayakariñurāt, surātprayākatūr̀, panguca‐ pehalus, haduḥraturadenmantri, hatūr̀tityangmadar̀tthayang, ringkandhantityangelampus, sakinghidasangnātha, mangutusrakrya

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org