Gaguritan Pamarggin Buda
This page has been accessed 12,019 times.
Description
Bahasa Indonesia
English
Front and Back Covers
Leaf 1
[᭑ 1B]
᭑
᭛᭐᭛ᬒᬁᬅᬯᬶᬖ᭄ᬦᬫᬲ᭄ᬢᬸᬦᬫᬰᬶᬥ᭄ᬬᬀ᭛᭐᭛ᬧᬗ᭄ᬓᬸᬃ᭚᭐᭚ᬓᭀᬘᬧ᭄ᬢᬶᬩᬵᬭᬶᬂᬓᭀᬰᬮᬵ᭞ᬲᬗ᭄ᬳ᭄ᬬᬂᬩᬸᬤ᭄ᬥᬓᬶᬭᬶᬂᬳᬦ᭄ᬢᬸᬓ᭄ᬪᬶᬓ᭄ᬱᬸ
ᬲᬫᬶ᭞ᬭᬶᬂᬯᬗ᭄ᬕᬨᬵᬦᬫᬮᬸᬗ᭄ᬕᬸᬄ᭞ᬧᬤᬸᬲᬸᬦᬦ᭄ᬫᬦᬲᬢᬶᬃᬣᬵ᭞ᬤᬸᬲᬸᬦ᭄ᬳᬮᬶᬢ᭄᭞ᬧᬕᭂᬦᬳᬦ᭄ᬧᬭᬯᬶᬓᬸ᭞ᬧᬭᬩ᭄ᬭᬳ᭄ᬫᬵᬡᬲᬫ᭄ᬬᬦ᭄
᭞ᬧᬤᬫᬕᬸᬭᬸᬯᬶᬦ᭄ᬳᬚᬶ᭟᭐ᬦᬾᬚᬦᬶᬘᬭᬶᬢᬬᬂ᭞ᬯᬾᬦ᭄ᬢᭂᬦ᭄ᬯᬶᬓᬸ᭞ᬩ᭄ᬭᬳ᭄ᬫᬵᬡᬲᬋᬂᬓᬮᬶᬄ᭞ᬯᬰᬶᬱ᭄ᬝᬳᬭᬦᬾᬓᬸ᭞ᬓᬮᬶᬄ
ᬮᬦ᭄ᬪᬭᬥ᭄ᬯᬚᬵ᭞ᬲᬮᬶᬂᬩᭀᬬᬦᬶᬦ᭄᭞ᬧᬤᬢᬶᬡ᭄ᬥᬶᬄᬫᬭᬶᬂᬕᬸᬭᬸ᭞ᬤᬭᬥ᭄ᬯᬚᬵᬭᬶᬂᬢᬭᬸᬓ᭄ᬱᬾ᭞ᬯᬰᬶᬱ᭄ᬝᬭᬶᬂᬧᬸᬲ᭄ᬓᬭᬲᬤ᭄ᬥᬶ᭟
[᭒ 2A]
ᬦᬾᬤᬤᬶᬧᬚᬮ᭄ᬚᬮᬦ᭄᭞ᬦᭀᬮ᭄ᬬᬯᬦ᭄ᬢᬄᬫᬃᬕ᭄ᬕᬦᬾᬲᬸᬚᬢᬶ᭞ᬫᬓᬓᬮᬶᬄᬧᬤᬦᬗ᭄ᬕᬸᬄ᭞ᬧᬗ᭄ᬭᬲᬦᬾᬦᬮᬶᬄᬫ᭄ᬮᬄ᭞
ᬦᬾᬲᬸᬚᬢᬶ᭞ᬫᬗᬸᬗ᭄ᬱ᭄ᬬᬂᬩ᭄ᬭᬳ᭄ᬫᬵᬳᬶᬓᬸ᭞ᬲᬂᬗ᭄ᬭᬾᬓᬵᬲᬮ᭄ᬯᬶᬃᬦᬶᬂᬳᬦ᭞ᬲᬗ᭄ᬓᬦ᭄ᬧᬭᬦᬶᬂᬦᬸᬫᬤᬶ᭟᭐ᬦᬾᬫᬮᬶᬄᬤᬤᭀᬲ᭄ᬧ
ᬕᬺᬗᬦ᭄᭞ᬳᭂᬜ᭄ᬘᬾᬦ᭄ᬫᬤᬦ᭄ᬩ᭄ᬭᬳ᭄ᬫᬵᬡᬧᬶᬢᬸᬯᬶ᭞ᬪᬭᬥ᭄ᬯᬚᬵᬫᬦᭂᬗ᭄ᬕᬸᬄ᭞ᬩ᭄ᬭᬳ᭄ᬫᬵᬡᬳᬶᬓᬢᬸᬭᬸᬦᬦ᭄᭞ᬢᬦ᭄ᬯ᭄ᬬᬓ᭄ᬢᬶ᭞ᬓᬤᬶᬯ
ᬰᬶᬱ᭄ᬝᬫᬦᭂᬗ᭄ᬕᬸᬄ᭞ᬩ᭄ᬭᬳ᭄ᬫᬵᬡᬳᬶᬓᬮᬓ᭄ᬱᬡ᭞ᬓᬥᬃᬫ᭄ᬫᬦᬾᬲᬸᬚᬢᬶᬍᬯᬶᬄ᭟᭐ᬳᭂᬦ᭄ᬢᭀᬦᬾᬚᬦᬶᬧᬤᬸᬯᬂ᭞ᬢᬸᬦᬲᬂ
Auto-transliteration
[1 1B]
1
/// 0 /// oṁawighnamastunamaśidhyaṃ /// 0 /// pangkur̀ // 0 // kocaptibāringkośalā, sanghyangbuddhakiringhantukbhiksyu
sami, ringwanggaphānamalungguḥ, padusunanmanasatir̀thā, dusunhalit, pagĕnahanparawiku, parabrahmāṇasamyan
, padamaguruwinhaji. 0nejanicaritayang, wentĕnwiku, brahmāṇasar̥ĕngkaliḥ, waśiṣṭaharaneku, kaliḥ
lanbharadhwajā, salingboyanin, padatiṇdhiḥmaringguru, daradhwajāringtaruksye, waśiṣṭaringpuskarasaddhi.
[2 2A]
nedadipajaljalan, nolyawantaḥmar̀gganesujati, makakaliḥpadanangguḥ, pangrasanenaliḥmlaḥ,
nesujati, mangungṣyangbrahmāhiku, sangngrekāsalwir̀ninghana, sangkanparaningnumadi. 0nemaliḥdadospa
gr̥ĕngan, hĕñcenmadanbrahmāṇapituwi, bharadhwajāmanĕngguḥ, brahmāṇahikaturunan, tanwyakti, kadiwa
śiṣṭamanĕngguḥ, brahmāṇahikalakṣaṇa, kadhar̀mmanesujatil̥ĕwiḥ. 0hĕntonejanipaduwang, tunasangLeaf 2
[᭒ 2B]
᭒
ᬭᬶᬂᬲᬗ᭄ᬳ᭄ᬬᬂᬩᬸᬤ᭄ᬥᬰᬓ᭄ᬬᬫᬸᬦᬶ᭞ᬅᬧᬦ᭄ᬳᬶᬤᬵᬓᭀᬘᬧ᭄ᬓᬲᬸᬩ᭄᭞ᬚᬦ᭄ᬢᭀᬲᬂᬓᬱ᭄ᬬᬧᬢᬶᬕᬵ᭞ᬯᬶᬓᬸᬰᬓ᭄ᬢᬶ᭞ᬦᬶᬗ᭄ᬕᬮ᭄ᬳᬰ᭄ᬭᬫᬫ
ᬕᬸᬭᬸ᭞ᬲᬋᬂᬭᬶᬂᬧ᭄ᬭᬚ᭞ᬢᬶᬮ᭞ᬲᬸᬗ᭄ᬓᭂᬫ᭄ᬭᬶᬂᬳ᭄ᬬᬂᬰᬓ᭄ᬬᬫᬸᬦᬶ᭟᭐ᬲ᭄ᬭᬯᬸᬳᬾᬚᭃᬂᬩᬸᬤ᭄ᬥ᭞ᬲᬂᬯᬰᬶᬱ᭄ᬝ᭞ᬗᬯᬶᬢᬶᬦ᭄ᬫᬢᬸᬃᬕᭂᬮᬶᬲ᭄᭞
ᬢᬩᬾᬧᬓᬸᬮᬸᬦ᭄ᬲᬂᬯᬶᬓᬸ᭞ᬫᭀᬖ᭄ᬕᬲᬂᬪᬕᬯᬵᬦ᭄ᬲ᭄ᬯᬾᬘᬵ᭞ᬳᬫᬤᬗᬶ᭞ᬫᬦᬄᬢᬶᬢ᭄ᬬᬂᬓᬤᬶᬩᬶᬗᬸᬂ᭞ᬧ᭄ᬭᬕᬢ᭄ᬲ
ᬋᬂᬧᬓᬮᬶᬳᬦ᭄᭞ᬫᬺᬩᬸᬢᬶᬦ᭄ᬫᬃᬕ᭄ᬕᬦᬾᬚᬢᬶ᭟᭐ᬫᭀᬖ᭄ᬕᬚ᭄ᬯᬳᬶᬤᬾᬯᬓᬾᬦᬓ᭄᭞ᬫᬜᬶᬦᬬᬂ᭞ᬳᭂᬗ᭄ᬓᬾᬦᬺ
[᭓ 3A]
ᬲᬸᬚᬢᬶ᭞ᬫᬃᬕ᭄ᬕᬦᬾᬧᬢᬸᬢ᭄ᬢᬸᬳᬸᬢ᭄᭞ᬭᬯᬸᬄᬭᬶᬂᬳᬚᭃᬂᬳ᭄ᬬᬂᬩ᭄ᬭᬳ᭄ᬫᬵ᭞ᬯᬶᬢᬶᬂᬉᬭᬶᬧ᭄᭞ᬦᬾᬓᬭᬸᬭᬸᬄᬭᬶᬂᬧᬭ
ᬯᬶᬓᬸ᭞ᬭᬯᬸᬳᬶᬂᬉᬭᬶᬧ᭄ᬲᬫ᭄ᬬᬦ᭄᭞ᬲᬂᬲᬗ᭄ᬓᬦ᭄ᬧᬭᬦᬶᬂᬉᬭᬶᬧ᭄᭟᭐ᬲᬂᬲᬸᬕᬢ᭄ᬣᬭᬭᬶᬲ᭄ᬗᬦ᭄ᬤᬶᬓ᭞ᬤᬸᬄᬩ᭄ᬭᬳ᭄ᬫᬵᬡ᭞ᬚ
ᬢᬶᬲᬸᬓᬶᬮ᭄ᬫᬃᬕ᭄ᬕᬳᬶᬓᬶ᭞ᬳᬧᬵᬫᬸᬮᬦᬾᬓᬭᬸᬭᬸᬄ᭞ᬳᬦ᭄ᬢᬸᬓ᭄ᬧᬭᬯᬶᬓᬸᬲᬫ᭄ᬬᬦ᭄᭞ᬲᬓᬶᬂᬓᬯᬶᬢ᭄᭞ᬓᬬᬂᬫᬗ᭄ᬓᬶ
ᬦ᭄ᬤᬸᬭᬸᬂᬧᬗ᭄ᬕᬸᬄ᭞ᬳᬧᬵᬦᬾᬭᬸᬭᬸᬄᬢᬦ᭄ᬲᬶᬦᬄ᭞ᬗᬮᬶᬄᬩᬳᬦ᭄ᬗᬤᬩ᭄ᬳᬤᬩᬶᬦ᭄᭟᭐ᬧᬶᬤᬕᬶᬂᬳᬶᬤᬵᬳ᭄ᬬᬂᬩ᭄ᬭᬳ᭄ᬫᬵ᭞ᬜᬾ
Auto-transliteration
[2 2B]
2
ringsanghyangbuddhaśakyamuni, apanhidākocapkasub, jantosangkaṣyapatigā, wikuśakti, ninggalhaśramama
guru, sar̥ĕngringpraja, tila, sungkĕmringhyangśakyamuni. 0srawuhejöngbuddha, sangwaśiṣṭa, ngawitinmatur̀gĕlis,
tabepakulunsangwiku, moghgasangbhagawānswecā, hamadangi, manaḥtityangkadibingung, pragatsa
r̥ĕngpakalihan, mr̥ĕbutinmar̀gganejati. 0moghgajwahidewakenak, mañinayang, hĕngkenr̥ĕ
[3 3A]
sujati, mar̀gganepatuttuhut, rawuḥringhajönghyangbrahmā, witingurip, nekaruruḥringpara
wiku, rawuhinguripsamyan, sangsangkanparaningurip. 0sangsugatthararisngandika, duḥbrahmāṇa, ja
tisukilmar̀ggahiki, hapāmulanekaruruḥ, hantukparawikusamyan, sakingkawit, kayangmangki
ndurungpangguḥ, hapāneruruḥtansinaḥ, ngaliḥbahanngadab'hadabin. 0pidaginghidāhyangbrahmā, ñeLeaf 3
[᭓ 3B]
᭓
ᬦ᭄ᬳᭂᬦ᭄ᬢᭀ᭞ᬳᬧᬳᭂᬦ᭄ᬢᭀᬲᬳᬦᬦ᭄ᬳᬮᬶᬄ᭞ᬳᬧᬓᬾᬳᬦᬧ᭄ᬭᬯᬶᬓᬸ᭞ᬤ᭄ᬬᬧᬶᬦ᭄ᬢᭂᬢᭂᬲ᭄ᬢᭂᬓᬾᬦ᭄ᬯᬤᬄ᭞ᬦᬳᭂᬦ᭄ᬫᬗ᭄ᬕᬶᬄ
ᬓᬾᬦ᭄ᬓᬾᬦ᭄ᬭᬸᬧᬦ᭄ᬩ᭄ᬭᬳ᭄ᬫᬵᬳᬶᬓᬸ᭞ᬲᬗ᭄ᬓᬦ᭄ᬩᬦᬶᬫᬦᬸᬢᬸᬭᬂ᭞ᬳᬦᬾᬳᬦ᭄ᬦᬳᭂᬦ᭄ᬧᬗ᭄ᬕᬶᬄ᭟᭐ᬯ᭄ᬬᬤᬶᬦ᭄ᬦᬾᬲᬂᬗᬯᬾ
ᬯᬾᬤᬵ᭞ᬢ᭄ᬯᬭᬲᬚᬵᬢᬢᬲ᭄ᬭᬶᬂᬩ᭄ᬭᬳ᭄ᬫᬵᬚᬢᬶ᭞ᬗᬸᬤ᭄ᬬᬂᬳᭂᬦ᭄ᬢᭀᬫᬶᬍᬄᬭᬸᬭᬸᬄ᭞ᬳᬦᬓᬾᬦᬾᬢ᭄ᬯᬭᬢᬯᬂ᭞ᬤᬶᬚᬳ
ᬮᬶᬄ᭞ᬢ᭄ᬯᬭᬧᬘᬂᬓᬧᬗ᭄ᬕᬸᬄ᭞ᬦᬗ᭄ᬳᬶᬂᬳᬗ᭄ᬕᬾᬦ᭄ᬗᬧᬸᬲᬶᬦ᭄ᬫᬦᬄ᭞ᬗ᭄ᬭᬕ᭄ᬭᬕᬕᬫ᭄ᬩᬃᬧᬤᬶᬤᬶ᭟᭐ᬮ᭄ᬯᬶᬃᬦ᭄ᬬᬫᬗᬯᬾᬳᬸᬦ᭄ᬤ
[᭔ 4A]
ᬕ᭄᭞ᬭᬶᬂᬧᬺᬧᬢᬦ᭄᭞ᬳᬗ᭄ᬕᬾᬦ᭄ᬢᬸᬗ᭄ᬕᬸᬫᬦᬸᬗ᭄ᬕᬸᬳᬶᬦ᭄᭞ᬳᬸᬫᬳᬾᬢᬦ᭄ᬦᬳᭂᬦ᭄ᬧᬗ᭄ᬕᬸᬄ᭞ᬬᬾᬦ᭄ᬓᬧᭀᬳᬤᬢ᭄ᬯᬭᬵ᭞ᬬᬾᬦᬶᬂᬓᬗᬶᬦ᭄᭞
ᬬᬦᬶᬂᬓᬚᬵ᭞ᬳᬧᬓᬯᬸᬄ᭞ᬬᬾᬦ᭄ᬓ᭄ᬮᭀᬤ᭄ᬢ᭄ᬯᬭᬢᬯᬂ᭞ᬗᬯᬾᬢᬸᬗ᭄ᬕᬸᬫᬗᬯᬕᬶᬦ᭄᭟᭐ᬓᬾᬢᭀᬩᬜᬦᬗᬸᬦ᭄ᬬᬰᬵ᭞ᬫᬗ
ᬲ᭄ᬢᬯ᭞ᬭᬶᬂᬳᬰ᭄ᬭᬫᬲᬋᬂᬲᬫᬶ᭞ᬕᬸᬭᬸᬫᬢᬸᬤᬶᬂᬢᬸᬚᬸᬄ᭞ᬫᬢᬸᬚᬸᬳᬂᬦᬾᬢᬦ᭄ᬗᭂᬦᬄ᭞ᬳᭂᬦ᭄ᬢᭀᬢᬶᬗᬮᬶᬦ᭄᭞ᬧᭂᬤᬲᬂᬲᬸ
ᬲᬸᬧ᭄ᬳᬧᬂᬢ᭄ᬧᬸᬓ᭄᭞ᬳᬶᬰᬶᬱ᭄ᬬᬫᬦᬼᬓ᭄ᬢᭂᬓᬂ᭞ᬫᬲᬹᬃᬬ᭄ᬬᬓ᭄ᬢᬶᬢ᭄ᬬᬂᬦᬶᬗ᭄ᬳᬮᬶᬦ᭄᭟᭐ᬦᬗ᭄ᬳᬶᬂᬩᬾᬤ᭄ᬥᬦᬾᬓᭂᬭᬕ᭄ᬭᬕ᭄᭞ᬳᬤᬕ
Auto-transliteration
[3 3B]
3
nhĕnto, hapahĕntosahananhaliḥ, hapakehanaprawiku, dyapintĕtĕstĕkenwadaḥ, nahĕnmanggiḥ
kenkenrupanbrahmāhiku, sangkanbanimanuturang, hanehannahĕnpanggiḥ. 0wyadinnesangngawe
wedā, twarasajātatasringbrahmājati, ngudyanghĕntomil̥ĕḥruruḥ, hanakenetwaratawang, dijaha
liḥ, twarapacangkapangguḥ, nanghinghanggenngapusinmanaḥ, ngragragagambar̀padidi. 0lwir̀nyamangawehunda
[4 4A]
g, ringpr̥ĕpatan, hanggentunggumanungguhin, humahetannahĕnpangguḥ, yenkapohadatwarā, yeningkangin,
yaningkajā, hapakawuḥ, yenklodtwaratawang, ngawetunggumangawagin. 0ketobañanangunyaśā, manga
stawa, ringhaśramasar̥ĕngsami, gurumatudingtujuḥ, matujuhangnetanngĕnaḥ, hĕntotingalin, pĕdasangsu
sup'hapangtpuk, hiśiṣyamanl̥ĕktĕkang, masūr̀yyaktityangninghalin. 0nanghingbeddhanekĕragrag, hadagaLeaf 4
[᭔ 4B]
᭔
ᬤ᭞ᬳᬤᬩᬭᬓ᭄ᬳᬤᬓᬸᬦᬶᬂ᭞ᬧᬜᬶᬧ᭄ᬢᬦᬾᬢᬦ᭄ᬧᬢᬸᬄ᭞ᬳᭂᬦ᭄ᬢᭀᬚᬦᬶᬩᬦ᭄ᬤᬶᬗᬂ᭞ᬧᬕᬺᬗᬶᬦ᭄᭞ᬕ᭄ᬮᬳᬾᬧᬲ᭄ᬢᬶᬩᬦ᭄ᬫ
ᬦᬗ᭄ᬕᬸᬄ᭞ᬳᬦᬓᬾᬫᬓᭂᬚᬂᬩᭀᬩᬩ᭄᭞ᬗᬸᬤ᭄ᬬᬂᬳᭂᬗ᭄ᬲᬧ᭄ᬩᬋᬦᬶᬗ᭄ᬳᬮᬶᬦ᭄᭟᭐ᬜᬾᬦ᭄ᬘᬾᬦᬾᬚᬢᬶᬧᬶᬲᬚᬵ᭞ᬢ᭄ᬯᬄᬭ
ᬕ᭄ᬭᬕᬂ᭞ᬧᬗ᭄ᬕᬶᬄᬳᬦ᭄ᬢᬸᬓ᭄ᬫᬗᬯᬓᬶᬦ᭄᭞ᬭᬭᬾᬓᬤᬾᬯᬾᬓᬾᬢᬗ᭄ᬕᬸᬄ᭞ᬕ᭄ᬮᬶᬦ᭄ᬢᬶᬗᬶᬦ᭄ᬕᬶᬲᬶᬢᭂᬓᭂᬓᬂ᭞ᬳᬗ᭄ᬕᬾᬦ᭄ᬫᬜᬸᬮᬸᬳᬶᬦ᭄᭞
ᬧᭂᬢᭂᬗᬾᬗᬯᬾᬦᬂᬲᬭᬸ᭞ᬧᬢᬶᬕᬩᬕ᭄ᬧᬢᬶᬢᬺᬚᬓ᭄᭞ᬢᬶᬫ᭄ᬧᬮᬾᬲᬫᬶᬩᭀᬬᬳᬶᬦ᭄᭟᭐ᬓᬾᬢᭀᬢᬸᬯᬶᬧᬭᬧᬡ᭄ᬥᬶ
[᭕ 5A]
ᬢ᭞ᬬᬤᬶᬦ᭄ᬯ᭄ᬭᬸᬄ᭞ᬢᬦ᭄ᬗᭂᬭᬫ᭄ᬩᬂᬯᬾᬤᬵᬲᬫᬶ᭞ᬦᬗ᭄ᬳᬶᬂᬬᬦ᭄ᬢᬦ᭄ᬓᬧᬗ᭄ᬕᬸᬄ᭞ᬓᬶᬚᬵᬭᬕᬦᬾᬘᬼᬧᬂ᭞ᬪᬸᬢ᭄ᬣᬢᬸᬯᬶ᭞ᬲᬮᬶᬂᬧᬢᬸᬚᬸᬳᬶᬦ᭄ᬭᬸᬭᬸᬂ
᭞ᬧᬢᬶᬓᬧ᭄ᬮᬸᬕ᭄ᬧᬢᬶᬢᬺᬚᬓ᭄᭞ᬲᬋᬂᬲᬫᬶᬢᬦ᭄ᬦᬶᬗ᭄ᬳᬮᬶᬦ᭄᭟᭐ᬲᬓᬶᬂᬳᬮᬸᬄᬫᬗ᭄ᬤᬾᬩᬓᬢ᭄᭞ᬓᬍᬯᬶᬳᬦ᭄᭞ᬓᬲᬸᬓᬦ᭄ᬲ᭄ᬯᬃᬕ᭄ᬕᬦᬾ
ᬲᬫᬶ᭞ᬕ᭄ᬮᬭᬦ᭄ᬩᬦ᭄ᬓᬯᬸᬓ᭄ᬓᬯᬸᬓ᭄᭞ᬦᬸᬦᬲ᭄ᬳᬶᬘ᭄ᬘᬭᬶᬂᬪᬝᬵᬭ᭞ᬲᬫᬶᬳᬾᬱ᭄ᬝᬶ᭞ᬩ᭄ᬭᬳ᭄ᬫᬳᬶᬰ᭄ᬯᬭᬮᬦ᭄ᬯᬶᬱ᭄ᬡᬸ᭞ᬩ᭄ᬭᬳ᭄ᬫᬵᬳᬶᬰ᭄ᬯᬭᬮᬦ᭄ᬯᬶᬱ᭄ᬡᬸ᭞ᬇᬦ᭄ᬤ᭄ᬭᬮᬯᬦ᭄ᬪᬭᬸᬡ᭞ᬫᬗ᭄ᬤᬾ
ᬳᬶᬘᬫᬦᬸᬕ᭄ᬭᬳᬶᬦ᭄᭟᭐ᬮ᭄ᬯᬶᬃᬗᬘᭂᬧ᭄ᬭᬶᬂᬧᬶᬗ᭄ᬕᬶᬭᬶᬂᬢᬸᬓᬤ᭄᭞ᬫᬦᬶᬗ᭄ᬕᬮ᭄ᬳᬧᬶᬫᬗ᭄ᬭᬸᬭᬸᬄᬕᭂᬦᬶ᭞ᬩᬸᬮᬦ᭄ᬩᬮᬶᬓ᭄ᬘᬭᬢ᭄ᬘᬸᬭᬸᬢ᭄᭞ᬳᬲᬶᬂ
Auto-transliteration
[4 4B]
4
da, hadabarak'hadakuning, pañiptanetanpatuḥ, hĕntojanibandingang, pagr̥ĕngin, glahepastibanma
nangguḥ, hanakemakĕjangbobab, ngudyanghĕngsapbar̥ĕninghalin. 0ñencenejatipisajā, twaḥra
gragang, panggiḥhantukmangawakin, rarekadeweketangguḥ, glintingin'gisitĕkĕkang, hanggenmañuluhin,
pĕtĕngengawenangsaru, patigabagpatitr̥ĕjak, timpalesamiboyahin. 0ketotuwiparapaṇdhi
[5 5A]
ta, yadinwruḥ, tanngĕrambangwedāsami, nanghingyantankapangguḥ, kijāraganecl̥ĕpang, bhutthatuwi, salingpatujuhinrurung
, patikaplugpatitr̥ĕjak, sar̥ĕngsamitanninghalin. 0sakinghaluḥmangdebakat, kal̥ĕwihan, kasukanswar̀ggane
sami, glaranbankawukkawuk, nunashiccaringbhaṭāra, samiheṣṭi, brahmahiśwaralanwiṣṇu, brahmāhiśwaralanwiṣṇu, indralawanbharuṇa, mangde
hicamanugrahin. 0lwir̀ngacĕpringpinggiringtukad, maninggalhapimangruruḥgĕni, bulanbalikcaratcurut, hasingLeaf 5
[᭕ 5B]
᭕
ᬳᭀᬚᭀᬕ᭄ᬓᭂᬩᬸᬲ᭄ᬩᬳ᭞ᬚ᭄ᬭᬢ᭄ᬚ᭄ᬭᬶᬢ᭄᭞ᬤᬾᬯᬪᬝᬵᬭᬳᭂᬫ᭄ᬧᬸ᭞ᬍᬫᭂᬲᬶᬦ᭄ᬢᬸᬦᬲᬶᬦ᭄ᬢᬫ᭄ᬩᬵ᭞ᬕ᭄ᬮᬃᬕ᭄ᬮᬸᬃᬢᬸᬦᬲᬶᬦ᭄ᬧᬜᬫ᭄ᬧᬶ᭟᭐ᬜᬾ
ᬦ᭄ᬗᬶᬘᬾᬦ᭄ᬧᬦᬸᬕ᭄ᬭᬳᬵ᭞ᬲᬗ᭄ᬓᬦ᭄ᬧᬗ᭄ᬓᬄ᭞ᬦᬸᬤᬸᬄᬦ᭄ᬭᬓᬵᬓᬯᭀᬦ᭄ᬩᭂᬘᬶᬓ᭄᭞ᬳᬧᬵᬚ᭄ᬯᬳᬗ᭄ᬕᬾᬦ᭄ᬗᬸᬓᬸᬃ᭞ᬤᬶᬚᬕᬢᬾᬚᬦ᭄ᬫᬵ
ᬓᬢᬄ᭞ᬫᬗ᭄ᬭᬱᬦᬶᬦ᭄᭞ᬳᬸᬓᬸᬭᬦ᭄ᬜᬦᬾᬓᬢᬸᬳᬸᬢ᭄᭞ᬳᬗ᭄ᬕᬾᬦ᭄ᬦᬓᭂᬄᬚ᭄ᬮᬾᬫ᭄ᬮᬄ᭞ᬳᬧᬓᬾᬜᬓ᭄ᬳᬤᬸᬂᬲᬕᬸᬫᬶ᭟᭐ᬢᬫ᭄ᬩ
ᬦᬾᬭᬵᬓ᭄ᬱᬧᬭᬭᬕᬦ᭄᭞ᬦᬗ᭄ᬳᬶᬂᬢᬦ᭄ᬧᬸᬭᬸᬦ᭄᭞ᬗᬶᬦᬸᬫ᭄ᬩᬦ᭄ᬧᬳᬶᬢ᭄ᬫᬓᬶᬮᬶᬢ᭄᭞ᬫᬓᭂᬮᬾᬲᬍᬓᭂᬢᬶᬂᬳᬶᬤᬸᬧ᭄᭞ᬦᬶᬗ᭄ᬕᬮ᭄ᬓᬲᬸ
[᭖ 6A]
ᬓᬦ᭄ᬚᬕᬢ᭄᭞ᬯ᭄ᬬᬓ᭄ᬢᬶᬲᬸᬮᬶᬢ᭄᭞ᬳᬧᬦ᭄ᬳᭂᬦ᭄ᬢᭀᬓᭂᬢᬄᬗ᭄ᬭᬸᬭᬸᬄ᭞ᬳᬦᬾᬦᬶᬗ᭄ᬕᬮ᭄ᬓᬲᬸᬓᬦ᭄ᬚᬕᬢ᭄᭞ᬲᬸᬓᬦᬾᬲ᭄ᬯᬃᬕ᭄ᬕᬓᬳᬸᬗ᭄ᬲᬶ᭟᭐ᬗᬸ
ᬤ᭄ᬬᬂᬤᬤᬶᬩ᭄ᬮᭀᬕ᭄ᬧᬶᬲᬦ᭄᭞ᬤ᭄ᬬᬧᬶᬦ᭄ᬤᬶᬚᬵ᭞ᬲᬸᬓᬦᬾᬤᬸᬓᬵᬗᭂᬫ᭄ᬩᬭᬶᬦ᭄᭞ᬳᬧᬦ᭄ᬲᬸᬓᬵᬤᬸᬓᬳᬶᬓᬸ᭞ᬯᬶᬢᬶᬢᬸᬗ᭄ᬕᬶᬮ᭄ᬚ᭄ᬮᬾᬫ᭄ᬮᬄ᭞
ᬧ᭄ᬢᭂᬂᬍᬫᬄ᭞ᬳᬶᬤᬸᬧ᭄ᬫᬢᬶᬦᬾᬲᬢᬸᬳᬸᬓ᭄᭞ᬧᭂᬗᬶᬢᬾᬫᬶᬳᬶᬓ᭄ᬢᬸᬗ᭄ᬕᬮ᭄᭞ᬳᬧᬂᬜᬶᬤᬬᬂᬗᬤᬦᬶᬦ᭄᭟᭐ᬬᬦᬶᬂᬧᬢᬸᬄᬩᬦ᭄ᬜᬸᬲᬸᬧᬂ
᭞ᬚᬦ᭄ᬢᭂᬦ᭄ᬲᬶᬦᬄ᭞ᬫ᭄ᬮᬄᬚ᭄ᬮᬾᬦᬾᬢᬸᬗ᭄ᬕᬶᬮ᭄᭞ᬧᬤᬲᬸᬓᬵᬤᬸᬓᬳᬶᬓᬸ᭞ᬲᬶᬦᬄᬳᬶᬮᬂᬢᬦ᭄ᬧᬲᬗ᭄ᬓᬦ᭄᭞ᬳᬶᬭᬶᬳᬢᬶ᭞ᬫᭀᬫᭀ
Auto-transliteration
[5 5B]
5
hojogkĕbusbaha, jratjrit, dewabhaṭārahĕmpu, l̥ĕmĕsintunasintambā, glar̀glur̀tunasinpañampi. 0ñe
nngicenpanugrahā, sangkanpangkaḥ, nuduḥnrakākawonbĕcik, hapājwahanggenngukur̀, dijagatejanmā
kataḥ, mangraṣanin, hukuranñanekatuhut, hanggennakĕḥjlemlaḥ, hapakeñak'hadungsagumi. 0tamba
nerākṣapararagan, nanghingtanpurun, nginumbanpahitmakilit, makĕlesal̥ĕkĕtinghidup, ninggalkasu
[6 6A]
kanjagat, wyaktisulit, hapanhĕntokĕtaḥngruruḥ, haneninggalkasukanjagat, sukaneswar̀ggakahungsi. 0ngu
dyangdadiblogpisan, dyapindijā, sukanedukāngĕmbarin, hapansukādukahiku, wititunggiljlemlaḥ,
ptĕngl̥ĕmaḥ, hidupmatinesatuhuk, pĕngitemihiktunggal, hapangñidayangngadanin. 0yaningpatuḥbanñusupang
, jantĕnsinaḥ, mlaḥjlenetunggil, padasukādukahiku, sinaḥhilangtanpasangkan, hirihati, momo
