Gaguritan Dharmmapada
This page has been accessed 21,556 times.
Revision as of 14:13, 12 March 2020 by Mademuliarta92@gmail.com (talk | contribs) (→Front and Back Covers)
Description
Bahasa Indonesia
English
Front and Back Covers
[PERPUSTAKAAN
KTR.DOKBUD BALI
PROP. BALI
G/V/9/DOKBUD
Judul: Gaguritan Dharmmapada
Pnj. 35 cm, Lb. 3,4 cm, Jl. 61 lb
Asal: Denkayu, Mengwi, Badung]
[Perpustakaan Ktr. Dokbud Bali Prop. Bali
[᭑ 1 A]
[Judul: Gaguritan Dharmmapada
Pnj. 35 cm, Lb. 3,4 cm, Jl. 61 lb
Asal: Denkayu, Mengwi, Badung]
Auto-transliteration
[PERPUSTAKAAN
KTR.DOKBUD BALI
PROP. BALI
G/V/9/DOKBUD
Judul: Gaguritan Dharmmapada
Pnj. 35 cm, Lb. 3,4 cm, Jl. 61 lb
Asal: Denkayu, Mengwi, Badung]
[Perpustakaan Ktr. Dokbud Bali Prop. Bali
[1 1 A]
[Judul: Gaguritan Dharmmapada
Pnj. 35 cm, Lb. 3,4 cm, Jl. 61 lb
Asal: Denkayu, Mengwi, Badung]Leaf 1
[᭑ 1B]
᭚᭜᭚ ᬒᬁᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬕᬕᬸᬭᬶᬢᬦ᭄ᬥᬫᬧᬵᬤ᭟ᬧᬸᬧᬸᬄᬩᬕᬶᬡᬵᬦ᭄ᬢᬶ᭚᭑᭚ᬦᬾᬫᬗ᭄ᬓᬶᬦ᭄ᬓ᭄ᬢᬄᬓᬯᬸᬯᬸᬲ?᭞ᬦᬾᬤᬤᬶᬢᬼᬗᬶᬂᬳᬢᬶ᭞ᬤᬤᬶᬢᬸᬂᬢᬸᬂᬗᬶᬂᬧᬜ᭄ᬧ᭄ᬢ᭄ᬢᬵ᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬦᬾᬲᬸᬚᬵᬢᬶ᭞ᬧᬦ᭄ᬭᬗᬦ᭄ᬲᬂᬳ᭄ᬬᬂᬩᬸᬤ᭄ᬥᬵ᭞ᬭᬶᬂᬓᬮᬶᬬᬸᬕᬧᬸᬦᬶᬓᬶ᭟᭒᭟ᬓᬩᬸᬥᬬᬵᬦ᭄ᬳᬶᬓᬢ᭄ᬯᬶᬇᬮ᭄ᬫᬸ᭞ᬮ᭄ᬯᬶᬭᬶᬂᬕᭀᬮᭀᬗᬦ᭄ᬲᬫᬶ᭞ᬬᬵᬳᬸᬤᬶᬓ᭄ᬭᬶᬲ᭄ᬢᭂᬦ᭄ᬮᬦ᭄ᬳᬶᬲ᭄ᬮᬫ᭄᭞ᬢ᭄ᬯᬶᬦ᭄ᬳᬕᬫᬳᬶᬡ᭄ᬥᬸᬭᬶᬳᬶᬦ᭄᭞ᬓᬩᬸᬥᬬᬦ᭄ᬳᬶᬓᬸᬫᬃᬕ᭄ᬕᬵ᭞ᬓᬫᭀᬓ᭄ᬱᬦ᭄ᬧᬗᬼᬧᬲ᭄ᬳᬸᬭᬶᬧ᭄᭟᭓᭟ᬅᬕᬫᬇᬓᬧᬶᬢᬸᬤᬸᬄ᭞ᬫᬶᬚᬶᬮ᭄ᬲᬓᬾᬂᬦᬾᬲᬸᬗ᭄ᬓᭂᬫᬶᬦ᭄᭞ᬢᬸᬳᬦ᭄ᬳᬮᬄᬢ᭄ᬯᬶᬦ᭄ᬪᬝᬵᬭ᭞ᬦᬾ
[᭒ 2A]
ᬗᬶᬘᬾᬦ᭄ᬲᬩ᭄ᬤᬦᬶᬂᬅᬚᬶ᭞ᬭᬶᬂᬢᬮ᭄ᬫᬸᬤ᭄ᬩᬾᬩᭂᬮ᭄ᬮᬦ᭄ᬓᬸᬃᬳᬦ᭄᭞ᬤ᭄ᬬᬧᬶᬦ᭄ᬢ᭄ᬭᬶᬯᬾᬤᬦᬾᬲᬫᬶ᭟᭔᭟ᬦ᭄ᬢᭀᬮ᭄ᬯᬶᬃᬢᭂᬳᭂᬃᬗᬸᬓᬸᬃ᭞ᬳᬗ᭄ᬕᬾᬦ᭄ᬜᬼᬄᬓᬯᭀᬦ᭄ᬩᭂᬘᬶᬓ᭄᭞ᬳᬲᬶᬂᬗ᭄ᬭᬜ᭄ᬚᬶᬂᬗᬭᬦ᭄ᬫᭂᬮᬄ᭞ᬤᬤᬶᬮ᭄ᬯᬃᬓᬯᭀᬦ᭄ᬓᬯᬱ᭄ᬝᬦᬶᬦ᭄᭞ᬳᬧᬦ᭄ᬳᬸᬓᬸᬭᬦᬾᬓᬢᬄᬳᭂᬜ᭄ᬘᬾᬦ᭄ᬚ᭄ᬯᬲᬸᬚᬵᬢᬶᬬᬸᬓ᭄ᬢᬶ᭟᭕᭟ᬧᬸᬦᬶᬓᬗᬯᬶᬦᬂᬳᬸᬬᬸᬢ᭄᭞ᬫᬺᬩᬢ᭄ᬲᬮᬶᬂᬪᭀᬬᬦᬶᬦ᭄᭞ᬧᬥᬫᬵᬓᬸᬓᬸᬳᬶᬦ᭄ᬫᭂᬮᬄ᭞ᬧᬥᬧᬥᬗᬫᭀᬂᬤᬾᬯᬰᬓ᭄ᬢᬶ᭞ᬧᬥᬗ᭄ᬭᬓ᭄ᬱᬤᬾᬯᬢᬸᬗ᭄ᬕᬮ᭄᭞ᬬᬦ᭄ᬢᬸᬗᬮ᭄᭞ᬗᬸᬤᬵᬧᬺᬩᬸᬢᬶᬦ᭄᭟᭖᭟ᬗᬸᬤ᭄ᬬᬂᬩᬾᬪᬾᬤ᭄ᬥᬰᬩ᭄ᬤᬳᬶᬓᬸ᭞ᬬᬾᬦᬶᬂᬚᬵᬢᬶᬯᬶᬢᬶᬂᬢᬸᬗ᭄ᬕᬶᬮ᭄᭞ᬗᬸᬤ᭄ᬬᬂᬩᭂᬜᬜᬓ᭄ᬓᬵᬤᬸᬓᬂ᭞ᬬᬾᬦ᭄ᬚᬵ
Auto-transliteration
[1 1B]
// • // oṁawighnamastu // • // gaguritandhamapāda. pupuḥbagiṇānti // 1 // nemangkinktaḥkawuwusa?, nedaditl̥ĕnginghati, daditungtungngingpañpttā, tanlyanwantaḥnesujāti, panrangansanghyangbuddhā, ringkaliyugapuniki. 2. kabudhayānhikatwi'ilmu, lwiringgolongansami, yāhudikristĕnlanhislam, twinhagamahiṇdhurihin, kabudhayanhikumar̀ggā, kamokṣanpangl̥ĕpashurip. 3. agama'ikapituduḥ, mijilsakengnesungkĕmin, tuhanhalaḥtwinbhaṭāra, ne
[2 2A]
ngicensabdaningaji, ringtalmudbebĕllankur̀han, dyapintriwedanesami. 4. ntolwir̀tĕhĕr̀ngukur̀, hanggenñl̥ĕḥkawonbĕcik, hasingngrañjingngaranmĕlaḥ, dadilwar̀kawonkawaṣṭanin, hapanhukuranekataḥhĕñcenjwasujātiyukti. 5. punikangawinanghuyut, mr̥ĕbatsalingbhoyanin, padhamākukuhinmĕlaḥ, padhapadhangamongdewaśakti, padhangrakṣadewatunggal, yantungal, ngudāpr̥ĕbutin. 6. ngudyangbebheddhaśabdahiku, yeningjātiwitingtunggil, ngudyangbĕñañakkādukang, yenjā
