Gaguritan Semara Tantra

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭛ᬒᬁᬅᬯᬶᬖ᭄ᬦᬵᬫᬵᬲ᭄ᬢᬸ᭛ᬧᬸᬄᬲᬶᬦᭀᬫ᭄᭟᭐᭟ᬚᬦᬶᬬᭂᬦ᭄ᬢᭀᬘᬭᬶᬢᬬᬂ᭞ᬢᬦ᭄ᬮᬶᬬᬦ᭄ᬲᬂᬳ᭄ᬬᬂᬢ᭄ᬭᬶᬦᬤᬶ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸ᭠ ᬳᬶᬰ᭄ᬯᬭ᭞ᬢᬳᬶᬕᬧᬸᬧᬸᬢᬶᬂᬮᬸᬯᬶᬄ᭞ᬫᬸᬯᬂᬭᬕᬬᬄᬩᬶᬩᬶ᭞ᬒᬁᬗ᭄ᬓᬭᬕᬦᬾᬳᬶᬓᬸ᭞ᬅᬄᬓᬵᬭᬧᬶᬦᬓᬩᬧ᭞ᬅᬁᬓᬵᬭᬧᬶᬦ ᬓᬩᬶᬩᬶ᭞ᬓᬾᬢᬵᬳᭀᬢᬸᬳᬸ᭞ᬳᭂᬦ᭄ᬢᭀᬯᬤᬰᬩ᭄ᬤᬯᬾᬤ᭟ᬬᬤ᭄ᬬᬦ᭄ᬲᬓᬾᬳᬶᬂᬫᬦ᭄ᬢ᭄ᬭ᭞ᬳᭂᬦ᭄ᬢᭀᬲᬚᬫᬦᬲᬭᬶᬦ᭄᭞ᬳᭂᬦ᭄ᬢᭀ ᬫᬯᬓ᭄ᬲᬶᬤᬶᬫᬦ᭄ᬤ᭄ᬬ᭞ᬳᬦᬶᬂᬋᬕᭂᬧᬂᬧᬲ᭄ᬢᬶ᭞ᬳᬶᬫᬾᬫᬾᬳᬦᬭᬶᬂᬓᬾᬭᬶ᭞ᬭᬶᬂᬢᭂᬗᭂᬦ᭄‌ᬬᬬᬄᬧᬸᬦᬶᬓᬸ᭞ᬭᬕᬦ᭄ᬢᬳᬦᬭᬶᬂᬢᭂᬗᬄ᭞ [᭒ 2A] ᬭᬶᬂᬲᬤ᭄ᬭᬱᬕᭂᬦᬳᬂᬲᬫᬶ᭞ᬅᬁᬧᬸᬦᬶᬓᬸ᭞ᬭᬶᬂᬓᬶᬯᬚᬵᬢᬶᬫᬕᭂᬦᬄ᭟ᬒᬁᬗ᭄ᬓᬵᬭᬫᬕᭂᬦᬄᬭᬶᬂᬫᬥ᭄ᬬ᭞ᬅᬄᬓᬵᬭᬭᬶᬂᬓᬦᬦ᭄ᬚᬢᬶ᭞ ᬬᬦᬶᬂᬲᬸᬩᬓᬾᬢᭀᬲᬚ᭞ᬫᬭᬫᬦ᭄ᬢ᭄ᬭᬬᬂᬲᬶᬤᬶ᭞ᬳᬗ᭄ᬳᬶᬂᬳᬚᬲᬶᬫ᭄ᬧᬂᬧ᭄ᬦᬲ᭄ᬢᬶ᭞ᬕᭂᬦᬳᬂᬳᬧᬂᬧᬕᭂᬄᬢ᭄ᬭᬸᬲ᭄᭞ᬤᭂᬍᬂᬳᬧᬂᬳᭂ ᬤᬳᭀᬩᬄ᭞ᬳ᭄ᬤᬧᬢᬶᬋᬗᭂᬦ᭄ᬋᬗᭂᬦᬶᬦ᭄‌ᬦᬾᬢᬢᭂᬮᬸ᭞ᬳᭂᬦ᭄ᬢᭀᬲᬚᬬ᭄ᬗ᭄ᬧᬲ᭄ᬢᬶᬬᬂ᭟ᬚᬯᬢ᭄‌ᬦᬸᬚᬸᬮᬘᬸᬃᬳᬕ᭄ᬬ᭞ᬢᬳᬶ ᬕᬲᬫᬶᬗᬲᬸᬗᬶᬦ᭄᭞ᬢᬳᬶᬕᬳᬶᬲᬶᬦᬶᬦ᭄ᬚᬕᬢ᭄᭞ᬪᬸᬯᬦᬳᬕᬸᬂᬖᬸᬯᬦᬳᬮᬶᬢ᭄ᬓᬫᬸᬮᬦ᭄ᬫᬸᬮᬦᬶᬂᬤᬤᬶ᭞ᬓᬫᬩᬂᬮ

Auto-transliteration

[1 1B] /// oṁawighnāmāstu /// puḥsinom. 0. janiyĕntocaritayang, tanliyansanghyangtrinadi, brahmāwiṣṇu‐ hiśwara, tahigapuputingluwiḥ, muwangragayaḥbibi, oṁngkaraganehiku, aḥkārapinakabapa, aṅġkārapina kabibi, ketāhotuhu, hĕntowadaśabdaweda. yadyansakehingmantra, hĕntosajamanasarin, hĕnto mawaksidimandya, haningr̥ĕgĕpangpasti, himemehanaringkeri, ringtĕngĕnyayaḥpuniku, ragantahanaringtĕngaḥ, [2 2A] ringsadraṣagĕnahangsami, aṅġpuniku, ringkiwajātimagĕnaḥ. oṁngkāramagĕnaḥringmadhya, aḥkāraringkananjati, yaningsubaketosaja, maramantrayangsidi, hanghinghajasimpangpnasti, gĕnahanghapangpagĕḥtrus, dĕl̥ĕnghapanghĕ dahobaḥ, hdapatir̥ĕngĕnr̥ĕngĕninnetatĕlu, hĕntosajayngpastiyang. jawatnujulacur̀hagya, tahi gasamingasungin, tahigahisininjagat, bhuwanahagungghuwanahalitkamulanmulaningdadi, kamabangla

Leaf 2

Image on Archive.org

[᭒ 2B] ᬦ᭄ᬓᬫᬤᬤᬸ᭞ᬓᬫᬧᬸᬢᬶᬄᬦᬾᬮᬦᬂ᭞ᬓᬫᬩᬂᬳᬦᬾᬬᬶᬲ᭄ᬢ᭄ᬭᬶ᭞ᬓᬫᬤᬤᬸ᭞ᬫᬮᬩᬜ᭄ᬘᬶᬳᬭᬦ᭄ᬧᬸᬦᬶᬓ᭟ᬳᭂᬦ᭄ᬢᭀᬳᬗ᭄ᬕᬾᬦ᭄ᬫᬫ ᬜ᭄ᬘᬦ᭞ᬤᬶᬫᭂᬦ᭄ᬢᭂᬓᬾᬦ᭄ᬳᬦ᭄ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬳᬗᬶᬂᬳᬧᬂᬧᬭᬤᬢ᭞ᬳᭂᬓᬾᬦ᭄ᬧᬭᬦᬾᬓᬵᬮᬶᬄ᭞ᬫ᭄ᬯᬂᬳᬓ᭄ᬱᬭᬦᬾᬫ᭄ᬯᬦᬶ᭞ᬓ ᬮᬶᬄᬳᬓ᭄ᬱᬭᬦᬾᬳᭂᬮᬸᬄ᭞ᬫᬕᭂᬦᬄᬭᬶᬂᬲᬹᬃᬬ᭄ᬬ᭞᭠ᬓᬫᬓᭂᬤᬶᬧᬶᬦᬓᬢᬶᬢᬶ᭞ᬤᬶᬢᬸᬫᬧᬸᬦ᭄ᬤᬸᬄ᭞ᬳᬢᭂᬫᬸᬤᬳᬶᬲᬦᬸ ᬗ᭄ᬕᬮ᭄‌᭟ᬳᭂᬦ᭄ᬢᭀᬫᬤᬦ᭄ᬓᬫᬤᬾᬯ᭞ᬧᬢᭂᬫ᭄ᬯᬦᬾᬫᬤᬦ᭄ᬮᬸᬯᬶᬄ᭞ᬳᭂᬦ᭄ᬢᭀᬧᬢᭂᬫ᭄ᬯᬦ᭄ᬉᬢ᭄ᬢᬭ᭞ᬲᬶᬭᬫᬂᬭᬶᬂᬢᬫᬦ᭄ᬲᬭᬶ᭞ [᭓ 3A] ᬤᬶᬢᬸᬋᬓᬾᬲᬂᬳ᭄ᬬᬂᬮᬸᬯᬶᬄ᭞ᬳᭂᬦ᭄ᬢᭀᬫᬤᬦ᭄ᬕᬸᬫᬶᬳᬕᬸᬂ᭞ᬢᭂᬗᬳᬶᬂᬢ᭄ᬮᬕᬧᬸᬦᬶᬓ᭞ᬢᬸᬜ᭄ᬚᬸᬂᬧᬸᬢᬶᬄᬫᬲᬭᬶᬓᬸᬦᬶᬂ᭞ᬯᬸᬲ᭄ᬳᬤ᭄ᬬᬸᬲ᭄᭞ᬢᬸᬭᬸ ᬭᬸᬦᬂᬢᬲᬤ᭄ᬭᬱ᭟ᬤᬶᬢᬸᬫᬮᬶᬄᬬᬳᭂᬕᭂᬧᬂ᭞ᬤᬕᬶᬂᬚᬳᭂᬦᬾᬲᬫᬶᬧᬢᬸᬗ᭄ᬕᬮᬦ᭄ᬭᬱᬳᬾᬦᬓ᭄᭞ᬬᬦ᭄ᬲᬸᬩᬓᬾᬢᭀᬲᬚᬵᬢᬶ᭞ᬫ ᬦᬸᬱᬤᬾᬯᬧᬤᬵᬲᬶᬄ᭞ᬧᬶᬢᬭᬦᬾᬧᬤᬮᬸᬮᬸᬢ᭄᭞ᬲᬺᬧ᭄ᬡᬸᬫᬤᬶᬭᬶᬂᬲᬶᬭ᭞ᬬᬦ᭄ᬲᬶᬭᬫᬗᬼᬫᭂᬲᬶᬦ᭄᭞ᬳᬧᬂᬢ᭄ᬬᬲ᭄‌᭞ᬲᬓᬵᬮᬬᬂ ᬯᭂᬢᬸᬭᬶᬂᬮᬶᬤᬄ᭟ᬦᬵᬗ᭄ᬳᬶᬂᬳᬦᬰᬩ᭄ᬤᬦ᭄ᬬ᭞ᬒᬁᬳᬶᬫᬫᭀᬯᬲᬶᬄᬬᬬᬶ᭞ᬳᬶᬓᬰᬩ᭄ᬤᬦᬾᬧᬸᬦᬶᬓᬵ᭞ᬤᬸᬓᬾᬤᬶᬲᬤ᭄ᬭᬱᬓᬭᬶ᭞

Auto-transliteration

[2 2B] nkamadadu, kamaputiḥnelanang, kamabanghaneyistri, kamadadu, malabañciharanpunika. hĕntohanggenmama ñcana, dimĕntĕkenhanhanak'histri, hanginghapangparadata, hĕkenparanekāliḥ, mwanghakṣaranemwani, ka liḥhakṣaranehĕluḥ, magĕnaḥringsūr̀yya, ‐kamakĕdipinakatiti, ditumapunduḥ, hatĕmudahisanu nggal. hĕntomadankamadewa, patĕmwanemadanluwiḥ, hĕntopatĕmwanuttara, siramangringtamansari, [3 3A] ditur̥ĕkesanghyangluwiḥ, hĕntomadan'gumihagung, tĕngahingtlagapunika, tuñjungputiḥmasarikuning, wushadyus, turu runangtasadraṣa. ditumaliḥyahĕgĕpang, dagingjahĕnesamipatunggalanraṣahenak, yansubaketosajāti, ma nuṣadewapadāsiḥ, pitaranepadalulut, sr̥ĕpṇumadiringsira, yansiramangl̥ĕmĕsin, hapangtyas, sakālayang wĕturinglidaḥ. nānghinghanaśabdanya, oṁhimamowasiḥyayi, hikaśabdanepunikā, dukedisadraṣakari,

Leaf 3

Image on Archive.org

[᭓ 3B] ᬚᬯᬢ᭄ᬳᬦᬯ᭄ᬯᬂᬳᬕ᭄ᬭᬶᬂ᭞ᬤᬶᬢᬸᬧᬜᬸᬲᬸᬢᬦᬼᬢᬸᬄ᭞ᬓᬾᬢᭀᬫᬸᬗ᭄ᬕᬸᬳᬶᬂᬳᬓ᭄ᬱᬭ᭞ᬦᬵᬗ᭄ᬳᬶᬂᬲᬶᬭᬬᬂᬕᬦ᭄ᬢᬶ᭞ᬕᬦ᭄ᬢᬶᬦ᭄ᬮᬘᬸᬃ᭞ᬢᬦ᭄ᬳᬸᬭᬸᬂ ᬗᭂᬫᬲᬶᬦ᭄ᬧᭂᬚᬄ᭟ᬬᬦ᭄ᬋᬕᭂᬧᬂᬳᬦᬾᬤᬶᬫᬤ᭄ᬬ᭞ᬬᬤ᭄ᬬᬦ᭄ᬗᬭᬤ᭄‌ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬳᬶᬭᬸᬗᬾᬋᬓᭀᬳᬗ᭄ᬕᭀᬦ᭄᭞ᬢᬲᬤ᭄ᬭᬱᬢ᭄ᬭᬸ ᬲᬂᬳᬮᬶᬄ᭞ᬤᬶᬢᬸᬭᬲᬬᬂᬧᬂᬧᬲ᭄ᬢᬶ᭞ᬫᬮᬶᬄᬳᬮᬶᬄᬓᬳᬫ᭄ᬧ᭄ᬭᬸ᭞ᬭᬶᬂᬪᬝᬭᬯᬶᬱ᭄ᬡᬸᬲᬓ᭄ᬱ᭄ᬬᬂ᭞ᬬᬦ᭄ᬭᬶᬂᬦᬶᬲ᭄ᬢᬳᬗ᭄ᬕᬾᬦ᭄ᬫᬮᬶᬄ᭞ᬳᬗ᭄ᬕᬾ ᬦ᭄‌ᬦᬾᬧᭂᬚᬄ᭞ᬳᭂᬦ᭄ᬢᭀᬧᬗᬭᬤᬦ᭄ᬓᭂᬭᬲ᭄᭟ᬳᬸᬮᬶᬤᬶᬢᬸᬓ᭄ᬢᬸᬓ᭄ᬫᬃᬕ᭄ᬬᬂ᭞ᬢ᭄ᬭᬸᬲᬂᬓᬳᬸᬮᬸᬦ᭄ᬳᬢᬶ᭞ᬩᬜ᭄ᬘᬶᬗᬄᬪᬝᬭᬶᬤᬸᬃᬕ᭄ᬕ᭞ᬤᬶ [᭔ 4A] ᬩᭂᬦᭂᬗᬦ᭄ᬮᬫ᭄ᬩᬾᬬᬬᬶ᭞ᬮᬫ᭄ᬩᬾᬦᬾᬤᬶᬤᬸᬳᬸᬃᬬᬬᬶ᭞ᬳᭂᬦ᭄ᬢᭀᬯᬦᬾᬤᬶᬩᭂᬢᬾᬦ᭄ᬘᬸᬗᬸᬄ᭞ᬳᬸᬮᬶᬤᬶᬢᬸᬧᬢᬶᬢᬶᬲᬂ᭞ᬢᭂᬭᬸᬲᬂᬓᬳᬸᬮᬸ ᬦ᭄ᬳᬢᬶ᭞ᬲᬸᬩᬤᬶᬢᬸᬲᬓ᭄ᬱ᭄ᬬᬂᬭᬶᬂᬪᬝᬭᬩ᭄ᬭᬳ᭄ᬫᬵ᭟ᬪᬝᬭᬩ᭄ᬭᬳ᭄ᬫᬵᬗᬢᬸᬭᬂ᭞ᬭᬶᬂᬲᬂᬳ᭄ᬬᬂᬳᬤᬶᬧᬢᬶ᭞ᬤᬶᬢᬸᬳᬶᬤᬫᬮᬶᬗ᭄ᬕᬶᬄ᭞ᬜ᭄ᬭ ᬳᬂ᭞ᬤᬶᬤᬲᬃᬓᬯᬳᬾᬬᬬᬶ᭞ᬫᬮᬶᬄᬢ᭄ᬭᬸᬲᬂᬓᬲᬶᬮᬶᬢ᭄᭞ᬤᬶᬢᬸᬋᬓᬾᬲᬸᬩᬧᬸᬧᬸᬢ᭄᭞ᬓᬾᬢᭀᬮᬫᬸᬦ᭄ᬗᬫᬢᬶᬬᬂ᭞ᬬᬗ ᬯᬾᬳᬤᬦᬾᬬᬬᬶ᭞ᬢᭂᬭᬸᬲ᭄ᬓᬳᬫ᭄ᬧ᭄ᬭᬸ᭞ᬭᬶᬂᬪᬝᬵᬭᬯᬶᬱ᭄ᬡᬸᬲᬓ᭄ᬱ᭄ᬬᬂ᭟ᬲᬸᬩᬤᬶᬢᬸᬫᬮᬶᬄᬕᬶᬗ᭄ᬲᬶᬭᬂ᭞ᬲᬤ᭄ᬭᬲᬢ᭄ᬭ᭄ᬲᬂᬫ

Auto-transliteration

[3 3B] jawat'hanawwanghagring, ditupañusutanl̥ĕtuḥ, ketomungguhinghakṣara, nānghingsirayangganti, gantinlacur̀, tanhurung ngĕmasinpĕjaḥ. yanr̥ĕgĕpanghanedimadya, yadyanngarad'hanak'histri, hirunger̥ĕkohanggon, tasadraṣatru sanghaliḥ, diturasayangpangpasti, maliḥhaliḥkahampru, ringbhaṭarawiṣṇusakṣyang, yanringnistahanggenmaliḥ, hangge nnepĕjaḥ, hĕntopangaradankĕras. hulidituktukmar̀gyang, trusangkahulunhati, bañcingaḥbhaṭaridur̀gga, di [4 4A] bĕnĕnganlambeyayi, lambenediduhur̀yayi, hĕntowanedibĕtencunguḥ, huliditupatitisang, tĕrusangkahulu nhati, subaditusakṣyangringbhaṭarabrahmā. bhaṭarabrahmāngaturang, ringsanghyanghadipati, dituhidamalinggiḥ, ñra hang, didasar̀kawaheyayi, maliḥtrusangkasilit, ditur̥ĕkesubapuput, ketolamunngamatiyang, yanga wehadaneyayi, tĕruskahampru, ringbhaṭārawiṣṇusakṣyang. subaditumaliḥgingsirang, sadrasatrsangma

Leaf 4

Image on Archive.org

[᭔ 4B] ᬮᬶᬄ᭞ᬤᬶᬢᬸᬋᬕᭂᬧᬂᬧᬲ᭄ᬢᬶᬬᬂ᭞ᬤᬶᬓᬳᭀᬮᭀᬗᬦᬾᬬᬬᬶ᭞ᬳᬸᬮᬶᬤᬶᬢᬸᬚᬦᬶᬧᬶᬦ᭄ᬭᬶᬄ᭞ᬲᬓᬮᬬᬂᬭᬸᬧᬦ᭄ᬲᬂᬳᬬᬸ᭞ᬳᬸᬮᬶ᭠ ᬤᬶᬢᬸᬬᬢᬢᬲᬂ᭞ᬧᬫᭂᬓᬲ᭄ᬜᬦᬾᬗᬾᬤᬦᬶᬦ᭄᭞ᬤᬤᬶᬩᬸᬤᬸᬄ᭞ᬢ᭄ᬯᬭᬓᭂᬦᬾᬂᬢᬶᬦᬫ᭄ᬩᬦᬦ᭄᭟ᬳᬧᬦ᭄ᬤᬶᬢᬸᬬᬢᬸᬗ᭄ᬕᬮᬂ᭞ ᬤᬾᬯᬓᬵᬮᬫᬵᬦᬸᬱᬰᬓ᭄ᬢᬶ᭞ᬳᭂᬦ᭄ᬢᭀᬫᬓ᭄ᬭᬦᬚᬤᬶᬳᬾᬤᬦ᭄᭞ᬕᭂᬤᭂᬕ᭄ᬤᭂᬫᭂᬦᬾᬫᬫᬹᬃᬢ᭄ᬢᬶ᭞ᬦᬵᬗ᭄ᬳᬶᬂᬬᬦ᭄ᬯᬸᬶᬭᬸᬶᬄᬦ᭄ᬢᭂᬭ ᬲ᭄ᬫᬫᬶᬦ᭄ᬭᬶᬄ᭞ᬮᬗ᭄ᬕᭂᬂᬧᬕᭂᬄᬮᬶᬯᬢ᭄ᬯᭂᬭᬸᬄ᭞ᬢ᭄ᬭᬶᬦᬤᬶᬦᬾᬢᬢᬲᬂ᭞ᬳᬧᬂᬜᬲᬮᬄᬫᬓᬦ᭄ᬢᬶ᭞ᬪᬝᬵᬭᬯᬶᬱ᭄ᬡᬸ᭞ᬳᭂᬦ᭄ᬢᭀ [᭕ 5A] ᬢᬸᬯᬄᬦᬾᬧᬸᬘᬸᬓᬂ᭟ᬫᬮᬶᬄᬳᬤᬳᬶᬥᭂᬧᬂ᭞ᬧᬗᬭᬤᬦ᭄ᬳᬦᬔᬶᬲ᭄ᬢ᭄ᬭᬶ᭞ᬳᬶᬥᭂᬧᬂᬭᬲᬦ᭄ᬬᬚᬸᬯᬗ᭄᭞ᬭᬲᬜᬤᬶᬢᭂᬗᬳᬶᬂᬦᬪᬶ ᭞ᬭᬲᬤᬶᬢᬶᬗ᭄ᬳᬮ᭄ᬓᬮᬶᬄ᭞ᬭᬲᬜᬚ᭄ᬭᭀᬦᬶᬂᬧᬧᬸᬲᬸᬄ᭞ᬜᬾᬦᬾᬢᬸᬦ᭄ᬤᬾᬦ᭄ᬜᬸᬯᬂ᭞ᬭᬲᬦᬾᬤᬶᬲ᭄ᬮᬕᬦ᭄ᬳᬮᬶᬲ᭄᭞ᬲᬸᬩ ᬤᬶᬢᬸ᭞ᬮᬦ᭄ᬢᬲ᭄ᬚᬦᬶᬧᬢᭂᬫᬸᬯᬂ᭟ᬤᬶᬢᬸᬯᬶᬥᭂᬧᬾᬧᬲ᭄ᬢᬶᬬᬂ᭞ᬢᬸᬗ᭄ᬕᬮᬂᬤᬶᬉᬓᬶᬃᬓᬯᬶ᭞ᬳᬸᬮᬶᬤᬶᬢᬸᬫᬮᬶᬄᬕᬶᬗ᭄ᬲᬶᬭᬂ᭞ᬭᬶᬂᬕᭂᬤᭀᬂ ᬲᬸᬯᬾᬢᬮᬸᬯᬶᬄ᭞ᬤᬶᬢᬸᬚᬦᬶᬢᭂᬓᭂᬧᬶᬦ᭄᭞ᬳᬮᬶᬳᬂᬤᬶᬫᬦᬄᬓᬸᬓᬸᬄ᭞ᬍᬫᭂᬂᬍᬫᬄᬳᬶᬥᭂᬧᬂᬳᬚᬓ᭄᭞ᬲᬧᬮᬓᬸ

Auto-transliteration

[4 4B] liḥ, ditur̥ĕgĕpangpastiyang, dikaholonganeyayi, huliditujanipinriḥ, sakalayangrupansanghayu, huli‐ dituyatatasang, pamĕkasñanengedanin, dadibuduḥ, twarakĕnengtinambanan. hapandituyatunggalang, dewakālamānuṣaśakti, hĕntomakranajadihedan, gĕdĕgdĕmĕnemamūr̀tti, nānghingyanwuiruiḥntĕra smaminriḥ, langgĕngpagĕḥliwatwĕruḥ, trinadinetatasang, hapangñasalaḥmakanti, bhaṭārawiṣṇu, hĕnto [5 5A] tuwaḥnepucukang. maliḥhadahidhĕpang, pangaradanhanakhistri, hidhĕpangrasanyajuwang, rasañaditĕngahingnabhi , rasaditinghalkaliḥ, rasañajroningpapusuḥ, ñenetundenñuwang, rasanedislaganhalis, suba ditu, lantasjanipatĕmuwang. dituwidhĕpepastiyang, tunggalangdi'ukir̀kawi, huliditumaliḥgingsirang, ringgĕdong suwetaluwiḥ, ditujanitĕkĕpin, halihangdimanaḥkukuḥ, l̥ĕmĕngl̥ĕmaḥhidhĕpanghajak, sapalaku

Leaf 5

Image on Archive.org

[᭕ 5B]ᬦᬾᬳᬚᬓ᭄ᬓᬯᬸᬓᬶᬦ᭄‌᭞ᬫᬗᬦ᭄ᬫᬗᬶᬦᬸᬫ᭄᭞ᬳᬤ᭄ᬬᬸᬲ᭄ᬓᬯᬸᬓᬶᬦ᭄ᬳᬚᬓ᭄᭞ᬬᬦ᭄‌ᬦᬸᬚᬸᬤᬶᬧᬫᬺᬫᬦ᭄᭞ᬫᬢᬸᬭᬸᬳᬚᬓ᭄ᬓᬯᬸ ᬓᬶᬦ᭄᭞ᬧᬸᬦᬶᬓᬭᬦᬶᬂᬓᬳᬶ᭞ᬧᬶᬗᬶᬢ᭄ᬧᬕᭂᬦᬄᬳᬶᬧᬸᬦ᭄᭞ᬤᬶᬯᬶᬱ᭄ᬡᬸᬪᬸᬯᬦᬫᬕᭂᬦᬄ᭞ᬢᬸᬗ᭄ᬕᬮ᭄ᬭᬶᬂᬫᬵᬦᬸᬱᬰᬓ᭄ᬢᬶ᭞ᬲᬓᬶᬂᬤ ᬗᬸ᭞ᬫᬸᬮᬦᬶᬂᬤᬤᬶᬚᬦ᭄ᬫᬵ᭟ᬳᭂᬦ᭄ᬢᭀᬢᬢ᭄ᬯᬭᬤᬤᬶᬯᬾᬭᬬᬂ᭞ᬳᬦᬓ᭄ᬫᬸᬮᬦᬸᬮᬳᬶᬦ᭄᭞ᬧᬓ᭄ᬫ᭄ᬧᬸᬮᬦ᭄‌ᬦᬯᬲᬗ᭞ ᬤᬶᬢᬸᬧᬤᬫᬦᬗ᭄ᬓᬶᬮ᭄᭞ᬢᭂᬓᬾᬦ᭄ᬲᬂᬳ᭄ᬬᬂᬧ᭄ᬭᬫᬾᬲ᭄ᬢᬶᬕᬸᬭᬸ᭞ᬲᬂᬳ᭄ᬬᬂᬲᬫ᭄ᬩᬸᬫᬸᬮᬧᬸᬦᬶᬓᬸ᭞ᬬᬚᬸᬫᭂᬦᭂᬂᬧ᭄ᬭᬦᬢ᭞ᬳᬶᬤᬢ᭄ᬯᬄ [᭖ 6A] ᬓᬢᬗ᭄ᬓᬶᬮᬶᬦ᭄᭞ᬳᬶᬤᬪᬝᬵᬭᬕᬸᬭᬸᬳᬶᬤᬚᬢᬶᬦ᭄ᬬ᭟ᬫᬮᬶᬄᬳᬤᬳᬶᬥᭂᬧᬦ᭄᭞ᬧᬯᬶᬲ᭄ᬢ᭄ᬭᬾᬦ᭄ᬓᬘᬭᬶᬢᬫᬮᬶᬄ᭞ᬳᬶᬓᬓᬯ᭄ᬭᬸᬄᬳ ᬓ᭄ᬦ᭞ᬲᭂᬫᬭᬦᬾᬭᬶᬂᬧᬗᬓ᭄ᬱᬶ᭞ᬳᭂᬦ᭄ᬢᭀᬫᬤᬦ᭄ᬲᭂᬫᬭᬮᬸᬯᬶᬄ᭞ᬲᭂᬫᬭᬭᬕᬭᬦ᭄ᬧ᭄ᬦᬶᬓᬸ᭞ᬢᬸᬗ᭄ᬕᬮᬂᬳᬶᬤᬭᬶᬂᬭᬲ᭞ᬳᬸᬢᬭ ᬲᬭᬲᬫᬲᬦ᭄ᬤᬶᬂᬲᬸᬩᬫ᭄ᬭᬲ᭞ᬢ᭄ᬭᬸᬲᬂᬭᬶᬂᬕᬫ᭄ᬩᬸᬭᬗ᭄ᬮᬬᬂ᭟ᬳᬶᬥᭂᬧ᭄ᬤᬶᬢᬸᬯᬢᭂᬫ᭄ᬯᬂ᭞ᬧᬢᬸᬗ᭄ᬕᬮᬦ᭄ᬧᬢᬶᬳᬸᬭᬶᬧ᭄᭞ᬲᬵᬫ᭄ᬧᬸᬦ᭄ᬧᬸᬧᬸ᭠ ᬢ᭄‌ᬬᬳᬶᬭᬶᬓᬵ᭞ᬢᬸᬭᬸᬦᬂᬓᬢᭂᬗᬳᬶᬂᬳᬢᬶ᭞ᬤᬶᬢᬸᬫᬸᬮᬧᬤᬳᬲᬶᬄ᭞ᬳᬢᭂᬫᬸᬦᬂᬳᬶᬲ᭄ᬢ᭄ᬭᬶᬓᬓᬸᬂ᭞ᬫᬢᬧᬓᬦ᭄ᬧᬤ᭄ᬫᬲᬦ᭞

Auto-transliteration

[5 5B]nehajakkawukin, manganmanginum, hadyuskawukinhajak, yannujudipamr̥ĕman, maturuhajakkawu kin, punikaraningkahi, pingitpagĕnaḥhipun, diwiṣṇubhuwanamagĕnaḥ, tunggalringmānuṣaśakti, sakingda ngu, mulaningdadijanmā. hĕntotatwaradadiwerayang, hanakmulanulahin, pakmpulannawasanga, ditupadamanangkil, tĕkensanghyangpramestiguru, sanghyangsambumulapuniku, yajumĕnĕngpranata, hidatwaḥ [6 6A] katangkilin, hidabhaṭāraguruhidajatinya. maliḥhadahidhĕpan, pawistrenkacaritamaliḥ, hikakawruḥha kna, sĕmaraneringpangaksyi, hĕntomadansĕmaraluwiḥ, sĕmararagaranpniku, tunggalanghidaringrasa, hutara sarasamasandingsubamrasa, trusangringgamburanglayang. hidhĕpdituwatĕmwang, patunggalanpatihurip, sāmpunpupu‐ tyahirikā, turunangkatĕngahinghati, ditumulapadahasiḥ, hatĕmunanghistrikakung, matapakanpadmasana,

Leaf 6

Image on Archive.org

[᭖ 6B]

Auto-transliteration

[6 6B]

Leaf 7

Image on Archive.org

Leaf 8

Image on Archive.org

Leaf 9

Image on Archive.org

Leaf 10

Image on Archive.org

Leaf 11

Image on Archive.org