Atlas Bhumi

Original on Archive.org

Front and Back Covers

Image on Archive.org

[᭑ 1A] No III b 496/10 ᭚ᬳᬢ᭄ᬮᬲ᭄‌ᬪᬸᬫᬶ᭞ᬓᬓᬯᬶᬦ᭄᭟ Lp: 1-13 ᭚ᬤ᭄ᬭᬸᬯᬾᬦ᭄‌ᬕ᭄ᬤᭀᬂᬓᬶᬃᬢ᭄ᬬ᭟ K 69

Auto-transliteration

[1 1A] No III b 496/10 // hatlas‌bhumi, kakawin. Lp: 1-13 // druwen‌gdongkirtya. K 69

Leaf 1

Image on Archive.org

[᭑ 1B] ᭑ ᭛ ᭜ ᭛ᬅᬯᬶᬖ᭄ᬦᬫᬵᬲ᭄ᬢᬸ᭛ ᭜ ᭛ᬰ᭄ᬭᬷᬯᬵᬕᬶᬰ᭄ᬯᬭᬷᬲᬵᬭᬶᬦᬶᬂᬧᬭᬫᬢᬵᬢ᭄ᬯᬯ᭄ᬓᬲᬶᬗᬢᬶᬲᬹᬓ᭄ᬱ᭄ᬫᬭᬶᬂᬲᬭᬢ᭄᭞ᬫᬸᬗ᭄ᬕ᭄ᬯᬶᬂᬧᬤ᭄ᬫᬯᬶᬰᬾᬱᬦᬶᬢ᭄ᬬᬲᬳᬶᬦᬵᬃᬘ᭄ᬘᬡᬦᬫ᭄ᬦᬸᬳᬶᬗᬢ᭄ᬫᬩᬵᬡ᭄ᬟᬦ᭞ᬒᬁᬓᬵᬭᬵᬢ᭄ᬫᬓᬲᬵᬦ᭄ᬥᬶᬬᭀᬕᬧᬸᬧᬸᬢᬶᬂᬲᬫᬬᬦᬶᬭᬲᬗᬃᬬ᭄ᬬᬧᬡ᭄ᬟᬶᬢ᭞ᬮᬶ ᬢ᭄ᬦᬷᬩᬸᬤ᭄ᬥᬶᬘᬶᬦᬡ᭄ᬟᬶᬭᬶᬂᬳᬺᬥᬬᬰᬵᬲ᭄ᬢ᭄ᬭᬦᬫᬥᬗᬶᬭᬶᬪᬹᬫᬶᬫᬡ᭄ᬟᬮ᭛ᬤᭀᬦᬶᬂᬫᬵᬲ᭄ᬢᬸᬢᬶᬦᬶᬢ᭄ᬬᬲᬵᬗᬸᬲᬧᬶᬘᬵᬭᬡᬦᬶᬍ᭠ᬩᬸᬦᬶᬂᬚᭃᬂᬲᬭᬲ᭄ᬯᬢᬶ᭞ᬲᬶᬤ᭄ᬥᬦᬶᬂᬫᬦᬩᬸᬤ᭄ᬥᬶᬰᬶᬃᬡ᭄ᬦᬬᬫᬭᬦ᭄‌ᬢᬸᬮᬸᬲᬢᬸᬫᭂᬫᬸᬰᬸᬤ᭄ᬥᬦᬶᬃᬫ᭄ᬫᬮᬵ᭞ᬫᭀᬖᬵᬢᬦ᭄ᬭᬓ᭄ᬢᬶᬂᬧ᭄ᬭᬩᬜ᭄ᬘᬡᬢ᭄ᬢᭂᬃᬯ᭄ᬦᬗᬫ ᬦᬸᬢᬶᬲᭀᬓ᭄ᬢᬦᬶᬗ᭄ᬳᬚᬷ᭞ᬫ᭄ᬯᬂᬢᬦ᭄ᬓᬾᬯᭂᬳᬦᬂᬧ᭄ᬭᬬᭀᬕᬦᬶᬗᬫᬾᬢ᭄‌ᬕᬸᬡᬫᬦᬸᬮᬭᬶᬭᬾᬄᬓᬯᬶᬰ᭄ᬯᬭ᭛ᬗᬹᬦᬷᬓᬵᬮ᭠ᬭᬶᬢᬦ᭄ᬳᬦᬂᬪᬸᬯᬦᬭᬓ᭄ᬯᬢ᭄ᬓᬭᬶᬭᬯᬶᬰᭀᬫᬮᬫ᭄ᬩᬡ᭞ᬗ᭄ᬳᬶᬂᬳ᭄ᬬᬂᬲᬹᬓ᭄ᬱ᭄ᬫᬯᬶᬰᬾᬱᬢᬸᬗ᭄ᬕᬮᬫᬦᬺᬱ᭄ᬝᬶᬬᬓᬭᬡᬦᬶᬳᭀᬦ᭄ᬬᬦᬶᬂᬚᬕᬢ᭄᭞ᬲᬧ᭄ᬢᬵ ᬤ᭄ᬯᬾᬧᬗᬭᬦ᭄ᬬᬲᬵᬕᬭᬓᬲᬧ᭄ᬢᬓᬸᬫᬮᬶᬮᬶᬗᬶᬬᬶᬢᬸᬗ᭄ᬕᬢᬸᬗ᭄ᬕᬮᬵ᭞ᬫᬗ᭄ᬕᭂᬄᬭᬓ᭄ᬯᬪᬝᬵᬭᬫᬵᬦᬸᬲᬶᬭᬢᬵᬫ᭄ᬩᬬᬸᬳᬦᬦᬶᬓᬲᬂᬦᬭᬵᬥᬶᬧ᭛ᬦᬵᬳᬦ᭄‌ᬓᬶᬃᬢ᭄ᬢᬶᬪᬝᬵᬭᬲᬹᬓ᭄ᬱ᭄ᬫᬢᬶᬦᬸᬢᬶᬂᬦᬸᬯᬦᬲᬳᬦᬲᬾᬱᬶᬦᬶᬂᬚᬕᬢ᭄᭞ᬗ᭄ᬓᬵᬦ᭄ᬯᬦ᭄ᬢᭂᬦ᭄‌ᬰᬸᬪᬰᬸᬪᬓᬵᬃᬫ᭄ᬫᬕᬶᬦᬯᬾᬗᬹᬦᬶ [᭒ 2A] ᬬᬸᬦᬶᬳᬸᬲᬸᬓᬸᬡ᭄ᬟᬦᬾᬂᬲᬭᬢ᭄᭞ᬧ᭄ᬭᬚ᭄ᬜᬵᬫᬹᬥᬲᬹᬥᬵᬃᬫ᭄ᬫᬤᬸᬱ᭄ᬝᬗᬸᬦᬶᬯᬾᬄᬳᬮᬳᬬᬸᬲᬸᬓᬤᬸᬄᬓᬢᬦ᭄ᬲ᭄ᬯᬗ᭞ᬉᬢ᭄ᬧᬵᬢᬷᬲ᭄ᬣᬶᬢᬶᬧ᭄ᬭᬮᬷᬡᬭᬓ᭄ᬯᬢ᭄ᬫᬳᬦ᭄ᬬᬤᬶᬦᬫᬼᬢᬸᬤᬸᬄᬦᬶᬢ᭄ᬬᬲ᭛ ᭜ ᭛ᬲᬧ᭄ᬢᬤ᭄ᬯᬾᬧᬗᬭᬦ᭄ᬬᬲᬧ᭄ᬢᬕᬡᬦᬶᬂᬤ᭄ᬯᬾᬧᬵᬢᬶᬤᬶᬩ᭄ᬬᭀᬢ᭄ᬢᬫᬵ᭞ᬭᬶᬂᬚᬫ᭄ᬩᬸᬤ᭄ᬯᬶᬧᬓᬵ ᬮ᭄ᬭᬦᬶᬂᬢᬲᬶᬓᬲᬶᬦ᭄‌ᬲᬮ᭄ᬯᬦ᭄ᬬᬓᬧ᭄ᬯᬵᬧᬕᭂᬄ᭞ᬗ᭄ᬓᬵᬦᬾᬳᭂᬂᬦ᭄ᬬᬰᬓᬵᬤ᭄ᬯᬶᬧᬧ᭄ᬯᬓᬶᬦᬲᬸᬢ᭄ᬤᬾᬦᬶᬂᬭᬵᬲᬵᬕᬭ᭞ᬮᬾᬦ᭄ᬧ᭄ᬯᬾᬓᬂᬓᬸᬱᬯᬃᬱᬰᬮ᭄ᬫᬮᬶᬮᬯᬦ᭄‌ᬓ᭄ᬭᬾᬜ᭄ᬘᬵᬤᬶᬢᬦ᭄ᬧᭀᬧᬫ᭛ᬕᭀᬫᬾᬰᬵᬤ᭄ᬯᬶᬧᬧᬸᬲ᭄ᬓᬭᬤ᭄ᬯᬶᬧᬦᬳᬦ᭄ᬲᬧ᭄ᬢᬦ᭄ᬬᬓᭀᬓ᭄ᬢᬾᬗᬚᬷ᭞ᬢᬦ᭄ᬢᬸ᭠ ᬗ᭄ᬕᬮ᭄ᬧ᭄ᬯᬧᬲᬶᬃᬦ᭄ᬬᬢᬧ᭄ᬯᬫᬗᬲᬸᬢ᭄‌ᬤᬶᬩ᭄ᬬᬵᬦᬶᬓᬵᬂᬫᬵᬦ᭄ᬤᬫᭂᬮ᭄᭞ᬭᬵᬫ᭄ᬬᬵᬭᬾᬄᬦ᭄ᬬᬫᬢᬸᬡ᭄ᬟᬢᬸᬡ᭄ᬟᬕᬶᬦᬯᬾᬤᬾᬳ᭄ᬬᬂᬚᬕᬢ᭄ᬓᬵᬭᬡᬵ᭞ᬢᬦ᭄ᬪᭀᬤᭀᬧ᭄ᬯᬢᬯᬂᬦ᭄ᬬᬬᬂᬧᬶᬢᬸᬮᬧᬶᬲ᭄‌ᬬᭀᬗ᭄ᬕ᭄ᬯᬦ᭄ᬯᬢᭂᬓ᭄ᬤᬾᬯᬢ᭛ ᭜ ᭛ᬲᬵᬫ᭄ᬧᬸᬦ᭄‌ᬲᬵᬫ᭄ᬧᬹᬃᬡ᭄ᬦᬭᬾᬄᬦ᭄ᬬᬵᬦ᭄ᬧ᭄ᬭᬢᬶᬳᬢᬢ ᬢᬦᬶᬂᬲ᭄ᬯᬃᬕ᭄ᬕᬮᭀᬓᬧ᭄ᬭᬤᬶᬧ᭄ᬢᬵ᭞ᬯᬶᬦ᭄ᬢᬂᬯᬶᬦ᭄ᬢᬂᬬ᭄ᬯᬫᬵᬜ᭄ᬚ᭄ᬭᬄᬫᬢᬸᬲᬶᬯᬸᬦᬶᬬᬸᬢᬵᬮᬓ᭄ᬱᬓᭀᬝ᭄ᬬᬵᬧ᭄ᬭᬫᬾᬬ᭞ᬫᬗ᭄ᬕᭂᬄᬧᬡ᭄ᬟᬫ᭄᭠ᬦᬶᬓᬂᬭᬢ᭄ᬭᬶᬦᬫᬥᬗᬶᬭᬶᬓᬵᬂᬪᬹᬃᬪᬸᬯᬄᬲ᭄ᬯᬵᬄᬧ᭄ᬭᬓᬶᬃᬡ᭄ᬦᬵ᭞ᬫᬸᬓ᭄ᬬᬾᬓᬂᬘᬦ᭄ᬤ᭄ᬭᬢᬾᬚᬵᬦᬶᬲᬶᬲᬳᬦᬦᬶᬓᬂᬭᬢ᭄ᬫᬳᬵᬤᬶᬩ᭄ᬬᬚᬵᬢᬷ᭛ᬢᭂᬓ᭄ᬯᬦ᭄ᬲᬂ᭠

Auto-transliteration

[1 1B] 1 /// • /// awighnamāstu /// • /// śrīwāgiśwarīsāriningparamatātwawkasingatisūkṣmaringsarat, munggwingpadmawiśeṣanityasahinārccaṇanamnuhingatmabāṇḍana, ōmkārātmakasāndhiyogapuputingsamayanirasangaryyapaṇḍita, li tnībuddhicinaṇḍiringhrĕdhayaśāstranamadhangiribhūmimaṇḍala /// doningmāstutinityasāngusapicāraṇani'lĕ‐buningjöngsaraswati, siddhaningmanabuddhiśirṇnayamaran‌tulusatumĕmuśuddhanirmmalā, moghātanraktingprabañcaṇattĕrwnangama nutisoktaninghajī, mwangtankewĕhanangprayoganingamet‌guṇamanularirehkawiśwara /// ngūnīkāla‐ritanhanangbhuwanarakwatkarirawiśomalambaṇa, nghinghyangsūkṣmawiśeṣatunggalamanrĕṣṭiyakaraṇanihonyaningjagat, saptā dwepangaranyasāgarakasaptakumalilingiyitunggatunggalā, manggĕhrakwabaṭāramānusiratāmbayuhananikasangnarādhipa /// nāhan‌kirttibaṭārasūkṣmatinutingnuwanasahanasesyiningjagat, ngkānwantĕn‌śubaśubakārmmaginawengūni [2 2A] yunihusukuṇḍanengsarat, prajñāmūdhasūdhārmmaduṣṭanguniwehhalahayusukaduhkatanswanga, utpātīsthitipralīṇarakwatmahanyadinamlĕtuduhnityasa /// • /// saptadwepangaranyasaptagaṇaningdwepātidibyottamā, ringjambudwipakā lraningtasikasin‌salwanyakapwāpagĕh, ngkānehĕngnyaśakādwipapwakinasutdeningrāsāgara, lenpwekangkuṣawarṣaśalmalilawan‌kreñcāditanpopama /// gomeśādwipapuskaradwipanahansaptanyakoktengajī, tantu‐ nggalpwapasirnyatapwamangasut‌dibyānikāngmāndamĕl, rāmyārehnyamatuṇḍatuṇḍaginawedehyangjagatkāraṇā, tanbhodopwatawangnyayangpitulapis‌yonggwanwatĕkdewata /// • /// sāmpun‌sāmpūrṇnarehnyānpratihatata taningswarggalokapradiptā, wintangwintangywamāñjrahmatusiwuniyutālakṣakoṭyāprameya, manggĕhpaṇḍam‐nikangratrinamadhangirikāngbhūrbhuwahswāhprakirṇnā, mukyekangcandratejānisisahananikangratmahādibyajātī /// tĕkwansang‐

Leaf 2

Image on Archive.org

[᭒ 2B] ᭒ ᬳ᭄ᬬᬂᬯᬶᬯᬰ᭄ᬯᬵᬦ᭄‌ᬧ᭄ᬭᬢᬶᬳᬢᬕᬶᬦᬯᬾᬤᬶᬧᬦᬶᬂᬭᬢ᭄‌ᬬᬰᬸᬤ᭄ᬥᬵᬫᬲ᭄ᬭᬶᬓ᭄ᬫᬕ᭄ᬭᬶᬩ᭄‌ᬬᬢᭀᬗ᭄ᬕ᭄ᬯᬵᬦᬶᬭᬦᬓᬸᬮᬶᬮᬶᬗᬦ᭄‌ᬲᬮ᭄ᬯᬦᬶᬂᬫᬃᬢ᭄ᬢ᭄ᬬᬮᭀᬓᬵ᭞ᬢᬶᬲ᭄ᬢᬶᬲ᭄‌ᬭᬶᬂᬓᬵᬮᬲᬵᬦ᭄ᬤ᭄ᬬᬵᬦᬶᬲᬶᬭᬶᬫᬦᬳᬶᬓᬵᬂᬮᬵᬮᬦᬵᬗ᭄ᬮᬗ᭄ᬯᬮᬗ᭄ᬯᬦ᭄᭞ᬋᬂᬋᬂᬫᬵᬢ᭄ᬭᬵᬭᬭᬩ᭄‌ᬢ᭄ᬭᬸᬄᬫᭂᬬᭂᬳᬶᬧᬢᭂᬭᬶ᭠ ᬓᬵᬗ᭄ᬤᬾᬓᬸᬗᬶᬂᬭᬵᬕᬘᬶᬢ᭄ᬢ᭛ᬢᬦ᭄ᬗᬾᬄᬬᬤ᭄ᬬᬦ᭄ᬯᬶᬯᬓ᭄ᬱᬦ᭄‌ᬭᬘᬦᬦᬶᬧᬓᭂᬓᭂᬲ᭄ᬦᬶᬂᬫᬳᬵᬗᬡ᭄ᬟᬤᬶᬩ᭄ᬬ᭞ᬢ᭄ᬓ᭄ᬯᬦ᭄ᬭᬶᬂᬫᬵᬃᬢ᭄ᬢ᭄ᬬᬮᭀ᭠ᬓᬵᬯᬶᬦᬸᬯᬸᬲᬓ᭄ᬦᬭᬾᬄᬦ᭄ᬬᬦ᭄ᬫᬳᬵᬭᬵᬫ᭄ᬬᬰᭀᬪ᭞ᬮᬾᬦ᭄ᬧ᭄ᬯᬾᬓᬂᬚᭂᬫ᭄ᬩᬭᬶᬂᬲᬵᬕᬭᬮᬯᬦᬬᬕᭃᬂᬕᬫ᭄ᬪᬶᬭᬵᬢ᭄ᬬᬦ᭄ᬢᬭᬶᬂᬚ᭄ᬭᭀ᭞ᬫᬵᬗ᭄ᬕᭂᬄᬓᬵᬃᬯᬂᬕᬸ᭠ ᬡᬾᬓᬂᬚᬦᬧᬤᬭᬶᬯᬶᬬᬃᬦᬶᬂᬢᬲᬶᬓ᭄‌ᬮᬵᬯᬦᬵᬮ᭄ᬯᬵ᭛ᬮ᭄ᬯᬵᬦᬶᬂᬚᬫ᭄ᬩᬸᬤ᭄ᬯᬶᬧᬵᬗ᭄ᬓᬵᬦ᭄‌ᬢᬸᬚᬭᬓ᭄ᬦᬶᬓᬭᬾᬄᬦ᭄ᬬᬦ᭄ᬫᬳᬵᬢ᭄ᬬᬵᬦ᭄ᬢ᭠ᬭᬶᬂᬕᭃᬂ᭞ᬫᬾᬯ᭄ᬯᭂᬯᬸᬧ᭄ᬯᬂᬲ᭄ᬯᬭᬵᬚ᭄ᬬᬦ᭄ᬭᬢᬸᬫᬭᬢᬸᬫᬩᬧ᭄‌ᬮᬓ᭄ᬱᬓᭀᬝ᭄ᬬᬵᬬ᭄ᬯᬮᬸᬫ᭄ᬭᬵ᭞ᬢᬫ᭄ᬩᬶᬂᬢᬫ᭄ᬩᬶᬂᬦ᭄ᬬᬯᬾᬢᬦ᭄‌ᬓᬬᬯᬶᬲᬳᬦᬦᬶᬂᬦᬹᬱ᭄ᬯᬓᬶ ᬜ᭄ᬘᬶᬢ᭄ᬬᬭᬓ᭄ᬯ᭞ᬫᬗ᭄ᬕᭂᬄᬭᬶᬂᬘᬷᬦᬭᬵᬚ᭄ᬬᬵᬲᬧᬶᬦᬲᬸᬓᬶᬓᬢᬂᬓᭀᬝᬫᬵᬓ᭄ᬯᬾᬄᬤᬸᬮᬸᬃᬦ᭄ᬬ᭛ᬦᬵᬦ᭄ᬢᭂᬦ᭄ᬧ᭄ᬯᬾᬓᬂᬯᬢᭂᬲ᭄ᬮᭀᬃᬧᬶᬭᬗᬶᬯᬸᬢᬢᬦᬶᬂᬓᭀᬝᬳᬰ᭄ᬬᬵᬧ᭄ᬭᬫᬾᬬ᭞ᬧᬸᬮ᭄ᬯᬵᬩᬧ᭄‌ᬢᬦ᭄ᬧᬧᬾᬢᬂᬕᬦᬮᬮᬶᬢᬬᬸᬢᬦ᭄ᬯᭀᬂᬦ᭄ᬬᬯᭂᬦ᭄ᬤ᭄ᬭᬦ᭄ᬬᬰᭀᬪᬵ᭞ᬢ᭄ᬓ᭄ᬯᬦ᭄ᬢᬫ᭄ᬩᬶᬂᬦ᭄ᬬᬓᬸᬮ᭄ᬯ᭠ [᭓ 3A] ᬦ᭄‌[strike/]ᬤᬸ[/strike]ᬤᬸᬕᬶᬢᬲᬶᬓᬸᬮᭀᬦ᭄ᬭᬶᬂᬇᬭᭀᬯᬵᬬ᭄ᬯᬢᬦ᭄ᬮᬾᬦ᭄᭞ᬬᬾᬓᬵᬢᭀᬗ᭄ᬕ᭄ᬯᬵᬦᬶᬓᬂᬦᬵᬰ᭄ᬭᬡᬶᬲᬳᬦᬦᬶᬓᬵᬯ᭄ᬯᬂᬧᬸᬢᬶᬄᬩᬗ᭄ᬰ᭠ᬓᬶᬃᬲ᭄ᬢᭂᬦ᭄᭛ ᭜ ᭛ᬳᬸᬚᬸᬂᬦ᭄ᬬᬭᬶᬓᬶᬤᬸᬮ᭄ᬓᬸᬮᭀᬦ᭄‌ᬓᬍᬳᬦᬶᬂᬧᬲᬶᬭᬶᬓᬶᬤᬸᬮᬶᬪᬹᬫᬶᬢᬸᬃᬓᬶᬬᬵ᭞ᬭᬶᬗᬵᬩ᭄ᬲᬶᬧᬗᬭᬦ᭄ᬬᬭᬵᬚ᭄ᬬᬚᬚᬳᬦ᭄ᬮᬶᬫ᭠ ᬧᬸᬮᬸᬳᬶᬢᬳᬸᬦ᭄ᬬᬢᬃᬓᬸᬭᬂ᭞ᬇᬋᬂᬧ᭄ᬯᬲᬳᬦᬦ᭄ᬬᬢᬃᬯ᭄ᬯᬗᬶᬭᬶᬓᬵᬮᬦᬶᬩᬶᬧᬭᬫᬯᬶᬃᬬ᭄ᬬᬥᬵᬦ᭄ᬬᬯᬦ᭄᭞ᬲᬢᬸᬗ᭄ᬕᬮᬶᬓᬲᬂᬦᬭᬾ᭠ᬦ᭄ᬤ᭄ᬭᬦᬶᬰᬤᬶᬩ᭄ᬬᬲᬶᬦᬶᬯᬶᬭᬢᬸᬓᭀᬝᬶᬫᭀᬜ᭄ᬘᬭᬢ᭄᭛ᬤᬸᬤᬹᬂᬦᬕᬭᬗᬵᬩ᭄ᬲᬶᬓᬶᬜ᭄ᬘᬶᬢᬷᬓᬭᬾᬄᬭᬶᬦᬭᬧᬢᬶᬲᬤᬢ᭄ᬓᬩᬸᬮ᭄ᬩᬸᬫᬭ᭄᭞ᬇᬓᬂᬢ᭄ᬮᬲ ᬮᬄᬢ᭄ᬓᬧ᭄ᬦᬶᬭᬚᬬᬾᬂᬲᬫᬭᬲᬸᬭᬬᬦᬶᬂᬲᬭᬢ᭄ᬓᬩᬾᬄ᭞ᬲᬯᬃᬱᬚᬚᬳᬦ᭄ᬬᬬᬾᬓᬦᬫᬸᬩᭂᬂᬢᬬᬓᬢ᭄ᬓᬭᬶᬗᬵᬩ᭄ᬲᬶᬚᭂᬫ᭄ᬩᬭ᭞ᬓᬮᬶᬩᬦᬶᬚᬬᬵᬤᬶᬫᬹᬃᬢ᭄ᬢᬶᬬᬢᬶᬦᬹᬢ᭄ᬦ᭄ᬬᬓᬮᬳᬦᬶᬓᬗᬵᬩ᭄ᬲᬶᬲᭀᬯᬗ᭛ᬫᬢᬸᬗ᭄ᬕᬮᬶᬓᬯᬶᬲ᭄ᬦ᭄ᬬᬢᬵᬫ᭄ᬩᬶᬭᬶᬓᬶᬮᭀᬃᬦᬕᬭᬕᭂᬗᬶᬫᭂᬲᬶᬃ ᬓᬸᬝᬤᬶᬓᬵ᭞ᬫᬸᬯᬄᬭᬶᬗᬲᬓᬵᬦ᭄ᬤᬭᬾᬬᬭᬶᬢᬸᬦᬶᬲ᭄‌ᬓᬪᬯᬳᬶᬧᬤᬭᬹᬫ᭄ᬦᬭᬾᬰ᭄ᬯᬭ᭞ᬬᬢᬹᬃᬓᬶᬬᬢᬭᬹᬫ᭄‌ᬗᬭᬦ᭄ᬬᬯᬶᬦᬸᬯᬸᬲ᭄ᬧ᭄ᬭᬓᬰᬶᬢᬭᬢᬸᬳᬾᬲ᭄ᬮᬳᬶᬂᬚᬕᬢ᭄᭞ᬧᬸᬢᬶᬄᬲᬫᬲᬯᬃᬡ᭄ᬦᬭᬓ᭄ᬯᬓᬮᬯᬦ᭄‌ᬦᬰᬭᬡᬶᬧᬥᬪᬹᬫᬶᬛᬭᬹᬧ᭛ᬭᬶᬯᬾᬢᬦᬶᬓᬓᭀᬝᬵ

Auto-transliteration

[2 2B] 2 hyangwiwaśwān‌pratihataginawedipaningrat‌yaśuddhāmasrikmagrib‌yatonggwāniranakulilingan‌salwaningmarttyalokā, tistis‌ringkālasāndyānisirimanahikānglālanānglangwalangwan, rĕngrĕngmātrārarab‌truhmĕyĕhipatĕri‐ kāngdekungingrāgacitta /// tanngehyadyanwiwakṣan‌racananipakĕkĕsningmahāngaṇḍadibya, tkwanringmārttyalo‐kāwinuwusaknarehnyanmahārāmyaśoba, lenpwekangjĕmbaringsāgaralawanayagönggambhirātyantaringjro, mānggĕhkārwanggu‐ ṇekangjanapadariwiyarningtasik‌lāwanālwā /// lwāningjambudwipāngkān‌tujaraknikarehnyanmahātyānta‐ringgöng, mewwĕwupwangswarājyanratumaratumabap‌lakṣakoṭyāywalumrā, tambingtambingnyawetan‌kayawisahananingnūṣwaki ñcityarakwa, manggĕhringcīnarājyāsapinasukikatangkoṭamākwehdulurnya /// nāntĕnpwekangwatĕslorpirangiwutataningkoṭahaśyāprameya, pulwābap‌tanpapetangganalalitayutanwongnyawĕndranyaśobhā, tkwantambingnyakulwa‐ [3 3A] n‌[strike/]du[/strike]dugitasikulonringirowāywatanlen, yekātonggwānikangnāśraṇisahananikāwwangputihbangśa‐kirstĕn /// • /// hujungnyarikidulkulon‌ka'lĕhaningpasirikidulibhūmiturkiyā, ringābsipangaranyarājyajajahanlima‐ puluhitahunyatarkurang, i'rĕngpwasahananyatarwwangirikālanibiparamawiryyadhānyawan, satunggalikasangnare‐ndraniśadibyasiniwiratukoṭimoñcarat /// dudūngnagarangābsikiñcitīkarehrinarapatisadatkabulbumar, ikangtlasa lahtkapnirajayengsamarasurayaningsaratkabeh, sawarṣajajahanyayekanamubĕngtayakatkaringābsijĕmbara, kalibanijayādimūrttiyatinūtnyakalahanikangābsisowanga /// matunggalikawisnyatāmbirikilornagaragĕngimĕsir kuṭadikā, muwahringasakāndareyaritunis‌kabawahipadarūmnareśwara, yatūrkiyatarūm‌ngaranyawinuwusprakaśitaratuheslahingjagat, putihsamasawarṇnarakwakalawan‌naśaraṇipadhabhūmijharūpa /// riwetanikakoṭā

Leaf 3

Image on Archive.org

[᭓ 3B] ᭓ ᬭᬹᬫᬶᬬᬢᬍᬢ᭄ᬧᬲᬶᬭᬦᬓᬶᬗᭂᬲᬵᬫ᭄‌ᬧ᭄ᬭᬚᬵᬤᬶᬓᬵ᭞ᬫᬶᬗᭂᬃᬧ᭄ᬯᬫᬗᬶᬤᬸᬮ᭄ᬗᬶᬢᬦ᭄ᬲᬢᬶᬫᬸᬭᬶᬂᬫ᭄ᬲᬶᬭᬶᬓᬭᬶᬗᬭᬩ᭄ᬬᬢᬃᬓᬮᬾ᭠ᬦ᭄᭞ᬧᬶᬭᬂᬓᬸᬝᬵᬓᬍᬩ᭄ᬯᬭᬶᬂᬢᬦᬳᬭᬩ᭄‌ᬧᬶᬭᬗᬶᬯᬸᬭᬢᬸᬫᭀᬜ᭄ᬘᬦᬵᬕᬭ᭞ᬭᬶᬩᬄᬤᬤᬶᬬᬫᬦ᭄‌ᬫ᭄ᬓᬄᬫᬸᬥᬮᬶᬧᬄᬫᬕᬭᬩᬶᬚᬸᬥᬫᭀᬳ ᬮᬃᬫᬳᬸᬢ᭄᭛ᬲᬯᬾᬢᬦᬶᬗᬭᬩ᭄‌ᬭᬶᬧᭂᬃᬱᬶᬧᬗᬭᬦ᭄ᬬᬲᬦᬓᬸᬝᬫᬸᬥᬵᬬᬶᬦᬶᬂᬤᬗᬹ᭞ᬫᬦᬹᬢ᭄ᬲᬶᬮᬸᬓᬶᬢᬵᬫ᭄ᬩᬶᬭᬶᬂᬢᬲᬶᬓᬶ᭠ᬤᬸᬮ᭄‌ᬧᬚᬚᬭᬶᬦᬕᬭᬷᬦ᭄ᬬᬗᬾᬢᬦ᭞ᬲᬯᬾᬢᬦᬶᬓᬦᬕ᭄ᬭᬶᬬᬶᬦ᭄ᬤᬸᬧᬗᬭᬦ᭄ᬬᬦᬕᬭᬧᬭᬫᬤᬶᬭᬶᬂᬳᬍᬧ᭄᭞ᬯᬶᬬᬃᬓᬤᬶᬲᬫᬵᬧ᭄ᬢᬭᬶᬂᬢᬦ᭠ ᬳᬭᬩ᭄‌ᬧᬭᬭᬢᬸᬫᬢᬸᬲᬾᬯᬸᬓᬵᬤ᭄ᬪᬸᬢᬵ᭛ᬓᬶᬤᬸᬮ᭄ᬲᬓᬭᬶᬗᬶᬦ᭄ᬤᬸᬭᬵᬚ᭄ᬬᬳᬦᬦᬹᬱᬧᬭᬫᬭᬶᬮᬗᭃᬦ᭄ᬬᬯᬾᬄᬮᬸᬮᬸᬢ᭄᭞ᬯᬶᬍᬗ᭄ᬓᬧᬸᬭᬗᬹᬦᬶᬭᬓ᭄ᬯᬧᬗᬭᬦ᭄ᬬᬓᬳᬦᬦᬶᬓᬭᬢ᭄ᬦᬓᭀᬫᬮ᭞ᬤᬰᬲ᭄ᬬᬲᬶᬭᬲᬂᬧ᭄ᬭᬢᬷᬱ᭄ᬝᬪᬶᬦᬝᬵᬭᬭᬶᬦᬢᬸᬭᬶᬗᬢᬷᬢᬭᬓ᭄ᬯᬬ᭞ᬬᬍ ᬗ᭄ᬓᬳᭀᬯᬸᬭᬶᬰᬾᬮᬦᬾᬓᬶᬧᬗᬭᬦ᭄ᬬᬧᬭᬦᬶᬗᬤᬕᬂᬫᬧᬾᬢ᭄ᬥᬢᬸ᭛ᬲᬯᬾᬢᬦᬶᬓᬗᬶᬦ᭄ᬤᬸᬓᭀᬝᬵᬬᬭᬶᬩᬗ᭄ᬕᬮᬗᬭᬦᬶᬓᬭᬵᬚ᭄ᬬᬮᬾᬦ᭄ᬳᬯ᭞ᬢ᭄ᬳᭂᬃᬧ᭄ᬯᬫᬦᬶᬭᬂᬫᬗᬾᬢᬦᬗᬶᬤᬸᬮ᭄ᬓᬸᬝᬵᬲᬶᬬᭂᬫᬶᬓᬭᬵᬫ᭄ᬬᬯᬾᬄᬍᬗᭂᬂ᭞ᬭᬶᬧᬹᬃᬯ᭄ᬯᬦᬶᬓᬶᬦᬫ᭄‌ᬗᬭᬦ᭄ᬬᬬᬫᬸᬯᬄᬢᬸᬫᭂᬫᬸᬕ᭄ᬮ [᭔ 4A] ᬗᬶᬩᬵᬦ᭄ᬦᬘᬷᬦᬬ᭞ᬯᬶᬯᬦ᭄ᬢᬦᬶᬢ᭄ᬗᬄᬢᬗᬄᬦ᭄ᬬᬬᬧᬶᬭᬂᬳᬶᬯᬸᬓᬭᬢᬸᬦᬶᬚᬫ᭄ᬩᬸᬫᬡ᭄ᬟᬮ᭛ᬫᬸᬯᬄᬯᬮᬸᬬᬦᬂᬓᬣᬵᬲᬓᬶᬤᬸᬮᬶᬂ᭠ᬲᬶᬬᬫᬶᬫᬮᬓᬦᬵᬫᬦᬶᬂᬧ᭄ᬭᬚᬵ᭞ᬓᬶᬤᬸᬮ᭄ᬦ᭄ᬬᬮᬳᬸᬢᬶᬂᬪᬭᬵᬢᬯᬭᬪᬹᬫᬶᬫᬚᬚᬭᬦᬶᬭᬂᬓᬢᭀᬦ᭄‌ᬍᬗᭂᬂ᭞ᬲᬸᬯᬸᬫᬵᬢ᭄ᬭᬬᬯᬭᬵᬚ᭄ᬬᬩᬳ᭄ᬮᬶ᭠ ᬓᬤᬸᬮᬸᬃᬦ᭄ᬬᬲᬳᬲᬲᬓᬶᬦᬹᬱᬲᭂᬫ᭄ᬪᬯ᭞ᬧᬮᭀᬭᬶᬲᬶᬢᬶᬫᬹᬃᬯ᭄ᬓᬲ᭄ᬦ᭄ᬬᬬᬤᬶᬯᬃᬡ᭄ᬦᬦᬢᬸᬫ᭄ᬮᬸᬗᬧᬷᬡ᭄ᬟᬮᬗ᭄ᬓᬧ᭛ ᭜ ᭛ᬮᭀᬃᬦᬶᬂᬪᬹᬫᬶᬭᬶᬬᬵᬯᬭᬓ᭄ᬯᬬᬢᬍᬢ᭄ᬧᬲᬶᬭᬦᬓᬭᬭᬲ᭄ᬓᬢᭀᬦ᭄‌ᬍᬬᭂᬧ᭄᭞ᬲᬵᬩ᭄ᬭᬂᬦᬶᬂᬫᬮᬬᬹᬗᬭᬦ᭄ᬬᬚᬦᬩᬸᬃᬦᬶᬬᬢᬶᬕᬬᬯᬕᭂᬂᬦ᭄ᬬ ᬢᬧ᭄ᬯᬬ᭞ᬳᬗ᭄ᬳᬶᬂᬓᬵᬮ᭄ᬯᬗᬶᬓᬵᬚᬦᬦ᭄ᬬᬫᬓ᭄ᬥᬶᬓ᭄‌ᬓᬸᬭᬗᬶᬱᬶᬢᬸᬯᬶᬮᭀᬕ᭄ᬭᬬᬓ᭄ᬮᬶᬳᬢ᭄᭞ᬧᬸᬜ᭄ᬚᬸᬮ᭄‌ᬕᭃᬂᬦ᭄ᬬᬳᬦᬾᬭᬶᬓᬂᬪᬭ᭠ᬢᬯᬃᬱᬢᬬᬳᬦᬸᬗᬬᭀᬕ᭄ᬬᬜᬡ᭄ᬟᬓ᭛ᬯᬾᬢᬦ᭄ᬬᬾᬓᬭᬶᬫᬗ᭄ᬓᬲᬃᬢᬦᬳᬕᭃᬂᬭᬸᬓᬸᬦᬦᬶᬦᬕᬭᬦ᭄ᬬᬚᭂᬫ᭄ᬩᬭ᭞ᬳᬶᬫ᭄ᬧᭂᬂᬓᬧ᭄ᬯᬓᬯ ᬡ᭄ᬟᬫᬵᬗ᭄ᬮᬳᬦᬶᬭᬹᬧᬦᬶᬢᬦᬳᬶᬓᬗᬵᬫ᭄ᬩᭂᬓᬵᬫ᭄ᬩᭂᬓᬶ᭞ᬅᬓ᭄ᬯᬾᬄᬭᬓ᭄ᬯᬪᬯᬄᬦ᭄ᬬᬢᬦ᭄ᬯᬶᬦᬸᬦᬶᬭᬾᬄᬦ᭄ᬬᬧᬢᬢᬦᬶᬲᬭᬵᬚ᭄ᬬᬭᬵ᭠ᬚ᭄ᬬ᭞ᬯᬾᬢᬦ᭄ᬬᬵᬂᬚ᭄ᬭᬳᬶᬓᬂᬲ᭄ᬯᬦᬹᬱᬬᬭᬶᬫᭀᬮᬸᬓᬩᬸᬭᬸᬳᬭᬸᬪᬹᬫᬶᬢᭂᬃᬡ᭄ᬦᬢᬶ᭛ ᭜ ᭛ᬳᬦᬾᬓᬶᬦ᭄ᬭᬵᬚ᭄ᬬᬵᬕᭃᬂᬦᬶᬧᬸᬦᬯ᭄ᬢᬸᬦᬶᬂᬓᬵ

Auto-transliteration

[3 3B] 3 rūmiyata'lĕtpasiranakingĕsām‌prajādikā, mingĕrpwamangidulngitansatimuringmsirikaringarabyatarkale‐n, pirangkuṭāka'lĕbwaringtanaharab‌pirangiwuratumoñcanāgara, ribahdadiyaman‌mkahmudhalipahmagarabijudhamoha larmahut /// sawetaningarab‌ripĕrsyipangaranyasanakuṭamudhāyiningdangū, manūtsilukitāmbiringtasiki‐dul‌pajajarinagarīnyangetana, sawetanikanagriyindupangaranyanagaraparamadiringha'lĕp, wiyarkadisamāptaringtana‐ harab‌pararatumatusewukādbhutā /// kidulsakaringindurājyahananūṣaparamarilangönyawehlulut, wi'lĕngkapurangūnirakwapangaranyakahananikaratnakomala, daśasyasirasangpratīṣṭabhinaṭārarinaturingatītarakwaya, ya'lĕ ngkahowuriśelanekipangaranyaparaningadagangmapetdhatu /// sawetanikangindukoṭāyaribanggalangaranikarājyalenhawa, thĕrpwamanirangmangetanangidulkuṭāsiyĕmikarāmyawehlĕngĕng, ripūrwwanikinam‌ngaranyayamuwahtumĕmugla [4 4A] ngibānnacīnaya, wiwantanitngahtangahnyayapiranghiwukaratunijambumaṇḍala /// muwahwaluyanangkathāsakiduling‐siyamimalakanāmaningprajā, kidulnyalahutingbarātawarabhūmimajajaranirangkaton‌lĕngĕng, suwumātrayawarājyabahli‐ kadulurnyasahasasakinūṣasĕmbawa, palorisitimūrwkasnyayadiwarṇnanatumlungapīṇḍalangkapa /// • /// lorningbhūmiriyāwarakwayata'lĕtpasiranakararaskaton‌lĕyĕp, sābrangningmalayūngaranyajanaburniyatigayawagĕngnya tapwaya, hanghingkālwangikājananyamakdhik‌kurangisyituwilograyaklihat, puñjul‌göngnyahanerikangbara‐tawarṣatayahanungayogyañaṇḍaka /// wetanyekarimangkasartanahagöngrukunaninagaranyajĕmbara, himpĕngkapwakawa ṇḍamānglahanirūpanitanahikangāmbĕkāmbĕki, akwehrakwabawahnyatanwinunirehnyapatatanisarājyarā‐jya, wetanyāngjrahikangswanūṣayarimolukaburuharubhūmitĕrṇnati /// • /// hanekinrājyāgöngnipunawtuningkā

Leaf 4

Image on Archive.org

[᭔ 4B] ᭔ ᬜ᭄ᬘᬡᬢᬸᬯᬷ᭞ᬬᬢᬵᬃᬯᬃᬯᬦ᭄ᬢᬡ᭄ᬟᭂᬲ᭄‌ᬫᬗᬶᬢᬦᬗᬶᬤᬸᬮ᭄‌ᬓᬵᬤ᭄ᬪᬸᬢᬳᬍᬧ᭄᭞ᬇᬓᬂᬮᭀᬃᬲᬵᬩᬸᬃᬦ᭄ᬬᬕᭂᬗᬶᬓᬚᬚᬳᬦ᭄ᬬᬵᬦ᭄ᬧᬥᬍᬂᬗᭃᬂ᭞ᬓᬧᬃᬡ᭄ᬦᬄᬦ᭄ᬬᬾᬓᬵᬢᬹᬢ᭄ᬚᬚᬭᬦᬶᬓᬂᬩᬸᬃᬦᬶᬬᬧᬥ᭛ᬇᬓᬂᬢᬶᬫ᭄ᬩᬂᬦ᭄ᬬᬾᬓᬷᬦ᭄ᬓᬶᬤᬸᬮᬦᬶᬓᬵᬕᭃᬂᬦ᭄ᬬᬵᬧᬭᬶᬫᬶᬢᬵ᭞ᬲᬓᬮ᭄ᬯᬦ᭄ᬬᬾ ᬓᬂᬪᬭᬢᬢᬬᬳᬦᬸᬂᬜᬡ᭄ᬟᬓᬢᬸᬯᬷ᭞ᬯᬢᭂᬲ᭄ᬦ᭄ᬬᬗ᭄ᬕᭂᬄᬓᬶᬮ᭄ᬬᬦ᭄‌ᬫᬬᬸᬳᬶᬧᬢ᭄ᬗᬄᬦᬶᬂᬬᬯᬧᬥ᭞ᬭᬶᬗᭀᬱ᭄ᬝ᭄ᬭᬵᬮ᭄ᬬᬫ᭄ᬯᬂᬭᬶᬂᬧᬧᬸᬯᬧᬗᬭᬦ᭄ᬬᬧ᭄ᬭᬢᬶᬳᬢ᭛ ᭜ ᭛ᬧᬵᬃᬡ᭄ᬦᬄᬓᬶᬤᬸᬮ᭄‌ᬲᬓᬭᬶᬓᬂᬪᬭᬢᬵᬧ᭄ᬯᬬᬾᬓ᭞ᬯᬾᬢᬦ᭄ᬬᬭᬓ᭄ᬯᬬᬮᬸᬫᬵᬗ᭄ᬓᬸᬗᬶᬪᬵᬭᬢᬲ᭄ᬯᬵ᭞ᬯᬾ ᬢᬦ᭄ᬓᬸᬮᭀᬦ᭄‌ᬬᬦᬩ᭄ᬦᭂᬃᬲᬓᬪᬹᬫᬶᬩᬸᬃᬦᬶ᭞ᬅᬓ᭄ᬯᬾᬄᬲ᭄ᬯᬦᬹᬱᬢᬶᬳᬶᬢᬶᬂᬦ᭄ᬬᬢᬫᬵᬦ᭄ᬯᬶᬯᬓ᭄ᬱᬦ᭄᭛ᬮᭀᬃᬯᬾᬢᬦᬶᬂᬦᬕᬭᬩᬸᬃᬦᬶᬬᬓᬧ᭄ᬯᬭᬵᬫ᭄ᬬ᭞ᬭᬶᬂᬦᬹᬱᬫᬵᬦᬶᬮᬗᬭᬦ᭄ᬬᬦᬓᬾᬄᬤᬸᬮᬸᬃᬦ᭄ᬬ᭞ᬲᬵᬫ᭄ᬧᬸᬦ᭄ᬧᬋᬮᬳᬸᬢᬦᬶᬂᬯᬭᬩᬦ᭄ᬯᬘᬷᬦ᭞ᬮᭀᬃᬦ᭄ᬬᬾᬓᬦᬹᬱᬭᬶᬚᭂᬧ ᬦ᭄ᬓᬧᬲᬸᬓ᭄ᬧᬘᬷᬦᬦ᭄᭞᭛ᬅᬓ᭄ᬯᬾᬄᬬᬤᬶᬦ᭄ᬢᬸᬚᬭᬧᬸᬮ᭄ᬯᬓᬯᭂᬗ᭄ᬓ᭄ᬯᬘᬷᬦ᭞ᬳᬾᬦᬫ᭄‌ᬢᬇᬓ᭄ᬯᬦᬶᬓᬯᭀᬂᬦ᭄ᬬᬓᬩᬾᬄᬧᬘᬷᬦᬦ᭄᭞ᬮᬯᬦ᭄ᬫᬸᬯᬄᬢᬬᬳᬦᬸᬂᬢᬶᬦᬦᭂᬫ᭄‌ᬦᬭᬾᬦ᭄ᬤ᭄ᬭᬵ᭞ᬫᬸᬂᬫᬵᬦ᭄ᬢ᭄ᬭᬶᬫᬸᬫᬸᬓ᭄ᬬᬢᬶᬦᬸᬤᬸᬚᬸᬕᬭᬵᬓ᭄ᬱᬓᬵᬦ᭄ᬬ᭛ ᭜ ᭛nᬳᬵᬳᬗᬦ᭄ᬢ᭄ᬬᬦᬶᬓᬸᬂᬓᬣᬵ [᭕ 5A] ᬚᬭᬓ᭄ᬦᬂᬚᬦᬧᬥᬧᬢᬢᬦ᭄ᬬᬯᬃᬡ᭄ᬦᬦᭂᬦ᭄᭞ᬭᬶᬂᬛᬭᭀᬫᬧᬢᬸᬗ᭄ᬕᬢᬸᬗ᭄ᬕᬮᬦᬶᬓᬂᬧᬭᬭᬢᬸᬓᬗᬫᭀᬜ᭄ᬘᬪᬹᬧᬢᬷ᭞ᬗ᭄ᬓᬵᬦᬄᬯᬾᬢᬦᬢᬵᬡ᭄ᬟᭂᬲᬶᬂᬦᬕᬭᬶᬳᬰ᭄ᬬᬓᬧᬲᬸᬓᬶᬓᬸᬮᭀᬦ᭄ᬧᬶᬦᬃᬤ᭄ᬥᬶᬓᬵ᭞ᬭᬶᬂᬭᬸᬲ᭄ᬮᬵᬦ᭄ᬧᬗᬭᬦ᭄ᬬᬤᬶᬩ᭄ᬬᭀᬢ᭄ᬢᬫᬢᬦ᭄ᬳᬦᬫᬥᬦᬶᬓᬚᭂᬫ᭄ᬩᬭᬶᬂᬧ᭄ᬭᬚᬵ᭛ᬢᬦ᭄ᬯᬓ᭄ᬢᬦ᭄ᬭᬢᬸᬫᬾᬯᬸᬮᬓ᭄ᬱᬓᬧᬲᬸᬓ᭄‌ᬫᬢᬸᬭᬓ᭄ᬦᬲᬸᬓᬵᬫ᭄ᬩᬗᬶᬂᬲᬭᬢ᭄᭞ᬭᬶᬂᬮᬷᬫ᭄ᬮᬦ᭄‌ᬓᬮᬯᬦ᭄ᬭᬶᬓᬹᬃᬮᬦᬶᬓᬭᬓ᭄ᬯᬭᬢᬸᬯᬤᬦᬫᬸᬓ᭄ᬬᬭᬶᬂᬲᬪᬵ᭞ᬫ᭄ᬯᬂᬰ᭄ᬭᬷᬧᭀᬮᬦᬶᬓᬵᬧ᭄ᬯᬤᬶᬩ᭄ᬬᬗᬸᬦᬶᬯᬾᬄᬲᬶᬦᬲᬧᬶᬢᭂᬭᬶᬓᬵᬤᬶᬫᬵᬗ᭄ᬕᬮᬵ᭞ᬲᬵᬓ᭄ᬱᬢ᭄ᬲᬵᬕᬭᬬᭀᬥᬫᬦ᭄ᬢ᭄ᬭᬶ ᬦᬶᬬᬸᬢᬵᬫ᭄ᬦᬸᬳᬶᬦᬕᬭᬭᬵᬫ᭄ᬜᬳᬃᬱᬚ᭛ᬰ᭄ᬭᬷᬭᬸᬲ᭄ᬮᬦ᭄‌ᬭᬢᬸᬤᬶᬩ᭄ᬬᬫᬦ᭄ᬢᬓᬚᬦᬵᬧ᭄ᬭᬶᬬᬦᬶᬭᬓᬢ᭄ᬓᭂᬂᬧᬸᬭᬵᬦ᭄ᬢᬭ᭞ᬭᬶᬂᬫᬸᬲ᭄ᬓᭀᬧᬗᬭᬦ᭄ᬬᬓᭀᬝᬦᬶᬭᬭᬵᬫ᭄ᬬᬧᬶᬦᬕᭂᬭᬦᬭᬶᬂᬫᬳᬵᬘᬮ᭞ᬫᬗ᭄ᬕᭂᬄᬦᬵᬰ᭄ᬭᬡᬶᬬᬾᬓᬭᬓ᭄ᬯᬕᬫᬦᬦ᭄ᬬsᬳᬢᭂᬯᭂᬓᬶᬓᬳᭀᬦ᭄ᬬᬦᬾᬂᬚᬕᬢ᭄ ᭞ᬲᬵᬰ᭄ᬭᬷᬤᬾᬦ᭄ᬬᬓᬸᬮᬶᬢ᭄ᬧ᭄ᬝᬓ᭄‌ᬲᬳᬦᬦᬶᬂᬚᬦᬭᬶᬓᬦᬲᬩᬗ᭄ᬰᬭᬓ᭄ᬯᬬ᭛ᬗ᭄ᬓᬵᬦᬄᬦᬾᬃᬢ᭄ᬬᬫᬸᬥᬵᬧ᭄ᬬᬦᬵᬫᬯᬢᭂᬲᬶᬂᬚᬚᬳᬦᬶᬓᬦᬪᬹᬫᬶᬢᬸᬃᬓᬶᬬ᭞ᬭᬶᬂᬩᬸᬮ᭄ᬕᬃᬬ᭄ᬬᬓᬶᬤᬸᬮ᭄ᬦ᭄ᬬᬓᭀᬝᬵᬧᬋᬓᬶᬂᬓᬳᬦᬦᬶᬭᬦᬭᬾᬰ᭄ᬯᬭᬵᬭᬸᬫᬷ᭞ᬭᬶᬂᬓᬵᬲ᭄ᬢᬵᬫ᭄ᬩᬸᬮᬭᬦ᭄ᬬᬭᬵᬚ᭄ᬬᬲᬸᬪ

Auto-transliteration

[4 4B] 4 ñcaṇatuwī, yatārwarwantaṇḍĕs‌mangitanangidul‌kādbhutaha'lĕp, ikanglorsāburnyagĕngikajajahanyānpadha'lĕngngöng, kaparṇnahnyekātūtjajaranikangburniyapadha /// ikangtimbangnyekīnkidulanikāgöngnyāparimitā, sakalwanye kangbaratatayahanungñaṇḍakatuwī, watĕsnyanggĕhkilyan‌mayuhipatngahningyawapadha, ringoṣṭrālyamwangringpapuwapangaranyapratihata /// • /// pārṇnahkidul‌sakarikangbaratāpwayeka, wetanyarakwayalumāngkungibhārataswā, we tankulon‌yanabnĕrsakabhūmiburni, akwehswanūṣatihitingnyatamānwiwakṣan /// lorwetaningnagaraburniyakapwarāmya, ringnūṣamānilangaranyanakehdulurnya, sāmpunpa'rĕlahutaningwarabanwacīna, lornyekanūṣarijĕpa nkapasukpacīnan, /// akwehyadintujarapulwakawĕngkwacīna, henam‌ta'ikwanikawongnyakabehpacīnan, lawanmuwahtayahanungtinanĕm‌narendrā, mungmāntrimumukyatinudujugarākṣakānya /// • /// nhāhangantyanikungkathā [5 5A] jaraknangjanapadhapatatanyawarṇnanĕn, ringjharomapatunggatunggalanikangpararatukangamoñcabhūpatī, ngkānahwetanatāṇḍĕsingnagarihaśyakapasukikulonpinarddhikā, ringruslānpangaranyadibyottamatanhanamadhanikajĕmbaringprajā /// tanwaktanratumewulakṣakapasuk‌maturaknasukāmbangingsarat, ringlīmlan‌kalawanrikūrlanikarakwaratuwadanamukyaringsabhā, mwangśrīpolanikāpwadibyanguniwehsinasapitĕrikādimānggalā, sākṣatsāgarayodhamantri niyutāmnuhinagararāmñaharṣaja /// śrīruslan‌ratudibyamantakajanāpriyanirakatkĕngpurāntara, ringmuskopangaranyakoṭanirarāmyapinagĕranaringmahācala, manggĕhnāśraṇiyekarakwagamananyashatĕwĕkikahonyanengjagat , sāśrīdenyakulitpṭak‌sahananingjanarikanasabangśarakwaya /// ngkānahnertyamudhāpyanāmawatĕsingjajahanikanabhūmiturkiya, ringbulgaryyakidulnyakoṭāpa'rĕkingkahananiranareśwarārumī, ringkāstāmbularanyarājyasuba

Leaf 5

Image on Archive.org

[᭕ 5B] ᬕᬾᬂᬢ᭄ᬭᬶᬪᬸᬯᬦᬕᬸᬡᬰᬹᬭᬭᬶᬂᬭᬡᬵ᭞ᬗ᭄ᬳᬶᬂᬰ᭄ᬭᬷᬭᬸᬲ᭄ᬮᬦᬶᬓᬾᬧᬥᬦ᭄ᬬᬭᬢᬸᬭᬶᬂᬲᬪᬸᬯᬦᬯᬭᬯᬶᬃᬬ᭄ᬬᬯᬾᬱ᭄ᬝᬯᬵᬦ᭄᭛ᬅᬓ᭄ᬯᬾᬄᬧ᭄ᬯᬂᬭᬢᬸᬫᭀᬜ᭄ᬘᬦᭂᬕ᭄ᬭᬶᬓᬧᬲᬸᬓ᭄‌ᬓᬩᬯᬳᬶᬧᬥᬭᬹᬫ᭄ᬦᬭᬵᬥᬶᬧ᭞ᬫᭀᬦ᭄‌ᬢ᭄ᬦᭂᬄᬭᭀᬧᬸᬭᬓᭀᬝᬲᭂᬃᬧ᭄ᬧ᭄ᬬᬦᬶᬭᬸᬫᬦ᭄ᬬᬗᬮᬩᬦᬶᬓᬩᭀ ᬲ᭄ᬦ᭄ᬬᬢᬵᬧ᭄ᬯᬬ᭞ᬫ᭄ᬯᬂᬰ᭄ᬭᬷᬦᬵᬣᬮᬶᬧᬤ᭄ᬬᬭᬓ᭄ᬯᬯᬶᬦᬸᬯᬸᬲ᭄‌ᬭᬢᬸᬦᬶᬧᬸᬦᬯᬶᬰᬾᬱᬭᬶᬂᬚᬕᬢ᭄᭞ᬲᬗ᭄ᬓᭂᬧ᭄ᬭᬶᬂᬩᬮᬓᭀᬰᬯᬳᬦᬧᬶᬭᬂᬓᬸᬝᬶᬦᬶᬬᬸᬢᬦᬯᬃᬡ᭄ᬦᬲᬵᬕᬭ᭛ᬓᬶᬮ᭄ᬬᬦ᭄ᬲᬗ᭄ᬓᬭᬶᬭᬸᬲ᭄ᬮᬦᬾᬓᬶᬳᬦᬭᬵᬳ᭄ᬬᬅᬢᬶᬰᬬᬭᬭᬲ᭄ᬦ᭄ᬬᬯᬃᬡ᭄ᬦᬶᬢᬦ᭄᭞ᬭᬶᬂᬧ᭄ᬭᭀᬏᬲᭂᬦ ᬭᬦ᭄ᬬᬭᬓ᭄ᬯᬫᬯᬶᬬᬃᬚᬚᬳᬦᬶᬓᬦᬫᭀᬜ᭄ᬘᬪᬹᬧᬢᬶ᭞ᬲ᭄ᬯᬾᬢᭂᬲ᭄ᬮᬵᬦ᭄ᬭᬶᬓᬶᬤᬸᬮ᭄ᬦ᭄ᬬᬬᬧ᭄ᬯᬦᬶᬓᬶᬮᭀᬃᬦ᭄ᬬᬥᬦᬫᬭᬶᬓᬦᬵᬫᬦᬶᬂᬧ᭄ᬭᬚᬵ᭞ᬲ᭄ᬓᬵᬦ᭄ᬤᬶᬦᬵᬧ᭄ᬬᬢ᭄ᬳᭃᬭᬶᬮᭀᬃᬦ᭄ᬬᬬᬢᬍᬢ᭄ᬧᬲᬶᬭᬦᬧᬸᬗᬶᬭᬸᬲ᭄ᬮᬦᬶᬤᬸᬮᭀᬭ᭄᭛ᬓᬶᬮ᭄ᬬᬦ᭄ᬲᬗ᭄ᬓᬭᬶᬦᬕ᭄ᬭᬶᬧᭀᬃᬲᭂᬦᬦᬶᬭᬂᬲᬶᬮᬸ᭠ ᬓᬶᬧᬲᬶᬲᬶᬭᬸᬤ᭄ᬭᬤᬾᬰᬦ᭞ᬭᬶᬂᬦᬾᬤᭂᬃᬮᬦᬭᬦ᭄ᬬᬩᬮ᭄ᬕ᭄ᬬᬦᬶᬓᬶᬤᬸᬮ᭄ᬦ᭄ᬬᬧᬥᬓ᭄ᬥᬶᬓᬶᬫᬹᬮᬦᬶᬂᬧ᭄ᬭᬚᬵ᭞ᬭᬶᬂᬧ᭄ᬭᬦ᭄ᬲ᭄ᬫᬦ᭄‌ᬧ᭄ᬯᬢ᭄ᬳᭂᬃᬓᬶᬤᬸᬮ᭄ᬦ᭄ᬬᬦᬯᬶᬬᬃᬭᬸᬓᬸᬦᬦᬶᬦᬕᬭᬦ᭄ᬬᬭᬓ᭄ᬯᬬ᭞ᬭᬶᬂᬇᬲ᭄ᬧᬜᬓᬶᬤᬸᬮ᭄ᬦ᭄ᬬᬢᬧ᭄ᬯᬫᬯ᭄ᬮᬸᬚᬚᬳᬦᬶᬓᬮᬸᬯᬲ᭄ᬓᬮᬮ᭄ᬯᬦ᭛ᬓᬷᬮ᭄ᬬᬦ᭄‌ᬲ᭄ᬧᬦ᭄ᬬ ᬭᬶᬧᭀᬃᬢᬸᬕᬶᬲ᭄‌ᬚᬸᬕᬢ᭄ᬧᬂᬯᬢᭂᬲᬦᬶᬓᬦᬭᬶᬲ᭄ᬦ᭄ᬬᬢᬸᬗ᭄ᬕᬮ᭞ᬢ᭄ᬓ᭄ᬯᬦ᭄ᬭᬓ᭄ᬯᬓᬶᬤᬸᬮ᭄ᬧᬲᬶᬃᬦ᭄ᬬᬢᬸᬢᬸᬕᬶᬂᬅᬧᬶᬭᬶᬓᬚᬸᬕᬗᬵᬩ᭄ᬲᬶᬢᬸᬗ᭄ᬕᬮ᭞ᬅᬮ᭄ᬕᬶᬃᬲ᭄‌ᬢᭀᬦᬶᬲᬶᬓᬵᬳᬸᬭᬸᬢ᭄ᬦ᭄ᬬᬫᬗᬶᬢᬦ᭄ᬮᬮᬸᬫᬬᬸᬳᬶᬫ᭄ᬲᬶᬃᬧ᭄ᬭᬚᬵᬤᬶᬓᬵ᭞ᬢᬦ᭄ᬯᬓ᭄ᬢᬦ᭄‌ᬕᬶᬮᬶᬦᬹᬱ᭄ᬯᬬᬾᬓᬗᬤ᭄ᬫᬷᬢ᭄ᬓᬢᬶᬳᬮᬗᬶᬭᬶ᭠ ᬫᬵᬥ᭄ᬬᬦᬶᬂᬮᬳᬸᬢ᭄᭛ᬇᬢ᭄ᬲᭂᬃᬮᬦ᭄‌ᬢ᭄ᬗᬳᬦ᭄ᬲᬯᬾᬢᬦᬶᬓᬦᬂᬧᬭᬦᭂᬲᬫᬦᬶᬓᬵᬤᬶᬭᬶᬂᬳᬍᬧ᭄᭞ᬉᬱ᭄ᬝᭂᬦ᭄ᬭᬶᬓ᭄‌ᬚᬸᬕᬯᬾᬢᬦᬶᬓᬶᬭᬶᬯᬶᬦᭂᬦ᭄‌ᬗᬭᬦᬶᬧᬸᬭᬦᬶᬓᬵᬚᬦᬧ᭄ᬭᬶᬬ᭞ᬇᬢ᭄ᬲᭂᬃᬮᬦ᭄‌ᬭᬶᬓᬶᬤᬸᬮ᭄ᬦ᭄ᬬᬓᭀᬝᬭᬶᬗᬶᬢᬮ᭄ᬬᬧᬗᬭᬦᬶᬓᬧᬜ᭄ᬚᬗᬵᬤ᭄ᬪᬸᬢᬵ᭞ᬭᬶᬂᬢᬹᬃ ᬬ᭄ᬬᬵᬦᬭᬦᬶᬂᬓᬥᬢ᭄ᬯᬦᬶᬓᬭᬓ᭄ᬯᬓᬤᬸᬤᬸᬓᬦᬶᬲᬂᬦᬭᬵᬥᬶᬧ᭛ ᭜ ᭛ᬓ᭄ᬭᬶᬓ᭄ᬳᬾᬦ᭄ᬮᬦ᭄‌ᬭᬢᬸᬫᭀᬜ᭄ᬘᬪᬹᬫᬶᬳᬸᬚᬸᬗᬶᬂᬲ᭄ᬯᬭᬹᬫᬶᬭᬶᬓᬶᬤᬸᬮ᭄᭞ᬲᬵᬫ᭄ᬧᬸᬦ᭄ᬭᬓ᭄ᬯᬓᬳᬡ᭄ᬟᬶᬭᬶᬂᬦ᭄ᬭᬧᬢᬶᬢᬸᬃᬓᬶᬬᬵᬗᬭᬦᬶᬓᬵ᭞ᬦᬹᬱᬵᬓᬡ᭄ᬟ᭄ᬬᬓᬶᬤᬸᬮ᭄ᬦ᭄ᬬᬧᬜ᭄ᬚᬗᬤ᭄ᬫᬶᬢ᭄‌ᬫᬮᬂᬧ᭄ᬯᬭᬶᬮᬳᬸᬢ᭄᭞ᬢᬶᬫ᭄ᬩᬂ᭠ ᬢᬶᬫ᭄ᬩᬗᬮᭀᬃᬓᬶᬤᬸᬮ᭄‌ᬲᬦᬭᬶᬓᭀᬝᬵᬫᭂᬢ᭄ᬲᬶᬭᬲᬶᬓ᭛ᬗ᭄ᬓᬵᬦᬄᬗᬕ᭄ᬦᬶᬬᬲᬗ᭄ᬓᬭᬶᬂᬭᬸᬲᬦ᭄ᬫᬸᬂᬧᬲᬶᬃᬗᬯᬢᬭᬦ᭄᭞ᬮ᭄ᬯᬵᬦᬶᬂ᭠ᬪᬵᬭᬢᬬᬵᬯᬓᬦ᭄ᬢᬸᬦᬶᬓᬕᭃᬂᬦ᭄ᬬᬮᬶᬫ᭄ᬧᬸᬢᬶᬍᬫᬄ᭞ᬓᬸᬮ᭄ᬯᬵᬦ᭄ᬮᭀᬃᬧᬦ᭄ᬧᬶᬦ᭄ᬬᬭᬸᬲ᭄ᬮᬦᬶᬓᬶᬤᬸᬮ᭄ᬦ᭄ᬬᬧᭂᬃᬱᬶᬬᬢ᭄ᬳᭂᬃ᭞ᬯᬢᬦ᭄ᬭᬓ᭄ᬯᬭᬶᬅᬰ᭄ᬬᬪᬹᬫᬶᬧ

Auto-transliteration

[5 5B] gengtribhuwanaguṇaśūraringraṇā, nghingśrīruslanikepadhanyaraturingsabhuwanawarawiryyaweṣṭawān /// akwehpwangratumoñcanĕgrikapasuk‌kabawahipadharūmnarādhipa, mon‌tnĕhropurakoṭasĕrppyanirumanyangalabanikabo snyatāpwaya, mwangśrīnāthalipadyarakwawinuwus‌ratunipunawiśeṣaringjagat, sangkĕpringbalakośawahanapirangkuṭiniyutanawarṇnasāgara /// kilyansangkariruslanekihanarāhya'atiśayararasnyawarṇnitan, ringpro'esĕna ranyarakwamawiyarjajahanikanamoñcabhūpati, swetĕslānrikidulnyayapwanikilornyadhanamarikanāmaningprajā, skāndināpyathörilornyayata'lĕtpasiranapungiruslanidulor /// kilyansangkarinagriporsĕnanirangsilu‐ kipasisirudradeśana, ringnedĕrlanaranyabalgyanikidulnyapadhakdhikimūlaningprajā, ringpransman‌pwathĕrkidulnyanawiyarrukunaninagaranyarakwaya, ringispañakidulnyatapwamawlujajahanikaluwaskalalwana /// kīlyan‌spanya riportugis‌jugatpangwatĕsanikanarisnyatunggala, tkwanrakwakidulpasirnyatutugingapirikajugangābsitunggala, algirs‌tonisikāhurutnyamangitanlalumayuhimsirprajādikā, tanwaktan‌gilinūṣwayekangadmītkatihalangiri‐ mādhyaninglahut /// itsĕrlan‌tngahansawetanikanangparanĕsamanikādiringha'lĕp, uṣṭĕnrik‌jugawetanikiriwinĕn‌ngaranipuranikājanapriya, itsĕrlan‌rikidulnyakoṭaringitalyapangaranikapañjangādbhutā, ringtūr yyānaraningkadhatwanikarakwakadudukanisangnarādhipa /// • /// krikhenlan‌ratumoñcabhūmihujungingswarūmirikidul, sāmpunrakwakahaṇḍiringnrapatiturkiyāngaranikā, nūsyākaṇḍyakidulnyapañjangadmit‌malangpwarilahut, timbang‐ timbangalorkidul‌sanarikoṭāmĕtsirasika /// ngkānahngagniyasangkaringrusanmungpasirngawataran, lwāning‐bhāratayāwakantunikagöngnyalimputi'lĕmah, kulwānlorpanpinyaruslanikidulnyapĕrsyiyathĕr, watanrakwari'aśyabhūmipa

Leaf 6

Image on Archive.org

[᭖ 6B] ᭖ ᬦ᭄ᬧᬶᬦ᭄ᬬᬢᬧ᭄ᬯᬭᬲᬶᬓ᭛ᬫᭀᬫ᭄ᬩᬓ᭄‌ᬮ᭄ᬯᬶᬃᬢᬢᬦᬶᬂᬲᬫᭀᬤ᭄ᬭᬕᬸᬗᬗᬫ᭄ᬩᭂᬓᬵᬫ᭄ᬩᭂᬓᬗ᭄ᬦᭀᬄ᭞ᬦᬹᬱᬵᬮᬶᬢ᭄‌ᬭᬶᬢ᭄ᬗᬄᬢ᭄ᬗᬄᬦ᭄ᬬᬫᬕᬶᬮᬂ᭠ᬕᬶᬮᬂᬯᬶᬦᬸᬮᬢᬦ᭄᭞ᬢᬦ᭄‌ᬫᭀᬦ᭄ᬢ᭄ᬭᬵᬢ᭄ᬧᬸᬗᬶᬂᬲᬸᬲᬵᬕᬭᬦᬕᭃᬂᬭᬶᬤᬸᬦ᭄ᬬᬭᬲᬶᬓᬵ᭞ᬧᬸᬜ᭄ᬚᬸᬮ᭄‌ᬕᭃᬂᬦ᭄ᬬᬲᬳᬾᬦ᭄ᬬᬦᬶᬂᬤᬦᬸᬳᬲᬶ᭞᭠ ᬭᬶᬚᬫ᭄ᬩᬸᬦᬕᬭ᭛ ᭜ ᭛ᬦᬾᬤᭂᬃᬮᬦ᭄ᬤᬭᬢᬶᬓᬸᬮᭀᬦ᭄ᬬᬲᬵᬳᬭᬵᬕᭃᬂ᭞ᬍᬢ᭄ᬦᬶᬂᬳᬶᬂᬮᬦᬶᬓᬲᬸᬦᬹᬱᬓᬵᬃᬯᬤᬷᬩ᭄ᬬ᭞ᬭᬶᬂᬦᬶᬃᬮᬜ᭄ᬚᬸᬕᬭᬶᬓᬸᬮᭀᬦ᭄ᬬᬓᬧ᭄ᬯᬢᬸᬗ᭄ᬕᬮ᭄᭞ᬅᬓ᭄ᬯᬾᬄᬢᬂᬤ᭄ᬯᬶᬧᬬᬫᬗᬫ᭄ᬧᬶᬗᬵᬧ᭄ᬯᬭᬵᬫ᭄ᬬ᭛ᬳᬶᬗ᭄ᬕ᭄ᬭᬶᬲ᭄‌ᬯ᭄ᬯᬂᬦ᭄ᬬᬯᬰᬯᬰᬶᬢ᭄ᬯᬭᬓ᭄ᬯᬤᬷᬩ᭄ᬬ᭞ᬬᭀᬗ᭄ᬕ᭄ᬯᬵ ᬦᬶᬂᬯᬭᬕᬸᬡᬓᬬᬓᬃᬬ᭄ᬬᬦᬬᬵ᭞ᬲᬵᬫ᭄ᬧᬸᬦ᭄‌ᬓᭀᬤ᭄ᬭᬢᬶᬓᬦᬢᬂᬲᬸᬲᬹᬓ᭄ᬱ᭄ᬫᬬᬵᬕᭃᬂ᭞ᬲᬵᬮ᭄ᬯᬦᬶᬂᬏᬭᬸᬧᬯᬶᬦᬾᬄᬲᬸᬫᬗ᭄ᬓᬭᬾᬄᬦ᭄ᬬ᭛ᬮᭀᬃᬦᬶᬂᬦᬶᬃᬮᬦᬶᬓᬦᬍᬢ᭄ᬧᬲᬶᬃᬬᬦᬵᬗ᭄ᬤᭀᬄ᭞ᬓᬸᬮ᭄ᬯᬵᬦ᭄‌ᬤᬷᬦ᭄ᬬᬚᬸᬕᬢ᭄ᬳᭂᬃᬬᬍᬢ᭄‌ᬲᬫᬸᬤ᭄ᬭᬵ᭞ᬭᬶᬂᬇᬲ᭄ᬮᬦ᭄‌ᬗᬭᬦᬶᬓᬦᬹᬱᬤᬷᬩ᭄ᬬ ᬲᬵᬰ᭄ᬭᬷ᭞ᬢᬸᬗ᭄ᬕᬮ᭄‌ᬯ᭄ᬯᬂᬦ᭄ᬬᬧᬥᬧᬸᬢᬶᬄᬮᬯᬦ᭄‌ᬳᬿᬭᭀᬧ᭛ᬮᭀᬃᬦᬶᬂᬤᬶᬦ᭄‌ᬚᬸᬕᬓᬮᬗᬦ᭄‌ᬲᬸᬲᬵᬳᬭᬵᬮ᭄ᬯ᭞ᬭᬶᬂᬢ᭄ᬭᬂᬲ᭄ᬧᬶᬮ᭄‌ᬗᬭᬦᬶᬓᬦᬹᬱᬯᬷᬭᬭᭀᬤ᭄ᬭ᭞ᬯ᭄ᬯᬂᬦ᭄ᬬᬵᬓᬾᬄᬳᬕᭂᬗᬭᬸᬳᬸᬃᬫᬳᬵᬧ᭄ᬭᬕᬮ᭄ᬪᬵ᭞ᬧᬦ᭄ᬢᭂᬲ᭄‌ᬓ᭄ᬭᬮ᭄ᬕᬢᬶᬦᬶᬓᬩᭀᬡ᭄ᬟᬬᬸᬤ᭄ᬥᬭᬶᬂᬧ᭄ᬭᬂ᭛ᬅᬓ᭄ᬯᬾᬄ [᭗ 7A] ᬬᬦ᭄ᬢᬸᬘᬧᬢᬶᬓᬂᬲ᭄ᬯᬫᬵᬃᬬ᭄ᬬᬸᬯᬮᭀᬓ᭞ᬦᬹᬱᬵᬫ᭄ᬧᬾᬬᬦᬶᬢᬮᬢᬄᬲᬭᬢ᭄‌ᬏᬭᭀᬧ᭞ᬗ᭄ᬯᬂᬫᬵᬢ᭄ᬭᬵᬗ᭄ᬕᬶᬢᬢᬫᬢᬃᬲ᭄ᬨᬸᬢᬾᬓᬶᬢᬧ᭄ᬯ᭞ᬦ᭄ᬤᬵᬳᬬ᭄ᬯᬵᬦᬸᬢᬸᬳᬶᬓᬫᬶᬦ᭄ᬧᬓᬶᬃᬢ᭄ᬢ᭄ᬬᬮᬫ᭄ᬩᬂ᭛ᬲᬗ᭄ᬓᬾᬓᬵᬃᬤᬸᬜᬢᬶᬦ᭄ᬫᬸᬗ᭄ᬓ᭄ᬯᬫᬵᬢ᭄ᬭᬫᬵᬢ᭄ᬭᬵ᭞ᬧᬃᬡ᭄ᬦᬄᬦᬶᬂᬲᬢᬸᬧᬸᬭᬮᬾᬦ᭄ᬓᬲᬶᬃᬓᬲᬶᬃᬦ᭄ᬬ᭞ᬰᬵᬲ᭄ᬢ᭄ᬭᬛᬭᬸ ᬧᬬᬲᬸᬲᬄᬕᬢᬶᬗ᭄ᬓ᭄ᬯᬯᬵᬘᬦ᭄᭞ᬅᬫ᭄ᬧᬸᬦ᭄ᬭᬾᬄᬦ᭄ᬬᬓᬍᬧᬢᬦ᭄ᬬᬭᬶᬂᬧᬮᬫ᭄ᬩᬂ᭛ ᭜ ᭛ᬳᬦᬢᬫᬸᬯᬄᬲ᭄ᬯᬮᭀᬓᬬᬲᬸᬤᬶᬃᬕ᭄ᬖᬦᬕᭃᬂᬭᬲᬶᬓᬵ᭞ᬳᬸᬚᬸᬗᬶᬓᬶᬤᬸᬮ᭄ᬦ᭄ᬬᬬᬃᬮᬸᬫᬶᬯᬢᬶᬂᬦᬕᬭᬷᬦ᭄ᬧᬧᬸᬯ᭞ᬳᬕᭂᬗᬶᬓᬶᬮᭀᬃᬦ᭄ᬬᬦᬗ᭄ᬳᬶᬂᬗᬢ᭄ᬧᬸᬂᬧᬦ᭄ᬧᬸᬂᬦ᭄ᬬᬫᬮᬶᬢ᭄᭞ᬤᬤᬶᬬᬓᬭᬸᬦ᭄ᬓ ᬭᬸᬦ᭄‌ᬲᬚᬸᬕᬮᭀᬃᬲᬚᬸᬕᬦ᭄ᬧᬗᬶᬤᬸᬮ᭄᭛ᬲᬢᬸᬧᬗᬭᬦ᭄ᬬᬭᬓ᭄ᬯᬭᬶᬅᬫᬾᬭᬶᬓᬩᬦ᭄ᬯᬫᬕᭃᬂ᭞ᬢ᭄ᬧᬶᬦᬶᬓᬸᬮᭀᬦ᭄ᬬᬓᬧ᭄ᬯᬫᬦᬶᬭᬂᬭᬶᬤᬸᬮᭀᬃᬓᬕ᭄ᬦᬶᬦ᭄᭞ᬧ᭄ᬦᬸᬳᬶᬧᬸᬮᭀᬦ᭄ᬬᬢᬦ᭄ᬯᬶᬦᬸᬦᬶᬬᬶᬬᬾᬓᬫᬕᭃᬂᬫᬥ᭄ᬫᬷᬢ᭄᭞ᬳᬲᬶᬮᬸᬭᬸᬧᬦ᭄ᬧᬲᬶᬃᬦ᭄ᬬᬫᬦ᭄ᬗᬄᬭᬶᬢ᭄ᬗᬄᬦ᭄ᬦ᭄ᬬᬍᬗᭃᬂ᭛᭜ ᭛ᬓᬸᬮ᭄ᬯᬦ᭄ᬤᭀᬄᬲᬓᬦᬕ᭄ᬭᬶᬏᬭᬸᬧᬢᬶᬢᬶᬫ᭄ᬩᬗᬦᬩ᭄ᬦᭂᬭᬍᬢ᭄ᬧᬬᭀᬦᬶᬥᬷ᭞ᬢᭂᬓ᭄ᬯᬦ᭄ᬧ᭄ᬯᬂᬭᬶᬓᬶᬤᬸᬮ᭄ᬅᬫᬾᬭᬶᬓᬢᬶᬢᬶᬫ᭄ᬩᬗᬦᬶᬓᬦᬭᬶᬩᬦ᭄ᬯᬅᬧ᭄ᬭᬶᬓᬵ᭞ᬢᬓ᭄ᬱᬶᬄᬭᬾᬄᬦ᭄ᬬᬦᬍᬢ᭄‌ᬲ᭄ᬯᬲᬵᬕᬭᬦᬤᭀᬄᬓᬶᬭᬓᬶᬭᬦᬮᬯᬲ᭄‌ᬧᬦᬩ᭄ᬭᬗ᭞ᬢᬦ᭄ᬯᬓ᭄ᬢᬦ᭄‌ᬥᬭᬢᬦ᭄ᬬ

Auto-transliteration

[6 6B] 6 npinyatapwarasika /// mombak‌lwirtataningsamodragungangambĕkāmbĕkangnoh, nūsyālit‌ritngahtngahnyamagilang‐gilangwinulatan, tan‌montrātpungingsusāgaranagöngridunyarasikā, puñjul‌göngnyasahenyaningdanuhasi, ‐ rijambunagara /// • /// nedĕrlandaratikulonyasāharāgöng, lĕtninghinglanikasunūṣakārwadībya, ringnirlañjugarikulonyakapwatunggal, akwehtangdwipayamangampingāpwarāmya /// hinggris‌wwangnyawaśawaśitwarakwadībya, yonggwā ningwaraguṇakayakaryyanayā, sāmpun‌kodratikanatangsusūkṣmayāgöng, sālwaningerupawinehsumangkarehnya /// lorningnirlanikana'lĕtpasiryanāngdoh, kulwān‌dīnyajugathĕrya'lĕt‌samudrā, ringislan‌ngaranikanūṣadībya sāśrī, tunggal‌wwangnyapadhaputihlawan‌hairopa /// lorningdin‌jugakalangan‌susāharālwa, ringtrangspil‌ngaranikanūṣawīrarodra, wwangnyākehhagĕngaruhurmahāpragalbhā, pantĕs‌kralgatinikaboṇḍayuddharingprang /// akweh [7 7A] yantucapatikangswamāryyuwaloka, nūsyāmpeyanitalatahsarat‌eropa, ngwangmātrānggitatamatarsphutekitapwa, ndāhaywānutuhikaminpakirttyalambang /// sangkekārduñatinmungkwamātramātrā, parṇnahningsatupuralenkasirkasirnya, śāstrajharu payasusahgatingkwawācan, ampunrehnyaka'lĕpatanyaringpalambang /// • /// hanatamuwahswalokayasudirgghanagöngrasikā, hujungikidulnyayarlumiwatingnagarīnpapuwa, hagĕngikilornyananghingngatpungpanpungnyamalit, dadiyakarunka run‌sajugalorsajuganpangidul /// satupangaranyarakwari'amerikabanwamagöng, tpinikulonyakapwamanirangridulorkagnin, pnuhipulonyatanwinuniyiyekamagöngmadhmīt, hasilurupanpasirnyamanngahritngahnnya'lĕngöng /// • /// kulwandohsakanagri'erupatitimbanganabnĕra'lĕtpayonidhī, tĕkwanpwangrikidulamerikatitimbanganikanaribanwa'aprikā, taksyihrehnyana'lĕt‌swasāgaranadohkirakiranalawas‌panabranga, tanwaktan‌dharatanya

Leaf 7

Image on Archive.org

[᭗ 7B] ᭗ ᬬᬦ᭄‌ᬯ᭄ᬦᬗᬭᬓ᭄ᬯᬧᬶᬭᬧᬶᬭᬢᬫᬃᬓᬶᬦᬯ᭄ᬭᬸᬳᬦ᭄᭛ᬮᭀᬃᬯᬾᬢᬦ᭄‌ᬲᬓᬭᬶᬂᬅᬫᬾᬭᬶᬓᬦᬮᭀᬃᬲᬓᬦᬕᬭᬶᬏᬭᭀᬧ᭠ᬬᬦ᭄ᬤᬸᬮᭀᬭ᭄᭞ᬭᬶᬂᬕ᭄ᬭᬸᬦ᭄ᬮᬦ᭄‌ᬧᬗᬃᬦ᭄ᬬᬚᭂᬫ᭄ᬩᬭᬯᬶᬬᬃᬮᬸᬭᬮᬸᬭᬳᬶᬦᬢᬵᬃᬦ᭄ᬬᬭᬓ᭄ᬯᬬ᭞ᬮᭀᬃᬯᬾᬢᬦ᭄‌ᬲᬓᬅᬰ᭄ᬬᬪᬹᬫᬶᬬᬢᬮᭀᬃᬩ᭄ᬦᭂᬭᬲ ᬓᬚᭂᬧᬦ᭄‌ᬲᬸᬓᭀᬝᬵᬬ᭞ᬫᬗ᭄ᬕᭂᬄᬭᬓ᭄ᬯᬳᬦᬾᬅᬫᬾᬭᬶᬓᬫᬸᬯᬄᬧᬗᬭᬦᬶᬓᬦᬓᭀᬝᬢᬃᬯᬦᬾᬄ᭛ ᭜ ᭛ᬫᬤᬕᬲ᭄ᬓᬭᬵᬭᬦ᭄ᬬᬵᬦᬸᬱ᭄ᬯᬵᬕᭃᬂᬢ᭄ᬳᭂᬭᬤᬯ᭞ᬲᬓᬭᬶᬗᬩ᭄ᬲᬶᬯᬾᬢᬦ᭄᭞ᬬᭀᬗ᭄ᬕ᭄ᬯᬦ᭄ᬬᬵᬧᬋᬧᬋᬓᬵᬦ᭄᭞ᬧᬭᬧᬭᬦᬶᬗᬦᬶᬫ᭄ᬧᬂᬨᬮ᭄ᬯᬵᬕᭃᬂᬲᬓᬰ ᬭᬡᬶ᭞ᬮᬸᬫᬬᬭᬶᬓᬳᬸᬫᬸᬗ᭄ᬲᬶᬃᬇᬦ᭄ᬤ᭄ᬬᬵᬪᬵᬭᬢᬗᬤᬕᬂ᭛ ᭜ ᭛ᬦᬳᬦ᭄‌ᬢᬵᬦ᭄ᬢ᭄ᬭᬦᬶᬓᬂᬅᬫᬾᬭᬶᬓᬓᬶᬤᬸᬮ᭄‌ᬯᬶᬦᬸ᭠ᬦᬶᬧᬗᬩᬭᬦ᭄‌ᬢᬶᬦᭂᬗ᭄ᬯᬓᭂᬦ᭄᭞ᬯᬶ[strike/]ᬢ᭄ᬦᬶᬂ[/strike](ᬯ᭄ᬯᬂ)ᬩᬸᬯᬗᬦ᭄‌ᬓᬹᬓᬸᬫ᭄ᬲᬓᬏᬭᭀᬧᬧᬧᬸᬧᬸᬮᬦᬶᬓᬵᬦ᭄ᬳᬦᬾᬭᬶᬓᬵ᭞ᬢᭂᬓ᭄ᬯᬦ᭄ᬭᬶᬂᬳᬮᬯᬲ᭄ᬮᬯᬲ᭄‌ᬤ ᬤᬶᬧ᭄ᬦᬸᬄᬯ᭄ᬯᬗᬶᬭᬶᬓᬦᬫᬗᬸᬦ᭄ᬤᬶᬰᭀᬢ᭄ᬢᬫᬵ᭞ᬥᬶᬲ᭄ᬢ᭄ᬭᬶᬓ᭄‌ᬫ᭄ᬯᬂᬲᬓᬮ᭄ᬯᬶᬃᬦ᭄ᬬᬢᬧ᭄ᬯᬫᬶᬦᬳᬵᬫᬦᬶᬭᬸᬦᬶᬭᬸᬭᬶᬲᬾᬮ᭄ᬯᬦᬶᬂᬧ᭄ᬭᬚᬵ᭛ᬩᬄᬱᬵᬫ᭄ᬯᬂᬕᬫᬰᬵᬲ᭄ᬢ᭄ᬭᬇᬗ᭄ᬕ᭄ᬭᬶᬲᬧᬕᭂᬄᬮᬶᬦᬓᬸᬢᬸᬯᬶᬧᬗᬗ᭄ᬕᭂᬧᬶᬂᬲᬭᬢ᭄᭞ᬗ᭄ᬳᬶᬂᬫᬦ᭄ᬢ᭄ᬭᬷᬧ᭄ᬭᬥᬡᬾᬓᬶᬢᬃᬳᬦᬳᬦᬸᬂᬦᬭᬧᬢᬶᬕᬶᬦᬯᬾᬦ᭄ᬬᬢᬧ᭄ᬯᬵ [᭘ 8A] ᬬᬵ᭞ᬲᬵᬳᬵᬫ᭄ᬧᬸᬦ᭄‌ᬗ᭄ᬕᬵᬦ᭄ᬬᬧᬕᭂᬄᬓᬫᬸᬢ᭄ᬢ᭄ᬬᬦᬶᬓᬢᬃᬳᬦᬫᬳᬗᬶᬢᬶᬓᬂᬧᬭᬂᬫᬸᬓᬵ᭞ᬕᬦ᭄ᬢ᭄ᬬᬵᬕᬦ᭄ᬢ᭄ᬬᬵᬳᬲᬶᬂᬲᬸᬮᬓ᭄ᬱᬡᬲᬸᬥᬃᬫ᭄ᬫᬲᬸᬰᬶᬮᬬᬳᬶᬗᬗ᭄ᬓᬢᬶᬂᬲᬭᬢ᭄᭛ ᭜ ᭛ᬅᬣᬲᬵᬫ᭄ᬧᬸᬦᬶᬂᬩᬲᬸᬓᬶᬭᬾᬄᬦ᭄ᬬᬫᬦ᭄ᬫᬸᬲᬸᬓᬪᭀᬕᬯᬶᬃᬬ᭄ᬬᬯᬦ᭄᭞ᬅᬢᬶᬢᬸᬱ᭄ᬝᬮᬗ᭄ᬓᭂᬧᬲ᭄ᬦᬵᬳᬵ ᬧᬶᬭᬗᬶᬯᬸᬦᬧᬾᬓᬢᬵᬦ᭄ᬢᬭ᭞ᬪᬦᬯᬦ᭄ᬧᬓᬵᬧ᭄ᬭᬗᬧ᭄ᬦᬸᬄᬚᬕᬚᬕᬦᬶᬓᬭᬵᬓ᭄ᬱᬦᬶᬂᬧ᭄ᬭᬚᬵ᭞ᬲᬳᬵᬲᬜ᭄ᬚᬢᬦ᭄ᬬᬧᬫᬧᬕ᭄ᬦ᭄ᬬᬬᬤᬶᬢᬶᬦ᭄ᬓᬦᬶᬂᬧᬳᭂᬳᬂᬫᬸᬓᬵ᭛ᬪᬭᬢᬦ᭄ᬋᬲᬶᬓ᭄‌ᬚᬸᬕᬗᬮᬫ᭄ᬦ᭄ᬬᬲᬤᬯᬢᬦᬶᬓᬵᬫᬗᬸᬦ᭄ᬭᬶᬫᬂ᭞ᬤᬸᬤᬸᬕᬶᬂᬧᬲᬶᬃᬧᬮᬩᬸᬳᬦ᭄ᬬᬢᬶᬦ᭄ᬧᬭᬶᬢ᭄ᬧᬶᬦ᭄ᬬᬍᬂ ᬍᬗᬵ᭞ᬢᬫᬸᬨᬮ᭄ᬯᬩᬵᬃᬦ᭄ᬬᬕᬧ᭄ᬦᬸᬄᬯᬶᬭᬯᬶᬭᬶᬢᬬᬲᭀᬗ᭄ᬕᬭᬸᬗ᭄ᬕᬶᬬ᭞ᬦᬫᬶᬭᬄᬓᬮᬶᬦ᭄‌ᬲᬳᬧᬗᬦ᭄‌ᬦᬸᬲᬶᬭᬸᬲᬶᬭᬦᬕᬫ᭄ᬧᬶᬮᬶᬂᬮᬓᬸ᭛ᬇᬓᬦᬂᬅᬫᬾᬭᬶᬓᬦᬮᭀᬃᬢ᭄ᬳᭂᬭᬫᬕᭂᬳᬶᬭᬾᬄᬦ᭄ᬬᬭᬶᬂᬤᬗᬹ᭞ᬓᬸᬢᬶᬋᬂᬓᬩᬾᬄᬲᬚᬸᬕᬯᬃᬡ᭄ᬦᬓᬮᬯᬦᬶᬓᬩᬸᬦ᭄ᬯᬅᬧ᭄ᬭᬶᬓᬵ ᭞ᬅᬧᬕᭂᬄᬢᬫᬃᬳᬦᬯ᭄ᬦᬂᬫᬗᬸᬭᬗᬶᬓᬸᬯᬰᬦ᭄ᬬᬭᬶᬂᬚᬕᬢ᭄᭞ᬬᬦᬧᬾᬓᬶᬭᬓ᭄ᬯᬕᬫᬦᬦ᭄ᬬᬯᬶᬥᬶᬚᬸᬕᬓᬸᬫᬵᬯ᭄ᬭᬸᬳᬾᬭᬶᬬᬵ᭛ ᭜ ᭛ᬅᬯᬶᬘᬭᬶᬢᬭᬭᬲ᭄ᬦᬶᬂᬤ᭄ᬯᬾᬧᬵᬫᬾᬭᬶᬓᬬᬓᬩᬾᬄ᭞ᬫᬸᬯᬄᬉᬘᬧᭂᬦᬶᬓᬂᬭᬢ᭄ᬇᬦ᭄ᬤ᭄ᬬᬵᬪᬵᬭᬢᬯᬶᬦᬸᬯᬸᬲ᭄᭞ᬫᬢ᭄ᬧᬗᬶᬓ

Auto-transliteration

[7 7B] 7 yan‌wnangarakwapirapiratamarkinawruhan /// lorwetan‌sakaringamerikanalorsakanagari'eropa‐yandulor, ringgrunlan‌pangarnyajĕmbarawiyarluralurahinatārnyarakwaya, lorwetan‌saka'aśyabhūmiyatalorbnĕrasa kajĕpan‌sukoṭāya, manggĕhrakwahane'amerikamuwahpangaranikanakoṭatarwaneh /// • /// madagaskarāranyānuṣwāgöngthĕradawa, sakaringabsiwetan, yonggwanyāpa'rĕpa'rĕkān, paraparaninganimpangphalwāgöngsakaśa raṇi, lumayarikahumungsir'indyābhāratangadagang /// • /// nahan‌tāntranikangamerikakidul‌winu‐nipangabaran‌tinĕngwakĕn, wi[strike/]tning[/strike](wwang)buwangan‌kūkumsaka'eropapapupulanikānhanerikā, tĕkwanringhalawaslawas‌da dipnuhwwangirikanamangundiśottamā, dhistrik‌mwangsakalwirnyatapwaminahāmaniruniruriselwaningprajā /// bahsyāmwanggamaśāstra'inggrisapagĕhlinakutuwipanganggĕpingsarat, nghingmantrīpradhaṇekitarhanahanungnarapatiginawenyatapwā [8 8A] yā, sāhāmpun‌nggānyapagĕhkamuttyanikatarhanamahangitikangparangmukā, gantyāgantyāhasingsulakṣaṇasudharmmasuśilayahingangkatingsarat /// • /// athasāmpuningbasukirehnyamanmusukabhogawiryyawan, atituṣṭalangkĕpasnāhā pirangiwunapekatāntara, banawanpakāprangapnuhjagajaganikarākṣaningprajā, sahāsañjatanyapamapagnyayaditinkaningpahĕhangmukā /// baratanrĕsik‌jugangalamnyasadawatanikāmangunrimang, dudugingpasirpalabuhanyatinparitpinya'lĕng lĕngā, tamuphalwabārnyagapnuhwirawiritayasonggarunggiya, namirahkalin‌sahapangan‌nusirusiranagampilinglaku /// ikanangamerikanalorthĕramagĕhirehnyaringdangū, kuti'rĕngkabehsajugawarṇnakalawanikabunwa'aprikā , apagĕhtamarhanawnangmangurangikuwaśanyaringjagat, yanapekirakwagamananyawidhijugakumāwruheriyā /// • /// awicaritararasningdwepāmerikayakabeh, muwahucapĕnikangratindyābhāratawinuwus, matpangika

Leaf 8

Image on Archive.org

Leaf 9

Image on Archive.org

Leaf 10

Image on Archive.org

Leaf 11

Image on Archive.org

Leaf 12

Image on Archive.org

Leaf 13

Image on Archive.org

[᭑᭓ 13B] ᭑᭓ ᬮ᭄ᬯᬦ᭄ᬬᬓᬧ᭄ᬯᬵᬧᬕᭂᬄ᭞ᬲᬵᬫ᭄ᬧᬸᬦ᭄ᬭᬓ᭄ᬯᬯᬶᬦᬾᬄᬮᬓᬸᬂᬳᬮᬳᬚᭃᬂᬢᬶᬦ᭄ᬭᬧ᭄‌ᬭᬶᬓᬂᬦᬵᬕᬭ᭞ᬳᬗ᭄ᬳᬶᬂᬭᬾᬄᬦ᭄ᬬᬳᬯᬶᬲ᭄ᬳᬸᬓᬸᬫ᭄‌ᬓᬧᬢᬶᬬᬦ᭄‌ᬩᬶᬦ᭄ᬯᬂᬢᬭᬸᬗ᭄ᬓ᭄ᬯᬵᬦ᭄ᬮᬓᬸ᭞ᬫ᭄ᬯᬂᬳᬵᬃᬣᬦ᭄ᬯᬭᬓᬵᬃᬬ᭄ᬬᬭᬓ᭄ᬯᬲᬶᬦᬶᬮᬶᬄᬦᬶᬂᬤᭀᬱᬢᬦ᭄ᬯ᭄ᬬᬵᬃᬣᬬ᭛ ᭜ ᭛ᬲᬵᬫ᭄ᬧᬸᬦ᭄ᬢᬶᬢᬶᬢᬫᬢᬶᬓᬢᬂᬧ ᬮᬫ᭄ᬩᬗᬸᬮᬶᬳᬶᬂᬯᬶᬕᬸᬡᬓᬲᬭᬓᬢ᭄᭞ᬪ᭄ᬭᬦ᭄ᬢᬵᬫ᭄ᬩᭂᬓᬶᬧᬫᬭᬸᬧᬸᬳᬶᬂᬲ᭄ᬯᬲᬵᬗ᭄ᬲᬭᬦᬕᭃᬂᬮᬸᬫᭂᬩᬸᬭᬭᬶᬳᬢᬶ᭞ᬧᬗ᭄ᬕᬶᬮ᭄‌ᬯ᭄ᬦᭂᬗ᭠ᬮᬸᬫᬶᬧᬸᬭᬂᬲ᭄ᬯᬤᬸᬄᬓᬫᬶᬦᬳᬧ᭄ᬯᬫᬶᬓ᭄ᬢᬓᬓᬯᬶᬦ᭄᭞ᬅᬫ᭄ᬧᬸᬦ᭄ᬭᬲᬶᬓᬢ᭄ᬓᬧᬶᬲᬂᬫᬸᬦᬷᬦ᭄ᬤ᭄ᬭᬓᬯᬶᬰᬵᬲ᭄ᬢ᭄ᬭᬲᬸᬚᬦᬕᬸᬡᬯᬦ᭄᭛ ᭜ ᭛ ᭜ ᭛ ᭛ᬢ᭄ᬮᬲ᭄᭞ᬇᬢᬶᬓᬓᬯᬶᬦ᭄ᬅᬢ᭄ᬮᬲ᭄‌ᬪᬹᬫᬶ᭚

Auto-transliteration

[13 13B] 13 lwanyakapwāpagĕh, sāmpunrakwawinehlakunghalahajöngtinrap‌rikangnāgara, hanghingrehnyahawishukum‌kapatiyan‌binwangtarungkwānlaku, mwanghārthanwarakāryyarakwasinilihningdoṣatanwyārthaya /// • /// sāmpuntititamatikatangpa lambangulihingwiguṇakasarakat, bhrantāmbĕkipamarupuhingswasāngsaranagönglumĕburarihati, panggil‌wnĕnga‐lumipurangswaduhkaminahapwamiktakakawin, ampunrasikatkapisangmunīndrakawiśāstrasujanaguṇawan /// • /// • /// /// tlas, itikakawinatlas‌bhūmi //

Leaf 14

Image on Archive.org