Gaguritan I Belog
This page has been accessed 8,573 times.
Description
Bahasa Indonesia
English
Front and Back Covers
Leaf 1
[᭑ 1B]
᭑
᭚᭐᭚ᬧᬸᬧᬸᬄᬤᬹᬃᬫ᭄ᬫ᭚᭐᭚ᬳᬤᬓᬢᬸᬢᬹᬭᬦ᭄ᬲᬢ᭄ᬯᬩᬩᭀᬗᬾᬗᬦ᭄᭞ᬓᬗ᭄ᬕᭀᬦ᭄ᬲᭂᬗ᭄ᬕᬓ᭄ᬓᬕᬸᬭᬶᬢ᭄᭞ᬤᬶᬩᬜ᭄ᬚᬃᬧᬳᬸᬫᬳᬦ᭄᭞ᬓᭀᬘᬧᬜ᭄ᬚᭂᬭᭀᬭᬗ᭄ᬤᬜᭀᬫᬦ᭄᭞ᬓᬲᬸᬕᬶ᭠
ᬳᬦᬾᬢᬦ᭄ᬓᭀᬲᬶᬄ᭞ᬲᬶᬲᬦ᭄ᬧ᭄ᬭᬩᬶᬬ᭞ᬢᬢᬶᬗ᭄ᬕᬮᬜ᭄ᬚᭂᬭᭀᬫ᭄ᬯᬦᬶ᭟ᬢᬸᬦ᭄ᬤᬬᬦᬾᬧᬦ᭄ᬫᬦ᭄ᬤᭂᬮ᭄ᬦᬶᬫᬓᬸᬋᬩᬦ᭄᭞ᬧᬶᬳᬦᬓᬾᬬᬤᬤ᭄ᬯᬂᬤᬶᬳᬶ᭞ᬳᬶᬩᭂᬮᭀᬕ᭄ᬯᬬᬳᬦ᭄᭞ᬩᬯᬸᬫᬭᬫᭂᬦᭂᬓ᭄ᬢ᭄ᬭᬸ᭠
ᬡ᭞ᬳᬤᬶᬦᬾᬬᬶᬫᬦ᭄ᬤᭂᬮ᭄ᬘᭂᬦᬶᬓ᭄᭞ᬦᬦᬗᭂᬩᬲ᭄ᬮᬶᬯᬢ᭄ᬫᬬ᭄ᬯᬩᬸᬓᬚᬦᬶ᭟ᬲᬗ᭄ᬓᬦ᭄ᬳᬮ᭠ᬫᬳᬸᬢᬂᬩᬵᬦᬾᬫᭀᬢᬄᬗᬫᬄ᭞ᬢᬦᬶᬤᬸᬲᬶᬦ᭄ᬜᬓᬳᬶᬭᬶᬤ᭄᭞ᬧᬦ᭄ᬫᬦ᭄ᬤᭂᬮ᭄ᬦᬸᬳᬸᬢᬂ᭞ᬩᬸᬯᬢ᭄ᬢᬺᬱ᭄ᬡᬦ᭄ᬜᬦᬾ᭠
ᬫᬗ᭄ᬮᬄ᭞ᬲᭀᬫᬄᬦᬸᬫᬦᬓᬜ᭄ᬘᭂᬦᬶᬓ᭄᭞ᬫᬓᬭᬾᬜ᭄ᬘᭀᬗᬦ᭄᭞ᬲᬗ᭄ᬓᬦ᭄ᬩᬋᬂᬫᬦᬸᬗ᭄ᬕᭀᬦᬶᬦ᭄᭟ᬢᬦ᭄ᬧᬧᬶᬮᬶᬄᬕᬯᬾᬦᬾᬬᬩᭀᬢ᭄ᬳᬤᬗᬦ᭄᭞ᬫᬾᬫᬵᬳᬾᬦ᭄ᬫᬦ᭄ᬤᭂᬮ᭄ᬫᬗ᭄ᬭᬶᬳᬶᬦᬶᬦ᭄᭞ᬫᬶᬮᬶᬳᬶᬦ᭄ᬫᬢᬶ
[᭒ 2A]
ᬮᬲ᭄᭞ᬬᬾᬦ᭄ᬢᬸᬦ᭄ᬤᬾᬦ᭄ᬬᬢᬸᬯᬄᬫᬚᬮᬦ᭄᭞ᬲᬫ᭄ᬩᬶᬮᬗᬫᬗᬫᬶᬓ᭄ᬫᬶᬓ᭄᭞ᬧᬦ᭄ᬫᬦ᭄ᬤᭂᬮ᭄ᬬ᭞ᬫᬲᬩᭂᬦᭂᬄᬫᬗ᭄ᬮᬾᬫᬾᬓᬶᬦ᭄᭟ᬲᬗ᭄ᬓᬦ᭄ᬧᬶᬬᬦᬓᬾᬳᬶᬩᭂᬮᭀᬕ᭄ᬓᬲᭂᬭᬳᬂ᭞ᬩᬵᬦ᭄ᬫᬳᬸᬢᬂᬫᬢᬸᬗ᭄ᬕᬸᬳᬶ
ᬦ᭄ᬳᬚᬓ᭄ᬲᬓᬸᬋᬡᬦ᭄᭞ᬫᬦᬩᬸᬳᬶᬦ᭄ᬧᬳᬸᬢᬗᬦ᭄᭞ᬩᬵᬦ᭄ᬮᬘᬸᬭᬾᬢ᭄ᬯᬭᬕᬶᬕᬶᬲ᭄᭞ᬢᬹᬃ᭠ᬫᬫᬤᬢ᭄᭞ᬫᬗᬸᬮᬸᬭᬶᬜ᭄ᬘᬭᬣᬦᬶ᭟ᬧᬦ᭄ᬫᬦ᭄ᬤᭂᬮ᭄ᬳ᭄ᬳᬮᬸᬲ᭄ᬢ᭄ᬯᬭᬩᬶᬱᬫᬘᬭ᭞ᬗᬍᬓ᭄ᬳᬢᬶᬫᬜᬳᬸᬢᬶᬦ᭄᭞
ᬫᬾᬦ᭄ᬫᬦ᭄ᬤᭂᬮ᭄ᬫᬗᭀᬧᬓ᭄᭞ᬧᬦ᭄ᬫᬦ᭄ᬤᭂᬮ᭄ᬜᬭᬸᬯᬂ᭞ᬚᭂᬫᬓ᭄ᬧᬶᬬᬦᬓᬾᬓᬳᬩᬶᬦ᭄᭞ᬮᬦ᭄ᬢᬲ᭄ᬳᬗᬸᬘᬧ᭄᭞ᬫᬦᬶᬫᬦᬶᬫᬦᬶᬦ᭄ᬧᬶᬧᬶ᭟ᬥᬹᬄᬫᬶᬭᬄᬩᬧᬢ᭄ᬯᬭᬮᬾᬦ᭄ᬫᬜᬂᬘᬂ᭞ᬉᬭᬶᬧ᭄ᬳᬶᬩᬧᬦᬾᬘᬳᬶ᭞ᬓᬮᬶᬄ
ᬳᬾᬗ᭄ᬕᬮᬾᬗ᭄ᬕᬮ᭄᭞ᬧᬂᬫᬩᬳᬦ᭄ᬢᬸᬯᬸᬄᬤᬯ᭞ᬢᬸᬢᬹᬢ᭄ᬩᬤᬄᬗᬶᬥᭂᬧ᭄ᬫᬸᬜᬶ᭞ᬤᬓᬕᭂᬭᬶᬗᬦ᭄᭞ᬤᬸᬫᬤᬓᬂᬲᬶᬳᬶᬦ᭄ᬯᬶᬥᬶ᭟ᬍᬕᬳᬢᬶᬦ᭄ᬩᬧᬦᬾᬗᬸᬯᬸᬳᬶᬦ᭄ᬳᬸᬢᬂ᭞ᬫᬾᬫᬾᬦ᭄ᬫᬦ᭄ᬤᭂᬮ᭄ᬫᬜᬳᬸᬢᬶᬦ᭄᭞ᬲᬸᬩᬚᬚ᭄ᬯ
Auto-transliteration
[1 1B]
1
// 0 // pupuḥdūr̀mma // 0 // hadakatutūransatwababongengan, kanggonsĕnggakkagurit, dibañjar̀pahumahan, kocapañjĕrorangdañoman, kasugi‐
hanetankosiḥ, sisanprabiya, tatinggalañjĕromwani. tundayanepanmandĕlnimakur̥ĕban, pihanakeyadadwangdihi, hibĕlogwayahan, bawumaramĕnĕktru‐
ṇa, hadineyimandĕlcĕnik, nanangĕbasliwatmaywabukajani. sangkanhala‐mahutangbānemotaḥngamaḥ, tanidusinñakahirid, panmandĕlnuhutang, buwattr̥ĕṣṇanñane‐
manglaḥ, somaḥnumanakañcĕnik, makareñcongan, sangkanbar̥ĕngmanunggonin. tanpapiliḥgaweneyabot'hadangan, memāhenmandĕlmangrihinin, milihinmati
[2 2A]
las, yentundenyatuwaḥmajalan, sambilangamangamikmik, panmandĕlya, masabĕnĕḥmanglemekin. sangkanpiyanakehibĕlogkasĕrahang, bānmahutangmatungguhi
nhajaksakur̥ĕṇan, manabuhinpahutangan, bānlacuretwaragigis, tūr̀‐mamadat, manguluriñcarathani. panmandĕlhhalustwarabiṣamacara, ngal̥ĕk'hatimañahutin,
menmandĕlmangopak, panmandĕlñaruwang, jĕmakpiyanakekahabin, lantashangucap, manimanimaninpipi. dhūḥmiraḥbapatwaralenmañangcang, urip'hibapanecahi, kaliḥ
henggalenggal, pangmabahantuwuḥdawa, tutūtbadaḥngidhĕpmuñi, dakagĕringan, dumadakangsihinwidhi. l̥ĕgahatinbapanenguwuhinhutang, memenmandĕlmañahutin, subajajwaLeaf 2
[᭒ 2B]
᭒
ᬧᬾᬮᬕ᭄᭞ᬘᬳᬶᬫᬦ᭄ᬤᭂᬮ᭄ᬤᬗᬶᬥᭂᬧᬂ᭞ᬫᬸᬜᬶᬦ᭄ᬚᬍᬫᬓᬩᬶᬮ᭄ᬩᬶᬮ᭄᭞ᬫᬲᬩᬸᬳᬸᬗᬦ᭄᭞ᬫᬾᬫᬾᬢ᭄ᬯᬭᬫᬦᭂᬩᬸᬲᬶᬦ᭄᭟ᬧᬦ᭄ᬫᬦ᭄ᬤᭂᬮ᭄ᬓᭂᬜᭂᬫᬦᬸᬧ᭄ᬳᬸᬧᬂᬗᭂᬡ᭄ᬥᬶᬗᬂ᭞ᬲᬸᬩᬲᬸᬯᬾᬬᬫᬢᬶᬧ᭄ᬢᬶᬧ᭄᭞ᬮᬦ᭄ᬢ᭠
ᬲ᭄ᬧᭂᬥᭂᬫᬗ᭞ᬤᬶᬳᬬᬸᬦᬦᬾᬲᬹᬃᬬ᭄ᬬᬲᬸᬩ᭞ᬲᬶᬗᬶᬢ᭄ᬓᭂᬢᬸᬗᬦ᭄ᬫᬫᬸᬜᬶ᭞ᬧᬦ᭄ᬫᬦ᭄ᬤᭂᬮ᭄ᬬ᭞ᬢᬸᬯᬭᬗᬫᬄᬳᬸᬮᬶᬂᬦᬸᬦᬶ᭟ᬧᭂᬲᬸᬮᬦ᭄ᬢᬲ᭄ᬜᬭᬸᬯᬂᬩᬲᬗᬾᬮᬬᬄ᭞ᬫ᭄ᬮᬮᬶᬮᬮᬶᬓᭂᬮᭀᬤ᭄ᬓᬗᬶᬦ᭄᭞ᬢᬸ᭠
ᬲᬶᬗᬤᬳᬸᬦᬸᬳᬦ᭄᭞ᬳᬦᬓᬾᬗᭂᬩᬾᬢ᭄ᬓᬲᬾᬮ᭞ᬤᬶᬢᭂᬕᬮᬾᬓᭂᬮᭀᬤ᭄ᬓᬗᬶᬦ᭄᭞ᬮ᭠ᬦ᭄ᬢᬲ᭄ᬬᬗᬮᬧ᭄᭞ᬧᬓᬸᬓᭂᬤᬶᬲᬾᬦᬾᬮᬶᬓᬶᬂ᭟ᬫᬾᬦ᭄ᬫᬦ᭄ᬤᭂᬮ᭄ ᬮᬸᬯᬲ᭄ᬫᬗᬸᬜᬓᬧᬶᬲᬕ᭞ᬮᬚᬸᬧᬶᬬ᭠
ᬦᬓᬾᬩᭂᬮᬲᬶᬦ᭄᭞ᬲᬶᬂᬚᬮᬦ᭄ᬫᬧᭂᬢ᭞ᬫᬸᬜᬶᬦᬾᬳᭂᬫ᭄ᬧᬸᬓ᭄ᬕᭂᬢᬶᬗᬂ᭞ᬳᬦᬓ᭄ᬩᬶᬱᬫᬗᬾᬜᭀᬭᬶᬦ᭄᭞ᬳᬗ᭄ᬕᭀᬜ᭄ᬢᬮᬭᬦ᭄᭞ᬜᬶᬮᬶᬄᬩᬳᬲ᭄ᬲᬲᬳᬶ᭟ᬲᬮᬶᬬᬸᬦ᭄ᬳᬦᬓᬾᬤᬶᬩᬜ᭄ᬚᬃᬧᬳᬸᬫ
[᭓ 3A]
ᬦ᭄᭞ᬲᬸᬩᬧᬥᬓᬲᬶᬮᬶᬳᬶᬦ᭄᭞ᬩᬳᬲ᭄ᬫᬳᬦ᭄ᬤᬶᬩᬜ᭄ᬚᬃ᭞ᬳᬦᬓᬾᬫᬳᬸᬢᬗᬂ᭞ᬳᬘᬾᬳᭂᬂᬳᬘᬳᬸᬩᬶᬮᬶᬄ᭞ᬳᬧᬭᬧᬢᬦ᭄᭞ᬫᬯᬸᬯᬸᬳᬦ᭄ᬳᬥᭂᬗ᭄ᬓᬶᬮᬶᬓ᭄᭟ᬚᬦᬶᬲᬸᬩᬬᬧᬥᬫᬗ᭄ᬭᬱᬢᬗᬃ
᭞ᬳᬦᬓᬾᬩᬓᬮ᭄ᬗᬦᭂᬫᬶᬦ᭄᭞ᬫᬸᬜᬶᬦᬾᬩᬲ᭄ᬮᭀᬫ᭄ᬧᬂ᭞ᬢᭀᬂᬢᬳᬾᬦ᭄ᬜᬫᬬᬄᬳᬸᬢᬂ᭞ᬓᬾᬯᬮᬳᬶᬗᭂᬢ᭄ᬫᬜᬶᬮᬶᬄ᭞ᬜᬾᬦ᭄ᬢᬸᬯᬄᬍᬕ᭞ᬲᬳᬶᬲᬶᬮᬶᬳᬶᬦ᭄ᬮᬶᬜᭀᬓᬶᬦ᭄᭟ᬳᬧᬶᬲᬦ᭄ᬧᬶᬦ᭄ᬤᭀ
ᬢᭂᬦ᭄ᬫᬲᬶᬄᬫᬫᬳᬂ᭞ᬧᬥᬳᭀᬮᬲ᭄ᬜᭂᬫ᭄ᬧᭀᬮᬶᬳᬶᬦ᭄᭞ᬩᭂᬮᬲ᭄ᬓᬶᬓᬶᬮ᭄ᬫᬳᬸᬢᬂ᭞ᬩᬸᬓᬢᭀᬂᬢᬳᬾᬦ᭄ᬧᬲᬚ᭞ᬫᬸᬜᬶᬦᬾᬳᬘᭂᬧᭀᬓ᭄ᬘᭂᬭᬶᬓ᭄᭞ᬦᬄᬲᬸᬩᬧᬧᬓ᭄᭞ᬚᬦᬶᬢᬳᬾᬦ᭄ᬓᭂᬦᬮ᭠
ᬢᬶᬄ᭟ᬫᬮᬶᬧᭂᬢᬦ᭄ᬫᬸᬮᬶᬄᬢᬸᬮᬸᬲ᭄ᬫᬜᭂᬗᬶᬲᬂ᭞ᬧᬶᬬᬦᬓ᭄ᬜᬦᬾᬫᬗᭂᬮᬶᬂ᭞ᬲᬗ᭄ᬓᬶᬮ᭄ᬓᭂᬜᭂᬮ᭄ᬩᭂᬤᬓ᭄᭞ᬤᬶᬬᬬᬸᬦᬦᬾᬬᬳᬸᬬᬂ᭞ᬮᬗ᭄ᬲᬃᬮᭀᬗ᭄ᬲᭀᬃᬳᭂᬗ᭄ᬓᬓ᭄ᬳᭂᬗ᭄ᬓᬶᬓ᭄᭞ᬢᬹᬃᬮᬶᬫᬭᬾᬗ᭄ᬕᬄ᭞ᬩᬢᬶᬲ᭄ᬜ
Auto-transliteration
[2 2B]
2
pelag, cahimandĕldangidhĕpang, muñinjal̥ĕmakabilbil, masabuhungan, memetwaramanĕbusin. panmandĕlkĕñĕmanup'hupangngĕṇdhingang, subasuweyamatiptip, lanta‐
spĕdhĕmanga, dihayunanesūr̀yyasuba, singitkĕtunganmamuñi, panmandĕlya, tuwarangamaḥhulingnuni. pĕsulantasñaruwangbasangelayaḥ, mlalilalikĕlodkangin, tu‐
singadahunuhan, hanakengĕbetkasela, ditĕgalekĕlodkangin, la‐ntasyangalap, pakukĕdiseneliking. menmandĕl luwasmanguñakapisaga, lajupiya‐
nakebĕlasin, singjalanmapĕta, muñinehĕmpukgĕtingang, hanakbiṣamangeñorin, hanggoñtalaran, ñiliḥbahassasahi. saliyunhanakedibañjar̀pahuma
[3 3A]
n, subapadhakasilihin, bahasmahandibañjar̀, hanakemahutangang, hacehĕnghacahubiliḥ, haparapatan, mawuwuhanhadhĕngkilik. janisubayapadhamangraṣatangar̀
, hanakebakalnganĕmin, muñinebaslompang, tongtahenñamayaḥhutang, kewalahingĕtmañiliḥ, ñentuwaḥl̥ĕga, sahisilihinliñokin. hapisanpindo
tĕnmasiḥmamahang, padhaholasñĕmpolihin, bĕlaskikilmahutang, bukatongtahenpasaja, muñinehacĕpokcĕrik, naḥsubapapak, janitahenkĕnala‐
tiḥ. malipĕtanmuliḥtulusmañĕngisang, piyanakñanemangĕling, sangkilkĕñĕlbĕdak, diyayunaneyahuyang, langsar̀longsor̀hĕngkak'hĕngkik, tūr̀limarenggaḥ, batisña
