Gaguritan Gunung Agung Meletus 04

Original on Archive.org

Front and Back Covers

Image on Archive.org

Leaf 1

Image on Archive.org

᭑ ᭑ ᭚ ᭜ ᭚ᬑᬁᬳᬯᬶᬖ᭄ᬦᬫᬲ᭄ᬢᬸ᭚ ᭜ ᭚ᬧᬸᬄᬧᬗ᭄ᬮᬶᬧᬹᬃ᭚ ᭜ ᭚ᬧᬗ᭄ᬮᬶᬧᬹᬃᬗᬯᬶᬢᬂᬕᭂᬡ᭄ᬟᬶᬂ᭞ᬦᬸᬗ᭄ᬓᬸᬮᬂᬫᬦᬳᬾᬩᬸᬦ᭄ᬲᬂ᭞ᬳᭀᬲᬄᬢᬦᬶᬓᬃᬭ᭄ᬯᬦ᭄ᬕᬸᬦ᭄ᬥᬸᬓ᭄᭞ᬫᬳᬶᬦᬩ᭄ᬓᬤᬶᬯᭀᬂᬳᭂᬤᬦ᭄᭞ᬧᬦᭂᬫ᭄ᬩᬾᬦᬾᬫ ᬫᬗ᭄ᬓᬶᬳᬶᬦ᭄᭞ᬬᬦᬓᬸᬤᬂᬳᬩᬤ᭄ᬲᬵᬫ᭄ᬧᬸᬦ᭄᭞ᬬᬸᬰᬦᬶᬂᬭᬢ᭄᭞ᬫᬫᬗ᭄ᬕᬶᬳᬶᬦ᭄ᬓᬚᬦ᭄ᬚᬓᬦ᭄᭚ᬧᬸᬦᬶ᭠ᬓᬗᬯᬦᬂᬧᬮᬶᬂ᭞ᬳᬶᬗ᭄ᬯᬂᬗᬸᬗ᭄ᬕᬸᬳᬂᬲᬫᬢᬺ᭞ᬳᬗ᭄ᬕᬾᬧᬓᬾᬗᭂᬢ᭄ᬓᬳᬸᬗ᭄ᬓᬃ᭞ᬫᬗ᭄ᬥᬵᬲᬫ᭄ᬧᬸᬦ᭄ᬓᬢᬦ᭄ᬤ᭄ᬭᬸᬳᬦ᭄᭞᭠ ᬓᬤᬶᬢᬶᬗ᭄ᬓᬳᬶᬗ᭄ᬲᬸᬦ᭄ᬦᬶᬓᬶ᭞ᬧᬢᬶᬕᬗᬕ᭄ᬧᬢᬶᬮᬸᬧ᭄ᬮᬸᬧ᭄᭞ᬢ᭄ᬯᬭᬦᬯ᭄ᬯᬵᬂ᭞ᬫᬸᬮᬵᬧᬳᬶᬤᭂᬭᬜ᭄ᬚᬕᬢ᭄᭠᭚ᬗᬯᬸᬯᬸᬳᬂᬫᬦᬄᬧᬮᬶᬂ᭞ᬳᬶᬦᬩ᭄ᬓᬢᭂᬓᬦ᭄ᬧ᭄ᬭᬮᬬᬵ᭞ᬭᬱᬵᬫᬦᬳᬂᬭᬶᬂᬢᬦᬸ᭞ᬓᬭᬦᬾᬫᬰᬶᬄᬳᬸᬗ᭄ᬕᬸ᭠ ᬳᬂ᭞ᬭᬶᬂᬍᬫ᭄ᬧᬶᬭᬦ᭄ᬫᬓᬵᬧᬾᬮᬶᬂ᭞ᬫᬗ᭄ᬥᬵᬯᭀᬦ᭄ᬢᭂᬦ᭄ᬳᬗ᭄ᬕᬾᬢᬸᬢᬹᬃ᭞ᬭᬶᬂᬓᬯ᭄ᬓᬲ᭄᭞ᬦᬸᬢᬸᬭᬶᬦ᭄ᬧ᭄ᬭᬢᬶᬲᬦ᭄ᬢᬦᬵ᭚ᬅᬗ᭄ᬕᬶᬂᬓᬾᬳᬫ᭄ᬧᬸᬭᬳᬸᬕᬶ᭞ᬬᬦ᭄ᬤᬦᬲᬸᬤ᭄ᬬᬵᬗ᭄ᬯᬘᬾᬦᬵ᭞ᬓ᭄ᬱᬫᬵᬓ᭄ᬦᬵᬳᬶᬗ᭄ᬲᬸᬜ᭄ᬚᬸᬕᬸᬮ᭄᭞ᬫᬧᬶᬧ᭄ᬭᬚ᭄ᬜᬵ ᭒ ᬫᬗᬸᬗ᭄ᬕᬳᬂ᭞ᬫᬦᬶᬭᬸᬲᬂᬧ᭄ᬭᬚ᭄ᬜᬾᬂᬗᬚᬶ᭞ᬳᬗ᭄ᬳᬶᬂᬜᬜᬫ᭄ᬧᬹᬃᬗ᭄ᬭᬭᬸᬲᬸᬓ᭄᭞ᬢ᭄ᬯᬭᬵᬫᬦᬸᬢ᭄᭞ᬭᬶᬂᬧᬭᬶᬓ᭠ᬡ᭄ᬟᬓᬓᬯ᭄ᬬᬦ᭄᭚ᬓᬾᬯᬮᬵᬗᬸᬮᬳᬂᬓᬧ᭄ᬢᬷ᭞ᬲᬶᬤ᭄ᬥᬦ᭄ᬓᭂᬦᭂᬳᬾᬚᬮᬦᬂ᭞ᬫᬸᬭᬸᬓᬶᬦ᭄ᬫᬗ᭄ᬕᬯᬾᬓᬶᬥᬸᬂ᭞ᬫᬮ᭠ ᬚᬄᬦᬸᬮᬤ᭄ᬪᬸᬮᬤᬂ᭞ᬜᬓᬵᬩ᭄ᬦᬄᬜᬓᬧ᭄ᬮᬶᬄᬫ᭄ᬓᬾᬯᬦ᭄ᬢᭂᬦ᭄ᬲᬫ᭄ᬧᬸᬦ᭄ᬫᬓᬶᬤᬸᬂ᭞ᬫᬗᬸᬗ᭄ᬕᬸᬳᬂ᭞ᬘᬭᬶᬢᬵᬦᬶᬂᬤᬰᬮᬸᬤᬺ᭚ᬭᬶᬲ᭄ᬥᭂᬓ᭄ᬳᬶᬰᬓᬦ᭄ᬪᬸᬫᬷ᭞ᬭᬶᬂᬲ᭄ᬬᬩᬗ᭄ᬲᬶᬢ᭄ᬳᬸᬮᬸᬂᬤᬰᬵ᭞ᬦᬗ᭄ᬕᬸᬧᬢ᭄ᬧᬢ᭄ᬮᬗ᭄ᬓᬸᬗᬶᬧᬸᬦ᭄᭞ᬳᬶᬭᬶᬓᬵᬯ ᬳᬸᬜᬶᬤᬬᬂ᭞ᬧᬫ᭄ᬭᬾᬦ᭄ᬢᬳᬾᬫᬗᬱ᭄ᬝᬶᬢᬶ᭞ᬫᬗᬢᬹᬭᬂᬓᬃᬬ᭄ᬬᬵᬳᬕᬸᬂ᭞ᬫᬭᬶᬂᬧᬸᬭᬵ᭞ᬪᬰᬸᬓᬶᬄᬫᬗ᭄ᬓᬶᬦ᭄‌ᬘ᭄ᬭᬶᬢᬬᬂ᭚ᬓᬃᬬ᭄ᬬᬵᬧᬗᬾᬓᬦᬶᬂᬪᬸᬫᬶ᭞ᬏᬓᬵᬤᬰᬮᬸᬤᬺᬗᬭᬦ᭄᭞ᬧᬗᬱ᭄ᬝᬶᬢᬶᬦᬾᬓᬮᬸᬯᬸᬃ᭞ᬧᬦᬶ᭠ ᬓᬵᬯᬳᬸᬜᬶᬥᬬᬂ᭞ᬧᬫ᭄ᬭᬾᬦ᭄ᬢᬳᬦᬾᬭᬶᬂᬩᬮᬶ᭞ᬭᬋᬫ᭄ᬧᬤ᭄ᬥᬫᬩᬭᬶᬬᬸᬓ᭄᭞ᬧᬥᬗᬗ᭄ᬓᬢ᭄᭞ᬓᬃᬬ᭄ᬬᬧᬗᬾᬓᬦᬶᬂᬚᬕᬢ᭄᭚ᬳᬶᬤ᭄ᬯᬕᬸᬂᬭᬶᬂᬓ᭄ᬮᬸᬗ᭄ᬓᬸᬂᬳᬸᬕᬶ᭞ᬓᬳᬢᬸᬭᬶᬦ᭄ᬫᬗᬶᬩᬸᬓᬃ᭞ᬫᬗᬺᬫ᭄ᬩᬢ᭄ᬓᬃᬬ᭄ᬬᬵᬧᬸᬦᬶᬓᬸ᭞

Auto-transliteration

1 1 // • // oṅġhawighnamastu // • // puḥpanglipūr̀ // • // panglipūr̀ngawitanggĕṇḍing, nungkulangmanahebunsang, hosaḥtanikar̀rwan'gundhuk, mahinabkadiwonghĕdan, panĕmbenema mangkihin, yanakudanghabadsāmpun, yuśaningrat, mamanggihinkajanjakan // puni‐kangawanangpaling, hingwangngungguhangsamatr̥ĕ, hanggepakengĕtkahungkar̀, mangdhāsampunkatandruhan, ‐ kaditingkahingsunniki, patigangagpatiluplup, twaranawwāng, mulāpahidĕrañjagat‐ // ngawuwuhangmanaḥpaling, hinabkatĕkanpralayā, rasyāmanahangringtanu, karanemaśiḥhunggu‐ hang, ringl̥ĕmpiranmakāpeling, mangdhāwontĕnhanggetutūr̀, ringkawkas, nuturinpratisantanā // anggingkehampurahugi, yandanasudyāngwacenā, kṣamāknāhingsuñjugul, mapiprajñā 2 mangunggahang, manirusangprajñengngaji, hanghingñañampūr̀ngrarusuk, twarāmanut, ringparika‐ṇḍakakawyan // kewalāngulahangkaptī, siddhankĕnĕhejalanang, murukinmanggawekidhung, mala‐ jaḥnuladbhuladang, ñakābnaḥñakapliḥmkewantĕnsampunmakidung, mangungguhang, caritāningdaśaludr̥ĕ // risdhĕk'hiśakanbhumī, ringsyabangsit'hulungdaśā, nanggupatpatlangkungipun, hirikāwa huñidayang, pamrentahemangaṣṭiti, mangatūrangkar̀yyāhagung, maringpurā, bhaśukiḥmangkincritayang // kar̀yyāpangekaningbhumi, ekādaśaludr̥ĕngaran, pangaṣṭitinekaluwur̀, pani‐ kāwahuñidhayang, pamrentahaneringbali, rar̥ĕmpaddhamabariyuk, padhangangkat, kar̀yyapangekaningjagat // hidwagungringklungkunghugi, kahaturinmangibukar̀, mangr̥ĕmbatkar̀yyāpuniku,

Leaf 2

Image on Archive.org

᭒ ᭒ ᬤᬾᬦᬶᬂᬫᬸᬮᬵᬲᬓᬶᬂᬓᬸᬦᬵ᭞ᬫᬸᬗ᭄ᬕᬸᬄᬭᬶᬂᬲᬚᬭᬄᬩᬮᬶ᭞ᬧᬗᬺᬫ᭄ᬩᬢ᭄‌ᬥᬍᬫ᭄ᬓᬃᬬ᭄ᬬᬾᬓᬸ᭞ᬲᬧᬸᬦᬶᬓᬵ᭞ᬓᬢᬸᬢᬸᬭᬦᬶᬂᬉᬰᬩ᭄ᬦᬵ᭚ᬳᬯᬦᬦ᭄ᬲᬓᬤᬶᬫᬗ᭄ᬓᬶᬦ᭄᭞ᬧᬓᬬᬸᬦᬦ᭄ᬩᬫᬗ᭄ᬕᭂᬳᬂ᭞ᬓᬤᬶᬧᬶᬤᬩ᭄ᬥᬩᬾᬤᬗᬹ᭞ ᬳᬶᬤᬾᬯᬕᬸᬂᬦᬾᬓᬢᬹᬭᬦ᭄᭞ᬫ᭄ᬥᬳᬂᬓᬃᬬ᭄ᬬᬦᬾᬲᬫᬶ᭞ᬲᬉᬧᬵᬓᬭᬦᬶᬂᬢᬯᬸᬃ᭞ᬲᭀᬧᬘᬭ᭞᭠ᬢ᭄ᬓᬦᬶᬂᬧᬗᭂᬦ᭄ᬢᭂᬕ᭄ᬲᬫ᭄ᬬᬦ᭄᭚ᬭᬶᬂᬓᬮᬸᬗ᭄ᬓᬸᬂᬓᬓᬃᬬ᭄ᬬᬦᬶᬦ᭄᭞ᬢ᭄ᬥᬸᬦ᭄ᬜᬘᬶᬗᭂᬦᭂᬫ᭄ᬲᬲ᭄ᬬᬂ᭞ᬢᬸᬓᬂᬲᬫᬶᬲᬵ᭠ ᬫ᭄ᬧᬸᬦ᭄ᬓᬸᬫ᭄ᬧᬸᬮ᭄᭞ᬲᬓᬸᬳᬸᬫ᭄ᬳᬱ᭄ᬝᬵᬦᬵᬕᬭ᭞ᬲᬫᬶᬧᬥᬗᬯ᭄ᬥᬮᬶᬦ᭄᭞ᬫᬶᬯᬄᬲᬦᬾᬚᬕᬫᬸᬢᬸ᭠ᬲ᭄᭞ᬗᬧ᭄ᬝᬵᬯᬬᬂ᭞ᬫᬧᬹᬚᬵᬗᬱ᭄ᬝᬸᬢᬶᬓᬃᬬ᭄ᬬᬵ᭚ᬪᬸᬧᬢᬶᬲᬫᬶᬗᭂᬫ᭄ᬧᭀᬦᬶᬦ᭄᭞ᬫᬗᬢᬹᬭᬶᬦ᭄ᬫᬫᬶᬦᬗᬂ᭞ ᬧᬥᬵᬩ᭄ᬥᬵᬦᬾᬧᬢᬹᬢ᭄ᬢᬸᬳᬸᬃ᭞ᬧᬯ᭄ᬢᬸᬦᬶᬂᬦᬭᬷᬰ᭄ᬯᬃᬬ᭄ᬬ᭞ᬧᬸᬦᬶᬓᬵᬲᬫᬶᬓᬕᬶᬮᬶᬄ᭞ᬳᬶᬤ᭄ᬥᬲᬂᬧᬢᬹ᭠ᬢ᭄ᬫᬫᬸᬢᬸᬲ᭄᭞ᬫᬹᬚᬵᬓᬬ᭄ᬬᬵ᭞ᬗᬱ᭄ᬝᬯᬵᬢᬶᬂᬧᬦᬢᬭᬦ᭚ᬯᭀᬦ᭄ᬢᭂᬦ᭄ᬕᬕᭀᬥᬦ᭄ᬳ᭄ᬬᬂᬯᬶᬤ᭄ᬥᬷ᭞ᬗᬸᬘ᭠ ᭓ ᬧᬂᬧ᭄ᬮᬵᬓᬸᬢᬸᬲ᭄ᬤᬶᬓᬵ᭞ᬧᬯᬗᬸᬦ᭄ᬓᬃᬬ᭄ᬬᬵᬦᬾᬭᬯᬸᬄ᭞ᬱᬗᬢᬕᬶᬃᬓᬵᬮᬵᬦ᭄ᬢᬓᬵ᭞ᬭᬶᬂᬧᬸᬘ᭄ᬮᬓ᭄ᬕᬸᬦᬸᬂᬢᭀ᭠ᬓ᭄ᬮᬗ᭄ᬓᬶᬃ᭞ᬭᬶᬂᬕᬸᬦᬸᬂᬳᬕᬸᬂᬓᬯᬸᬯᬸᬲ᭄᭞ᬫᬗᬯᬶᬢᬂ᭞ᬫᬍᬢᬸᬲ᭄ᬕᬸᬦᬸᬂᬧᬸᬦᬶᬓᬵ᭚ᬫ᭄ᬥᬮ᭄‌ᬓᬸᬓᬸᬲ᭄ᬫᭂᬤᬮ᭄ᬕᭂᬦᬶ᭞ ᬢᬢᬶᬢ᭄ᬓᭂᬭᬸᬕᬾᬢᬦ᭄ᬧ᭄ᬕᬢ᭄᭞ᬫᬕᬺᬥᭂᬕᬦ᭄‌ᬕ᭄ᬭᬤᬕ᭄ᬭᬸᬤᬸᬕ᭄᭞ᬫᬦᬄᬚᬦ᭄ᬫᬦᬾᬫᭀᬘᬓᬦ᭄᭞ᬕ᭄ᬭᬥᬕ᭄ᬭᬸᬥᬸᬕ᭄‌ᬯᬭᬯᬶᬭᬷ᭞ᬘ᭄ᬭᬶᬓ᭄ᬮᬶᬄᬢ᭄ᬯᬕᬸᬄᬕᬸᬄ᭞ᬢᬦ᭄ᬧᬗᬾᬢᬂ᭞ᬍᬫᭂᬂᬮ᭄ᬫᬄᬫᬩ᭄ᬬᬵᬬᬸᬢᬦ᭄᭚ᬫᬮᬳᬶᬩ᭄ᬧ᭠ ᬤ᭄ᬥᬫᬗᬸᬗ᭄ᬲᬷ᭞ᬩᬦ᭄ᬢᬓᬸᬢᬾᬓᬢᬸᬫ᭄ᬩᬾᬦᬦ᭄᭞ᬫᬗᬢᭀᬦᬂᬖ᭄ᬦᬶᬫᬸᬭᬸᬩ᭄᭞ᬭᬶᬂᬧᬸᬜ᭄ᬘᬓᬦᬸᬗᬾᬲᬫ᭄ᬩ᭄ᬭᬕ᭄᭞ᬓᬲᬦ᭄ᬤᭂᬭᬶᬦ᭄ᬳᬦ᭄ᬢᬸᬓ᭄ᬢᬢᬶᬢ᭄᭞ᬲ᭄ᬬᭂᬧ᭄‌ᬖ᭄ᬦᬶᬦᬾᬫᬯᬦ᭄ᬢᬸᬦ᭄᭞ᬧ᭄ᬢᭂᬂᬮ᭄ᬫᬄ᭞ᬲᬧᬸᬦᬶᬓᬵᬓᬢᬢ᭄ᬯᬜ᭚ ᬧᬸᬦᬶᬓᬵᬗᬯᭂᬢ᭄ᬯᬂᬳᬚ᭄ᬭᬶᬄ᭞ᬧᬗᬬᬳᬾᬫᬭᬶᬂᬧᬸᬭᬵ᭞ᬳᬯᬦᬦ᭄ᬓᬚᬕᬵᬲᬫ᭄ᬧᬸᬦ᭄᭞ᬢᭂᬦ᭄ᬢᭂᬭᬜᬕᬵᬭᬶᬂᬧᬸᬭᬵ᭞ᬬᬦ᭄ᬳᬓᬸᬤᬂᬓᬸᬤᬂᬓᭀᬤᬶ᭞ᬫᬜᬕᬵᬲᬼᬕᭂᬦ᭄ᬢᬶᬭᬯᬸᬄ᭞ᬳᬶᬧᬗᬬᬄ᭞ᬢᬦ᭄ᬕᭂᬗ᭄ᬲᬶᬃᬫᬗ᭄ᬕᭂᬄ᭠

Auto-transliteration

2 2 deningmulāsakingkunā, mungguḥringsajaraḥbali, pangr̥ĕmbatdhal̥ĕmkar̀yyeku, sapunikā, katuturaninguśabnā // hawanansakadimangkin, pakayunanbamanggĕhang, kadipidabdhabedangū, hidewagungnekatūran, mdhahangkar̀yyanesami, sa'upākaraningtawur̀, sopacara, ‐tkaningpangĕntĕgsamyan // ringkalungkungkakar̀yyanin, tdhunñacingĕnĕmsasyang, tukangsamisā‐ mpunkumpul, sakuhumhaṣṭānāgara, samipadhangawdhalin, miwaḥsanejagamutu‐s, ngapṭāwayang, mapūjāngaṣṭutikar̀yyā // bhupatisamingĕmponin, mangatūrinmaminangang, padhābdhānepatūttuhur̀, pawtuningnarīśwar̀yya, punikāsamikagiliḥ, hiddhasangpatū‐tmamutus, mūjākayyā, ngaṣṭawātingpanatarana // wontĕn'gagodhanhyangwiddhī, nguca‐ 3 pangplākutusdikā, pawangunkar̀yyānerawuḥ, ṣangatagir̀kālāntakā, ringpuclakgunungto‐klangkir̀, ringgununghagungkawuwus, mangawitang, mal̥ĕtusgunungpunikā // mdhalkukusmĕdalgĕni, tatitkĕrugetanpgat, magr̥ĕdhĕgan'gradagrudug, manaḥjanmanemocakan, gradhagrudhugwarawirī, crikliḥtwaguḥguḥ, tanpangetang, l̥ĕmĕnglmaḥmabyāyutan // malahibpa‐ ddhamangungsī, bantakutekatumbenan, mangatonangghnimurub, ringpuñcakanungesambrag, kasandĕrinhantuktatit, syĕpghninemawantun, ptĕnglmaḥ, sapunikākatatwaña // punikāngawĕtwanghajriḥ, pangayahemaringpurā, hawanankajagāsampun, tĕntĕrañagāringpurā, yanhakudangkudangkodi, mañagāsl̥ĕgĕntirawuḥ, hipangayaḥ, tan'gĕngsir̀manggĕḥ‐

Leaf 3

Image on Archive.org

᭓ ᭓ ᬭᬶᬂᬧᬸᬭᬵ᭚ᬘᭀᬫᬓ᭄ᬮᬶᬯᭀᬦ᭄‌ᬫᬗᬯᬶᬢᬶᬦ᭄᭞ᬫᬦᬸᬚᬸᬳᬸᬓᬸᬯᬭᬶᬕ᭄ᬕᬵ᭞ᬧᬗ᭄ᬮᭀᬂᬲᬗ᭄ᬳᬵᬰᬰᬶᬄ᭠ᬓᬸᬮᬸ᭞ᬭᬄᬕᭂᬫ᭄ᬧᬢ᭄‌ᬢᭂᬗ᭄ᬕᭂᬓ᭄ᬧᬶᬂᬳᬱ᭄ᬝᬵ᭞ᬇᬰᬓᬵᬜᬲ᭄ᬬᬩᬗ᭄ᬲᬶᬢ᭄᭞ᬳᬸᬮᬸᬂᬤᬰᬵᬧᬢ᭄ᬧᬦᬗ᭄ᬕᬸ᭞ᬩᬸ᭠ ᬗᬯᬶᬢᬂ᭞ᬕᬸᬦᬸᬗᬾᬫ᭄ᬮᬮ᭄ᬧᬯᬓᬵ᭚ᬚᬦ᭄ᬫᬵᬧᬕᬸᬦᬸᬗᬦ᭄ᬲᬫᬶ᭞ᬘ᭄ᬭᬶᬓ᭄ᬮᬶᬄᬢᬸᬢᬵᬩᬚᬂ᭞ᬫᬩ᭄ᬭᬾᬦ᭄ᬢᬾᬗᬦ᭄‌ᬲ᭄ᬥᬶᬄᬩᭂᬓᬸᬢ᭄᭞ᬩᬦ᭄‌ᬚᭂᬚᭂᬳᬾᬫ᭄ᬭᬱᬵᬧ᭄ᬚᬄ᭞ᬢᬦ᭄ᬧᬗᬾᬢᬂᬧᬗ᭄ᬓᬸᬂᬕᬶᬢ᭄ᬕᬶᬢ᭄᭞ᬓᬾᬯᬦ᭄ᬢᭂᬦ᭄ᬫ᭠ ᬮᬳᬶᬩ᭄ᬓᬸᬘᬸᬧ᭄᭞ᬫᬗᬸᬗ᭄ᬲᬶᬬᬂ᭞ᬤᬾᬰᬦᬾᬲᬦᬾᬳᬤᭀᬳᬦ᭄᭚ᬰᬭᬷᬦᬾᬗᭂᬩᭂᬓᬶᬗᬸᬫᬶ᭞᭠ᬦᬾᬫ᭄ᬯᬃᬡ᭄ᬦᬵᬳᬯᭀᬦᬶᬓᬵ᭞ᬲᬫ᭄ᬩᭂᬄᬭᬶᬂᬳᬫ᭄ᬩᬭᬵᬳᬕᬸᬂ᭞ᬫ᭄ᬲ᭄ᬮᬕ᭄‌ᬲ᭄ᬮᬕ᭄ᬩᬦ᭄ᬤᬸᬚᬦ᭄᭞ᬮ᭄ᬬᬗᭂᬦ᭄ᬢᬸᬳᬾ᭠ ᬲᬤ᭄ᬥᬵᬢᬭᬶᬓ᭄᭞ᬓᬩᬶᬦᬵᬩᬶᬦᬵᬤᬶᬦᬸᬮᬸ᭞ᬓᬤᬶᬓᬯ᭄ᬬᬵᬦ᭄᭞ᬚᬦ᭄ᬫᬵᬦᬾᬲᬫᬶᬗᬢᭀ᭠ᬦᬂ᭚ᬧᬗᬓ᭄ᬱᬫᬦ᭄ᬤᬸᬮᬸᬦᬶᬓᬶ᭞ᬭᬶᬧᬥ᭄ᬥᬮᬶᬗ᭄ᬕᬶᬄᬪᬝᬭᬵ᭞ᬲᬂᬳ᭄ᬬᬂᬳ᭄ᬬᬂᬦᬶᬂᬕᬸᬦᬸᬂᬮᬸᬳᬸᬃ᭞ᬮᬸᬳᬸᬦᬵᬫᬶ ᭔ ᬦ᭄ᬢᬵᬮᬸᬕ᭄ᬭᬳᬵ᭞ᬫᬗ᭄ᬤᬵᬲᬫ᭄ᬧᬸᬦ᭄ᬤᬸᬮᬸᬦ᭄ᬲᬶᬲᬶᬧ᭄᭞ᬫᬗᬸᬗ᭄ᬕᬸᬳᬂᬫᬭᬶᬂᬓᬶᬥᬸᬂ᭞ᬧᬧᬭᬶᬓᬦ᭄᭞ᬳᬦ᭄ᬤᬵᬪᬯᬦᬵᬧᬸᬦᬶᬓᬵ᭚ᬢᬩᬾᬳᬸᬮᬸᬦ᭄ᬢᬦ᭄ᬓᬾᬦᬾᬳᬶ᭞ᬓᬘᬓᬺᬪᬯ᭄ᬯᬵᬭᬶᬧᬤ᭄ᬚ᭞ᬪᬝᬭᬪᬝᬭᬷᬭᬷᬪᬸᬳ᭄ ᭞ᬳᬸᬮᬸᬦᬵᬫᬶᬦ᭄ᬢᬵᬓ᭄ᬭᬳᬬ᭄ᬯᬦ᭄᭞ᬤᬶᬃᬖ᭄ᬕᬵᬬᬸᬱᬵᬧᬢᬶᬉᬭᬶᬧ᭄᭞ᬪᬝᬭᬦᬸᬕ᭄ᬭᬳᬵ᭞ᬳᬸᬮᬸᬦ᭄᭞᭠ᬢᬦ᭄ᬓᬓᭂᬦᬦ᭄᭞ᬭᬚᬵᬧᬦᬸᬮᬄᬗᬸᬗ᭄ᬕᬸᬳᬂ᭚ᬗᬸᬜ᭄ᬘᬭᬂᬓᬓ᭄ᬘᬧ᭄ᬳᬚᬶ᭞ᬧᬦ᭄ᬢᬭᬦᬶᬂᬘᬢᬹᬃᬬᬸᬕ᭞ᬓᬮᬶᬤ᭄ᬯ ᬧᬭᬢ᭄ᬭᬾᬢᬾᬓᬸ᭞ᬫᬦᬸᬚᬸᬓᬓᬺᬢ᭄ᬢᬬᬸᬕᬵ᭞ᬫᬸᬮᬵᬧᬳᬶᬤᬭᬗᬸᬫᬶ᭞ᬲᬸᬓᬤᬸᬄᬓᬦᬾᬫᬘ᭄ᬧᬸᬓ᭄᭞ᬢ᭄ᬯᬭᬵᬧᬶᬲᬦ᭄᭞ᬧᬘᬂᬤᬤᬶᬚ᭄ᬯᬵᬮᬾᬫ᭄ᬧᬲᬂ᭚ᬫᬸᬮᬵᬧᬧᬮᬶᬦᬶᬂᬪᬸᬫᬶ᭞ᬧᬯ᭄ᬢᬸᬦᬾᬫᬳᬾ ᬦ᭄ᬤᬳᬦ᭄᭞ᬕᭂᬦ᭄ᬢᬸᬄᬲᬳᬂᬢᬦ᭄ᬓᬦᬾᬢᬸᬂ᭞ᬬᬦᬓᬸᬤᬂᬓᬸᬤᬂᬲᬳᬂ᭞ᬫᬧᬧᬸᬘᬸᬓ᭄ᬲᬂᬳ᭄ᬬᬂᬳᬕ᭄ᬦᬶ᭞᭠ᬫᬧᬜᬵᬢᭀᬕ᭄ᬳᬦ᭄ᬢᬸᬓ᭄ᬯᬢᬸ᭞ᬫᬶᬯᬄᬢᭀᬬᬵ᭞ᬫᬫᬃᬕ᭄ᬕᬶᬫᬧᬦ᭄ᬢᬧᬦ᭄ᬢᬦ᭄᭚ᬫᬜᬸᬚᬸᬃᬫᬭᬶᬂᬩᬸᬤ

Auto-transliteration

3 3 ringpurā // comakliwonmangawitin, manujuhukuwariggā, panglongsanghāśaśiḥ‐kulu, raḥgĕmpattĕnggĕkpinghaṣṭā, iśakāñasyabangsit, hulungdaśāpatpananggu, bu‐ ngawitang, gunungemlalpawakā // janmāpagunungansami, crikliḥtutābajang, mabrentengansdhiḥbĕkut, banjĕjĕhemrasyāpjaḥ, tanpangetangpangkunggitgit, kewantĕnma‐ lahibkucup, mangungsiyang, deśanesanehadohan // śarīnengĕbĕkingumi, ‐nemwar̀ṇnāhawonikā, sambĕḥringhambarāhagung, mslagslagbandujan, lyangĕntuhe‐ saddhātarik, kabinābinādinulu, kadikawyān, janmānesamingato‐nang // pangakṣamanduluniki, ripadhdhalinggiḥbhaṭarā, sanghyanghyangninggunungluhur̀, luhunāmi 4 ntālugrahā, mangdāsampundulunsisip, mangungguhangmaringkidhung, paparikan, handābhawanāpunikā // tabehuluntankenehi, kacakr̥ĕbhawwāripadja, bhaṭarabhaṭarīrībhuh , hulunāmintākrahaywan, dir̀ghgāyusyāpati'urip, bhaṭaranugrahā, hulun, ‐tankakĕnan, rajāpanulaḥngungguhang // nguñcarangkakcap'haji, pantaraningcatūr̀yuga, kalidwa paratreteku, manujukakr̥ĕttayugā, mulāpahidarangumi, sukaduḥkanemacpuk, twarāpisan, pacangdadijwālempasang // mulāpapaliningbhumi, pawtunemahe ndahan, gĕntuḥsahangtankanetung, yanakudangkudangsahang, mapapucuksanghyanghagni, ‐mapañātog'hantukwatu, miwaḥtoyā, mamar̀ggimapantapantan // mañujur̀maringbuda

Leaf 4

Image on Archive.org

᭔ ᭔ ᬤᬷ᭞ᬲᬮ᭄ᬯᬶᬭᬶᬂᬮ᭄ᬯᬳᬶᬂᬕᬶᬃᬬ᭞ᬧᬢᭂᬄᬧᬫᬃᬕ᭄ᬕᬶᬦᬾᬳᬕᬸᬶᬤᬸᬂ᭞ᬫᬳᬯᬦᬦ᭄ᬲᬋᬂᬲᬫ᭄ᬬᬦ᭄᭞ᬕᬯᭀ᭠ᬓ᭄ᬫᬫᬶᬦᭂᬄᬭᬶᬂᬋᬤ᭄ᬥᬶ᭞ᬳᬧᬦ᭄ᬩᬶᬦᬵᬭᬶᬂᬦᬾᬲᬵᬫ᭄ᬧᬸᬦ᭄᭞ᬢᬢᬶᬗ᭄ᬓᬳᬦ᭄᭞ᬲᬮ᭄ᬯᬶᬭᬶᬂᬭᬱᬶᬦᬶᬂᬚᬕᬢ᭄᭚ ᬓᬃᬬ᭄ᬬᬦᬾᬯᬮᬶᬦᬶᬦ᭄ᬫᬮᬶᬄ᭞ᬭᬶᬂᬧᬗᬸᬘᬧ᭄ᬲᭀᬮᬲ᭄ᬤᬶᬦᬵ᭞ᬗᬢᬹᬭᬂᬓᬃᬬ᭄ᬬᬧᬫ᭄ᬮᬬᬸ᭞ᬗᬺᬱᬶᬕᬡ᭄ᬦᬵᬤᬹᬃᬫ᭄ᬫᬵᬗ᭄ᬕᬮᬵ᭞ᬗᬱ᭄ᬝᬶᬢᬶᬪᬝᬭᬲᬫᬶ᭞ᬫᬗ᭄ᬤᬵᬲᬫ᭄ᬧᬸᬦ᭄ᬩᬲ᭄ᬓᬤᬸᬭᬸᬲ᭄᭞ᬳᬶᬤᬵᬫᭂᬗ᭄ᬕᬄ᭞ᬦᬶᬩᬓᬂᬲᭂᬗ᭄ᬳ ᬭᬜ᭄ᬚᬕᬢ᭄᭚ᬓᭂᬮᬶᬄᬤᬶᬦᬦ᭄ᬜᬦᬾᬫᬮᬶᬄ᭞ᬤᬤᭀᬲ᭄ᬗᬸᬘᬧ᭄‌ᬜ᭄ᬬᬭᬳᬶᬦᬂ᭞ᬩᬸᬫᬕᬵᬪᬝᬭᬭ᭠ᬯᬸᬄ᭞ᬲᬓᬶᬂᬕᬶᬭᬶᬪᬹᬫᬶᬚᬯ᭄ᬯᬵ᭞ᬕᬸᬦᬸᬂᬲᬸᬫᬾᬭᬹᬦᬾᬚᬢᬶ᭞ᬫᬧᭂᬡ᭄ᬟᬓ᭄ᬳᬶᬤᬭᬶᬂᬓ᭄ᬮᬸᬗ᭄ᬓᬸᬂ᭞ᬯᬸᬲ᭄ᬓᬧᭂᬡ᭄ᬟᬓ᭄᭞ᬫᬗ᭄ᬭ ᬭᬶᬲ᭄ᬳᬶᬤᬵᬓᬧᬸᬭᬵ᭚ᬫᬮᬶᬄᬗᬸᬘᬧ᭄ᬮᬶᬫᬂᬳᬭᬶ᭞ᬪᬝᬭᬵᬢ᭄ᬥᬸᬦ᭄ᬲᬶᬦᬫ᭄ᬬᬦ᭄᭞ᬧᬘᬂᬫᬮᬵᬮᬲ᭄ᬢᬶᬤᬸᬫᬸᬦ᭄᭞ᬓᬲᬵᬕᬭᬵᬫᬲᬸᬘᬶᬬᬦ᭄᭞ᬕ᭄ᬦᭂᬧ᭄ᬲᭀᬧᬘᬭᬲ᭄ᬫᬶ᭞ᬭᬶᬂᬲᬵᬕᬭᬦᬶᬂᬓᬮᬸᬗ᭄ᬓᬸᬗ᭄᭞ᬦᬾᬫᬯᬱ᭄ᬝᬵ᭞ ᭕ ᬲᬵᬕᬭᬵᬓᬮᭀᬢᭀᬓ᭄ᬓᭀᬘᬧ᭄᭚ᬗᬸᬘᬧ᭄ᬓᬮᬶᬄᬤᬶᬦᬵᬫᬗ᭄ᬓᬶᬦ᭄᭞ᬗᬢᬹᬭᬂᬓᬃᬬ᭄ᬬᬵᬧᬧᬤ᭄ᬥᬦ᭄᭞ᬲᬳᬵᬪᬝᬭᬯᬸᬲ᭄ᬭᬯᬸᬄ᭞ᬲᬓᬶᬂᬲᬕᬭᬫᬲᬸᬘ᭄ᬬᬦ᭄᭞ᬫᬗᬭᬶᬲ᭄ᬓᬧᬸᬭᬫᬗ᭄ᬓᬶᬦ᭄᭞ᬓᬧᬲ᭄ᬣᬦᬵᬦ᭄ᬳᬶᬤ᭄ᬥᬫᬸ᭠ ᬗ᭄ᬕᬸᬄ᭞ᬤᬶᬦᬵᬓᬃᬬ᭄ᬬᬵ᭞ᬘ᭄ᬭᬶᬢᬬᬂᬧᬥᬳᬸᬗ᭄ᬕᬸᬳᬂ᭚ᬤᬶᬦᬵᬰᬸᬓ᭄ᬭᬜ᭄ᬚᬸᬮᬸᬂᬯᬗᬶ᭞ᬲ᭄ᬥᭂᬓᬦ᭄ᬢᬗ᭄ᬕᬮ᭄ᬧᬶᬂᬢ᭄ᬮᬸᬮᬲ᭄᭞ᬰᬰᬶᬄᬓᬲᬗ᭄ᬕᬵᬧᬸᬦᬶᬓᬸ᭞ᬇᬰᬓᬦ᭄ᬬᬯᬸᬲ᭄ᬓᬯᬸᬘᬧ᭄᭞ᬭᬶᬗᬚᭂᬂᬫᬸᬗ᭄ᬕᬸᬳᬂᬲᬫᬶ᭞ᬮᬦ᭄ᬢᬸᬭᬂᬤᬸᬫᬸᬦ᭄ᬫᬦᬸᬢᬹᬃ᭞ᬧ ᬭᬶᬓᬡ᭄ᬟ᭞ᬓᬃᬬ᭄ᬬᬏᬓᬵᬤᬰᬮᬸᬤ᭄ᬭ᭚ᬭᬶᬂᬤᬸᬮᬸᬦ᭄ᬧᬸᬲᭂᬄᬩᬱᬸᬓᬶᬄ᭞ᬳᬶᬭᬶᬓᬵᬦᬗᭂᬦᬂᬕᭂᬦᬄ᭞ᬓᬃᬬ᭄ᬬᬵᬧᬗᬾᬓᬵᬦᬾᬧᬢᬸᬢ᭄᭞ᬦᬗᬸᬗ᭄ᬲᬗ᭄ᬕᬃᬢᬯ᭄ᬯᬂᬲᭀᬮᬲ᭄᭞ᬗᬱ᭄ᬝᬵᬤᬮᬵᬫᬶᬯᬄᬧᬭᬷ᭞ᬢᬢᬶᬕᬵᬫᬸᬗ᭄ᬕᬸᬄ᭠ ᬭᬶᬗᬬᬸᬦ᭄᭞ᬲᬦᬾᬳᬱ᭄ᬝᬵ᭞ᬫᬗᬦᬹᬢᬶᬦ᭄ᬳᬤᭂᬃᬮᬯ᭄ᬯᬵ᭚ᬭᬯᬶᬂᬧᬗ᭄ᬕᬸᬂᬧᬢᭂᬄᬲᬫᬶ᭞ᬫᬦᬸᬭᬸᬢᬂᬲᬗ᭄ᬕᬃᬢ᭠ᬯᬂ᭞ᬘᬭᬸᬦ᭄ᬜᬦᬾᬓᬢᬍᬃᬦᬸᬭᬸᬢ᭄᭞ᬧᬫᬸᬧᬸᬢ᭄ᬓᬸᬫ᭄ᬧᬸᬮ᭄ᬓᬢ᭄ᬗᬄ᭞ᬲᬓ᭄ᬯᬾᬳᬶᬂᬘᬭᬸᬦᬾᬍᬯᬶᬄ᭞ᬭᬶᬂᬢ᭄ᬗᬄᬢ᭄ᬓᬦᬶᬂ᭠

Auto-transliteration

4 4 dī, salwiringlwahinggir̀ya, patĕḥpamar̀gginehaguidung, mahawanansar̥ĕngsamyan, gawo‐kmaminĕḥringr̥ĕddhi, hapanbināringnesāmpun, tatingkahan, salwiringrasyiningjagat // kar̀yyanewalininmaliḥ, ringpangucapsolasdinā, ngatūrangkar̀yyapamlayu, ngr̥ĕsyigaṇnādūr̀mmānggalā, ngaṣṭitibhaṭarasami, mangdāsampunbaskadurus, hidāmĕnggaḥ, nibakangsĕngha rañjagat // kĕliḥdinanñanemaliḥ, dadosngucapñyarahinang, bumagābhaṭarara‐wuḥ, sakinggiribhūmijawwā, gunungsumerūnejati, mapĕṇḍak'hidaringklungkung, wuskapĕṇḍak, mangra rishidākapurā // maliḥngucaplimanghari, bhaṭarātdhunsinamyan, pacangmalālastidumun, kasāgarāmasuciyan, gnĕpsopacarasmi, ringsāgaraningkalungkung, nemawaṣṭā, 5 sāgarākalotokkocap // ngucapkaliḥdināmangkin, ngatūrangkar̀yyāpapaddhan, sahābhaṭarawusrawuḥ, sakingsagaramasucyan, mangariskapuramangkin, kapasthanānhiddhamu‐ ngguḥ, dinākar̀yyā, critayangpadhahungguhang // dināśukrañjulungwangi, sdhĕkantanggalpingtlulas, śaśiḥkasanggāpuniku, iśakanyawuskawucap, ringajĕngmungguhangsami, lanturangdumunmanutūr̀, pa rikaṇḍa, kar̀yya'ekādaśaludra // ringdulunpusĕḥbasyukiḥ, hirikānangĕnanggĕnaḥ, kar̀yyāpangekānepatut, nangungsanggar̀tawwangsolas, ngaṣṭādalāmiwaḥparī, tatigāmungguḥ‐ ringayun, sanehaṣṭā, manganūtinhadĕr̀lawwā // rawingpanggungpatĕḥsami, manurutangsanggar̀ta‐wang, carunñanekatal̥ĕr̀nurut, pamuputkumpulkatngaḥ, sakwehingcarunel̥ĕwiḥ, ringtngaḥtkaning‐

Leaf 5

Image on Archive.org

᭕ ᭕ ᬢᬯᬸᬃ᭞ᬫᬶᬯᬄᬢ᭄ᬧᬲ᭄᭞ᬫᬭᬚᬄᬪᬝᬭᬓᬵᬮ᭚ᬬᬫ᭄ᬫᬭᬵᬚᬫᬶᬦᬓᬤᬶ᭞ᬭᬶᬂᬫᬥ᭄ᬬᬕ᭄ᬦᬄᬫᬗ᭄ᬭᬚᬄ᭞ᬢ᭄ᬓᬦᬶᬂᬲᬲᬚᬶᬦᬶᬧᬸᬦ᭄᭞ᬘᬭᬸᬦᬶᬂᬮᬯ᭄ᬯᬵᬫᬶᬤᭂᬭᬦ᭄᭞ᬓ᭄ᬩᭀᬦᬾᬲᬫᬶᬫᬲᬶᬓᬶ᭞ᬕ᭄ᬦᭂᬧ᭄ᬲᬭᬸᬦ᭄ᬢᬸᬢᬦ᭄ᬳᬶᬧᬸᬦ᭄᭞ ᬧᬭᬶᬓ᭄ᬭᬫᬦ᭄᭞ᬲᬢᬶᬗ᭄ᬓᬳᬶᬂᬲᬚᬶᬳᬶᬓᬵ᭚ᬧᬥᬡ᭄ᬟᬧᬥᬗᬦᬹᬢᬶᬦ᭄᭞ᬮᬶᬗ᭄ᬕᬶᬄᬳᬶᬤ᭄ᬥᬦᬾᬫᬫᬸᬚ᭄ᬚᬵ᭞᭠ᬫᬶᬤᭂᬃᬗᬱ᭄ᬝᬵᬤᬮᬫᬦᬹᬢ᭄᭞ᬭᬶᬂᬢ᭄ᬗᬄᬲᬋᬂᬮᬮᬶᬫ᭄ᬫᬵ᭞ᬩᬶᬮᬂᬮᬯ᭄ᬯᬵᬲᬋᬂᬓᬮᬶᬄ᭞ᬫᬶᬯᬄᬭᬶᬂᬲᭀᬃᬧᬭᬲᭂ᭠ ᬗ᭄ᬕᬸ᭞ᬦᬾᬫ᭄ᬫᬸᬚᬵ᭞ᬭᬶᬂᬘᬭᬸᬦᬶᬂᬪᬹᬝᬓᬮᬵ᭚ᬫᬶᬯᬄᬩᬶᬮᬂᬧᬸᬭᬵᬲᬫᬷ᭞ᬲᬫ᭄ᬧᬸᬦ᭄ᬩᭀᬭᭀᬗᬦ᭄᭠ᬗᬶᬮᬶᬗᬦ᭄᭞ᬲᬮ᭄ᬯᬶᬃᬲᬲᬚᬶᬦᬾᬓᬢᬹᬃ᭞ᬢ᭄ᬓᬦᬶᬂᬭᬡ᭄ᬟᬫᬧᬸᬢᬂᬲᬫ᭄ᬧᬸᬦ᭄ᬲᬫᬶᬫᬓ᭄ᬢᬵᬳᬶᬦ᭄ᬤᬶᬓ᭄᭞ᬓᬢᬹᬭᬦ᭄ᬳ ᬦ᭄ᬢᬸᬓ᭄ᬳᬶᬤ᭄ᬫᬕᬸᬂ᭞ᬧᬭᬶᬓ᭄ᬭᬫᬦ᭄᭞ᬓᬃᬬ᭄ᬬᬵᬫᬶᬯᬄᬧᬗᭂᬦ᭄ᬢᭂᬕᬦ᭄᭚ᬓᬓᭂᬦ᭄ᬢᬦ᭄ᬧᬸᬭᬦᬾᬧᬱ᭄ᬝᬶ᭞ᬕᬸᬧ᭄ᬦᬸᬭᬾ᭠ᬫᬫ᭄ᬭᬾᬦ᭄ᬢᬳᬂ᭞ᬲᬵᬧᬘᬭᬳᬰ᭄ᬭᬶᬮᬗᬸ᭞ᬧᭀᬗ᭄ᬤᭀᬓ᭄ᬳᬢᭂᬧ᭄ᬗᬧᬶᬢ᭄ᬫᬃᬕ᭄ᬕᬵ᭞ᬫᬧᬬᬰᬶᬦ᭄ᬳᬍᬧ᭄ᬳᬰ᭄ᬭᬶ᭞ ᭖ 6 ᬤᬾᬦᬶᬂᬧᬃᬃᬬ᭄ᬬᬦᬦ᭄ᬢᬫ᭄ᬬᬸᬄ᭞ᬮ᭄ᬬᬦᬵᬕᬭ᭞ᬥᬢᭂᬂᬫᬦᬶᬜ᭄ᬚᭀᬳᬶᬦ᭄ᬓᬃᬬ᭄ᬬᬵ᭚ᬭᬶᬂᬧᬸᬭᬵᬢᬦ᭄ᬜᬦ᭄ᬤᬂᬫᬮᬶᬄ᭞᭠ᬘ᭄ᬭᬶᬢᬬᬂᬮᬗᭂᬦᬾᬲᬫ᭄ᬬᬦ᭄᭞ᬫᬗ᭄ᬬᬸᬦᬶᬦ᭄ᬲᬫᬶᬮᬗᬸ᭞ᬫᬳᬶᬦᬩ᭄ᬭᬶᬂᬲᬸᬭᬮᬬᬵ᭞ᬳᬰ᭄ᬭᬶᬲ᭄ᬨᬝᬶᬓᬵᬳ᭄ᬦᬶᬂ᭞ ᬭᬯᬸᬄᬓᬫᬃᬕ᭄ᬕᬶᬦᬾᬧᬳᬸᬢ᭄᭞ᬩᬶᬮᬂᬤᬗ᭄ᬓᬵ᭞ᬳᬢᭂᬧ᭄ᬧᬾᬜ᭄ᬚᭀᬃᬫ᭄ᬯᬳᬸᬗ᭄ᬓᬸᬮᬦ᭄᭚ᬫᬲᬶᬧᬢ᭄ᬲᬫᬗ᭄ᬤᬾᬢᬶᬤᬶᬂ᭞ᬕ᭄ᬦᬄᬧᬾᬜ᭄ᬚᭀᬃᬫ᭄ᬯᬂᬳᬸᬗ᭄ᬓᬸᬮᬦ᭄᭞ᬭᬶᬭᬶᬕ᭄ᬳᭂᬫ᭄ᬧᬢ᭄‌ᬫᬗ᭄ᬤᬵᬗ᭄ᬮᬚᬸᬃ᭞ᬢᬸᬗ᭄ᬕᬸᬮᬾᬫᬧᬦ᭄ᬢᬵᬧᬦ᭄ᬢᬵ᭞ᬯᬃ᭠ ᬡ᭄ᬦᬵᬦᬾᬫᬢᬸᬭᬸᬢ᭄ᬳᬰ᭄ᬭᬶ᭞ᬢ᭄ᬓᬦᬶᬂᬳᬸᬗ᭄ᬓᬸᬮᬦ᭄ᬧᬳᬸᬢ᭄᭞ᬦᬸᬭᬸᬢ᭄ᬯᬃᬡ᭄ᬦᬵ᭞ᬲᭀᬧᬘᬭᬦᬵᬯ᭄ᬬᬵᬲᬗ᭄ᬳᬵ᭚ᬫᬶᬯᬄᬭᬶᬓᬵᬮᬦᬶᬂᬯ᭄ᬗᬶ᭞ᬫᬲᬸᬦ᭄ᬤᬃᬲᬩᬶᬮᬂᬤᬗ᭄ᬓᬵ᭞ᬦᬗ᭄ᬳᬶᬂᬓᬾᬧᬩᬢᭂᬲ᭄ᬳᬶᬧᬸᬦ᭄᭞ᬭᬯᬸᬄᬯᭂᬗ᭄ᬓᭀᬦ᭄ᬫᬡᬶᬓᭂᬫᬲ᭄᭞ ᬧᬚᬕᬬᬦ᭄ᬧᬥᬕᬶᬧᬶᬄ᭞ᬫᬫ᭄ᬭᬾᬦ᭄ᬢᬳᬂᬫᬶᬯᬄᬗᬢᬹᬃ᭞ᬓᬜ᭄ᬘᬶᬓᬦ᭄᭞ᬢᬶᬗ᭄ᬓᬄᬫᬦᬺᬧ᭄ᬝᬶᬬᬂᬚᬕᬢ᭄᭚ᬧᬸᬧᬸᬢᬂᬜ᭄ᬭᬶᬢᬬᬂᬫᬗ᭄ᬓᬶᬦ᭄᭞ᬢᬸᬲ᭄ᬓᬃᬬ᭄ᬬᬦᬾᬘᬭᬶᬢᬬᬂ᭞ᬭᬶᬂᬰᬦᬶᬰ᭄ᬘᬭᬧᬸᬦᬶᬓᬸ᭞ᬫᬮᬶᬄᬗᬯᬗᬸᬦᬂᬓᬃ᭠

Auto-transliteration

5 5 tawur̀, miwaḥtpas, marajaḥbhaṭarakāla // yammarājaminakadi, ringmadhyagnaḥmangrajaḥ, tkaningsasajinipun, caruninglawwāmidĕran, kbonesamimasiki, gnĕpsaruntutanhipun, parikraman, satingkahingsajihikā // padhaṇḍapadhanganūtin, linggiḥhiddhanemamujjā, ‐midĕr̀ngaṣṭādalamanūt, ringtngaḥsar̥ĕnglalimmā, bilanglawwāsar̥ĕngkaliḥ, miwaḥringsor̀parasĕ‐ nggu, nemmujā, ringcaruningbhūṭakalā // miwaḥbilangpurāsamī, sampunborongan‐ngilingan, salwir̀sasajinekatūr̀, tkaningraṇḍamaputangsampunsamimaktāhindik, katūranha ntuk'hidmagung, parikraman, kar̀yyāmiwaḥpangĕntĕgan // kakĕntanpuranepaṣṭi, gupnure‐mamrentahang, sāpacarahaśrilangu, pongdok'hatĕpngapitmar̀ggā, mapayaśinhal̥ĕp'haśri, 6 6 deningpar̀r̀yyanantamyuḥ, lyanāgara, dhatĕngmaniñjohinkar̀yyā // ringpurātanñandangmaliḥ, ‐critayanglangĕnesamyan, mangyuninsamilangu, mahinabringsuralayā, haśrisphaṭikāhning, rawuḥkamar̀gginepahut, bilangdangkā, hatĕppeñjor̀mwahungkulan // masipatsamangdetiding, gnaḥpeñjor̀mwanghungkulan, ririg'hĕmpatmangdānglajur̀, tunggulemapantāpantā, war̀‐ ṇnānematurut'haśri, tkaninghungkulanpahut, nurutwar̀ṇnā, sopacaranāwyāsanghā // miwaḥrikālaningwngi, masundar̀sabilangdangkā, nanghingkepabatĕshipun, rawuḥwĕngkonmaṇikĕmas, pajagayanpadhagipiḥ, mamrentahangmiwaḥngatūr̀, kañcikan, tingkaḥmanr̥ĕpṭiyangjagat // puputangñritayangmangkin, tuskar̀yyanecaritayang, ringśaniścarapuniku, maliḥngawangunangkar̀‐

Leaf 6

Image on Archive.org

᭖ ᭖ ᬦᬶᬸᬬ᭄ᬬᬵ᭞ᬧᬥᬦᬬᬦ᭄ᬓᬯᬱ᭄ᬝᬵᬦᬶᬦ᭄᭞ᬧᭂᬧᭂᬓ᭄ᬲᬮ᭄ᬯᬶᬭᬶᬂᬲᬸᬲᬸᬕᬸᬄ᭞ᬗᬸᬬ᭄ᬬᬵᬳᬸᬬ᭄ᬬᬵ᭞ᬪᬝᬭᬓᬭᬶᬭᬶᬂᬚᬜ᭚ᬫᬓᬵᬳᬶᬗᬦ᭄ᬢᬸᬢᬸᬕ᭄ᬫᬗ᭄ᬓᬶᬦ᭄᭞ᬲᬳᬸᬮᬦ᭄ᬮᬦ᭄ᬧᬶᬢᬸᬂᬭᬢ᭄ᬭ᭄ᬬᬵ᭞ᬧᬫᬸᬧᬸᬢ᭄ᬧᬗᬸᬬᬸᬳᬸᬬᬸ᭞ᬭᬯᬶᬂᬧᬹᬃᬡ᭄ᬦ ᬫ᭄ᬫᬵᬓᬥᬰᬵ᭞ᬢᬸᬭᬸᬦ᭄ᬓᬩᬾᬄᬳᬘᬶᬜᬾᬓᬶ᭞ᬭᬯᬶᬂᬧᬜ᭄ᬫ᭄ᬧᭂᬦᬦ᭄ᬲᬫ᭄ᬧᬸᬦ᭄᭞ᬲᭀᬧᬵᬘᬭᬵᬮᬦ᭄ᬢᬸᬭᬦ᭄ᬓᬃᬬ᭄ᬬᬵᬦᬾᬢ᭄ᬮᬲ᭄᭚ᬢᬍᬃᬘᬭᬶᬢᬬᬂᬓᬶᬤᬶᬓ᭄᭞ᬓᬥᬸᬂᬫᬓᬃᬬ᭄ᬬᬵᬧᬶᬗᭂᬢᬦ᭄᭞ᬧᬥᬵᬡ᭄ᬟᬵᬲ ᬦᬾᬫᬫᬸᬢᬸᬲ᭄᭞ᬓᬃᬬ᭄ᬬᬦᬾᬲᬓᬶᬂᬲᬶᬩ᭄ᬢᬦ᭄᭞ᬲᬯᬾᬤ᭄ᬥᬯᬦ᭄ᬢᬄᬲᬲᬶᬓᬶ᭞ᬳᬶᬤ᭄ᬥᬵᬧ᭄ᬭᬡ᭄ᬟᬕ᭄ᬤᬾᬧᬸ᭠ᬢᬸ᭞ᬕ᭄ᬭᬶᬬᬢ᭄ᬗᬄ᭞ᬭᬶᬂᬚᬸᬗᬸᬢᬦ᭄ᬕ᭄ᬭᬶᬬᬦ᭄ᬳᬶᬤ᭄ᬥᬵ᭚ᬫᬸᬗ᭄ᬕᬸᬄᬢᬸᬓᬂᬲᬋᬂᬓᬮᬶᬄ᭞ᬲᬓᬶᬂᬲᬶᬩ᭄ᬢᬦ᭄ᬓᬧᬶᬦᬂ᭞ᬳᬶᬤ᭄ᬥᬵ᭠ ᬧ᭄ᬭᬡ᭄ᬟᬵᬳᬶᬲ᭄ᬢ᭄ᬭᬶᬧᬸᬢᬸ᭞ᬲᬓᬶᬂᬕ᭄ᬭ᭄ᬬᬵᬤᬗᬶᬦ᭄ᬧᬲᬃ᭞ᬫᬶᬯᬄᬕ᭄ᬭᬶᬬᬵᬓᬯᬦ᭄ᬫᬮᬶᬄ᭞ᬧᬺᬦᬄᬳᭀᬓᬵᬓ᭠ᬧᬶᬦ᭄ᬢᬸᬳᬸ᭞ᬫᬧᭂᬲᬾᬗᬦ᭄᭞ᬳᬤ᭄ᬥᬵᬧ᭄ᬭᬡ᭄ᬟᬵᬳᬶᬲ᭄ᬢ᭄ᬭᬶᬳᭀᬓ᭚ᬫᬶᬯᬄᬕ᭄ᬭᬶᬬᬩᬸᬤ᭄ᬥᬓ᭄ᬮᬶᬂ᭞ᬲᬦᬾᬓᬢᬹᬭᬦ᭄ᬫ ᭗ ᬧᬸᬚᬵ᭞ᬯᬦ᭄ᬢᬄᬲᬋᬂᬢᬶᬕᬵᬫᬸᬗ᭄ᬕᬸᬄ᭞ᬳᬶᬤ᭄ᬥᬵᬧ᭄ᬭᬡ᭄ᬟᬯᬬᬦ᭄ᬤᬢᬄ᭞ᬧ᭄ᬭᬡ᭄ᬟᬵᬜᭀᬫᬜ᭄ᬚᭂᬮᬡ᭄ᬝᬶᬓ᭄ᬫᬮᬶᬄ᭞ᬧ᭄ᬭᬡ᭄ᬟᬯᬬᬦ᭄ᬳᬮᬶᬢ᭄ᬲᬵᬫ᭄ᬧᬸᬦ᭄᭞ᬫᬗᬸᬗ᭄ᬕᬳᬂ᭞ᬭᬯ᭄ᬯᬶᬂᬭᬩᬶᬦᬾᬓᬢᬸᬭᬦ᭄᭚ᬫᬸᬗ᭄ᬕᬸᬄᬢᬸᬓᬂᬧᬗᭂᬮᬶ᭠ ᬗ᭄ᬲᬶᬃ᭞ᬧ᭄ᬲᬾᬗᬦ᭄ᬤᬶᬤᬳᬸᬘᬧᬂ᭞ᬧ᭄ᬭᬡ᭄ᬟᬳᬶᬲ᭄ᬢ᭄ᬭᬶᬫᬲ᭄ᬓᬯᬸᬯᬸᬲ᭄᭞ᬕ᭄ᬭᬶᬬᬳᬮᬶᬢ᭄ᬕ᭄ᬭᬶᬬᬦ᭄ᬳᬶᬤᬵ᭞ᬧ᭄ᬭᬡ᭄ᬟᬜᭀᬫᬗ᭄ᬭᬶᬬᬚ᭄ᬮᬡ᭄ᬝᬶᬓ᭄᭞ᬧ᭄ᬭᬡ᭄ᬟᬯᬬᬦ᭄ᬤᬢᬄᬢᬾᬓᬸ᭞ᬭᬶᬂᬕᬭᬶᬬᬵ᭞ᬓᬭᭀᬢᭀᬦ᭄ᬤᬯᬸᬄᬧᬡ᭄ᬟᬾᬫᬲ᭄᭚ ᬫᬸᬗ᭄ᬕ᭄ᬯᬶᬂᬧᬶᬤᬵᬩ᭄ᬤᬗᬶᬂᬕᬶᬭᬶ᭞ᬤᬸᬭᬸᬂᬫᬋᬦ᭄ᬫᬕᬺᬥᭂᬕᬦ᭄᭞ᬢᭂᬗᭂᬭᬦ᭄ᬕᬸᬦᬸᬗᬾᬫᬸᬯᬸᬕ᭄᭞ᬳᬯᬦᬦ᭄ᬦᬾ᭠ᬦ᭄ᬢᭂᬦ᭄ᬜᬶᬤᬬᬂ᭞ᬗᬢᬸᬭᬂᬩᬦ᭄ᬢᭂᬦ᭄ᬲᬸᬚᬢᬷ᭞ᬲᬚᬶᬦᬾᬓᬢᬹᬃᬓᬮᬸᬯᬸᬃ᭞ᬓᬧᬸᬧᬸᬢᬂ᭞ᬲᬓᬶᬂᬭᬶᬂᬧᬸᬲᭂᬄᬲᬶᬩ᭄ᬢᬦ᭄ ᭚ᬳᬶᬧᬦ᭄ᬳᬶᬤᬾᬰᬵᬫᭀᬭᭀᬗᬶᬦ᭄᭞ᬲᬦᬾᬧᬘᬂᬫᬗᬢᬹᬭᬂ᭞ᬧᬗᬱ᭄ᬝᬶᬢᬶᬦᬾᬓᬮᬸᬳᬸᬃ᭞ᬳᬧᬦ᭄ᬲ᭄ᬤᬓ᭄ᬱ᭄ᬟᭂᬂᬩ᭄ᬭᬢ᭄᭞ᬧᬫ᭄ᬥᬮ᭄ᬳᬶᬭᬶᬦᬾᬢᬭᬶᬓ᭄᭞ᬫ᭄ᬥᬮ᭄ᬩᬶᬬᬲ᭄‌ᬫᬶᬯᬄᬩᬢᬸ᭞ᬫ᭄ᬯᬂᬧᬢᬓᬵᬓᬩᬶᬦᬵᬩᬦᬵ

Auto-transliteration

6 6 n̶yyā, padhanayankawaṣṭānin, pĕpĕksalwiringsusuguḥ, nguyyāhuyyā, bhaṭarakariringjaña // makāhingantutugmangkin, sahulanlanpitungratryā, pamuputpanguyuhuyu, rawingpūr̀ṇna mmākadhaśā, turunkabeḥhaciñeki, rawingpañmpĕnansampun, sopācarālanturankar̀yyānetlas // tal̥ĕr̀caritayangkidik, kadhungmakar̀yyāpingĕtan, padhāṇḍāsa nemamutus, kar̀yyanesakingsibtan, saweddhawantaḥsasiki, hiddhāpraṇḍagdepu‐tu, griyatngaḥ, ringjungutan'griyanhiddhā // mungguḥtukangsar̥ĕngkaliḥ, sakingsibtankapinang, hiddhā‐ praṇḍ'̔āhistriputu, sakinggryādanginpasar̀, miwaḥgriyākawanmaliḥ, pr̥ĕnaḥhokāka‐pintuhu, mapĕsengan, haddhāpraṇḍ'̔āhistrihoka // miwaḥgriyabuddhakling, sanekatūranma 7 pujā, wantaḥsar̥ĕngtigāmungguḥ, hiddhāpraṇḍawayandataḥ, praṇḍāñomañjĕlaṇṭikmaliḥ, praṇḍawayanhalitsāmpun, mangunggahang, rawwingrabinekaturan // mungguḥtukangpangĕli‐ ngsir̀, psengandidahucapang, praṇḍahistrimaskawuwus, griyahalitgriyanhidā, praṇḍañomangriyajlaṇṭik, praṇḍawayandataḥteku, ringgariyā, karotondawuḥpaṇḍemas // munggwingpidābdanginggiri, durungmar̥ĕnmagr̥ĕdhĕgan, tĕngĕran'gunungemuwug, hawananne‐ntĕnñidayang, ngaturangbantĕnsujatī, sajinekatūr̀kaluwur̀, kapuputang, sakingringpusĕḥsibtan // hipanhideśāmorongin, sanepacangmangatūrang, pangaṣṭitinekaluhur̀, hapansdakṣḍĕngbrat, pamdhalhirinetarik, mdhalbiyasmiwaḥbatu, mwangpatakākabinābanā

Leaf 7

Image on Archive.org

᭗7 ᭗ ᬢᬦ᭄ᬧ᭄ᬕᬢ᭄᭚ᬳᬯᬦᬦ᭄ᬗᬸᬩᭂᬂᬗᬲ᭄ᬢᬶᬢᬶ᭞ᬓᬃᬬ᭄ᬬᬦᬂᬲᬗ᭄ᬕᬃᬧᬜᬯ᭄ᬯᬵᬂ᭞ᬫᬗ᭄ᬤᬵᬲᬶᬤ᭄ᬥᬦᬾᬓᬳᬢᬹᬃ᭠᭞ᬳᬶᬤ᭄ᬥᬵᬧ᭄ᬭᬡ᭄ᬟᬵᬗᬲ᭄ᬢᬯᬬᬂ᭞ᬧ᭄ᬭᬡ᭄ᬤᬵᬕ᭄ᬤᬾᬓ᭄ᬢᬸᬢ᭄ᬧᬶᬦᬢᬶᬄ᭞ᬭᬶᬂᬕ᭄ᬭ᭄ᬬᬲᬸᬲᬸᬯᬦ᭄ᬓᬢᬸᬯᬸᬃ᭞ᬗᬱ᭄ᬝᬸᬢᬶᬬᬵᬂ᭞ᬩ᭠ ᬩᬦ᭄ᬢᭂᬦ᭄ᬲᬸᬚᬢᬶᬳᬶᬓᬵ᭚ᬲ᭄ᬥᭂᬂᬩ᭄ᬘᬶᬓᬤᬸᬮᬸᬭᬶᬦ᭄᭞ᬧᬲ᭄ᬯᬭᬲᬓᬶᬂᬧᬫᬺᬦ᭄ᬢᬄ᭞ᬦᬾᬢᬦ᭄ᬲᬶᬤ᭄ᬥᬵᬗᭂ᭠ᬦᬄᬭᬯᬸᬄ᭞ᬫᬢᬹᬭᬦ᭄ᬭᬶᬂᬕ᭄ᬦᬄᬓᬃᬬ᭄ᬬ᭞ᬧᬢᬸᬢ᭄ᬭᬶᬂᬧᬸᬲᭂᬄᬗᬱ᭄ᬝᬶᬢᬶ᭞ᬫᬢᬹᬭᬜ᭄ᬘᬦᬂᬫᬗᬸᬗ᭄ᬲᬸᬂ᭞ᬗᬱ᭄ᬝᬸᬢᬶᬬᬂ᭞᭠ ᬫᬫᬶᬦ᭄ᬢᬵᬓ᭄ᬭᬳᬬ᭄ᬯᬦ᭄ᬚᬕᬢ᭄᭚ᬧᬸᬦᬶᬓᬵᬗ᭄ᬮᬦ᭄ᬢᬭᬫᬮᬶᬄ᭞ᬭᬶᬂᬤᬾᬰᬵᬤᬾᬰᬵᬲᬶᬦᬫ᭄ᬬᬦ᭄᭞ᬭᬫᬾᬧᬥᬵᬗᬸᬬᬸᬳᬸᬬᬸ᭞ᬫᬳᬢᬹᬭᬦ᭄ᬩᬶᬮᬂᬧᬸᬭᬵ᭞ᬫᬶᬯᬄᬫᬫᬾᬜ᭄ᬚᭀᬃᬭᬶᬂᬫᬃᬕ᭄ᬕᬶ᭞ᬘ᭄ᬭᬶᬓ᭄ᬮᬶᬄᬧᬥᬢ᭄ᬥᬸᬦ᭄᭞ᬫᬳ ᬢᬹᬭᬦ᭄᭞ᬢᬍᬃᬗᬱ᭄ᬝᬶᬢᬶᬬᬂᬓᬃᬬ᭄ᬬ᭚ᬳᬫᬶᬦ᭄ᬢᬲᬦ᭄ᬫᬢᬦ᭄ᬯᬶᬤ᭄ᬥᬶ᭞ᬫᬗ᭄ᬤᬵᬳᬶᬤ᭄ᬥᬵᬳᬲᬸᬂᬳᬶᬘ᭄ᬙᬵ᭞ᬗᬶᬘ᭄ᬙᬾᬜ᭄ᬚᬕᬢᬾᬭᬳᬬᬸ᭞ᬲᬯᬶᬭᬾᬄᬓᬢᬶᬩᬦ᭄ᬤᬦ᭄ᬤᬵ᭞ᬉᬢ᭄ᬨᬝᬦᬾᬢᬦ᭄ᬳᬶᬳᬶᬲᬶᬦ᭄᭞ᬳᬸᬤᬦ᭄ᬧᬗ᭄ᬲᭂᬗ᭠ ᭘ ᬦ᭄ᬓᬬᬸ᭞ᬲᬫᬶᬢ᭄ᬮᬲ᭄᭞ᬢᬦ᭄ᬓᬭᬶᬳᬦᬵᬭᬸᬯᬜ᭚ᬲ᭄ᬮᬲ᭄‌ᬕ᭄ᬲᭂᬂᬳᬳᬲ᭄ᬲᬫᬶ᭞ᬢᬦ᭄ᬧᬤᬳᬸᬦ᭄ᬭᬯᬶᬂᬧᬤ᭄ᬥᬂ᭞ᬲᬓᬶᬂᬗᬸᬘᬧ᭄ᬓᬃᬬ᭄ᬬᬵᬳᬶᬓᬸ᭞ᬗᬸᬘᬧᬂᬤᬰᬵᬭᬳᬶᬦᬵ᭞ᬳᬶᬭᬶᬓᬵᬳᬸᬚᬦᬾᬢᬭᬶᬓ᭄᭞ᬳᬲᬶᬂᬓ᭄ᬦᬶᬢ᭄ᬮᬲ᭄ᬧᬸᬳᬸᬦ᭄᭞ ᬢ᭄ᬯᬄᬳᬤᬶᬦᬵ᭞ᬢ᭄ᬮᬲ᭄ᬮᭀᬧ᭄ᬬᭀᬓ᭄ᬦᬶᬳᬸᬤᬦ᭄᭚ᬳᬶᬓᬵᬫᬗᬯᬦᬂᬧᬮᬶᬂ᭞ᬚᬦ᭄ᬫᬵᬦᬾᬗ᭄ᬯᬸᬯᬸᬳᬂᬮᬧᬵ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬳᬗ᭄ᬕᭀᬚᬸᬓᬸᬢ᭄᭞ᬳᭀᬲᬄᬩᬮᬶᬲᬄᬳᬗ᭄ᬲᬄ᭞ᬧᬮᬶᬂᬫᬗᬺᬋᬳᬶᬦ᭄ᬩᬸᬦ᭄ᬢᬶ᭞ᬲᬢᭀᬲ᭄ᬫᬦᬄ ᬓᬭᬶᬩᬶᬗᬸᬂ᭞ᬢᬹᬃᬓᬮᬧᬦ᭄᭞ᬲᬗᬸᬦᬾᬓᬮᬳᬶᬦ᭄ᬮᬸᬯᬲ᭄᭚ᬜᬮᬸᬓ᭄ᬱᬸᬓ᭄‌ᬩᭂᬮᬶᬤᬂᬉᬭᬶᬧ᭄᭞ᬩ᭠ᬦ᭄ᬤᬯᭀᬓᬾᬫᬗᬢᭀᬦᬂ᭞ᬳᬸᬚᬦ᭄ᬩᬶᬬᬲ᭄ᬳᬸᬚᬦ᭄ᬩᬢᬸ᭞ᬮ᭄ᬬᬦ᭄ᬮᬶᬡ᭄ᬤᬸᬦᬾᬩᬸᬲᬦ᭄ᬩᬸᬲᬦ᭄᭞ᬜᬸᬫᬗ᭄ᬓᬶᬦ᭄ᬫᬦᬳᬾ᭠ ᬧᬮᬶᬂ᭞ᬓᬢᬸᬚᬸᬲ᭄ᬯᬾᬘ᭄ᬙᬵᬳ᭄ᬬᬂᬗ᭄ᬳᬕᬸᬂ᭞ᬧᬫ᭄ᬭᬾᬦ᭄ᬢᬳᬦ᭄᭞ᬫᬶᬘᬬᬂᬚᬫᬶᬦᬦ᭄ᬲᬩ᭄ᬭᬦ᭄᭚ᬯᬳᬸᬧᬹᬃᬡ᭄ᬦᬬ᭠ᬦ᭄ᬳᬓᬶᬤᬶᬓ᭄᭞ᬫᬦᬳᬾᬩᬸᬗ᭄ᬲᬂᬓᬮᬭᬦ᭄᭞ᬯᬾᬦ᭄ᬢᭂᬦ᭄ᬳᬗ᭄ᬕᬾᬦ᭄ᬧᬜᬮᬶᬫᬹᬃ᭞ᬲᬓᬶᬂᬧᬫᬺᬦ᭄ᬢᬳᬦ᭄ᬜᬸ᭠

Auto-transliteration

77 7 tanpgat // hawananngubĕngngastiti, kar̀yyanangsanggar̀pañawwāng, mangdāsiddhanekahatūr̀‐, hiddhāpraṇḍāngastawayang, praṇdāgdektutpinatiḥ, ringgryasusuwankatuwur̀, ngaṣṭutiyāng, ba‐ bantĕnsujatihikā // sdhĕngbcikadulurin, paswarasakingpamr̥ĕntaḥ, netansiddhāngĕ‐naḥrawuḥ, matūranringgnaḥkar̀yya, patutringpusĕḥngaṣṭiti, matūrañcanangmangungsung, ngaṣṭutiyang, ‐ mamintākrahaywanjagat // punikānglantaramaliḥ, ringdeśādeśāsinamyan, ramepadhānguyuhuyu, mahatūranbilangpurā, miwaḥmameñjor̀ringmar̀ggi, crikliḥpadhatdhun, maha tūran, tal̥ĕr̀ngaṣṭitiyangkar̀yya // hamintasanmatanwiddhi, mangdāhiddhāhasunghicchā, ngiccheñjagaterahayu, sawireḥkatibandandā, utphaṭanetanhihisin, hudanpangsĕnga‐ 8 nkayu, samitlas, tankarihanāruwaña // slasgsĕnghahassami, tanpadahunrawingpaddhang, sakingngucapkar̀yyāhiku, ngucapangdaśārahinā, hirikāhujanetarik, hasingknitlaspuhun, twaḥhadinā, tlaslopyoknihudan // hikāmangawanangpaling, janmānengwuwuhanglapā, nentĕnwentĕnhanggojukut, hosaḥbalisaḥhangsaḥ, palingmangr̥ĕr̥ĕhinbunti, satosmanaḥ karibingung, tūr̀kalapan, sangunekalahinluwas // ñaluksyukbĕlidangurip, ba‐ndawokemangatonang, hujanbiyashujanbatu, lyanliṇdunebusanbusan, ñumangkinmanahe‐ paling, katujuswecchāhyangnghagung, pamrentahan, micayangjaminansabran // wahupūr̀ṇnaya‐nhakidik, manahebungsangkalaran, wentĕnhanggenpañalimūr̀, sakingpamr̥ĕntahanñu‐

Leaf 8

Image on Archive.org

᭘ ᭘ ᬫ᭄ᬩᬂ᭞ᬩᬸᬦ᭄ᬢᬶᬧᬜᬫ᭄ᬩᬸᬗᬶᬂᬉᬭᬶᬧ᭄᭞ᬬᬦ᭄ᬳᬓᬸᬤᬂᬓᬸᬤᬂᬓᬭᬸᬂ᭞ᬓᬸᬤᬂᬓᬨᬮ᭄᭞ᬩᭂᬭᬲ᭄ᬚᬕᬸᬗᬾᬫᬲᬄᬲᬄ᭚ᬓᬘᬂᬲᬸᬲᬸᬫᬶᬦᬓᬤᬶ᭞ᬕ᭄ᬭᬂᬫᬓᬵᬚᬕᬶᬥᬭᬂ᭞ᬩᬱᬵᬩᬱᬵᬲᬺᬕᭂᬧ᭄ᬲᬫ᭄ᬧᬸᬦ᭄᭞ᬭᬯᬶᬂᬯᬲ᭄ᬢ᭄ᬭᬓᬘᬘᬭᬂ᭞ ᬳᬗ᭄ᬳᬶᬂᬓᬾᬭᬶᬂᬲᬂᬫᬗᬸᬗ᭄ᬲᬶ᭞ᬲᬫᬶᬧᬥᬧᭀᬮᬶᬄᬲᬗᬸ᭞ᬫᬶᬯᬄᬚᬶᬦᬄ᭞ᬢ᭄ᬓᬦᬶᬂᬢᬶᬓᭂᬄᬧᬫ᭄ᬭᬫᬦ᭄᭚ᬧᬸᬦᬶᬓᬵᬫᬮᬶᬄᬗᭂᬋᬃᬳᬶᬦ᭄᭞ᬭᬫᬾᬦ᭄ᬤᬾᬰᬵᬭᬶᬂᬲᬶᬩ᭄ᬚᬦ᭄᭞ᬢ᭄ᬮᬲᬦ᭄ᬲᬦᬾᬭᬶᬂᬕᬸᬦᬸᬂ᭞ᬫᬗᬸᬗ᭄ᬲᬶ᭠ ᬓᬤᬾᬰᬵᬲᬫ᭄ᬬᬦ᭄᭞ᬲᬕᭂᬋᬳᬦ᭄‌ᬘ᭄ᬭᬶᬓ᭄ᬮᬶᬄ᭞ᬭᬯᬶᬂᬳᬶᬗᭀᬦᬶᬗᭀᬦ᭄ᬳᬶᬧᬸᬦ᭄᭞ᬧᬩᬭᬫ᭄ᬩᬂ᭞ᬩᬯᬶ᭠ᬩᬦ᭄ᬢᬾᬗᬾᬫᭀᬓᭀᬓᬦ᭄᭚ᬩᬶᬮᬂᬩᬜ᭄ᬚᬃᬓᬕ᭄ᬦᬳᬶᬦ᭄᭞ᬫᬶᬯᬄᬭᬶᬂᬳᬸᬫᬄᬧᬦᬶᬃᬬᬦ᭄᭞ᬲᬓᭀ᭠ ᬮᬳᬦ᭄ᬧᬲᬃᬲᬫ᭄ᬧᬸᬦ᭄᭞ᬓᭂᬲᭂᬮ᭄ᬫᬤᬕᬶᬂᬫᬦᬸᬱᬵ᭞ᬫᬶᬯᬄᬩᬭᬂᬩᬭᬂᬲᬫᬶ᭞ᬧ᭄ᬢᬶᬩᭀᬤᬕᬾᬫᬤᬸᬕ᭄ᬤᬸᬕ᭄᭞ᬮ᭄ᬬᬦ᭄ᬤᬸᬩᬸᬳᬦ᭄᭞ᬲᬳᬶᬗᭀᬦ᭄ᬤᬶᬗᭀᬦᬾᬲᬫ᭄ᬬᬦ᭄᭚ᬤᬾᬭᬶᬂᬤᬾᬰᬵᬢᬍᬃᬧᬮᬶᬂ᭞ᬦᬸ ᭙ ᬚᬸᬫᬗᬸᬦ᭄ᬲᬶᬬᬂᬭᬕ᭄ᬕᬵ᭞ᬚᭂᬚᭂᬳᬾᬗᬯᬦᬂᬮᬚᬸ᭞ᬫᬮᬳᬶᬩ᭄‌ᬗᬸᬗ᭄ᬲᬶᬦᬾᬤᭀᬳᬦ᭄᭞ᬤᬤᬶᬧᬮᬶᬂᬲᬮᬾᬂᬳᬸᬗ᭄ᬲᬷ᭞ᬲᬓᬶᬂᬓᬗᬶᬦ᭄ᬗᬸᬗ᭄ᬲᬶᬓᬯᬸᬄ᭞ᬫᬳᬾᬡ᭄ᬟᬳᬦ᭄᭞ᬧᬗᬸᬗ᭄ᬲᬶᬦᬾᬫᬩ᭄ᬬᬬᬸᬳᬦ᭄᭚ᬭᬶᬂ᭠ ᬧᬸᬭᬧᬸᬲᭂᬄᬫᬓ᭄ᬫᬶᬢ᭄᭞ᬤᬾᬦᬶᬂᬓᬭᬶᬗᬸᬬ᭄ᬬᬵᬳᬸᬬ᭄ᬬᬵ᭞ᬪᬝᬭᬓᬯᬶᬫᬧᬗ᭄ᬕᬸᬂ᭞ᬫᬗ᭄ᬤᬵᬧᬹᬃᬡ᭄ᬦᬬᬦ᭄ᬲ᭠ᬫᬢ᭄ᬭᬵ᭞ᬫᬦᬄᬓᬬᬸᬦ᭄ᬜᬦᬾᬧᬮᬶᬂ᭞ᬯᭀᬦ᭄ᬢᭂᬦ᭄ᬧᬮᬶᬮᬬᬦ᭄‌ᬜᬸᬗ᭄ᬲᬸᬂ᭞ᬲᬲᬸᬳᬸᬦᬦ᭄᭞ᬪᬝᬭᬓᬭᬶ ᬭᬶᬂᬚᬜ᭚ᬯᭀᬂᬤᬾᬰᬵᬗᬱ᭄ᬝᬶᬢᬷᬲᬳᬷ᭞ᬕᬶᬮᬶᬭᬦ᭄ᬫᬢᬹᬭᬜ᭄ᬘᬦᬂ᭞ᬭᬫᬾᬤᬶᬧᬸᬭᬵᬫᬜᬸᬦ᭄ᬲᬸᬂ᭞ᬯᬦ᭄ᬢᭂᬦ᭄‌ᬗᬢᬹᬭᬂᬧᬓᬾᬦᬦ᭄᭞ᬯᬃᬕ᭄ᬕᬵᬲᬭᬶᬯᬶᬮᭂᬢ᭄ᬫᬮᬶᬄ᭞ᬳᬸᬦ᭄ᬬᬵᬳᬸᬜᬦᬾᬧᬜᬧᬸᬄ᭞ᬫᬦᬄᬤᬸᬄᬓᬵ ᭞ᬳᬶᬗᭂᬢ᭄ᬭᬱᬵᬧᬘᬂᬧ᭄ᬚᬄ᭚ᬲᬓᬶᬂᬤᬶᬦᬦ᭄ᬓᬃᬬ᭄ᬬᬗᬘᬶᬢ᭄᭞ᬪᬝᬭᬫᬧᬗ᭄ᬕᬸᬂᬯ᭄ᬥᬮ᭄᭞ᬲᬳᬵᬓᬢᬹᬭ᭠ᬦ᭄ᬲᬸᬲᬸᬕᬸᬄ᭞ᬧᬸᬚᬵᬓᬺᬢᬦᬶᬂᬳᬢᬹᬭᬦ᭄᭞ᬧ᭄ᬭᬡ᭄ᬟᬕ᭄ᬤᬾᬗᬱ᭄ᬝᬵᬯᬦᬶᬦ᭄᭞ᬲ᭄ᬥᬸᬓ᭄ᬤᬶᬓᬵᬓᬃᬬ᭄ᬬᬵᬳᬶᬓᬸ᭞ᬳᬶ᭠

Auto-transliteration

8 8 mbang, buntipañambungingurip, yanhakudangkudangkarung, kudangkaphal, bĕrasjagungemasaḥsaḥ // kacangsusuminakadi, grangmakājagidharang, basyābasyāsr̥ĕgĕpsampun, rawingwastrakacacarang, hanghingkeringsangmangungsi, samipadhapoliḥsangu, miwaḥjinaḥ, tkaningtikĕḥpamraman // punikāmaliḥngĕr̥ĕr̀hin, ramendeśāringsibjan, tlasansaneringgunung, mangungsi‐ kadeśāsamyan, sagĕr̥ĕhancrikliḥ, rawinghingoningonhipun, pabarambang, bawi‐bantengemokokan // bilangbañjar̀kagnahin, miwaḥringhumaḥpanir̀yan, sako‐ lahanpasar̀sampun, kĕsĕlmadagingmanusyā, miwaḥbarangbarangsami, ptibodagemadugdug, lyandubuhan, sahingondingonesamyan // deringdeśātal̥ĕr̀paling, nu 9 jumangunsiyangraggā, jĕjĕhengawananglaju, malahibngungsinedohan, dadipalingsalenghungsī, sakingkanginngungsikawuḥ, maheṇḍahan, pangungsinemabyayuhan // ring‐ purapusĕḥmakmit, deningkaringuyyāhuyyā, bhaṭarakawimapanggung, mangdāpūr̀ṇnayansa‐matrā, manaḥkayunñanepaling, wontĕnpalilayanñungsung, sasuhunan, bhaṭarakari ringjaña // wongdeśāngaṣṭitīsahī, giliranmatūrañcanang, ramedipurāmañunsung, wantĕnngatūrangpakenan, war̀ggāsariwilĕtmaliḥ, hunyāhuñanepañapuḥ, manaḥduḥkā , hingĕtrasyāpacangpjaḥ // sakingdinankar̀yyangacit, bhaṭaramapanggungwdhal, sahākatūra‐nsusuguḥ, pujākr̥ĕtaninghatūran, praṇḍagdengaṣṭāwanin, sdhukdikākar̀yyāhiku, hi‐

Leaf 9

Image on Archive.org

᭙ ᭙ ᬤ᭄ᬥᬵᬧ᭄ᬭᬡ᭄ᬟᬫ᭄ᬫᬥᬾᬲᭂᬤ᭄ᬫᭂᬦ᭄ᬗᬱ᭄ᬝᬯᬵ᭚ᬗᬢᬹᬭᬂᬧᬫ᭄ᬮᬬᬸᬗ᭄ᬭᬭᬶᬲ᭄᭞ᬲᬯᬶᬭᬾᬄᬓᬢᬶᬩᬦ᭄ᬤᬦ᭄ᬥᬵ᭞ᬚᬕᬢᬾᬲᬫ᭄ᬬᬦ᭄ᬕᭂᬮᬸ᭞ᬫᬦᬸᬭᬸᬢᬂᬘᬢᬹᬃᬬᬸᬕᬵ᭞ᬧᬢᬸᬢ᭄ᬫᬦᬹᬢ᭄ᬢᬫᬦ᭄ᬧᬰᬗ᭄ᬲᬶᬄ᭞ᬫᬸᬮᬵᬧᬦᬶᬢ᭠ ᬳᬶᬂᬢᬸᬥᬸᬄ᭞ᬭᬱᬶᬜ᭄ᬚᬕᬢ᭄᭞ᬫᬸᬮᬵᬢᬶᬢᬄᬲᬂᬳ᭄ᬳ᭄ᬬᬂᬯ᭄ᬦᬂ᭚ᬭᬶᬲᬫ᭄ᬧᬸᬦᬾᬫᬗᬱ᭄ᬝᬸᬢᬶ᭞ᬲ᭄ᬥᬃᬓ᭄ᬦᬸᬚᬸᬤᬶᬦᬵᬫ᭄ᬮᬄ᭞ᬯᭀᬦ᭄ᬢᭂᬦ᭄ᬓᬧᬶᬦᬂᬳᬯᬸᬓᬸᬤ᭄᭞ᬫᬗᬶᬭᬶᬂᬧᬓᬬᬸᬦᬦ᭄ᬳ᭄ᬬᬂ᭞ᬳᬶᬘᬮ᭄‌ᬦ᭄ᬤᬢᬦ᭄ᬧᬗᬸᬤᬶᬮᬶ᭞ᬫᬧᬦ᭄ᬧ᭠ ᬢᬶᬢᬳᬶᬂᬢᬸᬤᬸᬄ᭞ᬓᬲᬦ᭄ᬢᬦᬵ᭞ᬳᬦ᭄ᬢᬸᬓ᭄ᬓᬮ᭄ᬬᬗ᭄ᬤᬾᬰᬵᬮᬯᬲ᭄᭚ᬓᭀᬘᬧ᭄‌ᬫᬗ᭄ᬕᬶᬄᬳᬦᬓ᭄ᬮᬶᬗ᭄ᬕᬶᬃ᭞ᬗᬦ᭄ᬥᬶᬓᬬᬂᬫᬗᬶᬭᬶᬗᬂ᭞ᬪᬝᬭᬲᬓᬶᬂᬲᬸᬫᬾᬭᬸ᭞ᬧᬘᬂᬳᬶᬤ᭄ᬥᬵᬫᬦᬸᬦᬲᬂ᭞ᬭᬶᬂᬳᬶᬤ᭄ᬥᬵᬳ᭄ᬬᬂᬕᬶᬭᬶᬩᬮᬷ᭞ᬫ᭠ ᬗ᭄ᬤᬵᬲᬫ᭄ᬧᬸᬦ᭄ᬩᬗᭂᬢ᭄ᬭᬫ᭄ᬧᬸᬄ᭞ᬭᬶᬂᬲᬶᬩᭂᬢᬦ᭄᭞ᬫᬗ᭄ᬤᬵᬲᬫ᭄ᬧᬸᬦ᭄ᬓᬕ᭄ᬲᭂᬗᬦ᭄᭚ᬳᬯᬦᬦ᭄ᬓᬫ᭄ᬩᬶᬮ᭄ᬳᬲᬶᬓᬶ᭞ᬲᬓᬶᬂᬲᬦ᭄ᬢᬦᬦ᭄ᬓᬮ᭄ᬬᬗ᭄᭞ᬫᬗ᭄ᬤᬾᬯᭀᬦ᭄ᬢᭂᬦ᭄ᬳᬗ᭄ᬕᬾᬢᬦ᭄ᬢᬸ᭞ᬫᬦᬸᬢᬸᬭᬶᬦ᭄ᬭᬶᬂᬲᬓᬵᬮ᭞ᬩᬸᬓ᭄ᬢᬶᬦᬶᬲ᭄ᬓᬮᬦᬾ ᭑᭐ ᬚᬢᬷ᭞ᬲᬧᬸᬦᬶᬓᬵᬧᭂᬄᬧᬓᬬᬸᬦ᭄᭞ᬓᬧᬶᬦᭂᬳᬦ᭄᭞ᬳᬦ᭄ᬢᬸᬓ᭄ᬪᬝᬭᬫᬯᬓ᭄ᬬᬵ᭚ᬧᬶᬓᬡ᭄ᬟᬦ᭄ᬳᬶᬘᬮᬾ᭠ᬫᬗ᭄ᬓᬶᬦ᭄᭞ᬳᬸᬗ᭄ᬕᬸᬳᬂᬢᬍᬃᬭᬶᬂᬲᬸᬭᬢ᭄᭞ᬳᬗ᭄ᬳᬶᬂᬲᬫᬢ᭄ᬭᬫᬳᬸᬗ᭄ᬕᬸᬄ᭞ᬦᬸᬚᬸᬫᬓ᭄ᬫᬶᬢ᭄ᬭᬶᬂᬧᬸᬭᬵ᭞ᬗᬱ᭄ᬝᬶᬢᬶᬬᬂᬲᬂᬳ᭄ᬬᬂ ᬧᬶᬤ᭄ᬥᬶ᭞ᬤᬾᬧᬲᭂᬓ᭄ᬢᬍᬃᬫᬦᬸᬚᬸ᭞ᬫᬓᬭᬢ᭄ᬭ᭄ᬬᬵ᭞ᬫᬓ᭄ᬫᬶᬢ᭄ᬓᬭᬶᬭᬶᬂᬧᬸᬭᬵ᭚ᬯᬾᬦ᭄ᬢᭂᬦ᭄ᬳᬶᬗᬦ᭄ᬢᭂᬗᬄᬯ᭄ᬗᬶ᭞ᬫᬓᬼᬩᭂᬄᬫᬫᬦᬄᬩᬸᬤᬮ᭄᭞ᬚᬕᬵᬫᬦ᭄ᬢᬸᬓᬦᬭᬸᬭᬸᬂ᭞ᬩᬸᬭᬯᬸᬄᬭᬶᬂᬢ᭄ᬗᬄᬚᬮᬦ᭄᭞ᬢ᭄ᬓᬵᬫᬗ᭄ᬕᬶᬄᬳᬦ ᬓ᭄ᬮᬶᬗ᭄ᬲᬶᬃ᭞ᬗᬦ᭄ᬤᬶᬓᬵᬳᬶᬤᬵᬫᬦᬸᬤᬸᬄ᭞ᬫᬗᬶᬭᬶᬗᬂ᭞ᬪᬝᬭᬲᬓᬶᬂᬭᬶᬂᬚᬯ᭄ᬬᬵ᭚ᬲᬳᬵᬓᬶᬘᬦ᭄ᬲᬹᬭᬢ᭄ᬧᬱ᭄ᬝᬶ᭞ᬫᬗ᭄ᬤᬵᬲᬫ᭄ᬧᬸᬦ᭄ᬫᬩ᭄ᬬᭀᬢᭀᬢᬦ᭄᭞ᬫᬾᬫᬾᬩᬧᬦ᭄ᬜᬫᬗ᭄ᬭᬭᬸᬄ᭞ᬲᬧᬸᬦᬶᬓᬵᬤᬕᬶᬂᬲᬸᬭ᭠ ᬢ᭄᭞ᬲᬳᬵᬫᬧᬗᬃᬱᬵᬲᬚᬷ᭞ᬧᬘᬂᬓᬢᬹᬃᬭᬶᬂᬮ᭄ᬯᬄᬳᬕᬸᬂ᭞ᬲᬮᬦ᭄ᬢᬭᬦ᭄᭞ᬧᬘᬂᬫᬳᬗ᭄ᬕᬾᬮᬭ᭠ᬧᬦ᭄᭚ᬳᬢᬹᬭᬦ᭄ᬓᬲ᭄ᬕᬵᬭᬚᬢᬷ᭞ᬤᬾᬦᬶᬂᬳᬶᬤᬵᬗ᭄ᬯᬗᬸᬦ᭄ᬓᬃᬬ᭄ᬬᬵ᭞ᬲᬧᬸᬦᬶᬓᬵᬤᬕᬶᬗ᭄ᬳᬶᬧᬸᬦ᭄᭞ᬳᬸᬗ᭄ᬕᬸᬳ᭠

Auto-transliteration

9 9 ddhāpraṇḍammadhesĕdmĕnngaṣṭawā // ngatūrangpamlayungraris, sawireḥkatibandandhā, jagatesamyan'gĕlu, manurutangcatūr̀yugā, patutmanūttamanpaśangsiḥ, mulāpanita‐ hingtudhuḥ, rasyiñjagat, mulātitaḥsanghhyangwnang // risampunemangaṣṭuti, sdhar̀knujudināmlaḥ, wontĕnkapinanghawukud, mangiringpakayunanhyang, hicalndatanpangudili, mapanpa‐ titahingtuduḥ, kasantanā, hantukkalyangdeśālawas // kocapmanggiḥhanaklinggir̀, ngandhikayangmangiringang, bhaṭarasakingsumeru, pacanghiddhāmanunasang, ringhiddhāhyanggiribalī, ma‐ ngdāsampunbangĕtrampuḥ, ringsibĕtan, mangdāsampunkagsĕngan // hawanankambilhasiki, sakingsantanankalyang, mangdewontĕnhanggetantu, manuturinringsakāla, buktiniskalane 10 jatī, sapunikāpĕḥpakayun, kapinĕhan, hantukbhaṭaramawakyā // pikaṇḍanhicale‐mangkin, hungguhangtal̥ĕr̀ringsurat, hanghingsamatramahungguḥ, nujumakmitringpurā, ngaṣṭitiyangsanghyang piddhi, depasĕktal̥ĕr̀manuju, makaratryā, makmitkariringpurā // wentĕnhingantĕngaḥwngi, makl̥ĕbĕḥmamanaḥbudal, jagāmantukanarurung, burawuḥringtngaḥjalan, tkāmanggiḥhana klingsir̀, ngandikāhidāmanuduḥ, mangiringang, bhaṭarasakingringjawyā // sahākicansūratpaṣṭi, mangdāsampunmabyototan, memebapanñamangraruḥ, sapunikādagingsura‐ t, sahāmapangar̀syāsajī, pacangkatūr̀ringlwaḥhagung, salantaran, pacangmahanggelara‐pan // hatūrankasgārajatī, deninghidāngwangunkar̀yyā, sapunikādaginghipun, hungguha‐

Leaf 10

Image on Archive.org

᭑᭐ ᭑᭐ ᬦᬫᬭᬶᬂᬲᬸᬭᬢ᭄᭞ᬧᬳᬶᬘᬦ᭄ᬳᬦᬓᬾᬮᬶᬗ᭄ᬲᬶᬃ᭞ᬓᭀᬘᬧ᭄ᬪᬝᬭᬧᬸᬦᬶᬓᬸ᭞ᬦᬾᬫᬯᬾᬲ᭄᭟ᬳᬵ᭞ᬫᬯᬃ᭠ᬡ᭄ᬦᬵᬳᬦᬓᬾᬘᬺᬤ᭄ᬥ᭚ᬤᬾᬦᬶᬂᬳᬶᬤᬧᬸᬢᬺᬚᬢᬷ᭞ᬳᬦ᭄ᬢᬸᬓ᭄ᬳᬶᬤ᭄ᬥᬵᬳ᭄ᬬᬂᬦᬶᬂᬕᬶᬃᬬ᭞ᬳᬶᬤᬵᬲᬦᬾᬓᬧᬶᬢᬸ᭠ ᬤᬸᬄ᭞ᬗ᭄ᬮᬶᬗ᭄ᬕᬦᬶᬜ᭄ᬚᬕᬢ᭄ᬲᬶᬩ᭄ᬢᬦ᭄᭞ᬲᬧᬸᬦᬶᬓᬮᬶᬂᬦᬶᬂᬯᬶᬤ᭄ᬥᬶ᭞ᬳᬶᬤ᭄ᬥᬵᬪᬝᬭᬓᬲᬸᬗ᭄ᬲᬸᬂ᭞ᬧᬸᬭᬩ᭠ᬗ᭄ᬓᬓ᭄᭞ᬫᬸᬗ᭄ᬕᬸᬄᬫᬭᬶᬂᬯ᭄ᬯᬦ᭄ᬳᬓᬰᬵ᭚ᬳᬯᬦᬲᬓᬤᬶᬫᬗ᭄ᬓᬶᬦ᭄᭞ᬳᬶᬤᬵᬗᬃᬲ,ᬳᬬᬂᬧᬳᭂᬡ᭄ᬟᬓ᭄᭞ᬮᬭ ᬧᬦ᭄ᬩᬦ᭄ᬢᭂᬦ᭄ᬓᬳᬢᬹᬃ᭞ᬭᬶᬧᬥᬳᬶᬤ᭄ᬥᬪᬝᬭ᭞ᬫᬮᬶᬗ᭄ᬕᬭᬶᬂᬮᬸᬳᬸᬃᬚᬢᬷ᭞ᬤᬾᬦᬶᬂᬳᬶᬤᬫᬧᬯᬗᬸᬦ᭄᭞ᬦᬗᬸᬦ᭄ᬓᬃᬬ᭄ᬬ᭞ᬭᬶᬢᬼᬂᬳᬶᬓᬃᬲᬫᬸᬤ᭄ᬭ᭚ᬧᬗᬃᬱᬵᬤᬾᬲᬃᬯ᭄ᬯᬵᬧᬸᬢᬶᬄ᭞ᬲᬸᬘᬶᬧ᭄ᬝᬓ᭄ᬯᬦ᭄ᬢᬄᬲᭀᬮᬲ᭄᭞ᬲ ᬤᬕᬶᬂᬧᬦᬼᬫ᭄ᬘᬸᬓᬸᬧ᭄᭞ᬓᬱᬵᬮᬲ᭄ᬚᬃᬢᬦ᭄ᬓᬸᬭᬂ᭞ᬤᬸᬮᬸᬃᬚᬶᬦᬄᬲᭀᬮᬲ᭄ᬢᬮᬶ᭞ᬩᬾᬩᬾᬓ᭄ᬧᬸᬢᬶᬄᬲᭀᬮᬲ᭄ᬳᬸᬓᬸᬤ᭄᭞ᬧᬸᬍᬓ᭄ᬭᬢ᭄ᬬ᭞ᬫᬤᬸᬮᬸᬃᬧᬩᬗ᭄ᬓᬶᬢ᭄ᬧ᭄ᬝᬓ᭄᭚ᬩ᭄ᬭᬲ᭄ᬲᭀᬮᬲ᭄ᬘᬢᬸᬫᬮᬶᬄ᭞ᬧᬸᬮᬸᬧᬸ ᭑᭑ ᬮᬸᬧᬥᬕᬶᬗᬦ᭄᭞ᬕ᭄ᬦᭂᬧ᭄‌ᬢᬶᬗ᭄ᬓᬄᬤᬕᬶᬗᬶᬧᬸᬦ᭄᭞ᬲ᭄ᬬᬧ᭄ᬧᬸᬢᬶᬄᬢᬸᬮᬸᬲᭀᬮᬲ᭄᭞ᬧᬸᬢᬶᬄᬓᬸᬦᬶᬂᬲᭀᬮᬲᬶᬓᬶ᭞ᬢᭂᬢᭂᬧ᭄ᬓᬢᬹᬃᬫᬗ᭄ᬤᬵᬧᬶᬂᬢ᭄ᬮᬸ᭞ᬲᬧᬸᬦᬶᬓᬵ᭞ᬤᬕᬶᬂᬳᬸᬗ᭄ᬕᬳᬦ᭄ᬧᬗᬃᬱᬵ᭚ᬭᬶᬂᬲᬫ᭄ᬧᬸᬦ᭄ᬢᬸᬢᬸᬕ᭄ᬫᬗᬶ ᬭᬶᬂ᭞ᬲ᭄ᬬᬭᬢ᭄ᬭ᭄ᬬᬢᬳᬸᬥᬢᬂ᭞ᬲᬳᬵᬓᬮᬶᬘ᭄ᬙᬦ᭄ᬫᬫᬸᬦ᭄ᬤᬸᬢ᭄᭞ᬧ᭄ᬭᬮᬶᬗ᭄ᬕᬦ᭄ᬳᬶᬤᬵᬪᬝᬭ᭞ᬲᬓᬶᬂᬚᬯᬷᬲ᭠ᬋᬂᬢ᭄ᬭᬶᬡᬶ᭞ᬲᬦᬾᬧᬘᬳᬶᬤᬵᬲᬸᬗ᭄ᬲᬸᬃ᭞ᬫᬫᬸᬦ᭄ᬤᭂᬭᬂ᭞ᬭᬶᬂᬚᬕᬢ᭄ᬩᬮᬶᬲᬶᬦᬫ᭄ᬬᬦ᭄᭚ᬲᬧᬸᬦᬶᬓᬵᬮᬶᬂᬦᬶᬂᬯᬶᬤ᭄ᬥᬶ᭞᭠ ᬫᬸᬗ᭄ᬕᬸᬄᬭᬶᬂᬲᬸᬭᬢ᭄ᬧᬳᬶᬘ᭄ᬙ᭞ᬤᬾᬦᬶᬯᬳᬸᬲᬶᬤ᭄ᬥᬓᬢᬹᬃ᭞ᬓᬃᬬ᭄ᬬᬧᬗᬾᬓᬦᬶᬂᬚᬕᬢ᭄᭞ᬳᬯᬦᬦ᭄ᬗᬾ᭠ᬓᬵᬗᬯᬶᬢᬶᬦ᭄᭞ᬧᬲᬚ᭄ᬜᬵᬦ᭄ᬳᬶᬤ᭄ᬥᬳ᭄ᬬᬂᬢᬸᬤᬸᬄ᭞ᬫᬦᬸᬥᬸᬳᬂ᭞ᬭᬶᬂᬚᬕᬢ᭄ᬩᬮᬶᬧᬸᬦᬶᬮᬶᬦᬵ᭚ᬤᬾᬰᬦᬾᬲᬫ᭄ᬧᬸ ᬦ᭄ᬲᬳᬶᬭᬶᬂ᭞ᬲᬓᬤᬶᬧᬗᬃᬱᬵᬦ᭄ᬳᬶᬤ᭄ᬥᬵ᭞ᬫᬗ᭄ᬤᬵᬲᬫ᭄ᬧᬸᬦᬸᬮᬓ᭄ᬢᬸᬤᬸᬄ᭞ᬧᬯᬭᬄᬳᬶᬤᬵᬳ᭄ᬬᬂᬲᬹᬓ᭄ᬱ᭄ᬫᬵ᭞ᬩᬦ᭄ᬓᬚ᭄ᬭᬶᬳᬦᬾᬢᬦ᭄ᬧᬶᬧᬶ᭞ᬤᬾᬦᬶᬂᬯᭀᬦ᭄ᬢᭂᬦ᭄‌ᬩᬸᬓ᭄ᬢᬶᬢᬸᬳᬸ᭞ᬭᬶᬂᬲᬸᬩᬕᬦ᭄᭞ᬚᬕᬢᬾᬲᬫ᭄ᬧᬸ᭠

Auto-transliteration

10 10 namaringsurat, pahicanhanakelingsir̀, kocapbhaṭarapuniku, nemawes. hā, mawar̀‐ṇnāhanakecr̥ĕddha // deninghidaputr̥ĕjatī, hantuk'hiddhāhyangninggir̀ya, hidāsanekapitu‐ duḥ, nglingganiñjagatsibtan, sapunikalingningwiddhi, hiddhābhaṭarakasungsung, puraba‐ngkak, mungguḥmaringwwanhakaśā // hawanasakadimangkin, hidāngar̀sa,hayangpahĕṇḍak, lara panbantĕnkahatūr̀, ripadhahiddhabhaṭara, malinggaringluhur̀jatī, deninghidamapawangun, nangunkar̀yya, ritl̥ĕnghikar̀samudra // pangar̀syādesar̀wwāputiḥ, sucipṭakwantaḥsolas, sa dagingpanl̥ĕmcukup, kasyālasjar̀tankurang, dulur̀jinaḥsolastali, bebekputiḥsolashukud, pul̥ĕkratya, madulur̀pabangkitpṭak // brassolascatumaliḥ, pulupu 11 lupadhagingan, gnĕptingkaḥdagingipun, syapputiḥtulusolas, putiḥkuningsolasiki, tĕtĕpkatūr̀mangdāpingtlu, sapunikā, daginghunggahanpangar̀syā // ringsampuntutugmangi ring, syaratryatahudhatang, sahākalicchanmamundut, pralingganhidābhaṭara, sakingjawīsa‐r̥ĕngtriṇi, sanepacahidāsungsur̀, mamundĕrang, ringjagatbalisinamyan // sapunikālingningwiddhi, ‐ mungguḥringsuratpahiccha, deniwahusiddhakatūr̀, kar̀yyapangekaningjagat, hawanannge‐kāngawitin, pasajñānhiddhahyangtuduḥ, manudhuhang, ringjagatbalipunilinā // deśanesampu nsahiring, sakadipangar̀syānhiddhā, mangdāsampunulaktuduḥ, pawaraḥhidāhyangsūkṣmā, bankajrihanetanpipi, deningwontĕnbuktituhu, ringsubagan, jagatesampu‐

Leaf 11

Image on Archive.org

᭑᭑ ᭑᭑ ᬦ᭄ᬤᬸᬭᬸᬕᬦ᭄᭚ᬓᭀᬘᬧ᭄ᬫᬮᬭᬧᬦ᭄ᬲᬶᬲᬶᬧ᭄᭞ᬧ᭄ᬭᬮᬗ᭄ᬕ᭄ᬬᬵᬳᬢᬹᬭᬾᬘᬫ᭄ᬧᬕ᭄᭞ᬯᬳᬸᬯᬾᬦ᭄ᬢᭂᬦ᭄ᬜᭂᬧ᭠ᬢ᭄ᬯᬸᬯᬸᬲ᭄᭞ᬯᬸᬯᬸᬲᬾᬩᬲ᭄ᬮᬶᬦ᭄ᬢᬂᬮᬗ᭄ᬕ᭄ᬬᬵ᭞ᬤᬾᬦᬶᬂᬕᬫ᭄ᬫᬵᬲᬯᭀᬲ᭄ᬯ᭄ᬬᬓ᭄ᬢᬶ᭞ᬢᬦ᭄ᬲᬋᬂᬳᬶᬧᬸᬦ᭄ᬫᬶᬦ᭄ᬢᬸᬳᬸ᭞᭠ ᬫᬗᬶᬱ᭄ᬝᬶᬬᬂ᭞ᬲᬂᬳ᭄ᬬᬂᬦᬶᬂᬳᬕᬫ᭄ᬫᬵᬩᬮ᭄ᬬᬵ᭚ᬲᬧᬸᬦᬶᬓᬵᬢᬸᬢᬹᬃᬚᬢᬷ᭞ᬳᬯᬦᬦ᭄ᬢᬦ᭄ᬧᬮᬭᬧᬦ᭄᭞ᬕᭂᬦ᭄ᬢᬸᬄᬩᬮᬩᬸᬃᬫᬗ᭄ᬭᬸᬤᬸᬕ᭄᭞ᬫᬜᬧᬸᬄᬢ᭄ᬓᬦᬶᬂᬮᬗ᭄ᬕᬃ᭞ᬲᬫᬮᬶᬄᬲ᭄ᬥᭂᬓᬦ᭄ᬢᬶᬢᬶᬩ᭄᭞ᬫᬲᭂᬫ᭄ᬩᬄᬳ᭄ᬬᬂᬲ᭄ᬥᭂᬓ᭄ᬓᬸ᭠ ᬫ᭄ᬧᬸᬮ᭄᭞ᬕᬫ᭄ᬫᬵᬳᬶᬲ᭄ᬮᬫ᭄᭞ᬳᬯᬦᬦ᭄ᬳᬓ᭄ᬯᬾᬄᬓᬂᬧ᭄ᬚᬄ᭚ᬲᬸᬫᬗ᭄ᬓᬶᬦ᭄‌ᬗ᭄ᬯᬸᬯᬸᬳᬂᬳᬚ᭄ᬭᬶᬄ᭞ᬧᬘᬂᬫᬶᬯᬮᬶᬦ᭄ᬧᬗᬃᬱᬵ᭞ᬤᬾᬦᬶᬂᬳᬓ᭄ᬯᬾᬄᬓ᭄ᬢᬶᬦ᭄ᬳᬶᬧᬸᬦ᭄᭞ᬚᬦ᭄ᬫᬵᬦᬾᬦᬾᬧᬭᬘᬫ᭄ᬧᬸᬄ᭞ᬫᬗ᭄ᬕᬶᬄᬓᬲᬗ᭄ᬓᬮᬦ᭄ᬯᬶ ᬤ᭄ᬥᬶ᭞ᬯᭀᬦ᭄ᬢᭂᬦ᭄ᬲᬓᬶᬂᬫᬩᬸᬩᬸᬭᬸ᭞ᬮᬭᬧᬦ᭄ᬜ᭞ᬫᬫᬗ᭄ᬕᬸᬳᬂᬓᬲᬗ᭄ᬓᬮᬦ᭄᭚ᬦᬸᬚᬸᬤᬶᬦᬵᬤᬶᬢᬿ᭠ᬧᬳᬶᬂ᭞ᬯᬭᬵᬤᬸᬗ᭄ᬕᬸᬮᬦᬾᬥᬢᬂ᭞ᬯᬳᬸᬢᬸᬢᬸᬕ᭄‌ᬳᬸᬮᬸᬮᬶᬓᬸᬃ᭞ᬭᬳᬶᬦᬦ᭄ᬦᬾᬫᬗᬯᬶᬢᬂ᭞ᬕᬸ ᭑᭒ ᬦᬸᬗᬾᬫᬍᬢᬸᬲ᭄ᬫᬗ᭄ᬓᬶᬦ᭄᭞ᬫ᭄ᬥᬮ᭄ᬮᬳᬵᬃᬢᬦ᭄ᬧᬯᬲ᭄ᬢᬸ᭞ᬫᬫᬸᬳᬸᬦᬂ᭞ᬤᬾᬰᬧᬕᬸᬦᬸᬗᬦ᭄‌ᬲ᭄ᬮᬢ᭄᭚ᬲ᭄ᬥᭂᬓ᭄ᬱ᭄ᬫᭂᬂᬩᬸᬦ᭄ᬤᬕ᭄‌ᬭᬯᬷ᭞ᬫᬮᬶᬄᬯᬮᬶᬓᬤᬶᬭᬢ᭄ᬭ᭄ᬬᬵ᭞ᬕᬸᬫᬶᬦᬾᬫᬓ᭄ᬮᬶᬬᭂᬩ᭄ᬲᬫ᭄ᬧᬸᬦ᭄᭞ᬫᬶᬦᬩ᭄ᬓᬤᬶᬢ᭄ᬗᬄᬭᬢ᭄ᬭ᭄ᬬᬵ ᭞ᬧ᭄ᬝᭂᬂᬥᭂᬥᭂᬢ᭄ᬢᬦ᭄ᬧᬢᬦ᭄ᬤᬶᬂ᭞ᬧᬸᬦᬶᬓᬵᬲᬦᬾᬫᬗᬼᬩᬸᬃ᭞ᬗᬫᬥ᭄ᬫᬂ᭞ᬯᭀᬂᬤᬾᬰᬦᬾᬢᬶᬕᬂᬤᬾᬰᬵ᭚ᬓᬯᬱ᭄ᬝᬵᬦᬶᬦ᭄ᬮᬳᬃᬖ᭄ᬦᬶ᭞ᬳᬗ᭄ᬲᭂᬗᬦᬾᬗᬜᬸᬢ᭄ᬢᬶᬯ᭄ᬯᬵ᭞ᬳᬦ᭄ᬢᬸᬓ᭄‌ᬓ᭄ᬩᬸᬲ᭄ᬜᬦᬾᬫᬸᬧᬸᬢ᭄᭞ᬲᬧᬸᬦᬶᬓᬵᬓᭀᬘᬧ᭠ ᬜ᭞ᬧᬯᬭᬄᬲᬂᬲᬵᬫ᭄ᬧᬸᬦ᭄ᬢᬫᬷ᭞ᬭᬶᬂᬢᬶᬗ᭄ᬓᬄᬕᬸᬦᬸᬂᬫᬍᬢᬸᬲ᭄᭞ᬬᬦ᭄ᬳᬓᬸᬤᬂ᭞ᬧᬫ᭄ᬭᬾᬓ᭄ᬱᬬᬦ᭄ᬧᬓᬶᬂ᭠ᬚᬯ᭄ᬬᬵ᭚ᬯᬱ᭄ᬝᬦ᭄ᬤᬾᬰᬦᬾᬓᬩᬱ᭄ᬫᬶ᭞ᬭᬶᬂᬩᬤᬾᬕ᭄ᬫᬶᬯᬄᬭᬶᬂᬲᭀᬃᬕ᭄ᬕ᭞ᬭᬯᬸᬄᬓᬲᭂᬩᬸᬤ᭄ᬥᬶᬕᭂᬫ᭄ᬧᬸᬂ᭞ᬭᬯᬶᬂ᭠ ᬤᬸᬓᬸᬄᬩᬤᬾᬕ᭄ᬧ᭄ᬚᬄ᭞ᬓᬭᬶᬧ᭄ᬬᬦᬓᬾᬳᬤᬶᬭᬷ᭞ᬓᬢᬸᬦ᭄ᬤᬸᬂᬫᬗᬸᬗ᭄ᬲᬷᬜᬶᬦᬸᬢ᭄᭞ᬚ᭄ᬭᭀᬤᬸᬓᬸᬄ᭞ᬫ᭄ᬧ᭄ᬭᬬᬧᬘᬂᬦᬸᬮᬸᬲᬂ᭚ᬤᬾᬦᬶᬂᬯᬾᬦ᭄ᬢᭂᬦ᭄ᬢᬢ᭄ᬗᭂᬃᬍᬯᬶᬄ᭞ᬫᬕᬺᬥᭂᬕᬦ᭄ᬧᬘᬂᬯ᭄ᬥᬮ᭄᭞ᬧᬯᬶᬚᬶᬮᬾᬲᬓᬶᬂ

Auto-transliteration

11 11 ndurugan // kocapmalarapansisip, pralanggyāhatūrecampag, wahuwentĕnñĕpa‐twuwus, wuwusebaslintanglanggyā, deninggammāsawoswyakti, tansar̥ĕnghipunmintuhu, ‐ mangiṣṭiyang, sanghyangninghagammābalyā // sapunikātutūr̀jatī, hawanantanpalarapan, gĕntuḥbalabur̀mangrudug, mañapuḥtkaninglanggar̀, samaliḥsdhĕkantitib, masĕmbaḥhyangsdhĕkku‐ mpul, gammāhislam, hawananhakweḥkangpjaḥ // sumangkinngwuwuhanghajriḥ, pacangmiwalinpangar̀syā, deninghakweḥktinhipun, janmāneneparacampuḥ, manggiḥkasangkalanwi ddhi, wontĕnsakingmabuburu, larapanña, mamangguhangkasangkalan // nujudināditai‐pahing, warādunggulanedhatang, wahututug'hululikur̀, rahinannemangawitang, gu 12 nungemal̥ĕtusmangkin, mdhallahār̀tanpawastu, mamuhunang, deśapagununganslat // sdhĕkṣmĕngbundagrawī, maliḥwalikadiratryā, guminemakliyĕbsampun, minabkaditngaḥratryā , pṭĕngdhĕdhĕttanpatanding, punikāsanemangl̥ĕbur̀, ngamadhmang, wongdeśanetigangdeśā // kawaṣṭāninlahar̀ghni, hangsĕnganengañuttiwwā, hantukkbusñanemuput, sapunikākocapa‐ ña, pawaraḥsangsāmpuntamī, ringtingkaḥgunungmal̥ĕtus, yanhakudang, pamrekṣayanpaking‐jawyā // waṣṭandeśanekabaṣmi, ringbadegmiwaḥringsor̀gga, rawuḥkasĕbuddhigĕmpung, rawing‐ dukuḥbadegpjaḥ, karipyanakehadirī, katundungmangungsīñinut, jrodukuḥ, mprayapacangnulusang // deningwentĕntatngĕr̀l̥ĕwiḥ, magr̥ĕdhĕganpacangwdhal, pawijilesaking

Leaf 12

Image on Archive.org

᭑᭒ ᭑᭒ ᬮ᭄ᬳᬸᬃ᭞ᬧᬸᬦᬶᬓᬵᬧ᭄ᬬᬦᬓᬾᬕᬜ᭄ᬘᬂ᭞ᬫᬗᬚᬓᬶᬦ᭄ᬧᬘᬂᬗᬸᬗ᭄ᬲᬷ᭞ᬚ᭄ᬭᭀᬤᬸᬓᬸᬄᬦ᭄ᬤᬢᬦ᭄ᬓᬳ᭄ᬬᬸᬦ᭄᭞ᬓᬓᭀ᭠ᬦ᭄ᬓᭀᬦᬂ᭞ᬧ᭄ᬬᬦᬓᬾᬓᬢᬸᬦ᭄ᬤᬸᬂᬩᬸᬤᬮ᭄᭚ᬚ᭄ᬭᭀᬤᬸᬓᬸᬄᬕ᭄ᬮᬶᬲ᭄ᬫᬩᬺᬰᬶᬄ᭞ᬫᬦ᭄ᬤᬸᬲ᭄ᬫᬗ᭄ᬭᬭᬶᬲ᭄ᬫᬧᬸᬚ᭄ᬚᬵ᭞ᬭᬶᬂᬲᬗ᭄ᬕᬄᬢ᭄ᬩᭂᬂ᭠ ᬫᬓᬸᬫ᭄ᬧᬸᬮ᭄᭞ᬧ᭄ᬭᬦᬓᬦ᭄ᬧᬥᬯ᭄ᬓᬵ᭞ᬧᬘᬂᬲᬥ᭄ᬬᬵᬜᬫᬗᬶᬭᬶᬂ᭞ᬓᬬᬸᬦ᭄ᬤᬦᬾᬚ᭄ᬭᭀᬤᬸᬓᬸᬄ᭞ᬫᬫᬸᬧᬸ᭞ᬭᬂ᭞ᬧᬗᬶᬭᬶᬗᬾᬜᬤ᭄ᬬᬦ᭄ᬧ᭄ᬚᬄ᭚ᬧ᭄ᬬᬦᬓᬾᬗ᭄ᬭᬭᬶᬲ᭄ᬫᬗᬸᬗ᭄ᬲᬷ᭞ᬲᬯᬶᬭᬾᬄᬯᬸᬲ᭄ᬓᬯᬭᬳᬦ᭄᭞ᬭᬶᬂᬩᬧᬵᬦᬾ ᬳᬶᬚ᭄ᬭᭀᬤᬸᬓᬸᬄ᭞ᬫᬗ᭄ᬤᬵᬲᬫ᭄ᬧᬸᬦ᭄ᬓᬢᬸᬮᬸᬲᬦ᭄᭞ᬘᬫ᭄ᬧᬸᬢ᭄ᬢᬦ᭄ᬧᬢᬸᬗ᭄ᬓᬓ᭄ᬓᬭᬷ᭞ᬳᬯᬦᬦᬾᬓ᭄ᬤᭂᬄᬦᬸᬦ᭄ᬤᬸᬂ᭞ᬲᬳᬵᬯᬭᬄ᭞ᬫᬯᬦᬦ᭄ᬧ᭄ᬬᬦᬓᬾᬮᭀᬕᬲ᭄᭚ᬤᬾᬦᬶᬂᬲᬵᬫ᭄ᬧᬸᬦ᭄ᬓᬢᬸᬢᬹᬭᬶᬦ᭄᭞ᬭᬶᬂᬧᬗᬧ᭄ᬝᬶᬚ᭄ᬭᭀᬦᬶᬂᬳᬺ᭠ ᬤ᭄ᬥ᭞ᬢ᭄ᬮᬲ᭄ᬧᬩ᭄ᬲᭂᬦᬾᬲᬫ᭄ᬧᬸᬦ᭄᭞ᬲᬧᬸᬦᬶᬓᬵᬓᬢᬢ᭄ᬯᬜ᭞ᬢᬢ᭄ᬯᬦ᭄ᬤᬾᬰᬦᬾᬫᬗᬶᬭᬶᬂ᭞ᬳᬯᬦᬦ᭄ᬳᬓᬾᬄᬓᬲᬸᬫ᭄ᬩᬸᬂ᭞ᬧᬚᬮ᭄ᬧᬾᬂ᭞ᬩᬗ᭄ᬓᬾᬦ᭄ᬜᬦᬾᬫᬩ᭄ᬭᬭᬓᬦ᭄᭚ᬧᬫ᭄ᬭᬾᬦ᭄ᬢᬳᬾᬢ᭄ᬓᬕᬶᬧᬶᬄ᭞ᬗᬦ᭄ᬤᬶᬓᬬᬂᬫ᭠ ᭑᭓ ᬦᬦᭂᬫᬂ᭞ᬰᬯᬦᬾᬢᬦ᭄ᬕᭂᬲᭂᬂᬓᬦ᭄ᬢᬸᬦ᭄᭞ᬓᬾᬯᬮᬵᬳᬸᬭᬶᬧᬾᬫᬼᬲᬢ᭄᭞ᬧᬗᬗ᭄ᬕᬾᬦᬾᬓᬭᬶᬩ᭄ᬘᬶᬓ᭄᭞᭠ᬯᭀᬦ᭄ᬢᭂᬦ᭄ᬢᬭᬶᬗᬶᬲᬶᬧᬗ᭄ᬕᬸᬮ᭄᭞ᬯᬦ᭄ᬢᭂᬦ᭄ᬜᬸᬫ᭄ᬩᬄ᭞ᬕ᭄ᬮᬶᬲᬦ᭄‌ᬚᬶᬯᬦᬾᬳᬶᬮᬂ᭚ᬧᬫ᭄ᬭᬾᬦ᭄ᬢᬳᬾᬫᬜ᭄ᬮᬶᬤᬶᬓᬶᬦ᭄᭞ᬓ ᬯᬾᬦ᭄ᬢᭂᬦᬦᬾᬪᬳᬬᬵ᭞ᬓᬮᬶᬄᬦᬾᬫᬗ᭄ᬕᬶᬄᬭᬳᬬᬸ᭞ᬲᬫᬶᬲᬫ᭄ᬧᬸᬦ᭄ᬓᬧ᭄ᬭᬾᬦ᭄ᬢᬳᬂ᭞ᬦᬸᬭᬾᬓ᭄ᬱᬵᬓᬮᬶᬄᬦ᭄ᬮᬶᬓᬶᬦ᭄᭞ᬲᬦᬾᬧᬢᬹᬢ᭄ᬧᬘᬂᬢᬸᬦ᭄ᬤᬸᬂ᭞ᬓᬳᬸᬗ᭄ᬲᬶᬬᬂ᭞ᬤᬾᬦᬶᬂᬫ᭄ᬭᬱᬵᬧᬘᬂᬪᬬᬵ᭚ᬓᬮᬶᬄᬲᬦᬾᬓ+ᬳ᭄ᬦᬳᬶᬦ᭄᭞ ᬳᬦ᭄ᬢᬸᬓ᭄ᬲᬂᬫᬗᬸᬗ᭄ᬲᬶᬲᬫ᭄ᬬᬦ᭄᭞ᬢᬍᬃᬧᬫ᭄ᬭᬾᬦ᭄ᬢᬳᬾᬦᬸᬚᬸ᭞ᬫᬗᬫᬢᬫᬢᬶᬦ᭄ᬲᬩ᭄ᬭᬦ᭄᭞ᬜᬕ᭄ᬕᬵᬫ᭠ᬓᬤᬶᬦᬶᬮᬶᬓᬶᬦ᭄᭞ᬦᬾᬩᬬᬵᬧᬘᬂᬓᬢᬸᬮᬸᬂ᭞ᬬᬾᬜᬮᬭᬵ᭞ᬧᬘᬂᬓᬳᬶᬘᬦᬶᬦ᭄ᬢᬫ᭄ᬩᬵ᭚ᬧᬸᬦᬶᬓᬵᬳᬯ᭠ ᬦᬦ᭄‌ᬲ᭄ᬭᬶᬂ᭞ᬲᬓᬶᬂᬧᬫ᭄ᬭᬾᬦ᭄ᬢᬄᬦᬢᬲᬂ᭞ᬓᬨᬮᬵᬳᬕᬫ᭄ᬫᬵᬭᬯᬸᬄ᭞ᬤᬾᬦᬶᬂᬯᬦ᭄ᬢᭂᬦ᭄ᬓᬓᬩᬭᬦ᭄᭞ᬭᬶᬂᬲᬶ᭠ᬩ᭄ᬢᬦ᭄ᬯᬦ᭄ᬢᭂᬦ᭄ᬗᬶᬭᬶᬂ᭞ᬪᬝᬭᬓᬕᬸᬦᬸᬂᬳᬕᬸᬂ᭞ᬓᬲᭂᬲᭂᬤᬂ᭞ᬓᬧ᭄ᬭᬾᬓ᭄ᬱᬲᬫᬗ᭄ᬤᬾᬢᬢᬲ᭄᭚ᬓᬲᬸᬭᬢᬂᬲᬧᬳᬶ

Auto-transliteration

12 12 lhur̀, punikāpyanakegañcang, mangajakinpacangngungsī, jrodukuḥndatankahyun, kako‐nkonang, pyanakekatundungbudal // jrodukuḥglismabr̥ĕśiḥ, mandusmangrarismapujjā, ringsanggaḥtbĕng‐ makumpul, pranakanpadhawkā, pacangsadhyāñamangiring, kayundanejrodukuḥ, mamupu, rang, pangiringeñadyanpjaḥ // pyanakengrarismangungsī, sawireḥwuskawarahan, ringbapāne hijrodukuḥ, mangdāsampunkatulusan, camputtanpatungkakkarī, hawananekdĕḥnundung, sahāwaraḥ, mawananpyanakelogas // deningsāmpunkatutūrin, ringpangapṭijroninghr̥ĕ‐ ddha, tlaspabsĕnesampun, sapunikākatatwaña, tatwandeśanemangiring, hawananhakeḥkasumbung, pajalpeng, bangkenñanemabrarakan // pamrentahetkagipiḥ, ngandikayangma‐ 13 nanĕmang, śawanetan'gĕsĕngkantun, kewalāhuripeml̥ĕsat, panganggenekaribcik, ‐wontĕntaringisipanggul, wantĕnñumbaḥ, glisanjiwanehilang // pamrentahemañlidikin, ka wentĕnanebhahayā, kaliḥnemanggiḥrahayu, samisampunkaprentahang, nureksyākaliḥnlikin, sanepatūtpacangtundung, kahungsiyang, deningmrasyāpacangbhayā // kaliḥsaneka+hnahin, hantuksangmangungsisamyan, tal̥ĕr̀pamrentahenuju, mangamatamatinsabran, ñaggāma‐kadinilikin, nebayāpacangkatulung, yeñalarā, pacangkahicanintambā // punikāhawa‐ nansring, sakingpamrentaḥnatasang, kaphalāhagammārawuḥ, deningwantĕnkakabaran, ringsi‐btanwantĕnngiring, bhaṭarakagununghagung, kasĕsĕdang, kaprekṣasamangdetatas // kasuratangsapahi

Leaf 13

Image on Archive.org

᭑᭓ ᭑᭓ ᬦ᭄ᬤᬶᬓ᭄᭞ᬢᬢᬶᬗ᭄ᬓᬳᬦ᭄ᬜᬦᬾᬮᬸᬗ᭄ᬳᬵ᭞ᬓᬮᬶᬄᬲᬭᬯᬸᬄᬭᬶᬂᬮᬸᬳᬸᬃ᭞ᬓᬸᬤᬂᬤᬶᬦᬵᬫᬋᬋᬧᬦ᭄᭞ᬓᬮᬶᬄᬧᬸ᭠ᬦᬧᬶᬓᬧᬗ᭄ᬕᬶᬄ᭞ᬲᬫᬶᬲᬫ᭄ᬧᬸᬦ᭄ᬧᬥ᭄ᬥᬓᬢᬹᬃ᭞ᬭᬶᬂᬧᬫ᭄ᬭᬾᬦ᭄ᬢᬄ᭞ᬚᬯᬢᬦ᭄ᬳᬕᬫ᭄ᬫᬵᬫ᭄ᬭᬾᬓ᭄ᬱᬵ᭚ᬓᬮᬶᬄᬥᬕᬶᬂ ᬧᬶᬘ᭄ᬙᬦ᭄ᬯᬶᬤ᭄ᬥᬶ᭞ᬲᬦᬾᬫᬸᬗ᭄ᬕᬸᬄᬫᬸᬗ᭄ᬕ᭄ᬯᬶᬂᬲᬸᬭᬢ᭄᭞ᬲᬫᬶᬬᬦ᭄ᬲᬫ᭄ᬧᬸᬦ᭄ᬓᬢ᭄ᬥᬸᬦ᭄᭞ᬳᬸᬗ᭄ᬕᬸᬳᬦᬾᬫᬸᬗ᭄ᬕ᭄ᬯᬶᬂᬲᬲ᭄ᬢ᭄ᬭᬵ᭞ᬭ᭠ᬯᬶᬂᬧᬲᬚ᭄ᬜᬵᬦ᭄ᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬤᬵᬢᬢᬲ᭄ᬲᬫᬶᬢᬳᬸ᭞ᬭᬶᬂᬧᬫ᭄ᬭᬾᬦ᭄ᬢᬄ᭞ᬧᬶᬤᬩ᭄ᬥᬩ᭄ᬢᬢᬦᬶᬂᬚᬕᬢ᭄᭚ᬓᬮᬶᬄᬦᬶ ᬤᬗᬂᬧᬫᬗ᭄ᬕᬄ᭞ᬤᬕᬶᬂᬭᬋᬫ᭄ᬩᬸᬓᬦ᭄ᬓᬃᬬ᭄ᬬᬵᬳ᭞ᬤᬾᬦᬶᬂᬧᬓᬼᬫᬾᬓᬢᬹᬃ᭞ᬓᬮᬸᬳᬸᬃᬤᬸᬭᬸᬂᬜᬶᬤᬬᬂ᭞ᬲ᭠ᬧᬸᬦᬧᬶᬳᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬫᬗ᭄ᬤᬵᬲᬫ᭄ᬧᬸᬦ᭄ᬓᬢ᭄ᬮᬜ᭄ᬚᬃ᭞ᬗᬫᬃᬕ᭄ᬕᬶᬬᬂ᭞ᬓᬃᬬ᭄ᬬᬵᬲᬫ᭄ᬧᬸᬦ᭄ᬢᬸᬢᬸᬕ᭄ᬮᬶᬦ᭄ᬢᬂ᭚ᬓᬧᬢᬹ ᬢ᭄ᬲᬓᬶᬂᬳ᭄ᬬᬂᬯᬶᬥᬶ᭞ᬓᬦ᭄ᬢᭂᬂᬦ᭄ᬲᬓᬶᬂᬢ᭄ᬥᬸᬦ᭄ᬲ᭄ᬓᬃ᭞ᬓᬮᬶᬄᬧᬫᬢᬹᬢ᭄ᬧᬗᬺᬫ᭄ᬩᬸᬓ᭄᭞ᬧᬫ᭄ᬭᬾᬦ᭄ᬢᬳᬦ᭄ᬓᬃᬬ᭄ᬬᬲᬫ᭄ᬬᬦ᭄᭞ᬜᭀᬘᭀᬓ᭄ᬳᬤᬸᬂᬧᬢᭂᬄᬩ᭄ᬘᬶᬓ᭄᭞ᬯ᭄ᬦᬂᬲᬓᬶᬂᬧᬸᬭᬮᬸᬳᬸᬃ᭞ᬦᬾᬫᬧᬭᬩ᭄᭞ᬧᬸᬭᬦᬾ᭠ ᭑᭔ ᬭᬶᬂᬧᬗᬸᬩᭂᬗᬦ᭄᭚ᬓᬤᬸᬭᬸᬲᬦ᭄ᬓᬢᬹᬃᬫᬗ᭄ᬓᬶᬦ᭄᭞ᬲᬓᬶᬂᬧᬸᬭᬵᬧᬗᬸᬩ᭄ᬕᬦ᭄᭞ᬲᬮ᭄ᬯᬶᬭᬶᬂᬧᬓᬼᬫ᭄ᬧᬸᬧᬸᬢᬦ᭄᭞ᬢ᭄ᬓᬦᬶᬂᬩᬩᬦ᭄ᬢᭂᬦ᭄ᬲᬫ᭄ᬬᬦ᭄᭞ᬫᬧᬗᭂᬮᬾᬩ᭄ᬲᬃᬯ᭄ᬯᬵᬧᬸᬢᬶᬄ᭞ᬲᬓᬶᬂᬧᬗᬸᬩ᭄ᬕᬦ᭄ᬓᬢᬹᬃ᭞ᬭᬶᬲ᭄ᬥᬓᬦ᭄᭞ᬤᬶᬦᬵ ᬘᭀᬫᬦ᭄ᬫᬥᬗ᭄ᬓᬸᬗᬦ᭄᭚ᬧᬜ᭄ᬘᬯᬭᬦ᭄ᬜᬦᬾᬫᬦᬶᬲ᭄᭞ᬧᬗ᭄ᬮᭀᬂᬧᬶᬂᬭᭀᬭᬲ᭄ᬥᭂᬓᬦ᭄᭞ᬰᬰᬶᬄᬚ᭄ᬬᬾᬱ᭄ᬝᬵᬦᬸᬓ᭄ᬧᬸᬦᬶᬓᬸ᭞ᬇᬰᬓᬦ᭄ᬜᬦᬾᬭᬶᬳᬶᬦᬦ᭄᭞ᬧᬢᭂᬄᬓᬭᬶᬧᬶᬂᬲ᭄ᬬᬩᬦ᭄ᬲᬢ᭄᭞ᬳᬸᬮᬸᬂᬤᬰᬵᬮᬶᬫᬢ᭠ ᬗ᭄ᬕᬸ᭞ᬤᬸᬓ᭄‌ᬫᬸᬧᬸᬢᬂ᭞ᬗᬢᬹᬭᬂᬧᬓᬼᬫ᭄ᬓᬃᬬ᭄ᬬᬵ᭚ᬮᬶᬦ᭄ᬢᬗᬂᬜ᭄ᬭᬶᬢᬬᬂᬓᬶᬤᬶᬓ᭄᭞ᬭᬶᬂᬤᬶᬦᬵᬫᬦᬸᬚᬸᬘᭀ᭠ᬫ᭄ᬫᬵ᭞ᬳᬸᬓᬸᬢᬫ᭄ᬩᬶᬃᬤᬸᬓ᭄ᬧᬸᬦᬶᬓᬸ᭞ᬲᬓᬶᬂᬳᬶᬢᬶᬓᬵᬗᬯᬶᬢᬂ᭞ᬮᬶᬡ᭄ᬟᬸᬳᬕᭂᬂᬲᬤ᭄ᬥᬢᬭᬶᬓ᭄᭞ᬫᬮᬶᬄᬭᬶᬂᬯᬺᬱ᭄ᬧᬢᬶ ᬦ᭄ᬳᬶᬧᬸᬦ᭄᭞ᬓᬮᬵᬭᬢ᭄ᬭ᭄ᬬᬵ᭞ᬫᬮᬶᬄᬕ᭄ᬚᭀᬭᬾᬗᬕᭂᬗᬂ᭚ᬭᬯᬸᬄᬭᬶᬂᬤᬶᬦᬵᬯᬺᬱ᭄ᬧᬢᬶ᭞ᬯᬭᬦ᭄ᬳᬶᬧᬸ᭠ᬦ᭄ᬫᬥᬗ᭄ᬓᬸᬗᬦ᭄᭞ᬲ᭄ᬫᭂᬂᬧᬶᬲᬦ᭄ᬓᬭᬶᬦ᭄ᬭᬸᬧᬸᬢ᭄᭞ᬫᬮᬶᬄᬕ᭄ᬚᭀᬭᬾᬢᬦ᭄ᬧ᭄ᬭᬄ᭞ᬗᭂᬭᬸᬕᬂᬧᬸᬭᬦᬾᬲᬫᬶ᭞ᬫᬶᬯᬄ

Auto-transliteration

13 13 ndik, tatingkahanñanelunghā, kaliḥsarawuḥringluhur̀, kudangdināmar̥ĕr̥ĕpan, kaliḥpu‐napikapanggiḥ, samisampunpadhdhakatūr̀, ringpamrentaḥ, jawatanhagammāmreksyā // kaliḥdhaging picchanwiddhi, sanemungguḥmunggwingsurat, samiyansampunkatdhun, hungguhanemunggwingsastrā, ra‐wingpasajñānhyangwiddhi, mangdātatassamitahu, ringpamrentaḥ, pidabdhabtataningjagat // kaliḥni dangangpamanggaḥ, dagingrar̥ĕmbukankar̀yyāha, deningpakl̥ĕmekatūr̀, kaluhur̀durungñidayang, sa‐punapihantukmangkin, mangdāsampunkatlañjar̀, ngamar̀ggiyang, kar̀yyāsampuntutuglintang // kapatū tsakinghyangwidhi, kantĕngnsakingtdhunskar̀, kaliḥpamatūtpangr̥ĕmbuk, pamrentahankar̀yyasamyan, ñocok'hadungpatĕḥbcik, wnangsakingpuraluhur̀, nemaparab, purane‐ 14 ringpangubĕngan // kadurusankatūr̀mangkin, sakingpurāpangubgan, salwiringpakl̥ĕmpuputan, tkaningbabantĕnsamyan, mapangĕlebsar̀wwāputiḥ, sakingpangubgankatūr̀, risdhakan, dinā comanmadhangkungan // pañcawaranñanemanis, panglongpingrorasdhĕkan, śaśiḥjyeṣṭānukpuniku, iśakanñanerihinan, patĕḥkaripingsyabansat, hulungdaśālimata‐ nggu, dukmuputang, ngatūrangpakl̥ĕmkar̀yyā // lintangangñritayangkidik, ringdināmanujuco‐mmā, hukutambir̀dukpuniku, sakinghitikāngawitang, liṇḍ'̔uhagĕngsaddhatarik, maliḥringwr̥ĕṣpati nhipun, kalāratryā, maliḥgjorengagĕngang // rawuḥringdināwr̥ĕṣpati, waranhipu‐nmadhangkungan, smĕngpisankarinruput, maliḥgjoretanpraḥ, ngĕrugangpuranesami, miwaḥ

Leaf 14

Image on Archive.org

Leaf 15

Image on Archive.org

᭑᭕ ᭑᭕ ᬦᭂᬫ᭄ᬫᭂᬫ᭄ᬲᬫᬶ᭞ᬧᬥᬵᬡ᭄ᬟᬫᬸᬗ᭄ᬕᬄᬫᬧᬸᬚ᭄ᬚᬵ᭞ᬯᬾᬦ᭄ᬢᭂᬦ᭄ᬢᬍᬃᬓᬭᬶᬕ᭄ᬮᬸ᭞ᬰᬶᬯᬧᬓ᭄ᬭᬡᬦᬾᬩᭂᬜ᭄ᬘᬃ᭞ᬢ᭄ᬧᬾᬦ᭄ᬢᬾᬫ᭄ᬩᭀᬦ᭄ᬢᬦ᭄ᬧᬭᬭᬷ᭞ᬳᬯᬦᬦ᭄ᬳᬶᬤ᭄ᬥᬵᬢᬦ᭄ᬓᬳ᭄ᬬᬸᬦ᭄᭞ᬫᬦᬸᬮᬸᬲᬂ᭞ᬫᬸᬗ᭄ᬕᬄᬫᬯᬾᬤ᭄ᬥᬵᬗᬱ᭄ᬝᬵᬯ᭚ ᬦᬾᬤᬸᬭᬸᬰᬸᬗ᭄ᬕᬳᬂᬫᬗ᭄ᬓᬶᬦ᭄᭞ᬳᬶᬤᬵᬧ᭄ᬭᬡ᭄ᬤᬗᬱ᭄ᬝᬵᬯᬬᬂ᭞ᬳᬶᬤᬧ᭄ᬭᬡ᭄ᬤᬕ᭄ᬤᬾᬧᬸᬢᬸ᭞ᬕ᭄ᬭ᭄ᬬᬢ᭄ᬗᬄᬭᬶᬂᬚᬸᬗᬸᬢᬦ᭄᭞ᬫᬶᬯᬄᬧ᭄ᬭᬡ᭄ᬟᬕ᭄ᬤᬾᬧᬶᬦᬢᬶᬄ᭞ᬭᬶᬂᬕ᭄ᬭᬶᬬᬵᬉᬮᭀᬦ᭄ᬓᬯᬸᬯᬸᬲ᭄᭞ᬫᬶᬯᬄᬧ᭄ᬭᬡ᭄ᬟᬓ᭄ᬢᬸᬢ᭄ᬧᬶᬦᬢᬶᬄᬧᬲᬚ᭄ᬜᬵ᭠ ᬦ᭄᭚ᬢᬍᬃᬕ᭄ᬭ᭄ᬬᬵᬚᬸᬗᬸᬢᬦ᭄ᬲᬫᬶ᭞ᬭᬶᬂᬤ᭄ᬮᭀᬤ᭄ᬢᬸᬓᬤ᭄ᬲᬋᬂᬢᬶᬕᬵ᭞ᬕ᭄ᬭᬶᬬᬓᬯ᭄ᬬᬦ᭄ᬲᬫᬶᬤᬸᬭᬸᬲ᭄᭞ᬳᬶ᭠ᬤ᭄ᬥᬧ᭄ᬭᬡ᭄ᬟᬳᬶᬲ᭄ᬢ᭄ᬭᬶᬳᭀᬓ᭞ᬧ᭄ᬭᬡ᭄ᬟᬳᬶᬲ᭄ᬢ᭄ᬭᬶᬳᬦᭀᬫ᭄ᬫᬮᬶᬄ᭞ᬭᬓᬦᬶᬤ᭄ᬥᬵᬧᬶᬦᬶᬄᬤᬸᬳᬸᬃ᭞ᬳᬶᬤ᭄ᬥᬵᬧ᭄ᬭᬡ᭄ᬟᬵᬫ᭠ ᬥᬾᬲᬶᬤ᭄ᬫᭂᬦ᭄ᬓᬳᬸᬘᬧ᭄᭚ᬓᬭᬶᬦ᭄ᬦᬾᬢᬦ᭄ᬓᬬᬸᬦ᭄ᬲᬫᬶ᭞ᬯᬦ᭄ᬢᭂᬦ᭄ᬫᬦᬦ᭄ᬢᬸᬯᬂᬲᬸᬗ᭄ᬓᬦ᭄᭞ᬯᬦ᭄ᬢᭂᬦ᭄ᬰᬶᬯᬓ᭄ᬭᬡᬵᬭᬸᬦ᭄ᬢᬸᬄ᭞ᬩ᭄ᬮᬄᬓ᭄ᬦᬶᬓᬕ᭄ᬚᭀᬭᬦ᭄᭞ᬯᬾᬦ᭄ᬢᭂᬦ᭄ᬤᬸᬭᬸᬂᬫᬫᬶᬦᭂᬳᬶᬦ᭄᭞ᬤᬾᬦᬶᬂᬩᬲ᭄ᬮᬶᬬᬸᬫᬦᬸᬳᬸᬃ᭞ᬧᬶ᭠ ᭑᭖ ᬲᬦ᭄ᬧᬶᬲᬦ᭄᭞ᬗᬭᬕ᭄ᬕᬵᬳᬶᬤᬵᬜᬶᬤᬬᬂ᭚ᬭᬶᬂᬮ᭄ᬯᬄᬲᬋᬂᬢᬶᬕᬵᬫᬗ᭄ᬓᬶᬦ᭄᭞ᬤᬸᬭᬸᬲ᭄‌ᬫᬸᬗ᭄ᬕᬄᬫᬗᬱ᭄ᬝᬵᬯ᭞ᬫᬸᬧᬸᬢᬂᬧᬗᬱ᭄ᬝᬸᬧᬸᬗ᭄ᬓᬸ᭞ᬲᬢᬶᬗ᭄ᬓᬳᬶᬂᬧᬸᬚ᭄ᬚᬵᬓ᭄ᬭᬫ᭄ᬫᬵ᭞ᬲᬧᬭᬶᬓ᭄ᬭᬫᬦᬶᬂᬳᬶᬦ᭄ᬤᬶᬓ᭄᭞ᬧᬸᬧᬸᬢ᭄ᬳᬸᬧᬵᬘᬭᬵ᭠ ᬲᬫ᭄ᬧᬸᬦ᭄᭞ᬓᬤᬶᬦᬶᬓᬵ᭞ᬉᬗ᭄ᬕᬸᬳᬂᬢᬶᬢ᭄ᬬᬂᬭᬶᬂᬲᬸᬭᬢ᭄᭚ᬯᭂᬯᭂᬳᬶᬦ᭄ᬫᬮᬶᬄᬳᬦᬶᬤᬶᬓ᭄᭞ᬤᬸᬓ᭄ᬩᬗ᭄ᬓᭂᬢᬾᬓᬯᬸᬭᬸᬕᬦ᭄᭞ᬲᬸᬩᬓ᭄ᬓᬶᬩᬶᬦᬾᬳᬢᬸᬮᬸᬓ᭄᭞ᬯᭀᬯᬸᬳᬵᬲ᭄ᬓᬃᬫ᭄ᬯᬂᬚᬸᬗᬸᬢᬦ᭄᭞ᬓᬮᭀᬯᭀ ᬓ᭄ᬧᭂᬡ᭄ᬟᭂᬫᬾᬫᬲᬶᬄ᭞ᬭᬯᬶᬂᬕ᭄ᬭᬶᬬᬦᬾᬓᬯᬸᬭᬸᬕ᭄᭞ᬓᬩᬜ᭄ᬘᬶᬗᬄ᭞ᬮᬳᬭᬾᬦᬸᬕ᭄ᬤᬸᬕ᭄ᬜᬸᬫ᭄ᬩ᭄ᬬᬵᬄ᭠᭚ᬤᬶᬦᬵᬧᬹᬃᬡ᭄ᬦᬫᬵᬗᬯᬶᬢᬶᬦ᭄᭞ᬰᬰᬶᬄᬓᬯᬮᬸᬲ᭄ᬥᭂᬓᬦ᭄᭞ᬲᬱ᭄ᬝᬵᬯᬭᬩᬸᬤ᭄ᬥᬦᬸᬚᬸ᭞ᬓ᭄ᬮᬶᬯᭀᬦ᭄ᬫᬸᬗ᭄ᬕ᭄ᬯᬶᬂᬧ ᬜ᭄ᬘᬯᬭᬵ᭞ᬢ᭄ᬭᬶᬯᬭᬦ᭄ᬜᬩ᭄ᬢᭂᬂᬯ᭄ᬬᬓ᭄ᬢᬶ᭞ᬳᬸᬓᬸᬉᬕᬸᬤᬸᬓ᭄ᬧᬸᬦᬶᬓᬸ᭞ᬩᬸᬗᬯᬶᬢᬂ᭞ᬮᬳᬭᬾᬫᬗᬸᬭᬸ᭠ᬕ᭄ᬲᬯ᭄ᬯᬄ᭚ᬫᬲᬦ᭄ᬗᭂᬳᭂᬓ᭄ᬲᬫ᭄ᬧᬸᬦ᭄ᬫᬶᬦᬶᬄ᭞ᬭᬭᬶᬲ᭄ᬓᬢ᭄ᬓᬦᬶᬦ᭄ᬳᭂᬫ᭄ᬩᬄ᭞ᬫᬮᬶᬄᬲ᭄ᬥᭂᬓ᭄ᬤᬾᬱᬵᬫᬗ᭄ᬕᬸᬂ᭞ᬉᬰᬩᬵᬰ᭄ᬭᬷ

Auto-transliteration

15 15 nĕmmĕmsami, padhāṇḍamunggaḥmapujjā, wentĕntal̥ĕr̀kariglu, śiwapakraṇanebĕñcar̀, tpentembontanpararī, hawananhiddhātankahyun, manulusang, munggaḥmaweddhāngaṣṭāwa // neduruśunggahangmangkin, hidāpraṇdangaṣṭāwayang, hidapraṇdagdeputu, gryatngaḥringjungutan, miwaḥpraṇḍagdepinatiḥ, ringgriyā'ulonkawuwus, miwaḥpraṇḍaktutpinatiḥpasajñā‐ n // tal̥ĕr̀gryājungutansami, ringdlodtukadsar̥ĕngtigā, griyakawyansamidurus, hi‐ddhapraṇḍahistrihoka, praṇḍahistrihanommaliḥ, rakaniddhāpiniḥduhur̀, hiddhāpraṇḍāma‐ dhesidmĕnkahucap // karinnetankayunsami, wantĕnmanantuwangsungkan, wantĕnśiwakraṇāruntuḥ, blaḥknikagjoran, wentĕndurungmaminĕhin, deningbasliyumanuhur̀, pi‐ 16 sanpisan, ngaraggāhidāñidayang // ringlwaḥsar̥ĕngtigāmangkin, durusmunggaḥmangaṣṭāwa, muputangpangaṣṭupungku, satingkahingpujjākrammā, saparikramaninghindik, puput'hupācarā‐ sampun, kadinikā, ungguhangtityangringsurat // wĕwĕhinmaliḥhanidik, dukbangkĕtekawurugan, subakkibinehatuluk, wowuhāskar̀mwangjungutan, kalowo kpĕṇḍĕmemasiḥ, rawinggriyanekawurug, kabañcingaḥ, laharenugdugñumbyāḥ‐ // dināpūr̀ṇnamāngawitin, śaśiḥkawalusdhĕkan, saṣṭāwarabuddhanuju, kliwonmunggwingpa ñcawarā, triwaranñabtĕngwyakti, huku'ugudukpuniku, bungawitang, laharemanguru‐gsawwaḥ // masanngĕhĕksampunminiḥ, rariskatkaninhĕmbaḥ, maliḥsdhĕkdesyāmanggung, uśabāśrī

Leaf 16

Image on Archive.org

᭑᭖ ᭑᭖ ᬭᬶᬂᬧᬲᬃ᭞ᬳᬶᬭᬶᬓᬵᬤᬶᬦᬵᬗᬯᬶᬢᬶᬦ᭄᭞ᬕ᭄ᬭ᭄ᬬᬵᬦᬾᬓᬮᬜ᭄ᬘᬄᬕᭂᬫ᭄ᬧᬸᬂ᭞ᬭᬯᬶᬂᬩᬜ᭄ᬚᬃ᭞ᬢᭀᬯᬸᬳᬵᬲ᭄ᬓᬃᬧᬥᬭᬸᬱᬓ᭄᭚ᬲᬧᬸᬦᬶᬓᬵᬓᬢᬢ᭄ᬯᬦᬶᬂ᭞ᬭᬱᬶᬜ᭄ᬚᬕᬢᬾᬢ᭄ᬫᭀᬓᬂ᭞ᬭᬶᬲ᭄ᬥᭂᬓ᭄ᬫᬭᬵᬫᬳᬶᬬᬸᬲ᭄᭞᭠ ᬭᬶᬂᬲ᭄ᬬᬩᬗ᭄ᬲᬶᬢ᭄‌ᬳᬸᬮᬸᬂᬤᬰᬵ᭞ᬧᬢ᭄ᬧᬢ᭄ᬭᬯᬸᬄᬮᬶᬫ᭄ᬫᬵᬓᬭᬶ᭞ᬓᬦ᭄ᬢᭀᬲ᭄ᬦᭂᬫ᭄ᬦᭂᬫ᭄ᬯᬗ᭄ᬕᬸᬦᬶᬧᬸᬦ᭄᭞ᬳᬸ᭠ᬮᬸᬂᬤᬰᬵ᭞ᬢᬍᬃᬓᬭᬶᬕᭂᬦ᭄ᬢᬸᬄᬮᬳᬃ᭚ᬧᬸᬧᬸᬣᬸᬗ᭄ᬕᬳᬦ᭄ᬭᬶᬂᬕᬸᬭᬶᬢ᭄᭞ᬧ᭄ᬧᬗ᭄ᬮᬶᬧᬹᬭᬶᬂᬫᬦᬄᬩᭀᬜ᭄ᬘᬄ᭞᭠ ᬓᬢ᭄ᬓᬦᬶᬂᬭᬱᬶᬦᬶᬂᬤᬸᬄ᭞ᬅᬗ᭄ᬳᬶᬂᬓᬾᬳᬫ᭄ᬧᬸᬭᬵᬧᬸᬲᬦ᭄᭞ᬬᬦ᭄ᬤᬦᬵᬲᬸᬤ᭄ᬬᬵᬗ᭄ᬯᬘᬾᬦᬶ᭞ᬧᬓᬃᬬ᭄ᬬᬦ᭄ᬳᬶᬩ᭄ᬮᭀᬕ᭄ᬧᬸᬗ᭄ᬕᬸᬂ᭞ᬫᬗᬸᬗ᭄ᬕᬸᬳᬂ᭞ᬧᬗᬢᬕᬶᬂᬭᬱᬶᬜ᭄ᬚᬕᬢ᭄᭚ᬧᬸᬧᬸᬄᬕᭂᬦ᭄ᬤᬶᬂᬢᬦ᭄ᬧᬳᬶᬦ᭄ᬤᬶᬓ᭄᭞ᬢ᭄ᬯᬭᬫᬵ ᬦᬸᬢ᭄ᬕᬕᬸᬭᬶᬢᬦ᭄᭞ᬧᬘᬂᬲᬲᬃᬲᬮᬄᬳᬗ᭄ᬓᬸᬄ᭞ᬓᬓᬭᬗᬦ᭄‌ᬲᬂᬯᬮᬓᬵ᭞ᬚᬮᬡ᭄ᬝᬶᬓ᭄ᬫᬥ᭄ᬬᬧᬧᬰᬶᬄ᭞ᬰᬶᬫᬵᬕᬶᬭᬶᬦ᭄ᬜᬦᬾᬓᬯᬸᬄ᭞ᬮᭀᬃᬧᬃᬬ᭄ᬬᬗᬦ᭄᭞ᬤᬾᬰᬲᬶᬩ᭄ᬢᬦ᭄ᬧᬗᬭᬦ᭄᭚ ᭜ ᭚ ᭑᭗ ᬧᬸᬦᬶᬓᬶᬓᬶᬤᬸᬂᬧᬗ᭄ᬮᬶᬧᬸᬃ᭞ᬓᬓᬯ᭄ᬬᬗᬸᬦᬸᬂᬳᬕᬸᬂᬫᬍᬢᬸᬲ᭄᭞ᬓᬲᬸᬭᬢ᭄ᬳᭀᬮᬶᬄᬦᬶᬓᭂᬢ᭄ᬲᬸᬢᬃᬫ᭄ᬫᬶᬲᬓᬶᬂᬲᬶᬩᭂᬢᬦ᭄᭞ᬧᬸᬧᬸᬢ᭄ᬭᬶᬂᬤᬶᬦ᭞ᬅ᭞ᬓ᭞ᬯᬵᬭᬚᬸᬮᬸᬂᬯᬗᬶ᭞ᬢᬶᬣᬶ᭞ᬢᬂ᭞ᬧᬶᬂ᭞᭖᭞ᬰᬰᬶᬄ᭞ ᬓᬭᭀ᭞ᬭᬄ᭞᭕᭞ᬢᭂᬂ᭞᭑᭞ᬇᬰᬵᬓ᭞᭑᭙᭑᭕᭟ᬓ᭄ᬱᬫᬵᬓᭂᬦᬯᬶᬭᬹᬧᬦᬶᬂᬅᬓ᭄ᬱᬭᬇᬦ᭟ ᭜ ᭟

Auto-transliteration

16 16 ringpasar̀, hirikādināngawitin, gryānekalañcaḥgĕmpung, rawingbañjar̀, towuhāskar̀padharuṣak // sapunikākatatwaning, rasyiñjagatetmokang, risdhĕkmarāmahiyus, ‐ ringsyabangsit'hulungdaśā, patpatrawuḥlimmākari, kantosnĕmnĕmwanggunipun, hu‐lungdaśā, tal̥ĕr̀karigĕntuḥlahar̀ // puputhunggahanringgurit, ppanglipūringmanaḥboñcaḥ, ‐ katkaningrasyiningduḥ, anghingkehampurāpusan, yandanāsudyāngwaceni, pakar̀yyanhiblogpunggung, mangungguhang, pangatagingrasyiñjagat // pupuḥgĕndingtanpahindik, twaramā nutgaguritan, pacangsasar̀salaḥhangkuḥ, kakarangansangwalakā, jalaṇṭikmadhyapapaśiḥ, śimāgirinñanekawuḥ, lor̀par̀yyangan, deśasibtanpangaran // • // 17 punikikidungpanglipur̀, kakawyangununghagungmal̥ĕtus, kasurat'holiḥnikĕtsutar̀mmisakingsibĕtan, puputringdina, a, ka, wārajulungwangi, tithi, tang, ping 6 śaśiḥ, karo, raḥ 5 tĕng 1 iśāka 1915. kṣamākĕnawirūpaningakṣara'ina \\ • \\

Leaf 17

Image on Archive.org