Gaguritan Kesehatan
This page has been accessed 14,421 times.
Description
Bahasa Indonesia
English
Front and Back Covers
Leaf 1
᭑
᭑
᭚ᬑᬁᬅᬯᬶᬖ᭄ᬦᬫᬲ᭄ᬢᬸᬦᬵᬫᬰᬶᬯᬬ᭟ᬳᬶᬢᬶᬕᬕᬸᬭᬶᬢᬦ᭄ᬓᬲᬾᬳᬢᬦ᭄ᬲᬫᬧ᭄ᬢ᭟᭐᭟ᬧᬸᬧᬸᬄᬥᬸᬃᬫ᭄ᬫ᭟᭐᭟ᬦᬄᬫᬳᬶᬦᬂᬦᬫ᭄ᬧᭂᬓᬂᬘ᭄ᬦᬶᬂᬫᬦ᭄ᬕᬓ᭄᭞ᬲᬥ᭄ᬬᬘ᭄ᬦᬶᬂᬫᬓᬲᬫᬶ᭞ᬫᬦᬄᬩᬧᬍᬕᬧᬲ
ᬦ᭄᭞ᬯᬶᬭᬾᬩᬧᬚᬦᬶᬲᬸᬩ᭞ᬜᬶᬤ᭄ᬥᬬᬂᬗᬢᬸᬭᬶᬜ᭄ᬘᭂᬦᬶᬂ᭞ᬓᬶᬢᬩ᭄ᬧᬧᬘᬳᬦ᭄᭞ᬫᬤᬕᬶᬂᬳᬶᬦ᭄ᬤᬶᬓ᭄ᬧᬜᬓᬶᬢ᭄᭟᭐᭟ᬓ᭄ᬦᭂᬄᬩᬧᬳᬧᬂᬘ᭄ᬦᬶᬂᬫᬲᬶᬄᬦᬯᬂ᭞ᬬ᭄ᬬᬤ᭄ᬬᬲ᭄ᬢᬸᬦ᭄ᬧᬥᬫᬓ᭄ᬤᬶᬓ᭄᭞ᬳᬶᬦ᭄ᬤᬶᬓᬶᬮ᭄ᬫᬸ
ᬓᬲᬾᬳᬢᬦ᭄᭞ᬲᬫ᭄ᬩᬶᬮᬂᬫ᭄ᬮᬚᬄᬫᬢᭂᬫ᭄ᬩᬂ᭞ᬳᬧᬂᬤᬗᬦ᭄ᬢᬶᬳᭂᬗ᭄ᬲᬧᬶᬦ᭄᭞ᬕᭂᬦ᭄ᬤᬶᬗᬾᬦᬾᬓᬢᬄ᭞ᬚᬮᬦ᭄ᬧ᭄ᬬᬭᬲᬋᬂᬲᬫᬶ᭟᭐᭟ᬲᬤᬸᬭᬸᬗᬾᬩᬧᬚᬦᬶᬫᬤᬸᬃᬋᬬᬂ᭞ᬫᬗ᭄ᬤᬘ᭄ᬦᬶᬂᬲ᭄ᬯᬾᬘᬳᬸᬕᬶ᭞ᬗᬶ
ᬘᬾᬦ᭄ᬩᬧᬱᬗᬫ᭄ᬧᬸᬭ᭞ᬯᬶᬭᬾᬄᬩᬧᬲᬚᬫᬭ᭞ᬢᬸᬫ᭄ᬩᬾᬦ᭄ᬦᭂᬕᬭᬫᬗᬯᬶ᭞ᬓᬩᬢᭂᬓ᭄ᬩᬦ᭄ᬧᭀᬗᬄ᭞ᬪᬲᬓᬲᬃᬫᬸᬜᬶᬩᬮᬶ᭟᭐᭟ᬲᬧᬲᬶᬭᬲᬦᬾᬮᬾᬤᬂᬫᬫᬶᬋᬗᬂ᭞ᬲ
᭒
᭒
ᬦᬾᬫᬓᬬᬸᬦᬦᬸᬦᬶᬂ᭞ᬫᬶᬯᬄᬲᬦᬾᬫᬫᭂᬃᬮ᭄ᬯᬶᬂ᭞ᬧᬸᬦᬶᬓᬶᬳᬢᬸᬭᬶᬦ᭄ᬩᬧ᭞ᬫᬯᭀᬲᬶᬦ᭄ᬲᬢ᭄ᬯᬧᬸᬦᬶᬓᬶ᭞ᬦᬗ᭄ᬳᬶᬂᬓᬭᬶᬗ᭄ᬓᭂᬲᬂ᭞ᬤᬕᬶᬂᬜᬲᬦᬾᬓᬳᬫ᭄ᬩᬶᬮ᭄᭟ᬤᬸᬫᬤᬓ᭄ᬚᬓ᭄ᬦᬶᬩᬳᬜ᭄ᬘᭂᬦᬶᬂᬲᭂᬧᬂ᭞ᬲᬢ᭄ᬯᬦ᭄ᬩᬧ
ᬦᬾᬧᬸᬦᬶᬓᬶ᭞ᬩᬯᭀᬲᬾᬫᬤᬸᬓᬤᬸᬓᬦ᭄᭞ᬲᬶᬦᬄᬮ᭄ᬬᬸᬧᬘᬂᬜᬤ᭄ᬘᬤ᭄᭞ᬧᬗ᭄ᬓᬄᬤᬸᬮᬤᬦᬓ᭄ᬭᬶᬭᬶᬄ᭞ᬦᬗ᭄ᬳᬶᬂᬬᬾᬦ᭄ᬢᬦ᭄ᬧᬓ᭄ᬱ᭞ᬩᬶᬦ᭄ᬧᬶᬤᬦ᭄ᬓᬮ᭄ᬩᬶᬲᬳᬸᬦᬶᬂ᭟᭐᭟ᬦᬄᬦᬾᬫᬗ᭄ᬓᬶᬦ᭄ᬧᬶᬋᬗᬂᬲᬋᬂᬲᬶᬦᬫ᭄ᬬ
ᬦ᭄᭞ᬩᬧᬚᬦᬶᬫᬶᬢᬸᬢᬸᬭᬸᬦ᭄᭞ᬳᬮᬶᬢᬮᬶᬢᬾᬫᬓ᭄ᬚᬂ᭞ᬧᬶᬋᬗᬂᬚ᭄ᬯᬧᬂᬫ᭄ᬮᬄ᭞ᬫᬗ᭄ᬤᬘ᭄ᬦᬶᬂᬧᬥᬳᬸᬦᬶᬂ᭞ᬫ᭄ᬬᬭᬓᬲᬾᬳᬢᬦ᭄᭞ᬓᬧᬳᬦ᭄ᬓᬢᬶᬩᬾᬦ᭄ᬕ᭄ᬭᬶᬂ᭟᭐᭟ᬧᬸᬦᬧᬶᬓᬾᬦᬾᬫᬢᬱ᭄ᬝᬓᬲᬾᬳᬢᬦ᭄᭞
ᬭᬹᬧᬦᬶᬧᬸᬦ᭄ᬢᬦ᭄ᬓᬧᬗ᭄ᬕᬶᬄ᭞ᬢ᭄ᬯᬭᬓᬃᬯ᭄ᬯᬦ᭄ᬗᭂᬮᬄᬕᭀᬩ᭞ᬳᬕᭂᬗᬮᬶᬢᬶᬧᬸᬦ᭄ᬫ᭄ᬯᬄ᭞ᬢᬦ᭄ᬤᬤᭀᬲ᭄ᬕᬩᬕᬸᬲᬸᬤᬶᬦ᭄᭞ᬦᬗ᭄ᬳᬶᬂᬲᬦᬾᬲᬶᬦᬄ᭞ᬫᬓ᭄ᬚᬂᬗ᭄ᬤᭀᬢᬂᬕᬢᬶ᭟᭐᭟ᬓᬲᬾᬳᬢᬦ᭄ᬢᬍᬃᬤᬤᭀ
Auto-transliteration
1
1
// oṅġawighnamastunāmaśiwaya. hitigaguritankasehatansamapta. 0. pupuḥdhur̀mma. 0. naḥmahinangnampĕkangcningman'gak, sadhyacningmakasami, manaḥbapal̥ĕgapasa
n, wirebapajanisuba, ñiddhayangngaturiñcĕning, kitabpapacahan, madaginghindikpañakit. 0. knĕḥbapahapangcningmasiḥnawang, yyadyastunpadhamakdik, hindikilmu
kasehatan, sambilangmlajaḥmatĕmbang, hapangdangantihĕngsapin, gĕndingenekataḥ, jalanpyarasar̥ĕngsami. 0. sadurungebapajanimadur̀r̥ĕyang, mangdacningswecahugi, ngi
cenbapaṣangampura, wireḥbapasajamara, tumbennĕgaramangawi, kabatĕkbanpongaḥ, bhasakasar̀muñibali. 0. sapasirasaneledangmamir̥ĕngang, sa
2
2
nemakayunanuning, miwaḥsanemamĕr̀lwing, punikihaturinbapa, mawosinsatwapuniki, nanghingkaringkĕsang, dagingñasanekahambil. dumadakjaknibahañcĕningsĕpang, satwanbapa
nepuniki, bawosemadukadukan, sinaḥlyupacangñadcad, pangkaḥduladanakririḥ, nanghingyentanpakṣa, binpidankalbisahuning. 0. naḥnemangkinpir̥ĕngangsar̥ĕngsinamya
n, bapajanimituturun, halitalitemakjang, pir̥ĕngangjwapangmlaḥ, mangdacningpadhahuning, myarakasehatan, kapahankatiben'gring. 0. punapikenemataṣṭakasehatan,
rūpanipuntankapanggiḥ, twarakar̀wwanngĕlaḥgoba, hagĕngalitipunmwaḥ, tandadosgabagusudin, nanghingsanesinaḥ, makjangngdotanggati. 0. kasehatantal̥ĕr̀dado
