Gaguritan Loda
This page has been accessed 9,695 times.
Description
Bahasa Indonesia
English
Front and Back Covers
Leaf 1
᭑
᭑
᭛ ᬒᬁᬅᬯᬶᬖ᭄ᬦᬫᬲ᭄ᬢᬸᬦᬵᬫᬰᬶᬥᬀ᭛᭜᭛ᬧᬸᬄᬤᬸᬃᬫ᭄ᬫ᭛ᬘᬳᬶᬮᭀᬥᬧ᭄ᬬᬦᬓ᭄ᬩᬧᬧᬶᬮᬶᬄᬯᬬᬄ᭞ᬢᬸᬫ᭄ᬩᬄᬫᬦᬸᬫᬶᬢᬶᬲ᭄᭞ᬤᬤᬶᬧᬓᬸᬦᬶᬂ
ᬭᬵᬢ᭄᭞ᬓ᭄ᬮᬶᬦ᭄ᬢᬂᬲᭂᬗ᭄ᬓᬧᬶᬲᬦ᭄᭞ᬗᬾᬃᬣᬶᬬᬂᬦᬾᬫᬗ᭄ᬤᭂᬩ᭄ᬘᬶᬓ᭄᭞ᬦ᭄ᬢᭀᬓ᭄ᬦᭂᬳᬂᬧᬶᬦᭂᬄᬧᬶᬦᭂᬄᬭᬶᬂᬳᬢᬶ᭟ᬰᬵᬲ᭄ᬢ᭄ᬭᬳᬗ᭄ᬕᭀᬦ᭄ᬘᬳᬶᬫᬾᬫᬾᬫᬶᬯᬄᬩᬧ᭞ᬤᬶᬢᬸᬢ
ᬓᭀᬦᬂᬳᬮᬶᬄ᭞ᬮ᭄ᬓ᭄ᬱᬦᬵᬦᬾᬫᭂᬮᬄ᭞ᬲᬸᬩᬳᬤᬫᬓ᭄ᬚᬂ᭞ᬦᬾᬦᬾᬫᬵᬤᬦ᭄ᬩᭂᬦᭂᬄᬧ᭄ᬮᬶᬄ᭞ᬤᬶᬢᬸᬢᬢᬲᬂᬢᬓᭀᬦᬂᬲᬳᬶᬲᬳᬶ᭟ᬬᬦ᭄ᬲᬶᬄᬘᬳᬶᬲᬸᬩᬢ
ᬢᬲ᭄ᬢᭂᬓᬾᬦ᭄ᬰᬲ᭄ᬢ᭄ᬭ᭞ᬢᬢ᭄ᬯᬚ᭄ᬜᬦᬦᬾᬕᬸᬮᬶᬓ᭄᭞ᬦ᭄ᬢᭀᬧ᭄ᬤᬲᬂᬧᬶᬲᬦ᭄᭞ᬳ᭠ᬧᬂᬳ᭄ᬤᬲᬮᬄᬧᬭ᭞ᬳᬦᬓ᭄ᬮᬶᬯᬢ᭄ᬲᭂᬗ᭄ᬓᬕᬢᬶ᭞ᬫᬩᬸᬤ᭄ᬥᬶᬦᬯᬂᬢᬢᬲ᭄ᬲᬚᭂᬭᭀ
᭒ 2
ᬦᬶᬂᬳᬢᬶ᭟ᬲᬶᬂᬜᬳᬤᬳᬦᬓ᭄ᬗᭂᬦ᭄ᬤᭀᬕᬶᬦ᭄ᬘᬳᬶᬩᬵᬦ᭄ᬧᭂᬢ᭞ᬗᬸᬘᬧᬂᬰᬲ᭄ᬢ᭄ᬭᬍᬯᬶᬄ᭞ᬳ᭄ᬤᬳᭂᬦ᭄ᬤᬾᬦ᭄ᬫᬗ᭄ᬕᬯᭀᬓᬂ᭞ᬧᬶᬦᭂᬄᬧᬶᬦᭂᬄᬓ᭄ᬦᭂᬳᬂ᭞ᬳ᭄ᬤᬢ᭄ᬓᬫᬦᬶᬤᭀ
ᬗᬶᬦ᭄᭞ᬳᬸᬲᬸᬤ᭄ᬢᬓᭀᬦᬂᬳᬧᬂᬜᬗᬸᬦ᭄ᬢᭂᬂᬧᬲ᭄ᬢᬶ᭟ᬆᬧᬦ᭄ᬮ᭄ᬬᬸᬳᬦᬓ᭄ᬫᬳᭂᬦ᭄ᬤᭀᬕᭂᬦ᭄ᬤᭀᬕᬦ᭄᭞ᬫᬗᬸᬘᬧᬂᬲᬧ᭄ᬢᬕ᭄ᬦᬶ᭞ᬮᬯᬦ᭄ᬲᬧ᭄ᬢᬢᬶᬣ᭞ᬓ᭄ᬮᬯᬦ᭄ᬲᬧ᭄ᬢᭀ
ᬗ᭄ᬓᬭ᭞ᬲᬧ᭄ᬢᬧᬢᬮᬦᬾᬘᬳᬶ᭞ᬲᬧ᭄ᬢᬧᬃᬯ᭄ᬯᬢᬲᬧ᭄ᬢᬳᬢ᭄ᬫᬦᬾᬲᬶᬗ᭄ᬕᬶᬄ᭟ᬯ᭄ᬬᬓ᭄ᬢᬶᬦ᭄ᬢᭀᬦᬾᬫᬵᬤ᭄ᬦ᭄ᬲᬧ᭄ᬢᬲᬵᬕᬭ᭞ᬩᬧᬗᭀᬭᬳᬶᬦ᭄ᬘᬳᬶ᭞ᬦ᭄ᬢᭀᬬᬢᬸᬗ᭄ᬕ
ᬮ᭄᭞ᬧᬫᬸᬧᬸᬢ᭄ᬜᬦᬾᬧᬶᬲᬦ᭄᭞ᬰᬭᬫᬳᬭᬦᬾᬘᬳᬶ᭞ᬦ᭄ᬢᭀᬗᬤᬓᬂᬲᬧ᭄ᬢᭀᬗ᭄ᬓᬭᬦᬾᬲᬫᬶ᭟ᬬᬤᬶᬦ᭄ᬧᬜ᭄ᬘᬵᬓ᭄ᬱᬭᬮᬯᬦᬶᬓᬂᬧᬜ᭄ᬘᬡ᭄ᬭᬳ᭄ᬫᬵ᭞ᬢ᭄ᬭᬶ
Auto-transliteration
1
1
/// oṁawighnamastunāmaśidhaṃ /// • /// puḥdur̀mma /// cahilodhapyanakbapapiliḥwayaḥ, tumbaḥmanumitis, dadipakuning
rāt, klintangsĕngkapisan, nger̀thiyangnemangdĕbcik, ntoknĕhangpinĕḥpinĕḥringhati. śāstrahanggoncahimememiwaḥbapa, dituta
konanghaliḥ, lkṣanānemĕlaḥ, subahadamakjang, nenemādanbĕnĕḥpliḥ, ditutatasangtakonangsahisahi. yansiḥcahisubata
tastĕkenśastra, tatwajñananegulik, ntopdasangpisan, ha‐panghdasalaḥpara, hanakliwatsĕngkagati, mabuddhinawangtatassajĕro
2 2
ninghati. singñahadahanakngĕndogincahibānpĕta, ngucapangśastral̥ĕwiḥ, hdahĕndenmanggawokang, pinĕḥpinĕḥknĕhang, hdatkamanido
ngin, husudtakonanghapangñanguntĕngpasti. āpanlyuhanakmahĕndogĕndogan, mangucapangsaptagni, lawansaptatitha, klawansapto
ngkara, saptapatalanecahi, saptapar̀wwatasaptahatmanesinggiḥ. wyaktintonemādnsaptasāgara, bapangorahincahi, ntoyatungga
l, pamuputñanepisan, śaramaharanecahi, ntongadakangsaptongkaranesami. yadinpañcākṣaralawanikangpañcaṇrahmā, tri
