Gaguritan Sarwo Kawot
This page has been accessed 10,279 times.
Description
Bahasa Indonesia
English
Front and Back Covers
Leaf 1
[᭑ 1B]
᭑
᭛᭐᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛᭐᭛ᬯᬦᬭᬧᭂᬢᬓ᭄᭟ᬧᬗᬯᬶᬦ᭄ᬳᬶᬤᬧᬤᬡ᭄ᬥᬳᬶᬲ᭄ᬢ᭄ᬭᬶᬳᭀᬓ᭞ᬪᬝᬭᬶᬤᭀᬂᬚᬸᬯᬸᬓ᭄᭞ᬲᬤᬯᭂᬕ᭄ᬫᬓ᭄ᬭᬫᬭᬶᬂᬳᬩ᭄ᬬᬦ᭄ᬲᭂᬓᬵ᭞ᬭᬶᬂᬧᬓᬃ
ᬬ᭄ᬬᬦᬾᬲᬦᬾᬫᬯᬲ᭄ᬢᬳᬶᬧᬺᬦ᭄ᬤᬢ᭄᭞ᬫᬸᬮᬓᬯᬸᬮᬤᬺᬯᬾ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬫᬦᬸᬚᬸᬤᬶᬦᬦᬾᬫᭂᬮᬄ᭞ᬅᬗ᭄ᬕᬭᬧᬳᬶᬂᬦᭂᬫᭀᬦᬶᬦ᭄᭞ᬫᬸᬗ᭄ᬕ᭄ᬯᬶᬂᬉᬓᬸᬫᭂᬤ
ᬗ᭄ᬓᬸᬗᬦ᭄᭞ᬰᬸᬓ᭄ᬮᬧᬓ᭄ᬱᬘᬢᬸᬃᬤᬰᬶ᭞ᬰᬰᬶᬄᬓᬯᬸᬮᬸᬦᬫ᭄ᬧᬶ᭞ᬭᬄᬦᭂᬫ᭄ᬢᭂᬗ᭄ᬕᭂᬓ᭄ᬮᬶᬫᬦᬸᬚᬸ᭞ᬇᬱᬓᬦ᭄ᬜᬳᬶᬢᬸᬗᬂ᭞ᬩᬯᬸᬫᬭᬲ᭄ᬬᬩᬗ᭄ᬲᬶᬢ᭄᭞ᬦᬗ᭄ᬕᬸᬲᬾᬓᭂᬢ᭄ᬦᭂᬫ᭄ᬦᭂᬫ᭄᭞ᬯᬃ
ᬱᬦᬶᬂᬪᬸᬯᬦ᭟᭜᭟ᬗᬶᬦ᭄ᬤᬬᬂᬦᬸᬧ᭄ᬢᬸᬧᬂᬫᬦᬄ᭞ᬳᬸᬗ᭄ᬕᬸᬳᬂᬓᬶᬤᬸᬂᬧᬗᬯᬶ᭞ᬩᬳᬦ᭄ᬧᬂᬭᬲᬦᬾᬢᬸᬦ᭞ᬧᬶᬗᭂᬢᬾᬳᬗ᭄ᬕᭀᬦ᭄ᬧᬓᬾᬮᬶᬂ᭞ᬧᬗ᭄ᬤᬦᭂᬦ᭄ᬢᬦ᭄ᬧᬳᬶᬦ᭄ᬤᬶᬓ᭄᭞ᬲᬫ᭄ᬩᭂᬄᬲᬫ᭄ᬩᭂᬦ᭄ᬫᬜ
[᭒ 2A]
᭒
ᬭᬸᬩᬸᬢ᭄᭞ᬲᬮᬄᬲᬸᬭᬸᬧ᭄ᬧᬳᬸᬗ᭄ᬕ᭄ᬯᬦ᭄᭞ᬢ᭄ᬯᬭᬗᬶᬢᬸᬂᬓᬓᭂᬤᬾᬓᬶᬦ᭄᭞ᬚᬵᬢᬶᬦᬶᬧᬸᬦ᭄᭞ᬲᬫᬶᬫᬢᬶᬦ᭄ᬤᬶᬳᬶᬦ᭄ᬫᬦᬄ᭟᭜᭟ᬫᬦᬳᬾᬧᬗ᭄ᬤᬦᭂᬦ᭄ᬳᭀᬩᬄ᭞ᬤᬾᬦᬶᬂᬓᬳᬸᬘᬧᬂᬚᬵᬢᬶ᭞ᬳᬶᬩᬸᬤ᭄ᬥᬶ
ᬫᬦᬄᬫᬕᭂᬜ᭄ᬚᬄ᭞ᬳᬶᬥᭂᬧᬾᬳᬗ᭄ᬕᭀᬦ᭄ᬦᬮᬶᬦᬶᬦ᭄᭞ᬳᬧᬂᬧᬕᭂᬄᬳᬲ᭄ᬢᬶᬢᬶ᭞ᬭᬫ᭄ᬩᬸᬕᬾᬫᬦ᭄ᬤᬤᬶᬩᬶᬗᬸᬂ᭞ᬩᬸᬗᭂᬂᬫᬓᬸᬮᬍᬗᬦ᭄᭞ᬬᬦ᭄ᬤᬤᭀᬲ᭄ᬓᬃᬤ᭄ᬥᬶᬦᬶᬦ᭄ᬓᬶᬤᬶᬓ᭄᭞ᬗ᭄ᬳᬶᬂᬧᬫᬸᬧᬸᬢ᭄᭞ᬧᬶᬢᬸ
ᬤᬸᬄᬳ᭄ᬬᬂᬯᬶᬥᬶᬯᬰ᭟᭜᭟ᬓ᭄ᬭᬫᬦᬶᬂᬤᬸᬫᬤᬶᬚᬦ᭄ᬫᬵ᭞ᬧᬢᬸᬢᬾᬚ᭄ᬯᬧᬶᬢᬶᬦ᭄ᬤᬶᬄ᭞ᬳᭂᬜ᭄ᬘᭂᬧᬂᬲᬳᬶᬤᬶᬫᬦᬄ᭞ᬗᬧ᭄ᬢᬶᬧᬲ᭄ᬯᬾᬘᬦ᭄ᬳ᭄ᬬᬂᬯᬶᬥᬶ᭞ᬧᬓ᭄ᬯᬢᬶᬦ᭄ᬩᬵᬦ᭄ᬳᬲ᭄ᬢᬶᬢᬶ᭞ᬦᬫ᭄ᬧᬳᬶᬤᬲᬂᬳ᭄ᬬᬂᬢᬸᬤᬸᬄ
᭞ᬧᬸᬕᭂᬄᬧᬸᬚᬶᬧᬕᭂᬳᬂ᭞ᬳᭂᬦ᭄ᬢᭀᬓᭀᬘᬧ᭄ᬢᬸᬢᬸᬃᬚᬵᬢᬶ᭞ᬚᬢᬶᬢᬸᬳᬸ᭞ᬧᬢᭂᬫ᭄ᬯᬂᬯᬶ᭠ᬚᭂᬭᭀᬦᬶᬗᬯᬓ᭄᭟᭜᭟ᬤᬵᬧᬶᬲᬦ᭄ᬫ᭄ᬩᬳᬗᬩᭂᬮᬲ᭄᭞ᬳᬫᭀᬂᬩᬵᬦ᭄ᬳᬶᬥᭂᬧᬾᬳᭂᬦᬶᬂ᭞ᬦᬶᬃᬫ᭄ᬫᬮ
Auto-transliteration
[1 1B]
1
/// 0 /// oṁawighnamāstu /// 0 /// wanarapĕtak. pangawinhidapadaṇdhahistrihoka, bhaṭaridongjuwuk, sadawĕgmakramaringhabyansĕkā, ringpakar̀
yyanesanemawastahipr̥ĕndat, mulakawuladr̥ĕwe \\•\\ pupuḥsinom \\•\\ manujudinanemĕlaḥ, anggarapahingnĕmonin, munggwingukumĕda
ngkungan, śuklapakṣacatur̀daśi, śaśiḥkawulunampi, raḥnĕmtĕnggĕklimanuju, iṣakanñahitungang, bawumarasyabangsit, nanggusekĕtnĕmnĕm, war̀
ṣaningbhuwana \\•\\ ngindayangnuptupangmanaḥ, hungguhangkidungpangawi, bahanpangrasanetuna, pingĕtehanggonpakeling, pangdanĕntanpahindik, sambĕḥsambĕnmaña
[2 2A]
2
rubut, salaḥsuruppahunggwan, twarangitungkakĕdekin, jātinipun, samimatindihinmanaḥ \\•\\ manahepangdanĕnhobaḥ, deningkahucapangjāti, hibuddhi
manaḥmagĕñjaḥ, hidhĕpehanggonnalinin, hapangpagĕḥhastiti, rambugemandadibingung, bungĕngmakulal̥ĕngan, yandadoskar̀ddhininkidik, nghingpamuput, pitu
duḥhyangwidhiwaśa \\•\\ kramaningdumadijanmā, patutejwapitindiḥ, hĕñcĕpangsahidimanaḥ, ngaptipaswecanhyangwidhi, pakwatinbānhastiti, nampahidasanghyangtuduḥ
, pugĕḥpujipagĕhang, hĕntokocaptutur̀jāti, jatituhu, patĕmwangwi‐jĕroningawak \\•\\ dāpisanmbahangabĕlas, hamongbānhidhĕpehĕning, nir̀mmalaLeaf 2
[᭒ 2B]
᭒
ᬢᬦ᭄ᬓᬭᬯᬦᬦ᭄᭞ᬬᬦ᭄ᬲᬸᬩᬜᬶᬤᬬᬂᬧᬱ᭄ᬝᬶ᭞ᬩᬦ᭄ᬗᭂᬭᬲᬬᬂᬤᬶᬳᬢᬶ᭞ᬳᬶᬜ᭄ᬘᭂᬧᬂᬉᬘᬧᬶᬂᬢᬸᬢᬸᬃ᭞ᬢᬸᬢᬸᬭᬦ᭄ᬢᬢ᭄ᬯᬅᬓ᭄ᬱᬭ᭞ᬢᭀᬓᭀᬘᬧ᭄ᬲᬹᬓ᭄ᬱ᭄ᬫᬦᬶᬂᬍᬯᬶᬄ᭞ᬮᬶᬦ᭄ᬢᬗᬬᬸ᭞ᬧᬗ᭄ᬕ
ᬬᬦ᭄ᬰᬶᬯᬰ᭄ᬭᬶᬥᬡ᭄ᬝ᭟᭜᭟ᬗ᭄ᬳᬶᬂᬧᬫᬸᬧᬸᬢ᭄ᬲᬂᬳ᭄ᬬᬂᬢᬶᬢᬄ᭞ᬯᬲᬯᬲᬶᬢ᭄ᬢᬤᬶᬕᬸᬫᬶ᭞ᬢᬦ᭄ᬤᬤᭀᬲ᭄ᬳᬸᬮᬄᬳᬶᬫ᭄ᬧᬲᬂ᭞ᬲᬸᬩᬘᬘᬢ᭄ᬭ᭄ᬬᬦ᭄ᬯᬶᬥᬶ᭞ᬧᬦ᭄ᬓᬳᬸᬗ᭄ᬕᬸᬳᬂᬚᬵᬢᬶ᭞ᬚᭂᬮᬾᬫᭂᬮᬄ
ᬩᭀᬘᭀᬓ᭄ᬩᬕᬸᬲ᭄᭞ᬲᬾᬫ᭄ᬧᬾᬢ᭄ᬤᬤᬶᬳᬓᬭᬂ᭞ᬓ᭄ᬭᬡᬲᭂᬗ᭄ᬓᬫᬗᬶᬮᬶᬗᬶᬦ᭄᭞ᬲᬗ᭄ᬓᬵᬦ᭄ᬧᬶᬕᬸᬫ᭄᭞ᬤᬶᬳᬶᬥᭂᬧᬾᬧᭂᬢᭂᬂᬍᬯᬶᬄ᭟᭜᭟ᬤᬵᬧᬶᬲᬦ᭄ᬫ᭄ᬩᬳᬗᬳᬶᬮᬂᬲᬤ᭄ᬭᬲᬦ᭄ᬳᬶᬥᭂᬧᬾᬲᬫᬶ
᭞ᬬᬦ᭄ᬓᬸᬭᬸᬕᬦ᭄ᬧᬜ᭄ᬘᬦ᭄ᬤ᭄ᬭ᭄ᬬ᭞ᬳᭂᬦ᭄ᬢᭀᬧᬘᬂᬫᬜᬓᬶᬢᬶᬦ᭄᭞ᬫᭀᬫᭀᬦᬕᬶᬄᬳᬸᬮᬸᬭᬶᬦ᭄᭞ᬮᬸᬬᬫᬯᬓ᭄ᬓᬮᬵᬫᬺᬢ᭄ᬬᬸ᭞ᬕᬮᬓ᭄ᬢᬦ᭄ᬲᬲᬶᬓᬬᬦ᭄᭞ᬗᬫ᭄ᬩᭂᬦ᭄ᬓ᭄ᬭᭀᬥᬗᬸᬭᬶᬗᬸᬭᬶᬂ᭞ᬤᬾᬦᬶᬂ
[᭓ 3A]
᭓
ᬢᬸᬗ᭄ᬕᬮ᭄᭞ᬧᬥᬫᬸᬗ᭄ᬕᬸᬄᬤᬶᬰᬭᬷᬭ᭟᭜᭟ᬓᬶᬦᬸᬘᬧ᭄ᬕᬸᬫᬶᬳᬩᬶᬤᬂ᭞ᬩ᭄ᬯᬦᬳᬕᬸᬂᬩ᭄ᬯᬦᬳᬮᬶᬢ᭄᭞ᬬᬦᬶᬂᬲᬸᬩᬢᬢᬲ᭄ᬦᬯᬂ᭞ᬧᬗ᭄ᬭᬶᬫ᭄ᬧᭂᬦ᭄ᬜᬦᬾᬓᬮᬶᬄ᭞ᬢᭀᬫᬯᬓ᭄ᬲᬹᬓ᭄ᬱ᭄ᬫᬍᬯᬶᬄ᭞ᬲ
ᬗ᭄ᬓᬦ᭄ᬳᬶᬗᭂᬃᬳᬧᬂᬢᬸᬳᬸ᭞ᬦᬾᬗᬯᬾᬚᭂᬮᬾᬫᭂᬮᬄ᭞ᬳᬧᬂᬢᭂᬧᭂᬢ᭄ᬫᬗᬶᬮᬶᬗᬶᬦ᭄᭞ᬧᬳᬸᬗ᭄ᬕ᭄ᬯᬦᬦ᭄᭞ᬳᬶᬤᬦᬾᬚᭂᬭᭀᬦᬶᬂᬰᬭᬷᬭ᭟᭜᭟ᬩᬶᬦᬮᬶᬗ᭄ᬕᬶᬄᬫᬳᬶᬤᭂᬭᬦ᭄᭞ᬳᬤᬫᬮᬶᬗ᭄ᬕᬶᬄ
ᬤᬶᬓᬸᬮᬶᬢ᭄᭞ᬤᬶᬳᭀᬢᭀᬢ᭄ᬤᬕᬶᬂᬤᬶᬢᬸᬮᬂ᭞ᬤᬶᬲᬸᬫ᭄ᬲᬸᬫᬾᬓᭀᬘᬧ᭄ᬫᬮᬶᬄ᭞ᬫᬩᬘᬓ᭄ᬫᬓᬲᬫᬶ᭞ᬧᬸᬭᬶᬧᬲᬸᬭᬸᬧᬧ᭄ᬫᬸᬗ᭄ᬕᬸᬄ᭞ᬲᬫᬶᬤᬶᬚᭂᬭᭀᬓᬤᬢ᭄ᬯᬦ᭄᭞ᬗᬯᬓᬬᬗᬵ
ᬦ᭄ᬧ᭄ᬭᬲᬫᬶ᭞ᬧᬭᬳᬕᬸᬂ᭞ᬧᬦᭂᬧᬶᬦ᭄ᬮᬶᬗ᭄ᬕᬳᬾᬓᭀᬘᬧ᭄᭟᭜᭟ᬲᬦᬾᬫᬮᬶᬗ᭄ᬕᬶᬄᬯᬶᬘᬃᬫ᭄ᬫ᭞ᬓᭀᬰᬶᬓᬳᬲ᭄ᬢ᭄ᬭᬦᬶᬭᬾᬓᬶ᭞ᬭᬶᬂᬉᬢ᭄ᬢᬭᬯᬺᬦᬳᬶᬭ᭞ᬲᬂᬕᬃᬕ᭄ᬕᬫᬸᬗ᭄ᬕᬸᬄᬭᬶᬂᬤᬕᬶᬂ᭞᭠
Auto-transliteration
[2 2B]
2
tankarawanan, yansubañidayangpaṣṭi, banngĕrasayangdihati, hiñcĕpangucapingtutur̀, tuturantatwa'akṣara, tokocapsūkṣmaningl̥ĕwiḥ, lintangayu, pangga
yanśiwaśridhaṇṭa \\•\\ nghingpamuputsanghyangtitaḥ, wasawasittadigumi, tandadoshulaḥhimpasang, subacacatryanwidhi, pankahungguhangjāti, jĕlemĕlaḥ
bocokbagus, sempetdadihakarang, kraṇasĕngkamangilingin, sangkānpigum, dihidhĕpepĕtĕngl̥ĕwiḥ \\•\\ dāpisanmbahangahilangsadrasanhidhĕpesami
, yankuruganpañcandrya, hĕntopacangmañakitin, momonagiḥhulurin, luyamawakkalāmr̥ĕtyu, galaktansasikayan, ngambĕnkrodhanguringuring, dening
[3 3A]
3
tunggal, padhamungguḥdiśarīra \\•\\ kinucapgumihabidang, bwanahagungbwanahalit, yaningsubatatasnawang, pangrimpĕnñanekaliḥ, tomawaksūkṣmal̥ĕwiḥ, sa
ngkanhingĕr̀hapangtuhu, nengawejĕlemĕlaḥ, hapangtĕpĕtmangilingin, pahunggwanan, hidanejĕroningśarīra \\•\\ binalinggiḥmahidĕran, hadamalinggiḥ
dikulit, dihototdagingditulang, disumsumekocapmaliḥ, mabacakmakasami, puripasurupapmungguḥ, samidijĕrokadatwan, ngawakayangā
nprasami, parahagung, panĕpinlinggahekocap \\•\\ sanemalinggiḥwicar̀mma, kośikahastranireki, ringuttarawr̥ĕnahira, sanggar̀ggamungguḥringdaging, ‐
