Gaguritan Yogga Murtti

Original on Archive.org

Front and Back Covers

Image on Archive.org

[PERPUSTAKAAN KTR. DOKBUD BALI PROP. BALI G/XXIII/6/DOKBUD Judul : GAGURITAN YOGA MURTTI. K. 6 Panj. 40 cm. Leb. 3,5 cm. Jml. 32 lb. Asal : Desa Simpar, Abang, Karangasem.] [᭑ 1A] ᭑ [Judul : GAGURITAN YOGA MURTTI. Panj. 40 cm. Leb. 3,5 cm. Jml. 32 lb. Asal : Desa Simpar, Abang, Karangasem.]

Auto-transliteration

[PERPUSTAKAAN KTR. DOKBUD BALI PROP. BALI G/XXIII/6/DOKBUD Judul : GAGURITAN YOGA MURTTI. K. 6 Panj. 40 cm. Leb. 3,5 cm. Jml. 32 lb. Asal : Desa Simpar, Abang, Karangasem.] [1 1A] 1 [Judul : GAGURITAN YOGA MURTTI. Panj. 40 cm. Leb. 3,5 cm. Jml. 32 lb. Asal : Desa Simpar, Abang, Karangasem.]

Leaf 1

Image on Archive.org

[᭑ 1B] ᭑ ᭚ᬑᬁᬅᬯᬶᬖ᭄ᬦᬫᬲ᭄ᬢᬸ᭟ᬥᬹᬃᬫ᭄ᬫ᭟ᬢᭂᬫ᭄ᬩᬂᬥᬹᬃᬫ᭄ᬫᬫᬓᬫᬸᬓ᭄ᬬᬦ᭄ᬧᬗᬺᬜ᭄ᬘᬦ᭞ᬲᬂᬯᬶᬘᬓ᭄ᬱᬦᬭᬶᬂᬳᬚᬶ᭞ᬓᬯᬶᬬᭀᬕᬶᬰ᭄ᬯᬭ᭞ᬥᬃᬫ᭄ᬫᬲᬤᬸᬓᬦᬶᬃᬫ᭄ᬫᬮᬦ᭄᭞ᬯᬶᬩᬸᬳᬶᬂᬪᬮᬧᬗᬯᬶ᭞ᬯᬳ᭄ᬬᬳᬥ᭄ᬬᬢ᭄ᬫᬶᬓ᭞ᬭ ᬫᬕᬳ᭄ᬬᬂᬰᬭᬲ᭄ᬯᬢᬶ᭟ᬢ᭄ᬯᬶᬯ᭄ᬭᬸᬄᬳᬜᬧ᭄ᬢᬯᬶᬦ᭄ᬥᬸᬫᬦᬸᬗ᭄ᬕᬮ᭄᭞ᬳᬫᭀᬭᬶᬂᬤᬾᬯᬳ᭄ᬬᬂᬯᬶᬥᬶ᭞ᬧᬕᭂᬳᬶᬂᬢᬧᬩ᭄ᬭᬢ᭞ᬲᬢ᭄ᬬᬭᬶᬂᬲᬫᬥᬶᬬᭀᬕ᭞ᬲᬢ᭄ᬲᬕᬭᬲᬸᬘᬶ᭞ᬦᬶᬃᬫ᭄ᬫᬮᬲᬢᬢ᭞ᬧᬜᬸᬤᬫᬮ ᬲᬚᬢᬶ᭟ᬲᬶᬥᬶᬯᬓ᭄ᬬᬲᬧᬓᬳ᭄ᬬᬸᬦᬦ᭄ᬓᬲᬶᬥᬦ᭄᭞ᬳᬲᬶᬂᬓᬳ᭄ᬬᬸᬦᬂᬫᬗᬯᬶ᭞ᬩᭂᬘᬶᬓ᭄ᬫᬸᬧᬸᬄᬳᬦ᭄ᬢᬃ᭞ᬳᬲᬶᬦᬼᬗᬸᬢ᭄‌ᬦᬸᬤᬸᬢ᭄ᬘᬶᬢ᭞ᬗᭂᬢᬸᬲ᭄ᬓᬳ᭄ᬬᬸᬦ᭄ᬲᬂᬫᬯᭀᬲᬶᬦ᭄᭞ᬮ᭄ᬯᬶᬃᬫᬦᬶᬓ᭄ᬲᬓ᭄ᬘᬧ᭄᭞ᬭᬾᬄᬧ ᬗᬺᬜ᭄ᬘᬦᬦ᭄ᬲᬂᬮ᭄ᬯᬶᬄ᭟ᬜᬹᬃᬬ᭄ᬬᬥᬃᬫ᭄ᬫᬫᬓᬲᬸᬮᬸᬳᬶᬂᬦᬕᬭ᭞ᬮᬸᬬᬭᬳᬶᬦᬦᬾᬯ᭄ᬗᬶ᭞ᬧ᭄ᬢᭂᬂᬤᭂᬤᭂᬢ᭄ᬢᬢᬶᬍᬫᬦ᭄᭞ᬢᬸᬫᬸᬮᬶᬢᬢᬲ᭄ᬓᬫᬦ᭄ᬢ᭄ᬬᬦ᭄᭞ᬳᬸᬫ᭄ᬢᬸᬲᬂᬳ᭄ᬬᬂᬭᬯᬶ᭞ᬜᬸᬦᬭᬶᬦ᭄ᬚᬕᬢ᭄᭞ᬗᬃᬥᬶ [᭒ 2A] ᬓᬭᬳᬬᭀᬦ᭄ᬩᬸᬫᬶ᭟᭜᭟ᬲᬶᬦᭀᬫ᭄᭟ᬢᭂᬫ᭄ᬩᬂᬲᬶᬦᭀᬫ᭄ᬧᬗᬓ᭄ᬱᬫ᭞ᬭᬶᬂᬲᬂᬳᬃᬱᬫᬫᬯᭀᬲᬶᬦ᭄᭞ᬫᬗ᭄ᬤᬓᬾᬦᬓ᭄ᬜᬶᬦᬫ᭄ᬧᬸᬭ᭞ᬲᬸᬲᬸᬦᬦ᭄ᬕᬶᬢ᭄ᬧᬸᬦᬶᬓᬶ᭞ᬤᬾᬓᬶᬳᬵᬃᬬ᭄ᬬᬬᭀᬕᬶᬫᬹᬃᬢ᭄ᬢᬶ᭞ᬦᬫᬸᬦ᭄ᬳᬸ ᬮᬸᬦ᭄ᬫᬧᬶᬯ᭄ᬭᬸᬄ᭞ᬫᬫᬤᬾᬦ᭄ᬲᬂᬓᬯᬶᬰ᭄ᬯᬭ᭞ᬓᬤᬶᬳᬶᬓᬸᬓᬸᬦᬂᬳᬮᬶᬢ᭄᭞ᬳᭂᬦ᭄ᬤᬶᬄᬭᬸᬤᬸ᭞ᬦᬭᬸᬂᬩᬸᬮᬦ᭄‌ᬬᬧᬹᬃᬡ᭄ᬦᬫᬦ᭄᭟ᬘᬭᬶᬢ᭄ᬭᬭᬶᬂᬧᬹᬃᬯ᭄ᬯᬓᬮ᭞ᬳᬦᬲᬂᬓᬯ᭄ᬮᬲᬲᬶᬄ᭞ᬰ᭄ᬭᬶᬳᬚᬶᬧ᭄ᬭᬫᬶᬧ᭄ᬭᬶᬬ᭞ᬭᬶᬂᬚᬕ ᬢ᭄‌ᬢ᭄ᬭᬬᬫᬓᬾᬃᬣᬶ᭞ᬩᬶᬦᬯᬓ᭄ᬬᬏᬓᬰ᭄ᬭᬸᬢᬶ᭞ᬦᬸᬗ᭄ᬕᬮ᭄ᬧᬗᬾᬲ᭄ᬢᬶᬦᬾᬧᬸᬧᬸᬲ᭄᭞ᬳᬗ᭄ᬭᬕᬲᬂᬳ᭄ᬬᬂᬲᬸᬓ᭄ᬱ᭄ᬫ᭞ᬫᬦ᭄ᬢᬸᬓ᭄ᬭᬶᬂᬓᬳ᭄ᬬᬸᬦ᭄ᬳ᭄ᬬᬂᬯᬶᬥᬶ᭞ᬳᬬᬸᬦᬸᬮᬸᬲ᭄᭞ᬳᬲᬸᬂᬓᬺᬢᬧᬦᬸᬕ᭄ᬭᬳ᭟ᬧᬶᬘᬦ᭄ᬳᬶᬤ ᬫᬉᬢ᭄ᬢᬫ᭞ᬲᬧ᭄ᬢᬯᬓ᭄ᬬᬏᬓᬰ᭄ᬭᬸᬢᬶ᭞ᬲᬢ᭄ᬯᭀᬂᬧᬶᬢᬸᬫ᭄ᬭᬕᬢᬸᬗ᭄ᬕᬮ᭄᭞ᬲᬂᬥᬃᬫ᭄ᬫᬰᬸᬦ᭄ᬬᬧᬶᬦᬶᬄᬓ᭄ᬮᬶᬄ᭞ᬫᬕᬯᬦᬶᬦ᭄‌ᬬᭀᬕᬶᬫᬹᬃᬢ᭄ᬢᬶ᭞ᬳᬭᬶᬦᬾᬲᬂᬰ᭄ᬭᬶᬪᬬᬸ᭞ᬫ᭄ᬭᬪᬸᬭᬶᬂᬚᬕᬢ᭄‌ᬢ᭄ᬭᬬ᭞ᬳᬭᬶᬦᬾ

Auto-transliteration

[1 1B] 1 // oṅġawighnamastu. dhūr̀mma. tĕmbangdhūr̀mmamakamukyanpangr̥ĕñcana, sangwicakṣanaringhaji, kawiyogiśwara, dhar̀mmasadukanir̀mmalan, wibuhingbhalapangawi, wahyahadhyatmika, ra magahyangśaraswati. twiwruḥhañaptawindhumanunggal, hamoringdewahyangwidhi, pagĕhingtapabrata, satyaringsamadhiyoga, satsagarasuci, nir̀mmalasatata, pañudamala sajati. sidhiwakyasapakahyunankasidhan, hasingkahyunangmangawi, bĕcikmupuḥhantar̀, hasinl̥ĕngutnudutcita, ngĕtuskahyunsangmawosin, lwir̀maniksakcap, reḥpa ngr̥ĕñcanansanglwiḥ. ñūr̀yyadhar̀mmamakasuluhingnagara, luyarahinanewngi, ptĕngdĕdĕttatil̥ĕman, tumulitataskamantyan, humtusanghyangrawi, ñunarinjagat, ngar̀dhi [2 2A] karahayonbumi \\•\\ sinom. tĕmbangsinompangakṣama, ringsanghar̀ṣamamawosin, mangdakenakñinampura, susunan'gitpuniki, dekihār̀yyayogimūr̀tti, namunhu lunmapiwruḥ, mamadensangkawiśwara, kadihikukunanghalit, hĕndiḥrudu, narungbulanyapūr̀ṇnaman. caritraringpūr̀wwakala, hanasangkawlasasiḥ, śrihajipramipriya, ringjaga ttrayamaker̀thi, binawakya'ekaśruti, nunggalpangestinepupus, hangragasanghyangsukṣma, mantukringkahyunhyangwidhi, hayunulus, hasungkr̥ĕtapanugraha. picanhida ma'uttama, saptawakya'ekaśruti, satwongpitumragatunggal, sangdhar̀mmaśunyapiniḥkliḥ, magawaninyogimūr̀tti, harinesangśribhayu, mrabhuringjagattraya, harine

Leaf 2

Image on Archive.org

[᭒ 2B] ᭒ ᬮᬶᬫᬫᬢᬶᬳᬶᬦ᭄᭞ᬲᬫᬶᬓᬸᬓᬸᬄ᭞ᬲᬸᬭᬥᬶᬭᬓ᭄ᬭᬸᬭᬓᬭ᭟ᬧᬢᬶᬄᬮᬶᬫᬲᬫᬶᬓᭂᬫ᭄ᬩᬃ᭞ᬤ᭄ᬯᬶᬯᬓ᭄ᬬᬏᬓᬰ᭄ᬭᬸᬢᬶ᭞ᬓᬧᬶᬲᬦ᭄ᬲᬂᬲᭀᬘᬭᬕ᭞ᬲᬂᬓᬃᬡ᭄ᬦᬭᬕᬦᬾᬓᬮᬶᬄ᭞ᬲᬂᬳᬸᬗᬲᬦ᭄ᬭᬕ ᬢ᭄ᬭᬶ᭞ᬲᬂᬩᬸᬚᬭᬕᬓᬘᬢᬸᬃ᭞ᬲᬂᬘᭀᬓᭀᬭᬕᬓᬮᬶᬫ᭞ᬧᬤᬧᬕᭂᬄᬗᬫᭀᬂᬩᬸᬫᬶ᭞ᬧᬜ᭄ᬚᬓ᭄ᬲᬸᬗ᭄ᬲᬸᬂ᭞ᬓᬢᬄᬢᬦ᭄ᬓᭂᬦᬾᬂᬯᬶᬦᬶᬮᬂ᭟ᬳᬬᬸᬯᭂᬃᬥᬶᬓᬂᬦᬕᬭ᭞ᬲᬓᬶᬂᬲ᭄ᬯᬾᬘᬦ᭄ᬲᬂᬳ᭄ᬬᬂᬯᬶᬥᬶ᭞ ᬭᬲᬯᬋᬕ᭄ᬢᬦ᭄ᬧᬦ᭄ᬤ᭞ᬩᬸᬗᬄᬢᬦ᭄ᬧᬗᬗ᭄ᬕᭀᬮ᭄ᬯᬶᬄ᭞ᬳᬲᬶᬂᬢᬦ᭄ᬤᬸᬃᬲᬃᬯ᭄ᬯᬦᬤᬶ᭞ᬯᬶᬱ᭄ᬬᬤᬤᭀᬲ᭄ᬳᬫᭂᬃᬣᬢ᭄ᬭᬸᬲ᭄᭞ᬫᬸᬲᬸᬄᬫᬢ᭄ᬫᬳᬦ᭄ᬭᬸᬳᬂ᭞ᬲᬢ᭄ᬬᬪᬓ᭄ᬢᬶᬤᬾᬦᬶᬂᬳᬲᬶᬄ᭞ᬳᬬᬸᬦᬸᬮᬸᬲ᭄᭞ᬫᬲᬫ ᬥᬦᬭᬶᬂᬚᬕᬢ᭄᭟ᬓᬲ᭄ᬯᬾᬦ᭄‌ᬢ᭄ᬓᬾᬂᬓᬮᬶᬲᬗᬭ᭞ᬭᬸᬲᬓ᭄ᬚᬕᬢ᭄‌ᬰ᭄ᬭᬶᬪᬸᬧᬢᬶ᭞ᬲᬂᬰ᭄ᬭᬶᬪᬬᬸᬫᬫᬭᬸᬫᬂ᭞ᬧᬢᬶᬄᬮᬦ᭄ᬯᬤ᭄ᬯᬦᬾᬪᬓ᭄ᬢᬶ᭞ᬲᬂᬬᭀᬕᬶᬫᬹᬃᬣᬶᬓᬯᬸᬭᬶᬦ᭄᭞ᬲᬂᬥᬃᬫ᭄ᬫᬰᬹᬦ᭄ᬬᬦᬾᬧᬸᬢᬸᬲ᭄ [᭓ 3A] ᭞ᬩᬕᬯᬦ᭄ᬢᬦ᭄ᬲᬂᬦᬭᬾᬦ᭄ᬤ᭄ᬭ᭞ᬳᬶᬤᬓᬢᬸᬦᬲ᭄ᬳᬶᬘᬳᬶᬦ᭄᭞ᬫᬗ᭄ᬤᬓᬳ᭄ᬬᬸᬦ᭄᭞ᬳᬲᬸᬂᬓᭂᬃᬣᬲᬫ᭄ᬪᬤ᭟ᬫᬢᬸᬃᬳᬦᬸᬢ᭄ᬲᬋᬂᬲᬫ᭄ᬬᬦ᭄᭞ᬢᬦ᭄ᬲᬄᬫᬤᬸᬮᬸᬭᬦ᭄ᬢᬗᬶᬲ᭄᭞ᬲᬶᬗ᭄ᬕᬶᬄᬭᬯᬸᬬᭀᬕᬶᬰ᭄ᬯ ᬭ᭞ᬤ᭄ᬯᬦᬶᬂᬢᬶᬢ᭄ᬬᬂᬫᬗᬢᬸᬭᬶᬦ᭄᭞ᬚᬕᬢ᭄‌ᬤ᭄ᬭᬸᬯᬾᬭᬸᬲᬓ᭄ᬲᬫᬶ᭞ᬮ᭄ᬯᬶᬃᬓᬮᬶᬲᬗᬭᬫᬸᬭᬸᬩ᭄᭞ᬦᬾᬦ᭄ᬢᭂᬦ᭄ᬲᬶᬥᬳᬦ᭄ᬢᬸᬓ᭄‌ᬫ᭄ᬭᬾᬦ᭄ᬢᬄ᭞ᬜᬧᬓᬤᬶᬳᬓᬸᬲᬫᬶ᭞ᬮᬶᬦ᭄ᬢᬂᬭᬸᬲᬸᬄ᭞ᬫᬤᬹᬃᬕ᭄ᬕᬫᬓᬂᬦ ᬕᬭ᭟ᬫᬗ᭄ᬓᬶᬦ᭄‌ᬬᬦ᭄ᬢᬦ᭄‌ᬬᭀᬕᬶᬰ᭄ᬯᬭ᭞ᬗᬃᬥᬶᬦᬶᬦ᭄ᬭᬳᬬᬸᬫᬮᬶᬄ᭞ᬚᬦ᭄ᬢᭂᬦ᭄ᬲᬬᬦ᭄‌ᬢ᭄ᬭᬸᬲ᭄ᬭᬸᬲᬓ᭄᭞ᬤᬸᬄᬲᬶᬗ᭄ᬕᬶᬄᬲᬂᬫᬳᬫᬸᬦᬶ᭞ᬲᬶᬥᬶᬯᬓ᭄ᬬᬧᬸᬢᬸᬲ᭄ᬚᬢᬶ᭞ᬢᬸᬫᬸᬲᬂᬲ᭄ᬯᬾᬘᬧᬸᬓᬸᬮᬸᬦ᭄᭞ᬬᬾᬦ᭄ᬲ ᬫ᭄ᬧᬸᬦ᭄‌ᬲᬶᬗ᭄ᬕᬶᬄᬪᬕᬯᬦ᭄᭞ᬗᬃᬥᬶᬦᬶᬦ᭄ᬭᬳᬚᭂᬂᬫᬗ᭄ᬓᬶᬦ᭄᭞ᬲᬶᬥᬳᬬᬸ᭞ᬲᬓᬤᬶᬭᬶᬂᬓᬺᬣᬬᭀᬕ᭟ᬫᬳᬢᬸᬃᬲᬂᬬᭀᬕᬶᬰ᭄ᬯᬭ᭞ᬲᬶᬗ᭄ᬕᬶᬄᬭᬢᬸᬲᬂᬪᬸᬧᬢᬶ᭞ᬧᬭᬧᬧᬢᬶᬄᬮᬦ᭄ᬯᬤ᭄ᬯ᭞ᬦ᭄ᬬᬦ᭄ᬢᬢ᭄ᬯᬦᬶᬂᬗ

Auto-transliteration

[2 2B] 2 limamatihin, samikukuḥ, suradhirakrurakara. patiḥlimasamikĕmbar̀, dwiwakya'ekaśruti, kapisansangsocaraga, sangkar̀ṇnaraganekaliḥ, sanghungasanraga tri, sangbujaragakacatur̀, sangcokoragakalima, padapagĕḥngamongbumi, pañjaksungsung, kataḥtankĕnengwinilang. hayuwĕr̀dhikangnagara, sakingswecansanghyangwidhi, rasawar̥ĕgtanpanda, bungaḥtanpanganggolwiḥ, hasingtandur̀sar̀wwanadi, wiṣyadadoshamĕr̀thatrus, musuḥmatmahanruhang, satyabhaktideninghasiḥ, hayunulus, masama dhanaringjagat. kaswentkengkalisangara, rusakjagatśribhupati, sangśribhayumamarumang, patiḥlanwadwanebhakti, sangyogimūr̀thikawurin, sangdhar̀mmaśūnyaneputus [3 3A] , bagawantansangnarendra, hidakatunashicahin, mangdakahyun, hasungkĕr̀thasambhada. matur̀hanutsar̥ĕngsamyan, tansaḥmadulurantangis, singgiḥrawuyogiśwa ra, dwaningtityangmangaturin, jagatdruwerusaksami, lwir̀kalisangaramurub, nentĕnsidhahantukmrentaḥ, ñapakadihakusami, lintangrusuḥ, madūr̀ggamakangna gara. mangkinyantanyogiśwara, ngar̀dhininrahayumaliḥ, jantĕnsayantrusrusak, duḥsinggiḥsangmahamuni, sidhiwakyaputusjati, tumusangswecapukulun, yensa mpunsinggiḥbhagawan, ngar̀dhininrahajĕngmangkin, sidhahayu, sakadiringkr̥ĕthayoga. mahatur̀sangyogiśwara, singgiḥratusangbhupati, parapapatiḥlanwadwa, nyantatwaningnga

Leaf 3

Image on Archive.org

[᭓ 3B] ᭓ ᬫᭀᬂᬩᬸᬫᬶ᭞ᬭᬶᬂᬭᬕᬤᬸᬫᬸᬦ᭄ᬕᬮᬶᬳᬶᬦ᭄᭞ᬭᬶᬂᬪ᭄ᬯᬦᬳᬮᬶᬢᬾᬧᬸᬢᬸᬲ᭄᭞ᬳᬶᬤᬲᬂᬳ᭄ᬬᬂᬳᬢ᭄ᬫᬬᬲᬂ᭞ᬤᬲᬭᬶᬦ᭄‌ᬬᭀᬕᬲᬫᬥᬶ᭞ᬢᬸᬗ᭄ᬕᬮ᭄‌ᬢ᭄ᬭᬸᬲ᭄᭞ᬭᬶᬂᬢᭂᬍᬂᬳᬤ᭄ᬜᬦᬲᬸᬓ᭄ᬮ᭟ᬲᬸᬓ᭄ᬮᬭᬲ ᬦᬾᬳᬤᭂᬕᬂ᭞ᬭᬕᬂᬲᬂᬳ᭄ᬬᬂᬢᬸᬗ᭄ᬕᬮ᭄ᬭᬭᬶᬲ᭄᭞ᬫᬗ᭄ᬤᬲᬶᬥᬓᬦᬶᬃᬫ᭄ᬫᬮᬦ᭄᭞ᬫᬦ᭄ᬢᬸᬓ᭄ᬭᬶᬂᬓᬳ᭄ᬬᬸᬦ᭄ᬳ᭄ᬬᬂᬯᬶᬥᬶ᭞ᬤ᭄ᬭᬶᬓᬫᬧᬶᬦᬸᬦᬲ᭄ᬭᬭᬶᬲ᭄᭞ᬭᬶᬂᬳᬶᬤᬲᬂᬳ᭄ᬬᬂᬢᬸᬤᬸᬄ᭞ᬕᬕ᭄ᬫᭂᬢ᭄ᬧᬗ᭄ᬭᬳᬬᭀᬦ᭄‌ᬚᬕᬢ᭄ ᭞ᬲᬢ᭄ᬬᬪᬓ᭄ᬢᬶᬤᬾᬦᬶᬂᬳᬲᬶᬄ᭞ᬲᬮᬶᬂᬢᬸᬮᬸᬂ᭞ᬤ᭄ᬯᬶᬢᬸᬗ᭄ᬕᬮ᭄ᬭᬓ᭄ᬱᬭᬸᬫᬓ᭄ᬱ᭟ᬲᬶᬥᬶᬲᬶᬥᬶᬲᬓᬳ᭄ᬬᬸᬦᬦ᭄᭞ᬦᬗᬶᬂᬮᬓ᭄ᬱᬡᬦ᭄ᬬᬲᭂᬗ᭄ᬓᬶᬮ᭄᭞ᬯ᭄ᬬᬓ᭄ᬢᬶᬫᬾᬯᭂᬄᬗ᭄ᬬᬰᬬᬂ᭞ᬫᬗ᭄ᬤᬧ᭄ᬭᬲᬶᬥᬧᬗ᭄ᬕᬶᬄ᭞ᬬᬦ᭄ᬢ ᬦ᭄ᬧᬕᭂᬳᬶᬂᬲᬸᬓᬾᬃᬣᬶ᭞ᬭᬳᬶᬦᬯ᭄ᬗᬶᬫᬦ᭄ᬭᬸᬲ᭄᭞ᬗ᭄ᬭᬕᬬᬂᬳᬤ᭄ᬜᬦᬲᬸᬓ᭄ᬮ᭞ᬲᬸᬚᬢᬶᬦᬶᬃᬫ᭄ᬫᬮᬲᬸᬘᬶ᭞ᬳᬬᬸᬦᬸᬮᬸᬲ᭄᭞ᬫᬓᬤᬲᬃᬧᬦᬸᬕ᭄ᬭᬳᬦ᭄᭟ᬲᬲᬫ᭄ᬧᬸᬦᬾᬦᬗᬸᬦ᭄‌ᬬᭀᬕ᭞ᬕᬕᭀᬤ [᭔ 4A] ᬦ᭄ᬳᬓᬾᬄᬗᬾᬯᭂᬳᬶᬦ᭄᭞ᬲᬢ᭄ᬲᬢ᭄ᬭᬸᬕᬮᬦ᭄ᬯᬶᬱᬾᬲ᭞ᬧᬘᬂᬫᬗ᭄ᬭᬸᬲᬓᬂᬓᬾᬃᬣᬶ᭞ᬭᬶᬂᬪ᭄ᬯᬦᬳᬮᬶᬢ᭄ᬫᬫᬹᬃᬣᬶ᭞ᬫᬦ᭄ᬭᬸᬲ᭄ᬓᬪ᭄ᬯᬦᬳᬕᬸᬂ᭞ᬢ᭄ᬯᬶᬲᬤ᭄ᬭᬶᬧᬸᬭᬶᬂᬭᬕ᭞ᬫᬸᬲᬸᬄᬦᭂᬦᭂᬫ᭄ᬩᬋᬂᬲᬳᬶ᭞ᬫᬫᬹᬃᬣᬶᬢ᭄ᬭᬸᬲ᭄᭞ᬓ ᬤᬶᬕ᭄ᬦᬶᬢᬶᬩᬾᬂᬫᬶᬜᬓ᭄᭟ᬳᬶᬭᬶᬓᬫᬗ᭄ᬤᬧ᭄ᬭᬬᬢ᭄ᬦ᭞ᬫ᭄ᬧᬕᬸᬢ᭄ᬭᬶᬂᬫᬸᬲᬸᬄᬰᬓ᭄ᬢᬶ᭞ᬬᬾᬦᬶᬂᬳᬫ᭄ᬧᬄᬳᬓᬶᬚᬧᬦ᭄᭞ᬢᬦ᭄ᬧ᭄ᬭᬶᬯᬗ᭄ᬤᬾᬓᬲᭀᬃᬮᬶᬮᬶᬄ᭞ᬧᬶᬲᬤ᭄ᬬᬦᬳᬸᬭᬸᬂᬲᬫᬶ᭞ᬦᬸᬗ᭄ᬓᬓ᭄ᬧᬬᬲᬦᬾᬍᬩᬸᬃᬫᬗ᭄ᬤᬫᬧᬶ ᬓ᭄ᬯᭀᬄᬧᬶᬲᬦ᭄᭞ᬧᬕᬸᬢ᭄ᬩᬦ᭄‌ᬯᬲ᭄ᬧᬤᬳᬲᬶᬄ᭞ᬢᬸᬗ᭄ᬕᬮ᭄ᬳᬬᬸ᭞ᬲᬢ᭄ᬭᬸᬫᬢ᭄ᬫᬳᬦ᭄‌ᬭ᭄ᬯᬂ᭟ᬢ᭄ᬯᬶᬳᬫᭀᬂᬓᬤᬂᬓᬲᬸᬘ᭄ᬬᬦ᭄᭞ᬏᬓᬯᬺᬤᬬᬦᬶᬦ᭄ᬤᬶᬳᬶᬦ᭄᭞ᬲᬮᬸᬂᬮᬸᬂᬲᬩᬬᬦ᭄ᬢᬓ᭞ᬲᬸᬲᬢ᭄ᬬᬗᭂᬢᭀᬳᬂᬳᬸ ᬭᬶᬧ᭄᭞ᬳᬦ᭄ᬢᬸᬓ᭄ᬳ᭄ᬬᬥᬃᬫ᭄ᬫᬗ᭄ᬭᬕᬦᬶᬦ᭄᭞ᬭᬶᬂᬢᬶᬮᬶᬗᬶᬂᬳᬫ᭄ᬩᭂᬓ᭄‌ᬢ᭄ᬭᬸᬲ᭄᭞ᬯᬶᬢᬶᬂᬳᬸᬭᬶᬧ᭄ᬲᬶᬥᬦᬸᬗ᭄ᬕᬮ᭄᭞ᬲᬂᬳ᭄ᬬᬂᬯᬶᬥᬶᬫᬗ᭄ᬬᬗᬶᬦ᭄᭞ᬳᬬᬸᬦᬸᬮᬸᬲ᭄᭞ᬗᬃᬥᬶᬓᬭᬳᬬᭀᬦ᭄ᬚᬕᬢ᭄᭟ᬪᬸᬯᬦᬳᬮᬶᬢ᭄ᬭᬶᬂᬭᬕ᭞

Auto-transliteration

[3 3B] 3 mongbumi, ringragadumun'galihin, ringbhwanahaliteputus, hidasanghyanghatmayasang, dasarinyogasamadhi, tunggaltrus, ringtĕl̥ĕnghadñanasukla. suklarasa nehadĕgang, ragangsanghyangtunggalraris, mangdasidhakanir̀mmalan, mantukringkahyunhyangwidhi, drikamapinunasraris, ringhidasanghyangtuduḥ, gagmĕtpangrahayonjagat , satyabhaktideninghasiḥ, salingtulung, dwitunggalrakṣarumakṣa. sidhisidhisakahyunan, nanginglakṣaṇanyasĕngkil, wyaktimewĕḥngyaśayang, mangdaprasidhapanggiḥ, yanta npagĕhingsuker̀thi, rahinawngimanrus, ngragayanghadñanasukla, sujatinir̀mmalasuci, hayunulus, makadasar̀panugrahan. sasampunenangunyoga, gagoda [4 4A] nhakeḥngewĕhin, satsatrugalanwisyesa, pacangmangrusakangker̀thi, ringbhwanahalitmamūr̀thi, manruskabhwanahagung, twisadripuringraga, musuḥnĕnĕmbar̥ĕngsahi, mamūr̀thitrus, ka dignitibengmiñak. hirikamangdaprayatna, mpagutringmusuḥśakti, yeninghampaḥhakijapan, tanpriwangdekasor̀liliḥ, pisadyanahurungsami, nungkakpayasanel̥ĕbur̀mangdamapi kwoḥpisan, pagutbanwaspadahasiḥ, tunggalhayu, satrumatmahanrwang. twihamongkadangkasucyan, ekawr̥ĕdayanindihin, salunglungsabayantaka, susatyangĕtohanghu rip, hantuk'hyadhar̀mmangraganin, ringtilinginghambĕktrus, witinghuripsidhanunggal, sanghyangwidhimangyangin, hayunulus, ngar̀dhikarahayonjagat. bhuwanahalitringraga,

Leaf 4

Image on Archive.org

[᭔ 4B] ᭔ ᬢ᭄ᬓᬾᬂᬪ᭄ᬯᬦᬳᬕᬸᬂᬲᬫᬶ᭞ᬢ᭄ᬭᬸᬲ᭄ᬓᭂᬦᬾᬂᬧᬗᬲᬶᬄᬚᬕᬢ᭄᭞ᬧᬫᬢᬸᬄᬳᬕᬸᬂᬲᬶᬦᬶᬯᬶ᭞ᬓᭂᬢᬶᬯᬓ᭄ᬬᬏᬓᬰ᭄ᬭᬸᬢᬶ᭞ᬰᬓ᭄ᬢᬶᬮᬶᬗᬶᬂᬳᬫ᭄ᬩᭂᬓ᭄ᬧᬸᬢᬸᬲ᭄᭞ᬳᬗ᭄ᬭᬕᬲᬂᬳ᭄ᬬᬂᬲᬸᬓ᭄ᬱ᭄ᬫ᭞ᬬᭀᬕᬲᬫᬥᬶᬦᬾᬮ᭄ᬯᬶᬄ᭞ᬢ᭄ᬭᬸᬲ᭄ᬲᬂ ᬢᭂᬫᬸ᭞ᬕᬮᬂᬳᬧᬤᬂᬲᬢᬢ᭟ᬳᬬ᭄ᬯᬓᬸᬭᬂᬧ᭄ᬭᬬᬢ᭄ᬦ᭞ᬓ᭄ᬮᬗᭂᬦᬾᬤᬶᬢᬸᬢᬢᬲᬶᬦ᭄᭞ᬬᬾᬦ᭄ᬓᬢᬸᬗ᭄ᬓᬸᬮ᭄ᬩᭂᬗᭀᬂᬗᬸᬦ᭄ᬤᬧ᭄᭞ᬓᬳᬸᬮᬗᬸᬦᬦ᭄ᬫᬗ᭄ᬭᬭᬶᬲ᭄᭞ᬲᬃᬭ᭄ᬯᬏᬦ᭄ᬤᬄᬗᭂᬢᬸᬲ᭄ᬳᬢᬶ᭞ᬳᬲᬶᬂᬓᬦ᭄ᬢᭂᬦ᭄ᬦᬸᬤᬸᬢ᭄ᬓᬳ᭄ᬬᬸᬦ᭄ ᭞ᬲ᭄ᬭᬯᬸᬄᬳᬫᬭᬶᬂᬓᬾᬦ᭄ᬤ᭄ᬭᬦ᭄᭞ᬳᬤᭀᬄᬧᬗᬧ᭄ᬢᬶᬦᬾᬓᬭᬶ᭞ᬤᬓᬲ᭄ᬮᬶᬫᬸᬃ᭞ᬯᬲ᭄ᬧᬤᬳᬾᬮᬶᬂᬓ᭄ᬮᬗ᭄ᬕᭂᬗᬦ᭄᭟ᬧᬗ᭄ᬕᬶᬄᬢᬾᬚᬳᬲ᭄ᬢᬤᬮ᭞ᬧᬗᬸᬍᬗᬾᬢ᭄ᬭᬸᬲᬂᬭᬭᬶᬲ᭄᭞ᬧᬂᬢ᭄ᬫᬸᬕᬮᬂᬳᬧᬤᬂ᭞ᬤᬸᬤᬸᬕᬬᬂᬲᬹᬃᬬ᭄ᬬ ᬳᬶᬓᬶ᭞ᬦᭀᬭᬕᬮᬂᬩᬸᬮᬦ᭄‌ᬢ᭄ᬯᬶ᭞ᬢᬦ᭄ᬭᬳᬶᬦᬯ᭄ᬗᬶᬳᬶᬓᬸ᭞ᬢᬦ᭄ᬧᬭᬸᬧᬢᬦ᭄ᬧᬳᬭᬦ᭄᭞ᬕᬮᬂᬢᬦ᭄ᬧᬮᬯᬢ᭄ᬚᬢᬶ᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬓᬦᬾᬮᬗᬂᬲᬢᬢ᭟ᬯᬦ᭄ᬢᬄᬲᬂᬳ᭄ᬬᬂᬯᬶᬥᬶᬯᬰ᭞ᬗ᭄ᬯᬾᬦ᭄ᬢᭂ [᭕ 5A] ᬦᬂᬲᬃᬯ᭄ᬯᬫᬳᬸᬭᬶᬧ᭄᭞ᬫᬶᬯᬄᬲᬤᬕᬶᬗᬶᬂᬚᬕᬢ᭄᭞ᬪ᭄ᬯᬦᬳᬕᬸᬂᬪ᭄ᬯᬦᬳᬮᬶᬢ᭄᭞ᬲᬫᬶᬳᬶᬤᬗᭂᬭᬕᬦᬶᬦ᭄᭞ᬯ᭄ᬬᬓ᭄ᬢᬶᬳᬶᬤᬮᬶᬦ᭄ᬢᬂᬳᬲᬸᬂ᭞ᬲ᭄ᬯᬾᬘᬦᬾᬢᬦ᭄ᬧᬧᬶᬮᬶᬳᬦ᭄᭞ᬭᬳᬶᬦᬯ᭄ᬗᬶᬢᬦ᭄ᬕᬶᬗ᭄ᬲᬶᬃ᭞ᬫ᭄ᬭᬕᬢ᭄ᬭᬸᬲ᭄ ᭞ᬭᬶᬂᬲᬳᬦᬦᬶᬂᬢᬸᬫᬶᬢᬄ᭟ᬲ᭄ᬯᬾᬘᬦ᭄ᬳᬶᬤᬫᬉᬢ᭄ᬢᬫ᭞ᬫ᭄ᬭᬕᬲᬫᬶᬢᬦ᭄ᬧᬫ᭄ᬭᬶᬄ᭞ᬦᭀᬭᬳᬦᬲᬸᬫᬗ᭄ᬲᬬ᭞ᬮᬶᬮᬶᬮᬕᬯᬸᬲᬸᬚᬢᬶ᭞ᬢ᭄ᬭᬸᬲ᭄ᬗᬫᭀᬂᬧᬢᬶᬳᬸᬭᬶᬧ᭄᭞ᬯᬳ᭄ᬬᬳᬥ᭄ᬬᬢ᭄ᬫᬶᬓᬓ᭄ᬯᭂᬗ᭄ᬓᬸ᭞ᬲᬋᬲ ᬓᬮᬦᬶᬲ᭄ᬓᬮ᭞ᬳᬯᭀᬃᬢᬦ᭄ᬓᬯᭀᬭᬦ᭄ᬮᬶᬘᬶᬦ᭄᭞ᬳᬬᬸᬦᬸᬮᬸᬲ᭄᭞ᬧᬸᬧᬸᬢ᭄ᬧᬶᬲᬦ᭄‌ᬲ᭄ᬯᬾᬘᬦ᭄ᬳᬶᬤ᭟ᬓ᭄ᬭᬡᬳᬶᬤᬧᬢᬸᬢ᭄ᬧᬶᬲᬦ᭄᭞ᬳᬲ᭄ᬢᬶᬢᬶᬲᬳᬶᬩᬓ᭄ᬢᬶᬦᬶᬦ᭄᭞ᬭᬳᬶᬦᬯ᭄ᬗᬶᬳᬾᬮᬶᬗᬂ᭞ᬢᬸᬦᬲᬶᬦ᭄ᬭ ᬳᬬᬸᬚᬢᬶ᭞ᬦᬶᬃᬫ᭄ᬫᬮᬳᬗ᭄ᬕᬾᬦ᭄ᬦᬲᬭᬶᬦ᭄᭞ᬥᬃᬫ᭄ᬫᬮᬓ᭄ᬱᬡᬦᬾᬭᬗ᭄ᬲᬸᬓ᭄᭞ᬳᬲᬶᬄᬭᬶᬂᬲᬃᬯ᭄ᬯᬢᬸᬫᬶᬯᬄ᭞ᬫᬲᬫᬥᬦᬭᬶᬂᬩᬸᬫᬶ᭞ᬲᬮᬶᬂᬢᬸᬮᬸᬂ᭞ᬲᬮᬶᬂᬓᬾᬃᬣ᭄ᬬᬂᬲᬢ᭄ᬭᬸᬲᬦ᭄ᬬ᭟ᬧᬕᭂᬄᬧᬸᬕᬸᬳᬂᬗᬶ

Auto-transliteration

[4 4B] 4 tkengbhwanahagungsami, truskĕnengpangasiḥjagat, pamatuḥhagungsiniwi, kĕtiwakya'ekaśruti, śaktilinginghambĕkputus, hangragasanghyangsukṣma, yogasamadhinelwiḥ, trussang tĕmu, galanghapadangsatata. haywakurangprayatna, klangĕneditutatasin, yenkatungkulbĕngongngundap, kahulangunanmangraris, sar̀rwa'endaḥngĕtushati, hasingkantĕnnudutkahyun , srawuḥhamaringkendran, hadoḥpangaptinekari, dakaslimur̀, waspadahelingklanggĕngan. panggiḥtejahastadala, pangul̥ĕngetrusangraris, pangtmugalanghapadang, dudugayangsūr̀yya hiki, noragalangbulantwi, tanrahinawngihiku, tanparupatanpaharan, galangtanpalawatjati, sampunpuput, hikanelangangsatata. wantaḥsanghyangwidhiwaśa, ngwentĕ [5 5A] nangsar̀wwamahurip, miwaḥsadagingingjagat, bhwanahagungbhwanahalit, samihidangĕraganin, wyaktihidalintanghasung, swecanetanpapilihan, rahinawngitan'gingsir̀, mragatrus , ringsahananingtumitaḥ. swecanhidama'uttama, mragasamitanpamriḥ, norahanasumangsaya, lililagawusujati, trusngamongpatihurip, wahyahadhyatmikakwĕngku, sar̥ĕsa kalaniskala, hawor̀tankaworanlicin, hayunulus, puputpisanswecanhida. kraṇahidapatutpisan, hastitisahibaktinin, rahinawngihelingang, tunasinra hayujati, nir̀mmalahanggennasarin, dhar̀mmalakṣaṇanerangsuk, hasiḥringsar̀wwatumiwaḥ, masamadhanaringbumi, salingtulung, salingker̀thyangsatrusanya. pagĕḥpuguhangngi

Leaf 5

Image on Archive.org

[᭕ 5B] ᭕ ᬜ᭄ᬘᭂᬧᬂ᭞ᬳᬓᬶᬚᬧᬦ᭄ᬳᬬ᭄ᬯᬮᬮᬶ᭞ᬫᬗ᭄ᬤᬲᬶᬥᬗᬯᭂᬢ᭄ᬯᬂ᭞ᬲᬸᬭᬲᬦᬶᬃᬫ᭄ᬫᬮᬚᬢᬶ᭞ᬳᬶᬭᬶᬓᬳᬶᬤᬗ᭄ᬭᬕᬦᬶᬦ᭄᭞ᬧᬸᬧᬸᬢ᭄ᬧᬓᬳ᭄ᬬᬸᬦᬾᬲᬫ᭄ᬧᬸᬦ᭄᭞ᬭᬲᬯᬋᬕ᭄ᬢᬦ᭄ᬧᬦ᭄ᬤ᭞ᬩᬸᬗᬄᬢᬦ᭄ᬧᬗᬗ᭄ᬕᭀᬮ᭄ᬯᬶᬄ᭞ ᬲᬧᬓᬳ᭄ᬬᬸᬦ᭄᭞ᬯᬸᬲ᭄ᬦᬸᬗ᭄ᬕᬮ᭄ᬭᬶᬂᬓᬭᬳᬬ᭄ᬯᬦ᭄᭟ᬲᬬᬦ᭄‌ᬢ᭄ᬭᬸᬲ᭄ᬓᬭᬳᬬ᭄ᬯᬦ᭄᭞ᬫᬕᬦ᭄ᬢᬶᬧᬗ᭄ᬭᬲᬭᬭᬶᬲ᭄᭞ᬭᬲᬓᬤᬶᬩᭂᬮᭀᬕ᭄ᬧᭀᬮᭀᬲ᭄᭞ᬩ᭄ᬮᭀᬕ᭄ᬧᭀᬮᭀᬲ᭄ᬦᬗᬶᬂᬳᬸᬦᬶᬂ᭞ᬤᬸᬤᬸᬩ᭄ᬮᭀᬕ᭄ᬤᬸ ᬤᬸᬳᬸᬦᬶᬂ᭞ᬲ᭄ᬮᬦᬶᬂᬩᭂᬮᭀᬕ᭄ᬳᬸᬦᬶᬂᬳᬶᬓᬸ᭞ᬲ᭄ᬮᬦᬶᬂᬮᬸᬧᬫᬾᬗᭂᬢ᭄ᬦᬸᬗ᭄ᬕᬮ᭄᭞ᬳᬫᭀᬃᬭᬶᬂᬳᬶᬤᬳ᭄ᬬᬂᬯᬶᬥᬶ᭞ᬳᬬᬸᬦᬸᬮᬸᬦ᭄᭞ᬗᬃᬥᬶᬓᬭᬳᬬᭀᬦ᭄ᬚᬕᬢ᭄᭟ᬦᭀᬭᬯᬦᬾᬦ᭄ᬦᭀᬭᬕᭂᬢᬧ᭄᭞ᬦᭀᬭᬮ ᬦᬂᬦᭀᬭᬳᬶᬲ᭄ᬢ᭄ᬭᬶ᭞ᬦᭀᬭᬲᬸᬓᬦᭀᬭᬤᬸᬓ᭞ᬮᬦ᭄ᬓᬜ᭄ᬘᬦ᭄ᬧᬗ᭄ᬭᬲᬲᬫᬶ᭞ᬯᬸᬲ᭄ᬦᬸᬗ᭄ᬕᬮ᭄ᬮᬕᬯᬚᬢᬶ᭞ᬳᬫᭀᬭᬶᬂᬳ᭄ᬬᬂᬧᬸᬧᬸᬢ᭄᭞ᬦᭀᬭᬳᬦᬲᬸᬫᬗ᭄ᬲᬬ᭞ᬕᬮᬂᬳᬧᬤᬂᬜᬸᬦᬭᬶ [᭖ 6A] ᬦ᭄‌᭞ᬦᬶᬗᬶᬂᬓᬳ᭄ᬬᬸᬦ᭄᭞ᬭᬶᬦᬲᬮᬗ᭄ᬕᭂᬂᬲᬢᬢ᭟ᬬᬾᬦᬶᬂᬓᬭᬶᬧᬮᬶᬂᬧᬶᬲᬦ᭄᭞ᬗ᭄ᬭᬲᬂᬲ᭄ᬯᬾᬘᬦ᭄ᬲᬂᬳ᭄ᬬᬂᬯᬶᬥᬶ᭞ᬳᬦᬾᬩᭀᬬᬓᬤᬾᬦ᭄ᬲᬚ᭞ᬳᬦᬾᬲᬚᬓᬤᬾᬦ᭄ᬢᬸᬲᬶᬂ᭞ᬓᬩᬢᭂᬓ᭄ᬳᬦ᭄ᬢᬸᬓ᭄ᬤᬸᬃᬪᬸᬤᬶ᭞ ᬧᬬᬲᬶᬮᬸᬫᬦᬾᬗ᭄ᬮᬶᬧᬸᬢ᭄᭞ᬗ᭄ᬭᬦᬂᬓᬳ᭄ᬬᬸᬦ᭄ᬳᭀᬩᬄᬩᭀᬜ᭄ᬘᬄ᭞ᬮ᭄ᬯᬶᬃᬢᭀᬬᬗ᭄ᬮᬾᬜ᭄ᬘᭀᬓ᭄ᬲᬳᬶ᭞ᬓᬸᬢᭂᬓ᭄ᬢᭂᬭᬸᬲ᭄᭞ᬓᬤᬶᬓᬳᬯᭀᬭᬶᬦ᭄ᬜᬜᬤ᭄᭟ᬮ᭄ᬯᬶᬃᬫᬚᬮᬦ᭄ᬓᬧ᭄ᬢᭂᬗᬦ᭄᭞ᬗᬩᬲᬸᬮᬸᬄᬕᬶᬲ᭄ᬬᬂᬤᬸ ᬭᬶ᭞ᬮᬯᬢᬾᬢᬸᬢᬸᬕ᭄ᬗᬋᬧᬂ᭞ᬧᬂᬲᬶᬥᬫᬩᬮᬶᬓ᭄ᬓᬸᬭᬶ᭞ᬧᬂᬲᬶᬂᬢᬸᬬᬸᬄᬫᬗᭂᬧᬸᬗᬶᬦ᭄᭞ᬧᬂᬲᬶᬥᬫᬩᬮᬶᬓ᭄ᬦᬸᬢᬸᬕ᭄᭞ᬓᬃᬥᬶᬳᬸᬮᬶᬚᬮᬦ᭄ᬫᬸᬮ᭞ᬲᬸᬮᬸᬳᬾᬩᬮᬶᬓᬂᬕᬶᬲᬶ᭞ᬤᬸᬭᬶᬳᬶᬓᬸ᭞ᬩᬮᬶᬓ᭄ᬤᬶᬳᬋᬧ᭄ ᬕᬶᬲᬶᬬᬂ᭟ᬳᬲ᭄ᬓᬦᬧ᭄ᬭᬲᬶᬥ᭞ᬮᬯᬢ᭄ᬭᬶᬂᬳᬋᬧ᭄ᬫᬋᬗᬶᬦ᭄᭞ᬳᬶᬢᬸᬢ᭄ᬦᬸᬢᬸᬢᬶᬸᬕ᭄ᬓᬸᬭᬶᬩ᭄ᬘᬢ᭄᭞ᬭᬳᬲ᭄ᬬᬦ᭄ᬬᬯᬸᬲ᭄ᬧᬶᬦᬗ᭄ᬕᬶᬄ᭞ᬲᬧᬸᬦᬶᬓᬬᬾᬦ᭄ᬳᬸᬧᬫᬶ᭞ᬲᬂᬫ᭄ᬭᬳᬶᬸᬕᬮᬶᬘᬶᬦ᭄ᬭᬶᬂᬓᬳ᭄ᬬᬸᬦ᭄᭞ᬯ᭄ᬭᬸᬄᬢᬢ᭄ᬯᬯᬳ᭄ᬬ

Auto-transliteration

[5 5B] 5 ñcĕpang, hakijapanhaywalali, mangdasidhangawĕtwang, surasanir̀mmalajati, hirikahidangraganin, puputpakahyunesampun, rasawar̥ĕgtanpanda, bungaḥtanpanganggolwiḥ, sapakahyun, wusnunggalringkarahaywan. sayantruskarahaywan, magantipangrasararis, rasakadibĕlogpolos, blogpolosnanginghuning, dudublogdu duhuning, slaningbĕlog'huninghiku, slaninglupamengĕtnunggal, hamor̀ringhidahyangwidhi, hayunulun, ngar̀dhikarahayonjagat. norawanennoragĕtap, norala nangnorahistri, norasukanoraduka, lankañcanpangrasasami, wusnunggallagawajati, hamoringhyangpuput, norahanasumangsaya, galanghapadangñunari [6 6A] n, ningingkahyun, rinasalanggĕngsatata. yeningkaripalingpisan, ngrasangswecansanghyangwidhi, haneboyakadensaja, hanesajakadentusing, kabatĕk'hantukdur̀bhudi, payasilumanengliput, ngranangkahyunhobaḥboñcaḥ, lwir̀toyangleñcoksahi, kutĕktĕrus, kadikahaworinñañad. lwir̀majalankaptĕngan, ngabasuluḥgisyangdu ri, lawatetutugngar̥ĕpang, pangsidhamabalikkuri, pangsingtuyuḥmangĕpungin, pangsidhamabaliknutug, kar̀dhihulijalanmula, suluhebalikanggisi, durihiku, balikdihar̥ĕp gisiyang. haskanaprasidha, lawatringhar̥ĕpmar̥ĕngin, hitutnutut̶gkuribcat, rahasyanyawuspinanggiḥ, sapunikayenhupami, sangmrah̶galicinringkahyun, wruḥtatwawahya

Leaf 6

Image on Archive.org

[᭖ 6B] ᭖ ᬳᬤ᭄ᬬᬢ᭄ᬫᬶᬓ᭞ᬳᬫᭀᬭᬶᬂᬤᬾᬯᬳ᭄ᬬᬂᬯᬶᬥᬶ᭞ᬲᬧᬓᬳ᭄ᬬᬸᬦ᭄᭞ᬲᬶᬥᬶᬲᬶᬥᬦᬶᬂᬳᬤ᭄ᬜᬦ᭟ᬯᬶᬘᬮ᭄ᬰᬡᬓᬦᬶᬃᬫ᭄ᬫᬮᬦ᭄᭞ᬢᬦ᭄ᬓᬶᬓᭂᬢ᭄ᬭᬶᬂᬤᬕᬶᬂᬕᬸᬫᬶ᭞ᬦᬶᬓᬲᬶᬥᬓᬯᬶᬱᬾᬲᬂ᭞ᬳᬦ᭄ᬢᬸᬓ᭄ᬧᬓᬳ᭄ᬬᬸᬦᬾ ᬮᬶᬘᬶᬦ᭄᭞ᬓᬲᭀᬃᬲᬤ᭄ᬭᬲᬦᬾᬲᬫᬶ᭞ᬤᬤᭀᬲ᭄ᬏᬓᬭᬳᬬᬸ᭞ᬭᬲᬧᬗ᭄ᬭᬲᬯᬸᬲ᭄ᬦᬸᬗ᭄ᬕᬮ᭄᭞ᬲᬦ᭄ᬢᭀᬲᬮᬗ᭄ᬕᭂᬂᬲᬸᬚᬢᬶ᭞ᬭᬲᬧᬸᬧᬸᬢ᭄᭞ᬳᬫᭀᬭᬶᬂᬳ᭄ᬬᬂᬯᬶᬥᬶᬯᬰ᭟ᬧᬸᬧᬸᬢᬶᬂᬲᬤ᭄ᬬᬫᬦᬸᬗ᭄ᬕ ᬮ᭄᭞ᬰᬸᬦ᭄ᬬᬳᬫᭂᬃᬣᬪᬶᬦᬸᬓ᭄ᬢᬶ᭞ᬢᬦ᭄ᬓᬶᬓᭂᬢ᭄ᬭᬶᬂᬫᬬᬦ᭄ᬚᬕᬢ᭄᭞ᬦᬸᬚᬸᬗ᭄ᬭᬲᬂᬤᬕᬶᬂᬕᬸᬫᬶ᭞ᬗᬶᬲᭂᬧ᭄ᬲᬭᬶᬦᬶᬂᬲᬭᬶ᭞ᬢᬶᬃᬣᬲᬜ᭄ᬚᬶᬯᬦᬶᬩᬸᬄ᭞ᬭᬲᬯᬋᬕ᭄ᬢᬦ᭄ᬧᬦ᭄ᬤ᭞ᬩᬸᬗᬄᬢᬦ᭄ᬧᬗᬗ᭄ᬕᭀᬮᬸ ᬯᬶᬄ᭞ᬲᬧᬓᬳ᭄ᬬᬸᬦ᭄᭞ᬲᬲᬳᬶᬲᬸᬓᬮᬕᬯ᭟ᬫᬗ᭄ᬓᬦᬲᬂᬯᬶᬘᬓ᭄ᬱᬡ᭞ᬤᭀᬄᬢᬦ᭄ᬤᬶᬂᬭᬶᬂᬲᬂᬩ᭄ᬮᭀᬕ᭄‌ᬢᬸᬯᬶ᭞ᬳᬸᬭᬶᬧ᭄ᬦ᭄ᬬᬲᬶᬲᬸᬭᬶᬂᬚᬕᬢ᭄᭞ᬓᬳᬶᬓᭂᬢ᭄ᬩᬦ᭄ᬤᬕᬶᬂᬕᬸᬫᬶ᭞ᬩᬸᬓᬳᬶᬦᬸᬘᬧ᭄ᬳᬶᬢᬸᬦᬶ᭞ [᭗ 7A] ᬧᬮᬶᬂᬧᬦᬸᬚᬸᬦᬾᬳᬶᬤᬸᬧ᭄᭞ᬲᬮᬄᬲᬸᬓ᭄ᬱ᭄ᬫᬯᬶᬭᬲ᭞ᬓᬢᬶᬢᬄᬤᬶᬦᬶᬤᬸᬫᬤᬶ᭞ᬚᬢᬶᬦ᭄ᬳᬶᬧᬸᬦ᭄᭞ᬕ᭄ᬦᬄᬗ᭄ᬭᬲᬬᬂᬭᬕ᭟ᬳᬶᬭᬶᬓᬶᬭᬶᬂᬫᭂᬃᬘᬧᬤ᭞ᬫᬦᬸᬱᬦᬾᬲᬋᬂᬲᬫᬶ᭞ᬧᬢᬸᬢ᭄ᬳᬸᬭᬸᬄᬭᬶᬂᬓ ᬯᬶᬢᬦ᭄᭞ᬧᬦᬸᬚᭀᬦ᭄ᬳᬸᬭᬶᬧ᭄ᬲᬸᬚᬢᬶ᭞ᬲᬗ᭄ᬓᬦ᭄ᬧᬭᬦᬶᬂᬤᬸᬫᬥᬶ᭞ᬳᬶᬭᬶᬓᬶᬭᬶᬂᬪᬸᬯᬦᬳᬕᬸᬂ᭞ᬯᬶᬢ᭄ᬲᬓᬶᬂᬳ᭄ᬬᬂᬯᬶᬥᬶᬯᬰ᭞ᬧᬸᬧᬸᬢ᭄ᬧᬘᬂᬫ᭄ᬭᬶᬓᬫ᭄ᬯᬮᬶ᭞ᬧᬂᬢ᭄ᬭᬸᬲ᭄ᬳᬬᬸ᭞ᬦᬶᬲ᭄ᬓᬮᬜ᭄ᬯᬂᬕ᭄ᬕᬦᬶᬃᬯᬦ᭟ ᬓᬤᬶᬲᬲᭀᬗ᭄ᬕᬦᬾᬓᬸᬦᭀ᭞ᬧᬢᬶᬳᬸᬭᬶᬧ᭄ᬩᬳᬦ᭄ᬜᬶᬮᬶᬄ᭞ᬲᬶᬂᬜᬳᬾᬗ᭄ᬕᬮ᭄ᬢᭀᬢᬕᬶᬳ᭞ᬲᬓᬭᬶᬦᬾᬢᬸᬗ᭄ᬕᬸᬦ᭄ᬳᬸᬭᬶᬧ᭄᭞ᬫᬗ᭄ᬤᬲᬶᬥᬫᬧᬶᬓᭀᬮᬶᬄ᭞ᬧᬦᬸᬚ᭄ᬜ᭄ᬳᬸᬭᬶᬧ᭄ᬧᬸᬦᬶᬓᬸ᭞ᬫᬦᬸᬚᬸᬭᬶᬂ ᬲᬂᬫᬓᬃᬬ᭄ᬬ᭞ᬦᬾᬫᬓᬃᬬ᭄ᬬᬲᬂᬳ᭄ᬬᬂᬯᬶᬥᬶ᭞ᬫᬗ᭄ᬤᬳᬸᬭᬸᬄ᭞ᬲᬤᬸᬭᬸᬂᬜ᭄ᬯᬂᬕ᭄ᬕᬦᬶᬃᬯᬦ᭟ᬯᬶᬢ᭄ᬳᬸᬭᬶᬧ᭄ᬲᬓᬶᬂᬳ᭄ᬬᬂᬢᬶᬢᬄ᭞ᬬᬾᬦᬶᬂᬫᬗ᭄ᬓᬶᬦ᭄ᬳᬸᬭᬸᬂᬳᬸᬦᬶᬂᬭᬶᬂᬲᬾᬥᬦᬾᬢᬦ᭄ᬧᬗ᭄ᬕᬸᬄᬧ᭄ᬯ᭞ᬓᬺᬢᬲᬫᬬᬧᬂ

Auto-transliteration

[6 6B] 6 hadyatmika, hamoringdewahyangwidhi, sapakahyun, sidhisidhaninghadñana. wicalśaṇakanir̀mmalan, tankikĕtringdaginggumi, nikasidhakawisyesang, hantukpakahyune licin, kasor̀sadrasanesami, dadosekarahayu, rasapangrasawusnunggal, santosalanggĕngsujati, rasapuput, hamoringhyangwidhiwaśa. puputingsadyamanungga l, śunyahamĕr̀thabhinukti, tankikĕtringmayanjagat, nujungrasangdaginggumi, ngisĕpsariningsari, tir̀thasañjiwanibuḥ, rasawar̥ĕgtanpanda, bungaḥtanpanganggolu wiḥ, sapakahyun, sasahisukalagawa. mangkanasangwicakṣaṇa, doḥtandingringsangblogtuwi, huripnyasisuringjagat, kahikĕtbandaginggumi, bukahinucap'hituni, [7 7A] palingpanujunehidup, salaḥsukṣmawirasa, katitaḥdinidumadi, jatinhipun, gnaḥngrasayangraga. hirikiringmĕr̀capada, manuṣanesar̥ĕngsami, patut'huruḥringka witan, panujonhuripsujati, sangkanparaningdumadhi, hirikiringbhuwanahagung, witsakinghyangwidhiwaśa, puputpacangmrikamwali, pangtrushayu, niskalañwanggganir̀wana. kadisasongganekuno, patihuripbahanñiliḥ, singñahenggaltotagiha, sakarinetunggunhurip, mangdasidhamapikoliḥ, panujñhurippuniku, manujuring sangmakar̀yya, nemakar̀yyasanghyangwidhi, mangdahuruḥ, sadurungñwanggganir̀wana. wit'huripsakinghyangtitaḥ, yeningmangkinhurunghuningringsedhanetanpangguḥpwa, kr̥ĕtasamayapang

Leaf 7

Image on Archive.org

[᭗ 7B] ᭗ ᬳᬸᬦᬶᬂᬗᬭᬦ᭄‌ᬯᬗ᭄ᬲᬶᬢ᭄ᬧᬘᬂᬫᬢᬶ᭞ᬮᬦ᭄ᬧᬗᬼᬧᬲ᭄ᬓᬫᭀᬓ᭄ᬱᬫ᭄ᬯᬃ᭞ᬫᬗ᭄ᬳᬦᬾᬦ᭄ᬢᭂᬦ᭄ᬓᬲᬗ᭄ᬲᬭᬦ᭄᭞ᬧᬫᬃᬕ᭄ᬕᬶᬦᬾᬧᬘᬂᬫᬢᬶ᭞ᬧᬂᬭᬳᬬᬸ᭞ᬳ᭄ᬬᬂᬳᬢ᭄ᬫᬫᬫᬗ᭄ᬕᬸᬄᬰ᭄ᬯᬃᬕ᭄ᬕ᭟ᬢ᭄ᬭᬸᬲ᭄ᬫᬫᬸ ᬓ᭄ᬢᬶᬦᬶᬃᬯᬦ᭞ᬰᬸᬦ᭄ᬬᬢᬬᬳᬫᭂᬃᬣᬮ᭄ᬯᬶᬄ᭞ᬮᬶᬗ᭄ᬕᬶᬄᬳᬶᬤᬲᬂᬳ᭄ᬬᬂᬳᬢ᭄ᬫ᭞ᬗᬶᬲᭂᬧ᭄ᬲᬭᬶᬦᬶᬗᬲᬭᬶ᭞ᬲᬸᬚᬢᬶᬮ᭄ᬯᬶᬳᬶᬂᬮ᭄ᬯᬶᬄ᭞ᬧᬸᬧᬸᬢᬶᬂᬉᬢ᭄ᬢᬫᬳᬬᬸ᭞ᬲᬂᬳ᭄ᬬᬂᬳᬢ᭄ᬫᬲᬶᬥᬦᬸᬗ᭄ᬕᬮ᭄᭞ᬳᬫᭀᬭᬶᬂᬤᬾᬯ ᬳ᭄ᬬᬂᬯᬶᬥᬶ᭞ᬲᬤ᭄ᬬᬢ᭄ᬭᬸᬲ᭄᭞ᬢᬸᬲ᭄ᬦᬶᬂᬫᬦᬸᬱᬉᬢ᭄ᬢᬫ᭟ᬫᬦ᭄ᬫᬸᬮᬗ᭄ᬕᭂᬂᬲᬢᬢ᭞ᬭᬶᬂᬦᬶᬃᬯᬦᬲᬸᬘᬶᬮ᭄ᬯᬶᬄ᭞ᬕᬮᬂᬳᬧᬤᬂᬦᬶᬃᬫ᭄ᬫᬮ᭞ᬕᬮᬂᬢᬦ᭄ᬧᬮᬯᬢ᭄ᬮᬶᬘᬶᬦ᭄᭞ᬳ᭄ᬬᬂᬳᬢ᭄ᬫᬲᬤ᭄ᬬᬲᬸᬚᬢᬶ᭞ᬢᬦ᭄ᬮ ᬦᬂᬢᬦ᭄ᬳᬶᬲ᭄ᬢ᭄ᬭᬶᬳᬶᬓᬸ᭞ᬓᬤᬶᬲᬂᬳ᭄ᬬᬂᬯᬶᬥᬶᬯᬰ᭞ᬯ᭄ᬦᬂᬢᬦ᭄ᬫᬜᬤ᭄ᬫᬫᬮᬶᬄ᭞ᬬᬾᬦ᭄ᬳ᭄ᬬᬂᬢᬸᬤᬸᬄ᭞ᬗᬸᬢᬸᬲ᭄ᬜᬤ᭄ᬫᬫᬉᬢ᭄ᬢᬫ᭟ᬗᬃᬥᬶᬓᬭᬳᬬᭀᬦ᭄ᬚᬕᬢ᭄᭞ᬗᬶᬭᬶᬂᬓᬳ᭄ᬬᬸᬦ᭄ᬲᬂᬳ᭄ᬬᬂᬯᬶᬥᬶ᭞ᬭᬲᬯ [᭘ 8A] ᬋᬕ᭄ᬢᬩ᭄ᬧᬦ᭄ᬤ᭞ᬩᬸᬗᬄᬢᬦ᭄ᬧᬗᭂᬗ᭄ᬕᭀᬮ᭄ᬯᬶᬄ᭞ᬳᬲᬶᬂᬢᬦ᭄ᬤᬸᬃᬲᬃᬯ᭄ᬯᬦᬤᬶ᭞ᬮᬦ᭄ᬫᬸᬭᬄᬲᬃᬯ᭄ᬯᬢᬶᬦᬸᬓᬸ᭞ᬲᬸᬓ᭄ᬮᬭᬲᬢᬦ᭄ᬧᬫᬬ᭞ᬲᬤ᭄ᬭᬭᬦᬾᬓᬲᭀᬃᬲᬫᬶ᭞ᬳᬬᬸᬦᬸᬮᬸᬲ᭄᭞ᬳᬤ᭄ᬜᬦ ᬲᬸᬓ᭄ᬮᬲᬢᬢ᭟ᬲᬸᬓ᭄ᬮᬦ᭄ᬤᬢᬦ᭄ᬧᬢᬦ᭄ᬤᬶᬗᬦ᭄᭞ᬓᬯᬢᭂᬓ᭄ᬤᬾᬦᬶᬂᬲᬸᬓᬾᬃᬣᬶ᭞ᬢᬸᬲ᭄ᬦᬶᬂᬫᬦᬸᬱᬉᬢ᭄ᬢᬫ᭞ᬳᬫᭀᬭᬶᬂᬳᬶᬤᬳ᭄ᬬᬂᬯᬶᬥᬶ᭞ᬤᬤᭀᬲ᭄ᬕᬸᬭᬸᬮᭀᬓᬮ᭄ᬯᬶᬄ᭞ᬜᬸᬯᬸᬦ᭄ᬯᬳ᭄ᬬᬸᬦ᭄ᬲᬂᬳ᭄ᬬᬂᬢᬸᬤᬸᬄ᭞ᬫᬓᬲᬸᬮᬸᬳᬶᬂᬲ ᬚᬕᬢ᭄᭞ᬗᬃᬥᬶᬓᬭᬳᬬᭀᬦ᭄ᬩᬸᬫᬶ᭞ᬲᬮᬶᬂᬢᬸᬮᬸᬂ᭞ᬲᬮᬶᬂᬬᬰᬲᬢ᭄ᬭᬸᬲᬦ᭄ᬬ᭟ᬓᬾᬢᭀᬬᬲ᭄ᬲᬂᬉᬢ᭄ᬢᬫ᭞ᬧᬸᬢᬸᬲᬶᬂᬬᭀᬕᬲᬫᬥᬶ᭞ᬬᬦ᭄ᬯᭀᬂᬢᬦ᭄‌ᬫ᭄ᬮᬚᬄᬮᬦ᭄ᬫ᭄ᬬᬲ᭞ᬢᬦ᭄ᬯ᭄ᬭᬸᬄᬭᬶᬂᬬᭀᬕᬲᬫᬥᬶ᭞ᬬᬾ ᬦ᭄ᬫᬢᬶᬲᬗ᭄ᬲᬭᬲ᭄ᬤᬶᬄ᭞ᬢᬶᬩᬾᬂᬓᬯᬄᬲᬢ᭄ᬗᬄᬳᬶᬤᬸᬧ᭄᭞ᬳᬸᬭᬶᬧᬾᬧᬤᬮᬦ᭄ᬧ᭄ᬚᬄ᭞ᬦᬶᬂᬯ᭄ᬓᬲ᭄ᬫᬮᬶᬄᬢᬸᬫᬶᬢᬶᬲ᭄᭞ᬦ᭄ᬫᬸᬮᬘᬸᬃ᭞ᬭᬾᬄᬳᬶᬤᭂᬧ᭄ᬦ᭄ᬬᬓᬍᬢᭂᬳᬦ᭄᭟ᬓ᭄ᬭᬡᬧᬢᬸᬢ᭄ᬧᬶᬲᬦ᭄ᬫ᭄ᬬᬲ᭞ᬭᬶᬂᬫᭂᬃᬘᬧ

Auto-transliteration

[7 7B] 7 huningngaranwangsitpacangmati, lanpangl̥ĕpaskamokṣamwar̀, manghanentĕnkasangsaran, pamar̀gginepacangmati, pangrahayu, hyanghatmamamangguḥśwar̀gga. trusmamu ktinir̀wana, śunyatayahamĕr̀thalwiḥ, linggiḥhidasanghyanghatma, ngisĕpsariningasari, sujatilwihinglwiḥ, puputinguttamahayu, sanghyanghatmasidhanunggal, hamoringdewa hyangwidhi, sadyatrus, tusningmanuṣa'uttama. manmulanggĕngsatata, ringnir̀wanasucilwiḥ, galanghapadangnir̀mmala, galangtanpalawatlicin, hyanghatmasadyasujati, tanla nangtanhistrihiku, kadisanghyangwidhiwaśa, wnangtanmañadmamaliḥ, yenhyangtuduḥ, ngutusñadmama'uttama. ngar̀dhikarahayonjagat, ngiringkahyunsanghyangwidhi, rasawa [8 8A] r̥ĕgtabpanda, bungaḥtanpangĕnggolwiḥ, hasingtandur̀sar̀wwanadi, lanmuraḥsar̀wwatinuku, suklarasatanpamaya, sadraranekasor̀sami, hayunulus, hadñana suklasatata. suklandatanpatandingan, kawatĕkdeningsuker̀thi, tusningmanuṣa'uttama, hamoringhidahyangwidhi, dadosgurulokalwiḥ, ñuwunwahyunsanghyangtuduḥ, makasuluhingsa jagat, ngar̀dhikarahayonbumi, salingtulung, salingyaśasatrusanya. ketoyassanguttama, putusingyogasamadhi, yanwongtanmlajaḥlanmyasa, tanwruḥringyogasamadhi, ye nmatisangsarasdiḥ, tibengkawaḥsatngaḥhidup, huripepadalanpjaḥ, ningwkasmaliḥtumitis, nmulacur̀, reḥhidĕpnyakal̥ĕtĕhan. kraṇapatutpisanmyasa, ringmĕr̀capa

Leaf 8

Image on Archive.org

[᭘ 8B] ᭘ ᬤᬫᬓᭂᬃᬣᬶ᭞ᬧᬂᬯ᭄ᬭᬸᬄᬭᬶᬂᬲᬫᬶᬥᬶᬬᭀᬕ᭞ᬯᭀᬂᬮᬦᬂᬯ᭄ᬬᬤᬶᬦ᭄ᬯᭀᬂᬳᬶᬲ᭄ᬢ᭄ᬭᬶ᭞ᬜᬤ᭄ᬬᬬᬂᬧᬦᬸᬚᭀᬦ᭄ᬳᬸᬭᬶᬧ᭄᭞ᬦᬸᬗ᭄ᬕᬮ᭄ᬭᬶᬂᬳᬶᬤᬳ᭄ᬬᬂᬢᬸᬤᬸᬄ᭞ᬤᬸᬰᬫᬮᬫᬗ᭄ᬤᬢ᭄ᬮᬲ᭄᭞ᬲᬶᬸᬤᬤᭀᬲ᭄ᬤᬰᬲᬸᬘᬶᬲᬫᬶ᭞ ᬢᬼᬗᬶᬂᬓᬳ᭄ᬬᬸᬦ᭄᭞ᬧᬂᬲᬸᬥᬲᬢ᭄ᬲᬹᬃᬬ᭄ᬬᬘᬦ᭄ᬤ᭄ᬭ᭟ᬳᬶᬫ᭄ᬩᬦ᭄ᬲᬂᬳ᭄ᬬᬂᬯᬶᬥᬶᬯᬰ᭞ᬓᬳᬶᬘᬾᬦ᭄ᬢᬗᬦ᭄ᬓᬮᬶᬄ᭞ᬓᬶᬯᬮᬯᬦ᭄ᬢᭂᬗᭂᬦ᭄ᬳᬶᬓ᭞ᬧᬤᬮᬫᬶᬫᬫᬚ᭄ᬭᬶᬚᬶ᭞ᬲᬸᬓ᭄ᬱ᭄ᬫᬦ᭄ᬬᬭᬗ᭄ᬲᬸᬓ᭄ᬲᬫᬶ᭞ᬓᬳ᭄ᬬᬸᬦᬾᬤᬰᬧᬶᬦᬶ ᬓᬸ᭞ᬮᬶᬫᬧᬗᬮ᭄ᬬᬦ᭄ᬳᬫᭂᬃᬣ᭞ᬧᬗᬸᬧᬚᬶᬯᬲᬸᬚᬢᬶ᭞ᬧᬂᬭᬳᬬᬸ᭞ᬲᬓᬮᬳᬶᬤᬸᬧ᭄ᬭᬶᬂᬚᬕᬢ᭄᭟ᬓᬳ᭄ᬬᬸᬦᬾᬫᬮᬶᬄᬮᬮᬶᬫ᭞ᬳᬾᬮᬶᬂᬧᬕᭂᬳᬂᬲᬲᬳᬶ᭞ᬳᬗ᭄ᬕᬾᬦ᭄‌ᬗᬺᬋᬄᬓᬳᬸᬭᬸᬳᬦ᭄᭞ᬲᬭᬶᬦ᭄ᬳᬕ ᬫᬲᬶᬦᬶᬯᬶ᭞ᬲᬗ᭄ᬓᬦ᭄ᬧᬭᬦᬶᬂᬤᬸᬫᬥᬶ᭞ᬯᬳ᭄ᬬᬳᬬ᭄ᬬᬢ᭄ᬫᬶᬓᬧᬂᬯ᭄ᬭᬸᬄ᭞ᬲᬓᬮᬦᬶᬲ᭄ᬓᬮᬯᬶᬓᬦ᭄᭞ᬫᬓᬲᬸᬮᬸᬄᬧ᭄ᬢᭂᬂᬳᬢᬶ᭞ᬮᬦ᭄ᬫᬸᬧ᭄ᬯᬂᬢ᭄ᬭᬸᬲ᭄᭞ᬯᭀᬄᬮ᭄ᬯᬶᬳᬶᬂᬓᬫᬦᬸᬱᬦ᭄᭟ᬬᬾᬦ᭄ᬯᭀᬂᬢᬫ᭄ᬩᭂᬢ᭄ᬧᬮᬶᬂ [᭙ 9A] ᬗᬯᬕ᭄᭞ᬗᬶᬫ᭄ᬧᬲᬶᬦ᭄ᬓᬳ᭄ᬬᬸᬦ᭄ᬳ᭄ᬬᬂᬯᬶᬥᬶ᭞ᬤᬰᬮᬓ᭄ᬱᬡᬦᬾᬗᬩᬕ᭄᭞ᬦᬗ᭄ᬳᬶᬂᬲᬂᬯᬶᬓᬦ᭄ᬢᬸᬯᬶ᭞ᬧᬸᬢᬸᬲᬶᬂᬬᭀᬕᬲᬥᬶ᭞ᬗᬶᬭᬶᬂᬓᬳ᭄ᬬᬸᬦ᭄ᬲᬂᬳ᭄ᬬᬂᬢᬸᬤᬸᬄ᭞ᬤᬰᬮᬓ᭄ᬱᬡᬦᬾᬫᬯᬲ᭄᭞ᬩᬾᬢᬾᬮ᭄ᬢᬶᬗ᭄ᬳᬮ᭄ ᬧᬗᬺᬗᭃᬮ᭄ᬯᬶᬄ᭞ᬘ᭄ᬮᬂᬧᬓᬳ᭄ᬬᬸᬦ᭄᭞ᬯᭂᬭᬸᬄᬲᬤᬸᬭᬸᬂᬯᬶᬦᬭᬄ᭟ᬭᬾᬄᬯᬸᬲ᭄‌ᬫ᭄ᬭᬕᬓᬦᬶᬃᬫ᭄ᬫᬮᬦ᭄᭞ᬳᬫᭀᬭᬶᬂᬤᬾᬯᬳ᭄ᬬᬂᬯᬶᬥᬶ᭞ᬳᬶᬓᬶᬚᬧᬦ᭄ᬦᭀᬭᬮᬸᬧ᭞ᬯ᭄ᬭᬸᬄᬓᬸᬜ᭄ᬘᬶᬬᭀᬕᬲᬫᬥᬶ᭞ᬭᬳᬲ᭄ᬬᬮ᭄ᬯᬶᬳᬶᬂ ᬧᬶᬗᭂᬢ᭄᭞ᬢᬼᬗᬶᬂᬲᬸᬓ᭄ᬮᬧᬸᬦᬶᬓᬸ᭞ᬲᬸᬓ᭄ᬮᬦᬶᬂᬲᬸᬓ᭄ᬮᬳᬶᬓ᭞ᬚᬢᬶᬦᬶᬗᬚᬢᬶᬳᬶᬢ᭞ᬉᬢ᭄ᬢᬫᬯ᭄ᬭᬸᬲ᭄᭞ᬳᬬ᭄ᬯᬯᬾᬭᬧᬶᬗᬶᬢᬦ᭄ᬦ᭟᭜᭟ᬕᬶᬦᬦ᭄ᬢᬶ᭟ᬕᬶᬦᬦ᭄ᬢᬶᬫᬜᬫ᭄ᬩᬸᬂᬢᬸᬢᬸᬃ᭞ᬘ᭄ᬭᬶᬢᬳᬶᬤᬲᬂᬪᬸᬧᬢᬶ᭞ ᬓᬮᬶᬄᬧᬢᬶᬄᬳᬶᬤᬲᬫ᭄ᬬᬦ᭄᭞ᬲ᭄ᬦᭂᬂᬫᬫᬶᬋᬗᬂᬲᬫᬶ᭞ᬧᬶᬢᬸᬢᬸᬃᬲᬂᬬᭀᬕᬶᬰ᭄ᬯᬭ᭞ᬭᬭᬶᬲ᭄ᬳᬦᬸᬢ᭄ᬫᬢᬸᬃᬲᬫᬶ᭟ᬤᬸᬄᬲᬶᬗ᭄ᬕᭂᬄᬭᬢᬸᬲᬂᬯᬶᬓᬸ᭞ᬲᬤ᭄ᬬᬢᬶᬢ᭄ᬬᬂᬲᬋᬂᬲᬫᬶ᭞ᬧᭀᬮᬶᬄᬲ᭄ᬯᬾᬘᬦ᭄‌ᬬᭀᬕᬶᬰ᭄ᬯᬭ

Auto-transliteration

[8 8B] 8 damakĕr̀thi, pangwruḥringsamidhiyoga, wonglanangwyadinwonghistri, ñadyayangpanujonhurip, nunggalringhidahyangtuduḥ, duśamalamangdatlas, s̶dadosdaśasucisami, tl̥ĕngingkahyun, pangsudhasatsūr̀yyacandra. himbansanghyangwidhiwaśa, kahicentangankaliḥ, kiwalawantĕngĕnhika, padalamimamajriji, sukṣmanyarangsuksami, kahyunedaśapini ku, limapangalyanhamĕr̀tha, pangupajiwasujati, pangrahayu, sakalahidupringjagat. kahyunemaliḥlalima, helingpagĕhangsasahi, hanggenngr̥ĕr̥ĕḥkahuruhan, sarinhaga masiniwi, sangkanparaningdumadhi, wahyahayyatmikapangwruḥ, sakalaniskalawikan, makasuluḥptĕnghati, lanmupwangtrus, woḥlwihingkamanuṣan. yenwongtambĕtpaling [9 9A] ngawag, ngimpasinkahyunhyangwidhi, daśalakṣaṇanengabag, nanghingsangwikantuwi, putusingyogasadhi, ngiringkahyunsanghyangtuduḥ, daśalakṣaṇanemawas, beteltinghal pangr̥ĕngölwiḥ, clangpakahyun, wĕruḥsadurungwinaraḥ. reḥwusmragakanir̀mmalan, hamoringdewahyangwidhi, hikijapannoralupa, wruḥkuñciyogasamadhi, rahasyalwihing pingĕt, tl̥ĕngingsuklapuniku, suklaningsuklahika, jatiningajatihita, uttamawrus, haywawerapingitanna \\•\\ ginanti. ginantimañambungtutur̀, critahidasangbhupati, kaliḥpatiḥhidasamyan, snĕngmamir̥ĕngangsami, pitutur̀sangyogiśwara, rarishanutmatur̀sami. duḥsinggĕḥratusangwiku, sadyatityangsar̥ĕngsami, poliḥswecanyogiśwara

Leaf 9

Image on Archive.org

[᭙ 9B] ᭙ ᭞ᬢᬢ᭄ᬯᬭᬳᬲ᭄ᬬᬦᬾᬮ᭄ᬯᬶᬄ᭞ᬳᬶᬦ᭄ᬤᬶᬓ᭄ᬓᬭᬳᬬᭀᬦ᭄ᬚᬕᬢ᭄᭞ᬤᬲᬃᬪᬓ᭄ᬢᬶᬦᬾᬦᬶᬂᬳᬲᬶᬄ᭞ᬮ᭄ᬯᬶᬄᬲᬸᬓ᭄ᬱ᭄ᬫᬫᬦᬄᬳᬸᬮᬸᬦ᭄᭞ᬲᬓ᭄ᬢᬶᬲᬾᬦ᭄ᬳᬫᭂᬃᬣᬚᬢᬶ᭞ᬰᬜ᭄ᬚᬶᬯᬦᬶᬫᬉᬢ᭄ᬢᬫ᭞ᬳᬶᬤᬲᬶᬳᬦ᭄ᬤᬾᬦ᭄ᬳ᭄ᬬᬂᬯᬶᬥᬶ᭞ᬤᬸᬄᬲᬶ ᬗ᭄ᬕᬶᬲᬾᬂᬬᭀᬕᬶᬰ᭄ᬫᬭ᭞ᬲᬫ᭄ᬧᬸᬦᬂᬯᬦᭂᬄᬜ᭄ᬯᬾᬘᬦᬶᬦ᭄᭟ᬬᬤ᭄ᬬᬦ᭄ᬳᬢᬦᬄᬳᬕᬸᬦᬸᬂ᭞ᬓᬍᬢᭂᬳᬦ᭄ᬢᬶᬢ᭄ᬬᬂᬲᬫᬶ᭞ᬬᬾᬦ᭄ᬲᬫ᭄ᬧᬸᬦ᭄‌ᬲ᭄ᬯᬾᬘᬦ᭄ᬧᬦ᭄ᬥᬶᬢ᭞ᬳᬃᬱᬫᬗ᭄ᬮᬸᬓᬢ᭄ᬦᬾᬫᬗ᭄ᬓᬶᬦ᭄᭞ᬚᬦ᭄ᬢᭂᬦ᭄ᬲᬶᬥᬓᬦᬶᬃᬫ᭄ᬫᬮ ᬦ᭄᭞ᬲᬤ᭄ᬬᬭᬳᬬᬸᬧᬶᬦᬗ᭄ᬕᬶᬄ᭟ᬲᬶᬓ᭄ᬬᬦ᭄ᬢᬶᬢ᭄ᬬᬂᬲᬫᬶᬓᬢᬸᬃ᭞ᬭᬶᬂᬮᬶᬗ᭄ᬕᬶᬄᬲᬂᬬᭀᬕᬶᬮ᭄ᬯᬶᬄ᭞ᬲᬓᬶᬂᬲᬸᬰ᭄ᬭᬸᬲᬦᬶᬃᬫ᭄ᬫᬮ᭞ᬲᬢ᭄ᬬᬪᬓ᭄ᬢᬶᬤᬾᬦᬶᬂᬳᬲᬶᬄ᭞ᬤᬸᬭᬸᬲᬂᬭᬢᬸᬦ᭄ᬭᬸᬄᬯᬦᬂ᭞ᬧᬸᬧᬸᬢᬂᬓᬳ᭄ᬬᬸᬦᬾᬫᬗ᭄ᬓᬶᬦ᭄᭞ ᬬᭀᬕᬶᬥᬃᬫ᭄ᬫᬰᬸᬦ᭄ᬬᬫᬸᬯᬸᬲ᭄᭞ᬲᬶᬗ᭄ᬕᬶᬄᬭᬢᬸᬲᬂᬪᬸᬧᬢᬶ᭞ᬓᬮᬶᬄᬲᬶᬭᬧᬢᬶᬄᬲᬫ᭄ᬬᬦ᭄᭞ᬳᬶᬗ᭄ᬯᬂᬢᬦ᭄ᬫ᭄ᬭᬲᬨᬤᬢ᭄ᬯᬶ᭞ᬲᬸᬚᬢᬶᬲᬓᬶᬲᬸᬰ᭄ᬭᬸᬲ᭞ᬲᬲᬶᬥᬬᬦ᭄ᬗᬃᬥᬶᬩ᭄ᬘᬶᬓ᭄᭟ᬓᬤᬶᬢᬢ᭄ᬯᬘ᭄ᬭᬶᬯ [᭑᭐ 10A] ᬯᬸ᭞ᬫᬗ᭄ᬤᬲᬫ᭄ᬧᬸᬦ᭄ᬳᬶᬯᬂᬢᬫ᭄ᬧᬶ᭞ᬓᬮᬶᬄᬳᬶᬯᬂᬧᬗ᭄ᬮᬓ᭄ᬱᬡ᭞ᬓᬳ᭄ᬬᬸᬦᬶᬦ᭄ᬕᬮᬶᬄᬕᬮᬶᬳᬶᬦ᭄᭞ᬓᬤᬶᬗᬚᭂᬂᬦᬲᬶᬳᬶᬓᬢᬦ᭄ᬜᬶᬥᬂᬫᬜᬶᬚᬶᬄᬜᬶᬚᬶᬄ᭟ᬮᬶᬃᬫᭂᬮᬸᬢ᭄ᬩᬯᬂᬳᬶᬓᬸ᭞ᬗᬸᬧᬓ᭄ᬓᬸᬮᬶᬢ᭄ᬲᬓᬲᬶᬓᬶ᭞ᬗᬦ᭄ᬢᭀ ᬲ᭄ᬭᬯᬸᬄᬭᬶᬂᬳᬸᬦ᭄ᬢᭂᬂᬦ᭄ᬬ᭞ᬲᬤᬕᬶᬂᬢᬢ᭄ᬯᬦᬾᬢᬸᬦᬶ᭞ᬭᬶᬂᬢᬫ᭄ᬩᬂᬲᬶᬦᭀᬫ᭄ᬧᬸᬦᬶᬓ᭞ᬩ᭄ᬘᬶᬓᬂᬜᬸᬓ᭄ᬱ᭄ᬫᬫᬮᬶᬄ᭞ᬢ᭄ᬓᬄᬗᬫᭀᬗᬸᬫᬶᬳᬶᬓᬸ᭞ᬭᬕᬦᬾᬤᬸᬫᬸᬦ᭄ᬩᭂᬃᬲᬶᬳᬶᬦ᭄᭞ᬤᬸᬮᬸᬭᬦ᭄ᬫᬫ᭄ᬩᬸᬄᬫᬲᬶᬭᬫ᭄᭞ᬥᬃᬫ᭄ᬫᬮ ᬓ᭄ᬱᬡᬦᬾᬲᬸᬘᬶ᭞ᬳᬲᬶᬄᬭᬶᬂᬲᬃᬯ᭄ᬯᬢᬸᬫᬶᬢᬄ᭞ᬳᬶᬓᬦᬾᬳᬗ᭄ᬕᬾᬦ᭄‌ᬫᬺᬱᬶᬳᬶᬦ᭄᭟ᬳᬶᬫ᭄ᬩᬦ᭄ᬲᬂᬳ᭄ᬬᬂᬯᬶᬥᬶᬢᬶᬭᬸ᭞ᬲᬹᬃᬬ᭄ᬬᬩᬸᬮᬦ᭄ᬩᬶᬦ᭄ᬢᬂᬚᬢᬶ᭞ᬢᭂᬢᭂᬧ᭄ᬫᬜᬸᬦᬭᬶᬦ᭄ᬚᬕᬢ᭄᭞ᬢᬦ᭄ᬳᬶᬮᭀᬦ᭄ᬳᬶᬮᭀᬦ᭄ ᬜ᭄ᬯᬾᬘᬦᬶᬦ᭄᭞ᬭᬶᬂᬲᬓᬜ᭄ᬘᬦᬶᬂᬢᬸᬫᬶᬢᬄ᭞ᬲᬫᬶᬓᬲᬸᬦᬭᬶᬦ᭄᭟ᬲ᭄ᬯᬾᬘᬢᬦ᭄ᬯᬢᭂᬲᬦ᭄ᬢᭂᬭᬸᬲ᭄᭞ᬥᬃᬫ᭄ᬫᬮᬓ᭄ᬱᬡᬦᬾᬲᬸᬘᬶ᭞ᬢᭀᬧᬩᬺᬲᬶᬳᬦ᭄ᬳᬸᬢᬫ᭞ᬲᬂᬳ᭄ᬬᬂᬳᬢ᭄ᬫᬫᬗ᭄ᬕᬶᬄᬮ᭄ᬯᬶᬄ᭞ᬩ᭄ᬭᬢᬸᬭᬶᬂᬭᬕᬰ

Auto-transliteration

[9 9B] 9 , tatwarahasyanelwiḥ, hindikkarahayonjagat, dasar̀bhaktineninghasiḥ, lwiḥsukṣmamanaḥhulun, saktisenhamĕr̀thajati, śañjiwanima'uttama, hidasihandenhyangwidhi, duḥsi nggisengyogiśmara, sampunangwanĕḥñwecanin. yadyanhatanaḥhagunung, kal̥ĕtĕhantityangsami, yensampunswecanpandhita, har̀ṣamanglukatnemangkin, jantĕnsidhakanir̀mmala n, sadyarahayupinanggiḥ. sikyantityangsamikatur̀, ringlinggiḥsangyogilwiḥ, sakingsuśrusanir̀mmala, satyabhaktideninghasiḥ, durusangratunruḥwanang, puputangkahyunemangkin, yogidhar̀mmaśunyamuwus, singgiḥratusangbhupati, kaliḥsirapatiḥsamyan, hingwangtanmrasaphadatwi, sujatisakisuśrusa, sasidhayanngar̀dhibcik. kaditatwacriwa [10 10A] wu, mangdasampunhiwangtampi, kaliḥhiwangpanglakṣaṇa, kahyunin'galiḥgalihin, kadingajĕngnasihikatanñidhangmañijiḥñijiḥ. lir̀mĕlutbawanghiku, ngupakkulitsakasiki, nganto srawuḥringhuntĕngnya, sadagingtatwanetuni, ringtambangsinompunika, bcikangñukṣmamaliḥ, tkaḥngamongumihiku, raganedumunbĕr̀sihin, duluranmambuḥmasiram, dhar̀mmala kṣaṇanesuci, hasiḥringsar̀wwatumitaḥ, hikanehanggenmr̥ĕsyihin. himbansanghyangwidhitiru, sūr̀yyabulanbintangjati, tĕtĕpmañunarinjagat, tanhilonhilon ñwecanin, ringsakañcaningtumitaḥ, samikasunarin. swecatanwatĕsantĕrus, dhar̀mmalakṣaṇanesuci, topabr̥ĕsihanhutama, sanghyanghatmamanggiḥlwiḥ, braturingragaśa

Leaf 10

Image on Archive.org

[᭑᭐ 10B] ᭑᭐ ᬭᬶᬭ᭞ᬧᬂᬜᬶᬥᬂᬦᬗᬸᬦ᭄ᬲᬫᬥᬶ᭟ᬳᬫᬸᬦᬧᬶᬦᬶᬗᬶᬂᬓᬳ᭄ᬬᬸᬦ᭄᭞ᬧᬥᬃᬫ᭄ᬫᬮᬓ᭄ᬱᬡᬲᬸᬘᬶ᭞ᬫᬓᬚᬦᬬᬲᬳᬶᬓ᭞ᬳᬫᬸᬦᬶᬓᬓᬳᬶᬘᬾᬦᬶᬦ᭄᭞ᬳᬬᬸᬧᬦᬸᬕ᭄ᬭᬦ᭄ᬳ᭄ᬬᬂᬢᬶᬢᬄ᭞ᬲᬢᬶᬫ᭄ᬩᬂ ᬓᬃᬫ᭄ᬫᬲᬸᬚᬢᬶ᭟ᬬᬾᬦᬶᬂᬲᬺᬲᭂᬢ᭄ᬤᭂᬫᬶᬢ᭄ᬳᬶᬓᬸ᭞ᬫᬓᬍᬢᭂᬄᬫᬦᬮᬶᬦᬶᬦ᭄᭞ᬬᬦ᭄ᬮᬲ᭄‌ᬢ᭄ᬭᬸᬲ᭄ᬥᬃ ᬢᬮᬶᬦ᭄ ᬫ᭄ᬫᬮᬓ᭄ᬱᬡ᭞ᬧᬂᬮᬾᬦᬼᬢᭂᬄᬳᬶᬓᬶ᭞ᬳᬤ᭄ᬜᬦᬲᬸᬓ᭄ᬮᬲᬢᬢ᭞ᬓᬤᬶᬲᬹᬃᬬ᭄ᬬᬩᬸᬮᬦ᭄ᬩᭂᬃᬲᬶᬄ᭟ᬫᬓᬢᬶᬢᬶᬢ᭄ᬭᬸ ᬲ᭄ᬭᬳᬬᬸ᭞ᬜᬶᬥᬬᬂᬦᬗᬸᬦ᭄ᬲᬫᬥᬶ᭞ᬭᬸᬯᬫᬢ᭄ᬫᬳᬦ᭄ᬢᬸᬗ᭄ᬕᬮ᭄᭞ᬫ᭄ᬭᬕᬓᬮᬗ᭄ᬕᭂᬗᬦ᭄‌ᬮ᭄ᬯᬶᬄ᭞ᬳᬫᭀᬭᬶᬂᬳ᭄ᬬᬂᬯᬶᬥᬶᬯᬰ᭞ᬢᬸᬲ᭄ᬦᬶᬂᬫᬦᬸᬱᬲᬸᬚᬢᬶ᭟ᬲᬂᬳ᭄ᬬᬂᬢᬸᬗ᭄ᬕᬮ᭄‌ᬢ᭄ᬭᬸᬲ᭄ᬓᬭᬗ᭄ᬲᬸᬓ᭄᭞ᬲᬶᬥᬧᬶ ᬦᬸᬦᬲᬾᬚᬢᬶ᭞ᬫᬡᬶᬓ᭄ᬲᬓ᭄ᬘᬧ᭄ᬳᬸᬢᬫ᭞ᬢᬶᬃᬣᬲᬜ᭄ᬚᬶᬯᬦᬶᬮ᭄ᬯᬶᬄ᭞ᬳ᭄ᬢᬸᬓ᭄ᬲᬫ᭄ᬧᬸᬦ᭄‌ᬫ᭄ᬭᬕᬢᬸᬗ᭄ᬕᬮ᭄᭞ᬲᬂᬦᬸᬦᬲ᭄ᬮᬦ᭄ᬲᬂᬗᬶᬘᬾᬦᬶᬦ᭄᭟ᬲᬸᬓ᭄ᬱ᭄ᬫᬦ᭄ᬜᬦᬾᬧᬸᬦᬶᬓᬸ᭞ᬫᬡᬶᬓ᭄‌ᬗᬭᬦ᭄ᬫᬦᬄᬲᬸᬘᬶ᭞ᬲᬧ [᭑᭑ 11A] ᬫᬗᬭᬦ᭄ᬧᬦᬸᬗ᭄ᬕᬮᬦ᭄᭞ᬓ᭄ᬘᬧ᭄᭝ᬗᬭᬦ᭄‌ᬰ᭄ᬯᬭᬲ᭄ᬧᬶ᭞ᬫᬦᬄᬲᬸᬘᬶᬢ᭄ᬭᬸᬲ᭄ᬫᬦᬸᬗ᭄ᬕᬮ᭄᭞ᬭᬶᬰ᭄ᬯᬲ᭄ᬧᬶᬦ᭄ᬳ᭄ᬬᬂᬯᬶᬥᬶ᭟ᬰ᭄ᬯᬭᬲ᭄ᬧᬶᬦ᭄ᬲᬂᬳ᭄ᬬᬂᬢᬸᬤᬸᬄ᭞ᬲᬚ᭄ᬭᭀᬦ᭄‌ᬰ᭄ᬯᬭᬦ᭄ᬦᬭᬲᬸᬘᬶ᭞ᬲᬚ᭄ᬭᭀᬦ᭄ᬲᬳᬦ ᬦᬶᬂᬰ᭄ᬯᬭ᭞ᬰ᭄ᬯᬭᬲᬸᬓ᭄ᬱ᭄ᬫᬮᬶᬦ᭄ᬯᬶᬄ᭞ᬓ᭄ᬭᬸᬗᬸᬤᬾᬲᬂᬢ᭄ᬭᬸᬲ᭄ᬧᬗᬺᬗᭂ᭞ᬲ᭄ᬮᬦᬶᬂᬮᬸᬧᬫᬾᬗᭂᬢ᭄ᬚᬢᬶ᭞ᬯ᭄ᬭᬸᬄᬲᬗ᭄ᬤᬲᬚ᭄ᬭᭀᬦ᭄ᬳᬸᬚᬃᬢ᭄ᬭᬸᬲ᭄᭞ᬜᬸᬤ᭄ᬬᬢᬬᬳᬫᭂᬃᬣᬲᬭᬶ᭞ᬭᬲᬧᬗ᭄ᬭᬲᬯᬸᬲ᭄ᬦᬸᬗ᭄ᬕᬮ᭄᭞ᬢ᭄ᬭᬶᬯ ᬲ᭄ᬧᬤᬚᬢᬶᬫᬹᬃᬣᬶ᭞ᬩᬾᬢᬾᬮ᭄‌ᬢᬶᬗ᭄ᬳᬮ᭄‌ᬢ᭄ᬭᬸᬲ᭄ᬧᬗᬺᬗᭃ᭞ᬮᬦ᭄ᬘᭂᬮᬗᬶᬂᬓᬳ᭄ᬬᬸᬦ᭄ᬮᬸᬯᬶᬄ᭟ᬢᬶᬃᬣᬗᬭᬦ᭄ᬢᭀᬬᬳᬶᬓᬸ᭞ᬧᬗᬭᬦ᭄ᬢᬸᬗ᭄ᬕᬮ᭄ᬳᬶᬓᬶ᭞ᬚᬶᬯᬦᬶᬓᬳᬸᬭᬶᬧᬦ᭄ᬬ᭞ᬳᬸᬭᬶᬧ᭄ᬲᬳ ᬦᬦᬳᬸᬭᬶᬧ᭄᭞ᬪᬸᬯᬦᬳᬮᬶᬢ᭄ᬳᬕᬸᬂᬳᬶᬓ᭞ᬓ᭄ᬭᬕᬦᬶᬦ᭄ᬳᬦ᭄ᬢᬸᬓ᭄ᬳ᭄ᬬᬂᬯᬶᬥᬶ᭟ᬢᬸᬗ᭄ᬕᬮ᭄‌ᬦᭀᬭᬤᬤ᭄ᬯᬘᬓᬸᬧ᭄᭞ᬩᬗᬶᬂᬦᬾᬗ᭄ᬭᬕᬦᬶᬦ᭄ᬓᬮᬶᬄ᭞ᬫᬓᬫᬶᬯᬄᬲᬳᬦᬦ᭄ᬬ᭞ᬪᬸᬃᬪᬸᬯᬄᬰ᭄ᬯᬄ

Auto-transliteration

[10 10B] 10 rira, pangñidhangnangunsamadhi. hamunapiningingkahyun, padhar̀mmalakṣaṇasuci, makajanayasahika, hamunikakahicenin, hayupanugranhyangtitaḥ, satimbang kar̀mmasujati. yeningsr̥ĕsĕtdĕmit'hiku, makal̥ĕtĕḥmanalinin, yanlastrusdhar̀ talin mmalakṣaṇa, panglenl̥ĕtĕḥhiki, hadñanasuklasatata, kadisūr̀yyabulanbĕr̀siḥ. makatititru srahayu, ñidhayangnangunsamadhi, ruwamatmahantunggal, mragakalanggĕnganlwiḥ, hamoringhyangwidhiwaśa, tusningmanuṣasujati. sanghyangtunggaltruskarangsuk, sidhapi nunasejati, maṇiksakcap'hutama, tir̀thasañjiwanilwiḥ, htuksampunmragatunggal, sangnunaslansangngicenin. sukṣmanñanepuniku, maṇikngaranmanaḥsuci, sapa [11 11A] mangaranpanunggalan, kcap:ngaranśwaraspi, manaḥsucitrusmanunggal, riśwaspinhyangwidhi. śwaraspinsanghyangtuduḥ, sajronśwarannarasuci, sajronsahana ningśwara, śwarasukṣmalinwiḥ, krungudesangtruspangr̥ĕngĕ, slaninglupamengĕtjati, wruḥsangdasajronhujar̀trus, ñudyatayahamĕr̀thasari, rasapangrasawusnunggal, triwa spadajatimūr̀thi, beteltinghaltruspangr̥ĕngö, lancĕlangingkahyunluwiḥ. tir̀thangarantoyahiku, pangarantunggalhiki, jiwanikahuripanya, huripsaha nanahurip, bhuwanahalit'hagunghika, kraganinhantuk'hyangwidhi. tunggalnoradadwacakup, bangingnengraganinkaliḥ, makamiwaḥsahananya, bhur̀bhuwaḥśwaḥ

Leaf 11

Image on Archive.org

[᭑᭑ 11B] ᭑᭑ ᬢ᭄ᬭᬶᬪᬸᬯᬦᬲᬫᬶ᭞ᬢ᭄ᬓᬾᬰ᭄ᬯᬃᬕ᭄ᬕᬦᬶᬃᬫᬦ᭞ᬓ᭄ᬭᬕᬦᬶᬦ᭄ᬳᬦ᭄ᬢᬸᬓ᭄ᬳ᭄ᬬᬂᬯᬶᬥᬶ᭟ᬲᬧ᭄ᬢᬧᬢᬮᬓ᭄ᬭᬕᬂᬢ᭄ᬭᬸᬲ᭄᭞ᬲᬧ᭄ᬢᬳᬓᬰᬦᬾᬫᬮᬶᬄ᭞ᬳᬗᬶᬦ᭄ᬲᬹᬃᬬ᭄ᬬᬩᬸᬮᬦ᭄ᬩᬶᬦ᭄ᬢᬂ᭞ᬤᬫᬸᬄᬢᭀᬬᬫᬶᬯᬄᬕ᭄ᬦᬶ᭞ ᬲᬓᬮᬦᬶᬲ᭄ᬓᬮᬲᬫ᭄ᬬᬦ᭄᭞ᬲᬳᬦᬦᬾᬓᬭᬕᬦᬶᬦ᭄᭟ᬦᬗ᭄ᬳᬶᬂᬦᭀᬭᬓ᭄ᬭᬓᭂᬢ᭄‌ᬢ᭄ᬭᬸᬲ᭄᭞ᬭᬾᬄᬳ᭄ᬬᬂᬯᬶᬥᬶᬮᬶᬘᬶᬦ᭄ᬧᬶᬗᬶᬢ᭄᭞ᬫᬦᬸᬗ᭄ᬕᬮ᭄ᬲᬸᬓ᭄ᬮᬲᬢᬢ᭞ᬢᬦ᭄ᬓᭂᬦᬾᬂᬫᬬᬮᬸᬧᬸᬢ᭄‌ᬬᬸ ᬓ᭄ᬢᬶ᭞ᬳᬶᬓᬭᬕᬬᬂᬲᬢᬢ᭞ᬭᬶᬂᬲᬦ᭄ᬥᬶᬦᬶᬂᬬᭀᬕᬮ᭄ᬯᬶᬄ᭟ᬬᬾᬦᬶᬂᬲᬶᬥᬦᬸᬗ᭄ᬕᬮ᭄‌ᬢ᭄ᬭᬸᬲ᭄᭞ᬭᬶᬂᬢᭂᬍᬗᬶᬂᬬᭀᬕᬲᬫᬥᬶ᭞ᬭᬲᬯᬧᬕ᭄ᬢᬦ᭄ᬧᬦ᭄ᬤ᭞ᬩᬸᬗᬄᬢᬦ᭄ᬧᬗᬗ᭄ᬕᭀᬮ᭄ᬯᬶᬄ᭞ᬲᬸᬓᬮᬯᬦᬶᬃ ᬫ᭄ᬫᬮ᭞ᬗᬶᬘᭂᬧ᭄ᬲᬭᬶᬦᬶᬗᬲᬭᬶ᭟ᬮ᭄ᬯᬶᬃᬧᭀᬮᬶᬄᬧᬦᬸᬕ᭄ᬭᬦ᭄ᬳᬬᬸ᭞ᬭᬳᬲ᭄ᬬᬮ᭄ᬯᬶᬳᬶᬂᬧᬶᬗᬶᬢ᭄᭞ᬫᬡᬶᬓ᭄ᬲᬓ᭄ᬘᬧ᭄ᬳᬶᬦᬸᬘᬧ᭄᭞ᬓᬮᬶᬄᬢᬶᬃᬣᬰᬜ᭄ᬚᬶᬯᬦᬶ᭞ᬳᬓᬶᬚᬧᬦ᭄ᬳᬬ᭄ᬯᬮ᭄ᬲ᭞ᬗᬃᬥᬶᬓᬭᬳ [᭑᭒ 12A] ᬬᭀᬦ᭄ᬩᬸᬫᬶ᭟ᬲᬸᬓ᭄ᬮᬮᬕᬯᬦᬾᬧᬸᬧᬸᬢ᭄᭞ᬭᬶᬂᬢᬲᬓ᭄‌ᬬᭀᬕᬲᬫᬥᬶ᭞ᬯᬶᬪᬸᬄᬤᬾᬦ᭄ᬲᬸᬦ᭄ᬬᬳᬫᭂᬃᬣ᭞ᬍᬕᬦ᭄ᬭᬶᬂᬳᬯᭀᬂᬭᬶᬂᬳᬶᬲ᭄ᬢ᭄ᬭᬶ᭞ᬭᬾᬄᬍᬕᬮᬗ᭄ᬕᭂᬗᬾᬫᬦᬸᬗ᭄ᬕᬮ᭄᭞ᬢᬦ᭄ᬓᬶᬓᭂᬢ᭄ᬩᬦᬼᬕᬦ᭄ᬕᬸ ᬫ᭄᭟ᬕᬸᬦᬦ᭄ᬬᬉᬢ᭄ᬢᬫᬳᬬᬸ᭞ᬓᬃᬬ᭄ᬬᬦᬾᬦᬗᬸᬦ᭄ᬲᬫᬥᬶ᭞ᬫᬓᬧᬮᬸᬓᬢᬦ᭄ᬫᬮ᭞ᬫᬗ᭄ᬤᬲᬂᬳ᭄ᬬᬂᬳᬢ᭄ᬫᬩᭂᬃᬲᬶᬄ᭞ᬯᭂᬢᬸᬲᬸᬢᬾᬚᬤᬸᬫᬶᬮᬄ᭞ᬭᬶᬂᬧ᭄ᬭᬭᬳᬶᬳᬲ᭄ᬭᬶᬮ᭄ᬯᬶᬄ᭞ᬳᬤ᭄ᬜᬦᬲᬸᬓ᭄ᬮᬦᬾᬫᬸᬭᬸᬩ᭄᭞ ᬓᬯ᭄ᬭᬸᬳᬦᬾᬲᬬᬦ᭄ᬫᬶᬚᬶᬮ᭄᭞ᬫᬦᬤᭀᬲ᭄ᬓᬯᬶᬘᬓ᭄ᬱᬦᬦ᭄᭞ᬢ᭄ᬭᬸᬲ᭄ᬲᬫᬤᬳᬦᬭᬶᬂᬩᬸᬫᬶ᭞ᬗᬃᬥᬶᬓᬭᬳᬬᭀᬦ᭄ᬚᬕᬢ᭄᭞ᬗᬶᬭᬶᬂᬓᬳ᭄ᬬᬸᬦ᭄ᬲᬂᬳ᭄ᬬᬂᬯᬶᬥᬶ᭞ᬓ᭄ᬭᬡᬲᬓᬜ᭄ᬘᬦ᭄ᬲᬂᬧᬸᬢᬸ ᬲ᭄᭞ᬲᬂᬳᬸᬭᬸᬄᬭᬶᬂᬢᬢ᭄ᬯᬳᬶᬓᬶ᭞ᬲᬫᬶᬓᬰᬭᬲ᭄ᬯᬢᬶᬦᬦ᭄᭞ᬳᬸᬮᬗᬸᬦ᭄ᬦᬗᬸᬦ᭄ᬲᬫᬥᬶ᭞ᬰᬓ᭄ᬢᬶᬮᬶᬗᬶᬂᬳᬫ᭄ᬩᭂᬓ᭄‌ᬥᬃᬫ᭄ᬫ᭞ᬗᬺᬋᬄᬧᬦᬸᬗ᭄ᬕᬮᬾᬮ᭄ᬯᬶᬄ᭟ᬦᬶᬂᬓᬳ᭄ᬬᬸᬦ᭄‌ᬲᬢ᭄ᬧᭀᬮᬶᬄᬫᬦ᭄ᬚᬸᬲ᭄᭞ᬭᬶᬂ

Auto-transliteration

[11 11B] 11 tribhuwanasami, tkeśwar̀gganir̀mana, kraganinhantuk'hyangwidhi. saptapatalakragangtrus, saptahakaśanemaliḥ, hanginsūr̀yyabulanbintang, damuḥtoyamiwaḥgni, sakalaniskalasamyan, sahananekaraganin. nanghingnorakrakĕttrus, reḥhyangwidhilicinpingit, manunggalsuklasatata, tankĕnengmayaluputyu kti, hikaragayangsatata, ringsandhiningyogalwiḥ. yeningsidhanunggaltrus, ringtĕl̥ĕngingyogasamadhi, rasawapagtanpanda, bungaḥtanpanganggolwiḥ, sukalawanir̀ mmala, ngicĕpsariningasari. lwir̀poliḥpanugranhayu, rahasyalwihingpingit, maṇiksakcap'hinucap, kaliḥtir̀thaśañjiwani, hakijapanhaywalsa, ngar̀dhikaraha [12 12A] yonbumi. suklalagawanepuput, ringtasakyogasamadhi, wibhuḥdensunyahamĕr̀tha, l̥ĕganringhawongringhistri, reḥl̥ĕgalanggĕngemanunggal, tankikĕtbanl̥ĕgan'gu m. gunanya'uttamahayu, kar̀yyanenangunsamadhi, makapalukatanmala, mangdasanghyanghatmabĕr̀siḥ, wĕtusutejadumilaḥ, ringprarahihasrilwiḥ, hadñanasuklanemurub, kawruhanesayanmijil, manadoskawicakṣanan, trussamadahanaringbumi, ngar̀dhikarahayonjagat, ngiringkahyunsanghyangwidhi, kraṇasakañcansangputu s, sanghuruḥringtatwahiki, samikaśaraswatinan, hulangunnangunsamadhi, śaktilinginghambĕkdhar̀mma, ngr̥ĕr̥ĕḥpanunggalelwiḥ. ningkahyunsatpoliḥmanjus, ring

Leaf 12

Image on Archive.org

[᭑᭒ 12B] ᭑᭒ ᬢᬸᬓᬤ᭄‌ᬲᬸᬭᬦᬤᬶᬮ᭄ᬯᬶᬄ᭞ᬕᭀᬩᬦᬾᬲᬓ᭄ᬱᬡᬩᬸᬗᬄ᭞ᬳᬬᬸᬦᬸᬮᬸᬲ᭄‌ᬲᬸᬧ᭄ᬭᬩᬦᬶᬂ᭞ᬲᬢᬾᬚᬦ᭄ᬤᬾᬯᬉᬢ᭄ᬢᬫ᭞ᬲᬂᬳ᭄ᬬᬂᬰ᭄ᬫᬭᬭᬢᬶᬄᬲᬸᬘᬶ᭟ᬓᬜ᭄ᬘᬦ᭄ᬯᬶᬱ᭄ᬬᬕ᭄ᬭᬶᬂᬲᬢ᭄ᬭᬸ᭞ᬦᬾᬤᬤᭀᬲ᭄ᬧ ᬘᬂᬓᬃᬥᬶᬦᬶᬦ᭄᭞ᬬᭀᬕᬲᬫᬥᬶᬦᬶᬦ᭄ᬳᬶᬓ᭞ᬬᬾᬦᬶᬂᬲ᭄ᬯᬾᬘᬲᬂᬳ᭄ᬬᬂᬯᬶᬥᬶ᭞ᬯᬶᬱ᭄ᬬᬫᬢ᭄ᬫᬳᬦ᭄ᬳᬫᭂᬃᬣ᭞ᬲᬢ᭄ᬭᬸᬤᬤᭀᬲ᭄‌ᬭᬸᬯᬂᬓᬲᬶᬄ᭟᭜᭟ᬲᬫᬭᬦ᭄ᬥᬦ᭟ᬲᬫᬭᬦ᭄ᬥᬦᬗᬸᬮᬗᬸᬦᬶᬦ᭄᭞ ᬳᬶᬭᬶᬓᬳᬶᬤᬲᬂᬓᬣ᭞ᬓᬮᬶᬄᬧᬢᬶᬄᬳᬶᬤᬲᬫ᭄ᬬᬦ᭄᭞ᬳᬦᬸᬢ᭄ᬫᬢᬸᬃᬧ᭄ᬭᬦᬫ᭄ᬬ᭞ᬲᬶᬗ᭄ᬕᬶᬄᬭᬢᬸᬲᬂᬧᬡ᭄ᬥᬶᬢ᭞ᬮ᭄ᬯᬶᬄᬲᬸᬓ᭄ᬱ᭄ᬫᬫᬦᬄᬳᬸᬮᬸᬦ᭄᭞ᬧᬸᬧᬸᬢᬶᬂᬲᬤ᭄ᬬᬉᬢ᭄ᬢᬫ᭟ᬮ᭄ᬯᬶᬃᬢᬶᬢ᭄ᬬᬂᬦᬦ᭄ᬤᬂᬲᬓᬶᬢ᭄᭞ ᬬᭀᬕᬶᬰ᭄ᬯᬭᬳᬲᬸᬂᬢᬫ᭄ᬩ᭞ᬲᬓᬶᬂᬲ᭄ᬯᬾᬘᬦ᭄ᬲᬂᬳ᭄ᬬᬂᬢᬶᬢᬄ᭞ᬧᬺᬱᬶᬥᬲ᭄ᬕᭂᬃᬯᬭᬲ᭄᭞ᬮ᭄ᬯᬶᬃᬩᬸᬢᬢᬸᬫ᭄ᬩᬾᬦ᭄ᬓᭂᬤᬢ᭄᭞ᬳᬦ᭄ᬢᬸᬓ᭄‌ᬲ᭄ᬯᬾᬘᬦ᭄ᬧ᭄ᬭᬡ᭄ᬥᬧᬸᬢᬸᬲ᭄᭞ᬫ᭄ᬯᬭᬄᬭᬳᬲ᭄ᬬᬦᬶᬂᬢᬢ᭄ᬯ᭟ᬢᬶᬢ᭄ᬬᬂᬜᬤ᭄ᬬ [᭑᭓ 13A] ᬲᬋᬂᬲᬫᬶ᭞ᬗᬶᬭᬶᬂᬲᬓᬳ᭄ᬬᬸᬦ᭄ᬧᬡ᭄ᬥᬶᬢ᭞ᬫᬗ᭄ᬤᬢ᭄ᬭᬸᬲ᭄ᬓᬭᬳᬬ᭄ᬯᬦ᭄᭞ᬳᬶᬭᬶᬓᬲᬂᬬᭀᬕᬶᬰ᭄ᬯᬭ᭞ᬳᬮᭀᬦ᭄ᬫᬦᬶᬲ᭄ᬫᬗᬦ᭄ᬤᬶᬓ᭞ᬲᬶᬗ᭄ᬕᬶᬄᬭᬢᬸᬲᬂᬧ᭄ᬭᬪᬸ᭞ᬧᬭᬧᬧᬢᬶᬄᬮᬦ᭄ᬯᬤ᭄ᬯ᭟ᬮᬶᬦ᭄ᬢᬂᬧᬢᬸᬢ᭄ᬳ᭄ᬬᬸ ᬦ᭄ᬪᬸᬧᬢᬶ᭞ᬧᬭᬧᬧᬢᬶᬄᬮᬦ᭄ᬯᬤ᭄ᬯ᭞ᬫᬕᭂᬳᬂᬲᬰᬦᬦ᭄ᬦᬣ᭞ᬦᬣᬢᬦ᭄ᬧᬯᬶᬓᬸᬰᬶᬃᬡ᭄ᬦ᭞ᬯᬶᬓᬸᬢᬦ᭄ᬧᬦᬣᬭᬸᬲᬓ᭄᭞ᬲᬫᬶᬧᬕᭂᬳᬂᬭᬶᬂᬓᬳ᭄ᬬᬸᬦ᭄᭞ᬤ᭄ᬯᬶᬢᬸᬗ᭄ᬕᬮ᭄ᬭᬓ᭄ᬱᬭᬸᬫᬓ᭄ᬱ᭟ᬓᬤᬶᬢᬢ᭄ᬯᬘ᭄ᬭᬶᬢᬢᬸᬦᬶ᭞ᬭᬶᬂ ᬢᭂᬫ᭄ᬩᬂᬕᬶᬦᬦ᭄ᬢᬶᬳᬶᬓ᭞ᬫᬗ᭄ᬤᬧᬢᬸᬢ᭄ᬩᬦ᭄ᬜᬸᬓ᭄ᬱ᭄ᬫᬂ᭞ᬮᬦ᭄ᬧᬢᬸᬢ᭄ᬮᬓ᭄ᬱᬡᬦᬸ᭞ᬯᬶᬯᬾᬓᬲᬳᬶᬳᬾᬮᬶᬗᬂ᭞ᬰᬓ᭄ᬢᬶᬮᬶᬗᬶᬂᬳᬫ᭄ᬩᭂᬓ᭄ᬧᬸᬢᬸᬲ᭄᭞ᬳᬓᭂᬚᬧᬦ᭄ᬳᬬ᭄ᬯᬮᬸᬧ᭟ᬲᬓᬤᬶᬲᭂᬓᬭᬾᬩ᭄ᬘᬶᬓ᭄᭞ᬧᬭᬶᬦ᭄ᬜᬦᬾᬫᬶ ᬬᬶᬓ᭄ᬧᬶᬲᬦ᭄᭞ᬦᬸᬤᬸᬢ᭄ᬓᬳ᭄ᬬᬸᬦ᭄ᬲᬂᬗᬦ᭄ᬢᭂᬦᬂ᭞ᬓᬸᬧᬸᬓᬸᬧᬸᬢᭂᬫ᭄ᬩᭂᬮᬶᬮᬶᬗᬦ᭄᭞ᬜᬯᬄᬲᬓᬜ᭄ᬘᬦ᭄ᬬ᭞ᬗᬶᬲᭂᬧ᭄ᬲᬭᬶᬦ᭄ᬲ᭄ᬓᬃᬳᬭᬸᬫ᭄᭞ᬫᬓᬫᬶᬯᬄᬫᬥᬸᬦ᭄ᬬ᭟ᬉᬢ᭄ᬢᬫᬲᬗᬫᭀᬂᬪᬸᬫᬶ᭞ᬲᬢ᭄ᬲᬭᬶᬦ᭄ᬲ᭄ᬓᬃᬮ

Auto-transliteration

[12 12B] 12 tukadsuranadilwiḥ, gobanesakṣaṇabungaḥ, hayunulussuprabaning, satejandewa'uttama, sanghyangśmararatiḥsuci. kañcanwiṣyagringsatru, nedadospa cangkar̀dhinin, yogasamadhininhika, yeningswecasanghyangwidhi, wiṣyamatmahanhamĕr̀tha, satrudadosruwangkasiḥ \\•\\ samarandhana. samarandhanangulangunin, hirikahidasangkatha, kaliḥpatiḥhidasamyan, hanutmatur̀pranamya, singgiḥratusangpaṇdhita, lwiḥsukṣmamanaḥhulun, puputingsadya'uttama. lwir̀tityangnandangsakit, yogiśwarahasungtamba, sakingswecansanghyangtitaḥ, pr̥ĕsyidhasgĕr̀waras, lwir̀butatumbenkĕdat, hantukswecanpraṇdhaputus, mwaraḥrahasyaningtatwa. tityangñadya [13 13A] sar̥ĕngsami, ngiringsakahyunpaṇdhita, mangdatruskarahaywan, hirikasangyogiśwara, halonmanismangandika, singgiḥratusangprabhu, parapapatiḥlanwadwa. lintangpatut'hyu nbhupati, parapapatiḥlanwadwa, magĕhangsaśanannatha, nathatanpawikuśir̀ṇna, wikutanpanatharusak, samipagĕhangringkahyun, dwitunggalrakṣarumakṣa. kaditatwacritatuni, ring tĕmbangginantihika, mangdapatutbanñukṣmang, lanpatutlakṣaṇanu, wiwekasahihelingang, śaktilinginghambĕkputus, hakĕjapanhaywalupa. sakadisĕkarebcik, parinñanemi yikpisan, nudutkahyunsangngantĕnang, kupukuputĕmbĕlilingan, ñawaḥsakañcanya, ngisĕpsarinskar̀harum, makamiwaḥmadhunya. uttamasangamongbhumi, satsarinskar̀la

Leaf 13

Image on Archive.org

[᭑᭓ 13B] ᭑᭓ ᬦ᭄ᬫᬩᬶᬓ᭄᭞ᬓᬩᬸᬗ᭄ᬓᬸᬗᬂᬮᬦ᭄ᬓᬲᬸᬫ᭄ᬧᬂ᭞ᬓᬲᬸᬫ᭄ᬧᬂᬧ᭄ᬭᬾᬦ᭄ᬢᬄᬳᬬᬸᬦᬶᬂᬦᬕᬭ᭞ᬗᬦᬸᬢᬶᬦ᭄ᬧᬰ᭄ᬯᬭᬦ᭄ᬚᬕᬢ᭄᭞ᬗᬫᬗ᭄ᬕᭂᬳᬂᬥᬃᬫ᭄ᬫᬧᬢᬸᬢ᭄᭞ᬗᬯᬾᬲᬸᬓᬦ᭄ᬯᭀᬂᬲᬚᬕᬢ᭄᭟ᬪᬸᬯᬦᬳᬮᬶᬢᬾᬩᭂᬃᬲᬶᬳᬶ ᬦ᭄᭞ᬳᬦ᭄ᬢᬸᬓ᭄ᬥᬃᬫ᭄ᬫᬮᬓ᭄ᬱᬡᬦᬾ᭞ᬫᬓᬤᬲᬃᬩ᭄ᬭᬢᬢᬧ᭞ᬲᬫᬥᬶᬬᭀᬕᬉᬢ᭄ᬢᬫ᭞ᬦᬸᬗ᭄ᬕᬮ᭄ᬭᬶᬂᬳ᭄ᬬᬂᬯᬶᬥᬶᬯᬰ᭞ᬗ᭄ᬮᬸᬓᬢ᭄ᬪᬰᬫᬮᬍᬩᬸᬃ᭞ᬤᬤᬶᬤᬰᬕᬸᬡᬫ᭄ᬮᬄ᭟ᬧᬜ᭄ᬘᭂᬦ᭄ᬤ᭄ᬭᬶᬬᬫᬗ᭄ᬤᬩᭂᬃᬲᬶᬄ᭞ᬓᬤᬶᬧ ᬜ᭄ᬘᬾᬦ᭄ᬤ᭄ᬭᬶᬬᬦ᭄ᬳᬢ᭄ᬫ᭞ᬧᬜ᭄ᬘᬋᬱᬶᬫᬉᬢ᭄ᬢᬫ᭞ᬲᬤ᭄ᬭᬶᬧᬸᬤᬤᭀᬲ᭄‌ᬲᬤ᭄ᬕᬸᬡ᭞ᬲᬧ᭄ᬢᬯᬾᬘᬶᬍᬢᭂᬄᬭᬕ᭞ᬤᬤᭀᬲ᭄ᬲᬧ᭄ᬢᬲᬸᬘᬶᬳᬬᬸ᭞ᬧᬩᭂᬃᬲᬶᬳᬦ᭄ᬫᬉᬢ᭄ᬢᬫ᭟ᬤᬰᬾᬦ᭄ᬤ᭄ᬭᬶᬬᬫᬗ᭄ᬤᬩᭂᬃᬲᬶᬄ᭞ᬤᬤᭀ ᬲ᭄ᬤᬰᬧᬭᬫᬵᬃᬣ᭞ᬤᬰᬕᬸᬡᬫᬉᬢ᭄ᬢᬫ᭞ᬭᭀᬭᭀᬭᭀᬭᭀᬦᬶᬗᬢᬸᬗ᭄ᬕᬮ᭄᭞ᬯᬶᬱ᭄ᬬᬤᬶᬸᬫᬦᬤᭀᬲ᭄ᬳᬫᭂᬃᬣ᭞ᬫᬸᬲᬸᬄᬤᬤᭀᬲ᭄‌ᬭᬸᬯᬂᬧᬢᬸᬄ᭞ᬗᬃᬥᬶᬓᬭᬳᬬᭀᬦ᭄ᬚᬕᬢ᭄᭟ᬫᬗ᭄ᬤᬲᬂᬳ᭄ᬬᬂᬳᬢ᭄ᬫᬮ᭄ᬯᬶᬄ [᭑᭔ 14A] ᭞ᬳᬫᭀᬭᬶᬂᬳ᭄ᬬᬂᬯᬶᬥᬶᬯᬰ᭞ᬗ᭄ᬭᬢᬸᬭᬶᬂᬭᬕᬰᬭᬶᬭ᭞ᬗᬫᭀᬂᬳᬮᬶᬢ᭄ᬲᬶᬥ᭞ᬫ᭄ᬭᬾᬦ᭄ᬢᬄᬗᬃᬥᬶᬓᬭᬚᬬ᭄ᬯᬦ᭄᭞ᬥᬃᬫ᭄ᬫᬮᬓ᭄ᬱᬡᬦᬾᬳᬬᬸ᭞ᬭᬵᬓ᭄ᬱᬭᬸᬫᬓ᭄ᬱᬉᬢ᭄ᬢᬫ᭟ᬕᬸᬭᬸᬯᬶᬲᬾᬲᬮᬶᬦ᭄ᬯᬶᬄ᭞ᬓᬳ᭄ᬬᬗᬶᬦ᭄ᬳ᭄ᬬᬂᬯᬶ ᬥᬶᬯᬰ᭟ᬧᬫᬸᬢᬸᬲ᭄ᬧᬸᬧᬸᬢ᭄ᬉᬢ᭄ᬢᬫ᭞ᬲᬮᬶᬂᬢᬸᬮᬸᬂᬲᬮᬶᬂᬓᬾᬃᬣ᭄ᬬᬂ᭞ᬭᬶᬂᬪᬸᬯᬦᬳᬮᬶᬢ᭄ᬭᬕᬦᬾ᭞ᬫᬦᭂᬭᬸᬲ᭄ᬓᬪᬸᬯᬦᬳᬕᬸᬂ᭞ᬤ᭄ᬯᬶᬢᬸᬗ᭄ᬕᬮ᭄ᬏᬓᬯᬺᬥᬬ᭟ᬓᬤᬶᬲᬲᬶᬫ᭄ᬧᬗᬾᬗᬸᬦᬶ᭞ᬯ᭄ᬭᬸᬳᬓ᭄ᬦᬲᬸᬓ᭄ᬱ᭄ᬫ ᬦ᭄ᬬ᭞ᬓ᭄ᬭᬶᬲ᭄ᬫᬜ᭄ᬚᬶᬂᬳᬸᬭᬗ᭄ᬕ᭞ᬳᬸᬭᬗ᭄ᬕᬫᬜ᭄ᬚᬶᬂᬓ᭄ᬭᬶᬲ᭄ᬲᬶᬥ᭞ᬢᬫ᭄ᬧᬓᬶᬂᬓᬸᬦ᭄ᬢᬸᬮ᭄ᬗᭂᬮᬬᬂ᭞ᬯᬶᬦ᭄ᬥᬸᬭᬶᬂᬕᬶᬕᬶᬭᬶᬂᬧᬸᬗ᭄ᬮᬸ᭞ᬕᬮᬶᬳᬶᬂᬓᬂᬓᬸᬂᬉᬢ᭄ᬢᬫ᭟ᬲᬕᬭᬳᬕᬸᬂᬢᬦ᭄ᬧᬢ᭄ᬧᬶ᭞ᬢᭀᬬᬦᬶᬂ᭞ᬲᬦ᭄ᬤᭀᬓ᭄ᬩᬦ᭄ ᬬᬶᬸᬢᭀᬬ᭞ᬜᭂᬫᬓ᭄ᬳᬧᬶᬩᬦ᭄ᬳᬧᬶᬦᬾ᭞ᬯ᭄ᬭᬸᬄᬮᬾᬂᬫᬾᬜ᭄ᬚᬶᬂᬭᬶᬂᬓᬢᬓ᭄᭞ᬢᬮᬸᬄᬫᬓ᭄ᬭᬸᬬᬸᬓ᭄‌ᬗ᭄ᬤᬲᬼᬫᬄ᭞ᬦᭂᬕᬓ᭄ᬗᬶᬍᬳᬶᬦ᭄ᬦᬕᬦ᭄ᬢᬸᬦ᭄᭞ᬗᬸᬢᬫᬗᭂᬤᬢ᭄ᬲᬢᬢ᭟ᬳᬶᬩᭀᬗᭀᬮ᭄ᬦᬶᬗᭂᬄᬲᬲᬳᬶ᭞ᬳᬶᬓᭀ

Auto-transliteration

[13 13B] 13 nmabik, kabungkunganglankasumpang, kasumpangprentaḥhayuningnagara, nganutinpaśwaranjagat, ngamanggĕhangdhar̀mmapatut, ngawesukanwongsajagat. bhuwanahalitebĕr̀sihi n, hantukdhar̀mmalakṣaṇane, makadasar̀bratatapa, samadhiyoga'uttama, nunggalringhyangwidhiwaśa, nglukatbhaśamalal̥ĕbur̀, dadidaśaguṇamlaḥ. pañcĕndriyamangdabĕr̀siḥ, kadipa ñcendriyanhatma, pañcar̥ĕsyima'uttama, sadripudadossadguṇa, saptawecil̥ĕtĕḥraga, dadossaptasucihayu, pabĕr̀sihanma'uttama. daśendriyamangdabĕr̀siḥ, dado sdaśaparamār̀tha, daśaguṇama'uttama, rorororoningatunggal, wiṣyad̶manadoshamĕr̀tha, musuḥdadosruwangpatuḥ, ngar̀dhikarahayonjagat. mangdasanghyanghatmalwiḥ [14 14A] , hamoringhyangwidhiwaśa, ngraturingragaśarira, ngamonghalitsidha, mrentaḥngar̀dhikarajaywan, dhar̀mmalakṣaṇanehayu, rākṣarumakṣa'uttama. guruwisesalinwiḥ, kahyanginhyangwi dhiwaśa. pamutuspupututtama, salingtulungsalingker̀thyang, ringbhuwanahalitragane, manĕruskabhuwanahagung, dwitunggalekawr̥ĕdhaya. kadisasimpangenguni, wruhaknasukṣma nya, krismañjinghurangga, huranggamañjingkrissidha, tampakingkuntulngĕlayang, windhuringgigiringpunglu, galihingkangkunguttama. sagarahagungtanpatpi, toyaning, sandokban y̶toya, ñĕmak'hapibanhapine, wruḥlengmeñjingringkatak, taluḥmakruyukngdasl̥ĕmaḥ, nĕgakngil̥ĕhinnagantun, ngutamangĕdatsatata. hibongolningĕḥsasahi, hiko

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org