Gaguritan Bagus Umbara

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭜᭛ᬕᬶᬦᬤ᭛ᬳᬤᬓᬶᬥᬸᬂᬕᬕᬸᬭᬶᬢᬦ᭄᭞ᬕᬶᬦᬤᬵᬓᬢᬶᬭᬸᬕ᭄ᬤᬶᬂ᭞ᬳᬦᬵᬓᬘᬭᬶᬢ᭄ᬣᬵᬋᬓᭀ᭞ᬲᬂᬧ᭄ᬭᬪᬹᬫᬭᬶᬂᬜ᭄ᬚᭀᬂᬩᬶᬭᬸ᭞ᬲᬸᬓᬵᬲᬸᬕᬶᬄᬩᬮᬵᬯᬶᬃᬬ᭄ᬬ᭞ᬫᬗᬾᬦᬓᬶᬦ᭄᭞ᬲᬃᬯ᭄ᬯᬫᬸᬭᬄᬤᬶᬦᬕᬭᬵ᭟ᬢᬸᬃ ᬳᬫᭂᬗ᭄ᬓᬸᬭᬶᬂᬓᬤᬢ᭄ᬯᬦ᭄᭞ᬫᬤᬺᬯᬾᬧᬸᬢ᭄ᬭᬲᬯᬶᬚᬶ᭞ᬳᬶᬲ᭄ᬢ᭄ᬭᬶᬭᬸᬧᬦ᭄ᬤᬦᬾᬓᬯᭀᬢ᭄᭞ᬩᬸᬓᬵᬤᬥᬭᬶᬢᬸᬫᬸᬭᬸᬦ᭄᭞ᬮ᭄ᬯᬶᬄᬲᬯᬶᬲᬬᬧ᭄ᬭᬚ᭄ᬜᬦ᭄᭞ᬭᬸᬧᬵᬩ᭄ᬘᬶᬓ᭄᭞ᬲᬲᭀᬮᬳᬾᬦᭀᬭᬢᬶᬯ᭄ᬯᬂ᭟ᬲ᭄ᬤᭂᬓ᭄ᬧᬹᬃᬡ᭄ᬦᬫᬦᬶᬂᬓᬧᬢ᭄᭞᭔ ᬯᭂᬗ᭄ᬬᬳᬢᬸᬭᬸᬢ᭄ᬯᬦ᭄ᬤᬾᬯᬶ᭞ᬳᬢᬸᬭᬸᬭᬶᬂᬩᬮᬾᬓᬯᭀᬢ᭄᭞ᬤᬤᬶᬜᬸᬫ᭄ᬧ᭄ᬦᬢ᭄ᬯᬦ᭄ᬕᬮᬸᬄ᭞ᬫᬸᬗ᭄ᬕᬄᬭᬶᬂ᭠ᬢᬼᬩᬶᬂᬫᬦᬄ᭞ᬗᬰᬶᬳᬰᬶᬄ᭞ᬫᬗ᭄ᬮᬸᬢ᭄ᬫᬗᬭᬲ᭄ᬳᬭᬲ᭄᭟ᬭᬱᬵᬜᬜᬧ᭄ᬫᬗᬭᬲ᭄᭞ᬫᬗ᭄ᬮᬸᬓᬭᬶᬦ᭄ᬓᬫ᭄ᬩᭂᬦ᭄ᬢᬧᬶᬄ ᭞ᬧᬶᬦ᭄ᬥᬓᬳᬶᬲᬸᬩᬳᬯᭀᬃ᭞ᬮᬯᬸᬢ᭄ᬓᬳᬶᬳᭂᬦ᭄ᬢᭂᬦ᭄ᬩᬗᬸᬦ᭄᭞ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬩᬬᬦ᭄ᬲᬗ᭄ᬕᬶᬢ᭄᭞ᬫᬳᬶᬩᬗᬸᬦ᭄ᬓᬾᬳᬾᬗ᭄ᬕᬮᬂ᭟ᬳᬕᬾᬓᬾᬦ᭄ᬩᬬᬦ᭄ᬫᬜ᭄ᬚᬕ᭄ᬚᬕ᭄᭞ᬳᬶᬩᬬᬦ᭄ᬲᬗ᭄ᬕᬶᬢ᭄ᬦᬫ᭄ᬧᭂᬓᬶᬦ᭄᭞ᬭᬤᬾᬦ᭄ᬕᬮᬸᬄ [᭒ 2A] ᬗᬸᬘᬧ᭄ᬳᬮᭀᬦ᭄᭞ᬳᬶᬩᬬᬦ᭄ᬭᬭᬶᬲ᭄ᬫᬳᬢᬸᬃ᭞ᬧᬸᬦᬧᬶᬯᬾᬦ᭄ᬢᭂᬦ᭄ᬧᬗᬾᬭᬦ᭄᭞ᬢᭂᬫ᭄ᬩᬾᬫᬗ᭄ᬓᬶᬦ᭄᭞ᬳᬶᬤᬾᬯᬗᭂᬲᬾᬗᬶᬦ᭄ᬢᬶᬢ᭄ᬬᬂ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᬸᬚ+(ᬭᬾ)ᬳᬢᬸᬂᬢᬸᬂᬢᬗᬶᬲ᭄᭞ᬓᬓᬵᬩᬬᬦ᭄ᬫᬳᬶᬳᬶᬗᭀᬂ᭞ᬳᬧᬓᬤ ᬤᬶᬦᬾᬤᬶᬢᬸ᭞ᬓᬾᬦ᭄ᬩᬬᬦ᭄ᬳᬲᬯᬸᬃᬲᭂᬫ᭄ᬩᬄ᭞ᬤᬾᬯᬕᬸᬲ᭄ᬢᬶ᭞ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬫ᭄ᬬᬃᬱᬵ᭟ᬦᬧᬶᬯᬾᬦ᭄ᬢᭂᬦ᭄ᬤᬾᬯᬦ᭄ᬢᬶᬢ᭄ᬬᬂ᭞ᬫᬃᬕ᭄ᬕᬦ᭄ᬳᬶᬤᬾᬯᬫᬦᬗᬶᬲ᭄᭞ᬭᬤᬾᬦ᭄ᬕᬮᬸᬄᬗᬸᬘᬧ᭄ᬳᬮᭀᬦ᭄᭞ᬓᬳᬶᬫᬗᬶᬧᬶᬦᬾᬩᬯᬸ᭞ᬩ᭄ᬮᬶᬫᬦ᭄ᬢ᭄ᬭᬶᬓᬳᬸᬭᬶᬧᬦ᭄᭞ ᬤᬦᬾᬫᬳᬶ᭞ᬭᬱᬜᭂᬫᬗᬭᬲ᭄ᬳᬭᬲ᭄᭟ᬢ᭄ᬓᬫᬗ᭄ᬮᬸᬲᬶᬦ᭄ᬯᬲ᭄ᬢ᭄ᬭᬵ᭞ᬭᬭᬶᬲ᭄ᬫᬗ᭄ᬮᬸᬓᬭᬶᬦ᭄ᬢᬧᬶᬄ᭞ᬧᬶᬦ᭄ᬤᬓᬳᬶᬲᬸᬩᬳᬯᭀᬃ᭞ᬮᬯᬸᬢ᭄ᬓᬳᬶᬳᭂ(+ᬦ᭄ᬢᭂ)ᬦ᭄ᬩᬗᬸᬦ᭄᭞ᬮᬦ᭄ᬢᬲ᭄ᬫᬗᬯᬸᬓᬶᬦ᭄ᬳᬶᬩᬵ᭞ᬦᬾᬦᬾᬚᬦᬶ᭞ᬓᬾᬦ᭄ᬓᬾᬦ᭄ᬩᬦ᭄ᬳᬶᬩᬗᭂᬦᭂᬳᬂ᭟ᬬᬾᬦ᭄ᬢ ᬦ᭄ᬳᬶᬩᬵᬚᬦᬶᬩᬬᬦ᭄᭞ᬢᬦᬸᬭᬸᬗᬦ᭄ᬫᬢᬶᬲ᭄ᬤᬶᬄ᭞ᬕᬸᬫᬦ᭄ᬢᬸᬂᬢᬸᬗᬶᬦ᭄ᬧᬦᭀᬦ᭄᭞ᬢᭀᬂᬤᬤᬶᬩᬦ᭄ᬓᬳᬶᬜ᭄ᬮᬶ᭠ᬫᬸᬃ᭞ᬓᬾᬦ᭄ᬩᬬᬦ᭄ᬫᬢᬸᬭᬦᭂᬫ᭄ᬩᬄ᭞ᬤᬾᬯᬕᬸᬲ᭄ᬢᬶ᭞ᬳᬾᬫᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬤᬾᬯ᭄ᬯ᭟ᬩᬾᬜ᭄ᬚᬂᬬᬾᬦ᭄ᬢᬢᬲ᭄ᬭᬳᬶᬦᬵ᭞ᬧᬋᬓ᭄ᬭᬶ

Auto-transliteration

[1 1B] 1 /// • /// ginada /// hadakidhunggaguritan, ginadākatirugding, hanākacaritthār̥ĕko, sangprabhūmaringñjongbiru, sukāsugiḥbalāwir̀yya, mangenakin, sar̀wwamuraḥdinagarā. tur̀ hamĕngkuringkadatwan, madr̥ĕweputrasawiji, histrirupandanekawot, bukādadharitumurun, lwiḥsawisayaprajñan, rupābcik, sasolahenoratiwwang. sdĕkpūr̀ṇnamaningkapat 4 wĕngyahaturutwandewi, hatururingbalekawot, dadiñumpnatwan'galuḥ, munggaḥring‐tl̥ĕbingmanaḥ, ngaśihaśiḥ, manglutmangarasharas. rasyāñañapmangaras, manglukarinkambĕntapiḥ , pindhakahisubahawor̀, lawutkahihĕntĕnbangun, rahaden'galuḥngandikā, bayansanggit, mahibangunkehenggalang. hagekenbayanmañjagjag, hibayansanggitnampĕkin, raden'galuḥ [2 2A] ngucap'halon, hibayanrarismahatur̀, punapiwentĕnpangeran, tĕmbemangkin, hidewangĕsengintityang. rahaden'galuḥngandikā, huja+(re)hatungtungtangis, kakābayanmahihingong, hapakada dineditu, kenbayanhasawur̀sĕmbaḥ, dewagusti, tanwentĕntityangmyar̀syā. napiwentĕndewantityang, mar̀gganhidewamanangis, raden'galuḥngucap'halon, kahimangipinebawu, blimantrikahuripan, danemahi, raṣañĕmangarasharas. tkamanglusinwastrā, rarismanglukarintapiḥ, pindakahisubahawor̀, lawutkahihĕ(+ntĕ)nbangun, lantasmangawukinhibā, nenejani, kenkenbanhibangĕnĕhang. yenta nhibājanibayan, tanurunganmatisdiḥ, gumantungtunginpanon, tongdadibankahiñli‐mur̀, kenbayanmaturanĕmbaḥ, dewagusti, hemanhantuktityangdewwa. beñjangyentatasrahinā, par̥ĕkri

Leaf 2

Image on Archive.org

[᭒ 2B] ᭒ ᬳᬶᬕᬸᬭᬸᬳᬚᬶ᭞ᬳᬢᬸᬭᬶᬦ᭄ᬫᬓᬃᬬ᭄ᬬᬢᭀᬕᭀᬕ᭄᭞ᬓᬤᬶᬧᬜᬸᬫ᭄ᬧ᭄ᬦᬦᬶᬭᬢᬸ᭞ᬬᬾᬦ᭄ᬲᬵᬫ᭄ᬧᬸᬦ᭄ᬢᬸᬲᬦ᭄ᬫᬓᬃᬬ᭄ᬬ᭞ᬭᬭᬶᬲ᭄ᬳᬫ᭄ᬩᬶᬮ᭄᭞ᬮᬶᬗ᭄ᬕᬶᬳᬂᬳᬶᬤᬵᬢᬸᬶᬤᬶᬢᬫᬦ᭄᭟ᬧᬸᬦᬶᬓᬵᬫᭀᬂᬫᭀᬂᬳᬶᬤᬾᬯ᭄ᬯ᭞ᬯ᭄ᬥᬓᬶᬦ᭄ᬧᬦ᭄ᬤᬸᬲᬂᬲᬳᬶ᭞ᬳᬢᬸᬭᬶᬦ᭄ᬳ ᬚᭂᬗᬦ᭄ᬋᬓᭀ᭞ᬫᬶᬦᬓᬵᬬᬮᬓᬶᬯᬦ᭄ᬥᬸ᭞ᬦᬶᬓᬵᬳᬗ᭄ᬕᬾᬦ᭄ᬧᬗ᭄ᬮᬶᬧᬸᬃᬫᬦᬄ᭞ᬤᬾᬯᬕᬸᬲ᭄ᬢᬶ᭞ᬲᬬᬂᬲᬦ᭄ᬭᬸᬧᬦᬾᬫᬶᬭᬄ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬩ᭄ᬦᭂᬄᬩᬦᬶᬩᬫᬫᬸᬜᬶ᭞ᬓ᭄ᬦᭂᬄᬓᬳᬶᬩᬸᬓᬵᬓᬾᬦ᭄ᬢᭀ᭞ᬩᬶᬮᬶᬄᬳᬶᬘ᭄ᬘᬵᬬᬳᬶᬕᬸᬭᬸ ᭞ᬢ᭄ᬗᬄᬯ᭄ᬗᬶᬓᭀᬘᬧ᭄ᬳᬾᬜ᭄ᬚᬂ᭞ᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬕᬮᬂᬫᬶᬚᬶᬮ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬ᭟ᬭᬳᬤᬾᬦ᭄ᬕᬮᬸᬄᬓᭀᬘᬧᬵ᭞ᬓᬢᬫᬦ᭄ᬮᬸᬫᬫ᭄ᬧᬄᬳᬕ᭄ᬮᬶᬲ᭄᭞ᬭᬭᬶᬲ᭄ᬫᬗᭀᬚᭀᬕ᭄ᬧᬜ᭄ᬘᭀᬭᬦ᭄᭞ᬫᬗ᭄ᬮᬸᬓᬃᬲᬶᬜ᭄ᬚᬂᬫ᭄ᬯᬂᬓᬫ᭄ᬧᬸᬄ᭞ᬓᬢᬶᬫ᭄ᬩᬮ᭄ᬳᬦ᭄ᬢᬸᬓ᭄ᬳᬶ ᬩᬬᬦ᭄᭞ᬲᬋᬂᬲᬗ᭄ᬕᬶᬢ᭄᭞ᬤᬶᬧᬸᬗ᭄ᬓᬸᬭᬦ᭄ᬬᬫᬲᬶᬭᬫ᭄᭟ᬲᬵᬫ᭄ᬧᬸᬦ᭄ᬳᬸᬲᬦᬾᬫᬲᬶᬭᬫ᭄᭞ᬫᬦ᭄ᬢᬸᬓ᭄ᬳᬶᬤᬵᬭᬤᬾᬦ᭄ᬤᬾᬯᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬚ᭄ᬭᭀ᭞ᬮᬶᬗᬶᬭᬭᬳᬤᬾᬦ᭄ᬕᬮᬸᬄ᭞ᬩᬬᬦ᭄ᬓᭀᬦᬗᬫ᭄ᬩᬶᬮ᭄ᬧ᭄ᬢᬓ᭄᭞ᬮᬯᬦ᭄ᬲᬸᬭᬶ᭞ [᭓ 3A] ᬢᬸᬫᬸᬮᬶᬄᬭᬭᬶᬲ᭄ᬗᬢᬸᬭᬂ᭟ᬫᬮᬶᬗ᭄ᬕᬶᬄᬭᬶᬂᬤᬤᬫ᭄ᬧᬃᬫᬲ᭄᭞ᬜᬸᬯᬄᬭᬫ᭄ᬩᬸᬢ᭄ᬳᬲᬸᬲᬸᬭᬶ᭞ᬭᭀᬫᬵᬫᬼᬢᬸᬓ᭄ᬫᬗ᭄ᬭᬾᬩᭀᬂ᭞ᬓᬤᬶᬕᬸᬍᬫ᭄‌ᬗ᭄ᬫᬸᬚᬯᬸᬄ᭞ᬫ᭄ᬯᬦᬾᬫᬸᬮᬦ᭄ᬧᬹᬃᬡ᭄ᬦᬫᬵ᭞ᬓ᭄ᬜᬶᬂᬫᬦᬶᬲ᭄᭞ᬲᭀᬮᬳᬾᬫᬗᬬᬂᬗᬬᬂ᭟ᬧᬫᬸᬮᬸᬦᬾᬍ ᬫ᭄ᬧᬸᬂᬚ᭄ᬦᬃ᭞ᬯᬸᬮᬢᬾᬕᬮᬓ᭄ᬓᬫᬦᬶᬲ᭄᭞ᬲᬸᬲᬸᬜᬗ᭄ᬓᬶᬄᬳᬧᬶᬢ᭄ᬤᬤ᭄ᬥᬵ᭞ᬭᬸᬧᬶᬢ᭄ᬳᬭᬂᬳᬃᬱᬵᬳᬮᬸᬲ᭄᭞ᬍᬗᭂᬦᬾᬫᬦ᭄ᬤᬧᬵᬮᬬ᭄ᬯᬦ᭄᭞ᬩᬜ᭄ᬘᬂᬭᬫ᭄ᬧᬶᬂ᭞ᬲᬧᭀᬮᬳᬾᬩᬸᬓᬤᬾᬯ᭄ᬯ᭟ᬢᬸᬫᬸᬮᬶᬄᬫᬲᬮᬶᬦ᭄ᬯᬲ᭄ᬢ᭄ᬭᬵ᭞ᬫᬲᬶᬜ᭄ᬚᬂᬧᬶᬢᭀᬮᬵᬢ ᬗᬶ᭞ᬫᬲᬸᬦ᭄ᬢᬕᬶᬲᬸᬢ᭄ᬭᬳᬶᬚᭀ᭞ᬫᬯᬲ᭄ᬢ᭄ᬭᬵᬧᬾᬋᬫᬲ᭄ᬳᬸᬗᬸ᭞ᬫᬧᭂᬧ᭄ᬓᭂᬓ᭄ᬱᬸᬢ᭄ᬭᬵᬚ᭄ᬦᬃ᭞ᬢᬸᬃᬫᬜ᭄ᬚᭂᬢ᭄ᬣᬶ᭞ᬫᬧᭂᬦ᭄ᬤᬶᬂᬫᬲᬶᬦᬗ᭄ᬕᬸᬗᬦ᭄᭟ᬲᬂᬦᬵᬯᬓᬧᭂᬦ᭄ᬤᬓ᭄ᬢᬶᬗ᭄ᬕᬮ᭄᭞ᬤᬸᬄᬫᬲ᭄ᬫᬶᬭᬄᬩᬧᬦᬾᬫᬦᬶᬓ᭄᭞ᬭᬤᬾᬦ᭄ᬕᬮᬸᬄᬫᬢᬸᬃᬳᬮᭀᬦ᭄᭞ ᬯᬾᬦ᭄ᬢᭂᬦ᭄ᬓᬃᬬ᭄ᬬᬦ᭄ᬢᬶᬢ᭄ᬬᬂᬕᬸᬭᬸ᭞ᬲᬂᬦᬣᬵᬳᬮᭀᬦ᭄ᬗᬦ᭄ᬤᬶᬓᬵ᭞ᬮᬄᬫᬮᬶᬗ᭄ᬕᬶᬄ᭞ᬤᬶᬦᬶᬩᬋᬂᬢ᭄ᬓᬾᬦ᭄ᬩᬧᬵ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬲᬦ᭄ᬤᬶᬓᬦ᭄ᬳᬶᬕᬸᬭᬸᬳᬚᬶ᭞ᬲᬃᬯ᭄ᬯᬶᬫᬗᭂᬫ᭄ᬩᭂᬂᬬᬾᬄᬧᬦᭀᬦ᭄᭞ᬳᬦᭂᬫ᭄ᬩᬄᬚ᭄ᬭᬶᬚᬶᬦᬾᬭᬸᬭᬸᬲ᭄

Auto-transliteration

[2 2B] 2 higuruhaji, haturinmakar̀yyatogog, kadipañumpnaniratu, yensāmpuntusanmakar̀yya, rarishambil, linggihanghidātuiditaman. punikāmongmonghidewwa, wdhakinpandusangsahi, haturinha jĕnganr̥ĕko, minakāyalakiwandhu, nikāhanggenpanglipur̀manaḥ, dewagusti, sayangsanrupanemiraḥ. rahaden'galuḥngandikā, bnĕḥbanibamamuñi, knĕḥkahibukākento, biliḥhiccāyahiguru , tngaḥwngikocap'heñjang, sāmpunpasti, galangmijilsanghyangsūr̀yya. rahaden'galuḥkocapā, katamanlumampaḥhaglis, rarismangojogpañcoran, manglukar̀siñjangmwangkampuḥ, katimbalhantuk'hi bayan, sar̥ĕngsanggit, dipungkuranyamasiram. sāmpunhusanemasiram, mantuk'hidāradendewi, sāmpunrawuḥmaringjro, lingirarahaden'galuḥ, bayankonangambilptak, lawansuri, [3 3A] tumuliḥrarisngaturang. malinggiḥringdadampar̀mas, ñuwaḥrambut'hasusuri, romāml̥ĕtukmangrebong, kadigul̥ĕmngmujawuḥ, mwanemulanpūr̀ṇnamā, kñingmanis, solahemangayangngayang. pamulunel̥ĕ mpungjnar̀, wulategalakkamanis, susuñangkiḥhapitdaddhā, rupit'haranghar̀syāhalus, l̥ĕngĕnemandapālaywan, bañcangramping, sapolahebukadewwa. tumuliḥmasalinwastrā, masiñjangpitolāta ngi, masuntagisutrahijo, mawastrāper̥ĕmashungu, mapĕpkĕksyutrājnar̀, tur̀mañjĕtthi, mapĕndingmasinanggungan. sangnāwakapĕndaktinggal, duḥmasmiraḥbapanemanik, raden'galuḥmatur̀halon, wentĕnkar̀yyantityangguru, sangnathāhalonngandikā, laḥmalinggiḥ, dinibar̥ĕngtkenbapā. rahaden'galuḥngandikā, sandikanhiguruhaji, sar̀wwimangĕmbĕngyeḥpanon, hanĕmbaḥjrijinerurus

Leaf 3

Image on Archive.org

[᭓ 3B] ᭓ ᭞ᬫᬜᬸᬫ᭄ᬩᬄᬓᬤᬶᬭᬶᬂᬯᬬᬂ᭞ᬩᬧᬳᬚᬶ᭞ᬩᬧᬵᬳᬚᬶ᭞ᬢᬶᬢ᭄ᬬᬂᬲᬯᭂᬕ᭄ᬲᬶᬦᬫ᭄ᬧᬸᬭᬵ᭟ᬳᬮᬶᬗ᭄ᬕᬶᬄᬲᬋᬂᬲᬂᬦᬵᬣ᭞ᬭᬭᬶᬲ᭄ᬫᬢᬸᬃᬭᬤᬾᬦ᭄ᬤᬾᬯᬶ᭞ᬤᬸᬭᬸᬲᬂᬳᬶᬯᬦ᭄ᬲᬂᬓᬢᭀᬂ᭞ᬫᬳᭀᬓᬵᬭᬶᬂᬢᬶᬢ᭄ᬬᬂᬕᬸᬭᬸ᭞ᬓᬵᬃᬬ᭄ᬬᬦᬂᬢᬶᬢ᭄ᬬᬂᬧᬮᬮ᭄ᬬᬦ᭄᭞ ᬕᬸᬭᬸᬳᬚᬶ᭞ᬫᬧᬶᬦ᭄ᬥᬵᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟ᬓᬵᬓᬮᬶᬄᬓᬃᬬ᭄ᬬᬦᬂᬢᬶᬢ᭄ᬬᬂ᭞ᬫᬧᬶᬦ᭄ᬥᬵᬲ᭄ᬫᬃᬳᬲᬶᬓᬶ᭞ᬤᬸᬭᬸᬲᬂᬳᬶᬘᬦ᭄ᬳᬶᬩᬧᬵ᭞ᬢᬶᬢ᭄ᬬᬂᬦᬳᭂᬦ᭄ᬢ᭄ᬯᬄᬫᬕᬸᬮ᭄ᬕᬸᬮ᭄᭞ᬧᬘᬂᬮᬶᬗ᭄ᬕᬶᬳᬂᬤᬶᬢᬫᬦ᭄᭞ᬫᬓᬵᬓᬮᬶᬄ᭞ᬫᬦ᭄ᬢ᭄ᬭᬶᬫᬳᬶᬭᬶᬗᬦ᭄ᬲ᭄ᬫᬃ᭟ᬲᬂᬦᬵᬣᬭᬭᬶ ᬲ᭄ᬗᬦ᭄ᬤᬶᬓᬵ᭞ᬲᬦ᭄ᬤᬶᬓᬦ᭄ᬳᬶᬤᬾᬯᬫᬡᬶᬓ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬫᬓᬃᬬ᭄ᬬ᭞ᬫᬗᬸᬓᬶᬃᬩᬦ᭄ᬓᬸᬓᬸᬳᬮᬸᬲ᭄᭞ᬳᬚᬳᬦ᭄ᬲᬳᬾᬢ᭄ᬫᬲᭀᬮᬵ᭞ᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬚᬦᬶᬧ᭄ᬭᬕᬢ᭄ᬫᬓᬵᬤᬤ᭄ᬯ᭟ᬬᬾᬜᭂᬬᬩᬸᬓᬵᬤᬶᬧᭀᬮᬵ᭞ᬯᬃᬡ᭄ᬦᬦᬾᬭᬳᬤᬾ ᬦ᭄ᬫᬦ᭄ᬢ᭄ᬭᬶ᭞ᬮ᭄ᬯᬶᬄᬯᬃᬡ᭄ᬦᬦᬾᬳᬶᬲ᭄ᬫᬃ᭞ᬧᭂᬭᭀᬓ᭄ᬫᬢᬦᬾᬲᬧᬯᬸᬢ᭄᭞ᬧᬗᬯᬓᬼᬯᬶᬄᬤᬶᬢᬶᬦ᭄ᬤᬓ᭄᭞ᬲᬸᬩᬧᬲ᭄ᬢᬶ᭞ᬧᬦ᭄ᬢᭂᬲ᭄ᬢ᭄ᬯᬄᬫᬕᭀᬩᬲ᭄ᬫᬵᬃ᭟ᬧᭀᬮᬦᬾᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬧᬫᬸᬮᬸᬦᬾᬍᬫ᭄ᬧᬸᬂᬕᬥᬶᬂ᭞ᬜᬦ᭄ᬤᬂᬭᬤᬾ [᭔ 4A] ᬦ᭄ᬕᬮᬸᬄᬕᬾᬮᭀᬢ᭄᭞ᬮᬗ᭄ᬲᬶᬂᬮᬜ᭄ᬚᬃᬚ᭄ᬭᬶᬚᬶᬭᬸᬭᬸᬲ᭄᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬫᬧᬭᬤᬵ᭞ᬭᬭᬶᬲ᭄ᬓᬫ᭄ᬩᬶᬮ᭄᭞ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬤᬾᬯ᭄ᬬ᭟ᬢᭀᬕᭀᬕᬾᬭᬭᬶᬲ᭄ᬓᬢᬗ᭄ᬕᬧ᭄᭞ᬭᬗ᭄ᬓᬸᬂᬲᬸᬓᬵᬭᬤᬾᬦ᭄ᬤᬾᬯᬶ᭞ᬢᬦᬶᬯᬂᬤᬸᬓᬶᬧᬢᬸᬭᭀᬦ᭄᭞ᬢ᭄ᬯᬶᬢ᭄ᬯᬄ ᬩᬕᬸᬲ᭄ᬳᬦᬸᬮᬸᬲ᭄᭞ᬭᬸᬧᬓᬤᬶᬓᬲ᭄ᬯᬧ᭄ᬦᬵ᭞ᬓᬩᬓ᭄ᬢᬵᬕ᭄ᬮᬶᬲ᭄᭞ᬢᭀᬕᭀᬕᬾᬲᭀᬂᬲᭀᬂᬓᬢᬫᬦ᭄᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵᬫᬭᬶᬂᬢᬫᬦ᭄᭞ᬓᬮᬶᬗ᭄ᬕᬶᬳᬂᬲᬵᬫ᭄ᬧᬸᬦ᭄ᬩᭂᬘᬶᬓ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬭᬶᬗᬸᬮᭀᬦ᭄᭞ᬳᬶᬲ᭄ᬫᬵᬃᬫᬶᬭᬶᬩ᭄ᬫᬫᬸᬢ᭄ᬭᬸ᭞ ᬲᬵᬫ᭄ᬧᬸᬦ᭄ᬯᬸᬲᬦ᭄ᬫᬗ᭄ᬮᬶᬗ᭄ᬕᬶᬳᬂ᭞ᬭᬭᬶᬲ᭄ᬫᬸᬮᬶᬄ᭞ᬧ᭄ᬭᬧ᭄ᬢᬵᬫᬭᬶᬂᬚ᭄ᬭᭀᬧᬸᬭᬵ᭟ᬲᬧ᭄ᬭᬧ᭄ᬢᬦᬾᬫᬭᬶᬂᬧᬸᬭᬵ᭞ᬮᬶᬗᬶᬭᬭᬳᬤᬾᬦ᭄ᬤᬾᬯᬶ᭞ᬓᬓᬵᬩᬬᬦ᭄ᬫᬢᬶᬳᬶᬗᭀᬂ᭞ᬩ᭄ᬮᬶᬫᬦ᭄ᬢ᭄ᬭᬶᬚ᭄ᬯᬕᬸᬫᬦ᭄ᬢᬸᬂ᭞ᬓᬾᬦ᭄ᬩᬬᬦ᭄ᬳᬲᬯᬸᬃᬲᭂᬫ᭄ᬩᬄ᭞ᬤᬾᬯᬕᬸ ᬲ᭄ᬢᬶ᭞ᬲᬵᬫ᭄ᬧᬸᬦᬂᬚ᭄ᬯᬳᬕᬸᬂᬮᬭᬵ᭟ᬩ᭄ᬯᬶᬦ᭄ᬧᬶᬤᬦ᭄ᬚᬵᬤᬦᬾᬢ᭄ᬓᬵ᭞ᬩᬸᬓᬵᬩᬦᬶᬭᬦᬾᬗᬶᬧᬶ᭞ᬲᬮ᭄ᬯᬶᬭᬶᬂᬩᬸᬗᬦᬾᬢᭀᬦ᭄ᬢᭀᬦ᭄᭞ᬓᬢᭀᬦᬂᬦᬶᬭᬩ᭄ᬮᬶᬩᬕᬸᬲ᭄᭞ᬢᬫ᭄ᬩᬸᬮᬶᬮᬶᬗᬦᬾᬗᬭᬲ᭄᭞ᬦᬕ᭄ᬕᬵᬲᬭᬶ᭞ᬫᬸᬶ

Auto-transliteration

[3 3B] 3 , mañumbaḥkadiringwayang, bapahaji, bapāhaji, tityangsawĕgsinampurā. halinggiḥsar̥ĕngsangnātha, rarismatur̀radendewi, durusanghiwansangkatong, mahokāringtityangguru, kār̀yyanangtityangpalalyan, guruhaji, mapindhāmantrikoripan. kākaliḥkar̀yyanangtityang, mapindhāsmar̀hasiki, durusanghicanhibapā, tityangnahĕntwaḥmagulgul, pacanglinggihangditaman, makākaliḥ, mantrimahiringansmar̀. sangnātharari sngandikā, sandikanhidewamaṇik, sangprabhūrarismakar̀yya, mangukir̀bankukuhalus, hajahansahetmasolā, sāmpunpasti, janipragatmakādadwa. yeñĕyabukādipolā, war̀ṇnanerahade nmantri, lwiḥwar̀ṇnanehismar̀, pĕrokmatanesapawut, pangawakl̥ĕwiḥditindak, subapasti, pantĕstwaḥmagobasmār̀. polanemantrikoripan, pamulunel̥ĕmpunggadhing, ñandangrade [4 4A] n'galuḥgelot, langsinglañjar̀jrijirurus, sāmpunhusanmaparadā, rariskambil, hantuk'hidaradendewya. togogerariskatanggap, rangkungsukāradendewi, taniwangdukipaturon, twitwaḥ bagushanulus, rupakadikaswapnā, kabaktāglis, togogesongsongkataman. sāmpunpraptāmaringtaman, kalinggihangsāmpunbĕcik, rahadenmantriringulon, hismār̀miribmamutru, sāmpunwusanmanglinggihang, rarismuliḥ, praptāmaringjropurā. sapraptanemaringpurā, lingirarahadendewi, kakābayanmatihingong, blimantrijwagumantung, kenbayanhasawur̀sĕmbaḥ, dewagu sti, sāmpunangjwahagunglarā. bwinpidanjādanetkā, bukābaniranengipi, salwiringbunganetonton, katonangnirablibagus, tambulilinganengaras, naggāsari, mui

Leaf 4

Image on Archive.org

[᭔ 4B] ᭔ ᬭᬸᬶᬫᬶᬭᬶᬩ᭄ᬳᬶᬩ᭄ᬮᬶᬗᬦ᭄ᬤᬶᬓᬵ᭟ᬲᬸᬗᬾᬗᬾᬦᬾᬩᬯᬸᬓᭂᬫ᭄ᬩᬂ᭞ᬫᬶᬭᬶᬩ᭄ᬧ᭄ᬭᬭᬳᬶᬦ᭄ᬳᬶᬩ᭄ᬮᬶ᭞ᬧᬸᬲᬸᬄᬩᬓᬸᬗᬾᬩᬦ᭄ᬤᬵᬮᭀᬓ᭄᭞ᬫᬳᬶᬭᬶᬩ᭄ᬚᬭᬶᬚᬶᬭᬸᬭᬸᬲ᭄᭞ᬲᬦ᭄ᬤᬢᬾᬓᭂᬫ᭄ᬩᬂᬫᬬᬗᬦ᭄᭞ᬳᬯᬲ᭄ᬳᬢᬶ᭞ᬫᬳᬶᬭᬶᬩ᭄ᬳᬶᬩ᭄ᬮᬶᬮᬸᬧᬵ᭟ᬳᬶᬦ᭄ᬢᬭ ᬦᬾᬦᬸᬗᬸᬭᬕ᭄ᬕ᭞ᬳᭂᬤᭀᬦ᭄ᬜᬦᬾᬦᬸᬓᬵᬓᬮᬶᬄ᭞ᬫᬶᬭᬶᬩ᭄ᬳᬮᬶᬲ᭄ᬋᬗᬸᬓᬢᭀᬦ᭄᭞ᬩᬸᬦ᭄ᬓᬓᬢᬶᬭᬄᬳᭂᬦ᭄ᬤᬶᬤᬶᬄᬫᬸᬭᬸᬩ᭄᭞ᬓᬤᬶᬮᬫ᭄ᬩᬾᬗᬶᬦᬂᬲ᭄ᬤᬄ᭞ᬢᬶᬳᬶᬂᬕᬥᬂ᭞ᬓᬢᭀᬦ᭄ᬭᬕ᭄ᬕᬵᬫᬗ᭄ᬭᬶᬬᬓ᭄ᬦᬵ᭟ᬤᭀᬦ᭄ᬲᬶᬫ᭄ᬩᬭᬾᬫᬲ᭄ᬭᬯᬾᬬ ᬦ᭄᭞ᬓᬢᭀᬦᬂᬘᬯᭂᬢ᭄ᬳᬶᬩ᭄ᬮᬶ᭞ᬮᬸᬫᬸᬢᬾᬗ᭄ᬮᬦ᭄ᬢᬶᬂᬓᬢᭀᬦ᭄᭞ᬳᬸᬧᬶᬦ᭄ᬳᬗᬶᬦᬾᬤᬶᬤᬸᬳᬸᬃ᭞ᬓᬤᬶᬢᬗᬦ᭄ᬫᬢᬬᬸᬗᬦ᭄᭞ᬗᭀᬮᬄᬢᬗ᭄ᬓᬶᬲ᭄᭞ᬢᬦ᭄ᬤᬗᬾᬫᬜᬮᬦ᭄ᬢᬭᬵ᭟ᬢᬸᬜ᭄ᬚᬸᬗᬾᬳᬓᬢᬶᬄᬓᭂᬫ᭄ᬩᬂ᭞ᬓ ᬢᭀᬦᬂᬤᬶᬢ᭄ᬗᬄᬩᬾᬚᬶ᭞ᬫᬶᬭᬶᬩ᭄ᬥᬦᬾᬤᬶᬢᬸᬩ᭄ᬗᭀᬂ᭞ᬳᬸᬮᬢ᭄ᬤᬦᬾᬤᬶᬢᬸᬫᬦ᭄ᬤᬸᬲ᭄᭞ᬳᬸᬧᬶᬦ᭄ᬳᬗᬶᬦ᭄ᬫ᭠ᬓᬶᬢᬸᬓᬦ᭄᭞ᬓᬤ᭄ᬬᬦᭀᬮᬶᬄ᭞ᬫᬶᬭᬶᬩ᭄ᬦᬕᬶᬄᬜ᭄ᬚᬸᬳᬶᬦ᭄ᬯᬲ᭄ᬢ᭄ᬭᬵ᭟ᬢᬸᬳᬸᬢᬸᬳᬸᬦᬾᬫᬲ᭄ᬯᬭᬵ᭞ᬳᬸᬮᬢ᭄ᬤᬦᬾ [᭕ 5A] ᬗᬰᬶᬳᬰᬶᬄ᭞ᬓᬤᬶᬧᬗ᭄ᬭᬸᬫ᭄ᬭᬸᬫ᭄ᬤᬶ[strike]ᬢᬸᬭᭀᬦ᭄᭞ᬓ᭄ᬮᬶᬤᬸᬗᬦᬾᬘ᭄ᬗᬓ᭄ᬘᭂᬗᬸᬓ᭄᭞ᬫᬶᬭᬶᬩ᭄ᬳᬶᬩ᭄ᬮᬶᬓᬩᬩᬲ᭄᭞ᬗᬮᬶᬄᬫᬃᬕ᭄ᬕᬶ᭞ᬓᬬᬸᬦ᭄ᬫᬢ᭄ᬫᬸᬓᬾᬦᬶᬭ᭟ᬫᬸᬗ᭄ᬕᬄᬤᬦᬾᬕᬕ᭄ᬮᬶᬲᬦ᭄᭞ᬤᬶᬩᬮᬾᬧᬗ᭄ᬲᬶᬂᬗᬭᬶᬂ᭞ᬫᬓᬵᬓᬸᬤᬸᬂᬲᬸᬢ᭄ᬭᬳᬶᬚᭀ ᭞ᬫᬮᬶᬗ᭄ᬕᬶᬄᬭᬭᬶᬲ᭄ᬫᬢᬶᬫ᭄ᬧᬸᬄ᭞ᬗᭂᬫ᭄ᬩᭂᬂᬬᬾᬄᬢᬶᬗ᭄ᬳᬮᬾᬩᬸᬬᬃ᭞ᬲᬃᬯ᭄ᬯᬶᬦᬗᬶᬲ᭄᭞ᬮᬶᬮᬬᬂᬢᭀᬂᬤᬤᬶᬮᬶᬮᬵ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬓᬾᬦ᭄ᬓᬾᬦ᭄ᬩᬳᬦ᭄ᬓᬳᬶᬚᬦᬶ᭞ᬫᬗᬮᬶᬬᬂᬤᬬᬋᬓᭀ᭞ᬳᬧᬗᬬᬵᬤᬤᬶᬲᬭᬸ᭞ᬮᬫᬸᬜ ᬓᬾᬦᬾᬲᬢᬢ᭞ᬢ᭄ᬯᬄᬢᬦ᭄ᬧᭀᬮᬶᬄ᭞ᬳᬶᬕᬸᬭᬸᬫᬧᬸᬢ᭄ᬭᬵᬦᬶᬭᬵ᭟ᬳᬧᬚᬵᬕᬯᬾᬦᬾᬲᬸᬓᬵ᭞ᬲ᭄ᬤᬶᬄᬳᬾᬫᬦᭂᬓᬵᬲᬳᬶ᭞ᬲᬸᬩᬢ᭄ᬯᬄᬢᬾᬤᬦᬾᬳᭂᬚᭀᬄ᭞ᬫᬗ᭄ᬕᬯᬾᬲᬦ᭄ᬳᬢᬶᬳᬶᬩᬸᬓ᭄᭞ᬓᬾᬦ᭄ᬩᬬᬦ᭄ᬫᬍᬢᬶᬓ᭄ᬤᬬ᭞ᬗᬶᬂ ᬤᬶᬬᬢᬶ᭞ᬳᭂᬦ᭄ᬢᭀᬧᬾᬢ᭄ᬚᬦᬶᬳᬢᬸᬭᬂ᭟ᬓᬾᬦ᭄ᬩᬬᬦ᭄ᬫᬢᬸᬭᬦᭂᬫ᭄ᬩᬄ᭞ᬯᬾᬦ᭄ᬢᭂᬦ᭄ᬤᬬᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬦᬸᬦᬲ᭄ᬧᬾᬢ᭄ᬫᬦ᭄ᬢᬸᬓᬚ᭄ᬭᭀ᭞ᬧᬋᬓ᭄ᬭᬶᬂᬳᬚᬶᬦᬶᬭᬢᬸ᭞ᬢᬸᬦᬲ᭄ᬳᬶᬘ᭄ᬘᬦᬾᬲᬂᬓᬵᬣ᭞ᬦᬾᬦᬾᬫᬗ᭄ᬓᬶᬦ᭄ᬫᬧᬸᬢ᭄ᬭ

Auto-transliteration

[4 4B] 4 ruimirib'hiblingandikā. sungengenebawukĕmbang, miribprarahinhibli, pusuḥbakungebandālok, mahiribjarijirurus, sandatekĕmbangmayangan, hawashati, mahirib'hiblilupā. hintara nenunguragga, hĕdonñanenukākaliḥ, mirib'halisr̥ĕngukaton, bunkakatiraḥhĕndidiḥmurub, kadilambenginangsdaḥ, tihinggadhang, katonraggāmangriyaknā. donsimbaremasraweya n, katonangcawĕt'hibli, lumutenglantingkaton, hupinhanginediduhur̀, kaditanganmatayungan, ngolaḥtangkis, tandangemañalantarā. tuñjungehakatiḥkĕmbang, ka tonangditngaḥbeji, miribdhaneditubngong, hulatdaneditumandus, hupinhanginma‐kitukan, kadyanoliḥ, miribnagiḥñjuhinwastrā. tuhutuhunemaswarā, hulatdane [5 5A] ngaśihaśiḥ, kadipangrumrumdi[strike]turon, klidunganecngakcĕnguk, mirib'hiblikababas, ngaliḥmar̀ggi, kayunmatmukenira. munggaḥdanegaglisan, dibalepangsingngaring, makākudungsutrahijo , malinggiḥrarismatimpuḥ, ngĕmbĕngyeḥtinghalebuyar̀, sar̀wwinangis, lilayangtongdadililā. rahaden'galuḥngandikā, kenkenbahankahijani, mangaliyangdayar̥ĕko, hapangayādadisaru, lamuña kenesatata, twaḥtanpoliḥ, higurumaputrānirā. hapajāgawenesukā, sdiḥhemanĕkāsahi, subatwaḥtedanehĕjoḥ, manggawesanhatihibuk, kenbayanmal̥ĕtikdaya, nging diyati, hĕntopetjanihaturang. kenbayanmaturanĕmbaḥ, wentĕndayantityangmangkin, nunaspetmantukajro, par̥ĕkringhajiniratu, tunashiccanesangkātha, nenemangkinmaputra

Leaf 5

Image on Archive.org

[᭕ 5B] ᭕ ᬘᭀᬓᭀᬃᬳᬶᬤᬾᬯ᭄ᬯᬵ᭟ᬗᬃᬬ᭄ᬬᬦᬂᬳᬶᬤᬾᬯᬧ᭄ᬮᬮ᭄ᬬᬦ᭄᭞ᬢᭀᬕᭀᬕ᭄ᬫᬭᬸᬧᬳᬶᬫᬦ᭄ᬢ᭄ᬭᬶ᭞ᬳᬸᬦ᭄ᬤᬕᬶᬲᬫᬶᬢ᭄ᬭᬸᬲ᭄ᬧᬦᭀᬦ᭄᭞ᬧᬸᬦᬶᬓᬵᬗ᭄ᬕᬾᬦᬸᬗ᭄ᬓᬸᬮᬂᬳᬶᬩᬸᬓ᭄᭞ᬳᬶᬭᬶᬓᬶᬭᬭᬶᬲ᭄ᬮᬶᬗ᭄ᬕᬶᬳᬂ᭞ᬳᬧᬂᬲᬶᬮᬶᬩ᭄᭞ᬳᬧᬂᬤᬵᬤᬬ᭠ ᬦᬶᬦ᭄ᬳᬦᬓ᭄᭟ᬧᬸᬦᬶᬓᬫᭀᬂᬫᭀᬂᬳᬶᬤᬾᬯ᭄ᬯ᭞ᬯ᭄ᬤᬓᬶᬦ᭄ᬧᬦ᭄ᬤᬸᬲᬂᬲᬳᬶ᭞ᬳᬢᬸᬭᬶᬦ᭄ᬳᬚᭂᬗᬦ᭄ᬋᬓᭀ᭞ᬫᬶᬓᬬᬵᬮᬓᬶᬯᬦ᭄ᬥᬸ᭞ᬦᬶᬓᬵᬳᬗ᭄ᬕᬾᬦ᭄ᬧᬗ᭄ᬮᬶᬧᬹᬃᬫᬦᬄ᭞ᬲᬓᬶᬢ᭄ᬧᬶᬗᬶᬢ᭄᭞ᬲᬓᬶᬢᬾᬲᬚ᭄ᬭᭀᬦᬶᬂᬫᬦᬄ᭟ᬭ ᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳ᭄ᬦᬄᬚᬮᬦ᭄ᬫᬦ᭄ᬤᬸᬲ᭄ᬚᬦᬶ᭞ᬯᬸᬲᬦᬾᬭᬭᬶᬲ᭄ᬫᬘ᭄ᬬᬦ᭄᭞ᬭᬳᬤᬾᬦ᭄ᬕᬮᬸᬄᬳᬫᬸᬯᬸᬲ᭄᭞ᬳᬮᬧᬂᬚᬵᬦᬶᬭᬩᬸᬗ᭄ᬳᬵ᭞ᬳᭂᬦ᭄ᬢᭀᬚᬦᬶ᭞ᬓᬾᬦ᭄ᬩᬬᬦ᭄ᬭᬭᬶᬲ᭄ᬗᬢᬸᬭᬂ᭟ᬭᬳᬤᬾᬦ᭄ᬕᬮᬸᬄᬫᬦᬗ᭄ᬕᬧ᭄᭞ ᬗᬦ᭄ᬤᬶᬓᬵᬳᬲᬸᬢ᭄ᬫᬸᬢᬗᬶᬲ᭄᭞ᬓᬓᬵᬩᬬᬦ᭄ᬫᬢᬶᬳᬶᬗᭀᬂ᭞ᬚᬮᬦ᭄ᬓᬾᬬᬚᬦᬶᬫᬦ᭄ᬢᬸᬓ᭄᭞ᬢᬦ᭄ᬓᭀ᭠ᬘᬧᬭᬶᬂᬤᬤᬮᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬚ᭄ᬭᭀᬧᬸᬭᬵ᭟ᬢᬸᬫᬸᬮᬶᬄᬫᬦᬩ᭄ᬥᬩ᭄ᬧᬬᬲ᭄᭞ᬯᬃᬡ᭄ᬦᬵ [᭖ 6A] ᬦᬾᬓᬤᬶᬳ᭄ᬬᬂᬭᬢᬶᬄ᭞ᬫᬯᬲ᭄ᬢ᭄ᬭᬧᬾᬋᬫᬲ᭄ᬳᬶᬚᭀ᭞ᬳᬾᬲᭂᬫᬾᬮ᭄ᬯᬶᬃᬫᬥᬸᬭᬸᬚᬸᬄ᭞ᬲᬸᬲᬸᬜᬗ᭄ᬓᬶᬄᬩᬸᬓᬵᬕᬶᬮᬧ᭄᭞ᬓᬸᬦᬶᬂᬕᬥᬶᬂ᭞ᬩᬗ᭄ᬓ᭄ᬬᬂᬭᬫ᭄ᬧᬶᬂᬫᬦᬸᬓᭂᬮᬂ᭟ᬘᬘᬶᬗᬓᬾᬩᬸᬓᬵᬧᬲᬃ᭞ᬓᬸᬓᬸᬧᬜ᭄ᬚᬂᬓᬤᬶᬫᬡ᭄ᬦᬶᬓ᭄᭞ᬢ ᬗᬦᬾᬍᬫᭂᬢᬸᬫᭂᬭᭀᬲ᭄᭞ᬲᬧᭀᬮᬳᬾᬫᬗ᭄ᬕᬯᬾᬓ᭄ᬜᬸᬂ᭞ᬩᬸᬓᬧᬸᬢ᭄ᬭᬶᬦᬾᬤᬶᬕᬫ᭄ᬩᬃ᭞ᬘᭂᬦ᭄ᬢᬾᬂᬭᬸᬗᬶᬄ᭞ᬳᬓᬾᬄᬫᬦ᭄ᬢ᭄ᬭᬶᬓᬳᬾᬤᬦᬦ᭄᭟ᬭᬭᬶᬲ᭄ᬤᬦᬾᬫᭂᬲᬾᬄᬯᬲ᭄ᬢ᭄ᬭᬵ᭞ᬫᬢᬧᬶᬄᬬᬘᬢ᭄ᬭᬵᬲᬫᬶᬸᬭᬶ᭞ᬫᬲᬸᬦ᭄ᬢᬕᬶᬲᬸᬢ᭄ᬭᬳᬶᬚᭀ᭞ᬫᬯ ᬲ᭄ᬢ᭄ᬭᬵᬩᭀᬢ᭄ᬓᭂᬮᬶᬂᬳᬸᬗᬸ᭞ᬫᬢᬾᬦᬢᬾᬦ᭄ᬕᬮᬶᬳᬶᬭᬦ᭄᭞ᬢᬸᬃᬫᬜ᭄ᬚᬶᬢᬶ᭞ᬫᬧᭂᬦ᭄ᬤᬶᬂᬫᬲᬶᬦᬂᬗ᭄ᬮᬶᬗᬦ᭄᭟ᬫᬳᬦ᭄ᬢᭂᬂᬬᬲ᭄ᬬᬂᬫᬬᬂ᭞ᬧᬦ᭄ᬤᬵᬲᬭᬾᬲᬸᬢ᭄ᬭᬢᬗᬶ᭞ᬲᬸᬢ᭄ᬭᬵᬓᬸᬦᬶᬂᬲᬸᬢ᭄ᬭᬵᬳᬶᬚᭀ᭞ᬲᬦ᭄ᬤᬶᬗᬶᬦ᭄ᬲᬸᬢ᭄ᬭᬵᬦᬾᬤᬤᬸ᭞ᬢᬶ᭠ ᬫ᭄ᬧᬮᬶᬦ᭄ᬧᬾᬋᬫᬲ᭄ᬭᬦ᭄ᬢᬵ᭞ᬧᬾᬃᬫ᭄ᬫᬲ᭄ᬯᬶᬮᬶᬲ᭄᭞ᬲᬾᬬᭀᬲ᭄ᬫᬲᬸᬦ᭄ᬢᬕᬶᬫᬶᬭᬄ᭟ᬫᬧᭂᬭᬤᬵᬯᬶᬚᭀᬢᬝᬵ᭞ᬫᬧᬶᬗ᭄ᬕᭂᬮ᭄ᬓᭀᬭᬢ᭄ᬦᬵᬳᬤᬶ᭞ᬲᬶᬫ᭄ᬲᬶᬫ᭄ᬳᭂᬫᬲ᭄ᬫᬫᬦᬶᬲᬦ᭄᭞ᬫᬩᬸᬗ᭄ᬓᬸᬂᬬᬵᬳ᭄ᬫᬲ᭄ᬫᬸᬭᬸᬩ᭄᭞ᬫᬲᬸᬧᭂᬂᬫᬲᬶᬦᬗ᭄ᬮᬶᬗᬦ᭄

Auto-transliteration

[5 5B] 5 cokor̀hidewwā. ngar̀yyananghidewaplalyan, togogmarupahimantri, hundagisamitruspanon, punikānggenungkulanghibuk, hirikirarislinggihang, hapangsilib, hapangdādaya‐ ninhanak. punikamongmonghidewwa, wdakinpandusangsahi, haturinhajĕnganr̥ĕko, mikayālakiwandhu, nikāhanggenpanglipūr̀manaḥ, sakitpingit, sakitesajroningmanaḥ. ra haden'galuḥngandikā, hnaḥjalanmandusjani, wusanerarismacyan, rahaden'galuḥhamuwus, halapangjānirabunghā, hĕntojani, kenbayanrarisngaturang. rahaden'galuḥmananggap, ngandikāhasutmutangis, kakābayanmatihingong, jalankeyajanimantuk, tanko‐caparingdadalan, sāmpunprapti, sāmpunrawuḥringjropurā. tumuliḥmanabdhabpayas, war̀ṇnā [6 6A] nekadihyangratiḥ, mawastraper̥ĕmashijo, hesĕmelwir̀madhurujuḥ, susuñangkiḥbukāgilap, kuninggadhing, bangkyangrampingmanukĕlang. cacingakebukāpasar̀, kukupañjangkadimaṇnik, ta nganel̥ĕmĕtumĕros, sapolahemanggawekñung, bukaputrinedigambar̀, cĕntengrungiḥ, hakeḥmantrikahedanan. rarisdanemĕseḥwastrā, matapiḥyacatrāsam̶ri, masuntagisutrahijo, mawa strābotkĕlinghungu, matenaten'galihiran, tur̀mañjiti, mapĕndingmasinangnglingan. mahantĕngyasyangmayang, pandāsaresutratangi, sutrākuningsutrāhijo, sandinginsutrānedadu, ti‐ mpalinper̥ĕmasrantā, per̀mmaswilis, seyosmasuntagimiraḥ. mapĕradāwijotaṭā, mapinggĕlkoratnāhadi, simsimhĕmasmamanisan, mabungkungyāhmasmurub, masupĕngmasinanglingan

Leaf 6

Image on Archive.org

[᭖ 6B] ᭖ ᭞ᬓᬫᬵᬓᭂᬦ᭄ᬤᬶᬮ᭄᭞ᬢᬮᬶᬦ᭄ᬩᬗ᭄ᬓ᭄ᬬᬗᬾᬫᬗ᭄ᬭᬜᬩ᭄᭟ᬲᬵᬫ᭄ᬧᬸᬦ᭄ᬯᬸᬲ᭄ᬫᬗ᭄ᬭᬗ᭄ᬲᬸᬓ᭄ᬧᬬᬲ᭄‌ᬢᬦ᭄ᬧᬾᬦ᭄ᬤᬄᬤᬥᬭᬶᬲᬸᬘᬶ᭞ᬫᬫᬃᬕ᭄ᬕᬶᬧ᭄ᬲᬸᬫᬗ᭄ᬕᭂᬮᭀᬄ᭞ᬳᬓᬾᬄᬧᬜ᭄ᬚᬓᬾᬳᬦ᭄ᬤᬸᬮᬸ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬩᬜ᭄ᬘᬶᬗᬄ᭞ᬰ᭄ᬭᬷ ᬪᬹᬧᬢᬶ᭞ᬗᬦ᭄ᬤᬶᬓᬵᬳᬲ᭄ᬫᬸᬓᬯᭂᬗᬦ᭄᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓᬵ᭞ᬤᬸᬄᬤᬾᬯᬦ᭄ᬩᬧᬳᬲ᭄ᬦᬡᬶᬓ᭄᭞ᬭᬤᬾᬦ᭄ᬕᬮᬸᬄᬫᬢᬸᬃᬳᬮᭀᬦ᭄᭞ᬯᬾᬦ᭄ᬢᭂᬦ᭄ᬓᬃᬬ᭄ᬬᬦ᭄ᬢᬶᬢ᭄ᬬᬂᬕᬸᬭᬸ᭞ᬤᬸᬄᬫᬮᬶᬗ᭄ᬕᬶᬄᬳᭂᬦ᭄ᬤᬾᬦ᭄ᬫᬶᬭᬄ᭞ᬮᬄᬳᭀᬭᬳᬶᬦ᭄᭞ᬕᬸᬭᬸ ᬧᬸᬦᬧᬶᬓᬃᬬ᭄ᬬᬦᬵᬂ᭟ᬭᬳᬤᬾᬦ᭄ᬕᬮᬸᬄᬦᬸᬶᬳᬦᭂᬫ᭄ᬧᬮ᭄᭞ᬳᬮᬸᬗ᭄ᬕᬸᬄᬲᬋᬂᬦᬺᬧᬢᬶ᭞ᬳᬗᭂᬫ᭄ᬩᭂᬂᬗᭂᬫ᭄ᬩᭂᬂᬧᬦᭀᬦ᭄᭞ᬳᬜᬸᬫ᭄ᬩᬄᬚ᭄ᬭᬶ+(ᬚᬶ)ᬦᬾᬭᬸᬭᬸᬲ᭄᭞ᬧᬢᬗᬦᬦ᭄ᬓᬤᬶᬯᬬᬂ᭞ᬫᬸᬯᬸᬄᬫᬦᬶᬲ᭄᭞ᬕᬯᭀᬓ᭄ᬧᬜ᭄ᬚᬓᬾᬦᭀᬦ᭄ᬢᭀ ᬦᬂ᭟ᬭᬭᬶᬲ᭄ᬫᬢᬸᬃᬭᬶᬂᬲᬂᬦᬵᬣ᭞ᬳᬸᬚᬭᬾᬳᬭᬸᬫ᭄ᬳᬫᬦᬶᬲ᭄᭞ᬤᬸᬄᬤᬾᬯᬕᬸᬭᬸᬲᬂᬓᬢᭀᬂ᭞ᬤᬸᬭᬸᬲᬂᬳᬶᬘᬦᬾᬭᬢᬸ᭞ᬓᬃᬬ᭄ᬬᬦᬂᬢᬶᬢ᭄ᬬᬂᬧᬮᬮ᭄ᬬᬦ᭄᭞ᬳᬧᬂᬩ᭄ᬘᬶᬓ᭄᭞ᬢᭀᬕᭀᬕ᭄ᬓᬓᬮᬶᬄᬓᬃᬬ᭄ᬬᬦᬵᬂ᭟ᬫᬭᬸᬧᬫᬦ᭄ᬢ᭄ᬭᬶ [᭗ 7A] ᬓᭀᬭᬶᬧᬦ᭄᭞ᬫᬦ᭄ᬢ᭄ᬭᬶᬦᬾᬩᬕᬸᬲ᭄ᬤᬶᬩᬮᬶ᭞ᬓᭀᬘᬧ᭄ᬩ᭄ᬬᬦᬵᬧᬤᬵᬋᬓᭀ᭞ᬳᬧᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬯᭂᬭᬸᬄ᭞ᬕ᭄ᬦᬳᬂᬢᬶᬢ᭄ᬬᬂᬤᬶᬢᬫᬦ᭄᭞ᬫᬓᬵᬓᬮᬶᬄ᭞ᬳᬲᬶᬓᬶᬧᬶᬦ᭄ᬤᬬᬂᬲ᭄ᬫᬃ᭟ᬲᬧ᭄ᬭᬪᬹᬳᬤᬦ᭄ᬧᬗᬭᬄ᭞ᬦ᭄ᬤᬸᬦᬂᬧᬤᬵᬳᬸᬦ᭄ᬤᬕᬶ᭞ᬢ᭄ᬤᬸᬦ᭄ᬳᬸᬦ᭄ᬤ ᬕᬶᬫᬗ᭄ᬕᭂᬮᭀᬄ᭞ᬲᭂᬕ᭄ᬦᭂᬧᬶᬂᬧ᭄ᬭᬩᭀᬢ᭄ᬳᬶᬧᬸᬦ᭄᭞ᬢᬸᬃᬫᬓᬃᬬ᭄ᬬᬕᬕ᭄ᬮᬶᬲᬦ᭄᭞ᬧ᭄ᬭᬕᬢ᭄ᬫᬗ᭄ᬓᬶᬦ᭄᭞ᬢᭀᬕᭀᬕᬾᬬᬵᬫᬓᬵᬤᬤ᭄ᬯᬵ᭟ᬢ᭄ᬯᬶᬢ᭄ᬯᬄᬜᬩᬸᬓᬵᬧᭀᬮᬵ᭞ᬫᬭᬸᬧᬵᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬦᬾᬳᬯᬸᬓᬸᬤ᭄ᬳᬶᬲ᭄ᬫᬵᬃᬢᭀᬓ᭄᭞ᬧᭂᬭᭀᬓ᭄ᬫᬢ ᬦᬾᬢᬸᬫᬸᬭᬸᬢ᭄᭞ᬧᬗᬯᬓ᭄ᬮᬯᬦ᭄ᬤᬶᬢᬶᬦ᭄ᬤᬓ᭄᭞ᬢ᭄ᬯᬭᬧᬗ᭄ᬕᬶᬮ᭄ᬳᬦ᭄ᬢᬸᬓ᭄ᬳᬸᬦ᭄ᬤᬵᬕᬶᬫᬓᬃᬬ᭄ᬬ᭟ᬭᬸᬧᬦᬾᬫᬦ᭄ᬢ᭄ᬭᬶᬓᬸᬭᬶᬧᬦ᭄᭞ᬧᬫᬸᬮᬸᬦᬾᬚ᭄ᬜᬃᬕᬥᬶᬂ᭞ᬜᬦ᭄ᬤᬂᬭᬤᬾᬦ᭄ᬕᬮᬸᬄᬕᬾᬮᭀᬢ᭄᭞ᬮᬗ᭄ᬲᬶᬂᬮᬜ᭄ᬚᬃᬓ᭄ᬜᬶᬂᬫᬥᬸ᭞ᬲᬵᬫ᭄ᬧᬸᬦ᭄ᬯᬸᬲ᭄‌ᬦ᭄ᬭᬧᬶᬦ᭄ ᬧᬭᬤᬵ᭞ᬭᬭᬶᬲ᭄ᬓᬫ᭄ᬩᬶᬮ᭄᭞ᬲᬵᬫ᭄ᬧᬸᬦ᭄ᬓᬢᬸᬃᬭᬶᬂᬭᬳᬤ᭄ᬬᬦ᭄᭟ᬢᭀᬕᭀᬕᬾᬲᬫ᭄ᬧᬸᬦ᭄ᬓᬢᬗ᭄ᬕᬧ᭄᭞ᬭᬗ᭄ᬓᬸᬂᬲᬸᬓᬵᬭᬤᬾᬦ᭄ᬤᬾᬯᬶ᭞ᬢᬦᬶᬯᬂᬤᬸᬓᬶᬧᬢᬸᬭᭀᬦ᭄᭞ᬢ᭄ᬯᬶᬢ᭄ᬯᬄᬩᬕᬸᬲᬦᬸᬮᬸᬲ᭄᭞ᬭᬸᬧᬵᬓᬤᬶᬓᬲ᭄ᬯᬫ᭄ᬦᬵ᭞ᬩᬓ᭄ᬢᬵ

Auto-transliteration

[6 6B] 6 , kamākĕndil, talinbangkyangemangrañab. sāmpunwusmangrangsukpayastanpendaḥdadharisuci, mamar̀ggipsumanggĕloḥ, hakeḥpañjakehandulu, sāmpunpraptāringbañcingaḥ, śrī bhūpati, ngandikāhasmukawĕngan. sangprabhūrarisngandikā, duḥdewanbapahasnaṇik, raden'galuḥmatur̀halon, wentĕnkar̀yyantityangguru, duḥmalinggiḥhĕndenmiraḥ, laḥhorahin, guru punapikar̀yyanāng. rahaden'galuḥnuihanĕmpal, halungguḥsar̥ĕngnr̥ĕpati, hangĕmbĕngngĕmbĕngpanon, hañumbaḥjri+(ji)nerurus, patanganankadiwayang, muwuḥmanis, gawokpañjakenonto nang. rarismatur̀ringsangnātha, hujareharumhamanis, duḥdewagurusangkatong, durusanghicaneratu, kar̀yyanangtityangpalalyan, hapangbcik, togogkakaliḥkar̀yyanāng. marupamantri [7 7A] koripan, mantrinebagusdibali, kocapbyanāpadār̥ĕko, hapangtityangmangkinwĕruḥ, gnahangtityangditaman, makākaliḥ, hasikipindayangsmar̀. saprabhūhadanpangaraḥ, ndunangpadāhundagi, tdunhunda gimanggĕloḥ, sĕgnĕpingprabot'hipun, tur̀makar̀yyagaglisan, pragatmangkin, togogeyāmakādadwā. twitwaḥñabukāpolā, marupārahadenmantri, nehawukud'hismār̀tok, pĕrokmata netumurut, pangawaklawanditindak, twarapanggilhantuk'hundāgimakar̀yya. rupanemantrikuripan, pamulunejñar̀gadhing, ñandangraden'galuḥgelot, langsinglañjar̀kñingmadhu, sāmpunwusnrapin paradā, rariskambil, sāmpunkatur̀ringrahadyan. togogesampunkatanggap, rangkungsukāradendewi, taniwangdukipaturon, twitwaḥbagusanulus, rupākadikaswamnā, baktā

Leaf 7

Image on Archive.org

[᭗ 7B] ᭗ ᬳᬕ᭄ᬮᬶᬲ᭄᭞ᬢᭀᬕᭀᬕᬾᬲᭀᬂᬲᭀᬂᬓᬢᬫᬦ᭄᭟ᬲᬧ᭄ᬭᬧ᭄ᬢᬦᬾᬫᬭᬶᬂᬢᬫᬦ᭄᭞ᬓᬮᬶᬗ᭄ᬕᬶᬳᬂᬲᬵᬫ᭄ᬧᬸᬦ᭄ᬩᭂᬘᬶᬓ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬭᬶᬂᬗᬸᬮᭀᬦ᭄᭞ᬳᬶᬲ᭄ᬫᬃᬫᬭᬶᬩ᭄ᬫᬫᬸᬢ᭄ᬭᬸ᭞ᬲᬵᬫ᭄ᬧᬸᬦ᭄ᬯᬸᬲᬦ᭄ᬫᬗ᭄ᬮᬶᬗ᭄ᬕᬶᬳᬂ᭞ᬭᬭᬶᬲ᭄ᬫᬸᬮᬶᬄ᭞ᬢᬦ᭄ᬮ᭄ᬬᬦ᭄ᬕᬸᬫᬦ᭄ᬢᬸᬗᬶᬂ ᬢᬶᬗ᭄ᬳᬮ᭄᭟ᬲᬧ᭄ᬭᬧ᭄ᬢᬦᬾᬭᬶᬂᬚ᭄ᬭᭀᬧᬸᬭᬵ᭞ᬗᬦ᭄ᬤᬶᬓᬵᬳᬲ᭄ᬫᬸᬢᬗᬶᬲ᭄᭞ᬓᬓᬵᬩᬬᬦ᭄ᬫᬢᬶᬳᬶᬗᭀᬂ᭞ᬩ᭄ᬮᬶᬫᬦ᭄ᬢ᭄ᬭᬶᬚ᭄ᬯᬕᬸᬫᬦ᭄ᬢᬸᬂ᭞ᬓᬾᬦ᭄ᬩᬬᬦ᭄ᬳᬲᬯᬸᬃᬲᭂᬫ᭄ᬩᬄ᭞ᬤᬾᬯᬕᬸᬲ᭄ᬢᬶ᭞ᬢᭀᬕᭀᬕᬾᬤᬾᬯ᭄ᬯᬳᬾᬮᬶᬗᬂ᭟ᬦᬶᬓᬵᬳᬗ᭄ᬕᬾᬦ᭄ᬳᬶᬧᬸᬦ᭄ᬫᬦᬄ᭞ᬦᬯᬶᬯ᭄ᬭᬸᬄ ᬰ᭄ᬭᬷᬪᬹᬧᬢᬶ᭞ᬳᬧᬂᬤᬵᬓᬘᬶᬤ᭄ᬭᬋᬓᭀ᭞ᬢᬶᬢ᭄ᬬᬂᬚ᭄ᬭᬶᬄᬤᬾᬯᬭᬵᬢᬸ᭞ᬳᬶᬮᬶᬤᬂᬩᬶᬓᬲᬾᬤᬾᬯ᭄ᬯ᭞ᬮᬄᬧᬸᬦᬶ᭠ᬓᬶ᭞ᬧᬕ᭄ᬕᬕᬦ᭄ᬤᬵᬦ᭄ᬳᬢ᭄ᬫᬵᬚᬶᬯᬵᬫ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᬮᬧᬂᬦᬶᬭᬲᬭᭀᬦᬶ᭞ᬢ᭄ᬓᬾᬦᬶᬂᬲ᭄ᬓᬃᬕᬸᬶᬮᬶᬃᬕᬶᬮᭀ᭞ᬓᬾ ᬦ᭄ᬩᬬᬦ᭄ᬗᬢᬸᬭᬂᬳᬸᬧᬸᬄ᭞ᬲᬫ᭄ᬧᬸᬦ᭄ᬭᬢᭂᬂᬧᬭᬗ᭄ᬓᬢᬦ᭄᭞ᬤᬾᬯ᭄ᬯᬕᬸᬲ᭄ᬢᬶ᭞ᬳᬶᬤᬾᬯᬢᬶᬤᭀᬂᬫᬚᭂᬗᬦ᭄᭟ᬢᬦᬶᬘᬶᬢᬦ᭄ᬓᬳᬶᬗᬫᬄ᭞ᬳᬩᬢᭀᬓᬢᬫᬦ᭄ᬚᬦᬶ᭞ᬢᭀᬕᭀᬕᬾᬳᬢᬸᬭᬶᬦ᭄ᬋᬓᭀ᭞ᬦᬶᬭᬤᬶᬢᬸᬗᬋᬂᬜᭂᬓᬸᬮ᭄᭞ᬓᬾᬦ᭄ᬩᬬᬦ᭄ᬳ [᭘ 8A] ᬕ᭄ᬮᬶᬲ᭄ᬫᬫ᭄ᬩᬓ᭄ᬢᬵ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬤᬾᬦ᭄ᬫᬸᬶᬦ᭄ᬕᬮᬸᬄᬫᬦᬜ᭄ᬚᬾᬦᬵᬂ᭟ᬯᬸᬲ᭄ᬗᬢᬸᬭᬶᬦ᭄ᬢᭀᬕᭀᬕ᭄ᬤᬳᬃ᭞ᬭᬭᬶᬲ᭄ᬫᬭᬫᬗ᭄ᬯᬤᬓᬶᬦ᭄᭞ᬯᬸᬲ᭄ᬫᬭᬫᬚᭂᬗᬦ᭄ᬋᬓᭀ᭞ᬓᬾᬦ᭄ᬩ᭄ᬬᬦ᭄ᬗᬬᬳᬶᬦ᭄ᬕᬸᬧᬸᬄ᭞ᬗᬋᬧᬶᬦ᭄ᬢᭀᬕᭀᬕ᭄ᬫᬚᭂᬗᬦ᭄᭞ᬩᬬᬦ᭄ᬲᬗ᭄ᬕᬶᬢ᭄ᬫ ᬗᬫᬄᬘᬭᬶᬓ᭄ᬘᬭᬶᬓᬦ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬢ᭄ᬓᬾᬦ᭄ᬢᭀᬕᭀ+(ᬕᬾ)ᬫᬧᬫᬶᬢ᭄᭞ᬓᬦ᭄ᬢᬸᬦ᭄ᬓᬾᬳᬶᬩ᭄ᬮᬶᬢᭀᬕᭀᬕ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬧᬫᬶᬢ᭄ᬫᬦ᭄ᬢᬸᬓ᭄᭞ᬩᬾᬜ᭄ᬚᬂᬢᬶᬢ᭄ᬬᬂᬫᬮᬶᬄᬢ᭄ᬓᬵ᭞ᬗᬮᬶᬄᬩ᭄ᬮᬶ᭞ᬭᬭᬶᬲ᭄ᬫᬦ᭄ᬢᬸᬓ᭄ᬱᬕᭂᬭᬳᬦ᭄᭟ᬲ ᬧ᭄ᬭᬧ᭄ᬢᬦᬾᬭᬶᬧᬫᬺᬫᬦ᭄᭞ᬳᬕ᭄ᬮᬃᬢᬶᬍᬫ᭄ᬳᬕ᭄ᬮᬶᬲ᭄᭞ᬯᬶᬦᬲᬸᬳᬦ᭄ᬤᬦᬾᬳᬮᭀᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬢᬸᬭᬸ᭞ᬳ᭄ᬦᭂᬂᬓᬂᬯ᭄ᬗᬶᬯᬸᬯᬸᬲᬦ᭄᭞ᬩᬾᬜ᭄ᬚᬂᬫᬮᬶᬄ᭞ᬭᬤᬾᬦ᭄ᬕᬮᬸᬄᬳᬢᬗᬶᬳ᭄ᬬ᭟ᬕᬸᬧᬸᬄᬫᬫᬃᬕ᭄ᬕᬶᬓᬢᬫᬦ᭄᭞ᬓᬤᬾᬳᬦ᭄ᬧ ᬤᬵᬳᬗᬶᬭᬶᬂ᭞ᬢ᭄ᬓᭂᬤ᭄ᬭᬶᬂᬢᬫᬦᬭᭀᬚᭀᬕ᭄᭞ᬢᭀᬕᭀᬕᬾᬭᬭᬶᬲ᭄ᬓᬚᬸᬚᬸᬃ᭞ᬲᬯᬸᬧ᭄ᬲᬗ᭄ᬓᭀᬮ᭄ᬬᬧᬦ᭄ᬤᬸᬲᬂ᭞ᬯᬸᬲ᭄ᬜᬶᬭᬫᬶᬦ᭄᭞ᬮᬶᬗ᭄ᬕᬶᬳᬂᬢᬸᬃᬳᬭᬲᬭᬲ᭄᭟ᬲᬫ᭄ᬧᬸᬦ᭄ᬧᬶᬗᭂᬦᬦ᭄ᬫᬤᬳᬃ᭞ᬢᭀᬕᭀᬕᬾᬳᬢᬸᬭᬶᬦ᭄ᬱᬕᬶ᭞ᬯᬸ

Auto-transliteration

[7 7B] 7 haglis, togogesongsongkataman. sapraptanemaringtaman, kalinggihangsāmpunbĕcik, rahadenmantriringngulon, hismar̀maribmamutru, sāmpunwusanmanglinggihang, rarismuliḥ, tanlyan'gumantunging tinghal. sapraptaneringjropurā, ngandikāhasmutangis, kakābayanmatihingong, blimantrijwagumantung, kenbayanhasawur̀sĕmbaḥ, dewagusti, togogedewwahelingang. nikāhanggenhipunmanaḥ, nawiwruḥ śrībhūpati, hapangdākacidrar̥ĕko, tityangjriḥdewarātu, hilidangbikasedewwa, laḥpuni‐ki, paggagandānhatmājiwām. rahaden'galuḥngandikā, halapangnirasaroni, tkeningskar̀guilir̀gilo, ke nbayanngaturanghupuḥ, sampunratĕngparangkatan, dewwagusti, hidewatidongmajĕngan. tanicitankahingamaḥ, habatokatamanjani, togogehaturinr̥ĕko, niraditungar̥ĕngñĕkul, kenbayanha [8 8A] glismambaktā, sāmpunprapti, radenmuin'galuḥmanañjenāng. wusngaturintogogdahar̀, rarismaramangwadakin, wusmaramajĕnganr̥ĕko, kenbyanngayahin'gupuḥ, ngar̥ĕpintogogmajĕngan, bayansanggitma ngamaḥcarikcarikan. rahaden'galuḥngandikā, tkentogo+(ge)mapamit, kantunkehiblitogog, tityangmangkinpamitmantuk, beñjangtityangmaliḥtkā, ngaliḥbli, rarismantukṣagĕrahan. sa praptaneripamr̥ĕman, haglar̀til̥ĕmhaglis, winasuhandanehalon, tumulirarismaturu, hnĕngkangwngiwuwusan, beñjangmaliḥ, raden'galuḥhatangihya. gupuḥmamar̀ggikataman, kadehanpa dāhangiring, tkĕdringtamanarojog, togogerariskajujur̀, sawupsangkolyapandusang, wusñiramin, linggihangtur̀harasaras. sampunpingĕnanmadahar̀, togogehaturinṣagi, wu

Leaf 8

Image on Archive.org

[᭘ 8B] ᭘ [strike/]᭙[/strike] ᬲᬦᬾᬦᬜ᭄ᬚᬾᬦᬶᬦ᭄ᬢᭀᬕᭀᬕ᭄᭞ᬭᬭᬶᬲ᭄ᬧᬭᬶᬤᬳᬃᬤᬶᬢᬸ᭞ᬲᬫ᭄ᬧᬸᬦ᭄ᬯᬸᬲᬦ᭄ᬫᬳᬚᭂᬗᬦ᭄᭞ᬫᬗ᭄ᬯᬤᬓᬶᬦ᭄᭞ᬮᬦ᭄ᬢᬲ᭄ᬫᬮᬶᬗ᭄ᬕᬶᬄᬲᬋᬗᬦ᭄᭟ᬢᬦ᭄ᬮᬮᬶᬲ᭄ᬗᬮᬳᬶᬦ᭄ᬮᬸᬯᬲ᭄᭞ᬚ᭄ᬫᬓ᭄ᬢᭀᬕᭀᬕᬾᬢᬸᬃᬳᬩᬶᬦ᭄᭞ᬧᬲᬶᬳᬶᬦ᭄ᬕᬸᬬᬸᬯᬶᬦ᭄ᬋᬓᭀ ᭞ᬢᬦ᭄ᬓᭀᬘᬧᭀᬮᬳᭂᬤᬶᬢᬸ᭞ᬭᬶᬂᬩᬮᬶᬫᬮᬶᬄᬓᭀᬘᬧ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬶᬂᬓᬸᬭᬶᬧᬦ᭄ᬓᬯᬸᬯᬸᬲᬦ᭄᭟ᬤᬦᬾᬮ᭄ᬯᬲ᭄ᬫᬗᬼᬮᬡ᭄ᬦᬵ᭞ᬧᬸᬦ᭄ᬲ᭄ᬫᬃᬢᬗ᭄ᬲᬄᬫᬗᬶᬭᬶᬂ᭞ᬲᬢᬶᬩᬧᬭᬦᬾᬋᬓᭀ᭞ᬮᬶᬯᬢ᭄ᬳᬮᬲ᭄ᬮᬶᬯᬢ᭄ᬕᬸᬦᬸᬂ᭞ᬢᬦᬦᬵᬳᬫ ᬗ᭄ᬕᬶᬄᬤᬾᬰᬵ᭞ᬍᬫᬄᬯ᭄ᬗᬶ᭞ᬢᬦ᭄ᬧᬢᬸᬭᬸᬢᬦ᭄ᬧᬦᭂᬤ᭄ᬥᬵ᭟ᬓᬲᬸᬯᬾᬦ᭄ᬩᬳᬦ᭄ᬩᬸᬦ᭄ᬗᬸᬫ᭄ᬩᬭᬵ᭞ᬯᬾᬦ᭄ᬢᭂᬦ᭄ᬲᬫ᭄ᬧᬸᬦ᭄ᬧᬶᬢᬸᬂᬰᬰᬶᬄ᭞ᬳᬦᬸᬲᬸᬧ᭄ᬭᬷᬂᬗᬮᬲ᭄ᬋᬓᭀ᭞ᬳᬦᬸᬢ᭄ᬚᬸᬭᬸᬂᬢᬸᬭᬦ᭄ᬧᬗ᭄ᬓᬸᬂ᭞ᬧᬸᬦ᭄ᬱ᭄ᬫᬃᬲᬯᬂᬓᬗᬾᬮᬦ᭄᭞ᬫᬗᬸᬮᬶᬫᬶᬤ᭄᭞ᬲᭂ ᬭᬶᬂᬫᬦᬕᬶᬄᬭᬾᬭᬾᬦᬵᬂ᭟ᬧᬤᬍᬫ᭄ᬧᬜ᭄ᬚᬓᬾᬳᭀᬤᬄ᭞ᬫᬃᬕ᭄ᬕᬶᬫᬭᬾᬭᬾᬦ᭄ᬤᬶᬭᬶᬓᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬦᬸᬭᬸᬢ᭄ᬋᬓᭀ᭞ᬮᬄᬫᬓ᭄ᬤᬵᬮ᭄ᬓᬾᬓᬵᬓᬵᬤᬶᬢᬸ᭞ᬲᬕᬾᬢ᭄ᬓᬢᭀᬦ᭄ᬚᭂᬭᭀᬦ᭄ᬤᬾᬯᬵ᭞ᬚᬸᬚᬸᬃᬫᬗ᭄ᬓᬶᬦ᭄᭞ᬫᬮᬶᬗ᭄ᬕᬶᬄᬢ᭄ᬬᬄ [᭙ 9A] ᬳᬚᬓ᭄ᬤᬤ᭄ᬯ᭟ᬓᬲ᭄ᬯᬾᬦ᭄ᬤᬶᬢᬸᬫᬭᬃᬬ᭄ᬬᬦ᭄᭞ᬫᬧ᭄ᬭᬬᬫᬗ᭄ᬓᬶᬦ᭄ᬫᬫᬃᬕ᭄ᬕᬶ᭞ᬲᬕᬾᬢ᭄ᬳᬸᬚᬦᬾᬫᬗ᭄ᬕᭂᬳᭀᬄ᭞ᬓᬢ᭄ᬓᬦ᭄ᬕᭂᬦ᭄ᬢᬸᬳᬾᬳᬕᬸᬂ᭞ᬲᬕᬾᬢ᭄ᬳᬤᬳᬦᬓ᭄ᬢᭂᬓᬵ᭞ᬢ᭄ᬯᬄᬳᬤᬶᬳᬶ᭞ᬫᭀᬯ᭄ᬯᬦᬶᬫᬕᬸᬶᬦ᭄ᬕᭂᬦ᭄ᬲᬳᬂ᭟ᬧᬓ᭄ᬱᬦᬾᬓᬂ᭞ᬳ᭞ᬳᬭᬬ᭄ᬬ᭠ ᬦ᭄᭞ᬲᬕᬾᬢ᭄ᬓᬢᭀᬦ᭄ᬳᬦᬓ᭄ᬧ᭄ᬓᬶᬓ᭄᭞ᬦᬾᬳᬯᬸᬓᬸᬤ᭄ᬮᬶᬯᬢ᭄ᬩᭀᬘᭀᬓ᭄᭞ᬯᭀᬂᬧᬸᬦᬧᬶᬕᬸᬲ᭄ᬢᬶᬩᬕᬸᬲ᭄᭞ᬤᬸᬄᬦᬶᬭᬬᬾᬦ᭄ᬯᭀᬂᬓᭀᬭᬶᬧᬦ᭄᭞ᬦᬶᬭᬧᬮᬶᬂ᭞ᬦᬶᬭᬳᬶᬩᬕᬸᬲᬸᬫ᭄ᬩᬭᬵ᭟ᬧᬸᬦᬶᬓᬵᬢᬾᬲᬧᬲᬶᬭ᭞ᬩᬕᬸᬲᬸᬫ᭄ᬩ ᬭᬵᬜᬯᬸᬭᬶᬦ᭄᭞ᬳᭂᬦ᭄ᬢᭀᬓᬓᬦᬶᬭᬋᬓᭀ᭞ᬦᬾᬫᬢᬓᭀᬦ᭄ᬓᭂᬜᬸᬲ᭄ᬓᭂᬓᬸᬶᬜᬸᬲ᭄᭞ᬬᬾᬦ᭄ᬢᬶᬫ᭄ᬩᬂ᭠ᬓᬮᬶᬯᬢ᭄ᬘᬸᬯᬢ᭄᭞ᬧᬦ᭄ᬢᭂᬲ᭄ᬳᬸᬯᬶᬮ᭄᭞ᬫᬶᬭᬶᬩ᭄ᬢᭀᬜᬲᬸᬩᬢᬸᬯᬵ᭟ᬩ᭄ᬭᬳ᭄ᬫᬵᬧᬸᬦ᭄ᬱ᭄ᬫᬃᬳᬗᬸᬘᬧ᭄᭞ᬮ᭄ᬬᬧ᭄‌ᬮ᭄ᬬᭂ ᬧ᭄ᬤᭂᬮᬓ᭄ᬤᭂᬮᬶᬓ᭄᭞ᬫᬳᬶᬢᬾᬤᬶᬦᬶᬫᬗ᭄ᬭᬯᭀᬲ᭄᭞ᬲᬶᬜᬫᬫᬦ᭄ᬤᬶᬢᬸᬧᬢᬸᬄ᭞ᬫᬓᬵᬤᬤ᭄ᬯᬩᬸᬓᬵᬦᬶᬭ᭞ᬍᬗᬃᬘᭂᬧᬶᬢ᭄᭞ᬩᬸᬩᬸᬢ᭄‌ᬩᭀᬜ᭄ᬚᭀᬃᬓᬸᬧᬶᬂᬫᬘᬦ᭄᭟ᬲ᭄ᬫᬸᬫᬭᬲ᭄ᬦᬾᬦᬓᭀᬦᬂ᭞ᬫᬜ

Auto-transliteration

[8 8B] 8 [strike/]9[/strike] sanenañjenintogog, rarisparidahar̀ditu, sampunwusanmahajĕngan, mangwadakin, lantasmalinggiḥsar̥ĕngan. tanlalisngalahinluwas, jmaktogogetur̀habin, pasihin'guyuwinr̥ĕko , tankocapolahĕditu, ringbalimaliḥkocapa, radenmantri, ringkuripankawuwusan. danelwasmangl̥ĕlaṇnā, punsmar̀tangsaḥmangiring, satibaparaner̥ĕko, liwat'halasliwatgunung, tananāhama nggiḥdeśā, l̥ĕmaḥwngi, tanpaturutanpanĕddhā. kasuwenbahanbunngumbarā, wentĕnsampunpitungśaśiḥ, hanusuprīngngalasr̥ĕko, hanutjurungturanpangkung, punṣmar̀sawangkangelan, mangulimid, sĕ ringmanagiḥrerenāng. padal̥ĕmpañjakehodaḥ, mar̀ggimarerendiriki, radenmantrinurutr̥ĕko, laḥmakdālkekākāditu, sagetkatonjĕrondewā, jujur̀mangkin, malinggiḥtyaḥ [9 9A] hajakdadwa. kaswenditumarar̀yyan, maprayamangkinmamar̀ggi, saget'hujanemanggĕhoḥ, katkan'gĕntuhehagung, saget'hadahanaktĕkā, twaḥhadihi, mowwanimaguin'gĕnsahang. pakṣanekang, ha, harayya‐ n, sagetkatonhanakpkik, nehawukudliwatbocok, wongpunapigustibagus, duḥnirayenwongkoripan, nirapaling, nirahibagusumbarā. punikātesapasira, bagusumba rāñawurin, hĕntokakanirar̥ĕko, nematakonkĕñuskĕkuiñus, yentimbang‐kaliwatcuwat, pantĕshuwil, miribtoñasubatuwā. brahmāpunṣmar̀hangucap, lyaplyĕ pdĕlakdĕlik, mahitedinimangrawos, siñamamanditupatuḥ, makādadwabukānira, l̥ĕngar̀cĕpit, bubutboñjor̀kupingmacan. smumarasnenakonang, maña

Leaf 9

Image on Archive.org

[᭙ 9B] ᭙ ᬭᬾᬭᬾᬓᬶᬭᬶᬕ᭄ᬓᬶᬭᬶᬕ᭄᭞ᬫᬦ᭄ᬤᬸᬕᬫᬯᬸᬚᬦ᭄ᬋᬓᭀ᭞ᬫᬦ᭄ᬤᬵᬫᬓ᭄ᬱᬳᬗᬾᬳᬶᬚᬸ᭞ᬧᬮ᭄ᬬᬢᬾᬲᬸᬩᬵᬋᬗᬲ᭄᭞ᬮᬶᬯᬢ᭄ᬭᬶᬫ᭄ᬭᬶᬫ᭄᭞ᬫᬸᬜᬶᬦ᭄ᬳᬶᬲ᭄ᬫᬭᬾᬩᬗ᭄ᬕ᭄ᬭᬲ᭄᭟ᬦᬾᬗᬩᬲᬳᬗᬾᬋᬗᬲ᭄᭞ᬢ᭄ᬯᬭᬫᬦᭀᬮᬶᬄᬓ ᬳᬸᬭᬶ᭞ᬧᬢᬶᬓ᭄ᬧᬸᬕ᭄ᬧᬢᬶᬧᭀᬳᭀᬓ᭄᭞ᬲᬳᬗᬾᬳᭂᬗ᭄ᬲᬸᬢᬶᬦ᭄ᬳᬫ᭄ᬩᬸᬂ᭞ᬳᬫ᭄ᬧᬶᬕᬂᬮᬯᬸᬢ᭄ᬫᬦᭂᬫᬄ᭞ᬢ᭄ᬓᭂᬤ᭄ᬚᬦᬶ᭞ᬤᬶᬩᬜ᭄ᬘᬶᬗᬄᬫᬗ᭄ᬕᭂᬄᬕᭂᬳᬂ᭟ᬲ᭄ᬤᭂᬓ᭄ᬢᬶᬦᬗ᭄ᬓᬶᬮ᭄ᬲᬂᬦᬵᬣ᭞ᬧᬶᬦᬋᬓ᭄ᬤᬾᬦᬶᬂᬧ᭄ᬭᬫᬦ᭄ᬢ᭄ᬭᬶ᭞ᬫᬗ᭄ᬭᬯᭀᬲᬶᬦ᭄ᬥᬲᬂᬓᬢᭀᬂ ᭞ᬭᬶᬂᬤᭂᬳᬵᬧᬸᬢ᭄ᬭᬦᬾᬳᬬᬸ᭞ᬓᬬᬸᬦ᭄ᬤᬦᬾᬢ᭄ᬯᬄᬫᬗ᭄ᬮᬫᬃ᭞ᬲᬶᬭᬧᬢᬶᬄ᭞ᬲᬫᬶᬚ᭄ᬭᬶᬄᬫᬜ᭄ᬚᬯᬸᬫᬦ᭄᭟ᬦᬾᬗᬩᬲᬳᬗᬾᬢ᭄ᬓᬵ᭞ᬚᬸᬫᬸᬚᭀᬕ᭄ᬮᬦ᭄ᬰ᭄ᬭᬶᬪᬹᬧᬢᬶ᭞ᬢᬸᬫᬸᬮᬶᬄᬫᬳᬢᬸᬃᬳᬮᭀᬦ᭄᭞ᬤᬸᬄᬤᬾᬯᬵᬭᬢᬸᬧᬸ ᬓᬸᬮᬸᬦ᭄᭞ᬢᬶᬢ᭄ᬬᬂᬫᬫᬗ᭄ᬕᬶᬳᬶᬦ᭄ᬳᬦᬓ᭄᭞ᬮᬶᬯᬢ᭄ᬧ᭄ᬓᬶᬓ᭄᭞ᬫᬯᬱ᭄ᬝᬵᬩᬕᬸᬲᬸᬫ᭄ᬩᬭᬵ᭟ᬭᬶᬂᬧᬦ᭄ᬢᬶᬮᭀᬃᬫᬳᬬᬸᬩᬦ᭄᭞ᬮᬶᬯᬢ᭄ᬩᭀᬘᭀᬓᬾᬳᬤᬶᬳᬶ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵᬳᬮᭀᬦ᭄᭞ᬓ᭄ᬫᬫᬮᬶᬧ᭄ᬢᬦ᭄ᬭᬸᬭᬸᬄ᭞ [᭑᭐ 10A] ᬧᬺᬫᬦ᭄ᬢ᭄ᬭᬶᬓ᭄ᬫᬫᬚᬮᬦ᭄᭞ᬫᬶᬯᬄᬧᬢᬶᬄ᭞ᬬᬾᬜᬵᬢᭀᬂᬗᬵᬔ᭄ᬬᬳᭂᬜᬓᬂ᭟ᬕᬾᬕᬾᬃᬧᬢᬶᬄᬫᬦ᭄ᬢ᭄ᬭᬶᬮᬸᬗ᭄ᬳᬵ᭞ᬫᬗ᭄ᬭᬸᬭᬸᬄᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬓᬢᬸᬢᭀᬦ᭄ᬱᬶᬭᬲᬂᬓᬢᭀᬂ᭞ᬫᬗ᭄ᬓᭀᬫᬗᬺᬋᬄᬯᭀᬂᬩᬕᬸᬲ᭄᭞ᬯᬸᬚᬦ᭄ᬩᬗᭂᬢ᭄ᬮᬄ ᬓᭀᬦᬦᬵ᭞ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬧᬤᬵᬳᬦᬸᬘᬸᬧ᭄ᬭᬶᬂᬳᬮᬲ᭄᭟ᬢᬦ᭄ᬤᬸᬧ᭄ᬭᬧ᭄ᬢᬵᬭᬶᬂᬓᬬᬗᬦ᭄᭞ᬧᬤᬵᬚᬸᬫ᭄ᬭᭀᬚᭀᬕ᭄ᬳᬕ᭄ᬮᬶᬲ᭄᭞ᬓᬧᬗ᭄ᬕᬶᬄᬭᬤ᭄ᬬᬦ᭄ᬧᬚᭀᬗ᭄ᬓᭀᬓ᭄᭞ᬢ᭄ᬯᬶᬩᬕᬸᬲ᭄ᬦᬾᬳᬯᬸᬓᬸᬤ᭄᭞ᬤᬾᬳᬯᬸᬓᬸᬤ᭄ᬮᬶᬯᬢ᭄ᬳᬮᬵ᭞ ᬳᬤᬸᬄᬘᬳᬶ᭞ᬩ᭄ᬮᬶᬢᬸᬢᬸᬲᬦ᭄ᬲᬂᬦᬵᬣ᭟ᬮᬫᬸᬦ᭄‌ᬘᬳᬶᬚᬦᬶᬲᬸᬓᬵ᭞ᬧᬗᬦ᭄ᬤᬶᬓᬵᬦ᭄ᬰ᭄ᬭᬶᬪᬹᬧᬢᬶ᭞ᬚᬮᬦ᭄ᬓᬩᬜ᭄ᬘᬶᬗᬄᬋᬓᭀ᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬲᬂᬧ᭄ᬭᬪᬸ᭞ᬳᬸᬚᬦᬾᬲᬕᬾᬢᬦ᭄ᬢᭂᬭᬂ᭞ᬮᬄᬤᭀᬂᬫᬃᬕ᭄ᬕᬶ᭞ᬚᬦᬶᬲᬋᬂ ᬓᬩᬜ᭄ᬘᬶᬗᬄ᭟ᬲᬕ᭄ᬭᬳᬦ᭄ᬭᬭᬶᬲ᭄ᬫᬫᬃᬕ᭄ᬕᬵ᭞ᬢᬦ᭄ᬓᭀᬘᬧᬜᬭᬶᬂᬫᬃᬕ᭄ᬕᬶ᭞ᬧ᭄ᬭᬧ᭄ᬢᬵᬭᬶᬂᬩᬜ᭄ᬘᬶᬗᬄᬋᬓᭀ᭞ᬚᬸᬫᭀᬚᭀᬕ᭄ᬮᬯᬦ᭄ᬲᬂᬧ᭄ᬭᬪᬸ᭞ᬲᬂᬧ᭄ᬭᬪᬸᬕᬯᭀᬓ᭄ᬦᭀᬦ᭄ᬢᭀᬦᬂ᭞ᬦᬾᬦᬾᬚᬦᬶ᭞ᬲᬬᬦ᭄ᬚᭂᬚᭂᬮ᭄ᬤᬶ

Auto-transliteration

[9 9B] 9 rerekirigkirig, mandugamawujanr̥ĕko, mandāmakṣahangehiju, palyatesubār̥ĕngas, liwatrimrim, muñinhismarebanggras. nengabasahanger̥ĕngas, twaramanoliḥka huri, patikpugpatipohok, sahangehĕngsutinhambung, hampiganglawutmanĕmaḥ, tkĕdjani, dibañcingaḥmanggĕḥgĕhang. sdĕktinangkilsangnātha, pinar̥ĕkdeningpramantri, mangrawosindhasangkatong , ringdĕhāputranehayu, kayundanetwaḥmanglamar̀, sirapatiḥ, samijriḥmañjawuman. nengabasahangetkā, jumujoglanśribhūpati, tumuliḥmahatur̀halon, duḥdewāratupu kulun, tityangmamanggihinhanak, liwatpkik, mawaṣṭābagusumbarā. ringpantilor̀mahayuban, liwatbocokehadihi, sangprabhūngandikāhalon, kmamaliptanruruḥ, [10 10A] pr̥ĕmantrikmamajalan, miwaḥpatiḥ, yeñātongngākhyahĕñakang. geger̀patiḥmantrilunghā, mangruruḥrahadenmantri, katutonsyirasangkatong, mangkomangr̥ĕr̥ĕḥwongbagus, wujanbangĕtlaḥ konanā, sampunmangkin, padāhanucupringhalas. tandupraptāringkayangan, padājumrojog'haglis, kapanggiḥradyanpajongkok, twibagusnehawukud, dehawukudliwat'halā, haduḥcahi, blitutusansangnātha. lamuncahijanisukā, pangandikānśribhūpati, jalankabañcingaḥr̥ĕko, hinggiḥsandikansangprabhu, hujanesagetantĕrang, laḥdongmar̀ggi, janisar̥ĕng kabañcingaḥ. sagrahanrarismamar̀ggā, tankocapañaringmar̀ggi, praptāringbañcingaḥr̥ĕko, jumojoglawansangprabhu, sangprabhugawoknontonang, nenejani, sayanjĕjĕldi

Leaf 10

Image on Archive.org

[᭑᭐ 10B] ᭑᭐ ᬩᬜ᭄ᬘᬶᬗᬄ᭟ᬳᬾᬕᬃᬓᬬᬸᬦᬾᬲᬂᬦᬵᬣ᭞ᬓᬧᬾᬗᬶᬦ᭄ᬢᬸᬫᭀᬦ᭄ᬯᭀᬂᬧ᭄ᬓᬶᬓ᭄᭞ᬫᬶᬚᬶᬮ᭄ᬯᬘᬦᬦᬾᬳᬮᭀᬦ᭄᭞ᬫ᭄ᬦᬾᬓᬦ᭄‌ᬘᬳᬶᬫᬮᬸᬗ᭄ᬕᬸᬄ᭞ᬤᬶᬦᬶᬘᬳᬶᬫᬲᬋᬗᬦ᭄᭞ᬢ᭄ᬓᬾᬦ᭄ᬩᭂᬮᬶ᭞ᬗᬸᬤᬵᬢᭀᬘᬳᬶᬩ᭄ᬢᬾᬦᬦ᭄᭟ᬩᬕᬸ ᬲᬸᬫ᭄ᬩᬭᬫᬫᬶᬦ᭄ᬤᬄ᭞ᬩᬗ᭄ᬕᬬᬂᬢᬶᬢ᭄ᬬᬂᬳᬶᬭᬶᬓᬶ᭞ᬳᬕ᭄ᬮᬶᬲ᭄ᬢᬸᬫᬸᬭᬸᬦ᭄ᬲᬂᬓᬢᭀᬂ᭞ᬩ᭄ᬢᬾᬦᬦ᭄ᬲᬋᬂᬫᬮᬸᬗ᭄ᬕᬸᬄ᭞ᬩᬸᬩᬃᬢᬶᬳᬾᬢᬸᬳᬸᬦᬦ᭄᭞ᬰ᭄ᬭᬶᬪᬸᬧᬢᬶ᭞ᬗᬦ᭄ᬤᬶᬓᬵᬘᬳᬶᬯᭀᬂᬗᬧᬵ᭟ᬕᬸᬭᬸᬦ᭄‌ᬘᬳᬶᬲᬧᬵᬲᬶᬭᬵ᭞ᬩ᭄ᬬᬦᬵᬓᭀ ᬬᬾᬦ᭄ᬫᬫᬦ᭄ᬳᬸᬦᬶᬂ᭞ᬫᬦᬯᬶᬳᬦᬓ᭄ᬲᬂᬓᬢᭀᬂ᭞ᬳᬧᬂᬤᬦᭂᬦ᭄ᬲᬮᬄᬳᬸᬦ᭄ᬤᬸᬓ᭄᭞ᬓ᭄ᬦᭂᬘᬳᬶᬫᬫᬚᬭᬂ᭞ᬢ᭄ᬓᬾᬦ᭄ᬩᭂᬮᬶ᭞ᬤᬾᬦᬶᬂᬩ᭄ᬮᬶᬓᬢᬦ᭄ᬤ᭄ᬭᬸᬳᬦ᭄᭟ᬩᬕᬸᬲᬸᬫ᭄ᬩᬭᬳᬗᬸᬘᬧ᭄᭞ᬢᬶᬢ᭄ᬬᬂᬳᬦ᭄ᬫᬵᬓᬲᬶᬳᬰᬶᬄ᭞ᬢᬶᬢ᭄ᬬᬂᬫᬗᬸᬫ᭄ᬩᬭᬵᬋᬓᭀ ᭞ᬓ᭄ᬮᬶᬄᬢᬶᬢ᭄ᬬᬂᬲ᭄ᬓᬢ᭄ᬮᬫ᭄ᬧᬸᬲ᭄᭞ᬢᬦᬶᬦᬯᬂᬫᬾᬫᬾᬩᬧᬵ᭞ᬳᬤᬸᬄᬘᬳᬶ᭞ᬤᬶᬦᬶᬧᬾᬢ᭄ᬩᬋᬂᬫᬜᬫᬵ᭟ᬳᬶ᭠ᬗ᭄ᬕᬶᬄᬲᬦ᭄ᬤᬶᬓᬵᬦ᭄ᬳᬶᬤᬾᬯ᭄ᬯᬵ᭞ᬢᬶᬢ᭄ᬬᬂᬫᬦᬸᬦᬲ᭄ᬫᬗᬶᬭᬶᬂ᭞ᬮᬶᬯᬢ᭄ᬲᬸᬓᬦᬾᬲᬂᬓᬢᭀᬂ᭞ᬢᬸᬫᭀᬦ᭄ᬩᬦ᭄ᬭᬸᬧᬦᬾᬩᬕᬸᬲ᭄᭞ [᭑᭑ 11A] ᬳᭂᬦ᭄ᬢᭀᬳᭂᬜᬾᬦ᭄ᬤᬸᬶᬦ᭄ᬦᬾᬤᬶᬳᬶᬬᬦ᭄᭞ᬳᬚᬓ᭄ᬘᬳᬶ᭞ᬳᬶᬗ᭄ᬕᬶᬄᬦᬶᬓᬵᬜᬫᬦ᭄ᬢᬶᬢ᭄ᬬᬂ᭟ᬲᬂᬧ᭄ᬭᬪᬹᬓ᭄ᬜᬸᬂᬗ᭄ᬮᬾᬦᬂ᭞ᬧᬢᬶᬄᬫᬦ᭄ᬢ᭄ᬭᬶᬧᬤᬵᬓ᭄ᬜᬶᬂ᭞ᬜᬭᬸᬯᬂᬧᬤᬵᬫᬫᬾᬗᭀᬲ᭄᭞ᬲᬂᬧ᭄ᬭᬪᬸᬳᬤᬦᬵᬲ᭄ᬓᬸᬮ᭄᭞ᬕᬸᬮᬫ᭄ᬮᬯᬦ᭄ᬲᬚᭂᬂᬓᬶᬮᬂ᭞ᬲᬫ᭄ᬧᬸᬦ᭄ᬫ ᬗ᭄ᬓᬶᬦ᭄᭞ᬲᬫᬶᬯᬸᬲ᭄ᬧᬤᬵᬳᬦᬥᬄ᭟ᬮᬶᬯᬢ᭄ᬲᬸᬓᬦᬾᬲᬂᬦᬵᬣ᭞ᬫᬦᬸᬤᬸᬓ᭄ᬚᬦ᭄ᬫᬵᬓᬵᬓᬮᬶᬄ᭞ᬩᬕᬸᬲ᭄ᬢᬸᬃᬧ᭄ᬭᬢᬫᬾᬂᬭᬯᭀᬲ᭄᭞ᬲᬫ᭄ᬧᬸᬦ᭄ᬲᬸᬯᬾᬭᬶᬂᬫᬢᬯᬸᬦ᭄᭞ᬗᬯᬸᬮᬵᬢ᭄ᬓᬾᬦ᭄ᬲᬂᬦᬵᬣ᭞ᬮᬸᬫ᭄ᬭᬄᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬳᬦ᭄ᬤᬸᬤᬸᬓ᭄ᬚᬦ᭄ᬫᬵ᭟ ᬭᬢᬸᬫᬢᬯᬸᬦ᭄ᬗᬦ᭄ᬤᬶᬓ᭞ᬬᬦ᭄ᬘᬳᬶᬲᬸᬓᬦᬾᬚᬦᬶ᭞ᬩ᭄ᬮᬶᬗᬸᬢᬸᬲ᭄ᬘᬳᬶᬋᬓᭀ᭞ᬫᬗ᭄ᬮᬫᬃᬳᭀᬓᬦ᭄ᬲᬂᬭᬢᬸ᭞ᬭᬳᬤᬾᬦ᭄ᬕᬮᬸᬄᬭᬶᬂᬤᭂᬳᬵ᭞ᬧᬢᬶᬄᬫᬦ᭄ᬢ᭄ᬭᬶ᭞ᬲᬫᬶᬚ᭄ᬭᬶᬄᬫᬜ᭄ᬚᬯᬸᬫᬦ᭄᭟ᬧᬸᬦᬶᬓᬵᬩ᭄ᬮᬶᬗᬋᬧᬂ᭞ᬩᬶᬮᬶᬄᬳᬶᬘᬵᬰ᭄ᬭᬶᬪᬸᬧ ᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬳᬮᭀᬦ᭄᭞ᬲᬦ᭄ᬤᬶᬓᬵᬦ᭄ᬳᬶᬤᬵᬲᬂᬧ᭄ᬭᬪᬹ᭞ᬩ᭄ᬯᬶᬦ᭄ᬧᬶᬤᬦ᭄ᬢᬶᬢ᭄ᬬᬂᬫᬚᬮᬦ᭄᭞ᬦᬾᬦᬾᬫᬦᬶ᭞ᬫ᭄ᬮᬄᬳᬫ᭄ᬩᬄᬘᬳᬶᬮᬸᬯᬲ᭄᭟ᬓᭀᬘᬧ᭄ᬤᬾᬯᬰᬦᬾᬫ᭄ᬮᬄ᭞ᬧᬯᬭᬗᬦ᭄ᬋᬓᭀᬫᬶᬦᬄ᭞ᬓᭀ

Auto-transliteration

[10 10B] 10 bañcingaḥ. hegar̀kayunesangnātha, kapengintumonwongpkik, mijilwacananehalon, mnekancahimalungguḥ, dinicahimasar̥ĕngan, tkenbĕli, ngudātocahibtenan. bagu sumbaramamindaḥ, banggayangtityanghiriki, haglistumurunsangkatong, btenansar̥ĕngmalungguḥ, bubar̀tihetuhunan, śribhupati, ngandikācahiwongngapā. guruncahisapāsirā, byanāko yenmamanhuning, manawihanaksangkatong, hapangdanĕnsalaḥhunduk, knĕcahimamajarang, tkenbĕli, deningblikatandruhan. bagusumbarahangucap, tityanghanmākasihaśiḥ, tityangmangumbarār̥ĕko , kliḥtityangskatlampus, taninawangmemebapā, haduḥcahi, dinipetbar̥ĕngmañamā. hi‐nggiḥsandikānhidewwā, tityangmanunasmangiring, liwatsukanesangkatong, tumonbanrupanebagus, [11 11A] hĕntohĕñenduinnedihiyan, hajakcahi, hinggiḥnikāñamantityang. sangprabhūkñungnglenang, patiḥmantripadākñing, ñaruwangpadāmamengos, sangprabhuhadanāskul, gulamlawansajĕngkilang, sampunma ngkin, samiwuspadāhanadhaḥ. liwatsukanesangnātha, manudukjanmākākaliḥ, bagustur̀pratamengrawos, sampunsuweringmatawun, ngawulātkensangnātha, lumraḥmangkin, sangprabhuhandudukjanmā. ratumatawunngandika, yancahisukanejani, blingutuscahir̥ĕko, manglamar̀hokansangratu, rahaden'galuḥringdĕhā, patiḥmantri, samijriḥmañjawuman. punikāblingar̥ĕpang, biliḥhicāśribhupa ti, radenmantrisawur̀halon, sandikānhidāsangprabhū, bwinpidantityangmajalan, nenemani, mlaḥhambaḥcahiluwas. kocapdewaśanemlaḥ, pawaranganr̥ĕkominaḥ, ko

Leaf 11

Image on Archive.org

[᭑᭑ 11B] ᭑᭑ ᬘᬦ᭄ᬤᬶᬰᬵᬲ᭄ᬢ᭄ᬭᬦᭂᬓᬾᬦ᭄ᬢᭀ᭞ᬳᭂᬦ᭄ᬢᭀᬢ᭄ᬯᬄᬤᬶᬦᬦᬾᬮᬸᬳᬸᬂ᭞ᬢᬸᬃᬗᬩᭂᬋᬚᬧᬦᭀᬫᬄ᭞ᬭᬢ᭄ᬦᬳᬤᬶ᭞ᬳᬮᬶᬳᬮᬶᬢᬮᬶᬦ᭄ᬩᬗ᭄ᬓ᭄ᬬᬂ᭟ᬳ᭄ᬫᬲ᭄ᬮ[strike]ᬯᬦ᭄ᬕᭂᬮᬂᬓᬡᬵ᭞ᬮᬯᬦ᭄ᬢᬧᬶᬄᬲᬢ᭄ᬭᬶᬚᬢᬶ᭞ᬫᬶᬯᬄᬯᬲ᭄ᬢ᭄ᬭᬵᬮᬶᬫᬃᬳᬶᬚᭀ᭞ᬕ᭄ᬦᭂᬧ᭄ᬲᬧᬗ ᬗ᭄ᬕᭀᬦ᭄ᬕᬮᬸᬄ᭞ᬲᬸᬯᭂᬂᬫᬲ᭄ᬘᬸᬭᬶᬕ᭄ᬕᬵᬩᭂᬦ᭄ᬢᬃ᭞ᬳᬦ᭄ᬢᭂᬂᬕ᭄ᬭᬶᬗ᭄ᬲᬶᬂ᭞ᬲ᭄ᬓᬃᬳ᭄ᬫᬲᬲᭂᬫ᭄ᬩᬭᬦ᭄᭟ᬦᭂᬂᬗᬓ᭄ᬦᬵᬧᭀᬮᬄᬳᬶᬗ᭄ᬯᬂ᭞ᬓᬯᬸᬯᬸᬲᭂᬦ᭄‌ᬳᭀᬯᬸᬦᬂᬳᬾᬜ᭄ᬚᬶᬂ᭞ᬧᬘᬤᬵᬂᬧᬦᭀᬫᬄᬋᬓᭀ᭞ᬲᬧ᭄ᬭᬢᬾᬓᬦ᭄ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬗᬦ᭄ᬢᭀᬲ᭄ᬓᬭᬶᬳ ᬜᬸᬭᬢ᭄᭞ᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬳᬶᬗᬸᬍᬲᬦ᭄ᬮᬸᬗ᭄ᬲᬶᬃᬚ᭄ᬦᬃ᭟ᬭᬢᬸᬫᬢᬯᬸᬦ᭄ᬗᬦ᭄ᬤᬶᬓᬵ᭞ᬩᬕᬸᬲ᭄ᬫᬫᬃᬕ᭄ᬕᬶᬦᬾᬫᬗ᭄ᬓᬶᬦ᭄᭞ᬳᬫᬂᬧᬺᬢᬶᬮ᭄ᬜᬵᬤᬶᬚ᭄ᬭᭀ᭞ᬫᬢᬸᬃᬭᬶᬂᬳᬶᬤᬵᬲᬂᬧ᭄ᬭᬪᬹ᭞ᬲᬦ᭄ᬤᬶᬓᬵᬦ᭄ᬳᬶᬤᬵᬲᬂᬦᬣ᭞ᬢᬶᬢ᭄ᬬᬂᬧᬫᬶᬢ᭄᭞ᬧᬸᬦ᭄ᬱ᭄ᬫᬃᬢ ᬗ᭄ᬲᬄᬗᬶᬭᬶᬗ᭄ᬳᬂ᭟ᬲᬂᬦᬵᬣᬳᬦᬸᬢᬶᬦᬶᬗ᭄ᬳᬮ᭄᭞ᬕᬯᭀᬓ᭄ᬯᭀᬂᬫᬢᬧᬸᬦ᭄ᬲᬫᬶ᭞ᬲᬬᬂᬫᬜ᭄ᬚᬯᬸᬫᬦ᭄ᬓᭀᬦ᭄ᬓᭀᬦ᭄᭞ᬳᬗ᭄ᬕᬯᬵᬲᬸᬭᬢ᭄ᬧ[strike]ᬧᬸᬘᬸᬓ᭄᭞ᬲ᭄ᬯᬮᬵᬧᬢ᭄ᬭᬳᬶᬗᬸᬍᬲᬦ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬫᬗ᭄ᬓᬶᬦ᭄ᬭᬶᬂᬦᬕᬭᬾᬂ [᭑᭒ 12A] ᬤᭂᬳᬵ᭟ᬲ᭄ᬤᭂᬓ᭄ᬱᬂᬭᬢᬸᬭᬶᬂᬚᬡᬵ᭞ᬢᬦ᭄ᬤᬸᬭᬤᬾᬦ᭄ᬫᬦ᭄ᬢ᭄ᬭᬶᬧ᭄ᬭᬧ᭄ᬢᬶ᭞ᬚᬸᬫᭀᬚᭀᬕ᭄ᬧᬋᬓ᭄ᬱᬂᬓᬢᭀᬂ᭞ᬓᬕ᭄ᬬᬢ᭄ᬲᬂᬧ᭄ᬭᬪᬹᬳᬦ᭄ᬤᬸᬮᬸ᭞ᬗᬦ᭄ᬤᬶᬓᬵᬘᬳᬶᬯᭀᬗᬧᬵ᭞ᬢᬸᬫ᭄ᬩᬾᬦ᭄ᬫᬳᬶ᭞ᬤᬶᬚᬵᬳᬵᬘᬳᬶᬫᬤᬾᬰ᭟ᬩᬕᬸᬲᬸᬫ᭄ᬩᬭᬳᬦᭂᬫ᭄ᬩᬄ᭞ ᬢᬶᬢ᭄ᬬᬂᬯᭀᬂᬫᬢᬯᬸᬦ᭄ᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬳᬸᬢᬸᬲᬦ᭄ᬲᬂᬓᬢᭀᬦ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭᬭᬶᬂᬫᬢᬯᬸᬦ᭄᭞ᬗᬢᬸᬭᬂᬭᬚᬧᬦᭀᬫᬄ᭞ᬫᬶᬯᬄᬳᬶᬓᬶ᭞ᬲᬾᬯᬮᬵᬧᬢ᭄ᬭᬧᬸᬦᬶᬓᬵ᭟ᬢᬶᬦᬗ᭄ᬕᬧᬦ᭄ᬤᬾᬦ᭄ᬲᬂᬦᬵᬣ᭞ᬧᬸᬧᬸᬘᬸᬓ᭄ᬳᬬᬫ᭄ᬫᬭᬾ ᬓᬶ᭞ᬳᬶᬗᬸᬍᬲᬦ᭄ᬮᬸᬗ᭄ᬲᬶᬃᬓᬯᭀᬢ᭄᭞ᬫᬗᬸᬭᬶᬧᬦᬘᬦᬶᬗ᭄ᬲᬸᬦ᭄᭞ᬯᬸᬄᬦᬶᬦᬶᬲᬾᬯᬮᬵᬧᬢ᭄ᬭᬵ᭞ᬲᬸᬢ᭄ᬭᬵᬯᬶᬢ᭄ᬦᬶᬂ᭞ᬧᬸᬧᬸᬧᬸᬧᬸᬦᭂᬦ᭄ᬧᬗᬾᬭᬦ᭄᭟ᬢᬶᬢ᭄ᬬᬂᬳᬦᬤᬓ᭄ᬱᬂᬦᬵᬣ᭞ᬮᬦᬶᬭᬾᬂᬗᬕᬸᬂᬗᬯᬶᬢᬶᬦ᭄᭞ᬤᬸᬭᬸ ᬲ᭄ᬳᬶᬘᬦᬾᬲᬂᬓᬢᭀᬦ᭄᭞ᬫᬫᬜ᭄ᬚᬓᬂᬓᬫᬢᬯᬸᬦ᭄᭞ᬫᬢᬯᬸᬦ᭄ᬓᬾᬤ᭄ᬧᬂᬤᭂᬳᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬳᬶᬤᬾᬯᬫᬜ᭄ᬚᬓᬂᬢᬶᬢ᭄ᬬᬂ᭟ᬬᬾᬦ᭄ᬳᬶᬘᬳᬶᬤᬵᬲᬂᬦᬣᬵ᭞ᬓᬳᬶᬲ᭄ᬢ᭄ᬭᬶᬲᬸᬓᬵᬤ᭄ᬬᬄᬍᬯᬶᬄ᭞ᬢᬶᬢ᭄ᬬᬂᬢ᭄ᬯᬄᬧᬘᬂ

Auto-transliteration

[11 11B] 11 candiśāstranĕkento, hĕntotwaḥdinaneluhung, tur̀ngabĕr̥ĕjapanomaḥ, ratnahadi, halihalitalinbangkyang. hmasla[strike]wan'gĕlangkaṇā, lawantapiḥsatrijati, miwaḥwastrālimar̀hijo, gnĕpsapanga nggon'galuḥ, suwĕngmascuriggābĕntar̀, hantĕnggringsing, skar̀hmasasĕmbaran. nĕngngaknāpolaḥhingwang, kawuwusĕnhowunangheñjing, pacadāngpanomaḥr̥ĕko, sapratekansampunpuput, hingantoskariha ñurat, puputmangkin, hingul̥ĕsanlungsir̀jnar̀. ratumatawunngandikā, bagusmamar̀gginemangkin, hamangpr̥ĕtilñādijro, matur̀ringhidāsangprabhū, sandikānhidāsangnatha, tityangpamit, punṣmar̀ta ngsaḥngiringhang. sangnāthahanutininghal, gawokwongmatapunsami, sayangmañjawumankonkon, hanggawāsuratpa[strike]pucuk, swalāpatrahingul̥ĕsan, sampunprapti, mangkinringnagareng [12 12A] dĕhā. sdĕkṣangraturingjaṇā, tanduradenmantriprapti, jumojogpar̥ĕkṣangkatong, kagyatsangprabhūhandulu, ngandikācahiwongapā, tumbenmahi, dijāhācahimadeśa. bagusumbarahanĕmbaḥ, tityangwongmatawunsinggiḥ, tityanghutusansangkaton, śrinarendraringmatawun, ngaturangrajapanomaḥ, miwaḥhiki, sewalāpatrapunikā. tinanggapandensangnātha, pupucuk'hayammare ki, hingul̥ĕsanlungsir̀kawot, manguripanacaningsun, wuḥninisewalāpatrā, sutrāwitning, pupupupunĕnpangeran. tityanghanadakṣangnātha, lanirengngagungngawitin, duru shicanesangkaton, mamañjakangkamatawun, matawunkedpangdĕhā, nenemangkin, hidewamañjakangtityang. yenhicahidāsangnathā, kahistrisukādyaḥl̥ĕwiḥ, tityangtwaḥpacang

Leaf 12

Image on Archive.org

[᭑᭒ 12B] ᭑᭒ ᬓᬭᬦ᭄᭞ᬤᬸᬭᬸᬲᬂᬳᬶᬘᬦᬾᬭᬢᬸ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬦ᭄ᬢᭂᬲ᭄ᬧᬶᬲᬦ᭄᭞ᬬᬾᬦ᭄ᬳᬲᬸᬗᬶᬦ᭄᭞ᬧ᭄ᬲᬸᬫᬗ᭄ᬲᬸᬮᬵᬧᬦᭀᬫᬄ᭟ᬲᬂᬦᬵᬣᬲ᭄ᬓᭂᬮᬶᬂᬫᬦᬄ᭞ᬲᬸᬯᬾᬳᬗ᭄ᬭᬱᬤᬶᬳᬢᬶ᭞ᬯ᭄ᬓᬲᬦ᭄ᬗᬦ᭄ᬤᬶᬓᬵᬳᬮᭀᬦ᭄᭞ᬤᬾᬦᬶᬂᬳᬓ ᬮᬫᬃᬫᬮᬸ᭞ᬫᬗ᭄ᬓᬶᬦ᭄ᬤᬦᬾᬲᬵᬫ᭄ᬧᬸᬦ᭄ᬳᬶᬮᬂ᭞ᬘᬳᬶᬫᬦ᭄ᬢ᭄ᬭᬶ᭞ᬓᬳᬸᬭᬶᬧᬦ᭄ᬫᬗ᭄ᬕᭂᬮᬳᬂ᭟ᬲᬶᬜᬢ᭄ᬓᬫᬦᬶᬧᭀᬯᬦ᭄᭞ᬓᬾᬦ᭄ᬓᬾᬦ᭄ᬩᬦ᭄ᬫᬫᬦ᭄ᬗ᭄ᬭᬲᬦᬶᬦ᭄᭞ᬳᬧᬜᬫᬶᬲᬜᬋᬓᭀ᭞ᬢᬸᬃᬤᬦᬾᬫᬗ᭄ᬮᬫᬃᬫᬮᬸ᭞ᬓᬾᬫ᭄ᬧᭂᬃᬫᬮᬸ᭞ᬓᬾᬫ᭄ᬧᭂᬃᬩᬦ᭄ᬫᬫᬦ᭄ᬫᬗ᭄ᬭᬱᬵ᭞ ᬦᬾᬦᬾᬚᬦᬶ᭞ᬓᬾᬢᭀᬧᬾᬢ᭄ᬘᬳᬶᬳᬢᬸᬭᬂ᭟ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬳᬶᬤᬾᬯ᭞ᬓᬦ᭄ᬢᬸᬦ᭄ᬧᬤᬸᬓᬵᬦᬺᬧᬢᬶ᭞ᬮᬶᬗᬶᬭᬲᬶᬭᬲᬂᬓᬢᭀᬂ᭞ᬮᬄᬫᬚᬮᬦ᭄ᬘᬳᬶᬫᬦ᭄ᬢᬸᬓ᭄᭞ᬲᬫ᭄ᬧᬸᬦᬶᬓᬵᬬᬾᬦᬢᬸᬭᬂ᭞ᬢᬸᬃᬫᬫᬃᬕ᭄ᬕᬶ ᭞ᬧ᭄ᬭᬧ᭄ᬢᬵᬢ᭄ᬧᬶᬦᬶᬂᬦᬵᬕᬭ᭟ᬧᬸᬦ᭄ᬲ᭄ᬫᬃᬫᬗᬧᬓᬧᬓ᭄᭞ᬳᬦ᭄ᬤᭂᬕᬂᬤᬾᬯᬫᬫᬃᬕ᭄ᬕᬶ᭞ᬗᬸᬤᬵᬚᬯᬸᬫᬂᬲᬂᬓᬢᭀᬂ᭞ᬳᬶᬤᬾᬯᬢ᭄ᬓᬵᬜᬓ᭄ᬢᬸᬬᬸᬄ᭞ᬳᬧᬦ᭄ᬢᬢᬕᭀᬦ᭄ᬳᬶᬤᬾᬯ᭞ᬭᬤᬾᬦ᭄ᬤᬾᬯᬶ᭞ᬢ᭄ᬓᬳᬦ᭠ [᭑᭓ 13A] ᬓ᭄ᬫᬫᬳᬦᬵᬂ᭟ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬤᬓᬾᬢᭀᬓᬓᬵᬫᬫᬸᬜᬶ᭞ᬳ᭄ᬤᬬᬵᬓᬸᬫᬦ᭄ᬤᬵᬮ᭄ᬋᬓᭀ᭞ᬫᬫᬶᬦᬳᬕᭂᬃᬭᬤᬾᬦ᭄ᬕᬮᬸᬄ᭞ᬫᬱᬵᬤᬦᬾᬫᬫ᭄ᬩᬳᬦᬂ᭞ᬫᬦᬶᬫᬦᬶ᭞ᬫᬲᬶᬄᬦᬶᬭᬫᬫᬳᬦᬂ᭟ᬧᬸᬦ᭄ᬲ᭄ᬫᬃᬳᬮᭀ ᬦᬗᬸᬘᬧ᭄᭞ᬮᬫᬸᬦ᭄ᬲᬫ᭄ᬧᬸᬦᬶᬓᬵᬫᬗ᭄ᬓᬶᬦ᭄᭞ᬓᬗ᭄ᬕᬾᬬᬸᬦᬶᬤᬾᬯᬋᬓᭀ᭞ᬲᬕᬾᬢ᭄ᬲᬂᬧ᭄ᬭᬪᬹᬫᬫᬸᬧᬸ᭞ᬢᬶᬢ᭄ᬬᬂᬜᬸᬭᬓᬶᬦ᭄ᬳᬶᬤᬾᬯ᭞ᬢᬦ᭄ᬤᬸᬧ᭄ᬭᬧ᭄ᬢᬶ᭞ᬫᬦ᭄ᬢᬸᬓᬬᬸᬦ᭄ᬤᬲᬂᬦᬵᬣ᭟ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬧᬗᬦ᭄ᬤᬶᬓ ᬦ᭄ᬰ᭄ᬭᬶᬪᬸᬧᬢᬶ᭞ᬫᬦ᭄ᬢ᭄ᬭᬶᬓᬯᬸᬭᬶᬧᬦ᭄ᬋᬓᭀ᭞ᬲᬫ᭄ᬧᬸᬦ᭄ᬫᬗ᭄ᬮᬫᬃᬢ᭄ᬯᬦ᭄ᬕᬮᬸᬄ᭞ᬦᬗ᭄ᬳᬶᬂᬤᬦᬾᬓᭀᬘᬧ᭄ᬳᬶᬮᬂ᭞ᬲᬶᬜᬦᬯᬶ᭞ᬩᬾᬜ᭄ᬚᬂᬧᭀᬯᬦ᭄ᬤᬦᬾᬢ᭄ᬓᬵ᭟ᬧᬸᬦᬶᬓᬵᬚᭂᬭᬶᬳᬶᬦ᭄ᬳᬶᬤᬵ᭞ᬳᭀᬓᬵᬤᬶᬲ᭄ᬢᭀᬶᬦᬸᬶᬲᬫ᭄ᬢᭀᬦ᭄ᬚᬢᬶ ᬭᬢᬸᬫᬢᬯᬸᬦ᭄ᬮᬶᬦ᭄ᬬᬮᭀᬦ᭄᭞ᬬᬾᬜᭂᬢ᭄ᬓᬵᬫᬫᬦ᭄ᬯᬸᬭᬸᬂ᭞ᬓ᭄ᬫᬧᬾᬢ᭄ᬫᬮᬶᬄᬫᬢᬸᬮᬓ᭄᭞ᬬᬾᬜᭂᬢᬸᬲᬶᬂ᭞ᬢ᭄ᬓᬳᬳᬳᬧᬂᬤᬦᬾᬳᬶᬘᬵ᭟ᬚᬦᬶᬚᭂᬘᬳᬶᬫᬚᬮᬦ᭄᭞ᬫᬢᬸᬃᬮᬯᬦ᭄ᬲ᭄ᬭᬶᬪᬸᬧᬢᬶ᭞ᬳᬢᬸᬭᬂᬚᭂᬩᬸᬓᬵᬓᬾᬦ᭄ᬢᭀ

Auto-transliteration

[12 12B] 12 karan, durusanghicaneratu, mangkintityangmantĕspisan, yenhasungin, psumangsulāpanomaḥ. sangnāthaskĕlingmanaḥ, suwehangraṣadihati, wkasanngandikāhalon, deninghaka lamar̀malu, mangkindanesāmpunhilang, cahimantri, kahuripanmanggĕlahang. siñatkamanipowan, kenkenbanmamanngrasanin, hapañamisañar̥ĕko, tur̀danemanglamar̀malu, kempĕr̀malu, kempĕr̀banmamanmangrasyā, nenejani, ketopetcahihaturang. hinggiḥsandikanhidewa, kantunpadukānr̥ĕpati, lingirasirasangkatong, laḥmajalancahimantuk, sampunikāyenaturang, tur̀mamar̀ggi , praptātpiningnāgara. punsmar̀mangapakapak, handĕgangdewamamar̀ggi, ngudājawumangsangkatong, hidewatkāñaktuyuḥ, hapantatagonhidewa, radendewi, tkahana‐ [13 13A] kmamahanāng. bagusumbarangandikā, daketokakāmamuñi, hdayākumandālr̥ĕko, maminahagĕr̀raden'galuḥ, masyādanemambahanang, manimani, masiḥniramamahanang. punsmar̀halo nangucap, lamunsampunikāmangkin, kanggeyunidewar̥ĕko, sagetsangprabhūmamupu, tityangñurakinhidewa, tanduprapti, mantukayundasangnātha. bagusumbarangandikā, pangandika nśribhupati, mantrikawuripanr̥ĕko, sampunmanglamar̀twan'galuḥ, nanghingdanekocap'hilang, siñanawi, beñjangpowandanetkā. punikājĕrihinhidā, hokādistoinuisamtonjati ratumatawunlinyalon, yeñĕtkāmamanwurung, kmapetmaliḥmatulak, yeñĕtusing, tkahahahapangdanehicā. janijĕcahimajalan, matur̀lawansribhupati, haturangjĕbukākento

Leaf 13

Image on Archive.org

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org

Leaf 80

Image on Archive.org

Leaf 81

Image on Archive.org

Leaf 82

Image on Archive.org

Leaf 83

Image on Archive.org

Leaf 84

Image on Archive.org

Leaf 85

Image on Archive.org

Leaf 86

Image on Archive.org

Leaf 87

Image on Archive.org

Leaf 88

Image on Archive.org

Leaf 89

Image on Archive.org

Leaf 90

Image on Archive.org

Leaf 91

Image on Archive.org

Leaf 92

Image on Archive.org

Leaf 93

Image on Archive.org

Leaf 94

Image on Archive.org

Leaf 95

Image on Archive.org

Leaf 96

Image on Archive.org

Leaf 97

Image on Archive.org

Leaf 98

Image on Archive.org

Leaf 99

Image on Archive.org

Leaf 100

Image on Archive.org