Gaguritan Prabu Aji Dharma

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭚᭜᭚ᬧᬸᬄᬲᬶᬦᭀᬫ᭄᭚᭜᭚ᬲ᭄ᬫᭂᬂᬩᬯᬸᬳᭂᬦ᭄ᬤᬕ᭄ᬲᬹᬃᬬ᭄ᬬ᭞ᬜᬸᬮᬸᬳᬶᬜ᭄ᬚᬕᬢᬾᬲᬫᬶ᭞ᬫᬓ᭄ᬜᬃᬕᬮᬂᬫᬮᬶᬮᬂ᭞ᬤᬤᬶᬢᬸᬫ᭄ᬩᬸᬄᬇᬥᭂᬧ᭄ᬫᬭᬶᬓ᭄᭞ᬦᬤ᭄ᬬᬂᬫᬸᬜᬶ᭠ ᬩᬮᬶ᭞ᬧ᭄ᬘᬓᬫᬢᭂᬫ᭄ᬩᭂᬂᬤ᭄ᬫᬸᬂ᭞ᬓᭀᬘᬧ᭄ᬧ᭄ᬭᬪᬸᬫᬮᬵᬯ᭞ᬳᬕᬸᬗᬾᬳᬜᬓᬺᬯᬃᬢᬶ᭞ᬩᬚᬂᬩᬕᬸᬲ᭄᭞ᬗ᭄ᬮᬄᬧᬜ᭄ᬚᬓ᭄ᬤᬸᬯᬂᬬᬸᬢ᭟ᬗᬭᬦ᭄ᬧ᭄ᬭᬪᬸᬳᬚᬶᬥᬃᬫ᭄ᬫᬭᬶᬭᬶᬄᬧ᭄ᬭᬚ᭄ᬜ᭠ ᬦᬾᬢᬦ᭄ᬲᬶᬧᬶ᭞ᬤᬸᬮᬸᬭᬶᬦ᭄ᬓᬲᬶᬤ᭄ᬟ᭄ᬬᬵᬚ᭄ᬜᬦᬦ᭄᭞ᬭᬯ᭄ᬯᬶᬂᬧᬢᬶᬄᬳᬶᬤᬭᬶᬭᬶᬄ᭞ᬗᬭᬦ᭄ᬳᬶᬧᬢᬶᬄᬫᬤ᭄ᬭᬶ᭞ᬢᬍᬃᬜᬶᬤ᭄ᬟᬬᬂᬲᬮᬓᬸ᭞ᬲᬂᬧ᭄ᬭᬪᬸᬳᬚᬶᬥᬃᬫ᭄ᬫ᭞ᬦᬾᬫᬗ᭄ᬓᬶᬦ᭄ᬲᭂᬤᭂᬓᬢᬗ᭄ᬓᬶᬮ᭄᭞ ᬭᬶᬂᬫᬗᬸᬦ᭄ᬤᬸᬃ᭞ᬳᬦ᭄ᬢᬸᬓ᭄ᬧᬭᬫᬦ᭄ᬢ᭄ᬭᬶᬢᬦ᭄ᬤ᭟ᬳᬶᬧᬢᬶᬄᬫᬤ᭄ᬭᬶᬭᬶᬂᬳᬃᬲ᭞ᬤ᭄ᬫᬂᬓᬦᬸᬭᬸᬳ᭠ᬦ᭄ᬫᬮᬶᬄ᭞ᬢᬸᬫᭂᬗ᭄ᬕᬸᬂᬫᬜ᭄ᬘᬦᬵᬕᬭ᭞ᬳᬾᬩᭂᬓ᭄ᬭᬶᬂᬩᬜ᭄ᬘᬶᬗᬄᬦᬗ᭄ᬓᬶᬮ᭄᭞ᬯᭀᬦ᭄ᬢᭂᬦ᭄ᬩᬯᬸᬥᬯᬸᬄ [᭒ 2A] ᬓᬮᬶᬄ᭞ᬲᬂᬧ᭄ᬭᬪᬸᬲᬵᬫ᭄ᬧᬸᬦ᭄ᬫᬮᬸᬗ᭄ᬕᬸᬄ᭞ᬫᬓᬫ᭄ᬧᬸᬄᬲᬸᬢ᭄ᬭᬕᬤᬂ᭞ᬫᬧᬢ᭄ᬭᬦ᭄ᬫᬧ᭄ᬭᬥᬲᬫᬶ᭞ᬩᬸᬮᬂᬓᬫ᭄ᬧᬸᬄ᭞ᬲᬸᬢ᭄ᬭᬳᬮᬸᬲ᭄ᬭᬭᬾᬦ᭄ᬤᬳᬦ᭄᭟ᬧᬧᭂᬓᬾᬲᬸᬢ᭄ᬭᬩᬭᬓ᭄᭞ᬫᬯᬲ᭄ᬢᬺᬧ ᬭᬜ᭄ᬘᬶᬲ᭄ᬢᬗᬶ᭞ᬳᬓ᭄ᬭᬶᬲ᭄ᬳᬮᬦ᭄ᬤᬾᬬᬦ᭄ᬢᭀᬕᭀᬕ᭄᭞ᬫᬲ᭄ᬮᬸᬢ᭄ᬩᬦ᭄ᬫᬶᬭᬳᬤᬶ᭞ᬲᬲᭂᬫ᭄ᬩᭂᬃᬯᬶᬦ᭄ᬢᭂᬦ᭄ᬲᬫᬶ᭞ᬯᬭᬗ᭄ᬓᬦᬾᬚᬫ᭄ᬧ᭄ᬭᬄᬳᬮᬸᬲ᭄᭞ᬯᬶᬚᬶᬮᬶᬂᬩᬮᬗ᭄ᬩᬗᬦ᭄᭞ᬧᬾᬮᬾᬢ᭄ᬜᬦᬾᬩᬸ᭠ ᬓᬢᬸᬦ᭄ᬤᬶᬓ᭄᭞ᬳᬪᬺᬫᬸᬭᬸᬩ᭄᭞ᬓᬲᬸᬦ᭄ᬤᬭᬦ᭄ᬩᬳᬦ᭄ᬲᬹᬃᬬ᭄ᬬ᭟ᬕ᭄ᬮᬸᬂᬳᬶᬤᬓᬓ᭄ᬮᬶᬗᬦ᭄᭞ᬲ᭄ᬦᭂᬂᬫᬶᬭᬶᬗᬦ᭄᭞ᬧᬯᬾᬲ᭄ᬢ᭄ᬭᬶ᭞ᬳᬤᬫᬗᬩᬮᬮᬜ᭄ᬘᬂ᭞ᬮᬾᬦ᭄ᬳᬤᬫᬗᬩᬳᬸᬢᬶᬓ᭄᭞ᬚ᭄ᬕᬾᬕ᭄ᬜ᭠ ᬦᬾᬢᬦ᭄ᬲᬶᬧᬶ᭞ᬳᬦᬳᬚᬓᬧ᭄ᬮᬸᬓᬸᬢᬸᬲ᭄᭞ᬲᭀᬭᭀᬄᬲᬳᬶᬫᬕᬶᬮᬧ᭄᭞ᬫᬧᬳ᭄ᬬᬲ᭄ᬫᬍᬗᬶᬲ᭄ᬫᬶᬬᬶᬓ᭄᭞ᬩᬚᬂᬧᬢᬸᬄ᭞ᬧᬫᭂᬂᬧᭂᬂᬗ᭄ᬕᬯᬾᬓᬲ᭄ᬫᬭᬦ᭄᭟ᬭᬶᬂᬳᬋᬧ᭄ᬳᬶᬤᬲᬂ᭠

Auto-transliteration

[1 1B] // • // puḥsinom // • // smĕngbawuhĕndagsūr̀yya, ñuluhiñjagatesami, makñar̀galangmalilang, daditumbuḥidhĕpmarik, nadyangmuñi‐ bali, pcakamatĕmbĕngdmung, kocapprabhumalāwa, hagungehañakr̥ĕwar̀ti, bajangbagus, nglaḥpañjakduwangyuta. ngaranprabhuhajidhar̀mmaririḥprajña‐ netansipi, dulurinkasidḍyājñanan, rawwingpatiḥhidaririḥ, ngaranhipatiḥmadri, tal̥ĕr̀ñidḍayangsalaku, sangprabhuhajidhar̀mma, nemangkinsĕdĕkatangkil, ringmangundur̀, hantukparamantritanda. hipatiḥmadriringhar̀sa, dmangkanuruha‐nmaliḥ, tumĕnggungmañcanāgara, hebĕkringbañcingaḥnangkil, wontĕnbawudhawuḥ [2 2A] kaliḥ, sangprabhusāmpunmalungguḥ, makampuḥsutragadang, mapatranmapradhasami, bulangkampuḥ, sutrahalusrarendahan. papĕkesutrabarak, mawastr̥ĕpa rañcistangi, hakrishalandeyantogog, maslutbanmirahadi, sasĕmbĕr̀wintĕnsami, warangkanejampraḥhalus, wijilingbalangbangan, peletñanebu‐ katundik, habhr̥ĕmurub, kasundaranbahansūr̀yya. glunghidakaklingan, snĕngmiringan, pawestri, hadamangabalalañcang, lenhadamangabahutik, jgegña‐ netansipi, hanahajakaplukutus, soroḥsahimagilap, mapahyasmal̥ĕngismiyik, bajangpatuḥ, pamĕngpĕngnggawekasmaran. ringhar̥ĕp'hidasang‐

Leaf 2

Image on Archive.org

[᭒ 3B] ᭒ ᬦᬵᬣ᭞ᬧᬭᬯᬶᬓᬸᬦᬾᬫᬮᬶᬗ᭄ᬕᬶᬄ᭞ᬢᬦ᭄ᬤᬫᬦ᭄ᬢ᭄ᬭᬶᬫ᭄ᬯᬂᬪᬸᬚᬗ᭄ᬕ᭞ᬳᬶᬧᬢᬶᬄᬫᬤ᭄ᬭᬶᬜ᭄ᬮᬕᬶᬦ᭄᭞ᬫᬳᬢᬹᬃᬲᬳᬪᬓ᭄ᬢᬶ᭞ᬳᬶᬗ᭄ᬕᬶᬄᬭᬢᬸᬤᬾᬯᬳᬕᬸᬂ᭞ᬧᬸᬧᬸᬢ᭄ᬫᬦᬳᬂᬢᬶᬢ᭄ᬬᬂ᭞ᬭᬳᬬᬸᬜ᭄ᬚ ᬕᬢ᭄ᬫᬮᬯᬶ᭞ᬳᬗ᭄ᬳᬶᬂᬭᬢᬸ᭞ᬭᬶᬂᬧᬸᬭᬶᬓᬭᬶᬢᬤᬬᬦ᭄᭟ᬬᬦ᭄ᬓᬵᬧᬵᬢᬹᬢ᭄ᬳᬢᬹᬃᬢᬶ᭠ᬢ᭄ᬬᬂ᭞ᬩ᭄ᬘᬶᬓ᭄ᬭᬢᬸᬗᬺᬋᬄᬫᬮᬶᬄ᭞ᬭᬩᬶᬫᬓᬤᬕᬶᬗᬶᬂᬚ᭄ᬭᭀ᭞ᬲ᭄ᬟᬫᬸᬗ᭄ᬕᬸᬄᬧ᭄ᬭᬫᬶᬰ᭄ᬯᬭᬷ᭞ᬳᬶᬮᬪᬵ ᬗ᭄ᬓᬭᬲᬾᬗᬶᬦ᭄᭞ᬦ᭄ᬤᬶᬓᬬᬂᬜ᭄ᬚᬚᬄᬦᬵᬕᬦ᭄ᬢᬸᬦ᭄᭞ᬫᬗ᭄ᬤᬾᬦ᭄ᬳᬧᬸᬦ᭄ᬫᬫᭀᬢ᭄ᬭᬾᬢ᭄᭞ᬲᭀᬭᭀᬄᬭᬢᬸᬦᬾᬫᬧᬸᬢ᭄ᬭᬶ᭞ᬩᬶᬮᬶᬄᬭᬢᬸ᭞ᬫᬳᬦ᭄ᬢᬸᬓᬭᬶᬂᬧᬓᬳ᭄ᬬᬸᬦᬦ᭄᭟ᬢᬶᬢ᭄ᬬᬂ᭠ ᬫᬫᬃᬕ᭄ᬕᬶᬫᬗ᭄ᬮᬫᬃ᭞ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄‌ᬓ᭄ᬦᬶᬧᬦᬶᬓ᭄᭞ᬦᬸᬦᬲ᭄ᬕᭂᬩᬸᬕ᭄ᬫᬗ᭄ᬤᬓᬯᭀᬦ᭄᭞ᬲᬂᬧᬸᬢ᭄ᬭᬷᬓ᭄ᬦᬶᬚᬭᬳᬶᬦ᭄᭞ᬲᬂᬧ᭄ᬭᬪᬸᬫᬲᬳᬸᬃᬳᬭᬶᬲ᭄᭞ᬧᬢᬶᬄᬩ᭄ᬦᭂᬄᬫᬧᬶᬢᬸᬢᬸᬃ᭞ᬳᬶᬭ [᭔ 4A] ᬲᬶᬂᬧᬶᬲᬦ᭄ᬳᬤ᭞ᬳᬚᬦ᭄ᬬᬦ᭄ᬳᬶᬥᭂᬧ᭄ᬗᬮᬶᬄ᭞ᬬᬦ᭄ᬢ᭄ᬯᬄᬢᬸᬳᬸ᭞ᬳᬫ᭄ᬩᬸᬮ᭄ᬦᬾᬫᬢᬶᬤᬶᬧᬶᬗ᭄ᬕᬦ᭄᭟ᬳᬶᬭᬩ᭄ᬯᬶᬦ᭄ᬗᬮᬶᬄᬲᭀᬫᬄ᭞ᬦᬵᬗ᭄ᬳᬶᬂᬢᭀᬂᬳᬤᬗᬲᬳᬶᬦ᭄᭞ᬚᬯᬶᬦᬶᬂᬓᬲ᭄ᬫᬵᬭᬮ ᬬ᭞ᬭᬶᬂᬳᬶᬤᬪᬝᬭᬷᬭᬢᬶᬄ᭞ᬳᭂᬦ᭄ᬢᭀᬩᬶᬮᬶᬄᬲᬢᬦ᭄ᬤᬶᬂ᭞ᬧᬭᬯᬶᬓᬸᬦᬾᬫᬳᬢᬹᬃ᭞ᬭᬢᬸᬢᬦ᭄ᬲᬧᬸᬦᬶᬓ᭞ᬳᬦ᭄ᬢᬸᬓᬮᬶᬗ᭄ᬕᬳᬦ᭄ᬕᬸᬫᬶ᭞ᬳᬦ᭄ᬢᭀᬲ᭄ᬭᬢᬸ᭞ᬧᬦᬺᬱ᭄ᬝᬶᬦ᭄ᬳ᭄ᬬᬂᬯᬶᬥᬶᬯᬵ ᬲ᭟ᬫᬩ᭄ᬭᬶᬬᬸᬓ᭄ᬱᬫᬶᬫᬵᬢᬹᬢᬂ᭞ᬢ᭄ᬗᬳᬶᬩᬸᬤᬮ᭄ᬓᬢᬗ᭄ᬓᬶᬮ᭄᭞ᬲᬂᬧ᭄ᬭᬪᬸᬗ᭄ᬭᬭᬶᬲ᭄ᬓᬚ᭄ᬭᭀ᭞ᬦᬾᬩᬾᬜ᭄ᬚᬂᬘ᭄ᬭᬶᬢᬦᭂᬦ᭄ᬫᬮᬶᬄ᭞ᬲᬂᬧ᭄ᬭᬪᬸᬫᬗ᭄ᬲᬾᬗᬶᬦ᭄᭞ᬲᭀᬭᬵᬄᬚᬸᬭᬸᬩᭀ ᬭᭀᬲ᭄‌ᬢ᭄ᬥᬸᬦ᭄᭞ᬗ᭄ᬕᬯᬲᬉᬧᬓᬵᬭ᭞ᬢ᭄ᬓᬦᬶᬂᬫᬦᬦ᭄ᬤᬜ᭄ᬘᬶᬘᬶᬂ᭞ᬯᬾᬦ᭄ᬢᭂᬦ᭄ᬲᬢᬸᬲ᭄᭞ᬢ᭄ᬥᬸᬦ᭄ᬧᬘᬂᬫᬗᬶᬭᬶᬗᬂ᭟ᬲᬧ᭄ᬭᬪᬸᬫᬤ᭄ᬯᬾᬧᬋᬓᬦ᭄᭞ᬳᭀᬦ᭄ᬢᬾᬫᬓ᭄ᬢᬓᬘᬸᬭᬸᬓ᭄ᬫᬶ᭞

Auto-transliteration

[2 3B] 2 nātha, parawikunemalinggiḥ, tandamantrimwangbhujangga, hipatiḥmadriñlagin, mahatūr̀sahabhakti, hinggiḥratudewahagung, puputmanahangtityang, rahayuñja gatmalawi, hanghingratu, ringpurikaritadayan. yankāpātūt'hatūr̀ti‐tyang, bcikratungr̥ĕr̥ĕḥmaliḥ, rabimakadagingingjro, sḍamungguḥpramiśwarī, hilabhā ngkarasengin, ndikayangñjajaḥnāgantun, mangdenhapunmamotret, soroḥratunemaputri, biliḥratu, mahantukaringpakahyunan. tityang‐ mamar̀ggimanglamar̀, yantanwentĕnknipanik, nunasgĕbugmangdakawon, sangputrīknijarahin, sangprabhumasahur̀haris, patiḥbnĕḥmapitutur̀, hira [4 4A] singpisanhada, hajanyanhidhĕpngaliḥ, yantwaḥtuhu, hambulnematidipinggan. hirabwinngaliḥsomaḥ, nānghingtonghadangasahin, jawiningkasmārala ya, ringhidabhaṭarīratiḥ, hĕntobiliḥsatanding, parawikunemahatūr̀, ratutansapunika, hantukalinggahan'gumi, hantosratu, panr̥ĕṣṭinhyangwidhiwā sa. mabriyukṣamimātūtang, tngahibudalkatangkil, sangprabhungrariskajro, nebeñjangcritanĕnmaliḥ, sangprabhumangsengin, sorāḥjurubo rostdhun, nggawasa'upakāra, tkaningmanandañcicing, wentĕnsatus, tdhunpacangmangiringang. saprabhumadwepar̥ĕkan, hontemaktakacurukmi,

Leaf 3

Image on Archive.org

[᭓ 3B] ᭓ ᬫᬤᬕᬶᬂᬲ᭄ᬟᬄᬮᬜ᭄ᬚᬭᬦ᭄᭞ᬲ᭄ᬫᭂᬂᬲᬂᬧ᭄ᬭᬪᬸᬫᬫᬃᬕ᭄ᬕᬶ᭞ᬗᬺᬤᭂᬕ᭄ᬦᬾᬫᬗᬶᬭᬶᬂ᭞ᬲᭀᬭᭀᬄ᭠ᬩᬚᬂᬩᬚᬂᬧᬢᬸᬄ᭞ᬳᬦ᭄ᬢᬾᬜ᭄ᬘᬶᬘᬶᬂᬫᬗ᭄ᬕ᭄ᬭᬲᬾᬂ᭞ᬗ᭄ᬮᭀᬤᬂᬫᬜ᭄ᬚᬸᬃᬫᬗ᭄ᬭᬭᬶᬲ᭄᭞ᬕ᭄ᬮᬶᬲ᭄ᬭᬯᬸᬄ᭞ᬳᬶ ᬤᬭᬶᬗᬮᬲ᭄ᬧᬩᬸᬭ᭄ᬯᬦ᭄᭟ᬫᬓ᭄ᬚᬂᬗ᭄ᬮᬾᬩᬗᬶᬦ᭄ᬲᭀᬦ᭞ᬘᬶᬘᬶᬗᬾᬜ᭄ᬮᬸᬓ᭄ᬱᬸᬓ᭄ᬫᬗ᭠ᬮᬶᬄ᭞ᬚᬸᬭᬸᬦᬾᬲᬸᬓᬗᬦ᭄ᬤᬸᬧᬂ᭞ᬲᬂᬧ᭄ᬭᬪᬸᬢᬍᬜᬋᬗᬶᬦ᭄᭞ᬲᬸᬯᬸᬂᬢᬦ᭄ᬯᬾᬦ᭄ᬢᭂᬦ᭄ᬳᭂᬲᬶᬂ᭞ᬓᬤᬸᬂᬲᬸᬂ ᬧ᭄ᬭᬪᬸᬜ᭄ᬮᬸᬓ᭄ᬱᬸᬓ᭄᭞ᬚ᭄ᬗᬄᬢ᭄ᬯᬭᬫᬩᬳᬦ᭄᭞ᬓᬮᬸᬦ᭄ᬢᬮᬸᬦ᭄ᬢᬫᬫᬃᬕ᭄ᬕᬶ᭞ᬤᬤᬶᬭᬯᬸᬄ᭞ᬳᬶᬤᬭᬶᬂᬚᬕᬢ᭄ᬫᬮᬬ᭟ᬤᬧ᭄ᬢᬂᬲᬸᬯᬸᬂᬗᬮᬸᬦ᭄ᬢᬂ᭞ᬢᬦ᭄ᬯᬾᬦ᭄ᬢᭂᬜ᭄ᬚᬦ᭄ᬫᬓᬧᬗ᭄ᬕᬶᬄ᭞ᬗ᭄ᬭᬭᬶᬲ᭄ᬫᬸᬗ᭄ᬕᬄ᭠ ᬓᬩᬜ᭄ᬘᬶᬗᬄ᭞ᬫᬮᬶᬗ᭄ᬕᬶᬄᬭᬶᬂᬳᭀᬩᬕ᭄ᬓᭀᬭᬶ᭞ᬲᬓᬯᬸᬮᬦᬸᬗᬶᬭᬶᬂ᭞ᬩ᭄ᬗᬵᬂᬫᬓᬵᬤᬶᬲᬂᬧ᭄ᬭᬪᬸ᭞ᬗ᭄ᬭᬯᭀᬲ᭄ᬭᬶᬂᬧᬓᬳ᭄ᬬᬸᬦᬦ᭄᭞ᬦᬾᬢᬾᬮᬳᬦ᭄ᬓᬾᬦ᭄ᬓᬾᬦ᭄ᬤᬶᬦᬶ᭞ᬬᬾᬦ᭄ᬢ᭄ᬯᬄᬫᬸᬲᬸᬄ᭞ [᭔ 4A] ᬗ᭄ᬩᬸᬕ᭄ᬕᭀᬂᬦᬸᬕᬓᬾᬦᬾᬲᬦ᭄᭟ᬳᭀᬜᬦᬾᬢᬦ᭄ᬧᬕᬦ᭄ᬢᬸᬮᬦ᭄᭞ᬳ᭄ᬩᭂᬢ᭄ᬧ᭠ᬤᬗᬾᬦᬸᬫ᭄ᬩᬸᬳᬶᬦ᭄᭞ᬳᬫ᭄ᬩᭂᬗᬦᬾᬲ᭄ᬟᭂᬂᬩᬲ᭄ᬩᬲ᭄᭞ᬢᬫ᭄ᬧᬓᬫᬓ᭄ᬮᭀᬕᬢᬶ᭞ᬚᬦ᭄ᬫᬦ᭄ᬜᬦᬾᬫᬕ᭄ᬤᬶ᭞ ᬭᬭᬶᬲ᭄ᬳᬶᬤᬗᬦ᭄ᬤᬶᬓᬵᬮᬸᬲ᭄᭞ᬳᭀᬦ᭄ᬢᬾᬓ᭄ᬫᬳᬶᬦ᭄ᬤᬬᬂ᭞ᬫᬗ᭄ᬮᬯᬸᬢ᭄ᬓᬚ᭄ᬭᭀᬧᬸᬭᬶ᭞ᬢ᭄ᬓᭂᬤᬶᬢᬸ᭞ᬧ᭄ᬥᬲᬂᬩᬳᬦ᭄ᬫᬮ᭄ᬬᬢ᭄᭟ᬳᬶᬳᭀᬦ᭄ᬢᬾᬗ᭄ᬮᬯᬸᬢ᭄ᬫᬚᬮᬦ᭄᭞ᬫᬜ᭄ᬚᬸᬚᬸᬃᬓᬚ᭄ᬭᬾᬧᬸᬭᬶ᭞ᬲᬸ ᬯᬸᬂᬢ᭄ᬯᬭᬦ᭄ᬫᬓᬢᭀᬦ᭄᭞ᬗ᭄ᬮᬚᬸᬃᬓᬧᬲᬭᬾᬦ᭄ᬗ᭄ᬭᬭᬶᬲ᭄᭞ᬓᬢᭀᬦ᭄ᬮᭀᬚᬶᬫᬗ᭄ᬭᬯᬶᬢ᭄᭞ᬩᬸᬗᬄᬜᬍᬩᬢ᭄ᬭᬶᬂᬢᬮᬸ᭞ᬓᭀᬭᬶᬦ᭄ᬜᬦᬾᬧ᭄ᬭᬥ᭞ᬤᬶᬳᬫ᭄ᬩᬾᬦᬾᬲᬶᬓᬗᬶᬦ᭄‌ ᬳᬤᬤᬶᬢᬸ᭞ᬳᬦᬓ᭄ᬮᬸᬄᬚ᭄ᬕᬾᬕ᭄ᬧᬶᬲᬦ᭄᭟ᬫᬮᬶᬗ᭄ᬕᬶᬄᬫᬜ᭄ᬫᬓ᭄ᬟᬄ᭞ᬳᬶᬳᭀᬦ᭄ᬢᬾᬮᬯᬸᬢ᭄ᬫᬯᬮᬶ᭞ᬢ᭄ᬓᭂᬤ᭄ᬟᬶᬚᬩᬗᬵᬢᬹᬭᬂ᭞ᬭᬢᬸᬢᬶᬢ᭄ᬬᬂᬫᬫᬗ᭄ᬕᬶᬳᬶᬦ᭄᭞ᬳᬦᬓ᭄ᬳᬶᬲ᭄ᬢ᭄ᬭᬶᬳᬲᬶᬓᬶ᭞

Auto-transliteration

[3 3B] 3 madagingsḍaḥlañjaran, smĕngsangprabhumamar̀ggi, ngr̥ĕdĕgnemangiring, soroḥ‐bajangbajangpatuḥ, hanteñcicingmanggraseng, nglodangmañjur̀mangraris, glisrawuḥ, hi daringalaspaburwan. makjangnglebanginsona, cicingeñluksyukmanga‐liḥ, jurunesukangandupang, sangprabhutal̥ĕñar̥ĕngin, suwungtanwentĕnhĕsing, kadungsung prabhuñluksyuk, jngaḥtwaramabahan, kaluntaluntamamar̀ggi, dadirawuḥ, hidaringjagatmalaya. daptangsuwungngaluntang, tanwentĕñjanmakapanggiḥ, ngrarismunggaḥ‐ kabañcingaḥ, malinggiḥringhobagkori, sakawulanungiring, bngāngmakādisangprabhu, ngrawosringpakahyunan, netelahankenkendini, yentwaḥmusuḥ, [4 4A] ngbuggongnugakenesan. hoñanetanpagantulan, hbĕtpa‐dangenumbuhin, hambĕnganesḍĕngbasbas, tampakamaklogati, janmanñanemagdi, rarishidangandikālus, hontekmahindayang, manglawutkajropuri, tkĕditu, pdhasangbahanmalyat. hihontenglawutmajalan, mañjujur̀kajrepuri, su wungtwaranmakaton, nglajur̀kapasarenngraris, katonlojimangrawit, bungaḥñal̥ĕbatringtalu, korinñanepradha, dihambenesikangin hadaditu, hanakluḥjgegpisan. malinggiḥmañmakḍaḥ, hihontelawutmawali, tkĕdḍijabangātūrang, ratutityangmamanggihin, hanak'histrihasiki,

Leaf 4

Image on Archive.org

[᭔ 4B] ᭔ ᬲ᭄ᬤᭂᬓᬦ᭄ᬫᬗᬫ᭄ᬩᬶᬮ᭄ᬲᬸᬭᬸᬄ᭞ᬭᬶᬂᬳᬫ᭄ᬩᬾᬦᬾᬗ᭄ᬭᬕ᭞ᬯᬾᬦ᭄ᬢᭂᬦ᭄ᬮᭀᬚᬶᬧᬜ᭄ᬚᬂᬩ᭄ᬘᬶᬓ᭄᭞ᬮᬶᬦ᭄ᬢᬂᬳᬬᬸ᭞ᬕᬯᭀᬓ᭄ᬢᬶᬢ᭄ᬬᬂᬫᬗᬦ᭄ᬤᬶᬓᬂ᭟ᬩᬳᬸᬧᬸᬧᬸᬢ᭄ᬲᬧᬸᬦᬶᬓ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶ᭠ ᬲ᭄᭞ᬭᬶᬂᬧᬗᬶᬭᬶᬗᬾᬲᬫ᭄ᬬᬦ᭄᭞ᬦᬄᬢᬾᬤᬶᬦᬶᬫᬮᬸᬳᬦ᭄ᬢᬶ᭞ᬓ᭄ᬦᭂᬄᬧᬥᬫᬗᬮᬶᬄ᭞ᬯᭀᬄᬯᭀᬳᬦ᭄ᬫᬓᬤᬶᬓᬸᬯᬸᬤ᭄᭞ᬮᬯᬸᬢᬂᬲᬸᬩᬳᬮᬧ᭄᭞ᬳ᭄ᬜᬾᬦ᭄ᬧᬘᬂᬫ᭄ᬭᬓᬭᬳᬶᬦ᭄᭞ ᬕᬸᬫᬶᬲᬸᬯᬸᬂ᭞ᬓᬾᬯᬮᬳᬶᬗᬦᬶᬦ᭄ᬗᬫᬄ᭟ᬫᬗᬤᭂᬕ᭄ᬳᬶᬤᬲᬂᬦᬵᬣ᭞ᬧ᭄ᬭᬬᬦᬾᬗ᭄ᬭᬭᬶᬲ᭄ᬓᬧᬸᬭᬶ᭞ᬳᬤᬘᭂᬓ᭄ᬘᭂᬓ᭄ᬫᬲ᭄ᬯᬭ᭞ᬳᬸᬮᬶᬤᬶᬩ᭄ᬮᬳᬦ᭄ᬓᭀᬭᬶ᭞ᬳᬶᬗ᭄ᬕᬶᬄᬲᬂᬧ᭄ᬭᬪᬸᬗ᭄ᬭᬭᬶᬲ᭄᭞ᬳᬶ᭠ ᬭᬶᬓᬶᬦᬵᬕᬭᬲᬸᬯᬸᬂ᭞ᬧ᭄ᬘᬓ᭄ᬳᬶᬤᬲᬂᬦᬵᬣ᭞ᬲᬂᬧ᭄ᬭᬪᬸᬬᬓ᭄ᬱᬳᬦᬫᬶ᭞ᬳᬶᬤᬲᬵᬫ᭄ᬧᬸᬦ᭄᭞ᬦ᭄ᬤᬾᬯᬢᬯᬾᬦ᭄ᬢᭂᬦ᭄ᬳᬫᬲ᭟ᬫᬳᬯᬶᬦᬦ᭄ᬲᬸᬯᬸᬂᬧᬶᬲᬦ᭄᭞ᬢᬦ᭄ᬯᬾᬦ᭄ᬢᭂᬜ᭄ᬚᬦ᭄ᬫᬳᬤᬶᬭᬶ᭞ [᭕ 5A] ᬳᬶᬤᬲᬂᬧ᭄ᬭᬪᬸᬫᬗᭀᬭᭀᬓ᭄᭞ᬫᬳᬾᬩᬢ᭄ᬫᬬᬸᬦᬂᬲᬳᬶ᭞ᬢᭂᬫ᭄ᬩᬾᬦᬾᬲᬧᬸᬦᬶᬓᬶ᭞ᬚᬸᬭᬸᬯᬋᬕᬾᬫᬗᬧᬸᬲ᭄᭞ᬮᬶᬫᬦ᭄ᬳᬶᬧᬸᬦᬾᬲᬶᬤ᭄ᬟ᭞ᬫᭂᬫ᭄ᬩᬄᬫᬶᬚᬶᬮᬂᬕ᭄ᬢᬶᬄ᭞ᬢᬍᬃᬤᬸ ᬭᬸᬲ᭄ᬳᬶᬧᬸᬦ᭄ᬫᬗᬤᭀᬦᬂᬮᬯᬃ᭟ᬓᬵᬢᬹᬃᬭᬶᬂᬳᬶᬤᬲᬂᬦᬵᬣ᭞ᬮᬯᬭᬾᬓᬬᬸᬦᬂᬩᬗ᭄ᬓᬶᬢ᭄᭞ᬲᬂᬧ᭄ᬭᬪᬸᬓᬮᬶᬦ᭄ᬢᬂᬳᬗᭀᬩ᭄᭞ᬢᬦ᭄ᬯᬾᬦ᭄ᬢᭂᬦᬳᭂᬦ᭄ᬗ᭄ᬭᬲᬦᬶᬦ᭄᭞ᬲᬤ᭄ᬭᬲᬓᬤᬶ ᬗ᭄ᬓᬶᬦ᭄᭞ᬲᬲᬸᬓᬢ᭄ᬧᬸᬦᬶᬓᬗ᭄ᬚᬸᬓ᭄᭞ᬚᬦ᭄ᬫᬜᬩ᭄ᬭᬦ᭄ᬫᬳᬾᬩᬢ᭄᭞ᬦᬾᬳᬮᬶᬢᬮᬶᬢ᭄ᬫᬕᬸᬮᬶᬂ᭞ᬚᬯᬶᬦᬶᬂᬧᬸᬢᬺᬳᬶᬲ᭄ᬢ᭄ᬭᬶᬓᬭᬶᬢᬢᬶᬕ᭟ᬤᬿᬯᬶᬤᬵᬓ᭄ᬱᬶᬧᬶᬦᬶᬄᬢ᭄ᬯ᭞ᬦᬾ᭠ ᬳᬮᬶᬢᬦ᭄ᬤᬿᬯᬷᬤᬵᬢᬶ᭞ᬤᬿᬯᬷᬦᬵᬢᬦᬾᬲᬶᬓᬶᬬᬦ᭄᭞ᬲᬫᬶᬚ᭄ᬕᬾᬕᬾᬢᬦ᭄ᬲᬶᬧᬶ᭞ᬫᬗ᭄ᬓᬶᬦ᭄ᬳᬤᬭᬶᬂᬧᬸᬭᬶ᭞ᬗᭂᬦᬳᬶᬦ᭄ᬮᭀᬚᬶᬭᭀᬂᬢ᭄ᬮᬸ᭞ᬲᬂᬧ᭄ᬭᬪᬸᬳᬚᬷᬥᬃᬫ᭄ᬫ᭞ᬓ᭄ᬜᬶᬂ᭠

Auto-transliteration

[4 4B] 4 sdĕkanmangambilsuruḥ, ringhambenengraga, wentĕnlojipañjangbcik, lintanghayu, gawoktityangmangandikang. bahupuputsapunika, sangprabhungandikahari‐ s, ringpangiringesamyan, naḥtedinimaluhanti, knĕḥpadhamangaliḥ, woḥwohanmakadikuwud, lawutangsubahalap, hñenpacangmrakarahin, gumisuwung, kewalahinganinngamaḥ. mangadĕg'hidasangnātha, prayanengrariskapuri, hadacĕkcĕkmaswara, hulidiblahankori, hinggiḥsangprabhungraris, hi‐ rikināgarasuwung, pcak'hidasangnātha, sangprabhuyakṣahanami, hidasāmpun, ndewatawentĕnhamasa. mahawinansuwungpisan, tanwentĕñjanmahadiri, [5 5A] hidasangprabhumangorok, mahebatmayunangsahi, tĕmbenesapuniki, juruwar̥ĕgemangapus, limanhipunesidḍa, mĕmbaḥmijilanggtiḥ, tal̥ĕr̀du rushipunmangadonanglawar̀. kātūr̀ringhidasangnātha, lawarekayunangbangkit, sangprabhukalintanghangob, tanwentĕnahĕnngrasanin, sadrasakadi ngkin, sasukatpunikangjuk, janmañabranmahebat, nehalitalitmaguling, jawiningputr̥ĕhistrikaritatiga. daiwidāksyipiniḥtwa, ne‐ halitandaiwīdāti, daiwīnātanesikiyan, samijgegetansipi, mangkinhadaringpuri, ngĕnahinlojirongtlu, sangprabhuhajīdhar̀mma, kñing‐

Leaf 5

Image on Archive.org

[᭕ 5B] ᭕ ᬫᬧᬦ᭄ᬳᬶᬤᬳᬸᬦᬶᬂ᭞ᬭᬶᬂᬲᬯᬸᬯᬸᬲ᭄᭞ᬲᬃᬯ᭄ᬯᬧ᭄ᬭᬦᬧ᭄ᬭᬦᬶᬦᬾᬲᬫ᭄ᬬᬦ᭄᭟ᬦᬸᬕ᭄ᬭᬳᬦ᭄ᬲᬂᬳᬦ᭄ᬢᬪᭀᬕ᭞ᬲᬂᬧ᭄ᬭᬪᬸᬗ᭄ᬭᬭᬶᬲ᭄ᬓᬧᬸᬭᬶ᭞ᬲᬭᬯᬸᬳᬾᬭᬶᬂᬚ᭄ᬭᭀᬧᬸᬭ᭞ᬓᬦ᭄ᬢᭂᬦ᭄ᬳᬶᬤ᭠ ᬤᬿᬯᬶᬤᬵᬓ᭄ᬱᬶ᭞ᬚ᭄ᬕᬾᬕᬾᬢᬦ᭄ᬲᬶᬦᬶᬧᬶ᭞ᬯᬾᬦ᭄ᬢᭂᬦ᭄ᬳ᭄ᬬᬸᬦ᭄ᬳᬶᬤᬲᬂᬧ᭄ᬭᬪᬸ᭞ᬤᬿᬯᬶᬤᬵᬓ᭄ᬱᬶᬫᬘᬶᬗᬓ᭄᭞ᬫᬗ᭄ᬭᬭᬶᬲ᭄ᬳᬶᬤᬜᬕ᭄ᬚᬕᬶᬦ᭄᭞ᬲᬳᬜᬸᬗ᭄ᬲᬸᬂ᭞ᬦᬶᬓᬶᬤᬾᬯᬲᬧᬲᬶ᭠ ᬭ᭟ᬧᬸᬦᬧᬶᬳᬸᬕᬶᬲ᭄ᬯᬓᬵᬃᬬ᭄ᬬ᭞ᬢᭂᬫ᭄ᬩᬾᬲᬦ᭄ᬭᬯᬸᬄᬫᬭᬶᬓᬶ᭞ᬲᬂᬧ᭄ᬭᬪᬸᬫᬲᬯᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬚᬦ᭄ᬫᬫᬶᬲ᭄ᬓᬶᬦ᭄᭞ᬤᬭᬶᬤᬺᬲᬓᬶᬂᬳᬮᬶᬢ᭄᭞ᬢᬶᬢ᭄ᬬᬂᬦᬸ᭠ ᬦᬲᬂᬭᬢᬸ᭞ᬳᬶᬤᬾᬯᬲᬧᬲᬶᬭ᭞ᬗ᭄ᬭᬕᬫᬮᬶᬗ᭄ᬕᬶᬄᬳᬶᬭᬶᬓᬶ᭞ᬭᬶᬂᬚ᭄ᬭᭀ᭠ᬦᬶᬂᬓᬦᬦᬤᬹᬃᬕ᭄ᬕᬫᬗᬮᬸᬦ᭄ᬢᬂ᭟ᬢᬦ᭄ᬧᬧᬜ᭄ᬚᬓ᭄ᬢᬦ᭄ᬧᬭᭀᬯᬂ᭞ᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬦᬾᬫ᭠ [᭖ 6A] ᬗ᭄ᬓᬶᬦ᭄᭞ᬤᬿᬯᬷᬤᬓ᭄ᬱᬶᬭᬭᬶᬲ᭄ᬦᬶᬫ᭄ᬩᬮ᭄᭞ᬜ᭄ᬮᭂᬤᬾᬢ᭄ᬜᬭᬾᬭᬾᬓ᭄ᬜᬶᬂ᭞ᬢᬶᬢ᭄ᬬᬂᬳᭀᬓᬦ᭄ᬩᬧᬵᬚᬷ᭞ᬦᬗ᭄ᬳᬶᬂᬢᬶᬢ᭄ᬬᬂᬮᬶᬯᬢᬸᬮᬘᬸᬃ᭞ᬤᬸᬄᬓᬶᬢᬫᬳᬦᬭ᭞ᬲᬢᬢᬢᬶᬢ᭄ᬬᬂᬫ ᬗ᭄ᬕᬶᬳᬶᬦ᭄᭞ᬬᬧᬶᬸᬦᬶᬓᬸ᭞ᬲᬸᬯᬸᬂᬦᬵᬕᬭᬫᬮᬬ᭟ᬩᬧᬵᬚᬶᬜᬩ᭄ᬭᬦ᭄ᬫᬾᬩᬢ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬜᬯᬸᬭᬶᬦ᭄᭞ᬍᬍᬄᬓᬳ᭄ᬬᬸᬦᬾᬓᬲ᭄ᬫᬭᬦ᭄᭞ᬥᬸᬄᬫᬲ᭄ᬫᬶᬭᬄᬢᬶᬢ᭄ᬬᬂᬕᬸᬲ᭄ᬢᬶ ᭞ᬧᬜ᭄ᬚᬓᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬤᬤᭀᬲ᭄ᬳᬗ᭄ᬕᬾᬜ᭄ᬚᬸᬭᬸᬧᬗ᭄ᬓᬸ᭞ᬫᬓᬵᬤᬶᬚᬸᬭᬸ᭠ᬳᭂᬫ᭄ᬩᬦ᭄᭞ᬤᬿᬯᬷᬤᬓ᭄ᬱᬶᬫᬧᬶᬫᬧᬶ᭞ᬢ᭄ᬯᬭᬓᬳ᭄ᬬᬸᬦ᭄᭞ᬲᬂᬧ᭄ᬭᬪᬸᬮᬯᬸᬢ᭄ᬫᬦᬦ᭄ᬤᬦ᭄᭟᭠ ᬗ᭄ᬭᬭᬶᬲ᭄ᬫᬜ᭄ᬚᬶᬂᬭᬶᬂᬕ᭄ᬟᭀᬗᬦ᭄᭞ᬫᬓ᭄ᬮᭂᬢᬾᬕ᭄ᬫᬳᬸᬩᭂᬢ᭄ᬓᭀᬭᬶ᭞ᬚ᭄ᬭᭀᬦᬶᬂᬓᬲᬸᬃᬧᬓᬮᬶᬳᬦ᭄᭞ᬬᬾᬦ᭄ᬳᬦ᭄ᬤᬾᬬᬂᬢ᭄ᬯᬭᬧ᭄ᬮᬶᬄ᭞ᬩ᭄ᬭᬢᬫᬦ᭄ᬤᬤᬧ᭄ᬲᬭᬶ᭞ᬲᬵᬫ᭄ᬧᬸᬦ᭄ᬕᭂᬦᭂᬧ᭄ᬫᬓᬢ᭄ᬮᬸ

Auto-transliteration

[5 5B] 5 mapanhidahuning, ringsawuwus, sar̀wwapranapraninesamyan. nugrahansanghantabhoga, sangprabhungrariskapuri, sarawuheringjropura, kantĕnhida‐ daiwidāksyi, jgegetansinipi, wentĕnhyunhidasangprabhu, daiwidāksyimacingak, mangrarishidañagjagin, sahañungsung, nikidewasapasi‐ ra. punapihugiswakār̀yya, tĕmbesanrawuḥmariki, sangprabhumasawur̀halon, hinggiḥtityangjanmamiskin, daridr̥ĕsakinghalit, tityangnu‐ nasangratu, hidewasapasira, ngragamalinggiḥhiriki, ringjro‐ningkananadūr̀ggamangaluntang. tanpapañjaktanparowang, ndikahintityangnema‐ [6 6A] ngkin, daiwīdaksyirarisnimbal, ñlĕdetñarerekñing, tityanghokanbapājī, nanghingtityangliwatulacur̀, duḥkitamahanara, satatatityangma nggihin, yap̶niku, suwungnāgaramalaya. bapājiñabranmebat, sangprabhurarisñawurin, l̥ĕl̥ĕḥkahyunekasmaran, dhuḥmasmiraḥtityanggusti , pañjakangtityangmangkin, dadoshanggeñjurupangku, makādijuru‐hĕmban, daiwīdaksyimapimapi, twarakahyun, sangprabhulawutmanandan. ‐ ngrarismañjingringgḍongan, maklĕtegmahubĕtkori, jroningkasur̀pakalihan, yenhandeyangtwarapliḥ, bratamandadapsari, sāmpun'gĕnĕpmakatlu

Leaf 6

Image on Archive.org

[᭖ 6B] ᭖ ᬦ᭄᭞ᬚᬦᬶᬢ᭄ᬓᬮᬪᬳᬦ᭄᭞ᬢ᭄ᬯᬭᬗᬶᬢᬸᬗᬶᬢᬸᬂᬳ᭄ᬲᬶᬂ᭞ᬧᬥᬘᬸᬮᬸᬓ᭄᭞ᬢᭂᬫ᭄ᬩᬾᬫᬗ᭄ᬭᬲᬦᬶᬦ᭄ᬮᭂᬕ᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓ᭞ᬢᬦ᭄ᬲᬄᬫ᭄ᬓᬸᬮ᭄ᬗᬭᬲ᭄ᬧᬶᬧᬶ᭞ᬥᬸᬄᬫᬲ᭄ᬫᬶᬭᬄ ᬲᬂᬳᬬ᭄ᬯᬵᬦᭀᬫ᭄᭞ᬤᬸᬭᬸᬲᬂᬭᬢᬸᬦᬾᬫᬗ᭄ᬓᬶᬦ᭄᭞ᬢᬸᬮᬸᬳᬶᬮᬭᬲ᭄ᬤᬶᬄ᭞ᬓ᭄ᬦᬧᬮᬶᬂᬚ᭄ᬭᭀᬦᬶᬂᬓᬲᬸᬃ᭞ᬮᬶᬫᬦᬾᬧᬢᬶᬕᬩᬕ᭄᭞ᬲᬕᬾᬢ᭄ᬗᬸᬲᬸᬤ᭄ᬜᭀᬜᭀᬜᬗ᭄ᬓᬶᬄ᭞ᬧᬢ ᬳᬸᬲᬸᬤ᭄᭞ᬤᬤᬶᬩᬓᬢᬗ᭄ᬕᬸᬦ᭄ᬲᬶᬜ᭄ᬚ᭟ᬳᬫᬸᬗᬄᬫᬗᬶᬄᬳᬗᬭᬲ᭄᭞ᬮᬸᬓᬃ᭠ᬢᬶᬦᬦ᭄ᬤ᭄ᬬᬦ᭄ᬲᬭᬲ᭄ᬫᬶ᭞ᬓᬍᬗᭂᬃᬯᬸᬲᬶᬦᬸᬂᬲ᭄ᬧᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬦᬶᬓᬶᬚᬭᬢᬸ᭠ ᬢᬫ᭄ᬧᬶ᭞ᬲ᭄ᬧᬄᬉᬲᬤᬦᬶᬂᬍᬲᬸ᭞ᬕᬸᬲ᭄ᬢᬶᬦᬭᬶᬫᬾᬂᬯᬚ᭞ᬲᬂᬦᬵᬣᬭᬭᬶᬲ᭄ᬫᬕᭂ᭠ᬦ᭄ᬤᬶᬂ᭞ᬗᬸᬭᬸᬢᬸᬭᬸᬢ᭄᭞ᬗᬭᬸᬫ᭄ᬭᬸᬫ᭄ᬲᬫ᭄ᬩᬶᬮ᭄ᬜᬗ᭄ᬓ᭄ᬭᬶᬫᬂ᭟ᬤᬿᬯᬷᬤᬵᬓ᭄ᬱᬶᬩᬸᬓᬳ᭄ᬜᬕ᭄᭞ᬓᬳ᭄ᬬᬸ [᭗ 7A] ᬦᬾᬩᬳᬸᬫᬶᬭᬕᬶ᭞ᬧᬗ᭄ᬭᬸᬫ᭄ᬭᬸᬫᬦᬶᬲ᭄ᬫᬗ᭄ᬮᭀᬄ᭞ᬩᬸᬓᬫᬳᭂᬫ᭄ᬳᬦ᭄ᬕᭂᬦ᭄ᬟᬶᬲ᭄᭞ᬩ᭄ᬮ᭠ᬩᬸᬃᬚᬸᬭᬸᬄᬳᬧᬲᬶᬄ᭞ᬤᬿᬯᬷᬤᬵᬢᬶᬓᬜ᭄ᬘᬶᬢ᭄ᬭᬯᬸᬄ᭞ᬳᭂᬫ᭄ᬩᭀᬓ᭄ᬳᭂᬜᬾᬦ᭄ᬓᬳᬚᬓ᭄᭞ᬧᬗ᭄ᬭᬸ᭠ ᬫ᭄ᬭᬸᬫᬾᬮᬶᬦ᭄ᬢᬂᬫᬦᬶᬲ᭄᭞ᬢᬶᬢ᭄ᬬᬂᬗᬭᬸᬗᬸ᭞ᬫᬶᬭᬶᬩ᭄ᬳᬦᬓ᭄ᬩᬕᬸᬲ᭄ᬧᬶᬲᬦ᭄᭟ᬤᬾᬯᬷ᭠ᬤᬓ᭄ᬱᬶᬫᬗᬦ᭄ᬤᬶᬓ᭞ᬲᬶᬂᬓᭀᬳᬤᬳᬦᬓ᭄ᬤᬶᬦᬶ᭞ᬳᬚᬓ᭄ᬢᬶᬬᬂᬫᬗ᭄ᬭᬯᭀᬲ᭄᭞ᬤᬿᬯᬷᬤᬵ᭠ ᬢᬶᬫᬜᬯᬸᬭᬶᬦ᭄᭞ᬧ᭄ᬕᬶᬄᬳᭂᬫ᭄ᬩᭀᬓ᭄ᬫᬗᭂᬗ᭄ᬓᭂᬩᬶᬦ᭄᭞ᬧᬤᬶᬤᬶᬦᬕᬶᬄᬫᬓᬸᬧ᭄ᬓᬸᬧ᭄᭞᭠ᬭᬭᬶᬲ᭄‌ᬦ᭄ᬭᭀᬚᭀᬕ᭄ᬫᬦ᭄ᬢᬸᬓᬦ᭄᭞ᬓᬦ᭄ᬢᭂᬦ᭄ᬲᬂᬧ᭄ᬭᬪᬸᬫᬮᬶᬗ᭄ᬕᬶᬄ᭞ᬚ᭄ᬭᭀᬦᬶᬂᬓᬲᬸᬃ᭞ᬍᬂᬍᬂ᭠ ᬤᬿᬯᬷᬤᬵᬢᬶᬜᬶᬗᬓ᭄᭟ᬳᬦᬓ᭄ᬩᬕᬸᬲ᭄ᬩᬚᬂᬚᬫ᭄ᬧ᭄ᬭᬄ᭞ᬤᬿᬯᬷᬦᬵᬢᬶᬩᬸᬓᬳᬶᬭᬶ᭠ᬲ᭄᭞ᬓᬳ᭄ᬬᬸᬦᬾᬫᬩᬸᬤ᭄ᬟᬶᬗᭀᬭᭀᬲ᭄᭞ᬢᬸᬫᬸᬮᬶᬫᬳᬢᬹᬃᬳᬭᬶᬲ᭄᭞ᬳᭂᬫ᭄ᬩᭀᬓ᭄ᬢ᭄ᬬᬂᬫᬜᬶᬮᬶᬄ

Auto-transliteration

[6 6B] 6 n, janitkalabhahan, twarangitungitunghsing, padhaculuk, tĕmbemangrasaninlĕga. sangprabhuhalonngandika, tansaḥmkulngaraspipi, dhuḥmasmiraḥ sanghaywānom, durusangratunemangkin, tuluhilarasdiḥ, knapalingjroningkasur̀, limanepatigabag, sagetngusudñoñoñangkiḥ, pata husud, dadibakatanggunsiñja. hamungaḥmangiḥhangaras, lukar̀‐tinandyansarasmi, kal̥ĕngĕr̀wusinungspaḥ, sangprabhungandikaharis, nikijaratu‐ tampi, spaḥusadaningl̥ĕsu, gustinarimengwaja, sangnāthararismagĕ‐nding, nguruturut, ngarumrumsambilñangkrimang. daiwīdāksyibukahñag, kahyu [7 7A] nebahumiragi, pangrumrumanismangloḥ, bukamahĕmhan'gĕnḍis, bla‐bur̀juruḥhapasiḥ, daiwīdātikañcitrawuḥ, hĕmbok'hĕñenkahajak, pangru‐ mrumelintangmanis, tityangngarungu, mirib'hanakbaguspisan. dewī‐daksyimangandika, singkohadahanakdini, hajaktiyangmangrawos, daiwīdā‐ timañawurin, pgiḥhĕmbokmangĕngkĕbin, padidinagiḥmakupkup, ‐rarisnrojogmantukan, kantĕnsangprabhumalinggiḥ, jroningkasur̀, l̥ĕngl̥ĕng‐ daiwīdātiñingak. hanakbagusbajangjampraḥ, daiwīnātibukahiri‐s, kahyunemabudḍingoros, tumulimahatūr̀haris, hĕmboktyangmañiliḥ

Leaf 7

Image on Archive.org

[᭗ 7B] ᭗ ᭞ᬳᬓ᭄ᬚᭂᬧ᭄ᬳᬦᬓᬾᬩᬕᬸᬲ᭄᭞ᬢᭀᬂᬤᬤᬶᬮᬾᬦᬂᬢ᭄ᬬᬂ᭞ᬓ᭄ᬦᭂᬄᬢ᭄ᬬᬂᬤᭂᬓᭂᬓ᭄ᬧᬮᬶᬂ᭞ᬢᬹᬃᬫᬲᬯᬸᬃ᭞ᬮᬯᬸᬢᬂᬓ᭄ᬫᭂᬚᬳᬚᬓ᭄᭟ᬦᬵᬳᬶᬸᬗ᭄ᬳᬶᬂᬤᬫᬓ᭄ᬮᭀᬗᬚᬓ᭄᭞ᬤᬿᬯᬶᬤᬵᬢᬶᬜ᭠ ᬳᬭᬭᬶᬲ᭄᭞ᬤᬾᬯᬲᬂᬓᬤᬶᬳ᭄ᬬᬂᬲ᭄ᬫᬭ᭞ᬦᬸᬦᬲ᭄ᬓᬾᬢᬶᬢ᭄ᬬᬂᬲᬶᬫ᭄ᬧᬗᬶᬦ᭄᭞ᬲᬂᬧ᭄ᬭᬪᬸᬫᬜᬯᬸᬭᬶᬦ᭄᭞ᬢᬶᬢ᭄ᬬᬂᬗᬶᬭᬶᬂᬭᬢᬸᬳᬬᬸ᭞ᬲᬵᬫ᭄ᬧᬸᬦ᭄ᬳᬶᬭᬓᬮᬸᬕᬺ᭞ᬢᬶᬢ᭄ᬬᬂᬳᬗ᭄ᬕᬾ᭠ ᬜ᭄ᬚᬸᬭᬸᬓ᭄ᬫᬶᬢ᭄᭞ᬲᭀᬓ᭄ᬗᬮᬦ᭄ᬢᬸᬃ᭞ᬚᬸᬭᬸᬗᬫᭀᬂᬭᬶᬂᬧᬫᬺᬫᬦ᭄᭟ᬤᬿᬯᬷᬤᬵ᭠ᬢᬶᬭᬭᬶᬲ᭄ᬦᬦ᭄ᬤᬦ᭄᭞ᬗᭀᬚᬵᬕ᭄ᬓᬧᬫᬺᬫᬦ᭄ᬓᬮᬶᬄ᭞ᬲᬂᬧ᭄ᬭᬪᬸᬫᬗ᭄ᬮᬸᬢ᭄ᬫᬥ᭄ᬬ᭞ᬤᬿᬯᬷᬤᬵ ᬢᬶᬫᬧᬶᬦᬗᬶᬲ᭄᭞ᬳᬤᬾᬗᬂᬓ᭄ᬚᭂᬚᬦᬶ᭞ᬫᬳᬶᬭᬶᬩ᭄ᬳᬶᬮᬂᬫᬦᬫ᭄ᬩᬸᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬮᭀᬦ᭄᭞ᬳᬶᬗ᭄ᬕᬶᬄᬤᬾᬯᬲᬂᬮ᭄ᬯᬶᬃᬭᬢᬶᬄ᭞ᬩᬬᬭᬢᬸ᭞ᬫᬓᬵᬤᬢᬶᬢ᭄ᬬᬂᬩ᭄ᬬᬧᬭ᭟ [᭘ 8A] ᬩᭀᬬᬤᬤᭀᬲ᭄ᬧᬶᬲᬦ᭄ᬢᬶᬢ᭄ᬬᬂ᭞ᬦᬗ᭄ᬕᭂᬦᬶᬦ᭄ᬫᬦᬳᬾᬧᬮᬶᬂ᭞ᬳᬲᬶᬂᬳᬸᬲᬸᬤ᭄ᬲᬸ᭠ᬩᬫ᭄ᬮᬄ᭞ᬳᬲᬶᬂᬳᬤᭂᬓ᭄ᬲᬸᬩᬫᬶᬬᬶᬓ᭄᭞ᬲᬶᬂᬮᬶᬬᬢᬶᬦ᭄ᬗᬃᬤ᭄ᬟᬶᬦᬶᬦ᭄᭞ᬓ᭄ᬦᭂᬳᬾᬦᬾᬦᬾᬳᬮ᭠ ᬗᬸᬦ᭄᭞ᬳᬫ᭄ᬩᬸᬮ᭄ᬫᬲᬶᬲᬶᬕ᭄ᬮᬸᬦᬓ᭄᭞ᬗᬶᬮᬸᬢᭀᬂᬤᬤᬶᬢᬳᭂᬦᬶᬦ᭄᭞ᬳᬶᬗ᭄ᬕᬶᬄ᭠ᬭᬢᬸ᭞ᬳᬭᬸᬄᬢᬸᬮᬸᬲᬂᬧᬶᬲᬜ᭟ᬧᬮᬶᬂᬩᬦᬾᬓᬢᬸᬫ᭄ᬩᬾᬦᬦ᭄᭞ᬤᬿᬯᬶᬤᬵᬢᬶᬫ ᬦᬢᬓᬶᬦ᭄᭞ᬲᬂᬧ᭄ᬭᬪᬸᬢ᭄ᬯᬭᬚᬗ᭄ᬓᬬᬦ᭄᭞ᬧᬥᬸᬦᬶᬂᬲᬶᬜ᭄ᬚᬂᬳᬸᬲ᭄ᬯᬮᬶ᭞ᬢᬶᬦᬶᬦ᭄ᬤᬶᬳᬦ᭄ᬲᬭᬲ᭄ᬫᬶ᭞ᬓᬕ᭄ᬬᬢ᭄ᬤᬿᬯᬶᬤᬵᬢᬶᬗᬤᬸᬄ᭞ᬤᬸᬓᬢᬶᬩᬜ᭄ᬘᬸᬫ᭄ᬩᬦ᭞ᬓᬍᬗᭂᬃᬲᬂᬧ᭄ᬭ᭠ ᬪᬸᬭᬭᬶᬲ᭄᭞ᬩᬸᬓᬸᬢᬸᬓᬸᬢ᭄᭞ᬗᬶᬦ᭄ᬫᬗ᭄ᬭᬸᬫ᭄ᬭᬸᬫᬗᬭᬲ᭄᭟ᬤᬾᬯᬭᬢᬸᬳᬢ᭄ᬫᬚᬶᬯ᭞ᬲᬵᬫ᭄ᬧᬸᬦ᭄ᬮᬲ᭄ᬭᬢᬸᬦᬶᬗ᭄ᬕᬮᬶᬦ᭄᭞ᬦᬸᬦᬲ᭄‌ᬦᬾᬫᬗ᭄ᬓᬶᬦ᭄ᬫᬲᬶᬭᬫ᭄᭞ᬢᬶᬢ᭄ᬬᬂᬫ

Auto-transliteration

[7 7B] 7 , hakjĕp'hanakebagus, tongdadilenangtyang, knĕḥtyangdĕkĕkpaling, tūr̀masawur̀, lawutangkmĕjahajak. nāh̶nghingdamaklongajak, daiwidātiña‐ hararis, dewasangkadihyangsmara, nunasketityangsimpangin, sangprabhumañawurin, tityangngiringratuhayu, sāmpunhirakalugr̥ĕ, tityanghangge‐ ñjurukmit, sokngalantur̀, jurungamongringpamr̥ĕman. daiwīdā‐tirarisnandan, ngojāgkapamr̥ĕmankaliḥ, sangprabhumanglutmadhya, daiwīdā timapinangis, hadengangkjĕjani, mahirib'hilangmanambung, sangprabhungandikālon, hinggiḥdewasanglwir̀ratiḥ, bayaratu, makādatityangbyapara. [8 8A] boyadadospisantityang, nanggĕninmanahepaling, hasinghusudsu‐bamlaḥ, hasinghadĕksubamiyik, singliyatinngar̀dḍinin, knĕhenenehala‐ ngun, hambulmasisiglunak, ngilutongdaditahĕnin, hinggiḥ‐ratu, haruḥtulusangpisaña. palingbanekatumbenan, daiwidātima natakin, sangprabhutwarajangkayan, padhuningsiñjanghuswali, tinindihansarasmi, kagyatdaiwidātingaduḥ, dukatibañcumbana, kal̥ĕngĕr̀sangpra‐ bhuraris, bukutukut, nginmangrumrumangaras. dewaratuhatmajiwa, sāmpunlasratuninggalin, nunasnemangkinmasiram, tityangma

Leaf 8

Image on Archive.org

[᭘ 8B] ᭘ ᬗᭂᬫ᭄ᬩᬦ᭄ᬓᬩᬾᬚᬶ᭞ᬤᬿᬯᬷᬤᬵᬢᬶᬳᬩ᭄ᬮᬶᬮᬶᬃ᭞ᬲᬶᬦᬶᬭᬫᬦ᭄ᬯᬸᬲ᭄ᬧᬶᬦᬗ᭄ᬓᬸ᭞ᬲᬵᬫ᭄ᬧᬸᬦ᭄ᬲᬶᬦᬸᬗᬦ᭄‌ᬲ᭄ᬧᬄ᭞ᬓᬧᬺᬫᬂᬫᬮᬶᬄᬓᬭᬶᬗ᭄ᬭᬶᬂ᭞ᬭᬢᬸᬳᬬᬸ᭞ᬍᬲᬸᬭᬱᬢᬦ᭄ᬧᬸ ᬮᬂ᭟ᬓᬋᬗ᭄ᬯᭃᬭᬶᬂᬤᬿᬯᬶᬦᬵᬢ᭞ᬧᬗ᭄ᬭᬸᬫ᭄ᬭᬸᬫᬾᬮᬶᬦ᭄ᬢᬂᬫᬦᬶᬲ᭄᭞ᬤᭂᬓ᭄ᬤᭂᬓ᭄ᬳᬶᬦ᭄ᬤᭂᬮ᭄ᬩᬸᬓᬮᭀᬤᭀᬄ᭞ᬭᬱᬦ᭄ᬓᬳ᭄ᬬᬸᬦᬾᬫᬶᬭᬕᬶ᭞ᬦᬵᬗ᭄ᬳᬶᬂᬗᬸᬘᬧ᭄ᬤᬶᬳᬢᬶ᭞ᬜᬾᬦ᭄ᬳ ᬚᬓᬓᭀᬦᬾᬤᬶᬢᬸ᭞ᬫᬦᬶᬲᬾᬫᬳ᭄ᬜᬤᬦ᭄᭞ᬫᬶᬭᬶᬩ᭄ᬫᬸᬜᬶᬦ᭄ᬳᬦᬓ᭄ᬫ᭄ᬯᬦᬶ᭞ᬭᬭᬶᬲ᭄ᬢᭂᬥᬸᬦ᭄᭞ᬫᬫᬃᬕ᭄ᬕᬶᬳᬤᬾᬗᬤᬾᬗᬦ᭄᭟ᬲᬭᬯᬸᬳᬾᬤᬿᬯᬷᬤᬵᬲ᭞ᬫᬢ ᬓᬾᬦ᭄ᬭᬶᬂᬤᬿᬯᬷᬤᬵᬢᬶ᭞ᬳᭂᬫ᭄ᬩᭀᬓ᭄ᬳᭂᬜᬾᬜ᭄ᬚᬓᬳᬚᬓ᭄᭞ᬳᬶᬩᬶᬲ᭠ᬜ᭄ᬚᬲᬶᬋᬧ᭄ᬤᬶᬦᬶ᭞ᬫᬦᬶᬲᬾᬢᬦ᭄ᬲᬶᬦᬶᬧᬶ᭞ᬫᬶᬭᬶᬩ᭄ᬳᬦᬓ᭄ᬩᬚᬂᬩᬕᬸᬲ᭄᭞ᬳᭀᬃᬢ᭄ᬣᬳᬶᬦ᭄ᬢ᭄ᬬᬂ [᭙ 9A] ᬳᭂᬫ᭄ᬩᭀᬓ᭄᭞ᬤᬾᬯᬶᬤᬵᬢᬶᬫᬜᬯᬸᬭᬶᬦ᭄᭞ᬲᬤᬢᬦ᭄ᬤ᭄ᬭᬸᬄ᭞ᬚᬦ᭄ᬫᬤᬶᬦᬶᬚᬸᬫᬄᬢ᭄ᬬᬂ᭟ᬤᬾᬯᬶᬤᬵᬭᬭᬶᬲ᭄‌ᬫ᭄ᬤ᭄᭞ᬫᬢᬓᬾᬦ᭄ᬳᭂᬜᬾᬦ᭄ᬗᭀᬃᬢ᭄ᬣᬳᬶᬦ᭄᭞᭠ ᬳᬤᬶᬢᬢᬲᬦ᭄ᬫᬦᬯᬂ᭞ᬤᬾᬯᬷᬤᬵᬢᬶᬫᬜᬯᬸᬭᬶᬦ᭄᭞ᬜᬾᬜ᭄ᬚᬫ᭠ᬗᭀᬃᬢ᭄ᬣᬳᬶᬦ᭄᭞ᬢ᭄ᬬᬂᬫᬦᬶᬗᭂᬄᬧᬗ᭄ᬭᬸᬫ᭄ᬭᬸᬫ᭄᭞ᬫᬦᬶᬲ᭄ᬫᬳᭂᬫ᭄ᬩᬄᬕᬸᬮ᭞ᬳᬸᬮᬗᬸᬦ᭄ᬢ᭄ᬬᬂᬫᬶᬭᬕᬶ ᭞ᬳᭂᬫ᭄ᬩᭀᬓ᭄ᬤᬶᬢᬸ᭞ᬦᬕᬶᬄᬍᬕᭂᬧᬋᬭᬕᬦ᭄᭟ᬭᬭᬶᬲ᭄ᬫᬦ᭄ᬭᭀᬚᭀᬕ᭄ᬫᬦ᭄ᬢᬸᬓᬦ᭄᭞ᬫᬗ᭄ᬭᬾᬕᬂᬮᬗ᭄ᬲᬾᬫ᭄ᬤᬲᬶᬦ᭄᭞ᬓᬦ᭄ᬢᭂᬦ᭄ᬳᬦᬓ᭄ᬩᬕᬸᬲᬦᭀᬫ᭄᭞ᬫᬵᬧᬶᬫᬢᬸᬭᬸᬧᬦ᭄ᬳ ᬭᬶᬧ᭄᭞ᬤᬾᬯᬷᬤᬵᬢᬜᬧᬵᬭᬶᬲ᭄᭞ᬲᬶᬭᬳᬶᬭᬶᬓᬶᬫᬢᬸᬭᬸ᭞ᬫᬢᬗᬶᬩ᭄ᬮᬶᬗᬸᬭᬄ᭞ᬫᬗ᭄ᬭᬭᬶᬲ᭄ᬓᬤᬦ᭄ᬤᬦ᭄ᬫᬶᬚᬶᬮ᭄᭞ᬲᬤᬳᬮᬸᬲ᭄᭞ᬲᬂᬧ᭄ᬭᬪᬸᬫᬫᬂᬕ᭄ᬕᬫ᭄ᬤᬮ᭄

Auto-transliteration

[8 8B] 8 ngĕmbankabeji, daiwīdātihablilir̀, siniramanwuspinangku, sāmpunsinunganspaḥ, kapr̥ĕmangmaliḥkaringring, ratuhayu, l̥ĕsuraṣatanpu lang. kar̥ĕngwöringdaiwināta, pangrumrumelintangmanis, dĕkdĕk'hindĕlbukalodoḥ, raṣankahyunemiragi, nānghingngucapdihati, ñenha jakakoneditu, manisemahñadan, miribmuñinhanakmwani, raristĕdhun, mamar̀ggihadengadengan. sarawuhedaiwīdāsa, mata kenringdaiwīdāti, hĕmbok'hĕñeñjakahajak, hibisa‐ñjasir̥ĕpdini, manisetansinipi, mirib'hanakbajangbagus, hor̀tthahintyang [9 9A] hĕmbok, dewidātimañawurin, sadatandruḥ, janmadinijumaḥtyang. dewidārarismd, matakenhĕñenngor̀tthahin, ‐ haditatasanmanawang, dewīdātimañawurin, ñeñjama‐ngor̀tthahin, tyangmaningĕḥpangrumrum, manismahĕmbaḥgula, hulanguntyangmiragi , hĕmbokditu, nagiḥl̥ĕgĕpar̥ĕragan. rarismanrojogmantukan, mangreganglangsemdasin, kantĕnhanakbagusanom, māpimaturupanha rip, dewīdātañapāris, sirahirikimaturu, matangiblinguraḥ, mangrariskadandanmijil, sadahalus, sangprabhumamangggamdal

Leaf 9

Image on Archive.org

[᭙ 9B] ᭙ ᬲᬳᬧᬗᬦ᭄ᬤᬶᬓᬩᬦ᭄ᬩᬦ᭄᭞ᬭᬢᬸᬢᬶᬢ᭄ᬬᬂᬮᬶᬦ᭄ᬢᬂᬳᬚ᭄ᬭᬶᬄ᭞ᬭᬶᬂᬭᬓᬦ᭄ᬳᬶᬫᬶᬭᬄᬓᬭᭀ᭞ᬫᬦᬯᬶᬤᬸᬓᬫᬦᬶᬕ᭄ᬢᬶᬕ᭄᭞ᬲᬺᬂᬓᬳ᭄ᬬᬸᬦ᭄ᬳᬶᬫᬡ᭄ᬦᬶᬓ᭄᭞ᬲ᭄ᬮᬂᬢᬶᬢ᭄ᬬᬂᬳᬦᬓᬕᬸ᭞ ᬫᬲᬯᬸᬃᬤᬿᬯᬷᬦᬵᬢ᭞ᬩᬗ᭄ᬕᬶᬦᬾᬩᬵᬲ᭄ᬢᬶᬤᭀᬂᬕᬶᬕᬶᬲ᭄᭞ᬚᬮᬦ᭄‌ᬧ᭄ᬲᬸ᭞ᬜᬦᬜ᭄ᬚᬸᬫᬄᬫᬮᬮᬫ᭄ᬧᬵᬦ᭄᭟ᬫᬤᬦ᭄ᬤᬦ᭄ᬗ᭄ᬭᬭᬶᬲ᭄ᬫᬚᬮᬦ᭄᭞ᬤᬿᬯᬶᬤᬵᬢᬭᬭᬶᬲ᭄ᬜᬶᬮᬶᬄ᭞ ᬳᭂᬫ᭄ᬩᭀᬓ᭄ᬢ᭄ᬬᬂᬫᬮᬸᬗᬚᬓ᭄᭞ᬦᬶᬓᬶᬳᬶᬩ᭄ᬮᬶᬳᬯᬳᬶ᭞ᬭᬓᬦ᭄ᬳᬶᬤᬓᬓᬮᬶᬄ᭞᭠ᬢᬦ᭄ᬧᬜ᭄ᬚᬂᬲᬯᬸᬭᬾᬳᬲᬸᬂ᭞ᬳᬗ᭄ᬳᬶᬂᬤᬜᭂᬦ᭄ᬫᬓ᭄ᬮᭀ᭞ᬳᬧᬶᬓᬶᬦ᭄ᬫᬮᬶᬄᬳᬸᬮᬦᬶᬦ᭄᭞ᬧᬂᬲᬢᬸᬯᬸ᭠ ᬓ᭄᭞ᬍᬕᭂᬳᬗ᭄ᬕᭀᬦ᭄ᬳᬸᬩᬤ᭄ᬓ᭄ᬬᬧ᭄᭟ᬧ᭄ᬭᬪᬸᬳᬚᬶᬥᬃᬫ᭄ᬫᬵᬗᬸᬘᬧ᭄᭞ᬫᬲ᭄ᬫᬶᬭᬄ᭠ᬢᬶᬢ᭄ᬬᬂᬳᬶᬫᬡ᭄ᬦᬶᬓ᭄᭞ᬓᬢᬶᬕᬫᬜ᭄ᬚᬓᬂᬢᬶᬢ᭄ᬬᬂ᭞ᬲ᭄ᬮᭂᬕᭂᬦ᭄ᬢᬶᬢᬶᬢ᭄ᬬᬂᬫᬗ᭄ᬫᬶᬢ᭄᭞ᬫᬗ᭄ᬓᬶᬦ᭄ᬲᬵ᭠ [᭑᭐ 10A] ᬫ᭄ᬧᬸᬦ᭄ᬫᬗ᭄ᬭᬭᬶᬲ᭄᭞ᬤᬶᬧᬫᬺᬫᬦᬾᬫᬵᬢᬸᬭᬸ᭞ᬤᬿᬯᬶᬤᬵᬢᬳᬗᬸᬘᬧ᭄᭞ᬍᬕᭂᬢᬶ᭠ᬢ᭄ᬬᬂᬭᬯᬸᬄᬩ᭄ᬮᬶ᭞ᬫᬗᭂᬦᬳᬶᬦ᭄᭞ᬢᬶᬢ᭄ᬬᬂᬭᬶᬗᬮᬲ᭄ᬫᬮᬬ᭟ᬧ᭄ᬭᬪᬸᬳᬚᬷᬥᬃᬫ᭄ᬫᬫᬦᬶᬫ᭄ᬩᬮ᭄᭞ᬢᬶᬢ᭄ᬬᬂ ᬢᬦ᭄ᬧᬜ᭄ᬚᬂᬫᬗᬶᬭᬶᬂᬢᬶᬢ᭄ᬬᬂᬫᬤᬺᬩᬾᬢᬸᬢᬸᬢᬦ᭄᭞ᬲᬢᬸᬲ᭄ᬤᬶᬚᬩᬫᬗᬦ᭄ᬢᬶ᭞ᬦᬶᬓᬭᬢᬸᬦ᭄ᬤᬶᬓᬳᬶᬦ᭄᭞ᬬᬦᬧᬶᬓᬳ᭄ᬬᬸᬦᬂᬭᬢᬸ᭞ᬳᬶᬧᬸᬦ᭄‌ᬦ᭄ᬤᬶᬓᬬᬂᬗᬮᬧ᭄᭞ᬓᬾᬯᬦ᭄ᬢᭂᬦ᭄ᬭᬢᬸ᭠ ᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬓᬤᬸᬭᬸᬲ᭄᭞ᬓᬾᬦᬓᬾᬫᬜ᭄ᬚᬓᬂᬢᬶᬢ᭄ᬬᬂ᭟ᬢ᭄ᬯᬭᬧ᭄ᬕᬢ᭄ᬗᬸᬓᬶᬄᬲᬶᬜ᭄ᬚᬂ᭞ᬮᬸᬓᬃᬦᬸᬮᬶᬓᬲᬮᬶᬗ᭄ᬮᬶᬂ᭞ᬓᬂᬧᬦᬗ᭄ᬓᬦᬶᬂᬭᬶᬂᬭᭀᬂ᭞ᬕᬺᬕᭂᬢᬦ᭄ᬫᬦᬶᬫᬦ᭄ᬧᬶᬧᬶ᭞ᬗᬸᬲᬧᬸᬲᬧ᭄ᬦᬾᬧᬶᬗᬶᬢ᭄᭞ᬲᬂᬤ᭄ᬬᬄᬓᬾᬭᬗᬦ᭄ᬫᬶᬗ᭄ᬕᬸᬄ᭞ᬲᬵᬫ᭄ᬧᬸᬦ᭄ᬲᬶᬭᬥᬸᬫ᭄ᬩᬦ᭞ᬢᬦ᭄ᬓᬘᬭᬶᬢᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬳᬢᬸᬦ᭄᭞ᬭᬩᬶᬦᬾᬫᬓᬢᬢᬶᬕ᭟ᬯᬾᬦ᭄ᬢᭂᬦ᭄ᬳᬶᬗᬦᬦ᭄‌ᬤ᭄ᬯ᭠

Auto-transliteration

[9 9B] 9 sahapangandikabanban, ratutityanglintanghajriḥ, ringrakanhimiraḥkaro, manawidukamanigtig, sr̥ĕngkahyunhimaṇnik, slangtityanghanakagu, masawur̀daiwīnāta, bangginebāstidonggigis, jalanpsu, ñanañjumaḥmalalampān. madandanngrarismajalan, daiwidātararisñiliḥ, hĕmboktyangmalungajak, nikihiblihawahi, rakanhidakakaliḥ, ‐tanpañjangsawurehasung, hanghingdañĕnmaklo, hapikinmaliḥhulanin, pangsatuwu‐ k, l̥ĕgĕhanggonhubadkyap. prabhuhajidhar̀mmāngucap, masmiraḥ‐tityanghimaṇnik, katigamañjakangtityang, slĕgĕntitityangmangmit, mangkinsā‐ [10 10A] mpunmangraris, dipamr̥ĕmanemāturu, daiwidātahangucap, l̥ĕgĕti‐tyangrawuḥbli, mangĕnahin, tityangringalasmalaya. prabhuhajīdhar̀mmamanimbal, tityang tanpañjangmangiringtityangmadr̥ĕbetututan, satusdijabamanganti, nikaratundikahin, yanapikahyunangratu, hipunndikayangngalap, kewantĕnratu‐ nemangkin, mangdakadurus, kenakemañjakangtityang. twarapgatngukiḥsiñjang, lukar̀nulikasalingling, kangpanangkaningringrong, gr̥ĕgĕtanmanimanpipi, ngusapusapnepingit, sangdyaḥkeranganmingguḥ, sāmpunsiradhumbana, tankacaritanemangkin, sāmpunhatun, rabinemakatatiga. wentĕnhinganandwa‐

Leaf 10

Image on Archive.org

[᭑᭐ 10B] ᭑᭐ ᬩᬸᬮᬦ᭄᭞ᬲᬂᬧ᭄ᬭᬪᬸᬗᭂᬦᬳᬶᬦ᭄ᬭᬩᬶ᭞ᬫᬳᬶᬫ᭄ᬬᬦᬦ᭄ᬓᬭᬲᬶᬓᬦ᭄᭞ᬦᬾᬫᬗ᭄ᬓᬶᬜ᭄ᬘ᭄ᬭᬶᬢᬦᭂᬦ᭄‌ᬢ᭄ᬗᬶ᭞ᬲᬂᬧ᭄ᬭᬪᬸᬮᬦ᭄ᬲᬂᬧᬸᬢ᭄ᬭᬶ᭞ᬫᬵᬧᬶᬫᬢᬸᬭᬸᬧᬥᬯ᭄ᬭᬸᬄ᭞ᬲᬂᬧ᭄ᬭᬪᬸᬳᬚᬶᬥᬃᬫ᭄ᬫ᭞ᬫᬧᬶᬲᬶ᭠ ᬋᬧ᭄ᬲᬤᬳᬭᬶᬲ᭄᭞ᬦᬵᬗ᭄ᬳᬶᬂᬳᬶᬤ᭞ᬫᬶᬋᬗᬂᬭᬯᭀᬲ᭄ᬲᬂᬧᬸᬢ᭄ᬭ᭄ᬬ᭟ᬤᬾᬯᬶᬤᬵᬓ᭄ᬱᬶᬫᬗᬦ᭄ᬤᬶᬓ᭞ᬳᬤᬶᬤᭀᬂᬚᬮᬦ᭄ᬦᬾᬚᬦᬶ᭞ᬫᬸᬂᬧᬸᬂᬭᬓᬦ᭄ᬳᬤᬶᬗ᭄ᬮᬸᬫᬄ᭞ᬫᬓ᭄ᬮᭀᬢᭀᬂᬢᬳᬾ ᬦ᭄ᬫᬮᬮᬶ᭞ᬓᬲ᭄ᬫᬦᬾᬦ᭄ᬕᬭᬶᬦ᭄᭞ᬗ᭄ᬮᭂᬓᬲᬂᬫᬦ᭄ᬢ᭄ᬭᬦᬾᬫᬮᬸ᭞ᬬᬾᬦ᭄ᬓᬾᬦ᭄ᬓᬾᬦ᭄ᬢᭀ᭠ᬘᬬᬦ᭄ᬜ᭞ᬳ᭄ᬦᬸᬩᬸᬓᬭᬶᬳᬶᬦ᭄ᬭᬶᬳᬶᬦ᭄᭞ᬭᬱᬢ᭄ᬧᬸᬓ᭄᭞ᬢ᭄ᬬᬂᬩᬗ᭄ᬓᬾᬦᬾᬤᬶᬲ᭄ᬫ᭟ᬲᬤ᭄ᬬᬄᬓ᭠ ᬮᬶᬄᬫᬗᬶᬭᬶᬗᬂ᭞ᬭᬯᬸᬄᬭᬶᬂᬓ᭄ᬱᬾᬢ᭄ᬭᬫᬗ᭄ᬭᬭᬶᬲ᭄᭞ᬯᬾᬦ᭄ᬢᭂᬦ᭄ᬗᭀᬚᭀᬕ᭄ᬧᬫᬸᬳᬸᬦᬦ᭄᭞ᬯᬾᬦ᭄ᬢᭂᬦ᭄ᬓᬥᬍᬫ᭄ᬫᬗ᭄ᬭᬭᬶᬲ᭄᭞ᬲᬵᬫ᭄ᬧᬸᬫᬂᬗ᭄ᬮᭂᬓᬲ᭄ᬲᬫᬶ᭞ᬧ᭄ᬭᬪᬸᬚᬶᬥᬃᬫ᭄ᬫᬵᬫᬸ᭠ [᭑᭑ 11A] ᬗᬸ᭞ᬗ᭄ᬭᬯᭀᬲ᭄ᬭᬶᬂᬧᬓᬳ᭄ᬬᬸᬦᬦ᭄᭞ᬓᬮᬶᬗᬦᬾᬩᬶᬱᬲᬫᬶ᭞ᬲᬮᬄᬲᭂᬗ᭄ᬕᬸᬄ᭞ᬚ᭄ᬕᬾᬕᬾᬩᬶᬱᬗ᭄ᬮᬾᬬᬓ᭄᭟ᬦ᭄ᬤᬄᬳᬶᬦ᭄ᬤᬬᬂᬓ᭄ᬫᭂᬯᬲ᭄ᬯᬲ᭄᭞ᬓᬃᬯ᭄ᬯᬦᬓᬾᬦ᭄ᬧᬶᬦᬶᬄᬰᬓ᭄ᬢᬶ᭞ᬫᬗ᭄ᬭᬭᬶᬲ᭄ᬢᭂ᭠ ᬥᬸᬦ᭄ᬫᬫᬃᬕ᭄ᬕ᭞ᬭᬯᬸᬄᬭᬶᬂᬓ᭄ᬱᬢᬺᬫᬦ᭄ᬤᬤᬶ᭞ᬳᬲᬸᬲ᭄ᬮᭂᬫ᭄ᬫᬍᬗᬶᬲ᭄᭞ᬫᭀᬓᭀᬄᬍᬫᬸᬄᬓᬶᬮᬂᬓᬶᬮᬸᬂ᭞ᬩᬢᬦ᭄‌ᬓ᭄ᬧᬸᬳᬾᬗᭀᬚᭀᬕ᭄᭞ᬲᬓᬶᬂᬳᬶᬭᬶᬓᬓᬳᬓ᭄ᬱᬶ᭞ᬭᬭᬶᬲ᭄ᬭᬯᬸᬄ᭠ ᬲᬂᬧᬸᬢ᭄ᬭᬷᬓ᭄ᬭᬸᬭᬭᬹᬧ᭟ᬤᬿᬯᬷᬤᬵᬓ᭄ᬱᬶᬲᬓᬶᬂᬰᬷᬯ᭞ᬤ᭄ᬯᬭᬦᬾᬫᬶᬚᬶᬮᬂᬕ᭄ᬦᬶ᭞ᬓ᭄ᬭᬸᬭ᭠ᬫᬓ᭄ᬤᬸᬲ᭄ᬮᭀᬮᭀᬃᬤᬿᬯᬶᬤᬵᬢᬷᬲᬓᬶᬂᬩᬶᬩᬶᬄ᭞ᬳᬧᬶᬦᬾᬫᬸᬜ᭄ᬘ᭄ᬭᬢ᭄ᬗᭂᬦ᭄ᬤᬶᬄ᭞ᬤᬿᬯᬷᬤᬵᬢ᭠ ᬲᬓᬶᬂᬲᬸᬭᬸᬓ᭄᭞ᬳᬧᬶᬦᬾᬫᬗᬸᬮᬾᬮᬫ᭄᭞ᬧᬢ᭄ᬮᬤ᭄ᬢᬤ᭄ᬗᭂᬩᭂᬓᬶᬦ᭄ᬕᬸᬫᬶ᭞ᬫᬮᬶᬄ᭠ᬤᬸᬤᬸᬂ᭞ᬲᬃᬯ᭄ᬯᬲᬦ᭄ᬤᬶᬯᬶᬚᬶᬮ᭄ᬳᬧ᭄ᬬᬧ᭄ᬭᬪᬸᬳᬚᬶᬥᬃᬫ᭄ᬫᬜᬶᬗᬓ᭄᭞ᬭᬩᬶᬦᬾᬩᬶᬱᬫᬦ᭄ᬤᬾ᭠

Auto-transliteration

[10 10B] 10 bulan, sangprabhungĕnahinrabi, mahimyanankarasikan, nemangkiñcritanĕntngi, sangprabhulansangputri, māpimaturupadhawruḥ, sangprabhuhajidhar̀mma, mapisi‐ r̥ĕpsadaharis, nānghinghida, mir̥ĕngangrawossangputrya. dewidāksyimangandika, hadidongjalannejani, mungpungrakanhadinglumaḥ, maklotongtahe nmalali, kasmanen'garin, nglĕkasangmantranemalu, yenkenkento‐cayanña, hnubukarihinrihin, raṣatpuk, tyangbangkenedisma. sadyaḥka‐ liḥmangiringang, rawuḥringksyetramangraris, wentĕnngojogpamuhunan, wentĕnkadhal̥ĕmmangraris, sāmpumangnglĕkassami, prabhujidhar̀mmāmu‐ [11 11A] ngu, ngrawosringpakahyunan, kalinganebiṣasami, salaḥsĕngguḥ, jgegebiṣangleyak. ndaḥhindayangkmĕwaswas, kar̀wwanakenpiniḥśakti, mangraristĕ‐ dhunmamar̀gga, rawuḥringkṣatr̥ĕmandadi, hasuslĕmmal̥ĕngis, mokoḥl̥ĕmuḥkilangkilung, batankpuhengojog, sakinghirikakahaksyi, rarisrawuḥ‐ sangputrīkrurarūpa. daiwīdāksyisakingśīwa, dwaranemijilanggni, krura‐makduslolor̀daiwidātīsakingbibiḥ, hapinemuñcratngĕndiḥ, daiwīdāta‐ sakingsuruk, hapinemangulelam, patladtadngĕbĕkin'gumi, maliḥ‐dudung, sar̀wwasandiwijilhapyaprabhuhajidhar̀mmañingak, rabinebiṣamande‐

Leaf 11

Image on Archive.org

[᭑᭑ 11B] ᭑᭑ ᬱ᭄ᬝᬶ᭞ᬤᬤᬶᬓᬮᬶᬦ᭄ᬢᬗᬶᬂᬳᬗᭀᬩ᭄᭞ᬲᬂᬤᬵᬓ᭄ᬱᬶᬮᬯᬸᬢ᭄ᬫᬫᬸᬜᬶ᭞ᬦᬾᬳᬤᬩᬗ᭄ᬓᬾᬳᬤᬶ᭞ᬫᬶᬭᬶᬩ᭄ᬫᬧᬲᬄᬳᬶᬢ᭄ᬮᬸᬦ᭄᭞ᬚᬦᬶᬦᬾᬲᬸᬩᬧᬸᬭᬓ᭄᭞ᬲᬗᬭᬶᬓᬮᬶᬄᬜᬕ᭄ᬚᬕᬶ᭠ ᬦ᭄᭞ᬢᬦ᭄ᬧᬗᬶᬢᬸᬂ᭞ᬫᬗ᭄ᬭᭀᬓᬾᬄᬳᬚᬓ᭄ᬢᬢᬶᬕ᭟ᬧ᭄ᬗᬶᬢᬾᬗ᭄ᬩᭂᬓᬶᬦ᭄‌ᬓ᭄ᬱᬾᬢᬺ᭞ᬘᬶᬘᬶᬗᬾᬲ᭄ᬮᭂᬫ᭄‌ᬜ᭄ᬚᬕ᭄ᬚᬕᬶᬦ᭄᭞ᬤᬿᬯᬷᬤᬵᬓ᭄ᬱᬶᬦᬾᬓᬳᭀᬚᭀᬕ᭄᭞ᬫᬜᬮᬸᬂᬗᬶᬍ ᬳᬶᬦ᭄ᬩᬢᬶᬲ᭄᭞ᬫᬶᬭᬶᬩ᭄ᬫᬫᬶᬢᬸᬢᬸᬭᬶᬦ᭄᭞ᬤᬓᬓᬾᬦᬾᬤᬢᬲᬮᬸᬓ᭄᭞ᬤᬿᬯᬷᬤᬵᬢᬶᬳᬗᬸᬘᬧ᭄᭞ᬘᬶᬘᬶᬗᬾᬳᭂᬫ᭄ᬩᭀᬓ᭄ᬳᭂᬦ᭄ᬢᬸᬗᬶᬦ᭄᭞ᬢᬦ᭄ᬓᬤᬸᬭᬸᬲ᭄᭞ᬳᬶᬧᬸᬦ᭄ᬫᬜᬮᬸᬂᬤᬶ ᬲ᭄ᬫ᭟ᬤᬿᬯᬷᬤᬵᬓ᭄ᬱᬶᬭᬭᬶᬲ᭄ᬗᬢᬢ᭄᭞‌‌ᬮᬬᬄᬫᬗᭂᬦ᭄ᬢᬸᬗᬶᬜ᭄ᬘᬶᬘᬶᬂ᭞ᬲᬂᬤᬵᬢᬷ᭠ᬫᬮᬶᬄᬓᬳᭀᬚᭀᬕ᭄᭞ᬜᬮᬸᬂᬳᬶᬭᬶᬓᬗᬶᬍᬳᬶᬦ᭄᭞ᬭᬭᬶᬲ᭄ᬓᬳᭂᬦ᭄ᬢᬸᬗᬶᬦ᭄ᬳᬢᬶ᭞ᬓᬘ᭠ [᭑᭒ 12A] ᬧ᭄ᬮᭀᬓ᭄ᬫᬮᬶᬄᬫᬜᬮᬸᬂ᭞ᬫᬗᭀᬚᭀᬕ᭄ᬤᬿᬯᬷᬤᬵᬢ᭞ᬩᬳᬸᬓᬳᭂᬦ᭄ᬢᬸᬗᬶᬦ᭄ᬳᬶᬲᬶ᭞ᬕ᭄ᬮᬶᬲ᭄ᬓᬲ᭄ᬕᬸᬢ᭄᭞ᬲᬂᬧ᭄ᬭᬪᬸᬦᬸᬮᬶᬫᬢᬸᬮᬓ᭄᭟ᬭᬯᬸᬄᬤᬶᬚ᭄ᬭᭀᬓᬲᬗᬶᬤᬂ᭞ᬤᬤᬶᬧᬶᬦᭂᬄ ᬤᬶᬳᬢᬶ᭞ᬳ᭄ᬦᬾᬳᬤᬧᬘᬂᬳᬫ᭄ᬩᬄ᭞ᬫ᭄ᬲᬸᬯᬂᬧᬶᬢᬸᬢᬸᬃᬩ᭄ᬘᬶᬓ᭄᭞ᬬᬾᬦ᭄ᬢ᭄ᬯᬭᬳᬤᬕᬶᬲᬶ᭞ᬧ᭄ᬟᬲ᭄ᬩᬜᬢᭀᬂᬓᬕᬸᬕᬸ᭞ᬩᬳᬸᬳᬲᬧᬸᬦᬶᬓ᭞ᬧᬂᬧᬶᬦᭂᬳᬾᬭᬶᬚ᭄ᬭᭀᬦᬶᬗ᭄ᬳᬢᬶ᭞ᬓ᭠ ᬕᬾᬢ᭄ᬭᬯᬸᬄ᭞ᬲᬂᬧᬸᬢ᭄ᬭᬷᬫᬓᬢᬢᬶᬕ᭟ᬭᬭᬶᬲ᭄ᬗᭀᬚᭀᬕ᭄ᬭᬶᬂᬧᬫᬺᬫᬦ᭄᭞ᬫᬮᬶᬗ᭄ᬕᬶᬄᬲᬫᬶᬫᬲᬦ᭄ᬤᬶᬂ᭞ᬳ᭄ᬩᭀᬦᬾᬫᬶᬬᬶᬓ᭄ᬫᬗᭀᬭᭀᬩ᭄᭞ᬤᬾᬦᬶᬂᬢᬗᬃᬲᬋᬂᬲᬫᬶ᭞ᬫᬲᬶᬭ᭠ ᬫ᭄ᬫᬭᬭᬤᬶᬦ᭄᭞ᬫᬍᬗᬶᬲ᭄ᬫᬶᬬᬶᬓ᭄ᬲᬢᬫ᭄ᬩᬸᬮ᭄᭞ᬫᬶᬬᬶᬓ᭄ᬜᬦᬾᬩᬸᬮᬦᬦ᭄᭞ᬗᬗ᭄ᬭ᭠ᬭᬶᬲ᭄‌ᬫᬺᬫ᭄ᬜᬶᬲᬶᬦᬶᬦ᭄᭞ᬳᬶᬤᬲᬂᬧ᭄ᬭᬪᬸ᭞ᬫᬧᬶᬫᬧᬶᬢᬦ᭄ᬳᬸᬦᬶᬗ᭟ᬲᬂᬧ᭄ᬭᬪᬸᬫᬢᬗᬶᬓᬕ᭄ᬬᬢ᭄᭞᭠

Auto-transliteration

[11 11B] 11 ṣṭi, dadikalintanginghangob, sangdāksyilawutmamuñi, nehadabangkehadi, miribmapasaḥhitlun, janinesubapurak, sangarikaliḥñagjagi‐ n, tanpangitung, mangrokeḥhajaktatiga. pngitengbĕkinksyetr̥ĕ, cicingeslĕmñjagjagin, daiwīdāksyinekahojog, mañalungngil̥ĕ hinbatis, miribmamituturin, dakakenedatasaluk, daiwīdātihangucap, cicingehĕmbok'hĕntungin, tankadurus, hipunmañalungdi sma. daiwīdāksyirarisngatat, layaḥmangĕntungiñcicing, sangdātī‐maliḥkahojog, ñalunghirikangil̥ĕhin, rariskahĕntunginhati, kaca‐ [12 12A] plokmaliḥmañalung, mangojogdaiwīdāta, bahukahĕntunginhisi, gliskasgut, sangprabhunulimatulak. rawuḥdijrokasangidang, dadipinĕḥ dihati, hnehadapacanghambaḥ, msuwangpitutur̀bcik, yentwarahadagisi, pḍasbañatongkagugu, bahuhasapunika, pangpinĕherijroninghati, ka‐ getrawuḥ, sangputrīmakatatiga. rarisngojogringpamr̥ĕman, malinggiḥsamimasanding, hbonemiyikmangorob, deningtangar̀sar̥ĕngsami, masira‐ mmararadin, mal̥ĕngismiyiksatambul, miyikñanebulanan, ngangra‐rismr̥ĕmñisinin, hidasangprabhu, mapimapitanhuninga. sangprabhumatangikagyat, ‐

Leaf 12

Image on Archive.org

[᭑᭒ 12B] ᭑᭒ ᬭᬭᬶᬲ᭄ᬫᬦᬗᬶᬦᬶᬦ᭄ᬭᬩᬶ᭞ᬫᬢᬗᬶᬲᬫᬶᬓᬂᬯᬤᭀᬦ᭄᭞ᬲᬧ᭄ᬭᬪᬸᬗᬦ᭄ᬤᬶᬓᬫᬦᬶᬲ᭄‌᭞ᬫᬲ᭄ᬫᬶᬭᬄᬢᬶᬢ᭄ᬬᬂᬗᬶᬧᬶ᭞ᬳᬶᬭᬢᬸᬫᬓᬢᬢ᭄ᬮᬸ᭞ᬓᭀᬘᬧ᭄ᬩᬶᬱᬗ᭄ᬮᬾᬬᬓ᭄᭞ᬳᬶᬤᬾᬯᬲᬂ ᬤᬵᬢᬇᬓᬶ᭞ᬓᭀᬘᬧ᭄ᬜᭂᬧᭂᬮ᭄᭞ᬳᬶᬲᬶᬚ᭄ᬭᭀᬦᬶᬂᬧᬲᬸᬯᬳᬦ᭄᭟ᬲᬂᬤᬵᬢᬶᬓᭀᬘᬧ᭄ᬜᭂᬧ᭄ᬮᬂ᭞ᬳᬢᬶᬤᬶᬧᬩ᭄ᬯᬦᬾᬧ᭄ᬗᬶᬢ᭄᭞ᬲᬂᬤᬵᬓ᭄ᬱᬶᬓᭀᬘᬧ᭄ᬳᬶᬤᬾᬯ᭞ᬜ᭄ᬧᭂᬮ᭄ᬮᬬᬄ ᬩᬗ᭄ᬓᬾᬧ᭄ᬗᬶᬢ᭄᭞ᬤᬶᬧᬘ᭄ᬭᬓᬾᬦᬾᬚᬦᬶ᭞ᬲᬂᬤ᭄ᬬᬄᬢᬗ᭄ᬓᭂᬚᬸᬢ᭄ᬫᬘ᭄ᬩᬸᬃ᭞ᬫᬦᬢᬲ᭄ᬦᬾᬓᬳᬸᬘᬧ᭄᭞ᬤᬤᬶᬲᬚᬧᬥᬫᬶᬲᬶ᭞ᬤᬿᬯᬷᬤᬵᬓ᭄ᬱᬶ᭞ᬗᬦ᭄ᬤᬶᬓᬬᬂᬚ᭄ᬗᬧᬶᬲᬦ᭄᭟ ᬧ᭄ᬤᬲ᭄ᬩᬦ᭄ᬢ᭄ᬬᬂᬳᬶᬩᬶᬲᬜ᭄ᬚ᭞ᬢ᭄ᬯᬄᬳᬶᬬᬫᬦ᭄ᬤᬤᬶᬘᬶᬘᬶᬂ᭞ᬲ᭄ᬮᭂᬫ᭄‌ᬍᬫᬸᬄᬩ᭄ᬯᬶᬦ᭄ᬫᭀᬓᭀᬄ᭞ᬮᬬᬳᬾᬢ᭄ᬬᬂᬗᭂᬦ᭄ᬢᬸᬗᬶᬦ᭄᭞ᬤᬿᬯᬷᬤᬵᬢᬶᬜᬯᬸᬭᬶᬦ᭄᭞ᬓᬾᬦ᭄ᬓᬾᬦᬂᬩᬳ [᭑᭓ 13A] ᬦ᭄ᬫᬜᬭᬸ᭞ᬫᬲᬶᬄᬫᬕᭀᬩᬢᬶᬗ᭄ᬕᬃ᭞ᬳᬶᬲᬶᬦᬾᬢ᭄ᬬᬂᬗᭂᬦ᭄ᬢᬸᬗᬶᬦ᭄᭞ᬤᬤᬶᬚᬦᬶᬓᬢ᭄ᬧᬸᬓ᭄ᬳᭂᬦ᭄ᬢᭀᬯᬮᬸᬬ᭟ᬤᬿᬯᬷᬤᬵᬢᬶᬮᬶᬯᬢ᭄ᬓ᭄ᬭᭀᬥ᭞ᬫᬶᬭᬶᬩ᭄ᬩ᭄ᬯᬶᬦ᭄᭞ᬧ᭄ᬲᬸᬳᬧᬶ᭞ᬫᬗ ᬦ᭄ᬤᬶᬓᬫᬲᬲᬸᬫ᭄ᬩᬃ᭞ᬮᬶᬯᬢ᭄ᬩᬦ᭄ᬜᬗ᭄ᬩᬸᬲᬶᬦ᭄᭞ᬓ᭄ᬦᭂᬳᬾᬩᬸᬓᬚᬦᬶ᭞ᬦᬄᬬᬾᬦ᭄ᬢ᭄ᬯᬭᬲᬶᬤ᭄ᬟᬗ᭄ᬮᬸᬦ᭄ᬢᬸᬓ᭄᭞ᬤᬶᬢᬦᬳᬾᬜᬍᬫ᭄ᬧᬄ᭞ᬳᬾᬤᬍᬫ᭄ᬩᬶᬱᬫᬦ᭄ᬤᬾᬱ᭄ᬝᬶ᭞ᬳᬶᬤᭀᬳᬶ ᬤᭀ᭞ᬫᬸᬮᬫᬦ᭄ᬢ᭄ᬭᬢᬢᬫ᭄ᬬᬦ᭄᭟ᬤᬿᬯᬷᬤᬵᬢᬶᬭᬭᬶᬲ᭄ᬜᬕ᭄ᬚᬕ᭄᭞ᬗ᭄ᬮᬸᬢ᭄ᬳ᭠ᬤᬦᬿᬯᬷᬤᬵᬓ᭄ᬱᬶ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬢᬶᬢ᭄ᬬᬂᬳᬶᬫ᭄ᬩᭀᬓ᭄᭞ᬳᬾᬮᬶᬗᬂᬓ᭄ᬭᬫᬦᬾᬩ᭄ᬘᬶᬓ᭄᭞᭠ ᬲᬵᬫ᭄ᬧᬸᬦ᭄ᬩᬗᭂᬢ᭄ᬗᬸᬮᬸᬭᬶᬦ᭄᭞ᬓᬳ᭄ᬬᬸᬦ᭄ᬫᬜᬾᬤ᭄ᬟᬬᬓᬓᬸᬂ᭞ᬳᬾᬮᬶᬗᬂᬤᬸᬓᬾ᭠ᬓᬾᬢᭀ᭞ᬳᬧᬯᬤᬲᬸᬩᬩᬗ᭄ᬓᬶᬢ᭄᭞ᬓᭂᬩ᭄ᬬᬃᬓᭂᬩ᭄ᬬᬸᬃ᭞ᬭᬱᬦ᭄ᬜᬩᬸᬓᬤᬶᬰ᭄ᬯᬃᬕ᭄ᬕᬦ᭄᭟

Auto-transliteration

[12 12B] 12 rarismanangininrabi, matangisamikangwadon, saprabhungandikamanis, masmiraḥtityangngipi, hiratumakatatlu, kocapbiṣangleyak, hidewasang dāta'iki, kocapñĕpĕl, hisijroningpasuwahan. sangdātikocapñĕplang, hatidipabwanepngit, sangdāksyikocap'hidewa, ñpĕllayaḥ bangkepngit, dipacrakenejani, sangdyaḥtangkĕjutmacbur̀, manatasnekahucap, dadisajapadhamisi, daiwīdāksyi, ngandikayangjngapisan. pdasbantyanghibisañja, twaḥhiyamandadicicing, slĕml̥ĕmuḥbwinmokoḥ, layahetyangngĕntungin, daiwīdātiñawurin, kenkenangbaha [13 13A] nmañaru, masiḥmagobatinggar̀, hisinetyangngĕntungin, dadijanikatpuk'hĕntowaluya. daiwīdātiliwatkrodha, miribbwin, psuhapi, manga ndikamasasumbar̀, liwatbanñangbusin, knĕhebukajani, naḥyentwarasidḍangluntuk, ditanaheñal̥ĕmpaḥ, hedal̥ĕmbiṣamandeṣṭi, hidohi do, mulamantratatamyan. daiwīdātirarisñagjag, nglut'ha‐danaiwīdāksyi, tityangndawĕgtityanghimbok, helingangkramanebcik, ‐ sāmpunbangĕtngulurin, kahyunmañedḍayakakung, helingangduke‐keto, hapawadasubabangkit, kĕbyar̀kĕbyur̀, raṣanñabukadiśwar̀ggan.

Leaf 13

Image on Archive.org

[᭑᭓ 13B] ᭑᭓ ᬢᬶᬢ᭄ᬬᬂᬢᬍᬃᬫᬫᬜ᭄ᬚᬗᬂ᭞ᬧᬫᬸᬗᬸᬭᬶᬂᬫ᭄ᬩᭀᬓ᭄ᬳᬓᬶᬤᬶᬓ᭄᭞ᬦᬶᬓᬭᬢᬸᬳᬚᬷᬥᬃᬫ᭄ᬫ᭞ᬧ᭄ᬤᬲ᭄ᬫᬜᬶᬲᬬᬂᬩᬸᬤ᭄ᬟᬶ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬜᬶᬭᬶᬦᬶᬦ᭄᭞ᬳᬶᬩᬶᬲᭀᬭᬾᬤᬸᬓᬾᬲᬵ ᬫ᭄ᬧᬸᬦ᭄᭞ᬳᭂᬫ᭄ᬩᭀᬓ᭄ᬲᬫᬶᬫᬦ᭄ᬤᬤᭀᬲ᭄᭞ᬤᬦᬾᬲᬶᬤ᭄ᬟᬤᬤᭀᬲ᭄ᬘᬘᬶᬂ᭞ᬤᬸᬯᭂᬕ᭄ᬗᬦ᭄ᬤᬸᬄ᭞ᬓᬮᬶᬄᬲᬵᬫ᭄ᬧᬸᬦ᭄ᬳᬚᬓ᭄ᬢᬺᬱ᭄ᬡ᭟ᬳᬶᬘᬮᬂᬳᬓ᭄ᬭᬸᬯᬓ᭄ᬩ᭄ᬯᬄ᭞ᬤᬿᬯᬷᬤᬵᬓ᭄ᬱᬶᬫᬜᬯᬸᬭᬶ ᬦ᭄᭞ᬩ᭄ᬦᭂᬄᬲᬚᬩᬸᬓᬓᬾᬢᭀ᭞ᬦᬾᬳᬤᬦ᭄ᬮᬸᬯᬂᬳᬓ᭄ᬱᬶᬢ᭄᭞ᬭᬚᬄᬩ᭄ᬮᬶᬩᬶ᭠ᬲ᭄ᬧᬸᬢᬶᬄ᭞ᬮᬯᬸᬢᬂᬧ᭄ᬚᬂᬤᬶᬧᬸᬲᬸ᭞ᬳᬧᬗᬤᬤᬶᬓᬾᬢᭀ᭞ᬳᬸᬧᬳᬩᬶᬱᬜ᭄ᬗᬳᬶᬦ᭄᭞ᬤᬾ᭠ ᬯᬷᬤᬵᬢᬶ᭞ᬜᬯᬸᬭᬶᬦ᭄ᬦᬸᬦᬲ᭄ᬫᬸᬗ᭄ᬕᬳᬦ᭄᭟ᬭᬭᬶᬲᬫᬶᬫᬮᬶᬄᬫᬸᬗ᭄ᬕᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬲᬵᬫ᭄ᬧᬸᬦ᭄ᬳᬶᬤᬫᬦᬢᬲᬂ᭞ᬓᬤᬶᬦᬾᬫᬸᬗ᭄ᬕ᭄ᬯᬶᬂᬧᬗᬶᬧᬶ᭞ᬲᬂᬤ᭄ᬬᬄᬳᬮᭀ [᭑᭔ 14A] ᬦ᭄ᬜᬯᬸᬭᬶᬦ᭄᭞ᬳᬯᬓᬾᬫᬦ᭄ᬤᬤᬶᬳᬲᬸ᭞ᬲᬗ᭄ᬓᬦ᭄‌ᬧ᭄ᬤᬲ᭄ᬫᬦᬯᬂ᭞ᬳᬶᬗ᭄ᬕᬶᬄᬢᬶᬢ᭄ᬬᬂ᭠ᬭᬢᬸᬤᬤᬶ᭞ᬳᬲᬸᬕ᭄ᬭᬸᬄ᭞ᬳᬯᬶᬦᬦ᭄ᬓᬳᬶᬘ᭄ᬙᬾᬦ᭄‌ᬢ᭄ᬤᭂ᭟ᬓᬮᬶᬄᬢᬶᬢ᭄ᬬᬂᬫᬦ᭄ᬤᬯᭂᬕᬂ᭞ᬫᬗ᭄ᬓᬶᬦ᭄ᬭᬶᬂ ᬳᬶᬫᬶᬭᬄᬲᬫᬶ᭞ᬫᬸᬗᬸᬫᬗ᭄ᬤᬾᬦ᭄ᬲᬶᬤ᭄ᬟᬲᬥ᭄ᬬ᭞ᬚᬦᬶᬲᬸᬩᬮᬘᬸᬃᬕᬢᬶ᭞ᬩ᭄ᬯᬶᬜ᭄ᬚᬮᬾᬦᬾᬳᬮᬶᬄ᭞ᬳᬓᬸᬤᬧᬘᬂᬓᬢ᭄ᬧᬸᬓ᭄᭞ᬫᬢᬶᬳᬶᬤᬸᬧ᭄ᬦᬧ᭄ᬢᬂ᭞ᬚ᭄ᬮᬾᬦᬾᬗ᭄ᬩᭂᬓᬶᬦ᭄ᬕᬸᬫᬶ᭞ᬢ᭄ᬯ ᬭᬧᬵᬢᬹᬢ᭄᭞ᬧᬮᬓ᭄ᬱᬡᬦᬩᬸᬓᬳᬶᬤ᭟ᬳᬸᬲᬦᬂᬭᬢᬸᬳᬸᬲᬦᬂ᭞ᬓᬩᬶᬱᬦᬾᬦᬾᬫᬦ᭄ᬤᬾᬱ᭄ᬝᬶ᭞ᬦ᭄ᬤᭂᬮᬸᬄᬫᬶᬯᬄᬦᬭᬜ᭄ᬚᬦ᭞ᬳᬦ᭄ᬤᭂᬧ᭄ᬤᬶᬧ᭄ᬫᬶᬕᬸᬡᬾᬜ᭄ᬢᬶᬓ᭄᭞ᬓᬯᭀ᭠ ᬦ᭄ᬓᭀᬘᬧ᭄ᬭᬶᬗ᭄ᬳᬚᬶ᭞ᬤᬤᭀᬲ᭄ᬤᬲᬃᬯᬄᬩᬾᬲᬸᬓ᭄᭞ᬩ᭄ᬘᬶᬓ᭄ᬯᬮᬾᬦᬶᬦ᭄ᬮᬫ᭄ᬧᬄ᭞ᬭᬳᬬᬸᬦᬾᬫᬗ᭄ᬓᬶᬦ᭄ᬳᬸᬗ᭄ᬲᬶ᭞ᬬᬾᬦ᭄ᬫᬩ᭄ᬭᬢ᭞ᬜᬷᬯᬭᬢ᭄ᬭᬶᬫᬹᬚᬲ᭄ᬫᬭ᭟ᬲᬂᬤ᭄ᬬᬄᬫ᭄ᬦᭂᬂ᭠

Auto-transliteration

[13 13B] 13 tityangtal̥ĕr̀mamañjangang, pamunguringmbok'hakidik, nikaratuhajīdhar̀mma, pdasmañisayangbudḍi, hanggentityangñirinin, hibisoredukesā mpun, hĕmboksamimandados, danesidḍadadoscacing, duwĕgnganduḥ, kaliḥsāmpunhajaktr̥ĕṣṇa. hicalanghakruwakbwaḥ, daiwīdāksyimañawuri n, bnĕḥsajabukaketo, nehadanluwanghaksyit, rajaḥblibi‐sputiḥ, lawutangpjangdipusu, hapangadadiketo, hupahabiṣañngahin, de‐ wīdāti, ñawurinnunasmunggahan. rarisamimaliḥmunggaḥ, sangprabhungandikaharis, sāmpunhidamanatasang, kadinemunggwingpangipi, sangdyaḥhalo [14 14A] nñawurin, hawakemandadihasu, sangkanpdasmanawang, hinggiḥtityang‐ratudadi, hasugruḥ, hawinankahicchentdĕ. kaliḥtityangmandawĕgang, mangkinring himiraḥsami, mungumangdensidḍasadhya, janisubalacur̀gati, bwiñjalenehaliḥ, hakudapacangkatpuk, matihidupnaptang, jlenengbĕkin'gumi, twa rapātūt, palakṣaṇanabukahida. husanangratuhusanang, kabiṣanenemandeṣṭi, ndĕluḥmiwaḥnarañjana, handĕpdipmiguṇeñtik, kawo‐ nkocapringhaji, dadosdasar̀waḥbesuk, bcikwaleninlampaḥ, rahayunemangkinhungsi, yenmabrata, ñīwaratrimūjasmara. sangdyaḥmnĕng‐

Leaf 14

Image on Archive.org

[᭑᭔ 14B] ᭑᭔ ᬳᬲ᭄ᬫᬸᬳᬾᬭᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬫᬭᬶᬓᬶᬭᬢ᭄ᬯᬵᬢ᭄ᬫᬚᬷᬯ᭞ᬦᬸᬦᬲ᭄ᬫ᭄ᬭᬫ᭄ᬳᬶᬭᬢᬸᬳᬭᬶᬧ᭄᭞ᬳᬦᬸᬮᬶᬲᬶᬋᬧ᭄ᬚᬢᬶ᭞ᬲᬂᬤ᭄ᬬᬄᬫᬢᬗᬶᬫᬮᬸᬗ᭄ᬕᬸᬄ᭞ᬫᬗ᭄ᬭᬭᬶᬲ᭄ᬓᬕ᭄ᬦ᭠ ᬳᬂ᭞ᬤᬮᬸᬯᬗᬾᬦᬾᬫᬢᬸᬮᬶᬲ᭄᭞ᬫᬸᬗ᭄ᬕ᭄ᬯᬶᬂᬕ᭄ᬮᬸᬂ᭞ᬳᬶᬤᬧ᭄ᬭᬪᬸᬳᬚᬷᬥᬃᬫ᭄ᬫ᭟ᬲᬂ᭠ᬧᬸᬢ᭄ᬭᬶᬫᬓᬢᬢᬶᬕ᭞ᬩᬸᬤᬮ᭄ᬢᬦ᭄ᬯᬾᬦ᭄ᬢᭂᬦ᭄‌ᬗ᭄ᬕᭂᬦᬳᬶᬦ᭄᭞ᬓᬭᬶᬲᬂᬧ᭄ᬭᬪᬸᬗ᭄ᬭᬕ᭞ᬤᬶᬧᬫᬺ᭠ ᬫᬦᬾᬫᬢᬗᬶ᭞ᬘᬶᬗᬓ᭄ᬭᬕᬦᬾᬓ᭄ᬤᬶᬲ᭄᭞ᬩᬮᬶᬩᬶᬲ᭄ᬧᬸᬢᬶᬄᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬭᬭᬶᬲ᭄ᬫᬧᬶᬦᭂᬄᬗ᭄ᬭᬕ᭞ᬢᬸᬳᬸᬲᬚᬓ᭄ᬦᭂᬤᬾᬱ᭄ᬝᬶ᭞ᬩᬳᬂᬳᬬᬸ᭞ᬤᬤᬶᬯᬍᬲᬩᬦ᭄ᬳᬮ ᭟ᬦᬄᬤ᭄ᬧᬂᬲᬸᬩᬢᬫ᭄ᬧᭂᬤᬂ᭞ᬢ᭄ᬯᬄᬧᬦᬶᬢᬄᬲᬂᬳ᭄ᬬᬂᬯᬶᬥᬶ᭞ᬓᬓᬾᬦᬾᬤᬤᬶᬕᬕᬸᬬᭀᬦ᭄᭞ᬢ᭄ᬯᬭᬚᬤᬤᬶᬓ᭄ᬮᬶᬦᬶᬦ᭄᭞ᬦᬤᬓᬓ᭄ᬩᬶᬱᬫᬦ᭄ᬤᬾᬱ᭄ᬝᬶ᭞ᬫᬗ᭄ᬤᬾᬦᬾᬧ᭄ᬲᬸᬧᬶᬢᬸ [᭑᭕ 15A] ᬢᬸᬃ᭞ᬚᬦᬶᬓᬾᬦᬾᬯᬍᬲ᭞ᬦᬄᬲᬸᬩᬧᬶᬲᬦ᭄ᬢᬦ᭄ᬤᬗᬶᬦ᭄᭞ᬫᬧᬦ᭄ᬤᬾᬯᬾᬓ᭄᭞ᬤᬸᬫᬦᬾᬫᬸᬮᬗ᭄ᬕᬶᬲᬶᬬᬂ᭟᭜᭟ᬧᬸᬄᬤᬹᬃᬫ᭄ᬫ᭚᭜᭚ᬲᬧᬸᬦᬶᬓᬧᬧᬶᬦᭂᬄᬲᬂᬳᬚᬶᬥᬃᬫ᭄ᬫ᭞ᬭᬭᬶ᭠ ᬲᬶᬓᬂᬩᬮᬶᬩᬶᬲ᭄᭞ᬫᬓᭂᬩᭂᬃᬗ᭄ᬮᭂᬫ᭄ᬩᬬᬂ᭞ᬫᬗᬸᬗ᭄ᬲᬶᬮᭀᬮᭀᬯᬦ᭄᭞ᬳᬓᬾᬄᬩᬮᬶᬩᬶᬲ᭄ᬓᬧᬗ᭄ᬕᬶᬄ᭞ᬕᬯᭀᬓ᭄ᬫᬮᬶᬬᬢ᭄᭞ᬗ᭄ᬦᭀᬢ᭄ᬩᬮᬶᬩᬶᬲ᭄ᬧᬸᬢᬶᬄ᭟ᬧᬥᬜᬕ᭄ᬚᬕ᭄ᬫᬢᬓᬾᬦ᭄ᬢᬶ ᬢ᭄ᬬᬂᬦᬸᬦᬲᬂ᭞ᬦᬶᬓᬶᬤᬾᬯᬲᬓᬶᬂᬧᬸᬦᬧᬶᬧᬦᬗᬦ᭄᭞ᬦ᭄ᬤᬶᬓᬳᬶᬦ᭄ᬓᬸᬤᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬩᬕᬸᬲᬾᬢᬦ᭄ᬲᬶᬧᬶ᭞ᬳᬶᬭᬶᬓᬶᬢᬄ᭞ᬢᬶᬫ᭄ᬧᬮ᭄ᬢᬶᬢ᭄ᬬᬂᬩᬮᬶᬩᬶᬲ᭄᭟ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫ᭠ ᬩᬸᬮᬸᬓᬤᬶᬳᬶᬤᬾᬯ᭞ᬲᬂᬧ᭄ᬭᬪᬸᬫᬜᬯᬸᬭᬶᬦ᭄᭞ᬳᬶᬗ᭄ᬕᬶᬄᬯ᭄ᬬᬓ᭄ᬢᬶᬢ᭄ᬬᬂ᭞ᬩᬮᬶᬩᬶᬲ᭄ᬭᬶᬂᬫᬮᬯ᭞ᬫᬶᬲᬥ᭄ᬬᬫᬮᬮᬶᬮᬮᬶ᭞ᬓᬮᬸᬦ᭄ᬢᬮᬸᬦ᭄ᬢ᭞ᬤᬤᭀᬲ᭄ᬭᬯᬸᬄᬫᬭᬶᬓᬶ᭟ᬓᬲᬯᬸᬭᬶᬦ᭄ᬳᬦ᭄ᬢᬸᬓ᭄ᬩ᭠

Auto-transliteration

[14 14B] 14 hasmuherang, sangprabhungandikaharis, marikiratwātmajīwa, nunasmramhiratuharip, hanulisir̥ĕpjati, sangdyaḥmatangimalungguḥ, mangrariskagna‐ hang, daluwangenematulis, munggwingglung, hidaprabhuhajīdhar̀mma. sang‐putrimakatatiga, budaltanwentĕnnggĕnahin, karisangprabhungraga, dipamr̥ĕ‐ manematangi, cingakraganekdis, balibisputiḥkahyunhyun, rarismapinĕḥngraga, tuhusajaknĕdeṣṭi, bahanghayu, dadiwal̥ĕsabanhala . naḥdpangsubatampĕdang, twaḥpanitaḥsanghyangwidhi, kakenedadigaguyon, twarajadadiklinin, nadakakbiṣamandeṣṭi, mangdenepsupitu [15 15A] tur̀, janikenewal̥ĕsa, naḥsubapisantandangin, mapandewek, dumanemulanggisiyang \\•\\ puḥdūr̀mma // • // sapunikapapinĕḥsanghajidhar̀mma, rari‐ sikangbalibis, makĕbĕr̀nglĕmbayang, mangungsilolowan, hakeḥbalibiskapanggiḥ, gawokmaliyat, ngnotbalibisputiḥ. padhañagjagmatakenti tyangnunasang, nikidewasakingpunapipanangan, ndikahinkudatityang, hantukbagusetansipi, hirikitaḥ, timpaltityangbalibis. nentĕnwentĕnma‐ bulukadihidewa, sangprabhumañawurin, hinggiḥwyaktityang, balibisringmalawa, misadhyamalalilali, kaluntalunta, dadosrawuḥmariki. kasawurinhantukba‐

Leaf 15

Image on Archive.org

[᭑᭕ 15B] ᭑᭕ ᬮᬶᬩᬶᬲᬾᬲᬫ᭄ᬬᬦ᭄᭞ᬳᬶᬭᬶᬓᬶᬚᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬭᬶᬂᬤᬾᬯ᭞ᬲᬮᬾᬤᬂ᭠ᬧᬓᬳ᭄ᬬᬸᬦᬦ᭄᭞ᬲᬂᬧ᭄ᬭᬪᬸᬥᬃᬫ᭄ᬫᬜᬯᬸᬭᬶᬦ᭄᭞ᬢᬶᬢ᭄ᬬᬂᬫᬫᬦᬄ᭞ᬓᬪᭀᬚᬦᬦᬵᬕᬭᬶ᭟ᬭ᭠ ᬭᬶᬲ᭄ᬫᬮᬶᬄᬫᬓ᭄ᬩᭂᬃᬫᬗᬸᬗ᭄ᬲᬶᬫᬸᬗ᭄ᬕᬄ᭞ᬤᬶᬳᬫ᭄ᬩᬭᬦᬾᬳᬶᬮᬶᬤ᭄᭞ᬫᬗ᭄ᬓᬶᬦ᭄ᬓᬘᬭᬶᬢ᭞ᬢ᭄ᬤᬸ᭠ᬦ᭄ᬭᬶᬂᬗᬮᬲ᭄ᬪᭀᬚᬦ᭞ᬦᬵᬕᬭᬮᬶᬦ᭄ᬢᬗᬶᬂᬩ᭄ᬘᬶᬓ᭄᭞ᬦ᭄ᬟᭂᬂᬯᭀᬄᬯᭀᬳᬦ᭄᭞ᬳᬓᬾᬄᬫᬗ᭄ᬰᬶᬳᬶᬦ᭄ᬓᭂ᭠ ᬤᬶᬲ᭄᭟ᬓᬘᬭᬶᬢᬲᬂᬧ᭄ᬭᬪᬸᬪᭀᬚᬦᬵᬕᬭ᭞ᬭᬢᬸᬥᬃᬫ᭄ᬫᬩ᭄ᬯᬶᬦ᭄ᬲᬸᬕᬶᬄ᭞ᬬᬾᬦ᭄‌ᬧ᭄ᬲᬾᬗᬦ᭄ᬳᬶᬤ᭞ᬲᬂᬧ᭄ᬭᬪᬸᬓᬺᬢ᭄ᬢᬯᬗ᭄ᬰ᭞ᬓᬵᬃᬬ᭄ᬬᬦ᭄ᬳᬶᬤᬦᬾᬫᬓᬶᬃᬢ᭄ᬢᬶ᭞ᬫᬶᬯᬄᬫᬩ᭄ᬭᬢ᭞ᬲᬶᬂᬤᬭᬶᬤᬺ ᬓᬉᬭᬶᬧ᭄᭟ᬢ᭄ᬯᬭᬗᬶᬢᬸᬂᬦᬲᬶᬳᬲᬓ᭄ᬱᬦᬦ᭄᭞ᬧᬹᬚᬬᭀᬕᬲᬫᬥᬶ᭞ᬜᬩ᭄ᬭᬦ᭄ᬓᬮᬶᬗ᭄ᬕᬶᬂ᭞ᬬᬚ᭄ᬜᬲᬮ᭄ᬯᬶᬭᬶᬂᬬᬚ᭄ᬜ᭞ᬲᬵᬫ᭄ᬧᬸᬦ᭄ᬲᬫᬶᬓᬫᬃᬕ᭄ᬕᬦᬶᬦ᭄᭞ᬜᬩ᭄ᬭᬦ᭄ᬗ᭄ᬭᬯᭀᬲᬂ᭞ᬫᬗ᭄ᬤᬾ [᭑᭖ 16A] ᬦ᭄ᬭᬳᬬᬸᬦ᭄ᬕᬸᬫᬶ᭟ᬧᬭᬯᬶᬓᬸᬳᬱ᭄ᬝᬲᬾᬦᬶᬧ᭄ᬭᬚ᭄ᬜᬦ᭄ᬧ᭄ᬭᬚ᭄ᬜᬦ᭄᭞ᬫᬶᬯᬄᬭᬓ᭄ᬭ᭄ᬬᬦ᭄ᬧᬢᬢᬶᬄ᭞᭠ᬤ᭄ᬫᬸᬂᬓᬦᬸᬭᬸᬦ᭄᭞ᬢᬸᬫᭂᬗ᭄ᬕᬸᬂᬳᬃᬬ᭄ᬬᬥ᭄ᬬᬓ᭄ᬱ᭞ᬫᬗᬸᬭᬶᬜᬩ᭄ᬭᬦ᭄ᬫᬦᬗ᭄ᬓᬶᬮ᭄᭞ᬫᬗᬮᭀᬘᬶᬢ᭞ᬫᬶ ᬥᬡ᭄ᬠᬦᬾᬦᬾᬲᬶᬲᬶᬧ᭄᭟ᬯᬾᬦ᭄ᬢᭂᬦ᭄ᬲᬂᬧ᭄ᬭᬪᬸᬫᬤ᭄ᬭᬸᬯᬾᬧᬸᬢᬺ᭞ᬳᬶᬲ᭄ᬢ᭄ᬭᬷᬯᬦ᭄ᬢᬄᬳᬲᬶᬓᬶ᭞᭠ᬚ᭄ᬕᬾᬕᬾᬓᬮᬶᬦ᭄ᬢᬂ᭞ᬭᬢᬶᬄᬳᬜᬮᬦ᭄ᬢᬭ᭞ᬗᬭᬦ᭄ᬤᬾᬯᬷᬘᬓᬺᬯᬢᬶ᭞ᬓᬮᬶᬦ᭄ᬢᬂᬲᬬᬂ᭞ᬳᭀᬮᬶᬄ ᬩ᭄ᬬᬂᬫᬶᬯᬄᬳᬚᬶ᭟ᬳᬸᬮᬸᬭᬦ᭄ᬲᬓᬳ᭄ᬬᬸᬦᬾᬫᬳᬾᬦᬓᬦ᭄᭞ᬫᬕᬫ᭄ᬩᭂᬮ᭄ᬲᬳᬶᬲᬳᬶ᭞ᬲᬋᬂᬓᬓᬓᬓ᭞ᬧᬥᬗᬸᬮᬸᬭᬶᬦ᭄ᬧᬳ᭄ᬬᬲ᭄᭞ᬦᬩ᭄ᬤᬩ᭄ᬲᭀᬭᭀᬄᬍᬗᬶᬲ᭄ᬫᬶᬬᬶᬓ᭄᭞ᬢᬸ᭠ ᬯᬸᬳᬾᬜᬦ᭄ᬤᬂ᭞ᬧᬫᭂᬂᬧᭂᬂᬗᬯᬾᬭᬕᬶ᭟ᬢᬜ᭄ᬘᬭᬶᬢᬮᬾᬤᬗᬾᬤᬶᬚ᭄ᬭᭀᬧᬸᬭ᭞᭠ᬳᬸᬘᬧᭂᬦ᭄ᬲᬂᬩᬮᬶᬩᬶᬲ᭄᭞ᬧᬸᬢᬶᬄᬫᬲᬋᬗᬦ᭄᭞ᬧᬓ᭄ᬱᬶᬳᬓᬾᬄᬓᬳᬚᬓ᭄᭞ᬧᬥᬧᬥᬍ

Auto-transliteration

[15 15B] 15 libisesamyan, hirikijanemangkin, tityangngiringdewa, saledang‐pakahyunan, sangprabhudhar̀mmañawurin, tityangmamanaḥ, kabhojananāgari. ra‐ rismaliḥmakbĕr̀mangungsimunggaḥ, dihambaranehilid, mangkinkacarita, tdu‐nringngalasbhojana, nāgaralintangingbcik, nḍĕngwoḥwohan, hakeḥmangśihinkĕ‐ dis. kacaritasangprabhubhojanāgara, ratudhar̀mmabwinsugiḥ, yenpsenganhida, sangprabhukr̥ĕttawangśa, kār̀yyanhidanemakir̀tti, miwaḥmabrata, singdaridr̥ĕ ka'urip. twarangitungnasihasakṣanan, pūjayogasamadhi, ñabrankalingging, yajñasalwiringyajña, sāmpunsamikamar̀gganin, ñabranngrawosang, mangde [16 16A] nrahayun'gumi. parawikuhaṣṭaseniprajñanprajñan, miwaḥrakryanpatatiḥ, ‐dmungkanurun, tumĕnggunghar̀yyadhyakṣa, manguriñabranmanangkil, mangalocita, mi dhaṇḍhanenesisip. wentĕnsangprabhumadruweputr̥ĕ, histrīwantaḥhasiki, ‐jgegekalintang, ratiḥhañalantara, ngarandewīcakr̥ĕwati, kalintangsayang, holiḥ byangmiwaḥhaji. huluransakahyunemahenakan, magambĕlsahisahi, sar̥ĕngkakakaka, padhangulurinpahyas, nabdabsoroḥl̥ĕngismiyik, tu‐ wuheñandang, pamĕngpĕngngaweragi. tañcaritaledangedijropura, ‐hucapĕnsangbalibis, putiḥmasar̥ĕngan, paksyihakeḥkahajak, padhapadhal̥ĕ

Leaf 16

Image on Archive.org

[᭑᭖ 16B] ᭑᭖ ᬕᬗ᭄ᬲᬶᬓ᭄᭞ᬲᬮᬄᬢᬃᬗ᭄ᬓᬦ᭄ᬜ᭞ᬓᬤᬾᬜᬢᬸᬯᬶᬩᬮᬶᬩᬶᬲ᭄᭟ᬳᬤᬚᬦ᭄ᬫᬧᬓᬢᬶᬓ᭄‌ᬤ᭄ᬯᬾᬦ᭄ᬲᬶᬭᬤ᭄ᬫᬂ᭞ᬦᬸᬚᬸᬲ᭄ᬟᭂᬓ᭄ᬫᬗᬭᬶᬢ᭄᭞ᬤᬤᬶᬬᬗᬢᭀᬦᬂ᭞ᬩᬮᬶᬩᬶᬲ᭄ᬧᬸᬢᬶᬄᬲᭂ ᬦ᭄ᬢᬓ᭄᭞ᬓᬳ᭄ᬬᬸᬦ᭄ᬳ᭄ᬬᬸᬦ᭄ᬗᬾᬤ᭄ᬟᬦᬶᬦ᭄ᬳᬢᬶ᭞ᬧ᭄ᬲᬸᬤᬬᬦ᭄ᬜ᭞ᬮᬯᬸᬢ᭄ᬫᬓ᭄ᬦᬮᬢᬶᬄ᭟ᬢᬦ᭄ᬳᬲ᭄ᬯᬾᬲᬂᬩᬮᬶᬩᬶᬲ᭄ᬧᬸᬢᬶᬄᬓ᭄ᬦ᭞ᬓᬲ᭄ᬳᭂᬢ᭄ᬩᬳᬦ᭄ᬮᬢᬶᬄ᭞ᬳᬶᬧᬓᬢᬶᬓ᭄ᬜᬕ᭄ᬚᬕ᭄᭞ᬜ᭄ᬫᬓ᭄ᬮᬯᬸᬢ᭄ᬗᭂ᭠ ᬮᬾᬲᬂ᭞ᬢᬮᬶᬦ᭄ᬩᬢᬶᬲᬾᬧ᭄ᬕᬢᬶᬦ᭄᭞ᬮᬯᬸᬢ᭄ᬓᬩᬓ᭄ᬢ᭞ᬳᬶᬓ᭄ᬤᬶᬲ᭄ᬩᬮᬶᬩᬶᬲ᭄ᬧᬸᬢᬶᬄ᭟ᬳᬶᬧᬓᬢᬶᬓ᭄‌ᬍᬕᭂᬮᬯᬸᬢ᭄ᬫᬮᬶᬧᭂᬢᬦ᭄᭞ᬧᬤᬗᬾᬫᬶᬯᬄᬳᬭᬶᬢ᭄᭞ᬢ᭄ᬯᬭᬓᬮᬶᬗᬸᬯᬂ ᭞ᬩᬲ᭄ᬲᬶᬲᬸᬦᬾᬫᬚᬮᬦ᭄᭞ᬤᬧᭂᬢᬂᬓᬶᬤ᭄ᬫᬂᬫᬮᬶᬗ᭄ᬕᬶᬄ᭞ᬭᬶᬂᬩᬮᬾᬧᬜ᭄ᬚᬂ᭞ᬳᬶᬧᬓᬢᬶᬓ᭄‌ᬦ᭄ᬲᭂᬓᬶᬦ᭄᭟ᬧ᭄ᬕᬢ᭄‌ᬧ᭄ᬕᬢ᭄ᬫᬸᬜᬶᬦᬾᬧ᭄ᬮᬸᬳᬾᬫᭂᬫ᭄ᬩᬄ᭞ᬧᬸᬦᬶᬓᬶᬕᬸᬲ᭄ᬢᬶᬓ᭄ᬤᬶᬲ᭄᭞ᬧᬸ᭠ [᭑᭗ 17A] ᬢᬶᬄᬳᬮᬸᬲ᭄ᬧᬶᬲᬦ᭄᭞ᬩᬮᬶᬩᬶᬲ᭄ᬋᬓᭀᬯᬵᬱ᭄ᬝᬦ᭄ᬜ᭞ᬳᬦ᭄ᬢᬸᬓ᭄ᬱᬦᬾᬫᬫᬗ᭄ᬕᬶᬳᬶᬦ᭄᭞ᬓᬶᬤ᭄ᬫᬂᬍᬕᭂ᭞ᬓ᭄ᬜᬶᬂᬮᬯᬸᬢ᭄ᬦᬗ᭄ᬕᬧᬶᬦ᭄᭟ᬓᬸᬤ᭄ᬬᬂᬘᬳᬶᬳᬯᬦᬦ᭄ᬓᭂᬤᬶᬲᬾᬩᬓᬢ᭄᭞ᬓ᭄ᬦᬶ᭠ ᬦᬶᬦ᭄ᬢᬶᬢ᭄ᬬᬂᬮᬢᬶᬄ᭞ᬯᬳᬸᬳ᭄ᬢᭀᬦ᭄ᬢᬶᬢ᭄ᬬᬂ᭞ᬳ᭄ᬜᬸᬤ᭄ᬢᬶᬢ᭄ᬬᬂᬭᬶᬂᬫᬦᬄ᭞ᬦᬸᬚᬸᬯᬾᬦ᭄ᬢᭂᬦ᭄‌ᬲ᭄ᬯᬾᬘ᭄ᬙᬦ᭄ᬯᬶᬥᬶ᭞ᬫᬯᬵᬲ᭄ᬢᬸᬲᬶᬤ᭄ᬟ᭞ᬳ᭄ᬜᬓ᭄ᬫᬗᬺᬋᬄᬮᬢᬶᬄ᭟ᬮᬯᬸᬢ᭄ᬦᬶᬫ᭄ᬩᬮ᭄ᬩᬮᬶᬩᬮᬶᬩᬶᬲ᭄ᬫᬲ᭄ᬯᬭ᭞ ᬫᬗ᭄ᬤᬾᬦ᭄ᬕᬸᬲ᭄ᬢᬶᬳᬸᬦᬶᬂ᭞ᬢᬶᬢ᭄ᬬᬂᬩᬮᬶᬩᬶᬲ᭄ᬭᬚ᭞ᬦᬵᬗ᭄ᬳᬶᬂᬲᬓᬶᬂᬫᬮᬬ᭞ᬢᬶᬢ᭄ᬬᬂ᭠ᬕᬸᬲ᭄ᬢᬶᬦ᭄ᬲᭀᬭᭀᬄᬧᬓ᭄ᬱᬶ᭞ᬫᬲ᭄ᬯᬭᬚᬦ᭄ᬫ᭞ᬓᬶᬤ᭄ᬫᬂᬕᬯᭀᬓ᭄ᬕᬢᬶ᭟ᬮᬯᬸᬢ᭄ᬦᬶᬫ᭄ᬩᬮ᭄ᬦᬾᬘᬳᬶ ᬩᬮᬶᬩᬶᬲ᭄‌‌ᬧ᭄ᬝᬓ᭄᭞ᬢᬦ᭄ᬲᬫᬦᬶᬂᬧᬓ᭄ᬱᬶ᭞ᬫᬫᬸᬜᬶᬫᬦᬸᬱ᭞ᬤᬶᬦᬶᬧᬕᭂᬳᬂ᭞᭠ᬩᬧᬜᬥ᭄ᬬᬫ᭄ᬭᬲ᭄ᬘᬳᬶ᭞ᬫᬗᬗ᭄ᬕᭀᬧ᭄ᬬᬦᬓ᭄᭞ᬩᬧᬧᬶᬢᬺᬱ᭄ᬡᬕᬢᬶ᭟ᬳᬶᬩᬮᬶᬩᬶᬲ᭄ᬫᬦᬶ

Auto-transliteration

[16 16B] 16 gangsik, salaḥtar̀ngkanña, kadeñatuwibalibis. hadajanmapakatikdwensiradmang, nujusḍĕkmangarit, dadiyangatonang, balibisputiḥsĕ ntak, kahyunhyunngedḍaninhati, psudayanña, lawutmaknalatiḥ. tanhaswesangbalibisputiḥkna, kashĕtbahanlatiḥ, hipakatikñagjag, ñmaklawutngĕ‐ lesang, talinbatisepgatin, lawutkabakta, hikdisbalibisputiḥ. hipakatikl̥ĕgĕlawutmalipĕtan, padangemiwaḥharit, twarakalinguwang , bassisunemajalan, dapĕtangkidmangmalinggiḥ, ringbalepañjang, hipakatiknsĕkin. pgatpgatmuñinepluhemĕmbaḥ, punikigustikdis, pu‐ [17 17A] tiḥhaluspisan, balibisr̥ĕkowāṣṭanña, hantukṣanemamanggihin, kidmangl̥ĕgĕ, kñinglawutnanggapin. kudyangcahihawanankĕdisebakat, kni‐ nintityanglatiḥ, wahuhtontityang, hñudtityangringmanaḥ, nujuwentĕnswecchanwidhi, mawāstusidḍa, hñakmangr̥ĕr̥ĕḥlatiḥ. lawutnimbalbalibalibismaswara, mangden'gustihuning, tityangbalibisraja, nānghingsakingmalaya, tityang‐gustinsoroḥpaksyi, maswarajanma, kidmanggawokgati. lawutnimbalnecahi balibispṭak, tansamaningpaksyi, mamuñimanuṣa, dinipagĕhang, ‐bapañadhyamrascahi, manganggopyanak, bapapitr̥ĕṣṇagati. hibalibismani

Leaf 17

Image on Archive.org

[᭑᭗ 17B] ᭑᭗ ᬫ᭄ᬩᬮ᭄ᬢᬶᬢ᭄ᬬᬂᬫᬜᬥ᭄ᬬ᭞ᬭᬭᬶᬲ᭄ᬓᬢᬫ᭄ᬧᬫᬸᬮᬶᬄ᭞ᬢ᭄ᬓᬓᬤ᭄ᬫᬸᬗᬦ᭄᭞ᬦᬶᬳᬸᬕᬶᬭᬭᬶᬲ᭄ᬜᬕ᭄ᬚᬕ᭄᭞ᬓ᭄ᬤᬶᬲ᭄ᬦᬧᬶᬢᬫ᭄ᬧᬦ᭄ᬕᬸᬲ᭄ᬢᬶ᭞ᬩᬕᬸᬲᬾᬮᬶᬦ᭄ᬢᬂ᭞ᬤ᭄ᬫᭂᬦ᭄ᬢ᭄ᬬᬂᬗᬶᬯᬲᬶᬦ᭄᭟ᬲᬶᬭᬤ᭄ᬫᬂᬫᬲ᭠ ᬯᬸᬃᬩᬮᬶᬩᬶᬲ᭄‌ᬧ᭄ᬝᬓ᭄᭞ᬢᬾᬢᬾᬳᬾᬢᬶᬤᭀᬂᬕᬶᬕᬶᬲ᭄᭞ᬫᬫᬸᬜᬶᬚᬮ᭄ᬫᬧᬓᬢᬶᬓᬾᬫᬓᬢᬂ᭞ᬓᭀᬘᬧ᭄‌ᬓ᭄ᬦᬳᬶᬦ᭄ᬜᬮᬢᬶᬄ᭞ᬤᬾᬦᬶᬂᬍᬕᬦ᭄ᬜ᭞ᬓᬦ᭄ᬢᬶᬫᬗᬸᬢᬂ᭠ ᬳᬭᬶᬢ᭄᭟ᬚᬦᬶᬳ᭄ᬦᬾᬩᬮᬶᬩᬶᬲᬾᬳᬗ᭄ᬕᭀᬦ᭄ᬧ᭄ᬬᬦᬓ᭄᭞ᬦᬶᬳᬸᬕᬶᬫᬜᬯᬸ᭠ᬭᬶᬦ᭄᭞ᬗ᭄ᬕᬶᬄᬲ᭄ᬟᭂᬂᬲᬬᬗᬂ᭞ᬲᭀᬭᭀᬄᬭᬶᬂᬓᬤ᭄ᬫᬸᬗᬦ᭄᭞ᬚᬦ᭄ᬫᬦᬾᬕᬯᭀᬓ᭄ᬗᬶᬯᬲᬶᬦ᭄᭞ ᬩᬦ᭄ᬓᬢᬸᬫ᭄ᬩᬦᬦ᭄᭞ᬗ᭄ᬦᭀᬢ᭄ᬩᬮᬶᬩᬶᬲ᭄ᬧᬢᬶᬄᬲᬂᬩᬮᬶᬩᬶᬲ᭄ᬳᬗᬸᬘᬧ᭄‌ᬗ᭄ᬕᬶᬄᬩᬧᬤ᭄ᬫᬂ᭞ᬦᬶᬓᬶᬧᬋᬗᬂᬳᬸᬕᬶ᭞ᬢᬶᬢ᭄ᬬᬂᬫᬗᭀᬃᬢ᭄ᬣᬬᬂ᭞ᬯᬾᬦ᭄ᬢᭂᬦ᭄‌ᬕ᭄ᬟᭀᬂᬭᬶᬗᬮ᭠ [᭑᭘ 18A] ᬲ᭄᭞ᬓ᭄ᬮᭀᬤ᭄ᬕᭂᬦᬳᬶᬧᬸᬦ᭄ᬩᭂᬘᬶᬓ᭄᭞ᬳᬶᬍᬳᬶᬦ᭄ᬕᭂᬮᬕᬄ᭞ᬳᬫ᭄ᬩᭂᬗᬦ᭄ᬮᬾᬦ᭄ᬓᬭᬶᬫᬶ᭟ᬤᬕᬶᬂᬳᬶᬧᬸᬦ᭄ᬫᬫᬲ᭄ᬫᬡᬶᬓ᭄ᬲᬃᬯ᭄ᬯᬪᬭᬡ᭞ᬲ᭄ᬮᬓᬫᬶᬯᬄᬧᬶᬧᬶᬲ᭄᭞ᬲᬓ᭄ᬱᬢ᭄ᬕᭂᬤᭀᬂᬫᬦᬄ᭞ᬲ ᬓ᭄ᬦᭂᬳᬾᬫᬜ᭄ᬫᬓ᭄᭞ᬲᬶᬭᬤ᭄ᬫᬸᬂᬍᬕᬕᬢᬶ᭞ᬩᬳᬸᬦᬶᬗᭂᬳᬂ᭞ᬮᬯᬸᬢ᭄ᬫᬫᬸᬜᬶᬳᬭᬶᬲ᭄᭟ᬕᬸᬲ᭄ᬢᬶᬳᬸᬕᬶᬤᬧᬶᬲᬦ᭄ᬜᭂᬦ᭄ᬕᬸᬲ᭄ᬢᬶᬳᭂᬗ᭄ᬲᬧ᭄᭞ᬗᬶᬗᬸᬳᬦᬓᬾᬘ᭄ᬭᬶᬓ᭄᭞ᬢ᭄ᬬᬂᬚᬦᬶᬫᬚᬮ᭠ ᬦ᭄᭞ᬗᬮᬶᬄᬕ᭄ᬟᭀᬗᬾᬦᬶᬓ᭞ᬦᬶᬯᬸᬕᬶᬓ᭄ᬜᬶᬂᬜᬯᬸᬭᬶᬦ᭄᭞ᬓ᭄ᬫᭂᬚᬮᬸᬯᬲ᭄᭞ᬢ᭄ᬬᬂᬚᬸᬫᬄᬫ᭄ᬭᬶᬓ᭄ᬱᬳᬶᬦ᭄᭟ᬢᬦᬲ᭄ᬯᬾᬫᬫᬃᬕ᭄ᬕᬶᬳᬶᬕᬸᬲ᭄ᬢᬶᬤ᭄ᬫᬂ᭞ᬯᬾᬦ᭄ᬢᭂᬦ᭄ᬲᬢᬸᬲ᭄‌ᬦᬾᬗᬶᬭᬶᬂ᭞ᬳᬧ᭠ ᬦ᭄ᬕᬕᬜ᭄ᬘᬗᬦ᭄᭞ᬲᬕᬾᬢ᭄ᬭᬯᬸᬄᬭᬶᬗᬮᬲ᭄᭞ᬫᬓ᭄ᬚᬂᬧᬥᬫᬳᬭᬶᬢ᭄᭞ᬳ᭄ᬩᭂᬢᬾᬢ᭄ᬮᬄ᭞ᬓᬢᭀᬦ᭄ᬕᭂᬥᭀᬗᬾᬗᬶᬗ᭄ᬕᬶᬮ᭄᭟ᬕᬸᬲ᭄ᬢᬶᬤ᭄ᬫᬂᬜᬕ᭄ᬚᬕᬶᬦ᭄ᬮᬯᬸᬫᬸᬓᬬᬂ᭞ᬤ᭠

Auto-transliteration

[17 17B] 17 mbaltityangmañadhya, rariskatampamuliḥ, tkakadmungan, nihugirarisñagjag, kdisnapitampan'gusti, baguselintang, dmĕntyangngiwasin. siradmangmasa‐ wur̀balibispṭak, tetehetidonggigis, mamuñijalmapakatikemakatang, kocapknahinñalatiḥ, deningl̥ĕganña, kantimangutang‐ harit. janihnebalibisehanggonpyanak, nihugimañawu‐rin, nggiḥsḍĕngsayangang, soroḥringkadmungan, janmanegawokngiwasin, bankatumbanan, ngnotbalibispatiḥsangbalibishangucapnggiḥbapadmang, nikipar̥ĕnganghugi, tityangmangor̀tthayang, wentĕn'gḍongringala‐ [18 18A] s, klodgĕnahipunbĕcik, hil̥ĕhin'gĕlagaḥ, hambĕnganlenkarimi. daginghipunmamasmaṇiksar̀wwabharaṇa, slakamiwaḥpipis, sakṣatgĕdongmanaḥ, sa knĕhemañmak, siradmungl̥ĕgagati, bahuningĕhang, lawutmamuñiharis. gustihugidapisanñĕn'gustihĕngsap, nginguhanakecrik, tyangjanimajala‐ n, ngaliḥgḍongenika, niwugikñingñawurin, kmĕjaluwas, tyangjumaḥmrikṣahin. tanaswemamar̀ggihigustidmang, wentĕnsatusnengiring, hapa‐ n'gagañcangan, sagetrawuḥringalas, makjangpadhamaharit, hbĕtetlaḥ, katon'gĕdhongenginggil. gustidmangñagjaginlawumukayang, da‐

Leaf 18

Image on Archive.org

[᭑᭘ 18B] ᭑᭘ ᬕᬶᬂᬕ᭄ᬟᭀᬗᬾᬭᬘᬶᬓ᭄᭞ᬲᬓ᭄ᬦᭂᬄᬫᬜ᭄ᬫᬓ᭄᭞ᬭᬶᬲ᭄ᬳᬶᬕᬸᬲ᭄ᬢᬶᬤ᭄ᬫᬂ᭞ᬗᬸᬩᭂᬢ᭄ᬫᬗᬦ᭄ᬤᬶᬓᬳᬭᬶᬲ᭄᭞ᬦᬾᬳᬶᬩᬧᬥ᭞ᬳᬩᬕ᭄ᬟᭀᬗᬾᬫᬸᬮᬶᬄ᭟ᬚᬸᬫᬳᬶᬭᬫᬗ᭄ᬭᬭᬶᬲ᭄ᬳᬶᬚᬤ᭄ᬫ ᬫ᭄ᬩᬓ᭄ᬢ᭞ᬩᬵᬦ᭄ᬳᬕᭂᬦᬾᬫᬫᬃᬕ᭄ᬕᬶ᭞ᬳᬓ᭄ᬚᭂᬧᬦ᭄‌ᬢ᭄ᬓ᭞ᬗ᭄ᬮᬯᬸᬢ᭄ᬭᬶᬂᬓᬤ᭄ᬫᬸᬗᬦ᭄᭞ᬕ᭄ᬮᬶᬲ᭄ᬓᬲᬶᬫ᭄ᬧᬿᬦ᭄ᬤᬶᬮᭀᬚᬶ᭞ᬧᬯᬗᬸᬦ᭄ᬯᬗ᭄ᬓᬂ᭞ᬲᬶᬤᬸᬳᬸᬃᬓᬕ᭄ᬦᬳᬶᬦ᭄᭟ᬫᬗ᭄ᬓᬶᬦ᭄ᬤᬤᭀᬲ᭄ᬫᬯᬸᬯᬸᬄᬲᬶᬸ ᬳ᭄ᬬᬸᬦ᭄ᬲᬶᬭᬤ᭄ᬫᬂ᭞ᬢᬺᬱ᭄ᬡᬦᬾᬭᬶᬂᬩᬮᬶᬩᬶᬲ᭄᭞ᬳᬫ᭄ᬩᬸᬮ᭄ᬧᬦᬓ᭄ᬧᬶᬲᬦ᭄᭞ᬓ᭠ᬲ᭄ᬯᬾᬦ᭄ᬤᬤᬶᬓᭀᬘᬧ᭄᭞ᬲᬶᬭᬤ᭄ᬫᬂᬓᬲᬸᬩ᭄ᬲᬸᬕᬶᬄ᭞ᬜᬮᬦᬂᬚᬶᬦᬄ᭞ᬳᬗ᭄ᬕᭀᬦᬫ᭄ᬮᬶᬘ᭠ ᬭᬶᬓ᭄᭟ᬮᬾᬦ᭄ᬓᬧᬸᬢ᭄ᬭᬦᬂᬳᬤᬳᬗᬦ᭄ᬤᬸᬯᬂᬪᬵᬭ᭞ᬭᬶᬂᬓᬤ᭄ᬫᬸᬗᬦ᭄ᬫᬮᬶᬄ᭞᭠ᬲᭀᬭᭀᬄᬉᬧᬘᬵᬭ᭞ᬩᬵᬦ᭄ᬳᭂᬫᬲ᭄ᬮᬦ᭄ᬧ᭄ᬮᬓ᭞ᬳᬫ᭄ᬩᬸᬮ᭄ᬧᬂᬗ᭄ᬮᬳᬂᬕᬸᬫᬶ᭞ᬧᬥᬗ᭄ᬕᬯᭀᬓᬂ [᭑᭙ 19A] ᭞ᬲ᭄ᬓᬢ᭄ᬗᭂᬮᬄᬩᬮᬶᬩᬶᬲ᭄᭟ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬤᬸᬯᬩᬸᬮᬦ᭄ᬲᬶᬭᬤ᭄ᬫᬂ᭞ᬗᬶᬗᭀ᭠ᬦᬶᬦ᭄ᬩᬮᬶᬩᬶᬲ᭄᭞ᬤᬤ᭄ᬬᬦ᭄ᬜᬓᬮᬸᬫ᭄ᬩ᭄ᬭᬄ᭞ᬳᭀᬃᬢ᭄ᬣᬦᬾᬲᬶᬭᬤ᭄ᬫᬂ᭞ᬭᬯᬸᬄᬢ᭄ᬓᬾᬦ᭄ᬲᬶᬭᬧ᭠ ᬢᬶᬄ᭞ᬜᬦ᭄ᬲᬸᬕᬶᬄᬜ᭞ᬢ᭄ᬯᬭᬚᬓᭀᬯᬂᬳᭂᬲᬶᬂ᭟ᬤᬤᬶᬳᬗᭀᬩ᭄ᬲᬶᬭᬧᬢᬶᬄᬫᬫᬶᬋᬗᬂ᭞ᬳᬤᬘᬭᬶᬢᬩ᭄ᬯᬶᬦ᭄᭞ᬩ᭄ᬭᬵᬳ᭄ᬫᬡᬧᬡ᭄ᬟᬶᬢ᭞ᬧ᭄ᬲᬾᬗᬦ᭄ᬲᬂᬲᬸᬦᬵᬬ᭞ᬲ ᬦᬾᬳᬶᬲ᭄ᬢ᭄ᬭᬶᬲᬂᬤᬸᬃᬡ᭄ᬦᬶᬢᬶ᭞ᬳᬶᬤᬫᬕ᭄ᬭᬶᬬ᭞ᬤᬶᬓ᭄ᬧᬸᬄᬳᬕᬸᬂᬩ᭄ᬘᬶᬓ᭄᭟ᬲᬂᬲᬸᬦᬵᬬᬗᬦ᭄ᬤᬶᬓᬤᬶᬲ᭄ᬢ᭄ᬭᬷᬧᬂᬫ᭄ᬮᬄ᭞ᬚᬸᬫᬄᬢ᭄ᬬᬂᬦᬦᬗ᭄ᬲᬶ᭞ᬩᬶᬮᬶᬄᬢᭀᬫᬩᬳᬦ᭄᭞ᬳᬶᬤᬢᬗᬭᬶᬦ᭄ᬧᬶ᭠ ᬲᬦ᭄᭞ᬢ᭄ᬯᬄᬢᬾᬳᬶᬤᬲᬸᬩᬤᬶᬲ᭄ᬢ᭄ᬭᬷ᭞ᬢᬸᬯᬸᬳᬾᬩᬚᬂ᭞ᬚ᭄ᬕᬾᬕᬾᬧᬦ᭄ᬢᭂᬲ᭄ᬋᬱᬶ᭟ᬲᬶᬜᬳᬤᬕᬕᭀᬤᬦ᭄ᬫᬗᭀᬤ᭞ᬲᬂᬤᬸᬃᬡ᭄ᬦᬶᬢᬶᬜᬯᬸᬭᬶᬦ᭄᭞ᬤᬚᬳᬶᬤᬢᬗᬃ᭞ᬢ᭄ᬯᬄ

Auto-transliteration

[18 18B] 18 ginggḍongeracik, saknĕḥmañmak, rishigustidmang, ngubĕtmangandikaharis, nehibapadha, habagḍongemuliḥ. jumahiramangrarishijadma mbakta, bānhagĕnemamar̀ggi, hakjĕpantka, nglawutringkadmungan, gliskasimpaindiloji, pawangunwangkang, siduhur̀kagnahin. mangkindadosmawuwuḥs̶ hyunsiradmang, tr̥ĕṣṇaneringbalibis, hambulpanakpisan, ka‐swendadikocap, siradmangkasubsugiḥ, ñalanangjinaḥ, hanggonamlica‐ rik. lenkaputrananghadahanganduwangbhāra, ringkadmunganmaliḥ, ‐soroḥupacāra, bānhĕmaslanplaka, hambulpangnglahanggumi, padhanggawokang [19 19A] , skatngĕlaḥbalibis. sāmpunwentĕnduwabulansiradmang, ngingo‐ninbalibis, dadyanñakalumbraḥ, hor̀tthanesiradmang, rawuḥtkensirapa‐ tiḥ, ñansugiḥña, twarajakowanghĕsing. dadihangobsirapatiḥmamir̥ĕngang, hadacaritabwin, brāhmaṇapaṇḍita, psengansangsunāya, sa nehistrisangdur̀ṇniti, hidamagriya, dikpuḥhagungbcik. sangsunāyangandikadistrīpangmlaḥ, jumaḥtyangnanangsi, biliḥtomabahan, hidatangarinpi‐ san, twaḥtehidasubadistrī, tuwuhebajang, jgegepantĕsr̥ĕsyi. siñahadagagodanmangoda, sangdur̀ṇnitiñawurin, dajahidatangar̀, twaḥ

Leaf 19

Image on Archive.org

[᭑᭙ 19B] ᭑᭙ ᬲᬚᬢ᭄ᬬᬂᬩᬚᬂ᭞ᬢᭀᬂᬳᭀᬩᬄᬢ᭄ᬬᬂᬳᬓᬶᬓᬶᬢ᭄᭞ᬘᬬᬗᬂᬢ᭄ᬬᬂ᭞ᬩ᭄ᬭᬢᬦᬾᬫᬋᬧ᭄ᬓᬗᬶᬦ᭄᭟ᬭᬭᬶᬲ᭄ᬳᬶᬤᬫᬫᬃᬕ᭄ᬕᬢᬲᬂᬲᬸᬦᬾᬬ᭞ᬮᬯᬸᬢ᭄ᬳᬤᬜ᭄ᬮᬸᬩᬶᬦ᭄᭞ᬧ᭄ᬲᬸᬳ᭄ ᬮᬶᬓ᭄ᬧᬄ᭞ᬪᬹᬢᬩ᭄ᬮᭀᬄᬫᬶᬭᬶᬩ᭄ᬢ᭄ᬯ᭞ᬫᬳᬤᬦ᭄ᬬᬲᬂᬤᬸᬃᬡ᭄ᬦᬶᬢᬶ᭞ᬫᬢᬸᬳᬶᬦ᭄ᬯᬃᬡ᭄ᬦ᭞ᬤᬲᬂᬲᬸᬦᬵᬋᬱᬶ᭟ᬲᬢ᭄ᬓᬦᬾᬳᬶᬪᬹᬢᬫᬗ᭄ᬮᬯᬸᬢ᭄ᬫᬸᬮᬶᬬᬦ᭄᭞ᬳᬤᬷᬲ᭄ᬢ᭄ᬭᬷᬫᬜᬧᬢᬶ᭠ ᬦ᭄᭞ᬗᬸᬤ᭄ᬬᬂᬳᬾᬗ᭄ᬕᬮ᭄‌ᬢ᭄ᬓ᭞ᬳᬤᬫ᭄ᬩᬳᬦ᭄ᬫᬤᬬ᭞ᬳᬶᬪᬹᬢᬓ᭄ᬜᬶᬂᬜᬯᬸᬭᬶᬦ᭄᭞ᬮᬘᬸᬃᬢ᭄ᬬᬂᬳᬶᬤ᭞ᬢᭀᬂᬫᬳᬦ᭄ᬗᬦ᭄ᬳᬓᬶᬓᬶᬢ᭄᭟ᬩᬬᬲᬂᬳ᭄ᬬᬂᬯᬶᬥᬶᬫᬫᬶᬭᬸᬤ᭄ᬟᬢ᭄ᬬᬂ᭞ᬤ᭠ ᬤᬶᬢ᭄ᬬᬂᬫᬦ᭄ᬤᬶᬧ᭄ᬤᬶᬧ᭄᭞ᬫᬩᬸᬤ᭄ᬟᬶᬲᬗ᭄ᬕᬫ᭞ᬦᭀᬢ᭄ᬦᭀᬢ᭄ᬬᬂᬳᬶᬤ᭞ᬚᬮᬦ᭄ᬫᬺᬫᬮᬸᬫᬗ᭄ᬓᬶᬦ᭄᭞ᬳᬶᬤᬷᬲ᭄ᬢ᭄ᬭᬷᬦᬶᬫ᭄ᬩᬮ᭄᭞ᬦᬄᬓᬢᬸᬫ᭄ᬩᬾᬦᬜ᭄ᬚᬦᬶ᭟ᬳᬶᬪᬹᬢᬩ᭄ᬮᭀᬄᬮᬯᬸ᭠ [᭒᭐ 20A] ᬢ᭄ᬫᬗ᭄ᬮᬸᬢ᭄ᬫᬦᬶᬫᬦ᭄᭞ᬫᬲᬶᬄᬩᬶᬱᬗ᭄ᬭᬋᬫᬶᬄ᭞ᬲᬵᬫ᭄ᬧᬸᬦ᭄ᬯᬸᬲ᭄ᬳᬲᬗ᭄ᬕᬫ᭞ᬲᬂᬲᬸᬦᬵᬬᬘᬭᬶᬢᬦ᭄᭞ᬳᬸᬲᬓ᭄ᬓᬳ᭄ᬬᬸᬦᬾᬢᬦ᭄ᬲᬶᬧᬶ᭞ᬗ᭄ᬭᬯᭀᬲ᭄ᬭᬶᬂᬘᬶᬢ᭞ᬳᬧᬫᬓᬤᬚᬦᬶ᭟ᬢ᭄ᬯ᭠ ᬭᬢᬳᬾᬦ᭄ᬓᬓᬾᬦᬾᬓ᭄ᬦᭂᬳᬾᬮ᭄ᬯᬲ᭄᭞ᬭᬭᬶᬲ᭄ᬫᬦ᭄ᬢᬸᬓ᭄ᬫᬯᬮᬶ᭞ᬳᬶᬪᬹᬢᬩ᭄ᬮᭀᬄ᭠ᬢᬗᬃ᭞ᬭᬭᬶᬲ᭄ᬗᬶᬳᬶᬦᬶᬦ᭄ᬩᬸᬤᬮ᭄᭞ᬲᬂᬲᬸᬦᬵᬬᬭᬯᬸᬄᬕ᭄ᬮᬶᬲ᭄᭞ᬗ᭄ᬭᬭᬶᬲ᭄ᬫᬵᬦ᭄ᬢᬸᬓᬦ᭄᭞ᬲ ᬳᬗᬯᬸᬓᬶᬦ᭄ᬭᬩᬶ᭟ᬳᬶᬤᬳᬶᬲ᭄ᬢ᭄ᬭᬷᬦᬾᬢᬫ᭄ᬧᬶᬢ᭄ᬬᬂᬫᬩᬳᬦ᭄᭞ᬦᬲᬶᬩᬳᬦ᭄ᬫ᭠ᬗᬶᬤᬶᬄ᭞ᬚᬮᬦ᭄ᬫᬗᬚᭂᬗᬂ᭞ᬳᬶᬤᬷᬲ᭄ᬢ᭄ᬭᬷᬜᬕ᭄ᬚᬕ᭄‌ᬍᬕ᭞ᬲᬳᬧᬗᬦ᭄ᬤᬶᬓᬳᬭᬶᬲ᭄᭞ᬳᬾᬗ᭄ᬕ᭠ ᬮ᭄ᬲᬦ᭄ᬢᭂᬓ᭞ᬩᬮ᭄ᬫᬭᬲᬦ᭄ᬫᬕ᭄ᬤᬶ᭟ᬩ᭄ᬯᬶᬦ᭄ᬫᬭᬲᬸᬯᬸᬤ᭄ᬳᬚᬓ᭄ᬫᬲᬗ᭄ᬕᬫ᭞ᬲᬂᬲᬸᬦᬵᬬ᭠ᬜᬯᬸᬭᬶᬦ᭄᭞ᬢ᭄ᬯᬭᬢ᭄ᬬᬂᬫᬳᬦ᭄᭞ᬫᬸᬮᬶᬄᬮ᭄ᬯᬲ᭄ᬳᬧᬶᬲᬦ᭄᭞ᬚᬦᬶᬤᭀᬕᬾᬦ᭄ᬢ᭄ᬬᬂᬫᬸᬮᬶᬄ᭞

Auto-transliteration

[19 19B] 19 sajatyangbajang, tonghobaḥtyanghakikit, cayangangtyang, bratanemar̥ĕpkangin. rarishidamamar̀ggatasangsuneya, lawut'hadañlubin, psuh likpaḥ, bhūtabloḥmiribtwa, mahadanyasangdur̀ṇniti, matuhinwar̀ṇna, dasangsunār̥ĕsyi. satkanehibhūtamanglawutmuliyan, hadīstrīmañapati‐ n, ngudyanghenggaltka, hadambahanmadaya, hibhūtakñingñawurin, lacur̀tyanghida, tongmahannganhakikit. bayasanghyangwidhimamirudḍatyang, da‐ dityangmandipdip, mabudḍisanggama, notnotyanghida, jalanmr̥ĕmalumangkin, hidīstrīnimbal, naḥkatumbenañjani. hibhūtabloḥlawu‐ [20 20A] tmanglutmaniman, masiḥbiṣangrar̥ĕmiḥ, sāmpunwushasanggama, sangsunāyacaritan, husakkahyunetansipi, ngrawosringcita, hapamakadajani. twa‐ ratahenkakeneknĕhelwas, rarismantukmawali, hibhūtabloḥ‐tangar̀, rarisngihininbudal, sangsunāyarawuḥglis, ngrarismāntukan, sa hangawukinrabi. hidahistrīnetampityangmabahan, nasibahanma‐ngidiḥ, jalanmangajĕngang, hidīstrīñagjagl̥ĕga, sahapangandikaharis, hengga‐ lsantĕka, balmarasanmagdi. bwinmarasuwud'hajakmasanggama, sangsunāya‐ñawurin, twaratyangmahan, muliḥlwashapisan, janidogentyangmuliḥ,

Leaf 20

Image on Archive.org

[᭒᭐ 20B] ᭒᭐ ᬚᬮᬦ᭄ᬲᬗ᭄ᬕᬫ᭞ᬫ᭄ᬮᭂᬤ᭄ᬢ᭄ᬬᬂᬢᬦ᭄ᬲᬶᬧᬶ᭟ᬲᬂᬤᬸᬃᬡ᭄ᬦᬶᬢᬶᬜᬯᬸᬭᬶᬦ᭄ᬩᬲ᭄ᬢ᭄ᬯᬭᬧ᭄ᬭᬄ᭞ᬜᬾᬦ᭄ᬫᬫ᭄ᬧᬸᬄᬫᬦᬢᬓᬶᬦ᭄᭞ᬩᬵᬲ᭄ᬫᬭᬳᬶᬢᬸᬦ᭄ᬬᬦ᭄᭞ᬩᬸᬓᬦᬾᬘ᭄ᬭᬶᬓ᭄ᬗᬫᬄ᭞ᬓᬯᬸᬦᬾ᭠ ᬢᭀᬦ᭄ᬤᬾᬦ᭄ᬫᬩᬺᬲᬶᬄ᭞ᬩ᭄ᬯᬶᬦ᭄ᬫᬤᬳᬃ᭞ᬕᬯᭀᬓ᭄ᬢ᭄ᬬᬗᬾᬚᬦᬶ᭟ᬲᬂᬲᬸᬦᬵᬬᬫᬲᬺᬂᬲᬵᬫ᭄ᬧᬸᬦ᭄ᬲᬗ᭄ᬕᬫ᭞ᬕ᭄ᬮᬸᬦᬾᬢᬦ᭄ᬲᬶᬦᬶᬧᬶ᭞ᬢ᭄ᬯᬭᬢᬳᬾᬦ᭄ᬧᬶᬲᬦ᭄᭞ᬓᬓᬾᬦᬾ᭠ ᬳᬸᬮᬶᬂᬫᬭ᭞ᬧ᭄ᬤᬲ᭄ᬳᬤᬫᬜ᭄ᬮᬸᬩᬶᬦ᭄᭞ᬫᬕᭀᬩᬩᬜ᭞ᬩᬸᬓᬫᬸᬜᬶᬦ᭄ᬳᬶᬤᬷᬲ᭄ᬢ᭄ᬭᬷ᭟ᬫᬗ᭄ᬓᬶᬦ᭄ᬧᭀᬮᬶᬄᬲᬂᬲᬸᬦᬵᬬᬇᬦ᭄ᬤ᭄ᬭᬚᬮ᭞ᬩᬾᬜ᭄ᬚᬂᬲ᭄ᬫᭂᬂᬫᬢᬗᬶ᭞ᬭᬭᬶᬲ᭄ᬫᬗᬦ᭄ᬤᬶ ᬓ᭞ᬳᬶᬤᬵᬧᬂᬫ᭄ᬮᬄᬚᬸᬫᬄ᭞ᬢ᭄ᬬᬂᬩ᭄ᬯᬶᬦ᭄ᬗᬶᬤᬶᬳᬶᬤᬶᬄ᭞ᬲᬶᬜᬫᬩᬳᬦ᭄᭞ᬳᬶᬤᬷᬲ᭄ᬢ᭄ᬭᬷᬫᬲᬯᬸᬃᬗ᭄ᬕᬶᬄ᭟ᬗᬫ᭄ᬤᬮᬂᬲᬂᬲᬸᬦᬵᬬᬕᬕᬜ᭄ᬘᬗᬦ᭄᭞ᬤᬬᬦᬾᬲᬵᬫ᭄ᬧᬸᬦ᭄ᬳᬶᬤᬶᬂ᭞ [᭒᭑ 21A] ᬭᬯᬸᬄᬭᬶᬂᬚᬩᬬᬦ᭄᭞ᬫᬗ᭄ᬭᬭᬶᬲ᭄ᬫᬳᬶᬮᬶᬤᬦ᭄᭞ᬢᬶᬗ᭄ᬕᬃᬮᬾᬦᬾᬓᬧᬺᬫᬶᬦ᭄᭞ᬳᬶᬤᬷᬲ᭄ᬢ᭄ᬭᬷᬢᬶᬗ᭄ᬕᬃ᭞ᬲᬓᬶᬂᬕ᭄ᬦᬳᬾᬗᬶᬦ᭄ᬢᬶᬧ᭄᭟ᬦᬫ᭄ᬧᬶᬦ᭄ᬧ᭄ᬟᬸᬄᬳᬶᬤᬶᬲ᭄ᬢ᭄ᬭᬷᬯᬸᬲᬦ᭄ᬫᬢᬶᬃᬣ᭞᭠ ᬳᬶᬪᬹᬢᬢ᭄ᬓᬭᬭᬶᬲ᭄᭞ᬗᭀᬚᭀᬕ᭄ᬢᬦ᭄ᬧᬦᬳ᭞ᬜᬸᬚᬸᬃᬮᬯᬸᬢ᭄ᬫᬸᬮ᭄ᬬᬦ᭄᭞ᬫᬗ᭄ᬮᬸᬢᬦᬶᬫᬦ᭄ᬧᬶᬧᬶ᭞ᬳᬶᬤᬷᬲ᭄ᬢ᭄ᬭᬷᬓ᭄ᬭᭀᬥ᭞ᬫᬫᬸᬜᬶᬲᬃᬯ᭄ᬯᬶᬚ᭄ᬗᬶᬲ᭄᭟ᬳᬗᭀᬩ᭄ᬢ᭄ᬬᬂᬫᬶᬭᬶ ᬩ᭄ᬢ᭄ᬯᬭᬩᬢ᭄ᬯ᭞ᬲᬳᬶᬩᬶᬓᬲᬾᬫᬜᬶᬂ᭞ᬳᬦᬓ᭄ᬫᬦᬶᬗ᭄ᬕᬮᬂ᭞ᬲ᭄ᬫᬭᬦᬾᬩᬲ᭄ᬓᬮᬶᬯᬢ᭄᭞ᬳ᭄ᬦᬾᬢ᭄ᬓᬫᬗᬸᬮᬸᬭᬶᬦ᭄᭞ᬳᬶᬪᬹᬢᬵᬗᬸᬘᬧ᭄᭞ᬤᬸᬓᬳᬶᬦ᭄ᬢᬶᬢ᭄ᬬᬂᬫᬡ᭄ᬦᬶᬓ᭄᭟ᬲᬂ ᬲᬸᬦᬵᬬᬜᬶᬗᬓ᭄ᬭᬩᬶᬦᬾᬓᬤᬶᬫᬦ᭄᭞ᬓ᭄ᬭᭀᬥᬭᬭᬶᬲ᭄ᬜᬕ᭄ᬚᬕᬶᬦ᭄᭞ᬲ᭠ᬳᬫᬸᬜᬶᬩᬗ᭄ᬕ᭄ᬭᬲ᭄᭞ᬦᬾᬢᬾᬯᬶᬓᬸᬓᬦ᭄ᬓᬾᬦᬦ᭄᭞ᬕ᭄ᬫᬄᬢ᭄ᬓᬦᬶᬫᬦ᭄ᬧᬶᬧᬶ᭞ᬲᭀᬫᬄᬕ᭄ᬮ

Auto-transliteration

[20 20B] 20 jalansanggama, mlĕdtyangtansipi. sangdur̀ṇnitiñawurinbastwarapraḥ, ñenmampuḥmanatakin, bāsmarahitunyan, bukanecrikngamaḥ, kawune‐ tondenmabr̥ĕsiḥ, bwinmadahar̀, gawoktyangejani. sangsunāyamasr̥ĕngsāmpunsanggama, glunetansinipi, twaratahenpisan, kakene‐ hulingmara, pdashadamañlubin, magobabaña, bukamuñinhidīstrī. mangkinpoliḥsangsunāya'indrajala, beñjangsmĕngmatangi, rarismangandi ka, hidāpangmlaḥjumaḥ, tyangbwinngidihidiḥ, siñamabahan, hidīstrīmasawur̀nggiḥ. ngamdalangsangsunāyagagañcangan, dayanesāmpunhiding, [21 21A] rawuḥringjabayan, mangrarismahilidan, tinggar̀lenekapr̥ĕmin, hidīstrītinggar̀, sakinggnahengintip. nampinpḍuḥhidistrīwusanmatir̀tha, ‐ hibhūtatkararis, ngojogtanpanaha, ñujur̀lawutmulyan, manglutanimanpipi, hidīstrīkrodha, mamuñisar̀wwijngis. hangobtyangmiri btwarabatwa, sahibikasemañing, hanakmaninggalang, smaranebaskaliwat, hnetkamangulurin, hibhūtāngucap, dukahintityangmaṇnik. sang sunāyañingakrabinekadiman, krodhararisñagjagin, sa‐hamuñibanggras, netewikukankenan, gmaḥtkanimanpipi, somaḥgla

Leaf 21

Image on Archive.org

[᭒᭑ 21B] ᭒᭑ ᬳᬶᬭ᭞ᬓ᭄ᬫᬳᬾᬗ᭄ᬕᬮ᭄ᬫᬕ᭄ᬤᬶ᭟ᬳᬶᬪᬹᬢᬩ᭄ᬮᭀᬄᬫᬲᬯᬸᬃᬲᬤᬫᬸᬮᬶᬭᬓ᭄᭞ᬦᬾᬯᬶᬓᬸᬓᬾᬦ᭄ᬓᬾᬦ᭄ᬫᬳᬶ᭞ᬢ᭄ᬯᬭᬗ᭄ᬮᬄᬳᬸᬮᬢ᭄᭞ᬳᬦᬓ᭄ᬦᬶᬫᬦ᭄ᬲᭀᬫᬳ᭞ᬓ᭄ᬓᬗᭀᬚᭀ ᬕ᭄ᬢᬦ᭄ᬧᬯᬗ᭄ᬲᬶᬢ᭄᭞ᬢᬹᬃᬜᬫ᭄ᬩᬢ᭄ᬲᬭ᭞ᬓ᭄ᬫᬳᬾᬗ᭄ᬕᬮ᭄ᬫᬕ᭄ᬤᬶ᭟ᬲᬂᬲᬸᬦᬵᬬᬫᬗ᭄ᬢᭀᬃᬕ᭄ᬤᭂᬕᬾᬓᬮᬶᬦ᭄ᬢᬂ᭞ᬫᬶᬭᬶᬩ᭄ᬫᬲᬸᬕᬶᬕ᭄ᬢᬶᬄ᭞ᬲᬳᬫᬸᬜᬶᬩᬗ᭄ᬕ᭄ᬭᬲ᭄᭞ᬤᬳᬶᬩᬮᬜ᭄ᬘᬕ᭄ᬫᬄ᭞ᬦᬸ ᬦ᭄ᬤᬸᬂᬓᬳᬶᬳᬸᬮᬶᬤᬶᬦᬶ᭞ᬳᬶᬩᬫᬓᬳᬤ᭄᭞ᬦᬾᬳᬸᬫᬄᬕ᭄ᬮᬄᬓᬳᬶ᭟ᬳᬶᬪᬹᬢᬩ᭄ᬮᬵᬄᬗ᭄ᬭᭀᬕᭀᬄᬫᬫᬸᬜᬶᬩᬗ᭄ᬕ᭄ᬭᬲ᭄᭞ᬦᬾᬳᬸᬫᬄᬕ᭄ᬮᬄᬓᬳᬶ᭞ᬳᬶᬩᬚᬫᬓᬳᬤ᭄᭞ ᬳᬾᬤᬍᬫ᭄ᬓᬳᬶᬦᬶᬗ᭄ᬕᬮ᭄᭞ᬳᬢᬫ᭄ᬧᬓ᭄ᬫᬲᬫᬲᬶᬭᬶᬕ᭄᭞ᬦᬶᬦ᭄ᬤᬶᬳᬶᬦ᭄ᬳᬸᬫᬄ᭞ᬓᬮᬶᬄᬲᭀᬫᬄᬳᬶᬤᬷᬲ᭄ᬢ᭄ᬭᬷ᭟ᬲᬂᬲᬸᬦᬵᬬᬢᭀᬂᬤᬤᬶᬩᬳᬦ᭄ᬫᬶᬋᬗᬂ᭞ᬫᬸᬜᬶᬦᬾᬢᬦ᭄ᬧᬰ᭄ᬭᬸᬢᬶ᭞ [᭒᭒ 22A] ᬫᬜ᭄ᬫᬓ᭄ᬮᬗ᭄ᬕᭂᬭᬦ᭄᭞ᬮᬯᬸᬢ᭄ᬫᬫᬸᬜᬶᬦᬂᬢᬂ᭞ᬧ᭄ᬲᬸᬦᬾᬓᬳᬶᬢᬦ᭄ᬤᬶᬗᬶᬦ᭄᭞ᬳᬧᬗᬧᬶᬲᬦ᭄᭞ᬓᬃᬯ᭄ᬯᬦᬾᬦᬾᬗᬸᬮᬶᬦ᭄ᬢᬶᬓ᭄᭟ᬳᬶᬪᬹᬢᬩ᭄ᬮᭀᬄᬜᬕ᭄ᬚᬕᬶᬦ᭄ᬗᬗ᭄ᬕᬃᬮᬗ᭄ᬕᭂᬭᬦ᭄᭞ᬢ ᬦ᭄ᬧᬦᬳᬫᬗ᭄ᬮᬦ᭄ᬢᬶᬕ᭄᭞ᬲᬂᬲᬸᬦᬵᬬᬢᬗᬃ᭞ᬦᬗ᭄ᬓᬶᬲ᭄ᬩᬳᬦ᭄ᬮᬗ᭄ᬕᭂᬭᬦ᭄᭞ᬓᬲᬾᬧ᭄ᬳᬶᬪᬹᬢᬫᬢᬗ᭄ᬓᬶᬲ᭄᭞ᬓ᭄ᬦᬓᬢᬶᬫ᭄ᬩᬮ᭄᭞ᬢᭂᬦ᭄ᬤᬲᬾᬓᬮᬗ᭄ᬕᭂᬭᬶᬦ᭄᭟ᬤᬲ᭄ᬤᬲᬦ᭄ᬩᬄᬳᬶᬪᬹ᭠ ᬢᬲᬸᬫᬶᬗ᭄ᬓᬶᬦ᭄ᬓ᭄ᬭᭀᬥ᭞ᬢᭂᬦ᭄ᬤᬲᬾᬳᬮᬄᬓᬦ᭄ᬤᬶᬓ᭄᭞ᬲ᭄ᬩᬸᬄᬳᬮᬄᬩᬸᬗ᭄ᬓᬄ᭞᭠ᬫᬲᬶᬄᬫᬦ᭄ᬤᬺᬂᬫᬦᬶᬜ᭄ᬚᬓ᭄᭞ᬫᬸᬮᬶᬭᬓ᭄ᬫᬢᬦᬾᬦ᭄ᬮᬶᬓ᭄᭞ᬲᬳᬲᬸᬲᬸᬫ᭄ᬩᬃ᭞ᬦᬾᬢᬸᬮᬾᬦ᭄ᬜ᭠ ᬦᬾᬚᬦᬶ᭟ᬲᬂᬲᬸᬦᬵᬬᬘᬮᬶᬭᬶᬂᬦᬗ᭄ᬓᬶᬲᬶᬦ᭄ᬩᭂᬘᬢ᭄᭞ᬳᬶᬤᬶᬲ᭄ᬢ᭄ᬭᬶᬮᬯᬸᬢ᭄ᬦᬗᬶᬲ᭄᭞ᬫᬜᬕ᭄ᬚᬕ᭄‌ᬗ᭄ᬕᬶᬲ᭄ᬬᬂ᭞ᬲᬳᬗᬦ᭄ᬤᬶᬓᬲ᭄ᬭᬓ᭄᭞ᬤᬓᬾᬫᬲ᭄ᬬᬢ᭄ᬤᬶᬦᬶ᭞ᬳᬤᬯᬵᬢᬹ᭠

Auto-transliteration

[21 21B] 21 hira, kmahenggalmagdi. hibhūtabloḥmasawur̀sadamulirak, newikukenkenmahi, twaranglaḥhulat, hanaknimansomaha, kkangojo gtanpawangsit, tūr̀ñambatsara, kmahenggalmagdi. sangsunāyamangtor̀gdĕgekalintang, miribmasugigtiḥ, sahamuñibanggras, dahibalañcagmaḥ, nu ndungkahihulidini, hibamakahad, nehumaḥglaḥkahi. hibhūtablāḥngrogoḥmamuñibanggras, nehumaḥglaḥkahi, hibajamakahad, hedal̥ĕmkahininggal, hatampakmasamasirig, nindihinhumaḥ, kaliḥsomaḥhidīstrī. sangsunāyatongdadibahanmir̥ĕngang, muñinetanpaśruti, [22 22A] mañmaklanggĕran, lawutmamuñinangtang, psunekahitandingin, hapangapisan, kar̀wwanenengulintik. hibhūtabloḥñagjaginnganggar̀langgĕran, ta npanahamanglantig, sangsunāyatangar̀, nangkisbahanlanggĕran, kasep'hibhūtamatangkis, knakatimbal, tĕndasekalanggĕrin. dasdasanbaḥhibhū‐ tasumingkinkrodha, tĕndasehalaḥkandik, sbuḥhalaḥbungkaḥ, ‐masiḥmandr̥ĕngmaniñjak, mulirakmatanenlik, sahasusumbar̀, netulenña‐ nejani. sangsunāyacaliringnangkisinbĕcat, hidistrilawutnangis, mañagjagnggisyang, sahangandikasrak, dakemasyatdini, hadawātū‐

Leaf 22

Image on Archive.org

[᭒᭒ 22B] ᭒᭒ ᬢ᭞ᬳᬸᬦᬶᬗᬬᬂᬓᬧᬸᬭᬶ᭟ᬲᬂᬲᬸᬦᬵᬬᬫᬜᬕ᭄ᬚᬕ᭄ᬮᬯᬸᬢ᭄ᬫᬜ᭄ᬫᬓ᭄᭞ᬢᬗᬦ᭄ᬦᬾᬳᬶᬤᬷᬲ᭄ᬢ᭄ᬭᬷ᭞ᬳᬶᬪᬹᬢᬫᬜ᭄ᬫᬓ᭄᭞ᬢᬦᬾᬦᬾᬳᬦᬾᬳᬦ᭄᭞ᬲᬮᬶᬂᬳᬢᬢ᭄ᬦᬕᬶᬄ᭠ ᬳᬮᬶᬄ᭞ᬳᬶᬤᬶᬲ᭄ᬢ᭄ᬭᬷᬗᬸᬘᬧ᭄᭞ᬚᬮᬜ᭄ᬚᬦᬶᬓᬧᬸᬭᬶ᭟ᬤᬶᬩᬜ᭄ᬘᬶᬗᬄᬤᬶᬢᬸᬦᬸᬦᬲ᭄ᬲᬲᬶᬧᬢᬦ᭄᭞ᬗ᭄ᬓᬾᬦ᭄ᬲᭀᬫᬄᬳᭂᬗ᭄ᬓᬾᬦ᭄ᬢᬸᬲᬶᬂ᭞ᬢ᭄ᬬᬂᬢ᭄ᬯᬭᬧᬜ᭄ᬚᬂ᭞ᬩᬦ᭄ᬧᬢᬸᬳᬾᬓᬮᬶᬦ᭄ᬢᬂ᭞ ᬢᭀᬂᬩᬓᬢ᭄ᬳᬶᬗ᭄ᬕᬶᬦᬩ᭄ᬯᬶᬦ᭄᭞ᬲᬂᬧ᭄ᬭᬪᬹᬲᬭ᭞ᬦᬸᬕᭂᬦᬳᬂᬦᬾᬚᬦᬶ᭟ᬮᬯᬸᬢ᭄ᬧᬥ᭠ᬫᬚᬮᬦ᭄ᬫᬗ᭄ᬕᬶᬲᬶᬮᬶᬫ᭞ᬧᬥᬫᬳᬦᬾᬄᬗ᭄ᬕᬶᬲᬶ᭞ᬢ᭄ᬓᭂᬤ᭄ᬤᬶᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬲᬵᬫ᭄ᬧᬸᬦ᭄ᬩᬸᬤ᭠ ᬮ᭄᭞ᬢᬶᬦᬗ᭄ᬓᬶᬮᬶᬂᬢᬡ᭄ᬟᬫᬦ᭄ᬢ᭄ᬭᬶ᭞ᬲᬂᬧ᭄ᬭᬪᬸᬓᬕ᭄ᬬᬢ᭄᭞ᬗᬵᬓ᭄ᬱᬶᬳᬦᬓ᭄ᬫᬕᬶᬲᬶ᭟ᬲᬂᬧ᭄ᬭᬪᬸᬫᬗᬦ᭄ᬤᬶᬓᬧᬢᬶᬄᬢᭀᬳᬧ᭞ᬳᬦᬓ᭄ᬳᭂᬮᬸᬄᬳᬤᬶᬭᬶ᭞ᬓᬤᬦ᭄ᬤᬦ᭄ᬳᬚᬓᬤᬤ᭄ᬯ᭞ [᭒᭓ 23A] ᬲᬶᬜᬳᬦ᭄ᬫᬋᬩᬢ᭄᭞ᬳᬶᬧᬢᬶᬄᬮᬯᬸᬢ᭄‌ᬗ᭄ᬮᬶᬬᬢᬶᬦ᭄᭞ᬕ᭄ᬮᬸᬭᬶᬂᬫᬦᬄ᭞ᬤᬾᬦᬶᬂᬯᬶᬓᬸᬫᬯ᭄ᬬᬤᬶ᭟ᬲᬶᬭᬧᬢᬶᬄᬫᬳᬢᬹᬃᬲᬃᬯ᭄ᬯᬶᬫᬜᭂᬫ᭄ᬩᬄ᭞ᬳᬾᬯᭂᬄᬭᬢᬸᬧᬸᬦᬶᬓᬶ᭞ᬯᬶᬓᬸ ᬫᬯᬶᬭᭀᬥ᭞ᬚᬕ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬯᬶᬓᬸᬦᬾᬗ᭄ᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬫᬦᬸᬦᬲ᭄ᬮᬸ᭠ᬕᬺ᭞ᬢᬍᬃᬓᬭᬶᬫᬗ᭄ᬕᬶᬲᬶ᭟ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄ᬩᬦ᭄ᬩᬦ᭄᭞ᬳᬶᬤᬕ᭄ᬟᬾᬧᬸᬦᬶᬓᬶ᭞ᬢᬶᬢ᭄ᬬᬂᬫ᭠ ᬦᬸᬦᬲᬂ᭞ᬧᬸᬦᬧᬶᬚᬳᬯᬶᬦᬦ᭄᭞ᬤᬤᭀᬲ᭄ᬫᬾᬜ᭄ᬘᬾᬂᬳᬶᬤᬳᬶᬲ᭄ᬢ᭄ᬭᬷ᭞ᬩᬵᬲ᭄ᬢ᭄ᬯᬄᬢᬯᬄᬧᬶᬲᬦ᭄᭞ᬮᬘᬸᬃᬢᬶᬢ᭄ᬬᬗᬾᬫᬗ᭄ᬓᬶᬦ᭄᭟ᬢᬦ᭄ᬢᬄᬫᬗ᭄ᬓᬶᬦ᭄ᬫᬲᬦ᭄ᬓᬮᬶᬬᬸᬕ᭞ᬧᬵᬢᬹᬢ᭄ᬳᬶᬧᬸᬦ᭄ᬦᬾᬭᬾ᭠ ᬳᬶᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬳᬚᬄ᭞ᬢᬦ᭄ᬮ᭄ᬬᬸᬦ᭄ᬭᬶᬂᬳᬶᬤᬧ᭄ᬭᬡ᭄ᬟ᭞ᬦᬾᬫᬗ᭄ᬓᬶᬦ᭄ᬤᬤᭀ᭠ᬲ᭄ᬫᬩᬮᬶᬓ᭄᭞ᬳᬶᬤᬗᬃᬬ᭄ᬬᬦᬂ᭞ᬳᬾᬯᭂᬄᬢᬶᬢ᭄ᬬᬂᬫᬶᬤᬩ᭄ᬤᬩᬶᬦ᭄᭟ᬲᬂᬲᬸᬦᬵᬬᬫᬳᬢᬹᬃ᭠

Auto-transliteration

[22 22B] 22 ta, huningayangkapuri. sangsunāyamañagjaglawutmañmak, tangannehidīstrī, hibhūtamañmak, tanenehanehan, salinghatatnagiḥ‐ haliḥ, hidistrīngucap, jalañjanikapuri. dibañcingaḥditununassasipatan, ngkensomaḥhĕngkentusing, tyangtwarapañjang, banpatuhekalintang, tongbakat'hingginabwin, sangprabhūsara, nugĕnahangnejani. lawutpadha‐majalanmanggisilima, padhamahaneḥnggisi, tkĕddibañcingaḥ, sangprabhusāmpunbuda‐ l, tinangkilingtaṇḍamantri, sangprabhukagyat, ngāksyihanakmagisi. sangprabhumangandikapatiḥtohapa, hanak'hĕluḥhadiri, kadandanhajakadadwa, [23 23A] siñahanmar̥ĕbat, hipatiḥlawutngliyatin, gluringmanaḥ, deningwikumawyadi. sirapatiḥmahatūr̀sar̀wwimañĕmbaḥ, hewĕḥratupuniki, wiku mawirodha, jagrawuḥringbañcingaḥ, wikunengrarismalinggiḥ, manunaslu‐gr̥ĕ, tal̥ĕr̀karimanggisi. sangprabhungandikahalusbanban, hidagḍepuniki, tityangma‐ nunasang, punapijahawinan, dadosmeñcenghidahistrī, bāstwaḥtawaḥpisan, lacur̀tityangemangkin. tantaḥmangkinmasankaliyuga, pātūt'hipunnere‐ hin, tityangnunashajaḥ, tanlyunringhidapraṇḍa, nemangkindado‐smabalik, hidangar̀yyanang, hewĕḥtityangmidabdabin. sangsunāyamahatūr̀‐

Leaf 23

Image on Archive.org

[᭒᭓ 23B] ᭒᭓ ᬭᬢᬸᬘᭀᬓᭀᬃᬤ᭄ᬟ᭞ᬢᬶᬢ᭄ᬬᬂᬦ᭄ᬤᬯᭂᬕᬂᬳᬸᬕᬶ᭞ᬢᬶᬢ᭄ᬬᬂᬫᬤᬺᬩᬾᬲᭀᬫᬄ᭞ᬫᬫᬶᬢᬂᬲᬲᬶᬧᬢᬦ᭄᭞ᬭᬾᬄᬯᬦ᭄ᬢᭂᬦ᭄ᬯᬶᬓᬸᬗᬗ᭄ᬓᭂᬦᬶᬦ᭄᭞ᬓᬯᭀᬦᬶᬦ᭄ᬢᬶᬢ᭄ᬬᬂ᭞ᬮᬸᬗ᭄ᬳᬭᬭᬶ ᬲ᭄ᬓᬘ᭄ᬮᬸᬩᬶᬦ᭄᭟ᬳᬶᬪᬹᬢᬩ᭄ᬮᭀᬄᬫᬦᬶᬫ᭄ᬩᬮ᭄ᬭᬢᬸᬘᭀᬓᭀᬃᬤ᭄ᬟ᭞ᬢᬶᬢ᭄ᬬᬂᬦ᭄ᬤᬯᭂ᭠ᬕᬂᬳᬸᬕᬶ᭞ᬦᬸᬦᬲ᭄ᬲᬲᬶᬦᬳᬦ᭄᭞ᬢᬶᬢ᭄ᬬᬂᬲ᭄ᬤᭂᬓ᭄ᬭᬶᬂᬚᬸᬫᬄ᭞ᬫ᭄ᬤᭂᬫ᭄ᬲᬋᬂᬳᬶᬤᬳᬷᬲ᭄ᬢ᭄ᬭᬷ᭞ᬓᬳᭀ ᬚᭀᬕ᭄ᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬯᬶᬓᬸᬧᬸᬦᬶᬓᬶ᭟ᬲᬳᬧᬚᬃᬩᬗ᭄ᬕ᭄ᬭᬲ᭄ᬫᬗᬯᭀᬦᬂᬢᬶᬢ᭄ᬬᬂ᭞᭠ᬓᬮᬶᬄᬗᬗ᭄ᬓᭂᬦᬶᬦ᭄ᬕᬸᬫᬶ᭞ᬫᬶᬯᬄᬩᬮᬾᬲᬫ᭄ᬬᬦ᭄᭞ᬫᬯᬶᬦᬦ᭄ᬢᬶᬢ᭄ᬬᬂᬓ᭄ᬭᭀᬥ᭞ᬲᭀᬫᬄᬢᬶ ᬢ᭄ᬬᬗᬾᬓᬗ᭄ᬓᭂᬦᬶᬦ᭄᭞ᬭᬯᬸᬳᬶᬂᬢᬶᬢ᭄ᬬᬂ᭞ᬢᬸᬦ᭄ᬤᬸᬂᬓᬾᬦ᭄ᬓᬾᬦ᭄ᬫᬕ᭄ᬤᬶ᭟ᬫ᭄ᬦᭂᬂᬳᬶᬤᬲᬂᬧ᭄ᬭᬪᬸᬓᬭᬶᬗᬳ᭄ᬬᬸᬦᬂ᭞ᬳᬦ᭄ᬢᬸᬓ᭄ᬓᬮᬶᬦ᭄ᬢᬂᬲᬸᬓᬶᬮ᭄᭞ᬫ᭄ᬩᬯᭀᬲᬶᬦ᭄ᬧᬡ᭄ᬟᬶᬢ᭞ᬢᬍᬃᬢᬦ᭄ᬓᬧᬶᬦᭂᬳ [᭒᭔ 24A] ᬦ᭄᭞ᬭᬭᬶᬲ᭄ᬳᬶᬤᬫᬦᬓᬾᬦᬶᬦ᭄᭞ᬳᬶᬤᬷᬲ᭄ᬢ᭄ᬭᬷᬳᭂᬗ᭄ᬓᬾᬦ᭄᭞ᬭᬩᬶᬦ᭄ᬳᬶᬤᬳᬾᬮᬶᬗᬶᬦ᭄᭟ᬲᬶᬸᬩᬶᬸᬮᬶᬸᬩᬶᬸᬳᬶᬤᬳᬶᬲ᭄ᬢ᭄ᬭᬷᬫᬲᬯᬸᬃᬢᬶᬢ᭄ᬬᬂᬦ᭄ᬤᬯᭂᬕᬂ᭞ᬭᬢᬸᬫᬳᬢᬹᬃᬲᬶᬲᬶᬧ᭄᭞ᬩᭀ ᬬᬓ᭄ᬦᬶᬧᬶᬲᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬾᬮᬶᬗᬂ᭞ᬤ᭄ᬯᬦᬶᬂᬧᬢᭂᬳᬾᬢᬦ᭄ᬲᬶᬧᬶ᭞ᬲᬲᬶᬧᬢ᭄ᬭᭀᬫ᭞ᬳᬸᬗᬲᬦ᭄ᬮᬦ᭄ᬧᬗᬓ᭄ᬱᬶ᭟ᬥᬥᬕᬶᬕᬶᬃᬢᬗᬜ᭄ᬘᭀᬓᭀᬃᬫᬶᬯᬄᬧᭀᬮᬄ᭞᭠ ᬧᬫᬸᬮᬸᬓᬸᬲ᭄ᬢᬸᬗ᭄ᬕᬶᬮ᭄᭞ᬫᬶᬯᬄᬧᬗᬦ᭄ᬤᬶᬓ᭞ᬦᬵᬥ᭄ᬬᬦ᭄ᬭᬶᬂᬬᬸᬱᬲᬫ᭞ᬯᬵᬲ᭄ᬢᬺᬓ᭠ᬫ᭄ᬧᬸᬄᬢᬍᬃᬢᬸᬗ᭄ᬕᬶᬮ᭄᭞ᬭᬯᬶᬂᬧᬸᬦᬶᬓ᭞ᬳᬩᭂᬢᬩᭂᬢᬾᬢᬸᬗ᭄ᬕᬶᬮ᭄᭟ᬤᬤᬶᬓ᭄ᬜᭂᬫ᭄ᬧᬦᬗ᭄ᬓᬶᬮ ᬦᬾᬳᬶᬭᬶᬓ᭞ᬫᬶᬋᬂᬳᬢᬹᬃᬳᬶᬤᬷᬲ᭄ᬢ᭄ᬭᬷ᭞ᬫᬶᬯᬄᬗ᭄ᬢᭀᬦ᭄ᬧ᭄ᬭᬡ᭄ᬟ᭞ᬧᬥᬫᬗ᭄ᬕᬫᭂᬮ᭄ᬢᬗ᭠ᬦ᭄᭞ᬲ᭄ᬯᬪᬵᬯᬦᬾᬚ᭄ᬗᭂᬢ᭄ᬓᬮᬶᬄ᭞ᬲᬂᬧ᭄ᬭᬪᬸᬮᬶᬦ᭄ᬢᬂ᭞ᬲᬸᬗ᭄ᬲᬸᬢ᭄ᬓᬳ᭄ᬬᬸᬦᬾᬗᬓ᭄ᬱᬶ᭟ᬭᬭᬶᬲ᭄ᬲᬂ

Auto-transliteration

[23 23B] 23 ratucokor̀dḍa, tityangndawĕganghugi, tityangmadr̥ĕbesomaḥ, mamitangsasipatan, reḥwantĕnwikungangkĕnin, kawonintityang, lungharari skaclubin. hibhūtabloḥmanimbalratucokor̀dḍa, tityangndawĕ‐ganghugi, nunassasinahan, tityangsdĕkringjumaḥ, mdĕmsar̥ĕnghidahīstrī, kaho jogtityang, hantukwikupuniki. sahapajar̀banggrasmangawonangtityang, ‐kaliḥngangkĕnin'gumi, miwaḥbalesamyan, mawinantityangkrodha, somaḥti tyangekangkĕnin, rawuhingtityang, tundungkenkenmagdi. mnĕnghidasangprabhukaringahyunang, hantukkalintangsukil, mbawosinpaṇḍita, tal̥ĕr̀tankapinĕha [24 24A] n, rarishidamanakenin, hidīstrīhĕngken, rabinhidahelingin. s̶b̶l̶b̶hidahistrīmasawur̀tityangndawĕgang, ratumahatūr̀sisip, bo yaknipisan, hantuktityangngelingang, dwaningpatĕhetansipi, sasipatroma, hungasanlanpangaksyi. dhadhagigir̀tangañcokor̀miwaḥpolaḥ, ‐ pamulukustunggil, miwaḥpangandika, nādhyanringyuṣasama, wāstr̥ĕka‐mpuḥtal̥ĕr̀tunggil, rawingpunika, habĕtabĕtetunggil. dadikñĕmpanangkila nehirika, mir̥ĕnghatūr̀hidīstrī, miwaḥngtonpraṇḍa, padhamanggamĕltanga‐n, swabhāwanejngĕtkaliḥ, sangprabhulintang, sungsutkahyunengaksyi. rarissang

Leaf 24

Image on Archive.org

[᭒᭔ 24B] ᭒᭔ ᬧ᭄ᬭᬪᬸᬫᬮᬶᬄᬗᬦ᭄ᬤᬶᬓ᭞ᬭᬶᬂᬪᬵᬝᬯᬷᬭᬫᬦ᭄ᬢ᭄ᬭᬶ᭞ᬦᬄᬧᬥᬓ᭄ᬦᭂᬳᬂ᭞ᬳᭀᬜᬂᬩ᭠ᬳᬦ᭄ᬫᬶᬜ᭄ᬘᭂᬭᬂ᭞ᬳᬧᬂᬤᬳᬶᬤᬢᬦ᭄ᬧᭀᬮᬶᬄ᭞ᬦᬾᬲᬚᬗ᭄ᬮᬄ᭞ᬩᬓᬢ᭄ᬢᬶᬩᬓᬶᬦ᭄ᬲᬶᬲᬶᬧ᭄᭟ ᬬᬦ᭄ᬢᭀᬂᬲᬶᬤ᭄ᬟᬩᬳᬦ᭄ᬳᬶᬧᬢᬶᬄᬗ᭄ᬦᭂᬳᬂ᭞ᬩᬋᬂᬓᬶᬤᬸᬂᬓᬮᬶᬄ᭞ᬫᬗᬹᬭᬶᬓᬦᬸᬭ᭄ᬯ᭠ᬦ᭄᭞ᬢᬸᬫᭂᬗ᭄ᬕᬸᬂᬬᬬᬶᬳᬃᬬ᭄ᬬ᭞ᬳᬶᬭᬜᬸᬯᬸᬤᬂᬲᬫᬶ᭞ᬫᬓᬵᬤᬶᬳᬶᬭ᭞ᬲᬸᬯᬸᬤ᭄ᬳᬗ᭄ᬕᭀ ᬦ᭄ᬕᬸᬲ᭄ᬢᬶ᭟ᬳᬤᬲᬫ᭄ᬩᬢ᭄ᬢ᭄ᬯᬭᬫ᭄ᬭᬕᬢᬂᬯᬶᬓᬭ᭞ᬳᬲᬶᬂᬜᬶᬤ᭄ᬟᬬᬂᬚᬦᬶ᭞ᬬᬫᬗ᭄ᬓᬸᬦᬵᬕᬭ᭞ᬚᬮᬦ᭄ᬓᬾᬫᬮᬸᬩᬸᬤᬮ᭄᭞ᬚᬸᬫᬳᬾᬫᬮᬸᬧᬶᬦᭂᬳᬶᬦ᭄᭞ᬫᬓ᭄ᬚᬂᬩᬶᬗ᭄ᬩᬂ᭞ᬫᬓᬵ ᬤᬶᬕᬸᬲ᭄ᬢᬶᬧᬢᬶᬄ᭟ᬲᬓ᭄ᬭᬄᬚᬦ᭄ᬫᬦᬾᬢ᭄ᬩᭂᬂᬩᬢᬦ᭄ᬩᬜ᭄ᬘᬶᬗᬄ᭞ᬲ᭄ᬭᬩ᭄ᬧᬥᬫᬩᬮᬶᬄ᭞ᬮ᭄ᬬᬸᬫᬤ᭄ᬳᭂᬧᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬩᬸᬤᬮ᭄᭞ᬗᬦ᭄ᬤᬶᬓᬭᬶᬂᬧ᭄ᬭᬡ᭄ᬟᬓᬵᬮᬶᬄᬳᬶᬭᬶᬓᬶᬳ [᭒᭕ 25A] ᬦ᭄ᬢᭀᬲ᭞ᬢᬶᬢ᭄ᬬᬂᬓᬭᬶᬗ᭄ᬫᬦᬳᬶᬦ᭄᭟ᬲᬶᬭᬧᬢᬶᬄᬲᬋᬂᬲᬶᬦᬫ᭄ᬬᬦ᭄ᬩᬸᬤᬮ᭄᭞ᬓ᭄ᬦᭂᬳᬾᬲ᭄ᬩᭂᬢ᭄ᬕᬢᬶ᭞ᬧᬥᬢ᭄ᬓᭂᬦ᭄ᬚᬸᬫᬄ᭞ᬢᭀᬗᬤᬧᬯᬶᬮᬗᬦ᭄᭞ᬲᬶᬭᬤ᭄ᬫᬂᬢ᭄ᬓᬫᬮᬶᬗ᭄ᬕᬶᬄ᭞ ᬲ᭄ᬩᭂᬗᬾᬲᬯᬢ᭄᭞ᬢ᭄ᬯᬭᬩᬸᬓᬦᬾᬳᬶᬩᬶ᭟ᬦᬶᬦᬶᬯᬸᬕᬶᬫᬜᬕ᭄ᬚᬕᬮᬸᬫ᭠ᬜᬶᬗᬓ᭄᭞ᬭᬩᬶᬦᬾᬲ᭄ᬩᭂᬢ᭄ᬳᬢᬶ᭞ᬫᬗ᭄ᬮᬯᬸᬢ᭄ᬫᬦᬓᭀᬦᬂ᭞ᬕᬸᬲ᭄ᬢᬶᬳ᭄ᬦᬾᬓ᭄ᬦᬵᬧ᭞ᬲ᭄ᬩᭂᬗᬾ᭠ ᬢ᭄ᬯᬭᬤᬧᬢᬶ᭞ᬳᭀᬃᬢ᭄ᬣᬳᬶᬦ᭄ᬢ᭄ᬬᬂ᭞ᬦᬧᬶᬫᬵᬯᬶᬦ᭄ᬕᬸᬲ᭄ᬢᬶ᭟ᬲᬶᬭᬤ᭄ᬫᬸᬂᬫᬲᬯᬸᬃᬳᬧᬮᬘᬸᬃᬧᬶᬲᬦ᭄᭞ᬕᬦ᭄ᬢᬶᬚ᭄ᬗᬄᬢ᭄ᬧᬸᬓᬶᬦ᭄᭞ᬢᭀᬂᬤᬤᬶᬧ᭄ᬮᬶᬳᬂ᭞ᬦᬵᬗ᭄ᬳᬶᬂᬳᬚᬓ᭄ᬫᬓ᭄ᬚᬂ᭞᭠ ᬢᬶᬫ᭄ᬧᬮ᭄ᬢ᭄ᬬᬂᬫᬦ᭄ᬧᬸᬓᬶᬦ᭄᭞ᬫᬓᬵᬤᬶᬳᬶᬤ᭞ᬲᬂᬧ᭄ᬭᬪᬸᬲᬸᬗ᭄ᬲᬸᬢ᭄ᬕᬢᬶ᭟ᬲᬂᬩᬮᬶᬩᬶᬲ᭄ᬫᬶᬭᬕᬶᬢᬍᬃᬫᬜᬕ᭄ᬚᬕ᭄᭞ᬜᭂᬲᭂᬤᬂᬫᬦᬓᬾᬦᬶᬦ᭄᭞ᬧᬸᬦᬧᬶᬲᬶᬄᬳᬯᬶ᭠

Auto-transliteration

[24 24B] 24 prabhumaliḥngandika, ringbhāṭawīramantri, naḥpadhaknĕhang, hoñangba‐hanmiñcĕrang, hapangdahidatanpoliḥ, nesajanglaḥ, bakattibakinsisip. yantongsidḍabahanhipatiḥngnĕhang, bar̥ĕngkidungkaliḥ, mangūrikanurwa‐n, tumĕnggungyayihar̀yya, hirañuwudangsami, makādihira, suwud'hanggo n'gusti. hadasambattwaramragatangwikara, hasingñidḍayangjani, yamangkunāgara, jalankemalubudal, jumahemalupinĕhin, makjangbingbang, makā digustipatiḥ. sakraḥjanmanetbĕngbatanbañcingaḥ, srabpadhamabaliḥ, lyumad'hĕpan, sangprabhurarisbudal, ngandikaringpraṇḍakāliḥhirikiha [25 25A] ntosa, tityangkaringmanahin. sirapatiḥsar̥ĕngsinamyanbudal, knĕhesbĕtgati, padhatkĕnjumaḥ, tongadapawilangan, siradmangtkamalinggiḥ, sbĕngesawat, twarabukanehibi. niniwugimañagjagaluma‐ñingak, rabinesbĕt'hati, manglawutmanakonang, gustihneknāpa, sbĕnge‐ twaradapati, hor̀tthahintyang, napimāwin'gusti. siradmungmasawur̀hapalacur̀pisan, gantijngaḥtpukin, tongdadiplihang, nānghinghajakmakjang, ‐ timpaltyangmanpukin, makādihida, sangprabhusungsutgati. sangbalibismiragital̥ĕr̀mañagjag, ñĕsĕdangmanakenin, punapisiḥhawi‐

Leaf 25

Image on Archive.org

[᭒᭕ 25B] ᭒᭕ ᬦᬦ᭄᭞ᬤᬤᭀᬲ᭄ᬲᬸᬗ᭄ᬲᬸᬢᬾᬮᬶᬦ᭄ᬢᬂ᭞ᬲᬶᬭᬤ᭄ᬫᬸᬂᬫᬗᭀᬃᬢ᭄ᬣᬳᬶᬦ᭄᭞ᬓᬾᬦᬾᬓᬯᬶᬢ᭄ᬜ᭞ᬯᬶᬓᬸᬫᬋᬩᬸᬢ᭄ᬳᬶᬲ᭄ᬢ᭄ᬭᬷ᭟ᬧᬥᬗᬓᬸᬫᬤ᭄ᬯᬾᬭᬩᬶᬦᬾᬳᬶᬤ᭞ᬦᬾᬳᬶᬲ᭄ᬢ᭄ᬭᬷᬢ᭄ᬯ ᬭᬳᬸᬦᬶᬂ᭞ᬬᬾᬦ᭄ᬳᭂᬗ᭄ᬓᬾᬦ᭄ᬭᬓᬦ᭄ᬳᬶᬤ᭞ᬩᬵᬦ᭄ᬯᬃᬡ᭄ᬦᬦᬾᬯᬮᬸᬬ᭞ᬧᬢᬸᬄᬫᬳᬶᬭᬶᬩ᭄ᬳᬩ᭄ᬲᬶᬓ᭄᭞ᬳᭂᬦ᭄ᬢᭀᬳᬶᬢᬸᬦ᭄ᬬᬦ᭄᭞ᬦᬸᬦᬲ᭄ᬫᬗ᭄ᬤᬢ᭄ᬧᬲᬶᬦ᭄᭟ᬲᬂᬧ᭄ᬭᬪᬸᬦᬦᭂᬂᬢ᭄ᬯᬭᬧᬶᬲ᭠ ᬦ᭄ᬗᬳ᭄ᬬᬸᬦᬂ᭞ᬧᬗᬦ᭄ᬤᬶᬓᬦᬾᬢᬶᬤᬶᬂ᭞ᬢ᭄ᬓᬾᬦ᭄ᬫᬦ᭄ᬢ᭄ᬭᬶᬦ᭄ᬳᬶᬤ᭞ᬳᬲᬶᬂᬢ᭄ᬯᬭᬜᬶᬤ᭄ᬟᬬᬂ᭞ᬓᬲᬸᬯᬸᬤᬶᬗ᭄ᬕᬶᬲᬶᬕᬸᬫᬶ᭞ᬳᬲᬶᬂᬜᬶᬤ᭄ᬟᬬᬂ᭞ᬗ᭄ᬭᬯᭀᬲᬶᬦ᭄ᬫᬤᭂᬕ᭄ᬧᬢᬶᬄ᭟ᬲᬂᬩᬮᬶᬩᬶᬲ᭄᭠ ᬓ᭄ᬜᭂᬫᬦᬶᬲ᭄ᬮᬯᬸᬢ᭄ᬦᬶᬫ᭄ᬩᬮ᭄᭞ᬩᬧᬤ᭄ᬫᬸᬂᬦᬾᬫᬗ᭄ᬓᬶᬦ᭄᭞ᬫ᭄ᬭᬶᬓᬓᬩᬜ᭄ᬘᬶᬗᬄ᭞ᬢ᭄ᬧᬲᬶᬦ᭄ᬧ᭄ᬭᬕᬢ᭞ᬕᬮᬄᬜᬶᬧᬢᬶᬦ᭄ᬧᬸᬦᬶᬓᬶ᭞ᬕᬦ᭄ᬢᭀᬲᬦ᭄ᬩᬧ᭞ᬧᬘᬸᬂᬫᬗᬤᭂᬕ᭄ᬧᬢᬶᬄ᭟ [᭒᭖ 26A] ᬦᬶᬓᬳᬶᬤᬲᬂᬯᬶᬓᬸᬦᬾᬧᬢᬸᬄᬧᬶᬲᬦ᭄᭞ᬳᬶᬧᬸᬦ᭄ᬪᬹᬢᬳᬲᬶᬓᬶ᭞ᬦᬶᬓᬶᬳᬗ᭄ᬕᬾᬦ᭄ᬫᭂᬕᬢ᭄᭞ᬧᬯᬶᬘᬭᬦᬾᬮᬲ᭄ᬬ᭞ᬳᬲᬶᬂᬜᬶᬤ᭄ᬟᬬᬂᬜ᭄ᬮᭂᬧᬶᬦ᭄᭞ᬳᭂᬲᭀᬂᬘᬭᬢᬦ᭄᭞ᬦᬶᬓᬲ ᬗ᭄ᬕᬸᬧᬂᬧᭀᬮᬶᬄ᭟ᬓᬮᬶᬄᬫᬗ᭄ᬓᬶᬦ᭄‌ᬦ᭄ᬤᬶᬓᬬᬂᬦ᭄ᬤᬸᬕ᭄ᬤᬸᬕᬂᬲᬳᬂ᭞ᬢᬸᬜ᭄ᬚᭂᬮ᭄ᬫᬗ᭄ᬤᬾᬦ᭄ᬦᬾᬗᭂᬦ᭄ᬤᬶᬄ᭞ᬳᬲᬶᬂᬫᬜᬶᬤ᭄ᬟᬬᬂ᭞ᬜ᭄ᬮᭂᬧᬶᬦ᭄ᬲᭀᬂᬘᬭᬢᬦ᭄᭞ᬤᬕ᭄ᬮᬂᬤᬶᬳᬧᬶᬦᬾᬗᭂᬦ᭄ᬤᬶᬄ᭞᭠ ᬦᬾᬢᬦ᭄ᬜᬶᬤ᭄ᬟᬬᬂ᭞ᬳᬢᬹᬭᬶᬦ᭄ᬳᬶᬤᬳᬶᬲ᭄ᬢ᭄ᬭᬷ᭟ᬲᬶᬭᬤ᭄ᬫᬂᬍᬕᭂᬩᬳᬸᬫᬶᬭᬕ᭄ᬬᬂ᭞ᬭᬯᭀᬲ᭄ᬜᬲᬂᬩᬮᬶᬩᬶᬲ᭄᭞ᬧᬺᬫᬗ᭄ᬓᬶᬦ᭄ᬫᬚᬮᬦ᭄᭞ᬢᬦ᭄ᬤᬗᬾᬫᬕᬫ᭄ᬧᬭᬦ᭄᭞ᬢ᭄ᬓᭂᬤᬶᬩ ᬜ᭄ᬘᬶᬗᬄᬕ᭄ᬮᬶᬲ᭄᭞ᬤᬧ᭄ᬢᬂᬳᬢᬧ᭄᭞ᬧᬭᬫᬦ᭄ᬢ᭄ᬭᬶᬦᬾᬫᬮᬶᬗ᭄ᬕᬶᬄ᭟ᬦᬵᬗ᭄ᬳᬶᬂᬳᬶᬤ᭠ᬲᬂᬧ᭄ᬭᬪᬸᬤᬸᬭᬸᬂᬓᬯ᭄ᬤᬮ᭄᭞ᬓᬶᬤ᭄ᬫᬸᬂᬫᬵᬢᬹᬭᬮᭀᬦ᭄᭞ᬲᬧᬸᬦᬧᬶᬧᬥ᭞ᬩ᭄ᬮᬶᬲᬋᬂᬲᬫ᭄ᬬᬦ᭄‌

Auto-transliteration

[25 25B] 25 nan, dadossungsutelintang, siradmungmangor̀tthahin, kenekawitña, wikumar̥ĕbut'histrī. padhangakumadwerabinehida, nehistrītwa rahuning, yenhĕngkenrakanhida, bānwar̀ṇnanewaluya, patuḥmahirib'habsik, hĕntohitunyan, nunasmangdatpasin. sangprabhunanĕngtwarapisa‐ nngahyunang, pangandikanetiding, tkenmantrinhida, hasingtwarañidḍayang, kasuwudinggisigumi, hasingñidḍayang, ngrawosinmadĕgpatiḥ. sangbalibis‐ kñĕmanislawutnimbal, bapadmungnemangkin, mrikakabañcingaḥ, tpasinpragata, galaḥñipatinpuniki, gantosanbapa, pacungmangadĕgpatiḥ. [26 26A] nikahidasangwikunepatuḥpisan, hipunbhūtahasiki, nikihanggenmĕgat, pawicaranelasya, hasingñidḍayangñlĕpin, hĕsongcaratan, nikasa nggupangpoliḥ. kaliḥmangkinndikayangndugdugangsahang, tuñjĕlmangdennengĕndiḥ, hasingmañidḍayang, ñlĕpinsongcaratan, daglangdihapinengĕndiḥ, ‐ netanñidḍayang, hatūrinhidahistrī. siradmangl̥ĕgĕbahumiragyang, rawosñasangbalibis, pr̥ĕmangkinmajalan, tandangemagamparan, tkĕdiba ñcingaḥglis, daptanghatap, paramantrinemalinggiḥ. nānghinghida‐sangprabhudurungkawdal, kidmungmātūralon, sapunapipadha, blisar̥ĕngsamyan

Leaf 26

Image on Archive.org

[᭒᭖ 26B] ᭒᭖ ᭞ᬜᬶᬤ᭄ᬟᬬᬂᬧᬘᬂᬫ᭄ᬕᬢᬶᬦ᭄᭞ᬦᬶᬓᬶᬧ᭄ᬭᬡ᭄ᬟ᭞ᬍᬲᬸᬲᬸᬯᬾᬫᬮᬶᬗ᭄ᬕᬶᬄ᭟ᬲᬮᬶᬂᬘ᭄ᬳᭂᬂᬲᬫᬶᬫᬵᬦᬾᬄᬗ᭄ᬕᬫᭂᬮ᭄ᬢᬗᬦ᭄᭞ᬳᬶᬤᬶᬲ᭄ᬢ᭄ᬭᬷᬗᬦ᭄ᬤᬶᬓᬵᬭᬶᬲ᭄᭞ᬳᬶᬗ᭄ᬕᬄᬕᬸᬲ᭄ᬢᬂᬤ᭄ᬫᬂ᭞ᬕ᭄ᬮᬶᬲ᭄ᬭᬯᭀ᭠ ᬲᬶᬦ᭄ᬢᬶᬢ᭄ᬬᬂ᭞ᬤᬾᬯᬾᬓ᭄ᬢᬶᬢ᭄ᬬᬂᬧᬶᬦᬄᬲᬓᬶᬢ᭄᭞ᬲᬫᬶᬫᬗᬢᬢ᭄᭞ᬓᬶᬤ᭄ᬫᬂᬫᬵᬢᬹᬃᬳᬶᬗ᭄ᬕᬶᬄ᭟ᬲᬶᬭᬧᬢᬶᬄᬢᬸᬫᭂᬗ᭄ᬕᬸᬂᬫ᭄ᬯᬂᬓᬦᬸᬭᬸᬳᬦ᭄᭞ᬧᬥᬓ᭄ᬘᬸᬤ᭄ᬜᬯᬸᬭᬶᬦ᭄᭞ᬢᭀᬂᬲᬶᬤ᭄ᬟ ᬩᬵᬦ᭄ᬩᬧ᭞ᬳᬶᬢᬸᬦᬶᬲᬸᬩᬳᭀᬜ᭞ᬲᬰᬡᬕᬫᬧᬘᬳᬶᬦ᭄᭞ᬲᬶᬂᬧᬶᬲᬦ᭄ᬳᬤ᭞ᬦᬧᬓ᭄ᬳᬗ᭄ᬕᭀᬦ᭄ᬜᬶᬧᬢᬶᬦ᭄᭟ᬲᬶᬭᬤ᭄ᬫᬸᬂᬳᬗᬸᬘᬧ᭄ᬭᬶᬂᬓᬤᬸᬭᬸᬳᬦ᭄᭞ᬓ᭄ᬫᬳᬤᬶ᭠ ᬓᬧᬸᬭᬶ᭞ᬳᬾᬗ᭄ᬕᬮᬂᬳᬢᬹᬭᬂ᭞ᬫᬗ᭄ᬤᬲᬂᬧ᭄ᬭᬪᬸᬫ᭄ᬤᬮ᭄᭞ᬦᬾᬳᬦᬭᬯᭀ᭠ᬲ᭄ᬳᬓᬶᬓᬶᬢ᭄᭞ᬓᬶᬓᬦᬸᬭᬸᬳᬦ᭄᭞ᬳᬕ᭄ᬮᬶᬲ᭄ᬭᬯᬸᬄᬭᬶᬂᬧᬸᬭᬶ᭟ᬢᬦᬲ᭄ᬯᬾᬲᬂᬧ᭄ᬭᬪᬸᬭᬭᬶ᭠ [᭒᭗ 27A] ᬲ᭄ᬓᬯ᭄ᬤᬮ᭄᭞ᬭᬶᬂᬕ᭄ᬦᬳᬾᬳᬶᬢᬸᬦᬶ᭞ᬭᬭᬶᬲ᭄ᬫᬗᬦ᭄ᬤᬶᬓ᭞ᬭᬭᬶᬲ᭄ᬫᬗᬦ᭄ᬤᬶᬓ᭞ᬓᬾᬦ᭄ᬓᬾᬦ᭄‌ᬤ᭄ᬫᬸᬂᬜᬶᬤ᭄ᬟ᭠ᬬᬂ᭞ᬫ᭄ᬕᬢᬶᬦ᭄ᬭᬯᭀᬲᬾᬲᬸᬓᬶᬮ᭄᭞ᬳᬶᬭᬓᬶᬯᬶᬳᬦ᭄᭞ᬓᬶᬤ᭄ᬫᬸᬂᬫᬵᬢᬹᬭᬭᬶᬲ᭄᭟ᬳᬶ᭠ ᬗ᭄ᬕᬶᬄᬭᬢᬸᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬜᬶᬤ᭄ᬟᬬᬂ᭞ᬫᬗ᭄ᬤᬧᬸᬢᬸᬲ᭄ᬦᬾᬫᬗ᭄ᬓᬶᬦ᭄᭞ᬓᬾᬯ᭠ᬦ᭄ᬢᭂᬦ᭄‌ᬦ᭄ᬤᬶᬓᬬᬂ᭞ᬭᬢᬸᬫᬸᬦ᭄ᬤᬸᬳᬂᬲᬳᬂ᭞ᬭᬶᬂᬩᬢᬦ᭄ᬩᬜ᭄ᬘᬶᬗᬄᬫᬗ᭄ᬓᬶᬦ᭄᭞ᬓᬢᬳᬂᬧᬶᬲᬦ᭄᭞ ᬲᬂᬧ᭄ᬭᬪᬸᬫᬦ᭄ᬤᬯᬸᬳᬶᬦ᭄᭟ᬩᬝᬯᬷᬭᬫᬦ᭄ᬢ᭄ᬭᬷᬫᬦ᭄ᬤᬸᬕ᭄ᬤᬸᬕᬂᬲᬳᬂ᭞ᬳᬚᬳᬦ᭄ᬢᭂᬓ᭠ᬭᬭᬶᬲ᭄᭞ᬲᬳᬗᬾᬫᬳᭂᬫ᭄ᬩᬄ᭞ᬫᬤᬸᬕ᭄ᬤᬸᬕ᭄ᬤᬶᬩᬜ᭄ᬘᬶᬗᬄ᭞ᬓᬶᬤ᭄ᬫᬂᬦᬸᬦ᭄ᬤᬾᬦ᭄ᬦᬸᬜ᭄ᬚᭂᬮᬶᬦ᭄᭞᭠ ᬲᬵᬫ᭄ᬧᬸᬦ᭄ᬫᬦᬶᬮᬧ᭄᭞ᬕ᭄ᬦᬶᬦᬾᬫᬸᬭᬸᬩ᭄ᬗᭂᬦ᭄ᬤᬶᬄ᭟ᬲᬶᬭᬤ᭄ᬫᬸᬂᬭᬭᬶᬲ᭄ᬫᬵᬢᬹᬃᬭᬶᬂᬧ᭄ᬭᬡ᭄ᬟ᭞ᬳᬶᬗ᭄ᬕᬶᬄᬧ᭄ᬭᬡ᭄ᬟᬓᬮᬶᬄ᭞ᬲᬵᬫ᭄ᬧᬸᬦ᭄ᬲᬮᬶᬢ᭄ᬳᬃᬱ᭞ᬢᬶᬢ᭄ᬬᬂᬩᬸᬤᬮ᭄ᬳᬶᬦᬸᬦ᭄ᬬᬦ᭄᭞ᬯᬾᬦ᭄ᬢᭂᬦ᭄ᬢ

Auto-transliteration

[26 26B] 26 , ñidḍayangpacangmgatin, nikipraṇḍa, l̥ĕsusuwemalinggiḥ. salingc'hĕngsamimāneḥnggamĕltangan, hidistrīngandikāris, hinggaḥgustangdmang, glisrawo‐ sintityang, dewektityangpinaḥsakit, samimangatat, kidmangmātūr̀hinggiḥ. sirapatiḥtumĕnggungmwangkanuruhan, padhakcudñawurin, tongsidḍa bānbapa, hitunisubahoña, saśaṇagamapacahin, singpisanhada, napak'hanggonñipatin. siradmunghangucapringkaduruhan, kmahadi‐ kapuri, henggalanghatūrang, mangdasangprabhumdal, nehanarawo‐shakikit, kikanuruhan, haglisrawuḥringpuri. tanaswesangprabhurari‐ [27 27A] skawdal, ringgnahehituni, rarismangandika, rarismangandika, kenkendmungñidḍa‐yang, mgatinrawosesukil, hirakiwihan, kidmungmātūraris. hi‐ nggiḥratunemangkintityangñidḍayang, mangdaputusnemangkin, kewa‐ntĕnndikayang, ratumunduhangsahang, ringbatanbañcingaḥmangkin, katahangpisan, sangprabhumandawuhin. baṭawīramantrīmandugdugangsahang, hajahantĕka‐raris, sahangemahĕmbaḥ, madugdugdibañcingaḥ, kidmangnundennuñjĕlin, ‐ sāmpunmanilap, gninemurubngĕndiḥ. siradmungrarismātūr̀ringpraṇḍa, hinggiḥpraṇḍakaliḥ, sāmpunsalit'har̀ṣa, tityangbudalhinunyan, wentĕnta

Leaf 27

Image on Archive.org

[᭒᭗ 27B] ᭒᭗ ᬓ᭄ᬱᬸᬗᬦ᭄ᬤᬶᬓᬳᬶᬦ᭄᭞ᬫᬗ᭄ᬤᬓᬲᬶᬤ᭄ᬟᬦ᭄᭞ᬧᬸᬧᬸᬢ᭄ᬜᬶᬓᬭᬦᬾᬫᬗ᭄ᬓᬶᬦ᭄᭟ᬲᬧᬲᬶᬭᬧᬥᬦ᭄ᬟᬓᬮᬶᬄᬜᬶᬤ᭄ᬟᬬᬂ᭞ᬗ᭄ᬭᬜ᭄ᬚᬶᬗᬶᬦ᭄ᬭᬶᬂᬲᭀᬂᬓᭂᬤ᭄ᬟᬶ᭞ᬧᬥᬡ᭄ᬟᬦ᭄ᬤᬸᬯᬾᬬᬂ᭞᭠ ᬭᬩᬶᬦᬾᬢᬢᬯ᭄ᬬᬦ᭄᭞ᬲᬂᬲᬸᬦᬵᬬᬫᬜᬯᬸᬭᬶᬦ᭄᭞ᬗ᭄ᬕᬶᬄᬕᬸᬲ᭄ᬢᬶᬤ᭄ᬫᬂ᭞ᬮ᭠ᬘᬸᬃᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬩᭀᬬᬲᬶᬤ᭄ᬟᬢᬶᬢ᭄ᬬᬂᬗ᭄ᬭᬜ᭄ᬚᬶᬗᬶᬜ᭄ᬘᬭᬢᬦ᭄᭞ᬢᬫ᭄ᬩᭂᬢᬾᬢᬦ᭄ᬲᬶ ᬦᬶᬧᬶ᭞ᬫᬮᬶᬄᬢᬫ᭄ᬧᬸᬧᬶᬲᬦ᭄᭞ᬳᬸᬦᬶᬂᬢᬶᬢ᭄ᬬᬂᬫᬧᬹᬚ᭞ᬜᬮᬸᬓ᭄‌ᬓ᭄ᬢᬸᬫ᭄ᬯᬂᬕᬦᬶᬢ᭄ᬭᬶ᭞ᬧᬸᬦᬶᬓᬧᬶᬲᬦ᭄᭞ᬳᬸᬦᬶᬗᬶᬦ᭄ᬢᬶᬢ᭄ᬬᬂᬕᬸᬲ᭄ᬢᬶ᭟ᬳᬶᬪᬹᬢᬯ᭄ᬯᬶᬮ᭄ᬫᬲᬯᬸᬢ᭄ᬲᭂᬩᭂᬗᬾᬓᭂᬜ᭄ᬘᬄ᭞ᬢᬶᬢ᭄ᬬᬂ ᬲᬦ᭄ᬤᬶᬓᬦ᭄ᬕᬸᬲ᭄ᬢᬶ᭞ᬫᬗ᭄ᬤᬲᭀᬂᬘᬭᬢᬦ᭄᭞ᬲᬶᬤ᭄ᬟᬢᬶᬢ᭄ᬬᬂᬫᬦ᭄ᬢᬸᬓᬦ᭄᭞ᬦᬥ᭄ᬬᬦ᭄ᬭᬶᬂᬕ᭄ᬯᬦᬶᬂᬜᬶᬜᬶᬓ᭄᭞ᬓᬲᬶᬢ᭄ᬟᬦ᭄ᬧᬶᬲᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗ᭄ᬭᬜ᭄ᬚᬶᬂᬗᬶᬦ᭄᭟ᬦᬧᬶᬓᬵᬃᬬ᭄ᬬᬦ᭄ᬢᬶ᭠ [᭒᭘ 28A] ᬢ᭄ᬬᬗᬾᬫᬕᬵᬫᬢ᭄ᬯ᭞ᬯᬦ᭄ᬢᬄᬗ᭄ᬕᬸᬕ᭄ᬯᬦᬶᬦ᭄ᬳᬚᬶ᭞ᬮᬶᬂᬓᬵᬫᬬᬦᬶᬓᬦ᭄᭞ᬲᬶᬤ᭄ᬟᬧᬕᭂᬳᬂᬢᬶᬢ᭄ᬬᬂ᭞ᬤᬤᭀᬲ᭄ᬗᬸᬫ᭄ᬩᬭᬫᬮᬮᬶ᭞ᬫᬦᬸᬳᬸᬓ᭄ᬳᭂᬫ᭄ᬩᬄ᭞ᬲᬳᬕᭂᬂᬓᬮᬶᬦ᭄ᬢᬗᬶᬦ᭄᭟᭐ ᬲᬶᬤ᭄ᬟᬢᬶᬢ᭄ᬬᬂᬫᬫᬃᬕ᭄ᬕᬶᬗ᭄ᬕᬕᬦᬘᬭ᭞ᬫᬗ᭄ᬤᬗ᭄ᬭᬜ᭄ᬚᬶᬗᬶᬦ᭄ᬓᭂᬦ᭄ᬤᬶ᭞ᬳᬾᬮᬄᬳᬦᬢᬸᬓ᭄ᬢᬶ᭠ᬢ᭄ᬬᬂ᭞ᬫᬗ᭄ᬓᬶᬦ᭄ᬕᬸᬲ᭄ᬢᬶᬦ᭄ᬤᬶᬓᬬᬂ᭞ᬗᬺᬋᬄᬘᬭᬢᬦ᭄ᬳᬲᬶᬓᬶ᭞ᬳᬶᬕᬸᬲ᭄ᬢᬶᬜᬶᬗᬓ᭄᭞ᬢᬶᬗ᭄ᬓᬄᬢᬶᬢ᭄ᬬᬂ ᬗ᭄ᬭᬜ᭄ᬚᬶᬗᬶᬦ᭄᭟ᬯᬦ᭄ᬢᬄᬲᬶᬤ᭄ᬟᬢᬶᬢ᭄ᬬᬂᬗ᭄ᬭᬜ᭄ᬚᬶᬗᬶᬜ᭄ᬘᬭᬢᬦ᭄᭞ᬢᬍᬃᬭᬯᭀᬲᬶᬦ᭄ᬕᬸᬲ᭄ᬢᬶ᭞ᬦᬶᬓᬶᬦᬾᬦᬾᬳᬶᬯᬂ᭞ᬗᬗ᭄ᬓᭂᬦ᭄ᬤᬸᬤᬸᬤᬺᬯ᭄ᬬ᭞ᬓᬮᬶᬄᬲᬵᬫ᭄ᬧᬸᬦ᭄ᬋᬓᬾᬳᬸᬦᬶᬂ᭞ᬗ᭄ᬕᭂ᭠ ᬮᬭᬂᬧᬹᬚ᭞ᬧᬦ᭄ᬢᭂᬦ᭄ᬳᬗ᭄ᬕᬾᬦᬶᬯᬓᬶᬦ᭄᭟ᬲᬶᬭᬤ᭄ᬫᬸᬂᬫᬲᬯᬸᬃᬧᬥᬡ᭄ᬟᬘᬶᬗᬓ᭄᭞᭠ᬦᬶᬓᬕ᭄ᬦᬶᬦᬾᬗᭂᬦ᭄ᬤᬶᬄ᭞ᬳᬶᬭᬶᬓᬫᬤᬕ᭄ᬮᬂ᭞ᬳᬲᬶᬩᭀᬬᬜᬶᬤ᭄ᬟᬬᬂ᭞ᬫᬯᬸᬕ᭄ᬓᬮᬶᬬᬗᬶᬂᬓᭂ

Auto-transliteration

[27 27B] 27 ksyungandikahin, mangdakasidḍan, puputñikaranemangkin. sapasirapadhanḍakaliḥñidḍayang, ngrañjinginringsongkĕdḍi, padhaṇḍanduweyang, ‐ rabinetatawyan, sangsunāyamañawurin, nggiḥgustidmang, la‐cur̀tityangnemangkin. boyasidḍatityangngrañjingiñcaratan, tambĕtetansi nipi, maliḥtampupisan, huningtityangmapūja, ñalukktumwangganitri, punikapisan, huningintityanggusti. hibhūtawwilmasawutsĕbĕngekĕñcaḥ, tityang sandikan'gusti, mangdasongcaratan, sidḍatityangmantukan, nadhyanringgwaningñiñik, kasitḍanpisan, hantuktityangngrañjingngin. napikār̀yyanti‐ [28 28A] tyangemagāmatwa, wantaḥnggugwaninhaji, lingkāmayanikan, sidḍapagĕhangtityang, dadosngumbaramalali, manuhuk'hĕmbaḥ, sahagĕngkalintangin. 0 sidḍatityangmamar̀gginggaganacara, mangdangrañjinginkĕndi, helaḥhanatukti‐tyang, mangkin'gustindikayang, ngr̥ĕr̥ĕḥcaratanhasiki, higustiñingak, tingkaḥtityang ngrañjingin. wantaḥsidḍatityangngrañjingiñcaratan, tal̥ĕr̀rawosin'gusti, nikinenehiwang, ngangkĕndududr̥ĕwya, kaliḥsāmpunr̥ĕkehuning, nggĕ‐ larangpūja, pantĕnhanggeniwakin. siradmungmasawur̀padhaṇḍacingak, ‐nikagninengĕndiḥ, hirikamadaglang, hasiboyañidḍayang, mawugkaliyangingkĕ

Leaf 28

Image on Archive.org

[᭒᭘ 28B] ᭒᭘ ᬦ᭄ᬤᬶ᭞ᬳᬶᬪᬹᬢᬚᬶᬗ᭄ᬓ᭄ᬭᬓ᭄᭞ᬍᬕᬦᬾᬢᬦ᭄ᬲᬶᬦᬶᬧᬶ᭟ᬲᬂᬲᬸᬦᬵᬬᬦᬶᬃᬫ᭄ᬫᬮᬢ᭄ᬓᬾᬂᬳᬺᬤ᭄ᬟᬬ᭞ᬦᬄᬦᬾᬳᬯᬶᬦᬦ᭄ᬫᬢᬶ᭞ᬤᬶᬚᬗᬮᬶᬄᬳᬫ᭄ᬩᬄ᭞ᬍᬩᬶᬳᬦ᭄ᬓᬾᬦ᭄ᬓᬾᬦᬾᬦᬦ᭄᭞ᬲᬶᬤ᭄ᬟ ᬧᬕᭂᬳᬂᬳᬩ᭄ᬲᬶᬓ᭄᭞ᬧᬳᬶᬘ᭄ᬙᬦ᭄ᬲᬹᬃᬬ᭄ᬬ᭞ᬦᬾᬳᬗ᭄ᬕᭀᬦ᭄‌ᬩ᭄ᬓᭂᬮ᭄ᬫᬢᬶ᭟ᬬᬦ᭄ᬢ᭄ᬯᬄ᭠ᬳᬶᬤᬲᬂᬧ᭄ᬭᬪᬸᬗᬮᬳᬂᬩᬜ᭞ᬫᬕ᭄ᬲᭂᬂᬫᬗ᭄ᬤᬫᬢᬶ᭞ᬧ᭄ᬤᬲ᭄ᬳᬶᬤᬭᬸᬲᬓ᭄᭞ᬢᭀᬂᬓᬦ᭄ᬢᬶᬳ᭠ ᬲ᭄ᬮᬶᬤᬦ᭄᭞ᬗᬮᬶᬄᬳᬫ᭄ᬩᬄᬳᬗ᭄ᬓᬸᬄ᭞ᬫᬵᬢᬹᬃᬢᬂᬘᭀᬭᬄ᭞ᬦᬾᬧᬵᬢᬹᬢ᭄ᬮ᭠ᬯᬸᬢ᭄ᬫᬢᬶ᭟ᬕᬸᬲ᭄ᬢᬶᬤ᭄ᬫᬂᬬᬦᬶᬓᬶᬳᬯᬦᬶᬦ᭄ᬢᬶᬢ᭄ᬬᬂ᭞ᬧᬘᬂᬗ᭄ᬫᬲᬶᬦ᭄ᬫᬢᬶ᭞ᬮᬾᬤᬂᬕᬸᬲ᭄ᬢᬶᬤ᭄ᬫᬂ᭞ᬬ᭠ ᬤ᭄ᬬᬦ᭄ᬗᬯ᭄ᬮᬸᬓ᭄ᬫᬜᬄᬘᬄ᭞ᬫᬕᬦ᭄ᬢᬸᬂᬫᬳᬶᬭᬶᬲᬶᬭᬶᬲ᭄᭞ᬫᬮᬭᬮᬭ᭞ᬢᬶᬢ᭄ᬬᬂᬍᬕᬢᬦ᭄ᬲᬶᬧᬶ᭟ᬦᬶᬓᬶᬕᬸᬲ᭄ᬢᬶᬧᬶᬋᬗᬂᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬭᬶᬂᬳᬶᬤᬲᬂᬳ᭄ᬬᬂᬯᬶᬥᬶ᭞ᬲᬹᬃᬬ᭄ᬬᬘᬦ᭄ᬤ᭄ᬭᬵ [᭒᭙ 29A] ᬓᬱ᭞ᬳᬕ᭄ᬦᬶᬪᬸᬫᬶᬧᬯᬦ᭞ᬤᬾᬦᬶᬂᬳᬶᬤᬫᬜᬸᬮᬸᬳᬶᬦ᭄᭞ᬪᬹᬫᬶᬲᬓᬵᬮ᭞ᬭᬯᬸᬄᬓᬪᬹᬫᬶᬳᬮᬶᬢ᭄᭟ᬯᬦ᭄ᬢᬄᬢᬶᬢ᭄ᬬᬂᬳᬤ᭄ᬯᬳᬢᬹᬃᬭᬶᬂᬘᭀᬓᭀᬃᬤ᭄ᬟ᭞ᬧᬸᬦᬶᬓᬲᬂᬳ᭄ᬬᬂᬯᬶᬥᬶ᭞ ᬫᬗ᭄ᬤᬳᬕᬾᬧᬶᬲᬦ᭄᭞ᬦᬶᬯᬓᬶᬦ᭄ᬢᬶᬢ᭄ᬬᬂᬳᬶᬯᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬫᬗ᭄ᬕᬶᬳᬶᬦ᭄᭞᭠ᬓᬍᬕᬦ᭄ᬫᬦᬄ᭞ᬭᬶᬂᬳᬢ᭄ᬫᬦ᭄ᬢᬶᬢ᭄ᬬᬂᬕᬸᬲ᭄ᬢᬶ᭟ᬲᬶᬭᬤ᭄ᬫᬸᬂᬓ᭄ᬜᬶᬂᬫᬗ᭄ᬮᬯᬸᬢ᭄ᬫᬜᬸᬫ᭄ᬩᬄ᭞ᬲᬸᬩᬲᬾᬗᭂᬄ ᬤᬶᬳᬢᬶ᭞ᬲᬯ᭄ᬬᬓ᭄ᬢᬶᬧ᭄ᬭᬡ᭄ᬟ᭞ᬧᬵᬢᬹᬢᬾᬗ᭄ᬕᬫᭂᬮ᭄ᬧᬶᬲᬦ᭄᭞ᬦᬥ᭄ᬬᬦ᭄ᬯᬲᬦᬯᬲ᭄ᬬᬦ᭄ᬢᬶ᭞ᬮᬾᬤᬗᬂᬧᬶᬲᬦ᭄᭞ᬓᬓᬮᬶᬄᬲᬫᬶᬓ᭄ᬦᬶ᭟ᬭᬭᬶᬲ᭄ᬤᬦᬾᬫᬗᬦ᭄ᬤᬶᬓᬭᬶᬂᬧᬋᬓᬦ᭄᭞ᬗ᭠ ᬫ᭄ᬩᬶᬮ᭄ᬘᬭᬢᬦ᭄‌ᬩ᭄ᬘᬶᬓ᭄᭞ᬳᬲᭂᬚᬳᬦ᭄‌ᬢ᭄ᬓ᭞ᬚᬦ᭄ᬫᬫᬓ᭄ᬢᬘᬭᬢᬦ᭄᭞ᬲᬶᬭᬤ᭄ᬫᬸᬂᬫᬗᬫ᭄ᬩᬶᬮᬶᬦ᭄᭞ᬮᬯᬸᬢ᭄ᬫᬦᬫ᭄ᬧ᭞ᬫᬵᬢᬹᬃᬭᬶᬂᬧ᭄ᬭᬡ᭄ᬟᬫᬮᬶᬄ᭟ᬳᬶᬗ᭄ᬕᬶᬄᬧ᭄ᬭᬡ᭄ᬟᬧᬸᬦᬓᬶᬢᬶᬢ᭄ᬬᬂᬫᬦ

Auto-transliteration

[28 28B] 28 ndi, hibhūtajingkrak, l̥ĕganetansinipi. sangsunāyanir̀mmalatkenghr̥ĕdḍaya, naḥnehawinanmati, dijangaliḥhambaḥ, l̥ĕbihankenkenenan, sidḍa pagĕhanghabsik, pahicchansūr̀yya, nehanggonbkĕlmati. yantwaḥ‐hidasangprabhungalahangbaña, magsĕngmangdamati, pdashidarusak, tongkantiha‐ slidan, ngaliḥhambaḥhangkuḥ, mātūr̀tangcoraḥ, nepātūtla‐wutmati. gustidmangyanikihawanintityang, pacangngmasinmati, ledanggustidmang, ya‐ dyanngawlukmañaḥcaḥ, magantungmahirisiris, malaralara, tityangl̥ĕgatansipi. nikigustipir̥ĕngangpinunastityang, ringhidasanghyangwidhi, sūr̀yyacandrā [29 29A] kaṣa, hagnibhumipawana, deninghidamañuluhin, bhūmisakāla, rawuḥkabhūmihalit. wantaḥtityanghadwahatūr̀ringcokor̀dḍa, punikasanghyangwidhi, mangdahagepisan, niwakintityanghiwang, mangdasāmpunmanggihin, ‐kal̥ĕganmanaḥ, ringhatmantityanggusti. siradmungkñingmanglawutmañumbaḥ, subasengĕḥ dihati, sawyaktipraṇḍa, pātūtenggamĕlpisan, nadhyanwasanawasyanti, ledangangpisan, kakaliḥsamikni. rarisdanemangandikaringpar̥ĕkan, nga‐ mbilcaratanbcik, hasĕjahantka, janmamaktacaratan, siradmungmangambilin, lawutmanampa, mātūr̀ringpraṇḍamaliḥ. hinggiḥpraṇḍapunakitityangmana

Leaf 29

Image on Archive.org

[᭒᭙ 29B] ᭒᭙ ᬫ᭄ᬧ᭞ᬘᭂᬘᭂᬧᬦᬾᬭᬜ᭄ᬚᬶᬗᬶᬦ᭄᭞ᬳᬶᬪᬹᬢᬫᬜᬕ᭄ᬚᬕ᭄᭞ᬩᬗᬸᬦ᭄ᬫᬲᬸᬓᬸᬢᬸᬗ᭄ᬕᬮ᭄᭞ᬗᭂᬜ᭄ᬚᬶᬭᬂᬚ᭄ᬭᬶᬚᬶᬓᬓᬮᬶᬄ᭞ᬦ᭄ᬓᭂᬧ᭄ᬳᬸᬗᬲᬦ᭄᭞ᬮᬲ᭄ᬬᬭᬶᬲ᭄ᬗ᭄ᬭᬜ᭄ᬚᬶᬂ᭟ᬲᬵᬫ᭄ᬧᬸᬦ᭄ᬭᬯᬸᬄᬳᬶ ᬪᬹᬢᬭᬶᬂᬘᬭᬢᬦ᭄᭞ᬓᬶᬤ᭄ᬫᬂᬫᬦ᭄ᬓᭂᬧᬶᬦ᭄᭞ᬫᬕ᭄ᬬᭂᬢ᭄‌ᬓ᭄ᬓᭂᬓᬂ᭞ᬮᬯᬸᬢ᭄ᬗᬯᬸᬓᬶ᭠ᬦ᭄ᬢᬶᬫ᭄ᬧᬮ᭄᭞ᬜᬕ᭄ᬚᬕ᭄ᬲᭀᬭᭀᬄᬕᬸᬲ᭄ᬢᬶᬧᬢᬶᬄ᭞ᬲᬫᬶᬳᬶᬭᬶᬓ᭞ᬢᬗᬃᬗᬺᬫ᭄ᬧᭂᬕᬶᬦ᭄ᬓᭂᬦ᭄ᬤᬶ᭟ᬲᬂ᭠ ᬲᬸᬦᬵᬬᬫᬫ᭄ᬕᭂᬂᬗ᭄ᬕᬶᬦᭂᬂᬧᬓᬳ᭄ᬬᬸᬦᬦ᭄᭞ᬳᬦ᭄ᬢᬸᬓᬩᬯᭀᬲ᭄ᬢᬶᬘᬶᬧ᭄᭞ᬗᬦ᭄ᬢ᭄ᬬᬂᬓᬲᬾᬤ᭄ᬟᬬᬂ᭞ᬲᬂᬧ᭄ᬭᬪᬸᬢᬍᬃᬬᬢ᭄ᬦ᭞ᬗᬤᭂᬕ᭄ᬫᬜᬾᬳᬾᬤᬂᬓ᭄ᬭᬶᬲ᭄᭞ᬳᬓᬾᬄᬗᬶᬭᬶᬗᬂ᭞ᬓᬶᬤ᭄ᬫᬸᬂᬫᬵ ᬢᬹᬭᬭᬶᬲ᭄᭟ᬭᬢᬸᬤᬾᬯᬵᬕᬸᬂᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬸᬦᬶᬗᬬᬂ᭞ᬧᬸᬦᬶᬓᬶᬚ᭄ᬭᭀᬦᬶᬂᬓᭂᬦ᭄ᬤᬶ᭞ᬪᬹᬢᬩ᭄ᬮᭀᬄᬲᬶᬮᬸᬫᬦ᭄᭞ᬦᬶᬓᬯ᭄ᬬᬓ᭄ᬢᬶᬧ᭄ᬭᬡ᭄ᬟ᭞ᬦᬾᬥᬃᬫ᭄ᬫᬦ᭄ᬤᬸᬯᬾᬳᬶᬤᬶᬲ᭄ᬢ᭄ᬭᬷ᭞ᬤᬸ᭠ [᭓᭐ 30A] ᬭᬸᬲ᭄ᬢᬶᬯᬓᬂ᭞ᬦᬶᬓᬶᬦᬾᬫᬸᬗ᭄ᬕ᭄ᬯᬶᬂᬓᭂᬦ᭄ᬤᬶ᭟ᬧᬵᬢᬹᬢ᭄ᬤᬕ᭄ᬮᬂᬭᬶᬂᬕ᭄ᬦᬶᬦᬾᬗᬩᬭᬩᬃ᭞ᬲᬂᬧ᭄ᬭ᭠ᬪᬸᬗᬦ᭄ᬤᬶᬓᬵᬭᬶᬲ᭄᭞ᬩ᭄ᬦᭂᬄᬧᬶᬲᬦ᭄ᬤᬕ᭄ᬮᬂ᭞ᬓᬶᬤ᭄ᬫᬸᬂᬕ᭄ᬮᬶᬲ᭄ᬫᬚᬮᬦ᭄᭞ᬲᬋᬂᬲᭀᬭᭀᬄᬕᬸᬲ᭄ᬢᬶᬧᬢᬶᬄ ᭞ᬮᬯᬸᬢ᭄ᬫᬦᬕ᭄ᬮᬂ᭞ᬤᬶᬳᬧᬶᬦᬾᬦᬾᬗᭂᬦ᭄ᬤᬶᬄ᭟ᬯᬸᬲ᭄‌ᬕ᭄ᬲᭂᬂᬓᬶᬪᬹᬢᬓᬶᬤ᭄ᬫᬸᬂᬫᬢᬸᬮ᭠ᬓ᭄᭞ᬲᬋᬂᬲᬫᬶᬫᬯᬮᬶ᭞ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬲᬫ᭄ᬬᬦ᭄ᬗᬸᬦᬶᬗᬬᬂ᭞ᬲᬵᬫ᭄ᬧᬸᬦ᭄‌ᬕ᭄ᬲᭂᬂᬳᬶᬓᬂ ᬓᭂᬦ᭄ᬤᬶ᭞ᬲᬂᬧ᭄ᬭᬪᬸᬮᬾᬤᬂ᭞ᬭᬯᬸᬳᬶᬂᬲᬦᬾᬫᬦᬗ᭄ᬓᬶᬮ᭄᭟ᬫᬗ᭄ᬓᬶᬦ᭄ᬳᬸᬫ᭄ᬬᬂᬧᬗ᭄ᬭᬯᭀᬲᬾᬭᬶᬂᬩᬜ᭄ᬘᬶᬗᬄ᭞ᬧᬥᬫᬗᬍᬫ᭄ᬳᬸᬕᬶ᭞ᬲᬶᬭᬤ᭄ᬫᬸᬂᬧ᭄ᬭᬚ᭄ᬜᬦ᭄᭞ᬮ᭄ᬬᬸᬫᬗ᭄ᬮᬄᬤᬬ᭞ᬜᬦ᭄ᬤᬂᬳ ᬗ᭄ᬕᭀᬦ᭄ᬕᬸᬲ᭄ᬢᬶᬧᬢᬶᬄ᭞ᬫᬗ᭄ᬕᬶᬲᬶᬲᬶᬧᬢ᭄᭞ᬓᬬᬂᬓᬧᬸᬗ᭄ᬓᬸᬃᬳᬶᬭᬶᬂ᭟᭚᭜᭚ᬧᬸᬄᬗ᭄ᬓᬸᬃ᭚᭜᭚ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬳᬶᬗ᭄ᬕᬶᬄᬧ᭄ᬭᬡ᭄ᬟᬢᬫ᭄ᬧᭂᬓᬂᬚᬫᬮᬶᬗ᭄ᬕᬶᬄ᭞ᬫᬗ᭄ᬓᬶ᭠

Auto-transliteration

[29 29B] 29 mpa, cĕcĕpanerañjingin, hibhūtamañagjag, bangunmasukutunggal, ngĕñjirangjrijikakaliḥ, nkĕp'hungasan, lasyarisngrañjing. sāmpunrawuḥhi bhūtaringcaratan, kidmangmankĕpin, magyĕtkkĕkang, lawutngawuki‐ntimpal, ñagjagsoroḥgustipatiḥ, samihirika, tangar̀ngr̥ĕmpĕginkĕndi. sang‐ sunāyamamgĕngngginĕngpakahyunan, hantukabawosticip, ngantyangkasedḍayang, sangprabhutal̥ĕr̀yatna, ngadĕgmañehedangkris, hakeḥngiringang, kidmungmā tūraris. ratudewāgungnemangkintityangnguningayang, punikijroningkĕndi, bhūtabloḥsiluman, nikawyaktipraṇḍa, nedhar̀mmanduwehidistrī, du‐ [30 30A] rustiwakang, nikinemunggwingkĕndi. pātūtdaglangringgninengabarabar̀, sangpra‐bhungandikāris, bnĕḥpisandaglang, kidmungglismajalan, sar̥ĕngsoroḥgustipatiḥ , lawutmanaglang, dihapinenengĕndiḥ. wusgsĕngkibhūtakidmungmatula‐k, sar̥ĕngsamimawali, rawuḥringbañcingaḥ, samyannguningayang, sāmpun'gsĕnghikang kĕndi, sangprabhuledang, rawuhingsanemanangkil. mangkinhumyangpangrawoseringbañcingaḥ, padhamangal̥ĕmhugi, siradmungprajñan, lyumanglaḥdaya, ñandangha nggon'gustipatiḥ, manggisisipat, kayangkapungkur̀hiring. // • // puḥngkur̀ // • // sangprabhurarisngandika, hinggiḥpraṇḍatampĕkangjamalinggiḥ, mangki‐

Leaf 30

Image on Archive.org

[᭓᭐ 30B] ᭓᭐ ᬦ᭄ᬧ᭄ᬭᬡ᭄ᬟᬫᬭᬕᬧᬵᬢᬹᬢ᭄᭞ᬧ᭄ᬭᬡ᭄ᬟᬬᬓ᭄ᬢᬶᬦ᭄ᬤ᭄ᬭᬸᬯᬾᬦᬂ᭞ᬳᬶᬤᬳᬶᬲ᭄ᬢ᭄ᬭᬷ᭞ᬫᬗ᭄ᬓᬶᬦ᭄ᬧ᭄ᬭᬡ᭄ᬟᬗᬚᬓ᭄ᬫᬦ᭄ᬢᬸᬓ᭄᭞ᬳᬶᬤᬷᬲ᭄ᬢ᭄ᬭᬷᬫᬭᬶᬓᬶᬚᬸᬯ᭞ᬤ᭄ᬲᭂᬓ᭄ᬭᬓᬦᬾᬫᬮᬶᬗ᭄ᬕᬶᬄ᭟ᬧᬥᬩ᭄ᬟᬓᬮᬶᬄᬫᬜ ᬕ᭄ᬚᬕ᭄᭞ᬗ᭄ᬮᬸᬢ᭄ᬫᬥ᭄ᬬᬲᬳᬫᬳᬢᬹᬭᬭᬶᬲ᭄᭞ᬳ᭄ᬦᬾᬲᬚᬳᬦᬓ᭄ᬳᬕᬸᬂ᭞ᬲ᭄ᬟᭂᬂᬧᬗ᭄ᬳᭂᬩᬜ᭄ᬚᬕᬢ᭄᭞ᬥᬃᬫ᭄ᬫᬓ᭄ᬱᬫ᭞ᬧᬭᬵᬃᬣᬬᬚ᭄ᬜᬫᬦᬸᬮᬸᬲ᭄᭞ᬜᬦ᭄ᬤᬂᬩᬧᬫᬾᬫᬾᬜ᭄ᬚᬕᬢ᭄᭞ ᬢᭀᬂᬘᬾᬤᬳᬗᬦ᭄ᬳᬕᬶᬕᬶᬲ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬫᬦ᭄ᬤᭂᬲᭂᬓᬂᬲᬃᬯ᭄ᬯᬶᬫᬓᬶᬲᬶᬓᬶᬲᬶ᭞ᬢ᭄ᬯᬭᬤᬤᬶᬤᬶᬗᭂᬄᬍᬕᬸ᭞ᬯᬾᬦ᭄ᬢᭂᬦ᭄ᬢᬸᬦᬲᬂᬢᬶᬢ᭄ᬬᬂ᭞ᬭᬶᬂᬧᬥᬡ᭄ᬟ᭞ᬚᬕᬲ᭠ ᬗᬸᬦ᭄ᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬲᬂᬲᬸᬦᬵᬬᬓ᭄ᬜᬶᬂᬦᬶᬫ᭄ᬩᬮ᭄᭞ᬧᬸᬦᬶᬓᬳᬶᬧᬸᬦ᭄ᬳᬓᬶᬤᬶᬓ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬯᬶᬲᬶᬓᬦ᭄᭞ᬦᬸᬮᬶᬳᬶᬤᬲᬂᬧ᭄ᬭᬪᬸᬗᬦ᭄ᬤᬶᬓᬵᬭᬶᬲ᭄᭞ᬧᬢᬶᬄᬗᬮᬶᬚᬸᬭᬸ [᭓᭑ 31A] ᬧᬸᬦ᭄ᬤᬸᬢ᭄᭞ᬫᬶᬯᬄᬚᭀᬮᬶᬫᬧ᭄ᬭᬥ᭞ᬧᬘᬂᬫᬸᬦ᭄ᬤᬸᬢ᭄᭞ᬲᬂᬧᬡ᭄ᬟᬶᬢᬗ᭄ᬭᬭᬶᬲ᭄ᬫᬦ᭄ᬢᬸᬓ᭄᭞ᬢᬸᬦ᭄ᬤᬾᬦ᭄ᬗᬢᬹᬭᬂᬳᬬᬸᬦᬦ᭄᭞ᬘᬭᬶᬓ᭄ᬳᬩ᭄ᬬᬦ᭄ᬫᬶᬯᬄᬧᬶᬧᬶᬲ᭄᭟ᬳᬶᬧᬢᬶᬄᬫᬵᬢᬹᬃᬗᬶᬭᬶᬗᬂ᭞ ᬲᬵᬫ᭄ᬧᬸᬦ᭄ᬭᬯᬸᬄᬚᬸᬭᬸᬧᬸᬦ᭄ᬤᬸᬢ᭄ᬫᬶᬯᬄᬚᭀᬮᬶ᭞ᬲᬂᬧ᭄ᬭᬪᬸᬫᬳᬢᬹᬃᬳᬮᬸᬲ᭄᭞ᬩ᭄ᬘᬶᬓ᭄ᬫᬦ᭄ᬢᬸᬓ᭄ᬧ᭄ᬭᬡ᭄ᬟ᭞ᬍᬲᬸᬧ᭄ᬭᬡ᭄ᬟ᭞ᬲᬓᬶᬂᬲ᭄ᬫᭂᬗᬦ᭄ᬫᬮᬸᬗ᭄ᬕᬸᬄ᭞ᬳᬬᬸᬦᬦ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕ᭞ᬢᬶᬢ᭄ᬬᬂᬫᬗᬵ ᬢᬹᬭᬂᬩ᭄ᬘᬶᬓ᭄᭟ᬓᬾᬯᬦ᭄ᬢᭂᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬭᬶᬂᬧ᭄ᬭᬡ᭄ᬟᬲ᭄ᬯᬾᬘ᭄ᬙᬧ᭄ᬭᬡ᭄ᬟᬳᬾᬮᬶᬂ᭞ᬗ᭄ᬱᬶᬢᬶᬢ᭄ᬬᬂᬫ᭄ᬭᬶᬓᬶᬭᬯᬸᬄ᭞ᬦᬾᬫᬗ᭄ᬓᬶᬦ᭄ᬢᬦ᭄ᬮ᭄ᬬᬦ᭄ᬧ᭄ᬭᬡ᭄ᬟ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂ᭞ᬪᬵᬕᬯᬵᬦ᭄ᬢᬧᬫᬶ ᬦ᭄ᬢᬸᬳᬸ᭞ᬗ᭄ᬢᬶᬲᬶᬦ᭄ᬭᬶᬂᬪᭀᬚᬧᬸᬭ᭞ᬲᬵᬫ᭄ᬧᬸᬦ᭄ᬧ᭄ᬭᬡ᭄ᬟᬚᬗ᭄ᬓᬫᬮᬶᬄ᭟ᬲᬂᬲᬸᬦᬵᬬᬮᬶᬦ᭄ᬢᬂᬮᬾᬤᬂ᭞ᬭᬭᬶᬲ᭄ᬫᬵᬢᬹᬃᬢᬶᬢ᭄ᬬᭂᬫᬫᬶᬢᬂᬳᬸᬕᬶ᭞ᬓᬮᬶᬄᬧᬫᬶᬢ᭄ᬫᬦ᭄ᬢᬸᬓ᭄᭞ᬯᬵᬲ᭄ᬢᬸᬳᬶᬭᬢᬸ᭠

Auto-transliteration

[30 30B] 30 npraṇḍamaragapātūt, praṇḍayaktindruwenang, hidahistrī, mangkinpraṇḍangajakmantuk, hidīstrīmarikijuwa, dsĕkrakanemalinggiḥ. padhabḍakaliḥmaña gjag, nglutmadhyasahamahatūraris, hnesajahanak'hagung, sḍĕngpanghĕbañjagat, dhar̀mmakṣama, parār̀thayajñamanulus, ñandangbapamemeñjagat, tongcedahanganhagigis. sangprabhurarismanimbal, mandĕsĕkangsar̀wwimakisikisi, twaradadidingĕḥl̥ĕgu, wentĕntunasangtityang, ringpadhaṇḍa, jagasa‐ nguntityanglampus, sangsunāyakñingnimbal, punikahipunhakidik. sāmpunpuputkawisikan, nulihidasangprabhungandikāris, patiḥngalijuru [31 31A] pundut, miwaḥjolimapradha, pacangmundut, sangpaṇḍitangrarismantuk, tundenngatūranghayunan, carik'habyanmiwaḥpipis. hipatiḥmātūr̀ngiringang, sāmpunrawuḥjurupundutmiwaḥjoli, sangprabhumahatūr̀halus, bcikmantukpraṇḍa, l̥ĕsupraṇḍa, sakingsmĕnganmalungguḥ, hayunansāmpunmamar̀gga, tityangmangā tūrangbcik. kewantĕnpinunastityang, ringpraṇḍaswecchapraṇḍaheling, ngsyitityangmrikirawuḥ, nemangkintanlyanpraṇḍa, hanggentityang, bhāgawāntapami ntuhu, ngtisinringbhojapura, sāmpunpraṇḍajangkamaliḥ. sangsunāyalintangledang, rarismātūr̀tityĕmamitanghugi, kaliḥpamitmantuk, wāstuhiratu‐

Leaf 31

Image on Archive.org

[᭓᭑ 31B] ᭓᭑ ᬓᬾᬦᬓ᭄᭞ᬧᬜ᭄ᬚᬂᬬᬸᬱ᭞ᬚᬸᬫ᭄ᬦᭂᬂᬦᬵᬣᬵᬤᬶᬧ᭄ᬭᬪᬸ᭞ᬳᬶᬭᬶᬓᬶᬭᬶᬂᬪᭀᬚᬧᬸᬭ᭞ᬧᬥᬡ᭄ᬟᬭᬭᬶᬲ᭄ᬫᬚᬾᬮᬶ᭟ᬭᬯᬸᬄᬤᬶᬕ᭄ᬭᬶᬬᬢᬜ᭄ᬘᬭᬶᬢ᭞ᬓᬘᬭᬶᬢᬲᬶᬭᬤ᭄ᬫᬸᬂᬦᬾᬫ᭠ ᬗ᭄ᬓᬶᬦ᭄᭞ᬫᬵᬤᭂᬕ᭄ᬫᬸᬗ᭄ᬕᬸᬄᬧᬢᬶᬳᬕᬸᬂ᭞ᬤᬶᬦ᭄ᬕᬓᬶᬦ᭄ᬕᬚᬄ᭞ᬲᬵᬫ᭄ᬧᬸᬦ᭄ᬮᬸᬫ᭄ᬩ᭄ᬭᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬧᬢᬶᬄᬳᬗᭀᬩ᭄ᬧᬶᬲᬦ᭄ᬳᬶᬭ᭞ᬳ᭄ᬜᬾᬜ᭄ᬚᬢᬶᬗᬦ᭄ᬤᬶᬓᬳᬶᬦ᭄᭟᭠ ᬫᬗ᭄ᬤᬾᬦ᭄ᬮᬲ᭄ᬬᬤᬤᬶᬧ᭄ᬭᬕᬢ᭄᭞ᬫᬜ᭄ᬧᬢᬶᬦ᭄ᬭᬯᭀᬲᬾᬦᬾᬦᬾᬲᬸᬓᬶᬮ᭄᭞ᬲᬶᬭᬧᬢᬶᬄᬦᭂᬫ᭄ᬩᬄᬫᬵᬢᬹᬃ᭞ᬯᬾᬦ᭄ᬢᭂᬦ᭄ᬫᬚᬭᬶᬦ᭄ᬢᬶᬢ᭄ᬬᬂ᭞ᬩ᭄ᬮᬶᬩᬶᬲ᭄ᬧᬸᬢᬶᬄ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂ᭠ ᬧ᭄ᬬᬦᬓ᭄ᬢᬸᬳᬸ᭞ᬦᬄᬓ᭄ᬫᬢᬸᬦ᭄ᬤᬾᬦᬂᬜ᭄ᬫᬓ᭄᭞ᬳᬶᬭᬫ᭄ᬮᭂᬤ᭄ᬫᬗᬶᬯᬲᬶᬦ᭄᭟ᬲᬶᬭᬧᬢᬶᬄᬭᬭᬶᬲᬩᬸᬤᬮ᭄᭞ᬭᬯᬸᬄᬚᬸᬫᬄᬦᬶᬸᬗᬦ᭄ᬤᬶᬓᬭᬶᬂᬦᬶᬯᬸᬕᬶ᭞ᬕᬸᬲ᭄ᬢᬶᬳᬶᬘ᭄ᬦᬶᬂᬓᬳᬢᬹᬃ᭞ [᭓᭒ 32A] ᬲᬂᬧ᭄ᬭᬪᬸᬫᬗᬃᬱᬬᬂ᭞ᬦᬶᬦᬶᬯᬸᬕᬶ᭞ᬤᬤᬶᬗ᭄ᬮᬶᬂᬢᬦ᭄ᬧᬲᬯᬸᬃ᭞ᬲᬂᬩ᭄ᬮᬩᬶᬲ᭄ᬓᭂᬤᬾᬓ᭄ᬗᬓᬓ᭄᭞ᬩᬶᬩᬶᬗᬸᬤ᭄ᬬᬂᬢᬾᬫᬦᬗᬶᬲ᭄᭟ᬦᬥ᭄ᬬᬦ᭄ᬢᬶᬢ᭄ᬬᬂᬭᬶᬂᬚ᭄ᬭᭀᬧᬸᬭ᭞ᬢᬶᬢ᭄ᬬᬳᬾᬮᬶᬂ ᬭᬶᬂᬧᬲ᭄ᬯᬾᬘ᭄ᬙᬦ᭄ᬳᬶᬩᬶᬩᬶ᭞ᬳᬓᬸᬤᬲᬦ᭄ᬢᬶᬢ᭄ᬬᬂᬫᬦ᭄ᬢᬸᬓ᭄᭞ᬫᬭᬶᬓᬶᬦ᭄ᬮᭀᬓᬶᬦ᭄ᬩᬧ᭞ᬳᬢᬹᬭᬂᬚ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬭᬶᬂᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬍᬕᭂᬫᬫᬋᬓᬦ᭄᭞ᬩᬧᬮᬾᬤᬂᬦᬾ᭠ ᬦ᭄ᬢᭂᬦ᭄ᬲᬲᬶᬧ᭄᭟ᬲᬶᬭᬧᬢᬶᬄᬲᬵᬫ᭄ᬧᬸᬦ᭄ᬫᬓ᭄ᬢ᭞ᬲᬩᬮᬶᬩᬶᬲ᭄ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬸᬭᬶ᭞ᬕᬯᭀᬓ᭄ᬫᬗᬓ᭄ᬱᬶᬲᬂᬧ᭄ᬭᬪᬸ᭞ᬳᬦ᭄ᬢᬸᬓᬾᬢᬯᬄᬧᬶᬲᬦ᭄᭞ᬭᬭᬶᬲ᭄ᬓᬫ᭄ᬩᬶᬮ᭄᭞ᬓᬳᬸ ᬲᬧᬸᬲᬧ᭄ᬳᬶᬫᬦᬸᬓ᭄᭞ᬮᬸᬯᭂᬲᬮᬸᬲ᭄ᬧᬸᬢᬶᬄᬲᭂᬦ᭄ᬢᬓ᭄᭞ᬲᬶᬂᬩᬶᬓᬲ᭄ᬧᬦ᭄ᬢᭂᬲ᭄‌ᬩ᭄ᬯᬶᬦ᭄ᬧᬗᬶᬤ᭄‌‌᭟ᬲᬂᬧ᭄ᬭᬪᬸᬳᬮᬸᬲ᭄ᬗᬦ᭄ᬤᬶᬓ᭞ᬍᬕᭂᬳᬶᬭᬧᬢᬶᬄᬧ᭄ᬮᬬᬦᬦ᭄ᬩᬮᬶᬩᬶᬲ᭄᭞ᬓ᭠

Auto-transliteration

[31 31B] 31 kenak, pañjangyuṣa, jumnĕngnāthādiprabhu, hirikiringbhojapura, padhaṇḍararismajeli. rawuḥdigriyatañcarita, kacaritasiradmungnema‐ ngkin, mādĕgmungguḥpatihagung, din'gakin'gajaḥ, sāmpunlumbraḥ, sangprabhungandikahalus, patiḥhangobpisanhira, hñeñjatingandikahin. ‐ mangdenlasyadadipragat, mañpatinrawosenenesukil, sirapatiḥnĕmbaḥmātūr̀, wentĕnmajarintityang, blibisputiḥ, hanggentityang‐ pyanaktuhu, naḥkmatundenangñmak, hiramlĕdmangiwasin. sirapatiḥrarisabudal, rawuḥjumaḥn̶ngandikaringniwugi, gustihicningkahatūr̀, [32 32A] sangprabhumangar̀ṣayang, niniwugi, dadinglingtanpasawur̀, sangblabiskĕdekngakak, bibingudyangtemanangis. nadhyantityangringjropura, tityaheling ringpaswecchanhibibi, hakudasantityangmantuk, marikinlokinbapa, hatūrangja, tityangmangkinringsangprabhu, tityangl̥ĕgĕmamar̥ĕkan, bapaledangne‐ ntĕnsasip. sirapatiḥsāmpunmakta, sabalibissāmpunrawuḥringpuri, gawokmangaksyisangprabhu, hantuketawaḥpisan, rariskambil, kahu sapusap'himanuk, luwĕsalusputiḥsĕntak, singbikaspantĕsbwinpangid. sangprabhuhalusngandika, l̥ĕgĕhirapatiḥplayananbalibis, ka‐

Leaf 32

Image on Archive.org

[᭓᭒ 32B] ᭓᭒ ᬕᬾᬢ᭄ᬭᬯᬸᬄᬭᬵᬤᬾᬦ᭄ᬕᬮᬸᬄ᭞ᬚ᭄ᬕᬾᬕᬾᬩᬸᬓᬕᬫ᭄ᬩᬃ᭞ᬯᬸᬲ᭄ᬫᬧᬭᬲ᭄᭞ᬫᬲ᭄ᬫᬶᬫᬧᬳ᭄ᬬᬲ᭄ᬳᬮᬸᬲ᭄᭞ᬫᬘᬘᬸᬓᬶᬸᬦ᭄ᬤᬸᬓ᭄ᬩᬸᬗ᭄ᬳᬦ᭄ᬧᬸᬥᬓ᭄᭞ᬫᬲ᭄ᬮᬕ᭄ᬩᬦ᭄ᬧᬸᬘᬸᬓ᭄ᬳᬶᬗ᭄ᬕ᭄ᬭᬶᬲ᭄᭟ᬲᬭᬯᬸ᭠ ᬳᬾᬭᬭᬶᬲ᭄ᬜᭂᬫ᭄ᬩᬄ᭞ᬦᬸᬦᬲ᭄ᬮᬸᬕᬺᬲᬂᬩᬮᬶᬩᬶᬲ᭄‌ᬗ᭄ᬮᬶᬬᬢᬶᬦ᭄᭞ᬤᭂᬓ᭄ᬤᭂᬓ᭄ᬳᭂᬜᬕ᭄ᬩᬸᬓᬮᬸᬮᬸᬃ᭞ᬓ᭄ᬦᭂᬳᬾᬫᬗᬦ᭄ᬢᭂᬦᬂ᭞ᬢ᭄ᬯᬄᬯᬮᬸᬬ᭞ᬩᬸᬓᬦᬾᬦᬾᬫᬢᬶᬫᬮᬸ᭞ᬫᬘ᭄ᬩᬸᬃᬳᬸᬮᬶᬢᬶ ᬗ᭄ᬕᬦ᭄᭞ᬩᬬᬢ᭄ᬯᬄᬤᬶᬦᬶᬦᬸᬫᬶᬢᬶᬲ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬤᬶᬦᬶᬦᬦᬓ᭄ᬕᬮᬸᬄᬫᬲᬦ᭄ᬤᬶᬂ᭞ᬲᬂᬩᬮᬶᬩᬶᬲ᭄ᬫᬵᬢᬹᬃᬳᬮᬸᬲ᭄᭞ᬗ᭄ᬭᬭᬶᬲ᭄ᬭᬢᬸᬫᬸᬗ᭄ᬕᬳᬦ᭄᭞ᬢᬶᬢ᭄ᬬᬂᬦᬸᬦ ᬲ᭄ᬮᬸᬕᬺᬫᬵᬢᬹᬃᬲᬓᬶᬂᬤᬸᬯᬸᬃ᭞ᬭᬵᬳᬤᬾᬦ᭄ᬕᬮᬸᬄᬫᬸᬗ᭄ᬕᬳᬦ᭄᭞ᬓᬘᬶᬗᬓ᭄ᬳᬶᬩᬮᬶᬩᬶᬲ᭄ᬧᬸᬢᬶᬄ᭟ᬭᬵᬤᬾᬦ᭄ᬕᬮᬸᬄᬩᬸᬓᬳᬢᬢ᭄᭞ᬘ᭄ᬦᬶᬂᬧᬶᬲᬦ᭄ᬜᬶᬗᬓᬶᬦ᭄ᬲᬂᬩᬮᬶᬩᬶᬲ᭄᭞ᬓᭂ᭠ [᭓᭓ 33A] ᬜ᭄ᬚᬸᬳᬶᬦ᭄ᬳᬦ᭄ᬢᬸᬓ᭄ᬲᬂᬧ᭄ᬭᬪᬸ᭞ᬭᬵᬤᬾᬦ᭄ᬕᬮᬸᬄᬫᬫᬶᬢᬂ᭞ᬓᬕ᭄ᬦᬳᬂ᭞ᬭᬶᬧᬗ᭄ᬓᭀᬦᬓᬸᬭᬸᬢᬸᬭᬸᬢ᭄᭞ᬲᬂᬩᬮᬶᬩᬶᬲ᭄‌ᬍᬕᭂᬧᬶᬲᬦ᭄᭞ᬫᬜᬶᬓ᭄ᬱᬶᬓ᭄ᬲᬸᬲᬸᬦᬾᬜᬗ᭄ᬓᬶᬄ᭟᭠ ᬭᬵᬤᬾᬦ᭄‌ᬤᬿᬯᬷᬘᬭᬫᬘᬦ᭄ᬤ᭞ᬳᬶᬄᬩᬮᬶᬩᬶᬲ᭄ᬤᬶᬚᬚ᭄ᬯᬳᬸᬫᬄᬘᬳᬶ᭞ᬲᬂᬩ᭠ᬮᬶᬩᬶᬲ᭄ᬭᬭᬶᬲ᭄ᬫᬵᬢᬹᬃ᭞ᬢᬶᬢ᭄ᬬᬂᬩᬮᬶᬩᬶᬲ᭄ᬭᬚ᭞ᬭᬶᬂᬫᬵᬮᬯ᭞ᬧᬕ᭄ᬦᬳᬦ᭄ᬢᬶᬢ᭄ᬬᬂᬭᬢᬸ᭞ᬢᬶ ᬢ᭄ᬬᬂᬓᬳᬗ᭄ᬕᬾᬦ᭄ᬘᭀᬓᭀᬃᬤ᭄ᬟ᭞ᬳᬦ᭄ᬢᬸᬓ᭄ᬩᬮᬶᬩᬶᬲᬾᬲᬫᬶ᭟ᬲᬂᬧ᭄ᬭᬪᬸᬕᬯᭀ᭠ᬓ᭄ᬫᬶᬋᬗᬂ᭞ᬳᬦ᭄ᬢᬸᬓ᭄ᬢᬾᬢᬾᬩᬮᬶᬩᬶᬲᬾᬫᬸᬜᬶ᭞ᬤᬤᬶᬫᬲᬶᬄᬩᬓᬢ᭄ᬳᭂᬚᬸᬓ᭄᭞ᬢ᭄ᬯᬄ᭠ ᬕᬦ᭄ᬢᬶᬪᬬᬢᬶᬢᬄ᭞ᬤᬶᬦᬶᬦᭀᬗᭀᬲ᭄᭞ᬤᬤᬶᬧᬮᬮ᭄ᬬᬦ᭄ᬦᬦᬓ᭄ᬕᬮᬸᬄ᭞᭐ᬭᬵᬤᬾᬦ᭄ᬕᬮᬸᬄᬫᬵᬢᬹᬃᬜᬸᬫ᭄ᬩᬄ᭞ᬢᬶᬢ᭄ᬬᬂᬫᬫᬶᬢᬂᬳᬶᬩᬮᬶᬩᬶᬲ᭄᭟ᬲᬂᬧ᭄ᬭᬪᬸᬗᬦ᭄ᬤᬶᬓ

Auto-transliteration

[32 32B] 32 getrawuḥrāden'galuḥ, jgegebukagambar̀, wusmaparas, masmimapahyashalus, macacuk̶ndukbunghanpudhak, maslagbanpucuk'hinggris. sarawu‐ herarisñĕmbaḥ, nunaslugr̥ĕsangbalibisngliyatin, dĕkdĕk'hĕñagbukalulur̀, knĕhemangantĕnang, twaḥwaluya, bukanenematimalu, macbur̀huliti nggan, bayatwaḥdininumitis. sangprabhurarisngandika, dininanakgaluḥmasanding, sangbalibismātūr̀halus, ngrarisratumunggahan, tityangnuna slugr̥ĕmātūr̀sakingduwur̀, rāhaden'galuḥmunggahan, kacingak'hibalibisputiḥ. rāden'galuḥbukahatat, cningpisanñingakinsangbalibis, kĕ‐ [33 33A] ñjuhinhantuksangprabhu, rāden'galuḥmamitang, kagnahang, ripangkonakuruturut, sangbalibisl̥ĕgĕpisan, mañiksyiksusuneñangkiḥ. ‐ rādendaiwīcaramacanda, hiḥbalibisdijajwahumaḥcahi, sangba‐libisrarismātūr̀, tityangbalibisraja, ringmālawa, pagnahantityangratu, ti tyangkahanggencokor̀dḍa, hantukbalibisesami. sangprabhugawo‐kmir̥ĕngang, hantuktetebalibisemuñi, dadimasiḥbakat'hĕjuk, twaḥ‐ gantibhayatitaḥ, dininongos, dadipalalyannanakgaluḥ 0rāden'galuḥmātūr̀ñumbaḥ, tityangmamitanghibalibis. sangprabhungandika

Leaf 33

Image on Archive.org

[᭓᭓ 33B] ᭓᭓ ᬚᬸᬯᬂ᭞ᬦᬵᬗ᭄ᬳᬶᬂᬓᬾᬢᬵᬤᬾᬯᬫᬲᬶᬄᬳᬧᬶᬓᬶᬦ᭄᭞ᬤᬶᬚᬗᬮᬶᬄᬩᬮᬶᬩᬶᬲ᭄ᬢᬸᬮᬸᬲ᭄᭞ᬩᬶᬱᬫᬫᬸᬜᬶᬚᬦ᭄ᬫ᭞ᬳᬸᬮᬶᬂᬫᬮᬸ᭞ᬲᬶᬂᬚᬢᬳᬾᬦ᭄ᬳᭀᬃᬢ᭄ᬣᬦ᭄ᬳᬶᬧᬸᬦ᭄᭞ ᬧᬶᬲᬦ᭄ᬲ᭄ᬬᬸᬂᬘᬸᬭᬶᬓ᭄ᬧᬾᬓᬢ᭄᭞ᬳᭂᬦ᭄ᬢᭀᬓᬾᬳ᭄ᬦᬸᬚ᭄ᬢᬾᬢᬶᬦ᭄᭟ᬦᬵᬗ᭄ᬳᬶᬂ᭠ᬫᬲᬶᬄᬲᬯᭂᬃᬧᬶᬲᬦ᭄᭞ᬢ᭄ᬯᬭᬓ᭄ᬦᬲ᭄ᬮᬃᬫᬸᬜᬶᬦᬾᬫᬦᬶᬲ᭄᭞ᬲᬶᬂᬩᬶᬓᬲᬗᬓᬳ᭄ᬬᬸᬦ᭄ᬳ᭄ᬬᬸᬦ᭄ ᭞ᬭᬵᬤᬾᬦ᭄ᬕᬮᬸᬄᬫᬦᭂᬫ᭄ᬩᬄ᭞ᬯᬸᬲ᭄ᬫᬧᬫᬶᬢ᭄᭞ᬫᬗᭂᬫ᭄ᬩᬦ᭄ᬩᬮᬶᬩᬶᬲᬾᬫᬦ᭄ᬢᬸᬓ᭄᭞ᬯᬸᬲ᭄ᬭᬯᬸᬄᬭᬶᬂᬧᬕᬮᬸᬳᬦ᭄᭞ᬭᬳᬤᬾᬦ᭄ᬕᬮᬸᬄᬫᬮᬶᬗ᭄ᬕᬶᬄ᭟ᬕᬯᭀᬓ᭄ᬱᬯᭀᬂᬧᬕᬮ᭄ᬯ ᬦ᭄᭞ᬭᬯᬶᬂᬓᬓᬓᬓᬦᬶᬭᬢ᭄ᬯᬦ᭄ᬤᬾᬂᬯᬷ᭞ᬦ᭄ᬧᬸᬓᬶᬦ᭄ᬩᬮᬶᬩᬶᬲ᭄ᬫᬧᬗ᭄ᬓᬸ᭞ᬓᬳ᭄ᬬᬸᬦ᭄ᬳ᭄ᬬᬸᬦᬾᬓᬮᬶᬦ᭄ᬢᬂ᭞ᬧᬥᬗ᭄ᬭᬯᭀᬲ᭄᭞ᬗᬚᬓ᭄ᬢᬶᬫ᭄ᬧᬮ᭄ᬜᬧᬓ᭄ᬜᬂ᭞ᬬᬾᬦ᭄ᬬᬂᬓᬳᬶᬘ᭄ᬙᬾᬦ᭄ᬗ [᭓᭔ 34A] ᬚᬓ᭄᭞ᬓᬾᬦ᭄ᬓᬾᬦᬍᬕᬦᬾᬫᬗᬩᬶᬦ᭄᭟ᬳᬤᬮᬾᬦ᭄ᬩ᭄ᬯᬶᬦ᭄ᬫᬦᬶᬫ᭄ᬩᬮ᭄᭞ᬳᭂᬦ᭄ᬢᭀᬓᬾᬦ᭄ᬓᬾᬦ᭄ᬓᭂᬤᬶᬲᬾᬢᬓᭂᬄᬜᬳᬶ᭞ᬬᬾᬦ᭄ᬫ᭄ᬯᬦᬶᬓᬾᬦ᭄ᬬᬸᬦ᭄ᬳᭂᬮᬸᬄ᭞ᬲᬂᬩᬮᬶᬩᬶᬲ᭄ᬫᬦᬶ ᬫ᭄ᬩᬮ᭄᭞ᬳᬶᬗ᭄ᬕᬶᬄᬳᬫ᭄ᬩᭀᬓ᭄᭞ᬓᬳ᭄ᬬᬸᬦ᭄ᬳᬸᬦᬶᬂᬢᬶᬢ᭄ᬬᬂᬤᬸᬫᬸᬦ᭄᭞ᬢᬶᬢ᭄ᬬᬂᬩᬮᬶᬩᬶᬲ᭄ᬫᬮᬯ᭞ᬦᬵᬳᬶᬸᬗ᭄ᬳᬶᬂᬢᬶᬢ᭄ᬬᬂᬓ᭄ᬤᬶᬲ᭄ᬩᬜ᭄ᬘᬶᬄ᭟ᬓ᭄ᬤᬾᬓᬦ᭄ᬳᬚᬓ᭄ᬫᬓ᭄ᬚᬂ᭞ᬲᬂᬩᬮᬶᬩᬶᬲ᭄ᬮᬯᬸᬢ᭄᭠ ᬧ᭄ᬲᬸᬓᬓᬯᬶᬦ᭄᭞ᬓᬶᬤᬸᬂᬫᬮᬢ᭄ᬫᬦᬶᬲ᭄ᬜᬸᬜᬸᬃ᭞ᬤᬸᬓ᭄ᬲᬶᬭᬦ᭄ᬭᬂᬓᬾᬲᬃᬬ᭄ᬬ᭞ᬓ᭄ᬦᬶᬓᬫ᭄ᬩᬶᬮ᭄᭞ᬭᬶᬂᬕᬸᬦᬸᬂᬓᬳᬸᬓᬸᬢ᭄ᬳᬸᬓᬸᬢ᭄᭞ᬓᬕ᭄ᬮᬸᬢ᭄ᬓᬳᬭᬲᬭᬲ᭄᭞ᬳᬦ᭄ᬢᬸᬓ᭄ᬲᬂᬳᬫᬮᬢ᭄ᬭᬰ᭄ᬫᬶ ᭟ᬓᬓᬯᬶᬦ᭄ᬤᬸᬓ᭄ᬲᬂᬅᬃᬚ᭄ᬚᬸᬡ᭞ᬫᬸᬗ᭄ᬕ᭄ᬯᬶᬂᬰ᭄ᬯᬃᬕ᭄ᬕᬦ᭄ᬓᬩᬸᬜ᭄ᬘᬶᬗᬂᬩ᭄ᬘᬶᬓ᭄᭞ᬭᬶᬂᬯᬶᬥ᭄ᬬᬥᬭᬶᬧᬧᬶᬢᬸ᭞ᬫᬸᬜᬶᬫᬦᬶᬲ᭄ᬫᬍᬜᬤ᭄᭞ᬳ᭄ᬮᭂᬄᬮᬦ᭄ᬤᭂᬄ᭞ᬩᬸᬓᬫᬳᭂᬫ᭄ᬩᬳᬜ᭄ᬚᬸᬭᬸᬄ᭞ᬭᬵ

Auto-transliteration

[33 33B] 33 juwang, nānghingketādewamasiḥhapikin, dijangaliḥbalibistulus, biṣamamuñijanma, hulingmalu, singjatahenhor̀tthanhipun, pisansyungcurikpekat, hĕntokehnujtetin. nānghing‐masiḥsawĕr̀pisan, twaraknaslar̀muñinemanis, singbikasangakahyunhyun , rāden'galuḥmanĕmbaḥ, wusmapamit, mangĕmbanbalibisemantuk, wusrawuḥringpagaluhan, rahaden'galuḥmalinggiḥ. gawokṣawongpagalwa n, rawingkakakakaniratwandengwī, npukinbalibismapangku, kahyunhyunekalintang, padhangrawos, ngajaktimpalñapakñang, yenyangkahicchennga [34 34A] jak, kenkenal̥ĕganemangabin. hadalenbwinmanimbal, hĕntokenkenkĕdisetakĕḥñahi, yenmwanikenyunhĕluḥ, sangbalibismani mbal, hinggiḥhambok, kahyunhuningtityangdumun, tityangbalibismalawa, nāh̶nghingtityangkdisbañciḥ. kdekanhajakmakjang, sangbalibislawut‐ psukakawin, kidungmalatmanisñuñur̀, duksiranrangkesar̀yya, knikambil, ringgunungkahukut'hukut, kaglutkaharasaras, hantuksanghamalatraśmi . kakawinduksangar̀jjuṇa, munggwingśwar̀ggankabuñcingangbcik, ringwidhyadharipapitu, muñimanismal̥ĕñad, hlĕḥlandĕḥ, bukamahĕmbahañjuruḥ, rā

Leaf 34

Image on Archive.org

[᭓᭔ 34B] ᭓᭔ ᬤᬾᬦ᭄ᬕᬮᬸᬄᬫᬫᬶᬋᬗᬂ᭞ᬍᬂᬍᬂᬩᬶᬗᬸᬂᬕᬯᭀᬓ᭄ᬧᬮᬶᬂ᭟ᬭᬾᬤᬾᬦ᭄ᬕᬮᬸᬄᬲᬬᬦ᭄ᬮᬾᬤᬂ᭞ᬫᬜᬬᬗᬢ᭄ᬯᬭᬩ᭄ᬮᬲ᭄ᬳᬯᬳᬶ᭞ᬲᬂᬩᬮᬶᬩᬶᬲ᭄ᬬᬦ᭄ᬫᬢᬸᬭᬸ᭞ᬢᬦ᭄ᬲᬄᬳᬦᬾᬧᬵ ᬩᬶᬦᬦ᭄᭞ᬜᭂᬲᭂᬂᬧ᭄ᬜᭀᬜᭀ᭞ᬩᬸᬓᬜᬸᬄᬕᬥᬶᬗᬾᬮᬸᬫ᭄ᬮᬸᬫ᭄᭞ᬤᬶᬧ᭄ᬢᭂᬗᬾᬢ᭄ᬯᬭᬩ᭄ᬮᬲ᭄᭞ᬫᬜᬦ᭄ᬤᬶᬂᬭᬳᬤᬾᬦ᭄ᬤᬾᬯᬷ᭟ᬍᬯᬶᬄᬬᬦ᭄ᬫᬭᬬᬸᬦᬦ᭄᭞ᬭᬵᬤᬾᬦ᭄ᬕᬮᬸᬄᬲᬂᬩ ᬮᬶᬩᬶᬲ᭄ᬜᬋᬗᬶᬦ᭄᭞ᬩᬶᬓᬲᬾᬫᬳᬶᬭᬶᬩ᭄ᬳᬢᬸᬦ᭄᭞ᬘᬭᬢᬶᬗ᭄ᬓᬄᬓᬸᬋᬦᬦ᭄᭞ᬲᬕᬾᬢ᭄‌ᬫᬾᬗᭀᬲ᭄᭞ᬫᬘᬭᬢ᭄ᬯᬭᬤᬘᬸᬫ᭄ᬧᬸ᭞ᬲᬂᬩᬮᬶᬩᬶᬲ᭄ᬩᬲ᭄ᬓᬮᬶᬦ᭄ᬢᬂ᭞ᬲᬸᬮᬸᬓᬾᬭᬶᬂ ᬭᬵᬤᬾᬦ᭄ᬤᬾᬯᬶ᭟ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬫᬪᬸᬱᬡ᭞ᬲᬂᬩᬮᬶᬩᬶᬲ᭄ᬫᬕ᭄ᬮᬂᬫᬵᬲ᭄ᬫᬳᬓᬶᬃ᭞ᬫᬲᬲᭀᬘᬦ᭄ᬳᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬫᬕ᭄ᬮᬸᬂᬫᬵᬲ᭄ᬫᬲᭀᬘ᭞ᬫᬶᬭᬄᬯᬬᬄ᭞ᬮᬾᬦ᭄ᬳᭂᬫᬵᬲ᭄ᬧ [᭓᭕ 35A] ᬦ᭄ᬓᭂᬧ᭄ᬳᬶᬓᬸᬄᬫᬧᬶᬦ᭄ᬤᬕᬭᬸᬥᬜ᭄ᬩᬓ᭄᭞ᬲᬸᬫᬶᬗ᭄ᬓᬶᬦ᭄ᬩᬕᬸᬲ᭄ᬗᬾᬤᬦᬶᬦ᭄᭟ᬯᬾᬦ᭄ᬢᭂᬦ᭄ᬳᬶᬗᬦᬦ᭄ᬤ᭄ᬯᬩᬸᬮᬦ᭄᭞ᬲᬂᬩᬮᬶᬩᬶᬲ᭄ᬦᭀᬗᭀᬲᬦ᭄ᬭᬵᬤᬾᬦ᭄ᬤᬾᬯᬷ᭞ᬜᬩ᭄ᬭᬦ᭄ᬭᬶᬂᬧᬜ᭄ᬘᭀᬭᬦ᭄ᬫ ᬦ᭄ᬤᬸᬲ᭄᭞ᬢᬦ᭄ᬲᬄᬳᬶᬗᬸᬲᬧᬸᬲᬧ᭄᭞ᬲᬬᬦ᭄ᬫᬫ᭄ᬭᬢ᭄᭞ᬭᬕᬲ᭄ᬫᬭᬦᬾᬫᬗ᭄ᬮᬶᬧᬸᬢ᭄᭞ᬭᬵᬤᬾᬦ᭄ᬕᬮᬸᬄᬩᬸᬓᬕᬫ᭄ᬩᬃ᭞ᬚ᭄ᬕᬾᬕᬾᬗᬾᬤᬦᬶᬦ᭄ᬳᬢᬶ᭟ᬦᬸᬚᬸᬧᬹᬃᬡ᭄ᬦᬫᬦᬶᬂᬓᬧᬢ᭄᭞᭠ ᬭᬵᬤᬾᬦ᭄ᬕᬮᬸᬄ᭞ᬫᬫᬵᬢᬹᬢ᭄ᬧᬳ᭄ᬬᬲ᭄‌ᬩ᭄ᬘᬶᬓ᭄᭞ᬯᬵᬲ᭄ᬢᬺᬲᬸᬢᬺᬗᬭᬓᬮᬸᬲ᭄᭞ᬳ᭄ᬩᭂᬓ᭄ᬩᬳᬦ᭄ᬧ᭄ᬭᬥ᭞ᬓᬸᬭᬸᬩ᭄ᬳᬶᬤ᭞ᬲᬸᬢ᭄ᬭᬢᬗᬶᬫᬧ᭄ᬭᬥᬵᬮᬸᬲ᭄᭞ᬫᬲᬶᬜ᭄ᬚᬂᬧᬭᬜ᭄ᬘᬶᬲ᭄ᬕᬤᬂ᭞᭠ ᬧᬧ᭄ᬓᭂᬓᬾᬲᬸᬢᬺᬢᬗᬶ᭟ᬫᬕ᭄ᬮᬸᬂᬫᬢᬢᬕ᭄ᬮᬦ᭄᭞ᬭᬫ᭄ᬩᬸᬢ᭄ᬧᬜ᭄ᬚᬂᬲ᭄ᬮᭂᬫ᭄ᬲᬫᬄᬗᬾᬤᬦᬶᬦ᭄᭞ᬧᬧᬘᭂᬓ᭄ᬫᬲᭀᬘᬫᬸᬭᬸᬩ᭄᭞ᬫᬧᬶᬦ᭄ᬤᬲᬲᬓ᭄ᬱᬓᬦ᭄᭞ᬯᬸᬲ᭄ᬫᬧᬳ᭄ᬬᬲ᭄᭞ᬳ᭠

Auto-transliteration

[34 34B] 34 den'galuḥmamir̥ĕngang, l̥ĕngl̥ĕngbingunggawokpaling. reden'galuḥsayanledang, mañayangatwarablashawahi, sangbalibisyanmaturu, tansaḥhanepā binan, ñĕsĕngpñoño, bukañuḥgadhingelumlum, diptĕngetwarablas, mañandingrahadendewī. l̥ĕwiḥyanmarayunan, rāden'galuḥsangba libisñar̥ĕngin, bikasemahirib'hatun, caratingkaḥkur̥ĕnan, sagetmengos, macaratwaradacumpu, sangbalibisbaskalintang, sulukering rādendewi. mangkinsāmpunmabhuṣaṇa, sangbalibismaglangmāsmahakir̀, masasocanhintĕnmurub, maglungmāsmasoca, miraḥwayaḥ, lenhĕmāspa [35 35A] nkĕp'hikuḥmapindagarudhañbak, sumingkinbagusngedanin. wentĕnhinganandwabulan, sangbalibisnongosanrādendewī, ñabranringpañcoranma ndus, tansaḥhingusapusap, sayanmamrat, ragasmaranemangliput, rāden'galuḥbukagambar̀, jgegengedaninhati. nujupūr̀ṇnamaningkapat, ‐ rāden'galuḥ, mamātūtpahyasbcik, wāstr̥ĕsutr̥ĕngarakalus, hbĕkbahanpradha, kurub'hida, sutratangimapradhālus, masiñjangparañcisgadang, ‐ papkĕkesutr̥ĕtangi. maglungmatataglan, rambutpañjangslĕmsamaḥngedanin, papacĕkmasocamurub, mapindasasakṣakan, wusmapahyas, ha‐

Leaf 35

Image on Archive.org

[᭓᭕ 35B] ᭓᭕ ᬮᬶᬲᬾᬢᬚᭂᬧ᭄ᬫᬍᬘᬸᬢ᭄᭞ᬲ᭄ᬫᬶᬕᬸᬮᬸᬗᬦ᭄ᬳᭀᬫ᭄ᬩᬓ᭄᭞ᬧᬦᬓ᭄ᬩᭀᬓᬾᬩᬸᬓᬘᬯᬶ᭟ᬫᬩᬸᬗ᭄ᬳᬳᭂᬫ᭄ᬧᬓ᭄ᬳᭂᬫ᭄ᬧᬓᬦ᭄᭞ᬫᬵᬲ᭄ᬫᬲᭀᬘᬕᬕᬭᬧᬦᬾᬯᬲ᭄ᬢᬶ᭞ᬫᬲᬸᬩᭂᬂᬫ ᬲᭀᬘᬫᬸᬭᬸᬩ᭄᭞ᬳᬸᬦ᭄ᬢᬸᬦᬾᬧᬸᬢᬶᬄᬜᬮᬂ᭞ᬮᬫ᭄ᬩᬾᬩᬳᬓ᭄᭞ᬓ᭄ᬜᬸᬂᬫᬦᬶᬲ᭄ᬫᭂᬫ᭄ᬩᬄᬫᬥᬸ᭞ᬫᬸᬯᬦᬾᬫ᭄ᬩᬸᬮᬦ᭄ᬧᬹᬃᬡ᭄ᬦᬫ᭞ᬧᬫᬸᬮᬸᬦᬾᬍᬫ᭄ᬧᬸᬂᬕᬥᬶᬂ᭟ᬲᬸᬲᬸᬜᬗ᭄ᬓᬶᬄᬦᬓᬧ᭠ ᬜ᭄ᬚᬂ᭞ᬫᬸᬭᬧᬸᬭᬧ᭄ᬫᬜᬸᬕ᭄ᬩᬵᬦ᭄ᬮᭂᬗᬶᬲ᭄ᬫᬶᬬᬶᬓ᭄᭞ᬫᬓᭂᬲ᭄ᬬᬸᬄᬫᬶᬬᬶᬓ᭄ᬫᬗᬮᬸᬧ᭄᭞ᬚ᭄ᬕᬾᬕ᭄ᬢᬦ᭄ᬧᬢᬦ᭄ᬤᬶᬗᬦ᭄᭞ᬧᬦ᭄ᬢᭂᬲ᭄ᬤᬾᬯᬦ᭄᭞ᬰᬰᬶᬄᬓᬧᬢᬾᬢᬸᬫᬸᬭᬸᬦ᭄᭞ᬤᬤᬶᬧᬸᬢ᭄ᬭᬶᬂᬪᭀ ᬚᬧᬸᬭ᭞ᬲᬗ᭄ᬓᬦ᭄ᬲᬶᬂᬩᬶᬓᬲᬂᬳᬲᬶᬦ᭄᭟ᬫᬮᬶᬗ᭄ᬕᬶᬄᬯᬸᬲᬦ᭄ᬫᬢᬶᬃᬣ᭞ᬤᬶᬳᬫ᭄ᬩᬾᬦᬾᬢᬦ᭄ᬲᬄᬢᬍᬃᬫᬗᬩᬶᬦ᭄᭞ᬲᬂᬩᬮᬶᬩᬶᬲ᭄ᬧᬸᬢᬶᬄᬢᬸᬮᬸᬲ᭄᭞ᬲᬫ᭄ᬩᬶᬮᬂᬫᬮᬜ᭄ᬚᬭᬦ᭄᭞ᬗ᭠ [᭓᭖ 36A] ᬬᬂᬳᬬᬂ᭞ᬫᬳᬶᬭᬶᬩ᭄ᬗᬦ᭄ᬢ᭄ᬬᬂᬫᬓ᭄ᬩᬸᬃ᭞ᬓᬵᬬᭀᬦᬾᬓᬲ᭄ᬫᬭᬮᭀᬓ᭞ᬜᬦ᭄ᬤᬂᬜᬶᬦᭀᬫᬶᬦ᭄ᬦᬵᬕᬭᬶ᭟᭚᭜᭚ᬧᬸᬄᬲᬶᬦᭀᬫ᭚᭜᭚ᬲᬂᬩᬮᬶᬩᬶᬲ᭄ᬫᬗᬯᬲᬂ᭞ᬭᬵᬤᬾᬦ᭄ᬕ᭠ ᬮᬸᬄᬚ᭄ᬕᬾᬕ᭄ᬕᬢᬶ᭞ᬍᬍᬄᬭᬱᬢᬦ᭄ᬧᬢᬸᬮᬂ᭞ᬳᬸᬮᬶᬂᬫᬓ᭄ᬮᭀᬤᬗ᭄ᬓᭂᬗᬶᬦ᭄᭞ᬚᬦᬶᬢᭀᬂᬧᬶᬲᬦ᭄ᬤᬤᬶ᭞ᬢᬗ᭄ᬓᭂᬗᬶᬦ᭄ᬫᬩᬸᬤ᭄ᬟᬶᬦᬸᬯᬸᬓ᭄᭞ᬜᬦᬦ᭄ᬤᬶᬢᬸᬢᬳᬦᬂ᭞ᬳᬸᬮᬸᬭᬶᬦ᭄ᬳᬶᬥᭂᬧᬾᬪ᭄ᬭᬦ᭄ᬢᬶ ᭞ᬭᬵᬤᬾᬦ᭄ᬕᬮᬸᬄ᭞ᬫᬗ᭄ᬓᬶᬦ᭄ᬳᬶᬤᬗᬭᬬᬸᬦᬦ᭄᭟ᬲᬂᬩᬮᬶᬩᬶᬲ᭄ᬢ᭄ᬯᬭᬡ᭄ᬮᬲ᭄᭞ᬲᬋᬂᬫᬭᬬᬸᬦᬦ᭄ᬫᬳᬩᬶᬦ᭄᭞ᬫᬗ᭄ᬓᬶᬦ᭄ᬢᬦ᭄ᬓᬘᬭᬶᬢᬳ᭞ᬧ᭄ᬢᭂᬂᬳᬸᬘᬧᬂᬦᬾᬦᬶ᭞ᬯᬾᬦ᭄ᬢᭂᬦ᭄ᬯᬯᬸᬢ᭄ᬗᬄᬯ᭄ᬗᬶ᭞᭠ ᬲᬦᬾᬫᬓ᭄ᬫᬶᬢ᭄ᬫᬢᬸᬭᬸ᭞ᬫᬓᬤᬶᬓᬓᬓᬓ᭞ᬭᬵᬤᬾᬦ᭄ᬕᬮᬸᬄᬓᬭᬶᬫᬮᬶᬗ᭄ᬕᬶᬄ᭞ᬚ᭄ᬭᬵᬦᬶᬂᬓᬲᬸᬃ᭞ᬜᬦ᭄ᬤᬾᬦ᭄ᬲᬂᬩᬮᬶᬩᬶᬲ᭄‌ᬧ᭄ᬚᬓ᭄᭟ᬲᬂᬩᬮᬶᬩᬶᬲ᭄ᬫᬳᬶᬮᬶᬤᬦ᭄᭞ᬲᬕᬾᬢ᭄ᬤᬤᬶᬚᬦ᭄ᬫᬫ᭄ᬯᬦᬶ᭞

Auto-transliteration

[35 35B] 35 lisetajĕpmal̥ĕcut, smigulunganhombak, panakbokebukacawi. mabunghahĕmpak'hĕmpakan, māsmasocagagarapanewasti, masubĕngma socamurub, huntuneputiḥñalang, lambebahak, kñungmanismĕmbaḥmadhu, muwanembulanpūr̀ṇnama, pamulunel̥ĕmpunggadhing. susuñangkiḥnakapa‐ ñjang, murapurapmañugbānlĕngismiyik, makĕsyuḥmiyikmangalup, jgegtanpatandingan, pantĕsdewan, śaśiḥkapatetumurun, dadiputringbho japura, sangkansingbikasanghasin. malinggiḥwusanmatir̀tha, dihambenetansaḥtal̥ĕr̀mangabin, sangbalibisputiḥtulus, sambilangmalañjaran, nga‐ [36 36A] yanghayang, mahiribngantyangmakbur̀, kāyonekasmaraloka, ñandangñinominnāgari. // • // puḥsinoma // • // sangbalibismangawasang, rāden'ga‐ luḥjgeggati, l̥ĕl̥ĕḥraṣatanpatulang, hulingmaklodangkĕngin, janitongpisandadi, tangkĕnginmabudḍinuwuk, ñananditutahanang, hulurinhidhĕpebhranti , rāden'galuḥ, mangkinhidangarayunan. sangbalibistwaraṇlas, sar̥ĕngmarayunanmahabin, mangkintankacaritaha, ptĕnghucapangneni, wentĕnwawutngaḥwngi, ‐ sanemakmitmaturu, makadikakakaka, rāden'galuḥkarimalinggiḥ, jrāningkasur̀, ñandensangbalibispjak. sangbalibismahilidan, sagetdadijanmamwani,

Leaf 36

Image on Archive.org

[᭓᭖ 36B] ᬩᬕᬸᬲᬾᬢ᭄ᬯᬭᬵᬤᬧᬥ᭞ᬧᬫᬸᬮᬸᬦᬾᬧᬸᬢᬶᬄᬕᬥᬶᬂ᭞ᬲᬸᬩᬢ᭄ᬓᬗᬾᬤᬦᬶᬦ᭄᭞ᬳᬲᬶᬂᬲᭀᬮᬄᬢ᭄ᬓᬧᬗᬸᬲ᭄᭞ᬮᬯᬸᬢ᭄‌ᬦ᭄ᬤᭂᬲᭂᬓ᭄ᬫᬦ᭄ᬕᬓ᭄᭞ᬫᬜᬦ᭄ᬤᬶᬂᬭᬳᬤᬾᬦ᭄ᬤᬾᬯᬷ᭞ᬭᬵᬤᬾ᭠ ᬦ᭄ᬕᬮᬸᬄ᭞ᬕ᭄ᬮᬸᬓᬲᬦ᭄ᬤᬶᬂᬫᬦ᭄ᬕᬓ᭄᭟ᬫᬦᭂᬕ᭄ᬢᭂᬕᬂᬧᬓᬳ᭄ᬬᬸᬦᬦ᭄᭞ᬗᬦ᭄ᬤᬶᬓᬭᬭᬶᬲ᭄ᬦᬓᬾᬦᬶᬦ᭄᭞ᬦᬶᬓᬶᬲᬧᬲᬶᬭᬚ᭄ᬭᭀ᭞ᬲᬂᬧ᭄ᬭᬪᬸᬫᬲᬯᬸᬃᬳᬭᬶᬲ᭄᭞ᬢᬶᬢ᭄ᬬᬂᬭᬢᬸᬳᬶᬩ᭄ᬮᬶᬩᬶᬲ᭄᭞᭠ ᬭᬳᬤᬾᬦ᭄ᬕᬮᬸᬄᬫᬲᬯᬸᬃ᭞ᬢᭀᬓᬾᬦ᭄ᬓᬾᬦ᭄ᬲᬶᬳᬯᬦᬦ᭄᭞ᬫᬦ᭄ᬤᬤᬶᬩᬮᬶᬩᬶ᭠ᬲ᭄ᬧᬸᬢᬶᬄ᭞ᬚᬦᬶᬤᬤᬶ᭞ᬚᬮ᭄ᬫᬩᬕᬸᬲ᭄ᬓᬮᬶᬦ᭄ᬢᬂ᭟ᬳᬧᬯᬗ᭄ᬰᬤᬶᬚᬳᬸᬫᬄ᭞ᬜᬦ᭄ᬳᬤᬦᬾ᭠ ᬲᬫ᭄ᬩᬢ᭄ᬚᬦᬶ᭞ᬲᬂᬧ᭄ᬭᬪᬸᬫᬲᬯᬸᬭᬮᭀᬦ᭄᭞ᬳᬶᬗ᭄ᬕᬶᬄᬭᬢᬸᬲᬂᬮ᭄ᬯᬶᬃᬭᬢᬶᬄ᭞ᬢᬶᬢ᭄ᬬᬂᬓ᭄ᬱᬢ᭄ᬭᬶᬬᬚᬢᬶ᭞ᬗᬭᬦ᭄ᬳᬚᬷᬥᬃᬫ᭄ᬫᬧ᭄ᬭᬪᬸ᭞ᬲᬓᬶᬂᬦᬵᬕᬭᬫᬵᬮᬯ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬦᭂᬫ᭄ᬩᬾ [᭓᭗ 37A] ᬦᬶᬦ᭄᭞ᬲᬓᬶᬂᬩᬸᬗ᭄ᬓᬄ᭞ᬢᬶᬢ᭄ᬬᬂᬗᬵᬢᬹᬭᬂᬧᬶᬓᬦ᭄ᬤ᭟ᬳᬕᬸᬂᬢᬶᬢ᭄ᬬᬂᬭᬶᬂᬫᬵ᭠ᬮᬯ᭞ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬧ᭄ᬭᬫᬶᬰ᭄ᬯᬭᬶ᭞ᬚ᭄ᬕᬾᬕ᭄ᬲᬓᬤᬶᬳᬶᬤᬾᬯ᭞ᬦᬵᬗ᭄ᬳᬶᬂᬮᬘᬸᬃᬢᬶᬢ᭄ᬬᬂᬫ᭠ ᬡ᭄ᬦᬶᬓ᭄᭞ᬲ᭄ᬟᭂᬓ᭄ᬫᬦᬸᬚᬸᬯ᭄ᬗᬶ᭞ᬢᬶᬢ᭄ᬬᬂᬫᭂᬦ᭄ᬤᭂᬫ᭄ᬳᬦᬓ᭄ᬳᬕᬸᬂ᭞ᬬᬦ᭄ᬧᬸᬦᬧᬶᬳᬯᬶᬦᬦ᭄᭞ᬧ᭄ᬭᬫᬰ᭄ᬯᬭᬷᬳᬶᬯᬂᬢᬫ᭄ᬧᬶ᭞ᬩᬾᬜ᭄ᬚᬂᬲ᭄ᬫᭂᬂ᭞ᬫᬗ᭄ᬭᬭᬶᬲ᭄ᬫᬮᬩᬸᬄᬕ᭄ᬦ᭄ᬬ᭟ᬢᬶᬢ᭄ᬬᬂᬯᬯᬸᬓᬢᬶᬗ᭄ᬕᬮ ᬦ᭄᭞ᬲ᭄ᬩᭂᬢ᭄ᬫᬦᬳᬾᬢᬦ᭄ᬲᬶᬧᬶ᭞ᬫᬗ᭄ᬭᬭᬶᬲ᭄ᬮᬸᬗ᭄ᬳᬫᬩᭀᬭᭀᬲ᭄᭞ᬢᬍᬃᬮᬘᬸᬃᬦᬾᬦ᭄ᬢᭂᬦ᭄ᬧᭀᬮᬶᬄ᭞ᬓᬮᬸᬦ᭄ᬢᬗ᭄ᬭᬭᬶᬲ᭄᭞ᬫᬗ᭄ᬓᬶᬦ᭄ᬦᬵᬕᬭᬲᬸᬯᬸᬂ᭞ᬫᬯᬵᬱ᭄ᬝᬭᬶᬂᬫᬵᬮᬬ ᬗ᭄ᬭᬭᬶᬲ᭄ᬓᬚ᭄ᬭᭀᬧᬸᬭᬶ᭞ᬤᬧᭂᬢ᭄ᬢᬶᬢ᭄ᬬᬂ᭞ᬭᬵᬚᬧᬸᬢ᭄ᬭᬶᬦᬾᬢᬢᬶᬕ᭟ᬲᬫᬶᬳᬗ᭄ᬕᬾ᭠ᬦ᭄ᬢᬶᬢ᭄ᬬᬂᬲᭀᬫᬄ᭞ᬫᬮᬶᬄᬘᬸᬭᬾᬓᬧᬗ᭄ᬕᬶᬄ᭞ᬲᬫᬶᬫᬳᬶᬥᭂᬧ᭄‌ᬗ᭄ᬮᬾᬬᬓ᭄᭞ᬭᬭᬶᬲ᭄ᬢᬶ᭠

Auto-transliteration

[36 36B] bagusetwarādapadha, pamuluneputiḥgadhing, subatkangedanin, hasingsolaḥtkapangus, lawutndĕsĕkman'gak, mañandingrahadendewī, rāde‐ n'galuḥ, glukasandingman'gak. manĕgtĕgangpakahyunan, ngandikararisnakenin, nikisapasirajro, sangprabhumasawur̀haris, tityangratuhiblibis, ‐ rahaden'galuḥmasawur̀, tokenkensihawanan, mandadibalibi‐sputiḥ, janidadi, jalmabaguskalintang. hapawangśadijahumaḥ, ñanhadane‐ sambatjani, sangprabhumasawuralon, hinggiḥratusanglwir̀ratiḥ, tityangkṣatriyajati, ngaranhajīdhar̀mmaprabhu, sakingnāgaramālawa, hinggiḥtityangmanĕmbe [37 37A] nin, sakingbungkaḥ, tityangngātūrangpikanda. hagungtityangringmā‐lawa, sāmpunwentĕnpramiśwari, jgegsakadihidewa, nānghinglacur̀tityangma‐ ṇnik, sḍĕkmanujuwngi, tityangmĕndĕmhanak'hagung, yanpunapihawinan, pramaśwarīhiwangtampi, beñjangsmĕng, mangrarismalabuḥgnya. tityangwawukatinggala n, sbĕtmanahetansipi, mangrarislunghamaboros, tal̥ĕr̀lacur̀nentĕnpoliḥ, kaluntangraris, mangkinnāgarasuwung, mawāṣṭaringmālaya ngrariskajropuri, dapĕttityang, rājaputrinetatiga. samihangge‐ntityangsomaḥ, maliḥcurekapanggiḥ, samimahidhĕpngleyak, raristi‐

Leaf 37

Image on Archive.org

[᭓᭗ 37B] ᭓᭗ ᬢ᭄ᬬᬂᬫᬶᬢᬸᬢᬸᬭᬶᬦ᭄᭞ᬫᬗ᭄ᬤᬯᬸᬲᬦ᭄ᬫᬦ᭄ᬤᬾᬱ᭄ᬝᬶ᭞ᬤᬤᭀᬲᬦ᭄ᬕᭂᬤᭂᬕᬾᬫᬸᬧᬸᬢ᭄᭞ᬭᬭᬶᬲ᭄ᬗ᭄ᬭᬚᬄᬦ᭄ᬮᬸᬯᬂ᭞ᬫᬧᬶᬦ᭄ᬟᬩᬮᬶᬩᬶᬲ᭄ᬧᬸᬢᬶᬄ᭞ᬓᬕ᭄ᬦᬳᬂ᭞ᬭᬶᬂᬧᬸᬲᬸᬂᬢᬶᬢ᭄ᬬᬗᬾᬤᬾᬯ᭟ ᬧᬸᬦᬶᬓᬶᬤ᭄ᬮᬸᬯᬗᬾᬤᬾᬯ᭞ᬬᬦ᭄ᬫᬮᬶᬄᬧᬲᬗᬂᬫᬮᬶᬄᬗ᭄ᬓᬶᬦ᭄᭞ᬫᬮᬶᬄᬩ᭄ᬮᬶᬩᬶᬲ᭄ᬢᬶᬢ᭄ᬬᬂᬤᬤᭀᬲ᭄᭞ᬭᬳᬤᬾᬦ᭄ᬕᬮᬸᬄᬜᬯᬸᬭᬶᬦ᭄᭞ᬫ᭄ᬮᬄᬳᬸᬦᬶᬗᬂᬚᬦᬶ᭞ᬭᬶᬂᬧᬮᬶᬗ᭄ᬕᬶᬄᬳᬚᬶ ᬳᬕᬸᬂ᭞ᬫᬗ᭄ᬤᬦ᭄ᬳᬶᬤᬦᬾᬯᬶᬓᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬜᬯᬸᬭᬶᬦ᭄᭞ᬫᬗ᭄ᬓᬶᬦ᭄ᬤᬸᬫᬸᬦ᭄᭞ᬭᬢᬸᬗᬸᬦᬶᬗᬬᬂᬢᬶᬢ᭄ᬬᬂ᭟ᬤᬸᬭᬸᬲᬂᬤᬸᬫᬸᬦ᭄ᬤᬸᬭᬸᬲᬂ᭞ᬲ᭄ᬯᬾᬘ᭄ᬙᬦᬶᬦ᭄ᬳᬶᬮᬭᬲ᭄ᬟᬶᬄ᭞ᬲᬓᬶᬂᬲ᭄ᬯᬾ ᬗᬺᬢ᭄ᬫᬦᬄ᭞ᬧᬶᬂᬧᬶᬢᬸᬢᬶᬢ᭄ᬬᬂᬦ᭄ᬟᬸᬫᬤᬶ᭞ᬳᬶᬤᬫᬦᬶᬢᬄᬲᬳᬶ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬚᬸᬭᬸᬧᬗ᭄ᬓᬸ᭞ᬤᬤᬶᬧᬜ᭄ᬚᬓᬶᬢᬶᬓᬦ᭄᭞ᬩᬬᬳᬶᬭᬢᬸᬜ᭄ᬭᬸᬯᬤᬶ᭞ᬲᭀᬫᬄᬢᬶᬢ᭄ᬬᬂ᭞᭠ [᭓᭘ 38A] ᬦᬾᬲᬾᬤ᭄ᬟᬫᬮᬩᬸᬄᬕ᭄ᬦ᭄ᬬ‌‌᭟ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬫᬸᬮᬓᬃᬫ᭄ᬫ᭞ᬩᭀᬬᬭᬯᬸᬄᬢᬶᬢ᭄ᬬᬂ᭠ᬫ᭄ᬭᬶᬓᬶ᭞ᬳᬧᬦ᭄ᬓᬮᬶᬦ᭄ᬢᬂᬳᬤᭀᬄ᭞ᬯᬾᬦ᭄ᬢᭂᬦ᭄ᬫᬃᬕ᭄ᬕ᭄ᬬᬦ᭄ᬳᬰᬰᬶᬄ᭞ᬧᬶᬦᭂᬳᬂᬭᬢᬸᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸ ᬫᬗᬸᬓᬸᬢᬸᬓᬸᬢ᭄᭞ᬭᬳᬤᬾᬦ᭄ᬕᬮᬸᬄᬗᬺᬕᬲ᭄᭞ᬲᬂᬧ᭄ᬭᬪᬸᬗᬓ᭄ᬩᬶᬦ᭄ᬧᬶᬧᬶ᭞ᬩ᭄ᬘᬶᬓ᭄ᬭᬢᬸ᭞ᬩᬸᬭᬄᬩᬭᬶᬄᬤᬾᬯᬾᬓ᭄ᬢᬶᬢ᭄ᬬᬂ᭟ᬳᬸᬧᬳᬗᬵᬢᬹᬭᬂᬲᬸᬗ᭄ᬓᬦ᭄᭞ᬲ᭄ᬟᭂᬂᬢᬶᬜ᭄ᬚᬓ᭄ᬚᭂᬓ᭄ᬚᭂᬓ᭄ᬢᬶᬕ᭄ᬢᬶᬕ᭄ ᭞ᬳᬸᬫ᭄ᬧᬂᬳᬫ᭄ᬧᬶᬂᬳᬾᬭᭀᬲᭀᬭᭀᬲ᭄᭞ᬦᬵᬗ᭄ᬳᬶᬂᬤᬶᬓᬲᬸᬭᬾᬕᭂᬫ᭄ᬩᬶ᭞ᬭᬳᬤᬾᬦ᭄ᬕᬮᬸᬄᬦᬗᬶᬲ᭄᭞ᬲᬂᬧ᭄ᬭᬪᬸᬗᬭᬲ᭄ᬳᬫ᭄ᬓᬸᬮ᭄᭞ᬗ᭄ᬕᬶᬄᬫ᭄ᬦᭂᬂᬳᬢ᭄ᬫᬚᬶᬯ᭞ᬳᬸᬭᬶᬧᭂᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬾ ᬦ᭄᭞ᬤᬾᬯᬳᬬᬸ᭞ᬫᬶᬚᬶᬮ᭄ᬲᬓᬾᬂᬧ᭄ᬭᬫᬰᬹᬦ᭄ᬬ᭟ᬭᬳᬤᬾᬦ᭄ᬕᬮᬸᬄᬓᬾᬯ᭄ᬭᬦ᭄᭞ᬫᬶᬋᬂᬧᬗ᭄ᬭᬸᬫ᭄ᬭᬸᬫᬾᬫᬦᬶᬲ᭄᭞ᬓᬾᬭᬶᬤ᭄ᬲᬶᬜ᭄ᬚᬂᬯᬸᬲ᭄ᬮᬶᬦᬸᬓᬃ᭞ᬓᬭᬓᭂᬢ᭄ᬫᬶᬗ᭄ᬲᬃᬢᬶᬦᬶᬢᬶᬄ᭞

Auto-transliteration

[37 37B] 37 tyangmituturin, mangdawusanmandeṣṭi, dadosan'gĕdĕgemuput, rarisngrajaḥnluwang, mapinḍabalibisputiḥ, kagnahang, ringpusungtityangedewa. punikidluwangedewa, yanmaliḥpasangangmaliḥngkin, maliḥblibistityangdados, rahaden'galuḥñawurin, mlaḥhuningangjani, ringpalinggiḥhaji hagung, mangdanhidanewikan, sangprabhurarisñawurin, mangkindumun, ratunguningayangtityang. durusangdumundurusang, swecchaninhilarasḍiḥ, sakingswe ngr̥ĕtmanaḥ, pingpitutityangnḍumadi, hidamanitaḥsahi, hanggentityangjurupangku, dadipañjakitikan, bayahiratuñruwadi, somaḥtityang, ‐ [38 38A] nesedḍamalabuḥgnya. yantanwentĕnmulakar̀mma, boyarawuḥtityang‐mriki, hapankalintanghadoḥ, wentĕnmar̀ggyanhaśaśiḥ, pinĕhangratumangkin, sangprabhu mangukutukut, rahaden'galuḥngr̥ĕgas, sangprabhungakbinpipi, bcikratu, buraḥbariḥdewektityang. hupahangātūrangsungkan, sḍĕngtiñjakjĕkjĕktigtig , humpanghampingherosoros, nānghingdikasuregĕmbi, rahaden'galuḥnangis, sangprabhungarashamkul, nggiḥmnĕnghatmajiwa, huripĕntityangnemangke n, dewahayu, mijilsakengpramaśūnya. rahaden'galuḥkewran, mir̥ĕngpangrumrumemanis, keridsiñjangwuslinukar̀, karakĕtmingsar̀tinitiḥ,

Leaf 38

Image on Archive.org

[᭓᭘ 38B] ᭓᭘ ᬯᬸᬲ᭄ᬓᬢᬶᬩᬦ᭄ᬲᬭᬰ᭄ᬫᬶ᭞ᬗᬥᬸᬄᬢᬸᬫᬸᬮᬶᬓᬳᬦ᭄ᬢᬸ᭞ᬲ᭄ᬯᬦᬶᬢᬳᬫᬭᬩᬲ᭄᭞ᬲᬂ᭠ᬦᬵᬣᬦᬸᬮ᭄ᬬᬗ᭄ᬮᬸᬯᬭᬶ᭞ᬓᬸᬂᬳᬦᬫ᭄ᬩᬸᬢ᭄᭞ᬳᬫ᭄ᬓᬸᬮ᭄ᬭᬭᬶᬲ᭄ᬫᬜᬸᬦ᭄ᬤᬂ᭟ᬓᬳᬩᬶᬦ᭄ᬓᬳᬭᬲᬭᬲ᭄᭞ ᬲᬳᬗᬦ᭄ᬤᬶᬓᬳᬭᬶᬲ᭄᭞ᬳᬗ᭄ᬮᬶᬮᬶᬃᬭᬢ᭄ᬯᬵᬢ᭄ᬫᬚᬶᬯ᭞ᬦᬧᬶᬤᬤᭀᬲ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᬶᬭᬢᬸᬫᬦᬶᬗ᭄ᬕᬮᬶᬦ᭄᭞ᬜᬩ᭄ᬭᬦ᭄ᬢᬶᬢ᭄ᬬᬂᬫᬗ᭄ᬕᬶᬄᬮᬘᬸᬃ᭞ᬭᬳᬤᬾᬦ᭄ᬕᬮᬸᬄᬗᬮ᭄ᬬᬩ᭄᭞ ᬮ᭄ᬫᭂᬢ᭄‌ᬍᬲᬸᬢᬦ᭄ᬲᬶᬦᬶᬧᬶ᭞ᬭᬭᬶᬲ᭄ᬲᬵᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬫ᭄ᬘᬶᬓᬂᬲᬶᬜ᭄ᬚᬂ᭟ᬓᬳᭂᬫ᭄ᬩᬦ᭄ᬫᬮᬶᬄᬫᬲᬶᬭᬫ᭄᭞ᬲᬵᬫ᭄ᬧᬸᬦ᭄ᬢᭂᬮᬲ᭄ᬫᬭᬭᬤᬶᬦ᭄᭞ᬫᬳᭂᬫ᭄ᬩᬦ᭄ᬫᬮᬶᬄᬫᬦ᭄ᬢᬸᬓᬦ᭄᭞ᬲᬂᬧ᭄ᬭᬪᬸᬗ᭠ ᬦ᭄ᬤᬶᬓᬳᬭᬶᬲ᭄᭞ᬦᬶᬓᬶᬚᬭᬢᬸᬢᬫ᭄ᬧᬶ᭞ᬲ᭄ᬧᬄᬉᬱᬤ᭄ᬟᬦᬶᬂᬍᬲᬸ᭞ᬯᬸᬲ᭄ᬢᬶᬦᬭᬶᬫᬾᬂᬯᬚ᭞ᬫᬺᬫ᭄ᬲᬂᬧ᭄ᬭᬪᬸᬗ᭄ᬭᬶᬗ᭄ᬭᬶᬂ᭞ᬗᬸᬲᬸᬤᬸᬲᬸᬤ᭄᭞ᬫᬓᬶᬤᬸᬂᬲᬃᬯ᭄ᬯᬶᬜᬗ᭄ᬓ᭄ᬭᬶᬫᬂ᭟ᬭᬵᬤᬾᬦ᭄ᬕᬮᬸᬄ [᭓᭙ 39A] ᬍᬲᬸᬧᬶᬲᬦ᭄᭞ᬭᬳᬶᬦᬭᬭᬶᬲ᭄ᬫᬢᬗᬶ᭞ᬗᬫ᭄ᬩᬶᬮ᭄ᬤᬮ᭄ᬯᬂᬫᬭᬚᬄ᭞ᬓᬳᬓ᭄ᬱᬶᬲᬃᬯ᭄ᬯᬶᬓᬮᬶᬗ᭄ᬮᬶᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬭᬶᬲ᭄᭞ᬫᬮᬶᬄᬗᭂᬦᬳᬂᬭᬶᬂᬧᬸᬲᬸᬂ᭞ᬫᬲ᭄ᬢᬶᬢ᭄ᬬᬗᬾᬳᬢ᭄ᬫ ᬚᬶᬯ᭞ᬭᬭᬶᬲ᭄ᬫᬮᬶᬄᬓᬕ᭄ᬦᬳᬶᬦ᭄᭞ᬢᬹᬃᬫᬯᬦ᭄ᬢᬸᬦ᭄᭞ᬫᬭᬹᬧᬩᬮᬶᬩᬶᬲ᭄ᬧ᭄ᬘᬓ᭄᭟ᬭᬵᬤᬾᬦ᭄ᬕᬮᬸᬄᬗᬫ᭄ᬩᬶᬮ᭄‌ᬲ᭄ᬟᬄ᭞ᬫᬮᬶᬗ᭄ᬕᬶᬄᬢᬍᬃᬫᬲᬦ᭄ᬤᬶᬂ᭞ᬲᬂᬩᬮᬶᬩᬶᬲ᭄ᬫᬵᬢᬹᬭᬮᭀᬦ᭄᭞ ᬲᬵᬫ᭄ᬧᬸᬦ᭄ᬭᬳᬶᬦᬧᬸᬦᬶᬓᬶ᭞ᬦᬸᬦᬲ᭄ᬭᬢᬸᬫᬢᬗᬶ᭞ᬳᭂᬫ᭄ᬩᬦ᭄ᬢᬶᬢ᭄ᬬᬂᬭᬢᬸᬳᬬᬸ᭞ᬭᬵᬤᬾᬦ᭄ᬕᬮᬸᬄᬫᬜ᭄ᬫᬓ᭄᭞ᬫᬜᬺᬓ᭄ᬭᬭᬶᬲ᭄ᬫᬦ᭄ᬢᭂᬕᬶᬦ᭄᭞ᬳᬤᬸᬳᬤᬸᬄ᭞ᬫᬵᬧᬶᬕ᭄ᬮᬸᬳᬶᬘ᭄ᬙ᭠ ᬗᬓᬓ᭄᭟ᬩᬗᭂᬢᬂᬭᬢᬸᬩᬗᭂᬢᬂ᭞ᬢᬶᬢ᭄ᬬᬂᬓᬦ᭄ᬢᬸᬦ᭄ᬭᬓᭂᬢ᭄ᬪᬓ᭄ᬢᬶ᭞ᬳᬶᬭᬢᬸᬧᬃ᭠ᬡ᭄ᬦᬬᬂᬢᬶᬢ᭄ᬬᬂ᭞ᬢᬸᬮ᭄ᬬᬭᬢ᭄ᬦᬦᬾᬲᬪᬸᬫᬶ᭞ᬫᬶᬭᬳᬤᬶᬳᬧᬸᬭᬶ᭞ᬲᬢ᭄ᬫᬓᬭᬢ᭄ᬦᬲᬕᬸᬦᬸᬂ᭞᭠

Auto-transliteration

[38 38B] 38 wuskatibansaraśmi, ngadhuḥtumulikahantu, swanitahamarabas, sang‐nāthanulyangluwari, kunghanambut, hamkulrarismañundang. kahabinkaharasaras, sahangandikaharis, hanglilir̀ratwātmajiwa, napidadostityangmangkin, hiratumaninggalin, ñabrantityangmanggiḥlacur̀, rahaden'galuḥngalyab, lmĕtl̥ĕsutansinipi, rarissāmpun, sangprabhumcikangsiñjang. kahĕmbanmaliḥmasiram, sāmpuntĕlasmararadin, mahĕmbanmaliḥmantukan, sangprabhunga‐ ndikaharis, nikijaratutampi, spaḥuṣadḍaningl̥ĕsu, wustinarimengwaja, mr̥ĕmsangprabhungringring, ngusudusud, makidungsar̀wwiñangkrimang. rāden'galuḥ [39 39A] l̥ĕsupisan, rahinararismatangi, ngambildalwangmarajaḥ, kahaksyisar̀wwikalingling, sangprabhungandikāris, maliḥngĕnahangringpusung, mastityangehatma jiwa, rarismaliḥkagnahin, tūr̀mawantun, marūpabalibispcak. rāden'galuḥngambilsḍaḥ, malinggiḥtal̥ĕr̀masanding, sangbalibismātūralon, sāmpunrahinapuniki, nunasratumatangi, hĕmbantityangratuhayu, rāden'galuḥmañmak, mañr̥ĕkrarismantĕgin, haduhaduḥ, māpigluhiccha‐ ngakak. bangĕtangratubangĕtang, tityangkantunrakĕtbhakti, hiratupar̀‐ṇnayangtityang, tulyaratnanesabhumi, mirahadihapuri, satmakaratnasagunung, ‐

Leaf 39

Image on Archive.org

[᭓᭙ 39B] ᭓᭙ ᬭᬶᬂᬤᬶᬚᬫᬮᬶᬄᬭᬸᬭᬸᬳᬂ᭞ᬭᬵᬚᬧᬸᬢ᭄ᬭᬶᬫᬦᬦ᭄ᬤᬶᬗᬶᬦ᭄᭞ᬤᬶᬚᬭᬸᬭᬸᬄ᭞ᬩᬢᬦ᭄ᬮᬗᬶᬢ᭄ᬤᬸᬯᬸᬃᬢᬦᬄ᭟ᬧᬜ᭄ᬚᬂᬬᬦ᭄ᬫᬮᬶᬄᬘ᭄ᬭᬶᬢᬬᬂ᭞ᬯᬾᬦ᭄ᬢᭂᬦ᭄ᬳᬶᬗᬦ᭄ᬢᬶᬕᬂᬰᬰᬶᬄ᭞ᬲᬧ᭄ᬭᬪᬸᬳᬯᭀᬃ ᬘᬸᬫ᭄ᬩᬦ᭞ᬮᬯᬦ᭄ᬲᬶᬭᬭᬤᬾᬦ᭄‌ᬤᬾᬯᬷ᭞ᬓᬸᬦᭂᬂᬲᬂᬧ᭄ᬭᬪᬸᬮᬶᬗ᭄ᬲᬶᬃ᭞ᬲ᭄ᬫᭂᬂᬫᬢᬗᬶᬫᬮᬸᬗ᭄ᬕᬸᬄ᭞ᬭᬶᬂᬳᬫ᭄ᬩᬾᬦᬾᬧᬓᬮᬶᬳᬦ᭄᭞ᬲᬋᬂᬳᬶᬤᬧ᭄ᬭᬫᬶᬰ᭄ᬯᬭᬷ᭞ᬳᬤᬶᬳᬬᬸ᭞ᬩ᭄ᬮᬶᬗᬶᬧᬶ᭠ ᬳᬶᬩᬶᬲᬜ᭄ᬚ᭟ᬦᬦᬓ᭄ᬕᬮᬸᬄᬓᭀᬘᬧᬜ᭞ᬲᭂᬓᬢᬾᬗᬸᬩᬸᬄᬩᬮᬶᬩᬶᬲ᭄᭞ᬳᬫ᭄ᬩᬸᬮ᭄ᬗᬸᬩᬸᬄᬫᬘᬦ᭄ᬕᬮᬓ᭄᭞ᬫᬓᬤᬶᬲᬮᬳᬦ᭄ᬩᬸᬓᬶᬢ᭄᭞ᬓᬾᬦ᭄ᬓᬾᬦ᭄ᬬᬾᬦ᭄ᬓᬾᬢᭀᬳᬤᬶ᭞ ᬰ᭄ᬭᬷᬧ᭄ᬭᬫᬶᬰ᭄ᬯᬭᬷᬫᬲᬯᬸᬃ᭞ᬫ᭄ᬮᬄᬧᬶᬲᬦ᭄ᬢᬸᬦ᭄ᬤᬾᬦᬂ᭞ᬧᬶᬲᬦᬦ᭄‌ᬓ᭄ᬫᬢᬾᬳᬮᬶᬄ᭞ᬦᬦᬓ᭄ᬕᬮᬸᬄ᭞ᬢᬸᬦ᭄ᬤᬾᬦ᭄ᬫᬳᬶᬳᬾᬗ᭄ᬕᬮᬾᬗ᭄ᬕᬮ᭄᭟ᬓᬾᬦ᭄ᬳᬸᬢᬸᬲᬦ᭄‌ᬕ᭄ᬮᬶᬲ᭄ᬫᬚᬮᬦ᭄᭞ᬭᬵᬤᬾᬦ᭄ᬕ᭠ [᭔᭐ 40A] ᬮᬸᬄᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭞ᬲᬂᬩᬮᬶᬩᬶᬲ᭄ᬜᭂᬲᭂᬧ᭄ᬜᭀᬜᭀ᭞ᬭᬵᬤᬾᬦ᭄ᬕᬮᬸᬄᬫᬵ᭠ᬧᬶᬗ᭄ᬯᬾᬮᬶᬦ᭄᭞ᬢᬸᬫᬦ᭄ᬩᬶᬲᬾᬓᬲᬶᬮ᭄᭞ᬜᭂᬦ᭄ᬓᬩᭂᬲ᭄ᬩᭂᬲ᭄ᬓᬶᬮᬸᬢᬶᬮᬸᬢ᭄᭞ᬲᬂᬩᬮᬶᬩᬶᬲ᭄ᬫᬘ᭠ ᬭ᭞ᬩᬸᬫᬭᬳᬸᬓᬦ᭄ᬫᬕ᭄ᬤᬶ᭞ᬭᬵᬤᬾᬦ᭄ᬕᬮᬸᬄ᭞ᬫᬜᬯᬸᬧ᭄ᬫᬗᬭᬲᬭᬲ᭄᭟ᬦᬶᬧᬶᬲᬗᬦ᭄ᬓᬕᬾᬢ᭄‌ᬢ᭄ᬓ᭞ᬕ᭄ᬮᬸᬢᬸᬫᭀᬦ᭄ᬭᬵᬤᬾᬦ᭄ᬤᬾᬯᬷ᭞ᬫᬳᬶᬭᬶᬩ᭄ᬳᬦᬓ᭄ᬓᬍᬲᭀᬦ᭄᭞ᬦᬶᬧᬶᬲᬗ ᬦ᭄ᬫᬵᬢᬹᬃᬳᬭᬶᬲ᭄᭞ᬭᬢᬸᬤᬾᬯᬵᬕᬸᬂᬳᬶᬲ᭄ᬢ᭄ᬭᬶ᭞ᬢᬶᬢ᭄ᬬᬂᬫᬭᬶᬓᬶᬓᬳᬸᬢᬸᬲ᭄᭞ᬦᬸᬯᬸᬃᬘᭀᬓᭀᬃᬳᬶᬤᬾᬯ᭞ᬦᬸᬦᬲ᭄ᬦᬾᬫᬗ᭄ᬓᬶᬦ᭄ᬫᬫᬃᬕ᭄ᬕᬶ᭞ᬳᬶᬤᬲᬂᬧ᭄ᬭᬪᬸ᭞ᬭᬶᬂᬳᬫ᭄ᬩᬾᬦᬾᬧᬓ᭠ ᬮᬶᬳᬦ᭄᭟ᬭᬵᬤᬾᬦ᭄ᬕᬮᬸᬄᬗᬦ᭄ᬤᬶᬓᬦᬄ᭞ᬗ᭄ᬭᬭᬶᬲ᭄ᬫᬦ᭄ᬢᬸᬓᬦ᭄ᬫᬲᬸᬭᬶ᭞ᬕ᭄ᬮᬸᬂᬧᬳ᭄ᬬᬲ᭄ᬲᬕ᭄ᬩᬭᬦ᭞ᬫᬗ᭄ᬭᬭᬶᬲ᭄ᬳᬶᬤᬫᬫᬃᬕ᭄ᬕᬶ᭞ᬳᬶᬩᬮᬶᬩᬶᬲ᭄ᬢ᭄ᬯᬭᬗᬶᬭᬶᬂ᭞ᬭᬯᬸᬄᬭᬶᬂᬳᬚᭂᬂᬲᬂᬧ᭄ᬭᬪᬸ᭞

Auto-transliteration

[39 39B] 39 ringdijamaliḥruruhang, rājaputrimanandingin, dijaruruḥ, batanlangitduwur̀tanaḥ. pañjangyanmaliḥcritayang, wentĕnhingantigangśaśiḥ, saprabhuhawor̀ cumbana, lawansiraradendewī, kunĕngsangprabhulingsir̀, smĕngmatangimalungguḥ, ringhambenepakalihan, sar̥ĕnghidapramiśwarī, hadihayu, blingipi‐ hibisañja. nanakgaluḥkocapaña, sĕkatengubuḥbalibis, hambulngubuḥmacan'galak, makadisalahanbukit, kenkenyenketohadi, śrīpramiśwarīmasawur̀, mlaḥpisantundenang, pisanankmatehaliḥ, nanakgaluḥ, tundenmahihenggalenggal. kenhutusan'glismajalan, rāden'ga‐ [40 40A] luḥsāmpunmalinggiḥ, sangbalibisñĕsĕpñoño, rāden'galuḥmā‐pingwelin, tumanbisekasil, ñĕnkabĕsbĕskilutilut, sangbalibismaca‐ ra, bumarahukanmagdi, rāden'galuḥ, mañawupmangarasaras. nipisangankagettka, glutumonrādendewī, mahirib'hanakkal̥ĕson, nipisanga nmātūr̀haris, ratudewāgunghistri, tityangmarikikahutus, nuwur̀cokor̀hidewa, nunasnemangkinmamar̀ggi, hidasangprabhu, ringhambenepaka‐ lihan. rāden'galuḥngandikanaḥ, ngrarismantukanmasuri, glungpahyassagbarana, mangrarishidamamar̀ggi, hibalibistwarangiring, rawuḥringhajĕngsangprabhu,

Leaf 40

Image on Archive.org

[᭔᭐ 40B] ᭔᭐ ᬭᬵᬤᬾᬦ᭄ᬕᬮᬸᬄᬦᭂᬫ᭄ᬩᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬭᬶᬲ᭄᭞ᬦᬦᬓ᭄ᬕᬮᬸᬄ᭞ᬫᬳᬶᬧᬳᭂᬓᬂᬫᬦ᭄ᬕᬓ᭄᭟ᬳᬢ᭄ᬫᬦ᭄ᬩᬧᬦᬾᬳᬶᬤᬾᬯ᭞ᬫᬓ᭄ᬮᭀᬢᭀᬂᬢᬳᬾᬦ᭄ᬫᬳᬶ᭞ᬭᬵᬤᬾᬦ᭄ᬕᬮᬸᬄ᭠ ᬫᬵᬢᬹᬭᬮᭀᬦ᭄᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬵᬢᬹᬃᬲᬶᬲᬶᬧ᭄᭞ᬫᬦᬄᬢᬶᬢ᭄ᬬᬗᬾᬲ᭠ᬓᬶᬢ᭄᭞ᬫᬗᬸᬯᭀᬦ᭄ᬭᬯᬶᬂᬫᬗ᭄ᬮᬶᬫᬸᬄ᭞ᬧ᭄ᬭᬫᬶᬰ᭄ᬯᬭᬶᬫᬦᬶᬫ᭄ᬩᬮ᭄᭞ᬩ᭄ᬦᭂᬄᬘ᭄ᬦᬶᬂᬓ᭄ᬘᬸᬤ᭄ᬕᬢᬶ᭞ᬫᬳᬶᬫ᭠ ᬮᬸ᭞ᬤᬷᬦᬶᬧᬳᭂᬓᬶᬜ᭄ᬚᬩ᭄ᬬᬂ᭟ᬭᬵᬤᬾᬦ᭄ᬕᬮᬸᬄᬫᬦ᭄ᬤᭂᬲᭂᬓᬂ᭞ᬧ᭄ᬭᬫᬶᬰ᭄ᬯᬭᬷᬭᬭᬶᬲ᭄ᬗ᭠ᬫ᭄ᬩᬶᬮ᭄᭞ᬢᬗᬦᬾᬗ᭄ᬘᭂᬮ᭄ᬗᬦ᭄ᬢᭂᬦᬂ᭞ᬭᬭᬶᬲ᭄ᬫᬗᬦ᭄ᬤᬶᬓᬳᬭᬶᬲ᭄᭞ᬲᬚᬢᬶᬤᬾᬲᬓᬶᬢ᭄᭞ᬧᬦ᭠ ᬲᬾᬮᬶᬦ᭄ᬢᬂᬫᬦᬸᬮᬸᬲ᭄᭞ᬤ᭄ᬧᬶᬦ᭄ᬫᭂᬮᬄᬫᬦ᭄ᬤᬸᬲᬂ᭞ᬤᬶᬦᬶᬩ᭄ᬬᬂᬫᬫᬦ᭄ᬤᬸᬲᬶᬦ᭄᭞ᬭᬵᬤᬾᬦ᭄ᬕᬮᬸᬄ᭞ᬭᬭᬶᬲ᭄ᬫᭂᬲᬾᬄᬧᬢ᭄ᬮᭂᬲᬦ᭄᭟ᬫᬗ᭄ᬭᬭᬶᬲ᭄ᬭᬶᬂᬩᬮᬾᬚᬚᬃ᭞ᬲᬂᬧ᭄ᬭᬪᬸᬓᬕ᭄ᬬᬢ᭄ᬫᬗ᭠ [᭔᭑ 41A] ᬓ᭄ᬱᬶ᭞ᬲᬋᬂᬳᬶᬤᬧ᭄ᬭᬫᬶᬰ᭄ᬯᬃᬬ᭄ᬬ᭞ᬲᬸᬲᬸᬦᬾᬭᬳᬤᬾᬦ᭄ᬤᬾᬯᬷ᭞ᬓ᭄ᬜᬢ᭄ᬲᬤ᭄ᬟᬳᬭᬸᬧᬶᬢ᭄᭞ᬢᬸᬓ᭄ᬢᬸᬓ᭄ᬧ᭄ᬮᭂᬫ᭄ᬲᬤ᭄ᬟᬕ᭄ᬫᬸᬄ᭞ᬧᬭᬫᬶᬰ᭄ᬯᬭᬷᬗᬦ᭄ᬤᬶᬓ᭞ᬕ᭄ᬮᬸᬓᬕ᭄ᬬᬢ᭄ᬲᬤ᭄ᬟᬚ᭄ᬗᬶᬲ᭄᭞ᬗᬺᬫ᭄ᬧᬶᬦᬶ ᬳᬬᬸ᭞ᬳ᭄ᬜᬾᬦ᭄ᬲᬶᬓᬳᬗ᭄ᬕᭀᬦ᭄ᬲᭀᬫᬄ᭟ᬤᭀᬂᬳᭀᬃᬢ᭄ᬣᬳᬶᬦ᭄ᬓᬸᬤᬩ᭄ᬬᬂ᭞ᬬᬦ᭄‌ᬓ᭄ᬱᬢ᭄ᬭᬶᬬᬬᬦ᭄ᬧ᭄ᬭᬕᬸᬲ᭄ᬢᬶ᭞ᬩ᭄ᬭᬵᬳ᭄ᬫᬡᬯᬃᬕ᭄ᬕᬶᬬᬦ᭄ᬲᬸᬤᬺ᭞ᬬᬾᬦ᭄ᬲᬂᬭᬢᬸᬫᬸᬦ᭄ᬤᭂᬃᬕᬸᬫᬶ᭞ᬳᬚᬓ᭄ᬳᬶ ᬤᬾᬓᬲᬶᬄ᭞ᬭᬵᬤᬾᬦ᭄ᬕᬮᬸᬄᬢᬦ᭄ᬲᬸᬫᬯᬸᬃ᭞ᬧ᭄ᬭᬫᬶᬰ᭄ᬯᬭᬶᬤᬸᬄᬓᬶᬢ᭞ᬢᭀᬬᬦ᭄᭠ᬓ᭄ᬱᬶᬦᬾᬤᬺᬲ᭄ᬫᬶᬚᬶᬮ᭄᭞ᬳᬶᬤᬲᬂᬧ᭄ᬭᬪᬸ᭞ᬩᬳᬕ᭄ᬩᬶᬬᬶᬂᬫᬗᬳ᭄ᬬᬸᬦᬂ᭟ᬬᬾᬦ᭄ᬜᬾᬦ᭄ᬚᬳᭂᬦ᭄ᬢᭀᬗ᭄ᬭᬸᬲ ᬓ᭄᭞ᬫᬸᬦ᭄ᬢᬩ᭄ᬓᬳ᭄ᬬᬸᬦᬾᬫᬶᬦᭂᬳᬶᬦ᭄᭞ᬢᬍᬃᬦᬾᬦ᭄ᬢᭂᬦ᭄ᬓᬓᬳ᭄ᬬᬸᬦᬂ᭞ᬭᬭᬶᬲ᭄ᬫᬗᬦ᭄ᬤᬶᬓᬚ᭄ᬗᬶᬲ᭄᭞ᬓᭂᬫ᭄ᬩᬃᬓ᭄ᬫᬚᬳᬮᬶᬄ᭞ᬳᬶᬧᬢᬶᬄᬮᬦ᭄ᬳᬶᬢᬸᬫᭂᬗ᭄ᬕᬸᬂ᭞ᬢᬸᬦ᭄ᬤᬾᬦ᭄ᬫᬳᬶᬓᬚ᭄ᬭᭀ᭞᭠

Auto-transliteration

[40 40B] 40 rāden'galuḥnĕmbaḥ, sangprabhungandikāris, nanakgaluḥ, mahipahĕkangman'gak. hatmanbapanehidewa, maklotongtahenmahi, rāden'galuḥ‐ mātūralon, tityangndawĕgmātūr̀sisip, manaḥtityangesa‐kit, manguwonrawingmanglimuḥ, pramiśwarimanimbal, bnĕḥcningkcudgati, mahima‐ lu, dīnipahĕkiñjabyang. rāden'galuḥmandĕsĕkang, pramiśwarīrarisnga‐mbil, tanganengcĕlngantĕnang, rarismangandikaharis, sajatidesakit, pana‐ selintangmanulus, dpinmĕlaḥmandusang, dinibyangmamandusin, rāden'galuḥ, rarismĕseḥpatlĕsan. mangrarisringbalejajar̀, sangprabhukagyatmanga‐ [41 41A] ksyi, sar̥ĕnghidapramiśwar̀yya, susunerahadendewī, kñatsadḍaharupit, tuktukplĕmsadḍagmuḥ, paramiśwarīngandika, glukagyatsadḍajngis, ngr̥ĕmpini hayu, hñensikahanggonsomaḥ. donghor̀tthahinkudabyang, yankṣatriyayanpragusti, brāhmaṇawar̀ggiyansudr̥ĕ, yensangratumundĕr̀gumi, hajak'hi dekasiḥ, rāden'galuḥtansumawur̀, pramiśwariduḥkita, toyan‐ksyinedr̥ĕsmijil, hidasangprabhu, bahagbiyingmangahyunang. yenñenjahĕntongrusa k, muntabkahyuneminĕhin, tal̥ĕr̀nentĕnkakahyunang, rarismangandikajngis, kĕmbar̀kmajahaliḥ, hipatiḥlanhitumĕnggung, tundenmahikajro, ‐

Leaf 41

Image on Archive.org

[᭔᭑ 41B] ᭔᭑ ᬳᬶᬓᭂᬫ᭄ᬩᬃᬲᬵᬫ᭄ᬧᬸᬦ᭄ᬫᬮᬳᬶᬩ᭄᭞ᬕ᭄ᬮᬶᬲ᭄ᬭᬯᬸᬄ᭞ᬳᬶᬧᬸᬦ᭄ᬭᬶᬂᬚ᭄ᬭᭀᬓᬧᬢᬶᬳᬦ᭄᭟ᬧ᭄ᬲᬸᬫᬸᬜᬶᬧ᭄ᬕᬢ᭄‌ᬧ᭄ᬕᬢ᭄᭞ᬕᬸᬲ᭄ᬢᬶᬓᬧᬸᬭᬶᬦᬾᬫᬗ᭄ᬓᬶᬦ᭄᭞ᬲᬂᬲᬂᬧ᭄ᬭᬪᬸᬓᬮᬶᬦ᭄ᬢᬂᬳᬩᭀᬢ᭄᭞ ᬕᬸᬲ᭄ᬢᬶᬧᬢᬶᬄᬫᬜᬯᬸᬭᬶᬦ᭄᭞ᬤᬶᬚᬲᬂᬧ᭄ᬭᬪᬸᬫᬮᬶᬗ᭄ᬕᬶᬄ᭞ᬳᬓᭂᬫ᭄ᬩᬃᬕᬾᬳᬸ᭠ᬫᬵᬢᬹᬃ᭞ᬯᬦ᭄ᬢᬄᬭᬶᬂᬧᬸᬭᬶᬧᬶᬲᬦ᭄᭞ᬓᭀᬩᭂᬢ᭄ᬓᬳ᭄ᬬᬸᬦᬾᬫᬗ᭄ᬓᬶᬦ᭄᭞ᬭᬵᬤᬾᬦ᭄ᬕᬮᬸᬄ᭞ᬖᬃᬩ᭄ᬪᬶ ᬦᬶᬢᬦ᭄ᬓᬦ᭄ᬢᭂᬦ᭄ᬗ᭄ᬭᬸᬲᬓ᭄᭟ᬕ᭄ᬮᬸᬳᬧᬢᬶᬄᬫ᭄ᬬᬃᬲᬬᬂ᭞ᬧᬺᬚᬦᬶᬗ᭄ᬮᬯᬸᬢ᭄ᬓᬧᬸᬭᬶ᭞ᬦᬭᭀᬚᭀᬕ᭄ᬗ᭄ᬭᬭᬶᬲ᭄ᬓᬚ᭄ᬭᭀᬲᬂᬧ᭄ᬭᬪᬸᬗᬦ᭄ᬤᬶᬓᬧᬢᬶᬄ᭞ᬳᬶᬦ᭄ᬤᬬᬂᬢᬾᬓ᭄ᬦᭂᬳᬶᬦ᭄᭞ᬚᬦᬶᬮᬘᬸ ᬭᬾᬓᬤᬸᬭᬸᬲ᭄᭞ᬦᬦᬓ᭄ᬕᬮᬸᬄᬫᬗᬶᬤᬫ᭄᭞ᬢᬓᭀᬦᬶᬦ᭄ᬫᭂᬦ᭄ᬤᭂᬧ᭄ᬫᬫᭂᬦ᭄ᬤᬶᬮ᭄᭞ᬢ᭄ᬯᬭᬓᬃᬯ᭄ᬯᬦ᭄᭞ᬬᬾᬦ᭄ᬳᭂᬜᬾᬦ᭄ᬓᬳᬗ᭄ᬕᬾᬦ᭄ᬲᭀᬫᬄ᭟ᬳᬶᬧᬢᬶᬄᬲᬸᬫᬯᬸᬃᬲᭂᬫ᭄ᬩᬄ᭞ᬩ᭄ᬘᬶᬓ᭄ᬭ᭠ [᭔᭒ 42A] ᬢᬸᬫᬗ᭄ᬓᬶᬦ᭄ᬲᬾᬗᬶᬦ᭄᭞ᬧᬭᬫᬦ᭄ᬢ᭄ᬭᬶᬦᬾᬲᬫ᭄ᬬᬦ᭄᭞ᬫᬗ᭄ᬤᬦᬾᬫᬗ᭄ᬓᬶᬦ᭄ᬓᬧᬸᬭᬶ᭞ᬲᬂ᭠ᬧ᭄ᬭᬪᬸᬫᬗ᭄ᬲᬾᬗᬶᬦ᭄᭞ᬳᬚᬳᬦ᭄ᬲᬕᬾᬢᬦ᭄ᬭᬯᬸᬄ᭞ᬧᬭᬫᬦ᭄ᬢ᭄ᬭᬶᬦᬾᬲᬫ᭄ᬬᬦ᭄᭞ᬲᬂᬧ᭄ᬭᬪᬸᬫ᭠ ᬗ᭄ᬭᬭᬶᬲ᭄ᬫᬶᬚᬶᬮ᭄᭞ᬭᬶᬂᬩᬜ᭄ᬘᬶᬗᬄ᭞ᬳᬾᬩᭂᬓ᭄ᬫᬦᬗ᭄ᬓᬶᬮ᭄ᬳᬶᬭᬶᬓ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬦᬾᬫᬓ᭄ᬚᬂᬧᬭᬫᬦ᭄ᬢ᭄ᬭᬶ᭞ᬳᭀᬜᬂᬓ᭄ᬦᭂᬳᬾᬧᬶᬜ᭄ᬘᭂᬭᬂ᭞ᬮᬘᬸᬃᬳᬶᬭᬦᬾᬢᬦ᭄ᬲᬶᬧᬶ᭞ᬦᬾ᭠ ᬦᬦᬓ᭄ᬕᬮᬸᬄᬩ᭄ᬮᬶᬂ᭞ᬢ᭄ᬯᬭᬓᬃᬯ᭄ᬯᬦ᭄ᬲᭀᬫᬄᬳᬓᬸ᭞ᬧᬭᬫᬦ᭄ᬢ᭄ᬭᬾᬦᬾᬲᬫ᭄ᬬᬦ᭄᭞᭠ᬩ᭄ᬗᭀᬂᬢᬦ᭄ᬧᬓ᭄ᬦᭂᬄᬲᬫᬶ᭞ᬢᬦ᭄ᬓᭀᬘᬧ᭞ᬳᬦᬕᬦ᭄ᬢ᭄ᬬᬦᬶᬂᬘᬭᬶᬢ᭟ᬳᬶᬧᬢᬶᬄᬫᬤ᭄ᬭᬶᬳᬸᬫᬳ ᬲ᭄᭞ᬗᬮᬶᬄᬧ᭄ᬭᬪᬸᬥᬃᬫ᭄ᬫᬚᬶ᭞ᬢ᭄ᬯᬭᬓᬧᬗ᭄ᬕᬶᬄᬓᬭᬭᬄ᭞ᬭᬯᬸᬄᬭᬶᬂᬪᭀᬚᬦᬵᬳᬭᬶ᭞ᬤᬧ᭄ᬢᬂᬢ᭄ᬩᭂᬓ᭄ᬕᬢᬶ᭞ᬧᬦᬗ᭄ᬓᬶᬮᬦᬾᬭᬶᬂᬫᬗᬸᬦ᭄ᬢᬸᬃ᭞ᬲ᭄ᬟᭂᬓᬦ᭄ᬫᬧᬳᬶᬕᬸᬫᬦ᭄᭞ᬲᬓ᭄ᬯᬾᬄ

Auto-transliteration

[41 41B] 41 hikĕmbar̀sāmpunmalahib, glisrawuḥ, hipunringjrokapatihan. psumuñipgatpgat, gustikapurinemangkin, sangsangprabhukalintanghabot, gustipatiḥmañawurin, dijasangprabhumalinggiḥ, hakĕmbar̀gehu‐mātūr̀, wantaḥringpuripisan, kobĕtkahyunemangkin, rāden'galuḥ, ghar̀bbhi nitankantĕnngrusak. gluhapatiḥmyar̀sayang, pr̥ĕjaninglawutkapuri, narojogngrariskajrosangprabhungandikapatiḥ, hindayangteknĕhin, janilacu rekadurus, nanakgaluḥmangidam, takoninmĕndĕpmamĕndil, twarakar̀wwan, yenhĕñenkahanggensomaḥ. hipatiḥsumawur̀sĕmbaḥ, bcikra‐ [42 42A] tumangkinsengin, paramantrinesamyan, mangdanemangkinkapuri, sang‐prabhumangsengin, hajahansagetanrawuḥ, paramantrinesamyan, sangprabhuma‐ ngrarismijil, ringbañcingaḥ, hebĕkmanangkilhirika. sangprabhurarisngandika, nemakjangparamantri, hoñangknĕhepiñcĕrang, lacur̀hiranetansipi, ne‐ nanakgaluḥbling, twarakar̀wwansomaḥhaku, paramantrenesamyan, ‐bngongtanpaknĕḥsami, tankocapa, hanagantyaningcarita. hipatiḥmadrihumaha s, ngaliḥprabhudhar̀mmaji, twarakapanggiḥkararaḥ, rawuḥringbhojanāhari, daptangtbĕkgati, panangkilaneringmanguntur̀, sḍĕkanmapahiguman, sakweḥ

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org

Leaf 80

Image on Archive.org

Leaf 81

Image on Archive.org

Leaf 82

Image on Archive.org

Leaf 83

Image on Archive.org

Leaf 84

Image on Archive.org