Gaguritan I Liku 01

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭐᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬫᬰᬶᬥ᭄ᬬᬀ᭛᭐᭛ᬧᬸᬄᬧᬗ᭄ᬓᬸᬃ᭟᭐᭟ᬳᬶᬲᭂᬂᬢᬶᬢ᭄ᬬᬂᬫᬗᬶᬓᭂᬢᬂ᭞ᬗᬯᬾᬓᬶᬤᬸᬂᬢᬸᬢᬸᬭᬦ᭄ᬲᬢ᭄ᬯᬵᬳᬓᬶᬤᬶ ᬓ᭄᭞ᬧᬸᬧᬸᬳᬶᬦ᭄ᬩᬦ᭄ᬲᬶᬦᭀᬫ᭄ᬧᬗ᭄ᬓᬸᬃ᭞ᬗᬯᬾᬧᬜ᭄ᬮᬶᬫᬸᬃᬫᬦᬄ᭞ᬜᬭᬶᬢᬬᬂᬳᬯᬓᬾᬧᬗ᭄ᬓᬄᬢᬸᬃᬳᬚᬸᬫ᭄᭞ᬢ᭄ᬯᬭᬢᬓᬸᬢ᭄ᬓᬕᬸᬬᭀ ᬦᬦ᭄᭞ᬩᬸᬓᬧᭀᬗᬄᬫᬗᬯᬾᬦᬶᬦ᭄᭟᭐ᬦᬗ᭄ᬳᬶᬂᬭᬢᬸᬳᬫ᭄ᬧᬸᬭᬬᬂ᭞ᬳᬲᬶᬂᬓᬬᬸᬦ᭄ᬧᬘᬂᬫᬫᬯᭀᬲᬶᬦ᭄᭞ᬰᬲ᭄ᬢ᭄ᬭᬓᬲᬃᬫ ᬮᬶᬄᬩᬦ᭄ᬥᬸᬂ᭞ᬢᬸᬦᬧᬲᬗᬾᬓᬮᬶᬦ᭄ᬢᬂ᭞ᬗᬯᬾᬓᬶᬤᬸᬂ᭞ᬤᬤᬶᬬᬂᬫᬳᭂᬫ᭄ᬩᬂᬧᬗ᭄ᬓᬸᬃ᭞ᬳᬗ᭄ᬕᬾᬦ᭄ᬜᬮᬶᬫᬸᬭᬂᬫᬦᬄ᭞ᬲᭀᬓ᭄ᬤᭂᬫᭂᬦ᭄ᬢᬶᬬᬂ [᭒ 2A] ᬫᬦᬸᬮᬶᬲ᭄᭟᭐ᬤᬶᬢᬾᬧᬳᬶᬗᬾᬳᬸᬘᬧᬂ᭞ᬯᬭᬲᬶᬦ᭄ᬢᬵ᭞ᬳᬶᬭᬶᬓᬫᬗᬯᬶᬢᬶᬦ᭄᭞ᬰᬰᬶᬄᬓᬢᬶᬕᬵᬫᬦᭂᬫᬸ᭞ᬲᭂᬤᭂᬓ᭄ᬢᬗ᭄ᬕᬮ᭄ᬧᬶᬂᬮᬶ ᬫᬵ᭞ᬫᬗᬸᬗ᭄ᬕᬳᬂ᭞ᬲᬢ᭄ᬯᬵᬦᬾᬳᬶᬮᬢ᭄ᬣᬢᬸᬳᬸ᭞ᬓᭀᬘᬧ᭄ᬲᬂᬧ᭄ᬭᬪᬸᬭᬶᬂᬤᭂᬳᬵ᭞ᬳᬶᬤᬵᬗᬗ᭄ᬕᬾᬦ᭄ᬧᬸᬢ᭄ᬭᬵᬯ᭄ᬬᬓ᭄ᬢᬶ᭟᭐ᬳᬶᬤᬵᬲᬂᬧ᭄ᬭᬪᬸᬭᬶᬂᬤᭂ ᬳᬵ᭞ᬫᬓᬵᬤᬶᬦ᭄ᬜᬳᬶᬤ᭄ᬯᬕᬸᬂᬧᬸᬢᬸᬯ᭄ᬬᬓ᭄ᬢᬶ᭞ᬓᬮᬶᬓᬸᬢ᭄ᬳᬦ᭄ᬢᬸᬓ᭄ᬳᬶᬮᬶᬫ᭄ᬩᬸᬃ᭞ᬦ᭄ᬢᭀᬳᬯᬦᬦ᭄ᬧ᭄ᬭᬫᬶᬰ᭄ᬯᬃᬬ᭄ᬬ᭞ᬬᬓᬢᬸᬡ᭄ᬥᬸᬂ᭞ᬓᬓᬸᬢᬂᬭᬶᬂᬳᬮ ᬲ᭄ᬳᬕᬸᬂ᭞ᬭᬳᬵᬤᬾᬦ᭄ᬕᬮᬸᬄᬤᭂᬳᬵ᭞ᬓᬓᬸᬢᬂᬢᬸᬃᬓᬧᭂᬘᬢᬶᬦ᭄᭟᭐ᬳᬶᬮᬶᬫ᭄ᬩᬸᬃᬫᬗ᭄ᬓᬶᬦ᭄ᬳᬸᬘᬧᬂ᭞ᬲᬫ᭄ᬧᬸᬦ᭄ᬤᬦᬾᬫᬤ᭄ᬯᬾᬳᭀᬓᬓᬓᬵᬮᬶᬄ᭞

Auto-transliteration

[1 1B] 1 /// 0 /// oṁawighnamāstunamaśidhyaṃ /// 0 /// puḥpangkur̀. 0. hisĕngtityangmangikĕtang, ngawekidungtuturansatwāhakidi k, pupuhinbansinompangkur̀, ngawepañlimur̀manaḥ, ñaritayanghawakepangkaḥtur̀hajum, twaratakutkaguyo nan, bukapongaḥmangawenin. 0nanghingratuhampurayang, hasingkayunpacangmamawosin, śastrakasar̀ma liḥbandhung, tunapasangekalintang, ngawekidung, dadiyangmahĕmbangpangkur̀, hanggenñalimurangmanaḥ, sokdĕmĕntiyang [2 2A] manulis. 0ditepahingehucapang, warasintā, hirikamangawitin, śaśiḥkatigāmanĕmu, sĕdĕktanggalpingli mā, mangunggahang, satwānehilatthatuhu, kocapsangprabhuringdĕhā, hidānganggenputrāwyakti. 0hidāsangprabhuringdĕ hā, makādinñahidwagungputuwyakti, kalikut'hantuk'hilimbur̀, ntohawananpramiśwar̀yya, yakatuṇdhung, kakutangringhala shagung, rahāden'galuḥdĕhā, kakutangtur̀kapĕcatin. 0hilimbur̀mangkinhucapang, sampundanemadwehokakakāliḥ,

Leaf 2

Image on Archive.org

[᭒ 2B] ᭒ ᬯᬃᬡ᭄ᬦᬦᬾᬓᬮᬶᬦ᭄ᬢᬂᬍᬢᬸᬄ᭞ᬢ᭄ᬯᬭᬵᬫᬶᬭᬶᬩ᭄ᬫᬦᬸᬱ᭞ᬩᭀᬓᬾᬩᬭᬓ᭄᭞ᬳᬯᬓᬾᬓᬄᬓᬄᬢᬸᬃᬓᭂᬩᬸᬦ᭄᭞ᬫᬶᬭᬶᬩ᭄ᬬᬢᭀᬜᬦ᭄ᬳᬮᬲ᭄᭞ ᬲᬫ᭄ᬧᬸᬦ᭄ᬤᬸᬳᬸᬃᬫᬓᬓᬵᬮᬶᬄ᭟᭐ᬳᬶᬤᬲᬂᬪᬸᬭᬶᬂᬤᭂᬳᬵ᭞ᬧ᭄ᬭᬫᬗ᭄ᬓᬶᬦ᭄ᬗᬸᬢᬸᬲ᭄ᬧᬋᬓᬦ᭄ᬫᬫᬃᬕ᭄ᬕᬶ᭞ᬓᬓᭀᬭᬶᬧᬦ᭄‌ᬗ᭄ᬮᬯᬸᬢ᭄᭞ᬧᬋᬓ᭄‌ᬫ᭄ᬯᬂ ᬳᬗᬯᬲᬹᬭᬢ᭄᭞ᬤᬕᬶᬂᬧᬗ᭄ᬭᬯᭀᬲᬾᬧᬸᬧᬸᬢ᭄᭞ᬳᬶᬭᬶᬓᬢ᭄ᬮᬲ᭄ᬭᬶᬂᬲᬹᬭᬢ᭄᭞ᬳᬸᬢᬸᬲᬦ᭄‌ᬕ᭄ᬮᬶᬲ᭄ᬫᬫᬃᬕ᭄ᬕᬶ᭟᭐ᬧᬸᬗ᭄ᬕ᭄ᬯᬶᬂᬲᬹᬭᬢ᭄ᬧᬤᬕᬶᬗ ᬦ᭄᭞ᬢᬦ᭄ᬮ᭄ᬬᬦ᭄ᬳᬶᬤ᭄ᬯᬕᬸᬂᬧᬸᬢᬸᬓᬳᬾᬲ᭄ᬢᬶ᭞ᬬᭀᬕ᭄ᬬᬧᬢᬹᬢ᭄ᬓᬗ᭄ᬕᬾᬦ᭄ᬫᬦ᭄ᬢᬸ᭞ᬤᬾᬦᬶᬂᬓᬧᬺᬡᬄᬓᬧᬸᬢ᭄ᬭᬵ᭞ᬫᬫᬶᬂᬲᬶᬓ᭄ᬬᬵ᭞ᬭᬶᬂᬳᬶᬤᬵᬳᬶᬕ [᭓ 3A] ᬮᬸᬄᬮᬶᬓᬸ᭞ᬳᬯᬶᬦᬦ᭄ᬲᬂᬧ᭄ᬭᬪᬸᬤᭂᬳᬵ᭞ᬳᬶᬤᬵᬗᬃᬱᬬᬂᬧ᭄ᬭᬫᬗ᭄ᬓᬶᬦ᭄᭟᭐ᬦᬗ᭄ᬳᬶᬂᬧᬘᬂᬓᬩᬸᬜ᭄ᬘᬶᬗᬂ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬦᬸᬭᭀᬦᬶᬦ᭄᭞ ᬦᬗ᭄ᬳᬶᬂᬤᬸᬭᬸᬂᬳᬶᬤᬵᬓᬬᬸᬦ᭄᭞ᬓᬭᬶᬳᬶᬤᬵᬫᬦᬢᬲᬂ᭞ᬫᬜᬶᬗᬓᬶᬦ᭄᭞ᬬᬦ᭄ᬳᬬᬸᬮᬯᬦ᭄ᬢᬦ᭄ᬳᬬᬸ᭞ᬭᬭᬶᬲ᭄ᬳᬶᬤᬵᬫᬫᬃᬕ᭄ᬕᬵ᭞ᬓᬓᬓ ᬓᬵᬲᬫᬶᬗᬶᬭᬶᬂ᭟᭐ᬗ᭄ᬭᬭᬶᬲ᭄ᬳᬶᬤᬵᬗᬧᬸᬃᬬ᭄ᬬᬂ᭞ᬓ᭄ᬭᬶᬦᬭᬾᬦ᭄ᬤ᭄ᬭᬲᭂᬤᭂᬓ᭄ᬳᬶᬤᬵᬫᬮᬶᬗ᭄ᬕᬶᬄ᭞ᬭᬶᬂᬦᬢᬄᬕ᭄ᬥᭀᬗᬾᬫᬗᬸᬦ᭄ᬗᬸᬦ᭄᭞ᬢᬢᬶᬕᬵᬫ ᬲᬋᬗᬦ᭄᭞ᬳᬦᬓ᭄ᬭᬩᬶᬫᬓᬤᬶᬳᬶᬤᬵᬲᬂᬧ᭄ᬭᬪᬸ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬢᬸᬭᬵ᭞ᬓᬕ᭄ᬬᬢ᭄ᬳᬶᬤᬵᬰ᭄ᬭᬶᬪᬹᬧᬢᬶ᭟᭐ᬗᬦ᭄ᬤᬶᬓᬰ᭄ᬭᬶᬦᬭᬦᬵ

Auto-transliteration

[2 2B] 2 war̀ṇnanekalintangl̥ĕtuḥ, twarāmiribmanuṣa, bokebarak, hawakekaḥkaḥtur̀kĕbun, miribyatoñanhalas, sampunduhur̀makakāliḥ. 0hidasangbhuringdĕhā, pramangkinngutuspar̥ĕkanmamar̀ggi, kakoripannglawut, par̥ĕkmwang hangawasūrat, dagingpangrawosepuput, hirikatlasringsūrat, hutusan'glismamar̀ggi. 0punggwingsūratpadaginga n, tanlyanhidwagungputukahesti, yogyapatūtkanggenmantu, deningkapr̥ĕṇaḥkaputrā, mamingsikyā, ringhidāhiga [3 3A] luḥliku, hawinansangprabhudĕhā, hidāngar̀ṣayangpramangkin. 0nanghingpacangkabuñcingang, hidwagungputramanuronin, nanghingdurunghidākayun, karihidāmanatasang, mañingakin, yanhayulawantanhayu, rarishidāmamar̀ggā, kakaka kāsamingiring. 0ngrarishidāngapur̀yyang, krinarendrasĕdĕk'hidāmalinggiḥ, ringnataḥgdhongemangunngun, tatigāma sar̥ĕngan, hanakrabimakadihidāsangprabhu, hidwagungputramaturā, kagyat'hidāśribhūpati. 0ngandikaśrinaranā

Leaf 3

Image on Archive.org

[᭓ 3B] ᭓ ᬣ᭞ᬳᬤᬸᬄᬪᬵᬕ᭄ᬬᬩᬧᬳᬶᬤᬾᬯᬧ᭄ᬭᬧ᭄ᬢᬶ᭞ᬜᬾᬦ᭄ᬫᬜᬋᬗᬶᬦ᭄ᬳᬶᬤᬾᬯᬭᬯᬸᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬜᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬓᬾ ᬯᬦ᭄ᬢᭂᬦ᭄ᬧᬸᬦᬶᬓᬶᬧᬸᬧᬸᬢ᭄᭞ᬦᬄᬚᬦᬶᬤᬾᬯᬢᬸᬢᬸᬕᬂ᭞ᬢᬺᬱ᭄ᬡᬦ᭄ᬩᬕᬸᬲᬾᬓᬾᬦ᭄ᬳᬚᬶ᭟᭐ᬳᭂᬦᬾᬤᬾᬯᬚᬦᬶᬚᬸᬯᬂ᭞ᬜᬫᬦ᭄ᬳᬶᬤᬵ ᬮᬯᬸᬢᬂᬳᬚᬓ᭄ᬫᬸᬮᬶᬄ᭞ᬳᬶᬮᬶᬫ᭄ᬩᬸᬃᬫᬮᬸᬫᬳᬢᬸᬃ᭞ᬤᬸᬄᬤᬾᬯᬦ᭄ᬢ᭄ᬬᬗᬾᬳᬶᬤᬵ᭞ᬳᭂᬤᬚᬢᬸᬮᬓ᭄᭞ᬳᬶᬥᭂᬧᬂᬫᬗ᭄ᬤᬵᬭᬳᬬᬸ᭞ᬳᬶ ᬤ᭄ᬯᬕᬸᬂᬧᬸᬢ᭄ᬭᬫᬦᬶᬫ᭄ᬩᬮ᭄᭞ᬕᭂᬤᭂᬕ᭄ᬓᬬᬸᬦᬾᬢᬦ᭄ᬲᬶᬧᬶ᭟᭐ᬫᬢᬸᬃᬢᭀᬗᬸᬤᬯᬲ᭄ᬢᬦ᭄ᬜᬵ᭞ᬕᬸᬭᬸᬳᬚᬶᬗᬦ᭄ᬤᬶᬓᬬᬂᬢᬶᬢ᭄ᬬᬂᬗᬫ᭄ᬩᬶᬮ᭄᭞ [᭔ 4A] ᬩᬾᬮᭀᬗᬾᬫᭂᬩᭀᬫᬓ᭄ᬥᬸᬲ᭄᭞ᬳᭂᬩᭀᬦ᭄ᬦᬾᬓᬮᬶᬯᬢ᭄ᬳᭂᬗᬲ᭄᭞ᬩᭀᬬᬜᬦ᭄ᬤ᭞ᬩᬢᬶᬲ᭄ᬢᬶᬢ᭄ᬬᬗᬾᬓᬳᬸᬲᬸᬤ᭄᭞ᬫᬗ᭄ᬤᬵᬫᬮᬶᬄ ᬫᬗᬸᬗ᭄ᬕᬳᬂ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭟᭐ᬫᬘ᭄ᬩᬸᬃᬭᬭᬶᬲ᭄ᬫᬫᬃᬕ᭄ᬕ᭞ᬭᬭᬶᬲ᭄ᬗᭀᬚᭀᬕ᭄ᬳᬶᬤᬧ᭄ᬭᬫᬾᬰ᭄ᬯᬭᬶ᭞ᬤᬫ᭄ᬧᭂᬢᬂᬳᬶᬤᬫᬢᬶᬫ᭄ᬧᬸᬄ᭞ᬭ ᬤᬾᬦ᭄ᬫᬦ᭄ᬢ᭄ᬭᬶᬫᬜᭂᬫ᭄ᬩᬄ᭞ᬧ᭄ᬭᬫᬾᬰ᭄ᬯᬭᬶ᭞ᬗᬦ᭄ᬤᬶᬓᬤᬸᬄᬦᬦᬓ᭄ᬩᬕᬸᬲ᭄᭞ᬳᬶᬤᬾᬯᬵᬳᬶᬧᬶᬤᬦ᭄ᬢᭂᬓ᭞ᬳᬧᬧᬤ᭄ᬬᬦ᭄ᬳᬶᬤᬵᬫᬳᬶ᭟᭐ᬫᬢᬸᬃᬳᬶ ᬤ᭄ᬯᬕᬸᬂᬧᬸᬢ᭄ᬭᬵ᭞ᬩ᭄ᬬᬂᬲᭀᬭᬶᬲᬤ᭄ᬬᬦ᭄ᬢᬶᬢ᭄ᬬᬂᬯᬦ᭄ᬢᬄᬫ᭄ᬭᬶᬓᬶ᭞ᬧᬘᬂᬗᬫ᭄ᬩᬶᬮ᭄ᬳᬶᬳᬤᬶᬳᬬᬸ᭞ᬲᬶᬦᬗ᭄ᬕᬸᬄᬢᬶᬢ᭄ᬬᬂ᭞ᬫᬤ᭄ᬭᬸᬯᬾᬧᬸᬢ᭄ᬭᬳᬶᬲ᭄ᬢ᭄ᬭᬶᬲᬫ᭄ᬧᬸᬦ᭄ᬤᬸᬳᬸᬃ᭞

Auto-transliteration

[3 3B] 3 tha, haduḥbhāgyabapahidewaprapti, ñenmañar̥ĕnginhidewarawuḥ, radenmantrimañĕmbaḥ, hinggiḥratuke wantĕnpunikipuput, naḥjanidewatutugang, tr̥ĕṣṇanbagusekenhaji. 0hĕnedewajanijuwang, ñamanhidā lawutanghajakmuliḥ, hilimbur̀malumahatur̀, duḥdewantyangehidā, hĕdajatulak, hidhĕpangmangdārahayu, hi dwagungputramanimbal, gĕdĕgkayunetansipi. 0matur̀tongudawastanñā, guruhajingandikayangtityangngambil, [4 4A] belongemĕbomakdhus, hĕbonnekaliwat'hĕngas, boyañanda, batistityangekahusud, mangdāmaliḥ mangunggahang, nemangkintityangmapamit. 0macbur̀rarismamar̀gga, rarisngojog'hidaprameśwari, dampĕtanghidamatimpuḥ, ra denmantrimañĕmbaḥ, prameśwari, ngandikaduḥnanakbagus, hidewāhipidantĕka, hapapadyanhidāmahi. 0matur̀hi dwagungputrā, byangsorisadyantityangwantaḥmriki, pacangngambilhihadihayu, sinangguḥtityang, madruweputrahistrisampunduhur̀,

Leaf 4

Image on Archive.org

[᭔ 4B] ᭔ ᬅᬚᬶᬫᬗᭂᬲᬾᬗᬶᬦ᭄ᬢᬶᬢ᭄ᬬᬂ᭞ᬳᬯᬶᬦᬦ᭄ᬢᬶᬢ᭄ᬬᬂᬭᬯᬸᬄᬫ᭄ᬭᬶᬓᬶ᭟᭐ᬲᬫ᭄ᬧᬸᬦ᭄ᬳᬶᬧᬸᬦ᭄ᬧᬗ᭄ᬕᬶᬄᬢᬶᬢ᭄ᬬᬂ᭞ᬫᬓᬓᬵᬮᬶᬄᬫᬶᬭᬶᬩ᭄ᬬᬧᬦᬓ᭄ᬯᬶᬮ᭄᭞ᬳ ᬯᬓ᭄ᬓᬄᬓᬄᬕ᭄ᬭᬸᬄᬓᭂᬩᬸᬦ᭄᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬦᬶᬫ᭄ᬩᬮ᭄᭞ᬤᬸᬄᬫᬵᬲ᭄ᬫᬶᬭᬄᬮᬘᬸᬃᬲᬦ᭄ᬳᬶᬤᬾᬯᬵᬩᬕᬸᬲ᭄᭞ᬓᬵᬃᬫ᭄ᬫᬦ᭄ᬳᬶᬤᬾᬯᬦᬾᬳᬶᬮᬂ᭞ᬳᬤᬶᬦ᭄ᬳᬶ ᬤᬾᬯᬦᬾᬤᬶᬦᬶ᭟᭐ᬫᬦᬸᬚᬸᬢᬶᬍᬫ᭄ᬓᬢᬫᬦ᭄᭞ᬳᬮᬶᬮᬮᬶᬮᬧᬋᬓᬦ᭄ᬳᬓᬾᬄᬫᬗᬶᬭᬶᬂ᭞ᬤᬤ᭄ᬬᬦ᭄ᬜᬲᬕᬾᬢᬦ᭄ᬮᬶᬫᬸᬢ᭄᭞ᬧᭂᬢᭂᬂᬦ᭄ᬤᬢᬦ᭄ ᬧᬲᬶᬗ᭄ᬓᬩᬦ᭄᭞ᬩᬶᬗᬸᬂᬧᬮᬶᬂᬧᬜ᭄ᬚᬓᬾᬦᭂᬕᬓ᭄ᬫᬧᬸᬡ᭄ᬥᬸᬄ᭞ᬭᬳᬶᬦ᭄ᬳᬶᬤᬵᬮᬳᬸᬢ᭄ᬳᬶᬮᬂ᭞ᬓᬾᬢᭀᬧᬶᬤᬃᬢ᭄ᬣᬦ᭄ᬜᬭᬶᬳᬶᬦ᭄᭟᭐ᬧ᭄ᬭᬩᭂᬓᭂᬮ᭄ [᭕ 5A] ᬮᬸᬯᬲ᭄ᬫᬶᬍᬳᬦ᭄᭞ᬫᬜᬺᬧᬂᬫᬲᬶᬄᬢ᭄ᬯᬭᬓᬧᬗ᭄ᬕᬶᬄ᭞ᬩ᭄ᬬᬂᬚᬸᬫᬄᬲᭂᬤᬶᬄᬩ᭄ᬓᬸᬢ᭄᭞ᬩ᭄ᬭᬕ᭄‌ᬢ᭄ᬯᬭᬫᬤᬳᬃ᭞ᬭᬤᬾᬦ᭄ᬫᬦ᭄ᬢ᭄ᬭᬶᬤᬤᬶᬳᬶ ᬤᬵᬚᬦᬶᬕ᭄ᬮᬸ᭞ᬩᭂᬗᭀᬂᬩᭂᬗᭀᬂᬫᬧᬗᭂᬦᬦ᭄᭞ᬫᬲᬶᬄᬫᬤᬸᬮᬸᬭᬦ᭄ᬢᬗᬶᬲ᭄᭟᭐ᬢᬦ᭄ᬧᭂᬕᬢ᭄ᬫᬲᬲᬫ᭄ᬩᬢᬦ᭄᭞ᬫᬲᭂᬮ᭄ᬲᭂᬮᬦ᭄ᬜ ᬫ᭄ᬩᬢ᭄ᬲᬂᬦᬺᬧᬢᬶ᭞ᬫᬓᬵᬤᬶᬳᬶᬤ᭄ᬯᬕᬸᬂᬧᬸᬢᬸ᭞ᬩᭂᬲ᭄ᬢᬦ᭄‌ᬗᬺᬗᭂᬧᬶᬲᬦ᭄᭞ᬢ᭄ᬯᬭᬗᬶᬢᬸᬂ᭞ᬕᬸᬫᬶᬦᬾᬫᬦᬤᬶᬬᬭᬸᬕ᭄᭞ᬦᬾᬦᬾᬜ ᬦ᭄ᬤᬂᬧ᭄ᬭᬫᬶᬰ᭄ᬯᬃᬬ᭄ᬬ᭞ᬓᬓᬸᬢᬂᬢᬸᬃᬓᬧᭂᬕᬢᬶᬦ᭄᭟᭐ᬭᬭᬶᬲ᭄ᬳᬶᬤᬵᬫᬢᬸᬃᬜᭂᬫ᭄ᬩᬄ᭞ᬩ᭄ᬬᬂᬲᭀᬭᬶᬢᬶᬢ᭄ᬬᬂᬦᬸᬦᬲ᭄ᬫᬧᬫᬶᬢ᭄᭞ᬳᬶᬭᬶᬓᬶ

Auto-transliteration

[4 4B] 4 ajimangĕsengintityang, hawinantityangrawuḥmriki. 0sampunhipunpanggiḥtityang, makakāliḥmiribyapanakwil, ha wakkaḥkaḥgruḥkĕbun, śripramiśwarinimbal, duḥmāsmiraḥlacur̀sanhidewābagus, kār̀mmanhidewanehilang, hadinhi dewanedini. 0manujutil̥ĕmkataman, halilalilapar̥ĕkanhakeḥmangiring, dadyanñasagetanlimut, pĕtĕngndatan pasingkaban, bingungpalingpañjakenĕgakmapuṇdhuḥ, rahinhidālahut'hilang, ketopidar̀tthanñarihin. 0prabĕkĕl [5 5A] luwasmil̥ĕhan, mañr̥ĕpangmasiḥtwarakapanggiḥ, byangjumaḥsĕdiḥbkut, bragtwaramadahar̀, radenmantridadihi dājaniglu, bĕngongbĕngongmapangĕnan, masiḥmadulurantangis. 0tanpĕgatmasasambatan, masĕlsĕlanña mbatsangnr̥ĕpati, makādihidwagungputu, bĕstanngr̥ĕngĕpisan, twarangitung, guminemanadiyarug, neneña ndangpramiśwar̀yya, kakutangtur̀kapĕgatin. 0rarishidāmatur̀ñĕmbaḥ, byangsoritityangnunasmapamit, hiriki

Leaf 5

Image on Archive.org

[᭕ 5B] ᭕ ᬚᬩ᭄ᬬᬂᬳᬕᬸᬂ᭞ᬧᬕᭂᬳᬂᬫᬗᬲ᭄ᬢᬯ᭞ᬧᬸᬗ᭄ᬓᬸᬃᬯᭂᬓᬲ᭄᭞ᬲᬶᬜᬯᬾᬦ᭄ᬢᭂᬦ᭄ᬳᬶᬘ᭄ᬘᬵᬢᬸᬤᬸᬄ᭞ᬓᬧᬗ᭄ᬕᬶᬄᬚᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬶᬭᬶᬓᬢᬶᬢ᭄ᬬᬂ ᬫᬦᬗ᭄ᬓᬶᬮ᭄᭟᭐ᬫᬤᬩ᭄ᬤᬩᬦ᭄ᬭᬭᬶᬲ᭄ᬫᬫᬃᬕ᭄ᬕ᭞ᬧᬭᬓᬓᬦᬾᬜᬸᬫ᭄ᬩᬄᬫᬢᬸᬃᬳᬭᬶᬲ᭄᭞ᬫᬩ᭄ᬭᬶᬬᬸᬓ᭄ᬳᬢᬸᬭᬾᬧᬢᬸᬄ᭞ᬤᬸᬄᬤᬾᬯᬲᬸᬲᬸ ᬳᬸᬦᬦ᭄᭞ᬦᬸᬦᬲ᭄ᬭᬢᬸᬧᬋᬓ᭄ᬭᬶᬂᬳᬶᬤ᭄ᬯᬕᬸᬂᬧᬸᬢᬸ᭞ᬭᬶᬂᬭᬓᬦ᭄‌ᬘᭀᬓᭀᬃᬳᬶᬤᬾᬯ᭞ᬭᬶᬂᬳᬶᬤᬵᬫᬗ᭄ᬓᬶᬦ᭄ᬫᬧᬫᬶᬢ᭄᭚᭐᭚ᬰᬶ᭚ ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬸᬃᬬ᭄ᬬᬦ᭄᭞ᬳᬶᬤ᭄ᬯᬕᬸᬂᬧᬸᬢᬸᬫᬮᬶᬗ᭄ᬕᬶᬄ᭞ᬓᬢᬗ᭄ᬓᬶᬮ᭄ᬳᬦ᭄ᬢᬸᬓ᭄ᬧᬋᬓᬦ᭄᭞ᬳᬶᬲ᭄ᬢ᭄ᬭᬶᬓᬭᬶᬳᬮᬶᬢ᭄ᬳᬮᬶᬢ᭄᭞ᬳᬶᬮᬶ [᭖ 6A] ᬫ᭄ᬩᬸᬃᬦᬾᬢᬦ᭄ᬫᬭᬶ᭞ᬭᬶᬂᬘᬶᬗᬓ᭄ᬫᬕᬦ᭄ᬢᬸᬂᬕᬦ᭄ᬢᬸᬂ᭞ᬓᬗ᭄ᬕᬾᬦ᭄ᬳᬃᬘᬵᬭᬶᬂᬢᬶᬮᬫ᭄᭞ᬫᬸᬓ᭄ᬢᬶᬭᬰ᭄ᬫᬶᬦᬶᬗᬕᬸᬫᬶ᭞ᬲᬕᬾᬢ᭄ᬭᬯᬸᬄ᭞ᬳᬶᬤ᭄ᬯᬕᬸᬂᬧᬸ ᬢ᭄ᬭᬲᬕ᭄ᬭᭂᬳᬦ᭄᭟᭐ᬳᬶᬤ᭄ᬯᬕᬸᬂᬧᬸᬢᬸᬗᭂᬮᬶᬲᬂ᭞ᬫᬲᬳᬸᬃᬭᬭᬶᬲ᭄ᬫᬗᬫ᭄ᬩᬶᬮ᭄᭞ᬢᬗᬦᬾᬳᬶᬤ᭄ᬯᬕᬸᬂᬧᬸᬢ᭄ᬭᬵ᭞ᬫᬤᬦ᭄ᬤᬦ᭄ᬫᬸᬗ᭄ᬕᬄᬫᬮᬶᬗ᭄ᬕᬶᬄ᭞ᬫ ᬜᬧᬯᬘᬡ᭄ᬦᬫᬦᬶᬲ᭄᭞ᬤᬸᬄᬫᬵᬲ᭄ᬫᬶᬭᬄᬳᬦᬓ᭄ᬳᬕᬸᬂ᭞ᬳᬧᬲᬤ᭄ᬬᬦ᭄ᬳᬶᬤᬾᬯ᭞ᬤᬶᬧᬶᬤᬦ᭄ᬳᬶᬤᬵᬫᬭᬶᬓᬶ᭞ᬤ᭄ᬯᬕᬸᬂᬧᬸᬢ᭄ᬭ᭞ᬭᬭᬶᬲ᭄ᬫᬢᬸᬃᬲ ᬳᬲᭂᬫ᭄ᬩᬄ᭟᭐ᬢᬶᬢ᭄ᬬᬂᬳᬶᬦᬸᬦᬶᬲᭂᬫᭂᬗᬦ᭄᭞ᬲᬤ᭄ᬬᬦ᭄ᬢᬶᬢ᭄ᬬᬂᬯᬦ᭄ᬢᬄᬦᬗ᭄ᬓᬶᬮ᭄᭞ᬳᬦ᭄ᬢᬸᬓ᭄ᬭᬳᬬᬸᬦᬾᬮᬶᬦ᭄ᬢᬂ᭞ᬩ᭄ᬮᬶᬫᬮᬶᬗ᭄ᬕᬶᬄᬭᬶᬂᬧᬸᬭᬶ᭞

Auto-transliteration

[5 5B] 5 jabyanghagung, pagĕhangmangastawa, pungkur̀wĕkas, siñawentĕnhiccātuduḥ, kapanggiḥjahantuktityang, hirikatityang manangkil. 0madabdabanrarismamar̀gga, parakakaneñumbaḥmatur̀haris, mabriyuk'haturepatuḥ, duḥdewasusu hunan, nunasratupar̥ĕkringhidwagungputu, ringrakancokor̀hidewa, ringhidāmangkinmapamit // 0 // śi // sampunrawuḥringpur̀yyan, hidwagungputumalinggiḥ, katangkilhantukpar̥ĕkan, histrikarihalit'halit, hili [6 6A] mbur̀netanmari, ringcingakmagantunggantung, kanggenhar̀cāringtilam, muktiraśminingagumi, sagetrawuḥ, hidwagungpu trasagrĕhan. 0hidwagungputungĕlisang, masahur̀rarismangambil, tanganehidwagungputrā, madandanmunggaḥmalinggiḥ, ma ñapawacaṇnamanis, duḥmāsmiraḥhanak'hagung, hapasadyanhidewa, dipidanhidāmariki, dwagungputra, rarismatur̀sa hasĕmbaḥ. 0tityanghinunisĕmĕngan, sadyantityangwantaḥnangkil, hantukrahayunelintang, blimalinggiḥringpuri,

Leaf 6

Image on Archive.org

[᭖ 6B] ᭖ ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬢᬡ᭄ᬥᬶᬂ᭞ᬫᬓᬵᬤᬶᬳᬶᬤᬲᬂᬧ᭄ᬭᬪᬸ᭞ᬩ᭄ᬯᬢ᭄ᬫᬗᭂᬲᬾᬗᬶᬦ᭄ᬢᬶᬢ᭄ᬬᬂ᭞ᬳᬯᬶᬦᬦ᭄ᬢᬶᬢ᭄ᬬᬂᬫᬦᬗ᭄ᬓᬶᬮ᭄᭞ᬕ᭄ᬮᬶᬲ᭄ᬭᬯᬸᬄ᭞ᬯᬾᬦ᭄ᬢᭂᬦ᭄ ᬧᬘᬂᬓᬢᬸᬦᬲᬂ᭟᭐ᬧᬗᬭᬯᭀᬲ᭄ᬳᬸᬭᬶᬦ᭄ᬳᬶᬤᬾᬯ᭞ᬢᬶᬢ᭄ᬬᬂᬢ᭄ᬮᬲ᭄‌ᬯᬦ᭄ᬢᬄᬗᬶᬭᬶᬂ᭞ᬤᬾᬦᬶᬂᬫᬲᬮᬶᬦᬦ᭄ᬯᬃᬡ᭄ᬦ᭞ᬳᬸᬍᬤ᭄ᬢᬦᬳᬾᬫᬓᬫ᭄ᬧᬶᬤ᭄᭞ ᬫ᭄ᬭᬓᬾᬗᬸᬭᬕ᭄ᬢᬸᬃᬕᭂᬲᬶᬢ᭄᭞ᬩᬗ᭄ᬓᬸᬂᬩ᭄ᬭᬕᬾᬤᬶᬤᬸᬳᬸᬃ᭞ᬫᭂᬤᭂᬫ᭄ᬫᬕᬍᬂᬮᬶᬫ᭞ᬲᬸᬳᬸᬤ᭄ᬗᬫᬄᬩᬜᬸᬧᭂᬗᬶᬢ᭄᭞ᬬᬾᬦ᭄ᬜᬫᬦ᭄ᬥᬸᬲ᭄᭞ᬓᬓᬼ ᬩᬸᬢᬦᬾᬮᬓᬸᬦ᭄ᬜ᭟᭐ᬲᬧᬸᬦᬶᬓᬳᬦ᭄ᬢᬸᬓ᭄ᬳᬶᬤᬵ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬶᬭᬶᬗᬶᬦ᭄᭞ᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬓᬋᬗᭃ᭞ᬳᬸᬮᬢ᭄ᬜᬭᬸᬯᬂᬫᬜᬶ [᭗ 7A] ᬮᬶᬩ᭄᭞ᬦᬄᬳᬸᬘᬧᬂᬦᬾᬦᬾᬫᬗ᭄ᬓᬶᬦ᭄᭞ᬫᬃᬕ᭄ᬕᬦ᭄ᬳᬶᬤ᭄ᬯᬕᬸᬗᬾᬢᭂᬧᬸᬓ᭄᭞ᬢ᭄ᬯᬭᬤᬤᬶᬳᭂᬮᬾᬦᬂ᭞ᬳᬧᬦ᭄ᬧᬦᬶᬢᬳᬶᬂᬯᬶᬥᬶ᭞ᬲ ᬕᬾᬢ᭄ᬭᬯᬸᬄ᭞ᬳᬶᬮᬢ᭄ᬣᬵᬫᬦᬫ᭄ᬧᬘᬦᬂ᭟᭐ᬫᭂᬯᬤᬄᬮᬮᬜ᭄ᬘᬂᬳ᭄ᬫᬲ᭄᭞ᬳᬶᬤ᭄ᬯᬕᬸᬂᬧᬸᬢᬸᬦ᭄ᬤᬯᬸᬳᬶᬦ᭄᭞ᬮᬢ᭄ᬣᬵᬦᬄᬫᬳᬶᬧᬳᭂᬓᬂ᭞ ᬳᬢᬸᬭᬂᬢᭂᬓᬾᬦ᭄ᬳᬶᬬᬤᬶ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬜᬶᬗᬓᬶᬦ᭄᭞ᬤᬤᬶᬓᬲ᭄ᬫᬭᬵᬦ᭄ᬳᬸᬮᬗᬸᬦ᭄᭞ᬢᬦ᭄ᬧᭂᬕᬢ᭄ᬫᬦᬼᬓ᭄ᬢᭂᬓᬂ᭞ᬫᬫᬃᬕ᭄ᬕᬶᬢ ᬦ᭄ᬦᬫ᭄ᬧᬓ᭄ᬱᬶᬢᬶ᭞ᬬᬦ᭄ᬫᬮ᭄ᬬᬢ᭄᭞ᬭᬲᬦᭂᬩᭂᬓ᭄ᬩᬢᬸᬦ᭄ᬫᬦᬄ᭟᭐ᬓ᭄ᬮᬶᬬᬄᬘᬳ᭄ᬬᬦᬾᬤᬸᬫᬶᬮᬄ᭞ᬭᬲᬦ᭄ᬜᬗᭂᬩᭂᬓᬶᬦ᭄ᬕᬸᬫᬶ᭞ᬦᬗ᭄ᬳᬶᬂ

Auto-transliteration

[6 6B] 6 nentĕnwentĕnmataṇdhing, makādihidasangprabhu, bwatmangĕsengintityang, hawinantityangmanangkil, glisrawuḥ, wentĕn pacangkatunasang. 0pangarawoshurinhidewa, tityangtlaswantaḥngiring, deningmasalinanwar̀ṇna, hul̥ĕdtanahemakampid, mrakenguragtur̀gĕsit, bangkungbragediduhur̀, mĕdĕmmagal̥ĕnglima, suhudngamaḥbañupĕngit, yenñamandhus, kakl̥ĕ butanelakunña. 0sapunikahantuk'hidā, hidwagungputramiringin, tal̥ĕr̀tanwentĕnkar̥ĕngö, hulatñaruwangmañi [7 7A] lib, naḥhucapangnenemangkin, mar̀gganhidwagungetĕpuk, twaradadihĕlenang, hapanpanitahingwidhi, sa getrawuḥ, hilatthāmanampacanang. 0mĕwadaḥlalañcanghmas, hidwagungputundawuhin, latthānaḥmahipahĕkang, haturangtĕkenhiyadi, hidwagungputrañingakin, dadikasmarānhulangun, tanpĕgatmanl̥ĕktĕkang, mamar̀ggita nnampaksyiti, yanmalyat, rasanĕbĕkbatunmanaḥ. 0kliyaḥcahyanedumilaḥ, rasanñangĕbĕkin'gumi, nanghing

Leaf 7

Image on Archive.org

[᭗ 7B] ᭗ ᬢᬾᬄᬓᬭᬶᬫᬓᭂᬩᬂ᭞ᬤᬾᬦᬶᬂᬫᬭᬹᬧᬯᭀᬂᬢᬦᬶ᭞ᬤᬤᬶᬧᬋᬓᬦ᭄ᬘᭂᬦᬶᬓ᭄᭞ᬧᬗᬗ᭄ᬕᭀᬦᬾᬤ᭄ᬓᬶᬮ᭄ᬩᬸᬳᬸᬓ᭄᭞ᬧᬸᬦᬶᬓᬦᬾᬓᬳᬶᬮᬶ ᬤᬂ᭞ᬓᬾᬯᬦ᭄ᬢᭂᬦ᭄‌ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᬶᬤᬯ᭄ᬭᬸᬄ᭞ᬜᬶᬗᬓ᭄ᬭᬾᬄᬳᬶᬤᬫᬓᬃᬫ᭄ᬫᬵ᭟᭐ᬬᬦᬶᬂᬮ᭄ᬬᬦᬦ᭄‌ᬭᬶᬂᬳᬶᬤᬵ᭟᭐ᬢᬦ᭄ᬯᬾᬦ᭄ᬢᭂᬦ᭄ᬓᭀᬳᬦ ᬓ᭄ᬳᬸᬦᬶᬂ᭞ᬭᬶᬂᬘᬄᬳ᭄ᬬᬦᬾᬧᬸᬦᬶᬓ᭞ᬳᬾᬩᭂᬓ᭄ᬢᬶᬂᬭᬕᬢᬸᬃᬫ᭄ᬮᬶᬓ᭄᭞ᬚᬢᬶᬢᬸᬯᬄᬲᬭᬶᬦ᭄ᬕᬸᬫᬶ᭞ᬫᬗᬯᬾᬫᬺᬢ᭄ᬢᬭᬳᬬᬸ᭞ᬦᬾᬦᬾᬫᭂᬮᬄ ᬬᬢᬶᬗ᭄ᬕᬃ᭞ᬚᭂᬕᬾᬕᬾᬦᬾᬓᬳᬸᬦᬶᬗᬶᬦ᭄᭞ᬭᬭᬶᬲ᭄ᬫᬢᬸᬃ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬵ᭞ᬦᬸᬦᬲᬂ᭟᭐ᬧᬸᬦᬶᬓᬶᬢᬾᬄᬲᬧᬲᬶᬭ᭞ᬳᬍᬧ᭄ᬩᬶᬓᬲᬾ [᭘ 8A] ᬗᬬᬳᬶᬦ᭄᭞ᬫᬳᬶᬭᬶᬩ᭄‌ᬢ᭄ᬯᬄᬳᬦᬓ᭄ᬫᬾᬦᬓ᭄᭞ᬧᬦ᭄ᬢᭂᬲ᭄ᬬᬯᬶᬚᬶᬮᬦ᭄ᬧᬸᬭᬶ᭞ᬤᬶᬚᬵᬓᬃᬱᬬᬂᬩᭂᬮᬶ᭞ᬲᬓᬶᬂᬧᬸᬦᬧᬶᬚ᭄ᬯᬳᬶᬧᬸᬦ᭄᭞ᬳᬶ ᬤ᭄ᬯᬕᬸᬂᬧᬸᬢᬸᬫᬦᬶᬫ᭄ᬩᬮ᭄᭞ᬢᬸᬯᬄᬫᬸᬮᬵᬳᬸᬮᬶᬤᬶᬦᬶ᭞ᬫᬾᬫᬾᬩᬧ᭞ᬳᬶᬗᬶᬦ᭄ᬢᬾᬬᬢ᭄ᬯᬄᬳᬤᬦ᭄ᬜ᭟᭐ᬳᬸᬫᬄᬳᬶᬧᬸᬦ᭄ᬭᬶᬂᬓᬳᬬ᭄ᬬᬦ᭄᭞ᬯᬾᬦ᭄ᬢᭂ ᬦ᭄ᬲᬫ᭄ᬧᬸᬦ᭄ᬓᬸᬢᬸᬲᬰᬶᬄ᭞ᬫᬯᬲ᭄ᬢᬵᬳᬶᬧᬸᬦ᭄ᬳᬶᬮᬢ᭄ᬣᬵ᭞ᬳᬶᬬᬳᬶᬮᬶᬫ᭄ᬩᬸᬃᬫᬫᬗᬶᬢ᭄᭞ᬢᬦ᭄ᬓᭀᬘᬧᬦ᭄ᬦᬾᬚᬦᬶ᭞ᬲᬗ᭄ᬳ᭄ᬬᬂᬲᬹᬃᬬ᭄ᬬᬲᬫ᭄ᬧᬸᬦ᭄ᬢᭂᬤᬸᬄ᭞ᬳᬶ ᬤ᭄ᬯᬕᬸᬂᬧᬸᬢᬸᬫᬗᬦ᭄ᬤᬶᬓᬵ᭞ᬳᬤᬶᬳᬕᬸᬂᬤᭂᬚᬵᬫᬸᬮᬶᬄ᭞ᬤᬶᬦᬶᬫᬮᬸᬦᬄᬲᬸᬩᬫᬫᬺᬫ᭄‌ᬫᭂᬋᬫᬦ᭄᭟᭐ᬳᬶᬤ᭄ᬯᬕᬸᬂᬧᬸᬢᬸᬫᬦ᭄ᬢᬸᬓᬦ᭄᭞ᬫᬗ᭄ᬭ

Auto-transliteration

[7 7B] 7 teḥkarimakĕbang, deningmarūpawongtani, dadipar̥ĕkancĕnik, panganggonedkilbuhuk, punikanekahili dang, kewantĕnrahadenmantri, hidawruḥ, ñingakreḥhidamakar̀mmā. 0yaninglyananringhidā. 0tanwentĕnkohana k'huning, ringcaḥhyanepunika, hebĕktingragatur̀mlik, jatituwaḥsarin'gumi, mangawemr̥ĕttarahayu, nenemĕlaḥ yatinggar̀, jĕgegenekahuningin, rarismatur̀, hidwagungputrā, nunasang. 0punikiteḥsapasira, hal̥ĕpbikase [8 8A] ngayahin, mahiribtwaḥhanakmenak, pantĕsyawijilanpuri, dijākar̀ṣayangbĕli, sakingpunapijwahipun, hi dwagungputumanimbal, tuwaḥmulāhulidini, memebapa, hinginteyatwaḥhadanña. 0humaḥhipunringkahayyan, wentĕ nsampunkutusaśiḥ, mawastāhipunhilatthā, hiyahilimbur̀mamangit, tankocapannejani, sanghyangsūr̀yyasampuntĕduḥ, hi dwagungputumangandikā, hadihagungdĕjāmuliḥ, dinimalunaḥsubamamr̥ĕmmĕr̥ĕman. 0hidwagungputumantukan, mangra

Leaf 8

Image on Archive.org

[᭘ 8B] ᭘ ᬭᬶᬲ᭄ᬫᬸᬗ᭄ᬕᬄᬳᬕᬸᬮᬶᬂ᭞ᬓᭀᬘᬧ᭄ᬳᬶᬤᬤ᭄ᬯᬕᬸᬂᬧᬸᬢ᭄ᬭᬵ᭞ᬓᬭᬶᬫᬮᬶᬗ᭄ᬕᬶᬄᬓᬢᬗ᭄ᬓᬶᬮ᭄᭞ᬩᭂᬗᭀᬂᬫᭂᬦ᭄ᬤᭂᬧ᭄ᬫᬫᭂᬦ᭄ᬤᬶᬮ᭄᭞ᬫᬗ᭄ᬭᬯᭀᬲ᭄ᬧᬸᬧᬸᬢ᭄ᬭᬶᬓᬬᬸ ᬦ᭄᭞ᬓᬾᬦ᭄ᬓᬾᬦ᭄ᬩᬳᬦ᭄ᬗᭂᬦᭂᬳᬂ᭞ᬳᬧᬂᬲᬶᬤ᭄ᬥᬓᬃᬯ᭄ᬯᬦ᭄ᬚᬢᬶ᭞ᬬᬦ᭄ᬭᬶᬂᬘᬬᬵ᭞ᬢ᭄ᬯᬄᬫᬸᬮᬵᬧᬸᬢ᭄ᬭᬶᬦᬶᬂᬤᭂᬳᬵ᭟᭐ᬓᬾᬢᭀᬓᬬᬸᬦᬾᬗ᭄ᬭᬯᭀᬲᬂ᭞ᬦᬗ᭄ᬳᬶᬂ ᬢᬾᬄᬢᬦ᭄ᬯᬾᬦ᭄ᬢᭂᬦ᭄ᬫᬶᬚᬶᬮ᭄᭞ᬦᬾᬫᬗ᭄ᬓᬶᬦ᭄ᬳᬶᬤᬵᬗᬬᬸᬦᬂ᭞ᬳᬶᬮᬢ᭄ᬣᬵᬤᬦᬾᬗᬬᬳᬶᬦ᭄᭞ᬜᬸᬳᬸᬦ᭄‌ᬭᬬᬸᬦᬦ᭄ᬳᬰ᭄ᬭᬶ᭞ᬲᬉᬧᬵᬘᬭᬫᬤᬸᬮᬸᬃ᭞ ᬳᬶᬤ᭄ᬯᬕᬸᬂᬳᬶᬤᬫᬜᭂᬓᭂᬦᬂ᭞ᬜᬶᬗᬓ᭄ᬲᬫ᭄ᬩᬶᬮ᭄ᬫᬗᬸᬮᬶᬂᬮᬶᬂ᭞ᬤᬤᬶᬗᭂᬦᬄ᭞ᬢᬗᬦᬾᬫᬢᬡ᭄ᬥᬲᬹᬭᬢ᭄᭟᭐ᬳᭂᬦ᭄ᬢᭀᬘᬶᬭᬶᬦ᭄ᬧᬸᬢ᭄ᬭᬶᬤᭂᬳᬵ᭞ [᭙ 9A] ᬧᬘᬂᬜᬸᬦᬭᬾᬰ᭄ᬯᬭᬶ᭞ᬫᬢᭂᬫᬸᬓᬵᬃᬫ᭄ᬫᬭᬶᬂᬫᬶᬲᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬢᬦ᭄ᬓᬤᬶ᭞ᬬᭀᬕ᭄ᬬᬫᬗᬗ᭄ᬕᬾᬦ᭄ᬧ᭄ᬭᬫᬶ᭞ᬫᬫᬸᬦ᭄ᬤᭂᬃᬤᬶᬕᬸᬫᬶᬳᬕᬸᬂ᭞ ᬢᬡ᭄ᬥᬦᬾᬘᬭᬶᬢᬬᬂ᭞ᬓᬾᬢᭀᬧᬦᬶᬢᬳᬶᬂᬯᬶᬥᬶ᭞ᬫᬗᬶᬓᭂᬢᬂᬓ᭄ᬭᬡᬢᭀᬂᬤᬤᬶᬩᭂᬮᬲᬂ᭟᭐ᬲᬫ᭄ᬧᬸᬦ᭄ᬓᬧᬶᬤᬃᬣᬧᬶᬲᬦ᭄᭞ᬳᬦ᭄ᬢᬸ ᬓ᭄ᬳᬶᬤᬫᬜᬶᬗᬓᬶᬦ᭄᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬳᬮᬸᬲ᭄ᬱᬶᬮᬶᬩ᭄ᬫᬗᬸᬬᭀᬦᬶᬦ᭄᭞ᬩᭂᬦ᭄ᬩᬸᬤᬸᬳᬾᬦᬸᬦ᭄ᬤᬸᬦᬶᬦ᭄᭞ᬦᬄᬮᬢ᭄ᬣᬵᬫᬳᬶ ᬬᬂᬫᬮᬸ᭞ᬧᬶᬭᬶᬂᬤᬸᬮᬗᬾᬚᭂᬫᬓ᭄᭞ᬳᭂᬦ᭄ᬢᭀᬬᬩᬳᬂᬦ᭄ᬮᬳᬶᬦ᭄᭞ᬤᬵᬚᬫᬶᬮᬸ᭞ᬮᬢ᭄ᬣᬵᬢᬸᬲᬶᬂᬧᬦ᭄ᬢᭂᬲ᭄ᬗᬬᬄ᭟᭐ᬧᬦ᭄ᬢᭂᬲ᭄ᬤᬶᬦᬶᬩᬋᬂ

Auto-transliteration

[8 8B] 8 rismunggaḥhaguling, kocap'hidadwagungputrā, karimalinggiḥkatangkil, bĕngongmĕndĕpmamĕndil, mangrawospuputrikayu n, kenkenbahanngĕnĕhang, hapangsiddhakar̀wwanjati, yanringcayā, twaḥmulāputriningdĕhā. 0ketokayunengrawosang, nanghing teḥtanwentĕnmijil, nemangkinhidāngayunang, hilatthādanengayahin, ñuhunrayunanhaśri, sa'upācaramadulur̀, hidwagunghidamañĕkĕnang, ñingaksambilmangulingling, dadingĕnaḥ, tanganemataṇdhasūrat. 0hĕntocirinputridĕhā, [9 9A] pacangñunareśwari, matĕmukār̀mmaringmisan, hidwagungputratankadi, yogyamanganggenprami, mamundĕr̀digumihagung, taṇdhanecaritayang, ketopanitahingwidhi, mangikĕtangkraṇatongdadibĕlasang. 0sampunkapidar̀thapisan, hantu k'hidamañingakin, rarishidamangandikā, halussyilibmanguyonin, bĕnbuduhenundunin, naḥlatthāmahi yangmalu, piringdulangejĕmak, hĕntoyabahangnlahin, dājamilu, latthātusingpantĕsngayaḥ. 0pantĕsdinibar̥ĕng

Leaf 9

Image on Archive.org

[᭙ 9B] ᭙ ᬳᬶᬬᬂ᭞ᬤᭀᬂᬚᬫᬓᬂᬬᬂᬳᬧᬶ᭞ᬳᬸᬢᬶᬓᬾᬬᭂᬦ᭄ᬢᭀᬳᭂᬜ᭄ᬚᬸᬯᬂ᭞ᬳᬶᬮᬢ᭄ᬣᬵᬕ᭄ᬮᬶᬲ᭄ᬫᬗᬫ᭄ᬩᬶᬮ᭄᭞ᬗᬢᬸᬭᬂᬓᬳᬫ᭄ᬩᬶᬮᬶᬦ᭄᭞ᬲᬫ᭄ᬩᬶᬮᬂ ᬳᬶᬤᬫᬗᬸᬲᬸᬤ᭄᭞ᬲᬃᬯ᭄ᬯᬶᬫᬗᬸᬲᬧᬸᬲᬧ᭄᭞ᬜᬾᬦ᭄ᬲᬬᬂᬚ᭄ᬕᬾᬕ᭄ᬢᬦ᭄ᬱᬶᬧᬶ᭞ᬭᬭᬶᬲ᭄ᬫᬢᬸᬃ᭞ᬳᬶᬮᬢ᭄ᬣᬵᬫᭂᬧᭂᬲ᭄ᬜᬸᬫ᭄ᬩᬄ᭟᭐ᬳᬶᬗ᭄ᬕᬶᬄ ᬭᬢᬸᬤ᭄ᬯᬕᬸᬂᬧᬸᬢ᭄ᬭ᭞ᬧᬶᬦᭂᬳᬂᬚᬵᬭᬢᬸᬫᬗ᭄ᬓᬶᬦ᭄᭞ᬬᬦ᭄ᬓᬤᬶᬘᭀᬓᭀᬃᬳᬶᬤᬾᬯ᭞ᬯᬮᬸᬬᬫ᭄ᬭᬕᬯᬶᬥᬶ᭞ᬢᬶᬢ᭄ᬬᬂᬓᬯᬸᬮᬳᬮᬶ ᬢ᭄᭞ᬦᬶᬱ᭄ᬝᬩᭂᬗᬶᬮ᭄ᬢᬦ᭄ᬧᬳᬸᬡ᭄ᬥᬸᬓ᭄᭞ᬢᭂᬋᬄᬯᭀᬂᬢᬦᬶᬲᬸᬤ᭄ᬭᬵ᭞ᬢᬦ᭄ᬯᬾᬦ᭄ᬢᭂᬦ᭄‌ᬚᬜᬦ᭄ᬤᬂᬳᬲᬶ᭞ᬢᬦ᭄ᬧᬧᬳᬸᬢ᭄᭞ᬭᬹᬧ [᭑᭐ 10A] ᬦ᭄ᬢᬶᬢ᭄ᬬᬗᬾᬗᬯᬸᬮᬵ᭟᭐ᬬᬦ᭄ᬳᬸᬧᬫᬦ᭄ᬜᬭᬶᬂᬲᭂᬓᬃ᭞ᬢᬶᬢ᭄ᬬᬂᬯᬦ᭄ᬢᬄᬲᭂᬓᬃᬮᬤᬶᬂ᭞ᬫᬓᭂᬲ᭄ᬬᬸᬄᬳᬫ᭄ᬩᬸᬦ᭄ᬜᬦᬾᬓᬳᭀᬦ᭄᭞ᬦᭂᬓᭂᬢ᭄ᬭᬶᬂ ᬭᬕᬳᬮᬶᬤ᭄ᬧ᭄ᬗᬶᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬳᬫ᭄ᬩᬶᬮ᭄᭞ᬧᬘᬂᬲᭂᬓᬃᬳᬦᬓ᭄ᬳᬕᬸᬂ᭞ᬢᬦ᭄ᬩᬶᬦᬓᬫ᭄ᬧᬸᬄᬲᬸᬢ᭄ᬭᬵ᭞ᬲᬫ᭄ᬧᬸᬦ᭄‌ᬲᬶᬢ᭄ᬲᬶ ᬢ᭄ᬤᭂᬓᬶᬮ᭄ᬘᬸᬯᬶᬮ᭄᭞ᬦᬾᬦ᭄ᬢᭂᬦ᭄ᬧᬢᬸᬢ᭄᭞ᬳᬶᬭᬢᬸᬗᬗ᭄ᬕᬾᬦ᭄ᬧᬸᬦᬶᬓ᭟᭐ᬧᬢᬸᬢ᭄ᬩᬳᬦ᭄ᬜᬗᭂᬗ᭄ᬓᭂᬩᬂ᭞ᬜᬭ᭄ᬯᬂᬳᬧᬗᬮᬶᬳᬶᬦ᭄᭞ᬲ ᬚᬵᬢ᭄ᬯᬄᬳᬦᬓ᭄ᬳᬸᬢ᭄ᬢᬫᬵ᭞ᬯᬶᬤᬕ᭄ᬥᬦᬶᬗ᭄ᬓᬳᬂᬫᬸᬜᬶ᭞ᬳᬍᬧ᭄ᬩᬶᬓᬲᬾᬳᬲᬶᬦ᭄᭞ᬫᬧᭂᬲ᭄ᬚᬭᬶᬚᬶᬦᬾᬮᬸᬭᬸᬲ᭄᭞ᬳᬦᬸᬢ᭄ᬢᭂᬓᬾᬦ᭄ᬓ

Auto-transliteration

[9 9B] 9 hiyang, dongjamakangyanghapi, hutikeyĕntohĕñjuwang, hilatthāglismangambil, ngaturangkahambilin, sambilang hidamangusud, sar̀wwimangusapusap, ñensayangjgegtansyipi, rarismatur̀, hilatthāmĕpĕsñumbaḥ. 0hinggiḥ ratudwagungputra, pinĕhangjāratumangkin, yankadicokor̀hidewa, waluyamragawidhi, tityangkawulahali t, niṣṭabĕngiltanpahuṇdhuk, tĕr̥ĕḥwongtanisudrā, tanwentĕnjañandanghasi, tanpapahut, rūpa [10 10A] ntityangengawulā. 0yanhupamanñaringsĕkar̀, tityangwantaḥsĕkar̀lading, makĕsyuḥhambunñanekahon, nĕkĕtring ragahalidpngit, tanwentĕnñandanghambil, pacangsĕkar̀hanak'hagung, tanbinakampuḥsutrā, sampunsitsi tdĕkilcuwil, nentĕnpatut, hiratunganggenpunika. 0patutbahanñangĕngkĕbang, ñarwanghapangalihin, sa jātwaḥhanak'huttamā, widagdhaningkahangmuñi, hal̥ĕpbikasehasin, mapĕsjarijinelurus, hanuttĕkenka

Leaf 10

Image on Archive.org

[᭑᭐ 10B] ᭑᭐ ᬫᬶᬳᬶᬓᬦ᭄᭞ᬫᬦᬶᬲᬾᬫᬢᬸᬂᬢᬸᬂᬕᭂᬦ᭄ᬤᬶᬲ᭄᭞ᬗᭂᬫᬸᬚᬸᬭᬸᬄ᭞ᬫᬸᬜᬶᬦᬾᬫᬦᬶᬲ᭄ᬫᬍᬜᬤ᭄᭟᭐ᬲᬫ᭄ᬧᬸᬦᬶᬓᬚᬳᬢᬸᬃᬜ᭞ᬳᬶᬤ᭄ᬯᬕᬸᬂ ᬧᬸᬢ᭄ᬭᬜᬯᬸᬭᬶᬦ᭄᭞ᬢᭀᬗᬸᬤᬲᬕᬾᬢᬦ᭄ᬮᬢ᭄ᬣᬵ᭞ᬗᬫ᭄ᬩᬸᬮ᭄ᬗᬸᬘᬧ᭄ᬫᬸᬜᬶᬦ᭄ᬜᬳᬶ᭞ᬲᬶᬂᬧᬶᬲᬦ᭄ᬫᬢ᭄ᬭᬫᬶᬭᬶᬩ᭄᭞ᬮᬢ᭄ᬣᬵᬦᬯᬂᬳᬦᬓ᭄ᬩᬸ ᬤᬸᬄ᭞ᬲᬶᬧᭀᬓ᭄ᬲᬶᬕᬸᬕ᭄‌ᬢᬸᬃᬗᬦ᭄ᬤᬂ᭞ᬜᬦ᭄ᬤᬂᬮᬢ᭄ᬣᬵᬫᬗᬸᬩᬤᬶᬦ᭄᭞ᬳᬧᬦ᭄ᬮᬢ᭄ᬣᬵ᭞ᬫᬯᬓ᭄ᬢᭂᬤᬸᬂᬘᬬᬳᬸᬢ᭄ᬢᬫ᭟᭐ᬳᬫ᭄ᬩᬸᬮ᭄ᬢᭀᬚ ᬦᬶᬳᬸᬘᬧᬂ᭞ᬧᬗ᭄ᬭᬯᭀᬲ᭄ᬳᬶᬤᬲᬂᬓᬮᬶᬄ᭞ᬳᬶᬮᬶᬫ᭄ᬩᬸᬃᬲᬫ᭄ᬧᬸᬦ᭄ᬫᬶᬤᬃᬣ᭞ᬕ᭄ᬥᭂᬕ᭄‌ᬬᬮᬯᬸᬢ᭄ᬫᬫᬸᬜᬶ᭞ᬮᬢ᭄ᬣᬵᬗᬬᬳᬶᬦ᭄ᬤᬶᬦᬶ᭞ᬚᭂᬫ [᭑᭑ 11A] ᬓ᭄ᬧᬳᬬᬳᬦᬾᬫᬮᬸ᭞ᬳᬶᬮᬢ᭄ᬣᬵᬫᬗᭂᬮᬶᬲᬂ᭞ᬫᬧᬫᬶᬢ᭄ᬭᬶᬂᬭᬤᬾᬦ᭄ᬫᬦ᭄ᬢ᭄ᬭᬶ᭞ᬮᬯᬸᬢ᭄ᬗᬫ᭄ᬩᬶᬮ᭄᭞ᬧᬬᬳᬬᬦᬾᬫᬓᭂᬚᬂ᭟᭐ᬦ ᬫ᭄ᬧᬵᬓᬫ᭄ᬧᬸᬄᬧᬗᭂᬢᬾᬓᬦ᭄᭞ᬫᬕᭂᬦ᭄ᬲᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬳᬶᬮᬢ᭄ᬣᬵᬭᬭᬶᬲ᭄ᬗᬢᬸᬭᬂ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬗᬫ᭄ᬩᬶᬮ᭄᭞ᬳᬶᬮᬶᬫ᭄ᬩᬸᬃ ᬫᬢᬸᬃᬫᬗ᭄ᬓᬶᬦ᭄᭞ᬳᬶᬗ᭄ᬕᬶᬄᬭᬢᬸᬩ᭄ᬮᬶᬳᬕᬸᬂ᭞ᬳᬶᬮᬢ᭄ᬣᬵᬫᬤᭂᬤᭂᬫᭂᬦᬦ᭄᭞ᬳᬶᬤᬳᬶᬩᬕᬸᬲ᭄ᬜᭂᬦᭂᬗᬶᬦ᭄᭞ᬢ᭄ᬯᬭᬓᬾᬗ᭄ᬕᬸᬄᬳᬶᬮᬢ᭄ᬣᬵ ᬫᬫᬦᬄᬳᬶᬭᬶᬓ᭟᭐ᬭᬶᬲᬫ᭄ᬧᬸᬦ᭄ᬳᬶᬬᬤᬶᬩᬸᬤᬮ᭄᭞ᬢᬶᬢ᭄ᬬᬂᬧᬘᬂᬜᬓᬶᬢᬶᬦ᭄᭞ᬓᭂᬦᬶᬢᬦ᭄ᬯᬾᬦ᭄ᬢᭂᬦ᭄ᬓᬲᬶᬤ᭄ᬥᬦ᭄᭞ᬤᬸᬭᬸᬲ᭄ᬳᬶᬬ

Auto-transliteration

[10 10B] 10 mihikan, manisematungtunggĕndis, ngĕmujuruḥ, muñinemanismal̥ĕñad. 0sampunikajahatur̀ña, hidwagung putrañawurin, tongudasagetanlatthā, ngambulngucapmuñinñahi, singpisanmatramirib, latthānawanghanakbu duḥ, sipoksigugtur̀ngandang, ñandanglatthāmangubadin, hapanlatthā, mawaktĕdungcayahuttama. 0hambultoja nihucapang, pangrawoshidasangkaliḥ, hilimbur̀sampunmidar̀tha, gdhĕgyalawutmamuñi, latthāngayahindini, jĕma [11 11A] kpahayahanemalu, hilatthāmangĕlisang, mapamitringradenmantri, lawutngambil, payahayanemakĕjang. 0na mpākampuḥpangĕtekan, magĕnsampuncumawis, hilatthārarisngaturang, hidwagungputramangambil, hilimbur̀ matur̀mangkin, hinggiḥratublihagung, hilatthāmadĕdĕmĕnan, hidahibagusñĕnĕngin, twarakengguḥhilatthā mamanaḥhirika. 0risampunhiyadibudal, tityangpacangñakitin, kĕnitanwentĕnkasiddhan, durushiya

Leaf 11

Image on Archive.org

[᭑᭑ 11B] ᭑᭑ ᬤᬶᬜᭂᬦᭂᬗᬶᬦ᭄᭞ᬯᬦ᭄ᬢᬄᬳᬶᬧᬸᬦ᭄ᬫᬗᬃᬬ᭄ᬬᬦᬶᬦ᭄᭞ᬳᬶᬗᬸᬄᬓᬬᬸᬦ᭄ᬩᭂᬮᬶᬳᬕᬸᬂ᭞ᬦᬫ᭄ᬩᭂᬮ᭄ᬢᬶᬢ᭄ᬬᬂᬩᬦ᭄ᬚᭂᬗᬄ᭞ᬢᬸᬯᬶᬢ᭄ᬯᬄᬳᬶᬧᬸᬦ᭄ᬢᬦ᭄ᬪᬓ᭄ᬢᬶ᭞ ᬲᬧᬸᬦᬶᬓᬵ᭞ᬳᬦ᭄ᬢᬸᬓ᭄ᬳᬶᬮᬶᬫ᭄ᬩᬸᬃᬗᬢᬸᬭᬂ᭟᭐ᬫᬗ᭄ᬤᬵᬳᬶᬤᬲᬋᬂᬤᬸᬓᬵ᭞ᬫᬫᬶᬲᬸᬦᬫᬗᬯᬾᬦᬲ᭄ᬥᬶᬄ᭞ᬫᬦᬄᬳᬶᬮᬢ᭄ᬣᬵᬲᬢᬢ᭞ ᬦᬾᬫᬗ᭄ᬓᬶᬦ᭄ᬓᭀᬘᬧᬦ᭄ᬫᬮᬶᬄ᭞ᬳᬶᬤ᭄ᬯᬕᬸᬂᬫᬧᬫᬶᬢ᭄᭞ᬭᬶᬂᬳᬶᬤᬤᬾᬯᬕᬸᬂᬧᬸᬢᬸ᭞ᬢᭂᬥᬸᬦ᭄‌ᬭᬭᬶᬲ᭄ᬫᬫᬃᬕ᭄ᬕ᭞ᬓᬓᬵᬓᬓᬦᬾᬫᬗᬶ ᬭᬶᬂ᭞ᬲᬕᬺᬳᬦ᭄‌ᬫᬾᬄᬢᬫ᭄ᬧᭂᬓ᭄ᬫᬭᬶᬂᬓᭀᬭᬶᬧᬦ᭄᭟᭐ᬦᬗ᭄ᬳᬶᬂᬓᬬᬸᬦᬾᬭᬶᬂᬤᭂᬳᬵ᭞ᬳᬶᬮᬢ᭄ᬣᬵᬧᬶᬲᬦ᭄ᬓᬳᬾᬱ᭄ᬝᬶ᭞ᬢᬦ᭄ᬯᬾᬦ᭄ᬢᭂᬦ᭄ᬤ [᭑᭒ 12A] ᬤᭀᬲ᭄ᬧᬹᬃᬡ᭄ᬦᬬᬂ᭞ᬮᬶᬮᬵᬮᬶᬮᬬᬂᬢᭀᬂᬮᬮᬶ᭞ᬮᬶᬧᬸᬭᬂᬫᬲᬶᬄᬳᬾᬮᬶᬂ᭞ᬭᬶᬂᬘᬶᬗᬓ᭄ᬫᬕᬦ᭄ᬢᬸᬂᬕᬦ᭄ᬢᬸᬂ᭞ᬭᬲᬦ᭄ᬜᬵᬫᬓᬭᭀᬦᬦ᭄᭞ᬲᬢ ᬢᬵᬩᬸᬓᬫᬲᬡ᭄ᬥᬶᬂ᭞ᬲ᭄ᬬᬸᬄᬋᬫ᭄ᬧᬸᬄ᭞ᬜᬕ᭄ᬫᭂᬦᬤᬶᬩ᭄ᬬᬸᬄᬧᬭᬵ᭟᭐ᬫᬺᬫ᭄ᬢᬦ᭄‌ᬚᭂᬦᭂᬓ᭄ᬓᬧᬺᬫᬂ᭞ᬫᬢᬗ᭄ᬳᬶᬢᬦ᭄ᬚᭂᬦᭂᬓ᭄ᬫᬮᬶᬗ᭄ᬕᬶᬄ᭞ᬳᬶᬩᬸᬓ᭄ᬧ ᬮᬶᬂᬕᬤᬓ᭄ᬳᬸᬬᬂ᭞ᬗᭂᬫ᭄ᬩᭂᬗᭂᬫ᭄ᬩᭂᬢᭀᬬᬦ᭄ᬳᬓ᭄ᬱᬶ᭞ᬩᭂᬗᬸᬮ᭄ᬓᭂᬘᬸᬤ᭄‌ᬧᬺᬚᬦᬶ᭞ᬗᭂᬫ᭄ᬓᭂᬫ᭄ᬤᬸᬄᬓᬶᬢᬲᬢᬸᬳᬸᬓ᭄᭞ᬫ᭄ᬭᬄᬫᭂᬭᬸᬄᬢᬦ᭄ᬧᭂᬕᬢ᭄᭞ ᬦᬸᬳᬸᬄᬫᬤᭂᬓᭂᬲᬦ᭄ᬢᬶᬢᬶᬃ᭞ᬫᬫᬸᬮᬶᬲᬄ᭞ᬧᬸᬧᬸᬦᬾᬧᬦ᭄ᬢᭂᬕ᭄ᬲᬚᬬᬂ᭟᭐ᬧᬋᬓᬦ᭄ᬲᬶᬬᭂᬧ᭄ᬫᬓᭂᬚᬂ᭞ᬗᭂᬦᭀᬢ᭄ᬕᬸᬲ᭄ᬢᬶᬓᬯ᭄ᬮᬲᬲᬶᬄ᭞ᬚᭂ

Auto-transliteration

[11 11B] 11 diñĕnĕngin, wantaḥhipunmangar̀yyanin, hinguḥkayunbĕlihagung, nambĕltityangbanjĕngaḥ, tuwitwaḥhipuntanbhakti, sapunikā, hantuk'hilimbur̀ngaturang. 0mangdāhidasar̥ĕngdukā, mamisunamangawenasdhiḥ, manaḥhilatthāsatata, nemangkinkocapanmaliḥ, hidwagungmapamit, ringhidadewagungputu, tĕdhunrarismamar̀gga, kakākakanemangi ring, sagr̥ĕhanmeḥtampĕkmaringkoripan. 0nanghingkayuneringdĕhā, hilatthāpisankaheṣṭi, tanwentĕnda [12 12A] dospūr̀ṇnayang, lilālilayangtonglali, lipurangmasiḥheling, ringcingakmagantunggantung, rasanñāmakaronan, sata tābukamasaṇdhing, syuḥr̥ĕmpuḥ, ñagmĕnadibyuḥparā. 0mr̥ĕmtanjĕnĕkkapr̥ĕmang, matanghitanjĕnĕkmalinggiḥ, hibukpa linggadak'huyang, ngĕmbĕngĕmbĕtoyanhaksyi, bĕngulkĕcudpr̥ĕjani, ngĕmkĕmduḥkitasatuhuk, mraḥmĕruḥtanpĕgat, nuhuḥmadĕkĕsantitir̀, mamulisaḥ, pupunepantĕgsajayang. 0par̥ĕkansiyĕpmakĕjang, ngĕnotgustikawlasasiḥ, jĕ

Leaf 12

Image on Archive.org

[᭑᭒ 12B] ᭑᭒ ᬚᭂᬄᬭᬲᬧᬘᬂᬭᬸᬲᬓ᭄᭞ᬩᭂᬗᭀᬂᬦ᭄ᬕᬓ᭄‌ᬚᭀᬄᬤᬶᬳᭀᬭᬶ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬦᬾᬫᬗ᭄ᬓᬶᬦ᭄᭞ᬫᬦ᭄ᬢᬸᬓᬦ᭄ᬫᬗᬫ᭄ᬩᬶᬮ᭄ᬓᬫ᭄ᬧᬸᬄ᭞ᬫᬶᬭᬶᬩ᭄ᬫᬓ ᬬᬸᬦ᭄ᬳᬶᬮᬂ᭞ᬓᬫ᭄ᬧᬸᬳᬾᬮᬯᬸᬢᬂᬲᬶᬢ᭄ᬲᬶᬢ᭄᭞ᬲᬲᬹᬂᬓ᭄ᬮᬶᬢᬾ᭞ᬚ᭄ᬫᬓ᭄ᬳᬫ᭄ᬧᬶᬕᬂᬳᭂᬦ᭄ᬢᬸᬗᬂ᭟᭐ᬢᭀᬕᭀᬕ᭄ᬤᭂᬓ᭄ᬤᭂᬓ᭄ᬲᬫ᭄ᬩᭂᬄᬩᬸᬬᬃ᭞ᬲᬰᭀᬘ ᬦᬾᬧᬼᬓᭂᬢᬶᬓ᭄᭞ᬗ᭄ᬭᬜᬩ᭄‌ᬭᬶᬂᬢ᭄ᬗᬳᬶᬂᬦᬢᬃ᭞ᬧᬓᬜᬄᬜᬄᬲᬫᬶᬗᭂᬦ᭄ᬤᬶᬄ᭞ᬓᬓᬵᬓᬓᬦᬾᬲᬫᬶ᭞ᬩ᭄ᬮᬶᬂᬫᬲᭂᬮ᭄ᬲᭂᬮᬦ᭄ᬮᬳᬸᬢ᭄᭞ᬳᭂ ᬜᬾᬦ᭄ᬚᬚᬦᬶᬫ᭄ᬓᬤᬵ᭞ᬜᬾᬦ᭄ᬢᬸᬦ᭄ᬤᬾᬦ᭄ᬫᬦᬫ᭄ᬩᬦᬶᬦ᭄᭞ᬳᬧᬂᬮᬶᬧᬸᬃ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬗᬦ᭄ᬤᬶᬓᬵ᭟᭐ᬦᬾᬓᬓᬵᬓᬓᬫᬓᭂᬚᬂ᭞ᬦᬶ [᭑᭓ 13A] ᬭᬚᬦᬶᬫᬦᬸᬢᬸᬭᬶᬦ᭄᭞ᬬᬾᬦ᭄ᬢ᭄ᬯᬭᬲᬶᬤ᭄ᬥᬓᬢᭂᬓᬦ᭄᭞ᬮᬫᬸᬦ᭄ᬓᭂᬦᭂᬄᬳᬶᬭᬚᬦᬶ᭞ᬢᬸᬲᬶᬂᬦᬶᬭᬧᬘᬂᬫᬸᬮᬶᬄ᭞ᬤᬶᬦᬶᬜᭂᬦᭂᬂᬤ ᬤᬶᬳᬕᬸᬂ᭞ᬲᬓᬾᬢᭀᬚᬵᬳᬶᬲᬶᬦ᭄ᬜ᭞ᬧᬋᬓᬦᬾᬜᬸᬗ᭄ᬓᭂᬮ᭄ᬲᬫᬶ᭞ᬢᬦ᭄ᬧᬳᬢᬸᬃ᭞ᬩᭂᬮ᭄ᬩᭂᬮᬦ᭄ᬩᬢᭂᬓ᭄ᬩᬦ᭄‌ᬢᬺᬱ᭄ᬡᬵ᭟᭐ᬳᬫ᭄ᬩᬸᬮ᭄ᬢᭀᬳᬶ ᬤᬵᬳᬸᬘᬧᬂ᭞ᬭᬶᬂᬤᭂᬳᬵᬘᬭᬶᬢᬫᬮᬶᬄ᭞ᬳᬶᬮᬶᬫ᭄ᬩᬸᬃᬗᬯᬾᬉᬧᬵᬬ᭞ᬩᬳᬦ᭄ᬕᭂᬤᭂᬕᬾᬢᬦ᭄ᬲᬶᬧᬶ᭞ᬗᬮᬶᬄᬤᬮᬶᬳᬦ᭄ᬫᬮᬶᬄ᭞ᬧᬘᬂᬳᬗ᭄ᬕᭀ ᬦ᭄ᬢᬸᬂᬢᬸᬂᬩᭂᬦ᭄ᬥᬸ᭞ᬳᬶᬮᬢ᭄ᬣᬵᬲᬫ᭄ᬧᬸᬦ᭄ᬦᬯᬂ᭞ᬤᬦᬾᬧᬘᬂᬫᬦᬢᬓᬶᬦ᭄᭞ᬜᬭᬸᬜᬭᬸ᭞ᬳᬶᬮᬶᬫ᭄ᬩᬸᬃᬫᬗ᭄ᬓᬶᬦ᭄ᬳᬗᬸᬘᬧ᭄᭟᭐ᬳᬶᬮᬢ᭄ᬣᬵᬚᬦᬶ

Auto-transliteration

[12 12B] 12 jĕḥrasapacangrusak, bĕngongn'gakjoḥdihori, hidwagungputranemangkin, mantukanmangambilkampuḥ, miribmaka yunhilang, kampuhelawutangsitsit, sasūngklite, jmak'hampiganghĕntungang. 0togogdĕkdĕksambĕḥbuyar̀, saśoca nepl̥ĕkĕtik, ngrañabringtngahingnatar̀, pakañaḥñaḥsamingĕndiḥ, kakākakanesami, blingmasĕlsĕlanlahut, hĕ ñenjajanimkadā, ñentundenmanambanin, hapanglipur̀, hidwagungputrangandikā. 0nekakākakamakĕjang, ni [13 13A] rajanimanuturin, yentwarasiddhakatĕkan, lamunkĕnĕḥhirajani, tusingnirapacangmuliḥ, diniñĕnĕngda dihagung, saketojāhisinña, par̥ĕkaneñungkĕlsami, tanpahatur̀, bĕlbĕlanbatĕkbantr̥ĕṣṇā. 0hambultohi dāhucapang, ringdĕhācaritamaliḥ, hilimbur̀ngawe'upāya, bahan'gĕdĕgetansipi, ngaliḥdalihanmaliḥ, pacanghanggo ntungtungbĕndhu, hilatthāsampunnawang, danepacangmanatakin, ñaruñaru, hilimbur̀mangkinhangucap. 0hilatthājani

Leaf 13

Image on Archive.org

[᭑᭓ 13B] ᭑᭓ ᬕᬯᬾᬦᬂ᭞ᬳᬧᬸᬦ᭄ᬮᬯᬸᬢᬂᬳᬧᬸᬦᬶᬦ᭄᭞ᬳᬶᬮᬢ᭄ᬣᬵᬕ᭄ᬮᬶᬲ᭄ᬗᬃᬬ᭄ᬬᬦᬂ᭞ᬮᬯᬸᬢ᭄ᬥᬦᬾᬫᬗᬧᬸᬦᬶᬦ᭄᭞ᬳᬶᬮᬶᬫ᭄ᬩᬸᬃᬫᬸᬜᬶᬦᬾᬫᬦᬶᬲ᭄᭞ᬤᬸᬯᭂ ᬕ᭄ᬲᬦ᭄ᬮᬢ᭄ᬣᬵᬫᬗᬸᬭᬸᬢ᭄᭞ᬦᬗ᭄ᬳᬶᬂᬲᬓᬶᬢ᭄‌ᬭᬲᬦ᭄ᬜᬵ᭞ᬓᬸᬓᬸᬦᬾᬗ᭄ᬭᬦᬂᬜᬓᬶᬢᬶᬦ᭄᭞ᬗᬯᬾᬢᬢᬸ᭞ᬳᬶᬮᬶᬫ᭄ᬩᬸᬃᬫᬗ᭄ᬓᬶᬦ᭄ᬫᬜᭂᬫᬓ᭄᭟᭐ ᬗ᭄ᬮᬸᬂᬦᬓᬵᬫᬦ᭄ᬢᭂᬓ᭄ᬢᬗᬦ᭄᭞ᬗᬫ᭄ᬩᬶᬮᬶᬤᬶᬭᬭᬶᬲ᭄ᬦᬶᬕ᭄ᬢᬶᬕ᭄᭞ᬢ᭄ᬯᬭᬵᬧᬶᬲᬦ᭄ᬫᬚᬗ᭄ᬓᬵ᭞ᬫᬓᬵᬤᬶᬗᭂᬦ᭄ᬢᬸᬗᬶᬦ᭄ᬦᬲᬶ᭞ᬓᬸᬮᬸᬓᬾᬫᬗᬭᬗᬶᬦ᭄᭞ ᬋᬫᭂᬓ᭄ᬳᬶᬮᬢ᭄ᬣᬵᬫᬢᬢᬸ᭞ᬫᬘᬧ᭄ᬘᬧ᭄‌ᬕ᭄ᬢᬶᬳᬾᬫᭂᬘᬧ᭄᭞ᬲᬶᬂᬗᭂᬦᭀᬢ᭄‌ᬬᬫᬶᬮᬸᬲ᭄ᬥᬶᬄ᭞ᬯᬃᬡ᭄ᬦᬲᭂᬩᬸᬄ᭞ᬭᬕᬦᬾᬫᬭᬗ᭄ᬭᬂᬭᬄ᭟᭐ᬳᬶᬮᬶᬫ᭄ᬩᬸᬃ [᭑᭔ 14A] ᬬᬫᬗᬢᬸᬭᬂ᭞ᬭᬶᬂᬳᬶᬤ᭄ᬯᬕᬸᬂᬧᬸᬢᬸᬕᭂᬮᬸᬲ᭄᭞ᬗᬢᬸᬭᬂᬭᬕᬦᬾᬲᭂᬭᬄ᭞ᬳᬶᬮᬢ᭄ᬣᬵᬳᬶᬧᬸᬦ᭄ᬗᬦᬶᬦᬶᬦ᭄᭞ᬲᬓᬶᬢ᭄‌ᬭᬲᬦ᭄ᬜᬵᬳᬶᬗ᭄ᬕᬶᬄ᭞ᬢ ᬢᬸᬦ᭄ᬢᬶᬢ᭄ᬬᬂᬩ᭄ᬮᬶᬳᬕᬸᬂ᭞ᬓᬾᬢᭀᬩᬳᬦ᭄ᬜᬵᬗᬯᬾᬦᬂ᭞ᬫᬗ᭄ᬤᬾᬦ᭄ᬳᬶᬤᬵᬲᬋᬂᬲᭂᬗᬶᬢ᭄᭞ᬭᬭᬶᬲ᭄ᬩᭂᬦ᭄ᬥᬸ᭞ᬳᬶᬤ᭄ᬯᬕᬸᬂᬧᬸᬢᬸᬫᬦᬶᬜ᭄ᬚᬓ᭄᭟᭐ ᬓᬢᬾᬗ᭄ᬢᬾᬂᬮᬯᬸᬢ᭄ᬓᭂᬦ᭄ᬢᬸᬗᬂ᭞ᬓᬮᬸᬂᬲᬩᬸᬓᬾᬓᬲᬶᬢ᭄ᬱᬶᬢ᭄᭞ᬮᬯᬸᬢ᭄ᬢᬸᬜ᭄ᬚᭂᬮ᭄ᬤᬶᬢ᭄ᬗᬄᬦᬢᬄ᭞ᬗᬦ᭄ᬤᬶᬓᬢᬦ᭄ᬧᬲ᭄ᬭᬸᬢᬶ᭞ᬳᬶᬮᬢ᭄ᬣᬵᬢ᭄ᬧᭂᬄ ᬯ᭄ᬯᬂᬢᬦᬶ᭞ᬩᬦᬶᬢ᭄ᬓᬾᬦ᭄ᬳᬶᬬᬤᬶᬳᬬᬸ᭞ᬩᬸᬓᬵᬲᬶᬂᬮᬢ᭄ᬣᬵᬦᬯᬂ᭞ᬳᬶᬳᬤᬶᬢ᭄ᬯᬄᬧ᭄ᬭᬫᬶᬰ᭄ᬯᬭᬶ᭞ᬬᭀᬕ᭄ᬬᬫᬸᬦ᭄ᬥᭂᬃ᭞ᬕᬸᬫᬶᬤᭂᬳᬵᬦᬾᬫᬓᭂᬚᬂ᭟᭐

Auto-transliteration

[13 13B] 13 gawenang, hapunlawutanghapunin, hilatthāglisngar̀yyanang, lawutdhanemangapunin, hilimbur̀muñinemanis, duwĕ gsanlatthāmangurut, nanghingsakitrasanñā, kukunengranangñakitin, ngawetatu, hilimbur̀mangkinmañĕmak. 0 nglungnakāmantĕktangan, ngambilidirarisnigtig, twarāpisanmajangkā, makādingĕntunginnasi, kulukemangarangin, r̥ĕmĕk'hilatthāmatatu, macapcapgtihemĕcap, singngĕnotyamilusdhiḥ, war̀ṇnasĕbuḥ, raganemarangrangraḥ. 0hilimbur̀ [14 14A] yamangaturang, ringhidwagungputugĕlus, ngaturangraganesĕraḥ, hilatthāhipunnganinin, sakitrasanñāhinggiḥ, ta tuntityangblihagung, ketobahanñāngawenang, mangdenhidāsar̥ĕngsĕngit, rarisbĕndhu, hidwagungputumaniñjak. 0 katengtenglawutkĕntungang, kalungsabukekasitsyit, lawuttuñjĕlditngaḥnataḥ, ngandikatanpasruti, hilatthātpĕḥ wwangtani, banitkenhiyadihayu, bukāsinglatthānawang, hihaditwaḥpramiśwari, yogyamundhĕr̀, gumidĕhānemakĕjang. 0

Leaf 14

Image on Archive.org

[᭑᭔ 14B] ᭑᭔ ᬚᬦᬶᬳᬶᬭᬵᬫᬦᬸᬦ᭄ᬤᬾᬦᬂ᭞ᬗᬸᬭᬸᬓᬂᬳᬶᬮᬢ᭄ᬣᬵᬲᬳᬶ᭞ᬤᬤᬶᬮᬾᬕᭀᬂᬳᬧᬂᬩᬶᬱ᭞ᬭᬭᬶᬲ᭄ᬳᬶᬤᬫᬦᬯᬸᬳᬶᬦ᭄᭞ᬧᬋᬓᬦ᭄ᬳᬮᬶᬢ᭄ᬫ ᬫᬃᬕ᭄ᬕᬶ᭞ᬗᬮᬶᬄᬧᬗᬸᬭᬸᬓᬾᬧᭂᬲᬸ᭞ᬲᬫ᭄ᬧᬸᬦ᭄ᬲᬫᬶᬗᬧᬸᬃᬬ᭄ᬬᬂ᭞ᬕᬕᬫᭂᬮᬦᬾᬘᬸᬫᬯᬶᬲ᭄᭞ᬧᬤᬵᬦᬩᬸᬄ᭞ᬭᬲᬦ᭄ᬜ᭞ᬫᬗᭀᬃᬣᬬᬂ᭟᭐ᬳᬶ ᬮᬢ᭄ᬣᬵᬬᬓᬳᬸᬭᬸᬓᬂ᭞ᬗᬶᬕᭂᬮ᭄‌ᬚᭀᬕᬾᬤ᭄ᬲᬳᬶᬲᬳᬶ᭞ᬫᬶᬯᬄᬓᬲᬓᬶᬢᬶᬦ᭄ᬧᬶᬲᬦ᭄᭞ᬓᬢᬶᬕ᭄ᬢᬶᬕ᭄ᬓᬳᬸᬫ᭄ᬧᬂᬳᬫ᭄ᬧᬶᬂ᭞ᬳᬶᬮᬶᬫ᭄ᬩᬸᬃ ᬳᬦᬾᬗᬯᬾᬦᬶᬦ᭄᭞ᬫᬢᬸᬃᬭᬶᬂᬳᬶᬤ᭄ᬯᬕᬸᬂᬧᬸᬢᬸ᭞ᬢᬸᬃᬳᬶᬤᬲᬋᬂᬤᬸᬓᬵ᭞ᬧᬘᬂᬓᬳᬶᬕᭂᬮᬂᬕ᭄ᬮᬶᬲ᭄᭞ᬭᬶᬂᬓᬓᬼᬘᬦ᭄᭞ᬳᬶᬤᬦᬾᬢ᭄ᬯᬭ [᭑᭕ 15A] ᬩᬸᬳᬸᬗᬦ᭄᭟᭐ᬓᬾᬢᭀᬳᭀᬃᬣᬦ᭄ᬕᬕᬫᭂᬮᬦ᭄᭞ᬮᬯᬸᬢ᭄ᬳᬶᬬᬫᬳᬸᬭᬸᬓ᭄ᬚᬦᬶ᭞ᬲᬋᬂᬩᬗᬸᬦ᭄ᬫᬤᬩ᭄ᬤᬩᬦ᭄᭞ᬧᬗᬸᬭᬸᬓᬾ ᬫᬜᬋᬗᬶᬦ᭄᭞ᬳᭂᬗ᭄ᬲᭂᬓ᭄ᬢᬩᬄᬧᬺᬚᬦᬶ᭞ᬧᬗᬸᬭᬸᬓᬾᬲ᭄ᬥᬶᬄᬩᭂᬓᬸᬢ᭄᭞ᬕᭂᬕᬫᭂᬮᬦᬾᬫᬓᭂᬚᬂ᭞ᬤᬤᬶᬲᬶᬬᭂᬧ᭄ᬧ᭄ᬭᬫᬗ᭄ᬓᬶ ᬦ᭄᭞ᬢ᭄ᬯᬭᬦᬩᬸᬄ᭞ᬦᬾᬫᬕᬫᭂᬮ᭄ᬫᬶᬮᬸᬳᭂᬩᬄ᭟᭐ᬜᬸᬗ᭄ᬓᭂᬮ᭄ᬗᭂᬮᬶᬂᬬᬲᬶᬕ᭄ᬲᬶᬕᬦ᭄᭞ᬫᬓᬓᭂᬩ᭄ᬳᬶᬧᬸᬦ᭄ᬭᬶᬂᬕᬸᬫᬶ᭞ᬳᬤᬦᭂ ᬧᬾᬦ᭄ᬕᬕᬫᭂᬮᬦ᭄᭞ᬤᬤᬶᬧᭂᬘᭀᬓ᭄ᬧᭂᬲᬸᬕ᭄ᬢᬶᬄ᭞ᬲᬓᬶᬢᬾᬢ᭄ᬯᬭᬳᬲᬦᬶᬦ᭄᭞ᬤᬤᬶᬳᬶᬤᭂᬓᭂᬮᬯᬸᬢ᭄᭞ᬫᬤᬍᬫ᭄ᬧᬶᬲ

Auto-transliteration

[14 14B] 14 janihirāmanundenang, ngurukanghilatthāsahi, dadilegonghapangbiṣa, rarishidamanawuhin, par̥ĕkanhalitma mar̀ggi, ngaliḥpangurukepĕsu, sampunsamingapur̀yyang, gagamĕlanecumawis, padānabuḥ, rasanña, mangor̀thayang. 0hi latthāyakahurukang, ngigĕljogedsahisahi, miwaḥkasakitinpisan, katigtigkahumpanghamping, hilimbur̀ hanengawenin, matur̀ringhidwagungputu, tur̀hidasar̥ĕngdukā, pacangkahigĕlangglis, ringkakl̥ĕcan, hidanetwara [15 15A] buhungan. 0ketohor̀than'gagamĕlan, lawut'hiyamahurukjani, sar̥ĕngbangunmadabdaban, panguruke mañar̥ĕngin, hĕngsĕktabaḥpr̥ĕjani, pangurukesdhiḥbĕkut, gĕgamĕlanemakĕjang, dadisiyĕppramangki n, twaranabuḥ, nemagamĕlmiluhĕbaḥ. 0ñungkĕlngĕlingyasigsigan, makakĕb'hipunringgumi, hadanĕ pen'gagamĕlan, dadipĕcokpĕsugtiḥ, sakitetwarahasanin, dadihidĕkĕlawut, madal̥ĕmpisa

Leaf 15

Image on Archive.org

[᭑᭕ 15B] ᭑᭕ ᬦ᭄ᬧᬶᬲᬦ᭄᭞ᬳᬤᬵᬫᬕ᭄ᬤᬶᬫᭂᬮᬳᬶᬩ᭄᭞ᬳᬤᬦᬸᬯᬸᬄ᭞ᬦᬶᬕ᭄ᬢᬶᬕ᭄ᬳᬯᬓ᭄ᬫᬧᬗᭂᬦᬦ᭄᭟᭐ᬳᬶᬮᬢ᭄ᬣᬵᬗᬾᬕᭂᬭᬂᬫᬦᬄ᭞ᬫᬫᬸᬜᬶᬫ ᬢᬸᬂᬢᬸᬂᬢᬗᬶᬲ᭄᭞ᬗ᭄ᬕᬶᬄᬮᬯᬸᬢᬂᬓᬾᬳᬸᬭᬸᬓᬂ᭞ᬢ᭄ᬬᬂᬳᬧᬂᬢ᭄ᬯᬭᬲᬶᬲᬶᬧ᭄᭞ᬦᬶᬓᬦᬾᬦᬾᬗᬫ᭄ᬩᭂᬮᬶᬦ᭄᭞ᬤᬸᬭᬸᬲᬂᬳᬸᬕᬶᬫᬦᬩᬸᬄ ᭞ᬲᬫ᭄ᬧᬸᬦᬂᬫᬜᬶᬬᭂᬧᬂ᭞ᬫᬲᬶᬄᬲᬶᬬᭂᬧ᭄ᬩᬸᬓᬚᬫ᭄ᬧᬶ᭞ᬭᬭᬶᬲ᭄ᬭᬯᬸᬄ᭞ᬳᬶᬮᬶᬫ᭄ᬩᬸᬃᬩᭂᬲᬸᬲ᭄ᬫᬜᭂᬫᬓ᭄᭟᭐ᬲᬫ᭄ᬩᬶᬮ᭄‌ᬬᬚᬦᬶᬗᭀᬭᬳᬂ ᭞ᬳᬶᬮᬢ᭄ᬣᬵᬫᬕᬸᬡᬍᬯᬶᬄ᭞ᬓ᭄ᬭᬡᬧᬗᬸᬭᬸᬓᬾᬳᭂᬩᬄ᭞ᬤᬤᬶᬳᬶᬬᬫᬯ᭄ᬢᬸᬗ᭄ᬮᬶᬂ᭞ᬫᬓᬤᬶᬦᬾᬗᬫ᭄ᬩᭂᬮᬶᬦ᭄᭞ᬲᬶᬬᭂᬧ᭄ᬩᬗᬸᬦ᭄ᬱ᭄ᬥᬶᬄᬗᬸ [᭑᭖ 16A] ᬤᬶᬢᬸ᭞ᬳᬶᬤᭂᬧ᭄ᬜᬦᬾᬫᬓᭂᬚᬂ᭞ᬲᭀᬭᭀᬄᬩᬸᬭᭀᬦ᭄᭞ᬧᬤᬬᬲ᭄ᬥᬶᬄᬧᬲᭂᬕᬸ᭞ᬩᭂᬗᭀᬂᬬᬫᬧᬸᬮᬶᬲᬳᬦ᭄᭞ᬬᬾᬄᬫᬢᬦᬾ ᬤᬺᬲ᭄ᬫᬶᬚᬶᬮ᭄᭟᭐ᬩᬸᬗᬸᬢ᭄ᬜᬵᬳᭂᬗ᭄ᬕᬂᬫᬓᭂᬚᬂ᭞ᬮᬬᬄᬳᬶᬧᬸᬦ᭄ᬫᬮᬾᬤ᭄ᬮᬾᬤ᭄ᬢᬸᬃᬫᬤᬶᬤᬶᬄ᭞ᬤ᭄ᬯᬕᬸᬂᬧᬸᬢ᭄ᬭᬫᬜᬶᬗᬓ᭄᭞ᬤᬤᬶᬕᬯᭀᬓ᭄᭞ ᬜᬶᬗᬓ᭄ᬩᬸᬭᭀᬦᬾᬮᬶᬬᬸ᭞ᬤᬸᬯᭂᬕ᭄ᬫᬦᬶᬗ᭄ᬓᬳᬂᬳᬯᬓ᭄᭞ᬫᬧᭀᬳᭀᬲ᭄‌ᬧᭀᬳᭀᬲᬦ᭄ᬢᬶᬢᬶᬩ᭄᭟᭐ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬲᬫ᭄ᬩᬶ ᬮ᭄ᬲ᭄ᬥᬶᬄᬦᬾᬳᬶᬩᬩᬸᬭᭀᬦ᭄ᬲᬫᬶ᭞ᬩᬸᬓᬭᬱᬧᬘᬂᬦᬸᬢᬸᬕ᭄᭞ᬢᬺᬱ᭄ᬡᬵᬢᭂᬓᬾᬦ᭄ᬳᬶᬭᬵ᭞ᬳᬶᬭᬢᬸᬯᬄᬧᬘᬂᬗᬮᬶᬄᬳᬶᬳᬤᬶᬳᬬᬸ᭞

Auto-transliteration

[15 15B] 15 npisan, hadāmagdimĕlahib, hadanuwuḥ, nigtig'hawakmapangĕnan. 0hilatthāngegĕrangmanaḥ, mamuñima tungtungtangis, nggiḥlawutangkehurukang, tyanghapangtwarasisip, nikanenengambĕlin, durusanghugimanabuḥ , sampunangmañiyĕpang, masiḥsiyĕpbukajampi, rarisrawuḥ, hilimbur̀bĕsusmañĕmak. 0sambilyajaningorahang , hilatthāmaguṇal̥ĕwiḥ, kraṇapangurukehĕbaḥ, dadihiyamawtungling, makadinengambĕlin, siyĕpbangunṣdhiḥngu [16 16A] ditu, hidĕpñanemakĕjang, soroḥburon, padayasdhiḥpasĕgu, bĕngongyamapulisahan, yeḥmatane dr̥ĕsmijil. 0bungutñāhĕnggangmakĕjang, layaḥhipunmaledledtur̀madidiḥ, dwagungputramañingak, dadigawok, ñingakburoneliyu, duwĕgmaningkahanghawak, mapohospohosantitib. 0rarishidamangandikā, sambi lsdhiḥnehibaburonsami, bukaraṣapacangnutug, tr̥ĕṣṇātĕkenhirā, hiratuwaḥpacangngaliḥhihadihayu,

Leaf 16

Image on Archive.org

[᭑᭖ 16B] ᭑᭖ ᬗᬶᬭᬶᬂ᭞ᬲᬢᬶᬩᬧᬭᬦᬶᬂᬮᬓᬸ᭞ᬬᬤᬶᬦ᭄ᬫᬯᬶᬦᬦ᭄ᬫᬯᬶᬦᬦ᭄ᬭᬸᬲᬓ᭄᭞ᬬᬤᬶᬦ᭄ᬭᬢᬸᬫᬫᬃᬕ᭄ᬕᬶ᭞ᬢᬦ᭄ᬯᬗ᭄ᬤᬾᬦᬦ᭄ᬧᬘᬂᬍᬲᬸ᭞ᬧᬸᬦᬶᬓᬶᬳᬶ ᬧᬸᬦ᭄ᬳᬶᬕᬚᬄ᭞ᬮᬶᬗ᭄ᬕᬶᬳᬶᬦ᭄ᬭᬢᬸᬦᬾᬫᬗ᭄ᬓᬶᬦ᭄᭟᭐ᬬᬦᬶᬂᬓᬲᬢᬦ᭄ᬭᬶᬂᬫᬃᬕ᭄ᬕ᭞ᬦᬶᬓᬶᬭᬢᬸᬳᬶᬩᭀᬚᭀᬕ᭄ᬳᬶᬧᬸᬦ᭄ᬱᬫᬶ᭞ᬮᬸᬗ᭄ᬳᬵ ᬗᬮᬶᬄᬩᬸᬯᬄᬓᬬᬸ᭞ᬜᬸᬲᬸᬧ᭄ᬭᬶᬂᬢᭂᬗᬳᬶᬳᬮᬲ᭄‌᭞ᬬᬦ᭄ᬫᬧᬶᬂᬓᬬᬸᬦ᭄‌ᬲᭀᬭᭀᬄᬨᬮᬩᬸᬗ᭄ᬓᬄᬭᬢᬸ᭞ᬧᬸᬦᬶᬓᬶᬬᬓ᭄ᬱᬧᬶ ᬰᬘ᭞ᬦᬶᬓᬬᬂᬮᬸᬗ᭄ᬳᬗᬺᬋᬳᬶᬦ᭄᭟᭐ᬲᬓᬬᬸᬦ᭄ᬭᬢᬸᬦ᭄ᬤᬶᬓᬬᬂ᭞ᬢᬶᬢ᭄ᬬᬂᬭᬢᬸᬢᬦ᭄ᬢᬸᬮᬓ᭄‌ᬯᬦ᭄ᬢᬄᬗᬶᬭᬶᬂ᭞ᬓᬢᭀᬭᬱᬯᬃᬡ᭄ᬦ [᭑᭗ 17A] ᬯᬦ᭄ᬫᬜ᭄ᬚᬗᬦ᭄᭞ᬕᬚᬄᬯᬭᬓ᭄ᬲᬦᬸᬓ᭄ᬮᬦ᭄ᬓᬜ᭄ᬘᬶᬮ᭄᭞ᬩᭀᬚᭀᬕ᭄ᬧᬾᬢᬸᬦᬾᬫᬧᬸᬡ᭄ᬥᬸᬄ᭞ᬓᬼᬲᬶᬄᬭᬲᬾᬮᬦ᭄ᬫᬄᬫᬄ᭞ᬬ ᬓ᭄ᬱᬬᬓ᭄ᬱᬶ᭞ᬭᬵᬓ᭄ᬱᬲᬧᬶᬰᬘᬭᬯᬸᬄ᭞ᬳᭂᬦ᭄ᬢᭀᬧᬤᬲ᭄ᬥᬶᬄᬓᬢᬺᬱ᭄ᬡᬦ᭄᭞ᬓᬗᭂᬦ᭄ᬗᭂᬦᭀᬢ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭟᭐ᬚᬦᬶᬦ᭄ᬢᭀᬮᬯᬸᬢ᭄ᬧᬃ ᬡ᭄ᬦᬬᬂ᭞ᬩᬸᬓᬜᬸᬫ᭄ᬩᬄᬫᬢᬸᬃᬲᬶᬗ᭄ᬕᬶᬄᬦᬺᬧᬢᬶ᭞ᬧᬸᬦᬧᬶᬤ᭄ᬯᬦᬶᬂᬳᬶᬭᬢᬸ᭞ᬢᬦ᭄ᬧ᭄ᬕᬢ᭄ᬫᬲᬲᬫ᭄ᬩᬢᬦ᭄᭞ᬲ᭄ᬥᬶᬄᬓᬶᬗ᭄ᬓᬶᬂ᭞ᬫᬶᬭᬶᬩ᭄ᬳᬤᬗᬯᬾ ᬳᬶᬩᬸᬓ᭄᭞ᬓ᭄ᬭᬡᬳᬶᬭᬢᬸᬲᬗ᭄ᬲᬭᬵ᭞ᬳᬶᬭᬶᬓᬶᬭᬶᬂᬳᬮᬲ᭄ᬳᬸᬓᬶᬃ᭟᭐ᬳᬯᬶᬦᬦ᭄ᬢᬶᬢ᭄ᬬᬂᬗᭂᬮᬶᬲᬂ᭞ᬭᬯᬸᬄᬦᬗ᭄ᬓᬶᬮ᭄‌ᬫᬶᬲᬤ᭄ᬬᬧᬘᬂ

Auto-transliteration

[16 16B] 16 ngiring, satibaparaninglaku, yadinmawinanmawinanrusak, yadinratumamar̀ggi, tanwangdenanpacangl̥ĕsu, punikihi punhigajaḥ, linggihinratunemangkin. 0yaningkasatanringmar̀gga, nikiratuhibojog'hipunṣami, lunghā ngaliḥbuwaḥkayu, ñusupringtĕngahihalas, yanmapingkayunsoroḥphalabungkaḥratu, punikiyakṣapi śaca, nikayanglunghangr̥ĕr̥ĕhin. 0sakayunratundikayang, tityangratutantulakwantaḥngiring, katoraṣawar̀ṇna [17 17A] wanmañjangan, gajaḥwaraksanuklankañcil, bojogpetunemapuṇdhuḥ, kl̥ĕsiḥraselanmaḥmaḥ, ya kṣayaksyi, rākṣasapiśacarawuḥ, hĕntopadasdhiḥkatr̥ĕṣṇan, kangĕnngĕnotradenmantri. 0janintolawutpar̀ ṇnayang, bukañumbaḥmatur̀singgiḥnr̥ĕpati, punapidwaninghiratu, tanpgatmasasambatan, sdhiḥkingking, mirib'hadangawe hibuk, kraṇahiratusangsarā, hirikiringhalashukir̀. 0hawinantityangngĕlisang, rawuḥnangkilmisadyapacang

Leaf 17

Image on Archive.org

[᭑᭗ 17B] ᭑᭗ ᬫ᭄ᬫᬮᬵ᭞ᬫᬸᬮᬲᬂᬢᬧᬵᬦ᭄ᬭᬸᬯᬾᬦᬶᬦ᭄᭟᭐ᬳᬶᬤᬳᬶᬤ᭄ᬯᬕᬸᬂᬧᬸᬢ᭄ᬭᬵ᭞ᬲᬦᬾᬫᬗ᭄ᬓᬶᬦ᭄‌ᬧᬸᬦᬶᬓᬯᬦ᭄ᬢᬄᬓᬳᬸᬗ᭄ᬲᬶ᭞ᬭᬭᬶᬲ᭄ᬫᬫᬃᬕ᭄ᬕᬶ ᬗᬺᬭᬦ᭄ᬢᬸᬦ᭄᭞ᬢᬗᬶᬲᬾᬰ᭄ᬯᬭᬵᬧᭂᬕᬢ᭄᭞ᬦᭀᬮᬶᬄᬦᭀᬮᬶᬄ᭞ᬭᬲᬦ᭄ᬜᬢᭂᬓᬫᬢᭂᬫᬸ᭞ᬤᬤᬶᬩᬸᬯᬶᬦ᭄ᬩᬄᬫᬕᬸᬬᬂ᭞ᬍᬫᭂᬢ᭄ᬩᬸᬓᬢ ᬦ᭄ᬧᬕᬮᬶᬄ᭟᭐ᬫᬦᬗ᭄ᬓᬶᬲ᭄ᬫᬲᬲᬫ᭄ᬩᬢᬦ᭄᭞ᬫᬤᭂᬓᭂᬲᬦ᭄‌ᬲᬶᬕ᭄ᬲᬶᬕᬦ᭄ᬳᬸᬬᬂᬧᬮᬶᬂ᭞ᬢᬸᬯᬶᬢ᭄ᬯᬄᬚᬳᬦᬓ᭄ᬳᬶᬗᬸᬄ᭞ᬫᬫ᭄ᬭᬢ᭄ᬩᭂᬲ᭄ᬓ ᬢᬼᬩᬦ᭄᭞ᬫᬗ᭄ᬓᬶᬦ᭄ᬓᭀᬘᬧ᭄‌ᬲᬳᬶᬲᬶᬦ᭄ᬳᬮᬲᬾᬤᬶᬢᬸ᭞ᬲᭀᬭᭀᬄᬗᬸᬭᭀᬦᬾᬫᬓᭂᬚᬂ᭞ᬧᬤᬬᬢ᭄ᬓᬵᬧᬤᭂᬗ᭄ᬲᬶᬮ᭄᭟᭐ᬲᭂᬗ᭄ᬕᬄᬓ᭄ᬮ [᭑᭘ 18A] ᬚ᭄ᬮᬾᬧᬶᬲᬦ᭄ᬢᭂᬫᬸᬦ᭄ᬳᬶᬧᬸᬦ᭄᭞ᬦᬾᬦᭂᬗᬄᬫᬗ᭄ᬕᬶᬄᬲᬤ᭄ᬬ᭞ᬤᬾᬦᬶᬂᬬᬫᬸᬮᬵᬫᬲᬡ᭄ᬥᬶᬂ᭟᭐ᬕᬸᬦᬸᬗᬾᬳᬶᬍᬳᬶᬦ᭄ᬢᬸᬓᬤ᭄᭞ᬦᬾᬭᬶᬂ ᬫᬥ᭄ᬬᬯᬦ᭄ᬢᬄᬕᭂᬦᬄᬫᬓᬾᬃᬣᬶ᭞ᬦᬗᬸᬦ᭄ᬬᬰᬩ᭄ᬭᬢᬭᬶᬂᬕᬸᬦᬸᬂ᭞ᬧᬕᭂᬄᬗᭂᬬᬰᬬᬂᬭᬕᬵ᭞ᬢᬦ᭄ᬳᬸᬭᬸᬗᬦ᭄ᬫᬗ᭄ᬕᬶᬄᬲᬤ᭄ᬬᬭᬳᬬᬸ ᭞ᬲᬸᬓᬯᬶᬃᬬ᭄ᬬᬭᬶᬂᬚᬕᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬧᬘᬂᬦᬦ᭄ᬤᬶᬗᬶᬦ᭄᭟᭐ᬦᬾᬭᬶᬂᬲᭀᬃᬤᬶᬲᬫ᭄ᬧᬶᬂᬢᬸᬓᬤ᭄᭞ᬯᬢᭂᬓ᭄ᬧ᭄ᬭᬫᬦᬾᬲᬫ᭄ᬧᬸᬦ᭄ᬦᬶ ᬗ᭄ᬕᬮ᭄ᬦᬕᬭᬶ᭞ᬳᬶᬭᬶᬓᬵᬚᬫᬸᬮᬓᬸᬫ᭄ᬧᬸᬮ᭄᭞ᬮᬶᬗ᭄ᬕᬄᬕᭂᬦᬳᬾᬫᬦᬧᬓ᭄᭞ᬫᬲᬫᬥᬶᬬᬾᬳᬾᬕ᭄ᬥᬾᬫᬗ᭄ᬭᬸᬤᬸᬕ᭄᭞ᬳᭂᬦᬶᬂᬲᬸᬘᬶᬦᬶᬃ

Auto-transliteration

[17 17B] 17 mmalā, mulasangtapānruwenin. 0hidahidwagungputrā, sanemangkinpunikawantaḥkahungsi, rarismamar̀ggi ngr̥ĕrantun, tangiseśwarāpĕgat, noliḥnoliḥ, rasanñatĕkamatĕmu, dadibuwinbaḥmaguyang, l̥ĕmĕtbukata npagaliḥ. 0manangkismasasambatan, madĕkĕsansigsiganhuyangpaling, tuwitwaḥjahanak'hinguḥ, mamratbĕska tl̥ĕban, mangkinkocapsahisinhalaseditu, soroḥnguronemakĕjang, padayatkāpadĕngsil. 0sĕnggaḥkla [18 18A] jlepisantĕmunhipun, nenĕngaḥmanggiḥsadya, deningyamulāmasaṇdhing. 0gunungehil̥ĕhintukad, nering madhyawantaḥgĕnaḥmaker̀thi, nangunyaśabrataringgunung, pagĕḥngĕyaśayangragā, tanhurunganmanggiḥsadyarahayu , sukawir̀yyaringjagat, tanwentĕnpacangnandingin. 0neringsor̀disampingtukad, watĕkpramanesampunni nggalnagari, hirikājamulakumpul, linggaḥgĕnahemanapak, masamadhiyehegdhemangrudug, hĕningsucinir̀

Leaf 18

Image on Archive.org

[᭑᭘ 18B] ᭑᭘ ᬢᬦ᭄ᬲᬄᬫᬲᬸᬓᬦ᭄ᬲᬸᬓᬦ᭄᭞ᬢ᭄ᬯᬭᬩ᭄ᬮᬲ᭄‌ᬳᬶᬬᬤᬶᬚᭀᬄᬓᬢᭂᬧᬸᬓ᭄᭞ᬳᬧᬂᬫᬢᬸᬗ᭄ᬕᬮᬦ᭄ᬕᭂᬦᬄ᭞ᬫᬸᬓ᭄ᬢᬶᬓ᭄ᬭᬰ᭄ᬫᬶᬦᬶᬗᬕᬸ ᬫᬶ᭟᭐ᬤᬤᬶᬳᬤᬚᬦᬶᬗᭂᬦᬄ᭞ᬧᭂᬤᬲ᭄ᬢᬶᬗ᭄ᬓᬄᬕᬸᬦᬸᬗᬾᬗᬸᬮᬗᬸᬦᬶᬦ᭄᭞ᬲᬲᬪᬵᬦ᭄ᬤᬥᬭᬶᬤᬶᬢᬸ᭞ᬫᬶᬯᬄᬲᬳᬶᬲᬶᬦᬶᬂᬲ᭄ᬯᬃᬕ᭄ᬕᬦ᭄᭞ᬫ ᬓᬸᬮᬗᬸᬦ᭄᭞ᬫᬳᬶᬍᬳᬦ᭄ᬗᬮᬧ᭄ᬲᬦ᭄ᬢᬸᬦ᭄᭞ᬲᬃᬯ᭄ᬯᬶᬫᬜᬶᬗᬓᬶᬦ᭄ᬚᬕᬢ᭄᭞ᬗᭂᬦᬄᬢ᭄ᬮᬕᬦᬾᬩᭂᬘᬶᬓ᭄᭟᭐ᬲᬓᬶᬂᬕᬸᬦᬸᬗᬾᬧᬸᬦᬶᬓᬵ᭞ ᬲᬦᬾᬓ᭄ᬭᬯᭀᬲ᭄‌ᬜᬦ᭄ᬤᬂᬧᬘᬂᬳᬶᬘᬳᬶᬦ᭄᭞ᬲᬸᬓᬵᬤᬸᬓᬢᬸᬯᬄᬫᬧᬸᬡ᭄ᬥᬸᬄ᭞ᬦᬾᬦᬾᬳᬬᬸᬫᬗ᭄ᬕᬶᬄᬲᬤ᭄ᬬ᭞ᬦᬾᬦᬾᬳᬮ᭞ [᭑᭙ 19A] ᬧᬶᬲᬦ᭄ᬜᬵᬢᬶᬢ᭄ᬬᬂᬗ᭄ᬫᬲᬶᬦ᭄ᬫᬢᬶ᭞ᬓᬸᬗ᭄ᬓᬸᬃᬬᬦ᭄ᬫᬮᬶᬄᬓᬢᬸᬤᬸᬄ᭞ᬫᬢᬸᬮᬓ᭄ᬤᬤᭀᬲ᭄ᬚᬦ᭄ᬫᬵ᭞ᬲᬫ᭄ᬧᬸᬦ᭄ᬓᬤᬶᬫᬗ᭄ᬓᬶᬦ᭄ᬳᬤᬶᬳᬬᬸ᭞ᬳᬧᬂ ᬲᬸᬩᬫᬩᬋᬗᬦ᭄᭞ᬓᭂᬦᬶᬢᬶᬢ᭄ᬬᬂᬳᬸᬲᬦ᭄ᬲᬓᬶᬢ᭄᭟᭐ᬬᬦ᭄ᬳᬤᬶᬫᬳᬗ᭄ᬕᬵᬮᭀᬦ᭄ᬢᬃ᭞ᬳᬧᬂᬢᬶᬢ᭄ᬬᬂᬢᬸᬫ᭄ᬩᬸᬄᬤᬤᬶᬧᬗᬸᬢᬶ ᬓ᭄᭞ᬢᬦ᭄ᬧ᭄ᬕᬢᬶᬢ᭄ᬬᬂᬫᬢᭂᬫᬸ᭞ᬲᬸᬓᬵᬗᬸᬮᬸᬭᬶᬦ᭄ᬫᬦᬄ᭞ᬫᬓᬭᭀᬦᬦ᭄‌ᬩᬋᬂᬫᬢᭂᬫᬸᬤᬶᬓᬲᬸᬃ᭞ᬬᬦ᭄ᬳᬤᬶᬫᬦᬤᬶᬢ᭄ᬮᬕ᭞ ᬢᬶᬢ᭄ᬬᬂᬢᬸᬜ᭄ᬚᬸᬂᬦᬶᬮᬯᬢᬶ᭟᭐ᬬᬦ᭄ᬳᬤᬶᬤᬤᬶᬲᬕᬭᬵ᭞ᬢᬶᬢ᭄ᬬᬂᬚᬸᬦ᭄ᬬᬂᬫ᭄ᬮᬬᬃᬩᬩᬃᬳᬗᬶᬦ᭄᭞ᬗᬯᬾᬦᬂᬫᬦᬄᬳᬸᬮᬗᬸᬦ᭄᭞

Auto-transliteration

[18 18B] 18 tansaḥmasukansukan, twarablashiyadijoḥkatĕpuk, hapangmatunggalan'gĕnaḥ, muktikraśminingagu mi. 0dadihadajaningĕnaḥ, pĕdastingkaḥgunungengulangunin, sasabhāndadhariditu, miwaḥsahisiningswar̀ggan, ma kulangun, mahil̥ĕhanngalapsantun, sar̀wwimañingakinjagat, ngĕnaḥtlaganebĕcik. 0sakinggunungepunikā, sanekrawosñandangpacanghicahin, sukādukatuwaḥmapuṇdhuḥ, nenehayumanggiḥsadya, nenehala, [19 19A] pisanñātityangngmasinmati, kungkur̀yanmaliḥkatuduḥ, matulakdadosjanmā, sampunkadimangkinhadihayu, hapang subamabar̥ĕngan, kĕnitityanghusansakit. 0yanhadimahanggālontar̀, hapangtityangtumbuḥdadipanguti k, tanpgatityangmatĕmu, sukāngulurinmanaḥ, makaronanbar̥ĕngmatĕmudikasur̀, yanhadimanaditlaga, tityangtuñjungnilawati. 0yanhadidadisagarā, tityangjunyangmlayar̀babar̀hangin, ngawenangmanaḥhulangun,

Leaf 19

Image on Archive.org

[᭑᭙ 19B] ᭑᭙ ᭚᭐᭚ᬧᬗ᭄ᬓᬸᬃ᭚᭐᭚ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬬᬾᬄᬘᬶᬗᬓᬾᬢᬦ᭄ᬧ᭄ᬕᬢ᭄ᬤᬺᬲ᭄ᬫᬶᬚᬶᬮ᭄᭞ᬜᭂᬮ᭄ᬲᭂᬮ᭄ᬭᬕ᭄ᬕᬵᬗᬦ᭄ᬢᬸᬦᬦ᭄ᬢᬸᬦ᭄᭞ᬜ ᬮᬾᬫ᭄ᬧᬾᬄᬩᬄᬫᬕᬸᬬᬂ᭞ᬤᬸᬄᬫᬲ᭄ᬫᬶᬭᬄ᭞ᬤᬶᬚᬳᬶᬳᬤᬶᬫᬮᬸᬗ᭄ᬕᬸᬄ᭞ᬢᬶᬜ᭄ᬚᭀᬳᬶᬦ᭄‌ᬚᬵᬢᬶᬢ᭄ᬬᬂ᭞ᬓᬮᬭᬦ᭄ᬧ᭄ᬥᬶᬄᬓᬶᬗ᭄ᬓᬶᬂ᭟᭐ ᬫᬾᬄᬢᬶᬢ᭄ᬬᬂᬫᬯᬶᬦᬦ᭄ᬭᬸᬲᬓ᭄᭞ᬬᬾᬦ᭄ᬲᬶᬂᬳᬤᬶᬳᬾᬮᬶᬂᬫᬜᭂᬫ᭄ᬧᭀᬮᬶᬄ᭞ᬬᬦ᭄ᬲᬫ᭄ᬧᬸᬦ᭄ᬳᬶᬳᬤᬶᬳᬬᬸ᭞ᬫᬢ᭄ᬭᬫᬢ᭄ᬭᬫᬜᬶᬗᬓ᭄᭞ ᬫᬗ᭄ᬤᬵᬮᬶᬧᬸᬃᬫᬦᬄᬢᬶᬢ᭄ᬬᬂᬳᬶᬗᬸᬄ᭞ᬳᬸᬲᬦ᭄ᬲᬓᬶᬢ᭄ᬲᬗ᭄ᬲᬭᬵ᭞ᬫᭂᬗᬲᬶᬦ᭄ᬫᬦᬳᬾᬧᬮᬶᬂ᭟᭐ᬬᬦ᭄ᬳᬤᬶᬢᬦ᭄ᬢᬸᬮᬸᬲ᭄ᬳᬶᬘ᭄ᬘᬵ᭞ᬦᬄ [᭒᭐ 20A] ᬭᬵᬢᭀᬫᬦᬯᬂᬫᬸᬮᬶᬄ᭞ᬬᬾᬦ᭄ᬢ᭄ᬯᬭᬲᬶᬤ᭄ᬥᬓᬢ᭄ᬓᬦ᭄᭞ᬓᬾᬢᭀᬓᭂᬦᭂᬄᬳᬶᬭᬚᬦᬶ᭞ᬬᬤᬶᬦ᭄ᬗᭂᬫᬲᬶᬦ᭄ᬫᬢᬶ᭞ᬬᬦ᭄ᬢᬦ᭄ᬳᬶᬳᬤᬶᬓᬢ᭄ᬧᬸ ᬓ᭄᭞ᬳᬶᬭᬵᬢ᭄ᬯᬄᬫᬶᬲᬤ᭄ᬬ᭞ᬳᬶᬧᬭᭀᬲ᭄ᬫᬲᬯᬸᬃᬪᬓ᭄ᬢᬶ᭞ᬢᬶᬢ᭄ᬬᬂᬭᬢᬸ᭞ᬗᬶᬭᬶᬂᬳ᭄ᬬᬦ᭄ᬘᭀᬓᭀᬃᬳᬶᬤᬾᬯ᭟᭐ᬭᬭᬶᬲ᭄ᬳᬶᬤᬵᬫᬤᬩ᭄ᬤ ᬩᬦ᭄᭞ᬧ᭄ᬭᬫᬗ᭄ᬓᬶᬦ᭄ᬮᬯᬸᬢ᭄ᬫᬫᬃᬕ᭄ᬕᬶ᭞ᬲᬫ᭄ᬧᬸᬦ᭄ᬭᬯᬸᬄᬢᬦ᭄ᬧᬶᬦ᭄ᬳᬸᬮᬸᬲ᭄᭞ᬫᬭᬃᬬ᭄ᬬᬦ᭄ᬳᬶᬤᬫᬮᬶᬗ᭄ᬕᬶᬄ᭞ᬲᬃᬯ᭄ᬯᬶᬗᬦ᭄ᬤᬶᬓᬳᬭᬶᬲ᭄᭞ ᬧᬭᭀᬲ᭄‌ᬦᬄᬓ᭄ᬦᭂᬳᬂᬫᬮᬸ᭞ᬚᭂᬚᬵᬳᭀᬯᬦ᭄ᬢᭂᬲ᭄ᬬᬮᬓᬸᬦ᭄ᬜᬵ᭞ᬧᬫᬃᬕ᭄ᬕᬶᬦ᭄ᬳᬶᬤᬳᬶᬳᬤᬶ᭞ᬓ᭄ᬫᬵᬫᬳᬶ᭞ᬧᬮᬓᬸᬦᬾᬢ᭄ᬯᬭᬗᭂᬦᬄ᭞

Auto-transliteration

[19 19B] 19 // 0 // pangkur̀ // 0 // manangismasasambatan, yeḥcingaketanpgatdr̥ĕsmijil, ñĕlsĕlraggāngantunantun, ña lempeḥbaḥmaguyang, duḥmasmiraḥ, dijahihadimalungguḥ, tiñjohinjātityang, kalaranpdhiḥkingking. 0 meḥtityangmawinanrusak, yensinghadihelingmañĕmpoliḥ, yansampunhihadihayu, matramatramañingak, mangdālipur̀manaḥtityanghinguḥ, husansakitsangsarā, mĕngasinmanahepaling. 0yanhaditantulushiccā, naḥ [20 20A] rātomanawangmuliḥ, yentwarasiddhakatkan, ketokĕnĕḥhirajani, yadinngĕmasinmati, yantanhihadikatpu k, hirātwaḥmisadya, hiparosmasawur̀bhakti, tityangratu, ngiringhyancokor̀hidewa. 0rarishidāmadabda ban, pramangkinlawutmamar̀ggi, sampunrawuḥtanpinhulus, marar̀yyanhidamalinggiḥ, sar̀wwingandikaharis, parosnaḥknĕhangmalu, jĕjāhowantĕsyalakunñā, pamar̀gginhidahihadi, kmāmahi, palakunetwarangĕnaḥ,

Leaf 20

Image on Archive.org

[᭒᭐ 20B] ᭒᭐ ᬓᬳᬾᬜ᭄ᬘᭂᬧᬂ᭞ᬗᬃᬘ᭄ᬘᬡᬲᬗ᭄ᬳ᭄ᬬᬂᬯᬶᬥᬶ᭞ᬫᬶᬯᬄᬯᬢᭂᬓ᭄ᬥᬾᬯᬢ᭄ᬣᬵ᭞ᬳᬸᬢ᭄ᬢᬫᬯᬶᬤᬕ᭄ᬥᬚᬢᬶ᭞ᬯ᭄ᬬᬓ᭄ᬢᬶᬫᬭᬕᬍᬯᬶᬄ᭞ᬫᬗ᭄ᬤᬵᬲᬶᬤ᭄ᬥᬫᬗ᭄ᬕᬶᬄ ᬳᬬᬸ᭞ᬗᬲ᭄ᬢᬶᬢᬶᬗᬺᬜ᭄ᬘᬦ᭞ᬗᬸᬧ᭄ᬢᬶᬦᬾᬦᬾᬍᬯᬶᬄ᭞ᬲᬶᬤᬧᬗ᭄ᬕᬸᬄ᭞ᬧᬸᬦᬶᬓᬦᬾᬓᬓᬸᬩ᭄ᬤᬬᬂ᭟᭐ᬳᬶᬤ᭄ᬯᬕᬸᬂᬧᬸᬢᬸᬫᬦᬶᬫ᭄ᬩᬮ᭄᭞ᬳᬶᬭᬢ᭄ᬯᬄ ᬫᬫᬶᬲᬶᬗ᭄ᬕᬶᬄ᭞ᬢᬸᬫᬸᬮᬶᬫᬮᬶᬄᬫᬫᬃᬕ᭄ᬕ᭞ᬗᭀᬚᭀᬕ᭄ᬳᬮᬲ᭄ᬫᬶᬯᬄᬯᬸᬓᬶᬃ᭞ᬲᬶᬂᬧᬦ᭄ᬢᭂᬲ᭄ᬦᭀᬗᭀᬲ᭄ᬤᬶᬦᬶ᭞ᬲᬫ᭄ᬧᬸᬦ᭄ᬓᭀᬲᬫᬶᬓᬧᬗ᭄ᬕᬸᬄ᭞ᬢ᭄ᬯ ᬭᬗᭂᬮᬄᬲᬗ᭄ᬲᬬᬵ᭞ᬫᬲᬶᬄᬳᬶᬤᬢᬦ᭄ᬓᬧᬗ᭄ᬕᬶᬄ᭞ᬤᬤᬶᬍᬲᬸ᭞ᬓᭂᬘᬸᬤ᭄ᬩᬦ᭄ᬚᭀᬳᬾᬫᬫᬃᬕ᭄ᬕ᭟᭐ᬧᬭᭀᬲ᭄‌ᬬᬾᬦ᭄ᬓᬾᬦᬾᬭᬲᬦ᭄ᬜᬵ᭞ᬳᬶ [᭒᭑ 21A] ᬮᬂ᭞ᬧᭂᬲᬸᬯᬦ᭄ᬭᬭᬶᬲ᭄ᬫᬯᭀᬲᬶᬦ᭄᭞ᬲᬫ᭄ᬧᬸᬦ᭄ᬲᬫᬶᬓᬧᬶᬦᭂᬳᬶᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬧ᭄ᬭᬫᬗ᭄ᬓᬶᬦ᭄᭞ᬳᭂᬲ᭄ᬫᬘᭂᬧᭀᬮ᭄ᬤᬤᬶᬓᬦ᭄ᬢᬸ᭞ ᬳᬶᬧᬭᭀᬲ᭄ᬬᬫᬓᭂᬲ᭄ᬬᬩ᭄᭞ᬚᭂᬚᭂᬳᬾᬫᬤᬸᬮᬸᬭᬦ᭄ᬳᭂᬮᬶᬂ᭞ᬲᬫ᭄ᬩᬶᬮ᭄ᬫᬢᬸᬃ᭞ᬳᬢᬸᬭᬾᬭᬢᬸᬳᬾᬮᬶᬗᬂ᭟᭐ᬧᬕᭂᬳᬂᬫᬗᬫᭀᬂ ᬬᬸᬱᬵ᭞ᬳᭂᬤᬵᬭᬢᬸᬫᬗᬸᬮᬸᬭᬶᬦ᭄᭞ᬳᬸᬮᬗᬸᬦᬾᬩᭂᬲ᭄ᬢᭂᬍᬩᬂ᭞ᬦᬶᬓᬗᬯᭂᬢ᭄ᬬᬂᬲᭂᬤᬶᬄ᭞ᬳᬯᬶᬦᬦ᭄ᬓᬤᬶᬫᬗ᭄ᬓᬶᬦ᭄᭞ᬤᬤᭀᬲ᭄ᬧ ᬜᬸᬗ᭄ᬓᬦ᭄ᬤᬾᬯᬵᬕᬸᬂ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬩᬸᬫᬭᬵ᭞ᬫᬗ᭄ᬭᬲᬭᬲᬤᬶᬳᬢᬶ᭞ᬓᬧᬶᬳᬸᬗᬸ᭞ᬲᬶᬤ᭄ᬥᬫᬗ᭄ᬕᬸᬳᬂᬓᬭᬳᬚ᭄ᬗᬦ᭄᭟᭐ᬧᬸᬦᬶᬓᬲᬦᬾ

Auto-transliteration

[20 20B] 20 kaheñcĕpang, ngar̀ccaṇasanghyangwidhi, miwaḥwatĕkdhewatthā, huttamawidagdhajati, wyaktimaragal̥ĕwiḥ, mangdāsiddhamanggiḥ hayu, ngastitingr̥ĕñcana, nguptinenel̥ĕwiḥ, sidapangguḥ, punikanekakubdayang. 0hidwagungputumanimbal, hiratwaḥ mamisinggiḥ, tumulimaliḥmamar̀gga, ngojog'halasmiwaḥwukir̀, singpantĕsnongosdini, sampunkosamikapangguḥ, twa rangĕlaḥsangsayā, masiḥhidatankapanggiḥ, dadil̥ĕsu, kĕcudbanjohemamar̀gga. 0parosyenkenerasanñā, hi [21 21A] lang, pĕsuwanrarismawosin, sampunsamikapinĕhin, hidwagungputrapramangkin, hĕsmacĕpoldadikantu, hiparosyamakĕsyab, jĕjĕhemaduluranhĕling, sambilmatur̀, hatureratuhelingang. 0pagĕhangmangamong yusyā, hĕdāratumangulurin, hulangunebĕstĕl̥ĕbang, nikangawĕtyangsĕdiḥ, hawinankadimangkin, dadospa ñungkandewāgung, hidwagungputrabumarā, mangrasarasadihati, kapihungu, siddhamangguhangkarahajngan. 0punikasane

Leaf 21

Image on Archive.org

[᭒᭑ 21B] ᭒᭑ ᬫᬢᬸᬃᬜᭂᬫ᭄ᬩᬄ᭞ᬲᬶᬕ᭄ᬲᬶᬕᬦ᭄ᬢᬸᬃᬤᬶᬬᬶᬲ᭄ᬤᬶᬬᬶᬲ᭄᭞ᬗᭂᬢᭀᬃᬫᬲᬯᬂᬗ᭄ᬮᬶᬂ᭞ᬳᬶᬗ᭄ᬕᬶᬄᬭᬢᬸᬤᬾᬯᬵᬕᬸᬂ᭞ᬳᬶᬮᬢ᭄ᬣᬵᬤᬦᬾᬳᬸᬘᬮ᭄᭞ᬲᬸᬯᬸᬂ ᬢᬦ᭄ᬯᬾᬦ᭄ᬢᭂᬦ᭄ᬳᬶᬭᬶᬓᬶ᭞ᬤᬤᬶᬕᭂᬮᬸ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬵᬗᭂᬮᬶᬲᬂ᭟᭐ᬳᬸᬮᬶᬫ᭄ᬢᬾᬦ᭄ᬳᬶᬤᬵᬦᭂᬭᬚᬂ᭞ᬭᬭᬶᬲ᭄ᬫᬘᭂᬍᬧ᭄ᬓᬮᭀᬚᬶ᭞ᬓᬘᬶᬗᬓ᭄ ᬲᬫ᭄ᬧᬸᬦ᭄ᬲᭂᬧᬶᬕᬮᬂ᭞ᬢᬦᬶᬓᬮᬸᬂᬦᬂᬳᬩ᭄ᬱᬶᬓ᭄᭞ᬕᬍᬗᬾᬮᬯᬸᬢᬂᬳᬫ᭄ᬩᬶᬮ᭄᭞ᬓᬲᬸᬭᬾᬳᭂᬦ᭄ᬢᬸᬗᬂᬧᭂᬲᬸ᭞ᬭᬶᬂᬦᬢᬳᬾᬫ ᬲᬄᬲᬄ᭞ᬮᬗ᭄ᬱᬾᬦᬾᬳᬫ᭄ᬧᬶᬕᬂᬫᬮᬶᬄ᭞ᬮᬯᬸᬢ᭄ᬱᬾᬢ᭄ᬱᬾᬢ᭄᭞ᬤᬤᬶᬳᬤᬗᭂᬦᬄᬲᬹᬭᬢ᭄᭟᭐ᬳᬫ᭄ᬩᬶᬮ᭄‌ᬲᬹᬭᬢᬾᬳᬾᬗ᭄ᬕᭂ [᭒᭒ 22A] ᬳᬭᬂᬚᬵᬢᬶᬢ᭄ᬬᬂᬳᬶᬭᬶᬓᬶ᭞ᬲᬸᬭᬢᬾᬧ᭄ᬭᬫᬗ᭄ᬓᬶᬦ᭄᭞ᬕ᭄ᬦᬳᬂᬭᬶᬂᬩᬢᬦ᭄ᬓᬲᬸᬃ᭞ᬯ᭄ᬗᬶᬦᬾᬭᬭᬶᬲ᭄ᬳᬶᬮᬂ᭞ᬢᬦ᭄ᬯᬾᬦ᭄ᬢᭂᬦ᭄‌ᬚᬵᬳᬦᬓ᭄ᬳᬸ ᬦᬶᬂ᭞ᬭᬭᬶᬲ᭄ᬳᬶᬤᬫᬋᬓ᭄ᬫᬗᭀᬚᭀᬕ᭄‌ᬲ᭄ᬯᬃᬕ᭄ᬕᬦ᭄᭟᭐ᬢᬦ᭄ᬘᬭᬶᬢᬭᬶᬂᬲ᭄ᬯᬃᬕ᭄ᬕᬦ᭄᭞ᬓᭀᬘᬧ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲ᭄ᬫᭂᬗᬦ᭄ᬫᬢᬗᬶᬫ᭄ᬥ ᬮ᭄᭞ᬕᬸᬲ᭄ᬢᬶᬦ᭄ᬢᬾᬫᬓᬓᬵᬮᬶᬄ᭞ᬜᬕ᭄ᬚᬕ᭄ᬭᬭᬶᬲ᭄ᬓᬮᭀᬚᬶ᭞ᬓᭂᬦᭂᬳᬾᬧᬘᬂᬫᬳᬢᬸᬃ᭞ᬤᬧᭂᬢᬂᬲᬸᬯᬸᬂᬳᬶᬮᬂ᭞ᬕᬸᬲ᭄ᬢᬶᬗᬶᬦ᭄ᬢᬾᬓ ᬮᬶᬄᬜ᭄ᬚ᭄ᬭᬶᬢ᭄᭞ᬲ᭄ᬥᬶᬄᬗᬸᬮᬸᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬗᬦ᭄ᬤᬶᬓᬵ᭟᭐ᬗᬶᬦ᭄ᬢᬾᬓᭂᬦᬧᬮᬳᬤᬦ᭄ᬜ᭞ᬤᬤᬶᬜᬳᬶᬗᬶᬦ᭄ᬢᬾᬗ᭄ᬮᬶᬂ᭞ᬕᬸᬲ᭄ᬢᬶᬗᬶᬦ᭄ᬢᬾ

Auto-transliteration

[21 21B] 21 matur̀ñĕmbaḥ, sigsigantur̀diyisdiyis, ngĕtor̀masawangngling, hinggiḥratudewāgung, hilatthādanehucal, suwung tanwentĕnhiriki, dadigĕlu, hidwagungputrāngĕlisang. 0hulimtenhidānĕrajang, rarismacĕl̥ĕpkaloji, kacingak sampunsĕpigalang, tanikalungnanghabsyik, gal̥ĕngelawutanghambil, kasurehĕntungangpĕsu, ringnatahema saḥsaḥ, langsyenehampigangmaliḥ, lawutsyetsyet, dadihadangĕnaḥsūrat. 0hambilsūratehenggĕ [22 22A] harangjātityanghiriki, suratepramangkin, gnahangringbatankasur̀, wnginerarishilang, tanwentĕnjāhanak'hu ning, rarishidamar̥ĕkmangojogswar̀ggan. 0tancaritaringswar̀ggan, kocaprahadenmantri, smĕnganmatangimdha l, gustintemakakāliḥ, ñagjagrariskaloji, kĕnĕhepacangmahatur̀, dapĕtangsuwunghilang, gustinginteka liḥñjrit, sdhiḥngulun, hidwagungputrangandikā. 0ngintekĕnapalahadanña, dadiñahingintengling, gustinginte

Leaf 22

Image on Archive.org

[᭒᭒ 22B] ᭒᭒ ᬧᬗᭂᬦᬦ᭄ᬓᬮᬶᬄ᭞ᬧᬗ᭄ᬭᬯᭀᬲᬾᬫᬸᬗ᭄ᬕ᭄ᬯᬶᬂᬓᬬᬸᬦ᭄᭞ᬲᬶᬂᬧᬦ᭄ᬢᭂᬲ᭄ᬢ᭄ᬯᬭᬲᬬᬂ᭞ᬕᭀᬩᬜᬦ᭄ᬤᬂᬧ᭄ᬭᬫᬶᬰ᭄ᬯᬭᬶ᭞ᬫᬗ᭄ᬓᬶᬦ᭄ᬳᬸᬯᬸᬕ᭄᭞ᬲᬸᬯᬸᬂᬳᬶ ᬮᬢ᭄ᬣᬵᬫᬢᬸᬮᬓ᭄᭟᭐ᬮᬯᬸᬢ᭄ᬫᬗᭀᬚᭀᬕ᭄ᬫᬸᬮᬶᬳ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬵᬜᬋᬗᬶᬦ᭄᭞ᬳᬶᬮᬢ᭄ᬣᬵᬗ᭄ᬮᬾᬲᬂᬧᬬᬲ᭄᭞ᬗᬫ᭄ᬩᬶᬮᭀᬦ᭄ᬢᬃ ᬭᬭᬶᬲ᭄ᬦᬸᬮᬶᬲ᭄᭞ᬬᬜ᭄ᬘᬭᬶᬢᬭᬶᬂᬢᬸᬮᬶᬲ᭄᭞ᬳᬶᬗ᭄ᬕᬶᬄᬭᬢᬸᬩ᭄ᬮᬶᬳᬕᬸᬂ᭞ᬩ᭄ᬮᬶᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬢᬶᬢ᭄ᬬᬂᬲᬧᬶᬲᬦᬦ᭄ᬫᬧᬫᬶᬢ᭄᭞ ᬩ᭄ᬮᬶᬳᬕᬸᬂ᭞ᬳᬶᬭᬶᬓᬶᬩ᭄ᬮᬶᬧᬕᭂᬳᬂ᭟᭐ᬢᬶᬢ᭄ᬬᬂᬗ᭄ᬮᬮᬸᬗᬸᬢᬂᬳᬯᬓ᭄᭞ᬬᬤᬶᬦ᭄ᬫᬗᭂᬫᬲᬶᬦ᭄ᬫᬢᬶ᭞ᬯ᭄ᬬᬓ᭄ᬢᬶᬢᬶᬢ᭄ᬬᬂᬧᬸᬢ᭄ᬭᬶᬂᬤᭂᬳᬵ᭞ [᭒᭓ 23A] ᬧᭂᬲᬸ᭞ᬲ᭄ᬥᬶᬄᬩᬦᬾᬫᬶᬕᭂᬮᬦ᭄᭞ᬕᬕᬫᭂᬮᬦ᭄ᬦᬩᬸᬄᬲᬫᬶ᭞ᬫᬗ᭄ᬓᬶᬦ᭄ᬧᭂᬲᬸ᭞ᬳᬶᬮᬢ᭄ᬣᬵᬗᭀᬚᭀᬕ᭄ᬯᬦ᭄ᬢᬶᬮᬦ᭄᭟᭐ᬲᬫ᭄ᬧᬸ ᬦ᭄ᬭᬯᬸᬄᬭᬶᬂᬯᬦ᭄ᬢᬶᬮᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬳᬸᬫᬶᬚᬶᬮ᭄᭞ᬗᬤᭂᬕ᭄ᬳᬶᬤᬫᬘᬘᬶᬗᬓ᭄᭞ᬳᬶᬮᬢ᭄ᬣᬵᬓᬗᭂᬦ᭄ᬭᬶᬂᬳᬢᬶ᭞ᬳᬓᬸᬤᬚᭂᬗᬄ ᬢᬢᬓᬶᬦ᭄᭞ᬩᬸᬫᬭᬵᬤᬲ᭄ᬗᬶᬕᭂᬮ᭄ᬩᬗᬸᬦ᭄᭞ᬤᬤ᭄ᬬᬦ᭄ᬜᬲᬶᬬᭂᬧᬶᬲᬦ᭄᭞ᬕᬕᬫᭂᬮᬦᬾᬧ᭄ᬭᬚᬦᬶ᭞ᬦᬾᬗᬫᭂᬮᬂ᭞ᬓᬗᭂᬦ᭄ᬫᬦᬳᬾ ᬓᬮᬶᬦ᭄ᬢᬂ᭟᭐ᬕᬸᬦ᭄ᬢᬂᬕᬕᬫᭂᬮᬦ᭄ᬳᬶᬮᬂ᭞ᬫᬶᬯᬄᬦᬾᬫᬩᬮᬶᬄᬲᬫᬶ᭞ᬩᬸᬤᬮ᭄ᬩᬳᬦ᭄ᬓᬧᬶᬯ᭄ᬮᬲ᭄᭞ᬧ᭄ᬭᬭᬢᬸᬦᬾᬕᭂᬮᬸᬓᬶᬗ᭄ᬓᬶᬂ᭞ᬓᬗᭂᬦ᭄ᬫ

Auto-transliteration

[22 22B] 22 pangĕnankaliḥ, pangrawosemunggwingkayun, singpantĕstwarasayang, gobañandangpramiśwari, mangkinhuwug, suwunghi latthāmatulak. 0lawutmangojogmuliha, hidwagungputrāñar̥ĕngin, hilatthānglesangpayas, ngambilontar̀ rarisnulis, yañcaritaringtulis, hinggiḥratublihagung, blimantrikoripan, tityangsapisananmapamit, blihagung, hirikiblipagĕhang. 0tityangnglalungutanghawak, yadinmangĕmasinmati, wyaktitityangputringdĕhā, [23 23A] pĕsu, sdhiḥbanemigĕlan, gagamĕlannabuḥsami, mangkinpĕsu, hilatthāngojogwantilan. 0sampu nrawuḥringwantilan, hidwagungputrahumijil, ngadĕg'hidamacacingak, hilatthākangĕnringhati, hakudajĕngaḥ tatakin, bumarādasngigĕlbangun, dadyanñasiyĕpisan, gagamĕlaneprajani, nengamĕlang, kangĕnmanahe kalintang. 0guntanggagamĕlanhilang, miwaḥnemabaliḥsami, budalbahankapiwlas, praratunegĕlukingking, kangĕnma

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org