Gaguritan Salya

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚ᬑᬁᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬲᬶᬦᭀᬫ᭄᭚ᬇᬲᭂᬗᬶᬲᭂᬗᬦ᭄ᬫᬜᬸᬭᬢ᭄᭞ᬦᬵᬗ᭄ᬳᬶᬂᬲ᭄ᬓᬭᬶᬂᬓᬯᬶᬥᬶ᭞ᬫᬗᬧᬸᬲ᭄‌ᬩ᭄ᬭᬢᬬᬹᬥᬫᬦᬶᬗ᭄ᬕᬭᬂᬫᬸᬜᬶᬩᬮᬶ᭞ᬳᬫ᭄ᬧᬸᬭᬤᬾᬯᬕᬸᬲ᭄ᬢᬶ᭞ᬳᬦ᭄ᬢᬸᬓᬶᬤᬤᬦᬾᬳᬶᬧᬸᬦ᭄᭞ᬫᬫᬸᬗ᭄ᬕᭂᬮᬂᬘᬭᬶᬢ᭞ᬤᬸᬓ᭄ᬲᬂᬰᬵᬮ᭄ᬬᬓᬲᬾᬦᬧᬢᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ ᬓᬩᬶᬲᬾᬓᬓᬚᬬᬚᬬ᭟ᬦᬾᬫᬗ᭄ᬓᬶᬦ᭄ᬓᬮᬸᬗ᭄ᬳᬮᬸᬗ᭄ᬳ᭞ᬯᭀᬃᬢ᭄ᬣᬦᬾᬭᬯᬸᬄᬲᬚᬢᬶ᭞ᬓᬵᬳᬢᬹᬃᬭᬶᬂᬲᬂᬧᬵᬡ᭄ᬥᬯ᭞ᬳᬾᬯᭂᬄᬧᬂᬭᬯᭀᬲᬾᬫᬗ᭄ᬓᬶᬦ᭄᭞ᬫᬳᬸᬫᬂᬫᬫᬶᬦᭂᬳᬶᬦ᭄᭞ᬲᬂᬓᬺᬱ᭄ᬡᬜᬗ᭄ᬕ᭄ᬭᬫᬲᬯᬸᬃ᭞ᬗᬫᬶᬚᬶᬮᬂᬧᬗᬸᬧᬵᬬ᭞ᬧᬵᬢᬹᬢ᭄ᬧᬫᬵᬃᬕ᭄ᬕᬶᬦᬾᬫᬗ᭄ᬓᬶᬦ᭄᭞ᬢᬸᬃᬓᬤᬳᬸᬢ᭄ ᬬᭀᬕ᭄ᬬᬳᬶᬤᬲᬂᬦᬓᬸᬮ᭟ᬫᬫᬵᬃᬕ᭄ᬕᬶᬢᬦ᭄ᬧᬳᬶᬭᬶᬗᬦ᭄᭞ᬮᬸᬤᬶᬦ᭄ᬧᭂᬢᭂᬂᬢᬦ᭄ᬧᬲᬸᬦ᭄ᬤᬶᬄ᭞ᬓᬢᬸᬚᬸᬫᬳᬦ᭄‌ᬦᬸᬳᬸᬢᬂ᭞ᬩᬸᬓᬧᬶᬢᬸᬤᬸᬳᬶᬂᬯᬶᬥᬶ᭞ᬜ᭄ᬮᬕ᭄ᬲᬜ᭄ᬚᬢᬢᬶᬢᬶᬩ᭞ᬩᬸᬓᬢ᭄ᬯᬭᬵᬤᬗᬭᬸᬗᬹ᭞ᬫᬶᬗ᭄ᬓᬶᬦ᭄‌ᬓᬾᬳᬤᬫᬢᬓᭀᬦ᭄᭞ᬫᬲ᭄ᬮᬶᬯᭂᬭᬦ᭄ᬲᬮᬶᬂᬢᬭᬶ᭞ ᬦᬕᬶᬄᬦᬸᬯᬸᬓ᭄᭞ᬫᬗᬦ᭄ᬢᬶᬳᬦ᭄ᬢ᭄ᬬᬂᬍᬫᬄ᭟ᬦᬾᬫᬗ᭄ᬓᬶᬦᬶᬤᬲᬂᬦᬓᬸᬮ᭞ᬳᬗᭀᬩ᭄ᬫᬶᬋᬂᬫᬜᬶᬗᬓᬶᬦ᭄᭞ᬲᬢᬶᬗ᭄ᬓᬳᬾᬦᬾᬭᬶᬂᬧᭀᬦ᭄ᬤᭀᬓ᭄᭞ᬯᬮᬸᬬᬭᬶᬂᬫᬤ᭄ᬭᬧᬢᬶ᭞ᬩᬜ᭄ᬘᬶᬗᬄᬫᬜ᭄ᬘᬓ᭄ᬲᬚᬶ᭞ᬢᬶᬬᬂᬫᬘ᭄ᬭᬂᬘᬗᬮᬸᬲ᭄᭞ᬭᬭᬶᬲ᭄ᬗᭀᬚᭀᬕ᭄ᬓᬧᬫᬺᬫᬦ᭄᭞ [᭒ 2A] ᭒ ᬲᬂᬰᬵᬮ᭄ᬬᬲᭂᬥᭂᬓ᭄‌ᬓᬢᬗ᭄ᬓᬶᬮ᭄᭞ᬳᭂᬮᬸᬄᬳᭂᬮᬸᬄ᭞ᬓᬸᬦ᭄ᬤᬂᬓᬸᬦ᭄ᬤᬂᬲᬲᭂᬮᬶᬭᬦ᭄᭟ᬓᬕ᭄ᬬᬢ᭄ᬓᬳ᭄ᬬᬸᬦᬾᬫᬜᬶᬗᬓ᭄᭞ᬲᬂᬦᬓᬸᬮᬭᬯᬸᬄᬦᬗ᭄ᬓᬶᬮ᭄᭞ᬗᬦ᭄ᬤᬶᬓᬳᬶᬤᬫᬜᬧ᭞ᬤᬸᬄᬫᬵᬲ᭄ᬫᬶᬭᬄᬯ᭄ᬯᬦᬾᬘᬳᬶ᭞ᬮᬲ᭄ᬬᬢᭂᬓᬵᬦᬾᬫᬳᬶ᭞ᬩᬸᬓᬢᭀᬗᬤᬗᬭᬸᬗᬹ᭞ᬫᬸᬲᬸᬄᬬᬢ᭄ᬦᬫᬕᭂ ᬕ᭄ᬮᬭᬦ᭄᭞ᬜᭀᬭᭀᬕᬂᬕᬚᬄᬧᬤᬵᬢᬶ᭞ᬭᬭᬶᬲ᭄ᬫᬢᬹᬃ᭞ᬲᬂᬦᬓᬸᬮᬲᬳᬲᭂᬫ᭄ᬩᬄ᭟ᬯᬘᬡᬵᬦ᭄‌‌‌ᬯ᭄ᬯᬢᬦᬶᬯᬂ᭞ᬯ᭄ᬬᬓ᭄ᬢᬶᬫᬂᬮᬮᬸᬧᬵᬢᬶ᭞ᬫᬗ᭄ᬤᬾᬦ᭄ᬲᬶᬤ᭄ᬥᬫᬫᬋᬓᬦ᭄᭞ᬭᬭᬶᬲ᭄ᬫᬗᬢᬹᬭᬂᬉᬭᬶᬧ᭄᭞ᬤᬾᬦᬶᬂᬯᭀᬃᬢ᭄ᬣᬦᬾᬚᬵᬢᬶ᭞ᬢᬶᬗ᭄ᬓᬳᬾᬲᬵᬫ᭄ᬧᬸᬦ᭄ᬓᬳᬢᬹᬃ᭞ᬭᬶᬂᬳᬶᬤᬲᬂᬥᬃᬫ᭄ᬫᬧᬸ ᬢ᭄ᬭ᭞ᬉᬫᬤᭂᬕ᭄ᬓᬲᬾᬦᬧᬢᬶ᭞ᬧᬘᬂᬦᬸᬯᬸᬓ᭄᭞ᬢᬦ᭄ᬯᬗ᭄ᬤᬾᬦ᭄ᬤᬶᬦᬵᬦᬾᬩᬾᬜ᭄ᬚᬂ᭟ᬳᬢᬹᬃᬢᬶᬢ᭄ᬬᬂᬢᬦᬧᬜ᭄ᬚᬂ᭞ᬧᬶᬲᬦ᭄ᬧᬸᬧᬸᬢᬂᬦᬾᬫᬗ᭄ᬓᬶᬦ᭄᭞ᬇᬭᬶᬓᬶᬭᬶᬗᬚᭂᬂᬯ᭄ᬯ᭞ᬓ᭄ᬭᬶᬲ᭄ᬓᬯᬶᬢᬦ᭄ᬧᬸᬦᬶᬓᬶ᭞ᬓᬾᬦᬓᬂᬫᬦᬫ᭄ᬧᬦᬶᬦ᭄᭞ᬢᭂᬯᭂᬓᬂᬳᬗ᭄ᬕᭀᬦ᭄ᬫᬜᬩᬸᬤ᭄᭞ᬉᬭᬶᬧᬾᬇᬦᬓᬸᬮ᭞ ᬳᬢᬹᬭᬾᬫᬢᬸᬂᬢᬸᬂᬢᬗᬶᬲ᭄᭞ᬭᬭᬶᬲ᭄ᬗᭂᬮᬸᬢ᭄᭞ᬘᭀᬓᭀᬃᬫᬗᬢᬹᬭᬂᬭᬕ᭟ᬲᬂᬰᬵᬮ᭄ᬬᬜᬳᬸᬧ᭄‌‌ᬗᭂᬮᬶᬲᬂ᭞ᬤᬤᬶᬫᬯᬭᬗᬶᬦ᭄ᬢᬗᬶᬲ᭄᭞ᬳᬾᬮᬶᬂᬯᬮᬸᬬᬫᬧᬸᬢ᭄ᬭ᭞ᬭᬭᬶᬲ᭄ᬫᬵᬢᬹᬃᬫᬧᬲᬶᬳᬶᬦ᭄᭞ᬢᬦ᭄ᬫᬵᬭᬶᬫᬗᬲᬶᬳᬲᬶᬄ᭞ᬗᭂᬮᬸᬢ᭄ᬩᬵᬳᬸᬫᬧᬶᬢᬸᬢᬸᬃ᭞ᬤᬸᬄᬘᬳᬶ

Auto-transliteration

[1 1B] 1 // oṅġawighnamastu // • // sinom // isĕngisĕnganmañurat, nānghingskaringkawidhi, mangapusbratayūdhamaninggarangmuñibali, hampuradewagusti, hantukidadanehipun, mamunggĕlangcarita, duksangśālyakasenapati, sāmpunpuput, kabisekakajayajaya. nemangkinkalunghalungha, wor̀tthanerawuḥsajati, kāhatūr̀ringsangpāṇdhawa, hewĕḥpangrawosemangkin, mahumangmaminĕhin, sangkr̥ĕṣṇañanggramasawur̀, ngamijilangpangupāya, pātūtpamār̀gginemangkin, tur̀kadahut yogyahidasangnakula. mamār̀ggitanpahiringan, ludinpĕtĕngtanpasundiḥ, katujumahannuhutang, bukapituduhingwidhi, ñlagsañjatatitiba, bukatwarādangarungū, mingkinkehadamatakon, masliwĕransalingtari, nagiḥnuwuk, mangantihantyangl̥ĕmaḥ. nemangkinidasangnakula, hangobmir̥ĕngmañingakin, satingkaheneringpondok, waluyaringmadrapati, bañcingaḥmañcaksaji, tiyangmacrangcangalus, rarisngojogkapamr̥ĕman, [2 2A] 2 sangśālyasĕdhĕkkatangkil, hĕluḥhĕluḥ, kundangkundangsasĕliran. kagyatkahyunemañingak, sangnakularawuḥnangkil, ngandikahidamañapa, duḥmāsmiraḥwwanecahi, lasyatĕkānemahi, bukatongadangarungū, musuḥyatnamagĕ glaran, ñoroganggajaḥpadāti, rarismatūr̀, sangnakulasahasĕmbaḥ. wacaṇānwwataniwang, wyaktimanglalupāti, mangdensiddhamamar̥ĕkan, rarismangatūrangurip, deningwor̀tthanejāti, tingkahesāmpunkahatūr̀, ringhidasangdhar̀mmapu tra, umadĕgkasenapati, pacangnuwuk, tanwangdendinānebeñjang. hatūr̀tityangtanapañjang, pisanpuputangnemangkin, irikiringajĕngwwa, kriskawitanpuniki, kenakangmanampanin, tĕwĕkanghanggonmañabud, uripe'inakula, hatūrematungtungtangis, rarisngĕlut, cokor̀mangatūrangraga. sangśālyañahupngĕlisang, dadimawarangintangis, helingwaluyamaputra, rarismātūr̀mapasihin, tanmārimangasihasiḥ, ngĕlutbāhumapitutur̀, duḥcahi

Leaf 2

Image on Archive.org

[᭒ 2B] ᭒ ᬲᬂᬦᬓᬸᬮ᭞ᬮᬶᬮᬬᬂᬇᬥᭂᬧᬾᬚᬦᬶ᭞ᬢᬸᬲᬶᬂᬩᬸᬳᬸᬂ᭞ᬘᬳᬶᬫᬫᬗ᭄ᬕᬶᬳᬂᬚᬬ᭟ᬚᬦᬶᬯ᭄ᬯᬫᬧᬦᬳᬸᬭᬦ᭄᭞ᬭᬶᬂᬳᬶᬤᬲᬂᬓᬸᬭᬸᬧᬢᬶ᭞ᬫᬗ᭄ᬤᬾᬦ᭄‌‌ᬤᬯ᭄ᬯᬫᬶᬭᬢ᭄ᬥᬵᬦ᭞ᬰᬵᬲᬦᬦ᭄ᬭᬢᬸᬦᬾᬮ᭄ᬯᬶᬄ᭞ᬭᬶᬂᬳᬶᬤᬭᬓᬦ᭄‌ᬘᬳᬶ᭞ᬉᬭᬶᬧ᭄‌‌ᬯ᭄ᬯᬲᬸᬩᬓᬳᬢᬹᬃ᭞ᬲᬤᬸᬓᬾᬤᬶᬯᬶᬭᬝ᭞ᬢᬸᬯᬶᬧᬶᬂᬲᬧ᭄ᬢ ᬤᬸᬫᬤᬶ᭞ᬫᬗ᭄ᬤᬾᬦ᭄ᬢᬸᬫᬹᬢ᭄᭞ᬳᬮᬳᬬᬸᬭᬶᬂᬧᬵᬡ᭄ᬥᬯ᭟ᬤᬾᬦᬶᬂᬲᬵᬓᬮᬢᬦ᭄ᬲᬶᬤ᭄ᬥ᭞ᬦᬶᬲ᭄ᬓᬵᬮᬦᬾᬚ᭄ᬯᬓᬧᬗ᭄ᬕᬶᬄ᭞ᬦᬾᬚᬦᬶᬯ᭄ᬯᬫᬗᬶᬃᬢ᭄ᬢᬶᬬᬂ᭞ᬫᬗ᭄ᬤᬾᬦ᭄ᬲᬫᬶᬫᬧᬶᬓᭀᬮᬶᬄ᭞ᬉᬭᬶᬧ᭄‌ᬯ᭄ᬯᬦᬾᬘᬳᬶ᭞ᬮᬓ᭄ᬱᬡᬤᬶᬦᬶᬓᬳᬢᬹᬃ᭞ᬓᬲᬸᬓᬦᬾᬩᭂᬲ᭄ᬓᬮᬶᬯᬢ᭄᭞ᬩᬵᬦᬶᬤᬲᬂᬓᬸᬭᬸᬧᬢᬶ᭞ᬢ ᬦ᭄ᬧᬗᬶᬢᬸᬂ᭞ᬚ᭄ᬗᬄᬯ᭄ᬯᬫᬫᬶᬭᬢ᭄ᬥᬵᬦ᭟ᬤᬤᬶᬢᬗ᭄ᬕᬸᬦ᭄ᬓᬓᭂᬤᬾᬓᬦ᭄᭞ᬍᬕᭃᬧᬶᬲᬦ᭄‌ᬯ᭄ᬯᬫᬵᬢᬶ᭞ᬫᬭᬭᬧᬦ᭄ᬭᬡᬬᬚ᭄ᬜ᭞ᬦᬾᬚᬦᬶᬯ᭄ᬯᬫᬂᬯᬶᬥᬶ᭞ᬢᬦ᭄ᬮ᭄ᬬᬦ᭄ᬭᬓᬦ᭄‌ᬘᬳᬶ᭞ᬲᬂᬥᬃᬫ᭄ᬫᬧᬸᬢ᭄ᬭᬦᬾᬧᬸᬢᬸᬲ᭄᭞ᬳᬶᬤᬧᬕᬸᬢᬂᬢ᭄ᬓᬾᬦ᭄‌ᬯ᭄ᬯ᭞ᬫᬦᬶᬗ᭄ᬕᬮᬂᬲᬂᬳ᭄ᬬᬂᬉᬭᬶᬧ᭄᭞ᬤᬾᬦᬶᬂᬧᬸᬢᬸᬲ᭄᭞ᬲᬜ᭄ᬚᬢᬲᬂᬳ᭄ᬬᬂ ᬧᬹᬱ᭄ᬝᬓ᭟ᬓᬾᬯᭂᬄᬬᬦ᭄ᬫᬂᬮᬯᬦ᭄‌ᬯ᭄ᬯ᭞ᬤᬾᬦᬶᬂᬧᬦᬸᬕ᭄ᬭᬳᬦ᭄‌ᬮ᭄ᬯᬶᬄ᭞ᬧᬳᬶᬘ᭄ᬙᬦ᭄ᬪᬝᬵᬭᬮᬹᬤ᭄ᬭ᭞ᬳᬘᬶᬦ᭄ᬢ᭄ᬬᬦᬶᬃᬫ᭄ᬫᬮᬳ᭄ᬦᬶᬂ᭞ᬳᭂᬦ᭄ᬢᭀᬘ᭄ᬦᬶᬂᬲᬜ᭄ᬚᬢᬮ᭄ᬯᬶᬄ᭞ᬧᬰᬹᬧᬢᬶᬖ᭄ᬦᬶᬫᬸᬭᬸᬩ᭄᭞ᬲᬸᬩᬗᬮᬳᬂᬤᬾᬯᬢ᭞ᬤᬿᬢ᭄ᬬᬭᬵᬓ᭄ᬱᬲᬦᬾᬮ᭄ᬯᬶᬄ᭞ᬳᬲᬶᬂᬫᬸᬲᬸᬄ᭞ᬧᬶᬢᬸᬯᬶᬬᬓ᭄ᬱᬧᬶᬲᬘ᭟ᬧᬸᬦᬶ [᭓ 3A] ᭓ ᬓᬵᬦᬾᬓᬩᭂᬲᭂᬦᬂ᭞ᬳᬦ᭄ᬢᬸᬓ᭄ᬲᬂᬳ᭄ᬬᬂᬧᬰᬹᬧᬢᬶ᭞ᬳᬶᬤᬲᬂᬗᬸᬕ᭄ᬯᬦᬶᬦ᭄ᬥᬃᬫ᭄ᬫ᭞ᬧᬕᭂᬄᬳᬶᬂᬩ᭄ᬭᬢᬲᬫᬵᬥᬶ᭞ᬦᬵᬗ᭄ᬳᬶᬂᬲᬶᬓᭂᬧᬲ᭄ᬢ᭄ᬭᬦᬾᬮ᭄ᬯᬶᬄ᭞ᬲᬸᬩᬗᬮᬳᬂᬲᬤ᭄ᬭᬶᬧᬸ᭞ᬳᭂᬦ᭄ᬢᭀᬬᭀᬕ᭄ᬬᬫᬗᬮᬳᬂ᭞ᬭᬭᬧᬦ᭄‌ᬯ᭄ᬯᬦᬾᬫᬸᬮᬶᬄ᭞ᬧᬘᬂᬦᭂᬫᬸ᭞ᬲ᭄ᬯᬃᬕ᭄ᬕᬮᬹᬤ᭄ᬭᬪᬯᬦ᭟ᬳᬓᬾᬢᭀᬲᬸᬩᬧ᭄ᬭᬕᬢ᭄᭞ᬕᬢᬶ ᬬᬂᬦᬾᬚᬦᬶᬫᬸᬮᬶᬄ᭞ᬫᬗ᭄ᬤᬾᬦ᭄ᬢᬸᬲᬶᬂᬓᬢᬗᭂᬳᬂ᭞ᬦᬾᬓᬸᬮᬫ᭄ᬩᬶᬫᬵᬲ᭄ᬫᬢ᭄ᬭᬶᬓ᭄᭞ᬩᭂᬓᭂᬮᬂᬘᬳᬶᬫᬸᬮᬶᬄ᭞ᬮᬯᬸᬢᬂᬳᬗ᭄ᬕᭀᬦ᭄ᬓᬓᬸᬤᬸᬂ᭞ᬲᬂᬦᬓᬸᬮᬭᬭᬶᬲ᭄ᬦᬸᬦᬲ᭄᭞ᬫᬜᬸᬫ᭄ᬩᬄᬭᬭᬶᬲ᭄ᬫᬧᬫᬶᬢ᭄᭞ᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄ᬢᬗᬶᬲᬾᬢᬦ᭄ᬧᬧᭂᬕᬢᬦ᭄᭟ᬲᬭᬯᬸᬳᬾᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬲᬵᬫ᭄ᬧᬸᬦ᭄ᬲᬫᬶ ᬓᬧ᭄ᬬᬸᬦᬶᬂ᭞ᬭᬶᬂᬳᬶᬤᬲᬂᬥᬃᬫ᭄ᬫᬧᬸᬢ᭄ᬭ᭞ᬳᬢᬹᬭᬾᬫᬢᬸᬂᬢᬸᬂᬢᬗᬶᬲ᭄᭞ᬳᬶᬤᬲᬗᬭᬶᬫᬹᬃᬢ᭄ᬢᬶ᭞ᬮᬾᬤᬂᬓᬳ᭄ᬬᬸᬦᬾᬫᬂᬭᬸᬗᬹ᭞ᬤᬾᬦᬶᬂᬳᬶᬤᬗᬸᬫᬦ᭄ᬤᭂᬮᬂ᭞ᬤᬾᬦᬶᬂᬚᬵᬢᬶᬲᬵᬫ᭄ᬧᬸᬦ᭄ᬧᭀᬮᬶᬄ᭞ᬓᬤᬶᬢᬸᬤᬸᬄ᭞ᬯᬮᬸᬬᬲᬵᬫ᭄ᬧᬸᬦ᭄ᬭᬶᬂᬢᬗᬦ᭄᭟ᬲᬂᬦᬓᬸᬮᬲᬵᬫ᭄ᬧᬸᬦ᭄ᬩᬸᬤᬮ᭄᭞ᬲᬂᬰᬵᬮ᭄ᬬᬳᭀ ᬲᭂᬓ᭄‌‌ᬦᬾᬫᬗ᭄ᬓᬶᬦ᭄᭞ᬉᬬᬂᬫᬯ᭄ᬢᬸᬩ᭄ᬬᬧᬭ᭞ᬩᭂᬮᬗ᭄ᬲᬄᬫᬭᬱᬧᬮᬶᬂ᭞ᬤᭂᬓ᭄ᬤᭂᬓ᭄ᬫᬜᬓᬶᬢᬶᬦᬢᬶ᭞ᬜᭀᬯᬢᬾᬦ᭄ᬗᬯᬾᬧᬂᬮᬶᬧᬹᬃ᭞ᬘᬵᬭᬦᬾᬫᬗ᭄ᬤᬾᬦ᭄ᬧᬸᬦᬄ᭞ᬢ᭄ᬯᬄᬳᬶᬤᬲᬂᬲᬵᬢ᭄ᬬᬯᬢᬶ᭞ᬕᭂᬫ᭄ᬧᭀᬃᬍᬲᬸ᭞ᬫᬭᭀᬤᭀᬲ᭄ᬳᬶᬩᬸᬓ᭄ᬫᬸᬮᬶᬲᬄ᭟ᬢᬦ᭄ᬲᬓᬵᬭᬶᬂᬳᬚ᭄ᬭᬶᬄ

Auto-transliteration

[2 2B] 2 sangnakula, lilayangidhĕpejani, tusingbuhung, cahimamanggihangjaya. janiwwamapanahuran, ringhidasangkurupati, mangdendawwamiratdhāna, śāsananratunelwiḥ, ringhidarakancahi, uripwwasubakahatūr̀, sadukediwiraṭa, tuwipingsapta dumadi, mangdentumūt, halahayuringpāṇdhawa. deningsākalatansiddha, niskālanejwakapanggiḥ, nejaniwwamangir̀ttiyang, mangdensamimapikoliḥ, uripwwanecahi, lakṣaṇadinikahatūr̀, kasukanebĕskaliwat, bānidasangkurupati, ta npangitung, jngaḥwwamamiratdhāna. daditanggunkakĕdekan, l̥ĕgöpisanwwamāti, mararapanraṇayajña, nejaniwwamangwidhi, tanlyanrakancahi, sangdhar̀mmaputraneputus, hidapagutangtkenwwa, maninggalangsanghyangurip, deningputus, sañjatasanghyang pūṣṭaka. kewĕḥyanmanglawanwwa, deningpanugrahanlwiḥ, pahicchanbhaṭāralūdra, hacintyanir̀mmalahning, hĕntocningsañjatalwiḥ, paśūpatighnimurub, subangalahangdewata, daityarākṣasanelwiḥ, hasingmusuḥ, pituwiyakṣapisaca. puni [3 3A] 3 kānekabĕsĕnang, hantuksanghyangpaśūpati, hidasangngugwanindhar̀mma, pagĕḥhingbratasamādhi, nānghingsikĕpastranelwiḥ, subangalahangsadripu, hĕntoyogyamangalahang, rarapanwwanemuliḥ, pacangnĕmu, swar̀ggalūdrabhawana. haketosubapragat, gati yangnejanimuliḥ, mangdentusingkatangĕhang, nekulambimāsmatrik, bĕkĕlangcahimuliḥ, lawutanghanggonkakudung, sangnakulararisnunas, mañumbaḥrarismapamit, sāmpunmantuktangisetanpapĕgatan. sarawuheringpasanggrahan, sāmpunsami kapyuning, ringhidasangdhar̀mmaputra, hatūrematungtungtangis, hidasangarimūr̀tti, ledangkahyunemangrungū, deninghidangumandĕlang, deningjātisāmpunpoliḥ, kadituduḥ, waluyasāmpunringtangan. sangnakulasāmpunbudal, sangśālyaho sĕknemangkin, uyangmawtubyapara, bĕlangsaḥmaraṣapaling, dĕkdĕkmañakitinati, ñowatenngawepanglipūr̀, cāranemangdenpunaḥ, twaḥhidasangsātyawati, gĕmpor̀l̥ĕsu, marodoshibukmulisaḥ. tansakāringhajriḥ

Leaf 3

Image on Archive.org

[᭓ 3B] ᭓ ᬲᬾᬤ᭞ᬫᬫᬾᬮᬦᬶᬦ᭄ᬕᬸᬭᬸᬮᬓᬶ᭞ᬚᬵᬢᬶᬦᬾᬳ᭄ᬦᬸᬳᬮᬫᬮᬫ᭄᭞ᬢ᭄ᬯᬭᬓᬧᭂᬧᭂᬓᬦ᭄ᬓᬵᬲᬶᬄ᭞ᬢᬶᬗ᭄ᬓᬳᬾᬫᬲᬶᬮᬶᬄᬳᬲᬶᬄ᭞ᬫᬢ᭄ᬫᬸᬭᬶᬂᬚ᭄ᬭᭀᬦᬶᬂᬓᬲᬹᬃ᭞ᬢᭀᬓ᭄ᬭᬡᬤᬤᬶᬘᬵᬭ᭞ᬩᬸᬬᬃᬲᬫ᭄ᬩᭂᬄᬤᬤᬶᬢᬗᬶᬲ᭄᭞ᬲ᭄ᬕᬸᬲ᭄ᬕᬸ᭞ᬫᬘᬧ᭄ᬘᬧ᭄ᬳᬸᬚᬦ᭄‌‌ᬬᬾᬄᬫᬢ᭟ᬦᬾᬫᬗ᭄ᬓᬶᬦᬶᬤᬲᬂᬰᬵᬮ᭄ᬬ᭞ᬫᬶᬮᬸᬫᬶ ᬢᬸᬭᬸᬦᬶᬦ᭄‌‌ᬲᭂᬤᬶᬄ᭞ᬩᬳᬦᬬᬸᬦᬾᬓᬮᬶᬯᬢ᭄᭞ᬭᭀᬫᬳᬢᬧ᭄ᬓᬤᬶᬫᬗ᭄ᬲᬶ᭞ᬓᬲᭀᬃᬕᬸᬍᬫᬾᬓᬗᬶᬦ᭄᭞ᬓᬵᬮᬄᬳᬸᬚᬦᬾᬫᬲᭂᬧᬸᬓ᭄᭞ᬫᬦᬸᬚᬸᬗᬫ᭄ᬩᬳᬂᬭᭀᬫ᭞ᬘᬘᬶᬗᬓᬾᬦᬸᬤᬸᬢ᭄ᬳᬢᬶ᭞ᬦᬸᬜ᭄ᬚᬸᬂᬩᬶᬭᬸ᭞ᬗᬲᭀᬭᬂᬮᬮ᭄ᬬᬢ᭄ᬓᬶᬤᬂ᭟ᬋᬫ᭄ᬧᬸᬄᬫᬦᬶᬲ᭄‌‌ᬬᬦ᭄ᬗᬦ᭄ᬤᬶᬓ᭞ᬓᬤᬶᬋᬩ ᬩ᭄ᬫᬵᬯᭀᬃᬲᬸᬮᬶᬂ᭞ᬗᬲᭀᬭᬂᬢᬫ᭄ᬩᬸᬮᬶᬮᬶᬗᬦ᭄᭞ᬧᬦ᭄ᬢᭂᬲ᭄ᬫᬦᬢᬸᬦᬶᬦ᭄ᬳᬢᬶ᭞ᬗᭂᬦᬄᬘᭀᬓᭀᬭᬾᬕᬮᬶᬂ᭞ᬜᬮᬂᬓᬤᬶᬕ᭄ᬥᬄᬳᬮᬸᬲ᭄᭞ᬚ᭄ᬗᬄᬇᬧᬸᬤᬓ᭄ᬘᬶᬦᬕ᭞ᬫᬵᬥ᭄ᬬᬦᬾᬜᬮᬾᬬᭀᬕ᭄ᬭᬫ᭄ᬧᬶᬂ᭞ᬢᬸᬯᬶᬦᬸᬗ᭄ᬓᬸᬮ᭄᭞ᬇᬓᭂᬤᬧᬦ᭄‌ᬳᬗ᭄ᬰᭀᬓᬵ᭟ᬳᭂᬦ᭄ᬢᬶᬓᬦ᭄ᬕᬥᬸᬗᬾᬓᬵᬮᬄ ᭞ᬭᬶᬂᬳᬶᬤᬲᬂᬲᬵᬢ᭄ᬬᬯᬢᬶ᭞ᬭᬶᬓᬵᬮᬦᬶᬂᬫᬢᭂᬳᭂᬦᬦ᭄᭞ᬗᬸᬘᬶᬯᬬᬂᬇᬜᬸᬄᬕᬥᬶᬂ᭞ᬬᬦᬶᬂᬧᬥᬬᬫᬲᬦ᭄ᬤᬶᬂ᭞ᬓᬸᬤ᭄ᬬᬂᬫᬗᬮᬳᬂᬲᬸᬲᬸ᭞ᬧᬕ᭄ᬦᬳᬦ᭄‌‌ᬫᭂᬜᬦ᭄ᬕᬸᬮ᭞ᬓᬳᬬᭀᬦ᭄ᬲᬂᬲᬵᬢ᭄ᬬᬯᬢᬶ᭞ᬬᬦᬶᬂᬧᬶᬕᬸᬫ᭄᭞ᬲᬵᬓ᭄ᬱᬢ᭄ᬧᬫᬸᬧᬸᬮᬦ᭄ᬩᬸᬮᬦ᭄᭟ᬲᬧᬳᬸᬢ᭄ [᭔ 4A] ᭔ ᬬᬦ᭄ᬲᬯᬗᬂ᭞ᬢᭀᬗᬤᬓᬲᭀᬭᬦ᭄ᬢᬦ᭄ᬤᬶᬂ᭞ᬧᬦ᭄ᬢᭂᬲ᭄ᬫᬓᬘᬦ᭄ᬤ᭄ᬭᬓᬦ᭄ᬢ᭞ᬲᬂᬰᬵᬮ᭄ᬬᬜᬦ᭄ᬤᬂᬫᬜᬦ᭄ᬤᬶᬂ᭞ᬮ᭄ᬯᬶᬄᬚᬸᬭᬸᬧᬧᬲᬶᬳᬶᬦ᭄᭞ᬧᬗᬸᬘᬧᬾᬫᬦᬶᬲ᭄ᬋᬫ᭄ᬧᬸᬄ᭞ᬳᭂᬦ᭄ᬢᭀᬜᬦ᭄ᬤᬂᬳᬗ᭄ᬕᭀᬦ᭄ᬢᬸᬮᬤ᭄᭞ᬲᭀᬮᬄᬩᬶᬲᬫᬗᬸᬮᬦᬶᬦ᭄᭞ᬬᬦ᭄ᬫᬂᬭᬸᬫ᭄ᬭᬸᬫ᭄᭞ᬫᬦᬶᬲ᭄ᬫᬗᭂᬜᬕᬂᬫᬦᬄ᭟ᬤᬹᬄᬭᬢᬸ ᬤᬾᬦ᭄ᬤᬫᬵᬲ᭄ᬫᬶᬭᬄ᭞ᬯᬶᬦ᭄ᬢᭂᬦ᭄ᬢᬶᬢ᭄ᬬᬂᬲᬵᬢ᭄ᬬᬯᬢᬶ᭞ᬲ᭄ᬯᬪᬵᬯᬦᬾᬲᭂᬩᭂᬢᬂ᭞ᬤᬤᬶᬫᬗᭂᬮᬸᬗᬂᬳᬮᬶᬲ᭄᭞ᬘᬘᬶᬗᬓᬾᬫᬗᭂᬚᭀᬳᬶᬦ᭄᭞ᬳᬧᬓ᭄ᬭᬡᬫᬸᬬᬃᬕᭂᬮᬸᬂ᭞ᬲᭂᬓᬭᬾᬫᬩᬸᬭᬭᬓᬦ᭄᭞ᬫᬲᭂᬧᬸᬓ᭄ᬫᬳᭂᬩᭀᬫᬶᬬᬶᬓ᭄᭞ᬳᬮᬄᬳᬸᬓᬸᬧ᭄᭞ᬧᭀᬦ᭄ᬤᭀᬓᬾᬩᬳᬦ᭄ᬕᬕᬦ᭄ᬤ ᬦ᭄᭟ᬫᬦᬶᬲ᭄ᬘᬘᬶᬗᬓᬾᬇᬮᬂ᭞ᬢ᭄ᬯᬭᬳᬗ᭄ᬕᭀᬦ᭄ᬜᬮᭂᬤᬾᬢᬶᬦ᭄᭞ᬯᬦ᭄ᬢᬄᬇᬭᬢᬸᬫᬵᬲ᭄ᬫᬶᬭᬄ᭞ᬧᬫᬸᬧᬸᬮᬦ᭄ᬲᬃᬯ᭄ᬯᬲᬵᬭᬶ᭞ᬯ᭄ᬬᬓ᭄ᬢᬶᬧᬭᬕᬬᬦ᭄ᬭᬢᬶᬄ᭞ᬓᬯᬶᬗᬸᬢᬂᬢᬦᬄᬕᬭᬸ᭞ᬏᬯᭂᬄᬢᬶᬢ᭄ᬬᬂᬜᬭᬶᬢᬬᬂ᭞ᬓᬳᬬᭀᬦ᭄ᬲᬂᬲᬵᬢ᭄ᬬᬯᬢᬷ᭞ᬧᬲᬶᬄᬫᬵᬥᬸ᭞ᬗᬸᬘᬶᬯ ᬬᬂᬓᬫᬦᬶᬲᬦ᭄᭟ᬧᬸᬦᬧᬶᬲᬾᬳᬶᬯᬂᬢᬶᬢ᭄ᬬᬂ᭞ᬫ᭄ᬦᭂᬂᬢᬦ᭄ᬓᬳ᭄ᬬᬸᬦ᭄ᬫᬦᭀᬮᬶᬄ᭞ᬓᬤᬸᬭᬸᬲ᭄ᬭᬢᬸᬫ᭄ᬯᬶᬓᬂ᭞ᬧᬋᬓᬦᬾᬗᬲᬶᬄᬳᬲᬶᬄ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬵᬢᬹᬃᬲᬶᬲᬶᬧ᭄᭞ᬳᬫ᭄ᬧᬸᬭᬬᬂᬲᬵᬫ᭄ᬧᬸᬦ᭄ᬩᭂᬦ᭄ᬤᬸ᭞ᬢᬶᬗ᭄ᬓᬄᬧᬋᬓᬦᬾᬲᬬᬂ᭞ᬚᬸᬭᬸᬗᬶᬓᭂᬢ᭄‌ᬲᭂᬓᬃᬲᬳᬶ᭞ᬭᬭᬶᬲ᭄ᬰ

Auto-transliteration

[3 3B] 3 seda, mamelanin'gurulaki, jātinehnuhalamalam, twarakapĕpĕkankāsiḥ, tingkahemasiliḥhasiḥ, matmuringjroningkasūr̀, tokraṇadadicāra, buyar̀sambĕḥdaditangis, sgusgu, macapcap'hujanyeḥmata. nemangkinidasangśālya, milumi turuninsĕdiḥ, bahanayunekaliwat, romahatapkadimangsi, kasor̀gul̥ĕmekangin, kālaḥhujanemasĕpuk, manujungambahangroma, cacingakenudut'hati, nuñjungbiru, ngasoranglalyatkidang. r̥ĕmpuḥmanisyanngandika, kadir̥ĕba bmāwor̀suling, ngasorangtambulilingan, pantĕsmanatuninhati, ngĕnaḥcokoregaling, ñalangkadigdhaḥhalus, jngaḥipudakcinaga, mādhyaneñaleyogramping, tuwinungkul, ikĕdapanhangśokā. hĕntikan'gadhungekālaḥ , ringhidasangsātyawati, rikālaningmatĕhĕnan, nguciwayangiñuḥgadhing, yaningpadhayamasanding, kudyangmangalahangsusu, pagnahanmĕñan'gula, kahayonsangsātyawati, yaningpigum, sākṣatpamupulanbulan. sapahut [4 4A] 4 yansawangang, tongadakasorantanding, pantĕsmakacandrakanta, sangśālyañandangmañanding, lwiḥjurupapasihin, pangucapemanisr̥ĕmpuḥ, hĕntoñandanghanggontulad, solaḥbisamangulanin, yanmangrumrum, manismangĕñagangmanaḥ. dūḥratu dendamāsmiraḥ, wintĕntityangsātyawati, swabhāwanesĕbĕtang, dadimangĕlunganghalis, cacingakemangĕjohin, hapakraṇamuyar̀gĕlung, sĕkaremaburarakan, masĕpukmahĕbomiyik, halaḥhukup, pondokebahan'gaganda n. maniscacingake'ilang, twarahanggonñalĕdetin, wantaḥiratumāsmiraḥ, pamupulansar̀wwasāri, wyaktiparagayanratiḥ, kawingutangtanaḥgaru, ewĕḥtityangñaritayang, kahayonsangsātyawatī, pasiḥmādhu, nguciwa yangkamanisan. punapisehiwangtityang, mnĕngtankahyunmanoliḥ, kadurusratumwikang, par̥ĕkanengasiḥhasiḥ, tityangndawĕgmātūr̀sisip, hampurayangsāmpunbĕndu, tingkaḥpar̥ĕkanesayang, jurungikĕtsĕkar̀sahi, rarisśa

Leaf 4

Image on Archive.org

[᭔ 4B] ᭔ ᬦ᭄ᬕᬸ᭞ᬓᬵᬬᭀᬦ᭄ᬭᬢᬸᬭᬶᬂᬧᬫᬺᬫᬦ᭄᭟ᬫᬕᬤᬗᬶᬦ᭄‌ᬧ᭄ᬢᭂᬂᬮ᭄ᬫᬄ᭞ᬫ᭄ᬤᬾᬢ᭄ᬫᬢᬲᬳᬶᬲᬳᬶ᭞ᬤᬸᬭᬸᬂᬧᬶᬲᬦ᭄‌ᬦᬳᭂᬦ᭄ᬢᬸᬮᬓ᭄᭞ᬬᬤᬶᬦ᭄ᬓᬢᬸᬤᬸᬄᬜᭂᬓᬭᬶᬦ᭄᭞ᬧᬦ᭄ᬢᭂᬲᬂᬫᬦᭂᬭᬧᬶᬦ᭄᭞ᬫᬗᬦ᭄ᬢᭂᬗᬶᬦ᭄‌ᬫᭂᬓᭂᬓ᭄ᬲᬸᬲᬸ᭞ᬢᬦ᭄ᬫᬭᬶᬫᬲ᭄ᬯᬓᬵ᭞ᬢ᭄ᬯᬭᬮᬮᬶᬲ᭄ᬫᬦᬶᬗ᭄ᬕᬮᬶᬦ᭄᭞ᬜᬦᬾᬮᬸᬘᬸ᭞ ᬭᬢᬸᬢᭀᬂᬤᬤᬶᬢᬸᬦᬬᬦ᭄᭟ᬫᬗ᭄ᬓᬶᬦ᭄ᬜᬦ᭄ᬤᬂᬧᬳᬶᬘᬬᬂ᭞ᬫᬵᬥ᭄ᬬᬦᬶᬭᬢᬸᬦᬾᬭᬫ᭄ᬧᬶᬂ᭞ᬲᬭᬾᬭᬾᬢᬶᬢ᭄ᬬᬂᬩᬦ᭄‌ᬘᬶᬗᬓ᭄᭞ᬉᬧᬳᬶᬦ᭄ᬓᭂᬜᬸᬗᬾᬫᬦᬶᬲ᭄᭞ᬉᬲᬦᬂᬫᬜᬓᬶᬢᬶᬦ᭄᭞ᬩᭂᬲ᭄ᬓᬤᬸᬭᬸᬲᬶᬭᬢᬸᬩᭂᬦ᭄ᬤᬸ᭞ᬫᬗ᭄ᬓᬶᬦ᭄ᬜᬦ᭄ᬤᬂᬳᬫ᭄ᬧᬸᬭᬬᬂ᭞ᬢᬶᬢ᭄ᬬᬂᬢᬸᬦᬬᬦ᭄ᬧᬗᬯᬶ᭞ᬳᬦ᭄ᬢᬸᬓ᭄ ᬓᬸᬮᬸᬩ᭄᭞ᬳᬯᬶᬦᬦ᭄ᬫᭂᬗ᭄ᬕᬄᬧᬶᬤᬸᬓᬵ᭟ᬩᬯᬸᬫᬭᬫᬵᬢ᭄ᬭᬓᭂᬜ᭄ᬘᬄ᭞ᬫᬲᬯᬸᬃᬲᬂᬲᬵᬢ᭄ᬬᬯᬢᬶ᭞ᬯ᭄ᬬᬓ᭄ᬢᬶᬭᬢᬸᬘᭀᬓᭀᬃᬤ᭞ᬳᬯᬶᬦᬦ᭄ᬢᬶᬢ᭄ᬬᬗᬾᬲ᭄ᬤᬶᬄ᭞ᬓᬩᬢᭂᬓ᭄ᬩᬳᬦ᭄ᬲᬸᬪᬓ᭄ᬢᬶ᭞ᬤᬸᬮᬸᬭᬶᬦ᭄ᬫᬦᬄᬉᬮᬗᬸᬦ᭄᭞ᬯ᭄ᬬᬤᬶᬦ᭄ᬢᬶᬢ᭄ᬬᬂᬦᬤᭀᬲ᭄ᬩᬾᬮ᭞ᬬᬦ᭄ᬲᬵᬫ᭄ᬧᬸᬦ᭄ᬫᬦᬸᬳᬸᬢ᭄ ᬳᬶᬦ᭄ᬤᬶᬓ᭄᭞ᬢᬸᬯᬶᬮ᭄ᬩᬸᬃ᭞ᬬᬦ᭄ᬫᬕᭂᬳᬂᬧᬗᬸᬪᬵᬬ᭟ᬢᬦᬾᬳᬲᬶᬦ᭄ᬫᬮᬓ᭄ᬱᬡ᭞ᬩᬶᬮᬂᬧᬸᬭᬫᬲᬲᬗ᭄ᬳᬶ᭞ᬲᬓᬶᬂᬢᭂᬤᬸᬦᬦᬶᬂᬬᬹᬤ᭄ᬥ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗᬲ᭄ᬢᬶᬢᬶ᭞ᬲᬤᬶᬦᬵᬫᬩᬦ᭄ᬢᭂᬦ᭄ᬲᬸᬘᬶ᭞ᬫᬗ᭄ᬤᬾᬓᬲᬶᬤ᭄ᬥᬦ᭄ᬭᬳᬬᬸ᭞ᬘᭀᬓᭀᬃᬤᬧᬜ᭄ᬚᬂᬬᬸᬱ᭞ᬢᭂᬳᭂᬃᬳᬶᬤᬲᬂ [᭕ 5A] ᭕ ᬳ᭄ᬬᬂᬯᬶᬥᬶ᭞ᬚᬬᬰᬢ᭄ᬭᬸ᭞ᬓᬳᬸᬘᬧ᭄ᬲᬶᬗ᭄ᬳᬵᬧᬸᬭᬹᬱ᭟ᬫᬗ᭄ᬓᬶᬦ᭄ᬭᬯᬸᬄᬇᬦᬓᬸᬮ᭞ᬧᬂᬭᬯᭀᬲᬾᬲᬤ᭄ᬥᬧᬶᬗᬶᬢ᭄᭞ᬘᭀᬓᭀᬃᬤᬢᭀᬂᬤᬤᬶᬧᬲᬄ᭞ᬮᬮᬶᬲ᭄ᬫᬜ᭄ᬭᬳᬂᬉᬭᬶᬧ᭄᭞ᬳᬧᬧᬕᬯᬾᬦᬾᬚᬦᬶ᭞ᬓᭂᬓᬜ᭄ᬘᬦᬾᬳᭀᬜᬮᭂᬩᬹᬃ᭞ᬢᬶᬢ᭄ᬬᬂᬫᬧᬫᬶᬢ᭄ᬭᬶᬳᬶᬦᬦ᭄᭞ᬚᬸᬫᬄᬫᬗᭂᬫᬵ ᬲᬶᬦ᭄ᬫᬵᬢᬶ᭞ᬳᭂᬦᬸᬩᬮᬸ᭞ᬘᭀᬓᭀᬃᬤᬮᬸᬗ᭄ᬳᬵᬦᬾᬯᬢ᭟ᬗᬫ᭄ᬩᬶᬮ᭄‌ᬓ᭄ᬭᬶᬲ᭄ᬭᬶᬂᬧᬫᬺᬫᬦ᭄᭞ᬲᬂᬲᬵᬮ᭄ᬬᬲᬾᬩᭂᬢ᭄ᬗᭂᬩᬸᬢᬶᬦ᭄᭞ᬤᬸᬄᬫᬵᬲ᭄ᬫᬶᬭᬄᬳᬢ᭄ᬫᬚᬶᬯ᭞ᬭᬢᬸᬲᬂᬤ᭄ᬬᬄᬲᬵᬢ᭄ᬬᬯᬢᬷ᭞ᬲᬂᬓᬤᬶᬕᬶᬭᬶᬧᬸᬢ᭄ᬭᬷ᭞ᬢᬦ᭄ᬧᬧᬥᬭᬶᬂᬳᬬᬸ᭞ᬫᬗ᭄ᬓᬶᬦ᭄‌ᬚᬤᬸᬫᬸᬦ᭄ᬧᬶᬦᭂᬳᬂ᭞ᬲᬵᬫ᭄ᬧᬸᬦ᭄ᬭᬢᬸᬲᬮᬶ ᬢ᭄‌ᬢᬫ᭄ᬧᬶ᭞ᬯ᭄ᬬᬤᬶᬦ᭄ᬭᬯᬸᬄ᭞ᬳᬶᬧᬸᬦ᭄ᬭᬳᬤᬾᬦ᭄‌ᬦᬓᬸᬮ᭟ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬫᬜᬧ᭞ᬤᭀᬄᬢᬶᬢ᭄ᬬᬂᬜ᭄ᬭᬳᬂᬉᬭᬶᬧ᭄᭞ᬲᬫᬮᬶᬄᬩᭀᬬᬜᬶᬤᬬᬂ᭞ᬇᬧᬸᬦ᭄ᬫᬢᬦ᭄ᬤᬶᬂᬓᬰᬓ᭄ᬢᬶᬦ᭄᭞ᬬᬦ᭄ᬲᬯᬗᬂᬢᬦᬄᬮᬗᬶᬢ᭄᭞ᬮᬶᬮᬬᬂᬓᬳ᭄ᬬᬸᬦᬶᬭᬢᬸ᭞ᬳᬸᬲᬦ᭄ᬫᬶᬭᬄᬲᬸᬫᬗ᭄ᬲᬵᬬ᭞ᬧᬲᬶᬭᬧᬸ ᬭᬸᬦ᭄ᬫᬢᬦ᭄ᬤᬶᬂ᭞ᬤᬤᭀᬲ᭄ᬢᭂᬧᬸᬂ᭞ᬧᬶᬢ᭄ᬯᬶᬤᬿᬢ᭄ᬬᬧᬶᬲᬘ᭄ᬘ᭟ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬗᬾᬯᭂᬳᬂ᭞ᬫᬫᬵᬥᭂᬫᬂᬫᬸᬲᬸᬄᬰᬓ᭄ᬢᬶ᭞ᬢᬶᬗ᭄ᬓᬄᬚᬬᬧᬭᬚᬬ᭞ᬰᬵᬭᬢᬸᬤᬸᬄᬲᬂᬳ᭄ᬬᬂᬯᬶᬥᬶ᭞ᬬᬦ᭄ᬓᬲᬶᬤ᭄ᬥᬦ᭄ᬦᬾᬳᬸᬗ᭄ᬲᬶ᭞ᬢᬶᬢ᭄ᬬᬂᬗᬶᬭᬶᬂᬇᬭᬢᬸᬳᬬᬸ᭞ᬫᬦᭂᬫᬸᬭᬶᬂᬇᬦ᭄ᬤ᭄ᬭᬮᭀᬓ᭞ᬳᬧᬂᬲᬋᬂᬫᬵ

Auto-transliteration

[4 4B] 4 n'gu, kāyonraturingpamr̥ĕman. magadanginptĕnglmaḥ, mdetmatasahisahi, durungpisannahĕntulak, yadinkatuduḥñĕkarin, pantĕsangmanĕrapin, mangantĕnginmĕkĕksusu, tanmarimaswakā, twaralalismaninggalin, ñanelucu, ratutongdaditunayan. mangkinñandangpahicayang, mādhyaniratuneramping, sareretityangbancingak, upahinkĕñungemanis, usanangmañakitin, bĕskadurusiratubĕndu, mangkinñandanghampurayang, tityangtunayanpangawi, hantuk kulub, hawinanmĕnggaḥpidukā. bawumaramātrakĕñcaḥ, masawur̀sangsātyawati, wyaktiratucokor̀da, hawinantityangesdiḥ, kabatĕkbahansubhakti, dulurinmanaḥulangun, wyadintityangnadosbela, yansāmpunmanuhut hindik, tuwilbur̀, yanmagĕhangpangubhāya. tanehasinmalakṣaṇa, bilangpuramasasanghi, sakingtĕdunaningyūddha, hantuktityangmangastiti, sadināmabantĕnsuci, mangdekasiddhanrahayu, cokor̀dapañjangyuṣa, tĕhĕr̀hidasang [5 5A] 5 hyangwidhi, jayaśatru, kahucapsinghāpurūṣa. mangkinrawuḥinakula, pangrawosesaddhapingit, cokor̀datongdadipasaḥ, lalismañrahangurip, hapapagawenejani, kĕkañcanehoñalĕbūr̀, tityangmapamitrihinan, jumaḥmangĕmā sinmāti, hĕnubalu, cokor̀dalunghānewata. ngambilkrisringpamr̥ĕman, sangsālyasebĕtngĕbutin, duḥmāsmiraḥhatmajiwa, ratusangdyaḥsātyawatī, sangkadigiriputrī, tanpapadharinghayu, mangkinjadumunpinĕhang, sāmpunratusali ttampi, wyadinrawuḥ, hipunrahadennakula. kewantĕntityangmañapa, doḥtityangñrahangurip, samaliḥboyañidayang, ipunmatandingkaśaktin, yansawangangtanaḥlangit, lilayangkahyuniratu, husanmiraḥsumangsāya, pasirapu runmatanding, dadostĕpung, pitwidaityapisacca. tanwentĕntityangngewĕhang, mamādhĕmangmusuḥśakti, tingkaḥjayaparajaya, śāratuduḥsanghyangwidhi, yankasiddhannehungsi, tityangngiringiratuhayu, manĕmuringindraloka, hapangsar̥ĕngmā

Leaf 5

Image on Archive.org

[᭕ 5B] ᭕ ᬮᬶᬄᬢᬸᬫᬶᬢᬶᬲ᭄᭞ᬳᬮᬳᬬᬸ᭞ᬫᬓᬭᭀᬦᬦ᭄ᬫᬗ᭄ᬕᬶᬄᬲᬸᬓ᭟ᬩᬳᬤᬾᬢᭀᬂᬤᬤᬶᬧᬲᬄ᭞ᬫᬗ᭄ᬤᬾᬦ᭄ᬲᬶᬤ᭄ᬥᬚ᭄ᬯᬫᬓᬦ᭄ᬢᬶ᭞ᬬᬦᬶᬂᬭᬢᬸᬤᬤᭀᬲ᭄ᬩᬸᬗ᭞ᬫᬲᭂᬧᬸᬓ᭄ᬫᬳ᭄ᬩᭀᬫᬶᬬᬶᬓ᭄᭞ᬲᬸᬓᬢᬶᬢ᭄ᬬᬂᬫᬦᬤᬶ᭞ᬢᬫ᭄ᬩᬸᬮᬶᬮᬶᬗᬦ᭄ᬫᬓᭂᬩᬹᬃ᭞ᬫᬗᬶᬲᭂᬧ᭄ᬲᬵᬭᬶᬦᬶᬂᬩᬸᬗ᭞ᬢ᭄ᬯᬭᬮᬮᬶᬲ᭄ᬫᬦᬶᬗ᭄ᬕ ᬮᬶᬦ᭄᭞ᬫᬵᬧᬦ᭄ᬤᬶᬢᬸ᭞ᬢᭀᬗᭀᬲ᭄ᬫᬦᬶᬲᬾᬫᬧᬸᬜ᭟ᬬᬦ᭄ᬭᬢᬸᬤᬤᭀᬲ᭄ᬧᬤᬵᬧ᭞ᬜᬮᬾᬬᭀᬕᬫ᭄ᬧᭂᬳᬂᬳᬗᬶᬦ᭄᭞ᬢᬶᬢ᭄ᬬᬂᬩᬸᬤᬸᬄᬓᬲ᭄ᬫᬵᬭᬦ᭄᭞ᬢᬶᬢ᭄ᬬᬂᬦᬶᬕᬤᬸᬂᬓᬵᬲ᭄ᬢᬸᬭᬶ᭞ᬜᬤ᭄ᬬᬧᬘᬂᬫᬂᬮᬶᬮᬶᬢ᭄᭞ᬬᬦᬶᬂᬭᬢᬸᬤᬤᭀᬲ᭄ᬓᬶᬤᬸᬂ᭞ᬫᬧᬸᬧᬸᬄᬯᬯᬶᬍᬢᬦ᭄᭞ᬢᬶᬢ᭄ᬬᬂᬫᬕᬸᬭᬸᬓᬓᬯᬶᬦ᭄᭞ ᬫᬗ᭄ᬤᬾᬦᬢᬹᬢ᭄᭞ᬫᬳᬺᬲ᭄ᬯᬤᬶᬃᬖ᭄ᬕᬧ᭄ᬮᬸᬢ᭟ᬢᬸᬯᬶᬇᬤᬪᬝᬵᬭᬩ᭄ᬭᬵᬳ᭄ᬫ᭞ᬫᬓᬃᬬ᭄ᬬᬮᬶᬦ᭄ᬢᬂᬗᬧᬶᬓᬶᬦ᭄᭞ᬫᬵᬢᬶᬬᬦ᭄ᬳᬤᬦ᭄ᬮᭂᬩᬂ᭞ᬳᬬᬸᬦᬾᬮ᭄ᬩᬶᬄᬗᬮᬗᬶᬢ᭄᭞ᬫᬶᬗ᭄ᬓᬶᬦ᭄ᬓᬾᬳᬚᬓ᭄ᬓᬲᬶᬄ᭞ᬫᬢ᭄ᬫᬸᬭᬶᬂᬚ᭄ᬭᭀᬦᬶᬂᬓᬲᬹᬃ᭞ᬬᬦ᭄ᬓᬶᬚᬢᭀᬭᬱᬜ᭞ᬩᬶᬮᬶᬄᬫᬵᬢᬶᬢᬶᬢ᭄ᬬᬂᬗᬶᬧᬶ᭞ᬢ᭄ᬯᬄᬇᬭᬢᬸ᭞ᬤᬾ ᬯᬦ᭄ᬓᬮᬗᭃᬦᬾᬫᬭᬕ᭟ᬯ᭄ᬬᬓ᭄ᬢᬶᬩᭀᬬᬜᬶᬤ᭄ᬥᬬᬂ᭞ᬓᬯᬶᬦᬾᬧᬘᬂᬫᬗᬸᬭᬶᬢ᭄᭞ᬢ᭄ᬯᬶᬦ᭄ᬲᬦᬵᬕᬭᬢ᭄ᬮᬲᬂ᭞ᬕᭂᬩᬸᬭᬂᬲᭂᬓᬭᬾᬳᬮᬶᬄ᭞ᬧᬸᬦᬶᬓᬵᬳᬗ᭄ᬕᬾᬦ᭄ᬗᭂᬢᬾᬓᬶᬦ᭄᭞ᬩᭀᬬᬫᬜᬶᬤ᭄ᬥᬬᬂᬧᬸᬧᬸᬢ᭄‌ᬯ᭄ᬬᬤᬶᬦ᭄ᬕᬸᬦᬸᬗᬾᬭᬸᬲᬓ᭄᭞ᬭᬭᬶᬲ᭄ᬫᬗ᭄ᬜᬕᬂᬧᬲᬶᬄ᭞ᬤᬶᬚᬭᬸᬭᬸᬄᬩᭀᬬ [᭖ 6A] ᭖ ᬧᭀᬮᬶᬄᬲᬲᬯᬗᬦ᭄᭟ᬧᬸᬦᬶᬓᬵᬳᬯᬶᬦᬦ᭄ᬢᬶᬢ᭄ᬬᬂ᭞ᬢᬦ᭄ᬫᬵᬭᬶᬧᬘᬂᬫᬂᬮᬦ᭄ᬢᬶᬂ᭞ᬤᬸᬭᬸᬂᬳ᭄ᬫᭂᬤ᭄ᬫᬫᬋᬓᬦ᭄᭞ᬯ᭄ᬬᬤᬶᬦ᭄ᬓᬢᬸᬤᬸᬄᬜᭂᬓᬭᬶᬦ᭄᭞ᬢᬶᬢ᭄ᬬᬂᬧᬘᬂᬫᬜᬢ᭄ᬬᬳᬶᬦ᭄᭞ᬗᬶᬭᬶᬂᬓᬳᬬᬸᬦᬶᬭᬢᬸ᭞ᬲᬓᬤᬶᬳᬶᬩ᭄ᬭᬫᬭ᭞ᬢᬦ᭄ᬧᬲᬄᬫᬗᬫᭀᬂᬲᬵᬭᬶ᭞ᬳᬤᭀᬄᬭᬢᬸ᭞ᬧᬘᬂᬗᬮᬶᬄ ᬕᬮᬂᬩᬸᬮᬦ᭄᭟ᬲᬧᬸᬦᬶᬓᬵᬳᬦ᭄ᬢᬸᬓᬶᬤ᭞ᬧ᭄ᬭᬚ᭄ᬜᬵᬦᬶᬤᬗᬲᬶᬄᬳᬲᬶᬄ᭞ᬫᬲ᭄ᬮᬢ᭄‌ᬲ᭄ᬮᬢ᭄ᬩᬩᬱᬦ᭄᭞ᬓᬶᬤᬸᬂᬫᬤᬸᬮᬸᬭᬦ᭄‌ᬓ᭄ᬜᬶᬂ᭞ᬲᬫ᭄ᬩᬶᬮᬂᬫᬫᬲᬦᬶᬦ᭄᭞ᬳᬗ᭄ᬕᭀᬦ᭄ᬜᭂᬓᭂᬦᬂᬧᬂᬭᬹᬫ᭄ᬭᬸᬫ᭄᭞ᬘᬵᬭᬦᬾᬫᬗ᭄ᬤᬾᬦ᭄ᬧᬸᬦᬄ᭞ᬦᬶᬤᬾᬯᬵᬬᬸᬲᬂᬲᬵᬢ᭄ᬬᬯᬢᬷ᭞ᬲᬫ᭄ᬩᬶᬮ᭄ᬲᬸᬗ᭄ᬲᬸᬢ᭄᭞ᬢᬦ᭄ᬫᬭᬶᬫ ᬫᬶᬢ᭄ᬩᬶᬢ᭄ᬲᬶᬜ᭄ᬚᬂ᭟ᬤᬾᬦᬶᬂᬲᬸᬯᬾᬳᬦ᭄ᬢᬸᬓᬶᬤ᭞ᬫᬦᬸᬗ᭄ᬓᬸᬮᬂᬗᬲᬶᬄᬳᬲᬶᬄ᭞ᬯᭂᬢᬸᬧᭀᬮᬶᬄᬫᬜᬶᬗ᭄ᬲᬾᬬᬂ᭞ᬤᬶᬢᬸᬇᬤᬓᬸᬭᬂᬢᬗ᭄ᬓᬶᬲ᭄᭞ᬦᬶᬤᬲᬂᬲᬵᬢ᭄ᬬᬯᬢᬶ᭞ᬦᬸᬗ᭄ᬓᬲᬂᬕᭂᬮᬶᬲᬦ᭄‌ᬍᬲᬸ᭞ᬲᬯᬾᬢ᭄ᬦᬶᬂᬓᬤᬶᬓᭀᬘᭀᬓᬂ᭞ᬫᬗᬶᬤᭂᬃᬤᬤᬶᬫᬗᬶᬧᬶ᭞ᬲᬸᬩᬤᬶᬢᬸ᭞ᬭᬶᬂᬲᬸᬭᬦᬤᬶᬫ ᬲᬶᬭᬫ᭄᭟ᬧ᭄ᬭᬬᬢ᭄ᬦᬫᬶᬢ᭄ᬬᬫᬕᬤᬂ᭞ᬫᬂᬭᬸᬇᬢᬸᬢᬸᬭᬾᬮ᭄ᬯᬶᬄ᭞ᬭᬭᬶᬲ᭄‌ᬲᬶᬋᬧ᭄ᬫᬓᬭᭀᬦᬦ᭄᭞ᬮᬜ᭄ᬘᬶᬗᬦᬾᬦᬸᬫᬓᬶᬮᬶᬢ᭄᭞ᬢᬗᬦᬾᬲᬶᬮᬶᬄᬕᬍᬗᬶᬦ᭄᭞ᬫᬦᬸᬧ᭄ᬤᬸᬧᬂᬲᬶᬮᬶᬄᬕᭂᬮᬸᬢ᭄᭞ᬫᬲ᭄ᬯᬭᬇᬧᬦᬮᬶᬓᬦ᭄᭞ᬧᬶᬂᬧᬶᬢᬸᬲᬯᬂᬦᬗᬶᬦᬶᬦ᭄᭞ᬳᬦᬓᬕᬸᬂ᭞ᬫᬢᬗ᭄ᬳᬶ

Auto-transliteration

[5 5B] 5 liḥtumitis, halahayu, makaronanmanggiḥsuka. bahadetongdadipasaḥ, mangdensiddhajwamakanti, yaningratudadosbunga, masĕpukmahbomiyik, sukatityangmanadi, tambulilinganmakĕbūr̀, mangisĕpsāriningbunga, twaralalismaningga lin, māpanditu, tongosmanisemapuña. yanratudadospadāpa, ñaleyogampĕhanghangin, tityangbuduḥkasmāran, tityangnigadungkāsturi, ñadyapacangmanglilit, yaningratudadoskidung, mapupuḥwawil̥ĕtan, tityangmagurukakawin, mangdenatūt, mahr̥ĕswadir̀ghgapluta. tuwi'idabhaṭārabrāhma, makar̀yyalintangngapikin, mātiyanhadanlĕbang, hayunelbiḥngalangit, mingkinkehajakkasiḥ, matmuringjroningkasūr̀, yankijatoraṣaña, biliḥmātitityangngipi, twaḥiratu, de wankalangönemaraga. wyaktiboyañiddhayang, kawinepacangmangurit, twinsanāgaratlasang, gĕburangsĕkarehaliḥ, punikāhanggenngĕtekin, boyamañiddhayangpuputwyadin'gunungerusak, rarismangñagangpasiḥ, dijaruruḥboya [6 6A] 6 poliḥsasawangan. punikāhawinantityang, tanmāripacangmanglanting, durunghmĕdmamar̥ĕkan, wyadinkatuduḥñĕkarin, tityangpacangmañatyahin, ngiringkahayuniratu, sakadihibramara, tanpasaḥmangamongsāri, hadoḥratu, pacangngaliḥ galangbulan. sapunikāhantukida, prajñānidangasiḥhasiḥ, maslatslatbabaṣan, kidungmadulurankñing, sambilangmamasanin, hanggonñĕkĕnangpangrūmrum, cāranemangdenpunaḥ, nidewāyusangsātyawatī, sambilsungsut, tanmarima mitbitsiñjang. deningsuwehantukida, manungkulangngasiḥhasiḥ, wĕtupoliḥmañingseyang, ditu'idakurangtangkis, nidasangsātyawati, nungkasanggĕlisanl̥ĕsu, sawetningkadikocokang, mangidĕr̀dadimangipi, subaditu, ringsuranadima siram. prayatnamityamagadang, mangru'ituturelwiḥ, rarissir̥ĕpmakaronan, lañcinganenumakilit, tanganesiliḥgal̥ĕngin, manupdupangsiliḥgĕlut, maswara'ipanalikan, pingpitusawangnanginin, hanakagung, matanghi

Leaf 6

Image on Archive.org

[᭖ 6B] ᭖ ᬓᬯᭂᬄᬫᬢᬶᬗ᭄ᬕᬮᬦ᭄᭟ᬦᬸᬧ᭄ᬤᬸᬧᬂᬲᬫ᭄ᬩᬶᬮ᭄ᬧᬢ᭄ᬮᬦᬦ᭄᭞ᬗᭂᬫ᭄ᬩᬸᬲ᭄ᬢᬗᬦ᭄ᬫᬦᬢᬩᬶᬦ᭄᭞ᬧᬦᬂᬗ᭄ᬰᬬᬓᬢᬗᭂᬳᬂ᭞ᬬᬦᬶᬤᬧᭀᬮᬶᬄᬫᬢᬗ᭄ᬳᬶ᭞ᬯ᭄ᬬᬓ᭄ᬢᬶᬲᬂᬲᬵᬢ᭄ᬬᬯᬢᬷ᭞ᬢᬦ᭄ᬯᬗ᭄ᬤᬾᬦᬗᬶᬲ᭄ᬫᬗᭂᬮᬸᬢ᭄᭞ᬤᬾᬦᬶᬂᬢᭀᬂᬤᬤᬶᬧᬲᬄ᭞ᬧᬸᬦᬶᬓᬵᬦᬾᬓᬚ᭄ᬭᬶᬳᬶᬦ᭄᭞ᬇᬤᬾᬯᬵᬕᬸᬂ᭞ᬧᬢ᭄ᬮᬦᬦ᭄ᬜᬗ᭄ᬓᬳᬗ᭄ᬓ᭄ᬬᬦ᭄᭟ ᬯᬯᬸᬢ᭄ᬤᬸᬦ᭄ᬤᬤᬶᬭᬶᬓᬢ᭄᭞ᬮᬜ᭄ᬘᬶᬗᬦᬾᬦᬸᬫᬓᬶᬮᬶᬢ᭄᭞ᬓᬾᬯᭂᬄᬬᬦ᭄ᬧᬘᬂᬗᭂᬫ᭄ᬩᬶᬸᬲᬶᬸᬦᬶᬸᬮᬾᬲᬂ᭞ᬇᬭᬶᬓᬵᬫᬗᬫ᭄ᬩᬶᬮ᭄‌ᬓ᭄ᬭᬶᬲ᭄᭞ᬫᬫᬶᬸᬦᬾᬭᬾᬲ᭄‌ᬭᬭᬶᬲ᭄ᬫᭂᬕᬢᬶᬦ᭄᭞ᬢᬦ᭄ᬧᬗᬶᬢᬸᬂᬲᬸᬢ᭄ᬭᬳᬮᬸᬲ᭄᭞ᬫᬲᭀᬗ᭄ᬓᬾᬢ᭄ᬩᬩᬶᬡ᭄ᬝᬗᬦ᭄᭞ᬜᬭᬾᬩᬾᬢᬢᭂᬗᬄᬍᬩᬶᬄ᭞ᬓᬵᬭᬶᬳᭂᬗ᭄ᬲᬸᬢ᭄᭞ ᬲᬵᬫ᭄ᬧᬸᬦ᭄ᬫᬮᬶᬄᬓᬩ᭄ᬘᬶᬓᬂ᭟ᬲᬵᬫ᭄ᬧᬸᬦ᭄ᬫᬲᬸᬓ᭄ᬫᬭᬶᬂᬓᬭᬲ᭄᭞ᬩᬸᬮᬓ᭄ᬩᬮᬶᬓᬢᬶᬦᬾᬲ᭄ᬤᬶᬄ᭞ᬭᬭᬶᬲ᭄ᬫᬗᬸᬗ᭄ᬕᬬᬂᬘᬦᬂ᭞ᬕᬦ᭄ᬢᬾᬦᬾᬳᬗ᭄ᬕᬾᬦ᭄ᬫᭂᬓᭂᬮᬶᬦ᭄᭞ᬢᬗᬦᬾᬲᬶᬮᬶᬄᬕᬍᬗᬶᬦ᭄᭞ᬤᬫ᭄ᬧᬶᬗᬶᬦ᭄ᬓᬭᬲᬾᬳᬮᬸᬲ᭄᭞ᬧᬶᬡ᭄ᬥᬬᬂᬧᬸᬢ᭄ᬭᬧᬸᬢ᭄ᬭᬬᬦ᭄᭞ᬫᬗ᭄ᬮᬶᬂᬫᬗᬸᬲᬸᬤ᭄ᬧᬶᬧᬶ᭞ᬗᭂᬢᬸᬲ᭄ᬓᬵᬳ᭄ᬬᬸ ᬦ᭄᭞ᬢᬶᬗ᭄ᬓᬳᬾᬓᬾᬮᬗᬦ᭄‌ᬚᬶᬯ᭟ᬩᬶᬗ᭄ᬩᬂᬢᭀᬂᬤᬤᬶᬫᬚᬮᬦ᭄᭞ᬩᬸᬲᬦ᭄ᬩᬸᬲᬦ᭄ᬢᭀᬮᬄᬢᭀᬮᬶᬄ᭞ᬧᬫᬵᬃᬕᬶᬦᬾᬤᬾᬫ᭄ᬧᬤᬾᬫ᭄ᬧᭀ᭞ᬬᬦ᭄ᬭᬱᬬᬂᬢᬦ᭄ᬧᬕᬮᬶᬄ᭞ᬬᬦ᭄ᬢᬦ᭄ᬫᬫᬕᭂᬳᬂᬓᬶᬃᬢ᭄ᬢᬶ᭞ᬧᬶᬮᬶᬄᬯᬗ᭄ᬤᬾᬫᬕᬕᭂᬩᬸᬕ᭄᭞ᬲᬯᬾᬢ᭄ᬦᬶᬂᬲᬵᬢ᭄ᬬᬯᬘᬡ᭞ [᭗ 7A] ᭗ ᬫᬹᬮᬭᬢᬸᬢᭀᬲ᭄ᬧ᭄ᬭᬚᬸᬭᬶᬢ᭄᭞ᬭᬭᬶᬲ᭄ᬜᬸᬚᬸᬃ᭞ᬫᬗᬸᬗ᭄ᬲ᭄ᬬᬂᬭᬡᬬᬚ᭄ᬜ᭟ᬭᬭᬶᬲ᭄ᬫᭂᬤᬮ᭄ᬓᬩᬜ᭄ᬘᬶᬗᬄ᭞ᬧᬭᬭᬢᬸᬫᬦᬫ᭄ᬧᭂᬓᬶᬦ᭄᭞ᬓᬯᬸᬮᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬇᬩᭂᬓᬦ᭄ᬕᬚᬄᬧᬤᬵᬢᬶ᭞ᬢ᭄ᬯᬭᬲᬶᬤ᭄ᬥᬩᬵᬦ᭄ᬗᬶᬫ᭄ᬧᬲᬶᬦ᭄᭞ᬕᭀᬂᬪᬾᬭᬷᬧᬥᬫᬦᬩᬸᬄ᭞ᬭᬭᬶᬲ᭄ᬫᬜᭀᬭᭀᬳᬂᬧ ᬜ᭄ᬚᬓ᭄᭞ᬦᬾᬬᭀᬕ᭄ᬬᬫᬮᬸᬤᬶᬳᭀᬭᬶ᭞ᬲᬳᬢᬸᬗ᭄ᬕᬸᬮ᭄᭞ᬢᬸᬫᬸᬮᬶᬄᬭᬭᬶᬲ᭄ᬫᬫᬵᬃᬕ᭄ᬕ᭟ᬕᬭᬾᬕᬾᬳᬦ᭄ᬓᬸᬤᬕᬚᬄ᭞ᬫᬶᬯᬄᬲᬹᬃᬬ᭄ᬬᬓ᭄ᬫᬫᬭᬸᬗᬶᬦ᭄᭞ᬫᬤᬸᬮᬸᬭᬦ᭄ᬕᬫᬶᬸᬕᬫᬩᭂᬮᬦ᭄᭞ᬕᬸᬧᭂᬓ᭄‌‌ᬓᭂᬫ᭄ᬧᬸᬮ᭄ᬗᬜᬶᬄᬳᬜᬶᬄ᭞ᬓᬾᬘᬾᬓ᭄ᬕᬗ᭄ᬰᬫᬶᬯᬄᬘᭂᬕᬶᬃ᭞ᬲ᭄ᬯᬭᬦ᭄ᬲᬸᬗ᭄ᬳᬸᬗᬮᬸᬧᬮᬸᬧ᭄᭞ᬮ᭄ᬯᬶᬃᬳᭀ ᬫ᭄ᬩᬓᬶᬂᬲᬵᬕᬭ᭞ᬕᬫᬸᬭᬸᬄᬫᬯᬦ᭄ᬢᬶᬯᬦ᭄ᬢᬶ᭞ᬧᬕᬭᬸᬤᬸᬕ᭄᭞ᬧᬜ᭄ᬚᬓᬾᬢᬦ᭄ᬧᬧᭂᬕᬢᬦ᭄᭟᭜᭟ᬥᬹᬃᬫ᭄ᬫ᭟᭜᭟ᬫᬗ᭄ᬓᬶᬦ᭄ᬫᬗ᭄ᬓᬢ᭄ᬲᬂᬰᬵᬮ᭄ᬬᬫᬸᬗ᭄ᬕ᭄ᬯᬶᬂᬭᬣ᭞ᬳᬗ᭄ᬭᬗ᭄ᬲᬸᬓ᭄ᬪᬹᬱᬡᬳᬰ᭄ᬭᬷ᭞ᬫᬸᬭᬹᬩ᭄ᬢᬾᬚᬦᬾᬤᬸᬫᬶᬮᬄ᭞ᬫᬓ᭄ᬤᬾᬧ᭄ᬤᬾᬦᬶᬂᬰᭀᬘ᭄ᬙ᭞ᬓᬤᬶᬲᬹᬃᬬ᭄ᬬᬯᬳᬸᬫᬶᬚᬶᬮ᭄᭞ᬲᬓᬾᬂᬉᬤᬬᬯᬳᬸᬫᬦᬸᬗ᭄ᬕᬂ ᬳᬤ᭄ᬭᬶ᭟ᬲᭂᬲᭂᬓ᭄ᬚᭂᬚᭂᬮ᭄‌‌ᬧᬭᬭᬢᬸᬲᬳᬯᬳᬦ᭞ᬲᬜ᭄ᬚᬢᬧᬥᬢᬶᬢᬶᬩ᭄᭞ᬫᬸᬭᬹᬩ᭄‌‌ᬢᬾᬚᬤᬸᬫᬶᬮᬄ᭞ᬓᬤᬶᬢᬢᬶᬢ᭄ᬭᬶᬂᬳᬫ᭄ᬩᬭ᭞ᬲᬳᬢᬸᬗ᭄ᬕᬸᬮ᭄ᬫᬗᭂᬩᭂᬓᬶᬦ᭄᭞ᬓᬤᬶᬓᬵᬮᬶᬳᬮᬄ᭞ᬕᭀᬂᬪᬾᬭᬷᬧᬥᬗᬶᬭᬶᬂ᭟ᬢᬦ᭄ᬯᬃᬡ᭄ᬦᬦᭂᬦ᭄ᬮᬵᬫ᭄ᬧᬳᬾᬲᬂᬧ᭄ᬭᬪᬸᬰᬵᬮ᭄ᬬ᭞ᬲᬵᬫ᭄ᬧᬸᬦ᭄ᬭᬯᬸᬄᬦᬾ

Auto-transliteration

[6 6B] 6 kawĕḥmatinggalan. nupdupangsambilpatlanan, ngĕmbustanganmanatabin, panangngśayakatangĕhang, yanidapoliḥmatanghi, wyaktisangsātyawatī, tanwangdenangismangĕlut, deningtongdadipasaḥ, punikānekajrihin, idewāgung, patlananñangkahangkyan. wawutdundadirikat, lañcinganenumakilit, kewĕḥyanpacangngĕmb̶s̶n̶lesang, irikāmangambilkris, mam̶neresrarismĕgatin, tanpangitungsutrahalus, masongketbabiṇṭangan, ñarebetatĕngaḥl̥ĕbiḥ, kārihĕngsut, sāmpunmaliḥkabcikang. sāmpunmasukmaringkaras, bulakbalikatinesdiḥ, rarismangunggayangcanang, gantenehanggenmĕkĕlin, tanganesiliḥgal̥ĕngin, dampinginkarasehalus, piṇdhayangputraputrayan, manglingmangusudpipi, ngĕtuskāhyu n, tingkahekelanganjiwa. bingbangtongdadimajalan, busanbusantolaḥtoliḥ, pamār̀ginedempadempo, yanraṣayangtanpagaliḥ, yantanmamagĕhangkir̀tti, piliḥwangdemagagĕbug, sawetningsātyawacaṇa, [7 7A] 7 mūlaratutosprajurit, rarisñujur̀, mangungsyangraṇayajña. rarismĕdalkabañcingaḥ, pararatumanampĕkin, kawulasāmpunmadabdab, ibĕkan'gajaḥpadāti, twarasiddhabānngimpasin, gongbherīpadhamanabuḥ, rarismañorohangpa ñjak, neyogyamaludihori, sahatunggul, tumuliḥrarismamār̀gga. garegehankudagajaḥ, miwaḥsūr̀yyakmamarungin, maduluran'gam̶gamabĕlan, gupĕkkĕmpulngañiḥhañiḥ, kecekgangśamiwaḥcĕgir̀, swaransunghungalupalup, lwir̀ho mbakingsāgara, gamuruḥmawantiwanti, pagarudug, pañjaketanpapĕgatan \\•\\ dhūr̀mma \\•\\ mangkinmangkatsangśālyamunggwingratha, hangrangsukbhūṣaṇahaśrī, murūbtejanedumilaḥ, makdepdeningśoccha, kadisūr̀yyawahumijil, sakengudayawahumanunggang hadri. sĕsĕkjĕjĕlpararatusahawahana, sañjatapadhatitib, murūbtejadumilaḥ, kaditatitringhambara, sahatunggulmangĕbĕkin, kadikālihalaḥ, gongbherīpadhangiring. tanwar̀ṇnanĕnlāmpahesangprabhuśālya, sāmpunrawuḥne

Leaf 7

Image on Archive.org

[᭗ 7B] ᭗ ᬫᬗ᭄ᬓᬶᬦ᭄᭞ᬭᬶᬂᬢ᭄ᬗᬳᬶᬂᬭᬡ᭞ᬕ᭄ᬮᬶᬲ᭄ᬦᬶᬗ᭄ᬓᬳᬂᬕᭂᬮᬃ᭞ᬓᬮᬶᬦ᭄ᬢᬂᬫᬤᬹᬃᬕ᭄ᬕᬢᬶ᭞ᬕᭂᬮᬃᬓᭀᬭᬯᬦᬾᬗᭂᬫᬶᬢ᭄ᬲᬂᬓᬸᬭᬸᬧᬢᬶ᭟ᬧᬭᬭᬢᬸᬫᬵᬦ᭄ᬢ᭄ᬭᬶᬧᬸᬗ᭄ᬕᬯᬧᬥᬧ᭄ᬭᬬᬢ᭄ᬦ᭞ᬫᬂᬗ᭄ᬫᬶᬢ᭄ᬲᬂᬓᬸᬭᬸᬧᬢᬶ᭞ᬓᬤᬶᬧᬲᬶᬄᬫᬗᭂᬩᭂᬓ᭄᭞ᬦᬾᬫᬗ᭄ᬭᬸᬲᬓᬂᬪᬸᬯᬦ᭞ᬲᭀᬮᬄᬯᬢᭂᬓ᭄ᬭᬢᬸᬲᬫᬶ᭞ᬧᬥᬧ᭄ᬭᬯᬷᬭᬯᬶᬘᬓ᭄ᬱ ᬡᬯᭂᬭᬸᬄᬭᬶᬂᬚᬸᬭᬶᬢ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄‌‌ᬲᬂᬓᭀᬭᬯᬫᬕᬕ᭄ᬮᬭᬦ᭄᭞ᬲᬂᬧᬵᬡ᭄ᬥᬯᬓᭀᬘᬧ᭄ᬫᬗ᭄ᬓᬶᬦ᭄᭞ᬕ᭄ᬮᬶᬲᬶᬤᬫᬦᬩ᭄ᬤᬩᬂ᭞ᬫᬗᬋᬧᬂᬧᬸᬦᬂᬯᬤ᭄ᬯ᭞ᬗᬋᬤᭂᬕ᭄ᬢᭂᬓᭂᬤ᭄ᬓᬮᬗᬶᬢ᭄᭞ᬲᬳᬯᬳᬦᬓᬤᬶᬫᬾᬖᬭᬶᬂᬮᬗᬶᬢ᭄᭟ᬲᬵᬫ᭄ᬧᬸᬦ᭄ᬕᭂᬮᬶᬲ᭄ᬯᬤ᭄ᬯᬦᬾᬧᬥᬫᬦᭂᬲᭂᬓᬂ᭞ᬭᬭᬶᬲ᭄ᬫᬢ ᬗ᭄ᬓᭂᬧ᭄‌‌ᬕ᭄ᬮᬶᬲ᭄᭞ᬭᬵᬫᬾᬧᬸᬦᬂᬬᬹᬤ᭄ᬥ᭞ᬫᬦᬸᬚᬄᬲᬶᬮᬶᬄᬢᬸᬚᬄ᭞ᬫᬫᬦᬄᬲᬶᬮᬶᬄᬧᬦᬳᬶᬦ᭄᭞ᬭᬵᬫᬾᬓᬂᬧ᭄ᬭᬂ᭞ᬧᬥᬵᬓ᭄ᬯᬾᬄᬗ᭄ᬫᬵᬲᬶᬦ᭄ᬫᬵᬢᬶ᭟ᬦᭀᬭᬓᬵᬳᬋᬧ᭄ᬫᬸᬦ᭄ᬤᬸᬭᬧᬥᬧ᭄ᬭᬯᬷᬭ᭞ᬢᬦ᭄ᬯᬶᬮᬗᭂᬦ᭄ᬓ᭄ᬯᬾᬄᬳᬶᬂᬫᬵᬢᬶ᭞ᬲ᭄ᬬᬸᬓᭂᬝᬶᬮᬓ᭄ᬱ᭞ᬇᬭᬶᬓᬵᬭᬭᬶᬲ᭄‌‌ᬫᬹᬮᬢ᭄‌‌ᬯᬢᭂᬓ᭄ᬭᬢᬸᬲᬫᬶ ᬗᬶᬭᬶᬂ᭞ᬳᬶᬤᬲᬂᬤᬹᬃᬬ᭄ᬬᬥᬵᬦᬗᬦ᭄ᬤᬶᬓᬲᬤ᭄ᬥᬕ᭄ᬮᬶᬲ᭄᭟ᬭᬭᬶᬲ᭄ᬕᭂᬮᬶᬲ᭄ᬯᬢᭂᬓ᭄ᬭᬢᬸᬦᬾᬲᬶᬦᬫ᭄ᬬᬦ᭄᭞ᬲᬳᬯᬳᬦᬲᬫᬶ᭞ᬓᬵᬋᬧ᭄ᬫᭂᬦ᭄ᬢᬂᬧᬦᬄ᭞ᬩᬍᬲ᭄ᬫᬓᬤᬶᬳᬸᬚᬦ᭄᭞ᬢ᭄ᬯᬭᬩᬓᬢ᭄ᬩᬵᬦ᭄ᬗᬶᬫ᭄ᬧᬲᬶᬦ᭄᭞ᬧᬵᬡ᭄ᬥᬯᬩᬮᬳᬓ᭄ᬯᬾᬄᬫᬗ᭄ᬫᬲᬶᬦ᭄ᬫᬵᬢᬶ᭟ᬰᬾᬱᬦ᭄ᬫᬵᬢᬶ [᭘ 8A] ᭘ ᬧᬥᬓᬵᬗ᭄ᬳᬾᬮᬦ᭄᭞ᬢᬦ᭄ᬲᬶᬤ᭄ᬥᬜᬦ᭄ᬫᬗ᭄ᬮᬯᬦᬶᬦ᭄᭞ᬤᬤᬶᬬᬗᬾᬗ᭄ᬕᬮᬂ᭞ᬫᬮᬬᬹᬫᬗᬸᬗ᭄ᬲᬶᬳᬸᬦ᭄ᬢᬢ᭄᭞ᬓᬓᭂᬧᬸᬂᬢᬸᬃᬓᬢᬸᬫ᭄ᬩᬓᬶᬦ᭄᭞ᬳᬤᬫᬜᬩᬢ᭄᭞ᬧᬜ᭄ᬚᬓ᭄ᬧᬵᬡ᭄ᬥᬯᬦᬾᬮᬶᬮᬶᬄ᭟ᬳᬕ᭄ᬮᬶᬲ᭄ᬗᬦ᭄ᬤᬶᬓᬳᬶᬤᬲᬂᬥᬃᬫ᭄ᬫᬧᬸᬢ᭄ᬭ᭞ᬭᬶᬂᬯᬢᭂᬓ᭄ᬭᬢᬸᬦᬾᬲᬫᬶ᭞ᬇᬄᬯᬢᭂᬓ᭄ᬧᬃᬣᬶᬯ᭞ᬯ ᬤ᭄ᬯᬦᬾᬲᬸᬩᬓᬵᬮᬄ᭞ᬮᬭᬸᬢ᭄ᬓᬵᬮᬄᬰᬾᬱᬦ᭄ᬫᬵᬢᬶ᭞ᬚᬦᬶᬕᬢ᭄ᬬᬂᬢᬸᬮᬸᬗᬶᬦ᭄‌‌ᬬᬳᬚᬓ᭄ᬲᬫᬶ᭟ᬭᬭᬶᬲ᭄ᬢᭂᬤᬸᬦ᭄‌‌ᬲᬂᬪᬷᬫ᭄ᬫᬫᬗᬸᬬᭂᬂᬕᬥ᭞ᬫᬫᬸᬧᬸᬄᬢ᭄ᬯᬭᬕᬶᬕᬶᬲᬶᬦ᭄᭞ᬕᬚᬄᬓᬸᬤᬓ᭄ᬭᬾᬣ᭞ᬤᭂᬓ᭄ᬤᭂᬓ᭄‌‌ᬋᬫᬸᬓ᭄‌‌ᬬᬓᬍᬫ᭄ᬧᬕ᭄᭞ᬲᬗᬃᬚ᭄ᬚᬸᬦᬫᬫᬦᬳᬶᬦ᭄᭞ᬩᬵᬦ᭄ᬰᬵᬭᬲᬵᬫ᭄ᬧᬢ᭞ ᬳᬓ᭄ᬯᬾᬄᬧᬥᬫᬗᭂᬫᬵᬲᬶᬦ᭄᭟ᬯᬾᬦ᭄ᬢᭂᬦ᭄ᬫᬮᬶᬄᬦᬾᬧᬸᬭᬹᬱᬫᬗᬋᬧᬂ᭞ᬢᬶᬗ᭄ᬓᬄᬜᬢᬦ᭄ᬧᬧᬓᬾᬭᬶᬂ᭞ᬫᬜᬕ᭄ᬚᬕ᭄ᬫᬗᬸᬬᭂᬂᬧ᭄ᬤᬂ᭞ᬳᬸᬮᬢᬾᬢᬸᬳᬸᬧᬸᬭᬹᬱ᭞ᬲᬾᬗᭂᬄᬲᬂᬧᬵᬃᬣᬫᬶᬸᬜᬦ᭄ᬤᬓ᭄‌ᬓᬶᬦ᭄᭞ᬘᭂᬘᭂᬄᬫᬫᬦᬄ᭞ᬳᬓᬾᬄᬫᬗᭂᬫᬲᬶᬦ᭄ᬫᬵᬢᬶ᭟ᬲᬾᬩᭂᬢ᭄ᬦᬶᬦ᭄ᬤᬶᬄᬩᬳᬦ᭄ᬧᬦᬄᬫᬳᬸᬢ᭄ᬢᬫ᭞ ᬳᬓᬾᬄᬢᬦ᭄ᬓᭂᬦᬯᬶᬮᬗᬶᬦ᭄᭞ᬭᬶᬂᬢ᭄ᬗᬳᬶᬂᬭᬡ᭞ᬳᬶᬩᭂᬓ᭄ᬲᬓᬤᬶᬳᬸᬚᬦ᭄᭞ᬯ᭄ᬬᬓ᭄ᬢᬶᬢᬯᬾᬦ᭄ᬢᭂᬦ᭄ᬧᬗ᭄ᬕᬶᬮ᭄᭞ᬓᬾᬄᬦᬾᬫᬱ᭄ᬮᬶᬗ᭄ᬕ᭄ᬬᬦ᭄᭞ᬢᬶᬩᬫᬩᬾᬮᬲᬵᬭᬣᬶ᭟ᬤᬶᬢᬸᬳᬾᬕᬃᬧᬜ᭄ᬚᬓ᭄ᬧᬵᬡ᭄ᬥᬯᬦᬾᬜᬕ᭄ᬚᬕ᭄᭞ᬫᬲᬹᬃᬬ᭄ᬬᬓ᭄ᬲᬳᬫᬦᬸᬤᬶᬂ᭞ᬇᬄᬇᬩᬲᬕᬯᭀᬦ᭄᭞

Auto-transliteration

[7 7B] 7 mangkin, ringtngahingraṇa, glisningkahanggĕlar̀, kalintangmadūr̀ggati, gĕlar̀korawanengĕmitsangkurupati. pararatumāntripunggawapadhaprayatna, mangngmitsangkurupati, kadipasiḥmangĕbĕk, nemangrusakangbhuwana, solaḥwatĕkratusami, padhaprawīrawicakṣa ṇawĕruḥringjurit. sāmpunpuputsangkorawamagaglaran, sangpāṇdhawakocapmangkin, glisidamanabdabang, mangar̥ĕpangpunangwadwa, ngar̥ĕdĕgtĕkĕdkalangit, sahawahanakadimegharinglangit. sāmpun'gĕliswadwanepadhamanĕsĕkang, rarismata ngkĕpglis, rāmepunangyūddha, manujaḥsiliḥtujaḥ, mamanaḥsiliḥpanahin, rāmekangprang, padhākweḥngmāsinmāti. norakāhar̥ĕpmundurapadhaprawīra, tanwilangĕnkweḥhingmāti, syukĕṭilakṣa, irikārarismūlatwatĕkratusami ngiring, hidasangdūr̀yyadhānangandikasaddhaglis. rarisgĕliswatĕkratunesinamyan, sahawahanasami, kār̥ĕpmĕntangpanaḥ, bal̥ĕsmakadihujan, twarabakatbānngimpasin, pāṇdhawabalahakweḥmangmasinmāti. śeṣanmāti [8 8A] 8 padhakānghelan, tansiddhañanmanglawanin, dadiyangenggalang, malayūmangungsihuntat, kakĕpungtur̀katumbakin, hadamañabat, pañjakpāṇdhawaneliliḥ. haglisngandikahidasangdhar̀mmaputra, ringwatĕkratunesami, iḥwatĕkpar̀thiwa, wa dwanesubakālaḥ, larutkālaḥśeṣanmāti, janigatyangtulunginyahajaksami. raristĕdunsangbhīmmamanguyĕnggadha, mamupuḥtwaragigisin, gajaḥkudakretha, dĕkdĕkr̥ĕmukyakal̥ĕmpag, sangar̀jjunamamanahin, bānśārasāmpata, hakweḥpadhamangĕmāsin. wentĕnmaliḥnepurūṣamangar̥ĕpang, tingkaḥñatanpapakering, mañagjagmanguyĕngpdang, hulatetuhupurūṣa, sengĕḥsangpār̀tham̶ñandakkin, cĕcĕḥmamanaḥ, hakeḥmangĕmasinmāti. sebĕtnindiḥbahanpanaḥmahuttama, hakeḥtankĕnawilangin, ringtngahingraṇa, hibĕksakadihujan, wyaktitawentĕnpanggil, keḥnemaṣlinggyan, tibamabelasārathi. dituhegar̀pañjakpāṇdhawaneñagjag, masūr̀yyaksahamanuding, iḥibasagawon,

Leaf 8

Image on Archive.org

[᭘ 8B] ᭘ ᬫᬳᬶᬚᬦᬶᬓᬳᬶᬧᬧᬲ᭄᭞ᬓᬳᬶᬫᬹᬮᬢᭀᬲ᭄ᬧ᭄ᬭᬚᬸᬭᬶᬢ᭄᭞ᬦᬾᬚᬦᬶᬢᬳᬦᬂ᭞ᬫᬲᬩᬸᬳᬸᬂᬳᬶᬩᬫᬵᬢᬶ᭟ᬲᬂᬅᬃᬚ᭄ᬚᬸᬦᬫᬫᬦᬄᬩᬮᬓᭀᬭᬯ᭞ᬳᬓᬾᬄᬫᬗᭂᬫᬵᬲᬶᬦ᭄ᬫᬵᬢᬶ᭞ᬲᬾᬓᭂᬢ᭄ᬲᬵᬢᬸᬲ᭄‌ᬲ᭄ᬬᬸᬮᬓ᭄ᬱ᭞ᬫᬮᬳᬶᬩ᭄ᬗᬸᬗ᭄ᬲᬶᬦᬺᬧᬢᬶ᭞ᬰᬶᬱᬦ᭄ᬧᭂᬚᬄ᭞ᬲᬯᬢᬭᬧᬶᬢᬸᬂᬢᬮᬶ᭟ ᬧᬮᬳᬶᬩᬾᬧᬥᬗᬸᬗ᭄ᬲᬶᬲᬂᬪᬹᬧᬢᬶᬬ᭞ᬓᬸᬘᬸᬧ᭄ᬢᬦ᭄ᬧᬸᬭᬸᬦ᭄ᬫᬦᭀᬮᬶᬄ᭞ᬢᬸᬫᬸᬮᬶᬄᬫᬵᬢᬹᬃᬫᬜᭂᬫ᭄ᬩᬄ᭞ᬗᬸᬦᬶᬗᬂᬲᬂᬓᬃᬡ᭄ᬦᬧᭂᬚᬄ᭞ᬧᬤᬤ᭄ᬯᬦᬦ᭄ᬗᬤᬸᬚᬸᬭᬶᬢ᭄᭞ᬮᬵᬯᬦ᭄ᬲᬂᬧᬵᬃᬣ᭞ᬧᭂᬚᬄᬲᬂᬓᬃᬡ᭄ᬦᬗᬹᬦᬶ᭟ᬲᬧᬸᬦᬶᬓᬵᬧᬗᬫᬹᬓ᭄ᬲᬂᬧᬦ᭄ᬤᬯᬦᬾ᭞ᬲᬂᬓᭀᬭᬯᬲᬫᬶᬮᬶᬮᬶᬄ᭞ᬢᬦ᭄ᬧᬸᬭᬸᬦ᭄ᬫᬂ ᬮᬵᬯᬦ᭄᭞ᬲᬂᬰᬵᬮ᭄ᬬᬓᬗ᭄ᬕᭂᬓ᭄ᬫᬶᬭᬕᬶ᭞ᬕ᭄ᬮᬶᬲ᭄ᬫᬤᬩ᭄ᬤᬩ᭄᭞ᬫᬸᬗ᭄ᬕᬄᬫᬭᬶᬂᬭᬣᬫᬡᬶᬓ᭄᭟ᬳᬶᬭᬶᬓᬵᬳᬶᬤᬲᬂᬰᬵᬮ᭄ᬬᬗᬯᬍᬲᬂ᭞ᬧᬭᬧᬸᬗ᭄ᬕᬯᬧᬥᬗᬶᬭᬶᬂ᭞ᬓᬤᬶᬓᬵᬮᬵᬦ᭄ᬢᬓ᭞ᬜ᭄ᬮᭃᬕ᭄ᬭᬶᬂᬢ᭄ᬗᬳᬶᬂᬭᬡ᭞ᬳᬕ᭄ᬮᬶᬲ᭄‌ᬲᬶᬭᬫᬕᬸᬢᬶᬦ᭄᭞ᬪᬷᬫ᭄ᬫᬳᬃᬚ᭄ᬚᬸᬦ᭞ᬲᬓ᭄ᬯᬾᬄᬲᬂᬫᬳᬵᬰᬓ᭄ᬢᬶ᭟ᬓᬤᬶᬖ᭄ᬦᬶᬫᬸ ᬦ᭄ᬢᬩ᭄ᬭᬶᬂᬢ᭄ᬗᬳᬶᬂᬭᬡ᭞ᬓᬪᬶᬡᬯᬫᬗᬺᬲᬶᬦ᭄᭞ᬦᬸᬮᬶᬲᬂᬰᬵᬮ᭄ᬬ᭞ᬓᬮᬸᬮᬸᬦ᭄ᬓᬓᭂᬢᭂᬭᬦ᭄᭞ᬢᭂᬫ᭄ᬧᬸᬳᬶᬂᬳ᭄ᬭᬸᬲᬂᬓᬶᬭᬶᬣᬶ᭞ᬕ᭄ᬮᬶᬲ᭄ᬓᬢᬸᬮᬓ᭄᭞ᬳᬦ᭄ᬢᬸᬓ᭄ᬧᬦᬄᬫᬳᬵᬰᬓ᭄ᬢᬶ᭟ᬭᬸᬤ᭄ᬭᬵᬲ᭄ᬢ᭄ᬭᬦᬾᬋᬕᭂᬧ᭄ᬲᬂᬧ᭄ᬭᬪᬸᬰᬵᬮ᭄ᬬ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬬᭀᬕᬳᬶᬦ᭄᭞ᬪᬹᬢᬫ᭄ᬯᬂᬤᬿᬢ᭄ᬬ [᭙ 9A] ᭙ ᬬᬓ᭄ᬱᬵᬲᬸᬭᬫᬶᬚᬶᬮ᭄᭞ᬫᬲᬸᬲᬸᬦ᭄ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬭᬶᬂᬭᬡᬗ᭄ᬕ᭞ᬗᬫᬵᬢ᭄ᬬᬂᬫᬸᬲᬸᬄᬰᬓ᭄ᬢᬶ᭟ᬤᬾᬦᬶᬂᬦᬶᬓᬵᬧᬦᬸᬕ᭄ᬭᬳᬦ᭄ᬫᬳᬸᬢ᭄ᬢᬫ᭞ᬲᬂᬳ᭄ᬬᬂᬮᬸᬤ᭄ᬭᬦᬾᬗᬹᬦᬶ᭞ᬭᬶᬂᬳᬶᬤᬲᬂᬧ᭄ᬭᬪᬸᬰᬵᬮ᭄ᬬ᭞ᬲᬜ᭄ᬚᬢᬦᬾᬫᬳᬸᬢ᭄ᬢᬫ᭞ᬗᬫᬢ᭄ᬬᬂᬫᬸᬲᬸᬄᬰᬓ᭄ᬢᬶ᭞ᬲᬶᬂᬯᬵᬭᬵᬲ᭄ᬢ᭄ᬭᬇᬓᬶᬧᬦᬸᬮᬓ᭄ᬲᬃᬯ᭄ᬯᬲᬶᬤ᭄ᬥᬶ᭟ ᬫᬯᬲ᭄ᬢᬸᬢ᭄ᬮᬲ᭄ᬩᬮᬧᬵᬡ᭄ᬥᬯᬧᬶᬦᬗᬦ᭄᭞ᬳᬦ᭄ᬢᬸᬓ᭄ᬤᬦᬯᬰᬓ᭄ᬢᬶ᭞ᬳ᭄ᬭᬸᬦᬶᬤᬲᬂᬧ᭄ᬭᬪᬸᬰᬵᬮ᭄ᬬ᭞ᬬᬦ᭄ᬢᬲᬂᬓᬺᬱ᭄ᬡ᭞ᬬᬢ᭄ᬦᬕᭂᬮᬶᬲ᭄ᬗᬦ᭄ᬤᬶᬓᬳᬶᬦ᭄᭞ᬦᬶᬗ᭄ᬕᬮᬂᬲᬵᬭ᭞ᬧᬶᬮᬶᬄᬢ᭄ᬮᬲ᭄ᬫᬓᬲᬫᬶ᭟ᬬᬦᬶᬂᬲᬸᬩᬫᬲ᭄ᬬᬢ᭄‌ᬢᬦ᭄ᬧᬲᬜ᭄ᬚᬢ᭞ᬬᬓ᭄ᬭᬡᬤᬤᬓᬲᬶᬄ᭞ᬢᬹᬃᬗ᭄ᬮᬦ᭄ᬢᬲᬶᬮᬂ᭞ᬤᬾᬦᬶᬂᬬᬢ᭄ᬯᬭᬜᬓ᭄᭞ᬗᬫᬵ ᬢ᭄ᬬᬂᬫᬸᬲᬸᬄᬦᬾᬚ᭄ᬭᬶᬄ᭞ᬢᬹᬃᬲᬶᬤᬓᭂᬧᬂ᭞ᬢᭀᬓ᭄ᬭᬡᬤᬤᬶᬓᬲᬶᬄ᭟ᬤᬤᬶᬳᬶᬮᬂᬇᬓᬂᬳ᭄ᬭᬸᬫᬳᬵᬯᬶᬰᬾᬱ᭞ᬮᬹᬤ᭄ᬭᬭᭀᬲᬲ᭄ᬢ᭄ᬭᬇᬓᬶ᭞ᬓᬕ᭄ᬬᬢ᭄ᬧ᭄ᬭᬪᬸᬰᬮ᭄ᬬ᭞ᬫᬜᬶᬗᬓ᭄ᬲᬜ᭄ᬚᬢᬇᬮᬂ᭞ᬳᬕ᭄ᬮᬶᬲ᭄‌ᬲᬶᬭᬫᬜᬶᬗᬓᬶᬦ᭄᭞ᬳᬶᬤᬲᬂᬥᬃᬫ᭄ᬫᬧᬸᬢ᭄ᬭᬫᭂᬚᬳᬦᬰᬵᬢ᭄ᬭᬸᬇᬓᬶ᭟ᬫᬗ᭄ᬓᬶᬦ᭄ᬯᭂᬭᬸᬄᬳᬶᬤᬲᬂ ᬥᬃᬫ᭄ᬫᬯᬗ᭄ᬰ᭞ᬫᬜᬶᬗᬓ᭄ᬫᬸᬲᬸᬳᬾᬰᬓ᭄ᬢᬶ᭞ᬅᬗ᭄ᬳᬶᬂᬧᬓᬳ᭄ᬬᬸᬦᬦ᭄᭞ᬳᬶᬤᬲᬂᬚᬦᬃᬤ᭄ᬥᬦ᭞ᬫᬵᬢᬹᬃᬲᬶᬭᬗᬲᬶᬄᬳᬲᬶᬄ᭞ᬭᬶᬂᬲᬂᬥᬃᬫ᭄ᬫ᭞ᬫᬗ᭄ᬤᬓᬵᬳ᭄ᬬᬸᬦ᭄ᬫᬫᬕᬸᬢᬶᬦ᭄᭟᭜᭟ᬲᬶᬦᭀᬫ᭄᭟᭜᭟ᬤᬸᬄᬭᬢᬸᬲᬂᬥᬃᬫ᭄ᬫᬧᬸᬢ᭄ᬭ᭞ᬘᬶᬗᬓ᭄‌ᬚ᭄ᬯᬚᬕᬢᬾᬫᬗ᭄ᬓᬶᬦ᭄᭞ᬫᬲᬢᬦ᭄ᬯᬗ᭄ᬤᬾᬦ

Auto-transliteration

[8 8B] 8 mahijanikahipapas, kahimūlatosprajurit, nejanitahanang, masabuhunghibamāti. sangar̀jjunamamanaḥbalakorawa, hakeḥmangĕmāsinmāti, sekĕtsātussyulakṣa, malahibngungsinr̥ĕpati, śiṣanpĕjaḥ, sawatarapitungtali. palahibepadhangungsisangbhūpatiya, kucuptanpurunmanoliḥ, tumuliḥmātūr̀mañĕmbaḥ, nguningangsangkar̀ṇnapĕjaḥ, padadwananngadujurit, lāwansangpār̀tha, pĕjaḥsangkar̀ṇnangūni. sapunikāpangamūksangpandawane, sangkorawasamililiḥ, tanpurunmang lāwan, sangśālyakanggĕkmiragi, glismadabdab, munggaḥmaringrathamaṇik. hirikāhidasangśālyangawal̥ĕsang, parapunggawapadhangiring, kadikālāntaka, ñlögringtngahingraṇa, haglissiramagutin, bhīmmahar̀jjuna, sakweḥsangmahāśakti. kadighnimu ntabringtngahingraṇa, kabhiṇawamangr̥ĕsin, nulisangśālya, kalulunkakĕtĕran, tĕmpuhinghrusangkirithi, gliskatulak, hantukpanaḥmahāśakti. rudrāstraner̥ĕgĕpsangprabhuśālya, sāmpunpuputkayogahin, bhūtamwangdaitya [9 9A] 9 yaksyāsuramijil, masusunmatindiḥtindiḥ, ringraṇangga, ngamātyangmusuḥśakti. deningnikāpanugrahanmahuttama, sanghyangludranengūni, ringhidasangprabhuśālya, sañjatanemahuttama, ngamatyangmusuḥśakti, singwārāstra'ikipanulaksar̀wwasiddhi. mawastutlasbalapāṇdhawapinangan, hantukdanawaśakti, hrunidasangprabhuśālya, yantasangkr̥ĕṣṇa, yatnagĕlisngandikahin, ninggalangsāra, piliḥtlasmakasami. yaningsubamasyattanpasañjata, yakraṇadadakasiḥ, tūr̀nglantasilang, deningyatwarañak, ngamā tyangmusuḥnejriḥ, tūr̀sidakĕpang, tokraṇadadikasiḥ. dadihilangikanghrumahāwiśeṣa, lūdrarosastra'iki, kagyatprabhuśalya, mañingaksañjata'ilang, haglissiramañingakin, hidasangdhar̀mmaputramĕjahanaśātru'iki. mangkinwĕruḥhidasang dhar̀mmawangśa, mañingakmusuheśakti, anghingpakahyunan, hidasangjanar̀ddhana, mātūr̀sirangasiḥhasiḥ, ringsangdhar̀mma, mangdakāhyunmamagutin \\•\\ sinom \\•\\ duḥratusangdhar̀mmaputra, cingakjwajagatemangkin, masatanwangdena

Leaf 9

Image on Archive.org

[᭙ 9B] ᭙ ᬢ᭄ᬮᬲ᭄᭞ᬕᭂᬫ᭄ᬧᬸᬂᬫᬢ᭄ᬫᬳᬦᬱ᭄ᬝᬶ᭞ᬬᬦ᭄ᬢᬦᬶᬭᬢᬸᬫᬗ᭄ᬓᬶᬦ᭄᭞ᬕ᭄ᬮᬶᬲ᭄ᬜᬭᬢᬂᬫᬦᬸᬮᬸᬂ᭞ᬳᬶᬤᬲᬂᬧ᭄ᬭᬪᬸᬫᬤ᭄ᬭᬓᬵ᭞ᬓᬤᬳᬢᬦ᭄ᬰᬓ᭄ᬢᬶᬮ᭄ᬯᬶᬄ᭞ᬲᬶᬭᬧᬸᬭᬸᬦ᭄᭞ᬧᬘᬂᬫᬧᬲ᭄ᬫᬭᬶᬂᬭᬡ᭟ᬲᬧᬸᬦᬶᬓᬵᬳᬢᬹᬃᬳᬶᬤ᭞ᬲᬂᬓᬺᬱ᭄ᬡᬫᬗᬲᬶᬄᬳᬲᬶᬄ᭞ᬫᬵᬢᬹᬃᬭᬶᬂᬳᬶᬤᬲᬂᬥᬃᬫ᭄ᬫ᭞ᬤᬸᬭᬸᬲᬂᬭᬢᬸᬦᬾᬫᬗ᭄ᬓᬶᬦ᭄᭞ ᬢᬢᬶᬗᬶᬦ᭄ᬚᬕᬢᬾᬕ᭄ᬮᬶᬲ᭄᭞ᬲᬂᬦᬓᬸᬮᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬢᬹᬭᬾᬭᬶᬂᬲᬂᬰᬵᬮ᭄ᬬ᭞ᬯᬦ᭄ᬢᬄᬳᬶᬤᬜ᭄ᬭᬳᬂᬉᬭᬶᬧ᭄᭞ᬫᬗ᭄ᬤᬾᬦ᭄ᬭᬢᬸ᭞ᬓᭀᬘᬧ᭄ᬫᬜᬾᬤᬬᬂᬳᬶᬤ᭟ᬤᬸᬭᬸᬲᬂᬫᬗ᭄ᬓᬶᬦ᭄ᬗᬸᬧᬵᬬ᭞ᬯᬗᬸᬦᬂᬓᬶᬃᬢ᭄ᬢᬶᬦᬾᬫᬗ᭄ᬓᬶᬦ᭄᭞ᬥᬃᬫ᭄ᬫᬧᬸᬭᬹᬱᬦᬾᬋᬕᭂᬧ᭄᭞ᬕ᭄ᬮᬶᬲᬂᬭᬢᬸᬢᬦ᭄ᬤᬶᬗᬶᬦ᭄᭞ᬦᬾᬳᭂ ᬗ᭄ᬓᬾᬦ᭄ᬧᬘᬂᬓᬶᬃᬢ᭄ᬢᬶᬦᬶᬦ᭄᭞ᬗᬯᬗᬸᬦ᭄ᬢᬧᬭᬶᬂᬕᬸᬦᬸᬂ᭞ᬫᬗ᭄ᬤᬾᬦ᭄‌ᬚᬕᬢᬾᬭᬸᬲᬓ᭄᭞ᬳᬧᬕᬸᬡᬦᬾᬦᬸᬤᬶᬦᬶ᭞ᬤᬤᬶᬳᬕᬸᬂ᭞ᬲᬧᬲᬶᬭᬗᬭᬢᬸᬳᬂ᭟ᬬᬦ᭄ᬳᬶᬭᬢᬸᬢ᭄ᬯᬭᬚ᭄ᬗᬄ᭞ᬫᬜᬶᬗᬓ᭄ᬚᬕᬢᬾᬩᬺᬰᬶᬄ᭞ᬦᬸᬦᬲ᭄ᬭᬢᬸᬧᬶᬲᬦ᭄ᬩᬸᬤᬮ᭄᭞ᬬᬦ᭄ᬭᬢᬸᬢᬦ᭄ᬫᬦᬕᬶᬗᬶᬦ᭄᭞ᬓ ᬤᬶᬳᬢᬹᬃᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬲᬂᬥᬃᬫ᭄ᬫᬳᬶᬤᬫᬲᬳᬸᬃ᭞ᬤᬸᬄᬬᬬᬶᬫᬵᬥᬸᬲᬸᬥᬦ᭞ᬳᬬ᭄ᬯᬬᬬᬶᬯᬮᬂᬳᬢᬶ᭞ᬫᬲᬩᬸᬳᬸᬂ᭞ᬢᬶᬢ᭄ᬬᬂᬫᬕᬸᬢᬶᬦ᭄ᬲᬂᬰᬵᬫᬶᬸᬮ᭄ᬬ᭟ᬳᬶᬭᬶᬓᬵᬲᬂᬥᬃᬫᬯᬗ᭄ᬰ᭞ᬓ᭄ᬭᭀᬥᬳᬲᬢᭀᬂᬕᬶᬕᬶᬲ᭄᭞ᬗᬦ᭄ᬤᬶᬓᬵᬳᬶᬤᬫᬕᬶᬩ᭄ᬭᬲ᭄᭞ᬲᬵᬫ᭄ᬧᬸᬦ᭄‌ᬬᬬᬶᬯᬮᬂ [᭑᭐ 10A] ᭑᭐ ᬳᬢᬶ᭞ᬲᬗ᭄ᬓᬦᬶᬂᬦᬶᬃᬕᬸᬡᬚᬵᬢᬶ᭞ᬬᬦᬶᬂᬢᬦ᭄ᬧᬸᬭᬸᬦ᭄ᬫᬧᬕᬸᬢ᭄᭞ᬤᬾᬦᬶᬂᬓᬮᬶᬯᬢ᭄ᬮᬗ᭄ᬕᬡ᭞ᬲᬂᬧ᭄ᬭᬪᬸᬭᬶᬂᬫᬤ᭄ᬭᬧᬢᬶ᭞ᬫᬲᬩᬸᬳᬸᬂ᭞ᬳᬶᬤᬫᬗᭂᬫᬵᬲᬶᬦ᭄ᬧᭂᬚᬄ᭟ᬕ᭄ᬮᬶᬲ᭄ᬫᬗ᭄ᬭᬗ᭄ᬲᬸᬓ᭄ᬪᬹᬱᬡ᭞ᬲᬵᬫ᭄ᬧᬸᬦᬳ᭄ᬬᬲ᭄ᬭᬭᬶᬲ᭄ᬫᬶᬚᬶᬮ᭄᭞ᬢᬸᬫᬸᬮᬶᬄᬫᬸᬗ᭄ᬕᬄᬭᬶᬂᬭᬣ᭞ᬓᬤᬶᬕᬸᬦᬸᬂᬖ᭄ᬦᬶᬗᭂᬦ᭄ᬤᬶᬄ᭞ᬲᬳᬯᬳ ᬦᬫᬗᬶᬭᬶᬂ᭞ᬕᭀᬂᬪᬾᬭᬷᬧᬥᬫᬦᬩᬸᬄ᭞ᬢᬸᬗ᭄ᬕᬸᬮᬾᬧᬓᬸᬮᬾᬫ᭄ᬮᬾᬫ᭄᭞ᬮ᭄ᬯᬶᬃᬫᬾᬖᬵᬧ᭄ᬯᬶᬭᬶᬂᬮᬗᬶᬢ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬂᬦᬵᬣᬭᬭᬶᬲ᭄ᬫᬫᬵᬃᬕ᭄ᬕ᭟ᬧᬭᬦᬵᬣᬵᬓᬾᬄᬗᬶᬭᬶᬗᬂ᭞ᬗᬮᬶᬗ᭄ᬕᬶᬳᬶᬦ᭄ᬓᬸᬤᬳᬲ᭄ᬢᬶ᭞ᬲᬜ᭄ᬚᬢᬧᬥᬘᬸᬫᬤᬂ᭞ᬧ᭄ᬤᬂᬢᬸᬫ᭄ᬩᬓ᭄ᬢᬸᬮᬸᬧ᭄ᬲᬸᬦ᭄ᬢ᭄ᬭᬶᬓ᭄᭞ᬳᬗ᭄ᬓᬸ ᬲ᭄ᬢ᭄ᬭᬶᬰᬹᬮᬫᬮᬄ᭞ᬢᬶᬢᬶᬩ᭄ᬓᬤᬶᬳᬮᬲᬕᬸᬂ᭞ᬲᬫᬶᬧᬥᬲᬭᬦ᭄ᬢᭂᬩᬦ᭄᭞ᬧᬶᬲᬭᬢ᭄ᬫᬗᬤᬸᬚᬸᬭᬶᬢ᭄᭞ᬧᬕᬭᬸᬤᬸᬕ᭄᭞ᬫᬗᬸᬗ᭄ᬲᬶᬢ᭄ᬗᬳᬶᬂᬭᬡ᭞ᬲᬵᬫ᭄ᬧᬸᬦ᭄ᬫᬕ᭄ᬮᬃᬭᬶᬂᬫᬵᬃᬕ᭄ᬕ᭞ᬫᬲᬹᬃᬬ᭄ᬬᬓ᭄ᬲᬮᬶᬂᬢᬫ᭄ᬩᬸᬗᬶᬦ᭄᭞ᬓᬤᬶᬓᬭᬸᬗ᭄ᬯᬶᬗᬫ᭄ᬩᬭ᭞ᬯᬢᭂᬓ᭄ᬭᬢᬸᬲᬫᬶᬗᬭᬶᬂ᭞ᬕᬚᬄᬓᬸᬤᬫᬗᬶᬭᬶᬂ᭞ᬫ ᬩ᭄ᬬᬭᬦ᭄‌‌ᬬᬧᬕ᭄ᬭᬸᬤᬸᬕ᭄᭞ᬧ᭄ᬢᭂᬂᬢᬦ᭄ᬧᬲᬶᬗ᭄ᬓᬩᬦ᭄᭞ᬮᬶᬩᬸᬢ᭄‌ᬢ᭄ᬯᬭᬓᬃᬯ᭄ᬯᬦᬲᬶᬂ᭞ᬩᬸᬓ᭄ᬗᬮᬶᬧᬸᬢ᭄᭞ᬗᬯᬾᬳᬺᬲ᭄‌ᬲᬂᬗᬢᭀᬦᬂ᭟ᬫᬗ᭄ᬓᬶᬦ᭄ᬲᬂᬥᬃᬫ᭄ᬫᬢᬦᬬ᭞ᬓ᭄ᬭᭀᬥᬲᬳᬱᬫᬢᬦ᭄ᬤᬶᬂ᭞ᬭᬶᬗᬶᬤᬲᬂᬧ᭄ᬭᬪᬸᬰᬵᬮ᭄ᬬ᭞ᬢᬦ᭄ᬲᬄᬯᬵᬭᬵᬲ᭄ᬢ᭄ᬭᬫᬶᬦᬹᬱ᭄ᬝᬶ᭞ᬲᬵᬫ᭄ᬧᬸᬦ᭄ᬫᬶᬦᬦ᭄ᬢ᭄ᬭᬲᬶᬤ᭄ᬥᬶ

Auto-transliteration

[9 9B] 9 tlas, gĕmpungmatmahanaṣṭi, yantaniratumangkin, glisñaratangmanulung, hidasangprabhumadrakā, kadahatanśaktilwiḥ, sirapurun, pacangmapasmaringraṇa. sapunikāhatūr̀hida, sangkr̥ĕṣṇamangasiḥhasiḥ, mātūr̀ringhidasangdhar̀mma, durusangratunemangkin, tatinginjagateglis, sangnakulasāmpunpuput, hatūreringsangśālya, wantaḥhidañrahangurip, mangdenratu, kocapmañedayanghida. durusangmangkinngupāya, wangunangkir̀ttinemangkin, dhar̀mmapurūṣaner̥ĕgĕp, glisangratutandingin, nehĕ ngkenpacangkir̀ttinin, ngawanguntaparinggunung, mangdenjagaterusak, hapaguṇanenudini, dadihagung, sapasirangaratuhang. yanhiratutwarajngaḥ, mañingakjagatebr̥ĕśiḥ, nunasratupisanbudal, yanratutanmanagingin, ka dihatūr̀tityangmangkin, sangdhar̀mmahidamasahur̀, duḥyayimādhusudhana, haywayayiwalanghati, masabuhung, tityangmagutinsangśām̶lya. hirikāsangdhar̀mawangśa, krodhahasatonggigis, ngandikāhidamagibras, sāmpunyayiwalang [10 10A] 10 hati, sangkaningnir̀guṇajāti, yaningtanpurunmapagut, deningkaliwatlanggaṇa, sangprabhuringmadrapati, masabuhung, hidamangĕmāsinpĕjaḥ. glismangrangsukbhūṣaṇa, sāmpunahyasrarismijil, tumuliḥmunggaḥringratha, kadigunungghningĕndiḥ, sahawaha namangiring, gongbherīpadhamanabuḥ, tunggulepakulemlem, lwir̀meghāpwiringlangit, sāmpunpuput, sangnāthararismamār̀gga. paranāthākeḥngiringang, ngalinggihinkudahasti, sañjatapadhacumadang, pdangtumbaktulupsuntrik, hangku striśūlamalaḥ, titibkadihalasagung, samipadhasarantĕban, pisaratmangadujurit, pagarudug, mangungsitngahingraṇa, sāmpunmaglar̀ringmār̀gga, masūr̀yyaksalingtambungin, kadikarungwingambara, watĕkratusamingaring, gajaḥkudamangiring, ma byaranyapagrudug, ptĕngtanpasingkaban, libuttwarakar̀wwanasing, bukngaliput, ngawehr̥ĕssangngatonang. mangkinsangdhar̀mmatanaya, krodhasahaṣamatanding, ringidasangprabhuśālya, tansaḥwārāstraminūṣṭi, sāmpunminantrasiddhi

Leaf 10

Image on Archive.org

[᭑᭐ 10B] ᭑᭐ ᭞ᬢᬦ᭄ᬧᬧᭂᬕᬢᬦ᭄ᬢᬸᬫᬵᬫ᭄ᬧᬸᬄ᭞ᬫ᭄ᬯᬂᬲᬂᬫᬵᬤ᭄ᬭᬷᬲᬸᬢ᭞ᬪᬷᬫ᭄ᬫᬧᬵᬮ᭄ᬕᬸᬡᬜᬋᬗᬶᬦ᭄᭞ᬲᬫᬶᬤᬶᬢᬸ᭞ᬲᬂᬯᬢᭂᬓ᭄ᬭᬢᬸᬲᬫ᭄ᬬᬦ᭄᭟ᬧᬦᬄᬫᬲᬸᬲᬸᬦ᭄ᬢᬦ᭄ᬧᭂᬕᬢ᭄᭞ᬫᬗᬶᬩᭂᬓᬶᬦ᭄ᬢᬦᬄᬮᬗᬶᬢ᭄᭞ᬓᬓᬶᬫᬾᬖᬵᬗ᭄ᬫᬸᬳᬸᬤᬦ᭄᭞ᬳᬶᬤᬳ᭄ᬬᬂᬫᬺᬤᬵᬗ᭄ᬕᬧᬢᬶ᭞ᬳᬸᬋᬫ᭄᭞ᬢᬾᬚᬦᬶᬤᬫᬗ᭄ᬓᬶᬦ᭄᭞ᬫᬶᬭᬶᬩ᭄ᬫ ᬗᬦ᭄ᬢ᭄ᬬᬂᬲᬸᬭᬸᬧ᭄᭞ᬓᬢᬯᭂᬗᬦ᭄ᬩᬳᬦ᭄ᬧᬦᬄ᭞ᬯᬢᭂᬓ᭄ᬭᬢᬸᬦᬾᬫᬦᬳᬶᬦ᭄᭞ᬢ᭄ᬯᬭᬳᬾᬬᬸᬄ᭞ᬲᬂᬰᬵᬮ᭄ᬬᬜᬦ᭄ᬤᬓ᭄ᬭᬶᬂᬬᬸᬤ᭄ᬥ᭟ᬲᬸᬫᬶᬗ᭄ᬓᬶᬦ᭄ᬓᬳ᭄ᬬᬸᬦᬾᬓᬾᬦᬓ᭄᭞ᬓᬋᬩᬸᬢ᭄ᬓᬩ᭄ᬭᬶᬬᬸᬓᬶᬦ᭄᭞ᬲᬂᬰᬵᬮ᭄ᬬᬲᬾᬩᭂᬢ᭄ᬗᬯᬍᬲ᭄᭞ᬳᬦ᭄ᬢᬸᬓ᭄‌ᬳ᭄ᬭᬸᬫᬳᬵᬰᬓ᭄ᬢᬶ᭞ᬭᬹᬤ᭄ᬭᬭᭀᬲᬲ᭄ᬢ᭄ᬭᬫᬶᬦᬹᬱ᭄ᬝᬶ᭞ᬪᬹᬢᬬᬵᬓ᭄ᬱᬫᬶᬚᬶ ᬮ᭄ᬲᬵᬫ᭄ᬧᬸᬦ᭄᭞ᬧᬸᬦᬶᬓᬵᬳᬫᬗᬦ᭄ᬧᬦᬄ᭞ᬲᬶᬂᬧᬸᬭᬸᬦ᭄ᬗᭂᬫᬵᬲᬶᬦ᭄ᬫᬵᬢᬶ᭞ᬢ᭄ᬮᬲ᭄ᬕᭂᬫ᭄ᬧᬸᬂ᭞ᬧᬶᬦᬗᬦ᭄ᬤᬾᬦᬶᬂᬭᬵᬓ᭄ᬱᬲ᭟ᬧ᭄ᬭᬬᬢ᭄ᬦᬳᬶᬤᬲᬂᬓᬺᬱ᭄ᬡ᭞ᬕᭂᬮᬶᬲ᭄ᬫᬵᬢᬹᬃᬗᬲᬶᬄᬳᬲᬶᬄ᭞ᬭᬶᬂᬳᬶᬤᬲᬂᬥᬃᬫ᭄ᬫᬧᬸᬢ᭄ᬭ᭞ᬇᬗ᭄ᬕᬶᬄᬭᬢᬸᬲᬂᬪᬹᬧᬢᬶ᭞ᬤᬸᬭᬸᬲᬂᬭᬢᬸᬦᬾᬫᬗ᭄ᬓᬶᬦ᭄᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬇᬭᬢᬸ᭞ᬦᬾᬯ᭄ᬦᬂᬫᬜᬾᬤ ᬬᬂ᭞ᬲᬂᬰᬵᬮ᭄ᬬᬦᬾᬤᬳᬢ᭄ᬰᬓ᭄ᬢᬶ᭞ᬢ᭄ᬯᬄᬇᬭᬢᬸ᭞ᬳ᭄ᬬᬂᬋᬱ᭄ᬝᬓᬵᬗ᭄ᬕᬾᬦ᭄ᬫᬫᬦᬄ᭟ᬲᬂᬥᬃᬫ᭄ᬫᬯᬗ᭄ᬰᬢᬦ᭄ᬢᬸᬮᬓ᭄᭞ᬲᬵᬓ᭄ᬱᬦᬵᬗᬺᬕᭂᬧ᭄ᬫᬗ᭄ᬓᬶᬦ᭄᭞ᬲᬜ᭄ᬚᬢᬓᬮᬶᬫᭀᬱᬥ᭞ᬲᬵᬫ᭄ᬧᬸᬦ᭄ᬧᬸᬧᬸᬢᬶᬂᬲᬫᬵᬥᬶ᭞ᬦᬾᬦᬾᬫᬗ᭄ᬓᬶᬦ᭄ᬓᬯᬦ᭄ᬢᬸᬦᬶᬦ᭄᭞ᬲᬶᬦᬶᬤ᭄ᬥᬶᬓᬵᬭᬯᬸᬲ᭄ᬧᬸᬧᬸᬢ᭄᭞ᬲᬵᬫ᭄ᬧᬸᬦ᭄ᬫ [᭑᭑ 11A] ᭑᭑ ᬢᭂᬫᬄᬢᭀᬫᬭ᭞ᬢᬾᬚᬦᬾᬫᬸᬭᬹᬩ᭄ᬫᬗᭂᬦ᭄ᬤᬶᬄ᭞ᬤᬤᬶᬍᬩᬹᬃ᭞ᬳᬶᬤᬿᬢ᭄ᬬᬪᬹᬢᬧᬶᬲᬘ᭄ᬙ᭟ᬲᬂᬰᬵᬮ᭄ᬬᬫᬗ᭄ᬓᬶᬦ᭄ᬧᬯᬶᬓᬦ᭄᭞ᬭᬯᬸᬄᬳᬦ᭄ᬢᬸᬓᬦᬾᬫᬗ᭄ᬓᬶᬦ᭄᭞ᬲᬸᬫᬶᬗ᭄ᬓᬶᬦ᭄ᬫᬯᬸᬄᬧ᭄ᬭᬯᬷᬭ᭞ᬳᬕ᭄ᬮᬶᬲ᭄ᬳᬶᬤᬫᬭᬦᬶᬦ᭄᭞ᬫᬫᭂᬦ᭄ᬢᬗᬂᬧᬦᬄᬰᬓ᭄ᬢᬶ᭞ᬢᬦ᭄ᬧᭂᬕᬢ᭄ᬫᬲᬸᬲᬸᬦ᭄ᬲᬸᬲᬸᬦ᭄᭞ᬲᬓ᭄ᬯᬾᬳᬶᬂᬇᬦ᭄ᬤ᭄ᬭᬚᬮ᭞ ᬓᬤᬶᬧᬃᬯ᭄ᬯᬢᬫᬗᭂᬦ᭄ᬤᬶᬄ᭞ᬦᬵᬕᬳᬕᬸᬂ᭞ᬦᬾᬫᬂᬮᬶᬮᬶᬢ᭄‌ᬬᬧᬲᭂᬩᬓ᭄᭟ᬫᬹᬦ᭄ᬢᬩ᭄ᬓᬤᬶᬓᬵᬮᬵᬦ᭄ᬢᬓ᭞ᬦᬾᬦᬕ᭄ᬤᬶᬮᭀᬓᬦᬾᬲᬫᬶ᭞ᬳᬕ᭄ᬮᬶᬲ᭄‌ᬲᬂᬥᬃᬫ᭄ᬫᬧᬸᬢ᭄ᬭ᭞ᬲᬂᬳ᭄ᬬᬂᬋᬱ᭄ᬝᬓᬫᬶᬦᬹᬱ᭄ᬝᬶ᭞ᬳᬢ᭄ᬫᬄᬢᭀᬫᬭᬮᬸᬗᬶᬤ᭄᭞ᬢᬸᬫᬦ᭄ᬤᭂᬫᬶᬤᬲᬂᬧ᭄ᬭᬪᬸ᭞ᬢᬦ᭄ᬪᬶᬡᬓᬵᬮᬶᬳᬮᬄ᭞ᬗᬶᬦᬹᬫᬶᬫᬶᬸᬭᬄᬲᬂ ᬪᬹᬧᬢᬶ᭞ᬚᬳᬦ᭄ᬲᬵᬫ᭄ᬧᬸᬦ᭄᭞ᬲᬂᬰᬵᬮ᭄ᬬᬗ᭄ᬫᬵᬲᬶᬦ᭄ᬧᭂᬚᬄ᭟ᬓᬰᬓ᭄ᬢ᭄ᬬᬦ᭄ᬲᬵᬫ᭄ᬧᬸᬦᬶᬮᬂ᭞ᬳᬢ᭄ᬫᬦᬾᬲᬋᬂᬫᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬳᬫ᭄ᬩᬭ᭞ᬯᬶᬥ᭄ᬬᬤᬭᬶᬦᬾᬫᭂᬦ᭄ᬤᬓᬶᬦ᭄᭞ᬯᬶᬥ᭄ᬬᬤᬭᬫᬜᬋᬗᬶᬦ᭄᭞ᬯᬢᭂᬓ᭄ᬤᬾᬯᬧᬥᬢᬸᬭᬸᬦ᭄᭞ᬫᭂᬦ᭄ᬤᬓᬶᬤᬧ᭄ᬭᬪᬸᬫᬤ᭄ᬭ᭞ᬫᬧ᭄ᬭᬪᬯᬢᬾ ᬚᬕᬸᬮᬶᬂ᭞ᬮᬵᬦ᭄ᬓᬸᬓᬸᬯᬸᬂ᭞ᬓ᭄ᬢᬸᬕ᭄ᬮᬶᬦᬸᬄᬫᬕᬾᬜ᭄ᬚᭀᬗᬦ᭄᭟ᬳᬸᬘᭂᬫ᭄ᬢᬾᬚᬦ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬫᬤᬸᬮᬸᬭᬦ᭄ᬭᬶᬭᬶᬲᬮᬶᬢ᭄᭞ᬭᬶᬂᬲᬵᬫ᭄ᬧᬸᬦ᭄ᬲᬂᬰᬵᬮ᭄ᬬᬲᬾᬤ᭞ᬧᬜ᭄ᬚᬓᬾᬫᬓᭂᬚᬂᬮᬶᬮᬶᬄ᭞ᬢᭀᬗᬤᬩᬦᬶᬫᬦᭀᬮᬶᬄ᭞ᬧᬜ᭄ᬚᬓ᭄ᬧᬵᬡ᭄ᬥᬯᬦᬾᬗᭂᬧᬸᬂ᭞ᬳᬶᬤᬲᬂᬤᬹᬃᬬ᭄ᬬᭀᬥ

Auto-transliteration

[10 10B] 10 , tanpapĕgatantumāmpuḥ, mwangsangmādrīsuta, bhīmmapālguṇañar̥ĕngin, samiditu, sangwatĕkratusamyan. panaḥmasusuntanpĕgat, mangibĕkintanaḥlangit, kakimeghāngmuhudan, hidahyangmr̥ĕdānggapati, hur̥ĕm, tejanidamangkin, miribma ngantyangsurup, katawĕnganbahanpanaḥ, watĕkratunemanahin, twaraheyuḥ, sangśālyañandakringyuddha. sumingkinkahyunekenak, kar̥ĕbutkabriyukin, sangśālyasebĕtngawal̥ĕs, hantuk'hrumahāśakti, rūdrarosastraminūṣṭi, bhūtayākṣamiji lsāmpun, punikāhamanganpanaḥ, singpurunngĕmāsinmāti, tlasgĕmpung, pinangandeningrākṣasa. prayatnahidasangkr̥ĕṣṇa, gĕlismātūr̀ngasiḥhasiḥ, ringhidasangdhar̀mmaputra, inggiḥratusangbhūpati, durusangratunemangkin, tanlyanwantaḥiratu, newnangmañeda yang, sangśālyanedahatśakti, twaḥiratu, hyangr̥ĕṣṭakānggenmamanaḥ. sangdhar̀mmawangśatantulak, sākṣanāngr̥ĕgĕpmangkin, sañjatakalimoṣadha, sāmpunpuputingsamādhi, nenemangkinkawantunin, siniddhikārawuspuput, sāmpunma [11 11A] 11 tĕmaḥtomara, tejanemurūbmangĕndiḥ, dadil̥ĕbūr̀, hidaityabhūtapisaccha. sangśālyamangkinpawikan, rawuḥhantukanemangkin, sumingkinmawuḥprawīra, haglishidamaranin, mamĕntangangpanaḥśakti, tanpĕgatmasusunsusun, sakwehingindrajala, kadipar̀wwatamangĕndiḥ, nāgahagung, nemanglilityapasĕbak. mūntabkadikālāntaka, nenagdilokanesami, haglissangdhar̀mmaputra, sanghyangr̥ĕṣṭakaminūṣṭi, hatmaḥtomaralungid, tumandĕmidasangprabhu, tanbhiṇakālihalaḥ, nginūmim̶raḥsang bhūpati, jahansāmpun, sangśālyangmāsinpĕjaḥ. kaśaktyansāmpunilang, hatmanesar̥ĕngmangiring, sāmpunrawuḥringhambara, widhyadarinemĕndakin, widhyadaramañar̥ĕngin, watĕkdewapadhaturun, mĕndakidaprabhumadra, maprabhawate jaguling, lānkukuwung, ktuglinuḥmageñjongan. hucĕmtejansanghyangsūr̀yya, maduluranririsalit, ringsāmpunsangśālyaseda, pañjakemakĕjangliliḥ, tongadabanimanoliḥ, pañjakpāṇdhawanengĕpung, hidasangdūr̀yyodha

Leaf 11

Image on Archive.org

[᭑᭑ 11B] ᭑᭑ ᬦ᭞ᬫᬮᬳᬶᬩ᭄ᬢᬦ᭄ᬓᬳ᭄ᬬᬸᬦ᭄ᬦᭀᬮᬶᬄ᭞ᬢ᭄ᬯᬭᬓᬾᬢᬸᬂ᭞ᬪᬹᬱᬡᬫᬶᬭᬳᬾᬓ᭄ᬘᬕ᭄᭟ᬲᬫᬶᬗᬸᬮᬄᬩᬳᬦ᭄ᬧᬦᬄ᭞ᬫᬲᬸᬲᬸᬦ᭄ᬗᭂᬩᭂᬓᬶᬦ᭄ᬮᬗᬶᬢ᭄᭞ᬤᬤᬶᬢ᭄ᬯᬭᬳᬤᬓᬢᭀᬦ᭄᭞ᬫᬸᬲᬸᬳᬾᬦᬾᬰᬓ᭄ᬢᬶᬰᬓ᭄ᬢᬶ᭞ᬲᬂᬧᬵᬃᬣᬳᬶᬤᬳᬕ᭄ᬮᬶᬲ᭄᭞ᬫᬦᬳᬂᬳᬗᬶᬦᬾᬳᬕᬸᬂ᭞ᬢᭀᬓ᭄ᬭᬡᬤᬤᬶᬇᬮᬂ᭞ᬫᬸ ᬲᬸᬳᬾᬦᬾᬯᬷᬭᬰᬓ᭄ᬢᬶ᭞ᬭᬭᬶᬲ᭄ᬢᭂᬤᬸᬦ᭄᭞ᬲᬂᬪᬷᬫ᭄ᬫᬫᬗᬸᬬᭂᬂᬕᬥ᭟ᬢᬹᬃᬭᬭᬶᬲ᭄‌ᬇᬤᬫᬂᬮᭂᬫ᭄ᬧᬕ᭄᭞ᬢ᭄ᬯᬭᬲᬶᬤᬩᬦ᭄ᬗᭂᬮᬶᬤᬶᬦ᭄᭞ᬩᬋᬂᬢᬢ᭄ᬮᬸᬬᬧᭂᬚᬄ᭞ᬲᬋᬂᬧᬢ᭄ᬧᬢ᭄ᬤᬶᬢᬸᬫᬵᬢᬶ᭞ᬩᬋᬂᬮᬶᬫᬦᭂᬫ᭄ᬦᭂᬫ᭄‌ᬫᬮᬶᬄ᭞ᬧᬧᬶᬢᬸᬫᬶᬯᬄᬳᬓᬸᬢᬸᬲ᭄᭞ᬲᬾᬯᭀᬲ᭄ᬫᬵᬮᬶᬄᬧᬤᬰᬳᬦ᭄᭞ᬧᬥᬫᬵᬢᬶ ᬓᬍᬫ᭄ᬧᬕᬶᬦ᭄᭞ᬤᭂᬓ᭄ᬤᭂᬓ᭄ᬮᬸᬂ᭞ᬢᬸᬗ᭄ᬕᬗᬦ᭄ᬫᬵᬢᬶᬫᬩᬦ᭄ᬤᬄ᭟ᬲᬂᬤᬹᬃᬬ᭄ᬬᭀᬥᬦᬤᬲ᭄ᬧᬮᬢ᭄ᬭ᭞ᬲᬂᬯᬺᬓᭀᬥᬭᬦᬶᬕ᭄ᬢᬶᬕ᭄᭞ᬭᬭᬶᬲ᭄ᬫᬮᬬᬸᬗᬾᬗ᭄ᬕᬮᬂ᭞ᬫᬓᭂᬘᭀᬲ᭄ᬦᬶᬗ᭄ᬕᬮ᭄ᬧᬥᬢᬶ᭞ᬢᬦ᭄ᬤᬸᬫᬤᬾᬲᬂᬲᬓᬸᬦᬶ᭞ᬓᬲ᭄ᬮᭂᬓ᭄ᬗᭂᬢᭀᬃᬓᬢᭂᬧᬸᬓ᭄᭞ᬫᬗ᭄ᬮᬶᬂᬫᬲᬲᬫ᭄ᬩᬢᬦ᭄᭞ᬗᬲᬶᬄᬳᬲᬶᬄᬦᬸᬦ ᬲ᭄‌ᬳᬸᬭᬶᬧ᭄᭞ᬲᬳᬗᬸᬦ᭄ᬗᬸᬦ᭄᭞ᬲᬂᬪᬷᬫ᭄ᬫᬦᬸᬤᬶᬂᬫᬫᬢ᭄ᬩᬢ᭄᭟ᬳ᭄ᬤᬳᬶᬩᬮ᭄ᬬᬸᬧ᭄ᬢ᭞ᬘᬶᬘᬶᬂᬘᬾᬮᬾᬂᬓᬸᬮᬸᬓ᭄ᬩᭂᬗᬶᬮ᭄᭞ᬭᬸᬲᬸᬳᬾᬗ᭄ᬩᭂᬓᬶᬦ᭄ᬚᬕᬢ᭄᭞ᬢᬳᬦᬂᬳᬶᬩᬦᬾᬦᬾᬚᬦᬶ᭞ᬳᬧᬂᬳᬶᬩᬫᬫᬸᬧᭀᬦᬶᬦ᭄᭞ᬧᬕᬯᬾᬦᬶᬩᬦᬾᬫᬮᬹ᭞ᬲᬂᬪᬷᬫ᭄ᬫᬮᬯᬸᬢ᭄ᬫᬜᬫ᭄ᬩᬓ᭄᭞ᬲᬳᬲ [᭑᭒ 12A] ᭑᭒ ᬜᭂᬓᬸᬓ᭄ᬫᬦᬶᬕ᭄ᬢᬶᬕ᭄᭞ᬢᬹᬃᬓᬢᬜ᭄ᬚᬸᬂ᭞ᬓᬧᬸᬓᬂᬓᭂᬦ᭄ᬢᬸᬗᬂᬫᬶᬤᭂᬭ᭄᭟ᬲᬂᬪᬷᬫ᭄ᬫᬫᬜᭂᬫ᭄ᬧᬮ᭄ᬜᭂᬫ᭄ᬧᬮ᭄᭞ᬲᬂᬲᬓᬸᬦᬶᬗᭂᬫᬵᬲᬶᬦ᭄ᬫᬵᬢᬶ᭞ᬫᬸᬲᬸᬳᬾᬭᬭᬸᬤ᭄ᬫᬓᭂᬚᬂ᭞ᬬᬾᬦ᭄ᬲᬯᬗᬂᬓᬤᬶᬧᬲᬶᬄ᭞ᬕ᭄ᬢᬶᬄᬲᬂᬯᬷᬭᬫᬵᬢᬶ᭞ᬓᬓᬭᬗᬦ᭄ᬳᬦ᭄ᬢᬸᬓ᭄‌ᬳ᭄ᬭᬸ᭞ᬲᭀᬭᭀᬄᬧᬗᬗ᭄ᬕᬾᬦᬾᬓ᭄ᬘᬕ᭄᭞ᬮ᭄ᬯᬶᬃᬩᬸᬗᬦ᭄ᬓᬳᬂᬩ᭄ᬘᬶᬓ᭄᭞ ᬕᬚᬄᬳᬕᬸᬂᬓᬤᬶᬦᬹᬱᬬᬦ᭄ᬲᬯᬗᬂ᭟ᬭᬶᬂᬫᬸᬦ᭄ᬤᬸᬃᬲᬂᬤᬹᬃᬬ᭄ᬬᭀᬥᬦ᭞ᬲᬂᬧᬵᬡ᭄ᬥᬯᬓᭀᬘᬧ᭄ᬫᬗ᭄ᬓᬶᬦ᭄᭞ᬩᬸᬤᬮ᭄ᬫᬳᬶᬭᬶᬗᬦ᭄ᬧᬜ᭄ᬚᬓ᭄᭞ᬢᬦ᭄ᬘᬭᬶᬢᬦᬾᬫᬗ᭄ᬓᬶᬦ᭄᭞ᬳᬦᬓᬯᬸᬯᬸᬲᭂᬦ᭄ᬫᬮᬶᬄ᭞ᬤᬾᬯᬷᬲᬵᬢ᭄ᬬᬯᬢᬶᬇᬓᬸ᭞ᬲᬵᬫ᭄ᬧᬸᬦ᭄ᬫᬫᬶᬋᬗᬂᬯᭀᬃᬢ᭄ᬣ᭞ᬲᬂᬰᬵᬮ᭄ᬬᬗᭂᬫᬵᬲᬶᬦ᭄ᬫᬢᬶ᭞ᬲᬓᬶᬂ ᬳᬢᬹᬃ᭞ᬧᬋᬓᬦ᭄ᬫᬸᬮᬓᬳᬦ᭄ᬤᭂᬮ᭄᭟ᬲᬵᬫ᭄ᬧᬸᬦ᭄ᬲᬫᬶᬓᬩ᭄ᬬᬓ᭄ᬢ᭞ᬲᬢᬶᬗ᭄ᬓᬳᬾᬓᬧ᭄ᬬᬸᬦᬶᬂ᭞ᬳᬦ᭄ᬢᬸᬓ᭄ᬧᬋᬓᬦ᭄ᬧᬸᬦᬶᬓᬵ᭞ᬲᬂᬧ᭄ᬭᬪᬸᬗᭂᬫᬵᬲᬶᬦ᭄ᬫᬵᬢᬶ᭞ᬢᬦ᭄ᬤᬸᬫᬤᬾᬲᬂᬰᬵᬢ᭄ᬬᬯᬢᬶ᭞ᬩᭂᬮ᭄ᬩᭂᬮᬦ᭄ᬓᬳ᭄ᬬᬸᬦᬾᬇᬩᬸᬓ᭄᭞ᬫᬦᬗᬶᬲ᭄ᬫᬜᭂᬮ᭄ᬲᭂᬮ᭄ᬭᬕ᭞ᬫᬾᬮᬶᬂᬭᬶᬂᬧᭀᬮᬳᬾᬗᬹᬦᬶ᭞ᬲᬮᬶᬂᬓᬸ ᬧ᭄ᬓᬸᬧ᭄᭞ᬤᬶᬭᬗ᭄ᬓᬶᬫᬭᬲᬭᬲᬦ᭄᭟ᬚᬦᬶᬫᬩᬮᬶᬓ᭄ᬲᬧᬶᬲᬦ᭄᭞ᬢᬦ᭄ᬲᬶᬤ᭄ᬥᬩᬳᬦ᭄ᬗᬶᬫ᭄ᬧᬲᬶᬦ᭄᭞ᬤᬾᬦᬶᬂᬫᬹᬮᬧᬕᬦ᭄ᬢ᭄ᬬᬦ᭄᭞ᬚ᭄ᬮᬾᬦᬾᬧᬘᬂᬫᬦᬫ᭄ᬧᬶ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬗᬯᬾᬦᬶᬦ᭄᭞ᬫᬗ᭄ᬤᬾᬦᬾᬤᬤᬶᬭᬳᬬᬸ᭞ᬲᬸᬫᬶᬗ᭄ᬓᬶᬦ᭄ᬓᬳ᭄ᬬᬸᬦᬾᬲᬸᬲ᭄ᬬᬄ᭞ᬤᬤᬶᬬᬫᬯᭂᬢᬸ

Auto-transliteration

[11 11B] 11 na, malahibtankahyunnoliḥ, twaraketung, bhūṣaṇamirahekcag. samingulaḥbahanpanaḥ, masusunngĕbĕkinlangit, daditwarahadakaton, musuheneśaktiśakti, sangpār̀thahidahaglis, manahanghanginehagung, tokraṇadadi'ilang, mu suhenewīraśakti, raristĕdun, sangbhīmmamanguyĕnggadha. tūr̀rarisidamanglĕmpag, twarasidabanngĕlidin, bar̥ĕngtatluyapĕjaḥ, sar̥ĕngpatpatditumāti, bar̥ĕnglimanĕmnĕmmaliḥ, papitumiwaḥhakutus, sewosmāliḥpadaśahan, padhamāti kal̥ĕmpagin, dĕkdĕklung, tungganganmātimabandaḥ. sangdūr̀yyodhanadaspalatra, sangwr̥ĕkodharanigtig, rarismalayungenggalang, makĕcosninggalpadhati, tandumadesangsakuni, kaslĕkngĕtor̀katĕpuk, manglingmasasambatan, ngasiḥhasiḥnuna shurip, sahangunngun, sangbhīmmanudingmamatbat. hdahibalyupta, cicingcelengkulukbĕngil, rusuhengbĕkinjagat, tahananghibanenejani, hapanghibamamuponin, pagawenibanemalū, sangbhīmmalawutmañambak, sahasa [12 12A] 12 ñĕkukmanigtig, tūr̀katañjung, kapukangkĕntungangmidĕr. sangbhīmmamañĕmpalñĕmpal, sangsakuningĕmāsinmāti, musuherarudmakĕjang, yensawangangkadipasiḥ, gtiḥsangwīramāti, kakaranganhantuk'hru, soroḥpanganggenekcag, lwir̀bungankahangbcik, gajaḥhagungkadinūṣayansawangang. ringmundur̀sangdūr̀yyodhana, sangpāṇdhawakocapmangkin, budalmahiringanpañjak, tancaritanemangkin, hanakawuwusĕnmaliḥ, dewīsātyawati'iku, sāmpunmamir̥ĕngangwor̀ttha, sangśālyangĕmāsinmati, saking hatūr̀, par̥ĕkanmulakahandĕl. sāmpunsamikabyakta, satingkahekapyuning, hantukpar̥ĕkanpunikā, sangprabhungĕmāsinmāti, tandumadesangśātyawati, bĕlbĕlankahyune'ibuk, manangismañĕlsĕlraga, melingringpolahengūni, salingku pkup, dirangkimarasarasan. janimabaliksapisan, tansiddhabahanngimpasin, deningmūlapagantyan, jlenepacangmanampi, kenkenbahanmangawenin, mangdenedadirahayu, sumingkinkahyunesusyaḥ, dadiyamawĕtu

Leaf 12

Image on Archive.org

[᭑᭒ 12B] ᭑᭒ ᬢᬗᬶᬲ᭄᭞ᬲᭂᬕᬸᬲᭂᬕᬸ᭞ᬲᬓᬶᬢ᭄‌ᬢᭀᬂᬤᬤᬶᬢᬳᬦᬂ᭟ᬲᬶᬕ᭄ᬲᬶᬕᬦ᭄ᬲᬫ᭄ᬩᬶᬮ᭄ᬫᬕᬸᬬᬂ᭞ᬫᬦᬗᬶᬲ᭄ᬫᬗᬲᬶᬄᬳᬲᬶᬄ᭞ᬤᬤᬶᬯᭂᬢᬸᬧᬧᭂᬢᭂᬗᬦ᭄᭞ᬧᬜ᭄ᬭᭀᬯᬦᬾᬫᬧᬲᬶᬳᬶᬦ᭄᭞ᬤᬸᬄᬭᬢᬸᬲᬂᬲᬵᬢ᭄ᬬᬯᬢᬷ᭞ᬮᬶᬮᬬᬂᬓᬳ᭄ᬬᬸᬦᬶᬭᬢᬸ᭞ᬩᭂᬘᬶᬓᬦ᭄ᬭᬢᬸᬉᬲᬦᬂ᭞ᬕ᭄ᬮᬶᬲᬂᬚ᭄ᬯᬧᬶᬦᭂᬳᬶᬦ᭄᭞ᬢᬦ᭄ᬓᬮᬶᬗᬸ᭞ ᬧᬫᬸᬗᬸᬦᬶᬧᬜ᭄ᬭᭀᬯᬦ᭄᭟ᬲᬸᬯᬾᬳᬶᬤᬧᬧᭂᬢᭂᬗᬦ᭄᭞ᬓᬩᬡ᭄ᬥᬜᬦ᭄ᬓᬳ᭄ᬬᬸᬦ᭄ᬲᭂᬤᬶᬄ᭞ᬯᬲ᭄ᬢ᭄ᬭᬍᬧᬲ᭄‌ᬩᬗ᭄ᬓ᭄ᬬᬂᬍᬗ᭄ᬓ᭄ᬬᬂ᭞ᬢᬦ᭄ᬧᬾᬦ᭄ᬤᬄᬇᬢᬶᬬᬶᬂᬕᬥᬶᬂ᭞ᬲᬸᬲᬸᬦᬶᬤᬧᬸᬢᬶᬄᬜᬗ᭄ᬓᬶᬄ᭞ᬜᬮᬂᬓᬤᬶᬕ᭄ᬤᬄᬳᬮᬸᬲ᭄᭞ᬓᬲᭀᬃᬜᬸᬄᬕᬥᬶᬗᬾᬓᭂᬫ᭄ᬩᬃ᭞ᬧᬫᬸᬮᬸᬦᬾᬜᬦ᭄ᬤᬢ᭄ᬕᬥᬶᬂ᭞ᬚ᭄ᬭᬶᬚᬶᬭᬸ ᬭᬸᬲ᭄᭞ᬧᬸᬲᬸᬄᬩᬓᬸᬗᬾᬬᬓᬵᬮᬄ᭟ᬭᭀᬫᬦᬾᬫᭂᬓ᭄ᬫᭂᬓ᭄ᬢᬸᬃᬧᬜ᭄ᬚᬂ᭞ᬘᬘᬶᬗᬓᬾᬳᬮᬸᬲ᭄ᬫᬦᬶᬲ᭄᭞ᬳᬶᬲᬶᬢᬾᬗᭂᬫ᭄ᬩᬂᬭᬶᬚᬱ᭞ᬲᬶᬂᬲᭀᬮᬳᬂᬗᬯᬾᬧᬮᬶᬂ᭞ᬩᭂᬢᭂᬓᬦ᭄ᬩᬢᬶᬲᬾᬕᬥᬶᬂ᭞ᬜᬮᬂᬓᬤᬶᬕ᭄ᬤᬄᬳᬮᬸᬲ᭄᭞ᬓᬲᭀᬃᬳᬶᬧᬸᬥᬓ᭄ᬘᬶᬦᬵᬕ᭞ᬓ᭄ᬫᬶᬓᬦ᭄ᬩᬶᬩᬶᬳᬾᬫᬦᬶᬲ᭄᭞ᬢᬗᬦ᭄‌ᬍᬫᬸᬄ ᭞ᬓᬤᬶᬩᬸᬲᬸᬗᬾᬮᬫ᭄ᬩᭂᬢᬂ᭟ᬦᬓᬦᬾᬧᬜ᭄ᬚᬂᬢᬹᬃᬜᬮᬂ᭞ᬫᬗᬲᭀᬭᬂᬫᬡᬶᬓ᭄ᬯᬭᬶᬄ᭞ᬳᬓᬾᬄᬬᬦ᭄ᬧᬤᬾᬧᬃᬡ᭄ᬦᬬᬂ᭞ᬓᬳᬬᭀᬦ᭄ᬲᬂᬲᬵᬢ᭄ᬬᬯᬢᬷ᭞ᬭᬭᬶᬲ᭄ᬫᬗ᭄ᬓᬶᬦᬶᬤᬫᬾᬮᬶᬂ᭞ᬫᬫᭂᬘᬶᬓᬂᬲᬶᬜ᭄ᬚᬂᬓ᭄ᬫᬸᬤ᭄᭞ᬢᬸᬃᬳᬶᬤᬫᬗ᭄ᬓᬶᬦ᭄ᬫᬜᬶᬗᬓ᭄᭞ᬧᬋᬓᬦᬾᬲᬫᬶᬕᬶᬲᬶ᭞ᬭᬭᬶᬲ᭄ᬫᬢᬹᬃ᭞ᬧᬯᭀ [᭑᭓ 13A] ᭑᭓ ᬗᬦᬾᬲᬳᭃᬲᭂᬫ᭄ᬩᬄ᭟ᬇᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬇᬮᬶᬗᬂᬓᬳ᭄ᬬᬸᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬩᭂᬲ᭄ᬓᬤᬸᬭᬸᬲ᭄ᬧᬶᬲᬦ᭄᭞ᬜᬸᬗ᭄ᬲᬸᬢᬂᬳᬶᬤᬲᬗᬚᬶ᭞ᬯᬗᬸᬦᬂᬓᬶᬃᬢ᭄ᬢᬶᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬾᬦ᭄ᬓᬲᬶᬤ᭄ᬥᬦ᭄ᬭᬳᬬᬸ᭞ᬭᬓᬦ᭄‌ᬘᭀᬓᭀᬃᬳᬶᬤᬾᬯ᭞ᬲᬂᬲᬵᬢ᭄ᬬᬯᬢᬶᬜᬳᬸᬭᬶᬦ᭄᭞ᬲᬚᬧᬵᬢᬹᬢ᭄᭞ᬳᬢᬹᬃ ᬜᬳᬶᬧᬜᭂᬭᭀᬯᬦ᭄᭟᭜᭟ᬢ᭄ᬮᬲᬶᬂᬲᬶᬦ᭄ᬯᬫ᭄᭞ᬦᬫ᭄ᬩᬸᬢ᭄ᬧᬸᬄᬧᬗ᭄ᬓᬸᬃ᭟᭜᭟ᬇᬗ᭄ᬲᬸᬦ᭄ᬫᬗ᭄ᬓᬾᬫᬰᬹᬘ᭄ᬬᬦ᭄᭞ᬲᬵᬓ᭄ᬱᬡᬫᬲᬶᬭᬫ᭄‌ᬕ᭄ᬮᬶᬲ᭄᭞ᬗᬭᬗ᭄ᬲᬸᬓ᭄ᬪᬹᬱᬡᬳᬮᬸᬲ᭄᭞ᬯᬲ᭄ᬢ᭄ᬭᬧ᭄ᬢᬓᬾᬧᬸᬦᬶᬓᬵ᭞ᬢᬸᬳᬸᬩ᭄ᬘᬶᬓ᭄᭞ᬯᬃᬡ᭄ᬦᬦᬾᬫᬯᬸᬯᬸᬄᬳᬬᬸ᭞ᬭᬭᬶᬲ᭄ᬫᬾᬮᬶᬂᬭᬵᬤᬾᬦ᭄ᬤᬾᬯ᭄ᬬ᭞ᬜᭂᬮ᭄ᬲᭂᬮ᭄ᬭᬕ ᬲᬫ᭄ᬩᬶᬮ᭄ᬦᬗᬶᬲ᭄᭟ᬳᬤᬸᬄᬩ᭄ᬮᬶᬧ᭄ᬭᬪᬸᬰᬵᬮ᭄ᬬ᭞ᬘᬶᬗᬓ᭄ᬢᬶᬢ᭄ᬬᬂᬲ᭄ᬤᬶᬄᬓᬶᬗ᭄ᬓᬶᬂ᭞ᬗᬸᬤᬩ᭄ᬮᬶᬮᬮᬶᬲ᭄ᬢᬸᬳᬸ᭞ᬫᬗᬸᬢᬂᬢᬶᬢ᭄ᬬᬂᬓᬮᬭᬦ᭄᭞ᬩᭀᬬᬫ᭄ᬭᬶᬓᬶ᭞ᬳᬚᬓ᭄ᬢᬶᬢ᭄ᬬᬂᬲᬋᬂᬮᬵᬫ᭄ᬧᬸᬲ᭄᭞ᬫᬗ᭄ᬤᬾᬦ᭄ᬫᬶᬍᬢ᭄ᬫᬓᬭᭀᬦᬦ᭄᭞ᬫᬫᬗ᭄ᬕᬸᬳᬂᬓᬯᭀᬦ᭄ᬩᭂᬘᬶᬓ᭄᭟ᬫᬘᬧ᭄ᬘᬧ᭄‌ᬫᭂᬮᬸᬲᬂᬯᬲ᭄ᬢ᭄ᬭ᭞ᬲᬶᬕ᭄ᬲᬶᬕᬦ᭄ᬫᬗᬲᬶᬄᬳ ᬲᬶᬄ᭞ᬳᬾᬮᬶᬂᬭᬶᬂᬧᭀᬮᬳᬾᬲᬵᬫ᭄ᬧᬸᬦ᭄᭞ᬫᬕ᭄ᬮᬸᬢ᭄ᬗᬸᬬᬗᬶᬦ᭄ᬢᬶᬮᬫ᭄᭞ᬕᬮᭂᬂᬕᬸᬮᬶᬂ᭞ᬓᬲᬹᬭᬾᬓᭂᬫ᭄ᬩᬶᬲᬮᬶᬓᬸᬃ᭞ᬮᬗ᭄ᬲᬾᬦᬾᬳᬮᬸᬲ᭄‌ᬲᬸᬢ᭄ᬭᬧ᭄ᬢᬓ᭄᭞ᬫᬓᬮᬫ᭄ᬩᬸᬲᬸᬢ᭄ᬭᬓᬸᬦᬶᬂ᭟ᬓᬘᬶᬗᬓ᭄ᬤᬲ᭄ᬢᬃᬲᬂᬦᬵᬣ᭞ᬓᬮᬫ᭄ᬩᬶᬯᬲ᭄ᬢ᭄ᬭᬲᬸᬢ᭄ᬭᬓᬸᬦᬶᬂ᭞ᬕᭂᬤᭀᬗᬾᬫᬗᭂᬦ᭄ᬤᬶᬄᬫᬸᬭᬸᬩ᭄᭞ᬫᬋᬗ᭄ᬕᬕ

Auto-transliteration

[12 12B] 12 tangis, sĕgusĕgu, sakittongdaditahanang. sigsigansambilmaguyang, manangismangasiḥhasiḥ, dadiwĕtupapĕtĕngan, pañrowanemapasihin, duḥratusangsātyawatī, lilayangkahyuniratu, bĕcikanratu'usanang, glisangjwapinĕhin, tankalingu, pamungunipañrowan. suwehidapapĕtĕngan, kabaṇdhañankahyunsĕdiḥ, wastral̥ĕpasbangkyangl̥ĕngkyang, tanpendaḥitiyinggadhing, susunidaputiḥñangkiḥ, ñalangkadigdaḥhalus, kasor̀ñuḥgadhingekĕmbar̀, pamuluneñandatgadhing, jrijiru rus, pusuḥbakungeyakālaḥ. romanemĕkmĕktur̀pañjang, cacingakehalusmanis, hisitengĕmbangrijaṣa, singsolahangngawepaling, bĕtĕkanbatisegadhing, ñalangkadigdaḥhalus, kasor̀hipudhakcināga, kmikanbibihemanis, tanganl̥ĕmuḥ , kadibusungelambĕtang. nakanepañjangtūr̀ñalang, mangasorangmaṇikwariḥ, hakeḥyanpadepar̀ṇnayang, kahayonsangsātyawatī, rarismangkinidameling, mamĕcikangsiñjangkmud, tur̀hidamangkinmañingak, par̥ĕkanesamigisi, rarismatūr̀, pawo [13 13A] 13 nganesahösĕmbaḥ. inggiḥratusasuhunan, ilingangkahyunemangkin, sāmpunbĕskaduruspisan, ñungsutanghidasangaji, wangunangkir̀ttinemangkin, mangdenkasiddhanrahayu, rakancokor̀hidewa, sangsātyawatiñahurin, sajapātūt, hatūr̀ ñahipañĕrowan \\•\\ tlasingsinwam, nambutpuḥpangkur̀ \\•\\ ingsunmangkemaśūcyan, sākṣaṇamasiramglis, ngarangsukbhūṣaṇahalus, wastraptakepunikā, tuhubcik, war̀ṇnanemawuwuḥhayu, rarismelingrādendewya, ñĕlsĕlraga sambilnangis. haduḥbliprabhuśālya, cingaktityangsdiḥkingking, ngudablilalistuhu, mangutangtityangkalaran, boyamriki, hajaktityangsar̥ĕnglāmpus, mangdenmil̥ĕtmakaronan, mamangguhangkawonbĕcik. macapcapmĕlusangwastra, sigsiganmangasiḥha siḥ, helingringpolahesāmpun, maglutnguyangintilam, galĕngguling, kasūrekĕmbisalikur̀, langsenehalussutraptak, makalambusutrakuning. kacingakdastar̀sangnātha, kalambiwastrasutrakuning, gĕdongemangĕndiḥmurub, mar̥ĕnggaga

Leaf 13

Image on Archive.org

[᭑᭓ 13B] ᭑᭓ ᬗᬦᬾᬲᬳᭃᬲᭂᬫ᭄ᬩᬄ᭟ᬇᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬇᬮᬶᬗᬂᬓᬳ᭄ᬬᬸᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬩᭂᬲ᭄ᬓᬤᬸᬭᬸᬲ᭄ᬧᬶᬲᬦ᭄᭞ᬜᬸᬗ᭄ᬲᬸᬢᬂᬳᬶᬤᬲᬗᬚᬶ᭞ᬯᬗᬸᬦᬂᬓᬶᬃᬢ᭄ᬢᬶᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬾᬦ᭄ᬓᬲᬶᬤ᭄ᬥᬦ᭄ᬭᬳᬬᬸ᭞ᬭᬓᬦ᭄‌‌ᬘᭀᬓᭀᬃᬳᬶᬤᬾᬯ᭞ᬲᬂᬲᬵᬢ᭄ᬬᬯᬢᬶᬜᬳᬸᬭᬶᬦ᭄᭞ᬲᬚᬧᬵᬢᬹᬢ᭄᭞ᬳᬢᬹᬃ ᬜᬳᬶᬧᬜᭂᬭᭀᬯᬦ᭄᭟᭜᭟ᬢ᭄ᬮᬲᬶᬂᬲᬶᬦ᭄ᬯᬫ᭄᭞ᬦᬫ᭄ᬩᬸᬢ᭄ᬧᬸᬄᬧᬗ᭄ᬓᬸᬃ᭟᭜᭟ᬇᬗ᭄ᬲᬸᬦ᭄ᬫᬗ᭄ᬓᬾᬫᬰᬹᬘ᭄ᬬᬦ᭄᭞ᬲᬵᬓ᭄ᬱᬡᬫᬲᬶᬭᬫ᭄‌‌ᬕ᭄ᬮᬶᬲ᭄᭞ᬗᬭᬗ᭄ᬲᬸᬓ᭄ᬪᬹᬱᬡᬳᬮᬸᬲ᭄᭞ᬯᬲ᭄ᬢ᭄ᬭᬧ᭄ᬢᬓᬾᬧᬸᬦᬶᬓᬵ᭞ᬢᬸᬳᬸᬩ᭄ᬘᬶᬓ᭄᭞ᬯᬃᬡ᭄ᬦᬦᬾᬫᬯᬸᬯᬸᬄᬳᬬᬸ᭞ᬭᬭᬶᬲ᭄ᬫᬾᬮᬶᬂᬭᬵᬤᬾᬦ᭄ᬤᬾᬯ᭄ᬬ᭞ᬜᭂᬮ᭄ᬲᭂᬮ᭄ᬭᬕ ᬲᬫ᭄ᬩᬶᬮ᭄ᬦᬗᬶᬲ᭄᭟ᬳᬤᬸᬄᬩ᭄ᬮᬶᬧ᭄ᬭᬪᬸᬰᬵᬮ᭄ᬬ᭞ᬘᬶᬗᬓ᭄ᬢᬶᬢ᭄ᬬᬂᬲ᭄ᬤᬶᬄᬓᬶᬗ᭄ᬓᬶᬂ᭞ᬗᬸᬤᬩ᭄ᬮᬶᬮᬮᬶᬲ᭄ᬢᬸᬳᬸ᭞ᬫᬗᬸᬢᬂᬢᬶᬢ᭄ᬬᬂᬓᬮᬭᬦ᭄᭞ᬩᭀᬬᬫ᭄ᬭᬶᬓᬶ᭞ᬳᬚᬓ᭄ᬢᬶᬢ᭄ᬬᬂᬲᬋᬂᬮᬵᬫ᭄ᬧᬸᬲ᭄᭞ᬫᬗ᭄ᬤᬾᬦ᭄ᬫᬶᬍᬢ᭄ᬫᬓᬭᭀᬦᬦ᭄᭞ᬫᬫᬗ᭄ᬕᬸᬳᬂᬓᬯᭀᬦ᭄ᬩᭂᬘᬶᬓ᭄᭟ᬫᬘᬧ᭄ᬘᬧ᭄‌‌ᬫᭂᬮᬸᬲᬂᬯᬲ᭄ᬢ᭄ᬭ᭞ᬲᬶᬕ᭄ᬲᬶᬕᬦ᭄ᬫᬗᬲᬶᬄᬳ ᬲᬶᬄ᭞ᬳᬾᬮᬶᬂᬭᬶᬂᬧᭀᬮᬳᬾᬲᬵᬫ᭄ᬧᬸᬦ᭄᭞ᬫᬕ᭄ᬮᬸᬢ᭄ᬗᬸᬬᬗᬶᬦ᭄ᬢᬶᬮᬫ᭄᭞ᬕᬮᭂᬂᬕᬸᬮᬶᬂ᭞ᬓᬲᬹᬭᬾᬓᭂᬫ᭄ᬩᬶᬲᬮᬶᬓᬸᬃ᭞ᬮᬗ᭄ᬲᬾᬦᬾᬳᬮᬸᬲ᭄‌ᬲᬸᬢ᭄ᬭᬧ᭄ᬢᬓ᭄᭞ᬫᬓᬮᬫ᭄ᬩᬸᬲᬸᬢ᭄ᬭᬓᬸᬦᬶᬂ᭟ᬓᬘᬶᬗᬓ᭄ᬤᬲ᭄ᬢᬃᬲᬂᬦᬵᬣ᭞ᬓᬮᬫ᭄ᬩᬶᬯᬲ᭄ᬢ᭄ᬭᬲᬸᬢ᭄ᬭᬓᬸᬦᬶᬂ᭞ᬕᭂᬤᭀᬗᬾᬫᬗᭂᬦ᭄ᬤᬶᬄᬫᬸᬭᬸᬩ᭄᭞ᬫᬋᬗ᭄ᬕᬕ [᭑᭔ 14A] ᭑᭔ ᬗᬶᬧ᭄ᬬᬦ᭄᭞ᬩᬬᬤᬶᬚ᭞ᬢᬶᬢ᭄ᬬᬂᬫᬧᬗ᭄ᬕᬶᬄᬭᬶᬂᬩ᭄ᬮᬶᬩᬕᬸᬲ᭄᭞ᬧᬶᬲᬦ᭄ᬧᭂᬚᬄᬫᬓᬭᭀᬦᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬭᬱᬦᬶᬦ᭄᭟ᬅᬕᬸᬂᬲᬶᬄᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬦᬯᭂᬕ᭄ᬪᬝᬵᬭᬮᬸᬕ᭄ᬭᬳᬶᬦ᭄᭞ᬭᬓᬦ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬬᬦᬶᬂᬪᬝᬵᬭᬲᬯᬾᬘ᭄ᬘ᭞ᬦᬾᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬢᬶᬢ᭄ᬬᬂ ᬲᬋᬂᬮᬫ᭄ᬧᬸᬲ᭄᭞ᬓᬾᬦᬾᬢᬶᬢ᭄ᬬᬂᬓᬲᬗ᭄ᬲᬵᬭᬦ᭄᭞ᬫᬗ᭄ᬤᬾᬦ᭄ᬲᬋᬂᬫᬗ᭄ᬕᬸᬄᬲ᭄ᬯᬃᬕ᭄ᬕ᭟ᬬᬦᬶᬂᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬧ᭄ᬚᬄ᭞ᬧᭂᬦ᭄ᬤᬓᬸᬕᬶᬢᬶᬢ᭄ᬬᬂᬫ᭄ᬭᬶᬓᬶ᭞ᬳᬧᬂᬩᬋᬂᬫᬵᬮᬶᬄᬢᬸᬫᬸᬭᬸᬦ᭄᭞ᬦᬸᬫᬶᬢᬶᬲ᭄ᬤᬤᬶᬯᭀᬂᬧᬥ᭞ᬬᬦ᭄ᬳᬶᬩ᭄ᬮᬶᬢᬸᬫ᭄ᬩᬸᬄᬤᬤᬶᬓᬓᬸᬂᬩᬕᬸᬲ᭄᭞ᬢᬶᬢ᭄ᬬᬂᬤᬤᭀᬲᬶᬲ᭄ᬢ᭄ᬭᬷᬧ᭄ᬭᬚ᭄ᬜᬦ᭄᭞ᬳ ᬧᬂᬫᬓᬭᭀᬦᬦᬸᬕᬶ᭟ᬦᬵᬤ᭄ᬬᬦ᭄ᬲᬾᬯᭀᬲ᭄ᬧᬦᬤᭀᬲᬦ᭄᭞ᬬᬦ᭄ᬲᬶᬄᬢᬶᬢ᭄ᬬᬂᬫᬦᬤᬶᬲᬵᬭᬶ᭞ᬢᬸᬃᬫᬶᬳᬶᬓ᭄ᬫᬗᬮᬸᬧ᭄‌‌ᬳᬮᬸᬧ᭄᭞ᬫᬗ᭄ᬤᬾᬦ᭄‌‌ᬩ᭄ᬮᬶᬫᬦᬤᬶᬓᬸᬫ᭄ᬩᬂ᭞ᬳᬧᬂᬓᬧᬗ᭄ᬕᬶᬄ᭞ᬩ᭄ᬮᬶᬫᬗᬶᬲᭂᬧ᭄ᬲᬵᬭᬶᬦᬶᬂᬲᬵᬦ᭄ᬢᬸᬦ᭄᭞ᬬᬦ᭄ᬩᭂᬮᬶᬫᬦᬤᬶᬘᬫᬭ᭞ᬢᬶᬢ᭄ᬬᬂᬳᬶᬕᬥᬸᬂ ᬓᬲ᭄ᬢᬸᬭᬶ᭟ᬫᬮᬶᬮᬶᬢ᭄ᬭᬯᬸᬄᬓᬧᬸᬘᬓ᭄᭞ᬬᬦ᭄ᬩᭂᬮᬶᬫᬦᬤᬶᬳᬫᬶᬸᬫ᭄ᬧᬾᬮ᭄ᬕᬤᬶᬂ᭞ᬢᬶᬢ᭄ᬬᬂᬲᬗ᭄ᬖᬮᬗᬶᬢᬗᬺᬫ᭄ᬩᬸᬦ᭄᭞ᬳᬧᬂᬲᬲᬋᬂᬚ᭄ᬯᬫᬓᬭᭀᬦᬦ᭄᭞ᬬᬦᬶᬩ᭄ᬮᬶᬫᬦᬤᭀᬲ᭄ᬘᬦ᭄ᬢᬓᬂᬗ᭄ᬮᬬᬸᬂ᭞ᬢᬶᬢ᭄ᬬᬂᬜᬸᬲᬸᬧ᭄ᬤᬤᬶᬳᬸᬚᬦ᭄᭞ᬳᬧᬂᬧᬥᬫᬗ᭄ᬢᬶᬲᬶᬦ

Auto-transliteration

[13 13B] 13 nganesahösĕmbaḥ. inggiḥratusasuhunan, ilingangkahyunemangkin, sāmpunbĕskaduruspisan, ñungsutanghidasangaji, wangunangkir̀ttinemangkin, mangdenkasiddhanrahayu, rakancokor̀hidewa, sangsātyawatiñahurin, sajapātūt, hatūr̀ ñahipañĕrowan \\•\\ tlasingsinwam, nambutpuḥpangkur̀ \\•\\ ingsunmangkemaśūcyan, sākṣaṇamasiramglis, ngarangsukbhūṣaṇahalus, wastraptakepunikā, tuhubcik, war̀ṇnanemawuwuḥhayu, rarismelingrādendewya, ñĕlsĕlraga sambilnangis. haduḥbliprabhuśālya, cingaktityangsdiḥkingking, ngudablilalistuhu, mangutangtityangkalaran, boyamriki, hajaktityangsar̥ĕnglāmpus, mangdenmil̥ĕtmakaronan, mamangguhangkawonbĕcik. macapcapmĕlusangwastra, sigsiganmangasiḥha siḥ, helingringpolahesāmpun, maglutnguyangintilam, galĕngguling, kasūrekĕmbisalikur̀, langsenehalussutraptak, makalambusutrakuning. kacingakdastar̀sangnātha, kalambiwastrasutrakuning, gĕdongemangĕndiḥmurub, mar̥ĕnggaga [14 14A] 14 ngipyan, bayadija, tityangmapanggiḥringblibagus, pisanpĕjaḥmakaronan, tanwentĕnmaliḥraṣanin. agungsiḥpinunastityang, nawĕgbhaṭāralugrahin, rakantityangsāmpunlampus, yaningbhaṭārasawecca, nenemangkin, mangdatityang sar̥ĕnglampus, kenetityangkasangsāran, mangdensar̥ĕngmangguḥswar̀gga. yaningsāmpuntityangpjaḥ, pĕndakugitityangmriki, hapangbar̥ĕngmāliḥtumurun, numitisdadiwongpadha, yanhiblitumbuḥdadikakungbagus, tityangdadosistrīprajñan, ha pangmakaronanugi. nādyansewospanadosan, yansiḥtityangmanadisāri, tur̀mihikmangalup'halup, mangdenblimanadikumbang, hapangkapanggiḥ, blimangisĕpsāriningsāntun, yanbĕlimanadicamara, tityanghigadhung kasturi. malilitrawuḥkapucak, yanbĕlimanadiham̶mpelgading, tityangsangghalangitangr̥ĕmbun, hapangsasar̥ĕngjwamakaronan, yaniblimanadoscantakangnglayung, tityangñusupdadihujan, hapangpadhamangtisina

Leaf 14

Image on Archive.org

[᭑᭔ 14B] ᭑᭔ ᬢᬶ᭟ᬬᬦ᭄ᬩᭂᬮᬶᬫᬦᬤᭀᬲ᭄ᬮᬬᬂ᭞ᬢᬶᬢ᭄ᬬᬂᬓᬶᬤᬸᬂᬳᬧᬂᬫᬲᬶᬄᬚ᭄ᬯᬫᬲᬦ᭄ᬤᬶᬂ᭞ᬳᬶᬲᬸᬕᬦ᭄ᬤᬶᬳᬶᬓᬸᬯ᭄ᬮᬲᬗ᭄ᬭᬸᬗᬹ᭞ᬤᬸᬄᬤᬾᬯᬲᬲᬸᬳᬸᬦᬦ᭄᭞ᬦᬸᬦᬲ᭄ᬫᬫᬵᬃᬕ᭄ᬕᬶ᭞ᬫᬗ᭄ᬤᬾᬦ᭄ᬕᭂᬮᬶᬲᬶᬭᬢᬸᬭᬯᬸᬄ᭞ᬇᬭᬶᬓᬵᬭᬶᬂᬢ᭄ᬗᬳᬶᬂᬧ᭄ᬭᬂ᭞ᬢᬶᬢ᭄ᬬᬂᬯᬦ᭄ᬢᬄᬚᬕᬗᬶᬭᬶᬂ᭟ᬭᬓᬦᬶᬤᬾᬯᬭᬶᬂᬯ᭄ᬓᬲᬦ᭄᭞ᬦᬾᬫᬗ᭄ᬓᬶᬦᬶᬤᬾᬯ ᬢᬦ᭄ᬧᬕᬯᬾᬳᬶᬭᬶᬓᬶ᭞ᬦᬸᬦᬲ᭄ᬭᬢᬸᬫᬗ᭄ᬤᬾᬦ᭄ᬫᬚᬸ᭞ᬧᬫᬵᬃᬕ᭄ᬕᬶᬦᬾᬭᬶᬂᬢ᭄ᬗᬳᬶᬂᬧ᭄ᬭᬂ᭞ᬫᬗ᭄ᬤᬾᬦ᭄‌‌ᬕ᭄ᬮᬶᬲ᭄᭞ᬳᬶᬭᬢᬸᬭᬶᬸᬯᬶᬸᬫᬧᬗ᭄ᬕᬶᬄᬭᬶᬂᬭᬢᬸᬳᬕᬸᬂ᭞ᬧᭂᬦᬮᬶᬗ᭄ᬲᬶᬃᬲᬂᬳ᭄ᬬᬂᬲᬹᬃᬬ᭄ᬬ᭞ᬢᬦ᭄ᬓᬮᬶᬗᬸᬳᬢᬹᬭᬾᬫᬗ᭄ᬓᬶᬦ᭄᭟ᬧᬫᬵᬃᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭞ᬦᭀᬮᬶᬄᬓᭀᬭᬶᬭᬓᬦᬾᬚ᭄ᬯᬓ ᬳᬾᬱ᭄ᬝᬶ᭞ᬭᬱᬜᬢ᭄ᬓᬵᬫᬦᬸᬢᬸᬕ᭄᭞ᬜᬳᬸᬧ᭄ᬜᬗ᭄ᬓᭀᬮ᭄ᬗᬭᬲᬭᬲ᭄᭞ᬳᬗᬶᬦᬮᭀᬦ᭄᭞ᬫᬫ᭄ᬯᬢ᭄‌‌ᬩᭀᬦ᭄ᬩᬸᬗᬦᬾᬳᬭᬸᬫ᭄᭞ᬩᬸᬓᬶᬢᬾᬜᬸᬓᬸᬃᬓᬢᬶᬗ᭄ᬳᬮᬦ᭄᭞ᬫᬲᬯᬂᬩᬮᬾᬓᬳᬓ᭄ᬱᬶ᭟ᬫᬵᬩᬳᬩᬄᬲᬃᬯ᭄ᬯᬳᬾᬦ᭄ᬤᬄ᭞ᬫᬭᬮᬶᬗ᭄ᬲᬶᬃᬕᬸᬍᬫᬾᬧᬸᬢᬶᬄᬓᬵᬓ᭄ᬱᬶ᭞ ᬓ᭄ᬤᬶᬲ᭄ᬓᬤᬲᬶᬳᬾᬗᬮᬸᬧ᭄᭞ᬲ᭄ᬯᬭᬦᬾᬗᭀᬮᬲᬂᬫᬦᬄ᭞ᬲᬸᬫᬶᬗ᭄ᬓᬶᬦ᭄‌‌ᬲ᭄ᬤᬶᬄ᭞ᬓ᭄ᬭᬸᬕᬾᬭᬶᬂᬫᬸᬜ᭄ᬘᬸᬓ᭄ᬕᬸᬦᬸᬂ᭞ᬫᬶᬭᬶᬩ᭄‌‌ᬩᬸᬓᬫᬜ᭄ᬤᬶᬳᬂ᭞ᬢᬸᬫᬸᬢ᭄ᬭᬶᬂᬲᬂᬲᬢ᭄ᬬᬯᬢᬶ᭟ᬓᬢᭀᬦ᭄ᬩᬦ᭄ᬢᬗᬾᬧᬚ᭄ᬮᭂᬫ᭄ᬧᬂ᭞ᬮ᭄ᬯᬶᬃᬧᬧ᭄ᬤᭂᬓ᭄‌‌ᬓᬮᬵᬯᬦ᭄ᬕᬍᬂᬕᬸᬮᬶᬂ᭞ᬩᬸᬗᬦ᭄ᬕᬥᬸᬗᬾᬮᬸᬳᬸᬂ᭞ᬩ [᭑᭕ 15A] ᭑᭕ ᬳᬦ᭄ᬩᭀᬦ᭄ᬜᬦᬾᬫ᭄ᬮᬄ᭞ᬫᬲᬯᬂᬢᬶᬭᬾ᭞ᬓᬾᬢᭀᬢᬶᬗ᭄ᬓᬄᬜᬦᬾᬓᬤᬸᬮᬸ᭞ᬧᬸᬤᬓ᭄ᬘᬶᬦᬕᬦᬾᬓᭂᬫ᭄ᬩᬭ᭄᭞ᬫᬶᬭᬶᬩ᭄‌‌ᬩᬸᬓᬫᬦ᭄ᬮᭀᬓᬶᬦ᭄᭟ᬲᬗ᭄ᬖᬮᬗᬶᬢᬾᬓᬢᭀᬦ᭄ᬗᬺᬫ᭄ᬧᬬᬓ᭄᭞ᬧᬸᬲᬸᬄᬩᬓᬸᬗᬾᬜᬸᬦ᭄ᬤᬭᬶᬦ᭄᭞ᬳᬗᬶᬦᬾᬳᬭᬶᬲ᭄ᬭᬯᬸᬄᬫᬦᭂᬫ᭄ᬧᬸᬄᬲᬃᬯ᭄ᬯᬦᬶᬂᬲ᭄ᬓᬃ᭞ᬯᬾᬦ᭄ᬢᭂᬦ᭄ᬩᬳᬶ ᬗᬶᬦ᭄‌‌ᬫ᭄ᬤᬕᬶᬂᬲᬸᬦ᭄ᬤᬭᬶᬳᬮᬸᬲ᭄᭞ᬲ᭄ᬯᬭᬦᬾᬗᭀᬮᬲᬂᬫᬦᬄ᭞ᬫᬶᬦᬩ᭄ᬲᭂᬤᬶᬄᬭᬶᬂᬲᬂᬲᬵᬢ᭄ᬬᬯᬢᬶ᭟ᬲᬵᬫ᭄ᬧᬸᬦ᭄ᬤᭀᬄᬳᬶᬤᬫᬫᬵᬃᬕ᭄ᬕ᭞ᬳᬓ᭄ᬯᬾᬄᬓᬵᬓ᭄ᬱᬶᬲᬃᬯ᭄ᬯᬫᬦᭂᬲᬶᬦᬢᬶ᭞ᬓᬸᬤᬦᬾᬓᬧ᭄ᬓᭂᬓ᭄ᬲᬵᬫ᭄ᬧᬸᬦ᭄᭞ᬲᬋᬂᬮᬦᬶᬧᬯᭀᬗᬦ᭄᭞ᬲᬫᬶᬲ᭄ᬤᬶᬄ᭞ᬫᬾᬮᬶᬂᬭᬶᬂᬲᬂᬲᬵᬫ᭄ᬧᬸᬦ᭄ᬮᬵ ᬫ᭄ᬧᬸᬲ᭄᭞ᬭᬭᬶᬲ᭄ᬢᭂᬤᬸᬦ᭄ᬲᬓᬾᬂᬧ᭄ᬭᬾᬫᬦ᭄᭞ᬫᬲᬲᬫ᭄ᬩᬢᬦ᭄ᬫᬗ᭄ᬮᬶᬂ᭟ᬲᬂᬲᬵᬢ᭄ᬬᬯᬢᬶᬫᬕᬸᬬᬂ᭞ᬚᬭᬦᬾᬩ᭄ᬗᭀᬂᬫᬩᬮᬶᬄ᭞ᬧᬜ᭄ᬭᭀᬯᬦᬾᬓᬵᬗᭂᬦ᭄ᬫᬗ᭄ᬭᬸᬗᬸ᭞ᬫᬫᬸᬗᬸᬫᬲᬲᬫ᭄ᬩᬢᬦ᭄᭞ᬤᬸᬄᬤᬾᬯᬳᬚᬶᬩᭀᬬᬘᬶᬗᬓ᭄ᬭᬩᬶᬦᬶᬭᬢᬸ᭞ᬲ᭄ᬫᬵᬮᬶᬄᬢᬶᬢ᭄ᬬᬂᬦᬶᬲᬸᬕ ᬦ᭄ᬤ᭄ᬬ᭞ᬲᬋᬂᬭᬳᬶᬦ᭄ᬤᬾᬯᬕᬸᬱ᭄ᬝᬶ᭚ᬲᬓ᭄ᬤᬧ᭄ᬓᬢᭀᬦᬶᬤᬧ᭄ᬭᬪᬸᬰᬵᬮ᭄ᬬ᭞ᬦᬶᬲᬸᬕᬦ᭄ᬤᬶᬢᬸᬫᬸᬮᬶᬦᬶᬗ᭄ᬳᬮᬶᬦ᭄᭞ᬭᬭᬶᬲᬶᬧᬸᬦ᭄‌‌ᬗ᭄ᬮᬶᬂᬫᬵᬢᬹᬃᬗ᭄ᬮᬸᬃ᭞ᬢᬗᬦ᭄ᬓᬵᬭᭀᬦᬶᬕ᭄ᬢᬶᬕ᭄ᬢᬗ᭄ᬓᬄ᭞ᬢᬸᬃᬫᬫᬶᬲ᭄ᬩᬶᬲ᭄‌‌ᬩᭀᬓ᭄ᬜᬦᬾᬕ᭄ᬲᬶᬢ᭄ᬳᬗ᭄ᬕᬸᬦ᭄᭞ᬢᭂᬦ᭄ᬤᬲ᭄ᬜᬦᬾᬓᬧᬦ᭄ᬢᬶᬕᬂ᭞ᬫᭂ

Auto-transliteration

[14 14B] 14 ti. yanbĕlimanadoslayang, tityangkidunghapangmasiḥjwamasanding, hisugandihikuwlasangrungū, duḥdewasasuhunan, nunasmamār̀ggi, mangden'gĕlisiraturawuḥ, irikāringtngahingprang, tityangwantaḥjagangiring. rakanidewaringwkasan, nemangkinidewa tanpagawehiriki, nunasratumangdenmaju, pamār̀ggineringtngahingprang, mangden'glis, hiratur̶w̶mapanggiḥringratuhagung, pĕnalingsir̀sanghyangsūr̀yya, tankalinguhatūremangkin. pamār̀gginemalonlonan, noliḥkorirakanejwaka heṣṭi, raṣañatkāmanutug, ñahupñangkolngarasaras, hanginalon, mamwatbonbunganeharum, bukiteñukur̀katinghalan, masawangbalekahaksyi. mābahabaḥsar̀wwahendaḥ, maralingsir̀gul̥ĕmeputiḥkāksyi, kdiskadasihengalup, swaranengolasangmanaḥ, sumingkinsdiḥ, krugeringmuñcukgunung, miribbukamañdihang, tumutringsangsatyawati. katonbantangepajlĕmpang, lwir̀papdĕkkalāwan'gal̥ĕngguling, bungan'gadhungeluhung, ba [15 15A] 15 hanbonñanemlaḥ, masawangtire, ketotingkaḥñanekadulu, pudakcinaganekĕmbar, miribbukamanlokin. sangghalangitekatonngr̥ĕmpayak, pusuḥbakungeñundarin, hangineharisrawuḥmanĕmpuḥsar̀wwaningskar̀, wentĕnbahi nginmdagingsundarihalus, swaranengolasangmanaḥ, minabsĕdiḥringsangsātyawati. sāmpundoḥhidamamār̀gga, hakweḥkāksyisar̀wwamanĕsinati, kudanekapkĕksāmpun, sar̥ĕnglanipawongan, samisdiḥ, melingringsangsāmpunlā mpus, raristĕdunsakengpreman, masasambatanmangling. sangsātyawatimaguyang, jaranebngongmabaliḥ, pañrowanekāngĕnmangrungu, mamungumasasambatan, duḥdewahajiboyacingakrabiniratu, smāliḥtityangnisuga ndya, sar̥ĕngrahindewaguṣṭi // sakdapkatonidaprabhuśālya, nisuganditumulininghalin, rarisipunnglingmātūr̀nglur̀, tangankāronigtigtangkaḥ, tur̀mamisbisbokñanegsit'hanggun, tĕndasñanekapantigang, mĕ

Leaf 15

Image on Archive.org

[᭑᭕ 15B] ᭑᭕ ᬮ᭄ᬘᭀᬓᭀᬃᬭᬤᬾᬦ᭄ᬤᬾᬯᬷ᭟ᬭᬓᬦ᭄ᬘᭀᬓᭀᬃᬳᬶᬤᬾᬯᬲᬓ᭄ᬤᬧ᭄᭞ᬓᬦ᭄ᬢᭂᬦᬂᬢᬶᬢ᭄ᬬᬂᬳᬶᬢᬸᬦᬶ᭞ᬧᬸᬦᬶᬓᬵᬳᬯᬶᬦᬦ᭄ᬢᬶᬢ᭄ᬬᬂᬭᬢᬸ᭞ᬦᬶᬕ᭄ᬢᬶᬕ᭄ᬢᬗ᭄ᬓᬄᬫᬦ᭄ᬢᬶᬕᬂᬢᭂᬦ᭄ᬤᬲ᭄᭞ᬦᬗ᭄ᬳᬶᬂᬲᬵᬫ᭄ᬧᬸᬭᬧᬶᬦᬸᬦᬲ᭄ᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬫᬗ᭄ᬤᬾᬦᬶᬤᬾᬯᬧᬕᭂᬄᬧᬶᬲᬦ᭄᭞ᬫᬜᬢ᭄ᬬᬳᬶᬦᬶᬤᬲᬗᬚᬶ᭟ ᬓ᭄ᬜᬸᬂᬳᬶᬤᬭᬵᬤᬾᬦ᭄‌‌ᬤᬾᬯ᭄ᬬ᭞ᬳᬶᬄᬲᬸᬕᬦ᭄ᬤᬶᬓᭂᬫᭀᬳᬶᬩᬚᬦᬶᬫᬸᬮᬶᬄ᭞ᬧᬜ᭄ᬭᭀᬯᬦᬾᬗ᭄ᬮᬶᬂᬗ᭄ᬮᬸᬢ᭄᭞ᬢᬶᬢ᭄ᬬᬂᬗᬶᬭᬶᬂᬧᬦᭂᬫ᭄ᬩᬳᬦ᭄᭞ᬗᬶᬭᬶᬂᬫᬗ᭄ᬓᬶᬦ᭄᭞ᬳᬸᬲᬦ᭄ᬭᬢᬸᬫᬕᬸᬬᬂᬲᬵᬫ᭄ᬧᬸᬦ᭄᭞ᬩᭂᬲᬸᬯᬾᬳᬶᬤᬗᬦ᭄ᬢᭀᬲᬂ᭞ᬧ᭄ᬭᬪᬸᬰᬵᬮ᭄ᬬᬭᬶᬂᬩ᭄ᬬᭀᬫᬦ᭄ᬢᬭᬶ᭟ᬤᬤᬶᬢᬸᬢᬹᬢ᭄ᬲᬂᬰᬵᬢ᭄ᬬᬯ ᬢ᭄ᬬ᭞ᬭᬭᬶᬲ᭄ᬫᬸᬗ᭄ᬕᬄᬭᬶᬂᬧ᭄ᬭᬾᬫᬦᬕ᭄ᬮᬶᬲ᭄᭞ᬧ᭄ᬭᬶᬸᬧ᭄ᬮᬩ᭄ᬓᬸᬤᬦᬾᬮᬶᬦ᭄ᬢᬂᬫᬚᬸ᭞ᬤᬾᬦᬶᬂᬫᬹᬮᬚᬬᬾᬂᬧ᭄ᬭᬂ᭞ᬤᬸᬓᬾᬗᬹᬦᬶᬫ᭄ᬯᬂᬓ᭄ᬭᬾᬢᬦᬾᬗᭂᬦ᭄ᬤᬶᬄᬫᬸᬭᬸᬩ᭄᭞ᬫᬩᭂᬦ᭄ᬤᬾᬭᬲᬸᬢ᭄ᬭᬩ᭄ᬮᬂᬫᬧᬶᬭᬤᬩᬶᬮᬂᬲᬫ᭄ᬧᬶᬂ᭟ᬧᬗᬗ᭄ᬕᭀᬦ᭄ᬓᬸᬤᬦᬾᬤᬸᬫᬶᬮᬄ᭞ᬲᬃᬯ᭄ᬯᬫᬵᬲ᭄ᬯᬶᬦ᭄ᬢᭂᬦᬾᬧᬓᬸᬭᬶᬦᬶᬂ᭞ᬲᬂᬰᬵ ᬢ᭄ᬬᬯᬢᬶᬫᬚᬸᬚᬸᬓ᭄᭞ᬫᬗᬶᬲᬶᬢᬮᬶᬦᬶᬂᬚᬭᬦ᭄᭞ᬢᬹᬃᬫᬫᬵᬃᬕ᭄ᬕᬶᬲᬫ᭄ᬩᬶᬮ᭄ᬳᬶᬤᬲ᭄ᬤᬶᬄᬲᬸᬗ᭄ᬲᬸᬢ᭄᭞ᬢᬦ᭄ᬲᬄᬳᬶᬤᬧ᭄ᬭᬪᬸᬰᬵᬮ᭄ᬬᬦᬾᬓᬵᬘᭂᬧ᭄ᬭᬶᬂᬳᬢᬶ᭟ᬓ᭄ᬤᬶᬲ᭄ᬩᭀᬦ᭄ᬤᭀᬮᬾᬫᬲ᭄ᬯᬭᬗ᭄ᬤᭂᬕᬶᬦᬢᬶᬩᬦᬶᬤᬚᬦᬶᬫᬫᬵᬃᬕ᭄ᬕᬶ᭞ᬩ᭄ᬮᬢᬸᬓᬾᬫᬗᬗᬸᬮ᭄ᬓᬸᬦ᭄ᬩᬸᬮᬸᬲ᭄᭞ᬫᬶᬦᬩ᭄‌‌ᬫ [᭑᭖ 16A] ᭑᭖ ᬗᭂᬦ᭄ᬤᭂᬳᬂ᭞ᬲᬃᬯ᭄ᬯᬲ᭄ᬓᬃᬓᬘᬶᬗᬓ᭄ᬮᬬᬸᬤᬸᬤᬸᬲ᭄᭞ᬧᬦ᭄ᬢᬸᬦᬾᬲᬸᬗ᭄ᬕᬭᬶᬂᬲᬯᬄ᭞ᬩᬸᬓᬬᬫᬢᬸᬚᬸᬳᬶᬦ᭄ᬫᬵᬃᬕ᭄ᬕᬶ᭟ᬳᬕ᭄ᬮᬶᬲ᭄ᬧ᭄ᬭᬧ᭄ᬢᬲᬵᬫ᭄ᬧᬸᬦ᭄ᬭᬶᬂᬧᬬᬸᬤ᭄ᬥᬦ᭄᭞ᬢᬸᬃᬓᬘᬶᬗᬓ᭄ᬯᬗ᭄ᬓᬾᬦᬾᬫᬢᬶᬦ᭄ᬤᬶᬄᬫᬶᬸᬢᬶᬦ᭄ᬤᬶᬄ᭞ᬳᬤᬯᬗ᭄ᬓᬾᬬᬫᬕ᭄ᬮᬸᬢ᭄᭞ᬧᬬᬹᬤ᭄ᬥᬦᬾᬲᬧᬶᬄᬫᬤᬤᬕᬦ᭄᭞ᬭᬭᬶᬲ᭄‌ᬫᬾᬮᬶᬂᬲᬂ ᬲᬵᬢ᭄ᬬᬯᬢᬶᬳᬶᬤᬕᬶᬲᬸ᭞ᬢ᭄ᬥᬸᬦ᭄ᬲᬓᬶᬂᬧ᭄ᬭᬾᬫᬦ᭄᭞ᬲᬸᬓᬶᬸᬕᬦ᭄ᬤᬶᬓᬸᬢᬸᬫᬸᬮᬶᬗᬶᬭᬶᬂ᭟ᬫᬗᬶᬤᭂᬃᬳᬶᬤᬫᬫᬵᬃᬕ᭄ᬕ᭞ᬫᬜᬶᬗᬓ᭄ᬮᬬᭀᬦᬾᬲᬂᬧ᭄ᬭᬪᬸᬮ᭄ᬯᬶᬄ᭞ᬩᭂᬮ᭄ᬩᭂᬮᬦ᭄ᬓᬬᬸᬦᬾᬳᬶᬩᬸᬓ᭄᭞ᬜᬶᬗᬓ᭄ᬯᬗ᭄ᬓᬾᬦᬾᬩᭂᬲ᭄ᬓᬮᬶᬯᬢ᭄᭞ᬫ᭄ᬢᬸᬢᬗᬶᬲ᭄᭞ᬦᬶᬲᬸᬕᬦ᭄ᬤᬷᬳᬶᬓᬸᬢᬸᬫᬸᬮᬶᬢᬸᬭᬸᬢ᭄᭞ᬲᬂ ᬲᬵᬢ᭄ᬬᬯᬢᬶᬫᬕᬸᬬᬂ᭞ᬦᬶᬲᬸᬕᬦ᭄ᬤᬶᬫᬧᬲᬶᬳᬶᬦ᭄᭟ᬤᬸᬄᬭᬢᬸᬧ᭄ᬭᬪᬸᬧᬢ᭄ᬦ᭄ᬬᬧᬶᬦᭂᬳᬶᬦ᭄ᬭᬢᬸᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬩᭂᬲ᭄ᬓᬤᬸᬭᬸᬲ᭄ᬩᭂᬦ᭄ᬤᬸ᭞ᬗᬶᬭᬶᬂᬫᬫᬵᬃᬕ᭄ᬕᬧᬦᭂᬫ᭄ᬩᬳᬦ᭄᭞ᬫᬗ᭄ᬤᬾᬦ᭄‌ᬕ᭄ᬮᬶᬲ᭄᭞ᬓᬧᬗ᭄ᬕᬶᬄᬮᬬᭀᬦᬶᬤᬲᬂᬧ᭄ᬭᬪᬸ᭞ᬲᬂᬲᬵᬢ᭄ᬬᬯᬢᬶᬫᬢᬗ᭄ᬬ᭞ᬫᬗ᭄ᬭ ᬭᬶᬲᬶᬤᬫᬫᬵᬃᬕ᭄ᬕᬶ᭟ᬲᬯᬢᬭᬧᬸᬓᬸᬮ᭄ᬢᬶᬕ᭞ᬧᬫᬵᬃᬕ᭄ᬕᬶᬦᬾᬳᬶᬤᬲᬂᬲᬵᬢ᭄ᬬᬯᬢᬶ᭞ᬓᬧᬗ᭄ᬕᬶᬄᬮᬬᭀᬦᬶᬤᬲᬂᬧ᭄ᬭᬪᬸ᭞ᬓᬤᬶᬲᬂᬳ᭄ᬬᬂᬲ᭄ᬫᬵᬭᬓᭂᬫ᭄ᬩᬃ᭞ᬧᬸᬢᬶᬄᬕᬥᬶᬂᬳᬾᬲᭂᬫᬾᬮ᭄ᬯᬶᬃᬫᬵᬥᬸᬚᬸᬭᬸᬄ᭞ᬭᬕᬦᬾᬫᬗᬸᬭᬗ᭄ᬓ᭞ᬭᬫ᭄ᬩᬸᬢᬾᬲ᭄ᬮᭂᬫ᭄ᬓᬤᬶᬫᬗ᭄ᬲᬶ᭟ᬦᬶᬲᬸᬕᬦ᭄ᬤᬶ

Auto-transliteration

[15 15B] 15 lcokor̀radendewī. rakancokor̀hidewasakdap, kantĕnangtityanghituni, punikāhawinantityangratu, nigtigtangkaḥmantigangtĕndas, nanghingsāmpurapinunastityangringhiratu, mangdenidewapagĕḥpisan, mañatyahinidasangaji. kñunghidarādendewya, hiḥsugandikĕmohibajanimuliḥ, pañrowanenglingnglut, tityangngiringpanĕmbahan, ngiringmangkin, husanratumaguyangsāmpun, bĕsuwehidangantosang, prabhuśālyaringbyomantari. daditutūtsangśātyawa tya, rarismunggaḥringpremanaglis, pr̶plabkudanelintangmaju, deningmūlajayengprang, dukengūnimwangkretanengĕndiḥmurub, mabĕnderasutrablangmapiradabilangsamping. panganggonkudanedumilaḥ, sar̀wwamāswintĕnepakurining, sangśā tyawatimajujuk, mangisitaliningjaran, tūr̀mamār̀ggisambilhidasdiḥsungsut, tansaḥhidaprabhuśālyanekācĕpringhati. kdisbondolemaswarangdĕginatibanidajanimamār̀ggi, blatukemangangulkunbulus, minabma [16 16A] 16 ngĕndĕhang, sar̀wwaskar̀kacingaklayududus, pantunesunggaringsawaḥ, bukayamatujuhinmār̀ggi. haglispraptasāmpunringpayuddhan, tur̀kacingakwangkenematindiḥm̶tindiḥ, hadawangkeyamaglut, payūddhanesapiḥmadadagan, rarismelingsang sātyawatihidagisu, tdhunsakingpreman, suk̶gandikutumulingiring. mangidĕr̀hidamamār̀gga, mañingaklayonesangprabhulwiḥ, bĕlbĕlankayunehibuk, ñingakwangkenebĕskaliwat, mtutangis, nisugandīhikutumuliturut, sang sātyawatimaguyang, nisugandimapasihin. duḥratuprabhupatnyapinĕhinratunemangkin, sāmpunbĕskadurusbĕndu, ngiringmamār̀ggapanĕmbahan, mangden'glis, kapanggiḥlayonidasangprabhu, sangsātyawatimatangya, mangra risidamamār̀ggi. sawatarapukultiga, pamār̀gginehidasangsātyawati, kapanggiḥlayonidasangprabhu, kadisanghyangsmārakĕmbar̀, putiḥgadhinghesĕmelwir̀mādhujuruḥ, raganemangurangka, rambuteslĕmkadimangsi. nisugandi

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org