Gaguritan Bagus Diarsa 02

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭜᭛ᬧᬸᬄᬳᬤ᭄ᬭᬶ᭞ᬕᬕᬸᬭᬶᬢᬦ᭄ᬩᬕᬸᬲ᭄ᬤ᭄ᬬᬃᬱ᭛ᬳᬶ᭠ᬲᭂᬂᬢᬶᬢ᭄ᬬᬂᬫᬗᬶᬓᭂᬢᬂᬓᬶᬤᬸᬂ᭞ᬳᬯᬓ᭄ᬮᬶᬦ᭄ᬢᬂᬩᭂᬮᭀᬕ᭄᭞ᬚᬦᬶᬫᬢᬫ᭄ᬩᭂᬓᬦ᭄ᬭᬶᬭᬶᬄ ᭞ᬧᬓ᭄ᬱᬯ᭄ᬭᬸᬄᬭᬶᬂᬧᬸᬧᬸᬄ᭞ᬘᬸᬫᬗ᭄ᬓᬄᬫᬗᬯᬶᬓᬶᬤᬸᬂᬢᬸᬦᬲᬂᬳᬶᬘᬵᬢᭂᬫ᭄ᬩᬗᬾ᭞ᬲᬶᬮᬶᬳᬂᬓᬳᬶᬲ᭄ᬢ᭄ᬭᬶᬢᬜ᭄ᬚᬸᬂ᭞ᬓᬮᬫᬓᬦ᭄ᬓᬢᭀᬦ᭄ᬩᬶᬲᬵ᭞ᬳᬯᬓ᭄ᬚᬸᬭᬶᬓᬢᭀ ᬦ᭄ᬧᭀᬗᬄ᭟ᬳᬤᬵᬢᬸᬢᬹᬭᬦ᭄ᬚᬦᬶᬓᬯᬸᬯᬸᬲ᭄᭞ᬲᬢ᭄ᬯᬧᬳᬦ᭄ᬢᬶᬳᬦ᭄᭞ᬚᬦᬶ᭠ᬳᬸᬗ᭄ᬕᬸᬳᬂᬭᬶᬂᬕᬸᬭᬶᬢ᭄᭞ᬳᬤᬵᬚᬦᬶᬓᬯᬸᬯᬸᬲ᭄᭞ᬩᬩᭀᬢᭀᬄᬫᬢᬫ᭄ᬩᭂᬓ᭄ᬭᬸ ᬭᬸᬲ᭄᭞ᬩᬕᬸᬲ᭄ᬤ᭄ᬬᬃᬱᬳᬭᬦᬾ᭞ᬳᬸᬮᬶᬄᬘ᭄ᬦᬶᬓ᭄ᬧᬶᬦᬄᬘᬓ᭄ᬮᬸᬓ᭄᭞ᬢ᭄ᬯᬭᬲᬸᬭᬸ᭠ᬤ᭄ᬤᬶᬧᬮᬮ᭄ᬬᬦ᭄᭞ᬫᬦᬸᬯᬸᬓᬶᬦ᭄ᬮᭂᬕᬦ᭄ᬫᬦᬄ᭟ᬗ᭄ᬮᬄᬧ᭄ᬬᬦᬓ᭄ᬫ᭄ᬯᬦᬶᬳᬯᬸᬓᬸᬤ᭄᭞ [᭒ 2B] ᬮᬶᬦ᭄ᬢᬂᬢᬸᬢᬸᬩᬥᬄ᭞ᬤᭂᬕᭂᬂᬢᬹᬃᬫᬗᬶᬥᭂᬧ᭄ᬫᬸᬜᬶ᭞ᬢ᭄ᬯᬭᬵᬓᬓᭂᬳᬦ᭄ᬮᬓᬸ᭞ᬮ᭄ᬬᬸ᭠ᬳᬦᬓ᭄ᬧᬥᬮᬸᬮᬸᬢ᭄᭞ᬳᬶᬯᬶᬭᬘᬶᬢᬳᬭᬦᬾ᭞ᬜᬳᬸᬫᭂᬢᬸᬤᬰᬢᬳᬸᬦ᭄ ᭞ᬤᬳᬢ᭄ᬪᬓ᭄ᬢᬶᬭᬶᬂᬓᬯᬶᬢᬦ᭄᭞ᬫᬗᬼᬕᬦᬶᬦ᭄ᬫᬾᬫᬾᬩᬵᬧ᭟ᬦᬾᬦᬾᬳᬶᬲ᭄ᬢ᭄ᬭᬶᬧᬢᬶᬩ᭄ᬭᬢ᭄ᬣᬦᬸᬮᬸᬲ᭄᭞ᬧᬕᭂᬄᬓᬥᬃᬫᬦᬾ᭞ᬢᬶᬗ᭄ᬓᬳᬶᬂᬳᬕᬸᬭᬸᬮᬓᬶ᭞ᬲᬢᬢᬦᬸ᭠ ᬤᬸᬢ᭄ᬓᬬᬸᬦ᭄᭞ᬦᬶᬲᬸᬪᬚ᭄ᬜᬵᬡᬵᬭᬦᬶᬧᬸᬦ᭄᭞ᬦᬾᬫᭀᬯᬦᬶᬫᬲᬶᬄᬥᬃᬫ᭄ᬫ᭞ᬧ᭄ᬮᬧᬦ᭄‌ᬢ᭄ᬓᬾᬦ᭄ᬦᬾᬳᭂᬮᬸᬄ᭞ᬢ᭄ᬯᬭᬢᬳᬾᬦ᭄ᬫᬚᭂᬗᬶᬮᬦ᭄᭞ᬲᬗ᭄ᬓᬦ᭄ᬳᬦᬹᬢ᭄ᬫᬓᬸᬋᬡ ᬦ᭄᭟ᬧᬸᬦᬶᬓᬵᬋᬓᬾᬫᬮᬶᬄᬓᬯᬸᬯᬸᬲ᭄᭞ᬫᬫᭀᬢᭀᬄᬫᬗᭀᬘᬾᬓ᭄᭞ᬩᬸᬓᬢ᭄ᬯᬭᬢᬳᬾᬦ᭄ᬜᬧᬶᬄ᭞ᬩᬩᭀᬢᭀᬄᬮ᭄ᬬᬸᬧᬶᬦ᭄ᬥᬸᬢ᭄᭞ᬩᬦᬾ᭠

Auto-transliteration

[1 1B] 1 /// • /// puḥhadri, gaguritanbagusdyar̀ṣa /// hi‐sĕngtityangmangikĕtangkidung, hawaklintangbĕlog, janimatambĕkanririḥ , pakṣawruḥringpupuḥ, cumangkaḥmangawikidungtunasanghicātĕmbange, silihangkahistritañjung, kalamakankatonbisā, hawakjurikato npongaḥ. hadātutūranjanikawuwus, satwapahantihan, jani‐hungguhangringgurit, hadājanikawuwus, babotoḥmatambĕkru rus, bagusdyar̀ṣaharane, huliḥcnikpinaḥcakluk, twarasuru‐ddipalalyan, manuwukinlĕganmanaḥ. nglaḥpyanakmwanihawukud, [2 2B] lintangtutubadhaḥ, dĕgĕngtūr̀mangidhĕpmuñi, twarākakĕhanlaku, lyu‐hanakpadhalulut, hiwiracitaharane, ñahumĕtudaśatahun , dahatbhaktiringkawitan, mangl̥ĕganinmemebāpa. nenehistripatibratthanulus, pagĕḥkadhar̀mane, tingkahinghagurulaki, satatanu‐ dutkayun, nisubhajñāṇāranipun, nemowanimasiḥdhar̀mma, plapantkennehĕluḥ, twaratahenmajĕngilan, sangkanhanūtmakur̥ĕṇa n. punikār̥ĕkemaliḥkawuwus, mamotoḥmangocek, bukatwaratahenñapiḥ, babotoḥlyupindhut, bane‐

Leaf 2

Image on Archive.org

[᭒ 2B] ᭒ ᬲᬸᬕᬶᬄᬗ᭄ᬮᬄᬮ᭄ᬬᬸ᭞ᬳᬧᬗᬵᬳᭀᬜᬫᬲᬦ᭄ᬥᬵ᭞ᬩᬕᬸᬲ᭄ᬤ᭄ᬬᬃᬱᬢ᭄ᬯᬭᬓᬾᬗ᭄ᬕᬸᬄ᭞ᬲᬳᬶᬓ᭄ᬦᭂᬳᬾᬓᬍᬕᬦ᭄᭞ᬓᬘᬶᬭᬾᬦᬶᬦ᭄ᬩᬦ᭄ᬪᬝᬵᬭ᭟ᬘᬭᬶᬓ᭄ᬳᬩ᭄ᬬᬦ᭄ᬳᬶᬲᬶᬦ᭄ᬳᬸᬫᬄ ᬜᬫᬸᬢ᭄᭞ᬫᬳᬤᭀᬮ᭄ᬫᬲᬦ᭄ᬤᬵ᭞ᬢᭀᬂᬤᬸᬲᬶᬦ᭄ᬚᬦᬶᬗᬮᬶᬲ᭄ᬢᬶᬂ᭞ᬩᬩᭀᬢᭀᬄᬧᬥᬘᬸᬫ᭄ᬧᬸ᭞ᬗᬶᬕᬸᬫᬂᬤᬬᬦᬾᬩᬶᬮᬸᬓ᭄᭞ᬮᬾᬦ᭄ᬧᬘᬤᬶᬩᬩᬸᬮᬗᬦ᭄᭞ᬫᬗ ᬩᬬᬂᬢᬚᬶᬢ᭄ᬮᬸᬂ᭞ᬦᬸᬮᬸᬂᬲ᭄ᬬᬧ᭄ᬩᬳᬦ᭄ᬢᬸᬩᬵ᭞ᬳᬤᬵᬫᬮᭀᬮᭀᬗᬶᬦ᭄ᬲᬶᬬᬧ᭄᭟ᬘᬭᬶᬓ᭄ᬳᬩ᭄ᬬᬦ᭄ᬳᬶᬲᬶᬦ᭄ᬳᬸᬫᬄᬜᬫᬸᬢ᭄᭞ᬲᬢᬢᬵᬓᬍᬕᬦ᭄᭞ᬓᬦᬶᬲ᭄ᬓᬵᬮᬦᬾᬓ ᬢᭀᬢᬶᬦ᭄᭞ᬳᬯᬓᬾᬧᬬᬸᬭᬸᬢ᭄ᬭᬸᬢ᭄᭞ᬓᬭᭀᬤᬶᬳᬯᬓ᭄ᬗᬍᬦ᭄ᬢᬸᬓ᭄᭞᭠ᬢᬦᬶᬦ᭄ᬮᬄᬧᬭᬦ᭄ᬲᬶᬭᬵ᭞ᬦᬶᬲᬸᬤᬚ᭄ᬜᬡᬓᬯᬸᬯᬸᬲ᭄᭞ᬢ᭄ᬯᬭᬵᬗ᭄ᬮᬄᬲ᭄ᬩᭂᬢ᭄ᬫᬦᬄ᭞ᬧᬕᭂᬄ [᭓ 3A] ᬫᬗᬶᬲᬶᬓ᭄‌ᬳᬲᬢ᭄ᬬᬦ᭄᭟ᬚᬦᬶᬲᬸᬩᬵᬓᬮᬶᬯᬢᬶᬂᬗᭂᬢᬸᬄ᭞ᬫᬭᬵᬫᬳᬗ᭄ᬓᬸᬳᬦ᭄᭞ᬓ᭄ᬦᭂᬳᬾᬫᬗᬸᬢᬶᬓᬸᬢᬶᬓ᭄᭞ᬫᬦᬗ᭄ᬕᬧ᭄ᬳᬸᬧᬄᬦᬸᬦᬸᬦ᭄᭞ᬲᬓᬵᬕᬶᬦᬦ᭄ᬳᬦᬓ᭄ᬳᭂᬮᬸᬄ᭞ᬫ ᬲᬶᬄᬧᭀᬮᬶᬄᬳᬲᬫ᭄ᬩᭂᬓᬦ᭄᭞ᬗᬢᭂᬧᬸᬓᬶᬦ᭄ᬦᬲᬶᬚᬸᬓᬸᬢ᭄᭞ᬫᬗᬤᬬᬂᬳᭀᬯᬦᬓ᭄ᬲᭀᬫᬄ᭞ᬳᬧᬂᬧᬬᬸᬫᬓᬶᬜᬸᬓᬦ᭄᭟ᬓᬲ᭄ᬯᬾᬦ᭄‌ᬲ᭄ᬯᬾᬦ᭄ᬚᬦᬶᬓᬯᬸᬯᬸᬲ᭄᭞ᬢᬢ ᬚᬾᬦ᭄ᬭᬶᬂᬤᬾᬰ᭞ᬮᬮᬓᭀᬦ᭄ᬫᬳᬘᬶᬳᬘᬶ᭞ᬯᬯᬶᬤᬾᬦ᭄ᬳᬦᬓ᭄ᬳᬕᬸᬦ᭄᭞ᬳᬸᬭᬦ᭄ᬫᭂᬢᭀᬄᬮ᭄ᬬᬸᬮ᭄ᬬᬸ᭞ᬩᬕᬸᬲ᭄ᬤ᭄ᬬᬃᬱᬓᭀᬘᬧ᭞ᬤᬶᬚᬸᬫᬄᬫ᭄ᬤᭂᬫ᭄ᬫᬮᬶᬗ᭄ᬓᬸᬄ᭞ᬩᬦᬾᬢ᭄ᬯ ᬭᬗ᭄ᬮᬄᬕ᭄ᬮᬃ᭞ᬫᬓᬩᬸᬦ᭄ᬫᬫᬢᬶᬳᬯᬓ᭄᭟ᬦᬶᬲᬸᬤᬵᬚ᭄ᬜᬡᬓᬯ᭄ᬭᬸᬳᬶᬂᬲ᭄ᬫᬸ᭞ᬢ᭄ᬓᬵ᭠ᬧᬢ᭄ᬮᬳᬦ᭄᭞ᬫᬫᬸᬜᬶᬳᬮᬸᬲ᭄ᬦᬗᬶᬦᬶᬦ᭄᭞ᬫᬳᬗᬶᬩ᭄ᬮᬶᬩᬕᬸᬲ᭄᭞ᬗᬸᬤᬵᬫᬲ

Auto-transliteration

[2 2B] 2 sugiḥnglaḥlyu, hapangāhoñamasandhā, bagusdyar̀ṣatwarakengguḥ, sahiknĕhekal̥ĕgan, kacireninbanbhaṭāra. carik'habyanhisinhumaḥ ñamut, mahadolmasandā, tongdusinjaningalisting, babotoḥpadhacumpu, ngigumangdayanebiluk, lenpacadibabulangan, manga bayangtajitlung, nulungsyapbahantubā, hadāmalolonginsiyap. carik'habyanhisinhumaḥñamut, satatākal̥ĕgan, kaniskālaneka totin, hawakepayurutrut, karodihawakngal̥ĕntuk, ‐taninlaḥparansirā, nisudajñaṇakawuwus, twarānglaḥsbĕtmanaḥ, pagĕḥ [3 3A] mangisik'hasatyan. janisubākaliwatingngĕtuḥ, marāmahangkuhan, knĕhemangutikutik, mananggap'hupaḥnunun, sakāginanhanak'hĕluḥ, ma siḥpoliḥhasambĕkan, ngatĕpukinnasijukut, mangadayanghowanaksomaḥ, hapangpayumakiñukan. kaswenswenjanikawuwus, tata jenringdeśa, lalakonmahacihaci, wawidenhanak'hagun, huranmĕtoḥlyulyu, bagusdyar̀ṣakocapa, dijumaḥmdĕmmalingkuḥ, banetwa ranglaḥglar̀, makabunmamatihawak. nisudājñaṇakawruhingsmu, tkā‐patlahan, mamuñihalusnanginin, mahangiblibagus, ngudāmasa

Leaf 3

Image on Archive.org

[᭓ 3B] ᭓ ᬭᬾᬫᬓᬩᬸᬦ᭄᭞ᬢᬢᬵᬚᬾᬦ᭄ᬭᬾᬫᬾᬭᬶᬂᬤᬾᬰ᭞ᬫᬗᬸᬤᬵᬳᬶᬕᬸᬲ᭄ᬢᬶᬲᬸᬗ᭄ᬲᬸᬢ᭄᭞ᬬᬤᬶᬦ᭄ᬩ᭄ᬬᬦᬗ᭄ᬮᬄᬕ᭄ᬮᬃ᭞ᬩᭀᬬᬗᬦ᭄ᬤᬶᬓᬵᬭᬶᬂᬢᬶᬢ᭄ᬬᬂ᭟ᬦᬯᬶᬯᬾᬦ᭄ᬢᭂᬦ᭄ᬳ᭠ ᬗᬦ᭄ᬲᬾᬓᭂᬢᬸᬧᬢᬸᬲ᭄᭞ᬍᬯᬶᬄᬲᬢᬓ᭄ᬲᬫᬲ᭄᭞ᬧᭀᬮᬶᬢᬶᬢ᭄ᬬᬂᬗᬸᬢᬶᬓᬸᬢᬶᬓ᭄᭞ᬓᬫ᭄ᬩᭂᬦ᭄ᬓᬮᬯᬦ᭄ᬲᬧᬸᬢ᭄᭞ᬢᬶᬢ᭄ᬬᬂᬕᬥᬾᬬᬗᬵᬤᬸᬫᬸᬦ᭄᭞ᬤᬢᬓᭀᬲ ᬬᬗᬂᬢᬶᬢ᭄ᬬᬂ᭞ᬲᭀᬓ᭄ᬳᬶᬕᬸᬲ᭄ᬢᬶᬳᬧᬂᬮᬦᬸᬲ᭄᭞ᬮ᭄ᬬᬂᬓᬾᬦᬓ᭄ᬧᬓᬬᬸᬦᬦ᭄᭞᭠ᬳᬶᬩᬕᬸᬲ᭄ᬤ᭄ᬬᬃᬱᬫᬗᬸᬘᬧ᭄᭟ᬗᬸᬤᬵᬓᭂᬢᭀᬩᬢᬦ᭄ᬜᬳᬶᬮᬫᬸᬦ᭄᭞ᬢ᭄ᬯᬭᬵ ᬗ᭄ᬮᬄᬕ᭄ᬮᬃ᭞ᬧᬢᬸᬢ᭄ᬓᬾᬦᬶᬭᬫᬫᬮᬶᬂ᭞ᬫᬫᬾᬕᬮ᭄ᬫᬫᬸᬂᬧᬂᬮᬓᬸ᭞ᬗᬸᬮᬸᬭᬶᬦ᭄ᬳᬶᬥᭂᬧᬾᬥᬸᬥᬸ᭞ᬮᬫᬸᬦ᭄ᬲᬸᬩᬳᬤᬵᬚᬸᬫᬄ᭞ᬢ᭄ᬯᬭᬓᭀᬦᬶᬭᬫᬗᬶᬢᬸᬂ᭞ᬦᬶᬲᬸᬤᬚ᭄ᬜ [᭔ 4A] ᬡᬵᬗᬸᬘᬧ᭄᭞ᬕᬸᬲ᭄ᬢᬶᬢᬶᬢ᭄ᬬᬂᬫᬗ᭄ᬓᬶᬦ᭄ᬮᬸᬗ᭄ᬳᬵ᭟ᬗᬮᬶᬄᬚᬶᬦᬄᬫᬜᬦ᭄ᬤᬬᬂᬲᬧᬸ᭠ᬢ᭄᭞ᬦᬾᬓᬓᬸᬂᬳᬗᬸᬘᬧ᭄᭞ᬲᭀᬓ᭄ᬧᬩᭂᬲᭂᬦ᭄ᬦᬶᬭᬜᬳᬶ᭞ᬮᬫ᭄ᬧᬳᭂᬳᬧᬂ ᬳᬮᬸᬲ᭄᭞ᬳ᭄ᬤᬵᬩᭀᬩᬤ᭄‌ᬳ᭄ᬤᬵᬚᬸᬫ᭄ᬩᬸᬄ᭞ᬦᬾᬳ᭄ᬮᬸᬄᬭᬭᬶᬲ᭄ᬫᬚᬮᬦ᭄᭞ᬫᬗᬩᬓᬫ᭄ᬩᭂᬦ᭄ᬮᬦ᭄ᬲᬧᬸᬢ᭄᭞ᬫᬩᬳᬦ᭄ᬫᬲᬦ᭄ᬤᬤᭀᬫᬲ᭄᭞ᬩᬕᬸᬲ᭄ᬤᬶᬳᬵᬃᬱᬫᬲᬶᬭᬫ᭄᭟ ᬯᬸᬲᬦᬾᬫᬲᬶᬭᬫ᭄ᬦᬩ᭄ᬤᬩ᭄ᬭᬫ᭄ᬩᬸᬢ᭄᭞ᬗᭀᬮᬄᬚᬚᬫ᭄ᬩᬸᬮᬦ᭄᭞ᬫᬲᬧᬸᬢ᭄ᬩᬩᭀᬗ᭄ᬓ᭄ᬭᬾᬓ᭄ᬤᭂᬓᬶᬮ᭄᭞ᬫᬜᬩᬸᬓ᭄ᬮᬦ᭄ᬢᬲ᭄ᬧᭂᬲᬸ᭞ᬚᬶᬦᬳᬾᬲᬵᬫ᭄ᬧᬸᬦ᭄ᬫᬓᬤᬸᬢ᭄᭞ᬓ᭄ᬭᬶ᭠ ᬲ᭄ᬫᬤᬗᬦᬦ᭄ᬤᬧ᭄ᬤᬧ᭄᭞ᬫᬗᭀᬚᭀᬕ᭄ᬩᬢᬦ᭄ᬢᬢᬭᬸᬩ᭄᭞ᬤᬾᬦᬶᬂᬓᬶᬤᬶᬓ᭄ᬫᬗᬸᬶᬓ᭄ᬢᬕ᭄ᬮᬃ᭞ᬫᬚᬸᬚᬸᬓ᭄ᬫᭂᬢᭀᬄᬫᬗᬸᬚᬂ᭟ᬳᬗᬦ᭄ᬳᬧᬶᬲᬦ᭄ᬢᭀᬂᬢᬳᬾᬦ᭄ᬗᬸᬓᬸᬧ᭄᭞ᬧᬶ

Auto-transliteration

[3 3B] 3 remakabun, tatājenremeringdeśa, mangudāhigustisungsut, yadinbyananglaḥglar̀, boyangandikāringtityang. nawiwentĕnha‐ ngansekĕtupatus, l̥ĕwiḥsataksamas, politityangngutikutik, kambĕnkalawansaput, tityanggadheyangādumun, datakosa yangangtityang, sok'higustihapanglanus, lyangkenakpakayunan, ‐hibagusdyar̀ṣamangucap. ngudākĕtobatanñahilamun, twarā nglaḥglar̀, patutkeniramamaling, mamegalmamungpanglaku, ngulurinhidhĕpedhudhu, lamunsubahadājumaḥ, twarakoniramangitung, nisudajña [4 4A] ṇāngucap, gustitityangmangkinlunghā. ngaliḥjinaḥmañandayangsapu‐t, nekakunghangucap, sokpabĕsĕnnirañahi, lampahĕhapang halus, hdābobad'hdājumbuḥ, nehluḥrarismajalan, mangabakambĕnlansaput, mabahanmasandadomas, bagusdihār̀ṣamasiram. wusanemasiramnabdabrambut, ngolaḥjajambulan, masaputbabongkrekdĕkil, mañabuklantaspĕsu, jinahesāmpunmakadut, kri‐ smadanganandapdap, mangojogbatantatarub, deningkidikmanguiktaglar̀, majujukmĕtoḥmangujang. hanganhapisantongtahenngukup, pi

Leaf 4

Image on Archive.org

[᭔ 4B] ᭔ ᬧᬶᬲᬾᬤᬲ᭄ᬳᭀᬜ᭞ᬧᬶᬢᬸᬗᬢᬸᬲ᭄ᬲᬵᬫᬧᬸᬦ᭄ᬩ᭄ᬭᬲᬶᬄ᭞ᬳ᭄ᬦᬸᬫᬮᬫ᭄ᬧᬸᬤᬦ᭄ᬲᬢᬸᬲ᭄᭞ᬓᬲᬶᬲᬶᬓᬮᬶᬗᬲ᭄‌ᬓ᭄ᬮᬶᬗᬸᬲ᭄᭞ᬤᬾᬦᬶᬂᬳᬶᬬᬲᬸᬩᬲᬜ᭄ᬚ᭞ᬫᬩ᭄ᬮᬜ᭄ᬚᬫᬦᬸ ᬫ᭄ᬩᬲ᭄ᬲᭂᬓᬸᬮ᭄᭞ᬤᬕᬗᬾᬳᬶᬚᬸᬦᬦ᭄ᬤᬶᬗᬂ᭞ᬚᬦᬶᬫᬭᬫᬤᬳᬭᬦ᭄᭟ᬩᬳᬸ᭠ᬫᬭᬫᬜᭂᬓᬸᬮ᭄ᬧᬶᬂᬢ᭄ᬮᬸ᭞ᬲᬕᬾᬢ᭄ᬳᬤᬵᬢ᭄ᬓᬵ᭞ᬕᬕᬾᬦ᭄ᬤᭀᬂᬫᬗᬶᬤᬶᬳᬶᬤᬶᬄ᭞ᬫᬢᬸ ᬗ᭄ᬓᭂᬤ᭄ᬧᬢᬶᬢ᭄ᬭᬸᬬᬸᬤ᭄᭞ᬫᬗᬸᬦ᭄ᬤᬶᬢ᭄ᬓᬭᭀᬲᭀᬳᬶᬩᬸᬲ᭄᭞ᬳᬦᬓ᭄ᬩᬸᬗ᭄ᬓᬸᬢ᭄ᬲᬸᬩᬵᬢᬸᬯᬵ᭞ᬩᬢᬶᬲ᭄ᬫᬓᬤᬤ᭄ᬯᬩ᭄ᬭᬸᬂ᭞ᬫᭂᬘᬢ᭄ᬩᬜᭂᬳᭂᬫᬘᬧ᭄ᬘᬧ᭄᭞ᬳᭂᬩᭀᬦᬾᬩ᭠ ᬗᭂᬲ᭄ᬫᬢᭂᬓᬕ᭄᭟ᬳᬸᬍᬤ᭄ᬜᬦᬾᬮ᭄ᬬᬸᬧᬓᬼᬚ᭄ᬚᬸᬄ᭞ᬩᬸᬬᬸᬂᬫᬲ᭄ᬮᬶᬯ᭄ᬭᬦ᭄᭞ᬩᬸᬓᬜᬫᬦᬾᬗᬩᬩᬶᬦ᭄᭞ᬧᭂᬮᬶᬲ᭄ᬫᬢᬦᬾᬮᬶᬬᬸ᭞ᬫᬘᬾᬄᬘᬾᬄᬫᬭᬭᬸᬭᬭᬸ᭞ [᭕ 5A] ᬫᬜᭀᬗ᭄ᬓᭀᬓ᭄ᬭᬭᬶᬲ᭄ᬫᬗᬸᬘᬧ᭄᭞ᬕᬸᬲ᭄ᬢᬶᬢᬶᬢ᭄ᬬᬂᬤᬾᬯᬭᬢᬸ᭞ᬢᬶᬢ᭄ᬬᬂᬫᬦᬸᬦᬲ᭄ᬮᬸᬗ᭄ᬲᬹᬭᬦ᭄᭞ᬩᬲᬂᬢᬶᬢ᭄ᬬᬗᬾᬩᬲ᭄ᬮᬬᬄ᭟ᬩᬕᬸᬲ᭄ᬤᬶᬳᬵᬃᬱᬫᬫᬸᬜᬶᬳᬮᬸᬲ᭄ ᭞ᬫᬳᬶᬓᬾᬫ᭄ᬦᬾᬓᬦ᭄᭞ᬩᬋᬂᬫᬤᬳᬭᬦ᭄ᬓᬓᬶ᭞ᬳᬶᬢᬸᬯᬮᬶᬂᬦ᭄ᬬᬳᬮᬸᬲ᭄᭞᭠ᬢᬶᬢ᭄ᬬᬂᬫᬶᬦ᭄ᬤᬄᬤᬾᬯᬭᬢᬸ᭞ᬢᬶᬢ᭄ᬬᬂᬫᬦᬸᬦᬲ᭄ᬮᬸᬗ᭄ᬲᬹᬭᬦ᭄᭞ᬩᬕᬸᬲ᭄ᬤᬶᬳᬵᬃᬱᬫᬲᬯᬸ ᬢ᭄᭞ᬦᬄᬓᬓᬶᬫᬳᬶᬫ᭄ᬦᬾᬓᬦ᭄᭞ᬩᬋᬂᬓᬾᬦ᭄ᬢᬶᬢ᭄ᬬᬂᬫᬤᬳᬃ᭟ᬳᬧᬦ᭄ᬢᬶᬢ᭄ᬬᬂᬓᬓᬶᬲᬚᬢᬦ᭄ᬤ᭄ᬭᬸᬄ᭞ᬢᬦᬶᬦᬯᬂᬯᬗ᭄ᬰ᭞ᬢᬦ᭄ᬤ᭄ᬭᬸᬳᬶᬂᬲᭀᬃᬧᬗᬍᬯᬶᬄ᭞ᬮᬕᬸᬢ᭄ᬓᬓᬶ ᬦᬾᬕᬸᬤ᭄ᬕᬸᬤ᭄᭞ᬢᬸᬯᬳᬸᬩᬦ᭄ᬓᬮᬶᬄᬩ᭄ᬭᬸᬂ᭞ᬓᬾᬫᬤ᭄ᬤᬚᬩᬳᬦ᭄ᬢᬶᬢ᭄ᬬᬂ᭞ᬫ᭠ᬫ᭄ᬩᬳᬂᬓᬓᬶᬫᬗ᭄ᬮᬸᬗ᭄ᬲᬹᬃ᭞ᬢᬸᬫᬸᬮᬶᬭᬭᬶᬲ᭄ᬓᬚᭂᬫᬓ᭄᭞ᬭᬭᬶᬲ᭄ᬓᬚᬓ᭄ᬗᬫ᭄ᬦᬾᬓᬦ᭄᭟᭠

Auto-transliteration

[4 4B] 4 pisedashoña, pitungatussāmapunbrasiḥ, hnumalampudansatus, kasisikalingasklingus, deninghiyasubasañja, mablañjamanu mbassĕkul, dagangehijunandingang, janimaramadaharan. bahu‐maramañĕkulpingtlu, saget'hadātkā, gagendongmangidihidiḥ, matu ngkĕdpatitruyud, mangunditkarosohibus, hanakbungkutsubātuwā, batismakadadwabrung, mĕcatbañĕhĕmacapcap, hĕboneba‐ ngĕsmatĕkag. hul̥ĕdñanelyupakl̥ĕjjuḥ, buyungmasliwran, bukañamanengababin, pĕlismataneliyu, maceḥceḥmararuraru, [5 5A] mañongkokrarismangucap, gustitityangdewaratu, tityangmanunaslungsūran, basangtityangebaslayaḥ. bagusdihār̀ṣamamuñihalus , mahikemnekan, bar̥ĕngmadaharankaki, hituwalingnyahalus, ‐tityangmindaḥdewaratu, tityangmanunaslungsūran, bagusdihār̀ṣamasawu t, naḥkakimahimnekan, bar̥ĕngkentityangmadahar̀. hapantityangkakisajatandruḥ, taninawangwangśa, tandruhingsor̀pangal̥ĕwiḥ, lagutkaki negudgud, tuwahubankaliḥbrung, kemaddajabahantityang, ma‐mbahangkakimanglungsūr̀, tumulirariskajĕmak, rariskajakngamnekan. ‐

Leaf 5

Image on Archive.org

[᭕ 5B] ᭕ ᬢᬩᬾᬢᬶᬢ᭄ᬬᬂᬕᬸᬲ᭄ᬢᬶᬤᬾᬯᬭᬢᬸ᭞ᬗᬸᬤᬢᬶᬢ᭄ᬬᬂᬚᭂᬫᬓ᭄᭞ᬢᬶᬢ᭄ᬬᬂᬚ᭄ᬮᬾᬲᬧᬸᬦᬶᬓᬶ᭞ᬭᬭᬶᬲ᭄ᬓᬓᬶᬫᬮᬸᬗ᭄ᬕᬸᬄ᭞ᬢᬸᬫᬸᬮᬶᬭᬭᬶᬲ᭄ᬫᬜᭂᬓᬸᬮ᭄᭞ᬤᬕᬗᬾᬫᬗ ᬤᬾᬲᭂᬫᬂ᭞ᬗᭂᬮᬾᬦ᭄ᬫᬢᬵᬫ᭄ᬘᬶᬓ᭄ᬘᬸᬗᬸᬄ᭞ᬲᬂᬓᬮᬶᬄᬳᬾᬦᬓ᭄ᬫᬤᬳᬃ᭞ᬦᬲᬶ᭠ᬳᬸᬮᬫ᭄ᬢ᭄ᬯᬭᬵᬓᬶᬭᬂ᭟ᬢᬸᬫᬸᬮᬶᬲᬂᬓᬵᬮᬶᬄᬯᬸᬲ᭄ᬫᬜᭂᬓᬸᬮ᭄᭞ᬫᬤᬳᬭᬦ᭄ᬲᭂᬥᬄ᭞ ᬳᬶᬢᬸᬯᬳᬫᬸᬯᬸᬲ᭄ᬳᬭᬶᬲ᭄᭞ᬕᬸᬲ᭄ᬢᬶᬢᬶᬢ᭄ᬬᬂᬫᬳᬢᬹᬃ᭞ᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸ᭠ᬦ᭄ᬤᬲ᭄ᬤᬮᬸ᭞ᬤᭂᬚᬄᬢᬶᬢ᭄ᬬᬗᬾᬫᬗᭂᬦ᭄ᬢᬄ᭞ᬩᭀᬬᬤᬤᭀᬲ᭄ᬢᬶᬢ᭄ᬬᬂᬫᬦ᭄ᬢᬸᬓ᭄᭞ ᬢᬶᬢ᭄ᬬᬂᬫᬦᬸᬦᬲ᭄ᬤᬸᬦᬸᬗᬦ᭄᭞ᬢᬶᬢ᭄ᬬᬂᬫᬧᬫᬶᬢ᭄‌ᬦᬾᬩᬾᬜ᭄ᬚᬂ᭟ᬩᬕᬸᬲ᭄ᬤᬶ᭠ᬳᬵᬃᬱᬭᬭᬶᬲ᭄ᬗᬚᬓ᭄ᬫᬦ᭄ᬢᬸᬓ᭄᭞ᬲᬸᬩᬵᬢ᭄ᬓᭂᬤ᭄ᬚᬸᬫᬄ᭞ᬫᬲᬦ᭄ᬳᬦᬓ᭄ᬗᭂᬜᬶᬢ᭄ᬲᬸᬦ᭄ᬤᬶᬄ᭞ᬩ [᭖ 6A] ᬕᬸᬲ᭄ᬤᬶᬳᬵᬱᬳᬗᬸᬯᬸᬲ᭄᭞ᬦᬾᬚᬦᬶᬜᬳᬶᬫᬢᬫ᭄ᬬᬸ᭞ᬓ᭄ᬫᬵᬤᬩ᭄ᬥᬩᬂᬫ᭠ᬜᬓᬦ᭄᭞ᬩᬕᬸᬲ᭄ᬤ᭄ᬬᬵᬃᬱᬫᬧᬦᭂᬫᬦ᭄᭟ᬲᬢ᭄ᬯᬵᬢᬦᬶᬓᬗᬶᬦ᭄ᬢᬦᬶᬓᬯᬸᬄ᭞᭠ ᬫᬳᬶᬤᭂᬳᬶᬤᭂᬳᬦ᭄᭞ᬲᬕᬾᬢ᭄ᬳᬶᬤᬸᬧ᭄‌ᬲᬕᬾᬢ᭄ᬫᬢᬶ᭞ᬳᬦᬓᬾᬳᭀᬥᬄᬫᬸᬯᬸᬲ᭄᭞ᬕᬸᬲ᭄ᬢᬶᬢᬶᬢ᭄ᬬᬂᬮᬶᬦ᭄ᬢᬂᬮᬘᬹᬃ᭞ᬳᬕᬸᬂᬧᬶᬦᬸᬦᬲ᭄ᬢᬶᬢ᭄ᬬᬗᬾ᭞ᬩ᭄ᬯᬢ᭄ᬳᬶᬘᬦ᭄ᬕᬸᬲ᭄ᬢᬶ᭠ ᬦᬾᬦᬸᬮᬸᬲ᭄᭞ᬳᬦᬓ᭄ᬕᬸᬲ᭄ᬢᬶᬢᬸᬦᬲ᭄ᬢᬶᬢ᭄ᬬᬂ᭞ᬳᬚᬓ᭄ᬢᬶᬢ᭄ᬬᬂᬫᬦ᭄ᬢᬸᬓ᭄ᬩᬾᬜ᭄ᬚᬂ᭟ᬧᬸᬗ᭄ᬓᬹᬃᬮᬫᬸᬦ᭄ᬤᬦᬾᬲᬵᬫ᭄ᬧᬸᬦ᭄ᬤᬸᬳᬹᬃ᭞ᬢᬶᬢ᭄ᬬᬂᬫᬗᬦ᭄ᬢᬸᬓᬂ᭞ᬫᬮᬶᬄᬗᬢᬹᬭᬂᬭᬶᬂᬕᬸᬲ᭄ᬢᬶ᭞ᬳᬧᬂ ᬯᬾᬦ᭄ᬢᭂᬦ᭄ᬫᬦᬸᬗ᭄ᬕᬸ᭞ᬓᬸᬩᬸᬦ᭄ᬢᬶᬢ᭄ᬬᬗᬾᬭᬶᬂᬕᬸᬦᬸᬂ᭞ᬓᬵᬮᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬚᬸᬫᬄ᭞᭠ᬢᬶᬢ᭄ᬬᬂᬚᬢ᭄ᬮᬸᬯᬲ᭄ᬫᬗᬗ᭄ᬕᬹᬃ᭞ᬓᬲᬶᬲᬶᬦ᭄ᬢᬸᬓᬤᬾᬓᬚᬵ᭞ᬗᬮᬶᬄᬳᭀᬳᭀᬂᬧᬘᬂ᭠

Auto-transliteration

[5 5B] 5 tabetityanggustidewaratu, ngudatityangjĕmak, tityangjlesapuniki, rariskakimalungguḥ, tumulirarismañĕkul, dagangemanga desĕmang, ngĕlenmatāmcikcunguḥ, sangkaliḥhenakmadahar̀, nasi‐hulamtwarākirang. tumulisangkāliḥwusmañĕkul, madaharansĕdhaḥ, hituwahamuwusharis, gustitityangmahatūr̀, nemangkinsāmpu‐ndasdalu, dĕjaḥtityangemangĕntaḥ, boyadadostityangmantuk, tityangmanunasdunungan, tityangmapamitnebeñjang. bagusdi‐hār̀ṣararisngajakmantuk, subātkĕdjumaḥ, masanhanakngĕñitsundiḥ, ba [6 6A] gusdihāṣahanguwus, nejaniñahimatamyu, kmādabdhabangma‐ñakan, bagusdyār̀ṣamapanĕman. satwātanikangintanikawuḥ, ‐ mahidĕhidĕhan, saget'hidupsagetmati, hanakehodhaḥmuwus, gustitityanglintanglacūr̀, hagungpinunastityange, bwat'hican'gusti‐ nenulus, hanakgustitunastityang, hajaktityangmantukbeñjang. pungkūr̀lamundanesāmpunduhūr̀, tityangmangantukang, maliḥngatūrangringgusti, hapang wentĕnmanunggu, kubuntityangeringgunung, kālatityangnentĕnjumaḥ, ‐tityangjatluwasmanganggūr̀, kasisintukadekajā, ngaliḥhohongpacang‐

Leaf 6

Image on Archive.org

[᭖ 6B] ᭖ ᬚᬗᬦ᭄᭟ᬳᬸᬫᬄᬢᬶᬢ᭄ᬬᬗᬾᬤᬶᬧᬸᬘᬓ᭄ᬕᬸᬦᬸᬂ᭞ᬤᬶᬗᬶᬦᬾᬫᬦᬸᬮᬂ᭞ᬭᬶᬂᬲᬹᬃᬬ᭄ᬬᬘᬦ᭄ᬤ᭄ᬭᬵᬦᬾᬫᬶᬚᬶᬮ᭄᭞ᬲᬶᬕ᭄ᬢᭀᬗᭀᬲ᭄ᬜᬦᬾᬲᬸᬭᬸᬧ᭄᭞ᬓᬸᬩᬸᬦ᭄ᬢᬶᬢ᭄ᬬᬂᬢ᭄ᬯᬄᬳᬩᬸ ᬗ᭄ᬓᬸᬮ᭄᭞ᬫᬓᬓᬬᭀᬦ᭄ᬓᬬᬸᬚᬭᬓ᭄᭞ᬫᬸᬮᬸᬓᬗᬶᬦ᭄ᬫᬕᬕᬸᬫᬸᬓ᭄᭞ᬕ᭄ᬦᬄᬩ᭠ᬤᬦ᭄ᬓᬫ᭄ᬩᬶᬂᬢᬶᬢ᭄ᬬᬂ᭞ᬧᬧᬶᬢᬸᬓᬬᬂᬧᬦᬓᬵ᭟ᬢᬶᬢ᭄ᬬᬂᬗᬸᬭᬸᬂᬳᬬᬫ᭄ᬢ᭄ᬯᬄᬢᬢ᭄ᬮᬸ᭞ᬓᬭᬶ᭠ ᬩᬚᬂᬩᬚᬂ᭞ᬳᬸᬍᬲ᭄ᬳᬶᬧᬸᬦ᭄‌ᬩ᭄ᬘᬶᬓ᭄‌ᬩ᭄ᬘᬶᬓ᭄᭞ᬲᬓ᭄ᬤᬲ᭄ᬲᬦ᭄ᬤᭂᬄᬚᬫ᭄ᬩᬸᬮ᭄᭞ᬫᬢᬵᬮᬶᬗ᭄ᬮᬂᬕᭀᬤᬾᬕ᭄ᬲᬗ᭄ᬓᬹᬃ᭞ᬢ᭄ᬕᬶᬮ᭄ᬮᬶᬗ᭄ᬓᭂᬃᬓᭀᬧᬶᬂᬩᬭᬓ᭄꧈ᬦᬾᬲᬶᬓ᭄ᬬᬦᬸᬍᬲ᭄ᬳᬶᬧᬸ᭠ ᬦ᭄᭞ᬓ᭄ᬮᬯᬸᬩᬭᬓ᭄ᬲᬸᬓᬸᬤᬭᬵ᭞ᬲᬦ᭄ᬤᭂᬄᬓᬸᬧᬶᬂᬳᬶᬧᬸᬦ᭄ᬩᬭᬓ᭄᭟ᬲᬸᬓ᭄ᬲᬸᬓ᭄ᬧᬸᬢᬶᬄᬓᬤᬶᬫᬡᬶᬓ᭄ᬩᬜᬸ᭞ᬫᬮᬶᬄᬦᬾᬲᬶᬓ᭄ᬬᬦ᭄᭞ᬩᬶᬬᬶᬂᬜᬼᬫ᭄ᬚᬸᬶᬕᬸᬶᬫ᭄ᬓᬸᬧᬶᬂᬓᬸᬦᬶᬂ᭞ [᭗ 7A] ᬭᬭᬚᬄᬫᬸᬗ᭄ᬕ᭄ᬯᬶᬂᬲᬸᬓᬸ᭞ᬲᬸᬓ᭄ᬲᬸᬓ᭄ᬓᬸᬦᬶᬂᬓᬤᬶᬢᬢᬹᬃ᭞ᬚᬫ᭄ᬩᬸᬮ᭄ᬩᬭᭀᬂᬕᭀᬤᬾᬕ᭄ᬳᬭᬂ᭞ᬩᬕᬸᬲ᭄ᬤᬶᬳᬵᬃᬱᬫᬲᬳᬸᬢ᭄᭞ᬢᭀᬓᬮᬳᬶᬦ᭄ᬓᬓᬶᬚᬸᬶᬮᬸᬯᬲ᭄᭞ᬤᬾᬦᬶᬂᬬᬲᬸ᭠ ᬯᬸᬂᬤᬶᬚᬸᬫᬄ᭟ᬢ᭄ᬯᬭᬦᬸᬕᬓᬾᬳᬦᬓ᭄ᬫᬗ᭄ᬭᬸᬲᬸᬄ᭞ᬫᬫᬮᬶᬂᬫᬗ᭄ᬭᬦ᭄ᬤᬄ᭞ᬢᬶᬤᭀᬂᬓᬾᬫᬓ᭄ᬚᬂᬩᬺᬱᬶᬄ᭞ᬳᬦᬓᬾᬳᭀᬤᬄᬳᬫᬸᬯᬸᬲ᭄᭞ᬇᬗ᭄ᬕᬶᬄᬢᬶᬢ᭄ᬬᬂᬲᬵᬫ᭄ᬧᬸ᭠ ᬦ᭄ᬢᬳᬸ᭞ᬲᬫ᭄ᬧᬸᬦ᭄ᬚᬗᬶᬦ᭄ᬢᬶᬢ᭄ᬬᬂᬢᬸᬫ᭄ᬩᬮ᭄᭞ᬮᬫᬸᬦ᭄ᬯᬾᬦ᭄ᬢᭂᬦ᭄ᬫᬮᬶᬂᬭᬯᬸᬄ᭞ᬫᬜᭂᬫᬓ᭄ᬳᬸᬩ᭄ᬯᬦ᭄ᬢᬶᬢ᭄ᬬᬂ᭞ᬳᬶᬧᬸᬦ᭄ᬲᬾᬗ᭄ᬓᭀᬓ᭄ᬫᬢᬵᬓᬶᬬᬧ᭄᭟ᬚ᭄ᬭᬶᬚᬶᬦ᭄ᬳᬶᬧᬸᬦ᭄ᬓᬶᬢᬶᬂᬘᬓᬶᬃᬧᬶᬬᬸᬄ ᭞ᬳᬶᬩᬕᬸᬲ᭄ᬤᬶᬳᬵᬃᬱ᭞ᬓᭂᬤᬾᬓ᭄ᬦᬸ+(ᬮᬶ)ᬮᬶᬂᬮᬸᬶᬦ᭄ᬬᬳᬭᬶᬲ᭄᭞ᬜᬳᬶᬲᬸᬩᬵᬓᬾᬧᬸᬧᬸᬢ᭄᭞ᬢᭀᬳᬤᬲ᭄ᬬᬧ᭄ᬳᬳᬸᬓᬸᬤ᭄᭞ᬓ᭄ᬫᬵᬕᭀᬭᭀᬓ᭄ᬮᬯᬸᬢ᭄ᬮᬩ᭄ᬮᬩ᭄᭞ᬦᬾ

Auto-transliteration

[6 6B] 6 jangan. humaḥtityangedipucakgunung, dinginemanulang, ringsūr̀yyacandrānemijil, sigtongosñanesurup, kubuntityangtwaḥhabu ngkul, makakayonkayujarak, mulukanginmagagumuk, gnaḥba‐dankambingtityang, papitukayangpanakā. tityangngurunghayamtwaḥtatlu, kari‐ bajangbajang, hul̥ĕshipunbcikbcik, sakdassandĕḥjambul, matālinglanggodegsangkūr̀, tgillingkĕr̀kopingbarak꧈nesikyanul̥ĕshipu‐ n, klawubaraksukudarā, sandĕḥkupinghipunbarak. suksukputiḥkadimaṇikbañu, maliḥnesikyan, biyingñl̥ĕmjuiguimkupingkuning, [7 7A] rarajaḥmunggwingsuku, suksukkuningkaditatūr̀, jambulbaronggodeg'harang, bagusdihār̀ṣamasahut, tokalahinkakijuiluwas, deningyasu‐ wungdijumaḥ. twaranugakehanakmangrusuḥ, mamalingmangrandaḥ, tidongkemakjangbr̥ĕsyiḥ, hanakehodaḥhamuwus, inggiḥtityangsāmpu‐ ntahu, sampunjangintityangtumbal, lamunwentĕnmalingrawuḥ, mañĕmak'hubwantityang, hipunsengkokmatākiyap. jrijinhipunkitingcakir̀piyuḥ , hibagusdihār̀ṣa, kĕdeknu+(li)lingluinyaharis, ñahisubākepuput, tohadasyap'hahukud, kmāgoroklawutlablab, ne

Leaf 7

Image on Archive.org

[᭗ 7B] ᭗ ᬳᬶᬲ᭄ᬢ᭄ᬭᬶᬫᬗᭀᬭᭀᬓ᭄ᬕᬸᬧᬸᬄ᭞ᬳᬶᬢᬸᬯᬭᬭᬶᬲ᭄ᬳᬗᬸᬘᬧ᭄᭞ᬕᬸᬲ᭄ᬢᬶᬳᬫ᭄ᬩᬶᬮᬂᬚ᭄ᬯᬢᬶ᭠ᬢ᭄ᬬᬂ᭟ᬩᬸᬮᬸᬦ᭄ᬳᬬᬫᬾᬦᬶᬓᬵᬦᬾᬩᬢᬸ᭞ᬳᬫ᭄ᬩᬶᬮ᭄ᬢᬶᬕᬂᬍᬫ᭄ᬩᬃ᭞ᬩᬓ᭄ᬢᬬᬂᬢᬶᬢ᭄ᬬᬂ ᬫᬭᬶᬓᬶ᭞ᬩᬕᬸᬲ᭄ᬤ᭄ᬬᬃᬱᬮᬯᬸᬢ᭄᭞ᬢᬸᬢᬸᬩᬥᬄᬳᬩᬵᬩᬸᬮᬸ᭞ᬢᬦᬓᬾ᭠ᬭᭀᬥᬄᬳᬗᬸᬘᬧ᭄᭞ᬩᬓ᭄ᬢᬓᬲᬗ᭄ᬕᬄᬫᬗ᭄ᬮᬯᬸᬢ᭄᭞ᬲ᭄ᬮᭂᬢᬂᬤᬶᬭᬳᬗ᭄ᬲᬗ᭄ᬕᬄ᭞᭠ ᬓᬫᬸᬮᬦᬾᬫᬸᬮᬸᬓᬚᬵ᭟ᬧᬸᬗ᭄ᬓᬸᬃᬯ᭄ᬓᬲ᭄ᬦᬯᬶᬕᬸᬲ᭄ᬢᬶᬓᬬᬸᬦ᭄᭞ᬓᬧᬗ᭄ᬕᬶᬄᬭᬶᬂᬢᬶᬢ᭄ᬬᬂ᭞ᬦᬶᬓᬵᬩᬸᬮᬸᬦᬾᬢᬸᬢᬸᬢᬶᬦ᭄᭞ᬮᬾᬩᬂᬤᬶᬫᬵᬃᬕ᭄ᬕᬦᬾᬳᬕᬸᬂ᭞ᬢᬸᬢᬸᬢᬶᬦ᭄ᬲᬧ ᬭᬦᬶᬧᬸᬦ᭄᭞ᬭᬯᬸᬄᬓᬓᬸᬗᬸᬦ᭄ᬢᬶᬢ᭄ᬬᬂᬗᬾ᭞ᬩᬕᬸᬲ᭄ᬤ᭄ᬬᬵᬃᬱᬫᬗ᭄ᬮᬯᬸᬢ᭄᭞ᬗᬩᬵᬓᬲᬗ᭄ᬕᬄᬜ᭄ᬮᭂᬢᬂ᭞ᬦ᭄ᬓᭂᬓᬂᬳᬧᬂᬤᬵᬳᬶᬮᬂ᭟ᬲᬕᬶᬦᬾᬲᬕᬾᬢᬦ᭄ᬲᬵ᭠ [᭘ 8A] ᬫ᭄ᬧᬸᬦ᭄ᬧᭂᬲᬸ᭞ᬩᬕᬸᬲ᭄ᬤ᭄ᬬᬵᬃᬱᬵᬗᬸᬘᬧ᭄᭞ᬦᬄᬓᬾᬫᬥᬳᬭᬦ᭄ᬓᬓᬶ᭞ᬳᬶᬢᬸᬯᬮᬶᬂᬦ᭄ᬬᬳᬮᬸᬲ᭄᭞ᬦᬸᬦᬲ᭄ᬲᬋᬂᬕᬸᬲ᭄ᬢᬶᬩᬕᬸᬲ᭄᭞ᬢᬸᬫᬸᬮᬶᬓᬮᬶᬄᬫᬤᬳᬃ᭞ᬦᬾ᭠ ᬳ᭄ᬮᬸᬄᬗᬬᬳᬶᬦ᭄ᬕᬸᬧᬸᬄ᭞ᬲᬵᬫ᭄ᬧᬸᬦ᭄ᬫᬜᬦ᭄ᬤᬗᬂᬲ᭄ᬤᬄ᭞ᬩᬕᬸᬲ᭄ᬤ᭄ᬬᬵᬃᬱᬳᬗᬸᬘᬧ᭄᭟ᬳᬤᬵᬧᬗᬶᬤᬶᬄᬳᬶᬤᬦᬾᬢᬫ᭄ᬬᬸ᭞ᬦᬾᬧᬦᬓ᭄ᬜᬳᬶᬦᬾ᭞ᬳᬶᬓᬓᬶᬤ᭠ ᬦᬾᬫᬗᬶᬤᬶᬄ᭞ᬤᭀᬭᬶᬤᭀᬭᬶᬬᬦ᭄ᬮᬫᬸᬦ᭄᭞ᬬᬾᬦ᭄ᬲᬸᬩᬵᬓ᭄ᬮᬶᬄᬦᬾᬳᬶᬤᬸᬧ᭄᭞ᬳᬶᬓᬓᬶᬩ᭄ᬯᬶᬦ᭄ᬗᬸᬮ᭄ᬬᬂ᭞ᬤᬦᬶᬲᬸᬤᬵᬚ᭄ᬜᬡᬫᬲᬳᬸᬢ᭄᭞ᬢᬶᬢ᭄ᬬᬂᬯᬦ᭄ᬢᬂᬫᬗᬶᬭᬶ ᬗᬂ᭞ᬢ᭄ᬯᬭᬵᬤᬧᬜ᭄ᬚᬂᬭᬭᬱᬦ᭄᭟ᬇᬥᭂᬧᬶᬭᬵᬫᬗᬶᬂᬲᬦᬂᬤᬶᬢᬸ᭞ᬳᬧᬗᬫ᭄ᬮᬓᬄ᭞ᬓᬧᬢᬸᬢᬦ᭄ᬭᬶᬂᬳᬶᬓᬓᬶ᭞ᬳᬧᬂᬫᬾᬗᭂᬃᬭᬶᬂᬮᬓᬸ᭞ᬳᬧᬂᬦᬯᬂᬓᬗᬶᬦ᭄ᬓ

Auto-transliteration

[7 7B] 7 histrimangorokgupuḥ, hituwararishangucap, gustihambilangjwati‐tyang. bulunhayamenikānebatu, hambiltigangl̥ĕmbar̀, baktayangtityang mariki, bagusdyar̀ṣalawut, tutubadhaḥhabābulu, tanake‐rodhaḥhangucap, baktakasanggaḥmanglawut, slĕtangdirahangsanggaḥ, ‐ kamulanemulukajā. pungkur̀wkasnawigustikayun, kapanggiḥringtityang, nikābulunetututin, lebangdimār̀gganehagung, tututinsapa ranipun, rawuḥkakunguntityangnge, bagusdyār̀ṣamanglawut, ngabākasanggaḥñlĕtang, nkĕkanghapangdāhilang. saginesagetansā‐ [8 8A] mpunpĕsu, bagusdyār̀syāngucap, naḥkemadhaharankaki, hituwalingnyahalus, nunassar̥ĕnggustibagus, tumulikaliḥmadahar̀, ne‐ hluḥngayahin'gupuḥ, sāmpunmañandangangsdaḥ, bagusdyār̀ṣahangucap. hadāpangidiḥhidanetamyu, nepanakñahine, hikakida‐ nemangidiḥ, doridoriyanlamun, yensubākliḥnehidup, hikakibwinngulyang, danisudājñaṇamasahut, tityangwantangmangiri ngang, twarādapañjangraraṣan. idhĕpirāmangingsanangditu, hapangamlakaḥ, kapatutanringhikaki, hapangmengĕr̀ringlaku, hapangnawangkanginka

Leaf 8

Image on Archive.org

[᭘ 8B] ᭘ ᬯᬸᬄ᭞ᬦᬶᬲᬸᬤᬵᬚ᭄ᬜᬡᬳᬗᬸᬘᬧ᭄᭞ᬩᬶᬦᬵᬧᬸᬦᬧᬶᬚᬓᬬᬸᬦ᭄᭞ᬕᬸᬲ᭄ᬢᬶᬭᬶᬂᬧᬫᬦᬄᬢᬶᬢ᭄ᬬᬂ᭞ᬢ᭄ᬯᬄᬧᬥᬢᬺᬱ᭄ᬩᬫᬧᬦᬓ᭄᭟ᬧᬥᬗᬮᬶᬄᬧᬚᬮᬦᬾ᭠ ᬧᬢᬸᬢ᭄᭞ᬘᬳᬶᬧᬦᬓ᭄ᬩᬧ᭞ᬳᬶᬭᬶᬗᬂᬓᬬᬸᬦ᭄ᬳᬶᬓᬓᬶ᭞ᬦᬾᬦᬶᬲ᭄ᬫᭂᬂᬫᬦ᭄ᬢᬸᬢ᭄᭞ᬳᬶᬯᬶᬭᬵᬘᬶᬢ᭄ᬣᬫᬲᬯᬸᬢ᭄᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬳᬶᬩᬧᬵ᭞ᬢᬸᬫᬸᬮᬶᬯᬸᬲᬦ᭄ᬫᬜᭂ ᬓᬸᬮ᭄᭞ᬓᬮᬶᬄᬫᬤᬳᬭᬦ᭄ᬲ᭄ᬤᬄ᭞ᬢᬶᬓᭂᬄᬕᬍᬗᬾᬓ᭄ᬩᬢᬂ᭟ᬳᬶᬩᬕᬸᬲ᭄ᬤ᭄ᬬᬵᬃᬱᬫᬫᬸᬜᬶᬳᬮᬸᬲ᭄᭞ᬓᬓᬶᬓᬤᬸᬮ᭄ᬯᬦ᭄᭞ᬫᬳᬢᬢᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭞᭠ ᬦᬾᬘᬳᬶᬯᬶᬭᬵᬢᬦᬸ᭞ᬦᬾᬤᬶᬦᬶᬘᬳᬶᬫᬢᬸᬭᬸ᭞ᬲᬋᬂᬜᬳᬶᬲᬸᬤᬵᬚ᭄ᬜᬡ᭞᭠ᬳᬦᬓᬾᬳᭀᬤᬄᬳᬗᬸᬘᬧ᭄᭟ᬜᬦᬦ᭄ᬳᬗᬦ᭄ᬩᬳᬸᬤᬯᬸᬄᬧᬶᬕᬸ᭞ᬮᬯᬸ [᭘ 9A] ᬢᬦ᭄ᬫᬚᬮᬦ᭄᭞ᬘᬳᬶᬩᬋᬂᬗᬚᬓ᭄ᬓᬓᬶ᭞ᬫᬚᬮᬦ᭄ᬫᬸᬂᬧᬸᬂᬤᬬᬸᬄ᭞ᬳᬧᬦ᭄ᬳᭂᬚᭀᬄᬲ᭄ᬮᬢ᭄ᬕᬸᬦᬸᬂ᭞ᬤᬶᬚᬮᬦ᭄ᬧᬦᬲᬾᬕ᭄ᬥᬾ᭞ᬢᬸᬫᬸᬮᬶᬓᬮᬶᬄᬫᬢᬸᬭᬸ᭞ᬲᬸᬩᬵ ᬳᬤᬵᬩᬸᬤᬲᬼᬫᬄ᭞ᬕᬮᬂᬩᬸᬮᬦ᭄ᬗᬮ᭄ᬫᬳᬂ᭟ᬳᬦᬓᬾᬳᭀᬤᬄᬩᬗᬸᬦ᭄ᬫᬦᬸᬦ᭄ᬤᬸᬦ᭄᭞ᬘᬳᬶᬯᬶᬭᬵᬘᬶᬢ᭄ᬢ᭞ᬚᬮᬦ᭄ᬓᬾᬫᬚᬮᬦ᭄ᬚᬦᬶ᭞ᬳᬶᬯᬶᬭᬵᬘᬶᬢ᭄ᬢᬩᬗᬸ ᬦ᭄᭞ᬗᭀᬚᭀᬕ᭄ᬓᬢᬦᬳᬾᬢᬸᬯᬸᬢ᭄᭞ᬫᬜᭀᬗ᭄ᬓᭀᬓ᭄ᬫᬳᬋᬧ᭄ᬓᬚᬵ᭞ᬫᬜᬸᬫ᭄ᬩᬄᬭᬶᬂᬩᬧᬵᬳᬶᬩᬸ᭞ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭞ᬫᬭᬾᬭᭀ᭠ ᬤ᭄ᬩᬋᬂᬗᬚᬦᬂ᭟ᬤᬶᬫᬃᬕ᭄ᬕᬦᬾᬲᬸᬯᬸᬂᬢᬶᬲ᭄ᬢᬶᬲ᭄ᬤᬬᬸᬄ᭞ᬲᬸᬩᬵᬮᬶᬯᬢ᭄ᬤᬾᬰ᭞ᬧᬚᬮᬦᬾᬩ᭄ᬦᭂᬄᬓᬗᬶᬦ᭄᭞ᬘᬭᬶᬓ᭄ᬳᬩ᭄ᬬᬦ᭄ᬓᬧᬸᬗ᭄ᬓᬹᬃ᭞ᬢ᭄ᬕᬮ᭄ᬧᬤᬲᬦ᭄ᬓᬮᬗ᭄ᬓᬸᬂ᭞ᬜᬸ᭠

Auto-transliteration

[8 8B] 8 wuḥ, nisudājñaṇahangucap, bināpunapijakayun, gustiringpamanaḥtityang, twaḥpadhatr̥ĕṣbamapanak. padhangaliḥpajalane‐ patut, cahipanakbapa, hiringangkayunhikaki, nenismĕngmantut, hiwirācitthamasawut, hinggiḥsandikanhibapā, tumuliwusanmañĕ kul, kaliḥmadaharansdaḥ, tikĕḥgal̥ĕngekbatang. hibagusdyār̀ṣamamuñihalus, kakikadulwan, mahatatansāmpunwĕngi, ‐ necahiwirātanu, nedinicahimaturu, sar̥ĕngñahisudājñaṇa, ‐hanakehodaḥhangucap. ñananhanganbahudawuḥpigu, lawu [8 9A] tanmajalan, cahibar̥ĕngngajakkaki, majalanmungpungdayuḥ, hapanhĕjoḥslatgunung, dijalanpanasegdhe, tumulikaliḥmaturu, subā hadābudasl̥ĕmaḥ, galangbulanngalmahang. hanakehodaḥbangunmanundun, cahiwirācitta, jalankemajalanjani, hiwirācittabangu n, ngojogkatanahetuwut, mañongkokmahar̥ĕpkajā, mañumbaḥringbapāhibu, tumulirarismajalan, marero‐ dbar̥ĕngngajanang. dimar̀gganesuwungtistisdayuḥ, subāliwatdeśa, pajalanebnĕḥkangin, carik'habyankapungkūr̀, tgalpadasankalangkung, ñu‐

Leaf 9

Image on Archive.org

[᭙ 9B] ᬚᬹᬃᬓᬯᬾᬭᬚᬗ᭄ᬕᬮᬵ᭞ᬕᬮᬂᬓᬗᬶᬦ᭄ᬓᭂᬤᬶᬲ᭄ᬳᬸᬫᬸᬂ᭞ᬢᬥᬰᬶᬄᬫ᭄ᬮᬲᬵᬃᬱ᭞ᬓᬾᬓᬾᬭᬾᬗᬢᬕ᭄ᬭᬳᬶᬦᬵ᭟ᬢᬸᬳᬸᬢᬸᬳᬸᬦᬾᬲᬯᬢ᭄ᬓᬭᬸᬗᬹ᭞ᬮᬯᬦ᭄ᬓᬾ ᬢᬾᬓᬾᬢᬾ᭞ᬘᬭᬸᬓ᭄ᬘᬸᬓ᭄ᬫᬸᬦᬶᬳᬗᬸᬘᬶ᭞ᬕᬸᬦᬸᬂᬓᬾᬮᬰᬵᬭᬦᬶᬧᬸᬦ᭄᭞ᬫᬵᬃᬕ᭄ᬕᬦᬾᬮᬶᬓᬤ᭄ᬫᭂᬦᬾᬓᬦ᭄᭞ᬳᬦᬓᬾᬳᭀᬘᬄᬜᬭᬸᬢ᭄ᬘᬸᬢ᭄᭞ᬢ᭄ᬯᬭ ᬲᬦ᭄ᬢᬸᬮᬦ᭄ᬫᬚᬮᬦ᭄᭞ᬗᬫ᭄ᬦᬾᬓᬶᬦ᭄ᬭᬾᬚᬾᬂᬧᬶᬮᬄ᭟ᬳᬶᬯᬶᬭᬵᬘᬶᬢ᭄ᬢᬗᬭᬤ᭄ᬤᬶᬧᬸᬗ᭄ᬓᬹᬃ᭞ᬫᬸᬜᬶᬦᬾᬤᬶᬫᬦᬄ᭞ᬳᬦᬓ᭄ᬳᭀᬥᬄᬓᬾᬦ᭄ᬓᬾᬜ᭄ᬚᬦᬶ᭞ᬫᬳᬶᬭᬶ ᬩ᭄ᬢᬦᬶᬩ᭄ᬭᬸᬂ᭞ᬫᬚᬮᬦ᭄ᬢᭀᬂᬳᬤᬵᬲᬦ᭄ᬢᬸᬮ᭄᭞ᬳᬯᬓᬾᬗᬹᬤᬵᬲᬭᬾᬫ᭄ᬧᬾ᭞ᬢᬸᬬᬸᬄᬳᬗ᭄ᬓᬶᬳᬦᬾᬗᬗ᭄ᬲᬹᬃ᭞ᬗᬫ᭄ᬦᬾᬓᬶᬦ᭄ᬭᬾᬚᬾᬂᬧᬶᬮᬄ᭞ᬲᬕᬾ [᭑᭐ 10A] ᬢᬦ᭄ᬢᭂᬓᭂᬤ᭄ᬤᬶᬧᬸᬘᬓ᭄᭟ᬮᬶᬗ᭄ᬕᬄᬳᬲᬄᬕᬸᬦᬸᬗᬾᬤᬶᬤᬸᬳᬹᬃ᭞ᬫᬓ᭄ᬚᬂᬫᬗᬸᬗᬂ᭞ᬲᬹᬃᬬ᭄ᬬᬦᬾᬩᬳᬸᬦ᭄ᬤᬤᬭᬶᬦ᭄᭞ᬫᬲᬧᬸᬢ᭄ᬲᬧᬸᬢ᭄ᬮᬶᬫᬸᬢ᭄᭞ᬲᬯᬢ᭄ᬧᬗᭂᬦ ᬳᬾᬤᬶᬢᬸ᭞ᬭᬱᬩᬸᬓᬵᬤᬶᬧᬗᬶᬧ᭄ᬬᬦ᭄᭞ᬲᬹᬃᬬ᭄ᬬᬦᬾᬲᬵᬫ᭄ᬧᬸᬦ᭄ᬳᬸᬫ᭄ᬢᬸ᭞ᬫᭀᬜ᭄ᬘᭀᬭᭀᬂᬢᬾᬚᬦᬾᬳᬩ᭄ᬭ᭞ᬤᬸᬫᬶᬮᬄᬜᬸᬮᬸᬳᬶᬦ᭄ᬚᬕᬢ᭄᭟ᬫᬭᬾ ᬭᬾᬦ᭄ᬫᬦ᭄ᬕᬓ᭄ᬤᬸᬳᬹᬃᬩᬢᬸ᭞ᬤᬶᬩᬢᬦ᭄ᬜᬫ᭄ᬩᬸᬦᬾ᭞ᬳᬦᬓᬾᬕᭀᬥᬄᬫᬫᬸᬜᬶ᭞ᬦᬾᬘᬳᬶᬳᬧᬂᬢᬳᬸ᭞ᬓᬓᬶᬤᭀᬂᬫᬦᬸᬱᬢᬸᬳᬸ᭞ᬓᬓᬶᬲᬂᬳ᭄ᬬᬂᬕᬸᬭᬸᬤᬾ᭠ ᬯ᭞ᬫᬧᬶᬦ᭄ᬥᬵᬚᬮ᭄ᬫᬵᬩᬸᬗ᭄ᬓᬸᬢ᭄᭞ᬢᬸᬫᬸᬮᬶᬫᬲᬮᬶᬦ᭄ᬯᬃᬡ᭄ᬦᬵ᭞ᬢ᭄ᬭᬶᬩᬬᬦᬵᬘᬢᬹᬃᬪᬹᬚᬵ᭟ᬳᬶᬯᬶᬭᬵᬘᬶᬢ᭄ᬣᬦᬶᬓᭂᬮ᭄ᬧᬶᬂᬢ᭄ᬮᬸ᭞ᬫᬾᬥᭂᬓ᭄ᬳᬗᬓ᭄ᬱᬫᬵ᭞ᬧᬤ

Auto-transliteration

[9 9B] jūr̀kawerajanggalā, galangkanginkĕdishumung, tadhaśiḥmlasār̀ṣa, kekerengatagrahinā. tuhutuhunesawatkarungū, lawanke tekete, carukcukmunihanguci, gunungkelaśāranipun, mār̀gganelikadmĕnekan, hanakehocaḥñarutcut, twara santulanmajalan, ngamnekinrejengpilaḥ. hiwirācittangaraddipungkūr̀, muñinedimanaḥ, hanak'hodhaḥkenkeñjani, mahiri btanibrung, majalantonghadāsantul, hawakengūdāsarempe, tuyuḥhangkihanengangsūr̀, ngamnekinrejengpilaḥ, sage [10 10A] tantĕkĕddipucak. linggaḥhasaḥgunungediduhūr̀, makjangmangungang, sūr̀yyanebahundadarin, masaputsaputlimut, sawatpangĕna heditu, raṣabukādipangipyan, sūr̀yyanesāmpunhumtu, moñcorongtejanehabra, dumilaḥñuluhinjagat. mare renman'gakduhūr̀batu, dibatanñambune, hanakegodhaḥmamuñi, necahihapangtahu, kakidongmanuṣatuhu, kakisanghyanggurude‐ wa, mapindhājalmābungkut, tumulimasalinwar̀ṇnā, tribayanācatūr̀bhūjā. hiwirācitthanikĕlpingtlu, medhĕk'hangakṣamā, pada

Leaf 10

Image on Archive.org

[᭑᭐ 10B] ᭑᭐ ᬪᬝᬵᬭᬦᬾᬳᬲᬶᬄ᭞ᬭᬶᬂᬳᬶᬦᬵᬢᬸᬦᬵᬓᭀᬮᬸᬕ᭄᭞ᬢᬦ᭄ᬯ᭄ᬭᬸᬄᬳᬶᬂᬲᭀᬃᬧᬗᬮᬸᬳᬹᬃ᭞ᬳᬧᬦ᭄ᬫᬦᬸᬱᬚᬢᬶᬦᬾ᭞ᬮᬶᬗᬶᬭᬵᬲᬂᬳ᭄ᬬᬂᬢᬫᬸᬯᬸᬲ᭄᭞ᬓ ᬭᬡᬳᬶᬗ᭄ᬲᬸᬦ᭄ᬧᬶᬦ᭄ᬥᬵᬚᬦ᭄ᬫᬵ᭞ᬢᬸᬫᬸᬢᬸᬦᬶᬂᬫᬥ᭄ᬬᬮᭀᬓᬵ᭟ᬳᬋᬳᭀᬳᬯᬲ᭄ᬧᬤᬵᬓ᭄ᬦᬵᬮᬦᬸ᭞ᬲᭀᬮᬳᬶᬂᬫᬦᬸᬱ᭞ᬳᬶᬓᬂᬥᬃᬫ᭄ᬫᬮᬯᬦ᭄ᬤ᭄ᬭᭀᬯᬶ᭞᭠ ᬲᬵᬫ᭄ᬧᬸᬦ᭄ᬧᬥᬓᬤᬸᬮᬸ᭞ᬭᬫᬵᬫᬸᬥᬃᬫ᭄ᬫᬳᬦᬸᬮᬸᬲ᭄᭞ᬮᬄᬓᬶᬢᬫ᭄ᬭᬶᬂᬰ᭄ᬯᬃ᭠ᬕ᭄ᬕᬫᬗ᭄ᬓᬾ᭞ᬳᬶᬯᬶᬭᬵᬘᬶᬢ᭄ᬢᬯᭀᬢ᭄ᬲᬦ᭄ᬢᬸᬦ᭄᭞ᬢᬦ᭄ᬩᬶᬱᬧᬝᬶᬓ᭄ᬪᬝᬵᬭ᭞ᬳ᭠ ᬤᬮᬦ᭄ᬗᬫ᭄ᬩᬭᬫᬥ᭄ᬬ᭟ᬮᬶᬗᬶᬭᬪᬝᬵᬭᬳᬶᬓᬶᬤᬸᬮᬸᬢᬗᬦ᭄ᬓᬸᬢᬧᬭᬦ᭄᭞ᬓᬢᭀᬦᬤᬾᬦᬶᬂᬫᬸᬫᬗ᭄ᬓᬾ᭞ᬳᬶᬯᬶᬭᬘᬶᬢᬵᬦ᭄ᬤᬸᬮᬸ᭞ᬲᬓ᭄ᬱᬦᬓᬢᭀ [᭑᭑ 11A] ᬦᬵᬢᬸᬜ᭄ᬚᬸᬂ᭞ᬮᬄᬳᬶᬓᬶᬕᬫ᭄ᬮᬦ᭄ᬫᬗ᭄ᬓᬾ᭞ᬳᬶᬯᬶᬭᬵᬘᬶᬢ᭄ᬢᬯᭀᬢ᭄ᬲᬦ᭄ᬢᬸᬦ᭄᭞ᬳᬦ᭄ᬤᬵᬧᬶᬦᬶᬂᬧᬗ᭄ᬓᬚᬵ᭞ᬩ᭄ᬬᬓ᭄ᬢᬢᬲᬮᬶᬦ᭄ᬲᬭᬶᬭ᭟ᬦ᭄ᬳᭂᬃᬮᬸᬫᬫ᭄ᬧᬄᬫᬹᬃᬯ᭄ᬯ᭠ ᬳ᭄ᬬᬂᬕᬸᬭᬸ᭞ᬳᬤᬮᬦ᭄ᬗᬫ᭄ᬩᬭᬵ᭞ᬳᬶᬯᬶᬭᬵᬘᬶᬢ᭄ᬢᬵᬦᬾᬂᬯᬸᬭᬶ᭞ᬫᬼᬘᬢ᭄ᬳᬯᭀᬃᬭᬶᬂᬳᬫ᭄ᬩᬸᬩᬸ᭞ᬳᬶᬮᬂᬓᬢᭀᬦ᭄ᬓᬂᬤᬶᬦᬸᬮᬸ᭞ᬳᬦᬢᬸᬶᬲᬮᬸᬳᬸᬃᬢᬫᬗ᭄ᬓᬾ᭞ᬓ ᬢᭀᬦᬶᬂᬧᬹᬃᬯ᭄ᬯᬲᬸᬫᬸᬦᬸ᭞ᬓᬂᬰ᭄ᬯᬃᬕ᭄ᬕᬭᬶᬂᬰᬶᬯᬧᬥ᭞ᬢᬾᬚᬦᬾᬳᬩ᭄ᬭᬤᬸᬫᬶᬮᬄ᭟ᬲᬂᬲᬧ᭄ᬢᬋᬱᬶᬳᬤᬸᬮᬹᬃᬤᬸᬮᬹᬃ᭞ᬳᬫᬧᬕ᭄ᬪᬝᬵᬭ᭞ᬯᬶᬥ᭄ᬬᬥᬭᬯᬶᬥ᭄ᬬ᭠ ᬥᬭᬶ᭞ᬲᬧ᭄ᬢᬲ᭄ᬯᬭᬕᬸᬫᬸᬭᬸᬄ᭞ᬲᬗ᭄ᬓᬘᬶᬢ᭄ᬭᬦᬶᬂᬕᬭᬦ᭄ᬢᬸᬂ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬩᬜ᭄ᬘᬶᬗᬄ᭞ᬳᬮᬶᬗ᭄ᬕᬶᬄᬳ᭄ᬬᬂᬤᬾᬯᬕᬸᬭᬸ᭞ᬭᬶᬂᬧᬥ᭄ᬫᬵᬫᬡᬶᬓ᭄ᬲᬸᬢᬾᬚᬵ

Auto-transliteration

[10 10B] 10 bhaṭāranehasiḥ, ringhinātunākolug, tanwruḥhingsor̀pangaluhūr̀, hapanmanuṣajatine, lingirāsanghyangtamuwus, ka raṇahingsunpindhājanmā, tumutuningmadhyalokā. har̥ĕhohawaspadāknālanu, solahingmanuṣa, hikangdhar̀mmalawandrowi, ‐ sāmpunpadhakadulu, ramāmudhar̀mmahanulus, laḥkitamringśwar̀‐ggamangke, hiwirācittawotsantun, tanbiṣapaṭikbhaṭāra, ha‐ dalanngambaramadhya. lingirabhaṭārahikidulutangankutaparan, katonadeningmumangke, hiwiracitāndulu, sakṣanakato [11 11A] nātuñjung, laḥhikigamlanmangke, hiwirācittawotsantun, handāpiningpangkajā, byaktatasalinsarira. nhĕr̀lumampaḥmūr̀wwa‐ hyangguru, hadalanngambarā, hiwirācittānengwuri, ml̥ĕcat'hawor̀ringhambubu, hilangkatonkangdinulu, hanatuisaluhur̀tamangke, ka toningpūr̀wwasumunu, kangśwar̀ggaringśiwapadha, tejanehabradumilaḥ. sangsaptar̥ĕsyihadulūr̀dulūr̀, hamapagbhaṭāra, widhyadharawidhya‐ dhari, saptaswaragumuruḥ, sangkacitraninggarantung, sampunpraptāringbañcingaḥ, halinggiḥhyangdewaguru, ringpadhmāmaṇiksutejā

Leaf 11

Image on Archive.org

[᭑᭑ 11A] ᭑᭑ ᭞ᬧᬶᬦᬋᬓᬶᬂᬯᬶᬥ᭄ᬬᬥᬭ᭟ᬲᬂᬲᬧ᭄ᬢᬋᬱᬶᬳᬯᭂᬥᬕᬸᬫᬸᬂ᭞ᬧᬥᬗᬲ᭄ᬢᬸᬗ᭄ᬓᬭᬵ᭞ᬮᬄᬤᬸᬤᬸᬲᭂᬦ᭄ᬋᬓᬾᬳᬶᬓᬶ᭞ᬤᬶᬤᬶᬦᬾᬫᬭᬶᬓᬂᬍᬢᬸᬄ᭞ᬯ᭄ᬦᬂᬳᬦᬲᬧ᭠ ᬮᬸᬗ᭄ᬕᬸᬄ᭞ᬓᬮᬯᬦ᭄ᬯᬶᬥ᭄ᬬᬥᬭᬦᬾ᭞ᬲᬂᬲᬧ᭄ᬢᬵᬋᬱᬶᬳᬦᬸᬯᬸᬦ᭄᭞ᬢᬸᬫᬸᬮᬶ᭠ᬕᬶᬦᬯᬭᬶᬂᬮ᭄ᬯᬄ᭞ᬲᬸᬭᬦᬥᬶᬕ᭄ᬮᬶᬲ᭄‌ᬤᬶᬦ᭄ᬬᬸᬲᬦ᭄᭟ᬩᬶᬦᬺᬱᬶᬳᬦ᭄ᬭᬭᬶᬲ᭄ᬓᬵ᭠ ᬚᬓ᭄ᬫᬦ᭄ᬢᬸᬓ᭄᭞ᬯᬸᬲ᭄ᬚᬦᬬᬚᬬ᭞ᬲᬧᬭᬶᬓ᭄ᬭᬫᬯᬸᬲ᭄ᬧ᭄ᬭᬧ᭄ᬢᬶ᭞ᬲᬵᬳᬵᬫᬺᬢ᭄ᬢᬳᬗᬶᬦᬸᬫ᭄᭞ᬪᬶᬦᬰ᭄ᬫᬤᬾᬭᬲᬂᬪᬶᬓ᭄ᬱᬸ᭞ᬚᬢᬶᬯᬶᬥ᭄ᬬᬥᬭᬫᬗ᭄ᬓᬾ᭞ᬳᬲᬮᬶ ᬦ᭄ᬭᬸᬧᬦᬾᬩᬕᬸᬲ᭄᭞ᬦᬶᬢ᭄ᬬᬱᬲᬧᬕᬸᬦᭂᬫᬦ᭄᭞ᬓᬮᬯᬦ᭄ᬲᬂᬯᬶᬥ᭄ᬬᬥᬭᬵ᭟ᬩᬕᬸᬲ᭄ᬤᬶᬳᬵᬃᬱᬚᬦᬶᬓᬯᬸᬯᬸᬲ᭄᭞ᬫ᭄ᬯᬂᬦᬶᬲᬸᬤᬚ᭄ᬜᬡ᭞ᬩᬳ [᭑᭒ 12A] ᬦ᭄ᬧᬦᬓᬾᬗᬮᬳᬶᬦ᭄᭞ᬢ᭄ᬯᬭᬫᬗ᭄ᬮᬄᬲᬸᬗ᭄ᬲᬸᬢ᭄᭞ᬢᬸᬯᬶᬧᬕᭂᬄᬥᬃᬫ᭄ᬫᬢᬸᬳᬸ᭞ᬗᬸᬶᬫᬲᬶᬄᬩᬸᬓᬵᬦᬾᬦᬾᬲᬸᬩᬵ᭞ᬚᬸᬫᬄᬧᬓ᭄ᬤᬾᬓ᭄ᬧᬓ᭄ᬜᬸᬂᬳᬤᬵᬕᬳᬾ ᬫᬕᬭᬧᬦ᭄᭞ᬳᬗᬶᬂᬢᬺᬱ᭄ᬡᬦᬾᬓᬮᬶᬦ᭄ᬢᬂ᭟ᬳᬶᬯᬶᬭᬘᬶᬢ᭄ᬢᬚᬦᬶᬓᬯᬸᬯᬸᬲ᭄᭞ᬦᭀᬦ᭄ᬢᭀᬦᬶᬓᬂᬰ᭄ᬯᬃᬕ᭄ᬕᬦ᭄᭞ᬲᬸᬓᬵᬢᬦ᭄ᬧᬩᬮᬶᬓ᭄ᬭᬸᬗᬶᬢ᭄᭞ᬧ᭄ᬭᬬᬗ᭄ᬮᬂ᭠ ᬮᬂᬓᬸᬮᬗᬸᬦ᭄᭞ᬳᬤᭀᬄᬤᬾᬦᬶᬭᬵᬮᬸᬫᬓᬸ᭞ᬦᭀᬦ᭄ᬢᭀᬦ᭄ᬦᬶᬓᬂᬯᬃᬕ᭄ᬕᬫᬗ᭄ᬓᬾ᭞ᬳᬦᬢᬰ᭄ᬯᬃᬕ᭄ᬕᬓᬤᬸᬮᬸ᭞ᬰ᭄ᬯᬃᬕ᭄ᬕᬧᬸᬢᬶᬄᬳᬦᬾᬂᬧᬹᬃᬯ᭄ᬯ᭞ᬫᬾᬭᬸᬦ᭄ᬬ᭠ ᬳᬢᬸᬫ᭄ᬧᬂᬲᬗ᭄ᬳᬵ᭟ᬳᬢᭂᬧ᭄ᬦ᭄ᬬᬲᬮᬓᬧᬸᬢᬶᬄᬳᬮᬸᬲ᭄᭞ᬮᬮᬾᬬᬦ᭄ᬲᬮᬓᬵ᭞ᬳᬸᬮᬧᬸᬮᬧ᭄ᬲᬃᬯ᭄ᬯᬧᬸᬢᬶᬄ᭞ᬇᬰ᭄ᬯᬭᬧᬪᬵᬭᬦᬶᬧᬸᬦ᭄᭞ᬓᬳ᭄ᬬ

Auto-transliteration

[11 11A] 11 , pinar̥ĕkingwidhyadhara. sangsaptar̥ĕsyihawĕdhagumung, padhangastungkarā, laḥdudusĕnr̥ĕkehiki, didinemarikangl̥ĕtuḥ, wnanghanasapa‐ lungguḥ, kalawanwidhyadharane, sangsaptār̥ĕsyihanuwun, tumuli‐ginawaringlwaḥ, suranadhiglisdinyusan. binr̥ĕsyihanrariskā‐ jakmantuk, wusjanayajaya, saparikramawusprapti, sāhāmr̥ĕttahanginum, bhinaśmaderasangbhiksyu, jatiwidhyadharamangke, hasali nrupanebagus, nityaṣasapagunĕman, kalawansangwidhyadharā. bagusdihār̀ṣajanikawuwus, mwangnisudajñaṇa, baha [12 12A] npanakengalahin, twaramanglaḥsungsut, tuwipagĕḥdhar̀mmatuhu, nguimasiḥbukānenesubā, jumaḥpakdekpakñunghadāgahe magarapan, hangingtr̥ĕṣṇanekalintang. hiwiracittajanikawuwus, nontonikangśwar̀ggan, sukātanpabalikrungit, prayanglang‐ langkulangun, hadoḥdenirālumaku, nontonnikangwar̀ggamangke, hanataśwar̀ggakadulu, śwar̀ggaputiḥhanengpūr̀wwa, merunya‐ hatumpangsanghā. hatĕpnyasalakaputiḥhalus, laleyansalakā, hulapulapsar̀wwaputiḥ, iśwarapabhāranipun, kahya

Leaf 12

Image on Archive.org

[᭑᭒ 12B] ᭑᭒ ᬦ᭄ᬢ᭄ᬬᬂᬰ᭄ᬯᬭᬳᬶᬓᬸ᭞ᬳᬸᬮᬶᬳᬦ᭄ᬲᬂᬲᬢ᭄ᬬᬩ᭄ᬭᬢ᭄ᬣ᭞ᬳᬦᬵᬢᬫᬮᬶᬄᬓᬤᬸᬮᬸ᭞ᬭᬶᬂᬤᬓ᭄ᬱᬶᬡᬲᬃᬯ᭄ᬯᬫᬶᬭᬄ᭞ᬫᬾᬭᬸᬦ᭄ᬬᬳᬢᬸᬫ᭄ᬧᬂᬲᬗ᭄ᬳᬵ᭟ᬳᬫ᭄ᬧᬓ᭄ᬮ ᬮᬾᬬᬦ᭄ᬬᬳ᭄ᬫᬵᬲ᭄ᬢᬢᬢᬹᬃ᭞ᬢᬾᬚᬦ᭄ᬬᬤᬸᬫᬶᬮᬄ᭞ᬭᬶᬂᬩᬸᬤ᭄ᬥᬵᬮᭀᬓᬵᬭᬦᬶᬓᬶ᭞᭠ᬓᬳ᭄ᬬᬗᬦ᭄ᬳ᭄ᬬᬂᬫᬳᬵᬤᬾᬯᬳᬶᬓᬸ᭞ᬳᬸᬮᬶᬳᬦ᭄ᬲᬂᬩ᭄ᬭᬢ᭄ᬢᬦᬸᬮᬸᬲ᭄᭞ᬳᬬ᭠ ᬰᬲᬃᬯ᭄ᬯᬤᬺᬯᬾᬦᬾ᭞ᬳᬦᬢᬫᬮᬶᬄᬓᬤᬸᬮᬸ᭞ᬰ᭄ᬯᬃᬕ᭄ᬕᬇᬋᬂᬭᬶᬂᬉᬢ᭄ᬢᬭᬵ᭞ᬫᬾᬭᬸᬯ᭄ᬲᬶᬢᬸᬫ᭄ᬧᬂᬲᬗ᭄ᬳᬵ᭟ᬢᬫ᭄ᬧᬓ᭄ᬮᬮᬾᬬᬦ᭄ᬬᬯ᭄ᬲᬶᬳᬮᬸᬲ᭄᭞ᬭᬶᬂᬯᬶᬱ᭄ᬡᬸ ᬪᬯᬡ᭞ᬓᬳ᭄ᬬᬗᬦ᭄ᬪᬝᬵᬭᬳᬭᬶ᭞ᬳᬸᬮ᭄ᬬᬦ᭄ᬲᬂᬳᬓᬃᬬ᭄ᬬᬳᬬᬸ᭞ᬢ᭄ᬕᬸᬄᬳᬭᬱᬾᬂᬓᬬᬸᬦ᭄᭞ᬪᬓ᭄ᬢᬶᬫ᭄ᬭᬶᬳᬓ᭄ᬦᬶᬂᬢᬸᬳᬦ᭄᭞ᬳᬦᬢᬫᬮᬶᬄᬓᬤᬸ᭠ [᭑᭓ 13A] ᬮᬸ᭞ᬰ᭄ᬯᬃᬕ᭄ᬕᬵᬪᬶᬭᬸᬭᬶᬂᬐᬃᬲᬦ᭄ᬬ᭞ᬫᬾᬭᬸᬦ᭄ᬬᬩᬶᬭᬸᬤᬸᬫᬶᬮᬄ᭟ᬢᬸᬫ᭄ᬧᬂᬲᬗ᭄ᬳᬵᬳᬢᭂᬧ᭄ᬦ᭄ᬬᬧᬭᬸᬗ᭄ᬕᬸ᭞ᬢᬫ᭄ᬧᬓ᭄ᬮᬮᬾᬬᬦ᭄ᬬ᭞ᬧᬭᬸᬗ᭄ᬕᬸᬳᬜᬃᬲᬶᬦᬗ᭄ᬮᬶᬂᬓᬶ ᬭᬶᬲᬓᬶᬂᬮᬫ᭄ᬩᬬᬸᬂ᭞ᬓᬳ᭄ᬬᬗᬦ᭄ᬪᬝᬵᬭᬲᬵᬫ᭄ᬩᬸ᭞ᬧᬳᬸᬮᬶᬳᬦ᭄ᬲᬂᬳᬓᬃᬬ᭄ᬬ᭞᭠ᬦᬶᬢᬶᬓ᭄ᬫᬕᬯᬾᬭᬳᬬᬸ᭞ᬳᬦᬵᬫᬮᬶᬄᬓᬢᭀᬦ᭄‌ᬰ᭄ᬯᬃᬕ᭄ᬕᬵ᭞ᬭᬶᬂᬖ᭄ᬦᬾ᭠ ᬬᬰ᭄ᬯᬃᬕ᭄ᬕᬕᬗ᭄ᬲᬵ᭟ᬫᬾᬭᬸᬢᬸᬫ᭄ᬧᬂᬲᬗ᭄ᬳᬵᬕᬸᬗᬮᬸᬳᬹᬃ᭞ᬳᬭᬶᬂᬭᬶᬂᬮᬫ᭄ᬩᬬ᭞ᬓᬯᬰᬫᬗ᭄ᬓᬾᬫᬘᬺᬫᬶ᭞ᬭᬶᬂ᭄ᬤ᭄ᬭᬧᬥᬳᬶᬓᬸ᭞ᬓᬳ᭄ᬬᬗᬦ᭄ᬳ᭄ᬬᬂᬇᬰ᭄ᬯ ᬭᬵᬳᬶᬓᬸ᭞ᬳᬸᬮᬶᬳᬦᬶᬭᬲᬂᬭᬭᬵ᭞ᬰᬸᬘᬶᬫ᭄ᬯᬂᬚᬚᬓᬵᬳᬶᬓᬸ᭞ᬧᬶᬦᬓᬓᭂᬫ᭄ᬩᬗᬶᬂᬓᬾᬦ᭄ᬤ᭄ᬭᬦ᭄᭞ᬯᬦ᭄ᬢᭂᬦ᭄ᬫᬮᬶᬄᬓᬢᭀᬦ᭄ᬰ᭄ᬯᬃᬕ᭄ᬕᬵ᭟ᬭᬶᬂᬦᬾᬭᬶᬢᬶᬰ᭄ᬯᬃᬕ᭄ᬕ

Auto-transliteration

[12 12B] 12 ntyangśwarahiku, hulihansangsatyabrattha, hanātamaliḥkadulu, ringdaksyiṇasar̀wwamiraḥ, merunyahatumpangsanghā. hampakla leyanyahmāstatatūr̀, tejanyadumilaḥ, ringbuddhālokāraniki, ‐kahyanganhyangmahādewahiku, hulihansangbrattanulus, haya‐ śasar̀wwadr̥ĕwene, hanatamaliḥkadulu, śwar̀gga'ir̥ĕngringuttarā, meruwsitumpangsanghā. tampaklaleyanyawsihalus, ringwiṣṇu bhawaṇa, kahyanganbhaṭārahari, hulyansanghakar̀yyahayu, tguḥharasyengkayun, bhaktimrihakningtuhan, hanatamaliḥkadu‐ [13 13A] lu, śwar̀ggābhiruringair̀sanya, merunyabirudumilaḥ. tumpangsanghāhatĕpnyaparunggu, tampaklaleyanya, parungguhañar̀sinanglingki risakinglambayung, kahyanganbhaṭārasāmbu, pahulihansanghakar̀yya, ‐nitikmagawerahayu, hanāmaliḥkatonśwar̀ggā, ringghne‐ yaśwar̀ggagangsā. merutumpangsanghāgungaluhūr̀, haringringlambaya, kawaśamangkemacr̥ĕmi, ringdrapadhahiku, kahyanganhyangiśwa rāhiku, hulihanirasangrarā, śucimwangjajakāhiku, pinakakĕmbangingkendran, wantĕnmaliḥkatonśwar̀ggā. ringneritiśwar̀gga

Leaf 13

Image on Archive.org

[᭑᭓ 13B] ᭑᭓ ᬓᬂᬤᬶᬦᬸᬮᬸ᭞ᬫᬾᬭᬸᬢᬸᬫ᭄ᬧᬂᬲᬗ᭄ᬳᬵ᭞ᬲᬫᬵᬢᬾᬧ᭄ᬦ᭄ᬬᬤᬾᬦᬶᬂᬲᬵᬭᬶ᭞ᬓᬸᬦᬶᬂ᭠ᬲᬫᬵᬮᬦ᭄ᬫᬵᬲ᭄ᬢᬢᬹᬃ᭞ᬕᬦ᭄ᬥᬦ᭄ᬬᬲᬫᬹᬃᬫ᭄ᬭᬶᬓ᭄ᬳᬭᬹᬫ᭄᭞ᬘᬡ᭄ᬥᬡᬕᬂᬭᬮᬦ᭄ᬩᬸᬭᬵ ᬢ᭄᭞ᬓᬵᬲ᭄ᬢᬸᬭᬶᬓᬸᬫ᭄ᬓᬸᬫᬦᬵᬭᬹᬫ᭄᭞ᬭᬶᬂᬢᬭᬧᬤᬳᬭᬦ᭄ᬬ᭞ᬓᬳ᭄ᬬᬗ᭠ᬦ᭄ᬪᬝᬵᬭᬮᬸᬤᬺ᭟ᬳᬸᬮᬶᬳᬦᬶᬭᬲᬂᬗ᭄ᬕᭂᬮᭂᬂᬢᬦᬸ᭞ᬰᬹᬭᬭᬶᬂᬮᬓ᭄ᬱᬡ᭞ᬲᬢ᭄ᬬᬾᬂ ᬳᬸᬚᬃᬯ᭄ᬭᬸᬳᬾᬂᬳᬚᬶ᭞ᬳᬦᬫᬮᬶᬄᬓᬤᬸᬮᬸ᭞ᬭᬶᬂᬯᬬᬩ᭄ᬬᬧᬺᬡᬄᬳᬶᬧᬸᬦ᭄᭞ᬰ᭄ᬯᬃᬕ᭄ᬕᬕᬗ᭄ᬰᬢᬸᬫ᭄ᬧᬂᬲᬗ᭄ᬳᬵ᭞ᬳᬢᭂᬧ᭄ᬕᬗ᭄ᬲᬵᬕᬸᬗᬮᬸᬳᬹᬃ᭞ᬳᬕᬜ᭄ᬚᬭᬦ᭄ᬲᬵᬃᬯ᭄ᬯ ᬓᭂᬫ᭄ᬩᬂ᭞ᬮᬶᬦ᭄ᬢᬂᬳᬍᬧ᭄ᬢᬶᬦᬶᬗ᭄ᬳᬮᬦ᭄᭟ᬭᬶᬂᬯᬶᬮᬵᬲᬢ᭄ᬬᬧᬦᭂᬗ᭄ᬕᬶᬄᬳᬶᬧᬸᬦ᭄᭞᭠ᬓᬳ᭄ᬬᬗᬦ᭄ᬲᬂᬭᬭ᭞ᬳᬸᬮ᭄ᬬᬦ᭄ᬲᬂᬲᬢ᭄ᬬᬭᬶᬂᬮᬓᬶ᭞ᬫ᭄ᬯᬂᬭᬶᬂᬯᬘᬦᬵᬳᬶᬓᬸ᭞ [᭑᭔ 14A] ᬓᬂᬰ᭄ᬯᬃᬕ᭄ᬕᬧᬸᬦ᭄ᬬᬭᬶᬂᬮᬸᬳᬹᬃ᭞ᬢᬦ᭄ᬲᬫᬵᬳᬶᬂᬰ᭄ᬯᬃᬕ᭄ᬕᬓᬗᬾᬸᬶᬩᬄ᭞ᬳᬦᬾᬂᬫᬥ᭄ᬬᬧᬺᬡᬄᬳᬶᬧᬸᬦ᭄᭞ᬫᬾᬭᬸᬳᬢᬸᬫ᭄ᬧᬂᬲᬯ᭄ᬮᬲ᭄᭞ᬳᬾᬩᬾᬓ᭄ᬤᬾᬦᬶᬂᬲᬵᬃᬯ᭄ᬯ ᬭᬵᬢ᭄ᬦᬵ᭟ᬳᬢᬾᬧ᭄ᬦ᭄ᬬᬤᬾᬦᬶᬂᬭᬵᬢ᭄ᬦᬲᬸᬫᬸᬦᬹ᭞ᬭᬶᬦ᭄ᬢᬾᬦ᭄ᬭᬶᬂᬧᬸᬘᬓᬾ᭞ᬫᬭᬶᬂᬭᬶᬂᬓᭀᬫᬮᬵᬫᬥ᭄ᬯᬶ᭞ᬳᬸᬍᬲ᭄ᬤᬾᬯᬗ᭄ᬕᬳᬮᬸᬲ᭄᭞ᬓᬢᭀᬦ᭄ᬤᬸᬫᬶᬮᬄᬤᬺᬫᬸᬭᬸ ᬩ᭄᭞ᬳᬕᬜ᭄ᬚᬭᬦ᭄ᬲᬵᬃᬯ᭄ᬯᬵᬓᭂᬫ᭄ᬩᬂ᭞ᬢᬶᬦᬢᬩᬶᬂᬩᬸᬓᬸ᭞ᬳᬜ᭄ᬚ᭄ᬭᬄᬲ᭄ᬓᬃᬢᬂᬰ᭄ᬭᬷᬥᬡ᭄ᬝᬵ᭞ᬭᬸᬭᬸᬭᬶᬦᬩᬲᬶᬂᬓᬸᬫ᭄ᬩᬂ᭟ᬯᬶᬥ᭄ᬬᬥᬭᬯᬶᬥ᭄ᬬᬥᬭᬶᬳᬶᬓᬸ᭞ᬳ᭠ ᬦᬫ᭄ᬧᬵᬧᬬᬳᬦ᭄᭞ᬧᬥᬗᬬᬧ᭄ᬳᬲᬗ᭄ᬕᬦᬶ᭞ᬭᬫ᭄ᬬᬳᬕᬫ᭄ᬩᭂᬮ᭄ᬳᬗᬶᬗᬶᬤᬸᬂ᭞ᬧᬥᬫᬶᬦ᭄ᬢᭀᬦᬂᬧᬸᬶᬓᬯᭂᬭᬸᬄ᭞ᬧᬥᬓᬧ᭄ᬭᬚ᭄ᬜᬦ᭄ᬬᬫᬗ᭄ᬓᬾ᭞ᬭᬶᬂᬰᬶᬯᬵ

Auto-transliteration

[13 13B] 13 kangdinulu, merutumpangsanghā, samātepnyadeningsāri, kuning‐samālanmāstatūr̀, gandhanyasamūr̀mrik'harūm, caṇdhaṇagangralanburā t, kāsturikumkumanārūm, ringtarapadaharanya, kahyanga‐nbhaṭāraludr̥ĕ. hulihanirasangnggĕlĕngtanu, śūraringlakṣaṇa, satyeng hujar̀wruhenghaji, hanamaliḥkadulu, ringwayabyapr̥ĕṇaḥhipun, śwar̀ggagangśatumpangsanghā, hatĕpgangsāgungaluhūr̀, hagañjaransār̀wwa kĕmbang, lintanghal̥ĕptininghalan. ringwilāsatyapanĕnggiḥhipun, ‐kahyangansangrara, hulyansangsatyaringlaki, mwangringwacanāhiku, [14 14A] kangśwar̀ggapunyaringluhūr̀, tansamāhingśwar̀ggakangeuibaḥ, hanengmadhyapr̥ĕṇaḥhipun, meruhatumpangsawlas, hebekdeningsār̀wwa rātnā. hatepnyadeningrātnasumunū, rintenringpucake, maringringkomalāmadhwi, hul̥ĕsdewanggahalus, katondumilaḥdr̥ĕmuru b, hagañjaransār̀wwākĕmbang, tinatabingbuku, hañjraḥskar̀tangśrīdhaṇṭā, rururinabasingkumbang. widhyadharawidhyadharihiku, ha‐ nampāpayahan, padhangayap'hasanggani, ramyahagambĕlhangingidung, padhamintonangpuikawĕruḥ, padhakaprajñanyamangke, ringśiwā

Leaf 14

Image on Archive.org

[᭑᭔ 14B] ᭑᭔ ᬮᭀᬓᬵᬭᬦᬶᬧᬸᬦ᭄᭞ᬓᬳ᭄ᬬᬗᬦ᭄ᬪᬝᬵᬭᬰᬶᬯ᭄ᬯᬵ᭞ᬳᬸᬮᬶᬳᬦ᭄ᬲᬂᬧᬶᬦᬦ᭄ᬤᬶ᭠ᬢᬵ᭟ᬲᬓ᭄ᬢᬶᬫᭀᬮᬶᬄᬩ᭄ᬭᬢ᭄ᬣᬧᬦᬸᬮᬸᬲ᭄᭞ᬢᬢᬲ᭄ᬭᬶᬂᬓᬫᭀᬓ᭄ᬱᬦ᭄᭞ᬳ ᬦᬓᬢᭀᬦ᭄ᬰ᭄ᬯᬃᬕ᭄ᬕᬫᬮᬶᬄ᭞ᬮᭀᬃᬯᬾᬢᬦ᭄ᬧᬺᬡᬄᬳᬶᬧᬸᬦ᭄᭞ᬫᬾᬭᬸᬢᬸᬫ᭄ᬧᬂᬲᭀᬮᬲ᭄ᬳᬕᬸᬂ᭞ᬳᬤᬺᬩᬶᬦᬭᬓᬶᬂᬫᬶᬭᬄ᭞ᬭᬳᬶᬦᬯ᭄ᬗᬶᬳᬸᬫᬸᬭᬸᬩ᭄᭞ᬕᭀᬧᬸ᭠ ᬭᬦᬶᬓᬓᬸᬫ᭄ᬜᬃ᭞ᬢ᭄ᬓᬦᬶᬂᬭᬫ᭄ᬧᬓ᭄ᬮᬮᬾᬬᬦ᭄᭟ᬓᬳ᭄ᬬᬗᬦ᭄ᬳ᭄ᬬᬂᬰᬭᬲ᭄ᬯᬢᬶᬳᬶᬓᬸ᭞ᬳᬸᬮᬶᬳᬦ᭄ᬲᬂᬧ᭄ᬭᬚ᭄ᬜᬦ᭄᭞ᬓᬺᬢ᭄ᬣᬯᬶᬲ᭄ᬬᬯ᭄ᬭᬸᬳᬶᬂᬳᬚᬶ᭞ᬩᬶᬲᬵᬳᬗ᭄ᬭᬶᬧ᭄ᬢᬵ ᬓᬶᬥᬸᬂ᭞ᬯᬾᬦ᭄ᬢᭂᬦ᭄ᬫᬮᬶᬄᬓᬂᬓᬤᬸᬮᬸ᭞ᬰ᭄ᬯᬃᬕ᭄ᬕᬮᬫ᭄ᬩᬸᬂᬓᬶᬤᬸᬮ᭄ᬯᬾᬦ᭄ᬢᬦ᭄᭞ᬫᬾᬭᬸᬦ᭄ᬬᬳᬕᬸᬂᬳᬮᬸᬳᬹᬃ᭞ᬳᬢᭂᬧ᭄ᬦ᭄ᬬᬧᬸᬦᬵᬯᬭᬵᬢ᭄ᬦᬵ᭞ᬢᬢᬫ᭄ᬧᬓ᭄ᬮᬮᬾᬬᬦ᭄ᬳᭂᬫ [᭑᭕ 15A] ᬲ᭄᭟ᬧᬸᬘᬓ᭄ᬦ᭄ᬬᬯᬶᬦ᭄ᬢᭂᬦ᭄ᬳᬪᬺᬫᬸᬭᬸᬩ᭄᭞ᬓᬶᬦᬶᬢᬶᬃᬓᬶᬢᬶᬭᬦ᭄᭞ᬳᬭᬶᬂᬭᬶᬂᬓᭀᬫᬮ[strike/]ᬢᬸ[/strike]ᬤᬸᬯᬶ᭞ᬫᬳᬸᬧᬘᬭᬮᬗᬸ᭞ᬳᬦᬫᬵᬳᬦᬾᬂᬰ᭄ᬭᬷᬫᬦᬸᬄ᭞ᬓᬬᬗᬦ᭄ᬪᬝᬵᬭᬶᬰ᭄ᬭᬷ ᬦᬾ᭞ᬳᬸᬮᬶᬳᬦ᭄ᬲᬂᬢᬫᬾᬂᬫᬦᬸᬄ᭞ᬤᬦᬮᬕᬯᬮᭀᬕᬦ᭄ᬤᬵ᭞ᬦᬶᬢ᭄ᬬᬕ᭠ᬯᬾᬳᬾᬦᬓ᭄ᬫᬦᬄ᭟ᬳᬲᬶᬄᬫ᭄ᬭᬶᬂᬚᬦ᭄ᬫᬦᬾᬓᬯ᭄ᬮᬲ᭄ᬳ᭄ᬬᬸᬦ᭄᭞ᬳᬦᬰ᭄ᬯᬃᬕ᭄ᬕᬫ᭄ᬯᬄ᭞ᬓᬶ᭠ ᬤᬸᬮ᭄ᬯᬾᬢᬦ᭄ᬧᬺᬡᬄᬦᬶᬓᬶ᭞ᬫᬾᬭᬸᬦ᭄ᬬᬤᬾᬦᬶᬂᬮᬜ᭄ᬘᬸᬂ᭞ᬭᬫ᭄ᬬᬓᬂᬯᭀᬂᬳᬶ᭠ᬲ᭄ᬢ᭄ᬭᬶᬓᬓᬸᬂ᭞ᬧᬥᬳᬗᬶᬦᬸᬫ᭄ᬳᬫᬗᬦ᭄᭞ᬳᬦᬳᬫᬜ᭄ᬚᬂᬳᬗᬶᬥᬸᬂ᭞ᬭᬶᬂᬚᬦ᭄ᬫᬵᬤᬾ ᬯᬧ᭄ᬭᬮᬩ᭄ᬥᬵ᭞ᬓᬳ᭄ᬬᬗᬦ᭄ᬯᬶᬱ᭄ᬡᬸᬪᬯᬡ᭟ᬓᬳ᭄ᬬᬗᬦ᭄‌ᬰ᭄ᬭᬷᬭᭀᬤᬾᬯᬳᬶᬓᬸ᭞ᬳᬸᬮᬶᬳᬦ᭄ᬲᬂᬲᬵᬃᬯ᭄ᬯ᭞ᬕᬸᬦᬢᬱ᭄ᬝᬓᭀᬲᬮᬵᬯᬺᬤ᭄ᬥᬶ᭞ᬳᬗᬸᬕ᭄ᬯᬦᬶᬓᬲᬥᬸᬦ᭄᭞

Auto-transliteration

[14 14B] 14 lokāranipun, kahyanganbhaṭāraśiwwā, hulihansangpinandi‐tā. saktimoliḥbratthapanulus, tatasringkamokṣan, ha nakatonśwar̀ggamaliḥ, lor̀wetanpr̥ĕṇaḥhipun, merutumpangsolashagung, hadr̥ĕbinarakingmiraḥ, rahinawngihumurub, gopu‐ ranikakumñar̀, tkaningrampaklaleyan. kahyanganhyangśaraswatihiku, hulihansangprajñan, kr̥ĕtthawisyawruhinghaji, bisāhangriptā kidhung, wentĕnmaliḥkangkadulu, śwar̀ggalambungkidulwentan, merunyahagunghaluhūr̀, hatĕpnyapunāwarātnā, tatampaklaleyanhĕma [15 15A] s. pucaknyawintĕnhabhr̥ĕmurub, kinitir̀kitiran, haringringkomala[strike/]tu[/strike]duwi, mahupacaralangu, hanamāhanengśrīmanuḥ, kayanganbhaṭāriśrī ne, hulihansangtamengmanuḥ, danalagawalogandā, nityaga‐wehenakmanaḥ. hasiḥmringjanmanekawlashyun, hanaśwar̀ggamwaḥ, ki‐ dulwetanpr̥ĕṇaḥniki, merunyadeninglañcung, ramyakangwonghi‐strikakung, padhahanginumhamangan, hanahamañjanghangidhung, ringjanmāde wapralabdhā, kahyanganwiṣṇubhawaṇa. kahyanganśrīrodewahiku, hulihansangsār̀wwa, gunataṣṭakosalāwr̥ĕddhi, hangugwanikasadhun,

Leaf 15

Image on Archive.org

[᭑᭕ 15B] ᭑᭕ ᬧᬕᭂᬄᬲᬢ᭄ᬬᬘᬃᬫ᭄ᬫᬢᬸᬳᬸ᭞ᬳᬦᬫᬮᬶᬄᬓᬢᭀᬦ᭄ᬰ᭄ᬯᬃᬕ᭄ᬕᬵ᭞ᬭᬶᬂᬮᭀᬃᬓᬸᬮ᭄ᬯᬦ᭄‌ᬧᬺᬡᬄᬦ᭄ᬬᬾᬓᬸ᭞ᬓᬢᭀᬦ᭄ᬓᬤᬶᬕᬸᬦᬸᬂᬭᬵᬢ᭄ᬦ᭞ᬳᬸᬧᬘᬭᬦ᭄ᬬᬤᬸᬫᬶᬮᬄ᭟᭠ ᬫᬾᬸᬭᬸᬢᬸᬫ᭄ᬧᬂᬲᭀᬮᬲ᭄ᬕᬸᬂᬳᬮᬸᬳᬹᬃ᭞ᬢᬫ᭄ᬧᬓ᭄ᬮᬮᬾᬬᬦ᭄ᬫᬵᬲ᭄᭞ᬧᬭᬶᬕᬶᬫᬵᬲ᭄ᬯᬶ᭠ᬦ᭄ᬢᭂᬦ᭄ᬢᭂᬦ᭄ᬫᬡᬶᬓ᭄᭞ᬰ᭄ᬯᬃᬕ᭄ᬕᬩ᭄ᬬᬱᬵᬭᬦᬶᬧᬸᬦ᭄᭞ᬲ᭄ᬯᬃᬕ᭄ᬕᬦ᭄ᬳ᭄ᬬᬂᬰ᭄ᬭᬯᬡᬳᬶᬓᬸ᭞ᬳᬸᬮᬶ ᬳᬦ᭄ᬲᬂᬤᬦᬵᬧᬢ᭄ᬭ᭞ᬫ᭄ᬯᬂᬥᬦᬫᬵᬲ᭄ᬫᬡᬶᬓ᭄ᬧᭂᬦᬸᬄ᭞ᬯᬾᬦ᭄ᬢᭂᬦ᭄ᬫᬮᬶᬄᬓᬢᭀ᭠ᬦ᭄ᬰ᭄ᬯᬃᬕ᭄ᬕᬵ᭞ᬓᬶᬤᬸᬮ᭄ᬯᬾᬢᬦ᭄‌ᬫ᭄ᬯᬂᬰ᭄ᬯᬃᬕ᭄ᬕᬶᬵᬉᬢ᭄ᬢᬭ᭟ᬫᬾᬭᬸᬳᬢᭂᬧ᭄ᬦ᭄ᬬᬓᬂᬲᬃᬯ᭄ᬯᬲᬵ ᬦ᭄ᬢᬸᬦ᭄᭞ᬕᭀᬧᬸᬭᬦ᭄ᬬᬓᭂᬫ᭄ᬩᬃ᭞ᬢᬫ᭄ᬧᬓ᭄ᬮᬮᬾᬬᬦ᭄ᬬᬳᬰ᭄ᬭᬷ᭞ᬫ᭄ᬭᬶᬂᬭᬶᬂᬚᬗ᭄ᬕᬫ᭄ᬭᬶᬓ᭄ᬭᬸᬫ᭄ᬭᬸᬫ᭄᭞ᬳᬕ᭄ᬭᬧᬸᬘᬓ᭄ᬧᬸᬘᬓ᭄ᬧᬶᬢᬸ᭞ᬳᬢᭂᬗ᭄ᬭᬦ᭄ᬓᬸᬦᬶᬂᬓᬸᬫ᭄ᬮᬩ᭄᭞ᬭᬶᬂᬕ᭠ [᭑᭖ 16A] ᬡ᭄ᬥᬦᬳᬭᬦᬶᬧᬸᬦ᭄᭞ᬓᬳ᭄ᬬᬗᬦ᭄ᬪᬝᬵᬭᬭᬶᬸᬤᬺᬸᬶᬩᬸᬤ᭄ᬥᬵ᭞ᬳᬸᬮᬶᬳᬦ᭄ᬲᬂᬲᬢ᭄ᬬᬩ᭄ᬬᬲᬵ᭟ᬫᬸᬚᬵᬩᬦ᭄ᬢᬾᬦ᭄ᬓᬂᬳᬕᬯᬾᬳᬬᬸ᭞ᬳᬫᬲᬚᬶᬲᬫ᭄ᬧᬢ᭄᭞ᬍᬗ᭄ᬳ᭠ ᬩᬸᬭᬢ᭄ᬮᬯᬦ᭄ᬲᬵᬭᬷ᭞ᬧᬳᬾᬲᬦ᭄ᬯᭀᬄᬮᬫ᭄ᬧᬸᬭᬸ᭞ᬧᬶᬲᬂᬓᭂᬫ᭄ᬩᬂᬲᬵᬃᬯ᭄ᬯᬳᬭᬹᬫ᭄᭞ᬳᬜᬭᬰ᭄ᬯᬢᬶᬳᬭᬦᬾ᭞ᬭᬶᬂᬯᬾᬮᬬᬸᬳᬦᬓᬤᬸᬮᬸ᭞ᬰ᭄ᬯᬃᬕ᭄ᬕᬫ᭄ᬯᬄᬭᬶᬂᬮᬸᬳᬸᬭ᭠ ᬦ᭄᭞ᬓᬳᬦᬦᬶᬓᬵᬓᭀᬘᬧ᭄᭟ᬫᬾᬭᬸᬦ᭄ᬬᬢᬸᬫ᭄ᬧᬂᬲᬗ᭄ᬳᬵᬫᬵᬲ᭄ᬢᬢᬹᬃ᭞ᬧᬶ᭠ᬦᬢᬶᬓᬶᬂᬭᬵᬢ᭄ᬦᬵ᭞ᬫᬸᬢ᭄ᬬᬵᬭᬯᬶᬥᬹᬃᬬ᭄ᬬᬗ᭄ᬭᬯᬶᬢ᭄᭞ᬓᬶᬢᬶᬃᬓᬶᬢᬶᬃᬫᬵᬲ᭄ᬢᬢᬹᬃ᭞ᬢᬦ᭄ ᬧᬧ᭄ᬭᬫᬡᬾᬂᬓᬮᬗᬹᬦ᭄᭞ᬩᬶᬦᬸᬓᬸᬮᬵᬲᬵᬃᬯ᭄ᬯᬳᬾᬦ᭄ᬤᬄ᭞ᬭᬶᬂᬫᬡᬶᬓ᭄ᬭᬢ᭄ᬦᬵᬭ᭠ᬦᬶᬧᬸᬦ᭄᭞ᬳᬦᭂᬗ᭄ᬕᭂᬄᬧᬮᬸᬗ᭄ᬕ᭄ᬯᬦᬶᬭ᭞ᬪᬝᬵᬭᬧᬭᬫᬵᬰᬶᬯ᭄ᬯ᭟ᬳᬸᬮᬶᬳᬦ᭄ᬲᬂᬳᬫ

Auto-transliteration

[15 15B] 15 pagĕḥsatyacar̀mmatuhu, hanamaliḥkatonśwar̀ggā, ringlor̀kulwanpr̥ĕṇaḥnyeku, katonkadigunungrātna, hupacaranyadumilaḥ. ‐ meurutumpangsolasgunghaluhūr̀, tampaklaleyanmās, parigimāswi‐ntĕntĕnmaṇik, śwar̀ggabyasyāranipun, swar̀gganhyangśrawaṇahiku, huli hansangdanāpatra, mwangdhanamāsmaṇikpĕnuḥ, wentĕnmaliḥkato‐nśwar̀ggā, kidulwetanmwangśwar̀ggiā'uttara. meruhatĕpnyakangsar̀wwasā ntun, gopuranyakĕmbar̀, tampaklaleyanyahaśrī, mringringjanggamrikrumrum, hagrapucakpucakpitu, hatĕngrankuningkumlab, ringga‐ [16 16A] ṇdhanaharanipun, kahyanganbhaṭārar̶dr̥ĕuibuddhā, hulihansangsatyabyasā. mujābantenkanghagawehayu, hamasajisampat, l̥ĕngha‐ buratlawansārī, pahesanwoḥlampuru, pisangkĕmbangsār̀wwaharūm, hañaraśwatiharane, ringwelayuhanakadulu, śwar̀ggamwaḥringluhura‐ n, kahananikākocap. merunyatumpangsanghāmāstatūr̀, pi‐natikingrātnā, mutyārawidhūr̀yyangrawit, kitir̀kitir̀māstatūr̀, tan papramaṇengkalangūn, binukulāsār̀wwahendaḥ, ringmaṇikratnāra‐nipun, hanĕnggĕḥpalunggwanira, bhaṭāraparamāśiwwa. hulihansanghama

Leaf 16

Image on Archive.org

[᭑᭖ 16B] ᭑᭖ ᬮᬦ᭄ᬤᬂᬳᬶᬓᬸ᭞ᬲᬶᬄᬭᬶᬂᬲᬵᬃᬯ᭄ᬯᬧ᭄ᬭᬡ᭞ᬫ᭄ᬯᬄᬳᬦᬵᬰ᭄ᬯᬃᬕ᭄ᬕᬍᬯᬶᬄ᭞ᬫᬾᬭᬸᬦ᭄ᬬᬵᬕᬸᬂᬗᬧᬸᬳᬹᬃ᭞ᬢᬸᬫ᭄ᬧᬂᬲᬯ᭄ᬮᬲ᭄ᬳᬮᬗᬹᬃ᭞ᬳᬢᭂᬧ᭄ᬦ᭄ᬬᬧᬸᬦᬵᬯᬭᬵᬢ᭄ᬦᬵ᭞ᬧᬭᬶᬕᬶᬫᬵᬲ᭄ᬫᬡᬶᬓ᭄ᬢᬢᬹᬃ᭞ ᬫᬡᬶᬓ᭄ᬢᬫ᭄ᬧᬓ᭄ᬮᬮᬾᬬᬦ᭄ᬬ᭞ᬳᬶᬦᬸᬧᬵᬋᬗ᭄ᬕᬤᬾᬦᬶᬂᬫᬵᬲ᭄᭟ᬳᬰ᭄ᬭᬷᬳᬚᬚᬃᬢᬂᬓᬬᬸᬓᬬᬸ᭞ᬢᬫᬦ᭄ᬳᬧᬯᬶᬢᬺ᭞ᬓᬮ᭄ᬨᬢᬸᬶᬢᬸᬭᬸᬳᬭᬦᬶᬓᬶ᭞ᬳᬭᭀᬦ᭄ᬤᭀᬦ᭄ᬤᬾᬦᬶᬂ᭠ ᬫᬵᬲ᭄ᬢᬢᬹᬃ᭞ᬲᬶᬦᬗ᭄ᬮᬶᬂᬕᬦ᭄ᬥᬵᬫ᭄ᬭᬶᬓ᭄ᬳᬭᬹᬫ᭄᭞ᬳᬯᬯᬢᬂᬲᬵᬃᬯ᭄ᬯᬭᬢ᭄ᬦ᭞ᬯᬾᬤᬹᬃᬬ᭄ᬬᬨᬮᬵᬓᭂᬫ᭄ᬩᬂᬧᬸᬂ᭞ᬫᬶᬭᬄᬯᬶᬦ᭄ᬢᭂᬦ᭄ᬫᬡᬶᬓ᭄ᬫᬬᬵ᭞ᬳᬭᬦ᭄ᬭᬶᬂᬕᬫ᭄ᬩᬶᬭᬶᬂᬧᬤ᭟ᬓᬬᬗᬦ᭄ᬪᬝᬵ᭠ ᬭᬓᬵᬮᬳᬶᬓᬸ᭞ᬳᬸᬮᬶᬕᬦᬶᬂᬚᬕᬢ᭄᭞ᬳᬫ᭄ᬤᬮ᭄‌ᬳᬫᬮᬗᬵᬫᬮᬶᬄ᭞ᬲᬚᬮᬘᬗ᭄ᬕᬳᬶᬓᬸ᭞ᬬᬦ᭄ᬦᬶᬢ᭄ᬬᬥᬃᬫ᭄ᬫᬕᬶᬦᬸᬬᬸ᭞ᬫᬮᬶᬄᬳᬦᬰ᭄ᬯᬃᬕ᭄ᬕᬵᬫ᭄ᬯᬄ᭞ᬭᬶᬂᬲᭀᬃᬳ [᭑᭗ 17A] ᬫᬾᬭᬸᬢ᭄ᬭᬶᬤᬢᬸ᭞ᬳᬢᭂᬧ᭄ᬦ᭄ᬬᬢᬶᬫᬄᬢᬫ᭄ᬩᬕ᭞ᬢᬾᬫ᭄ᬩᭀᬓ᭄ᬦ᭄ᬬᬢᬶᬫᬄᬢᬫ᭄ᬩ᭠ᬕ᭟ᬰ᭄ᬯᬃᬕ᭄ᬕᬵᬧᬤᬓᬬᬗᬦ᭄ᬳ᭄ᬬᬂᬧᬸᬮᬸᬂ᭞ᬳᬸᬮᬶᬳᬦ᭄ᬲᬂᬢᬶᬕᬵ᭞ᬤᬢᬸᬘᬸᬓᬶᬤᬢᬸ ᬳᬮᬶᬢ᭄᭞ᬓᬂᬗ᭄ᬕᬯᬾᬳᬸᬮᬄᬳᬬᬸ᭞ᬗᬫ᭄ᬩᭂᬓᬂᬥᬃᬫ᭄ᬫᬓᬲᬥᬸᬦ᭄᭞ᬳᬦᬓᬢᭀᬦ᭄ᬰ᭄ᬯᬃᬕ᭄ᬕᬵᬫᬸᬯᬄ᭞ᬫᬾᬭᬸᬦ᭄ᬬᬳᬕᬸᬂᬳᬮᬸᬳᬹᬃ᭞ᬲᬵᬃᬯ᭄ᬯᬭᬭᭀᬦ᭄ᬤᭀᬦ᭄ᬳᬢᭂ ᬧ᭄ᬦ᭄ᬬ᭞ᬓᬢᬃᬳᬾᬩᭂᬓ᭄ᬤᬾᬦᬶᬂᬭᬢ᭄ᬦᬵ᭟ᬧᬸᬘᬓ᭄ᬲᬵᬃᬯ᭄ᬯᬦᬡᬶᬓ᭄ᬳᬩᬺᬫᬸᬭᬸᬩ᭄᭞ᬤᬸᬫᬶᬮᬄᬢᬾᬚᬦ᭄ᬬ᭞ᬳᬧᬥᬂᬭᬳᬶᬦᬵᬯ᭄ᬗᬶ᭞ᬭᬶᬂᬯᬶᬡ᭄ᬥᬸᬧ᭄ᬧᭂᬧᭂᬢᬶᬓᬸ᭞ᬳᬲ᭄ᬣ᭠ ᬦᬵᬪᬝᬵᬭᬕᬸᬭᬸ᭞ᬳᬸᬮᬶᬳᬦ᭄ᬲᬂᬲᬶᬤ᭄ᬥᬢᬧᬵ᭞ᬢ᭄ᬬᬕᬧᬩᬶᬚᬕᬳᬶ᭠ᬓᬸ᭞ᬳᬫᬸᬚᬵᬰᬸᬓ᭄ᬮᬧᬯᬶᬢ᭄ᬭ᭞ᬳᬦᬫᬮᬶᬄᬓᬢᭀᬦ᭄ᬰ᭄ᬯᬃᬕ᭄ᬕ᭟ᬇᬂᬲᭀᬃᬳᬶ

Auto-transliteration

[16 16B] 16 landanghiku, siḥringsār̀wwapraṇa, mwaḥhanāśwar̀ggal̥ĕwiḥ, merunyāgungngapuhūr̀, tumpangsawlashalangūr̀, hatĕpnyapunāwarātnā, parigimāsmaṇiktatūr̀, maṇiktampaklaleyanya, hinupār̥ĕnggadeningmās. haśrīhajajar̀tangkayukayu, tamanhapawitr̥ĕ, kalphatuituruharaniki, harondondening‐ māstatūr̀, sinanglinggandhāmrik'harūm, hawawatangsār̀wwaratna, wedūr̀yyaphalākĕmbangpung, miraḥwintĕnmaṇikmayā, haranringgambiringpada. kayanganbhaṭā‐ rakālahiku, huliganingjagat, hamdalhamalangāmaliḥ, sajalacanggahiku, yannityadhar̀mmaginuyu, maliḥhanaśwar̀ggāmwaḥ, ringsor̀ha [17 17A] merutridatu, hatĕpnyatimaḥtambaga, temboknyatimaḥtamba‐ga. śwar̀ggāpadakayanganhyangpulung, hulihansangtigā, datucukidatu halit, kangnggawehulaḥhayu, ngambĕkangdhar̀mmakasadhun, hanakatonśwar̀ggāmuwaḥ, merunyahagunghaluhūr̀, sār̀wwararondonhatĕ pnya, katar̀hebĕkdeningratnā. pucaksār̀wwanaṇik'habr̥ĕmurub, dumilaḥtejanya, hapadhangrahināwngi, ringwiṇdhuppĕpĕtiku, hastha‐ nābhaṭāraguru, hulihansangsiddhatapā, tyagapabijagahi‐ku, hamujāśuklapawitra, hanamaliḥkatonśwar̀gga. ingsor̀hi

Leaf 17

Image on Archive.org

[᭑᭗ 17B] ᭑᭗ ᬓᬂᬩ᭄ᬭᬳ᭄ᬫᬵᬧᬥᬳᬶᬓᬸ᭞ᬫᬾᬭᬸᬢᬸᬫ᭄ᬧᬂᬮᬶᬫᬵ᭞ᬕᬗ᭄ᬲᬳᬢᭂᬧ᭄ᬦ᭄ᬬᬲᬶᬦᬗ᭄ᬮᬶᬂ᭞ᬭᬫ᭄ᬬᬳᬸᬫᬸᬂᬕᬸᬫᬸᬬᬸ᭞ᬢᬺᬧ᭄ᬢᬶᬧᬥᬳᬭᬦᬶᬧᬸᬦ᭄᭞ᬓᬬᬗᬦ᭄‌ᬬᬂᬓᬵᬮᬧ᭄ᬭᬬ᭞᭠ ᬳᬸᬮᬶᬳᬦ᭄ᬲᬂᬓᬃᬫ᭄ᬫᬳᬬᬸ᭞ᬳᬫ᭄ᬩᭂᬓ᭄ᬭᬳᬬᬸᬦᬶᬃᬫ᭄ᬫᬮᬵ᭞ᬳᬓ᭄ᬯᬾᬄᬳᬸᬘᬧᬦ᭄ᬓᬂᬰ᭄ᬯᬃᬕ᭄ᬕᬵ᭟ᬳᬶᬯᬶᬭᬘᬶᬢ᭄ᬣᬫᬗ᭄ᬓᬾᬓᬯᬸᬯᬸᬲ᭄᭞ᬯᬢᬭᬲᬯᬃᬱ᭞ᬮᬫᬶᬦᬾᬓᬂᬰ᭄ᬯᬃᬕ᭄ᬕ ᬫ᭄ᬕᬶᬮ᭄᭞ᬜᬩ᭄ᬭᬦ᭄ᬳᬗ᭄ᬮᬂᬮᬂᬓᬸᬮᬗᬹᬦ᭄᭞ᬮᬦ᭄ᬓᬓᬦ᭄ᬢᬾᬦᬦ᭄ᬳᬤᬸᬮᬹᬃ᭞ᬯᬶᬥ᭄ᬬᬥ᭠ᬭᬵᬰᬹᬭᬵᬗ᭄ᬕᬡ᭞ᬳᬦᭀᬫ᭄ᬳᬦᭀᬫ᭄ᬩᬕᬸᬲ᭄ᬩᬕᬸᬲ᭄᭞ᬮᬕᬸᬦᬾᬳᬕᬕᬸᬦᬾᬫᬦ᭄᭞ ᬳᬧᬦ᭄ᬯᬳᬸᬩᬩ᭄ᬕᬾᬭᬦ᭄᭟ᬦᬶᬢ᭄ᬬᬮᬸᬗ᭄ᬳᬫᬘᬗ᭄ᬓ᭄ᬭᬫᬾᬂᬤᬮᬸ᭞ᬭᬶᬂᬕᬸᬦᬸᬂᬓᬾᬮᬰ᭞ᬲᬸᬓᬵᬤᬾᬤᬾᬫᬚᬂᬰᬰᬶᬄ᭞ᬳᬗᬸᬦ᭄ᬤᬸᬄᬲᬵᬃᬯ᭄ᬯᬲᬦ᭄ᬢᬸᬦ᭄᭞ᬳᬃᬱᬳᬗ᭄ᬭᬸ᭠ [᭑᭘ 18A] ᬫ᭄ᬧᬸᬓᬂᬲᬦ᭄ᬢᬸᬦ᭄᭞ᬫᬺᬩᬸᬓ᭄ᬯᬗᬶᬦ᭄ᬬᬯᬶᬍᬢᬦ᭄᭞ᬕᬦ᭄ᬥᬦᬶᬂᬚ᭄ᬩᬤ᭄‌ᬫ᭄ᬭᬶᬓ᭄ᬳᬭᬹᬫ᭄᭞ᬯᬶᬥ᭄ᬬᬥᬭᬲᬸᬭᬗ᭄ᬕᬡ᭞ᬲᬸᬓᬭᬫ᭄ᬬᬳᬘᬗ᭄ᬓ᭄ᬭᬫ᭟ᬮᬮᬸᬯᬭᬦ᭄ᬧᬥᬍᬕᬾᬂ᭠ ᬢᬦᬸ᭞ᬓᬲ᭄ᬫᬭᬦ᭄ᬳᬢᬶᬦᬾ᭞ᬢᬦ᭄ᬤᬤᬶᬤᬾᬦ᭄ᬬᬗᬺᬢ᭄ᬓᬧ᭄ᬢᬶ᭞ᬰᬓ᭄ᬢᬶᬦᬶᬂᬲ᭄ᬫᬭᬵᬜᬸᬲᬸᬧ᭄᭞ᬬᬬᬵᬓᬤᬶᬯᬸᬭᬸᬂᬕᬥᬸᬂ᭞ᬲᬯᬾᬢ᭄ᬦᬶᬂᬓᬵᬧᬘᬳᬃᬱ᭞ᬫᬘᬸᬓᬓ᭄ᬦᬦᬶᬂᬓᬬᬸ ᬦ᭄᭞ᬲᬮᬸᬮᬸᬢ᭄ᬲᬢᬸᬗ᭄ᬕ᭄ᬯᬦ᭄ᬳᬸᬗ᭄ᬕ᭄ᬯᬦ᭄᭞ᬧᬦ᭄ᬧᬸᬭᬶᬳᬶᬭᬫᬗ᭄ᬓᬦᬵ᭟ᬳᬲᬶᬂᬲᬮᬸᬮᬸᬢ᭄ᬫᬗ᭄ᬓᬾᬢᬶᬦᬸᬭᬸᬦ᭄᭞ᬳᬤ᭄ᬬᬸᬲ᭄ᬫᬭᬶᬂᬮᬸᬯᬄ᭞ᬲᬸᬭᬵᬦᬤᬶᬓᬂᬲᬯᬮ᭄ᬬ᭞ᬫᬦ᭄ᬢᬸ ᬓ᭄ᬚᬚᬓᬮᬶᬲ᭄ᬢ᭄ᬯᬬᬸ᭞ᬭᬶᬢᬸᬳᬸᬲᬶᬭᬳᬦᭂᬫᬸ᭞ᬫᬗ᭄ᬓᬦᬓᬫᭀᬢᬫᬦᬾ᭞ᬦ᭄ᬤᬢᬦ᭄ᬳᬸᬘᬧᭂᬦ᭄ᬤᬾᬦᬶᬂᬲᬸᬦ᭄᭞ᬳᬶᬯᬶᬭᬵᬫᭀᬂᬳᬃᬱ᭞ᬲᬶᬤ᭄ᬥᬵᬫᬗ᭄ᬕᬶᬄᬲᬸᬓᬵ

Auto-transliteration

[17 17B] 17 kangbrahmāpadhahiku, merutumpanglimā, gangsahatĕpnyasinangling, ramyahumunggumuyu, tr̥ĕptipadhaharanipun, kayanganyangkālapraya, ‐ hulihansangkar̀mmahayu, hambĕkrahayunir̀mmalā, hakweḥhucapankangśwar̀ggā. hiwiracitthamangkekawuwus, watarasawar̀ṣa, laminekangśwar̀gga mgil, ñabranhanglanglangkulangūn, lankakantenanhadulūr̀, widhyadha‐rāśūrānggaṇa, hanomhanombagusbagus, lagunehagaguneman, hapanwahubabgeran. nityalunghamacangkramengdalu, ringgunungkelaśa, sukādedemajangśaśiḥ, hangunduḥsār̀wwasantun, har̀ṣahangru‐ [18 18A] mpukangsantun, mr̥ĕbukwanginyawil̥ĕtan, gandhaningjbadmrik'harūm, widhyadharasuranggaṇa, sukaramyahacangkrama. laluwaranpadhal̥ĕgeng‐ tanu, kasmaranhatine, tandadidenyangr̥ĕtkapti, śaktiningsmarāñusup, yayākadiwurunggadhung, sawetningkāpacahar̀ṣa, macukaknaningkayu n, salulutsatunggwanhunggwan, panpurihiramangkanā. hasingsalulutmangketinurun, hadyusmaringluwaḥ, surānadikangsawalya, mantu kjajakalistwayu, rituhusirahanĕmu, mangkanakamotamane, ndatanhucapĕndeningsun, hiwirāmonghar̀ṣa, siddhāmanggiḥsukā

Leaf 18

Image on Archive.org

[᭑᭘ 18B] ᭑᭘ ᬲᬤ᭄ᬥᬵ᭟ᬩᬕᬸᬲ᭄ᬤ᭄ᬬᬵᬃᬱᬚᬦᬶᬓᬯᬸᬯᬸᬲ᭄᭞ᬲ᭄ᬤᭂᬓ᭄ᬯᭀᬂᬤᬾᬰᬦᬾ᭞ᬩᬸᬲᬸᬳᬸᬤ᭄ᬫᬳᬘᬶᬳᬘᬶ᭞ᬫᬜᬸᬚᬸᬓᬂᬢᬢᬭᬸᬩ᭄᭞ᬯᬯᬶᬤᬾᬦᬦ᭄ᬳᬦᬓ᭄ᬳᬕᬸᬂ᭞ᬳᬸᬭᬦ᭄ᬫᭂᬢᭀᬄ ᬧᬮᬓ᭄ᬱᬬᬦ᭄᭞ᬩᬕᬸᬲ᭄ᬤ᭄ᬬᬵᬃᬱᬓᬯᬸᬯᬸᬲ᭄᭞ᬓᬯᬶᬤ᭄ᬥᬶᬫᬗᬤᬸᬳᬸᬭᬦ᭄᭞ᬳᬧᬂᬫᭂᬢᭀᬄᬢᬶᬕᬂᬮᬓ᭄ᬱ᭟ᬩᬕᬸᬲ᭄ᬤ᭄ᬬᬵᬃᬱᬓᬭᬦᬦᬾᬓ᭄ᬭᬸᬤ᭄᭞ᬫᬭᬱ ᬓᬤᭀᬱᬾᬦ᭄᭞ᬩᬚᬦᬾᬢᬶᬯᬲ᭄ᬗᬸᬮᬶᬲ᭄ᬢᬶᬂ᭞ᬳᬶᬗᭂᬢ᭄ᬢᭂᬓᬾᬦ᭄ᬦᭂᬫᬮᬸ᭞ᬧᬶᬢᬸᬢᬹᬃᬳᬦᬓᬾᬩ᭄ᬭᬸᬂ᭞ᬫᬫᬸᬜᬶᬢ᭄ᬓᬾᬦ᭄ᬲᬵᬫᬳᬾ᭞ᬳᬶᬭᬮᬸᬯᬲ᭄ᬫᬦᬶᬦ᭄ᬭᬸ ᬧᬸᬢ᭄᭞ᬗᬮᬶᬄᬲ᭄ᬬᬧ᭄ᬧᬘᬂᬳᬸᬭᬦ᭄᭞ᬜᬳᬶᬚᬸᬫᬄᬳᬧᬂᬫ᭄ᬮᬄ᭟ᬢᬦ᭄ᬓᭀᬘᬧ᭄‌ᬯ᭄ᬗᬶᬤᬲᬼᬫᬄᬲᬵᬫ᭄ᬧᬸᬦ᭄᭞ᬳᬶᬩᬕᬸᬲ᭄ᬤ᭄ᬬᬵᬃᬱ᭞ᬫᬓᬶᬭᬾᬚᬦᬶᬫᬫᬃᬕ᭄ᬕᬶ᭞ᬓ [᭑᭙ 19A] ᬲᬗ᭄ᬕᬄᬮᬦ᭄ᬢᬲ᭄ᬗᬩᬸᬢ᭄᭞ᬩᬸᬮᬸᬦ᭄ᬲ᭄ᬬᬧᬾᬢᬢ᭄ᬮᬸ᭞ᬢ᭄ᬓᭂᬤ᭄ᬤᬶᬫᬵᬃᬕ᭄ᬕᬦᬾᬕ᭄ᬥᬾ᭞ᬮᬾᬩᬗᬶᬦ᭄ᬫᬓᬢᬢ᭄ᬮᬸ᭞ᬜᬼᬃᬫᬚᬮᬦ᭄ᬗᬦᬶᬦᬂ᭞ᬳᬶᬩᬕᬸᬲ᭄ᬤ᭄ᬬᬵᬃᬱᬦᬸᬳᬸᬢᬂ᭟ᬲᬬᬦ᭄ᬳᭂ ᬚᭀᬄᬧᬚᬮᬦᬾᬦ᭄ᬤᬭᬸᬂ᭞ᬮᬶᬯᬢ᭄ᬘᬭᬶᬓ᭄ᬳᬩ᭄ᬬᬦ᭄᭞ᬫᬮᬶᬄᬦᬸᬫᬫ᭄ᬦᭂᬂᬓᬗᬶᬦ᭄᭞ᬳᬮᬲ᭄ᬯᬬᬳᬾᬓᬢ᭄ᬧᬸᬓ᭄᭞ᬢᬸᬯᬸᬦ᭄ᬚᬸᬭᬂᬫ᭄ᬦᬾᬓ᭄ᬕᬸᬦᬸᬂ᭞ᬢ᭄ᬩᭂᬂᬢᬺᬩᬶᬲ᭄ᬧ᭄ᬭᬶᬗ᭄ᬕᬭᬾ᭠ ᬚᬾᬂ᭞ᬲᬬᬦ᭄ᬤᭀᬄᬮᬫ᭄ᬧᬳᬾᬲᬵᬫ᭄ᬧᬸᬦ᭄᭟ᬧ᭄ᬭᬪᬸᬫ᭄ᬬᬦᬾᬲᬬᬦ᭄ᬢᬯᬄ᭞ᬫᬶᬭᬶᬩ᭄ᬢ᭄ᬯᬭᬵᬲᬩᬾᬂᬚᬤ᭄ᬫᬵ᭟ᬲᬸᬩᬵᬮᬶᬯᬢ᭄ᬕᬸᬦᬸᬗᬾᬧᬧᬶᬢᬸ᭞ᬫᬗ᭄ᬕᬶᬄᬢ᭄ᬕᬮᬶᬗ᭄ᬕᬄ᭞ᬢ᭄ᬓᭂ ᬤ᭄ᬓᬯᬸᬄᬢ᭄ᬓᭂᬤ᭄ᬓᬗᬶᬦ᭄᭞ᬓᬚᬓ᭄ᬮᭀᬤ᭄ᬗᬮᬸᬳᬹᬃ᭞ᬢ᭄ᬯᬭᬧᬢᬶᬳᬤᬵᬓᬬᬸ᭞ᬧᬤᬂᬢ᭄ᬓᬾᬦᬶᬂᬳᬫ᭄ᬩᭂᬗᬦ᭄᭞ᬢ᭄ᬯᬭᬵᬤᬫᬗᭂᬦᬄᬕᬸᬦᬸᬂ᭞ᬲᭀᬓ᭄ᬮᬗᬶᬢ᭄‌ᬢ᭄ᬓᬾᬦᬶᬂᬢᬦᬄ

Auto-transliteration

[18 18B] 18 saddhā. bagusdyār̀ṣajanikawuwus, sdĕkwongdeśane, busuhudmahacihaci, mañujukangtatarub, wawidenanhanak'hagung, huranmĕtoḥ palakṣayan, bagusdyār̀ṣakawuwus, kawiddhimangaduhuran, hapangmĕtoḥtiganglakṣa. bagusdyār̀ṣakarananekrud, maraṣa kadosyen, bajanetiwasngulisting, hingĕttĕkennĕmalu, pitutūr̀hanakebrung, mamuñitkensāmahe, hiraluwasmaninru put, ngaliḥsyappacanghuran, ñahijumaḥhapangmlaḥ. tankocapwngidasl̥ĕmaḥsāmpun, hibagusdyār̀ṣa, makirejanimamar̀ggi, ka [19 19A] sanggaḥlantasngabut, bulunsyapetatlu, tkĕddimār̀gganegdhe, lebanginmakatatlu, ñl̥ĕr̀majalannganinang, hibagusdyār̀ṣanuhutang. sayanhĕ joḥpajalanendarung, liwatcarik'habyan, maliḥnumamnĕngkangin, halaswayahekatpuk, tuwunjurangmnekgunung, tbĕngtr̥ĕbispringgare‐ jeng, sayandoḥlampahesāmpun. prabhumyanesayantawaḥ, miribtwarāsabengjadmā. subāliwatgunungepapitu, manggiḥtgalinggaḥ, tkĕ dkawuḥtkĕdkangin, kajaklodngaluhūr̀, twarapatihadākayu, padangtkeninghambĕngan, twarādamangĕnaḥgunung, soklangittkeningtanaḥ

Leaf 19

Image on Archive.org

[᭑᭙ 19B] ᭑᭙ ᬮᬶᬗ᭄ᬕᬶᬄᬜᬦᬾᬳᬧᬮ᭄ᬬᬢ᭄᭟ᬢᬸᬶᬳᬢ᭄ᬫᬦᬾᬤᬶᬢᬸᬮ᭄ᬬᬸᬓᬧᬸᬓ᭄᭞ᬲᭀᬭᭀᬄᬯᬢᭂᬓ᭄ᬧᬧᬵ᭞ᬓᬧᬦᬲᬦ᭄ᬦᬦ᭄ᬤᬂᬲᬓᬶᬢ᭄᭞ᬤᬶᬢ᭄ᬕᬮᬾᬫᬭᬫ᭄ᬩᬸᬦ᭄᭞ᬫ᭠ ᬓ᭄ᬚᬂᬜᬶᬮᬧᬶᬦ᭄ᬤᬫᬸᬄ᭞ᬦᬾᬤᬶᬫᬸᬜ᭄ᬘᬸᬓ᭄ᬳᬫ᭄ᬩᭂᬗᬦᬾ᭞ᬮᬾᬦ᭄ᬳᬢ᭄ᬫᬵᬭᬭᬾᬓᬢᭂᬧᬸᬓ᭄᭞ᬧᬕ᭄ᬭᬾᬜ᭄ᬚᬾᬂᬧᬥᬫᬦᬫ᭄ᬧ᭞ᬓᬯᬸᬫᬓ᭄ᬚᬂ᭟ᬮᬾᬦ᭄ᬳᬤᬵᬳᬢ᭄ᬫᬫ ᬮᬶᬄᬓᬢ᭄ᬧᬸᬓ᭄᭞ᬦᬢᬫ᭄᭞ᬳᬤᭀᬭᬶᬦᬾ᭞ᬫᬲᬲᬫ᭄ᬩᬢᬦ᭄ᬫᬗ᭄ᬮᬶᬂ᭞ᬳᬯ᭠ᬓᬾᬧᬬᬄᬳ᭄ᬢᬸᬄ᭞ᬫᬢᬵᬘᭂᬓᭀᬓ᭄ᬩᬢᬶᬄᬳᭂᬢᬸᬄ᭞ᬫᬸᬜᬶᬦᬾᬧᬢᬶᬤᬸᬮᬫᬾ᭞ᬗᬸ᭠ ᬤᬵᬓᬾᬦᬾᬤᬾᬯᬭᬢᬸ᭞ᬲᬸᬯᬾᬢᬶᬢ᭄ᬬᬂᬓᬲᬓᬶᬢᬦ᭄᭞ᬫᬦᬦ᭄ᬤᬂᬧ᭠ᬜ᭄ᬘᬲᬂᬲᬭᬵ᭟ᬳᬶᬗᭂᬢ᭄ᬢᬶᬢ᭄ᬬᬂᬢ᭄ᬓᬾᬦᬾᬫᬮᬸ᭞ᬤᬸᬓ᭄ᬭᬶᬂᬫᭂᬃᬘᬵᬧᬥ᭞ᬳᬤᬵᬓᭀ [᭒᭐ 20A] ᬗ᭄ᬮᬄᬳᬓᬶᬤᬶᬓ᭄᭞ᬲᬦ᭄ᬢᬦᬵᬬᬫᬦ᭄ᬫᬸ᭞ᬩᬸᬓᬵᬢ᭄ᬯᬭᬓᭀᬬᬳᬶᬩᬸᬓ᭄᭞ᬕᬸᬫᬶᬭᬶᬲᬶᬦ᭄ᬫᬗᬯᬾᬦᬂ᭞ᬗᭂᬜ᭄ᬚᬸᬳᬶᬦ᭄ᬩᬸᬩᬸᬄᬳᬲᬶᬤᬸ᭞ᬢᬸᬗ᭄ᬓᬸᬮ᭄ᬓᬮᬮᬾᬦ᭄ᬧᬗ᭄ᬭᬱ᭞ ᬫᬦᬸᬳᬸᬓᬶᬦ᭄ᬓᬳᬶᬦ᭄ᬤ᭄ᬭᬶᬬᬦ᭄᭟ᬳᬤᬵᬳᬢ᭄ᬫᬵᬗᭂᬦᬄᬩᬳᬸᬭᬯᬸᬄ᭞ᬲᬓᬶᬂᬫᭂᬃᬘ᭄ᬙᬧᬤᬵ᭞ᬫᬭᬾᬭᭀᬤ᭄ᬳᭂᬮᬸᬄᬫ᭄ᬯᬦᬶ᭞ᬩᬳᬸᬲᬸᬤ᭄ᬓᬩᬸᬓᬹᬃ᭞ᬕᬕᬯᬦᬾᬧᬥᬮᬶᬬᬸ ᭞ᬚᬚᬵᬕᬸᬦ᭄ᬢᭂᬓ᭄ᬕᬸᬮᬶᬂᬩᬾᬩᬾᬓ᭄᭞ᬳᬤᬵᬫᬗᭂᬦ᭄ᬫᬜᬸᬯᬸᬦ᭄᭞ᬳᬶᬥᭂᬧᬾ᭠ᬓᬮᬶᬦ᭄ᬢᬂᬍᬕᬵ᭞ᬳ᭄ᬢᬶᬲ᭄‌ᬳᭂᬫ᭄ᬩᭀᬦ᭄ᬗᬸᬗ᭄ᬲᬶᬰ᭄ᬯᬃᬕ᭄ᬕᬵ᭟ᬲᭀᬭᭀᬄᬳᬢ᭄ᬫᬦᬾᬦ ᬭᬓᬤᬶᬢᬸ᭞ᬫᬜᬦ᭄ᬤᬂᬤᬶᬚᬮᬦ᭄᭞ᬳᭂᬜᬸᬤ᭄‌ᬳᬢᬶᬦᬾᬢᬦ᭄ᬲᬶᬧᬶ᭞ᬗᭂᬦᭀᬢ᭄ᬳᬦᬓᬾᬮᬶᬬᬸ᭞ᬫᬗᭂᬦ᭄ᬳᬤᬵᬫᬜᬸᬯᬸᬦ᭄᭞ᬗᬜᬳᬸᬦ᭄ᬢᭂᬓ᭄ᬕᬸᬮᬶᬂᬩᬾᬩᬾᬓ᭄

Auto-transliteration

[19 19B] 19 linggiḥñanehapalyat. tuihatmaneditulyukapuk, soroḥwatĕkpapā, kapanasannandangsakit, ditgalemarambun, ma‐ kjangñilapindamuḥ, nedimuñcuk'hambĕngane, lenhatmārarekatĕpuk, pagreñjengpadhamanampa, kawumakjang. lenhadāhatmama liḥkatpuk, natam, hadorine, masasambatanmangling, hawa‐kepayaḥhtuḥ, matācĕkokbatiḥhĕtuḥ, muñinepatidulame, ngu‐ dākenedewaratu, suwetityangkasakitan, manandangpa‐ñcasangsarā. hingĕttityangtkenemalu, dukringmĕr̀cāpadha, hadāko [20 20A] nglaḥhakidik, santanāyamanmu, bukātwarakoyahibuk, gumirisinmangawenang, ngĕñjuhinbubuḥhasidu, tungkulkalalenpangraṣa, manuhukinkahindriyan. hadāhatmāngĕnaḥbahurawuḥ, sakingmĕr̀cchapadā, marerod'hĕluḥmwani, bahusudkabukūr̀, gagawanepadhaliyu , jajāguntĕkgulingbebek, hadāmangĕnmañuwun, hidhĕpe‐kalintangl̥ĕgā, htishĕmbonngungsiśwar̀ggā. soroḥhatmanena rakaditu, mañandangdijalan, hĕñud'hatinetansipi, ngĕnot'hanakeliyu, mangĕnhadāmañuwun, ngañahuntĕkgulingbebek

Leaf 20

Image on Archive.org

[᭒᭐ 20B] ᭒᭐ ᬫᬫᬸᬜᬶᬫᬸᬜᬶᬦᬾᬳᬮᬸᬲ᭄᭞ᬢᬶᬢ᭄ᬬᬂᬫᬦᬸᬦᬲ᭄ᬮᬸᬗ᭄ᬲᬸᬭᬦ᭄᭞ᬳ᭄ᬩᬾᬦᬲᬶᬦᬾᬳᬲᭀᬧᬦ᭄᭟ᬦᬾᬓᬳᬶᬤᬶᬳᬶᬦ᭄ᬢ᭄ᬯᬭᬵᬚᬫᬲᬯᬹᬃ᭞ᬫᬚᬮᬦ᭄ᬗᬾᬗ᭄ᬕᬮᬂ᭞ ᬦᬾᬫᬗᬶᬤᬶᬄᬮᬶᬯᬢ᭄ᬩ᭄ᬭᬦ᭄ᬢᬶ᭟ᬫᬫᬾᬕᬮ᭄ᬮᬦ᭄ᬢᬲ᭄ᬗᬋᬩᬸᬢ᭄᭞ᬧᬬᬸᬫᬳᬶᬩᬸᬓᬦ᭄ᬫᬸ᭠ᬳᬸᬕ᭄᭞ᬫᬦᬶᬕ᭄ᬢᬶᬕ᭄ᬩᬳᬦ᭄ᬢᬶᬫ᭄ᬩᬸᬗᬦ᭄᭞ᬳᬸᬦ᭄ᬢᭂᬓᬾᬳᬗ᭄ᬕᭀᬦ᭄ᬫᬦᬶᬫ᭄ᬧᬸᬕ᭄᭞ᬦᬾ ᬦᬾᬓ᭄ᬦᬵᬫᬗᬸᬭᬭᬧ᭄᭞ᬫᬗ᭄ᬮᬶᬂᬦᬕᬶᬄᬢᬸᬮᬸᬗᬦ᭄᭟ᬫᬩ᭄ᬬᬬ᭄ᬯᬦ᭄ᬧᬲᬮᬶᬂᬓᭂ᭠ᬧᬸᬗ᭄᭞ᬲᬗ᭄ᬩᭂᬄᬕᬕᬫᬦᬾ᭞ᬦᬾᬮᬩᬸᬄᬢᭀᬧᬋᬩᬸᬢᬶᬦ᭄᭞ᬫᬗᭂᬲᭀᬧ᭄ᬜᬯᬸᬧ᭄ᬜ᭠ ᬯᬸᬧ᭄᭞ᬍᬦᬼᬦᭂᬦ᭄‌ᬘᬼᬓᬢ᭄ᬘᭂᬮᭂᬓᬸᬢ᭄᭞ᬤᬦᬾᬳᬶᬩᬕᬸᬲ᭄ᬤ᭄ᬬᬵᬃᬱ᭞ᬓᬗᭂ᭠ᬦ᭄ᬫᬗᬦ᭄ᬢᭂᬦᬂᬤᬶᬢᬸ᭞ᬤᬤᬶᬳᬶᬗᭂᬢ᭄ᬢᭂᬓᬾᬦ᭄ᬳᬯᬓ᭄᭞ᬬᭂᬄᬫᬢᬦᬾᬤᬺᬱ᭄ᬫᭂᬤᬮ᭄᭟ [᭒᭑ 21A] ᬳᬤᬵᬫᬮᬶᬄᬗᭂᬦᬄᬳᬢ᭄ᬫᬵᬫᬕᬦ᭄ᬢᬸᬂᬤᬶᬘᬭᬂᬓᭂᬧᬸᬳᬾ᭞ᬫᬗ᭄ᬮᬬᬸᬂᬳᬫ᭄ᬧᭂᬳᬂᬳᬗᬶᬦ᭄᭞ᬩᬢᬦ᭄ᬜᬦᬾᬳᬧᬶᬫᬸᬭᬸᬩ᭄᭞ᬳᬾᬦ᭄ᬢᭀᬳᬢ᭄ᬫᬦ᭄ᬳᬦᬓ᭄ᬤᬸᬤᬸ᭞ᬳ ᬤᬵᬫᬮᬶᬄᬗᭂᬦᬄᬳᬢ᭄ᬫᬵᬓᭂᬧᬸᬂᬘᬾᬍᬂᬓᭂᬧᬸᬂᬳᬲᬸ᭞ᬓᬕᬸᬢ᭄ᬕᬸᬢ᭄ᬫᬓᬸ᭠ᬬᬬᬗᬦ᭄᭞ᬫᬢᬢᬸᬗ᭄ᬮᬶᬂᬫᬗᭂᬗ᭄ᬓᬓ᭄᭟ᬳᭂᬦ᭄ᬢᭀᬳᬢ᭄ᬫᬢᬦᬶᬯᬂᬢᬸᬢᬹᬃ᭞ᬢᬶ ᬗ᭄ᬓᬄᬤᬤᬶᬚᬤ᭄ᬫᬵ᭞ᬢᬦ᭄ᬫᬗᬶᬢᬸᬂᬮᬶᬂᬦᬶᬂᬳᬚᬶ᭞ᬲᬢᬢᬵᬫᬸᬂᬧᬂᬮᬓᬸ᭞ᬧᬥᬧᬥᬢ᭄ᬓᬾᬦ᭄ᬧᬱᬸ᭞ᬳᬤᬵᬫᬮᬶᬄᬗᭂᬦᬄᬳᬢ᭄ᬫᬵ᭞ᬧᬶᬦᬘᭀᬓᬶᬂᬧᬓ᭄ᬱᬶᬳ ᬕᬸᬂ᭞ᬫᬸᬜ᭄ᬘ᭄ᬭᬢ᭄ᬕᭂᬢᬶᬄᬜᬲᬸᬫᬶᬭᬵᬢ᭄᭞ᬢᬢᬸᬦᬾᬤᭂᬓ᭄ᬤᭂᬓ᭄ᬫᬗ᭄ᬭᬜ᭄ᬚᬂ᭟ᬳᭂᬓ᭄ᬢᭀᬳᬢ᭄ᬫᬦ᭄ᬫᬦᬸᬱᬦᬾᬧᭂᬗ᭄ᬓᬸᬂ᭞ᬫᬗᬸᬮᬳᬂᬳᬯᬓ᭄᭞ᬳᬧᬂᬲᬸᬓᬵᬧᬤᬶᬤᬶᬬᬶᬦ᭄᭞

Auto-transliteration

[20 20B] 20 mamuñimuñinehalus, tityangmanunaslungsuran, hbenasinehasopan. nekahidihintwarājamasawūr̀, majalanngenggalang, nemangidiḥliwatbranti. mamegallantasngar̥ĕbut, payumahibukanmu‐hug, manigtigbahantimbungan, huntĕkehanggonmanimpug, ne neknāmangurarap, manglingnagiḥtulungan. mabyaywanpasalingkĕ‐pung, sangbĕḥgagamane, nelabuḥtopar̥ĕbutin, mangĕsopñawupña‐ wup, l̥ĕnl̥ĕnĕncl̥ĕkatcĕlĕkut, danehibagusdyār̀ṣa, kangĕ‐nmangantĕnangditu, dadihingĕttĕkenhawak, yĕḥmatanedr̥ĕṣmĕdal. [21 21A] hadāmaliḥngĕnaḥhatmāmagantungdicarangkĕpuhe, manglayunghampĕhanghangin, batanñanehapimurub, hentohatmanhanakdudu, ha dāmaliḥngĕnaḥhatmākĕpungcel̥ĕngkĕpunghasu, kagutgutmaku‐yayangan, matatunglingmangĕngkak. hĕntohatmataniwangtutūr̀, ti ngkaḥdadijadmā, tanmangitunglingninghaji, satatāmungpanglaku, padhapadhatkenpasyu, hadāmaliḥngĕnaḥhatmā, pinacokingpaksyiha gung, muñcratgĕtiḥñasumirāt, tatunedĕkdĕkmangrañjang. hĕktohatmanmanuṣanepĕngkung, mangulahanghawak, hapangsukāpadidiyin,

Leaf 21

Image on Archive.org

[᭒᭑ 21B] ᭒᭑ ᬳᬤᬵᬮᬾᬦ᭄ᬳᬢ᭄ᬫᬭᬯᬸᬄ᭞ᬧᬕ᭄ᬭᬸᬩᬸᬕ᭄ᬧᬥᬫᬳᬯᬸᬕ᭄᭞ᬓᬲᭀᬂᬩᬢᬸᬫᬘᬧᬓᬾ᭞ᬓᬚᭂᬧᬶᬢ᭄ᬲᬶᬭᬳᬾᬩᭂᬦ᭄ᬢᬹᬃ᭞ᬕ᭄ᬢᬶᬄᬳᬸᬦ᭄ᬢᭂᬓ᭄ᬧᬕᬜ᭄ᬘᬶᬭᬢ᭄᭞ᬚᬚᬄᬧᭂ᭠ ᬲᬸᬧᬢᬫ᭄ᬯᬲ᭄᭟ᬳᭂᬦ᭄ᬢᭀᬳᬢ᭄ᬫᬦ᭄ᬳᬦᬓᬾᬩᬲ᭄ᬧᭂᬗ᭄ᬓᬸᬂ᭞ᬢ᭄ᬯᬭᬲᬺᬥᬄᬫᬦᬄ᭞ᬓᬶᬭᬂᬲᭀᬫ᭄ᬬᬍᬯᬶᬄᬩ᭄ᬭᬂᬢᬶ᭞ᬢᬦ᭄ᬫᬗᬶᬭᬶᬗᬂᬳᬬᬸ᭞ᬧᬢᬶᬓᭂᬧᬕ᭄ᬧᬢᬶᬓᭂᬧᬸ ᬕ᭄᭞ᬗᬫ᭄ᬩᭂᬓᬂᬓᬩ᭄ᬭᬳ᭄ᬫᬦ᭄ᬢ᭄ᬬᬦᬾ᭞ᬓᬾᬦᬾᬨᬮᬦ᭄ᬬᬓᬢᭂᬧᬸᬓ᭄᭞ᬫᬮᬶᬄᬳᬦᬓᬢᭀᬦ᭄ᬳᬢ᭄ᬫᬵ᭞ᬦᬾᬫᬮᬩ᭄ᬮᬩ᭄ᬤᬶᬚᬫ᭄ᬩᬗᬦ᭄᭟ᬗ᭄ᬭᬾᬤᬾᬓ᭄ᬫᬮ᭄ᬯᬢ᭄‌ᬬ ᬓ᭄ᬤᬸᬲ᭄ᬓᭂᬤᬸᬲ᭄᭞ᬯᬢᭂᬓ᭄ᬬᬫᬵᬩᬮᬵ᭞ᬧᬥᬕᬶᬭᬂᬫᬦᬸᬚᬳᬶᬦ᭄᭞ᬩᬳᬦ᭄ᬲᬸᬮᬶᬕᬶᬩᬸᬮᬸᬄ᭞ᬧᬚ᭄ᬭᬶᬢ᭄ᬧᬥᬧᬤᬸᬢᬸᬄ᭞ᬳᭂᬦ᭄ᬢᭀᬳᬢ᭄ᬫᬦᬶᬂᬤᬹᬃᬲᬶᬮᬵ᭞᭠ [᭒᭒ 22A] ᬳᬫ᭄ᬩᭂᬓ᭄ᬱᬧᬓᬤ᭄ᬬᬵᬓᬸ᭞ᬳᬫ᭄ᬭᬶᬄᬓᬧᬢᬶᬦᬶᬂᬭᭀᬯᬂ᭞ᬓᬶᬭᬂᬢᬭᭀᬲ᭄‌ᬍᬯᬶᬄᬓ᭄ᬭᭀᬥ᭟ᬩᬕᬸᬲ᭄ᬤ᭄ᬬᬵᬃᬱᬓᬗᭂᬦᬾᬫᬸᬧᬸᬢ᭄᭞ᬗᭂᬢᭀᬦ᭄ᬲᬵᬃᬯ᭄ᬯᬵ᭠ ᬧᬵ᭞ᬲᬫ᭄ᬩᬶᬮᬲᬚᬮᬦ᭄‌ᬦ᭄ᬤᬭᬶᬂᬦᬶᬂ᭞ᬢ᭄ᬯᬭᬫᬗ᭄ᬮᬄᬘᬦ᭄ᬢᬸᬮ᭄᭞ᬓᭂᬦ᭄ᬤᭂᬮ᭄ᬩᬦᬾᬳ᭠ᬤᬢᬸᬢᬸᬕ᭄᭞ᬦᬸᬕ᭄ᬭᬳᬦ᭄ᬪᬝᬵᬭᬰᬶᬯᬵ᭞ᬢᬾᬚᬦᬾᬫᬸᬜ᭄ᬘᬃᬤᬶᬤᬸᬮᬸ᭞ᬘᬶᬓ᭄ᬭ᭠ ᬩᬮᬦᬾᬫᬫᬧᬲ᭄᭞ᬧᬥᬜᬫ᭄ᬧᬶᬂᬢᬦ᭄ᬫᬶᬓᬭ᭟ᬲᬬᬜ᭄ᬚᭀᬄᬮᬫ᭄ᬧ᭠ᬳᬾᬚᬦᬶᬦ᭄ᬤᬭᬸᬂ᭞ᬫᬚᬮᬦ᭄ᬗᬗᬶᬦᬂ᭞ᬲᬕᬾᬃᬗᬢᭂᬧᬸᬓᬶᬦ᭄ᬢᬶᬬᬶᬂ᭞ᬳᬢ᭄ᬕᬮ᭄ᬲᬫᬄ᭠ ᬳᬢᬸᬩ᭄᭞ᬬᬾᬦ᭄ᬧᬓᭀᬘᬧᬦᬾᬤᬶᬢᬸ᭞ᬢᭀᬢᬶᬬᬶᬂᬓᬤᬤᬾᬦ᭄ᬯᬥᬄ᭞ᬧᬧᬕᬦ᭄ᬳᬦᬓᬾᬮᬫ᭄ᬧᬸᬲ᭄᭞ᬤᬶᬦᬶᬳᬤᬵᬳᬶᬤᬸᬧ᭄ᬤᬫᬄ᭞ᬳᬤᬫ᭠

Auto-transliteration

[21 21B] 21 hadālenhatmarawuḥ, pagrubugpadhamahawug, kasongbatumacapake, kajĕpitsirahebĕntūr̀, gtiḥhuntĕkpagañcirat, jajaḥpĕ‐ supatamwas. hĕntohatmanhanakebaspĕngkung, twarasr̥ĕdhaḥmanaḥ, kirangsomyal̥ĕwiḥbrangti, tanmangiringanghayu, patikĕpagpatikĕpu g, ngambĕkangkabrahmantyane, kenephalanyakatĕpuk, maliḥhanakatonhatmā, nemalablabdijambangan. ngredekmalwatya kduskĕdus, watĕkyamābalā, padhagirangmanujahin, bahansuligibuluḥ, pajritpadhapadutuḥ, hĕntohatmaningdūr̀silā, ‐ [22 22A] hambĕkṣapakadyāku, hamriḥkapatiningrowang, kirangtarosl̥ĕwiḥkrodha. bagusdyār̀ṣakangĕnemuput, ngĕtonsār̀wwā‐ pā, sambilasajalanndaringning, twaramanglaḥcantul, kĕndĕlbaneha‐datutug, nugrahanbhaṭāraśiwā, tejanemuñcar̀didulu, cikra‐ balanemamapas, padhañampingtanmikara. sayañjoḥlampa‐hejanindarung, majalannganginang, sager̀ngatĕpukintiying, hatgalsamaḥ‐ hatub, yenpakocapaneditu, totiyingkadadenwadhaḥ, papaganhanakelampus, dinihadāhidupdamaḥ, hadama‐

Leaf 22

Image on Archive.org

[᭒᭒ 22B] ᭒᭒ ᬮᬶᬄᬗᭂᬦᬄᬧᬦ᭄ᬤᬦ᭄᭟ᬳᬢᭂᬕᬮ᭄ᬫᬲ᭄ᬳᭂᬦ᭄ᬢᭂᬕᭂᬄᬳᬢᬸᬩ᭄᭞ᬯᬬᬦ᭄ᬧᬓᭀᬘᬧᬜ᭞ᬳᭂᬦ᭄ᬢᭀᬢᬶᬓᭂᬄᬳᬦᬓ᭄ᬫᬢᬶ᭞ᬤᬶᬦᬶᬩ᭄ᬯᬶᬦ᭄ᬤᬤᬶᬳᬶᬤᬸᬧ᭄᭞ᬳᭂᬦ᭄ᬢᬸᬕ᭄‌ᬩᬼ ᬕᬤᬵᬓᬢᭂᬧᬸᬓ᭄᭞ᬳᬮᬶᬤ᭄ᬩᬗᭂᬲᬾᬫᬢᭂᬓᬕ᭄᭞ᬬᬾᬦ᭄ᬧᬓᭀᬘᬧᬦᬾᬤᬶᬢᬸ᭞ᬓᬤᬤᬾᬦ᭄ᬩᬺᬓᬦ᭄ᬩᬲᬂ᭞ᬩᬜᭂᬄᬳᬦᬓᬾᬦᬾᬧ᭄ᬚᬄ᭟ᬮ᭄ᬬᬸᬳᬢ᭄ᬫᬦᬾ᭠ ᬤᬶᬢᬸᬓᬮ᭄ᬩᬹ᭞ᬮ᭄ᬩᬶᬄᬧᬜᬶᬬᬸᬯᬦ᭄᭞ᬧᬓ᭄ᬭᬾᬬᬓ᭄ᬯᬾᬂᬤᬤᬶᬳᬗ᭄ᬓᬶᬤ᭄᭞ᬮᬮᬂ᭠ᬢᬚᬶᬦᬾᬮ᭄ᬬᬸ᭞ᬢᬚᭂᬧ᭄ᬮᬜᬶᬂᬭᬸᬭᬸᬲ᭄ᬭᬸᬭᬸᬲ᭄᭞ᬧᬘᬸᬭᬗᬄᬩᬶᬮᬂᬤᬗ᭄ᬓ᭞ᬬᬾᬦ᭄ᬢᬸ᭠ ᬢᬸᬭᬦ᭄ᬜᬦᬾᬳᬶᬮᬸ᭞ᬧᬸᬦᬶᬓᬵᬋᬓᬾᬓᬤᬤᬾᬦ᭄᭞ᬳᭂᬩᭀᬓ᭄ᬩᬗ᭄ᬓᬾᬦᬾᬫᬓ᭄ᬚᬂ᭟ᬳᬤᬵᬳᬢ᭄ᬫᬗᭂᬦᬄᬳᬸᬮᬶᬓᬯᬸᬄ᭞ᬫᬜ᭄ᬭᬶᬢ᭄ᬫᬗᬭᬩ᭄᭞ᬫᬵᬳᬦ᭄ᬢᬾ [᭒᭓ 23A] ᬕ᭄ᬥᬾᬩᬦ᭄ᬩᭂᬲᬶ᭞ᬪᬹᬝᬵᬕᬮᬸᬗᬦ᭄ᬳᬶᬓᬸ᭞ᬫᬦᬶᬕ᭄ᬢᬶᬕ᭄‌ᬗᭂᬗ᭄ᬕᭂᬮ᭄ᬫᬦᬸᬓᬸᬮ᭄᭞ᬳᭂᬦ᭄ᬢᭀᬓᭀᬘᬧ᭄ᬳᬢ᭄ᬫᬦ᭄ᬳᬦᬓ᭄᭞ᬢᬦ᭄ᬫᬦᬳᬸᬃᬲᭀᬲᭀᬢ᭄ᬳᬶᬧᬸᬦ᭄᭞ᬗᬢᭂᬧᬸᬓᬶᬦ᭄ᬧᬧᬵ ᬓᬾᬦᬾ᭞ᬍᬫᭂᬍᬫᬄᬫᬗᬸᬫᬦ᭄ᬤᬂ᭟ᬳᬢ᭄ᬫᬢᬦ᭄ᬧᬘᬸᬘᬸᬬᬫᬕᬦ᭄ᬢᬸᬂ᭞ᬤᬶᬢᬶᬬᬶᬂᬧ᭄ᬢᬸᬗᬾ᭞ᬫᬗ᭄ᬮᬬᬸᬂᬳᬫ᭄ᬧᭂᬳᬂᬳᬗᬶᬦ᭄᭞ᬫᬶᬭᬶᬩ᭄ᬤᭀᬦ᭄ᬓᬬᬸᬳᭂᬢᬸᬄ᭞ᬫᬗ᭄ᬮᬦ᭄ᬢᬶᬂᬲᬯᬢ᭄ᬤᬶᬤᬸ ᬯᬹᬃ᭞ᬳᬦᬫᬮᬶᬄᬓᬢᭀᬦ᭄ᬳᬢ᭄ᬫᬵ᭞ᬦᭂᬕᬓ᭄ᬤᬶᬧᬤᬗᬾᬳᭂᬢᬸᬄ᭞ᬧᬬᬄᬳᬭᬶᬕ᭄ᬓᬭᭀᬢᬸᬮᬂ᭞ᬩᬶᬮᬂᬩᬸᬓᬸᬩᭂᬲᭂᬄᬩᬭᬓ᭄᭟ᬳᬢ᭄ᬫᬵᬦᬸᬮᬓ᭄ᬤᬦᬵᬋᬓᬾᬇᬓᬸ ᭞ᬯᬾᬦ᭄ᬢᭂᬦ᭄ᬫᬮᬶᬄᬳᬢ᭄ᬫᬵ᭞ᬧᬓᬮᬶᬳᬦ᭄ᬮᬸᬄᬫ᭄ᬯᬦᬶ᭞ᬫᬜᬗ᭄ᬓᬶᬮ᭄ᬗᬦ᭄ᬤᭀᬂᬫᬗᬤᬸ᭠ᬢ᭄᭞ᬦᬾᬫ᭄ᬯᬦᬶᬲᬭᬵᬢ᭄ᬫᬦᬶᬓᬸᬮ᭄᭞ᬚᭂᬂᬩᭂᬂᬗᬩᬓᬲᬸᬕ᭄ᬬᬦ᭄᭞ᬲᬸᬕᬶᬄᬤ᭄ᬫᬶ᭠

Auto-transliteration

[22 22B] 22 liḥngĕnaḥpandan. hatĕgalmashĕntĕgĕḥhatub, wayanpakocapaña, hĕntotikĕḥhanakmati, dinibwindadihidup, hĕntugbl̥ĕ gadākatĕpuk, halidbangĕsematĕkag, yenpakocapaneditu, kadadenbr̥ĕkanbasang, bañĕḥhanakenepjaḥ. lyuhatmane‐ ditukalbū, lbiḥpañiyuwan, pakreyakwengdadihangkid, lalang‐tajinelyu, tajĕplañingrurusrurus, pacurangaḥbilangdangka, yentu‐ turanñanehilu, punikār̥ĕkekadaden, hĕbokbangkenemakjang. hadāhatmangĕnaḥhulikawuḥ, mañritmangarab, māhante [23 23A] gdhebanbĕsi, bhūṭāgalunganhiku, manigtigngĕnggĕlmanukul, hĕntokocap'hatmanhanak, tanmanahur̀sosot'hipun, ngatĕpukinpapā kene, l̥ĕmĕl̥ĕmaḥmangumandang. hatmatanpacucuyamagantung, ditiyingptunge, manglayunghampĕhanghangin, miribdonkayuhĕtuḥ, manglantingsawatdidu wūr̀, hanamaliḥkatonhatmā, nĕgakdipadangehĕtuḥ, payaḥharigkarotulang, bilangbukubĕsĕḥbarak. hatmānulakdanār̥ĕke'iku , wentĕnmaliḥhatmā, pakalihanluḥmwani, mañangkilngandongmangadu‐t, nemwanisarātmanikul, jĕngbĕngngabakasugyan, sugiḥdmi‐

Leaf 23

Image on Archive.org

[᭒᭓ 23B] ᭒᭓ ᬢ᭄ᬳᬭᬦᬶᬧᬸᬦ᭄᭞ᬖᬺᬳᬲᬮᬓᬵᬳᬭᬦᬾ᭞ᬳᬶᬩᬕᬸᬲ᭄ᬤ᭄ᬬᬵᬃᬱᬫᬗ᭄ᬭᬦ᭄ᬢᬸᬦ᭄᭞ᬇᬥᭂᬧᬾᬤᬶᬢᬸᬫᬭᬵᬃᬬ᭄ᬬᬦ᭄᭞ᬲᬕᬾᬢ᭄ᬗᭂᬦᬄᬳᬦᬓ᭄ᬤᬤ᭄ᬯ᭟ᬫᬋᬧᬋᬧᬦ᭄ᬳ᭄ᬬ᭠ ᬫᬚᬸᬚᬸᬓ᭄᭞ᬤᬶᬩᬢᬦ᭄ᬓᬬᬸᬦᬾ᭞ᬫᬗ᭄ᬭᬯᭀᬲ᭄ᬗᬚᬓ᭄ᬓᬓᬮᬶᬄ᭞ᬳ᭄ᬬᬂᬧᬜᬭᬶᬓᬦ᭄ᬳᬶᬓᬸ᭞ᬮᬯᬦᬾᬫᬮᬶᬄᬳᬫᬸᬯᬸᬲ᭄᭞ᬢᭀᬪᬕᬯᬵᬦ᭄ᬫᭂᬘ᭄ᬘᬸᬓᬸᬡ᭄ᬥᬵ᭞ᬳᬶᬩᬕᬸ ᬲ᭄ᬤ᭄ᬬᬵᬃᬱᬫᬲᬬᬸᬩ᭄᭞ᬳᭂᬫ᭄ᬩᭀᬮ᭄ᬮᬯᬢ᭄ᬓᬬᬸᬢᬾᬚᬵ᭞ᬳ᭄ᬬᬂᬧᬜᬭᬶᬓᬦ᭄ᬳᬗᬸᬯᬸᬲ᭄᭟ᬳᬢ᭄ᬫᬵᬓᬾᬦ᭄ᬓᬾᬦ᭄ᬓᬶᬢᬦ᭄ᬕᬓ᭄ᬤᬶᬢᬸ᭞ᬫᭀᬦ᭄ᬢᭀᬭᭀᬂᬢᬵᬢᬾᬚᬦᬾ᭞ᬫᬶᬭᬶ᭠ ᬩ᭄ᬳᬢ᭄ᬫᬦ᭄ᬳᬦᬓᬼᬯᬶᬄ᭞ᬩᬕᬸᬲ᭄ᬤ᭄ᬬᬵᬃᬱᬫᬳᬢᬹᬃ᭞ᬲᬳᬵᬜᬸᬫ᭄ᬩᬄᬤᬾᬯᬭᬢᬸ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬩᭀᬬᬳᬢ᭄ᬫᬵ᭞ᬢᬶᬢ᭄ᬬᬂᬚᬤ᭄ᬫᬓᬭᬶᬳᬶᬥᬸᬧ᭄᭞ᬦᬸᬕ᭄ᬭᬳᬦ᭄ᬪᬝᬵᬭ᭠ [᭒᭔ 24A] ᬰᬶᬯ᭄ᬯᬵ᭞ᬳ᭄ᬬᬂᬧᬜᬭᬶᬓᬦ᭄ᬳᬗᬸᬘᬧ᭄᭟ᬲᬚᬩ᭄ᬦᭂᬄᬳᬶᬗᭂᬢ᭄ᬚᬦᬶᬳᬓᬸ᭞ᬓᭂᬦ᭄ᬓ᭠ᬦ᭄ᬤᬦ᭄ᬓᬶᬢᬦᬾ᭞ᬳᬧᬦ᭄ᬲᬸᬩᬵᬫᬸᬗ᭄ᬕ᭄ᬯᬶᬂᬢᬸᬮᬶᬲ᭄᭞ᬮᬯᬸᬢᬂᬗᬸᬮᬄᬳᬬᬸ᭞ᬩᬕᬸᬲ᭄ᬤ᭄ᬬᬵᬃ ᬱᬯᭀᬢ᭄ᬲᬦ᭄ᬢᬸᬦ᭄᭞ᬲᬕᬾᬢ᭄‌ᬗᭂᬦᬄᬳᬢ᭄ᬫᬵᬢ᭄ᬓᬵ᭞ᬫᬩᬺᬤ᭄ᬳᬤᬵᬮᬶᬫᬂᬳᬢᬸᬲ᭄᭞ᬦᬗ᭄ᬳᬶᬂᬲᭀᬭᭀᬄᬯᬢᭂᬓ᭄ᬧᬧᬵ᭞ᬤᭂᬗ᭄ᬕᬶᬤᬹᬃᬰᬶᬮᬵᬓᬸᬣᬶᬮᬵ᭟ᬫᬸᬜᬶᬦᬾᬩᬺ ᬓᬧᬓ᭄ᬲᬮᬾᬂᬢᭂᬫ᭄ᬩᬸᬂ᭞ᬧᬢᬸᬭᬸᬦ᭄ᬬᬳᬢ᭄ᬫᬵ᭞ᬳᭂᬩᭀᬦ᭄ᬧᬥᬢ᭄ᬓᬾᬦ᭄ᬓᬳᬶ᭞᭠ᬥᬶᬭᬯᬦᬾᬦ᭄ᬢᬹᬃᬢᭂᬕᬸᬄ᭞ᬤᬸᬓᬾᬫᬫᬾᬕᬮ᭄ᬤᬶᬧᬸᬢᬸᬂ᭞ᬓᬢᬸᬫ᭄ᬩᬓ᭄ᬮᬯᬸᬢᬵᬜᭂᬫ᭄ᬧᬂ᭞ ᬳᬤᬵᬮᬾᬦ᭄ᬫᬮᬶᬄᬫᬲᬯᬸᬢ᭄᭞ᬓᬳᬶᬤᬸᬕᬦᬾᬫᬗᬶᬯᬢ᭄᭞ᬳᬦ᭠ᬓ᭄ᬳᭂᬮᬸᬄᬗᬚᬓ᭄ᬧᬦᬓ᭄᭟ᬳᬦᬓ᭄ᬜᬦᬾᬗᭂᬮᬶᬂᬦᬕᬶᬄᬫᬦ᭄ᬢᬸᬓ᭄᭞ᬮᬯᬸᬢ᭄ᬓᬧ᭠

Auto-transliteration

[23 23B] 23 t'haranipun, ghr̥ĕhasalakāharane, hibagusdyār̀ṣamangrantun, idhĕpeditumarār̀yyan, sagetngĕnaḥhanakdadwa. mar̥ĕpar̥ĕpanhya‐ majujuk, dibatankayune, mangrawosngajakkakaliḥ, hyangpañarikanhiku, lawanemaliḥhamuwus, tobhagawānmĕccukuṇdhā, hibagu sdyār̀ṣamasayub, hĕmbollawatkayutejā, hyangpañarikanhanguwus. hatmākenkenkitan'gakditu, montorongtātejane, miri‐ b'hatmanhanakl̥ĕwiḥ, bagusdyār̀ṣamahatūr̀, sahāñumbaḥdewaratu, hinggiḥtityangboyahatmā, tityangjadmakarihidhup, nugrahanbhaṭāra‐ [24 24A] śiwwā, hyangpañarikanhangucap. sajabnĕḥhingĕtjanihaku, kĕnka‐ndankitane, hapansubāmunggwingtulis, lawutangngulaḥhayu, bagusdyār̀ ṣawotsantun, sagetngĕnaḥhatmātkā, mabr̥ĕd'hadālimanghatus, nanghingsoroḥwatĕkpapā, dĕnggidūr̀śilākuthilā. muñinebr̥ĕ kapaksalengtĕmbung, paturunyahatmā, hĕbonpadhatkenkahi, ‐dhirawanentūr̀tĕguḥ, dukemamegaldiputung, katumbaklawutāñĕmpang, hadālenmaliḥmasawut, kahiduganemangiwat, hana‐k'hĕluḥngajakpanak. hanakñanengĕlingnagiḥmantuk, lawutkapa‐

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org